۵ بھادروں ۲۰۲۱ بِکرمی درباری لال دے گرِہ لُدھیانا
پُرکھ اکال پریم انوکھا، گُر اوتار پیِر پَیغمبر جُگ چؤکڑی گئے کمائیا۔ بھگت سنت تکّن مؤقع، سَتجُگ تریتا دواپرکلجُگ دھیان لگائیا۔ گُرمکُھ گُرسِکھ راہ ویکھن سؤکھا، چرن لگ لگ پائینا۔ مِہربان پربھ ٹھاکر سوامی پریم پیار دی لا کے چوٹا، تن نگارے ناد وجائیا۔ انتر آتم بخش پریم کوُڑی کِریا من ممتا کڈھے کھوٹا، ہؤمے روگ گوائیا۔ نِرمل پرکاش اگمّ اتھاہ کر اپنی جوتا، جوتی جوت کرے رُشنائیا۔ دُھر دا پیار کِسے وِچ نہ آوے سوچا، سمجھ سکے نہ کوئے لوکائیا۔ جوتی جوت سروُپ ہرِ، آپ اپنی کِرپا کر، سچ پریم اِک دِرڑائیا۔ پُرکھ اکال پریم عجب، نِرالا سمجھ کِسے نہ آئیا۔ لکّھ چؤراسی ہوئے تعجُب، پڑدا سکے نہ کوئے اُٹھائیا۔ سرِشٹی بھرمی دیِن مذہب، ذات پات کری کُڑمائیا۔ آتم پرماتم کرے کوئی نہ ادب، آداب سیِس نہ کوئے جھُکائیا۔ پربھ مِلن نوُں رکھے نہ کوئی قدم، پاندھی پندھ نہ کوئے مُکائیا۔ گرِہ گرِہ گھر گھر چار ورن دِسے تشّدد، سُرت شبد نہ کوئے مِلائیا۔ کوٹاں وِچوں گُرمکُھ وِرلے گِنتی وِچ عدد، جوتی جوت سروُپ ہرِ، آپ اپنی کِرپا کر، سچ پریم اِک وکھائیا۔ پُرکھ اکال پریم اپار، اپرمپر آپ کرائیندا۔ نِرگُن سرگُن دئے ادھار، گُر اوتار میل مِلائیندا۔ شبد اگمّی بول جَیکار، دُھن ناد آپ سُنائیندا۔ کوُڑی کِریا کڈھ کے باہر، دُرمت مَیل دھوائیندا۔ اُجل کر مندر منار، گرِہ اپنا آسن لائیندا۔ سوئی سُرتی کر کے خبردار، شبد ہانی آپ جگائیندا۔ امرت پانی ٹھنڈا ٹھار، نِجھر جھِرنا اِک جھِرائیندا۔ بجر کپاٹی کھول کِواڑ، پڑدا دُئی دوَیت پرے ہٹائیندا۔ جوتی جوت سروُپ ہرِ، آپ اپنی کِرپا کر، سچ پیار اِک ودھائیندا۔ سچ پیار دیوے بھگوَنت، جن بھگتاں دَیا کمائیا۔ میل مِلاواں دُھر دی نار کنت، جگت وِچھوڑا رہن کوئے نہ پائیا۔ اُتم سریشٹ کر کے وِچوں جیِو جنت، سادھ سنت وِچوں اُٹھائیا۔ انتر آتم منیِا منت، من کا منکا دئے بھوائیا۔ بودھ اگادھ بن کے پنڈت، نِراکھّر کرے پڑھائیا۔ گڑھ توڑ ہؤمے ہنگت، ہنگ برہم دئے سمجھائیا۔ میل مِلاواں جوت اکھنڈت، کھنڈ برہمنڈ چرناں ہیٹھ دبائیا۔ جوتی جوت سروُپ ہرِ، آپ اپنی کِرپا کر، سچ پریم اِک رکھائیا۔ پُرکھ اکال پریم اگمّ، اگمّڑی کھیل کرائیندا۔ کوئی سمجھ نہ سکے کایا ماٹی چمّ، تتو تت گنڈھ نہ کوئے بندھائیندا۔ مِہربان ہو کے جِنہاں انتر آتم دیوے بنھ، پرماتم اپنا رنگ رنگائیندا۔ جوت پرکاش چاڑھ کے چن، رَو سس نَین شرمائیندا۔ نام پدارتھ دیوے دھن، انمُلڑی دؤلت آپ ورتائیندا۔ شبد سندیش سُنائے کنّ، انراگی راگ الائیندا۔ من واسنا بنھے من، ممتا موہ مِٹائیندا۔ پنچ وِکارا دیوے ڈنّ، کام کرودھ لوبھ موہ ہنکار نیڑ نہ آئیندا۔ جوتی جوت
سروُپ ہرِ، آپ اپنی کِرپا کر، سچ پریم اِک رکھائیندا۔ پُرکھ اکال پریم اِک، ایکنکار ونڈ ونڈائیا۔ جگ نیتر کِسے نہ آئے دِس، لکّھ چؤراسی درس کوئے نہ پائیا۔ مِہربان ہو کے جِس گُرمکُھ پائے بِھکھ، بِھچھِیا اپنی اِک ورتائیا۔ انتر آتم کر کے ہِت، پرماتم میلا سہج سُبھائیا۔ کروٹ لےَ بدلے پِٹھ، سنمکُھ نوُر رُشنائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ پُرکھ اکال پریم اولّڑا، شاستر سِمرت وید پُران رہے جس گائیا۔ دو جہان کرے اِک اِکلّڑا، برہمنڈ کھنڈ جیرج انڈ اُتبُھج سیتج اپنا بندھن پائیا۔ لکّھ چؤراسی وِچوں ہرجن وِرلے پھڑے پلڑا، پلّوُ اپنے نال بندھائیا۔ جوتی شبدی نِرگُن نِرگُن دھار رلڑا، سرگُن سرگُن دیوے مان وڈیائیا۔ وسنہارا نِہچل دھام اولّڑا، اُچ اگمّ اتھاہ بےپرواہ اپنا پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، جِس جن اپنا رنگ رنگائیا۔ سَتگُر پیار سدا سدا سد سجّن، ایتھے اوتھے سنگ بنائیندا۔ پریم پریِتی اندر کرائے دُھر دا مجن، دُرمت مَیل دھوائیندا۔ شبد اگمّی تال ناد انادی وجّن، ڈھولک چَھینا نہ کوئے کھڑکائیندا۔ گڑھ ہنکاری بھانڈے بھجّن، بھرم بھؤ مِٹائیندا۔ درس وکھائے گوپال موُرت مدن، مدھ سوُدن اپنی کار کمائیندا۔ ہرِ بھگت سُہیلے مستک تِلک للاٹ لگائے چندن، جوتی جاتا ڈگمگائیندا۔ نِمسکار نمو نمو سوامی اِکو دسےّ بندن، ڈنڈؤت ساچی اِک سمجھائیندا۔ انتر آتم پرماتم بخش کے انندن، نِجانند رس چکھائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ سَتگُر پیار جگت جُگ چار، کوٹن کوٹ کال مُک کدے نہ جائیا۔ جُگ چؤکڑی نِت نوِت وِہار، بِوہاری اپنی کار کمائیا۔ نِرگُن سرگُن لےَ اوتار، جوتی جاتا پھیرا پائیا۔ شبد اگمّی بول جَیکار، ناد دُھن کرے شنوائیا۔ سیوا لا گُر اوتار، پیِر پَیغمبر حُکم منائیا۔ شاستر سِمرت وید پُران بن لِکھار، کاتب اپنی قلم چلائیا۔ چار کُنٹ دہ دِشا نوَ نؤ پائے سار، بھیوَ ابھیدا آپ کھُلائیا۔ گھٹ گھٹ اندر دیِا باتی کملاپاتی نِرگُن جوت کر اُجیار، گرِہ گرِہ کرے رُشنائیا۔ شبد سندیشہ نر نریشا سَت سَت دیوے دیونہار، سَت سَتوادی آپ سُنائیا۔ وِشن برہما شِو بھرنہار بھنڈار، وست امولک اِک ورتائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ پُرکھ اکال پریم سدا سد، نِرگُن سرگُن آپ کرائیندا۔ جگت دوار کر کے پار حد، گھر اپنا اِک وکھائیندا۔ بِن مکّے کعبیوں کرائے حج، بِن مندر مسیِت شِودوالے مٹھ گُروُدوار اِکو اِک وڈیائیندا۔ لہنا دینا چؤداں لوک چؤداں طبق ہٹّ، چؤداں وِدیا پندھ مُکائیندا۔ سچ پریِتی اندر رکھ، رکھک ہو کے سِر اپنا ہتّھ ٹِکائیندا۔ جگت جہانوں کر کے وکھّ،
بھیوَ ابھیدا بھیوَ کھُلائیندا۔ اپنے مِلن دی کھول کے اکھّ، نِج نیتر پڑدا لاہِندا۔ دُئی دوَیتی میٹ کے پھٹّ، کوُڑی کِریا ڈیرہ ڈھائیندا۔ لیکھے لائے کایا رت، رتی رت اپنے رنگ رنگائیندا۔ انتر آتم دے کے برہم مت، برہم وِدیا اِک پڑھائیندا۔ میل مِلاواں کملاپت، کنت کنتوُہل اِکو نظری آئیندا۔ سچّا مارگ دُھر دا دسّ، رہبر ہو کے پندھ مُکائیندا۔ جوتی جوت سروُپ ہرِ، آپ اپنی کِرپا کر، سچ پیار اِک دِرڑائیندا۔ سچ پیار کرے جن بھگت، پربھ اپنی دَیا کمائیا۔ اُتم ہووے وِچوں جگت، جگ جیِون داتا ویکھ وکھائیا۔ لیکھے لائے بوُند رَکت، پنج تت وجےّ ودھائیا۔ نام خُماری کرے مست، دِوس رَین اپنی دھار چلائیا۔ لیکھا چُکےکیِٹ ہست، اوُچ نیِچ نہ کوئے سمجھائیا۔ دیِن مذہب نہ کوئے فرق، شتّری براہمن شوُدر وَیش ونڈ نہ کوئے ونڈائیا۔ ویکھ وکھائے جودھا سوُربیِر مردانہ مرد، شاہ پاتشاہ سچّا شہنشاہیِا۔ غریِب نِمانیاں کوجھیاں کملیاں ونڈے درد، دُکھیاں دُکھ اپنی جھولی پائیا۔ سَتگُر پریم سدا اسچرج، اچرج لیِلا وِچ سمائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ سَتگُر پیار سدا سدا سد نِت، آد جُگاد رہے جس گائیا۔ پُرکھ اکال کیِتا گوبِند بن کے پِت، ہیمکُنٹ وجّی ودھائیا۔ گوبِند گُرمکُھاں وسیا چِت، چِت وِت ٹھگؤری کوئے نہ پائیا۔ پوُرب لیکھا ویکھ اگلا دِتا لِکھ، باقی رہن نہ کوئے پائیا۔ شبد ستار مارے کھِچ، دوہرا تال وجائیا۔ جو گُرمکُھ گُرسِکھ مکُھ بھوا کے دے جائے پِٹھ، تِس ٹھؤر کوئے نہ پائیا۔ ایتھے اوتھے ملِے نہ کوئی سُکھ، سانتک سَت نہ کوئے کرائیا۔ جننی سفل نہ ہووے کُکھ، دس دس ماس پندھ نہ کوئے چُکائیا۔ جو گُرسِکھ سَتگُر پیار پربھ سرن پریِتی گئے جھُک، سیِس جگدیس بھیٹ چڑھائیا۔ اوہناں پیَنڈا جائے مُک، رائے دھرم نہ دئے سزائیا۔ جوتی جوت سروُپ ہرِ، آپ اپنی کِرپا کر، سچ پریم اِک وکھائیا۔ سَتگُر پریم نہ ہوئے وِچھوڑا، وِچھڑ کدے نہ جائیا۔ آد جُگاد بھگت بھگوان دا جوڑا، جُگ چؤکڑی سوبھا پائیا۔ جگت اندر ویکھے اندھ گھورا، چار کُنٹ دہ دِشا کھوج کھوجائیا۔ پاوے سار ٹھگ چوراں، لُکیا کوئے رہن نہ پائیا۔ پشوُ پنکھی چارے کھانی ویکھے ڈھورا، جوتی جوت سروُپ ہرِ، آپ اپنی کِرپا کر، مِہربان بھیوَ کھُلائیا۔ سَتگُر پریم گُرمکُھ وِرلے جاتا، جِس اپنی بوُجھ بُجھائیا۔ بِن پڑھیاں ہویا گیاتا، چؤداں وِدیا چرناں ہیٹھ دبائیا۔ سَت سَتوادی برہم برہمادی آتم انادی جُڑیا ناتا، بِدھاتا اپنے رنگ رنگائیا۔ اُتم ہوئی جگت ذاتا، جوتی جوت کرے رُشنائیا۔ ساچا کھیل اگمّ اتھاہ کایا مندر اندر بھاکھا، باہروں کرے نہ کوئے پڑھائیا۔ منزل منزل چُکےواٹا، پؤڑی پؤڑی لئے چڑھائیا۔ جنم کرم دا
