۲۱ مگھّر ۲۰۲۱ بِکرمی سوہن سِنگھ دے گرِہ مُنڈی جُمال
گُرمکُھاں گُر دئے اشارہ، انتر آتم رمز لگائیا۔ نِرگُن نوُر کرے اُجیارا، دیِا دیِپک اِک جگائیا۔ کوُڑی کِریا میٹے اندھ اندھیارا، رَین اندھیری دئے گوائیا۔ ساچا سچ سُہائے بنک دوارا، کایا ماٹی خوشی منائیا۔ نام نِدھان سُنائے سچّی دُھنکارا، اگمّی راگ الائیا۔ بھیوَ ابھیدا کھولے سِرجنہارا، پڑدا اوہلا آپ اُٹھائیا۔ لکّھ چؤراسی قرضہ لاہے آپ نِرنکارا، آون جاون پندھ مُکائیا۔ جوتی جوت سروُپ ہرِ، آپ اپنی کِرپا کر، گُرسِکھ اپنی بوُجھ بُجھائیا۔ گُرسِکھ انتر ویکھے سُرت، نِرت ہووے سہائیا۔ کِرپا کر اکال موُرت، انبھَوَ پرکاش دئے جنائیا۔ سَت نام سُنا کے تُورت، تُرت اپنا حُکم منائیا۔ چتُر سُگھڑ بنا کے موُرکھ موُڑھت، ساچی وِدیا دئے پڑھائیا۔ ہرِ سرنائی دُھر دی دھوُڑت، مستک ٹِکاّ اِک رمائیا۔ منسا من رہے کوئے نہ موُرکھ، مِہربان اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، گُرمکُھاں گلے لگائیا۔ گُرمکُھاں پربھ دیوے یُکتی، گُر سَتگُر دَیا کمائیندا۔ لہنا چُکا کے موکھ مکُتی، مِسل اپنے نال رلائیندا۔ کھیل کھِلا کے نِرتی سُرتی، صوُرت ثابت آپ دِرڑائیندا۔ بھیو چُکا کے شکتی بُھگتی، جوتی جوت سروُپ ہرِ، آپ اپنی کِرپا کر، گُرمکُھ گُر گُر ویکھ وکھائیندا۔ گُرمکُھاں گُر کھولے راز، بند کواڑی کُنڈا لاہیِا۔ شبد اگمّی مار آواز، جگ سوئے لئے اُٹھائیا۔ پریم پریِتی بخش کے دات، خالی بھنڈار دئے بھرائیا۔ جوتی جوت سروُپ ہرِ، آپ اپنی کِرپا کر، گُرمکُھ گُر گُر ویکھ وکھائیا۔ گُرمکُھاں گُر دسےّ رستہ، رہبر ہو دَیا کمائیا۔ مارگ جنائے اِکو پُختہ، مُکمل اپنا حُکم جنائیا۔ درس دِکھائے جو گھر گھر لُکدا، پڑدا اوہلا آپ چُکائیا۔ جگت جہان پیَنڈا مُکدا، سفراں وِچ نہ کوئے بھوائیا۔ ناتا جوڑ کے پِتا پُت دا، پُرکھ اکال گود اُٹھائیا۔ وقت سُہنجنا لیائے اگمّے سُکھ دا، سُکھ ساگر وِچ سمائیا۔ انتر آتم اپنیِاں بُھجاں چُکدا، چتربُھج بھیوَ نہ رائیا۔
لیکھا چُکےپاربرہم برہم گُجھ دا، پڑدا اوہلا دئے اُٹھائیا۔ بھیوَ کھُلاوے اپنے اکھّر اِک تُک دا، دو جہاناں خوشی وکھائیا۔ جوڑ جُڑا کے سچ سُچ دا، کوُڑ کُڑیارا دئے کھپائیا۔ کر اُجالا اُجل مکُھ دا، اندھ غُبار دئے گوائیا۔ جوتی جوت سروُپ ہرِ، آپ اپنی کِرپا کر، گُرمکُھ جامہ دے منُکھ دا، مانُکھ اپنے لیکھے لائیا۔ گُرمکُھ لیکھا ہتّھ گُردیو، جُگ چؤکڑی کھیل کھِلائیندا۔ داتا دانی الکھ ابھیوَ، اگوچر اگمّ اتھاہ ویکھ وکھائیندا۔ امرت رس دیونہارا ساچا میو، دُھر دا پھل اِک کھوائیندا۔ رس بھرا کے رسنا جِہو، رُچاتمک اِک دھیان دِرڑائیندا۔ دھام وکھا کے سدا نِہکیو، نِہچل اپنا آسن لائیندا۔ چرن پریِتی ساچی سیو، سچ سوامی آپ سمجھائیندا۔ جوتی جوت سروُپ ہرِ، آپ اپنی کِرپا کر، گُرمکُھ ساچے رنگ رنگائیندا۔ گُرسِکھاں پربھ کھولے درِشٹ دِب، دیو نیت نظری آئیا۔ مان ابِھمان نہ کوئے غرب، ہنکار وِکار دئے گوائیا۔ کِرپا کر سَتگُر سوامی پربھ، پت پرمیشور ویکھ وکھائیا۔ لیکھا چُکا کے نار مرد، اِستری پُرش اِکو رنگ وکھائیا۔ غریِب نِمانیاں سدا سُہیلا سد ونڈے درد، دُکھیاں دُکھ اپنی جھولی پائیا۔ جنم کرم دا لیکھا کھول کے ویکھے پِچھلی فرد، جُگ چؤکڑی بُھل کدے نہ جائیا۔ پریم پیار دا لا کے ساچا ورگ، ناتا دُھر دا لئے جُڑائیا۔ ایہو کھیل سدا اسچرج، اچرج لیِلا آپ ورتائیا۔ گُرمکُھاں جنم کرم دا دیون آئے قرض، پِچھلا لیکھا جھولی پائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے چُکائیا۔ گُرمکُھ لیکھا گھر نِرنکار، جُگ جُگ دیونہار وڈیائیا۔ کلجُگ انتم کر پیار، پرم پریِتم سیو کمائیا۔ نام پدارتھ بھر بھنڈار، ساچی سیوا سیوک بن کے آپ کمائیا۔ کایا مندر دے ادھار، دھیِرج جت سَت سنتوکھ اِک وکھائیا۔ ناتا جوڑ کے دُھر دا یار، مِتر پیارا ہو کے نظری آئیا۔ نام سُنا کے سچ جَیکار، سوہنگ کرے پڑھائیا۔ تیرا میرا اِک پیار، گُرمکُھ گُرسِکھ گُر گُر وِچھڑ کدے نہ جائیا۔ مہاراج شیر سِنگھ وِشنوُں بھگوان، جگت جُگ جنم پَیج دیوے سوار، بھگت سوارتھی اپنا پھیرا پائیا۔
۲۲ مگھّر ۲۰۲۱ بِکرمی باغیچہ سِنگھ دے گرِہ مُنڈی جمال ضِلع فِروزپُر
گُرمکُھ ساچے پربھ دیوے مت، دھیِرج جت جھولی پائیا۔ انتر آتم دیوے برہم مت، من مت لیکھا دئے چُکائیا۔ دُھر دا راگ سُنائے شبد اگمّی انحد، دُھن آتمک راگ جنائیا۔ امرت آتم نِجھر جھِرنا بوُند سوانتی دیوے جھٹ، رِسک رِسک آپ ٹپکائیا۔ پڑدا اوہلا دُئی دوَیتی بجر کپاٹی کھولے پھٹ، بھیوَ ابھید دئے جنائیا۔ نِرمل جوت دیِا باتی کملاپاتی کرے پرکاش، نوُرو نوُر ڈگمگائیا۔ کوُڑی کِریا مایا ممتا میٹے اندھیری رات، سچ چند نوُر رُشنائیا۔ سیج سُہنجنی آتم ویکھے صاحِب پُرکھ سمراتھ، شاہ پاتشاہ دَیا کمائیا۔ جوتی جوت سروُپ ہرِ، آپ اپنی کِرپا کر، گُرمکُھاں دیوے مات وڈیائیا۔ گُرمکُھ کایا مندر اندر گئے جاگ، ساڈھے تِنّ ہتّھ وجےّ ودھائیا۔ سوئی سُرتی جائے جاگ، نِج نیتر اکھّ کھُلائیا۔ ہنس روُپ ہوئے کاگ، گُر سَتگُر دُرمت مَیل دھوائیا۔ اِک اُپجائے سچ وَیراگ، بِرہوں چوٹ لگائیا۔ مایا ممتا مِٹے وِواد، کوُڑی ترِشنا دئے بُجھائیا۔ شبد اگمّی سُناوے ناد، ایکا دُھن جنائیا۔ امرت رس دیوے سچ سواد، رسنا رس نہ کوئی وکھائیا۔ جگت مایا لگّی بُجھائے آگ، بوُند سوانتی اِک ٹپکائیا۔ جوتی جوت سروُپ ہرِ، آپ اپنی کِرپا کر، گُرمکُھ ساچے ویکھ وکھائیا۔ گُرمکُھ آتم دیوے سچّی پُستک، بِن اکھّراں کرے پڑھائیا۔ جِس وِچ پرم پُرکھ دی اُستت، دوُجا روُپ نہ کوئے وکھائیا۔ ملِے میل اگمّی مُرشد، مُریِد اپنے انگ لگائیا۔ دھو کے مَیل کُڑیاری دُرمت، سوَچھ سروُپی لئے بنائیا۔ جوتی جوت سروُپ ہرِ، آپ اپنی کِرپا کر، گُرمکُھ اپنا رنگ چڑھائیا۔ گُرمکُھ انتر چاڑھے رنگ، سو صاحِب سَتگُر دَیا کمائیندا۔ نؤ دوارے پار لنگھ، گھر ساچے سوبھا پائیندا۔ سیج سُہاوی ویکھ پلنگ، آتم انتر آسن لائیندا۔ آسا منسا پوُری کر اُمنگ، ترِشنا ترِکھا سرب بُجھائیندا۔ نِرگُن ہو کے وسے سنگ، جوتی جاتا ڈگمگائیندا۔ آون جاون چُکا کے پندھ، گھر ساچے جوڑ جُڑائیندا۔ نِج گھر واسی دے کے انند، انند انند وِچوں پرگٹائیندا۔ دُھر دا ڈھولا سُنا کے چھند، سوہنگ ناد اِک الائیندا۔ جوتی جوت سروُپ ہرِ، آپ اپنی کِرپا کر، جن بھگتاں ویکھ وکھائیندا۔ جن بھگتاں اندر ویکھے کھول، بند تاکی کُنڈی لاہیِا۔ صاحِب سوامی بَیٹھ اڈول، انتریامی بھیو چُکائیا۔ انراگی انبولت پئے بول، اگمّی آواز سُنائیا۔ سچ دوارا گھر گھر وِچ کھول، سنمکُھ ہو کے نظری آئیا۔ آتم پرماتم مِل کے کرے چوہل، چوجی اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، گُرمکُھ ساچے لئے ترائیا۔
