کتب خانہGranth 17 (Shahmukhi)

پہلی بھادروں ۲۰۲۱ بِکرمی جیٹھوُوال

آد پُرکھ اکال سمرتھے، نِرگُن نِرویَر نِراکار خوشی منائیا۔ سچکھنڈ دوارا سچ سِنگھاسن بہہ بہہ پھبے، شاہ پاتشاہ سچّا شہنشاہیِا۔ اگمّ اتھاہ کھیل کرے اکتھے، کتھنی کتھ نہ سکے رائیا۔ گہر گمبھیِر گُنونتا پربھ ٹھاکر ہسّے، بےپرواہ پڑدا آپ اُٹھائیا۔ سچ سُنیہڑا اگمّی دھار وسے، جُگ چؤکڑی سکے نہ کوئے سمجھائیا۔ پریم پیار نال کہے اُٹھ شبدی گوبِند بچےّ، پریم نال لئے انگڑائیا۔ نیتر لوچن نَین ویکھ اپنی اکھےّ، آخر اکھّر رہیا سمجھائیا۔ لیکھا لیکھ دھرکے بھیکھ جو پنج تت کایا ہتّھے، ہست کیِٹ دئے دِرڑائیا۔ جُگ چؤکڑی جِس دا چلدا رہیا رتھے، نِت نوِت بنے رتھواہیِا۔ سَتجُگ تریتا دواپرکلجُگ گُر اوتار پیِر پَیغمبراں جِس مارگ دسےّ، رہبر ہو کے راہ جنائیا۔ جِس مان رکھایا پنج تتے، ترےَگُن مایا پنج تت جوڑ جُڑایا تت اٹّھے، نؤ در لیکھا دسویں چیتا چیتن رہیا کرائیا۔ واک بھوِکھت سندیسے دُھر دے پتے، پت پرمیشور کھوج

کھوجائیا۔ رسنا جِہوا بتّی دند جو بچن بولے سچّے، سچ سچ نال مِلائیا۔ کلجُگ جیِو کایا ماٹی بھانڈے ویکھ کچّے، تتو تت کھوج کھوجائیا۔ سَت پریِتی کَون رتے، رنگ رتڑا رہے منائیا۔ چرن دوارا کَون ڈھٹّھے، دھوُڑی خاک رمائیا۔ سچ ونجارے رہے بنے دُھر دے ہٹّے، وست امولک جھولی پائیا۔ چار جُگ دے پِچھلے جو بِن اکھّراں لِکھ کے دِتے پٹے، کاغذ شاہی قلم نہ کوئے چلائیا۔ نِت نوِت جِس نے پائے رٹےّ، دیِن مذہب ونڈ ونڈائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا جنائیا۔ شبدی سُت سُن ایک، ایکنکار جنائیا۔ پِتا پُرکھ جو رکھی ٹیک، پت پرمیشور اِک منائیا۔ جِس دے حُکمے اندر دھاریا بھیکھ، جُگ جُگ ویس وٹائیا۔ جِس دا منّیا روُپ رنگ نہ کوئی ریکھ، جوتی جاتا سد اکھوائیا۔ مُچھ داڑھی نہ کوئی کیس، سیِس جگدیس نہ کوئے مُنڈائیا۔ آد جُگاد رہے ہمیش، نہ مرے نہ جائیا۔ وِشن برہما شِو در درویش کرن آدیس، گُر اوتار پَیغمبر سیِس نِوائیا۔ لوکمات جِس کِرپا کر دِتے بھیج، بھجن بندگی نام دِرڑائیا۔ جِس نِرگُن ہو کے مانی سیج، نار کنت آپ پرنائیا۔ سو گوبِند اُس دی اُٹھ کے ویکھ کھیل، خالق خلق رہیا کرائیا۔ جوتی جلوہ نوُری تیج، ظہوُر دِسے بےپرواہیِا۔ سچکھنڈ نِواسی وساوے اِک سمبل دیس، تیرا سمبل دیس اِک سُہائیا۔ جوتی نوُر جوت پرویش، شبدی تیری دھار بندھائیا۔ بال جوان الّڑ وریس، واسطہ سب دے نال رکھائیا۔ جوتی جوت سروُپ ہرِ، آپ اپنی کِرپا کر، سچ سُنیہڑا اِک سُنائیا۔ اُٹھ سُت شبد دُلارے، ہرِ کرتا آپ اُٹھائیا۔ جُگ چؤکڑی بیِتے وِچ سنسارے، لوکمات پھیرا پائیا۔ پیِر پَیغمبر بن ونجارے، گُر اوتار ہٹّ چلائیا۔ کاغذ قلم بن لِکھارے، شبد شاہی دِتی وڈیائیا۔ پنج تت بھر بھنڈارے، ترےَگُن لیکھا دِتا دِرڑائیا۔ اُچی کوُک کوُک سرب پُکارے، بِن رسنا جِہوا ڈھولا گائیا۔ بےانت بےانت کہہ کے انتم ہارے، انت سکے نہ کوئے چُھڈائیا۔ بِن سَتگُر دِسے سارے کوارے، ساچا سگن نہ کوئے منائیا۔ بِن بالاں چڑھیا نہ کوئی کھارے، سوہنا رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، مِہربان رہیا سمجھائیا۔ گوبِند اُٹھ کھول پردہ، پاربرہم رہیا جنائیا۔ جو آد جُگاد گھاڑن گھڑدا، گھٹ بھانڈے رہیا سمائیا۔ جو نِت نوِت جننی جن بندا، مات پِت پُرکھ اکھوائیا۔ جو لکّھ چؤراسی تانا تندا، انڈج جیرج اُتبُھج سیتج سوبھا پائیا۔ جو شبد اگمّی ڈھولا تیرا ناؤں دھردا، پرا پسنتی مدھم بَیکھری پھول پُھلائیا۔ جو شاستر سِمرت وید پُران صِفتی کھیل کردا، اکھّراں نال کرے وڈیائیا۔ اگمّ اتھاہ بےپرواہ ہر گھٹ اندر وڑدا، گرِہ گرِہ ڈیرہ لائیا۔ آتم سیجا

سچ سُہنجنی چرن کَول دُھر دا دھردا، دھرنی دھرت دھَول کھوج کھوجائیا۔ سنت سُہیلے گُروُ گُر چیلے گُرمکُھ سجّن پھڑدا، بھگت بھگوان جوڑ جُڑائیا۔ جوتی جوت سروُپ ہرِ، آپ اپنی کِرپا کر، بھیو ابھیوَ کھُلائیا۔ گوبِند ویکھ اپنا ورقہ، ہرِ وارتا رہیا سمجھائیا۔ جِس دے پِچھےپاربرہم پت پرمیشور پرتا، بےپرواہ ویس وٹائیا۔ تیرا ویکھیا کوئی سوگ نہ ہرکھا، چِنتا غم نہ کوئے جنائیا۔ مان جانیا نہ کوئے کھنڈا کھڑگا، چِلّے تیِر نہ کوئے وڈیائیا۔ سیِس سُہایا جِس نے تیرے کلغا، کلغی توڑا ونڈ ونڈائیا۔ تُوں سچّا سُت دُلارا اِکو اوہدے ورگا، ونگی لوکمات وکھائیا۔ دوُجا کوئی نہ ثانی بندا، آسانی سب نوُں حیَرانی رہی وکھائیا۔ بِنا پُرکھ اکال گوبِند پُت کوئے نہ جندا، گُجری خالی سیو کمائیا۔ ایسے کرکے تیری پُکار سُندا، گُر اوتار پیِر پَیغمبر اپنے چرناں ہیٹھ دبائیا۔ کوئی نہ لیکھے جانے پربھ دے سگن دا، کہہ سکے نہ رائیا۔ ایہہ لیکھا اگلا پِچھلا نہیں ہُن دا، ہؤلی ہؤلی پڑدا رہیا چُکائیا۔ ایہہ کھیل اگمّی منتر پُھن دا، فُرنے بند کرائیا۔ تیرا پریم کِسے تول کدے نہ تُلدا، ترازوُ بَیٹھے مکُھ بھوائیا۔ تُوں بچّہ اِکے کُل دا، جِس کُل دا مالک بےپرواہیِا۔ اوہ پُت کدے نہ بُھلدا، جِس دی انبُھل بنت بنائیا۔ دو جہان کدے نہ رُلدا، رلایا تن گلے لگائیا۔ ویکھ تیرا غُنچہ پُھل کیہڑی پُھلواڑی وِچوں پُھلدا، لیکھا ہووے دوُن سوائیا۔ ہُن ویلا میَں ویکھاں چھتر تیرے سیِس جھُلدا، جھُلس دیواں سرب لوکائیا۔ میرا سوُربیِر جودھا کِس ویلے اُٹھدا، پھڑ باہوں گلے لگائیا۔ پاربرہم واسطے ایہہ کھیل نِکاّ جِہا پُھن دا، جِس دی سمجھ کِسے نہ آئیا۔ جِس دا پیَنڈا مُکایا کدے نہ مُکدا، کوٹن کوٹ بَیٹھے پاندھی راہیِا۔ ہُن ویلا نہیں چار ورناں دی پُھٹ دا، پنچم میلا سہج سُبھائیا۔ لیکھا چُکےٹھگ چور یار لُٹ دا، کوُڑی کِریا پرے ہٹائیا۔ ناتا جُڑے پیو پُت دا، وِچولا رہن کوئے نہ پائیا۔ شاستر سِمرت وید پُران تیرے میرے ہُندیاں پِھرے لُکدا، نیتر اکھّ نہ کوئے اُٹھائیا۔ تیرا پریم جام اگمّی گھُٹ دا، بوُند سوانتی جھِرنا اِک وکھائیا۔ اُٹھ حِصّہ لےَ لےَاپنی اگمّی کُکھ دا، بھاگاں بھری دھیان لگائیا۔ بِن تیرے میرا بھار کوئی نہ چُکدا، سیِس اَگے نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ اُٹھ لاڈلے میرے لال، ہرِ لالن رہیا جنائیا۔ میَں ویکھاں تیری دھرمسال، سچ دوارا خوشی منائیا۔ جِتھے نہ کوئی شاہ نہ کنگال، ذات پات نہ کوئے وڈیائیا۔ نہ کوئی ونج نہ ونجارا دِسے دلال، سؤدا جگت ہٹّ نہ کوئے وِکائیا۔ نہ کوئے شستر نہ چِلّہ تیِر کمان ڈھال، کھنڈا کھڑگ نہ کوئے اُٹھائیا۔ نہ کوئی بھجےّ چارے کُنٹ کال، دہ دِشا نہ اُٹھ اُٹھ دھائیا۔ جوتی جوت سروُپ ہرِ، آپ

