کتب خانہGranth 16 (Shahmukhi)

۲۰ ماگھ ۲۰۲۰ بِکرمی لال چند دے گرِہ گُجرات ضِلع گُرداس پُر

گُر اوتار پیِر پَیغمبر جُڑدا، سچکھنڈ دوار اِکٹّھ بنائیا۔ روُپ دِسے نہ کوئی مُردا، جوتی دھار نوُر رُشنائیا۔ سب نوُں فُرنا اِکو فُردا، منتر اِک آواز الائیا۔ ویکھو کھیل صاحِب دُھر دا، دُھر مستک ویکھ وکھائیا۔ اپنی کرنی کرنوں کدے نہ مُڑدا، نِت نوِت ویس وٹائیا۔ بھیوَ

نہ آوے ایس دے زور دا، بےانت بےپرواہ اکھوائیا۔ لیکھا جانے ٹھگ چور دا، بھگت بھگوان کھوج کھوجائیا۔ گھر سُہائے سوہنا مندر دیوی دُرگا، درگاہ روُپ بنائیا۔ سَت سَتوادی پہر بانا شیر دا، بُرقح بُکل سب دی رہیا کُھلائیا۔ کلجُگ بیڑا ویکھ رُڑھدا، ہرجن ساچے رہیا ترائیا۔ کرے کھیل اگمے پِر دا، پرم پُرکھ وڈّی وڈیائیا۔ لیکھا جانے دھام تھِر دا، گھر ساچے خوشی وکھائیا۔ اُلٹا ویکھ گیڑ گِڑدا، وِشن برہما شِو اکّھ کُھلائیا۔ ویکھو سَت سَتوادی اکھاڑا گھیرا بنّھیا اپنے پِڑ دا، چاروں کُنٹ دھیان لگائیا۔ نارد چل کے آیا رِڑھدا، ہؤلی ہؤلی پندھ مُکائیا۔ مَیں تکدا کھیل ایہہ دیر دا، جُگ چؤکڑی دھیان لگائیا۔ کِس ویلے پربھ امرت میگھ برسے مِہر دا، مِہروان دَیا کمائیا۔ جو جن بھگتاں لیکھا آپ نبیڑدا، دوُجے ہتّھ نہ دئے وڈیائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ ویکھ اَکھاڑا اگما لگّا، دو جہان وجّی ودھائیا۔ کنر یچھپ آئے بھجّا، اپنا پندھ مُکائیا۔ تال تلواڑا اِکو رکھّا، سُر تال سمجھ کوئے نہ پائیا۔ نیتر ویکھن اپنیاں اکّھاں، نیَن رہے کُھلائیا۔ کرے کھیل پُرکھ سمرتھا، وڈ داتا بےپرواہیِا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ دیوت سُر آؤندے گاون گیِت، واہوا راگ الائیا۔ چلو ویکھیئے اچرج ریِت، جو پرم پُرکھ چلائیا۔ ساچی دسےّ سچ پریِت، ناتا اِک رکھائیا۔ لیکھا جان ہست کیِٹ، اوُچ نیِچ دئے وڈیائیا۔ اوڈھن پیتمبر دیوے اِکو سیِس، سوہنا رنگ رنگائیا۔ دَیاوان کر بخشیِش، بخشش جھولی پائیا۔ لکّھ چؤراسی وِچوں کر سُرجیِت، جیِون جیِون دئے پرگٹائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سارے اِکٹّھے ہو کے آئے، کوُک کوُک سُنائیا۔ صاحِب سَتگُر لیا بُلائے، اپنا حُکم ورتائیا۔ دُھر سندیسہ اِک سُنائے، شبدی ناد وجائیا۔ ساچے منگل دُھر سُنائے، جوتی جوت سروُپ ہرِ، آپ اپنی کِرپا کر، سچ اپنی کھیل جنائیا۔ اِکٹّھے ہو کے سارے دسّن، اِک دوُجے حال سُنائیا۔ اُٹھو ویکھو پربھ سمرتھن، صاحِب وڈّی وڈیائیا۔ جن بھگتاں ہِردے آیا وسن، گھر مندر ڈیرہ لائیا۔ تال اگمّے آیا وجّن، دُھر دا ناد سُنائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ سُن وڈیائی نارد بولے، اِکو آواز لگائیا۔ تُسیں سارے دِسو بھولے، بھولا بھاؤ رکھائیا۔ اُٹھو ویکھو ہو کے اوہلے، اپنی اکّھ کُھلائیا۔ پُرکھ ابناسی گاوے ڈھولے، ساچا راگ الائیا۔ سنت سُہیلے آپ وِرولے، لکّھ چؤراسی وِچوں باہر کڈھائیا۔ انتر آتم نِرگُن مؤلے، سوہنا رنگ چڑھائیا۔ گُر اوتار پیِر پَیغمبر جو کر کے گئے

قؤلے، کیِتا اِقرار توڑ نِبھائیا۔ کرے کھیل اُپر دھؤلے، دھرنی دھرت دئے وڈیائیا۔ رنگ وٹائے ساول سولے، سُندر اپنی کار کمائیا۔ تال وجائے بِن ڈھولک طبلے، تند ستار نہ کوئے ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ کِنر کہے مَیں دسّاں سچ، سچ سچ جنائیا۔ اندرے اندر ویکھو سارے رہے نچّ، مُکھ گھُنگٹ نہ کوئے اُٹھائیا۔ دوُر دُراڈ پِھرن بچ بچ، اَگے سیِس نہ کوئے نِوائیا۔ جوتی جوت سروُپ ہرِ، آپ اپنی کِرپا کر، ساچی کرے آپ کمائیا۔ گُر اوتار کہن ایہہ کھیل انوکھا، سمجھ کِسے نہ آئیا۔ سِری بھگوان جن بھگتاں نال کرے نہ دھوکھا، دُھر دی وست آپ ورتائیا۔ مارگ دسےّ اِکو سؤکھا، ساچی کرے پڑھائیا۔ اپنے مِلن دا دے کے آپ مؤقع، اپنے سنگ رکھائیا۔ پیِر پَیغمبر کہن ہرِسنگت نال لےَ کے دیوے ہوکا، جنگل بیلے کوُک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ وِشن کہے مَیں لیا جان، سِری بھگوان وڈّی وڈیائیا۔ کرے کھیل مات مہان، مہما اکتھ کتھی نہ جائیا۔ مَیں ویکھ کے ہویا حَیران، حَیرانی میرے اُتے چھائیا۔ مَیں دیونہارا دان، گھر گھر رِزق پُچائیا۔ پربھ کرے کھیل مہان، وکھّرا راہ وکھائیا۔ جن بھگتاں اِک نِشان، سَت سَتوادی آپ پھڑائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ برہما کہے مَیں ویکھیا برہم، ہر گھٹ نظر ٹِکائیا۔ سِری بھگوان کرے اپنا کرم، نِہکرمی کرم کمائیا۔ جِنہاں دیوے اپنی سرن، کرم کانڈ نہ کوئے رکھائیا۔ کوُڑی کِریا ناتا توڑے بھرم، بھانڈا بھرم بھؤ بھنّائیا۔ سو ڈھولا اِکو پڑھن، سوہنگ سچّا راگ الائیا۔ آتم پرماتم خوشیاں کرن، چِنتا غم نہ کوئے وکھائیا۔ لیکھا چُکے مرن ڈرن، لکّھ چؤراسی پھند کٹائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل اپارا، سارے بِن رسنا رہے سُنائیا۔ نِرگُن کردا پِھرے سچ وِہارا، دو دھارا چال چلائیا۔ نِرگُن سرگُن ہو اُجیارا، سوہنی اپنی بنت بنائیا۔ گوبِند دے اِک آدھارا، براہمن گؤڑا کھیل وکھائیا۔ سچ امام دُھر دا یارا، پروردِگار نوُر اِلاہیِا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ عیسیٰ موُسیٰ محمد سُنایا اِک، اِکو بول جنائیا۔ جِس دا لیکھا گئے لِکھ، سو داتا بےپرواہیِا۔ جن بھگتاں پاؤندا پِھرے بِھکھّ، مُرید مُرشد ویکھ وکھائیا۔ سرِشٹ سبائی آتم جِت، پرماتم خوشی منائیا۔ جوتی جوت سروُپ ہرِ، آپ اپنی کِرپا کر، اچرج اپنی دھار چلائیا۔ سُن کے بچن برہما سُت بولیا کُمار، اپنی دھار جنائیا۔ تیئی اوتار کرو وِچار، پردہ اوہلا آپ اُٹھائیا۔ کرے کھیل کی سِرجنہار،

