۲۵ ماگھ ۲۰۲۰ بِکرمی دلیِپ سِنگھ دے گرِہ بابوُ پُر ضِلع گُرداس پُر
اِٹّ کہے تیری وڈیائی، توہے سدا بن آئیا۔ مندر مسجد شِودوالے مٹھ بڑی سیو کمائی، اپنا آپ نیہاں ہیٹھ دبائیا۔ تیِرتھ تٹاں انگ لگائی، سردی گرمی رُت لنگھائیا۔ جُگ چؤکڑی وینہدی رہی دھیان لگائی، نیتر اکّھ کُھلائیا۔ کوٹاں وِچوں اِک اِکلّی کمّ بھگت آئی، ناتا رَوداس نال جُڑائیا۔ اُس نے پھڑ کے ہتھیں اپنے گوڈے ہیٹھاں لیا ٹِکائی، جِتھے مار کے چؤنکڑا پانہاں گنڈھ وکھائیا۔ اِک دِن سِل بدلے میرے اُتے رمبی پھڑ گھسائی، رگڑا دِتا لائیا۔ مَیں ہسّ کے کِہا قصائی، ایہہ کِتھوں گیا آئیا۔ نالے روواں دیاں دُہائی، کوُک کوُک سُنائیا۔ میری چھاتی چھل وکھائی، عُذر چلے کوئی نہ رائیا۔ رَوداس نال ٹھنڈا پانی دِتا پائی، تُبکا تُبکا چوائیا۔ میری پھیر نِکلی ہائی، ہؤکا دے
سُنائیا۔ ایہہ کی کیِتا میری دُہائی، دوہرا دُکھ سُنائیا۔ چمیار کِہا مَیں تیری بنت رہیا بنائی، سِری بھگوان سیوا لائیا۔ مَینوُں اندرے اندر رہیا سمجھائی، لیکھا لِکھے نہ کوئے قلم شاہیِا۔ اِس دا لہنا دینا تھائیں تھائیں، در در گھر گھر ویکھ وکھائیا۔ کلجُگ انتم پکڑے باہیں، بےپرواہ دَیا کمائیا۔ جوتی جوت سروُپ ہرِ، آپ اپنی کِرپا کر، ساچی کرنی موہے سمجھائیا۔ اِٹّ کہے مَیں نِکمی، کمّ کِسے نہ آئیا۔ رَوداس کِہا تَینوُں وڈّے مناریاں ہیٹھاں دے کے تھمی، آسرا تیرا تکائیا۔ اِٹّ کہے مَینوُں مِستریاں تیسیاں نال بھنّی، گھڑ گھڑ ہتّھاں وِچ بھوائیا۔ رَوداس کِہا نہیں تُوں پربھ دی ساچی چنّی، چند وانگ رُشنائیا۔ اِٹّ کہے مَیں کوجھی کملی انّھی، سار ذرا نہ پائیا۔ رَوداس کِہا مَیں سُناواں تَینوُں تیری کنّیں، بھیوَ ابھید کُھلائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ اِٹّ کہے کی میرا گُن، سمجھ سوچ وِچ نہ آئیا۔ مَیں تَیتھوں لیا سُن، پربھ دیوے مان وڈیائیا۔ کِتھے جاواں ہُن، تھاؤں نظر کوئے نہ آئیا۔ مَینوُں کچّی نوُں اگنی وِچ دیِن بھنّ، سوہنا بھٹّھا تپائیا۔ پھیر پاون مُل، ٹکیاں نال وِکائیا۔ جوتی جوت سروُپ ہرِ، آپ اپنی کِرپا کر، کِس بِدھ دیوے وڈیائیا۔ اِٹّ نہ بن نِکمی کملی کوجھی، رَوداس رہیا سمجھائیا۔ ویکھ میرے پاٹے کپّڑے پربھ نے مَینوُں دِتی سوجھی، رمبی آر ہتّھ پھڑائیا۔ تاگے ڈور نال پانہاں گنڈھ سیوا کری لوکیں، اپنا جھٹ لنگھائیا۔ کِسے کولوں پڑھی نہ کوئی پوتھی، پاندھیِاں سنگ نہ کوئے رکھائیا۔ پِچھلی گلّ نہ کدے سوچی، اگلا دھیان نہ کوئے وکھائیا۔ مَینوُں سارے کہِندے کملا موچی، چمیار کہہ کے رہے بُلائیا۔ میرے کول پاٹی دھوتی، نِکی بودی سیِس سوہنی رہی سُہائیا۔ میرے کول تُٹی لنگوٹی، کپڑ تن نہ کوئے چُھہائیا۔ اِکو وست پربھ نے دِتی بہُتی، پریم پریِتی میری جھولی پائیا۔ مَیں رمبی ہتّھا تیرے اُتے رہیا ٹھوکی، زور نال دبائیا۔ تُوں نیہاں والی انت چڑھ کے ویکھیں چوٹی، منزل تیری بےپرواہیِا۔ تیری قیمت ہونی بہُتی، سکے نہ کوئے چُکائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ اِٹّ کہے اوہ کیہڑا ویلا، پربھ دیوے مان وڈیائیا۔ رَوداس کہے پربھ آئے اِک اَکیلا، نِرگُن پھیرا پائیا۔ نال رکھےّ گوبِند چیلا، گُر شبدی ونڈ ونڈائیا۔ میرے نال کر کے میلا، سوہنا سنگ وکھائیا۔ دو جہاناں بن سُہیلا، سجّن نظری آئیا۔ لکّھ چؤراسی نالوں ہو کے ویہلا، بھگتاں دئے وڈیائیا۔ بےشک تُوں پہلوں مِٹّی دا کچّا ڈھیلا، تیری گھاڑھت گھڑ کے سوہنی بنت بنائیا۔ تُوں گھراں وِچ جائیں اُتے چڑھ کے ٹھیلا، اپنی سواری رہی وکھائیا۔ جوتی جوت
سروُپ ہرِ، آپ اپنی کِرپا کر، کرے کھیل بےپرواہیِا۔ رَوداس کہے سُن پیاری اِٹّ، اچھی طرح جنائیا۔ مَیں تَینوُں دیواں اِک چِٹّ، چِٹھی روُپ وٹائیا۔ اُس دے اُتے اِکو دیواں لِکھ، تُوں میرا مَیں تیری سیو کمائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ اِٹّ کہے لِکھ چھیتی، کِیوں اِتنی دیر لگائیا۔ جے تُوں بنیوں پربھ دا بھیتی، مَینوُں اوہدے نال مِلائیا۔ مَیں سرِشٹی نال کھیڈ بڑی کھیڈی، گھر گھر مندر دِتے بنائیا۔ سچ سِنگھاسن اجے نہ لیٹی، جیِو جنت سارے محلاں وِچ سوائیا۔ مَینوُں کِسے نہیں کِہا آ میری بیٹی، دیواں مان وڈیائیا۔ مَیں سب نال کردی رہی نیکی، بُری کار نہ کوئے کمائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ رَوداس کہے سُن اِٹّ بھَین، پِتا پُرکھ دیاں سمجھائیا۔ نیَن رو نہ پا وَیں، اُچی کوُک نہ دے دُہائیا۔ کلجُگ انتم تَینوُں آوے لیَن، سوہنا ویس وٹائیا۔ جن بھگت بنائے سیَن، سجّن آپ اکھوائیا۔ تیرے نالوں پہلے چھوٹے بالے نیہاں ہیٹھاں بہن، اُتے تیری سیو لگائیا۔ اپنا بھانا آپے آئے سہن، ساچا پھیرا پائیا۔ تیری صِفت گیِتا کرے نہ کوئے رامائن، شاستر سِمرت دیوے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، سِر تیرے ہتّھ ٹِکائیا۔ اِٹّ کہے کی پُرکھ اکال آویگا۔ دیِن دَیال دَیا کماویگا۔ گہر گمبھیِر ویس وٹاویگا۔ چوٹی چڑھ اَخیِر ویکھ وکھاویگا۔ میری بدل تقدیِر، تدبیِر اپنی اِک دِرڑاویگا۔ مَیں ویکھاں کِویں نیہاں ہیٹھاں دبےّ سوُربیِر، گوبِند بچّیاں بھیٹ چڑھاویگا۔ مَیں سب نوُں آکھاں ایہہ سچےّ میرے ویِر، بِن ویِراں بھَین کیہدی اکھواواں گا۔ جوتی جوت سروُپ ہرِ، آپ اپنی کِرپا کر، ساچی کرنی کر وکھاواں گا۔ رَوداس کِہا نہ رو بیِبی، بابل سب دا اِکو ماہیِا۔ اوہ سدا وسے قریبی، دوُر دُراڈا پندھ مُکائیا۔ اُس دی کھیل عجب اجیِبی، اچھی طرح سمجھائیا۔ پِچھلی کہانی پِچھے بیِتی، اَگے دئے وڈیائیا۔ اوس سَتجُگ چلاؤنی ریِتی، سوہنی ونڈ ونڈائیا۔ تیرا ناتا توڑ کے مندر مسیِتی، بھگت دوارے نال جُڑائیا۔ خوُن کڈھے نہ کِسے اُنگلی چیِچی، مستک وِچوں اپنی دھار وہائیا۔ بٹوارے کہے یاد کر پِچھلی نیکی، جو رام راما حال لِکھائیا۔ بھگوَن ویکھ کردا پریِتی، بھگتاں جوڑ جُڑائیا۔ دُھر دی چِٹھی رکھّی چِٹی، اکھّر اُپر نہ کوئے لِکھائیا۔ اِک رُپیا جِس نال آد جُگاد جُگ چوکڑی جن بھگتاں نال سائی کیِتی، سودا اِکو ہٹّ وِکائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ اِٹّ کہے ایہہ کِہا سچ، پربھ میرے اُتے دَیا کمائیا۔ رَوداس کِہا ہُن بس، اگلی گاتھا پھیر سمجھائیا۔ چرنی گئی ڈھٹّھ، دوئے جوڑ
