کتب خانہGranth 17 (Shahmukhi)

۱۲ مگھّر ۲۰۲۱ بِکرمی نِہال کؤر دے گرِہ گولیوالا

برہما کہے میرا مِٹیا مان، میری وِدیا نہ کوئے چتُرائیا۔ بِن اکھّراں والا دے پربھ گیان، دُھر دی دھار جنائیا۔ چارے وید ہوئے حیَران سِر سکے نہ کوئے اُٹھائیا۔ سِمرت پُران سرب کُرلان، کوُک کوُک سُنائیا۔ نیتر رووے انجیل قرآن، اکھّ سکے نہ کوئے اُٹھائیا۔ اٹّھ دس ویکھ ہوئے حیَران، دُھر دا میل نہ کوئے مِلائیا۔ کھانی بانی ہو غُلام، اپنی سیو کمائیا۔ صِفت صلاحِی تیرا گاؤندے رہے نام، جُگ چؤکڑی دے وڈیائیا۔ گُر اوتار پیِر پَیغمبر دیندے گئے پیَغام، نِرگُن سرگُن روُپ وٹائیا۔ قلم کاغذ شاہی اُتے لِکھدے گئے بیان، حرف حروُف جوڑ جُڑائیا۔ سندیسے سُناندے گئے زمیں اسمان، برہمنڈ کھنڈ راگ الائیا۔ سَت دھرم دے دسّدے گئے نِشان، دُھر دا حُکم جنائیا۔ چِلّے دھنُش چُکدے گئے کمان، بھتّھے سنگ رکھائیا۔ کھنڈا کھڑگ چمکاؤندے گئے کِرپان، تِکھی دھار جنائیا۔ سجدیاں وِچ کردے گئے سلام، نمستے کہہ کہہ سیِس نِوائیا۔ ڈنڈؤت بندنا کردے گئے پرنام، نِیوں نِیوں لاگن پائیا۔ جُگ جگت جگ بناؤندے گئے نِظام، نؤبت تیرا نام وجائیا۔ راہ تکّدے رہے صُبح شام، گھڑی پل دِوس رَین اپنی اکھّ کھُلائیا۔ تیرا بھیو کِسے نہ پایا سِری بھگوان، بےانت کہہ کہہ شُکر منائیا۔ تیرا دُھر سندیشہ بِن تیری کِرپا سُنے نہ کوئی اِنسان، من مت بُدھ سمجھ کِسے نہ آئیا۔ سچکھنڈ نِواسی تیرا جانے نہ کوئے وِدھان، پڑدا سکے نہ کوئے اُٹھائیا۔ اوہ آد جُگادی سب دا حُکمران، حاکم بےپرواہیِا۔ سچ دوارا تیرا مکان، مقامِ حق سوبھا پائیا۔ سچکھنڈ تیرا نِشان، ایکنکار اِکو نظری آئیا۔ سَتجُگ تریتا دواپرکلجُگ کھیلیا کھیل مہان، مہما اکتھ کتھ دِرڑائیا۔ جوتی جوت سروُپ ہرِ، آپ اپنی کِرپا کر، اپنا لیکھا دئے جنائیا۔ برہما کہے میری ہوئی بس، نِیوں نِیوں سیِس جھُکائیا۔ کلجُگ انتم خالی ہتّھ، سچ دوارے دیاں درسائیا۔ تیرا کھیل پُرکھ سمرتھ، میری سمجھ وِچ نہ آئیا۔ میَں ناتا جوڑدا رہیا تت اٹّھ، نؤ در ناتا جگت بندھائیا۔ دسویں نوُر ظہوُر رکھ، آتم تیری ونڈ ونڈائیا۔ برہم ہو کے لیا حق، حقیِقت وِچ ٹِکائیا۔

جُگ چؤکڑی سیوا کر کر گیا تھک، منزل اپنی پندھ مُکائیا۔ انتم لہنا دینا تیرے ہتّھ، میری چلے نہ کوئے چتُرائیا۔ جِؤں بھاوے تِؤں لَینا رکھ، در تیرے اوٹ تکائیا۔ کلجُگ انتم کھیڑا ہُندا دِسے بھٹّھ، سگل سرِشٹی رہی کُرلائیا۔ ناڑ بہتّر اُبلے رتّ، امرت میگھ نہ کوئے برسائیا۔ دو جہاناں رکھے کوئی نہ پت، مِہر نظر نہ کوئے اُٹھائیا۔ گُر اوتار پیِر پَیغمبر سارے گئے نسّ، کلجُگ انت پلّوُ لوکمات چُھڈائیا۔ شبد اِشارے نال گئے دسّ، دہ دِشا آپ جنائیا۔ صدی ویہویں شاہ سُلطانا سِری بھگوانا نِرگُن نِرویَر نِرنکار آوے نٹھ، بن کے پاندھی پندھ مُکائیا۔ جوت سروُپ شاہو بھوُپ سَت سَتوادی ہوئے پرگٹ، بودھ اگادھی دھار چلائیا۔ سچ دوارا ایکنکارا دُھر دا کھولے ہٹّ، ابناشی کرتا بن ونجارا ویکھے چائیں چائنیا۔ لکّھ چؤراسی وِچوں بھگت سُہیلے سجّن لئے رکھ، رکھیا کرے ہر گھٹ تھائنیا۔ شاستر سِمرت وید پُران مکُھ پڑدا لَین ڈھک، چار کُنٹ نظر کوئے نہ آئیا۔ تیرا کھیل اگمّی گھٹ گھٹ، اوُچ نیِچ نظری آئیا۔ تیرا سِنگھاسن کھٹولا ویکھیئے اگمّی کھاٹ، کھٹیا اِکو نظری آئیا۔ نِرگُن جوت کر پرکاش، ابناشی کرتے پھیرا پائیا۔ کوُڑی کِریا مِٹے اندھیری رات، نوُری چند ہوئے رُشنائیا۔ سَت دھرم دی اُپجے اِک پربھات، سُہنجنی گھڑی نال مِلائیا۔ واک بھوِکھت جو گئے آکھ، آخر سندیشے دے جگت لوکائیا۔ صاحِب سوامی پرگٹ ہووے ساکھیات، سکھا سُہیلا اِکو نظری آئیا۔ کلمہ پڑھائے کائنات، نبی رسوُلاں دئے سمجھائیا۔ جام پیالہ پیائے آبِ حیات، امرت مکُھ چوائیا۔ دو جہاناں ویکھے حالات، حالت سب دی کھوج کھُجائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ برہما کہے میَں ویکھیا جگ، چاروں کُنٹ اکھّ کھُلائیا۔ کعبےوالیاں بُھلا حج، مکّہ رو رو رہیا سُنائیا۔ پِھری دروہی مندر مسجد مٹھ، شِودوالے مارن دھاہیِا۔ نیتر نیر ورولن اٹھسٹھ، گنگا گوداوری جمنا سُرستی دھیِر نہ کوئے دھرائیا۔ کھانی بانی جگت رسنا رہے رٹ، ہِردے ہرِ نہ کوئے وسائیا۔ ہؤمے ہنگتا مایا ممتا سب نوُں لَگا پھٹّ، پٹّی نام نہ کوئے بندھائیا۔ تیرے پریم دا رس کوئی نہ لَوے چکھ، انتر رس نہ کوئے سمجھائیا۔ سب دے کایا چیِتھڑ رہے پھٹ، اوڈھن سیِس نہ کوئے ٹِکائیا۔ کلجُگ کھیل کرے بن نٹوُآ نٹ، گھر گھر اپنا سوانگ ورتائیا۔ مُلّا شیخ مسائک پاندھے بُدھ بِبیکی ہوئے نہ کوئی مت، سَت دوار نظر کوئے نہ آئیا۔ کام کرودھ لوبھ موہ ہنکار چاروں کُنٹ رہیا نچّ، مکُھ گھُنگٹ دِتا لاہیِا۔ کایا کھیڑا اندر دِسے بھٹّھ، بھانڈا بھرم نہ کوئے بھنائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ برہما کہے میَں ویکھیا