گُرمکُھ تارے کایا مندر، من منکا آپ بھوائیا۔ دہ دِشا نہ اُٹھ اُٹھ دھاوے بندر، چار کُنٹ نہ کوئے پِھرائیا۔ بھاگ لگا کے گہری کندر، بھوَری بھَور کرے رُشنائیا۔ مایا ممتا توڑ کے جندر، کُنڈا کھِڑکی دئے کھُلائیا۔ جوتی جوت سروُپ ہرِ، آپ اپنی کِرپا کر، گُرمکُھ ساچے دئے وڈیائیا۔ گُرمکُھ اندر کھول کے تاکی، ہرِ سَتگُر دَیا کمائیندا۔ امرت جام پیائے بن کے ساقی، سچ پیالہ مکُھ لگائیندا۔ نِرگُن نِرگُن جُڑائے ناتی، ناتا بِدھاتا آپ بندھائیندا۔ انتر انتر بنے ساتھی، باہروں نظر کِسے نہ آئیندا۔ تُوں میرا میَں تیرا سچ پڑھائے گاتھی، سوہلا ڈھولا اِک دِرڑائیندا۔ لیکھا چُکائے کایا ماٹی ساڈھے تِنّ ہتّھ خاکی، خالص اپنا روُپ سمجھائیندا۔ نظر آئے کملاپاتی، کَول نَین بِن اکھّاں اکھّ مٹِکائیندا۔ پندھ مکا کے پرِتھمی آکاشی، گگن گگننتر چرناں ہیٹھ رکھائیندا۔ میل مِلا کے پُرکھ ابناشی، ابچل اپنا گھر سُہائیندا۔ تھِر گھر دیوے مان بؤہ بِدھ بھانتی، جوتی جوت سروُپ ہرِ، آپ اپنی کِرپا کر، گُرمکُھ ساچے در وسائیندا۔ گُرمکُھ دوارا ساڈھے تِنّ ہتّھ، مانَس ماٹی بنت بنائیا۔ تِنّ پنج دا کر اِکٹھ، ساچی گھاڑت لئی گھڑائیا۔ نؤ دوارے جگت رکھ، کوُڑی واسنا وِچ سمائیا۔ دسویں بَیٹھ پُرکھ سمرتھ، سچ سِنگھاسن ڈیرہ لائیا۔ گُرمکُھ ساچا راہ رہیا تکّ، آد جُگاد ویکھ وکھائیا۔ جُگ چؤکڑی نِرگُن سرگُن اپنی گودی لئے چکّ، پھڑ بانہوں گلے لگائیا۔ جنم کرم دا لہنا دیوے حق، حقیِقت سب دی جھولی پائیا۔ جوتی جوت سروُپ ہرِ، آپ اپنی کِرپا کر، کایا مندر اندر کر کے واس، استھان بھوُمکا ساچی دئے وکھائیا۔ گُرمکُھ اندر سچ استھان، آتم سیجا اِک سُہائیا۔ جِتھے جھُلے دھرم نِشان، کوُڑی کِریا رہن کوئے نہ پائیا۔ دیِا باتی جگے اِک مہان، جوتی جوت جوت رُشنائیا۔ شبد اگمّی سُنے دُھنکان، انراگی راگ سُنائیا۔ کِرپا کر سِری بھگوان، مہما اکتھ دئے دِرڑائیا۔ سچ سُہائے اِک مکان، کایا کعبہ ملِے وڈیائیا۔ مندر مسجد شِودوالے مٹھ کِسے ہتّھ نہ آیا وِچ جہان، چار کُنٹ دہ دِشا نؤ کھنڈ پرِتھمی ستّ دیِپ جیِو جنت رہے کُرلائیا۔ جوتی جوت سروُپ ہرِ، آپ اپنی کِرپا کر، جن بھگت وکھائے ساچا گھر، گھر گھر وِچ پڑدا لاہیِا۔ گُرمکُھاں پربھ دیوے وست، نام امولک جھولی پائیا۔ لیکھا چُکائے کیِٹ ہست، اوُچ نیِچ ڈیرہ ڈھاہیِا۔ نام خُماری رکھے مست، دِوس رَین اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، سَت سَتوادی دسّ کے اپنا اِشٹ، ایکا گھر دئے سمجھائیا۔ گُرمکُھاں پربھ بنے ملاح، بیڑا لوکمات ترائیا۔ جُگ جُگ دیونہارا صلاح، ساچی سِکھیا اِک سمجھائیا۔ آتم پرماتم پرماتم آتم ڈھولا لَینا گا، آد جُگادی سچ پڑھائیا۔ تُوں میرا میَں تیرا دوُجا دِسے
کوئی نہ، نر نِرنکار تیری سرنائیا۔ شاستر سِمرت وید پُران انجیل قرآن کھانی بانی تیَنوُں رہے گا، گُر اوتار پیِر پَیغمبر تیرا دھیان لگائیا۔ رَو سس سوُرج چند زمیں اسمان، وِشن برہما شِو سُرپت اِند سجدے کرن سیِس جھُکا، جگدیِش جگدیِشر تیری منگن اِک سرنائیا۔ تُوں پاربرہم پت پرمیشور سچکھنڈ نِواسی بن ملاح، کھیوٹ کھیٹا اپنا بیڑا کندھ اُٹھائیا۔ گُرمکُھ گُرسِکھ نِج نیتر نِرویَر پُرکھ تیرا تکّن راہ، دیِن مذہب ذات پات ونڈ نہ کوئے ونڈائیا۔ لوکمات مار جھات کلجُگ انتم پکڑ بانہہ، لکّھ چؤراسی وِچوں باہر کڈھائیا۔ چار کُنٹ دہ دِشا کوُڑی کِریا اندھیرا گیا چھا، ساچا چند نہ کوئے چمکائیا۔ ناتا تُٹاپُتراں ماں، پِتا پوُت دیوے نہ کوئے وڈیائیا۔ نار کنت گئی تجا، وِبھچار بھری سرب لوکائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، گُرمکُھ آسا منسا پوُر کرائیا۔ گُرمکُھ تیرا گھر سُہنجنا، گھر گھر وجےّ ودھائیا۔ پرم پُرکھ پرماتم مِلیا دُھر دا سجّنا، صاحِب سوامی ہوئے سہائیا۔ آتم انتر تیری سُرت کرائے ساچا مجنا، سر سروور اِکو اِک نُہائیا۔ کوُڑی کِریا کایا گڑھ ہنکاری بھانڈا بھجّنا، بھرم بھؤ دئے چُکائیا۔ نیتر نام نِدھان پائے انجنا، کوُڑی کِریا باہر کڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمکُھ گُر گُر اِکو اِک سمجھائیا۔ گُرمکُھ سجّن اُٹھ نیتر پیکھ، نِج نَین دھیان لگائیا۔ صاحِب سوامی انتریامی گھٹ بھیِتر کرے ہیت، باہروں نظر کِسے نہ آئیا۔ اندر باہر گُپت ظاہر سنت سُہیلے گُروُ گُر چیلے گُرمکُھ گُر گُر رہیا ویکھ، پڑدا اوہلا دئے اُٹھائیا۔ سُرتی شبدی کرے ہیت، ہِتکاری ہو کے اپنا میل مِلائیا۔ ڈوُنگھے راز دا کھولے بھیت، پرم پُرکھ پرماتم اپنی گنڈھ کھُلائیا۔ سدا نظری آئے نیتن نیت، دوُر دُراڈا پندھ چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمکُھ اِکو گھر وسائیا۔ گُرمکُھ تیرا سچ گھر وسیرا، سو پُرکھ نِرنجن آپ کرائیندا۔ ہرِ پُرکھ نِرنجن سچ بھوُمکا لائے ڈیرہ، تھِر گھر واسی پُرکھ ابناشی ایکنکارا اِکو گھر بہائیندا۔ جِتھے کوئی نہ ہوئے جھگڑا جھیڑا، جھنجھٹ اَور نہ کوئے وکھائیندا۔ اِکو راگ تیرا میرا، تُوں ہی تُوں الائیندا۔ حق مقامے ہوئے وسیرا، سچ سِنگھاسن اِک سُہائیندا۔ آون جاون لکّھ چؤراسی لوکمات چُکےجھیڑا، رائے دھرم بندھن نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمکُھ گُر گُر اپنی گود بہائیندا۔ گُرمکُھ تیری گودی سچکھنڈ، سو پُرکھ نِرنجن آپ بنائیا۔ کر وسیرا اُپر
