کتب خانہGranth 17 (Shahmukhi)

۱۰-۹ بھادروں ۲۰۲۱ بِکرمی رتن سِنگھ دِلّی، کرتار سِنگھ شکوُر بستی دِلّی

ستگُر پوُرا سد کرے مِہر، مِہربان دَیا کمائیندا۔ گُرسِکھ گُرمکُھ ہرجن ہرسنت سَت دوارے لیائے گھیر، کوُڑی کِریا وِچوں کڈھائیندا۔ من کا منکا دیوے پھیر، منسا ممتا موہ چُکائیندا۔ دُئی دوَیتی جڑ دیوے اُکھیڑ، ہؤمے ہنگتا روگ گوائیندا۔ دوُر دُراڈا نظری آئے نیرن نیر، گھر پاندھی پندھ مُکائیندا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی مِہر اپنی آپ کمائیندا۔ مِہر کرے ہرِ بھگوَنت، بھگوَن وڈ وڈیائیا۔ مِہر اندر کھیل اننت، اکل کل دھاری روُپ وٹائیا۔ مِہر اندر مہما اگنت، سچکھنڈ ساچے سوبھا پائیا۔ مِہر اندر بنائے بنت، بِن نار کنت شبدی سُت اُپجائیا۔ جوتی جوت سروُپ ہرِ، آپ اپنی کِرپا کر، مِہربان اِک اکھوائیا۔ مِہربان سِری بھگوان، ہرِ محُبّت آپ جنائیا۔ مِہر اندر دے کے دان، نِرگُن جھولی سچ بھرائیا۔ مِہر اندر دیِا باتی کملاپاتی جگائے مہان، نوُرو نوُر کرے رُشنائیا۔ مِہر اندر سچکھنڈ نِواسی تھِر گھر کرے پروان، آپ اپنی کھیل کھِلائیا۔ مِہر اندر شبدی دھارا وِشن برہما شِو دیوے دان، داتا دانی وڈ وڈیائیا۔ جوتی جوت سروُپ ہرِ، آپ اپنی کِرپا کر، مِہر اِکو اِک رکھائیا۔ مِہر اندر گہر گمبھیِر، ہرِ کرتا کھیل کرائیندا۔ مِہر اندر بےنظیِر، پروردِگار اپنا حُکم ورتائیندا۔ مِہر اندر کھیل کرے اَخیِر، آخر اپنا حُکم ورتائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ جنائیندا۔ مِہر اندر ترےَگُن مایا، پنج تت دئے وڈیائیا۔ مِہر اندر نِرگُن سرگُن کھیل رچایا، تتو تت نال جُڑائیا۔ مِہر اندر انڈج جیرج اُتبُھج سیتج رچن رچایا، چارے کھانی بنت بنائیا۔ مِہر اندر شبد انادی ڈھولا گایا، پرا پسنتی مدھم بَیکھری راگ الائیا۔ مِہر اندر برہمنڈ کھنڈ مان جنایا، پُری لوء آکاش پاتال رَو سس سوُرج چند سِر اپنا ہتّھ رکھائیا۔ مِہر اندر آتم برہم گھر گھر ٹِکایا، مندر ساچے آپ بہائیا۔ مِہر اندر جُگ چؤکڑی ویس وٹایا، اچھل چھل دھاری اپنی کار کمائیا۔ مِہر اندر گُر اوتار پیِر پَیغمبر سندیشہ نام سُنایا، دُھر دا ڈھولا سوہلا واک اِک سُنائیا۔ مِہر اندر بھگت بھگوان لئے جگایا، جاگرت جوت کرے رُشنائیا۔ مِہر اندر سنت سُہیلے سنگ رلایا، سگلا سنگ نِبھائیا۔ مِہر اندر گُرمکُھ گُر گُر گود بٹھایا، انگن اِکو اِک جنائیا۔ مِہر اندر گُرسِکھ ٹھانڈا در ایک جنایا، پڑدا اوہلا آپ اُٹھائیا۔ مِہر اندر محبان بیِدومحُبّت اپنے نال پرگٹایا، جوتی جوت سروُپ ہرِ، آپ اپنی کِرپا کر، مِہربان سچّا شہنشاہیِا۔ مِہر اندر جُگ چؤکڑی چار، نِت نوِت ویکھ وکھائیا۔ مِہر اندر کھیل

سرب سنسار، وڈ سنساری آپ کرائیا۔ مِہر اندر کھانی بانی بول جَیکار، بودھ اگادھ کرے پڑھائیا۔ مِہر اندر کرے کھیل آپ نِرنکار، نِرگُن نِرویَر نِراکار ساچی کار کمائیا۔ رچنا رچ ویکھے وِگسےویکھنہار، شاہ پاتشاہ سچّا شہنشاہیِا۔ مِہر اندر کرے بِن نظراں نظر نِہال، بھیوَ ابھیدا آپ کھُلائیا۔ جوتی جوت سروُپ ہرِ، آپ اپنی کِرپا کر، لیکھا جانے سرب تھائنیا۔ مِہر بِنا کاہدی کوئے ندر، ندری نظر نِہالیا۔ بِنا مِہر کِسے دی قیمت نہ کوئے قدر، قُدرت تار نہ اندر دھرا لیا۔ بِنا مِہر پوُری ہووے نہ سدھر، اکھّ نال پرتکھ روُپ درس کِسے نہ پا لیا۔ بِنا مِہر ناتا تُٹے نہ جگت غدر، کوُڑی کِریا ہؤمے ہنگتا روگ گوا لیا۔ جِنہاں اُتے سَتگُر پوُرے کیِتی مِہر، اِنہاں دے اَگے پِچھےندر، سیوک داسی روُپ وٹا لیا۔ ایہہ اُچی سچّی سُچی منزل، پُرکھ ابناشی کھیل رچا لیا۔ جِنہاں اکھّراں نال ڈھولے گائے غزل، کلمہ نبی رسوُل الف یے سمجھا لیا۔ جوتی جوت سروُپ ہرِ، آپ اپنی کِرپا کر، مِہربان بےپرواہ بےپرواہی وِچ سما لیا۔ مِہر کہے میری ندر داسی، داسیاں وِچوں نظری آئیا۔ ندر کہے میرا شہنشاہ شاہو شاباسی، شاہ پاتشاہ اِک اکھوائیا۔ جیہڑا جُگ چؤکڑی میَنوُں بخشے داتی، اپنی مِہر میرے نال مِلائیا۔ بِن مِہر میَں کِسے دی بنی نہ کدے ساتھی، سنگی ہو کے سنگ نہ کوئے جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دو جہاناں داتا بےپرواہیِا۔ ندر کہے مِہر تُوں میری، میریاں وِچوں نظری آئیا۔ میَں اوس صاحِب دی چیری، جِس تیری بنت بنائیا۔ جِس دی آد جُگاد جُگ چؤکڑی لکّھ چؤراسی گیڑی، گیڑا اپنا ہتّھ رکھائیا۔ نِت نوِت پاونہارا پھیری، چار کُنٹ دہ دِشا برہمنڈ کھنڈ آوے جاوے واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر ندر اِک دوُجے نال ناتا دئے جُڑائیا۔ مِہر کہے سُن ندر بھَین، ہؤلی جیہی سمجھائیا۔ تیَنوُں سندیسہ دسّاں ساچے صاحِب سیَن، جو دُھر دا رہیا جنائیا۔ بِن اوس دی کِرپا تیرا کوئی نہ بنے دینا دین، جگت ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، مِہر ندر ندر مِہر اَگے پِچھےپِچھےاَگے دوہاں اپنے نال رلائیا۔ پہلوں سمجھو ساچا مرد، مرد مردانہ دئے جنائیا۔ جِس دا کھیل سدا اسچرج، جُگ چؤکڑی سمجھ کِسے نہ آئیا۔ نِت نوِت کھیلے کھیل عرش فرش، دو جہاناں پھیرا پائیا۔ گُر اوتاراں پیِر پَیغمبراں اپنے کول رکھے فرد، فرمانبردار اپنے حُکم چلائیا۔ سَتجُگ تریتا دواپرکلجُگ کِسے دا ہون نہ دیوے حرج، ہرجانے سب دے لیکھے لائیا۔ جیِواں جنتاں سادھاں سنتاں جِس نے لاہُنا قرض، مقروُض اِکو اِک اکھوائیا۔ جِس بےدردی نوُں سب دا