سرنائیا۔ رَوداس کھول اکّھ، نیتر نال تکائیا۔ نظری آیا پُرکھ سمرتھ، دوہاں ویکھ وکھائیا۔ چمیار کہے میرے خالی ہتّھ، پربھوُ تیری وڈیائیا۔ سِری بھگوان کِہا آ لےَ دُھر دی وتھ، تیرے ہتّھ قلم پھڑائیا۔ تَینوُں چرناں وِچ لواں رکھّ، دو جہان تیری نوک نال گھسائیا۔ جوتی جوت سروُپ ہرِ، آپ اپنی کِرپا کر، سچ سچ سچ دیونہار وڈیائیا۔ اِٹّ کہے مَیں گاواں گیِت، خوشیاں راگ الائیا۔ سچ پربھوُ پربھ کرے پریِت، پریِتم بےپرواہیِا۔ ناتا توڑ مندر مسیِت، دُھر دا سنگ بنائیا۔ میری سُن پُکار چیِک، چِنتا غمی مِٹائیا۔ میرا لیکھا لائے ٹھیِک، سوہنا رنگ چڑھائیا۔ مَیں رکھاں سدا اُڈیِک، اپنا دھیان لگائیا۔ کؤن ویلا کل آئے تاریخ، جن بھگتاں ہوئے سہائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ رَوداس کہے اوہ ویلا نیڑے، پندھ نظر کوئی نہیں آئیندا۔ پُرکھ ابناسی مارے پھیرے، نِرگُن روُپ وٹائیندا۔ لیکھ چُکائے پِچھلے جھیڑے، جھگڑا سرب مُکائیندا۔ جِس جگہ بالمیک لا کے گیا ڈیرے، لِکھت بھوِکھت لِکھائیندا۔ بھاگ لگّے اوسے کھیڑے، کھِڑکی کُنڈا آپ کُھلائیندا۔ اگلے پِچھلے دوویں چھڈ کے ویہڑے، سوہنا دھام سُہائیندا۔ جن بھگتاں بنّھے بیڑے، بھگوَن کندھ اُٹھائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ سچ دسّ اوہ کیہڑا تھاں، در تیرے منگ منگائیا۔ مَیں ویکھاں چائیں چاں، چاؤ گھنیرا اِک جنائیا۔ رَوداس کِہا جِتھے ناتا تُٹے پُتراں ماں، پُرکھ اکال اِکو نظری آئیا۔ اگلا لہنا سہج سُبھا، صاحِب سَتگُر دئے جنائیا۔ بالیاں کولوں گیان دوا، وڈّیاں کرے پڑھائیا۔ نِکیاں نیہاں ہیٹھ دبا، وڈّیاں چھتر جھُلائیا۔ ساچی سیوا تیری دئے لگا، اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ اِٹّ کہے مَیں نِمانی، بلہیِن رہی کُرلائیا۔ میری سار کِس پاؤنی، محبوُب ملِے نہ سچّا ماہیِا۔ مَیں ٹھردی رہی تیِرتھ تٹاں پانی، مَیں سڑدی رہی اگنی تت تپائیا۔ مَیں وساؤندی رہی چارے کھانی چارے بانی، اندر مندراں وِچ چُھپائیا۔ میری کِسے نہ دسّی نِشانی، نِشانہ تیِر نہ کوئے چلائیا۔ رَوداس کہے اَگے بدلن والی کہانی، غریِب نِمانیاں ساریاں لئے اُٹھائیا۔ پُرکھ اکال میرا جان جانی، جاننہار آپ ہو جائیا۔ تَینوُں نِکمی کوجھی کملی نوُں بناوے رانی، رؤنق تیرے نال لگائیا۔ جے نیہاں ہیٹھ تیری قُربانی، اُپر چاروں کُنٹ منار درسائیا۔ کر کھیل پربھوُ مہانی، مہما تیری لِکھے وڈیائیا۔ جوتی جوت سروُپ ہرِ، آپ اپنی کِرپا کر، دیِن دَیال ہوئے سہائیا۔ اِٹّ کہے مَیں بالی نِکمی، نِکرمن روُپ وٹائیا۔ مات پِت نہ کوئی امی، بھَین بھائی نہ کوئے
سہائیا۔ مَیں دُکھاں وِچوں جمّی، سُکھ نظر کوئے نہ آئیا۔ بِن اکّھاں توں اّنی، نیتر نیَن نہ کوئے دسائیا۔ مَینوُں تیسیاں نال سارے رہے بھنّی، ٹھوکر لا لا رہے دبائیا۔ رَوداس تُوں کِویں کہیں چنگی، چنگیائی نظر کوئے نہ آئیا۔ چمیار کہے مَیں تیرے اُتے رمبی چنڈی، تِکھی دھار بنائیا۔ پا کے پانا کیِتی ٹھنڈی، سوہنا سُکھ وکھائیا۔ تُوں ہُن نہیں ہونا رنڈی، تیرا کنت مِلاواں ماہیِا۔ تیرا چڑھے چند نؤچندی، دو جہاناں کرے رُشنائیا۔ کر کھیل سوُرا سربنگی، شاہ پاتشاہ ہوئے سہائیا۔ تیری ونڈ اجیہی ونڈی، جِس دی سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ اِٹّ کہے مَینوُں دے نہ لارا، گلّاں نال وڈیائیا۔ میرے نال کؤن کرے پیارا، مُحبّت کؤن رکھائیا۔ میرا تن لبیڑ نال گارا، سچ شنگار نہ کوئے جنائیا۔ بھاویں کنا کڈھاں ہاڑا، میری مِنّت سُنن کوئے نہ آئیا۔ جوتی جوت سروُپ ہرِ، آپ اپنی کِرپا کر، کِس بِدھ دیوے مان وڈیائیا۔ رَوداس کہے نہیں ایہہ گلّ، ہرِ کرتے ہتّھ وڈیائیا۔ جِس نوُں چاہے دیوے بھل، نِکیوں وڈّا دئے بنائیا۔ جِس بنائے جل تھل، تیِرتھ تٹ وڈیائیا۔ جِس مندر مسجد شِودوالے مٹھ بنائے محل، گُروُدوار سُہائیا۔ جِس ویلے اوہ آپ آوے چل، اپنا پھیرا پائیا۔ سِدھا ہو جائے بھگتاں ولّ، اپنا دھیان لگائیا۔ دُکھ درد سارے دیوے ٹّھل، اَگے کوئی نیڑ نہ آئیا۔ تیرا پِچھلا وچھوڑا میٹ سلّ، بِرہوں روگ چُکائیا۔ سُنیہڑے سنگت ولّ گھلّ، گُرمُکھ لئے منگائیا۔ اپنی ہتھیں توڑ کے اپنے پھل، تیرے تھلّے دئے ٹِکائیا۔ تُوں اُتے سِنگھاسن لئیں ملّ، سوہنی سیج بنائیا۔ تیرا دُکھڑا اپنے اُتے لئے جھل، دیِنن ہوئے سہائیا۔ اوتھے کھیل کرے پربل، سَتجُگ ساچی دھار وکھائیا۔ ساڈھے تِنّ ہتّھ بیڑا بنّھ، نؤ دوار کرے رُشنائیا۔ سچ نِشانہ جائے جھُل، چؤوی ہتّھ وڈیائیا۔ جوتی جوت سروُپ ہرِ، آپ اپنی کِرپا کر، تھلّے اُپر تیرا مان رکھائیا۔ رَوداس مَینوُں بھاسے تُوں کہیں سچّی، میرے سیِنے ٹھنڈ پوائیا۔ میرے نال کر پکّی، ویکھیں کریں نہ پھیر جُدائیا۔ مَیں تَینوُں ویکھاں اکّھیں، تُوں میرا لیکھ لِکھائیا۔ تُوں پُرکھ اکال دی بننا سخی، مَیں تیرے پَیراں ہیٹھاں اپنی چھاتی ڈاہیا۔ مَیں ایہو کھٹی کھٹی، انگ تیرے نال چُھہائیا۔ مَیں بھاگاں بھری رتّی، اپنا رنگ وکھائیا۔ رَوداس کہے میری ہوئی پکّی، پکّی گنڈھ پوائیا۔ جِس ویلے لیکھا چُکے جُگ چھتّی، چؤوی ہتّھ چھتّیاں فُٹاں وِچ لیائیا۔ میرا صاحِب کِرپا کرے کملاپتی، پت پرمیشور بےپرواہیِا۔ جِس تیری نیہہ رکھّی، چوٹیاں دئے بنائیا۔ اوہ ستّراں اِکو گلّ دیوے دسّی، اچھی طرح سمجھائیا۔ اِک اِک اِٹّ چُکو ہتھیں،
