کتب خانہGranth 17 (Shahmukhi)

ممیِاں توں اوگرے نوُں رستے وِچ

گنڈھی ٹُٹی ٹُٹی گنڈھی، گنڈھ اپنی آپ پھیر پائیا۔ ایہہ بھاگاں والی اوہ ڈنڈی، جِتھے بالمیک بہہ کے نؤ دِن ڈنڈؤت کرائیا۔ اُس منگ اِک منگی، مُنہ دے بھار ہو کے اکھّ زمیں اُتے ٹِکائیا۔ میَنوُں تیری اِک مُچھندی، منسا اپنی دیاں جنائیا۔ جِس ویلے سرِشٹی بھرے نال پکھنڈی، تیرا ناؤں جان بُھلائیا۔ میَں بہتّر سال گُزارے راوی کنڈھی، جِس دی اِتہاس دیوے نہ کوئے گواہیِا۔ پندراں پوہ میَنوُں ایہہ بھوُمکا لگّی چنگی، میَں بِنا آسن آسن لیا وِچھائیا۔ تیرے نام دی اُٹھی ترنگی، تُرت تیرا حُکم سُنائیا۔ جِس ویلے لوکمات میرے بھگتاں آئے تنگی، میَں ویکھاں چائیں چائنیا۔ ایس دا لیکھ گوبِندنے لِکھیا وِچ وار چنڈی، چلِتراں وِچ جنائیا۔ جوتی جوت سروُپ ہرِ، آپ اپنی کِرپا کر، پِچھلے لیکھے رہیا مُکائیا۔ بالمیک کِہا پربھ تیری کِتھے پیَندی گنڈھ، بِن ڈوری تند بندھائیا۔ جِتھے اپنا نام رہیا ونڈ، اوہ مندر دے سمجھائیا۔ ابناشی

کرتے شبدی مار کے اِک چنڈ، ڈنڈا مُنڈی وِچ لگائیا۔ میَں پہلوں مان ابِھمان توڑ کے گھمنڈ، وِکار کھنڈ کھنڈ کرائیا۔ پھیر بخشاں اپنا انند، چرن کَول سرنائیا۔ جِس ویلے سَتجُگ تریتا دواپروی جاوے لنگھ، ویلا وقت سچ سُہائیا۔ اوس ویلے میری نہ کوئی سیج نہ پلنگ، دوشالہ نظر کوئے نہ آئیا۔ مِہربان ہو کے تیرے آسن دے اُتوں دی جاواں لنگھ، بن کے پاندھی راہیِا۔ اوتھے تیریاں پِچھلیاں سنگیاں ساتھیاں منگنی اِک منگ، جو ڈاکے مارن والے نظری آئیا۔ اُہناں نوُں دسّنا اِک چھند، پِچھلا چیتا دیاں کرائیا۔ اوہ نیتر رو کے کہن کی ساڈی جھولی پائی ونڈ، ایہہ ونڈ نہ سانوُں بھائیا۔ جِویں اپنے بھگتاں دا آد جُگاد جُگاد آد رکھیا انند، اوہو انند سدا دے بنائیا۔ کِرپال ہو کے آواں بخشند، بخشش مِہر نظر نال ترائیا۔ تیری بھوُمکا تے آ کے پِچھلا لیکھ چُکا کے اَگے دَیا کما کے چاڑھ جاواں اوہ رنگ، جِس رنگ نوُں گُر اوتار پیِر پَیغمبر ویکھن چائیں چائنیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، تُہاڈی اپنے سِر تے کرماں جنماں والی چُک کے پنڈ، جُگ چؤکڑی بَیٹھا رہیا بھار اُٹھائیا۔ اجّ اوس دا آپ کر سنبندھ، لیکھا سب دا لیکھے وِچ لگائیا۔ اُٹھو چلو ہُن اَگے جے گاؤ چھند، اِک ہور بَیٹھا راہ تکائیا۔ جِس نے پوُجا کیِتی سوُرج چند، پریِت شِواں نال لگائیا۔ اوہ کہے میَنوُں وی پاؤنی ٹھنڈ، نؤ قدم تے ڈیرہ لائیا۔ میرے اُتوں دی بےخبر ہو کے نہ جائیں لنگھ، چرن چھاتی اُتے ٹِکائیا۔ میَنوُں روگ اِک بلغم والا کھنگھ، تیرا نام جپن دی سَتیا دِتی گوائیا۔ سُکھالا جِہا دسّ کوئی ڈھنگ، بہُتی بھگتی کیِتیاں ہتّھ کِچھ نہ آئیا۔ اوس ویلے کِہا سوُرے سربنگ، سہج نال سُنائیا۔ کلجُگ انتم جِس ویلے میرے بھگت میرے نال گاؤن گے سوہنگ چھند، تُوں وی میرا ڈھولا لَینا گائیا۔ تیرا بیڑا رہے نہ وِچ دھار منجھ، اُرار توں پار پار توں اُرار پھڑ کے پار لنگھائیا۔ پندراں پوہ دی اُتوں ویکھ آئی سنجھ، اپنی رُت رہی بدلائیا۔ اُٹھ بلدھار تیرا کٹیا جائے پندھ، پاندھی گُرمکُھ تیَنوُں اپنے نال لےَ کے جان چائیں چائنیا۔ اوس دی آسا کہے میَنوُں رات نوُں لگّن نہ دَیو ٹھنڈ، پربھ چرناں کَول دینا ٹِکائیا۔ جِس ویلے میَں پنج وار سُن لئے تُہاڈے چھند، شہنشاہ دے چرناں وِچ اپنا آپ مِٹائیا۔ جِس ویلے ویکھاں بَیٹھا اُتے پلنگ، ستّ رنگ نِشانہ رہیا جھُلائیا۔ پھیر منگاں اگلی منگ، جِس دے نال نہ ہوئے جُدائیا۔ میَں اپنی تسبیح مالا پاتالاں دے تھلّے آیا رکھ، آکاشاں وِچ دھیان نہ کوئے لگائیا۔ کِیوں میرا صاحِب ترنتِے وِچ گیا دسّ، کلجُگ انتم لَواں مِلائیا۔ دواپرلنگھ گیا ہسّ ہسّ، میری آسا اَگے نالوں دوُن سوائیا۔ اچانک