درد، در دیِوانہ روُپ وٹائیا۔ جوتی جوت سروُپ ہرِ، آپ اپنی کِرپا کر، کرے کھیل اگمّ اتھاہیِا۔ ساچا مرد پُرکھ اکال، اکل کل دھاری اِک اکھوائیندا۔ جِس دا سوہنا سُہنجنا لال، گوبِند روُپ نظری آئیندا۔ جِس دا دو جہاناں ایتھے اوتھے وجےّ تال، چھتّی راگ سمجھ نہ پائیندا۔ جِس دے حُکم اندر کال مہاکال، برہمنڈ کھنڈ نِیوں نِیوں سیِس جھُکائیندا۔ جِس دا بودھ اگادھ شبد اگمّی گان، آتم پرماتم بھیوَ ابھیدا آپ کھُلائیندا۔ جِس دا لہنا دینا حُکم زمیں اسمان، رَو سس سوُرج چند نِیوں نِیوں سیِس جھُکائیندا۔ جِس دا وِشن برہما شِو کرن دھیان، کروڑ تیتیِسا سنگ مِلائیندا۔ جِس دا عیسیٰ موُسیٰ محمد منن سچ مقام، مقامے حق لاشریِک سوبھا پائیندا۔ جِس دا کھیل چؤداں طبق چؤداں لوک چؤداں وِدیا کرے حیَران، چؤدس چند مکُھ شرمائیندا۔ سو جودھا سوُربیِر بلوان، بلدھاری آپ پرگٹائیندا۔ جِس دا چِلّہ ترکش انوکھا تیِر کمان، شمشیِر اپنی آپ پرگٹائیندا۔ جِس دا کھنڈا نظر نہ آئے وِچ جہان، لوہارترکھان نہ کوئے گھڑائیندا۔ جِس دا شاستر سِمرت وید پُران نہ کرن بیان، انجیل قرآن صِفتی صِفت نہ کوئے صلاحِندا۔ سو گہر گمبھیِر نؤجوان، سَت سروُپ سوبھا پائیندا۔ جِس ولّ جیِو جنت سارے کرن دھیان، جگت نیتر نظر کِسے نہ آئیندا۔ جو سدا سدا سد سُننہار فرمان، انتر اِکو اِک دھیان رکھائیندا۔ جوتی جوت سروُپ ہرِ، آپ اپنی کِرپا کر، ساچا مرد اپنا بھیوَ کھُلائیندا۔ ساچا مرد سچ سُلطان، پت پرمیشور نظری آئیا۔ جِس دا لیکھا دو جہان، برہمنڈ کھنڈ سیِس نِوائیا۔ جو ایتھے اوتھے حُکمران، جگت جگدیِش جگدیِشر اپنے ہتّھ رکھے وڈیائیا۔ جِس نوُں جھُکدے کوٹن کوٹ گوپی کاہن، رام رمئیا بَیٹھے اکھّ کھُلائیا۔ جِس دا نانک نِرگُن لِکھیا بیان، سرگُن نانک جنائیا۔ سو مرد مرداں وِچوں اوہدا کِسے نہ ملِے نِشان، نام مردانگی وِچ کدے نہ آئیا۔ اگمّ اتھاہ محل اٹل بَیٹھا اوس مکان، جِس دا مالک اِک اکھوائیا۔ شبد سروُپی سندیش دُھر فرمان، دُھر دی دھار جنائیا۔ نانک نِرگُن نِرویَر نِرنکار سچ سندیسہ دِتا جہان، لکّھ چؤراسی جیِو جنت سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ دُھر دا مرد کہے پربھ سجّن سُہیلا، سَت سَتوادی آپ جنائیا۔ سد وسنہارا دھام نَویلا، محل اٹل کرے رُشنائیا۔ آد جُگاد جُگ چؤکڑی کدے نہ بہے ویہلا، گھڑن بھننہار سمرتھ سوامی اپنی کار کمائیا۔ گُر اوتاراں پیِر پَیغمبراں درگاہ ساچی سچ بھوُمکا لگّا رہے میلا، دُھر دی دھار وِچوں رہے جنائیا۔ اینہاں وِچوں شبدی گُر گُر گوبِند ساچا چیلا، جِس دا چِلّہ تیِر کمان جگت نیتر ویکھن کوئے نہ پائیا۔ سدا

سرِشٹ سبائی ویکھے بِن اکھّاں اِکیلا، درِشٹی سب دے اُتے ٹِکائیا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا دِرڑائیا۔ نانک کِہا مرد کا چیلا ایک، ایکنکار ایکا بنت بنائیا۔ ترےَگُن مایا نہ لائے سیک، پنج تت نہ کوئے وڈیائیا۔ گُر گُرمکُھاں گُرسِکھاں جن بھگتاں کرے ہیت، انتر آتم ویکھ وکھائیا۔ رنبھوُمی کدی نہ سُتّا کھیت، انگ انگ نہ کوئے کٹائیا۔ سیِس کٹّ کرے نہ کوئی بھیٹ، کھنڈا کھڑگ نہ کوئے چلائیا۔ اوس چیلے دی اگمّی کھیڈ، جیہڑا کلجُگ چلِتر دئے گوائیا۔ اوہ پُرکھ اکال دیوے بھیج، دُلارا دُھر دا آپ بنائیا۔ ساچی مانے اِکو سیج، جِس دا پاوا چوُل نظر کوئے نہ آئیا۔ جوتی جلوہ حُکمے تیج، شبدی ناد کرے شنوائیا۔ جِس دی مہما صِفتاں وِچوں الیکھ، کاتب قلم شاہی نہ کوئے وڈیائیا۔ تِس چیلے نوُں سارے کرن آدیس، نِیوں نِیوں لاگن پائیا۔ ایہہ پرم پُرکھ دا ویس، کلجُگ انتم کھیل کرائیا۔ جوتی جوت سروُپ ہرِ، آپ اپنی کِرپا کر، کیِتا قؤل پوُرب اِقرار، نانک شبدی نوُر اُٹھائیا۔ مرد کا چیلا آؤنا جگ، نِرگُن نانک گیا سمجھائیا۔ اوہ اُتے وسے شاہ رگ، نؤ دوارے سمجھ کوئے نہ پائیا۔ گھر وِچ گھر پار کرائے حد، مندر اندر نِرمل نِرگُن جوت کرے رُشنائیا۔ شبدی اگمّی ناد جائے وجّ، دُھن آتمک راگ سُنائیا۔ ڈوُنگھی بھوَری ویکھے کایا کھڈّ، سُکھمن ٹیڈی بنک پڑدا دئے چُکائیا۔ سنت سُہیلے گُر چیلے گُرمکُھ آپ بنائے اپنی جدّ، جدّاِکو اِک وڈیائیا۔ مِہر نظر نال لکّھ چؤراسی وِچوں لئے کڈھ، دو جہاناں اپنا درس وکھائیا۔ لیکھے لائے کایا ماٹی ہڈّ، آتم پرماتم نال جُڑائیا۔ اوہ مرد مردانہ سِری بھگوانا ویکھے ہسّ ہسّ، کی کی چیلا میرا کھیل وکھائیا۔ کوُڑی کِریا بھانڈا جائے بھجّ، کاچی مٹکی رہن کوئے نہ پائیا۔ جِس صاحِب سَتگُر کولوں ہوئے اڈّ، تِس دے نال نالش کرن والے لئے مِلائیا۔ اِکو سَت جَیکارا بولے گجّ، دو جہان دئے سُنائیا۔ جوتی جوت سروُپ ہرِ، آپ اپنی کِرپا کر، مرد کا چیلا اپنی کھیل کرائیا۔ چیلا کہے مرد اگمّڑا باپ، پِتا پُرکھ اکال اِک اکھوائیا۔ جِس دا آد جُگاد جُگ چؤکڑی نِت نوِت ساچا جاپ، گُر اوتار پیِر پَیغمبر سارے دھیان لگائیا۔ شاستر سِمرت وید پُران انجیل قرآن گیِتا گیان کرے پاٹھ، اکھّر اکھّر رہے جس گائیا۔ سنتاں بھگتاں جیِواں جنتاں دئے خطاب، مُخاطب ہو کے دئے سمجھائیا۔ محل اٹل وسے اُچ محراب، محبوُب بےپرواہیِا۔ اوہ مرد کا چیلا سب دا ویکھے حِساب کِتاب، ہست کیِٹ اوُچ نیِچ راج راجان شاہ سُلطان لئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ شبدی دھار چلائیا۔

