۱۸ ہاڑ ۲۰۲۱ بِکرمی دربار وِچ جیٹھوُوال
بیِس اِکیِسا کھیل پُرکھ سمرتھ، ہرِ کرتا آپ کرائیندا۔ گُر اوتاراں پیِر پَیغمبراں شبد سندیسہ جو گیا دسّ، واک بھوِکھت دِرڑائیندا۔ سَتجُگ تریتا دواپرکلجُگ چلا کے گیا رتھ، رتھواہی ہو کے کھیل کھِلائیندا۔ انتم نِرگُن جوت کر پرگٹ، جوتی جاتا ویس وٹائیندا۔ سچ دوارے جن بھگتاں کھول اکھّ، نِج نیتر پڑدا لاہِندا۔ سرن سرنائی دُھر دی سدّ، صدا اپنا نام سُنائیندا۔ کلجُگ کوُڑی کِریا مِٹے حد، بھانڈا بھرم بھؤ بھنائیندا۔ بِن مکّے کعبیوں کرائے حج، کایا حُجرہ اِک سُہائیندا۔ شبد اناد وجائے ندّ، دُھن آتمک راگ الائیندا۔ کوُڑی کِریا وِچوں کڈھ،
در ساچے میل مِلائیندا۔ چار ورن بنا کے وِشَو ید، ساچی سِکھیا اِک سمجھائیندا۔ دیِن مذہب ذات پات دی مکُی حد، شرع شریعت ونڈ نہ کوئے ونڈائیندا۔ جوتی جوت سروُپ ہرِ، آپ اپنی کِرپا کر، سچ کرنی آپ کمائیندا۔ ویہہ سؤ اِکّی کھیل اَخیِر، ہرِ کرتا آپ کرائیا۔ دو جہاناں کٹّ شرع زنجیر، شخصیّت اِکو دئے سمجھائیا۔ سچ درسائے اگمّی تصویِر، تصوّر بن کے بےپرواہیِا۔ جوتی جلوہ نوُر پرگٹائے دُھر دا پیِر، پروردِگار پھیرا پائیا۔ جِس دی کاغذ قلم شاہی نال ماردے گئے لکیِر، اکھّراں ہِندسیاں وِچ ونڈ ونڈائیا۔ جِس دی گُر اوتار پیِر پَیغمبر بندے گئے تدبیِر، ساچی سِکھیا اِکو اِک سمجھائیا۔ سو کرتا کریم قادر کرے کھیل بِن سریر، بےنظیِر دھار چلائیا۔ داتا جودھا بن کے سوُربیِر، بےپرواہ ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑائیا۔ ویہہ سؤ اِکّی ساچی سِکھیا، ہرِ کرتا آپ دِرڑائیندا۔ گُر اوتاراں بھوِکھت لِکھیا، لیکھا انتم پوُر وکھائیندا۔ لکّھ چؤراسی دِسے مِتھیا، تھِر رہن کوئے نہ پائیندا۔ گوبِند لیکھا اُپر کاغذ چِٹیا، پُرکھ اکال آپ پھڑائیندا۔ جِس دا نِشان کدے نہ مِٹیا، آد جُگاد جُگ چؤکڑی اِکو نظری آئیندا۔ جِس دا آتم کدے نہ جاوے بِھٹیا، شتّری براہمن شوُدر وَیش نہ ونڈ ونڈائیندا۔ جوتی جوت سروُپ ہرِ، آپ اپنی کِرپا کر، سچّی سِکھیا اِک سمجھائیندا۔ ساچی سِکھیا ہرِ بھگوَنت، نِرگُن سرگُن سرب رہیا سمجھائیا۔ آد جُگاد دُھر دا کنت، پت پرمیشور سچّا ماہیِا۔ وسنہارا لکّھ چؤراسی جیِو جنت، انڈج جیرج اُتبُھج سیتج رہیا سمائیا۔ گُر اوتار پیِر پَیغمبر جِس بنائی بنت، پنج تت دیونہار وڈیائیا۔ سو سوامی نِرگُن نِرویَر ساچا کنت، کنتوُہل اِکو اِک اکھوائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ ویہہ سؤ اِکّی کہے موہے لگّا بھاگ، بھگوَن دَیا کمائیا۔ سچ دوارے جگیا چراغ، نِرگُن جوت جوت رُشنائیا۔ جن بھگتاں مِلیا کنت سُہاگ، انتر آتم لئی پرنائیا۔ جنم جنم دا دھو داغ، دُرمت مَیل گوائیا۔ انتر سُنا سچّا راگ، انحد ناد وجائیا۔ ہنس بنا پھڑ پھڑ کاگ، سوہنگ ہنسا جاپ جپائیا۔ نظری آیا رسوُل پاک، پروردِگار نوُر اِلاہیِا۔ پت پرمیشور بنیا ساک، سجّن شہنشاہ اکھوائیا۔ جن بھگتاں کھول کے اندروں تاک، بجر کپاٹی دِتی تُڑائیا۔ سچ وکھایا مندر ہاٹ، گھر گھر وِچ پڑدا لاہیِا۔ نِرگُن جوت کر پرکاش، اندھ اندھیار دِتا گوائیا۔ آتم سیجا بھوگ بلاس، سوہنی رُتڑی رُت وڈیائیا۔ لہنا چُکا پرِتھمی آکاش، گگن گگننتر ڈیرہ ڈھاہیِا۔ نِرویَر ہو کے وسے پاس، نِراکار نظری آئیا۔ چؤتھے جُگ پوُری کرے خواہش، نؤ سؤ چُرانوے چؤکڑی جُگ پندھ
مُکائیا۔ جوتی جوت سروُپ ہرِ، آپ اپنی کِرپا کر، صاحِب داتا بےپرواہیِا۔ صاحِب داتا ہرِ داتار، دَیاوان اکھوائیندا۔ سچکھنڈ نِواسی ایکنکار، اکل کل ورتائیندا۔ تھِر گھر لیکھا جانے آپ اپر اپار، اپرمپر اپنی کھیل کھِلائیندا۔ سُت دُلارا لئے اُٹھال، شبدی شبد جگائیندا۔ وِشن برہما شِو ویکھ حال، حالت سب دی آپ بدلائیندا۔ ترےَگُن مایا کر بےحال، پنج تت تت کُرلائیندا۔ لکّھ چؤراسی کوُڑ جنجال، مایا ممتا سنگ نِبھائیندا۔ سچ دِسے نہ کوئی دھرمسال، دھرم دوارا نظر کوئے نہ آئیندا۔ لیکھا جان گُروُ اوتار، پیِر پَیغمبر کھوج کھوجائیندا۔ شاستر سِمرت وید پُران پاوے سار، گیِتا گیان پڑدا لاہِندا۔ انجیل قرآنا دئے ہُلار، کھانی بانی بھیو چُکائیندا۔ تٹ کنارہ ویکھے ویکھنہار، سر سروور کھوج کھوجائیندا۔ جِس دی صِفت کردے رہے جُگ چار، چارے کھانی چارے بانی رنگ رنگائیندا۔ جِس نوُں لکّھ چؤراسی منّیا کنت بھتار، ناری روُپ سرب درسائیندا۔ جِس دا مندر اگمّ اپار، منزل ساچی سوبھا پائیندا۔ جِس دا حُجرہ سوہے سچ دوار، پروردِگار آپ اکھوائیندا۔ روُپ ریکھ تے وسیا باہر، جوتی جلوہ ڈگمگائیندا۔ آد جُگاد کھیل اپار، جُگ چؤکڑی ونڈ ونڈائیندا۔ کلجُگ انتم سب دا پِچھلا لاہے اُدھار، گُر اوتاراں پیِر پَیغمبراں جھولی آپ بھرائیندا۔ جوتی جوت سروُپ ہرِ، آپ اپنی کِرپا کر، مِہر نظر آپ اُٹھائیندا۔ پِچھلا قرضہ دیوے لاہ، ہرِ کرتا وڈ وڈیائیا۔ سچکھنڈ نِواسی بن ملاح، پُرکھ ابناشی بیڑا رہیا ترائیا۔ جن بھگتاں دے کے سچ صلاح، ساچی صلاح اِک سمجھائیا۔ پُرکھ اکال بناؤ پِتا ماں، ناتا توڑ جگت لوکائیا۔ ایکو سِمرو ساچا ناں، تُوں میرا میَں تیرا دوُجا نظر کوئے نہ آئیا۔ نِرگُن آپے پکڑے بانہہ، پِتا پوُت گود اُٹھائیا۔ سچ دوارے بخشے سرب گُناہ، کوُڑی کِریا پندھ مُکائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ ویہہ سؤ اِکّی کہے ویکھو اوتار، تیئیاں سچ سُنائیا۔ نیتر کھولو بھگت دوار، بھگوَن اکھّ پرتکھ جنائیا۔ عیسیٰ موُسیٰ محمد ہووو خبردار، بےخبر خبر سُنائیا۔ نانک گوبِند در کھڑے تیار، ترےَگُن بَیٹھے ڈیرہ ڈھاہیِا۔ خالی دِسے مندر مسجد شِودوالے مٹھ گُردوار، ساچا رنگ نہ کوئے رنگائیا۔ ساچا مندر سوہے نہ کوئی نِرمل دیِا نہ ہوئے اُجیار، جوتی جوت نہ کوئے رُشنائیا۔ کلجُگ جیِو رسنا پڑھ پڑھ کھانی بانی ڈھولے راگ ناداں وِچ رہے اُچار، بھیوَ ابھیدا سکے نہ کوئے کھُلائیا۔ جوتی جوت سروُپ ہرِ، آپ اپنی کِرپا کر، رُت سُہنجنی اِک سُہائیا۔ ویہہ سؤ اِکّی بِکرمی سُہنجنی رُت، ہرِ رُتڑی آپ مہکائیندا۔ گُرمکُھ بنائے ساچے سُت، ہرِ سَتگُر دَیا کمائیندا۔ نِرگُن ہو کے رہیا پُچھ، سرگُن
پڑدا لاہِندا۔ نیِواں ہو کے ویکھے جھُک، جگت ہنکار نہ کوئے جنائیندا۔ جو اندر بَیٹھا لُک، سو پڑدا آپ اُٹھائیندا۔ نِرویَر ہوئے سنمکُھ، سوَچھ سروُپی درس دِکھائیندا۔ کوُڑی کِریا دیوے جڑ پُٹ، مایا ممتا موہ مِٹائیندا۔ جو سنت سُہیلے گُروُ گُر چیلے پوُرب جنم گئے رُٹھ، کرم کانڈ ڈیرہ ڈھاہِندا۔ ساچی گودی لئے چُک، آپ اپنے گلے لگائیندا۔ اوہناں اگلا پِچھلا پیَنڈا جائے مُک، پت پرمیشور جِس اپنے گھر وسائیندا۔ جوتی جوت سروُپ ہرِ، آپ اپنی کِرپا کر، رُت سُہنجنی آپ وکھائیندا۔ رُت سُہنجنی مؤلی جگ، پتّ ڈالی مات مہکائیا۔ کِرپا کری سوُرے سربگ، شہنشاہ دَیا کمائیا۔ بھگت بھگوان سجّن لبھ، گھر ساچے میل مِلائیا۔ کوُڑی کِریا بُجھائی اگّ، ترِکھا ترِسنا دِتی جلائیا۔ لکّھ چؤراسی وِچوں کڈھ، گھر ساچے جوڑ جُڑائیا۔ آتم سیجا چڑھیا بھجّ، آؤندا جاندا نظر کِسے نہ آئیا۔ دُھن وجایا اگمّی ند، سُر تال نہ کوئے وکھائیا۔ درشن دے کے اُپر شاہ رگ، شہنشاہ اپنا میل مِلائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا مُکائیا۔ ویہہ سؤ اِکّی بِکرمی کہے لیکھا چُکیا، چار جُگ بَیٹھے نَین شرمائیا۔ جن بھگتاں پیَنڈا مکُیا، رائے دھرم نہ دئے سزائیا۔ چِترگُپت نہ کرے پُچھیا، لیکھا سکے نہ کوئے وکھائیا۔ کِرپا کرے ابناشی اچُتیا، چیتن دھار اِک دِرڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ویہہ سؤ اِکّی کرے نظر مِہر، محبوُب وڈ گوسائینا۔ پرگٹ ہویا داتا جودھا سوُر، کِہر گرج اپنا نام وکھائیا۔ جِس دی اُڈیِک رہی جگ دیر، جُگ چؤکڑی بَیٹھی دھیان لگائیا۔ سو شبدی پرگٹ ہویا شیر، شہنشاہ اپنا پھیرا پائیا۔ گُر اوتار پیِر پَیغمبر حُکمے اندر لئے گھیر، بچیا نظر کوئے نہ پائیا۔ سب دا لہنا دئے نبیڑ، لیکھا دیوے تھاؤں تھائنیا۔ دیِن مذہب دا نہ رہے جھیڑ، ذات پات نہ کرے لڑائیا۔ سچ وسائے دُھر دا کھیڑ، کایا کھِڑکی اِک کھُلائیا۔ جوتی جوت سروُپ ہرِ، آپ اپنی کِرپا کر، دیونہار سرب وڈیائیا۔ دیوے وڈیائی سرب سب، ہرِ کرتا دَیا کمائیندا۔ گُرمکُھ گُرسِکھ سجّن لبھ، لکّھ چؤراسی وِچوں کھوج کھوجائیندا۔ نؤ دوارے کر کے پار حد، گھر ساچا اِک سمجھائیندا۔ ڈوُنگھی ناڑ سُکھمن ٹیڈھی جائے لنگھ، ایِڑا پِنگل اَدھوِچکارنہ کوئے اٹکائیندا۔ دُھن شبد ناد پِچھےجائے چھّڈ، جوت نِرنجن پندھ مُکائیندا۔ سچ سِنگھاسن پُرکھ ابناشن نِرویَر بہے سج، سوہنی سیجا آپ ہنڈھائیندا۔ جوتی جاتا پُرکھ بِدھاتا نِرگُن نوُر نِرویَر کر پرکاش، پرِتھمی آکاش پندھ مُکائیندا۔ بن گوپی کاہن پائے راس، ساچا منڈل آپ سُہائیندا۔ شبد سوامی وسے پاس، سوہنا سنگ جنائیندا۔ جن بھگتاں اِک سُنیہڑا جائے آکھ، دُھر دا
بھیوَ کھُلائیندا۔ پرم پُرکھ پرماتما پروردِگار سچّا باپ، دوُجا نظر کوئے نہ آئیندا۔ جِس دے کول اگمّی دات، جُگ چؤکڑی مات ورتائیندا۔ سو کلجُگ انت میٹے اندھیری رات، صدی چؤدھویں ویکھ وکھائیندا۔ عیسیٰ موُسیٰ محمد دسےّ نہ کوئے پربھات، جوتی نوُر نہ کوئے چمکائیندا۔ جِس دی اُپجے ساری شاخ، سو شناخت کرن آپے آئیندا۔ سچ دوار کھول کے ہاٹ، چار ورن آپ پڑھائیندا۔ جوتی جوت سروُپ ہرِ، آپ اپنی کِرپا کر، سوہنی رُت آپ سُہائیندا۔ ویہہ سؤ اِکّی بِکرمی سچ سندیسہ، ہرِ کرتا آپ جنائیا۔ پُرکھ اکال اگمّا نریشا، نر نِرنکار نظری آئیا۔ کلجُگ انتم دھریا ویسا، جوتی جاتا نوُر اِلاہیِا۔ کوئی نہ سمجھے اِس دا بھیسا، بھیکھادھاری اپنے وِچ رکھے وڈیائیا۔ دیِن مذہب دا رہے نہ کوئی ٹھیکا، ذات پات ڈیرہ ڈھاہیِا۔ جیِواں جنتاں سادھاں سنتاں کرے بُدھ بِبیکا، ساچی سِکھیا اِک سمجھائیا۔ پُرکھ اکال دی دسےّ ٹیکا، دوُجا اِشٹ نہ کوئے جنائیا۔ جِس دا روُپ نظر نہ آئے ریکھا، لیکھا جانے تھاؤں تھائنیا۔ لہنا چُکےپیر پَیغمبر مسائک مُلّا شیخا، سعید سنگ نہ کوئے نِبھائیا۔ پنڈت پاندھا منگے کوئی نہ بھیٹا، پتری کھول نہ کوئے وکھائیا۔ جگت کُڑیار کوئی نہ بنے سَت پُرکھ دا بیٹا، جوتی جوت سروُپ ہرِ، آپ اپنی کِرپا کر، دُھر سندیسہ اِک دِرڑائیا۔ دُھر سندیسہ سِری بھگوان، ہرِ کرتا آپ جنائیندا۔ ویہہ سؤ اِکّی بِکرمی گُر اوتار پیِر پَیغمبر ویکھو مار دھیان، پِچھلی کیِتی سرب وکھائیندا۔ شاستر سِمرت بُھلیا سرب گیان، وِدوان وِدیا وِچوں وِدت نظر کوئے نہ آئیندا۔ چؤداں لوک ہوئے انجان، چؤداں طبق نہ کوئے سمجھائیندا۔ شرع بدلی وِچ جہان، انجیل قرآن ڈھولا کوئی نہ گائیندا۔ مصلہ حق کرے نہ کوئی بیان، سچ امام نہ کوئے منائیندا۔ ملِے کِسے نہ حق مقام، محبوُب نظر کوئے نہ پائیندا۔ جوتی جوت سروُپ ہرِ، آپ اپنی کِرپا کر، دُھر دا لیکھا آپ وکھائیندا۔ نیتر کھولو اوتار گُر، ہرِ کرتا آپ جنائیندا۔ لوکمات ویکھو مُڑ، پِچھلی کیِتی سرب سمجھائیندا۔ ساچی نِبھی نہ کِسے توڑ، سگلا سنگ نہ کوئے جنائیندا۔ جِس کِریا کولوں گئے ہوڑ، کلجُگ جیِو بچیا نظر کوئے نہ آئیندا۔ چار کُنٹ دہ دِشا گڑھ ہنکاری سکے نہ کوئے توڑ، من کا منکا نہ کوئے بھوائیا۔ انتر آتم ملِے نہ کوئی بہُڑ، پرماتم سنگ نہ کوئے رکھائیا۔ سُرت شبد سکے نہ کوئی جوڑ، سادھ سنت کوٹن کوٹ بَیٹھے دھیان لگائیا۔ گوبِند کہہ کے گیا پُرکھ اکال ہتّھ سب دی ڈور، لکّھ چؤراسی اپنے تند بندھائیا۔ لیکھا چُکائے پنج چور، کام کرودھ لوبھ موہ ہنکار رہن نہ پائیا۔ اپ تیج وائے پرِتھمی آکاش پائے نہ کوئی شور، ترےَگُن مایا اپنی دھار نہ کوئے جنائیا۔ اوس صاحِب دی کلجُگ انتم پئی لوڑ، لوک پرلوک
دھیان لگائیا۔ جو لیکھ چُکائے مور تور، تورا مورا اِکو دئے سمجھائیا۔ جوتی جوت سروُپ ہرِ، آپ اپنی کِرپا کر، سچ دوار رہیا سمجھائیا۔ سچ دوار سُہنجنا، سو پُرکھ نِرنجن آپ سُہائیندا۔ کھیلے کھیل درد دُکھ بھےَ بھنجنا، ہرِ پُرکھ نِرنجن ویس وٹائیندا۔ ایکنکار بن کے دُھر دا سجّنا، گھر ساچے میل مِلائیندا۔ آد نِرنجن نوُر پرکاش اِکو رکھنا، دیِپک دیِا نہ کوئے جگائیندا۔ ابناشی کرتا گھر بہہ ساچے سجنا، محل اٹل آپ وڈیائیندا۔ سِری بھگوان مارگ دُھر دا دسّنا، لیکھ الیکھ نہ کوئے وکھائیندا۔ پاربرہم برہم کرے ساچی ونڈنا، حِصّہ اپنے ہتّھ رکھائیندا۔ گیِت سُہاگی سُنائے چھندنا، دُھر دا راگ الائیندا۔ دوُجا در کِسے نہ منگنا، جِس جن اپنی دَیا کمائیندا۔ پریم پریِتی چاڑھے رنگنا، رنگ مجیِٹھی کمّ کِسے نہ آئیندا۔ آتم دیوے اِک انندنا، پرماتم اپنا کھیل وکھائیندا۔ ساچا نوُر چڑھے چندنا، چند چاندنی ڈیرہ ڈھاہِندا۔ جن بھگتاں پار کرائے کوٹن کوٹ برہمنڈ کھنڈنا، نیِکن نیِکا اپنا کھیل کرائیندا۔ بھؤ مکائے جیرج انڈنا، اُتبُھج سیتج پندھ مُکائیندا۔ سچّی سمجھائے اِکو بندنا، ڈنڈؤت پربھ دے چرن وکھائیندا۔ جوتی جوت سروُپ ہرِ، آپ اپنی کِرپا کر، گُر اوتاراں آپ دِرڑائیندا۔ گُر اوتار پیِر پَیغمبر تکّو اکھّ، کلجُگ انتم آپ جنائیا۔ کایا ماٹی بھانڈے سکھ، وست سچ نظر نہ آئیا۔ کوئی نہ جانے حقیِقت حق ، اٹھوتری سار کِسے نہ پائیا۔ جو سَتجُگ تریتا دواپرکلجُگ نِت نوِت مارگ گئے دسّ، شاستر سِمرت وید پُران، انجیل قرآن کر پڑھائیا۔ پنج تت کایا چولا چھّڈ گئے نٹھ، انتم پندھ مُکائیا۔ پرت کے کِسے نہ ویکھیا وت، چؤداں لوک چؤداں طبق دین دُہائیا۔ سارے کہہ کے گئے پُرکھ سمرتھ، پت پرمیشور ہوئے سہائیا۔ صدی چؤدھویں ہو کے سب توں وکھّ، وکھّری دھار پرگٹائیا۔ جوتی جوت سروُپ ہرِ، آپ اپنی کِرپا کر، نِرگُن اپنا پھیرا پائیا۔ گُر اوتار پیِر پَیغمبر کھول کے نَین، درشن اِکو وار پائیا۔ بِن رسنا جِہوا سارے کہن، تُوں ہی تُوں تیری وڈیائیا۔ سرن سرنائی ساچی ڈھہن، سیِس جگدیس جھُکائیا۔ تُوں کرتا قادر کریم ساک سیَن، سجّن اِکو اِک اکھوائیا۔ ساڈا لیکھا چُکا الف یے نہ پڑھے عَین غَین، عقل وِچ نہ کوئے خُدائیا۔ مذہباں وِچ نہ کوئے طرفَین، شرع وِچ کری لڑائیا۔ کلجُگ انت سرِشٹ سبائی ناتا تُٹا بھائی بھَین، مات پِت نہ کوئے وڈیائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ گُر اوتار پیِر پَیغمبر کرو دھیان، ہرِ دھیانی آپ جنائیندا۔ تُہاڈا سب نوُں بُھلیا گیان، آتم گیانی نظر کوئے نہ آئیندا۔ سچ سروور کرے نہ کوئی اشنان، اٹھسٹھ تیِرتھ جگت نہائیندا۔ شبد ناد سُنے نہ کوئی گان، رسنا جِہوا پڑھ پڑھ سادھ سنت
سرب کُرلائیندا۔ کِسے نظر نہ آیا اِشٹ سِری بھگوان، گرنتھاں پنتھاں سیِس سرب جھُکائیندا۔ جِس دا لیکھا آد انت مہان، مہما اکتھ کتھ سمجھائیندا۔ جِس دا تیِر نِرالا بان، انیالا آپ چلائیندا۔ جِس نوُں گوبِند کِہا پُرکھ اکال پرِتپال، ساچی سیو کمائیندا۔ جو سنت سُہیلے گُر گُر چیلے بنائے اپنے لال، لالن اپنی گود اُٹھائیندا۔ کایا اندر ساچا مندر وکھائے دھرمسال، گھر گھر وِچ ڈیرہ لائیندا۔ دیِا باتی جوت جگائے بےمثال، مِسل بھگتاں آپ بنائیندا۔ اوتھے لیکھا چُکےشاہ کنگال، وڈّا چھوٹا نظر کوئے نہ آئیندا۔ جِس مُریِداں پُچھیا آ کے حال، مُرشد اپنا پھیرا پائیندا۔ اوہ سب دا حل کرے سوال، خالی مُڑ کوئے نہ جائیندا۔ جوتی جوت سروُپ ہرِ، آپ اپنی کِرپا کر، مِہربان کھیل کھِلائیندا۔ گُر اوتار پیِر پَیغمبر کہن پروردِگار، لاشریِک تیری سرنائیا۔ تُوں آد جُگادی سانجھا یار، عالمین تیری وڈیائیا۔ تیرے سجدہ کریئے سچ دوار، درگاہ ساچی سیِس نِوائیا۔ تیرا جلوہ نوُر ظہوُر کِسے بند نہ ہووے چار دیوار، چھپّر چھن نہ کوئے چُھپائیا۔ تیری صِفت کرے نہ کوئی وِچ سنسار، بےانت تیری وڈیائیا۔ عیسیٰ موُسیٰ محمد نِکے ننھے بچےّ لوکمات ہوئے خبردار، تیرا ڈھولا راگ الائیا۔ تُوں کلمیاں وِچوں وسیں باہر، عِلماں والیاں دا بنے نہ کوئی یار، عالم بھیو کوئے نہ پائیا۔ جِس اُپر رحمت آپے کریں نِرنکار، محبوُب ہو کے کریں سچ پیار، کایا حُجرہ اِک سمجھائیا۔ طبیب ہو کے ویکھیا بیمار، قریب ہو کے پاویں سار، عجیب اپنی کھیل کرائیا۔ تیری تعریِف کرے نہ کوئے سنسار، حدیِث وِچ لیکھ اپار، لیکھا لیکھے وِچ نہ آئیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے جنائیا۔ گُر اوتار پیِر پیغمبر، دوئے جوڑ جوڑ سرنائیا۔ تُوں سوامی سرب بھرتمبر، ہر گھٹ رہیا سمائیا۔ جُگ چؤکڑی ویکھیا تیرا سویمبر، ناری بھگت سرب پرنائیا۔ جُگ چؤکڑی کِریا ویکھ اڈمّبر، کِیوں بَیٹھا مکُھ چُھپائیا۔ بھاگ دِسے نہ لگّا کِسے کندر، ڈوُنگھی غار نہ کوئے رُشنائیا۔ کلجُگ جیِو رسنا کہِندے وڑیئے اندر، اندر وڑ کے مندر نہ کوئے سُہائیا۔ من واسنا بنھے کوئی نہ بندر، دہ دِش اُٹھ اُٹھ بھجے واہو داہیِا۔ بجر کپاٹی تُٹے نہ جندر، ہنکاری گڑھ نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، سچّا لیکھا دئے وکھائیا۔ گُر اوتار پیِر پَیغمبر کہن سچ رسوُل، محبوُب تیری سرنائیا۔ تیرا حُکم سانوُں قبوُل، حُکمے وِچ تیری لوکائیا۔ اُمت اُمتی گئے بھوُل، ابُھل تیری سار کِسے نہ پائیا۔ نہ کوئی جانے سچ اصوُل، اصلیّت نظر کِسے نہ آئیا۔ رسنا جِہوا ڈھولا گاؤندے فضوُل، فَیصلہ اندر نہ کوئے کرائیا۔ جگت وِدیا وِچ ہو مجبوُر، الف یے نال کرن لڑائیا۔ اپنا جانے نہ کوئے قصوُر، کسر اعشاریئے نال جگت دین
اُڈائیا۔ گھر گھر کوُڑی کِریا پایا فتوُر، فتویٰ دے نہ دیوے کوئے سزائیا۔ پروردِگار ہووے نہ کوئے مشکوُر، مُشکل حل نہ کوئے کرائیا۔ دروہی خُدائے دی ساڈا رہیا نہ کوئے دستوُر، دست نال دست نہ کوئے مِلائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ مِہربان میرے محبوُب، عیسیٰ موُسیٰ محمد دئے جنائیا۔ تیرا ویکھیا اِک عروُج، عرشاں اُتے بَیٹھا سوبھا پائیا۔ تیرا گھر سدا محفوُظ، محفل اِکو اِک وکھائیا۔ کلجُگ انتم ویکھ اپنی کوُٹ، صدی چؤدھویں رہی کُرلائیا۔ مُلّا شیخ مارن جھوُٹھ، جھوُٹھی بغل قرآن اُٹھائیا۔ جگت مِٹے نہ ترِشنا بھوُکھ، مایا ممتا نہ کوئے گوائیا۔ جوتی جوت سروُپ ہرِ، آپ اپنی کِرپا کر، نِرگُن اپنا پھیرا پائیا۔ نِرگُن پھیرا پا گُنی گہیر، گہر گمبھیِر تیری سرنائیا۔ کلجُگ کٹّ شرع زنجیر، شریعت اپنی دے سمجھائیا۔ بھرمے بُھلا جگت فقیِر، فِقرہ حق نہ کوئے سُنائیا۔ تیری نظر نہ آوے سچ تصویِر، تسبیح مالا گل رہے لٹکائیا۔ روضیاں وِچ ہووے جو بھیِڑ، مسجداں وِچ کعبےکر کر مکُھ رہے کُرلائیا۔ کوئی تکّے نہ جا کے تیَنوُں نظیِر، نظریہ تیرے نال مِلائیا۔ جھوُٹھا دِسے پنج تت سریر، خاکی بُت کوُڑا نظری آئیا۔ پڑدا چُکیا نہ شاہ حقیِر، حقیِقت حق نہ کوئے وکھائیا۔ چوٹی چڑھیا نہ کوئے اَخیِر، فرید کوُکے دئے دُہائیا۔ اُچی بانہہ کڈھ کے کہے کبیِر، قبراں وِچ سُن کے نیتر اکھّ نہ کوئے کھُلائیا۔ انتم سارے ہوئے دِلگیِر، دِلدار ملِے نہ سچّا ماہیِا۔ کوُڑی دِسے مِلکھ جاگیر، شہنشاہ شہنشاہی سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، ساڈا لہنا دئے مُکائیا۔ ساڈا لہنا دئے آپ خُدا، خالق تیرے ہتّھ وڈیائیا۔ تیرے نالوں تیرے ہوئے جُدا، جُز نال جُز نہ کوئے مِلائیا۔ کِرپا کر میرے مِہرباں، محبوُب تیری شرنائیا۔ تیرے نام دروہی اسیں ہوئے حیَراں، حیَرانی ساڈے اُتے چھائیا۔ صدی چؤدھویں انت ہونا فنا، بچیا کوئے رہن نہ پائیا۔ اُمت بھری دِسے گُناہ، االلہ رانی نَین شرمائیا۔ خاوند پکڑے نہ کِسے بانہہ، بیوی بھجےّ واہو داہیِا۔ کلمہ سکے نہ کوئی سُنا، نعرہ حق نہ کوئے جنائیا۔ فتویٰ سب تے دیوے لا، لاشریِک حُکم ورتائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ سِر رکھ ہتّھ میرے مِہربان، تیری اوٹ تکائیا۔ تیرا دے کے گئے بیان، اکھّراں وِچ سمجھائیا۔ تیرا بھیوَ نہ پایا کِسے انجیل قرآن، کعبےوِچوں ہتّھ کِسے نہ آئیا۔ ڈھولے گاؤندا جگت جہان، بتّی دند صِفت صلاحیِا۔ تیرا مِلیا نہ کِسے نِشان، نِشانہ نظر کوئے نہ پائیا۔ ویلا وقت ایہہ پہچان، بےپچھان پھیرا پائیا۔ نِرگُن ہو کے سرگُن دوارے بن مہمان، مندر اِکو اِک سُہائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سچ
تؤفیِق تیری نظری آئیا۔ سچ تؤفیِق دِسے تیرے ہتّھ، رحمت اِکو نظری آئیا۔ رفیق سارے گئے نٹھ، سجّن سُہیلے مکُھ بھوائیا۔ شریِک ہو کے کراں جھٹ، جھگڑا پیا لوکائیا۔ سَت سنتوکھ دھیِرج رہیا نہ ہٹھ، سانتک سَت نہ کوئے ورتائیا۔ تیرے مِلن دی کھولے کوئی نہ اکھّ، دوئے لوچن ویکھن جگت لوکائیا۔ منصوُر سوُلی چڑھ کے بولیا حق، نعرہ تیرا نام لگائیا۔ جوتی جوت سروُپ ہرِ، آپ اپنی کِرپا کر، ساچی دے مان وڈیائیا۔ وڈیائی دیون والی ویہہ سؤ اِکّی، ہرِ اکیسا دھیان لگائیا۔ جِس دی کھیل سدا انڈیِٹھی، کلجُگ نیتر نظر کوئے نہ پائیا۔ جِس نے گوبِند دِتی چِٹھی، ماچھوُواڑے بِن اکھّراں ہتّھ پھڑائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا سمجھائیا۔ چِٹھی اندر گوبِند پیار، ہرِ کرتا آپ جنائیندا۔ ویہہ سؤ اِکّی بِکرمی ستاراں ہاڑ، پِچھلا لیکھا آپ جنائیندا۔ جودھے سوُرے اُٹھ لال، پوُت سپوُتے آپ اُٹھائیندا۔ تیرا سوہے اِک دوار، سمبل ڈیرہ لائیندا۔ نہ کوئی مندر چار دیوار، چھپّر چھن نہ کوئے چُھہائیندا۔ ساڈھے تِنّ ہتّھ اندر کھیل اپار، ہرِ کرتا آپ کرائیندا۔ دیِا باتی کر اُجیار، جوتی جاتا ڈگمگائیندا۔ شبد انادی بول جَیکار، دُھر دا راگ سُنائیندا۔ وِشن برہما شِو کرکے خبردار، برہمنڈ کھنڈ اُٹھائیندا۔ ترےَگُن مایا پنج تت دئے سہار، دُھر دا حُکم جنائیندا۔ اِکٹّھے کر تیئی اوتار، بھگت اٹھاراں جوڑ جُڑائیندا۔ عیسیٰ موُسیٰ محمد رکھے نال نال، شبد اِشارے نال وڈیائیندا۔ نانک گوبِند کر پیار، پریم پریِتی اِک وکھائیندا۔ نؤ سؤ چُرانوے چؤکڑی اُترے پار، کلجُگ ویلا وقت سُہائیندا۔ صدی چؤدھویں ہووے خوار، خواری گھر گھر آپ پوائیندا۔ چؤداں وِدیا گئی ہار، آتم پرماتم میل نہ کوئے مِلائیندا۔ پنڈت پاندھا تِلک للاٹ لا لا ہوئے گوار، جوتی جوت نہ کوئے رُشنائیندا۔ مُلّا شیخ مصلہ لئے نہ کوئے وِچار، تعریِف طرف نہ کوئے دِرڑائیندا۔ گرنتھی پنتھی کرے نہ کوئی سچ وپار، ونجارا روُپ نہ کوئے وٹائیندا۔ سچ سروور کوئی نہ سکے نُہال، اٹھسٹھ تیِرتھ تٹ گنگا گوداوری جمنا سُرستی کنارہ جگت ویکھ وکھائیندا۔ دیِن مذہب ہوئے بےحال، سُر تال نہ کوئے وجائیندا۔ نیتر روون شاہ کنگال، شہنشاہ سُکھ وِچ نظر کوئے نہ آئیندا۔ گُر اوتار پیِر پَیغمبر کہن پربھ تیری کردے سارے بھال، تُوں بھالیاں ہتّھ کِسے نہ آئیندا۔ دھنّ بھاگ کلجُگ انتم کِرپا کیِتی دیِن دَیال، دَیا نِدھ ہو کے پھیرا پائیندا۔ لکّھ چؤراسی وِچوں جن بھگت لئے اُٹھال، اُٹھ اُٹھ اپنی گود بہائیندا۔ گُرسِکھ ویکھ ساچے لال، لڑی اپنے نام پروئیندا۔ اندر وڑ کے پُچھیں حال، باہروں نظر کِسے نہ آئیندا۔ پریم پریِتی اندر کرے پرِتپال، بن سیوک سیو کمائیندا۔
ویہہ سؤ اِکّی بِکرمی ہاڑ ستاراں بنے دلال، دلالی دُھر دی آپ کمائیندا۔ لیکھا جانے حق حلال، حق حق آپ سمجھائیندا۔ جوتی جوت سروُپ ہرِ، آپ اپنی کِرپا کر، اِکو دینا سچ ور، در تیرے سیِس سرب نِوائیندا۔ سرب نِوایا سیِس جگدیس، جگدیِشر تیری وڈیائیا۔ سَتجُگ تریتا دواپرکلجُگ چکّی لئی پیِس، پیِسن پیِس سیو لئی کمائیا۔ کلمیاں دسّی حدیِث، حضرت ہو کے کری پڑھائیا۔ نانک نِرگُن گایا نر نِرنکارا گیِت، تند ستار رباب وجائیا گوبِند کلغی توڑا دھر سیِس، صاحِب سَتگُر ویکھے چائیں چائنیا۔ جن بھگتاں گُرمکُھاں گُرسِکھاں دے کے گیا اسیِس، ڈھولا راگ سُنائیا۔ کلجُگ انت سِری بھگوَنت کرے آپ سچ بخشیِش، بخشش اپنی جھولی پائیا۔ چار جُگ دی میٹ کے ریِت، کوُڑی کِریا ڈیرہ ڈھاہیِا۔ ناتا توڑ مندر مسیِت، گھر وِچ گھر دئے وکھائیا۔ میل مِلا کے اوُچ نیِچ، راؤ رنک دئے جُڑائیا۔ ساچا کلمہ دسّ حدیِث، سوہنی کرے پڑھائیا۔ وجےّ ودھائی بیِس اِکیس، ایکنکار حُکم ورتائیا۔ لیکھا چُکےہست کیِٹ، ہست کیِٹ اِکو روُپ دیوے وکھائیا۔ جن بھگتاں کدے نہ دیوے پیِٹھ، کروٹ اپنی لئے بدلائیا۔ چار ورناں جھولی پاوے بھیِکھ، نام امولک آپ ورتائیا۔ جوتی جوت سروُپ ہرِ، آپ اپنی کِرپا کر، ساچا حُکم دئے سُنائیا۔ ساچا حُکم دئے سندیسہ، دُھر دی دھار جنائیا۔ سَتجُگ ساچا اِکو ہوئے نریشا، راج راجان بےپرواہیِا۔ جِس دا بھگت اُدھارنا دُھر دا پیشہ، پیشیِنگوئی سرب سُنائیا۔ جِس حُکم اندر وِشن برہما شِو مہیشا، گنپت گنیشا سیو کمائیا۔ جِس دی سُرپت اِند تیتیِس کروڑ کرے اُڈیِکا، نِت نِت دھیان لگائیا۔ جِس دا سَتجُگ تریتا دواپرکلجُگ کھیل سدا انڈیِٹھا، انڈِٹھڑی کار کمائیا۔ جِس دی صِفت اندر نام گایا چار وید پُران اٹھاراں دھیائے گیِتا، تیس بتیِسا مسلیاں وِچ سمجھائیا۔ نانک گوبِند دسّی اُس دی ریِتا، ریِتیوان بےپرواہیِا۔ کِسے ہتّھ نہ آوے وِچوں مندر مسیِتا، کایا اندر بَیٹھا ڈیرہ لائیا۔ جانے بھیو جیِو جی کا، جاننہارا آپ ہو جائیا۔ رَوداس چمارا کہہ کے گیا اُس دا میل ساڈھے تِنّ ہتّھ سیں کا، ناتا پنج تت وکھائیا۔ اوہ کدے بنے نہ سکا پُتر دھی کا، جن بھگتاں دَیا کمائیا۔ رس پیِن نہ دیوے پھیِکا، امرت رس اِک جنائیا۔ صدی بیِسویں ہوئے نیِکن نیِکا، نیرن نیرا ہو کے پھیرا پائیا۔ جِس دی گوبِند رکھ کے گیا اُڈیِکا، اوہ ڈھئیا سُتّا سوہنی سیج ہنڈھائیا۔ سو صاحِب پُرکھ اکال سدا جیِتا، جنم مرن وِچ نہ آئیا۔ آد جُگادی سد پاک کدی نہ ہوئے پلیِتا، پتت پاپی دئے ترائیا۔ ایتھے اوتھے سجّن میِتا، سگلا سنگ نِبھائیا۔ شاہ سُلطاناں کرے خالی کھیِسا، در در گھر گھر دئے پِھرائیا۔ لیکھ چُکائے اوُچاں
