۲۱ ماگھ ۲۰۲۰ بِکرمی ہیم راج پُرا ضِلع پُر
شہنشاہ سوُرے سربنگی، در ویکھ خوشی منائیا۔ دربار تیرے آئی بھگتی بُھکھی ننگی، دوئے جوڑ رہی سُنائیا۔ جُگ چؤکڑی مَینوُں جگت لبھدے رہے بن کے سنگی، سَتجُگ تریتا دواپر کلجُگ دھیان لگائیا۔ مَیں اوہلے بَیٹھی رہی سیِس واہ کے پٹّی کنگھی، اپنا روُپ بنائیا۔ میری اکّھ کِسے نہ کیِتی ننگی، نیَن ویکھن کوئے نہ پائیا۔ میری نظر نہ آئی کِسے انگی، لہِنگے پلّوُ نہ کوئے چُھہائیا۔ مَینوُں لبھدے پِھردے بیلے وِچ جھنگی، ٹِلّے پربت پھول پُھلائیا۔ مَیں کوٹن کوٹ سادھوُ کیتے پکھنڈی، بھیکھادھاری جگت رُلائیا۔ میری ہتّھ نہ آئی کِسے کنّوں ڈنڈی، مُرکی والا ویکھ کوئے نہ پائیا۔ تکّ سکے نہ کوئی میری بِندی، مستک سوہنی لئی لگائیا۔ میری ویکھ دھار ڈِنگی، نیَن سکے نہ کوئے مٹکائیا۔ مَینوُں لبھدے عِلماں وِچوں فارسی ہِندی، فَیصلہ سکے نہ کوئے بتائیا۔ میری بھوُمکا کِسے نہ ویکھی نِگھی، سنگ بَیٹھ نہ خوشی منائیا۔ جُگ چؤکڑی کوُکدیاں کوُکدیاں سب دی بہہ گئی گھِگی، گھر وصل نہ کوئے کرائیا۔ صاحِب سُلطان مَیں نِکیؤں ہُندی گئی وڈّی، جوبن اپنے نال رکھائیا۔ میری نہ پسلی نہ ہڈّی، تن ماٹی نہ کوئے بنائیا۔ نہ بھینس نہ سوُری گدھی، رنگ رتڑا روُپ نہ کوئے جنائیا۔ مَیں نبھاگن وَیراگن لدھّی، پِھراں واہو داہیا۔ ویکھی بیِتدی پِچھلی صدی، صدمہ پیا دھیِر نہ کوئے دھرائیا۔ جاں تکاّں میرا لیکھا چُکیا اُتے ندی، کنڈھے راوی نہ کوئے وڈیائیا۔ اَگے بَیٹھی رہی ارجن ہرِ گوبِند پریِتی بدھی، اِک دھیان لگائیا۔ سب نوُں کردی رہی پکّی، پکّی طرح سمجھائیا۔ مَیں سب نالوں سوہنی چنگی اچھی، وکھّرا کھیل کرائیا۔ سادھاں سنتاں دی پتّ رکھّی، گُرمُکھاں نال مِلائیا۔ پریم پریِتی
اندر مٹکاواں اکّھی، نیتر کجلا اِک رکھائیا۔ پریم پیار دی کھول کے ہٹّی، سوہنا ونج کرائیا۔ میرے کولوں کوئی وِرلا کھٹے کھٹی، باقی بَیٹھن مُکھ بھوائیا۔ مَیں پریم پریِتی شؤہ رتّی، صاحِب اِکو میرا ماہیِا۔ جِس نوُں تورے اپنی ہتھیں، اوسے نال سنگ نِبھائیا۔ مَیں ویکھاں جا کے تپدی بھٹّھی، ساڈھے تِنّ ہتّھ کھوج کھوجائیا۔ جوتی جوت سروُپ ہرِ، آپ اپنی کِرپا کر، اِکو دے ساچا ور، در تیری سرنائیا۔ بھگتی کہے ویکھ سادھاں منّوُ، یارڑا نظر کوئے نہ آئیا۔ مَیں تَینوُں دسّیا اچھی طرح چنگوُ، چنگی طرح سمجھائیا۔ جِس دا لیکھا لِکھ کے گیا نند لال نندوُ، گوبِند اِشارے نال سمجھائیا۔ مَیں سُرت نہ آؤن دِتی براہمن گنگوُ، اوہدے گھر نہ پھیرا پائیا۔ مَیں بھرم بُھلایا جگت ہنکاری چندوُ، چندرا روُپ وٹائیا۔ تیرے اَگے ارداس دیِنا بندھوُ، بندنا رہی سُنائیا۔ مَیں کیہڑا دوارا لنگھوُں، کَون گھر پھیرا پائیا۔ وست کیہڑے کولوں منگوُں، تٹ نظر کوئے نہ آئیا۔ ٹُٹی کیہدے نال گنڈھوُں، جوڑی جگت جنائیا۔ میرا لیکھا لِکھدے ہو کے بھنگوُ، مستی وِچ لہر لہر پرگٹائیا۔ راوی کنڈھے کوئے نہ ملِے ٹھنڈوُ، ٹھنڈ تیرے چرناں ہیٹھاں نظری آئیا۔ ہُن کِس دے نال ہنڈھوُ، ساچا سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، موہے دے مان وڈیائیا۔ بھگتی کہے میرے خالی ہتّھ، بہُڑی دیاں دُہائیا۔ نکّ سُہاگ نہ دِسے نّتھ، بلاک نظر کوئے نہ آئیا۔ ٹکِےّ مستک کیِتا خالی نیتر کجّل نہ کوئی اکّھ، بِندی نظر کوئے نہ آئیا۔ بھؤندی بھؤندی گئی تھکّ، منزل منزل پندھ مُکائیا۔ قدم قدم رہی نٹّھ، بھجّ بھجّ واہو داہیِا۔ نیتر نیَناں نیِر وحع کے تیرے اَگے واسطہ رہی گھّت، دوئے جوڑ سیِس نِوائیا۔ سُن صاحِب میرے کملاپت، پت پرمیشور تیرے ہتّھ وڈیائیا۔ اِک وار مِہر نظر کر کے تکّ، نیتر اکّھ کُھلائیا۔ تُوں چُپ چُپیِتا اپنا مُکھ لئیں وٹ، ہنس مُکھ نہ روُپ وکھائیا۔ مَیں ڈردی پِچھے جاواں ہٹّ، اَگے چلے نہ کوئے چتُرائیا۔ ہؤلی ہؤلی گاواں تیرا جس، اندرے اندر دِھیائیا۔ جے میرا ہووے وس، پربھ ہنُے لواں منائیا۔ وِچار اندر وجّی سٹّ، سوہنی چوٹ لگائیا۔ پِچھوں ہرِسنگت آئی نسّ، بن کے پاندھی راہیِا۔ اِکو وار سوہنگ ڈھولا گایا پُرکھ سمرتھ، تیرا ناؤں دِھیائیا۔ تُوں نظری آئیوں جھٹ، روُپ انوُپ وکھائیا۔ مَیں چرناں گئی ڈھٹّھ، مستک ٹِکاّ لائیا۔ تُوں پھیر وی نہ اَگوں پیؤں ہسّ، بچن راگ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، در ملِے سچّی سرنائیا۔ بھگتی کہے میرا ویکھ چیِتھڑ، الفی لیِرو لیِر نظری آئیا۔ پَیریں چپل نہ رہیا وِچ کیچڑ، ننگی پَیریں دیاں دُہائیا۔
مَیں ہو کے بڑی ڈھیِٹھڑ، پِچھے بھجّاں واہو داہیِا۔ میرا سوَرن ہویا پیتل، کنچن رنگ نہ کوئے وٹائیا۔ تُوں ہسّ کے صاحِب کِہا جن بھگت مَینوُں اُڈیِکن، سِدھا میرے ول دھیان لگائیا۔ مَیں سُناں پُکار اُہناں چیِکن، جو اندرے اندر کُرلائیا۔ مَیں ویکھاں تَینوُں کیِکن، میری تار ٹُٹ نہ جائیا۔ پریم پریِتی اندر گنڈھ پیِچن، دو جہان سکے نہ کوئے کُھلائیا۔ تُوں میرے بھگت دوارے مَینوُں دِسیں نیِچن، نیِکن نیِکا روُپ جنائیا۔ تُوں میرے در توں لےَ کے بِھچِھیا بھیِکھن، پھیر جگت دئیں ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کمائیا۔ بھگتی کہے میری کُھلڑی گُت، سیِس سالوُ نظر کوئی نہ آئیندا۔ چاروں کُنٹ رہی پُچھ، ہائے بھانا کی کؤن ورتائیندا۔ کِدھر گیا ابناسی اچُت، جگ نیتر نظر نیَن نہ کِسے دسائیندا۔ مَیں اُس توں لواں پُچھ، کی صاحِب تَینوُں بھائیندا۔ جے تیرا بھنڈارا گیا مُک، دیونہار کَون اکھوائیندا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے آس رکھائیندا۔ بھگتی کہے میرا ویکھ دوپٹّا، مَیں اچھی طرح وکھائیا۔ چؤتھے جُگ انتم پھٹا، لیِرو لیِر نظری آئیا۔ مَیل کُچَیل وِچ رلیا گھٹّا، سوہنا روُپ نہ کوئے کڈھائیا۔ مَیں پُچھ کے آئی چؤداں ہٹّاں، چؤداں لوک پھیرا پائیا۔ چؤداں طبقاں اندر مَینوُں دھون والا لبھا کوئی نہ پھٹّا، کِس اُپر دیاں ٹِکائیا۔ جِدھر جاواں مَینوُں کردے ٹھٹّھا، ٹھوکراں مار سُنائیا۔ ویکھو پِھردی وانگ نٹاں، گھر گھر ناچ نچائیا۔ تیری اِک آواز سُنی سُندیاں سمجھ آئی پربھ وسیا گھر جٹّاں، جوبن اپنا بل رکھائیا۔ چرن کوَل اوہدے ڈھٹّھاں، جو دیونہار وڈیائیا۔ جاں ویکھیا اوہ بھگتاں سنگ مِلائے اکّھاں، نیتر نیَن نیَن چُھہائیا۔ مَیں اُس نوُں کی دسّاں، جو گُرمُکھاں اندر بَیٹھا ڈیرہ لائیا۔ مَیں باہر روواں اندر ہسّاں، ویلا وقت رہیا وِہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اچرج اپنی ریِت چلائیا۔ بھگتی کہے میری ویکھ جاکٹ، جُگتی نال بنائیا۔ جِس دی لبھے کِسے نہ پاکٹ، سین روُپ نہ کوئے وکھائیا۔ جگت نیتر کرے نہ کوئے شناخت، سمجھ سکے کوئے نہ رائیا۔ لیکھا لِکھے نہ کوئے کاتب، قلم شاہی نال وڈیائیا۔ بِن پربھوُ تیرے میرے ساہمنےہویا نہ کوئی مُخاطِب، ہوُ-بہوُ اپنا نوُر نہ کوئے رُشنائیا۔ مَیں تیرے در دی بن کے طالب، در بیننتی اِک سُنائیا۔ جوتی جوت سروُپ ہرِ، آپ اپنی کِرپا کر، سچ سچ دینی موہے وڈیائیا۔ بھگتی کہے مَیں سب توں اُچی، پربھ تُوں ہی دِتی وڈیائیا۔ جُگ چؤکڑی رہی سُچی، اپنا آپ بچائیا۔ کلجُگ انت نؤ سؤ چُرانوے چؤکڑی جُگ پِچھوں مَینوُں