اپنی کِرپا کر، دُھر سندیشہ اِک سُنائیا۔ اُٹھ لاڈلے ویکھ جگ، بیِس اِکیسا دئے جنائیا۔ ہنس بُدھی ہوئی کگّ، کاگ وانگ کُرلائیا۔ نوَ نؤ چار لگّی اگّ، دہ دِشا نہ کوئے بُجھائیا۔ من مت رہے بھجّ کام کرودھ لوبھ موہ ہنکار ہلکائیا۔ کوُڑی کِریا گھر گھر سدّا رہے سدّ، جوُٹھ جھوُٹھ وجّی ودھائیا۔ پت پرمیشور نالوں ہو کے اڈّ، سرِشٹ سبائی ونڈاں رہے پائیا۔ بِن ہرِ نامے خالی دِسن ہڈّ، ہستی ہرِ نہ کوئے مِلائیا۔ انتر کھُلی نہ کِسے اکھّ، آخر مذہب نہ کوئے مُکائیا۔ جوتی جوت سروُپ ہرِ، آپ اپنی کِرپا کر، تیرا لیکھا لیکھے لائیا۔ اُٹھ ویکھ ویکھ اَخیِر، آخر ہرِ دِرڑائیندا۔ تیرے وِچوں میری نظر آوے تصویِر، تصوّر ہور نہ کوئے کرائیندا۔ تیرے پِچھےہو فقیِر، فِقرہ حق اِک سُنائیندا۔ تیرا لیکھا دیوے گُنی گہیر، گہر گَور جھولی پائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ اُٹھ ویکھ ویکھ جگت، جُگ چؤکڑی بھجےّ واہو داہیِا۔ لگّی اگّ بوُند رَکت، گھر گھر رہی جلائیا۔ نظر نہ آوے کوئی شکت، شخصیّت مکُھ بھوائیا۔ مات پِت پُت پیا فرق، بھَین بھائی نہ کوئے سنگ نِبھائیا۔ جیہڑی تیرے نال لِکھی شرط، سو ویلا رہیا سمجھائیا۔ پرتینِدھ ہو کے آیا پرت، پت پرمیشور پھیرا پائیا۔ تیرا لیکھا چُکاوے نِدھڑک، خوشی غمی اِکو گھر وکھائیا۔ اَگے رہے نہ کوئی اٹک، اڑچن ساری دئے مِٹائیا۔ جوتی جوت سروُپ ہرِ، آپ اپنی کِرپا کر، تیرا لیکھا دئے سمجھائیا۔ اُٹھ گوبِند مار دھیان، دھرنی رہی کُرلائیا۔ سَت دھرم نہ کوئے نِشان، دھیِرج جت نہ کوئے وڈیائیا۔ سخی ملِے نہ دُھر دا کاہن، گوپی انگ نہ کوئے وکھائیا۔ سُرتی ملِے نہ سیِتا رام، ساچا جوڑ نہ کوئے جُڑائیا۔ شبدی سُنے نہ کوئے کلام، کلمہ حق نہ کوئے دِرڑائیا۔ منزل ملِے نہ کوئی اِمام، محبوُب گود نہ کوئے اُٹھائیا۔ سجدہ کرے نہ کوئے سلام، سیِس سکے نہ کوئے جھُکائیا۔ پَیغمبر دیوے نہ کوئے پیَغام، مقامے حق نہ کوئے وڈیائیا۔ چاروں کُنٹ دِسے حرام، بےنِظام ہوئی لوکائیا۔ جوتی جوت سروُپ ہرِ، آپ اپنی کِرپا کر، تیرا لیکھا لیکھے رہیا پائیا۔ اُٹھ ویکھ جگت ریِت، ریِتیوان دِرڑائیندا۔ جھگڑا دِسے مندر مسیِت، شِودوالا مٹھ سوبھا کوئے نہ پائیندا۔ ناری گائے نہ سچّا کوئی گیِت، رسنا جِہوا نہ کوئے سُنائیندا۔ مِتراں ملِے نہ کوئی میِت، دروہی گھر گھر سوبھا پائیندا۔ لیکھا چُکیا نہ ہست کیِٹ، اوُچ نیِچ ایکا رنگ نہ کوئے سمائیندا۔ من واسنا سارے ہوئے پلیِت، وصل حق نہ کوئے کرائیندا۔ سَتگُروُ دوارا لنگھے نہ کوئے دہلیز، جیِو جنت چاروں کُنٹ ہلکائیندا۔ کِیوں نیتر رہیا میِٹ، تیری دُھر دی اکھّ کھُلائیندا۔ جِس دی جوگ جگت کرے اُڈیِک، بھوگ بھگت آپ سمجھائیندا۔ جِس دا مارگ

سدا باریِک، چلدیاں نظر کِسے نہ آئیندا۔ پِچھلی بدل دیوے سرب تاریخ، طریقہ اگلا اِک جنائیندا۔ بِرہوں وِچ نہ مارے چیِک، وِچھوڑے وِچ نہ کدے گھبرائیندا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیندا۔ گوبِند ویکھ اؤہ کھڑگ کھنڈا کٹار، چِلّہ تیِر کمان نظری آئیا۔ چاروں کُنٹ اَمبر انبار لگّے بےشُمار، گنتی گنت نہ کوئے گنائیا۔ جِس ویلے کِرپا آپ کرے کرتار، کرتا پُرکھ ہوئے سہائیا۔ اوس ویلے تیرا شبد، تیرا سُخن، تیرا بچن مارے مار، کھنڈا کھڑگ تلوار تیِر کمان کمّ کِسے نہ آئیا۔ اؤہ ویکھ ستھر لتّھا یار، سیج تیری اِک سُہائیا۔ تُوں میرا میَں تیری سُناں پُکار، دوہاں مِل کے خوشی منائیا۔ شاستر سِمرت وید پُران کوٹن کوٹ کر دے گئے پُکار، اُچی کوُک کوُک سُنائیا۔ آد جُگاد نِت نوِت میَں سب دے نال کیِتا اُدھار، اِشاریاں نال اَگے اَگے جنائیا۔ اکھّراں نال کر کے پرچار، پرچا سب دا جگت دِتا جنائیا۔ آپ سب توں ہو کے باہر، بَیٹھا مکُھ چُھپائیا۔ جے کِسے دسّیا نِرگُن نِرنکار، ساکھیات نہ کوئے وکھائیا۔ جے کوئی اُٹھیا دوئے جوڑ کر نِمسکار، تُونہی تُونہی گیا جنائیا۔ چرن دھوُڑی منگ پروردِگار، خاکی خاک وِچ سمائیا۔ میرے چرن کَول مار دھیان، کوٹن کوٹ گُر اوتار پیِر پَیغمبر بَیٹھے آسن لائیا۔ جِنہاں دا انت نہ کوئی شُمار، شمع دیِوے نِکّے نِکّے بَیٹھا بال، اُتے اپنی کرے رُشنائیا۔ سب دی رہیا سُرت سنبھال، نہ کوئی چیتن نہ کوئی چتُر، سُگھڑ سیانا نظر کوئے نہ آئیا۔ جد تکّے تے نِکّے نِکّے بال، ننھے ننھے اپنیاں اُنگلیاں نال پِھرائیا۔ جے ویکھے اوہ منگدے دِسن دان، اپنی جھولی اَگے ڈاہیِا۔ جے کِرپا کراں ہوواں مِہربان، مِہر نظر اُٹھائیا۔ چرن پریِتی بخش مہان، ساچی ریِتی دیاں سمجھائیا۔ ناتا جوڑ جگت جہان، جیِو آتم برہم پاربرہم نال مِلائیا۔ ایہو جیہا جُگ چؤکڑی رچیا گھمسان، جِسدی آر پار سمجھ کِسے نہ پائیا۔ جِس نوُں پنج تت گُروُ منن نِشان، تِس نوُں انتم شمشان بھوُمی دِتا سُہائیا۔ لوکمات میٹ نِشان، اُس دا نِشانہ اکھّراں نال کاگتاں اُتے جنائیا۔ کاگت کہن نہیں اوہ مالک سِری بھگوان، جِس سب دی بنت بنائیا۔ اسیں گاون والے شَیطان، شرع وِچ لڑائیا۔ ساڈا سَتگُر اِک اِیمان، گوبِند وصل کرے کُڑمائیا۔ جِتھے الف یے لیاوے نہ کوئے طوفان، حق حقیِقت وِچ نہ کوئے صلاحیِا۔ رسنا دیوے نہ کوئی پیَغام، بتّی دند نہ کوئے پڑھائیا۔ دروہی اوتھے دیوے نہ کوئے اِلزام، اُلفت کر نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پڑدا اوہلا رہیا اُٹھائیا۔ گوبِند ویکھ جوڑا گھوڑا، ہرِ کرتا آپ جنائیا۔ اگلا پِچھلا لیکھا تھوڑا، بہُتا ہور ودھائیا۔ لہنا دینا نیڑ دوُرا، دُئی سار کِسے نہ آئیا۔ سسّے اُپر لگّا ہوڑا،

