کتب خانہGranth 17 (Shahmukhi)

۱۸ ساون ۲۰۲۱ بِکرمی کپوُر سِنگھ دے گرِہ موگا

سَت پُرکھ نِرنجن سَت دربارا، سَت سَتوادی آپ لگائیندا۔ ہرِ پُرکھ نِرنجن ویکھنہارا، آد جُگادی نَین کھُلائیندا۔ آد نِرنجن کر اُجیارا، جوت اُجالا ڈگمگائیندا۔ اِک اونکار دئے ادھارا، گھر خوشیاں رنگ رنگائیندا۔ ابناشی کرتا کر پسارا، سِری بھگوان بھیو چُکائیندا۔ پاربرہم پربھ پاوے سارا، انبھَو اپنی کھیل وکھائیندا۔ شاہو بھوُپ بن سِکدارا، شہنشاہ اپنی کار کمائیندا۔ جوتی جوت سروُپ ہرِ، آپ اپنی کِرپا کر، سچ کرنی اپنے ہتّھ رکھائیندا۔ ساچی کرنی ہتّھ کرتار، کرتا اپنے ہتّھ رکھائیا۔ نِرگُن نِرگُن ہو اُجیار، نِرگُن ویکھے چائیں چائنیا۔ نِرگُن کھیل اگمّ اپار، الکھ اگوچر بھیوَ ابھیدا اپنا دئے کھُلائیا۔ نِرگُن اِچھیا نِرگُن بھنڈار، نِرگُن دیونہار اپنی دَیا کمائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ پرگٹائیا۔ نِرگُن کھیل کرے پرگٹ، ہرِ کرتا وڈ وڈیائیا۔ دُھر دی اِچھیا کھول کے ہٹّ، سچکھنڈ ساچے سوبھا پائیا۔ نِرگُن نوُر کر پرکاش، جوتی جوت جوت رُشنائیا۔ کھیلے کھیل پُرکھ ابناش، ابناشی کرتا کار کمائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ بےپرواہ ہرِ بےانت، وڈّا وڈ وڈیائیا۔ میل مِلاواں نار کنت، گھر ساچے جوڑ جُڑائیا۔ نِرگُن نِرگُن بِنا بنت، لیکھا جانے اگمّ اتھاہیِا۔ جوتی جوت سروُپ ہرِ، آپ اپنی کِرپا کر، ساچا کھیل اپنے ہتّھ رکھائیا۔ ساچا کھیل کرے بھگوان، بھگوَن اپنی دَیا کمائیندا۔ سَت دوارا کر پروان، سچکھنڈ ساچا اِک سُہائیندا۔ دیِا باتی جگے مہان، کملاپاتی آپ ٹِکائیندا۔ مقامے حق کر پردھان، جلوہ نوُر نوُر رُشنائیندا۔ جوتی جوت سروُپ ہرِ، آپ اپنی کِرپا کر، ساچا مندر اِک سُہائیندا۔ ساچا مندر ساچی درگاہ، سچکھنڈ نِواسی آپ سُہائیا۔ تخت نِواسی بےپرواہ، سچ سِنگھاسن سوبھا پائیا۔ اپنی اِچھیا آپ پرگٹا، بِھچھِیا دُھر دی دئے ورتائیا۔ ناتا جوڑ سہج سُبھا، نار کنت روُپ وٹائیا۔ جننی جن بن کھیل کرے اتھاہ، سُت دُلارا اپنی گود اُٹھائیا۔ پوُت سپوُتا ناؤں دھرا، شبدی دیونہار وڈیائیا۔ چرن کَول دئے رکھا، تھِر گھر لیکھا دئے سمجھائیا۔ جوتی جوت سروُپ ہرِ، آپ اپنی کِرپا کر، آد پُرکھ اپنی کرنی کار کمائیا۔ کرنی کار کرے نِرنکارے، ہرِ کرتا وڈ وڈیائیا۔ جننی جن بنے سُت دُلارے، شبدی شبد دئے وڈیائیا۔ مات پِت بن مِتر پیارے، سخا سہائی آپ ہو جائیا۔ محل اٹل اُچ منارے، درگاہ ساچی خوشی منائیا۔ سَت سندیسہ دیوے دیونہارے، ایکا ایک کرے شنوائیا۔ جوتی جوت سروُپ ہرِ، آپ اپنی کِرپا کر، دُھر دا

لیکھا دئے دِرڑائیا۔ دُھر دا لیکھا سدا بےانت، ہرِ کرتا آپ جنائیندا۔ نِرگُن نِرویَر نِراکار مہما اپنی جانے اگنت، لیکھا لیکھ نہ کوئے سمجھائیندا۔ سُت دُلارا شبدی پرگٹائے ساچا سنت، سِپاہی اِکو اِک بنائیندا۔ جِس دا کھیل آد انت، جُگ چؤکڑی ویکھ وکھائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ سُت دُلارا شبد سِپاہی، ہرِ کرتا آپ اُٹھائیا۔ آد پُرکھ پربھ رچن رچائی، تھِر گھر دیوے مان وڈیائیا۔ سچ سندیسہ اِک سُنائی، دُھر دا راگ الاہیِا۔ نِرگُن نِرویَر ہو کے بننا پاندھی راہی، منزل منزل دِتی سمجھائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑائیا۔ سِپاہی کہے میَں دُھر دا سنت، پُرکھ اکال آپ بنائیا۔ میرا وِچھوڑا آد جُگاد نہ ہووے کنت، نار دُہاگن روُپ نہ کوئے وٹائیا۔ دو جہان مہما اگنت، لوک پرلوک جُگ چؤکڑی سدا سدا جس گائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک سمجھائیا۔ سنت سِپاہی گیا اُٹھ، ہرِ شبد لئے انگڑائیا۔ ساچی دھاروں گیا تُٹھ، بھیوَ ابھیدا دئے کھُلائیا۔ نام کھنڈا پھڑیا مُٹھ، دو جہاناں رہیا چمکائیا۔ جِس نوُں برہمنڈ کھنڈ رہے جھُک، پُری لوء سیِس جھُکائیا۔ جِس دا وار نِشانہ کدے نہ جائے رُک، جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ ساچا حُکم اِک ورتنت، ہرِ کرتا سَت دِرڑائیندا۔ کھیلے کھیل جُگا جُگنت، جُگ چؤکڑی ویکھے ویکھ وکھائیندا۔ گُر اوتار پیِر پَیغمبر بنا کے بنت، پنج تت کایا چولا جگت ہنڈھائیندا۔ شبد انادی دے کے منت، دُھر منتر نام سُنائیندا۔ گڑھ توڑنہارا ہؤمے ہنگت، ہنگ برہم بھیو چُکائیندا۔ مِلاونہارا ساچی سنگت، سگلا سنگ آپ وکھائیندا۔ کایا چولی چاڑھنہارا رنگت، رنگ اِکو اِک رنگائیندا۔ ناتا توڑنہارا جیرج انڈج، اُتبُھج سیتج پندھ مُکائیندا۔ جوتی جوت سروُپ ہرِ، آپ اپنی کِرپا کر، جُگ چؤکڑی کھیل کھِلائیندا۔ سنت سِپاہی اُٹھ اُٹھ جاگ، ہرِ کرتا آپ جگائیندا۔ نِرگُن سرگُن ویکھ مار جھات، لکّھ چؤراسی تیری اکھّ مِلائیندا۔ جُگ چؤکڑی تُدھ بِن پُچھے کوئی نہ وات، پہریدار نظر کوئے نہ آئیندا۔ گُر اوتار پیِر پَیغمبر انت پنج تت خاکی ملِے خاک، ماٹی تن رہن کوئے نہ پائیندا۔ گھر گھر اندر سچ کرائے نہ کوئے اِتفاق، آتم پرماتم جوڑ نہ کوئے جُڑائیندا۔ ناری ملِے نہ کنت سُہاگ، سُہنجنی سیج نہ کوئے ہنڈھائیندا۔ ساچے اسوَ گھوڑے چڑھے نہ کوئے راک، شاہ سوارا کھڑگ کھنڈا ہتّھ نہ کوئے چمکائیندا۔ نؤ کھنڈ پرِتھمی ستّ دیِپ کوئی نہ پڑدا سکے ڈھاک، جوتی جوت سروُپ ہرِ، آپ اپنی کِرپا کر، ساچا حُکم آپ سمجھائیندا۔ شبد سُت ویکھ دُلارے، کرتا پُرکھ