برہمنڈ، گرِہ اپنے چرن ٹِکائیا۔ جِس دوارے وِشن برہما شِو کوئی نہ سکے لنگھ، سو بھوُمکا تیری دئے سُہائیا۔ سَت سَتوادی دے کے سچ انند، انند انند وِچ سمائیا۔ مہاراج شیر سِنگھ وِشنوُں بھگوان جوت سروُپ سدا بخشند، بخشش رحمت نال گُرمکُھ رہیا ترائیا۔
۲۱ مگھّر ۲۰۲۱ بِکرمی تارا سِنگھ دے گرِہ پِنڈ چمبل ضِلع امرتسر
جن بھگت تیرا کھیڑا ساڈھے تِنّ ہتّھ، محل اٹل سوہنا نظری آئیندا۔ جِس انتر شبد اناد بودھ اگادھ ہوئے اکتھ، رسنا جِہوا بتّی دند نال نہ کوئے ہِلائیندا۔ نِرگُن نِرویَر نِراکار جوتی جوت ہوئے پرکاش، دیِوا باتی دوُجا سنگ نہ کوئے وکھائیندا۔ نِرگُن نِرگُن ہو کے وسے ساتھ، آتم پرماتم میل مِلائیندا۔ سچ پریِتی جوڑ کے نات، پرم پُرکھ بِدھاتا اپنی گنڈھ پوائیندا۔ جوتی جوت سروُپ ہرِ، آپ اپنی کِرپا کر، بھگت دوارا اِک وڈیائیندا۔ گُرمکُھ تیرا مندر سوہنا سُہنجنا، تن ماٹی نظری آئیا۔ جِس اندر آد پُرکھ نِرنجنا، جوت نِرنجن رہیا جگائیا۔ ساچے امرت سر سروور کرائے مجنا، دُرمت مَیل آپ دھوائیا۔ نیتر نام نِدھان نِج نَین پائے انجنا، اگیان اندھیر دئے چُکائیا۔ پرِیا پریِتم گھر ٹھاکر ملِے سجّنا، گہر گمبھیِر اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ساچا گھر دئے سُہائیا۔ گُرمکُھ تیرا کایا کھیڑا، سَت سَتوادی نظری آئیندا۔ پنچ وِکارا چُکےجھیڑا، جھگڑا من نہ کوئے وکھائیندا۔ بُدھ مت نہ بھیڑ بھیڑا، ہِنسا روُپ نہ کوئے وٹائیندا۔ لہنا دینا چُکےتیرا میرا، دوُجا ویس نہ کوئے وکھائیندا۔ نظری آئے دوُر دُراڈا نیرن نیرا، بن پاندھی پندھ مُکائیندا۔ سچ دوارا ویکھے کھُلا ویہڑا، چار کُنٹ دہ دِشا اِکو رنگ رنگائیندا۔ جوتی جوت سروُپ ہرِ، آپ اپنی کِرپا کر، در گھر ساچا اِک وڈیائیندا۔ گُرمکُھ تیری کایا گاگر، سَت سَتوادی نظری آئیا۔ جِس اندر وڈّا ڈوُنگھا ساگر، کلجُگ جیِو ترن نہ پائیا۔ جِس دا مالک صاحِب سُلطان کریم کرتا قادر، پروردِگار نوُر خُدائیا۔ شبدی دھار اوڈھن چِٹّی چادر، سَت سروُپی دئے سمجھائیا۔ مِہربان ہو جِس گھر اپنا بخشے آدر، آدرش اپنا دئے وکھائیا۔ سو گُرمکُھ سوُربیِر بہادر، جودھا اِکو اِک اکھوائیا۔ جوتی جوت سروُپ ہرِ، آپ اپنی کِرپا کر، صد دیونہار وڈیائیا۔ گُرمکُھ تیرا کایا محل منارا، تن ماٹی خاکی سوبھا پائیا۔ دیِوا باتی جوتی جوت ہوئے اُجیارا، دھوُاں دھار نظر کوئے نہ آئیا۔ شبد اناد وجےّ سچّی دُھنکارا، انحد راگی اپنا راگ سُنائیا۔ ساچی سخیاں منگلاچارا،
گیِت گوبِند سرب گُن گائیا۔ امرت آتم ٹھنڈا ٹھارا، سچ سروور جھِرنا اِک جھِرائیا۔ ساچا میلا سُرتی شبدی نار کنت بھتارا، سیج سُہنجنی ڈیرہ لائیا۔ پریم پیار محُبّت وِچ انوکھا پیارا، وکھّری دھار آپ سمجھائیا۔ ساکھیات نِرگُن نِرویَر نظر آئے نِرنکارا، بےپرواہ دَیا کمائیا۔ جوتی جوت سروُپ ہرِ، آپ اپنی کِرپا کر، سچ دوارا اِک درسائیا۔ گُرمکُھ تیرا کایا محل اُچ اٹاری، اٹل محل اِک جنائیندا۔ جِس گھر وسے شاہو بھوُپ سِکداری، شہنشاہ اپنا آسن لائیندا۔ جِس اندر حُکم ہووے سدا جُگ چاری، مانَس مانُکھ آپ سمجھائیندا۔ جِس دے اندر کاتب بنے وڈ لِکھاری، قلم شاہی گنڈھ پوائیندا۔ جِس دے اندر مُخاطب ہو کے کھولے بھیو آپ نِرنکاری، نِرگُن سرگُن سرگُن نِرگُن آپ سمجھائیندا۔ جوتی جوت سروُپ ہرِ، آپ اپنی کِرپا کر، گرِہ ساچے خوشی منائیندا۔ گُرمکُھ تیرا کایا دوارا بنک، دوارکا بَیٹھی مکُھ شرمائیا۔ جِتھے وجےّ اِکو ڈنک، نام نِدھان کرے شنوائیا۔ جِتھے گڑھ ٹُٹے ہؤمے ہنگت، ہنگ برہم اِک سمجھائیا۔ جِتھے بودھ اگادھا ملِے پنڈت، نِراکھّر کرے پڑھائیا۔ جِتھے سَت سَتوادی بھگتاں ملِے سنگت، منمکُھ نظر کوئے نہ آئیا۔ ناتا توڑے جیرج انڈج، اُتبُھج سیتج پندھ مُکائیا۔ جوتی جوت سروُپ ہرِ، آپ اپنی کِرپا کر، گُرمکُھ کایا کھیڑا رہیا سُہائیا۔ گُرمکُھ کایا پنج تت استھوُل، تن ماٹی خاکی نظری آئیا۔ جِس اندر وسے نر ہرِ نرائن کنت کنتوُہل، سچ سوامی ڈیرہ لائیا۔ جِس دی سُہنجنی وکھّری پھوُلاں نالوں سیج اگمّڑی پھوُل، برکھا دُھر دی آپے لائیا۔ جِس دا سِنگھاسن نہ کوئی پاوا نہ کوئی چوُل، باڈھی بنت نہ کوئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُرمکُھ دوار دئے وڈیائیا۔ گُرمکُھ تیرا دوار چنگا، چنگیاں وِچوں چنگا نظری آئیا۔ جِتھے وجےّ دُھر مردنگا، مرد مردانہ آپ وجائیا۔ جِس دے اندر سَت سروور امرت رس بھری وگے گنگا، جگت گنگا لوڑ رہے نہ رائیا۔ جِتھے گیِت گوبِند اِکو گائن ہووے چھندا، سوہنگ کرے پڑھائیا۔ انتر آتم نِج گھر آئے اوہ انندا، جِس انند وِچوں اپنا انند دئے پرگٹائیا۔ گُرمکُھ سچّا باہروں تتاں والا بندہ، اندر مِلیا بےپرواہیِا۔ جِس نے بجر کپاٹی کھولیا کُنڈا، پڑدا اوہلا دِتا چُکائیا۔ جو ہر گھٹ اندر خاموش ہو کے بَیٹھا گُنگا، سو گُرمکُھاں اپنا نام سُنائیا۔ کِسے ہتّھ نہ آوے لکّھ چؤراسی جیِو جنت مندر مسجد شِودوالے مٹھ ڈھوُنڈا، جنگل جوُہ اُجاڑ پہاڑ سنمکُھ ہو کے درس دِکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمکُھ تیرا گھر ویکھے چائیں چائنیا۔ گُرمکُھ تیرا مندر اپار، اپرمپر سوامی دئے جنائیا۔ جِس دی شاستر
سِمرت وید پُران کرن پُکار، راگاں ناداں وِچ سُنائیا۔ جِس دے اندر سَت سَتوادی سَت سچ وسے نِرنکار، نِرگُن اپنا ڈیرہ لائیا۔ جِس اندر امرت سروور بھریا بھنڈار، اتوٹ اتُٹ دِتا ٹِکائیا۔ جِس اندر ہرِ مندر گھر وِچ گھر سُہائے آپ کرتار، کرتا پُرکھ اپنی دَیا کمائیا۔ سو گُرمکُھ گُرسِکھ گُر گُر اِک وِچار، جگت سمجھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، جِنہاں اندر نام سَت سَت وجائے آپ ستار، سو مندر بنک سوہے دوار، دروازہ اگلا دئے کھُلائیا۔
۲۱ مگھّر ۲۰۲۱ بِکرمی تیجا سِنگھ دے گرِہ چمبل
