۴ اَسوُ ۲۰۲۱ بِکرمی دھرم ویِر دے گرِہ جلالاباد
گُر اوتار پیِر پَیغمبر منگن منگے، پربھ چرن دوارے سیِس نِوائیا۔ کِرپا کر سوُرے سربنگے، شاہ پاتشاہ تیری اوٹ تکائیا۔ پِھری دروہی وِچ برہمنڈے، پُری لوء رہے کُرلائیا۔ جھگڑا پیا جیرج انڈے، اُتبُھج سیتج نہ کوئے سہائیا۔ سَتجُگ تریتا دواپرکلجُگ انتم لنگھے، پاندھی اپنا پندھ مُکائیا۔ جگت جیِو جہان ہوئے اندھے، نِج نیتر اکھّ نہ کوئے کھُلائیا۔ ساچی منزل چڑھے کوئی نہ ڈنڈے، محل اٹل سوبھا کوئے نہ پائیا۔ بِن بندگیؤں خالی ہوئے بندے، بندی خانہ نہ کوئے تُڑائیا۔ کایا ماٹی ساچے نام کوئی نہ رنگے، رتّی رتّ رنگ نہ کوئے وکھائیا۔ کِسے ہتّھ نہ آوے پرمانندے، نِجانند نہ کوئے رکھائیا۔ نؤ کھنڈ پرِتھمی ستّ دیِپ بھیکھ پکھنڈے، کوُڑی کِریا گھر گھر ڈیرہ لائیا۔ جوتی نوُر چڑھے نہ کوئی نؤچندے، اندھ اندھیر نہ کوئے مِٹائیا۔ نام بھنڈار سادھ سنت لوکمات کوئی نہ ونڈے، خالی جھولی نہ کوئے بھرائیا۔ جیِو جنت حال ہوئے مندے، بحال سکے نہ کوئے کرائیا۔ شاستر سِمرت وید پُران گیِتا گیان انجیل قرآن رسنا جِہوا گاؤندے بتّی دندے، ہِردے ہرِ نہ کوئے وسائیا۔ پت پرمیشور بِنا ہوئے رنڈے، سیج سُہنجنی سوبھا کوئے نہ پائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ گُر اوتار پیِر پَیغمبر کرن ارداسا، سچکھنڈ نِواسی تیری اوٹ تکائیا۔ تُوں سُلطان شہنشاہ شاہو شاباسا، بےانت تیری شہنشاہیِا۔ سو پُرکھ نِرنجن تیرا کھیل تماشا، جُگ چؤکڑی سمجھ کِسے نہ آئیا۔ ہرِ پُرکھ نِرنجن تیری کوئی نہ جانے راسا، گوپی کاہن کوٹن کوٹ گئے پھیریاں پائیا۔ آد نِرنجن تیرا نوُر اگمّ پرکاشا، الکھ اگوچر تیری وڈ وڈیائیا۔ سِری بھگوان تیرا رکھے نہ کوئے بھرواسا، اوٹ اکال نہ کوئے جنائیا۔ ابناشی کرتے تیری سمجھے کوئی نہ ذاتا، پڑدا سکے نہ کوئے چُکائیا۔ پاربرہم پت پرمیشور تیری گاوے کوئی نہ گاتھا، ناؤں نِرنکار نہ کوئے جنائیا۔ جوتی جوت سروُپ ہرِ، آپ اپنی کِرپا کر، کل اپنا پھیرا پائیا۔ گُر اوتار پیِر پَیغمبر کہن پربھ تیری لوڑ، صدی ویہویں دئے دُہائیا۔ لکّھ چؤراسی وِچھڑی آتم جوڑ، گھر گھر میلا سہج مِلائیا۔ دو جہان سِری بھگوان، اسوَ اگمّے چڑھ کے ویکھ دؤڑ، پاندھی ہو کے پندھ مُکائیا۔ چؤداں طبقاں اندھ گھور، ساچا سبق نہ کوئے سُنائیا۔ چؤداں لوک پیا شور، ڈور ہتّھ نہ کوئے پھڑائیا۔ جوتی جوت سروُپ ہرِ، آپ اپنی کِرپا کر، کل اپنا پھیرا پائیا۔ گُر اوتار پیِر پَیغمبر کہن پروردِگار، خالق تیری اوٹ تکائیا۔ مقامے حق ہو اُجیار، لاشریِک ویس وٹائیا۔ جُگ چؤکڑی تیرا نغمہ نام سُناؤندے رہے وِچ
سنسار، اکھّراں نال کر پڑھائیا۔ کاغذ قلم شاہی بن لِکھار، کاتب ہو کے حُکم ورتائیا۔ آد جُگادی شبد انادی برہم برہمادی تیرا انت نہ پاراوار، بےانت تیری وڈیائیا۔ نِرگُن دیِا باتی کر اُجیار، جوتی جوت تیری رُشنائیا۔ سنت سُہیلے گُروُ گُر چیلے آ کے ویکھ برخوردار، دوُر دُراڈا نیرن نیرا پندھ مُکائیا۔ جوتی جوت سروُپ ہرِ، آپ اپنی کِرپا کر، بےپرواہ ویس وٹائیا۔ بےپرواہ ہرِ ہرِ مالک، در تیرے سیِس نِوائیا۔ دو جہاناں بن ثالث، ایتھے اوتھے ہو سہائیا۔ کلجُگ کوُڑی نِندرا لاہ آلس، عرش فرش کھوج کھُجائیا۔ سچ دوارے کر عدالت، عدل بَیٹھا مکُھ چُھپائیا۔ کلجُگ جیِو تیری کرن مخالفت، نؤ دوار ہوئے ہلکائیا۔ من واسنا ہوئی بغاوت، عداوت گھر گھر نظری آئیا۔ جوتی جوت سروُپ ہرِ، آپ اپنی کِرپا کر، کل اپنا ویس وٹائیا۔ گُر اوتار پیِر پَیغمبر کرن سجدہ، نمو نمو سیِس نِوائیا۔ ہؤں سیوک تیرا بردا، چاکر روُپ دھرائیا۔ صدی چؤدھویں جگت جہان ویکھ سڑدا، دوزخ بہِشت دوویں رہے کُرلائیا۔ تیرا بھانا کوئی نہ جردہ، ظاہر ظہوُر تیرا نوُر نظر کِسے نہ آئیا۔ کائنات مار جھات کلمہ حق کوئی نہ پڑھدا، محبوُب اِشٹ نہ کوئے منائیا۔ جوتی جوت سروُپ ہرِ، آپ اپنی کِرپا کر، آ کے ویکھ اپنا گھر، کلکاتی پھیرا پائیا۔ گُر اوتار کہن پَیغمبر، تیری سچ شرنائیا۔ لکّھ چؤراسی رچیا ویکھ اڈمّبر، چارے کھانی پڑدا لاہیِا۔ چارے بانی جُگ جُگ تیرا رچدی گئی سوّمبر، نِرگُن سرگُن میل مِلائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ گُر اوتار پیِر پَیغمبر کہن ویکھ جگت نِشانہ، نوَ نؤ چار رہی کُرلائیا۔ انتر آتم کِسے نہ ملِے برہم گیانا، رسنا جِہوا ہوئی سرب ہلکائیا۔ بھرمے بُھلے وڈ وِدوانا، چؤداں وِدیا رہی کُرلائیا۔ نظر نہ آوے گوپی کاہنا، بنسری نام نہ کوئے سُنائیا۔ سُرتی سیِتا ملِے نہ راما، جگت بن پندھ نہ کوئے چُکائیا۔ منتر دِرڑائے نہ کوئی سَتناما، نانک نِرگُن جوڑ نہ کوئے جُڑائیا۔ گوبِند چِلّہ تیِر نظر نہ آئے کِسے کمانا، چار کُنٹ اکھّ نہ کوئے کھُلائیا۔ دہ دِشا ہوئی وَیرانہ، وَیری گھر گھر ڈیرہ لائیا۔ شاستر سِمرت وید پُران تیرے نام دا اِک بیانا، تھوڑا حِصّہ جگت لوکائیا۔ پرم پُرکھ تیرے ناپن والا کِسے کول نہ کوئے پَیمانہ، پَیمائش سکے نہ کوئے کرائیا۔ کلجُگ انتم کوُڑا ویکھ زمانہ، زبان ذِبع سب نوُں رہی کرائیا۔ سادھ سنت ہویا نادانا، نیتر اکھّ نہ کوئے کھُلائیا۔ پریم پریِتی بنھے کوئی نہ گانا، سچّا سگن نہ کوئے منائیا۔ اِکو وسریا سِری بھگوانا، کوٹن کوٹ اِشٹ رہے منائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کھُلائیا۔ گُر اوتار پیِر پَیغمبر کہن پربھ ویکھ جگت، جگ جیِون داتے تیری آس رکھائیا۔