آپ جنائیا۔ جُگ چؤکڑی تیرے کھیل نیارے، خالق خلق دئے سمجھائیا۔ گُر اوتار تیرے سہارے، پیِر پَیغمبر تیری اوٹ تکائیا۔ شاستر سِمرت وید پُران تیرے ونجارے، انجیل قرآن کھانی بانی تیرا رہی جس گائیا۔ اٹھسٹھ تیِرتھ راہ تکّن تیرا کنارے، جل تھل مہیئل تیرا کھیل بےپرواہیِا۔ جوتی جوت سروُپ ہرِ، آپ اپنی کِرپا کر، ساچے سنت رہیا جگائیا۔ ساچا سنت شبد گُر اُٹھیا، دوئے جوڑ سیِس نِوائیا۔ ٹھاکر سوامی پربھوُ تُٹھیا، پت پرمیشور دَیا کمائیا۔ دو جہاناں شیر ہو کے بُکیا، بھبک اپنا نام لگائیا۔ برہمنڈ کھنڈ کدے نہ مکُیا، پڑدا سکے نہ کوئے پائیا۔ لکّھ چؤراسی جیِو جنت سادھ سنت کولوں پُچھیا، گھر گھر پھیرا پائیا۔ تن مندر کوُڑی کِریا ٹھگ چور کِس دا لُٹیا، نوَ در دین کؤن دُہائیا۔ امرت آتم کِس دا مکُیا، نِجھر جھِرنا نہ کوئے جھِرائیا۔ آتم پرماتم کؤن دوارے بَیٹھا رُسیا، گھر سجّن نہ میل مِلائیا۔ برہم پاربرہم نال کی کرے غُصّیا، دُئی دوَیتی ڈیرہ کوئے نہ ڈھائیا۔ شتروُ من نہ کِسے دا جھُکیا، شبد کھنڈا نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا ورتائیا۔ سُت شبد کہے میَں ویکھیا جگ، چار کُنٹ دھیان لگائیا۔ دہ دِشا لگّی اگنی اگّ، ترےَگُن سکے نہ کوئے بُجھائیا۔ دیِن مذہب ذات پات بنی حد، من مت جھگڑا نہ کوئے چُکائیا۔ ہنس بُدھی ہوئی کگ، جیِو کاگ وانگ کُرلائیا۔ دیِپک جوت نہ گھر کِسے گیا جگ، کوُڑ اندھیر نہ کوئے گوائیا۔ ساچے کعبےکرے نہ کوئے حج، حُجرہ حق نہ کوئے سُہائیا۔ آتم سُنے نہ کوئی ند، انحد راگ نہ کوئی الائیا۔ کوُڑی واسنا سارے رہے بھجّ، چاروں کُنٹ سرِشٹ ہلکائیا۔ سادھ سنت ڈِگے ڈوُنگھی کھڈّ، آر پار کنارہ نظر کِسے نہ آئیا۔ بِن ہرِ نامے خالی دِسن ہڈّ، چمّ درِشٹی چمّ نال پرنائیا۔ سوُربیِر جودھا کوئی نہ دِسے وِشَو جدّ، واسطہ تیرے نال رکھائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ سُت دُلارے سنت سِپاہی اُٹھ اُٹھ دؤڑ، ہرِ کرتا آپ سُنائیندا۔ لکّھ چؤراسی ویکھ ریِٹھا کؤڑ، گھر گھر اندر تیرا راہ جنائیندا۔ کوَن گرِہ مندر ساچا لگّا پؤڑ، منزل پاندھی کَون پندھ مُکائیندا۔ کؤن کوُڑی کِریا پاوے شور، رسنا جِہوا بتّی دند بول سُنائیندا۔ کؤن گھر لگّا ٹھگ چور، جوتی جوت سروُپ ہرِ، آپ اپنی کِرپا کر، ساچی کرنی آپ سمجھائیندا۔ سنت سِپاہی شبدی داتا، پُرکھ اکال سیِس نِوائیا۔ تیری کِرپا کراں ارداسا، بیننتی دُھر دی اِک سُنائیا۔ لکّھ چؤراسی اندر گھر گھر ویکھیا کرکے واسا، گرِہ گرِہ کھوج کھوجائیا۔ تیرے اُتے رہیا نہ کِسے بھرواسا، بھرمے بُھلی سرب لوکائیا۔ گھر وِچ گھر چھّڈیا تیرا ساتھا، سجّن شتروُ روُپ نظری آئیا۔

جھگڑا پیا تت آٹھا، من مت بُدھ کرے لڑائیا۔ چار کُنٹ دہ دِشا آیا گھاٹا، خالی بھنڈار نہ کوئے بھرائیا۔ نظر نہ آئے تریَلوکی ناتھا، رام رام نہ کوئے سہائیا۔ عیسیٰ موُسیٰ محمد نہ دئے نجاتا، االلہ رانی نَین شرمائیا۔ نانک گوبِند دا گاندے ساکہ، ساکھیات درس کوئے نہ پائیا۔ لیکھا لِکھدے نال قلم دواتا، کاغذ دیندے جگت وڈیائیا۔ دست مِلائے نہ کوئے ہاتھا، سمرتھ ملِے نہ کوئی سرنائیا۔ اندر باہر گُپت ظاہر ایتھے اوتھے نِبھائے نہ کوئے ساتھا، سگلا سنگ نہ کوئے جنائیا۔ گھر سُرت سوانی جِس دا منّے آکھا، سو سنت سِپاہی نظری آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سنت سِپاہی سَتگُر ایک، گوبِند گُر وڈیائیا۔ جِس دی دو جہاناں ٹیک، برہمنڈ کھنڈ سرنائیا۔ جِس دا لیکھا سدا اتیِت، ترےَگُن کھیل نہ کوئے وکھائیا۔ جگ نیتر کوئی نہ لئے پیکھ، نِج نیتر گُرمکُھ وِرلا درشن پائیا۔ جو سیِس جگدیس کر کے بھیٹ، آپ اپنا گیا مِٹائیا۔ شبد اگمّی کھیڈ کے کھیل، نِہکرمی کرم نہ کوئے جنائیا۔ ہِتکاری ہو کے کریا ہیت، نیتن نیت ہو کے درس دِکھائیا۔ اندر وڑ کے کھولیا بھیت، باہروں کرے نہ کوئے پڑھائیا۔ سچ سنت سِپاہی پُرکھ اکال جُگ جُگ دیوے بھیج، شبدی شبد روُپ وٹائیا۔ جوتی جوت سروُپ ہرِ، آپ اپنی کِرپا کر، رکھیا کرے تھاؤں تھائنیا۔ شبد سِپاہی اُٹھ سوُرے، سوُربیِر سمجھائیندا۔ کلجُگ انتم کھیل ویکھ ادھوُرے، حضرت ہرِ ہرِ آپ سُنائیندا۔ چاروں کُنٹ ناتے کوُڑے، سچّا جوڑ نہ کوئے جنائیندا۔ گرِہ گرِہ دِسے مان مغروُرے، ہنکار گڑھ نہ کوئے چُھڈائیندا۔ ساچا سُنے نہ کوئے تُورے، نام ناد نہ کوئے وجائیندا۔ جوتی جوت سروُپ ہرِ، آپ اپنی کِرپا کر، تیری سیوا اِک لگائیندا۔ اُٹھ سِپاہی ویکھ مات، چار کُنٹ رہی کُرلائیا۔ ساچی دِسے نہ کوئے جماعت، شتّری براہمن شوُدر وَیش دین دُہائیا۔ انتر آتم کِسے نہ دیوے ساتھ، من واسنا سرِشٹ ہوئی ہلکائیا۔ پِھری دروہی کائنات، کلمہ نبی نہ کوئے سُنائیا۔ پیالہ ملِے نہ آبِ حیات، امرت مد جام ہتّھ نہ کوئے پھڑائیا۔ ساچا دیوے نہ کوئے ساتھ، سنگی سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر سِر تیرے ہتّھ ٹِکائیا۔ شبد سُت اُٹھ بلوان، سنت سِپاہی ہرِ جنائیندا۔ کلجُگ ویکھ کوُڑی شان، دہ دِشا نظری آئیندا۔ نؤ کھنڈ پرِتھمی کوٹن کوٹ جیِو ہوئے بےاِیمان، بیوہ روُپ ساچا خاوند گھر نہ کوئے ہنڈھائیندا۔ ثابت دِسے نہ کوئی اِیمان، صِدق صبوُری نہ کوئے ہنڈھائیندا۔ سَت دھرم دا خالی دِسے مَیدان، سچ سُچ روُپ نہ کوئے پرگٹائیندا۔ کوُڑی کِریا جگت حرام، شرع شَیطان سنگ وکھائیندا۔ گُر اوتار پیِر پَیغمبر بھوِکھت دے کے گئے جو بیان،

لیکھا سب دا تیرے ہتّھ پھڑائیندا۔ دو جہاناں ویکھ مار دھیان، پڑدا اوہلا رہن کوئے نہ پائیندا۔ جوتی جوت سروُپ ہرِ، آپ اپنی کِرپا کر، دُھر دا لیکھا آپ سمجھائیندا۔ شبد سُت مار للکار، اِکو اِک جنائیا۔ وِشن برہما شِو کر خبردار، کروڑ تیتیِسا سُرپت سویا رہن نہ پائیا۔ تیئی اوتار لئے اُٹھال، عیسیٰ موُسیٰ محمد نال رلائیا۔ بھگت اٹھاراں رکھنے نال، دُھر دا سنگ بنائیا۔ نانک گوبِند دسّ حال، حالت سب دی دئے جنائیا۔ چار کُنٹ ہوئی بےحال، بِہبل ہو کے رہی کُرلائیا۔ ساچی وست نہ کِسے نِبھے نال، خالی ہتّھ دین دُہائیا۔ پیِر پَیغمبر جو دے کے گئے پیَغام، گُر اوتار نغمہ نام سُنائیا۔ جوتی جوت سروُپ ہرِ، آپ اپنی کِرپا کر، تیری سیوا سچ لگائیا۔ سنت سِپاہی کہے میَں جاوانگا۔ پُرکھ ابناشی تیرا حُکم سیِس ٹِکاوانگا۔ وِشن برہما شِو پھڑ ہِلاوانگا۔ تیئی اوتار نال مِلاوانگا۔ عیسیٰ موُسیٰ محمد اکھّ کھُلاوانگا۔ نانک گوبِند دُھر دا سنگ بناوانگا۔ سَتجُگ تریتا دواپرکلجُگ نؤ سؤ چُرانوے چؤکڑی جو بیِتیا پرسنگ، ساکہ سب دا آپ سُناوانگا۔ تیرا پھڑ کے اِک مردنگ، دو جہاناں ناد وجاوانگا۔ برہمنڈ کھنڈ آپے لنگھ، لوکمات ویکھ وکھاوانگا۔ شاستر سِمرت وید پُران گیِتا گیان انجیل قرآن جو منگے منگ، آسا سب دی تیرے نال مِلاوانگا۔ نؤ کھنڈ پرِتھمی ستّ دیِپ گھر گھر جو دِسے بھیکھ پکھنڈ، اُس دی حالت آپ جناوانگا۔ جو تیرے وِچھوڑے اندر ہوئے رنڈ، تِس دا رنڈیپا دوُر کراوانگا۔ جِس دے من ہنکاری گنڈھ، تِس دا پڑدا پھول پُھلاوانگا۔ تیرا شبد چنڈ پرچنڈ، گوبِند ہو کے اِک چمکاوانگا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، سنت سِپاہی ہو کے سیو کماوانگا۔ نِرگُن ہو کے پھیرا پاوانگا۔ سرگُن ہو کے سرب اُٹھاوانگا۔ دُھر درگاہی لےَ کے ڈھوئے، جن بھگتاں جھولی پاوانگا۔ جو تیرے پریم پیار موہے، تِنہاں امرت جام پیاوانگا۔ جو گوُڑھی نیِندر سوئے، تِنہاں شبد ہلوُنے نال اُٹھاوانگا۔ جو نیتر نَیناں رہے روئے، تِنہاں اپنی گود بہاوانگا۔ جو سُندے تیری سوئے، ساکھیات ہو کے نظری آوانگا۔ گُرمکُھ قبضہ کرے نہ کوئے بھوئیں، کایا دھرتی اُتے تیرا حق جناوانگا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے سیِس نِواوانگا۔ در تیرے سیِس جھُکیگا۔ تیرا شبدی سُت اِکو بُکیگا۔ سنت سِپاہی کدی نہ رُکیگا۔ کوُڑی کِریا پھڑ پھڑُ کٹیگا۔ شؤہ دریائے انتم سُٹیگا۔ کلجُگ کالکھ سب دی لُٹیگا۔ ڈوُنگھی جڑ پھڑ کے پُٹیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیرے چرن کَول اِکو اوٹ تکیگا۔ شبد سُت اُٹھ ویکھ رکان، جوبن ونتی رہی

