۲۶ ہاڑ ۲۰۲۱ بِکرمی سَورن سِنگھ، چرن سِنگھ دے گرِہ جھنگی
سو پُرکھ نِرنجن سچ نریشا، شہنشاہ تیری وڈیائیا۔ نِرمل نوُر جوت پرکاش ساچے دیسا، سچکھنڈ دوارا سوبھا پائیا۔ آد جُگاد جُگ چؤکڑی بَیٹھا رہے نِرگُن دھار ایکا، ایکنکار بےپرواہیِا۔ گُر اوتاراں پیِر پَیغمبراں دسّدا رِہوں لیکھا، بودھ اگادھ کرے پڑھائیا۔ نِرگُن سرگُن شبدی دھار کھول اپنا بھیتا، انبھَو سچ دئیں دِرڑائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ ساچی کرنی تیری کرتار، ہرِ کرتے نظر کِسے نہ آئیا۔ سچ سندیسہ سدا رہے جُگ چار، نِت نوِت حُکم ورتائیا۔ لِکھ لِکھ لیکھا لیکھ بنایا وِچ سنسار، شاستر سِمرت وید پُران ناؤں دھرائیا۔ اٹّھ دسّ بھر بھنڈار، گیِتا گیان وجّی ودھائیا۔ انجیل قرآن کھول کِواڑ، پڑدا دِتا اُٹھائیا۔ کھانی بانی بھر بھنڈار، وست امولک سچ ورتائیا۔ کھیل کھِلاؤندا رِہوں نؤ سؤ چُرانوے چؤکڑی جُگ وِچ سنسار، جُگتی اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ کمائیا۔ دُھر دی کرنی پُرکھ سمرتھ، ہتّھ تیرے نظری آئیا۔ آد جُگاد مہما اکتھ، بھیوَ ابھید نہ کوئے کھُلائیا۔ نِرگُن سرگُن چلا ئے رتھ، بن رتھواہی ہوئے سہائیا۔ گُر اوتار مارگ دسّ، پیِر پَیغمبر حُکم منائیا۔ نِج نیتر لوچن نَین کھول اکھّ، گھر
میلا سہج سُبھائیا۔ آتم پرماتم دسّ کے جس، ڈھولا دُھر دا صِفت صلاحیِا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ تیرا لیکھا تھان تھننتر، برہمنڈ کھنڈ وجےّ ودھائیا۔ نام نِدھانا چلے منتر، دو جہان سدا جس گائیا۔ سرب جیِاں بِدھ جانے انتر، گھٹ گھٹ رہیا سمائیا۔ کریں پرکاش گگن گگننتر، جوتی جوت جوت رُشنائیا۔ دوار چڑھ کے ویکھیں منزل، محبوُب ہو بےپرواہیِا۔ بھاگ لگائیں اگمّے مندر، محل اٹل کریں رُشنائیا۔ کر پرکاش اندرے اندر، دیِوا باتی اِک ڈگمگائیا۔ جوتی جوت سروُپ ہرِ، آپ اپنی کِرپا کر، لیکھا جانے ہر گھٹ تھائنیا۔ لیکھا جانے صاحِب سُلطان، سو پُرکھ نِرنجن تیرے ہتّھ وڈیائیا۔ شاستر سِمرت وید پُران، تیرا دین بیان، شہادت اِکو وار بُھگتائیا۔ انجیل قرآن اُچی کوُک کوُک سُنان، کلمہ حق حق دِرڑائیا۔ دُھر سندیسہ دینا پیَغام، سچ سندیسہ بےپرواہیِا۔ ناؤں نِرنکارا تیرا اِک نِدھان، نام سَت نظری آئیا۔ جُگ چؤکڑی ونڈدا رِہوں دان، سَتجُگ تریتا دواپرکلجُگ جھولی آپ بھرائیا۔ تیرا بھیو جانے نہ کوئے سِری بھگوان، پڑدا سکے نہ کوئے اُٹھائیا۔ گُر اوتار پیِر پَیغمبر بالے نڈھےّ انجان، در سیوک روُپ ساچی سیو کمائیا۔ واک بھوِکھت سُناؤندے رہے فرمان، فُرنا تیرے نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب تیری سرنائیا۔ شاستر سِمرت وید پُران گاؤندے رہے گیِت، اکھّراں نال کر پڑھائیا۔ ناتا جُڑاؤندے رہے شِودوالے مٹھ مندر مسیِت، گُردوارے گُر گُر بوُجھ بُجھائیا۔ پت پرمیشور تیری انتر جانے کوئی نہ ریِت، من مت بُدھ چلے نہ کوئے چتُرائیا۔ جن بھگتاں اپنا کھیل دسّیں انڈیِٹھ، انڈِٹھڑا بھیو چُکائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ پڑدا اوہلا جائے اُٹھ، کوُڑی کِریا رہن نہ پائیا۔ جِس اُپر گوپال سوامی جائے تُٹھ، مِہر نظر ٹِکائیا۔ سو سنت سُہیلا تیرا سُت، گھر ساچے سوبھا پائیا۔ سچ سُہنجنی مؤلے رُت، پتّ ڈالی اِک مہکائیا۔ جنم کرم دی میٹ کے بُھکھ، ترِسنا دُکھ دئے گوائیا۔ انتر آتم اُپجے اِک سُکھ، پرماتم میلا سہج سُبھائیا۔ شاستر سِمرت وید پُران سیِس نِواون جھُک، دوئے جوڑ جوڑ ڈھیہہ پَین سرنائیا۔ کلجُگ انت سب دا بھنڈارا رہیا مُک، پاندھی ہو کے الکھ جگائیا۔ تیرا بھانا صاحِب سُلطان ابناشی کرتے کدی نہ جاوے رُک، نہ کوئی میٹے میٹ مِٹائیا۔ صدی چؤدھویں ویلا رہیا ڈُھک، پیِر پَیغمبر دین گواہیِا۔ عیسیٰ موُسیٰ محمد لاشریِک کولوں رہے پُچھ، پروردِگار اِکو اوٹ تکائیا۔ گُر اوتار سجدہ کرن جھُک، جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ بےپرواہ تیرا
ادب، آداب اِکو نظری آئیا۔ پیِر پَیغمبر گُر اوتار حیَران ہوئے ویکھ کلجُگ مذہب، دیِن کرے لڑائیا۔ دروہی خُدائے ہویا غضب، سَت سچ نہ کوئے سمجھائیا۔ کوُڑی دھار دیوے کوئی نہ بدل، ممتا موہ نہ کوئے مِٹائیا۔ ساچا کرے نہ کوئی عدل، عدالت حق نہ کوئے کرائیا۔ لیکھا چُکےنہ مقتوُل قاتل، قتل گاہ رہی کُرلائیا۔ صوُفی سنت چڑھے نہ کوئے اپنی منزل، پاندھی اَدھوِچکاربَیٹھے ڈیرہ لائیا۔ تیرے نام دا نغمہ سچ سُنائے نہ کوئی غزل، جوتی جوت سروُپ ہرِ، آپ اپنی کِرپا کر، اِکو در تیرے منگ منگائیا۔ تیرے در منگی منگ، انجیل قرآن گُر اوتار پیِر پَیغمبر شاستر سِمرت بَیٹھے سیِس جھُکائیا۔ کِرپا کر سوُرے سربنگ، تیرا وجے نام مردنگ، دو جہاناں اِکو اِک کر شنوائیا۔ لَواں پُریاں برہمنڈاں کھنڈاں ویکھ لنگھ، جیرج انڈ اُتبُھج سیتج پھول پھولائیا۔ نؤ کھنڈ پرِتھمی ستّ دیِپ لکّھ چؤراسی جیِو جنت ہویا ننگ، ساچا اوڈھن سیِس نہ کوئے ٹِکائیا۔ در در گھر گھر کوُڑی کِریا ہؤمے ہنگتا بھریا گھُمنڈ، مایا ممتا پرے نہ کوئے ہٹائیا۔ چار ورن اٹھاراں برن شتّری براہمن شوُدر وَیش تیرے پریم دا گائے کوئی نہ چھند، جےَ جَیکار نہ کوئے سُنائیا۔ ساچا ملِے نہ کِسے انند، امرت رس مکُھ نہ کوئے چوائیا۔ چار کُنٹ بھیکھ پکھنڈ، جوُٹھ جھوُٹھ بھجےّ واہو داہیِا۔ سُرت سوانی بِن شبد ہانی ہوئی رنڈ، کنت کنتوُہل میل نہ کوئے مِلائیا۔ ساچی دِسے نہ کوئے سُگندھ، دُرگندھ باہر نہ کوئے کڈھائیا۔ نوُر پرکاش نہ سچّا چند، جگت اندھیر نہ کوئے مِٹائیا۔ رسنا جِہوا بتّی دند سارے گاؤندے تیرا چھند، ہِردے نام نہ کوئے وسائیا۔ جن بھگتاں پوُری کر اِک اُمنگ، مانگت بَیٹھے سیِس جھُکائیا۔ پرم پُرکھ پرماتم آتم دے اِک انند، نِجانند کر رسائیا۔ جوتی جوت سروُپ ہرِ، آپ اپنی کِرپا کر، ساچا مارگ دئے دِرڑائیا۔ شاستر سِمرت وید پُران گیِتا گیان انجیل قرآن گئے ہار، ہرِ کے پؤڑے نہ کوئے چڑھائیا۔ کوُڑی کِریا جگت کرے وِبھچار، دُشٹ دُراچار نظری آئیا۔ ساچی سِکھیا کرے نہ کوئے پیار، بِھکھیا نام نہ کوئے پائیا۔ دہ دِشا ہوئی خَوار، سُرتی شبد نہ کوئے جُڑائیا۔ درس ملِے نہ سانجھے یار، سگلا سنگ نہ کوئے نِبھائیا۔ کایا مندر کھولے نہ کوئے کِواڑ، بند تاکی کُنڈا لاہیِا۔ پنچ وِکار نہ مِٹے دھاڑ، کام کرودھ لوبھ موہ ہنکار ہویا ہلکائیا۔ لیکھا چُکےنہ جنگل جوُہ اُجاڑ پہاڑ، ٹِلّے پربت پندھ نہ کوئے مُکائیا۔ دیِا باتی سچ نہ ہوئے اُجیار، کملاپاتی کرے نہ کوئے رُشنائیا۔ امرت بوُند سوانتی ملِے نہ ٹھنڈی ٹھار، اگنی تت نہ کوئے بُجھائیا۔ تیرا درس نِج نیتر کِسے نظر نہ آئے وِچ سنسار، دوئے لوچن بند نہ کوئے کرائیا۔ جن بھگت اندرے اندر اُچی کوُکن دھاہاں رہے مار، جوتی جوت سروُپ ہرِ، آپ اپنی کِرپا کر، ساچا
