کتب خانہGranth 17 (Shahmukhi)

۵ مگھّر ۲۰۲۱ بِکرمی جرنَیل سِنگھ دے گرِہ پِنڈ شاہ والا ضِلع فِروزپُر

ہرِ سجّن سوامی ٹھاکر میرے، جن بھگت رہے جنائیا۔ ابناشی کرتے آ وس نیڑے، شاہ پاتشاہ شہنشاہ تیری اِک سرنائیا۔ سچ دوارے کایا مندر اندر لا کے ڈیرے، دوُر دُراڈا پندھ مُکائیا۔ جُگ چؤکڑی کوٹن کال بیِتے بتھیرے، سَتجُگ تریتا دواپرکلجُگ اپنا پندھ مُکائیا۔ چار کُنٹ دہ دِشا برہمنڈ کھنڈ مارکے ویکھے گیڑے، پُری لوء آکاش دھیان لگائیا۔ آد جُگاد تیرا کھیل کوئی نہ جانے، جوتی جوت سروُپ ہرِ، آپ اپنی کِرپا کر، اِکو دینا ساچا ور، صاحِب تیری سرنائیا۔ جن بھگت کہے پربھ صاحِب سچّے، سچ تیری وڈیائیا۔ لوکمات جگت نیتر پنج تت کِسے نہ لبھے، لکّھ چؤراسی سار کوئے نہ پائیا۔ جگت وَیراگی کھوجن شِودوالے مٹھے، مندر مسیِت دھیان لگائیا۔ گُروُدوارے پِھرن نٹھے، تیِرتھ اٹھسٹھے واہو داہیِا۔ شاستر سِمرت وید پُران پڑھ پڑھ تھکّے، جگت وِدیا کر پڑھائیا۔ نیتر کھول ویکھن مکّے،

کعبیاں ولّ نَین اُٹھائیا۔ جگت دوارے پار کرن حدے، پاندھی اپنا پندھ مُکائیا۔ ڈھول نگارے مردنگ جگت دوارے وجےّ، راگ راگنیاں نال مِلائیا۔ سادھ سنت پِھرن ننگے، تن دھوُڑی خاک رمائیا۔ اگنیاں کول بہہ بہہ مگھے، تتو تت جلائیا۔ چاروں کُنٹ ویکھ اندھیری مسّے، جن بھگت دین دُہائیا۔ ابناشی کرتے سِری بھگوان تیرا مارگ کوئے نہ دسےّ، پڑدا سچ نہ کوئی کھُلائیا۔ چار ورن اٹھاراں برن کوئی نہ ویکھے اِکو اکھےّ، آخر میل نہ کوئے مِلائیا۔ ناتا تُٹیا بھَین بھائی سکے، پِتا پوُت نہ کوئے وڈیائیا۔ کوُڑی کِریا گھر گھر جوُٹھ جھوُٹھ پائے رٹےّ، رسنا نام نہ کوئی دِھیائیا۔ جگت مِثال دھنے مِلیا وِچوں وٹےّ، بجر کپاٹی پھٹّے پرے نہ کوئی ہٹائیا۔ جن بھگت کہن پربھ تُدھ بِن پت کوئے نہ رکھے، سِر ہتّھ نہ کوئے ٹِکائیا۔ چاروں کُنٹ مِلن دھکّے، گُر اوتار پیِر پَیغمبر پلّوُ گئے چُھڈائیا۔ جوتی جوت سروُپ ہرِ، آپ اپنی کِرپا کر، سِری بھگوان ہو سہائیا۔ جن بھگت کہے میرے بھگوَنت، کِیوں بَیٹھا مکُھ چُھپائیا۔ تُوں مالک خالق دُھر دا کنت، کنتوُہل تیری سرنائیا۔ تیری مہما سدا بےانت، کتھنی کتھ نہ کوئے جنائیا۔ تُوں آد جُگادی پنڈت، وِشن برہما شِو کریں پڑھائیا۔ سچ دوارے تیرے گُر اوتار سدا منگت، بِھکھک جھولیاں رہے بھرائیا۔ تیرا لیکھا جیرج انڈج، اُتبُھج سیتج تیری دھار نظری آئیا۔ تیرے دوارے اِکو مِنّت، نِیوں نِیوں سیِس جھُکائیا۔ جن بھگتاں انتر ویکھ اپنی سِّمت، صاحِب سَتگُر پھیرا پائیا۔ جگت خواری میٹ ذِلّت، بےنظیِر ہو سہائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ جن بھگت کہن پربھ تیری اوٹ، اوٹ اکال رکھائیا۔ شبد اگمّی لا چوٹ، سوئی سُرت اُٹھائیا۔ کر پرکاش نِرمل جوت، اندھ اندھیر گوائیا۔ اپنے مِلن دی بخش سوچ، دوُجی سمجھ رہے نہ رائیا۔ لہنا چُکا دے چؤداں لوک، چؤداں طبق چرناں ہیٹھ دبائیا۔ سچ سُنا دے اِک سلوک، سوہنگ ڈھولا دُھردرگاہیِا۔ تیرا درشن کریئے روز، نِج نیتر اکھّ کھُلائیا۔ رنگ چڑھادے کایا ماٹی پوش، تن خاکی سوبھا پائیا۔ جوتی جوت سروُپ ہرِ، آپ اپنی کِرپا کر، انتر آتم جوڑ جُڑائیا۔ جن بھگت کہن پربھ انتر پیکھ، باہروں نظر کوئے نہ آئیا۔ سچ محلّا تیرا دیس، رَویداس چمارا گیا سمجھائیا۔ ساڈھے تِنّ ہتّھ اندر اولّڑا بھیس، بِن رنگ روُپی سوبھا پائیا۔ سیجا چھّڈکے باشک سیج، لیکھ کریں بےپرواہیِا۔ سچ سُنیہڑا دُھر دا بھیج، شبد اگمّی راگ الائیا۔ جوتی جلوہ دے تیج، اندھ اندھیر مِٹائیا۔ گُر اوتار پیِر پَیغمبر لوکمات چھّڈ کے گئے دیس، تھِر رہن کوئے نہ پائیا۔ کوئی موُنڈ مُنڈایا کِسے رکھائے کیس، کیشو تیرا بھید کوئے نہ آئیا۔ سچ سندیشہ نر نریشا دے کے گیا

گُر دسمیش، دہ دِشا کر پڑھائیا۔ پت پرمیشور بدل کے اپنا بھیس، پُرکھ اکالا پھیرا پائیا۔ ویکھ وکھاوے مسائک مُلّا شیخ، پنڈت پاندھے پڑدا لاہیِا۔ جن بھگتاں کھولے اپنا بھیت، بھانڈا بھرم بھؤ بھنائیا۔ جوتی جوت سروُپ ہرِ، آپ اپنی کِرپا کر، دُھر دا لہنا دے مُکائیا۔ جن بھگت کہن پربھ اُٹھ سُتے، اپنی لےَ انگڑائیا۔ تیرا ویکھیئے کھیل ابناشی اچُتے، پت پرمیشور تیری کی وڈیائیا۔ جُگ چؤکڑی جن بھگتاں وات پُچھیں، نِرگُن سرگُن پھیرا پائیا۔ کلجُگ انتم کیہڑی گلّوں رُسیں، نیتر اکھّ بدلائیا۔ کیہڑے مندر لُکیں، سچکھنڈ اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، دُھر دا بھیو دے کھُلائیا۔ جن بھگت کہن پربھ تیَنوُں لبھدے، دو جہان دھیان لگائیا۔ گُر اوتار پیِر پَیغمبر کرن سجدے، نِیوں نِیوں سیِس جھُکائیا۔ جن بھگت کہن لیکھ مُکا دین مذہب دے، کلجُگ انتم پھیرا پائیا۔ بھیوَ کھُلا اپنے عدد دے، عدالت اِکو اِک لگائیا۔ حُکم دے اگمّی مدد دے، مالک سِر اپنا ہتّھ ٹِکائیا۔ ویکھ کھیل مات لوک جگت دے، کلجُگ جیِو تیَنوُں بَیٹھے بُھلائیا۔ تیرے بھانڈے بوُند رَکت دے، پنج تت کایا چولے رہے ہنڈھائیا۔ ایہہ بھرے کوُڑ کُڑیاری شرکت دے، لاشریِک تیری سمجھ کوئے نہ آئیا۔ جن بھگت تیرے درس نوُں ترسدے، نِج نیتر اکھّ اُٹھائیا۔ امرت میگھ انوکھا برس دے، جھِرنا اِک جھِرائیا۔ اپنے مِلن دا سوہنا سُہنجنا وقت دے، گھڑی پل راہ تکائیا۔ پڑدے لاہ کے عرش فرش دے، سنمکُھ ہو کے سوبھا پائیا۔ بِرہوں وِچھوڑے اندر بن وَیراگی تڑپھدے، میِن جل مِثال نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ جن بھگت کہن پربھ کر نِبیڑے حق دے، حقیِقت ویکھ وکھائیا۔ گُر اوتار پیِر پَیغمبر جو گئے دسّدے، چارے جُگ فرمان سُنائیا۔ تیرے مِلن دیاں آساں آئے رکھدے، بھرواسا دے دھرائیا۔ بِن تیری کِرپا ساڈے کایا کھیڑے موُل نہ وسدے، گھر وجےّ نہ نام ودھائیا۔ پریم پریِتی اندر چولی رنگدے، کایا چولا دے بدلائیا۔ وست امولک اِکو منگدے، در ٹھانڈے جھولی ڈاہیِا۔ نام پدارتھ دُھر دا ونڈ دے، اتوٹ توٹ رہے نہ رائیا۔ بھیوَ کھُلا دے ہنگ برہم دے، سو پُرکھ نِرنجن تیری سرنائیا۔ بےشک اسیں پُتلے ماٹی چم دے، ہڈّ ناڑی جوڑ جُڑائیا۔ اسیں سہارے پَون دم دے، ساہ ساہ تیرا روُپ نظری آئیا۔ بھیوَ کھُلادے اپنے اگمّ دے، الکھ اگوچر تیری اوٹ رکھائیا۔ کوٹن کوٹ جیِو جنت جننی ہو کے جن جندے، بچےّ گودیِاں وِچ ٹِکائیا۔ بِن تیری کِرپا تیَنوُں کوئے نہ مندے، منسا پوُر نہ کوئے کرائیا۔ کلجُگ کھیل اندھیرے اندھ دے، ساچا نوُر نہ کوئے رُشنائیا۔

