کتب خانہGranth 16 (Shahmukhi)

۵ چیت ۲۰۲۱ بِکرمی دلیِپ سِنگھ دے گرِہ بابوُ پُرا ضِلع گُرداس پُر

پُرکھ اکال سُن دُھر دے باپ، پربھوُ تیری سرنائیا۔ رَوداس سپُتری کہے مَینوُں آیا یاد، پِچھلا لیکھ جنائیا۔ تیرے پرساد دا اگمّ سواد، رس مِلیا بےپرواہیِا۔ چرنی ڈَھیہہ کے انتم گئی آکھ، سچ سنیہُڑا اِک سُنائیا۔ پرم پُرکھ پت پرمیشور پُچھنی وات، مِہروان نِگاہ اُٹھائیا۔ کلجُگ رَین اندھیری دِسے رات، سَت چند نہ کوئے چمکائیا۔ پنجاں بن دی دِسے جماعت، دُھر دا جوڑ جُڑائیا۔ براہمن کھول کے گٹھڑی گاٹھ، لیکھا رہیا وکھائیا۔ رَوداس جُڑیا تیرا نات، گھر بِدھاتا بےپرواہیِا۔ جوتی جوت سروُپ ہرِ، آپ اپنی کِرپا کر، لہنا دینا مُکائیا۔ رَوداس سپُتری پا کے رؤلا، سچ گئی سمجھائیا۔ پرم پُرکھ نہ پردہ کوئی اوہلا، اوڈھن سکے نہ کوئے چُھپائیا۔ میرا باپ تیرا جاپ کردا رہیا گنڈھ کے پاؤلا، پانہی ساچا سنگ نِبھائیا۔ تیرا پِچھلا بُھلیا اجے نہ قؤلا، اِقرار اپنی جھولی پائیا۔ ویکھ خوشی ہوئی اُپر دھؤلا، دھرنی رہی جس گائیا۔ لیکھے لائے چار کہار چُکن والے ڈولا، انتر لاڑی سوبھا پائیا۔ پنجویں مِتر پردہ پھولا، بھیوَ ابھیدا رہیا گوائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ رَوداس سپُتری بالی نِکی، ننھی رہی جنائیا۔ مَیں ویکھی دھار اگمّ چِٹی، روُپ نظری آیا بےپرواہیِا۔ جِس دے اُتے پنچم چیت لِکھی مِتی، بیِس اِکیس بِکرمی خوشی منائیا۔ مَیں کھول کے ویکھی رَوداس والی پِچھلی چِٹھی، جو اپنے کول چُھپائیا۔ اُس دی دھار بڑی سِدھی، سادھنا رہی دِرڑائیا۔ پربھوُ کھیل کرنا نِجی، نِج گھر ویکھ وکھائیا۔ بِن رَوداس کِسے ہتّھ نہ آوے بِدھی، لکّھ چؤراسی بھیوَ نہ رائیا۔ جوتی جوت سروُپ ہرِ، آپ اپنی کِرپا کر، سچ دینی وڈیائیا۔ سچ وڈیائی تیرے ہتّھ، دیونہار اکھوائیندا۔ اُٹھ کھول پربھوُ اپنی اکّھ، تیرا نیَن اِکو سوبھا پائیندا۔ خوشیاں نال گیِت گا کے پَواں ہسّ، ہنس مُکھ روُپ وٹائیندا۔ پِچھلی پوُرب پوُری کر آس، ترِسنا ترِکھا ڈیرہ ڈھاہِندا۔ نِرمل جوت کر پرکاش، اندھ اگیان مُکھ چُھپائیندا۔ براہمن ویکھ اپنے پاس، برہم لیکھا تیری جھولی پائیندا۔ جوتی جوت سروُپ ہرِ، آپ اپنی کِرپا کر، لہنا تیرے در نظری آئیندا۔ رَوداس سپُتری سُن کے بات، براہمن لئے انگڑائیا۔ چار کہار کہن سانوُں یاد آیا کھادھا بھات، پِچھلی اکّھ کُھلائیا۔ یار کہے مَیں دُھر دا ویکھیا نات، سجّن رَوداس بَیٹھا سنگ نِبھائیا۔ اودھر کھوتے والا گھُمیار رہیا آکھ، دُھر دی دھار جنائیا۔ نِرگُن نِروَیر سارے ویکھو ساکھیات، پت پرمیشور بےپرواہیِا۔ جِس دی سیج

سُہنجنی سوبھاونتی پربھات، جلوہ نوُر نوُر رُشنائیا۔ لہنا چُکائے رَوداس کھاٹ، کھٹیِا اپنا رنگ رنگائیا۔ اگلی پِچھلی کٹ کے آیا واٹ، بن پاندھی پھیرا پائیا۔ جو رس رسنا دے کے گیا اگمّ اتھاہ سواد، پرساد اِکو اِک ورتائیا۔ چرن چرنودک دِتی داد، ناتا نانک دادک دوہاں گیا تُڑائیا۔ جِس دا کھیل جُگاد آد، جُگ چؤکڑی ویکھ وکھائیا۔ جو وسے وِچ برہماد، برہمنڈ سوبھا پائیا۔ جِس دا دو جہاناں سُنے ناد، ڈھولا اگمّ اتھاہیِا۔ جِس دا نام کدے نہ ہووے برباد، نیست و نابوُد نہ کوئے کرائیا۔ اوہ صاحِب سب دی پوُری کرے خواہش، خالص اپنا ویس وٹائیا۔ جوتی جوت سروُپ ہرِ، آپ اپنی کِرپا کر، سچ لہنا دئے چُکائیا۔ سُن کے بات دُھر دی ہرِ، وجّی اِک ودھائیا۔ بھےَ بھؤ وِچ براہمن رہیا ڈر، نیتر نیَن نہ کوئے اُٹھائیا۔ ہؤلی اُٹھ کے رَوداس باہوں لئے پھڑ، اِشارے نال جنائیا۔ میرا بنّھا دُھر دا لڑ، پلّوُ سکے نہ کوئے چُھڈائیا۔ میری پِچھلی وِدیا گئی ہڑ، من مت بُدھ نہ کوئے چتُرائیا۔ میری ہؤمے ہنگتا مایا ممتا گئی سڑ، آسا ترِسنا بَیٹھی مُکھ چُھپائیا۔ کوُڑ کُڑیارا بُھلیا گھر، در ویکھن کوئے نہ پائیا۔ مَیں جیِوندیاں جگ گیا مر، مرنے وِچوں جیِون نظری آئیا۔ میرا پوُرب جنم دا پوُرا ہویا ور، لہنا دینا دینا مُکائیا۔ چالیاں دا بھان چالی پَیسے جو چھڈے گھر، جوتی جوت سروُپ ہرِ، آپ اپنی کِرپا کر، لیکھا مُکاؤنا دُھر در، در اِکو نظری آئیا۔ رَوداس کہے سُن براہمن مِت، مِترا حال سُنائیا۔ کرے کھیل پربھ نِت نوِت، جُگ چؤکڑی ویس وٹائیا۔ جن بھگتاں کرے سچّا ہِت، منمُکھ دیوے در دُرکائیا۔ کروٹ لےَ بدلے پِٹھ، سنمُکھ اپنا روُپ دھرائیا۔ تیرا لہنا دینا در ٹھانڈے لئے نِجٹّھ، مِہر نظر نیَن اُٹھائیا۔ اپنے اندر ویکھیں رہن نہ دیویں وِکھ، وِکھ امرت روُپ بنائیا۔ میل مِلاواں ساچے پِت، پت پرمیشور جوڑ جُڑائیا۔ انتر آتم مارے کھِچ، جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ رَوداس کہے مَینوُں آیا خیال، پِچھلی بات جنائیا۔ مَیں دُھر دا بنیا دلال، ونج وپار اِک وکھائیا۔ اؤہ ویکھ تکّن چار کہار، اِشاریاں نال جنائیا۔ ساڈا ایہدے کول اُدھار، گِنتی ایسے ہتّھ رکھائیا۔ جِس دا لہنا لئے پُرکھ اکال، در تیرے دِتا سمجھائیا۔ جوتی جوت سروُپ ہرِ، آپ اپنی کِرپا کر، در ویکھے تھاؤں تھائنیا۔ براہمن کہے مَیں گیا بُھل، پِچھلی یاد کِچھ نہ آئیا۔ کوُڑی کِریا مایا ممتا جنم جنم گیا رُل، دُرمت مَیل نہ کوئےدھوائیا۔ بھاگ نہ لگّا کِسے کُل، مات سُلکّھنی نہ مِلی وڈیائیا۔ میرا قیمت پیا نہ کوئی مُل، کؤڈی کؤڈی ہٹّ وِکائیا۔ جوتی جوت سروُپ ہرِ، آپ اپنی کِرپا کر، انت لیکھا دئے چُکائیا۔ رَوداس کہے دسّاں سچ، تیرے انتر دیاں

