کتب خانہGranth 16 (Shahmukhi)

۲۵ ماگھ ۲۰۲۰ بِکرمی بیِبی سُلکھنی دے گھر الہڑپِنڈی ضِلع گُرداس پُر

ڈولے والی بہوُ کر گئی وِہار، اندرے اندر پریم ودھائیا۔ سجّی بانہہ نالوں کلیِرا دِتا اُتار، رَوداس ولّ دھیان لگائیا۔ سنگدی سنگدی کرکے نِمسکار، بھیٹا دِتا چڑھائیا۔ میری سُن پُکار، پُکار سُن سچّے ماہیِا۔ رَوداس اوسے ویلے لیا اُٹھال، اپنا ہتّھ لگائیا۔ کِلیّ نال ٹنگیا آن، اُپروں نیِچے نوُں لٹکائیا۔ آپ پھڑ کے اپنی آر، پانا گنڈھن لگّا چائیں چائنیا۔ اُدھروں براہمن دھوتی بودی آ سوار، گلّاں رہیا جنائیا۔ ہُن چلیئے گنگا دوار، مئیا درشن پائیا۔ چمیار پُچھ کر پیار، کی کُچھ بھیٹ چڑھائیا۔ براہمن گٹھڑی کھول دِتا وکھال، اڈّو اڈّی گنڈھاں دیاں جنائیا۔ ویکھ میرے ججماناں دِتا دان، جیڑا گنگا ماتا گنگا وِچ سُٹائیا۔ رَوداس کِہا مَیں ہوواں آپ حَیران، ہؤلی جیہی جنائیا۔ جے گھر ہووے پِچھے پیِن کھان، مَیں بھی دیکھاں چائیں چائنیا۔ براہمن کِہا واہ تُوں بھی بن میرا ججمان، کُچھ میری جھولی پائیا۔ مَیں گنگا دیواں دان، تیرا ناؤں کہہ کے وِچ سُٹائیا۔ رَوداس کلیِرے ولّ ماریا دھیان، وِچوں نوجوان جوبن نظری آئیا۔ جوتی جوت سروُپ ہرِ، آپ اپنی کِرپا کر، سوہنی بنت بنائیا۔ رَوداس ویکھ اکّھ، مؤلی تند رہیا کُرلائیا۔ سب توں پہلوں میرا حق، سچ دے وڈیائیا۔ بدھّا کسیِرا کہے مَیں لمکدا گیا تھکّ، میرا بھار نہ کوئے ونڈائیا۔ میری قیمت پَینی نہیں کِسے ہٹّ، اُتوں میرا سِر دِتا کٹائیا۔ اِس بندش وِچوں کر وکّھ، رَوداس

تیری سرنائیا۔ مَیں دُکھاں بھریا رہیا دسّ، دُکھیاں درد لےَ ونڈائیا۔ چمیار ہتّھ اُٹھایا جھٹ، تِکھی رمبی نال مِلائیا۔ اِکو جھٹکے نال کٹّ، اپنی تلی ٹِکائیا۔ خوشیاں نال پیا ہسّ، بُلھاں مُسکرائیا۔ براہمن اَگے آ کے ویکھ تَینوُں دیواں دسّ، سچ سچ سمجھائیا۔ جوتی جوت سروُپ ہرِ، آپ اپنی کِرپا کر، سوہنا کھیل رچائیا۔ کسیِرا کہے ایہہ جھوُٹھا براہمن، برہم روُپ نظر نہ آئیا۔ رَوداس کہے مَیں بن کے ضامن، تَینوُں ہتّھ پھڑائیا۔ براہمن کہے مَیں بِن پَیسیوں ٹکیوں کدے نہیں جپیاں رام رامن، کؤڈیاں پِچھے اپنا نہ وقت گوائیا۔ رَوداس دھوتی دا پھڑ کے دامن، ہلوُنے نال ہلائیِا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ براہمن کہے اوہ چمیارا کوڈی، میرے کمّ کِسے نہ آئیا۔ نہ تُوں میرے ہتّھ لایا گوڈی، نہ مان تان رکھائیا۔ نہ تُوں میری اُتوں ہِلدی ویکھی بودی، جو اِشاریاں نال سمجھائیا۔ تَینوُں اجےّ نہ آئی سوجھی، کی براہمن بھیٹ چڑھائیا۔ بن کے دلِدری روگی، بُھکھیا بُھکھ میری جھولی پائیا۔ مَینوُں متھا ٹیکن لوکی، گٹھڑیاں بھار بندھائیا۔ تُوں کِتھوں رکھّی میرے جوگی کؤڈی، کوہڑیا تَینوُں دیندیا شرم نہ آئیا۔ رَوداس کہے میری مئیا دی ایہو لےَ جا گودی، نِیوں کے واسطہ پائیا۔ جے تَینوُں دِسے کھوٹی، واپس دینی پھڑائیا۔ جے گنگا ماتا کہے میرے گھر دا سُچا موتی، مانک روُپ نظری آئیا۔ جوتی جوت سروُپ ہرِ، آپ اپنی کِرپا کر، اچرج کھیل رچائیا۔ براہمن پھڑ ہتّھ کسیِرا، متھے تِروڑی پائیا۔ نہ کوئی مِلکھ دِتی جاگیِرا، نہ کوئی جھولی دِتی بھرائیا۔ ایں دِسے جِوینں ایہدی گنگا ماں اَگے ڈاہ کے بَیٹھی پیِڑھا، سوہنا سُبھر سالوُ سیِس ٹِکائیا۔ جوتی جوت سروُپ ہرِ، آپ اپنی کِرپا کر، اچرج کھیل رچائیا۔ براہمن کہے میری جُتی دے دے جو دِتی گنڈھ، مَیں چرن دیواں ٹِکائیا۔ جوڑا دے کے رَوداس ٹکا لیا منگ، اَگے اپنا ہتّھ ڈاہیِا۔ براہمن پاسہ وٹ کے رہیا کھنگھ، ویکھو کی کرے سؤدائیا۔ ایہنوُں پتہ نہیں براہمن ہُندا بخشند، بخشش جھولی پائیا۔ نہ کُچھ کھوایا پیایا نہ گھسائی دِتی دند، دّچھنا ہور نہ نال رلائیا۔ مَینوُں کِویں پَوے ٹھنڈ، میرا اندر مارے دھائیا۔ کی ہویا جے میری جُتی دِتی گنڈھ، ہور کُچھ بھیٹ نہ دِتا چڑھائیا۔ مَیں تیرے تے خوش نہیں انند، ایویں بہہ کی وقت لنگھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ براہمن اُٹھ کے ہو تیار، اپنی لئی انگڑائیا۔ اِشارے نال کہے آؤ کہار، یار چلیئے چائیں چائنیا۔ تُہانوُں ججماناں گھروں دیواں کھوال، کھیِر کڑاہ ملائیا۔ نالے مَینوُں کھول کے دسّو اپنے رومال، کی کُچھ اِنہاں وِچ بند کرائیا۔ اِک

