کتب خانہGranth 17 (Shahmukhi)

۲۱ جیٹھ ۲۰۲۱ بِکرمی فرنگی رام دے گرِہ پِنڈ جھنڈے

ہرِ نام کہے میَں دُھر دا منتر، منتوَ جُگ جُگ حل کرائیندا۔ سرب جیِاں گھٹ وساں انتر، بِن سَتگُر نظر کِسے نہ آئیندا۔ کھیلاں کھیل گگن گگننتر، دو جہاناں ویکھ وکھائیندا۔ لکّھ چؤراسی جیِو جنت سادھ سنت بناواں بنتر، ساچی سِکھیا اِک سمجھائیندا۔ جوتی جوت سروُپ ہرِ، آپ اپنی کِرپا کر، میرا سگلا سنگ نِبھائیندا۔ ساچا نام کہے میرا دُھر سنجوگ، جن بھگتاں میل مِلائیا۔ نِت نوِت کٹّاں ہؤمے روگ، مایا موہ مِٹائیا۔ سچ سُناواں سَتگُر سلوک، اکھّراں نال اکھّر رنگ رنگائیا۔ بھیو چُکاواں لوک پرلوک، برہمنڈ کھنڈ پڑدا آپ اُٹھائیا۔ کراں پرکاش ساچی جوت، اندھ اندھیر مِٹائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ ساچا نام کہے میَں گہر گمبھیِر، میرا انت کوئے نہ پائیندا۔ میَنوُں لبھدے پِھردے پیِر فقیِر، شاہ سُلطان نیتر نَین اُٹھائیندا۔ میَں چوٹی چڑھ کے وساں اَخیِر، گھر ٹھانڈے سوبھا پائیندا۔ گُرمکُھ وِرلے دیواں دھیِر، دھیِرج اپنے نال بندھائیندا۔ امرت بخش ٹھانڈا سیِر، سانتک سَت سَت کرائیندا۔ ہؤمے کڈھ دوَیتی پیِڑ، کوُڑا روگ گوائیندا۔ نیتر کھول بےنظیِر، اکھّ پرتکھ روُپ درسائیندا۔ جوتی جوت سروُپ ہرِ، آپ اپنی کِرپا کر، ساچا حُکم اِک دِرڑائیندا۔ نام کہے میرا دُھر مِلاپ، کرنی اپنی آپ جنائیا۔ جُگ چؤکڑی سچّا جاپ، جو سَتگُر دئے سمجھائیا۔ کرم کرم دا میٹے پاپ، جنم جنم دا لیکھ مُکائیا۔ آتم وسے سدا ساتھ، پرماتم رنگ رنگائیا۔ ایہو دُھر دی سچّی دات، جن بھگتاں جھولی پائیا۔ ایہو ہرِ دی کرامات، جو بھگتاں دئے سمجھائیا۔ جوتی جوت سروُپ ہرِ، آپ اپنی کِرپا کر، سچ آسا پوُر وکھائیا۔ نام کہے میَں راجن راجا، شہنشاہ اکھوائیندا۔ جُگ چؤکڑی رچ رچ کاجا، کرنی کرتا آپ سمجھائیندا۔ بھگتاں دے کے سچّا داجا، سنتاں جھولی آپ بھرائیندا۔ گُرمکُھاں وجاواں اگمّی واجا، ناد دُھن شنوائیندا۔ گُرسِکھاں رکھاں سدا لاجا، اندر باہر ویکھ وکھائیندا۔ جوتی جوت سروُپ ہرِ، آپ اپنی کِرپا کر، سچ سیوا اِک سمجھائیندا۔ نام کہے میَں سیوادار، ساچی سیو کمائیا۔ گُرمکُھاں کراں خبردار، جُگ سوئے آپ جگائیا۔ اُٹھو ویکھو نیتر کھول کرو دیِدار، درس دیوے بےپرواہیِا۔ جِس دا سچ سچّا دربار، درگاہ بَیٹھا ڈیرہ لائیا۔ جِس دا حُکم ورتے جُگ چار، سَتجُگ تریتا دواپرکلجُگ بَیٹھا سیِس جھُکائیا۔ جِس نوُں نمو نمو کرن گُروُ اوتار، نیتر نَین نَین شرمائیا۔ جِس دا پیِر پَیغمبر برخوردار، بالک نڈھّا روُپ وٹائیا۔ جِس

دی منزل پندھ نہ مکُے وِچ سنسار، رہبر راہ سکے نہ کوئے جنائیا۔ جوتی جوت سروُپ ہرِ، آپ اپنی کِرپا کر، بھیوَ ابھید آپ کھُلائیا۔ نام کہے میرا اولّڑا بھید، ابھیدی روُپ وٹائیا۔ میری صِفت کرن چار وید، شاستر سِمرت نال مِلائیا۔ گیِتا گیان کھیلے کھیڈ، میری اِکو اوٹ تکائیا۔ انجیل قرآن مانن سیج، بالے نڈھےّ ہو کے ڈیرہ لائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے جنائیا۔ نام کہے سُنو سچ سندیسہ، دُھر دی کہانی سچ سُنائیا۔ آد جُگادی میرا پیشہ، پُرکھ اکال دِتا بنائیا۔ ویکھ وکھاواں لوک پرلوک دیس پردیساں، برہمنڈاں کھنڈاں پھیرا پائیا۔ نِرگُن سرگُن دیواں بھیتا، پڑدا اوہلا آپ چُکائیا۔ جوتی جوت سروُپ ہرِ، آپ اپنی کِرپا کر، سچ دئے وڈیائیا۔ نام کہے میرا ناؤں نِرنکار، نام اِکو روُپ سمائیا۔ صِفت صلاحِی سدا باہر، کاغذ قلم شاہی بند نہ کوئے کرائیا۔ گُر اوتار پیِر پَیغمبر جِس دا بولدے گئے جَیکار، ہوُ ہوُ نعرہ ناد سُنائیا۔ حرفاں وِچ کردے گئے گُفتار، اکھّراں وِچ کری پڑھائیا۔ جوتی جوت سروُپ ہرِ، آپ اپنی کِرپا کر، کھیل اگمّڑی آپ رچائیا۔ نام کہے میرا کھیل اگمّ، اگمّڑی کار کمائیندا۔ نہ مراں نہ پَواں جمّ، جیِون مرن نہ کوئے رکھائیندا۔ نِت نوِت کراں اپنا کمّ، کرنی کرتے کولوں جھولی پائیندا۔ سنت سُہیلے ویکھ جن، بھانڈا بھرم بھؤ بھنائیندا۔ کر پیار کایا ماٹی تن، گھر مندر اِک سُہائیندا۔ سِکھیا دے کے ساچی من، من کا منکا آپ بھوائیندا۔ چرن پریِتی سَتگُر ناتا بنھ، دُھر سنجوگی روُپ وٹائیندا ۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ نام کہے میَں سدا سَت، سَت سَت میری وڈیائیا۔ میری سِکھیا برہم مت، گُرمت اِکو روُپ وٹائیا۔ میرا کھیل نِج نیتر اکھّ، دوئے لوچن بند وکھائیا۔ میرا گھر وِچ گھر ساچا حق ، دسم دواری ڈیرہ لائیا۔ میرا مندر نِرالا سب توں اڈّ، جوتی جوت جوت رُشنائیا۔ میرا کھیل سنگ پُرکھ سمرتھ، شاہ پاتشاہ دیونہار وڈیائیا۔ جوتی جوت سروُپ ہرِ، آپ اپنی کِرپا کر، دُھر دی بنت آپ سمجھائیا۔ نام کہے میری ساچی بنت، سو سَتگُر آپ بنائیندا۔ بھیوَ کھُلائے ساچے سنت، جِس اپنا میل مِلائیندا۔ سمجھ نہ پائے کوئی پنڈت، جگت وِدیا سرب بُھلائیندا۔ سچ پریم دُھر دی شکت، مستک لیکھ آپ وکھائیندا۔ جِس دا فِقرہ اِکو فقط، فیَصلہ حق سُنائیندا۔ سو وڈیائی دیوے جگت، جگ جیِون داتا آپ اکھوائیندا۔ جوتی جوت سروُپ ہرِ، آپ اپنی کِرپا کر، سچّا نام آپ سمجھائیندا۔ نام کہے میرا پِتا سو، دیونہار وڈیائیا۔ سچ پرکاش کر کے لو، میرا پڑدا دِتا چُکائیا۔ ہنگ برہم آپے ہو، ناتا جوڑیا سہج سُبھائیا۔ جوتی جوت سروُپ ہرِ، آپ اپنی کِرپا

