پہلی کتّک ۲۰۲۱ بِکرمی ہرِ بھگت دوار جیٹھوُوال
گُر اوتار پیِر پَیغمبر ویکھ میرا اِشٹ، اِشٹ اپنا گئے بُھلائیا۔ سَتجُگ تریتا دواپرکلجُگ ویکھ کے اپنی فہرِشت، فَیصلہ تیرے ہتّھ رکھائیا۔ ناتا چھوڑ کے دوزخ بہِشت، سَورگ جنّت پندھ مُکائیا۔ لکّھ چؤراسی ویکھ کے جیِو جنت سرِشٹ ، صاحِب سچ سچ دِرڑائیا۔ کھُلی کِسے نہ ویکھی درِشٹ، پردہ سکیا نہ کوئے اُٹھائیا۔ من واسنا مت متوالی بھوگے گرِہست، کنت سُہاگی نار نہ کوئے ہنڈھائیا۔ نِت نوِت جو تیرے حُکمے اندر کر کے آئے بخش، بخشش رحمت تیری نظری آئیا۔ صدی بیِسویں سب دا چُکیا وقت، ویلا دئے گواہیِا۔ دُھر دا لیکھا کدے نہ ہووے وِچ فرق، فَیصلہ سب دا دے جنائیا۔ سِری بھگوان تیرے اُپر کِسے نہ کوئی ہرکھ، چِنتا سوگ نہ کوئے جنائیا۔ جُگ جُگ تیرا
سندیسہ دے کے آئے نِدھڑک، شاستر سِمرت وید پُران دین گواہیِا۔ سرگُن سرگُن نال لا کے آئے شرط، سوہنا رنگ وکھائیا۔ نِرگُن نِرویَر نِراکار نِرنکار آوے پرت، پت پرمیشور پھیرا پائیا۔ جِس دی چال نِرالی انوکھی وکھّری مٹک، چَھیل چھبیِلا نوُر خُدائیا۔ برہمنڈ کھنڈ پُری لوء دو جہان نہ جائے اٹک، زمیں اسمان چرناں ہیٹھ دبائیا۔ دُھر فرمان نؤجوان راج راجان جنائے سخت، سختی بےزبان آپ الائیا۔ بھگتاں میٹے جنم کرم دی حرص، ہَوس دئے گوائیا۔ غریِب نِمانیاں اُتے کرے ترس، مِہر نظر اُٹھائیا۔ کوُڑی کِریا بند کرے دھڑت، ہرِ کا نام ہٹّ نہ کوئے وِکائیا۔ شبد کھنڈا اُٹھائے اِکو کھڑگ، خالص اپنا رنگ رنگائیا۔ لیکھا چُکاوے رام بھرت، بھرم بھؤ آپ چُکائیا۔ اَدھوِچکارجو مانَس منُکھ رہے لٹک، جیِو جنت کھوج کھُجائیا۔ ویکھ وکھائے دھرنی دھَول دھرت، دھرم دھار بےپرواہیِا۔ پڑدا لاہ کے عرش فرش، دو جہاناں ہوئے سہائیا۔ جودھا سوُربیِر بن کے مرد، مردانہ اِک اکھوائیا۔ شتّری براہمن شوُدر وَیش ونڈے درد، دُکھیاں دُکھ اپنی جھولی پائیا۔ شرع قصائی چلا ئے نہ کوئی کرد، قتل گاہ نہ کوئے وکھائیا۔ راگ ناد ڈھولا سُنائے اگمّی طرز، چھتّی راگ سمجھ نہ پائیا۔ سچکھنڈ نِواسی کڈھ اپنی اوہ فرد، جِس دا لیکھا نِراکھّر وِچ لِکھائیا۔ تیرے در تے سارے دین آئے تیرا قرض، حِساب تیرے ہتّھ پھڑائیا۔ صدی ویہویں ویکھ کھیل اسچرج، اچرج تیری بنت نظری آئیا۔ کوُڑی کِریا چار کُنٹ غُبار گرد، گردش وِچ سرب لوکائیا۔ ساچے مندر ساڈھے تِنّ ہتّھ چڑھے کوئی نہ چڑھت، پاندھی پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ گُر اوتار پیِر پَیغمبر کہن پربھ پھول پوتھی، پُستک تیرے اَگے رکھائیا۔ سرِشٹ سبائی تیری کھوٹی، کلجُگ کوُڑ وڈیائیا۔ مندر چڑھیا سادھ کوئی نہ چوٹی، نیتر اکھّ نہ کوئے کھُلائیا۔ بھجےّ پِھردے خاطر روٹی، امرت جام رس نہ کوئے چکھائیا۔ سُرت سوانی سب دی ہو گئی کملی کوجھی، ملِے میل نہ بےپرواہیِا۔ کِسے کمّ نہیں آؤنا جننجوُ بودی، کیس سیِس جگدیس نہ کوئے وڈیائیا۔ بِن تیرے بھگتاں بنیا کوئی نہ سچّا کھوجی، کھوج کھوج تھکّی سرب لوکائیا۔ تُوں پرم پُرکھ اکال دُھر دا چوجی، چولا اپنا لیا بدلائیا۔ گُرمکُھاں دا بن کے آئیوں دھوبی، دُرمت مَیل دھوائیا۔ اندر وڑکے دِتی اپنی سوجھی، سوئی سُرت اُٹھائیا۔ بےشک طعنے دیون لوکی، چؤداں لوک پندھ دِتا مُکائیا۔ اَگے گھاٹی رہن نہ دِتی اؤکھی، رائے دھرم نہ دئے سزائیا۔ تیری ویکھ کے جگدی جوتی، گُر اوتار پیِر پَیغمبر سرب بِگسائیا۔ تیری خُماری سدا مدہوشی، مِسل جگت نہ کوئے جنائیا۔ نؤ سؤ چُرانوے چؤکڑی جُگ تُوں
رکھی آپ خاموشی، سُخن سَت نہ کوئے دِرڑائیا۔ دھنّ وڈیائی اوس رَوداس چمارے موچی، جِس نے سب دے مچلکے دِتے لِکھائیا۔ تُوں ویکھنہارا دوشی نِردوشی، نِرگُن سرگُن پھول پھولائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ گُر اوتار پیِر پَیغمبر کہن پربھ آہ لےَ اپنے گرنتھ، حرف حروُف تیری جھولی پائیا۔ چکّر گدا لےَ دُھر دا سنکھ، سُدرشن تیری سرنائیا۔ تیرے روُپ ویکھ اننت، بےانت تیرا جس گائیا۔ تُوں بودھ اگادھا دُھر دا پنڈت، آد جُگاد کریں پڑھائیا۔ در سوالی تیرے منگت، درویش سیِس جھُکائیا۔ صدی چؤدھویں سارے ہوئے ننگت، عیسیٰ موُسیٰ محمد رہے کُرلائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے سمجھائیا۔ گُر اوتار پیِر پَیغمبر کہن تیرا اِیمان، عملاں وِچ نہ کوئے جنائیا۔ آہ لےَ اکھّراں والی لِکھی قرآن، الف یے تیری جھولی پائیا۔ اسیں تکّیئے تیرا اوہ نِشان، بےنشان دینا سمجھائیا۔ جِتھے نہ کوئی شرع نہ اِیمان، نہ کوئی سجدہ سیِس جھُکائیا۔ نہ سندیسہ نہ پیَغام، نہ پَیغمبر کرے پڑھائیا۔ نہ ناتا نہ مِہمان، مِہربان اِکو نظری آئیا۔ جِتھے وسے نہ کدے شَیطان، جوتی جوت سروُپ ہرِ، آپ اپنی کِرپا کر، اِکو دے ساچا ور، در تیرے الکھ جگائیا۔ گُر اوتار پیِر پَیغمبر کہن تیرا پڑھیئے سبق، سنتھا اِکو سچّی بھائیا۔ تُوں نِگاہ بان ہو کے محبان بیِدوآیا پرت، سِری بھگوان سچّا شہنشاہیِا۔ نِج نیتر لوچن کر کے تیرا درس، بن داسی داس سیِس جھُکائیا۔ تیرا جلوہ تکّ کے اُتے عرش، آرزوُ اِک جنائیا۔ تیری رحمت وِچ نہ آوے فرق، فَیصلہ دے سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور سِر اپنا ہتّھ ٹِکائیا۔ گُر اوتار پیِر پَیغمبر کھولو بستے، ہرِ کرتا آپ جنائیا۔ کلجُگ جیِو جنت ویکھو مستے، کوُڑی کِریا نال رلائیا۔ ہرِ کے نام سب نے کیتے سستے، گُر گُر شبد کؤڈی ہٹّ وِکائیا۔ سادھ سنت دُھر دا مارگ موُل نہ دسّدے، اپنا آپ رہے وڈیائیا۔ نؤ دوارے سارے وسدے، ساچے گھر بہہ خوشی نہ کوئے منائیا۔ کام کرودھ لوبھ موہ ہنکار نال ہسدے، سَتگُر شبد نہ کوئے شنوائیا۔ پرم پُرکھ پرماتم کولوں دوُر دوُر نسدّے، نیڑے ہو نہ درسن پائیا۔ مالک بن کے تت اٹّھ دے، نؤ دوارے بَیٹھے کھُلائیا۔ کوئی بھیوَ نہ جانے اپنے گھٹ دے، گھٹیِا ہو کے اپنا آپ رہے گوائیا۔ منکیاں نال مالا جھوُٹھی رٹدے، ہِردے ہرِ نہ کوئے وسائیا۔ بِن تیریاں بھگتاں سچّا لاہا کوئی نہ کھٹدے، کھٹکے وِچ سرب لوکائیا۔ رسنا جِہوا جگت حلالی کھاندے جھٹکے، جھٹکا من نہ کوئے کرائیا۔ کوئی رنگ نہ جانے ساچے پِت دے، پت پرمیشور تیری سیج نہ کوئے ہنڈھائیا۔ جگت ناتے کوُڑی
اکھّ دے، گُرمکُھ انتر اکھّ اِکو نظری آئیا۔ سو سجّن سُہیلے جو تیرے اندر وسدے، واسطہ تیرے نال جُڑائیا۔ پیِر پَیغمبر گُر اوتار اوہناں دے لیکھے دسّدے، جِنہاں مِلیا بےپرواہیِا۔ اوہ چیلے گُروُ مالک اوس سمرتھ دے، جِس دی سمسّیا سمجھ کِسے نہ آئیا۔ سچ دوارے اوتھے وسدے، جِتھے وصل بےپرواہیِا۔ اوہ مالک حقیِقت حق دے، جِنہاں حاکم مِلیا نوُر خُدائیا۔ گُر اوتار پیِر پَیغمبر کہن پربھوُ تیرے در تے لیکھے نہیں شکّ دے، شِکوے سارے دِتے گوائیا۔ دھنّ وڈیائی جو تیرے تیَنوُں ویکھ کدے نہ تھکدے، نِت نوِت تیری اوٹ رکھائیا۔ اوہ بُھکھے تیرے جس دے، وید پُراناں گئے بُھلائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُر اوتار پیِر پَیغمبر اپنی دسّن صلاح، صاحِب سچ جنائیا۔ جُگ چؤکڑی پھیرا آئے پا، ہوکا دے کے جگت لوکائیا۔ تیرا پربھوُ دِرڑا کے آئے ناں، ناؤں نِرنکارا اِک سمجھائیا۔ ساڈھے تِنّ ہتّھ کایا مندر پڑدا آئے کھُلا، خالص تیرا بھیو جنائیا۔ ربّی نوُر رہبر اِک خُدا، خُد مالک ہر گھٹ تھائنیا۔ جِس نالوں ہوئے جُدا، سو انتم اپنے وِچ مِلائیا۔ جُگ چؤکڑی شاستر سِمرت وید پُران انجیل قرآن کھانی بانی دسّدی بِدھا، بندنا سارے رہے کرائیا۔ بِن تیری کِرپا سِری بھگوان تیَنوُں کوئی نہ ملِے سِدھا، اگلا پِچھلا پندھ چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہر نظر اِک اُٹھائیا۔ گُر اوتار پیِر پَیغمبر کہن آ ویکھ پربھوُ اوہ لِکھت، جِسدا اکھّر سمجھ کوئے نہ پائیا۔ گوبِند ارباں کھرباں وِچوں تھوڑا دسّیا بھوِکھت، ضرباں نال نہ کوئے سمجھائیا۔ تیرا حُکم ویکھ اسیں سارے اپنیاں گدیاں توں آئے خِسک، صدیاں بَیٹھے تیرا راہ تکائیا۔ در آیاں موُل نہ دیویں جھِڑک، جھگڑا ہور رکھائیا۔ اساں وِرول ویکھیا سمُند ساگر رِڑک، مِندرا سیو کمائیا۔ بِن تیری کِرپا کوئے نہ کرے ترس، رحم نہ کوئے کمائیا۔ جوتی جوت سروُپ ہرِ، آپ اپنی کِرپا کر، دُھر دا دے اِک ور، در بَیٹھے سیِس نِوائیا۔ سِری بھگوان کہے سُنو پَیغمبر پیِر گُروُ اوتار، گہر گمبھیِر جنائیا۔ چار جُگ دا جو پِچھےدِتا اِختیار، اِشتہاراں وِچ سمجھائیا۔ صدی ویہویں سب دا چُکیا گیا اِعتبار، آئت شرائط نہ کوئے رکھائیا۔ دو جہاناں مدد نہ کوئی مددگار، مُدّت سب دی گئی وِہائیا۔ اپنا اپنا لیکھا سارے لوَو نِکال، نِکّیاں وڈّیاں نال رلائیا۔ بچیا رہے نہ کوئی دسرتھ بیٹا رام، کاہن کرِشن نہ بھیو چُھپائیا۔ عیسیٰ موُسیٰ محمد دینا نہ کوئی الزام، اعظم اپنا حُکم منائیا۔ نانک گوبِند ویکھے کھیل مہان، مِہربان ویس وٹائیا۔ بھیو چُکا کے شاستر سِمرت وید پُران، انجیل قرآناں پڑدا لاہیِا۔ لکّھ چؤراسی اندر وڑ کے مندر چڑھ کے ویکھے سچ