سمجھائیا۔ باہروں کایا ماٹی بھانڈا کچّ، سوہنا نظری آئیا۔ اندر من واسنا رہی نچّ، مُکھ گھُنگٹ آپ رکھائیا۔ کرے کھیل بازی گر نٹ، بن سوانگی سوانگ رچائیا۔ کوُڑی کِریا مایا ممتا کھیڑا کیِتا بھٹّھ، ہؤمے ہنگتا اگنی تت جلائیا۔ دھیِرج رہیا نہ کوئی سَت، سنتوکھ اکّھ نہ کوئے کُھلائیا۔ ایسے کر کے مَیں گُرمُکھ ہو کے رہیا ہسّ، اندرے اندر خوشی منائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ براہمن کہے مَیں بدلیا جنم، نوَ نؤ گیڑ چُکائیا۔ سِری بھگوان میٹیا بھرم، بھانڈا بھرم بھنّائیا۔ ہرِ سنگت مِل کے میرا اُچا ہویا کرم، کرم کانڈ رہن کوئے نہ پائیا۔ رَوداس تیری کِرپا مِلی سرن، گُرمُکھ تیرا میلا سہج سُبھائیا۔ مَیں نِمانا ڈِگا چرن، بلہیِن دیاں دُہائیا۔ جِس کِرپا کر کے میرا پہلوں بخشیا مرن، جنم جنم وِچوں بدلائیا۔ دوُجے ساتھی میرے نال ترن، سوہنا جوڑ دِتا جُڑائیا۔ جوتی جوت سروُپ ہرِ، آپ اپنی کِرپا کر، میرا لیکھا دئے مُکائیا۔ رَوداس کہے پربھوُ بڑا گمبھیِر، گہر گوَر اکھوائیندا۔ سرِشٹی دِسے پنج تت سریِر، موہے نِرگُن نِروَیر نظری آئیندا۔ جِس دی منزل چوٹی اِک اَخیِر، بِن کبیِر چڑھ درس کوئے نہ پائیندا۔ رَوداس کہے میرا چولا ویکھ لیِرو لیِر، جِس دا سِنگھاسن پُرکھ اکال اِک وڈیائیندا۔ پنڈت ایہدے وِچ تیری تقدیِر، تدبیِر ہؤلی جِہی سمجھائیندا۔ تُوں تکّ لا نال نظیِر، بےنظیِر نظری آئیندا۔ جِس نے ماری شبد لکیِر، قلم شاہی سنگ نہ کوئے وکھائیندا۔ در ٹھانڈے ہو ادھیِن، صاحِب مسکین دَیا کمائیندا۔ جلوہ نوُری اِک رنگیِن، رحمت بخشش سچ سچ ورتائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ رَوداس سچّی دسّی گاتھ، پِچھلا لیکھا نال رلائیا۔ اودھر چار کہاراں سُن لئی بات، پنجواں یار لئے انگڑائیا۔ پنجے مِل کے اِک جماعت، اپنا حال سُنائیا۔ رَوی ساڈے ول جھاک، نیتر اکّھ کُھلائیا۔ ساڈا براہمن حِساب نہ کیِتا بےباق، کھاتہ صاف نہ کوئے وکھائیا۔ سِری بھگوان تیرے گھر بہہ کے گیا آکھ، پریم نال جنائیا۔ جوتی جوت سروُپ ہرِ، آپ اپنی کِرپا کر، ساڈا لہنا دئے مُکائیا۔ رَوداس کہے سُنو میرے بچّے، بالی بُدھ جنائیا۔ بےشک تُسیں سارے سچّے، سچّیاں وِچوں سوہنے نظری آئیا۔ پرم پُرکھ دے بول کدے نہ کچّے، کوُڑی گنڈھ نہ کوئے وکھائیا۔ چالیاں وِچوں جو بیِس بچے، سو لیکھا لیکھے لئے لگائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سُن کہانی پِچھلی ایک، رَوداس سِنگھاسن رہیا سُنائیا۔ براہمن پہلوں کرے بُدھ بِبیک، انتر آتم صاف کرائیا۔ پھیر ہرِ سنگت لئے ویکھ، چاروں کُنٹ نیَن اُٹھائیا۔ دوئے جوڑ کہے مَیں بنیا

نیک، پِچھلی عادت دِتی گوائیا۔ جوُٹھا جھوُٹھا چھڈیا بھیکھ، کوُڑی کِریا چھڈی کمائیا۔ رَوداس اندر وڑ کے دسّ بھیت، باہروں دے جنائیا۔ مَیں ویکھاں سچّی کھیڈ، جِس کھیل وِچ وسے بےپرواہیِا۔ جِس تیری سُہائی سیج، سوہنا آسن لائیا۔ سو میرا مندر لئے ویکھ، کایا کندر پھیرا پائیا۔ مَینوُں آوے اُس دا ہیت، بِرہوں روگ لگّا واہو داہیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ پنج کہن ساڈا لیکھا اجے نہ چُکا، باقی سارے رہے وکھائیا۔ نالے براہمن ولّ وکھاون مُکاّ، پنجے اُنگلاں بند کرائیا۔ ہُن جان نہیں دینا سُکا، فریب چھل رہن کوئے نہ پائیا۔ جناں چِر ساڈے پُرکھ اکال پِتا دا بنے آپ نہ پُتا، پت پرمیشور منگے اِک سرنائیا۔ اودھروں سِنگھ تیجا ہتّھ وِچ لےَ کے آ گیا حُقہ، ہوکا دے کے رہیا سُنائیا۔ مَیں اوہ گھُمیار نہیں ہُن بُھکھا، جو بچّیاں رہیا روُائیا۔ مَیں سوہنی سیجے سُتّ، سچ سِنگھاسن ڈیرہ لائیا۔ براہمنا اوتھے براہمن کوئی نہیں لُچا، پکھنڈی نظر کوئے نہ آئیا۔ ویکھیا گُرمُکھ گُرسِکھ سوہنا سُچا، سچ سُچ وِچ سمائیا۔ مَینوُں یاد آیا رَوداس دواریوں کھادھا ٹُکر رُکھا، جِس اُپر درِشٹی سِری بھگوان پائیا۔ میرا اُجل ہویا مُکھا، سوہنا جوبن اپنا رنگ وٹائیا۔ دیِن دَیال صاحِب تُٹھا، مِہروان اپنی مِہر نظر ٹِکائیا۔ ویکھ ناتا پِچھلا پِیو پُتا، کلجُگ انتم بھائیاں وِچوں بھائی نظری آئیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ بےپرواہ لیکھ اتھاہ، سمجھ کوئے نہ پائیندا۔ رَوداس نیَن رہیا اُٹھا، گُرمُکھ اکّھ آپ کُھلائیندا۔ چاروں کُنٹ دھیان لگا، دہ دِشا پڑدہ آپ چُکائیندا۔ نِرگُن نِروَیر نِراکار ویکھے شہنشاہ، شاہ پاتشاہ سچ سِنگھاسن سوبھا پائیندا۔ پاِٹا چیِتھڑ جِس نوُں رہیا سُہا، دو جہاناں سوہنا رنگ رنگائیندا۔ ویکھ ویکھ گُر اوتار پیِر پَیغمبر خوشی رہے منا، خوشیاں اندر خواہش سب دی پوُر کرائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ چؤتھا کہار کہے میری یاد اِک، اِکو وار جنائیا۔ رَوداس جو لیکھا دِتا لِکھ، سِری بھگوان آپ دِرڑائیا۔ اوہ اکھّر اجے نہ پئے دِس، روُپ رنگ نہ سکے کوئے پرگٹائیا۔ دسّ رکھےّ کیہڑی گُٹھ، چارے کُنٹاں وِچوں دبائیا۔ اودھروں رَوداس سپُتری ہسّ کے کہے ویِر مَینوُں پُچھ، مَیں تَینوُں دیاں سمجھائیا۔ نہ پردہ نہ کوئی لُک، بھیو سکے نہ کوئے چُھپائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ آہ ویکھ چِٹھی اوہ اپار، بالی ننھی نڈھی رہی جنائیا۔ جِس وِچ لیکھ لِکھایا ہرِ نِرنکار، رَوداس چمار دئے گواہیِا۔ تُہاڈا جامہ بدلیا نار، وِچ سنسار مِلی وڈیائیا۔ اودھر براہمن دا باقی رہیا