کر، جگ ساچی بنت بنائیا۔ نام کہے میَں سَت سمایا، دوُجا روُپ نظر کوئے نہ آئیا۔ کلجُگ انتم ویس وٹایا، پربھ دِتی مان وڈیائیا۔ جِس نوُں گُر اوتاراں اندرے اندر گایا، باہر کری نہ کوئے پڑھائیا۔ تِس دا جندر سَت پُرکھ نِرنجن آن کھُلایا، مِہر نظر نَین اُٹھائیا۔ پرگٹ کر کے مات ترایا، ہر گھٹ دئے سمجھائیا۔ سمرتھ ہو کے کھیل کھِلایا، اکتھ اکتھنی دئے وڈیائیا۔ نِرگُن ہو کے رتھ چلایا، سرگُن پندھ مُکائیا۔ وس ہو کے واسطہ پایا، آہستہ آہستہ پڑدا رہیا اُٹھائیا۔ نسّ نسّ کے پندھ مُکایا، نوَ نؤ چار لیکھے لائیا۔ سوُرا سربنگ ہو کے دَیا کمایا، سچ مردنگ اِک سُنائیا۔ برہمنڈاں کھنڈاں چرناں ہیٹھ دبایا، پُری لوء سیِس نہ کوئے اُٹھائیا۔ ساچا رنگ اِک رنگایا، رنگ رنگیِلا ویکھ وکھائیا، دُھر دا انند اِک پرگٹایا، جن بھگتاں دِتا سمجھائیا۔ ساچا سوہلا سوہنگ چھند آپے گایا، کلجُگ سَتجُگ شبد وِچولا نام بنائیا۔ پرمانند وِچ سمایا، انند روُپ سمائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ نام کہے میَں ہویا پرگٹ، کلجُگ دِتی مان وڈیائیا۔ کِرپا کرے سوامی جو وسیا ہر گھٹ، گرِہ گرِہ بَیٹھا سوبھا پائیا۔ نام نگارے لائے سٹّ، میرا دُھر دا تال بنائیا۔ جن بھگتاں سچ سندیشہ دے کے دِتا دسّ، دہ دِشا پندھ مُکائیا۔ سو میَنوُں گاؤندے ہسّ ہسّ، سوہنگ ہنسا روُپ وٹائیا۔ میَں انتر انتر جاواں وس، جگت بسنتر دیاں بُجھائیا۔ تیِر نِرالا ماراں کس، انیالا آپ چلائیا۔ کوُڑی کِریا کھیڑا جائے ڈھٹھ، ساچے مندر ہوئے رُشنائیا۔ اوتھے اِکو دھار چلے اجپا جپ، رسنا جِہوا نہ کوئے ہِلائیا۔ جوتی جوت سروُپ ہرِ، آپ اپنی کِرپا کر، سچ دِتی مان وڈیائیا۔ نام کہے میَں سوہنگ ہویا، ہوکا دے دے رہیا جنائیا۔ نہ جنما نہ کدے مویا، مر کے جیِوت روُپ وٹائیا۔ آلس نِندرا وِچ کدے نہ سویا، سوئے سجّن لَواں اُٹھائیا۔ ہنجھوُ کیر کدے نہ رویا، دُکھیاں درد لَواں ونڈائیا۔ لےَ کے آیا دُھر دا ڈھوآ، سچ سندیسہ اِک سُنائیا۔ ویکھو پرکاش ساچا ہوآ، دو جہان ڈگمگائیا۔ پُرکھ اکال نَواں نروآ، نِرگُن نِرویَر ویس وٹائیا۔ جِس نے بیِج میرا گھر گھر بوآ، پُھل پُھلواڑی اِک مہکائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ نام کہے میَں ہوواں اُتپت، پت پرمیشور دَیا کمائیندا۔ پُرکھ اکال میری سُہائے رُت، سِر میرے ہتّھ ٹِکائیندا ۔ نہ کوئی کایا نہ کوئی بُت، پنج تت نہ کوئے جنائیندا۔ کِرپا نِدھان ٹھاکر ہوئے خوش، جِس ویلے اپنی صِفت سُنائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ ساچا نام کہے میَں حُکمے اندر، منزل پندھ مُکائیا۔ جن بھگت کایا سوہنا مندر، بنک دوار سُہائیا۔ بھاگ لگا

کے ڈوُنگھی کندر، سچ سِنگھاسن ویکھ وکھائیا۔ دُئی دوَیتی شرع شرائطی توڑ کے جندر، زِندگی زِندگی دیاں بدلائیا۔ ہون حیَران وِشن برہما شِو اِندر، گُر اوتار پیِر پَیغمبر اکھّ کھُلائیا۔ جوتی جوت سروُپ ہرِ، آپ اپنی کِرپا کر، سچّا نام اِک پرگٹائیا۔ ساچا نام کہے میَں پربھ دا مِتر، دُھر دا میلا سہج سُبھائیا۔ میرا کھیل سدا بچِتر، دو جہاناں آپ وکھائیا۔ میرا نقش نقشہ نگار سکے کوئی نہ چِتر، ساکار روُپ نہ کوئے سمجھائیا۔ میرا پُرکھ اکال اِکو پِتر، پت پرمیشور بےپرواہیِا۔ اُس دی دھاروں آواں نِکل، دُھن ناد ناد شنوائیا۔ جِس دا سارے کرن ذِکر، رسنا جِہوا رہے سُنائیا۔ جِس دا لیکھ لِکھاری فِقرہ بناؤندے وِچ فِکر، اکھّراں جوڑ جُڑائیا۔ جوتی جوت سروُپ ہرِ، آپ اپنی کِرپا کر، میرا کھیل اپنے ہتّھ رکھیا بےپرواہیِا۔ نام کہے میَں بےپرواہ، بےپرواہی وِچ سمائیندا۔ سَتجُگ تریتا دواپرکلجُگ بناں ملاح، کھیوٹ کھیٹا ہو کے بیڑا اپنے کندھ اُٹھائیندا۔ شبدی ہو کے دیواں صلاح، اکھّری ہو کے لیکھ لِکھائیندا۔ وکھّرا ہو کے بَیٹھاں مکُھ چُھپا، نظر کِسے نہ آئیندا۔ کلجُگ انتم پربھ کِرپا کیِتی آ، آپ اپنے سنگ لیائیندا۔ ناتا جوڑ سہج سُبھا، سوہنی بنت مات بنائیندا۔ تُوں میرا میَں تیرا ڈھولا گا، ناتا اپنے نال جُڑائیندا۔ جن بھگتاں دِتا سمجھا، سوہنگ روُپ سَت سروُپ پُرکھ اکال آتم پرماتم اپنا بھیو چُکائیندا۔ جوتی جوت سروُپ ہرِ، آپ اپنی کِرپا کر، آپ اپنے رنگ رنگائیندا۔ سوہنگ کہے میَں نام سَت، ہرِ سَتگُر شبد بنائیا۔ ہّڈ ماس نہ ناڑی رت، لہوُ مِجھّ نہ جوڑ جُڑائیا۔ من واسنا نہ کوئی چِت، بُدھ مت نہ کوئے وکھائیا۔ جوتی جوت سروُپ ہرِ، آپ اپنی کِرپا کر، میرا مارگ اِک لگائیا۔ نام کہے میرا مارگ ایک، آد جُگاد دیاں سمجھائیا۔ سِری بھگوان رکھنی ٹیک، دُھر دا اِشٹ نوُر خُدائیا۔ جو گُر اوتاراں پیِر پَیغمبراں دیوے بھیج، بالے نڈھےّ روُپ وکھائیا۔ جُگ چؤکڑی اکھّری دے سندیش، لکّھ چؤراسی کرے پڑھائیا۔ انتم سب نوُں لےَ کے جائے اپنے دیس، لوکمات رہن کوئے نہ پائیا۔ انتم سجدہ کرکے جان آدیس، نِیوں نِیوں سیِس جھُکائیا۔ سچ دوارا جِس ویلے لَین پیکھ، بِن نیتر نَین اکھّ کھُلائیا۔ سارے کہن تُوں پاربرہم نر نریش، نرائن تیری وڈیائیا۔ تیرے حُکمے اندر آئے کھیڈ، لوکمات پھیرا پائیا۔ تیرا شبد سندیشہ چاروں کُنٹ دِتا بھیج، حُکمی حُکم اِک منائیا۔ جوتی جوت سروُپ ہرِ، آپ اپنی کِرپا کر، مِہر نظر لَینی اُٹھائیا۔ مِہر نظر تکّے بھگوَنت، ہرِ کرتا دَیا کمائیندا۔ ویکھو کھیل اگلا انت، بےانت آپ دِرڑائیندا۔ ساچا سچ سُنائے منت، منتوَ سب دا حل کرائیندا۔ جوتی جوت سروُپ ہرِ، آپ اپنی کِرپا کر، ساچی کل آپ ورتائیندا۔ گُر