گُرمکُھ وِرلا لبھے کوئی بھگت، بھگتی بَیٹھی مکُھ چُھپائیا۔ ناڑ بہتّر گھر گھر اُبلے رَکت، سانتک سَت نہ کوئے ورتائیا۔ جگت کِریا رکھدے نیم برت، انتر آتم پوِت نہ کوئے بنائیا۔ جوتی جوت سروُپ ہرِ، آپ اپنی کِرپا کر، نِرگُن اپنا پھیرا پائیا۔ نِرگُن نِرگُن نِرگُن روُپ، پربھ تیرا اِک جنائیا۔ سدا وسیرا چارے کوُٹ، دہ دِشا رُشنائیا۔ کلجُگ کِریا ویکھ جھوُٹھ، ہؤمے ہنگتا گڑھ بنائیا۔ ساچا دِسے نہ کوئی پوُت، پِتا گود نہ کوئے سُہائیا۔ سَت دھرم کر گیا کوُچ، گلی کوُچے خالی گیا کرائیا۔ دیِن مذہب پئی دوَیتی دوُج، شرع دھرم کرے لڑائیا۔ مانَس سمجھ نہ سکے پنج تت بھوُپ، اپ تیج وائے پرِتھمی آکاش کھوج نہ کوئے کھُجائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ گُر اوتار پیِر پَیغمبر کہن پربھ پڑدا چُک، انتم تیری واری آئیا۔ سچکھنڈ دوارے کِیوں بَیٹھا لُک، نِرگُن اپنا آپ چُھپائیا۔ سچ سُنیہڑا دے کے آیا تیرا گوبِند پُت، دُھر دی بانی راگ الائیا۔ ابناشی کرتا نر نرائن صدی ویہویں اپنی دھاروں پرے اُٹھ، نہ کوئی جنمے پِتا مائیا۔ کرے کھیل ابناشی اچُت، دو جہاناں کھوج کھُجائیا۔ سچ سُہنجنی ویکھے رُت، رُتڑی اپنی نال مہکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پیِر پَیغمبر گئے جھُک، چرن کَول دھیان لگائیا۔ پربھ ٹھاکر ساڈا پیَنڈا گیا مُک، لوکمات انت اَخیِر گئے جنائیا۔ لکّھ چؤراسی جیِو جنت نالوں ناتا گیا تُٹ، اِکو مِلی تیری سرن سرنائیا۔ جوتی جوت سروُپ ہرِ، آپ اپنی کِرپا کر، ساچا دے اِک ور، صاحِب سُلطان در تیرے منگ منگائیا۔ گُر اوتار سیِس نِواؤندے نے۔ دوئے جوڑ واسطہ پاؤندے نے۔ دھوُڑی ٹِکاّ خاک رماؤندے نے۔ پُرکھ اکال پِتا اِک مناؤندے نے۔ تیئی اوتار مان گواؤندے نے۔ عیسیٰ موُسیٰ محمد نیتر نَین شرماؤندے نے۔ نانک گوبِند اِکو رنگ رنگاؤندے نے۔ تُوں مالک خالق سرب بخشند، سب تیرا راہ تکاؤندے نے۔ جوتی جوت سروُپ ہرِ، آپ اپنی کِرپا کر، مِہربان مِہربان تیری آس اِک رکھاؤندے نے۔ تیری آس اِک رکھاؤندے نے۔ دوئے جوڑ واسطہ پاؤندے نے۔ سیِس قدماں اُتے ٹِکاؤندے نے۔ جگدیِش تیَنوُں اِک مناؤندے نے۔ چھتر سیِس نہ کوئے جھُلاؤندے نے۔ بیِس اِکیس راہ تکاؤندے نے۔ راگ چھتیِس پندھ مکاؤندے نے۔ دند بتیِس نہ ڈھولے گاؤندے نے۔ تیری دُھر دی سُن حدیِث، کلمے اپنے وِچوں باہر کڈھاؤندے نے۔ تُوں صاحِب اِک جگدیِش، جگدیِشر تیرا راہ تکاؤندے نے۔ تیرا لیکھا ہست کیِٹ، جوتی جوت سروُپ ہرِ، آپ اپنی کِرپا کر، در ٹھانڈے منگ منگاؤندے نے۔ در ٹھانڈے منگ منگاؤندے نے۔ تیرا سچ سِنگھاسن
ویکھ پلنگ، شاہو بھوُپ تیرا درشن پاؤندے نے۔ تیرے نام دا وجا کے آئے مردنگ، سو مردنگا تیرے اَگے سُٹاؤندے نے۔ جو پریم پیار دا دے کے آئے رنگ، لوکمات ونج کراؤندے نے۔ کلجُگ انت لکّھ چؤراسی جیِو جنت سادھ سنت ہوئے ننگ، سِر اوڈھن تیرا نام نہ کوئے ٹِکاؤندے نے۔ نوَ نؤ چار ودھیا بھیکھ پکھنڈ، بھیکھی گُروُ ویس وٹاؤندے نے۔ تیرے پریم پیار دا گائے کوئی نہ چھند، آتم پرماتم جوڑ نہ کوئے جُڑاؤندے نے۔ سرِشٹ سبائی ہوئی رنڈ، شبدی کنت نہ میل مِلاؤندے نے۔ جوتی جوت سروُپ ہرِ، آپ اپنی کِرپا کر، اِکو دے سچّا ور، در تیرے الکھ جگاؤندے نے۔ تیرے در الکھ نِرنجن، اگوچر تیرے ہتّھ وڈیائیا۔ تُوں داتا دانی دُکھ درد بھے بھنجن، بھے بھؤ تیری اوٹ تکائیا۔ تُوں آد جُگادی دُھر دا سجّن، سگلا سنگ نِبھائیا۔ جوت سروُپی جوت مگن، روُپ رنگ ریکھ تیرا نظر کِسے نہ آئیا۔ جیِو جنت تیرے دیِپک جگن، گھر گھر جوت نِرنجن کرے رُشنائیا۔ در درویش ہو کے منگن، بردے ہو کے جھولی ڈاہیِا۔ تُوں مِہربان سوُرا سربنگن، دیونہار اکھوائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سچ سوامی تیری آس تکائیا۔ سچ سوامی تیری آسا، گُر اوتار دھیان لگائیا۔ پیِر پَیغمبر کر بھرواسا، بھاونی اِک ودھائیا۔ تُوں آد جُگادی پُرکھ ابناشا، نہ مرے نہ جائیا۔ سچکھنڈ دوارے جوت پرکاشا، تھِر گھر شبدی کھیل کھِلائیا۔ بھگت بھگوَنت جُگا جُگنت نِرگُن سرگُن کھیلے کھیل تماشا، وڈ کھِلاری تیری وڈ وڈیائیا۔ گوپی کاہن مِل کے پاون راسا، اچرج اپنی ریِت چلائیا۔ بھگتاں سنتاں دیوے چرن نِواسا، دھام بھوُمکا استھان اِک سمجھائیا۔ گُرمکُھاں لہنا دینا چُکائے پرِتھمی آکاشا، گگن منڈل ڈیرہ ڈھاہیِا۔ گُرسِکھ تیرے در توں کدی نہ جائے نِراسا، آسا سب دی پوُر کرائیا۔ صدی چؤدھویں اُلٹ دے پاسا، پُشت اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، در تیرے آس رکھائیا۔ گُر اوتار پیِر پَیغمبر کہن پربھ چھیتی منّ، من کا منکا سرب بھوائیا۔ بھاگ لگا کایا ماٹی تن، تتو تت دے سمجھائیا۔ کر پرکاش اندھیرے انھ، نِرگُن نوُر کر رُشنائیا۔ گُرمکُھ پرگٹا ساچے چنّ، گُرسِکھ گُر گُر گود اُٹھائیا۔ ساچے سنتاں دے نام دھن، وست امولک جھولی پائیا۔ بھگتاں اپنے نال گنڈھ، بھگوَن دُھر دا جوڑ جُڑائیا۔ نِرگُن نِرویَر دسّ چھند، دیِن مذہب نہ ونڈ ونڈائیا۔ چار ورناں بن بخشند، شتّری براہمن شوُدر وَیش اِکو رنگ رنگائیا۔ آتم پرماتم دے انند، انند اِکو گھر وکھائیا۔ آتم سیجا چڑھ پلنگ، سچ سِنگھاسن ڈیرہ لائیا۔ انحد وجا اگمّی ند، انادی اپنا راگ سُنائیا۔ نوَ
