کتب خانہGranth 17 (Shahmukhi)

۱۴ مگھّر ۲۰۲۱ بِکرمی ہردیو سِنگھ دے گرِہ فِروزپُر چھاؤنی گوال ٹولی

جن بھگتاں ورگ لائے ایک، اِک اِکلّا دَیا کمائیا۔ سچ پریِتی بخش کے ٹیک، چرن کَول دئے سرنائیا۔ بُدھی کرکے آپ بِبیک، سَت سروُپ دئے بنائیا۔ اندر وڑ کے لئے پیکھ، گرِہ مندر کھوج کھُجائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ورگ سرب سمجھائیا۔ ساچا ورگ جِنہاں لگّا، ویلا وقت گئے بُھلائیا۔ پِچھلا لیکھا چھّڈ سوُاریاں اَگا، اگمّ مِلی وڈیائیا۔ جنم کرم دا ہیِن جو پِھرے بھجّا،

تٹ کنارے پھیری پائیا۔ مانَساں والے جو کھاندا رہیا ہڈّا، ڈھوراں کھلّ لُہائیا۔ جوبن ہنڈاؤندا رہیا بُڈھا نڈھّا، مست جوانی وِچ سمائیا۔ ہتّھ پھڑاؤندا رہیا چکّر گدا، دھنُشدھاری روُپ وٹائیا۔ ڈوُم ہو کے گھر گھر دیندا رہیا سدّا، سیوا سچ کمائیا۔ پربھ دی کِرپا ورگ اِکو لگّا، جِس دا ورم اندر دِتا کرائیا۔ سچ پریم اندر بدھّا، بندنا اِکو دِتی سُنائیا۔ سچ مقام کرا کے حجا، حاجت پوُری رہیا وکھائیا۔ نام خُماری اندر مدھا، مدھ سوُدن ویکھ وکھائیا۔ سچ پرکاش وِچ جگا، جوتی جوت جوت رُشنائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ورگ لگائیا۔ جُگ جُگ ورگ لگاونہارا، ہرِ کرتا اِک اکھوائیا۔ بھگت سُہیلے جگاون والا، جُگ چؤکڑی پھیری پائیا۔ نام سندیس سُناونہارا، سُتّیاں لئے اُٹھائیا۔ سچ بھنڈاری بن ونجارا، وست امولک جھولی پائیا۔ پار کرا کے تٹ کنارہ، نئیا نؤکا نام چڑھائیا۔ سجّن مِلا کے اِک نِرنکارا، نِرگُن سرگُن لیکھ مُکائیا۔ محل وکھائے اِک گھر بارا، سوہنا مندر دئے سمجھائیا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ کمائیا۔ جُگ چؤکڑی ویکھیا ورگ لّگدا، سمجھ والا سمجھ کوئے نہ پائیا۔ ورگاں اندر ابناشی کرتا سدا بھجّدا، بن بن پاندھی راہیِا۔ پندھ مُکا کے دوُر حد دا، نیرن نیرا نظری آئیا۔ ویکھ نظارہ اپنے جگ دا، جگ جیِون داتا بھگتاں لئے مِلائیا۔ سچ نام اندر رنگدا، خاکی تن ملِے وڈیائیا۔ بھیوَ کھُلا کے ہنگ برہم دا، پاربرہم اپنا جوڑ جُڑائیا۔ جوتی جوت سروُپ ہرِ، آپ اپنی کِرپا کر، لہنا مُکا کے خوشی غم دا، سد اِکو رنگ چڑھائیا۔ ورگ کہے میَں کدے کِسے نہ لگّا، میرا کھیل سمجھ کوئے نہ پائیا۔ جن بھگت کہے میَں تیرے مگر لگّا، ناتے سارے دِتے تُڑائیا۔ ورگ کہے میَں پربھ دے حُکم اندر بدھّا، بِن حُکمے کار نہ کوئے کمائیا۔ جن بھگت کہے میَں تیَنوُں گھر ساچے لبھا، اپنی اکھّ کھُلائیا۔ ورگ کہے بِن میری کِرپا ساچا کِسے کیِتا نہ حجا، حاجت پوُر نہ کوئے کرائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا مُکائیا۔ ساچا سِکھو ورگ لاؤنا، ہرِ کُنڈی آپ کھُلائیا۔ پہلوں پربھ دا درشن پاؤنا، نیتر اکھّ کھُلائیا۔ دوُجے ڈھیہہ ڈھیہہ چرنیں سیِس نِواؤنا، مستک دھوُڑی خاک رمائیا۔ تیجے بہہ بہہ منگل گاؤنا، ساچا نام الائیا۔ چؤتھے مان ابِھمان مِٹاؤنا، گڑھ ہنکار نظر نہ آئیا۔ پنجویں پنجاں اِکو رنگ رنگاؤنا، دوُجی ونڈ نہ کوئے ونڈائیا۔ چھویں کایا چھپّر چھن چھہاؤنا، سوہنا مندر لَینا بنائیا۔ سَتویں سَت سَتوادی اندر وساؤنا، سوہنی کر صفائیا۔ اٹّھویں اٹّھاں تتاں سیوا لاؤنا، اَگے سیِس نہ کوئے اُٹھائیا۔ نؤویں نؤ در پندھ مکاؤنا، لیکھا رہے نہ رائیا۔ دسویں

در گھر ساچے ویکھ وکھاؤنا، ویکھ ویکھ اپنی خوشی منائیا۔ اِک دس دی ونڈ ونڈاؤنا، دس دو وجےّ ودھائیا۔ تِنّ دس دا تند بندھاؤناں، دس چار نہ ہوئے جُدائیا۔ پنج دس دا سنگ نِبھاؤنا، دس چھ پڑدا دئے اُٹھائیا۔ ستّ دس دا سوہنا رنگ چڑھاؤنا، اٹھ دس ویکھنا چائیں چائنیا۔ نؤ دس دا ملنگ نچاؤنا، دس دس بیِس دا اِکو اِک گوسائینا۔ بیِس اِک دا انک بناؤنا، دوُآ ایکا گنڈھ پوائیا۔ اِکّیاں والا وقت سُہاؤنا، اِکیسا جگدیسا سوبھا پائیا۔ جن بھگتاں ورگ لاؤن دا طریقہ اِک رکھاؤنا، مِہر نظر آپ اُٹھائیا۔ وڈّیاں چھوٹیاں بھیو چُکاؤنا، بالاں بِردھاں نؤجواناں دیوے آپ وڈیائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ براہمن ورگ کی سکے لا، وِدیا برہم پڑھن نہ پائیا۔ جِنہاں رحمت کرے خُدا، خُدی تکّبر دئے گوائیا۔ جو کرماں کارن ہوئے جُدا، حُکمے وِچ بھوائیا۔ تِنہاں لیکھا دئے چُکا، بُھلیکھا باہر کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ ورگ کہے میَں سچّا، میَنوُں آکھے سکے نہ کوئے لگائیا۔ میَں اُس پرم پُرکھ دا بچّہ، جِس نال ناتا پکاّ لیا جُڑائیا۔ میَں سدا ویکھاں کایا ماٹی بھانڈا کچّا، ساڈھے تِنّ ہتّھ گگریا نظری آئیا۔ جِس ویلے میرے صاحِب دا میَنوُں حُکم سندیشہ ملِے پتہ، پت پرمیشور دئے جنائیا۔ میَں کھول کے ویکھاں اکھّاں، اپنی پلک اِک اُٹھائیا۔ نالے روواں نالے ہسّاں، دوویں رنگ جنائیا۔ میَں مار دوہتّھڑ ہتّھ متھے رکھاں، سوچ سمجھ نہ آئے رائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا کرائیا۔ ورگ کہے میَں دُھر دا ساتھی، آد جُگاد نظری آئیا۔ جِس ویلے جن بھگت دا لہنا مُکنا ہووے باقی، بہتیوں تھوڑا نظری آئیا۔ اوس ویلے میَں کراں اِک چالاکی، اپنا بَل پرگٹائیا۔ اندر وڑ کے ٹھوکر لاواں اُتے چھاتی، سیِنہ سُتّا دیاں اُٹھائیا۔ شاہ رگ دے اُتوں کھولن دی جاچ دسّاں تاکی، ہؤلی جہی سمجھائیا۔ لوکیں میَنوُں کہن ورگ میَں ورگ اوہ نام والا ساتھی، جِس نوُں نمستے کہہ کہہ سارے سیِس نِوائیا۔ میری سِکھیا سُن کے سادھ سنت جُگ چؤکڑی چڑھے منزل گھاٹی، پندھ اپنا آپ مُکائیا۔ اِک گلّ اُچے مندر بہہ کے کبیِر جُلاہے میَنوُں آکھی، خوشی نال سُنائیا۔ اَگے کلجُگ آؤنی اندھیری راتی، چاروں کُنٹ اندھیرا چھائیا۔ پرگٹ ہووے پُرکھ ابناشی، ابناشی کرتا ویس وٹائیا۔ اوہدی کوئی سمجھ نہ سکے ساکھی، ساکھیات ہو کے کھیل وکھائیا۔ جِس ویلے تیَنوُں حُکم دیوے تُوں بھگت اُٹھاویں ساتھی، اندر وڑ وڑ ساریاں نوُں اِکو ورگ لگائیا۔ جے مِلاویں تے مِلاویں کملاپاتی، پت پرمیشور ناتا دئیں جُڑائیا۔ جوتی جوت سروُپ ہرِ،