اُدھار، لیکھا جانے بےپرواہیِا۔ سمیں وِچوں سماں لیا وِچار، وقت وِچوں اپنا وقت ساچے لیکھے لائیا۔ جِس دی سمجھ کِسے نہ آئی جُگ چار، چؤکڑی کھوج نہ کوئے کُھجائیا۔ جوتی جوت سروُپ ہرِ، آپ اپنی کِرپا کر، لہنا دینا رہیا مُکائیا۔ لہنا دینا مُکاؤنا اجّ، پنج چیت وجےّ ودھائیا۔ سچ سِنگھاسن صاحِب سج، پُرکھ اکال خوشی وکھائیا۔ نؤ جنم دی براہمن مُکی حد، گیڑا گیڑ نہ کوئے وکھائیا۔ پِچھلی عادت دِتی چھڈ، ناتا چھڈیا جگت لوکائیا۔ مرن توں پہلوں لیکھے لا کے ہڈّ، ہڈّیاں وِچوں حدیِث اِکو جھولی پائیا۔ سنگی ساتھی سارے سدّ، گُرمُکھ میل مِلائیا۔ در دروازہ آؤ لنگھ، سچ بنک سُہائیا۔ پرم پُرکھ دا سوہے پلنگ، رَوداس سیج ملِے وڈیائیا۔ ناتا توڑ بُھکھ ننگ، جگت ویس غریِبی ڈیرہ ڈھاہیا۔ سچ دیون آیا انند، انند انند وِچوں پرگٹائیا۔ چار کہاراں پوُرب کرے پوُری منگ، پنجواں لیکھا سہج سُبھائیا۔ جو مندر کول بہہ کے گِنی اپنی گنڈھ، تِس دا حِصّہ رہیا ونڈائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑائیا۔ ساچی سِکھیا سُن لےَ مِسر، مسلہ اِک جنائیا۔ پِچھلا لیکھا جائے وِسر، وِسرے وست پرائیا۔ کوُڑی کِریا وِچوں اُجل نوُر آئے نِتر، سوَچّھ سروُپ وکھائیا۔ پرم پُرکھ گھر ملِے مِتر، مِتر پیارا ہوئے سہائیا۔ رَوداس دے ہُن نہ ویکھ ٹُٹے چِھتر، شہنشاہ سِر اپنا ہتّھ ٹِکائیا۔ اَگے کدے نہ جائے وِچھڑ، پِچھلے وِچھڑے رہیا مِلائیا۔ گل لاوے بھریاں چکڑ، کوجھے کملے گود اُٹھائیا۔ گُرمُکھو تُہاڈا پِچھلا کردا آیا فِکر، ناویں جنم لہنا دینا رہیا مُکائیا۔ سوہنا اَگے چِتر دیوے چِتر، سچ تراش بےپرواہیِا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ براہمن کہے مَیں کیہڑی پائی لُٹ، پِیو دادے دی ریِتی توڑ نِبھائیا۔ کی ہویا جے گنگا کنارے جا کے چُلی پی کے اِک گھُٹ، اپنے اندر انتر لیا دسائیا۔ باہر آ کے راہیِاں پاندھیِاں لیا پُچھ، سدھے رستے دِتا پائیا۔ اوہناں نوُں بھار نہ چُکنا پیا کُچھ، سب کُچھ اپنی جھولی لواں بندھائیا۔ مار کے تھاپیِاں سب نوُں دیواں پُت، اکّھاں نال سمجھائیا۔ جے کوئی ججمان کول بہے اونوُں کہاں میرے چرن گھُٹ، میرے چرناں وِچوں چانن نظری آئیا۔ جے کوئی اگلی گلّ لئے پُچھ، کُنڈلیاں پا کے رُپِییا سوا روک اُتے ٹِکائیا۔ جے کِسے دا جوڑا ہووے دار نوک، اندر نیِتی نال لَواں چُرائیا۔ گھر مِشرانی نال ماناں مؤج، سوہنا سنگ نِبھائیا۔ ایہو جِہے جنم پھیر نہیں مِلنے روز، براہمنی گود نہ کوئے سُہائیا۔ بہُڑی رَوداس نال مِل کے میرا پوُرا نہ ہویا شؤق، من آسا پوُر نہ کوئے کرائیا۔ جِس اندر واڑ کے پربھ دی جگدی وکھائی جوت، نِرگُن نوُر نوُر رُشنائیا۔ میری پِچھلی بُھل گئی