دینا اِک گھر، جِس گھر تیرا نوُر نظری آئیا۔ ساچا گھر پربھ دسّ ایک، ایکنکار تیری سرنائیا۔ چار ورن ملِے ٹیک، مذہب دیِن نہ کوئے لڑائیا۔ اوُچ نیِچ نہ کوئے بھیکھ، ذات پات نہ کوئے رکھائیا۔ بُدھی ہوئے سَت بِبیک، من منکا دئے بھوائیا۔ صاحِب ملِے کھیوٹ کھیٹ، بیڑا اپنے کندھ اُٹھائیا۔ آتم پرماتم دسےّ ساچی کھیڈ، مارگ اِکو اِک سمجھائیا۔ بُدھ بِبیکی سُرتی کرے چیتن چیت، چِت وِت ٹھگؤری کوئے نہ پائیا۔ سچ دوارے کھولے بھیت، پڑدا اوہلا دئے چُکائیا۔ نظری آوے نیتن نیت، نر نرائن سچّا شہنشاہیِا۔ سچ دوارے لئے پیکھ، گھر سجّن بےپرواہیِا۔ اپنا آپ کر کے بھیٹ، جوتی جوت سروُپ ہرِ، آپ اپنی کِرپا کر، سچّا دینا دُھر دا ور، در تیرے سیِس نِوائیا۔ تیرے در جھُکے سیِس، در ٹھانڈا نظری آئیا۔ جُگ چؤکڑی پیِسن لیا پیِس، کلجُگ انتم ویکھ وکھائیا۔ سرِشٹ سبائی کلمہ پڑھے نہ کوئی حدیِث، ہِردے نام نہ کوئے وسائیا۔ مِٹھا ہوئے نہ کؤڑا ریِٹھ، امرت دھار نہ کوئے وہائیا۔ لیکھا چُکےنہ اوُچ نیِچ، شرع مکُے نہ کوئے جُدائیا۔ صدی ویہویں رہی بیِت، چؤداں لوک بَیٹھے نَین اُٹھائیا۔ چؤداں طبق گاؤندے گیِت، مصلہ حق حق سُنائیا۔ کروٹ بدل اپنی پیٹھ، پروردِگار تیری اوٹ تکائیا۔ مُریِد مُرشد مِل کے ہووے ٹھانڈا سیِت، کایا کعبہ سچ مسیِت سوبھا پائیا۔ جوتی جوت سروُپ ہرِ، آپ اپنی کِرپا کر، سچ وکھاؤنا اِک در، جِس گھر بَیٹھا ڈیرہ لائیا۔ جِس گھر وسیا آپ سوامی، پُرکھ اکال سوبھا پائیا۔ آد جُگاد جُگا جُگنت تیرا نام نِدھانا چلے بانی، دوُجی اَور نہ کوئے پڑھائیا۔ نِرگُن نِرویَر نِرمل جوت جگے مہانی، دیِوا باتی سکے نہ کوئے ٹِکائیا۔ اوتھے لیکھا چُکےچارے کھانی، چارے بانی روُپ نہ کوئے پرگٹائیا۔ منزل دسّ اِک لاثانی، لاشریِک تیرے ہتّھ وڈیائیا۔ تیرا پریم کرے قُربانی، جوتی جوت سروُپ ہرِ، آپ اپنی کِرپا کر، سچ وکھاؤنا اِک گھر، جِس گھر اپنا رنگ رنگائیا۔ جِس گھر ہووے تیرا رنگ، رنگ رتا اِکو نظری آئیا۔ جن بھگت منگ رہے منگ، انتر آتم دھیان لگائیا۔ شبد اناد وجے مردنگ، دُھن آتمک راگ سُنائیا۔ جوتی جوت ہووے پرکاش اگمّے چند، رَو سس نَین شرمائیا۔ کوُڑی کِریا کھنڈ کھنڈ، کھنڈا کھڑگ نام چمکائیا۔ پندھ مکُے برہمنڈ کھنڈ، جیرج انڈ رہن نہ پائیا۔ تیرا ڈھولا سُناں اِکو چھند، جِس دی گھڑت اکھّراں وِچ نظر کِسے نہ آئیا۔ منزل اُتوں منزل چُکےپندھ، پندھ وِچوں پاندھی لَینا بچائیا۔ تُوں داتا گہر گمبھیِر گُنی گہِند، ہرِ گَور تیری سرنائیا۔ جوتی جوت سروُپ ہرِ، آپ اپنی کِرپا کر، ساچا گھر دینا جنائیا۔ ساچا گھر دسّنا خالق، مِہربان تیری اوٹ تکائیا۔ جن بھگت تیرا نڈھّا بالک، مُریِد ہو کے مُردا
روُپ وکھائیا۔ تیرا پریم اگمّی خالص، خالص تیرا نوُر جوت رُشنائیا۔ کوُڑی کِریا رہے نہ آلس، جگت نِندرا ناتا دینا تُڑائیا۔ شبد سوامی بن کے ثالث، ساچا فَیصلہ دینا سمجھائیا۔ جوتی جوت سروُپ ہرِ، آپ اپنی کِرپا کر، گھر پڑدا دینا اُٹھائیا۔ گھر اُٹھاؤنا پڑدا آپ، مِہربان دَیا کمائیا۔ سچ دِرڑاؤنا اِکو جاپ، جِس وِچ تیرا روُپ نظری آئیا۔ روُح بُت دوویں کرنے پاک، خاکی خاک ملِے وڈیائیا۔ نِرگُن نِرگُن بننا ساک، سرگُن سرگُن لَینا اُٹھائیا۔ بند کواڑی کھول کے تاک، بجر کپاٹی کُنڈا لاہیِا۔ گھر وِچ گھر وکھاؤنا ہاٹ، گرِہ مندر ہوئے رُشنائیا۔ نِرمل جوت جوت پرکاش، اندھ اندھیار مِٹائیا۔ لیکھا جانے پَون سواس، ساہ ساہ سمجھائیا۔ امرت جام پیا بُجھاؤنی پیاس، نِجھر جھِرنا اِک جھِرائیا۔ شبد اگمّ وجےّ ناد، دُھن اپنے نال مِلائیا۔ کایا مندر اندر وڑ کے پربھوُ کھولنا اپنا راز، رازق رحیم سرن سرنائیا۔ پڑدا چُکےپرِتھمی آکاش، گگن گگننتر ڈیرہ ڈھاہیِا۔ تیرا بھگت تیری سُنے اِک آواز، دوُجی کرے نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، ساچی سِکھیا دینی جنائیا۔ ساچی سِکھیا دینی سچ، سَت سَتواد تیرا ناؤں نظری آئیا۔ بھاگ لگاؤنا کایا ماٹی کچ، پنج تت وجےّ نام ودھائیا۔ ساڈھے تِنّ کروڑ اندر جانا رچ، جگت نیتر نظر کِسے نہ آئیا۔ جن بھگتاں جھولی پاؤنا پِچھلا حق، حقیِقت تیرے ہتّھ ویکھی بےپرواہیِا۔ آتم پرماتم میل مِلنا سَت، سَت سَتوادی ہونا سہائیا۔ اپنا دسّنا سچّا جس، دُھر دا ڈھولا راگ سمجھائیا۔ اپنے مِلن دی دینی اکھّ، نِج نیتر کر رُشنائیا۔ دُئی دوَیتی کھیڑا کرنا بھٹھ، بھانڈا بھرم بھؤ بھنائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، جن بھگت ساچی منگ منگائیا۔ سچ بھگت کہے بھگوان، بھگوَن اپنی دَیا کمائیا۔ تُوں میرا نڈھّا بال انجان، بالی بُدھ دیاں سمجھائیا۔ سچ سندیسہ دیواں آن، دُھر دی دھار جنائیا۔ تُوں میرا میَں تیرا ساچا گاؤنا گان، سوہنگ اِک پڑھائیا۔ بھاگ لگّے کایا مندر مکان، کعبہ اِکو دیاں وکھائیا۔ دیِا باتی جگے مہان، جوتی جوت جوت رُشنائیا۔ شبد ناد وجےّ دُھنکان، انحد سیوا لائیا۔ امرت ٹھنڈا پیِن کھان، ترِشنا بُھکھ گوائیا۔ کوُڑی کِریا مِٹے نِشان، سچ سُچ دیاں پرگٹائیا۔ ساڈھے تِنّ ہتّھ دے کے سچّا دان، مہما اکتھ اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل صاحِب سمرتھ، دیِن دَیال ہوئے سہائیا۔ دیِن دَیال صاحِب سوامی، ہرِ کرتا دَیا کمائیندا۔ سرب جیِاں گھٹ انتریامی، سنت سُہیلے ویکھ وکھائیندا۔ لیکھ چُکاوے آون جاون چارے کھانی، چارے بانی اِکو راگ الائیندا۔ ساچی منزل دے کے پد نِربانی، نِربان پد اِک وکھائیندا۔
