کتب خانہGranth 16 (Shahmukhi)

۸ جیٹھ ۲۰۲۱ بِکرمی اوتار سِنگھ دے گرِہ پِنڈ کاؤں کے ضِلع امرتسر

سو پُرکھ نِرنجن ٹھانڈا دربار، ہرِ کرتا آپ لگائیندا۔ ہرِ پُرکھ نِرنجن بےعیب پروردِگار، الکھ اگوچر اگمّ اتھاہ اپنی کار کمائیندا۔ ایکنکار نِروَیر نِراکار، اکل کل دھاری اپنی کل دھرائیندا۔ آد نِرنجن نوُر اُجیار، جوتی جلوہ ڈگمگائیندا۔ ابناسی کرتا شاہ سِکدار، شہنشاہ اپنا ناؤں پرگٹائیندا۔ سِری بھگوان ویکھنہار، روُپ انوُپ نظر کوئے نہ آئیندا۔ پاربرہم در درویش بن بِھکھار، الکھ نِرنجن اِکو الکھ جگائیندا۔ پُرکھ اکال پاوے سار، پروردِگار کھوج کھوجائیندا۔ محل اٹل کر اُجیار، دیِا باتی کملاپاتی اِکو ڈگمگائیندا۔ سچ سِنگھاسن سوبھاونت کر تیار، سچ دوارا آپ سُہائیندا۔ سچکھنڈ دوارا کھول کِواڑ، نِرگُن اپنی کار کمائیندا۔ بھوُپت بھوُپ بن راج راجان، حُکم حاکم آپ سُنائیندا۔ جوتی جوت سروُپ ہرِ، آپ اپنی جوت دھر، ساچی کرنی کار کمائیندا۔ ساچی کرنی ہرِ بھگوَنت، کرتا پُرکھ آپ کمائیا۔ آپے آد آپے انت، اپنا کھیل آپ رچائیا۔ آپے نار آپے کنت، کنت کنتوُہل اپنا ناؤں پرگٹائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچ دوار اِک سُہائیا۔ سچ دوار سُہنجنا، کرنی کرتا آپ کمائیندا۔ آد جُگادی پُرکھ نِرنجنا، نوُر نوُرانہ ڈگمگائیندا۔ سچ دوارے بن بِھکھاری آپے منگنا، درویش اپنا ناؤں دھرائیندا۔ داتا دانی درد دُکھ بھے ہو بھنجنا، وست امولک اپنی آپ ورتائیندا۔ سچ دوارے مِتر میِت پیارا بنے سجّنا، دوُجا نظر کوئے نہ آئیندا۔ نہ گھڑیا نہ انت بھجّنا، گھڑن بھنّنہار اپنی کار کمائیندا۔ بھیوَ ابھیدا اپنا کھول آپے دسّنا، دوُجا ویس نہ کوئے وٹائیندا۔

سچکھنڈ دوار تخت نِواسی بہہ آپے سجنا، سچ جگدیس سوبھا پائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، کرنی کرتا آپ کمائیندا۔ کرنی کرتا کرے سمرتھ، پربھ وڈّا وڈ وڈیائیا۔ نِرگُن جوت کر پرگٹ، جوتی جاتا کرے رُشنائیا۔ سَت دوارا کھول ہٹّ، وست اگمّ وِچ ٹِکائیا۔ دیونہارا اپنے ہتّھ، سدا سُہیلا آپ ورتائیا۔ سچ سوامی بن کے مِت، پریِتم اپنی پریِت جوڑ جُڑائیا۔ نِرگُن ہو کے کرے ہِت، ہِتکاری آپ اکھوائیا۔ جوتی جوت سروُپ ہرِ، آپ اپنی کِرپا کر، سچ دوارے سچ سِنگھاسن آسن لائیا۔ سچ دوارا سچکھنڈ، سَت سَتوادی ڈیرہ لائیندا۔ آد جُگادی اِک انند، انند انند وِچوں پرگٹائیندا۔ نہ کوئی سوُرج نہ کوئی چند، منڈل منڈپ نہ کوئے وڈیائیندا۔ نہ کوئی برہمنڈ نہ کھنڈ، جیرج انڈ ونڈ نہ کوئے ونڈائیندا۔ چھپر چھنّ چار دیوار نہ کوئی کندھ، مندر روُپ نہ کوئے وٹائیندا۔ در درویش نہ کوئی منگے منگ، جھولی خالی اَگے نہ کوئے رکھائیندا۔ نہ کوئی گیِت سُنائے چھند، رسنا جِہوا راگ نہ کوئے الائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار اِک وڈیائیندا۔ سچ دوارا سچکھنڈ وڈّا ، ہرِ وڈّا دئے وڈیائیا۔ جِتھے وسے آپے نڈھّا، بال جوانی بِردھ روُپ نہ کوئے وکھائیا۔ آر پار مدھ جانے اپنی حدا، کنارہ سکے نہ کوئے سمجھائیا۔ سچ سِنگھاسن پُرکھ ابناسن ابناسی آپ سجا، جگت دوار نہ کوئے وڈیائیا۔ اپنے حُکم اندر آپے بجھّا، دوُجا حُکم نہ کوئے سُنائیا۔ اپنی پریم پریِتی اندر آپے رجّا، ترِسنا بُھکھ نہ کوئے رکھائیا۔ آپے سَت پیالہ پیِتا مدھا، رس اپنے وِچوں پرگٹائیا۔ آپے جوت پرکاس نِرگُن دِیپک جگا، نوُر اُجالا اِک وکھائیا۔ آپے سَت سَتوادی سَت پُرکھ نِرنجن پِھرے بھجّا، روُپ رنگ ریکھ نظر کِسے نہ آئیا۔ آپے اپنی دھاروں جننی جن ہو کے جنیا بچّہ، سُت دُلارا شبدی ناؤں رکھائیا۔ بِن پُرکھ اکال دوُجے کِسے نہ کوئی پتہ، انت کہے کوئی نہ رائیا۔ سچ دوار اِکو وسا، نِہچل دھام دئے وڈیائیا۔ سچکھنڈ اندر تھِر گھر ساچا رکھّا، چرن کوَل اِک ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا اپنے ہتّھ رکھائیا۔ سچکھنڈ نِواسی پرگٹایا پوُت، مات پِت نظر کوئے نہ آئیا۔ نہ کوئی دِشا نہ کوئی کوُٹ، حِصّہ ونڈ نہ کوئے وکھائیا۔ نہ کوئی تت نہ کوئی قلبوُت، روُح بُت نہ میل مِلائیا۔ نہ کوئی تاگا تانا پیٹا سوُت، ٹُٹی گنڈھ نہ کوئے وکھائیا۔ نہ کوئی محل اٹل عروُج، چھپر چھنّ نہ کوئے چُھہائیا۔ نہ کوئی شستر بستر کرے محفوُظ، مِہروان اپنی مِہر اپنے وِچوں پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ گرِہ خوشی منائیا۔ سچ گرِہ وسے دوارا،