سادھاں کیِتا لُچی، جو تیرا ناتا گئے تُڑائیا۔ کوُڑی ریِت چلائی پُٹھی، رسنا کرن پڑھائیا۔ سِری بھگوان جڑ اُہناں پُٹی، ناتا تیرے نالوں تُڑائیا۔ مَیں ویہویں صدی پندراں کتّک اُہناں نالوں رُسی، رُس کے کھہڑا آئی چُھڈائیا۔ مَیں ناتا توڑ پائی کّکھاں کانیاں جھُگی، بھگت دوارا ویکھ خوشی منائیا۔ میری اڈّی ہوئی اُچی، میرے نیَن رہے بِگسائیا۔ میرا اُجل ہووے مُکھی، مُکھڑا روُپ وٹائیا۔ مَیں ہُن نہیں ہونا دُکھی، دُکھ سُناواں سچّے ماہیِا۔ مَیں در در دی نہیں بننا کُتی، گھر گھر نہ پھیرا پائیا۔ تیرے در توں کھا کے روٹی رُکھی، اپنا جھٹ لنگھائیا۔ بِن تیرے چرن نہ رہاں سُچی، انگ انگ نہ کِسے چُھہائیا۔ ویکھ میری پِھردیاں ٹُٹی جُتی، سَتجُگ تریتا دواپر کلجُگ پِھردی رہی واہو داہیا۔ انت میری اؤدھ پُگی، ویلا وقت سُہائیا۔ تیرے درس دی اِکو بُھکھی، دوُجی اوٹ نہ کوئے جنائیا۔ اپنیاں چرناں وِچ پھڑ کے گھُٹیں، پریم پریِتی وِچوں نچوڑ اپنی سیو لگائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، در تیرے منگ منگائیا۔ بھگتی کہے میری ویکھ سلوار دھوتی، ساڑھی لہِنگا اپنا روُپ وٹائیا۔ جِنہاں نال جھِلمل کردے موتی، ہیرے جڑت ساچا روُپ وٹائیا۔ سادھاں نال مِل کے ہو گئی کھوٹی، ہوچھی مت بنائیا۔ جھوُٹھ ماردے پِچھے روٹی، تیرا ناں لےَ لےَ کے ٹھگّیِاں رہے کرائیا۔ مَینوُں کوُڑی کِریا نال لایا وانگ کھوتی، اٹّھے پہر بھار اُپر ٹِکائیا۔ مَیں ویہہ سال رہی روتی، روندیاں گھڑی پل لنگھائیا۔ کَون ویلا پربھ ملِے آن اِک اِکلوتی، اِکلّا پھیرا پائیا۔ آد جُگاد جُگ چؤکڑی جِس دی نِرمل جوتی، نِرنکار اِک اکھوائیا۔ مَیں اوس نوُں کہواں مَیں ناتا چھڈیا پُستک پوتھی، اکھّراں نال گنڈھ نہ کوئے بنائیا۔ مَیں وساں تیری اوس کوٹھی، جِس وِچ بَیٹھوں ڈیرہ لائیا۔ بےشک میری مت ہوچھی، تیری مِہر میری وڈیائیا۔ تُوں میرے لئی سب کُچھ سوچیں، مَیں تیری اوٹ تکائیا۔ تُوں ویکھ تیرے نال رویداس چمیارا موچی، جیہڑا ٹُٹی گنڈھ وکھائیا۔ مَیں مردی مردی مر گئی نِردوشی، نِردوشیاں لےَ بچائیا۔ بہُڑی مَیتھوں ہُن نہیں ہُندی خاموشی، دُکھاں بھری رہی کُرلائیا۔ مَینوُں طعنے دیندے لوکیں، تیرا بھگوان نظر کِتے نہ آئیا۔ مَینوُں لوکیں لبھدے اُتے ہونٹیں، دنداں نال جگت راگ الائیا۔ ناتا جُڑاؤندے بنّھ کے تیڑ لنگوٹی، سیِس خاک پوائیا۔ مَیں پُرکھ اکال دی اِک پوُتی، میرا پِتا شبد نظری آئیا۔ مَیں نہیں ایڈی ہوچھی، کوجھیاں کملیاں نال یرانے لائیا۔ جِس ولّ میرا صاحِب کرے سوٹی، مَیں نِیوں نِیوں لاگاں پائنیا۔ میری کٹ جائے بوٹی بوٹی، تن بھیٹ دیاں کرائیا۔ مَیں ویکھن
وِچ چھوٹی، نِکیوں وڈّے دیاں بنائیا۔ جن بھگتاں ویکھاں جگدی جوتی، نیتر نیَن نوُر نظری آئیا۔ جوتی جوت سروُپ ہرِ، آپ اپنی کِرپا کر، دینی سچ سچ سرنائیا۔ صاحِب سَتگُر میرے بخشند، در تیرے حال سُنائیا۔ میرا گانا ٹُٹا مؤلی تند، ڈور نظر کوئے نہ آئیا۔ مِل کے سخی کوئی نہ گاوے چھند، سُہاگی گیِت الائیا۔ سب دے گھر وڑیا گھمنڈ، سَت سروُپ نہ کوئے سمائیا۔ تیِرتھ تٹ گُردر مندر مسجد مٹھ ویکھ کے آئی سادھ سنت ہوئے رنڈ، نار دُہاگن روُپ وٹائیا۔ جھوُٹھی اُچی کوُک پاون ڈنڈ، تیرا ڈنڈا نظر کِسے نہ آئیا۔ مَیں ویکھیا کھوج سرب برہمنڈ، تیرا دھیان لگائیا۔ کَون دوار ہرِ کرتا کرے ونڈ، حِصّہ دیوے چائیں چائنیا۔ جاں ویکھیا جن بھگتاں نال مِل کے مانے آپ انند، میری لوڑ رہی نہ رائیا۔ مَیں نیڑے جا کے گئی سنگ، نیتر اکّھ شرمائیا۔ جِنہاں دے صاحِب سَتگُر پُرکھ اکال وسیا سنگ، میری پرواہ نہ کوئے رکھائیا۔ راتیں سُتّیاں دیوے انند، دِنے جاگدیاں خوشی منائیا۔ پریم پیار نال پائے ٹھنڈ، سانتک سَت کرائیا۔ شبدی ڈور دے کے گنڈھ، اپنا جوڑ جُڑائیا۔ کدی نہ سؤنوے دے کر کنڈ، اپنی کروٹ لئے بدلائیا۔ بِن منگیاں دیوے منگ، دُھر دی وست ورتائیا۔ بھیو کُھلا کے برہم ہنگ، پاربرہم درسائیا۔ جِس دھاروں آئے جمّ، اوسے لئے مِلائیا۔ اوتھے میرا کی کم، جِنہاں مِلیا سچّا ماہیِا۔ رسنا جِہوا ہِلے نہ کوئی چمّ، درِشٹی درِشٹ نہ کوئے جنائیا۔ مِہر نظر کر کے بیڑا دیوے بنّھ، بِن پتّن ملاح پار کرائیا۔ اوتھے اِکو کہے دھنّ دھنّ، دُھر دا شُکر منائیا۔ جوتی جوت سروُپ ہرِ، آپ اپنی کِرپا کر، مِہروان مِہروان مِہروان اپنی کھیل رچائیا۔ بھگتی کہے پربھ کِرپا کر، کِرپن ہو کے منگ منگائیا۔ جُگ چؤکڑی مَینوُں مِلیا نہ کوئی ور، ساچا سگن نہ کوئے منائیا۔ سادھ سنت مَیتھوں رہے ڈر، مَیں تَیتھوں ڈردی اوہناں نیڑ نہ آئیا۔ ایَر غَیر مَینوُں کوئی باہوں لئے نہ پھڑ، اُنگل سکے نہ کوئے چُھہائیا۔ اِکو آس رکھّی نرائن نر، ساچی اوٹ تکائیا۔ جے سِری بھگوان ملِے تے سیجے جاواں چڑھ، دوُجا کنت نہ کوئے منائیا۔ پریم پریِتی اندر چرن لواں پھڑ، کر مِنّتاں حال سُنائیا۔ جُگ چؤکڑی تیرے وِچھوڑے وِچ جنگلاں وِچ گئی مر، کِیوں گُنڈیاں ہتّھ پھڑائیا۔ ہُن تے کِرپا کر، کلجُگ ویلا دئے دُہائیا۔ میری کوئی نہ رکھے لج، حیا مُکیا سرب لوکائیا۔ سوہنی سُچجیّ ویکھ میرے ولّ سارے رہے تکّ، تیرا بھےَ نہ کوئے رکھائیا۔ مَیں کلجُگ کوُڑی کِریا کولوں ڈردی اپنے ننگے نہ کراں ہتّھ، میرے چھاپ چھلے ویکھن کوئے نہ پائیا۔ پَیراں والیِاں پنجیباں لئیاں ڈھک، چھنکار سُنن کوئے نہ آئیا۔ ہؤلی ہؤلی پَیر اپنا رکھّ، قدم قدم