کُرلائیا۔ جِس دا نوُر ظہوُر جگت مہان، مہما شاستر سِمرت وید پُران رہے جس گائیا۔ جِس دا صِدق اِک اِیمان، صبر صبوُری اپنے اندر بند کرائیا۔ اوہ دینہار فرمان، سچ سندیشہ رہیا الائیا۔ جوبن ونتی نؤجوان، مکُھ گھُنگٹ اِک اُٹھائیا۔ میری نِبھ جائے تیرے نال، دوُجا کنت نہ کوئے ہنڈھائیا۔ میرا مندر سچ سچّی دھرمسال، جِس گھر بَیٹھن ڈیرہ لائیا۔ ویکھ چن میرا حال، بِہبل ہو کے دئے دُہائیا۔ جُگ چؤکڑی بیِتے کال، سَتجُگ تریتا دواپرکلجُگ کوٹن وار پھیرا پائیا۔ گُر اوتاراں پیِر پَیغمبراں اَگے دسّدی رہی احوال، سچ کہانی اِک سُنائیا۔ بِن سَتگُر شبد کوئی نہ نِبھیا نال، لگّی توڑ نہ کوئے نِبھائیا۔ سارے چھّڈ کے گئے مَیدان، انتم اپنی پِٹھّ وکھائیا۔ تُوں سوُربیِر نؤجوان، جوتی جوت سروُپ ہرِ، آپ اپنی کِرپا کر، ساچی کرنی رہیا دِرڑائیا۔ شبد کہے سُن جوبن ونتی، دیواں مان وڈیائیا۔ تیرا روُپ اِک بسنتی، لوکمات اُتر کدے نہ جائیا۔ تیرا میلا دُھر دے کنتی، کنت کنتوُہل بےپرواہیِا۔ تیری مہما اندر سارے لِکھدے گئے پنگتی، اکھّراں نال کر وڈیائیا۔ تُوں میرا میَں تیرا کدے نہ ہوواں کِسے دوارے منگتی، درویش روُپ نہ کوئے وٹائیا۔ تیری سمجھ نہ آئے پنڈتی، چؤداں وِدیا دئے دُہائیا۔ جوتی جوت سروُپ ہرِ، آپ اپنی کِرپا کر، دُھر کرنی رہیا کمائیا۔ میَں جوبن ونتی سُہنجنی نار، در تیرے سیِس نِوائیا۔ تُوں سوُربیِر سردار، جوبنونتا اِک اکھوائیا۔ تیرے ہتّھ کھڑگ کھنڈا تلوار، ترکش تیِر رہیا چمکائیا۔ تیرا لیکھا دو جہان، برہمنڈ کھنڈ تیری وڈیائیا۔ تیرا کھیل اگمّ اپار، میری سمجھ وِچ نہ آئیا۔ میَں تیرے چرن کَول بلہار، ہؤں گھولی واری گھول کمائیا۔ اُٹھ جا کے مار للکار، اِک آواز سُنائیا۔ گھر وِچ گوانڈھی ہوون خبردار، کام کرودھ لوبھ موہ ہنکار سویا رہن کوئے نہ پائیا۔ تیرا جھلّے نہ کوئی وار، سیِس سکے نہ کوئے اُٹھائیا۔ سارے روون زارو زار، نیتر نَیناں نیِر وہائیا۔ جوتی جوت سروُپ ہرِ، آپ اپنی کِرپا کر، میرا لیکھا میری جھولی پائیا۔ میَں سنت سِپاہی دُھر دا، ہرِ شبدی شبد جنائیا۔ حُکمے اندر کدے نہ مُڑدا، پِچھےپرت نہ مکُھ وکھائیا۔ میَں اَسوار اگمّی گھوڑ دا، سچ پلانا اِک ٹِکائیا۔ میَں شتّروُ دُشمن سارے روڑھدا، در رہن کوئے نہ پائیا۔ میَں نار وِچُھنی سُرتی اپنے نال جوڑدا، جگت وِچھوڑا پندھ مُکائیا۔ ناد سُناواں اپنا گھنگھور دا، دُھن آتمک راگ الائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ تُوں ڈھول سِپاہی دُھر دا بانکا، چھَیل چھبیِلا نظری آئیا۔ گُر اوتاراں پیِر پَیغمبراں بنیا راکھا، جن بھگتاں ہویا سہائیا۔ ساچے سنتاں جوڑیں دُھر دا ناتا، مِلنی ہرِ جگدیس کرائیا۔ گُرمکُھاں لہنا دینا مُکایا تت آٹھا، نؤ در ڈیرہ دِتا

ڈھاہیِا۔ گُرسِکھاں دے کے نام داتا، ایکا رنگ دِتا رنگائیا۔ بلہاری تیرے چرن کَول ٹیکاں ماتھا، چرن دھوُڑی مستک خاک رمائیا۔ تیرا پِتا پُرکھ اکال سدا سمراتھا، سمرتھ ہتّھ تیری وڈیائیا۔ تُوں ہوئیں سہائی ناتھ اناتھاں، غریِب نِمانیاں لئیں ترائیا۔ آتم پرماتم دسّیں گاتھا، کریں سچ پڑھائیا۔ ناتا توڑ کے ذات پاتا، ورن برن ڈیرہ ڈھاہیِا۔ من مت گھر رہن نہ دیویں نار کمذاتا، کُلکھنی بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ تیرا کھیل اولّا، اکل کل دھاری تیری وڈ وڈیائیا۔ شبد اگمّی تیرا بھلّا، دو جہاناں بھےَ وکھائیا۔ گُر اوتار پیِر پَیغمبر سیِس نِواؤندے سجدہ کرے رانی االلہ، حق حق تیرا ناؤں رہے دِھیائیا۔ مُریِد مُرشد پھڑاونہارا پلّا، پلّوُ اپنی گنڈھ پوائیا۔ چؤداں طبق چؤداں لوک چؤداں وِدیا تیرا جھل نہ سکے کوئی ہلّا، حالت سب دی دئے بدلائیا۔ جوتی جوت سروُپ ہرِ، آپ اپنی کِرپا کر، لیکھا لیکھے دیاں لگائیا۔ شبد کہے میَں سِپاہی ایک، سِپاہ سالار بےپرواہیِا۔ نِت نوِت میری کھیڈ، خالق خلق وِچ کھِلائیا۔ جُگ چؤکڑی میَنوُں بھیج، نِرگُن سرگُن سیو سمجھائیا۔ لکّھ چؤراسی دیواں ٹیک، رکھیا کراں تھاؤں تھائنیا۔ سنت سُہیلے سجّن ویکھ، گُرمکُھ گُرسِکھ لَواں اُٹھائیا۔ انتر آتم کراں ہیت، پرماتم ساچا میل مِلائیا۔ مان گوا کے مُلّا شیخ، مسائک ڈیرہ دیواں ڈھاہیِا۔ جوتی جوت سروُپ ہرِ، آپ اپنی کِرپا کر، میری سیوا اِک لگائیا۔ میَں سیوا کراں سدا جگ، لکّھ چؤراسی ویکھ وکھائیندا۔ جن بھگتاں مِلاں اُپر شاہ رگ، نؤ دوارے پندھ مُکائیندا۔ سچ دوار سُن کے ند، سُرت سوانی آپ اُٹھائیندا۔ جیہڑا وسدا رہیا الگ، گھر سجّن آپ مِلائیندا۔ اُٹھ سیجے چڑھ بھجّ، بھانڈا بھرم بھؤ بھنائیندا۔ لال رنگیلے ہتّھ رنگ، مینہدی اِکو نام وکھائیندا۔ بِن سجدیوں کرے حج، حضرت سنمکُھ سوبھا پائیندا۔ پریم پریِتی اندر جا بجھّ، بازوُ ہتّھ نہ کوئے لگائیندا۔ تیرا پڑدا لئے کجّ، سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ گھر سوانی کہے میَں رکھی اُڈیِک، نیتر نَین نَین اُٹھائیا۔ میری اجے نہ ٹُٹی پریِت، پریِتیوان بُھل کوئے نہ جائیا۔ میَں بَیٹھی رہی اتیِت، ترےَگُن سکی نہ کوئے لوبھائیا۔ میرا ٹھاکر ملِے ٹھیِک، ٹھیِکر کوُڑا بھنّ وکھائیا۔ سو سوامی نیڑے لیاندی تاریخ، طریقہ اپنا دِتا سمجھائیا۔ کلجُگ انتم رہن نہ دینا کوئی شریِک، شِرکت سب دی دئے مِٹائیا۔ پروردِگار ہتّھ تؤفیِق، توحفہ گھر گھر دئے پُچائیا۔ ساچا کلمہ دے اِک حدیِث، حضرت ہو کے کرے پڑھائیا۔ مِٹھا کرے کؤڑا ریِٹھ، امرت رس سچ بھرائیا۔ آتم پرماتم پاوے بھیِکھ، بِھچھِیا جھولی نام جنائیا۔ کوُڑی