نؤ چار پار کر حد، گھر ساچے میل مِلائیا۔ گُر اوتار پیِر پَیغمبر کہن اسیں واک بھوِکھتاں وِچ آئے دسّ، ناداں شبداں وِچ گائیا۔ کلجُگ انت سِری بھگوَنت دُھر دا کنت ہووے پرگٹ، دو جہاناں ویکھے چائیں چائنیا۔ سمبل نگر سچ مکان وِچ بھوُمکا جائے وس، جِس دی حد نظر کِسے نہ آئیا۔ ساچا مارگ سَت سَتوادی دئے دسّ، دہ دِشا دئے سمجھائیا۔ ساچے بھگتاں اپنے مِلن دی کھول کے اکھّ، گھر گھر وِچ جوڑ جُڑائیا۔ جگت سرِشٹی نالوں کر کے وکھّ، وکھّری دھار چلائیا۔ اندر وڑ کے مندر چڑھ کے آتم پرماتم نال پئے ہسّ، ہستی اپنی لئے سمجھائیا۔ نِرگُن نِرویَر ہو کے گاوے جس، وید پُران صِفت نہ کوئے صلاحیِا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ گُر اوتار پیِر پَیغمبر کہن تیرا بھیو کوئی نہ جانے اگلا، پِچھلی کہانی سارے پڑھ پڑھ رہے سُنائیا۔ تیرا مِتر پیارا دِسے کوئی نہ سجّنا، سنگی سنگ نہ کوئے رکھائیا۔ جو اُپجیا سو تیرے در توں منگنا، مانگت دو جہان نظری آئیا۔ بِن تیری کِرپا تیرا درس دیِدار کِسے نہ لبھنا، کھوجت کھوجت کھوجے نہ کوئے لوکائیا۔ جوتی جوت سروُپ ہرِ، آپ اپنی کِرپا کر، ساچی درِشٹی دئے کھُلائیا۔ گُر اوتار پیِر پَیغمبر کہن پربھ نریش، بھوُپت بھوُپ تیری سرنائیا۔ تیرا روُپ اگمّا مُچھ داہڑی نہ کیس، سیِس جگدیس نہ کوئے مُنڈائیا۔ سچ دوارے ہرِ نِرنکارے آد جُگاد رہے ہمیش، جُگ چؤکڑی اپنا کھیل کرائیا۔ وِشن برہما شِو در بَیٹھے درویش، کوٹن کوٹ سیِس نِوائیا۔ کروڑ تیتیِسا کرے آدیس، سُرپت نِیوں نِیوں لاگے پائیا۔ گُر اوتار پیِر پَیغمبر تیرا نوُر اُجالا رہے ویکھ، صاحِب گوپال اِکو نظری آئیا۔ جِس دا نِت نوِت اولڑا ویس، سرگُن ہو کے لوکمات آوے چائیں چائنیا۔ شاستر سِمرت دے کے گئے سندیش، اٹّھ دس گیِتا گیان کرے پڑھائیا۔ شبد سُنائے مُلّا شیخ، الف یے اپنا حُکم ورتائیا۔ کھانی بانی دیوے بھیج، دُھر فرمانا اِک دِرڑائیا۔ گُر اوتاراں پیِر پَیغمبراں کولوں لِکھا کے لیکھ، لِکھت اکھّراں نال کرائیا۔ جِس نوُں جیِو جہان جگت پِچھوں لَین ویکھ، رسنا جِہوا بتّی دند ڈھولا گائیا۔ جوتی جوت سروُپ ہرِ، آپ اپنی کِرپا کر، کھیلے کھیل بےپرواہیِا۔ گُر اوتار پیِر پَیغمبر کہن تیرا کھیل اگمّ، اگمّڑی کار نظری آئیا۔ سَتجُگ تریتا دواپرکلجُگ بیڑا دیویں بنھ، جگت جہان پار کرائیا۔ لکّھ چؤراسی کوُڑی کِریا دیویں سدا ڈنّ، کھنڈا شبد ہتّھ اُٹھائیا۔ جو گھڑیا سو دیویں بھنّ، تھِر رہن کوئے نہ پائیا۔ بھگت سُہیلے پرگٹاویں چنّ، نوُرو نوُر کر رُشنائیا۔ ساچے سنتاں کولوں جاویں منّ، جوتی جوت سروُپ ہرِ، آپ اپنی کِرپا کر، نِرگُن کھول اپنا در، در دروازہ دے جنائیا۔ گُر اوتار کہن کِیوں
ہویا اوہلے، بےپرواہ پڑدا پائیا۔ ساڈے نال کیتے اِقرار قؤلے، لیکھے لِکھ لِکھ لِکھت نال کُڑمائیا۔ پرگٹ ہو اُپر دھؤلے، دھرنی دھرت سوبھا پائیا۔ تیرا نوُر خُدائی اولے، یامبین عالمین تیری سرنائیا۔ محبان بیِدو بی خیر یا االلہ تُوں ہر گھٹ ہو کے مؤلیں، مؤلا روُپ نوُر الاہیِا۔ عیسیٰ موُسیٰ محمد ویکھ اپنی بغلے، بغلگیِر دستگیِر بےنظیِر اپنا پھیرا پائیا۔ چار کُنٹ دہ دِشا اُمت اُمتی ہوئی پگلے، سَت سچ نہ کوئے پڑھائیا۔ باہروں دِسن چِٹے بگ بپڑے بگلے، انتر کاگ نظری آئیا۔ شرع شریعت اندر آئے جنگلے، مذہب جھگڑا نہ کوئے مُکائیا۔ صدی چؤدھویں تُدھ بِن مالک کوئی نہ بدلے، بدلہ مکُے نہ جگت لوکائیا۔ دو جہان تیرے در تے ادنے، تُوں اعلیٰ اِک اکھوائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ اُچی کوُکن گُر اوتار، پُنہ پُنہ سیِس نِوائیا۔ کِرپا کر ہرِ نِرنکار، نِردھن دین دُہائیا۔ ناتا تُٹیا جگت سنسار، سگلا سنگ نہ کوئے نِبھائیا۔ آتم کرے نہ کوئی پیار، پرماتم میل نہ کوئے مِلائیا۔ گھر وِچ گھر کھولے نہ کوئے کِواڑ، پڑدا سکے نہ کوئے اُٹھائیا۔ دیِپک جوتی سکے نہ کوئی بال، نوُرو نوُر نہ کوئے رُشنائیا۔ انحد سُنے نہ کوئی ناد، دُھن آتمک راگ نہ کوئے الائیا۔ کلجُگ جیِو ہنس ہوئے کاگ، کوُڑی کِریا کاگ وانگ کُرلائیا۔ سَتگُر بیڑے چڑھے نہ کوئے جہاز، نئیا نؤکا ہتّھ کِسے نہ آئیا۔ پتن بَیٹھے پِچھےسب نوُں مارن آواز، اَگا سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، مارگ دُھر دا دئے دِرڑائیا۔ دُھر دا مارگ دسّ ایک، ایکنکار تیری شرنائیا۔ سرِشٹ سبائی اِکو ٹیک، اِکو گھر وڈیائیا۔ اِکو اپنا دسّ بھیکھ، بُہتے گُروُ کمّ کِسے نہ آئیا۔ تیرا روُپ انوُپ سدا وشیش، وشیشناں نال نانک نِرگُن گیا جنائیا۔ گُروُ گوبِند کہے پُرکھ اکال سب نال کرے ہیت، لکّھ چؤراسی پِتا مائیا۔ جِس بالک کیتے بھیٹ، سیوا سچ کمائیا۔ سو آیا کھیوٹ کھیٹ، رہبر نوُر خُدائیا۔ جِس نوُں کوئی نہ سکے ویکھ، جگ دوئے لوچن درش کوئے نہ پائیا۔ جِس نے بھرم بُھلائے مُلّا شیخ، پنڈت پاندھے سمجھ کوئے نہ آئیا۔ انتر وڑ کے کرے نہ سچّا ہیت، بسنتر باہروں نہ کوئے بُجھائیا۔ واہ واہ کھیلی اگمّ کھیڈ، پربھوُ ایہو تیری وڈیائیا۔ جِس کارن گُر اوتار پَیغمبر دِتے بھیج، سو سیوک سیوا گئے کمائیا۔ انتم دے کے تیرا سندیش، کھانی بانی کری پڑھائیا۔ ہرِ مالک دُھر نریش، نرائن اِک اکھوائیا۔ جوتی جوت سروُپ ہرِ، آپ اپنی کِرپا کر، اِک وکھاؤنا اگمّڑا دیس، جِس گرِہ بہہ کے حُکم ورتائیا۔ جِس گرِہ دیوے حُکم انوکھا، دُھر دی دھار جنائیا۔ سو مارگ منزل پندھ دسّ سؤکھا، رہبر ہو کے میل مِلائیا۔ تیرا سچکھنڈ دوارا ویکھیئے کوٹھا، چھپّر چھن نظر کوئے نہ آئیا۔
جِتھے پرکاش اِکو نِرمل جوتا، سوُرج چند نہ کوئے چمکائیا۔ لکّھ چؤراسی وِچوں مانَس جنم ملِے مؤقع، مُفت اپنی دَیا دئے کمائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچوں باہر کڈھائیا۔ لیکھا لیکھے وِچوں ویکھ لِکھت، جو بِن اکھّراں دِتی لِکھائیا۔ جِس دا بھیو تیرا اِک اِشٹ، دوُجا نظر کوئے نہ آئیا۔ لہنا چُکےرام وشِشٹ، واسطہ اپنے نال جُڑائیا۔ بھرمے بُھلی تیری سرِشٹ ، نوَ ستّ مکُھ بھوائیا۔ تیرے مِلن دا حقیِقی رہیا کوئی نہ عِشق، عاشق نظر کوئے نہ آئیا۔ کوٹن کوٹ پنڈت مستک لاؤندے تِلک، ساچے تِل نہ کوئے رُشنائیا۔ مُلّا شیخ مسائک تیَنوُں تکّدے وِچ بہِشت، حوُراں نَین اُٹھائیا۔ گرنتھی پنتھی تیرے پریم توں گئے کھِسک، خالص خالصہ نظر کوئے نہ آئیا۔ چار جُگ دی دیوے دربار وِچ سچّی لِسٹ، جِس دے حرف نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، اپنا حُکم دئے ورتائیا۔ گُر اوتار کہن سِری بھگوَنت، واہ واہ تیری وڈیائیا۔ تُوں آد جُگادی جُگا جُگنت، کرتا مالک اِک اکھوائیا۔ بودھ اگادھا ساچا پنڈت، سچ کریں پڑھائیا۔ تیرے در درویش بَیٹھے منگت، بِھکھک اپنی جھولی ڈاہیِا۔ پِھری دروہی کلجُگ انت، انتشکرن شُدھ نہ کوئے کرائیا۔ گُر اوتاراں جو دِتا تیرا منت، سو منتر گئے بُھلائیا۔ گھر ملِے نہ کِسے کنت، نار دُہاگن رہی کُرلائیا۔ جوتی جوت سروُپ ہرِ، آپ اپنی کِرپا کر، کلجُگ ویکھ چائیں چائنیا۔ کلجُگ ویکھ کوُڑی رَین، بِھنڑی نظر کِسے نہ آئیا۔ مایا ممتا کھائے ڈَین سِر سکے نہ کوئے اُٹھائیا۔ ساچا دیوے نہ کوئی دین، لہنا حق نہ کوئے چُکائیا۔ صدی چؤدھویں سارے آئے کہن، اِکٹھے ہو کے رہے سُنائیا۔ منُکھتا وہہ گئی ڈوُنگھے وہن، مُریِد مُرشد پلّوُ گئے چُھڈائیا۔ الف یے مِل کے پائے وَین، عین غَین نُقطہ سکے نہ کوئے مِٹائیا۔ ساچا ملِے نہ سجّن سیَن، سگلا سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کلجُگ انتم پھیرا پائیا۔ کلجُگ انتم آ کے تکّ، طاقتور اپنی طاقت لےَ ازمائیا۔ گُر اوتار پیِر پَیغمبر گئے تھک، سرِشٹی سمجھ کِسے نہ آئیا۔ سرِشٹی چولا آئے چھّڈ، نِرگُن تیرے وِچ سمائیا۔ انتم دسّ کے اگلی حد، صدی ویہویں کھہڑا لیا چُھڈائیا۔ پربھ اَگے سنبھال اپنا جگ، سرِشٹی تیری جھولی پائیا۔ کلجُگ گھر گھر لائی اگّ، سادھ سنت سکے نہ کوئے بُجھائیا۔ شاستر سِمرت وید پُران پڑھ پڑھ سارے رہے ہسّ، ہستی تیری سمجھ کِسے نہ پائیا۔ تیِرتھ تٹاں اٹھسٹھاں رہے نٹھ، گنگا گوداوری جمنا سُرستی پھیرا پائیا۔ تیرے مِلن دا کِسے نہ مِلیا جس، بِن بھگتاں تیری صِفت نہ کوئے صلاحیِا۔ جوتی جوت سروُپ ہرِ، آپ اپنی کِرپا کر، کل کلکی ویس وٹائیا۔ کل کلکی
تیرا اِک اوتار، ہرِ کرتا تُوں ہی نظری آئیا۔ جِس دا روُپ اگمّ اپار، ریکھ بھیکھ سمجھ کوئے نہ پائیا۔ جِس دا مندر اٹل اُچ منار، دیِا باتی اِک رُشنائیا۔ جِس دا تھِر گھر چرن دوار، شبدی سُت سوبھا پائیا۔ سو حُکم کرے کرتار، قُدرت قادر ویکھ وکھائیا۔ گُر اوتار پیِر پَیغمبر ہو جاؤ سارے خبردار، دُھر سندیشہ اِک سُنائیا۔ وِشن برہما شِو سارے لئے اُٹھال، کروڑ تیتیِسا نال مِلائیا۔ کلجُگ کِریا نیتر سب نوُں دے وکھال، لوچن اکھّ اِک جنائیا۔ شبد اِشارے نال کہے اپنے اپنے گُرمکُھ لؤ پچھان، مُریِد مُرشد کھوج کھُجائیا۔ گُر اوتار ہوئے حیَران، پیِر پَیغمبر سارے نَین شرمائیا۔ جو کلمیاں وِچ دے کے آئے بیان، حرفاں وِچ پڑھائیا۔ جو منتر دسّ کے آئے سَتنام، فتح واہِگُروُ اِک گجائیا۔ اُس دا ملِے نہ سچ نِشان، دھرم نِشانہ ہتّھ نہ کوئے اُٹھائیا۔ سُرتی وِچھڑ کے ساچے رام، سچّا رنگ نہ کوئے رنگائیا۔ ساچا سُنے نہ کوئی پیَغام، پاگل ہوئی سرِشٹ سبائیا۔ جھگڑا پیا شرع اِیمان، مذہب کرے لڑائیا۔ سادھا سنتاں کھول مایا دُکان، گُر کی بانی ہٹّو ہٹّ وِکائیا۔ موُرکھ مُگدھ ہوئے انجان، سُرتی سُرت نہ کوئے ہِلائیا۔ گُر کا شبد نہ کرن پچھان، سَتگُر سیو نہ کوئے کمائیا۔ جوتی جوت سروُپ ہرِ، آپ اپنی کِرپا کر، نِرگُن اپنا کھیل وکھائیا۔ نِرگُن کھیل کرے کرتار، ہرِ کرتا وڈ وڈیائیا۔ سرب جیِاں دا سانجھا یار، مالک اِک اکھوائیا۔ کاگد قلماں وسے باہر، شرع وِچ بند نہ کوئے کرائیا۔ اکھّراں وِچ نہ کوئے وِچار، سطراں وِچ نہ کوئے جنائیا۔ نِرگُن نِرویَر نِراکار، نِرنکار اِک اکھوائیا۔ جِس دا محل اٹل اپار، سچکھنڈ بَیٹھا ڈیرہ لائیا۔ جوت اُجالا نوُر پروردِگار، بےپرواہ اِک اکھوائیا۔ گُر اوتار پیِر پَیغمبر تیَنوُں منن مددگار، مُدّعا تُوں ہی نظری آئیا۔ تیرا عدداں وِچ نہ کوئے شمار، ہِندسیاں انکڑیاں وِچ نہ کوئے جنائیا۔ جِس جن اُپر کِرپا کرے آپ کرتار، کرنی اپنی دئے سمجھائیا۔ کل کلکی لئے اوتار، اِک اِکلّا پھیرا پائیا۔ سرِشٹ سبائی پَیج سوار، مانَس مانُکھ مانَو دئے جنائیا۔ بھگت سُہیلے کر تابعدار، سنت ساجن رنگ رنگائیا۔ گُرمکُھ گُر گُر گود اُٹھال، گُرسِکھ امرت جام پیائیا۔ مُرشد ہو کے مُریِداں وس نال، وعدہ کیِتا توڑ نِبھائیا۔ تیرا لیکھا شاہ کنگال، اوُچ نیِچ دے سرنائیا۔ دھرم دوارا تیرا سچّی دھرمسال، جِس گھر براہمن شتّری شوُدر وَیش سوبھا پائیا۔ آتم پرماتم ترےَگُن مایا پرکِرتیاں کولوں کر بحال، اِندریاں کولوں دئے چُھڈائیا۔ پھل لگا ساچے ڈال، پتّ ٹہنی آپ مہکائیا۔ کوُڑی کِریا توڑ جنجال، جاگرت جوت کر رُشنائیا۔ آ کے ویکھ غریِباں حال، نِمانے دین دُہائیا۔ سب دے سِر تے کوُکے کال، کلجُگ نگارا رہیا وجائیا۔ پُرکھ ابناشی گھٹ گھٹ واسی تیَنوُں سارے رہے
بھال، ہِندوُ مُسلم سِکھ عیسائی بھجّن واہو داہیِا۔ تیری سمجھ کِسے نہ آئے چال، دلال ہو کے میل نہ کوئے مِلائیا۔ شاستر سِمرت وید پُراناں دے دے احوال، جگت سنت رہے سمجھائیا۔ اندروں آپ ہوئے کنگال، بھنڈارا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کل اپنی آپ دھرائیا۔ سِری بھگوان سچ دِرڑاؤندا اے۔ سو پُرکھ نِرنجن سچ سمجھاؤندا اے۔ ہرِ پُرکھ نِرنجن بھیو کھُلاؤھندا اے۔ آد نِرنجن ڈگمگاؤندا اے۔ ابناشی کرتا ویکھ وکھاؤندا اے۔ سِری بھگوان لیکھ لِکھاؤندا اے۔ پاربرہم برہم اپنا پڑدا لاہُندا اے۔ نِرگُن دھاروں پئے جمّ، مات پِت نہ کوئے بناؤندا اے۔ نِہکرمی ہو کے کرے کمّ، کرتا اپنی کار کماؤندا اے۔ کلجُگ انتم دیوے ڈنّ، لکّھ چؤراسی ویکھ وکھاؤندا اے۔ سَت دھرم دا بیڑا دیوے بنھ، سچّا مارگ اِک لگاؤندا اے۔ بھگت سُہیلے چاڑھ کے چنّ، رَین اندھیری دوُر کراؤندا اے۔ من کا منکا پھیر کے من، من منسا موہ چُکاؤندا اے۔ بھاگ لگا کے کایا تن، تتو تت اِک بُجھاؤندا اے۔ نام پدارتھ دے کے دھن، شاہ کنگال ونڈ پواؤندا اے۔ کر پرکاش نیتر انھ، اندھ اندھیرا پرے ہٹاؤندا اے۔ بھگت سُہیلے بنا کے جن، جن جننی گود اُٹھاؤندا اے۔ کوُڑا بھانڈا دیوے بھنّ، ٹھیِکر کلجُگ پرے سُٹاؤندا اے۔ جوتی جوت سروُپ ہرِ، آپ اپنی کِرپا کر، نِہکرمی کرم کماؤندا اے۔ نِہکرمی کرم کماوانگا۔ دو جہاناں ویکھ وکھاوانگا۔ لوک پرلوک آپ سمجھاوانگا۔ سچ سلوک اِک پرگٹاوانگا۔ گُرمکُھاں میل سنجوگ، میل مِلنی اپنے نال رکھاوانگا۔ ہؤمے ہنگتا کٹّ کے روگ، ہنگ گڑھ تُڑاوانگا۔ سوہنگ ہنسا دے کے چوگ، چُغلی نِندیا دوُر کراوانگا۔ گھر درشن دے کے اموگھ، بجر کپاٹی پڑدا لاہوانگا۔ لیکھا چُکا کے سمجھ سوچ، سُرتی شبد نال جُڑاوانگا۔ جِس دی کلمیاں وِچ کردے کھوج، سنمکُھ ہو کے نظری آوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک دِرڑاوانگا۔ ساچی سِکھیا اِک دِرڑائیگا۔ وِدیا دُھر دی اِک پڑھائیگا۔ نِکیاں وڈّیاں راہے پائیگا۔ بچیا کوئے نظر نہ آئیگا۔ ہِندوُ مُسلم سِکھ عیسائی، اِکو گھر وسائیگا۔ سَتجُگ تریتا دواپرکلجُگ جو مذہباں وِچ ہوئی جُدائی، شرع شریعت میٹ مِٹائیگا۔ سب نوُں پتہ سچ دسّ کے اِکائی، اگلا صِفرا انت مِٹائیگا۔ آتم پرماتم دئے سمجھائی، برہم روُپ نظری آئیگا۔ پوُرب دھو کے پِچھلی شاہی، دُرمت مَیل کٹائیگا۔ گُر اوتار پیِر پَیغمبر جِنہاں دی دین گواہی، تِنہاں اپنے نال مِلائیگا۔ کرے کھیل سچّا شہنشاہی، کلجُگ شام اندھیری دوُر کرائیگا۔ بن کے آیا پاندھی راہی، منزل چڑھ کے خوشی منائیگا۔ گوبِند لیکھا چُکےاِکو ڈھئیا ڈھائی،
ڈھؤنکے وِچوں اکھّ کھُلائیگا۔ لِکھیا لیکھ میٹے کوئے نہ رائی، راؤ رنکاں آپ سمجھائےگا۔ جِس دے نام دی پئی دُہائی، سو نِرگُن سرگُن سرگُن نِرگُن کھیل کھِلائیگا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیگا۔ دُھر دی کرنی کار کماویگا۔ ساچی شرن سرِشٹ لگاویگا۔ وِدیا اِکو پڑھن، پاربرہم پڑھاویگا۔ پؤڑی اُچی چڑھن، نام ڈنڈا ہتّھ وکھاویگا۔ ساچی ترنی ترن، تُرت اپنا رنگ رنگاویگا۔ جوتی جوت سروُپ ہرِ، آپ اپنی کِرپا کر، رہبر ہو کے ویکھ وکھاویگا۔ رہبر ہو کے ویکھ وکھائیگا۔ دیس سُہنجنے ڈیرہ لائیگا۔ گُرمکُھ ویکھے ساچے سوہنے، سجّناں میل مِلائیگا۔ جِنہاں چرن کَول پربھ کیتے بندنے، بندیخانے تِنہاں تُڑائیگا۔ جوتی جوت سروُپ ہرِ، آپ اپنی کِرپا کر، کلجُگ انت اپنی کل دھرائیگا۔ کلجُگ انتم کل دھراویگا۔ ول چھل کھیل کھِلاویگا۔ ابچل نگر اِک وساویگا۔ سمّبل ساچا ڈیرہ لاویگا۔ کوئی نہ جانے زمیں اسمان اُپر اَمبر، برہمنڈ کھنڈ بھیو کوئی نہ پاویگا۔ ساڈھے تِنّ ہتّھ سوہنا مندر، ہرِ جوُ ساچی بنت بناویگا۔ جوتی جوت سروُپ ہرِ، آپ اپنی کِرپا کر، گھر بہہ کے خوشی وکھاویگا۔ گھر بہہ کے خوشی وکھائیگا۔ جن بھگتاں رُچی اِک لگائےگا۔ من مت بُدھ سُچجیّ آپ کرائیگا۔ گوبِند پُتیں بھاگ لگائےگا۔ سَتجُگ سُہائے ساچی رُتی، رُت رُتڑی آپ مہکائیگا۔ جو آتم پرماتم پریم دی بُھکھی، تِس امرت جام پیائیگا۔ جوتی جوت سروُپ ہرِ، آپ اپنی کِرپا کر، کلجُگ جیِواں کرکے مت پُٹھی، صدی چؤدھویں اُلٹا گیڑ گِڑائیگا۔ پربھ اُلٹا گیڑ گِڑاویگا۔ واسی ندیڑ اِک اُٹھاویگا۔ لکّھ چؤراسی بھیڑ، بھانڈا بھرم بھناویگا۔ شاہ سُلطاناں لہنا دینا دئے نبیڑ، در در لیکھا انت مکاویگا۔ بھگت بھگوَنت لیائے گھیر، گھر ساچے میل مِلاویگا۔ سنت سجّن ویکھے سُہیل، گُر چیلے جوڑ جُڑاویگا۔ گُرمکُھاں چاڑھ کے تیل، انتر آتم سگن مناویگا۔ دھرم رائے دی کٹّ کے جیل، لکّھ چؤراسی پھند کٹاویگا۔ سچ دروازے کر کے اپنا میل، جگت وِچھوڑا پرے ہٹاویگا۔ اچرج کر اگمّی کھیل، خالص گُرمکُھ اپنے گھر وساویگا۔ دھام اولّڑا رکھ نَویل، نِہچل ڈیرہ لاویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُر اوتاراں پیِر پَیغمبراں بیِس اِکیسا ہرِ جگدیسا، لہنا دینا دینا لہنا سب دا ویکھ وکھاویگا۔
۵ اَسوُ ۲۰۲۱ بِکرمی سوہن سِنگھ دے گرِہ رام پُرا
گُر اوتار کہن پربھ کلجُگ کوُڑا کوُڑ، سرِشٹ سبائی ڈیرہ لائیا۔ چتُر سُگھڑ بنے موُرکھ موُڑھ، ہِردے ہرِ نہ کوئے وسائیا۔ مستک ٹِکاّ نام نہ لائے کوئی دھوُڑ، دُرمت مَیل نہ کوئےدھوائیا۔ ساچا ملِے نہ کِسے نوُر، جوتی جوت نہ کوئے رُشنائیا۔ ہؤمے ہنگتا من ممتا ہویا غروُر، نِون سو اکھّر نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، کل انتم ویکھ وکھائیا۔ گُر اوتار کہن پربھ ودھیا لوبھ، مایا ممتا ہوئی ہلکائیا۔ انتر آتم سکے نہ کوئی سودھ، منسا سکے نہ کوئے مِٹائیا۔ جگت واسنا کرے جودھ، اٹّھے پہر لڑائیا۔ کوُڑی ترِسنا لگّا روگ، ہؤمے رہی ستائیا۔ آتم پرماتم وِچھڑ ہویا وِجوگ، دُھر سنجوگ میل نہ کوئے مِلائیا۔ شاستراں سِمرتاں اندر کردے تیری کھوج، کایا مندر اندر ویکھن کوئے نہ آئیا۔ تیرے گیِت گاؤندے چؤداں لوک، سچ سلوک سوہلا ڈھولا کوئے نہ گائیا۔ صدی چؤدھویں مِٹدی جائے اؤدھ، بیِس بیِسا راہ تکائیا۔ جوتی جوت سروُپ ہرِ، آپ اپنی کِرپا کر، مِہربان پھیرا پائیا۔ گُر اوتار پیِر پَیغمبر کہن نوَ نؤ چار ودھیا کام، سانتک سَت نہ کوئے کرائیا۔ ہِردے کِسے نہ وسیا رام، رمئیا نظر کِسے نہ آئیا۔ جگت واسنا ہوئے غُلام، شرع زنجیر سکے نہ کوئے تُڑائیا۔ دُھر دا سُنے نہ کوئے پیَغام، انحد ناد نہ کوئے جنائیا۔ پنج تت کایا اندر وِگڑ گیا نِظام، سچّا حُکم نہ کوئے ورتائیا۔ مُشکل حل نہ ہووے آسان، سیِس جگدیس نہ کوئے نِوائیا۔ ساچا ناد نہ سُنے کوئی کان، امرت رس مکُھ نہ کوئے چوائیا۔ ہؤمے ہنگتا اندر پِھرن بِردھ بال جوان، ممتا موہ نہ کوئے مُکائیا۔ سَت دھرم دا جھُلدا دِسے نہ کوئے نِشان، سَت سَتوادی سچ نہ کوئے جنائیا۔ ساچی سخی ملِے نہ کوئی کاہن، بنسری نام نہ کوئے سُنائیا۔ دُھر درباری دیوے نہ کوئی پیَغام، کلمہ کائنات نہ کوئے پڑھائیا۔ جیِو جنت ہوئے نادان، نابیِنے اکھّ نہ کوئے کھُلائیا۔ تتاں اندر تت شَیطان، بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، نِرگُن اپنا پھیرا پائیا۔ گُر اوتار پیِر پَیغمبر کہن کل کوُڑا موہ، محُبّت سچ نہ کوئے کمائیا۔ آتم پرماتم کِسے نہ جائے چھوہ، دُئی دوَیتی کندھ نہ کوئے ڈھاہیِا۔ گھر پرکاش بِن دیوے باتی کرے کوئی نہ لو، جوتی جوت نہ کوئے رُشنائیا۔ نام سُنے نہ تیرا سو، ہنگ برہم نہ کوئے پڑھائیا۔ نوَ نؤ چار رہی رو، سانتک سَت نہ کوئے دسائیا۔ اپنا آپ سارے بَیٹھے کھوہ، خالی ہتّھ دین دُہائیا۔ نِجھر جھِرنے امرت دیوے نہ کوئی چو، کَول نابھ نہ کوئے اُلٹائیا۔ چیلے گُروُاں نال کرن دھرو، پِتا پوُت سوبھا کوئے نہ پائیا۔ جوتی جوت سروُپ ہرِ، آپ اپنی کِرپا کر، مِہربان
