۲۳ بھادروں ۲۰۲۱ بِکرمی سمُند سِنگھ دے گرِہ پِنڈ ماڑی میگھا
سچکھنڈ دوار سچّی دھرمسال، سَت سَتوادی پُرکھ ابناشی سوبھا پائیا۔ کھیلے کھیل والی دو جہان، نِرگُن نِرویَر نِراکار اپنی دھار چلائیا۔ سو پُرکھ نِرنجن ٹھانڈا کھول اِک دربار، ہرِ پُرکھ نِرنجن خوشی منائیا۔ ایکنکار ویکھے وِگسےویکھنہار، آد نِرنجن جوتی جوت کرے رُشنائیا۔ ابناشی کرتا شاہو بھوُپ سجّن سِکدار، شہنشاہ اپنا ناؤں پرگٹائیا۔ سِری بھگوان سَت نِشانہ اِک اُٹھال، سچ دوارے آپ جھُلائیا۔ پاربرہم پربھ کھیل اپار، اپرمپر سوامی اپنی کھیل کرائیا۔ مقامے حق پروردِگار، جلوہ نوُر کرے رُشنائیا۔ لاشریِک بےعیب کرے کھیل اپر
اپار، جوتی جوت سروُپ ہرِ، آپ اپنی کِرپا کر، اِک اِکلّا اپنی کار کمائیا۔ اِک اِکلّا ایکنکارا، سو پُرکھ نِرنجن ہرِ اکھوائیندا۔ دیِا باتی کملاپاتی کر اُجیارا، محل اٹل اِک رُشنائیندا۔ شاہو بھوُپ بن سِکدارا، سچ سِنگھاسن سوبھا پائیندا۔ جودھا سوُربیِر مرد مردانہ وڈ بلکارا، والی دو جہاناں ویس وٹائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچ دوارے کار کمائیندا۔ سچ دوار پُرکھ اگمّ، ہرِ کرتا آپ پرگٹائیا۔ مات پِت کوئی نہ لئے جمّ، جننی جن گود نہ کوئے اُٹھائیا۔ پَون سواس نہ کوئی دم، چِنتا غم سنگ نہ کوئے نِبھائیا۔ نِہکرمی کرے اپنا کمّ، کرنہار وڈّی وڈیائیا۔ جوتی جوت سروُپ ہرِ، آپ اپنی کِرپا کر، سچ دوارے خوشی وکھائیا۔ سچ دوارا اُچ منارا، ہرِ کرتا آپ سُہائیا۔ دیِا باتی کر اُجیارا، کملاپاتی ویکھ وکھائیا۔ کھیلے کھیل اگمّ اپارا، الکھ اگوچر اپنی دھار پرگٹائیا۔ نِرگُن نِرگُن میِت مُرارا، سگلا سنگ آپ ہو جائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچ دوارے خوشی منائیا۔ سچ دوارا سوبھاونت، سچکھنڈ نِواسی آپ سُہائیا۔ کرے کھیل سِری بھگوَنت، دوُجا نظر کوئے نہ آئیا۔ اپنی مہما جانے آپ بےانت، لیکھا اگنت نہ کوئے سمجھائیا۔ آپے بن کے نار کنت ، سیج سُہنجنی ڈیرہ لائیا۔ جوتی جوت سروُپ ہرِ، آپ اپنی کِرپا کر، سَت دیوے مان وڈیائیا۔ سَت سَتوادی سِری بھگوان، ہرِ کرتا اِک اکھوائیندا۔ سچکھنڈ دوارے ہو پردھان، پردھانگی اپنے ہتّھ رکھائیندا۔ روُپ رنگ ریکھ نہ کوئے نِشان، تتو تت نہ کوئے بُجھائیندا۔ اپنی اِچھیا بِھچھِیا دیوے دان، اپنی وست امولک آپ ورتائیندا۔ آپے کھیل کرے مہان، کرتا اپنی کار کمائیندا۔ آپے جننی جن بن کے پرگٹائے بال نادان، سُت شبدی ناؤں دھرائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی کر کرتار، ہرِ کرتا خوشی منائیا۔ سَت دوارا کر تیار، شبدی ناؤں پرگٹائیا۔ چرن کَول دے سہار، تھِر گھر سوہنی ونڈ ونڈائیا۔ چند سوُرج نہ کوئے اُجیار، منڈل منڈپ نظر کوئے نہ آئیا۔ پرِتھمی آکاش نہ کوئی اَکھاڑ، پُری لوء نہ سوبھا پائیا۔ اِک اِکلّا پُرکھ اکال، اکل کل دھاری اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ مِہربان ٹھاکر سوامی، ہرِ کرتا کار کمائیندا۔ لیکھا جانے سچکھنڈ نؤجوانی، نؤبت اپنا نام وجائیندا۔ جوت سروُپا جوت نوُرانی، نوُر نوُرانہ ڈگمگائیندا۔ شاہو بھوُپ سِکدار وڈ سُلطانی، حُکم اِکو اِک سُنائیندا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ کرائیندا۔ دُھر دا کھیل کرے نِرنکار، ہرِ کرتا وڈ وڈیائیا۔
سَت دوارے دے آدھار، ساچی سِکھیا اِک سمجھائیا۔ تُوں میرا میَں تیرا دوہاں دا اِک پیار، دوُجی ونڈ نہ کوئے وکھائیا۔ دُھر دا حُکم سچّی سرکار، شاہ پاتشاہ اِک سُنائیا۔ تھِر گھر تیرا سچّا دربار، دُھر درباری آپ لگائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ سُت دُلارے دیوے مت، ہرِ ٹھاکر سوامی آپ سمجھائیندا۔ تُوں میرا نوُر اگمّی رتّ، روُپ رنگ ریکھ وِچ کدے نہ آئیندا۔ ساچا مارگ دینا دسّ، دُھر دی سِکھیا اِک سمجھائیندا۔ اپنے مِلن دی کھول کے اکھّ، بِن اکھّراں راگ الائیندا۔ اگمّ اتھاہ جھولی پا کے حق ، حقیِقت تیرے ہتّھ پھڑائیندا۔ تیرا نوُر کر پرگٹ، جوتی جاتا ڈگمگائیندا۔ تھِر گھر کھول انوکھا ہٹّ، ونجارا تیرا روُپ بنائیندا۔ جوتی جوت سروُپ ہرِ، آپ اپنی کِرپا کر، دُھر فرمانا اِک دِرڑائیندا۔ دُھر فرمانا دیوے بھگوان، بھگوَن اپنی دَیا کمائیا۔ سُت دُلارے نؤجوان، تیرا اِکو رنگ وکھائیا۔ بِردھ بال نہ کوئی نِشان، جوبنونتا ساچا صاحِب اِک اکھوائیا۔ نِرگُن نِراکار نِرویَر بنائے تیری بنتا، اجوُنی رہت ساچی ونڈ ونڈائیا۔ بودھ اگادھا بن کے دُھر دا پنڈتا، نِراکھّر کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہربان مِہربان مِہربان مِہر نظر اِک اُٹھائیا۔ سُت دُلارے پربھ دیوے دات، سچکھنڈ نِواسی دَیا کمائیا۔ تیرا ویکھاں کھیل تماش، اپنا حُکم ورتائیا۔ وِشن برہما شِو تیری جھولی پاواں راس، دُھر دی دات ہتّھ پھڑائیا۔ ترےَگُن مایا بخش ساتھ، رجو طمعو سَتو جوڑ جُڑائیا۔ پنج تت بنا رہراس، اپ تیج وائے پرِتھمی آکاش رنگ رنگائیا۔ لکّھ چؤراسی کھیل تماش، ویکھنہارا بےپرواہیِا۔ آتم پرماتم کر کے واس، پَون سواساں نال مِلائیا۔ کھیل کھِلانا پرِتھمی آکاش، گگن منڈل تیری رُشنائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ دُھر فرمانا سُنایا ایک، آد پُرکھ دَیا کمائیا۔ سُت شبد تیری ساچی ٹیک، دو جہاناں دئے سمجھائیا۔ آد جُگاد رہنا بِبیک، بِبیکی روُپ اِک پرگٹائیا۔ پِتا پُرکھ اکال کرے ہیت، دُھر دا سنگ نِبھائیا۔ نِرگُن سرگُن ہو کے لَینا کھیڈ، پنج تت کر کُڑمائیا۔ انتر آتم دسّنا بھیت، برہم مت اِک سمجھائیا۔ تیری سمجھ نہ سکے کوئی ریکھ، روُپ نظر کِسے نہ آئیا۔ نِت نوِت دھرنا اولّڑا بھیکھ، بھیکھ دھاری ہو کے پھیرا پائیا۔ میرے نام دا دینا سَت سندیش، دُھر دا ڈھولا راگ الائیا۔ جوتی جوت سروُپ ہرِ، آپ اپنی کِرپا کر، دُھر دی دھار اِک دِرڑائیا۔ سُت شبد تیری ساچی کار، سو پُرکھ نِرنجن آپ جنائیندا۔ لکّھ چؤراسی کھیل اپار، اپرمپر سوامی آپ جنائیندا۔ وِشن برہما شِو سیوادار، ساچی سیوا اِک سمجھائیندا۔
نوَ نؤ چار کھیل اپار، ہرِ کرتا کار کمائیندا۔ سَتجُگ تیری جھولی دیوے ڈار، وڈّا چھوٹا نِکاّ ونڈ آپ ونڈائیندا۔ چارے کھانی کر پسار، چارے بانی دھار بندھائیندا۔ جوتی جوت سروُپ ہرِ، آپ اپنی کِرپا کر، تیرا حُکم اِک ورتائیندا۔ تیرا حُکم ورتے مات، ہرِ کرتا دئے وڈیائیا۔ پنج تت کایا دینی دات، وست امولک جھولی پائیا۔ سچ سندیسہ سُناؤنا گاتھ، بودھ اگادھ پڑھائیا۔ جُگ چؤکڑی چلاؤنا راتھ، بن رتھواہی سیو کمائیا۔ سچ دوار جوڑنا نات، جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ دیوے وڈیائی پاربرہم، پت پرمیشور دَیا کمائیندا۔ جُگ چؤکڑی تیرا کمّ، نِہکرمی آپ سمجھائیندا۔ پنج تت کایا بیڑا دینا بنھ، نئیا نؤکا تیرے ہتّھ پھڑائیندا۔ بھاگ لگاؤنا کایا ماٹی چمّ، تتو تت آپ سمجھائیندا۔ ہرکھ سوگ نہ رکھنا غم، چِنتا روگ نہ کوئے سنگ نِبھائیندا۔ جوتی جوت سروُپ ہرِ، آپ اپنی کِرپا کر، ساچی کار اِک سمجھائیندا۔ ساچی کار دے کرتار، ہرِ کرتا آپ جنائیا۔ شبدی سُت تیرا روُپ اپار، جُگ جُگ ویس وٹائیا۔ ناؤں رکھ گُر اوتار، سرگُن ساچے گھر سوبھا پائیا۔ شبد انادی بول اِک جَیکار، دو جہان دینا سُنائیا۔ کاغذ قلم بن لِکھار، کاتب ہو کے سیو کمائیا۔ لیکھا جان شاستر سِمرت وید پُران، گیِتا گیان گوجھ دِرڑائیا۔ انجیل قرآن جھُلا نِشان، کھانی بانی پڑدا لاہیِا۔ جوتی جوت سروُپ ہرِ، آپ اپنی کِرپا کر، تیرا حُکم اِک ورتائیا۔ تیرا حُکم ورتے لوکمات، چار کُنٹ شنوائیا۔ تیری میری اِکو ذات، نوُر نوُر وِچوں پرگٹائیا۔ تیری میری اِکو کھاٹ، سِنگھاسن اِکو نظری آئیا۔ تیری میری اِکو واٹ، دو جہاناں پندھ مُکائیا۔ تیری میری اِکو خواہش، دوُجی آس نہ کوئے رکھائیا۔ جوتی جوت سروُپ ہرِ، آپ اپنی کِرپا کر سِر تیرے ہتّھ ٹِکائیا۔ سِر ہتّھ رکھے سمراتھ، پربھ دیونہار وڈیائیا۔ جُگ چؤکڑی کھیل تماش، ہرِ کرتا ویکھے چائیں چائنیا۔ نِرگُن سرگُن ہو کے پاؤنی راس، گھر گھر گوپی کاہن نچائیا۔ نام دِرڑاؤنا سواس سواس، انتر آتم کر پڑھائیا۔ جوتی جوت سروُپ ہرِ، آپ اپنی کِرپا کر، تیری سیوا اِک سمجھائیا۔ تیری سیوا دسےّ آد نِرنجن، سو صاحِب بےپرواہیِا۔ داتا بننا درد دُکھ بھنجن، بھوَ ساگر ویکھ وکھائیا۔ لکّھ چؤراسی نیتر نام نِدھان پاؤنا انجن، نِج نَین اکھّ کھُلائیا۔ امرت سروور کراؤنا مجن، دُرمت مَیل دھوائیا۔ آتم پرماتم بننا سجّن، سگلا سنگ نِبھائیا۔ ایتھے اوتھے کرنا عدل، عادل اِک اکھوائیا۔ سَتجُگ تریتا دواپرکلجُگ حُکمے اندر دینا بدل، تھِر رہن کوئے نہ پائیا۔ میَں ویکھاں تیری اپنے گھر اوہ منزل، جِس دا مالک اِک اکھوائیا۔ تیرے حُکمے اندر کال مہاکال رائے دھرم چِترگُپت سیِس نِوائے اجل،
لاڑی مؤت بھجےّ واہو داہیِا۔ تیرا دیِپ جوت پرکاش ہو کے دو جہان جگن، جاگرت جوت کرے رُشنائیا۔ نِت نوِت بُجھاؤنی اگن، امرت میگھ برسائیا۔ جوتی جوت سروُپ ہرِ، آپ اپنی کِرپا کر، توہے دیوے مان وڈیائیا۔ دیوے وڈیائی آپ پربھ، پت پرمیشور دَیا کمائیندا۔ تُدھ بِن میری کوئی نہ جانے حد، گھر ساچے سوبھا کوئی نہ پائیندا۔ سچکھنڈ وِچوں اُپجائی تیری جدّ، تھِر گھر تیرا آسن لائیندا۔ کر کھیل پُرکھ سمرتھ، سرب سوامی تیرا ویس وٹائیندا۔ تُوں میرا میَں تیرا گاواں جس، دو جہاناں مِل کے ڈھولا اپنا راگ سُنائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ سمجھائیندا۔ شبد سُت ہرِ کر پیار، پیِا پریِتم دئے وڈیائیا۔ تیرا لہنا دینا تیئی اوتار، سَتجُگ تریتا دواپرکلجُگ ویس وٹائیا۔ عیسیٰ موُسیٰ محمد تیری دھار، جلوہ نوُر نوُر رُشنائیا۔ نانک نِرگُن تیرا ڈنکا اپر اپار، دو جہاناں سَت وجائیا۔ گوبِند کہے پُرکھ اکال، اِکو داتا سب دا پِتا مائیا۔ جوتی جوت سروُپ ہرِ، آپ اپنی کِرپا کر، تیرا حُکم آپ ورتائیا۔ تیرا حُکم ورتے جُگ چؤکڑی چار، چاروں کُنٹ وجےّ ودھائیا۔ وِشن برہما شِو کرن نِمسکار، چارے مکُھ وید صلاحیِا۔ چارے وید ہون پنہار، پُران اٹھاراں دھیان لگائیا۔ گیِتا نِیوں نِیوں کرے نِمسکار، اٹّھ دس سوبھا پائیا۔ تیس بتیِسا منگے منگ دوار، انجیل قرآن جھولی ڈاہیِا۔ اِکو شبد سچ بھنڈار، ہرِ کرتا تیرا روُپ وکھائیا۔ کلجُگ نانک نِرگُن لوکمات کرے اُجیار، لکّھ چؤراسی دئے سمجھائیا۔ شبد سوامی سب دا یار، پنج تت کمّ کِسے نہ آئیا۔ گوبِند انتم بول جَیکار، فتح ڈنکا دئے سُنائیا۔ لیکھا چُکےسرب سنسار، سگل سرِشٹی حُکم منائیا۔ اِکو اِشٹ دیِن دَیال، پُرکھ اکال سب نوُں دئے دِرڑائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی ویکھے چائیں چائنیا۔ سُت شبد اَگوں پیا ہسّ، پربھ چرن خوشی منائیا۔ آد پُرکھ جو مارگ دِتا دسّ، سَتگُر سہج سہج سمجھائیا۔ ہؤں بالک نڈھّا سِر تے رکھنا ہتّھ، تیری اوٹ تکائیا۔ نِت نوِت تیرا گاواں جس، تُوں میرا پِتا مائیا۔ وِشن برہما شِو کر پرگٹ، سوہنی بنت بنائیا۔ ترےَگُن مایا جھولی گھت، پنج تت کراں کُڑمائیا۔ آتم پرماتم وست دے کے سَت، لکّھ چؤراسی کھیل کھِلائیا۔ من مت بُدھ اندر رکھ، نؤ دوارے رنگ چڑھائیا۔ ہرِ کرنی اندر کر کے بند، سُرتی نِرتی آپ چُھپائیا۔ رسنا جِہوا بتّی دند، ڈھولے راگاں وِچ وڈیائیا۔ اندر پاکے پڑدا کندھ، اپنا آپ لَواں چُھپائیا۔ ساچی سیج اِک پلنگ، گھر گھر وِچ ویکھ وکھائیا۔ اُپر بَیٹھ ماناں انند، انند انند وِچوں پرگٹائیا۔ ہووے پرکاش بِن سوُرج چند، تیرا نوُر جوت رُشنائیا۔ بِن رسنا جِہوا
سوہنا چھند، انحد ناد وجے چائیں چائنیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، میرا سگلا سنگ رکھائیا۔ شبد کہے میرا رکھنا سنگ، سَت تیری اوٹ تکائیا۔ تیرا وجےّ شبد مردنگ، ایتھے اوتھے خوشی منائیا۔ جُگ چؤکڑی جاون لنگھ، کوٹن کوٹ کال بِتائیا۔ گُر اوتار پیِر پَیغمبر وِچ وربھنڈ، تیرا سوہلا ڈھولا گائیا۔ انتم پنج تت کایا چولا جاون چھّڈ، چُھٹے کھہڑا جگت لوکائیا۔ تیرے نالوں وِچھڑے ہو کے اڈّ، انت میلا لَینا مِلائیا۔ ساچے گُرمکُھاں گُرسِکھاں مارگ دسّ، انتر آئے بوُجھ بُجھائیا۔ کوُڑی کِریا پار کرا کے حد، تیرا مندر دینا سمجھائیا۔ تُوں دینا سب نوُں اپنا پد، گھر ساچے لَینا بہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر اُٹھانی محبوُب، محُبّت تیری نظری آئیا۔ تیرا اُچا اِک عروُج، عرش قُرص بَیٹھے سیِس نِوائیا۔ تیرا پار کنارہ سمجھے نہ کوئے حدوُد، بےحد تیری وڈیائیا۔ ہر گھٹ وسے سدا مؤجوُد، مجلس اپنا نام لگائیا۔ تیرا شبد سُت دُلارا سدا محفوُظ، دوُتی دُشمن سنگ نہ کوئے بنائیا۔ تیرا نگارا وجاواں چارے کوُٹ، دہ دِشا کراں شنوائیا۔ جوتی جوت سروُپ ہرِ، آپ اپنی کِرپا کر، سِر رکھنا ہتّھ ٹِکائیا۔ سِری بھگوان آد دِرڑاؤندا اے۔ سچکھنڈ دوارے حُکم سُناؤندا اے۔ سُت دُلارے مان دواؤندا اے۔ تھِر گھر چُبارے تیرا ڈیرہ لاؤندا اے۔ وِشن برہما شِو کر ونجارے، تِنّاں اِکو حُکم مناؤندا اے۔ کھیلنا کھیل سدا جُگ چارے، چؤکڑی تیری ونڈ ونڈاؤندا اے۔ چارے کھانی چارے بانی بولے جَیکارے، دُھن انادی ناد سُناؤندا اے۔ تیرا روُپ گُروُ اوتارے، پیِر پَیغمبر تیرا روُپ درساؤندا اے۔ تیرا شبد اپر اپارے، بودھ اگادھا جگت سمجھاؤندا اے۔ نؤ سؤ چُرانوے چؤکڑی جُگ تیرے چلدے رہے اِشارے، اِشارہ اپنا نام ہتّھ پھڑاؤندا اے۔ جوتی جوت سروُپ ہرِ، آپ اپنی کِرپا کر، آد پُرکھ دُھر سندیشہ اِک سُناؤندا اے۔ آد پُرکھ بھگوَنت، ہرِ کرتا اِک دِرڑائیا۔ تیرا کھیل ویکھاں جُگا جُگنت، جُگ چؤکڑی پھیرا پائیا۔ تُوں میرا میَں تیرا کنت، لکّھ چؤراسی کراں پڑھائیا۔ تیرا کھیل جیرج انڈج، اُتبُھج سیتج تیرا روُپ نظری آئیا۔ دوُجے در نہ ہونا منگت، اِکو وار بھنڈارا تیرے ہتّھ پھڑائیا۔ جن بھگت تیری ساچی سنگت، سنت سُہیلے نال رلائیا۔ گُرمکُھ لگاؤنے اپنے انگت، گُرسِکھ گُر گُر بوُجھ بُجھائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ ابناشی کرتا کہے بول، انبولت راگ سُنائیا۔ شبدی گُر تیرا سدا وجےّ ڈھول، دو جہاناں اکھّ کھُلائیا۔ تیرے ہتّھ پھڑایا تول، کنڈا اِکو نظری آئیا۔ سَتجُگ تریتا دواپرکلجُگ
کِسے نال نہ مارنا رول، سَت سچ دینا سمجھائیا۔ کوُڑی کِریا کڈھنا پول، بھیوَ ابھیدا جگت کھُلائیا۔ آپ رہنا سدا اڈول، تھِر گھر بہہ کے خوشی منائیا۔ میَں وساں تیرے کول، دُھر دا سنگ جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، چؤتھے جُگ ویکھ ویکھ پھیرا پائیا۔ سُت دُلارے رکھنا یاد، یادداشت ہرِ جنائیندا۔ لکّھ چؤراسی جو کھیڑا کیِتا آباد، رَو سس سوبھا پائیندا۔ سَتجُگ تریتا دواپرکلجُگ گُر اوتار پیِر پَیغمبر جو دے دے جاون داد، نام بھنڈارا سرب ورتائیندا۔ دیِن مذہب ذات پات اوُچ نیِچ راؤ رنک جو چلے رِواج، حُکمے اندر آپ پِھرائیندا۔ سنت بھگت صوُفی جو منزل چڑھ کے سُنن آواز، سو صاحِب سوامی راگ الائیندا۔ چار جُگ جو دے کے جان بھوِکھت واک، ویلا وقت سوئی سوبھا پائیندا۔ انتم سنگ نِبھے نہ کِسے تت ماٹی خاک، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا اچھل اچھیدا پڑدا اوہلا آپ اُٹھائیندا۔ پڑدا اوہلا دیوے چُک، ہرِ کرتا آپ سمجھائیا۔ گُر اوتاراں پیِر پَیغمبراں پیَنڈا جائے مُک، ویلا وقت دیوے دُہائیا۔ نؤ کھنڈ پرِتھمی ستّ دیِپ سچ دھرم دا بوُٹا جائے سُک، امرت سِنچ ہرا نہ کوئے کرائیا۔ چار کُنٹ دہ دِشا پِھرے دُہائی جوُٹھ جھوُٹھ، ڈنکا نام نہ کوئے سُنائیا۔ ناتا تُٹے پِتا پوُت، بھَین بھئیا نیتر نَین اکھّ تکائیا۔ ساچا دِسے نہ کوئی عروُج، محل اٹل نہ وجے ودھائیا۔ بھیو چُکےنہ ایکا دوُج، ہنگتا گڑھ نہ کوئے تُڑائیا۔ دُھر دا دیوے نہ کوئی خطوُط، خطو کتابت کرے جگت لوکائیا۔ جیِو جنت دِسے نہ کوئے محفوُظ، محُبّت سچ نہ کوئے کمائیا۔ سَتگُر پوُرا ملِے نہ کِسے ہو مؤجوُد، انتم بَیٹھا مکُھ چُھپائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اگلا لیکھا رہیا دِرڑائیا۔ پُرکھ اکال کہے میرے شبدی سُت، تیرا ناؤں وڈیائیا۔ کلجُگ مؤلے تیری رُت، رُت رُتڑی نال مہکائیا۔ کرے کھیل ابناشی اچُت، چیتن تیری دھار وکھائیا۔ نِرگُن دھاروں آوے اُٹھ، جودھا سوُربیِر بن کے پھیرا پائیا۔ پُرکھ اکال دا بن کے سچّا پُت، پت پرمیشور لئے مِلائیا۔ کوُڑی کِریا جڑ دیوے پُٹ، چھوٹے بالے نیہاں ہیٹھ دبائیا۔ گُرمکُھ امرت جام پِلا کے گھُٹ، گھُٹ گھُٹ اپنے سینے لَینے لگائیا۔ جوتی جوت سروُپ ہرِ، آپ اپنی کِرپا کر، تیرے ہتّھ دئے وڈیائیا۔ سُت دُلارے تیرا روُپ گوبِند، ہرِ کرتا آپ جنائیندا۔ پُرکھ اکال دی انادی بِند، مات پِت جگت سیوا سیوک روُپ وٹائیندا۔ تیرا ناتا نال گُنی گہِند، گہر گمبھیِر تیری دھار پرگٹائیندا۔ نہ کوئی ہرکھ نہ کوئی سوگ نہ کوئی چِند، چِنتا چِکھا نہ کوئے تپائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیرا کھیل
ویکھ وکھائیندا۔ گوبِند شبد شبد گوبِند، پربھ دیونہار وڈیائیا۔ جِس دے درشن نوُں وِشن برہما شِو لوچن سُرپت اِند، بَیٹھے دھیان لگائیا۔ جِس دا واسا لکّھ چؤراسی جیؤ پِنڈ، گھر گھر جوت کرے رُشنائیا۔ جِس دی امرت دھار اگمّی ساگر سِندھ، لہر لہر وِچوں پرگٹائیا۔ جوتی جوت سروُپ ہرِ، آپ اپنی جوت دھر، تیرا ویکھے کھیل دو جہاناں بےپرواہیِا۔ گوبِند کہے میَں تیرا بچّہ، پُرکھ اکال تیری اوٹ تکائیا۔ گُر اوتار پیِر پَیغمبر جُگ چؤکڑی رہیا کچّا، عیسیٰ موُسیٰ محمد بَیٹھا نَین شرمائیا۔ تیرے پیار اندر ہویا کوئی نہ سکا، آپا آپ بھیٹ نہ کوئے کرائیا۔ میَں سیوا خاطر جنم جنم دا آیا نٹھا، بن کے پاندھی پندھ چُکائیا۔ تیرا بھگت پیارا کیِتا اِکٹھا، گُرمکُھ گُرسِکھ روُپ وکھائیا۔ امرت جام پیایا مِٹھا، رس اِکو اِک چکھائیا۔ سب نوُں دسّیا پُرکھ اکال تُہاڈا پِتا، ایتھے اوتھے ہوئے سہائیا۔ جِس دا دو جہاناں چلے سِکہ، مُہر اپنے نام لگائیا۔ جوتی جوت سروُپ ہرِ، آپ اپنی کِرپا کر، شبد تیرا روُپ اِکو اِک وکھائیا۔ شبد روُپ گوبِند میِت، مِتر پیارا نظری آئیا۔ سَتجُگ لوکمات بدلے ریِت، حُکمے اندر حُکم ورتائیا۔ میل مِلاوے ہست کیِٹ، اوُچ نیِچ ڈیرہ ڈھائیا۔ گھٹ گھٹ اندر پرکھے نیِت، نیِتیِوان صاحِب سُکھدائیا۔ پرم پُرکھ تیری دسےّ سچ پریِت، میل مِلاوے سہج سُبھائیا۔ خالی جھولی پا کے بھیِکھ، نام بھنڈارا دئے ورتائیا۔ گُرمکُھ سجّن کر اتیِت، ترےَگُن ناتا دئے تُڑائیا۔ کایا کعبہ مندر مسیِت، گُردوارا اِکو اِک سمجھائیا۔ من واسنا لؤ جیِت، گھر ملِے بےپرواہیِا۔ میرا صاحِب سوامی سدا انڈیِٹھ، انتریامی آد جُگاد اکھوائیا۔ جوتی جوت سروُپ ہرِ، آپ اپنی کِرپا کر، سگلا سنگ آپ ہو جائیا۔ سگلا سنگ بنے پرِتپالک، ہرِ ساچا سجّن نظری آئیندا۔ دُھر درگاہی بن کے خالق، خلق مخلوُق ویکھ وکھائیندا۔ نہ کوئی رکھے نِندرا آلس، جوتی جاتا ڈگمگائیندا۔ نِت نوِت بن کے ثالث، ہرجن ساچے میل مِلائیندا۔ گُرمکُھ گُرسِکھ کڈھے خالص، خالص خالصہ آپ پرگٹائیندا۔ نام نِدھان دا دے کے لالچ، اَگے لالن اپنا رنگ چڑھائیندا۔ دیوے درس ظاہر باطن، سُت شبد کھیل وکھائیندا۔ کلجُگ میٹ اندھیری راتن، سَتجُگ ساچا چند چمکائیندا۔ پُرکھ اکال دُھر دی گاتھن، اِشٹ دیو اِک منائیندا۔ ہِندوُ مُسلم سِکھ عیسائی ورن برن ذات پات جِس دے سارے داسن، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گوبِند دھار اِک وکھائیندا۔ گوبِند دھار جانے آپ، دوُجا سمجھ کوئے نہ پائیا۔ پُرکھ اکال بن کے باپ، پِتا پوُت دئے وڈیائیا۔ چار ورن بنھا کے نات، شتّری براہمن شوُدر وَیش جوڑ جُڑائیا۔ اوُچاں نیِچاں بن کے
ساک، سجّن ہو کے ویکھ وکھائیا۔ اندر وڑ کے کھول تاک، بجر کپاٹی کُنڈا لاہیِا۔ شبد انادی کر کے پاٹھ، دُھن آتمک راگ سُنائیا۔ من واسنا میٹ نار کم ذات، گُرمت گھر گھر دئے بہائیا۔ ساچے سنتاں پُچھے وات، ساچے بھگتاں گود اُٹھائیا۔ منزل پندھ مکا کے واٹ، بھجّا آوے چائیں چائنیا۔ گُرسِکھ تیری آتم سیجا بہہ کے ساچی کھاٹ، کھٹیِا دیوے مان وڈیائیا۔ جوتی جوت سروُپ ہرِ، آپ اپنی کِرپا کر، شبد روُپ گوبِند پرگٹائیا۔ گوبِند شبد سچّا گُردیو، پنج تت کمّ کِسے نہ آئیا۔ جِس دی آد جُگاد سارے کردے سیو، خالق خیالاں وِچ سمائیا۔ جِس دا نِہچل دھام سدا نِہکیو، محل اٹل ڈیرہ لائیا۔ جِس دا جُگ چؤکڑی کِسے نہ آیا بھیو، بےانت بےانت بےانت کہہ کہہ شُکر منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شبد گوبِند لئے پرگٹائیا۔ شبد گوبِند سدا مؤجوُد، غریِب نِمانے مُفلِس ویکھ وکھائیندا۔ جِس دا نظر نہ آئے کِسے وجوُد، صِفت اِشاریاں نال سرب سمجھائیندا۔ جو دِسے ساچے گھر ہو محفوُظ، چھپّر چھن نہ کوئے سُہائیندا۔ جِس دی آر پار منجھدھار سرب حدوُد، کنارہ سہارا آپ دِرڑائیندا۔ جِس دا لیکھا چارے کوُٹ، دہ دِشا پھیرا پائیندا۔ جو میٹے جوُٹھ جھوُٹھ، کوُڑی کِریا پرے ہٹائیندا۔ جو بن کے سچّا دوُت، سنت سُہیلے آپ جگائیندا۔ جوتی جوت سروُپ ہرِ، آپ اپنی کِرپا کر، تیرا مارگ آپ لگائیندا۔ شبد سُت تیرا مارگ لگّے جگ، جگ جیِون داتا آپ جنائیا۔ مکّے کعبےسب دا بُھلے حج، پیِر پَیغمبر بَیٹھن پندھ مُکائیا۔ تیئی اوتار کرن بس، بستہ اپنا لَین بندھائیا۔ بھگت اٹھاراں جاون چرن ڈھٹّھ، نِیوں نِیوں سیِس نِوائیا۔ شاستر سِمرت وید پُران چُکےنہ کوئی اکھّ، انجیل قرآن دئے دُہائیا۔ الف یے ستھر جائے لتھ، مان تان نہ کوئے وڈیائیا۔ کلجُگ کوُڑی کِریا کھیڑا ہووے بھٹّھ، اگنی لمبوُاِکو لائیا۔ تیرا ناؤں سچّا سَت سروُپ ہووے پرگٹ، پرگٹ اپنا حُکم ورتائیا۔ سَت دھرم دا کھولے ہٹّ، چار ورناں دئے جنائیا۔ پرم پُرکھ دا کرو جس، دوُجا اِشٹ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، تیرا لہنا تیرے نال نِبھائیا۔ شبد سُت وجےّ جَیکارا، جےَ جَیکار دو جہان کرائیا۔ پُرکھ اکال ویکھنہارا، پت پرمیشور اکھّ کھُلائیا۔ بھےَ بھؤ سرب مِٹے سنسارا سِر سکے نہ کوئے اُٹھائیا۔ شاستر سِمرت وید پُران انجیل قرآن گیِتا گیان کھانی بانی کرن نِمسکارا، نِیوں نِیوں سجدہ سیِس جھُکائیا۔ تیئی اوتار تیرے تابعدارا، نیتر نَین اکھّ پرتکھ نہ کوئے کرائیا۔ کاتب بن کے تیرا کرے نہ کوئی اِظہارا، تیرا نظارہ نوُر خُدائیا۔ تیرا کھیل پروردِگارا، لاشریِک ویکھے چؤداں طبق چرناں ہیٹھ دبائیا۔ چؤداں لوکاں تیرا
نِکاّ جِہا اَکھاڑا، چؤداں وِدیا سمجھ کوئے نہ پائیا۔ چؤدس چند نہ کوئے اُجیارا، جگت روشنی کمّ کِسے نہ آئیا۔ تیرا پِتا پُرکھ اکالا، اکل کل دھاری وڈّی وڈیائیا۔ جِس دے چرن چُمےجگت جوالا، آد شکت نِیوں نِیوں سیِس جھُکائیا۔ سو ایتھے اوتھے ہوئے رکھوالا، پرِتپالک ہوئے ویس وٹائیا۔ تُوں بننا بھگت دلالا، گُرمکُھ گُرسِکھ سجّن لَینا مِلائیا۔ امرت جام دینا اُچھالا، نِجھر جھِرنا گھر گھر دینا چوائیا۔ ناتا توڑ کال مہاکالا، رائے دھرم مکُھ بھوائیا۔ مارگ دسّنا اِک سُکھالا، جوتی جوت سروُپ ہرِ، آپ اپنی کِرپا کر، اِکو دینا ساچا ور، شاہ پاتشاہ سچّی تیری شہنشاہیِا۔ سِری بھگوان کرے کھیل دُھر دا ساتھا، سگلا سنگ نِبھائیا۔ اِکو منتر اِکو پاٹھا، پوُجا اِکو اِک کرائیا۔ اِکو سروور اِکو تاٹا، اِکو تال وڈیائیا۔ اِکو پریم پیار پریِتی ناتا، اِکو رنگ رنگائیا۔ اِکو سیجا اِکو کھاٹا، اِکو بہہ بہہ خوشی منائیا۔ اِکو منزل اِکو واٹا، اِکو پاندھی پھیرا پائیا۔ اِکو نوُر اِکو جاتا، اِکو جوت کرے رُشنائیا۔ اِکو سجّن اِکو ساکا، اِکو میلا میلے سہج سُبھائیا۔ اِکو دانی اِکو داتا، دیونہار اِک اکھوائیا۔ اِکو پرِتپالک اِکو راکھا، اِکو جُگ جُگ سیو کمائیا۔ اِکو شبدی سُت بنیا نِکاّ کاکا، جُگ جُگ اپنا ویس وٹائیا۔ اِکو جوت اِکو جوت میں جاتا، جاگرت جوت کرے رُشنائیا۔ اِکو مائی اِکو باپا، پُرکھ پِتا اِک اکھوائیا۔ اِکو صاحِب اِکو آقا، شہنشاہ اِک ہو جائیا۔ اِکو کھولنہارا تاکا، اِکو پڑدا رہیا چُکائیا۔ اِکو جُگ چؤکڑی دیوے واکا، واکیا نویس اِک اکھوائیا۔ اِکو لکّھ چؤراسی کھِچنہارا خاکہ، بن مُصوّر تصوّر ساچا دئے جنائیا۔ اِکو کھیلے کھیل پرِتھمی آکاسا، اِکو گگن منڈل پھیرا پائیا۔ اِکو ویکھے دِوس رَین راتا، گھڑی پل اِکو ونڈ ونڈائیا۔ اِکو جنائے آد جُگاد دُھر دی گاتھا، ناؤں نِرنکارا اِک دِرڑائیا۔ اِکو منسا پوُری کرے آسا، اِکو ترِسنا دئے بُجھائیا۔ اِکو گُر اوتار پیِر پَیغمبر پرگٹائے اپنی شاخا، شناخت اپنی دئے سمجھائیا۔ اِکو مناوے سب نوُں آکھا، سِر سکے نہ کوئے اُٹھائیا۔ اِکو پُچھے انتم واتا، گھر گھر اپنا پھیرا پائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، شبد گُر تیرا ناؤں پرگٹائیا۔ شبد گُروُ تیرا ناؤں گہر گمبھیِر، گوبِند نظری آئیا۔ تیری منزل اِک اَخیِر، سچ دوارے بہہ بہہ خوشی منائیا۔ جُگ چؤکڑی تیرے ہتّھ تدبیِر، تقدیِر سب دی دینی اُلٹائیا۔ تیرا کھیل بےنظیِر، جگت نیتر نظر کِسے نہ آئیا۔ تیرے ہتّھ اگمّی شمشیِر، جگت شستر بَیٹھن مکُھ بھوائیا۔ تیَنوُں سجدہ کرن پیِر فقیِر، فِقریاں وِچ تیرا راگ الائیا۔ پیِر پَیغمبر تیرے بن کے بغلگیِر، دستگیِر تیری اوٹ تکائیا۔ تیرے ہتّھ شرع زنجیر، کڑی کڑی نال جُڑائیا۔ تیرے کول دیِن مذہب دی پیِڑ، درداں نال بھری لوکائیا۔
تیرے اندر شبد بودھ اگادھ وڈّی بیِڑ، جِس دا ڈھولا نانک گیا سمجھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، شبدی شبد خوشی منائیا۔ شبد سُت کہے ہووے تیرا لاڈ، بچپن تیری جھولی پائیا۔ تُوں صاحِب سوامی آد جُگاد، جُگ چؤکڑی خوشی وکھائیا۔ اپنے گھر دا کھول کے راز، رحمت میرے اُتے کمائیا۔ تیرے حُکمے اندر پیِر پَیغمبراں دسّی نِماز، سجدہ کرنا دِتا سمجھائیا۔ گوپی کاہن پاؤنی دسّی راس، سیِتا رام بناں وِچ بھوائیا۔ بھگتاں لجّیا رکھن دی دسّی جاچ، نِرگُن سرگُن روُپ وٹائیا۔ تُوں سُننہار فریاد، فاضل اِکو اِک اکھوائیا۔ تیرا لیکھا وِچ برہماد، برہمانڈ تیری شرنائیا۔ سد سُنے انوکھی آواز، بِن رسنا جِہوا جو رہے سُنائیا۔ جوتی جوت سروُپ ہرِ، آپ اپنی کِرپا کر، وست امولک دے کے داد، گھر خزانہ بھنڈار دِتا بھرائیا۔ دھن دؤلت سچ خزانہ، گُر شبدی تیری جھولی پائیا۔ کِرپا کرے دانا بیِنا، بیِنا دانا ہوئی سہائیا۔ جُگ چؤکڑی نِت نوِت سب دا ٹھانڈا کرے سینہ، سَتگُر امرت میگھ نام برسائیا۔ تن ماٹی من منوُا کرے بھیِنا، بُدھ بِبیک آپ جنائیا۔ ناتا تُٹے جل میِنا، میِن جل بَیٹھے نَین شرمائیا۔ جوتی جوت سروُپ ہرِ، آپ اپنی کِرپا کر، کھیلے کھیل مکّہ مدیِنہ، مقبریاں اندر پھیرا پائیا۔ شبد کہے پربھ کیہڑا مقبرہ، معُقول دئے جنائیا۔ جِس دا کِسے کولوں نہ ملِے شجرہ، خسرہ حد حدوُد نہ کوئے جنائیا۔ جِس دا کِسے کولوں نقشہ نہ کدے اُترا، مُصوّر سکیا نہ کوئے بنائیا۔ جِس دا مندے رہے سارے خطرہ، بھےَ وِچ سیِس نِوائیا۔ جِس دی بھیٹا ہُندا رہیاپُتراں پِچھےبّکرا، بغلی تن اُٹھائیا۔ اوہ وسے کیہڑے دھام وکھّرا، سچ سِنگھاسن ڈیرہ لائیا۔ جِس دی جُگ چؤکڑی سارے کردے رہے یاترا، یاتروُ ہو کے پھیرا پائیا۔ جِس اپنی کِرپا کرکے گوبِند دِتا اگمّی گاترا، لُہارترِکھان نہ کوئے گھڑائیا۔ سمجھ سکے نہ کوئے وید شاسترا، پرانی پُران نہ کوئے دِرڑائیا۔ جِس دی نہ کوئے لگ نہ کوئے ماترا، اکھّراں وِچ نہ ونڈ ونڈائیا۔ سوُربیِر سو بہادرا، جِس تیغ بہادر سُت دِتی وڈیائیا۔ اوہ کرتا کریم دُھر دا قادرا، دو جہاناں قتل گاہ ویکھے چائیں چائنیا۔ جِس نے گُرمکُھاں ولّ کیِتا محاصرہ، شبدی ہو کے ویکھ وکھائیا۔ غریِب نِمانیاں دیوے آسرا، کوجھیاں کملیاں گلے لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شبد گُر تیرا لیکھا اگمّ اتھاہیِا۔ شبد گُر تیرا لیکھا اتھاہ، اکھّراں وِچ نہ کوئے سمجھائیا۔ چارے کھانی بانی دئے صلاح، صِفتاں نال وڈیائیا۔ تُوں مالک داتا بےپرواہ، بےانت روُپ وٹائیا۔ نِت نوِت آویں ویس وٹا، جُگ چؤکڑی پھیرا پائیا۔ کلجُگ کھیل کیِتا وِچ جہاں، جہالت کوُڑی دِتی کھپائیا۔ بالے نیہاں
ہیٹھ دبا، کلجُگ کوُڑی جڑ اُکھڑائیا۔ جو شہیدی گئے پا، شہادت دیون چائیں چائنیا۔ جو رسیدی لیکھا لیا لِکھا، پربھ لِکھیا بےپرواہیِا۔ جِس دا دِسے نہ کوئی گواہ، وکیِل وُکلا سنگ نہ کوئے نِبھائیا۔ سو صاحِب سُلطان سچّا شہنشاہ، تیرا حُکم رہیا ورتائیا۔ جوتی جوت سروُپ ہرِ، آپ اپنی کِرپا کر، کوُڑی کِریا دئے مِٹائیا۔ شبد کہے پربھ تیری ساچی دھوُڑ، ٹِکاّ مستک اِکو لائیا۔ کلجُگ ویکھ اپنا بھریا پوُر، بیڑا اِکو چاروں کُنٹ نظری آئیا۔ اگنی تت تپے تندوُر، امرت میگھ نہ کوئے برسائیا۔ پیِر پَیغمبر ہوئے مفروُر، صدی چؤدھویں پلّوُ رہے چُھڈائیا۔ تیئی اوتار نال حاضر حضوُر، در ٹھانڈے سیِس نِوائیا۔ نؤ کھنڈ پرِتھمی پیا فتوُر، ستّ دیِپ گرِہ گرِہ ہوئی لڑائیا۔ تیرا نام نہ کِسے منظوُر، من مت کوُک رہی سُنائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، تیری وجےّ نام ودھائیا۔ پاربرہم ویکھ کلجُگ کل، کلکاتی ڈیرہ لائیا۔ سادھ سنت کردے چھل، ولیئے چھلیئے روُپ وٹائیا۔ راجے رانے غریِب نِمانیاں رہے دل، سِر سکے نہ کوئے اُٹھائیا۔ سنتاں بھگتاں چُکیا بَل، ڈنکا شبد نہ کوئے وجائیا۔ پِھری دروہی جل تھل، مہیئل رہیا کُرلائیا۔ سَت سَتواد خاک وِچ گیا رل، سچ سُچ نظر کِسے نہ آئیا۔ جوُٹھ جھوُٹھ لگّا پھل، جیِو جنت خوشیاں نال بہہ بہہ کھائیا۔ کام کرودھ لوبھ موہ ہنکار نال گیا رل، آسا ترِشنا بَیٹھی ناچ نچائیا۔ سَت رہیا نہ اٹھسٹھ جل، گنگا گوداوری جمنا سُرستی رووے مارے دھائیا۔ ساچا دیِپک کایا مندر اندر کوئے نہ رہیا بل، سُنج مسان دِسے جگت لوکائیا۔ بِن تیری کِرپا کوئے نہ ہووے تیرے ولّ، کلجُگ ولگن اپنی رہیا پائیا۔ گُر اوتار پیِر پَیغمبر جُگ چؤکڑی جو دِتے گھل، سو تیرا انت سندیسہ گئے سُنائیا۔ پرم پُرکھ پرماتم نِرگُن نِرویَر نِراکار آوے چل، اچل چل اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، گرِہ مندر ویکھ وکھائیا۔ گرِہ مندر کلجُگ آ کے ویکھ، کِیوں بَیٹھا مکُھ چُھپائیا۔ کوٹن کوٹ گُروُ اوتار دھر کے بَیٹھے بھیکھ، اپنا آپ رہے وڈیائیا۔ تیرے مِلن دا کوئی نہ دسےّ ہیت، اپنی سوبھا کر کر خوشی منائیا۔ واہ واہ سوہنی رچی انوکھی کھیڈ، تیری سمجھ سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، نِرگُن سرگُن آ کے کھول بھیت، پڑدا اوہلا دے چُکائیا۔ پڑدا اوہلا چُک آتم، ہرِ شبدی دھیان لگائیا۔ میِت مُرارا بن پرماتم، کِیوں بَیٹھا پڑدا پائیا۔ ہؤں نِرگُن تیری ذاتن، نِرویَر تیری سرنائیا۔ گُر اوتار پیِر پَیغمبر سارے اِکو آکھن، پُرکھ اکال سب دا ماہیِا۔ سچ سندیسہ دیوے اپنا جاپن، جیِون جیِون وِچوں دئے بدلائیا۔ اِکو وار کٹ جنم کرم دے پِچھلے