ہوکا دئے سُنائیا۔ پت پرمیشور اَگے چلے نہ کوئی جورا، جوروُ زور سارے پرے ہٹائیا۔ کِرپا کر کے سُت دُلارا شبدی پرگٹایا بانکا چھوہرا، جِس نوُں چھوہری سکے نہ کوئے پرنائیا۔ جِس دا کِسے نہ گایا دوہرا، سو دوہری دھار چلائیا۔ جے پِچھےتت کرکے پیا وِچھوڑا، شبدی ہووے نہ کدے جُدائیا۔ تیرا کِسے کولوں چُکیا جائے نہ مُہرا، راجا وزیر سارے بَیٹھے ڈیرہ ڈھائیا۔ جوتی جوت سروُپ ہرِ، آپ اپنی کِرپا کر، تیرا لیکھا لیکھے لائیا۔ گوبِند ویکھ اُٹھ اپنا چولا، زَری پنّا نال نظری آئیا۔ جِس دے اندر میرا اوہلا، نیتر نَین اکھّ نہ کوئے مِلائیا۔ جِس دے پرے دُھر دا ڈھولا، سچّا راگ سُنائیا۔ جوتی جوت سروُپ ہرِ، آپ اپنی کِرپا کر، مِہربان رہیا سمجھائیا۔ گوبِند لےَ اپنا منکا، منکا تیرے ہتّھ پھڑائیا۔ ایہہ سنگار اوس تن دا، جِس دا تن پنج تت نہ کوئے سمجھائیا۔ پُرکھ اکال جِس دا پِتا بن دا، اوسے دی جھولی پائیا۔ جِس نوُں جُگ چؤکڑی کوئی نہ بھندا، نہ کوئی میٹے میٹ مِٹائیا۔ جگت جہان کھیل نابیِنا انھ دا، بلائنڈ روُپ نظری آئیا۔ ایہہ نوُر میرے چن دا، بِن چنوں کرے رُشنائیا۔ جو میرا پریم پیار بیڑا بنھدا، سوہنی سیو کمائیا۔ اوہدے کول ڈھولا صبر سنتوکھ دھنّ دھنّ دھنّ دا، چِنتا غمی نہ کوئے رکھائیا۔ میَں ایسے کارن اوس دی مندا، بِن مِنتاں ہوواں سہائیا۔ ایہہ لیکھا نہیں رات دِن دا، جُگاں جُگاں دی ہوئی کُڑمائیا۔ جوتی جوت سروُپ ہرِ، آپ اپنی کِرپا کر، تیری ریکھا رہیا بدلائیا۔ گوبِند لے اپنی دستار، تیرے ولّ دھیان لگائیا۔ ایہہ سُنیہڑا دیوے اگمّی یار، یارڑے رہی سمجھائیا۔ تیرا نِت نوِت اگمّڑا وِہار، بِوہاری سمجھ کوئے نہ پائیا۔ تیرا اوس نال پیار، جِس دا پیار نظراں وِچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ گوبِند ویکھ اُٹھ اپنا پاجامہ، جو پنجیاں اُتوں دِتا چڑھائیا۔ اوہ ہویا چتُر سُگھڑ سُجانا، سوہنا حال سمجھائیا۔ تُوں بدل کے آیا بانا، بان نِرالا تیِر ہتّھ اُٹھائیا۔ تیرے چرن چھوہ کے میَنوُں لبھیا سچ ٹِکانا، جِتھے کوئی ٹِک سکے نہ رائیا۔ میَں سُن کے سچّا گانا، اپنی خوشی منائیا۔ کِرپا کرے سِری بھگوانا، بھاگ میرا میری جھولی پائیا۔ جوتی جوت سروُپ ہرِ، آپ اپنی کِرپا کر، ویکھے کھیل سہج سُکھدائیا۔ گوبِند ویکھ اپنی درِشٹی، دہ دِشا ہرِ جنائیندا۔ جگت کُڑاوی ہوئی سرِشٹی، سریشٹ روُپ نہ کوئے جنائیندا۔ پِھری دروہی دوزخ بہِشتی، نرک سَورگ سرب کُرلائیندا۔ جوتی جوت سروُپ ہرِ، آپ اپنی کِرپا کر، نیتر لوچن سرب وکھائیندا۔ گوبِند ویکھ چار ورن، وارتا رہے جنائیا۔ سَت ملِے نہ کِسے سرن، سِر ہتّھ نہ کوئے ٹِکائیا۔ ڈوُنگھی بھوَری سارے پِھرن، بھجّن

واہو داہیِا۔ جگت ساگر کوئی نہ ترن، نئیا نام نہ کوئے چڑھائیا۔ اندھ اندھیرے انتر ڈرن، بھےَ بھؤ نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا وکھائیا۔ گوبِند ویکھ جیِو جہان، جگت دھیان لگائیا۔ سارے ہوئے بےپچھان، سَتگُر درس کوئے نہ پائیا۔ لبھدے پِھرن بیابان، بن کھوجن تھائیں تھائنیا۔ مندر مسجد شِودوالے مٹھ ہوئے حیَران، گُردوار نِشان نہ کوئے سمجھائیا۔ مایا ممتا ہؤمے ہنگتا کوُڑی کِریا کیتے بےاِیمان، لوبھ موہ کرے لڑائیا۔ کایا تت اُپجیا شَیطان، شرع سچ نہ کوئے سمجھائیا۔ ثابت رہیا نہ کوئی اِیمان، دھرمی دھرم نہ کوئے کمائیا۔ ویکھ نیتر روندے شاستر سِمرت وید پُران، انجیل قرآن دئے دُہائیا۔ لکّھ چؤراسی وِچوں کَون ہویا پروان، پروانہ اپنا دئے وکھائیا۔ انتم لیکھا چُکنا زمیں اسمان، ضامن ہو نہ کوئے چُھڈائیا۔ پُرکھ اکال کہے آہ ویکھ اپنا بیان، جو ماچھیواڑے دِتا لِکھائیا۔ میَں اوہو اِکو امام، جِس دا عمل کرے لوکائیا۔ جِس دے پِچھےہوئیوں قُربان، بھیٹا پوُت چڑھائیا۔ جِس دا ویکھدا رِہوں نِشان، دو جہاناں نظری آئیا۔ جِس دا رکھدا رِہوں مان، ابِھمان دِتا مِٹائیا۔ اوہ تیری کر پہچان، لکّھ چؤراسی وِچوں اپنے نال رلائیا۔ تُوں اُس دا بچّہ سوہنا اِک نادان، نؤجوان سوبھا پائیا۔ جِس دا مندر سچ مکان، محبوُب رہیا سُہائیا۔ تُوں ہونا نہ انت حیَران، جوتی جوت سروُپ ہرِ، آپ اپنی کِرپا کر، مِہربان رہیا سمجھائیا۔ گوبِند ویکھ کھُلی کھِڑکی، دو جہاناں رہیا جنائیا۔ لکّھ چؤراسی وِچوں کِس دی بِرتی، پت پرمیشور نال لگائیا۔ میَں کِسے ہتّھ نہ آواں سُرتی نِرتی، بِن سَتگُر میل نہ کوئے مِلائیا۔ بچّیا تیَنوُں دسّی اپنی پُھرتی، باقی سمجھ کوئے نہ پائیا۔ تیرے نال میری سانجھی بُرکی، ایہو حِصّہ دِتا ونڈائیا۔ میری گُر اوتار پیِر پَیغمبر جھلّی کِسے نہ گھُرکی، ویکھ چرناں ہیٹھاں بَیٹھے ڈیرہ لائیا۔ تیری دھار شبد دو جہان پِھردی تُردی، بھجےّ واہو داہیِا۔ اوہ جیِنودیاں وِچ کدے نہ ہوئی مُردی، مُردیاں وِچوں زِندے رہی بنائیا۔ اوہ اپنے کھیل کرنوں کدے نہ مُڑدی، اَدھوِچکارنہ کوئے اٹکائیا۔ جوتی جوت سروُپ ہرِ، آپ اپنی کِرپا کر، بےپرواہ رہیا سمجھائیا۔ گوبِند ویکھ کھُلی تاکی، طاقتور آپ کھُلائیندا۔ گُر اوتار پیِر پَیغمبر رہی نہ کوئی باقی، باقی نویِس آپ حِساب وکھائیندا۔ تیری لا کے اپنے نال چھاتی، شاستر سِمرت وید پُران تیرے چرناں ہیٹھ دبائیندا۔ میَنوُں اجے اوہ یاد پاتی، جو سوُلاں ستھر سچ سُنائیندا۔ بےشک اودوں تُوں پنج تت خاکی، ہُن شبدی روُپ میرا بچّہ نظری آئیندا۔ اگلی پِچھلی مُک گئی واٹی، واتاورن سمجھ کِسے نہ آئیندا۔ میَں ونجارا تُوں میری ہاٹی، میرا سؤدا تیری دُکان اندر سوبھا پائیندا۔

تُوں میرا دیِپک میَں تیری باتی، تُدھ بِن میری جوت جگت نہ کوئے جگائیندا۔ میَں تیرا پرم پُرکھ پربھ کملاپاتی، تُوں دُھر دا ساتھی، اپنی اُنگلی نال پِھرائیندا۔ تیرے اَگے رہے نہ کوئے عاقی، تیری پِچھلی ساکھی ساکھیات سرب دِرڑائیندا۔ تیرے پِچھےچڑھ کے منزل گھاٹی، تیرے اندر ڈیرہ لائیندا۔ میَنوُں کٹنی پئے نہ واٹی، دوُر دُراڈا اپنی منزل پندھ مُکائیندا۔ تُوں مننی میری آکھی، آخر تیرا رنگ رنگائیندا۔ کراں کھیل بؤہ بِدھ بھانتی، بھیوَ ابھیدا تیرے وِچ چُھپائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ گوبِند ویکھ عجب نظارہ، بےنظیِر رہیا وکھائیا۔ جگت جہان دا انت کنارہ، نوَ نؤ آپ سمجھائیا۔ کِسے نہ دِسے کوئی سہارا، لکّھ چؤراسی دئے دُہائیا۔ ملِے نہ مِتر میِت مُرارا، گودی گود نہ کوئے بٹھائیا۔ ساچی منزل کوئی نہ چاڑھا، پِچھلا پندھ نہ کوئے چُکائیا۔ حق لائے نہ کوئی نعرہ، حقوُق جھولی کوئی نہ پائیا۔ ساچا بنے نہ کوئی برخوردارا، برخلاف ہوئی لوکائیا۔ سچ ندّ سُنے نہ کوئی نگارا، نؤبت کرے نہ کوئے شنوائیا۔ جوتی جوت سروُپ ہرِ، آپ اپنی کِرپا کر، تیرا انتم رہیا جنائیا۔ گوبِند ویکھ اوہ کِتاب، جیہڑی بِن اکھّراں پربھوُ بنائیا۔ جِس دے وِچ آد جُگادی حِساب، مدھ بَیٹھا بند کرائیا۔ اُس دے پِچھےسارے لاجواب سِر سکے نہ کوئے اُٹھائیا۔ پیِر پَیغمبرو تُہاڈی کوئی نہ سُنے آواز، لوکمات جیِو جنت ہویا ہلکائیا۔ تھوڑے تھوڑے سمیں واسطے دے کے خِطاب، نِکّے نِکّے خط خطوُط تُہاتھوں دِتے لِکھائیا۔ کوئی رکھ کے آیا وِچ محراب، کوئی پیہڑیاں اُتے ٹِکائیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا چُکائیا۔ گوبِند ویکھ جگت تصویِر، پروردِگار آپ درسائیا۔ ساچا دِسے نہ کوئی مشیِر، ساچی مشق نہ کوئے کمائیا۔ دست پھڑے نہ کوئی دستگیِر، دستیاب نظر کوئے نہ آئیا۔ جو لیکھا لِکھیا شاہی نال مار لکیِر، پیِر فقیِر اوسے دا جس گائیا۔ سمجھے کھیل نہ کوئے بےنظیِر، تقدیِر تدبیِر نہ کوئے دِرڑائیا۔ مسجداں وُضوُآں نِمازاں پڑھدیاں لگّی بھیِڑ، بھیِڑا راہ نہ کوئی پار لنگھائیا۔ جِنہاں سِر تے چُکی بیِڑ، بیڑا اپنا رہے ڈُبائیا۔ بِن سَتگُر پوُرے کوئی نہ ونڈے پیِڑ، دردی نظر کوئے نہ آئیا۔ گوبِند کہے پربھوُ آ پھڑ اپنے بستر چیِر، جوڑا گھوڑا تیری بھیٹ چڑھائیا۔ چِلّہ کمان ترکش تُرنگ نہ کوئے تیِر، کھڑگ کھنڈا نہ کوئے وڈیائیا۔ پرھاں سُٹی جگت شمشیِر، لُہارترکھان لوڑ رہی نہ رائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ سِری بھگوان کہے گوبِند اوہ ویکھ اپنے سِکھ، جِنہاں سِکھیا آپ سمجھائیا۔ اوہ بِنا تیرے ہور کِسے نہ پئے دِس، جگت جہان سمجھ کوئے نہ پائیا۔ گوبِند اوسے ویلے کڈھ کے وکھائے اپنی چِٹ، جو

