کتب خانہGranth 16 (Shahmukhi)

۲۴ ماگھ ۲۰۲۰ بِکرمی کِشن سِنگھ دے گرِہ الہڑ پِنڈی ضِلع گُرداس پُر

گُرسِکھ پروانہ سَتگُر شمع، جوت اگن روُپ وکھائیا۔ جگت پریم چھڈ کے طمع، تن من اپنا بھیٹ کرائیا۔ ہرکھ سوگ مِٹا کے غما، چِنتا چِکھا دوُر کرائیا۔ اپنا نانواں لوا کے ناواں، سوہنی بنت بنائیا۔ جن بھگتاں وِچ رل کے بہواں، گرِہ سچ ملِے وڈیائیا۔ سچ سنیہُڑا جا کے کہواں، پِچھلا حال سُنائیا۔ مَینوُں کوئی نہ کہے نِتھاواں، ساچی سرن مِلی سرنائیا۔ سوہنا ڈھولا گاواں، شاہ پاتشاہ نام دِھیائیا۔ سیج سُہنجنی بہہ کے راواں، رنگ رتڑا مِلیا ماہیِا۔ جِس اَگوں پھڑیاں باہواں، بُھجاں نال اُٹھائیا۔ مَیں پیا نہ اؤجھڑ راہواں، چؤراسی گیڑ نہ کوئے جنائیا۔ میریاں کوئی نہ مارے دھاہاں، نیتر نیِر نہ کوئے وہائیا۔ میرے ورگے پُت وِرلیاں جمن ماواں، جِنہاں پربھوُ دئے وڈیائیا۔ مَیں سچ سروور بہہ کے نہاواں، تاری اِک تالاب لگائیا۔ جِس دے پِچھے صاحِب سَتگُر پِھر کے آیا پار دریاواں، سجّن وِچھڑے نال رلائیا۔ اوہدے گیِت سدا نِت گاواں، سوہنا راگ الائیا۔ ہنساں وِچ مِلیا چھڈ کے کاواں، درگاہ مِلی مان وڈیائیا۔ سوہنا پلنگ اِک ڈاہواں، باڈی

سوہنی بنت بنائیا۔ پریم وچھاؤنا اِک وچھاواں، سوُسی سَت سروُپ جنائیا۔ خوشی نال سواں دے سرہانے باہواں، دُکھ درد رہیا نہ رائیا۔ مَیں چھڈ کے آیا پِچھلیاں گراواں، اَگے مندر رہیا سُہائیا۔ مَیں بھجّا پِھراں نال چاواں، چاؤ گھنیرا اِک درسائیا۔ پُرکھ اکال اِک وڈیاواں، واہوا وڈّی تیری وڈیائیا۔ جھولی اڈّ کے اِکو منگ منگاواں، دوئے جوڑ سیِس نِوائیا۔ مَیں تیرے کول ہو کے بہواں ساواں، سنمُکھ نظری آئیا۔ سچ دسّ مَیں حُقہ کِتھے ڈاہواں، کِس تھان دیاں رکھائیا۔ دھوُآں چِھک ہوا وِچ اُڈاواں، پِچھوں ویکھاں دھیان لگائیا۔ سِری بھگوان کِہا مَیں تَینوُں سمجھاواں، اِشارے نال جنائیا۔ حُقہ تَینوُں پھڑاواں، جِس دی سوہنی بنت بنائیا۔ پہلوں ویکھ اپنے بھراواں، جیہڑے تیرا راہ تکائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ اُٹھ ویکھ پربھ دا حُقہ، حقیِقت وِچوں پرگٹائیا۔ جِس دا پانی کدے نہ مُکا، اگنی بُجھ نہ روُپ وٹائیا۔ جِس دا سوُٹا سدا سُکا، سوہنا روُپ وکھائیا۔ کدی کدی پُرکھ اکال کہے آ میریا پُتا، تیرا نشہ تَینوُں دیاں پِلائیا۔ جے تُوں میرے پِچھے گھر دیاں نال رُٹھا، رُس کے مُکھ بھوائیا۔ اؤہ ویکھ نِکی جِہی گُٹھا، سوہنی ونڈ ونڈائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ویکھ کے گُٹھ چڑھی لالی، لال لالن ویکھ وکھائیا۔ پربھ ٹھاکر ایہہ کِتھوں بھالی، سوہنی بنت بنائیا۔ جِدھر ویکھاں اگمّ جگے دیوالی، جوتی دیِپ نوُر رُشنائیا۔ مَیں چھڈ کے آیا پِچھے گھٹا کالی، ایتھے بِن سوُرج چنّوں چند چاندنی رہیا چمکائیا۔ مَیں کہِندا ساں تیرا بناں ہالی، سوہنا جوترا لائیا۔ سِری بھگوان کِہا اُٹھ ویکھ میری پنجالی، جِس پنجالی وِچ پنجاں دیوے وڈیائیا۔ سوہنی کراں سدا کِرسانی، کِرت کار اِک کمائیا۔ بیِج بیِجاں چار کھانی، چار جُگ پھل پُھل پُھلواڑ مہکائیا۔ امرت سِنچ دیواں ٹھنڈا پانی، سوہنا ہلٹ گِڑائیا۔ گُرمُکھ ہل واہوے جگت جہان بن کے ہانی، ساچی کار کمائیا۔ مَیں بھتّا لےَ کے جاواں بن سوَانی، سِر اپنے بھار اُٹھائیا۔ مَینوُں ویکھ خوشیاں نال گائے دُھر دی بانی، نِرالا راگ الائیا۔ جوتی جوت سروُپ ہرِ، آپ اپنی کِرپا کر، دیونہار وڈّی وڈیائیا۔ اُٹھ ہالیا لا جوترا، پربھ سوہنا وتّر رہیا بنائیا۔ بھاگ لگا کے تیرے پِچھے تیرے گھر دیوے پوترا، گھاٹا پوُر کرائیا۔ تُوں سوہنا لگّا چھوکرا، بانکا نظری آئیا۔ اِکا ویراں مار کے دسّ ہوکرا، ہوُ ہوُ کر سُنائیا۔ مَیں تیرا لیکھا دیواں کڈھ کے روکڑا، وہی کھاتہ پھول پُھلائیا۔ تیرا لہنا مکُے چوداں سؤ اِکوترا، چوداں طبقاں پار وکھائیا۔ جوتی جوت سروُپ ہرِ، آپ اپنی کِرپا کر، سچ