اوتار اَگے لؤ تکّ، پِچھلا پندھ مُکائیا۔ کَون روُپ پُرکھ سمرتھ، سچ سِنگھاسن سوبھا پائیا۔ کَون مارگ رہیا دسّ، رہبر ہو کے رہیا سمجھائیا۔ کَون دیوے اگمّی رس، رس اپنا اِک چوائیا۔ کَون ہر گھٹ رہیا وس، گرِہ گرِہ سوبھا پائیا۔ کَون نام کرے پرگٹ، کرے سچ پڑھائیا۔ کَون بوُند کَون رَکت، کَون تتَو تت کرے کُڑمائیا۔ کَون من بُدھ مت، کَون سِکھیا دئے سمجھائیا۔ کَون پوُری کرے آس، کَون ترِسنا رہیا ودھائیا۔ کَون پَون دیوے سواس، کَون ساہ ساہ سمائیا۔ کَون جوت کرے پرکاش، کَون بَیٹھا ڈیرہ لائیا۔ کَون روُپ پُرکھ ابناش، کَون لکّھ چؤراسی جوتی جوت کرے رُشنائیا۔ کَون کرے بند خلاص، بندی خانہ آپ تُڑائیا۔ کَون پوُجا کَون پاٹھ، کَون وِدیا رہیا دِرڑائیا۔ گُر اوتار پیِر پَیغمبر دوئے جوڑ ہاتھ، ڈھیہہ ڈھیہہ پئے سرنائیا۔ سِری بھگوان اِکو وار دِتا آکھ، سچّا سوہلا سچ سُنائیا۔ نیتر کھول کرو جاچ، پربھ پڑدا رہیا اُٹھائیا۔ سَت سروُپ پُرکھ ابناش، جوت پرکاش اِک پرگٹائیا۔ جِس دا لکّھ چؤراسی سدا دھرواس، سو سوہنگ روُپ اپنا آپ وکھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، سچّا نام اِک وکھائیا۔ سچّا نام سوہنگ پرسِدھ، صِدق صبوُری نال نِبھائیندا۔ آتم پرماتم کر کے دُھر دی بِدھ، ناتا بِدھاتا جوڑ جُڑائیندا۔ گُرمکُھ گُرسِکھ کرے کوئی نہ ضِد، لکّھ چؤراسی بھرم بُھلائیندا۔ من مکُھتا وستوُ جھولی پائے نِند، ہرجن ساچے رنگ چڑھائیندا۔ ساچا نام دیونہارا گُنی گہِند، گہر گمبھیِر ویکھ وکھائیندا۔ بھاگ لگائے جیؤ پِنڈ، اِنڈ برہمنڈ دَیا کمائیندا۔ بخشے دھار امرت سِندھ، ساگر اپنی لہر پرگٹائیندا۔ جوتی جوت سروُپ ہرِ، آپ اپنی کِرپا کر، سَتجُگ ساچا راہ وکھائیندا۔ سوہنگ نام چلے جُگ سَت، سَت سَتوادی آپ چلائیا۔ کلجُگ گُرمکُھ ورلیاں کھولے اکّھ ، جِنہاں آخر اپنا گھر وکھائیا۔ باقی لکّھ چؤراسی لکّھوں ہوئی ککّھ، اَگے قیمت کوئے نہ پائیا۔ کوُڑی کِریا وِکی ہٹّ، رائے دھرم دئے سزائیا۔ سنت سُہیلے گُرمکُھ گُرسِکھ انتر آتم اِکو نام رہے رٹ، رٹّا مکُے جگت لوکائیا۔ جِنہاں پرم پُرکھ پرماتم اپنا نام دیوے دسّ، سو دہ دِشا خوشی منائیا۔ سَتگُر پِچھوں رسنا جِہوا اکھّراں والا نام سارے رہے رٹ، گھر گھر ڈھولا گائیا۔ پر ایہو جیہا گُرمکُھاں پھیر نہیں چڑھدا رنگ، جو حاضر حضوُر ہو کے دئے چڑھائیا۔ راتی سُتّیاں دِنے جاگدیاں کایا مندر اندر لنگھ، سوئی سُرتی لئے اُٹھائیا۔ پریم پیار دا دے کے انند، رس اِکو اِک وکھائیا۔ چرن پریِتی ناتا گنڈھ، اگلا پندھ دئے چُکائیا۔ جِنہاں گُرمکُھاں گُرسِکھاں جن بھگتاں سوہنگ گایا چھند، تِنہاں اندیشہ اَگے رہیا نہ رائیا۔

۲۲ جیٹھ ۲۰۲۱ بِکرمی پُھمن سِنگھ دے گرِہ پِنڈ جھنڈے

نام کہے میَں سیوک پِر دا، پرم پُرکھ پربھ سیو کمائیا۔ جُگ چؤکڑی رہیا پِھردا، پِھرت پِھرت اپنا پندھ مُکائیا۔ مارگ دسّدا رہیا چِر دا، جُگ چؤکڑی راہ وکھائیا۔ لکّھ چؤراسی ویکھدا رہیا گیڑا گِڑدا، نِت نوِت اُلٹی لٹّھ بھوائیا۔ سادھ سنت چوٹی چڑھدا ویکھیا ڈِگدا، سمبھل سکے کوئی نہ رائیا۔ جیِو جنت ویکھیا گھِردا، جگت مایا گھیرا پائیا۔ مُلّا شیخ مسائک ویکھیا رِڑھدا، پاہن پاتھر ٹِکن کوئے نہ پائیا۔ کوٹاں وِچوں میَں ویکھاں گُرمکُھ ہِردا، آپ اپنی سیو کمائیا۔ جِتھے امرت سوما جھِردا، بوُند رِسک رِسک ٹپکائیا۔ اوس دواریوں کدے نہ مُڑدا، اندر وڑ وڑ خوشی منائیا۔ بھگت پریِتی نال جُڑدا، اپنا بندھن اِک رکھائیا۔ بھیوَ کھُلاواں پربھ ساچے دُھر دا، سچ سندیشہ دیواں چائیں چائنیا۔ راگ ناد روُپ میری سُر دا، تال تلواڑا ڈنک وجائیا۔ میرا پریم کدے نہ تُھڑدا، اتوٹ اتُٹ اِک وکھائیا۔ جوتی جوت سروُپ ہرِ، آپ اپنی کِرپا کر، میری سیوا اِک سمجھائیا۔ میری سیوا سچ وَیراگ، انتشکرن ویکھ وکھائیا۔ جن بھگتاں سندیسہ دیواں جاؤ جاگ، آلس نِندرا دوُر کرائیا۔ گھر دیِپک ویکھو چراغ، جوتی جاتا کرے رُشنائیا۔ جگت ترِسنا دیؤ تیاگ، ہؤمے روگ مِٹائیا۔ کوُڑی کِریا بُجھاؤ آگ، امرت میگھ رس چکھائیا۔ ہنس بنو کاگ، سوہنگ ڈھولا گائیا۔ جنم کرم دا دھووو داغ، دُرمت مَیل رہن کوئے نہ پائیا۔ ساچے بیڑے چڑھو جہاز، پتن لےَ کے آیا بےپرواہیِا۔ شبد سروُپی سچ رِواج، اگمّی کھیل رہیا کرائیا۔ جے پِچھےسُنی نہیں کِسے آواز، ہُن سُن لؤ دھیان لگائیا۔ جِس دا اُڈدا رہیا باز، بازی گر ہو کے سوانگ رچائیا۔ اُس دے سیِس سوہے تاج، جگدیِش دئے وڈیائیا۔ اوہ کرن آیا کاج، کرتا اپنا سنگ وکھائیا۔ پریم پریِتی دا سدا مُحتاج، دوُجی آس نہ کوئے رکھائیا۔ ایتھے اوتھے رکھے لاج، سِر اپنا ہتّھ ٹِکائیا۔ بھاگ لگایا دیس ماجھ، مجلس گھر گھر رہیا وکھائیا۔ جِس دے ہتّھ دو جہاناں واگ، لکّھ چؤراسی رہیا بھوائیا۔ سدا سُہیلا ہو کے دیوے ساتھ، سنگی ساتھی اِک اکھوائیا۔ نام نِدھان دسےّ گاتھ، انتر منتر رہیا پڑھائیا۔ ناؤں رکھ پُرکھ سمراتھ، کل کلکی ویس وٹائیا۔ پوُرب کدے نہ بُھلے یاد، اگلا لیکھا دئے سمجھائیا۔ غریِب نِمانیاں سُن فریاد، نِرگُن نِرویَر ویکھن آئیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ نام کہے میرا سُن لؤ ہوکا، حُکم نال سُنائیا۔ میَں پِھر کے آیا چؤداں لوکاں، چؤداں طبق خبر سُنائیا۔ وِشن برہما شِو جنایا اگمّی مؤقع، مُکمل دِتا آپ جنائیا۔ پُرکھ

