کتب خانہGranth 16 (Shahmukhi)

۲۲ ماگھ ۲۰۲۰ بِکرمی بیِبی ہربنس کؤر دے گھر گزری پُر ضِلع گُرداس سپُر

صاحِب سَتگُر مؤج سچ، سچ سچ دِرڑائیندا۔ آتم پرماتم مارگ دیوے دسّ، گھر گھر وِچ بھیو چُکائیندا۔ نِرمل نوُر جوت کر پرکاش، اندھ اندھیر مِٹائیندا۔ جوتی جوت سروُپ ہرِ، آپ اپنی کِرپا کر، سچ کرنی آپ کمائیندا۔ مؤج اندر سد مِہروان، مِہر نظر رکھائیندا۔ مؤج اندر کھیل اپار، ہرِ سَتگُر آپ کرائیندا۔ ویکھ وکھائے سُکھمن ٹیڈھی غار، ٹیڈھی بنک پار کرائیندا۔ ایِڑا پِنگل کرے نِمسکار، نِیوں نِیوں سجدہ اِک وکھائیندا۔ نؤ دوارے کڈھ کے باہر، ساچا راگ اِک جنائیندا۔ جوتی جوت سروُپ ہرِ، آپ اپنی کِرپا کر، ساچی کھیل اِک وکھائیندا۔ مؤج اندر سَتگُر میِتا، گہر گمبھیِر دَیا کمائیا۔ دسّنہارا ساچی ریِتا، کرے سچ پڑھائیا۔ دھام وکھائے اِک انڈیِٹھا، گرِہ مندر پڑدہ لاہیِا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ مؤج اندر صاحِب سَتگُر ٹھاکر، ٹھوکر نام لگائیندا۔ نِرمل کرم کر اُجاگر، دُرمت مَیل دھوائیند ا۔ شبد ونجارا بنا سوداگر، ساچا ہٹّ کُھلائیندا۔ در آیاں گھر دیوے آدر، سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ مِہر اندر سَتگُر، اپنی دَیا کمائیا۔ لیکھا جان پوُرب دُھر، ویکھے تھاؤں تھائنیا۔ سچ پریِتی لئے جوڑ، سُرتی شبدی میل مِلائیا۔ مِٹھا کرے ریِٹھا کؤڑ، امرت رس بھرائیا۔ جوتی جوت سروُپ ہرِ، آپ اپنی کِرپا

کر، دیونہارا ساچا ور، ساچا کھیل آپ وکھائیا۔ مؤج اندر کھیل اتھاہ، ہرِ سَتگُر آپ وکھائیندا۔ نِرگُن سرگُن بن ملاح، بیڑا آپ ترائیندا۔ پار کنارے لئے لا، تٹ اِکو سوبھا پائیندا۔ کوُڑا پندھ دئے مُکا، سچ دوارا اِک وکھائیندا۔ ٹھاکر سوامی ہو سہا، گھر سجّن نظری آئیندا۔ جوتی جوت سروُپ ہرِ، آپ اپنی کِرپا کر، اپنی کرنی آپ کمائیندا۔ مؤج اندر ہرِ بھگوَنت، پربھ اپنا کھیل وکھائیا۔ کایا چولی چاڑھ رنگت، سوہنی بنت بنائیا۔ گڑھ توڑ ہؤمے ہنگت، نِون-سو-اکھّر اِک جنائیا۔ بودھ اگادھ بن کے پنڈت، بھیوَ ابھیدا دئے کُھلائیا۔ سُرتی شبد مِلاوا کرے نار کنت، گھر سجّن سیج سُہائیا۔ جوتی جوت سروُپ ہرِ، آپ اپنی کِرپا کر، سچ دوارے دیوے مان وڈیائیا۔ مؤج اندر گہر گمبھیِر، اگمّ اگمّڑا کھیل کرائیندا۔ پنج تت کایا ویکھ سریِر، ترےَگُن لیکھا موُل چُکائیندا۔ امرت بخش ٹھانڈا سیِر، اگنی تت بُجھائیندا۔ بجرکپاٹی پڑدہ چیِر، سچ دوارا اِک وکھائیندا۔ کرے کھیل بےنظیِر، نیتر نیَن اکّھ کُھلائیندا۔ مِہروان ہو بدل تقدیِر، تدبیِر اپنی اِک سمجھائیندا۔ ساکھیات سوَچّھ سروُپ وکھائے اپنا ظہوُر، نوُر نوُرانہ نظری آئیندا۔ جوتی جوت سروُپ ہرِ، آپ اپنی کِرپا کر، گھر ساچا کھیل کھلائیندا۔ مؤج اندر سِری بھگوان، ہرِ کرتا کھیل وکھائیا۔ جن بھگتاں دے کے بھگتی دان، مارگ ساچے لائیا۔ سنتاں راگ سُنائے سچّی دُھنکان، انراگی راگ الائیا۔ گُرمُکھاں بخش چرن دھیان، ساچا اِشٹ دیوَ سمجھائیا۔ گُرسِکھ کر در پروان، سِر اپنا ہتّھ ٹِکائیا۔ شبد وِچولا بن کے وِچ جہان، ساچا مندر دئے وکھائیا۔ دیِا باتی جگے مہان، کملاپاتی کرے رُشنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیا۔ مؤج اندر کھولے بھید، بھیو آپ جنائیا۔ مؤج اندر آد جُگاد کھیڈ، سو پُرکھ نِرنجن دَیا کمائیا۔ نِرگُن نِرگُن مانے سیج، سچکھنڈ دوارا سوبھا پائیا۔ مؤج اندر پُرکھ اکال دیِن دَیال شبدی سُت دُلارا دیوے بھیج، تھِر اپنے کندھ اُٹھائیا۔ وِشن برہما شِو لِکھے لیکھ، جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ مؤج اندر ترےَگُن مایا، ہرِ اپنی بنت بنائیا۔ مؤج اندر پنج تت پرگٹایا، اپ تیج وائے پرِتھمی آکاش رنگ رنگائیا۔ مؤج اندر شبد سُت سیوا لایا، ساچا حُکم سُنائیا۔ مؤج اندر برہمنڈ کھنڈ رچن رچایا، پُریِاں لوآں گھاڑت لیا گھڑائیا۔ مؤج اندر اپنا حُکم سُنایا۔ مؤجوُدہ ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ جنائیا۔ مؤج اندر وِشن دھار، وِشنوُں دئے وڈیائیا۔ مؤج اندر برہم پسار، پاربرہم کھیل رچائیا۔ مؤج اندر

شنکر اُجیار، دھوُاں دھار سوبھا پائیا۔ مؤج اندر بن ٹھٹھیار، ترےَ پنج میلا سہج سُبھائیا۔ مؤج اندر بن داتار، داتاری ناؤں دھرائیا۔ مؤج اندر بھر بھنڈار، وِشنوُں اِکو وست وکھائیا۔ مؤج اندر حُکمران، دُھر دا حُکم سُنائیا۔ مؤج اندر شہنشاہ سُلطان، شاہ پاتشاہ اکھوائیا۔ مؤج اندر ہو پردھان، سچ پردھانگی آپ کمائیا۔ مؤج اندر نام نِشان، سچکھنڈ دوارے آپ جھُلائیا۔ مؤج اندر کھول دُکان، گُر شبد دئے سمجھائیا۔ لکّھ چؤراسی کر پروان، انڈج جیرج اُتبُھج سیتج دئے وڈیائیا۔ چارے بانی دے گیان، پرا پسنتی مدھم بَیکھری آپ سُنائیا۔ کرے کھیل زِمیں اسمان، دھرت دھوَل سوبھا پائیا۔ جوتی جوت سروُپ ہرِ، آپ اپنی کِرپا کر، مؤج اندر وسے بےپرواہیِا۔ مؤج اندر شہنشاہ، ہرِ کرتا کھیل کرائیندا۔ مؤج اندر بےپرواہ، پردہ آپ اُٹھائیندا۔ مؤج اندر رچن رچا، رچ رچنا ویکھ وکھائیندا۔ مؤج اندر نِرگُن سرگُن ویس وٹا، لکّھ چؤراسی روُپ وکھائیندا۔ مؤج اندر نؤ دوارے کھول کُھلا، گھر گھر وِچ سوبھا پائیندا۔ مؤج اندر گُروُ اوتار لئے پرگٹا، شبد سندیسہ نام سُنائیندا۔ مؤج اندر گُر اوتار پیِر پَیغمبر سیوا لا، ساچا راگ الائیندا۔ مؤج اندر شاستر سِمرت وید پُران لئے پڑھا، دُھر دی سِکھیا اِک دِرڑائیندا۔ مؤج اندر گیِتا گیان لیا اُپا، اِنجیل قُرآنا مسلہ حل کرائیندا۔ مؤج اندر بودھ اگادھ شبد سُنا، گُروُ گُردیو سوامی کھیل کھلائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی سیوا آپ جنائیندا۔ مؤج اندر جُگ جُگ چار، چار کُنٹ وڈیائیا۔ مؤج اندر کھانی چار، صاحِب سَتگُر راہ وکھائیا۔ مؤج اندر بول جَیکار، بانی چارے راگ الائیا۔ مؤج اندر وید چار، چؤہاں ورناں دئے سمجھائیا۔ مؤج اندر ہو تیار، نِرگُن جوت شبد روُپ وٹائیا۔ مؤج اندر پنج تت کر پسار، برہم مت اِک سمجھائیا۔ مؤج اندر من مت بُدھ کھول کِواڑ، گھر وستوُ دئے ٹِکائیا۔ مؤج اندر کام کرودھ لوبھ موہ ہنکار، آسا ترِسنا نال مِلائیا۔ مؤج اندر مایا ممتا ہؤمے ہنگتا کر تیار، کوُڑی کِریا بندھن پائیا۔ مؤج اندر کر پیار، برہم اپنا میل مِلائیا۔ جوتی جوت سروُپ ہرِ، آپ اپنی کِرپا کر، ساچا بھیو آپ کُھلائیا۔ مؤج اندر دُھر دا میلا، ہرِ سَتگُر آپ کرائیندا۔ مؤج اندر گُروُ گُر چیلا، چیلا گُروُ روُپ سمائیندا۔ مؤج اندر سَتگُر ملِے سہیلا، سجّن اِکو نظری آئیندا۔ مؤج اندر لکّھ چؤراسی گھّلنہارا جیلا، انت جم کی پھاسی آپ تُڑائیندا۔ جوتی جوت سروُپ ہرِ، آپ اپنی کِرپا کر، ساچا مارگ آپے لائیندا۔ مؤج اندر بن ملاح، بیڑا لوکمات چلائیا۔ مؤج اندر سَتجُگ تریتا دواپرکلجُگ روُپ وٹا، انوُپ اپنی