سوچ، بےسمجھ دِتا بنائیا۔ اکّھ کُھلی تے آئی ہوش، نیتر نیَناں لئی انگڑائیا۔ پاربرہم پت پرمیشور نظری آیا بَیٹھا خاموش، خالص اپنا روُپ دھرائیا۔ سچ پریِتی اندر ہویا مدہوش، مدُھر رس اِکو اِک جنائیا۔ میرے ہِلنوں ہٹ گئے ہونٹ، جِہوا سکے نہ کوئے جنائیا۔ مَیں چار کُنٹ ویکھ کے کِہا مَیں اجے نِردوش، دوشی سکے نہ کوئے ٹھہرائیا۔ جوتی جوت سروُپ ہرِ، آپ اپنی کِرپا کر، لیکھا ویکھے بےپرواہیِا۔ رَوداس کہے براہمن تیری انتر جاناں گت، تَینوُں دیاں سمجھائیا۔ ہُن چھڈ دے پِچھلی مت، متیاں وِچ نہ جنم گوائیا۔ پربھ مِلن دی کھول اکّھ، دوناں اکّھاں وِچوں اکّھ اِکو سوبھا پائیا۔ سَت پریم دا لےَ رس، کوُڑی کِریا ہوئے جُدائیا۔ پنجاں دا دے دے پِچھلا حق، جو بَیٹھا آپ دبائیا۔ سِری بھگوان لہنا دیوے کِسے نہ چھڈ، جُگ چؤکڑی جنم جنم کھوج کھوجائیا۔ جوتی جوت سروُپ ہرِ، آپ اپنی کِرپا کر، دُھر سندیس اِک سُنائیا۔ چار کہار پنجواں یار کرن صلاح، اپنا متا پکائیا۔ بیِساں دا لیکھا گیا چُکا، سچ پرساد سنگت ورتائیا۔ بیِس بقایا گیا رکھا، رَوداس چمار گواہ بنائیا۔ پنجویں چیت ساہ سُدھا، پروشٹا سچ گیا دِرڑائیا۔ در دوارے جاواں آ، اپنا بھار اُٹھائیا۔ جوتی جوت سروُپ ہرِ، آپ اپنی کِرپا کر، سِر سب دے ہتّھ ٹِکائیا۔ ایدھر براہمن اندر پَوے ہؤل، بہُڑی بہُڑی کر رہیا کُرلائیا۔ مَیں کاہنوُں کر لیا قؤل، ویلا انتم گیا آئیا۔ مَیں ماریا گیا انبھول، میری سوچ سمجھ رہی نہ رائیا۔ پہلوں میری گٹھڑی پھول، اِکّی پگڑیاں سِکھ دِتیاں ورتائیا۔ پھیر گھُمیار دی وجّی چیتے آئی دھؤل، جو دوہر پِچھے سیِس ٹِکائیا۔ اودھروں رڑکن لگّے رَوداس دے کھادھے چؤل، جِنہاں سِری بھگوان بھوگ لگائیا۔ ایدھروں چار کہار پئے بول، دُھر سندیسہ رہے سُنائیا۔ جوتی جوت سروُپ ہرِ، آپ اپنی کِرپا کر، لہنا اندر باہر ویکھ وکھائیا۔ براہمن کہے کراں کی، سمجھ وِچ کِچھ نہ آئیا۔ نہ پُت نہ دھی، بنس سربنس نہ کوئے سُہائیا۔ نؤ جنم کیہڑا پھل لیا بی، پتّ ڈالی نہ کوئے مہکائیا۔ جنم جنم وِچ سَت دھرم دی رکھّی کوئی نہ نیِہہ، محل اٹل نہ کوئے سُہائیا۔ میری ہڈّیں درد ہویا ریِح، اٹّھے پہر رہی ستائیا۔ اِک براہمنی اِک نِکرمن جی، جگت جہان وِچ نیتر رووے مارے دھاہیِنا۔ جوتی جوت سروُپ ہرِ، آپ اپنی کِرپا کر، لیکھا منگے، ایکا حُکم سُنائیا۔ براہمن کہے میری ڈُبدی جائے نئیا، کنارہ نظر کوئے نہ آئیندا۔ ہائے بہُڑی مَیں کِس طرح کولوں کڈھ کے دیواں رُپِییا، دینا اؤکھیوں اؤکھا نظری آئیندا۔ میری کِدھر گئی ججماناں والی وہئیا، جِس دا حِساب کھاتہ سب ولّ بقائے وِچ رکھائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ

رچائیندا۔ براہمن اندروں ہویا دِلگیِر، سہم سہم کُرلائیا۔ میرے نال کی ہویا اخیِر، اکّھیں وینہدیاں وینہدیاں اکّھی گیا بدلائیا۔ میری بدلدی جائے تقدیِر، تدبیِر سمجھ کوئے نہ پائیا۔ میری کَون کٹے بھیِڑ، دُکھی درد ونڈائیا۔ نیتر رووے نیِر، نیَناں چھہبر رہیا وکھائیا۔ سِنگھاسن اُپر چولا ویکھ کے لیِرو لیِر، حوصلہ اپنا پھیر ودھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ رَوداس ویکھ براہمن وِچار، اِکو وار سمجھائیا۔ اُٹھ ٹھگّا ہو خبردار، ساچی خبر دیاں سُنائیا۔ پرم پُرکھ پت پرمیشور سرب جیِاں دا سانجھا یار، دوُئی سنگ نہ کوئے رکھائیا۔ پتت پاپی جُگ چؤکڑی رہیا تار، جو چل آئن سرنائیا۔ روگ سوگ چِنتا دُکھ دئے نِوار، مایا ممتا موہ مِٹائیا۔ دوئے جوڑ در کر نِمسکار، مان ابِھمان دوویں دے گوائیا۔ جوتی جوت سروُپ ہرِ، آپ اپنی کِرپا کر، تیرا لیکھا لیکھے لئے لگائیا۔ براہمن کہے مَیں کِس بِدھ جاواں اُٹھ، اپنا بل دھرائیا۔ براہمنی پھولن نہیں دِتی اوہ گُٹھ، جِس وِچ جگت خزانہ لیا لُکائیا۔ میرے ہتّھ وِچ نہیں کُچھ، خالی دیاں دُہائیا۔ نہ دھی نہ کوئی پُت، نِشانی جگت نہ کوئے جنائیا۔ باراں چیت اؤدھ جانی سی مُک، پِچھے یاد نہ کوئے رکھائیا۔ رَوداس تیرے جیؤندے رہن پُت، جِس میری پھیر بنت بنائیا۔ تیرے کہنے نؤ جنم دا اپرادھی گیا چُھٹ، کرم کانڈ دا ڈیرہ ڈھاہیِا۔ باقی تِنّاں ماواں نوُں ہور مِل گئے پُت، خالی گود بھاگانونت بنائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ رَوداس کہے تُوں کی جانیں انجان، ہرِ کا بھیو کوئے نہ پائیا۔ پرم پُرکھ شیَطاناں وِچوں شیَطان، شیَطانی سمجھ کِسے نہ آئیا۔ مِہرواناں وِچوں مِہروان، محبوُب داتا بےپرواہیِا۔ کاہناں وِچوں وڈّا کاہن، لکّھ چؤراسی گوپی رہیا ہنڈھائیا۔ راماں وِچوں وڈّا رام، سیِتا سُرتی سرب پرنائیا۔ گُروُآں وِچوں گُروُ گیان، بودھ اگادھ کرے پڑھائیا۔ محلاں وِچوں اٹل مکان، سچ منارا سوبھا پائیا۔ نِشاناں وِچوں اُچ نِشان، شہنشاہ اِکو اِک جھُلائیا۔ راج راجاناں وِچوں اِک راجان، والی دو جہان اکھوائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ رَوداس کہے براہمن کھول گنڈھ، تَینوُں دیواں سچ جنائیا۔ پِچھلا لیکھا مُکیاں پَوے ٹھنڈ، اگنی تت نہ لاگے رائیا۔ گھر گھر وِچ لےَ انند، سُکھ ساگر روُپ سمائیا۔ تیرا جنم جنم دا مُکیا پندھ، کوُڑی کِریا ڈیرہ ڈھاہیِا۔ خوشیاں نال گاؤنا چھند، گیِت گوبِند الائیا۔ تیرا لیکھا مکُے نال پنج، پنجاں وجےّ اِک ودھائیا۔ جوتی جوت سروُپ ہرِ، آپ اپنی کِرپا کر، ویکھنہارا بےپرواہیِا۔ براہمن اندر آئی وِچار، دھیان دھیان وِچوں پرگٹائیا۔ پِچھلا لہنا دیواں اُدھار، قرضہ