ابناشی روُپ اگمّا دھاریا چھوٹا، وڈّا نِکاّ اپنا کھیل وکھائیا۔ کر پرکاش نِرالم جوتا، عالم دئے وڈیائیا۔ جِس نے اِک جنایا سچ سلوکا، سوہنگ کرے پڑھائیا۔ جن بھگتاں ناویں لگا کے دُھر دا کوٹھا، سچکھنڈ کُنڈا دِتا لاہیِا۔ مارگ دسّ اپنا سؤکھا، اؤکھا پندھ دِتا چُکائیا۔ جن بھگتاں نال کرے نہ دھوکھا، دھوکھے وِچ سرب لوکائیا۔ اوس پربھوُ دے نال کاہدا روسا، جو رُسیاں رہیا منائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا وکھائیا۔ نام کہے اُٹھو کھولو اکھّ، میَں سچ سچ دِرڑائیندا۔ پت پرمیشور ویکھو پرتکھ، نِرگُن نِرویَر نِراکار کھیل کھِلائیندا۔ سب دی جھولی پائے حق ، پوُرب لہنا ویکھ وکھائیندا۔ آد جُگاد دیندیاں کدے نہ جائے تھک، خوشیاں اپنا رنگ چڑھائیندا۔ بےمکُھ ہو نہ جاوے نٹھ، سنمکُھ اپنا درس کرائیندا۔ جو جنم کرم پوُرب پِچھےگئے چھڈ، تِنہاں اَگے ہو کے ویکھ وکھائیندا۔ ڈوُنگھی بھوَری باہر کڈھ، ساچے مندر آپ بہائیندا۔ پریم پریِتی کرے لڈ، سِر اپنا ہتّھ ٹِکائیندا۔ پوُجا پاٹھ دی چُکی حد، مِہر نظر نال ترائیندا۔ وِشَو بنا اپنی جدّ، وِشنوُں سیوا سچ کمائیندا۔ امرت جام پیا کے مد، مدُھر دُھن راگ سُنائیندا۔ جوتی جوت سروُپ ہرِ، آپ اپنی کِرپا کر، ساچا گھر اِک وسائیندا۔ نام کہے اُٹھو جن بھائی، ہرِ بھگتاں سچ سُنائیا۔ صاحِب سَت کرو کُڑمائی، سَتگُر بندھن رہیا پائیا۔ سُرت شبد لؤ مِلائی، گھر ملِے مان وڈیائیا۔ اِکو گھر وسے دھی جوائی، سؤہرے پیئیے اِکو روُپ نظری آئیا۔ گھڑی سُہنجنی صدی سدیِوی خوشی منائی، بیِس اِکیسا رنگ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ نام کہے اُٹھو جن بھگت قبیلہ، کامل پُرش دَیا کمائیندا۔ جِس دا میَں بندا رہیا وسیلہ، سو واستوَ اپنا گھر وکھائیندا۔ جِس نوُں کہِندے وسدا اُتے اَمبر نیِلا، سو دھرنی دھرت دھَول سوبھا پائیندا۔ ویلا وقت چُکیا جگت دلیِلاں، آتم انتر اِکو دھار وکھائیندا۔ صاحِب بن کے دانا بینا، دَیاوان دَیا کمائیندا۔ مِہربان ہو کے کرے ٹھانڈا سیِنہ، اگنی اگ بُجھائیندا۔ سرِشٹ سبائی واسطے بنیا آپ نابیِنا، جن بھگتاں خاطر دُھر دی اکھّ سدا کھُلائیندا۔ ساچے ہرجن آپ بنائے جگت نگیِنہ، موتی مانک روُپ وٹائیندا۔ کایا چولی چاڑھے رنگ بھیِنا، بِھنڑی رَین نال سمجھائیندا۔ آپ بن کے ادنیٰ ادھیِنا، سیوک ہو کے سیو کمائیندا۔ خالی کر مکّہ مدیِنہ، شاہ شؤقیِنا ویس وٹائیندا۔ جوتی جوت سروُپ ہرِ، آپ اپنی کِرپا کر، دُھر دا سنگ اِک بنائیندا۔ نام کہے آوو نٹھے، ہوکا دے دے رہیا جگائیا۔ بھگت سنت ہو کے اِکٹّھے، ساچا جس لَینا گائیا۔ نام پریِتی جاؤ رتے، رنگ ویکھو بےپرواہیِا۔ درس

کرو اپنی اکھےّ، پڑھن سُنن دی لوڑ رہے نہ رائیا۔ جِس دے شاستراں وِچوں سُندے رہے پتے، سو پت پرمیشور پھیرا پائیا۔ جِس نوُں لبھ لبھ سارے تھکّے، بن بن پاندھی راہیِا۔ جِس نوُں سجدہ کردے مدینے مکّے، مقبریاں وِچ دھیان لگائیا۔ جِس دی پوُجا شِودوالے مندر مٹھے، گُروُدوار دھیان لگائیا۔ سو صاحِب پُرکھ سمرتھے، سچ ساچی جوت کرے رُشنائیا۔ جن بھگتاں ہِردے اندر وسے، گھر مندر سوبھا پائیا۔ اوس دی صِفت جگت جیِو جہان کی دسےّ، دسّیاں سمجھ کِسے نہ آئیا۔ اوہ سمجھے جو پریم پیار اندر بھجےّ، پھاسی جم کی گلوں تُڑائیا۔ سرن سرنائی ساچی ڈھٹھے، ڈھیہہ ڈھیہہ خوشی منائیا۔ جنم کرم دے مِٹن رٹے، جھگڑا چُکےلوکائیا۔ سچّا لاہا سچ دا کھٹّے، کھٹّیاں وِچوں کھٹّی نام وست امولک جھولی پائیا۔ نام نِدھان دے کے جن بھگتاں بنائے اپنے بچےّ، بچّیاں وِچوں بچت اپنے کول رکھائیا۔ اگلا گھر اِکو دسےّ، جِس گھر وسے بےپرواہیِا۔ گُرمکُھو خوشیاں نال جاؤ نسّے، دو جہاناں پندھ مُکائیا۔ اوتھے پھیر اِکٹّھے دے اِکٹّھے، اَگے وِچھوڑا نظر کوئے نہ آئیا۔ مہاراج شیر سِنگھ وِشنوُں بھگوان، اپنی ہتھّیں پٹیداری دے لِکھوا کے پٹے، پروانے دُھر دے ہتّھ پھڑائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، ہرجن ساچے سچ وِچ سمائیا۔