کِریا میٹے ریِت، ساچی سِکھیا اِک پرگٹائیا۔ نظری آئے نیِکن نیِک، نیرن نیرا ہو کے درس وکھائیا۔ لیکھ چُکائے ہست کیِٹ، راؤ رنکاں اِکو گھر بہائیا۔ آنڈھی گوانڈھی سارے ہو جان ٹھیِک، جھگڑا رہے نہ کوئے لوکائیا۔ پُرکھ اکال نال کرن پریِت، اِشٹ دیو اِک منائیا۔ آستک ناستک دوہاں لئے جیِت، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شبد سوامی کہے گُر اوتار ہووو اِکٹھے، کلجُگ انت سندیسہ اِک سُنائیا۔ سچ دوارے آؤ نٹھے، بن کے پاندھی راہیِا۔ جو پربھ نے سَتجُگ تریتا دواپرکلجُگ مارگ دسےّ، نیتر ویکھو تھاؤں تھائنیا۔ جو دُھر سندیش لِکھا کے پتے، بن کے کاتب قلم چلائیا۔ دیِن مذہب پئے رٹےّ، ذات پات کرے لڑائیا۔ پریم رنگ کوئی نہ رتےّ، کوُڑا لالچ نظری آئیا۔ نانک گوبِند جو مارگ دسےّ، چار ورن بنائے بھَین بھائیا۔ امرت باٹے اِکو چھکے، سہِنسے روگ دِتے چُکائیا۔ تیڑ پوا کے دُھر دے کچّھ، دھیِرج جت اِک سمجھائیا۔ کیس سوہنے اُپر رکھے، سوبھاونت دِتی وڈیائیا۔ کڑا کِرپان بخش حقے، حقیِقت دیوے نال گواہیِا۔ کنگھا کوُڑی کِریا کٹّے، کام کرودھ لوبھ موہ ہنکار رہن نہ پائیا۔ واہِگُروُ اکھّر اِکو رٹے، واہ واہ گُروُ وڈیائیا۔ نانک نِرگُن نام جپے، سَت سَت گیا سمجھائیا۔ سارے ویکھن اِکو اکھےّ، دوُجی پلک نہ کوئے بدلائیا۔ اوہ مُرشد مدینے مکّے، مقبریاں وِچ پھیرا پائیا۔ لِکھ سندیشہ دے کے گیا لوکمات دُھر دے پتے، پت پرمیشور حُکم سُنائیا۔ کھیل کرے پُرکھ سمرتھے، شاہ پاتشاہ سچّا شہنشاہیِا۔ سوُربیِر جودھا اِکو اُٹھے، بلدھاری اپنے ہتّھ رکھے وڈیائیا۔ کوُڑی کِریا کلجُگ میٹے رٹےّ، مایا ممتا جھگڑا دئے چُکائیا۔ دُئی دوَیتی میٹے پھٹے، نام پٹّی اِک بندھائیا۔ سچّا مارگ دُھر دا دسےّ، پُرکھ اکال اِک سرنائیا۔ تُوں میرا میَں تیرا دوہاں دا اِکو حقے، آتم پرماتم اِکو گھر وسے سہج سُبھائیا۔ پیِر پَیغمبر گُر اوتار گاون جسے، وید پُران شاستر سِمرت صِفت صلاحیِا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ میرا شبد سِپاہی دُھر دا چنگا، پُرکھ اکال آپ جنائیندا۔ جِس دے ہتّھ نام مردنگا، دو جہاناں آپ اُٹھائیندا۔ چار کُنٹ دہ دِشا لکّھ چؤراسی ویکھے بُھکھا ننگا، شاہ سُلطان کھوج کھوجائیندا۔ دھار جاننہارا گنگا گوداوری جمنا سُرستی سوُرا سربنگا، سوُربیِر ویکھ وکھائیندا۔ لہنا دینا چُکاونہارا سوُرج چندا، رَو سس پڑدا لاہِندا۔ کھوجنہارا کوٹ برہمنڈاں، برہم برہماد اپنی کار کمائیندا۔ اُپجاونہارا جیرج انڈاں، اُتبُھج سیتج کھیل کھِلائیندا۔ دیونہارا پرمانندا، نِج آتم رس اِک چکھائیندا۔ میٹنہارا گوانڈھی گندہ، گھر گھر وِچوں کوُڑی کِریا باہر کڈھائیندا۔ بندگی اندر لا کے

اپنا بندہ، بندنا اِکو اِک سمجھائیندا۔ جوتی جوت سروُپ ہرِ، آپ اپنی کِرپا کر، ساچا بھیو آپ کھُلائیندا۔ ساچا بھیو آپ کھُلاؤندا اے۔ پُرکھ ابناشی دَیا کماؤندا اے۔ گھٹ گھٹ واسی ویکھ منڈل راسی، راسی راس رچاؤندا اے۔ وِشن برہما شِو آپ اُٹھاؤندا اے۔ گُر اوتار پیِر پَیغمبر کول بہاؤندا اے۔ صدی چؤدھوی، عیسیٰ موُسیٰ محمد اِشارے نال سمجھاؤندا اے۔ بیِس اِکیسا ہرِ جگدیسا، نِہکرمی کرم کماؤندا اے۔ کلجُگ کوُڑی کِریا پھڑ کے شمشیِر گُر اوتاراں اَگے آپ ٹِکاؤندا اے۔ ویکھو جھگڑا اجے نہ چُکیا اوُچاں نیِچاں، نانک گوبِند شبد نہ کوئے کماؤندا اے۔ کوُڑ واسنا جگت پریِتاں، شبدی میل نہ کوئے مِلاؤندا اے۔ جوتی جوت سروُپ ہرِ، آپ اپنی کِرپا کر، سچ کرنی آپ سمجھاؤندا اے۔ سچ کرنی نہ کوئے کماؤندا اے۔ نیِچوں و نیِچ نہ کوئے اکھواؤندا اے۔ انگد انگ نہ کوئے لگاؤندا اے۔ امروُ امر نہ کوئے بناؤندا اے۔ رام داس رام نہ کوئے مِلاؤندا اے۔ ارجن عرض سُن بودھ اگادھ نہ کوئے دِرڑاؤندا اے۔ ہرِ گوبِند کھیل، کھنڈا کھڑگ نہ کوئے چمکاؤندا اے۔ ہررائے کرے نہ کوئے میل، ناتا بِدھاتا جوڑ نہ کوئے جُڑاؤندا اے۔ ہرکِشنا چاڑھے نہ کوئے تیل، سچ گیان نہ کوئے سمجھاؤندا اے۔ تیغ بہادر وانگ کٹے نہ کوئے غریِباں جیل، سیِس بھیٹ نہ کوئے چڑھاؤندا اے۔ گوبِند کرکے اپنا ویہل، پوُرب لہنا سب دی جھولی پاؤندا اے۔ جوتی جوت سروُپ ہرِ، آپ اپنی کِرپا کر، شبد سِپاہی اِک وڈیاؤندا اے۔ شبد سِپاہی سَتگُر سچّا، آد جُگاد نظری آئیندا۔ جِس دا لکّھ چؤراسی اِکو بچّہ، بچپن اپنی جھولی پائیندا۔ جِس دا بچن نہ کوئے کچّا، کوُڑی کِریا ذِبع نہ کوئے وکھائیندا۔ جِس دی کرے کوئے نہ ہّتا، جنم مرن گیڑ نہ کوئے سمجھائیندا۔ جو نظر نہ آئے جگت اکھّاں، نِج نیتر رنگ رنگائیندا۔ سو صاحِب سوامی انتریامی کنت کنتوُہل پکاّ، نار سُہاگن اِک بنائیندا۔ شتروُ دُشمن دے کے دھّکا، سچ دواریوں باہر کڈھائیندا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیندا۔ مِہر نظر نال تارے گُرسِکھ، سَتگُر ہتّھ وڈّی وڈیائیا۔ نام پدارتھ پا اگمّی بِھکھ، انتر آتم جھولی دئے بھرائیا۔ کوئی سمجھ نہ سکے مُن رِکھ، جوگ جُگیِشر بَیٹھے دھیان لگائیا۔ ٹھاکر ہو کے ملِے پِت، پرمیشور ہو کے گود بہائیا۔ گھر مندر کرے ہِت، نِت نوِت خوشی منائیا۔ ٹھگؤری پائے نہ کوئے چِت، چیتن سُرتی آپ کرائیا۔ پریم پیار دی پا کے کھِچ، ناتا اندرے اندر بندھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ شبد سِپاہی دیوے قُربانی، کربلا ملِے نہ کوئے وڈیائیا۔ بچےّ نیہاں ہیٹھ نِشانی، آسانی گُرمکُھاں گیا بنائیا۔ نام نِشانہ مار کے کانی، بجر کپاٹی آپ تُڑائیا۔ امرت