پوُرا کرے گھاٹا، پوُرے سَتگُر ہتّھ وڈیائیا۔ آتم سیج سُہنجنی سُہائی کھاٹا، سچ سِنگھاسن سوبھا پائیا۔ امولک امُل اتُل نام پدارتھ دیوے داتا، جوتی جوت سروُپ ہرِ، آپ اپنی کِرپا کر، سَتگُر پریم اِک بندھائیا۔ سَتگُر پریم دُھر دا بندھن، بندگی وِچوں بندنا نظری آئیا۔ جِنہاں اُٹھایا اپنے انگن، ساچی گودی لئے بہائیا۔ سو گُرسِکھ دوُجے دوارے کدے نہ جاون منگن، گداگر نہ روُپ وٹائیا۔ نِج آتم مانن اِک انندن، پرمانند وِچ سمائیا۔ ویکھے کھیل وِچ برہمنڈن، وربھنڈی بھیو اُٹھائیا۔ جوتی جوت سروُپ ہرِ، آپ اپنی کِرپا کر، سچ پریم اِک لگائیا۔ سَتگُر پریم جِنہاں لگّا، لگ ماتر نظر کوئے نہ آئیا۔ سَت خُماری اندر پِھرے بھجّا، منزل اپنی پندھ مُکائیا۔ جگت واسنا ہوئے نہ گندہ، کوُڑی کِریا نہ کوئے کُڑمائیا۔ سیِتل دھار سدا ٹھنڈا، اگنی تت نہ کوئے تپائیا۔ انتر آتم ہووے نہ رنڈا، کنت سُہاگی اِک ہنڈھائیا۔ جوتی جوت سروُپ ہرِ، آپ اپنی کِرپا کر، پریم اندر پریم جنائیا۔ سَتگُر پریم ڈوُنگھا ساگر، جگت نئیا نؤکا ہتّھ کِسے نہ آئیا۔ جن بھگتاں دیوے دو جہان آدر، آدرش اپنا اِک وکھائیا۔ کرتا پُرکھ کریم قادر، قُدرت داتا بےپرواہیِا۔ نِت نوِت سدا سدا سد جن بھگتاں اَگے حاضر، حضوُر حضرت اپنا روُپ وٹائیا۔ جودھا سوُربیِر بن بہادر، کوُڑی کِریا من واسنا پرے دیوے ہٹائیا۔ نِرمل کرم کرے اُجاگر، جو سَتگُر پیار بنے سؤداگر، گھر مندر ہٹّ وکھائیا۔ جوتی جوت سروُپ ہرِ، آپ اپنی کِرپا کر، پریم اندر ڈوری تند اِک جنائیا۔ پریم اندر سَتگُر متا، من مت سمجھ کوئے نہ پائیا۔ پریم اندر سَتگُر رتّا، رتی رتّ رنگ نہ کوئے رنگائیا۔ پریم اندر سَتگُر وسا، گھر گھر وِچ ڈیرہ لائیا۔ پریم اندر سَتگُر نٹھا، بھجّ بھجّ نؤ دوارے پندھ چُکائیا۔ پریم اندر سَتگُر سَت پُرکھ نِرنجن سدا سمرتھا، سمرتھ اپنی کار کمائیا۔ پریم اندر نِج نیتر جن بھگتاں کھولے اکھّا، آخر اپنا میل مِلائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ کرے پریم جوت نِرنکاری، نِرگُن ہتّھ وڈیائیا۔ سرگُن سَت شبد پیاری، پریم پریِتی اِک بنائیا۔ گُرمکُھاں گُرسِکھاں جن بھگتاں ساچے سنتاں رنگ رہیا چاڑھی، دو جہاناں اُتر کدے نہ جائیا۔ چار کُنٹ دہ دِشا ویکھے وِگسےوارو واری، نیتر نَین اکھّ نظر کِسے نہ آئیا۔ پریم وِچوں پریم کرے شِنگاری، تن جوبن دیوے مان وڈیائیا۔ سَتگُر پریم پُچھو کولوں لال درباری، جِس گرِہ دربار لیا لگائیا۔ ایہہ فیِل ہاتھیاں نالوں اُچی حماری، جِس اُپر بَیٹھا آسن لائیا۔ ترنتِے جُگ دی پِچھلی یاری، یارانہ بُھل کدے نہ جائیا۔ انگد تیری انگ لگّن دی آئی واری، بِن سَتگُر پوُرے وارتا پِچھلی نہ کِسے سمجھائیا۔ جوتی جوت
سروُپ ہرِ، آپ اپنی کِرپا کر، سچ پریِتی رہیا وکھائیا۔ سچ پریِتی مِلیا پِر، پیِر پَیغمبر اِک اکھوائیندا۔ جِس دا لیکھا لہنا گِر، گہر گَور آپے کھوج کھوجائیندا۔ جِس دی جگ نیتر تکّ سکے نہ کوئی تصویِر، مُصوّر تصوّر نہ کوئے کرائیندا۔ جو منزل چوٹی چڑھ کے بَیٹھا اَخیِر، مقامے حق سوبھا پائیندا۔ جوتی جوت سروُپ ہرِ، آپ اپنی کِرپا کر، دُھر دا پریم اِک بنائیندا۔ دُھر دا پریم کرے گُر پوُرا، سَتگُر پوُرے ہتّھ وڈیائیا۔ جِس دا لیکھ نہ ہووے ادھوُرا، کوُڑا نیہوں نہ کدے لگائیا۔ چتُر سُگھڑ بنائے موُرکھ موُڑھا، غریِب نِمانے کوجھے کملے گود اُٹھائیا۔ داتا بن کے جودھا سوُرا، کوُڑی کِریا پرے ہٹائیا۔ نام خُماری کر مخموُرا، مُشکل اگلی حل کرائیا۔ حاضر ہو کے سچ حضوُرا، حاضری اپنی لئے لگائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ درباری لال پریم اپار، سَتگُر سَت سَت جنائیا۔ جِس نوُں ترسدے سدا سدا جُگ چار، نِت نوِت دھیان لگائیا۔ جِس دا راہ تکّن کروڑ تیتیِسا نَین اُگھاڑ، سُرپت اِند سنگ مِلائیا۔ جِس نوُں وِشن برہما شِو کرن پُکار، اُچی کوُک کوُک سُنائیا۔ جِس نوُں گُر اوتاراں پیِر پَیغمبراں منّیا پُرکھ اکال، اکل کل دھاری وڈ وڈیائیا۔ جو نِت نوِت دو جہاناں دیِن دَیال، دیِن دُنی اپنی جھولی پائیا۔ جِس دے ہتّھ کال مہاکال، رائے دھرم بَیٹھا سیِس جھُکائیا۔ سو صاحِب سَتگُر کھیل کرے کمال، جِس کمالا کبیِر جُلاہا دِتی مان وڈیائیا۔ سو سچ سَت بنائے سچّی دھرمسال، جِس گرِہ اپنا چرن ٹِکائیا۔ تریتا جُگ دی پریِتی رہیا پال، پرِتپالک بُھل کدے نہ جائیا۔ ایہو شبد انوکھی جگت مثال، جِس دی مِسل نہ کِسے بنائیا۔ شاستراں وِچوں نہ ملِے احوال، ویداں وِچوں نہ کوئے دسائیا۔ گیاناں وِچوں نہ کوئے گیان، دھیاناں وِچوں نہ کوئے دھیان، قرآناں وِچوں نہ کوئے اِیمان، اِیماناں وِچوں نہ کوئے پرگٹائیا۔ پرم پُرکھ پرماتم آتم جُگ جُگ وِچھڑیاں میلے آن، وِچھوڑا پِچھلا پندھ مُکائیا۔ ایہو جِہا لبھیاں کِسے نہ ملِے بھگوان، جو گھر بَیٹھیاں رہیا ترائیا۔ کوٹن کوٹ تیِرتھ تٹاّں گنگا گوداوری جمنا سُرستی کردے دان، جگت اشنان تاریاں لائیا۔ رسنا جِہوا بتّی دند صِفت صلاحِی گاؤندے گان، اکھّراں نال اکھّر میل مِلائیا۔ بِن سَتگُر پریِتی کِسے نہ مِلیا ساچا تھان، سچکھنڈ سوبھا کوئے نہ پائیا۔ تن ماٹی خاکی خاک رہے چھان، جِنہاں بُھلیا بےپرواہیِا۔ نہ صِدق نہ کوئے اِیمان، صبر صبوُری سنگ نہ کوئے رکھائیا۔ اِکو ناتا جُڑیا پیِن کھان، رسنا جِہوا جگت ہلکائیا۔ جِنہاں پریم پریِتی اندر اپنا آپ کیِتا بلیدان، سو جودھا سوُربیِر دو جہان سوبھا پائیا۔ جِنہاں اندر کام شَیطان، لوبھ موہ ہنکار ہوئے ہلکائیا۔ سو سَتگُر سوامی
بِن ہرِ کِرپا سکے نہ کوئے پچھان، نیتر اکھّ درس کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ پریم پریِتی اندر مدھا، آد جُگاد اِکو رنگ سمائیا۔ جن بھگتاں دے ساچا سدّا، گھر ساچے میل مِلائیا۔ مِہربان ہو کے پڑدا کجّا، سِر اپنا ہتّھ ٹِکائیا۔ بھگت جگت کوئی رہے نہ ننگا، اوڈھن اِکو نام جنائیا۔ امرت آتم ساچا نیِر وہائے گنگا، گوداوری سُرستی نال مِلائیا۔ نوُری چند چمکائے چندا، چؤدس چؤداں ویکھ وکھائیا۔ سچ دوار وکھائے ٹھنڈا، چرن کوَل وڈیائیا۔ ناتا توڑ کے جیرج انڈا، اُتبُھج سیتج لہنا رہیا مُکائیا۔ بِنا بندگیؤں پار کر کے بندہ، بندھن سارے رہیا تُڑائیا۔ جو ہرِ سنگت وِچ مِل کے ہویا گندہ، تِس دی گندگی اَگے پِچھےسکے نہ کوئےدھوائیا۔ پُرکھ اکال دیِن دَیال آد جُگاد جُگ چؤکڑی سدا بخشندا، بخشنہار اِک اکھوائیا۔ پریم پریِتی اندر جِنہاں بِن ڈوری تند بدھّا، جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ سَتگُر پریم سچّا حقا، حقیِقت وِچوں نظری آئیا۔ لوڑ چُکائے مدیِنہ مکّہ، مقبریاں لیکھا دئے مُکائیا۔ پروردِگار نوُر اِلاہی سانجھا یار وکھائے اپنی اکھّاں، نِج لوچن اِک کھُلائیا۔ لہنا چُکائے چؤداں طبقاں جگت ہٹّاں، گھر مندر سوبھا پائیا۔ جوتی جوت سروُپ ہرِ، آپ اپنی کِرپا کر، پریم اندر رنگ چڑھائیا۔ جن بھگت کہے پربھ پایا پریم اِک، گھر وجّی نام ودھائیا۔ دِوس رَین لگّی سِک، اٹّھے پہر رہی ستائیا۔ آتما کِتے نہ بہوے ٹِک، من مت بُدھ سمجھ کوئے نہ پائیا۔ جِس میرا لہنا دِتا لِکھ، سو دیونہار ویکھ وکھائیا۔ اوس دے چرن پریِتی بِن قیمتوں جاواں وِک، خاکی ماٹی بھیٹ چڑھائیا۔ اوہ صاحِب نِرالا جوت اکالا سدا پرِتپالا آپے کرے ہِت، ہِتکاری وڈ وڈیائیا۔ دوُر دُراڈا نیرن نیرا گرِہ وسنہارا آتم پرماتم مارے کھِچ، پاربرہم برہم اپنا میل مِلائیا۔ جوتی جوت سروُپ ہرِ، آپ اپنی کِرپا کر، پڑدا چُکائے جو انتر وِچ، وِچوں اپنا آپ پرگٹائیا۔ سَتگُر پریم اندر وڑیا، باہروں نظر کِسے نہ آئیا۔ گُرمکُھ کوئے میرے مندر چڑھیا، پؤڑے پؤڑے قدم ٹِکائیا۔ سچ دوارے جا کے کھڑیا، سوَچھ سروُپی روُپ وٹائیا۔ کر پرکاش بہتّر نڑیا، اگیان اندھیرا دِتا مِٹائیا۔ آتم مِل کے پرماتم ڈھولا اِکو پڑھیا، سوہنگ راگ الائیا۔ جوتی جوت سروُپ ہرِ، آپ اپنی کِرپا کر، پریِتی اپنے نال جُڑائیا۔ سَتگُر پریِتی پریم پیاری، پیاریاں وِچوں نظری آئیا۔ گُرمکُھ کرے وِرلا بن کے ناری، نر نرائن کنت ہنڈھائیا۔ جِس دی تُٹ نہ جائے یاری، آد جُگاد مکُھ نہ کدے بھوائیا۔ سچ محلّ بِٹھائے اٹاری، محفل اپنے نال لگائیا۔ دیِا باتی کملاپاتی نِرگُن جوت کرے اُجیاری، دیِوا باتی نظر کوئے نہ آئیا۔ شاہ پاتشاہ
سچّا سِکداری، تخت نِواسی اِک اکھوائیا۔ جودھا سوُربیِر بلکاری، مرد مردانہ سوبھا پائیا۔ نوُر اِلاہی پروردِگاری، مقامے حق کرے رُشنائیا۔ محبان بیِدوبی خَیر یا االلہ سچ تؤفیِق سچ سرداری، شاہ نواب وڈّی وڈیائیا۔ پیِر پَیغمبر جِس دے قدماں اُتے مستک رکھ منگن دات اپاری، خالی جھولی اَگے ڈاہیِا۔ سو بخشنہارا دیوے پریم پریِتی وڈ سنساری، جگت ریِتی نال مِلائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ سَتگُر پریم جِنہاں جگ لایا، لگّی اگّ بُجھائیا۔ ناتا تُٹا ترےَگُن مایا، رجو سَتو طمعو پوہ نہ سکے رائیا۔ پرم پُرکھ دی مِلی چھایا، بھےَ بھؤ رہن کوئے نہ پائیا۔ گرِہ مندر اپنا اِک سُہایا، گھر ساچے وجےّ ودھائیا۔ نام اگمّی ڈھولا گایا، جوت نوُر دِتا پرگٹائیا۔ جنم مرن دا گیڑ چُکایا، آون جاون رہیا نہ رائیا۔ مات گربھ نہ پھیرا پایا، دس دس ماس نہ اگن تپائیا۔ چِترگُپت نہ لیکھ وکھایا، لاڑی مؤت نہ کوئے کُڑمائیا۔ جیرج انڈج اُتبُھج سیتج نہ کوئے بھوایا، چارے کھانی ناتا گیا تُڑائیا۔ ساچی بانی راگ الایا، پرا پسنتی مدھم بَیکھری نِیوں نِیوں سیِس نِوائیا۔ کاگد قلم نہ لیکھ چُکایا، شاہی نیتر نَیناں نیِر وہائیا۔ سَتگُر پریم اِک سِکھایا، جِس دی سِکھیا دو جہاناں پائیا۔ تیئی اوتاراں مِل کے سنگ نِبھایا، عیسیٰ موُسیٰ محمد جوڑ جُڑائیا۔ نانک گوبِند گنڈھ رکھایا، پلّوُ اپنا اِک پھڑائیا۔ بھگت اٹھاراں رنگ چڑھایا، پریم پریِتی اندر وجّی ودھائیا۔ تکدیاں تکدیاں لوکمات ایہہ ویلا آیا، جِس دی رُتڑی آپ سُہائیا۔ گُر چیلا اِکو گھر بہایا، گھر ساچے خوشی وکھائیا۔ پوُرب جنم دا وِچھڑیا میلا انت مِلایا، مِلنی ہرِ جگدیس کرائیا۔ سجّن سُہیلا بن کے آیا، دوُر دُراڈا پاندھی راہیِا۔ ویلا وقت آپ سُہایا، بِھنڑی رَین خوشی منائیا۔ جوتی جوت سروُپ ہرِ، آپ اپنی کِرپا کر، پریم پیار اِک جنائیا۔ ویکھو پریم پیار پرم پُرکھ دا، پریِتاں وِچوں پریِت لگائیا۔ ناتا جوڑ پیو پُت دا، گُرمکُھ گُر گُر گود بہائیا۔ اپنے نِشانیوں کدے نہ اُکدا، جُگ چؤکڑی شبدی تیِر چلائیا۔ کلجُگ ویکھو پندھ مُکدا، رَین اندھیری پڑدا دئے اُٹھائیا۔ جن بھگتاں مارگ دسےّ سُکھ دا، سُکھ آتم وِچ جنائیا۔ ایہہ کھیل مرد مردانے منُکھ دا، جو منُش دیوت رہیا بنائیا۔ پسوُ پریِت پریم پیار اندر گودی چُکدا، دیونہار وڈیائیا۔ سَتگُر پوُرا کدے نہ رُٹھدا، جُگ جُگ رُسیاں لئے منائیا۔ اپنے مارگ اُتوں رہبر ہو کے کدے نہ اُک دا، بھجّا جاوے واہو داہیِا۔ لکّھ چؤراسی جیِو جنت سادھ سنت پسوُ پنکھی پنچھی آپے پُچھدا، سمُند ساگر جل میِن ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ پریِتی اِک لگائیا۔ سچ پریِتی لاونہارا، ہرِ کرتا
اِک اکھوائیندا۔ جُگ چؤکڑی لےَ اوتارا، سَتجُگ تریتا دواپرکلجُگ آپ ہنڈھائیندا۔ نؤ کھنڈ پرِتھمی ستّ دیِپ ویکھنہارا، برہمنڈاں کھنڈاں کھوج کھوجائیندا۔ پرِتھمی آکاش پاوے سارا، گگن منڈل پڑدا لاہِندا۔ رَو سس سوُرج چند دئے ادھارا، سِر اپنا ہتّھ ٹِکائیندا۔ گُر اوتاراں پیِر پَیغمبراں کلجُگ انتم سُن پُکارا، سَت سَتوادی ویس وٹائیندا۔ کل کلکی لےَ اوتارا، نِرگُن اپنی دھار چلائیندا۔ شبدی ڈنکا وِچ سنسارا، راؤ رنکاں آپ سُنائیندا۔ شاستر سِمرت وید پُران گیِتا گیان انجیل قرآن کھانی بانی وسے باہرا، انبھَو اپنا راہ جنائیندا۔ جوتی جوت سروُپ ہرِ، آپ اپنی کِرپا کر، پریم پیار اندر سرب سمجھائیندا۔ پریم پیار سرب دا سانجھا، ہرِ سَتگُر آپ جنائیا۔ اِس توں کوئی نہ رہے وانجھا، شتّری براہمن شوُدر وَیش ونڈ نہ کوئے ونڈائیا۔ آتم پرماتم سب دا گاندا، گا گا خوشی منائیا۔ من واسنا بھریا بھانڈا، نؤ در کوُڑ ہلکائیا۔ دسم دواری کھیل ٹھانڈا، ہرِ ٹھوکر نال جنائیا۔ پوُرب جنم جو تھکاّ ماندا، تِس پھڑ باہوں لئے اُٹھائیا۔ جوتی جوت سروُپ ہرِ، آپ اپنی کِرپا کر، پریم پیار اِک وکھائیا۔ پریم پیار دئے وکھال، گُر گُر آپ جنائیا۔ سَتگُر ہوئے دَیال، دیِنن لئے ترائیا۔ ترےَگُن مایا توڑ جنجال، جاگرت جوت کرے رُشنائیا۔ آ کے ویکھے مُریِداں حال، مُرشد اپنا پھیرا پائیا۔ لکّھ چؤراسی وِچوں گُرمکُھ بھال، ہرجن اپنے نال جُڑائیا۔ نِرگُن ہو کے بنیا دلال، سرگُن ونج اِک کرائیا۔ جو پوُرب جنم گھالن گئے گھال، تِنہاں لیکھا لہنا رہیا جھولی پائیا۔ حقیِقت جاننہار حلال، ہر گھٹ ویکھے بےپرواہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پیار کہے میَں بالا نِکاّ، نِکیاں وِچوں نظری آئیا۔ پرم پُرکھ اکال اِکو پِتا، پِتا اِکو اِکو میری مائیا۔ جِس میرے مستک اپنا لایا ٹِکاّ، ٹِکٹِکی اپنے نال لگائیا۔ میَں اوس دے کولوں سِکھی اِکو سِکھا، سِکھاں نال مِل کے اپنا جھٹ لنگھائیا۔ لوکمات میَنوُں سچ پریم دا مِلیا حِصّہ، سوہنی وست اپنے وِچ ٹِکائیا۔ جے کوئی میرے پیار دا رسنا گاؤندا رہے قِصّہ، ہِردے ہرِ نہ سکے وسائیا۔ میَں اوہناں کدے نہ دِسا، نیترہیِن دین دُہائیا۔ جوتی جوت سروُپ ہرِ، آپ اپنی کِرپا کر، میرا میلا رہیا مِلائیا۔ گُرمکُھ کہے میَں پیارا پریم، پریمیاں وِچوں نظری آئیا۔ راہ تکّن میرے نَین، لوچن آسا نال ترسائیا۔ اندروں ناد انادی سارے کہن، اُچی کوُک کوُک سُنائیا۔ آتم پاوے وَین، رو رو دئے دُہائیا۔ کَون ویلا میرا ملِے سیَن، سجّن بےپرواہیِا۔ ناتا تُٹے بھائی بھَین، مات پِت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سچ پریم آپ ورتائیا۔ پُرکھ اکال کہے میَنوُں دُھر دا فِکر، فِقریاں وِچ نہ کِسے سمجھائیا۔ جو میری