سچ دوار دی سچ نِشانی، سَت سَتوادی اِک وکھائیندا۔ جوتی جوت سروُپ ہرِ، آپ اپنی کِرپا کر، جن بھگتاں دے کے دُھر دا ور، دُھر مستک لیکھ بنائیندا۔ دُھر مستک لیکھا جائے بن، ہرِ داتا دَیا کمائیا۔ ایکا راگ سُنائے کنّ، دُھر دا ناد وجائیا۔ من کا منکا پھیرے من، ممتا موہ مِٹائیا۔ بھاگ لگا کے کایا تن، تتو تت دئے سمجھائیا۔ نام پدارتھ دے کے دَھن، سچ خزانہ دئے بھرائیا۔ کر پرکاش نیتر انھ، جوتی جوت کر رُشنائیا۔ پنچ وِکارا دیوے ڈنّ، ڈنکا اِکو اِک جنائیا۔ کوُڑی کِریا بھانڈا دیوے بھنّ، گڑھ ہنکار آپ تُڑائیا۔ ویکھنہارا چھپّر چھن، محل اٹل سوبھا پائیا۔ کلجُگ انت سوُرا سربنگ، سِری بھگوَنت ویس وٹائیا۔ سچ دوارا ویکھے لنگھ، منزل اپنا پندھ مُکائیا۔ جن بھگتاں سیج سُہنجنی پلنگ، آتم انتر سوہنا روُپ دِرڑائیا۔ جوتی جوت سروُپ ہرِ، آپ اپنی کِرپا کر، ہرجن میلے چائیں چائنیا۔ ہرجن مِلاؤنا ساچے در، در دروازہ آپ کھُلائیا۔ منزل منزل جانا چڑھ، پؤڑی ڈنڈے پندھ مُکائیا۔ سَت دوارے جانا کھڑ، صاحِب سَتگُر حُکم منائیا۔ سوَچھ سروُپی شاہو بھوُپی کِرپا دئے کر، کِرپا نِدھان بےپرواہیِا۔ جوتی جاتا نوُر دھر، ظہوُر اپنا دئے سمجھائیا۔ جوتی جوت سروُپ ہرِ، آپ اپنی کِرپا کر، جن بھگتاں لئے مِلائیا۔ جن بھگت میلا اُچ اٹاری، منزل اِکو اِک درسائیا۔ جِتھے جوت جگے نِرنکاری، نِرگُن بَیٹھا ڈیرہ لائیا۔ صاحِب سَتگُر میِت مُراری، سجّن اِکو اِک اکھوائیا۔ ویکھنہارا پِچھا اَگاڑی، چاروں کُنٹ کھوج کھوجائیا۔ دہ دِشا پائے ساری، پڑدا اوہلا آپ اُٹھائیا۔ جوتی جوت سروُپ ہرِ، آپ اپنی کِرپا کر، جن بھگت آتم کرے پیاری، پریِتم ہو کے میل مِلائیا۔ پریِتم ہو کے کرے مِلاپ، پرم پُرکھ دَیا کمائیندا۔ اِکو دسےّ دُھر دا پاٹھ، ساچا سوہلا راگ سمجھائیندا۔ آتم پرماتم دُھر دی ذات، اذاتی روُپ نہ کوئے وٹائیندا۔ گُپت ظاہر باطن کرے بات، سچ سندیشہ اِک سُنائیندا۔ گُر اوتار پیِر پَیغمبر جو واک بھوِکھت گئے آکھ، آخر لیکھا سرب مُکائیندا۔ کلجُگ میٹ اندھیری رات، سَتجُگ سچّا چند چمکائیندا۔ سرِشٹ سبائی اِکو نات، بِدھاتا اپنے نال جُڑائیندا۔ چار ورن بنے سچ جماعت، دُھر دا نام آپ پڑھائیندا۔ ڈیرہ ڈھٹّھے ذات پات، دیِن مذہب نہ کوئے رکھائیندا۔ سَت سَت دی سچ کِتاب، صاحِب سَتگُر اپنا نام سمجھائیندا۔ جو آد جُگاد جُگ چؤکڑی رہے پاک، پوِت اپنے نال کرائیندا۔ جوتی جوت سروُپ ہرِ، آپ اپنی کِرپا کر، ساچا در آپ سُہائیندا۔ ساچا در سُہنجنا، جن بھگت دئے وڈیائیا۔ نیتر پا کے نام انجنا، اگیان اندھیر چُکائیا۔ چرن دھوُڑی سچّا مجنا، دُرمت مَیل دھوائیا۔ سچ نگارا اِکو وجّنا، کلجُگ انتم دئے
سمجھائیا۔ لکّھ چؤراسی بھانڈا بھجّنا، تھِر کوئے رہن نہ پائیا۔ کوٹاں وِچوں جن بھگت بھگت دوارے بہہ کے سجنا، مُریِد مُرشد لئے مِلائیا۔ اِکو دیوے پرمانندنا، انند انند وِچوں پرگٹائیا۔ تُوں میرا میَں تیرا سوہنگ گاؤنا ساچا چھندنا، سنسا روگ رہے نہ رائیا۔ آتم پرماتم ٹُٹی آپے گنڈھنا، گنڈھنہار اِک گوسانئیا۔ جن بھگت تیری پوُری آسا منسا ہووے منگنا، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کرے رحمت، رحمان دَیا کمائیا۔ پروردِگار ہو کے سہمت، سہم کوُڑا دئے چُکائیا۔ گُرمکُھ بنے نہ کوئی احمق، ساچی سِکھیا اِک وکھائیا۔ شبد اشارہ دیوے سیَنت، سچ سچ دِرڑائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، سچّا مارگ اِک لگائیا۔ سچّا مارگ بھگت بھگوان، ہرِ کلجُگ انت لگائیندا۔ چار ورناں اِک گیان، برن اٹھاراں آپ سمجھائیندا۔ جِس دی صِفت کردے شاستر سِمرت وید پُران، گیِتا گیان راگ الائیندا۔ جِس دا نعرہ لاؤندے انجیل قرآن، تیس بتیِسا ونڈ ونڈائیندا۔ جِس دی کھانی بانی دسےّ پہچان، پرا پسنتی مدھم بَیکھری دُھر دا ناد سُنائیندا۔ سو پُرکھ اکال دیِن دَیال کھیل کرے مہان، مہما کتھ نہ کوئے دِرڑائیندا۔ جوتی جاتا پُرکھ بِدھاتا نِرگُن نِرویَر پرگٹ ہووے والی دو جہان، چؤداں لوک چؤداں طبق چؤداں وِدیا چؤدس چند کھوج کھوجائیندا۔ لکّھ چؤراسی اندر باہر گُپت ظاہر ویکھے سَت اِیمان، صِدق صبوُری بھیوَ ابھیدا آپ کھُلائیندا۔ لیکھا جانے ساچے رام، رمئیا ہو کے کار کمائیندا۔ بُھلیکھا کڈھے دُھر دا کاہن، گھنئیا ہو کے اپنا کھیل وکھائیندا۔ حضرت ہو کے دئے پیَغام، حاضر ہو کے پڑدا لاہِندا۔ بھگوَنت ہو کے بدلے نِظام، نؤبت اپنا نام سُنائیندا۔ سچّا مارگ دسےّ آپ مِہربان، محبان بیِدو اپنی کھیل کھِلائیندا۔ جوتی جوت سروُپ ہرِ، آپ اپنی کِرپا کر، ہرجن ساچے سنگ نِبھائیندا۔ ساچا سنگ نِبھائے جگ، جگ جیِون داتا وڈّی وڈیائیا۔ سچ دوار کرائے حج، حاجت سب دی پوُر وکھائیا۔ جن بھگت کایا مندر اندر وِچوں لئے لبھ، باہر کھوجن کوئے نہ جائیا۔ شبد سوامی پار کنارہ دسےّ حد، حدوُد اپنی دئے دِرڑائیا۔ بھیوَ کھُلا کے وِشَو جدّ، واسطہ اپنے نال رکھائیا۔ اِکو دے کے امرا پد، اگلی پِچھلی منزل دئے مُکائیا۔ سنت سُہیلے سجّن سدّ، سادھنا ساچی دئے دِرڑائیا۔ نام نِدھان امرت رس پیِو مد، سچ خُماری اِک چڑھائیا۔ جُگ چؤکڑی کوٹن کوٹ لوکمات گئے لد، گُر اوتار پیِر پَیغمبر جُگ جُگ پھیریاں پائیا۔ بِن پُرکھ اکال دیِن دَیال سچ سِنگھاسن سچکھنڈ دوار کوئی نہ بہے سج، شاہ سُلطان بھوُپت بھوُپ راج راجان نظر کوئے نہ آئیا۔ کلجُگ انت سِری
بھگوَنت ہرِ بھگت سُہیلے لئے لبھ، نؤ کھنڈ پرِتھمی ستّ دیِپ چار کُنٹ دہ دِشا لکّھ چؤراسی گھٹ گھٹ اندر پھول پھولائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، مہاراج شیر سِنگھ وِشنوُں بھگوان، وِشَو اپنی دھار بندھائیا۔