آپ اپنی کِرپا کر، دُھر دی کھیل رہیا کھِلائیا۔ ورگ کہے سُن بھگت کبیِر، میَں نِکرمن دیاں جنائیا۔ میرا تتاں والا نہیں سریر، سُڈول روُپ نظر کوئے نہ آئیا۔ میَں پَیغمبراں ورگا نہیں پیِر، گُروُآں ورگا گُروُ نہ کوئے اکھوائیا۔ میری کاغذاں اُتے نہیں کوئی تصویِر، منکیاں والی تسبیح ہتّھ نہ کوئے اُٹھائیا۔ میَں کِسے بھنڈاریوں کھادھی کدے نہ کھیِر، پوُڑی کڑاہ منگ نہ کوئے منگائیا۔ میَں کدی نہ نہاون گیا اٹھسٹھ نیِر، تٹ کنارہ پھیرا کدے نہ پائیا۔ میَں مندراں مسجِداں وِچ پندھ لیا نہ چیِر، بن کے پاندھی راہیِا۔ میَں ٹِلیاں پربتاں پہاڑاں چوٹی چڑھیا نہ کدے اَخیِر، جنگل جوُہاں وِچ پھیرا نہ پائیا۔ میَں جکڑیا گیا نہ کِسے زنجیر، شرع ڈور نہ کوئے وکھائیا۔ جِس ویلے میرا صاحِب داتا گُنی گہیر، میرے ولّ اکھّ لئے اُٹھائیا۔ میَں دوُر دُراڈا نیڑے آواں نزدیِک، نِیوں نِیوں سیِس جھُکائیا۔ اوس ویلے پربھوُ اپنا حُکم دیوے ٹھیِک، دُھر فرمانا اِک جنائیا۔ جیہڑے بھگت میری کردے رہے اُڈیِک، اوہناں دے اندر وڑ کے میرے نام دا ورگ دے لگائیا۔ ساچی بجھّ جائے اِک پریِت، پریِتم نالوں نہ ہوئے جُدائیا۔ جُگ چؤکڑی گئے بیِت، بیِتی کہانی اَگے مارگ رہی جنائیا۔ جوتی جوت سروُپ ہرِ، آپ اپنی کِرپا کر، سد ویکھنہارا تھاؤں تھائنیا۔ کبیِر کہے ایہہ رکھیں یاد، سچ سچ دِتا دِرڑائیا۔ کلجُگ انتم اولّڑا چلے رِواج، رسم سمجھ کوئے نہ پائیا۔ ابناشی کرتا آتم پرماتم کرن آوے کاج، شبد وِچولا وِچ بنائیا۔ سَت دھرم دا سَت سَتوادی لےَ کے نال داج، دات دُھر دی اِک پرگٹائیا۔ دُھر سندیسہ مار آواز، در تیَنوُں لئے بُلائیا۔ ہؤلی جیہی دیوے آکھ، اِکو حُکم سُنائیا۔ جا میرے بھگتاں دی کھول جاگ، سُتّیاں رَین نہ کوئے وِہائیا۔ ورگ لگا کے کہو چلو بیڑے چڑھو جہاز، بیڑیاں نئیا کِشتیاں نؤکا سارے دِیو تجائیا۔ جگت ناتے توڑ سماج، سمجھ اِکو نال مِلائیا۔ جوتی جوت سروُپ ہرِ، آپ اپنی کِرپا کر، سب دے لہنے دئے مُکائیا۔ ورگ کہے دھنّ بھگت، دِتا موہے سمجھائیا۔ جِس ویلے آوے سُہنجنا وقت، بھگت دوار خوشی منائیا۔ پُرکھ ابناشی کھیل کرے وِچ جگت، جاگرت جوت کرے رُشنائیا۔ لیکھا جانے عرش فرش، دو جہاناں ویکھ وکھائیا۔ میرے اُتے کر کے ترس، دُھر سندیسہ دئے سُنائیا۔ میَں آ کے نِمانا ہو کے کراں عرض، دوئے جوڑ سیِس نِوائیا۔ ہے پربھوُ میرا کی فرض، سچ سچ دے جنائیا۔ سِری بھگوان کہے میرے بھگتاں نال ونڈ جا کے درد، درد دُکھ بھے بھنجن آپ جنائیا۔ اوہناں دے اندر وڑ کے کھیل کراں اسچرج، اچرج لیِلا دئے وکھائیا۔ بھاویں نار بھاویں مرد، اِستری پُرش ونڈ نہ کوئے ونڈائیا۔ سچ پریم دی پھڑ کے کرد، کوُڑی کِریا اندروں قتل دینی کرائیا۔

تیرا کوئی نہ ہووے خرچ، بِن پَیسے دھیلے آسا پوُر وکھائیا۔ تُوں پوپاں ہتّھ نہ آویں وِچ چرچ، مندر مسجد سارے بَیٹھے تیرا راہ تکائیا۔ ورگ کہے میرے اُتے کریں ترس، مِہر نظر اُٹھائیا۔ میَں وی تیرے وِچھوڑے اندر رہیا تڑپ، کبیِر جُلاہا گیا سمجھائیا۔ میَں تیرا ڈھولا سُناواں کڑک، اُچی اُچی ناد وجائیا۔ جن بھگتوں مارگ سِدھا ویکھو سڑک، ساڈھے تِنّ ہتّھ اندروں پار لنگھائیا۔ جِس نوُں میرا ورگ لگّا اوہ کدے نہ جاوے اٹک، راہ وِچ نہ کوئے ٹھہرائیا۔ اوتھے کی کرے پنچ وِکارا کٹک، جِتھے مِہربان تیرا حُکم بےپرواہیِا۔ جوتی جوت سروُپ ہرِ، آپ اپنی کِرپا کر، اپنا دینا ساچا درس، اپنی آس سُنائیا۔ ورگ کہے میَں جِس در وڑیا، سُتے دیاں اُٹھائیا۔ جِس پؤڑے جا کے چڑھیا، ڈنڈے دیاں ہِلائیا۔ جِس مندر جا کے کھڑیا، دُھر دی الکھ سُنائیا۔ جِس گھر جا کے ساچا ڈھولا پڑھیا، سویا کوئے رہن نہ پائیا۔ اِکو تیرا پلّوُ پھڑیا، جگ سکے نہ کوئے چُھڈائیا۔ کِرپا کر نرائن نریا، نِرویَر تیری وڈیائیا۔ میَں ساچی سیوا گھر ساچے کریا، کر کر خوشی منائیا۔ جوتی جوت سروُپ ہرِ، آپ اپنی کِرپا کر، گھر ساچے لَینا بہائیا۔ ورگ کہے تیرا ویکھیا ولگن، ہڈّ ماس ناڑی چار دیواری اِک بنائیا۔ اوس دے اندر یاتری تِلکن، سمبھل پَیر نہ کوئے ٹِکائیا۔ چار جُگ کلجُگ سنت سادھ سارے وِلکن، نیتر روون دین دُہائیا۔ جِتھے پربھ تُوں وسیں کوُڑ کُڑیارے اُتھوں کھِسکن، بھجّن واہو داہیِا۔ تیرے بھگت سُہیلے نوُر اگمّی چند چمکن، منڈل منڈپ نَین شرمائیا۔ جودھے سوُربیِر نؤجوان تکّن، بلدھاری روُپ وٹائیا۔ جِنہاں دی پت آئیوں رکھن، رکھک ہو کے سیو کمائیا۔ درس دِکھائیں نیتر لوچن اکھّن، نَین دیویں وڈیائیا۔ اوہ ماہی تیرے بہکے پتن، گٹھڑی بھار تیرے اُتے ٹِکائیا۔ میَں باقی سُتّیاں نوُں پھیر جاواں دسّن، اندر وڑکے دیاں ہِلائیا۔ اُٹھو ویکھو جِس جہاز ترایا لبانے مکھّن، بیڑا کندھ اُٹھائیا۔ جِس مان رکھایا سّمن موُسن، مُشکل حل کرائیا۔ جِس دا وسیرا چارے کوُٹن، دہ دِشا ویکھ وکھائیا۔ جِسدا ہُلارا بھگت سُہیلے جھوُٹن، دو جہاناں آپ جنائیا۔ سو صاحِب سوامی آیا پُچھن، پُشت پناہی پھیرا پائیا۔ گُرمکُھاں دے اندر آیا لُکن، نِرگُن ہو کے ڈیرہ لائیا۔ کوُڑی کِریا آیا کُٹن، نام کھنڈا ہتّھ چمکائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ورگ کہے میَں بالیاں وِچوں نِکاّ بالا، بچپن اپنا اِک بنائیا۔ جِس دا کبیِر دے کے گیا احوالا، اہل کار اِکو نوُر خُدائیا۔ جِس دا رنگ روُپ چِٹّا گورا دِسے نہ کالا، سوُہا پیِلا ویس نہ کوئے وٹائیا۔ جِس دے اُتے رکھنا نہ پئے کوئے رُمالا، دروازیاں وِچ نہ بند کرائیا۔ جِس دے اُتے رکھنا پئے نہ کوئے