گُرمکُھاں میلے ہون نہ گُجری چند دے، چاروں کُنٹ جگت ہلکائیا۔ ناتے جُڑے نار دُہاگن رنڈدے، نر ہرِ کنت نہ کوئے مِلائیا۔ کرن اِشنان اٹھسٹھ تیِرتھ گنگ دے، دُرمت مَیل نہ کوئے دھوائیا۔ رس جانے نہ کوئی آتم انند دے، رسنا جِہوا جگت ہلکائیا۔ ویکھ جھگڑے بھیکھ پکھنڈ دے، جن بھگت دین دُہائیا۔ تیرا نام کوٹن کوٹ پِھرن ونڈدے، مالک نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، جن بھگتاں ہو سہائیا۔ جن بھگت کہن پربھ سچّی ارداس، عرضوئی اِک سُنائیا۔ سچکھنڈ نِواسی پُرکھ ابناشی وسنا پاس، پاربرہم برہم اپنا رنگ رنگائیا۔ دیِوا باتی کملاپاتی سچ گھر کر پرکاش، جوتی نوُر ظہوُر کر رُشنائیا۔ تُوں مالک خالق داتا سَتگُن طاس، گہر گمبھیِر تیری وڈیائیا۔ آد جُگاد جُگ چؤکڑی نِرگُن سرگُن پاویں راس، گوپی کاہن ناچ نچائیا۔ لکّھ چؤراسی جیِو جنت کھیلیں کھیل پرِتھمی آکاش، گگن منڈل اپنی دھار وکھائیا۔ بودھ اگادھ شبد ناد وجاویں آپ، جاپ دُھر دا دئیں سمجھائیا۔ پروردِگار سانجھے یار بناکے پاک، پتت پاپی دئیں ترائیا۔ گُر اوتار پیِر پَیغمبر کرکے داسی داس، سیوا سچ سچ سمجھائیا۔ جوتی جوت سروُپ ہرِ، آپ اپنی کِرپا کر، جن بھگتاں دے وڈیائیا۔ جن بھگت کہے پربھ میرے گُسائیں، سَت سچ تیری اوٹ تکائیا۔ آ جا بن کے پاندھی راہی، رہبر نوُر خُدائیا۔ کلجُگ میٹ اندھیرا شاہی، چار کُنٹ ہووے رُشنائیا۔ غریِب نِمانیاں پکڑ بانہیں، کوجھے کملیاں گلے لگائیا۔ مان دوا دے چھیمبے نائی، جھیور رنگ رنگائیا۔ درس دِکھا جا دُھر دے ماہی، شاہ سوارے پھیرا پائیا۔ تیرے پِچھے گوبِند بوُٹا پُٹیا اِکو کاہی، کائر سمجھ کوئے نہ پائیا۔ نانک گایا دایا دائی، دو جہاناں اِک اکھوائیا۔ پیِر پَیغمبراں کِہا تیری سرنائی، واحد اِکو اوٹ تکائیا۔ دیوت سُر کِہا آد شکت مائی، شخصیّت سمجھ کوئے نہ پائیا۔ گُر اوتار پُرکھ اکال کہہ کے رہے سُنائی، ڈھولے سوہلے چھنداں بنداں وِچ گائیا۔ وِشن برہما شِو رہے کُرلائی، اُچی کوُک کوُک جنائیا۔ چار وید دین دُہائی، اٹھ دس دھیان لگائیا۔ انجیل قرآن رہی سُنائی، تیس بتیِس وجےّ ودھائیا۔ پاربرہم پت پرمیشور تیری سمجھ کِسے نہ آئی، من مت بُدھ چلے نہ کوئے چتُرائیا۔ کر کِرپا جن بھگتاں رمز اِک لگائی، جِس دی لگ ماتر جگ نظر کوئے نہ آئیا۔ بن سُہیلا دیویں ٹھنڈیاں چھائیں سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ جن بھگت کہن پربھ کلجُگ آیا، کالی رَین اندھیری چھائیا۔ چاروں کُنٹ اندھیرا چھایا، چھہبر اپنی اِک لگائیا۔ بندھن پایا ترےَگُن مایا، زنجیر سکے نہ کوئے تُڑائیا۔ پنچ وِکارا دئے دُہایا، کام کرودھ لوبھ موہ ہلکائیا۔

من مت کرے لڑایا، بُدھی دھیر نہ کوئے دھرائیا۔ ہرِ کا ناؤں سرب بُھلایا، ہِردے ہرِ نہ کوئے وسائیا۔ مستک سیِس نہ کوئے جھُکایا، ناستک دِسے لوکائیا۔ ساچا شستر نہ کِسے اُٹھایا، شتروُ سکے کوئے نہ گھائیا۔ گُر کا منتر نہ کِسے کمایا، کام کامنی وجّی ودھائیا۔ گگن گگننتر چڑھ کے درس کِسے نہ پایا، نِج نیتر اکھّ کھُلائیا۔ جنم کرم دی حرص نہ کوئے مِٹایا، ہَوس سکے نہ کوئے بُجھائیا۔ عرش فرش تیرا راہ تکایا، دہ دِشا اکھّ کھُلائیا۔ سِری بھگوان تُوں ہی ترس کمایا، جن بھگت رہے کُرلائیا۔ سمت سمتی بیِت گئے سمت اِکیسا آیا، جوتی جوت سروُپ ہرِ، آپ اپنی کِرپا کر، اِکو دینا دُھر دا ور، دُھر مستک ویکھ وکھائیا۔ جن بھگت نال کہن غُصّے، پربھوُ اِک جنائیا۔ ساڈے کولوں کاہنوُں لُکیں، کریں آپ جُدائیا۔ گُرمکُھاں پیَنڈے پِچھلے مکُے، اگلا راہ وکھائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ سچ وڈیائی دیوے آپ پربھ، سو پُرکھ نِرنجن دَیا کمائیا۔ بھگت بھگوان ساچے لبھ، ہرِ پُرکھ نِرنجن میل مِلائیا۔ سنت سُہیلے بنا کے اپنی یدّ، ایکنکار کرے کُڑمائیا۔ گُرمکُھ لکّھ چؤراسی نالوں کرکے اڈّ، آد نِرنجن جوتی نوُر کرے رُشنائیا۔ گُرسِکھاں پار کراکے کوُڑی حد، ابناشی کرتا بھیو چُکائیا۔ مُریِد مُرشد لئے سدّ، سِری بھگوان صاحِب گُسائینا۔ پاربرہم برہم وجائے ند، دُھر دا راگ الائیا۔ کوُڑ کُڑیارا جگت وِہارا دیوے چھّڈ، سچ دوارا اِک درسائیا۔ کِرپا کر پُرکھ سمرتھ، ہرجن ساچے ویکھ وکھائیا۔ دُھر دا مارگ اِکو دسّ، آتم انتر کرے پڑھائیا۔ تُوں میرا میَں تیرے وَس، سوہنگ اِکو روُپ سمائیا۔ امرت جھِرنا دے کے رس، بوُند سوانتی اِک ٹپکائیا۔ جوتی جوت سروُپ ہرِ، آپ اپنی کِرپا کر، جن بھگتاں رہیا جنائیا۔ جن بھگت سُنو سچ، ہرِ ساچا سچ جنائیا۔ کرے کھیل پُرکھ سمرتھ، شاہ پاتشاہ وڈّی وڈیائیا۔ لکّھ چؤراسی وِچوں لئے لبھ، جُگ وِچھڑے میل مِلائیا۔ چرن دوارے لئے سدّ، سدّا نام سُنائیا۔ کوُڑ کُڑاوے دیوے چھّڈ، ہبھو ساک ونجائیا۔ سنت سُہیلے پریم پریِتی لئے بندھ، بندھن نام رکھائیا۔ نِج آتم دے کے پرمانند، سُکھ ساگر وِچ سمائیا۔ سیِتل دھار پائے ٹھنڈ، اگنی تت بُجھائیا۔ تُوں میرا میَں تیرا دوہاں دا اِکو چھند، سوہنگ ڈھولا راگ الائیا۔ جوتی جوت سروُپ ہرِ، آپ اپنی کِرپا کر، جن بھگتاں رہیا جنائیا۔ جن بھگت کر دھیان، سو پُرکھ نِرنجن آپ جنائیندا۔ ہرِ پُرکھ نِرجن مِہربان، محبوُب اپنی اکھّ کھُلائیندا۔ ایکنکار دیوے دان، داتا دانی آپ ورتائیندا۔ آد نِرنجن نوُر مہان، جوتی جاتا ڈگمگائیندا۔ ابناشی کرتا وڈ بلوان، جودھا سوُربیِر اکھوائیندا۔ سِری بھگوان سچ نِشان، نِرگُن سرگُن آپ