۱۱ بھادروں ۲۰۲۱ بِکرمی راجا رام دے گرِہ دِلّی

وست پَوے جِس ساچے بھانڈے، جو بن گھُمیار دِتا بنائیا۔ جگت دوار کر کے ٹھانڈے، امرت رس بھرائیا۔ جِس دی سمجھ نہ پاوے آنڈھ گوانڈھے، جگت جانے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ بھانڈا کہے پربھ دے وست، وستوُاں وِچوں اپنا نام جھولی پائیا۔ سَت خُماری ہوواں مست، المست روُپ وٹائیا۔ کھہڑا چُک جائے کیِٹ ہست، ہستی تیری ویکھاں چائیں چائنیا۔ کوُڑ کُڑیارا کرنا نشٹ، بھانڈا بھرم بھنائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ سچ وست جِس بھانڈے پاؤندا، پت پرمیشور دَیا کمائیا۔ سو گیِت اگمّاں اِکو گاؤندا، گا گا شُکر منائیا۔ چرن کَول دھیان لگاؤندا، نیتر نَین اکھّ شرمائیا۔ گل پلّوُ واسطہ پاؤندا، ہؤمے موہ تجائیا۔ پرم پُرکھ دا بردا بندہ اکھواؤندا، بندگی وِچ سمائیا۔ پرمانندا وِچ سماؤندا، نِجانند اِکو رس وکھائیا۔ دِوس رَین درشن پاؤندا، دہ دِشا ویکھے تھائیں تھائنیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا ۔ بھانڈا کہے میَں ساڈھے تِنّ ہتّھ، ہتھّیں لیا نہ کِسے بنائیا۔ میَں چڑھیا نہیں کِسے چکّ، تھتھوا سیِس نہ کوئے لگائیا۔ جگت اگنی موُل نہ گیا تپ، ٹھوکر مات نہ کوئے وکھائیا۔ تیری کِرپا مِہر نظر نال سرب سوامی گیا پکّ، آپ اپنا میٹ مِٹائیا۔ سب کُچھ تیَنوُں سؤنپیا حق ، قیمت ہور نہ کوئے چُکائیا۔ جِؤں بھاوے تِؤں لَینا رکھ، گھر اپنے آپ ٹِکائیا۔ میَں خوش نہ ہوواں رہ کے سکھ، سکھنا ہو کے دیاں دُہائیا۔ اوہ وست میرے وِچ گھت، جو بھگتاں جھولی پائیا۔ میری اُبلے نہ بہتّر ناڑی رتّ، اگنی اگّ نہ کوئے لگائیا۔ تیری سرن سرنائی جاواں ڈھٹّھ، دھوُڑی ٹِکاّ مستک خاک رمائیا۔ بِن درشن دِن کدے نہ لنگھن اٹّھ، اٹّھاں تتاں ویکھ وکھائیا۔ ایہہ بھانڈا نہیں تیرا ہٹّ، بن ونجارا لَینا چلائیا۔ جوتی جوت سروُپ ہرِ، آپ اپنی کِرپا کر، میرا لہنا میری جھولی پائیا۔ سُن کایا ماٹی بھانڈے کچّے، کاچی گگریا آپ جنائیا۔ تیرے بچن امولک سچّے، سچ رہے جنائیا۔ نیتر لوچن راہ تکّن بِن اکھےّ، آخر اپنا آپ مِٹائیا۔ سچ وست امولک منگے حقے، حقیِقت ویکھی بےپرواہیِا۔ پرم پُرکھ پرماتم ساچا مارگ اِک دسےّ، سمجھاونہارا آپ سمجھائیا۔ جو سرن سرنائی ساچی ڈھٹّھے، اپنا آپ بھیٹ کرائیا۔ اوہناں وِچ وست وستوُ آپے رکھے، واسطہ اپنے نال جُڑائیا۔ جو پڑدے اندر رکھی ڈھکے، اُس دا اوہلا دئے چُکائیا۔ اوس ویلے گُرمکُھ کایا ماٹی بھانڈے وِچوں وِچلی وست پا کے ہسّے، ہسّ ہسّ

خوشی منائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ بھانڈا کہے میرا بخش قصوُر، کسر اپنی جھولی پائیا۔ تیرا حُکم میَنوُں منظوُر، محبوُب سچّے ماہیِا۔ میَں خالی تُوں کرنہار بھرپوُر، بھرپوُر رہیا سرب ٹھائینا۔ تیرے کولوں تیری وست لَینی ضرور، ضرورت اپنی پوُر کرائیا۔ پِچھلا قؤل اِقرار نہیں کوُڑ، جھوُٹھی گنڈھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ کایا ماٹی بھانڈے چمّ، چمّ درِشٹی دیاں گوائیا۔ ہرکھ سوگ نہ رہے غم، چِنتا چِکھا نہ کوئے تپائیا۔ وست امولک دے کے دھن، وڈ دھناڈھ دیاں بنائیا۔ لیکھے لا کے نام دَما دم، دامن اپنا دیاں پھڑائیا۔ تُوں میرا میَں تیرے نال جاواں منّ، من کا منکا دیاں بھوائیا۔ ہووے پرکاش نیتر انھ، اگیان اندھیر مِٹائیا۔ لوکمات چمکے گُرمکُھ ہو کے چن، چند چاندنی نَین شرمائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، دُھر دا دیوے سچّا دان، دانی ہو کے آپ ورتائیا۔

۱۲ بھادروں ۲۰۲۱ بِکرمی ریشم سِنگھ دے گرِہ میرٹھ چھاؤنی

پرم پُرکھ پت پرمیشور سِرجنہار، آد جُگاد داتا وڈ وڈّی وڈیائیا۔ محل اٹل اُچ منار وسنہار، درگاہ ساچی پروردِگار، مقامے حق ڈیرہ لائیا۔ شبد انادی بودھ اگادھی اگمّ اتھاہ کرے جَیکار، کلمہ نام نغمہ ڈھولا اِکو گائیا۔ نِرگُن سرگُن کھیل کرے شہنشاہ شاہ سُلطان، مِہربان محبوُب مِہر نظر اِک اُٹھائیا۔ جُگ چؤکڑی سَتجُگ تریتا دواپرکلجُگ نِت نوِت دیونہارا دان، لکّھ چؤراسی جیِو جنت سادھ سنت انڈج جیرج اُتبُھج سیتج ویکھ وکھائیا۔ جودھا سوُربیِر اچھل چھل دھاری نؤجوان، چار کُنٹ دہ دِشا برہمنڈ کھنڈ ویکھنہارا چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحِب سَتگُر دَیا کمائیا۔ صاحِب سَتگُر دَیاوان، ہرِ کرتا آپ اکھوائیندا۔ نِت نوِت ہو مِہربان، محُبّت اپنے نال بنائیندا۔ لکّھ چؤراسی وِچوں گُرمکُھ گُرسِکھ سنت سُہیلے کر پروان، پرم پُرکھ پت پرمیشور اپنے رنگ رنگائیندا۔ ساچی سِکھیا دیوے دان، وست امولک کایا گولک جھولی پائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کرنی کرتا اپنے ہتّھ رکھائیندا۔ کرنی کرتا کرنے جوگ، سو پُرکھ نِرنجن وڈ وڈیائیا۔ ہرِ پُرکھ نِرنجن سُناونہارا دُھر سلوک، بِن اکھّراں راگ