سوبھا دئے سمجھائیا۔ مؤج اندر نِرگُن سرگُن دئے پڑھا، شبد ناد دُھن شنوائیا۔ مؤج اندر چؤداں لوک ویکھے تھاں تھاں، تھان تھننتر سوبھا پائیا۔ مؤج اندر چؤداں طبقاں کُنڈا لاہ، بےنظیِر اپنی نظر ٹِکائیا۔ مؤج اندر نوُری نوُر ہو خُدا، لاشریِک اپنی کار کمائیا۔ مؤج اندر محبوُب مُرشد مُرید دئے پناہ، سِر اپنا ہتّھ ٹِکائیا۔ مؤج اندر سرِشٹ سبائی کرے فنا، مؤج اندر اُتپت لئے کرائیا۔ مؤج اندر بخش گُناہ، مؤج اندر گیڑا لکّھ چؤراسی بُھآئیا۔ جوتی جوت سروُپ ہرِ، آپ اپنی کِرپا کر، ساچی کھوج اپنے ہتّھ رکھائیا۔ مؤج اندر سنت کمار، لوکمات دِتی وڈیائیا۔ مؤج اندر براہ اوتار، یگے پُرش حیگریو نال مِلائیا۔ مؤج اندر نر نرائن کر تیار، کپل مُن سوبھا پائیا۔ مؤج اندر دتّا ترےَ دے ادھار، رِکھبھ دیوَ کرے کُڑمائیا۔ مؤج اندر پرِتھوُ پاوے سار، مؤج اندر مچھ کچھ ملِے وڈیائیا۔ مؤج اندر دھننتر ویکھے نیَن اُگھاڑ، مؤج وِچ ہنسا سوہنگ راگ گائیا۔ مؤج وِچ نر سِنگھ روُپ اپار، مؤج اندر نر نراَین ہری روُپ وٹائیا۔ مؤج اندر باوَن آئے بلدھار، بھیکھادھاری بھیکھ وٹائیا۔ مؤج اندر پرس رام کر پار، مؤج اندر رام رمئیا گھنئیا ناؤں رکھائیا۔ مؤج اندر وید ویاسا بن لِکھار، دُھر دا لیکھا گیا سمجھائیا۔ مؤج اندر کاہنا کرِشنا مُکند منوہر لکھمی نرائن ہو اُجیار، بنسری نام گیا وجائیا۔ مؤج اندرموُسیٰ دے اِک نظار، کوہ طوُر سوبھا پائیا۔ مؤج اندر عیسیٰ دے پَیغام، سچ سندیسہ گیا سُنائیا۔ مؤج اندر محمد دئے کلام، کلمہ کائنات پڑھائیا۔ حُکمے اندر نِرگُن نانک کر پروان، سرگُن نانک سوبھا پائیا۔ مؤج اندر شبد ناد دھنکان، دُھر دا راگ سُنائیا۔ مؤج اندر انگد انگیکار کیِتا آن، امرداس سیوا سیوا وِچ وکھائیا۔ مؤج اندر رام داس کر پردھان، دُھر دا لیکھا دِتا سمجھائیا۔ مؤج اندر گُروُ ارجن ہو مِہروان، شبدی دات جھولی پائیا۔ مؤج اندر ہرِ گوبِند کر بلوان، میِری پیِری روُپ وٹائیا۔ مؤج اندر ہررائے جگت نِشان، ہرِ کرِشن سوبھا پائیا۔ مؤج اندر تیغبہادر لےَ کے بلیدان، سیِس جگدیس بھیٹ چڑھائیا۔ مؤج اندر گوبِند سُت کر پروان، سیِس اپنا ہتّھ ٹِکائیا۔ مؤج اندر کھنڈا کھڑگ دے کِرپان، بُھینگ روُپ جنائیا۔ مؤج اندر امرت کر پان، آتم انتر کھیل کھِلائیا۔ مؤج اندر کھیل کر بھگوان، ساچی سیوا سرب لگائیا۔ مؤج اندر نیہاں ہیٹھاں رکھےّ بال انجان، مؤج اندر شمشیِر بھیٹ چڑھائیا۔ مؤج اندر ماچھوُواڑے منگے دان، مؤج اندر ویکھنہارا ویکھ وکھائیا۔ مؤج اندر پُرکھ اکال، اکل کل دھاری آپ کرائیا۔ مؤج اندر گُروُ اوتار پیِر پَیغمبر دیون دُھر فرمان، سچ سندیسہ مات سُنائیا۔ مؤج اندر بھگتاں

دیوے سچ نِشان، دُھر نِشانہ اِک رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہروان وڈّی وڈیائیا۔ مؤج اندر سرِشٹ سبائی جگ، جگ جیون داتا رچن رچائیندا۔ مؤج اندر کھیل سوُرا سربنگ، ہرِ کرتا ویکھ وکھائیندا۔ مؤج اندر گوبِند سوہلا ڈھولا راگ گائے چھند، انادی ناد آپ وجائیندا۔ آتم پرماتم دیونہارا انند، انند انند وِچوں پرگٹائیندا۔ مؤج اندر جُگ جنم وِچھڑے نِرگُن سرگُن لئے گنڈھ، نام ڈوری تند بندھائیندا۔ مؤج اندر نؤ کھنڈ پرِتھمی کرے کھنڈ کھنڈ، چارے کھانی بچیا کوئی رہن نہ پائیندا۔ جوتی جوت سروُپ ہرِ، آپ اپنی کِرپا کر، ساچا رنگ آپ وکھائیندا۔ مؤج اندر چاڑھے رنگ، رنگ رنگیِلا اِک اکھوائیندا۔ مؤج اندر آتم سیج پلنگ، سوہنے بستر سوبھا پائیندا۔ مؤج اندر ناد ڈھول مردنگ، گھر تُریا راگ سُنائیندا۔ مؤج اندر چاڑھ چند، جوتی نوُر ڈگمگائیندا۔ مؤج اندر آتم سروور سچّی گنگ، دُھر دی دھار آپ وہائیندا۔ جوتی جوت سروُپ ہرِ، آپ اپنی کِرپا کر، ساچی مؤج آپ سمجھائیندا۔ ساچی مؤج سَتگُر چرن، آد جُگاد ملِے وڈیائیا۔ نیتر کُھلے ہرن پھرن، پڑدہ دُئی دوَیت چُکائیا۔ لیکھا چُکے مرن ڈرن، لکّھ چؤراسی پندھ مُکائیا۔ جوتی جوت سروُپ ہرِ، آپ اپنی کِرپا کر، ساچی کھوج دئے جنائیا۔ ساچی کھوج سَتگُر میِت، مِتر پیارے آپ جنائیندا۔ ساچی کھوج کایا مندر مسیِت، گُردوار اِکو اِک وکھائیندا۔ ساچی کھوج اندر ملِے اوُچ نیِچ، راؤ رنکاں اِکو گھر وکھائیندا۔ کھوج اندر تن من جائے بھیج، جوتی جوت سروُپ ہرِ، آپ اپنی کِرپا کر، مِہر نظر نیَن اُٹھائیندا۔ ساچی کھوج سَتگُر منت، منتر نام دِرڑائیا۔ کھوج اندر مہما اگنت، سِری بھگوان صِفت صالاحیِا۔ مؤج اندر مؤج مانن گُرمُکھ وِرلے سنت، جِنہاں پربھ اپنی دَیا کمائیا۔ ساچی مؤج اندر جو وِچھڑی سوَانی مِلی نار کنت، سرن ساچی جوڑ جُڑائیا۔ جوتی جوت سروُپ ہرِ، آپ اپنی کِرپا کر، اِکو مؤج دئے وکھائیا۔ ساچی کھوج پربھ دے نال، نالِش کوئی رہن نہ پائیا۔ جِتھے وسن شاہ کنگال، اوُچ نیِچ نظر نہ آئیا۔ سیوا کرے بن دلال، شبدی روُپ وٹائیا۔ حقیِقت ویکھے حق حلال، سچ تؤفیِق خُدائیا۔ حق وکھائے اُچ محراب، محبوُب پردہ لاہیِا۔ سجدہ نِیوں کرے آداب، بندنا اِک سمجھائیا۔ جوتی جوت سروُپ ہرِ، آپ اپنی کِرپا کر، کھوج وِچ حُجرہ رہیا وکھائیا۔ کھوج وِچ مُجرا راگ ناد سنگیِت، سوہنا تال وجائیا۔ مؤج اندر کر بخشیِش، رحمت اپنا نام ورتائیا۔ نام سَت کلمہ حدیِث، حضرت کرے پڑھائیا۔ میلا میلے ٹھیِک، کوُڑا ٹھیِکر بھنّ وکھائیا۔ جن بھگتاں رکھےّ