سیِس نہ کوئے ٹِکائیا۔ مَینوُں چارے دِسن اوہ کہار، پنجواں تیلی روُپ وٹائیا۔ لِکھن والا رَوداس چمیار، گُرمُکھ سوہنا لیکھ لِکھائیا۔ ویکھنہارا سِرجنہار، صاحِب سُلطان بےپرواہیِا۔ پرکھنہارا دو جہان، لکّھ چؤراسی کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ایدھر براہمن گنڈھ نوُں پائے ہتّھ، پنجاں اُنگلاں نال رلائیا۔ سچکھنڈ دواریوں سِنگھ پال آیا نٹھ، ہؤلی جِہی جنائیا۔ او براہمنا تیری ذات براہمن بدل کے ہوئی جٹّ، جٹّاں گھر وڑیا بےپرواہیِا۔ تُوں جٹّاں دا پُت اِک واری پربھ دے اَگے ڈٹ، اپنا حوصلہ دے وکھائیا۔ نہیں تے اُٹھ کے جا نٹّھ، دو جہان ویکھ چائیں چائنیا۔ اَگوں گھُمیار دِس پیا براہمنا میرے کھوتے دی لاہ چھٹ، نہیں تے لوٹا تیرا دیاں بھنّائیا۔ براہمن اِدھر اُدھر مارن لگّا ہتّھ، گٹھڑی ہتّھ کوئے نہ آئیا۔ رَوداس لِکھدا لِکھدا پیا ہسّ، خوشیاں حال سُنائیا۔ موُرکھا سب نالوں پہلوں پربھ دی چرنی ڈھٹّھ، جِس در ملِے مان وڈیائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ رَوداس سُن کے اِک سندیسہ، سِنگھ پال خوشی منائیا۔ پربھ دا پِچھلا نہیں ہُن ویسا، اگلی کھیل رچائیا۔ دو جہاناں بن کے نر نریشا، شہنشاہ اپنا حُکم ورتائیا۔ براہمنا نؤ جنم تُوں چُکی رکھیا ٹھیکا، ایسے دے حُکمے اندر پھیرا پائیا۔ ہُن بُھل نہ جاویں ویکھی ویکھا، تَینوُں دُھر دی کہانی دیاں دِرڑائیا۔ جِنّاں چِر تیرے اندر وڑ کے دسےّ نہ بھیتا، اوناں چِر منّیں نہ کوئی رضائیا۔ اودھروں حُقے والا کہے پہلوں میرا صاف کر نیزہ، سوہنی سیو کمائیا۔ پھیر تَینوُں وی ملِے میرے ورگی سیجا، جِس سیج اُتے سُتّا بےپرواہیِا۔ مَینوُں ایسے کر کے بھیجا، جا کے بھگتاں دے جگائیا۔ مانَس جنم دی لکّھ چؤراسی وِچوں اِکو وار ہتّھ آوے کھیڈا، پھیر کِھلاری کھیل نہ کوئے وکھائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ پال سِنگھ کہے او جٹّا کھول پلک، تَینوُں سچ دیاں دِرڑائیا۔ ایہہ والی دو جہان خالق خلق، مخلوُق وِچ سمائیا۔ جِس میرے نال لایا تعلّق، طلاق دو جہاناں دِتے تُڑائیا۔ میرا وسیرا اُپر فلک، فرش ویکھن آیا چائیں چائنیا۔ تیرا چرناں نال رگڑ دیوے تِلک، تعلّق اپنے نال رکھائیا۔ لیکھا چُکے رون وِلک، کوُک دیوے نہ کوئے دُہائیا۔ تن پہنائے ساچی خِلعت، شہنشاہ شہنشاہ شہنشاہ شاہ دئے بنائیا۔ تیری پِچھلی میٹی ساری ذِلّت، خواری اپنی جھولی پائیا۔ ویکھیں پھیر نہ کدے کریں عِلّت، عادت صاحِب سَتگُر دئے بدلائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پال سِنگھ کہے گل پا پلّا، پالکی والا اِکو نظری آئیا۔ پیِر

پَیغمبر جِس نوُں کہِندے نوُری االلہ، االلہ نوُر نوُر وِچوں پرگٹائیا۔ پُرکھ اکال دیِن دَیال سچ سِنگھاسن جِس نے ملّا، سوبھاونت سوہنی سیج سُہائیا۔ سچکھنڈ دواریوں جِس لوکمات مَینوُں گھلّا، خوشیاں نال اپنا حُکم منائیا۔ جا کے دسّ براہمن پھیر نہ ہووے جھلّا، جھلّیا جھلک دیوے بےپرواہیِا۔ تیرے نال تاریا ڈلّا، ماں جنم کُکھ نہ پھیر دِوائیا۔ چؤتھے یار پھڑا کے پلّا، محمد دی شہادت دِتی بُھگتائیا۔ اجیِت سِنگھ نہیں اِکلّا، غریِب نِمانا نِمانیاں وِچوں سچّا سنگ بنائیا۔ کریا کھیل سِری بھگوانا، بھگوَن اپنی دھار وکھائیا۔ پِچھلا بدل گیا زمانہ، ضمانت دین والا چمیار اِکو نظری آئیا۔ جِس دے کول پرم پُرکھ دا پوُت ، پَیمائش کرے تھاؤں تھائنیا۔ نال رکھ گُن نِدھانا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شاہ پاتشاہ سچّا شہنشاہیِا۔ پال سِنگھ کہے میری منّو آکھی، بِن اکھّراں دیاں سمجھائیا۔ اوتھے ویکھیا ایتھے تکّیا اِکو ساتھی، سگلا سنگ نِبھائیا۔ گُر اوتار پیِر پَیغمبر اوتھے پڑھدے ساکھی، ایتھے گُرمُکھ راگ الائیا۔ دوہاں دا مالک کملاپاتی، پت پرمیشور بےپرواہیِا۔ اِس دے کولوں کُھلا لؤ تاکی، دروازہ بند پھیر نہ کوئے کرائیا۔ ویکھیو بُھل نہ جائیو ایہہ بندہ خاکی، بندہ خاکی نہیں نوُر اِلاہیِا۔ جے پیِؤ تے جام دیوے بن کے ساقی، ساکھیات بےپرواہیِا۔ مَیں سُناواں بات ساچی، سچ سچ سچ دیاں دِرڑائیا۔ ایہہ پنجاں دساں دا امرت پیوے راتی، آؤندا جاندا نظر کِسے نہ آئیا۔ ایہہ اوہ اگمّی ساکھی، جو پہلی وار نانک انگد دِتی سمجھائیا۔ ایسے کارن مَیں سنیہُڑا لےَ کے آیا دُھر دی پاتی، پت پرمیشور لیکھا دیاں سمجھائیا۔ جوتی جوت سروُپ ہرِ، آپ اپنی کِرپا کر، سچ کرنی رہیا کمائیا۔ پال سِنگھ کہے رَوداس ہویا گُرمُکھ، صاحِب سَتگُر کھیل کِھلائیا۔ براہمن سنگی بن مِٹا لےَ دُکھ، درد جگت ونڈائیا۔ بےشک بھاگ نہیں لگّا براہمنی کُکھ، تیرا نام ڈھولے گائے جگت لوکائیا۔ کِیوں، ستگُر پوُرے گودی لیا چُک، پھڑ باہوں گلے لگائیا۔ اِس توں وڈّا ہور نہیں کوئی سُکھ، کوٹن کوٹ راج راجان کوٹن کوٹ رانیاں مہارانیاں گئے ہنڈھائیا۔ کوٹن کوٹ سادھ سنت جل دھارا بہہ کے چُپ، اندھیرے گھُپ اکّھیں میِٹ دھیان لگائیا۔ کِسے نہیں کِہا آ گُرسِکھ میرے پُت، پرم پُرکھ بچّیاں وانگ اپنی اُنگلی لائیا۔ باہروں ویکھ نہ بُھلنا ایہہ پنج تت منُکھ، منُکھاں وِچوں مانَس مانَساں وِچوں مالک مالکاں وِچوں خالق خالق وِچوں خلیل بےپرواہیِا۔ اُپر نہ ویکھو چرنی ویکھو جھُک، جِتھوں ملِے وڈیائیا۔ جِس کھوایا رَوداس دا سُکا ٹُک، سو ٹُکڑیاں گُرمُکھاں دے ٹوکریاں وِچ بھرائیا۔ گھر آ پھیرا پا لئے پُچھ،

