کتب خانہGranth 17 (Shahmukhi)

۷ ساون ۲۰۲۱ بِکرمی جرنَیل سِنگھ دے گرِہ پِنڈ سدّا

جن بھگت کہے تیرا نام کیہڑا، دُھر دا میل مِلائیا۔ کایا مندر وسا دے کھیڑا، کھِڑکی تاکی بند کھُلائیا۔ پنچ وِکار چُکائے جھیڑا، بھانڈا بھرم بھنائیا۔ من منوُا دیوے اُلٹا گیڑا، کوُڑی کِریا پڑدا لاہیِا۔ نظری آئے نیرن نیرا، دوُر دُراڈا پندھ مُکائیا۔ لیکھا چُکےتیرا میرا، میَں تُوں بھیو رہے نہ کائیا۔ جوتی جوت سروُپ ہرِ، آپ اپنی کِرپا کر، سچ نام دئے سمجھائیا۔ پاربرہم تیرا نام کی، سچ سچ سمجھائیا۔ نِرمل ہووے جیا جی،

جیِون جُگت وڈیائیا۔ لیکھا چُکےساڈھے تِنّ ہتّھ سیں، دھرنی دھرت دھَول خاک نہ کوئے مِلائیا۔ امرت برسے اگمّی مینہہ، دھار اِکو اِک وہائیا۔ ناتا جوڑے پُتر دھی، پِتا پُرکھ اکال اکھوائیا۔ جوتی جوت سروُپ ہرِ، آپ اپنی کِرپا کر، مِہربان دئے سمجھائیا۔ تیرا نام کَون رنگ، رنگ رتڑے دے سمجھائیا۔ کِس دوارے منگیئے منگ، بِھچھِیا بِھکھیا کَون پائیا۔ کَون وجائے مردنگ، دُھر دا ناد جنائیا۔ کَون دوارا ویکھیئے لنگھ، کَون گرِہ وجے ودھائیا۔ کَون سجّن میِت ہووے سنگ، دُھر دا سنگ بنائیا۔ کَون بھیو چُکائے وِچ وربھنڈ، برہمنڈ دئے وکھائیا۔ کَون بخشے نِجانند، پرمانند وِچ سمائیا۔ کَون ڈھولا دُھر دا چھند، سنسا روگ دئے چُکائیا۔ کَون ٹُٹی دیوے گنڈھ، پلّوُ اپنا نام بندھائیا۔ کَون وست امولک دیوے ونڈ، جوتی جوت سروُپ ہرِ، آپ اپنی کِرپا کر، سَت سچ دے وکھائیا۔ سچ پربھوُ تیرا نام کَون، کَون ملِے وڈیائیا۔ ساچی دیوے ٹھنڈی پَون، اگنی تت بُجھائیا۔ لیکھا چُکےپوُجا پاٹھ ہَون، ہَوس نہ کوئے وکھائیا۔ من ممتا مِٹے ہنکاری رَون، کوُڑی کِریا لنکا گڑھ تُڑائیا۔ ساچی سیجا ملِے سون، سُکھ آسن سوبھا پائیا۔ لیکھا چُکےاون گَون، لکّھ چؤراسی نہ کوئے بھوائیا۔ جوتی جوت سروُپ ہرِ، آپ اپنی کِرپا کر، سچ منتر دے سمجھائیا۔ سچ پربھوُ تیرا نام کی وست، جگ نیتر نظر کِسے نہ آئیا۔ نام خُماری چاڑھے مست، مستی اِکو اِک سمجھائیا۔ لیکھ چُکائے کیِٹ ہست، ہستی ساچی دئے سمجھائیا۔ میل مِلاوا دُھر دے دست، دستگیِر ہوئے سہائیا۔ لیکھا چُکےتت اشٹ، اِشٹ اپنا اِک وکھائیا۔ جوتی جوت سروُپ ہرِ، آپ اپنی کِرپا کر، سچّا نام دے سمجھائیا۔ سچ نام تیرا کَون دوار، مندر ساچے سوبھا پائیا۔ کِسے نظر نہ آئے وِچ سنسار، جگ نیتر دین دُہائیا۔ لبھ لبھ تھکّے جیِو گوار، چاروں کُنٹ بھجّن واہو داہیِا۔ دہ دِشا واجاں رہے مار، اُچی کوُک کوُک سُنائیا۔ رسنا جِہوا بتّی دند گاؤندے وار، وارتا اکھّراں وِچ الائیا۔ کِسے نہ مِلیا سچ دیِدار، دیِد عیِد چند نہ کوئے رُشنائیا۔ منزل چڑھ چڑھ گئے ہار، محل اٹل بہہ خوشی نہ کوئے منائیا۔ جوتی جوت سروُپ ہرِ، آپ اپنی کِرپا کر، ساچا لیکھا دے جنائیا۔ ساچا لیکھا دسّنا آپ، پربھ اپنی دَیا کمائیا۔ شتّری براہمن شوُدر وَیش جپدے تیرا جاپ، دِوس رَین دھیان لگائیا۔ کِسے نہ اُترے لوکمات پاپ، پتت پُنیِت روُپ نہ کوئے وٹائیا۔ ناتا جُڑیا نہ سجّن ساک، آتم پرماتم میل نہ کوئے وکھائیا۔ دُرمت مَیل کوئی نہ سکے کاٹ، ہؤمے گڑھ نہ کوئے تُڑائیا۔ جنم جنم دی مکُے نہ کوئے واٹ، پاندھی پندھ انت نہ کوئے وکھائیا۔ چار کُنٹ اندھیری رات، ساچا چند نہ کوئے چمکائیا۔ ساچی دسّ اگمّی گاتھ، جِس وِچ

تیری وڈیائیا۔ جوتی جوت سروُپ ہرِ، آپ اپنی کِرپا کر، ساچا نام نِدھان اِک سمجھائیا۔ نام نِدھان دسّ پربھ ایک، ایکنکار تیری سرنائیا۔ شاستر سِمرت وید پُران لئے ویکھ، کھوج کھوجیا جگت لوکائیا۔ اگمّ اتھاہ کِسے نہ دسّیا بھیت، ابھیوَ سکیا نہ کوئے سمجھائیا۔ پریم پریِتی اندر سارے کردے ہیت، دوُر دُراڈے سیِس نِوائیا۔ الکھ اگوچر تیری جانے کوئی نہ کھیڈ، سچ کھِلاری، پڑدا دے اُٹھائیا۔ سَتجُگ تریتا دواپرکلجُگ جو اکھّری نام دِتا بھیج، بھاجی گھر گھر آپ ورتائیا۔ کلجُگ انتم سارے سُتے کوُڑی سیج، لوکمات لئے نہ کوئے انگڑائیا۔ میَں پِھر پِھر لیا ویکھ، دہ دِشا دھیان لگائیا۔ روندے پِھردے مُلّا شیخ، پنڈت پاندھے رہے کُرلائیا۔ کِسے نظر نہ آیا نیتن نیت، نِج نیتر درس کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچا منتر دے سُنائیا۔ ساچا منتر دسّ، دہ دِشا وجےّ ودھائیا۔ پریِتم پیارا ملِے ہسّ، گھر سجّن سہج سُبھائیا۔ جُگ چؤکڑی پوُری کرے آس، آسا اپنی نال رکھائیا۔ نِرگُن ہو کے دیوے ساتھ، سگلا سنگ نِبھائیا۔ پرماتم ہو کے دسےّ گاتھ، آتم کرے پڑھائیا۔ جوتی جوت سروُپ ہرِ، آپ اپنی کِرپا کر، ساچا نام اِک اُپائیا۔ ساچا نام دسّ اُپما، اُپکاری نظری آئیا۔ گُر اوتار پیِر پَیغمبر جِس دا لیندے رہے سُفنا، بھوِکھت لیکھاں وِچ لِکھائیا۔ اُس دا کھیل پیَنڈا پِچھلا مُکنا، واٹ دوُر نیڑے آئیا۔ دُھر دا بھانا کدے نہ رُکنا، روک سکے نہ کوئے لوکائیا۔ ساچی دھاروں جِس اُٹھنا، جمےّ مات نہ پِتا مائیا۔ شیر ہو کے دو جہاناں بُکنا، بھبک اپنا نام لگائیا۔ ساچا اوسے دا نام پُچھنا، جو پِچھلا لیکھا رہیا مُکائیا۔ جِس دا لہنا آد جُگاد جُگ چؤکڑی مُڈھلا، ویکھنہارا تھاؤں تھائنیا۔ صاحِب سوامی اپنے نام دی کھول کے دسّ گُنجھلا، گنڈھ اپنی دے کھُلائیا۔ اشارہ کریں نہ نال اُنگلا، اکھّاں نال نہ کوئے سمجھائیا۔ تن بھبوُتی نہ پاؤنا کوئی مُندرا، خاکی خاک نہ کوئے رمائیا۔ جل دھار نہ وہنا ڈوُنگھے دھار ساگر سمُندرا، ٹِلّے پربت بہہ نہ خوشی وکھائیا۔ مُکند منوہر لکھمی نرائن ساچے سُندرا، سوہنا تیرا درس اِکو وار نظری آئیا۔ جوتی جوت سروُپ ہرِ، آپ اپنی کِرپا کر، ساچا منتر دینا آپ درسائیا۔ ساچا نام دسّ بھگوَنت، پربھوُ تیرے ہتّھ وڈیائیا۔ ہوئے مِلاوا دُھر دے کنت، سُہنجنی سیج سوبھا پائیا۔ لیکھا چُکے جیِو جنت، جاگرت جوت کرے رُشنائیا۔ گڑھ تُٹے ہؤمے ہنگت، ہنگ برہم اِکو نظری آئیا۔ بودھ اگادھا دِسے پنڈت، دوُجی کرے نہ کوئے پڑھائیا۔ تیرے دوارے درویش ہوئے منگت، خالی جھولی رہے وکھائیا۔ لہنا چُکےجیرج انڈج، اُتبُھج سیتج پندھ چُکائیا۔ چرن پریِتی چرن کَول اُپر دھَول کردے مِنت، نِیوں