دیوے مان وڈیائیا۔ ویکھ مَیں سوہنا ہل واہنا آں۔ نالے تیرا گان گانا آں۔ سوُٹا کھِچ کے خوشی منانا آں۔ ساریاں نوُں آکھ سُنانا آں۔ تُہانوُں جے چنگا نہیں لگّدا، میرا مالک وِشنوُں بھگوانا آں۔ جیہڑا راتیں سُتّیاں میرے کول بھجّدا، کر گلّاں دِل بہلانا آں۔ جے لبھاں پھیر نہیں لبھدا، چاروں کُنٹ ویکھ وکھانا آں۔ جے سواں نیڑے نیڑے ہو کے بھجّدا، سوہنا درسن پانا آں۔ مَینوُں یقین آ ایہہ میرا سنگ نہیں چھڈدا، مَیں ایسے دا اکھوانا آں۔ ایہدے ہُندیاں کؤن مَینوُں حُقے توں ڈکّدا، مَیں منگی منگ ایہہ دیونہار دیوے دانا آں۔ ویکھو میرے کنّی ہسّدا، سب توں چنگا نظری آنا آں۔ جِس ویلے میرے سِر اُتے ہتّھ رکھدا، میرا دُکھ دلِدر گھٹ جانا آں۔ مَیں اَگے نالوں چنگا لگّدا، میرے اندر مِلیا میرا سُلطانا آں۔ مَیں ہُن اوتھے جا کے وسدا، جِتھے سچّا میرا نِشانہ آں۔ ایہہ اِک گلّ مَیں ایسے کلّے نوُں دسّدا، جو کملیاں رملیاں گلے لگانا آں۔ جوتی جوت سروُپ ہرِ، آپ اپنی کِرپا کر، صاحِب دَیال ہوئے مِہروانا آں۔ ہل واہ جوترا لایا، اپنی سیو کمائیا۔ پرَین نال جُتی رہیا کھڑکایا، وِچوں مِٹی باہر کڈھائیا۔ سِر اُتے صافا ٹھیِک کرایا، وِنگے ٹیڈھے پیچ لگائیا۔ - - - - اِک گلّ تَینوُں دسّا چنگوُ، مَیں ہل واہندے گل قمیض کدے نہ پائیا۔ ایہہ منگ تَیتھوں منگوُں، دوئے جوڑ عرض سُنائیا۔ مَیں سُنیا تُوں وڈّا دَیالوُ دیِنا بندھوُ، بندش دئیں کٹائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ لا جوترا آیا ویہڑے، اپنی خوشی جنائیندا۔ اَگے ہالی ہو گئے بتھیرے، میرے ورگا نظر کوئے نہ آئیندا۔ مَیں ویکھ پَیلی واہُن گِجھا گھیرے، گھیرے حِصّہ ونڈ نہ کوئے ونڈائیندا۔ جِس ویلے لوَاں اُلٹے پھیرے، اُچا نیِواں تھاں اِکو جِہا کرائیندا۔ ہُن آیا تیرے ڈیرے، کی تَینوُں چنگا بھائیندا۔ اَگے ویکھ کے ہو نیڑے، نِگہ نِگہ نال مِلائیندا۔ میرے ورگے تَینوُں کِتھوں لبھنے چیرے، جو خوشیاں نال تیرے گھر ہل واہون آئیندا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے منگ منگائیندا۔ مَیں سُنیا تیرے سِر اُتے تاج، کلغی نال سُہائیا۔ تَینوُں سارے کہن گُروُ مہاراج، چرناں سیِس نِوائیا۔ مَیں کہاں ایہہ غریِب نِواز، مُفلِساں گود بہائیا۔ نتھاویاں مارے آواز، اپنے گھر بُلائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ پربھ تَینوُں کہن گُنی گہِندا، گہر گمبھیِر اکھوائیا۔ سارے سمجھن ساگر سِندھا، بےانت دھار وہائیا۔ صِفتاں کر کر آکھن چنگا، رسنا جِہوا سرب وڈیائیا۔ مَیں تد آکھوُں جے میرے وانگ ننگا کر کے رکھّیں پِنڈا، سِر اپنے تاج ٹِکائیا۔ مَیں اوس ویلے پھڑ کے آؤں

ڈنڈا، اپنے ہتّھ اُٹھائیا۔ ویکھ ویہویں سال والیا گبھروُآ کدی مَیں وی ہُندا ساں مُنڈا، جوبن رنگ وکھائیا۔ مَیں کھنگھوُر کے بہِندا ساں اُپر مُڈھا، ٹیڈھی دھار رکھائیا۔ اوُہ اینویں جاندیاں نوُں ماردا ساں ٹُھڈا، دھکّیاں نال ہِلائیا۔ بُڈھے بُڈھے کہن ایہہ چؤدھری بڑا گُنڈا، دھکاّ کرے واہو داہیا۔ اوس ویلے مَیں اِک ویراں کِہا جے مَیں گوبِند نال ہُندا، سب دے سِر کچریاں وانگ بھنّائیا۔ وانگ شیر مار کے وڈّی ساری چُنگا، قِلعے کوٹ پار کرائیا۔ مَینوُں خوشی نال تھاپی دیندا، پریم نال مِلائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ جے گلوں رات نوُں لاہویں جھگّا، چنگی طرح جنائیا۔ مَیں پھیر آکھوُں میرے آکھے لگّا، میرا سنگ نِبھائیا۔ مَینوُں ویکھ کے آوُ مزہ، وڈّی خوشی رکھائیا۔ نالے پُچھوُں کِسے گُرمُکھ نال نہ کریں دغا، دھوکھے باز نہ روُپ وٹائیا۔ مَیں کیہڑا سی تیری چرنی لگّا، کِس بِدھ مَینوُں لیا ترائیا۔ مَیں تے اُتوں اُتوں لاؤندا ساں اج پجا، جگت بول سُنائیا۔ مَینوُں چیتا آیا جِس ویلے تیرے کول بَیٹھا منجا، تُوں ہؤلی جِہی میری چھاتی اُتے اُنگلی لائیا۔ مَینوُں ایں لگّا، جِویں میرا دُکھ رہیا گوائیا۔ مَیں کِسے نوُں نہ دسّاں، اندرے اندر خوشی منائیا۔ تاہیں کہِندا ساں پھیر لیَن آوینگا اچّھا، مَیں تیار ہو کے تیرا راہ تکائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ ننگا پِنڈا لوَیں کڈھ، بستر تن نہ کوئے رکھائیا۔ مَیں ویکھوُں تیرے ہڈّ، نیتر اکّھ کُھلائیا۔ ایہہ دھڑ مَیں پِچھے آیا چھڈ، تیری بھیٹ چڑھائیا۔ ایس نالوں کر کے مَینوُں اڈّ، وکھرے گھر بہائیا۔ مَیں اِکو وار لوکمات ہرِسنگت وِچ تیرے روُپ دا درسن کر کے رجّ، مُڑ کے پھیر مات نہ آئیا۔ چُپ کر کے سچکھنڈ دوارے جاواں سج، سوہنی سیج وِچھائیا۔ پُتراں نالوں ہو کے الگّ، تیرا ہل چلائیا۔ پِچھے رہ گیا تیرا جگ، اوہ وی تیری جھولی پائیا۔ تیرے بچّے تُوں ہی پت لیَنی رکھّ، سؤپنا تَینوُں دِتے کرائیا۔ آ ویکھ مَیں سب توں ہو کے وکّھ، وکھّرا ڈیرہ لائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ تیری آسا پوُری ضرور کراواں گا۔ ہو کے حاضر حضوُر، اپنا کھیل وکھاواں گا۔ پندھ مُکا کے نیڑا دوُر، در دروازہ اِک سُہاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کماواں گا۔ سچ دسّ ننگا پِنڈا، کِتھے وکھاوینگا۔ تتّا ٹھنڈا رنگ نہ کوئے جناوینگا۔ بن سوُرا سربنگا، ساچی سیو کماوینگا۔ مَیں منگاں ایہو منگا، میری آسا پوُر وکھاوینگا۔ جوتی جوت سروُپ ہرِ، آپ اپنی کِرپا کر، کی میرے اُتے ترس کماوینگا۔ ہاں،