چار کُنٹ جگت جہان روندا، نیتر نَیناں چھہبر لائیا۔ سُکھ آسن سیج کوئی نہ سؤندا، کوُڑی سیجا سارے رہے ہنڈھائیا۔ پت پرمیشور تیرا درشن کوئی نہ پاؤندا، نِج نیتر نَین اکھّ نہ کوئے کھُلائیا۔ ہرِ جگدیِش تیرے چرن کَول سیِس نہ کوئے جھُکاؤندا، پتّھر پاہن سِل پوُجس وقت لنگھائیا۔ تیرے نام دا اگمّی ڈھولا کوئی نہ گاؤندا، لکّھ چؤراسی جیِو جنت سادھ سنت رسنا جِہوا بتّی دند کرن پڑھائیا۔ تیرا اِشٹ دیو سوامی درشن اندر نہ کوئے سماؤندا، گرِہستی وَیراگی سارے رہے کُرلائیا۔ چار کُنٹ جگت اندھیرا کوُڑی کِریا نہ کوئے مِٹاؤندا، نوُر اگمّی جوتی چند نہ کوئی چمکائیا۔ آون جاون پتت پاون لکّھ چؤراسی پھند نہ کوئے کٹاؤندا، ساچے در نہ کوئے بہائیا۔ جُگ چؤکڑی وِچھڑیا تیرے نال نہ کوئے مِلاؤندا، آتم پرماتم گنڈھ نہ کوئے پوائیا۔ کوٹن کوٹاں وِچوں گُرمکُھ وِرلا تیرا راہ تکاؤندا، نِج نیتر دھیان لگائیا۔ کوُڑی کِریا ناتا جگت تُڑاؤندا، مایا ممتا موہ تجائیا۔ جوتی جوت سروُپ ہرِ، آپ اپنی کِرپا کر، اپنے ہتّھ رکھے وڈیائیا۔ برہما کہے میَں ہویا حیَران، دہ دِشا ویکھ وکھائیا۔ چار جُگ دا گُر اوتار جو دے کے گئے بیان، لیکھا قلم بند کرائیا۔ سندیشہ دے کے آئے دو جہان، بھیوَ ابھید آپ کھُلائیا۔ سب دا مالک حُکمران، پُرکھ اکال سچّا شہنشاہیِا۔ جُگ چؤکڑی ہوئے حیَران، نِرگُن سرگُن ویس وٹائیا۔ لیکھا جانے سیِتا رام، گوپیاں والی راس کاہناں کولوں پوائیا۔ عیسیٰ موُسیٰ محمد دے پیَغام، کلمے حق جنائیا۔ جن بھگتاں جُگ جُگ سِدھا ملِے آن، ساکھیات نظری آئیا۔ جوتی جوت سروُپ ہرِ، آپ اپنی کِرپا کر، مِہر نظر آپ اُٹھائیا۔ برہما کہے میَں ویکھے کلجُگ رُلدے، گیان دھیان تیری سار کِسے نہ آئیا۔ پنڈت پاندھے ویکھے بُھلدے، پُستک واچ نہ کوئے سمجھائیا۔ مُلّا شیخ مسائک ویکھے ڈُلدے، دھیِرج دھیِر نہ کوئے دھرائیا۔ شاہ سُلطان بوُٹے ویکھے ہُلدے، پت ڈالی نظر کوئے نہ آئیا۔ کوٹاں وِچوں بھگت سُہیلے تیری پریِتی جُڑدے، آپ اپنا گھول گھُمائیا۔ جوتی جوت سروُپ ہرِ، آپ اپنی کِرپا کر، گھر ساچے دے وڈیائیا۔ برہما کہے میَں ویکھ کے دُنیا، دُنیدار تیَنوُں دیاں سمجھائیا۔ جگت پیار رِکھیاں مُنیاں، منتر سَت نہ کوئے سہائیا۔ سب دیِاں چوٹیاں گئیاں مُنیاں، اوڈھن نظر کوئے نہ آئیا۔ بھرمے بُھلے وڈ وڈ گُنیاں، گہر گمبھیِر تیرا سنگ نہ کوئے نِبھائیا۔ تیرے سنت سُہیلے راہ تکّن ساڈھے تِنّ ہتّھ کایا کُلیاں، مندر محل اٹل گئے تجائیا۔ جِنہاں دیِاں اندروں سُرتیاں کھُلیاں، سُرتی شبدی میل مِلائیا۔ اوہناں دیِاں باہروں ہِلدیاں کدے نہ بُلیاں، ہوٹھاں والا راگ نہ کوئے الائیا۔ جوتی جوت سروُپ ہرِ، آپ اپنی کِرپا کر، گھر ساچے لَینا مِلائیا۔ برہما کہے