سدا اُڈیِک، نِت نوِت دھیان لگائیا۔ جوتی جوت سروُپ ہرِ، آپ اپنی کِرپا کر، گُرمُکھاں اِکو مؤج وکھائیا۔ گُرمُکھ مؤج مانن پربھ درس، اَور نہ کوئی چتُرائیا۔ جنم جنم دی میٹن بھٹک، ترِسنا ترِکھا بُجھائیا۔ زِمیں اسمان کوئی نہ جائے اٹک، منزل پندھ انت مُکائیا۔ جم دی پھاسی کدے نہ جاون لٹک، جِنہاں مِلیا بےپرواہیِا۔ پربھ مِلن دی کوئی نہ سمجھو ہتک، سب مِلو چائیں چائنیا۔ لکّھ چؤراسی وِچوں مانَس جنم جگت، اُتم سِریشٹ نظری آئیا۔ جے اِس ویلے رہ گیا فرق، پِھر وقت گیا ہتّھ نہ آئیا۔ سَتگُر نانک لا گیا شرط، بِن ہرِ نامے پار نہ کوئی کرائیا۔ کبیِر جُلاہا کہے کوٹن کوٹ ہُندے ویکھے غرق، جو جوُٹھ جھوُٹھ سنگ نِبھائیا۔ کلجُگ جیوو کوُڑی کِریا کرو ترک، تُرت اپنا پُرکھ اکال منائیا۔ گُر اوتار پیِر پَیغمبر سب نوُں دسّ کے گئے اِشٹ، آتم پرماتم لؤ سمجھائیا۔ کِسے کمّ نہیں آؤنے سَورگ بہِشت، بِن سَتگُر چرن سانتک نہ کوئی کرائیا۔ جوتی جوت سروُپ ہرِ، آپ اپنی کِرپا کر، مؤج بہار اِک لگائیا۔ مؤج اندر کھِلے پُھل، ہرِ سَتگُر ویکھ وکھائیا۔ بِن پوُرے سَتگُر کوئی نہ پاوے مُلّ، قیمت سکے نہ کوئی چُکائیا۔ مانَس جنم نہ جاوے رُل، کوُڑے ہٹّ نہ کوئی وِکائیا۔ جے نانک گوبِند سندیسہ گئے بُھل، پِھر سُرتی لؤ جگائیا۔ تُسیں اوس صاحِب دی کُل، جو آپا وار بچّے نیہاں ہیٹھ گیا دبائیا۔ اوس دی مؤج وِچ رہ کے کدے نہ جاؤ ہُل، سِنمل روُپ نہ کوئی وٹائیا۔ امرت آتم جائے نہ ڈُلھ، سانت رکھّو سجّن بھائیا۔ جوتی جوت سروُپ ہرِ، آپ اپنی کِرپا کر، گُرمُکھاں مؤج دے وکھائیا۔ گُرمُکھ ویکھو ہرِ جوُ مؤجوُدہ، گھر کایا اندر ڈیرہ لائیندا۔ جگت وقت لنگھاؤ نہ کوئی بےہوُدا، ویہلا گُرمُکھ نظر کِسے نہ آئیندا۔ اپنے اصل نال رلاؤ سوُدا، کُل زر ساچی اِک بنائیندا۔ کِسے کمّ نہیں آؤنا پنج تت سوُسا، کایا ماٹی ہڈّا تن خاکی خاک سمائیندا۔ جِس دے پِچھے رُلدے گئے عیسیٰ موُسیٰ، محمد جِس دی اوٹ رکھائیندا۔ جِس دے پِچھے منصوُر سوُلی گیا چڑھکے کوُکا، نعرہ حق حق لگائیندا۔ صوُفی عاشق بندے رہے معشوُقا، مُشکل حل سرب کرائیندا۔ اوس دے کولوں سارے اپنا اپنا لؤ حقوُقا، حق سب دی جھولی پائیندا۔ جوتی جوت سروُپ ہرِ، آپ اپنی کِرپا کر، مؤج مُفلِساں آپ وکھائیندا۔ مؤج ویکھو پروردِگار، غریِب نِمانے رہیا ترائیا۔ مؤج اندر سانجھا یار، دُھر دا ناتا لئے جُڑائیا۔ مؤج اندر نِت نوِت آوے سنسار، نِرگُن سرگُن پھیرا پائیا۔ مؤج اندر بھگت اٹھاراں تار، صوُفاِں دِتی مان وڈیائیا۔ مؤج اندر سنتاں سُن پُکار، سَت سَتوادی ہوئے سہائیا۔ مؤج اندر گُرمُکھ گُرسِکھ لئے اُٹھال، پھڑ باہوں گود

بہائیا۔ مؤج اندر کھیل کرے دَیال، دیِناں اناتھاں دئے وڈیائیا۔ مؤج اندر رچ کے کھیل کال، لکّھ چؤراسی رہیا کھائیا۔ مؤج اندر رائے دھرم بہال، سچّا حُکم دِتا سمجھائیا۔ مؤج اندر چِتر گُپت لِکھار، لیکھا لِکھے بِن قلم شاہیِا۔ مؤج اندر جبرائیل میکائیل اسرافیل عزرائیل کر تیار، طرح طرح سمجھائیا۔ مؤج اندر جمدوُتاں دئے سہار، سِر اپنا ہتّھ ٹِکائیا۔ مؤج اندر لاڑی مؤت کرکے خبردار، سیِس مینہڈی آپ گُندائیا۔ مؤج اندر نؤ کھنڈ پرِتھمی ستّ دیِپ چار کُنٹ دہ دِشا ویکھے ویکھنہار، اپنا مُکھ نہ کِسے وکھائیا۔ مؤج اندر دُھر دا حُکم ورتے ورتار، نہ کوئی میٹے میٹ مِٹائیا۔ مؤج اندر جُگ چؤکڑی لیکھا لِکھ کے گئے تیئی اوتار، بھگت اٹھاراں ناد وجائیا۔ مؤج اندر عیسیٰ موُسیٰ محمد کرکے گئے پُکار، پروردِگار داتا نوُر الاہیِا۔ مؤج اندر نانک گوبِند اِک جوتی جلوہ جلال، ظاہر ظہوُر نظری آئیا۔ مؤج اندر سارے منگ کے گئے اِکو وار، ایکنکار سرنائیا۔ نؤ سؤ چُرانوے چؤکڑی جُگ بیِتن سنسار، کوٹن کوٹ کال وِہائیا۔ انت بھگوَنت سرب کنت اپنی کِرپا لیَنی دھار، دھرنی دھرت دھوَل ویکھ وکھائیا۔ نِہکلنک نِرگُن جوت لئے اوتار، شبدی گُروُ گُر دیوَ ڈنک وجائیا۔ وِشن برہما شِو کرنا خبردار، کروڑ تیتیِسا سُرپت اِند سویا کوئے رہن نہ پائیا۔ لکّھ چؤراسی پردہ پھولنا وِچ جہان، کوُڑی کِریا سب دے وِچوں باہر کڈھائیا۔ آتم پرماتم سب نوُں دینا اِک پیار، برہم پاربرہم سمجھائیا۔ سرب جیِاں دا بن کے سانجھا یار، ناتا اِک جُڑائیا۔ نانک نِرگُن کرکے گیا پُکار، پُرکھ اکال وڈّا شہنشاہیِا۔ جِس دا حُکم رہے جُگ چار، نہ کوئی میٹے میٹ مِٹائیا۔ سادھ سنت اوسے دا منگن دیِدار، نِج نیتر نیَن اُٹھائیا۔ بھگت بھگوَن کرن پیار، سچ پریِتی جوڑ جُڑائیا۔ صاحِب سَتگُر پُرکھ اکال، پاربرہم پت پرمیشور پروردِگار جے تیری آئے مؤج بہار، لکّھ چؤراسی پتّ ڈالی پھوُل مہکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ بہار گُرمُکھاں اندر اپنی پُھلواڑی دئے وکھائیا۔ نام کھوج جِس لیا مزہ، مُخالفت کوئے رہن نہ پائیا۔ چوراں اندرے اندر ملِے سزا، سِر سکے نہ کوئی اُٹھائیا۔ من واسنا اندر اُٹھ نہ بھجّا، دہ دِشا نہ ویکھ وکھائیا۔ سِر تے کال نگارہ دِسے نہ کوئی قضاع، قیامت بَیٹھے مُکھ چُھپائیا۔ جِنہاں منّی صاحِب سَتگُر دی رضا، تِنہاں رحیِم رحمان رحمت دئے کمائیا۔ جُگ چؤکڑی بھگت پیار پِچھے آئے بھجّا، لوکمات پھیرا پائیا۔ پریم پریِتی اندر بجھّا، چاروں کُنٹ ہتّھ کِتے نہ آئیا۔ گُرمُکھو اپنے سَتگُر نوُں دے کے ویکھو سدّا، گھر وِچوں ملِے چائیں چائنیا۔ بِن مکّے کعبیوں کرا دئے حجا، حضرت اِکو نوُر الاہیِا۔ کِسے نال

نہیں کردا دغا، جو دوئے جوڑ چرن دھیان لگائیا۔ پِچھے دھنےّ دا چاردا رہیا ڈھگّا وچھّا، کی تُہانوُں مِلن کدے نہ آئیا۔ ہُن لکّھ چؤراسی جیِو جنت اوسے دا بچّہ، وانگ بچّیا گود اُٹھائیا۔ جو گُرسِکھ گُر دا شبد کماوے ہووے سچّا، سچ سمجھو اوسے نوُں نظری آئیا۔ جے نہ آوے نانک لِکھیا لیکھ ہو جائے کچّا، پَیغمبر دیوے نہ کوئی گواہیِا۔ کِیوں ایہنا دوہاں اُچی منزل چڑھکے لییندا پتہ، جِس گھر ویکھن کوئی نہ جائیا۔ اُس دا لیکھ تُہاڈے اَگے رکھّا، گُروُ گرنتھ دئے گواہیِا۔ جِس بھاگ لگایا تت اٹّھا، اپ تیج وائے پرِتھمی آکاش من مت بُدھ جوڑ جُڑائیا۔ انتم اِس دے اندر ڈھکا، پرماتم ونڈ ونڈائیا۔ اِس ویکھن لئی تُہاڈے اندر اِک ہور لائی اکّھا، نِج نیتر کرکے جگت رہیا سُنائیا۔ اُس دے اُتے پربھ اپنا پردہ ڈھکا، بِن سَتگُر پوُرے سکے نہ کوئی اُٹھائیا۔ کوئی نہ جانے نِکاّ کہ وڈّا ، جِس جانیا تِس اپنا رنگ وکھائیا۔ سَتگُر شبد سد پریم پیار دا بُھکھا، نِت نوِت راہ رہیا وکھائیا۔ گُرمُکھو گُرسِکھو اپنے اندر اپنے نال کر لؤ متا، باہروں سنگی سنگ نہ کوئی رلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کھوج اندر جن بھگتاں چُکائے بھےَ ڈر، بھیانک نظر نہ آئیا۔ بھؤ ڈر بھےَ جائے بھجّ، بھجّڑا پِٹی مؤت لاڑی نیڑ رہن نہ پائیا۔ جو گُرسِکھ گُروُدوارے گئے سج، سوہنا آسن لائیا۔ اوہناں اندر ناد گیا وجّ، سوہنا راگ الائیا۔ گھر پت پرمیشور لیَن سدّ، بِن رسنا جِہوا بتّی دند ہِلائیا۔ گُرمُکھ گُرسِکھ ہرجن ہربھگت تیری وڈیائی تیرے ہتّھ، تیرا سَتگُر تیرا بھگوَنت تیرا کنت سد تیرے سنگ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھاں مؤج اندر سرب سنگت دئے ودھائیا۔