اُٹھائیا۔ چاروں کُنٹ ویکھ ویکھ گئی تھکّ، اپنا دھیان لگائیا۔ صاحِب گہر گمبھیِر پُرکھ اکال سب کُچھ تیرے وس، میری کی چتُرائیا۔ چار جُگ نہ ویکھیا کر کے اکّھ، سچّا میل نہ لیا مِلائیا۔ سادھاں سنتاں نال پا کے میرا وس، نِکی وڈّی کراؤندا رِہوں لڑائیا۔ تھکّ کے اکّ کے ہار کے سارے آئی چھڈ، اپنا مُکھ بھوائیا۔ تیرے اَگے جھولی لئی اڈّ، چرن کوَل سیِس نِوائیا۔ مَیں ہُن نہیں جانا کِسے وِچ کھڈّ، بھورے پےَ کے سنگ نہ کِسے نِبھائیا۔ جے آپ آئیوں پُرکھ سمرتھ، میری ریِتی دے بدلائیا۔ جن بھگتاں دے دے حق، وصیّت اِکو وار کرائیا۔ جیہڑا تیرے مِلن دا راہ رہیا تکّ، مَیں اُس دے نال ہو کے سیو کمائیا۔ جے گُرمُکھ تیرے چرن نِویں مَیں پہلوں جاواں ڈھٹّھ، مستک ٹِکاّ دھوُڑی لائیا۔ جے تُوں پِچھے جاویں ہٹ، رو رو اپنا حال گوائیا۔ جے مُکھوں پئیں ہسّ، خوشیاں گیِت تیرا سُنائیا۔ جوتی جوت سروُپ ہرِ، آپ اپنی کِرپا کر، جِؤں بھاویں تِؤں لیَنا رکھّ، راکھا تُونہی نظری آئیا۔ بھگتی کہے پربھ ویکھ میری سِر نہیں بودی، چوٹی مُنّی گئی وکھائیا۔ مَیں ہو کے کملی کوجھی، پِھراں وانگ شؤدائیا ۔ کل جاندیاں جاندیاں ویہہ ماگھ بھگتاں کولوں آئی سوجھی، جِنہاں سچ دھار سمجھائیا۔ جِس ویلے چِکڑ وِچ اڈّی کھوبھی، میری سُرت بُھلائیا۔ اَگوں پُرکھ اکال آؤندا مِلیا دھوبی، جیہڑا میرا دُھر دا سچّا ماہیِا۔ مَیں سوچ اوس ویلے اِکو سوچی، سوہنا دھیان لگائیا۔ جِس دے پِچھے پِھرے موچی، چمیارا روُپ وٹائیا۔ ایہہ بڑا وڈّا کھوجی، پَیڑ جوڑیاں رہیا بُجھائیا۔ پھیر ویکھیا ٹھگ تمبا چُکیا اُتوں گوڈھی، اُلٹا لیا کرائیا۔ اُٹھ کے ویکھیا سِری بھگوان ہرِسنگت چُکیا موڈھی، سوہنا پندھ مُکائیا۔ مَیں رہ گئی ہکّیا بکّیا پُرکھ اکال دی کھِڑی اِکو ڈوڈی، جِس وِچوں گُرمُکھ نظری آئیا۔ چار جُگ گُروُ اوتار پیِر پَیغمبر جِس پُھلواڑی نوُں دے کے گئے گوڈی، اپنی سیو کمائیا۔ مَیں بہہ گئی اُنگل رکھّ کے ٹھوڈی، پربھ ایہہ کی چال چلائیا۔ بھگت آتما کہے کوجھیئے ایہہ اوہ وِجوگی، جو دُھر سنجوگی میل مِلائیا۔ جُگ جنم دے وِچھڑے میل روگی، دُکھیاں دُکھ گوائیا۔ سُن کے بھگتی کہے مَیں وی ایہدے جوگی ہو گئی، جو ہوکا دے کے رہیا جگائیا۔ بےشک مَینوُں طعنے مارن لوکیں، مَیں جھلّاں نہ کدے جُدائیا۔ بھاویں گھڑی آوے اؤکھی، اوہ وی خوشیاں وِچ لنگھائیا۔ جوتی جوت سروُپ ہرِ، آپ اپنی کِرپا کر، سوہنی بنت بنائیا۔ بھگتی کہے میرا ویکھ اتّھر، نیَن نیَناں وِچوں وہائیا۔ پربھوُ میرے پِچھے کِیوں ہوئیوں پتّھر، بھگتاں پِچھے پِھریں واہو داہیا۔ سِری بھگوان کِہا ایہناں پِچھے گوبِند وچھایا میرا
ستّھر، سوُلاں سیج ہنڈھائیا۔ اِک لیکھا لِکھ کے گیا اکھّر، آخر تُہاڈا پربھوُ سہائیا۔ سب نالوں کر کے وکھّر، وکھّری دھار جنائیا۔ شبد سندیسہ دے کے پتر، سوئے لئے اُٹھائیا۔ دے وڈیائی ستّر بہتّر، چُہتّراں رنگ چڑھائیا۔ پنجاں پنجاں پنجاں تول کے تکّڑ، نام کنڈا اِک ہِلائیا۔ چار چار دی لا کے ٹّکر، سوہنا کھیل وکھائیا۔ ہرِسنگت تیِر نِشانے نال کر کے پھٹّڑ، اِکو وار مُنہ دے بھار سُٹائیا۔ پریم پیار دی اندر کر کے پکڑ، دُھر دا ناتا جوڑ جُڑائیا۔ پِھر کے جنگل جوُہ بیلے وِچ رکّڑ، رنگڑ پِچھلا نال رکھائیا۔ بےشک لانگری بن کے دال دا ویکھے وتّر، دانا کدی کدی مُکھ وِچ پائیا۔ اوہدے پوُرب جنم دی میٹی سطر، بِدھنا رووے دئے دُہائیا۔ بہُڑی ایہہ لُکیا چِھپِییا آیا کِدھروں کِدھر، سچکھنڈ نِواسی لوکمات پھیرا پائیا۔ جِس سادھ سنت سارے کر دِتے تتر بتر، نام پٹاکا اِکو پائیا۔ کِرپا کر کے جنگل جوُہاں وِچوں آیا نِکل، نِرگُن اپنا کھیل کرائیا۔ جاں ویکھیا بھگتاں دا بنیا مِتر، مِتر پیارا روُپ وٹائیا۔ جِنہاں دے پاٹے لیڑے ٹُٹے چِھتر، چمیار کولوں نال نال گنڈھ پوائیا۔ جوتی جوت سروُپ ہرِ، آپ اپنی کِرپا کر، سوہنی کھیل رہیا رچائیا۔ بھگتی کہے میرے ویکھ وال، چِٹّے کالے نظر کوئے نہ آئیا۔ چاروں کُنٹ ہوئی بےحال، بِہبل ہو کے دیاں دُہائیا۔ میری کوئی نہ پُچھ وات، اپنی کہانی سارے رہے سُنائیا۔ نظری آئی اندھیری رات، چاروں کُنٹ ڈرائیا۔ کوُڑی کِریا ڈوُنگھا کھات، ساچا مندر نہ کوئے بنائیا۔ مَیں کِتھے لبھاں اپنا سجّن ساک، ناتا کیہدے نال جُڑائیا۔ کوئی نظر نہ آئی کھاٹ، بستر سوہنا کِتھے وچھائیا۔ کِس ول نیتر کر کے لواں جھاک، پریم پیار نہ کوئے ودھائیا۔ جِدھر جاواں کلجُگ جیِو کہن کِتھوں آئی نار کمذات، سانوُں رہی سمجھائیا۔ اسیں کی جانیئے کؤن کملاپات، سِری بھگوان کَون اکھوائیا۔ ساڈی مایا رانی نال بات، جو سانوُں سُکھ ساگر وِچ رکھائیا۔ جِس دے نال کام کرودھ لوبھ موہ ہنکار دی ملِے دات، ناری پُرش دوویں رنگ رنگائیا۔ جے پربھ دا منگیئے ساتھ، بُھکھے ننگتے دئے کرائیا۔ سانوُں کوئی لوڑ نہیں آب حِیات، مدھ پیالہ پی خوشی منائیا۔ ایتھے موہنی ہووے ساتھ، اَگا ویکھن کوئے نہ جائیا۔ تُوں بھگتی کِتھوں آ گئی دیون والی دات، اپنا روُپ وٹائیا۔ اسیں سارے اُٹھ کے اکھّراں والا کریئے پاٹھ، گُٹکے ہتّھاں وِچ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھگتی ویکھ ویکھ اپنا مُکھ چُھپائیا۔ بھگتی کہے چنگا بھائی، ایہو صاحِب میرے سچ بھائیا۔ اپنی کرنی کرو جاؤ چائیں چائیں، من آسا نال مِلائیا۔ سِری بھگوان دیونہار سزائی، ویکھے تھاؤں تھائنیا۔ پُتر
دھی نار کنت سجّن مِتر یار دوست کوئی نہ دئے گواہی، اَگے ہو نہ کوئے چُھڈائیا۔ جِس ویلے کروگے ہاہاکار ماروگے دھاہیں، اُچی کوُک کوُک سُنائیا۔ چُھڈا میری مائی، ممتا تیری رہی ستائیا۔ مَیں اوس ویلے دسّاں دسّو مَیں کِہا تُسیں شؤدائی، شاید اوہ ویلا سب دے اُتے آئیا۔ کلجُگ جیِو کہن ایہہ کی دِتا جنائی، کِتھوں آواز لگائیا۔ بھگتی کہے اوہ آیا بےپرواہی، جِس نے لکّھ چؤراسی رچن رچائیا۔ پُچھن کِتھے وسے دُھر دا ماہی، بَیٹھا ڈیرہ لائیا۔ بھگتی کہے جن بھگتاں سنگ پِھرے چائیں چائیں، اوہناں پِچھے مَینوُں وی گیا بُھلائیا۔ در در ہو کے پاندھی راہی، دھوُڑ خاک رہیا اُڈائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ شہنشاہ دسّ میرے حضوُر، در بھگتی رہی سُنائیا۔ کی عرض میری منظوُر، منسا میری پوُر کرائیا۔ سچ بخش چرن دھوُڑ، مَیں لواں خاک رمائیا۔ سِری بھگوان کِہا ایہہ کوُڑ، دُھر دی دھار دیاں جنائیا۔ پہلوں میرے بھگت کر منظوُر، اپنا سنگ رکھائیا۔ اینہاں نال جھگڑا کریں نہ کوئے فتوُر، اپنا آپ نہ کوئے جنائیا۔ اوہ نہیں کرنی جِس ویلے سوُلی چاڑھیا منصوُر، شمس پُٹھی کھّل لُہائیا۔ کھیل کراں جِؤں نامے چھپر چھایا بن مزدوُر، دھنےّ کٹورے بھاگ لگائیا۔ ایہناں وڈیائی دیواں ضرور، جِنہاں اپنا سنگ نِبھائیا۔ جوتی جوت سروُپ ہرِ، آپ اپنی کِرپا کر، سچ سچ سچ رہیا سُنائیا۔ پربھ ٹھاکر مَیں نِمانی، چرن کوَل نِمسکاریا۔ دھنّ بھاگ تیرا بھگت ملِے ہانی، سوہنا جوڑ جُڑا رہیا۔ مَیں چھڈی چارے کھانی ناتا سرب تُڑا لیا۔ مَیں نیویں ہو کے بھراں پانی، پیِسن پیِس سیو کما لیا۔ سُن کے بچن کہے شاہ سُلطانی، پُرکھ اکال حُکم جنا لیا۔ مَیں تَینوُں اپنے بھگت دے گھر دی بناواں رانی، سوہنا تیرا سیِس گُندا لیا۔ تیری اکّھ کر مستانی، نشہ اِکو نام چڑھا لیا۔ تیرا جوبن نوُر نوُرانی، ڈلک اِکو اِک وکھا رہیا۔ بستر دیواں سچّی مِہروانی، درزی چولی نہ کوئی بنا رہیا۔ انگ لگاواں سچ نِشانی، ساچی ونڈن آپ ونڈا رہیا۔ جوتی جوت سروُپ ہرِ، آپ اپنی کِرپا کر، سِر تیرے ہتّھ ٹِکا رہیا۔ سِر تیرے ہتّھ ٹِکاواں گا۔ جن بھگت نال پرناواں گا۔ سوہنی ڈولی پاواں گا۔ بن کہار اُٹھاواں گا۔ پانی وار وکھاواں گا۔ ماں پِیو بن جاواں گا۔ بستر سوہنے تن چُھہاواں گا۔ سیِس اوڈھن اِک ٹِکاواں گا۔ گہنہ گھاڑت اگمّ گھڑاواں گا۔ نکّ سُہاگ نتّھ پواواں گا۔ ٹِکاّ بِندی اوہ لگاواں گا۔ جِس نال جائیں چھوہ، اوہ میرا روُپ روُپ روُپ وِچوں وکھاواں گا۔ دوہاں دا اِکو بجھّے موہ، مُحبّت اپنے نال رکھاواں گا۔ جگت وِچولا آپے ہو، ڈھولا راگ سُناواں گا۔ کایا مندر اندر ساچی
تاکی بوُہا کُنڈا آپے ڈھو، اندر وڑ کے اپنا بھیو کُھلاواں گا۔ ساچی سیجے جانا سؤں، سوہنے تھاں بہاواں گا۔ بھگتی جے تَینوُں بھگتاں دا گؤں، گہر گمبھیِر ہو کے ایہناں نوُں تیرے نال مِلاواں گا۔ جے رل کے دوویں اِک وار کہو، دوہاں دی بیننتی اپنی جھولی پاواں گا۔ بےشک دو جہان لؤ بھؤں، بِن اپنی کِرپا نظر کِسے نہ آواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچّا رنگ رنگاواں گا۔ بھگتی کہے مَیں بھگتاں جوگی، پربھ جُگت دِتی سمجھائیا۔ بھگت کہن ساڈے نال نہ ہوویں کھوٹی، پھڑ کے ڈنڈا رہے وکھائیا۔ بھگتی کہے مَیں منگاں دال روٹی، ہور لوڑ رکھاں نہ رائیا۔ جن بھگت کہن اساں سادھاں وانگوُں ہون نہیں دینا موٹی، پہلوں سچ دئیے جنائیا۔ بھگتی کہے مَینوُں منظوُر تُہاڈی لنگوٹی، بستر ہور نظر نہ آئیا۔ جن بھگت کہن سانوُں نہیں چاہیدی ایہہ وگن والی جھوٹی، جو کھا پی کے بَیٹھے مُکھ بھوائیا۔ اسیں اوسے توں منگدے جِس توں منگدے کوٹن کوٹی، پیِر پَیغمبر بَیٹھے دھیان لگائیا۔ اوسے ویلے بھگتی کہے مَیں غریِبنی ہوچھی، نیتر نیَناں نیِر وہائیا۔ میری پِچھلی بُدھ رہی نہ کھوٹی، مَینوُں پربھوُ دِتا سمجھائیا۔ بےشک جن بھگتو تُسیں دُھر دے مانک موتی، مَینوُں کچّے تند نوُں نال لؤ پروئیا۔ جن بھگت کہن اسیں کوئی نہیں پڑھنی پوتھی، اندر وڑ دھیان نہ کوئی لگائیا۔ دھیان کر جگاؤنی نہیں کوئی جوتی، نکّ رگڑ نہ کِسے منائیا۔ روٹ دینا نہیں نہ کوئی روٹی، سیویاں تھال نہ کِسے چڑھائیا۔ بکرے وڈّھ کے نہیں دینی بوٹی، زیارت کرن کوئی نہ جائیا۔ اسیں اِکو گلّ سوچی، جو صاحِب سچےّ سمجھائیا۔ جِس نوُں لِکھ کے دسّیا رَوداس چمارے موچی، مُشکل پربھوُ حل کرائیا۔ اسیں اوس دوارے رکھّی اوٹی، اِک دھیان لگائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ بھگتی کہے کرو ترس، نِمانی ہو کے رہی جنائیا۔ بھگت کہن ساڈا بھگوان نال نہیں ہُن فرق، تیری لوڑ نظر نہ آئیا۔ بھگتی کردے کوٹن کوٹ گئے غرق، اپنا آپ نہ سکے بچائیا۔ اسیں تَینوُں کیِتا ترک، ناتا نہ کوئی رکھائیا۔ تُوں نہیں کملیئے ویکھیا پربھ ساڈے نال تُرے اُتے سڑک، ساچا گیِت سُنائیا۔ گوبِند نال لا کے شرط، انتم پوُر کرائیا۔ اؤہ ویکھ آیا پرت، جیہڑا دُھر دا سچّا ماہیِا۔ ساڈے اُتے نہ کریں ہرکھ، یاری ایہدے نال لگائیا۔ تیری چال چنگی نہ لگّے بھاویں تُریں مٹک مٹک، گرُمُکھ تیرے اُتے اکّھ نہ کوئی ٹِکائیا۔ جِناں پربھ دا درس پایا نِدھڑک، دھڑکن کوئی رہن نہ پائیا۔ بھگتی کہے ہائے مَیں کِتھے جاواں لٹک، پھاسی والا راہ نظر کوئی نہ آئیا۔ جن بھگت کہن اسیں ککّھ
کان کیِتا اکٹّھا، ہتّھ پھڑاؤنا تیرے نال رسّا دئیے وٹائیا۔ اودھروں راجا سنڈھا آیا نسّا، آ کے رہیا سُنائیا۔ ماں دا بھجّا آیا اِکو بچّہ، رو کے دئے دُہائیا۔ او بھگتو ساڈے نکّ وِچوں کڈھو نّتھا، ایہدے گل وِچ دیؤ پائیا۔ اسیں ویکھیئے ایہناں اکّھاں، جیہڑیاں سانوُں بھرم بُھلائیا۔ ایہہ پِھردی رہی سادھاں پِچھے تیِرتھ تٹاں، اپنی پت گوائیا۔ ایہہ وِکدی رہی کاغذاں اُتے ہٹّاں، پَیسا دھیلا مُل پوائیا۔ ایہہ کام کرودھ دیاں بنّھدی رہی گٹّھاں، اپنا بھار وکھائیا۔ ہُن وس پےَ گئی جٹّاں، جِنہاں سنڈے نّتھ کے سِدھی رحل لگائیا۔ گڈّے جوڑ کے والے پھٹّاں، جوُلے ہیٹھاں کنھ دبائیا۔ اُتوں مارن واہو دا سٹّاں، ڈِچکر مار ہِلائیا۔ رَوداس ویکھی جائے اکّھاں، پربھ کی بنت بنائیا۔ سنگت خوشیاں نال ہسّ کے کہے اچّھا، ویکھو دِتی سزائیا۔ بھگتی کہے مَیں ایہناں کولوں کِداں بچاں، اپنا پلّوُ لواں چُھڈائیا۔ بچن سِنگھ کہے مَیں تَینوُں سچ دسّاں، سوہنی گلّ سمجھائیا۔ تُوں چرن تکّ نال اکّھاں، نیویں ہو کے سیِس جھُکائیا۔ جے مِہر کر جائے مِہروان اِک رتا، بھورے وِچوں بھورا ورتائیا۔ تَینوُں پِھر پربھ دیاں رکّھاں، سِری بھگوان دئے وڈیائیا۔ جوتی جوت سروُپ ہرِ، آپ اپنی کِرپا کر، ساچی کار رہیا کمائیا۔ بھگتی کہے مَیں چرن تکّیا، جو بالوُ ریت اُتے ٹِکائیا۔ اوتھے میری لگّ گئی اکّھیا، اکّھ اکّھ نال بدلائیا۔ جِدھر ویکھاں اَگے پِچھے سجےّ کھبّےگُرمُکھ نظری آئیاں سخیاں، سوہنی بنت بنائیا۔ خوشیاں نال ہسّ ہسّ اوہناں ٹُٹن وکّھیاں، وکھّری دھار چلائیا۔ بھگتی کہے تُہاڈے پِچھے پِچھے آواں نٹّھی آں، اپنا پندھ مُکائیا۔ جِس ویلے ہُن ہو کے اِکٹّھیاں، مَیں پَیر جھاڑاں چائیں چائنیا۔ مَیں دِلوں ہؤلی ہؤلی پُچھاں کی ایہہ کچّیاں، اپنی ہوچھی مت بنائیا۔ پتہ نہیں اوہ کِس طرح کیِتیاں پکّیاں، پکّی تھاں کیہڑی بہہ کے پکائیا۔ اِکو کہن ساڈیِاں پربھ نال لگّ گئیاں اکّھیاں، دوُجا نظر کوئے نہ آئیا۔ چولیِاں دِسن باہروں پھٹیاں، اندر چمکے نوُر الاہیِا۔ ہوئی حَیران سِری بھگوان ایہہ کِتھوں سانبھ کے رکھیاں، کِیوں نال لےَ کے آیا سچّا ماہیِا۔ رَوداس کِہا اُٹھ ویکھ بھگتی ایہہ ساریاں سچّیاں، جِنہاں سچ مِلی وڈیائیا۔ تڑپھن جِؤں پانی بِن مچّھیاں، پربھ وِچھوڑا سہہ سکن نہ رائیا۔ پریم پریِتی اندر اندر رتّیاں، ایہناں وِچوں اِک رنگ رتڑی مائیا۔ جِس صاحِب سرنائی ڈھٹّھیاں، چرن کوَل مِلی سرنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ بھگتی کہے ایہہ کی ہویا، حَیرانی ہِردے وِچ چُھپائیا۔ کِتھوں اُٹھیا نؤ سؤ چُرانوے چؤکڑی جُگ دا سویا، اپنی اکّھ کُھلائیا۔ مَینوُں یاد آئے اوہ ویلا جِس ویلے کہن شیر سِنگھ مویا،