جھُلائیندا۔ پاربرہم پربھ ویکھے مار دھیان، برہم پڑدا آپ اُٹھائیندا۔ شبد سندیشہ دُھر فرمان، سَت سَتوادی آپ سُنائیندا۔ تخت نِواسی مرد مردان، مددگیر اِک ہو جائیندا۔ وِشن برہما شِو سیِس جھُکان، کروڑ تیتیِسا اکھّ نہ کوئے کھُلائیندا۔ ترےَگُن مایا پنج تت روون کُرلان سِر ہتّھ نہ کوئے رکھائیندا۔ سَتجُگ تریتا دواپرکلجُگ کرے نہ کوئے پہچان، بےپہچان اپنی کھیل کھِلائیندا۔ گُر اوتار پیِر پَیغمبر ہوئے حیَران، سچکھنڈ دوارے ہرِ کا انت کوئے نہ آئیندا۔ ابناشی کرتا آپے جانی جان، جاننہارا آپے دَیا کمائیندا۔ نؤ سؤ چُرانوے چؤکڑی جُگ بیِتے وِچ جہان، پِچھلی کہانی ویکھ وکھائیندا۔ جو سنت سُہیلے گُر چیلے منگدے رہے دان، داتا دانی دُھر دی بِھچھِیا جھولی پائیندا۔ جو سخیاں بن کے راہ تکّدے رہے کاہن، تِنہاں بنسری نام سُنائیندا۔ جو جنگلاں وِچ وِچھوڑا کٹدے رہے کھیل کیِتا سیِتا رام، سئیا اِکو ویس وٹائیندا۔ جو عیسیٰ موُسیٰ محمد محُبّت وِچ دیندا رہیا پیَغام، دُھر سندیشہ راگ سُنائیندا۔ جو نانک نِرگُن دسّدا رہیا سَتنام، منتر سچ سچ سمجھائیندا۔ جو گوبِند پیاؤندا رہیا امرت جام، رس رِسک رِسک ٹپکائیندا۔ سو کھیل کرے سِری بھگوان، جن بھگتاں آپ اُٹھائیندا۔ پندھ مُکا زمیں اسمان، گُرمکُھاں مان رکھائیندا۔ بال انجانے ویکھے آن، بالی بُدھ دَیا کمائیندا۔ جوتی جوت سروُپ ہرِ، آپ اپنی کِرپا کر، جن بھگتاں رنگ رنگائیندا۔ جن بھگتاں رنگ رنگاؤندا اے۔ دیِن دَیال دَیا کماؤندا اے۔ کلجُگ انتم ویس وٹاؤندا اے۔ نِہکلنکا ناؤں رکھاؤندا اے۔ شبدی ڈنکا اِک وجاؤندا اے۔ دوار بنکا اِک سہاؤندا اے۔ راؤ رنکاں آپ سمجھاؤندا اے۔ سوہنا کھیل کرے آدن انتا، انتشکرن سب دا ویکھ وکھاؤندا اے۔ نام جناوے دُھر دا منتا، سوہنگ راگ اِک الاؤندا اے۔ پکڑ اُٹھائے ساچے سنتا، سُرتی شبد نال مِلاؤندا اے۔ بھیوَ کھُلا کے پوُرن بھگتاں، بھاگ سب دی جھولی پاؤندا اے۔ گڑھ توڑ کے ہؤمے ہنگتا، ہنگ برہم سمجھاؤندا اے۔ کر پرکاش نوُری چند دا، دیِوا باتی اِکو ڈگمگاؤندا اے۔ جوتی جوت سروُپ ہرِ، آپ اپنی کِرپا کر، جن بھگتاں ویکھ وکھاؤندا اے۔ جن بھگتاں ویکھ وکھاوانگا۔ کلجُگ سوئے آپ اُٹھاوانگا۔ دُرمت مَیل دھو کے، اُجل آپ کراوانگا۔ پوُرب جنم دا دے کے ڈھوئے، وست امولک جھولی پاوانگا۔ لکّھ چؤراسی کوُڑی روئے، نیتر نَیناں نیر سرب وہاوانگا۔ پِھرے دروہی ترئے لوئے، چؤداں لوک چؤداں طبق دُھر دا حُکم سُناوانگا۔ جن بھگت سُہیلے جیندے موئے، جِنہاں دا جیِون اپنی جھولی پاوانگا۔ ہرِ کا بھیو سمجھ سکے نہ کوئے، جوتی جوت سروُپ ہرِ، آپ اپنی کِرپا کر، دیونہارا

ساچا ور، جن بھگتاں ویکھ وکھاوانگا۔ جن بھگت کہن پربھ ویکھ جھٹ، کِیوں اپنی دیری لائیا۔ راہ تکّدے تکّدے گئے تھک، صدی ویہویں دئے گواہیِا۔ پُرکھ اکال دیِن دَیال وکھّرا نِرالا کھول ہٹّ، وست اِکو اِک ورتائیا۔ کوُڑی کِریا کھیل چُکےبازی گر نٹ، سوانگی سوانگ نہ کوئے وکھائیا۔ اِکو تیرا نام لکّھ چؤراسی لئے جپ، تُوں میرا میَں تیرا ناتا جُڑیا ایکا تھائنیا۔ لہنا مکا دے سِیاں ساڈھے تِنّ ہتّھ، رَویداس چمارا دئے گواہیِا۔ اپنے مِلن دی اِکو دے دے اکھّ، دوئے لوچن کمّ کِسے نہ آئیا۔ ہِردے اندر آ کے وس، وصل محبوُب سچ کرائیا۔ پریم پیار دا دے رس، رستے کوُڑے بند کرائیا۔ اساں سُنیاں تُوں وسیں گھٹ گھٹ، لکّھ چؤراسی ڈیرہ لائیا۔ شاستر سِمرت وید پُران انجیل قرآن رہے دسّ، کھانی بانی نال رلائیا۔ اکھّراں والا گاؤندے تیرا جس، الف یے صِفت صلاحیِا۔ صاحِب سوامی ٹھاکر دُھر دے تُوں کِسے نہ آئیوں ہتّھ، بِن بھگتاں تیرا سنگ نہ کوئے رکھائیا۔ کلجُگ انتم تیرا سہارا بَیٹھے تکّ، اوٹ تیرے اُتے تکائیا۔ آ کے لہنا دے حق، حاکم بن کے نوُر خُدائیا۔ جوتی جوت سروُپ ہرِ، آپ اپنی کِرپا کر، پھڑ باہوں باہر کڈھائیا۔ سِری بھگوان کہے نال پیار، جن بھگتاں آپ جنائیا۔ جُگ جنم دا پوُرب اُدھار، لہنا دیاں مُکائیا۔ جنم جنم دے وِچھڑے یار، گھر ساچے لَواں مِلائیا۔ بھگت اودھارن میرا اختیار، دوُجا سنگ نہ کوئے وکھائیا۔ میری مہما بےانت بےشُمار، شمع دیِپ گُروُ اوتار جُگ جُگ دِتے جگائیا۔ اُچ اگمّ اتھاہ اٹل میرا منار، سچکھنڈ ساچا سوبھا پائیا۔ جِتھے کوئی نہ پہُنچنہار، گُروُ گُر کرن نِمسکار، چرن کَول دھیان لگائیا۔ جوتی جوت سروُپ ہرِ، آپ اپنی کِرپا کر، جن بھگت دئے وڈیائیا۔ جن بھگت کہے پربھ تیرا ویکھنا اوہ مقام، جِس نوُں مقامے حق کہہ سُنائیا۔ سچکھنڈ تیرا کی نِظام، شاہ پاتشاہ حُکم کی جنائیا۔ شہنشاہ جھُلے تیرا کی نِشان، حُکم کی سُنائیا۔ کَون نوُر پرکاش ہووے بھان، کَون سچ کرے رُشنائیا۔ کَون منگے دان، دانی جھولی اَگے ڈاہیِا۔ کَون تیَنوُں کہے بھگوان، دُھر دا راگ الائیا۔ جوتی جوت سروُپ ہرِ، آپ اپنی کِرپا کر، ساچا گھر دے وکھائیا۔ جن بھگت کہے پربھ تیرا گھر لئیے ویکھ، سچ دوارا نظری آئیا۔ جِتھے نہ کوئی روُپ رنگ ریکھ، چِنں سکے نہ کوئے سمجھائیا۔ نہ کوئی کھٹیا نِہالی لیف، تکیہ سنگ نہ کوئے نِبھائیا۔ نہ کوئی بال بِردھ جوان رہیا کھیڈ، گودی گود نہ کوئے سُہائیا۔ نہ کوئی باشک مانے سیج، وِشنوُں سانگو پانگ نہ کوئے ہنڈھائیا۔ نہ کوئی گُروُ پروردِگار کرے آدیس، سجدہ سیِس نہ کوئے نِوائیا۔ نہ کوئے برہما وِشن مہیش، گنپت گنیش نہ کوئے وڈیائیا۔ نہ کوئی پُری لوء آکار دِسے دیس، زمیں آسمان