منزل اُتوں اگلی منزل پُچائیا۔ جِس منزل وِچ ب پُرکھ سمرتھی، صاحِب سَتگُر سوبھا پائیا۔ چار کُنٹ چار جُگ ویکھن اکّھی، نیتر دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تَینوُں اُچ منارے دئے چڑھائیا۔ اِٹّ کہے اُچی چڑھ نہ آوے ہنکار، گل پلّوُ واسطہ پائیا۔ کی کِہا رَوداس چمیار، کِیوں دِتی وڈیائیا۔ آپ غریِب ہو کے رِہوں وقت گُزار، نِیوں نِیوں سب نوُں سیِس جھُکائیا۔ مَینوُں کیہڑی چوٹی دِتا چاڑھ، میرا پربھ بُھلائیا۔ مَینوُں اگّ لگّی ناڑ ناڑ، رو کے دیاں دُہائیا۔ مَینوُں ستّھر چنگا یار، سوہنی سیج سُہائیا۔ میری سُن پُکار، دوئے جوڑ واسطہ پائیا۔ مَیں سیوا کراں در دوار، بُھکھی ننگی رہ کے جھٹ لنگھائیا۔ تیرے ورگا مَینوُں تیرے کولوں ملِے پیار، پریِتم تیرا نظری آئیا۔ دوُجا ہنڈھاؤنا نہیں کوئی یار، سیج کنت نہ کوئے چڑھائیا۔ مَیں انگ نہیں چُھہاؤنا کِسے نال، پلّوُ سکے نہ کوئے گنڈھائیا۔ مَیں کردی رہواں بھال، نِت نوِت دھیان لگائیا۔ جوتی جوت سروُپ ہرِ، آپ اپنی کِرپا کر، مَینوُں دیوے مان وڈیائیا۔ رَوداس کِہا تُوں کِہا سَت، سَت سَت سمجھائیندا۔ تیرے میرے کُچھ نہیں وس، تیرا میرا روُپ صِفرا نظری آئیندا۔ جے اَگے ویکھیں کھول کے اکّھ، ساتا صِفرا ستّر انک بنائیندا۔ ستّراں اَگے گوبِند پرتکھ، روُپ انوُپ دھرائیندا۔ دھار کنارہ سوہے تٹ، جل دھارا وہن وہائیندا۔ اوس ویلے دیوے حق، ساتا صِفر نال مِلائیندا۔ جوتی جوت سروُپ ہرِ، آپ اپنی کِرپا کر، ساچی بنت بنائیندا۔ اِٹّ کہے کی ستّ صِفرا ہوئے ستّر، انک انک نال مِلائیا۔ رَوداس کہے نہیں ایہہ دُھر دا پتر، سِری بھگوان سندیسہ رہیا سُنائیا۔ مَیں پڑھیا نہیں کوئی اکھّر، ہتّھ کِتاب نہ کوئے اُٹھائیا۔ مَیں چمیار بُھکھا ننگڑ، آر رمبی ڈوری نال جھٹ لنگھائیا۔ بات دا کدے نہ بناواں بتنگڑ، باطن رہیا جنائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ اِٹّ کہے مَیں ستّ نال صِفر، کِس بِدھ جوڑ جُڑائیا۔ مَینوُں لگّا فِکر، کَون ونڈ ونڈائیا۔ کدے چوٹی چڑھاں سِخر، کدے نیہاں ہیٹھ رکھائیا۔ میرے اُتے کدی پَیر نہ دھریا تیرے مِتر، چرن کوَل نہ کوئے چُھہائیا۔ مَیں خوشیاں نال چُماں بھاویں اوہدے ٹُٹے ہوون چِھتر، رسنا مُکھ بھوگ لگائیا۔ کوٹن جُگ بیِتے مَیں وینہدی رہی بِتر بِتر، کِسے تٹ کِناریوں نظر مَینوُں نہ آئیا۔ کاغذاں قلماں شاہیِاں نال کردے سارے ذِکر، شاستر سِمرت وید پُران اِنجیل قُرآن ڈھولے گائیا۔ جِناں چِر میرے ساہمنے نہ آوے نِکھر، اپنا روُپ وٹائیا۔ اوناں چِر مَیں سمجھاں میرے اُتے لایا سونا چاندی کِسے کمّ نہ آوے پِتل، میِناکاری قیمت کوئے نہ پائیا۔
بےشک سِکلیگر کرن سِکل، ٹھٹھیار سُنیار سوہنی گھڑت گھڑائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ رَوداس کہے سُن بات اگلی، اچھی طرح جنائیا۔ تھوڑی مت بنیں نہ پگلی، بَول روُپ وٹائیا۔ سِری بھگوان سب دی ویکھنہارا بغلی، وست امولک سد ورتائیا۔ چل کے آوے مزلو مزلی، منزل پندھ مُکائیا۔ تیرا لہنا دینا کرے بدلی، بدلہ مات چُکائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ اِٹّ کہے میری ارداس، اٹل اَگے سرنائیا۔ مَیں بن کے داسی داس، سیوکا سیوک روُپ وٹائیا۔ پربھ پوُری کرے آس، ترِسنا ترِکھا جگت بُجھائیا۔ میرا کارج آوے راس، میری کرنی لیکھے لائیا۔ میرا انتر نہ ہوئے اُداس، بسنتر دئے بُجھائیا۔ سد رکھےّ چرناں پاس، دھوُڑی ٹِکاّ لائیا۔ در دوار دیوے نِواس، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ رَوداس کہے پربھ سَت سَتوادی میِت، ستّر دئے وڈیائیا۔ بھگتاں نال تیری پریِت، ساتا صِفرا جوڑ جُڑائیا۔ سرب سنگت پربھ کولوں منگے بھیِکھ، ساڈی سیوا دے سمجھائیا۔ سِری بھگوان ہو اتیِت، ترےَبھوَن دھنی دِتا دِرڑائیا۔ مَیں تیرا کارج کراں ٹھیِک، سوہنی ونڈ ونڈائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ سَت سَتوادی ستّراں ونڈ، ستّر ستّر تیری دھار بنائیا۔ جن بھگتاں پلّیوں کھول کے گنڈھ، تیری قیمت دِتی مُکائیا۔ ناتا بھگت دوارے گنڈھ، سوہنی سیج سُہائیا۔ چلدیاں پِھردیاں پربھ پاؤندا جائے ٹھنڈ، سَتگُر دُکھ مِٹائیا۔ گُرمُکھ تیرے اُتے ڈھولے گاوَن چھند، سوہنا راگ الائیا۔ تیری سیوا لائی صاحِب بخشند، بخشش جھولی پائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ اِٹّ کہے مَیں منارا ویکھیا عرش، جِس اُتے دِتا لگائیا۔ دھنّ بھاگ عرش چاڑھ کے پھیر لیاندا فرش، میرا مان ابِھمان مِٹائیا۔ جن بھگتاں رل کے کیِتا ترس، ساریاں اِکٹّھیاں ہو کے تیرا پِچھلا لہنا دِتا مُکائیا۔ رَوداس رہن نہ دِتا فرق، سوہنا اکھّراں لیکھ لِکھائیا۔ بُھلیا نہیں لا کے شرط، لگّی توڑ نِبھائیا۔ مَیں ہُن نہیں ہونا غرق، اپنا روُپ وٹائیا۔ سِدھی بنائی سچکھنڈ دی سڑک، گُرمُکھ میرے اُتے آون جاون چائیں چائنیا۔ مَیں سیوا کراں نِدھڑک، چھاتی اپنی ہیٹھ وِچھائیا۔ سچ دسّ رَوداس جے کوئی رہ گئی رڑک، مَیں اوہ وی جھولی پائیا۔ رَوداس کِہا اجےّ تھوڑا فرق، جو تَینوُں دیاں سمجھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ اِٹّ کہے فرق کیہڑا، اچھی طرح دے جنائیا۔ مَیں سوہنا کیِتا ویہڑا، اپنی سیو کمائیا۔