کہے میرے کول رُپیئےِچار، سوہنی گنڈھ رکھائیا۔ دوُجا کہے میرے کول ڈھائی ڈھائیاں دا کیِتا اُدھار، دوویں جُڑ کے پنج رقم جنائیا۔ تیِجا کہے مَیں ستّ رُپیئےِگھروں لےَ کے آیا باہر، اپنی گنڈھ رکھائیا۔ چؤتھا کہے میرے کول اِک چوّنی جیہڑی رکھّی سنبھال، کھوٹی کھری سمجھ نہ پائیا۔ براہمن کہے جا شوہدے کنگال، تیری گلّ موہے نہ بھائیا۔ اِنہاں دے چنگے لگّن رومال، جِنہاں مایا نال رکھائیا۔ اوہ ویکھو حلوائی دی آئی دُکان، ادھواٹے ڈیرہ لائیا۔ سوا سوا رُپئیا کر کے دان، کُچھ مَینوُں دِیوں کھوائیا۔ جِس ویلے اَگوں میرا مِلوُ ججمان، تُہاڈے پلّے دیواں بھرائیا۔ سُن بات کہار ہوئے حَیران، اِک دوُجے نال کرن صلاحیِا۔ ایہہ براہمن بڑا شیَطان، سانوُں وِچوں نظری آئیا۔ دوُجا کہے کرو اِعتبار، تھوڑا تھوڑا دئیے کھوائیا۔ چؤہاں رُپیئےِدو کڈھے باہر، اِشارے نال وکھائیا۔ براہمن کہے ایہدے نال نہ چلے بھنڈار، میرا بھنڈارا بےپرواہیِا۔ پِچھلیاں وہئیاں رہیا وکھال ویکھو ججماناں کی کی میری سیو کمائیا۔ چارے کہن ایہنوُں دے دیؤ دان، آپے شرمِندا ہو کے پِھر ساڈی جھولی پائیا۔ چؤحاں رل کے سارے پَیسے دِتے نِکال، براہمن ہتّھ پھڑائیا۔ براہمن ہو کے دَیال، کہے واہ واہ تُسیں ہی ججمان نظری آئیا۔ تُساں مَینوُں رجّ کے دِتا کھوال، ہُن پِچھے مُڑو میرے بھائیا۔ جا کے مِلو یار چمیار، جو تُہاڈے ورگاں بُھکھا ننگا نظری آئیا۔ براہمن اَگا پِچھا ویکھ کے ماری چھال، ہتّھ جنجوُ اُتے پِھرائیا۔ ویکھو مَیں کیِتا بڑا کمال، چؤہاں ٹھگ اپنی جھولی لئی بھرائیا۔ وِچوں تھوڑا جِہا پُھلی بھر کے تھال، گنگا وِچ سُٹائیا۔ جے اوتھے کوئی پِھردا تُردا مِلیا ججمان، ڈھائی ڈھائی اوتھے منگ منگائیا۔ جیڑا کسیِرا دِتا چمیار، کؤڈی روُپ نظری آئیا۔ جوتی جوت سروُپ ہرِ، آپ اپنی کِرپا کر، اپنی رچن رچائیا۔ چار کہار دے کے دان، وِچے وِچ پچھتائیا۔ کِتھوں براہمن چندرا مِلیا آن، ساڈیِاں گنڈھاں گیا کُھلائیا۔ جے گھر جاندیاں نوُں دھی والیاں گھر بَیٹھی ہوئے مُکان، ساڈی سار کوئے نہ پائیا۔ چلو چلیئے پُچھیئے رَوداس چمار، جے کُچھ سانوُں دئے سمجھائیا۔ سانوُں براہمن کرکے گیا کنگال، ٹھگ بن کے ٹھگّی گیا لگائیا۔ جے سانوُں اِک اِک روٹی دے دئے نال دال، ساڈا دلِدر دئے گوائیا۔ پھیر پھڑ لئیے اپنی چال، بھجیئے واہو داہیِا۔ جوتی جوت سروُپ ہرِ، آپ اپنی کِرپا کر، کرنی کرتا رہیا کمائیا۔ چارے مُڑ کے لےَ کے آئے ڈولی، خالی دِتی رکھائیا۔ ہؤلی ہؤلی آ کے ماری بولی، رَوداس رہے سُنائیا۔ ساڈی گٹھڑی براہمن پھولی، خالی ہتّھ گیا کرائیا۔ جوتی جوت سروُپ ہرِ، آپ اپنی کِرپا کر، کی کھیل رہیا ورتائیا۔ رَوداس چُپ وِچوں پیا

ہسّ، اپنی اکّھ کُھلائیا۔ تُسیں کِیوں پئے اوہدے وس، ایتھوں میرا سنگ تجائیا۔ ہُن کی دیواں دسّ، سب کُچھ آئے لُٹائیا۔ مَینوُں دِکھاؤ دوویں دوویں ہتّھ، نیتر نیَناں ول تکائیا۔ چار کہار کرن جھٹ پٹ، باہواں اَگے ودھائیا۔ چمیار ویکھیا اِنہاں دا لہنا کُچھ حق، میرے ولّ نظری آئیا۔ اِک تے رمبی اِک تے آر دِتی رکھّ، دوہاں دوہاں ہتّھاں دئے وڈیائیا۔ کِرپا کرے پُرکھ سمرتھ، ہوئے سد سہائیا۔ چارے کہار چرنی ڈِگے ڈھٹّھ، نِیوں کے سیِس جھُکائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ اِک کہے کُچھ کریئے سیوا، بُھکھیاں دئے رجائیا۔ دوُجا کہے سیوا وِچوں مِلدا میوہ، پِچھے گئے سمجھائیا۔ تیِجا کہے ایہدی وڈیائی کرے جِہوا، واہ واہ کر سُنائیا۔ چؤتھا کہے ایہدے اندر الکھ ابھیوا، مَینوُں بَیٹھا نظری آئیا۔ جے مِہر نظر کرکے ساڈے مستک لاوے تھیوا، کؤستک منیِاں روُپ وٹائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ اِک کہے چرن لئیے گھُٹ، ہتّھ ہؤلی جیہی لگائیندا۔ دوُجا کہے ایہدے بنیئے پُت، پُتاں ویکھ ترس کمائیندا۔ تیِجا کہے پھڑکے باہوں منگیئے کُچھ، کُچھ نہ کُچھ جھولی دئے پائیا۔ چؤتھا کہے ایہہ سَت سروُپ دِسے سچ سُچ، سَت سَتوادی نال سمائیا۔ رل کے چارے ویکھیئے ایہدا مُکھ، مُکھ وِچ تُوں ہی تُوں ہی راگ الائیا۔ جوتی جوت سروُپ ہرِ، آپ اپنی کِرپا کر، کرنی کار رہیا کمائیا۔ چارے کر صلاح، سوہنا متا پکائیا۔ سانوُں بُھکھیاں کُچھ کھوا، ترِسنا دے مِٹائیا۔ بھاویں پانا گنڈھن لا، ڈھوراں لےَ سُٹائیا۔ جوتی جوت سروُپ ہرِ، آپ اپنی کِرپا کر، لیکھا رہیا چُکائیا۔ رَوداس کہے تُسیں چارے سچےّ، مَینوُں سچ نظری آئیا۔ بےشک رسنا نال کہو تیرے بچّے، پِھر ماپیاں نالوں نہ ہوئے جُدائیا۔ ہُن روٹی کارن مارو بھچے، نِیوں نِیوں سیِس نِوائیا۔ ایسے کرکے لگدے ہّچھے، نیتر نیَناں نیِر وہائیا۔ ویکھو پِھر نہ بنیوں کچےّ، گُتھی وِچوں کڈھ کے کچّا تند توڑ وکھائیا۔ سارے رہ گئے ہکّے بکےّ، کی چمیار کھیل رچائیا۔ کچےّ نوُں پھڑکے دوہاں ہتّھاں وّٹ گھّتے، دنداں وِچ لےَ کے پانی نال سوُتا خوُب لگائیا۔ پِھر کھِچ کے ویکھیا خوُب پکّے، تند ٹُٹدا نظر کوئے نہ آئیا۔ رَوداس کِہا ایہو جِہا نفعے کھٹے، جھولی لئے بھرائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ کہار کہن سب کُچھ لئیے منّ، منسا رہے نہ رائیا۔ بُھکھ نال سُکدا ویکھ تن، دُکھ رہیا ستائیا۔ سانوُں کھوال کُچھ انّ، دھیِرج روُپ وٹائیا۔ جے ویکھیئے تیری خالی دِسے چھنّ، تَوا پرات نہ کوئی سُہائیا۔ ساڈا دُکھی ہویا من، جوتی جوت سروُپ ہرِ، آپ اپنی