الائیا۔ ایکنکارا پرگٹاون ہارا ساچی جوت، آد نِرنجن کرے رُشنائیا۔ پُرکھ ابناشی میلنہارا دُھر سنجوگ، سِری بھگوان نِرگُن سرگُن جوڑ جُڑائیا۔ پاربرہم برہم دیونہارا درس اموگھ، سوَچھ سروُپی نظری آئیا۔ لہنا دینا چُکاونہارا لوک پرلوک، چؤداں طبق چرناں ہیٹھ وکھائیا۔ محل اٹل وکھائے سچّا کوٹ، جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ مِہربان سرب گُنونت، ہرِ کرتا وڈ وڈیائیا۔ کھیلے کھیل جُگا جُگنت، نِت نوِت پھیرا پائیا۔ نام نِرنکارا پرگٹائے منیاں منت، رسنا جِہوا بتّی دند صِفت صلاحیِا۔ آتم پرماتم گُرمکُھاں دیوے نام اننت، اکل کل دھاری اپنی دَیا کمائیا۔ دے وڈیائی جیِو جنت، سنگت ساچی روُپ وکھائیا۔ گڑھ توڑ ہؤمے ہنگت، ہنگ برہم اِک دِرڑائیا۔ لیکھا مکا بہِشت سَورگ جنّت، دوزخ لیکھا نہ کوئے بنائیا۔ چرناں ہیٹھ دبا منڈل منڈپ، زمیں اسمان پندھ مُکائیا۔ پریم پیار دی چاڑھ کے رنگت، کایا چولا دئے رنگائیا۔ جوتی جوت سروُپ ہرِ، آپ اپنی کِرپا کر، مِہر نظر ہرِ رکھائیا۔ مِہر نظر کرے بےنظیِر، نظر اپنی وِچ مِلائیندا۔ سَت سَتوادی برہم برہمادی آد جُگادی وکھائے اگمّ تصویِر، جِس نوُں مصوّر تصوّر نہ کوئے کرائیندا۔ منزل چوٹی سچکھنڈ دوارے حق مقامے چاڑھے اَخیِر، آخر اپنی کار کمائیندا۔ پربھ مُرشد دسّنہار تدبیِر، کلمہ نبی رسوُل آپ سمجھائیندا۔ انتر آتم بن طبیب، طبع سب دی ویکھ وکھائیندا۔ دوُر دُراڈا نیرن نیرا نظری آئے نزدیِک، نِرگُن اپنا پندھ مُکائیندا۔ اپنے ہتّھ رکھے سچ تؤفیِق، لاشریِک اپنی کھیل کرائیندا۔ جوتی جوت سروُپ ہرِ، آپ اپنی کِرپا کر، سچّی کرنی کار کمائیندا۔ ساچی کرنی دُھر دی پریِت، ہرِ پریِتم آپ جنائیا۔ گُر اوتاراں پیِر پَیغمبراں دسّی ریِت، نِرگُن سرگُن سرگُن نِرگُن جوڑ جُڑائیا۔ نام نِدھانا سُنا کے اگمّی گیِت، دُھر دا ڈھولا دِتا جنائیا۔ تن ماٹی کایا کر ٹھانڈا سیِت، تتو سچ دِتا بُجھائیا۔ لیکھ چُکائے ہست کیِٹ، روُپ انوُپ اِک سمجھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ساچی کرنی ہرِ کرتار، قُدرت قادر آپ جنائیندا۔ بھگت وچھل گِرور گِردھار، گہر گمبھیِر کھیل کھِلائیندا۔ سرِشٹ سبائی سانجھا یار، ایتھے اوتھے دو جہاناں سگلا سنگ نِبھائیندا۔ کاغذ قلم نہ لِکھنہار، کاتب جگت جُگ نہ کوئے وڈیائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیندا۔ ساچا کھیل جن بھگت، ہرِ بھگوَن آپ جنائیا۔ انتر آتم دے کے شکت، سچ شخصیّت آپ سمجھائیا۔ لیکھا توڑ سوگ ہرکھ، چِنتا غم نہ کوئے رکھائیا۔ پڑدا لاہ عرش فرش، کایا کُرہ کرے صفائیا۔ آتم پرماتم نِج گھر سوامی دیوے درس، دُھر دیِدار

اِک کرائیا۔ مِہربان محُبّت وِچ کرے ترس، محبوُب اپنے ہتّھ رکھے وڈیائیا۔ جوتی جوت سروُپ ہرِ، آپ اپنی کِرپا کر، سَتگُر صاحِب داتا اِک اکھوائیا۔ سَتگُر داتا صاحِب سچ، گھر وڈّا وڈ وڈیائیا۔ بھاگ لگائے کایا ماٹی کچّ، ساڈھے تِنّ ہتّھ ویکھے چائیں چائنیا۔ من واسنا ہرجن نہ پئے نچّ، کوُڑی کِریا کایا کوٹ سوبھا کوئے نہ پائیا۔ امرت آتم نِجھر جھِرنا کَول کَولی دئے رس، امرت رس مکُھ اِک چوائیا۔ اپنے مِلن دی نِج نیتر کھول کے اکھّ، پرتکھ کرے رُشنائیا۔ دُھر دا مارگ ساچا دسّ، ساچی سِکھیا اِک سمجھائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ ساچا درس کر دیِدار، گرِہ گرِہ اپنا روُپ جنائیندا۔ منزل چڑھ آپ نِرنکار، بن کے پاندھی پندھ مُکائیندا۔ دیِا باتی کملاپاتی نِرگُن جوت کر اُجیار، اندھ اگیان اندھیرا دوُر کرائیندا۔ شبد انادی بول جَیکار، بِن رسنا جِہوا ڈھولا گائیندا۔ جوتی جوت سروُپ ہرِ، آپ اپنی کِرپا کر، سچ درس آپ وکھائیندا۔ سچ درس دیوے گہر گمبھیِر، ہرِ کرتا وڈ وڈیائیا۔ بھاگ لگا پنج تت سریر، شریر وِچوں دیوے باہر کڈھائیا۔ اندر باہر گُپت ظاہر ہوئے بغلگیِر، دستیاب اپنا دست لئے مِلائیا۔ ناتا توڑ شاہ فقیِر، اوُچ نیِچ راؤ رنک اِکو در وسائیا۔ گُرمکُھ گُرسِکھ ہرجن ہرِ سنت سَتگُر مِل نہ ہوئے دِلگیِر، جگت زنجیر شرع رہن کوئے نہ پائیا۔ جِس منزل نوُں لبھدے پیِر فقیِر، پَیغمبر بَیٹھے اکھّ کھُلائیا۔ پاندھی بن کے جگت مُشیِر، مشاعریاں نال ڈھولے دئے گائیا۔ جوتی جوت سروُپ ہرِ، آپ اپنی کِرپا کر، جن بھگتاں دئے سچ ور، درس اِکو گھر وکھائیا۔ گُرمکُھ درس کرے پربھ نِت، نیت نیت روُپ جنائیا۔ آتم پرماتم سچّا ہِت، ہِتکاری ویکھ وکھائیا۔ کروٹ لےَ بدلے پِٹھ، سنمکُھ سَت سروُپی نظری آئیا۔ جوتی جوت سروُپ ہرِ، آپ اپنی کِرپا کر، ساچی دید اِکو اِک دے سمجھائیا۔ سچ دید دیِدار نِرگُن جوت، نِرویَر نِراکار نِرنکار آپ کرائیندا۔ کوُڑی کِریا مایا ممتا ہؤمے ہنگتا کڈھے کھوٹ، سچ سُچ سَت سَتوادی دھار بندھائیندا۔ کر پرکاش نِرنجن جوت، جوتی جاتا پُرکھ بِدھاتا نوُرو نوُر نوُر رُشنائیندا۔ بھاگ لگائے کایا کوٹ، بنک دواری گرِہ مندر اِک سُہائیندا۔ جوتی جوت سروُپ ہرِ، آپ اپنی کِرپا کر، ساچا درس ساچے نَین آپ کرائیندا۔ گُرمکُھ وِرلا درس کرے کلجُگ جگ، جگ جیِون داتا دئے وڈیائیا۔ ترےَگُن اگنی بُجھا اگّ، اگلا لیکھا دئے مُکائیا۔ کوُڑی کِریا پار حد، مایا ممتا موہ دئے ہٹائیا۔ بِن مکّے کعبیوں گھر سوامی کرائے حج، مُریِد مُرشد جوڑ جُڑائیا۔ دَیا دھار درس دِکھا اُپر شاہ رگ، شہنشاہ اپنا بھیو جنائیا۔ دُھن آتمک وجےّ ند، انادی راگ الائیا۔ لکّھ چؤراسی وِچوں