میَں ویکھ ہویا اسچرج، اچرج لیِلا ویکھ کے تیری بےپرواہیِا۔ تُوں لکّھ چؤراسی جوڑ جُڑایا نار مرد، اِستری پُرش دِتی وڈیائیا۔ کلجُگ انتم سب دے انتر ویکھی چُھری نِرالی کرد، مایا ممتا روُپ وٹائیا۔ جِس دے اندر نہیں کوئی درد، دُکھیاں رہے دُکھائیا۔ ایسے کارن پربھ تیرے اَگے کراں عرض، آرزوُ اِک سُنائیا۔ جُگ چؤکڑی پِچھلی چھّڈ پڑھت، لِکھت اپنی پھول پُھلائیا۔ جیِو جنت سادھ سنت جو تیرے نام دا لَیندے دھڑت، تیری قیمت رہے پائیا۔ اوہناں دی پھول پِچھلی فرد، پڑدا اوہلا دے لاہیِا۔ جوتی جوت سروُپ ہرِ، آپ اپنی کِرپا کر، لہنا دُھر دا ویکھ وکھائیا۔ برہما کہے میری شرمائے اکھّ، نیتر نَین نہ کوئے اُٹھائیا۔ میَں ویکھ آیا پرتکھ، کلجُگ انتم سادھ سنت دھیِاں بھَیناں رہے تکائیا۔ تُوں غفلت وِچ پربھ کِتھے رہیا وس، دوُر دُراڈا ڈیرہ لائیا۔ پِھری دروہی مندر مسجد شِودوالے مٹھ، گُردوارے رہے کُرلائیا۔ گھر گھر ناڑ بہتّر اُبلے رتّ، رتّی رتّ تیرا نام نظر کِسے نہ آئیا۔ ساچے بھگتاں رکھے کوئے نہ پت، پت پرمیشور جو تیرا نام دِھیائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے چُکائیا۔ برہما کہے کِیوں ہویا بھولا، نِرگُن نِرویَر ویکھ وکھائیا۔ تیرا نام رسنا سُنیا نہ کوئے ڈھولا، ڈھولک چَھینے سارے رہے کھڑکائیا۔ تیرا جیِو ہویا گولا، کایا گولک سچ وست نہ کوئے ٹِکائیا۔ من واسنا پیا رؤلا، بُدھی کرے پڑھائیا۔ کایا بدلے کوئی نہ چولا، چولے رنگ نہ کوئے وکھائیا۔ کِیوں کرکے بَیٹھا پڑدا اوہلا، پُرکھ ابناشی اپنا مکُھ چُھپائیا۔ گُر اوتار پیِر پَیغمبر تیرا دسّدے ویلا، صدی ویہویں اِشاریاں نال سمجھائیا۔ تُوں سب دا مالک خالق بےپرواہ مؤلا، مِہربان تیری وڈیائیا۔ دھرنی ویکھ اپنی دھؤلا، دھَول رہی کُرلائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے ورتائیا۔ برہما کہے میَنوُں تیرے اُتے غُصّہ، پربھوُ بیننتی نال جنائیا۔ جے تیرا غریِباں ورگا ہووے جُسا، ننگا در در نظری آئیا۔ اُہناں وِچ رکھاں بُھکھا، وِشنوُں دیاں سمجھائیا۔ تیرے ہتّھ پھڑاواں ٹُکر رُکھا، اپنا مکُھ بھوائیا۔ مُڑکے پھیر کدے نہ پُچھاں، سار لَین کوئے نہ آئیا۔ جوتی جوت سروُپ ہرِ، آپ اپنی کِرپا کر، کلکاتی ویکھ وکھائیا۔ برہما کہے میَں ویکھیا کلجُگ ویلا، صدی چؤدھویں دئے دُہائیا۔ جھگڑا پیا گُروُ گُر چیلا، چیلا گُر نہ کوئے سمجھائیا۔ تُوں کِتھے وسیا دھام نویلا، تُوں کِتھے رہیاں سچ اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، نِرگُن اپنا پھیرا پائیا۔ نِرگُن کہے پُرکھ اکال، برہمے دیاں جنائیا۔ آد جُگاد جُگ چؤکڑی ویکھنہارا احوال، حالت سب دی کھوج کھُجائیا۔ غریِب نِمانیاں نِردھناں سرب سُناں آواز، جو انتر آتم دین دُہائیا۔ جُگ

چؤکڑی میرا کھیل تماش، نِت نوِت ویکھ وکھائیا۔ گُر اوتاراں پوُری کراں خواہش، پیِر پَیغمبراں منسا دیاں مِٹائیا۔ بھگت سُہیلے کر تلاش، طالب اپنے دیاں بنائیا۔ لیکھا جان کے پَون سواس، ساہ ساہ کھوج کھُجائیا۔ کلجُگ ویکھ اندھیری رات، میری خوشی لئے انگڑائیا۔ دھنّ بھاگ جے سارے میَنوُں کردے یاد، چار جُگ دے مالک دھیان لگائیا۔ میَں جا کے سُناں فریاد، نِرگُن ویس وٹائیا۔ اندر وڑ کے کھولاں راز، پڑدا اِک چُکائیا۔ جن بھگتاں پوُری کراں آس، ترِسنا دیاں بُجھائیا۔ جوتی جوت سروُپ ہرِ، آپ اپنی کِرپا کر، دیونہارا سچ ور، مِہربان ہوئے سہائیا۔ مِہربان دَیا کماؤندا اے۔ برہمے دُھر دا سندیش اِک سُناؤندا اے۔ میَں وساں سچکھنڈ ساچے دیس، دو جہاناں کھوج کھُجاؤندا اے۔ گُر اوتار لِکھ کے گئے لیکھ، پیِر پَیغمبر قلم چلاؤندا اے۔ کلجُگ انت سِری بھگوَنت اِکو آوے سچ نریش، نر نِرنکارا ناؤں پرگٹاؤندا اے۔ سَت سَتوادی کھیڈے کھیڈ، خالق خلق بھیو چُکاؤندا اے۔ جوتی جلوہ کر کے تیج، نوُری چند اِک رُشناؤندا اے۔ بھگت بھگوان لئے پیکھ، لکّھ چؤراسی وِچوں آپ پرگٹاؤندا اے۔ شبد سُنیہڑا اِکو بھیج، سوئی سُرتی آپ جگاؤندا اے۔ سچ سُہنجنی وکھا کے اپنی سیج، آتم پرماتم پڑدا لاہُندا اے۔ جوتی جوت سروُپ ہرِ، آپ اپنی کِرپا کر، دُھر دی کرنی کار کماؤندا اے۔ دُھر دی کرنی کار کماوانگا۔ لکّھ چؤراسی کار کماوانگا۔ بھگت سُہیلے میل مِلاوانگا۔ گُر چیلے جوڑ جُڑاوانگا۔ سجّن سُہیلے نال رلاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کلجُگ انتم رنگ رنگاوانگا۔ کلجُگ انتم رنگ رنگاویگا۔ ابناشی کرتا ویکھ وکھاویگا۔ کلجُگ کوُڑی کِریا ریکھ مِٹاویگا۔ سَت سندیش اِک جناویگا۔ وِشن برہما شِو گنپت گنیش سیِس جھُکاویگا۔ کروڑ تیتیِسا کرے آدیس، سُرپت اِند سِر نہ کوئی اُٹھاویگا۔ گُر اوتار پیِر پَیغمبر کرن ہیت، ہِتکاری اِکو نظری آویگا۔ جن بھگتاں رُت سُہنجنی مؤلے چیت، پُھلّ پُھلواڑی آپ مہکاویگا۔ سچ دوارا وکھا کے اپنا دیس، ناتا جگت نالوں تُڑاویگا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کماویگا۔ دُھر دی کرنی کار کماویگا۔ ورنی برنی ڈیرہ ڈھاویگا۔ ساچی ترنی اِک سِکھاویگا۔ نیتر ہرنی پھرنی آپ کھُلاویگا۔ بھگتاں مرنی ڈرنی بھیو چُکاویگا۔ ساچی سرنی اِک رکھاویگا۔ برہمے اوہ پٹّی دسّاں پڑھنی، جِس وِچ اپنا راگ جناوانگا۔ ساچی منزا دسّاں چڑھنی دو جہاناں پندھ مکاوانگا۔ جوتی جوت سروُپ ہرِ، آپ اپنی کِرپا کر، جن بھگتاں کھیل کھِلاوانگا۔ جن بھگت کھیلن آؤن گے۔ گھر ساچے درشن پاؤن گے۔ جنم جنم دی