پاپن، دُرمت مَیل دھوائیا۔ پتت پُنیِت کر دے پاکی پاکن، مِہر نظر اِک اُٹھائیا۔ ہؤں بلدھاری صاحِب سَتگُر شاہو شاباسن، شہنشاہ تیری اوٹ تکائیا۔ جوتی جوت سروُپ ہرِ، آپ اپنی کِرپا کر، سچ وکھاؤنا اِکو گھر، جِس گھر بہہ کے اپنا رنگ رنگائیا۔ ساچا گھر وکھاؤنا اوہ، جِس گرِہ تیرا نوُر رُشنائیا۔ جگت پیار کٹّ کے موہ، نِرموہ دینا بنائیا۔ تیرا برہم تیرے نال جائے چھوہ، پاربرہم دَیا کمائیا۔ انتم تیرے جوگا جائے ہو، دوُجا سکے نہ کوئے پرنائیا۔ سچ دوارے دینا ڈھوآ ڈھو، وست امولک جھولی پائیا۔ جوتی جوت سروُپ ہرِ، آپ اپنی کِرپا کر، گھر ساچے لَینا مِلائیا۔ شبد سُت دُھر دے دوُلھے، سوبھاونت سمجھائیندا۔ آد تیرا اُپجایا موُلے، انت تیری کھیل کھِلائیندا۔ ہرِ کا نام جو گئے بھوُلے، بُھلیاں مارگ اِک وکھائیندا۔ جن بھگتاں دے کے ساچے جھوُلے، سچ ہُلارے آپ جھُلائیندا۔ وِشنوُں نیتر تکّے برہما کہے واہ کنت کنتوُہلے، بِن رسنا صِفت صلاحِندا۔ شنکر ہتّھوں سُٹ ترِسوُلے، دھوُڑی ٹِکاّ خاک رمائیندا۔ گُر اوتار پَیغمبر کہن تیرا سچ اصوُلے، اصلیّت اپنی اِک سمجھائیندا۔ تیریاں بھگتاں کولوں اَگے کِریا کرایا نہ کوئے وصوُلے، رائے دھرم نہ اکھّ اُٹھائیندا۔ سو گُرمکُھ گُرسِکھ لوکمات پھلے پھوُلے، جِنہاں گُر گوبِند اپنی گود بہائیندا۔ ایتھے اوتھے دو جہان ہوئے انمُلے، قیمت جگت نہ کوئے رکھائیندا۔ میل مِلائے صُلح کُلے، کُل مالک اپنا رنگ رنگائیندا۔ جوتی جوت سروُپ ہرِ، آپ اپنی جوت دھر، شبد گُروُ گُردیو سَتگُر آد جُگاد جُگ چؤکڑی کدے نہ بُھلے، ابُھل اپنی کھیل آپ کھِلائیندا۔
۲۴ بھادروں ۲۰۲۱ بِکرمی مِلکھا سِنگھ دے گرِہ پِنڈ ماڑی
گُر شبد کہے جن بھگتاں بھاگ، جگت جُگت جُگت جگت ونڈ ونڈائیا۔ سِری بھگوان بِنا اپنا سچ سماج، سمگری دُھر دی جھولی پائیا۔ پربھ مِلن دا دسّ کے کاج، ساچی سِکھیا دئے دِرڑائیا۔ پریم پیار دی مار کے آواز، جگ سُتّیاں لئے اُٹھائیا۔ آتم پرماتم جوڑ کے نات، ساک سجّن اِک اکھوائیا۔ دُھر درگاہی دسّ کے گاتھ، منتر نام کرے پڑھائیا۔ گھر وِچ گھر وسے پاس، سگلا سنگ نِبھائیا۔ لیکھا جان پَون سواس، ساہ ساہ دَیا کمائیا۔ جنم کرم دی پوُری کرے آس، ترِشنا بُھکھ مِٹائیا۔ نِج گھر ساچے کر کے واس، وصل اِکو حق وکھائیا۔ کر پرکاش
اگمّی محراب، محبوُب نظری آئیا۔ جوتی جوت سروُپ ہرِ، آپ اپنی کِرپا کر، جن بھگت دئے وڈیائیا۔ وڈیائی کو پربھ ایکا ٹھاکر، ہرِ کرتا نر ہرِ اکھوائیندا۔ جُگ چؤکڑی ویکھے ڈُلھدا ساگر، وڈ سنساری اپنا پھیرا پائیندا۔ کِرپا کر کریم کرتا قادر، قُدرت اپنا کھیل جنائیندا۔ سوُربیِر بن بہادر، دُھر فرمانا حُکم منائیندا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹکِائیندا۔ گُر شبد کہے جن بھگتاں جوگ، ہرِ سَتگُر آپ دِرڑائیا۔ میل مِلاکے دُھر سنجوگ، وِچھوڑا جگت کٹائیا۔ نام پدارتھ ساچی چوگ، سوہنگ ہنسا مکُھ لگائیا۔ کر پرکاش اندھیرے کوٹ، ساڈھے تِنّ ہتّھ سوبھا پائیا۔ ناد دُھن وجا لگائے چوٹ، کوُڑی کِریا کھوٹ کڈھائیا۔ جوتی جوت سروُپ ہرِ، آپ اپنی کِرپا کر، جن بھگتاں بوُجھ بُجھائیا۔ گُر شبد کہے پربھ بھگتن میِتا، بھاوی بھےَ بھؤ نظر کوئے نہ آئیا۔ ایتھے اوتھے دو جہاناں ٹھانڈا سیِتا، سَت پُرکھ نِرنجن اگنی تت نہ کوئے تپائیا۔ لکّھ چؤراسی گھٹ گھٹ واسی وسنہارا چیتا، گرِہ گرِہ اپنا ڈیرہ لائیا۔ سَتجُگ تریتا دواپرکلجُگ ویکھے ویلا بیِتا، پوُرب لہنا کھوج کھوجائیا۔ سَت سروُپ شاہو بھوُپ وڈّا وڈ نیِکن نیِکا، جگ نیتر درس کوئے نہ پائیا۔ دینا جانے جیِو جی کا، دیونہار صاحِب سُکھدائیا۔ جوتی جوت سروُپ ہرِ، آپ اپنی کِرپا کر، ہرجن سجّن ویکھ وکھائیا۔ شبد گُر کہے بھگتن داتار، دیونہار اکھوائیندا۔ لکّھ چؤراسی وِچوں لئے اُٹھال، مانَس منُکھ مانو اپنے لیکھے لائیندا۔ سچ دوارے لئے بہال، چرن کَول اِکو دھام سُہائیندا۔ میل مِلا کے اگمّی رام، رمتا چکر سرب کٹائیندا۔ کھیڑا وسا کے دُھر دا گرام، گرِہ مندر سوبھا پائیندا۔ کوُڑی کِریا میٹ نِظام، نؤبت اپنا نام وجائیندا۔ رس امیوں پیا کے جام، سچ خُماری اِک وکھائیندا۔ جوتی جوت سروُپ ہرِ، آپ اپنی کِرپا کر، جن بھگت گود اُٹھائیندا۔ گُر شبد کہے پربھ بھگتن سنگی، وڈبھاگی نظری آئیا۔ ناتا توڑ کے خانہ بندی، بندنا اِکو دئے سمجھائیا۔ انتر کڈھ واسنا گندی، سُگندھی سچ بھرائیا۔ کر پرکاش نوُرانہ چندی، اندھ اگیان دئے کھپائیا۔ دیِن دَیال بن بخشندی، بخشش رحمت آپ کرائیا۔ پِٹھ ہون نہ دیوے ننگی سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، بھگتن میِتا بےپرواہیِا۔ شبد گُر کہے پربھ بھگت پیارا، لکّھ چؤراسی دئے تجائیا۔ مندر اندر کھول کِواڑا، گھر گھر وِچ سوبھا پائیا۔ کر پرکاش بہتّر ناڑا، جوتی دیِپ ڈگمگائیا۔ ساڈھے تِنّ ہتّھ اندر لا اَکھاڑا، سُرتی شبدی گوپی کاہن ناچ نچائیا۔ امرت جام پیا کے تاڑا، خُماری دُھر دی دئے وکھائیا۔ جوتی جوت سروُپ ہرِ، آپ اپنی کِرپا کر، بھگت وچھل اِک اکھوائیا۔ گُر شبد کہے پربھ سچ