ضرور ترس کماواں گا۔ پِچھلا لیکھ سمجھاواں گا۔ دُھر دا بھیت کُھلاواں گا۔ جوتی جوت سروُپ ہرِ، آپ اپنی کِرپا کر، تیری سوہنی بنت بناواں گا۔ پِچھلی کھیل دسےّ سئیا، بھیوَ ابھید کُھلائیا۔ کرے کھیل وڈ رمئیا، رحمت آپ کمائیا۔ جِس ویلے کُکڑ تیرا سؤدا کر کے ٹھٹھیار نوُں سائی دا پھڑایا رُپیا، سو سائی دیِن والا سِنگھ دیِدار نظری آئیا۔ پِچھلا کھاتہ پھول کے وہیِیا، سب کُچھ رہیا وکھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ تیرے وچولے گھر جاواں گا۔ سؤدا ہون دا لیکھا مُکاواں گا۔ اوسے دے کولوں سؤدا لےَ کے تیرے رِدھے پکّے وِچ پاواں گا۔ ایہو پربھ دے بھیو گُجھے، ہرِسنگت سرب سمجھاواں گا۔ جن بھگتاں لیکھے کدے نہ مکُے، سد اپنا سنگ رکھاواں گا۔ دَیال ہو کے سَتگُر تُٹھے، دیِنن گلے لگاواں گا۔ مِہروان ہو کے گودی چُکے، اپنی گود سُہاواں گا۔ ننگے پِنڈے بہہ کے اوتھے بُکے، سوہنی کھیل وکھاواں گا۔ جے کوئی موُرکھ اَگے ہو کے پُچھے اونوُں دسےّ، مَیں اینہاں دی سیو کماواں گا۔ خوشیاں نال پربھوُ ہسّے، ہستی اپنی وِچ رلاواں گا۔ جوتی جوت سروُپ ہرِ، آپ اپنی کِرپا کر، ساچی کرنی کار کماواں گا۔ سچ دسّ سائی دیِن والا کؤن، کِس بِدھ بنت بنائیا۔ سؤدا مُکؤن والا کؤن، دوہاں جوڑ جُڑائیا۔ قیمت پاؤن والا کؤن، باقی کَون حِساب رکھائیا۔ جوتی جوت سروُپ ہرِ، آپ اپنی کِرپا کر، سچ سچ سچ دے سمجھائیا۔ سائی دیِن والا مُسلم سائیں، موٹے منِکیاں مالا پائیا۔ سہج سُبھاؤ اوتھے گیا آئی، اپنا پھیرا پائیا۔ پُرکھ اکال بنت بنائی، نانک نِرگُن دھار چلائیا۔ بن وِچولا اُس کِہا بھائی، سودا لؤ مُکائیا۔ اِس نے بھیٹ چڑھنا چنگی تھائیں، ذِبح کرے نہ کوئے قصائیا۔ کِیوں لالو روٹی نانک بنائی، خوشیاں نال کھوائیا۔ االلہ میاں اِس دا ضامن ہوئے سہائی، لیکھا لیکھے پائیا۔ اوس ویلے کُکڑ اندروں کِہا واہ میرے بھائی، میرے نال مرضی لئی رلائیا۔ تیری میری نہ ہووے جُدائی، االلہ میاں آپے میل مِلائیا۔ اُس دے لہنے پِچھے ساری کھیل وکھائی، اپنا بھیو چُکائیا۔ تیری رات تیرے حِصے رکھائی، اپنا حِصّہ نہ کوئے ونڈائیا۔ اجّ دوہاں دا لہنا دیوے چُکائی، دینا جھولی پائیا۔ ننگے پِنڈے بہہ کے دئے ودھائی، واہوا خوشی منائیا۔ ویہہ ماگھ ایسے کارن پہلوں لِکھت کرائی، گُجرات دِتا سمجھائیا۔ لال چند آؤنا چائیں چائیں، پِچھلا میلا رہیا مِلائیا۔ کریا کھیل بےپرواہی، بےپرواہ بےانت اپنی کار کمائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، دیونہارا پِچھلا دان، اگلا لیکھا اپنے ہتّھ رکھائیا۔

۲۴ ماگھ ۲۰۲۰ بِکرمی دیِدار سِنگھ دے گرِہ بابوُ پُرا ضِلع گُرداس پُر تارا سِنگھ دے کپڑے اُتروا کے لِکھت کرائی