۲۳ ماگھ ۲۰۲۰ بِکرمی کُندن سِنگھ دے گھر پِنڈ غزنی پُر ضِلع گُرداس پُر

سو پُرکھ نِرنجن شاہ سُلطان، شاہ پاتشاہ بےپرواہیِا۔ ہرِ پُرکھ نؤ جوان، بےانت وڈّی وڈیائیا۔ ایکنکار سوُربیِر بلوان، بلدھاری آپ اکھوائیا۔ آد نِرنجن جوت مہان نوُرو نوُر ڈگمگائیا۔ ابناسی کرتا مِہروان، محبان بیِدو بی خیَر نوُر الاہیِا۔ ابناسی کرتا دیونہارا دان، داتا دانی دُھردرگاہیِا۔ برہمنڈ کھنڈ ہو پردھان، اپنی اِچھیا آپ پرگٹائیا۔ اِچھیا اندر راج راجان، حُکم اِکو اِک درسائیا۔ حُکمے اندر کھیل مہان، اپنی اِچھا لئے پرگٹائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ساچی کرنی ہرِ کرتار، ہرِ کرتا آپ کرائیندا۔

محل اٹل اُچ منار، نِرگُن سوہنی بنت بنائیندا۔ دیِا باتی اِکو بال، کملاپاتی آپ جگائیندا۔ چھپر چھنّ نہ کوئی دوار، باڈی گھاڑت نہ کوئی گھڑائیندا۔ جوتی جوت سروُپ ہرِ، آپ اپنی کِرپا کر، ہرِ اپنی کار کمائیندا۔ اپنی کار کرے نِرنکار، ہرِ کرتا وڈ وڈیائیا۔ سچ دوارا کھول کِواڑ، سچکھنڈ ناؤں دھرائیا۔ ویکھے وِگسے ویکھنہار، پردہ اپنا آپ اُٹھائیا۔ نہ کوئی دوُجا میِت مُرار، سنگی سنگ نہ کوئی رکھائیا۔ مات پِت نہ کوئی ادھار، بالی بالا گود نہ کوئی اُٹھائیا۔ ساک سجّن نہ کوئی یار، مِتر پیارا نہ کوئی اکھوائیا۔ پیِر پَیغمبر نہ گُروُ اوتار، شبد ناد دُھن نہ کوئی شنوائیا۔ رَو سس نہ کوئی اُجیار، منڈل منڈپ نہ کوئی رُشنائیا۔ وِشن برہما شِو نہ کوئی اَکھاڑ، سُرپت اِند نہ ونڈ ونڈائیا۔ دھرت دھوَل نہ کوئی آکاش، زِمیں اسمان نہ سوبھا پائیا۔ اپنا کھیل آپ کرے کر ویکھے کھیل تماش، جوتی جوت سروُپ ہرِ، آپ اپنی کِرپا کر، ہرِ کرتا بھیو چُکائیا۔ ہرِ کرتا بھیو چُکائے آپ، اپنے ہتّھ رکھے وڈیائیا۔ سچکھنڈ دوارے سچ پرتاپ، وڈ پرتاپی آپ پرگٹائیا۔ نہ کوئی مائی نہ کوئی باپ، پوُت روُپ نہ کوئی وٹائیا۔ نہ کوئی پوُجا نہ کوئی پاٹھ، سِمرن دیوے نہ کوئی وڈیائیا۔ نہ کوئی پتن نہ کوئی گھاٹ، تٹ کنارہ نظر کوئی نہ آئیا۔ نہ کوئی ونجارا نہ کوئی ہاٹ، نہ کوئی وست رہیا وِکائیا۔ اِکو نِرمل جوت کر پرکاش، سچکھنڈ دوارے ساچے سوبھا پائیا۔ اپنی اِچھیا اپنی آس، آس اپنے وِچوں پرگٹائیا۔ آپے دیونہارا دات، داتا دانی آپ ہو جائیا۔ جوتی جوت سروُپ ہرِ، آپ اپنی کِرپا کر، ساچا بھیو آپ چُکائیا۔ ساچا بھیو کھولے پُرکھ ابناس، ابناسی ہتّھ وڈّی وڈیائیا۔ گہر گمبھیِر سربگُن تاس، گُنوَنتا آپ اکھوائیا۔ نِرگُن نِرگُن ہووے داس، گھر سچےّ سیو کمائیا۔ اپنے انتر آپے ویکھے مار جھات، جھاکی اپنی اِکو پائیا۔ کھولنہارا بند تاک، پردہ اوہلا آپ اُٹھائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچی کھیل رچائیا۔ سچکھنڈ دوار سوہنا محلا، سو پُرکھ نِرنجن آپ سُہائیندا۔ ہرِ پُرکھ نِرنجن اِک اَکیلا، ایکنکار ڈیرہ لائیندا۔ آد نِرنجن دِیپک بلا، ابناسی کرتا سوبھا پائیندا۔ سِری بھگوان سچ سِنگھاسن ملّا، پاربرہم پت پرمیشور اپنی کل دھرائیندا۔ جوتی نوُر آپے رلا، دوُجا سنگ نہ کوئی رکھائیندا۔ جوتی جوت سروُپ ہرِ، آپ اپنی کِرپا کر، اپنی اِچھیا آپ پرگٹائیندا۔ اپنی اِچھیا سِری بھگوَنت، ہرِ کرتا آپ پرگٹائیا۔ روُپ رنگ نہ کوئی رنگت، ریکھ بھیکھ نہ کوئی جنائیا۔ در ٹھانڈے بن کے آپے منگت، دُھر دی دات آپ ورتائیا۔ جوتی جوت سروُپ ہرِ، آپ اپنی کِرپا کر، سچ بھنڈارا اِک رکھائیا۔ سچ بھنڈارا ہرِ کرتا پُرکھ،

دُھردرگاہی آپ ورتائیندا۔ نہ کوئی سوگ نہ کوئی ہرکھ، چِنتا غم نہ کوئی جنائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ رچائیندا۔ ساچی کھیل پروردِگار، مقامے حق آپ رچائیا۔ جلوہ نوُر کر اُجیار، لاشریِک سچ تؤفیِق اِک خُدائیا۔ محبان بیِدوسانجھا یار، مُبین اِکو دھار چلائیا۔ نوُر الاہی درگاہ ساچی ہو تیار، ساچا مندر اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ دوارے دئے وڈیائیا۔ سچکھنڈ دوارا ویکھ وڈّا ، سو صاحِب آپ بنائیندا۔ جِس اندر وسے بُڈھا نڈھّا، بُڈھا بال جوان اپنے گھر بند کرائیندا۔ آر پار آپے جانے حدا، حدوُد اپنے وِچ رکھائیندا۔ اپنی دھار اندر بدھّا، سہارا نظر کوئی نہ آئیندا۔ اندر بَیٹھ سوُرا سربگا، شہنشاہ اپنا ڈیرہ لائیندا۔ جوتی جوت سروُپ ہرِ، آپ اپنی کِرپا کر، سچ دوارے سوبھا پائیندا۔ سچ دوارے پُرکھ ابناسن، سچکھنڈ دئے وڈیائیا۔ سوہنا بنائے اِک سِنگھاسن، چار دیواری نظر کِسے نہ آئیا۔ اُپر بَیٹھ شہنشاہ شاہو شباشن، ہرِ کرتا ڈیرہ لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ محل سوبھا پائیا۔ سچ محل سوبھاوَنت، ہرِ کرتا آپ سُہائیا۔ آپ بنائے اپنی بنت، آپے ویکھ وکھائیا۔ آپے داتا آپے منگت، آپے جھولی رہیا بھرائیا۔ آپے ناتا جوڑ بنائے اپنی بنت، سگلا سنگ آپ تجائیا۔ آپے نار آپے کنت، سیج سُہنجنی آپے سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ اِکو دئے وڈیائیا۔ سچکھنڈ اِک ہُلارا، نِرگُن نِروَیر آپ رکھائیندا۔ پُرکھ اکال کھیل نیارا، اکل کل دھاری ویس وٹائیندا۔ آپے پُرکھ آپے نارا، نر نرائن اپنی کرنی اپنے ہتّھ رکھائیندا۔ نِرگُن سیج نِرگُن روے کنت بھتارا، نِرگُن میلا میل مِلائیندا۔ نِرگُن سُت نِرگُن دُلارا، نِرگُن پوُت سپوُت اکھوائیندا۔ نِرگُن گودی کرے پیارا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ دوارے اپنا کھیل رچائیندا۔ سچکھنڈ دوارے جنمیاں بال، سُت شبد ناؤں رکھائیا۔ جِس دا پِتا پُرکھ اکال، اکل کل دھاری بنے مائیا۔ جوتی جلوہ دے جلال، نوُر ظہوُر کرے رُشنائیا۔ مِہروان پربھ ہو دَیال، سِر اپنا ہتّھ ٹِکائیا۔ ساچی سِکھیا اِک سِکھال، سمجھ انتر لگائیا۔ پُرکھ ابناسی چرن دھیان، اِکو اوٹ تکائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ شبد انجانا نِکاّ بالا، پربھ اَگے سیِس نِوائیا۔ تُوں صاحِب سَتگُر میرا رکھوالا، دوُجا نظر کوئی نہ آئیا۔ سچکھنڈ ویکھی تیری سچّی دھرمسالا، جِس گرِہ بَیٹھا آسن لائیا۔ موہے دے