۲۲ جیٹھ ۲۰۲۱ بِکرمی پریمی دیوی دے گرِہ جھنڈے

نام کہے میَں بھگتاں ساتھی، سگلا سنگ نِبھائیندا۔ من ہنکاری ڈھاہواں ہاتھی، مُنہ دے بھار سُٹائیندا۔ اُپر پا کے پاکھر کاٹھی، دُھر دا تنگ کسائیندا۔ گُرمکُھ چڑھن مار پلاکی، چرناں ہیٹھ دبائیندا۔ اَگے کھول کے سچّی تاکی، در دوارا اِک وکھائیندا۔ جِتھے امرت بوُند ملِے سوانتی، نِجھر جھِرنا آپ جھِرائیندا۔ ہووے پرکاش بِن دیِا باتی، جوتی جوت ڈگمگائیندا۔ میل مِلاواں کملاپاتی، گھر ساچا اِک سُہائیندا۔ جِنہاں گُرمکُھاں منّی میری آکھی، تِنہاں آخر اوسے گھر بہائیندا۔ جوتی جوت سروُپ ہرِ، آپ اپنی کِرپا کر، سچّا دیناں دُھر دا ور، ہرجن ساچے سنگ نِبھائیندا۔ جن بھگتو میَں تُہاڈا سنگی، سچّا نام رہیا سمجھائیا۔ دیاں وست مُنہوں منگی، جو ہِردے ہرِ ہرِ رہے دِھیائیا۔

انگیکار بن کے لاواں انگی، آپ اپنے انگ لگائیا۔ لوکمات کنڈ ہون نہ دیواں ننگی ،سِر اپنا ہتّھ ٹِکائیا۔ کرماں کانڈاں والی چُکےتنگی، کھُلا دست وکھائیا۔ بھنڈی پئے نہ وِچ وربھنڈی، سِدھا مارگ دیاں جنائیا۔ اکھّ رہے نہ کوئی اندھی، گُرمکُھ نیتر نوُر نوُر رُشنائیا۔ کوُڑی واسنا رہے نہ گندی، سچ سُگندھی دیاں بھرائیا۔ گیِت سُنا کے اپنا چھندی، پرم پُرکھ نال مِلائیا۔ گُرسِکھ ناری کوئی نہ دِسے رنڈی، جگت سُہاگن روُپ وٹائیا۔ خانہ توڑ کے اگلا بندی، بندگی ساچی دیاں سمجھائیا۔ جوتی جوت سروُپ ہرِ، آپ اپنی کِرپا کر، میری سیوا اِک وکھائیا۔ نام کہے میَں دیواں سدّا، صدقے واری گھولی گھول گھُمائیندا۔ پار کر کے جگت حدا، حدوُد بھگتاں ویکھ وکھائیندا۔ گُن نِدھان دا پھڑا کے ڈگّا، سوہنا ناد وجائیندا۔ آؤ سب دا سواراں اگّا، پِچھلا لیکھ مُکائیندا۔ شبدی دھار وکھاواں اسوَ بّگا، شاہ سوارا اُتے سوبھا پائیندا۔ جِس دا دیِپک اِکو جگا، جاگرت جوت نوُر رُشنائیندا۔ اوس دے پریم پیار دا ویکھو مزہ، بِن رسنا جِہوا چکھائیندا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک الائیندا۔ نام کہے میَں چؤکیدار، ہوکا دے دے سرب جگائیا۔ گُرمکُھ ہووو خبردار، بےخبر خبر پُچائیا۔ جُگ چؤکڑی پِچھوں مِلیا سانجھا یار، سگلا سنگ نِبھائیا۔ جِس دا تُٹ نہ جائے پیار، پِچھا دے نہ مکُھ بھوائیا۔ اَگے پِچھےبخشے سچ پیار، رُت سُہنجنی نال مِلائیا۔ تُسیں اوس دی کھِڑی گُلزار، جِس گُلشن بوُٹا دِتا لگائیا۔ سو ویکھنہارا ویکھے وِچ سنسار، وڈ سنساری پھیرا پائیا۔ جُگ چؤکڑی بیِتے اِک دو تِنّ چار، چؤتھا جُگ خوشی منائیا۔ نیتر کھول کرو دیِدار، نَین نَیناں نال بِگسائیا۔ جوتی جوت سروُپ ہرِ، آپ اپنی کِرپا کر، مِہربان کھیل کھِلائیا۔ نام کہے کِیوں کلجُگ سُتے، سُتّیاں رَین وِہائیا۔ بِن پُرکھ اکال کوئی نہ پُچھے، پُچھاں دے دے تھکّی سرب لوکائیا۔ گُر اوتار پیِر پَیغمبر سب دے نالوں رُٹھے، بَیٹھے مکُھ بھوائیا۔ سِری بھگوان کرکے اپنی گُٹھے، اِکٹھیاں دِتا سمجھائیا۔ سارے اپنے موُدھے کر دیؤ ٹھوُٹھے، سچ وست میری میری جھولی پائیا۔ منمکُھ جیِو جو مایا اندر بھوُتے، بھوُت پریت بَیتال روُپ وٹائیا۔ روُح پِھرن بِنا بُت جوُہ دے، جنگل جوُہ اُجاڑ پہاڑ دین دُہائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا کرائیا۔ نام کہے میری ویکھو حالت، ہلت پلت دی دیاں سمجھائیا۔ کلجُگ جیِوو انت چھّڈو جہالت، ظاہر ظہوُر پھیرا پائیا۔ جِس دی اکھّراں نال لِکھی گئی عبارت، کلمیاں نال کری پڑھائیا۔ جِس دی گُر اوتار پیِر پَیغمبر کرن سفارش، سفارشی ہو کے سیو کمائیا۔ سو صاحِب سَتگُر نِرگُن

نِرویَر نِراکار ہو کے آیا خالص، خالص خالص دئے جنائیا۔ نِندرا نیِند مِٹاؤ آلس، جگت دوار ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، سچّا لیکھا لیکھے پائیا۔ نام کہے اُٹھو بھجّو، بھجّ بھجّ پندھ مُکائیا۔ اوس صاحِب دی سرنی لّگو، جو گھر گھر بَیٹھا ڈیرہ لائیا۔ مان ابِھمان دوویں تجو، ممتا موہ سنگ نہ کوئے رکھائیا۔ پریم پریِتی اندر اَگے ودھو، اپنا قدم چُکائیا۔ پریم پیار کر کے اپنے گھر سدّو، گھر تُہاڈا کایا بنک نظری آئیا۔ اپنا بھار اوسے دے کندھے لدّو، جِس تُہاڈی بنت بنائیا۔ جوتی جوت سروُپ ہرِ، آپ اپنی کِرپا کر، اپنا رنگ دئے رنگائیا۔ نام کہے کی رہی سوچ، سمجھ چلے نہ کوئے وڈیائیا۔ ایتھے کِسے دی نہیں کوئی پہُنچ، پاندھی بن کے پندھ نہ کوئے مُکائیا۔ جِنہاں پربھ مِلن دا رکھیا اِکو شؤق، شہنشاہ تِنہاں آپ ویکھے آ کے چائیں چائنیا۔ تِنہاں لیکھا چُکیا لوک پرلوک، ساچی خوشی وکھائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ہرجن ساچے ساچے لیکھے رہیا پائیا۔

۲۲ جیٹھ ۲۰۲۱ بِکرمی رسال سِنگھ دے گرِہ مناور

نام کہے میَں ہرِ کا پُتر، پِتا پُرکھ اکال اکھوائیندا۔ ساچی دھاروں آواں اُتر، نِرویَر روُپ وٹائیندا۔ سچّی گودی بہواں کُچھڑ، سوہنا بنک سُہائیندا۔ دِوس رَین آد جُگاد کراں شُکر، جو میری بنت بنائیندا۔ اوس دے حُکمے اندر لُک جاواں ڈوُنگھی نُکر، جگت نیتر نظر نہ آئیندا۔ لکّھ چؤراسی کولوں جاواں مُکر، ساچا بھیوَ نہ کِسے سمجھائیندا۔ جوتی جوت سروُپ ہرِ، آپ اپنی کِرپا کر، میرا میَں کھیل وکھائیندا۔ نام کہے میَں پربھ دی گودی، سچ سِنگھاسن ڈیرہ لائیا۔ جُگ چؤکڑی میرے کھوجی، گُر اوتار بھجّن واہو داہیِا۔ گیانی دھیانی وڈّے بودھی، بودھ نال رہے سمجھائیا۔ ساچی کِسے نہ آئی سوجھی، سُدھ سِدھ نہ کوئے کرائیا۔ ورن برن بن کے روگی، ہؤمے ہوکا دین دُہائیا۔ رسنا گاؤندے جِہوا لوکی، بتّی دند کوُک سُنائیا۔ صِفت کردی اکھّر کاغذاں نال پوتھی، پُستک رہی وڈیائیا۔ میری ہتّھ نہ آئی کِسے چوٹی، منزل سکے نہ کوئے وکھائیا۔ جوتی جوت سروُپ ہرِ، آپ اپنی کِرپا کر، میرا میَں رنگ رنگائیا۔ نام کہے میَں پربھ دی جھولی، سوہنا بَیٹھا آسن لائیا۔ اُس دے کولوں سِکھاں اگمّی بولی، جِس دی سمجھ کِسے نہ پائیا۔ جُگ چؤکڑی دسّاں ہؤلی ہؤلی، ساچے بھگتاں نال مِلائیا۔ نال