چِٹھی پربھوُ دِتی لکھائیا۔ ایہہ میرے گُرمکُھ اوہ انڈِٹھ، جِنہاں جگت نال نہ نظر مِلائیا۔ جِنہاں نوُں مردیاں ماواں نہ لَین پِٹ، بھَیناں نہ دین دُہائیا۔ جِنہاں دی دسم دوارے نہ لگّے پِٹھ، سچکھنڈ جاون چائیں چائنیا۔ اُہناں دے منزل مندر دوارے آپ لگائی اِٹّ، اِٹّ سب دی دِتی اُکھڑائیا۔ گوبِند تیرا سیِر کدے نہ جاوے پِھٹ، نیِر امرت روُپ وٹائیا۔ میَں ہو کے ابناشی اچُت، چیتن سب نوُں دِتا کرائیا۔ سِدھا آ کے ویکھ اپنی رُت، پُھل پُھلواڑی آپ مہکائیا۔ تیَنوُں بنا کے اپنا پُت، اپنے پوترے تیری گود دِتے بٹھائیا۔ ویکھیں اَگے ایہناں نال رہیں نہ چُپ، راتیں سُتّیاں گھر گھر درس دِکھائیا۔ کلجُگ ویکھ اندھیرا گھُپ، تھوڑے وِچوں لئے اُٹھائیا۔ پھڑ باہوں گودی لَینا چُک، چھاتی سیِنے نال چُھہائیا۔ ایہناں دا مات لوک دا پیَنڈا جائے مُک، جنم جگت رہے نہ رائیا۔ جوتی جوت سروُپ ہرِ، آپ اپنی کِرپا کر، تیرا سوہنا سنگ نِبھائیا۔ گوبِند کہے میرے بھگوَنت، واہ واہ تیری وڈیائیا۔ ایہہ گُرسِکھ گُرمکُھ دُھر دے سنت، جِنہاں سَتیا تیرے نال مِلائیا۔ تُوں ابناشی کرتا بنیا کنت، کنتوُہل سچّا شہنشاہیِا۔ میَں در درویش بن کے منگت، اِنہاں جھولی دیاں بھرائیا۔ بھر کے جھولی کِہا ایہہ تیری سنگت، ہرِ جوُ آپ بنائیا۔ ناتا توڑ کے جیرج انڈج، اُتبُھج سیتج ڈیرہ ڈھاہیِا۔ روُپ بنا کے اِک اکھنڈت، اکھنڈ تیرے وِچ سمائیا۔ تیرا بودھ اگادھا نام جناواں بن کے پنڈت، براہمن کرے نہ کوئے پڑھائیا۔ چرناں ہیٹھ دبا کے بہِشت جنّت، سَورگ ٹھیڈیاں نال پرے ہٹائیا۔ سیوا کرکے تیرے نال مِلاواں انت، جُگا جُگنت نہ ہوئے جُدائیا۔ ایہو شبد اوہ دُھر دا منتر منت، جو انتر آپ دِتا اُپجائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، سچ تیری شرنائیا۔ گوبِند ویکھ اپنے دُلارے، دوُلھے دُھر دے نظری آئیا۔ جِنہاں گرِہ وجدے پریم نگارے، تُریا مکُھ شرمائیا۔ راتیں سُتّیاں تکّن نظارے، دِنے جاگدیاں خوشی وکھائیا۔ تُوں میرا میَں تیرا لاؤن جَیکارے، سوہنگ ڈھولا رہے سُنائیا۔ مانَس جنم جِتّ انت نہ ہارے، ہرِ کی پؤڑی چڑھن چائیں چائنیا۔ منزل ویکھن سچ منارے، پروردِگارے درشن پائیا۔ نِرمل جوت جوت چمتکارے، دیِا باتی نہ کوئے رُشنائیا۔ پنج تت نہ کوئے وِہارے، جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ گوبِند کہے واہ بھگوان، پربھ تیرے ہتّھ وڈیائیا۔ تُوں سِکھاں دا بخش کے میَنوُں دان، وڈّا داتا دِتا بنائیا۔ ایہہ میرا جگت نِشان، نِشانہ تیرا رہے جھُلائیا۔ اِنہاں اندر میرا اِیمان، جو صِدق رہیا نِبھائیا۔ ایہہ چھّڈ کے ناتا جگت جہان، بَیٹھے تیری اوٹ تکائیا۔ انتم آ گئے وِچ مَیدان، لوک

لاج پرے ہٹائیا۔ شرع مذہب نیڑ نہ آئے شَیطان، شریعت کرے نہ کوئے لڑائیا۔ اِکو منن سِری بھگوان، سو گوبِند میلا سہج سُبھائیا۔ سو سچّے در ہوئے پروان، جِنہاں پروانہ دِتا پھڑائیا۔ جوتی جوت سروُپ ہرِ، آپ اپنی کِرپا کر، بخشی سچ سرنائیا۔ گوبِند کہے میَں ویکھے بالے، گُرمکُھ روُپ وٹائیا۔ جِنہاں دی کرے آپ پرِتپالے، پرِتپالک ہو کے سیو کمائیا۔ میَں وساواں اُس سچّی دھرمسالے، جِس دا دروازہ بِنا میرے نہ کوئے کھُلائیا۔ اوتھے دیِپک جگے بےمسالے، اٹّھے پہر ہووے رُشنائیا۔ خوشیاں مانن شاہ کنگالے، اوُچ نیِچ وجےّ ودھائیا۔ جِدھر ویکھن چلاں نالے، وِچھوڑا کوئے رہن نہ پائیا۔ گُرسِکھ میَنوُں باہر کوئی نہ بھالے، میَں گھر سُتّیاں لَواں اُٹھائیا۔ میری تُہاڈے اندر پریم دی بن گئی مالے، من کا منکا دیاں بھوائیا۔ جیہڑے ڈھولک چَھینیاں نال نہیں وجنے تالے، اوہ تال دیاں سُنائیا۔ تُہاڈے پِچھےگھال اپنی گھالے، تُہاڈی پِچھلی کیِتی گھال لیکھے لائیا۔ دِوس رَین اٹّھے پہر شبد سروُپ ہوئے رہاں آلے دُآلے، چاروں کُنٹ بھجّاں واہو داہیِا۔ اوہ ترےَ وستوُ تُہاڈے رکھیِاں اندر تھالے، جِس نوُں گُر اوتار پیِر پَیغمبر گئے جنائیا۔ جوتی جوت سروُپ ہرِ، آپ اپنی کِرپا کر، لیکھا اپنے نال بنائیا۔ گوبِند کہے میرے اوہ پُتر، جو پِتا پُرکھ اکال بنائیا۔ جو نِرگُن دھاروں آئے اُتر، اُتّر پوُرب پچھّم دکھّن سوبھا پائیا۔ میَں اوہناں توں کِس بِدھ جاواں مُکر، جو پِچھےاپنا آپ بھیٹ کرائیا۔ اوہ میَنوُں ویکھ کے کرن شُکر، میَں شُکرانہ کہہ کے خوشی منائیا۔ پُری انند چھّڈیا جے بُھکھے رہ کے پِچھےٹُکڑ، ٹُکڑے اَگے نہ کوئے منگائیا۔ ویکھو وِشن برہما شِو سارے تُہانوُں جھُکن، گُر اوتار پیِر پَیغمبر ویکھ خوشی خوشی رہے جس گائیا۔ پرم پُرکھ پرماتم ویلے نال تُہانوُں آیا چُکن، سوہنا ویس وٹائیا۔ گُرمکُھ کھول کے اپنی ویکھو بُکل، اندر بَیٹھا بےپرواہیِا۔ گودی چڑھ کے پھیر نہ جائیو اُتر، جو ہیٹھلے اُتے رہیا چڑھائیا۔ جوتی جوت سروُپ ہرِ، آپ اپنی کِرپا کر، سوہنی بنت بنائیا۔ گوبِند کہے میَں ویکھاں لال، جِنہاں لالسا میری ودھائیا۔ جِنہاں دے پِچھےنیہاں ہیٹھ دبا کے بال، بالے اپنے پھیر پرگٹائیا۔ جِنہاں پِچھےہو کے کنگال، اُچ دا پیِر روُپ وٹائیا۔ جِنہاں پِچھےچُک کمان، چِلّہ دِتا چڑھائیا۔ جِنہاں پِچھےکر کے قؤل ساچی اِمان، پروردِگار سؤگند رکھائیا۔ اُہناں ویکھاں پھیر آن، لوکمات سوبھا پائیا۔ سوُربیِر نؤجوان، گُرمکُھ سوہنے سنگ رکھائیا۔ وِچ وِچولا سِری بھگوان، دُھر دا گولا لیا بنائیا۔ جوتی جوت سروُپ ہرِ، آپ اپنی کِرپا کر، سچ میلا رہیا مِلائیا۔ گوبِند کہے میَں ویکھیا ہُندا مِلاپ، مِلنی جگدیِش کرائیا۔ پہلوں بن کے میرا باپ، پھیر میَنوُں گُرسِکھ دا باپوُ دِتا بنائیا۔