گوالا، گٔوآں پوُج نہ سیو کمائیا۔ جِس دا مندر مٹھ نہ شِودوالا، مڑھی گور نہ سیِس نِوائیا۔ آد جُگاد جُگ چؤکڑی اِکو گھر سچّی دھرمسالا، سچکھنڈ ساچا رہیا سُہائیا۔ سو خالق خلق کھیل کرے نِرالا، نِرگُن اپنا پھیرا پائیا۔ سو لہنا تیغ بہادر سِنگھ پالا، پلّوُ اپنے نال گنڈھائیا۔ سو لہنا گوبِند سوہنا پُتر لالا، پوُرن پُرکھ رہیا سمجھائیا۔ سو حُکم سدا کال مہاکالا، آد جُگاد رہیا ورتائیا۔ ورگ کہے میَں اوسدا سدا ہتّھ اُٹھاون والا پیالہ، گُرمکُھاں بھر صراحی جام پیائیا۔ جوتی جوت سروُپ ہرِ، آپ اپنی کِرپا کر، میرا لہنا نال مُکائیا۔ ورگ کہے جن بھگت سچّے سجّن، سچ دیاں سُنائیا۔ تُہاڈے نال مِل کے میَں وی کراں مجن، سروور ساچے نہائیا۔ میری اگلی پِچھلی چار جُگ دی مِٹے اگن، تتّی واؤ نہ کوئے تپائیا۔ تُہاڈے نال رل کے پریم پیار دا میرے مکُھ لگّ جائے سگن، سگلی سرِشٹی دیاں تجائیا۔ اوسے دی یاد وِچ ہو جاواں مگن، مگرلی گلّ ساری دیاں بُجھائیا۔ جِس پار کرایا بدھکّ ادھک اپنی دھار بنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ورگ کہے اِک بدھکّ تے اِک ساتھی، جو نؤ قدم پِچھےڈیرہ لائیا۔ ستاراں سال اُمر اُس دی آکھی، ہِنسیاں نال سمجھائیا۔ جِس ویلے بان لگا کرِشن مکُھوں ہردیو ایہہ گلّ آکھی، واہ واہ تیری وڈیائیا۔ بدھکّ دا ساتھی بُدھوُ جِس دے کول ڈھائی اُنگلاں والی اِک گلاسی، اُس وِچ پانی بھر کے کرِشن دے ہتّھ دِتا پھڑائیا۔ اُس نے کِہا میری لّتھی ہُن اُداسی، پیار تیرے وِچوں نظری آئیا۔ اوس نِیوں کے ماری جھاتی، چرن کَول دھیان رکھائیا۔ کرِشن پُٹھا ہتّھ مار کے چھاتی سِر اُپر دِتا ٹِکائیا۔ تُہاڈا دوہاں دا لہنا کُچھ باقی، لیکھا اَگے دیاں رکھائیا۔ جِس ویلے کلجُگ ہووے اندھیری راتی، ہرِ کرتا پھیرا پائیا۔ دوہاں دا پیوپُتراں والا رِشتہ جوڑ کے ناتی، ناتا پھیر اپنے نال رکھائیا۔ بےشک ایس جنم دے اِکو جِہے وڈّے چھوٹے جماعتی، ماتا پِتا وکھّو وکھّرے نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مہاراج شیر سِنگھ وِشنوُں بھگوان، گُر اوتاراں پیِر پَیغمبراں دی پوُری کر کے آکھی، آخر اپنے نال رکھائیا۔

۱۴ مگھّر ۲۰۲۱ بِکرمی اجمیر سِنگھ دے گرِہ ڈیری فارم فِروزپُر چھاؤنی

چارے کھانی پیا جھگڑا، شاہ پاتشاہ شہنشاہ تیرے اَگے عرضوئیا۔ کوئی مارگ سمجھے نہ اگلا، چارے بانی دئے دُہائیا۔ پرا پسنتی مدھم بَیکھری کہے کلجُگ ہویا پگلا، بُدھ بِبیک نہ کوئے کرائیا۔ لیکھا مکُے کِسے نہ سگلا، پردہ سکے نہ کوئے اُٹھائیا۔ گُر اوتار پیِر پَیغمبر ساڈھے تِنّ ہتّھ کایا مندر ہنڈھا کے گئے بنگلا، نِت نوِت اپنا پھیرا پائیا۔ بھگت بھگوان لبھدے گئے جوُہاں جنگلاں، ٹِلّے پربت کھوج کھُجائیا۔ راگاں ناداں گاؤندے گئے کیِرتن وِچ منگلا، ڈھولے سوہلے رسنا جِہوا بتّی دند سُنائیا۔ سادھ سنت سیِس جگدیس جھُکا کے کردے گئے بندنا، ڈنڈؤت وِچ اپنا آپ مِٹائیا۔ در درویش بِھکھاری بِھچھِیا رہے منگنا، مانگت ہو کے لَینی جھولی ڈاہیِا۔ دھوُت اودھوُت ہتھّیں پاؤندے رہے کنگنا، تن ماٹی خاک رمائیا۔ پنڈت پاندھے مستک لاؤندے رہے چندنا، تِلک للاٹی بھیوَ نہ آئیا۔ سچ دوارے ساچا کرے کوئی نہ عدلا، عداوت سکے نہ کوئے مِٹائیا۔ جُگ چؤکڑی لیکھا کدے کِسے نہ بدلہ، لہنا دینا نہ کوئے مُکائیا۔ لوکمات پربھ ویکھ اپنا وطنا، بےوطن ہو کے دین دُہائیا۔ ساچا کنڈھا لبھے کِسے نہ پتنا، شؤہ دریا رُڑھی دِسے لوکائیا۔ من ہنکاری کرے کوئی نہ قتلا، مقتوُل روُپ نہ کوئے وٹائیا۔ تن ماٹی خاکی دِسے سب دا سکّھنا، ہِردے ہرِ ہرِ نام نہ کوئے وسائیا۔ نِج نیتر کھولے کوئی نہ اکھّنا، دوئے لوچن جگت راہ تکائیا۔ تیرے مندر کوئی نہ جانے وسنا، بھگت دوارا کھوجن کوئے نہ آئیا۔ امرت رس کوئی نہ جانے رسنا، جِہوا رس نؤ ہلکائیا۔ کوُڑی کِریا چار کُنٹ دہ دِشا مایا ممتا کرے نخرہ، تیرا بھیو کوئے نہ پائیا۔ شاستر سِمرت وید پُران انجیل قرآن کھانی بانی پڑھدے نال اکھّراں، نِراکھّر تیرا نظر کِسے نہ آئیا۔ قلم شاہی کاغذ لیکھا لِکھدے وِچ سطراں، سَت سَتوادی تیرا میل نہ کوئے مِلائیا۔ رسنا جِہوا پڑھ پڑھ انکاں والا بدلن پترا، بجر کپاٹی پڑدا سکے نہ کوئے اُٹھائیا۔ باہروں ٹھگاّں چوراں کولوں سمجھن سارے خطرہ، پنج وِکارا اندروں باہر نہ کوئے کڈھائیا۔ پریم پیار نال تیرا گیِت گاؤندے ، جوتی جوت سروُپ ہرِ، آپ اپنی کِرپا کر، اِکو دینا ساچا ور، صاحِب تیری سرنائیا۔ چارے بانی کِہا پیا رؤلا، ہاہاکار لوکائیا۔ چارے کھانی چُکےکوئی نہ اوہلا، انتر آتم بھیوَ نہ کوئے کھُلائیا۔ من ہنکاری ہویا بَولا، اندر راگ دُھن شبد سُنن کوئے نہ پائیا۔ پاربرہم برہم جانے نہ کوئے ڈھولا، گیِت گاوت گا گا جگت خوشی منائیا۔ تیرا سمجھ نہ آئے دُھر دا سوہلا، سلوکاں نال راگ راگنی رہے گائیا۔ کوئی نہ جانے پاربرہم پت پرمیشور تیرا نام انمولا، انمُلی