حرص مِٹاؤنگے۔ عرش فرش دوویں پندھ مُکاؤن گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا ڈھولا اِکو گاؤن گے۔ ساچا ڈھولا اِک پڑھاوانگا۔ شبد وِچولا نال مِلاوانگا۔ سوہلا دُھر دا راگ سُناوانگا۔ پڑدا اوہلا آپ چُکاوانگا۔ بن کے مؤلا نظری آوانگا۔ جن بھگتاں اندر من منوُا پائے کوئی نہ رؤلا، اِکو دُھر دا حُکم سُناوانگا۔ سچ پریِتی پریم پیار دا کھیل کے ہولا، ہؤلی ہؤلی اپنا رنگ چڑھاوانگا۔ جو اکھّراں والا سُن کے سوہلا، دوہری اپنی دھار پرگٹاوانگا۔ وِچوں کڈھ کے پنجاں چوراں، پنچم پنجاں آپ پرگٹاوانگا۔ جن بھگت بنا کے بانکا چھوہرا، جوبن اِکو اِک وکھاوانگا۔ جن بھگت دی پربھ نوُں سدا لوڑا، لُڑیندا ساجن گھر مِلاوانگا۔ بھگت بھگوان دا آد جُگادی جوڑا، برہمے بِن بھگتاں پربھ کمّ کِسے نہ آویگا۔ اِکو سسّے اُپر لا کے ہوڑا، ہنگ برہم آپ جناوانگا۔ کر پرکاش کلجُگ اندھ گھورا، نوُرو نوُر نوُر چمکاوانگا۔ اگلا وقت کوئی نہ جانے رہ گیا تھوڑا، پاندھی ہو کے پندھ مکاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں ویکھ وکھاوانگا۔ جن بھگتاں ویکھن آویگا۔ دیِن دَیال دَیا کماویگا۔ آتم انتر راہ وکھاویگا۔ کلجُگ لگّی بسنتر آپ بُجھاویگا۔ تُوں میرا میَں تیرا، سوہنگ منتر اِک سُناویگا۔ کوُڑی کِریا چُک کے ڈیرہ، گھر اپنے انت لیاویگا۔ جِتھے وسدا سدا کھیڑا، کھہڑا جگت کولوں چُھڈاویگا۔ حقیِقت وِچوں کرے حق نبیڑا، لاشریِک ویکھ وکھاویگا۔ سد وسے نیرن نیرا، دوُر دُراڈا پندھ مکاویگا۔ برہمے جن بھگتاں اِکو میرا اکھّر بتھیرا، بِنا وِدیا پار لنگھاوانگا۔ جِتھے آد جُگاد کدے نہ ہووے اندھیرا، بِن سوُرج چند جوت جگاوانگا۔ کوُڑی کِریا انتم ڈوب کے بیڑا، سَت سچ اِک پرگٹاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر سندیشہ اِک سُناوانگا۔ برہماویتا سیِس نِواؤندا اے۔ بِن رسنا جِہوا بول سُناؤندا اے۔ جِس ویلے پربھ آوے بھگتاں کول، اوہ ویلا وقت سُہاؤندا اے۔ میَں ویکھاں اُٹھ اڈول، سد تیرا راہ تکاؤندا اے۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، سچ تیری آس تکاؤندا اے۔ جن بھگتاں کول میَں آوانگا۔ برہمے اِکو راگ سُناوانگا۔ تُوں میَں جھگڑا میٹ مِٹاوانگا۔ جِس گھر سوامی اِکو رہے، دوُجا اِشٹ نہ کوئے درساوانگا۔ کوُڑی کِریا کر کے کھےَ، خالص خالصہ آپ وکھاوانگا۔ جِتھے جوت پرکاشے شکتی شوےَ، شنکر برہما وِشن تیرا نَین اکھّ کھُلاوانگا۔ جوتی جوت سروُپ ہرِ، آپ اپنی کِرپا کر، جن بھگتاں آپ وڈیاوانگا۔ برہما کہے پربھوُ تیرے پُت وڈّے ہون گے۔ نِت تیرا نام گاؤن گے۔ دوُجا اِشٹ نہ کوئی

مناؤن گے۔ تیری آتم سیجا سؤن گے۔ پِیا کنت بھتار اِک ہنڈھاؤن گے۔ دوُجا انگ نہ کوئی لگاؤن گے۔ کوُڑی کِریا کولوں نہیں شرماؤن گے۔ جن بھگتاں ویکھ ویکھ خوشی مناؤن گے۔ تیرے نال مِلا کے انتم رُچی، رچناتمک رنگ رنگاؤن گے۔ اپنی سُرتی کرکے سُچی، اکال موُرتی تیرے گھر وساؤن گے۔ جِنہاں دی منزل سب توں اُچی، اوہ اُچے ہو کے تیرا ناد وجاؤن گے۔ اُہناں دی وکھّری سب توں خوشی، خوشحالی وِچ ڈیرہ لاؤن گے۔ تُوں اُہناں وات پُچھیں، جیہڑے تیرے میَخانے وِچ جھٹ لنگھاؤن گے۔ اوہ بھگت لکّھ چؤراسی وِچوں اِکو مُٹھی، کلجُگ انتم نظری آؤن گے۔ جِنہاں دی بھاگ لگّا ساڈھے تِنّ ہتّھ کایا کُٹی، کُٹیا اِکو اِک درساؤن گے۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، جن بھگت سُہیلے تیرا راہ تکاؤن گے۔ جن بھگتاں درس دِکھاوانگا۔ جنم جنم دی حرص مِٹاوانگا۔ عرش فرش دا پندھ مکاوانگا۔ ساکھیات نظری آوانگا۔ جن بھگت بنا کے پارجات، اپنے گھر وساوانگا۔ جِنہاں دی کتھا کہانی جُگ چؤکڑی چلے گاتھ، شبدی راگاں ناداں وِچ سُناوانگا۔ وست امولک دے کے دات، دُھر دے داتے آپ بناوانگا۔ ناتا توڑ کے نار کم ذات، گُر شبدی آپ پرناوانگا۔ جوتی جوت سروُپ ہرِ، آپ اپنی کِرپا کر، دُھر دا منگل آپ سُناوانگا۔ دُھر دا منگل دُھر دی بانی، جن بھگتاں کرے پڑھائیا۔ دُھر دا رس امرت ٹھنڈا پانی، نِجھر جام پیائیا۔ جن بھگتاں مالک شبد ہانی، سچ سوانی لئے گل لائیا۔ محل اٹل دِسائے اِک مکانی، سچ مقام دئے جنائیا۔ جوتی جوت سروُپ ہرِ، آپ اپنی کِرپا کر، جن بھگتاں مُشکل کر آسانی، اِحسان سِر نہ کوئے چڑھائیا۔ جن بھگتاں سِر نہ کوئے اِحسان، ہرِ جوُ اپنی سیو کمائیا۔ سچ پدارتھ دیونہارا دان، داتا ہو ورتائیا۔ بھاگ لگا کے ساڈھے تِنّ ہتّھ مکان، مُکمل اپنا راہ وکھائیا۔ بِن پڑھیاں دے کے گیان، دُھر دے گیانی دئے بنائیا۔ ناتا توڑ کے جگت جہان، بِدھاتا اپنے رنگ رنگائیا۔ پِتا ماتا بن کے سِری بھگوان، بھگت سُہیلے اپنی گود اُٹھائیا۔ لیکھے لا کے نؤجوان، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، گھر اپنے لئے وسائیا۔ برہما اُٹھے ہسدا ہسدا، ہرِ ہستی ویکھ خوشی منائیا۔ میَں بھگت سُہیلا ویکھاں تیرے گھر وسدا، گھر ساچے سوبھا پائیا۔ ابناشی کرتا شبد اِشارے نال دسّدا، دُھر دا حُکم الائیا۔ میرا بھگت کدے وِچھوڑا سہہ نہ سکدا، جھّلے لوکمات نہ کدے جُدائیا۔ اوہدے اندر پریم پیار ہٹّ ہٹھ دا، ہٹھی تپی سمجھ کوئے نہ پائیا۔ لا کے پریِت پِچھےنہ ہٹدا، ناتا چھّڈ جگت لوکائیا۔ اِکو نام پُرکھ اکال رٹدا، رٹےّ کوُڑے دئے چُکائیا۔ جِناں چِر

