کتب خانہGranth 17 (Shahmukhi)

۱۴ بھادروں ۲۰۲۱ بِکرمی ہزوُرا سِنگھ دے گھر گُرایا

گُر اوتار پیِر پَیغمبر لَین ہؤکا، حیَرانی حیَرانی وِچوں پرگٹائیا۔ جگت جیِو لیکھا چُکیا ساچے ناؤں کا، نر نِرنکارا ہِردے ہرِ نہ کوئے وسائیا۔ جگت وہن وہے کوُڑے دریاؤ کا، نئیا نؤکا سنگ نہ کوئے رکھائیا۔ لیکھا چُکیا بھےَ بھاؤ کا، سیِس جگدیس نہ کوئے جھُکائیا۔ وِکار ودھیا ہؤمے ہؤں کا، ممتا موہ نہ کوئے مِٹائیا۔ مان چُکیا پِتا ماؤں کا، بھئیا بھَین سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ گُر اوتار پیِر پَیغمبر تکّ تکّ تھکّے، بِن اکھّاں نِج نیتر دھیان لگائیا۔ کلجُگ انتم صدی چؤدھویں ہوئے ہکّے بکےّ، حقیِقت حق نہ کوئے سمجھائیا۔ سچ پریِتی نام رنگن آتم پرماتم کوئے نہ رتےّ، کوُڑی کِریا گھر گھر نظری آئیا۔ بھگت بھگوان نِرگُن سرگُن سَت سَتوادی مِل کوئے نہ ہسّے، ہستی ہرِ وِچ نہ کوئے سمجھائیا۔ نِجھ نیتر لوچن نَین سَتگُر درس کرے نہ کوئے اکھےّ، شاستر سِمرت وید پُران پڑھ پڑھ تھکّی سرب لوکائیا۔ نِرگُن جوت نِراکار گرِہ مندر کوئے نہ جگے، اندھ اگیان نہ کوئے مِٹائیا۔ کام کرودھ لوبھ موہ ہنکار جوُٹھ جھوُٹھ کوئے نہ تجے، مان ابِھمان نہ کوئے تجائیا۔ من واسنا نؤ کھنڈ پرِتھمی ستّ دیِپ چار کُنٹ دہ دِشا پِھرن بھجےّ، بھوَ ساگر پار نہ کوئے کرائیا۔ لہنا دینا لوکمات کوئے نہ رکھے اَگے، اگلا پندھ نہ کوئے سمجھائیا۔ مایا ممتا ہؤمے ہنگتا ترےَگُن اگنی سرِشٹ سبائی تپے، امرت میگھ نہ کوئے برسائیا۔ پُرکھ اکال دیِن دَیال شبد سوامی تیرا نام کوئے نہ جپے، رسنا جِہوا بتّی دند دِوس رَین کرن پڑھائیا۔ کایا کعبہ حضرت ویکھیا نہ کِسے مکّے، جگت مقبریاں بَیٹھے سیِس نِوائیا۔ ساچا رام منزل مقام کِسے نہ دسےّ، محبوُب سنمکُھ روُپ نہ کوئے درسائیا۔ سچ سِنگھاسن پُرکھ ابناشن شاہ پاتشاہ

سَت سروُپ سچ دوارے اِکو پھبے، جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے سیِس نِوائیا۔ گُر اوتار پیِر پَیغمبر جُگ چؤکڑی ویکھ جگت، نیتر نَین نَین شرمائیا۔ صدی ویہویں آیا وقت، واکیا سب نوُں دئے دِرڑائیا۔ پتِ پرمیشور سِری بھگوان اپنی کرے نِرگُن حرکت، نِرویَر اپنی کار کمائیا۔ دو جہاناں میٹے شرکت، پُری لوء برہمنڈ کھنڈ لوک پرلوک کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ گُر اوتار پیِر پَیغمبر تکّن مات، متا اپنے نال پکائیا۔ جُگ چؤکڑی سَتجُگ تریتا دواپرکلجُگ جو دیندے رہے دات، سرگُن ہو کے کر پڑھائیا۔ نام وست بھنڈار امولک بھردے رہے ڈوُنگھے کھات، خاطر مان جگت وڈیائیا۔ گوپی کاہن منڈل منڈپ پاؤندے رہے راس، مور مُکٹ سیِس ٹِکائیا۔ رام سیِتا پِھردے رہے بنواس، جگت وِچھوڑا سمجھ سکے کوئے نہ رائیا۔ کلجُگ انتم ویکھ ہوئے ہراس، حیَرانی سب دے اُپر چھائیا۔ سچ وست نہ کِسے پاس، پاشا ہرِ جوُ دِتا اُلٹائیا۔ رسنا جِہوا انتر آتم ہِردا جپے نہ کوئے سواس، مُردا دِسے سرِشٹ سبائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، پربھوُ تیرے ہتّھ سچّی وڈیائیا۔ گُر اوتار پیِر پَیغمبر تکّن رَین دِن، دِوس رَین نہ کوئے وڈیائیا۔ نؤ سؤ چُرانوے چؤکڑی جُگ بِتائے گِن گِن، گِنتی اکھّراں انکڑیاں وِچ شمار نہ کوئے کرائیا۔ صاحِب سوامی ٹھاکر پروردِگار ویس وٹائے بھِن بھِن، چھِن چھِن اپنی کار کمائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سَت سَت سچ ملِے شرنائیا۔ گُر اوتار پیِر پَیغمبر تکّن نَین، لوچن اِک کھُلائیا۔ نِرگُن دھار نِرگُن کہن، نِرگُن ڈھولا سوہلا رہے گائیا۔ نِرگُن لیکھا نِرگُن دین، نِرگُن لہنا اِکو گھر بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کرنی دُھر دی آپ کمائیا۔ گُر اوتار پیِر پَیغمبر ویکھن گلی گلی، چؤداں لوک چؤداں طبق دھیان لگائیا۔ پت پرمیشور ولی چھلی، اچھل چھل دھاری ویس وٹائیا۔ جِس نوُں سیِس جھُکاؤندے گئے وِشن برہما شِو جودھا سوُربیِر وڈ علی، االلہ کہہ کہہ نعرہ لگائیا۔ کوٹن کوٹ گُر اوتار جِس باغیچے باغ دی مہکدی کلی، کومل روُپ نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا لیکھا آپ دِرڑائیا۔ گُر اوتار پیِر پَیغمبر اِک دوُجے نوُں کرن اشارہ، سیَنت نال سمجھائیا۔ عیسیٰ موُسیٰ محمد نیتر لوچن نَین تکّن پروردِگارا، بےپرواہ تیری وڈیائیا۔ تیئی اوتار نِیوں نِیوں کرن نِمسکارا، پُنہ پُنہ سیِس جھُکائیا۔ دسّ گُر بول جَیکارا، تُوں ہی تُوں راگ الائیا۔ بھگت اٹھاراں دھوُڑی ٹِکاّ مستک لاون چھارا،

مستی نام خُماری اِک چڑھائیا۔ سَتجُگ تریتا دواپرکلجُگ جُگ چؤکڑی ویکھیا تیرا نظارہ، بےنظیِر سمجھ کوئے نہ پائیا۔ کلجُگ انتم کھیل اپارا، اپرمپر سوامی سدا نِہکامی انتریامی اپنی کھیل رچائیا۔ نِرگُن نِرویَر پُرکھ اکال دیِن دَیال لئے اوتارا، کل کلکی ویس وٹائیا۔ سمبل وسے دھام نیارا، دیِا باتی کملاپاتی نِرگُن جوت رُشنائیا۔ کاغذ قلم نہ لِکھنہارا، کاتب مان دیوے نہ شاہیِا۔ سرِشٹ سبائی جگت بنے نہ کوئے ونجارا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ جوُ اپنا کھیل رچائیا۔ گُر اوتار پیِر پَیغمبر نیتر لوچن نَین کھول، خالق خلق تیری کھیل ویکھ وکھائیا۔ واہ واہ سوامی تولے تول، تولنہارے تیرے ہتّھ وڈیائیا۔ لکّھ چؤراسی جیِو جنت سُتے انبھول، سُرتی شبد نہ کوئے مِلائیا۔ گُرمکُھ گُرسِکھ وِرلے چرن پریِتی رہے گھولی گھول، گھول گھُمائی تیری اِکو سیو کمائیا۔ دوُر دُراڈے نیرن نیرے شبد اگمّی تیرے وجّدے ڈھول، ڈھولک چَھینا کمّ کِسے نہ آئیا۔ جن بھگتاں بجر کپاٹی پڑدے دِتے کھول، دُئی دوَیتی شرع شرائطی پرے ہٹائیا۔ سَت سروُپی انتر آتم گیا مؤل، پرماتم اپنا رنگ چڑھائیا۔ اُلٹا کر کے نابھ کؤل، نِجھر جھِرنا امرت رس جھِرائیا۔ دے وڈیائی اُپر دھؤل، دھرنی دھرت سوبھاونت اِک سُہائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، در ٹھانڈے منگ منگائیا۔ گُر اوتار پیِر پَیغمبر ویکھن کلجُگ انتم دھار، کلکاتی پھیرا پائیا۔ بھرمے بُھلیا سرب سنسار، سَت سچ نہ کوئے دِرڑائیا۔ رسنا جِہوا ڈھولے رہے اُچار، گولے بن نہ سیو کمائیا۔ دوئے دوئے جوڑ کرن نِمسکار، ڈنڈاوت کر نہ خوشی منائیا۔ جوتی جوت سروُپ ہرِ، آپ اپنی کِرپا کر، کھیل اگمّی رہیا وکھائیا۔ گُر اوتار پیِر پَیغمبر جھُک جھُک کرن سجدہ، سہج سُبھا سیِس نِوائیا۔ ہؤں برخوردار تیرا بردا، بندگی بندگی وِچوں نظری آئیا۔ نہ جیِوندا نہ کدے مردا، مُردا ہو نہ گور سمائیا۔ ایہو کھیل پُرکھ اکال دُھر دے ہرِ دا، ہر گھٹ ہِردے ویکھے چائیں چائنیا۔ نِت نوِت لوکمات کدے نہ ڈردا، بھےَ بھاؤ دوویں اپنے ہتّھ رکھائیا۔ بھگت سُہیلے ساچے وردا، ناتا دُھر دا جوڑ جُڑائیا۔ ڈوُنگھی بھوَری کایا کوَری وِچوں پھڑدا، جگ نیتر نظر کِسے نہ آئیا۔ منزل منار آپے چڑھدا، بنک دوار ڈیرہ لائیا۔ تُوں میرا میَں تیرا ساچا ڈھولا اِکو پڑھدا، بِن پُستک کرے پڑھائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ گُر اوتار پیِر پَیغمبر ویکھن دھار باریِک، جِس دی سار کوئے نہ پائیندا۔ سَتجُگ تریتا دواپرکلجُگ جو دسّدے رہے تریک، تاریخ اپنی آپ بدلائیندا۔ جِس دی نِرگُن نِرویَر نِرادھار کردے رہے اُڈیِک، سو صاحِب سُلطان مِہربان

پھیرا پائیندا۔ جِس نوُں پروردِگار کہے لاشریِک، مقامے حق ڈیرہ لائیندا۔ جِس دے ہتّھ سرب تؤفیِق، توحفہ گھر گھر آپ پہُنچائیندا۔ جِس نوُں سجدہ کرے قرآن مجید، مؤجوُدہ نظر کِسے نہ آئیندا۔ عیسیٰ موُسیٰ محمد جِس دی کرکے گئے تائید، تابع داری وِچ سیو کمائیندا۔ جِس دی نانک گوبِند لِکھ کے گئے رسید، جگت اکھّراں ناتا جوڑ جُڑائیندا۔ جِس نوُں بھگتاں منّیا ٹھیِک، کایا ٹھیِکر بھنّ وکھائیندا۔ جِس نوُں صوُفی کہن لاشریِک، شِرکت وِچ کدے نہ آئیندا۔ جِس نوُں سنتاں منّیا سب توں نزدیِک، دوُرن دوُر پندھ مُکائیندا۔ جِس نوُں گُرمکُھ کہن سدا سُرجیِت، جنم مرن نہ کوئے رکھائیندا۔ جِس نوُں گُرمکُھاں گُرسِکھاں مِل کے لائی پریِت، پریِتم اِکو نظری آئیندا۔ جوتی جوت سروُپ ہرِ، آپ اپنی کِرپا کر، دُھر دا داتا ویس وٹائیندا۔ گُر اوتار پیِر پَیغمبر پرم پُرکھ تیری ویکھن جھاکی، کلجُگ انتم ویس وٹائیا۔ نوَ نؤ چار دی دے باقی، لہنا دینا سرب دا حِساب مُکائیا۔ سچکھنڈ دواریوں کھول اگمّی تاکی، دُھر دا جھروکھا پڑدا دِتا اُٹھائیا۔ کلجُگ میٹ اندھیری راتی، نِرگُن جوت باتی چند رُشنائیا۔ شبد کہانی دسےّ دُھر دی ساکھی، ساکھیات دئے سمجھائیا۔ بن کے پرم پُرکھ پربھ کملاپاتی، پت پرمیشور روُپ وٹائیا۔ نام جام پِلائے دُھر دا ساقی، ساکہ اپنا دئے دِرڑائیا۔ کوئی سمجھ نہ سکے بندہ خاکی، خالص تیری دھار نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، جن بھگتاں پوُری کرے آسی، آسا ترِسنا اپنے وِچ سمائیا۔ گُر اوتار پیِر پَیغمبر جاون بلہاری، بل بل کہہ رہے جس گائیا۔ کلجُگ انتم تیری واری، سب تیری اوٹ تکائیا۔ تُوں شاہ پاتشاہ شہنشاہ سچّا سِکداری، دو جہاناں حُکم ورتائیا۔ وِشن برہما شِو کرن نِمسکاری، کروڑ تیتیِسا سُرپت اِند نِیوں نِیوں سیِس جھُکائیا۔ سَتجُگ تریتا دواپرکلجُگ ویکھے وارو واری، وارتا اپنی نال دِرڑائیا۔ گُر اوتاراں پیِر پَیغمبراں دیوے نام خُماری، خُمار اپنا اِک چڑھائیا۔ کاغذ قلم شاہی کر تیاری، دُھر دا ڈھولا صِفتی رہی سمجھائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا حُکم ورتائیا۔ گُر اوتار پیِر پَیغمبر اِک دوُجے نوُں دسّن، درِشٹی درِشٹی نال مِلائیا۔ ویکھو کوُڑ کُڑیارے کلجُگ نسّن، بھجّن دِوس رَین واہو داہیِا۔ پُرکھ ابناشی لکّھ چؤراسی وِرولے آپ مکھّن، سَت مدھانا ہتّھ اُٹھائیا۔ سنت سُہیلے آیا رکھن، رکھیا کرے چائیں چائنیا۔ دُھر دا مارگ آیا دسّن، دہ دِشا کرے پڑھائیا۔ کوُڑی کِریا آیا متھن، چرناں ہیٹھ دبائیا۔ غریِب نِمانیاں کوجھیاں کملیاں پڑدے آیا ڈھکن، اوڈن نام ہتّھ اُٹھائیا۔ کوُڑی کِریا آیا کڈھن، ممتا موہ مِٹائیا۔ امرت دیون آیا رسن، جھِرنا

رِسک رِسک جھِرائیا۔ جوتی جوت سروُپ ہرِ، آپ اپنی کِرپا کر، اپنے ہتّھ رکھے وڈیائیا۔ گُر اوتار پیِر پَیغمبر مِلیا جوڑا، دُھر دی جوڑی ہرِ بنائیا۔ سارے کہن ویکھو لگّا ہوڑا، سسّا سَتگُر صِفت صلاحیِا۔ لکّھ چؤراسی دسےّ جیِو جنت مِٹھا کؤڑا، ہنگ برہم کھوج کھوجائیا۔ نِرگُن نِرویَر نِراکار نِرنکار پِھرے دؤڑا، دو جہان زمیں آسمان پُری لوء برہمنڈ کھنڈ پھیرا پائیا۔ نؤ سؤ چُرانوے چؤکڑی جُگ جِس نے اپنا کاگت رکھیا کورا، گُر اوتار پیِر پَیغمبر ہتّھ نہ کوئے لگائیا۔ اوس دے اُپر لگا کے اپنی مُہرا، مِہر نظر نال تکائیا۔ تِس دی کلجُگ انتم لوڑا، پاربرہم آپ دِرڑائیا۔ سرِشٹ سبائی ہوئے اندھ گھورا، سچّا چند مکُھ چُھپائیا۔ اوس ویلے شبدی سُت دُھر دا بانکا آوے چھوہرا، جوبنونتا پھیرا پائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ گُر اوتار پیِر پَیغمبر ویکھن کاغذ چِٹّا، حرف حروُف لکیِر نظر کوئے نہ آئیا۔ سارے کہن ویکھو اِس دا کی نِکلے سِٹّا، سٹّا لا لا جُگ جُگ آئے پھیریاں پائیا۔ گُر اوتار کہن ایہہ کھیل اگمّی پِتا، پت پرمیشور رچن رچائیا۔ گوبِند کہے میَں بےشک سب توں چھوٹا نِکاّ، بچّیاں وِچوں بچّہ نظری آئیا۔ پُرکھ اکال میرے نال کرے ہِتا، ہِتکاری ہو کے دَیا کمائیا۔ ماچھوُواڑے بِن اکھّراں میَنوُں ایہو جِہا دِتا چِٹھا، جِس دی چِٹھی مضموُناں وِچ نہ کِسے چھپوائیا۔ ایہہ کھیل ابناشی اچُتا، چیتن سب نوُں رہیا کرائیا۔ گُر اوتار پیِر پَیغمبر سارے کہن ساڈا پیَنڈا مُکا، پاندھی اپنا پندھ مُکائیا۔ موُسیٰ کہے میَنوُں یاد پِچھلا رُقہ، جو کوہ طوُر ڈِگدیاں نظری آئیا۔ عیسیٰ کہے میَں ویکھیا ایہہ کاغذ سُچا، جِس دی چمک بےپرواہ آپ چمکائیا۔ محمد کہے میَں اِس دی پُچھدا رہیا پُچھا، پروردِگار اگلی دھار نہ کوئے جنائیا۔ نانک کہے میَں اِسنوُں ویکھیا بِنا جُسا، پنج تت نظر کوئے نہ آئیا۔ گوبِند کہے لاڈ کرے وانگ پُتاں، پِتا پُرکھ اکال سچّا شہنشاہیِا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ چِٹّا کاغذ کہے میَں اشٹام، اِشٹ سب دا ویکھ وکھائیا۔ میرے ہتّھ جگت نِظام، بےنظیِر دَیا کمائیا۔ جِس دے اُتے میرا محبوُب محُبّت وِچ لِکھے کلام، کلمیاں نال نہ کوئے پڑھائیا۔ جِس دے حُکمے اندر کھیل تمام، تعمیل سب دی آپ کرائیا۔ جوتی جوت سروُپ ہرِ، آپ اپنی کِرپا کر، اپنی کرنی اپنے ہتّھ رکھائیا۔ اشٹام کہے میَں کاغذ کورا، میری بنت نہ کِسے بنائیا۔ میرے اُتے پرم پُرکھ اپنے نام دی لاوے مُہرا، مِہر نظر اِک اُٹھائیا۔ جِس دے اَگے گُر اوتاراں پیِر پَیغمبراں رہے کوئے نہ زورا، جابر روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سَت دیونہار وڈیائیا۔ گُر اوتار پیِر پَیغمبر کہن سوہنے اشٹام،

کی تیری وڈیائیا۔ کی تیرے اُپر روُپ لِکھیا جائے بنام، بالی بالے ونڈ ونڈائیا۔ کی تیرے اُتے انگوُٹھیاں نال لگایا جائے نِشان، کی اکھّراں نال لیکھ بنائیا۔ بھیو کھول آپ تمام، طاقت اپنی دے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھیوَ ابھیدا رہیا دِرڑائیا۔ گُر اوتار پیِر پَیغمبر سُنو میرا کام، بِن کاغذاں کاغذ رہیا جنائیا۔ کلجُگ انتم کھیل کرے سِری بھگوان، ہرِ کرتا کار کمائیا۔ تِس دے اُتے بِن رسنا جِہوا بولے تُہاڈے لِکھے بیان، تصدیِق لاشریِک آپ کرائیا۔ اگلا کھیل کرے مہان، خالق خلق اپنے ہتّھ رکھے وڈیائیا۔ کوُڑی کِریا بدل دیوے نِظام، نؤبت اِکو نام وجائیا۔ لکّھ چؤراسی وِچوں گُرمکُھ گُرسِکھ ہرجن ہربھگت کر پروان، پروانگی اپنی اِک سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ مِہر نظر پربھوُ اُٹھاویگا۔ دیِن دَیال دَیا کماویگا۔ مِہربان ویس وٹاویگا۔ دیس پردیس سرب تجاویگا۔ وِشن برہما شِو مہیش سیِس نِواویگا۔ گُر اوتار کر آدیس، پیِر پَیغمبر سجدہ سہج جھُکاویگا۔ آپ وسے اگمّڑے دیس، سمبل چرن ٹکاویگا۔ جوتی جامہ دھر کے بھیس، بھیکھادھاری بھیوَ ابھید آپ دِرڑاویگا۔ دو جہاناں کھیڈے کھیڈ، کھنڈا کھڑگ نام چمکاویگا۔ گُر اوتار پیِر پَیغمبر جِس نے دِتے بھیج، بھجن بندگی سو اپنا نام سمجھاویگا۔ جوتی جوت سروُپ ہرِ، آپ اپنی کِرپا کر، جن بھگتاں کرے ہیت، ہِتکاری بن کے میل مِلاویگا۔ کاغذ کہے بےشک میری نہیں کوئی قیمت، جگت نہ کوئے وڈیائیا۔ میرا مؤقع جِنہاں بھگتاں مِلیا اوہ سمجھن غنیِمت، گہر گمبھیِر گَور دئے وڈیائیا۔ پریم پیار کی جانے ساگر جل جل میِنت، ہرجن ہرِ ہرِ دئے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کاغذ کہے میَں دسّاں قواعد، قاعدہ اِک سمجھائیندا۔ میرا گوبِند نال عہد، عہدنامہ لیا لِکھائیا۔ پتہ کِسے نوُں اجے نہیں لگّا شاید، شاہ سُلطان سمجھ کِسے نہ آئیا۔ رسنا جِہوا کر کے سمجھاوے نہ کوئے واعظ، نغمیاں وِچ کوئے نہ گائیا۔ میرا جانے نہ کوئے فرائض، فرار ہو کے سب توں مکُھ چُھپائیا۔ کلجُگ انتم جن بھگتاں کراں ازمائش، دُھر دے ناویں وِچوں ناویں جگت پرگٹائیا۔ میرا طوُل عرض کرے نہ کوئے پَیمائش، پَیمانیاں وِچ ناپ نہ کوئے جنائیا۔ پربھ چرن دوار میری رہائش، آرامگاہ اِک سمجھائیا۔ آد جُگاد جُگ چؤکڑی اِکو مانا سچّا عَیش، عاشق معشوق سمجھ کِسے نہ پائیا۔ میرے اُتے لیکھ لِکھن والا کدی نہ آوے وِچ تَیش، غُصّہ غم نہ کوئے جنائیا۔ جد ویکھاں گُر اوتاراں پیِر پَیغمبراں کرے ہدایت، حضرت سرب نوُں سچ سمجھائیا۔ مِہربان ہو کے اپنا نام کرے عنایت، وست امولک جھولی پائیا۔