نِیوں سیِس نِوائیا۔ جگ ریِتی چھّڈ گئی اپنی ہِمّت، کلجُگ حوصلہ گئی ڈھاہیِا۔ چاروں کُنٹ دِسے عِلّت، شرع کرے لڑائیا۔ دیِن مذہب ہوئی ذِلّت، خواری گھر گھر بَیٹھی آسن لائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ مِہربان دسّ راہ، رہبر تیری اوٹ تکائیا۔ چار جُگ جو گُر اوتار پیِر پَیغمبر دیندے رہے صلاح، مشورہ تیرے نال پکائیا۔ شاستر سِمرت وید پُران بندے رہے گواہ، انجیل قرآن گیِتا گیان کھانی بانی شہادت اِک بُھگتائیا۔ کلجُگ انت صدی چؤدھویں سارے کر گئے نانہہ، سِر سکے نہ کوئے اُٹھائیا۔ مُریِد مُرشد پکڑے نہ کوئی بانہہ سِر ہتّھ نہ کوئے رکھائیا۔ لیکھا چُکناپُتراں ماں، پِتا پوُت گود نہ کوئے سُہائیا۔ کلجُگ جیِو مایا ممتا لَیندے تیرا ناں، کوُڑی کِریا اپنے انگ لگائیا۔ پڑھدے پڑھدے ہوئے ہنس کاں، بُدھی کاگ وانگ کُرلائیا۔ بِن کلمیوں بِن شرع بِن ذِبع کھاندے سوُر گاں، چُھری حق حلال ہتّھ نہ کِسے اُٹھائیا۔ نوَ نؤ چار اندھیرا گیا چھا، نوُری چند نہ کوئے رُشنائیا۔ گُر اوتار پیِر پَیغمبر بَیٹھے مکُھ چُھپا، سنمکُھ نظر کوئے نہ آئیا۔ کوٹن کوٹ جو تیرا نام رہے دھیا، دھیان دھیان وِچ لگائیا۔ سو سارے در ٹھانڈے سیِس رہے جھُکا، دوئے جوڑ بیننتی اِک سُنائیا۔ کِرپا کر سِری بھگوان، بھگوَن تیری اوٹ تکائیا۔ کلجُگ انتم دِسے اوہ نِشان، جو نِشانہ گُر اوتار پیِر پَیغمبر گئے لگائیا۔ خالی دِسے مندر مکان، ساڈھے تِنّ ہتّھ دیِوا باتی کملاپاتی نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ساچا منتر اِک سمجھائیا۔ ساچا منتر دسّ پربھ مِتر، ہرجن ہرِ ہرِ منگ منگائیا۔ پرم پُرکھ ابناشی کرتے پِتر، پت پرمیشور تیری اِک سرنائیا۔ تیرا ناؤں نِرنکارا گھر ساچے آئے نِکل، نِرویَر ہو کے روُپ وٹائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک سمجھائیا۔ ساچی دے پربھوُ سچ سِکھیا، سخاوت تیرے ہتّھ نظری آئیا۔ وست امولک پا بِھچھِیا، قیمت کرتا نہ لوکمات وکھائیا۔ انتر آتم کر رچھیا، پرماتم ہو سہائیا۔ تیرا نوُر ظہوُر کِتے نہ دِسیا، چاروں کُنٹ اندھیرا چھائیا۔ کلجُگ رَین اندھیری مسّیا، مست بَیٹھی کوُڑ لوکائیا۔ جن بھگت وِرلا تیرے دوارے وسیا، واسطہ تیرے نال رکھائیا۔ تُوں دُھر درگاہی آویں نٹھیا، بن کے پاندھی راہیِا۔ پریم پریِتی اندر ہسّیا، دُھر دا راگ الائیا۔ جوتی جوت سروُپ ہرِ، آپ اپنی کِرپا کر، ساچا لیکھا جھولی پائیا۔ ساچا لیکھا دے دے سو، سوبھاونت تیری سرنائیا۔ تیرے جوگے گئے ہو، ہوکا دِتا وِچ لوکائیا۔ سرِشٹی نالوں کر نِرموہ، محُبّت اپنے نال جُڑائیا۔ کوُڑی کِریا لےَ کھوہ، سچ سُچ اِک ورتائیا۔ پوُرب جنم جے تیرے حُکمے اندر کیِتا دھروہ، مکُھ مکُھڑا

گئے بھوائیا۔ کلجُگ انت تیرے چرن کَول چھوہ، شہنشاہ دُرمت مَیل دھوائیا۔ انتر آتم نِج نیتر رہے رو، نَیناں نیِر نہ کوئے وہائیا۔ جوتی جوت سروُپ ہرِ، آپ اپنی کِرپا کر، سچ دے مان وڈیائیا۔ ساچا منتر سُنائے سوامی، صاحِب سچ دِرڑائیا۔ شبد اگمّ انتریامی، آد جُگاد ویکھ وکھائیا۔ بودھ اگادھ دُھر دی بانی، تیِر نِرالا بان چلائیا۔ جِس دا لیکھا چارے کھانی، انڈج جیرج اُتبُھج سیتج دئے وڈیائیا۔ جِس دا گیِت چارے بانی، پرا پسنتی مدھم بَیکھری رہی سُنائیا۔ جِس دا مارگ اٹھسٹھ پانی، تیِرتھ تٹ رنگ رنگائیا۔ جِس دا کھیل دو جہانی، نِرگُن سرگُن کار کمائیا۔ جِس دا مندر پد نِربانی، نِرویَر حُکم ورتائیا۔ سو صاحِب سَتگُر ساچی دیوے اِک نِشانی، ناؤں نِرنکارا آپ دِرڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ساچا نام سچ سندیسہ، سدّا اِکو وار جنائیا۔ جِس نوُں گاؤندے وِشن برہما شِو مہیشا، سُرپت اِند کروڑ تیتیِسا دھیان لگائیا۔ آد جُگاد جِس دا لیکھا، جُگ چؤکڑی ونڈ ونڈائیا۔ نِرگُن سرگُن جو نِت نوِت دھارے بھیکھا، گُر اوتار پیِر پَیغمبر سچّا حُکم سُنائیا۔ ناد شبد دُھن جِس دی ہُندے بھیٹا، اپنا آپ آپ مِٹائیا۔ ایتھے اوتھے نِرگُن سرگُن جو بندا کھیوٹ کھیٹا، بن ملاح اپنے کندھ بیڑا رہیا اُٹھائیا۔ جِس نِرگُن نِرویَر نِراکار نِرنکار گوبِند بنایا بیٹا، پِتا پُرکھ اکال نظری آئیا۔ سو پوُرب جنم دا پِچھلا کرائے چیتا، چیتن ہو کے آپ سمجھائیا۔ لیکھ مکائے ماچھوُواڑے سیجا، یارڑا سَتھر آپ ہنڈھائیا۔ شبدی نام سمجھائے بِن اکھّاں ویکھا، جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ ساچا نام سِخر چوٹی، محل اٹل آپ وکھائیا۔ جِس گرِہ جگے اِکو جوتی، دیِوا باتی نہ کوئے رُشنائیا۔ جِس دی سوچ کِسے نہ سوچی، سمجھ نال نہ کوئے سمجھائیا۔ جِس دا لیکھا لِکھے رَوداس چمارا موچی، قلم کلمے نال مِلائیا۔ شبد اِشارے نال سُرت اُٹھائے سوتی، سُتّیاں اکھّ کھُلائیا۔ جن بھگت بنائے اپنے گوتی، ورن برن ذات پات ڈیرہ رہیا ڈھاہیِا۔ لکّھ چؤراسی وِچوں ہیِرے ویکھ مانک موتی، کؤستک منیِا ٹِکاّ مستک لائیا۔ دے وڈیائی وِچوں کوٹن کوٹی، کوڑما اپنا لئے بنائیا۔ جوتی جوت سروُپ ہرِ، آپ اپنی کِرپا کر، ساچا منتر اِک سُنائیا۔ ساچا منتر سُنائے پربھ، پرم پُرکھ دَیا کمائیندا۔ اگلی پِچھلی مِٹائے حد، گھر اِکو اِک وسائیندا۔ تُوں میرا میَں تیرا دوہاں دا سانجھا حج، حُجرہ اَور نہ کوئے وڈیائیندا۔ گرِہ مندر ساچے سج، سِنگھاسن سوبھا اِکو پائیندا۔ آتم پرماتم میلا ہسّ، سوہنگ ہنسا روُپ وٹائیندا۔ ساچے سنتاں مارگ دسّ، مہما اپنی آپ سُنائیندا۔ پرم پُرکھ پرماتم ہو کے وس، آتم اپنے