سارے پئی دُہائیا۔ جاں ویکھیا آ کے اَگے نالوں نواں نروئیا، سوہنا روُپ وٹائیا۔ کر پرکاش پُریِاں لوآں، اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، اپنا ویس وٹائیا۔ کِتھوں آیا ویس وٹا کے، سچکھنڈ دوار تجائیا۔ گُر اوتار پیِر پَیغمبر نال رلا کے، اپنا حُکم سُنائیا۔ دُھر دی دھار اِکا بنھا کے، سچّا راہ چلائیا۔ اَگے نہ پِچھے نہ ہُن سِدھا بھگتاں مِلیا آ کے، بِن میری بھگتیؤں لئے اُٹھائیا۔ مَیں کی ایہنوُں پُچھاں جا کے، جِس میری بنت بنائیا۔ جن بھگتاں نوُں وڈیا کے، انمنگی دیندا جائے وڈیائیا۔ مَینوُں بَیٹھی بَیٹھی نوُں دُکھڑا پا کے، ہؤکے رہیا کڈھائیا۔ مَیں کِیوں آکھاں جا کے، کِس اَگے حال سُنائیا۔ میری کیِتی چلیا ڈھاہ کے، پِچھلی صفا مِٹائیا۔ جن بھگت اِکو نام سُنا کے، اپنے نال مِلائیا۔ گُرمُکھ گُرسِکھ ہرجن ہربھگت سوہنگ مہاراج شیر سِنگھ وِشنوُں بھگوان گا کے، سؤن بانہہ سرہانے دے چائیں چائنیا۔ مَیں بَیٹھی نیَن شرما کے، اکّھ نہ کوئی کُھلائیا۔ جِنہاں پربھوُ مِلیا آ کے، گُرمُکھ پِچھلا لیکھ مُکائیا۔ اوہناں چرناں کول بہواں اپنا جھٹ لا کے، میری لوڑ رہی نہ رائیا۔ اّچھا ایہناں پِچھے میرے اُتے ترس جائے کما کے، جنہاں اپنا رنگ رنگائیا۔ لکّھ چؤراسی وِچوں تھوڑے سِکھ سِکھیا والے اُٹھا کے، سُرتی شبد مِلائیا۔ سِر اپنا ہتّھ ٹِکا کے، گوُڑھی نیِند سُآئیا۔ انتم گودی جاواں اُٹھا کے، درگاہ ساچی دھام سُہائیا۔ جوتی جوت مِلاواں آ کے، اپنے وِچ سمائیا۔ گُرسِکھ کِیوں پچھتائے پُرکھ اکال پِیو بنا کے، پِتا اِکو نظری آئیا۔ ویکھو حال اَگے جا کے، جیہڑے بَیٹھے ڈیرہ لائیا۔ منجیِت جگدیِش سورن گُردَیال گئے سمجھا کے، سِنگھ پال پردہ اُٹھائیا۔ جو سوہنگ مہاراج شیر سِنگھ وِشنوُں بھگوان آؤن دھیا کے، تِنہاں سچکھنڈ ملِے وڈیائیا۔ سوہنے بِستر رکھےّ وِچھا کے، ساچی سیج بنائیا۔ پھڑ باہوں اُتے بہا کے، خوشیاں نال لِٹائیا۔ پِھر اپنے نال سوا کے، چھاتی اُتے ٹِکائیا۔ ہؤلی جیہی اُتوں لاہ کے، چرناں وِچ بہائیا۔ گُر اوتاراں کی وکھا کے، اِکو وار سمجھائیا۔ لکّھ چؤراسی وِچوں ایہہ لیاندے بچا کے، جِنہاں اپنے چرن ٹِکائیا۔ ایہہ بیٹے سچےّ باپ دے، جِس باپ نوُں عیسیٰ موُسیٰ محمد گئے گائیا۔ جِس نوُں نانک گوبِند پُرکھ اکال آکھدے، شہنشاہ شاہ پاتشاہ والی دو جہان اکھوائیا۔ اُسدے گھر مندر بھگت سنت سوہنے پروہنے سُتے آ کے، جِنہاں سُتّیاں نہ کوئی اُٹھائیا۔ پِچھلا گھر آئے تجا کے، اگلے گھر ملِے وڈیائیا۔ بھگتی بَیٹھی مُکھ چُھپا کے، نیتر نیَناں نیِر وہائیا۔ چار جُگ سارے گئے پچھتا کے، ہؤکا لےَ لےَ سرب لوکائیا۔ کوٹن کوٹ گئے تیِرتھیں نہا کے، گنگا گوداوری جمنا سُرستی چُبیِاں لائیا۔
گلوں پھاہ آئے کٹا کے، چؤراسی گیڑ نہ کوئے وکھائیا۔ گُر اوتار پیِر پَیغمبر سب گئے سِکھا کے، پروردِگار اِکو سب دا سچّا ماہیِا۔ جِس نوُں آپ درشن دیوے آ کے، اکل کل دھاری اپنا پھیرا پائیا۔ لکّھ چؤراسی وِچوں چوری گُرمُکھ لےَ جائے اُٹھا کے، آؤندا جاندا نظر نہ آئیا۔ کِرپا کر روندیاں جائے ہسا کے، ہسدیاں خوشی وکھائیا۔ اُجڑیاں جائے وسا کے، سوہنے گھر بہائیا۔ پریم پریِتی وِچ پھسا کے، ناتا اپنے نال جُڑائیا۔ جُگ چؤکڑی جن بھگتاں پِچھے گیا نہ کوئی ہٹا کے، پلّوُ سکیا نہ کوئی چُھڈائیا۔ گُر اوتار پیِر پَیغمبر ویکھو ویکھن سارے آ کے، ساچی سُلکھنی گھڑی مِلی وڈیائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، سچ سِنگھاسن اِک وِچھا کے، واسنا سب دی پوُر کرائیا۔
۲۲ ماگھ ۲۰۲۰ بِکرمی کھیڑا سِنگھ دے گھر پِنڈ ہیم راج پُر ضِلع گُرداس پُر
جن بھگتاں ویکھ وڈّا پرتاپ، بھگتی دئے دُہائیا۔ جِنہاں سمجھیا اپنا آپ، گھر مِلیا بےپرواہیِا۔ گرِہ جپدے اِکو جاپ، دُھر دا سچّا نام دِھیائیا۔ گُر اوتار پیِر پَیغمبر جِس دی اُپجے شاخ، شہنشاہ اِکو نوُر خُدائیا۔ آد جُگاد جُگ چؤکڑی پاک، پتت روُپ نہ کوئی وٹائیا۔ سنت سُہیلا سچّا ساک، سجّن اپنا ناؤں دھرائیا۔ سیوک ہو کے یاچک داس، مان ابِھمان مِٹائیا۔ سچ بھنڈارا کھول ہاٹ، وست اتوٹ ورتائیا۔ گُرمُکھاں دے کے دات، ترِسنا جگت بُجھائیا۔ سِر رکھّ اپنا ہاتھ، مِہر نظر ٹِکائیا۔ لہنا چُکیا تیِرتھ تاٹ، اٹھسٹھ نہ کوئی وڈیائیا۔ سچ سرنائی گئے لاگ، پربھ چرن دھیان لگائیا۔ جنم جنم دی بُجھی آگ، ترےَگُن موُل چُکائیا۔ گھر میلا کنت سُہاگ، سُہنجنی وجےّ ودھائیا۔ سُرت سُہنجنی گئی جاگ، نیتر اکّھ کُھلائیا۔ کہے دھنّ وڈیائی میرے بھاگ، پربھ ساچی بنت بنائیا۔ گھر دِیپک جوت جگا چراغ، نِرگُن نوُر کرے رُشنائیا۔ میٹ مِٹائے اندھیری رات، گھُپ اندھیرا نہ کوئی رکھائیا۔ ہرجن پوُری کرکے خواہش، خالص اپنا میل مِلائیا۔ جوتی جوت سروُپ ہرِ، آپ اپنی کِرپا کر، وڈ داتا دَیا کمائیا۔ بھگتاں ویکھ میلا بھگوَنت، نیَنن نیَن شرمائیا۔ مَیں کیہڑا بناواں کنت، ہرِ کنت ہرجن گئے پرنائیا۔ گھر مؤلی سچ بسنت، رُت رُتڑی اِک مہکائیا۔ جِس دا بھیوَ نہ پائے کوئی پنڈت، شاستر سِمرت دین دُہائیا۔ جِس