نیِچاں، نیِچوں اوُچ دئے وکھائیا۔ گُرمکُھ ویکھے گوبِند سچ باغیچہ، پھُل پھُلواڑی انت مہکائیا۔ چرن پریِتی بخش پریِتا، میل مِلاوا سہج سُبھائیا۔ کؤڑا رہن نہ دیوے ریِٹھا، مِٹھڑا رس بنائیا۔ جوتی جوت سروُپ ہرِ، آپ اپنی کِرپا کر، کلجُگ انتم ہوئے سہائیا۔ کلجُگ انت سہائی ہووے آپ، اپنی دَیا کمائیندا۔ جِس نوُں گُر اوتار پیِر پَیغمبراں منّیا باپ، سو پِتا پُرکھ اکال آپ اکھوائیندا۔ سو صاحِب سِدھا دسےّ اپنا جاپ، آتم پرماتم جوڑ جُڑائیندا۔ کوُڑی کِریا کر کے پاک، پتت پاپی پار ترائیندا۔ پاربرہم برہم ناتا جوڑ کے ساک، سجّن ہو کے ویکھ وکھائیندا۔ اندر وڑ کے کھول تاک، پڑدا دُئی چُکائیندا۔ گُرمکُھاں دے کے ساتھ، سگلا سنگ نِبھائیندا۔ اشارہ دیوے بِناں ہاتھ، بِناں اکھّاں روُپ سمجھائیندا۔ اوس پریِتم ولّ لؤ جھاک، جو پریِتم تُہاڈے اندر ڈیرہ لائیندا۔ جِس دے سیِس سوہے تاج، جگدیِش کھیل کھِلائیندا۔ اوس دا دو جہاناں راج، شاہ سُلطانا اِک اکھوائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑائیندا۔ ساچی سِکھیا دیوے دات، رحمت آپ کمائیا۔ کلجُگ میٹ اندھیری رات، سَتجُگ سچّا چند چڑھائیا۔ جن بھگتاں سُنائے ساچی گاتھ، میل مِلا کے پِتا باپ، پوُت سپوُتا گود سُہائیا۔ اپنے مِلن دی آپے دسّ کے جاچ، مارگ پاندھی دیوے پائیا۔ من منوُا نہ کرے ناچ، مت متوالی پرے ہٹائیا۔ گُرمکُھو تُہاڈی سیوا کرے بن کے سچّا ساک، سجّن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، لیکھا گھر گھر دئے چُکائیا۔ لیکھا گھر گھر انت چُکاؤنا اے۔ کلجُگ اگلا پندھ مکاؤنا اے۔ کوُڑی کِریا بُرج ڈھاؤنا اے۔ مایا ممتا موہ مِٹاؤنا اے۔ ہؤمے ہنگتا گڑھ تُڑاؤنا اے۔ بُھکھا ننگتا گلے لگاؤنا اے۔ چار ورن سنگت وِچ مِلاؤنا اے۔ شتّری شوُدر وَیش براہمن رہن کوئی نہ پاؤنا اے۔ ساچا منتر نام دِرڑاؤنا اے۔ چار جُگ دا جھگڑا مکاؤنا اے۔ پوُجا پاٹھ اِک سمجھاؤنا اے۔ جوگ ابھیاس اِک بُجھاؤنا اے۔ تیِرتھ تٹ اِک بناؤنا اے۔ ساچا ہٹّ اِک کھُلاؤنا اے۔ دُئی دوَیت میٹ کے پھٹ، پٹّی نام سچ بندھاؤنا اے۔ اِکٹّھے کرے جھیور جٹّ، چھیمبےنائی رنگ چڑھاؤنا اے۔ گُرسِکھاں کھول کے اندر اکھّ، در آیاں اپنا درس وکھاؤنا اے۔ جگت نالوں کرکے وکّھ، وکھرے مندر آپ بہاؤنا اے۔ پوُرب جنم دا دے کے حق ، لہنا سرسے والا چُکاؤنا اے۔ جو خزانہ رکھیا ڈھک، سو سبناں جھولی پاؤنا اے۔ کرکے کھیل اگمّی نٹ، سوانگی اپنا سوانگ وکھاؤنا اے۔ ہرِ سنگت لیکھے لائے رت، رتی رت رنگ رنگاؤنا اے۔ ساچی دے کے آتم مت، وِدیا برہم اِک پڑھاؤنا اے۔ ترےَگُن
پئے نہ کوئی رٹ، پنچم اگّ نہ کوئے لگاؤنا اے۔ بھانڈے بھرے جو ہوئے سکھ، وِچ سوہنی وست ٹکاؤنا اے۔ بھگتاں دا گا کے آپ پہلوں جس، پھیر اپنا نام سمجھاؤنا اے۔ نِرگُن ہو کے سرگُن وس، سرگُن پھیر مات وڈیاؤنا اے۔ سرگُن باہروں دِسے جٹّ، اندر پُرکھ سمرتھ ڈیرہ لاؤنا اے۔ جوتی جوت سروُپ ہرِ، آپ اپنی کِرپا کر، بیِس اِکیِس وقت سُہاؤنا اے۔ بیِس اکیس جگت جناؤندا اے۔ ہرِ بھگت پربھ اُٹھاؤندا اے۔ ساچا وقت آپ سمجھاؤندا اے۔ نِرگُن درس دیِدار کراؤندا اے۔ جنم جنم دی میٹ کے حرص، ہَوس سرب گواؤندا اے۔ غریِب نِمانیاں اُتے کر کے ترس، فرشوں چُک عرشاں اُپر بہاؤندا اے۔ پُرکھ اکال آیا پرت، پت پرمیشور پھیرا پاؤندا اے۔ جِس اِکّی دی گوبِند لا کے گیا شرط، تِس نوُں صحیح سلامت گود اُٹھاؤندا اے۔ کرے کھیل آپ نِدھڑک، بھےَ بھؤ نہ کوئے جناؤندا اے۔ دو جہان نہ جائے اٹک، منزل پندھ آپ مکاؤندا اے۔ جو پِچھےرہ گیا فرق، ہُن فَیصلہ ٹھیِک کراؤندا اے۔ اِس اُتے کِسے دا کوئی نہیں ہرکھ، جو گُر اوتاراں لوکمات گھلاؤندا اے۔ جِس دا نام سچّا کھڑگ، کھنڈا اِکو ہتّھ چمکاؤندا اے۔ اِس دی سچ دوارے چڑھت، مندر اپنا آسن لاؤندا اے۔ گُر اوتار پیِر پَیغمبرو اپنی اکھّراں نال لِکھی ویکھو پڑھت، قلم شاہی لیکھ پھیر سمجھاؤندا اے۔ پربھ دے نام دا نہ لئے کوئی دھڑت، دھڑے بازی ختم کراؤندا اے۔ گُرمکُھاں لیکھا چُکیا نرک سوَرگ، دوزخ بہِشت دوہاں توں پار کراؤندا اے۔ جِتھے کھیل کرے اسچرج، اچرج لیلا آپ وکھاؤندا اے۔ بن کے جودھا سوُربیِر مرد، مردانگی اِک کماؤندا اے۔ گُرسِکھو تُہاڈے نال ونڈے درد، تُہاڈا دُکھ اپنی جھولی پاؤندا اے۔ تُہاڈا پِچھلا لاہیِا قرض، مقروُض اپنا ہؤلا بھار کراؤندا اے۔ جوتی جوت سروُپ ہرِ، آپ اپنی کِرپا کر، رُت سُہنجنی آپ سُہاؤندا اے۔ ہاڑ ستاراں سُہنجنی رُتی، رُتاں وِچوں بدل کے آئیا۔ گوبِند بھاگ لگا پُتیں، گُرمکُھ سوہنے نظری آئیا۔ اُجل ہوئی پُرکھ اکال دی کُکھی، جوت اکالن خوشی منائیا۔ اینہاں اگن نہ ویکھنی پھیر لٹک کے پُٹھی، مات گربھ نہ پھیرا پائیا۔ من واسنا کول رہے نہ لُچی، کوُڑی کِریا دیوے گوائیا۔ چار ورناں وچوں گُرمکُھو تُہاڈی آتما کرے سُچی، مانک موتی دئے بنائیا۔ جِس نے تُہاڈی سُرت اُٹھائی سُتّی، شبد ہلوُنا اِک لگائیا۔ ہُن ویلا نہیں گوبِند ہتّھ رکھے اُتے کُجیّ، پڑدا تھوڑا تھوڑا چُکائیا۔ پُرکھ اکال دی رمز اِکو سُجھی، سوجھی سب نوُں دیوے پائیا۔ مِہر نظر کر کے سب دی بدل دیوے بُدھی، بُدھوُ رہن کوئے نہ پائیا۔ جے نامے بنائی جھُگی، تُہاڈا بھگت دوارا دِتا سُہائیا۔ ایہو مِسل مشہوُر جگ رہ جائے اُگھی، چار کُنٹ