جن بھگتاں خاطر میَنوُں رکھیا کر کفایت، اپنے چرناں ہیٹھ دبائیا۔ میَں انتم کرنی اوہناں حمایت، جو ہؤمے روگ گئے تجائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ کاغذ کہے، میَں اپنا لیکھ دِرڑاوانگا۔ جِس نوُں دو جہان کرن آدیس، تِس دا عدل اِک سمجھاوانگا۔ جِس نوُں مندے سَت نریش، تِس دا نام اِک پرگٹاوانگا۔ جِس نوُں کہِندے رہے ہمیش، اُس دا بھیوَ ابھید کھُلاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کماوانگا۔ کاغذ کہے، میَں سیو کماؤنی اے۔ کھیل دسّاں الکھ ابھیوَ، جِس لیِلا اچرج آپ وکھاؤنی اے۔ جِس نوُں لبھدے دیوی دیو، تِس نِرگُن جوت رُشناؤنی اے۔ جوتی جوت سروُپ ہرِ، آپ اپنی کِرپا کر، سچ کرنی سَت دِرڑاؤنی اے۔ کاغذ کہے میَں کار کماوانگا۔ پِچھلا لیکھا سرب دِرڑاوانگا۔ گُر اوتاراں نال رلاوانگا۔ پیِر پَیغمبراں پھڑ اُٹھاوانگا۔ جن بھگتاں اکھّ کھُلاوانگا۔ کیِتا قؤل اِقرار، اِقرارنامے اُتوں درساوانگا۔ جِس نوُں چھاپ سکے نہ کوئے اِشتہار، شکل اکھّراں وِچ نہ کوئے بناوانگا۔ جِس دا کھیل چلے جُگ چار، حُکم چؤکڑی اِک ورتاوانگا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، گھر پڑدا اِک کھُلاوانگا۔ گھر پڑدا اِکو کھُلیگا۔ جن بھگت ساچے تول تُلیگا۔ دُھر دا کاغذ لوکمات کدے نہ رُلیگا۔ سَتجُگ دسےّ ساچی دھار، سچ پُھلواڑی وِچ پُھلیگا۔ جِس دا لیکھا سکے نہ کوئے وِچار، جوتی جوت سروُپ ہرِ، آپ اپنی کِرپا کر، سو صاحِب سوامی تُٹھیگا۔ کاغذ کہے میَں دسّاں چنگا، چنگی طرح سمجھائیا۔ میرا لِکھیا کدے نہ ہووے مندا، مابدؤلت میری سیوا لائیا۔ میرا لیکھا من مت بُدھ سمجھ سکے نہ بندہ، بندش وِچ فیسلہ نہ کوئے سُنائیا۔ ویکھ سکے نہ نیترہیِن جیِو اندھا، جوتی جوت سروُپ ہرِ، آپ اپنی کِرپا کر، دیونہارا ساچا ور، میرا دُھر دا سنگ نِبھائیا۔ کاغذ کہے میَں بھگتن میِتا، مِتر پیارا نظری آئیا۔ شاستر سِمرت وید پُران اپنے اُتے رکھی اٹھاراں دھیائے گیِتا، انجیل قرآن سیِنے وِچ چُھپائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دی رچنا آپ جنائیا۔ دُھر دی رچنا آپ بناؤنی اے۔ ساچی سند بِن اکھّراں لِکھ کے، دُھر درگاہ آپ ٹِکاؤنی اے۔ جو بھگت پریم پیارے ہِت دے، تِنہاں ہتھکڑی دو جہان آپ تُڑاؤنی اے۔ پہلی اَسوُ شبد سُت حُکم سُناؤنے اگمّی پِت دے، پاتر پاتی ونڈ نہ کوئے ونڈاؤنی اے۔ جو گُرمکُھ گُرسِکھ سنت سُہیلے جُگ جُگ ساچی سِکھیا رہے سِکھدے، تِنہاں سِکھاں چوٹی چڑھ کے اپنی جوت جگاؤنی اے۔ جیہڑے محل اٹل مندر اندر نہیں دِسدے، تِنہاں نظر کر فضل

اکھّ نال اکھّ مِلاؤنی اے۔ جوتی جوت سروُپ ہرِ، آپ اپنی کِرپا کر، کرے کھیل نال زور حق دے، حِکمت اپنی نہ کِسے سمجھاؤنی اے۔ جُگ چؤکڑی گُر اوتار پیِر پَیغمبر وید پُران شاستر سِمرت گیِتا گیان انجیل قرآن کھانی بانی گئے لِکھدے، لِکھ لِکھ لیکھ ریکھ ونڈ نہ کِسے ونڈاؤنی اے۔ مہاراج شیر سِنگھ وِشنوُں بھگوان، کرے کھیل آپ انڈِٹھ دے، انڈِٹھڑی کار جن بھگت وِہار آپ کراؤنا اے۔