نہ کوئے وکھائیا۔ نہ کوئی گُروُ چیلا کرے ہیت، مُریِد مُرشد ویکھن کوئے نہ پائیا۔ نہ کوئی رُت مؤلے بسنتی چیت، پُھل پُھلواڑی نہ کوئے لگائیا۔ نہ کوئی جانے نیتن نیت، دوُر دُراڈا نہ کوئے سمجھائیا۔ نہ کوئی موڈھے دھرے اپنا کھیس، کھوُنڈی ہتّھ نہ کوئے پھڑائیا۔ نہ کوئی تتاں والا پنج تت خاکی دِسے دس دسمیش، دہ دِشاں ونڈ نہ کوئے ونڈائیا۔ نہ کوئی شاستر سِمرت وید پُران گیِتا گیان دیوے سندیس، انجیل قرآنا تیس بتیِسا حدیِث نہ کوئے پڑھائیا۔ نہ کوئی گُروُ گرنتھ اُپدیش، چارے کھانی چارے بانی چار کُنٹ چار جُگ چار ورن نہ کوئے سمجھائیا۔ جِس گھر صاحِب سوامی تُوں وسیں اِکو ایک، ایکنکار ڈیرہ لائیا۔ تیرے بھگت کلجُگ انتم تیری رکھ کے ٹیک، ٹِکّے پِچھلے رہےدھوائیا۔ کر کِرپا بُدھ کر بِبیک، دُرمت مَیل رہن نہ پائیا۔ ترےَگُن مایا نہ لگّے سیک، اگنی تت نہ کوئے جلائیا۔ تیرا دوارا لئیے ویکھ، بِن اکھّاں درشن پائیا۔ جوتی جوت سروُپ ہرِ، آپ اپنی کِرپا کر، اِک وکھاؤنا اپنا گھر، جِس گھر بہہ کے سوبھا پائیا۔ جن بھگتاں ساچا گھر وکھاوانگا۔ در اِکو اِک کھُلاوانگا۔ نر نرائن نظری آوانگا۔ ناتا توڑ کے بھائی بھَین، سجّن اِکو اِک اکھواوانگا۔ جُگ جنم دا دے کے لہنا دین، وست امولک جھولی پاوانگا۔ بھگت بھگوان اِکو گھر اِکٹھے رہن، سچکھنڈ دوار سُہاوانگا۔ بھےَ چُکا کے لاڑی مؤت ڈَین، لکّھ چؤراسی وِچوں پار کراوانگا۔ رائے دھرم اکھّ نہ تکّے نَین، چِترگُپت پندھ مکاوانگا۔ دُھر دا بن کے سیَن، سگلی چِنت گواوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں ویکھ وکھاوانگا۔ جن بھگت کہن کی کریں ترس، دردی درد ونڈائیا۔ جنم کرم دے رہے بھٹک، بِرہوں روگ ستائیا۔ کلجُگ کوُڑی کِریا چڑھیا کٹک، چاروں کُنٹ لڑائیا۔ مایا ممتا دیوے کوئی نہ جھٹک، کھنڈا نام نہ ہتّھ اُٹھائیا۔ پربھوُ تیرے مِلن دا جیہڑا لبھدے رہے وقت، گھڑی پل کھوج کھُجائیا۔ ہو سہائی وِچ جگت، جُگ چؤکڑی دئے گواہیِا۔ تیَنوُں لبھدے تیرے بھگت، بھانڈا بھرم بھؤ بھنائیا۔ نیتر رووے دھرنی دھرت، دھَول رہی کُرلائیا۔ گوبِند نال تیری شرط، کلجُگ انتم شرع دینی بدلائیا۔ بن کے آواں جودھا سوُربیِر مرد، مرد مردانہ اِک اکھوائیا۔ جن بھگتاں سُن کے عرض، آرزوُ اپنی جھولی پائیا۔ راگ سُناواں اگمّی طرز، سوہنگ ڈھولا اِک جنائیا۔ جنم جنم دی میٹ کے مرض، مرضی اپنے نال رلائیا۔ ایہو کھیل سدا اسچرج، جِسدی سمجھ کِسے نہ آئیا۔ غریِب نِمانیاں ونڈیں درد، دُکھیاں دُکھ ونڈائیا۔ چُھری قصائی پھڑے کوئی نہ کرد، قتل گاہ نہ کوئے بنائیا۔ جوتی جوت سروُپ ہرِ، آپ اپنی کِرپا کر، جن بھگتاں

ویکھ وکھائیا۔ جن بھگت ویکھے دِوس رَین، گھڑی پل دھیان لگائیا۔ رسنا سکے کوئی نہ کہن، جِہوا زبان نہ کوئے وڈیائیا۔ کِس بِدھ آوے دینا دین، داتا بےپرواہیِا۔ گُرمکُھ وِرلے حِصّہ لَین، ہستی اپنی آپ مِٹائیا۔ کوُڑی کِریا موُل نہ وہن، وہم جھوُٹھا دین گوائیا۔ جوتی جوت سروُپ ہرِ، آپ اپنی کِرپا کر، درس دِکھائے ساچے نَین، نَین متوالے دئے بنائیا۔ جن بھگت کہن نہیں ہویا متوالا، مُتلاشی ہو کے ویکھ وکھائیا۔ جِس نوُں کہِندے ہرِ گوپالا، گوبِند روُپ سمائیا۔ جِس دی سچکھنڈ سچّی دھرمسالا، چھپّر چھن نہ کوئے چُھہائیا۔ جِس دا آد جُگاد جُگا جُگنتر نوُر اُجالا، جوتی جوت ڈگمگائیا۔ جِس دا نِت نوِت کھیل نِرالا، نِرویَر پُرکھ اکھوائیا۔ جِس دا مارگ سدا سُکھالا، جن بھگتاں دئے سمجھائیا۔ جِس دا پھل اگمّی ڈالا، پتّ ٹہنی آپ مہکائیا۔ جِس دا گُروُ اوتار دیندے گئے احوالا، پیِر پَیغمبر اِشاریاں نال گئے جنائیا۔ جِس دے ہتّھ کال مہاکالا، مالک اِک اکھوائیا۔ جِس دا جلوہ نوُر جلالا، جوبن اِک ہنڈھائیا۔ سو جن بھگتاں دیوے اپنے نام دی مالا، من کا منکا دئے بھوائیا۔ تُوں براہمن تیرا سب توں مارگ اِک سُکھالا، ساچی دُھر دی کریں پڑھائیا۔ ترےَگُن ناتا توڑ جنجالا، ہرِ داتا ہوئے سہائیا۔ جِس دا گُر اوتار دے کے گئے بیانا، انتم لیکھا دئے مُکائیا۔ پرگٹ ہو کے نؤجوانا، جوبن رتّا بِناں تتاں آوے سچّا ماہیِا۔ سَت جھُلائے اِک نِشانہ، ویکھ وکھائے دو جہاناں، برہمنڈاں کھنڈاں چرناں ہیٹھ دبائیا۔ جو آد جُگادی برہم برہمادی شبد انادی وِشنوُں بھگوانا، بھگت بھگوَنت بھگؤتی بھگوَن اِک جنائیا۔ جودھا سوُربیِر وڈ مرد مردانہ، نَین متوالہ اِک اکھوائیا۔ جوتی جوت سروُپ ہرِ، آپ اپنی کِرپا کر، جن بھگتاں لئے جگائیا۔ جن بھگت جگائے اپنے ویلا، بھیو جگدیِش کھُلائیا۔ بھیو چُکائے گُروُ گُر چیلا، چیلا گُروُ دئے سمجھائیا۔ دھام وکھا کے اِک نَویلا، وِچھڑے رام دئے مِلائیا۔ کایا مندر جنگل جوُہ اُجاڑ بھیانک بیلا، ٹھگ چور یار اندر بَیٹھے ڈیرہ لائیا۔ جِنہاں مِلیا پربھ سجّن سُہیلا، صاحِب سَتگُر سہج سُکھدائیا۔ جوتی جوت سروُپ ہرِ، آپ اپنی کِرپا کر، ہرجن میلے چائیں چائنیا۔ ہرجن تیرا میل اپار، جگت نَین ویکھن نہ پائیا۔ آتم انتر اِک پیار، پریمی پریم دئے سمجھائیا۔ بِن رسنا جِہوا کر گُفتار، گُفت شنید ویکھ وکھائیا۔ ساچے مندر لئے اُٹھال، اندرے اندر جوڑ جُڑائیا۔ ساچی سُرتی لئے سنبھال، مِہر نظر اُٹھائیا۔ لیکھا جان شاہ کنگال، کنگالوں شاہ بنائیا۔ آپے ویکھے مُریِداں حال، مُرشد پھیرا پائیا۔ بھگت بھگوَنت دیوے مان، ابِھمان دئے چُکائیا۔ تُوں میرا میَں تیری کراں پہچان، سچ سندیشہ دئے سُنائیا۔ اِکو اکھّر دے