تُوں میرا میَں تیرا دسّ کے جاپ، سوہنگ ڈھولا دِتا سُنائیا۔ دو جہان رہے کانپ، تھرتھراہٹ سرب لوکائیا۔ رسوُل دِسے نہ کوئے پاک، پتت پُنیِت دوویں دھیان لگائیا۔ جوتی جوت سروُپ ہرِ، آپ اپنی کِرپا کر، اگلا لیکھا رہیا جنائیا۔ گوبِند کہے گُرمکُھ سوہنے، سوہنی بنت بنائیا۔ پریم پریِتی اندر موہنے، چمّ درِشٹی کمّ کِسے نہ آئیا۔ جو آتم سیجا سؤنے، جگت کھاٹ نہ کوئے وڈیائیا۔ جِنہاں دُھر دے ڈھولے گاؤنے، پرم پُرکھ اِک منائیا۔ اوہناں دے کھیل سدا انہونے، انہندڑی کھیل وکھائیا۔ جوتی جوت سروُپ ہرِ، آپ اپنی کِرپا کر، پربھ دیوے مان وڈیائیا۔ گُرسِکھ کہے میَں ویکھیا گُرسِکھ چنگا، چنگیاں وِچوں نظری آئیا۔ جِنہاں دے چرن دھوون آئے گنگا، جمنا سُرستی گوداوری بھجےّ واہو داہیِا۔ پیِر پَیغمبر در تے آئے ننگا، در درویش روُپ وٹائیا۔ وِشن برہما شِو منگدے منگا، اَگے اپنی جھولی وکھائیا۔ رَو سس سیِس نِواؤندے سوُرج چندا، منڈل منڈپ دھیان لگائیا۔ سار کی جانے خاکی بندہ، بندگی بُھل کے بُھلیا جگت راہیِا۔ جِنہاں مِلیا صاحِب بخشندا، بخشش اپنی دِتی کرائیا۔ سو موُرکھ موُڑھا چتُر سُگھڑ بنایا گندہ، دُرمت مَیل دھوائیا۔ پھڑ کے باہوں کِہا اُٹھ گُرمکُھ میرے چندا، تیری چاندنی سوہنی کرے رُشنائیا۔ گوبِند تیرے بِنا رنڈا، ساچی سیج بہہ کے خوشی نہ کوئے منائیا۔ میَں ویکھیا پِھر کے وِچ برہمنڈ کھنڈاں، نوَ نؤ چار دھیان لگائیا۔ لکّھ چؤراسی جیِو جگت جہان اندھا، نابیِنا ہو کے اکھّ نہ کوئے کھُلائیا۔ دھنّ وڈیائی گُرسِکھ تیری تُوں میرا دِتا سنگا، نال سگلا سیَن ترائیا۔ جوتی جوت سروُپ ہرِ، آپ اپنی کِرپا کر، جگت وِچھوڑا رہیا کٹائیا۔ اوہ گوبِند کہے میرا سِکھ آیا، سوہنی وجّی ودھائیا۔ جِس سوہنگ ڈھولا گایا، ڈھولک چَھینے پرے ہٹائیا۔ جِس نام انمولا پایا، مالک بنیا بےپرواہیِا۔ کوُڑا رؤلا نہ کوئے وکھایا، رُلدیاں لیا ترائیا۔ جوتی جوت سروُپ ہرِ، آپ اپنی کِرپا کر، ساچا میلا لیا مِلائیا۔ گوبِند کہے ویکھو گُرمکُھ مِلدا، سمجھ کِسے نہ آئیا۔ ایہہ حال دِلبر دِلدار دِل دا، دلیِل وِچ نہ کوئے رکھائیا۔ جِس ویلے پریم پیار دا غُنچہ کھِلدا، پنکھڑیاں مہک وِچوں مہکائیا۔ اوہ روُپ بنے سوہنا پُھل دا، گُلشن دیوے آپ وڈیائیا۔ جِس ویلے سوہنے بوُٹے دے سِر تے جھُلدا، چاروں کُنٹ لئے انگڑائیا۔ اوس نوُں مالک مالی کدے نہ بُھلدا، جِس اُپروں ہیٹھاں نِگاہ تکائیا۔ اوہ ایہہ نِشانہ میری کُل دا، جِس نوُں کُل مالک دِتی وڈیائیا۔ گوبِند بچّیاں اپنیاں کِویں بُھلدا، جو بُھلیاں رہیا سمجھائیا۔ اوہ خوشی وِچ لیکھا چُکاوے پِچھلے مُلّ دا، قیمت آپے پائیا۔ جوتی جوت سروُپ ہرِ، آپ اپنی کِرپا کر، اگلا لیکھا جن بھگتاں

دئے جنائیا۔ گوبِند کہے ویکھ پربھ، گُرمکُھ تیری شرنائیا۔ پربھوُ کہے گوبِند تیَں ایہہ میَنوُں دِتے لبھ، تیری وست تیرے ہتّھ پھڑائیا۔ گُرسِکھ کہن اسیں جگت دوارا چھڈ کے ہٹّ، حضرت ویکھنا چائیں چائنیا۔ گوبِند کولوں پیِنی اِکو مد، جِس دا نشہ اُتر کدے نہ جائیا۔ پُرکھ اکال گھر اپنے لَینا سدّ، سدّا دے کے رہے جنائیا۔ جے پُری انند وانگ جانا چھّڈ، سانوُں پہلوں دئے جُدائیا۔ جھٹ پُرکھ اکال اَگوں بولیا گجّ، دُھر فرمان سُنائیا۔ بچّیو تُہانوُں دسّاں سچ، سچ نام کری کُڑمائیا۔ گوبِند تُہاڈے لوُں لوُں اندر گیا رچ، اگلی رچنا جِس نے اپنے ہتّھ رکھائیا۔ میَں بن وِچولا تُہاڈا ایہدے نال کراواں پکّ، پکّی گنڈھ اپنی لَینی بنھائیا۔ پِچھےرہ گیا جیہڑا شک، ویہہ سؤ اِکّی بِکرمی وِچ دیاں کڈھائیا۔ جے تُہاڈی قیمت کِسے نہیں پائی ککّھ، ککّھاں وِچوں لکّھ، لکّھاں وِچوں الکھ سمجھائیا۔ سچ پُچھو بِنا تُہاڈے درس دِتا نہیں کِسے پرتکھ، سارے رو رو رہے کُرلائیا۔ تُسیں تکّو باہرلی اکھّ، میَں اندرلی اکھّ نال اکھّ مِلائیا۔ تُسیں چُپ میَں تُہاڈا گاواں جس، ایہو وڈّی وڈیائیا۔ بھاویں گِرنوں پار کرن لئی سِر تے رکھیا ہتّھ، پھڑ باہوں لَواں لنگھائیا۔ دھرم راج تُہاڈے چرنیں جائے ڈھٹّھ، چِترگُپت دوئے جوڑ جوڑ لاگن پائیا۔ گُر اوتار پیِر پَیغمبر تُہانوُں اَگوں مِلن ہسّ، خوشیاں راگ سُنائیا۔ چلو اوتھے جا کے جاؤ وس، جِتھے وسیا شہنشاہیِا۔ اوہ تُہاڈی رکھیا رہیا رکھ، راکھی کرے تھاؤں تھائنیا۔ ایہہ گوبِند دا پہلا حق، اگلا حق ایدوُں اَگے دئے وڈیائیا۔ جو وڈّا خزانہ اپنے اندر رکھیا گھت، ہؤلی ہؤلی کُنجی رہیا لگائیا۔ گُرمکُھو جِناں چاہو پھیر اوناں لِؤ چکّ، باہوں پھڑ پرے نہ کوئے ہٹائیا۔ نؤ سؤ چُرانوے جُگ چؤکڑی پِچھوں پُرکھ اکال نے گوبِند دا کھولیا ہٹّ، بن وِچولا رہیا لُٹائیا۔ تُسیں لےَ کے جائیو اَگے اڑ کے ڈٹ، پِچھےکوئے رہن نہ پائیا۔ میَنوُں یاد تُہانوُں لگے تلواراں دے پھٹّ، ہُن پٹّی نام دی اُتے رہیا بدلائیا۔ ویکھیو بُھل کے نہ جانیوں ایہہ جٹّ، جگت مالک شہنشاہیِا۔ بےشک ایہدے خالی ہتّھ، دو جہان اپنا کھیل ورتائیا۔ تُہاڈے اندر وڑ کے تُہاڈا چلا ئے رتھ، بن رتھواہی سیو کمائیا۔ اپنا حق کرکے رہن فک، مالک تُہانوُں دِتا بنائیا۔ تُسی میرے میَں تُہاڈا دوہاں نے مِلنا سدا انجھک، نیویں اکھّ کرے نہ کوئی رائیا۔ میَں راتیں سُتّیاں تُہاڈی چھاتی اُتے چڑھاں جھٹ، دُکھ درد گوائیا۔ تُسیں میری اوہ رتّ، جِس رتّ نوُں جمےّ نہ کوئی پِتا مائیا۔ جوتی جوت سروُپ ہرِ، آپ اپنی کِرپا کر، ساچی مِسل رہیا بنائیا۔ گوبِند کہے میَں تکّے گُرمکُھ، جو بَیٹھے روُپ وٹائیا۔ جنم کرم دا پوُرب لہنا لَینا سُکھ، سُکھ ساگر وِچ سمائیا۔ سفل