بخش کے ٹھنڈا پانی، گھر سروور دِتا نُہائیا۔ بودھ اگادھ سُنا کے بانی، چارے کھانی پندھ مُکائیا۔ شبدی شبد مِلا کے ہانی، سُرت اکال موُرت کری کُڑمائیا۔ ہرِ دے پد نِربانی، محل اِکو دِتا سمجھائیا۔ جِتھے لیکھا چُکےآون جانی، گیڑا نظر کوئے نہ آئیا۔ ساچے مندر بہنا بن کے رانی، دُھر دا کنت اِک ہنڈھائیا۔ سُگھڑ سُچجی بن سوانی، اپنا کنت لئے منائیا۔ مُشکل حل ہووے آسانی، اِحسان سیِس نہ کوئے رکھائیا۔ دُشمن دوُر کیِتی تُغیانی، جگت ہڑ نہ کوئے رُڑھائیا۔ پال ویکھے پہاڑ برفانی، ہیم کُنٹ کھیل رچائیا۔ سوُربیِر جودھا مرد مردانی، مردانہ اِکو اِک اکھوائیا۔ چلن نہ دیوے کِسے دی کوئے بےاِیمانی، شَیطانی سب دی رہیا مِٹائیا۔ جِس دی صِفت کرے نہ کوئے زبانی، الف یے نہ سکے سمجھائیا۔ جِس دا اِشاریاں نال ملِے پیَغامی، پَیغمبراں رہیا پڑھائیا۔ سو سِپاہی اِک مقامی، مُکمل اپنی سیو کمائیا۔ گُرمکُھ کِسے دی کرے نہ کدی غُلامی، چاکر روُپ نہ کوئے وکھائیا۔ اوہنوُں کوئی ہتّھ نہ پائے پنج تت زنانی، جو کام کرودھ لوبھ موہ ہنکار رہی ہلکائیا۔ جوتی جوت سروُپ ہرِ، آپ اپنی کِرپا کر، ساچا کھنڈا اِک چمکائیا۔ ساچا کھنڈا اُٹھائے کھڑگ، خالص اپنی تیغ چمکائیندا۔ باقی چال رکھے اگمّی مٹک، قدم نظر کِسے نہ آئیندا۔ جگت نیتر تکّے جگت، جگ جیِون داتا مکُھ چُھپائیندا۔ واک بھوِکھت اندر لِکھیا وقت، ویلا اپنا ہتّھ رکھائیندا۔ جن بھگتاں پِچھےآوے فقط، فقر ہو کے ویس وٹائیندا۔ لیکھے لائے بوُند رَکت، رنگ دُھر دے نال جنائیندا۔ دوُجے در نہ جاوے منگت، مانگت سرب جہان وکھائیندا۔ رچّھیا کرے گُرمکُھ سنگت، سنگی ہو کے کھوج کھوجائیندا۔ جوتی جوت سروُپ ہرِ، آپ اپنی کِرپا کر، ساچا میلا آپ مِلائیندا۔ دُشمن شتروُ گھر وِچ مار، کوُڑی کِریا کرے صفائیا۔ بجر کپاٹی پاڑ پہاڑ، سِلا اُلٹی دئے کرائیا۔ لیکھا چُکا کے جنگل جوُہ اُجاڑ پہاڑ، گھر پربھاس دئے وڈیائیا۔ ڈوُنگھے ساگر ٹِلّے پربت ویکھے غار، سمُند کھائی کھوج کھوجائیا۔ کوُڑی کِریا کر خوار، حُکم حق اِک سُنائیا۔ گُرمکُھو سَتگُر اُتے کرو اِعتبار، حوصلہ دُھر دا دئے بنائیا۔ وِچھوڑا ہووے نہ سانجھے یار، ساچا سنگ اِک رکھائیا۔ نیتر رووے نہ گُرمکُھ نار، ہنجھوُاں ہار نہ کوئے بنائیا۔ پت پرمیشور پاونہارا سار، حدوں آر پار ڈیرہ لائیا۔ نَواں کھنڈاں وِچوں بھارت کھنڈ سچّا سردار، جِس دی سرداری گوبِند نال لگائیا۔ اُس دا شبد سروُپی اِک اِشتہار، اِشاریاں نال کرے جنائیا۔ گُرمکُھ وِرلا پڑھے وِچ سنسار، بِن رسنا جِہوا کرے جنائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ سنت سِپاہی دئے دِلاسا، اِشاریاں نال جنائیا۔ میَں کھول کے

دسّاں خلاصہ، اگلا بھیو سمجھائیا۔ کلجُگ انتم بدلن والا پاسہ، پاسہ سب دا دئے اُلٹائیا۔ پُرکھ ابناشی ویکھنہار تماشا، دو جہاناں ناچ نچائیا۔ کلجُگ کوُڑی کِریا خالی کرنا کاسہ، مدُھر جام ہتّھ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ساچی سیوا اِک لگائیا۔ ساچی سیوا مات کرنی، شبد سِپاہی اِک جنائیندا۔ لہنا دینا چُکانا ورنی برنی، ذات پات پندھ مُکائیندا۔ لکّھ چؤراسی آتم پھڑنی، ڈوری شبدی تند اُٹھائیندا۔ ساچی گھاڑت اِکو گھڑنی، گھڑ کے آپے ویکھ وکھائیندا۔ گُرمکُھاں گھر پؤڑی اِکو چڑھنی، ڈنڈا اپنا نام لگائیندا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیندا۔ دُھر دا حُکم دیِن دَیال، دَیا نِدھ اِک جنائیا۔ سنت سِپاہی سچّا لال، سَتگُر شبد لئے انگڑائیا۔ نال رکھا کے کال مہاکال، لیکھا جانے تھاؤں تھائنیا۔ رائے دھرم لئے اُٹھال، چِترگُپت آپ سمجھائیا۔ لاڑی مؤت پا دھمال، گھر گھر ڈنک وجائیا۔ جوتی جوت سروُپ ہرِ، آپ اپنی کِرپا کر، شبدی شبد کھیل وکھائیا۔ شبد سِپاہی سچ رنگیِلا، رنگ رتّا نظری آئیندا۔ کلجُگ ویکھ جگت قبیلہ، کامل پُرکھ اپنا پھیرا پائیندا۔ جُگ چؤکڑی جو سُندا رہیا دلیِلا، اکھّراں وِچ وڈیائیندا۔ پیِر پَیغمبراں جو بندا رہیا وسیلہ، وصل اپنا حق کرائیندا۔ سو کلجُگ انتم سب دی سُنن آیا اپیِلا، سچ عدالت اِک لگائیندا۔ اوتھے لوڑ نہ رہے وکیِلا، وُکلا سنگ نہ کوئے نِبھائیندا۔ جوتی جوت سروُپ ہرِ، آپ اپنی کِرپا کر، ساچی سیوا آپ لگائیندا۔ سیو لگائے کر کے مِہر، محبان بیِدو بیِخیر یا االلہ وڈیائیا۔ مُریِد مُرشد لیاوے گھیر، کلمہ اِکو نام جنائیا۔ کوُڑی کِریا کر کے ڈھیر، خاکی بُت آپ سمجھائیا۔ انتر نظری آوے نیڑ، باہروں دوُر دُراڈا پندھ مُکائیا۔ دُھر دا لیکھا دئے نبیڑ، لہنا لہنیدار جھولی پائیا۔ دھرت مات دا کھُلا کرکے ویہڑ، ویلا وقت دئے سُہائیا۔ جو کوُڑی کِریا جھگڑا رہے چھیڑ، تِنہاں چھیکڑ دئے وکھائیا۔ من مت دا ہووے بھیڑ، گُرمت بَیٹھے کر جُدائیا۔ شبد سوُرا بھبکے اِکو شیر، دُھر دا نام سُنائیا۔ اَگے رہے نہ ہیر پھیر، پھیرا اپنا اِکو پائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ پڑدا اوہلا اُٹھاوے آپ، اپنی دَیا کمائیندا۔ پت پرمیشور بن کے باپ، پِتا پُرکھ اکال دَیا کمائیندا۔ سنت سِپاہی دے کے دات، وست امولک اِک ورتائیندا۔ سرِشٹ سبائی دسّنی سچّی گاتھ، دُھر دا ڈھولا اِک سُنائیندا۔ تُوں میرا میَں تیرا ساک، سجّن سوامی نظری آئیندا۔ گوبِند پوُرا کر بھوِکھت واک، واقف اپنے نال بنائیندا۔ صِفتاں والا اکھّر وِچوں لبھے نہ کوئے لُغات، نظماں وِچ نہ کوئے سمجھائیندا۔ محبوُب محُبّت کرے ساتھ، سچ دوارے میل مِلائیندا۔ سنت سِپاہی