کِرپا کر، اِک دے سچّا ور، ساڈی آسا پوُر کرائیا۔ رَوداس اندر آئی خوشی، خوشی نال جنائیندا۔ میرے کول روٹی سُکی، جو آیاں گیاں جھولی پائیندا۔ دِن سو رَین کدے نہ مُکی، گھاٹا نظر کوئے نہ آئیندا۔ ہتّھ لایا گنڈھدے جُتی، اُنگلاں نال پھڑائیا۔ کہار کہن ایہنوُں مارو مُکّی، جو ساڈا جنم بدلائیا۔ رَوداس کہے مَیں تُہاڈے نالوں دُکھی، دُکھیاں درد ونڈائیندا۔ ایدھر ویکھو سُکی دی بنی پوُری لُچی، جیہڑی براہمنا کولوں چُھپائیندا۔ ایدھر ویکھو پھل پُھلواڑی پُھٹی، سوہنا پھل لگائیندا۔ ایدھر ویکھو تھال پروسیا وِچ سُچی، سوہنے بستر اُتے ٹِکائیندا۔ ایدھر ویکھو ٹیسی سب دے نالوں اُچی، چھتّی بھوجن سیِس نِوائیندا۔ ایدھر ویکھو ایہہ چوگ نہ کدے نِکُھٹی، اتوٹ اتُٹ ورتائیندا۔ کہار کہن ہُن تاء دیؤ مُچھی، کھانا بہُتا نظری آئیندا۔ رَوداس پھڑ کے اپنی گُچھی، وِچوں اِک چاول باہر کڈھائیندا۔ جیہڑا اُکھلی وِچ لیا کُٹی، مویہلی نال چھڑائیندا۔ ایس نال لکّھ چؤراسی رجےّ بُھکھی، جے صاحِب میرا دَیا کمائیندا۔ ایہہ مَیں سانبھ کے رکھیا گُٹھی، ہتّھ نہ کِسے پھڑائیندا۔ گُزارا کراں گنڈھ کے جُتی، ٹکا ٹکا منگ منگائیندا۔ اگوں کہار رہے پُچھی، جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ کہار کہن لیا کھائیے کھانا، بَیٹھے چؤتڑا لائیا۔ رَوداس کہے گاؤ گانا، تُوں دیونہار بےپرواہیِا۔ کہار کہن سانوُں دے پیِنا، ٹھنڈا جل بھرائیا۔ رَوداس کہے پربھ نوُں کہو اسیں مسکینا، نِردھن نظری آئیا۔ اِدھر ویکھو چؤلاں دا بنیا چیِنا، نِکاّ نِکاّ روُپ وٹائیا۔ اِک اِک دانہ سب دا ٹھانڈا کرے سیِنہ، بہُتی لوڑ رہے نہ رائیا۔ پھیر بُھکھ نہ لگّے مہیِنہ، بُتیاں کرو چائیں چائنیا۔ تُساں تھوڑے دِن جیِنا، ویلا انتم آئیا۔ پاِٹا چیِتھڑ کِنھ نہ سینا، ٹُٹی گنڈھ نہ کوئے بنائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ یار کہے دسّ رَوداس، کی گلّاں نال پرچائیا۔ تیرے کول کی راس، کیہڑی وست ورتائیا۔ تَینوُں کِویں گیا بھاس، اِنہاں اَگا نیڑے آئیا۔ گھڑی دی گھڑی تیرے نال دِتا ساتھ، کول بہہ کے جھٹ لنگھائیا۔ اِنہاں دی اَیویں کھوٹی کریں واٹ، جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر لیکھا لیکھ ویکھ وکھائیا۔ رَوداس کہے واٹ نہیں کھوٹی، کھوٹیاں کھرے بنائیا۔ اِنہاں منگی میِتھوں روٹی، مَیں روٹی نال رجائیا۔ اِنہاں چؤہاں گلّ سوچی، جیہڑی تَینوُں اِک سمجھائیا۔ باقی سارے مَینوُں سمجھن موچی، اِنہاں وِچوں اِک میرا دھیان لگائیا۔ تِنّاں گلّ نہ دِسے اؤکھی، سؤکھی دھار سمجھائیا۔ اِنہاں پؤڑی چڑھنا چؤتھی، چؤتھا ڈنڈا ہتّھ پھڑائیا۔ جوتی جوت

سروُپ ہرِ، آپ اپنی کِرپا کر، اپنی دَیا کمائیا۔ چار کہار سُن دے رہے چوری، کنّ رَوداس ولےّ لگائیا۔ سانوُں دِسے اندر دا گھوری، گُجھی رمز سُنائیا۔ بےشک ایہدے ہتّھ وِچ آر ڈوری، رمبی نال رکھائیا۔ ایہہ چِھتر ٹُٹے رہیا جوڑی، ریِجھ نال گنڈھ وکھائیا۔ جے ساڈی اَگے عمُر رہ گئی تھوڑی، اِس دے لیکھے پائیا۔ پراں سُٹو خالی ڈولی، ڈولی وِچ بہن والی جگت نظر نہ آئیا۔ ایہہ سُن کے اُچی بولی، رَوداس دا یار نیڑے آئیا۔ کارج راس نہ آوے بِناں وچولی، مَینوُں وِچولا لَوو بنائیا۔ مَیں ایہدا پِچھلا بیلی، ویلے کویلے سچ سنگ رکھائیا۔ ایہہ چمیار تے مَیں تیلی، ذات دوہاں دی وِچ نہ کوئے وڈیائیا۔ مَینوُں اپنی بناؤ سہیلی، کہارو تُہاڈی کی چتُرائیا۔ تُہاڈی براہمن لُٹ کے لےَ گیا تھَیلی، موُرکھو سمجھ کوئی نہ آئیا۔ تُہاڈی ڈولی دِسے ویہلی، سُہاگن بہہ نہ کوئے سُہائیا۔ جوتی جوت سروُپ ہرِ، آپ اپنی کِرپا کر، ساچی کھیل وکھائیا۔ چارے کہن آ جا نیڑے، پنجاں وِچ پرمیشور نظری آئیا۔ سارے رَوداس دے پئیے کھہڑے، اِکو آواز سُنائیا۔ سانوُں چڑھاوے اوس بیڑے، جیہڑا دُھر دا ملاح نظری آئیا۔ اسیں بُھلے بھٹکے آ گئے تیرے ڈیرے، تیرے نال پریم رکھائیا۔ ساڈے ہور نہیں کوئی نیڑے، ساک سجّن سنگ نہ کوئی وکھائیا۔ جھوُٹھے مِتر ویکھے بتھیرے، لگّی توڑ نہ کوئے نِبھائیا۔ ہُن کریں نہ ہیرے پھیرے، سچ سچ دینا سمجھائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ رَوداس کہے سُن یار، تَینوُں سمجھ کِتھوں آئیا۔ ایہہ کِدھر دے چار کہار، بَیٹھا ناتا نال جڑائیا۔ پنجے کہن ساڈا بن گیا پیار، سوہنی بنت بنائیا۔ اِک نے پھڑ کے تِکھی آر، رمبی اُنگلی اُتے لائیا۔ دوُجے کھِچ کے کڈھی باہر، سوہنی دھار خوُن وکھائیا۔ تیجے کرکے سچ پیار، اپنا انگوُٹھا اُتے چُھہائیا۔ چؤتھا باہوں پھڑ اُٹھال، مستک ٹکِےّ سب دے لائیا۔ پنجواں کہے ویکھ رَوداس یار، تیرے نال پریِت لگائیا۔ جے میرے آؤندے دوار، کولھوُ واہ کے تیل نال دیندا نُہائیا۔ تیری رمبی ہوئی خبردار، اپنا حال سُنائیا۔ تیری آر ہو کے آر پار، ساچا رنگ چڑھائیا۔ تُوں چمیاراں ورگا نہیں چمیار، تیری چمڑی وِچ نوُری چمک اِلاہیِا۔ تیرا نظری آوے اوہ دیِدار، جِس دیِدار وِچوں عیِد چند رُشنائیا۔ جے بُھلے بھٹکے آئے کہار، در بَیٹھے تیرے ڈیرہ لائیا۔ اِک دردی تے کر پیار، ہتّھ نال ہتّھ مِلائیا۔ رَوداس کہِندا چھڈ یار، کیہڑی گلّ سُنائیا۔ ایہہ کی جانن ربّ دی سار، پرماتما کَون اکھوائیا۔ چؤتھا رَویا بُھباں مار، تِنّاں رہیا رلائیا۔ چارے اِکٹّھے ہو کے کرو پُکار، ملِے بےپرواہیِا۔ پنجواں ہؤلی جیہی دئے سکھال، گُجھی رمز