درشن کرے نہ پُرکھ سمرتھ دا، اپنی اکھّ نہ لئے بدلائیا۔ برہمے ہرِ کا بھگت سدا میرے دوارے وسدا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ برہما کہے پربھوُ میَں تیرے بھگت ویکھے بھولے، وِدوان نظر کوئے نہ آئیا۔ ابناشی کرتا کہے برہمے میَں وساں اُہناں دے چولے، کایا انتر ڈیرہ لائیا۔ ہؤلی جِہی پڑدا دیواں کھولے، مِہربان ہو کے مِہر نظر اُٹھائیا۔ اوہ خوشیاں اندر کایا مندر ڈوُنگھی کندر میرے گاؤندے ڈھولے، دُھر دا راگ الائیا۔ اوہ کدے نہ اکّدے کدے نہ تھکّدے بُھکھے کھا کے کچّے چھولے، چھتّی پدارتھ رس نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ برہما کہے پربھوُ تیرا کھیل عجیب، میَں جُگ چؤکڑی ویکھ وکھائیا۔ تُوں سدا وسیں گھر غریِب، شاہ سُلطاناں دئیں تجائیا۔ کوجھیاں کملیاں بناویں نصیِب، کرم کانڈ ڈیرہ ڈھائیا۔ کایا ماٹی کاچی ہاٹی کرکے ٹھانڈی سیِت، اگنی تت بُجھائیا۔ جِس دے اندر وڑ کے اپنا دسّ دئیں گیِت، اوہ گوبِند ملِے چائیں چائنیا۔ اوہدے چھتر جھُلدا سیِس، جگدیس دئے وڈیائیا۔ لیکھا مُک جائے ہست کیِٹ، اوُچ نیِچ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، جن بھگتاں ہوئے سہائیا۔ جن بھگتاں تیرا سہارا، ایکا اِکو نظری آئیا۔ جگت چھّڈ کے تٹ کنارہ، نئیا نؤکا تیرا نام چلائیا۔ اِکو بول حق جَیکارا، ظاہرا پیِر رہے منائیا۔ جِس دا آد انت نہ پاراوارا، پروردِگارا نوُر خُدائیا۔ سو صاحِب مِلیا سانجھا یارا، لگّی یاری توڑ نِبھائیا۔ جگت جنم جو کردا رہیا اُدھارا، کلجُگ انتم لیکھا رہیا جھولی پائیا۔ پت پرمیشور دیِن دَیال ٹھاکر سوامی کل کلکی لےَ اوتارا، کالکھ ٹِکّے دُرمت مَیل دھووے شاہیِا۔ جوتی جوت سروُپ ہرِ، آپ اپنی کِرپا کر، دیونہارا درس دیِدارا، دیِداں وِچوں دیِد عیِداں وِچوں عیِد، آتم پرماتم جوت کرے رُشنائیا۔

۱۳ مگھّر ۲۰۲۱ بِکرمی کِرپال سِنگھ دے گھر پِنڈ گولیوال

برہما کہے پربھ تیرا سُنیا اُتّر، میری سُدھ رہی نہ رائیا۔ شُکریئے شُکرانے وِچ کراں شُکر، شاہ پاتشاہ تیری وڈیائیا۔ جُگ چؤکڑی کدے نہ جاواں مُکر، ابُھل تیری اوٹ تکائیا۔ تُوں بھگتاں چُکیں اپنے کُچھڑ، دُھر دی گود اُٹھائیا۔ میَں لکّھ چؤراسی ویکھاں جِنہاں گھر نہیں

کوئی پُتر، خالی گود نظری آئیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ برہما کہے میَں سُنی تیری سِکھیا، جو صاحِب دِتی جنائیا۔ میَں ویکھیا تیرا لیکھ لِکھیا، پہلا انک دِتا اُلٹائیا۔ کر کِرپا جے پاویں آپ بِھکھیا، وست امولک اِک ورتائیا۔ جوتی جوت سروُپ ہرِ، آپ اپنی کِرپا کر، سد دیویں مان وڈیائیا۔ برہما کہے میَں سندیشہ سُنیا، انتر دھیان لگائیا۔ تیرا کھیل پربھوُ گُن اوگُنیا، گُنونت تیری وڈیائیا۔ لکّھ چؤراسی جیِو جنت چھانیا پُنیا، ویکھی سرب لوکائیا۔ دہ دِشا چار کُنٹ ویکھیا کَونیاں، کایا کُرے کھوج کھُجائیا۔ لہنا دینا ویکھیا کیسا دھاری مونیاں، در در گھر گھر بھیو چُکائیا۔ دُکھ درد بِرہوں اندر وِرلا گُرمکُھ بولیا، جو اپنی آواز سُنائیا۔ لوکمات بِنا پُتراں پِتا ڈولیا، مائی وجےّ نہ کوئے ودھائیا۔ میَں اپنا کھاتہ سارا پھولیا، حِساب سمجھ کوئے نہ آئیا۔ تیری چرن پریِتی گھول گھولیا، سیِس جگدیس تیرے بھیٹ چڑھائیا۔ جِس آد جُگاد تت ورولیا، متھن کیِتی سرب لوکائیا۔ سچ دوار اِکو کھولیا، دو جہاناں رہیا جنائیا۔ ساچے کنڈےتول تولیا، دھرم دوار وجےّ ودھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ برہما کہے میَنوُں سُن کے آئی حیَرانی، ہرِ جوُ کی دیاں جنائیا۔ تیرا کھیل گہر گمبھیِر وڈ مہانی، مہما اکتھ اکتھ وڈیائیا۔ شاستر سِمرت وید پُراناں وِچوں تیری مِلی نہ ایہہ کہانی، جیہڑی بِن اکھّراں میَنوُں دِتی سُنائیا۔ ایہہ نِرالی بِن رسنا جِہوا بولن والی بانی، بان انیالا تیِر چلائیا۔ میرا تُٹا مان ابِھمانی، بلہین دیاں دُہائیا۔ سِری بھگوان تیری وڈیائی دھنّ جے اُہناں دیویں مات نِشانی، جو نِشانہ تیرا گئے بُھلائیا۔ جوتی جوت سروُپ ہرِ، آپ اپنی کِرپا کر، سد دیویں مان وڈیائیا۔ برہما کہے تیرا کھیل نیارا، تیری بےپرواہیِا۔ تُوں وسنہارا ہر گھٹ تھارا، گرِہ گرِہ ڈیرہ لائیا۔ لکّھ چؤراسی تیرا پسارا، وِشن برہما شِو تیری سیو کمائیا۔ تیرا لیکھا سدا جُگ چارا، چؤکڑی بہہ بہہ خاک رمائیا۔ ناتا جوڑ جگت سنسارا، ساچی رچنا دِتی بنائیا۔ مات پِت داپُتراں نال پیارا، بندھن اِکو اِک وکھائیا۔ جنم جنم دا جِنہاں تیرا ناؤں وِسارا، نؤ پنج چار ڈیرہ ڈھائیا۔ تیرے حُکمے اندر اَگے برہما بنے پھیر لِکھارا، لیکھا لِکھ دیوے چائیں چائنیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ برہمے پھڑ کلمدانی، ہرِ کرتا آپ جنائیا۔ داد دیوے دان داتا دانی، دَیانِدھ ورتائیا۔ سَتجُگ دی سچ نِشانی، سَت سَتوادی آپ پرگٹائیا۔ گھر گھر دیوے بال نِشانی، پرِتپالک ویکھ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ برہما کہے پربھ سچ تیری تعریِف، تُعارف وِچ سارے رہے گائیا۔ تُوں