رنگ رنگائیندا۔ مِل کے دوویں گاؤندے جس، وید پُران نہ صِفت صلاحِندا۔ دوہاں دی اِکو ہو گئی اکھّ، آخر اپنا گھر وسائیندا۔ گُرمکُھاں دے کے پوُرا حق ، حقیِقت سب دی جھولی پائیندا۔ اَگے رہن نہ دیوے وکھّ، واسطہ اپنے نال جُڑائیندا۔ نام نِدھانا سچّا دسّ، دہ دِشا حُکم سُنائیندا۔ گُر اوتار پیِر پَیغمبر وِشن برہما شِو کر اِکٹھ، گھر ساچے سچ بہائیندا۔ جوتی جوت سروُپ ہرِ، آپ اپنی کِرپا کر، سوہنا منتر آپ درسائیندا۔ سوہنا منتر سوہنگ میلا، آتم پرماتم وجےّ ودھائیا۔ اِکو گھر وسے گُروُ گُر چیلا، چیلا گُر روُپ وٹائیا۔ پت پرمیشور سجّن سُہیلا، سِری بھگوان ہوئے سہائیا۔ وسنہارا دھام نویلا، گھر گھر بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، ساچا منتر اِک سُنائیا۔ ساچا منتر تیرا میرا، سوہنگ روُپ سمجھائیا۔ آون جاون چُکےجھیڑا، لکّھ چؤراسی نہ کوئے بھوائیا۔ اندرے اندر گیڑے گیڑا، اُلٹی لٹّھ بھوائیا۔ ساڈھے تِنّ ہتّھ وسے کھیڑا، ساچے بنک خوشی منائیا۔ نظری آئے نیرن نیرا، دوُر دُراڈا پندھ چُکائیا۔ جوتی جوت سروُپ ہرِ، آپ اپنی کِرپا کر، سچ منتر اِک وکھائیا۔ ساچا منتر پربھ دا اِک، ایکنکار دئے وڈیائیا۔ آتم پرماتم کرنا ہِت، برہم پاربرہم سمائیا۔ چرن پریِتی جانا وِک، کرتا قیمت لئے چُکائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ ساچا نام گہر گمبھیِر، سو پُرکھ نِرنجن آپ جنائیندا۔ ہنگ برہم اِک تاثیر، دوُجا روُپ نہ کوئے درسائیندا۔ گُر اوتار پیِر پَیغمبر پریم دی بنھے زنجیر، شرع ونڈ نہ کوئے ونڈائیندا۔ امرت آتم بخشے سیِر، ساچا نیِر مکُھ چوائیندا۔ جنم جنم دی بدل تقدیِر، تدبیِر اپنی آپ سمجھائیندا۔ چوٹی چاڑھ پھڑ اَخیِر، آخر اپنا میل مِلائیندا۔ ہرِ بھگت انت ہوئے نہ کوئے دِلگیِر، دِلبر اپنا سنگ وکھائیندا۔ لیکھ چُکائے شاہ حقیِر، شہنشاہ اپنی گود اُٹھائیندا۔ سچ وکھا سَتوادی تصویِر، تصوّر اپنا آپ کرائیندا۔ جوتی جوت سروُپ ہرِ، آپ اپنی کِرپا کر، ساچا منتر نام دِرڑائیندا۔ ساچا منتر دسےّ درِڑھ، وِشواس اِکو اِک جنائیا۔ دیوے وڈیائی وِچ لوکمات پِڑ، سوُربیِر سوبھا پائیا۔ اگلا کھیل جو رہیا چھِڑ، چھیکڑ انت دئے کرائیا۔ کرے کھیل نِرویَر نِر، نِراکار پھیرا پائیا۔ نؤ سؤ چُرانوے چؤکڑی لوکمات آئی پِھر، بن کے پاندھی راہیِا۔ جن بھگتاں مِلاون آئی پِر، پیِا پریِتم شہنشاہیِا۔ گُرمکُھاں انتر آتم کَول نابھی پُھل جائے کھِڑ، پنکھڑیاں سوہنا رنگ وکھائیا۔ شبد مِلاواں گھر تھِر، دعوا اِکو اِک جنائیا۔ صاحِب سرنائی جِس دا پریم نال

جھُکیا سِر، سو سر کر کے گیا لوکائیا۔ پرم پُرکھ پرماتم گُن نِدھان کرے مِہر، مِہربان مِہر نظر اُٹھائیا۔ مہاراج شیر سِنگھ وِشنوُں بھگوان، ناؤں رکھا کے سِنگھ شیر، سوہنگ بھگت بھگوَنت روُپ وٹائیا۔

۷ ساون ۲۰۲۱ بِکرمی بیِبی گیجو دے گرِہ پِنڈ کٹھیالی

گُرمکُھ آتم نام رنگ، آد جُگاد دھیان لگائیا۔ کِرپا کر سوُرے سربنگ، پاربرہم تیری سرنائیا۔ دُھن آتمک وجےّ ناد سُنے اگمّی چھند، دُھر دی دھار دے سمجھائیا۔ پنج تت کایا چولی چڑھے رنگ، دُرمت مَیل دھوائیا۔ سچ سروور نہاؤنا گنگ، امرت اِکو اِک وکھائیا۔ جنم کرم دا کٹّ پھند، لکّھ چؤراسی گیڑ چُکائیا۔ بھیوَ کھُلا ہنگ برہم، پڑدا اوہلا پرے ہٹائیا۔ ساچا دینا نِجانند، جوتی جوت سروُپ ہرِ، آپ اپنی کِرپا کر، سد پرمانند وِچ سمائیا۔ جن بھگت کہے پربھ تیری اوٹ، نِت نوِت دھیان لگائیا۔ نام نگارا لا چوٹ، شبدی ڈنک وجائیا۔ کوُڑی کِریا کڈھ کھوٹ، جوُٹھ جھوُٹھ کر صفائیا۔ سچ پرکاش بخش نِرمل جوت، نوُرو نوُر نوُر رُشنائیا۔ لیکھا چُکےچِنتا سوگ، غمی غم نہ کوئے رکھائیا۔ تیرا نام سندیسہ سَت سلوک، سوئی سُرتی لئے اُٹھائیا۔ لہنا دینا چُکائے لوک پرلوک، بخشے سچ سچّی سرنائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ جن بھگت کہے پربھ بخش ساتھ، سگلا سنگ نِبھائیا۔ پوُرب لہنا ویکھ ماتھ، مستک کھوج کھوجائیا۔ سچ پدارتھ دے دات، نام امولک جھولی پائیا۔ کوُڑی کِریا مِٹے اندھیری رات، بھانڈا بھرم بھؤ بھنائیا۔ آتم پرماتم بنے ساک، سجّن اِک اکھوائیا۔ بند کواڑی کھول تاک، بجر کپاٹی ڈیرہ ڈھاہیِا۔ امرت جام پیا پُرکھ ابناش، ابناشی اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کھُلائیا۔ گُرمکُھ کہے پربھ تیرا درس، نِج نیتر نظری آئیا۔ جنم کرم دی مِٹے حرص، اگلا پِچھلا پندھ رہن نہ پائیا۔ لیکھا چُکےعرش قُرص ، دو جہاناں چرناں ہیٹھ دبائیا۔ رحمت کر کے ترس، مِہر نظر اِک اُٹھائیا۔ امرت سیِر دُھر دی دھار برکھ، میگھ اِکو روُپ وٹائیا۔ جوتی جوت سروُپ ہرِ، آپ اپنی کِرپا کر، اپنا بھیو دسّ اسچرج، اچرج لیِلا دئے وکھائیا۔ جن بھگت کہے پربھ کھول پڑدا، دُئی رہن کوئے نہ پائیا۔ بِرہوں وِچھوڑے اندر مردا، مر جیِوت روُپ لئے وٹائیا۔ ترےَگُن اگنی سڑدا، تتو تت نہ کوئے سمجھائیا۔ تیرے