اِمام، کامل عامل عملاں وِچ نظر کوئے نہ آئیا۔ سَت سَتوادی برہم برہمادی شبد انادی کلمہ پڑھے نہ کوئے کلام، کُتبخانے دین گواہیِا۔ چؤداں لوک چؤداں طبق صدی چؤدھویں چؤداں وِدیا سنبھال نہ سکے کوئی نِظام، نؤبت سچ نہ کوئے وجائیا۔ کلجُگ سادھ سنت ہوئے بدنام، بدی گھر گھر ڈیرہ لائیا۔ ساچا نظر نہ آئے کِسے نام، سندیشہ حق نہ کوئے جنائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ گُر اوتار پیِر پَیغمبر پھولن ورقے، پتّرا پتّرا رہے اُلٹائیا۔ سِری بھگوان آئے تیرے در تے، درد دُکھ بھنجن ہو سہائیا۔ اسیں لیکھے دسّیئے گھر گھر دے، لکّھ چؤراسی کھوج کھُجائیا۔ کوٹن کوٹ جیِو نِت نِت مردے، مر مر جمّن چائیں چائنیا۔ کوٹن کوٹ تیرا اکھّراں والا نام پڑھدے، رسنا جِہوا بتّی دند صلاحیِا۔ کوٹن کوٹ پربت چوٹی چڑھدے، سمُند ساگر ڈوُنگھی کھائی آسن لائیا۔ کوٹن کوٹ پانی ٹھردے، کوٹن کوٹ اگنی تن جلائیا۔ کوٹن کوٹ مندر مسجد شِودوالے وڑدے، گُروُدوار بھجّن واہو داہیِا۔ کوٹن کوٹ سجدے نِیوں نِیوں کردے، دھوُڑی خاک رمائیا۔ کوٹن کوٹ گُروُ چیلے بندے، سادھ سنت بھیکھ وٹائیا۔ کوٹن کوٹ دیِن مذہب وِچ بَیٹھے لڑدے، شتّری براہمن شوُدر وَیش ونڈ ونڈائیا۔ کوٹن کوٹ تیَنوُں پِھرن لبھدے، تھل ساگر ویکھ وکھائیا۔ گُر اوتار پیِر پَیغمبر کہن بِنا بھگتاں پربھوُ تیرے در کوئی نہ پھبدے، سنمکُھ ہو نہ درشن پائیا۔ نؤ سؤ چُرانویں چؤکڑی جُگ پِچھوں پت پرمیشور تیرے میلے لبھدے، لوکمات وجےّ ودھائیا۔ گُر اوتار پیِر پَیغمبر کوٹن کوٹ تیرے در تے کردے سجدے، ساہ ساہ دِھیائیا۔ تیرے بھگت تیرا نام لےَ کے گجّدے، غزل ڈھولا نغمہ نام اِک سُنائیا۔ بِن ڈنڈے پؤڑھیؤں منزل اوس چڑھدے، جیہڑی ہتّھ کِسے نہ آئیا۔ جے نہ منیں اوہ تیرے نال لڑدے، داعوے بچّیاں وانگ رکھائیا۔ جِناں چِر بھیوَ نہ دسّیں اپنے گھر دے، پڑدا سچ اُٹھائیا۔ تیرا وِچھوڑا موُل نہ جردے، جھلّی نہ جائے جُدائیا۔ تیرے در دے ہو کے بردے، بندیخانے گئے تُڑائیا۔ اوہ نہ جیِندے نہ کدے مردے، مریاں تیری گودی بہکے خوشی منائیا۔ اسیں ویکھے کھیل اگمّی ہرِ دے، ہرِجوُ اپنی کھیل رچائیا۔ امرت میگھ پُھہارے ویکھے ورھدے، کروڑ چھیانویں میگھلا نَین شرمائیا۔ جوتی جوت سروُپ ہرِ، آپ اپنی کِرپا کر، جن بھگتاں وکھا اِک گھر، جِس گھر بہہ بہہ خوشی منائیا۔ گُر اوتار پیِر پَیغمبر کہن آ پڑھ لےَ اپنا اکھّر، آخر دِتا جنائیا۔ کلجُگ انتم کِسے نوُں سُٹیا روڑی سکھّر، سخیاں والا کاہن اپنی اُنگلیاں نال رکھائیا۔ کِسے نوُں کرکے اپنے نالوں وکھّر، وکھّرا ساڈھے تِنّ ہتّھ مکان دِتا بنائیا۔ کِسے نوُں فؤج دے کے
لشکر، لہِندی دِشا خوشی جنائیا۔ کِسے دا لہنا جانے تشکر، طالب بےپرواہیِا۔ کِسے نوُں پڑھن گھلایا مکتب، اکھّراں نال سمجھائیا۔ کِسے نوُں کھڑگ کھنڈا سمجھا کے کرتب، قتل گاہ وڈیائیا۔ کِسے دے ہتّھ پھڑاکے دھنش، چِلّہ کمان چڑھائیا۔ کِسے دے کولوں کُہا کے اپنا بنس، بنسری نام سُنائیا۔ کِسے نوُں مکُھ لگاکے سہنس، سہنسر جِہوا راگ الائیا۔ کِسے نوُں بنا کے اپنی انس، گوبِند ناؤں پرگٹائیا۔ کِسے نوُں واڑ کے وِچ جنّت، بہِشتاں وِچ بھوائیا۔ کِسے نوُں سمجھا کے دُھر دا کنت، نار اِک وکھائیا۔ کِسے نوُں لا کے اپنے انگت، گودی لیا ٹِکائیا۔ کِسے نوُں وڈیائی دے وِچ جیِو جنت، جنک روُپ سمائیا۔ کِسے نوُں سمجھایا واسی پُری گھنک، شاہ پاتشاہ سچّا شہنشاہیِا۔ سب دے کولوں رکھکے اپنا انت، اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شاہ پاتشاہ وڈّی وڈیائیا۔ کِسے نوُں دسّیا گھنک پُر واسی، صاحِب اِک جنائیا۔ کِسے نوُں دسّیا جوت پرکاسی، نوُرو نوُر خُدائیا۔ کِسے نوُں دسّیا ہر گھٹ واسی، لکّھ چؤراسی رہیا سمائیا۔ سب توں وکھّرا اپنی کرے اگمّی بدمعاشی، جِس دی سمجھ کوئے نہ پائیا۔ جُگ چؤکڑی کھیل کیا بؤہ بھاتی، بھانے وِچ لوکائیا۔ کِسے نوُں مات پِتا کِسے نوُں بھَین بھئیا کِسے نوُں ساک سجّن بناؤندا رہیا چاچی، چَیہچہا کرکے اپنی کھیل کھِلائیا۔ کِسے نوُں پُھپھی کِسے نوُں ماسی، کِسے نوُں منزل کِسے نوُں واٹی، کِسے نوُں دِوس کِسے نوُں راتی، کِسے نوُں گلّیں کِسے نوُں باتی، سب نوُں بھرماں وِچ بھوائیا۔ کِسے نوُں سیجا کِسے نوُں کھاٹی، کِسے نوُں مندر کِسے نوُں ہاٹی، کِسے نوُں تیِرتھ کِسے نوُں تاٹی، کِسے نوُں منزل کِسے نوُں واٹی، کِسے نوُں پوُجا کِسے نوُں گاتھی، کِسے نوُں کملاپاتی کرکے گیا سمجھائیا۔ کِسے نوُں گرنتھ کِسے نوُں ساکھی، کِسے نوُں کتھا کِسے نوُں بھاکھی، کِسے دی سوپنا کِسے دی راکھی، کِسے دا پڑدا کِسے دی تاکی، طاقتور ہو کے رہیا کھُلائیا۔ کِسے نوُں بندہ کِسے نوُں خاکی، کِسے نوُں گندہ کِسے نوُں آبی، کِسے نوُں چندا کِسے محتابی، کِسے نوُں مستی کِسے نوُں شرابی، کِسے نوُں ہستی کِسے نوُں آدابی، سجدہ سرب کرائیا۔ کِسے نوُں سیِس کِسے جگدیس، کِسے نوُں کلمہ کِسے حدیِث، کِسے نوُں راگ کِسے نوُں گیِت، کِسے نوُں ہار کِسے نوُں جیِت، کِسے نوُں مندر کِسے مسیِت، آپ سب توں وکھّرا بہکے کھیل وکھائیا۔ کِسے نوُں جوڑا کِسے نوُں گھوڑا، کِسے نوُں کلغی کِسے نوُں توڑا، کِسے نوُں جوبن کِسے نوُں بانکا چھوہرا، شہنشاہ اپنا حُکم ورتائیا۔ کِسے نوُں نام کِسے نوُں جام، کِسے نوُں رام کِسے پیَغام، کِسے نوُں سجدہ کِسے سلام، کِسے نوُں مندر کِسے مقام، کِسے نوُں اندر کِسے نِشان، نِشانہ
اپنا بَیٹھا چُھپائیا۔ گُر اوتار پیِر پَیغمبر سارے کرکے حیَران، حَیرت وِچ سرب جنائیا۔ اُٹھو ویکھو آ کے کھیل مہان، ہرِ کرتا رہیا کرائیا۔ نالے کھولو بستے تمام، ترتیب وار سمجھائیا۔ ساچا دسّو کیہڑا رام، کاہن کَون وڈیائیا۔ ساچا دسّو کَون پَیغمبر دیوے پیَغام، کَون کرے شنوائیا۔ ساچا دسّو کَون سَتنام، سَت سَت رہیا سمائیا۔ سارے کہن پربھ تیرے بِنا کوُڑ نِشان، اکھّراں والا نام سارے آئے گائیا۔ جاں تیرے در تے تکّیا اساں سُنیا اوہ کلام، جِسدی اکھّر صِفت نہ کوئے سمجھائیا۔ اسیں ویکھ کے ہوئے حیَران، ہرِ جوُ ایہہ کی بنت بنائیا۔ تیرے چرن کَول بَیٹھے تکّے تیرے بھگت بال انجان، انجانے انجن اِکو نیتر پائیا۔ جِنہاں نوُں لکّھ چؤراسی وِچوں دِتی اپنی آپ پہچان، بےپہچان بھیوَ کھُلائیا۔ رل مِل تیرا ڈھولا گاؤندے گان، گیِت گوبِند الائیا۔ اِنہاں دا لیکھا چُکیا پَون مسان، مڑھی گور پندھ مُکائیا۔ انتم سِدھے تیرے در تے آن، راہ وِچ نہ کوئے اٹکائیا۔ ۲۰۲۱ بِکرمی پِچھوں گُر اوتار پیِر پَیغمبر اِنہاں دا بِبان جان اُٹھان، سیوک ہو کے سیو کمائیا۔ کِیوں تُوں اِنہاں نوُں آپ دِتا فرمان، فُرنا پِچھلا رہن نہ پائیا۔ اِکو دسّکے اِشٹ اِیمان، دھرم دِرڑھ دِتا دِرڑائیا۔ کاغذاں والی بُھل گئے کلام، حُکمے وِچ سمائیا۔ جگت سرِشٹی وِچ ہو کے بدنام، تیرے بندیخانے وِچ اپنا آپ بند کرائیا۔ ایہو جِہا سوہنا سُہنجنا ویکھ تیرا نِظام، سارے خوشی منائیا۔ کر کِرپا جِنہاں دے کوٹ جنم دے بخش دِتے جرائم، دوشی رہن کوئے نہ پائیا۔ پربھوُ بن کے آپ سچّا کِرسان، گھر گھر کایا مندر اندر اپنا ہل دِتا چلائیا۔ امرت سِنچ ساڈھے تِنّ ہتّھ مکان، غُنچہ پُھل دِتا کھِلائیا۔ لکّھ چؤراسی وِچوں اینہاں دی مہک سب نے لئی پہچان، گُر اوتار پیِر پَیغمبر بُھل کوئے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سدا سدا سدا سد سہج سُکھدائیا۔ گُر اوتار پیِر پَیغمبر کہن اسیں لِکھیا لیکھ انوکھا، اِک تیَنوُں ہرِ سمجھائیا۔ تیریاں بھگتاں نال کوئی نہ دھوکھا، دھوُاں دھار نہ کوئے جنائیا۔ جِنہاں نوُں مانَس جنم لکّھ چؤراسی وِچوں تیرے مِلن دا مِلیا مؤقع، مُکمل ناتا گئے جُڑائیا۔ اوہناں مارگ مِلیا دُھر دا سؤکھا، منزل پندھ بیٹھے مُکائیا۔ انتم انت انت اوہ کدے نہ مناؤن ہؤکا، ہائے ہائے نہ کوئے جنائیا۔ جِنہاں دے آون خاطر اپنا صاف کر کے رکھیا چنؤنکا، چاروں کُنٹ اِکو نوُر رُشنائیا۔ تیرا دھام پربھوُ سوہنا نالوں پٹنے پؤنٹا، پاٹل تیرے ہتّھ وڈیائیا۔ گوبِند اکھّ کھُلی لا کے ڈھؤنکا، ڈھئیا تیرا گیا وِہائیا۔ جِس دا نام نگارا وجےّ اِکو دھؤنسا، زمیں اسمان دُہائیا۔ جوتی جوت سروُپ ہرِ، آپ اپنی کِرپا کر، سب دا لیکھا دینا چُکائیا۔ گُر اوتار پیِر پَیغمبراں کڈھی اوہ سطر،
جو ڈھائیاں وِچوں اَدھی نظری آئیا۔ جِس نوُں سمجھ نہ سکے کوئی بُدھیِوان چتُر، عقل اصل نہ کوئے سمجھائیا۔ جِس دی کھوج کِسے نہ آئی فِکر، فِقرے صِفتی گئے سُنائیا۔ جِس نے گُر اوتاراں پیِر پَیغمبراں لوائی ٹّکر، شرع مذہب بندھن پائیا۔ جِس نے لکّھ چؤراسی کیِتی پھٹّڑ، پٹّی نام نہ کوئے بندھائیا۔ جِس نے دو جہان تولیا تکّڑ، کنڈا اِک وکھائیا۔ جِس نے تت وِرولیا بجر کپاٹی وِچوں پتّھر، پڑدا اِک چُکائیا۔ اوس دا وکھّرا نِرالا اکھّر، شکل وِچ نہ کوئے سمجھائیا۔ اوس دا سوال حل نہ ہووے وِچ کسر، اعشاریہ نال نہ کوئے جنائیا۔ جِس دی سایہ ہیٹھ کردے رہے اپنا آپ بسر، جو وِچھڑیاں رہیا مِلائیا۔ اوس دے نام دا سب دے اندر ہووے اثر، اصلیّت دئے جنائیا۔ جِس دا پسارا رہیا پسر، سو پاسا دئے اُلٹائیا۔ مارگ وکھّرا دسّ انوکھا چوٹی چڑھ کے ویکھے سِخر، ساکھیات بےپرواہیِا۔ دُھر سندیسہ نر نریشا دیونہارا اگمّی پتر، پاتی کملاپاتی اِک جنائیا۔ جوتی جوت سروُپ ہرِ، آپ اپنی کِرپا کر، گُر اوتاراں رہیا جنائیا۔ سطراں وِچوں سطر لبھی اَدھی، ادھیاپک سمجھ کوئے نہ پائیا۔ جِس دے نال گُر اوتاراں پیِر پَیغمبراں دی چلدی رہی گدّی، گداگر ہو کے لوکمات الکھ جگائیا۔ تانا پیٹا کبیِر جُلاہے چلدی رہی کھڈّی، کھٹکا سرب مُکائیا۔ رَوداس چمارا پانہا گنڈھن لگّا زمین تے رگڑدا رہیا اڈّی، تند انگوُٹھے وِچ چُھہائیا۔ گُر اوتار پیِر پَیغمبر کھیل کے گئے جگت کبّڈی، حد اپنی ہتّھ لگائیا۔ پار کنارہ ہرِ نِرنکارا دسّدے رہے ویہویں صدی، سدّے نال جنائیا۔ کرے کھیل سمرتھ پُرکھ سوُرا سربگی، سرب کلا وڈیائیا۔ کلجُگ ویکھے انتم اگّ لگّی، ترےَ پنج تت جلائیا۔ سرگُن چولا لاہ کے اپنی جھگّی، نِرگُن نوُر کرے رُشنائیا۔ پار کنار پوُرب حدی، پچھّم پندھ مُکائیا۔ سچ پریِتی جِنہاں لگّی، بِن لگاں ماتراں دئے سمجھائیا۔ تِنہاں گرِہ جوت اگمّی جگی، جاگرت دئے جنائیا۔ جِنہاں دی سُرت اُٹھائی دبّی، پڑدا پراں ہٹائیا۔ امرت دھار وہا کے ندی، نؤکا نام دِتی چلائیا۔ اوہناں دی پُشت سُہنجنی جدّی، یاد پِچھلی اپنے نال مِلائیا۔ گُر اوتاراں پیِر پَیغمبراں فہرِست اوہناں دی کڈھی، جو جُگ جُگ پربھ دا راہ تکائیا۔ کلجُگ انتم رنگن جِنہاں رنگی، رنگ رنگیِلا پایا بےپرواہیِا۔ بندگی والی کٹکے اوہناں بندی، بندے اپنے لئے بنائیا۔ اوہ بھگت سہیلی سب توں چنگی، جِس دیاں چنگیائیاں پربھ اپنے نال رلائیا۔ اوسدا بھوُشن بستر سُہنجنی ہوئے انگی، انگیکار اِک اکھوائیا۔ پتت اُدھارن پَیج سوارن لیکھے لائے وڈّے چھوٹے بال بِناں دندی، دہ دِشا ہوئے سہائیا۔ تن گاترے ٹِکائے اپنے نام دی چنڈی، چنڈال کوُڑا دئے کڈھائیا۔ سرِشٹ سبائی
کرکے اندھی، اندھیرا چاروں کُنٹ وکھائیا۔ کِسے نوُں مان دواکے اُپر منجی، کِسے نوُں ٹلّیِاں وِچ بندھائیا۔ کِسے نوُں نال لٹکاکے کندھی، تصویِر تصوّر جگت دِتی کرائیا۔ کِسے نوُں تن بناکے سنگی، پنج تت کھیل وکھائیا۔ کِسے نوُں جل دھارا دسّ کے ماتا گنگی، گوداوری جمنا سُرستی نال رلائیا۔ کِسے نوُں پا کے سُکھمن والی ڈنڈی، بھیِڑی گلی پِھرائیا۔ کِسے نوُں تت وِکارے واڑ کے جھنگی، ہؤمے بیلے وِچ پھسائیا۔ کِسے نوُں ستار وجا کے تند تندی، رباب دِتی سُنائیا۔ کِسے نوُں پنج شبد سُناکے انہدی، حد وِچ دِتا پھسائیا۔ کِسے نوُں صوُرت دے کے چنگی، سُرتال نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل بن بہُہ ڈھنگی، ڈھنگے سب نوُں دِتے پائیا۔ کِسے نوُں پایا نام ڈھنگا، ڈوری تند بندھائیا۔ کِسے نوُں ناد سُنایا سُرنگا، کِسے نوُں بنسری نال پرچائیا۔ کِسے نوُں وِچ نُہایا گنگا، کِسے توں چمڑے دِتے گنڈھائیا۔ کِسے دے ہتّھ پھڑاکے کھنڈا، کِسے دے سیلی ٹوپی سیِس ٹِکائیا۔ کِسے نوُں دے کے انتر انندا، انند منگل دِتا جنائیا۔ کِسے نوُں دسم دواری دسّیا چنگا، کِسے نوُں امرت رس پیائیا۔ کِسے نوُں سُرتی شبدی پا کے پھندا، پھاندکی کھیل رکھائیا۔ کِسے نوُں چاڑھکے نِکاّ ڈنڈا، ڈنڈؤت اِکو دِتی جنائیا۔ کِسے نوُں سوُرج چند نالوں پرکاش دے کے چنگا، باراں باراں دِتے جنائیا۔ کِسے نوُں ہنگ برہم دسّیا دھندا، دھندے دِتا لگائیا۔ جو ساڈھے تِنّ ہتّھ بن کے آیا بندہ، تِس نوُں بندگی وِچ لگائیا۔ آپ بن کے سوُرا سربنگا، سچکھنڈ ساچے ڈیرہ لائیا۔ جُگ چؤکڑی نِت نوِت پُرکھ اکال سب دے نال ہنڈھا، کوٹن کوٹ گُر اوتار پیِر پَیغمبر ناری روُپ وٹائیا۔ کلجُگ انتم جن بھگتاں وقت سُہنجنا چنگا، چاندنی چؤک نالوں سوبھا پائیا۔ جِنہاں دے اندر گوبِند رکھیا کھنڈا، دوویں دھار اپنے ہتّھ رکھائیا۔ اوہناں دا آون جاون پندھ مکُیا گنگا، گلی گلی ہوکا دے نہ کوئے سُنائیا۔ پوُجا پاٹھ دا چُکیا دھندا، دھؤل مار کے دھَول اُتوں پار لنگھائیا۔ ایس کھیل نوُں سمجھ کی سکے بندہ، جو بندیاں وِچوں بندہ ہو کے ماں پیو دا پوُت اکھوائیا۔ اوہ کی جانے اوس انندا، جِس انند وِچوں انند پُری والا پھیرا پائیا۔ اوسدا اگمّی اِکو کنڈھا، کنڈھی کوٹن کوٹ بَیٹھے نَین اُٹھائیا۔ دھنّ وڈیائی جِنہاں بھگتاں سُنیا اوس دا چھندا، مُچھندگی اَگے رہی نہ رائیا۔ جوتی جوت سروُپ ہرِ، آپ اپنی کِرپا کر، جن بھگت رہیا ترائیا۔ گُر اوتار پیِر پَیغمبر کہن پربھ نظری آئی لکیِر، نِمھی نِمھی کرے رُشنائیا۔ جِس دے وِچ تیری تصویِر، مُصوّر تصوّر کر نہ کوئے سمجھائیا۔ جاں غؤر نال تکّیا تُوں بھگتاں بغلگیِر، دامن اپنے وِچ رکھائیا۔ تیرا شبد سچّی