گیان، اگیان اندھیر مِٹائیا۔ گُر اوتار پیِر پَیغمبر خوشی منان، تالیاں تال وجائیا۔ جن بھگتاں ہرِ جوُ مِلیا آن، حالت سب دی ویکھ وکھائیا۔ لیکھے لا کے بِردھ جوان، بُڈھے نڈھےّ دئے ترائیا۔ جِنہاں گوبِند سیوا کیِتی مہان، اُچ دا پیِر کندھے اُتے رکھائیا۔ تِنہاں دا لیکھا وِچ جہان، ظاہر ہو کے رہیا چُکائیا۔ آسا منسا پوُری کرے آن، ترِشنا بُھکھ رہے نہ رائیا۔ جوتی جوت سروُپ ہرِ، آپ اپنی کِرپا کر، جن بھگت دئے وڈیائیا۔ جن بھگت تیری مِٹے ترِسنا ترِکھا، سانتک سَت دئے کرائیا۔ تُوں آتم پرماتم بنیا سِکھا، سِکھی سچ سچ دِرڑائیا۔ جِس دا تیِر نِرالا تِکھا، انیالا آپ چلائیا۔ جِس دا امرت سب توں مِٹھا، انڈِٹھا رس چکھائیا۔ سو صاحِب کرے ہِتا، پریم پریِتی اِک ودھائیا۔ روُپ وکھا کے اپنا انڈِٹھا، چیتن سُرتی رہیا کرائیا۔ جن بھگتاں دی سیجے سُتّا، آتم انتر ڈیرہ لائیا۔ گُرمکُھ کوئی نہ رہے رُسا، رُسیاں رہیا منائیا۔ بھگت بھگوان دا کاہدا غُصّہ، خوشیاں رنگ وکھائیا۔ پیار نال کہے پربھ اُٹھ میرے لاڈلے پُتا، پت پرمیشور دَیا کمائیا۔ اوہناں دا آون جاون مُکا، جِنہاں مُکمل مِلی سرنائیا۔ جنم کرم دا مِٹے دُکھا، دلِدر روگ رہے نہ رائیا۔ جننی کرا کے سُفل کُکھا، دھنّ جنیِندی مائیا۔ جن بھگت دوارے کھا کے ٹُکر رُکھا، سِری بھگوان خوشی منائیا۔ شاہ پاتشاہ راج راجاناں کدے نہ پُچھا، پُشت پناہ ہتّھ نہ کوئے ٹِکائیا۔ سب توں اُتم سریشٹ سَت سروُپ گُرمکُھا، جو مکُھ وِچوں سوہنگ نام دِھیائیا۔ پربھ دا کھیل نہیں کوئی لُکا، پڑدا اُتے نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، سنت سُہیلے رہیا ترائیا۔ بھگت کہن پربھ کل ڈوُنگھا ساگر، نئیا نظر کوئے نہ آئیا۔ بھَور ہوئی کایا گاگر، پار نہ کوئے کرائیا۔ ساچا ونج نہ کرے کوئی سؤداگر، ہٹّ سَت نہ کوئے کھُلائیا۔ نِرمل کرم نہ ہوئے اُجاگر، دُرمت مَیل نہ کوئےدھوائیا۔ سچ دوارے دیوے کوئی نہ آدر، انتر درِشٹ نہ کوئے کھُلائیا۔ پیا وِچھوڑا کرتے قادر، کریم رحیم نہ کوئے مِلائیا۔ جوتی جوت سروُپ ہرِ، آپ اپنی کِرپا کر، درس دینا اپنا باطن، بَیتُل دھام دینا وکھائیا۔ جن بھگت کہن پربھ کھول تاکی، تُخم تاثیر دے جنائیا۔ تیری ویکھیئے چال بانکی، نِرگُن بےپرواہیِا۔ تُوں آد جُگادی ساتھی، سگلا سنگ نِبھائیا۔ تُوں دُھر منتر دا پاٹھی، تیرے پاٹھ دا بھوگ کوئے نہ پائیا۔ تُوں سب دا کملاپاتی، لکّھ چؤراسی نار رہیا ہنڈھائیا۔ تُوں سدا سدا پُرکھ ابناشی، جیِون مرن وِچ نہ آئیا۔ تیرا نام سندیشہ دُھر دی پاتی، جن بھگت سُنیہڑا دے سمجھائیا۔ کلجُگ میٹ اندھیری راتی، سَتجُگ سچّا چند چمکائیا۔ لہنا دینا مکُے ذات پاتی، شتّری براہمن شوُدر وَیش نظر کوئے نہ آئیا۔ جن بھگتاں بدل

دے حیاتی، حاضر ہو کے دَیا کمائیا۔ تیرے نام دی وجےّ اِک ربابی، ربّی نوُر دے درسائیا۔ آون جاون دی ملِے آزادی، اَدھ وِچکارنہ کوئے اٹکائیا۔ تیرے دوارے ہوئیے پاکی، بھاگ حِصّہ جھولی دینا پائیا۔ بھگت اُدھارنا تیری دُھر دی وادی، وادھا اَگے دے کرائیا۔ تیرے سچکھنڈ دی سوہے سُہنجنی آبادی، عبادت تیرا اِکو نام دِھیائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگت ساچے سنت گُرمکُھ گُرسِکھ تیری منگن اِک سرنائیا۔

۶ مگھّر ۲۰۲۱ بِکرمی گُرداس سِنگھ دے گرِہ پِنڈ شاہ والا

جن بھگت ہرِ دوارے گھُمدا، گھُمن گھیری جگت تجائیا۔ شبد اگمّی نام سُندا، سُرتی شبد مِلائیا۔ لیکھ مِٹا کے پوُرب اَوگُن دا، گُن ساچا جھولی پائیا۔ رس مانے اگمّی دُھن دا، انحد راگ جنائیا۔ پڑدا لاہ کے ڈوُنگھی سُن دا، نِج نیتر اکھّ کھُلائیا۔ ساک چُھٹ جائے رِکھ مُن دا، پت پرمیشور ملِے بےپرواہیِا۔ چوٹی سیِس کوئے نہ مُندا، ثابت صوُرت اِک وکھائیا۔ لیکھا مُک جائے رسنا جِہوا بُل دا، انتر آتم جوڑ جُڑائیا۔ نِجھر رس کدے نہ ڈُلھدا، سچ پیالہ جام پیائیا۔ ترےَگُن مایا وِچ نہ رُلدا، رُلدیاں لئے ترائیا۔ بوُٹا بنا دے ساچی کُل دا، کُلونتا ہوئے سہائیا۔ آد جُگاد پھلدا پُھلدا، پتّ ڈالی نال مہکائیا۔ پریم ہُلارے اندر جھُلدا، سوہنی رُت سُہائیا۔ سچ پریِتی اندر گھولی گھُلدا، گھال اپنی لیکھے لائیا۔ جوتی جوت سروُپ ہرِ، آپ اپنی کِرپا کر، گھر ساچے میل مِلائیا۔ گُرمکُھ گھُم گھُم لائے چکّر، چکّرورتی ویکھ وکھائیا۔ جِس دے سیِس جھُلدا چھتر، چھتردھاری اِک اکھوائیا۔ جِس دا لیکھا اگمّی پتّر، بُدھی سمجھ سکے نہ رائیا۔ جِس دے گُر اوتار پَیغمبر پُتر، بھگتاں دئے وڈیائیا۔ جو نِرگُن دھاروں آوے اُتر، نِرویَر پُرکھ اِک اکھوائیا۔ اُسدا سدا کریئے شُکر، شاکر اپنے اُتے کرائیا۔ کیِتا قؤل جائے نہ مُکر، گوبِند گُر سمجھائیا۔ سنت سُہیلے چُکےکُچھڑ، گُرمکُھ گود اُٹھائیا۔ جوتی جوت سروُپ ہرِ، آپ اپنی کِرپا کر، ویکھنہارا تھاؤں تھائنیا۔ گُرمکُھ گھُمن گھر چاؤ گھنیرا، وجےّ نام ودھائیا۔ پُرکھ ابناشی بنھے بیڑا، سمرتھ اپنے کندھ اُٹھائیا۔ جنم جنم دا کٹّ کے گیڑا، لکّھ چؤراسی دئے

کٹائیا۔ آون جاون چُکےجھیڑا، جھگڑا رہے نہ کوئے لوکائیا۔ کایا مندر وسے کھیڑا، سوہنی بنت بنائیا۔ نظری آئے تُوں میرا میَں تیرا، دوُجا روُپ نہ کوئے وٹائیا۔ شبد انادی سَتگُر شیرا، شہنشاہ وڈیائیا۔ پریم پریِتی پا کے گھیرا، ڈوری تند بندھائیا۔ نظری آوے نیرن نیرا، دوُر دُراڈا پندھ چُکائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ گُرمکُھ گھُمن چار کُنٹ، بھجّن واہو داہیِا۔ ٹھاکر مِلیا واسی بَیکُنٹھ، نِواسی اِکو نظری آئیا۔ جِس نوُں جُگ چؤکڑی لبھدے سنت، بھگت اکھّ کھُلائیا۔ جو مالک دُھر دا کنت، وِچھڑیاں رہیا مِلائیا۔ کایا چولی چاڑھے رنگ بسنت، تن ماٹی خاک اپنے نام رنگائیا۔ گڑھ توڑ کے ہؤمے ہنگت، نِون سُ اکھّر کرے پڑھائیا۔ بودھ اگادھا بن کے پنڈت، ساچا نام دئے سمجھائیا۔ جوتی جوت سروُپ ہرِ، آپ اپنی کِرپا کر، جاننہارا ہر گھٹ تھائنیا۔ گُرمکُھ گھُمن اِرد گِرد، آس پاس سوبھا پائیا۔ جِس سوامی دُھر دی درد، دُکھیاں ویکھ وکھائیا۔ اوس اَگے اِکو عرض، بیننتی سچ جنائیا۔ جنم کرم دی میٹ دے مرض، آون جاون رہن نہ پائیا۔ تیرا پربھ کی ہونا حرج، مِہر نظر اُٹھائیا۔ شرع قصائی نہ مارے کرد، چُھری حلال نہ کوئے کرائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے اُٹھائیا۔ گھُم گھُم کے سارے تھکّے، جُگ چؤکڑی پندھ مُکائیا۔ پِھر پِھر آئے مدینے مکّے، کعبہ قبراں وِچ دھیان لگائیا۔ لبھدے رہے تیِرتھ تٹے، اٹھسٹھ کھوج کھُجائیا۔ گُردر مندر مسجد پِھردے بھجےّ، بن کے پاندھی راہیِا۔ شاستر سِمرت وید پُران پڑھ پڑھ اکےّ، عقل بُدھ نہ کوئے چتُرائیا۔ ساچا مارگ تیرا سوامی موُل نہ لبھے، کھوجی سرِشٹ سبائیا۔ چاروں کُنٹ تتّی وا وگے، سانتک سَت نہ کوئے کرائیا۔ کلجُگ جیِو بگڑے ہوئے بپے، ہنس روُپ نہ کوئے وٹائیا۔ بِرہوں وِچھوڑے اندر تپے، جن بھگت دین دُہائیا۔ کَون ویلا پربھ سِر اپنا ہتّھ رکھے، رکھیا کرے تھاؤں تھائنیا۔ ساڈے لیکھے لا لئے ٹیکے متھے، مستک جوتی نوُر کرے رُشنائیا۔ سگل وسوُرے جائن لتھے، دُکھ روگ رہن نہ پائیا۔ نام رنگن وِچ اپنے رتےّ، رتّی رنگ رنگائیا۔ جوتی جوت سروُپ ہرِ، آپ اپنی کِرپا کر، جن بھگتاں دے وڈیائیا۔ جن بھگت کہن گھُم گھُم رہے پِھردے، جُگ چؤکڑی پھیرا پائیا۔ پربھوُ آ کے وس اپنے ہِردے، ہرِ انتر پڑدا لاہیِا۔ بھیوَ کھُلا انوکھے دِل دے، دِلبر اپنا جوڑ جُڑائیا۔ آتم پرماتم ویکھیئے مِلدے، میل مِلاوا دے سمجھائیا۔ بھیوَ کھُلا دے اپنے دِل دے، تِلک للاٹی نوُر کر رُشنائیا۔ سُکھ دے ساچے وصل دے، اصل اپنا روُپ سمجھائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ پِھردے پِھردے آ گئے گھر، گرِہ