پنڈت پروہت منگ دان، دیونہارا ججمان نظری آئیا۔ سدا سدا سد کردا رہے پُنّ مہان، وست امولک اِک ورتائیا۔ بُھکھیاں ننگیاں پردہ کجے آن، سِر اپنا ہتّھ ٹِکائیا۔ کوجھیاں کملیاں دے گیان، کرے سچ پڑھائیا۔ بُھلے بھٹکے ویکھ بال انجان، سُرتی شبد جگائیا۔ کوُڑ کُڑیارا چُھڈائے پیِن کھان، امرت رس مُکھ چوائیا۔ تیِر نِرالا مارے بان، انیالا ہتّھ اُٹھائیا۔ لیکھا ویکھ لالو ترکھان، طرح طرح سمجھائیا۔ نانک پِچھوں دوارا منگیا آن، اپنی الکھ جگائیا۔ مَیں سائیں دا سجّن مُسلمان، عربی بات سُنائیا۔ مَیں کھانا اِک پکوان، سچّی آس تکائیا۔ اَگوں بول کِہا ترکھان، سُن میرے سچّے بھائیا۔ اؤہ ویکھ سائیں بَیٹھا وِچ مَیدان، سوہنی صفا وِچھائیا۔ تُوں وی مِل اُس دے نال، دوہاں کھانا دیاں ورتائیا۔ پہلوں اِک مسلا دسّو مجید قُرآن، پَیغام دُھردرگاہیِا۔ سچ محبوُب کِتھے ملِے آن، کَون محراب سُہائیا۔ اوس ویلے کِہا مَیں منگتا منگن والا دربان، درویش روُپ وٹائیا۔ ننگا پِنڈا تن کایا ماٹی وکھائے کھال، ہڈّی چمڑی جوڑ جُڑائیا۔ جے دَیال ہویاں دُھر دے لال، لال دوشالہ میرے اُپر پائیا۔ کُکڑ اوسے ویلے دِتی بانگ، اُچی کوُک سُنائیا۔ پہلوں میری پتّ لیَنی راکھ، سِر میرے اوڈھن اِک ٹِکائیا۔ نانک کِہا لالو اینہاں دوہاں دے دے دات، ڈھائی گز دُپٹّا ہتّھ پھڑائیا۔ اوس ویلے کِہا واہ ججمان، ننگا ہو کے بھجّا واہو داہیِا۔ لالو کِہا دسّ احوال، کَون دوارے ڈیرہ بَیٹھا جمائیا۔ نانک کِہا چھڈ ایہہ بال انجان، سمجھ کوئے نہ رائیا۔ ایہدا لیکھا اَگے رکھاواں تیرے نال، ساچا میل مِلائیا۔ کلجُگ انت ہو مِہروان، پُرکھ اکال ہوئے سہائیا۔ کُکڑ اُتے پا کے لال دوشال، پہلوں ایہدا لیکھا دینا مُکائیا۔ پھیر ڈھائی گز ایہدے لئی کرنا تیار، سوہنی بنت بنائیا۔ اَگوں سائیں اُٹھ کیِتی پُکار، رحمت کر گوسائنیا۔ ایہہ میرا مُسلم بھائی یار، سچّا میلی نظری آئیا۔ اَگوں مِلیا اِک جواب، دُھر دی دھار سمجھائیا۔ کلجُگ انتم دوہاں پوُرا کرے خواب، سُفنے رَین وِہائیا۔ ایہہ مانگت تُوں بِھکھک دوہاں دیوے دات، جھولی سچ بھرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لیکھا جانے ننگے دھڑ، آیا گھر سائیں چل، سچ سِنگھاسن بَیٹھا ملّ، اچھل چھل اپنا کھیل سمجھائیا۔

ڈھائی گز دُپٹّا دسےّ سچ، سرب رہیا سمجھائیا۔ پہلوں پربھ نے بدھّا لکّ، اپنے انگ لگائیا۔ پھیر بدن لیا ڈھک، اوڈھن روُپ وٹائیا۔ مَینوُں دے وڈیائی پنج ہتّھ، لما دِتا ودھائیا۔ ساڈھے ستّاں فُٹاں اندر رکھّ، سوہنی خوشی جنائیا۔ نایں صِفرے کر اِکٹّھ، نبّےاِنچاں ونڈ ونڈائیا۔ کر کھیل پُرکھ سمرتھ، میری سوہنی سیو لگائیا۔ پڑدے اندر ڈھک، اپنے گھر سُہائیا۔ جوتی جوت سروُپ ہرِ، آپ اپنی کِرپا کر، اپنی کرنی کار کمائیا۔ ڈھائی گز کہے مَیں پِچھے رہیا ڈردا، بھے وِچ سمائیا۔ کلجُگ انتم کھیل ویکھ نر ہرِ دا، سوہنی خوشی منائیا۔ جو میرے پریم پیار پِچھے تن اُتوں لاہویں پڑدہ، دُھر دی دَیا کمائیا۔ بن درویش ساڈا بردا، اپنا پھیرا پائیا۔ ہؤلی ہؤلی کھیل کردا، کرنی نال سمجھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ ڈھائی گز دُپٹّا کہے بول، دُھر دا راگ سُنائیا۔ پُرکھ ابناسی گنڈھ میری دِتی کھول، اپنا ہتّھ لگائیا۔ مَیں ویکھاں ڈاواں ڈول، چاروں کُنٹ دھیان لگائیا۔ ہُن وساں کیہدے کول، سجّن کَون بنائیا۔ بھیوَ نہ آوے اُپر دھؤل، دھرنی راہ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ دُپّٹے کِہا میرا ٹھاکر مِہروان، میرے اُپر دَیا کمائیا۔ اپنے در کر پروان، پھیر بھگتاں بھیٹ چڑھائیا۔ جُگ چؤکڑی لیکھا چُکے آن، باقی کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ دُپٹّا کہے مَیں رنگ رنگیِلا، لالن روُپ وٹائیا۔ آد جُگادی چَھیل چھبیلا، سوہنا روُپ پرگٹائیا۔ جُگ چؤکڑی اِکٹّھا کراں قبیِلہ، جن بھگتاں ویکھ وکھائیا۔ بِن پُرکھ اکال میرا بنے نہ کوئے وسیلہ، سچّا سنگ نہ کوئے نِبھائیا۔ درگاہ دِسے نہ کوئے وکیِلا، جوتی جوت سروُپ ہرِ، آپ اپنی کِرپا کر، میرا لیکھا دئے وکھائیا۔ دُپٹّا کہے مَیں کردا رہیا فریاد، ہؤلی ہؤلی آواز لگائیا۔ کَون ویلے رکھےّ لاج، مِہروان دَیا کمائیا۔ سچ کہے پُرکھ ابناس، اِکو وار دِتا سمجھائیا۔ تیرا کمّ سچّا خاص، سوہنی سیوا لائیا۔ جُگ چؤکڑی جِس دی آس، سو پوُری دئے کرائیا۔ جن بھگتاں تیرا ساتھ، سگلا سنگ نِبھائیا۔ دَیا کرے پُرکھ سمراتھ، مِہروان ہو سہائیا۔ کلجُگ انت تَینوُں رکھّ کے بھگتاں اُتے لاش، لّچھمی دیوے مان گوائیا۔ جوتی جوت سروُپ ہرِ، آپ اپنی کِرپا کر، سوہنی ونڈ ونڈائیا۔ دُپٹّا کہے مَیں رکھّی اُڈیِک، نیتر دھیان لگائیا۔ کَون ویلا آئے تاریخ، پربھ طریقہ دئے سمجھائیا۔ میری بھگتاں نال لگّے پریِت، دُھر دا جوڑ بنائیا۔ مَیں رل کے گاواں گیِت، سوہنگ ڈھولا چائیں چائنیا۔ جوتی جوت سروُپ ہرِ، آپ اپنی کِرپا کر،