کراؤنی جننی کُکھ، دینی مان وڈیائیا۔ سَتگُروُ دوارے بن کے سُت، ساچا ناتا اِک رکھائیا۔ اُجل کرنے اوہناں مکُھ، مکُھیئے دینا بنائیا۔ جوتی جوت سروُپ ہرِ، آپ اپنی کِرپا کر، میرا سگلا سنگ رکھائیا۔ پُرکھ اکال کہے سُن گوبِند میلے، واہ واہ وجّی ودھائیا۔ جُڑیا جوڑ سچّے گھر چیلے، چیتن نظری آئیا۔ جو وسن دھام نَویلے، گرِہ وکھرا ڈیرہ لائیا۔ اوہ جوبن متے البیلے، سوہنا روُپ وٹائیا۔ جوتی جوت سروُپ ہرِ، آپ اپنی کِرپا کر، مانَس جنم لیکھے لائیا۔ گوبِند کہے گُرمکُھ نہیں منُکھ، منُکھتا وِچوں دِتی وڈیائیا۔ عرش فرش توں آپے چُک، پوُری شرط دِتی کرائیا۔ سینے نال شبد لایا گھُٹ، وِچوں کڈھی دُئی کھُٹ، اُجل مکُھ دِتا وکھائیا۔ جوُنی گربھ نہ اُلٹا رُکھ، دس دس ماس نہ کوئی دُکھ، اگنی تت نہ کوئے تپائیا۔ کلجُگ میٹ اندھیرا گھُپ، جوتی جوت سروُپ ہرِ، آپ اپنی کِرپا کر، سچ نوُر کرے رُشنائیا۔ ساچا نوُر ویکھیا چند چانن، جگت ہوئی رُشنائیا۔ جِس دا رنگ گُرمکُھ مانن، اندر باہر وجےّ ودھائیا۔ آتم انتر گاون گانن، گاوت راگ الاہیِا۔ ناتا تُٹیا شتّری براہمن، شوُدر وَیش ہوئی جُدائیا۔ ساچا مِلیا اِک نِشانن، دو جہاناں نظری آئیا۔ جِس دا مالک اگمّی رامن، رمئیا سوبھا پائیا۔ جو سدا سدا سد بنے ضامن، ایتھے اوتھے لئے چُھڈائیا۔ جِس نوُں پَیغمبر کہِندے امامن امام نوُر خُدائیا۔ جِس دا کلمہ اِک کلامن، کائنات کرے پڑھائیا۔ جِس نوُں کوئی نہ سکے پہچانن، روُپ رنگ ریکھ نہ کوئے وکھائیا۔ سو کھیل کرے آنن فانن، فَیصلہ اپنے ہتّھ اُٹھائیا۔ جِس نے رام دھنُش پھڑایا بانن، گوبِند چِلیاں نال کرے لڑائیا۔ سو کھیل کرے بھگوانن، بھاوی سب دے اُتے وکھائیا۔ گُرمکُھو تُہاڈے سنمکُھ ہو کے ساہمن، سماں سماں سمیں نال رنگائیا۔ دامنگیِر ہو کے پکڑے دامن، دمدمے والا دبےّ پَیر آئیا۔ کاہناں والا بن کے کاہنن، گُرمکُھ گوپی رہیا پرنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کہے میرا مکُیا ڈھؤنکا، ڈھول مردنگ نگارے رہے جس گائیا۔ پِچھلا کھیل پٹنا پؤنٹا، پاٹل اپنی دھار چلائیا۔ ہُن کِسے ہتّھ نہ آئے پؤنچا، جگت نَین نہ کوئے وکھائیا۔ جوتی جوت سروُپ ہرِ، آپ اپنی کِرپا کر، مِہربان اپنی دھار بندھائیا۔ گوبِند کہے میَں ویکھیا انند، پُری انند تجائیا۔ جِس وِچوں اُپجے انوکھے چند، چند ستارے رہے شرمائیا۔ جِنہاں دے لیکھے لگّے بند بند، بندی خانہ آئے تُڑائیا۔ جِنہاں دے کپڑے خوُن نال لئے رنگ، سوہنا رنگ وکھائیا۔ جِنہاں دا ناتا تُٹیا نالوں مسند، مُچھندگی منّی بےپرواہیِا۔ اوہناں پِچھےمار کے پندھ، دوُر دُراڈا چل کے آیا ماہیِا۔ محُبّت وِچ گائے چھند، پیار وِچ ڈھولے رہیا سُنائیا۔

روندی ویکھی گوداوری گنگ، جِس وِچ اِک وار چرن چُھہائیا۔ اوہ تکّے سوُرے سربنگ، نیتر نَین اکھّ اُٹھائیا۔ کوُک پُکار پاوے ڈنڈ، رو رو رہی کُرلائیا۔ آسا منسا کوئی نہ پوُری کرے منگ، مانگت دئے دُہائیا۔ جد ویکھیا تکّیا جانیا بُجھیا گُرمکُھاں اُتے مِہربان ہو سوُرا سربنگ، نظر مِہر اُٹھائیا۔ دُئی دوَیتی بھرم بُھلیکھا ڈھاہے کندھ، محل اٹل اِک وسائیا۔ جوتی جوت سروُپ ہرِ، آپ اپنی کِرپا کر، لہنا لہنے رہیا پائیا۔ پُری انند کہے میَں کوجھی کملی، کملیاں وِچوں نظری آئیا۔ میَں بنی رہی جگت جہان یملی، جاگرت وِچ نہ خوشی منائیا۔ نام خُماری وِچ نہ ہوئی عملی، عملاں اُتے چل نہ سیو کمائیا۔ میری تقدیِر تدبیِر نال جِس بدلی، بدلہ رہیا مُکائیا۔ اوہ داتا بن کے آیا عدلی، عدالت اِکو اِک سمجھائیا۔ میَں بِرہوں وَیراگن پِھراں پگلی، اگلی سار نہ کِسے سمجھائیا۔ میَں سمجھیا ایہہ کوئی راہی بَیٹھا جنگلی، اپنا ڈیرہ لائیا۔ جِسدا حِساب کِسے نہ واچیا وِچ سنگلی، کُنڈلیاں وِچ نہ کوئے سمجھائیا۔ میَں سمجھیا ایہہ گل وِچ پا کے بغلی، کوئی منگتا پِھرے واہو داہیِا۔ میریاں اکھّاں کھُلیاں ایہہ دُھر دا داتا سگلی، جو گُرمکُھاں انتر کرے رُشنائیا۔ جِس دی جوت دوُجی وار لوکمات جگنی، پُرکھ اکال شمع نال شمع مِلائیا۔ اُس کولوں دو جہان وست منگنی، گُر اوتار پیِر پَیغمبر جھولی ڈاہیِا۔ اوہدا لیکھ کوئی نہ سمجھے تن بدنی، بادلاں وِچ چمک جِس چمکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ پُری انند کہے میَں ہوئی بھولی، بھولے بھاؤ سار نہ آئیا۔ در دوار نہ بنی گولی، سیوا کر نہ سیو کمائیا۔ جِس نے پریم پیار دی میرے اندر کھیلی ہولی، ہؤلی ہؤلی دھار چلائیا۔ انتم چُک کے اپنی ڈولی، چُپ کیِتا چلیا راہیِا۔ اُس دے ہتّھ تند مؤلی، جاندی وار اِک سگن گیا وکھائیا۔ ہؤلی جیہی رمز نال سمجھائی بولی، انبولت راگ سُنائیا۔ رنجیِت نگارا نہیں ایہہ دُھر دا ڈھولی، ڈھولا رہیا سُنائیا۔ ہائے دُہائی میَں واری نہ گھولی، گھولی نہ گھول گھُمائیا۔ اوہدے پِچھوں تُسیں چرناں ہیٹھوں مِٹّی پھولی، نوُر نظر آیا بےپرواہیِا۔ اوتھے چھّڈ کے گیا اپنے پریم دی پیِن والی اِک نِکّی جیہی کؤلی، جِس دے اندر سَوا تولع وزن اِکو وار ٹِکائیا۔ میَں پھڑ کے خوشیاں نال مؤلی، بھّجی واہو داہیِا۔ اُچی کوُک پائی رؤلی، چار کُنٹ سُنائیا۔ میری گھُنڈی جِس اجے نہیں کھولی، پڑدا گیا پائیا۔ اَگوں اُڈدی آئی دھَول اُتے دھوُلی، میرے نال چھوہ کے میَنوُں گئی سمجھائیا۔ جوتی جوت سروُپ ہرِ، آپ اپنی کِرپا کر، اگمّی کھیل وکھائیا۔ پُری انند کہے میَنوُں ہوئی حیَرانی، ہاہاکار سُنائیا۔ سوہنا بانکا چَھیل چھبیلا کوئی دے کے

گیا نہیں نِشانی، اگلا نِشانہ نہ کوئے سمجھائیا۔ چھوٹا جیہا بن کے بانی، بالیاں نال رلائیا۔ سرسے دی ویکھ تُغیانی، اپنی طبع دِتی بدلائیا۔ اگلا مارگ دسّ آسانی، اصل اصل وِچوں دِتا پرگٹائیا۔ پریم پیار دی دسے قُربانی، کربلا بَیٹھا ڈیرہ ڈھاہیِا۔ میَں ہؤلی جِہی اُٹھی بال انجانی، اپنی اکھّ کھُلائیا۔ کِدھر گیا میرا شاہ سُلطانی، شہنشاہ بےپرواہیِا۔ جو ہتّھ وِچ پھڑ کے تیِر کانی، مکُھی نال میری چھاتی وِنھن وکھائیا۔ جوتی جوت سروُپ ہرِ، آپ اپنی کِرپا کر، اپنا کھیل اپنے نال رکھائیا۔ پُری انند نوُں آیا سندیسہ، سرسا پؤن رہی جنائیا۔ ایہہ گوبِند نہیں دس دسمیسا، دہ دِشا رمیا بےپرواہیِا۔ ایہدا آد جُگاد جُگ چؤکڑی اولّڑا بھیسا، بھیکھادھاری اِکو اِک اکھوائیا۔ کملیئے کِس نوُں دیویں سندیشہ، جو سدّے گھر گھر رہیا سُنائیا۔ جے تیرا اِس دے نال ہیتا، نِیوں نِیوں لاگ پائیا۔ ایہہ صاحِب کدے بُھلن نہیں والا چیتا، تیری چیتاونی اپنے نال رکھائیا۔ ایہہ پرم پُرکھ دا بیٹا، جوت اکالن اِس دی مائیا۔ ایہہ گُرمکُھاں دا کھیوٹ کھیٹا، بن ملاح بیڑا بنے رہیا کرائیا۔ اِس دا کھیل ویکھی ویکھا، ویکھدیاں ویکھدیاں کوٹن کوٹ جُگ گئے وِہائیا۔ پُری انند تیرے نالوں ایہنوُں چنگا لگّا سمبل دیسا، جِس دی اِٹّ کِسے کاریگر نہ مات لگائیا۔ جِتھے کوئی فتویٰ نہ لائے مُلّا شیخا، قاضی پیِر نہ کوئے وڈیائیا۔ اوتھے چلدیاں راہ وِچ لگّے نہ کوئی ٹھیڈا، جل دھارا نہ کوئے رُڑھائیا۔ اوتھے صِرف گُرمکُھاں نوُں لگّی بھیتا، دوُتی دُشمن شتروُ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، آپے جانے اپنا لیکھا، سارے لیکھےمنگوُ تھائیں تھائنیا۔ پُری انند کہے میَں صدقے، واری گھولی گھول گھُمائیا۔ جیہڑا میرے کولوں گیا بھجّ کے، پاندھی بن کے پندھ مُکائیا۔ گُرمکُھاں نال لےَ گیا سدّ کے، سدّا دے کے تھاؤں تھائنیا۔ بہُڑی درس نہ کیتے رجّ کے، اپنی ترِکھا بُجھائیا۔ چرناں ہیٹھاں خوشی نال نہ سُتّی رجّ کے، سوہنا آسن بنائیا۔ جوتی جوت سروُپ ہرِ، آپ اپنی کِرپا کر، اپنی کھیل آپ ورتائیا۔ پُری انند کہے میَں دیواں ہوکا، حُکم نال سُنائیا۔ میرے ہتّھوں گیا مؤقع، جگت جہان سُنو دھیان لگائیا۔ میرے گوبِند دا اوہ سچّا کوٹھا، جِتھے گُرمکُھ بَیٹھے راہ تکائیا۔ کلجُگ انتم اُس نے دینا پھیر مؤقع، مُکمل اپنا پھیرا پائیا۔ میَں کیِتی بیننتی پھیر نہ دیویں دھوکھا، اپنا مکُھ بھوائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پُری انند کہے سُن جگت میرے ویِر، میَں سچ دیاں سُنائیا۔ میَں گھتدا ویکھیا وہیِر، چلیا واہو داہیِا۔ جِس دے سوہنے بستر چیِر، کلغی توڑا سیِس ٹِکائیا۔ میَنوُں دے وِچھوڑا اَخیِر، اکھّ گیا بدلائیا۔ بھتّھے وِچ رکھ کے تیِر، کمان کندھے نال لٹکائیا۔