اپنے حُکم دی کر تصدیِق، اکھّراں لیکھ لِکھائیا۔ میَں اوہ سطر ویکھاں ٹھیِک، جیہڑی دوُجے پترے اُتے دِتی ٹِکائیا۔ جِتھے حُکم اِک اتیِت، نہ کوئی میٹے میٹ مِٹائیا۔ جِس دی دھار سدا باریِک، جگت نظر نہ آئیا۔ جِس دی کردے گئے اُڈیِک، سارے دھیان لگائیا۔ جو سچکھنڈ دا سچ وسنیِک، دوارا اِکو اِک سُہائیا۔ جو بخشنہارا سچ پریِت، پریِتم بےپرواہیِا۔ جو وست امولک جھولی پاونہارا چیز، دُھر دی دات آپ ورتائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا جھولی پائیا۔ برہما کہے پربھ کر دسخط، اُتے اپنی مُہر لگائیا۔ ویکھیں بُھل نہ جائیں وت، بےوطن کرکے دیویں انت جُدائیا۔ تیرا روُپ آد جُگاد سَت، سَت تیری وڈیائیا۔ برہما تیرا نوُر رت، اُتپت تیری سیو کمائیا۔ اُہناں دی پت لَواں رکھ، جِنہاں گھر نِشانہ نظر کوئے نہ آئیا۔ اپنے حُکم نال میَنوُں دے دے حق، حاکم ہو سمجھائیا۔ میَں مکُھ ویکھاں جھٹ، چارے کھانی پھول پُھلائیا۔ واہو داہی جاواں نٹھ، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ برہما کہے پربھوُ لا انگوُٹھا، نِشان اپنا دے جنائیا۔ میرا خالی بھردے ٹھوُٹھا، بھنڈارا اِک ورتائیا۔ رس اپنا دے انوُٹھا، امرت اِک پیائیا۔ میَں ویکھاں چارے کوُٹا، دہ دِشا دھیان لگائیا۔ مانَس سِنمل وانگ خالی رہے کوئی نہ بوُٹا، پھل گھر گھر نظری آئیا۔ اپنے حُکم دا دے ثبوُتا، صاحِب اپنا بھیو چُکائیا۔ میَں لیکھا جاناں کایا تت کلبوُتا، پنچم کھوج کھُجائیا۔ اَگے پھیر نہ ہوواں جھوُٹھا، سَتجُگ مکُھ بھوائیا۔ جوتی جوت سروُپ ہرِ، آپ اپنی کِرپا کر، حُکم اِکو دے دِرڑائیا۔ برہما کہے پربھ انگوُٹھا اُتوں دبّ، بِن شاہی نِشان نظری آئیا۔ جِدھر ویکھاں پئیں لبھ، ہر گھٹ بےپرواہیِا۔ پِچھلی کیِتی کر دے ردّ، اگلا حُکم ورتائیا۔ بِن بچّیاں خالی رہے کوئے نہ جدّ، پُشت در پُشت پیِڑھی دینی چلائیا۔ جو جنم نؤ تیَنوُں گئے چھّڈ، ہڈّ ماس ناڑی اُہناں ویکھ وکھائیا۔ تیری کِرپا نال تَیتھوں کوئی نہ ہووے اڈّ، مِہربان وِچھڑے جوڑ جُڑائیا۔ میَں کہاں دوویں جوڑکے ہتّھ، پلّوُ گل وِچ پائیا۔ تُوں صاحِب پُرکھ اکال سمرتھ، سچ تیری سرنائیا۔ سب دا جھولی پا دے حق، وست اتوٹ اتُٹ ورتائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ انگوُٹھا دبّ تیری نظری آئے لکیِر، چکّردھاری چکّر لگائیا۔ جِس حُکم نوُں مندے پیِر فقیِر، پَیغمبر دھیان لگائیا۔ جِس دے نال دُھر دا وجھّے زنجیر، قُفل سکے نہ کوئے کھُلائیا۔ جِس دا لیکھا بےنظیِر، جگ نیتر نظر نہ آئیا۔ جِسدی سمجھ نہ سکے کوئے تصویِر، مُصوّر نقش نہ کوئے جنائیا۔ جو آد جُگادی ظاہرا پیِر، پیِر پَیغمبراں کرے پڑھائیا۔ جو

دو جہاناں سدا مددگیِر، مِہر نظر اِک اُٹھائیا۔ جِس دا لہنا دینا شاہ حقیِر، لکّھ چؤراسی ویکھ وکھائیا۔ تیرے ہتّھ تیری تدبیِر، دوُسر چلے نہ کوئے چتُرائیا۔ میَں سیوک در مسکیِن، عاجز ہو کے رہیا سُنائیا۔ روندے ویکھے لوک تیِن، چؤداں طبق رہے کُرلائیا۔ تڑپھدی ویکھی بِنا جل میِن، بل اپنا آپ گوائیا۔ میَں ہو کے تیرے ادھیِن، نِردھن اپنا روُپ وکھائیا۔ جوتی جوت سروُپ ہرِ، آپ اپنی کِرپا کر، لیکھا لیکھ دے سمجھائیا۔ برہما کہے میری فریاد، کلجُگ انت دیاں سُنائیا۔ ابناشی کرتے دے دے داد، آسا پوُرن تیری اوٹ تکائیا۔ ناتا جوڑ دے لوکمات، دُھر دی سانجھ بنائیا۔ درویش ہو کے رہیا آکھ، الکھ نِرنجن تیری آس تکائیا۔ میَں تیری نظری آواں اِکو شاخ، جِسدی لکّھ چؤراسی پتّ ڈالی رہی مہکائیا۔ تُوں سب دی پُچھنہارا وات، ویکھنہارا تھاؤں تھائنیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ برہما کہے کر منظور، بیننتی تیرے اَگے سُنائیا۔ ابناشی کرتا کہے میَں جُگ جُگ بدلاں دستوُر، دست اپنے ہتّھ رکھاں وڈیائیا۔ کلجُگ ناتا تُٹے کوُڑ، کوُڑی کِریا دیاں کھپائیا۔ جن بھگتاں لا کے مستک دھوُڑ، ٹِکاّ نام چمکائیا۔ منسا آسا کراں پوُر، ترِشنا جگت بُجھائیا۔ وست امولک دیاں ضرور، ضرورت سب دی ویکھ وکھائیا۔ سچ بھنڈارے کر بھرپوُر، بھوَری کوری کھوج کھُجائیا۔ جوتی جوت سروُپ ہرِ، آپ اپنی کِرپا کر، سد رحمت وِچ سمائیا۔ برہما کہے میری نِمسکار، نِمکھ نِمکھ دِھیائیا۔ تیرا کھیل سدا جُگ چار، چؤکڑی ویکھ وکھائیا۔ کلجُگ آئی انتم وار، وارتا تیرے اَگے سُنائیا۔ جیہڑے تیرے جن ہوئے لاچار، جننی بن کے دئے دُہائیا۔ ناتا دِسے نہ وِچ سنسار، ٹُٹی گنڈھ نہ کوئے بندھائیا۔ برہما کہے میَں کراں آپ پُکار، در تیرے منگ منگائیا۔ اَگے لیکھا لِکھ دے سچّی سرکار، نِردوش میَنوُں دے بنائیا۔ جوتی جوت سروُپ ہرِ، آپ اپنی کِرپا کر، سب دا مالک اِک اکھوائیا۔ برہمے تیَنوُں کراں بری، مِہر نظر اُٹھائیا۔ سیوا لا کے ہرِ ہری، ہرجن دئے وڈیائیا۔ سَتجُگ سُہنجنی آئے گھڑی، ویلا وقت وڈیائیا۔ دؤلت دُھر دی ملِے بڑی، بؤہ بِدھ جھولی پائیا۔ جِنہاں پٹّی اِکو پڑھی، پتن بَیٹھے آئیا۔ تِنہاں دی جُگ پیِڑھی چلے لڑی، لڑی لڑی نال بندھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ برہما کہے کی ہویا نؤ جنم وِچھڑے، کوٹن کوٹ جنم سمجھ کِسے نہ آئیا۔ ایہہ تیرے مانک موتی بِکھرے، مانَس جنم تیرے حُکمے اندر پائیا۔ اِنہاں واسنا مُکا دے فِکرے، چِنتا غم نہ کوئے جنائیا۔ چوٹی چاڑھ دے پھڑ کے سِخرے، اَدھ وِچکارنہ کوئے اٹکائیا۔ جِس دھاروں پربھوُ آپ نِکلے، نِکل کے ساڈی