کڈھ، ساچا مارگ اِک درسائیا۔ بِن سَتگُر پریم کایا ماٹی کِسے کمّ نہ آئے ہڈّ، چمّ درِشٹی اِشٹ نہ کوئے منائیا۔ گُر اوتار پیِر پَیغمبر ساڈھے تِنّ ہتّھ چولا گئے چھّڈ، بِن ہرِ پریِتی پریِتم انت نہ میل مِلائیا۔ جوتی جوت سروُپ ہرِ، آپ اپنی کِرپا کر، جن بھگتاں وِشَو بنائی ید، واسطہ اپنے نال رکھائیا۔ درس دیِدار دئے پربھ ٹھاکر، ہرِ کرتا وڈ وڈیائیا۔ کلجُگ بیڑا پار کرائے بھوَ ساگر، ڈوُنگھے سمُند رہن کوئے نہ پائیا۔ نِرمل کرم کرے اُجاگر، دُرمت مَیل دھوائیا۔ در آیا گھر دیوے آدر، آدرش اپنا اِک وکھائیا۔ جوتی جوت سروُپ ہرِ، آپ اپنی کِرپا کر، نَین اکھّ نال کھُلائیا۔ نَین اکھّ دئے مِلا آپ، نِجھ نیتر وجے ودھائیا۔ ناتا جُڑے پِتا پوُت باپ، پُرکھ اکال کھیل کھِلائیا۔ دوہاں دا مِل کے اِکو بنے جاپ، جپ جپ گھر ساچے خوشی منائیا۔ تُوں میرا میَں تیرا آتم پرماتم دُھر دا ساک، ناتا چُھٹ کدے نہ جائیا۔ وست امولک سَتگُر پوُرا دیوے دات، دُھر دی جھولی آپ بھرائیا۔ من واسنا گھر رہن نہ پائے نار کم ذات، کُلکھنی بَیٹھے مکُھ بھوائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے مِلائیا۔ ہرجن مِلائے صاحِب سَتگُر، ہرِ کرتا وڈ وڈیائیا۔ جِنہاں لیکھا لِکھیا دُھر، دُھر مستک ویکھے تھاؤں تھائنیا۔ اوہناں سچ پریِتی گئی جُڑ، چرن کَول کَول چرن اُپر دھَول سوبھا پائیا۔ جوتی جوت سروُپ ہرِ، آپ اپنی کِرپا کر، ساچی دات اِکو اِک ورتائیا۔ ساچی دات کُل کُلونتا، ہرِ کرتا آپ ورتائیندا۔ جِس نوُں جُگ چؤکڑی لبھدے گُروُ اوتار در درویش ہو کے منگتا، بِھکھک بِھکھاری روُپ وٹائیا۔ جِس دا نام صِفتی کوٹن کوٹ اکھّراں وِچ اننتا، انت کہہ نہ کوئے سمجھائیا۔ سو لکّھ چؤراسی جیِو جنت انڈج جیرج اُتبُھج سیتج بنائے بنتا، چارے کھانی رنگ رنگائیا۔ چارے بانی پرا پسنتی مدھم بَیکھری بن کے دُھر دا پنڈتا، دو جہان سِری بھگوان برہمنڈ کھنڈ کرے پڑھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ سِر ہتّھ رکھ سمرتھ، جن بھگت آپ جگائیا۔ نام امولک دے کے وتھ، آتم پرماتم بوُجھ بُجھائیا۔ تُوں میرا میَں تیرا گاؤنا جس، جس وید پُران صِفت صلاحِی سچ نہ کوئے سمجھائیا۔ تیرے میرے مِلن دی اِکو اکھّ، دوئے لوچن ویکھن جگت لوکائیا۔ جِس پرماتم نالوں آتم ہوئی وکھّ، تِس سَتگُر شبد شبدی روُپ لئے مِلائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ دیوے وڈیائی وڈّا وڈ، گہر گمبھیِر دَیا کمائیندا۔ لکّھ چؤراسی وِچوں گُرمکُھ کڈھ، ہرِ اپنا میل مِلائیندا۔ کایا چولی نام مجیٹھی چاڑھ رنگ، رنگ رتّا سوبھا پائیندا۔ امرت دھار وہا اگمّی گنگ، گنگا گوداوری جمنا سُرستی نَین شرمائیندا۔ گھر سوامی

شبد نِہکامی وجائے مردنگ، مرد مردانہ ساچی تار بِن تند آپ ہِلائیندا۔ ساچی منزل منار محل اٹل ویکھے لنگھ، اَدھوِچکارنہ کوئے اٹکائیندا۔ گُرمکُھ تیری سیج سُہنجنی آتم سوئے پلنگ، پاوا چوُل ونڈ نہ کوئے ونڈائیندا۔ جنم کرم دی پوُرب سب دی جھولی پائی منگ، گُرسِکھ مانگت نظر کوئے نہ آئیندا۔ صدی چؤدھوی چاڑھ کے چند، دو جہاناں آپ رُشنائیندا۔ بھیو چُکا کے برہم ہنگ، ہنگتا روگ سرب مِٹائیندا۔ آتم انتر دے کے انند، نِجا نند اِکو درسائیندا۔ جوتی جوت سروُپ ہرِ، آپ اپنی کِرپا کر، سچ پریِتی جوڑ جُڑائیندا۔ سچ پریِتی ویکھو جوڑ جُڑدا، جوتی شبدی میل مِلائیا۔ گُرمکُھ سچ دواریوں خالی کدے نہ مُڑدا، سِری بھگوان دیونہارا بےپرواہیِا۔ کلجُگ انت ویلا نہیں تُھڑ دا، بہُمُلّا کرتا قیمت آپے پائیا۔ لکّھ چؤراسی کوُڑی کِریا اندر بیڑا سب دا رُڑھدا، گُرسِکھ گُرمکُھ ہرجن ہرِ بھگت ساچی نئیا نؤکا بَیٹھے چائیں چائنیا۔ جِس دا منتر دو جہان بِن اکھّراں فُرنا پُھردا، فُرنے وِچ ویکھے سرب لوکائیا۔ اوہ سَتگُر بِن سچ پریِتی لوکمات سدا مُردا، بِن کّفنوں گور وِچ بَیٹھا ڈیرہ لائیا۔ جِس دا لہنا دینا دُھر دا، دُھر دھامی ویکھ وکھائیا۔ جوتی جوت سروُپ ہرِ، آپ اپنی کِرپا کر، چرن کَول بخشے اِک سرنائیا۔ چرن کَول ہرِ جوڑے ناتا، ناتواں آپ اکھوائیندا۔ پرم پُرکھ بن آپ وِدھاتا، بِدھ دُھر دی سچ سمجھائیندا۔ کلجُگ ویکھ اندھیری راتا، نوَ ستّ کھوج کھوجائیندا۔ اندھیرا دِسے پرِتھمی آکاشا، گگن منڈل سوبھا کوئے نہ پائیندا۔ رسنا جِہوا بتّی دند کلجُگ جیِو کرن پوُجا پاٹھا، ہِردے ہرِ نہ کوئے وسائیندا۔ پربھ مِلن دی پوُری کِسے نہ ہووے آسا، نِراسا روُپ جیِو جگت نظری آئیندا۔ جگت وِدیالے پڑھاون اپنی بھاشا، بھاکھیا سچ نہ کوئے سمجھائیندا۔ جو آد جُگاد پِتا ماتا، پُرکھ اکال اِک اکھوائیندا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیندا۔ ساچی کرنی کرے گوبِند، گوبِند ہرِ وڈیائیا۔ کلجُگ ترِشنا میٹ کے چِند، چِکھا اگن دئے بُجھائیا۔ داتا دانی گہر گمبھیِر گُنی گہِند، وڈ ساگر بےپرواہیِا۔ سنت سُہیلے گُروُ گُر چیلے، شبد انادی بنائے اپنی بِند، آتم پرماتم دئے پرگٹائیا۔ پریم لہر وکھائے گمبھیِر ساگر سِندھ، قطرہ بوُند نہ کوئے ٹپکائیا۔ بھاگ لگائے جیِؤ پِنڈ، برہمنڈ کھنڈ دئے سمجھائیا۔ جِس پریِتی نوُں ترسن کروڑ تیتیِسا سُرپت اِند، وِشن برہما شِو اکھّ اُٹھائیا۔ جوتی جوت سروُپ ہرِ، آپ اپنی کِرپا کر، سو پریِتی اِک سمجھائیا۔ سچ پریِتی سَتگُر سرنائی، سرنگت سمجھائیندا۔ کوُڑی کِریا ہوئے جُدائی، جُدا جُز نہ کوئے وکھائیندا۔ انتر آتم وجےّ ودھائی، شبد شنوائی آپ سمجھائیندا۔ نِرگُن نوُر ہوئے رُشنائی، جوتی جاتا ڈگمگائیندا۔ سچ