پُرکھ اکال سچ سندیش، ایکنکارا ایکا ایک جنائیا۔ سچکھنڈ نِواسی نر نریش، نر نرائن کرے پڑھائیا۔ وِشن برہما شِو گُر اوتار پیِر پَیغمبر لئے پیکھ، نِرگُن نِرگُن کھوج کھُجائیا۔ جُگ چؤکڑی سَتجُگ تریتا دواپرکلجُگ کھیلیا کھیڈ، دو جہاناں اپنا پھیرا پائیا۔ جوتی جلوہ لکّھ چؤراسی دِتا تیج، نوُرو نوُر نوُر کر رُشنائیا۔ آتم پرماتم سچ سُہنجنی مانی سیج، آسن سِنگھاسن ڈیرہ لائیا۔ جوتی جوت سروُپ ہرِ، آپ اپنی کِرپا کر، دُھر سندیشہ اِک سُنائیا۔ دُھر سندیشہ ہرِ نِرنکارا، ہرِ کرتا آپ جنائیندا۔ شاہو بھوُپ وڈ سِکدارا، دُھر فرمانا آپ سُنائیندا۔ جُگ چؤکڑی ویکھنہارا، نِت نوِت اپنی کل دھرائیندا۔ گُر اوتاراں پیِر پَیغمبراں دیونہار سہارا، مِہر نظر اِک اُٹھائیندا۔ لکّھ چؤراسی جیِو جنت سادھ سنت بھگت بھگوَنت پاونہارا سارا، صاحِب سوامی انتریامی اپنی کھیل کھِلائیندا۔ شاستر سِمرت وید پُران نام نِدھان بولنہارا جَیکارا، بودھ اگادھا اپنا نام دھرائیندا۔ قلم شاہی کاغذ لیکھ بناونہارا، کاتب ہو کے اپنا حُکم منائیندا۔ برہمنڈ کھنڈ پُری لوء آکاش پاتال پِھرنہارا، پاندھی ہو کے اپنا پندھ مُکائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ دُھر دا حُکم ہرِ بھگوَنت، ہرِ کرتا آپ جنائیا۔ لکّھ چؤراسی جیِو جنت، جاگرت اکھّ اِک کھُلائیا۔ کوُڑ کُڑیار کل ویکھو انت، چاروں کُنٹ دہ دِشا ڈیرہ لائیا۔ ہرِ کا بُھلیا سب نوُں منت، نِرگُن راگ نہ کوئے الائیا۔ ہوئی دوہاگن سُرت سوانی ہرِ نہ مِلیا کنت، سجّن ہوئے نہ کوئے سہائیا۔ کایا چولی رنگ چڑھیا نہ کوئے بسنت، اوڈھن سیِس نہ کوئے ٹِکائیا۔ دُھر درگاہی سَت سَتوادی مِلیا کوئے نہ پنڈت، پاربرہم پت پرمیشور پڑدا دئے اُٹھائیا۔ جوتی جوت
سروُپ ہرِ، آپ اپنی کِرپا کر، کرے کھیل ساچا ہرِ، دُھر دا لیکھا آپ دِرڑائیا۔ سچ سندیش سِری بھگوان، ہرِ کرتا آپ جنائیا۔ گُرمکُھ ویکھو مار دھیان، گُر کرتا بھیوَ کھُلائیا۔ کایا مندر ویکھو سچ مکان، ساڈھے تِنّ ہتّھ وجےّ ودھائیا۔ مالک خالق بَیٹھا اِک بھگوان، خالص اپنا حُکم ورتائیا۔ دیِا باتی کملاپاتی جوتی جوت جگے مہان، امرت بوُند سوانتی ٹھانڈا جام پیائیا۔ کوُڑ کُڑیاری راتی میٹے وِچ جہان، سَت سَتوادی ساچا چند کرے رُشنائیا۔ بؤہ بِدھ بھانتی جن بھگتاں ملِے آن، نام سوغاتی جھولی پائیا۔ اِک اِکانتی نؤجوان، جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ دُھر سندیشہ سو پُرکھ نِرنجن، سچ سوامی آپ سُنائیندا۔ مِہربان درد دُکھ بھےَ بھنجن، بھگت سُہیلے آپ اُٹھائیندا۔ نیتر پاوے نام انجن، اگیان اندھیر چُکائیندا۔ دُھر درباری دُھر دا سجّن، سچکھنڈ نِواسی ویکھ وکھائیندا۔ ایتھے اوتھے دو جہاناں پڑدے کجّن، مِہر نظر آپ اُٹھائیندا۔ جوتی جوت سروُپ ہرِ، آپ اپنی کِرپا کر، بُجھاونہارا کوُڑی اگن، لگن اِکو نال مِلائیندا۔ دُھر سندیشہ صاحِب سُلطان، سو پُرکھ نِرنجن آپ جنائیا۔ گُرمکُھ اُٹھ وِچ جہان، جاگرت جوت ہوئے رُشنائیا۔ در دوارے منگ سچّا دان، دَیاوان خالی جھولی دئے بھرائیا۔ پرم پُرکھ پرماتم لکّھ چؤراسی دا سچّا کاہن، موہنی اپنا روُپ وٹائیا۔ سرب آتم دا پرماتم رام، رمئیا اپنی کھیل کھِلائیا۔ سرب پَیغمبراں دا اِک امام، پروردِگار نوُر خُدائیا۔ سرب گُروُآں دا اِک بھگوان، بِن رنگ روُپ نِراکار سچّا شہنشاہیِا۔ جن بھگتاں دیونہارا مان، سِر اپنا ہتّھ رکھائیا۔ وست امولک دیوے دان، نام بھنڈارا جھولی پائیا۔ کوُڑی کِریا شرع میٹ نِشان، سَت سچ کرے پڑھائیا۔ بِن رسنا جِہوا بتّی دند دیوے گیان، الف یے کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دُھر سندیشہ دیوے ایکنکارا، اکل کل وڈ وڈیائیا۔ جن بھگتو اُٹھو کرو دیِدارا، گھر سجّن بےپرواہیِا۔ پِھرنا پئے نہ جنگل جوُہ وِچ پہاڑا، ٹِلّے پربت کھوجن کوئے نہ جائیا۔ ستّ سمُندر ویکھنی پئے نہ ڈوُنگھی گارا، بھوَری وِچ بھَور نہ کوئے بھوائیا۔ گھر سوامی بَیٹھا سِرجنہارا، انتریامی داتا بےپرواہیِا۔ نِہکرمی نِہکامی کرے کھیل اپارا، ورنی برنی ڈیرہ ڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ رہیا سُنائیا۔ دُھر سندیشہ سُنو جگ، ہرِ کرتا آپ جنائیا۔ پت پرمیشور ویکھو اُپر ساہ رگ، نیِچے نظر کِسے نہ آئیا۔ جِتھے اِکو دیِا دیِپک رہیا جگ، تیل باتی لوڑ رہے نہ رائیا۔ اِکو ناد رہیا وجّ، چھتّی راگ ڈھولا کوئے نہ گائیا۔ اِکو امرت دیوے رس، اٹھسٹھ بَیٹھے مکُھ چُھپائیا۔ اِکو پرم پُرکھ اکال
سنمکُھ ہو کے رہیا ہسّ، بُہتے گُروُآں لوڑ رہی نہ رائیا۔ ساچا مارگ آتم پرماتم رہیا دسّ، نِرگُن نِرگُن رہیا جنائیا۔ رمز اِشارے نال مِلاوے اپنی اکھّ، آخر اپنا گھر وکھائیا۔ جِس گھر بَیٹھا ہو پرتکھ، ساکھیات بےپرواہیِا۔ جوتی جوت سروُپ ہرِ، آپ اپنی کِرپا کر، دُھر سُنیہڑا اِک گھلائیا۔ دُھر سُنیہڑا دیوے جن بھگت، بھگوَن اپنی کار کمائیندا۔ سیوا چاکر کردی ویکھو آد شکت، دُھر فرمانا آپ منائیندا۔ راہ تکّن عرش فرش، دو جہاناں اکھّ کھُلائیندا۔ جُگ چؤکڑی رہے حرص، ترِشنا ترِکھا نہ کوئے بُجھائیندا۔ گُر اوتار پیِر پَیغمبر کہن پُرکھ اکال دیِن دَیال آوے پرت، پت پرمیشور اپنا پھیرا پائیندا۔ کاغذ قلم شاہی نال لا کے گئے شرط، لیکھا لِکھت بھوِکھت وِچ سمجھائیندا۔ پرگٹ ہووے جودھا سوُربیِر مردانہ مرد، مات پِت لوکمات نہ کوئے بنائیندا۔ غریِب نِمانیاں کوجھیاں کملیاں ونڈے درد، دُکھیاں اپنی گود اُٹھائیندا۔ کوُڑی کِریا میٹے غُبار گرد، اندھ اندھیرا آپ چُکائیندا۔ کرے کھیل آپ اسچرج، اسچرج لیِلا بھیو کوئے نہ پائیندا۔ پُٹھی سب دی کرے نرد، سار پاشا آپ اُلٹائیندا۔ چار جُگ دی پِچھلی سب دی پھولے فرد، حرف حروُف ویکھ وکھائیندا۔ وِشن برہما شِو در کھلوتے کرن عرض، نیتر اکھّ نہ کوئے کھُلائیندا۔ جوتی جوت سروُپ ہرِ، آپ اپنی کِرپا کر، انتم سب نوُں لاوے اِکو ورگ، بچیا کوئے رہن نہ پائیندا۔ دُھر سندیشہ دیوے انتریامی، انترجامتا سب دی میٹ مِٹائیندا۔ لکّھ چؤراسی جیِو جنت ہوئے کوُڑ کُڑیار کامی، کرودھ لوبھ موہ ہنکار پرے نہ کوئے ہٹائیندا۔ رسنا جِہوا بتّی دند سارے پڑھدے بانی، ہِردے ہرِ نہ کوئے وسائیندا۔ بھرمے بُھلی چارے کھانی، بھانڈا بھرم نہ کوئے بھنائیندا۔ نیتر روندے اَٹھ سَٹھ تیِرتھ پانی، سچ سروور نظر کِسے نہ آئیندا۔ سُرتی شبدی ملِے نہ سچّا ہانی، دُھر دا جوڑ نہ کوئے جُڑائیندا۔ آتم سیجا ہوئی پُرانی، گھر کنت کنتوُہل دُھر دا سنگ نہ کوئے نِبھائیندا۔ سرِشٹ سبائی انتم دِسے فانی، تھِر رہن کوئے نہ پائیندا۔ گُر اوتار پیِر پَیغمبر کٹّ کے گئے غُلامی، حُکمے اندر سرب پِھرائیندا۔ نِیوں نِیوں چرن کَول قدم پروردِگار کردے گئے سلامی، اِسم اعظم اِکو اِک درسائیندا۔ اُتم سریشٹ سِری بھگوَنت پروردِگار ایکنکار جلوہ نوُر نوُرانی، تتو تت نہ کوئے رکھائیندا۔ آد جُگاد جُگ چؤکڑی جِس دا کھیل دو جہانی، اَدھوِچکارنہ کوئے اٹکائیندا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ جنائیندا۔ دُھر دا حُکم دیوے کرتار، قُدرت کرتا دئے جنائیا۔ گُر اوتار پیِر پَیغمبر سارے ہووو خبردار، آلس نِندرا رہن کوئے نہ پائیا۔ نیتر روندے ویکھو چار یار، دُھر دی یاری نہ کوئے نِبھائیا۔ شاستر سِمرت وید پُران دھاہاں
رہے مار، انجیل قرآن دھیِرج نظر کوئے نہ آئیا۔ چار کُنٹ دہ دِشا دِسے ہاہاکار، حالت سب دی اندرو اندر گئی بدلائیا۔ آتم پرماتم کرے نہ کوئے سچ پیار، سچ پریِتم میل نہ کوئے مِلائیا۔ لکّھ چؤراسی جیِو جنت ہوئی نار کم ذات، کُلکھنی گھر گھر ڈیرہ لائیا۔ سمرتھ سوامی دی سُنے کوئے نہ بات، کایا مندر اندر اگمّی ناد نہ کوئے شنوائیا۔ نِرگُن وسے کِسے نہ پاس، بِن بھگتاں ہتّھ کِسے نہ آئیا۔ بِن ہرِ کِرپا کِسے کمّ نہیں آؤنا پوُجا پاٹھ، تیِرتھ تٹ نہ کوئے وڈیائیا۔ بِن ہرِ کِرپا کوئی نہ چڑھیا منزل گھاٹ، اگلا پِچھلا پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک جنائیا۔ دُھر دا حُکم سُنو ساچے گُرمکُھ، گُر گُر دئے جنائیا۔ بِن سَتگُر سرنائی نہیں سُکھ، سانتک سَت نہ کوئے کرائیا۔ لکّھ چؤراسی وِچوں جامہ مِلیا منُکھ، مُفت ایَویں نہ دینا گوائیا۔ جنم جنم دا کٹنا دُکھ، ہرِ چرن لّگ سرنائیا۔ سفل کرنی مات کُکھ، گُر سَتگُر درشن پائیا۔ آون جاون دا پیَنڈا جائے مُک، لکّھ چؤراسی پندھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک دِرڑائیا۔ دُھر سندیشہ دیوے میِت، مِتر پیارا دَیا کمائیندا۔ جن بھگتو گاؤ اِکو گیِت، دوُجا اکھّر نہ کوئے پڑھائیندا۔ ناتا چُھٹ جائے مندر مسیِت، کایا کعبہ اِک وکھائیندا۔ جِس گھر بَیٹھا رہے اتیِت، ترےَگُن وِچ کدے نہ آئیندا۔ وِشیاں نال نہ ہوئے پلیِت، کام کرودھ لوبھ موہ ہنکار ڈنک نہ کوئے وجائیندا۔ ساچا کلمہ اوس دا سُنو اِک حدیِث، جو ہؤلی ہؤلی اندرے اندر پڑھائیندا۔ رحمت نال کر بخشیِش، بخشش دُھر دی جھولی آپ بھرائیندا۔ جِس دی جُگ چؤکڑی گُر اوتار پیِر پَیغمبر کردے گئے اُڈیِک، سو سمرتھ سوامی اپنی کھیل کرائیندا۔ جِسدا لہنا دینا سمجھ نہ سکے کوئی تاریخ، تواریخ وِچ کدے نہ آئیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ دُھر دی سِکھیا سُن گُرسِکھ، ہرِ کرتا آپ جنائیا۔ کلجُگ انتم چار کُنٹ زہریلی دِسے وِش، امرت رس نہ کوئے چکھائیا۔ جنم کرم دا لہنا دینا سکے نہ کوئے نجِٹھ، سِر ہتّھ نہ کوئے رکھائیا۔ کِسے توں پیَنڈا منزل مکُے نہ سوا گِٹھ، چار کُنٹ دہ دِشا بھجّن واہو داہیِا۔ کوئی مِل نہ سکے گھر سوامی پرمیشور پِت، سنمکُھ ہو نہ درشن پائیا۔ گُر اوتار پیِر پَیغمبر کہہ کے گئے ہرِ ٹھاکر وسے سب دے وِچ، وِچلا بھید نہ کوئے کھُلائیا۔ بِن نَینوں بِن باہوں بِن اکھّوں بِن نیتراں آئے دِس، درِشٹی اپنے نال مِلائیا۔ جن بھگتاں کرے ساچا ہِت، ہِتکاری ہو کے ویکھ وکھائیا۔ آوے جاوے نِت نوِت، جُگ چؤکڑی پھیرا پائیا۔ کروٹ لےَ کدے نہ بدلے پِٹھ، مکُھڑا مکُھ نہ کدے بھوائیا۔ جوتی جوت سروُپ ہرِ، آپ اپنی کِرپا کر،
دُھر دا حُکم اِک جنائیا۔ دُھر دا حُکم سُنو ہرجن، ہری ہرِ نرائن آپ جنائیا۔ پربھ دا حُکم نہیں سُنن والا جگت کنّ، بِن کنّاں دئے سمجھائیا۔ جِس دے نال من واسنا بنھے من، منوُا اُٹھ نہ دہ دِش دھائیا۔ ہنکاری وِکاری کوُڑا بھانڈا دیوے بھنّ، بھرم بھؤ دئے چُکائیا۔ لالچ رہے نہ کِسے دھنّ، نام خزانہ جھولی پائیا۔ پنچ وِکارا دیوے ڈنّ، ڈنکا اِکو نام سُنائیا۔ مانَس جنم بیڑا دیوے بنھ، شؤہ دریا نہ کوئے رُڑھائیا۔ بھگت سُہیلے لوکمات چاڑھ کے چنّ، نِرگُن سرگُن کرے رُشنائیا۔ پُرکھ اکالا دیِن دَیالا کِسے نظر نہ آوے نیتر انھ، جوتی جوت سروُپ ہرِ، آپ اپنی کِرپا کر، اچرج کھیل آپ ورتائیا۔ ساچا حُکم دیوے ہرِ کرتا پُرکھ، پُرکھوتم آپ جنائیا۔ جن بھگت نہ کوئی سوگ نہ ہرکھ، چِنتا غم نہ کوئے وکھائیا۔ بِن سَتگُر پوُرے پُرکھ اکال سکے کوئی نہ پرکھ، جگت کسوٹّی کمّ کِسے نہ آئیا۔ کر کِرپا جِس دسےّ اپنا آدرش، دہ دِشا اِکو نظری آئیا۔ اُس دا لیکھا مکُے عرش فرش، زمیں اسمانا ڈیرہ ڈھائیا۔ اوہ مالک خالق سد وسے اُتے فلک، مقامے حق سوبھا پائیا۔ جِس دا سِدھا بھگتاں نال تعلق، دوُجا جوڑ نہ کوئے جُڑائیا۔ جِس دا نعرہ منصوُر لایا اَناالحق ، اوہ حق حقیِقت دئے جنائیا۔ جِس نوُں لبھ لبھ سارے گئے تھک، تھکاوٹ وِچ لوکائیا۔ سو صاحِب سوامی ہر گھٹ رہیا وس، بِستر آسن سِنگھاسن ڈیرہ لائیا۔ جِس دا جُگ چؤکڑی راگاں ویداں نال گاؤندے جس، صِفتاں نال صِفت صلاحیِا۔ اوہ پرم پُرکھ پرماتم ہرِ سمرتھ، مہما اکتھ رہیا دِرڑائیا۔ گُرمکُھاں درس کرائے اپنی اکھّ، دوئے لوچن بند کرائیا۔ سَت سوامی ہو پرگٹ، پرم پُرکھ دئے وڈیائیا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ ورتائیا۔ دُھر دا حُکم ساچی سِکھیا، سو پُرکھ نِرنجن آپ دِرڑائیندا۔ جن بھگتاں پا کے دُھر دی بِھچھِیا، خالی بھانڈے آپ بھرائیندا۔ پوُرا کرے واک بھوِکھت جو لِکھیا، لیکھ الیکھ اپنے ہتّھ رکھائیندا۔ جگ جیِون داتا جگ نیتر کِسے نہ دِسیا، جن بھگتاں اپنا پڑدا لاہِندا۔ پریم پریِتی اندر وِکیا، کرتا پُرکھ اپنی قیمت نہ کوئے رکھائیندا۔ بِن ڈھاہیوں گُرمکُھاں اَگے ڈھٹھیا، مان ابِھمان نظر کوئے نہ آئیندا۔ پریم پریِتی کرنوں سِری بھگوان کدے نہ ہٹیا، پِچھےموڑ نہ کوئے ہٹائیندا۔ کی ہویا جے پرگٹ ہُندا رہیا وِچوں وٹّیا، کلجُگ انتم سنمکُھ ہو کے درس دِکھائیندا۔ کی ہویا جے چاردا رہیا وچھّیاں کٹّیاں، بن سیوک سیو کمائیندا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ سُنائیندا۔ دُھر دا حُکم سُنو جگ مِتر، مِتر پیارا آپ جنائیا۔ کی ہویا جے بازاں کولوں تُڑاندا رہیا تِتر، ترےَگُن اتیِتا اپنا کھیل کرائیا۔ نِرگُن دھاروں آپے آیا نِکل، نہ کوئی جنمے پِتا مائیا۔ جن بھگتاں