ہؤلی ہؤلی اُٹھائیا۔ جے کُچھ بچّیو تُہانوُں دُکھ، میری جھولی دیؤ پائیا۔ مَیں سب دا بھار لواں چُک، چُک تھک کدے نہ جائیا۔ جے کِسے گلّوں گئے رُس، رُسییاں لواں منائیا۔ نؤ سؤ چُرانوے چؤکڑی جُگ پِچھوں آ کے کِہا آؤ میرے پُت، پِتا پوُت گودی لئے سُہائیا۔ براہمنا ایس نِشانیوں کدے نہ جائیں اُک، ویلا گیا ہتّھ کدے نہ آئیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ پال سِنگھ کہے او براہمنا اَگے اڑ، اڑِکا دے وکھائیا۔ جِنہاں چِر میرے اندر نہ جاویں چڑھ، گُرمُکھاں گھر گھر درس دِکھائیا۔ آتم سیجا بہہ کے ساڈا نام نہ لئیں پڑھ، تیری کرے نہ کوئے وڈیائیا۔ ساڈے پِچھے جے تُوں نہ جاویں مر، ابناسی تیری دِسے نہ کوئے چتُرائیا۔ اسیں تیرے آئے در، تُوں ساڈے وسیؤں گھر، گھر وِچوں گھر تیری جھولی پائیا۔ اسیں نہیں جاندے چیتن جڑ، چیتن جڑ تیری وست تیرے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ پال سِنگھ کہے موُل نہیں ڈرنا، ڈریاں ہتّھ کِسے نہ آئیا۔ ویکھیو پانی وِچ نہیں ٹھرنا، ٹھریاں پار نہ کوئے لنگھائیا۔ لمبوُ اگنی کدے نہ سڑنا، سڑیاں سنگ نہ کوئے رکھائیا۔ مِترو اٹّھے پہر کدے نہ پڑھنا، پڑھیاں رنگ نہ کوئے وکھائیا۔ سچ پُچھو اِکے وار ڈھیہہ پؤ سرنا، سرن وِچوں چرن چرن وِچوں ترنی ترن نظری آئیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سچ سچ دئے سمجھائیا۔ پال سِنگھ کہے مَیں اپنی دسّاں کہانی، پِچھلی یاد کرائیا۔ مَینوُں اکھّراں وِچ دسّن لگّا بانی، اُنگلاں رکھ رکھ آپ پڑھائیا۔ مَینوُں وکھاؤن لگّا چار کھانی، جیرج انڈج اُتبُھج سیتج وِچ بھوائیا۔ مَینوُں راجا بنا کے دسؤن لگّا رانی، سوہنا ہار شنگار جنائیا۔ مَینوُں مِتر بن کے پیاؤن لگّا ٹھنڈا پانی، بھر کٹورا ہتّھ پھڑائیا۔ مَینوُں پریم کر کے سواؤن لگّا اُپر لیف نِہالی، بِستر سیج سُہائیا۔ گُرمُکھو مَیں اپنی اکّھ بدلا لئی، ایدھر دھیان نہ کوئے ٹِکائیا۔ جِنا چِر پُرکھ اکال آپ نہ ملِے جوت اکالی، اکل کل دھاری بےپرواہیِا۔ میرے واسطے دو جہان دِسن خالی، خالق نظر کوئے نہ آئیا۔ نالے بن مالک نالے کر دلالی، پھیر مرضی میری تیرے نال چنگی طرح بن آئیا۔ سِری بھگوان کہے تُوں کِتھوں ایہو جِہا آ گِیوں سوالی، جِس میرے اندروں میری منگ منگائیا۔ مَیں خوشی نال وجا کے تالی، خوشیاں حال سُنائیا۔ جوتی جوت سروُپ ہرِ، آپ اپنی کِرپا کر، سچ دے مان وڈیائیا۔ پال سِنگھ کہے سُنو کہانی، کہاوت وِچوں کتھا دیاں سمجھائیا۔ اِس دی منگو اوہ بانی، جِس بانی وِچوں بان سب نوُں رہیا لگائیا۔ اِس دی منگو اوہ نِشانی، جِس نِشانے وِچ نِچھاور ہویا بےپرواہیِا۔ جوتی جوت

سروُپ ہرِ، آپ اپنی کِرپا کر، دیونہار ہب کِچھ اکھوائیا۔ ہب کِچھ دَوِندڑو، دیانِدھ دَیال۔ گُرمُکھو گُرسِکھو جن بھگتو ایہہ ویلا کُچھ منگ لؤ، صاحِب سَتگُر ہوئے کِرپال۔ ہُن دی منگی منگ اَگے انند لؤ، جنم مرن دی چُکے کان۔ ڈُبدا بیڑا مات بنّھ لؤ، ترنا ہوئے سُکھال۔ انگیکار ہو کے انگ لاؤ، ایتھے اوتھے آپے کرے سنبھال۔ جے ہور کِچھ نہیں اِکو سچّا چھند گاؤ، تُوں میرا مَیں تیرا لال۔ پنڈت جی اپنی گنڈھ کُھلاؤ، ویہہ رُپّیہ کڈھو باہر۔ پنجے مِتر اَگے ہتّھ اُٹھاؤ، چار چار اپنا پِچھلا لؤ اُدھار۔ جوتی جوت سروُپ ہرِ، آپ اپنی کِرپا کر، لیکھا جانے دیِن دَیال۔ رَوداس کہے گِنو چار، چؤہاں بھیت جنائیا۔ اِک اِکلّا ایکنکار، دوُجی قُدرت کھیل وکھائیا۔ تیجے نِرگُن سرگُن کر پیار، چؤتھے جیِوت جی ترائیا۔ چار چار دا اِک پیار، پنچم سنگ وکھائیا۔ پنچم لہنا رَوداس چمار، سوہنا جوڑ جُڑائیا۔ رَوداس نال ہرِ نِرنکار، کرتا پُرکھ بےپرواہیِا۔ جیہڑا وِسر نہ جائے کدی جُگ چار، چؤکڑی اپنی کھیل وکھائیا۔ ٹھگاں وِچوں ٹھگ ترِیا بُریار، پِچھلی ٹھگؤری دِتی گوائیا۔ کہاراں دی آسا نچّی بن کے نار، نر نرائن ہوئے سہائیا۔ رَوداس دا مِتر رَوداس سوَانی ولّ کر خیال، اپنا جامہ آیا بدلائیا۔ پُرکھ اکال سچےّ دا گُرمُکھو اندر کوئی نہ کرِیو وِچار، انتشکرن پربھ سدا ویکھ وکھائیا۔ بھگتاں کول کدے ہسّ کے نہ کرِیو ایہو جِہا بِوہار، بھگتاں آواز بھگوَن اپنے وِچ ٹِکائیا۔ اینہاں پِچھے ساری سنگت دئے سُدھار، سُدھ آتما آپ کرائیا۔ پربھ دا بھانا منّو وِچ سنسار، من واسنا نہ کوئے کُرلائیا۔ سِری بھگوان اِکو جِہے رکھےّ پُرکھ نار، وڈّا چھوٹا نظر کوئے نہ آئیا۔ خواہش اندر کرے پیار، تلاش اندر پِھرے شؤدائیا ۔ نِراس ویکھ دئے پیار، رَوداس سوہنا لیکھ لِکھائیا۔ پنڈت جی اَگے نہ کرنا کوئی وِبھچار، جگت وِدیا کمّ کِسے نہ آئیا۔ ویہہ ویہہ پِچھلا لاہ اُدھار، چالیاں لیکھ چُکائیا۔ چالیاں پَیسییاں پِچھے تیری تر جائے نار، مانَس جنم لیکھے پائیا۔ نؤ جنم بھوگنے پئے وِچ سنسار، چؤتھے کہار اِشارہ دِتا جنائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ پنجے کہن سانوُں مِل گیا لیکھا، رقم پِچھلی ہتّھ آئیا۔ اَگے پئے نہ کوئے بُھلیکھا، بھرم وِچ نہ کوئے بُھلائیا۔ جِس صاحِب نے اَگے رکھیا چیتا، لیکھا دِتا تھاؤں تھائنیا۔ کر پیار کیِتا ہیتا، ہِتکاری ہو کے دَیا کمائیا۔ جوتی جوت سروُپ ہرِ، آپ اپنی کِرپا کر، سدا سدا سد ہوئے سہائیا۔ پنجے کہن کھولیئے اکّھ، اِک دوُجے رہے جنائیا۔ صاحِب سَتگُر درس پائیے پرتکھ، پارکھوُ بَیٹھا بےپرواہیِا۔ صاحِب سَتگُر سب کُچھ تیرے ہتّھ، ساڈی چلے نہ کوئے چتُرائیا۔ جِؤں بھاویں تِؤں لہنا رکھّ، سب کُچھ تیرا تیری بھیٹ