ڈھولا گائیا۔ دیِن مذہب دی چڑھی رہن نہ دینی کوئی گُڈی، ڈور سب دی رہیا کٹائیا۔ شرع شریعت کرکے ڈُڈی، انتم مُنہ دے بھار سُٹائیا۔ کلجُگ اؤدھ ویکھے پُگی، لیکھا جانے بےپرواہیِا۔ جوتی جوت سروُپ ہرِ، آپ اپنی کِرپا کر، سچ رحمت رہیا کمائیا۔ رحمت کمائے آپ سُلطان، ہرِ وڈّا وڈ وڈیائیا۔ ثابت نظر نہ آئے کِسے اِیمان، عملاں وِچ دِسے نہ کوئے لوکائیا۔ مندر مسجد شِودوالیاں مٹھاں اندر بَیٹھے ہوئے بےاِیمان، گُروُدوار گُر اِشٹ نہ کوئے جنائیا۔ دِنے جاگدیاں اکھّاں نال راتی کوُڑا کرن حرام، سچ سُچ سمجھ کوئے نہ پائیا۔ اندر وڑ کے کہن ساڈا تیرے اُتے مان، تیری سیو کمائیا۔ کاغذاں وِچوں بول کے کُچھ نہ کہے بھگوان، صِفتاں وِچ بَیٹھا اپنا آسن لائیا۔ اوہ ویکھنہارا والی دو جہان، جِس گُر اوتاراں پیِر پَیغمبراں نوُر دِتا درسائیا۔ اوہ پکڑنہارا جیِو جہان، لکّھ چؤراسی کھوج کھوجائیا۔ ایسے کرکے گوبِند دے کے گیا بیان، ویہہ سؤ اِکّی دھیان لگائیا۔ داتا آوے نؤجوان، نؤبت اپنا نام وجائیا۔ کوٹن کوٹاں وِچوں تھوڑے کرے پروان، جِنہاں گوبِند پروانے ہتّھ گیا پھڑائیا۔ محمد دی چار یاری مار کے آپ دھیان، پھڑ اُنگلاں نال ہِلائیا۔ موُسے دا اِکو سُن پیَغام، تِنّاں رنگ چڑھائیا۔ ایسے دا سُن کے اگلا پِچھلا پیَغام، ستّاں سوجھی ہور دوائیا۔ ستّ تِنّ دس دا کھیل مہان، چار چؤدس لوک ویکھ وکھائیا۔ چؤداں طبقاں ویکھے مار دھیان، چؤدھویں چند نَین کھُلائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے دِرڑائیا۔ بھیوَ ابھیدا ویکھ کھُلدا، ہرِ خالق خلق کھُلائیا۔ گوبِند دا باغیچہ ویکھو پُھلدا، پتّ ڈالی آپ مہکائیا۔ ویکھو حال وِشَو کُل دا، چار ورن ملِے سرنائیا۔ کوئی تول نہ ساچے تُلدا، تولن ہارا جن بھگتاں اپنے کنڈے لئے چڑھائیا۔ پت پرمیشور آد جُگاد کدے نہ بُھلدا، ابُھل روُپ وٹائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے جگائیا۔ گُر اوتار پیِر پَیغمبر کہن اساں ویکھے بھگت، جو تیرے وِچ سمائیا۔ اوہ چھّڈ کے سارا جگت، جیِون تیری جھولی پائیا۔ بِن جھٹکائیوں گئے جھٹک، بِن کسائیؤں چُھری دِتی وکھائیا۔ اوہ پےَ کے سِدھی سڑک، گوبِند ملِے چائیں چائنیا۔ جوتی جوت سروُپ ہرِ، آپ اپنی کِرپا کر، سوہنی رُت رہیا وڈیائیا۔ گوبِند نال کر کے میلا، مِل مِل خوشی منائیا۔ ہویا سچ وقت سُہیلا، سُہنجنا رنگ رنگائیا۔ بھاگ لگا گُروُ گُر چیلا، چیلا گُر نظری اِکو آئیا۔ لکّھ چؤراسی نالوں گُر اوتار پیِر پَیغمبر کر کے ویہلا، خالی ہتّھ چرناں وِچ لیا بہائیا۔ تُہاڈی بھیٹا جو چڑھدا رہیا بکرا لیلا چھیلا، چُھری گٔوآں گھات کرائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ
کمائیا۔ تُہاڈی کرنی ہُندا رہیا جھٹکا، جگت سیِس کٹائیا۔ تُہاڈے بھردے رہے کایا مٹکا، ماٹی خاک خوشی منائیا۔ ہُن ویلا آیا اوہ وقتا، جِس دی سمجھ کِسے نہ پائیا۔ لکّھ چؤراسی حال ہووے خستہ، خالص گُرمکُھ تیرے نظری آئیا۔ پربھوُ دا نام جِنہاں لایا سستا، کؤڈیاں اُتوں ہٹّ وِکائیا۔ اینہاں رکھے کُنبھی نرکا، باہر سکے نہ کوئے کڈھائیا۔ جِنہاں پڑھ کے ورقہ ورقہ، پھیر سَتگُر دِتا بُھلائیا۔ تِنہاں انت لبھے کوئی نہ پٹکا، خالی ہتّھ دئے وکھائیا۔ جوتی جوت سروُپ ہرِ، آپ اپنی کِرپا کر، لہنا دینا رہیا مُکائیا۔ جو پڑھدا رہیا نال مصلہ، جِہوا نال سُنائیا۔ اُس دا نظر نہ آیا اصلا، اصلیّت سکے نہ کوئے سمجھائیا۔ اوہ کھر دی جوُنے پئے نسلا، پِٹھ بھار اُٹھائیا۔ ساچا ملِے کوئی نہ وصلا، محبوُب انگ نہ کوئے لگائیا۔ جوتی جوت سروُپ ہرِ، آپ اپنی کِرپا کر، دیونہار آپ سمجھائیا۔ جو رسنا پڑھ پڑھ دسّدے رہے جگ، عمل اپنا نہ کوئے کمائیا۔ اوہ جوُناں وِچوں جوُن بھوگن کگّ، کاگاں وِچ اوہ کاگ جو وِشٹے وِچ سمائیا۔ ڈھوراں دے کھاون ہڈّ، چمّ درِشٹی چرم نال مِلائیا۔ پڑھیا لِکھیا ایتھے جانا چھّڈ، بِن سَتگُر جگت نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ جو رسنا پڑھ پڑھ دسّدے رہے گیِت، بتّی دند چتُرائیا۔ تِنہاں اندر نہ مِلیا میِت، بھرمے بُھلے پِھردے رہے وِچ لوکائیا۔ سو انتم نیِچاں وِچوں نیِچ، کُکرمی نظری آئیا۔ ساچے در نہ ملِے بھیِکھ، بِھچھِیا نام نہ کوئے پائیا۔ دھر بھُننے اُپر سیِخ، کباب سوہنا دئے بنائیا۔ جِس ویلے اینہاں دی نِکلے چیِک، سُنن والے جان کُرلائیا۔ جِنا چِر صاحِب سَتگُر شبدی آپ نہ ملِے جِسدی سدا اُڈیِک، نِج گھر اپنا پھیرا پائیا۔ باقی سب دی جھوُٹھی پریِت، لگّی توڑ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ گُر اوتار سُن کے کلام، اُنگلاں کنّاں وِچ پائیا۔ بہُڑی کی کھیل کرے امام، عمل سب دے ویکھ وکھائیا۔ جِنہاں حُجریاں وِچ کیِتا حرام، تِنہاں پھڑ پھڑ لئے اُٹھائیا۔ جِنہاں مندراں وِچ نال رکھیا شَیطان، کام کرودھ لڑائیا۔ جِنہاں گُردواریاں وِچ اکھّاں نال کیِتا نِشان، دھیِاں بھَیناں لَین تکائیا۔ سو سارے ہوئے بےاِیمان، بیوہ روُپ نظری آئیا۔ انت رُڑھائے اوس طوفان، جِس وِچوں سکے نہ کوئے بچائیا۔ گرنتھیاں کِسے کمّ نہ آئے گیان، پنڈتاں دی وِدیا سمجھ نہ کوئے رکھائیا۔ مُلّاں دا مصلہ نہ سکے پچھان، الف سکے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، بیِس اِکیسا ویکھن آئیا۔ بیِس اِکیسا کہے میری رُت سُہیلی، سُہنجنا سنگ نِبھائیا۔ جوبن رتڑی وڈ البیلی، بھجےّ واہو داہیِا۔ پریِتی کہے میَں گوبِند