چنگا لگّے بھگتاں کھیڑا، روُپ انوُپ جنائیا۔ اوتھے صاحِب لایا ڈیرہ، اَگے پِچھے سوبھا پائیا۔ چاروں کُنٹ گھت کے گھیرا، مَیں پردہ لیا بنائیا۔ جِس وِچ راجے بل دا بدھّا وچھیرا، گوبِند اسوَ رہیا سُہائیا۔ ہاسا مخؤل نہیں بکھیڑا، مَیں بیِتی کہانی رہی سُنائیا۔ جوُٹھیاں جھوُٹھیاں سادھاں دا نہیں ڈیرہ، ڈیرے والا اِکو نظری آئیا۔ اُس دے نال کاہدا کراں جھیڑا، جو بِن جھگڑیوں جھگڑے رہیا چُکائیا۔ جیہڑا اوتھے جاوے اوہنوُں کہے تُوں میرا مَیں تیرا، تیرا میرا روُپ اِکو نظری آئیا۔ لکّھ چؤراسی کٹے گیڑا، اپنی گود سوائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ اِٹّ کہے کی رہیا فرق، مَینوُں سمجھ کوئے نہ آئیا۔ رَوداس کِہا مَینوُں ویکھ کے آوے ہرکھ، تَینوُں دیاں جنائیا۔ سِری بھگوان لیکھا لِکھیا لیکھ نِدھڑک، ہرِسنگت دِتی وڈیائیا۔ جو گُرمُکھ دروازہ لنگھ کے پَوے سڑک، سیِس نِوا کے سِدھا اندر جائیا۔ اِس وِچ تھوڑی رڑک، تیرے اُتے چلن والا بُھل بُھل بُھل کِیوں مُکھ بھوائیا۔ اِٹّ کہے مَیں ضرور دیووُں ورج، جِس ویلے گُرمُکھ میرے اُتے چرن ٹِکائیا۔ اندروں بولوُں کوُک غرج، کروُں حال دُہائیا۔ او بھگتو گُرمکھو گُرسِکھو کوُڑی کِریا کرو غرق، سچّا مارگ اِک وکھائیا۔ جِس دوارے جا کے لوکمات کوئی نہ آوے پرت، اُس نوُں سِدھے مِلو چائیں چائنیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ اِٹّ کہے رَوداس ایہہ کؤن، جو مَینوُں پھڑ کے تیرے کول لیائیا۔ جِس میری مروڑی دھؤن، پنجہ اُنگلاں وِچ پھسائیا۔ میرے نیتر چارے کُنٹ بھؤن، نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سچ سچ دینا سمجھائیا۔ رَوداس کِہا ایہہ میرا سنگی، جگت یار اکھوائیندا۔ کدی کدی گلّ کرے چنگی، کُچھ مَیتھوں پُچھ پُچھائیندا۔ تُوں کِویں جھٹ لنگھاؤنا ایں نال آر رمبی، ڈوری تند رکھائیا۔ تیری حالت سدا رہے مندی، بستر تن نہ کوئے چُھہائیا۔ مَیں ہسّ کے کہہ چھڈدا یار ایہو گلّ چنگی، جو صاحِب میرے بھائیا۔ اوس کِہا ویکھ رَوداس مَیں تیرا سجّن تُوں اِٹّ مَیتھوں منگی، مَیں اوسے ویلے چُک لیائیا۔ جے پرماتما تیرا سنگی، کِیوں بُھکھ ننگ تیری جھولی پائیا۔ رَوداس کِہا میری بندگی وِچوں تھوڑی بندگی بندی، بندنا کر کے اپنا صاحِب رہیا ریجھائیا۔ کدی دیویگا بستر سیجا سؤن نوُں منجی، اپنی دَیا کمائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ مِتر کہے رَوداس تیری چنگی نار، گھر گیاں نہ کرے لڑائیا۔ اٹّھیں اٹّھیں پہریں بھوجن رہیا کھوال، دو دو دِن فاقے وِچ لنگھائیا۔ ایدوُں وڈّا دسّ کیہڑا
کنگال، دُکھیا دے سمجھائیا۔ رَوداس کِہا ہسّ کے یار، تُوں سچّی سچ سُنائیا۔ تَینوُں میرے گھر دا آیا پیار، پریم پریم نال ودھائیا۔ جے میری نار بدلے ویہنوں میرا یار، جِس یاری تیرے نال لگائیا۔ جِس دا مَیں انمُلڑا لال، کایا چیِتھڑ وِچ چُھپائیا۔ اَگوں سجّن کِہا پُکار، اِک آواز سُنائیا۔ مَیں نہیں بُھکھیاں ننگیاں دا کردا پیار، تیرا پربھ بُھکھا مَینوُں کِویں دئے رجائیا۔ رَوداس کِہا اُٹھ ویکھ کر دھیان، تَینوُں دیاں سمجھائیا۔ اِٹّ پھڑ کے ہتّھ دِتی اُچھال، چاروں کُنٹ سوَرن روُپ وٹائیا۔ پھیر کہے اِک وار مَینوُں وکھال، مَیں لےَ کے بھجّاں واہو داہیا۔ تُوں کی کرنی ایہہ کنگال، تیرے کمّ کِسے نہ آئیا۔ رَوداس مِتر کر کے ہؤلی جِہی چپیڑ دِتی مار، سُرتی سُرت بھوائیا۔ دوئے جوڑ کر نِمسکار، عرض اِک سُنائیا۔ مَینوُں بخش بخشنہار، بُھل میری جھولی پائیا۔ رَوداس کِہا میرا تیرے نال اُدھار، بخشنہارا میرا اِکو ماہیِا۔ تُوں میری نار ولّ کر دھیان دِتی وِچار، انتشکرن اپنا آپ بدلائیا۔ اِس کارن تَینوُں جامہ لیَنا پئے وِچ سنسار، لوکمات پھیرا پائیا۔ جِس ویلے میرا آوے سِرجنہار، تیرا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ مِتر کہے سچ سمجھا، اپنی سمجھ جنائیا۔ کی تُوں وی پھیر جاویں گا آ، میرا سنگ رکھائیا۔ رَوداس کِہا سُن بھرا، تَینوُں دیاں سمجھائیا۔ تیرا جامہ ناری روُپ لئے بدلا، اِستری ذاتی وِچ سمائیا۔ گھر غریِباں جنم دوا، غریِباں وِچوں غریِبی دیواں کڈھائیا۔ اودھروں اِٹّ رہی سُنا، سُن صاحِب سچےّ ماہیِا۔ مَیں تیرے گُٹنے دا سرہانا رہی بنا، سِر اپنے بھار اُٹھائیا۔ میرا ناتا نہ دئیں تُڑا، بُھل نہ جاویں ابُھل تیری وڈیائیا۔ رَوداس کِہا پُرکھ اکال وِچولا لواں بنا، سچ سچ سُنائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ اِٹّ کہے دسّ وِچولا، کِس بِدھ تیرے یار نال مِلائیا۔ اِس وِچ نہیں کوئی اوہلا، پردہ دے سمجھائیا۔ اونے چِر نوُں چار کہار چُکی آؤن ڈولا، اپنے کندھ اُٹھائیا۔ اوتھے آ کے کِہا بھار کریئے ہؤلا، پِچھلی واٹ مُکائیا۔ اِک کِہا رَوداس کولوں گنڈھا لئیے پاؤلا، پانہی اَگے ٹِکائیا۔ دوُجا کہے ساڈی سار پائے مؤلا، مِہر نظر اُٹھائیا۔ تیِجا کہے رَوداس دا بِٹھل ویکھو کؤلا، چمّ والا پانی نظری آئیا۔ چؤتھا کہے جے کوئی ساڈا وی ہُندا وِچولا، ساچا میلا دئے مِلائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ پانہا گنڈھ رَوداس پُچھے، سوہنی آواز لگائیا۔ ہُن تُساں جانا کِتھے، کیہڑا راہ تکائیا۔ بھار چُکدے سارے ہوئے چِھتھے، تھکّے ہوئے سُنائیا۔ ایہہ بیِبی رانی ڈولی وِچ بَیٹھی پا کے لیِڑے چِٹّے، بھار ساڈے اُتے رکھائیا۔ جے اسیں
وی کُڑیاں بن دے ہُندے کِتے، پندھ کٹدے نہ بن کے راہیِا۔ ساڈے وی متھیں سوہدے ٹکِےّ، نکّ نتّھ سُہاگ سُہائیا۔ ساڈے لیکھ پربھوُ نے کیہو جِہے لِکھے، بھار چُک کے بھجّیئے واہو داہیِا۔ جے کِتے سانوُں ہُن دِسے، پُچھیئے کاہنوُں جنم دِتا دوائیا۔ ساڈے کی کُچھ آیا حِصے، کیہڑی وست جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کھیل وکھائیا۔ رَوداس ہؤلی ہؤلی سُن دا رہیا کنّ، اندروں دھیان لگائیا۔ او ویِرو بھراوو خبرے میرا صاحِب جاوے منّ، تُہاڈی آسا پوُر کرائیا۔ ہُن نہیں پھیر بدل دئے تن، پنج تت سوبھا پائیا۔ تُہاڈا پِچھلا نِکلے جنّ، اَگے بھیو سمجھائیا۔ تُسیں ہُن وی کہو دھنّ دھنّ، دھنّ دھنّ تیری وڈیائیا۔ سب دا بیڑا رہیا بنّھ، جُگ جُگ ہوئے سہائیا۔ جوتی جوت سروُپ ہرِ، آپ اپنی کِرپا کر، مِہروان مِہروان اکھوائیا۔ چارے کہن چھڈ یار، چمیار گلّاں نال سمجھائیا۔ ایہنوُں مطلب سانوُں پَیسے دے دین ہور چار، اپنی گنڈھ رہیا ودھائیا۔ دوُجا آکھے ایہدے آکھے اسیں کِس طرح بنیئے نار، جھوُٹھیاں گلّاں رہا سمجھائیا۔ تیِجا کہے کملا جِہا چمیار، جُتیاں گنڈھ کے جھٹ لنگھائیا۔ چؤتھا کہے سُنو نال دھیان، مَیں سچ دیاں سمجھائیا۔ مَینوُں ایہدے تھلیوں نظری آئے لال، انمُلڑے روُپ وکھائیا۔ پہلا کہے ایہہ چمّ لاہی کھال، رمبیاں نال ٹوٹے رہیا کرائیا۔ دوُجا کہے کِسے ڈھور دے چمکن وال، بوُرے رنگ دا سنڈھا پھڑ لیائیا۔ تیجا کہے ایہدی کوئی ٹھگاں والی چال، آؤندیاں جاندیاں راہیِاں رہیا بھرمائیا۔ چؤتھا کہے نہیں اوۓ کُچھ کرو خیال، اِس دے مستک نوُر نظری آئیا۔ اونے چِر نوُں آیا جوان بنارس تھیٹا، سوہنا سنگ بنائیا۔ نیڑے آ کے دھوتی لاہ کے لیٹا، اپنی لےَ انگڑائیا۔ پھیر آیا چیتا، میری جُتی گنڈھن والی گنڈھ لواں پوائیا۔ اُٹھ کے جا کے رَوداس ویکھا، چمیار اپنی سیو کمائیا۔ براہمن کِہا کی تیرا ایتھے ٹھیکا، کی مزدوُری رہیا کمائیا۔ رَوداس کِہا کر کے کٹّھا پَیسا پَیسا، اپنا جھٹ لنگھائیا۔ براہمن کِہا ویکھو ایہہ کَیسا، کیہو جہئیاں گلّاں رہیا جنائیا۔ جوتی جوت سروُپ ہرِ، آپ اپنی کِرپا کر، سچ کھیل رہیا وکھائیا۔ براہمن ہسّ کے کِہا میری جُتی گنڈھی، سوہنا گنڈھ پوائیا۔ ایتھے ٹُٹیاں چِھتراں دی لائی منڈی، قیمت کی رکھائیا۔ رَوداس کہے جو پَیریں آوے ننگی، ایہہ مَیں اوہناں دی بھیٹ چڑھائیا۔ ٹُٹی ہوئی مَینوُں لگّے چنگی، جو ٹُٹیاں گنڈھ وکھائیا۔ اونے چِر نوُں براہمن بولے پکھنڈی، اِک مَینوُں دے دے میرے بھائیا۔ رَوداس کِہا ایہہ بڑی مَیلی کُچَیلی گندی، تیرے کمّ کِسے نہ آئیا۔ آہ لےَ کسیِرا کڈھ کے وِچوں دِتا تار ڈنڈی، خوشیاں نال
ہتّھ پھڑائیا۔ میری ماں نوُں سارے کہِندے گنگی، براہمن گنگا مّیا کہہ سُنائیا۔ مَینوُں سوغات لگّی چنگی، تیرے ہتّھ پھڑائیا۔ جِس ویلے تیرے کولوں لَوے منگی، اوسے ویلے بھیٹ دینی کرائیا۔ جیہڑی وست خوشی نال کرے بخشندی، سو بخشش مَینوُں دینی چائیں چائنیا۔ اونے چِر نوُں گلّاں سُن کے ڈولے والی سوَانی باہر نِکلی پَیریں ننگی، مُکھ گھُنگٹ رہی اُٹھائیا۔ اپنی واہ کے پٹّی کنگھی، سوہنا شنگار بنائیا۔ شیشہ ویکھ کہے مَیں چنگی، جوبن دوُن سوائیا۔ رَوداس ولّ تکّ کے اکّھاں توں ہو گئی اندھی، نظر کُچھ نہ آئیا۔ اندرے اندر فُرنا پُھریا مَیں جنم کرم دی گندی، شرم وِچ شرمائیا۔ میرے کمّ نہ آئی کنّ پائی ڈنڈی، زیور زر دئے دُہائیا۔ میرے نالوں اوہ ٹُٹی جُتی چنگی، جیہڑی جاندیاں راہیِاں سیو کمائیا۔ چارے کہار اُٹھ کے کہن تُوں بیِبی رانی چنگی، کِیوں ڈولیوں باہر پَیر ٹِکائیا۔ اوس نے کِہا مَیں ایس چمیار نوُں ویکھ کے سُہاگن ہو گئی رنڈی، میرا جگت کنت نظر کوئے نہ آئیا۔ جے لگّاں تے ایسے دی انگی، دوُجا سنگ نہ کوئے وکھائیا۔ مَیں درسن کر کے ہو گئی ٹھنڈی، برہم برہم وِچوں نظری آئیا۔ چاہے مندی چاہے چنگی، چنگی مندی ایسے دی اکھوائیا۔ غُصّے نال پاڑ کے اپنی انگی، اوڈھن دِتا پرے سُٹائیا۔ مَیں خوش ہوواں رہ کے بُھکھی ننگی، جگت پدارتھ ملِے نہ کوئے وڈیائیا۔ چار کہار مُڑ جاؤ میرے سنگی، میرے ماپیاں دیؤ ودھائیا۔ بندی کھانیوں نِکلی تُہاڈی جمّی، دھنّ جنیندی مائیا۔ دس ماس کیِتا واس وِچ چمّی، مات گربھ شِکم ڈیرہ لائیا۔ ہُن ویاہ کے لےَ چلے سوہنی ونّی، سوہنی ڈولی پائیا۔ میرے گل زری پنّی، لڑیاں ہار وکھائیا۔ کلیرے کرن چھنّ چھنّی، مہندی رنگلی ہتّھ چڑھائیا۔ دوہائی مَیں بِن کنت ویکھیاں ڈولی وِچ بہہ گئی اّنی، بھائیا پھڑ کے دِتا ٹِکائیا۔ ایہہ پربھ نے گلّ کیِتی چنگی، دَیا رحمت اِک کمائیا۔ جوتی جوت سروُپ ہرِ، آپ اپنی کِرپا کر، اچرج کھیل وکھائیا۔ چار کہار کہن اُٹھو چُکو بھار، ہونی سانوُں نظری آئیا۔ جِس دے پِچھے پندھ رہے مار، بھجیئے واہو داہیِا۔ ایہہ وڈّی ساری مُٹیار، بہُتا بھار رکھائیا۔ اسیں نِمانے کہار، چاکر روُپ وٹائیا۔ جِس ویلے کدی ساڈے آوے دوار، اسیں وی ڈولے وِچ بہیئے چائیں چائنیا۔ سانوُں ٹھٹّھے کرے چمیار، مخؤلاں نال سُنائیا۔ تُساں نوُں بننا پوُ نار، لوکمات روُپ دھرائیا۔ اونے چِر نوُں سوہنی لاڑی سُن لئی آواز، جو کہار رہے سُنائیا۔ آکھے نیڑے آؤ آ چُک لؤ اپنا داج، میرے کمّ کِسے نہ آئیا۔ مَیں چھڈیا جگت سماج، سمگری دِتی لُٹائیا۔ جِنہاں چِر ایہہ چمیار مَینوُں دسےّ نہ میرا راز، راضی ہو کے اَگے کدے نہ
جائیا۔ رَوداس سُن کے جانیا ایہہ سوہنا ویلا ہُندا کاج، ویاہ شادی دوہاں دِھراں خوشی منائیا۔ جگت جیِواں بنایا رواج، دھیِاں بھَیناں ڈولیاں وِچ گھلائیا۔ جے ایہناں نوُں پہلوں پربھ کنت مِلن دی آ جائے جاچ، اپنے گھر وِچوں گھر بَیٹھے سگن منائیا۔ نیتر تکّ مستک لیکھا لیا واچ، جوتی جوت سروُپ ہرِ، آپ اپنی کِرپا کر، ساچا لیکھا رہیا لِکھائیا۔ رَوداس کِہا نیڑے آ بچّی، پیار تیرے ونڈے آئیا۔ تُوں سرب نالوں لگّی سچّی، سچ کہانی اندرے اندر دِتی سُنائیا۔ پریِت ویکھ جگت کچّی، کچّا تند تُڑائیا۔ میری ویکھ جُتی ٹُٹی، تیرے اندر ہوئی رُشنائیا۔ جیہڑے کہار تیری کرن آئے بُتی، اپنا جامہ گئے بدلائیا۔ ایس براہمن دی سُرتی اجے سُتّی، کسیِرا جِس دے ہتّھ پھڑائیا۔ پُتر آ لےَ میرے کول روٹی اِک رُکھی، تَینوُں خوشیاں نال کھوائیا۔ تیری آتما رہے سُچی، پرماتما نال کُڑمائیا۔ کنّوں ہووے کدے نہ بُچی، سِر سُہاگ نہ کوئی لُٹائیا۔ پانی پانے والا بھرکے چُلی ورتایا نال مُٹھی، گھُٹ اِکو وار پیائیا۔ دوارے آئی جائے نہ لُٹی، تیرا جوبن نہ کوئی ہنڈائیا۔ تیری اؤدھ ایتھے مُکی، اگلا پندھ مُکائیا۔ اِک واری میرے صاحِب دی کر رُچی، جو میریاں اکّھاں وِچ ڈیرہ لائیا۔ پھیر اوسے کولوں پُچھی، تَینوُں دئے سمجھائیا۔ بیِبی رانی اُٹھ کے آئی اڈّی اُچی، نیتر نیَن کُھلائیا۔ اوس نوُں دھار نظر آئی وِچوں لُکی، جوتی نوُر نوُر رُشنائیا۔ جیہڑی پریم پیار دی بُھکھی، پریمیاں گلے لگائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ ویکھ کے رَوداس نیَن، نیَن نیَن نیَن بِگسائیا۔ اَگوں کُچھ لگّی رسنا کہن، کہہ سکی نہ رائیا۔ اوسے ویلے صاحِب سَتگُر آیا لیَن، پُرکھ اکال دَیا کمائیا۔ وہن نہ دیوے کوُڑے وہن، جھگڑا چُکے لوکائیا۔ ڈھائی گھڑیاں سؤہریاں گھر ملِے بہن، سسّ سؤہرے ملِے ودھائیا۔ پھیر اوسے ویلے وَین پَین، نیتر نیَن نیِر وہائیا۔ کہن کِتھوں آ گئی ڈَین، ساڈا کوڑما گئی کھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، رَوداس گواہ لےَ بنائیا۔ اگلے دِن کہار ویکھے مُڑدے، خالی ڈولی کندھ اُٹھائیا۔ ہؤلی ہؤلی پَیریں تُردے، نیَناں نیِر وہائیا۔ ویکھو ایہو جہے جوڑ کاہنوُں جُڑدے، جو جُڑدیاں ہوئے جُدائیا۔ نِکرمناں دے بیڑے رُڑھدے، بھاگاں والیاں ملِے وڈیائیا۔ جوتی جوت سروُپ ہرِ، آپ اپنی کِرپا کر، اگلا کھیل وکھائیا۔ ہؤلی ہؤلی آ گئے اَگے، اپنا پندھ مُکائیا۔ رَوداسا اوسے طرح سجے، بَیٹھا آسن لائیا۔ چارے بہہ گئے سجےّ کھبّے، ہؤلی ہؤلی پُچھن چائیں چائنیا۔ دسّ کل جو ناری آئی تیرے کول پَیر دبےّ، کی تُوں اوہنوُں دِتا سمجھائیا۔ اوہنوُں
دُھردرگاہوں آ گئے سدّے، سؤہریاں پیکیاں ناتا گئی تُڑائیا۔ اکّھیں رون لگّے بندے، لاگیاں نائیاں ڈوُماں مراسیِاں لاگ نہ کوئی ورتائیا۔ براہمناں دے خالی رہ گئے کھیراں والے ڈبےّ، تھال پروس نہ اَگے ٹِکائیا۔ دچّھنا گھروں نہ کوئی لبھے، اَگے پِچھے دھیان لگائیا۔ براہمنیاں دے دے تھکّیاں سدّے، گھر گھر سوَانیاں صدّ لیائیا۔ کُچھ سوَانیاں دے پَیسے اجے نہ لبھے، مُکھ وکھالی بھیٹ نہ کوئی چڑھائیا۔ ہتھیں گانے رہ گئے بدھےّ، پراتاں خالی دین دُہائیا۔ سالوُ سِر تے رہ گئے رنگے، جوبن سکے نہ کوئی وکھائیا۔ پربھ نے کیتے کھیل بےڈھنگے، بُرا کہے لوکائیا۔ لوحاں تے پکّے رہ گئے منڈے، دالاں تڑکا نہ کوئی لگائیا۔ بھنگیِاں دے ہتّھاں وِچ رہ گئے ڈنڈے، ایویں کُتیاں پرے ہٹائیا۔ موُنہوں دان ملِے نہ منگے، جھولی خالی نہ کوئی بھرائیا۔ سارے کہن ساڈے حال مندے، ویاہی لاڑی لاڑے نال نہ سنگ نِبھائیا۔ اُدھر اوہنوُں چار کہار چُکن والے کندھے، ایدھر چارے اسیں ڈولی لےَ کے بھجےّ واہو داہیِا۔ تیرے کول آ کے تھوڑے ہوئے ٹھنڈے، ساہ لےَ کے خوشی منائیا۔ رَوداس ڈوری نال کس کس کے چِھتر گنڈھے، دھاگا مُکھ دے وِچ رکھائیا۔ کِتھوں پیش پےَ گئے ایہہ مُشٹنڈے، میرے کمّ وِچ حرج کرائیا۔ کہار کہن اسیں چل کے آئے پَیریں ننگے، ایتھے اوتھے دوہاں گھراں وِچ ساڈی سیو نہ کوئی کمائیا۔ رَوداس کِہا میرے سُکے تھوڑے جِہے ٹُکڑے ٹھنڈے ، بھورا بھورا لَوو کھائیا۔ چواں کِہا ایہہ چمّ والے گندے، چمیار تیرے ہتّھاں نال لگّ کے اپنا آپ بَیٹھے بِھٹائیا۔ اونے چِر نوُں براہمن کِہا ایہدے کولوں کوئی نہ منگے، ایہہ چنڈال نظری آئیا۔ رَوداس کِہا تِنّاں دِناں دے پکّے ہو گئے ٹھنڈے، میری گھر والی خوشیاں نال پکائیا۔ جھولے وِچوں کڈھے نال وکھائے اچار گنڈھے، ایہہ وست نال وکھائیا۔ رُکھی مُکھ روٹی جِس دے نال ہنڈھے، ایہہ وی پربھوُ دئے ونڈائیا۔ کہار کہن چلو چُکیئے اپنے ڈنڈے، بھجیئے واہو داہیِا۔ اسیں کی کرنے سُکے منڈے، اَگے پِنڈ گراں بتھیرے جِتھے مرضی لئیے کھائیا۔ رَوداس کِہاں تُسیں بڑے چنگے، باہروں نظری آئیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ براہمن کہے چھڈو وِچار، اُٹھو بنو پاندھی راہیِا۔ ایس کی دینا چمیار، خالی ہتّھ بَیٹھا ڈیرہ لائیا۔ نہیں تے میرے نال چلو مَیں تُہانوُں وکھاواں اپنے ججمان، جو کھیِراں تھالے پروس میرے اَگے رکھائیا۔ اوتھے مِلن سوہنے پکوان، بھاجیِاں سبزیاں انت کوئی نہ آئیا۔ پِھر کھا کے اسیں اوہناں سِر چڑھائیئے احسان، دند گھسائی منگیئے تھاؤں تھائنیا۔ ویکھو ساڈا اِیمان، جو صِدق صبوُری رہے ہنڈائیا۔ تُسیں کِڈے وڈّے جوان،
نیڑے کئی کھیڑے نظری آئیا۔ جوتی جوت سروُپ ہرِ، آپ اپنی کِرپا کر، لیکھا دیوے تھاؤں تھائنیا۔ کہار کہن پنڈت جو رہیا آکھ، سوہنی گلّ سُنائیا۔ ایہدے کولوں سِکھیئے جاچ، منگن کِویں گھر ججماناں جائیا۔ براہمن کِہا ایہہ ڈوُنگھا راز، چھیتی سمجھ وِچ نہ آئیا۔ پہلوں کُچھ مَینوُں دیؤ دان، اپنی کمائی وِچوں بھیٹ کرائیا۔ پھیر میرے نال چل کے گنگا کرو اشنان، دوَیت دوُشنا دوُر کرائیا۔ پھیر میرے چرن گھُٹو آن، دوئے جوڑ سیِس جھُکائیا۔ جے مَیں ہو جاواں مِہروان، پِھر دیواں کُچھ سمجھائیا۔ جے تُہاڈے نالوں پہلوں مَینوُں غُصّے وِچ ملِے میرا ججمان، پھیر میری اگّ لگّی نہ کوئی بُجھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ اِک کہے چلو چلیئے اُٹھ، ایَویں وقت لنگھائیا۔ دوُجا کہے چمیار کول نہیں کُچھ، کھان پیِن نظر کُچھ نہیں آئیا۔ تیجا کہے ایہدے توں لئیے پُچھ، ہُن جائیے چائیں چائنیا۔ چؤتھا تھوڑا گیا جھُک، نیتر نیَن شرمائیا۔ جِس ویلے ویکھیا رَوداس دا مُکھ، وِچوں رام روُپ نظری آئیا۔ اَگے ہور نیڑے گیا ڈُھک، دوئے جوڑ واسطہ پائیا۔ ساڈا پہلا پیَنڈا گیا مُک، خالی ڈولی رہی ڈرائیا۔ جِس گھر لاڑا گیا سی ڈُھک، اجّ گھر اوس وجّن دھاہیِا۔ اسیں تَینوُں رہے پُچھ، سانوُں دے سچ صلاحیِا۔ اسیں کِتھے جائیے لُک، اپنا مُکھ چُھپائیا۔ رَوداس اَگوں ہو گیا چُپ، بچن سکے نہ کوئی الائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ چُپ وِچوں پیا بول، اِکو آواز لگائیا۔ تُسیں کِیوں بَیٹھے میرے کول، اپنا وقت گوائیا۔ اُٹھ کے جاؤ اڈول، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، ساچی کھیل وکھائیا۔ چارے کہن اسیں کہار، ڈولی کندھ اُٹھائیا۔ تیرے نال بدو بدی لگدا جائے پیار، اندرے اندر پریم ودھائیا۔ سانوُں کھڑکدی جائے ستار، جِویں کوئی سُتّیاں رہیا اُٹھائیا۔ ساڈے اُتے آؤندی جائے بہار، خِزاں بسنت روُپ وٹائیا۔ سانوُں نظری آئے گُلزار، پتّ ڈالی پُھل مہکائیا۔ جوتی جوت سروُپ ہرِ، آپ اپنی کِرپا کر، ساچا دے اِک ور، بھیوَ ابھیدا دے کُھلائیا۔ رَوداس کہے مَیں گنڈھ چمّ، نیِچ ذات اکھوائیندا۔ ڈھور ڈھونا میرا کمّ، کھلڑی تن لُہائیندا۔ وسیرا کرنا چھپری چھنّ، محل اٹل نہ کوئی سوبھا پائیندا۔ میرے نالو کملی میری رنّ، جِہنوُں عؤرت لاڑی کرکے جگت سُنائیندا۔ نہ کوئی پَیریں ہتّھیں کنّ، زیور زر نہ کوئی وکھائیندا۔ اوہ میرا مَیں اوہدا کراں دھنّ دھنّ، دوہاں دا دھناڈ پُرکھ اکال اِکو نظری آئیندا۔ جے میری جاؤ منّ، مَیں سچ سچ سچ سمجھائیندا۔ ہُن تُہانوُں ناری سریِر مِلنا ضروری تن، لوکمات جنم
