پہلی اَسوُ ۲۰۲۱ بِکرمی ہرِ بھگت دوار جیٹھوُوال
سب توں نیِواں آپ پربھ، جو ہر گھٹ رہیا سمائیا۔ دو جہاناں رہیا بھجّ، چاکر سیوک روُپ وٹائیا۔ لکّھ چؤراسی وِچوں لئے لبھ، گھر گھر کھوج کھوجائیا۔ کوٹن کوٹ جُگ گئے لد، ہرِ کا بھیو کوئے نہ پائیا۔ اندر باہر گُپت ظاہر جگت سرِشٹی پار نہ کر سکیا کوئی حد، منزل مزار ویکھ نہ خوشی منائیا۔ جوتی جوت سروُپ ہرِ، آپ اپنی کِرپا کر، نِون سُ اکھّر اِک دِرڑائیا۔ سب توں نیِواں ٹھاکر سوامی، ہرِ کرتا اِک اکھوائیندا۔ سرب جیِاں گھٹ انتریامی، گرِہ گرِہ کھوج کھوجائیندا۔ جُگ چؤکڑی سادھ سنت پڑھدے جِس دی بانی، دُھر دا نادی ناد سُنائیندا۔ جو نِت نوِت دسّنہارا بودھ اگادھ کہانی، بھیوَ ابھیدا آپ کھُلائیندا۔ جِس دا سَت سروور امرت رس اگمّا پانی، نیِر سیِر جام پیائیندا۔ اوہ کھیلے کھیل سچّا سُلطانی، شہنشاہ اپنا حُکم ورتائیندا۔ پد یاترا سادھ سنت کرن وِچ جہانی، انتر آتم منزل پندھ نہ کوئے مُکائیندا۔ نیِویاں دی سُنو کہانی، گُرمکُھ نیِواں سب توں نظری آئیندا۔ جوتی جوت سروُپ ہرِ، آپ اپنی کِرپا کر، مِہر نظر آپ اُٹھائیندا۔ سب توں نیِواں پاربرہم، جگ نیتر نظر کِسے نہ آئیا۔ نہ مرے نہ پئے جمّ، جوُنی جوُن نہ کوئے بھوائیا۔ نِت نوِت نِہکرمی ہو کے جانے اپنا کمّ، نِرگُن سرگُن کھیل کھِلائیا۔ لکّھ چؤراسی گھڑے لئے بھنّ، سمرتھ پُرکھ بےپرواہیِا۔ نِرگُن پرکاش جوت کرے اندھیرے اندھ، گھر دیِا باتی اِک جگائیا۔ بِن سَتگُر سرنائی مکُیا کِسے نہ پندھ، لکّھ چؤراسی بھجےّ واہو داہیِا۔ نار دُہاگن پِھرے رنڈ، بِن ہرِ کنت نہ کوئے پرنائیا۔ جِس دی صِفت اندر گائے چھند، سو شہنشاہ اِک اکھوائیا۔ تحصیل ہور نہ ٹھانا ہور دوہاں دا مالک اِک بخشند، سِر سب دے ہتّھ ٹِکائیا۔ ٹِکانا ہور نہ ہور دیوے اِک انند، ساچے چند کرے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سب توں نیِواں
ایکنکار، اکل کلا اکھوائیندا۔ جُگ چؤکڑی کھیل اپار، اپرمپر آپ جنائیندا۔ نِرگُن ہو کے سرگُن کرے پیار، اندر وڑ وڑ ویکھ وکھائیندا۔ منزل پؤڑی چڑھ اُچ منار، سچ دوارے سوبھا پائیندا۔ اپنی آتم پرماتم کر کے خبردار، برہم پاربرہم اِشارے نال جگائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ سب توں نیِواں ہرِ بھگوَنت، بھگوَن بےپرواہیِا۔ جِس دا دو جہاناں اِکو منت، کلمہ اِک پڑھائیا۔ جِس نوُں آد جُگاد جُگ چؤکڑی نمو نمو کردے سنت، پیِر پَیغمبر گُر اوتار رہے دِھیائیا۔ سو سدا سوامی دُھر دا کنت، کنتوُہل بےپرواہیِا۔ جِس دا بھیو کوئی نہ جانے پاندھا پنڈت، مُلّا شیخ مسائک سمجھ کوئے نہ آئیا۔ تِس دا ورن برن دھرم اِک اکھنڈت، کھنڈت کرے نہ کوئے لوکائیا۔ جو اوس دوارے آوے منگت، مانگت ہو کے جھولی ڈاہیِا۔ اوہ صاحِب سوامی اندر چاڑھے رنگت، باہروں کپڑے رنگے ویکھے جگت لوکائیا۔ میہنیاں وِچ سُنے مِنّت، مِہر نظر اِک اُٹھائیا۔ ایہہ تیری گُرمکُھ وڈّی ہِمّت، جو چرن پیا سرنائیا۔ اَگے رہن نہ دیوے کوئی عِلّت، ساڈھے تِنّ ہتّھ اندر گھُنڈی دئے کھُلائیا۔ جگت دسّنا چاروں کُنٹ ساچی سِّمت، کوُک کوُک سُنائیا۔ جِس دے کولوں گُر اوتار پیِر پَیغمبر نِت نوِت سچکھنڈ دوارے لیندے رہے سِکھت، دُھر دی کرے پڑھائیا۔ جِس دا شاستر سِمرت وید پُران انجیل قرآن گیِتا گیان کھانی بانی دسّدی رہی بھوِکھت، اِشاریاں نال جنائیا۔ اوہ سب دا سوامی بن کے آیا اِشٹ، عاشق معشوق اِکو رنگ رنگائیا۔ سادھاں سنتاں کوُک سُناوے درشن کردیاں سب دی کھولے درِشٹ، وشِشٹ جو راما وشیش دئے وڈیائیا۔ تُہاڈے چرناں ہیٹھ رول کے بہِشت، سَورگ پَیراں ہیٹھ دبائیا۔ تُہاڈے مستک لا کے نام دا سچّا تِلک، جوت لِلاٹ دئے جگائیا۔ جیہڑا ویہہ سؤ اِکّی ایس منزل توں گیا تِلک، دو جہان سار کوئے نہ آئیا۔ جو جن سُن کے جائے کھِسک، پلّوُ لئے چُھڈائیا۔ تِس نوُں جگت پا دئے صِدق، بِن پربھ ساچے دیوے نہ کوئے سرنائیا۔ جوتی جوت سروُپ ہرِ، آپ اپنی کِرپا کر، نیِویاں نیِواں دئے جگائیا۔ سب توں نیِواں ہرِ جوُ ٹھاکر، ٹھوکر نام لگائیا۔ کلجُگ ویکھ گہرا ساگر، سمُند کھوج کھوجائیا۔ نِرمل کرم کرے اُجاگر، مِہر نظر ٹِکائیا۔ اوہناں مِلدا سچّا آدر، جو پوُرب وِچھڑے انت لئے مِلائیا۔ کوئی نہ لیکھا جانے مقتوُل، قاتل، ایتھے اوتھے بھیو کوئے نہ رائیا۔ پربھ دا بھیو اگمّی باطن، ظاہر ظہوُر کرے رُشنائیا۔ تیرا چؤتھے جنم دا اِک ساتھن، ساتھی نظری آئیا۔ گُرمیِت سِنگھ جِس نوُں آکھن، دوآبےبَیٹھا ڈیرہ لائیا۔ دوہاں دا اِکو مائی اِکو باپن، گودی گود سُہائیا۔ جوتی جوت
سروُپ ہرِ، آپ اپنی کِرپا کر، انتر آتم بوُجھ بُجھائیا۔ نیویاں دا دُھر دا لیکھا، ہرِ کرتا آپ چُکائیندا۔ پوُرب جنم دا کڈھ بُھلیکھا، بھانڈا بھرم بھنائیندا۔ رات سُفنے وِچ کرا کے پِچھلے جنم دا چیتا، پڑدا اوہلا سرب اُٹھائیندا۔ چرن پریِتی بخش کے ہیتا، مِتر پیارا جوڑ جُڑائیندا۔ پِچھلا ٹھٹھیاراں گھر ٹھیکا، اگلا اَگے رنگ رنگائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ سب توں نِکاّ سِرجنہار سِر سِر رِزق پُچائیا۔ جو سُتے پَیر پسار، گھر گھر جا جا رہیا اُٹھائیا۔ غفلت وِچ کرے گُفتار، اصلیّت اپنی دئے دِرڑائیا۔ محُبّت وِچ کرے پیار، محبوُب ہو کے گلے لگائیا۔ خوشیاں وِچ کرے اِظہار، عبادت اپنی نہ کِسے سمجھائیا۔ کایا مندر سچ منار، ویکھنہارا چائیں چائنیا۔ دیِوا باتی کملاپاتی گھر ٹھاکر کر اُجیار، نِرگُن جوت کرے رُشنائیا۔ پہلی چیت دی ساکھیات اخبار، تُہاڈے ساہمنے دِتی وکھائیا۔ جو چار کُنٹ کرے پرچار، اُچی کوُک کوُک دئے دُہائیا۔ جوتی جوت سروُپ ہرِ، آپ اپنی کِرپا کر، ساچا پریس ہرِ سنگت، رہیا بنائیا۔ ہرِ سنگت تیرا ساچا پریس، بےپرواہ آپ جنائیا۔ جِس دے اُتے اِکو لِکھے ایس ایچ، دوُجی ہور نہ کوئے لِکھائیا۔ جِس دے اکھّراں دا کِھچے نہ کوئی سکَیچ، نقشہ نہ کوئے بنائیا۔ کِسے ڈھانچے سانچے وِچ کرے نہ فِٹ، اَگے پِچھےنہ کوئے ہِلائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ بِنا سیوا توں تارن آیا جگ، پِچھلی ریِتی دِتی چُکائیا۔ چار جُگ دے بھگت سارے چرن کَول لَواں سدّ، شبدی حُکم سُنائیا۔ گُر اوتار پیِر پَیغمبر آون بھجّ، اپنا پندھ مُکائیا۔ وِشن برہما شِو کوئی نہ لاوے پج، سیِس نِواون تھاؤں تھائنیا۔ پِچھلی اِنہاں دی کھول کے اکھّ، بِن اکھّاں دئے سمجھائیا۔ ایہہ رام کرِشن دا مالک پرتکھ، بےانت بےپرواہیِا۔ جِس دا ویداں گایا جس، شاستر سِمرت رکھی آس، گیِتا گیان کہہ کے پئی ہسّ، ہستی اِک سمجھائیا۔ جِس دروپت رکھی پت، اوہ مالک سب دے سِر تے رکھے ہتّھ، وست امولک ساچے مندر کایا دیوے رکھ، منگن کِسے در نہ جائیا۔ نہ کوئی پوُجا کراوے پاٹھ، نہ کوئی نُہاوے تیِرتھ تاٹ، نہ کوئی دساوے شِودوالا ماٹھ، گُروُدوارا کایا بنک سُہائیا۔ نہ کوئی ونج کرائے کِسے ہاٹ، نہ کوئی تیِرتھ پِھرائے تاٹ، نہ جنگلاں وِچ بھوائے واٹ، مِہر نظر نال پار کرائیا۔ پریم پیار دا لائے گھات، لیکھ لِکھاوے نال قلم دوات، اندروں کھول کے بند تاک، تاجاں والا گھر گھر نظری آئیا۔ جا کے در در دیؤ آواز، آیا صاحِب غریِب نِواز، جِس دا بیڑا اِک جہاز، چار ورن اٹھاراں برن رہیا چڑھائیا۔ جِس نوُں ساہمنے مِلن دی خواہش، اُس دا بنے دردی داس، دیوے رس اندر پَون سواس، ساہ