کَون کرنی کار کمائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ تیئی اوتار ویکھ ہوئے خوش، خوشیاں حال سُنائیا۔ سِری بھگوان اُہناں رہیا پُچھ، جِنہاں ساڈے نال پریِت لگائیا۔ انتم ساڈا پیَنڈا گیا مُک، پُرکھ اکال ویکھ وکھائیا۔ دیِناں دُکھیاں ونڈے دُکھ، دردیاں درد رکھائیا۔ بھگت بھگوان گودی چُک، سوہنی سیج سُہائیا۔ نِرگُن نِروَیر بدلیا اپنا رُخ، چال اَولّڑی اِک چلائیا۔ جوتی دھاروں آپے اُٹھ، شبدی ڈنک وجائیا۔ ہرِ بھگتاں رہیا پُچھ، گھر گھر پھیرا پائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سُن وڈیائی آیا گھنئیا، سچ کہانی اِک جنائیا۔ چلدی ویکھی اِس دی نئیا، نؤکا سمُند ساگر پار کرائیا۔ نال رکھّی اگمّی وہئیا، رویداس چمیارا کرے لِکھائیا۔ ناتا جوڑ بھَینا بھئیا، ہرِ سنگت سنگ بنائیا۔ کوٹن بُلے نال تال وجاون کرن تھئیا تھئیا، اپنا ناچ وکھائیا۔ گوپِییاں کاہن کہن مِلیا سئیا، صاحِب بےپرواہیِا۔ خوشیاں ویکھ خوشی ہوئے دُرگا مئیا، مِہروان دئے وڈیائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ رچائیا۔ ویکھ کھیل رمئیا دسےّ، دُھر دا حال جنائیا۔ آد جُگاد صاحِب جو وسے، نِرگُن داتا بےپرواہیِا۔ بھگت سُہیلا خوشیاں نال ہسّے، سوہنا گیِت الائیا۔ ہرِسنگت سنگ مِل مِل بھجےّ، بھجّیِاں پندھ مُکائیا۔ جُگ جنم دے کرے اِکٹّھے، سوہنا جوڑ جُڑائیا۔ نیتر ویکھ پتّ رکھےّ، مِہر نظر نیَن اُٹھائیا۔ خوشیاں وِچ کوئی نہ تھکّے، ہرکھ سوگ نہ کوئے ونڈائیا۔ جِس ویلے گُرمُکھ چرناں ول تکّے، دھوُڑی مستک ٹِکاّ لائیا۔ پیِر پَیغمبر بھجےّ جان نال چھڈ مدینے مکّے، سوہنا اپنا بنس بنائیا۔ مندر مسجد شِودوالے مٹھ گُر اوتار آئے نٹّھے، سوہنا اپنا پندھ بنائیا۔ رنگ مانن وِچ دھوُڑ گھّٹے، سوہنا لال رنگ وکھائیا۔ گیِت گاؤن صاحِب پت رکھےّ، پرمیشور داتا بےپرواہیِا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سُن وڈیائی آیاموُسیٰ، سارا حال سُنائیا۔ مَیں کالا دھونا اپنا سوُسا، ہرِسنگت دھوُڑی اُتے پائیا۔ میرا خالی چلدیاں چلدیاں بھریا ٹھوُٹھا، اتوٹ اتُٹ ورتائیا۔ صاحِب سَتگُر اِکو تُٹھا، مِہر نظر نیَن اُٹھائیا۔ جِتھے مروُنڈا دِتا نال مُٹھاں، اوس دھام ملِے وڈیائیا۔ سمیں انُسار براٹ اوتھے لُکا، اپنا مُکھ چُھپائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ عیسیٰ کہے مَیں ویکھیا حال، حاضر ہو کے سیو کمائیا۔ پروردِگار ہویا دَیال، رحمت اِک جنائیا۔ گُرمُکھ ویکھ اپنا لال، لالن اِکو رنگ رنگائیا۔ چلدیاں چلدیاں کھیل کرے کمال، بےانت بےپرواہیِا۔ جن بھگتاں