لگائیا۔ اِس نوُں کرو دَیال، اِس توں پرے نہیں بےپرواہیِا۔ ایہدی رمبی وِچ پیار، ایہدی آر وِچ داتار، اِس دے دھاگے وِچ آدھار، اُپر توں پار کرائیا۔ جنم مرن توں کڈھے باہر، کرم کرم دا روگ نِوار، سوگ چِنتا دئے گوائیا۔ مَیں کولھوُ واہُن والا کراں خبردار، تُسیں لاڑیاں چُکن والے اکّھ نہ کوئی کُھلائیا۔ اوہ جے کہارو تُہاڈا بن جائے اِک وار، ڈول اپنی وِچ رکھائیا۔ تُسیں سمجھو میرا ہو گیا یار، منجھدھار نہ کوئے رُڑھائیا۔ اُدھر براہمن ویکھو کی کرے کار، گنگا کنارے ڈیرہ لائیا۔ جو ججماناں توں بھیٹا لیاندی نال، گنگا نوُں وکھا وکھا پِھر اپنی گٹھڑی وِچ بندھائیا۔ جیہڑے کہاراں دے لٹکے رومال، سوہنے اُتے رہیا وِچھائیا۔ آؤدیا جآندیاں نوُں واجاں رہیا مار، کُچھ پُچھو میرے بھائیا۔ پتری دے پترے رہیا وکھال، کُنڈلیاں نال سمجھائیا۔ بارہ راسی کر تیار، میخ کُنب دئے وڈیائیا۔ جے کوئی پھس جائے آن انجان، سب کُچھ لُٹ کے اپنی جھولی پائیا۔ ہتّھ تے ہتّھ رکھّ کے کہے جا میرے ججمان، گھر جاندیاں نوُں گنگا ماتا تیرے گھر مایا ڈھیری دئے لگائیا۔ خالی ہتّھ اُس نوُں اَگے نہ ملِے پکوان، پیٹ دھیِرج نہ کوئی رکھائیا۔ راہی کہے براہمن بڑا شیَطان، شرارتی کٹ کے لےَ گیا میری خالی گنڈھ کرائیا۔ براہمن مندر دی گُٹھے ہو کے اوہلے مکان، اپنا پَیسا ٹکا گِنے چائیں چائنیا۔ اِک دِن وِچ چالیاں دا بھان، چالی پَیسے نال رلائیا۔ پِھر کہے جے پنج ستّ ہور مِل جان ججمان، گنڈھاں بھاری لواں بنائیا۔ جِس ویلے مِشرانی اَگے رکھاں آن، اوہ ساڑھی لےَ کے بھجےّ واہو داہیا۔ پِھر مَینوُں خوشیاں نال کھوائے پکوان، پروس تھالے کھیِر ٹِکائیا۔ مَیں نہا دھو کراں اشنان، نالے چوری نالے حرام، نالے ٹھگّی گٹھڑی وِچ رکھائیا۔ میرا سُپھل ہووے کام، لیکھے چڑھے نِشکام، آسا پوُر کرائیا۔ میرا بنیا رہے اِیمان، صِدق بھروسہ ایہو جیہا رکھائیا۔ گِٹیاں گِندیاں رات بیِتی آن، سوُرج دیوتا اپنا نوُر چمکائیا۔ براہمن اُٹھ کے کہے چلو گنگا کریئے اشنان، لکّھ لکّھ شُکر منائیا۔ جا کے چمیار دا کسیِرا کراں دان، اَینوے بھار چُکائیا۔ ہؤلی ہؤلی کنڈھے پہنچیا آن، تٹ کنارہ سوبھا پائیا۔ اُچی بول کِہا زبان، سُن میری گنگا مائیا۔ رَوداس چمیار نے دِتا نِشان، تیری قیمت کؤڈی پائیا۔ وِچوں آواز آئی ہائے مِہروان، میرا بھگت میری یاد رکھائیا۔ بانہہ کڈھ کے کِہا سُن جوان، سوہنی طرح سمجھائیا۔ اوہدا کسیِرا مَینوُں پروان، میرا کنگن دینا چائیں چائنیا۔ براہمن ویکھ ہویا حَیران، ایہہ مُٹیار جوبن ونتی کِتھوں نظری آئیا۔ جے ایہو جیہی مَینوُں مِل جائے نار، جیِون خوشیاں نال ہنڈائیا۔ ایہدے کول لکّھاں کرؤڑاں دا مال، جیہڑا باہواں نال لٹکائیا۔ مَیں پِھر نہ

رہاں کنگال، بُھکھ ننگ نظر کوئے نہ آئیا۔ دھوتی بنّھ کے سَواں اپنے وِچ مکان، لتّ اُتے لتّ ٹِکائیا۔ روز نِت نواں ملِے پکوان، دِوس رَین کھاواں چائیں چائنیا۔ پھیر کہاں تُوں میرا بھگوان، اِکو میرے ونڈے آئیا۔ میرے ولّوں سارا بُھکھا مرے جہان، میرے گھر وِچ بھنڈارا سوہنا دینا بھرائیا۔ مَیں وڑا خوشی ہو کے کہوُں میرا ایہہ ججمان، مَینوُں لوکی بھگوان کہہ کہہ سیِس نِوائیا۔ مَیں جھوُٹھ نہیں بولیا طوفان، اپنے دِل دی گلّ سُنائیا۔ مَیں مِشرانی لےَ کے جاؤں پان، سپاری نال رلائیا۔ اوہ میرے خوشیاں نال گاوُ گان، میرا پتی بےپرواہیِا۔ جیہڑا لُٹ لیایا دُکان، کُھلے ہتّھ ورتائیا۔ پِھر مَیں کہوُں تُوں وی میرے ورگا کر اِیمان، سچ سچ دِرڑائیا۔ آنڈھیاں گُآڈھیاں گھر کدی نہ دیوی پیِن کھان، اسیں منگن والے دیِن وِچ بدل نہ جائیا۔ اُدھر چار کہار خوشی منان، پنجواں یار رہیا سمجھائیا۔ رَوداس کُچھ تاں دے گیان، تھوڑا تھوڑا سمجھائیا۔ مرن پِچھوں کِویں ملِے بھگوان، پہلوں نظر کِیوں نہ آئیا۔ کی اوہ وڈّا چھوٹا کے بال انجان، کے سُتّیا وقت لنگھائیا۔ جوتی جوت سروُپ ہرِ، آپ اپنی کِرپا کر، سوہنی کھیل رچائیا۔ سُن کے گلّاں ڈولی پئی رو، خالی دئے دُہائیا۔ میرے نال کی ہویا دھرو، بہُڑی بہُڑی رہی سُنائیا۔ میرا چھڈ کے ناتا موہ، مُحبّت لئی تُڑائیا۔ اجے پیَنڈا گھر دا رہِندا پنج کوہ، جِتھے میرا آسن لائیا۔ میرا کپڑیاں نال دروازہ دِتا ڈھو، لال رنگ پُھلکاریاں اُتے چُھہائیا۔ میرے کالجے پیَندی کھوہ، دھیِرج نظر کوئے نہ آئیا۔ ایہہ کی گیا ہو، میرا ناتا سارے گئے تُڑائیا۔ جوتی جوت سروُپ ہرِ، آپ اپنی کِرپا کر، اچرج دھار چلائیا۔ ڈولی نوُں کہن اوسے دے ڈنڈے بانس مُٹھی، گنڈھ گنڈھ کُرلائیا۔ سانوُں پُچھ جیہڑے تَینوُں پِھردے چُکی، اپنے نال گنڈھ بندھائیا۔ تُوں موڈھیاں اُتے چڑھی اجے نہ اکّی، تھکاوٹ نظر کوئے نہ آئیا۔ ویکھ تیرے اندر بہن والی کِتھے گئی چھڈ کے ہتّھوں پکّھی، جیہڑی گرمی وِچ ہلائیا۔ سانوُں سچ سچ دسّی، اپنا راز سمجھائیا۔ تیری ڈولی وِچ کوٹن چڑھ گئے وینہدیاں اکّھی، ناتا جگت کنت نال جُڑائیا۔ اوہ کملیئے تُوں اجے کِسے نوُں نہیں مِلایا کملاپتی، پت پرمیشور پرناوَن کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ دُنیا نوُں کہن سُن دے رہے رُسےّ ، سوہنی طرح سمجھائیا۔ ویکھو اسیں پریم نال کسے، بندھن دِتا جڑائیا۔ دو دے چار چار دے اٹّھے، اٹّھاں تتّا نال رکھائیا۔ سیوا کردے اجے نہ تھکّے، تھکاوٹ وِچ نہ کدے آئیا۔ کدی سؤہرے کدی پیکے، آئیے جائیے چائیں چائنیا۔ پہلوں سانوُں کوئی دیکھے، دھیان ڈولے ولّ لگائیا۔ پھیر پلّوُ