ملِے مان وڈیائیا۔ کِرپا کرے آپ نِرنکارا، نِرگُن نِروَیر کھیل وکھائیا۔ شبدی سُت اِک دُلارا، شاہ پاتشاہ آپ اُپجائیا۔ چرن پریِتی دے پیارا، سِر اپنا ہتّھ ٹِکائیا۔ محل اٹل اِک اُسارا، تھِر گھر ناؤں رکھائیا۔ دیِا باتی آپے بالا، جوتی جوت کرے رُشنائیا۔ ساچا منتر اِک سُکھالا، سِکھیا دے کری پڑھائیا۔ سچکھنڈ میری سچّی دھرمسالا، سچ سِنگھاسن سوبھا پائیا۔ تیرا میرا کھیل نِرالا، آد جُگاد کوئی سمجھ سکے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سُت شبد دئے سمجھائیا۔ سُت شبد چڑھیا چاؤ گھنیرا، تھِر گھر وجّی ودھائیا۔ پُرکھ اکال بنیا پِتا میرا، جننی جنے نہ کوئی مائیا۔ جِس دا اِکو سچکھنڈ کھیڑا، دوُجا در نہ کوئے کُھلائیا۔ جِس دا اُچا لمّا کوئی نہ جانے ویہڑا، پار کنارہ پار نہ کوئے رکھائیا۔ اوتھے ناتا جُڑیا تُوں میرا مَیں تیرا، دوُجا نظر کوئے نہ آئیا۔ سِری بھگوان ابناسی کرتا کرے اپنی مِہرا، مِہروان ہوئے سہائیا۔ سمرتھ پُرکھ کِہا اِکو سُت شبد بتھیرا، دوُجی لوڑ رہے نہ رائیا۔ جِس نال تھِر گھر وسے کھیڑا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کرنی کرتا آپ کمائیا۔ تھِر گھر وسیا سچ محل، ہرِ کرتا آپ وسائیندا۔ ناؤں رکھایا اُچ اٹل، بھیو کوئے نہ پائیندا۔ اگمّی دِیپک رہیا بل، تیل باتی وِچ نہ کوئے رکھائیندا۔ سچکھنڈ نِواسی وسایا نِہچل دھام اچلّ، اچلّ موُرت اپنی کار کمائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک سُنائیندا۔ ساچا حُکم دُھر فرمانا، سو پُرکھ نِرنجن آپ سُنائیا۔ ہرِ پُرکھ نِرنجن ہو مِہروانا، محبوُب اِکو راہ تکائیا۔ ایکنکارا وڈ بلوانا، لیکھا جانے نوُر خُدائیا۔ آد نِرنجن جوت مہانا، جلوہ اِکو اِک رُشنائیا۔ ابناسی کرتا نؤجوانا، پروردِگار نہ مرے نہ جائیا۔ سِری بھگوان لیکھا جانے سچ مکانا، مقامے حق ڈیرہ لائیا۔ پاربرہم مرد مردانہ، سچ مردانگی اِک کمائیا۔ تخت نِواسی راج راجانا، شہنشاہ اکھوائیا۔ سُت دُلارے دیوے دانا، دُھر دی دات ورتائیا۔ وِشن برہما شِو تیرا کھیل مہانا، ترےَگُن مایا پنج تت کرے کُڑمائیا۔ لکّھ چؤراسی تیرا نوُر نوُرانہ، انڈج جیرج اُتبُھج سیتج ونڈ ونڈائیا۔ نؤ ستّ بدھّا گانا، سوہنا سگن وکھائیا۔ سَتجُگ تریتا دواپر کلجُگ دیوے مانا، جُگ چؤکڑی بندھن پائیا۔ شبد اگمّی بول ترانہ، دُھر دا راگ سُنائیا۔ گُر اوتار پیِر پَیغمبر کر پردھانا، لوکمات پنج تت آتم پرماتم کرے کُڑمائیا۔ شاستر سِمرت بھیو کُھلائے اِنجیل قُرآنا، گیِتا گیان اِک دِرڑائیا۔ کھانی بانی دئے پروانہ، پرم پُرکھ سچ سندیسہ اِک سُنائیا۔ نؤ سؤ چُرانوے چؤکڑی جُگ کھیلے کھیل مہانا، خالق خلق وِچ سمائیا۔ دُھر سندیسہ دیوے اِک گیانا،

پاربرہم برہم وِدیا اِک پڑھائیا۔ بھگتاں بخشے چرن دھیانا، سِری بھگوان بھیو کُھلائیا۔ سنتاں دیوے نام نِدھانا، نِرنتر برہم دئے سمجھائیا۔ گُرمُکھاں دیوے چرن دھوُڑ اِشنانا، دُرمت مَیل دھوائیا۔ گُرسِکھاں ہوئے مِہروانا، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، شبد سُت دئے سمجھائیا۔ شبد سُت سُن دُھر دی آواز، بِن رسنا جِہوا ہرِ سُنائیندا۔ آد جُگاد جُگ چؤکڑی تیرا راز، رحمت کر کے آپ کُھلائیندا۔ کوٹن کوٹ صِفتی نام کرن جہاد، نؤ کھنڈ پرِتھمی ستّ دیِپ برہمنڈ کھنڈ ڈنکا اِکو اِک وجائیندا۔ گُر اوتار پیِر پَیغمبر تیرا سازن ساز، پنج تت کایا چولا اِک وکھائیندا۔ وست امولک دُھر دی دے کے دات، لوکمات کھیل کرائیندا۔ رسنا جِہوا بتّی دند دسّ کے پوُجا پاٹھ، سِمرن اِکو اِک وکھائیندا۔ اندر وڑ کے ساچے مندر چڑھ کے شبد اگمّی کھولاں راز، بھیوَ ابھیدا آپ سمجھائیندا۔ ساچا کلمہ دے نماز، نبی رسوُل آپ سمجھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کرتا پُرکھ اپنی کار کمائیندا۔ شبد سُت سُن کر دھیان، ہرِ کرتا آپ جنائیا۔ سَتجُگ تریتا دواپر کلجُگ جُگ چؤکڑی جگت گیان، چؤداں وِدیا کرے پڑھائیا۔ گُرمُکھ وِرلے دیوے پہچان، پاربرہم برہم اپنا بھیو کُھلائیا۔ انتر آتم دیوے دان، پرماتم اپنا رنگ رنگائیا۔ ساچا راگ سُنائے دُھر دے کان، انادی ناد وجائیا۔ سنت سُہیلے گُروُ گُر چیلے ویکھے آن، نِرگُن سرگُن پھیرا پائیا۔ قلم شاہی کاغذ لِکھ لِکھ دے نہ سکے کوئی بیان، نیتر روون مارن دھاہیِنا۔ بےانت بےپرواہ پروردِگار نؤجوان، شاہ پاتشاہ سچّا شہنشاہیِا۔ آد جُگاد جُگ چؤکڑی حُکمران، سچکھنڈ نِواسی ساچے تخت بَیٹھا سچّا ماہیِا۔ گُر اوتار پیِر پَیغمبر جِس دا کرن دھیان، اِشٹ دیوَ سوامی اِکو اِک منائیا۔ سو پاربرہم پت پرمیشور کلجُگ انتم لوکمات ہوئے پردھان، جوتی جلوہ نوُر نوُر کرے رُشنائیا۔ ساچی منزل محبوُب ویکھے آن، دوُر دُراڈا پندھ مُکائیا۔ پیِر پَیغمبر مُلّا شیخ مسائق ہون حَیران، نیتر نیَن اکّھ نہ کوئے کُھلائیا۔ جِس دا کاغذاں اُتے دیندے گئے بیان، کاتب بن کے کری لِکھائیا۔ سو لیکھا جانے دو جہان، پُری لوء برہمنڈ کھنڈ کھوج کھوجائیا۔ وِشن برہما شِو ہوئے حَیران، بھیوَ ابھیدا جانے کوئے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سُت شبد اِکو اِک اُٹھائیا۔ شبد سُت اُٹھائے پربھ، ہرِ دیوے مان وڈیائیا۔ دو جہان نِرگُن دھار ویکھ جھّب، روُپ رنگ ریکھ نظر کِسے نہ آئیا۔ نوَ ستّ پار کر حد، برہمانڈ تیری اوٹ تکائیا۔ وِشوَ ویکھ ساچی جدّ، وِشنوُں پلّوُ رہیا پھڑائیا۔ چار کُنٹ دہ دِشا بِن لتّاں اُٹھ کے بھجّ، اپنا پندھ مُکائیا۔