میری بنت دئے بنائیا۔ بنت بناونہارا، ہرِ سچّا اِک اکھوائیندا۔ آد جُگادی گُر اوتارا، نر نرائن ویس وٹائیندا۔ لیکھا جان دُھر دربارا، لوکمات کھوج کھوجائیندا۔ شبد اگمّ بول جَیکارا، سچّا راگ الائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ دُپٹّا کہے مَیں دِتا ساتھ، دُھر دا سنگ رکھائیا۔ جن بھگتاں نال سڑ کے ہویا خاک، اپنا آپ مِٹائیا، کِرپا کری پُرکھ ابناس، ابناسی ساچی دھار بنائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ ملِے وڈیائی لالو گھر، گرِہ مندر سوبھا پائیا۔ میرا چُکیا پِچھلا ڈر، اَگے خوشی اِکو نظری آئیا۔ جن بھگتاں پلّوُ لیا پھڑ، سوہنا جوڑ جُڑائیا۔ چھاتی اُتے بَیٹھا چڑھ، اپنا زور جنائیا۔ جوتی جوت سروُپ ہرِ، آپ اپنی کِرپا کر، ہرِ کرنی کرتا کار کمائیا۔ دُپٹّا کہے مَیں وسیا نال، ساچا سنگ رکھائیا۔ لکّھ چؤراسی وِچوں گُرمُکھ بھال، ناتا جوڑ جُڑائیا۔ اوہ ویکھ پربھ دے لال، مَیں اپنا لال رنگ نال مِلائیا۔ جُگ چؤکڑی پِچھوں پربھ نے بدلی چال، نِرالی چال آپ رکھائیا۔ جن بھگتاں پُچھ حال، در در گھر گھر ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ دُپٹّا کہے مَیں ڈھائی گز، ہرِ مِنتی نام کرائیا، جن بھگتاں اُتے رہیا سج، سوہنی مِلی وڈیائیا ، اَگے پِچھے پڑدہ کجّ، اپنی سیو کمائیا۔ سِڑھی اُتے نال سج، اپنا جوڑ جُڑائیا۔ جوتی جوت سروُپ ہرِ، آپ اپنی کِرپا کر، موہے دِتی اِک وڈیائیا۔ سچ وڈیائی دسےّ نِرنکار، ہرِ سچّا سچ جنائیندا۔ سَتجُگ ساچی چلے دھار، سَت پُرکھ نِرنجن آپ سمجھائیندا۔ جن بھگتاں دِسے اِک نِشان، نِشانہ اِکو اِک پرگٹائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ دُپٹّا کہے مَیں گیا سڑ، اپنا آپ بھیٹ چڑھائیا۔ اگلا پِچھلا چُکیا ڈر، خوشیاں رنگ رنگائیا۔ مَیں دوُر نیڑے ویکھیا کھڑ، اپنی اکّھ کُھلائیا۔ بھگت بھگوان ڈھولا رہے پڑھ، سوہنگ راگ الائیا۔ مَیں اَگے ہو کے ویکھیا در، در دروازے اندر دھیان لگائیا۔ اوتھے وسے نرائن نر، پُرکھ اکال بےپرواہیِا۔ دِیپک جوت رہیا بل، نوُرو نوُر رُشنائیا۔ سوہنا سُچجّا دِسے محل، اٹل منار وڈیائیا۔ تاب بےآب نہ سکیا جھل، پربھ جھلک اِک وکھائیا۔ میرا تھر تھر اندر گیا ہلّ، دھیِرج دھیِر نہ کوئے رکھائیا۔ میرا ساہ نہ پَوے کھل، ہؤکے دے دے رہیا جنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بھگت کہے او دُپّٹے یار، اُٹھ ویکھ دھیان لگائیا۔ آ وکھاواں تَینوُں گھر بار، جِس گرِہ بہہ کے خوشی منائیا۔ تیرے ورگے کوٹن کوٹ لال رنگ رہے نِکھار، اپنا

جوبن روُپ وکھائیا۔ ویکھ اینہاں نال کرے نہ پربھوُ پیار، اکّھ نال اکّھ نہ کوئے مِلائیا۔ تیرے اُتے ہو دَیال، ساڈے نال تیرا سنگ نِبھائیا۔ دُپٹّا کہے ایہہ وڈیائی پُرکھ اکال، دوُجا نظر کوئے نہ آئیا۔ بھگت کہے اسیں ایسے دے لال، جو لال رنگ تیرا نال مِلائیا۔ دُپٹّا کہے مَیں ایسے دی کردا رہیا بھال، جُگ چؤکڑی دھیان لگائیا۔ جن بھگت کہے ایہہ کھیل کرے کمال، شہنشاہ اپنے ہتّھ رکھےّ وڈیائیا۔ دُپٹّا کہے مَیں لالو بنایا دلال، وِچولا وِچے وِچ اِک رکھائیا۔ جِس دا پربھوُ کدی نہ موڑے سوال، نانہہ کر نہ کدے سُنائیا۔ اون مَینوُں سِکھیا دِتی سِکھال، پٹّی سچ پڑھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ مَیں پٹّی پڑھی لالو دھار، سوہنی بنت نظری آئیا۔ اوس کِہا پربھ نال کر پیار، پریم پریِتی اِک لگائیا۔ پِھر کوئی کمّ نہیں دُشوار، اؤکھی گھاٹی رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، لیکھا دیوے تھاؤں تھائنیا۔ دُپٹّا کہے مَیں سیوا کری، اپنا آپ بھیٹ چڑھائیا۔ پِچھلا ویکھو ویلا وقت گھڑی، گھریں گیا سمجھائیا۔ لال اوڈھن گوبِند شبدی روُپ منگیا چمکؤر گڑھی، اِک دھیان لگائیا۔ میرے بچّیاں دی کِسے نظر نہ آوے مڑھی، بالن ہڈّیاں نہ کوئے بنائیا۔ دسّی گلّ دُھر دی کھری، خالص رہیا جنائیا۔ جِنہاں دا راکھا آپ ہری، ہرِ دوارے سوبھا پائیا۔ اوہ بنّھے اپنی لڑی، تند تند نال جُڑائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ گوبِند کِہا سوہنا رنگ لال، جو دھرتی خوُن نال رہی چمکائیا۔ سوہنا لگّے جمال، نوُری جوت رُشنائیا۔ دو نیہاں ہیٹھاں آئے بال، اُتے رومال نہ کوئے ٹِکائیا۔ دو گھالن اپنی گھال، بھیٹا تلوار کرائیا۔ اینہاں اُتے اوہ دیواں لال رومال، جِس رومال نال جُجھار اجیِت مُکھ پوُنجھ اپنی جیب ٹِکائیا۔ اوس ویلے اجیِت سِنگھ کِہا نال پیار، صاحِب سَتگُر دے سمجھائیا۔ ایہہ کی کیِتی کار، ساڈے نال پیار ودھائیا۔ گوبِند کِہا نہیں ایہہ لیکھا دسّوُں جُجھار، پھڑ باہوں آپ اُٹھائیا۔ تیرے پِچھے کر تیار، دوہاں میل مِلائیا۔ اگلا سچ سچ وِہار، بِوہاری روُپ وٹائیا۔ ایہہ بچّوُ بچّیو بچیا اِک رومال، جو پُری انند وِچوں اپنے نال لےَ کے آئیا۔ باقی سب کُچھ سرسے سُٹیا دھنّ مال، خالی ہتّھ وکھائیا۔ جِس ویلے میرا پُرکھ اکال ہووے دَیال، میرا سنگ نِبھائیا۔ اوس ویلے مَیں ہوواں کِرپال، گُرمُکھاں نال رلائیا۔ ڈھائی سؤ سال پِچھوں ودھ کے ودھ کے ودھ کے ڈھائی گز لمبا ہو جائے جال، اپنا روُپ وکھائیا۔ اوس ویلے پھیر تُہاڈے نال رلاواں اپنے لال، بچّے بچّیاں نال مِلائیا۔ جا کے پُچھاں مُریداں حال، مُرشد روُپ وٹائیا۔ جنم کرم دا