دات وست جھولی کوئے نہ پائیا۔ گُر اوتار پیِر پَیغمبر سَتجُگ تریتا دواپرکلجُگ سب نوُں دسّ کے گئے ہرِ کا شبد سدا وِچولا، ایتھے اوتھے دو جہاناں بیڑا پار کرائیا۔ جو انتر انتر اُلٹا کرے نابھ کَولا، جھِرنا اِکو دئے جھِرائیا۔ ایہو جِہا کلجُگ انتم گھٹ سُہیلا ملِے وِرلا، ورلاپ وِچ روندی ویکھی سرب لوکائیا۔ چارے بانی کہے پربھوُ ٹھاکر ہو کے منّ لےَ ترلا، سوامی تیرے چرناں سیِس نِوائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کھُلائیا۔ چارے بانی کہے میَں ویکھیا جگ، بِن اکھّاں اکھّ کھُلائیا۔ سمرتھ سوامی نوَ ستّ لگّی اگّ، امرت میگھ نہ کوئے برسائیا۔ ساچے کعبےکرے کوئی نہ حج، محل اٹل چڑھ منار درس کوئے نہ پائیا۔ جگت واسنا سارے رہے بھجّ، ترِشنا ترِپت نہ کوئے کرائیا۔ گھر دا ٹھاکر اپنا چھّڈ، بن کھنڈ کھوجن جائیا۔ باہروں تال ویکھدے رہن جو ہتّھاں نال رہے وجّ، انتر تال سُنن کوئے نہ پائیا۔ وشا وِکار آشا ترِشنا بھگ، بھانڈا بھرم نہ کوئے بھنائیا۔ خالی دِسے بھنڈارے کایا ماٹی ہڈّ، سچ وست نہ کوئے ٹِکائیا۔ تیرا پریم پیار بھگتی بھاوَ جگت ترِسنا کر کے گئے چھّڈ، نیتر نَین اکھّ راہ نہ کوئے تکائیا۔ وِشَو روُپ بنے کوئے نہ ساچی جدّ، وِشن برہما شِو دین گواہیِا۔ کلجُگ کِریا کوُڑی ہو گئی حد، حضرت تیرے اَگے عرضوئیا۔ الف یے ناتا گئی چھّڈ، کاتب قلم نہ کوئے چلائیا۔ جوتی جوت سروُپ ہرِ، آپ اپنی کِرپا کر، اِکو دے دُھر دا ور، در ٹھانڈے سیِس نِوائیا۔ چارے بانی کہے سُن فریاد، تُدھ بِن دوُجا نظر کوئے نہ آئیا۔ تُوں سچکھنڈ نِواسی پُرکھ ابناشی تیرا کھیل برہم برہماد، وِشن برہما شِو سیوک دُھر دے نظری آئیا۔ ترےَگُن مایا پنج تت بھنڈارا تیری دات، جگت ونجارا بن کے کھیل کھِلائیا۔ رسنا پڑھ پڑھ سارے تھکّے گاتھ، مندر مسجد شِودوالے مٹھ گُروُدوارے پھیریاں پائیا۔ انتر آتم کِسے نہ کھُلیا تاک، دیِا باتی کملاپاتی جوت نوُر نہ کوئے رُشنائیا۔ جِدھر ویکھاں تکاّں اندھیری رات، ساچا چند نہ کوئے چمکائیا۔ بُدھی نال کرن واک، لیکھا بےباق نہ کوئے کرائیا۔ تیرا کھیل ویکھ پُرکھ ابناش، ابناشی کرتے حیَرانی اِکو آئیا۔ کلمیاں والی ویکھی تیری نِماز، سجدیاں والا سیِس نظری آئیا۔ اندروں من ٹھیِک نہ ہویا گُستاخ، غُصّہ غم چِنتا روگ نہ کوئے مِٹائیا۔ مُلّا شیخ مسائک پنڈت پاندھے کلجُگ سادھاں اندروں کھُلیا کِسے نہ راز، رستہ حق نہ کوئے وکھائیا۔ گرِہ مندر چڑھ کے تیرے در مارے نہ کوئے آواز، الکھ الکھ نہ کوئے سُنائیا۔ ہؤں شاکر تیرے مُحتاج، نِیوں نِیوں سیِس جھُکائیا۔ کلجُگ کوُڑی کِریا ویکھ ڈوُنگھا کھات، بھنڈارا بےپرواہیِا۔ ساچے بھگتاں پُچھے کوئے نہ بات، جو باطن تیرا دھیان لگائیا۔ تیرا اِکو اکھّر ہِردے اندر لَین واچ،

واچک کرن نہ کوئے پڑھائیا۔ تُوں میرا میَں تیرا تیَنوُں بناون دُھر دا ساک، سگلا سنگ تجائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چارے بانی کہے پربھ ویکھ اپنی اگمّی پتّری، جِس دا لیکھا سمجھ کوئے نہ آئیا۔ روندے ویکھے براہمن شوُدر وَیش کھّتری، خطرہ سب نوُں رہیا ڈرائیا۔ ساچا تول ترازوُ تولے کوئے نہ تکّڑی، نام کُنڈا ہتّھ نہ کوئے اُٹھائیا۔ سگناں والی تیرے پیار دی بنھے کوئی نہ رکھڑی، سُگندی تند نہ کوئے جنائیا۔ تیرا لیکھا کُنڈلیاں راساں وِچ لبھدے نچھتّری، نِشانے اپنے رہے چلائیا۔ ٹھاکر سوامی تیری دھار سب توں وکھّری، آد جُگاد جُگ چؤکڑی اپنا کھیل کھِلائیا۔ لیکھا چُکا کے اندروں سِلا پتّھری، پڑدا اوہلا دئے اُٹھائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ چارے کھانی کہے جگت وِدیا رہی رو، چؤداں لوک چؤداں طبق تیری سار کِسے نہ پائیا۔ ہرِ کا مارگ بَیٹھے کھو، براہمن ہو کے بنے نہ پاندھی راہیِا۔ سچ پرکاش نہ مِلی لو، اندھیرا اندھ نہ کوئے چُکائیا۔ پرماتم نال آتم کرے کوئی نہ موہ، کوُڑی کریا کری جُدائیا۔ سچ پریِتم نال جائے کوئی نہ چھوہ، انگی انگیکار نہ کوئے اکھوائیا۔ دُرمت مَیل دیوے نہ کوئی دھو، دُکھیاں درد نہ کوئے ونڈائیا۔ لکّھ چؤراسی جیِو جنت سارے لئے جوہ، اندر وڑ وڑ ویکھ وکھائیا۔ اِک دوُجے نال ذات پات کرن دھرو، دُھر دا میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چارے بانی کہے پربھوُ میرا گیا ادب، آداب سیِس نہ کوئے نِوائیا۔ جھگڑا کردے دیِن مذہب، ذات پات رہی کُرلائیا۔ صدی چؤدھویں ہوئی حیَرانی غضب، گہر گمبھیِر بےپرواہیِا۔ لاشریِک کر مدد، سچ تؤفیِق اِک خُدائیا۔ کوُڑی کِریا میٹ تشدّد، تصوّر اپنا آپ کرائیا۔ سَتجُگ ویلا سوہے وقت، سَت دوار دئے گواہیِا۔ نظری آئے اِکو فقط، جو فِقرہ اِکو دئے جنائیا۔ جِس دے درس نوُں آد جُگاد جُگ چؤکڑی سارے رہے ترس، نِج نیتر دھیان لگائیا۔ سو کِرپا نِدھان مِہربان مِٹا سب دی حرص، ہَوس اَگے رہن کوئے نہ پائیا۔ تُوں مالک عرش فرش، فلک اُپر اپنا ڈیرہ لائیا۔ تیرا پہلا لیکھا سارے کردے ترک، اُٹھ ویکھ تُریا رو رو رہی سُنائیا۔ جوتی جوت سروُپ ہرِ، آپ اپنی کِرپا کر، مِہربان اپنا پھیرا پائیا۔ چارے بانی کہے اپنی ویکھی پیندی قیمت، ٹکیاں نال ہٹّ وِکائیا۔ دروہی خُدائے کی ہوئی غنیِمت، گہر گمبھیِر سمجھ کوئے نہ آئیا۔ کوئی نہ لبھے ساڈی اصلیّت، اصل روُپ نہ کوئے جنائیا۔ پَیغمبراں مُرشداں مُریِداں دے نام تے کیِتی وصیّت، شجرہ حُجرہ سچ نہ کوئے سمجھائیا۔ ساڈے اندر اوہ نصیِحت، جِس دی نقل کرے لوکائیا۔ کلجُگ کوئی نہ