سچ نگارہ ہو کے وجّ، دو جہان کر شنوائیا۔ سچ دوارے کر اِکٹّھ، محل اٹل سوبھا پائیا۔ تیئی اوتاراں اِک سندیسہ دسّ، دُھر فرمان سُنائیا۔ بھگت اٹھاراں آؤن نٹھ، بن کے پاندھی راہیِا۔ عیسیٰ موُسیٰ محمد قدم جائن ڈھٹّھ، دھوُڑی ٹِکاّ خاک رمائیا۔ گُر دس ہوون وس، در بَیٹھن سیِس جھُکائیا۔ ترےَگُن مایا رووے بھٹھ، پنج تت اپنا مُکھ بھوائیا۔ سَتجُگ تریتا دواپر کلجُگ اپنی کرنی دیِن دسّ، سچ سندیسہ اِک سُنائیا۔ ویکھنہار پُرکھ سمرتھ، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، شبد سُت رہیا دِرڑائیا۔ شبد سُت اُٹھ جاگ، ہرِ کرتا آپ جگائیندا۔ سرِشٹ سبائی اندھیری دِسے رات، ساچا چند نہ کوئے چڑھائیندا۔ گُر اوتار پیِر پَیغمبر جو لِکھ کے گئے بھوِکھت واک، واقعہ اوہو نظری آئیندا۔ بجرکپاٹی کِسے نہ کُھلا تاک، دیِا باتی گھر جوت نہ کوئے رُشنائیندا۔ ساچے پتن کوئی نہ آیا گھاٹ، گھاٹا پوُر نہ کوئے کرائیندا۔ من واسنا کرن بات، ممتا موہ نہ کوئے چُکائیندا۔ جھگڑا پیا ذات پات، دیِن مذہب سچّا رنگ نہ کوئے وکھائیندا۔ چاروں کُنٹ ڈوُنگھا دِسے کھات، منزل پندھ پار نہ کوئے مُکائیندا۔ آتمک دُھن کوئی نہ سُنے آواز، ساچا راگ نہ کوئے الائیندا۔ ساچا کلمہ پڑھے نہ کوئے نماز، وُضوُ حق نہ کوئے کرائیندا۔ آتم پرماتم کرے نہ کوئی ارداس، سیِس جگدیس نہ کوئے جھُکائیندا۔ سُرتی شبدی گوپی کاہن کوئی نہ پائے راس، منڈل منڈپ رنگ نہ کوئے وکھائیندا۔ سیِتا سُرتی وسے نہ رام پاس، سخی سہیلی انگ نہ کوئے لگائیندا۔ پِھری دروہی پرِتھمی آکاش، چاروں کُنٹ اندھیرا چھائیندا۔ پیِر پَیغمبر سارے ہوئے اُداس، دھیِرج دھیِر نہ کوئے دھرائیندا۔ چؤداں طبق پوُری کرے نہ کوئی آس، مِہروان سِر ہتّھ نہ کوئے ٹِکائیندا۔ جِس دے وِچوں اُپجی لکّھ چؤراسی شاخ، سو شناخت کرنیہارا نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے شبد آپ سمجھائیندا۔ سُت شبد کرے تیاری، اپنا بل پرگٹائیا۔ حُکم مِلیا ایکنکاری، نہ کوئی میٹے میٹ مِٹائیا۔ تھِر گھر ویکھاں وسدی اِک اٹاری، محل اٹل رُشنائیا۔ نِرمل جوت جگے اپاری، دیِابتّی نہ کوئے وکھائیا۔ جِس گھر وسے شہنشاہ سِکداری، راجن راج آپ ہو جائیا۔ اُس دی نظر نہ آئے چار دیواری، قِلعہ کوٹ بنک نہ کوئے وکھائیا۔ سو ہر گھٹ اندر کر کر بَیٹھا پساری، نِج گھر اپنا ڈیرہ لائیا۔ شبد ناد سچّی دُھنکاری، گرِہ مندر ناد سُنائیا۔ نِرگُن جوت کر اُجیاری، جوت نِرنجن کرے رُشنائیا۔ امرت رس سچ خُماری، نِجھر جھِرنا دئے جھِرائیا۔ ناتا توڑ کام کرودھ لوبھ موہ ہنکاری، کوُڑی کِریا ڈیرہ ڈھاہیا۔ پکڑ اُٹھائے سُرتی لاڑی، شبدی کنت

لئے پرنائیا۔ لیکھا چُکے جنگل جوُہ اُجاڑ پہاڑی، اُچے ٹِلّے پربت ڈوُنگھی کندر کھوج کھوجائیا۔ چرن پریِتی دئے پیاری، پریم پیار اِک سِکھائیا۔ سو شبد گُروُ آد جُگاد اِک اِکلّا سب دا میلنہاری، جُگ وِچھڑے رہیا مِلائیا۔ جنم کرم دی کٹے بیماری، ہؤمے روگ رہن نہ پائیا۔ آپے پِھرے پِچھے اَگاڑی، ایتھے اوتھے ہوئے سہائیا۔ لیکھا جان بہتّر ناڑی، ہاڈی ہاڈی سوبھا پائیا۔ بوُند رَکت کرے ونجاری، سوہنا ہٹّ کُھلائیا۔ لیکھا جانے سچ درباری درگاہ ساچی سوبھا پائیا۔ جوتی جوت سروُپ ہرِ، آپ اپنی کِرپا کر، ایکا سُت رہیا اُٹھائیا۔ شبدی سُت اُٹھ اُٹھ دؤڑ، ہرِ کرتا حُکم سُنائیندا۔ وید ویاسا لِکھ کے گیا براہمن گؤڑ، پوُت سپوُتا بھیو کوئے نہ پائیندا۔ عیسیٰ موُسیٰ محمد کہے جائے بہُڑ، جو عرشاں اُتے عرشی ڈیرہ لائیندا۔ نانک نِرگُن کہے کھیل کرے اَور کا اؤر، بودھ اگادھا آپ جنائیندا۔ گوبِند کہے ویکھنا کر کے غؤر، گہر گمبھیِر سمبل ڈیرہ لائیندا۔ جِس دا آد جُگاد جُگ چؤکڑی رس نہ مِٹھا نہ کؤڑ، انرس اپنی دھار چلائیندا۔ جِس اَگے کِسے نہ چلے زور، سو جابر اپنا حُکم ورتائیندا۔ سچکھنڈ دوارا دیوے کھول، سَت سَتوادی راہ وکھائیندا۔ لیکھا جانے اُپر دھرنی دھرت دھؤل، زِمیں اسماناں پڑدہ لاہِندا۔ بِسمِل ہو کے جائے مؤل، مؤلا ہو کے ویکھ وکھائیندا۔ کرتا ہو کے پوُرا کرے قؤل، کرنی اپنے ہتّھ وڈیائیندا۔ سَت پُرکھ نِرنجن ہو کے رہے اڈول، لکّھ چؤراسی جیِو جنت آپ ڈُلائیندا۔ سُت شبد کلجُگ جیِو رہے نہ کوئی انبھول، آلس نِندرا نیتر اکّھ کُھلائیندا۔ جوتی جوت سروُپ ہرِ، آپ اپنی کِرپا کر، سچ دوارا اِک سُہائیندا۔ سچ دوارا سوہنا لگّا، شبدی سُت سیِس جھُکائیا۔ حُکمے اندر پِھرے بھجّا، گُر اوتاراں رہیا اُٹھائیا۔ پیِر پَیغمبراں دیوے سدّا، سچ سندیس سُنائیا۔ جن بھگتو ویکھو اپنا اَگا، اگلا لیکھا پربھوُ دئے وڈیائیا۔ ساچے سنتو انتر جانو اپنا مزہ، منزل پندھ مُکائیا۔ گُرمُکھو ویکھو لوُں لوُں وِچ رچا، ذات اپنی تُہاڈی ذات وِچ چُھپائیا۔ گُرسِکھ ویکھو پُرکھ اکال دیِن دَیال دُھر دا رام سچّا، رمیا اِکو بےپرواہیِا۔ جِس گوبِند بنایا اپنا بچّہ، پِتا پُرکھ اکال دَیا کمائیا۔ کلجُگ انت بیِس اِکیسا حُکمے اندر کرے سرب اِکٹّھا، اِکّترتا اِکو گھر وکھائیا۔ چؤتھے جُگ سب دا پِچھلا پاڑیا پٹا، جگت مُنیاد دِتی مُکائیا۔ اَگے کھیل کرے پُرکھ سمرتھا، سمرتھ اپنی کار کمائیا۔ سچکھنڈ دوارے جو نِرگُن ہو کے وسا، سرگُن دیوے مان وڈیائیا۔ جوتی جوت سروُپ ہرِ، آپ اپنی کِرپا کر، ویکھنہارا سچّا گھر، جِس گرِہ گُر اوتار پیِر پَیغمبر ڈیرہ لائیا۔ گُر اوتار پیِر پَیغمبر کھولن اکّھ، بِن نیَناں نیَن اُٹھائیا۔ پت پرمیشور نظر آئے پرتکھ، جِس دا پِتا