پؤڑے بِن تیری کِرپا کوئی نہ چڑھدا، پاندھی پندھ نہ کوئے مُکائیا۔ بھیوَ کھُلا اپنے گھر دا، گھر گھر وِچ ہوئے رُشنائیا۔ جِتھے دیِپک جوت اگمّی بلدا، تیل باتی نظر کوئے نہ آئیا۔ صاحِب سُلطان سچ سِنگھاسن اِکو ملّدا، شہنشاہ بَیٹھا ڈیرہ لائیا۔ ویکھیئے کھیل محل اٹل دا، درگاہ ساچی وجےّ ودھائیا۔ لیکھا چُکےجل تھل دا، جوتی جوت سروُپ ہرِ، آپ اپنی کِرپا کر، گھر میلا لَینا مِلائیا۔ جن بھگت کہے پربھ تیرا مِلاپ، لوکمات اِکو نظری آئیا۔ آتم پرماتم دسّنا جاپ، دوُجی جگت نہ کوئے پڑھائیا۔ کوُڑی کِریا میٹنا روگ سنتاپ، ہؤمے ہنگتا دوُر کرائیا۔ نِرگُن سرگُن دینا ساتھ، سگلا سنگ وکھائیا۔ تُوں میرا میَں تیرا دوہاں دا اِکو ہووے پاٹھ، پوُجا سِمرن جوگ ابھیاس دینا سمجھائیا۔ کلجُگ مِٹے اندھیری رات، کوُڑ اماوس ڈیرہ ڈھاہیِا۔ محل اٹل ساڈھے تِنّ ہتّھ مندر کرنی سچّی بات، باطن اپنا حال سُنائیا۔ جوتی جوت سروُپ ہرِ، آپ اپنی کِرپا کر، درگاہ ساچی دینا وکھائیا۔ جن بھگت کہے پربھ میرے دَیال، دیِنن تیرے ہتّھ وڈیائیا۔ سچ دوار تیرا دھرمسال، چرن کَول اِکو نظری آئیا۔ جِتھے لیکھا چُکےکال مہاکال، بھےَ بھیانک روُپ نہ کوئے وکھائیا۔ ترےَگُن مایا تُٹے جنجال، پنچم پنچ نہ کوئے لڑائیا۔ نام پدارتھ ملِے مال، وست امولک اِک ورتائیا۔ گُرمکُھ گُرسِکھ بنا اپنے لال، لالن اِکو رنگ چڑھائیا۔ شبد اگمّی وجےّ تال، انحد نادی ناد سُنائیا۔ آ کے ویکھ مُریِداں حال، مُرشد اپنا پھیرا پائیا۔ جگ نیتر نَین چاروں کُنٹ تھکّے بھال، دہ دِشا روُپ نہ کوئے درسائیا۔ جوتی جوت سروُپ ہرِ، آپ اپنی کِرپا کر، گھر مندر میلا لَینا مِلائیا۔ جن بھگت کہے پربھ تیری آسا، اِکو اِک اوٹ تکائیا۔ آتم پرماتم سچ بھرواسا، دُھر دی دھار جنائیا۔ لکّھ چؤراسی ویکھیا کھیل تماشا، جیرج انڈج اُتبُھج سیتج پھیرا پائیا۔ نِت نوِت مات گربھ ہُندا رہیا واسا، جوُن اجوُنی روُپ وٹائیا۔ نر نِرنکار تیرا مِلیا نہ کوئی ساتھا، سنگی سنگ نہ کوئے نِبھائیا۔ رسنا جِہوا پڑھ پڑھ تھکّی پوُجا پاٹھا، سِل پوُجس پاہن سیِس نِوائیا۔ آتم پرماتم سچ جوڑے کوئی نہ ناتا، برہم پاربرہم نہ کوئے مِلائیا۔ دھرم رائے دا لیکھا چُکےنہ وِچوں کھاتہ، خالص روُپ نہ کوئے وکھائیا۔ ذات پات جھگڑا چُکےنہ لوکماتا، اوُچ نیِچ پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، ساچی منزل دے سمجھائیا۔ ساچی منزل دسّ ایک، ایکنکار تیری سرنائیا۔ دو جہاناں ملِے ٹیک، برہمنڈ کھنڈ بھیو رہے نہ رائیا۔ آتم پرماتم کر بِبیک، بُدھی کاگ وانگ نہ کوئے کُرلائیا۔ ترےَگُن مایا نہ لگّے سیک، تتو تت نہ کوئے جلائیا۔ گھر سوامی ویکھ سیج، سوہنی سُہنجنی اِکو اِک وِچھائیا۔ جوتی جلوہ دے تیج، نوُرو نوُر کر رُشنائیا۔

امرت آتم برس میگھ، بوُند سوانتی مکُھ چوائیا۔ جوتی جوت سروُپ ہرِ، آپ اپنی کِرپا کر، جن بھگتاں ہو سہائیا۔ جن بھگت کہے پربھ میرے ٹھاکر، جُگ جُگ تیرے ہتّھ وڈیائیا۔ کلجُگ انتم ڈوُنگھا ساگر، جیِو جنت ترن نہ پائیا۔ سوُربیِر دِسے نہ کوئی بہادر، سادھ سنت بَیٹھے مکُھ چُھپائیا۔ پلّا پھڑائے نہ کریم قادر، کرتا سنگ نہ کوئے نِبھائیا۔ در درویش تیرے عاجز، بندگی بندنا وِچوں پرگٹائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، من سازش دے ہٹائیا۔ جن بھگت کہے پربھ آ سوامی، نیتر نَین دھیان لگائیا۔ آد پُرکھ انتریامی، گھٹ گھٹ بَیٹھا سوبھا پائیا۔ گُرمکُھ گُرسِکھ سُگھڑ سُچجی تیری رانی، چاروں کُنٹ بَیٹھی راہ تکائیا۔ امرت آتم بخشیں ٹھنڈا پانی، اگنی تت بُجھائیا۔ بودھ اگادھ شبد اناد سُنا بانی، تیِر نِرالا انیالا آپ چلائیا۔ چؤتھے جُگ لیکھا چُکےچارے کھانی، چاروں کُنٹ اِکو روُپ نظری آئیا۔ جوتی جوت سروُپ ہرِ، آپ اپنی کِرپا کر، آتم پرماتم ملِے ہانی، گھر ساچی خوشی وکھائیا۔ گُرمکُھ کہے پربھ سجّن سُہیلے، سچ تیری سرنائیا۔ جنم کرم دے وِچھڑے میلے، گھر میلا سہج سُبھائیا۔ ایکا رنگ گُروُ گُر چیلے، چیلا گُروُ روُپ وٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بخشے سچ سچّی سرنائیا۔ دیوے سرنائی صاحِب سَت، سَت سَتوادی دَیا کمائیندا۔ لکّھ چؤراسی وِچوں رکھ، ہرجن اپنے رنگ رنگائیندا۔ نِرگُن سرگُن درسائے پرتکھ، سوَچھ سروُپی آپ پرگٹائیندا۔ جنم کرم دا دے کے حق ، حقیِقت سب دی جھولی پائیندا۔ دُھر دا مارگ اِکو دسّ، منتر سچ سچ سمجھائیندا۔ جوتی جوت سروُپ ہرِ، آپ اپنی کِرپا کر، اپنے مِلن دی کھول کے اکھّ، آخر اپنا میل مِلائیندا۔

۷ ساون ۲۰۲۱ بِکرمی بیِبی چنو دے گرِہ پِنڈ خوشی پُر

لیکھا کڈھ رَوداس چمار، پوُرب لہنا رہیا جنائیا۔ کرم جنم دا جو کہار، کہانی اکتھ وڈیائیا۔ سچ دوار کر نِمسکار، درگاہ خوشی منائیا۔ شبداں وِچ کیِتا آدھار، اکھّراں وِچ سمجھائیا۔ سدھراں وِچ پیار، خوشیاں رنگ رنگائیا۔ جنم وِچوں جنم بدل سنسار، مانُکھ نار روُپ پرگٹائیا۔ ویکھے وِگسےویکھنہار، بھیوَ ابھیدا اپنے ہتّھ رکھائیا۔ پرم پُرکھ سچ شہنشاہ شاہ پاتشاہ سچّی سرکار، دُھر فرمانا اِک سُنائیا۔

جوتی جوت سروُپ ہرِ، آپ اپنی کِرپا کر، ویکھنہارا چائیں چائنیا۔ رَوداس کڈھ اوہ کِتاب، جِس دا اکھّر نظر کِسے نہ آئیندا۔ پرم پُرکھ دے ہتّھ حِساب، انکڑیاں وِچ نہ کوئے سمجھائیندا۔ محل اٹل ٹکِا کے اُچ محراب، محبوُب اِکو ویکھ وکھائیندا۔ جِس نوُں گُر اوتار پیِر پَیغمبر کرن آداب، سجدہ سیِس سرب جھُکائیندا۔ سو دیونہارا سچ خطاب، مُخاطب ہو کے آپ سُنائیندا۔ دو جہاناں بن احباب، محبوُب اِکو کھیل کرائیندا۔ نِرگُن سرگُن پکڑے واگ، ڈوری تند بندھائیندا۔ لوکمات جگاونہارا چراغ، جوتی جاتا جوت رُشنائیندا۔ جنم کرم دا دھوونہارا داغ، امرت آتم جام پیائیندا۔ ہنس بناونہارا پھڑ پھڑ کاگ، کاگوں ہنس آپ اُڈائیندا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیندا۔ رَوداس چمار کھول گنڈھ، پوُرب لیکھا رہیا سمجھائیا۔ سچ دوارے دات جو دِتی ونڈ، دانہ اِکو اِک مکُھ لگائیا۔ پنجاں پےَ گئی سَت دوارے ٹھنڈ، اگنی تت بُجھائیا۔ پرم پُرکھ ہو بخشند، بخشش رحمت آپ کمائیا۔ جِس دی صِفت کرے نہ بتّی دند، رسنا جِہوا راگ نہ کوئے الائیا۔ آتم پرماتم دے انند، نام خُماری اِک چڑھائیا۔ جوتی جوت سروُپ ہرِ، آپ اپنی کِرپا کر، دیونہار دَیا کمائیا۔ رَوداس کہے میَں کی دسّاں، کہانی تیرے ہتّھ وڈیائیا۔ جنم جنم میَں ویکھاں اکھّاں، نِج نیتر لوچن کر رُشنائیا۔ لہنا دینا چُکائے ہتّھو ہتّھا، جگت اُدھار نہ کوئے رکھائیا۔ پریم پیار اندر جِس پرم پُرکھ پرماتم تیرے چرن کَول ٹیکیا متھا، تِس مستک لیکھ دِتا بدلائیا۔ پریم پیار اندر جو در دوار ڈھٹّھا، پھڑ باہوں گلے لگائیا۔ ناتا توڑ کے تت اٹّھاں، برہم مت اِک سمجھائیا۔ سچ سُہنجنی دے متا، مطلب اپنا اِک دِرڑائیا۔ جوتی جوت سروُپ ہرِ، آپ اپنی کِرپا کر، مِہربان کھیل رچائیا۔ رَوداس کہے تیرا کھیل اپار، پربھ سمجھ کوئے نہ آئیا۔ میَں ویکھدا رہیا سدا جُگ چار، چؤکڑی تیرے نال ہنڈھائیا۔ تُوں نِرگُن روُپ نِراکار، میَں سرگُن پنج تت سمجھ نہ پائیا۔ تیرا انتر پریم پیار، منتر اِکو اِک سمجھائیا۔ جے پِچھلا تیرا درس دیِداری اِک کہار، چاراں وِچوں چؤتھے جُگ خوشی منائیا۔ پنچم میلا وِچ سنسار، وڈ سنساری تیرے ہتّھ وڈیائیا۔ گھر آسا گرِہ ترِشنا من منسا ہؤمے روگ نِوار، نوِرتی پرکِرتی اِکو در بہائیا۔ آتم درسی دے دیِدار، عرشی فرشی پندھ مُکائیا۔ اُس دا لیکھا کیا کوئی لِکھے بن لِکھار، جِس کاتب بنیا بےپرواہیِا۔ مجلس لگائے سچ دربار، درگاہ ساچی خوشی منائیا۔ قاصد بھیج شبد بلکار، بلدھاری اپنا حُکم سُنائیا۔ جُگ وِچھڑے جگ میلے میلنہار، مِلنی جگدیس آتم پرماتم آپ کرائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، سَت