چڑھائیا۔ تُوں پِتا پُرکھ سمرتھ، باپوُ اِکو نظری آئیا۔ جے ساڈا لہنا دِتا جھٹ، پوُرب جھولی پائیا۔ اَگے ساڈے ویِر جو پنج سانوُں رہے چھڈ، ناتا جگت تُڑائیا۔ ساڈے پِچھے اوہناں رکھّ، ایہو تیری وڈیائیا۔ جوتی جوت سروُپ ہرِ، آپ اپنی کِرپا کر، دے مان وڈیائیا۔ پنج کہن ساڈا جامہ نار، کنیا روُپ نظری آئیا۔ پربھوُ بھَیناں دا بھائیاں نال پیار، ایہہ وی تیرے ہتّھ وڈیائیا۔ جِنہاں دا چُھٹن والا سنسار، مُکھ چُھپا کے اپنا آپ لیَن لُکائیا۔ پِچھوں کِنّا کریئے گِریازار، گھر مِلن کوئے نہ آئیا۔ کِسے دی ماں بُڈھڑی رووے زارو زار، کِسے دی نار مُٹیار دئے دُہائیا۔ کِسے دے بچّے کرن پُکار، ہؤکے لےَ لےَ رہے سُنائیا۔ کِسے دی گنڈھ نہیں پئی سنسار، اِک اِکلّی جان کُرلائیا۔ سب کُچھ تیرے ہتّھ میرے نِرنکار، تُوں داتا بےپرواہیِا۔ جے براہمن کولوں ساڈا پِچھلا دِتا اُدھار، قرضہ جھولی پائیا۔ خوشیاں نال اجّ اوہناں تار، جِنہاں دی نئیا ڈُبن کنارے آئیا۔ تیرے بِناں دیوے کؤن سہار، پھڑ باہوں پار لنگھائیا۔ پنجے اُٹھ کے کرو ارداس، پربھوُ ایہو بیننتی خاص، سب نوُں بخش دے اَگے ہور سواس، سواس سواسیاں نال مِلائیا۔ خوشی وِچ غمی نہ ہوئے پرکاش، پنچم چیت ایہو نِشانی نظری آئیا۔ سارے کہو لِکھ چمیار رَوداس، تیری قلم شاہی ٹُٹیاں گنڈھ وکھائیا۔ ویکھ تکّن پرِتھمی آکاش، نیتر لوچن نیَن اُٹھائیا۔ ایدھروں پال سِنگھ ماری آواز، ہرِ سنگت سُنو انتر دھیان لگائیا۔ سارے کہو پربھوُ تُوں ساڈا باپ، بخش بچّے چائیں چائنیا۔ آؤ تُہانوُں وکھاواں جِنہاں دا وڈّا پرتاپ، جگدیِش منجیِت اُنگلی لائیا۔ گُردَیال سِنگھ لےَ کے ساتھ، سوَرن سنگت بنائیا۔ اسیں وی پنجے بن کے آئے اِک جماعت، پنجاں مِلیئے چائیں چائنیا۔ سِری بھگوان نوُں جائیے آکھ، گل پلّوُ چرن دھیان لگائیا۔ پُرکھ اکال اِک وار ماپیاں بخش جا دات، بھائی بھائیاں سنگ رکھائیا۔ تَینوُں کیہڑا آوے گھاٹ، ایتھے اوتھے تیری اِکو اِک وڈیائیا۔ رَوداس کہے مَیں وی تھوڑی جِہی دسّاں بات، جو میرے پربھوُ مَینوُں دِتی سمجھائیا۔ چھ چیت دی آوے رات، پنجے مِل کے بیننتی کرو خاص، خواہش سب دی پوُر کرائیا۔ اَگے لیکھا لِکھے پھیر للاٹ، بِدھنا لیکھ دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہروان بےپرواہیِا۔ پنج کہن ساڈے نال تار پنج، پِچھلی لِکھت چیتے آئیا۔ پربھوُ ساڈے اُتے کاہدا رنج، کیہڑی گلّوں مُکھ بھوائیا۔ جے پِچھلی پوُری کیِتی منگ، اَگے جھولی دے بھرائیا۔ ہرِ سنگت خوشی بنیا رہے سنگ، سوہنا بنس سربنس سُہائیا۔ جِس سنگت وِچ بہہ کے براہمن چھڈ گیا بھیکھ پکھنڈ، کوُڑی کِریا گیا تجائیا۔ دیِن دَیال ہو کے آپ بخشند،

بخشش رحمت آپ کمائیا۔ دُھر دا دے کے اِک انند، سدا انند چِت سمائیا۔ اوہدے پّلیوں کھول کے گنڈھ، پنجاں دِتی ورتائیا۔ اِکٹّھے کر کے ساریاں پائی ٹھنڈ، اگنی تت دِتا بُجھائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، شہنشاہ تیری اِک سرنائیا۔ شہنشاہ کہے منگو منگتے، دیونہارا بےپرواہیِا۔ ایہہ مؤقع تُہانوُں مِلیا سنگتے، لکّھ چؤراسی ہتّھ کِسے نہ آئیا۔ گُرمُکھ وِرلے چولی رنگدے، رنگ اگمّی اِک چڑھائیا۔ گھر ٹھانڈے در ساچے لنگھدے، جِس گھر وجےّ نام ودھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ رَوداس کہے سُنو سِکھیا، جو صاحِب سَتگُر بھائیا۔ پربھ دا لیکھ کدے نہ مِٹیا، میٹنہارا نظر کوئے نہ آئیا۔ سرِشٹ سبائی جانو مِتھیا، تھِر رہن کوئے نہ پائیا۔ جن بھگتو جیہڑی ساکھیات تُہانوُں مِلدی بِھچِھیا، وِشن برہما شِو اَگے ڈاہ جھولی نہ کِسے بھرائیا۔ گُر اوتار پیِر پَیغمبر ایسے دی کر کے گئے اِچھیا، آشا اپنی اِک ودھائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ رَوداس کہے پربھوُ پنج کیہڑے، جِنہاں وقت نیڑے آئیا۔ سِری بھگوان کہے چھڈ جھیڑے، ایہو کھیل میری وڈیائیا۔ کر کِرپا جِس نوُں چاڑھاں اپنے بیڑے، دو جہاناں پار کرائیا۔ مِہر کر کے جے ایتھے کایا وساواں کھیڑے، کھِڑکی کُنڈا اندروں لاہیِا۔ نظری آواں نیرن نیرے، دوُر دُراڈا پندھ مُکائیا۔ جِنہاں ڈھولے گائے تیرے میرے، تِنہاں نال میری کُڑمائیا۔ ایتھے اوتھے اوہو بتھیرے، جِنہاں اپنی گود بَیٹھائیا۔ تِنہاں گُرمُکھاں گُرسِکھاں جن بھگتاں پرم پُرکھ نال لےَ لئے پھیرے، پھیری آون جاون مُکائیا۔ اوہ خوشیاں نال کہن اسیں پرم پُرکھ دے چیرے، جِس گھر گُروُ چیلے دوویں نیَن تکائیا۔ سانوُں ایتھے اوتھے چاؤ گھنیرے، خوشیاں رنگ چڑھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ پال سِنگھ کہے ایہہ گلّاں باتاں وِچ دئے وڈیائی، خوشیاں نال اُچے رہیا کرائیا۔ گُرمُکھ گُرسِکھ جگت نالوں کر کے شؤدائی، اپنے نال لئے مِلائیا۔ جگت کہے ڈِگے ڈوُنگھی کھائی، بھگوَن کہے سچکھنڈ دوارے دیواں بہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پال سِنگھ کہے پربھوُ بڑا چالاک، ہیرا پھیری اپنے ہتّھ رکھائیا۔ جُگ چؤکڑی جِنہاں بناؤندا رہیا سجّن ساک، اپنا سنگ وکھائیا۔ کلجُگ انتم اوہناں گُروُآں اوتاراں دے کے سرب طلاق، ناتا بھگتاں نال جُڑائیا۔ او گُرسِکھو چھوٹی جِہی سِکھو جاچ، ہؤلی ہؤلی دیاں بتائیا۔ سب کُچھ چھڈ کے چرن کوَل بندھا لؤ نات، ناتا بِدھاتا سکے نہ پھیر تُڑائیا۔ اِکو وار کہہ دیؤ اسیں تیری ذات، تُوں ساڈا بےپرواہیِا۔