مندر دے وکھائیا۔ جِتھے وسے نرائن نر، ہرِ جوُ ڈیرہ لائیا۔ اوس منزل جائیے چڑھ، جِس دا مارگ سمجھ کوئے نہ پائیا۔ تیری سرنی ڈِگیئے دڑ، اپنا آپ مِٹائیا۔ صاحِب سوامی کِرپا کر، کِرپن لئے اُٹھائیا۔ نِربھؤ چُکا بھےَ ڈر، بھیانک ہو سہائیا۔ سوَچھ سروُپی اَگے کھڑ، سنمکُھ درس دینا چائیں چائنیا۔ تیرا ناؤں نِرنکارا لئیے پڑھ، دوُجی اَور نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کھُلائیا۔ پِھردے پِھردے آئے آسن، اصلیّت دے سمجھائیا۔ تیرا ناؤں پُرکھ ابناشن، ابناشی تیرے ہتّھ وڈیائیا۔ بھگت سُہیلے داسی داسن، گُر چیلے سیِس نِوائیا۔ پندھ مکا دے پرِتھمی آکاشن، گگن گگننتر ڈیرہ ڈھائیا۔ تیرا منڈل ویکھن راسن، سوہنا ویس دھرائیا۔ کر بیننتی سارے آکھن، نیتر نَیناں نیِر وہائیا۔ پربھوُ تیرے آئے پاتن، نئیا نؤکا نام چڑھائیا۔ دو جہاناں بن ساتھن، سگلا سنگ نِبھائیا۔ کوٹ جنم اُتار پاپن، پتت پُنیِت کرائیا۔ تُوں دُھر دا مائی باپن، پِتا پُرکھ اکال اکھوائیا۔ اساں تیرا کرنا اِکو جاپن، سو اِکو سوہنگ راگ الائیا۔ گُروُ اوتاراں پیِر پَیغمبراں دسّیا بھوِکھت واکن، ویلا وقت گیا آئیا۔ تیرا بھگت نہ ہوئے نِراسن، نِراسا آسا وِچ بدلائیا۔ جوتی جوت سروُپ ہرِ، آپ اپنی کِرپا کر، سچ دے مان وڈیائیا۔ گھُمدے گھُمدے آ گئے اَگے، اپنا پندھ مُکائیا۔ کِرپا کر سوُرے سربگے، سچ تیری سرنائیا۔ دیِپک دیِا کملاپاتی اِکو جگے، اندھیری راتی دئے مِٹائیا۔ پَون سُگندھی اگمّی ٹھنڈی وگے، تتّی وا نہ لگّے رائیا۔ ہنس بنا بگڑے بپے، دُرمت مَیل دھوائیا۔ تیرا نام تیرا بھگت اِکو جپے، جیِون جُگت اِک سمجھائیا۔ سچ پریِتی سیِس جگدیِش تیرے اَگے، دوُسر اَور نہ کوئے جھُکائیا۔ دُھر دربارا ہرِ نِرنکارا بھگت بھگوان تیرا لنگھے، ساچے مندر چڑھ چڑھ خوشی منائیا۔ تُوں صاحِب سوامی انتریامی سچ سِنگھاسن سوہیں پلنگے، چھتردھاری ڈیرہ لائیا۔ نام نِدھان نؤجوان سِری بھگوان تیرا وجےّ مردنگے، اگمّ اگمّڑا راگ سُنائیا۔ گُر اوتار پیِر پَیغمبر سرن سرنائی سارے ڈھٹّھے، سِر سکے نہ کوئے اُٹھائیا۔ بھگت سُہیلے پریمی پریم آپے سدّے، سچ سُنیہڑا نام جنائیا۔ در دوار تیرے آئیے بھجےّ، بھجن بندگی تیری جھولی پائیا۔ لکّھ چؤراسی وِچوں پھڑ پھڑ کڈھے، ایہو تیری وڈیائیا۔ پار اُتارے بُڈھے نڈھےّ، نؤجواناں ہوئے سہائیا۔ جو سرنائی تیری لگّے ، اپنا آپ مِٹائیا۔ جوتی جوت سروُپ ہرِ، آپ اپنی کِرپا کر، تِنہاں لیکھا لیکھے لائیا۔ گھُمدے گھُمدیاں مِلیا دروازہ، پڑدا دے اُٹھائیا۔ تُوں سرب سوامی غریِب نِواجا، کوجھے کملیاں گلے لگائیا۔ بھگت سُہیلا مار آوازاں، سُتّیاں لےَ اُٹھائیا۔ اندر وڑ کے کھولے رازا، رحمت آپ کمائیا۔ ہوئے سہائی ناتھ اناتھا،

نِمانیاں دے وڈیائیا۔ جُگ چؤکڑی تیرا ساتھا، سگلا سنگ اِکو نظری آئیا۔ تیرے بھگتاں تیرا گاؤنا پاٹھا، تیرا نام دِھیائیا۔ تُوں مالک خالق پُرکھ سمراتھا، سچکھنڈ نِواسی اِکو نظری آئیا۔ کلجُگ انت سِری بھگوَنت پوُری کردے آسا، آسا ترِسنا میٹ مِٹائیا۔ تیرے چرن سچ بھرواسا، بھانڈا بھرم دے بھنائیا۔ پِچھلا کھول کے ویکھ کھاتہ، جنم کرم دا لیکھا تیری جھولی پائیا۔ تُوں گہر گمبھیِر وڈّا داتا، بےنظیِر نظری آئیا۔ تیرے نال جُڑیا بھگتاں ناتا، آتم پرماتم میل مِلائیا۔ دو جہاناں بن سجّن ساکا، سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، پوُرب لہنا دے چُکائیا۔ گھُم گھُم کے میٹیا پندھ، پاندھی رہے جنائیا۔ تُوں سوامی ہرِ بخشند، بخشش جھولی پائیا۔ اپنے پریم دا دے اِک انند، انند انند وِچوں پرگٹائیا۔ گھر مِلاوا سوہنے چند، گُر شبدی جوڑ جُڑائیا۔ سُرت سوانی نہ ہوئے رنڈ، سُہاگی کنت مِلائیا۔ سَت سروُپی اِکو چھند، تُوں میرا میَں تیرا راگ الائیا۔ بھرم بُھلیکھا ڈھیہہ جائے کندھ، بھانڈا بھرم بھنائیا۔ کوُڑی کِریا مِٹے گند، مایا ممتا موہ چُکائیا۔ جوتی جوت سروُپ ہرِ، آپ اپنی کِرپا کر، جن بھگتاں لےَ ترائیا۔ گھُمدے گھُمدے آ گئے کول، جنم جنم دا پندھ مُکائیا۔ اپنے کنڈے ہرِ جوُ تول، ترازوُ اَور نہ کوئے ٹِکائیا۔ اندر وڑ کے نِرگُن بول، سرگُن دے سمجھائیا۔ ایتھے اوتھے رہیئے اڈول، ڈُل سکے کوئے نہ رائیا۔ سچ دوارا انتر کھول، پڑدا آپ اُٹھائیا۔ جوت سروُپی ہو کے مؤل، مؤلا اِکو نظری آئیا۔ تیرے بھیو جانے نہ کوئی پنڈت پاندھا رؤل، وِدیا نال نہ کوئے وڈیائیا۔ جن بھگت سُہیلے تیرا درشن منگن اُپر دھؤل، دھرنی دھَول دھیان لگائیا۔ پوُرا کردے اپنا قؤل، کیِتا قؤل بُھل نہ جائیا۔ جوتی جوت سروُپ ہرِ، آپ اپنی کِرپا کر، میل مِلاؤنا سہج سُبھائیا۔ گھُمدے گھُمدے وڑ گئے اندر، بنک دوارا ویکھ وکھائیا۔ سوہنا لگّا سَتگُر مندر، ہرِ جوُ دئے وڈیائیا۔ بجر کپاٹی کھولدے جندر، قُفل کوُڑا دے تُڑائیا۔ بھاگ لگا دے کایا کھنڈر، جوتی جوت ہوئے رُشنائیا۔ من واسنا بنھ دے بندر، دہ دِشا نہ اُٹھ اُٹھ دھائیا۔ دُئی دوَیتی ڈھاہ دے کندھن، پڑدا پرے ہٹائیا۔ چرن دھوُڑ دا لا دے چندن، مستک ٹِکاّ خاک رمائیا۔ سچ پریم دا پا دے بندھن، ڈوری سکے نہ کوئے تُڑائیا۔ پُرکھ اکال ہو کے رکھ انگن، گودی اِک اُٹھائیا۔ دُھر دا در آئے منگن، اِکو منگ منگائیا۔ کایا چولی چڑھ جائے رنگن، دُرمت مَیل دھوائیا۔ آتم پرماتم ملِے انندن، برہم پاربرہم اِک سمائیا۔ تُوں بھگت سُہیلا ٹُٹی گنڈھن، جُگ وِچھڑے میل مِلائیا۔ دیِن دَیال سدا بخشندن، جُگ جُگ رحمت آپ کمائیا۔ جوتی جوت سروُپ ہرِ، آپ اپنی کِرپا کر، ہرجن ساچے