کردا جائے وصال، دے جُمال نوُر اِلاہیِا۔ مُکھ پوُنجھدا جائے نال رومال، سوہنی سیو کمائیا۔ جے تھکّن لگّن اندر وڑ کے لئے اُٹھال، اُٹھو نٹّھو واہو داہیِا۔ سوہنا مؤقع لیا سنبھال، مُفت اپنی سیو کمائیا۔ اُچے نیویں تھاں چھالاں مار، ہرجن بھجّن واہو داہیِا۔ جا کے ویکھیئے اپنا یار، وِچھوڑا جھّل سکے کوئی نہ رائیا۔ لال چند نہیں ایہہ گُر کا لال، لال گُروُ روُپ سمائیا۔ جِس سیوا کیِتی مہان، مِلی مان وڈیائیا۔ لالو دے پِچھے ایہدا مکان، ٹھٹھیارا روُپ وٹائیا۔ گھاڑت گھڑن وِچ کمال، سوہنے بھانڈے دئے بنائیا۔ اِک کؤل تے اِک تھال، نانک بھیٹ چڑھائیا۔ لالو اِس وِچ کھانا دینا کھوال، ایہو میرے من بھائیا۔ جے میرا صاحِب ہووے دَیال، تیرے نال دئے مِلائیا۔ میرا کایا بھانڈا اندروں دیوے مانج، سوہنی کرے صفائیا۔ جن بھگتاں نال بنائے سانجھ، ساچی گنڈھ پوائیا۔ ایہو مَینوُں لگّی تانگھ، جیہڑی سکے نہ کوئے بُجھائیا۔ بےشک مَیں مُسلمین ہو کے دیواں بانگ، نماز پنج وار سُنائیا۔ دیِن دَیال میری کھولے جاگ، اکّھ پرتکھ کُھلائیا۔ انتر اُپجے اِک وَیراگ، بِرہوں تیِر چلائیا۔ سچ سرنائی جاواں لاگ، اپنا آپ مِٹائیا۔ اِکو ڈر مَینوُں شرع والے نہ دیون داغ، جگت دُکھ بھوائیا۔ اوسے ویلے صاحِب سَتگُر نِرگُن سروُپ سُنی آواز، شبد سندیس الائیا۔ پُرکھ اکال دا نہیں کوئی سماج، ذات پات نہ کوئے وڈیائیا۔ جے چاہویں تے دیواں راج، سیِس تاج چھتر جھُلائیا۔ جے درس منگیں گُروُ مہاراج، نیتر نیَناں دیاں وکھائیا۔ سُن آواز کر پُکار، کِہا میری رکھّ لاج، تیرے ہتّھ وڈیائیا۔ تیرا کلمہ تیری نماز، تیرا سجدہ تیرا سیِس جھُکائیا۔ نانک کِہا وِچ تھوڑا رہ گیا راز، تَینوُں سچ دیاں جنائیا۔ جے نِدھڑک ہو کے ہو جانوں مُحتاج، لیکھا ہنُے دیندا مُکائیا۔ تیرے انتر بھے دی آئی آواز، قاضیاں کولوں ڈر رکھائیا۔ مَیں پروردِگار اَگے کراں فریاد، دیواں سچ سُنائیا۔ تُوں اِس دا لیکھا رکھنا یاد، جو گوانڈھی لالو نظری آئیا۔ اِس دا ناؤں مُمتاج، والد خَیر دیِن اکھوائیا۔ تیرے بیڑے اُتے چڑھے رکھّ کے تیری خواہش، نِراسا نظر کوئے نہ آئیا۔ سِری بھگوان کِہا مَیں پوُری کراں آس، نال لالو ایہدا سنگ بنائیا۔ کلجُگ انتم پرگٹ ہو کے نِرگُن جوت کراں پرکاس، جوتی جامہ ویس وٹائیا۔ چل کے آواں اِس دے پاس، بن کے پاندھی جگت راہیِا۔ لالو دا سارا لےَ کے ساتھ، اِکٹّھ اِکو گھر کرائیا۔ دوہاں دے مِلا کے ہتّھ نال ہاتھ، وِچولا ہو کے جوڑ جُڑائیا۔ اپنے ویکھن دی دے کے اکّھ، اندروں تاکی لاہیِا۔ جو وست رکھّی ڈھک، اِکو وار وکھائیا۔ ہرِسنگت کہے نبیڑا کیِتا حق، خوشیاں نال سُنائیا۔ سِری بھگوان کہے جے

بچّیو گئے تھکّ، راتیں سُتّیاں ساریاں درس دِکھائیا۔ سارے ٹیک کے کہن متھ، پربھوُ تیری دھوُڑ خوشیاں نال مستک لائیا۔ تیرے اُتے سب نے ہتّھ دِتے رکھ، حق اپنا لیا جمائیا۔ ابناسی کرتا نِرگُن نِروَیر مِہروان جن بھگتاں اندر آوے نِجھک، ساڈھے تِنّ ہتّھ اندر پھیرا پائیا۔ اَگے کوئی نہ سکے ڈکّ، نؤ دوارے نِیوں نِیوں سیِس نِوائیا۔ کرے کھیل پُرکھ سمرتھ، شاہ پاتشاہ وڈّی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سب دا لہنا رہیا چُکائیا۔ لہنا چُکدا ویکھ نانک اوم اونکار نِرنکار رہیا جس گائیا۔ مَیں سہج سُبھاؤ آیا دسّ، اپنی رمز لگائیا۔ سِری بھگوان چیتا لیا رکھ، بُھلیا ابُھل نہ بےپرواہیِا۔ نِکاّ وڈّا ہو کے آیا نٹّھ، وڈّا نِکاّ اپنا روُپ وٹائیا۔ راہ وِچ اِشاریاں نال سب کُچھ رہیا دسّ، تاردا جائے پاندھی راہیِا۔ گُرمُکھ خوشیاں نال رہے ہسّ، اپنی خوشی منائیا۔ سِری بھگوان کہے ایہہ میرا نہیں کِچھ وس، تُہاڈا دینا جھولی پائیا۔ تُہاڈے نال گُروُ اوتار پیِر پَیغمبر سارے رہے نچّ، اڈّی پبّ دوویں رہے اُٹھائیا۔ پیِر پَیغمبر نعرے لاؤن حق، پروردِگار تیری سرنائیا۔ خوشیاں نال گاون جس، تُوں میرا مَیں تیرا دوہاں دا سچّا اِکو ماہیِا۔ جن بھگت کھیڑا جائے وس، گھر نؤبت نام وجائیا۔ ہرجن رہن نہ دیوے اڈّ، دوُر دُراڈے جوڑ جُڑائیا۔ جِنہاں نوُں گُر اوتار پیِر پَیغمبر لارے دے کے گئے چھڈ، تِنہاں دا لیکھا دئے مُکائیا۔ سَت دھرم نِشانہ گڈّ، دو جہاناں دئے وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی کار کمائیا۔ کرنی ویکھ پُرکھ سمرتھ، چار کُنٹ وجّی ودھائیا۔ سارے مِل کے گاون جس، سوہنا راگ الائیا۔ واہ پربھوُ بےپرواہ، تُوں کِنہاں دے ہوئیوں وس، جِنہاں نوُں لوکیں کہن شؤدائیا ۔ سِری بھگوان کِہا مَیں نہیں ایہہ میری اکّھ، جِنہاں وِچوں میرا نوُر نظری آئیا۔ ایہناں پِچھے مَیں مات ہویا پرتکھ، جوتی جامہ ویس وٹائیا۔ گُر اوتار پیِر پَیغمبر ایسے کر کے اَگے پِچھے رہے نٹھ، ڈر بھے میرا نظری آئیا۔ بِن حُکم کؤن سچکھنڈ دوار آوے چھڈ، گھّٹّے مِٹّی وِچ بھجےّ واہو داہیِا۔ بُت نوُں ویکھ سارے کہن ایہہ جٹّ، جٹا جوُٹ دھاری سمجھ کِسے نہ آئیا۔ گُرمُکھ کہن سِری بھگوان ساڈے واسطے کھولیا ہٹّ، انمُلڑی دؤلت رہیا ورتائیا۔ جو جُگ جنم پوُرب کرم پربھ توں وِچھڑ مُنہ دے بھار گئے ڈھٹّھ، تِنہاں رہیا اُٹھائیا۔ لیکھے لا کے ہڈّ ماس ناڑی رتّ، رُت رُتڑی آپ مہکائیا۔ ساچی دے کے اِکو مت، چارے ورن سمجھائیا۔ کھتری براہمن شوُدر وَیش سب دا پوُرا کرے حق، خالی کوئی رہن نہ پائیا۔ بن رتھواہی چلائے رتھ، جوتی جوت سروُپ ہرِ،