نہ کوئی مائیا۔ سرن سرنائی چرن کوَل سچ جگدیس جاون ڈھٹّھ، نِیوں نِیوں لاگن پائنیا۔ پروردِگار ساڈی بس، پیِر پَیغمبر بستے رہے بنھائیا۔ الف یے رہیا نہ کوئی رس، مکتب سچ نہ کوئی پڑھائیا۔ عین کُھلی نہ کوئی اکّھ، نُقطہ نوُن نہ کوئے مِٹائیا۔ گُروُ گُردیو کہن تیرا بُھلیا سب نوُں جس، شاستر سِمرت وید پُران دین دُہائیا۔ وست امولک کِسے نہ آوے ہتّھ، کوُڑی کِریا جگت لوکائیا۔ ترےَگُن مایا سرِشٹی رہی مچ، پنج تت جلن نہ کوئے بُجھائیا۔ نؤ دوارے رہے نچّ، من نٹوُآ سوانگ وکھائیا۔ سرن سرنائی پربھ ٹھاکر تیری گئے ڈھٹّھ، مان ابِھمان نظر کوئے نہ آئیا۔ جِؤں بھاوے تِؤں لہنا رکھّ، شہنشاہ تیری سرنائیا۔ سَتجُگ تریتا دواپر کلجُگ تیرے حُکمے اندر لئے کٹّ، دُھر دی سیو کمائیا۔ انتم سارے آئے چھڈ، ناتا اَگے نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، ساچا دے اِک ور، ہرِ ٹھاکر تیری اوٹ رکھائیا۔ گُر اوتار پیِر پَیغمبر کرن سجدہ، در ٹھانڈے سیِس نِوائیا۔ در درویش ہوئے بردا، بندی خانہ دے تُڑائیا۔ تیرا روُپ نرائن نر دا، نر ہرِ تیری سرنائیا۔ تیرے اَگے کوئی نہ اڑدا، سب بَیٹھے سیِس نِوائیا۔ نِت نوِت سب تیرا کلمہ پڑھدا، نام تیرے وڈیائیا۔ ویکھیا کھیل تیرا تھِر گھر دا، جِتھے شبد گُروُ بَیٹھا آسن لائیا۔ نہ جیؤندا نہ کدے مردا، اِکو رنگ سمائیا۔ تُوں میرا مَیں تیرا کردا، سوہنگ راگ الائیا۔ صدی چؤدھویں سب نوُں پھڑدا، شرع زنجیر کٹائیا۔ کلمہ جانے گھر گھر دا، کائنات کھوج کھوجائیا۔ شرع وِچ کدے نہ وڑدا، لاشریِک دِسے نوُر خُدائیا۔ راج راجاناں کولوں کدے نہ ہردا، شاہ سُلطاناں خاک مِلائیا۔ محل اٹل اُچ منارے چڑھدا، صوُفیِاں بھگتاں لئے اُٹھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، کلجُگ انتم منگ منگائیا۔ گُر اوتار پیِر پَیغمبر ڈاہون جھولی، تن خاکی نظر کوئے نہ آئیا۔ ہؤں درویش در ٹھانڈے بنے گولی، گہر گمبھیِر تیری سیو کمائیا۔ پنج تت کایا لوکمات چھڈی چولی، جوتی جوت جوت سمائیا۔ شبد اگمّ تیری سب توں وکھّری بولی، انبولت دئیں سمجھائیا۔ نِرگُن نِروَیر ساڈی پریم پریِتی اندر چُکی ڈولی، سچ دوارے دِتا وسائیا۔ ایتھے دوُجا کوئی نہ پاوے رؤلی، اِکو تیرا حُکم ورتے بےپرواہیِا۔ نہ کوئی دِسے تند مؤلی، مہندی رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، در تیرے الکھ جگائیا۔ تیرے در الکھ الکھ نِرنجن، گُر اوتار پیِر پَیغمبر سیِس نِوائیا۔ وِشن برہما شِو کوٹن کوٹ منگن، نِیوں نِیوں لاگن پائنیا۔ اُچی کوُک پُکارن تُوں داتا درد دُکھ بھےَ بھنجن، بھاونا سب دی اپنے وِچ ٹِکائیا۔ اکال موُرت اِکو مدن، مُکند منوہر لکھمی نرائن تیرا روُپ

بےپرواہیِا۔ چرن کوَل سچ دوار کرائیں مجن، مجلس اپنی لئیں بہائیا۔ جِتھے ناد نگارے اگمّی وجّن، ڈھولک چَھینا نہ کوئے کھڑکائیا۔ سچ پریم پریِتی آوے انندن، انند انند وِچوں وکھائیا۔ مستک ٹِکاّ نام لگاویں چندن، چند چاندنی کرے رُشنائیا۔ دیِن مذہب شرع کوئی نہ رہے بندھن، بندگی اِکو اِک سمجھائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، در تیرے آس لگائیا۔ در تیرے رکھّی آس، آشا تیرے نال مِلائیا۔ جُگ جُگ دی مِٹے پیاس، ترِسنا دے گوائیا۔ گوپی کاہن بن کے پائی تیری راس، سخیاں نال ناچ نچائیا۔ پیِر پَیغمبر ہو کے سُنی سُنائی تیری آواز، ڈھولا راگ الائیا۔ سرگُن ہو کے نِرگُن تیرا ویکھیا کھیل تماش، خالق خلق اندر ڈیرہ لائیا۔ کلجُگ انت پوُرا کر بھوِکھت واک، گُر اوتار پیِر پَیغمبر ویکھ خوشی منائیا۔ تُدھ بِن تیرا کوئی نہ جانے راز، پڑدہ سکے نہ کوئے اُٹھائیا۔ سچ بیننتی اِک ارداس، دوئے جوڑ ڈنڈؤت اِک کرائیا۔ پاربرہم پربھ وسنا بھگتاں پاس، بھگوَن اپنا رنگ وکھائیا۔ آتم پرماتم دسّنا دُھر دا پوُجا پاٹھ، ہوَن اِکو وار کرائیا۔ کوُڑی کِریا نیڑ نہ آئے کوئی بدمعاش، من مت نہ کوئے لڑائیا۔ گھر وِچ گھر وکھاؤنا سچ پرکاس، جوتی جوت جوت رُشنائیا۔ جو گُرمُکھ گُرسِکھ بن گئے تیرے داس، داسی داس بن کے اوہناں سیو کمائیا۔ اندر وڑ کے ڈوُنگھی کندر وسیں پاس، جگت دوارے پندھ مُکائیا۔ جاگت سووت ماریں اِک آواز، اِندرا نِندرا آلس پرے ہٹائیا۔ جنم جنم دی پوُری کریں خواہش، آسا اپنی جھولی پائیا۔ صاحِب سَتگُر ساچے در توں جائے نہ کوئے نِراس، نِراسا آسا وِچ بدلائیا۔ درس وکھاؤنا ساکھیات، سوَچّھ سروُپی روُپ وٹائیا۔ جوتی جوت سروُپ ہرِ، آپ اپنی جوت دھر، اِکو دینا دُھر دا ور، ہرجن ساچے میل مِلائیا۔ ہرجن میل مِلاؤنا جگ، سَتگُر تیری اِک سرنائیا۔ ترےَگُن بُجھاؤنی اگّ، ممتا موہ مِٹائیا۔ درس دینا اُپر شاہ رگ، گھر سچ ہوئے رُشنائیا۔ بِن مکّے کعبیوں ہوئے حج، حُجرہ حق دینا وکھائیا۔ میل مِلاؤنا بِن مندر مٹھ، شِودوالا اِکو اِک سمجھائیا۔ ساچی دینی برہم مت، برہم وِدیا دُھر پڑھائیا۔ اپنے مِلن دی کھولنی اکّھ، دِب نیتر کر رُشنائیا۔ جگت وِکاریوں کر کے وکھ، وکھّرا اپنا گھر جنائیا۔ جِس مندر پربھ رِہوں وس، تِس کھیڑے لہنا بہائیا۔ تیری کِرپا آئیے نٹّھ، جگ کوُڑا پندھ مُکائیا۔ سچ سرنائی جائیے ڈھٹّھ، چرن دھوُڑی خاک لگائیا۔ سِر ہتّھ دینا رکھّ، رکھیا کرنی تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ہرجن ساچے رہیا دِرڑائیا۔ سَتگُر پوُرا دَیا کماؤندا اے۔ گُرمُکھاں آپ سمجھاؤندا اے۔ جگت سُتّیاں آپ اُٹھاؤندا اے۔