دا وسیرا باہر بہِشت جنّت، سَورگ چرناں ہیٹھ دبائیا۔ جِس دی صِفت صالاح کردے سنت، مہما راگ ناد دُھن گائیا۔ جِس دی رچنا لکّھ چؤراسی جیِو جنت، چارے کھانی سوبھا پائیا۔ جوتی جوت سروُپ ہرِ، آپ اپنی کِرپا کر، سو بھگتاں رہیا وڈیائیا۔ جن بھگتاں ویکھ پربھ دا میِت، متا اپنے نال پکائیا۔ اوہناں کَون کرے ریِس، جِنہاں مِلیا ہرِ رگھورائیا۔ اندر باہر پِھرے جگدیِش، جگدیِشر سیو کمائیا۔ مَیں نیتر ویکھیا ٹھیِک، اپنی اکّھ کُھلائیا۔ پربھ دی دھار اِک باریِک، جیِو جہان سمجھ نہ آئیا۔ سارے بندے جان شریک، لاشریِک اِکو نظری آئیا۔ جِس دے وِچ اگمّ تؤفیِق، بےانت وڈّی وڈیائیا۔ جِس دا کلمہ اِک حدیِث، کائنات کرے پڑھائیا۔ جِس نوُں پیِر پَیغمبر صوُفی رہے اُڈیِک، چاروں کُنٹ نیَن اُٹھائیا۔ سو صاحِب پہلا لیکھا کرن آیا تصدیِق، آپ اپنا ویس وٹائیا۔ جِس دی سمجھ نہ آئے کِسے تاریخ، تواریخ دیوے نہ کوئی گواہیِا۔ جِس دواریوں منگدے سارے بھیِکھ، خالی جھولی اَگے ڈاہیِا۔ سو صاحِب آیا نزدیِک، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، جن بھگتاں نام کرے بخشیِش، رحمت اپنی آپ کمائیا۔ بھگتاں ویکھ ہویا مِلاپ، بھگتی نیَن نیَن شرمائیا۔ ایہہ اِکو کردے جاپ، دُھر دی سچ پڑھائیا۔ کی ایہناں سکاں آکھ، میری سمجھ نہ کوئی چتُرائیا۔ جِنہاں صاحِب ملِے رات، دِوس خوشی منائیا۔ اٹّھے پہر دے کے ساتھ، سگلا سنگ بنائیا۔ لیکھا مُکا پوُجا پاٹھ، اِکو دُھر دا راگ سمجھائیا۔ اندر وڑکے سُنے بات، گھر گھر وِچ پھیرا پائیا۔ شبد سنیہُڑا جائے آکھ، دُھر آواز لگائیا۔ ہرِ چرن پریِتی سچّا نات، جگت کُٹمب نہ کوئی وڈیائیا۔ لکّھ چؤراسی کھیل بازی گر ناٹ، سوانگی اپنا سوانگ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بھگتاں ویکھ مِلدا ڈھوآ ڈھو، بھگتی نیَناں نیِر وہائیا۔ آتم پرماتم نال گیا چھوہ، شہنشاہ اپنا انگ لگائیا۔ نام جپائے سوہنگ سو، سوبھا اپنی دئے سمجھائیا۔ دو جہاناں کرکے لو، پُریاں لوآں پندھ مُکائیا۔ جُگ چؤکڑی وستوُ ساری کھوہ، انت خزانے اپنے پائیا۔ جن بھگتاں رکھّ کے موہ، مُحبّت اِکو اِک لگائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ جن بھگتاں ویکھ مِلیا پربھ، گھر وجّدی دِسے ودھائیا۔ بھگتی کہے میرا اوتھے کی حج، دیوے کوئے نہ مان وڈیائیا۔ صاحِب سَتگُر پُرکھ اکال مار آواز لیَن سدّ، سوہنا ناد وجائیا۔ بےپرواہ ایہنا دسّیا چجّ، چار جُگ نہ کِسے سمجھائیا۔ سَتجُگ تریتا دواپر کلجُگ لاؤندا رہیا پج، ول چھل دھاری کھیل کِھلائیا۔ انتم
کلجُگ ہو پرگٹ، نِرگُن نِروَیر ویس وٹائیا۔ دُھر دی مہما شبد اکتھ، پُرکھ اکال دئے سمجھائیا۔ جن بھگتاں مارگ دسّ، بھانڈا بھرم بھؤ بھنّائیا۔ سچ سنیہُڑا دے کے ہسّ، خوشیاں جاگ کُھلائیا۔ تُوں میرا مَیں تیرے وس، سوہنگ روُپ سمائیا۔ ایتھے آ کے سب دی ہووے بس، جوتی جوت جوت سمائیا۔ نِرگُن دھار نِرگُن پرکاش، نِرگُن نوُر نوُر ڈگمگائیا۔ نِرگُن کھیل پُرکھ ابناس، سرب گُنتاس نِرگُن اکھوائیا۔ نِرگُن پرِتھمی نِرگُن آکاش، گگن منڈل نِرگُن روُپ وٹائیا۔ نِرگُن سوُرج چند نِرگُن منڈل منڈپ راس، نِرگُن گوپی کاہن نچائیا۔ نِرگُن پیِر پَیغمبر گُر اوتار بنائے داس، نِرگُن کلمہ نبی رسوُل پڑھائیا۔ نِرگُن جن بھگتاں دیوے دات، ساچی وست نام ورتائیا۔ نِرگُن کھیلے کھیل تماش، ہرِ کرتا وڈ وڈیائیا۔ نوَ نؤ چار پِچھوں جن بھگتاں سنگ کر مِلاپ، میل مِلاوا آپ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ کمائیا۔ بھگتاں سنگ کرنی کردا، ہرِ کرتا پُرکھ اکال۔ آد جُگاد جُگ چؤکڑی کدے نہ مردا، مات گربھ نہ جنمے دیِن دَیال۔ لکّھ چؤراسی اندر اپنا نوُر دھردا، سچکھنڈ نِواسی وسنہارا سچکھنڈ سچّی دھرمسال۔ جن بھگت سنیہڑا اِکو گھلّدا، شبد سروُپی وجےّ تال۔ لیکھا دیوے پوُرب جنم پھل دا، وست امولک جھولی ڈال۔ نظارہ دِکھائے نِہچل دھام اٹل دا، جِس مندر وسے بھگوان۔ دِیپک جوتی اِکو بلدا، نہ کوئی دوُجا شمع دان۔ تیل بتّی نال کوئی نہ رلدا، نہ کوئی ماچس لاوے آن۔ ایہو کھیل سوُرے سربنگ دا، آد جُگاد رہے دو جہان۔ گُرمُکھ وِرلا اوتھے لنگھدا، جِس کِرپا کرے سِری بھگوان۔ جوتی جوت سروُپ ہرِ، آپ اپنی کِرپا کر، ہرجن دیوے ساچا مان۔ بھگتاں ویکھ مندر مِلدا، بھگتی پِچھے پِچھے دئے دُہائیا۔ جِنہاں پربھ دِلبر مِلیا دِل دا، دِلگیِر نظر کوئے نہ آئیا۔ لیکھا چُکے بجرکپاٹی سِل دا، سُکھمن ٹیڈھی نہ کوئے اٹکائیا۔ ہرِجوُ اٹّھے پہر اندر پِھردا، سوہنا روُپ دھرائیا۔ پریم پیار دا نِجھر جھِرنا جھِردا، امرت بوُند اِک ٹپکائیا۔ کوُڑی کِریا گیڑا گِڑدا، سچ سچ دئے پرگٹائیا۔ پنچ وِکار چھیڑا چِھڑدا، جوُٹھ جھوُٹھ ڈیرہ ڈھاہیِا۔ ایہہ حُکم پربھوُ دا چِر دا، جُگ چؤکڑی پہلے سارے گئے سُنائیا۔ لیکھا چُکائے تیجے تِل دا، تِلک للاٹی مستک لگائیا۔ آپ رکھائے اپنا بِردا، بےپرواہ بےپرواہیِا۔ ویکھنہارا ہرجن ہِردا، ہر ہِردے وِچ سمائیا۔ کلجُگ انتم جامہ پہن کے سوُربیِر شیر دا، بھبک اِکو اِک سُنائیا۔ ویکھو کمّ اگمّڑے دلیر دا، سچ دلیری اِک جنائیا۔ گُر اوتار پَیغمبر وِشن برہما شِو حُکمے اندر گھیردا، اِکو حُکم منائیا۔ پِچھلا لہنا سرب نبیڑدا، لیکھا
رہیا چُکائیا۔ جن بھگتاں پھڑ پھڑ ر سا می ا، مِلنی آپ کرائیا۔ لیکھا چُکیا پاس فیل دا، رِعایت کر گُرمُکھ سارے پاس کرائیا۔ پربھ نوُں مؤقع نہیں وِہلے بہن دا، وِہلا بَیٹھا سب کُجھ رہیا کرائیا۔ آد جُگاد جُگ چؤکڑی لیکھا جانے لیَن دیِن دا، لہنا دینا سب دی جھولی پائیا۔ صِفتی اکھّر نہیں کوئی صِفت کہن دا، صِفت صِفت وِچ سکے نہ کوئے صالاحیا۔ اِکو انت مارگ پربھ چرنی ڈھہن دا، چرن ڈھٹّھیاں ملِے وڈیائیا۔ ملِے دوارا سچکھنڈ رہن دا، جِس گھر اِکو پِتا پُرکھ اکال نظری آئیا۔ سُکھ ملِے جن بھگتاں وِچ بہن دا، منمُکھ سنگ نہ کوئے رکھائیا۔ ناتا تُٹے ساک سیَن دا، سجّن اِکو بےپرواہیِا۔ اوتھوں مزہ آوے سوہنگ مہاراج شیر سِنگھ وِشنوُں بھگوان کہن دا، جِس گھر میرا تیرا تیرا میرا اِکو نوُر ظہوُر وِچ سمائیا۔
۲۲ ماگھ ۲۰۲۰ بِکرمی سوَرن سِنگھ دے گھر پِنڈ حیات نگر ضِلع گُرداس پُر