آپ اپنی کِرپا کر، ساچا لیکھا رہیا مُکائیا۔ مُکدا لیکھا ویکھ بھگوَنت، دو جہان نیَن اُٹھائیا۔ ویکھو مِلدا سخیاں کنت، صاحِب سُلطان بےپرواہیِا۔ رُت سُہائی اِک بسنت، پتّ ڈالی آپ مہکائیا۔ دے وڈیائی وِچوں جیِو جنت، سنت سُہیلے لئے اُٹھائیا۔ غریِب نِمانیاں بنا بنت، شاہ سُلطاناں نالوں اُچے دھام بہائیا۔ جِس گھر مہما سدا اگنت، لیکھا لِکھت وِچ نہ آئیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ ویکھ وڈیائی ہُندا جس، وڈیائی نیَناں نیِر وہائیا۔ ہو نِمانی چرن گئی ڈھٹّھ، مَیں کوجھی کملی کی صِفت سکاں لِکھائیا۔ جِنہاں پربھوُ تُوں ہوئیوں وس، اوتھے میری کی چتُرائیا۔ مَیں چُک نہ سکاں اکّھ، میرے نیتر نیَن شرمائیا۔ اوہ وڈّے جو تیری چرنی گئے ڈھٹّھ، میری وڈّی وڈیائی کمّ کِسے نہ آئیا۔ جے ویکھیں تے میرے خالی ہتّھ، کوجھی کملی دیاں دُہائیا۔ جے ہرِسنگت چرناں وِچ لئے رکھ، اینہاں نال مِل کے تیرا نام دِھیائیا۔ اِک بولنا سِکھ جاواں سچ، سچ وِچ تیری صِفت نظری آئیا۔ پریم پریِتی وِچ جاواں پھس، پھس کے ناتا اِنہاں نال رکھائیا۔ جے خوشیاں نال میرے نال جان ہسّ، مَیں اُچی اڈّی پِھراں چائیں چائنیا۔ ایہہ وست دے پربھوُ سمرتھ، خالی جھولی اَگے ڈاہیِا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ اُٹھ وڈیائی جگت وڈّی، ہرِ وڈیرا آپ سمجھائیندا۔ مان تان کوُڑا چھڈیں، شہنشاہ حُکم ورتائیندا۔ ہرِسنگت نال اُٹھ کے بھجّیں، اِکو راہ وکھائیندا۔ موٹر ٹاں گا ویکھیں لبھیں نہ کوئی گڈّی، بھاڑے والا ٹٹوُّ کمّ کِسے نہ آئیندا۔ سیوا کریں اپنی پَیریں ہتھیں، سوہنی بنت بنائیندا۔ ویکھ ہرِسنگت اپنی اکّھیں، کیہڑی چال چلائیندا۔ وِچھوڑے وِچ نہ تڑپھن دِتی مچّھی، مچھلی جل آپے روُپ وٹائیندا۔ ایہناں نال حِصّہ پا کے رکھّ لا پتّی، پت پرمیشور آپے دَیا کمائیندا۔ جِنہاں دوُروں چل کے گُجرات ویکھی سخی، سخیاں وِچوں سخی لال نظری آئیندا۔ جِس دی ماں بڑی پکّی، دھیِرج دھیِر نال جُڑائیندا۔ اوہ سب نوُں گلّ دسےّ سچّی، سِری بھگوان اِکو نظری آئیندا۔ ہرِسنگت جِس دی بچّی، وانگ بچّیاں گود اُٹھائیندا۔ اِس دی پریِت نہیں کچّی، جو کچّیاں بھانڈیاں پکّیاں وِچ رکھائیندا۔ اِس دی دھار بڑی اچھی، اچھی طرح سمجھائیندا۔ گلوں لاہ دیوے جم دی رسّی، رائے دھرم نہ لیکھ منگائیندا۔ ایہدے کول اگمّی بتّی، جو گھر گھر اندر دیا آپ جگائیندا۔ مِہروان ہو کے گُرمُکھاں اندر دیوے دھیِرج جتی، سَت سنتوکھ نال بھرائیندا۔ جِس دے دواریوں منگدے گئے نام دی اِک رتّی، اوہ تولیاں ماشیاں نالوں بےانت بےپرواہ آپ ورتائیندا۔ غریِب

نِمانیاں پھڑ پھڑ باہوں چُکے اپنی ہتھیں، مِٹی گھّٹا جھاڑ سوہنا روُپ وٹائیندا۔ بِن کرنیؤں کمائیؤں جھولی پاؤندا جائے کھٹی، اتوٹ اتُٹ بھنڈارا آپ کُھلائیندا۔ اوسے وَیراگ وِچ مَیں پھٹی، پھٹّڑ کر کے پٹّی نام اُتے بندھائیندا۔ ہرِسنگت کر کے اِکٹّھی، گُرمُکھ سوہنے نال لیائیندا۔ جِنہاں وِچ بہہ کے مَیں وی سجی، سجّن سنگ رکھائیندا۔ بےپرواہ پر آؤندا اجّیں پّجیں، پردہ اوہلا وِچ رکھائیندا۔ راہ وِچ ویکھ کے ہسّن کھزوُراں کھجی، خجل ہُندا اپنا نہ مُکھ بھوائیندا۔ جِس دے نال نِکی وڈّی سنگت پِھرے بھجیّ، بھجن اِکو اِک جپائیندا۔ جِس دی تالی دو جہان وجّی، نام نگارہ ہتّھ اُٹھائیندا۔ لکّھ چؤراسی سرِشٹی جِس نے بدھّی، جیِو جنت حُکم ورتائیندا۔ اوس دی پریِتی غریِباں نال لگّی، نِمانیاں رنگ چڑھائیندا۔ مَیں خوشیاں نال کہواں اوہ مالک جگ دا جّگی، جُگت اپنے ہتّھ رکھائیندا۔ کی ہو گیا جے دھنےّ دی سانبھ کے گیا ڈھگّی وچھّی، رویداس کولوں ڈھور ڈھوائیندا۔ نامے چھپری لگّی اچھی، اِک اِکلّا سوہنی بنت بنائیندا۔ دُرگا دیوی کہے مَیں اُہناں نالوں چنگی، ہرِسنگت نال لےَ کے آئیندا۔ لالو کہے دھنّ بھاگ میری گوانڈھیاں نال پٹّی، گنڈھی، سوہنا جوڑ جُڑائیندا۔ پُرکھ اکال کہے مَینوُں سنگت لگّی چنگی، جِس دا لیکھا جھولی پائیندا۔ لالو نال میرا بُھجھنگی، پوُرب لیکھ جھولی وکھائیندا۔ جوتی جوت سروُپ ہرِ، آپ اپنی کِرپا کر، سوہنی بنت بنائیندا۔ بنت بنائی صاحِب ٹھاکر، دَیاوان دَیا کمائیا۔ جگت دوارا پار کر کے ساگر، گُرمُکھ سجّن لئے مِلائیا۔ دوہاں دیوے آدر، اِکو جیہی وڈیائیا۔ ہرِسنگت نال وڈّی بہادر، جو بَیٹھے بل ودھائیا۔ اینہاں اُتے پریم پیار دی دیوے چِٹّی چادر، پردہ نام رکھائیا۔ جوتی جوت سروُپ ہرِ، آپ اپنی کِرپا کر، مِہروان مِہروان مِہروان مِہر نظر نر نِرنکار اِک رکھائیا۔ لالو لال دوہاں رکھّنا یاد، سِری بھگوان سچ سچ سچ جنائیا۔ الہڑ پِنڈی وِچھوڑے والی رات، خاک چرن دھوُڑ لگّ اجّ خوشی منائیا۔ تیئی ماگھ پھیر اوتھے کرنا واس، جِتھے ملِے مان وڈیائیا۔ ہرِسنگت بنائے بھات، پُھلکا روٹی نہ کوئے پکائیا۔ اِکو دال نال سوگات، سِری بھگوان ونڈ ونڈائیا۔ اگلی پھیر دسےّ بات، بھیوَ ابھید کُھلائیا۔ چَوھی ماگھ کھولے جاگ، نیتر اکّھ پُٹائیا۔ بابوُ پُر کنت سُہاگ، وِچھڑے لئے مِلائیا۔ بیڑے چاڑھ اِک جہاز، سوہنی دھار وکھائیا۔ ہرِسنگت کر کے اِک آواز، اِکو روُپ بنائیا۔ مُٹھی مُٹھی سب دے کولوں منگے کھاج، کھان پکوان اِکو دئے وڈیائیا۔ ننگا دھڑ سیِس تاج، گُروُ مہاراج راز کُھلائیا۔ سارے اِکے ویہڑے کر اِکٹّھے کہے شاباش، ہرِ سَتگُر ہرِسنگت وِچ سمائیا۔ اوہ