پریِتی اِک لگائی، ایتھے اوتھے نہ کوئے تُڑائیندا۔ صِفت کی لِکھے کاغذ قلم شاہی، شہنشاہ اپنا حُکم ورتائیندا۔ درس دیِدار کرنا چائیں چائیں، چاؤ گھنیرا اِک وڈیائیندا۔ جوتی جوت سروُپ ہرِ، آپ اپنی کِرپا کر، آسا منسا پوُر آپ ہو جائیندا۔ آسا منسا پوُر پربھ ایک، ایکنکار نظری آئیا۔ جن بھگتاں بخش کے دُھر دی ٹیک، کلجُگ کایا کپڑ دِتا بدلائیا۔ انتر آتم بُدھی کر بِبیک، من مت ڈیرہ ڈھائیا۔ اندر وڑ کے مندر چڑھ کے محل اٹل رہیا ویکھ، جِس گھر دیِا باتی کملاپاتی آپ جگائیا۔ شبد انادی ہو کے کھولے بھیت، بھیو اپنا دئے سمجھائیا۔ جوتی جوت سروُپ ہرِ، آپ اپنی کِرپا کر، پریِتی پریِتیوان توڑ نِبھائیا۔ پریِتی کرنہارا پربھ سوامی، جن بھگتاں رہیا سمجھائیا۔ آد جُگاد جِس دی بانی، گُر اوتار پیِر پَیغمبر گئے سُنائیا۔ اوس صاحِب دی سچکھنڈ دوارے اکتھ کہانی، کتھنی کتھ نہ سکے رائیا۔ گُر اوتار پیِر پَیغمبر کوٹن کوٹ کھڑے کر چرن دھیانی، نیتر نَین اکھّ نہ کوئے کھُلائیا۔ جگت وِدیا پِھرے نہ کوئے مشرانی، گھر گھر پھیرا پائیا۔ نظر نہ آئے اٹھسٹھ تیِرتھ پانی، سروور لہر نہ کوئے جنائیا۔ راگ الایا نہ کوئے کھانی، چارے بانی نہ کوئے پڑھائیا۔ پَون دِسے نہ مسانی، سَت سروُپ نہ کوئے وٹائیا۔ سو شہنشاہ شاہ پاتشاہ صاحِب سُلطانی، پروردِگار نوُر خُدائیا۔ اوہ اپنا آپ پریم پریِتی اندر کر کے بھیٹ دئے قُربانی، کایا لیکھا انت مُکائیا۔ بھگتاں جُگ چؤکڑی رہ جائے سچ نِشانی، نِشانہ پرم پُرکھ لگائیا۔ جوتی جوت سروُپ ہرِ، آپ اپنی کِرپا کر، کلجُگ انتم آیا بن کے دُھر دا بانی، بان انیالا ایکا لائیا۔ جن بھگتو سِکھو پریِت، ہرِ سَتگُر آپ سمجھائیندا۔ کایا کعبہ مندر مسیِت، ساڈھے تِنّ ہتّھ پڑدا لاہِندا۔ اٹّھے پہر شبد سوامی وسے وِچ انڈیِٹھ، انڈِٹھڑی کار کمائیندا۔ نِت نوِت جُگ چؤکڑی جِس دی سمجھے کوئے نہ ریِت، ریِتیوان سچ سوامی گھر بہہ بہہ خوشی منائیندا۔ جو مالک نیِچاں نیِچ، عدالت اپنی حق جنائیندا۔ پیِر پَیغمبراں جیہڑا دسّدا رہیا حدیِث، حضرت ہو کے کائنات سمجھائیندا۔ اوس دی پریِت سدا جگ ٹھیِک، کوُڑی کِریا روُپ نہ کوئے وٹائیندا۔ دیِدار دین نوُں چل کے آوے نزدیِک، عرش فرش پندھ مُکائیندا۔ کلجُگ انتم جِس دا حُکم دوُجا کرے نہ کوئے تصدیِق، حق حقوُق ہتّھ نہ کِسے پھڑائیندا۔ جوتی جوت سروُپ ہرِ، آپ اپنی کِرپا کر، جن بھگتاں پریِتی آپ کمائیندا۔ جن بھگتاں پریِتی آپ کماؤندا اے۔ سو پُرکھ نِرنجن مِہر نظر ٹِکاؤندا اے۔ ہرِ پُرکھ نِرنجن اپنی کل وکھاؤندا اے۔ ایکنکارا اچھل چھل اپنی دھار چلاؤندا اے۔ آد نِرنجن دیِپک جوتی بل، گرِہ مندر سچ رُشناؤندا اے۔ ابناشی کرتا وسنہارا نِہچل دھام اٹل، سچ دوار اِکو اِک رکھاؤندا