رلا کے انحد ڈھولی، ساچا ڈنکا دیاں وجائیا۔ سُرت سوانی کر کے گولی، رمز اِشارے نال اُٹھائیا۔ بُدھ بِبیک اپنے رنگ مؤلی، محُبّت ساچی دیواں دِرڑائیا۔ اُلٹی کر کے نابھ کَولی، امرت جھِرنا دیاں جھِرائیا۔ دھار وکھا کے ساول سؤلی، جوتی نوُر کراں رُشنائیا۔ جوتی جوت سروُپ ہرِ، آپ اپنی کِرپا کر، موہے دِتی مان وڈیائیا۔ نام کہے میَں پربھ دے گھر، گھر گھر وِچ ڈیرہ لائیندا۔ پُرکھ ابناشی دِتا ور، مِہر نظر اُٹھائیندا۔ سچ دوارے ویکھاں کھڑ، دو جہاناں راہ تکائیندا۔ دُھر اگمّی چوٹی چڑھ، سوہنا آسن لائیندا۔ جُگ چؤکڑی نِرویَر نِراکار روُپ دھر، انوُپ کھیل کھِلائیندا۔ سنت سُہیلے لَواں ور، گُرمکُھ آپ جگائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک وکھائیندا۔ نام کہے پربھ میرا میِت، میَں اوسدی سیو کمائیا۔ سَت سَتوادی جِس دی ریِت، شبد انادی راگ سُنائیا۔ جِس دا لیکھا ہست کیِٹ، ہر گھٹ ڈیرہ لائیا۔ آتم پرماتم جِس دا گیِت، سوہنگ سچ سچ سمجھائیا۔ پریِتم ہو کے وسے چیِت، پیار وِچوں پیار لئے پرگٹائیا۔ داتا ہو کے دیوے بھیِکھ، بِھچھِیا اِک ورتائیا۔ لہنا دینا چُکائے اوُچ نیِچ، نیِچاں وِچوں نیِچ نیِکن نیِکا اپنا ناؤں پرگٹائیا۔ میری صِفت کردے کلمے وِچ حدیِث، کاغذ دین صفائیا۔ میَنوُں رسنا گاؤندی وِچ سنگیِت، ناداں وِچ وڈیائیا۔ میَنوُں دھیاؤندی لکّھ چؤراسی جیبھ، جِہوا خوشی منائیا۔ میرا کھیل عجب عجیب، بھیو کوئے نہ پائیا۔ سَتجُگ تریتا دواپرکلجُگ میری سارے دسّدے گئے ترکیب، طرح طرح سمجھائیا۔ مانَس منُکھ اپنے بناؤندے گئے نصیب، نِسبت اپنی آپ کڈھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا اپنے وِچ چُھپائیا۔ نام کہے میَں پربھ دا بچّہ، بچّیاں وانگ سیو کمائیا۔ آد جُگادی رہاں سچّا، جُگ جُگ جھوُٹھا کھیل نہ کوئے وکھائیا۔ اپنی کرنی رہاں پکاّ، کارج کراں چائیں چائنیا۔ ساچا مارگ سدا دسّاں، کراں سَت پڑھائیا۔ نوَ نؤ چار پِھراں نسّاں، بن کے پاندھی راہیِا۔ سیوک ہو کے کدے نہ تھکاّں، تھکاوٹ نیڑ کوئے نہ آئیا۔ جِتھے جن بھگتاں لگّے پتہ، پت پرمیشور رہے دِھیائیا۔ اوتھے میریاں لگّن اکھّاں، اکھّیں نال اکھّیں مِلائیا۔ اندر وڑ کے حال دسّاں، پڑدا آپ چُکائیا۔ خوشیاں وِچ نچّاں، سوہنا تال وجائیا۔ جوتی جوت سروُپ ہرِ، آپ اپنی کِرپا کر، دُھر دا حُکم دئے سمجھائیا۔ نام کہے میَں پربھ دا پیارا، پیاریاں وِچوں نظری آئیا۔ جِس نے لبھیا اِک سہارا، سو صاحِب میِتا اِک گوسائینا۔ جِس جانیا اِک کنارہ، پرم پُرکھ وڈّی سرنائیا۔ جِس بُلایا اِک جَیکارا، تُوں ہی تُوں راگ الائیا۔ جِس ماریا اِکو نعرہ، واحد نوُر خُدائیا۔ جِس کیِتا اِک اِشارہ، دو جہاناں دِتا سمجھائیا۔ جِس

سُنایا اِک نگارا، برہمنڈ کھنڈ اُٹھائیا۔ جِس بخشیا اِک ادھارا، لکّھ چؤراسی دئے وڈیائیا۔ جِس جنایا سرب پسارا، انڈج جیرج اُتبُھج سیتج ونڈ ونڈائیا۔ جِس دِرڑایا دُھر دربارا، پڑدا اوہلا دِتا چُکائیا۔ جِس شاستر سِمرت وید بنایا بن لِکھارا، کاتب ہو کے قلم چلائیا۔ جوتی جوت سروُپ ہرِ، آپ اپنی کِرپا کر، ساچی کرنی دِتی سمجھائیا۔ شبد کہے میَں پربھ دا نزدیِکی، نام اِکو اِک سمجھائیا۔ میری اوسے نال پریِتی، جو پریِتم بےپرواہیِا۔ اوس دا کھیل لاشریِکی، شرکت وِچ کدے نہ آئیا۔ اوہ لبھے نہ مندر مسیِتی، گھر گھر بَیٹھا ڈیرہ لائیا۔ اوس دی کھیل نیِکن نیِکی، جگت بھگتی گئی سمجھائیا۔ کلجُگ یاد آئی کبیِرے والی چیِچی، جِس وِچ کنڈا دِتا چُبھائیا۔ جِس نے دسّی سچّی ریِتی، پڑدا اوہلا دِتا اُٹھائیا۔ اُس دی بھگت سدا باغیچی، پُھل پُھلواڑی مات مہکائیا۔ اوہناں دی اندروں باہروں صاف نیِتی، کوُڑی کِریا نیڑ نہ آئیا۔ ویکھن کھیل اِک انڈیِٹھی، اگمّڑی رچن رچائیا۔ چڑھیا رنگ سَت مجیٹھی، کایا چولی سوبھا پائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا وکھائیا۔ نام کہے میَں پربھ دا فقیِر، فقیِراں وِچوں نظری آئیا۔ میرا تت تن نہ کوئے سریر، مایا ونڈ نہ کوئے ونڈائیا۔ میرا من نہ ہوئے دِلگیِر، میری بُدھی نہ کوئے چتُرائیا۔ میَنوُں شرع نہ کوئے زنجیر، میری مذہب نہ کوئے لڑائیا۔ میری ذات پات نہ ورن برن میَں چوٹی چڑھاں اَخیِر، پڑدے اوہلے لُک کے آسن لائیا۔ میَں نِت نوِت جن بھگتاں ہوواں بغلگیِر، صوُفیاں دستگیِر اکھوائیا۔ میری صِفت دی چِٹے اُتے کالی پئے لکیِر، کاغذ قلم شاہی دئے گواہیِا۔ میرا کھیل بےنظیِر، جگ نظر کِسے نہ آئیا۔ میَں بدل دیواں تقدیِر، سچ تدبیِر آپ سمجھائیا۔ میَں اؤکڑ کٹّاں بھیِڑ، اؤجھڑ راہ نہ کوئے وکھائیا۔ میرے ہتّھ سچّی شمشیِر، تِکھی دھار رہیا جنائیا۔ جوتی جوت سروُپ ہرِ، آپ اپنی کِرپا کر، وڈ وڈّا دئے وڈیائیا۔ نام کہے میَں پربھ دی کراں بھال، کھوجت کھوجت دھیان لگائیا۔ سچکھنڈ نِواسی وسے سچّی دھرمسال، سچ گھر بَیٹھا ڈیرہ لائیا۔ میَنوُں تھِر گھر دِتا بہال، سوہنی بھوُمکا دِتی سمجھائیا۔ حُکمے اندر پھیر اُٹھال، سچّی سیو اِک درسائیا۔ تھاپنا دے کے اپنے لال، لالن رنگ دِتا چڑھائیا۔ میَں مار کے وڈّی چھال، لوکمات پھیرا پائیا۔ جُگ چؤکڑی کھیل کراں نِرال، اولّڑی چال وکھائیا۔ میرا نِرگُن دِسے اگمّڑا بول چال، گُر اوتاراں کر پڑھائیا۔ میرا مارگ اِک سُکھال، سُکھ ساگر روُپ نظری آئیا۔ جن بھگتاں بن دلال، سؤدا ونج ساچے ہٹّ وکھائیا۔ لیکھا مُکا کے شاہ کنگال، آتم پرماتم بوُجھ بُجھائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِکو اِک درسائیا۔ نام کہے میَں دساں