ساہ سمائیا۔ ناتا توڑ کے ذات پات، چرن دھوُڑی دیوے خاک، انتر آتم کرے مُشتاق مُشکل اگلی حل کرائیا۔ لہنا دینا ہوئے بےباق، درگاہ ساچی ملِے خِطاب، انتر پیائے آبِ حیات، حیاتی دیوے جگت بدلائیا۔ جِس دا لَیندے رہے خواب، جِس نوُں لبھدے رِہے حُجریاں وِچوں محراب، جِس نوُں بانگاں وِچ ماردے رہے آواز، ہؤکیا وِچ دِھیائیا۔ جِس نوُں گاؤندے راگ ناد، جِس نوُں لبھدے سنت سادھ، جِس نوُں سارے کہِندے گُروُ مہاراج، مالک اِک اکھوائیا۔ اُس دوارے جاؤ بھاگ، کوُڑی کِریا دھووے داغ، سُرت مِلاوے کنت سُہاگ، سوہنا جوڑ جُڑائیا۔ نیویں ہون دی سِکھ کے جانی جاچ، بھاگ لگّے کایا ماٹی کاچ، ہِردے اُپجے ساچو ساچ، جوُٹھ جھوُٹھ رہن نہ پائیا۔ انتر آتم اِک وَیراگ، کوُڑی ترِشنا ہووے تیاگ، اوہ سُتّی جائے جاگ، جِس نوُں مالک ٹُنب ٹُنب اُٹھائیا۔ ایہہ رَین نہیں ایہہ رات، ایہہ بھگتاں دی پربھات، پہلی اَسوُ دی سچ سوغات، سب دی جھولی پائیا۔ ایہہ گُرمکُھ بن کے آئے برات، سوہنے لاڑے ولّ مارن جھات، نیتر اکھّ اِک کھُلائیا۔ جِس دا اِکو پوُجا پاٹھ، اِکو منتر رہیا دِرڑائیا۔ جوتی جوت سروُپ ہرِ، آپ اپنی کِرپا کر، سچ سندیسہ رہیا سُنائیا۔ سچ سندیسہ پہلی اَسوُ، اسوَ اَسوار آپ جنائیندا۔ دو جہاناں گُر اوتار پیِر پَیغمبر نٹھ نٹھ دسّوُ، سچکھنڈ نِواسی حُکم جنائیندا۔ سندیسے اندر کوئی نہ بچوُ، پڑدا اوہلا نہ کوئے رکھائیندا۔ سِر تے اوڈھن کِسے رہے نہ پٹوُ، پیِت پیتمبر نہ کوئے سُہائیندا۔ کھیل انوکھا پُرکھ اگمّا گھر گھر گھتوُ، گہر گمبھیِر بھیس وٹائیندا۔ کوُڑی کِریا جڑ پُٹوُ، نام سندیوا ہتّھ اُٹھائیندا۔ اپنی کرنیؤں کدے نہ ہٹوُ، اوڑک اپنی کار کمائیندا۔ جو کلجُگ جیِو پربھ سِمرن توں ہویا منکھٹوُ، کوُڑے وہن آپ وہائیندا۔ گُرمکُھ گُرسِکھ بھگت سُہیلے سنگ اپنے رکھوُ، لڑی لڑی نال بندھائیندا۔ اندر وڑ کے مندر چڑھ کے نِرگُن ہو کے ہسّوُ، سوہنگ ہنسا راگ سُنائیندا۔ جوتی جوت سروُپ ہرِ، آپ اپنی کِرپا کر، گُر اوتاراں پیِر پَیغمبراں اپنے در منگائیندا۔ گُر اوتار کہن واہ بھگوان، تیری وڈ وڈیائیا۔ ہؤں بالک نڈھےّ بال انجان، سد تیری اوٹ تکائیا۔ تُوں شاہ پاتشاہ شہنشاہ والی دو جہان، پروردِگار نوُر خُدائیا۔ تیرے در تے کریئے پرنام، نمو نمو سیِس جھُکائیا۔ سجدہ کرکے کریئے سلام، صِفتاں نال صلاحیِا۔ پہلوں منیئے اوہ اِمام، جِسدی آمد نظر کِسے نہ آئیا۔ اکھّراں وِچ تیرا سُندے رہے پیَغام، نِراکھّر نہ کوئے سمجھائیا۔ نؤ سؤ چُرانوے چؤکڑی جُگ ساکھیات ہو کے دِتی نہ کِسے پہچان، شبد اِشارے نال کردا رِہوں جنائیا۔ بےشک بھگت اُدھارنا نہیں میرا کوئی اِحسان، سیوا کرنی میَں اپنی جھولی پائیا۔
جُگ چؤکڑی کر پہچان، وڈّے چھوٹے پار لگائیا۔ جِنہاں نوُں میرے اُتے مان، میَں اُہناں دا پِتا مائیا۔ جِناں چِر کِرپا کر کے اندر دیواں نہ سچ دھیان، سمجھ سکے نہ کوئے رائیا۔ کوٹن کوٹ جگت وِدیا پڑھ کے ہوئے شَیطان، شرع وِچ کرن لڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار کہن پربھ دے فرمان، سارے فُرنے تیری جھولی پائیا۔ اوہ مِہربان اُٹھ کے آ وِچ مَیدان، کِیوں بَیٹھا مکُھ چُھپائیا۔ جے تُوں لکّھ چؤراسی دا دُھر دا سچّا کاہن، سیِس جگدیس تاج سُہائیا۔ چار کُنٹ کرا پہچان، نوَ نؤ چار کھوج کھوجائیا۔ جوتی جوت سروُپ ہرِ، آپ اپنی کِرپا کر، مِہر نظر اِک تکائیا۔ گُر اوتار پیِر پَیغمبر کہن پربھ کھول دے پڑدا، انت اِکو وار جنائیا۔ دو جہان تیرا بردا، دردی ہو کے درد ونڈائیا۔ کلجُگ انت جے تیرے بِنا ساڈا ہُندا سردا، کِیوں تیری اوٹ تکائیا۔ تُوں لیکھا جانے گھر گھر دا، گرِہ گرِہ بَیٹھا ڈیرہ لائیا۔ سچ پربھوُ تُوں نہ جنمے نہ کدی مردا، مُردیاں مرد لئے بنائیا۔ تیرا کلمہ جُگ چؤکڑی گُر اوتار پیِر پَیغمبر پڑھدا، دُھر دا ڈھولا گائیا۔ تیرا روُپ اگمّا نرائن نر دا، نر ہرِ کہہ کے سارے سیِس جھُکائیا۔ نِربھےَ ہو کے بھؤ وِچ کدے نہ ڈردا، بھےَ سب نوُں اِک جنائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا دئے چُکائیا۔ گُر اوتار پیِر پَیغمبر کہن پربھ پا اوہ الفی، جِس دی الف یے کہانی کوئے نہ گائیا۔ جِس دی اجے تکّ منائی کِسے نہ کوئی برسی، گھڑی پل ونڈ نہ کوئے ونڈائیا۔ تُوں مالک عرشی فرشی، شاہ پاتشاہ سچّا شہنشاہیِا۔ پت پرمیشور تیرا کھیل نہیں کوئی فرضی، اصلیّت اپنی دئے سمجھائیا۔ تُوں مالک سب دا غرضی، غفلت وِچ تیری لوکائیا۔ آہ لے گوبِند دی اوہ پِچھلی عرضی، جو ماچھوُواڑے دِتی لِکھائیا۔ محمد دی خواہش اندروں ڈردی، االلہرانی دئے دُہائیا۔ محبوُب اَگے اکھّ پُٹ نہ ساہمنے کھڑدی، نیتر نَیناں نیِر وہائیا۔ جوتی جوت سروُپ ہرِ، آپ اپنی کِرپا کر، سچ کرنی لئے کمائیا۔ گُر اوتار پیِر پَیغمبر کہن پربھ میرے، مِہربان تیری سرنائیا۔ دروہی خُدا دی سارے چُکےجھیڑے، جھگڑا کوئی رہن نہ پائیا۔ سارے چڑھ گئے تیرے بیڑے، نئیا نؤکا ویکھ خوشی منائیا۔ کلجُگ ویکھے اُجڑے کھیڑے، ساڈھے تِنّ ہتّھ کایا بنک گُلشن سچ نہ کوئے مہکائیا۔ پت پرمیشور تیرے کوئی نہ آوے نیڑے، دوُر دُراڈے بھجّن واہو داہیِا۔ اوہ دھنّ گُرمکُھ دھنّ گُرسِکھ ساچے سنت جو صدی بیِسویں بَیٹھے کرکے جیرے، اُچی آس رکھائیا۔ اساں چڑھنا اُس دے بیڑے، جِس دی نئیا نہ کوئے تکائیا۔ جو آد جُگاد جُگ چؤکڑی کدے کِسے نہ آیا گھیرے، بِن بھگتاں سیِس نہ کِسے جھُکائیا۔ سو گُرمکُھو