اُتوں لپیٹے، پردہ دئے چُکائیا۔ نوَ جوبن لاڑی اندر مُکھ لُکا کے بَیٹھے، سِر گوڈیاں وِچ ٹِکائیا۔ جے کوئی آئے مُکھ ویکھے، نیویں نیَن کرکے چوری جِہے اکّھ اُٹھائیا۔ مَیں کوار کنیاں چھڈ کے آئی پیکے، سؤہریاں گھر شرم حیا میرے اُتے چھائیا۔ اپنیاں ہتّھاں نوُں لپیٹے، مہندی رنگلے باہر نہ سکے کڈھائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ رسّیِاں نوُں کہے مروڑی والی گنڈھ، اُچی ہو سُنائیا۔ میرے بِناں تُسیں سارے ہو جاؤ اڈّ اڈّ، میلا نہ سکے کوئے مِلائیا۔ مَیں تُہاڈے اِکٹّھے کیتے ہڈّ، ہڈّیاں جوڑ جُڑائیا۔ تُساں میرے اُتے بھار دِتا لدّ، اپنیاں بُھجاں کُھلائیا۔ اگلی پِچھلی پار کردے جاؤ حد، بیگانی حد وِچ مَینوُں ساہ دوائیا۔ مَیں اوتھے گاواں چھند، واہوا پربھوُ تیری بےپرواہیِا۔ ایہہ سارے تیتھوں ہوئے الگّ، پیٹ کارن ڈولی کندھے رہے اُٹھائیا۔ جیہڑی ایس دے وِچ بَیٹھی سج، سوہنا رنگ چڑھائیا۔ کجل پا کے نیتر اکّھ، دھار نال مٹکائیا۔ بِندی ٹِکاّ لا کے لال بُل کیتے جھٹ، سُرخی ہٹّ بازار منگائیا۔ جِس ویلے ویکھاں پربھ نالوں بَیٹھی وکّھ، دھیان جگت وِچ لگائیا۔ جِس دے پِچھے ماپیاں ڈولی دِتا گھت، اوہ کنت انت نہ توڑ نِبھائیا۔ پتہ نہیں گھر جاندی نوُں جاوے چھڈ، جاں مُکلاوے پہلوں ناتا جائے تُڑائیا۔ جاں اِک دو دھیِاں پُتر نِشان جائے رکھّ، جاں جاندا جاندا اپنی جائداد دا مَینوُں دے جائے حق، رَیہن فکّ دئے کرائیا۔ جے شریکاں نوُں پےَ جائے شکّ، دعویٰ دائر جائے کرائیا۔ مِل جُل کے مَینوُں گھروں کڈھن دھکّ، دھکاّ کرن وانگ سؤدائیا۔ مَیں نیتر روواں اکّھ، کجل والی اکّھ ہنجھوُاں ہار پروئیا۔ وِچوں آواز آئی سُن نڈھّی سچ، تَینوُں سچ دیاں سمجھائیا۔ اپنے پتی نوُں ویکھن والی بنا پہلوں اکّھ، دوہاں اکّھاں ناتا دے تُڑائیا۔ اُس نوُں منّ اپنا حق، حقیِقت وِچوں نظری آئیا۔ جے اوہ مِل جائے کملاپت، پت پرمیشور بےپرواہیِا۔ ایتھے تیرے نال جاوے وس، اَگے لےَ کے جاوے چائیں چائنیا۔ اپنی ہتّھیں پائے سُہاگ دی نتھ، سُہاگن اپنے نال ہنڈائیا۔ تَینوُں ہون نہ دیوے وکّھ، وکھّری روٹی نہ کوئے پکائیا۔ اوہ چھڈ رَوداس چمار جِن پیار اندر ٹُکڑیاں رکھیا ڈھک، کھان نوُں آوے سچّا ماہیِا۔ اُدھر براہمن پےَ گیا شّک، گنگا ماتا کنگن دِتا پھڑائیا۔ اودھروں پنجواں یار پیا ہسّ، اُچی اُچی سُنائیا۔ او چارے رل کے کرو اکٹّھ، اِکو متا پکائیا۔ اودھروں ڈولی کہے مَیں وچھوڑے وِچ رہی مچ، اپنا حال سُنائیا۔ اندروں لاڑی کہے مَینوُں ملِے پُرکھ سمرتھ، میری آسا پوُر کرائیا۔ رَوداس کہے بھائی مَینوُں گا لیَن دیؤ اوہدا جس، جِس میری بنت بنائیا۔ جوتی جوت سروُپ ہرِ، آپ اپنی

کِرپا کر، دیونہار وڈیائیا۔ کہار کہن پنجویں میِت، اِک صلاح رکھائیا۔ ڈولی کہے میری تُہاڈے نال ریجھ، سوہنی خوشی منائیا۔ لاڑی کہے مَیں اوس پتی نال جاواں پتیِج، جو میری پت رکھےّ تھاؤں تھائنیا۔ رَوداس کِہا ایہہ سب کُچھ ٹھیِک، جے ٹھاکر سچّے بھائیا۔ مَیں غریِب نِمانا ناچیز، پانہا گنڈھنہار اکھوائیا۔ اوہدے توں منگاں بھیِکھ، اپنی جھولی ڈاہیِا۔ اجے مَینوُں اوہدی اُڈیِک، شاید آوے میرا ماہیِا۔ میرے نال مقرر کرکے گیا تاریخ، طریقے نال سمجھائیا۔ ویکھو مَیں اوہدی کرن لگّا اُڈیِک، بُکل وِچ دھیان لگائیا۔ اوہدی دھار بڑی باریِک، اِنہاں اکّھاں نظر نہ آئیا۔ مَیں کایا اندر وڑ کے ماراں چیِک، اُچی اُچی سُنائیا۔ پِھر آوے صاحِب ٹھیِک، ہؤلی ہؤلی کُنڈا لاہیِا۔ میرے نال کرکے پریِت، گھُٹ گلوکڑی لئے پائیا۔ مَیں ہو کے ٹھنڈا سیِت، اپنی چھاتی سیج سوائیا۔ پِھر کہاں مَیں نیِچاں دا نیِچ، تُوں شہنشاہ بےپرواہیِا۔ میرا ویکھ پاِٹا چیِتھ، چیِتھڑا رہیا کُرلائیا۔ سِری بھگوان پھڑ باہوں مَینوُں گھسیِٹ، میرا بستر دیوے لاہیِا۔ چمارا پُرانی سُٹ قمیض، دوشالے تیرے اُتے ٹِکائیا۔ مَیں کہواں مَینوُں پریم دی دیدے بھیِکھ، بِھچِھیا میری جھولی پائیا۔ مَیں سوہنا بنا قمیِض، تیرے چرن دھوُڑ میرے اُتے اوڈھن نظری آئیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ اوہ سُن رَوی، رام رہیا جنائیا۔ مَیں تیرا بن کے کوَی، گائن رہیا سُنائیا۔ مَیں روٹی واگ تپاں اُتے تَوی، پکوان اپنا آپ چڑھائیا۔ تُوں میری سیجا سوَیں، سوہنا آسن ہنڈھائیا۔ میرے مندر وِچ بوھیں، جندر دَواں کُھلائیا۔ پھیر اِک وار کہویں، تُوں غریِباں ہوئیں سہائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ رَوداس کہے مَیں چڑھ کے چھاتی، چھتردھاری ویکھ وکھائیا۔ نار بن کے مِلیا کملاپاتی، کوَل نیَن سوبھا پائیا۔ ایہو جِہا سُکھ کِسے نہ مِلیا سُہاگی راتی، کوٹن کوٹ سخیاں گئے ہنڈائیا۔ ایہو جیہا رس مِلیا نہ کِسے پربھاتی، کوٹن کوٹ گانے گئے سُنائیا۔ ایہو جیہا گھر کِسے نہ مِلیا دو جہاناں ماری جھاکی، نیتر نیَن اُٹھائیا۔ ایہو جیہا ور کِسے دا نہ بنیا ساتھی، جو جیِوندیاں مریاں مریاں جیِوندیاں اپنا سنگ نِبھائیا۔ مَیں رَوداس کی منّاں آکھی، آپے رہیا سمجھائیا۔ ایہہ میرا پُرکھ ابناسی، مِہروان وڈیائیا۔ مَیں اِس دا بنیا راگی، سوہنی سیو کمائیا۔ کہارو تُہاڈی پریِت میرے نال لاگی، مَیں اَگے دیاں جُڑائیا۔ جیہڑا سب دا کنت سُہاگی، سوہنا روُپ وٹائیا۔ جِس دے ہتّھ دو جہاناں بازی، لکّھ چؤراسی اپنے حُکم بھوائیا۔ میرا صاحِب جے ہووے راضی، تُہانوُں راجے نالوں اُچے دئے بنائیا۔ تُہاڈی