اندر پریم پیار دا ساچا کرے عِشق، عاشق معشوق اپنا روُپ وٹائیا۔ کھولنہارا ڈوُنگھی درِشٹ، وشِشٹ رام دئے گواہیِا۔ پربھ دا سب توں وڈّا آتم سیجا بھوگی گرِہست، اپنی دھار وِچوں ہرِ کرتار، جن بھگت لئے پرگٹائیا۔ جِنہاں نوُں لوڑ رہے نہ سَورگ بہِشت، دوزخ اگن نہ کوئے تپائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک جنائیا۔ دیوے سندیشہ گُرمکُھ ایک، اِک اِکلّا آپ جنائیا۔ جن بھگت تیری ساچی ٹیک، دوُجا در نہ کوئے وکھائیا۔ لوکمات تیَنوُں بھیج، بھجن بندگی اپنی دِتی سمجھائیا۔ تیرے اندر وڑ کے ماناں تیری سیج، سچ سِنگھاسن خوشی منائیا۔ تیرے تن کپڑ دا سُہاونا ہووے لیکھ، اوڈھن پریم نال مِلائیا۔ تیری محُبّت دا سچّا ہیت، نیتن نیت ویکھ وکھائیا۔ جوتی جوت سروُپ ہرِ، آپ اپنی کِرپا کر، جن بھگت تیرا سُہاوے دیس، گھر سجّن پھیرا پائیا۔ سُنو سندیسہ گہر گمبھیِر، سرب کلا سمرتھ آپ جنائیندا۔ پربھ دا کھیل سدا بِن سریر، تدبیِر اپنی آپ پرگٹائیندا۔ بند ہویا نہ کدے وِچ شرع زنجیر، دیِن مذہب نہ کوئے رکھائیندا۔ جِسدی نظر نہ آئے جگت تصویِر، سو بھگتاں اندر ڈیرہ لائیندا۔ جِس نوُں منزل چڑھ چڑھ لبھدے گئے صوُفی فقیِر، فِقریاں نال ڈھولے گا گا سرب سُنائیندا۔ سو کلجُگ انت سِری بھگوَنت نِرگُن روُپ سَت سوامی آیا گھت وہیِر، واہو داہی اپنا پندھ مُکائیندا۔ کرے کھیل بےنظیِر، جگ نیتر نظر کِسے نہ آئیندا۔ گُرمکُھاں چوٹی چڑھ کے آپ اَخیِر، گھر ساچے رنگ رنگائیندا۔ جِس مندر اندر دا مالک اِک کبیِر، اوسے منزل انت اَخیِر بھگت سُہیلے آپ بہائیندا۔ آپ پاتشاہ شہنشاہ سچکھنڈ دوارے دوُجا بھگت وزیِر، تیِجا نظر کوئے نہ آئیندا۔ اوتھے پتّھراں والی نہیں کوئی لکیِر، حرفاں والی نہیں کوئی تدبیِر، بِن اکھّراں اپنا حُکم ورتائیندا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، جِتھے گُروُ اوتاراں پیِر پَیغمبراں دی بہُتی نہیں بھیِڑ، بہُتیاں وِچوں تھوڑے اپنے کول بہائیندا۔ سندیشہ دیوے انت کل، کلکاتی ویکھ وکھائیا۔ جِس دا وسیرا جل تھل، مہیئل رہیا سمائیا۔ جِس دا محل اُچ اٹل، سچ دوار ملِے وڈیائیا۔ سو دُھر سندیسہ رہیا گھل، شبدی کرے پڑھائیا۔ کلجُگ بھانا نہ جائے ٹل، نہ کوئی میٹ مِٹائیا۔ ہرِ کا رؤ کوئی نہ سکے ٹھلّ، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، کرے کھیل اچھل اچھلّ، ول چھلدھاری اپنی کار کمائیا۔ دیوے سندیشہ ویکھو کل آیا کلکی، نِرگُن نِرویَر وڈّی وڈیائیا۔ جِس دی تتاں والی باہروں وردی، اندر نِرگُن نوُر جوت رُشنائیا۔ جِؤں بھاوے تِؤں کرے اپنی مرضی، خودمُختیار اپنا حُکم ورتائیا۔ آد جُگادی بن کے سچّا
فرضی، فرض اپنا دئے نِبھائیا۔ گُر اوتاراں پیِر پَیغمبراں دی سُندا رہیا عرضی، جو جُگ چؤکڑی گئے سُنائیا۔ کلجُگ انتم ویکھے ہنیر گردی، گداگر ہوئی لوکائیا۔ سادھاں سُرتی ساچے مندر موُل نہ چڑھدی، ڈوُنگھی بھَور نہ کوئے لنگھائیا۔ جگت وِکارے کولوں ڈردی، اندر بَیٹھی مکُھ چُھپائیا۔ بےشک امرت ویلے اُٹھ کے اکھّراں والی بانی پڑھدی، کلمیاں رہی گائیا۔ بِن پُرکھ اکال بنیا کوئی نہ دردی، دِلبر مِلیا نہ سچّا ماہیِا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دیوے سندیشہ سُنو جن جوگی، جپی تپی سَتی ہٹھی دیاں دِرڑائیا۔ صدی ویہویں ہرِ کا درس کِسے نہ پایا اکھّیں، چار کُنٹ رہیا کُرلائیا۔ جھُگی بھاگ نہ لگّا ککھّیں، محل اٹل نہ کوئے سُہائیا۔ کوُڑی واسنا گھر گھر رہی نچّی، مکُھ گھُنگٹ انت اُٹھائیا۔ نال وا وگے تتّی، اگنی بھاء لگائیا۔ کام ونتی ہو کے سخی، کامن روُپ وٹائیا۔ نام رنگ نہ چڑھیا رتی، چولی تن نہ کوئے رنگائیا۔ ہرِ کنت نہ مِلیا پتی، کُڑیاری سیج سرب ہنڈھائیا۔ سَتگُر سرنائی موُل نہ ڈھٹّھی، منکا من نہ کوئے بھوائیا۔ جگت دُہاگن پِھرے نٹّھی، بھجےّ واہو داہیِا۔ انتم کرماں بھرے چٹّی، رائے دھرم دئے سزائیا۔ چِترگُپت لیکھاں والی کڈھے پٹّی، حِساب سکے نہ کوئے مُکائیا۔ دوزخ والی تپدی ویکھی بھٹّھی، ہائے ہائے دئے دُہائیا۔ جن بھگت کہے سہیلیؤ بِن صاحِب سوامی پت کِسے نہ رکھی، آتم جوتی جوت نہ کوئے مِلائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک جنائیا۔ دُھر فرمانا سُنو سہیلی، ہرِ سجّن سچ جنائیا۔ آتم نِمانی پِھرے اکیلی، سجّن میِت سنگ نہ کوئے نِبھائیا۔ جگ جوبن ونتی ہوئی البیلی، مان ابِھمان وڈیائیا۔ آسا منسا کھیل رہی کھیلی، خلق وِچ اپنا آپ پرچائیا۔ کوُڑی کِریا وِچوں ہوئی نہ ویہلی، بندھن سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ۔ سُنو سندیشہ ساچی سئیا، ہرِ سجّن آپ جنائیا۔ خالی ویکھو اپنی بہیِا، چوُڑا لال نہ کوئے چڑھائیا۔ ساچی ملِے نہ نؤکا نئیا، بیڑا کندھ نہ کوئے اُٹھائیا۔ لیکھا منگے دھرم رائے کڈھکے وہئیا، گُن اَوگُن سرب دئے جنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ سُنو سندیشہ ری، سچ سخیاں آپ جنائیندا۔ کلجُگ ویکھو ہویا کی، قیمت کرتا کِسے نہ پائیندا۔ جھوُٹھا ناتا پُتر دھی، پِتا پوُت نہ کوئے چُھڈائیندا۔ انتم لہنا دینا ساڈھے تِنّ ہتّھ سیں، رَویداس چمارا لیکھ لِکھائیندا۔ جن بھگتاں گھر آیاں پربھ کہے جی، جیِون جُگت اِک سمجھائیندا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیندا۔ سُنو سندیسہ انتر دھیان، دھیانی آپ جنائیا۔ دیونہار سِری بھگوان، سو پُرکھ