سمجھو آ گیا تُہاڈے ویہڑے، دوُر دُراڈا اُس دا ماہیِا۔ تُسیں مندر مسجد شِودوالے مٹھ نہ مارنے پھیرے، فِرقے سارے دینے تجائیا۔ تُہاڈے اندر وڑ کے کرے مِہرے، مِہر نظر اِک اُٹھائیا۔ رنگ چڑھ جائے گُروُ گُر چیرے، چیلا گُر اِکو روُپ وکھائیا۔ جوتی جوت سروُپ ہرِ، آپ اپنی کِرپا کر، کوُڑی کِریا دئے گوائیا۔ گُر اوتار پیِر پَیغمبر کہن پربھ تیرا بھرواسا، بھاونی سب دی پوُر کرائیا۔ کوُڑی کِریا کولوں کر خلاصہ، خالص اپنا بھیو سمجھائیا۔ ذات پات دیِن مذہب اوُچ نیِچ راؤ رنک تُٹے ناتا، پُرکھ بِدھاتا اِکو نظری آئیا۔ چار ورن اٹھاراں برن بنے سجّن ساکا، سگلا سنگ نِبھائیا۔ سَت دھرم دا کھول دے تاکا، طاقت اپنی اِک پرگٹائیا۔ تیَنوُں عیسیٰ موُسیٰ محمد مندے گئے باپا، نِرگُن نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، اگلا ویکھ اپنا ساکہ، ساکھی پِچھلی دئے بُھلائیا۔ سارے کہن پربھ دسّ اگلی ساکھی، ساکھیات ہو کے دَیا کمائیا۔ تُوں دُھر دا کملاپاتی، پت پرمیشور بےپرواہیِا۔ تیری منزل اؤکھی گھاٹی، بِن تیرے چڑھن کوئے نہ پائیا۔ جن سنتاں دے ساچی داتی، دَیاوان ہو کے جھولی دے بھرائیا۔ جِنہاں منّی تیری آکھی، آخر اُنہا گود اُٹھائیا۔ مالک ہو کے کرنی راکھی، رکھک ہو کے ہونا سہائیا۔ انتم مکُے پیَنڈا جگت واٹی، لکّھ چؤراسی پندھ چُکائیا۔ بچےّ بچپن وِچ لاؤنے اپنی چھاتی، امرت آتم سیر پیائیا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیا۔ گُر اوتار پیِر پَیغمبر کہن پربھ تیری اِکّی، ایکنکار نظری آئیا۔ نؤ سؤ چُرانوے جُگ چؤکڑی پِچھوں ڈِٹھی، اکھّیں ویکھ خوشی منائیا۔ دھنّ بھاگ تُوں ساڈی یاد رکھی پِچھلی چِٹھی، جو بِن اکھّراں دِتی لِکھائیا۔ جِس دی سمجھ کِسے نہ آئے وار تھِتی، گھڑی پل نہ کوئے دِرڑائیا۔ جِس دی دھار باریِک سب توں نِکّی، نیِکن نیِکے آپ پرگٹائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہربان کہے پربھ محبوُب، پروردِگار جنائیندا۔ گُر اوتارو پیِر پَیغمبرو میرا ویکھو اِک عروُج، جو آسا سب دی پوُر کرائیندا۔ جِسدی سمجھ نہ آئے کِسے حدوُد، آر پار ڈیرہ کوئے نہ لائیندا۔ سو میری کِرپا اُپر محدوُد، محُبّت وِچ آپ جنائیندا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک الائیندا۔ دُھر سندیسہ سُنو مات، ہرِ کرتا آپ جنائیا۔ کھیلے کھیل پُرکھ ابناش، نِرگُن سرگُن ویس وٹائیا۔ بِھنڑی رَین سُہنجنی رات، گھڑی پل خوشی وکھائیا۔ سادھاں سنتاں دے سؤغات، سُگندھی اپنا نام جنائیا۔ روُح بُت دوویں کرکے پاک، پوِت لئے بنائیا۔ دھوُڑی ٹِکاّ مستک لا کے خاک، خالق دیونہار وڈیائیا۔ اندروں کھول کے بند تاک،
تاڑی اپنے نال لگائیا۔ بِن چُھریؤں نشتروں کرکے ڈوُنگھا چاک، نؤ چکّر نؤ دواریوں پرے ہٹائیا۔ سنیاسی وَیراگی تیاگی تپیشر رکھیِشر مُنیِشر اپنی لا کے انوکھی جاگ، جاگرت جوت دئے جگائیا۔ ہنس بنائے پھڑ پھڑ کاگ، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، ہوئے سدا سہائیا۔ بِن سیوا بِن خواہش تارے پاپی، بھگت اُدھارن اِک اکھوائیندا۔ جن بھگتاں بن کے دُھر دا ساتھی، سگلا سنگ نِبھائیندا۔ غریِب نِمانیاں کوجھیاں کملیاں اندر وڑ کے مارے جھاتی، جھاکا اپنا آپ وکھائیندا۔ جام پیاوے بن کے ساقی، مدُھر پیالہ ہتّھ اُٹھائیندا۔ او سنتو میل ہویا اِتفاقی، لبھیاں ہتّھ کِسے نہ آئیندا۔ اوہ گُرمکُھ سچ سروور تیری سُرتی سچّی نہاتی، پتت پُنیِت کرائیندا۔ وینہدیاں وینہدیاں نظر وِچ نظر مِلا کے بدل دیوے حیاتی، حیا شرم نہ کوئے رکھائیندا۔ جو لہنا دینا لَین آوے باقی، بِن قیمتوں اپنا نام جھولی پائیندا۔ جوتی جوت سروُپ ہرِ، آپ اپنی کِرپا کر، مِہربان اپنی اکھّ کھُلائیندا۔ گُر اوتار پیِر پَیغمبر کہن آیا اوہ دِہاڑا، جِس دا دھیان لگائیا۔ جِس دا سجدیاں اندر کڈھ کے ہاڑا، اکھّاں میِٹ نیتراں بند سُرتی شبد مِلائیا۔ جِس نوُں لبھدے رہے جنگلاں وِچ پہاڑاں، سو پِچھلے جنم دے بالمیک تصدیِق چرناں نال کرائیا۔ جِس نوُں کہِندے رہے رَویداس چمارا، تِس دے اندر کیِتی آپ صفائیا۔ جِس نوُں کہِندے رہے دروپت نارا، سو گُرمکُھ سُرتی لئی بنائیا۔ پڑدا اوڈھن دے کے بھارا، کوٹن کوٹ کپڑ دِتے وکھائیا۔ روُپ چُھڈا کے اندروں اِٹّاں گارا، سنمکُھ ہو کے سب نوُں رہیا سمجھائیا۔ جِس دا کلمیاں وِچ نعرہ، جِس دا نام نال پیارا، جِس دا ناداں نال نگارا، سو نغمے رہیا سُنائیا۔ جِس دا اگمّی اِک اِشتہارا، اُس دا سادھ سنت اخبارا، پیپر گھر گھر دین جنائیا۔ جِتھے سادھاں دا ہووے اَکھاڑا، اوتھے جا کے رہنا دِن دِہاڑا، اُچی کوُک کوُک الائیا۔ ویکھو پروردِگار سانجھا یارا، جِس دا کِسے نہیں کریا کدی اِعتبارا، دوُر دُراڈا اُچا رہ کے کردا رہیا شنوائیا۔ آؤ تکّیئے اوہدا نظارہ، جِس دا کھیل اپر اپارا، اپرادھی پاپی پار کرائیا۔ جو اندر وڑ کے ویکھے بہتّر ناڑا، لبھدا پِھرے وِچ جنگل جوُہ اُجاڑ پہاڑا، ٹِلّے پربت سمُند ساگر کھائی ڈوُنگھی کندر گھر گھر ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ گُر اوتار پیِر پَیغمبر کہن واہوا محبوُب، سچ محُبّت دے جنائیا۔ جِنہاں دا پِچھےاصل ہُن اپنے پریم دا دے دے سوُد، صُلح کُل ہو کے میل مِلائیا۔ تیرا کوئی نہ لائے نجوُم، ہِندسیاں وِچ اکھّراں نال سکے نہ کوئے سمجھائیا۔ تیرے بھگت بےشک بچےّ معصوُم، بالے اپنا آپ تیری جھولی پائیا۔ تیَنوُں
حال سب دا معلوُم، اندر باہر دوویں ویکھ وکھائیا۔ بےشک نام دین توں اجے تک بنیا رہیا سوُم، ہُن اپنی دات رہیا ورتائیا۔ سنتو نام جپن واسطے اَگے کھانی نہ پئے معجوُن، خُماری اپنی دئے چڑھائیا۔ جے اجّ وِشنوُں بھگوان دا سمجھ گئے مضموُن، مجلس ویکھو شہنشاہیِا۔ جِس پِچھلا سب دا بدل دینا قانوُن، کرتب رہے نہ کوئے چتُرائیا۔ اُس دا جلوہ ویکھو جنوُن، ظاہر ہو کے دئے وکھائیا۔ ویکھیو کِتے سؤں نہ جائیو کھا کے افیوُن، پوستاں بھنگاں وِچ اپنا آپ چُھپائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ سنت جی ایہہ سنت سوامی، سانجھا اِک اکھوائیا۔ جو سب نوُں سُناوے پربھ دی بانی، بان نِرالا تیِر چلائیا۔ ہُن اَگے سادھاں سنتاں اَکھاڑیاں وِچ جا کے اپنی دیوے آپ نِشانی، نِشانہ دُھر دا تیِر چلائیا۔ صدی ویہہ سؤ اِکّی بن کے بانی، بانا اپنا لئے بدلائیا۔ جِنہاں نوُں لوڑ پَوے امرت ٹھنڈا پیِن دا پانی، گھر وِچوں گھر صُراحی دئے اُلٹائیا۔ اوتھے کرے کی چار بانی، جِس گھر پاربرہم برہم اپنے نال مِلائیا۔ اجّ کرکے جانی سچ پچھانی، بےپہچان رہن کوئے نہ پائیا۔ جے سجّن لبھنا ہانی، ایہو جیہا سوہنا نظر کوئے نہ آئیا۔ جِس دے چرناں ہیٹھاں چارے کھانی، گُر اوتار اپنا آپ بھیٹ چڑھائیا۔ جے بننا سچکھنڈ دوارے ساچی رانی، مکُھ گھُنگٹ دینا اُٹھائیا۔ جے کھہڑا چُھڈاؤنا کولوں بانی، درشن کر کے خوشی منائیا۔ جوتی جوت سروُپ ہرِ، آپ اپنی کِرپا کر، سِدھی طرح سؤکھا سؤکھا رہیا جنائیا۔ ہؤلی ہؤلی بولے شبد، شبدی دھار چلائیندا۔ پاپیاں پتتاں کرے ادب، آداب اِک سمجھائیندا۔ ناتا توڑے دیِن مذہب، مجلس اِک وکھائیندا۔ جو چل کے آئے اِک قدم، تِنہاں دے کوٹ جنم دے لیکھے آپ مِٹائیندا۔ جِنہاں نوُں مِل گیا پرماتما ورگا سجّن، ساجن ہو کے ہوئے سہائیا۔ اوہ خوشیاں وِچ گجّن، ڈھولے رہے گائیا۔ کر کے دھوُڑ مجن، دُرمت مَیل دھوائیا۔ پریم پریِتی ہوئے مگن، جگت ترِسنا پرے سُٹائیا۔ ترےَگُن مایا نہ لگّے اگن، پنج تت کرے جُدائیا۔ جِنہاں دے دیِوے ایس دوارے آ نہ اندروں جگن، اوہناں دی بُجھی جوت پِھر نہ کوئے جگائیا۔ رسنا جِہوا نال سَتگُر کدے نہ جاوے سدّن، اندرے اندر تار ہِلائیا۔ بےشک سِر توں نگن، اُپر رام نام پڑدا پائیا۔ پار کرا دئے بِنا بھجن، بِنا بیر کھادھیاں، بِنا تندل چبّیاں، بِنا ساڑھی اوڈھن لَیندیاں لیکھا لیکھے لائیا۔ نیتر نام دا پا کے کجّل، آپ وکھاوے اپنی منزل، جنم وِچوں جنم دیوے بدل، غزل اِکو نام سُنائیا۔ سوہنی چاڑھ کے آتم رنگن، کھہڑا چُھڈاوے جمنا سُرستی گوداوری گنگن، اٹّھے پہر رکھے مگن، مگدھ دیس مُگدھ سب ترائیا۔ جوتی جوت سروُپ ہرِ،
آپ اپنی کِرپا کر، مِہربان ہوئے سہائیا۔ گُر اوتار پیِر پَیغمبر کہن پربھ سوہنا چنگا، مستی وِچ تیری وڈیائیا۔ تیرے چرن چُمّے کوٹن کوٹ گنگا، دُرمت گُرمکُھاں مَیل رُڑھائیا۔ بھاویں پاپی ہووے بھاویں ہووے گندہ، ہرِ سنگت وِچ رلکے دُھر دا بن جائے چنّا، دھروُ پرہلاد مِل مِل جپھیاں پائیا۔ نہ کوئی بھیکھ نہ پاکھنڈا، نہ کوئی پؤڑی نہ کوئی ڈنڈا، اِکو منزل اپنی دئے وکھائیا۔ دیِن دَیال صاحِب کِرپال ہووے بخشندا، بخشش رحمت آپ کمائیا۔ ناتا توڑ کے جیرج انڈا، اُتبُھج سیتج لیکھا دئے مُکائیا۔ بِنا بندگیؤں بنائے اوہ بندہ، بندھن سارے دئے کٹائیا۔ جے سَتگُر ہووے آپ ہووے سدا چِت انندا، انند چِت وِچ سمائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ جن بھگت کہن چار جُگ دے پِچھلے، پِچھلا دھیان جنائیا۔ پربھ دھنّ وڈیائی جِس میلے وِچھڑے، کری نام کُڑمائیا۔ گُرسِکھ گُرمکُھ جو راہ پےَ گئے بِکھڑے، ساچا مارگ دِتا سمجھائیا۔ اوہ سنت سُہیلے ویکھو تھوڑے نِترے، لکّھ چؤراسی وِچوں مُٹھی نظری آئیا۔ جِنہاں دے پنج تت کایا کلبوُت ہری نہ چِترے، چلِتراں وِچ ویکھے سرب لوکائیا۔ اوس جُگ جُگ پڑھا کے اپنے فِقرے، فِکر سب نوُں دِتا جنائیا۔ سنت کہن اساں ویکھنا چڑھ کے سِخرے، منزل ڈیرہ لائیا۔ جوتی جوت سروُپ ہرِ، آپ اپنی کِرپا کر، بِن بھگتیؤں رہیا ترائیا۔ بھگت تارنا نہیں اِحسان، اِحسانی سِر نہ کوئے چڑھائیا۔ لوکمات میَں اینہاں دا ایہہ میرے مہمان، خاطر کرنی میرے حِصّےآئیا۔ میَں مالک ایہہ انجان، بِبان وِچ بٹھاؤنا ایہو میری وڈیائیا۔ رائے دھرم چِترگُپت سارے سیِس نِوان، وِشن برہما شِو کروڑ تیتیِسا ساچے سنت تیرے ڈھولے گان، ایہہ گُرمکُھ میرے ہیِریاں دی کھان، جِنہاں دی قیمت دو جہان نہ کوئے چُکائیا۔ بِن میری کِرپا سکے نہ کوئی پہچان، پسچاتاپ کرے لوکائیا۔ بےشک میَں باہروں پنج تت اِنسان، اندر مالک خلق خُدائیا۔ سنتو جے مِل جائے ایہو جِہا بھگوان، جو چلدیاں پِھردیاں کھاندیاں پیِندیاں پار دئے کرائیا۔ بِن قیمتوں سؤدا دیوے وِچوں دُکان، جو وپاری در تے منگن آئیا۔ جوتی جوت سروُپ ہرِ، آپ اپنی کِرپا کر، سوہنا خوشیاں راگ الائیا۔ پہلی اَسوُ دا سنت اخبار، پندراں کتّک پھیر دئے سمجھائیا۔ اِک سَت دھرم دا لِکھ اِشتہار، راج راجاناں شاہ سُلطاناں دئے پُچائیا۔ اپنے مِلن دا دسّ کے وِہار، پڑدا اوہلا دئے اُٹھائیا۔ ویہہ سؤ اِکّی توں کیہڑا سمت چلنا وِچ سنسار، تِس دی سوُجھ دئے کرائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، گُر اوتار پیِر پَیغمبر راتو رات سارے دئے سمجھائیا۔ پہلی اَسوُ دؤڑو، ویلا انتم تُہاڈا آئیا۔ لکّھ چؤراسی
جیِو جنت کوُڑی کِریا کولوں ہوڑو، ہوکا دے سُنائیا۔ سچ پریِت پربھ چرناں نال سب دی جوڑو، چُھٹکی لِو پھیر لگائیا۔ کِیوں لُک کے بَیٹھے وانگ چورو، چوری ٹھگی کلجُگ رہی ستائیا۔ جوتی جوت سروُپ ہرِ، آپ اپنی کِرپا کر، مالک اِک اکھوائیا۔ ساچے سنت سُنی بیننتی، بھگت بھگوان دَیا کمائیا۔ تُہانوُں اجے نِکّی جیہی بنایا ایجنسی، مارگ پہلا جگت لگائیا۔ اینہاں وِچوں پھیر پرگٹا کے اپنی کرنسی، اُپر مُہر دینی لگائیا۔ جِس نوُں کہِندے وِشنوُں ونسی، وِشَو لیکھا دئے دِرڑائیا۔ جِس نوُں کہِندے رگھُپت رگھونسی، رگھُناتھ اِک بےپرواہیِا۔ جِہنوُں کہِندے کاہن کرِشن مُکند منوہر لکھمی نرائن وجاوے بنسی، مُرلی اپنے ہتّھ رکھائیا۔ جِس دی صِفت گاوے باشک مکُھ سہنسی، دُھر دا راگ الائیا۔ جِس نوُں کوئی مالا پُشپ نہ پائے کوئی وجنتی، ناد صِفت نہ کوئے صلاحیِا۔ سو کھیل کرے بھگوَنتی، بھگوَن شہنشاہیِا۔ جوتی جوت سروُپ ہرِ، آپ اپنی کِرپا کر، اپنا لیکھا اپنے ہتّھ رکھائیا۔ ایجنسی وِچوں نِکلے اکھّر، اکھّراں والیاں دئے سمجھائیا۔ ویکھو نِرالا پربھ جوُ دسّیا وکھّر، واسطہ سب دے نال جنائیا۔ کِیوں پوُجدے پتّھر، پتّھراں دا مالک پھیرا پائیا۔ جِس یار دا وِچھایا ستھر، سو اندر وڑ کے سیج ہنڈھائیا۔ جِس دا حِساب نہ آیا کِسے اعشاریہ کسر، ہِندسیاں وِچ نہ کوئے گِنائیا۔ جِس نوُں ہتّھاں نال سکے کوئی نہ پکڑ، باہوں پھڑ نہ کوئے بہائیا۔ جِس دا فِقریاں وِچ ذِکر، ذکریا دِتا کرائیا۔ سو صاحِب پتہ نہیں کِیوں جوت سروُپ ہو کے آیا نِکل، نِرویَر ہو کے پھیرا پائیا۔ جگت سادھ سنت ملما رہن نہ دیوے کوئی پتل، رولڈ گولڈ سارے دئے کھپائیا۔ اپنے نام نال کر کے سِکل، سوہنی چمک دئے چمکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار کہن پربھ تیری مِہر نظر، دو جہان نِظام دئے بدلائیا۔ تیری رحمت دُھر دا فضل، عدل اِکو اِک سمجھائیا۔ کوُڑی کِریا کلجُگ کرکے قتل، جوُٹھ جھوُٹھ ڈیرہ ڈھائیا۔ جن بھگتاں جھولی پا کے سگن، دُھر دا سنگ بنائیا۔ اگمّی چاڑھ انوکھی منزل، مجلس اِک وکھائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ پندراں کتّک الڑھ پِنڈی، نِربھے ہو آپ مِلائیا۔ اِدھر اُدھر جو سنگت کھِنڈی، وِچھڑے لئے مِلائیا۔ نام دی لا کے اِکو بِندی، گوبِند بِند دئے بنائیا۔ اوتھے مضموُن اوہ لِکھائے جِس نوُں کوئی سمجھ نہ سکے گُرمکُھی ہِندی، فارسی عربی راز نہ کوئے کھُلائیا۔ پھیر سارے سمجھن جِس نوُں کہِندے سادھاں ہتّھ کُنجی، اُس کُنجی دا مالک اِک ہور نظری آئیا۔ جِس دے ہتّھ وڈّی پوُنجی، لکّھ چؤراسی پُجارن دئے بنائیا۔ اوہ ویکھے کِس