کہانی، مہما اکتھ کتھ سمجھائیا۔ میری صِفت چارے بانی، پرا پسنتی مدھم بَیکھری رہی گائیا۔ میرا کھیل دو جہانی، نِرگُن سرگُن دھار چلائیا۔ میرا رس امرت پانی، سر سروور روُپ وٹائیا۔ میرا بھگت سچّی نِشانی، لوکمات کرے رُشنائیا۔ جوتی جوت سروُپ ہرِ، آپ اپنی کِرپا کر، ساچا لیکھا رہیا چُکائیا۔ نام کہے میَں بھگوَن وِچولا، وِچھڑیاں میل کرائیندا۔ میرا کِسے وِرلے گُرمکُھ سمجھ آوے سوہلا، جِس سوہنا اپنے رنگ رنگائیندا۔ اندر وڑ چُکاواں پڑدا اوہلا، بجر کپاٹی کُنڈا لاہِندا۔ من منوُا نہ پاوے رؤلا، ہؤمے ہنگتا گڑھ تُڑائیندا۔ اِک جنا سچّا ڈھولا، سُرت سوانی پھڑ اُٹھائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ نام کہے پربھ حُکم ورتنتا، سَت سَتوادی آپ جنائیا۔ جُگ چؤکڑی کھیل کھلنتا، خالق خلق بےپرواہیِا۔ ساچی سیوا اِک لگنتا، دُھر دی دھار بندھائیا۔ جا کے مِل ساچے سنتاں، جو سَت سروُپ سمائیا۔ بھگت دوارے جا کے کر مِنتاں، ہرجن لےَ مِلائیا۔ جوتی جوت سروُپ ہرِ، آپ اپنی کِرپا کر، میری سیوا اِک لگائیا۔ نام کہے میَں پربھ دے کہنے، آیا واہو داہیِا۔ جن بھگت ویکھاں اپنے نَینے، نِج نیتر نَین اُٹھائیا۔ جِنہاں پریم پیار دے شبد پائے گہنے، تن سوہنا سنگاروکھائیا۔ سچ دوارے گھر ساچے بہنے، اپنا رنگ وکھائیا۔ کوٹن کوٹاں وِچوں تھوڑے رہنے، جِنہاں ہوئے آپ سہائیا۔ جیِو جنت کوُڑی کِریا کوُڑے وہن وہنے، کلجُگ لئے نہ کوئے بچائیا۔ نام کہے میَں کدی نہ سُناں ڈھولک چَھینے، تال راگ وِچ نہ رنگ وکھائیا۔ جو ہرجن ہربھگت پربھ شرنائی ڈھہنے، تِنہاں مِل مِل خوشی منائیا۔ اوتھے چُکاواں لہنے دینے، پِچھلا لیکھا جھولی پائیا۔ جوتی جوت سروُپ ہرِ، آپ اپنی کِرپا کر، میرا سچّا کھیل رہیا سمجھائیا۔ نام کہے میَں پربھ دے حُکم دی کراں تعمیِل، نِیوں نِیوں سیِس جھُکائیا۔ دوُجی مناں نہ کوئے دلیِل، اِکو کھیل بےپرواہیِا۔ سَتجُگ تریتا دواپرکلجُگ گُر اوتار پیِر پَیغمبر جِس دی پاؤندے رہے تعطیل، اگلا حُکم نال مِلائیا۔ جِس دی اَگے نؤ سؤ چُرانوے چؤکڑی دی اِکو وار اپیل، سچ سِنگھاسن بَیٹھا سوبھا پائیا۔ نام کہے میَں اُس دا بناں وکیِل، وُکلا ہو کے دیاں صفائیا۔ جِنہاں مِلیا جِس بستر پہنے نیِل، نیِلی دھاروں پار ڈیرہ لائیا۔ اُس دی اصلیّت سب دے نالوں اصیل، اصلیّت وِچ نوُر خُدائیا۔ اُس دی دھار سدا مہیِن، باریِکی وِچ تاریخ سکے نہ کوئے سمجھائیا۔ میَں ویکھیا، میَں تکّیا، میَں جانیا، میَں بُجھیا اوہ بھگتاں ہو کے ادھیِن، نِرگُن نِراکار اپنا ابِھمان نہ کوئے رکھائیا۔ اوہ ٹھنڈا ہو کے بھگتاں وسے سین، سچ ہِردے آپ سمائیا۔ جگت مِثال نہ کوئی جل میِن، وڈ پربیِن اپنی اگمّی کھیل