سَت تیری سرنائیا۔ ویکھ رَوداس دُھر دی دھار، ہرِ کرتا آپ جنائیندا۔ جن بھگتاں سنگ میرا پیار، پرم پُرکھ آپ دِرڑائیندا۔ سَتجُگ تریتا دواپرکلجُگ ویکھاں وارو وار، نِت نوِت ویس وٹائیندا۔ چھپّر چھن مندر مسجد شِودوالے مٹھ وساں باہر، کاغذ قلم بند نہ کوئے کرائیندا۔ برہمنڈ کھنڈ جیرج انڈج اُتبُھج سیتج جوتی نوُر کر اُجیار، نِرگُن سرگُن سرگُن نِرگُن نوُر پرگٹائیندا۔ گُرمکُھاں گُرسِکھاں لہنا دینا پوُرب کرم وِچار، قرضہ مقروُض سب دی جھولی پائیندا۔ شاستر سِمرت وید پُران کرن پُکار، گُر اوتار پیِر پَیغمبر، کوُک کوُک سُنائیندا۔ جِنہاں دا مِتر پرم پُرکھ پرماتم بنیا سانجھا یار، سگلا سنگ ایتھے اوتھے دو جہان آپ نِبھائیندا۔ اوتھے کی کرے رَوداس چمار چمریٹا، کھیوٹ کھیٹا اِکو ویکھ پِتا پوُت بیٹا، گھر ساچے سوبھا پائیندا۔ ابناشی کرتے بِن لیکھ لِکھیاں میَنوُں آیا چیتا، چیتن سُرتی تیرے نال مِلائیندا۔ جِس ویلے اِک اِک دانہ کیِتا بھیٹا، وست امولک جھولی پائیندا۔ اوس ویلے پِچھلا مکُیا لیکھا، اگلا لیکھا تیرے نال جُڑائیندا۔ نِت نوِت تیرا بھگت اُدھارنا ٹھیکا، جوتی جوت سروُپ ہرِ، آپ اپنی کِرپا کر، اِک وکھاؤنا ساچا گھر، گرِہ مندر منگ منگائیندا۔ ابناشی کرتا کہے سچ رَوداس، رَوی اِکو اِک جنائیا۔ نِت نوِت میَں سنتاں پاس، بھگتاں میلا سہج سُبھائیا۔ جنم جنم دی پوُری کراں آس، کرم کرم دا روگ گوائیا۔ گھر دیِوا باتی کر پرکاش، اندھ اندھیار دیاں مِٹائیا۔ منڈل منڈپ بہہ کے پاواں راس، نِرگُن سرگُن گوپی کاہن نچائیا۔ ایہو میرا آد جُگاد کھیل خاص، خواہش جن بھگتاں نال رکھائیا۔ اپنا ناؤں رکھ پُرکھ ابناش، ابناشی ہو کے پھیرا پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لیکھا لیکھے رہیا لگائیا۔ لیکھا لگے کَول چرن، چرن کَول ملِے وڈیائیا۔ جن بھگتاں کھولے ہرن پھرن، نیتر لوچن اِک رُشنائیا۔ لہنا چُکےمرن ڈرن، لکّھ چؤراسی پھند کٹائیا۔ سَتگُر پؤڑے ساچے چڑھن، اَدھوِچکارنہ کوئے اٹکائیا۔ انتر آتم ڈھولا پڑھن، سوہنگ راگ اِک سمجھائیا۔ جوتی جوت سروُپ ہرِ، آپ اپنی کِرپا کر، دے وڈیائی اُپر دھرنی دھرن، دھَول اپنے لیکھے پائیا۔ رَوداس کہے کی بات سچ، کہانی تیری تیرے وِچوں نظری آئیا۔ میَں ویکھاں اوس اکھّ، جِس اکھّ تیرا میل سہج سُبھائیا۔ کوٹن کوٹ وار کایا کھیڑا ہویا بھٹّھ، جگت اگنی تت تپائیا۔ تیرا دوارا ہرِ نِرنکارا کِسے نہ دسّیا ہسّ، خوشیاں نال راہ نہ کوئے پائیا۔ نؤ دوارے سرِشٹی رہی نچّ، درِشٹی اِشٹ نہ کوئے جنائیا۔ کایا ماٹی بھانڈا ویکھ کچ، کوُڑی کِریا بَیٹھی ڈیرہ لائیا۔ جِنہاں اُپر کِرپا کرے آپ سمرتھ، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، اِکو دینا

دُھر دا ور، در ٹھانڈا نظری آئیا۔ سُن رَوداس روی کر دھیان، ہرِ کرتا آپ جنائیندا۔ جِنہاں نوُں پِچھلے جنم دِتا گیان، شبداں نال سمجھائیندا۔ تِنہاں پرم پُرکھ پربھ مِلیا آن، آپ اپنی گود بہائیندا۔ اَگے چُکی جم کی کان، جھگڑا رائے دھرم نہ کوئے تکائیندا۔ تِنہاں مانَس جنم لیکھے لایا آن، مانَس جنم منُکھ اپنا رنگ رنگائیندا۔ کِرپا کر سِری بھگوان، بھگوَن اپنا گھر وسائیندا۔ جوتی جوت سروُپ ہرِ، آپ اپنی کِرپا کر، پِتراں نالوں پِتا سُجان، جِس دا ناؤں سدا مِہربان، نِگاہ بان اِک اکھوائیندا۔

۷ ساون ۲۰۲۱ بِکرمی بابوُ پُر

کرپا کر پتت پاون، کِرپال تیری شرنائیا۔ وِشن برہما شِو دھیان لگاون، نیتر لوچن نَین اکھّ کھُلائیا۔ گُر اوتار پیِر پَیغمبر سچ دوار دھیاون، چرن کَول ڈھیہہ پئے سرنائیا۔ کروڑ تیتیِسا سُرپت گاون، گن گندھرب اپنا راگ الائیا۔ بھیوَ ابھید جنا دُھر دے باون، بَل دھاری تیری اوٹ رکھائیا۔ جُگ چؤکڑی جن بھگتاں بندا رِہوں ضامن، دو جہاناں ہوئیں سہائیا۔ جِس دا رَوداس نال بندھایا دامن، دامنگیِر ہو کے ویکھ وکھائیا۔ بھؤندیاں بھؤندیاں لوکمات وار تھِت ویکھ کے آیا ساون، سَت سَتوادی اپنا پھیرا پائیا۔ جنم کرم دا وِچھڑیا نال مِلایا باہمن، برہم وِدیا اِک سمجھائیا۔ کوُڑی کِریا مِٹے اندھیری شامن، شانت روُپ نہ کوئے وٹائیا۔ ساچا کلمہ دسّ کے کلامن، کایا کعبےکیِتی رُشنائیا۔ دُھر دا جپایا رام رامن، رمئیا اپنا رنگ وکھائیا۔ بھیوَ کھُلایا دُھر دے کاہنن، بنسری ساچی سچ سُنائیا۔ جوتی جوت سروُپ ہرِ، آپ اپنی کِرپا کر، لہنا دینا دئے مُکائیا۔ لہنا دینا دے بھگوَنت، ہتّھ تیرے وڈیائیا۔ کھیلے کھیل جُگا جُگنت، چؤکڑی اپنی دھار چلائیا۔ بھگت اُدھاریں پَیج سوُاریں سنت، گُرمکُھ گُرسِکھ گود بٹھائیا۔ میل مِلاویں آتم پرماتم نار کنت، سیج سُہنجنی سوبھا پائیا۔ ناؤں نِرنکارا دسّیں اپنا منت، منتوَ اِکو وار سمجھائیا۔ نِت نوِت بنائیں بنت، گھڑن بھننہار سمرتھ تیری وڈیائیا۔ لیکھا جانے جیِو جنت، لکّھ چؤراسی کھوج کھوجائیا۔ جیِوت جیِوت جگ آیا انت، انتشکرن رہیا کُرلائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ مِہر نظر اُٹھا کے تکّ، تقویٰ تیرا نظری آئیا۔ حقیِقت وِچوں کڈھ اپنا حق ، لاشریِک رحمت سچ کمائیا۔ جُگ چؤکڑی وینہدیاں وینہدیاں گئے تھک، تھکاوٹ بَیٹھی