جانے سچّی خصوُصیّت، جوتی جوت سروُپ ہرِ، آپ اپنی کِرپا کر، اِکو دینا ساچا ور، مِہربان تیری وڈیائیا۔ چارے بانی کہے میَں صِفتاں کراں تیرے نام، جُگ چؤکڑی اکھّراں نال وڈیائیا۔ دُھر سندیشہ دیواں سدا پیَغام، پیِر پَیغمبراں نال مِلائیا۔ امرت رس پیاواں جام، دُھر دی دھار ورتائیا۔ سدا سیوا کراں نِشکام، اپنی آس نہ کوئے رکھائیا۔ تیرے بردے بناواں غُلام، بندی خانہ جگت تُڑائیا۔ تیرے گھر دا دسّاں نِشان، سچکھنڈ نِواسی تیرا حُکم منائیا۔ کلجُگ انتم میَنوُں سارے کرن بدنام، رسنا پڑھ پڑھ اندروں سارے گئے بُھلائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ چارے بانی کہے پربھوُ تیرا بُھلیا منتر، منتوَ حل نہ کوئے کرائیا۔ میَں ویکھ کے آئی سب دے انتر، مانَس منُکھ منُش تیرا دھیان نہ کوئے لگائیا۔ کوُڑی کِریا مایا ممتا لگی بسنتر، دِوس رَین اگنی تت رہی جلائیا۔ کوئی چڑھ نہ ویکھے اپنے گگن گگننتر، گہر گمبھیِر تیرا درس کوئے نہ پائیا۔ نیتر رووے جیرج انڈج، اُتبُھج سیتج رہی کُرلائیا۔ کوئی بھیوَ نہ جانے پاندھا پنڈت، گرنتھی پنتھی سمجھ کوئے نہ آئیا۔ مُلّا شیخ چڑھائے کوئی نہ رنگت، دُرمت مَیل نہ کوئےدھوائیا۔ جِدھر ویکھیا گڑھ بنیا ہؤمے ہنگت، ہنگ برہم نہ کوئے سمجھائیا۔ بھگتاں والی ملِے کوئی نہ سنگت، ہنس کاگ روُپ وٹائیا۔ در در گھر گھر جگت بِھکھاری پِھرن منگت، تیرے اَگے جھولی کوئی نہ ڈاہیِا۔ جوتی جوت سروُپ ہرِ، آپ اپنی کِرپا کر، میری اِکو منّ مِنّت، در تیرے رہی سُنائیا۔ چارے بانی کہے پربھ ہویا اندھیرا، اندھ آتم نہ کوئے مِٹائیا۔ اُلٹا گِڑے کوئی نہ گیڑا، انتر لٹّھ نہ کوئے بھوائیا۔ بِن تیری کِرپا چُکےنہ کِسے تیرا میرا، تُونہی تُوں راگ نہ کوئے الائیا۔ تیرے نام دا اِکو اکھّر بتھیرا، جُگ جُگ جو جن بھگتاں دِتا سِکھائیا۔ اوسے وِچوں کرکے مِہراں، انتم اپنے نال مِلائیا۔ حقیِقت وِچوں کریں حق نبیڑا، حاکم ہو کے بےپرواہیِا۔ ساچا وسے نہ ساڈھے تِنّ ہتّھ کایا کھیڑا، گھر خوشیاں راگ نہ کوئے الائیا۔ پت پرمیشور سرب سوامی کِیوں لائی دیرا، دوُر دُراڈے دُھر دے ماہی اپنا پھیرا پائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، چار چار چار تیرا دھیان لگائیا۔

۱۴ مگھّر ۲۰۲۱ بِکرمی سُرجن سِنگھ دے گرِہ فِروزپُر شہر

چارے بانی کہے میرا سمجھے کوئی نہ نُقطہ، بُدھی بَل نہ کوئے رکھائیا۔ جِس نوُں جانیاں پیَنڈا مُکدا، منزل پندھ چُکائیا۔ گھر سوامی آ کے پُچھدا، بےپرواہ پھیرا پائیا۔ پڑدا لاہوے اپنی لُک دا، نقاب نظر کوئے نہ آئیا۔ درس کراوے سَت سروُپ دا، شاہ پاتشاہ سچّا شہنشاہیِا۔ لیکھا مُکا دے جوُٹھ جھوُٹھ دا، ساچا نام اِک دِرڑائیا۔ ناتا جُڑ جائے پِتا پُت دا، جگت چلِتر رہن کوئے نہ پائیا۔ مارگ مِل جائے پربھ ساچے دے رُخ دا، رہبر اِکو نظری آئیا۔ کھہڑا چُھٹ جائے جننی کُکھ دا، دس دس ماس اگن نہ کوئے تپائیا۔ جھگڑا مُک جائے کوُڑی بُھکھ دا، مایا ترِسنا رہن نہ پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ چارے بانی کہے میرا سمجھیا کِسے نہ کنّا، کنّاں والیاں راگ نہ کوئے جنائیا۔ صاحِب سوامی اِک کِسے نہ منّا، دُھر دا اِشٹ نہ کوئے منائیا۔ جِس دی سد نہ کوئی بنّا، دیِن مذہب نہ ونڈ ونڈائیا۔ جِس دا نوُر اگمّی اِکو چنّا، سچ دوار کرے رُشنائیا۔ نِت نوِت پِھرے بھنّا، جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ چارے بانی کہے میرا جانے کوئے نہ مکُتا، جو مُفت دات ورتائیا۔ جِس دے بِنا اَگے کوئی نہ پُچھدا، لکّھ چؤراسی رہی کُرلائیا۔ جِتھے لیکھا مُکدا دُکھ سُکھ دا، سچّا رنگ اِک رنگائیا۔ ٹھاکر ہو کے گودی چُکدا، پھڑ باہوں گلے لگائیا۔ کوئی بھیوَ نہ جانے اُسدا، جِس دی اُستت میَں راگاں ناداں وِچ گائیا۔ اوہ دُھر دا مالک کدے نہ رُسدا، سدا رُسیاں لئے منائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ چارے بانی کہے میری سمجھ نہ سکیا کوئی سِہاری، سئیا سچ نہ کوئے مِلائیا۔ ساچی پریِت پریِتم کرے نہ کوئے پیاری، پرِیا پریم نہ کوئے ودھائیا۔ سچ دوارے لائے کوئے نہ سچّی یاری، جگت یرانے رہے ہنڈھائیا۔ مات میٹے نہ کوئےخواری، اندھیری رات نہ کوئے چُکائیا۔ لکّھ چؤراسی سرِشٹی بِن کھُلی درِشٹی ہاری، بند کِواڑی کُنڈا نہ کوئے لاہیِا۔ میَں نیتر ویکھے روندے نر ناری، نرائن نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ چارے بانی کہے میری ویکھے نہ کوئے بِہاری، جو بابل دئے مِلائیا۔ جِس دا انت نہ پاراواری، اوہ اوسے دی سیوا کرن آئیا۔ اَگے ہو کے ہر اکھّر نوُں رہی ونگاری، اُچی کوُک کوُک سُنائیا۔ میَں سب دے ہوواں اَگاڑی، اَگے ہو کے مِلاں ماہیِا۔ جِس دی منزل اُچ اٹاری، درگاہ ساچی سوبھا پائیا۔ سچکھنڈ جِہدی سِکداری، والی دو جہان اکھوائیا۔ میَں اُس دی پنہاری، بن

سیوک سیو کمائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ چارے بانی کہے میرا اؤنکڑ والا سمجھیا نہ کِسے ڈنڈا، جو سب دے تھلّے دِتا لگائیا۔ اِس دے وِچوں مانَس مانُکھ اُپجیا بندہ، بندگی دُھر دی رہیا پڑھائیا۔ سچ پریم چاڑھے اپنا رنگا، رنگ اِکو دئے وکھائیا۔ پتت پاپی صاف کرکے گندہ، نِرمل نِرویَر دئے بنائیا۔ سدا سُہیلا بن کے سنگا، راہ ساچا دئے وکھائیا۔ جِتھے امرت جل ملِے ٹھنڈا، اگنی تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ چارے بانی کہے میرے دُلینکڑے جانے کوئی نہ دو، سد دوہری دھار چلائیا۔ نِرگُن سرگُن آپے ہو، ہرِ کرتا ویس وٹائیا۔ لکّھ چؤراسی گھٹ گھٹ انتر آپے ٹوہ، ہاٹی ماٹی ویکھ وکھائیا۔ سچ پرکاش کر کے لو، دیِوا باتی دئے جگائیا۔ اپنے نال کرا کے موہ، محُبّت اِکو گھر وکھائیا۔ اپنے نام دی دے کے سو، سوئی سُرتی لئے اُٹھائیا۔ کِسے نال نہ کرے دھرو، مِہربان دَیا کمائیا۔ جِس دے نال آپے جائے چھوہ، اپنے ورگا لئے بنائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا دئے وکھائیا۔ چارے بانی کہے میرا روُپ کِسے نہ جانیا اے، ایکنکار دِتی وڈیائیا۔ میرا اوسے نال نینہ، جو نِرنکار آپ اکھوائیا۔ جو امرت برکھے مینہ، اگنی تت بُجھائیا۔ جِس دی کِسے نظر نہ آوے دیہہ، بِن تتاں کھیل کھِلائیا۔ جِس دی کدے نہ اُڈدی کھیہہ، ماٹی خاک نہ کوئے رلائیا۔ جو آد جُگاد جُگ چؤکڑی رہے، سچکھنڈ ساچے سوبھا پائیا۔ جو سدا پدارتھ دُھر دا دئے، دیونہار اِک اکھوائیا۔ جِس دا نام جُگ چؤکڑی سارے رہے لے، کوٹن کوٹ صِفت صلاحیِا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کھُلائیا۔ چارے بانی کہے میریاں سمجھے کوئے نہ دُلاواں، تعریِف نظر کوئے نہ آئیا۔ ایہہ پربھ دیاں سچّیاں بُھجاں باہواں، جِنہاں اُتے بھگتاں لئے اُٹھائیا۔ ہنس روُپ بنائے پھڑ کے کاواں، کاگوں ہنس اُڈائیا۔ درگاہ ساچی لا کے ناواں، نام اپنے وِچ سمائیا۔ اُس نوُں کیہڑی صِفت صلاحواں، کَون کراں وڈیائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ چارے بانی کہے میرا ویکھیا کِسے نہ ہوڑا، ہوڑ تھکّی سرب لوکائیا۔ جو سب توں لما وڈّا چؤڑا، پَیمانیاں وِچ ناپ نہ کوئے رکھائیا۔ جِس دی گُر اوتاراں پیِر پَیغمبراں رکھی لوڑا، دُھر دا دھیان اِک لگائیا۔ جو صاحِب سچّے دا بانکا چھوہرا، بالک روُپ سِکھائیا۔ جِس دے کول اگمّی گھوڑا، چال بانکی اِک چلائیا۔ جِس دے ہتّھ وِچ سب دی ڈورا، دُھر دا بَیٹھا ماہیِا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ چارے بانی کہے میرا ویکھیا کِسے نہ کنؤڑا، کملاپاتی میل نہ کوئے