جُگ رُٹھیاں پھڑ مناؤندا اے۔ بِن پُچھیاں دات ورتاؤندا اے۔ راتیں سُتّیاں میل مِلاؤندا اے۔ جگت وِکارے کولوں چُھڈاؤندا اے۔ سچ دوارے آپ بہاؤندا اے۔ شبد نگارے ناد وجاؤندا اے۔ امرت تال سُہاوے آپ نُہاؤندا اے۔ جوت نِرنجن دِیپک ڈگمگاؤندا اے۔ امرت رس رس چکھاؤندا اے۔ جن بھگتاں ہو کے وس، گھر گھر پھیری پاؤندا اے۔ پریم پیار دا دے کے رس، رس رسییا ونڈ ونڈاؤندا اے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جنم کرم دے وِچھڑے لئے پھڑ، بِچھرت اپنا میل مِلاؤندا اے۔ لیکھا جانے چوٹی جڑ، سیِس دھڑ کایا کنچن گڑھ اندر وڑ، محل اٹل سوبھا پاؤندا اے۔ کنت سُہاگی ہو کے لئے ور، شبد انادی ہو کے لئے پھڑ، برہم برہمادی ہو کے کھوج کھوجاؤندا اے۔ جو جن سرن سرنائی گئے پڑ، تِنہاں تُٹا ہنکاری گڑھ، نِون سو اکھّر اِک پڑھاؤندا اے۔ پُرکھ ابناسی کِرپا کر، بھگت سُہیلا دیوے ور، وارتا اپنی جن بھگتاں نال بناؤندا اے۔ گُرمُکھو گُرسِکھو مُڑ کے جاؤ اپنے گھر، جِتھے آوے نہ کوئی ڈر، سَتگُر سوامی بنّھے اپنے لڑ، ناتا اِکو گھر بناؤندا اے۔ جوتی جوت سروُپ ہرِ، آپ اپنی کِرپا کر، گُرمُکھاں وکھائے اوہ گھر، جِس دروازے اندر آپے وڑ کے نِرگُن نِروَیر نِراکار پُرکھ اکال سوبھا پاؤندا اے۔

۹ جیٹھ ۲۰۲۱ بِکرمی اوتار سِنگھ دے کھوُہ اُتے کاؤنکے ضِلع امرتسر

ستگُر کِرپا سچ سُکھ، سُکھ آتم آپ وکھائیندا۔ سَتگُر کِرپا من واسنا مِٹے دُکھ، ممتا موہ نہ کوئے سَتائیندا۔ سَتگُر کِرپا چُکے بُھکھ، سچ بھنڈار جھولی پائیندا۔ سَتگُر کِرپا اُجل مُکھ، کوُڑی کِریا دوُر کرائیندا۔ سَتگُر کِرپا دھرنی دھرت دھوَل آکاش پاتال ہوون خوش، خوشیاں راگ سُنائیندا۔ سَتگُر کِرپا ساچا رس ملِے گھُٹ، امرت دھار وہائیندا۔ سَتگُر کِرپا، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ سَتگُر کِرپا کارج راس، دُکھ سُکھ وِچ بدلائیا۔ جِؤں سَتگُر مِل گُرمُکھ مِٹے پیاس، تِؤں دھرنی دھرت جل پانی رہی بِللائیا۔ بِن نیِر کوئی نہ اُپجے شاخ، پتّ ٹہنی نہ کوئے مہکائیا۔ پنکھڑی سوہے نہ کوئی پُھل گُلاب، گُلشن رنگ نہ کوئے رنگائیا۔ بِن آب نہ کوئے

صواب، سُکھ شانت نہ کوئے ورتائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ جل کہے مَیں دھرتی رس، رساں وِچوں رس نظری آئیندا۔ پربھ دی کرنی ایہدے اندر رہیا وس، کھیڑا اڈّ نہ کوئے بنائیندا۔ کِرپا کری پُرکھ سمرتھ، میری سوہنی ونڈ ونڈائیندا۔ پریم پیار نال اندروں جھٹ، قطرہ قطرہ بوُند بوُند برسائیندا۔ میرا اِک اگمّی رس، پنجاں تتّاں وِچ سوبھا پائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیندا۔ دھرنی کہے میری ڈوُنگھی دھار، سمجھ کِسے نہ آئیا۔ کِرپا کری آپ نِرنکار، جل پانی خاک مِلائیا۔ میرے اندروں آوے باہر، اپنا روُپ بدلائیا۔ سیوا کرے وِچ سنسار، سوہنی کار کمائیا۔ جن بھگتاں کارج دئے سوار، جِؤں دھنےّ جٹّ مِلیا گوسائنیا۔ گُرمُکھ کدے نہ آوے ہار، مِہروان ہوئے سہائیا۔ ٹھنڈے جل وگدی رہے نسار، سوہنا رنگ بنائیا۔ کھیڑا وسدا رہے اوتار، پیار بنیا بےپرواہیِا۔ یاراں وِچوں یاراں دا یار، وِہاراں وِچ نوُر خُدائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، سدا سد ہوئے سہائیا۔

۹ جیٹھ ۲۰۲۱ بِکرمی ہزارا سِنگھ دے گرِہ کاؤنکے ضِلع امرتسر

پُرکھ اکال سدا سمرتھ، سَتگُر سوُربیِر اکھوائیندا۔ سچ دوارے آپے وس، ہر گھٹ اپنا نوُر دھرائیندا۔ بودھ اگادھ شبدی دسّ، دُھر دا ڈھولا آپ سُنائیندا۔ پریم پیار اندر ہو کے وس، واسطہ نِرگُن سرگُن جوڑ جُڑائیندا۔ نر نرائن نِج نیتر کھول اکّھ، آخر اپنا میل مِلائیندا۔ جُگ جُگ جن بھگت سُہیلے سجّن سدّ، سدّا اپنا نام سُنائیندا۔ گرِہ مندر کرائے اپنا حج، کایا کعبہ اِک وکھائیندا۔ ڈھولا راگ سُنائے چھند، سوہنا تال وجائیندا۔ جوتی جوت سروُپ ہرِ، آپ اپنی کِرپا کر، مِہروان ویکھ وکھائیندا۔ پُرکھ اکال دیِن دَیال، دَیانِدھ وڈّی وڈیائیا۔ وسنہارا سچکھنڈ سچّی دھرمسال، دھرم دوارا اِک سُہائیا۔ جُگ چؤکڑی ہرجن ویکھے اپنے لال، لالن لکّھ چؤراسی کھوج کھوجائیا۔ پوُرب جنم جو گھالن آئے گھال، کیِتی گھال لیکھے پائیا۔ بِن منگیاں دیوے دان، بِن کھوجیِاں گھر گھر پردہ دئے اُٹھائیا۔ سَت پریِتی دیوے چرن کوَل دھیان، دُئی دوَیتی ڈیرہ ڈھاہیِا۔ آتم برہم اُپجے اِک گیان، نِراکھّر دئے سمجھائیا۔ شاستر سِمرت وید پُران جِس نوُں گان، صِفت صالاحی راگ