سوامی، سویمبر جُگ جُگ آپ رچائیندا۔ سرب گھٹاں بن انتریامی، ہرجن ساچے ویکھ وکھائیندا۔ بودھ اگادھ اگمّی بانی، دُھر دا نام ناد سمجھائیندا۔ امرت بخش ٹھنڈا پانی، نِجھر جھِرنا اِک جھِرائیندا۔ شبد مِلاوا سُرتی ہانی، سوہنا جوڑ وکھائیندا۔ لیکھ چُکا کے چارے کھانی، گھر اِکو اِک وڈیائیندا۔ دیونہارا پد نِربانی، نِربان پد اِک سمجھائیندا۔ شاہو بھوُپ شہنشاہ سُلطانی، سچکھنڈ ساچے سوبھا پائیندا۔ جوتی جوت سروُپ ہرِ، آپ اپنی جوت دھر، سنت سُہیلے گلے لگائیندا۔ سَتگُر شبد کہے پربھ دُھر دا سجّن، ساجنہارا نظری آئیا۔ جُگ چؤکڑی لکّھ چؤراسی بھانڈے بھجّن، بِن سَتگُر پوُرے اپنے گھر نہ کوئے رکھائیا۔ کوٹن کوٹ جیِو جنت سادھ سنت جاون نگن، پڑدا اوہلا اوڈھن سیِس نہ کوئے ٹِکائیا۔ کوٹن کوٹ ماس ناڑی ہڈّ وہاون گنگن، گنگوتری سار کوئے نہ پائیا۔ کوٹن کوٹ سیکھاں اُپر ٹنگن، جگت کباب قیمت سکے نہ کوئے چُکائیا۔ کوٹن کوٹ کر کر بندگی بھجن، بھجّن واہو داہیِا۔ کوٹن کوٹ نیتر پا کے انجن، نَین اکھّ رہے مٹکائیا۔ کوٹن کوٹ ہرِ کا نام در در منگن، گیروُ کپڑے تن چُھہائیا۔ کوٹن کوٹ مکّہ کعبہ کرن حجن، سچ محبوُب نظر کِسے نہ آئیا۔ کوٹن کوٹ گُر در مندر مسجد شِودوالے مٹھ کرن بندن، بندی خانہ نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمکُھ گُر گُر اپنے سنگ رکھائیا۔ گُر شبد کہے پربھ تیرا کھیل اولّا، آد جُگاد سمجھ کوئے نہ پائیا۔ بِن بھگتاں سُہائے نہ کوئے محلا، محفل سچ نہ کوئے لگائیا۔ تُوں نِرگُن دھار اِک اِکلّا، نِرویَر پُرکھ تیری وڈیائیا۔ تیرا وسیرا جلاں تھلاں، گھٹ گھٹ بَیٹھا ڈیرہ لائیا۔ دھنّ وڈیائی جِس جن پھڑائیں اپنا پلّا، شبدی گنڈھ پوائیا۔ سو گُرمکُھ گُرسِکھ ہرجن ہرِ بھگت لوکمات پھلیا پُھلا، پتّ ٹہنی رہی مہکائیا۔ ملِے وڈیائی ساچی کُلا، جِس کُل وِچ گُرمکُھ گُر گُر گئے اُپجائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، انتم قیمت کرتے پائے آپے مُلّا، کؤڈی کؤڈی ہٹّ نہ کوئے وِکائیا۔
۲۴ بھادروں ۲۰۲۱ بِکرمی گنڈا سِنگھ دے گرِہ پِنڈ دراجکے
ستگُر شبد سدا کِرپال، کِرپن نِردھن لئے ترائیا۔ سَتگُر شبد سدا دَیال، دیِناں اناتھاں ہوئے سہائیا۔ سَتگُر شبد سدا دھن مال، نام خزانہ اِک بھرائیا۔ سَتگُر شبد توڑنہار جنجال، کوُڑی کِریا دئے کھپائیا۔ سَتگُر شبد آد جُگاد نِبھے نال، ایتھے اوتھے میل مِلائیا۔ سَتگُر شبد
وکھائے سچّی دھرمسال، گھر گھر وِچ سوبھا پائیا۔ جوتی جوت سروُپ ہرِ، آپ اپنی کِرپا کر، سچ شبد اِک اُپجائیا۔ سَتگُر شبد سرب جگ میِتا، مِتراں وِچوں مِتر نظری آئیا۔ سَتگُر شبد اُدھارے اوُچاں نیِچاں، راؤ رنکاں گلے لگائیا۔ سَتگُر شبد پار کرائے جگت دہلیزاں، منزل ساچی دئے وکھائیا۔ سَتگُر شبد سُرتی کرے ساچی ریِجھا، لال گُلالا رنگ چڑھائیا۔ سَتگُر شبد، جوتی جوت سروُپ ہرِ، آپ اپنی کِرپا کر، سد ویکھنہارا تھائیں تھائنیا۔ سَتگُر شبد سد وِچولا، جُگ جُگ سیو کمائیندا۔ سَتگُر شبد چُکائے پڑدا اوہلا، گرِہ مندر نظری آئیندا۔ سَتگُر شبد جن بھگتاں گایا ڈھولا، ڈھولک چَھینے پرے سُٹائیندا۔ سَتگُر شبد شبد انمولا، بِن سَتگُر پوُرے ہتّھ کِسے نہ آئیندا۔ سَتگُر شبد من واسنا چُکائے کوُڑا رؤلا، جوُٹھ جھوُٹھ ڈیرہ ڈھائیندا۔ سَتگُر شبد آون جاون پندھ کرے ہؤلا، لکّھ چؤراسی گیڑ کٹائیندا۔ سَتگُر شبد دیوے وڈیائی اُپر دھؤلا، پنج تت کایا رنگ چڑھائیندا۔ جوتی جوت سروُپ ہرِ، آپ اپنی کِرپا کر، دُھر دا شبد اِک پرگٹائیندا۔ سَتگُر شبد انڈِٹھا رس، رسنا رس نہ کوئے وڈیائیا۔ سَتگُر شبد ہرِ ہِردے رہیا وس، جگ نیتر ویکھن کوئے نہ پائیا۔ سَتگُر شبد نِرمل جوت کرے پرکاش، دیِا باتی ڈگمگائیا۔ سَتگُر شبد ساچے مندر پاوے راس، گوپی کاہن روُپ وٹائیا۔ سَتگُر شبد گُرمکُھاں پوُری کرے آس، آسا ترِشنا میٹ مِٹائیا۔ سَتگُر شبد ویکھے کھیل پرِتھمی آکاش، گگن گگننتر سوبھا پائیا۔ سَتگُر شبد جن بھگتاں سدا داس، جُگ جُگ سیو کمائیا۔ جوتی جوت سروُپ ہرِ، آپ اپنی کِرپا کر، دیونہار آپ وڈیائیا۔ سَتگُر شبد سدا انڈِٹھ، روُپ رنگ ریکھ نظر کوئے نہ آئیا۔ اندرے اندر کرے ہِت، باہر وجوُد نہ کوئے سمجھائیا۔ پریم پیار دی مار انوکھی کھِچ، آپ اپنی تند سِتار ہِلائیا۔ گُرمکُھ وِرلے سَتگُر کِرپا پئے دِس، نِج نیتر ہوئے رُشنائیا۔ کروٹ لےَ بدلے پِٹھ، سنمکُھ سوبھا روُپ پرگٹائیا۔ جوتی جوت سروُپ ہرِ، آپ اپنی کِرپا کر، شبد گُروُ اِک اُپجائیا۔ سَتگُر شبد وڈ وڈّا نیِکا، نیِکن نیِکا کھیل کھِلائیندا۔ لیکھا جانے لکّھ چؤراسی جیِو جی کا، ساڈھے تِنّ ہتّھ مندر اندر ڈیرہ لائیندا۔ نِت نوِت جن بھگتاں بنے میِتا، سنگی ہو کے سنگ وکھائیندا۔ گھر ساچے وسے چیتا، چیتن سُرتی آپ کرائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ سَتگُر شبد سرب وِیاپی، وِیاپک ہو کے سیو کمائیا۔ سَتگُر شبد وڈ پرتاپی، پسچاتاپ دئے چُکائیا۔ سَتگُر شبد انتر جاپی، جیِون جُگت دئے وکھائیا۔ سَتگُر شبد پاکن پاکی، دُرمت مَیل نہ کوئے رکھائیا۔ سَتگُر شبد بدل دیوے حیاتی، جیِون
جیِون وِچوں پرگٹائیا۔ سَتگُر شبد کھیلے کھیل اگمّی بازی، ڈؤروُ ڈنکا سچ وجائیا۔ سَتگُر شبد کِسے دا کوئے نہ مُحتاجی، بِھکھیا منگن کدے نہ جائیا۔ سَتگُر شبد جن بھگتاں دُھر دا بنے ساتھی، نِت نوِت سیو کمائیا۔ سَتگُر شبد لہنا دینا چُکاوے باقی، پوُرب لیکھا جھولی پائیا۔ سَتگُر شبد جُگ جُگ میٹے اندھیری راتی، نِرگُن نوُر جوت کرے رُشنائیا۔ سَتگُر شبد منوُا رہن نہ دیوے عاقی، منسا منسا وِچ کھپائیا۔ سَتگُر شبد پکڑ چڑھاوے اؤکھی گھاٹی، پار کنارے آپ لگائیا۔ سَتگُر شبد جن بھگتاں ساچے سنتاں گُرمکُھاں گُرسِکھاں انتر دیوے امرت بوُند سوانتی، سچ پیالہ اپنا جام پیائیا۔