اِک ٹِکانا، چرن کوَل ملِے سرنائیا۔ سِری بھگوان ہو پردھانا، مِہر نظر نیَن اُٹھائیا۔ تھِر گھر بناواں تیرا اِک مکانا، گھر گھر وِچ دیاں پرگٹائیا۔ جوتی جوت سروُپ ہرِ، آپ اپنی کِرپا کر، سُت دُلارے دئے سمجھائیا۔ سُت دُلارا شبدی نِکاّ، ہؤلی ہؤلی آکھ جنائیا۔ تُوں پُرکھ اکال میرا پِتا، بےپرواہ تیری سرنائیا۔ نِت نوِت کرنا ہِتا، در ٹھانڈے منگ منگائیا۔ تیرا کھیل سدا انڈِٹھا، سمجھ کِسے نہ آئیا۔ سچ مکان تیرے وساں، جِس گھر بہہ بہہ سوبھا پائیا۔ سچکھنڈ وِچوں چھوٹا حِصّہ، تھِر گھر تیری بنت بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ رہیا جنائیا۔ سُن شبد سُت میرے لال، پربھ لالن دَیا کمائیندا۔ سچکھنڈ اگمّی دھرمسال، تھِر گھر تیرا ڈیرہ لائیندا۔ دینا وست اِک کمال، اگمّ اتھاہ ورتائیندا۔ جوتی جوت سروُپ ہرِ، آپ اپنی کِرپا کر، سِر تیرے ہتّھ ٹِکائیندا۔ شبد کہے پُرکھ سمرتھ، تیری اوٹ تکائیا۔ نِمسکار دوئے جوڑ ہتّھ، بِن ہتّھاں سیِس جھُکائیا۔ جِؤں بھاوے تِؤں لیَنا رکھّ، سد اپنا حُکم منائیا۔ تیرے وِچوں اُپجیا تیرا نوُر تیرا تت، تیرا رنگ نظری آئیا۔ تیرے چرن بجھّے نت، دوُجا سجّن نہ کوئی اکھوائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، جِس نال ملِے تیری سرنائیا۔ سِری بھگوان آکھ سناؤندا اے۔ آد اپنی دھار جناؤندا اے۔ شبدی سُت پھڑ اُٹھاؤندا اے۔ گودی چُک خوشی مناؤندا اے۔ وست امولک تیری جھولی پاؤندا اے۔ ساچا حُکم اِک فرماؤندا اے۔ وِشن برہما شِو تیرا بنس سیو کماؤندا اے۔ برہمنڈ کھنڈ تیرا گھر وڈیاؤندا اے۔ پُری لوء آکاش نال رلاؤندا اے۔ زِمیں اسمان دھرت دھوَل ونڈ ونڈاؤندا اے۔ پنج تت آپ دھراؤندا اے۔ ترےَگُن سوہنا کھیل وکھاؤندا اے۔ لکّھ چؤراسی رنگ رنگاؤندا اے۔ جیرج انڈج اُتبُھج سیتج تیرا نام سمجھاؤندا اے۔ سچ جَیکارا اِکو اِک، دُھردرگاہی آپ لگاؤندا اے۔ تُوں میرا مَیں تیرا، دوُجا نظر کوئی نہ آؤندا اے۔ جوتی جوت سروُپ ہرِ، آپ اپنی کِرپا کر، شبدی سُت مان رکھاؤندا اے۔ سُت شبد تَینوُں وڈیاواں گا۔ دو جہان تیری رچن رچاواں گا۔ برہمنڈ کھنڈ تیری کھیل کراواں گا۔ کھانی بانی تیری دھار پرگٹاواں گا۔ گُر اوتار تیرا بنس سُہاواں گا۔ پیِر پَیغمبر کنت کنتوُہل اِک جناواں گا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی تیرا روُپ سمجھاواں گا۔ سُت شبد چرن کوَل، سیِس جگدیس نِوائیا۔ تُوں صاحِب سُلطان الاہی نوُر اول، عالمیِن تیری سرنائیا۔ نِرگُن سرگُن تیرا کھیل اُپر دھوَل، دھرنی سوبھا پائیا۔ دیوے مان برہما کوَل، جوتی جوت سروُپ

ہرِ، آپ اپنی کِرپا کر، مِہروان مِہر نظر ٹِکائیا۔ مِہروان سوُرا سربنگ، ہرِ کرتا سچ جنائیندا۔ نِت نوِت تیرا نام وجاواں مردنگ، ڈھولا راگ سرب سُنائیندا۔ لکّھ چؤراسی اندر سیج پلنگ، سوہنی بنت بنائیندا۔ آتم پرماتم دے انند، رس اِکو اِک وکھائیندا۔ جُگ چؤکڑی جائن لنگھ، سَتجُگ تریتا دواپر کلجُگ تیرا راہ وکھائیندا۔ گُر اوتار پیِر پَیغمبر تیرا سنگ، ساچا جوڑ جُڑائیندا۔ کر کھیل وِچ برہمنڈ، وربھنڈ تیرا ناد وجائیندا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، شبد دُلارا جھولی ڈاہِندا۔ شبد دُلارا ڈاہ جھولی، پُرکھ اگمّڑے اَگے سیِس نِوائیا۔ بن ٹھاکر بردا تیری گولی، مسکیِن تیری سرنائیا۔ سچ دسّ پاربرہم پت پرمیشور اپنی اِکو بولی، جِس وِچ میرا تیرا روُپ نظری آئیا۔ سِری بھگوان اِشارے نال کِہا ہؤلی ہؤلی، بِنا اکھّراں دِتا سمجھائیا۔ تُوں میرا مَیں تیرا تُوں کدے نہ ڈولیں، تیری میری دھار اِکو اِک نظری آئیا۔ سوہنگ سروُپ سدا مؤلیں، سَت سَتوادی دئے سمجھائیا۔ ایسے وِچوں میرا نوُر وِرولی، میرے نوُر وِچوں تیرا روُپ نظری آئیا۔ تیرے نال کیِتا اِقرار قؤلی، جُگ چؤکڑی بُھل کدے نہ جائیا۔ تیری دُکان سِری بھگوان آپ کھولی، بھنڈارا ورتاؤنا بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سمجھائیا۔ ساچی سِکھیا سُن کے سُت، تھِر گھر ساچے خوشی منائیندا۔ کِرپا کرے ابناسی اچُت، مِہروان مِہر نظر اُٹھائیندا۔ آد جُگاد جُگ چؤکڑی میری مؤلے رُت، سِری بھگوان آپ مہکائیندا۔ مَیں دو جہان ایتھے اوتھے رہاں خوش، خوشیاں وِچ اپنا گھر سُہائیندا۔ سِری بھگوان سچکھنڈ دوارے بَیٹھا لُک، بِن تیرے نظر کِسے نہ آئیندا۔ ابناسی کرتے کِہا شبد مَیں گودی لواں چُک، تیری سیوا اِک سمجھائیندا۔ نِرگُن دھاروں جانا اُٹھ، نِرگُن سرگُن ونڈ ونڈائیندا۔ جن بھگتاں اُپر جانا تُٹھ، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا آپ جنائیندا۔ ساچی سِکھیا سُن کے بال نڈھّا، گھر اپنے خوشی منائیا۔ میرا پِتا پُرکھ اکال کِڈا وڈّا ، جِس دی وڈّی وڈیائیا۔ گھر آیاں در دیوے سدّا، سوہنا حُکم منائیا۔ مَیں دو جہان نِرگُن سرگُن ہو کے پِھراں بھجّا، چار کُنٹ دہ دِشا پھیرا پائیا۔ آتم پرماتم شبد ناد دُھن راگ امرت رس گُرمُکھاں دیوے مزہ، سوہنا رس وکھائیا۔ پریم پریِتی اندر بدھّا، بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، آد جُگاد تیری سیوا کردا تھک کدے نہ جائیا۔ صاحِب سُلطان سچ محبوُب، مِہروان دئے جنائیا۔ شبد سُت تیرا اوُچ عروُج، محفل اِکو نوُر

خُدائیا۔ اُٹھ ویکھ میرا ثبوُت، ثابت صوُرت دیاں وکھائیا۔ جِس دے اندر رکھاں محفوُظ، سِر اپنا ہتّھ ٹِکائیا۔ تیرا اِکو دوارا اِکو منزل اِکو مقصوُد، مقصد سب دا حل کرائیا۔ آد جُگاد جُگ چؤکڑی کرکے ہؤمے نیست و نابوُد، نام نِشانہ تیرا اِک جھُلائیا۔ لکّھ چؤراسی جیِو جنت سادھ سنت دسّ سلوک، دُئی دوَیتی تیرے وِچ کدی نہ آئیا۔ تَینوُں دیواں وڈیائی کایا پنج تت بھوُت، انبھوَ تیری کھیل کرائیا۔ اِکو تانا پیٹا سوُت، اِکو بستر دئے بنائیا۔ تیرا نام نگارہ اِکو وجےّ کوُک، دو جہاناں کرے شنوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اِکو شبد سُت دئے وڈیائیا۔ سُت شبد کہے پربھ میرے ٹھاکر، دیِن دَیال تیری سرنائیا۔ تُوں گہر گمبھیِر وڈّا ساگر، بےانت بےانت بےانت اکھوائیا۔ آد جُگادی کریِم کرتا قادر، قُدرت تیرے وِچ رکھائیا۔ دھنّ بھاگ موہے دیویں آدر، آدرش اپنا اِک جنائیا۔ تیری کِرپا مَیں بناں بہادر، سوُربیِر ناؤں دھرائیا۔ نِت نوِت تیرا نام کراں اُجاگر، تیرا ڈھولا صِفت صالاحیِا۔ گُر اوتار پیِر پَیغمبر بنا سوداگر، سودا ہٹّ اِک چلائیا۔ مان دے کے ساڈھے تِنّ ہتّھ کایا گاگر، گھر گھر وِچ پردہ لاہیِا۔ جوتی جوت سروُپ ہرِ، آپ اپنی کِرپا کر، سچ دینا دُھر دا ور، نِرگُن نِروَیر نِراکار نِرنکار سدا سد سچ تیری سیو کمائیا۔