خوشیاں والی چھیویں رات، گھر دیِدار درس دِکھائیا۔ اِک لال چند پِچھے رکھیا اِتنا راز، ہیرا پھیری کر کے اپنی کھیل وکھائیا۔ ول چھل کرنوں اجے نہ آوے باز، بازی اپنی نہ کدے اُلٹائیا۔ جے کوئی پربھوُ دا سمجھے راز، پربھوُ کہہ سیِس نہ کوئے نِوائیا۔ لہنے وِچ دینا دے کے سِکھ کولوں کدی نہ اکھوائے دھوکھے باز، سانوُں چھڈ کے دھوکھا گیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا لِکھیا لیکھ نہ کدے مِٹائیا۔

۲۱ ماگھ ۲۰۲۰ بِکرمی دُرگا دیوی دے گرِہ گُجرات ضِلع گُرداس پُر

عرش نالوں سوہنا فرش، محبوُب رباب وجائیندا۔ مِہر نالوں چنگا ترس، ترس وِچ اپنا درس دِکھائیندا۔ درس وِچ دے تڑپ، بِرہوں وَیراگ لگائیندا۔ وَیراگ اندر دُھر دا کٹک، نام نِدھان وکھائیندا۔ سَتجُگ تریتا دواپر کلجُگ جو رہے لٹک، تِنہاں اپنی گود بہائیندا۔ دُھر دا حُکم دے کے سخت، ساچی کار کمائیندا۔ نِروَیر ہو کے آیا پرت، پرم پُرکھ اکھوائیندا۔ جودھا بن کے سوُربیِر مرد، مردانگی اِکو اِک پرگٹائیندا۔ بِن کرنی کِریا جنم مرن دی میٹے درد، روگ سوگ سرب چُکائیندا۔ سیوا کر کہے ایہہ میرا فرض، فضوُل وقت نہ کوئے لنگھائیندا۔ گھڑی پل ہون نہ دیوے کوئی حرج، پِچھلا حرجانہ سب دی جھولی پائیندا۔ کرے کھیل آپ اسچرج، اچرج لیلا آپ ورتائیندا۔ گُر اوتاراں پیِر پَیغمبراں کولوں ویکھ ویکھ پِچھلی فرد، ہرجن سارے پکڑ اُٹھائیندا۔ لیکھا چُکائے ہو نِدھڑک، دھڑکن کوُڑی سرب مِٹائیندا۔ بےشک راہ نہیں کوئی سِدھی سڑک، آپ سِدھا تے سِدھا ہو کے آئیندا۔ میل مِلاپ وِچ رہن نہ دیوے فرق، فَیصلہ اِکو وار سُنائیندا۔ جے کوئی پربھ شبد دا لبھے ارتھ، ارتھ ارتھات وِچوں نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیندا۔ پریم اندر دسّ پیار، پریِتی سچ لگائیندا۔ پریِتی اندر کھیل نیار، نِروَیر آپ کرائیندا۔ نِروَیر اندر شبدی دھار، دُھر دا راگ الائیندا۔ راگ اندر اِکو راز، پردہ اوہلا آپ چُکائیندا۔ پردے اوہلے اندر لُکیا صاحِب مُحتاج، جن بھگتاں آس رکھائیندا۔ بھگتاں اندر مارے آواز، سوہنا گیِت الائیندا۔ گیِت اندر دے کے دات، جھولی تن بھرائیندا۔ جھولی اندر سچ سوگات، سوہنی آپ ٹِکائیندا۔

سوہنی اندر رکھّی اِکو آنکھ، جِس اکّھ نال اپنا میل مِلائیندا۔ مِلیا میل ہوئے پرتکھ، پارکھوُ اپنا ویس وٹائیندا۔ دوُر دُراڈا پاندھی نٹّھ، مانگت ہو کے آئیندا۔ ہرِسنگت گُرمُکھ گوبِند دھار وِچوں کر اِکٹّھ، سوہنا جوڑ جُڑائیندا۔ جوڑ اندر آپ وس، وصل اِکو اِک کرائیندا۔ پریم پریِتی اندر ہسّ، ہستی صفحہ چُکائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ وکھائیندا۔ کھیل وِچ نام کھلاؤنا، گُرمُکھاں ہتّھ پھڑائیا۔ چلدیاں پِھردیاں اےنوُں ہِلاؤنا، اندر سِتار ہِلائیا۔ بھجدیاں نال ایہنوُں بھجاؤنا، بِن لتّاں باہواں نٹھائیا۔ بہِندیاں نال ایہنوُں بہاؤنا، اِکو حُکم سُنائیا۔ سؤندیاں ویلے نال سواؤنا، سوہنی سیج بنائیا۔ ایس ویلے نوُں سرب پچھتاؤنا، کِس بِدھ پِھر کے گیا بےپرواہیِا۔ چار جُگ پِچھوں سب نے گاؤنا، اوُچی کوُک کوُک الائیا۔ دھنّ وڈبھاگ جِنہاں پربھ درشن پاؤنا، گھر ملِے سہج سُبھائیا۔ جوتی جوت سروُپ ہرِ، آپ اپنی کِرپا کر، ساچی کار کمائیا۔ پربھ کا کھیل سہج سُبھا، سُبھاوک اپنی دھار چلائیندا۔ کوٹن کوٹی پربھ دے نام دا پُچھدے پِھردے بھا، ہٹّو ہٹّ پھیرا پائیا۔ جِنہاں اُتے کِرپا کرے اوہناں دا چِکڑ گاریاں وِچ لگّ جائے داء، سوہنی بنت بنائیا۔ اپنی ہتھیں لُٹ کے نوُر خُدا، مُرید کہن مُرشد لیا منائیا۔ بھگت کہن ایہنوُں ہویا شُدا، جو پاگل ہو کے ساڈے پِچھے بھجےّ واہو داہیا۔ جے اِک واری آواز لئیے لگا، دوُر دُراڈا نیڑے چل کے آئیا۔ بن کے وڈّا بےپرواہ، بےپرواہی وِچ سمائیا۔ چاکر بن کے سچّا وفا، وفاداری توڑ نِبھائیا۔ راتیں سُتّیاں لئے جگا، بانہہ سرہانے ہیٹھ رکھائیا۔ پھڑ کے گودی لئے ٹِکا، مستک اُتے لکیِر مِٹائیا۔ چھاتی اُتے ہتّھ دئے ٹِکا، جنم وِچھوڑا کوئے رہن نہ پائیا۔ دوہاں نیتراں دئے دبا، دو جہاناں پندھ چُکائیا۔ جے کِرپا کر کے مُکھ اُتے اُنگل دئے چُھہا، بِن نام جپیاں لیکھا دئے مُکائیا۔ چوری چوری بُھلیاں جائے سمجھا، اپنا حُکم منائیا۔ پِچھلی کسر جائے کڈھا، اثر اپنا نال رکھائیا۔ کی ہویا جے رویداس نوُں کہہ گیا اپنی بنت ٹھیِک بنا، نیِتی والا اوہو سچّا ماہیِا۔ جِس دینی جاچ سِکھا، سِکھیا کر پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سوہنا رنگ وکھائیا۔ سوہنا ویکھو ہرِ کا رنگ، رنگ راتا آپ کرائیندا۔ سب دی پوُری کرے منگ، منگتیاں وِچوں اِکو منگتا نظری آئیندا۔ جِس منگتے دی خالی گٹھڑی دِسے گنڈھ، جگت وست وِچ نہ کوئے ٹِکائیندا۔ جِس ویلے گُرمُکھاں دے اندر دیوے ٹنگ، ساڈھے تِنّ ہتّھ اندر خالی تھاں نظر کوئے نہ آئیندا۔ اپنے بستر بھوُشن لاہ کے ہوئے ملنگ، نِرگُن اپنا روُپ وٹائیندا۔ آتم سیجا