اے۔ سِری بھگوان سچ سندیسہ جُگ چؤکڑی رہیا گھل، گُر اوتاراں آپ پڑھاؤندا اے۔ پاربرہم سچ سِنگھاسن جو آتم سیجا بَیٹھا ملّ، ساڈھے تِنّ ہتّھ ڈیرہ لاؤندا اے۔ لکّھ چؤراسی نال کرکے ول چھل، گُرمکُھ گُرسِکھ گوُڑھی نیِند سُتے آپ اُٹھاؤندا اے۔ دوُر دُراڈا نِہکامی انتریامی گھر سوامی آئے چل، چلِتر اپنا اِک ورتاؤندا اے۔ دُئی دوَیتی شرع شرائطی کوُڑی کِریا میٹ کے سلّ، سلل اپنا نام دِرڑاؤندا اے۔ کٹّ وِچھوڑا گھڑی پل، چھِن بھنگر اپنی دھار درساؤندا اے۔ جِؤں جل دی بوُند جل وِچ جائے مِل، انت جل ہی جل وکھاؤندا اے۔ جوتی جوت سروُپ ہرِ، آپ اپنی کِرپا کر، جن بھگتاں پریِت لگاؤندا اے۔ جن بھگت کہے پربھ دس دے راز، رحمت آپ کمائیا۔ کِس بِدھ تیرے وِچ ہوواں بِسماد، بِسمِل روُپ وٹائیا۔ تیرا نام ڈھولا گاواں اِکو ناد، انادی تیری کراں وڈیائیا۔ تُوں میرا میَنوُں تیری آوے یاد، یادداشت دینی سمجھائیا۔ تیرا لیکھا سدا آد، جُگاد تیری شرنائیا۔ تیَنوُں گُر اوتار پیِر پَیغمبر کہن پرم پُرکھ گُروُ مہاراج، مہما تیری جس شاستر سِمرت وید پُراناں وِچ سمجھائیا۔ جوتی جوت سروُپ ہرِ، آپ اپنی کِرپا کر، سچ پریِتی بخش دات، اِکو دُھر دی منگ منگائیا۔ ساچی دات بخش دے جُگ کل، کل کاتی نیڑ کوئے نہ آئیا۔ امرت رس انوکھا دینا پھل، بناسپت ونڈ نہ کوئے ونڈائیا۔ پوُت سپوُتا سَتگُر شبد بالا نَنھا بچّہ گُرمکُھاں اندر دینا گھل، گھولی گھالی گھال لیکھے پائیا۔ تیرا سَت سروُپ اگمّی بَل، بلدھاری تیرے ہتّھ وڈیائیا۔ تیرا ویکھ اگمّی دھام نِہچل اٹل، دو جہان خوشی منائیا۔ جوتی جوت سروُپ ہرِ، آپ اپنی کِرپا کر، جن بھگتاں درس دیِدار دے نینہُ اپنے نال لگائیا۔ جن بھگتاں درس دیِدار دینا مات، ایہہ پربھ دی وڈّی وڈیائیا۔ ایہو دُھر دی لےَ کے آیا سؤغات، نام انمُلڑا جھولی پائیا۔ بھرم مِٹائے ذات پات، اوُچ نیِچ کرے کُڑمائیا۔ اندر وڑ کے جائے آکھ، باہروں کرے نہ کوئے پڑھائیا۔ گُرسِکھ تُوں صاحِب سَتگُر دی ساچی شاخ، بِن سَتگُر شناخت سکے نہ کوئے کرائیا۔ کلجُگ ویکھو اندھیری رات، اندھلی کوُکے دئے دُہائیا۔ بِن بھگتاں بِھنڑی کِسے نہ وکھائے سچ پربھات، پربھاتی رووے مارے دھائیا۔ جوتی جوت سروُپ ہرِ، آپ اپنی کِرپا کر، سچ پریِتی اِکو اِک لگائیا۔ سچ پریِتی گُرمکُھ تیری، تیرے وِچوں نظری آئیا۔ تیری آتم پرماتم بنی چیری، گھر ساچے بہہ بہہ سوہنا منگل گائیا۔ کِسے کمّ نہ آؤنی کایا ڈھیری، انتم خاکی خاک سمائیا۔ سَتگُر وست نام پدارتھ دیوے جیہڑی، ایہو پریِت روُپ وٹائیا۔ تن مؤلے کایا کھیڑی، بند کِوڑی کھِڑکی دئے کھُلائیا۔ جوتی جوت سروُپ ہرِ، آپ اپنی کِرپا کر، پریِت اندر درس دیِدار اِک

کرائیا۔ پریِت اندر کرنا درس، ہرِ درسی آپ کرائیندا۔ جنم جنم دی مِٹے حرص، اَگے ہَوس نہ کوئے ودھائیندا۔ مِہربان ہو کے کرے ترس، طرح طرح نال سمجھائیندا۔ جن بھگتاں پِچھلا مقروُض لاوے قرض، اَگے لہنا نظر کوئے نہ آئیندا۔ ایہو کھیل سدا اسچرج، اچرج لیلہ آپ ورتائیندا۔ جودھا سوُربیِر بن کے مرد، مدد بھگتاں آپ کرائیندا۔ پُٹھی سِدھی کرکے نرد، نرک سَورگ دوہاں وِچوں پار کرائیندا۔ جنم مرن دی رہن نہ دیوے مرض، لکّھ چؤراسی پندھ چُکائیندا۔ جوتی جوت سروُپ ہرِ، آپ اپنی کِرپا کر، سچ پریِتی گُرمکُھاں آپ وکھائیندا۔ گُرمکُھ پریِتی کایا مندر، آتم پرماتم جوڑ جُڑائیا۔ لگّے بھاگ اندھیری کندر، سَت سچ کرے رُشنائیا۔ مایا ممتا توڑے جندر، نام کُنجی اِکو لائیا۔ من واسنا بنھے بندر، دہ دِشا نہ اُٹھ اُٹھ دھائیا۔ کر پرکاش ڈوُنگھے کھنڈر، ساچا نوُر دئے چمکائیا۔ مان تُٹے سوُریا چندر، رَو سس نَین شرمائیا۔ پُرکھ اکال بھگت بھگوان دوویں اِک دوُجے نوُں کرن بندن، بندنا بندگی ڈنڈؤت روُپ وٹائیا۔ اِک دوُجے نوُں لاون انگن، انگیکار اکھوائیا۔ سچ پریِتی چڑھے رنگن، رنگنہارا بےپرواہیِا۔ اندر باہر آوے سُگندھن، نام نِدھان پُھل پُھلواڑی مہک مہکائیا۔ مستک ٹِکاّ جوت للاٹ لگائے چندن، سوہنا سگن منائیا۔ آتم پرماتم سدا اِک دوُجے دے نال ہنڈھن، جگت یار کمّ کوئے نہ آئیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، سچ پریِتی اِکو نینہُ وکھائیا۔ سچ پریِتی لگّے نینہُ، نِہکرمی آپ لگائیا۔ امرت اگمّ اتھاہ برسے مینہُ، جھِرنا دُھر دا آپ جھِرائیا۔ گُرمکُھ گُرسِکھ اڈول رکھے جِؤں کے تِؤں، کلجُگ واء نہ لاگے رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا لیکھا لیکھے پائیا۔ گُرسِکھ کہے پریِت ہمیش، چِت چرن رہے دھیان لگائیا۔ جِس درشن نوُں ترسن وِشن برہما شِو مہیش، گنپت گنیش دھیان لگائیا۔ جِس نوُں کروڑ تیتیِسا سُرپت کرے آدیس، نِیوں نِیوں نَین شرمائیا۔ جِس دی کھیل اندر گُر اوتار پیِر پَیغمبر رہے کھیڈ، خالق خلق وِچ پرگٹائیا۔ جِس دا جوتی جلوہ نوُر اگمّی تیج، پرِتھمی آکاش کرے رُشنائیا۔ جِس نوُں دو جہان سجدہ کرن آدیس، بردے بن بن لاگن پائیا۔ سو سَتگُر سوامی انتریامی جن بھگتاں کرے ساچا ہیت، بن ہِتکاری پھیرا پائیا۔ ہرجن گُرسِکھ سوہنے بنا کے نیک، نیکی اپنے نال جنائیا۔ جوتی جوت سروُپ ہرِ، آپ اپنی کِرپا کر، پریِتی دُھر دی دئے سمجھائیا۔ دُھر پریِتی پوُرب پتونت، ہرکھ سوگ نہ کوئے رکھائیا۔ پریم وِچوں بنی بنت، محُبّت وِچ کُڑمائیا۔ سو سوامی ویکھنہارا جُگا جُگنت، سَتجُگ تریتا دواپرکلجُگ بُھل کدے نہ جائیا۔ نِرگُن سرگُن بناونہارا