دھاروں آئے نِکل، انتم اوہناں لَینا مِلائیا۔ دُھر دا پریم بن کے مِتر، ساچا میلا دینا کرائیا۔ آسا منسا پوُری کر کے اِچھت، بِھچھِیا دُھر دی جھولی پائیا۔ ناتا توڑ دوزخ جنّت سَورگ بہِشت، چرن کَول دینی سرنائیا۔ بِن گُر اوتاراں پیِر پَیغمبراں ساچے بھگتاں میرے نال کِسے نہ لایا عِشق، عاشق معشوُق حقیِقی مجازی دوویں نہ گئے تجائیا۔ کر کِرپا جِس نوُں اپنا دِتا اِشٹ، درِشٹ اِک کھُلائیا۔ سو گُرمکُھ ناتا توڑ کے کوُڑی سرِشٹ ، پریم سَتگُر نال پائیا۔ جِنہاں دی باقی جُگ جُگ دی بچت رہ گئی لِکھت، اوہناں دے لیکھے آپ لِکھائیا۔ ایہو سَتگُر پیار دی ساچی مِٹھت، جِس دی رسنا جِہوا سار نہ پائیا۔ گُروُ پیار بدلے کرنی پئے نہ کِسے دی مِنّت، جھولی اَگے کِسے نہ ڈاہیِا۔ جو سَتگُر سرنی لّگ کے کرے نہ عِلّت، تِس کوجھے کملے پار کرائیا۔ بِن سَتگُر کِرپا پنج تت کایا ماٹی کِسے نہ مِلدا خِلعت، سِر ہتّھ نہ کوئے رکھائیا۔ انت خواری دُنیاداری ذِلّت، زیبوزینت نظر کوئے نہ آئیا۔ پریم پیار پربھوُ دی مِلّت، مِل مِل بھگتاں خوشی منائیا۔ جوتی جوت سروُپ ہرِ، آپ اپنی کِرپا کر، سچّا پریم سرب سمجھائیا۔ ساچا پریم سُنو چار ورن، شتّری براہمن شوُدر وَیش آپ دِرڑائیندا۔ نِج نیتر کھولو ہرن پھرن، جِس دے وِچوں سَتگُر نظری آئیندا۔ درشن پاؤ دھرنی دھرن، تارنہارا دَیا کمائیندا۔ لیکھا چُکاؤ مرن ڈرن، آون جاون پندھ مُکائیندا۔ سِکھیا سِکھو ساچے پؤڑے چڑھن، کایا مندر اندر اِک درسائیندا۔ لیکھا مکُے ورن برن، ذات پات نہ کوئے سمجھائیندا۔ پرم پُرکھ دی ساچی سرن، سرنگت اِک رکھائیندا۔ آتم پرماتم جگ جیِو جہان ڈھولا پڑھن، دُھر دا راگ اِک سُنائیندا۔ درگاہ ساچی سچ دوارے سنت سُہیلے وڑن، اَدھوِچکارنہ کوئے اٹکائیندا۔ پریم پیار پریِتی اندر جو سَتگُر سرنائی پڑن، تِنہاں مستک ٹِکاّ نام نِدھان اِک لگائیندا۔ جوتی جوت سروُپ ہرِ، آپ اپنی کِرپا کر، سچ پریم اِک بنائیندا۔ سچ پریم بنیا درباری لال، لالاں وِچوں لال نظری آئیا۔ جِس دا نِرگُن بن دلال، سرگُن جوڑ جُڑائیا۔ پوُرب حل ہویا سوال، اَگے لیکھا چُکیا قلم شاہیِا۔ ساچی گودی لئے اُٹھال سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ ہرجن وڈیائی مانَس جنم، کلجُگ وجےّ سچ ودھائیا۔ نِہکرمی لیکھے لائے تیرا کرم، کرم کانڈ ڈیرہ ڈھاہیِا۔ دُھر سرنائی ہرِ دی سرن، سرنگت اِک جنائیا۔ کوُڑی کِریا کُڑاوے پاپ جھڑن، دُرمت مَیل رہے نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر جن لال رنگیلے، رنگ رتّا آپ چڑھائیندا۔ پربھوُ مِلن دے سچ وسیلے، وصل اپنا اِک کرائیندا۔ لیکھا چُکیا جگت
تحصیلے، سچ عدالت عدل کمائیندا۔ لبھنا پئے نہ کوئے وکیلے، وُکلا سنگ نہ کوئے رکھائیندا۔ اَگے کرنی نہ پئے اپیلے، اپرمپر سوامی انتریامی سیو کمائیندا۔ جو وسدا اَمبر اُپر نیلے، نیلے والا جوڑ جُڑائیندا۔ جِس نوُں سمجھ نہ سکے کوئی دلیلے، سوچ سوچ نہ کوئے رکھائیندا۔ سو گُرمکُھ گُرسِکھ ہرجن ساچے سچ نگینے، تخت نِواسی اپنے تاج ٹِکائیندا۔ جیہڑا پروردِگار مِلیا نہ مکّے مدینے، مددگار ہو کے پھیرا پائیندا۔ ساچے اسوَ کس کے زینے، شاہ سوارا ویس وٹائیندا۔ دو جہاناں کر ادھینے، اعلیٰ ادنیٰ بھیو چُکائیندا۔ جوتی جوت سروُپ ہرِ، آپ اپنی کِرپا کر، پریم پیار اندر ویکھ وکھائیندا۔ ویکھے اندر پریم اتھاہ، دیِن دُنی سمجھ نہ آئیا۔ رہبر بن کے اِک خُدا، خودی تکّبری رہیا مِٹائیا۔ جو آتم نالوں ہویا جُدا، جُز اپنا ونڈ ونڈائیا۔ سو صاحِب مِہربان، محبوُب پھیرا پائیا۔ کوئی سمجھ نہ سکے اِنسان، حَیوان بھیوَ نہ رائیا۔ گُر اوتار پیِر پَیغمبر جِس دا لاؤندے گئے انُمان، بھوِکھت ڈھولے راگ الائیا۔ سو نِرگُن نِرویَر نِراکار اجوُنی رہت بھگوان، جن بھگتاں ہوئے سہائیا۔ گُرمکُھو گُرسِکھو پریم پریِتی بِن منگیا دیوے دان، ٹھانڈی سیِتی جھولی پائیا۔ شبد سوامی دُھر دا کاہن، گھنئیا بنسری نام وجائیا۔ سیِتا سُرتی سئیا مئیا کرے پرنام، بندھن اِکو اِک وکھائیندا۔ چار ورن اٹھاراں برن لبھیا نہ وِچ جہان، چار کُنٹ دہ دِشا نؤ کھنڈ ستّ دیِپ آپ سمجھائیندا۔ سَتگُر پیار سچّا اِیمان، گُرمکُھ گُرسِکھ ہرجن ہربھگت ساچے سنت جُگ جُگ جگت کرن جہان، جِنہاں دھیان اپنے نال مِلائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت سروُپی ہو مِہربان، شبد سروُپی اپنا راہ وکھائیندا۔