۲۳ ماگھ ۲۰۲۰ بِکرمی دِھرتا سِنگھ دے گھر کلانؤر ضِلع گُرداس پُر

ستگُر شبد وڈ بلوان، نِروَیر نِراکار اکھوائیندا۔ پُرکھ اکال کر دھیان، ابناسی کرتا بھیو چُکائیندا۔ لیکھا ویکھ دو جہان، برہمنڈ کھنڈ کھوج کھوجائیندا۔ سَتجُگ تریتا دواپر کلجُگ دیونہارا دان، آد جُگادی پڑدہ لاہِندا۔ گُر اوتاراں پیِر پَیغمبراں دسّنہار نِشان، سچ نِشانہ اِک جنائیندا۔ جوتی جوت سروُپ ہرِ، آپ اپنی کِرپا کر، ساچا بھیو آپ کُھلائیندا۔ سَتگُر شبد گہر گمبھیِر، ہرِ وڈّا وڈ وڈیائیا۔ چوٹی چڑھ بَیٹھا اَخیِر، نظر کِسے نہ آئیا۔ دھار رکھےّ بےنظیِر، روُپ رنگ نہ کوئی جنائیا۔ سچ لبھے نہ کِسے تصویِر، جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ سَتگُر شبد صاحِب سمرتھ، ہرِ وڈّا وڈ وڈیائیا۔ آد جُگاد مہما اکتھ، شاستر وید پُران رہے جس گائیا۔ اِنجیل قُرآن مسلہ حقیِقت رہے دسّ، لاشریِک نوُر خُدائیا۔ مقامے حق رہیا وس، پروردِگار سچّا ماہیِا۔ جوتی جوت سروُپ

ہرِ، آپ اپنی کِرپا کر، لیکھا جانے بےپرواہیِا۔ سَتگُر شبد سدا دَیال، دَیانِدھ اکھوائیندا۔ وسنہارا سچ سچّی دھرمسال، سچ دوارے سوبھا پائیندا۔ نِت نوِت کھیل کرے کمال، کرنی کرتا ہتّھ رکھائیندا۔ بھگت سنت سجّن لئے اُٹھال، گُرمُکھ گُر گُر بوُجھ بُجھائیندا۔ گُرمُکھ ویکھے اپنے لال، لالن اپنے رنگ رنگائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ سَتگُر شبد آد جُگاد، ہرِ کرتا آپ پرگٹائیندا۔ کھیلے کھیل برہم برہمادِ، بھانڈا بھرم بھؤ آپ بھنائیندا۔ لکّھ چؤراسی گھٹ گھٹ اندر وجائے ناد، آتمک راگ سُنائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ ساچی کرنی شبد گُردیو سوامی، ہرِ آپ کرائیا۔ گھٹ گھٹ بَیٹھ انترجامی، ہرِ جانت روُپ سمائیا۔ جُگ چؤکڑی بول اگمّی بانی، دُھر دی دھار سمجھائیا۔ گُر اوتار پیِر پَیغمبر پنج تت نِشانی، لوکمات دئے وکھائیا۔ آتم پرماتم کھیل مہانی، بےانت بےپرواہیِا۔ کلجُگ کراں لیکھا لیکھ جیِو جہانی، ساچی سِکھیا اِک دِرڑائیا۔ جوتی جوت سروُپ ہرِ، آپ اپنی کِرپا کر، ساچی رچنا سچ رچائیا۔ ساچی رچنا ویکھ جگ، ہرِ کرتا کھیل رچائیندا۔ ہر گھٹ بَیٹھ سوُرا سربگ، سچ سِنگھاسن سوبھا پائیندا۔ ساچے حُجرے اِکو حج، مکّہ کعبہ اِک دِرڑائیندا۔ ناد دُھن اگمّی رہیا وجّ، تند ستار نظر کوئی نہ آئیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ ساچی کھیل گُروُ اوتار، سَتجُگ تریتا دواپر آپ کرائیا۔ لیکھا جان پیِر پَیغمبر یار، ویکھنہارا ناؤں دھرائیا۔ دُھر دا کلمہ دے کلام، کائنات کرے پڑھائیا۔ دُھر سندیسہ سچ پَیغام، بھیوَ ابھید کُھلائیا۔ جوتی جوت سروُپ ہرِ، آپ اپنی کِرپا کر، پڑدہ اوہلا دئے چُکائیا۔ پردہ اوہلا چُکاونہارا، ہرِ کرتا بھیو جنائیندا۔ جُگ چؤکڑی گُر اوتار پیِر پَیغمبر لکّھ چؤراسی جیِو جنت دے سہارا، ساچا مارگ جگت جنائیندا۔ نِرگُن سرگُن لےَ اوتارا، نِرگُن سرگُن اپنی کھیل وکھائیا۔ آتم پرماتم کھول کِواڑا، تھِر مندر سوبھا پائیندا۔ کر پرکاش بہتّر ناڑا، جوتی جوت ڈگمگائیندا۔ کھیلے کھیل اگمّ اپارا، الکھ اگوچر بھیو کوئی نہ پائیندا۔ کاغذ قلم نہ لِکھنہارا، بن کاتب نہ کوئی جنائیندا۔ گھر ٹھانڈے بَیٹھ سچّے دوارا، سچکھنڈ ساچے سوبھا پائیندا۔ شبدی شبد بنائے ساچا سیوادارا، ساچی سیوا اِک سمجھائیندا۔ نؤ سؤ چُرانوے چؤکڑی جُگ بیِتے وِچ سنسارا، کوٹن کوٹ کال اپنے لیکھے پائیندا۔ جوتی جوت سروُپ ہرِ، آپ اپنی کِرپا کر، ساچا رنگ آپ رنگائیندا۔ ساچا رنگ آد نِرنجن، نِرگُن نِروَیر آپ رنگائیا۔ داتا دانی درد دُکھ

بھےَ بھنجن، بھوَ ساگر ویکھ وکھائیا۔ آد جُگادی دُھر دا سجّن، صاحِب سَتگُر اِکو نظری آئیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے جنائیا۔ ساچا لیکھا دسےّ آپ، اپنے ہتّھ رکھّی وڈیائیا۔ جُگ چؤکڑی دُھر دا جاپ، سچ سندیسہ نام سُنائیا۔ گُر اوتار پیِر پَیغمبر رسنا جِہوا بتّی دند سارے گئے آکھ، نِراکھّر اکھّر روُپ وٹائیا۔ پاربرہم پت پرمیشور پروردِگار سچ رسوُل اِکو پاک، پتت روُپ نہ کدے وٹائیا۔ آتم پرماتم بودھ اگادھ شبد ناد اِکو دسےّ پوُجا پاٹھ، دُھر سندیسہ نام سُنائیا۔ آتم سروور تٹ کنارہ اِکو دسےّ تاٹ، اٹھسٹھ اپنی دھار جنائیا۔ گُردر مندر شِودوالے ویکھنہار ماٹھ، مسیِت کعبہ کایا اندر اِک سُہائیا۔ آتم رام دُھر دی ذات، کھتری براہمن شوُدر وَیش ہر گھٹ رہیا سمائیا۔ پرم پُرکھ پُرکھوتم سرب جیِاں دا کملاپات، لکّھ چؤراسی سیج ہنڈھائیا۔ شاستر سِمرت وید پُران گیِتا گیان اِنجیل قُرآن سُنائے گاتھ، سوہلا صِفتی راگ الائیا۔ کھانی بانی کہے پُرکھ ابناس، بےانت بےپرواہ اِک اکھوائیا۔ جُگ چؤکڑی سَتجُگ تریتا دواپر کلجُگ ویکھے آپ، نِرگُن سرگُن پھیرا پائیا۔ سچ دوارا کھول کے جاوے ہاٹ، بن ونجارا ہٹّ چلائیا۔ پنج تت دِسے اِکو نات، ناتا بِدھاتا جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جُگ چؤکڑی ویکھ وکھائیا۔ جُگ چؤکڑی ویکھن آیا، بےپرواہ اپنا پھیرا پائیا۔ سَتجُگ تریتا دواپر جِس پار کرایا، کلجُگ انتم ویس وٹائیا۔ گُر اوتاراں پیِر پَیغمبراں بھوِکھت ڈھولا دُھر دا گایا، نِج نیتر نیَن دھیان لگائیا۔ پُرکھ اکال دیِن دَیال سرب سوامی اوٹ رکھایا، در بَیٹھے سیِس نِوائیا۔ پروردِگار بےپرواہ بےنظیِر نوُر جلوہ لئے اُپجایا، ظاہر ظہوُر اِکو نظری آئیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا جنائیا۔ ساچا کھیل ہرِ کرتار، ہرِ کرتا آپ جنائیا۔ منگدے گئے گُروُ اوتار، بِھکھیا سب دی جھولی پائیا۔ پیِر پَیغمبر سجدہ کر کر دھوُڑ چرن لاؤندے رہے چھار، مستک ٹِکاّ اِک وکھائیا۔ کلجُگ انت سِری بھگوَنت جودھا سوُربیِر لےَ اوتار، پروردِگار اپنا پھیرا پائیا۔ لکّھ چؤراسی ویکھنہار، گھٹ گھٹ پردہ دئے اُٹھائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ گُر اوتار بول جَیکارا، جےَ جےَ جَیکار گئے سُنائیا۔ لیکھا جانے دُھر دربارا، دُھر دی بان راگ الائیا۔ سچ سندیسہ ایکا وارا، ایکنکار دِتا سُنائیا۔ کلجُگ انت پاربرہم پت پرمیشور نِرگُن روُپ لئے اوتارا، جوتی جامہ ویس وٹائیا۔ شبد روُپ سِرجنہارا، سَت سَتوادی نظری آئیا۔ مات پِت جننی جن نہ کوئی دُلارا، گودی گود نہ کوئی