ہو سہائیا۔ گُر اوتار پیِر پَیغمبر کہن، پربھ ویکھ کلجُگ ہنکار، ہنکاری گھر گھر نظری آئیا۔ گُردیو سوامی کرے نہ کوئی نِمسکار، سجدہ سیِس نہ کوئے جھُکائیا۔ چار کُنٹ دہ دِشا بھجّن وارو وار، من واسنا نال مِلائیا۔ مِتراں نالوں سجّن وِچھڑے یار، بھَین بھائی ناتا توڑ نہ کوئے نِبھائیا۔ کاگتاں توں لبھن تیرا سچ دربار، محل اٹل چڑھ درس کوئے نہ پائیا۔ تیِرتھ تٹّاں ہُندے پِھرن خوار، انتر آتم سچ سروور نہاون کوئے نہ جائیا۔ مکتب پاٹھشالا وِچ پڑھدے رہن اکھّراں نال کر وِچار، نِراکھّر تیری سمجھ کِسے نہ آئیا۔ چاروں کُنٹ دِسے وِبھچار، دہ دِشا سچ دھرم رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، مِہربان ویکھ وکھائیا۔ گُر اوتار پیِر پَیغمبر کہن جگ انتم مایا، ترےَگُن اگنی تت تپائیا۔ نوَ نؤ چار اندھیرا چھایا، ساچا چند نہ کوئے چمکائیا۔ گُر اوتاراں پیِر پَیغمبراں جو حُکم سُنایا، سو سارے گئے بُھلائیا۔ ساچا اِشٹ نہ کِسے منایا، درِشٹی دِبھ نہ کوئے نہ کھُلائیا۔ پریم پریِتی اندر تیرا عِشق نہ کوئے کمایا، سچ دھیان نہ کوئے لگائیا۔ دوزخ بہِشت دوویں رہے کُرلایا، لیکھا سکے نہ کوئے مُکائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، شہنشاہ تیری اوٹ تکائیا۔ گُر اوتار پیِر پَیغمبر کہن پربھ ویکھ جھوُٹھ، جو جگت لئے انگڑائیا۔ مندر مسجد شِودوالے مٹھ رہی نہ سُچ، سَت دھرم نظر کوئے نہ آئیا۔ مُلّا شیخ مسائک پنڈت پاندھے ہتّھ رہیا نہ کُچھ، جننجو ٹِکاّ دھوتی بودی پتت پُنیِت نہ کوئے کرائیا۔ تیرے نالوں سِری بھگوان تیرے گئے رُٹھ، ساچا میل نہ کوئے مِلائیا۔ انتریامی گھٹ گھٹ واسی آ کے پُچھ، نِرویَر اپنا ویس وٹائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ گُر اوتار پیِر پَیغمبر کہن پربھ ویکھ کُڑیار، لکّھ چؤراسی اندر رہیا سمائیا۔ جِس بُھلایا سانجھا یار، سوچ سمجھ رہی نہ رائیا۔ اندر وڑ کے سب نوُں کیِتا خوار، پڑدا اوہلا وِچ ٹِکائیا۔ غفلت وِچ سُتّا سنسار، نیتر اکھّ نہ کوئے کھُلائیا۔ کھانی بانی پڑھ پڑھ گئے ہار، ہرِ ہرِ نظر کِسے نہ آئیا۔ اُچی کوُکن کرن پُکار، رسنا جِہوا ڈھولے گائیا۔ جوتی جوت سروُپ ہرِ، آپ اپنی کِرپا کر، نِرگُن نِرویَر ہو سہائیا۔ گُر اوتار پیِر پَیغمبر کہن ویکھ اپنا لوک، کل انتم پھیرا پائیا۔ کِسے گرِہ جگدی دِسے نہ جوت، گھر دیِپک نہ کوئے رُشنائیا۔ کلجُگ آلنیوں ڈِگے بوٹ، پھیر سکے نہ کوئے اُٹھائیا۔ مایا ممتا سارے کرن کھوج، دِوس رَین بھجّن واہو داہیِا۔ تیرے مِلن دی کِسے نہ آوے سوچ، سمجھ بَیٹھی مکُھ بھوائیا۔ گُرمکُھ وِرلا راہ تکّے وِچوں کوٹاں کوٹ، انتر انتر نَین اُٹھائیا۔ جوتی جوت سروُپ ہرِ، آپ اپنی کِرپا کر، ہرِ ٹھاکر تیری وڈ وڈیائیا۔ گُر اوتار
پیِر پَیغمبر کہن بُھلیا جگ، بھرماں وِچ رکھائیا۔ کِسے نہ پوُرا ہووے مکّے کعبےحج، حُجرہ حق نہ کوئے سُہائیا۔ کِسے نہ ملِے مندر مسجد شِودوالے مٹھ، ہتّھاں نال ٹلّ رہے کھڑکائیا۔ گُردواریاں اندر نِرگُن تیرا روُپ سکے نہ کوئی لبھ، سنمکُھ درس کوئے نہ پائیا۔ مِہربان ٹھاکر سوامی گھر گھر وِچ آ کے سُنا اپنا چھند، دُھر دا ڈھولا راگ الائیا۔ سچ دوارے ایہو منگ، کایا مندر اندر بھیوَ کھُلائیا۔ پؤڑھے پؤڑھے اپنے لنگھ، نؤ دوارے ڈیرہ ڈھائیا۔ کوُڑی کِریا پائے نہ ڈنڈ، من کا منکا دئے بھوائیا۔ کر پرکاش اندھیرے انھ، جوت نِرنجن جوت رُشنائیا۔ نام مجیٹھی چولا رنگ، رنگ اپنا دے چڑھائیا۔ امرت دھار وہا گنگ، سروور اِکو اِک وکھائیا۔ سُرت سوانی نہ ہووے رنڈ، شبدی کنت لَینا پرنائیا۔ بھاگ لگاؤنا جیؤ پِنڈ، پِنڈی اَور نہ کوئے تکائیا۔ جوتی جوت سروُپ ہرِ، آپ اپنی کِرپا کر، نِرگُن سرگُن لئے جگائیا۔ گُر اوتار پیِر پَیغمبر کہن تیرا ناتا چُھٹیا، چُھٹی سرب لوکائیا۔ پریم پیار دا پیَنڈا مکُیا، پاندھی رہن کوئے نہ پائیا۔ کوئی نہ چڑھے محل اُچیا، ساچے دھام بہہ کے خوشی نہ کوئے منائیا۔ جگت واسنا جیِو رُجھیا، وِشیاں وِچ لوکائیا۔ سَتگُر سنت کِسے نہ بُجھیا، دیِوا بَیٹھے گُل کرائیا۔ نام نِشانیوں کوُڑا اُکیا، انیالا تیِر نہ کوئے لگائیا۔ سچ بھنڈارا نؤ کھنڈ پرِتھمی مکُیا، در در گھر گھر خالی نظری آئیا۔ جوتی جوت سروُپ ہرِ، آپ اپنی کِرپا کر، سچ دوارا کھول در، دھرم دوارا اِک پرگٹائیا۔ گُر اوتار پیِر پَیغمبر کہن لیکھا ویکھ چارے کھانی، انڈج جیرج اُتبُھج سیتج پھول پُھلائیا۔ ساچا مان تان رہیا نہ چارے بانی، بان انیالا نہ کوئے چلائیا۔ اٹھسٹھ دھار دِسے نہ کوئے پانی، سروور سَت نہ کوئے نُہائیا۔ صدی ویہویں سب نوُں آئی ہانی، ہانی مِلیا نہ بےپرواہیِا۔ تُوں شاہ پاتشاہ سچّا سُلطانی، شہنشاہ تیری اوٹ تکائیا۔ بھرمے بُھلے جیِو وِدوانی، وِدیا مات ہوئی ہلکائیا۔ تیری دسےّ نہ کوئی سچ نِشانی، ساکھیات نہ کوئے سمجھائیا۔ کِسے نہ ملِے پد نِربانی، گھر بہہ نہ خوشی منائیا۔ جوتی جوت سروُپ ہرِ، آپ اپنی کِرپا کر، کلجُگ انت انتشکرن ویکھ وکھائیا۔ گُر اوتار پیِر پَیغمبر کہن ویکھ پرکِرتی کل، بَیٹھی ڈیرہ لائیا۔ سجّن سجّناں نال کرن چھل، اچھل چھل تیرا بھے نہ کوئے رکھائیا۔ کوٹن کوٹ سادھ سنت جگت سِنگھاسن بَیٹھے ملّ، تیرا آسن سمجھ کوئے نہ پائیا۔ سَتجُگ تریتا دواپرکلجُگ تیرا نام سندیسہ سرِشٹ سبائی دِتا گھل، شاستر سِمرت وید پُران انجیل قرآناں کر لِکھائیا۔ دھام نیارا وسیا اٹل، پروردِگار سانجھے یار درگاہ ساچی سچکھنڈ دوارے ڈیرہ لائیا۔ جوتی جوت سروُپ ہرِ، آپ اپنی کِرپا کر، اِکو دے ساچا ور، تُدھ بِن آسا پوُر نہ کوئے کرائیا۔ گُر اوتار پیِر پَیغمبر کہن،