گُرمکُھ سخی اپنی مینڈھی گُندی، سوہنا سیِس سُہائیا۔ نہ جاگدی نہ سؤندی، بِرہوں روگ ستائیا۔ سَتگُروُ چرن دوارے بِن سدّیاں بھؤندی، لےَ پردکھنا خوشی منائیا۔ تُوں میرا میَں تیرا ڈھولا گاؤندی، کِیوں چھّڈ کے گِیوں دُھر دے ماہیِا۔ میری سیج تیرے بِنا نہ کوئے سُہاؤندی، سوہنا جوبن کمّ کِسے نہ آئیا۔ میَں جگت ریِتی اؤنسیاں پاؤندی، بھگت ریِتی وِچ تیرا دھیان لگائیا۔ من دے اوسار کدے بناؤندی کدے ڈھاؤندی، ڈِگ کے اُٹھدی اُٹھ کے ڈِگدی، ڈِگدی نوُں پھیر گودی لئے اُٹھائیا۔ سنت جی اُس ویلے منزل مُکدی ایس مانَس تے منُکھ دی، اُلٹے بِرچھ رُکھ دی، جِس ویلے ایہہ اندروں کھیل جانے چُپ دی، چُپ چُپیتا آ کے مِل جاوے دُھر درگاہیِا۔ جِنہاں مِلیا اُہناں نوُں سہیلی کول رہن والی پُچھدی، ہؤلی ہؤلی کناں وِچ سُنائیا۔ بھَینے ایہہ کھیل نہیں لُکدی، تیرے گھر تیرا ہرِ کنت میَں ویکھیا بَیٹھا سیج سُہائیا۔ اوس ویلے اوہ کپڑے نہیں رنگے رُت بسنت دی، ایہہ کھیل اُس مہنت دی، جِنہاں آسا مکُی جیِو جنت دی، جن ہو کے سیو کمائیا۔ اوتھے وِدیا کرے نہ کُچھ پنڈت دی، ایہہ وڈیائی پربھ دی سنگت دی، جِس دا سگلا سنگ اِکو نظری آئیا۔ ایہہ پُھلواڑی ایہہ بوُٹے ایہہ گُلشن ایہہ بُلبُل ایہہ مالک اُس جنّت دی، جِس جنّت تھلے کوٹن کوٹ بہِشت سَورگ بَیٹھے اپنی سیج وِچھائیا۔ ایہہ کھیل پربھوُ دسےّ انت دی، انتشکرن سب دا کھوج کھوجائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ سنت جی کی اندر سوچ، تیری کتھا دیاں جنائیا۔ ایہو میری وڈّی کھوج، دوُر دُراڈا ویکھ وکھائیا۔ اَگے سِر توں سارا لاہُنا بوجھ، گدھا ہو نہ کوئے اُٹھائیا۔ پتت پاپی کر نِردوش، دوشیاں پار لنگھائیا۔ گھر بَیٹھیاں راتی سُتّیاں دِنے جاگدیاں اپنے درشن دی دے کے مؤج، مؤجوُدہ ہو کے ساہمنے نظری آئیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، صاحِب سُلطان شاہ پاتشاہ سچّا شہنشاہیِا۔ گُر اوتار کہن پربھوُ مہاراج، واہ واہ تیری وڈ وڈیائیا۔ تیرا عجب نِرالا ویکھیا رِواج، رِیائت کیِتی بےپرواہیِا۔ جِنہاں نوُں سُپنے وِچ نہ آیا یاد، اوہناں دی سُن کے آپ فریاد، پِچھلے لیکھے ویکھ وکھائیا۔ اندر وڑ کے مندر چڑھ کے اپنے نام دا وجائے ناد نادی سُت لئے بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پیِر پَیغمبر آ گئے اَگے، اگلا لیکھا ویکھ وکھائیا۔ پربھوُ کی ایہہ دھروُ پرہلاد نالوں چنگے، چنگی طرح دے جنائیا۔ سِری بھگوان کہے میَں بِنا بندگیؤں اوہ بنائے بندے، پِچھلا بدلہ دِتا چُکائیا۔ کوئی نہاون نہ جائے تٹ گنگے، تیِرتھ امرت وگائیا۔ دیاں
بھنڈارے بِنا مُنہوں منگے، مانگت سارے دیاں ترائیا۔ جو پَیدل چل کے آئے ننگے، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سُنیہڑا اِک سُنائیا۔ سچ سُنیہڑا سُننا اِک، اِکو وار جنائیا۔ ہِردے اندر لَینا لِکھ، بُھل رہے نہ رائیا۔ جِس دی سارے کردے سِک، ہِندوُ مُسلم سِکھ عیسائی دھیان دِرڑائیا۔ سو سَت سوامی ہر گھٹ اندر پئے دِس، دیس دسنتر پندھ مُکائیا۔ کروٹ لئے بدلے پِٹھ، سنمکُھ روُپ وٹائیا۔ جے اندرو کرو ہِت، میلا میلے سہج سُبھائیا۔ جے وساوو اپنے چِت، من ٹھگؤری رہن نہ پائیا۔ جے سمجھ لؤ دُھر دا پِت، پت پرمیشور ہو کے درس دِکھائیا۔ جے وِچ رہ جاوے وِتھ، پِچھلی کیِتی دئے گوائیا۔ پربھ دے ہتّھ ایتھے اوتھے دو جہاناں لئے نجِٹھ، نیرن نیرا دوُر دُراڈا اِکو اِک اکھوائیا۔ جوتی جوت سروُپ ہرِ، آپ اپنی کِرپا کر، ساچی کرنی دئے جنائیا۔ ساچی کرنی دا سچّا کارن، ہرِ کرتا آپ جنائیا۔ بھگت وچھل جگت اُدھارن، بھگتی بھاوَ دوویں دئے پرگٹائیا۔ دُشٹ ہنکاری آیا مارن، من واسنا دئے کھپائیا۔ سنتاں آیا پَیج سوُارن سِر اپنا ہتّھ ٹِکائیا۔ گُرمکُھاں گُرسِکھاں دُھر دا ڈھولا نام آیا اوُچارن، سچ کرے پڑھائیا۔ سچکھنڈ دوارے آیا واڑن، جن بھگتاں پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بےانت اِک اکھوائیا۔ جِس نوُں کہِندے سدا بےانت، انت کوئے نہ پائیندا۔ سو کھیل کرے اگنت، مات لوک ویس وٹائیندا۔ سو بھیوَ کھُلائے جیِو جنت، سادھ سنت سمجھائیندا۔ پربھ دا نام اِکو منت، چار ورناں سچ پڑھائیندا۔ بودھ اگادھ بن کے پنڈت، دُھر دی سِکھیا اِک سمجھائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ ایہہ گھڑی نہیں اندر گھڑیال، جو گھڑی گھڑی دئے جگائیا۔ جِس نے لئی سُرت سنبھال، تِس دا ٹائم کھُنج کدے نہ جائیا۔ اِک دو تِنّ وِچ جہان، چار چؤتھا پد دئے وکھائیا۔ پنجویں گھر کر پیار، چھیویں در خوشی منائیا۔ سَتویں کر سَت پیار، اٹھویں اٹّھاں تتاں لیکھا دئے چُکائیا۔ ناویں نؤ در کھول کِواڑ، دسویں اپنا نوُر کرے رُشنائیا۔ اِک دس دا سچ وِہار، ایکا ایکے نال جُڑائیا۔ اِک اِکلّا ایکنکارا دوُجا سَت برخوردار، اِک دو باراں وجّ کے اِکو ٹائم دئے سمجھائیا۔ اِس دے اندر ڈوُنگھی وِچار، جِس نوُں رسنا وِچ سکے نہ کوئے سُنائیا۔ ایہہ جیب دا نہیں سنگار، بِردھ بال جوان تِنے پار دئے کرائیا۔ جِس دا مالک اِک اکال، جِس دی گھڑی پل سمجھ کوئے نہ آئیا۔ اِسدے اندر اوہ چال، جیہڑی چال ایہناں اندر رکھی سنبھال، تھوڑیاں ہؤلی ہؤلی پھڑائیا۔ بےشک ایہہ باہروں دِسن لال، اندروں لال انمُلڑے رہیا وکھائیا۔ ایہناں نوُں بھےَ نہ رہے