لا کے سُنّ سمادھی، اپنے وِچ سمائیا۔ میرے صاحِب دی کھیل ڈاہڈی، کوئی سمجھ نہ سکے رائیا۔ جوتی جوت سروُپ ہرِ، آپ اپنی کِرپا کر، اچرج کھیل رچائیا۔ چار کہار پنجواں سجّن، باہواں پنجے رہے اُٹھائیا۔ خالی ہتّھ آئے منگن، کوُکن دین دُہائیا۔ جِس ویلے ڈولی دے کول دی لگّے لنگھن، اوہ وی کوُنج وانگ کُرلائیا۔ او سجّنو، مَینوُں وی لےَ جاؤ انگن، اپنے نال مِلائیا۔ وِچوں لاڑی کہے مَینوُں نہیں رہی کوئی سنگن، نیتر اکّھ نہ کوئی شرمائیا۔ مَیں ویکھاں تُہاڈا نال صاحِب بخشندن، جو بخشش رہیا کمائیا۔ جوتی جوت سروُپ ہرِ، آپ اپنی کِرپا کر، اچرج ریِت چلائیا۔ رَوداس کہے رکھّو دھیِر، دھیِرج نال جنائیا۔ مَیں اوہدے آؤن لئی اپنے تن دی وِچھاواں لیِر، بِستر اِک سُہائیا۔ اوہ پیِراں دا پیِر، مَیں نیِچاں وِچوں نیِچ اکھوائیا۔ میری اوہدے نال زنجیر، کڑی کڑی نال جُڑائیا۔ سُن کے چؤتھے کہار نکّ نال کڈھی لکیِر، پھڑکے تِنّاں سیِس نِوائیا۔ پنجواں جھُکا نال اخیِر، اپنا مان مِٹائیا۔ جے ساڈی بدل جاوے تقدیِر، سِر اپنا ہتّھ ٹِکائیا۔ جے رَوداس دی پاٹی ٹاکی منظوُر کرے لیِر، گھر غریِباں پھیرا پائیا۔ ساڈے کول نہ کپڑا نہ ٹاِکّی نہ لیِر، لکیِر اُنگلی نال وکھائیا۔ جوتی جوت سروُپ ہرِ، آپ اپنی کِرپا کر، اپنا کھیل سمجھائیا۔ رَوداس وِچھا کے سوہنا سِنگھاسن، کنّیاں رہیا لمُکائیا۔ جِس ویلے بہے میرا پُرکھ ابناسن، سوہنی سیج سُہائیا۔ مَیں بن کے داسی داسن، ایہدی سیو کمائیا۔ مَینوُں کوجھا کملا لوکی آکھن، میریاں اکّھیاں درشن پائیا۔ جیہڑا سخیاں کولوں کھاندا رہیا ماکھن، بھگوَن روُپ وٹائیا۔ جیہڑا بھیِلنی بنیا ساتھن، رام رمئیا ہو کے جوُٹھیاں بیراں بھوگ لگائیا۔ جیہڑا وسے اُتے اکاسن، اگمّ اتھاہ گوسائنیا۔ اوہ میری دھرتی اُتے لاوے آسن، اصل روُپ وٹائیا۔ رَوداس کہے مَیں پریم دی کرکے داتن، ہسّ کے دنداسا دیاں وکھائیا۔ جے میرے ولےّ اِک وار خوشی نال جھاکن، مَیں آکھاں تُوں میرا مَیں تیرا تُوں داتا بےپرواہیِا۔ تیرا موہ منگاں باطن، اندر تیرا نوُر رُشنائیا۔ چرن گھُٹ کے کہاں مَیں تیری بناں ساتھن، انت تیری اکھوائیا۔ تُوں دیِناں بندھپ ناتھ اناتھن، اناتھاں ہوئے سہائیا۔ جوتی جوت سروُپ ہرِ، آپ اپنی کِرپا کر، اپنی دَیا کمائیا۔ رَوداس کہے ایہہ سیج اجے نہیں ہوئی صاف، جھاڑ جھاڑ بنائیا۔ پربھ میرا غُصّہ کر دئے مُعاف، بُھل دیوے بخشائیا۔ جیہڑی مَینوُں بخشی اوس دات، اوسے وِچوں ایہہ وی کڈھ وِچھائیا۔ جے کُچھ لُکا کے رکھاں پِھر بناں نار کمذات، کُلکھنی نظری آئیا۔ جوتی جوت سروُپ ہرِ، آپ اپنی کِرپا کر، سوہنی دئے وڈیائیا۔ رَوداس سیج کرکے سوہنی، ٹُٹے چمڑے رہیا

وِچھائیا۔ پربھ میرے نوُں لگّے سوہنی، سوہنی روُپ وٹائیا۔ اِک ٹکا جو کیِتا بؤہنی، اوہو بھیٹ چڑھائیا۔ نالے کہے ایہو میری ہاڑی ساؤنی، ایسے نال جھٹ لنگھائیا۔ جوتی جوت سروُپ ہرِ، آپ اپنی کِرپا کر، ویکھے کھیل چائیں چائنیا۔ رَوداس سیج ہوئی تیار، سوہنی بنت بنائیا۔ دوُر دُراڈے آد نِرنکار، اُتے آسن لائیا۔ خوشی وِچ کہے واہ میرے یار، کِڈی سوہنی بنت بنائیا۔ ایہو جیہی لبھی نہیں جُگ چار، چاروں کُنٹ ویکھ وکھائیا۔ ایہہ ویکھ کے کہار ہوئے حَیران، پربھ کی کھیل رچائیا۔ بُھکھے ننگے دے گھر بَیٹھا آن، اپنا آسن لائیا۔ اودھروں ڈولی وِچوں نِکلی رکان، اپنا پلّا سانبھ سوُت کے بھجیّ واہو داہیِا۔ مَیں سُنیا رَوداس گھر آیا بھگوان، بھگتن ہِت پھیرا پائیا۔ ڈولی کِہا جاہ نی اوہ سب دا سچّا کاہن، دُھر دا مالک ماہیِا۔ جے اوس اُتے رکھّنا اِیمان، پِھر اوس ولّ اکّھ اُٹھائیا۔ جے لوکمات کرنا حرام، میرے پربھ دے در نہ مُکھ وکھائیا۔ رَوداس چمار کر پرنام، دوئے جوڑ سیِس جھُکائیا۔ ہے بُھکھیاں دے بھگوان، دُکھیاں دے سہائیا۔ ایہہ چار کہار تَیتھوں منگدے رہے پکوان، میرے گھر روٹی نظر نہ آئیا۔ ایہناں نوُں مِلیا براہمن شیَطان، رہِندی پوُنجی لُٹ کے نال لےَ جائیا۔ اودھر کسیِرا مَیں بھیجیا مہان، جیہڑا جوبن ونتی مَینوُں دے کے گئی خوشی منائیا۔ شہنشاہ کہے رَوداس مَیں کیہڑا انجان، مَیں ویکھاں تھاؤں تھائنیا۔ مَیں براہمناں دا براہمن شیَطان، شطانی وِچ اوہنوُں دیواں پھسائیا۔ میرا دیکھ کھیل مہان، لیکھا راجے نال جُڑائیا۔ دوویں چل کے آؤن بن دربان، در تیرے سیِس نِوائیا۔ تیرا کسیِرا تیرا کنگن تیری آئے پچھان، دوُجا سمجھ سکے نہ رائیا۔ جوتی جوت سروُپ ہرِ، آپ اپنی کِرپا کر، دُھر دی دھار جنائیا۔ بھگوَن بَیٹھا چُپ چپیِتا، رَوداس اپنے کول بَیٹھائیا۔ پربھوُ مَیں اجے جوڑا اِکو گنڈھ کے سیِتا، ٹکا اپنی جھولی پائیا۔ نواں دی باقی رہ گئی ریِتا، دس کرکے جھٹ لنگھائیا۔ میری تیرے نال ٹھیِک پریِتا، بچّیاں واسطے ایہہ وی کار کمائیا۔ بڑی خوشی تُوں آئیوں گھر نیِچاں، اپنا پھیرا پائیا۔ میرا ویکھ خالی کھیِسہ، خالی ہتّھ وکھائیا۔ اُدھروں براہمن راجا آ گئے مار کے چیِکاں، مہانرانی نال لیائیا۔ ڈنڈؤت کرے ہو کے نیِکن نیکا، راجن سیِس رہیا جھُکائیا۔ رَوداس جانے بھیو جیِو جی کا، جُگتی نال پُچھے چائیں چائنیا۔ شہنشاہ مَیں کمیِنی ذات ہوچھا نیِچا، تُوں شہنشاہ اکھوائیا۔ جوتی جوت سروُپ ہرِ، آپ اپنی کِرپا کر، سوہنا رنگ وکھائیا۔ اندر بَیٹھا بھگوان کہے رَوداس چُپ، چُپ چُپیِتا جنائیا۔ پہلوں اِنہاں کولوں پُچھ، براہمن کی کی کھیل رچائیا۔ براہمن ڈردا مؤت توں گیا جھُک، نیتر