۲۷ ہاڑ ۲۰۲۱ بِکرمی جسونت سِنگھ دے گرِہ کرتار پُر
صاحِب سَتگُر ساچی کِرپا، کِرپن لئے ترائیا۔ جنم کرم دی کٹّے بِپتا، روگ سوگ مِٹائیا۔ ہرِ سنت سُہیلے ویکھن آئی ماتا ترِپتا، نانک گودی جو ٹِکائیا۔ جِنہاں پرم پُرکھ دا اِکو اِشٹا، دوُجا سیِس نہ کوئے جھُکائیا۔ وار تھِت گھڑی ویکھے سَت پروِشٹا، دِوس رَین خوشی منائیا۔ صاحِب سَتگُر اُتے جِنہاں پوُرب نِسچا، سچ پرتیِت اِک رکھائیا۔ جوتی جوت سروُپ ہرِ، آپ اپنی کِرپا کر، سدا سُہیلا اِک ہو جائیا۔ صاحِب سَتگُر کِرپا نِدھان، نِرگُن نِرویَر نظری آئیا۔ جِس دا آد جُگادی اِک دھیان، جُگ چؤکڑی ویکھ وکھائیا۔ جِس دا سُت دُلارا گوبِند نؤجوان، بلدھاری اِک اکھوائیا۔ جِس دا نام کھنڈا تیز کِرپان، کھڑگ ساچی ہتّھ چمکائیا۔ جِس نوُں سجدہ کرے زمیں اسمان، لوک پرلوک سیِس جھُکائیا۔ جِس دا سَت سَتوادی اِک اِیمان، دھرم اِکو اِک دِرڑائیا۔ جِس دا جھُلدا سچ نِشان، شاہ سُلطان سِر نہ کوئے اُٹھائیا۔ جِس دا مندر سچ مکان، سچکھنڈ ساچے سوبھا پائیا۔ دیِوا باتی جوت مہان، گھٹ گھٹ اندر کرے رُشنائیا۔ جِس دا امرت پیِن کھان، جگت ترِسنا بُھکھ گوائیا۔ جِس دا نام نِدھانا نِرالا بان، شبد انیالا تیِر چلائیا۔ جِس دا کھیل جُگ جُگ جن بھگتاں مِلنا آن، میل مِلاؤنا سہج سُبھائیا۔ سو سمرتھ پُرکھ سِری بھگوان، ہرِ کرتا کھیل کرائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، وڈ داتا بےپرواہیِا۔ بےپرواہ گہر گمبھیِر، ہرِ کرتا آپ اکھوائیندا۔ کرے کھیل بےنظیِر، نظر کِسے نہ آئیندا۔ جن بھگتاں دسّ سچ تصویِر، تصوّر اپنا اِک دِرڑائیندا۔ جنم کرم دی کڈھ کے بھیِڑ، اؤجھڑ راہ پندھ مُکائیندا۔ منزل دسّ کے اِک اَخیِر، آخر اپنے گھر وسائیندا۔ جِتھے لیکھا چُکےشاہ حقیِر، راؤ رنک نہ کوئے وڈیائیندا۔ جِتھے من مت بُدھ چتُرائی چلے نہ کوئے تدبیِر، تجویز اپنی اِک سمجھائیندا۔ جِس در جھُکدے شاہ پَیغمبر پیِر،
شہنشاہ اِکو سوبھا پائیندا۔ جوتی جوت سروُپ ہرِ، آپ اپنی کِرپا کر، مِہربان گھر ساچے سوبھا پائیندا۔ سوبھاونت سِری بھگوَنت، پاربرہم وڈّی وڈیائیا۔ کھیلے کھیل جُگا جُگنت، چؤکڑی اپنا ویس وٹائیا۔ ناؤں نِرنکار پرگٹائے مہما جنائے اگنت، لیکھا لِکھت نہ کوئے سمجھائیا۔ ہرجن میلے دُھر دے سنت، سجّن اپنا جوڑ جُڑائیا۔ جوتی جوت سروُپ ہرِ، آپ اپنی کِرپا کر، نیتر نَین اکھّ کھُلائیا۔ نیتر نَین اکھّ کھولے خالق، خلق دئے سمجھائیا۔ جن بھگتاں بنے آپ پرِتپالک، سیوک ہو کے سیو کمائیا۔ نِرگُن سرگُن بھیو چُکائے اِکو ثالث، سچ عدالت اِک سمجھائیا۔ کلجُگ انت کِسے دی منے نہ کوئے سفارش، عبارت کرے نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، جن بھگتاں دئے ضمانت، ضامنی اپنی اِک رکھائیا۔ ضامن بنے دُھر دا میِت، ہرِ کرتا کھیل کرائیندا۔ سَتجُگ ساچی بنھے ریِت، رہبر اِکو راہ وکھائیندا۔ مندر وکھائے اگمّ مسیِت، اتھاہ نظری آئیندا۔ دوُر دُراڈا نظری آئے نیِکن نیِک، وڈ وڈّا پھیرا پائیندا۔ لکّھ چؤراسی آتم جیِت، پرماتم بھیوَ کھُلائیندا۔ جن بھگت کایا کر ٹھنڈی سیِت، سانتک سَت کرائیندا۔ نظری آئے اِک اتیِت، ترےَگُن ڈیرہ ڈھائیندا۔ لیکھ چُکاکے نیِچو نیِچ، اوُچو اوُچ آپ بنائیندا۔ نام پدارتھ پا کے بھیِکھ، جھولی آپ بھرائیندا۔ جِنہاں گُرمکُھاں جنم جنم دی لگّی رہی اُڈیِک، تِنہاں نیتر لوچن درسن آپ کرائیندا۔ مہاراج شیر سِنگھ وِشنوُں بھگوان، سوامی ہو کے کرے پریِت، نِہکامی ہو کے نِہکرمن گلے لگائیندا۔
پہلی ساون ۲۰۲۱ بِکرمی دربار وِچ جیٹھوُوال
سو پُرکھ نِرنجن تیرا آد جُگاد، مدھ بھیو کوئے نہ پائیندا۔ سچکھنڈ دوار رہے وِسماد، بِسمِل روُپ آپ سمائیندا۔ جُگ چؤکڑی دیوے داد، وست امولک سچ ورتائیندا۔ سَت سَت وجا اگمّی ناد، شبدی راگ الائیندا۔ وِشن برہما شِو دے کے داد، دُھر دی دھار آپ سمجھائیندا۔ کھیلے کھیل وِچ برہماد، برہمانڈ اپنا حُکم ورتائیندا۔ رَو سس نوُر دے سوُرج چاند، منڈل منڈپ آپ رُشنائیندا۔ دھرت دھَول پرِتھمی آکاش دے ساتھ، سگلا سنگ نِبھائیندا۔ نِرمل دیِا باتی کر پرکاش، دو جہاناں ڈگمگائیندا۔ سَت سوامی ساچے منڈل پاوے راس،
گوپی کاہن ناچ نچائیندا۔ ہرِ پُرکھ نِرنجن تیرا کھیل تماش، ایکنکارے بھیو کوئے نہ آئیندا۔ ابناشی کرتے تیرا محل اٹل اُچ منار سوبھے اُپر آکاش، آکاش آکاشاں چرناں ہیٹھ رکھائیندا۔ پاربرہم پت پرمیشور، جوتی جوت سروُپ ہرِ، آپ اپنی کِرپا کر، دُھر دا لیکھا اپنے ہتّھ رکھائیندا۔ دُھر دا لیکھا سچ سوامی، تیرا سمجھ کوئے نہ پائیا۔ تُوں کرتا پُرکھ آد جُگاد انتریامی، ویکھنہارا گھٹ گھٹ تھائنیا۔ بودھ اگادھ اگمّ اتھاہ شبد ناد تیری بانی، انیالا تیِر بان لگائیا۔ جُگ چؤکڑی نِرگُن سرگُن تیری اکتھ کہانی، رسنا جِہوا بتّی دند ڈھولا صِفت صلاحیِا۔ تیرا پرویش چارے کھانی، انڈج جیرج اُتبُھج سیتج سوبھا پائیا۔ تیرا ناؤں نِرنکار پد نِربانی، پرا پسنتی مدھم بَیکھری چارے بانی رہی جس گائیا۔ تیرا چرن سروور امرت رس ٹھنڈا پانی، ساچا جھِرنا اِک جھِرائیا۔ تیرا نِرمل نوُر جوت سچ نوُرانی، نوُرو نوُر نوُر رُشنائیا۔ جوتی جوت سروُپ ہرِ، آپ اپنی جوت دھر، کرے کھیل سہج سُکھدائیا۔ تیرا کھیل پُرکھ اگمّ، ہرِ کرتے سمجھ کوئے نہ پائیندا۔ نِت نوِت کھیلے کھیل سِری بھگوَن، بھگوَنت اپنی کار کمائیندا۔ نِرگُن سرگُن چاڑھ کے چن، جوتی جاتا ہو کے ڈگمگائیندا۔ سچکھنڈ دوارے بیڑا بنھ، تھِر گھر اپنا رنگ رنگائیندا۔ درگاہ ساچی آپے منّ، مقامے حق کھیل وکھائیندا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیندا۔ سچ کرنی کار کرے کرتار، اپنے ہتّھ رکھے وڈیائیا۔ سچکھنڈ نِواسی سِرجنہار، شاہ پاتشاہ وڈّی وڈیائیا۔ جُگ چؤکڑی لےَ اوتار، نِرگُن سرگُن جوت کرے رُشنائیا۔ وِشن برہما شِو دے آدھار، ترےَگُن میلا پنج تت چیلا جوڑ جُڑائیا۔ سَتجُگ تریتا دواپرکلجُگ ویکھے وارو وار، نوَ نؤ چار پندھ مُکائیا۔ شاستر سِمرت وید پُران بن لِکھار، کاتب ہو کے قلم شاہیِا۔ شبد اگمّی بول جَیکار، ناد دُھن کرے شنوائیا۔ انتر آتم سچ پیار، پریِتم پریِتی اپنے نال رکھائیا۔ محل اٹل کایا منار، مندر اِکو اِک سُہائیا۔ دیِوا باتی کر اُجیار، جوت نِرنجن کرے رُشنائیا۔ ساچی سیجا کر پیار، سوبھاونت ویکھ وکھائیا۔ کرتا پُرکھ کرے کرائے کرنیہار، دوُسر سنگ نہ کوئے رلائیا۔ لیکھا منگے گُروُ اوتار، پیِر پَیغمبر حُکم سُنائیا۔ کلجُگ انت ہووو سارے خبردار، بےخبر خبر رہیا دِرڑائیا۔ نیتر کھولو بند کِواڑ، لوچن اِکو اِک سمجھائیا۔ جِس دے نال گُفت شنید کردے رہے گُفتار، کلمہ کلام نبیاں رہیا پڑھائیا۔ جِس نوُں مندے رہے سِکدار، پروردِگار نوُر اِلاہیِا۔ سجدہ کر کر جھُکدے رہے جُگ چار، چؤکڑی بَیٹھے دھیان لگائیا۔ جِس دا کردے گئے اِظہار، رسنا جِہوا ڈھولا گائیا۔ لیکھا لِکھدے رہے وِچ سنسار، کاغذ قلم شاہی جوڑ جُڑائیا۔ جِس
دے در توں منگدے رہے بن بِھکھار، در درویش پھیرا پائیا۔ جِس نوُں نمو نمو کہِندے رہے دوئے جوڑ کر نِمسکار، ڈنڈؤت کر کے سیِس جھُکائیا۔ سو لیکھا منگے منگنہار، سمرتھ پُرکھ وڈّی وڈیائیا۔ جوتی جوت سروُپ ہرِ، آپ اپنی کِرپا کر، کرنی کار آپ کمائیا۔ کرنی کرتا کرے شاہ نواب، شہنشاہ وڈّی وڈیائیا۔ گُر اوتار پیِر پَیغمبر جھُک کے کرن آداب، سجدہ اِکو گھر وکھائیا۔ ابناشی کرتا سَت سروُپی مار اِک آواز، شبد اِشارے نال اُٹھائیا۔ پوُرب لیکھا کڈھو کِتاب، ورقہ ورقہ دئے اُلٹائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا وکھائیا۔ گُر اوتار پیِر پَیغمبر چُکو پڑدا، پروردِگار آپ جنائیندا۔ میَں لیکھا جاناں گھر گھر دا، بچیا کوئے رہن نہ پائیندا۔ لکّھ چؤراسی جیِو جنت کلجُگ اگنی مایا وِچ سڑدا، امرت میگھ نہ کوئے برسائیندا۔ سادھ سنت ساچی منزل پؤڑے کوئی نہ چڑھدا، محل اٹل بَیٹھ گھر درس کوئے نہ پائیندا۔ مُلّا شیخ مسائک کام کرودھ لوبھ موہ ہنکار اندر سڑدا، پنڈت پاندھا دھیِرج دھیِر نہ کوئے جنائیندا۔ ساچے حُجرے کایا کعبےکوئے نہ وڑدا، مندر مسیِت چاروں کُنٹ پھیرا پائیندا۔ آتم سروور ساچی تاری کوئی نہ تردا، اٹھسٹھ تیِرتھ دُرمت مَیل نہ کوئے دھوائیندا۔ پرم پُرکھ پرماتم آتم پلّوُ کوئے نہ پھڑدا، من واسنا جگت سرب کُرلائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُر اوتاراں آپ وکھائیندا۔ گُر اوتار پیِر پَیغمبر تکّو جگ، کلجُگ چاروں کُنٹ اندھیرا چھائیا۔ کایا ماٹی پنج تت گھر گھر لگّی اگّ، تتو تت رہیا جلائیا۔ جیِو جنت ہوئے ہنس کگّ، بُدھی کاگ وانگ کُرلائیا۔ من واسنا چاروں کُنٹ رہے بھجّ، دہ دِشا پندھ نہ کوئے مُکائیا۔ ساچا کرے کوئی نہ حج، مکّے کعبےپئی دُہائیا۔ پیِر پَیغمبر اُٹھ ویکھو اپنی اکھّ، ہرِ آخر دئے وکھائیا۔ جِس دا لیکھا آئے دسّ، الف یے کر پڑھائیا۔ جِس دے ہو کے رہے وس، واسطہ نِرگُن نوُر نال جُڑائیا۔ جوتی جوت سروُپ ہرِ، آپ اپنی کِرپا کر، سچ ہُلارا اِک لگائیا۔ سچ ہُلارا لگائے بھگوَنت، بھگوَن اپنی دَیا کمائیندا۔ گُر اوتار ویکھو جیِو جنت، جاگرت جوت نہ کوئے جگائیندا۔ سب نوُں بُھلیا دُھر دا منت، منتر ہرِ نہ کوئے دِرڑائیندا۔ نار دُہاگن ہوئی بِن ساچے کنت، نر ہرِ نرائن کنت نہ کوئے ہنڈھائیندا۔ چولی چڑھے نہ رنگ کِسے بسنت، پھوُلن برکھا کوئے نہ لائیندا۔ شاستر سِمرت وید پُران پڑھ کے گڑھ تُٹے نہ ہؤمے ہنگت، ہنگ برہم نہ کوئے سمجھائیندا۔ نؤ دوارے سرِشٹ سبائی ہوئی منگت، ساچی وست جھولی کوئے نہ پائیندا۔ لیکھا چُکےنہ جیرج انڈج، اُتبُھج سیتج پندھ نہ کوئے مُکائیندا۔ جوتی جوت سروُپ ہرِ، آپ اپنی کِرپا کر، گُر اوتاراں آپ
اُٹھائیندا۔ گُر اوتار پیِر پَیغمبر رکھو یاد، یادداشت پِچھلی رہیا کرائیا۔ جِس پنج تت کایا چولا لوکمات کیِتا آباد، سو ویکھنہارا پڑدا لاہیِا۔ جِس دا ڈھولا نغمہ نام گاؤندے رہے گاتھ، اکھّراں نال کر پڑھائیا۔ جِس دا صِفت صلاحِی رکھدے رہے روزہ نماز، وُضوُ کر کے وصل اِکو اِک بنائیا۔ سو صاحِب سَتگُر کھیلے کھیل پُرکھ ابناش، ابناشی کرتا ویس وٹائیا۔ پُری لوء برہمنڈ کھنڈ نِرگُن سرگُن پیَندی ویکھی راس، گھر گھر نچّے واہو داہیِا۔ سچ مِلیا نہ کِسے پُرکھ ابناش، ابناشی روُپ نہ کوئے جنائیا۔ صدی چؤدھویں چؤداں طبق ہوئے اُداس، حیَرانی سب دے اُپر چھائیا۔ حُجرہ حق نہ جانے کوئی محراب، محبوُب ملِے نہ بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جُگ جُگ اپنا حُکم ورتائیا۔ گُر اوتار پیِر پَیغمبر سُنو حُکم، ہرِ حاکم آپ جنائیندا۔ نوُر نوُرانہ ویکھو تُخم، تاثیر سب دی اِک دِرڑائیندا۔ جِس دی دھاروں آئے اُتر، جوتی جاتا ویکھ وکھائیندا۔ جِس بالے ننھے بچےّ بنائے پُتر، پِتا پُرکھ اکال پھیری پائیندا۔ کلجُگ انتم اوس دا کرو شُکر، جو شُکرانیاں وِچ کدے نہ آئیندا۔ قؤل اِقرار کر کے گیا نہ مُکر، مُفت اپنی سیو کمائیندا۔ کلجُگ جیِو کوُڑی کِریا ہوئے بُچڑ، شبد کھنڈا ہتّھ نہ کوئے اُٹھائیندا۔ پرم پُرکھ پرماتم کِسے نہ چُکےاپنے کُچھڑ، گودی گود نہ کوئے سُہائیندا۔ چار کُنٹ دہ دِشا لُکیا رہن نہ دیوے کوئے نُکر، نُقطہ سب دا میٹ مِٹائیندا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیندا۔ گُر اوتار پیِر پَیغمبر ویکھو کالی دھار، ہرِ کرتا آپ جنائیا۔ سرِشٹ سبائی رہی ہار، چاروں کُنٹ اندھیرا چھائیا۔ سجّن ملِے نہ میِت مُرار، سنگی سنگ نہ کوئے جنائیا۔ گُر کا شبد نہ کوئے پیار، گُردر مندر مسجد شِودوالے مٹھ دین دُہائیا۔ اٹھسٹھ تیِرتھ نیتر رووے زارو زار، گنگا گوداوری جمنا سُرستی کھُلی گُت رہی وکھائیا۔ عیسیٰ موُسیٰ محمد دوئے جوڑ کرن نِمسکار، االلہ رانی نیتر نَین نَین شرمائیا۔ تیئی اوتار برخوردار، بندے ہو کے بندگی اِکو اِک جنائیا۔ نانک گوبِند بول جَیکار، دہ دِشا کر شنوائیا۔ تیرا کھیل اگمّ اپار، الکھ اگوچر تیرے ہتّھ وڈیائیا۔ تیرا سندیسہ دیندے رہے جُگ چار، کاغذاں اُتے کر لِکھائیا۔ سَتجُگ تریتا دواپرکلجُگ رکھے سنبھال، اِشٹ دیو جگت بنائیا۔ تیرا سنگ کِسے نہ نِبھیا نال، کوٹن کوٹ بَیٹھے مکُھ بھوائیا۔ دیِناں بندھپ دیِن دَیال، سچکھنڈ ویکھی تیری سچّی دھرمسال، چھپّر چھن نہ کوئے چُھہائیا۔ دیِوا باتی اِکو بال، کملاپاتی کھیل کرے کمال، کَول نَین اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دُھر دا دینا سچ ور، در تیرے الکھ جگائیا۔ گُر اوتار پیِر پَیغمبر