ڈیرہ لائیا۔ تیرا روُپ سَت سروُپ کِسے نہ آیا ہتّھ، مہندی رنگلے رنگ سوبھا کوئے نہ پائیا۔ رسنا جِہوا بتّی دند سُنیا تیرا جس، صِفت وید پُران رہے جنائیا۔ ساچے نیتر دُھر دے لوچن مِلیا میل نہ اگمّی اکھّ، آخر چوٹی منزل پڑدا کوئے نہ لاہیِا۔ سچ پریِتم مارگ دسّ، دہ دِشا ناتا دے تُڑائیا۔ جوتی جوت سروُپ ہرِ، آپ اپنی کِرپا کر، لہنا دینا جھولی پائیا۔ لہنا دینا جھولی پا، غریِب نِواز تیری اِک سرنائیا۔ پوُرب جنم دے وِچھڑے جھولی رہے ڈاہ، دوئے دوئے نمو نمو نِمسکار اِک کرائیا۔ سچ سوامی سچ دوارے ساڈا اِک گواہ، شہادت دیوے نام بُھگتائیا۔ جِس نوُں پِچھلے جنم رَوداس چمارا کہہ کے رہے بُلا، پاٹے چیِتھڑ نظری آئیا۔ کلجُگ انتم آیا ویس وٹا، چولا پنج تت ہنڈھائیا۔ گھر ٹھاکر سوامی مِلیا آ، گہر گمبھیِر ہویا سہائیا۔ تن سریر لیکھے لا، شرع زنجیر دِتی کٹائیا۔ شاہ حقیِر اِکو گھر وکھا، پڑدا اوہلا دِتا مِٹائیا۔ جلوہ نوُری درس وکھا، حِرص ہَوس دوویں دِتے مِٹائیا۔ ساڈے اُتے تیری رحمت نال ترس رہیا کما، کوجھے کملے ویکھ وکھائیا۔ جُگ چؤکڑی تیری سچّی لگّے صلاح، صاحِب تیری صِفت تیرے وِچوں نظری آئیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ ہو سہائک صاحِب مِہربان، محبوُب تیری اوٹ تکائیا۔ چؤداں لوک ہوئے حیَران، برہمنڈ کھنڈ بَیٹھے نَین شرمائیا۔ گُر اوتار پیِر پَیغمبر دین بیان، دُھر دا لیکھا بِن لیکھیوں رہے سمجھائیا۔ لہنا تُٹے شاستر سِمرت وید پُران، انجیل قرآن ناتا گئے تُڑائیا۔ ساچا مندر دِسے تیرا اِک مکان، منزل ظاہر بےپرواہیِا۔ جِس گھر وسے آپ محبان، بیِدواپنا ڈیرہ لائیا۔ تِس دوارے سچ سلام، سیِس جگدیس اِک جھُکائیا۔ صدی چؤدھویں ویکھ آن، چؤداں طبق دین دُہائیا۔ ساچا سبق سِکھاؤنا اِک مِہربان، محُبّت اپنی نال بندھائیا۔ نیتر رو کے کہے قرآن، کایا کُرہ دئے سمجھائیا۔ صِدق صبوُری سچ اِیمان، اَمانت دُھر دی لئے بنائیا۔ جنم کرم دے سدا غُلام، فرماں بردار ہو کے سیو کمائیا۔ تُوں شہنشاہ امام، پاتشاہ اکھوائیا۔ تیرے ہتّھ دو جہاناں نِظام، نؤبت اپنی ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ سندیشہ دے پیَغام، دُھر دا لیکھا دے جنائیا۔ دُھر دا لیکھا دسّ یار، ہرِ کرتے تیری اوٹ رکھائیا۔ جُگ چؤکڑی بیِتے وِچ سنسار، سنساری ہو کے کھیل وکھائیا۔ کاتب ہو کے بندا رِہوں لِکھار، قلم شاہی ونڈ ونڈائیا۔ ناداں وِچ بولدا رِہوں جَیکار، راگاں وِچ اپنا نام صلاحیِا۔ برہماداں وِچ دسّدا رِہوں نِرگُن دھار، آکاش آکاشاں اُپر نِرگُن جوت نوُر رُشنائیا۔ داساں اندر ہُندا رِہوں غمخوار، خوشی غمی اِکو رنگ رنگائیا۔ پِچھلا لیکھا ویکھ رَوداس سجّن میِت

مُرار، پڑدا اوہلا آپ اُٹھائیا۔ جگت بھگتی بھگت یار سچ کہار، یاری چاروں نال بندھائیا۔ لہنا دینا اگمّ اپار، کاغذ قلم لِکھ نہ سکے شاہیِا۔ جوتی جوت سروُپ ہرِ، آپ اپنی کِرپا کر، وار تھِت آپ وِچار، گھڑی پل تیرے حِصّےآئیا۔ گھڑی پل ویکھ مِنٹ، وقت تیرے وِچ سمائیا۔ جِس دا لہنا آد جُگادی اِک اِٹّ، مِٹّی گارا دئے وڈیائیا۔ بِن اکھّراں رَوداس دی کڈھ کے ویکھ چِٹ، چِٹ لِکھی دُھر درگاہیِا۔ جِس دے ساتھی دی سب نوُں رہے کِھچ، بھّجیا آوے واہو داہیِا۔ نِرگُن ہو کے وڑے وِچ، نیتر نَین درس کوئے نہ پائیا۔ جگت کسیِرا کؤڈی کہِندے رِچ، مؤلی تند سگناں نال بندھائیا۔ پرم پُرکھ پرماتم مِت، مِتر پیارا ویکھ وکھائیا۔ کلجُگ انتم کرے ہِت، ہِتکاری پھیرا پائیا۔ جنم کرم دا لیکھا لئےنجِٹھ، ویکھنہارا تھاؤں تھائنیا۔ کروٹ لےَ بدلے پِٹھ، سنمکُھ نوُر ظہوُر کرے رُشنائیا۔ مانَس جنم جگت جیِو جہان لئے جت، جُگت اپنی دئے سمجھائیا۔ کوُڑی کِریا لاہ کے وِکھ، امرت آتم جام پیائیا۔ جِدھر ویکھے اودھر پئے دِس، چار کُنٹ دہ دِشا اپنی اکھّ کھُلائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ سَت کہے میَں آیا، ساون رنگ رنگائیا۔ میرا مالک داتا دایا، دو جہاناں والی بےپرواہیِا۔ آد جُگاد جُگ چؤکڑی جِس نے کھیل رچایا، وِشن برہما شِو سیو لگائیا۔ نِرگُن سرگُن جِس ونڈ ونڈایا، برہمنڈ کھنڈ پُری لوء آکاش پرکاش جوتی نوُر کرے رُشنائیا۔ ترےَگُن مایا پنج تت جِس حُکم ورتایا، لکّھ چؤراسی گنڈھ پوائیا۔ آتم پرماتم جِس سنگ نِبھایا، گُر اوتار پیِر پَیغمبر شبدی ناد سُنائیا۔ کاگد قلم جِس لیکھ لِکھایا، شاستر سِمرت وید پُران انجیل قرآن کرے پڑھائیا۔ سچکھنڈ دوار جِس آسن لایا، چھپّر چھن نہ کوئے چُھہائیا۔ تھِر گھر ساچے سُت دُلارا اِک وسایا، شبدی پوُت دئے وڈیائیا۔ جُگ چؤکڑی جِس بھگتاں بھگوَن ہو کے درس وکھایا، نِج نیتر نوُر کر رُشنائیا۔ رَوداس چمار جِس حُکم ورتایا، دُھر سندیشہ آپ سُنائیا۔ جوتی جوت سروُپ ہرِ، آپ اپنی کِرپا کر، لیکھا سب دا ویکھ وکھائیا۔ ویکھ لیکھ پُرکھ سمرتھ، داتے تیرے ہتّھ وڈیائیا۔ تیری مہما صِفت گائیے جس، ڈھولا ناد اِک سُنائیا۔ سچ سرنائی چرن کَول جائیے وس، وصل اِکو اِک وکھائیا۔ آتم کرے پرماتم پکّھ، جوتی جوت سروُپ ہرِ، آپ اپنی کِرپا کر، لہنا دینا جھولی پائیا۔ رَوداس کہے پربھ مار جھات، جھاکی اپنی اِک وکھائیا۔ پھڑ اپنی قلم دوات، تیرا لیکھا لِکھیا مُک نہ سکے رائیا۔ کر کِرپا چرن پریِتی بخش نات، ناتا اپنے نال جُڑائیا۔ اندر وڑ کے پؤڑے چڑھ کے ساچی دسّ گاتھ، دُھر دا راگ اِک سمجھائیا۔ پوُرب جنم جِنہاں بخشی دات، تِنہاں ویکھ