ویکھ وکھائیا۔ گھُمدے گھُمدے مندر لبھّا، وجّی سچ ودھائیا۔ ہؤکا پھیر نہ نِکلے ہائے ربّا، طوبیٰ طوبیٰ نہ کوئے سُنائیا۔ تُوں سب دا پِتا اِکو ابّا، امی ممی اِکو تُوں اکھوائیا۔ تیرے پیار دا بھگت بدھّا، بندھن سارے رہیا تُڑائیا۔ تُوں پیار دے دے اپنے ہتّھاں، سِر اپنا ہتّھ ٹِکائیا۔ میَں تیرا گاواں جسا، جس وید پُران نہ صِفت صلاحیِا۔ جُگ چؤکڑی پِھراں نٹھا، سَتجُگ تریتا دواپرکلجُگ پندھ مُکائیا۔ دھنّ بھاگ جے مِلیوں پُرکھ سمرتھا، سچ سوامی دَیا کمائیا۔ میَں درشن کرکے اکھّاں، نیتر نَیناں ترِکھا لئی بُجھائیا۔ ساچے سنتاں ہسّ ہسّ دسّاں، گُرمکُھاں دیاں جنائیا۔ میَں اوہدے چرناں وساں، جِس دِتی مان وڈیائیا۔ میَں راگ گاواں وانگ بھٹّاں، دُھر دی دھار جنائیا۔ تُوں تارنہارا جٹّاں، شتّری براہمن شوُدر ویکھ وکھائیا۔ تیرے کولوں پِچھےکدے نہ ہٹاں، چرن کَول مِلی سرنائیا۔ اِکو تیرا نام رٹّاں، تُو ہی تُو ہی راگ الائیا۔ جوتی جوت سروُپ ہرِ، آپ اپنی کِرپا کر، جن بھگتاں لئے ترائیا۔ جن بھگت کہے میَں پِھردا پِھراندا، پھیری تیرے در تے پائیا۔ تیرا نام دھیاندا، دھرنی دھرت دھَول بھجّاں واہو داہیِا۔ تُوں ہی تُوں راگ الاندا، راگاں ناداں کھہڑا لیا چُھڈائیا۔ اِکو تیرا درشن پاندا، پاندھی ہو کے اپنا پندھ چُکائیا۔ تیری چرن دھوُڑی نہاندا، دُرمت مَیل دھوائیا۔ تُوں سوامی ورتیا سوانگا، نِہکرمی اپنا کرم کمائیا۔ تیرے مِلن دیِاں گُر اوتار پیِر پَیغمبر رکھدے گئے تانگھاں، نِت نوِت دھیان لگائیا۔ تیرا مندر اندر ڈوُنگھا ٹھانڈا، سَت سروُپی نظری آئیا۔ جِتھے بِنا بھگتاں کوئی نہ جاندا، سچ دوارے درس کوئے نہ پائیا۔ جوتی جوت سروُپ ہرِ، آپ اپنی کِرپا کر، اپنا میلا لیا مِلائیا۔ گھُم گھُماکے ہویا مِلاپ، میلا ہرِ کرائیا۔ جنم کرم دے مِٹ گئے پاپ، ترےَگُن مایا ڈیرہ ڈھائیا۔ سَت سچ دا دسّ کے جاپ، جیِون مکُت کرائیا۔ کوُڑی کِریا کٹّکے پاپ، پتت پُنیِت لئے بنائیا۔ دُھر دا مالک بن کے باپ، بھگت سُہیلے گود اُٹھائیا۔ ایتھے اوتھے ہو کے ساتھ، سگلا سنگ نِبھائیا۔ کوُڑی کِریا میٹ اندھیری رات، ساچا چند چمکائیا۔ بھگت بنا کے اپنی ذات، انتم اپنے وِچ سمائیا۔ جوتی جوت سروُپ ہرِ، آپ اپنی کِرپا کر، ہرِ دیونہار وڈیائیا۔ وڈیائی دیوے آپ پربھ، دیِن دَیال دَیا کمائیندا۔ سنت سُہیلے سجّن لبھ، گُرمکُھ جوڑ جُڑائیندا۔ لکّھ چؤراسی وِچوں کڈھ، ناتا اِکو اِک وکھائیندا۔ وِشَو روُپ بنا کے وِشَو جدّ، وِشا اِکو اِک دِرڑائیندا۔ سچ دوارے آپے سد، صدقے واری گھولی گھول گھُمائیندا۔ دُھر درگاہی سُنا ند، انادی

راگ الائیندا۔ دے وڈیائی وڈّا جس، وڈ وڈّا آپ بنائیندا۔ ایہہ کھیل پُرکھ سمرتھ، مہما اکتھ کتھ جنائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں جھولی پاوے حق، حقیِقت دُھر دی ویکھ وکھائیندا۔

۶ مگھّر ۲۰۲۱ بِکرمی کرنَیل سِنگھ دے گرِہ پِنڈ شاہ والا

جن بھگت بہنا ساچی گودی، سِری بھگوان دئے وڈیائیا۔ جِس وِچ بہِندے رہے بیدی سوڈی، اپنا آسن لائیا۔ تُوں وی اُس باغ دی ڈوڈی، گُلشن وِچوں غُنچہ پُھل روُپ وٹائیا۔ میل مِلایا بن کے دُھر سنجوگی، وِچھوڑا پندھ چُکائیا۔ انتر آتم آپے سودھی، بُدھ بِبیک کرائیا۔ دیِن دَیال بن کے چوجی، ہرجن ساچے ویکھ وکھائیا۔ جنم جنم دے جانے روگی، دُکھڑا رہیا مِٹائیا۔ لبھدے پِھردے کوٹن کوٹی، لبھیاں ہتّھ کِسے نہ آئیا۔ تال وجاؤندے کارن روٹی، چاروں کُنٹ دُہائیا۔ بِن بھگتاں منزل چڑھے کوئے نہ چوٹی، گھر سچ نہ کوئے سُہائیا۔ سَتگُر پوُرا واسنا کڈھے کھوٹی، سچ سُچ سمجھائیا۔ تیرا نوُر نِرمل نِرالا جوتی، جوتی جوت جوت سمائیا۔ ساچی منزل دسےّ سؤکھی، پؤڑی ڈنڈے آپ چڑھائیا۔ پڑھنی پئے نہ کوئے پوتھی، پُستک ہتّھ نہ کوئے وکھائیا۔ بھاویں طعنے دیون لوکیں، پرلوک وجےّ ودھائیا۔ گُرمکُھ ہیِرا مانک موتی، رتن جواہر اِکو نظری آئیا۔ جِس دی سُرت اُٹھائی سوتی، سُتّیاں لیا جگائیا۔ میل مِلاکے نال رَویداس چمارے موچی، براہمن رنگ رنگائیا۔ کسیِرے والا بن کے کھوجی، راجن اپنا پھیرا پائیا۔ بھائیاں نال میل مِلا کے وکھّری انوکھی کہانی سوچی، سچ سُچ آپ جنائیا۔ جِس دوارے تردے دوشی نِردوشی، پاپیاں پُنیِت دئے بنائیا۔ سوہنی سُہنجنی اُتم سریشٹ جِس دی اِکو گودی، گوداوری کنڈھے گوبِند گیا سُنائیا۔ سچ دوار دا ٹھاکر مؤجی، مجلس بھگتاں نال رکھائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ بھگت سُہیلے گودی بہنا، ہرِ کرتا آپ جنائیندا۔ درشن کرنا سنمکُھ نَیناں، نیتر نَیناں اکھّ کھُلائیندا۔ پریم پیار دا بھوِشن گہنا، تن چولا اِک وکھائیندا۔ ہرِ سرنائی ساچی رہنا، دوُجا اِشٹ نہ کوئے وڈیائیندا۔ چرن دوارے دُھر دے بہنا، استھان بھوُمکا اِکو اِک سُہائیندا۔ جُگ جنم دا لہنا دینا، پُرکھ اکالا جھولی پائیندا۔ کوُڑی کِریا مات نہ وہنا، شؤہ دریائے نہ کوئے رُڑھائیندا۔ سرب سوامی ملِے سجّن سیَنا، ساک اِکو اِک اکھوائیندا۔ جوتی جوت سروُپ