الائیا۔ جو پرم پُرکھ شاہ سُلطان، شہنشاہ جُگ جُگ ویس وٹائیا۔ کلجُگ انتم ہو پردھان، سَت پردھانگی اِک کمائیا۔ لکّھ چؤراسی دُھر دا کاہن، جوتی جوت سروُپ ہرِ، آپ اپنی کِرپا کر، بھیوَ ابھیدا رہیا سمجھائیا۔ پُرکھ اکال سرب گُنوَنت، گہر گمبھیِر ہرِ اکھوائیندا۔ لیکھا جانے آد انت، جُگ چؤکڑی ویس وٹائیندا۔ نام پرگٹائے ساچا منت، منتر اِکو اِک وکھائیندا۔ جن بھگت سُہیلے پرگٹائے وِچوں جنت، جیِون جُگت اِک وکھائیندا۔ گھر مِلاوا نار کنت، سیج سُہنجنی میل مِلائیندا۔ شبد انادی بن کے پنڈت، دُھر دی وِدیا آپ سِکھائیندا۔ دوُجے در نہ جائے منگت، درویش ہو نہ الکھ جگائیندا۔ جوتی جوت سروُپ ہرِ، آپ اپنی کِرپا کر، بھگوَن اپنا کھیل وکھائیندا۔ پُرکھ اکال سرب گُن ٹھاکر، شاہ پاتشاہ آپ اکھوائیندا۔ سرِشٹ سبائی ویکھنہارا ڈوُنگھا ساگر، نوَ نؤ چار کھوج کھوجائیندا۔ لیکھا جانے کریِم کرتا قادر، قُدرت وِچ اپنی دھار چلائیندا۔ جن بھگتاں در گھر ساچے دیوے آدر، ادنے اعلے آپ بنائیندا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیندا۔ پُرکھ اکال ہرِ سجّن میِت، پت پرمیشور بےپرواہیِا۔ جِس دی نِت نوِت اگمّی ریِت، لوکمات سکے نہ کوئے سمجھائیا۔ جِس دا گُر اوتار پیِر پَیغمبر سخیاں بن کے گاون گیِت، سوہنا سوہلا راگ سُنائیا۔ سو ٹھاکر سوامی بَیٹھا رہے اتیِت، ترےَگُن وِچ کدے نہ آئیا۔ کِسے ہتّھ نہ آوے مندر مسیِت، شِودوالے مٹھ دین دُہائیا۔ جن بھگتاں انتر آتم سُنے چیِک، دوُر دُراڈا نیرن نیرا ہو کے ویکھ وکھائیا۔ جِنہاں پاربرہم پت پرمیشور مِلن دی رکھّی اُڈیِک، تِنہاں میل مِلائے سہج سُبھائیا۔ جوتی جوت سروُپ ہرِ، آپ اپنی کِرپا کر، در گھر ساچا اِک وکھائیا۔ پُرکھ اکال وڈ گُنوَنتا، رسنا جِہوا کہن کِچھ نہ پائیا۔ دیوے وڈیائی ساچے سنتاں، سَتگُر اپنا بھیو چُکائیا۔ سنگ رکھائے جِؤں نار کنتا، جوڑی دُھر دی جوڑ جُڑائیا۔ گڑھ توڑ ہؤمے ہنگتا، ہنگ برہم کرے پڑھائیا۔ میل مِلائے ساچی سنگتا، ہرِ سنگت اپنا نوُر درسائیا۔ لیکھا چُکے بُھکھا ننگتا، اوُچ نیِچ اِکو گھر بہائیا۔ کایا چولی سچّی رنگدا، نام مجیٹھی رنگ چڑھائیا۔ لیکھا چُکے خانے بند دا، بندی خانہ توڑ تُڑائیا۔ میل مِلائے گُجری چند دا، شبدی جوتی دھار سمائیا۔ لہنا دینا چُکے بھیکھ پکھنڈ دا، کوُڑی کِریا ڈیرہ ڈھاہیِا۔ نام نِدھان اگمّ اتھاہ دؤلت آپے ونڈدا، دیونہارا چائیں چائنیا۔ سچ دوارے کایا مندر آپے لنگھدا، نؤ دوارے پندھ مُکائیا۔ رس مانے آتم سیج سچّی پلنگ دا، جِس دا پاوا چوُل نظر کِسے نہ آئیا۔ امرت جام پیائے سچّی گنگ دا، گنگا گوداوری جمنا سُرستی بَیٹھی نیَن شرمائیا۔ کرے پرکاس

دُھر دے چند دا، جوتی جاتا ڈگمگائیا۔ نِت نوِت جن بھگتاں سنگ سدا ہنڈدا، ایتھے اوتھے ہوئے سہائیا۔ ناتا توڑ نار دُہاگن رنڈ دا، گھر سُہاگن دئے بنائیا۔ جوتی جوت سروُپ ہرِ، آپ اپنی کِرپا کر، ہرجن میلا مِلائے سہج سُبھائیا۔ پُرکھ اکال دُھر دا سجّن، ہرِ کرتا آپ اکھوائیا۔ جن بھگت کرائے دھوُڑی مجن، دُرمت مَیل دھوائیا۔ گڑھ ہنکاری کوُڑے بھجّن، بھانڈا بھرم بھؤ رہن نہ پائیا۔ سنت سُہیلے آوے سدّن، اندر وڑ کے لئے اُٹھائیا۔ جن بھگتاں ہووے پڑدے کجّن، اوڈھن اِکو سیِس ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سجّن سچ گوسائنیا۔ ہرِ سجّن پربھوُ سچ گوسائیں، گہر گمبھیِر اِک اکھوائیندا۔ جُگ جنم وِچھڑے پکڑے بانہیں، پھڑ باہوں گلے لگائیندا۔ سچ دوارے کرے سچ نیائیں، عدالت حقو حق وکھائیندا۔ سنت سُہیلا بن کے دیوے ٹھنڈیاں چھائیں، گُر چیلا اپنے گھر وسائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن لہنا دینا جھولی پائیندا۔ ہرجن لہنا دینا دئے ضرور، جُگ چؤکڑی ویکھ وکھائیندا۔ پرگٹ ہوئے جوتی نوُر، نوُر نوُرانہ ڈگمگائیندا۔ شبد اناد اگمّی تُور، تُریا تُرت حُکم سُنائیندا۔ امرت آتم دیوے سَت سروُر، مدُھر رس اِک چکھائیندا۔ ڈوُنگھی کندر حاضر ہو حضوُر، حضرت اپنا میل مِلائیندا۔ جنم جنم دے بخشے آپ قصوُر، پاپ اپرادھ دُرمت مَیل ڈیرہ ڈھاہِندا۔ جوتی جوت سروُپ ہرِ، آپ اپنی کِرپا کر، گُرمُکھ گُر گُر آپ جگائیندا۔ پُرکھ اکال صاحِب سَتگُر سچّا، سچ سچّی وڈیائیا۔ سنت سُہیلا ویکھے بچّہ، بچپن اپنی گود ٹِکائیا۔ کایا ماٹی بھاگ لگائے تن کچّا، پنج تت میلا سہج سُبھائیا۔ جوت پرکاس سچّا رکھّا، دُھن ناد شنوائیا۔ نِرگُن ہو کے پِھرے نٹّھا، سرگُن کھوج کھوجائیا۔ لیکھا جانے تت اٹّھا، اپ تیج وائے پرِتھمی آکاش من مت بُدھ پڑدہ دئے چُکائیا۔ آون جاون کر کِرپا میٹے رٹّا، لکّھ چؤراسی بندھن بندھ کٹائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، گُرمُکھ گُرسِکھ لئے اُٹھائیا۔ پُرکھ اکال جائے تُٹھ، دیِنن دَیا کمائیندا۔ گُرسِکھ سجّن ویکھے لُک، کایا مندر اندر ڈیرہ لائیندا۔ دَیال ہو کے لئے پُچھ، شبدی شبدی آواز لگائیندا۔ اُٹھ لاڈلے دُھر دے سُت، سَت سَتوادی آپ جگائیندا۔ پِچھلا پیَنڈا گیا مُک، اَگے اپنا پندھ درسائیندا۔ جو گُرمُکھ گُرسِکھ صاحِب سَتگُر پوُرے جاون جھُک، تِنہاں جھاکی اپنا نام سَت سروُپ وکھائیندا۔ ایتھے اوتھے اَگے پِچھے پیَنڈا

جائے مُک، مُکمل اپنے گھر وسائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، ہرجن جام پیائے اگمّی گھُٹ، رس بِن رسنا آپ چکھائیندا۔