اُٹھائیا۔ کرے کھیل اپرمپر اپر اپارا، اپنی کرنی اپنے ہتّھ رکھائیا۔ دُھر دا بولے اِک جَیکارا، ساچا راگ الائیا۔ کھتری براہمن شوُدر وَیش چار ورن اٹھاراں برن کرے پیارا، پریم پریِتی اِک سمجھائیا۔ دیِن مذہب ذات پات وسے باہرا، سو سَتگُر شبد اپنا روُپ وکھائیا۔ جوتی جوت سروُپ ہرِ، آپ اپنی کِرپا کر، ویس اولّا لئے دھرائیا۔ شبد گُروُ سوُرا سربنگ، اِک اَکلا آد جُگاد اکھوائیندا۔ جُگ چؤکڑی سچّے مارگ سنگ، گھر گھر اندر اپنا ڈؤروُ ڈنک وجائیندا۔ لکّھ چؤراسی وِچوں جن بھگتاں دیوے سچ انند، انند آتم وِچوں پرگٹائیندا۔ سچ سُنیہڑا دے کے چھند، سوہنا راگ سُنائیندا۔ آتم پرماتم پرمانند، نِج آتم رس چکھائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ ساچی کھیل کرے کرتار، کلجُگ انتم ویکھ وکھائیا۔ لیکھا جان گُروُ اوتار، پیِر پَیغمبر پردہ رہیا اُٹھائیا۔ لیکھا بھوِکھت جو گئے اُچار، ویکھنہارا تھاؤں تھائنیا۔ لہنا دینا ہرجن دئے اُتار، باقی نظر کوئی نہ آئیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ ساچی کرنی کرے جگ، شبد گُروُ وڈّی وڈیائیا۔ کلجُگ میٹے لگّی اگّ، امرت میگھ اِک برسائیا۔ ہنس روُپ بنائے کگّ، مانک موتی چوگ چُگائیا۔ ساچے حُجرے کرے حج، کایا کعبہ اِک کُھلائیا۔ سچ دوار وجائے ند، انحد دُھن اُپجائیا۔ گھر امرت دیوے مد، نِجھر جھِرنا سچ جھِرائیا۔ بجرکپاٹی پتّھر جاوے بھجّ، پردہ رہن کوئی نہ پائیا۔ نِرگُن جوت کر پرکاش، نوُرو نوُر کرے رُشنائیا۔ ساچے گرِہ پُرکھ ابناس، جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ شبد گُروُ کہے مَیں داتا ایک، آد جُگاد اکھوائیندا۔ جُگ چؤکڑی جِس دی ٹیک، گُر اوتار دھیان لگائیندا۔ پیِر پَیغمبر جِس دا بھیکھ، چولا لوکمات ہنڈھائیندا۔ تِس دا روُپ رنگ نہ ریکھ، نِراکار ساکار اپنی دھار چلائیندا۔ نِت نوِت کرکے ہِت جن بھگتاں دئے سندیس، سوہنا ڈھولا راگ سُنائیندا۔ صاحِب سوامی لؤ ویکھ، پُرکھ اکال اِکو نظری آئیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیندا۔ سَتگُر شبد سربگُن بھرپوُر، وڈّا وڈ وڈیائیا۔ وسنہارا نیڑے دوُر، ہر گھٹ رہیا سمائیا۔ کلجُگ انت ناتا توڑے کوُڑو کوُڑ، جوُٹھ جھوُٹھ دئے مِٹائیا۔ چتُر سُگھڑ بنائے موُرکھ موُڑھ، جِنہاں اپنا بھیو کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچے شبد سیو لگائیا۔ شبد سُت ہو تیار، لوکمات ویکھ وکھائیا۔ لہنا چُکے گُروُ اوتار، پیِر پَیغمبر موُل جھولی پائیا۔ دیِن مذہب ذات پات مِٹاونہار، ورن

برن ونڈ نہ کوئی ونڈائیا۔ آتم پرماتم کرے اُجیار، برہم پاربرہم پڑدہ اوہلا لاہیِا۔ ایکا نوُر دِسے سنسار، ظہوُر ہر گھٹ ویکھ وکھائیا۔ سرب جیِاں دا سانجھا یار، پُرکھ اکال بےپرواہیِا۔ در اُس کرو نِمسکار، جِس در درویش وِشن برہما شِو بَیٹھے سیِس نِوائیا۔ مندر وڑدا اوس مِنار، جِس دی چھپر چھنّ پُرکھ اکال آپ چُھہائیا۔ درس کرو اُس دیِدار، جِس دا نوُر چُھپ کدے نہ جائیا۔ منزل چڑھ ویکھو گھر بار، جِس گرِہ وسے دُھر دا ماہیِا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ شبد گُروُ کہے سُنو سب جگ، سرِشٹ سبائی جنائیندا۔ میرا واسا اُپر شاہ رگ، تھلّے نظر کِسے نہ آئیندا۔ بِن سَتگُر پوُرے کِسے نہ مِلیا چجّ، پھڑ راہے مارگ نہ کوئی چلائیندا۔ جگت دوارے سرِشٹ سبائی رہی بھجّ، پڑھیاں سُنیاں ہتّھ کِسے نہ آئیندا۔ جو صاحِب سرنائی گئے لگّ، چرن پریِتی تِنہاں نِبھائیندا۔ ہِردے ہرِ کا روُپ ہو کے جاواں وس، واسطہ اپنے نال رکھائیندا۔ چار ورناں اِکو پیار دسّ، کھتری براہمن شوُدر وَیش ونڈ نہ کوئی ونڈائیندا۔ دیِن مذہب وِچ کدے نہ جاواں پھس، ذات پات بندھن نہ کوئی رکھائیندا۔ اِکو ناتا پُرکھ سمرتھ، درگاہ ساچی جوڑ جُڑائیندا۔ جوتی جوت سروُپ ہرِ، آپ اپنی کِرپا کر، شبد سُت ساچی سیوا اِک لگائیندا۔ شبد گُروُ گُروُ گُر بولے بول، بول دُھر دا اِک سُنائیا۔ سرِشٹ سبائی اُٹھ انبھول، نیتر نیَن اکّھ کُھلائیا۔ شبد سوامی وسے تیرے کول، گھر گھر وِچ ڈیرہ لائیا۔ کایا گٹھڑی اپنی پھول، جنگل جوُہ اُجاڑ پہاڑ ہتّھ کِسے نہ آئیا۔ شاستر سِمرت وید پُران بھیو دسّن کھول، جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ ملِے وڈیائی لوکمات، گُر شبدی دَیا کمائیا۔ بھگت سُہیلے رکھےّ ساتھ، سگلا سنگ نِبھائیا۔ سنت سرنائی چرن کوَل گئے لاگ، ناتا بِدھاتا اِکو جوڑ جُڑائیا۔ گُرمُکھاں سچ سنیہُڑا جائے آکھ، دُھر دی دھار آپ جنائیا۔ گُرمُکھاں لکّھ چؤراسی نالوں کرے وکّھ، وکھّری اپنی کار جنائیا۔ مِہروان ہو کے اپنے مِلن دی دیوے اکّھ، نِج نیتر نیَن کُھلائیا۔ کوُڑی کِریا کرکے بھٹّھ، سچ سُچ روُپ دِرڑائیا۔ لیکھا جان پنج تت، اپ تیج وائے پرِتھمی آکاش اپنے رنگ رنگائیا۔ سچ جَیکارا بول الکّھ، الکھ اگوچر اپنا نام وڈیائیا۔ دُھر دا مارگ اِکو دسّ، دہ دِشا کھیل کھلائیا۔ کلجُگ انت گُر اوتار پیِر پَیغمبر سچ دوارے پاربرہم اَگے سارے رہے دسّ، پوُرب لیکھا سرب جنائیا۔ گُر اوتار پیِر پَیغمبر دسّن حال، صاحِب سَتگُر اَگے جنائیا۔ کلجُگ جیِو ہوئے بےحال، دھیِرج دھیِر نہ کوئی دھرائیا۔ پِھرے دروہی مندر مسجد مٹھ