۶ بھادروں ۲۰۲۱ بِکرمی اجمیر سِنگھ دے گرِہ پِنڈ گھگرانا
جس نوُں کہن گُروُ مہاراج، آد جُگاد جُگ چؤکڑی سوبھا پائیندا۔ جِس دا دو جہاناں سچّا راج، شاہ پاتشاہ بھوُپت بھوُپ اِک اکھوائیندا۔ جِس دا اگمّ اتھاہ ڈوُنگھا راز، بھیوَ ابھید نہ کوئے کھُلائیندا۔ جِس دے گھر گُر اوتار پیِر پَیغمبر سرب مُحتاج، وست امولک اِک ورتائیندا۔ جِس دے سیِس سَت سَتوادی سچّا تاج، تخت نِواسی نام رکھائیندا۔ جِس دا لکّھ چؤراسی گھٹ گھٹ اندر واس، برہمنڈ کھنڈ پُری لوء اپنی کار کمائیندا۔ سو سَتگُر صاحِب سچ دوار کرے نِواس، جِس دا چھپّر چھن نہ کوئے چُھہائیندا۔ سوُرج چند نہ کوئے پرکاش، منڈل
منڈپ نظر کوئے نہ آئیندا۔ لیکھا دِسے نہ پرِتھمی آکاش، گگن گگننتر نہ سوبھا پائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کھُلائیندا۔ جِس نوُں کہن گُروُ مہاراج، سچکھنڈ نِواسی بےپرواہیِا۔ جِس دی سچ سَت امولک دات، نِت نوِت رہیا ورتائیا۔ جِس دی بودھ اگادھ گاتھ، شاستر سِمرت وید پُران رہے جس گائیا۔ جِس دا کھیل الکھّنا لاکھ، الکھ اگوچر وڈّی وڈیائیا۔ جِس دا سچ دوارے سچ نِواس، محل اٹل چار دیوار نہ کوئے بنائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ سچ مہاراج پُرکھ اکال، اکل کل دھاری اِک اکھوائیندا۔ سچکھنڈ نِواسی دیِن دَیال، دَیا نِدھ ٹھاکر اپنی دَیا کمائیندا۔ سُت دُلارا جننی جن بن کے جنے لال، پوُت سپوُتا آپ پرگٹائیندا۔ ساچا بخش اِک سَتھان، بھوُمکا دُھر دی آپ سمجھائیندا۔ تھِر گھر کھول در مکان، مِہربان محبان اپنا پڑدا لاہِندا۔ شبد گُروُ کر بلوان سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیندا۔ سُت دُلارا شبدی گُر، پرم پُرکھ آپ پرگٹائیا۔ نِرگُن دھار جوتی جُڑ، میل مِلاوا اپنے نال رکھائیا۔ سَت سَتوادی اپنی پوُری کرے لوڑ، جوڑا دُھر دا دئے جنائیا۔ جوتی جوت سروُپ ہرِ، آپ اپنی کِرپا کر، گُر سَتگُر ایکا دئے جنائیا۔ سچ مہاراج سچّا شہنشاہ، پُرکھ ابناشی اِک اکھوائیندا۔ تخت نِواسی بےپرواہ، بےانت اپنی کار کمائیندا۔ شبد اگمّی ایکا جگہ، سچ دوار اِک وسائیندا۔ چرن کَول دئے ٹِکا، تھِر گھر رکھ ناؤں آپ سمجھائیندا۔ سچ وسیرا آپ کرا، نیرن نیرا در سُہائیندا۔ جوتی جوت سروُپ ہرِ، آپ اپنی کِرپا کر، سچ محلّ اِک وڈیائیندا۔ شبدی گُر پربھ چرن نِواس، تھِر گھر ملِے مان وڈیائیا۔ سو پُرکھ نِرنجن کھیل تماش، ہرِ پُرکھ نِرنجن ویکھ وکھائیا۔ ایکنکار دیوے دات، آد نِرنجن خوشی منائیا۔ ابناشی کرتا کرکے واس، سِری بھگوان پردہ دئے اُٹھائیا۔ پاربرہم پت پرمیشور سرب گُنتاس، نِرگُن نِرویَر نوُر خُدائیا۔ جوتی جوت سروُپ ہرِ، آپ اپنی کِرپا کر، سچ دوارا اِک درسائیا۔ شبد گُر سچ دوار، تھِر گھر مندر اِک بنائیا۔ دیِا باتی کملاپاتی کر اُجیار، جوتی جوت کرے رُشنائیا۔ دِوس راتی نہ کوئے وِہار، گھڑی پل نہ ونڈ ونڈائیا۔ رُتی رُت نہ کوئی تھِت وار، جوتی جوت سروُپ ہرِ، آپ اپنی کِرپا کر، سچ گھر اِک وسائیا۔ شبدی گُر گھر اگمّ، جگ نیتر نظر کِسے نہ آئیا۔ نہ مرے نہ پئے جمّ، جیِون جُگت نہ کوئے وڈیائیا۔ آد جُگاد جُگ چؤکڑی نِت نوِت سَت سَتوادی برہم برہمادی شبد انادی کرے اپنا کمّ، ہرِ کرتا ساچی کار لگائیا۔ جوتی جوت سروُپ ہرِ، آپ اپنی کِرپا کر، سچ نِواس اِک وکھائیا۔ سچ