جنجال، لکّھ چؤراسی ڈیرہ ڈھاہیِا۔ ساچی دات رکھاں سنبھال، اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ اجیِت کِہا سُن میرے سَتگُر، پیار ساڈے نال رکھائیا۔ کِنّے سِکھ تیرے وینہدیاں وینہدیاں گئے تُر، اپنا آپ بھیٹ چڑھائیا۔ گوبِند کِہا بچّیوویکھیو تُسیں نہ آئیو مُڑ، ہتّھ سِر سِر ہتّھ اُتے ٹِکائیا۔ مَینوُں بچّیاں دی نہیں تُھڑ، کوٹن پُتر لواں پرگٹائیا۔ تُساں جانا چڑھ کے گھوڑ، اپنی واگ بھوائیا۔ تُہاڈی پُرکھ اکال ہتّھ ڈور، سوہنا جوڑ جُڑائیا۔ جُجھار کِہا پِتا جی ایہہ رومال جیہڑا تیرے کول، ایہہ مَینوُں دے جِس ویلے آوے پسینہ اپنا مُکھ صاف کرائیا۔ گوبِند کِہا ایہہ وست انمول، اِکلوتے ہتّھ نہ کِسے پھڑائیا۔ ایہہ مَیں رکھّنا کول، ڈھئیا اپنے وِچ چُھپائیا۔ پرگٹ ہو کے اِس نوُں لواں کول، لمبا کر وکھائیا۔ پُرکھ اکال جِس ویلے آوے اُپر دھؤل، اُس دے کمر دیاں بندھائیا۔ اوہ اپنی ہتھیں گنڈھ لَوے کھول، میرے اُتے ٹِکائیا۔ مَیں اَگوں کہواں بول، مَیں تیری اَمانت تیری بھیٹ چڑھائیا۔ سمرتھ پُرکھ کہے اڈول، واہوا گوبِند تیری وڈ وڈیائیا۔ مَیں بھگتاں نال بڑا کراں چوہل، سوہنا پریم وکھائیا۔ پریِتی اندر اپنا آپ گھولی گھول، پنج تت کایا بھیٹ چڑھائیا۔ پھیر تیرے وِچ وسیا اڈول، سہجے سہجے قدم ٹِکائیا۔ بن ونجارا ہٹّ دِتا کھول، جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ گوبِند کہے ایس رومال دا مُلّ، دو جہان سکے نہ کوئے چُکائیا۔ اِس نے وڈیائی دینی بھگتاں کُل، گُرمُکھاں کرے رُشنائیا۔ اِس دے اُتے ہرِسنگت برکھنے پُھل، سوہنی چھہبر لائیا۔ اِس وِچ گُرمُکھ دے ہسّنے بُلھ، جِنہاں نال تیرا میرا نام دِھیائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ رومال کہے میرا بنے رومالا، راوی کنڈھے ملِے وڈیائیا۔ گُر ارجن لِکھ کے گیا کمالا، سوہنا لیکھ سمجھائیا۔ نہاوَن لگّیاں ڈھائی گز منگیا اِک دوشالہ، اوڈھن اُپر ٹِکائیا۔ کر دھیان سِری بھگوانا، اِک آواز لگائیا۔ تیرا کھیل دو جہاناں، بےانت تیری بےپرواہیِا۔ جوتی جوت سروُپ ہرِ، آپ اپنی کِرپا کر، میرا اوڈھن اپنے لیکھے لائیا۔ پُرکھ اکال کِہا گز ڈھائی، لال رنگ نظری آئیا۔ ارجن نال ہوئی کُڑمائی، سوہنی بنت بنائیا۔ پُرکھ اکال دئے ودھائی، در ٹھانڈے منگ منگائیا۔ اِس دا لیکھا دئے چُکائی، کلجُگ آوے بےپرواہیِا۔ جن بھگتاں اُتے دئے ٹِکائی، سوہنی سیو کمائیا۔ جو جوتوں وِچھڑے انت جوتی لئے مِلائی، گُر ارجن تیری دھار نال رکھائیا۔ پہلوں راوی کنڈھے تَینوُں لئے منگائی، نال بھٹھیالا جوڑ جُڑائیا۔ پھیر ہرِ گوبِند آسا پوُر کرائی، آر پار ہرِسنگت ڈیرہ لائیا۔