نِرنجن رہیا سُنائیا۔ ہنگ برہم کر پروان، سیِس جگدیِش جھُکائیا۔ آتم پرماتم تیرا ملِے دُھر دا کاہن، گھنئیا اپنا ویس وٹائیا۔ تیَنوُں جنگلاں وِچوں لبھنا پئے نہ رام، مندر بَیٹھا سوبھا پائیا۔ اُس دی سیجا کر بِسرام، سُکھ آسن ڈیرہ لائیا۔ تیری اِچھیا پوُرن کرے کام، نِہکرمی کرم کمائیا۔ تیَنوُں اَگے دیوے نہ کوئے اِلزام، بریخانہ دئے وکھائیا۔ تیرا مالک سِری بھگوان، دوُجا کنت نظر کوئے نہ آئیا۔ جِس دا سچکھنڈ دوارے جھُلدا نِشان، دو جہاناں حُکم منائیا۔ جِس نوُں سجدہ کردے زمیں اسمان، چؤداں لوک نِیوں نِیوں لاگن پائیا۔ جِس دا گُر اوتار پیِر پَیغمبر جپدے نام، ناؤں نِرنکارا اِک دِرڑائیا۔ سو تیری رکھشا کرے آن، کلجُگ انتم ویکھ وکھائیا۔ تُوں بالی نڈھی اِک انجان، تیری چلے نہ کوئے چتُرائیا۔ تُوں اِکو سُننا گیان، در ٹھانڈے دیوے مان تیرا صاحِب سِری بھگوان، وڈ راجن راج راجان شہنشاہ اِک اکھوائیا۔ گُرمکُھ گُرسِکھ ہرجن ہربھگت ساچے سنت اِکو ڈھولا گاؤنا سوہنگ مہاراج شیر سِنگھ وِشنوُں بھگوان، بھاگ تیرا تیری جھولی پائیا۔
۲۲ مگھّر ۲۰۲۱ بِکرمی دربار وِچ جیٹھوُوال
اِکّی دِوس دُھر دی دھار، ہرِ کرتا آپ جنائیندا۔ سو پُرکھ نِرنجن کھول کِواڑ، ہرِ پُرکھ نِرنجن اکھّ کھُلائیندا۔ ایکنکارا ہو کے خبردار، آد نِرنجن اِکو جوت رُشنائیندا۔ ابناشی کرتا ویکھنہار، سِری بھگوان خوشی منائیندا۔ پاربرہم پربھ ہو کے خبردار، بےخبر خبر آپ سُنائیندا۔ برہم ویتا سانجھا یار، لاشریِک جلوہ نوُر ڈگمگائیندا۔ شبدی سُت کر پیار، ابناشی سِر اپنا ہتّھ ٹِکائیندا۔ وِشن برہما شِو دے ادھار، مِہر نظر اِک ٹِکائیندا۔ ترےَگُن مایا بھر بھنڈار، پنجاں تتاں کھیل کھِلائیندا۔ شبد انادی بول جَیکار، دُھر دا راگ آپ سُنائیندا۔ چارے وید کر تیار، ترےَگُن اتیِتا اپنی کل دھرائیندا۔ چاروں کُنٹ کھیل اپار، اپرمپر سوامی آپ کرائیندا۔ سَتجُگ تریتا دواپرکلجُگ کھیل کرے کرتار، قُدرت قادر آپ سمجھائیندا۔ جوتی جوت سروُپ ہرِ، آپ اپنی کِرپا کر، نِرگُن اپنی کھیل کھِلائیندا۔ اِکّی دِوس دا سچ وِہارا، ہرِ کرتا آپ کرائیندا۔ ایکا گھر بارا، دوُجا دیِوا باتی کملاپاتی جوتی جاتا ڈگمگائیندا۔ تیجا شبد ناد دُھنکارا، جےَ جَیکارا آپ سُنائیندا۔ چؤتھے وِشن برہما
شِو کرے خبردارا، دُھر سندیشہ راگ الائیندا۔ پنجویں ترےَگُن مایا پنج تت ویکھنہار اَکھاڑا، گرِہ گرِہ مندر کھوج کھُجائیندا۔ چھویں چھپّر چھن وسے باہرا، محل اٹل نظر کِسے نہ آئیندا۔ سَتویں سَت سَتوادی کھیل کرے نِرنکارا، نِرویَر اپنی کل پرگٹائیندا۔ اٹھویں اٹّھاں تتاں سندیشہ دیوے جیِو سنسارا، نؤویں نؤ در پار کرائیندا۔ دسویں روُپ انوُپ جوتی جاتا کر اُجیارا، نِرگُن اپنا بھیوَ کھُلائیندا۔ اِک دس دا سچ وِہارا، وِوہاری اپنے ہتّھ رکھائیندا۔ دو دس دا کھول کِواڑا، بند تاکی کُنڈا لاہِندا۔ تِنّ دس دا ٹھانڈا نِرویَرا، گھر گھر وِچوں آپ پرگٹائیندا۔ چار دس دا بول جَیکارا، چؤداں لوکاں چؤداں طبقاں چؤداں وِدیا آپ سُنائیندا۔ پنج دس دا بن ونجارا، پنج پنج پنجھی پچیِس دس اپنا حُکم ورتائیندا۔ دس چھ سولاں دا سنگ کرے آپ کرتارا، جوتی جوت سروُپ ہرِ، آپ اپنی کِرپا کر، سَت دس اپنا حُکم ورتائیندا۔ اٹّھ دس کھیل نر نارا، کنت بھتارا اپنی کل ورتائیندا۔ دس نؤ اُنیِسا ہرِ جگدیسا کھیلے کھیل دس دس بیِسا، بھیوَ ابھید سمجھ کِسے نہ آئیندا۔ بیِس اِکیس دو جہان والی کھیلے کھیل آپ جگدیسا، جگدیِشر سوامی انتریامی بودھ اگادھا شبد انادا دُھر درگاہی اپنی کار کمائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی کرنی کار کمائیندا۔ اِکّی دِوس کہے میَں لُک لُک رہیا تکدا، جُگ چؤکڑی دھیان لگائیا۔ میَں ویکھاں کھیل پُرکھ سمرتھ دا، کَون دوارے دئے کرائیا۔ جن بھگتاں پَیج کِویں رکھدا، لوکمات دئے وڈیائیا۔ ہِردے اندر کِویں وسدا، گھر گھر اپنا ڈیرہ لائیا۔ بِن رسنا جِہوا بتّی دند کِویں دسّدا، سنمکُھ ہو کے نظری آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ اِکیس کہے میَں کھولی اکھّ، نیتر نَین اُگھاڑیا۔ پربھ نظری آیا اِک سمرتھ، شاہ پاتشاہ والی دو جہانیاں۔ جِس نوُں گُر اوتار پیِر پَیغمبر جُگ چؤکڑی سیِس نِواؤندے متھ، مستک ٹِکاّ دھوُڑی خاک رما لیا۔ جو آد جُگاد نِت نوِت لکّھ چؤراسی ہر گھٹ اندر رہیا وس، روُپ رنگ ریکھ سمجھ کوئے نہ پا رہیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ سمجھا رہیا۔ اِکیس کہے میَں ویکھاں اِک اکلّا، سچکھنڈ جِس دی وڈ وڈیائیا۔ دو جہان جِس دا اِک محلا، محفل اپنا نام لگائیا۔ کرے وسیرا جلاں تھلاں، ڈوُنگھی کندر جنگل جوُہ اُجاڑ پہاڑ مہیئل رہیا سمائیا۔ دوُر دُراڈا نظری آوے نیرن نیرا، گھر ٹھاکر سوامی مالک خالق بےپرواہیِا۔ کوُڑی کِریا لوکمات جگت چُکائے جھیڑا، سچ سُچ سَت سَتوادی مارگ دئے لگائیا۔ جن بھگتاں اپنے کندھ اُٹھائے بیڑا، دوُجا سنگی سنگ نہ کوئے
نِبھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا ۔ اِکیس کہے میَں ویکھاں جگدیِش، شاستر سِمرت وید پُران جِس دا جس جگ رہے گائیا۔ جِس دے چھتر جھُلے سیِس، شاہ پاتشاہ وڈ وڈیائیا۔ جِس دا کلمہ اِک حدیِث، پیِر پَیغمبراں حضرتاں کرے پڑھائیا۔ جِس دی سَت نال پریِت، کوُڑی کِریا نہ کوئے جنائیا۔ جِس دا نام نِدھانا ڈھولا اِکو گیِت، گُر اوتار پَیغمبر رہے جس گائیا۔ جِس دا لیکھا باہر مندر مسیِت، شِودوالے مٹھ ہتّھ کِسے نہ آئیا۔ جِس دا وسیرا راؤ رنک اوُچ نیِچ، ہست کیِٹاں اندر گھٹ گھٹ رہیا سمائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اِکیس کہے میَں آیا جگ، جگ جیِون داتے دِتی وڈیائیا۔ ترےَگُن مایا مِٹاواں اگّ، اگنی اگّ دیاں بُجھائیا۔ بِن مکّے کعبےکراواں حج، حُجرہ حق دِسائیا۔ جن بھگتاں پربھ مِلن دی کھول کے اکھّ، سمرتھ میلاں گھر گُسائینا۔ جِؤں بھاوے تِؤں لئے رکھ، وڈ داتا بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحِب سُلطان وڈّی وڈیائیا۔ اِکیس کہے میَں ویکھیا جہان، چار کُنٹ دھیان لگائیا۔ پت پرمیشور سِری بھگوان، اِک اِکلّا کھیل کھِلائیا۔ جن بھگتاں دیندا آیا دان، نِرگُن سرگُن پار کرائیا۔ آتم انتر بخشے چرن دھیان، چرنودک اِکو اِک پیائیا۔ غریِب نِمانیاں دیوے مان، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دھرنی دھرت دھَول ویکھ وکھائیا۔ اِکیس کہے میَں رہواں اِکّی، جِس دی سمجھ کِسے نہ آئیا۔ جیہڑی قلم دوات کِسے نہ لِکھی، کاغذ مِلی نہ کوئے وڈیائیا۔ جِس دی دھار کھنڈے والی نہ جانی تِکھی، کوٹن کوٹ لوہار ترکھان شستر گئے گھڑائیا۔ جِس دی گوبِند ہتّھ چِٹھی، پُرکھ اکال ماچھوُواڑے دِتی پھڑائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ اِکّی کہے میَں اِکّیاں آئی، انتر آتم کھوج کھُجائیا۔ دو جہاناں پئے دُہائی، لوک پرلوک رہے کُرلائیا۔ پربھ ملِے نہ سچّا ماہی، پروردِگار نظر کِسے نہ آئیا۔ بھرمے بُھلے پاندھی راہی، نؤ کھنڈ پرِتھمی ستّ دیِپ نٹھّن واہو داہیِا۔ جوتی جوت سروُپ ہرِ، آپ اپنی کِرپا کر، سد دیونہار سچّی وڈیائیا۔ اِکّی کہے میَں اِکّی گُناں، بیِس بیِسا نال مِلائیا۔ سچ پُکار اِکو سُناں، جو صاحِب سوامی رہیا جنائیا۔ لکّھ چؤراسی چھاناں پُناں، انڈج جیرج اُتبُھج سیتج کھوج کھُجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور سِر میرے ہتّھ ٹِکائیا۔ اِکّی کہے میَں اِکّی آئی اوہ، اوڑک سب نوُں دیاں جنائیا۔ میرا مالک خالق سب دا لہنا دینا لیکھا چھّبی پوہ، ودی سُدی سمجھ کوئے نہ
پائیا۔ سو پُرکھ اکال دیِن دَیال پت پرمیشور آپے ہو، نِرگُن داتا پُرکھ بِدھاتا جوتی جوت کرے رُشنائیا۔ جِس دی آتم نال اندر وڑ کے گیا چھوہ، سو گُرمکُھ گُرسِکھ ہرجن ہربھگت ہرِ کا روُپ نظری آئیا۔ نام نِدھان سِری بھگوان ساچا ڈھوآ دِتا ڈھو، سوہنگ ڈھولا کرے اِک پڑھائیا۔ چرن پریِتی بخش کے اپنا موہ، محُبّت کوُڑا ناتا جگت تُڑائیا۔ جوتی جوت سروُپ ہرِ، آپ اپنی کِرپا کر، ساچی کر کے اگمّی لو، اندھ اندھیرا رہیا گوائیا۔ اِکّی کہے میَنوُں دیو ودھائی گُرمکُھ سِکھ، لیکھا سب نوُں رہی سمجھائیا۔ بِن پت پرمیشور کوئی نہ پائے بِھکھ، خالی جھولی نہ کوئے بھرائیا۔ گُر اوتار پیِر پَیغمبر جِس دی شاستر سِمرت وید پُراناں صِفت گئے لِکھ، کھانی بانی دئے گواہیِا۔ جِس دا سب توں وکھّرا نِرالا بھوِکھ، بھوِکھت وِچ اپنا حُکم ورتائیا۔ جو بِن بھگتاں کِسے نہ آوے دِس، لکّھ چؤراسی نیتر نَین اندھ نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شاہ پاتشاہ سچّا گُسائینا۔ اِکّی کہے جن بھگتاں بول جَیکارا، جےَ جَیکار اِک سُنائیا۔ پرم پُرکھ پربھ آیا پیارا، ہرِ پریِتم بےپرواہیِا۔ بھگتاں میل کرے وِچ سنسارا، چؤراسی ناتا دِتا تُڑائیا۔ انتر انتر ویکھنہارا، باہروں نظر کوئے نہ پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ اِکّی کہے میری ویکھو لیکھن، جو گوبِند گیا لِکھائیا۔ پرم پُرکھ پرماتم روُپ وٹایا اولّڑا بھیسن، رنگ ریکھ نظر کوئے نہ آئیا۔ جوت اکالن ہو کے آئی پردیسن، دیس اپنا گئی تجائیا۔ جوتی جوت سروُپ ہرِ، آپ اپنی کِرپا کر، کل کرنی رہیا سمجھائیا۔ اِکّی کہے میَنوُں آوے ہاسا، ہستی ویکھ کے بےپرواہیِا۔ جو ویکھن آیا جگت تماشا، پربھ بن کے پاندھی راہیِا۔ جن بھگتاں دیوے اپنا ساتھا، سگلا سنگ نِبھائیا۔ نِرویَر ہو کے چلا ئے راتھا، بن رتھواہی سیو کمائیا۔ سوہنگ سو سُنا کے گاتھا، گہر گمبھیِر اپنا بھیو دِتا چُکائیا۔ ہو سہائی ناتھ اناتھاں، غریِب نِمانے گلے لگائیا۔ اِکو منتر اِکو پوُجا پاٹھا، اِکو سِمرن دِتا دِرڑائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ اِکّی کہے میَں آئی گھُمدی، جُگ چؤکڑی چکّر لائیا۔ جگت بھوَری پیکھی ڈوُنگھے ڈُنبھ دی، ساگر سمجھ کوئے نہ پائیا۔ ایسے کارن صاحِب سوامی ہرِ پُرکھ اکال دے چرن چمُدی، رسنا جِہوا رس لگائیا۔ میَنوُں آواز دیوے اپنی دُھن دی، آتمک راگ سُنائیا۔ بِن پریِتم میَں ہور کُچھ نہ سُندی، جگت راگ نہ کوئے وڈیائیا۔ میَں بِھکھارن اوسے گُڑ دی، جو جن بھگتاں جھولی پائیا۔ جوتی جوت سروُپ ہرِ، آپ اپنی کِرپا کر، میری جھولی دیوے بھرائیا۔ اِکّی کہے میری جھولی بھر دے، بھاؤ بھگتی اِکو اِک سمجھائیا۔ پڑدے
لاہ دے اپنے گھر دے، کِیوں بَیٹھا مکُھ چُھپائیا۔ چار کُنٹ دہ دِشا جیِو جہان ویکھے لڑدے، جھگڑے وِچ لوکائیا۔ کوٹاں وِچوں تھوڑے گُرمکُھ ویکھے جو تیرا میرا ڈھولا پڑھدے، سوہنگ رہے دِھیائیا۔ اوہ بِن گھاٹیؤں تیری منزل چڑھدے، در ٹھانڈے مِل کے درسن پائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، میری آسا پوُر وکھائیا۔ پُرکھ اکال کہے سُن سِکھاں والی اِکّی، گُروُآں لوڑ رہی نہ رائیا۔ اُٹھ ویکھ اوہ گوبِند والی چِٹھی، جیہڑی پُرکھ اکال پھڑائیا۔ جِس دے اُتے پندراں کتّک لِکھی مِتی، سولاں اگلی دھار جنائیا۔ جوتی جوت سروُپ ہرِ، آپ اپنی کِرپا کر، تیرا لہنا دینا مُکائیا۔ اِکّی کہے چِٹھی دا سِرلیکھ، پربھ اِکو دیاں جنائیا۔ جن بھگتاں کرنا ساچا ہیت، گوبِند گیا لِکھائیا۔ نِرگُن دھار اولّڑا ویس، جوتی جاتا ہو کے ویس وٹائیا۔ در ٹھانڈے تیرے کراں آدیس، نِیوں نِیوں سیِس جھُکائیا۔ تُوں آد جُگاد رہیں سدا ہمیش، نہ مریں نہ جائیا۔ تیرا سُت دُلارا دس دسمیش، لیکھا تیرا گیا بنائیا۔ کلجُگ انتم آ کے رہیا ویکھ، بےپرواہ پھیرا پائیا۔ اِکّی کہے میَں اِکّیاں دی بھیٹ، اِکّی سِکھی دیاں بنائیا۔ تیری مؤلے اگلی رُت چیت، جِس دا سمت نہ کوئے سمجھائیا۔ میَں اپنی عرض آرزوُ اُس ویلے کراں پیش، بن سیوک تیرے اَگے ٹِکائیا۔ تُوں پُرکھ اکال دیِن دَیال لَینی ویکھ، ستّاں سطراں والی کی کی رہی جنائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، مہاراج شیر سِنگھ وِشنوُں بھگوان، لیکھا اگلا اَگے پِچھلا پِچھےدوہاں ویکھ وکھائیا۔