نیَناں نیِر وہائیا۔ مَیں کنگن لےَ کے رَوداس تَیتھوں گیا لُک، چوری رہیا کمائیا۔ راجے کول جا کے دِتا سُٹ، بہُتا دھنّ دؤلت اپنی جھولی پائیا۔ ایسے کنگن میری جڑ دِتی پُٹ، راجا دیونہارا سزائیا۔ میرا کالا کرکے مُکھ، گلیاں وِچ پِھرائیا۔ مَینوُں دھیِاں پُتاں دا پِچھے لگّا دُکھ، مِشرانی رووے مارے دھائیا۔ جے مَیں سِدھا آ کے تیری چرنی جاندا جھُک، کسیِرے پِچھے کنگن دیندا پھڑائیا۔ پِھر مَینوُں ہونا نہیں سی کوئی دُکھ، جو کُچھ مرضی ہُندی تَیتھوں منگدا چائیں چائنیا۔ سِری بھگوان ہؤلی جیہی کِہا براہمنا کیہڑی گلےّ خوش، مَیں فَیصلہ دیاں کرائیا۔ براہمن کہے تیرے جیِندے رہن پُت، تُوں وڈّا ججمان میرا ہو سہائیا۔ ایہو جیہا کنگن مَینوُں اِک ہور دے دے چُک، میرا کھیَہڑا دے چُھڈائیا۔ سِری بھگوان رَوداس ولےّ کیِتا مُکھ، نیَن نیَناں نال مِلائیا۔ اوتھے اوہدے پھوُڑی ہیٹھوں کوٹن کوٹ کنگن لئے پُٹ، جیہڑا چمّ رمبیاں نال لاہ کے تھلّے دبائیا۔ براہمن خوشیاں نال ہو کے خوش، بودی اُتے ہتّھ پِھرائیا۔ مَیں ہُن ویکھاں اپنے پُت، جیہڑے براہمنی گود وِچ ٹِکائیا۔ ایتھوں بھجّاں اوہلے جاواں لُک، پِھر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، سچ سچ سمجھائیا۔ ویکھ کے براہمن مِلدا کنگن، چار کہار خوشی منائیا۔ چلو پنج اُٹھ کے چلیئے منگن، اپنی جھولی ڈاہیِا۔ جے سانوُں چاڑھے رنگن، بُھکھیاں بُھکھ دئے گوائیا۔ ڈولی کہے مَیں کیہڑی بھاگاں مندن، مَیں وی چلاں چائیں چائنیا۔ لاڑی کھڑکاؤندی آئی چھنکنگن، دوویں باہواں ہلائیا۔ مَیں ویکھاں سوُرا سربنگن، دُھر دا سچ گوسائنیا۔ جے لاوے اپنے انگن، انگیکار کرائیا۔ مَیں خوشیاں نال ہلاواں کندھن، چاروں کُنٹ ویکھاں چائیں چائنیا۔ چار کہار کہن پِھر اسیں وی تیرے متھے لائیئے چندن، سوہنا ٹِکاّ سُہائیا۔ پنجواں کہے مَیں پِھر خوشی وِچ تَیتھوں کُچھ آواں منگن، بھاگا بھریئے مِٹھا مُنہ دے کرائیا۔ سارے صلاح کرکے اَگے لنگھن، رَوداس دوارے سیِس ٹِکائیا۔ جوتی جوت سروُپ ہرِ، آپ اپنی کِرپا کر، سوہنی بنت بنائیا۔ رَوداس کہے ایہہ میرا شاہ، شہنشاہ اکھوائیا۔ جِس دے چرناں ملِے پناہ، رحمت ہتّھ اُٹھائیا۔ کوٹ جنم دے بخش گُناہ، دُرمت مَیل دھوائیا۔ جے ایہنوُں سچ دیوو سُنا، دُکھیاں دُکھ مِٹائیا۔ جے پردہ لؤں رکھا، لکّھ چؤراسی وِچ بھوائیا۔ جے بناؤ پِتا ماں، گودی رکھےّ چائیں چائنیا۔ جے کنت کرکے لؤ ہنڈھا، سوہنی سیج سُہائیا۔ جے مانگت بن کے اَگے جھولی دیوو ڈاہ، انمُلڑی دات جھولی پائیا۔ ایہہ داتا بےپرواہ، بےپرواہی وِچ سمائیا۔ اِس دے اَگے کرو دُعا، دوئے جوڑ واسطہ پائیا۔ ساڈا سچّا سنگ نِبھا، وِچھڑ

کدے نہ جائیا۔ اوہ سجّنو مَیں بھی تُہاڈا بناں گواہ، میرے گھر جو بَیٹھا ڈیرہ لائیا۔ سارے کہن واہ واہ، رَوداس تیری وڈ وڈیائیا۔ پہلوں سانوُں بُھکھیاں نوُں کُچھ کھوا، بُھکھ رہی ستائیا۔ رَوداس اوہ سُکے ٹُکڑے کڈھ کے دِتے وکھا، ایہہ میرا بھوجن سہج سُبھائیا۔ سِری بھگوان ویکھ کے چڑھیا چا، خوشی وِچوں خوشی پرگٹائیا۔ رَوداس مَینوُں وی تھوڑا جیہا سواد وکھا، مَیں اپنا آپ پوُر کرائیا۔ رَوداس کِہا مَیں کھواؤنا نہیں تُوں بھوگ لگا، ایہو تیری وڈیائیا۔ سِری بھگوان کِہا بیہے ٹُکّر نہیں اے شُکر خُدا، شُکریئے نال سمجھائیا۔ دانے دانے اُتے مُہر لگا، بھگتاں ہتّھ پھڑائیا۔ مِہر درِشٹی اِکو وار پا، سُکے ٹُکڑے سوہنا پلاؤ بنائیا۔ کِہا سارے رل مِل لؤ کھا، بُھکھ رہے نہ رائیا۔ رَوداس تھوڑے ورتا، اُنگلاں پنجے نال چُھہائیا۔ اِس دے کھان نال ایہناں دا جاما دیاں بدلا، جو تیرے کول دِتا سُنائیا۔ پِھر ویکھاں آپ آ، لوکمات پھیرا پائیا۔ رَوداس کِہا صاحِب تُوں داتا بےپرواہ، تیرے ہتّھ وڈیائیا۔ مَیں چلاں تیری رضا، حُکم وِچ سرنائیا۔ سِری بھگوان کہے ہُن بن گواہ، پِھر شہادت دیاں بُھگتائیا۔ تیرے ہتّھوں لیکھ لِکھا، میخ مستک دیاں لگائیا۔ پنجہ چرناں نال چُھہا، جنم مرن دیاں کٹائیا۔ سوہنی ڈولی اِک سُہا، دُھر دی بنت بنائیا۔ چارے جُگ کہار لگا، کندھیاں اُتے دیاں ٹِکائیا۔ سوہنی لاڑی روُپ وٹا، گُرمُکھ وِچ سمائیا۔ ہار شِنگار خوُب کرا، بھوُشن بستر انگن تن چُھہائیا۔ رَوداس چمیارا نال رلا، ویکھاں چائیں چائنیا۔ سُکے ٹُکڑ توں جِس پکوان دِتا بدلا، سوہنا پلاؤ وکھائیا۔ اُس پلاؤ وِچوں تھوڑا رکھاں چُھپا، اپنے وِچ چُھپائیا۔ جِس ویلے پھیر جاواں آ، سوہنی بنت وکھائیا۔ سارے سنت بھگت اِکٹّھے لواں کرا، جُگ وِچھڑے میل مِلائیا۔ دُھر دا حُکم دیواں سُنا، سچّو سچ درسائیا۔ ہرِسنگت رل کے میرے پِچھلے چؤل لؤ بنا، سوہنی بھٹّھی اُتے چڑھائیا۔ تھوڑے جہے وِچوں لالو گیا کھا، نانک گھر آئیا۔ اودوں بنیا گواہ، صفائی دیوے چائیں چائنیا۔ گُرمُکھو تُہاڈے سِر توں لاہے قضا، رائے دھرم نیڑ کوئی نہ آئیا۔ اِس دا ویکھو اِک مزہ، منزل اگلی دئے مُکائیا۔ کھانا خوراک نہیں غذا، گہر گمبھیِر دَیا کمائیا۔ پِھر وی ایہدے وِچوں لئے بچا، رَوداس دا سُکا ٹُکڑا چیتے آئیا۔ سنگت ساری نوُں آپ کھوا، وِچوں اِک دانہ اپنے سیِس لُکائیا۔ جیہڑا پھیر اپنے وِچ لیا چُھپا، اَگے واسطے بھنڈارا لیا بنائیا۔ تِنّاں لوکاں ول تِنّ دِن تکدا رہیا راہ، اپنا دھیان لگائیا۔ تیِجے دِن اِک آواز دِتی سُنا، سوہنی آپ جنائیا۔ گُر اوتار پیِر پَیغمبرو اِکٹّھے ہووو آ، اپنا پندھ مُکائیا۔ جن بھگتو تُسیں وی دیؤ صلاح، سب نوُں پُچھے