پھیر چل کے آئے واہو داہی، نانک وِچھڑے لئے مِلائیا۔ پِھر وی چلے اپنی رضائں، راز اپنے وِچ چُھپائیا۔ جو پِچھلے سال لیکھا دسّ کے گیا ماہی، مِہروان دئے وڈیائیا۔ سو پوُرب پوُرا رہیا کرائی، پرم پُرکھ بھیو چُکائیا۔ ڈھائی گز دئے دُہائی، اُچی کوُک کوُک سُنائیا۔ او رومال والے پکڑی باہیں، گڑھی چمکؤر یاد کرائیا۔ سِر دے کے ٹھنڈی چھائیں، سوہنی رُت سُہائیا۔ گُرمُکھ سیج اُتے مَینوُں دِتا وِچھائی، ہرِسنگت نال مِلائیا۔ جوتی جوت سروُپ ہرِ، آپ اپنی کِرپا کر، میرا لیکھا پوُر کرائیا۔ رومال کہے جِس اُپر آئے لال پڑدہ، گوبِند پالکی دئے بنائیا۔ بےشک جیِواں دِسے تن ماٹی خاک سڑدا، گُرمُکھ گھر ساچے جاوے چائیں چائنیا۔ محل اٹل منارے وڑدا، سوہنا بنک سُہائیا۔ ویکھے کھیل پِر ہرِ دا، جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ لال رنگ کہے مَیں منگی منگ اِک، اِک اَگے کر عرضوئیا۔ گوبِند لیکھا دے لِکھ، لِکھیا نہ کوئے مِٹائیا۔ جیہڑا تیرا سچّا سُچا پوُرا ہووے گُرسِکھ، اُس اُتے مَینوُں پائیا۔ مَیں اُتوں ویکھاں اوہدا مُکھ، اپنا دھیان لگائیا۔ جِس ویلے گُرسِکھ کاہنی لیَن چُک، مَیں خوشیاں راگ الائیا۔ اُٹھ بھراوا تیرا پیَنڈا پِچھلا گیا مُک، اَگے چلیئے چائیں چائنیا۔ اؤہ ویکھ جِس نوُں کہِندے گُجری سُت، شبدی دھار سمائیا۔ جِس دے اندروں پُرکھ اکال پئے اُٹھ، اپنا روُپ وٹائیا۔ جن بھگتاں رہیا پُچھ، ہؤلی ہؤلی کول بہائیا۔ دسّو تُہانوُں کوئی ہےَ دُکھ، دُکھیاں درد ونڈائیا۔ اینہاں پِچھے وار سب کُچھ، آپا بھیٹ چڑھائیا۔ ایسے کر کے بدلیا رُخ، اَولّڑی چال چلائیا۔ میرا دانہ پانی گیا مُک، گُرسِکھو تُہاڈے بھنڈارے ملِے وڈیائیا۔ گھر گھر پکدے رہن روٹ، لالو وانگ سارے دئے ترائیا۔ کِسے وِچ رہن نہ دیوے کھوٹ، کھوٹیاں کھرے بنائیا۔ ونڈ پائے نہ کوئی ورن گوت، ذات پات نہ کوئے رکھائیا۔ وڈّا چھوٹا نہ کوئی سوچ، نیِچ اوُچ نہ کوئے وکھائیا۔ ہر گھٹ رکھّ کے اپنی جوت، جوتی جوت نوُر رُشنائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ رومال کہے مَیں گیا ودھ، وادھا گُرمُکھاں گھر نظری آئیا۔ جِنہاں پُرکھ اکال لیا سدّ، گوبِند اوٹ تکائیا۔ مَیں وی اوہناں نال آیا بھجّ، اپنا پندھ مُکائیا۔ مَیں سیوا کراں پڑدہ دیواں کجّ، انگ لاگ خوشی منائیا۔ ہُن میرا نہیں وس، پربھ دُھر فرمان دِتا سمجھائیا۔ تیرا بھگتاں نال ساتھ، اگلا راہ وکھائیا۔ ننگا دھڑنگا چنگا لگّے پُرکھ ابناس، کِیوں ایہہ بُھکھیاں ننگیاں رہیا ستائیا۔ جے اینوں دُکھ لگے خاص، پِھر آپے دُکھیاں درد ونڈائیا۔ جوتی جوت سروُپ ہرِ، آپ اپنی کِرپا کر، اپنی کار کمائیا۔ لال دُپٹّا کہے

بھگتو تکّو نال اکّھ، مَیں سب نوُں دیاں سمجھائیا۔ تُہاڈے نالوں کر کے وکّھ، تُہاڈا بھائی درگاہ دِتا بہائیا۔ پربھ نے دِتا پِچھلا حق، وست آپ ورتائیا۔ اوہ بَیٹھا اوتھے ڈٹ، اپنا آسن لائیا۔ نالے کہے مَیں وڈّا جٹّ، زور بل ودھائیا۔ مَیں ویکھیا پُرکھ سمرتھ، نِرگُن سرگُن کھیل کرائیا۔ مَیں بول کے کِہا ہسّ، اِک آواز لگائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا کرائیا۔ دُپٹّا کہے میری سیوا اپار، صاحِب سَتگُر آپ لگائیا۔ جِس دے اُتے مَینوُں گُرمُکھ دیِن ڈال، سوہنی ونڈ ونڈائیا۔ مَیں ضرور سچ دوارے لےَ کے جاواں نال، اَدھ وِچکار نہ کوئے اٹکائیا۔ کِیوں گوبِند خالی ہتّھ نہ رکھے بِن کدے رومال، رومال نال گُرمُکھاں مُکھ صاف کرائیا۔ اوہ نہ جانے شاہ کنگال، وڈّے چھوٹے نہ کوئے وڈیائیا۔ مَیں ہؤلی ہؤلی اوہدی گودی دینے سوال، لےَ کے جاواں چائیں چائنیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ گُرمُکھ کہے بےشک دُپّٹے مَینوُں لےَ کے آیا، اپنا پندھ مُکائیا۔ مَیں وینہدا ساں جدوں لالو بھیٹ چڑھایا، مگھّر مہیِنہ یاد کرائیا۔ اوس ویلے میرے اندر فُرنا پُھریا ایہہ کی سانگ رچایا، سمجھ کوئے نہ آئیا۔ مَینوُں کِسے ہؤلی جِہی آکھ سُنایا، ایہہ تیرے لئی بنت بنائیا۔ پہلوں تَینوُں ایہدے نال رلایا، دُھر دا جوڑ جُڑائیا۔ کِیوں پُرکھ ابناسی پھیرا پایا، بےپرواہ وڈّی وڈیائیا۔ مَیں کِہا ننگا بَیٹھا جٹّ نظری آیا، جٹّاں ورگا میرا بھائیا۔ اساں پُرانا کپڑا تن ہنڈھایا، ایہہ زیور زری سُہائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُرسِکھ کہے تیری ویکھی کار، کرتے وڈ وڈیائیا۔ در آ تیرے دربار، وجّی اِک ودھائیا۔ مَیں تیرے نال کیِتا اِقرار، اِکو بچن سُنائیا۔ مَینوُں ننگا پِنڈا دے وکھال، میرے ورگا ہو کے نظری آئیا۔ پھیر منّاں تُوں کنگالاں وِچ کنگال، شہنشاہاں وِچوں شہنشاہ نظری آئیا۔ نالے ویکھاں تیرا رومال، جِس نال بچّیاں مُکھ صاف کرائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ تُوں ویکھیں لاہ کے کُڑتا، وانگ غریِباں ٹھنڈ تَینوُں ستائیا۔ تُوں پالے نال ہوویں مُردا، تَینوُں سمجھ جاوے آئیا۔ پھیر تُوں وی کہیں مَینوُں ڈھیلا دے گُڑ دا، کھا کے خوشی منائیا۔ مَیں وی ویکھاں پِھردا تُردا، چاروں کُنٹ دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ جے منگیں گُڑ دا ڈھیلا، مَیں بَیٹھاں مُکھ بھوائیا۔ جے بانہہ پھڑ کے پُچھیں مَیں کہاں اجےّ نہیں ویہلا، میری چِلم سوُت نہ آئیا۔ جے کھہڑے پئیں تے آکھاں ساڈے اندروں جا کے لےَ لا، جِناں مرضی کھانا کھائیا۔ مَیں کوئی نہیں لہنا پَیسا دھیلا، مُفت