کال، لکّھ چؤراسی چرناں ہیٹھ دبائیا۔ پھڑ کے گودی لَواں اُٹھال، گلوکڑی اِکو پائیا۔ لے جاں اُس سچّی دھرمسال، سچکھنڈ دوارے دیاں بہائیا۔ اُس ویلے گھڑی کڈھ کے جے کوئی ویکھے اِکو وقت آوے چار، دوُجا انک نہ کوئے درسائیا۔ ایہہ بھگتاں دا وِہار، سنتاں دا وپار، دوہاں اِکو رنگ وکھائیا۔ تُہاڈا روُپ نظر آوے اخبار، جِس دے وِچ اِک اِشتہار، آہستہ آہستہ دئے جنائیا۔ تُہاڈا پِچھلے جنم دا اِک یار، گُرمیِت سِنگھ اُٹھ کے درس دینا وکھائیا۔ دوہاں دا اِکو گھر پیار، اِکو پِتا مائیا۔ اگلے لیکھے وِچ سب کُچھ آوے وِچ خیال، دلیِل سکے نہ کوئے دِرڑائیا۔ جِس دا تن کھادھا کال، من جگت وِچ لُبھائیا۔ انتم چھِن ماتر ہِردے وسیا اوہ دَیال، جِس دی دَیالتا سب دے اُتے چھائیا۔ جِس ویلے چالی سِنگھاں دے گوبِند مکُھ پوُنجھدا سی نال رُمال، بردا ہو کے سیو کمائیا۔ اُس ویلے ہؤلی جِہی جاندا جاندا تُہاڈی لاش دے لگ گیا نال، دھوُڑ چرناں اِک چُھہائیا۔ پِھر آیا ایہہ خیال، میَں مُردیاں توں مُرشد دیاں بنائیا۔ اوہ سُرت جیہڑی بھری وِچ خیال، اوہ آتم جیہڑی پرماتم دھیان لگائیا۔ میَں تیری صِفت کی کراں نال زبان، بتّی دند نہ کوئے وڈیائیا۔ گوبِند کِہا میَں انتم لیکھا ویکھاں آن، دُھر دا مالک بن کے پھیرا پائیا۔ پھیر بخشاں شبد گیان، نام نِدھان جھولی پائیا۔ ایہہ پربھ دے ہتّھ آون جان، سدّنہارا سدّا دے کے آپے لئے بُلائیا۔ اَگے ویکھنا سبنا دسّنا کی کھیل کرے بھگوان، بھاوی بھانا اپنا کی ورتائیا۔ شاہ سُلطاناں دے کے اِک گیان، پندراں کتّک دُھر دا لیکھا دئے سمجھائیا۔ مہاراج شیر سِنگھ وِشنوُں بھگوان، جن بھگتاں ساچے سنتاں سچ دی کرے کُڑمائیا۔ گُر گوبِند اِک نِشانی اے۔ چرن دھوُڑ گل سوہنی گانی اے۔ ہتھکڑی لاہ کٹی جم کی پھاسی اے۔ مرن توں پہلوں ایس چھوٹے ویِر نوُں آئی اِک اُداسی اے۔ گوبِند چلدے پِھردے نوُں انوکھی بانی اِک بھاسی اے۔ میَں سب دا مالک سب دا ساتھی اے۔ جوتی جوت سروُپ ہرِ، آپ اپنی کِرپا کر، لہنا دینا بھائی بھائی کولوں چُکایا باقی اے۔ لہنے دا مالک آپ نِرنکار، گھر اپنے خوشی منائیا۔ مکُتی دا دوار، جُگتی دئے سمجھائیا۔ پُھرتی وِچ چالاک، ساریاں دئے بُھلائیا۔ ویکھو مِلن مِالؤن دا کیِتا آپ اِتفاق، لیکھا بےباق سب دا رہیا کرائیا۔ اُس ویلے گُرمیِت دا ایہہ واک، میری گھڑی میرے پھڑا دے ہاتھ، تیرے ساتھ رہن کِیوں پائیا۔ ایسے سُرتی نوُں سَتگُر جاچ، گوبِند ہؤلی جِہی تسمہ دِتا کھُلائیا۔ پھڑ کے اپنی جیب وِچ لئی راکھ، لیکھا دوُجی وار کراں بےباق، رکھیک ہو کے ہوواں آپ سہائیا۔ ایہہ کوئی کھیل نہیں تماش، پوُرب لیکھا رہیا چُکائیا۔ ایہہ گھڑی ایہہ واچ، واچک گیان نہ کوئے
پڑھائیا۔ ایہہ اندروں پربھ نوُں مارے آواز، ہؤلی ہؤلی رہی سُنائیا۔ تیری وڈیائی تیرے ہتّھ گُروُ مہاراج، اسیں بےزبان سمجھ کوئے نہ آئیا۔ جوتی جوت سروُپ ہرِ، آپ اپنی کِرپا کر، لیکھا رکھے اپنے ہاتھ، سوہنا لیکھا رہیا وکھائیا۔
۲ اَسوُ ۲۰۲۱ بِکرمی ہرِ بھگت دوار جیٹھوُوال
پُرکھ اکال کھیل عجیب، دُھر دی ریِتی سچ چلائیا۔ جُگ چؤکڑی ویکھنہارا شاہ غریِب، نِرگُن سرگُن کھوج کھوجائیا۔ گُرمکُھ گُرسِکھ سنت سُہیلا بنا عزیز، عظمت اپنی اِک دِرڑائیا۔ دوُر دُراڈا چل کے آئے قریب، نیرن نیرا روُپ پرگٹائیا۔ پیِر پَیغمبراں دے کے نام سندیشہ کلمہ حق مجید، مجلس اِک وکھائیا۔ گُر اوتاراں شاستر سِمرت وید پُران دِتی اِک رسید، دُھر دا ناتا گنڈھ پوائیا۔ سچکھنڈ دوارے وسے آپ ٹھیِک، ٹھاکر ہو کے ڈیرہ لائیا۔ جُگ چؤکڑی میٹے اندھیرا تاریِک، طریقہ اپنا دئے سمجھائیا۔ دھار اگمّی رکھ باریِک، نیتر اوجھل دئے وکھائیا۔ ساچے سنتاں بخش پریِت، پریِتم ہو کے میل مِلائیا۔ اپنا دسّ کے سچّا گیِت، سوہنگ کری پڑھائیا۔ کایا کعبہ سچ مسیِت، حُجرہ حق حق وڈیائیا۔ پریم پیار دے ویکھے آپ مریض، بِن ناڑی کھوج کھوجائیا۔ اندر باہر دا بن طبیب، جن بھگتاں طبع دئے بدلائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے چُکائیا۔ دُھر دا لیکھ چُکائے اِک، اِک اِکلّا ہرِ اکھوائیندا۔ جگت جیِو نہ آئے دِس، درِشٹی بھگتاں آپ کھُلائیندا۔ قیمت نال نہ جائے وِک، پریم پیار اندر تول تُلائیندا۔ مارگ اگمّی دسّ سِدھ، سنت سادھک کھوج کھوجائیندا۔ سَت دھرم دی اگلی بِدھ، بِدھنا لیکھ مُکائیندا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیندا۔ کرنی کرے گہر گمبھیِر، کرتا بےپرواہیِا۔ امرت بخش ٹھانڈا سیِر، اگنی تت بُجھائیا۔ اِک منزل چوٹی رہبر ملِے اَخیِر، پِچھلا پندھ مُکائیا۔ دیِن مذہب شرع شریعت کٹ زنجیر، جوتی جوت سروُپ ہرِ، آپ اپنی کِرپا کر، مِہربان ہووے آپ سہائیا۔
۲ اَسوُ ۲۰۲۱ بِکرمی گُردیل سِنگھ دے گرِہ پِنڈ موُدھل
گُر اوتار پیِر پَیغمبر کہن پربھ کِرپا کر، پُرکھ اکال دیِن دَیال تیری سرنائیا۔ نِرگُن نِرویَر نِراکار نِرنکار لوکمات ویکھ اپنا گھر، نِرگُن سرگُن لکّھ چؤراسی پھول پُھلائیا۔ ابناشی کرتے نِربھؤ ہو کے چُکا ڈر، کوُڑی کِریا ہؤمے ہنگتا مایا ممتا ڈیرہ ڈھاہیِا۔ نِرویَر ہو کے ہر گھٹ اندر وڑ، محل اٹل چڑھ سوبھا پائیا۔ سُرت سوانی سُتّی پھڑ، شبد اگمّی گھاڑن گھڑ، انحد نادی ناد سُنائیا۔ کِرپال ٹھاکر ہو کے دے ور، پیِر پَیغمبر چرنی ڈِگے دڑ، سجدہ سیِس جھُکائیا۔ دیِن مذہب ذات پات اُکھیڑ جڑ، سنت سُہیلے گُروُ گُر چیلے لا لڑ، پلّوُ اپنا نام پھڑائیا۔ سَت بھنڈارے نام بھر، انتر آتم سچ دوارے کھڑ، بجر کپاٹی پڑدا دئے اُٹھائیا۔ امرت جھِرنا جھِرا نِجھر سر، نِج نیتر درس کرا ہری ہرِ، نر نرائن تیری آس تکائیا۔ نؤ کھنڈ پرِتھمی ستّ دیِپ ترےَگُن اگنی مایا رہی سڑ، پنچم پنچ میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے چُکائیا۔ گُر اوتار پیِر پَیغمبر کہن پربھ اُٹھ اُٹھ ویکھ، جگت مات لوکائیا۔ کوُڑی کِریا کلجُگ بھیکھ، چار کُنٹ اندھیرا چھائیا۔ ساچا دِسے نہ کوئے نریش، عدالت حق نہ کوئے کمائیا۔ فقر فقیِر سنت بھگت بنے نہ کوئے درویش، دُھر دی اکھّ نہ کوئے کھُلائیا۔ پِھری دروہی مُلّا شیخ، پنڈت پاندھے رہے کُرلائیا۔ کوئی نہ اندر وڑ کے مندر چڑھ کے ویکھے اپنا دیس، گھر گھر وِچ پھیرا پائیا۔ جِس دھام اولّڑے پرم پُرکھ پرماتم رہے ہمیش، جوتی جاتا ڈگمگائیا۔ شبد انادی برہم برہمادی دیوے سندیش، دُھر دا ڈھولا راگ سُنائیا۔ جن بھگتاں کرے انتر انتر ہیت، باہروں نظر کِسے نہ آئیا۔ جُگ چؤکڑی ویکھ کُڑیاری کھیڈ، خالق خلق بےپرواہیِا۔ سَتجُگ تریتا دواپرکلجُگ گُر اوتار پیِر پَیغمبر دِتے بھیج، دُھر دا حُکم اِک منائیا۔ جوتی جوت سروُپ ہرِ، آپ اپنی کِرپا کر، مِہربان ہو کے اپنا پھیرا پائیا۔ گُر اوتار پیِر پَیغمبر کہن ساڈی مکُی حد، حدوُد نظر کوئے نہ آئیا۔ چار یُگ چار کُنٹ دہ دِشا آئے بھجّ، دِوس رَین بن کے پاندھی راہیِا۔ نام ڈھولا تیرا گا کے آئے چھند، شاستر سِمرت وید پُران انجیل قرآن کھانی بانی گنڈھ پوائیا۔ ہوکا دے کے آئے وِچ برہمنڈ، وربھنڈ کری شنوائیا۔ سدّا دِتا جیرج انڈ، اُتبُھج سیتج در در راگ الائیا۔ صدی چؤدھویں سُتے سارے دے کر کنڈ، کروٹ سکے نہ کوئے بدلائیا۔ گھر گھر در در دِسے بھیکھ پاکھنڈ، سَت سروُپ نہ کوئے سمائیا۔ نار دُہاگن ہوئی سُرتی رنڈ، شبدی کنت نہ کوئے ہنڈھائیا۔ در ٹھانڈے پُرکھ اکال تیرے رہے منگ، دوئے