سیِس نِوائے سچ جناب، آداب اِکو اِک کرائیندا۔ کھڑا ویکھے اُچ محراب، درگاہ ساچی سوبھا پائیندا۔ جِتھے کدے نہ آوے عذابِ، اعظم اِکو در وکھائیندا۔ جوتی جوت سروُپ ہرِ، آپ اپنی کِرپا کر، سنت سِپاہی اِک بنائیندا۔ سنت سِپاہی چڑھیا چوٹی، منارا منزل ویکھ وکھائیا۔ جِتھے جگے اگمّی جوتی، دیِوا باتی نظر کوئے نہ آئیا۔ اوتھے جوت اکالن اِک کھلوتی، بَیٹھی سوبھا پائیا۔ جِس دی سوچ کِسے نہ سوچی، سوچ سمجھ نہ کوئے رکھائیا۔ اُس دا پار کنارہ لوک پرلوکی، پرم پُرکھ آسن اِک وڈیائیا۔ اُس دی صِفت نہ وِچ سلوکی، چارے بانی سیِس نِوائیا۔ جوتی جوت سروُپ ہرِ، آپ اپنی کِرپا کر، سچّا حُکم اِک ورتائیا۔ شبد سِپاہی چڑھ گیا سِخر، ممٹ اِکو اِک سُہائیندا۔ جِتھے رہے کوئی نہ فِکر، فِقرہ ہور نہ کوئے جنائیندا۔ اوتھے رسنا جِہوا کرے کوئی نہ ذِکر، اکھّراں نال نہ کوئے سمجھائیندا۔ اوتھے اِکو اِک پِتر، پُرکھ اکال نظری آئیندا۔ جِس دی دھاروں آئی نِکل، مات گربھ نہ کوئے ٹِکائیندا۔ جِس دی نظر نہ آئے شکل، عقل نال نہ کوئے وڈیائیندا۔ جِس دا سِپاہی کدے نہ ہووے مُعتّل، سچ دوارے بہہ بہہ خوشی منائیندا۔ جوتی جوت سروُپ ہرِ، آپ اپنی کِرپا کر، سنت سِپاہی اِک سُہائیندا۔ سنت سِپاہی چڑھ گیا مندر، منزل پندھ مُکائیا۔ اوتھے نہ کوئے سوُریا نہ کوئے چندر، منڈل منڈپ نہ کوئے رُشنائیا۔ نہ کوئی صحن نہ کوئے ویہڑا نہ کوئے آنگن، چار دیِواری نہ بنت بنائیا۔ نہ کوئی ہار سنگار کرے پا کے کنگن، نیتر نَین کجّل دھار نہ کوئے مٹکائیا۔ نہ کوئی جگت سوامی لائے انگن، سیج سُہنجنی ملِے نہ کوئے وڈیائیا۔ نہ کوئی مستک ٹِکاّ دِسے چندن، سُرخی رنگ نہ کوئے وکھائیا۔ نہ کوئے بازوُ دِسے بندن، نک نتھ سُہاگ نہ کوئے ہنڈھائیا۔ جو ویکھیا سو در سوامی اِکو منگن، نِیوں نِیوں لاگن پائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ سنت سِپاہی چڑھ منارے، کوُک کوُک سُنائیا۔ اُٹھو گُرمکُھ گُرسِکھ دُلارے، گُر گوبِند رہیا جگائیا۔ ساچے سنتن بنو پیارے، پریِتی پریِتم نال نِبھائیا۔ بھگت بھگوان ویکھو چل اَکھاڑے، جِس گرِہ گوپی کاہن نچائیا۔ دُھردرگاہی بنو لاڑے، سوہنے چیِرے سیِس بندھائیا۔ کھڑگ کھنڈا ہتّھ پکڑو تلوارے، تیِر کمان اِک سمجھائیا۔ دوئے جوڑ کرو نِمسکارے، سیِس صاحِب سوامی اِک نِوائیا۔ اُچی بولو نام جَیکارے، جےَ جَیکار دو جہان سُنائیا۔ درشن کرو اِک نِرنکارے، جو سب دا سچّا ماہیِا۔ گُر اوتار پیِر پَیغمبر اوسے دے در پنہارے، بَیٹھے الکھ جگائیا۔ گرنتھ شاستر سِمرت وید پُران کرن اِشارے، اِشاریاں نال سمجھائیا۔ جوتی جوت سروُپ ہرِ، آپ اپنی کِرپا کر، رکھیا کرے ہر گھٹ تھائنیا۔

شبد سِپاہی دیوے ہوکا، آر پار حد جنائیا۔ اپنا گھر سامبھن دا اِکو مؤقع، سَتگُر مِلنا چائیں چائنیا۔ شتروُ کرے نہ کوئی دھوکھا، بُھلیکھا بھرم نہ کوئے بُھلائیا۔ اگلا مارگ ہووے سؤکھا، اَدھوِچکارنہ کوئے اٹکائیا۔ جِس نے بھاگ لگایا پٹنا پؤنٹا، بچےّ نیہاں ہیٹھ دبائیا۔ اُس دا شبد اگمّی اِکو سوٹا، دو جہاناں رہیا دِرڑائیا۔ کلجُگ انتم پرکھے کھرا کھوٹا، لکّھ چؤراسی ویکھ وکھائیا۔ سچ دوارے ماننہارا مؤجا، مجلس بھگتاں نال رکھائیا۔ جِس بھےَ چُکایا کولوں مؤتا، شبد شہیدی گانا تند بندھائیا۔ لہنا دینا مُکایا چؤداں لوکاں، نام سلوک اِک سُنائیا۔ اُس صاحِب دی رکھو اوٹا، اوڑک ملِے تھاؤں تھائنیا۔ شبد سِپاہی اِکو بہُتا، بہُتی سیَنہ کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، اِک سِپاہی دِتا اُٹھائیا۔ سنت سِپاہی اُٹھ کھلوتا، اپنی اکھّ کھُلائیا۔ کلجُگ دسّدا پِھرے چؤداں لوکاں، بھجےّ واہو داہیِا۔ میرا انتم آیا مؤقع، ویلا وقت وِہائیا۔ جوتی جوت سروُپ ہرِ، آپ اپنی کِرپا کر، ساچی کھیل دِتی ورتائیا۔ کلجُگ پِھرے چار کُنٹ، بھجےّ واہو داہیِا۔ کریا کھیل نِواسی بَیکُنٹھ، سچکھنڈ دھاری پھیرا پائیا۔ اپنی کرن لگّا اُنت، میرا لیکھا رہیا چُکائیا۔ مُسلم کوئی نہ رہے جِس کیِتی سُنّت، سُنّی سرب مِٹائیا۔ جوتی جوت سروُپ ہرِ، آپ اپنی کِرپا کر، سچ سندیشہ اِک سمجھائیا۔ شبد سِپاہی کیِتا خبردار، بےخبر خبر سُنائیا۔ پہلوں ویکھ محمد چار یار، چاروں کُنٹ پھیرا پائیا۔ صدی چؤدھوی آئی ہار، چؤداں طبق دینی صلاحیِا۔ االلہ رانی رووے نار مٹیار، ساچا کنت نظر کوئے نہ آئیا۔ خاوند ملِے نہ سانجھا یار، پروردِگار اُنگلی انت نہ کوئے لگائیا۔ جوتی جوت سروُپ ہرِ، آپ اپنی کِرپا کر، اپنا حُکم رہیا ورتائیا۔ سنت سِپاہی ماری اِک آواز، سُنو جگت لوکائیا۔ اپنا اپنا کھولو تاک، پڑدا دیاں اُٹھائیا۔ پنج وقت ساچی پڑھے نہ کوئے نماز، حُجرہ حق نہ کوئے وکھائیا۔ سجدہ سیِس نہ کرے آداب، سلام علیکم االلہ نہ کوئے سُنائیا۔ چاروں کُنٹ خالی دِسے باغ، باغیچہ پتّ ٹہنی نہ کوئے لہرائیا۔ جو محمد کیِتا آباد، گُلشن لوکمات مہکائیا۔ سو انتم ہوون لگّا خراب، چاروں کُنٹ پئی دُہائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا سمجھائیا۔ شبد سِپاہی مارے ہاک، حاکم لوکمات جگائیا۔ نوَ نؤ چار کھولو تاک، طاقت اِکو اِک دِرڑائیا۔ نیتر تکّو ذات پات، فتویٰ سب تے رہیا لگائیا۔ پوُرا کرے بھوِکھت واک، جو گوبِند گیا سمجھائیا۔ کھیلے کھیل پُرکھ ابناش، ابناشی کرتا اپنی کار کمائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ شبد کہے اُٹھو شتّری براہمن، شوُدر وَیش جگائیا۔ کِسے نہ دِسے کوئی ضامن، گُر اوتار

بَیٹھے پلّوُ چُھڈائیا۔ دامنگیِر نہ پکڑے دامن، پلّوُ گنڈھ نہ کوئے گنڈھائیا۔ کلجُگ بدلن والا نظامن، نؤبت اِکو نام سُنائیا۔ شبد سندیسہ دئے پیَغامن، پرا پسنتی مدھم بَیکھری چارے رہیا جنائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر ٹِکائیا۔ شبد کہے سُنو تدبیِر، پروردِگار سچ جنائیا۔ کلجُگ انت بدلے تقدیِر، شاہ حقیِر ویکھ وکھائیا۔ لوک پرلوک ہوون دِلگیِر، دھیِرج دھیِر نہ کوئے رکھائیا۔ شرع شریعت کٹے زنجیر، شہنشاہ بےپرواہیِا۔ کھیل وکھائے بےنظیِر، نظر سکے نہ کوئے ٹِکائیا۔ ایتھے دِسے نہ کوئے مددگیر، اَگے سکے نہ کوئے بچائیا۔ جِس دے ہتّھ کھنڈا کھڑگ سچّی شمشیِر، شریر میٹے تھاؤں تھائنیا۔ مُریِداں دسّ کے اصل تصویِر، اصلیّت دئے سمجھائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ شبد سِپاہی سَتگُر گوبِند، گہر گمبھیِر اکھوائیندا۔ نہ کوئے ہرکھ سوگ نہ چِند، چِنتا غم نہ کوئے سمجھائیندا۔ گُرمکُھ بنا کے انادی بِند، برہم برہمادی آپ سمجھائیندا۔ امرت دھار وہائے ساگر سِندھ، نِجھر چرناں ہیٹھ جھِرائیندا۔ داتا ہو کے گُنی گہِند، وست امولک جھولی پائیندا۔ مِہربان بن بخشِند، بخشش رحمت آپ کمائیندا۔ لیکھا جان جیِؤ پِنڈ، اِنڈ برہمنڈ کھوج کھوجائیندا۔ تند ستار وجا کے کِنگ، مردنگ اِکو اِک سُنائیندا۔ جوتی جوت سروُپ ہرِ، آپ اپنی کِرپا کر، سچ سندیشہ اِک الائیندا۔ سچ سندیشہ دیوے سنت سِپاہی، کلجُگ انت انت جنائیا۔ کلجُگ جیِو دھووے کوُڑی شاہی، دُرمت مَیل پرے ہٹائیا۔ سَتگُر دوارے بنو پاندھی راہی، مایا ممتا موہ چُکائیا۔ اُٹھ کے بھجّو واہو داہی، پِچھلا پیَنڈا جگت مُکائیا۔ جِس نے بوُٹا پُٹیا کاہی، کائنات کھیل وکھائیا۔ سو شہادت دین والا گواہی، انتم اِکو نظری آئیا۔ عیسیٰ موُسیٰ محمد بَیٹھے نَین شرمائی، نیتر اکھّ نہ کوئے اُٹھائیا۔ بہُڑی بہُڑی پئی دُہائی، دروہی دروہی رہے سُنائیا۔ ساچا نوُر نہ کوئے رُشنائی، جلوہ نظر کوئے نہ آئیا۔ اَگوں پکڑے کوئے نہ باہیں، پھڑ گلے نہ کوئے لگائیا۔ ناتا جوڑے نہ بھائی بھائی، چار ورناں دیوے نہ کوئے شرنائیا۔ ساچا بنے نہ کوئے سائیں، سئیا سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ سنت سِپاہی سَتگُر نہ پِھردا نہ تُردا، ہتّھ پَیر نہ کوئے رکھائیا۔ نہ جنمے نہ ہووے کدے مُردا، مڑھی گور نہ ڈیرہ لائیا۔ جل جل دھار کدے نہ رُڑھدا، شؤہ دریا نہ کوئے سُٹائیا۔ جوتی جوت سروُپ ہرِ، آپ اپنی کِرپا کر، ساچی بنت آپ بنائیا۔ سنت سِپاہی بنیا ایک، ایکنکار دِتی وڈیائیا۔ جِس دا سَت سروُپی بھیکھ، روُپ ریکھ نظر کِسے نہ آئیا۔ جو وسیا اگمّڑے دیس، تھِر گھر بَیٹھا ڈیرہ لائیا۔