سچکھنڈ دوارے سچ اِکٹّھ، گُر اوتار دھیان لگائیندا۔ پیِر پَیغمبر سرنی رہے ڈھٹّھ، سجدہ سیِس سرب نِوائیندا۔ دوئے جوڑ واسطہ رہے گھّت، پلّوُ گل وِچ سرب لٹکائیندا۔ کِرپا کر پُرکھ سمرتھ، تُدھ بِن نظر کوئے نہ آئیندا۔ سرِشٹ سبائی اِک اونکار تکّ، نیتر نیَن تُدھ بِن اَور نہ کوئے کُھلائیندا۔ جگت جہان مارگ دے دسّ، سچ سندیسہ تیرا نام وڈیائیندا۔ سَتجُگ تریتا دواپر کلجُگ جوتی جوت سروُپ ہرِ، آپ اپنی کِرپا کر، اِکو دے ساچا ور، در تیرے الکھ جگائیندا۔ گُر اوتار پیِر پَیغمبر کرن پُکار، سچکھنڈ کھیل رچائیا۔ سو پُرکھ نِرنجن کِرپا دھار، ہرِ پُرکھ نِرنجن تیری سرنائیا۔ اِک اونکار دے آدھار، آد نِرنجن ہو سہائیا۔ ابناسی کرتے تیری دھار، سِری بھگوان تیرا رنگ رنگائیا۔ پاربرہم ہو اُجیار، برہم ویکھ تھاؤں تھائنیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، در تیرے سیِس نِوائیا۔ گُر اوتار پیِر پَیغمبر منگن دات، درگاہ ساچی منگ منگائیا۔ کِرپا کر پُرکھ سمراتھ، شہنشاہ تیری وڈیائیا۔ کلجُگ ویکھ اندھیری رات، ساچا چند نظر نہ آئیا۔ شاستر سِمرت وید پُران گیِتا گیان اِنجیل قُرآن جو لِکھ کے گئے گاتھ، بن کاتب قلم شاہیِا۔ سرِشٹ سبائی بُھلی نات، ساچا جوڑ نہ کوئے جُڑائیا۔ آتم پرماتم دیوے کوئے نہ ساتھ، پاربرہم برہم نظر کِسے نہ آئیا۔ من واسنا گھر گھر پِھرے نار کمذات، گُرمت
چلے نہ کوئے چتُرائیا۔ جھگڑا پیا ذات پات، جوُٹھ جھوُٹھ کرے لڑائیا۔ سجّن دِسے نہ کوئے ساک، سیَن میل نہ کوئے مِلائیا۔ سادھ سنت جھوُٹھی ملکے خاک، تن بِبھوُتی رہے رمائیا۔ ہِردے اندر تَینوُں کوئی نہ کرے یاد، مندر مسجد شِودوالے مٹھ سارے کوُک کوُک سُنائیا۔ دُھن آتمک کوئے نہ سُنے ناد، انحد راگ نہ کوئے الائیا۔ انتر آتم امرت ملِے نہ کِسے سواد، اٹھسٹھ تیِرتھ بھجّن واہو داہیِا۔ جوتی جوت سروُپ ہرِ، آپ اپنی کِرپا کر، اِکو دے ساچا ور، مِہروان ہو سہائیا۔ گُر اوتار پیِر پَیغمبر رہے آکھ، سِرجنہار تیری سرنائیا۔ اسیں لِکھ کے آئے بھوِکھت واک، شاستر سِمرت وید پُران دیِن گواہیِا۔ سرِشٹ سبائی کھول کے آئے تاک، پردہ جگت اُٹھائیا۔ سرب جیِاں دا داتا پُرکھ ابناس، ابناسی کرتا بےپرواہیِا۔ جُگ چؤکڑی منڈل منڈپ برہمنڈ کھنڈ گوپی کاہن پاوے راس، نِرگُن نِروَیر اپنی کار کمائیا۔ آتم برہم جِس دی ذات، لکّھ چؤراسی وِچ سمائیا۔ انڈج جیرج اُتبُھج سیتج پُچھ وات، چاروں کُنٹ کھوج کھوجائیا۔ پرا پسنتی مدھم بَیکھری دے دُھر دی دات، جِس دی آواز راگ ناد رہے جس گائیا۔ اگمّ اتھاہ بےپرواہ اِک وجائے اپنا ساز، تندی تند تار نظر کِسے نہ آئیا۔ کایا مندر ساچے اندر وڑ کے کھولے راز، رحمت اپنی اِک کمائیا۔ ساچا کلمہ دے نماز، حُجرہ اِکو حق سُہائیا۔ ویکھنہارا اُچ محراب، محبوُب خُدا بےپرواہیِا۔ پروردِگار کھیل تماش، لاشریِک اِک وکھائیا۔ صدی چؤدھویں اُمت نبی رسوُل ہوئی گُستاخ، بیوہ روُپ دِسے لوکائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیری ساچی سرن تکائیا۔ گُر اوتار پَیغمبر رہے بول، بِن رسنا جِہوا راگ الائیا۔ ابناسی کرتے تول تول، نام ترازوُ ہتّھ اُٹھائیا۔ سَتجُگ تریتا دواپر کلجُگ لوکمات وجا کے آئے ڈھول، ہرِ جوُ تیرا نام اُٹھائیا۔ آتم پرماتم وسیں کول، بُھلے جیِو نہ کوئے لوکائیا۔ گھر گھر ویکھو پردھ کھول، گرِہ دِسے بےپرواہیِا۔ سَت سوامی رہیا مؤل، مؤلا اپنا روُپ وٹائیا۔ مات گربھ دا پوُرا کرے قؤل، لِو چُھٹکی پھیر لگائیا۔ دیوے وڈیائی اُپر دھؤل، دھرنی دھرت دھوَل سوبھا پائیا۔ سُتّا رہے نہ کوئے انبھول، نانک نِرگُن گیا سمجھائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، تُدھ بِن نظر کوئے نہ آئیا۔ گُر اوتار پیِر پَیغمبر منگن منگ، شہنشاہ تیرے ہتّھ وڈیائیا۔ لکّھ چؤراسی جیِو جنت سادھ سنت ہویا ننگ، تیرا نام دوشالہ اوڈھن نظر کِسے نہ آئیا۔ کوُڑی کِریا بھار چُکیا اپنی کنڈ، سیِس جگدیس نہ کوئے نِوائیا۔ سرِشٹ سبائی آتم بِن پرماتم ہوئی رنڈ، ہرِ جوُ کنت نہ کوئے ہنڈھائیا۔ چاروں کُنٹ دِسے بھیکھ پکھنڈ، کوُڑ کُڑیارا
بھجےّ واہو دائیا۔ مایا کارن تیرے نام دا گاؤندے چھند، تیری قیمت ہٹّو ہٹّ پوائیا۔ ساچا ناتا سکے کوئے نہ گنڈھ، انتر آتم لِو نہ کوئے لگائیا۔ کِسے ہتّھ نہ آوے پرمانند، انند منگل بِن سخیاں کوئے نہ گائیا۔ بھانڈا بھرم دوُئی ڈھائے کوئے نہ کندھ، ہؤمے ہنگتا گڑھ نہ کوئے تُڑائیا۔ گھر شبد ناد دُھن سُنے نہ کوئے مردنگ، سُرت شبد نہ کوئے مِلائیا۔ آتم سیجا دِسے نہ کوئے پلنگ، لکّھ چؤراسی کوُڑی سیج ہنڈھائیا۔ نِرمل جوت نہ چڑھے چند، گھر گھر دیوے بتّی رہے جگائیا۔ تیرے مِلن دا کِسے ہتّھ نہ آوے ڈھنگ، گُر کا شبد گئے بُھلائیا۔ در در گھر گھر نچّدے ویکھے ملنگ، ڈؤروُ ڈنکا اِک وجائیا۔ دوویں نیتر ہوئے اندھ، نِج نیتر نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، صاحِب تیری اوٹ تکائیا۔ گُر اوتار پیِر پَیغمبر منگن اوٹ، اوٹ پُرکھ اکال رکھائیا۔ سچکھنڈ نِواسی تیرا سُہائے قِلعہ کوٹ، بنک دوار وجےّ ودھائیا۔ ساڈی کوئی نہ چلے سوچ، سوچ سمجھ سار کوئے نہ پائیا۔ تیرا کھیل ویکھیا لوک پرلوک، دو جہان تیری سرنائیا۔ تیرا ڈھولا گاؤندے چؤداں لوک، چؤداں طبق کلمہ رہے گائیا۔ جوتی جوت سروُپ ہرِ، آپ اپنی کِرپا کر، اِکو دے دُھر دا ور، پوُرب لیکھا لیکھے لائیا۔ گُر اوتار پیِر پَیغمبر رکھّن آس، آساونت تیری وڈیائیا۔ جُگ چؤکڑی لگّی بُجھا پیاس، ترِسنا ترِپت کرائیا۔ کلجُگ انتم ویکھ خاص، خالص اپنا روُپ وٹائیا۔ چاروں کُنٹ اندھیری رات، چؤدس چند نہ کوئے رُشنائیا۔ پِھری دروہی کائنات، کلمہ نبی نہ کوئے پڑھائیا۔ ساچا سوہے نہ کوئی محراب، محبوُب نظر کِسے نہ آئیا۔ پیالہ ملِے نہ حیات آِب، نام خُماری نہ کوئے چڑھائیا۔ تن وجائے نہ کوئے رباب، سچ ستار نہ کوئے ہِلائیا۔ حق دِسے نہ کوئے احباب، ملِے میل نہ سچّے ماہیِا۔ جوتی جوت سروُپ ہرِ، آپ اپنی کِرپا کر، اِکو دے اگّما ور، جِس دا لیکھا سمجھ کوئے نہ پائیا۔ گُر اوتار پیِر پَیغمبر منگن بھیِکھ، بِھکھیا اِکو دے ورتائیا۔ نؤ سؤ چُرانوے چؤکڑی جُگ تیری رکھّدے آئے اُڈیِک، لیکھا لِکھت وِچ سمجھائیا۔ کلجُگ انتم پرگٹ ہووے لاشریِک، امام اماما بےپرواہیِا۔ چار ورناں کرے اِک پریِت، سانجھا یار نوُر الاہیِا۔ آتم پرماتم کلمہ ڈھولا گاوے نام سنگیِت، مندر مسجد سارے دئے تجائیا۔ نظری آئے ترےَگُن داتا اِک اتیِت، روُپ رنگ نہ کوئے جنائیا۔ جن بھگتاں کایا کرے ٹھنڈی سیِت، مارگ اپنا دئے سُہائیا۔ لیکھ چُکائے اوُچ نیِچ، راؤ رنک رنگ رنگائیا۔ ویکھ وکھانے ہست کیِٹ، دیِن مذہب نہ کوئے لڑائیا۔ آتم انتر وسے چیِت، پرماتم بھیو کُھلائیا۔ سب دی بدلے نِرگُن ریِت، من واسنا دئے گوائیا۔ بُدھ مت