جوڑ سیِس جھُکائیا۔ تُوں سبناں سوامی سوُرا سربنگ، شاہ پاتشاہ سچّا شہنشاہیِا۔ تیرا دو جہان وجےّ مردنگ، وِشن برہما شِو کروڑ تیتیِسا بَیٹھا سیِس نِوائیا۔ تُوں نِت نوِت نِرگُن سرگُن سدا سُہیلا وسیں سنگ، دُھر دا سنگ نِبھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پیِر پَیغمبر کہن پوُرا کردے وعدہ، واحد تیری اوٹ تکائیا۔ تیری اُمت تیری سرِشٹی تیرے نالوں ہوئی علیحدا، آتم پرماتم میل نہ کوئے مِلائیا۔ جُگ چؤکڑی تیرا سچّا قاعدہ، قانوُن بےپرواہیِا۔ لکّھ چؤراسی وِچوں ہرجن تھوڑے لیندے فائدہ، فضوُل پِھردی دِسی لوکائیا۔ گوبِند نال تیرا معاہدا، دُھر دا لیکھا دِتا جنائیا۔ پرگٹ ہو کے درس دِکھا پربھوُ باقاعدہ، مِہربان اپنا پھیرا پائیا۔ جوتی جوت سروُپ ہرِ، آپ اپنی کِرپا کر، نِرگُن نوُر کر رُشنائیا۔ گُر اوتار پیِر پَیغمبر کہن پربھ آ، نِرگُن پھیرا پائیا۔ صدی ویہویں بن ملاح، کھیوٹ کھیٹا بن کے آپے پھیرا پائیا۔ شاستر سِمرت سارے ہوئے گواہ، شہادت اِکو وار بُھگتائیا۔ گُر اوتار بَیٹھے پندھ مُکا، پیِر پَیغمبر صدی چؤدھویں راہ تکائیا۔ نئیا نؤکا نِرگُن اپنا نام چلا، چار کُنٹ دہ دِشا کرے شنوائیا۔ تُوں ربّی نوُر نوُرانہ اِک خُدا، واہوا تیری بےپرواہیِا۔ تیرا مارگ ایتھے اوتھے دو جہاں سِدھا، رہبر ہو کے دئے سمجھائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے چُکائیا۔ گُر اوتار پیِر پَیغمبر کہن ویکھ لوکمات، ماتر بھوُمی رہی کُرلائیا۔ چاروں کُنٹ اندھیری رات، سچّا چند نہ کوئے چمکائیا۔ جھگڑا پیا ذات پات، ورن برن کرے لڑائیا۔ آتم پرماتم بنائے کوئی نہ ساک، سجّن میل نہ کوئے مِلائیا۔ گھر وِچ گھر کھولے کوئی نہ تاک، پڑدا سکے نہ کوئے اُٹھائیا۔ انادی دُھن مارے نہ کوئی آواز، انراگی راگ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ گُر اوتار پیِر پَیغمبر کہن پربھ ویکھ اپنا کلجُگ، کلکاتی نظری آئیا۔ پنچ وِکارا گھر گھر یُدھ، دِوس رَین کرے لڑائیا۔ سارے بُھلے گُر کی مت ساچی بُدھ، من مت اپنا حُکم ورتائیا۔ ترےَگُن مایا اگنی تت رہے بُھج، سانتک سَت نہ کوئے کرائیا۔ تیرا بھیو نِرالا دسےّ کوئی نہ گُجھ، سادھ سنت بَیٹھے مکُھ بھوائیا۔ چار ورن اٹھاراں برن سرِشٹی پئی پُھٹ، دہ دِشا میل نہ کوئے مِلائیا۔ گُردر مندر مسجد شِودوالے چاروں کُنٹ دِسے لُٹ، دھیِرج جت بَیٹھا مکُھ چُھپائیا۔ سِری بھگوان بےپرواہ پروردِگار سانجھے یار مقامے حق اُٹھ، بےنقاب پڑدا دئے چُکائیا۔ تیرا ناؤں ابناشی اچُت، چیتن سُرتی سب دی دئے بنائیا۔ نِرویَر ہو کے بدل اپنا رُخ، نِراکار ہو کے نِرگُن جوت کر رُشنائیا۔ کوُڑی کِریا بوُٹا انتم پُٹ، جڑ پھیر سکے نہ کوئے لگائیا۔
سَتجُگ سچّا اُٹھا اپنا پُت، پِتا ہو کے دَیا کمائیا۔ سادھاں سنتاں جیِواں جنتاں غریِب نِمانیاں کوجھیاں کملیاں آ کے پُچھ، جو اندرے اندر تیرا دھیان لگائیا۔ ساڈا پیَنڈا سب دا گیا مُک، سچکھنڈ دوارے گُر اوتار پیِر پَیغمبر سارے رہے سُنائیا۔ جوتی جوت سروُپ ہرِ، آپ اپنی کِرپا کر سِر سب دے ہتّھ ٹِکائیا۔ گُر اوتار پیِر پَیغمبر کہن پربھوُ کِرپال، کِرپانِدھ تیری وڈیائیا۔ گُرمکُھ ویکھ اپنے لال، ہرجن گود اُٹھائیا۔ بھاگ لگا کایا مندر سچّی دھرمسال، ساڈھے تِنّ ہتّھ وجےّ ودھائیا۔ ترےَگُن مایا توڑ جنجال، جیِون جُگت دئے سمجھائیا۔ نیڑ نہ آئے کال مہاکال، رائے دھرم نہ دئے سزائیا۔ دیِوا باتی کملاپاتی اِکو بال، گھر جوت نِرنجن کرے رُشنائیا۔ شبد انادی وجےّ تال، تُریا مکُھ شرمائیا۔ جِدھر ویکھن تکّن گُرمکُھ تُوں وسیں بھگتاں نال، اندر باہر گُپت ظاہر اپنا سنگ نِبھائیا۔ آ کے پُچھ مُریِداں حال، کِیوں مُرشد بَیٹھا مکُھ بھوائیا۔ صدی چؤدھویں سب دے سِر تے کوُکے کال، جگت نگارا رہیا وجائیا۔ راج راجان شاہ سُلطان ہوئے بےحال سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ہرجن ویکھ تھاؤں تھائنیا۔ ہرجن ویکھ پربھ تھان تھننتر، سچکھنڈ نِواسی اپنا پھیرا پائیا۔ شبد دِرڑا اگمّا منتر، آتم پرماتم دے سمجھائیا۔ بھیو چُکا گگن گگننتر، گرِہ مندر خوشی وکھائیا۔ نِت بنا اپنی بنتر، گھڑن بھننہار سہج سُکھدائیا۔ تیرا روُپ برہم ویکھیئے نِرنتر، مایا برہم نیڑ کوئے نہ آئیا۔ جوتی جوت سروُپ ہرِ، آپ اپنی کِرپا کر، کل انتم ویس وٹائیا۔ کلجُگ انتم آ پُرکھ سمرتھ، دیِنن اپنی دَیا کمائیا۔ جُگ چؤکڑی چلاونہارے اپنا رتھ، وڈ رتھواہی تیری بےپرواہیِا۔ کلجُگ انت سِری بھگوَنت جن بھگتاں دے ساتھ، سگلا سنگ نِبھائیا۔ تُوں میرا میَں تیرا دُھر دی دسّ گاتھ، سوہنگ سچ پڑھائیا۔ ایتھے اوتھے بن پِتا مات، گُرمکُھ بالے گود اُٹھائیا۔ اندر میٹ اندھیری رات، نوُری چند کر رُشنائیا۔ آتم سیجا سُہا کھاٹ، سُہنجنی کھٹیا ڈیرہ لائیا۔ جوتی جوت کر پرکاش، پرکاشوان تیرے ہتّھ وڈیائیا۔ گُر اوتار پیِر پَیغمبر سارے ہوئے اُداس، حیَرانی سب دے اُتے چھائیا۔ راہ تکّے پرِتھمی آکاش، پُری لوء اکھّ کھُلائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ دے وڈیائی پاربرہم، ہرجن دھیان لگائیندا۔ سچ پریِتی دُھر دی شرن، چرن کَول اِک وکھائیندا۔ جھگڑا چُکا ورن برن، ذات اذاتی تیرا روُپ نظری آئیندا۔ تُوں مالک خالق ترنی ترن، پُرکھ سمرتھ مہما اکتھ اِک پرگٹائیندا۔ جن بھگتاں نیتر کھول ہرن پھرن، لوچن اپنے نال مِلائیندا۔ جوتی جوت سروُپ ہرِ، آپ اپنی کِرپا کر، اِک دینا ساچا ور، در تیرے آس رکھائیندا۔ گُر اوتار
پیِر پَیغمبر کہن پربھ رکھی آسا، سَتجُگ تریتا دواپرکلجُگ دھیان لگائیا۔ کلجُگ انت سِری بھگوَنت نِرگُن نِرویَر ویکھیا جگت تماشا، کل کلکی ویس وٹائیا۔ دو جہاناں بن کے کاہنا پاوے ساچی راسا، لکّھ چؤراسی گوپی آپ نچائیا۔ بھگت وچھل گِرور گِردھار بن کے داسی داسا، ہرجن ساچی سیو کمائیا۔ اگمّ اتھاہ بودھ اگادھ آتم پرماتم کھولے سچ خُلاصہ، خالص اپنی دھار جنائیا۔ ہرِ کا نام کدی نہ تولے رتی تولا ماشا، انکاں وِچ نہ دئے جنائیا۔ آد جُگاد جُگ چؤکڑی نِرگُن سرگُن جن بھگتاں بن کے راکھا، رکھیا کرے تھاؤں تھائنیا۔ اندر وڑ کے بِن رسنا جِہوا بتّی دند کرے باتاں، باطن اپنا بھیوَ کھُلائیا۔ پریم پیار دا جوڑ کے ناتا، برہم پاربرہم نال مِلائیا۔ شبد اگمّ سُنائے گاتھا، نِراکھّر کرے پڑھائیا۔ ہرجن تیرا لیکھا چُکائے پوُجا پاٹھا، سِمرن جوگ ابھیاس سچ چرن دئے سرنائیا۔ پیالہ پیا کے پریم بوُند سوانتی آب حیاتا، رس اِکو اِک سمجھائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، مستک لہنا ویکھ وکھائیا۔ گُر اوتار کہن پربھ تیری اوٹ، آد جُگاد تکائیا۔ تیرا پرکاش نِرمل جوت، گھٹ گھٹ دیِوا باتی کرے رُشنائیا۔ تیرے گرِہ نہ کوئی ہرکھ نہ کوئی سوگ، چِنتا غم نہ کوئے وکھائیا۔ نہ کوئی سمجھ نہ کوئی سوچ، بُدھی من نہ کوئے وڈیائیا۔ نِت نوِت سادھاں سنتاں جیِواں جنتاں کِرپا وِچ وکھاوے مؤج، مُفت مجلس اپنی وِچ مِلائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے سمجھائیا۔ دُھر دا لیکھا دسّ بھگوَنت، اگلی سمجھ کِسے نہ آئیا۔ ویہہ سؤ اِکّی واک بھوِکھتاں اندر گُر اوتار پیِر پَیغمبر دسّدے رہے سنت، سطراں اکھّراں نال لِکھائیا۔ اوڑک کہہ کے ہرِ بےانت، پلّوُ گئے چُھڈائیا۔ کوٹن کوٹ صِفتی نام جپ کے منیِا منت، مطلب اپنا حل کرائیا۔ سندیسیاں نال دسّدے رہے ہرِ ہرِ ساچا کنت، سیج سُہنجنی نہ کوئے بنائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ گُر اوتار پیِر پَیغمبر کہن پربھ تیرا اِکو موہ، محُبّت وِچ سمائیا۔ جو تیرے نال جائے چھوہ، شہنشاہ تیرا روُپ نظری آئیا۔ تُوں دُرمت مَیل دیویں دھو، امرت میگھ اِک برسائیا۔ کریں پرکاش نِرمل لو، جوتی جوت ڈگمگائیا۔ تُوں بھگتاں جوگا جائیں ہو، ہوکا دے کے دئیں سُنائیا۔ کوُڑی کِریا سچ دواریوں لئیں کھوہ، من منسا میٹ مِٹائیا۔ آتم پرماتم نام اگمّا بیِج دیویں بو، پتّ ڈالی آپ مہکائیا۔ جوتی جوت سروُپ ہرِ، آپ اپنی کِرپا کر، کلجُگ انت لئے انگڑائیا۔ کلجُگ انت ہرِ جوُ اُٹھ، گُر اوتار پیِر پَیغمبر واسطہ پائیا۔ جن بھگتاں جا کے مات پُچھ، پھڑ باہوں گلے لگائیا۔ نؤ سؤ چُرانوے چؤکڑی جُگ رِہوں لُک، نِرگُن
ہو کے پڑدا پائیا۔ صدی ویہویں بدل اپنا رُخ، تبدیلی سب نوُں دئے جنائیا۔ نال رلا گوبِند سُت، شبدی روُپ بےپرواہیِا۔ نؤ کھنڈ پرِتھمی ستّ دیِپ لُکیا رہے نہ کوئی کِسے گُٹھ، پڑدا اوہلا دئے چُکائیا۔ مایا ممتا جگت وِکارا کڈھ کُٹ، کھنڈا کھڑگ اِک چمکائیا۔ پوُرب کرماں کر کے جو گئے رُٹھ، نِہکرمی ہو کے لئے مِلائیا۔ تُوں سب دے اندر انتر آتم رہیا بُجھ، تیری سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، مِہربان اپنا پھیرا پائیا۔ مِہربان پا پھیری، کلجُگ انت دئے دُہائیا۔ کوُڑی کِریا رَین اندھیری، اندھ وِشواش ہوئی لوکائیا۔ بھرماں ڈھاہی گھر گھر کِسے نہ ڈھیری، ڈنکا نام نہ کوئے سُنائیا۔ سرِشٹی ہوئی مایا چیری، چیلا گُر نظر کوئے نہ آئیا۔ نؤکا نام چڑھے کوئی نہ بیڑی، شؤہ دریائے بنے سارے پاندھی راہیِا۔ تیری وار تھِت اگمّی آئی نیڑی، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، مِہربان ویکھ وکھائیا۔ مِہربان ویکھ ٹھاکر، اپنا پڑدا لاہیِا۔ کلجُگ وہن ڈوُنگھا ساگر، بِن سَتگُر پوُرے پار نہ کوئے لنگھائیا۔ کِرپا کر کرتے قادر، قُدرت مالک خالق تیری آس رکھائیا۔ تُوں جودھا سوُربیِر بہادر، مرد مردانہ ناؤں دھرائیا۔ غریِب نِمانیاں سچ دوارے دے آدر، پھڑ باہوں گلے لگائیا۔ لہنا چُکا مقتوُل قاتل، مکتب ساچے کر پڑھائیا۔ تیرے ہتّھ دُھر عادل، عدالت اِکو اِک لگائیا۔ کلجُگ جیِو من متی ہوئے پاگل، بؤرے ہو کے بھجّن واہو داہیِا۔ جوتی جوت سروُپ ہرِ، آپ اپنی کِرپا کر، سچ کرنی دے دِرڑائیا۔ سچ کرنی پربھ آپ دسّ، کھانی بانی سار کوئے نہ آئیا۔ نِرویَر ہو کے ہِردے وس، ہرِ ہِردا دے جگائیا۔ اپنے مِلن دی کھول اکھّ، پڑدا اوہلا پرے ہٹائیا۔ تیری سرِشٹی تیری درِشٹی آد جُگاد تیرے ہتّھ، تُوں مالک بےپرواہیِا۔ کلجُگ انت پندھ مُکدا جائے نسّ نسّ، نٹھا جاوے واہو داہیِا۔ سنت سُہیلے پوُری کر آس، ترِشنا روگ مِٹائیا۔ گھر گھر جوت کر پرکاش، اندھ اندھیر رہن کوئے نہ پائیا۔ پرماتم آتم تیری سچّی دات، تیرا روُپ نظری آئیا۔ آ کے ویکھ پتن گھاٹ، کھیوٹ کھیٹا بن کے دُھر ملاہیِا۔ عیسیٰ موُسیٰ محمد گُر اوتار جو سَتجُگ تریتا دواپرکلجُگ گئے آکھ، اکھّراں نال پڑھائیا۔ کُل دا لہنا دینا چُکا حِساب، کِتاب اپنی دئے کھُلائیا۔ بِن مکّے کعبیوں دسّ سچّی محراب، جِس حُجرے وِچ محبوُب اپنا آسن لائیا۔ سنتاں بھگتاں بھیوَ کھُلا گُروُ مہاراج، مہما اکتھ کتھ دِرڑائیا۔ تُوں نِت نوِت غریِب نِواز، ہنکاریاں دُشٹاں دئیں سزائیا۔ کلجُگ کوُڑی کِریا ڈُبن والا جہاز، بیڑا پار نہ کوئے کرائیا۔ جوتی جوت سروُپ ہرِ، آپ اپنی کِرپا کر، آ کے ویکھ اپنا گھر، در دروازہ اِک کھُلائیا۔ در دروازہ کھول
سوامی، سچ سچ جنائیا۔ کلجُگ جیِواں بُھلی تیری بانی، بان نِرالا تیِر نہ کوئے چلائیا۔ چار کُنٹ آئی ہانی، ہِردے ہرِ نہ کوئے وسائیا۔ بھرمے بُھلی چارے کھانی، انڈج جیرج اُتبُھج سیتج سوبھا کوئے نہ پائیا۔ اٹھسٹھ تیِرتھ سَت رہیا نہ پانی، گنگا گوداوری جمنا سُرستی نیتر رو رو رہی سُنائیا۔ گُردر مندر مسجد شِودوالے مٹھ جگت کہانی، سَت دھرم سنگ نہ کوئے نِبھائیا۔ تیری دھار پربھ کِسے نہ مات پہچانی، بےپہچان ہوئی لوکائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے مِلائیا۔ ہرجن مِلا کر مِلاپ، ہتّھ تیرے وڈیائیا۔ تُوں سچّا مائی باپ، پِتا پُرکھ اکال اکھوائیا۔ انتر آتم دسّ جاپ، ساچی سچ پڑھائیا۔ نِرگُن جوت کر پرکاش، اندھ اندھیر گوائیا۔ اندر وڑ کے دے ساتھ، سُرتی شبد جُڑائیا۔ لہنا دینا کر بےباق، حِساب لیکھے وِچوں کڈھائیا۔ تُوں میرا میَں تیرا ساک، ناتا دُھر دا دئے سمجھائیا۔ جوتی جوت سروُپ ہرِ، آپ اپنی کِرپا کر، صاحِب سوامی دَیا کمائیا۔ صاحِب سوامی ویکھ غریِب، نِمانیاں مان دوائیا۔ تیرا کھیل عجب عجیب، جگت سمجھ کِسے نہ پائیا۔ تُوں مالک دُھر دا اِک طبیب، طبیعت سب دی ویکھ وکھائیا۔ جِنہاں دے اندر وڑ کے درس دِکھائیں ہو نزدیِک، دوُر دُراڈا پندھ چُکائیا۔ اوہ تیَنوُں منن ٹھیِک، ٹھیِکر کوُڑا بھنّ وکھائیا۔ چرن پریِتی دسّ پریِت، ریِت ساچی دئے سمجھائیا۔ تیرا لیکھا ہست کیِٹ، اوُچ نیِچ سوبھا پائیا۔ جِس دے اندر وسے چیِت، چِت وِت ٹھگؤری رہن کوئے نہ پائیا۔ تُوں پتت پاپی کریں پُنیِت سِر اپنا ہتّھ ٹِکائیا۔ تیرے ہتّھ سچّی بخشیِش، رحمت نام سِکھائیا۔ جوتی جوت سروُپ ہرِ، آپ اپنی کِرپا کر، سچ دواریوں دئے بھیِکھ، بِھچھِیا اِکو اِک ورتائیا۔ بِھچھِیا دے پربھ دیِن دَیال، گُر اوتار جھولی ڈاہیِا۔ سنت سُہیلے گُروُ گُر چیلے جن بھگت ویکھ اپنے لال، لالن اپنا رنگ رنگائیا۔ جو جگت مایا وِچ کنگال، کملے کوجھے نظری آئیا۔ اوہناں وِچوں اِک گُرسِکھ سِنگھ دَیال، جِس دی گُر سَتگُر آپ بنت بنائیا۔