بولن الکّھ، واہوا تیری وڈ وڈیائیا۔ تیرے حُکمے اندر ہوئے وکھّ، سرگُن چولا آئے ہنڈھائیا۔ تیرا نام سندیشہ دسّ، دہ دِشا کری جنائیا۔ تیرے مِلن دی رکھ کے آس، آسا تیرے نال پرنائیا۔ جوتی جوت سروُپ ہرِ، آپ اپنی کِرپا کر، شاہ پاتشاہ پُرکھ ابناش، ابناشی کرتے تیری اوٹ تکائیا۔ تیری اوٹ تکّی ایک، ایکنکار تیری سرنائیا۔ سچکھنڈ دوارا تیرا دیس، لوکمات ساڈی بنت بنائیا۔ شبد سندیشہ دُھر دا بھیج، بھجن بندگی دِتی دِرڑائیا۔ جوتی جلوہ دے کے تیج، آتم پرماتم پڑدا لاہیِا۔ سچ سُہنجنی بخش کے سیج، سوہنا آسن دِتا وِچھائیا۔ کر کِرپا کھول کے اپنا بھیت، انبھَو اپنی دھار جنائیا۔ دُھر دا لِکھ کے آئے لیکھ، بِن قلم شاہی ونڈ ونڈائیا۔ جوتی جوت سروُپ ہرِ، آپ اپنی کِرپا کر، سچ نریش تیری سرنائیا۔ سچ نریش پربھوُ سُلطان، سَت سَتوادی تیری اِک سرنائیا۔ گُر اوتار پیِر پَیغمبر تیرے چرن کَول کرن دھیان، دوُجا اِشٹ نہ کوئے منائیا۔ بِن رسنا جِہوا بتّی دند گاؤندے تیرے گان، تُوں ہی تُوں ہی راگ الائیا۔ امرت رس پیِن کھان، ترِشنا بُھکھ نہ کوئے وڈیائیا۔ سخی بن کے ویکھیا دُھر دا کاہن، گوپی ہو کے خوشی منائیا۔ سوجھی دے کے میلیا آن، آتم پرماتم جوڑ جُڑائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا چُکائیا۔ گُر اوتار پیِر پَیغمبر ویکھو چرن، صاحِب سَتگُر اِک سمجھائیا۔ جنم پِچھوں مِلیا مرن، مرن پِچھوں کرم دِتا بدلائیا۔ ناتا توڑ کے ذات پات ورن برن، مذہب شرع زنجیر نہ کوئے رکھائیا۔ سچ دوارے سارے ڈھولا اِکو پڑھن، تُوں صاحِب سچّا دُھر دا ماہیِا۔ منزل منزل اگمّی پؤڑی چڑھن، بن پاندھی پندھ مُکائیا۔ پرم پُرکھ دی ملِے سرن، سرنگت اِک سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کرے کرتار، ہرِ کرنی سچ دِرڑائیندا۔ گُر اوتار پیِر پَیغمبر جو لیکھا دسّ کے آئے نال وِستھار، وِشَو اپنا حُکم ورتائیندا۔ اُمت اُمتی پائے سار، دیِنن دیِن کھوج کھوجائیندا۔ لکّھ چؤراسی جیِو جنت چارے کھانی کرے بھال، پڑدا اوہلا آپ اُٹھائیندا۔ کوٹن کوٹاں وِچوں سنت سُہیلے گُرمکُھ لبھے لال، بھگت بھگوان اپنا جوڑ جُڑائیندا۔ نام دَھن خزانہ دیوے مال، انمُلڑی دؤلت آپ ورتائیندا کوُڑی کِریا ترےَگُن مایا توڑ جنجال، جیِون جُگت آپ سمجھائیندا۔ پروردِگار آ کے پُچھ مُریِداں حال، مُرشد اپنا پھیرا پائیندا۔ سُرت سوانی کرے سنبھال، شبد ہانی دَیا کمائیندا۔ جوتی جوت سروُپ ہرِ، آپ اپنی کِرپا کر، دُھر دا لیکھا آپ وکھائیندا۔ دُھر دا لیکھا دئے وکھال، واسطہ اپنے نال رکھائیا۔ پت پرمیشور ہو دَیال، دیِن دَیال پڑدا دئے اُٹھائیا۔ سنت سُہیلے گُر چیلے رکھے نال، کوُڑی
نالِش دئے گوائیا۔ کایا مندر اندر سچّی دھرمسال، دھرم دوارا اِک پرگٹائیا۔ جِتھے وسے شاہ کنگال، وڈّا چھوٹا نظر کوئے نہ آئیا۔ ذات پات نہ کوئے دھیان، اوُچ نیِچ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، گُر اوتاراں پیِر پَیغمبراں دُھر دا لیکھا رہیا دِرڑائیا۔ گُر اوتار پیِر پَیغمبر ویکھو اُپر اَمبر، انتر انتر آپ جنائیا۔ پرم پُرکھ پرماتم آتم رچیا سچ سویمبر، سوہنی جوڑی رہیا جُڑائیا۔ سرب کلا ہو بھرتمبر، گھٹ گھٹ ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، گُر اوتاراں پیِر پَیغمبراں اِک اِشارے نال سمجھائیا۔ گُر اوتار تکّو اشارہ، عالیشان آپ جنائیندا۔ پیِر پَیغمبر ویکھو نظارہ، بےنظیِر آپ دِرڑائیندا۔ کلجُگ انت لگّا اِک اَکھاڑا، کرتا پُرکھ کھیل کھِلائیندا۔ لکّھ چؤراسی وِچوں گُرمکُھ ویکھیا سچّا لاڑا، سیِس جگدیس اپنا ہتّھ ٹِکائیندا۔ شبد اگمّ اتھاہ وجائے ناد نگارا، نؤبت اپنا نام سُنائیندا۔ دوُجا نہ کوئے مِتر پیارا، سجّن سنگ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیندا۔ مِہر نظر اُٹھائے آپ، پربھ اپنی دَیا کمائیا۔ گُر اوتار پیِر پَیغمبر ویکھو دُھر دا ساتھ، ہرِ سگلا سنگ نِبھائیا۔ جن بھگتاں دسّ کے اِکو اگمّا جاپ، جیِوت مکُت دِتے کرائیا۔ کوٹ جنم دا لاہ کے پاپ، دُرمت مَیل دھوائیا۔ سِمرن دسّ کے اگمّی پاٹھ، پوُجا اِکو اِک جنائیا۔ کلجُگ میٹ اندھیری رات، سَتجُگ نوُر کرے رُشنائیا۔ من واسنا رکھے نہ نار کم ذات، کُلکھنی در توں دئے دُرکائیا۔ جو جُگ جُگ بھوِکھت سندیشہ گئے آکھ، سو آخر ویکھ وکھائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ گُر اوتار پیِر پَیغمبر مناون خوشی، خوشیاں حال جنائیا۔ دھنّ وڈیائی پربھ تُوں ساڈے ولّ کیِتی رُچی، اپنا دھیان لگائیا۔ ساڈی واسنا تیرا پریم کرکے اُچی، اوُچو اوُچ تیرا درشن پائیا۔ دروہی خُدائے ساڈی اؤدھ انتم مکُی، صدی چؤدھویں چند نوُر نہ کوئے چمکائیا۔ اُمت اُمتی گوُڑھی نیِند سُتّی، آلس نِندرا سکے نہ کوئے مِٹائیا۔ کلجُگ جیِواں مت ہوئی پُٹھی، مارگ سچ نہ کوئے سمجھائیا۔ لکّھ چؤراسی وِچوں پربھ تیرے بھگت اِکو مُٹھی، بہُتیاں وِچوں نظری آئیا۔ جِنہاں دا ناتا جُڑیا پیا پیار پیو پُتیں، پِتا پوُت نظری آئیا۔ تِنہاں سُہاؤنی ساچی رُتی، رُت اپنے نال مہکائیا۔ جوتی جوت سروُپ ہرِ، آپ اپنی کِرپا کر، گھر دینی مان وڈیائیا۔ گُر اوتار کہن پربھ در تیرے آئے منگن، مانگت دُھر دے نظری آئیا۔ گودی چُک لگاؤنا انگن، ایہو تیری وڈیائیا۔ نام ٹِکاّ لگاؤنا چندن، مستک دھوُڑ رمائیا۔ سچ بندگی دسنی بندن، بندی خانہ دئیں گوائیا۔ پریم پیار دینا پرمانندن، نِجا نند کریں رسائیا۔ جے پربھ