چیلی، چیلیاں وِچوں نظری آئیا۔ بھگت دوارے آ کے ویکھی میری سنگت سُہیلی، سجّناں وِچوں سجّن بن کے سنگ نِبھائیا۔ جگت شریعت نالوں ہو کے ویہلی، ویلا وقت رہی سُہائیا۔ اینہاں مِلیا دُھر دا بیلی، کلجُگ بیلے وِچوں باہر کڈھائیا۔ اوہ وسے سدا نویلی، گھر سچّے سوبھا پائیا۔ جِتھے دیِپک جگے نہ کوئی تیلی، تیل باتی نظر کوئے نہ آئیا۔ اچرج کھیل پربھ کل کھیلی، خالص خالصہ لیا اُٹھائیا۔ جوتی جوت سروُپ ہرِ، آپ اپنی کِرپا کر، ہرجن لیکھے اپنے لائیا۔ ہرجن کہن اُٹھو سارے، سچ دیؤ سُنائیا۔ پربھوُ جو تیرے بِنا رہے کوارے، کنت مات نہ کوئے پرنائیا۔ بےشک ماں پیؤ ساڈے مکُھ نوُں لائے چُھہارے، پنج تت والی ناری دِتی پرنائیا۔ سُکھ آسن سیجا کوئی نہ چاڑھے، بھوگ بلاس کرے لوکائیا۔ ایسے کر کے گوبِند تیرے اَگے کڈھے ہاڑے، تُوں ویکھیں میرے گُرمکُھ سوہنے لاڑے، جِنہاں دی لڑی تیرے نال جُڑائیا۔ اوہ ویلا وقت اوہ رُت ویہہ سؤ اِکّی بِکرمی ستاراں ہاڑے، ہرِ جوُ اپنا رنگ رنگائیا۔ اوہ چل کے آئے تیرے دوارے، دوارکا بَیٹھی مکُھ شرمائیا۔ جیہڑے موُسے مِل نہ سکے نظارے، تیرا نظارہ تکّ تکّ خوشی منائیا۔ تُوں پربھ پریم چاڑھیں اپنے کھارے، وٹنا سوہنا نام لگائیا۔ ہُن ویلا نہیں صِرف پنج تارے، پنج پیارے اِکّیاں نالوں ساچی سِکھی دِتی بنائیا۔ سَتگُر کوئی نہیں کیِتا ٹٹُّو بھاڑے، جو بُتیاں نال منائیا۔ کِرپا نِدھان ٹھاکر سوامی ہو کے آپے تارے، پھڑ باہوں گلے لگائیا۔ اُچے مندر اوس چاڑھے، جِس منزل بَیٹھا بےپرواہیِا۔ پُتراں وانگ کرے پیارے، دھیِاں وانگ گودی لئے بٹھائیا۔ اکھّیں ویکھے آپ دُلارے، نیتر لوچن اکھّ کھُلائیا۔ گُرمکُھو تُسیں تر گئے سارے، ساری سنگت نال مِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگت کہن اُٹھو بھائی، بھَیناں دیؤ صلاحیِا۔ جُگاں پِچھوں رُت سُہنجنی آئی، پربھ دَیا آپ کمائیا۔ نِرگُن ہو کے آیا ماہی، سرگُن لئے جگائیا۔ جِس ویلے گوبِند بوُٹا پُٹیا کاہی، دھیان اِک وِچ ٹِکائیا۔ بےشک میَنوُں سرِشٹ کہے شُدائی، میرے گُرسِکھاں دیویں وڈیائیا۔ تُوں دُھر دا سچّا ماہی، میَں تیری آس تکائیا۔ میَں ماچھوُواڑے دا راہی، پاندھی بن کے چلاں چائیں چائنیا۔ تُوں سچّا سچ گوسائیں، سچکھنڈ اپنا ڈیرہ لائیا۔ میَں تیری سیو کمائی، بچےّ نیہاں ہیٹھ دبائیا۔ میَں تیرا درشن گُرمکُھاں دیاں کرائی، میَنوُں لوڑ رہی نہ رائیا۔ میریاں سِکھاں دی دھونی شاہی، دُرمت مَیل مِٹائیا۔ میَں اپنے تن دی خاک ڈھیری اجے تکّ نہ اُٹھائی، ندیڑ وِچ دِتی ٹِکائیا۔ اوہ ویلا آوے گُرمکُھو جِس ویلے اپنی کھیل دئے سمجھائی، لکّھ چؤراسی دئے
چُکائیا۔ ایس ویہہ سؤ اِکّی دی ساریاں پئے دُہائی، دو جہان جان کُرلائیا۔ مہاراج شیر سِنگھ وِشنوُں بھگوان، گوبِند نال مِل کے گُرمکُھاں دین آیا ودھائی، وادھا تُہاڈی کُل وِچ پائیا۔ وادھا ہووے گُرمکُھ کُل، کُلونتا آپ جنائیندا۔ کرتا قیمت نہ لائے کوئی مُل، مِہر نظر اِک اُٹھائیندا۔ ایہہ سوہنی پُھلواڑی اگمّڑا پُھل، لوکمات ویکھ وکھائیندا۔ جو سچ پریِتی گیا گھُل، آپ اپنی آپ لگائیندا۔ جوتی جوت سروُپ ہرِ، آپ اپنی کِرپا کر، ہرجن ساچے دَیا کمائیندا۔ ویکھے بھگت سوہنے سُچّجے، سمت اِکو نظری آئیا۔ بھگوان ولّ آون بھجےّ، بھگت روُپ وٹائیا۔ جِس ویلے پُرکھ اکال اینہاں ولّ تکّے، بِن اکھّاں اکھّ کھُلائیا۔ گوبِند کہے میرے بچےّ، جو بَیٹھے ڈیرہ لائیا۔ پریم اندر سچّے، پیار اندر قُربانی رہے کرائیا۔ اینہاں نوُں لوڑ رہی نہ مدینے مکّے، گُردواریاں دا گھر نہ کوئے بنائیا۔ ایسے کر کے جگت جہان وینہدے ہوئے ہکّے بکےّ، حقیِقت اینہاں دی جھولی پائیا۔ ایہہ کِیوں گان اکھّراں والے ٹپّے، جِنہاں امرت چھکیا بےپرواہیِا۔ ایہہ کِیوں کرن جوگ ابھیاس والے رٹےّ، جِنہاں دا جوگ ابھیاس دِتا کٹائیا۔ ایہہ کِیوں تن بھبوُت ملن گھٹّے، جل دھارا سیِس کرائیا۔ ایہہ کِیوں تیِرتھ تٹاں اُتے پِھرن نٹھے، بن پاندھی پھیرا پائیا۔ اوہ جِنہاں نوُں گھر بَیٹھیاں مِلیا پربھ سمرتھے، داتا دانی ہوئے سہائیا۔ پہلوں دئے اپنی اکھے، آخر اپنا میل مِلائیا۔ ایہہ ہُن نہیں رہے کچّے، کچیاں توں پکّے دئے بنائیا۔ سچ دوارے ہوئے سچّے، سچ دِتی وڈیائیا۔ اینہاں نوُں دُھر سندیسے ملِے پتے، پت پرمیشور سچ سُنائیا۔ جوتی جوت سروُپ ہرِ، آپ اپنی کِرپا کر، جن بھگتاں دئے وڈیائیا۔ جن بھگت کہن کؤن سُناؤندا، دُھر دا راگ جنائیا۔ ساچے سنت کہن کؤن مناؤندا، رُٹھڑے گلے لگائیا۔ گُرمکُھ کہن کؤن گود سُہاؤندا، دُرمت مَیل دھوائیا۔ گُرسِکھ کہن کؤن جگاؤندا، جو نیتر اکھّ کھُلائیا۔ گُر اوتار پیِر پَیغمبر کہن پُرکھ اکال پھیرا پاؤندا، نِرگُن ہو کے ویکھن آئیا۔ پِچھلا لیکھا ساڈا مکاؤندا، اَگے تُہانوُں دئے وڈیائیا۔ ساڈے ساریاں وِچوں گُرمکُھ کہن گوبِند ایہو چاہُندا، میرے گُرسِکھاں ملِے وڈیائیا۔ دوُجی بنت نہ کوئے بناؤندا، دلیِلاں وِچ نہ وقت لنگھائیا۔ اِکو ڈھولا پُرکھ اکال دا گاؤندا، گا گا گُرسِکھاں رہیا سُنائیا۔ گُرسِکھو تُہاڈے نال پریم کرے پربھوُ من بھاؤندا، تُہاڈا من اپنے وِچ چُھپائیا۔ تُہاڈی سیجا اُتے سؤندا، سوہنی آپ وِچھائیا۔ جِس ویلے پریم پیار اندر گُرمکُھ گاؤندا، سوہنا راگ الائیا۔ ایہو ویلا وقت سُہنجنا آپ سُہاؤندا، رُت رُتڑی مات مہکائیا۔ ویہہ سؤ اِکّی بِکرمی
جن بھگتاں نال سُہاؤندا، بِھنڑی رَین دئے گواہیِا۔ اگلا پیَنڈا سب دا آپ مکاؤندا، لکّھ چؤراسی ناتا دِتا تُڑائیا۔ بھگت دوارے آپ رکھاؤندا، جِس دوارے بَیٹھا ڈیرہ لائیا۔ مہاراج شیر سِنگھ وِشنوُں بھگوان آپ اکھواؤندا، جِس دا پنج تت روُپ نظر کوئے نہ آئیا۔