نِواس پُرکھ اکال سرن، پُرکھوتم دیونہار وڈیائیا۔ نیتر کھول اپنا ہرن پھرن، نِج نَین کرے رُشنائیا۔ منزل پؤڑے اِکو چڑھن، پاندھی پندھ نہ کوئے وڈیائیا۔ دُھر دا ڈھولا سوہلا اِکو پڑھن، بِن اکھّراں راگ الائیا۔ سُت دُلارے ساچے وڑن، محل اٹل اُچ منار وجےّ ودھائیا۔ جوتی جوت سروُپ ہرِ، آپ اپنی کِرپا کر، وکھاونہارا سچ گھر، گُر مندر اِک سمجھائیا۔ گُر شبد کہے میرا سچ ٹِکانا، سَت پُرکھ نِرنجن آپ بنائیا۔ جِس نوُں سمجھ نہ سکے کوئی چتُر سُگھڑ سیانا، من مت بُدھ بھیوَ نہ رائیا۔ پُج نہ سکے بِبانا، پؤن اُننجا سیِس جھُکائیا۔ مان نہ رہے کوئی رانا، راج راجان شاہ سُلطان دین دُہائیا۔ کِرپا کر بخشش کرے سِری بھگوانا، بھگوَن اپنی دَیا کمائیا۔ محل اٹل اِک سُہانا، سچ دوار کری رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ گرِہ گھر سَت نِواس، آپ کرائے پُرکھ ابناش، ابناشی کرتا وڈ وڈیائیا۔ نِہکلنک ہرِ نِرنکار، نِرگُن وڈّا وڈ وڈیائیا۔ جوتی جاتا جوت اُجیار، روُپ رنگ ریکھ سمجھ کوئے نہ پائیا۔ شبدی ڈنک وِچ سنسار، وڈ سنساری آپ وجائیا۔ نانک گوبِند بن لِکھار، واک بھوِکھت گئے سمجھائیا۔ وید ویاسا کر پُکار، اُچی کوُک کوُک الائیا۔ عیسیٰ واجاں گیا مار، میرا پِتا بھجّا آوے واہو داہیِا۔ محمد نَین رہیا اُٹھال، چؤداں طبقاں پرے دھیان لگائیا۔ پروردِگار سانجھا یار، جلوہ نوُر کرے رُشنائیا۔ شاستر سِمرت وید پُران رہے پُکار، کھانی بانی رہی سمجھائیا۔ کاغذ قلم شاہی گئے ہار، کاتب بن بن اپنی قلم چلائیا۔ سَتگُر شبد نِہکلنک نِرویَر کلکی اوتار، جِس نوُں جنمے کوئی نہ مائیا۔ پوُت سپوُتا براہمن گؤڑا پنڈت پاندھا مُلّا شیخ مسائک سمجھ نہ پائے کوئی جیِو وِچ سنسار، جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ نِہکلنک ہرِ کا روُپ، ہرِ جوُ آپ اکھوائیندا۔ جِس دا ڈنکا چار کوُٹ، دہ دِشا حُکم سُنائیندا۔ لیکھ چُکائے جوُٹھ جھوُٹھ، مایا ممتا موہ مِٹائیندا۔ دئے وڈیائی کایا پنج تت بھوُت، بھوِکھت اپنا ویکھ وکھائیندا۔ وسنہارا محل اٹل اِک عروُج، عرش فرش چرناں ہیٹھ دبائیندا۔ بھیوَ کھُلائے اپنا دوُج، جن بھگتاں پڑدا لاہِندا۔ جوتی جوت سروُپ ہرِ، آپ اپنی کِرپا کر، کل کلکی ویس وٹائیندا۔ کل کلکی جوت اُجالا، نِرویَر وڈّی وڈیائیا۔ دو جہاناں بن رکھوالا، زمیں اسماناں ویکھ وکھائیا۔ برہمنڈ کھنڈ پُری لوء ویکھے ہالہ، لکّھ چؤراسی کھوجے تھاؤں تھائنیا۔ کلجُگ کوُڑی کِریا ترےَگُن ویکھے جگت جنجالا، پنج تت اپ تیج وائے پرِتھمی آکاش پڑدا رہیا اُٹھائیا۔ سَت دھرم دی سچ سچّی دھرمسالا، سچکھنڈ نِواسی پُرکھ ابناشی اِکو اِک جنائیا۔ جوتی جوت سروُپ ہرِ،
آپ اپنی کِرپا کر، کل کلکی دئے وڈیائیا۔ کل کلکی نِہکلنک ایک، آد پُرکھ نظری آئیا۔ گُر اوتار پیِر پَیغمبر جِس دی رکھدے ٹیک، بھگت بھگوان اوٹ رکھائیا۔ ہر گھٹ انتر جو رہیا ویکھ، انبھَو اپنا کھیل رچائیا۔ سمبل وسنہارا ساچے دیس، ساڈھے تِنّ ہتّھ سوبھا پائیا۔ جِس نوُں لبھدے وِشن برہما شِو گنیش، کروڑ تیتیِسا ہتّھ کِسے نہ آئیا۔ سو صاحِب سوامی انتریامی جوتی جاتا پُرکھ بِدھاتا نِرگُن سرگُن کر کے بھیس، ویس اولّڑا اِک وٹائیا۔ دُھر سندیشہ نر نریشا سَتجُگ سَت سَت دیوے سندیش، بودھ اگادھ کرے پڑھائیا۔ جن بھگتاں گُرمکُھاں گُرسِکھاں ساچے سنتاں کایا مندر اندر وڑ کے ساچے پؤڑے چڑھ کے دسےّ بھید، بجر کپاٹی پڑدا پرے ہٹائیا۔ سو انتر آتم پرماتم لَین پیکھ، نِج نیتر خوشی منائیا۔ جوتی جوت سروُپ ہرِ، آپ اپنی کِرپا کر، وسنہارا نِہکلنک اِکو ایک، ایکنکار اکھوائیا۔ پنج تت نر نِہکلنک، تتو تت نہ کوئے وڈیائیا۔ پُرکھ اکال جِس دا دو جہان ساچا ڈنک، شبدی شبد راگ الائیا۔ سو صاحِب دَیال ہو کے ساڈھے تِنّ ہتّھ سُہائے بنک، بنک دواری سوبھا پائیا۔ جِس نوُں انکڑیاں وِچ کرے نہ کوئی انک، بیِس بیِسا ہرِ جگدیِشا شاہ پاتشاہ اِک اکھوائیا۔ چار ورن اٹھاراں برن شتّری براہمن شوُدر وَیش دسےّ سچ حدیِثا نام منتر قلماں سَت، ساچی سِکھیا اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک بےپرواہیِا۔ نِہکلنک سِری بھگوان، جن بھگتاں دَیا کمائیندا۔ جُگ چؤکڑی دیوے دان، سَتجُگ تریتا دواپرکلجُگ ویکھ وکھائیندا۔ لکّھ چؤراسی جیِو جنت سادھ سنت آتم پرماتم بن کے ساچا کاہن، نام بنسری اِک سُنائیندا۔ لَواں پُریاں برہمنڈاں کھنڈاں مار دھیان، جیرج انڈاں کھوج کھوجائیندا۔ جودھا سوُربیِر بن بلوان، نؤجوان اپنا حُکم ورتائیندا۔ کھڑگ کھنڈا تیِر کمان، شستر بستر اِک نِشان، شبدی دھار دھار دھار وِچوں پرگٹائیندا۔ جِسدا گُر اوتار پیِر پَیغمبر رسنا جِہوا بتّی دند دے کے گئے بیان، کاغذ قلم شاہی ونڈ ونڈائیندا۔ سو صاحِب سوامی پُرکھ نِرنجن دُھر دا داتا سِری بھگوان، نِہکلنک کل کلکی اِک اکھوائیندا۔