چائیں چائنیا۔ میَں وی اوہناں آیا آکھ، سچ سندیشہ اِک سُنائیا۔ جِس ویلے پرگٹ ہووے میرا پُرکھ سمراتھ، لوکمات پھیرا پائیا۔ بِن بھگتی بندگی اوہدے نال مِلن دی دسّاں جاچ، ہؤلی ہؤلی اِکو نام دِرڑائیا۔ اوہ پتن تیرے بَیٹھے گھاٹ، بھار اپنا سرب اُٹھائیا۔ تیرے نالوں وِچھڑی تیری ذات، انتم تیرا راہ تکائیا۔ کایا ماٹی پنج تت پاؤندا رہیا وفات، مڑھی گور اگنی ہَون جلائیا۔ جُگ چؤکڑی پِچھوں بھاگاں بھری بِھنڑی سُہنجنی آ گئی ساون رات، سَت سَت خوشی منائیا۔ تیرے نام دی کتھا کہانی نہ کوئی جگت دِسے بات، باطن پڑدا دے کھُلائیا۔ تُوں پُرکھ اکال تیَنوُں گوبِند منّیا باپ، کِیوں، گوبِند گُر اِکو سیِس نِوائیا۔ جِؤں بھاوے پت لَینی راکھ، رکھیا کرنی ہر گھٹ تھائنیا۔ جوتی جوت سروُپ ہرِ، آپ اپنی کِرپا کر، لہنا دینا جھولی پائیا۔ لہنا دینا پاوے موُل، مالک داتا بےپرواہی دا۔ تیرا بھگتاں دسّیا سچ اصوُل، اوتھے لیکھا نہیں کِسے گواہی دا۔ تُوں داتا نر ہرِ نرائن کنت کنتوُہل، ناتا تُٹے دھی جوائی دا۔ تیرا پریم پیار اگمّی برسے پھوُل، دِوس رَین اِکو رنگ رنگائی دا۔ ہؤں بالک در گئے بھوُل، تُوں مِہربان بخشش رحمت وِچ رحمان اِک صلاحِی دا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرا منگ منگائی دا۔ بھگوان کہے کی آیا وقت، جِس دی اُڈیِک دو جہان لگائی دا۔ رَوداس کہے ہُن کُچھ نہیں فرق، فَیصلہ ہویا بےپرواہی دا۔ جن بھگت منگن تیرا درس، لیکھا نہیں کوئی پُچھے گُناہی دا۔ مِہربان ہو کے امرت میگھ برس، لہنا چُکےاگن تت تپائی دا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در ٹھانڈا گھر ساچا منگ منگائی دا۔ رَوداس کہے سُنو یارو، پِچھلی کتھا سُنائی دا۔ مانَس منُکھ مرد چار کہارو، فرد لیکھا بےپرواہی دا۔ پوُرب لہنا گھر وِچارو، پڑدا چُکےشہنشاہی دا۔ کلجُگ انت چار کُنٹ اندھیارو، جوتی جوت سروُپ ہرِ، آپ اپنی کِرپا کر، کھیلے کھیل اگمّ اتھاہی دا۔ کہار کہن دسّیں کی، سمجھ وِچ نہ آئیا۔ کدی ماپیاں دے پُتر کدی ماپیاں گھر بنے دھی، دھی جوائی نال پرنائیا۔ رَوداس کیہڑا لیکھا ساڈھے تِنّ ہتّھ سیں، جو سیِتل دھار دئے وہائیا۔ جِس سہارے جگ جیِون لئیے جی، جُگت جوگ اِک دِرڑائیا۔ نام نِدھان امرت رس لئیے پی، پیالہ تیرے ہتّھ ویکھیئے سچ صراحیِا۔ جوتی جوت سروُپ ہرِ، آپ اپنی کِرپا کر، دُھر دا میلا لئے مِلائیا۔ رَوداس کہے سُنو بچےّ، بچّیاں وانگ سمجھائیا۔ تُسیں اوہناں نالوں اچھّے، جیہڑے اچھّے بن کے بَیٹھے پربھوُ بُھلائیا۔ تُہانوُں ڈھالیا اوس سنچے، جِس سنچے دا بھگت بھگوان مِل کے خوشی منائیا۔ بےشک پِچھےرہ گئے بھانڈے کچّے، اَگے

گھمیار مِلیا بےپرواہیِا۔ مات گربھ کِسے تپنا نہ پئے بھٹّھے، اگنی اگّ نہ کوئے جلائیا۔ پِچھلے جنم دے سارے کر اِکٹھے، اِکّتر اِکو گھر وکھائیا۔ پریم پریِتی نال رتےّ، رتی رتّ لیکھے پائیا۔ جوتی جوت سروُپ ہرِ، آپ اپنی کِرپا کر، ہرِ مندر بہہ کے ہِردے وسے، ہرِ جوُ اپنا ڈیرہ لائیا۔ کہار کہن سچ دی گلّ، رَوی سانوُں دے سمجھائیا۔ تیرا پربھوُ پِچھےکردا آیا ول چھل، اچھل چھل دھاری نظری آئیا۔ جے جنم بدل کے لوکمات دِتا گھل، تن ماٹی خاک سوبھا پائیا۔ کی تیرے مِلن دا سانوُں دیوے پھل، رس امرت اِک چکھائیا۔ رَوداس کہے اوہ بَیٹھا نِہچل دھام اٹل، سچکھنڈ نِواسی سچ دوارے سوبھا پائیا۔ کلجُگ انت سِدھا ہویا بھگتاں ولّ، دوُجا سنگ نہ کوئے رکھائیا۔ جو میرے سنگ گیا رل، تِنہاں مِلن آئے بےپرواہیِا۔ جوتی جوت سروُپ ہرِ، آپ اپنی کِرپا کر، لیکھا سب دی جھولی پائیا۔ کہار کہن کی لیکھا دیندا، دیونہار پھیرا پائیا۔ کہ ایویں رسنا جِہوا کہِندا، بالک بالیاں وانگ ورچائیا۔ رَوداس کہے میرا پرماتم ہر گھٹ وینہدا، گھر بَیٹھا سوبھا پائیا۔ ناتا ویکھے دُھر دے نیہُں دا، لگّا نیہُں نہ کوئے تُڑائیا۔ کرے کھیل پُتر پیو دا، پِتا پُرکھ اکال ویس وٹائیا۔ جوتی جوت سروُپ ہرِ، آپ اپنی کِرپا کر، سب دے لیکھے رہیا چُکائیا۔ اودھروں لیکھا ویکھ چُکدا، براہمن رہیا سمجھائیا۔ رَوداس میَنوُں کِیوں نہیں پُچھدا، کِیوں بَیٹھا مکُھ چُھپائیا۔ میَں وی پیاسا اوسے دی ترِشنا بُھکھ دا، جِس نوُں کہِندے بےپرواہیِا۔ خوشی غمی وِچ کدے نہ رُسدا، دُکھیاں نال اپنا درد ونڈائیا۔ میَں وی ناتا جُڑاؤندا اوہدے نال پیو پُت دا، پِتا اِکو اِک پُرکھ اکال بنائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، در ٹھانڈا نظری آئیا۔ رَوداس کہے اُٹھ پنڈت، تیَنوُں پاندھے دیاں سمجھائیا۔ جِس دوارے سارے منگت، خالی جھولی رہے بھرائیا۔ جِس دے ونجارے جیرج انڈج، اُتبُھج سیتج ہٹّ چلائیا۔ جِس دے نگارے برہم برہمنڈپ، برہمانڈ کرن شنوائیا۔ سو صاحِب سَتگُر ویکھن آیا جگت کنارے، کلجُگ کنڈھے پھیرا پائیا۔ پوُرب جنم جِنہاں نوُں دِتے لارے، اِشاریاں نال سمجھائیا۔ جِنہاں دا لیکھا نال چمیارے، رَوداس کرے کُڑمائیا۔ پھڑ کے باہوں پار اُتارے سِر اپنا ہتّھ ٹِکائیا۔ نہ کوئی ویکھے ویاہے کوارے، دوہاں اِکو رنگ رنگائیا۔ تُوں وی تکّ اوس دے چرن کَولارے، جِتھے ملِے مان وڈیائیا۔ نوَ نؤ جنم بیِتے وِچ سنسارے، سنسار ساگر پار نہ کوئے کرائیا۔ جیِنودیاں جگ کوئی نہ مارے، مریاں جیِوت روُپ نہ کوئے وٹائیا۔ ساچا میل ملِے نہ نر نِرنکارے، نِراکار نہ کوئے سمجھائیا۔ ستّ ساون دی اوہ سُہنجنی رَین جِس راتی رَوداس