شِودوالے دھرمسال، ساچا روُپ نظر کِسے نہ آئیا۔ گُر کا شبد کوئی نہ رہیا پال، ہِردے ہرِ نہ کوئی وسائیا۔ پھل دِسے نہ کِسے ڈال، سِنمل رُکّھ رہے لہرائیا۔ جوتی جوت سروُپ ہرِ، آپ اپنی کِرپا کر، مِہروان ہو سہائیا۔ گُر اوتار پیِر پَیغمبر ویکھ لوکمات حالت، حوالا سارے رہے جنائیا۔ سِری بھگوان بِن تیری عدالت، لیکھا سکے نہ کوئی چُکائیا۔ دیِناں مذہباں ذاتاں پاتاں پائی بغاوت، شرع کرے لڑائیا۔ ساچا نام کرے نہ کوئی سخاوت، مُلّا شیخ مسائق پنڈت پاندھے کلجُگ انت بَیٹھے مُکھ بھوائیا۔ من منسا گھر گھر عداوت، اٹّھے پہر کرے لڑائیا۔ باہروں دِسے سرب سوہنی کوُڑی کِریا بناوٹ، کایا ماٹی پنج تت پوچ پُچائیا۔ جوتی جوت سروُپ ہرِ، آپ اپنی کِرپا کر، مِہر نظر نیَن اُٹھائیا۔ گُر اوتار پیِر پَیغمبر کہن کی گیا ہو، چاروں کُنٹ اندھیرا چھائیا۔ سرِشٹ سبائی ہوئی نِرموہ، حقیِقت حق نہ کوئی کمائیا۔ گوُڑی نیِند غفلت وِچ گئے سؤ، صاحِب سَتگُر چرن دھیان نہ کوئی لگائیا۔ مایا کارن رہے رو، سادھ سنت بَیٹھے ڈھیریاں ڈھائیا۔ گھر پرکاس کرے نہ کوئی لوء، دیِپ جوت نہ کوئی جگائیا۔ آتم پرماتم کوئی سکے نہ چھوہ، پڑھ پڑھ تھکّی سرب لوکائیا۔ مکّے مدینے آون ہو ہو، ہوکا حق نہ کوئی جنائیا۔ گُردر مندر مسجد شِودوالے مٹھ رہے رو، اُچی کوُک کوُک سُنائیا۔ ساچا ملِے نہ کِسے ڈھوآ ڈھو، ڈھولک چَھینے رہے کھڑکائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، شہنشاہ اِکو تیری اوٹ تکائیا۔ گُر اوتار پیِر پَیغمبر رہے دسّ، پُرکھ اکال اَگے جنائیا۔ ساڈا چلے نہ کوئی وس، بھرمے بُھلی سرب لوکائیا۔ کوُڑی کِریا اندر رہے وس، واسطہ تیرے نالوں تُڑائیا۔ کام واسنا سارے رہے نٹّھ، اٹّھے پہر من ہویا ہلکائیا۔ ویکھ کے آئے تیِرتھ تٹ، ناری پُرش ننگے تاریاں رہے لائیا۔ گُردر مندر مسجد شِودوالے نال ویکھے مٹھ، تیرے چرن کوَل سیِس نہ کوئی نِوائیا۔ گیانیاں دھیانیاں اندر کُھلی نہ ویکھی اکّھ، رسنا جِہوا پڑھ پڑھ رہے سُنائیا۔ سَتجُگ تریتا دواپرکلجُگ تیرے حُکمے اندر مارگ دسّ، دسّ کے اپنا پندھ مُکائیا۔ انت نِبیڑا کرے حق، تیرے ہتّھ وڈیائیا۔ جا کے کھیل ویکھ بازی گر نٹ، کلجُگ سوانگی اپنا سوانگ رچائیا۔ دھیِرج رہیا نہ کِسے سَت، سنتوکھ بَیٹھا مُکھ چُھپائیا۔ ناڑ بہتّر اُبلی رتّ، اگنی تت رہی جلائیا۔ چؤداں وِدیا پڑھدیاں ماری گئی مت، چؤداں لوک چؤداں طبق دھیِرج نہ کوئی دھرائیا۔ من ہنکاری چُکی اتّ، بُدھی چلے نہ کوئی چتُرائیا۔ ساچا بُرج گیا ڈھٹّھ، کوُڑ مِنار نظری آئیا۔ کام واسنا لیکھا ہٹّ، مایا ممتا موہ وست ٹِکائیا۔ سادھ سنت پھڑکے منکا

منکا رہے رٹ، من کا منکا نہ کوئے بھوائیا۔ سچّا لاہا کوئی نہ لئے کھٹ، ونج کرے کوُڑ لوکائیا۔ لیکھے لگّے نہ کِسے رتّ، ہڈّ ماس ناڑی چمّ قیمت کوئی نہ پائیا۔ پرم پُرکھ پرماتم سرب جیِاں دے ہِردے جا کے وس، سُرت سوَانی دے جگائیا۔ شبد اگمّی چوٹ لا سٹّ، نام نِدھان ہتّھ اُٹھائیا۔ اپنے مِلن دی دے اکّھ، جو بَیٹھے تَینوُں بُھلائیا۔ صدی بیِسویں آتم پرماتم دے مت، ساچی سِکھیا اِک دِرڑائیا۔ چؤداں لوک گاون تیرا جس، چؤداں طبق کلمہ اِکو اِک سُنائیا۔ دیِن مذہب ذات پات تُوں ہی کیتے وکّھ، انتم آپے لئے مِلائیا۔ اسیں واک بھوِکھت سرِشٹ سبائی آئے دسّ، کلجُگ انت سِری بھگوَنت نِہکلنک ویس وٹائیا۔ شبد گُروُ آپ سمرتھ، سچ تیری وڈیائیا۔ بھرمے بُھلیاں پا نتھ، ڈوری تند اپنا نام جنائیا۔ سرِشٹ سبائی سُنا اِکو گاتھ، ساچا ڈھولا ناد جنائیا۔ نِروَیر ہو کے دیوے ساتھ، گُر اوتار پیِر پَیغمبر منگ منگائیا۔ پرگٹ ہو کے ساکھیات، سوَچّھ سروُپی روُپ وٹائیا۔ جوتی جوت سروُپ ہرِ، آپ اپنی کِرپا کر، مِہروان مِہروان مِہر نظر اِکو اِک اُٹھائیا۔ گُر اوتار پیِر پَیغمبر کرن ارداس، سیِس چرن کوَل ٹِکائیا۔ ٹھاکر سوامی سرب گُنتاس، انترجامی تیری سرنائیا۔ تیرے وِچوں اُپجی تیری لکّھ چؤراسی جات، گھٹ گھٹ انتر تیرا نوُر سمائیا۔ تیرا نام تیری گاتھ، تیرا ڈھولا تیرا سوہلا تیرا کلمہ تیرا نغمہ، تیری تعریِف کرے لوکائیا۔ نؤ سؤ چُرانوے چؤکڑی جُگ پِچھوں پُرکھ اکال تیرے کول آیا مُقدمہ، عدالت حق نظری آئیا۔ کلجُگ سانوُں ہویا صدمہ، دُکھ لگّا ڈاہڈا گھاؤ سہہ سکے کوئی نہ رائیا۔ جیِو جنت گُر اوتار پیِر پَیغمبراں پِچھے چلے نہ قدماں، مارگ سارے گئے بُھلائیا۔ بھگت لبھے نہ کوئی وِچوں پدماں، جِس مِلیا بےپرواہیِا۔ جیِو جنت جہان ہویا پگلا، ہوچھی مت بنائیا۔ کوئی نہ لیکھا جانے اگلا، درگاہ ساچی ملِے سزائیا۔ کِرپا کرکے سنت سُہیلے وِچوں کڈھ لا، جن بھگتاں ہو سہائیا۔ منمُکھ جیِو سارے چھڈ لا، کُنبھی نرک نِواس ٹِکائیا۔ سَت دھرم نِشانہ گڈّ لا، دُھر دی دھار اِک پرگٹائیا۔ گُر اوتار پیِر پَیغمبر جو تیرے حُکم اندر دیِن مذہب کرکے آئے اڈّرا، انتم لیکھا دے چُکائیا۔ ساڈیاں پوُریاں کردے سدھراں، تیرے اَگے عرضوئیا۔ جِنہاں نوُں دیویں اپنے نام دی مدرا، بھر پیالہ جام پیائیا۔ آپ کٹے اُچیاں لمیاں منزلاں، دوُر دُراڈا پندھ مُکائیا۔ تیرے پریم دی گائے غزلا، دوُجا راگ نہ کوئے سُنائیا۔ چار جُگ دا پِچھلا کڈھ کے چھجرا، جو سیماں ونڈ ونڈائیا۔ ساتھوں چُکایا نہ جاوے بدلہ، بدلی تیرے ہتّھ رکھائیا۔ تُوں آد جُگادی کریں عدلا، عادل اِکو اِک اکھوائیا۔ کوُڑ کوُڑی کِریا وِرلا باہروں چِٹا رہ نہ

جائے بغلا، دُرمت مَیل اندروں دئے دھوائیا۔ تیرے گھر اِکو جیہا شاہ کنگلا، اوُچ نیِچ نظر کوئی نہ آئیا۔ دو جہاناں تیرا لگّا جنگلا، شبدی ڈور تند بندھائیا۔ ہُن کوُڑی کِریا جگت اکھاڑا ویکھ نہ دنگلا، بےپرواہ اپنی دَیا کمائیا۔ سب دے کٹّدے شرع زنجیر سنگلا، نام کٹار تِکھی دھار چلائیا۔ گُر اوتار پیِر پَیغمبر در تیرے اِکو منگ منگدا، خالی جھولی اَگے ڈاہیِا۔ بِن تیرے سماں سُہنجنا لوکمات نہ جگ دا، سوبھاونت نہ دیوے کوئی وڈیائیا۔ ہُن ویلا نہیں اج پج دا، واک بھوِکھت پوُرا دئے کرائیا۔ بھگت بھگوان تَینوُں پِھرے لبھدا، چاروں کُنٹ کھوج کھوجائیا۔ ہُن تیری کِرپا پیَنڈا مکُے تیری حد دا، تیرے مندر چڑھ درس کوئے نہ پائیا۔ تُوں کِرپانِدھان جُگ چؤکڑی غریِب نِمانیاں بھگتاں ولّ بھجّدا، نِرگُن سرگُن روُپ وٹائیا۔ ویکھ حال کلوُ کل دا، چاروں کُنٹ اندھیرا چھائیا۔ پِیو پُتر اِک دوُجے نوُں چھلدا، مات پُت کوُڑی سیج رہیا ہنڈھائیا۔ سرِشٹ سبائی دُکھ بھوگے کرماں پھل دا، دھرماں وِچوں تیرا دھرم سمجھ کِسے نہ آئیا۔ بےشک تیرا واسا نِہچل دھام اٹل دا، ہر گھٹ تیرا نوُر نظری آئیا۔ جُگ چؤکڑی تُوں ول چھل کردا، اچھل اچھل تیری وڈیائیا۔ ویکھ سنسار کوُڑی اگنی بلدا، تُدھ بِن سکے نہ کوئی بُجھائیا۔ لیکھا مکُے جل تھل دا، سمُند ساگر ڈوُنگھے وہن دھیان لگائیا۔ تیرا روُپ شاہو بھوُپ سوُرے سربنگ دا، سچ سُلطان تیری سرنائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، سرِشٹ سبائی ویکھ گھر، شبد سَتگُر اندر وڑ، محل اٹل اُچ منارے کھڑ، گھر کھِڑکی کُنڈا بند کِواڑی سب دی دے کُھلائیا۔ تیری سرنائی تیرے ڈِگن دڑ، لیکھا چُکے چوٹی جڑ، تیرا ناؤں اِکاّ جان پڑھ، تیرے پریم پیار اندر جاون مر، مریاں وِچوں مرن جنم وِچوں جنم لیَن بدلائیا۔ جوتی جوت سروُپ ہرِ، آپ اپنی کِرپا کر، ساچا دینا سُہنجنا ور، سرِشٹ سبائی جیِو جنت سادھ سنت ورن برن سب تیرا اِشٹ اِک منائیا۔