بھگتاں آئیوں اپنا نام ونڈن، وست امولک اپنے ہتّھ اُٹھائیا۔ دُھر دا ڈھولا دسّن آئیوں چھندن، سوہنگ راگ الائیا۔ جوتی جوت سروُپ ہرِ، آپ اپنی کِرپا کر، دُھر دا پڑدا دینا اُٹھائیا۔ دُھر دا پڑدا دینا کھول، خالق خلق تیری سرنائیا۔ نِرگُن دھارا وِچوں سچ جَیکارا دینا بول، آتم پرماتم میلا سہج سُبھائیا۔ اگمّی کنڈے تولنا ساڈا تول، جگت ترازوُ ہتّھ نہ کوئے اُٹھائیا۔ سوامی ہو کے جانا مؤل، روُپ رنگ ریکھ نظر کوئے نہ آئیا۔ پوُرب لہنا پوُرا کرنا قؤل، گوبِند گیا سمجھائیا۔ پرم پُرکھ پرماتم کل کلکی پرگٹ ہووے اُپر دھؤل، دھرنی دھرت دھَول ہؤلا بھار کرائیا۔ سچ دوارا دیوے کھول، چار ورن اِک سرنائیا۔ ذات پات دیِن مذہب کوئے نہ کرے گھول، جھگڑا مکُے جگت لوکائیا۔ شبد دمامہ وجےّ ڈھول، ڈھولا گاؤنا بےپرواہیِا۔ لیکھا چُکےپنڈت پاندھا رؤل، مُلّا شیخ مسائک نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دُھر دا لیکھا پوُر وکھائیا۔ دُھر دا لیکھا کرنا پوُرا، پروردِگار تیری سرنائیا۔ پیِر پَیغمبر منگدے تیرا نوُرا، جوتی جوت جوت رُشنائیا۔ مستک لاؤنا ساچی دھوُڑا، ٹِکاّ خاک رمائیا۔ کایا چولی چاڑھنا رنگ گوُڑھا، اُتر کدے نہ جائیا۔ لیکھے لاؤنا چتُر سُگھڑ بناؤنا موُرکھ موُڑھا، من مت ڈیرہ دینا ڈھائیا۔ تُوں صاحِب وڈّا سوُرا، سوُربیِر اِک اکھوائیا۔ آد جُگاد جُگ چؤکڑی گھر گھر اندر حاضر حضوُرا، حضرت ہو کے میل مِلائیا۔ برہمنڈ کھنڈ اندر نِت نوِت رہیں مفروُرا، لبھیا ہتّھ کِسے نہ آئیا۔ کلجُگ انت جن بھگتاں مِلیں ضرورا، ضرورت سب دی پوُر کرائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در ٹھانڈے سیِس نِوائیا۔ در ٹھانڈے جھُکیا سیِس، سنسا روگ رہن نہ پائیا۔ سچ سوامی پربھوُ جگدیس، جگدیِشر تیرے ہتّھ وڈیائیا۔ تیرا کلمہ سچ حدیِث، حرف حروُف اِک سمجھائیا۔ تیرا چرن سچّی پریِت، پریِتم میلا سہج سُبھائیا۔ تیرا نام نِدھانا دُھر دا گیِت، گہر گمبھیِر جگت شنوائیا۔ تیرا نِرگُن آنا جانا کھیل انڈیِٹھ، جگ نیتر ویکھن کوئے نہ پائیا۔ کِرپا کر سچ گھر ویکھنا بَیٹھ اتیِت، لیکھا سرب چُکائیا۔
۴ ساون ۲۰۲۱ بِکرمی ہرِ بھگت دوار جیٹھوُوال
نام خُماری دُھر دی مستی، انتر آتم رنگ رنگائیا۔ میل مِلاوے ساچی ہستی، ہست کیِٹ ڈیرہ ڈھائیا۔ قیمت دسےّ سب توں سستی، کرنی کرتا آپ دِرڑائیا۔ بھیو چُکائے عرش فرشی، پڑدا اوہلا آپ اُٹھائیا۔ مان وڈیائی دھرن دھرتی، دھَول وجےّ ودھائیا۔ جوتی جوت سروُپ ہرِ، آپ اپنی کِرپا کر، نام پدارتھ جھولی پائیا۔ نام خُماری اگمّی رس، بِن رسنا جِہوا آپ جنائیندا۔ پرم پُرکھ پربھ جن بھگتاں دیوے ہتّھ، سچ پیالہ اِک پھڑائیندا۔ جِس دی صِفت مہما اکتھ، راگاں ناداں وِچ کوئے نہ گائیندا۔ جگت صُراحی سکے نہ کوئی رکھ، وست امولک گرِہ ساچے آپ ٹِکائیندا۔ کِرپا کر پُرکھ سمرتھ، مِہربان دَیا کمائیندا۔ جوتی جوت سروُپ ہرِ، آپ اپنی کِرپا کر، سچ خُماری اِک چڑھائیندا۔ سچ خُماری نشہ نام، رس اِکو اِک جنائیا۔ پریم پیالہ دُھر دا جام، مدھر روُپ وٹائیا۔ مُشکل کرے سچ آسان، اِحسان سِر نہ کوئے رکھائیا۔ ہرجن ویکھ بال انجان، بالی بُدھ دئے سمجھائیا۔ سچ پریِتی سچ دھیان، گیان اِکو اِک درسائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ساچا نام دُھر دا نشہ، نِشانہ اِکو اِک لگائیندا۔ بھنگ پوست افیم نالوں اچھا، شراب آب نہ کوئے وڈیائیندا۔ مِہربان ہو کے کرے جِس دی رچّھا، پرِتپالک ہو کے دَیا کمائیندا۔ سو گُرمکُھ اُترے پار دُھر دا بچّہ، بچپن اپنی گود رکھائیندا۔ کوُڑی کِریا ناتا توڑ کچّا، چرن پریِتی دُھر دا میل مِلائیندا۔ سچ دوار دا دے کے پتہ، پت پرمیشور بھیوَ کھُلائیندا۔ درس کر کے نِج نیتر اکھّا، آخر اپنے گھر بہائیندا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیندا۔ نام نِدھان سچّا پوست ، پرم پُرکھ اِک دِرڑائیا۔ سَتگُر پریِتی بنا کے دُھر دا دوست، دستگیِر اِک اکھوائیا۔ لیکھے لائے کایا ماٹی گوشت، گوشہ کونا ویکھ وکھائیا۔ حُکم سندیشہ دیوے سدا انبولت، انراگی راگ جنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ نام خُماری سچ افیم، افیون اِکو اِک جنائیا۔ جِس دا نُسخہ دسےّ نہ کوئے حکیم، حِکمت وِچ کدے نہ آئیا۔ طُلبا پڑھ سمجھائے نہ کوئے تعلیم، تُعارف کرے نہ کوئے لوکائیا۔ مِہربان پروردِگار شان عظیم، اعظم اپنا کھیل درسائیا۔ جوتی جوت سروُپ ہرِ، آپ اپنی کِرپا کر، سدا سدا سد ہووے آپ سہائیا۔ سچّا نام سچ خُماری، خالص اِکو اِک دِرڑائیندا۔ پرم پُرکھ نِبھا کے یاری، یارڑا اِکو نظری آئیندا۔ دیوے درس سچ اپاری، دِوس رَین رنگ رنگائیندا۔ انتر آتم بخش ادھاری، من ممتا موہ مِٹائیندا۔
نام پدارتھ بن بھنڈاری، وست امولک آپ ورتائیندا۔ تن ماٹی خاک نہ ہوئے خواری، جھوُٹھی کھیہہ نہ کوئے اُڈائیندا۔ ممتا روگ نہ لگّے بیماری، ہؤمے ہنگتا گڑھ چُکائیندا۔ نِرگُن سرگُن کر تیاری، پریِتم اپنا میل مِلائیندا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیندا۔ نام نشہ چڑھے تن، تتو رنگ رنگائیا۔ جگت واسنا بنھے من، من منکا آپ بھوائیا۔ پنچ وِکارا دیوے ڈنّ، کام کرودھ لوبھ موہ ہنکار نہ کوئے ہلکائیا۔ بھاگ لگاوے کایا چھن، چھپّر ساچا سوبھا پائیا۔ وست امولک دے کے دَھن، خزانہ اِک ورتائیا۔ پرکاش اگمّی چاڑھ کے چن، اگیان اندھیر مِٹائیا۔ بھانڈا بھرم بھؤ دیوے بھنّ، کوُڑی کِریا پندھ مُکائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ سچ وڈیائی نام اپارا، اپرمپر آپ جنائیندا۔ جِس دا لیکھا نہ کِسے وِچارا، وِشا ونڈ نہ کوئے ونڈائیندا۔ جِس دا بھیوَ نہ وِچ سنسارا، پڑدا اوہلا نہ کوئے رکھائیندا۔ جِس دا انت نہ پاراوارا، بےانت حُکم ورتائیندا۔ جِس دا ناؤں نِہکلنک نرائن نر اوتارا، جوتی جاتا ڈگمگائیندا۔ جِس نوُں وِشن برہما شِو کرے نِمسکارا، کروڑ تیتیِسا سیِس جھُکائیندا۔ جِس نوُں گُر اوتار پیِر پَیغمبر کہن ساچا یارا، سچ تؤفیِق اِک وکھائیندا۔ جِس نوُں بھگتاں کِہا سچ پیارا، پریمی پریِتم پیارا اِک اکھوائیندا۔ تِس ساجن سدا سدا سد بلہارا، بلہاری گھولی گھول گھُمائیندا۔ جوتی جوت سروُپ ہرِ، آپ اپنی کِرپا کر، دیونہارا نام بھنڈارا، وست امولک جھولی پائیندا۔ وست امولک نام وٹا کے، وٹا اِکو اِک جنائیا۔ خُماری وِچ نشہ بدلا کے، اچّھا اپنی دَیا کمائیا۔ دیِن دَیال ہو کے رچھیا اپنے ہتّھ رکھا کے، بِھچھِیا دُھر دی جھولی پائیا۔ جنم کرم دا لیکھ لِکھیا آپ مِٹا کے، کرم کانڈ ڈیرہ ڈھائیا۔ ساچی سِکھیا اِک سمجھا کے، بودھ اگادھ شبد پڑھائیا۔ نام پیالہ ہتّھ پھڑا کے، رس اِکو اِک جنائیا۔ دیِن دَیال ویکھنا آ کے، لوکمات پھیرا پائیا۔ ساچی دھرمسالا ہرِ دھرم دوار آپ وڈیا کے، جِس گرِہ نِرگُن جوت کرے رُشنائیا۔ سرب جیِاں بن رکھوالا، نِت نوِت ویکھ وکھا کے، جُگ چؤکڑی پھیرا پائیا۔ کلجُگ انت مارگ دسےّ سُکھالا، سوہنگ ڈھولا اِک دِرڑائیا۔ گُرمکُھاں دے کے جام پیالہ، سچ خُماری دئے چڑھائیا۔ کوُڑی کِریا ٹُٹے جنجالا، جیِون جُگت اِک وکھائیا۔ نام اگمّ دے کے مالا، من کا منکا دئے بھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، رس اِکو اِک وکھائیا۔
۶ ساون ۲۰۲۱ بِکرمی اجیِت سِنگھ دے گرِہ بٹالا
میرا ناؤں اگلی الکھ، عِلمی عِلمیّت سمجھ کوئے نہ پائیا۔ میرا ویکھے کوئی نہ حرف، روُپ رنگ ریکھ شکل نظر کِسے نہ آئیا۔ میرا مقام حق یکطرف، محبوُب عروُج سُہائیا۔ میرا لاشریِک نال تعلق، دوُجا سنگ نہ کوئے بندھائیا۔ میرا وسیرا اُپر فلک، عرش ملِے نہ کوئے وڈیائیا۔ میرا کوئے نہ پاوے درس، دیِد وِچ نہ کوئے ٹِکائیا۔ جُگ چؤکڑی میَں آد اِکیلی رہی تڑپ، اپنا آپ پرگٹائیا۔ میَنوُں کوئے نہ مِلیا جودھا سوُربیِر مرد، مردانہ اپنے سنگ لیائیا۔ بِرہوں وِچُھنی اجے نہ مِٹی درد، دُکھیاں دُکھ نہ کوئے ونڈائیا۔ صاحِب سُلطان مِہربان اَگے کیِتی عرض، آرزوُ اپنی اِک سُنائیا۔ میَں تیرے پریم دا نِبھاواں پوُرا فرض، سیوک ہو کے سیو کمائیا۔ کر کھیل اسچرج، اچرج لیِلا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، میرا لیکھا دُھر دا سنگ جنائیا۔ الکھ کہے میرا حِصّہ اگلا، اگوچر سمجھ کوئے نہ پائیندا۔ جِتھے راگ ناد دُھن کوئے نہ منگلا، کلمہ نبی رسوُل نہ کوئے سُنائیندا۔ رَو سس سوُریہ نہ کوئے چندنا، پرکاش پرکاش نہ کوئے وڈیائیندا۔ نہ کوئے ڈنڈاوت نہ کوئے بندنا، سجدہ سیِس نہ کوئے جھُکائیندا۔ نہ کوئے محل اٹل چار دیوار دِسے بنگلا، عرش فرش روُپ نہ کوئے وٹائیندا۔ ڈھول نگارا نہ کوئے مردنگنا، راگی راگ نہ کوئے الائیندا جوتی جوت سروُپ ہرِ، آپ اپنی کِرپا کر، دُھر دا لیکھا میرے نال رکھائیندا۔ الف کہے میَں کھیل دسّاں اگلی، آگمن وِچ دھیان لگائیا۔ جیہڑا ہتّھ نہ آوے جنگل جوُہ اُجاڑ پہاڑ کِسے منڈلی، برہمنڈ کھنڈ اُپر سمجھ کوئے نہ پائیا۔ جِس دا لہنا دینا آد جُگاد جُگ چؤکڑی نِرگُن سرگُن جیرج انڈج اُتبُھج سیتج سیج سُہاوے رنگلی، رنگراتا بےپرواہیِا۔ جِس دی نِت نوِت گُر اوتار پیِر پَیغمبر کردے بندگی، صِفتاں نال جگت وڈیائیا۔ میَں اُس دوارے صاحِب سَت دی اِک مُچھندگی، موُسیٰ عیسیٰ محمد ناتا نہ کوئے جُڑائیا۔ میرے اِشارے دی لوکمات اِک الف آئی وَنگی، جِس چاروں طرف چتُر سُگھڑ عالم دِتے بنائیا۔ جوتی جوت سروُپ ہرِ، آپ اپنی کِرپا کر، میرا لہنا اپنے وِچ چُھپائیا۔ اگلی الف کہے میرا لیکھا االلہ، اکھّراں وِچ نہ ونڈ ونڈائیا۔ میری پرم پُرکھ نال صلاح، پروردِگار مِل کے خوشی منائیا۔ میرا وسیرا سچّی درگاہ، سچ دوارے سوبھا پائیا۔ میرا نوُر نوُرانہ نِرویَر رہیا چمکا، جوتی جوت کر رُشنائیا۔ میری دھاروں کھیل دئے کرا، انبھَو اپنا کھیل چُکائیا۔ شبد دُلارا سہج سُبھا لئے پرگٹا، پوُت سپوُتا گود اُٹھائیا۔ جِس الف دا نقشہ سکے نہ کوئے بنا، مصوّر تصوّر نہ کوئے کرائیا۔ سو الف
جلوہ نوُر خُدا، نوُرو نوُر وِچ سمائیا۔ اُس دے وِچوں ننھا نِکاّ انگ ہو جُدا، جگت الف دِتی وڈیائیا۔ جوتی جوت سروُپ ہرِ، آپ اپنی کِرپا کر، لیکھا جانے شہنشاہیِا۔ الف کہے میرا بھیوَ نہ پائے کوئے عارف، الفی والا سمجھ کوئے نہ پائیا۔ میرا نؤ سؤ چُرانوے چؤکڑی جُگ کیِتا نہ کِسے تُعارف، سنمکُھ ہو نہ خوشی منائیا۔ میری رسنا جِہوا بتّی دند قلم شاہی لِکھی نہ کِسے عبارت، نُقطہ سکیا نہ کوئے سمجھائیا۔ گُر اوتار پیِر پَیغمبر جگت الف نال میری کردے رہے سفارش، صِفتاں نال صِفت صلاحیِا۔ میرا محل اٹل اگمّ اتھاہ نِرالی عبادت، عمل وِچ کِسے نہ آئیا۔ جوتی جوت سروُپ ہرِ، آپ اپنی کِرپا کر، ساچا دِتا اِک ور، میرا لہنا اپنے نال رکھائیا۔ الف کہے میَں سب توں اَگے، اگلا حِصّہ نظری آئیا۔ جِس سِنگھاسن صاحِب سوُرا سِری بھگوان سجے، میَں سنمکُھ ہو کے درشن پائیا۔ پریم پریِتی اندر جِس ویلے سدّے، نِیوں نِیوں لاگاں پائیا۔ دوُجا اوتھے کوئے نہ لبھے، سنگی روُپ نہ کوئے دھرائیا۔ اُس دوارے اِکو نِمانی پھبے، پریم پاتی ڈیرہ لائیا۔ جوتی جوت سروُپ ہرِ، آپ اپنی کِرپا کر، موہے دِتی مان وڈیائیا۔ اگلی الف کہے میری سچ اُمید، آشا وِچ سمائیا۔ میری کرے نہ کوئی تمہید، لیکھا لِکھت نہ کوئے سمجھائیا۔ سجّن مِلیا نہ کوئے رفیق، فریق سمجھ کِسے نہ آئیا۔ حضرت کری نہ کِسے تعریِف، طوبیٰ طوبیٰ کر کے گئے سُنائیا۔ میرا دھام انڈِٹھڑا عجیب، نِرالا اِکو نظری آئیا۔ پروردِگار میرے قریب، سجّن وڈّا بےپرواہیِا۔ نہ کوئے مُرشد نہ مُریِد، سجدہ سیِس نہ کوئے جھُکائیا۔ اِکو اِک میری کرے دیِد، نہ دیِد وِچ سمجھائیا۔ آد میَنوُں کیِتی اِک تاکید، طرح طرح سمجھائیا۔ جِس ویلے گُر اوتار پیِر پَیغمبر میری کرن اُڈیِک، نیتر لوچن راہ تکائیا۔ اُس ویلے تیرا سنگ رکھاواں ٹھیِک، اپنا بندھن پائیا۔ آد جُگاد میری اِکو توفیق، محبان رہیا سمجھائیا۔ اگلی الف سدا لاشریِک، شرکت وِچ کدے نہ آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، ساچی اپنی دسّ حدیِث، حاجت پوُری دئے کرائیا۔