شمشیِر، شہنشاہ نظری آئیا۔ جِس دے تھلّے کوٹن کوٹ سر سجدے کر کر پڑھن تکبیِر، تدبیِر رہے سمجھائیا۔ تیرا کھیل بےنظیِر، نظراں وِچوں نظر دئے بدلائیا۔ تُوں داتا گہر گمبھیِر، گَور تیری شرنائیا۔ تیرے دوارے بِن بھگتاں کوئے نہ آئے گھت وہیِر، دوُر دُراڈا پندھ مُکائیا۔ کلجُگ سادھ سنت ویکھے جِنہاں دیِن مذہب شرع دا بجھّیا زنجیر، اکھّراں نال پریِت لگائیا۔ نہ اوہ مُرشد نہ اوہ پیِر، مُریِداں وِچوں مُریِد نہ کوئے بنائیا۔ کوٹن کوٹ جنم اَگے پِھرن دِلگیِر، دردی نظر کوئے نہ آئیا۔ اُف ہائے طوبیٰ بدلے نہ کوئے تقدیِر، دروہی سکے نہ کوئے بچائیا۔ جِس دھن دؤلت نوُں سمجھدے رہے جاگیر، سو جاندی واری کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے ویکھ وکھائیا۔ گُر اوتار پیِر پَیغمبر کہن پربھ لبھے تھوڑے، چارے جُگ دھیان لگائیا۔ کر کِرپا جِنہاں اپنے نال جوڑے، آتم پرماتم میل مِلائیا۔ شبد اگمّی چاڑھے گھوڑے، نوَ نؤ چار پار کرائیا۔ جو ڈھولے گاون تیرے دوہرے، دُھر دا راگ سُنائیا۔ سو بالے بانکے بنے چھوہرے، جوبن اِکو رنگ وکھائیا۔ ایتھے اوتھے دو جہان نَویں نکورے، پاٹا چیِتھڑ نظر کوئے نہ آئیا۔ سدا سدا سدا سد تیری رکھن لوڑے، ناتا جگت کوُڑ تُڑائیا۔ جوتی جوت سروُپ ہرِ، آپ اپنی کِرپا کر، ساچا میلا لَینا مِلائیا۔ گُر اوتار پیِر پَیغمبر کہن مِلیا اِک حرف، حلفیہ بیان دے کے سارے رہے جنائیا۔ جِس دا فَیصلہ یکطرف، یکے بعد دیگرے پھیر کوئے نہ آئیا۔ مارگ دُھر دا تیری سِدھی سڑک، سوادھان کرکے دے جنائیا۔ تیرے بھگت منگن تیرا درس، نِج نیتر نَین اُٹھائیا۔ کل کلکی کر ترس، مِہربان ہو سہائیا۔ دُکھ درد دلِدر دے ورج، وجہ اپنی نال بدلائیا۔ تیرا کوئی نہ ہووے حرج، تُوں داتا بےپرواہیِا۔ کوُڑی کِریا پھیر کے کرد، سوہنا مندر دے سُہائیا۔ تیرے نام دی لہر اُٹھے طرز، تال اِکو دے سُنائیا۔ تیرے بھگتاں نوُں تیرے مِلن دی غرض، غضب کِیوں بَیٹھا مکُھ چُھپائیا۔ گُر اوتار پیِر پَیغمبر سارے تیرے مگر، پِچھےبھجّن واہو داہیِا۔ بھاگ لگا کایا ماٹی گاگر، ساڈھے تِنّ ہتّھ سوبھا پائیا۔ تیری قدم بوسی کریئے اُتے قدم قدم، عدم ادل بدل اپنا دے سمجھائیا۔ اوہ پربھوُ تیرے پَیر وِچ نِشانی نہیں ہُن پدم، پتے اپنے دے دِرڑائیا۔ تیرا تت نہ کوئی بدن، پنچم رنگ نہ کوئے رنگائیا۔ گُر اوتار پیِر پَیغمبر کہن اسیں سارے کرکے یتن، تیرا یتھارتھ سکے نہ کوئی سمجھائیا۔ پتہ نہیں تُوں کیہڑے چلکے آیا وطن، مقام اپنا دے دِرڑائیا۔ تیرا ویکھیا انوکھا اِکو پتن، کھیوٹ کھیٹے بےپرواہیِا۔ فرید روندا ویکھیا پاک پٹن، پٹنے والا دیندا گیا دُہائیا۔ پرم پُرکھ پرماتم کلجُگ انتم آوے پت رکھن،
راکھا ہو کے ہوئے سہائیا۔ گُرمکُھ آئے گودی چُکن، چکنا چوُر کرے لوکائیا۔ جیہڑی گُر اوتار پیِر پَیغمبراں دے اندر ہانڈھی اُتے دِتا ڈھکّن، سو بھگتاں اُتوں دے اُٹھائیا۔ لکّھ چؤراسی وِچوں ورول کے مکھّن، گُرمکُھ پیار پریم خوشیاں نال کھائیا۔ اوہ سنت سُہیلا سوہنا بنے فقر، جِس فَیصلہ آپ جنائیا۔ ایتھے نہیں وڈیائی کوئی اشٹابکر، جنک بَیٹھا سیِس نِوائیا۔ کؤن سِری بھگوان نال لگائے ٹکّر، جو ٹکیاں نالوں سب دی قیمت دئے گھٹائیا۔ کِسے نوُں اپنی بوُند بنایا قطر، کِسے نوُں قطریاں وِچوں قطرہ دِتا جنائیا۔ ایسے کرکے سِری بھگوان دا کردے گئے شُکر، شہنشاہ کہ کے جگت سُنائیا۔ سچ دوارے آ کے گُر اوتار پیِر پَیغمبر سکے کوئی نہ مُکر، پردہ اُپر نہ کوئے ٹِکائیا۔ طوُل عرض نہ جانے کوئی قُطر، نِصف نِصف ونڈ نہ کوئے ونڈائیا۔ جو آیا سو بن کے پُتر، پِتا پُرکھ اکال منائیا۔ جو بنایا سو اپنی دھاروں آیا اُتر، اُتلا لیکھا نہ کِسے سمجھائیا۔ او کی ہویا دھرو بنیا قُطب، کاتب کرکے گئے لِکھائیا۔ جن بھگتو تُہانوُں چُک کے اپنے کُچھڑ، بِن کُچھ کیِتیاں پار لنگھائیا۔ تُہاڈے پریم پیار دا کھا کے اوہ ٹُکر، جو ٹُکڑیاں وِچوں ٹُکڑا نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا لیکھا رہیا جنائیا۔ گُر اوتار پیِر پَیغمبر کہن ایہہ اچھّے، اچّھی مِلی وڈیائیا۔ جِس نے بنائے کچھ مچھے، سمُند ساگراں وِچ ترائیا۔ جِس دے گُر اوتار پیِر پَیغمبر بچےّ،پُتراں گود اُٹھائیا۔ جِس دے لکّھ چؤراسی بھانڈے کچےّ، تن ماٹی ویکھ وکھائیا۔ جِس دے نام رنگ گُرمکُھ ساچے رتےّ، رتّی رتّ سُکائیا۔ جِس دے اندروں مِل گئے پتے، باہروں سکے نہ کوئے سمجھائیا۔ جِس دے درشن نِج نیتر اکھےّ، دوئے لوچن نَین شرمائیا۔ جِس نوُں جھلے پَون کوئے نہ پکّھے، ٹھنڈی ٹھار نہ کوئے رکھائیا۔ سو سمرتھ سوامی جن بھگتاں پت رکھے، رکھک بےپرواہیِا۔ جِنہاں دا لہنا اوہناں کرے اِکٹھے، رٹےّ اگلے دئے مُکائیا۔ کوُڑی کِریا رُلن نہ دیوے وِچ گھٹّے، قیمت کرتا آپے پائیا۔ نام بیِجے ساچے وتےّ، کایا کِرسانا ویکھ وکھائیا۔ بھاگ لگائے پتّ ڈالی پتّے، پنکھڑیاں آپ مہکائیا۔ ہُن لوڑ رہی نہیں دھنے وانگر چارن دی وچھےّ، بھگت وچھل کِرپا نال ترائیا۔ کھوُہا گیڑ ہلٹ نہ ہکے، من کا منکا دئے بھوائیا۔ کٹورے وِچ کُچھ نہ چھکے، انتر آتم ترِسن بُجھائیا۔ سُکے ٹُکر ویکھ کے منڈے پکّے، پکّی اپنی گنڈھ پوائیا۔ جن بھگتاں اَگے دیوے نہ کوئی دھکّے، دھکّے نال اپنے گھر بہائیا۔ لوڑ رہی نہ جان دی مدینے مکّے، مقبریاں سیِس نہ کوئے نِوائیا۔ کھہڑا چُھٹ جائے مندر مسیِت مٹھے، گُروُ دوارا اِکو اِک جنائیا۔ جِتھے شتّری براہمن شوُدر وَیش اوُچ نیِچ بہن اِکٹھے، ذات پات نہ کوئے رکھائیا۔ پریم پریِتی ڈوری
بنھے اِکو رسےّ، رستہ سب نوُں اِک جنائیا۔ جِنہاں دے اندر سوامی وسے، باہروں لبھن کوئے نہ جائیا۔ جن بھگتاں جنم کرم دے میٹ کے رٹےّ، لاٹی کین دئے بنائیا۔ باہروں چیِتھڑ دِسن پھٹے، اندروں رنگ اِک وکھائیا۔ پِچھلے گلوں لاہ کے جنم کرم دے پٹے، اَگے کھُلے دِتے کرائیا۔ پربھ سرنائی جاوو نَٹھے، اَدھوِچکارنہ کوئے اٹکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِری بھگوان ہوئے سہائیا۔ گُر اوتار کہن تُوں ہو سہائک، خصم سچّا نظری آئیا۔ پیِر پَیغمبر کہن تیری اشاعت، شرع زنجیر تُڑائیا۔ گُر اوتار کہن تیری ہدایت، حد کوُڑی پار لنگھائیا۔ پیِر پَیغمبر کہن کر عنایت، بخشش نوُر خُدائیا۔ گُر اوتار کہن پربھوُ تیری حمایت، ہم سارے رہے سمجھائیا۔ پیِر پَیغمبر کہن تیری روایت، روادار نہ کوئے کرائیا۔ گُر اوتار کہن ساڈی گئی ازمائش، سچ سچ سمجھائیا۔ پیِر پَیغمبر کہن ساڈی کعبیانوالی مکُی پَیمائش، پَیمانہ تیرے ہتّھ پھڑائیا۔ سِری بھگوان کہے گُر اوتار پیِر پَیغمبرو لکّھ چؤراسی میری اِک جماعت، دُھر دا اکھّر اِک سمجھائیا۔ دُھر سندیسہ سچ کائنات، کلمہ نام خُدائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحِب سُلطان اِک اکھوائیا۔ صاحِب سُلطان سچ محبوُب، پَیغمبر رہے جنائیا۔ تیری منزل سچ مقصوُد، مقامے حق تیری سرنائیا۔ تیرا ویکھیا اُچ عروُج، عرش قُرص بَیٹھے سیِس نِوائیا۔ کوٹن کوٹ وار تیرے قدماں اُتے گئے جھوُجھ، پدماں وِچ گنت نہ کوئے گنائیا۔ دھنّ بھاگ صدی چؤدویں چؤداں طبق ہویا مؤجوُد، مجلس مُرشد مُریِداں وِچ رکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا لہنا لہنے رہیا پائیا۔ گُر اوتار پیِر پَیغمبر کہن اَدھی سطر نِکّی، بستیاں وِچوں نظری آئیا۔ جِس دے وِچوں لبھی تیری دُھر دی سِکھی، سِکھیا سچ دِرڑائیا۔ جِس نوُں گوبِند کِہا دھار تِکھی، محمد صِفت وڈیائیا۔ اوس دی نوک ویکھی چِٹّی، چار کُنٹ کرے رُشنائیا۔ جگت نیتراں کھیل انڈِٹھی، انڈِٹھڑے دھام وکھائیا۔ تیری ساری سمجھ سکے کوئی نہ چِٹھی، سطراں وِچ نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا دے سمجھائیا۔ اَدھی ستّر دا اگلا حِصّہ، حِصّیدار بنائیا۔ بِن تیری کِرپا کِسے نہ دِسا، دہ دِشا ہوئی ہلکائیا۔ چارے کھانی چارے بانی جِس دا گاوے قِصّہ، راگاں ناداں وِچ وڈیائیا۔ اُس دا کھیل پتہ نہیں اَگے کِڈا، کی کرے بےپرواہیِا۔ گُر اوتار پیِر پَیغمبر بالا نڈھّا، نِکیاں نِکیاں گلّاں گئے جنائیا۔ اگلا لیکھا پربھ دے اُتے چھّڈا، واک بھوِکھت پڑھائیا۔ اپنا کھیل کرے پُرکھ سمرتھا، سمرتھ ہتّھ وڈیائیا۔ جِس دی کوئی گا نہ سکے کتھا، کتھنی راگ