ویکھ پلنگ، بدو بدی اُتے آسن لائیندا۔ جے گُرسِکھ اندرو اندر غُصّے نال کہے مَینوُں کؤن کردا تنگ، جو سُتّیاں رات جگائیندا۔ اوسے ویلے ہؤلی ہؤلی مُٹھی چاپی کر کے پریم پریِتی لئے منگ، مَیں اوہ جیہڑا نظر کِسے نہ آئیندا۔ کِیوں تُہاڈے گھر جو کھادھا روٹی دا ڈنگ، ایسے کر کے سیو کمائیندا۔ میری لگّی تُہاڈے نال جائے لنگھ، پِچھے ہو ہو ویکھ وکھائیندا۔ جے کُچھ سُننا چاہو سُناواں پھیر وی چھند، جِؤں ججماناں گھر ڈوُم منگن آئیندا۔ جے منگو ملِے انند، رس اپنا تُہاڈی جھولی پائیندا۔ جے ویکھو تے نظری آئے گُجری چند، جِس نوُں پُرکھ اکال سُت بنائیندا۔ دَیال ہو کے پاوے ٹھنڈ، امرت میگھ برسائیندا۔ آؤ رل مِل اگلی پِچھلی سارے لئیے گنڈھ، بدھّی گنڈھ نہ کوئے کُھلائیندا۔ جن بھگت کہن سد وسنا ساڈے سنگ، سنگ تیرا سچّا بھائیندا۔ بےشک جگت وِہار ساڈے کول بُھکھ ننگ، بُھکھیاں ننگیاں وِچھوڑا تیرا جھلّیا نہ جائیندا۔ سِری بھگوان کہے ایہہ میری بخشش وِچوں بخشند، رحمت وِچوں رحم ورتائیندا۔ لال امولک رتن ہیِرے اسمانی چند نالوں چنگے چند، جِناں اُتے اندھیرا رنگ نہ کوئے وکھائیندا۔ مِل کے پریِتم ہو گئے پرم پُرکھ دا انگ، مانَس جنم بھنگ نہ کوئے کرائیندا۔ ہرِسنگت ساری مِل کے سوہنگ مہاراج شیر سِنگھ وِشنوُں بھگوان گاؤ چھند، چھندا بندی وِچ پابندی دو جہان مُکائیندا۔

۲۱ ماگھ ۲۰۲۰ بِکرمی مہِنگا سِنگھ دے گرِہ پِنڈ سدّا ضِلع گُرداس پُر

دُھر دا ویکھ اگمّی رنگ، لوک پرلوک رہے جس گائیا۔ گُر اوتار وجاون نام مردنگ، پیِر پَیغمبر کلمہ نغمہ گائیا۔ وِشن برہما شِو نچّن بن ملنگ، اُچ اگمّ اتھاہ اپنی کھیل رچائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ہرِ کا ویکھ کھیل اتھاہ، دو جہان دھیان لگائیا۔ برہمنڈ کھنڈ نیَن رہے اُٹھا، پُری لوء اکّھ کُھلائیا۔ زِمیں اسمان راہ رہے تکا، سمُند ساگر نیَناں نیِر وہائیا۔ جوتی جوت سروُپ ہرِ، آپ اپنی کِرپا کر، اچرج کھیل آپ ورتائیا۔ ہرِ کا رنگ ویکھ اپار، سرگُن سارے رہے جس گائیا۔ نِرگُن نوُر جوت اُجیار، لکّھ چؤراسی رہیا سمائیا۔ شبد ناد سچّی دُھنکار، گیِت گیِت اندر راگ الائیا۔ جُگ چؤکڑی بنّھے دھار، سَت سَتوادی دَیا

کمائیا۔ گُر اوتاراں کر پیار، وست امولک اِک ورتائیا۔ پیِر پَیغمبراں دے ادھار، مِہر نظر اِک ٹِکائیا۔ کِرپا کر سانجھا یار، مقامے حق نوُر کرے رُشنائیا۔ سچکھنڈ نِواسی ایکنکار، اکل کل اپنی کھیل رچائیا۔ دُھر سندیسہ دے وارو وار، نِت نوِت کرے پڑھائیا۔ شاستر سِمرت وید پُران، گیِتا گیان آپ دِرڑائیا۔ اِنجیل قُرآن کر پروان، الف یے رہیا سمجھائیا۔ دُھر دی بانی لا کے بان، تیِر نِرالا اِک چلائیا۔ سَت دھرم سچ نِشان، سَت سَتوادی آپ اُٹھائیا۔ ساچے بھگتاں دے گیان، بھگوَن اپنی بوُجھ بُجھائیا۔ سنتن دیوے اِکو مان، آتم پرماتم پردہ لاہیِا۔ گُرمُکھاں بخش اِک دھیان، چرن کوَل دئے سرنائیا۔ گُرسِکھ ساچے کر پردھان، نام ڈنکا ہتّھ وکھائیا۔ سچکھنڈ نِواسی ہو مِہروان، محبوُب اپنی کار کمائیا۔ جوتی جوت سروُپ ہرِ، آپ اپنی کِرپا کر، ساچا رنگ آپ جنائیا۔ ویکھ رنگ ہرِ کرتار، قُدرت قادر ویکھ ویکھ بِگسائیا۔ نوُر اِلاہی پروردِگار، بےعیب اِک خُدائیا۔ سچ تؤفیِق ساچے دربار، درگاہ ساچی وجےّ ودھائیا۔ جوت اُجالا نوُر اُجیار، روُپ رنگ ریکھ نہ کوئے وکھائیا۔ سو پُرکھ نِرنجن ہو تیار، ترےَگُن اتیِتا ویس وٹائیا۔ ہرِ پُرکھ نِرنجن کھول کِواڑ، ساچا مندر دئے سُہائیا۔ ایکنکار کر پیار، سچ پریِتی اِک لگائیا۔ آد نِرنجن نِرمل جوت کر اُجیار، جوتی جاتا کرے رُشنائیا۔ ابناسی کرتا بنّھے دھار، دوُجا سنگ نہ کوئے رکھائیا۔ سِری بھگوان راج راجان، شہنشاہ اِکو اِک اپنا ناؤں پرگٹائیا۔ پاربرہم پربھ ہو پردھان، سچ پردھانگی اِک رکھائیا۔ سچکھنڈ دوارا کھول مکان، چھپر چھنّ نہ کوئے چُھہائیا۔ تھِر گھر دیوے مان، مِہروان ہو سہائیا۔ جوتی جوت سروُپ ہرِ، آپ اپنی کِرپا کر، ساچا رنگ آپ وکھائیا۔ تھِر گھر ویکھ ہرِ کا رنگ، سرب رہے جس گائیا۔ سچ سِنگھاسن سوُرا سربنگ، شاہ پاتشاہ اِک سُہائیا۔ ساچا ناد وجےّ مردنگ، انراگی راگ الائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیا۔ ساچا ویکھ رنگ نِرنکار، نِرگُن سرگُن دوویں خوشی منائیا۔ اُٹھو ویکھو دُھر دربار، سچکھنڈ وجّی اِک ودھائیا۔ پُرکھ ابناسی ہو تیار، سچ سِنگھاسن سوبھا پائیا۔ سوُرج چند نہ کوئے اُجیار، منڈل منڈپ نظر کوئے نہ آئیا۔ زِمیں اسمان نہ کوئے سہار، کھانی بانی روُپ نہ کوئے وٹائیا۔ کاغذقلم نہ کوئے لِکھار، سمُند ساگر مس روُپ نہ کوئے وٹائیا۔ کرے کھیل اگمّ اپار، الکھ اگوچر اپنی کار کمائیا۔ اِکٹّھے کر گُروُ اوتار، پیِر پَیغمبر سچ سندیسہ رہیا سُنائیا۔ سنت سُہیلے نال اُٹھال، بھگتاں بھیو چُکائیا۔ نیتر کھول کرو وصال، ظاہر ظہوُر اِکو نوُر کرے رُشنائیا۔ جوتی جوت سروُپ ہرِ، آپ اپنی کِرپا