کرے ٹھیِک، ساچی سِکھیا اِک پڑھائیا۔ جِس نوُں لبھدے مندر مسیِت، سو گھر کایا بَیٹھا بےپرواہیِا۔ نِت ڈھولا گاؤ اوہدا گیِت، جوتی جوت سروُپ ہرِ، آپ اپنی کِرپا کر، اِکو دے ساچا ور، سچ سچ تیری سرنائیا۔ گُر اوتار سارے کہن، کہہ کہہ رہے سُنائیا۔ ابناسی کرتے ویکھ اپنے نیَن، دو جہان کھوج کھوجائیا۔ سچّا کوئی نہ دِسے ساک سجّن سیَن، ناتا بِدھاتا نہ کوئے جُڑائیا۔ کوُڑی کِریا کلجُگ وہے وہن، پار کنارہ نظر کِسے نہ آئیا۔ ہویا سنگ بھائی بھَین، مات پِت سیج سُہائیا۔ مایا ممتا گھر گھر پِھرے ڈَین، سادھاں سنتاں رہی کھائیا۔ کِسے نظر نہ آوے اِک نرائن، نار کنت ہوئی جُدائیا۔ جوتی جوت سروُپ ہرِ، آپ اپنی کِرپا کر، اِکو دے اپنا ور، اپنا لیکھا پوُر کرائیا۔ گُر اوتار پیِر پَیغمبر دیون زور، مِنت نال مِلائیا۔ جُگ چؤکڑی سانوُں دِتا تور، دُھر سندیسہ حُکم سُنائیا۔ اِکو منتر دے کے فُرنا پھور، لکّھ چؤراسی کری کُڑمائیا۔ اپنے ہتّھ وِچ رکھّ کے ڈور، گُڈی دو جہان چڑھائیا۔ اسیں پا کے آئے شور، ہوکا دے دے سرب لوکائیا۔ جیِو جنت کر کے ویکھو غؤر، ہر گھٹ وسے بےپرواہیِا۔ اُس پربھ دی سب نوُں لوڑ، جِس لکّھ چؤراسی بنت بنائیا۔ چرن کوَل چِت لؤ جوڑ، من اُٹھ نہ دہ دِش دھائیا۔ کایا اندر اندھیرا گھور، ساچا مندر لؤ سُہائیا۔ جوتی جوت سروُپ ہرِ، آپ اپنی کِرپا کر، اِکو دے ساچا ور، صاحِب سَتگُر سب تیرا دھیان لگائیا۔ سِری بھگوان ہو مِہروان، ہرِ کرتا آپ جنائیا۔ گُر اوتار کرو دھیان، پیِر پَیغمبر اکّھ کُھلائیا۔ اپنا بھوِکھت لِکھیا ویکھو آن، حرف بحرف پڑھائیا۔ صدی بیِسویں ہوئے مِہروان، بیِس بیِسا دئے سمجھائیا۔ چؤداں صدیاں کھیل مہان، خالق خلق دِتا کرائیا۔ محمد تیرا صِدق اِیمان، صدی چؤدھویں تیرے نال ہنڈھائیا۔ عیسیٰ موُسیٰ دے کے گئے پَیغام، نعرہ حق حق جنائیا۔ سچ تؤفیِق اِک امام، صاحِب سَتگُر بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُر اوتاراں پیِر پَیغمبراں دُھر دا دھرواسا رہیا دھرائیا۔ گُر اوتار پیِر پَیغمبر لہنا تکّ، ہرِ تقویٰ اِک جنائیندا۔ کرے نبیڑا حقو حق، حقیِقت سب دی ویکھ وکھائیندا۔ شاستر سِمرت وید پُران گیِتا گیان اِنجیل چارے کھانی بانی گئی تھکّ، کلجُگ جیِو بھیو کوئے نہ پائیندا۔ رسنا جِہوا بتّی دند پڑھ پڑھ گئے اکّ، آتم پرماتم میل نہ کوئے مِلائیندا۔ کرے کھیل پُرکھ سمرتھ، سِری بھگوان ویس وٹائیندا۔ وسنہارا گھٹ گھٹ، انتر کھوج کھوجائیندا۔ جوتی جوت سروُپ ہرِ، آپ اپنی کِرپا کر، ساچا لیکھا آپ جنائیندا۔ ساچا لیکھ ہرِ جناؤندا اے۔ سرِشٹ سبائی اِک
سُناؤندا اے۔ پِچھلا لیکھا یاد کراؤندا اے۔ لوکمات دھیان لگاؤندا اے۔ پَیغمبراں پیِراں آپ وکھاؤندا اے۔ نؤ کھنڈ پرِتھمی ستّ دیِپ دہ دِشا پھول پھولاؤندا اے۔ دیِن مذہب ذات پات دِسے ونڈ، ساچا رنگ نہ کوئے رنگاؤندا اے۔ کوُڑی کِریا سِر تے پنڈ، جگت جہان نظری آؤندا اے۔ بےشک بتّی گاؤندے دند، ہِردے ہرِ نہ کوئے وساؤدا اے۔ رسنا لاؤندے کوُڑا گند، امرت جام نہ کوئے پِلاؤندا اے۔ ٹُٹی سکے نہ کوئے گنڈھ، چُھٹکی لِو نہ کوئے جناؤندا اے۔ بھیو جانے نہ ہنگ برہم، پاربرہم نہ ویکھ وکھاؤندا اے۔ کایا ماٹی پوچ چمّ، انتر دُرمت مَیل نہ کوئے دُھواؤندا اے۔ جوتی جوت سروُپ ہرِ، آپ اپنی کِرپا کر، ویکھنہارا در در، گھٹ گھٹ اندر پھول پھولاؤندا اے۔ گھٹ گھٹ اندر ویکھنہارا، ہرِ شبدی گُر سمجھائیا۔ کلجُگ انتم کوُڑ پسارا، کوُڑی کِریا دئے دُہائیا۔ گُر کا شبد کرے نہ کوئے وِچارا، نانک نِرگُن سِکھیا گئے بُھلائیا۔ حق حقیِقت بولے نہ کوئے جَیکارا، گوبِند ڈنکا فتح نہ کوئے وجائیا۔ امرت پیوے نہ کوئی ٹھنڈا ٹھارا، دھیِرج جت سَت سنتوکھ نظر کِسے نہ آئیا۔ دوئے جوڑ سیِس جھُکا کردے چرن نِمسکارا، انتر نِیونا سمجھ کِسے نہ پائیا۔ اندر وڑ کایا محل چڑھ سَتگُر مِلیا نہ کِسے کنارہ، نام چوٹ من نہ کِسے لگائیا۔ پایا درس نہ ہرِ کرتارا، پُرکھ اکال نہ کوئے منائیا۔ کاغذ قلم شاہی لِکھ لِکھ ہارا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ رہیا دِرڑائیا۔ سچ دِرڑائے سِری بھگوَنت، اِکو وار سمجھائیا۔ کوئی نہ دِسے ساچا پنڈت، بودھ کرے پڑھائیا۔ مُلّا شیخ مسائق ننگت، کلمہ نبی نہ کوئے جنائیا۔ گیانی وِدوانی ہو کے منگت، مایا اَگے جھولی ڈاہیِا۔ روٹیاں کارن کرن مِنّت، کوُڑا تال وجائیا۔ پربھ مِلن دی کوئی نہ کرے ہِمّت، محل اٹل درسن کرن کوئے نہ آئیا۔ جوتی جوت سروُپ ہرِ، آپ اپنی کِرپا کر، ویکھ وکھائے تھاؤں تھائنیا۔ ویکھ وکھائے کلجُگ ریِت، چاروں کُنٹ دُہائیا۔ مُلّا بانگ دئے مسیِت، کنّاں وِچ اُنگلاں پائیا۔ اُچی اُچی مارے چیِک، چیِک چِہاڑا اِک سُنائیا۔ پروردِگار نہ مِلیا انڈیِٹھ، جلوہ نوُر کرے رُشنائیا۔ سچ پریم نہ لگّی پریِت، پریِتم مِلیا نہ بےپرواہیِا۔ جوتی جوت سروُپ ہرِ، آپ اپنی کِرپا کر، ویکھنہارا تھاؤں تھائنیا۔ پنڈت پڑھ سُنائے ویداں گیِت، شاستراں راگ الائیا۔ بھیوَ نہ چُکیا اوُچ نیِچ، کھتری برہم شوُدر وَیش اِکو روُپ نظر نہ آئیا۔ تن من نہ ہویا ٹھانڈا سیِت، انتر اگن نہ کِسے بُجھائیا۔ ٹھاکر سوامی نہ وسیا چیِت، چتربُھج روُپ نہ کوئی وٹائیا۔ آد شکتی ہوَن اہوُتیاں کیِتا گھِرت، اگنی وِچ پائیا۔ جوتی جوت سروُپ ہرِ، آپ اپنی کِرپا کر، کرے کھیل
ساچا ہرِ، کلجُگ کِریا ویکھے چائیں چائنیا۔ کلجُگ کِریا رہی کوُک، اُچی کوُک کوُک سُنائیا۔ پاربرہم پت پرمیشور مَیں جِدھر ویکھاں دِسے جھوُٹھ، سچ نظر کِتے نہ آئیا۔ گرنتھی پنتھی مَیتھوں بَیٹھے روُٹھ، پُرکھ اکال نہ کوئے منائیا۔ گُر گوبِند کرکے گیا اِکو مُٹھ، انت وکھّرے وکھّرے راہ چلائیا۔ دَیال ہو کے ایہناں اُتے تُٹھ، مِہر نظر اُٹھائیا۔ چار ورن تیرے سُت، کایا بُت تیری جوت نظری آئیا۔ جے کوئی سَتگُر نانک کولوں لئے پُچھ، اوہ دسےّ سب دا پِتا پُرکھ اکال نظری آئیا۔ کلجُگ انتم لوکمات بدل کر اپنا رُخ، مِہروان مِہر نظر اُٹھائیا۔ کوُڑی کِریا تیری کِرپا نال اگنی جاوے بُجھ، ترےَگُن بھٹّھ نہ کوئی تپائیا۔ تَینوُں مِلیاں نِرمل ہووے بُدھ، تیرا روُپ ہر گھٹ ویکھن چائیں چائنیا۔ جوتی جوت سروُپ ہرِ، آپ اپنی کِرپا کر، اِکو دے دُھر دا ور، دُھر داتے درگاہ تیری سیِس اِکو نظری آئیا۔