وکھائیندا۔ جوتی جوت سروُپ ہرِ، آپ اپنی کِرپا کر، ساچا لہنا جھولی پائیندا۔ چارے کہن چمیار کی رہیا دسّ، ہؤلی ہؤلی سُنائیا۔ چؤتھا کہِندا سب کُچھ اِس دے وس، بَیٹھا پردہ پائیا۔ ویکھو کِڈا ہٹھ، بُھکھا ہو کے جھٹ لنگھائیا۔ جِس دے کول پُرکھ سمرتھ، منگن واسطے جھولی اجے نہ ڈاہیِا۔ جلوہ تکّ کے نوُری اکّھ، اکّھ نیتر نیَن مِلائیا۔ اُس دے حُکمے اندر وس، سوہنی خوشی ہنڈھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا اپنے ہتّھ رکھائیا۔ چارے کہن کُچھ لئیے منگ، ایہدے وِچ نوُر نظری آئیا۔ پہلا کہے اوہ ویکھو جِس ویلے پاؤندا گنڈھ، گنڈھاں دین والا اِس دا سنگ رکھائیا۔ دوُجا کہے جِس پانی نال پاوے ٹھنڈ، سُکا چِھتر گِلّا کرکے لماں لئے ودھائیا۔ تیجا کہے پہلوں اپنی نال ہتھؤڑی اُتوں صاف کرکے گند، پِھر دوہاں ہتّھاں نال جُڑائیا۔ چؤتھا کہے آر کِس طرح آر پار رہی لنگھ، زور نال دبائیا۔ اُس ویلے مَینوُں آوے اِک انند، جِس ویلے ٹُٹی گنڈھ وکھائیا۔ اونے چِر نوُں براہمن اُٹھ کے آیا کولوں کندھ، دھوتی جھاڑ موڈے اُتے ٹِکائیا۔ چمیار ایہہ کی کیِتا پکھنڈ، جاندے راہیِاں بھرم بُھلائیا۔ جیہڑا کسیِرا دِتا اوہ کنّ نال لیا ٹنگ، جنجوُ نال بندھائیندا۔ چلوں مُکائیے اپنا پندھ، ساتھیاں تائیں سمجھائیندا۔ اُنے چِر نوُں رَوداس نوُں آئی کھنگھ، کھنگھ نال اندروں لال باہر کڈھائیندا۔ ہؤلی جیہی پھڑکے چِھتراں والی کِلی نال دئے ٹنگ، جگت نیتر ویکھ کوئی نہ پائیندا۔ چارے کہار ویکھ ہوئے دنگ، ایہہ کی کھیل رچائیندا۔ اسیں سمجھیا ایہدے کول بُھکھ ننگ، ایہہ لالاں ڈھیر چِھتراں وِچ ٹِکائیندا۔ جے سانوُں اِک اِک دیوے ونڈ، ساڈا سوہنا جھٹ لنگھائیندا۔ جوتی جوت سروُپ ہرِ، آپ اپنی کِرپا کر، سچ دیونہارا ور، سِکھیا اِک سمجھائیندا۔ رَوداس ویکھ اندر خواہش، ہسّ کے رہیا سُنائیا۔ ایہہ کنگن کِسے ہٹّ بازار نہ کرے تلاش، زرگر نہ کوئی گھڑائیا۔ جؤہری رکھے کوئی نہ پاس، قیمت سکے نہ کوئی مُکائیا۔ اِکو رکھِیو آس، دُھر دی بات سُنائیا۔ کِرپا کرے پُرکھ ابناس، دیوے چائیں چائنیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ رکھائیا۔ چارے بولے ہو اِکٹّھے، اِک آواز سُنائیا۔ رَوداس تیری چرنی ڈھٹّھے، مان موہ مِٹائیا۔ سانوُں دسّ ساچے پتے، پت پرمیشور دے وکھائیا۔ اسیں ویکھیئے اپنی اکّھے، آخر تیرا سنگ نِبھائیا۔ ساڈی صاحِب پت رکھے، جِس ہتّھ وڈّی وڈیائیا۔ تیرے بچن ہونے سچّے، نہ کوئی میٹے میٹ مِٹائیا۔ ساڈے کایا ماٹی بھانڈے کچّے، تھِر رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ رَوداس کہے
سُنو کنّ لا، کرماں والیو دیاں سمجھائیا۔ میرا صاحِب بےپرواہ، بےپرواہ دھار چلائیا۔ سب دا لہنا دئے مُکا، دینا بُھل کدے نہ جائیا۔ جو اِٹّ کری دُعا، رحمت اِس دے اُتے کمائیا۔ جِس نے ایہنوُں لیاندا اُٹھا، میرا یار نظری آئیا۔ پنجاں نوُں دیواں اِک صلاح، سچ سچ سمجھائیا۔ اوس میری نار ول لیا دھیان لگا، دُکھ یاد کرکے رہیا سمجھائیا۔ تُسیں ڈولی چُکنی سمجھی گُناہ، نار بننا خوشی وکھائیا۔ مَینوُں میرا ہو کے رہیا سُنا، میری آواز سُنے دُھردرگاہیِا۔ انت آؤنا پئوُ ویس وٹا، جامہ ناری روُپ وکھائیا۔ اُس ویلے مَیں تُہاڈا ضرور بنا گواہ، شہادت دیواں بُھگتائیا۔ میرا پُرکھ اکال ترس لئے کما، مِہر نظر اُٹھائیا۔ تُہاڈے اُپر پردہ دیوے پا، ایتھے اوتھے سدا سہائیا۔ مرن توں پہلوں لئے بچا، بچّیاں وانگ گود اُٹھائیا۔ ہرِسنگت دئے سمجھا، سمجھ سمجھ نال مِلائیا۔ براہمن پِھردا تُردا اوتھے جائے آ، نؤ جنم پندھ مُکائیا۔ رَوداس ہتّھ پھڑکے قلم شاہ، سوہنی سیو کمائیا۔ جوتی جوت سروُپ ہرِ، آپ اپنی کِرپا کر، نِرگُن نِروَیر بن ملاح، بیڑا سب دا اِکٹّھا پوُر ترائیا۔ پنج اِکٹّھے ہو کے رہے آکھ، آخر وار سُنائیا۔ سانوُں نہیں رہنا یاد، ساڈی سمجھ نہ کوئی وڈیائیا۔ رَوداس کِہا پربھ میرا سُنن والا فریاد، سُتّیاں لئے جگائیا۔ اُس نوُں بڑی سوہنی جاچ، جو مَینوُں جُتیاں گنڈھن لائیا۔ اُس دے وِچ وڈّا راز، جِس دی سار کوئے نہ پائیا۔ اوہ لیکھا جانے سواس سواس، جُگ چؤکڑی بُھل کدے نہ جائیا۔ مِترو تُسیں رکھِیو آس، چِھتراں وِچوں مِلی وڈیائیا۔ جے سچ پُچھو اون اِک وار اُڈاؤنے پہلے تِتراں پِچھے باز، شاہ سوارا روُپ وٹائیا۔ ستّراں دے کے جاوے داج، سرسے اُتے مُہر لگائیا۔ کلجُگ انتم مار آواز، سارے لئے اُٹھائیا۔ پوُرب جنم دی پوُری کرکے آس، آسا ترِسنا دئے مِٹائیا۔ سب دے وسے ساتھ، وِچھڑ کدے نہ جائیا۔ پوُرب لیکھا جانے ماتھ، مستک لہنا رہیا وکھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ اِٹّ لِیاؤن والا جو رَوداس یار، جگت سنگی نظری آئیا۔ تھوڑا گھر کرن نال پیار، دِتی مان وڈیائیا۔ جو ڈولی والے کہار، ہؤلی ہؤلی دئے سمجھائیا۔ پنجے سُنو اِکو وار، ایکا حُکم منائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ رَوداس مِتر بیِبی پیاری، پیار نال سمجھائیا۔ پہلا کہار جیِتاں آدھاری، انتر ویکھ وکھائیا۔ دوُجا کہار بیِبی چرن سہاری، چرنودک مُکھ چوائیا، تیِجا کہار باوی نام کرکے رہے پُکاری، رسنا جِہوا سُنائیا۔ چؤتھا کہار جِس دے اندر دیاں دھاری، سُلکّھنی روُپ وٹائیا۔ پنجاں اُتے پربھ اوڈن دے اپر اپاری، پِچھلا لیکھ چُکائیا۔