کر، کرے کھیل ساچا ہرِ، سچکھنڈ دوارے اِکو رنگ پرگٹائیا۔ سچکھنڈ دوارے رنگ اولّا، ہرِ کرتا آپ پرگٹائیا۔ سوہنا سُہا سچ محلا، نِرمل جوت کرے رُشنائیا۔ گُر اوتاراں پیِر پَیغمبراں پھڑا پلّا، پلّوُ اپنے نال بندھائیا۔ ویکھنہارا جل تھلا، ڈوُنگھے ساگر کھوج کھوجائیا۔ ٹِلّے پربت پہاڑ اُچی چوٹی سِنگھاسن ملّا، ون ترِن اپنی کار کمائیا۔ انڈج جیرج اُتبُھج سیتج رلا، شبدی جوت کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچّا رنگ اِک جنائیا۔ ساچا رنگ پُرکھ اکال، ہرِ کرتا آپ جنائیا۔ ٹھاکر سوامی ہو دَیال، مِہر نظر اُٹھائیا۔ گُر اوتار کرو دھیان، پیِر پَیغمبر اکّھ کُھلائیا۔ سرِشٹ سبائی سُرت سکے نہ کوئے سنبھال، من مت بُدھ چلے نہ کوئے چتُرائیا۔ چار جُگ جو دے کے آئے گیان، لیکھا لِکھ کے قلم شاہیِا۔ ناؤں رکھا شاستر سِمرت وید پُران، گیِتا گیان دے وڈیائیا۔ اِنجیل قُرآن بول زبان، بتّی دند صِفت صالاحیِا۔ جگت جہان جیِو دسّ کے آئے اِیمان، صِدق صبوُری نال مِلائیا۔ دھرم جھُلا کے آئے نِشان، سوہنی ونڈ ونڈائیا۔ ظاہر ہو کے دے کے آئے بیان، شہادت اِکو نام جنائیا۔ جیِو جنت آتم پرماتم سِمرو اِک بھگوان، دوُجا نظر کوئے نہ آئیا۔ کوُڑی کِریا تُٹے مان، ممتا موہ رہن نہ پائیا۔ گھر مندر ویکھو آن، جِس گھر ٹھاکر ڈیرہ لائیا۔ جوتی جوت سروُپ ہرِ، آپ اپنی کِرپا کر، گھر ساچے رنگ جنائیا۔ گُر اوتار پیِر پَیغمبر لؤ تکّ، ہرِ کرتا آپ جنائیندا۔ لوکمات لکّھ چؤراسی وکّھ وکّھ، جیِو جنت نیتر نیَناں نیِر وہائیندا۔ بھیوَ نہ جانے کوئے حقیِقت حق، پردہ مُکھ نقاب نہ کوئے اُٹھائیندا۔ نہ کوئی سہارا تیِرتھ تٹ، اٹھسٹھ بیڑا نہ پار کرائیندا۔ لبھ لبھ تھکّے مندر مسجد شِودوالے مٹھ، پُرکھ اکال نظر کِسے نہ آئیندا۔ جنگل جوُہ اُجاڑ پہاڑاں وِچ رہے نٹّھ، ڈوُنگھی کندر بہہ بہہ آسن لائیندا۔ دھوُڑی خاک چھار سِر رہے گھّت، اگنی تت ہڈّ جلائیندا۔ ویکھو کِسے نہ آوے برہم مت، وِدیا برہم نہ کوئے پڑھائیندا۔ نانک گوبِند سب نوُں کہہ کے آئے پُرکھ سمرتھ، ہرِ کرتا اِکو نظری آئیندا۔ جِس جن دیوے نام وتھ، وست امولک جھولی پائیندا۔ کوُڑ ہنکارا بُرج جائے ڈھٹّھ، مایا ممتا موہ چُکائیندا۔ نِرگُن نوُر کر پرکاس، جوتی جاتا ڈگمگائیندا۔ لیکھے لا پَون سواس، شبد ناد دھنّ وجائیندا۔ لہنا مُکا پرِتھمی آکاش، گرِہ منڈل گھر گھر وِچ آپ جنائیندا۔ آتم پرماتم وسے ساتھ، سگلا سنگ نِبھائیندا۔ آتم سیجا سوہنی کھاٹ، سِنگھاسن اِکو اِک وڈیائیندا۔ دُئی دوَیتی میٹ ذات، برہم پاربرہم سمجھائیندا۔ جن بھگتاں پوُری کرے خواہش، خواہش اپنی آسا نال مِلائیندا۔ در تے کوئی نہ ہوئے نِراس،