پھیر گُرمُکھ کوئی نہ رہے نار کمذات، گھر گھر سُہاگن نظری آئیا۔ سؤہرے پیئیے پربھ دے کے اگمّی دات، گھر خزانہ دئے بھرائیا۔ رنگ وکھائے پہلی سُہاگ رات، پِر پت پرمیشور اپنا میل مِلائیا۔ پا گلوکڑی کرے اگمّی بات، شبدی ناد دُھن شنوائیا۔ سیجے چڑھ کے جائے آکھ، بِن اکھّراں لیکھ وکھائیا۔ اُٹھ سوَانی مار جھاک، جھاکی جھلک اِک درسائیا۔ گھر بَیٹھا کملاپات، ہرِ کنت بےپرواہیِا۔ جِن پنجاں کیِتا پاک، پنجاں پتت روُپ بنائیا۔ جِس پنجاں دِتی دات، براہمن لیکھا دِتا مُکائیا۔ اَگے پنجاں بخشے پھیر نجات، مرن توں پہلوں لئے ترائیا۔ ایہو جِہی اَگے کِسے نہیں دِتی دات، دَیاوان ہو کے دَیا نہ کِسے کمائیا۔ ایہہ سب کُچھ جن بھگتاں پِچھے کرے پُرکھ سمراتھ، سمرتھ بےپرواہیِا۔ اودھر خوشیاں نال رَوداس دے چلن ہتّھ، گُرمُکھ قلم نچّے چائیں چائنیا۔ چھاہی کہے مَیں اوہناں دے گاواں جس، جِنہاں گھر بَیٹھا بےپرواہیِا۔ بےپرواہ نوُں ویکھ کے میری کُھل گئی اکّھ، نیتراں لئی انگڑائیا۔ جاں تکّیا ہرِ سنگت وِچ پرگٹ، جوتی نوُر اِلاہیِا۔ گُرمُکھ گُرسِکھ سارے بِن ڈھاہیوں گئے ڈھٹّھ، مان ابِھمان مِٹائیا۔ اندر وڑ کے ویکھیا پربھوُ دا کُھلا سوہنا ہٹّ، بھنڈارا نام اتوٹ اتُٹ ورتائیا۔ امرت سوہنا رہیا جھٹّ، چھہبر اِکو اِک لگائیا۔ گُرسِکھ سارے ہوئے بےبس، اپنا آپ بَیٹھے بُھلائیا۔ پربھوُ کہے مَیں وی اینہاں اندر گیا وس، ناتا توڑ جگت لوکائیا۔ دوہاں نے دُھر دا لاہا لیا کھٹ، گھر ساچے وجّی ودھائیا۔ آؤ رل مِل سارے خوشیاں وِچ لئیے ہسّ، ہسندیاں کھیلندیاں لیکھا رہیا مُکائیا۔ براہمن ناویں جنم بدل گیا جٹّ، تارا سِنگھ تارا پربھ دی چھاتی اُتے سوہنی چمک وکھائیا۔ رَوداس چمارا بنیا ساتھ، سنگی اِکو نظری آئیا۔ چار کہاراں کُھل گئی اکّھ، پِچھلا لہنا جھولی پائیا۔ پنجواں یار مِلیا جھٹ، پاندھی اپنا پندھ گوائیا۔ گھُمیار پھولن والا چھٹ، تماکوُ گنڈھ بھیٹ چڑھائیا۔ اُس دی لاج لئی رکھّ، پِیو پُت بھائی بھائی روُپ وٹائیا۔ پنجاں نال پرمیشور مِلا کے ہتّھ، مریاں جیندیاں ساریاں رہیا ترائیا۔ دوُجا نانک دے گیا حق، لالو ہتّھ پھڑائیا۔ لالو کھول کے اکّھ، نِج نیتر درشن کر بِگسائیا۔ پُرکھ ابناسی صاحِب سدا سمرتھ، داتا داتار وڈّی وڈیائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، لیکھا لیکھے وِچ رکھائیا۔ تارا سِنگھ کہے جٹّ براہمن کیہڑی ذات، میری سمجھ وِچ نہ آئیا۔ ابناسی کرتا کہے دوویں میرا روُپ خاص، خواہش اپنی نال پرگٹائیا۔ جو چرن کوَل ہو جائے داس، تِس اپنا دست مِلائیا۔ سدا سُہیلا ہو کے وساں پاس، گُر چیلا رنگ رنگائیا۔ جوتی جوت سروُپ ہرِ، آپ اپنی کِرپا کر، سچ

دیوے مان وڈیائیا۔ براہمن جٹّ نہ ہونا ہوچھا، اچھی طرح جنائیا۔ نؤ جنم دا مِٹیا روسا، رُخصت دِتی بےپرواہیِا۔ پنجاں سوہنا جُڑیا مؤقع، ہرِ سنگت میلا سہج سُبھائیا۔ اَگے براہمناں لئی کدے کوئی صاف نہ کرے چؤنکا، پروہت گھر نہ کوئے بَیٹھائیا۔ کِسے پیِر چڑھاؤنا نہیں پراؤنٹھا، سیویاں تھال نہ کوئے پکائیا۔ جوتی جوت سروُپ ہرِ، آپ اپنی کِرپا کر، جن بھگتاں پار کرائے لوک پرلوکا، دو جہاناں پندھ مُکائیا۔ پنج کہن دوئے جوڑ ہتّھ، پُرکھ اکال تیری سرنائیا۔ اسیں ناری روُپ پَینا بیگانے وس، لج پت تیرے ہتّھ رکھائیا۔ ویکھیں چرناں نالوں کریں نہ اڈّ، ہرِ سنگت نہ ہوئے جُدائیا۔ بِن سَتگُر پیار خالی دِسن ہڈّ، کایا ماٹی کمّ کِسے نہ آئیا۔ پِتا پُرکھ رکھّنی پت، پت پرمیشور تیری اوٹ تکائیا۔ سَت سنتوکھ دھیِرج دینا جت، سرِشٹ سبائی نیتر اکّھ تکّے بھائی بھائیا۔ ایہہ سب کُچھ تیرے وس، ڈوری تیرے ہتّھ پھڑائیا۔ اپنے مِلن دی کھولی رکھّیں اکّھ، اکّھ کُھلیاں ہووے نہ کدے جُدائیا۔ ساڈی جھولی پاؤنا ساڈا حق، دوُجی لوڑ رہے نہ رائیا۔ سِری بھگوان کِرپا نِدھان پُرکھ سمرتھ رکھےّ سِر دے کر ہتّھ، سدا سدا سد سنگ نِبھائیا۔ بچّیو سدا گاؤنا اِکو جس، گہر گمبھیِر گُن بےپرواہیِا۔ تُہاڈی کدی نہ بدلے مت، بُدھ بِبیکی روُپ رکھائیا۔ مہاراج شیر سِنگھ وِشنوُں بھگوان، ہرِ سنگت اندر باہر تیرا سدا دیوے ساتھ، وِچھوڑا جگت نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ہربھگت گُرمُکھ گُرسِکھ اپنے سنگ وکھائیا۔