جُگ چؤکڑی دیندا رہے سندیش، گُر اوتار پیِر پَیغمبراں حُکم منائیا۔ شاستر سِمرت وید پُران لِکھاؤندے رہے لیکھ، انتر انتر کر پڑھائیا۔ نِرگُن سرگُن کھیڈدا رہے کھیڈ، لکّھ چؤراسی ونڈ ونڈائیا۔ جوتی جلوہ دے کے تیج، گھر گھر کرے رُشنائیا۔ جوتی جوت سروُپ ہرِ، آپ اپنی کِرپا کر، سچ سِپاہی رہے ہمیش، سَت دوارا اِک سمجھائیا۔ سنت سِپاہی کدے نہ سؤندا، آلس نِندرا وِچ کدے نہ آئیا۔ اپنی سیوا کردا کدے نہ بھؤندا، کروٹ لےَ نہ مکُھ بدلائیا۔ نِت نوِت گُرمکُھ سدا اُٹھاؤندا، سُتّیاں رہیا جگائیا۔ دُھر دا راگ اِک الاؤندا، تُوں ہی تُوں تیری وڈیائیا۔ بُھلیاں مارگ پاؤندا، بھےَ نال جگائیا۔ رُسیاں آپ مناؤندا، پریم پریِتی اِک جنائیا۔ مُنہ دے بھار ڈِگیاں پھڑ اُٹھاؤندا، غریِب نِمانیاں ہوئے سہائیا۔ شاہ سُلطاناں خاک مِلاؤندا، جِنہاں بُھلیا بےپرواہیِا۔ اَیر غَیر پرے ہٹاؤندا، گُرمکُھ اندر وڑن کوئے نہ پائیا۔ آنڈھی گُآنڈھی مار مکاؤندا، شَیطان کرے نہ کوئے لڑائیا۔ جن بھگتاں کھیڑا اِک وساؤندا، چھپّر چھن چُھہائیا۔ سنت سُہیلے وِچ بہاؤندا، پھڑ باہوں آپ ٹِکائیا۔ گُرمکُھ وِچھڑے نال مِلاؤندا، جگت وِچھوڑا دئے چُکائیا۔ گُرسِکھ اِکو در جناؤندا، دوُجی اوٹ نہ کوئے تکائیا۔ چار ورناں بنت بناؤندا، برن اٹھاراں بھیوَ کھُلائیا۔ سنت سِپاہی اِکو سب نوُں نظری آؤندا، رچّھیا کرے تھاؤں تھائنیا۔ سچ دروازے آپ لنگھاؤندا، پھڑ باہوں پار کرائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سنت سِپاہی بڑا چالاک، سَت دوارے سیو کمائیا۔ بِن بھگتاں کدے نہ کھولے تاک، ایَر غَیر لنگھ کوئے نہ جائیا۔ دوُر دُراڈے سارے رہے جھاک، کلجُگ جیِو جنت نَین اُٹھائیا۔ اَگوں دسےّ بھوِکھت واک، جو گوبِند گیا سُنائیا۔ جِنا چِر نہ کرو اِتفاق، مِل کے بہو نہ بھائی بھائیا۔ اَگے دیوے نہ کوئی نجات، چؤراسی پندھ نہ کوئے مُکائیا۔ خاکی مٹی ملِے خاک، خالص روُپ نہ کوئے وٹائیا۔ مہِندی رنگے نہ کوئے ہاتھ، رنگ سچ نہ کوئے چڑھائیا۔ جوتی جوت سروُپ ہرِ، آپ اپنی کِرپا کر، دُھر دا لہنا جھولی پائیا۔ سنت سِپاہی بڑا تِکھا، تِکھی دھار جنائیندا۔ کلجُگ انتم اُٹھ جاگ گُرسِکھا، کِیوں ویلا وقت گوائیندا۔ سچ دواریوں منگ بِھکھا، بِھکھک جھولی سرب بھرائیندا۔ جو آد جُگاد کردا آیا رِچھا، پرِتپالک ویس وٹائیندا۔ جِس نوُں گوبِند بنایا پِتا، پُرکھ اکال اپنی کھیل کھِلائیندا۔ نِکیاں وِچ سب توں نِکاّ، وڈّیاں وِچوں وڈّا اِکو اِک آپ ہو جائیندا۔ جِس دا کِسے نہ سمجھیا پِچھا، اگلا حال نہ کوئے دِرڑائیندا۔ اوہ کھیل کرے انڈِٹھا، انڈِٹھڑی کار کمائیندا۔ جوتی جوت سروُپ ہرِ، آپ اپنی کِرپا کر، داتا دانی دَیا کمائیندا۔ شبد سِپاہی گائے سلوک،

سوہنگ ڈھولا اِک الائیا۔ پربھ دوارے ویکھی مؤج، مجلس بےپرواہیِا۔ نِت نوِت درشن روز، اٹّھے پہر دیِد رُشنائیا۔ ٹھگ چور دی مکُی سوچ، جھگڑا چُکےجگت لوکائیا۔ اوتھے دیوے نہ کوئی دوش، نِردوش لئے ترائیا۔ سد رہنا پئے خاموش، رسنا جِہوا نہ کوئے پڑھائیا۔ لوچا پوُری ہووے لوچن لوچ، نیتر نَین ترِپت کرائیا۔ جوتی جوت سروُپ ہرِ، آپ اپنی کِرپا کر، انت سندیشہ اِک سُنائیا۔ سنت سِپاہی کہِندا نال زور، زیر زبر نہ کوئے وڈیائیا۔ پرم پُرکھ پرماتم ایتھے ہور تے اَگے ہور، نظر کوئے نہ آئیا۔ ناتا تُڑاوے ٹھگ چور، کوُڑا شور مِٹائیا۔ لہنا چُکاوے مڑھی گور، گود اپنے لئے بہائیا۔ حُکمے اندر لئے تور، تُرت اپنا حُکم سُنائیا۔ کلجُگ گھٹا اندھیرا گھور، نِرگُن جوت کرے رُشنائیا۔ ساچے سِپاہی دی سدا لوڑ، اٹّھے پہر دھیان لگائیا۔ جو جگت وِچُھنی لئے جوڑ، سوانی ساچے رنگ رنگائیا۔ جِس نوُں ہتھّیں دِتا تور، خوشیاں راگ الائیا۔ اوہ انتم واگاں آیا موڑ، پھیرا پائے بےپرواہیِا۔ آد جُگادی اِکو جِہا بانکا چھوہر، بِردھ بال جوان روُپ نہ کوئے وٹائیا۔ سَت اگمّی چڑھیا گھوڑ، شاہ سوارا نوُر الاہیِا۔ میرے ولّ تکّے کرکے غؤر، گہر گمبھیِر نِگاہ اُٹھائیا۔ میرا مان ہووے اُپر دھؤل، دھرنی دھرت دھَول جس گائیا۔ کوئی سمجھ نہ سکے پاندھا رؤل، پنڈت گیان نہ کوئے دِرڑائیا۔ جو گوبِند نال کیِتا قؤل، سو پوُرا رہیا کرائیا۔ جوت سروُپی آپے مؤل، مؤلا ہو کے ویکھ وکھائیا۔ جِس دی مہما کرے نہ کوئی بُھگول، بھگوت سکے نہ کوئے سمجھائیا۔ سندیشہ دیوے نہ کوئی پؤن، اُننجا پؤن رہی شرمائیا۔ جو وڈیائی دیوے اٹھاراں ساون، گُرمکُھ سُتے رہیا جگائیا۔ اُس دا لیکھا جانے کؤن، رسنا کہہ کوئے نہ پائیا۔ لہنا مکاوے آون جاون، لکّھ چؤراسی ڈیرہ ڈھاہیِا۔ من ہنکاری میٹے راون، دوُتی دُشٹ دئے کھپائیا۔ جوتی جوت سروُپ ہرِ، آپ اپنی کِرپا کر، ساچی حد دئے جنائیا۔ ساچی حد نؤ دوار، دُشمناں کولوں صاف کرائیا۔ کھنڈا کھڑگ کِھچّ تلوار، چاروں کُنٹ آپ بھوائیا۔ کر کر اگمّی وار، وارتا پِچھلی دِتی مِٹائیا۔ جوتی جوت سروُپ ہرِ، آپ اپنی کِرپا کر، کریا کھیل بےپرواہیِا۔ بےپرواہ کھیل اگمّ، اگمّڑی کار کمائیندا۔ سنت سِپاہی بِن ناڑی چمّ، کایا تت نہ کوئے وکھائیندا۔ پَون سواس لئے نہ دم، رسنا جِہوا نہ کوئے ہِلائیندا۔ کمرکسا لئے نہ بنھ، پٹکا سیِس نہ کوئے ٹِکائیندا۔ نہ کوئی چھپّر نہ کوئے چھن، چار دیوار نہ کوئے بنائیندا۔ جوتی جوت سروُپ ہرِ، آپ اپنی کِرپا کر، سچ دوارا اِک سُہائیندا۔ سنت سِپاہی سچ دوارے، ساکھیات نظری آئیا۔ بُھل رہے نہ وِچ سنسارے، سنسا روگ مِٹائیا۔ انتم آیا جگت اَکھاڑے، دِن دِہاڑے پھیرا پائیا۔ چاروں کُنٹ