۲۰ بھادروں ۲۰۲۱ بِکرمی بھاگ سِنگھ دے گرِہ پِنڈ مہاوا

گُر اوتار کرن پرنام، سچکھنڈ دوارے سیِس جھُکائیا۔ پیِر پَیغمبر کرن سلام، پروردِگار تیری شرنائیا۔ جُگ چؤکڑی ویکھیا جگت جہان، لوکمات دھیان لگائیا۔ برہمنڈ کھنڈ تیرا جھُلدا دِسیا نِشان، شاہ پاتشاہ سچّے شہنشاہیِا۔ صدی ویہویں نؤ کھنڈ پرِتھمی ستّ دیِپ من واسنا ہویا حرام، ہِردے ہرِ کا نام نہ کوئے سمائیا۔ چار کُنٹ دہ دِشا کوُڑی کِریا پِھرے شَیطان، شرع گھر گھر کرے لڑائیا۔ دیِن مذہب کِسے گھر نہ آئے سچ پیَغام، نؤبت نام نہ کوئے وجائیا۔ مایا ممتا ترِسنا ہوئے غُلام، غُربت سکے نہ کوئے مِٹائیا۔ سَتجُگ تریتا دواپرکلجُگ صدی سدیوی جو دیندے رہے پیَغام، دُھر سندیسہ نام سُنائیا۔ انتر آتم سکے نہ کوئے پہچان، بےپہچان ہو کے اپنی کل وکھائیا۔ جوتی جوت سروُپ ہرِ، آپ اپنی کِرپا کر، گُر اوتار پیِر پَیغمبر در ٹھانڈے رہیا سُنائیا۔ گُر اوتار کرن پُکار، کوُک کوُک سُنائیا۔ پیِر پَیغمبر اُچی کوُکن روون زارو زار، نیتر نَیناں نیِر وہائیا۔ صدی چؤدھویں ہوئے خَوار، خالق خلق مخلوُق تیری سار کِسے نہ پائیا۔ ساچا دِسے نہ کوئی یار، پریِتی حق نہ کوئے نِبھائیا۔ چؤداں لوک دِسے خَوار، چؤداں طبق دھیِرج دھیِر نہ کوئے دھرائیا۔ چؤداں وِدیا سمجھ سکے نہ کوئے سنسار، چؤدس چند نہ کوئے رُشنائیا۔ طوبیٰ طوبیٰ اِستغفار، غافل ویکھی مات لوکائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، پت پرمیشور پروردِگار شاہ پاتشاہ تیری اوٹ تکائیا۔ گُر اوتار کرن آس، آسا تیرے وِچوں پرگٹائیا۔ پیِر پَیغمبر رکھن خواہش، جیِو جنت تیرے تیرے وِچ سمائیا۔ کلجُگ انتم ہوئے سارے اُداس، گھر گھر حیَرانی اِکو چھائیا۔ مِلیا میل تیرا پرِتھمی آکاش، گگن منڈل کھوج کھوجائیا۔ سچ جوت نِرمل دِسے نہ کوئے پرکاش، اندھ اگیان نہ کوئے رُشنائیا۔ رسنا جِہوا شبد نہ کوئی سواس سواس، پؤن پوَناں راگ نہ کوئے الائیا۔ ساچی دُھن نہ کوئی ناد، اگمّ

اتھاہ بےپرواہیِا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، در تیرے منگ منگائیا۔ گُر اوتار کرن جھولی، در ٹھانڈے سیِس نِوائیا۔ پیِر پَیغمبر بولن ہؤلی ہؤلی، آہستہ آہستہ رہے جنائیا۔ پروردِگار نوُر خُدا پاربرہم پت پرمیشور ساچا تول اِکو تولی، تولنہارا بےپرواہیِا۔ لکّھ چؤراسی جیِو جنت کایا چڑھیا رنگ کِسے نہ چولی، رنگت رنگ سکے نہ کوئے رنگائیا۔ من واسنا سرِشٹ سبائی ہوئی گولی، گھر گھر سیو کمائیا۔ تُوں میرا میَں تیرا آتم پرماتم سمجھے کوئے نہ بولی، انبولت تیرا راگ راگ راگنی صِفت نہ کوئے صلاحیِا۔ گُر اوتاراں پیِر پَیغمبراں نال جو کیِتا اِقرار کؤل اُپر دھَولی، لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، گُر اوتار پیِر پَیغمبر در ٹھانڈے منگ منگائیا۔ گُر اوتار کہن پربھ تیری پریِت، پُرکھ اکال سچّی سرنائیا۔ پیِر پَیغمبر کہن انلیک قمچ کھیل، خالق خلق وڈ وڈّے تیری بےپرواہیِا۔ نِرگُن ہو کے سرگُن میل، میل مِلاواں تھاؤں تھائنیا۔ ایتھے اوتھے دو جہاناں بن سجّن سُہیل، سگلا ساتھی دُھر دا نظری آئیا۔ جوتی جوت سروُپ ہرِ، آپ اپنی کِرپا کر، لیکھا چُکاؤنا تھاؤں تھائنیا۔ گُر اوتار پیِر پَیغمبر نَین پیکھا، کلجُگ انتم دھیان لگائیا۔ شاستر سِمرت وید پُران دیندے گئے سندیسہ، کھانی بانی دُھر دا حُکم جنائیا۔ جُگ چؤکڑی نِرگُن سرگُن وٹاونہارا ویسا، ویس اولّا روُپ وٹائیا۔ شاہ پاتشاہ راج راجان نر نریشا، نِرویَر نِراکار اِک اکھوائیا۔ بھگت وچھل سنت اُدھارن جِس دا پیشہ، پت پرمیشور بےپرواہیِا۔ جِس نوُں جھُکدے کوٹن کوٹ برہما وِشن شِو مہیشا، کروڑ تیتیِسا دھوُڑی ٹِکاّ مستک خاک رمائیا۔ جوتی جوت سروُپ ہرِ، آپ اپنی کِرپا کر، در در تیرے الکھ جگائیا۔ گُر اوتار پیِر پَیغمبر جگاون الکھ، اُچی کوُک کوُک نعرہ جگت الائیا۔ نِرگُن نِرویَر پُرکھ اکال دیِن دَیال ہو پرتکھ، پاربرہم اپنا ویس وٹائیا۔ جُگ چؤکڑی پوُرا کر حق ، حقیِقت دُھر دی دئے سمجھائیا۔ مُریِد مُرشد کھول اپنی اکھّ، نِج نیتر لوچن نَین کر رُشنائیا۔ کام کرودھ لوبھ موہ ہنکار مایا ممتا کر بھٹھ، جوتی اگنی لمبوُلائیا۔ چار ویداں اٹھاراں پُراناں دُھر دا مارگ دسّ، شتّری براہمن شوُدر وَیش کر پڑھائیا۔ پروردِگار پُرکھ سمرتھ، دیِن دَیال تیرے ہتّھ وڈیائیا۔ بودھ اگادھ شبد ناد مہما تیری اکتھ، شاستر سِمرت وید پُران آد جُگاد جُگ چؤکڑی رہے جس گائیا۔ جن بھگتاں رکھ دے کر ہتّھ سِر اوڈھن اِکو نظری آئیا۔ گُر اوتار پیِر پَیغمبر سچ دوار سَت سرنائی رہے ڈھٹّھ، سیِس جگدیس اِک جھُکائیا۔ ناتا تُٹا تت اٹّھ، سرگُن روُپ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، اِکو دینا

دُھر دا ور، شہنشاہ تیرے ہتّھ تیری وڈیائیا۔ گُر اوتار پیِر پَیغمبر رہے منگ، مانگت ہو کے جھولی ڈاہیِا۔ کلجُگ کوُڑی کِریا سرِشٹ سبائی کیِتا ننگ، سَتگُر شبد پڑدا نظر کِسے نہ آئیا۔ من واسنا کوُڑی کِریا نچّے وانگ ملنگ، پِھر پِھر ڈوروُ ڈنکا رہی وجائیا۔ سُت شبد مِل کے کِسے نہ آیا انند، آتم پرماتم جوڑ نہ کوئے جُڑائیا۔ نِجھر جھِرنا امرت جائے نہ کوئی سِنج، اگنی اگّ نہ کوئے بُجھائیا۔ جنم جنم دی ٹُٹی دیوے نہ کوئی گنڈھ، گنڈھنہار گوپال سوامی تیری اِک سرنائیا۔ دُھر دا ڈھولا سوہلا سُنیو اِکو چھند، شرع شریعت بندھن رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، گھر تیرا سچّا نظری آئیا۔ گُر اوتار پیِر پَیغمبر کرن ارداس، نمو نمو سیِس جھُکائیا۔ سچکھنڈ نِواسی پُرکھ ابناش، سِری بھگوان تیری اوٹ تکائیا۔ سو پُرکھ نِرنجن دو جہان برہمنڈ کھنڈ تیری شبدی ویکھی راس، بِن گوپی کاہن راس رچائیا۔ جن بھگتاں ساچے سنتاں نِرمل جوت کر پرکاش، دیِوا باتی کملاپاتی اِکو اِک ٹِکائیا۔ کلجُگ مکُے اندھیری رات، سَتجُگ سچّا چند کرے رُشنائیا۔ لکّھ چؤراسی جیِو جنت تیرے نام دی گاون گاتھ، دوُجی اَور نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، پرماتم آتم آتم پرماتم - - - - - - -- - - -۔