جو سِری بھگوان اِکو اوٹ تکائیندا۔ ایتھے اوتھے دیوے نجات، سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا رنگ اِک وکھائیندا۔ ویکھ رنگ صاحِب سُلطان، گُر اوتار خوشی منائیا۔ تیری وڈیائی سِری بھگوان، صاحِب سَتگُر توہے بھائیا۔ کلجُگ انت سرِشٹ سبائی بُھلی تیرا نؤ نِدھان، من واسنا ہوئی ہلکائیا۔ اِشٹ دیوَ سرب منان، آتم پرماتم جوڑ نہ کوئے جُڑائیا۔ پڑھ پڑھ تھکاّ جیِو جہان، جیِون جُگت ہتّھ کِسے نہ آئیا۔ اندر وڑ کے کوئی نہ ویکھے کایا ساڈھے تِنّ ہتّھ مکان، جِس گرِہ وسے بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کمائیا۔ ساچا رنگ پُرکھ سمرتھ، ہرِ کرتا آپ جنائیندا۔ چار جُگ دے وِچھڑے ویکھو اکّھ، نیتر لوچن نیَن اِک کُھلائیندا۔ کلجُگ جیِو بَیٹھے ہو کے وکّھ، سَتگُر سنگ نہ کوئے رکھائیندا۔ کوُڑی کِریا ماری مت، جوُٹھ جھوُٹھ بھرم بُھلائیندا۔ جگت نیتر کام واسنا رہے تکّ، نام دھیان نہ کوئے لگائیندا۔ ملِے حقیِقت گھر نہ کوئی حق، لاشریِک نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا بھیو آپ جنائیندا۔ گُر اوتار پیِر پَیغمبر کہن پربھوُ تیرا تماشا، دُھر دی سار کِسے نہ آئیا۔ اسیں کھول کے آئے تیرا مات خلاصہ، لیکھا لِکھ کے قلم شاہیِا۔ پُرکھ اکال سب دا پِتا ماتا، دیِناں اناتھاں ہوئے سہائیا۔ آد جُگادی دُھر دا داتا، اتوٹ اتُٹ بھنڈار بھرائیا۔ جُگ چؤکڑی میٹنہار اندھیری راتا، گُر شبدی چند چمکائیا۔ بودھ اگادھ دسّ کے گاتھا، دُھر دی کرے پڑھائیا۔ ایتھے اوتھے ہوئے راکھا، ہلت پلت لئے بچائیا۔ چرن پریِت بندھائے ناتا، سگلا سنگ بن جائیا۔ جو گُرمُکھ منّے اوس دا آکھا، سِری بھگوان اَگے پِچھے پِھرے چائیں چائنیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ پیِر پَیغمبر کہن پروردِگار، ہتّھ تیرے وڈیائیا۔ محبان بیِدوسانجھے یار، نوُر ظہوُر تیری رُشنائیا۔ کلمہ نبی رسوُل بول جَیکار، نعرہ تیرا نام سُنائیا۔ چؤداں طبقاں دے ہُلار، سبق اِکو اِک پڑھائیا۔ طوبیٰ تَیتھوں نفرت کر گئے کوئی نہ آئے تیرے در دربار، مکّہ کعبہ رووے دئے دُہائیا۔ سچ محرابا کرے نہ کوئے پیار، محبوُب میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، تیرے ہتّھ سچ وڈیائیا۔ تیرے ہتّھ وڈیائی بےنظیِر، تُوں نظر کِسے نہ آئیندا۔ تیرے ہتّھ سرب تقدیِر، تدبیِر تیری سمجھ کِسے نہ پائیندا۔ تُوں چوٹی چڑھ کے ویکھیں آپ اَخیِر، منزل منزل اپنا پندھ مُکائیندا۔ تُوں کٹنہارا شرع زنجیر، سچ تؤفیِق اِک

رکھائیندا۔ تیرے حُکمے اندر پیِر فقیِر، کلمہ کائنات جنائیندا۔ انتم سارے ہو دِلگیِر، تیرے چرن دھیان بِن نیتر نیَن لگائیندا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے منگ منگائیندا۔ سب دا رنگ ویکھ نِرنجن، آد پُرکھ رہیا جنائیا۔ نیتر نام نِدھانا پاوو انجن، نوُری نوُر نوُر چمکائیا۔ داتا دانی درد دُکھ بھےَ بھنجن، بھانڈا بھرم بھؤ بھنّائیا۔ جن بھگتاں چاڑھے اپنی رنگن، کایا ماٹی سوہنی پوچ پوچائنیا۔ مستک ٹِکاّ لائے اِکو چندن، چندن اپنا نام سمجھائیا۔ آتم پرماتم دیوے پرمانندن، نِج رس اِک وکھائیا۔ گُرمُکھ گُرسِکھ ہرجن ہربھگت وست امولک اِکو منگن، پربھ میل مِلاوا ہووے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سُنائیا۔ سچ سندیسہ سِری بھگوَنت، ہرِ کرتا آپ جنائیندا۔ کھیلے کھیل جُگو جُگنت، نِرگُن سرگُن ویس وٹائیندا۔ نام نِدھانا منیِا منت، گُر گُر شبدی دھار چلائیندا۔ بودھ اگادھا بن کے پنڈت، کاتب بن کے لیکھ لِکھائیندا۔ گڑھ توڑ کے ہؤمے ہنگت، ہنگ برہم آپ سمجھائیندا۔ میل مِلاوا ساچی سنگت، سَت سروُپی سچ سنت اُپجائیندا۔ نام خُماری چاڑھ رنگت، گھر اِکو رنگ درسائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھیوَ ابھیدا آپ کُھلائیندا۔ بھیوَ ابھیدا کھولے آپ، اپنے ہتّھ رکھےّ وڈیائیا۔ جن بھگتاں دے کے دُھر دا جاپ، میل مِلائے سہج سُبھائیا۔ لیکھ مُکا تینوں تاپ، ترےَگُن ڈیرہ ڈھاہیا۔ درس کرائے ساکھیات، سوَچّھ سروُپی روُپ دھرائیا۔ ظاہر باطن کرے بات، گُفت شُنید اپنی کار کمائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک رنگائیا۔ ساچا رنگ بھگتن چولا، پُرکھ اکال آپ رنگائیا۔ سیوا کرے بن کے گولا، چاکر ہو کے پھیرا پائیا۔ ناؤں رکھائے نِرگُن مؤلا، گھٹ انتر اپنا ڈیرہ لائیا۔ پوُرا کرے دُھر دا قؤلا، کیِتا اِقرار نہ کدے بُھلائیا۔ بھار کرے دھؤلا ہؤلا، دھرنی دھرت ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں رنگ چڑھائیا۔ جن بھگتاں رنگ جائے چڑھ، جگ نیتر نظر نہ آئیا۔ ابناسی کرتا اندر جائے وڑ، روُپ رنگ ریکھ نہ کوئے وکھائیا۔ لیکھے لائے سیِس دھڑ، پنج تت سوبھا پائیا۔ کوُڑی کِریا اُکھڑے جڑ، سچ سُچ دئے پرگٹائیا۔ بھیو چُکا ناری نر، آتم پرماتم بوُجھ بُجھائیا۔ ساچا سوہلا اِکو پڑھ، دُھر دا راگ الائیا۔ آتم سیجا اگمّی چڑھ، سچ سِنگھاسن سوبھا پائیا۔ سنت سُہیلے آپے پھڑ، سُرتی شبد جُڑائیا۔ وسیرا کرے ساچے گھر، نیرن نیرا نظری آئیا۔ ڈیرہ وکھائے تھِر گھر،

جِس گھر گُر شبدی سوبھا پائیا۔ پُرکھ اکال کِرپا کر، سچ دوارا دئے کُھلائیا۔ جن بھگت اندر جائے وڑ، ملِے سچکھنڈ وڈیائیا۔ جوتی جوت جائے رل، وِچ جوتی جوت سمائیا۔ سچ سِنگھاسن بہے ملّ، پربھ چرن ملِے سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جن بھگت انند پریم پریِتی چاڑھ رنگ، دَیا کر سوُرا سربنگ، آد جُگاد جُگ چؤکڑی نِت نوِت کر کر ہِت، اپنے نام رنگائیا۔