نہ کوئے الائیا۔ اُس دا بھیو سمجھ نہ آوے رتا، رتّ سارے گئے سُکائیا۔ سب نے دِتا دُھر سندیسہ پتہ، پت پرمیشور بےپرواہیِا۔ کلجُگ انتم آوے نٹھا، نِرگُن اپنا پھیرا پائیا۔ جُگ جنم دا وِچھڑیا بھگت سنت کرے اِکٹھا، گُرمکُھ گُرسِکھ میل مِلائیا۔ ترےَگُن اگن تپائے سرِشٹ سبائی بھٹّھا، پنج تت لمبوُ لائیا۔ گُرمکُھاں درس کرائے اپنی اکھّا، آخر اپنا رنگ چڑھائیا۔ دو جہاناں بن کے سجّن سخا، ساکھیات لئے ترائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ نِکّی سطر دا نِکاّ روُپ، نِکیوں نِکاّ نظری آئیا۔ تُوں ٹھاکر سوامی دُھر دا بھوُپ، بھوُپت تیری وڈیائیا۔ بِن تیرے چُکےنہ کوئی چوُک، چاکر گئے پھیریاں پائیا۔ کِیوں سُتّا صاحِب گھوُک، نِرگُن اپنی لےَ انگڑائیا۔ تیرے بھگت ترسدے پوُت، پت پرمیشور گود اُٹھائیا۔ اُتّر پوُرب پچھّم دکھّن تیری کوُٹ، کوُٹاں وِچوں کُٹیا ساڈھے تِنّ ہتّھ سوبھا پائیا۔ جِتھے ہرِ رہے سدا مؤجوُد، مُفلس ہو کے جھٹ لنگھائیا۔ اپنی کرنی اندر مصروُف، مسلے دُھر دے رہیا جنائیا۔ اسیں گُر اوتار پیِر پَیغمبر تیرا دیون والے پروُف، پرا پسنتی مدھم بَیکھری گا گا جگت سمجھائیا۔ جوتی جوت سروُپ ہرِ، آپ اپنی کِرپا کر، گھر مندر دے سُہائیا۔ نِکّی سطر کہے میَں دسّاں سطح، سَت سَت سمجھ کوئے نہ پائیا۔ گُر اوتاراں جِنہاں پتہ، پتریاں اُتے گئے لِکھائیا۔ اَگے کہہ کے بےانت بےانتا، پلّوُ سرب چُھڈائیا۔ جِس بنا کے پہلوں اپنی بنتا، پِھر شبدی سُت اُٹھائیا۔ جِس وِشن برہما شِو کھیل کھیلیا اگمتا، دِتی مان وڈیائیا۔ جِس نے پرکاش کرایا سوُرج چنّ کا، زمیں اسمان ونڈ ونڈائیا۔ جو کوٹن کوٹ برہمنڈ کھنڈ بیڑا بنھدا، پُریاں لَواں سوبھا پائیا۔ جو آد جُگاد جُگ چؤکڑی لکّھ چؤراسی گھڑدا بھندا، جوُن اجوُنی کھیل کھِلائیا۔ جِس نے رچن رچایا مت بُدھ من دا، آسا ترِسنا مایا ممتا ہؤمے ہنگتا گڑھ سُہائیا۔ جِس نے کھیل رچایا نکّ مُنہ کنّ دا، نیتراں نوُر جوت رُشنائیا۔ جو گُر اوتار پیِر پَیغمبر جننی ہو کے جندا، دُھر دی گودی گود سُہائیا۔ جو آد جُگاد جُگ چؤکڑی جن بھگتاں سدا مندا، منسا پوُر اکھوائیا۔ کی ہویا جے اوہ ناتا چھّڈ کے آیا تن دا، جوتی جوت جوت رُشنائیا۔ کھہڑا چُھٹیا ماٹی کھلّ دا، خالق خلق بےپرواہیِا۔ ایہہ سوال نہیں کِسے دے حل دا، حالت اپنی لئی بدلائیا۔ لیکھا چُکیا انّ جل دا، بستر اوڈھن تن نہ کوئے جنائیا۔ جِس ویلے چاہے جوت سروُپی تتاں وِچ رلدا، تتاں وِچوں باہر ہو جائیا۔ گوبِند سِنگھاسن اِکو ملّدا، جِس دا مالک بےپرواہیِا۔ ایہہ وڈّا کھیل اچھل اچھلّ دا، کی ہویا جے راون چھلیا رام چھل کے رام آپ اکھوائیا۔ کِسے نوُں پتہ نہیں اگلے پل دا، گُر اوتار
پیِر پَیغمبر سارے سیِس نِوائیا۔ جِس نوُں مالک منّیا جل تھل دا، مہیئل کہہ کے گئے گائیا۔ اوہ پربھ اپنی کرنی کرنوں کدے نہ ٹلدا، ٹلّیاں نال نہ کوئے منائیا۔ دیِویاں وِچ کدے نہ بلدا، ہَون گھِرت وِچ سُگندھ نہ کوئے سمائیا۔ جے کِرپا کرے تے بھگتاں اندر اپنا آسن رکھدا، وکھّرا ہو نہ جھٹ لنگھائیا۔ اوہ مالک ککّھ تے لکّھ دا، لکّھوں ککّھ بنائیا۔ جِس نوُں درس کرایا اپنی اکھّ دا، وانگ کبیِرے دئے دُہائیا۔ جو آ کے اِس دی پھاہی وِچ پھسدا، سو پھانسی گلوں گیا لُہائیا۔ سچ دوارے خوشیاں نال ہسدا، ہستی وِچ مِلیا بےپرواہیِا۔ ایہو زور اوس اگمّی جٹّ دا، جِس نوُں جٹا جوُٹ دھار سمجھ سکے نہ رائیا۔ ویکھو گُر اوتار پیِر پَیغمبر دوئے جوڑ نام رہے رٹدا، سیِس جگدیس نِوائیا۔ اپنی ہتھّیں پرمٹ سب دے کٹّدا، دُھر دا نام اُپر مُہر لگائیا۔ پھیر بنے اوہ گُر اوتار پیِر پَیغمبر مالک اوس ہٹ دا، سؤدا اپنے ہٹّ وِکائیا۔ جِس ویلے چاہوے اوسے ویلے پھیر سدّ دا، لوکمات رہن کوئے نہ پائیا۔ اِکو اِک پُرکھ اکال سچ مقام بہہ کے وسدا، بَیکُنٹھ نِواسی ہرِ ابناشی ڈیرہ لائیا۔ جن بھگتو ایہہ بُرج کوٹن وار بندا کوٹن وار ڈھٹّھدا، بِن سَتگُر پوُرے سنگ نہ کوئے نِبھائیا۔ ہُن تُہاڈا نہیں ویلا پربھوُ دے جس دا، گھر بَیٹھیاں رہیا گائیا۔ جو پِچھےسب توں وکھّرا وسدا، سو وقت ویلا رہیا سُہائیا۔ کر کھیل بازی گر نٹ دا، سوانگی اپنا سوانگ رچائیا۔ جن بھگتاں پت رکھدا، پت پرمیشور ہوئے سہائیا۔ مہاراج شیر سِنگھ وِشنوُں بھگوان لیکھا جانے حقیِقت حق دا، حاکم اِکو اِک اکھوائیا۔
اکو حاکم اِکو حُکم، حُکمی اِک بھوائیا۔ گُر اوتار پیِر پَیغمبر جِس دا تُخم، تاثیر دِتی بدلائیا۔ کی لبھن کارن سوُکھم، استھوُل دِتے بُھلائیا۔ پِھری دروہی چارے کوُٹن، کھِڑکی کُنڈی نہ کوئے کھُلائیا۔ کلجُگ سادھ ایویں بھوُتن، جگت بھوُتنے روُپ وٹائیا۔ اُچی کوُک کوُک کوُکن، کوُک کوُک سُنائیا۔ تن کایا ماٹی پھوُکن، پُھلکیاں نال پیٹ ودھائیا۔ جوتی جوت سروُپ ہرِ، آپ اپنی کِرپا کر، شبد ڈنڈے نال سب دے بھنےّ بوُتھن، مکُھ دئے بھوائیا۔