بنت بنائیا۔ کی ہویا جے تیَنوُں تیرے وِسرے، تُوں ابُھل بُھل کدے نہ جائیا۔ تُوں دُھر دا سجّن مِترے، مالک اِک اکھوائیا۔ بِن تیری کِرپا درشن کرے کوئی نہ نِت دے، نوِت سمجھ کوئے نہ پائیا۔ تُوں مالک سب دا اُہناں دے لیکھ لِکھ دے، جِنہاں دے لیکھے وِچ تیرا لیکھا نظری آئیا۔ بھنڈارے پا دے آسا بِھکھ دے، بِھچھِیا اِک ورتائیا۔ پریم ودھا دے گُرمکُھ سِکھ دے، سِکھیا اِک دِرڑائیا۔ ناتے جوڑ دے آتم ہِت دے، ہِتکاری لئے مِلائیا۔ جو تیرے چرن کَولاں اُتوں وِکدے، اُہناں قیمت آپے پائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ برہما کہے کی تیرا گھٹدا، گھاٹا نظر کوئے نہ آئیا۔ جِس ویلے تُوں اپنا ورقہ اُلٹدا، اِشارے نال جنائیا۔ اوتھوں کھیل نظری آوے اِک سمرتھ دا، سمرتھ وجےّ ودھائیا۔ اوتھے حُکم اِک اکتھ دا، کتھنی کتھ نہ سکے رائیا۔ جو بھگتاں پَیج رکھدا، جُگ جُگ ہوئے سہائیا۔ جِس ہِردے اندر وسدا، گھر گھر ڈیرہ لائیا۔ جو لیکھا جانے دُھر دے نت دا، سجّن ساک بندھن پائیا۔ حقیِقت اوس دے کول دسّدا، پڑدا وِچ رہے نہ رائیا۔ بِنا پُتراں باپ دا کھیڑا کدے نہ وسدا، خوشی گھر نہ کوئے منائیا۔ تیرا کھیل اپنے پلک اکھّ دا، مِہربان ہو سہائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سچ تیری سرنائیا۔ برہمے تیری ویکھی اُتپت، لکّھ چؤراسی کھوج کھُجائیا۔ کلجُگ انتم آئی رُت، رُتڑی نال مہکائیا۔ جِنہاں دے گھر سنتان نہیں کوئی پُت، نیتر روون مارن دھائینا۔ نؤ سؤ چُرانوے چؤکڑی جُگ پِچھوں تُوں اُہناں دی پُچھی سُکھ، پہلوں اکھّ نہ کوئے کھُلائیا۔ چالی لکّھ سدا خالی رہِندی رہی کُکھ، جِنہاں بھگوَن بھاگ نہ کوئے لگائیا۔ اگلی ریِتی سارا میٹ کے دُکھ، دُکھڑے دئے گوائیا۔ جو چؤراسی وِچوں جنم دھار کے آئے مانَس منُکھ، بِنا پُتر پُت رہن کوئے نہ پائیا۔ مہاراج شیر سِنگھ وِشنوُں بھگوان، ایہہ وست تیری جھولی جاوے سُٹ، چھٹّا دینا تھاؤں تھائنیا۔

۱۳ مگھّر ۲۰۲۱ بِکرمی سُلکّھن سِنگھ دے گرِہ پِنڈ موُنگلا

ابناشی کرتا جُگ جُگ کھیل کھِلاؤندا ہے۔ آد جُگادی نِت نوِت ویکھ وکھاؤندا ہے۔ برہم برہمادی برہمانڈ بھیو چُکاؤندا ہے۔ نِرگُن سرگُن بن کے ورتائے سوانگ، سوانگی اپنی اچرج لیلہ اپنے وِچ چھپاؤندا ہے۔ پوُرب جنم دی تُہانوُں کرائے یاد، پِچھلا لیکھا آپ لیاؤندا ہے۔