رچائیا۔ لیکھا چُکا کے نر مدیِن، گُرسِکھ اِکو روُپ سمجھائیا۔ اوہ درویش بن مسکیِن، گھر ساچے الکھ سُنائیا۔ جوتی جوت سروُپ ہرِ، آپ اپنی کِرپا کر، ہرجن سچّے لئے ترائیا۔ نام کہے پربھ میرا ٹھاکر، جِس ٹھوکر اِک لگائیا۔ جِس دا دو جہان گہر گمبھیِر ڈوُنگھا ساگر، پار کنارہ نظر کِسے نہ آئیا۔ گُر اوتاراں پیِر پَیغمبراں جُگ جُگ دیندا رہیا آدر سِر اپنا ہتّھ ٹِکائیا۔ سارے کہِندے گئے کریم قادر، قُدرت دا مالک بےپرواہیِا۔ جودھا سوُربیِر وڈ بہادر، شاہ پاتشاہ شہنشاہ اکھوائیا۔ سو کلجُگ انتم جن بھگتاں کرے کرم اُجاگر، نِرمل روُپ انوُپ وٹائیا۔ جوتی جوت سروُپ ہرِ، آپ اپنی کِرپا کر، سوہنی کھیل رہیا وکھائیا۔ نام کہے میَں پربھ دا ٹھگ، ٹھگی کرنا پربھوُ سِکھائیا۔ میَں جُگ جُگ ساچی سیج ویکھاں بھجّ، آتم انتر سوبھا پائیا۔ جِتھوں کوئی نہ لئے لبھ، اوتھے بَیٹھا آسن لائیا۔ کوٹن کوٹ مندر مسجد شِودوالیاں اندر میَنوُں رہے سدّ، اُچی کوُک کوُک رہے جنائیا۔ تٹ سروور تیِرتھاں اندر رہے لبھ، ڈوُنگھی بھَور تاریاں لائیا۔ اُچے ٹِلّے پربت رہے بھجّ، چوٹی چوٹی لبھن واہو داہیِا۔ چاروں کُنٹ وڈّے چھوٹے نِشانے رہے گڈّ، دعوہ بنھ کے رہے سُنائیا۔ اسیں پار کر کے ویکھی حد، کوُڑی کِریا نال رلائیا۔ سچّا نام کہے میَں سب توں اڈّ، گھر وکھّرا اِک بنائیا۔ جِس ویلے میرا صاحِب سَتگُر میَنوُں لَوے سدّ، میَں آواں چائیں چائنیا۔ نِرگُن نر نرائن نِرویَر نِراکار عدلی عدل عدالت کرے اوتھے جج، ظاہر ظہوُر بَیٹھا سوبھا پائیا۔ اوتھے قُدرتی اگمّی انوکھی واج جائے وجّ، کوٹاں وِچوں گُرمکُھ آپ اُٹھائیا۔ اوہ سب کُچھ پِچھلا دیوے چھڈ، اَگے اِک دھیان لگائیا۔ دھیان اندر کھُلے اکھّ، جِس اکھّ وِچوں بےپرواہ نظری آئیا۔ بےپرواہ دی چرنی جائے ڈھٹّھ، اپنا آپ مِٹائیا۔ نیتر رو دوئے جوڑ کے ہتّھ، بِن رسنا جِہوا دئے سُنائیا۔ جِؤں بھاوے تِؤں لَینا رکھ، پربھ تیری اوٹ تکائیا۔ نام کہے میَں اوس ویلے حاضر ہوواں سچ، بن وِچولا دیاں مِلائیا۔ ہؤلی جیہی دسّاں تُوں سوہنگ ڈھولا رٹ، رٹّا مکُے جگت لوکائیا۔ اَگے ویکھ پُرکھ سمرتھ، نِرگُن بَیٹھا جوت جگائیا۔ تیرا اوسے کولوں پوُرا ہونا حق ، دوُجا لہنا جھولی کوئی نہ پائیا۔ جن بھگت ساچی گودی بہے جھٹ، نِربھےَ ہو کے ڈیرہ لائیا۔ ساچا نام کہے بھگوان ایہہ بھگت تیری اکھّ، بِن بھگتاں تیرا نوُر نظر کِسے نہ آئیا۔ بِن اینہاں میَنوُں کوئی نہ لَوے رٹ، انتر آتم نہ کوئے دِھیائیا۔ تُوں اینہاں اندر گِؤں وس، ایہہ تیرے گھر آئے چائیں چائنیا۔ اینہاں نوُں اوتھے جا کے رکّھ، جِس گھر بَیٹھا ڈیرہ لائیا۔ ابناشی کرتا پیا ہسّ، خوشیاں نال سمجھائیا۔ نہ کوئی سوُرج چند رَو سس، منڈل منڈپ نظر کوئے نہ آئیا۔ اِکو نِرگُن نوُر

جوت میرا پرکاش، نوُرو نوُر نوُر وکھائیا۔ اوسے وِچ اینہاں دی مِل جائے شاخ، شناخت کرن والا نظر کوئے نہ آئیا۔ جِس ویلے لوکمات میری پھیر ہوئے خواہش، نِرگُن دھار وِچوں لَواں پرگٹائیا۔ ایہہ نام سچ تیَنوُں دسّ جاچ، بھگتاں دِتا سمجھائیا۔ زبان نال، اکھّراں نال، جِہوا نال، دنداں نال کوئی نہ سکے واچ، اندر وڑ کے پریم لگائیا۔ اِکو تیَنوُں دِتا خطاب، مُخاطب ہو کے دِتا سمجھائیا۔ اوسے ویلے سچ نام کیِتا آداب، جن بھگتاں سیِس جھُکائیا۔ تُہانوُں مِلیا اوہ جناب، جابر جبر سدا اکھوائیا۔ اُس دی وسو سچ محراب ، جِس محراب اندر محبوُب ڈیرہ لائیا۔ ایسے کارن اُس نوُں کہِندے رہے سدا گُروُ مہاراج، راجن راج اِک اکھوائیا۔ جوتی جوت سروُپ ہرِ، آپ اپنی جوت دھر، جن بھگتاں کر کے اولّڑا کاج، قضیّہ سارا دِتا مُکائیا۔

۲۲ جیٹھ ۲۰۲۱ بِکرمی ہنس راج دے گرِہ پِنڈ نگیال

جن بھگت سد تکدے راہ، جُگا جُگنتر دھیان لگائیا۔ کَون ویلا پربھ ملِے ملاح، پت پرمیشور ہووے سہائیا۔ ڈُبدے پاہن لئے ترا، پاتھر اپنے کندھ اُٹھائیا۔ ساچا مارگ دئے وکھا، رہبر دُھر دا پھیرا پائیا۔ جنم کرم دا روگ دئے گوا، ممتا موہ مِٹائیا۔ جم کی پھاسی دئے تُڑا، لکّھ چؤراسی گیڑ کٹائیا۔ شبد انادی دئے سُنا، دُھر دا راگ سمجھائیا۔ کایا مندر کرے رُشنا، ساڈھے تِنّ ہتّھ سوبھا پائیا۔ سُرتی شبدی دئے مِلا، اپنا رنگ رنگائیا۔ آتم سیجا دئے سُہا، سوہنی بنت بنائیا۔ آتم پرماتم اِکو گھر دئے وسا، جوتی جوت سروُپ ہرِ، آپ اپنی کِرپا کر، جن بھگتاں دئے وڈیائیا۔ جن بھگت جُگ جُگ ویکھن نَین، نیتر نَین کھُلائیا۔ کَون ویلا پربھ ملِے ساک سجّن سیَن، میِت پیارا در گھر پھیرا پائیا۔ جنم کرم دا چُکائے لہن دین، نام امولک جھولی پائیا۔ کوُڑی کِریا ناتا تُٹے مایا ڈَین، بھانڈا بھرم بھؤ بھنائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ جن بھگت سدا کرے پُکار، پُنہ پُنہ سیِس نِوائیا۔ کر کِرپا میرے نِرنکار، نِرگُن تیری اوٹ تکائیا۔ دوئے جوڑ کراں نِمسکار، چرن کَول کَول سرنائیا۔ در ٹھانڈا دے دربار، گھر امرت میگھ برسائیا۔ جُگ جنم دے وِچھڑے میل مِلاؤنا میلنہار، میلا اپنے نال کرائیا۔ گُر چیلا بہیئے اِک دوار، دُھر دروازہ دینا کھُلائیا۔ جوتی جوت سروُپ ہرِ، آپ اپنی کِرپا کر، جن بھگتاں دے وڈیائیا۔ جن

بھگت رہے اُڈیِک، نِت نوِت دھیان لگائیا۔ پاربرہم تیری سچ پریِت، پریِتم سدا سدا سد نظری آئیا۔ دِوس رَین گائیے گیِت، رسنا جِہوا سیو کمائیا۔ ناتا چھّڈ مندر مسیِت، کایا اندر کھوج کھوجائیا۔ ہؤں نیِکن نیِک، تُوں صاحِب وڈّا وڈ تیری وڈیائیا۔ در دوارے پاؤنی بھیِکھ، بِھچھِیا اپنا نام ورتائیا۔ جوتی جوت سروُپ ہرِ، آپ اپنی کِرپا کر، دُھر دی آسا پوُر کرائیا۔ جن بھگت سدا سد کرے آس، ترِسنا اپنی آپ ودھائیا۔ صاحِب سَتگُر پُرکھ اکال بُجھائے پیاس، امرت میگھ اِک برسائیا۔ لہنا چُکا پرِتھمی آکاش، گگن منڈل پار نِرگُن نوُر دئے درسائیا۔ دوُر دُراڈا وسے آ کے پاس، بن کے پاندھی پندھ مُکائیا۔ جنم جنم دی پوُری کرے خواہش، کرم کرم دا لیکھ گوائیا۔ مانَس جنم کرے راس، جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ جن بھگت کہے پربھ ساچا درس، در ٹھانڈے نظری آئیا۔ پوُرب جنم دی مِٹے حرص، ہَوس نہ کوئے ودھائیا۔ کِرپال ہو کے کرنا ترس، کِرپن لَینا ترائیا۔ آتم پرماتم رہی تڑپ، اٹّھے پہر دھیان لگائیا۔ سچ دوارے آؤنا پرت، گھر پرمیشور پھیرا پائیا۔ جوتی جوت سروُپ ہرِ، آپ اپنی کِرپا کر، دینی سچ وڈیائیا۔ مہاراج شیر سِنگھ وِشنوُں بھگوان، تُدھ بِن سہائک نظر کوئے نہ آئیا۔