پربھ کلجُگ واسنا ہوئی کھوٹی، دُھر دا کرم نہ کوئے کمائیا۔ نِرمل جگے کوئی نہ جوتی، شبدی دُھن نہ کوئے شنوائیا۔ سُرت سوانی نہ اُٹھے سوتی، ہُلارا نام نہ کوئے دوائیا۔ وجےّ ناد نہ چؤداں لوکی، چؤدس چند نہ کوئے رُشنائیا۔ جھگڑا چُکےنہ ورن برن جننجو بودی، اِکو رنگ نہ کوئے سمائیا۔ لیکھا مکُے نہ گیانی بودھی، بُدھ بِبیک نہ کوئے کرائیا۔ ہِردا سکے نہ کوئے سودھی، سوُدھا سُدھاسر نہاون کوئے نہ جائیا۔ جگت واسنا ہوئے روگی، سچ طبیب سنگ نہ کوئے نِبھائیا۔ کامی کرودھی دِسن دھوبی، سیجا سچ نہ کوئے ہنڈھائیا۔ جوتی جوت سروُپ ہرِ، آپ اپنی کِرپا کر، کل انتم ویس وٹائیا۔ گُر اوتار پیِر پَیغمبر کہن پربھ ویکھ قرآنا، لوکمات دھیان لگائیا۔ تیرے نالوں ساریاں تُٹا یارانہ، یاری غَیراں نال لگائیا۔ تیرے پریم دا گائے نہ کوئی ترانہ، تُریا راگ نہ کوئے الائیا۔ ساچا وسے نہ ساڈھے تِنّ ہتّھ مندر مکانا، مندر مسجد شِودوالے مٹھ بھجّن تھاؤں تھائنیا۔ پرماتم آتم آتم پرماتم میل نہ کوئے مِلانا، مِلنی جگدیس نہ کوئے کرائیا۔ کلجُگ انتم نیتر ویکھ بدل گیا زمانہ، گُر پیِر ضمانت دے نہ کوئے چُھڈائیا۔ صدی ویہویں گُر اوتار ہوئے حیَرانا، حیَرانی سب دے اُتے آئیا۔ ساڈا نام دا بُھل گیا سرب پَیمانہ، کوُڑی پَیمائش وِچ سرب لوکائیا۔ کِرپا کر سِری بھگوانا، تُدھ بِن کارج راس کوئے نہ آئیا۔ پڑھ پڑھ تھکّی رسنا جِہوا زبانا، ظُلم ظالم سکے نہ کوئے ہٹائیا۔ جوتی جوت سروُپ ہرِ، آپ اپنی کِرپا کر، ہرِ جوُ اپنا حُکم ورتائیا۔ گُر اوتار پیِر پَیغبر کہن ویکھ پربھوُ جگ ریِت، نِرویَر دھیان لگائیا۔ جھگڑا پیا اوُچ نیِچ، ذات پات کرے لڑائیا۔ تیرے پریم اندر کوئی نہ جائے بھِیج، تن من سیجھ سانتک سَت نہ کوئے کرائیا۔ تیرے در دی لنگھے نہ کوئی دہلیز، جنگل جوُہ اُجاڑ پہاڑ ڈوُنگھی کندر ویکھن تھاؤں تھائنیا۔ پت پرمیشور تیری دھار انوکھی باریِک، جگت جھروکھے نظر کِسے نہ آئیا۔ تیرا کھیل دسے نہ کوئے تواریخ، طریقہ دے نہ کوئے جنائیا۔ تیرے در توں درویش ہو کے منگدے بھیِکھ، یاچک ہو کے جھولی ڈاہیِا۔ انتم تیری رکھ اُڈیِک، آسا آسا نال ودھائیا۔ تُدھ بِن سچّا دِسے نہ کوئی میِت، مِتر پیارا نظر کوئے نہ آئیا۔ تُوں مالک ہست کیِٹ، لکّھ چؤراسی رہیا سمائیا۔ ساچا ڈھولا تیرا گیِت، گوبِند نام پڑھائیا۔ تیَنوُں مِلیاں لیکھا چُک جائے مندر مسیِت، مسلیاں وِچوں کھوجن دی لوڑ رہے نہ رائیا۔ تیری سچ سوامی اِک پریِت، جُگ جُگ نظری آئیا۔ جوتی جوت سروُپ ہرِ، آپ اپنی کِرپا کر، کوُڑا لیکھا دے مُکائیا۔ گُر اوتار پیِر پَیغبر کہن ویکھ جگت نظارہ، نِرویَر ویس وٹائیا۔ انتم انت جگت کنارہ، نئیا نؤکا ڈولے تھاؤں تھائنیا۔ ساچا دِسے نہ کوئے سہارا، چپوُ ہتّھ نہ کوئے لگائیا۔ راہ
تکّن گُروُ اوتارا، نیتر اکھّ کھُلائیا۔ پیِر پَیغمبر کہن پروردِگارا، مدد تیری نظری آئیا۔ جُگ چؤکڑی جو دیندا رہیا لارا، شبدی کر شنوائیا۔ انوکھا کھیل کرکے لیکھ لِکھاؤندا رہیا بن لِکھارا، کاتب ہو کے قلم چلائیا۔ سو ویلا وقت سرب وِچارا، وار تھِت دئے گواہیِا۔ کر کِرپا ہرِ کرتارا، تیری کرنی توہے بھائیا۔ سرِشٹ سبائی ویکھ جگت سنسارا، سنساری ہو کے خوشی منائیا۔ چاروں کُنٹ سَت دھرم دا لگّے نہ کوئی نعرہ، جوتی جوت سروُپ ہرِ، آپ اپنی کِرپا کر، اِکو دینا دُھر دا ور، دُھر مالک تیرے ہتّھ وڈیائیا۔ گُر اوتار پیِر پَیغمبر کہن بُھلی تیری لوکائی، لایق نظر کوئے نہ آئیندا۔ مایا ممتا کیتے شُدائی، بُدھ بِبیک نہ کوئے رکھائیندا۔ جِنہاں کھادھی سوُر گائی، تِنہاں تیرا نوُر نظر نہ آئیندا۔ اندروں باہروں ہوئے جُدائی، آتم پرماتم جوڑ نہ کوئے جُڑائیندا۔ کایا مندر نہ وجےّ ودھائی، مِل مِل سخیاں گیِت نہ کوئے سُنائیندا۔ جوتی جوت سروُپ ہرِ، آپ اپنی کِرپا کر، نِرگُن دے دُھر دا ور، در ٹھانڈا تیرا نظری آئیندا۔ گُر اوتار پیِر پَیغمبر کہن پربھ ویکھ ساڈھے تِنّ ہتّھ مٹکا، کایا ماٹی اندروں ویکھ وکھائیا۔ جِس دے اندر کوُڑ کُڑیارا کھٹکا، سچ سُچ نہ کوئے سمجھائیا۔ جِنہاں نے کھادھا حلال جھٹکا، سو سارے بَیٹھے مکُھ بھوائیا۔ کِسے دے سیِس نہ دِسے بدھّا پٹکا، پٹوُ اوڈن نظر کوئے نہ آئیا۔ لیکھا ویکھ بہتّر ناڑی رتّ کا، رتی رتّ رہی کُرلائیا۔ لہنا چُکیا دھیِرج جت کا، سَت سنتوکھ سارے بَیٹھے گوائیا۔ بھانڈا پُھٹیا گُر کی مت کا، من منسا بَیٹھی ڈیرہ لائیا۔ منوُا ہو کے قلندر نچّدا، نؤ دوارے ویس وٹائیا۔ لیکھا چُکیا مکّے کعبےحج کا، حضرت سچ نہ کوئے مِلائیا۔ رہبر محبوُب کوئے نہ دسّدا، مَیخانے جام نہ کوئے پیائیا۔ تیرا مِلنا مکُیا تیِجی اکھّ دا، نِج نیتر نہ کوئے رُشنائیا۔ جھگڑا چُکیا نہ دُئی دوَیتی وٹّ کا، شاستر سِمرت وید پُران گیِتا گیان انجیل قرآن کھانی بانی سکیا نہ کوئے سمجھائیا۔ ایسے کارن گُر اوتار پیِر پَیغمبر تیرا راہ تکدا، تقویٰ اوٹ تیرے اُتے تکائیا۔ تُوں مالک آد جُگادی سب دا، نِت نوِت ہوئے سہائیا۔ جن بھگتاں پَیج رکھدا، سنتاں لئے ترائیا۔ گُرمکُھاں ہِردے وسدا، گھر گھر وِچ ڈیرہ لائیا۔ گُرسِکھاں اپنی گودی چکّدا، بال انجانے نال مِلائیا۔ لہنا دینا دیوے حقوحق دا، حقیِقت کھوجے تھاؤں تھائنیا۔ مارگ دسےّ اِکو سچ دا، کوُڑی کرے نہ کوئے پڑھائیا۔ لوُں لوُں اندر آپے رچدا، ساڈھے تِنّ کروڑ دئے سمجھائیا۔ ساڈا ویلا مکُیا جس دا، سرِشٹ سبائی ہوئی ہلکائیا۔ ہُن ویلا نہیں سُہاؤندا وکھّ دا، وِچھڑے اپنے نال مِلائیا۔ پریِتم جو تیرا نام جپدا، ہِردے اندر دِھیائیا۔ اوہ انتم تیرے پکّھ دا، تیرا روُپ وٹائیا۔ بِن تیرے خوشی نال کِسے نال نہیں ہسدا،