ایہہ ہربنس کؤر اوہ راج، جیہڑا گوبِند بچّیاں اِٹّاں ٹھوک ٹھوک لگاؤندا ہے۔ اوس ویلے ایہدی تیسی کانڈی وِچ سواد، ہاڈی ماٹی تیرے سیِس چُکاؤندا ہے۔ زوراور سِنگھ اِک ویراں پُچھیاں اِک جواب، ہؤلی جہی دِرڑاؤندا ہے۔ کی تیَنوُں وی کوئی آؤندا سواد، جِس ویلے میری چھاتی اُپر ٹھوکر لاؤندا ہے۔ اُسنے کِہا ہاں میرا خوش ہُندا نواب، میَں جِس دی سیو کماؤندا ہاں۔ اُس نے کِہا شاباس، میَں خوشیاں وِچ تیرا درشن پاؤندا ہاں۔ جے کِتے میرا ساہمنے ہووے باپ، پھیر اوسنوُں ایہہ حال وکھاؤندا ہاں۔ اسیں معسوُم چُپ چاپ، رسنا جِہوا نہ کوئے الاؤندا ہاں۔ جِدھر ویکھاں پرم پُرکھ دا کھُلا تاک، بالی بُدھ وڈّا خیال بناؤندا ہاں۔ میرے اندروں نِکلے ایہو پاٹھ، تُوں میرا میَں تیرا سوہنگ ڈھولا گاؤندا ہاں۔ فتح سِنگھ ہؤلی جہی مکُھ چوں کِہا اِک واک، واقع اگلا نال رلاؤندا ہاں۔ جوتی جوت سروُپ ہرِ، آپ اپنی کِرپا کر، مِہربان مِہربان مِہربان مِہراں نظراں وِچ سماؤندا ہاں۔ چھوٹے کِہا او راج جگت مزدوُر، تیَنوُں دیاں سُنائیا۔ اوہ کیہڑا ساڈا قصوُر، نیہاں وِچ دبائیا۔ اسیں پربھ دا حُکم منیئے ضرور، پربھ دا بھانا سیِس ٹِکائیا۔ اوہ مالک نہیں دوُر، ساڈے اندر بہہ بہہ خوشی منائیا۔ ایہہ سوہنے چند دا سوہنا نوُر، کِیوں خاک وِچ رہیا دبائیا۔ کوٹن کوٹ جُگاں پروان بھر کے بیڑے ڈُبدے رہے پوُر، بِن سَتگُر پار نہ کوئے لنگھائیا۔ جوتی جوت سروُپ ہرِ، آپ اپنی کِرپا کر، دُھر دا لہنا جُگ جُگ رہیا چُکائیا۔ وڈّے کِہا سُن اِک بات، تیَنوُں دیاں جنائیا۔ اِٹّ لاون دی تیَنوُں پوُری نہیں جاچ، ساچی سِکھیا دیاں دِرڑائیا۔ سِدھی میرے سینے رکھ اُتے ہِک، پِچھوں زور نال دبائیا۔ میَں اندروں ساہ لَواں کِھچّ، تُوں ہی تُوں راگ الائیا۔ اوس ویلے میرا پربھ اندر آئے میرے وِچ، وِچکارڈیرہ لائیا۔ پھیر ویکھاں اپنا پِت، پت پرمیشور بےپرواہیِا۔ جِس دا کوئے سمجھ نہ سکے ہِت، جگت جیِو بھیت کِسے نہ آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ نِکاّ کہے راج نال پنج مزدوُر، بھجّن واہو داہیِا۔ حُکمے اندر ہو مجبوُر، سیوک بن کے سیوا رہے کمائیا۔ اِس دے اندر اِک غروُر، غُربت رہیا ودھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ راج نَوی دیندا آیا وار، اپنا زور لگائیا۔ جِس ویلے کندھ آئی مکُھ دے سار، ٹھوڈی چِن نال چُھہائیا۔ اوس ویلے بچن نِکلیا تُوں ہرِ ہرِ نِرنکار، سب تیری بےپرواہیِا۔ وڈّے کِہا سب کُچھ اوسے دے اختیار، جو کرنی رہیا کمائیا۔ جِس ساڈا تتاں دا محل دِتا اُسار، اوہو کندھاں وِچ ٹِکائیا۔ جِس نے بندہ بنایا اِنسان، گندہ کرکے بُدھ بھوائیا۔ نِکاّ ویکھ ہویا حیَران، اندروں اکھّ

کھُلائیا۔ ایہہ شرع والے شَیطان، شریعت کرے لڑائیا۔ اندروں بےاِیمان، باہروں دین صفائیا۔ اسیں بچےّ بال نادان، گوبِند سُت اکھوائیا۔ جِنہاں دی بلی پرم پُرکھ کرے پروان، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے دِرڑائیا۔ مکُھ تک آئی دیوار، منزل منزل اپنا پندھ مُکائیا۔ اَگوں ہسّ کے راج کِہا بِند مُکھار، رسنا جِہوا بتّی دند سُنائیا۔ تُہاڈا ناتا چُھٹن لگّا سنسار، ویکھو اکھّ اُٹھائیا۔ ناویں سال دا نَواں اِک پیار، چھوٹا رہیا جنائیا۔ لہنا دینا سِرجنہار، جُگ جُگ اپنے ہتّھ رکھائیا۔ وڈّے کِہا موُرکھا کیتے جگت محل دِتے اُسار، ایہو جِہی سیوا تیَنوُں اَگے کِسے نہ لائیا۔ ایہہ دیوار نہیں تیرے لئی دُشوار، جو دُشمن بن کے دیِدہ دانستہ نظری آئیا۔ چھوٹے کِہا سہج نال اِک وار، میرے اندروں میرا رہیا ہِلائیا۔ کُچھ بخش میَنوُں پیار، سِر اپنا ہتّھ ٹِکائیا۔ تُوں سدا بھگت اُدھارن پاپیاں دیویں تار، سِر اپنا ہتّھ ٹِکائیا۔ وڈّے کِہا اگلے جنم دا اُدھار، اَگا دیاں جنائیا۔ میرے انتر آوے اُچھال، بےپرواہ رہیا سمجھائیا۔ کلجُگ انتم جِس ویلے آئے سِری بھگوان، بھگوَن اپنا پھیرا پائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ اگلے جنم دا دے احوال، اِکو وار سمجھائیا۔ جنم جنم کھائے کال، رائے دھرم دئے سزائیا۔ جِس ویلے آوے دیِن دَیال، دَیانِدھ اپنا پھیرا پائیا۔ اودھروں گُجری دی آتما ماری آواز، بِن عرش فرش رہی سُنائیا۔ مومنو تُہاڈی کِدھر گئی نِماز، کافر بَیٹھے روُپ وٹائیا۔ جے تُوں اِٹّاں لاون والا راج، میرے پُھل گُلاب کِیوں نیہاں ہیٹھ رکھائیا۔ جے منُش نہیں اِستری ہُندی تیرے اندر پُتاں دا ہُندا پیار، نیتر اکھّاں نیِر وہائیا۔ زوراور سُن اگمّی دھار، اندرے اندر دِتا سُنائیا۔ ایس جنم نہیں تے دوُجی وار، ناری جامہ لئے بدلائیا۔ پنج مزدوُر جو ایہدے نال، جِنّ خبیِث روُپ وٹائیا۔ میَں چھوٹا بچّہ نؤ سال، فتح سِنگھ رہیا سمجھائیا۔ اِسے طرح ایہدا دُکھیاں والا حال، دھکّے ٹھوک ٹھوک لگائیا۔ اِن اِٹّاں دی چِنی دیوار، ایہدی کایا دیوار اندر اوہ سوُکھم آتم سُکھ کدے نہ پائیا۔ ایہہ دُکھ دا نہیں پیار، ایہہ بُھکھ دا نہیں ونجار، پوُرب لہنا لیکھے وِچوں جھولی رہیا بھرائیا۔ اِک سال اجےّ باقی اوناں چِر کِسے نہیں لَینی سار، کِناں چِر رووو کُرلاوو مارو دھاہینا۔ لِکھیا بچن سُنیا واک جو ایک وار ایکنکار، کوئے نہ سکے بدلائیا۔ ایہہ آد جُگادی دُھر دی کار، دھرنی دھرت ویکھ وکھائیا۔ اِس توں وڈّا اجے ہور وِہار، جو اپنے شبداں وِچ بند کرائیا۔

مہاراج شیر سِنگھ وِشنوُں بھگوان، اگلا لیکھا دسّن توں اجے اِنکار، اِنکؤائری وِچ خواری وِچ بیماری وِچ تیماری وِچ اُدھاری اپنا کھیل اپنے ہتّھ رکھائیا۔