داتا بن کے گُنی گہیر، گہری چوٹ گیا لگائیا۔ میری روندی دے نَیناں چوں سُکے نہ نیر، ہنجھوُاں ہار بنائیا۔ اٹّھے پہر رہاں دِلگیِر، دھیِرج دھیِر نہ کوئے دھرائیا۔ اوہ سوہنا بانکا بےنظیِر، کَول نَین نظری آئیا۔ جِس دے ہتّھ سچّی شمشیِر، سماں سارے گیا سمجھائیا۔ اوہ پیِراں دا پیِر، پریِتیوان اِک اکھوائیا۔ میَں اُس دے پِچھےنکّ نال کڈھاں لکیِر، مستک خاک رمائیا۔ اِک ویر آ نزدیِک، مُڑ کے پھیرا پائیا۔ میَں تکاں تیَنوُں ٹھیِک، ٹھوکر تیری انتر اِک لگائیا۔ میرا رہے نہ کوئی شریِک، شرکت بَیٹھے پندھ مُکائیا۔ تیرے وِچ اوہ تؤفیِق، گھر گھر تحوفے دئے پُچائیا۔ اپنے ہتھّیں میری تقدیِر دی کر جا تصدیِق، تسلّی نال سمجھائیا۔ میَں کِس طرح کراں اُڈیِک، کَون نَین اُٹھائیا۔ کوجھی کملی نیِچاں دی نیِچ، کُلکّھنی بَیٹھی مکُھ بھوائیا۔ میَنوُں سمجھ نہ آئی تیری پریِت، انت پریِتم ہوئی جُدائیا۔ جوتی جوت سروُپ ہرِ، آپ اپنی کِرپا کر، میرا لیکھا دئے سمجھائیا۔ سُن پریِتم ساچے انندی، انند رہیا جنائیا۔ ساری بھوُمکا دسّاں چنگی، چنگی طرح سمجھائیا۔ سمبل نگری کدے نہ ہووے گندی، کوُڑی کِریا رہن کوئے نہ پائیا۔ اوجھڑ راہ نہ کوئی ڈنڈی، سِدھا مارگ اِک وکھائیا۔ اوتھے پریم پیار دی سدا سُگندھی، مہک نال مہکائیا۔ بِرہوں وَیراگن کوئی نہ دِسے رنڈی، کنت سُہاگ اِک ہنڈھائیا۔ اوتھے دُھر دا ڈھولا چھندی، شہنشاہ سُنائیا۔ تیری چار دیِوار رہے کوئی نہ بندی، بندی خانہ روُپ نہ کوئے وٹائیا۔ اوتھے ملِے وست سدا مُنہوں منگی، دیونہار دَیا کمائیا۔ سؤن نوُں دیوے کوئی نہ منجی، آتم سیجا اِک وِچھائیا۔ صاف کرن نوُں گلی کوُچا سدّے کوئی نہ بھنگی، اپنی ہتھّیں دُرمت مَیل دھوائیا۔ تیری انند پُری نالوں اوہ پُری چنگی، جِتھے مندیاں چنگیاں رہیا بنائیا۔ تُوں کملی سِروں ہوئی گنجی، گنجیا تیری چوٹی مُن کے اپنے نال لیا رلائیا۔ میرا کھیل سدا برہمنڈی، نوکھنڈ پھیرا پائیا۔ جے تُوں لگنا میری انگی، انگیکار اکھوائیا۔ تُوں کلجُگ انت گُرمکُھاں دی بننا سنگی، سوہنا سنگ نِبھائیا۔ پھیر کدے نہ ہووے تنگی، دُکھ درد نہ لاگے رائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ پُری انند کہے تُوں بےپرواہ، بےپرواہی وِچ سمائیندا۔ اپنا مارگ دسّ کے جا، تیرا بھیو کِسے نہ آئیندا۔ پڑدا اوہلا چُک کے جا، تیرا کھیل نہ کوئے سمجھائیندا۔ جاندی وار نہ لُک کے جا، تیرا اوہلا موہے نہ بھائیندا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، گوبِند وِچھوڑا سِہا نہ جائیندا۔ پُری انند اُٹھ پیاری، سچ دیاں سمجھائیا۔ تیری انت ہون نہ دیواں خواری، خواہ مخاہ توں لَواں بچائیا۔ پہلوں بھگتاں نال بنا کے

تیری یاری، یارانہ اِکو گھر وکھائیا۔ پھیر بن کے سچ لِکھاری، شبد پروانہ دیاں گھلائیا۔ ویہہ سؤ اِکّی بِکرمی پہلی اَسوُ رُت سنساری، سنسا دیاں مِٹائیا۔ لیکھا لیکھ دے کے وِچ جگت اخباری، آخر فَیصلہ دیاں سُنائیا۔ جِس نوُں کہِندے رہے بےاعتباری، سو اِعتبار سب نوُں دئے جمائیا۔ گُرمکُھاں نوُں چاڑھ کے اوہ خُماری، کھِما وِچوں کھِما جھولی پائیا۔ اَگے پِچھےجنم مرن دی نہ رہے بیماری، طبیب مِلیا بےپرواہیِا۔ جے پربھ نال لّگ جائے یاری، یرانے والا دوُجا رہن کوئے نہ پائیا۔ گوبِند چُک کے لےَ جائے اُس اٹاری، جِس نوُں اٹل پدوی رہے سُنائیا۔ اوتھے سیج سَتگُر سوامی آپ سواری، کملیئے تیَنوُں لیف تلائی دی لوڑ رہے نہ رائیا۔ منزل چڑھ کے ویکھیں اوہ بھاری، بھار اپنا پِچھےسُٹائیا۔ تیَنوُں کی سمجھ جُگ چؤکڑی رہی کواری، کنت سُہاگ سیجے نہ سوبھا پائیا۔ مہاراج شیر سِنگھ وِشنوُں بھگوان، لیکھا جانے اپنی واری، وارتا پِچھلی نہ کدے بُھلائیا۔

۲ بھادروں ۲۰۲۱ بِکرمی ہرِ بھگت دوار جیٹھوُوال

گوبِند کہے میَں تکّیا وِچوں جھروکھے، پربھ چرن دھیان لگائیا۔ گُر اوتار پیِر پَیغمبر تیرے اتھاہ ساگر وِچ کھاندے غوطے، انتر انتر رہے دِھیائیا۔ مِہربان محبان سُکھی وسدے ویکھے تیرے پوتے، جِنہاں دیویں مان وڈیائیا۔ اوہناں پڑھنے پئے نہ پوتھے، پُستک بغل نہ کوئے اُٹھائیا۔ رکھنے پئے نہ کوئی روضے، فاقے وِچ نہ فِکر جنائیا۔ مارگ لا اگمّی سؤکھے، سوہنا راہ جنائیا۔ منزل چڑھدے ہون نہ اؤکھے، اَگے ہو کے گود اُٹھائیا۔ اَدھوِچکارکوئی نہ روکے، وِشن برہما شِو سب بَیٹھن سیِس جھُکائیا۔ دھنّ وڈیائی جِنہاں دِتے اپنے مؤقے، مُکمل اپنی دَیا کمائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ رکھائیا۔ گوبِند کہے میَں تکّیا پرم پُرکھ تیری باری، بِن اکھّاں دھیان لگائیا۔ جگمگ جوت جگے نِرنکاری، سَت سروُپ سمائیا۔ محل اٹل ویکھ مناری، منزل تکّی بےپرواہیِا۔ جن بھگتاں بنیا ادھاری، عادت اپنی لئی بدلائیا۔ نِرگُن ہو کے لائی یاری، سرگُن سنگ نِبھائیا۔ شبد اگمّی آواز اِکو ماری، اِشارے نال سمجھائیا۔ جو گُرمکُھ آتم کنیا رہی کواری، کایا گرِہ لَواں پرنائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پربھ ویکھ تیرا دروازہ، خوشی خوشی وِچوں پرگٹائیا۔ لیکھا چُکیا