تیری ہستی ویکھ مستی لئے چڑھائیا۔ تیرے وِچھوڑے وَیراگ اندر بؤرا ہو کے نچّدا، دِوس رَین بھجےّ واہو داہیِا۔ تُدھ بِن کوئی نہ میلی ساچے اِکٹھ دا، دیِن مذہب پئی جُدائیا۔ ذات پات پت کوئی نہ رکھدا، گُر اوتار پیِر پَیغمبر گھر ساچے دین گواہیِا۔ جوتی جوت سروُپ ہرِ، آپ اپنی کِرپا کر، اِکو دے ساچا ور، صاحِب سجّن تُدھ بِن سنگی نظر کوئی نہ آئیا۔ گُر اوتار پیِر پَیغمبر کہن پربھ ویکھ اپنا پیار، پیاریاں وِچوں نظری آئیا۔ جِنہاں نوُں دھکّے دیوے سنسار، جگت کرے خوار، سجّن بَیٹھے مکُھ بھوائیا۔ اوہ اندرے اندر کرن پُکار، کایا مندر سچ وِچار، باہروں کھوجن کوئے نہ جائیا۔ تُوں مالک سِرجنہار، نِرگُن سرگُن اگمّی گُفتار، گُفت شنید تیرا کھیل نظری آئیا۔ تُوں یاراں دا یار، ایتھے اوتھے بنیں سہار، دو جہان تیری وڈیائیا۔ سنت سُہیلے پھڑ باہوں لئیں اُٹھال، لکّھ چؤراسی ویکھ وکھائیا۔ ناتا توڑ شاہ کنگال، سنت سجّن رنگ رنگائیا۔ گُرمکُھ ویکھ اگمّڑے لال، لالن اپنی دَیا کمائیا۔ گُرسِکھ جگت مایا وِچوں کر بحال، بندی خانہ دے کھُلائیا۔ تیرا چرن کَول سچ دوار سچّی دھرمسال، دوُجا مندر نظر کوئے نہ آئیا۔ جِتھے نمو نمو کرن شاہ کنگال، اوُچ نیِچ سارے سیِس جھُکائیا۔ پُرکھ ابناشی گھٹ گھٹ واسی سرب سوامی آ کے اپنی سرِشٹ سنبھال، ڈوری تیرے ہتّھ نظری آئیا۔ کوُڑی کِریا توڑ جنجال، جاگرت جوت جلوہ دے جمال، نوُرو نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، اِکو دے دُھر دا ور، مالک خالق پرِتپالک تیری اِک سرنائیا۔ گُر اوتار کہن پربھ وِشَو ویکھ اپنی کُل، کُلونتا ہو کے پھیری پائیا۔ تیری سِکھیا سارے گئے بُھل، جو گُر اوتاراں کری پڑھائیا۔ مایا اندر گئے رُل، مانک موتی قیمت سچ نہ کوئے جنائیا۔ غُنچیاں والے کھِل کے پُھل، پاتی پاتی رہی کُرلائیا۔ سِمل وانگ گئے ہُل، پھل پُھل سوبھا کوئے نہ آئیا۔ بےشک اِنہاں دے باہروں ہِلدے بُل، اندروں تیرا دھیان نہ کوئے لگائیا۔ امرت آتم سب دا گیا ڈُلھ، رس جام نہ کوئے پِلائیا۔ تیرے کنڈے ترازوُ نام کوئی نہ گیا تُل، جگ تکّڑ بَیٹھے ڈیرہ لائیا۔ جوتی جوت سروُپ ہرِ، آپ اپنی کِرپا کر، کل کلکی ویکھ وکھائیا۔ گُر اوتار پیِر پَیغمبر کہن کل کلکی، کل کاتی ویکھ وکھائیا۔ تیری کھیل ابچل کی، نگری اِکو سوبھا پائیا۔ تیری جوت اگمّی بلدی، بلدھاری تیری وڈیائیا۔ تیری کھیل اچھل اچھل دی، جُگ چؤکڑی سمجھ کِسے نہ آئیا۔ کلجُگ مایا کوُڑی کِریا جیِو جہاناں دلدی، دلِدر دِتا پائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، صاحِب سُلطان سِری بھگوان مِہربان مِہر نظر اِک اُٹھائیا۔ گُر اوتار کہن پربھ ویکھ وِچوں جھروکھے،
سچکھنڈ کُنڈا اِک کھُلائیا۔ کلجُگ انتم گُروُ ہو گئے بُہتے، بِن تیرے کاج راس کِسے نہ آئیا۔ سارے پڑھ پڑھ تھکّے پوتھے، پُستکاں کرن پڑھائیا۔ اندروں باہروں آپ تھوتھے، ہوچھی مت رکھائیا۔ جگت چڑھاؤندے نئیا نؤکے، آپ انتاروُ ڈُب ڈُب غوطے کھائیا۔ تیرا گیِت جگت سُناؤندے، آپ سمجھ کِسے نہ آئیا۔ مُلّا شیخ مسائک پنڈت پاندھے گرنتھی پنتھی وِکار کرن من بھاؤندے، وشیا وِچ بھرم بُھلائیا۔ تیری سیجا چڑھ کے موُل نہ سؤندے، ہرِ ہرِ کنت نہ کوئے ہنڈھائیا۔ ہنس روُپ وٹائے کاؤں کے، کاگ وانگ رہے کُرلائیا۔ دُرمت مَیل موُل نہ دھوندے، سَتگُر چرن دھوُڑی خاک نہ رمائیا۔ گھر وِچ گھر تیرا درس نہ پاؤندے، باہر کھوجن وانگ شؤدائیا۔ سُنجی منزل پندھ نہ کوئے مکاؤندے، جوتی جوت سروُپ ہرِ، آپ اپنی کِرپا کر، اِکو دیوے ساچا ور، سچ سوامی انتریامی تُدھ بِن مالک نظر کوئے نہ آئیا۔ گُر اوتار پیِر پَیغمبر کہن پربھ اُٹھ اُٹھ جاگ، تیرا جاگن ویلا آیا۔ جن بھگتاں بن کنت سُہاگ، ساچے سنتاں سیج سُہایا۔ گُرمکُھاں دے اِک وَیراگ، گُرسِکھاں اپنا رنگ رنگایا۔ کوُڑی کِریا کر تیاگ، وڈبھاگی اپنا درس وکھایا۔ گھر دیِپک جوت جگا چراغ، تیل باتی لوڑ رہے نہ رایا۔ شبد اگمّی مار آواز، سُرتی سُرت لئے اُٹھایا۔ اندر وڑ کے کھول راز، پڑدا دُئی دے چُکایا۔ لیکھا چُکےجگت نِماز، حُجرے سیِس نہ کوئے نِوایا۔ کِرپا کر وڈ نواب، محبوُب تیرا راہ تکایا۔ جوتی جوت سروُپ ہرِ، آپ اپنی کِرپا کر، اِکو دینا انتم ور، انتر آتم کھوج کھُجایا۔ گُر اوتار پیِر پَیغمبر کہن پربھ ویکھ اپنی آتم، انتر انتر دھیان لگائیا۔ تُوں مالک پرم پرماتم، پرم پُرکھ تیری وڈیائیا۔ تیرا کھیل اگمّی باطن، بےنظیِر تیری سرنائیا۔ شاستر سِمرت تیری صِفت صلاحِی آکھن، اکھّراں نال سمجھائیا۔ تُوں مالک خالق ساتھن، گہر گمبھیِر سدا سد اکھوائیا۔ لیکھا چُکا ذات پاتن، برہم پاربرہم سمجھائیا۔ کلجُگ میٹ اندھیری راتن، سَتجُگ سچّا چند چمکائیا۔ لہنا چُکےپرِتھمی آکاسن، گگن منڈل پُری لوء آکاشن، پرکاش تیرا نظری آئیا۔ جن بھگتاں بن ساتھن، شبد دے اگمّی راتھن، بن رتھواہی سیو کمائیا۔ کوئی لوڑ نہ رہے رسنا دین دی بھاشن، اندر وڑ کے اندروں لئے اُٹھائیا۔ تیری سرِشٹی تیری درِشٹی تُوں سب دا اِشٹی پرم پُرکھ پرماتم، آتم پرماتم بےپرواہیِا۔ پریم پیار دا جوڑ ناتن، رِشتہ اِکو اِک بنائیا۔ جوتی جوت سروُپ ہرِ، آپ اپنی کِرپا کر، ساچا دے دُھر دا ور، ور داتے پُرکھ بِدھاتے، تیری وست تیرے دوارے منگ منگائیا۔