دوارے پربھ دِتے سچ بھنڈارے، کِنکا کِنکا دانہ دانہ اِک ورتائیا۔ اوسے ویلے رسنا بولے سارے جَیکارے، تُونہی تُونہی راگ الائیا۔ تُدھ بِن دوُجا نہ کوئے مِتر پیارے، سجّن سنگ نہ کوئے درسائیا۔ رَوداس کِہا نال اِشارے، ایہو بےپرواہیِا۔ جِس دا کھیل سدا جُگ چارے، چؤکڑی بَیٹھی سیِس نِوائیا۔ وِشن برہما شِو جِس دے در پنہارے، پیِسن پیِس کے سیو کمائیا۔ گُر اوتار پیِر پَیغمبر جِس دے نام دے لاؤندے جَیکارے، جےَ جےَ کار کر سُنائیا۔ سو صاحِب سوامی ونڈن آیا اپنی وست اپارے، امولک تُہاڈی جھولی پائیا۔ ہُن تُسیں بن کے جگت کہارے، جگت ڈولی کندھ اُٹھائیا۔ کلجُگ انت پُرکھ ابناشی کِرپا دھارے، نِرگُن نِرویَر ہوئے سہائیا۔ کھیوٹ کھیٹا بن وِچ سنسارے، بیڑا اپنے سیِس اُٹھائیا۔ ٹھگ براہمن نال تارے، براہمنی نَیناں راہ تکائیا۔ کوئی ڈُبےنہ وِچ منجھدھارے، اَدھ وِچکار نہ کوئے سُٹائیا۔ جِس پھڑیا تِس لائے پار کنارے، نئیا نؤکا اپنے نام چڑھائیا۔ جِس دے ہتّھ نہ آئے کِسے ونجھ مُہانے، سمُند ساگر بَیٹھے راہ تکائیا۔ سو صاحِب جن بھگتاں لائے اوس ٹکانے، جِس گھر ٹِکاّ لگے سچّے شہنشاہیِا۔ اپنے چڑھائے سَت بِبانے، بِبان شبد روُپ وٹائیا۔ گُرمکُھاں سدا سُہیلا کھڑا رہے سرہانے سِر پاؤں اِکو رنگ رنگائیا۔ بُھل نہ جائے ویکھ بالے نڈھےّ، جگت انجانے، سُگھڑ سیانے آپ دئے وڈیائیا۔ جوتی جوت سروُپ ہرِ، آپ اپنی کِرپا کر، ساون سوہنا رنگ وکھائیا۔ ساون کہے میری بِھنڑی رَین، سَت سَتوادی دِتی وڈیائیا۔ ساچی سخیاں آئی کہن، سندیسہ اِک سُنائیا۔ جگت اُٹھو ویکھو میری بھَین، پرم پُرکھ بےپرواہیِا۔ جِس نوُں ابناشی کرتا سارے کہن، کہہ کہہ راگ الائیا۔ سو پِچھلا لیکھا گُرمکُھاں آیا دین، دے دے خوشی منائیا۔ ساچے سنتاں بن کے ساک سیَن، ناتا جوڑے تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ بِھنڑی رَین کہے میَں آئی دسّن، ساول سُندر روُپ وٹائیا۔ گُرمکُھاں ہِردے آئی وسن، دوُر دُراڈا پندھ چُکائیا۔ منُمکھاں کولوں آئی نسّن، پَیریں پانہی نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ بِھنڑی رَین کہے سُنو جن بھائی، بھگتاں ملِے مان وڈیائیا۔ ویلا رکھو یاد جِس ویلے گوبِند بوُٹا پُٹیا کاہی، کلمہ نبی سارے بَیٹھے بُھلائیا۔ کلجُگ جڑ دِتی اُکھڑائی، بچےّ نیہاں ہیٹھ دبائیا۔ اوس ویلے پُرکھ اکال نال کیِتی سائی، ماچھوُواڑے سیج ہنڈھائیا۔ تیری میری نہ ہوئے جُدائی، جُدا انگ نہ کوئے جنائیا۔ پُرکھ اکال دِتا سمجھائی، شبد سندیشہ اِک الائیا۔ میرا نوُر تیری رُشنائی، دو جہاناں نظری آئیا۔ میرا ناد تیری شنوائی، تیرا شبد میری

وڈیائیا۔ تیرا مندر سوبھا اِکو پائی، ساڈھے تِنّ ہتّھ ویکھے جگت لوکائیا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک جنائیا۔ بِھنڑی رَین کہے میری سجّن سئیؤ، شاہ ساچا دیاں مِلائیا۔ جِس دی پکڑی بھگت کبیِر بئیؤ، بازوُ اپنی بغل ٹِکائیا۔ جِس دا لیکھا کِسے حِساب کِتاب نہ آوے وہیؤ، کاغذ قلم نہ دیوے گواہیِا۔ جو پار کراوے چاڑھ کے ساچی نام نئیؤ، نؤکا اِکو اِک جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بِھنڑی رَین رنگ وکھائیا۔ بِھنڑی رَین کہے ویکھو رنگ چڑھدا، ہرِ کرتا آپ رنگائیا۔ گُرمکُھ وِرلے سنت سُہیلے پھڑدا، نِرگُن ہو کے بھجےّ واہو داہیِا۔ گُرمکُھاں بھانا اپنے سیِس جردا، جگدیس خوشی وکھائیا۔ کرتا پُرکھ ہو کے کرنی کردا، قادر قُدرت رہیا نچائیا۔ سنت سُہیلے سجّن وردا، سوہنا اپنا میل مِلائیا۔ جو بِرہو وِچھوڑے اندر ہووے مردا، پھڑ باہوں گلے لگائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ بِھنڑی رَین کہے میَں کی آکھاں، کہنا کہن کُچھ نہ جائیا۔ سمرتھ پُرکھ میَں ویکھیا بھگتاں راکھا، گھر گھر ہوئے سہائیا۔ اوہناں ہووے داسی داسا، عاجز ہو کے سیو کمائیا۔ پریم پیار اندر چلے وِچ سواسا، ساہ ساہ اپنا نام جپائیا۔ سُرتی شبدی مِل کے پائے راسا، گوپی کاہن روُپ وٹائیا۔ پنجاں پوُری کرے آسا، نال براہمن رہیا ترائیا۔ جِس دی جگت جُگ بنی رہے گاتھا، گائے سرب لوکائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ لگائیا۔ پِچھلا لیکھا لیکھے لگّا، لگن اپنی وِچ جنائیا۔ سب دا سؤریا اَگوں اَگا، اگلا پندھ مُکائیا۔ ہنس بنیا بگلا بپڑا کگّا، کانگوں ہنس اُڈائیا۔ نؤ جنم دا بُھکھا ننگا، گنگا لیکھا رہیا مُکائیا۔ چار کہاراں پوُری منگا، مانُکھ ناری روُپ درسائیا۔ رَوداس مِتر بنیا چنگا، جِس ناری اکھّ اُٹھائیا۔ سب دا اِکو بنیا سنگا، سوہنا جوڑ جُڑائیا۔ رَوداس چھّڈیا آر رمبا، ٹُٹی گنڈھ وکھائیا۔ اِنہاں وِچوں کوئی نہ رہیا گندہ، گندگی باہر کڈھائیا۔ پرم پُرکھ بن بخشندا، بخشش رحمت آپ کمائیا۔ اِک چاڑھنا چؤدس چندا، جِس نوُں وید ویاس گیا گائیا۔ اوس بھانے نوُں جر نہ سکے کوئی بندہ، بندگی والا اِکو بےپرواہیِا۔ جگت وِہار سینہ کرکے ٹھنڈا، اپنا بھانا دِتا ورتائیا۔ پوُت سپوُتا شبدی چڑھے نوَ چندا، چند چاندنی نَین شرمائیا۔ جل ساگر لےَ کے بھّجی آوے گنگا، گنگوتری اپنا پھیرا پائیا۔ جمنا کہے میرا مینڈا ننگا، اوڈھنی سیِس نہ کوئے ٹِکائیا۔ سُرستی کہے میرا لیکھ بھاگاں مندا، بھگوَن سنگ نہ کوئے رکھائیا۔ گوداوری کہے بِن گوبِند میرا جل کرے نہ کوئے ٹھنڈا، سیِتل دھار نہ کوئے وہائیا۔ جے تکّیئے نظری آئے اِکو

پُرکھ اکال سرب بخشندا، بخشنہار سد اکھوائیا۔ جے دَیا کمائے سرگُن پرگٹ ہوئے تت وکھائے بندہ، بندھن وِچ بند بند نہ کوئے کرائیا۔ جے اندر وڑ کے ویکھیئے گاوے اِکو چھندا، تُوں میرا میَں تیرا دوُجا نظر کوئے نہ آئیا۔ منزل چڑھ کے ویکھیئے ڈنڈا، امراپد گھر ساچے سوبھا پائیا۔ اوتھے نہ کوئے سارنگ نہ مردنگا، ڈھولک چَھینا نہ کوئے چھنکائیا۔ پرم پُرکھ پرماتم اِکو بَیٹھا سب تو چنگا، جِس دے ہتّھ چنگی وڈیائیا۔ اوہ بھگت ادھاری پَیج سوارے پار اُتارے گندیوں گندہ، جِس سِر اپنا ہتّھ ٹِکائیندا۔ کلجُگ انت بن ترکھان جِنہاں اُتے پھیریا رندا، بِن ہتّھاں آپ دبائیا۔ اوہناں نوُں لوڑ نہیں رہی نہاون دی گنگا، اٹھسٹھ پھیرا نہ کوئے پائیا۔ سچ کنارے بَیٹھے کنڈھا، اپنا پندھ مُکائیا۔ جِنہاں نوُں رَوداس دوارے مِلیاں گنڈھاں، دانہ اِکو اِک وکھائیا۔ اوہناں انتم دیوے پرمانندا، انند انند وِچ سمائیا۔ بھگت بھگوان رل مِل گوپی کاہن گایا سوہنگ چھندا، ڈھولا اِکو اِک سُنائیا۔ جوتی جوت سروُپ ہرِ، آپ اپنی کِرپا کر، ہرجن لائے اپنے انگا، انگیکار آپ کرائیا۔