بنت، گھاڑت گھڑ گھڑ ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ پریم پریِتی پِچھلا لہنا، لیکھیاں وِچوں لیکھا اپنے ہتّھ رکھائیا۔ درس دیِدار سَتگُر لوچن نَیناں، اکھّ پرتکھ دئے وڈیائیا۔ گُر سرنائی ساچی بہنا، چرن کَول اُپر دھَول دِرڑائیا۔ کوُڑی کِریا کدے نہ وہنا، کام کرودھ لوبھ موہ ہنکار حق سکے نہ کوئے جمائیا۔ حُکمے اندر سدا رہنا، بھےَ بھاؤ دوویں سیِس جھُکائیا۔ جوتی جوت سروُپ ہرِ، آپ اپنی کِرپا کر، سچ پریِتی آپ سمجھائیا۔ پریِت کہے میَں بھگتاں جوگی، جُگیِشر مُنیشر تپیشر گئے سمجھائیا۔ بِن میرے گُرسِکھ سدا روگی، کوُڑا روگ نہ کوئے گوائیا۔ میَں کھیل کراں وِچ کایا چوگی، چُغلی نِندیا موہے کدے نہ بھائیا۔ میَں میل مِلاواں نال پریِتم چوجی، جو چولے اندر بہہ کے ویکھ وکھائیا۔ پریم پیار کرکے گُرسِکھاں بنانا ساچے کھوجی، دُھر دا مارگ اِک وکھائیا۔ جن بھگتاں پریم میری روزی، رازق رِزق رحیم ایہو دِتی وڈیائیا۔ میَں اوس صاحِب دی سواواں اگمّی گودی، جِتھے پنج تت والا نظر کوئے نہ آئیا۔ مِہر کرکے کملیاں کوجھیاں دیواں سوجھی، سُتّی سُرت سُرتی آپ جگائیا۔ میَں ناتا چُھڈاواں جننجو بودی، سُنّت تِلک داہڑی مُچھ ونڈ نہ کوئے ونڈائیا۔ میَں بھیوَ کھُلاواں گیانی بودھی، آتم بودھ دیاں سمجھائیا۔ جوتی جوت سروُپ ہرِ، آپ اپنی کِرپا کر، میری سیوا دِتی لگائیا۔ پریِتی کہے میَں سیوا کرنی، چاکر روُپ مات وڈیائیا۔ جن بھگتاں دی کنّی پھڑنی، پلّوُ پربھ دے نال بندھائیا۔ میَں لیکھ چُکاؤنے برنی ورنی، ساچی سرن اِک سمجھائیا۔ میَں نَین کھُلاؤنے ہرنی پھرنی، ہِردے ہرِ اِک وسائیا۔ جوتی جوت سروُپ ہرِ، آپ اپنی کِرپا کر، میرا لیکھا لیکھے لئے لگائیا۔ پریم کہے اُٹھو گُرمکُھو، مکُھ اُجل لؤ کرائیا۔ پرم پُرکھ دے ساچے سُتو، سُرتی شبد لؤ جگائیا۔ کلجُگ انت نِشانیوں موُل نہ اُکو، ویلا وقت نہ جائے وِہائیا۔ ہُن سَتگُر کولوں پُچھو، نِرگُن داتا دُھر درگاہیِا۔ اوس صاحِب نال کدے نہ رُسو، جو رُسیاں رہیا منائیا۔ من وِکار کوُڑی کِریا کُٹھو، جوُٹھا جھوُٹھا ڈیرہ ڈھاہیِا۔ صاحِب سَتگُر پُرکھ اکال دیِن دَیال پروردِگار دُھر دے رام جھُکو، جِس نوُں گُر اوتار پیِر پَیغمبر سیِس نِوائیا۔ نیتر نَین موُند جگت جگ موُل نہ چُھپو، پڑدا سکے نہ کوئے پائیا۔ ساڈھے تِنّ ہتّھ کایا اندر دھوُاں دھار ہو نہ دُھکھو، سوہنی سچ کرو رُشنائیا۔ سَتگُر پریِتی دُھر دا شبد بولنا مکُھوں، جِہوا نال مِلائیا۔ جوتی جوت سروُپ ہرِ، آپ اپنی کِرپا کر، پریِت اِکو گھر وکھائیا۔ پریِت کہے میَں جگت نِمانی، نِمانیاں وِچوں نظری آئیا۔ دیواں سندیسہ دو جہانی، بھجّاں واہو داہیِا۔ اندروں باہروں ویکھاں چارے کھانی، انڈج

جیرج اُتبُھج سیتج میل مِلائیا۔ لکّھ چؤراسی وِچوں گُرمکُھاں کر پچھانی، پہچان اوس دے نال کرائیا۔ جِس دی گُر اوتاراں صِفت وِچ گائی بانی، بان نِرالا تیِر چلائیا۔ اوہ سمرتھ سوامی سب دا جان جانی، جاننہار اِک ہو جائیا۔ جِس دا امرت رس انوکھا ٹھنڈا پانی، سمُند ساگر کوٹن کوٹ سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، پریِت اپنے گھر وکھائیا۔ ویکھو پریِت پربھوُ گھر کردا، دُھر دی کِرت کمائیا۔ غریِب نِمانیاں دُکھیاں ونڈے دردا، دردی ہو کے ہوئے سہائیا۔ جُگ جنم پِچھلیاں جِنہاں کیِتیاں عرضاں، آرزوُاں وِچ روُپ جنائیا۔ اِنہاں دیاں کڈھ کے ویکھے فرداں، پڑدا اوہلا آپ اُٹھائیا۔ جوتی جوت سروُپ ہرِ، آپ اپنی کِرپا کر، لیکھا جانے گھر گھر دا، بچیا کوئے رہن نہ پائیا۔ پریِت کہے میَں بڑی سُچجی، سوہنیاں وِچوں سوہنی نظری آئیا۔ وست امولک اِکو منگی، ناتا جُڑے گُرمکُھ گُرسِکھ سنت سجّن سچّے ماہیِا۔ میری مینڈھی سیِس چوٹی نہ ہووے ننگی، ساچا اوڈھن دینا سِر ٹِکائیا۔ میری واسنا جگت وِچ ہووے نہ گندی، کوُڑی کرے نہ کوئے کُڑمائیا۔ میَں منُمکھاں کراں نہ کدے مچھندگی، سنمکُھ ہو نہ درس دِکھائیا۔ میَں تیریاں بھگتاں تیرے پریم اندر سُناواں بندگی، بندے خاکی اِک جنائیا۔ تُوں دسّنا بھیو، جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ سچ گُسائینا۔ پریِت کہے لؤ اُٹھ تکّ، تقویٰ اِک جنائیا۔ لیکھا جانے پُرکھ سمرتھ، سمرتھ وڈّی وڈیائیا۔ پریم پیار اندر ہو کے وس، واسطہ گُرمکُھاں نال جنائیا۔ روگ سوگ چِنتا دُکھ جگت سنکھیا وِچ پئے ہسّ، ہستی اپنی اِک دِرڑائیا۔ جگت وِچھوڑے وِچوں آئے نٹھ، گُرمکُھاں سنگ جائے وس، اصل وصل بِنا وجوُد آپ کرائیا۔ جوتی جوت سروُپ ہرِ، آپ اپنی کِرپا کر، جِنہاں آتم پریِتی دِتا رس، سو رستے پےَ پےَ خوشی منائیا۔ پریِت کہے میَں دسّیا رستہ، براستہ وِچو وِچ جنائیا۔ چُکنا پئے نہ کوئے پوتھی بستہ، اکھّراں نال نہ کوئے وڈیائیا۔ رہبر مِلایا دُھر دا سستا، جِس دی قیمت نہ کوئے مُکائیا۔ جو ایتھے اوتھے دو جہاناں پت رکھدا، نِرگُن سرگُن سرگُن نِرگُن روُپ وٹائیا۔ جو سچکھنڈ دوارے سَت سروُپی وسدا، تھِر گھر شبدی سُت بہائیا۔ اوہ کؤل اِقرار کر کدے نہ نسّدا، پلّوُ چُھڈا نہ مکُھ بھوائیا۔ جوتی جوت سروُپ ہرِ، آپ اپنی کِرپا کر، مالک بنے دُھر دے ہٹّ دا، ونجارا اِکو نظری آئیا۔ پریِت کہے میَں مِلاواں میل، مِلنی جگدیس کرائیا۔ ناتا جُڑے دُھر دے سجّن سُہیل، ساجن اِکو بےپرواہیِا۔ دھام مِلاواں سچ نویل، اگمّ اتھاہ بےپرواہ سوبھا پائیا۔ دیِپک جگے بِن باتی تیل، جوتی جوت جوت رُشنائیا۔ اچرج وکھاواں

اُس دا کھیل، جو خالق خلق اکھوائیا۔ جن بھگتاں ساچے سنتاں گُرمکُھاں گُرسِکھاں بِن کرنیؤں کلجُگ انتم دیوے میل، مِلاپ اِکو گھر وکھائیا۔ درس دیِدار دیوے نِہکیو، سچ سِنگھاسن نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دیِدار پریِتی دُھر دی ریِتی ہست کیِٹی اوُچ نیِچی صدی بیِسی کھیل اِکیسی ایکنکار ہرِ نِرنکار شبد دھار سُرت پیار پریمی پریمکا پریم دئے بنائیا۔