رہیا ونڈائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ ویکھ میرا کُڑتا لّتھا، تن چیِر نظر کوئے نہ آئیا۔ اپنی تکّ سچّی اکّھا، اکّھ نیَن کُھلائیا۔ بھاگ لگّا کُلیّ کّکھاں، تیرے وچولے دیواں وڈیائیا۔ مردے مردے مردے نوُں اےنوُں رکھاں، لیکھا اپنے نال جُڑائیا۔ سائیں گلّ ساچی دسّاں، صاحِب ہو سمجھائیا۔ منگن والا نال پھٹا، تیِر نِشانہ لائیا۔ جِس دے سِر اُتے اودوں چپّا چپّا پٹیاں ورگیاں جٹاں، مُسلم روُپ وٹائیا۔ ڈوُماں گھر جامہ دسّاں، آوے واہو داہیِا۔ ججماناں کولوں جا کے منگاں، کھانا پینا دین کھوائیا۔ اوہناں گھروں ملِے چنگا، کِیوں، نانک بَیٹھا آئیا۔ ہتّھ وِچ پھڑ کے لماں ڈنڈا، آؤندا جاندا کوُکر رہیا ہٹائیا۔ اوہناں کوُکراں اَگوں اوہنوُں مِلیا سنڈھا، جیہڑا کھؤروُ رہیا وکھائیا۔ جِس ویلے ڈوُم چُکیا ڈنڈا، اوہ اَگوں ہور نیڑے آئیا۔ مراسی وڑ گیا تھلّے منجا، جِس اُتے نانک آسن لائیا۔ کِہا، مَیں اپرادھی گندہ، سار کوئے نہ پائیا۔ نانک کِہا تُوں کِسے ویلے چند چمکیں تارا چندا، تیری تار کرتار نال مِلائیا۔ پھیر سُن کے سائیں کِہا مَیں وی اوسے دا بندہ، بندگی وِچ دھیان لگائیا۔ نانک کِہا آؤ دوہاں دیاں پاواں گنڈھاں، میرا پُرکھ اکال لئے کُھلائیا۔ جِس ویلے تُہاڈیاں ننگیاں ہوون لگّن کنڈاں، اوس ویلے اِک وار تُہاڈے اُتے پڑدہ پائیا۔ چرن پریِتی دے کے ٹھنڈا، سوہنی رُت سُہائیا۔ اِس توں ہور سَتگُر کیہڑا لبھنا چنگا، جو جُگ جنم وِچھڑے رہیا مِلائیا۔ اودھروں لالو ونڈدا آیا ونڈا، اپنے ہتّھ پکوان اُٹھائیا۔ لؤ ڈوُمو بنّھ لؤ اپنیِاں گنڈھاں، گھر لےَ کے جاؤ چائیں چائنیا۔ ایتھے کوئی نہ رہے بُھکھا ننگا، بُھکھیاں بُھکھ مِٹائیا۔ اوس ویلے ڈوُم دے سِر چوں نِکاّ جِہا ڈِگا کنگھا، جِس دے نال پّٹے واہ صاف کرائیا۔ لالو کِہا ایہہ وی ہویا چنگا، اپنے سِر دی مَیل گیادھوائیا۔ کِیوں، سَتگُر نانک چرن رکھےّ اُپر منجا، منجے ہیٹھاں ایہدا سِر نظری آئیا۔ ایہہ پار ہو جائے بِن بندگیؤں بندہ، پربھ بدلا دئے چُکائیا۔ جوتی جوت سروُپ ہرِ، آپ اپنی کِرپا کر، سب دا لیکھا رہیا وکھائیا۔ ویکھو لیکھا سرب پروار، ہرِ کرتا آپ بنائیا۔ جُگ جنم دے وِچھڑے یار، اِکٹّھے رہیا کرائیا۔ لہنا دینا دے اُدھار، قرضہ رہیا مُکائیا۔ ساچی سِکھیا سرب سِکھال، اِکو کرے پڑھائیا۔ منّو پُرکھ پُرکھ اکال، دیِن دَیال اکھوائیا۔ جِس دے گوبِند وسے نال، ساچا سنگ نِبھائیا۔ جن بھگتاں لئے اُٹھال، اپنی اُنگلی لائیا۔ اُتے دے کے لال رومال، سوہنا دوشالہ دئے سُہائیا۔ سچکھنڈ بہائے سچّی دھرمسال، دھرم دوارا اِکو نظری آئیا۔ گُرسِکھ گُرمُکھ ہرجن ہربھگت اِکو جیہے ہوئے شاہ کنگال، شہنشاہ اِکو مان دوائیا۔ وڈّیاں

چھوٹیاں غریِباں امیراں سانجھا لنگر دِتا کھوال، گھر گھر خوشی منائیا۔ ایہو جِہا پھیر نہیں آؤنا سواد، کوٹن کوٹ جنم بھرمے جگت لوکائیا۔ سَتگُر ملِے نہ کدے دَیال، دَیالتا انمُلی نہ کدے ورتائیا۔ گُرمُکھ لبھ کے اپنے لال، کّکھاں کلُیّ سوبھا پائیا۔ جے تیراں ماگھ گھر چھڈ کے نہ جاندا دیِدار، دیِدار دا لیکھا لوکمات رہن نہ پائیا۔ سارے کہن پِچھے ماتا ہوئی بیمار، اُس نوُں ویکھن جائیا۔ نہیں، بھگتاں دا پیار، گُرمُکھاں رہیا بچائیا۔ کر کے اُلٹی کار، اپنا وقت لنگھائیا۔ دُکھ اپنی جھولی ڈار، خوشیاں رنگ چڑھائیا۔ ایہو کھیل سچّے کرتار، مِہروان ہوئے سہائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ گُرمُکھ سِنگھ نال لےَ کے گیا نٹّھ، بھجّیا واہو داہیِا۔ جے گُرمُکھ ایتھے رہِندا پِھر وی وڈّی لگّنی سی سٹّ، دُکھ نالوں دُکھ دِتا ونڈائیا۔ ایہو کھیل کر کے جھٹ پٹ، ہیرا پھیری وِچ رکھائیا۔ بہانے نال گُرمُکھ رکھّ، نِشانے نال ترائیا۔ ہُن براہمن ملے ہتّھ، میرا ویلا آئیا۔ نالے رووے نالے پئے ہسّ، ہسدیاں وِچوں رون نظری آئیا۔ منگدیاں منگدیاں کدی تے پاوے وتھ، مِہروان میرا گوسائنیا۔ لالو تیرے پِچھے سارے لئے رکھّ، رکھیا کر کے تھائیں تھائنیا۔ ہرِسنگت دوُجی وار کرا اِکٹّھ، دوُجا جنم جنائیا۔ مہاراج شیر سِنگھ وِشنوُں بھگوان، پُرکھ سمرتھ، ساچی کار کمائیا۔ اپنے کر کے خالی ہتّھ، ننگا ہو کے بھجےّ واہو داہیِا۔ جوتی جوت سروُپ ہرِ، آپ اپنی جوت دھر، لیکھا لیکھیاں وِچوں باہر کڈھائیا۔