ہاہاکارے، نؤ دوار ہویا ہلکائیا۔ سچ کرے نہ کوئی پیارے، پریِتم پریم نہ کوئے بنائیا۔ جوبن ویکھے نار مُٹیارے، دُھر دا لوچن اِک کھُلائیا۔ مُڑ کے آیا اُس دوارے، جِس گھر وِچوں گیا واہو داہیِا۔ آتم سیجا بَیٹھ سچّے منارے، سوبھاونت سوبھا پائیا۔ ساچی گودی دئے ہُلارے، آلس نِندرا دئے گوائیا۔ پوُرب جنم دے لاہ کے بھارے، ہؤلے بھار آپ وکھائیا۔ آر پار حدوں گُرمکُھ سارے رہن سُکھالے، گھر وِچ گھر کرے نہ کوئے لڑائیا۔ سَتگُر شبد سدا نالے، دِوس رَین ہوئے سہائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے ترائیا۔ شبد سِپاہی بنیا سنگی، سگلا سنگ نِبھائیا۔ پِچھلی منگ جو پِچھےمنگی، پوُری دئے کرائیا۔ نام کٹار کرکے ننگی، بُھکھیاں لئے ترائیا۔ کلجُگ کوُڑی کِریا میٹ کے گندی، سچ سُچ لئے پرگٹائیا۔ غریِب نِمانیاں خانہ توڑ کے بندی، بندگی اِکو دئے سمجھائیا۔ پرم پُرکھ مِلن دی ساچی ڈنڈی، دیِن مذہب ونڈ نہ کوئے ونڈائیا۔ گُرمکُھاں سنگ رہے نہ کوئے پکھنڈی، جوُٹھا جھوُٹھا ڈیرہ ڈھاہیِا۔ جِس نے کھیل کھِلایا پُر انندی، نند چند اِک رُشنائیا۔ جِس نے بھاگ لگایاپُتراں کندھی، کلجُگ کنڈھا ویکھے چائیں چائنیا۔ دُھر دا ڈھولا سُناوے چھندی، سگلا اِکو راگ الائیا۔ جوتی جوت سروُپ ہرِ، آپ اپنی کِرپا کر، پوُرب لہنا رہیا جھولی پائیا۔ سنت سِپاہی کہے میَں ہمیش، جن بھگتاں سیو کمائیا۔ سچ دوارے بن درویش، دُھر دی الکھ سُنائیا۔ سیِس نِواندے برہما شِو مہیش، شنکر دھوُڑی خاک رمائیا۔ گُر اوتار پیِر پَیغمبر کرن آدیس، جُگ جُگ جھُک جھُک سیِس نِوائیا۔ نِرگُن سرگُن کھیلاں کھیڈ، بن کھِلاری پھیرا پائیا۔ کلجُگ انت جن بھگتاں انتر ماناں سیج، سُہنجنی رَین اپنے نال سُہائیا۔ بِن اکھّراں لِکھاں لیکھ، بِن قلم شاہی دیاں گواہیِا۔ بِن اکھّاں وکھاواں دیس، جِس گھر بَیٹھا شہنشاہیِا۔ جوتی جوت سروُپ ہرِ، آپ اپنی کِرپا کر، سنت سِپاہی خوشی منائیا۔ سنت سِپاہی مناؤندا خوشی، ہرِ سنگت سچ دِرڑائیا۔ میری سنتاں نال رُچی، بھگتاں نال وڈیائیا۔ گُرمکُھاں سُرتی ویکھ سُچی، گُرسِکھاں کراں کُڑمائیا۔ میَں پہرہ دیواں پریم پیار دی روٹی کھا کے سُکی، جگت پدارتھ لوڑ نہ کوئے رکھائیا۔ میَں درس کراواں صاحِب دا جِس دا لیکھا پنچ مکُھی، مُفت اپنا نام ورتائیندا۔ جِس دے دوارے کوئی نہ رہے دُکھی، دُکھیاں درد ونڈائیندا۔ جو بھاگ لگائے کُکھّیں، گُر اوتار پیِر پَیغمبر جن جننی میل مِلائیندا۔ جو ونج کرائے پُتیں، پِتا پوُت گنڈھ پوائیندا۔ جو سُرت سوانی منائے رُٹھی، رُسیاں گلے لگائیندا۔ لُکیا رہن نہ دیوے گُٹھیں، جو ہِردے ہرِ دھیائیندا۔ اُس کولوں اِکو گلّ پُچھی، جِس دا لیکھا لِکھت وِچ نہ

کوئے سمجھائیندا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ کمائیندا۔ شبد سِپاہی کہے سچ، سَت سَت سَت دِرڑائیا۔ کایا ماٹی سب دے بھانڈے کچّ، کاچی گگریا نظری آئیا۔ باہروں پوچ پُچائن ہتّھ، انتروں صاف نہ کوئے کرائیا۔ جِناں چِر سَتگُر پوُرا امرت جام نام پیائے نہ رس، دُرمت مَیل نہ کوئےدھوائیا۔ کِرپا کر نہ کھولے اکھّ، پڑدا پرے نہ کوئے چُکائیا۔ دُھن ناد نہ سُنائے جس، بودھ اگادھ نہ کوئے پڑھائیا۔ ممتا من نہ کرے وس، مت متوالی ڈیرہ ڈھائیا۔ اندر وڑ کے، مندر چڑھ کے سچّا مارگ نہ دیوے دسّ، سچ اِشارے نال سمجھائیا۔ اوناں چِر پیِا پریِتم گلوکڑی نہ لئے گھت، پھڑ باہوں گلے نہ کوئے لگائیا۔ دوُر دُراڈے شتروُ نہ جاون نٹھ، شبد کھنڈا نہ ہتّھ چمکائیا۔ حدوں آر پار سُکھی کوئی نہ جاوے وس، جِناں چِر سنسا روگ نہ کوئے مِٹائیا۔ سنت سِپاہی شبد سندیشے نال کر رہیا اِکٹھ، ہؤلی ہؤلی رہیا بُلائیا۔ اِکو مندر اِکو دوار اِکو گھر اِکو زمین اسمان اِکو گرِہ جانا وس، سَتگُر اِکو نظری آئیا۔ اِکو پوُجا اِکو پاٹھ، اِکو تیِرتھ اِکو گھاٹ، اِکو وست اِکو ہاٹ، ونجارا اِکو بےپرواہیِا۔ اِکو مجلس اِک جماعت، اِک پڑھائی اِکو گاتھ، اِکو سجّن اِکو ساتھ، اِکو دیوے انِگنتی دات، اِکو بھرنہارا کھات، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گرِہ ساچے خوشی منائیا۔ اِکو اِک ساچا گرِہ، گھر مندر نظری آئیا۔ چار ورن جِتھے بہے، شتّری براہمن شوُدر وَیش سوبھا پائیا۔ اِک دوُجے دا کوئی نہ کرے کھےَ، ہنکار اندر نہ کوئے کرائیا۔ ہؤمے وِچ نہ نعرہ لائے میَں، ممتا موہ نہ کوئے ودھائیا۔ سَتگُر شبد سِپاہی اِکو سندیشہ سب نوُں کہے، کلجُگ انتم رہیا سُنائیا۔ سرِشٹ سبائی ہونا کھےَ، خالص وِچوں لئے بچائیا۔ گُرمکُھ وِرلا سچ دوارے بہے، جِس گھر اِکو نام وجےّ ودھائیا۔ جوتی جوت سروُپ ہرِ، آپ اپنی کِرپا کر، لیکھ مکاونہارا انتم اِکو اِک اکھوائیا۔ سنتری کہے کھولو سُرتی، سُتّیاں رہیا جگائیا۔ نیتر نَین نِج تکّو اکال موُرتی، موُرتاں وِچوں سوبھا پائیا۔ ناد سُنو اگمّی تُورتی، تُریا مکُھ شرمائیا۔ آسا منسا کرے پوُرتی، پوُری اِچھیا کر وکھائیا۔ منزل مکُے نیڑ دوُر دی، دوُر دُراڈا پندھ چُکائیا۔ ویکھو کھیل اگمّی حضوُر دی، حضرت پیِر رہیا اُٹھائیا۔ حد مِٹے کلجُگ کوُڑ دی، سَتجُگ ساچی نیہہ دھرائیا۔ مت چُکےموُرکھ موُڑھ دی، گُرمکُھ گُرمت اِک درسائیا۔ نار کنت کھیل سمرتھ پُرکھ بھرپوُر دی، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے ہوئے سہائیا۔