ہرِ، آپ اپنی کِرپا کر، گھر ساچے رنگ رنگائیندا۔ پربھ دی گودی سب توں چنگی، گُر اوتار دھیان لگائیا۔ دئے شہادت ماتا گنگی، جمنا سُرستی نال رلائیا۔ سرِشٹ سبائی کلجُگ اندھی، نیتر اکھّ نہ کوئے کھُلائیا۔ جگت واسنا ہوئی گندی، سُگندھی نظر کوئے نہ پائیا۔ پِھری دروہی وِچ وربھنڈی، برہمنڈ رہے کُرلائیا۔ جگت دُہاگن بن کے رنڈی، آسا ترِشنا مارے دھاہینا۔ چڑھیا چند نہ کوئے نوچندی، مسّیا رَین نہ کوئے مِٹائیا۔ تُٹا خانہ موُل نہ بندی، بندنا حق نہ کوئے دِرڑائیا۔ گُر اوتار پیِر پَیغمبر لا کے گئے ڈنڈی، آپو اپنا راہ جنائیا۔ پُرکھ اکال دیِن دَیال سرب بخشندی، لکّھ چؤراسی ہوئے سہائیا۔ جِس دی گود سُہنجنی اِک سُہندی، جن بھگت بہہ بہہ خوشی منائیا۔ وجےّ تن رباب اگمّی تندی، راگ تال نہ کوئے سُنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ پربھ دی گود کہے میَں کی کی دسّاں، دُھر دا حال سُنائیا۔ جن بھگت ویکھاں اپنی اکھّاں، آخر پڑدا لاہیِا۔ سچ سرنائی اوہناں ڈھٹّھا، جو ڈھیہہ ڈھیہہ رہے منائیا۔ ناتا توڑکے تتاں اٹّھاں، نؤ در پندھ چُکائیا۔ خوشیاں نال بہہ بہہ ہسّاں، ہنس مکُھ اپنا روُپ وٹائیا۔ سچ سُنیہڑا اِکو دسّاں، دُھر دا حال جنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگت کہے پربھ گودی اِک، ایکنکار آپ جنائیا۔ جِتھے ٹھاکر سوامی آئے دِس، دہ دِشا ہوئے رُشنائیا۔ آتم پرماتم کرے ہِت، ناتا تتاں دئے تُڑائیا۔ نِرگُن ہو کے سرگُن لئے کِھچّ، ادھ وِچ میل مِلائیا۔ دُھر دا مالک بن کے پِت، پوُت سپوُتے ہوئے سہائیا۔ کرے کھیل آپ انڈِٹھ، جگ نیتر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، جن بھگتاں رہیا ترائیا۔ گود بہن دا جِنہاں چاء، چاؤ گھنیرا دئے جنائیا۔ پُرکھ ابناشی بناؤ اِک ملاح، بیڑا دو جہان ترائیا۔ شبد اگمّی دئے صلاح، کرے سچ پڑھائیا۔ گود اُٹھائے جِؤنپُتراں ماں، بالک انگ لگائیا۔ خالق خلق روُپ خُدا، خُد ملِے بےپرواہیِا۔ پروردِگار سچّا شہنشاہ، جلوہ نوُر نوُر خُدائیا۔ مُریِداں مُرشد ویکھے آ، بھگتاں بھگوَن جوڑ جُڑائیا۔ رہبر ہو کے دسےّ راہ، مارگ اِکو اِک سمجھائیا۔ سِر اپنا ہتّھ ٹِکا، جگت جگدیِش ویکھ وکھائیا۔ ہرِ کا لیکھا لِکھے نہ کوئی قلم شاہ، کاغذ ملِے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے اُٹھائیا۔ جن بھگت کہے پربھ تیری گودی ویکھ، ویکھ ویکھ بِگسائیا۔ جِس دا سمجھ نہ سکے کوئی بھیت، بھیو سکے نہ کوئے کھُلائیا۔ جِس دے اندر بھگت سُہیلے رہے لیٹ، تیری خوشی منائیا۔ ایہو جیہی وِشنوُں لبھی کوئی نہ سیج، سانگو پانگ دئے دُہائیا۔ تیرے گھر وِچ جوتی جلوہ تیج، دیوا

بتّی نہ کوئے جگائیا۔ نہ کوئی مُلّا نہ کوئی شیخ، پنڈت پاندھا نظر کوئے نہ آئیا۔ وکھّرا نِرالا اگمّڑا تیرا دیس، چھپّر چھن نہ کوئے چُھہائیا۔ سوُرج چند نہ کوئی تیج، جلوہ گر تیری رُشنائیا۔ بھگت سُہیلے اوتھے بھیج، جِتھے بھجن بندگی دی لوڑ رہے نہ رائیا۔ جِدھر چاہیئے تیَنوُں لئیے ویکھ، چاروں کُنٹ نظری آئیا۔ در سجدہ کریئے آدیس، نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، گرِہ مندر دینا سُہائیا۔ جن بھگت کہن پربھ تیری گود وکھّری، بِن بھگتاں ہتّھ کِسے نہ آئیا۔ کِسے نوُں ہتّھ نہ آوے پڑھیاں اکھّری، الف یے نہ کوئے سمجھائیا۔ کوئی پنڈت پاندھا لبھ نہ سکے وِچوں پتّری، حِساب کِتاب نہ کوئے دِرڑائیا۔ کِسے سمجھ نہ آوے براہمن شتّری، شوُدر وَیش نہ کوئے جنائیا۔ کوئی بھیوَ نہ پاوے گرِہ نچھتّری، کُنڈلیاں وِچ نہ بند کرائیا۔ ہتّھاں نال کِسے نہ پکڑی، لیف نِہالی نال نہ کِسے سُہائیا۔ گوبِند دسّیا اوہ سیج اگمّی سَتھری، جیہڑی سوُلاں نال وِچھائیا۔ اوہ روڑیاں والی پتّھری، پتّھر ہِردے دئے ہِلائیا۔ جوتی جوت سروُپ ہرِ، آپ اپنی کِرپا کر، تیری اوٹ اِک تکائیا۔ جن بھگت کہن گود پربھ دے اوہ، جِس دا مالک تُوں اکھوائیا۔ جِس اُتے سُتّا چھّبی پوہ، سَت سروُپی ڈیرہ لائیا۔ جگت جہانوں ہو نِرموہ، ناتا بھگتاں نال جُڑائیا۔ کر پرکاش ساچی لو، دیِا باتی دِتا جلائیا۔ اپنے جیہا آپے ہو، ہوکا دُھر دا اِک سُنائیا۔ پُرکھ اکال دی سُنو سو، ہنگ برہم آپ سمجھائیا۔ جن بھگتاں امرت آتم دِتا چو، نِجھر جھِرنا دھار وہائیا۔ دُھر دا ڈھوآ دِتا ڈھو، جُگ وِچھڑے میل مِلائیا۔ گُرمکُھ وِرلا جانے کو، لکّھ چؤراسی سمجھ نہ رائیا۔ جیہڑا تیرے نال جائے چھوہ، چھوہرا بانکا دو جہاناں سوبھا پائیا۔ جوتی جوت سروُپ ہرِ، آپ اپنی کِرپا کر، ساچی گودی اِک ٹِکائیا۔ ساچی گودی لئے ٹِکا، سو پُرکھ نِرنجن دَیا کمائیندا۔ سنت سُہیلے لئے بہا، ہرِ پُرکھ نِرنجن ویکھ وکھائیندا۔ ساچی سِکھیا دئے دِرڑا، ایکنکار آپ پڑھائیندا۔ جوت نِرنجن دئے جگا، آد نِرنجن ویکھ وکھائیندا۔ دو جہاناں ہوئے سہا، سِری بھگوان دَیا کمائیندا۔ ساچا مارگ دئے جنا، ابناشی کرتا پڑدا لاہِندا۔ پاربرہم پربھ میلا لئے مِلا، دوُر وِچھوڑا پندھ چُکائیندا۔ سچ سِنگھاسن دئے وکھا، سچکھنڈ نِواسی اپنا بھیوَ کھُلائیندا۔ سنت سُہیلے بھگت بھگوان لئے اُٹھا، آلس نِندرا جگت مِٹائیندا۔ پھڑ باہوں گلے لگا، گلوکڑی اِکو پائیندا۔ دردیِاں درد ونڈا، روگیِاں روگ چُکائیندا۔ وِچھڑیاں میل مِلا، دُھر سنجوگ کرائیندا۔ ساچی سیجا اِک سُہا، سوہنا رنگ رنگائیندا۔ دُھر دی گودی دئے وکھا، وکھّرا دھام وڈیائیندا۔ جِتھے وسے بےپرواہ، رام اپنا آسن لائیندا۔ کوٹ جنم دے بخش

گُناہ، مِہر نظر ٹِکائیندا۔ کر پیار جِؤنپُتراں ماں، بالک اپنے گھر وسائیندا۔ سدا سُہیلا دیوے ٹھنڈی چھاں، اوڈھن اِکو اِک ٹِکائیندا۔ جِنہاں جپایا اپنا ناں، نر نِرنکار ویکھ وکھائیندا۔ سو سنت سُہیلے گودی بَیٹھے آ، دُھر دا مندر اِک وکھائیندا۔ کِرپا کرے سچّا شہنشاہ، پُرکھ اکال سِر اپنا ہتّھ ٹِکائیندا۔ جن بھگتاں پوُرا کرکے چا، جُگ جُگ اپنے گھر وسائیندا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، جِس نے لیا دھیا، دھیِرج سب دی آپ بندھائیندا۔ دھیِرج اندر پُتر دھیِاں، بنس سربنس دئے وڈیائیا۔ گوبِند جنائے مالک پیِا، پریِتم ہتّھ وڈیائیا۔ جِس نے بالک رکھے ہیٹھاں نیِہاں، گُرمکُھ گود اُٹھائیا۔ لہنا دینا چُکائے ساڈھے تِنّ ہتّھ سِیاں، رَوداسے نال مِلائیا۔ نِرمل کرکے آتم جیِا، جاگرت جوت کرے رُشنائیا۔ جن بھگتاں مِلدا آپے کرکے ہِیا، ہرِ جوُ اپنے نال مِلائیا۔ کیا کوئی جانے پربھ کا کیِا، کرنی سمجھ کِسے نہ آئیا۔ پوُرب جنم کرم پھل جو بیا، سو سب دی جھولی پائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، بھگت بھگوَن بھگوان ویکھ وکھائیا۔