مِلائیا۔ لیکھا اَور تے اَورا، بہُڑ جنم نہ پائیا۔ جِس دا نام نِدھانا ڈھولا، انبولت راگ سُنائیا۔ جِس دا چھنداں بنداں باہر سوہلا، سوہنی کری پڑھائیا۔ جِس دے دوارے کوئی نہ پائے رؤلا، اپنی دسےّ نہ کوئے چتُرائیا۔ جِس دا آد جُگاد سب دے نال اِقرار قؤلا، کرنی کرتا بُھل کدے نہ جائیا۔ جِس دا لیکھا زمیں آسمان دھرنی دھؤلا، دھَول دئے وڈیائیا۔ جوتی جوت سروُپ ہرِ، آپ اپنی کِرپا کر، پڑدا اوہلا آپ چُکائیا۔ چارے بانی کہے میری سمجھی کِسے نہ ٹِپی، جو ٹِکّے گھر گھر مستک لائیا۔ جِس دے وِچوں گوبِند کڈھی سِکھی، سِکھیا اِکو وار سمجھائیا۔ جِس دی صِفت سمبل دھار ہوئے لِکھی، سُکھ ساگر وِچ سمائیا۔ جِس دا انت آد جُگاد کوئی سمجھ نہ سکے اِکّی، نِرگُن سرگُن سرگُن نِرگُن اپنی کھیل کرائیا۔ جِس دی واچ نہ سکیا کوئی چِٹھی، چِٹھی رسیَن کوٹن پھیریاں گئے پائیا۔ اکھّراں والی کِسے نہ دِسی، سطراں نال نہ کوئے پڑھائیا۔ جِس دے اِشارے نال کوٹن تر گئے مُنی رِکھی، بھگت بھگوان جوڑ جُڑائیا۔ جِس دی کوئی سمجھ نہ سکے سمتاں والی مِتی، مِتر پیارا بھیوَ نہ کِسے جنائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے پرگٹائیا۔ چارے بانی کہے میری سب توں اگمّی بِندی، بِندرابن والا بَیٹھا مکُھ چُھپائیا۔ کھانی بانی باہر کوئی سمجھ نہ سکے فارسی اُردوُ ہِندی، چؤداں وِدیا سمجھ کوئے نہ آئیا۔ رسنا جِہوا بتّی دند کوئے نہ سکے نِندی، نِندیا وِچ کدے نہ آئیا۔ نہ بولے نہ ہسّے نہ کوُندی، چُپ چاپ اپنی کھیل وکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ چارے بانی کہے میرا پنج ستّ کھیل، سمجھ کِسے نہ آیا۔ پُرکھ ابناشی سجّن سُہیل، اپنا بھاگ چلایا۔ جُگ چؤکڑی دسّدا رہیا نَویل، وکھّرا دھام پرگٹایا۔ نِرگُن سرگُن ہو کے کھیلدا رہیا کھیل، گُر اوتار پیِر پَیغمبر دُھر دا حُکم منایا۔ سگناں والی میری کردے رہے ویل، واہوا اپنا رنگ چڑھایا۔ جوتی جوت سروُپ ہرِ، آپ اپنی کِرپا کر، میرا مان تان رکھایا۔ چارے بانی کہے میَں ویکھے چارے جُگ، سَتجُگ تریتا دواپرکلجُگ اکھّ کھُلائیا۔ صدی ویہویں سارے آ کے اَخیِری نُقطے اُتے گئے رُک، اَگے قدم نہ کوئے اُٹھائیا۔ گُر اوتار پیِر پَیغمبر سارے بَیٹھے رہے لُک سِر سکے نہ کوئے اُٹھائیا۔ ابناشی کرتے اِنہاں کولوں پُچھ، سنمکُھ اپنے لئے منگائیا۔ تیرے دوارے کوئی نہ رہے چُپ، سُنّ سمادھ نہ کوئے سمائیا۔ جِس طرح اساں پھولیا اپنا دُکھ، ایسے طرح سارے بیِتی کہانی دین جنائیا۔ جوتی جوت سروُپ ہرِ، آپ اپنی کِرپا کر، نیتر نَین اکھّ کھُلائیا۔ چارے بانی کہے میرا لِکھدے رہے کلمہ وِچ کلام، کائنات دِرڑائیا۔ پڑھن والیاں کِسے ہتّھ نہ آیا امام،

سنمکُھ درس کوئے نہ پائیا۔ ایسے کارن ہوئی حیَران، در تیرے سیِس نِوائیا۔ صدی چؤدھویں گھر گھر وڑیا شَیطان، شرع کرے لڑائیا۔ ساچا سُنے نہ کوئی فرمان، فُرنے من دے رہے ستائیا۔ میَں روندی ویکھی قرآن، انجیل دھیِر نہ کوئے دھرائیا۔ پربھوُ سب دے لئے بیان، لیکھا ویکھ تھاؤں تھائنیا۔ کعبےوِچوں ملِے نہ کوئی گیان، مکّے مکُھ نقاب نہ کوئے کھُلائیا۔ ثابت رہیا نہ کِسے اِیمان، صبوُری سچ نہ کوئے جنائیا۔ الف یے حرفاں والی چلدی ویکھی دُکان، نوَ نؤ چار پھیرا پائیا۔ تیَنوُں کوئی نہ ملِے سِدھا آن، سَت سروُپی نظر کوئے نہ پائیا۔ جوتی جوت سروُپ ہرِ، آپ اپنی کِرپا کر، میرا لہنا ویکھ وکھائیا۔ چارے بانی کہے میَنوُں سارے پڑھدے لِکھدے، اپنا لیکھا سمجھ کوئے نہ پائیا۔ ساچی سِکھیا موُل نہ سِکھدے، ساکھی گھر گھر رہے جنائیا۔ بھیوَ نہ جانن دُھر دے پِر دے، پت پرمیشور تیری اوٹ نہ کوئے تکائیا۔ اکھّراں اندر ویکھے وِکدے، پتّھراں سیِس جھُکائیا۔ براہمناں کولوں پُچھدے، جوتی جوت سروُپ ہرِ، آپ اپنی کِرپا کر، اِکو دینا ساچا ور، تیری ملِے اِک سرنائیا۔ چارے بانی کہے تُوں سُن دیِن دَیالا، در ٹھانڈے اِک سُنائیا۔ کایا ماٹی خالی دِسیا جگت پیالہ، وستوُ سچ نہ کوئے ٹِکائیا۔ تیرے نالوں وِچھڑ کے کوُڑ کُڑیارا ہویا مکُھ کالا، شاہی کوُڑ نہ کوئےدھوائیا۔ تیَنوُں پڑھ کے مندر چڑھ کے گھر ویکھے نہ کوئی سچّی دھرمسالا، مندر حق نہ کوئے سُہائیا۔ سچ سروور مارے نہ کوئے اُچھالہ، اٹھسٹھ بھجّن واہو داہیِا۔ اندروں کھولے کوئی نہ تالا، باہروں مٹھاں کُنڈے رہے کھُلائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ چارے بانی کہے میَں ویکھی پنڈتاں والی دھوتی، تھلّے اُپر دھیان لگائیا۔ میَں ویکھی مُنّی چوٹی، چوُنڈا نظر کوئے نہ آئیا۔ اوہناں دے اندر سُرت سوانی رہی سوتی، سُتّی اکھّ نہ کوئے کھُلائیا۔ میَں مینڈھی کھُلی ویکھی گُتی، سیِس سُہاگ نہ کوئے سُہائیا۔ میَں خِزاں بہار ویکھی رُتی، بسنت گُلزار نہ کوئے کھِلائیا۔ میَں مت ویکھی جگت پُٹھی، جو پربھ تیَنوُں گئے بُھلائیا۔ سادھ بنے کلجُگ مایا کارن روٹی، اپنا مان نہ کوئے رکھائیا۔ منزل چڑھیا نہ کوئی چوٹی، چُٹکیاں مار کے سارے خوشیاں رہے منائیا۔ شاستر سِمرت وید پُران کوئی سُناوے پڑھ کے پوتھی، کوئی گُروُ گرنتھ دھیان لگائیا۔ میرے سوامی تیرے مِلن دی کِسے نہ آئی سوجھی، اِٹّاں پتّھراں مِٹّی گارے سارے سیِس نِوائیا۔ شبدی بنیا کوئی نہ کھوجی، کھوجت کھوجت تیرا بھیو کِسے نہ آئیا۔ میَں رؤندے ویکھے ویدی سوڈھی، جِنہاں نانک گوبِنددے کے مت گیا سمجھائیا۔ اوہ کرم کانڈ مایا ممتا دے ہو گئے روگی، کوُڑی کِریا کری پڑھائیا۔