رَوداس نوُں نال لےَ کے خرید لیایا بن وپاری، سمجھ کِسے نہ آئیا۔ کرنہارا سچ وِہاری، اپنی بِدھ اپنے ہتّھ رکھائیا۔ جگت جہان توڑ یاری، بھگتاں دئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ رَوداس نوُں چیتا آیا میری روٹی سُکی، اجےّ نہ کِسے ورتائیا۔ کھاندیا کھاندیا کھاندیا کِسے کولوں نہ مُکی، اپنے بھنڈارے بَیٹھی بھرائیا۔ اُس دا آٹا گُدھا پریم نال دے کے مُکی، پانی جل ہتّھاں نال تُنکائیا۔ سیوا کری نال شؤقی، اندرے اندر دھیان لگائیا۔ وست ساری سانبھ سوت صاف کیِتی چؤکی، چؤنکا چؤکے نال پوُت وکھائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، پِچھلے لَہنے رہیا مُکائیا۔ رَوداس کہے میرے سچّے ربّ، آد جُگاد تیری وڈیائیا۔ کی تَینوُں کھان پین دا ہو گیا لب، میرا ویلا گیا بُھلائیا۔ مَیں سُکے ٹُکڑے جو آیا چھڈ، سابھ سوُت کے تیری جھولی پائیا۔ ایسے کرکے اِک دِن پہلوں تیرے ننگے دیکھے ہڈّ، وانگ غریِباں نظری آئیا۔ اَگے میرے نالوں رہیا اڈّ، ہُن سوہنا جوڑ وکھائیا۔ اپنے سجّن رِہوں کڈھ، گُرمُکھ روُپ وکھائیا۔ اِک منگا تَیتھوں منگ، سوہنا وقت سُہائیا۔ ہُن کٹ دے بُھکھ ننگ، دُکھیاں درد ونڈائیا۔ تَینوُں کیہڑا نہیں آؤندا ڈھنگ، کیہڑا دیوے جاچ سِکھائیا۔ مِہر نظر کریں تے چاڑھیں رنگ، رنگ رنگیِلا سچّا ماہیِا۔ تیرے چرناں تھلّے وگدی دِسے گنگ، گہر گمبھیِر میرے گوسائنیا۔ میرا لا سچ تند، پانا گنڈن والا رہیا سُنائیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، صاحِب تیری سرنائیا۔ صاحِب میرے تَینوُں بڑا چاہیدا سُکھ، سُکھ آسن سوبھا پائیا۔ مَیں تیرے پِچھے کٹ رہیا بُھکھ، بُھکھ وِچ خوشی منائیا۔ ساڈی واری ہو گِیوں چُپ، مُکھ بول نہ کوئی الائیا۔ اسیں تَینوُں رہے پُچھ، دے جواب سچ گوسائیں۔ کی تیرے کول نہیں کُچھ، جے ہےَ پِھر بَیٹھا کِیوں چُھپائیا۔ اجّ اسیں تیرے نال جانا رُس، لہنا مُکھ بھوائیا۔ رات ساری تیر ونڈے دینی بُھکھ، تھالی پروس نہ اَگے ٹِکائیا۔ تیرے لگّن نہیں دینا کُچھ مُکھ، بھوگ لا نہ خوشی منّائیا۔ تیرے وِچھوڑے اندر گئے سُک، تَینوُں ترس کدے نہ آئیا۔ جوتی جوت سروُپ ہرِ، آپ اپنی کِرپا کر، دُھر دا دے اِک ور، مِہروان تیری سرنائیا۔ بھگوان کہے رَوداس تیرا تیِر، نِرالا نظری آئیا۔ کھان پیِن نہ کوئے سیِر، مُکھ وست نہ کوئے ٹِکائیا۔ راتیں سُتّیاں کٹّاں بھیِڑ، دُکھیاں پیِڑ اپنی جھولی پائیا۔ نہ کوئی براہمن کھاوے کھنڈ کھیِر، بھوجن بھا نہ کِسے وِکائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ساڈھے دس دیوے رس ہو کے وس سب
کِچھ دئے سمجھائیا۔ براہمن پھڑکے ڈگوری ہتّھ رکھائیا۔ اُتوں بودی ہِلے چوٹی، سوہنی ٹِنڈ بنائیا۔ نال ترِسنا ہووے کھوٹی، جِس اُتے بھار لدائیا۔ ممتا ہووے بہُتی، مایا سنگ وکھائیا۔ ایتھے آؤندیاں رات نوُں ملِے کوئی نہ روٹی، بُھکھیاں رَین وِہائیا۔ جوتی جوت سروُپ ہرِ، آپ اپنی کِرپا کر، سبنا دیوے مان وڈیائیا۔ براہمن کہے ساڈا کی گُناہ، سچ دے سمجھائیا۔ سارے تیری سیوا رہے کما، دِوس رَین بھجّن واہو داہیِا۔ بچّیاں اُتے ترس رکھا، تیرے ہتّھ وڈیائیا۔ جِنہاں میِنہہ اندھیرے بارش سردی وِچ ہتّھ پَیر لئے گلا، دِوس رَین اِکو رنگ نظری آئیا۔ مَینوُں خوُب رہے کھوا پیا، گھر گھر ورجن وڈّے چھوٹے آکھن چائیں چائنیا۔ سارا دِن دُدھ رہے پیا، مِٹھیائیاں نال کھوائیا۔ مَیں کھان پیِن لئی اِنہاں دا بناں گواہ، شہادت اپنی نال بُھگتائیا۔ رَوداس نوُں لواں منا، جے میرا سنگ رکھائیا۔ کہواں یار کِیوں بُھکھیاں رہیاں مروا، کھاندیاں پیِندیاں گائیے چائیں چائنیا۔ رَوداس اَگوّ دئے سُنا، اِکو بول الائیا۔ جِویں منّدا اوسے طرح لَوو منا، بُھکھے رہ کے ایہدا گھٹ کُچھ نہ جائیا۔ تُسیں جے کُچھ کھانا تاں لَوو کھا، اپنا پیٹ بھرائیا۔ مَیں ڈھائی ٹُکڑے سُکے اَگے دینے ٹِکا، جو چمڑے وِچ چُھپائیا۔ اِکو گھُٹ پانی دینا پیا، اپنی سیو لگائیا۔ جے بُھکھا رہ کے مردا دِسے خُدا، ایہو جہے خُدا دی لوڑ رہے نہ رائیا۔ اسیں ہون نہیں دینا جُدا، سگلا سنگ نِبھائیا۔ رل مِل اجّ سارے متا لئیے پکا، صلاح اِک رکھائیا۔ نہ منّے تاں وی لئیے منا، منسا اپنی نال رلائیا۔ ساڈھے دس اندر وڑ کے لئیے سُنا، سوہنا ناد وجائیا۔ اِک ادا ایہدی جھولی پا، جوتی جوت سروُپ ہرِ، آپ اپنی کِرپا کر، کرے کھیل سچّا ہرِ، دیونہار سرب وڈیائیا۔ ہرِسنگت منگوَیں دیؤ اِک رات، مانگت ہو کے جھولی ڈاہیِا۔ جِس وِچ میری تُہاڈے اندر وڑے ذات، ظاہر روُپ وکھائیا۔ اَگے خوشیاں والی آئے پربھات، سوہنا رنگ وٹائیا۔ نیَن نیتر لواں جھاک، دُھر دی اکّھ کُھلائیا۔ رَوداس دا پوُرا کرکے واک، بُھکھیاں رہ کے جھٹ لنگھائیا۔ میرا تُٹ نہ جاوے ساک، میرا سجّن نہ مُکھ بھوائیا۔ مُڈھ کمّ نہ آوے بِن ڈال پات، بِن شاخ نہ کدے لہرائیا۔ جے کوئی پرسوں دی رِدی رہ گئی بھات، اوہ خوشیاں نال جھولی پائیا۔ ایہہ وکھّری سب توں بات، شبداں وِچوں شبدی روُپ وٹائیا۔ اجے کُچھ ہورنا دی رہِندی آس، جیہڑے بَیٹھے راہ تکائیا۔ اَدھی رات تکّ سُنو اوہناں دی بات، اپنا دھیان لگائیا۔ تُہاڈی ساریاں دی اِکٹّھی کراں اِکو وار یاد، یادداشت اِک بنائیا۔ سوہنی سُچجّی سُناؤں آواز، دُھر دا راگ پرگٹائیا۔ پِھر ضرور کہوگے ساڈا ایہہ باپ، پِتا پُرکھ
اکال بےپرواہیِا۔ اِس نوُں چھڈ کے کیہڑا کریئے جاپ، منگن کِس گھر جائیا۔ جو کُچھ کہے سو آپے آپ، آپ اپنے وِچ سمائیا۔ جے کوئی ایہدی وست لبھے اوہ گُرمُکھاں دی راکھ، جیہڑی صاحِب بھیٹ چڑھائیا۔ وڈّی تے انمُلی دات، چھوٹے بچّیاں نال رلائیا۔ اِکیاں وڈیائی نال کرے ساتھ، جوڑی جُڑدیاں نال جُڑائیا۔ ہؤلی ہؤلی منزل پندھ مُکا کے واٹ، در دروازہ کھولے تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سچ کرنی کار کمائیا۔