۹ جیٹھ ۲۰۲۱ بِکرمی پوُرن سِنگھ دے گرِہ لیلیاں ضِلع امرتسر

گُر اوتار کرن ارداس، سچکھنڈ دوارے سیِس نِوائیا۔ تیری وست پربھ تیرے پاس، پُرکھ اکال دِتی ٹِکائیا۔ ساڈے ویکھ خالی ہاتھ، چاروں کُنٹ جنائیا۔ شبد سندیسہ تیرا نام نِدھان اکھّراں وِچ لِکھ کے آئے آکھ، بھوِکھت واک اِک دِرڑائیا۔ پت پرمیشور پاربرہم سرب جیِاں دا مائی باپ، پِتا پوُت گود اُٹھائیا۔ نِت نوِت جُگ چؤکڑی جِس دا جاپ، رسنا جِہوا بتّی دند صِفت صالاحیِا۔ سدا سُہیلا میٹنہار اندھیری رات، کوُڑی کِریا ڈیرہ ڈھاہیِا۔ بھرم بُھلیکھا دوُر کرائے ذات پات، دیِن مذہب اِکو گھر وکھائیا۔ جوتی جوت سروُپ ہرِ، آپ اپنی کِرپا کر، ساچا دینا دُھر دا ور، در ساچے منگ منگائیا۔ پیِر پَیغمبر رہے جھُک، سجدہ پروردِگار کرائیا۔ نوُر خُدائی ساڈا پیَنڈا گیا مُک، پاندھی پندھ نہ کوئے چلائیا۔ تیرے قدماں سیِس بَیٹھے سُٹ، سِر سکے نہ کوئے اُٹھائیا۔ صدی چؤدھویں چؤداں طبقاں پئی لُٹ، کلمہ حق نہ کوئے پڑھائیا۔ پریم پیار نہ مات پُت، پِتا پوُت نہ سنگ نِبھائیا۔ اُجل دِسے نہ کِسے مُکھ، کوُڑی کِریا لگّی شاہیِا۔ شیخ مسائق بھوگن دُکھ، ہستی سچ نہ کوئے مِلائیا۔ ساچی درگاہ گئے رُٹھ، سنمُکھ نظر کوئے نہ آئیا۔ چؤتھے جُگ اؤدھ رہی پُگ، لیکھا چُکے تھاؤں تھائنیا۔ جوتی جوت سروُپ ہرِ، آپ اپنی کِرپا کر، ساچا دے دے اِک ور، شہنشاہ تیری سرنائیا۔ جن بھگت رہے رو، نیتر نیَناں نیِر وہائیا۔ سَت سوامی تیری دیوے کوئی نہ سو، ساچا راہ رہبر نہ کوئے دِرڑائیا۔ آتم پرماتم پریم پریِتی بَیٹھے کھوہ، کوُڑی کِریا گھر گھر کرے لڑائیا۔ امرت رس نِجھر کوئی نہ دیوے چو، چور یار ٹھگ بنی لوکائیا۔ سچ پرکاس نِرمل جوت نہ دیوے کوئی لو، لوک پرلوک پردہ نہ کوئے اُٹھائیا۔ ہؤمے ہنگتا نہ کوئی تُڑائے مایا موہ، ترِسنا ترِکھا نہ کوئے بُجھائیا۔ آتم پرماتم گھر وِچ گھر نہ جائے چھوہ، دُھر دا میل نہ کوئے مِلائیا۔ ابناسی کرتے پرتکھ سوامی پرگٹ ہو، نِرگُن نِرگُن کر رُشنائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، در ٹھانڈا منگ منگائیا۔ سنت سُہیلے رہے پُکار، اُچی کوُک کوُک

سُنائیا۔ سرِشٹ سبائی دھوُاں دھار، ساچا چند نہ کوئے چمکائیا۔ شاستر سِمرت وید پُران گئے ہار، گیِتا گیان پڑھ پڑھ تھکّی سرب لوکائیا۔ اِنجیل قُرآن ہوئے خوار، تیِس بتیِسا ساچا نعرہ نغمہ حق نہ کوئے الائیا۔ دیِد درس نہ کوئی پروردِگار، عیِد چند نہ کوئے رُشنائیا۔ رفیق ملِے نہ سانجھا یار، دُھر میل نہ کوئے مِلائیا۔ چاروں کُنٹ دِسے خوار، گھر گھر پئی لڑائیا۔ جیِو جنت بنے دُہاگن نار، کنت سُہاگ نر ہرِ نرائن نہ کوئے ہنڈھائیا۔ کِرپا کر آپ نِرنکار، نِرگُن تیری اوٹ تکائیا۔ جل تھل مہیئل پا سار، جنگل جوُہ اُجاڑ پہاڑ، ٹِلّے پربت کھوج کھوجائیا۔ جوتی جوت سروُپ ہرِ، آپ اپنی کِرپا کر، گھر سچ دے وڈیائیا۔ گُرسِکھ گُرمُکھ مارن دھاہ، نعرہ اِکو اِک لگائیا۔ کِرپا کر بےپرواہ، بےانت تیری سرنائیا۔ ساچا بُھلے سرب راہ، مارگ نظر کِسے نہ آئیا۔ گوُڑھی نِندر غفلت سُتے اکّھ نہ سکے کوئی کُھلا، نیتر نیَن نہ کوئے رُشنائیا۔ ساچا مندر کایا سکے نہ کوئے سُہا، چار کُنٹ اُٹھ اُٹھ بھجّن واہو داہیِا۔ گھر دِیپک سچ پرکاس نہ سکے کوئی جگا، جاگرت جوت نہ کوئے رُشنائیا۔ امرت آتم جام سکے نہ کوئی پیا، اٹھسٹھ تیِرتھ ویکھن تھاؤں تھائنیا۔ نِج نیتر درشن سکے نہ کوئی پا، دوئے لوچن جگت ویکھ ویکھ بِگسائیا۔ جوتی جوت سروُپ ہرِ، آپ اپنی کِرپا کر، مِہروان ہو سہائیا۔ گُر اوتار کرن بیننتی، دوئے جوڑ سرنائیا۔ پیِر پَیغمبر کہن ساڈی مِٹی ہستی، ہستی تیرے وِچ سمائیا۔ بھگت کہن بھگوان تُدھ بِن دیوے نہ کوئی مستی، نام خُماری نہ کوئے چڑھائیا۔ سنت کہن تیرا میل ہووے اُپر عرشی، عرش فرش دوویں تیری سرنائیا۔ گُرمُکھ کہن تُوں پت پرمیشور کِرپانِدھان ہو کے پرتیں، لوکمات پھیرا پائیا۔ گُرسِکھ کہن دھنّ بھاگ سُہاؤنی سُہنجنی دھرتی، چرن کوَل اُپر دھوَل آپ ٹِکائیا۔ ہرجن آسا کدے نہ مردی، مر جیِوت روُپ وٹائیا۔ سَتگُر سرنائی مِل بھوَجل تردی، شؤہ دریا نہ کوئے رُڑھائیا۔ سچ دوار اگمّی منزل چڑھدی، پؤڑی ڈنڈا ہتّھ نہ کوئے پھڑائیا۔ گیِت سنگیِت اِکو پڑھدی، تُوں میرا مَیں تیرا ڈھولا راگ الائیا۔ در درویش بنے بردی، سیوک ہو کے سیو کمائیا۔ پرم پُرکھ پرماتم تیرے اَگے سب دی اِکو عرضی، آرزوُ سب دی اِک سُنائیا۔ کوُڑی کِریا جگت کھیل دِسے فرضی، فَیصلہ تیرے ہتّھ جِؤں بھاوے لیَنا چلائیا۔ آد جُگاد جُگ چؤکڑی تیرے اَگے چلے نہ کِسے کوئے مرضی، مرض علامت کوُڑی دینی گوائیا۔ جوتی جوت سروُپ ہرِ، آپ اپنی کِرپا کر، پوُرب لیکھا دینا وکھائیا۔ گُر اوتار پِچھلی پھولن فرد، پردہ اوہلا آپ چُکائیا۔ گُر اوتار پیِر پَیغمبر کہن تُوں صاحِب ویکھ درد، دردی ہو کے دَیا کمائیا۔ جودھا سوُربیِر مردانہ مرد، شاہ پاتشاہ