تیرا نام اندر وڑیا نہ دُھر دا دھوبی، پاپاں گڑھ نہ صاف کرائیا۔ میَں رُلدے ویکھے جنگلاں وِچ جوگی، جِنہاں جُگت نہ کوئے جنائیا۔ میَں پِھردے ویکھے وِجوگی، بھجّن واہو داہیِا۔ میَں ٹپدے ویکھے اَکھاڑیاں والے موڈھی، جو اپنا بَل وکھائیا۔ میَں بُھلدے ویکھے جو بُدھ مت دے بودھی، سچ سندیش نہ کوئے سُنائیا۔ میَں ویکھیا اندھیرا چؤداں لوکی، سچ پرکاش نہ کوئے کرائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ چارے بانی کہے میَں دسّاں حال، ہرِ ساچے آپ جنائیا۔ گُر اوتار پَیغمبر میرے نال، رل کے سارے دین گواہیِا۔ کلجُگ انتم سرِشٹی ہوئی بےحال، بیوہ روُپ نظری آئیا۔ ساڈا چھّڈ کے سارے مان، ابِھمان اپنے گھر دِسائیا۔ تیرے نام نوُں ویچ کے لیَندے دان، سِری بھگوان تیری قیمت کوئے نہ پائیا۔ تیرے نام دے پِچھےکرن حرام، اِیمان سارے بَیٹھے گوائیا۔ کوئی کہے رام کوئی کہے کاہن، کوئی اِشٹ دیوا دیو آتما رہیا جنائیا۔ جوتی جوت سروُپ ہرِ، آپ اپنی کِرپا کر، اِکو مارگ دے جنائیا۔ چارے بانی کہے پربھوُ میرا بنھ دے بستہ، کلجُگ جیِواں لوڑ رہی نہ رائیا۔ میرا ویکھ حال ہویا خستہ، خالص روُپ نہ کوئے وٹائیا۔ تیرا نام کرکے سستا، میَنوُں ٹکیاں نال ہٹّاں وِچ وِکائیا۔ کوئی نہ دیوے بھید کاغذاں والا دستہ، رِماں وِچوں باہر کڈھائیا۔ کوئی کہے ایہدے اُتے کی کرنا نِسچا، نِہپھل جنم گوائیا۔ کوئی ہٹّاں وِچ میرے اُتے ویچدا پِستا، پِسر سارے گئے بُھلائیا۔ جے تُوں کِسے نوُں ہوویں دِسدا، تیرا بھیوَ نہ کِیوں جنائیا۔ جوتی جوت سروُپ ہرِ، آپ اپنی کِرپا کر، اِک جنا اپنا گھر، گرِہ مندر خوشی وکھائیا۔ چارے بانی کہے میَں چار جُگ دی رانی، تیرے نال مِلی وڈیائیا۔ میرے انتر ٹھنڈا پانی، پیِون والا نظر کوئے نہ آئیا۔ میَں سب توں سُگھڑ سُچجیّ سوانی، گھر سوہنا صاف سُتھرا دیاں بنائیا۔ سدا تیری صِفت دی گاواں بانی، دوُجی کراں نہ کوئے پڑھائیا۔ تیرے گھر دی دسّاں نِشانی، سُنیہڑے دُھر دے آپ سُنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ چارے بانی کہے میَں کڈھیا ترلا، در تیرے الکھ جگائیا۔ صاحِب سوامی میَنوُں ور لا، کلجُگ میِتھوں جھلّی نہ جائے جُدائیا۔ مَیتھوں لوکمات کوئی نہ ڈردا، بھےَ سیِس نہ کوئے رکھائیا۔ رسنا جِہوا بےشک میَنوُں جگت جہان پڑھدا، انتر انتر نہ کوئے وسائیا۔ مندر مسجد گُردواریاں وِچ ویکھ گرنتھی پنتھی پنڈت پاندھا مُلّا شیخ لڑدا، شیخی اپنی رہے جنائیا۔ میرا مان گیا ساچے گھر دا، انتم کھہڑا دے چُھڈائیا۔ میَں رنگ ماناں تیرے در دا، در ٹھانڈے سوبھا پائیا۔ جوتی جوت سروُپ ہرِ، آپ اپنی کِرپا کر، میرا لیکھا لیکھے پائیا۔ چارے

بانی کہے میَں تیری داسی، سیوک نظری آئیا۔ کلجُگ جیِو میَنوُں کردے ہاسی، تیری ہستی گئے بُھلائیا۔ اوہ ویکھ نیتر روندے پنڈت کاشی، ہرِ مندر والے رہے کُرلائیا۔ سب دی اگنی لگّی چھاتی، سیِنہ شانت نہ کوئے کرائیا۔ ترےَگُن مایا اندر سڑدے ویکھے پاٹھی، اگنی تت نہ کوئے بُجھائیا۔ سارنگیاں وِچ روندے ویکھے راگی، مایا کارن تال وجائیا۔ پریم پیار دا مِلیا نہ کوئے وَیراگی، جو وِچھوڑے اندر دئے وکھائیا۔ پربھوُ میَں تیری دُنیا کوُڑی سرب تیاگی، جھوُٹھیاں نال کراں نہ کدے کُڑمائیا۔ اَگے چنگے نہیں لگدے میَنوُں گوانڈھی، ناتا سب نالوں لَواں تُڑائیا۔ میَں تیرے در دی باندی، بندنا کرکے سیِس نِوائیا۔ میَں تیرا گیِت گاندی، صِفتاں نال صلاحیِا۔ جُگ چؤکڑی تھکّی ماندی، در تے آئی بن کے پاندھی راہیِا۔ میرے سیِس نہ کوئے پراندی، سچ سچ دیاں جنائیا۔ جوتی جوت سروُپ ہرِ، آپ اپنی کِرپا کر، ساکھیات ویکھ وکھائیا۔ چارے بانی کہے میری لےَ خبر، خبرے تیَنوُں کی ہویا، اپنی نہ اکھّ کھُلائیا۔ میری یاد کرن والے پَیغمبر لُک گئے وِچ قبر، کعبیانوالے بَیٹھے مکُھ چُھپائیا۔ جو پِچھےاُمت چھّڈ کے گئے اپنا ٹبّر، مُرشداں نال کرن لڑائیا۔ اوہناں دے اندروں گیا صبر، ثابت رہن کوئے نہ پائیا۔ میَں اوہناں دے نہیں لگّنا مگر، جو کوُڑی کرن پڑھائیا۔ تیرے گھر جے دُھر دا عدل، انصاف تیرے نال کمائیا۔ میَں کٹّ کے آئی مزل، منزل تیری اِک تکائیا۔ میری پوُری کردے سدھر، صدقے واری گھول گھُمائیا۔ اپنا کھیل دے بدل، بدلی سب دی دے کرائیا۔ جوتی جوت سروُپ ہرِ، آپ اپنی کِرپا کر، گھر ٹھانڈے لَینا بہائیا۔ چارے بانی کہے میَں ویکھے سارے سیِس نِواؤندے، ٹھگ چور یار بیننتی کر خوشی منائیا۔ میَں ویکھے دھیان لگاؤندے، مایا ممتا کارن اپنی آس ودھائیا۔ میَں ویکھے پھیریاں پاؤندے، جو دھیِاں بھَیناں رہے تکائیا۔ جوتی جوت سروُپ ہرِ، آپ اپنی کِرپا کر، کلجُگ انتم دئے وڈیائیا۔ سِری بھگوان مار کے آواز، چارے بانی رہیا بُلائیا۔ آؤ نیڑے تُہانوُں دسّاں اِک بات، ہؤلی ہؤلی جِہی سُنائیا۔ بےشک کلجُگ اندھیری رات، ہرِ کا چند چُھپ کدے نہ جائیا۔ تیَنوُں وکھاواں سچ تماش، نیتر اکھّ کھُلائیا۔ اوہ تکّ بھگت جناں نوُں میرے مِلن دی آس، بَیٹھے نَین کھُلائیا۔ پربھ مِلن دی رکھ پیاس، دُکھڑے دُکھ مِٹائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کھُلائیا۔ چارے بانی اوہ تکّ سجّن، سوہنے دیاں وکھائیا۔ جِنہاں دا اِکو اِک بھجن، تُوں میرا میَں تیرا ڈھولا رہے گائیا۔ ایہو میرا انصاف عدل، سچ عدالت رہیا وکھائیا۔ اندر وڑ کے جِنہاں دی خواہش دِتی بدل، آپ اپنا نال مِلائیا۔ آسا ترِسنا کرکے