بےپرواہیِا۔ ہرِسنگت لیا پہلوں لیا کھوا، بچیا تُہاڈا حِصّہ بیہا رکھائیا۔ گُر اوتاراں پیِر پَیغمبراں سُن کے چڑھیا چا، واہ واہ تیری وڈیائیا۔ سِری بھگوان کِہا نہیں اوہناں نوُں دیؤ صلاح، جو مِٹّی گارے چِکڑ وِچ سچّی سیو کمائیا۔ سارے کہن پربھوُ اوہنا پنجاں دی کُجھ جھولی پا، جیہڑے تیرا دھیان لگائیا۔ سِری بھگوان کہے آؤ کھٹا مِٹھا رلائیے پلا، سوہنا جوڑ جُڑائیا۔ چؤتھا کہار کہے میری واری گئی آ، میری آسا پوُر کرائیا۔ رَوداس پاِٹا چیِتھڑ دِتا وِچھا، میرے کول اوہ وی نظر نہ آئیا۔ کِیوں میرے باپوُ دا باپوُ ناتا پہلوں دِتا تُڑا، دیونہارا تُدھ بِن نظر کوئے نہ آئیا۔ مَیں پریم پیار دا وِچھونا دِتا وِچھا، سوہنا رنگ رنگائیا۔ جِس اُتے بہہ جے کھانا لَوے کھا، گُر اوتاراں نال مِلائیا۔ پھیر ویکھے دھیان لگا، پِچھلی یاد کرائیا۔ جیہڑی ڈولی وِچ جاندی رنڈی ہوئی گھڑیاں ڈھائی سؤہرے سوبھا نہ پائیا۔ اُس دا لیکھا سوہنا دِتا بنا، لالو نال جوڑ جُڑائیا۔ رَوداس چمیار ولے رہی تکا، میرا وِچولا نظری آئیا۔ جِس جھوُٹھے سؤہرے دِتے چُھڈا، ناتا جگت مُکائیا۔ پھیر اوس نال دِتا مِلا، جِس نوُں آکے مِلیا بےپرواہیِا۔ اوہ پِچھلا بھات رہی سُہا، چؤکی اُنگلا نال ہِلائیا۔ چؤتھے کہار رہی سمجھا مِٹھا تھوڑا نال رلائیا۔ جو سنگت کولوں بچا کے دُدھ رِڑک کے گھِیو لیا کڈھا، کل پرسوں کمّ کِسے نہ آئیا۔ اجّ اوس نوُں وِچ دِتا رلا، سوہنا جوڑ جُڑائیا۔ خوشیاں نال پربھ اَگے دیؤ ٹِکا، بھوجن بھگوان بھگوان بھوجن روُپ وٹائیا۔ دوہاں بِنا نہ جیوے جہاں، جگت جیِون نہ کوئے وکھائیا۔ خوشیاں نال رہیا کھا، کھا کھا اپنا جھٹ لنگھائیا۔ لےَ رَوداس جیہڑا پِچھلا سُکا ٹُکڑا لیا بچا، تیرے اندر دیاں ٹِکائیا۔ جِتھے گوبِند بچّے رہیا سُہا، اوتھے تَینوُں ملِے وڈیائیا۔ تیرے پِچھے پنجاں بخش گُناہ، پنچم سوبھا پائیا۔ واری واری سارے گلے لگا، اِکو رنگ چڑھائیا۔ سوہنی ڈولی لَوے پا، اپنا کھیل وکھائیا۔ انت کنت بھگوَنت گُرمُکھ دوُلہن بن کے دوُلھا لئے پرنا، پرماتم آتم جوڑ جُڑائیا۔ ہرِسنگت ایہہ پکوان اِک اِک کِنکا سب نے لیَنا کھا، کھاندیاں کھاندیاں کھاندیاں خواہش پوُری دئے کرائیا۔ کھا پی کے پھیر کہو ایہو پِتا ایہو ماں، اِکو گود اُٹھائیا۔ خوشی نال کہنا ساڈے بخشے گئے گُناہ، پاپ نظر کوئے نہ آئیا۔ رَوداس نال مِل کے پکڑی بانہہ، سچّا سنگ وکھائیا۔ رمبی کہے مَینوُں چڑھیا چا، خوشیاں حال سُنائیا۔ آر کہے مَیں بُھلا نہ، تِکھی دھار پربھ دی اوہی نظری آئیا۔ کچّا تند کہے رَوداس جوڑا دِتا جُڑا، ہتھیں گنڈھ پوائیا۔ دھاگا کورا دِتا لا، ڈورا وِچ نہ کوئے رکھائیا۔ کلجُگ رُڑھدیاں رُڑھدیاں جاندیاں موڑا دِتا پا، اَگے اپنا چرن ٹِکائیا۔ جِس ویلے بھورا

بھورا دِتا کھوا، اندرو ترِسنا بُھکھ مِٹائیا۔ پھیر اِکو جپیئےِایہدا ناں، جِس دی نام وِچ وڈیائیا۔ دھام سوہنا لگّے مقام، مقامے حق نوُر الائیا۔ سب نوُں دئے پَیغام، پیِر پَیغمبراں کرے پڑھائیا۔ اؤکھی مُشکل کرے آسان، سوہنا راہ وکھائیا۔ اِکو دسےّ گُرمُکھو بولو سوہنگ مہاراج شیر سِنگھ وِشنوُں بھگوان، دوُجی کرے نہ کوئی پڑھائیا۔ ایسے نال ساڈی ایتھے اوتھے پت جائے رہ، پرمیشور ہووے آپ سہائیا۔ اِکیاں دا جو لیکھا باقی رہے، اگلے لیکھے وِچ لِکھائیا۔ پنجاں اندر آپے بہے، اپنا بنک سُہائیا۔ گوتم اُٹھ کے اگوں کہے، واہ واہ تیری وڈیائیا۔ لنجا ہو کے چَین نال نہ بہے، بھجےّ واہو داہیِا۔ رنگڑ جیہڑا سنڈے سوٹا مارے دھےَ، زور نال لگائیا۔ جیہڑا عنایت نال گنڈھے پُٹ کے کہے، ایہہ وی تیری وڈیائیا۔ اوہدی مُکا کے اپنی مَیں، ممتا وِچوں چُکائیا۔ لنگر وِچ لانگری ہو کے رہے، لنگر مندراں نالوں چنگا نظری آئیا۔ رَوداس سُکا ٹُکڑا دے کے گیا کہہ، سب نوُں سچ سُنائیا۔ جِس پکوان نوُں بھگوان بیہا کدے نہ کہے، سد امرت روُپ وکھائیا۔ ایتھے اوتھے اِکو جیہا رہے، ہرِسنگت لنگر کوُکراں شوُکراں اَگے نہ کوئی سُٹائیا۔ اوس لنگر وِچ پرماتما بہے، اگّ اُتے سڑ کے تَوے اُتے اپنا آپ تل کے، پریم پریِتی وِچ رل کے، اپنا رنگ وکھائیا۔ گُرمُکھ جیہڑے آون چل کے، اوہنا دا اندر بہے ملّ کے، سوہنا آسن لائیا۔ ہرِسنگت کھائے رل مِل کے، وِچھڑیاں جوڑ جُڑائیا۔ ایہہ کھیل دِلدار دِل دے، دِل وِچوں دلیِل دلیِل نال مِلائیا۔ گُرمُکھ گُر دی رہنیؤں کدے نہ ہِلدے، ڈُلےّ سرب لوکائیا۔ گُرمُکھ پربھ دے میلے سدا نہیں مِلدے، جِس مِلیاں وِچھوڑا رہے نہ رائیا۔ جوتی جوت سروُپ ہرِ، آپ اپنی کِرپا کر، سوہنا بھات رہیا کھائیا۔ بھات کہے مَیں بھاگاں بھریا، پربھ مِہر نظر اُٹھائیا۔ پِچھلے بُھکھے اجّ پیٹ اپنا بھریا، نال رَوداس دِتا رجائیا۔ باقی سنگت اندر دھریا، بھورا بھورا چکھائیا۔ سچ پریِتی نال جڑیا، سوہنا جوڑ بنائیا۔ نہ جیؤندا نہ مریا، مرن جنم وِچ نظر کدے نہ آئیا۔ اپنا کارج آپے رہیا کریا، کرن کراونہار اکھوائیا۔ مہاراج شیر سِنگھ وِشنوُں بھگوان جن بھگتاں سیجے آپے چڑھیا، پِر دھن راوے چائیں چائنیا۔