شہنشاہ اِکو تیرے ہتّھ وڈیائیا۔ سَتجُگ تریتا دواپر کلجُگ جو کردے گئے لِکھت پڑھت، مان دے کے کاغذ قلم شاہیِا۔ انتم تیری پوُری ہوئی شرط، سنسا شک رہیا نہ رائیا۔ پِچھلا رہن نہ دینا فرق، فِقرہ اِکو اِک سُنائیا۔ اگلا لیکھا اسیں کیِتا ترک، تیرا حُکم سُن بےپرواہیِا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، صاحِب سُلطان تیرے ہتّھ وڈیائیا۔ گُر اوتار پیِر پَیغمبر ہو خاموش، نِیوں نِیوں سجدہ سیِس جھُکائیا۔ تیرے مِلن دی سچّی لوچ، لوچن بَیٹھے دھیان لگائیا۔ پُرکھ اکال دیِن دَیال سچ دوارے آپے پہنچ، نِرگُن بن کے پاندھی راہیِا۔ ہرجن سنت سُہیلے ویکھ نِردوش، دوشاں بھری سرب لوکائیا۔ بِن تیرے چرن سچ ملِے نہ کوئی مؤج، مُحبّت حق نہ کوئے وکھائیا۔ تُوں سَتگُر صاحِب سوامی اِکو بہُت، بُہتے گُروُ نہ کوئے وڈیائیا۔ تیرے سنتاں تیرے بھگتاں نیڑ نہ آوے لاڑی مؤت، رائے دھرم نہ دئے سزائیا۔ تُوں پت پرمیشور پروردِگار ساچا خؤنت، نار کنت آپ پرنائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، در تیرے منگ منگائیا۔ گُر اوتار پیِر پَیغمبر منگن منگ، کلجُگ انتم کوُک کوُک دئے دُہائیا۔ سچ دوارا ویکھیا لنگھ، منزل منزل پندھ مُکائیا۔ پُرکھ ابناسی سچکھنڈ سُتّا اِک پلنگ، جِس دا پاوا چوُل نظر کِسے نہ آئیا۔ تھِر گھر وجےّ نام مردنگ، سُر تال سمجھ سکے کوئے نہ رائیا۔ نہ کوئی رسنا جِہوا گائے بتّی دند، پنج تت نہ کوئے وڈیائیا۔ نہ کوئی سوُرج نہ کوئی چند، منڈل منڈپ نہ کوئے رُشنائیا۔ اِکو بَیٹھا سوُرا سربنگ، جودھا سوُر ہرِ شبدی ناؤں دھرائیا۔ جو گُر اوتار پیِر پَیغمبراں لاوے انگ، انگیکار آپ ہو جائیا۔ جن بھگتاں وسے سدا سنگ، دُھر دا جوڑ جُڑائیا۔ ساچے سنتاں دیوے اِک انند، انند انند وِچوں پرگٹائیا۔ گُرمُکھ چاڑھے سَت سَتوادی چند، نِرمل جوت کرے رُشنائیا۔ گُرمُکھاں ٹُٹی دیوے گنڈھ، گنڈھنہار گوپال سوامی اپنی دَیا کمائیا۔ بھیو کُھلائے ہنگ برہم، پاربرہم سمجھائیا۔ لہنا دینا مُکائے جنم کرم، کرم کانڈ کوئے رہن نہ پائیا۔ ناتا توڑے ورن برن، ذات پات نہ کوئے رکھائیا۔ نیتر کھولے ہرن پھرن، نِج نیَن کرے رُشنائیا۔ لیکھ چُکائے مرن ڈرن، لکّھ چؤراسی شرع زنجیر تُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سُہنجنا ویلا اِک وکھائیا۔ سچ سُہنجنا ہوئے ویلا، ہرِ کرتا آپ کرائیندا۔ میل مِلائے گُروُ گُر چیلا، چیلا گُر اپنے رنگ رنگائیندا۔ نِرگُن سرگُن سجّن سُہیلا، ساچا جوڑ جُڑائیندا۔ گُر اوتار پیِر پَیغمبر جُگ چؤکڑی کھیل کھیلا، بن نٹوُآ سوانگی سوانگ رچائیندا۔ آد جُگاد اپنے ہتّھ رکھےّ اپنا ویلا، وار تھِت نہ کِسے

سمجھائیندا۔ جوتی جوت سروُپ ہرِ، آپ اپنی کِرپا کر، کرنی کرتا آپ کمائیندا۔ کرنی کرتا کرے سمرتھ، مہما اکتھ وڈ وڈیائیا۔ جو کِچھ سو اپنے ہتّھ، خالی ہتّھ سرب لوکائیا۔ مِہروان ہو کے دیوے وتّھ، محبان ہو کے مُحبّت ناتا جوڑ جُڑائیا۔ دیِن دَیال ہو کے کھولے اکّھ، نِج نیتر کرے رُشنائیا۔ سَتجُگ تریتا دواپر کلجُگ واک بھوِکھت جو آیا دسّ، گُر اوتار پیِر پَیغمبر بھیو کُھلائیا۔ سو کلجُگ انتم ویکھے ہسّ ہسّ، ہستی وِچوں اپنی ہستی آپ پرگٹائیا۔ جن بھگتاں دیوے دُھر دا رس، رس آتمک آپ چکھائیا۔ جن سنت دوارے جائے نٹّھ، پاندھی بن کے پھیرا پائیا۔ گُرمُکھاں دسےّ رَویا گھٹ، ہر گھٹ ڈیرہ لائیا۔ گُرسِکھاں وکھائے کھیل سچ، سچ سُچ آپ سمجھائیا۔ سرِشٹ سبائی کلجُگ انت ترےَگُن اگنی رہی مچّ، پنج تت کرے لڑائیا۔ نؤ دوارے رہی نچّ، جگت واسنا میل مِلائیا۔ ساچی منزل کِسے نہ مُکیا پندھ، مندر گھر نہ ویکھ وکھائیا۔ جو گُرمُکھ گُرسِکھ سَتگُر سرنائی گئے ڈھٹّھ، تِنہاں لیکھا دئے چُکائیا۔ ساچی دیوے برہم مت، گُرمت اِک سمجھائیا۔ تت وِرولے ساچے مٹھ، بھٹھیالا اپنی کار کمائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر اوتار پیِر پَیغمبر دئے سندیس، صدا دُھر دا نام سُنائیا۔ لیکھا جانے وِشن برہما شِو مہیش، ہرِ کرتا بےپرواہیِا۔ ترےَگُن مایا پنج تت کھیلی کھیڈ، لکّھ چؤراسی چارے کھانی ونڈ ونڈائیا۔ چارے بانی شبد سندیسہ بھیج، چاروں کُنٹ کری شنوائیا۔ قلم شاہی کاغذ بِن کُتب لِکھیا لیکھ، کاتب ہو کے کرم کمائیا۔ سچ سنیہُڑا اِکو بھیج، جُگ چؤکڑی حُکم ورتائیا۔ جوتی جلوہ دے کے تیج، آتم برہم کری رُشنائیا۔ گھر مندر مانی اگمّی سیج، سِنگھاسن سوہنے ڈیرہ لائیا۔ کلجُگ انت پِچھلی میٹے ریکھ، لیکھا اگلا دئے دِرڑائیا۔ دو جہاناں کھولے اپنا بھیت، ابھیوَ آپ سمجھائیا۔ جن بھگتاں رُت بسنتی مؤلے چیت، پُھل پُھلواڑی آپ مہکائیا۔ نِرگُن سرگُن کرے ہیت، گُرمُکھ گُر گُر گود اُٹھائیا۔ تتّی وا نہ لگّے مہیِنہ جیٹھ، اگنی تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سنت سُہیلے رہیا ترائیا۔ سنت سُہیلے سو کہیئے سِکھ، جِس سَتگُر دَیا کمائیندا۔ نام پدارتھ پائے بِھکھ، بِھچِھیا اِکو اِک ورتائیندا۔ بِن دوہاں اکّھاں پئے دِس، نِج نیتر نظری آئیندا۔ سچ پریِتی کرے ہِت، پریم پیار ناتا جوڑ جُڑائیندا۔ کروٹ لےَ بدلے پِٹھ، سنمُکھ سوَچّھ سروُپی روُپ دھرائیندا۔ ابناسی کرتا ہو کے وسے چِت، چِتوِت ٹھگؤری کوئے نہ پائیندا۔ پت پرمیشور ہو کے لیکھا جانے مات پِت، پِتا پوُت گود اُٹھائیندا۔ جنم کرم دا لہنا دینا گھر آ کے جائے نِجٹّھ،

اگلا پِچھلا پندھ مُکائیندا۔ سو گُرمُکھ سنت سُہیلا کہیئے سِکھ، جِس ساکھیات کایا مندر اندر نِج نیتر سَتگُر جوتی نوُری نظری آئیندا۔ نِہکرمی ہو کے اگلا لیکھا دئے لِکھ، پِچھلا لیکھ اپنی جھولی پائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، گُرمُکھ گُرسِکھ ہرجن بھگت بھگوَنت لئے ور، گھر مندر کایا اندر اِک سُہائیندا۔