پرِتھمی آکاشا، گگن منڈل ڈیرہ ڈھاہیِا۔ لہنا چُکیا گوپی کاہن راسا، تت رام نہ کوئے منائیا۔ دُھر دا دے اِک بھرواسا، گُرمکُھ گُرسِکھ لئے جگائیا۔ جات میں جوت، جوت میں جاتا، جاگرت جوت کر رُشنائیا۔ ساڈھے تِنّ ہتّھ لما چؤڑا وڈّا احاطہ، حدوُد اپنے ہتّھ رکھائیا۔ ناویں لا کے دُھر دا کھاتہ، مالک گھر دا دِتا بنائیا۔ آپ پُچھ کے انتم واتا، واسطہ اپنے نال رکھائیا۔ وِشن برہما شِو ویکھے نہ کوئے تماشا، تماش بین نہ کوئے لوکائیا۔ ایہہ کھیل پربھوُ سمراتھا، سمرتھ ونڈ ونڈائیا۔ گوبِند پوُرا کرکے گھاٹا، اتوٹ اتُٹ آپ ورتائیا۔ نظری آیا اِکو پِتا ماتا، پُرکھ اکال سچّا شہنشاہیِا۔ جِس دیِاں گُر اوتار پیِر پَیغمبر نکیا نِکیِاں شاخاں، مؤسم بہار وِچ اُپجائیا۔ اُس دے پریم دیِاں کر کر باتاں، جگت جہان دئے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کہے میَں تکّیا پار، پاربرہم بےپرواہیِا۔ جگت ویکھیا اُرار، نئیا نؤکا نظر کِسے نہ آئیا۔ بھَیناں بھئیا روون زارو زار، مئیا سئیا نہ سنگ نِبھائیا۔ کڈھ وہئیا رائے دھرم کرے خبردار، چِترگُپت لیکھا رہیا جنائیا۔ سنگی بنے نہ چار یار، محمد مُہِم نہ کوئے وٹائیا۔ عیسیٰ موُسیٰ نہ ہوئے بےدار، بےدِل ہو نہ اکھّ کھُلائیا۔ سچ دوارے سُتے پَیر پسار، پُرکھ ابناشی تھپکیاں نال سوائیا۔ گُر اوتار کرے نہ کوئے پیار، پریمکا لئے نہ کوئے پرنائیا۔ چار کُنٹ دھوُاں دھار، دہ دِشا ہنیرا چھائیا۔ کوُڑی کِریا اُڈے چھار، جوُٹھ جھوُٹھ وجےّ ودھائیا۔ سرِشٹ سبائی گئی ہار، ہرِ کا راہ نہ کوئے وکھائیا۔ گُر اوتار بن کے پاندھی اپنا پندھ گئے مار، لوکمات پھیرا پائیا۔ دُھر سندیشہ بتّی دند گئے اُچار، شیخی چلی نہ کوئے وڈیائیا۔ تُوں بخشند کہہ کہہ گئے پُکار، پُنہ پُنہ تیری سرنائیا۔ جوتی جوت سروُپ ہرِ، آپ اپنی کِرپا کر، سچ مارگ دئے جنائیا۔ گوبِند کہے میَں تکّیا آسن، زمیں اسمان نظر کوئے نہ آئیا۔ نہ کوئی داسی نہ کوئے داسن، سیوک سیو نہ کوئے کمائیا۔ اِک اِکلّا بَیٹھا پُرکھ ابناشن، ابناشی کرتا سوبھا پائیا۔ سچ دوارے کرے واسن، سوبھاونت سُہائیا۔ کھیلے کھیل ظاہر باطن، بھیوَ ابھید اپنے ہتّھ رکھائیا۔ گُر اوتار پیِر پَیغمبر پت پرمیشور جِس نوُں آکھن، پروردِگار کہہ سُنائیا۔ سو صاحِب سُلطان بنیا دُھر دا ساتھن، سگلا سنگ نِبھائیا۔ گوالیاں کولوں نہ کھاوے ماکھن، بِندرا راس نہ کوئے رچائیا۔ رسنا نال نہ دیوے بھاشن، بتّی دند نہ کوئے پڑھائیا۔ کرے کھیل پُرکھ ابناشن، ابناشی کرتا اپنی کار کمائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے جنائیا۔ گوبِند کہے میَں تکّیا منارا، مُنی مُنشیر نظر کوئے نہ آئیا۔ چھپّر چھن نہ چار دیوارا، باڈھی بنت نہ کوئے بنائیا۔ اِٹّ پتّھر نہ کوئے گارا، دہ دِشا ونڈ نہ کوئے

وکھائیا۔ دیِا باتی نہ کوئے اُجیارا، نِرمل جوت کرے رُشنائیا۔ جوتی جوت سروُپ ہرِ، آپ اپنی کِرپا کر، گرِہ بَیٹھا اِک سُہائیا۔ گوبِند کہے میَں ویکھیا گرِہ، گہر گمبھیِر نظری آئیا۔ شاہ سُلطانا اِکو بہے، تخت نِواسی سوبھا پائیا۔ مرد مردانہ اِکو رہے، رہبر نوُر خُدائیا۔ آد جُگاد جُگ چؤکڑی جو فرمانا کہے، سو گُر اوتار پیِر پَیغمبر مات سُنائیا۔ نِت نوِت جِس دی دھار شبدی رؤ وہے، دو جہان واہو داہیِا۔ جوتی جوت سروُپ ہرِ، آپ اپنی کِرپا کر، مِہربان ہووے سہائیا۔ گوبِند کہے میَں تکّی تیری اوٹ، اوڑک اِکو نظری آئیا۔ دسّاں نال نگارے چوٹ، چوٹا بن کے دیاں سُنائیا۔ جِس نے سب دا کڈھنا کھوٹ، ہوچھی مت گوائیا۔ آد جُگادی جِس دی پہُنچ، کایا ماٹی پوچ نہ کوئے پُچائیا۔ جِس دی کِسے نہ آئی سوچ، سمجھ نہ کوئے سمجھائیا۔ جِس دا کھیل چؤداں لوک، پرلوک وجےّ ودھائیا۔ سو دیونہارا نام سلوک، سوہلا اِک سمجھائیا۔ گُرمکُھو کمّ نہ آوے کِسے موکھ، مکُتی چرناں ہیٹھ دبائیا۔ تُہاڈا لہنا مِلنا جوت، انتم جوت سمائیا۔ ایہو جِہی جُگ چؤکڑی کِسے نہ دِتی ہوش، ہوشیار ہو کے اپنے نال مِلائیا۔ سرِشٹ سبائی نال بَیٹھا رہے خاموش، خواہ مخاہ پائی جُدائیا۔ جن بھگتاں ملِے روز، نِت نوِت ویس وٹائیا۔ اُس دی کیا کوئی کرے کھوج، کھوجیاں ہتّھ کِسے نہ آئیا۔ ایہہ وی گوبِند صدقہ کرے چوج، چوجی پریِتم بےپرواہیِا۔ گُرمکُھاں نال مِل کے مانے مؤج، مؤجوُد ہو کے دَیا کمائیا۔ جوتی جوت سروُپ ہرِ، آپ اپنی کِرپا کر، دُھر دا ناتا اِک جُڑائیا۔ گوبِند کہے میَں تکّیا حضوُر، حضرت بےپرواہیِا۔ جِس دا حُکم سدا منظور سِر سکے نہ کوئے اُٹھائیا۔ جِس نے سب تے لایا قصوُر، بچیا کوئی رہن نہ پائیا۔ جاں تکیا گُرمکھاں دا راہ تکّے منصوُر، اَناالحق نعرہ لائیا۔ اوہ نیڑے نہیں دوُر، دوُر دُراڈا گھر گھر سوبھا پائیا۔ اوہ شہنشاہ اوہ مزدوُر، اوہ مفروُر ہویا کولوں لوکائیا۔ اوہ جوتی جلوہ اگمّی نوُر، نوُرانہ اِک اکھوائیا۔ جِس نے آد جُگاد جُگ چؤکڑی حُکمے اندر مچایا فتوُر، فتویٰ سب دے اُتے لائیا۔ جوتی جوت سروُپ ہرِ، آپ اپنی کِرپا کر، کھیلے کھیل سچّا شہنشاہیِا۔ گوبِند کہے میَں تکّیا تیرا دربار، اِکو اکھّ اُٹھائیا۔ تیرا کھیل ویکھ نِرنکار، نِرگُن وجّی نام ودھائیا۔ میَں ہو کے خبردار، شبد سندیشہ دِتا سُنائیا۔ کل کلکی اِک اوتار، کُل مالک ہرِ اکھوائیا۔ مطلبی کوئی نہ رکھے یار، کوُڑی تسبیح گل نہ کوئے لٹکائیا۔ مکتبیں پڑھن نہ جائے وِچ سنسار، حرفاں نال نہ قلم چلائیا۔ متعّصب ہو نہ کرے پُکار، تعجّب ہو حیَرانی نظر کوئے نہ آئیا۔ دیِن مذہب توں وسے باہر، ادب آداب اِکو اِک جنائیا۔ دو جہاناں بن آپ سردار، سردھا پوُر صاحِب

اکھوائیا۔ اُس دا لیکھ لِکھ کے دیوے کیا کوئی وِچ اِشتہار، اخبار خبر نہ کوئے سُنائیا۔ جِس دی ہر گھٹ لگّی اگمّی تار، دِوس رَین رہیا ہِلائیا۔ اوہ کِسے دی مدد نہ منگے مددگار، شاہ پاتشاہ سچّا شہنشاہیِا۔ جِس دا کِسے نہ کریا اِعتبار، بےاعتبارا اپنا یقین دئے بنائیا۔ جو بغاوتاں دا بغلگیِر سنسار، عدالتاں دا عدلی اِک اکھوائیا۔ سو کھیل کرے کرتار، کرتا قُدرت ویکھ وکھائیا۔ گوبِند تیرے نال پیار، پریم وِچوں محُبّت لئی پرگٹائیا۔ ایہو جِہا کِسے نہیں لبھیا یار، یارانے لا کے گئی لوکائیا۔ عاشق معشوق لبھدے ڈُبدے مردے ڈِٹھے وِچ پیار، مات پِت جگت جُدائیا۔ وِچھڑ کوئی نہ مِلیا آن، آن اپنی نہ کِسے جنائیا۔ جِنہاں دی لہہ گئی اِک وار مکان، مکان سکیا نہ کوئے بنائیا۔ سارے کہن اوہ مِلیا وِچ بھگوان، بھانا اپنے سِر اُٹھائیا۔ ابناشی کرتا نہیں انجان، اپنے حُکم اندر کھیل رچائیا۔ اپنے ہتّھ سمرتھ رکھ کمان، حُکم دیوے تھاؤں تھائنیا۔ سب توں وڈّا بن بلوان، بالے نِکّے نِکّے نال رلائیا۔ اپنے جِہا گُرمکُھاں دیوے مان، گُرسِکھاں ہوئے سہائیا۔ کلجُگ انتم بخشش رحمت کرکے دان، دؤلت اپنے نام دِتی ورتائیا۔ جُگ چؤکڑی سَتجُگ تریتا دواپرکلجُگ کوٹن نام بدل کے اِکو نام پرسِدھ کیِتا، سوہنگ مہاراج شیر سِنگھ وِشنوُں بھگوان، جِس وِچوں باہر رہن کوئے نہ پائیا۔