قتل، سدّھر اپنے نال جنائیا۔ جیہڑا چھّڈ کے آئے وطن، انت اوسے وطن پہُنچائیا۔ جوتی جوت سروُپ ہرِ، آپ اپنی کِرپا کر، لیکھا سب دا رہیا مُکائیا۔ چارے بانی کہے میَں ویکھاں بھگت نِرالے، جو نِرگُن رہے منائیا۔ جِنہاں دی اوٹ اِک اکالے، دوُسر اِشٹ نہ کوئے رکھائیا۔ اوہ لکّھ چؤراسی وِچوں لبھیا ہتّھ نہ آون بھالے، بھگتاں وِچوں تھوڑے لئے منائیا۔ جو اِکو وسن سچ کایا دھرمسالے، دوُجے مندر کوئے نہ جائیا۔ جِنہاں دے سوامی سدا وسے نالے، گھر بہہ بہہ خوشی وکھائیا۔ اوہناں دے اَگے سب نے دینے احوالے، شہادتاں نال گواہی سرب بُھگتائیا۔ جوتی جوت سروُپ ہرِ، آپ اپنی کِرپا کر، مِہربان نیئا رنگ رنگائیا۔ چارے بانی کہے تیرے بھگت دھنّ، دھنّ دھنّ جنیندی مائیا۔ جِنہاں اِکو تیَنوُں لیا منّ، دوُجی اوٹ نہ کوئے رکھائیا۔ پربھوُ اوہناں نوُں کیہڑا دیوے ڈنّ، رائے دھرم اُہناں دے چرن چُّم چُّم خوشی منائیا۔ جِنہاں دے آپ ہوئیوں ولّ، ولولے سارے دئیں مُکائیا۔ اوہناں دا ناتا تُٹا کلجُگ کل، کالکھ ٹِکاّ گئےدھوائیا۔ اوہناں دا دُئی دوَیتی مِٹیا سلّ، سلل اِکو تیرا اِشٹ ویکھ وکھائیا۔ وِچھوڑا سہہ نہ سکن پل، پلک اکھّ نہ کوئے جھمکائیا۔ اوہناں دے انتر امرت بھر کے ٹھنڈا جل، سانتک سَت دِتا کرائیا۔ شبد اگمّی وجا کے ٹلّ، سوئی سُرتی دِتی اُٹھائیا۔ دیِپک جوتی گیا بل، اندھ اندھیرا نظر نہ آئیا۔ تیرا دوارا بَیٹھے ملّ، گھر ساچے سوبھا پائیا۔ تُوں کِرسانا بن کے اُہناں اندر چلایا ہل، بیِج اِکو نام پائیا۔ میَں دو جہاناں دا امرت لگاواں پھل، جِس نوُں نیتر ویکھن نَین اُٹھائیا۔ میَں وی اوہناں دے اندر جاواں رل، پرا پسنتی مدھم بَیکھری کہے سچ سِنگھاسن خوشی منائیا۔ جو تیرے دوارے آئے چل، جگت چلِتر سرب تجائیا۔ جوتی جوت سروُپ ہرِ، آپ اپنی کِرپا کر، انگیکار لَینا کرائیا۔ چارے بانی کہے سُنو جن بھگتو، میَں اپنی کہانی دیاں سُنائیا۔ میَں وی منگاں نِت اوسے در توں، جو مالک بےپرواہیِا۔ پلّا چُھڈا دے کوُڑے کلجُگ جگ توں، جگت مالک اپنی دَیا کمائیا۔ اپنا میل مِلا کے اُپر شاہ رگ توں، تھلّے لوڑ رہے نہ رائیا۔ کوُڑی کِریا بچا لےَ اگّ توں، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، پُشت پناہ ہتّھ ٹِکائیا۔ جن بھگتو میَں تُہاڈی سچ شہادت، شہنشاہ اَگے سُنائیا۔ اِنہاں دی کیہڑی باقی عبادت، جو تیَنوُں مِل کے تیرا درشن پائیا۔ اِنہاں نوُں کی لوڑ لِکھی ہوئی پڑھن دی عبارت، جِنہاں نوُں اپنے گھر لیا سمائیا۔ مکُتا کنّا سِہاری بِہاری اؤنکڑ دُلینکڑے لاواں دُلاواں ہوڑا کنؤڑا ایہناں دی کرے سفارش، ابناشی کرتے اَگے سیِس نِوائیا۔ تیری ویکھی اِک عدالت، عدل کرنا دُھر درگاہیِا۔ تیرے بھگت رہن

سدا صحیح سلامت، جنم مرن وِچ کدے نہ آئیا۔ درگاہ ساچی دی سچ امانت، جوتی جوت سروُپ ہرِ، آپ اپنی کِرپا کر، گھر اپنے لَینا مِلائیا۔ چارے بانی کہے بھگتو تُساں گایا اوہ گیِت، جیہڑا نانک گیا گائیا۔ جھگڑا چُھٹ گیا مندر مسیِت، مصلہ اِکو وار حل کرائیا۔ تُہاڈی ٹھاکر نال پریِت، ٹھوکر جگت نہ کوئے لگائیا۔ ناتا تُٹا ہست کیِٹ، اوُچ نیِچ راؤ رنک اِکو رنگ وکھائیا۔ تُہاڈی کایا سیِتل سیِت، من منوُا اُٹھ نہ دہ دِش دھائیا۔ تُسیں جیِودیاں جگ گئے جیِت، مریاں پِچھوں جمّنا پھیر نیڑ کدے نہ آئیا۔ ایہہ پربھ دی وڈّی بخشیِش، جیہڑا تُہانوُں اپنا نام دِتا سمجھائیا۔ میل مِلا کے نال کلغیدھر جگدیِش، ایِش اپنی دِشا دِتی وکھائیا۔ جِس دی مہما صِفت صلاح کردے راگ چھتیِس، تیِس بتیِس حدیِث کلمیاں وِچ پڑھائیا۔ ایہہ سارے کردے گئے اُڈیِک، جو آخر مِلیا نِرگُن دُھر دا داتا سچّا ماہیِا۔ جِس دا چارے بانی صِفتاں والی کرے تعریِف، سو تُعارف اپنا رہیا کرائیا۔ جوتی جوت سروُپ ہرِ، آپ اپنی کِرپا کر، دُھر دا مالک اِک گُسائینا۔ چارے بانی کہے میَنوُں ہوئی خوشی، خوشحالی سچ گھر نظری آئیا۔ جِنہاں دی اِکو نال لگّی رُچی، رستہ اِکو ویکھ وکھائیا۔ اُہناں آتم ہو گئی سُچی، دُرمت مَیل رہن نہ پائیا۔ اُہناں دی اگلی منزل مکُی، پاندھی پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، سب دا لہنا رہیا چُکائیا۔ چارے بانی کہے میَں بن دی رہی ملاح، پربھ حُکم دے سُنائیا۔ ابناشی کرتے کِہا نی تُوں ہُن بن گواہ، شہادت دے بُھگتائیا۔ جن بھگتاں اِکو اِک ایکنکار سدا ملِے آ، آپ اپنا پھیرا پائیا۔ پھڑ گودی لئے اُٹھا، گل اپنے نال چُھہائیا۔ جِہنوُں مِلیاں پڑھن لِکھن دی لوڑ رہے نہ، راگاں ناداں والے گیِت نہ کوئے سُنائیا۔ جِدھر ویکھے اُدھر اِکو نظری جائے آ، نِرگُن نِرویَر پُرکھ اکال دیِن دَیال جوت سروُپی جوتی جوت کر رُشنائیا۔ مہاراج شیر سِنگھ وِشنوُں بھگوان، ایتھے اوتھے دو جہاناں ہو سہا، صاحِب صحیح سلامت اپنے گھر رکھائیا۔