اسُتے اُتے آن چڑھیا جھٹ، چرن نال دِتا ہِلائیا۔ میری اوسے ویلے کھُل گئی اکھّ، ویکھیا بےپرواہاں دا بےپرواہ جوتی جاتا نظری آئیا۔ میَنوُں ولیٹ لَین دیو اپنی صف، بغلی لَواں ٹِکائیا۔ جے گُرمکُھو تُسیں گئے تھکّ، اِک ویراں بہہ کے اُٹھو میری خوشی خوشی وِچ منائیا۔ میَں تُہاڈے نال پَواں نٹھ، بھجّاں واہو داہیِا۔ اَگے میرے ماں پیو بھَین بھرا دا اِکٹھ، چالیاں قدماں اُتے راہ تکائیا۔ آہ تھاں سی جِتھے رہے وس، جھُگی کنڈیاں والی بنائیا۔ اوہ وی جھّکھڑ وِچ گئی سی ڈھٹّھ، آندھی دِتی اُلٹائیا۔ میری ماتا رو پئی جھٹ، نیتر نَیناں نیِر وہائیا۔ ہے پربھوُ جے ساڈے ہووے وس، تیَنوُں ساری رات بنھ کے باہر پالے وِچ رکھائیا۔ ساڈے خالی ویکھ ہتّھ، کھان نوُں انّ دانہ گھر رہن کوئے نہ پائیا۔ جے سانوُں پتہ جاویں دسّ، تیَنوُں مِل کے حال دئیے سُنائیا۔ اوس وقت اِک آواز آئی جھٹ، دُھر دی دھار کرے جنائیا۔ تُسیں مرن دے پِچھوں وی اپنا ستھر لَینا گھت، اپنا ڈیرہ جمائیا۔ کلجُگ انتم پرم پُرکھ آوے وت، بےوطن ہو کے اپنا پھیرا پائیا۔ نال بھگتاں دا سوہنا ساتھ، سنگیاں نال خوشی منائیا۔ جِس ویلے آوے تُہاڈی نیڑے واٹ، یاد پِچھلی دئے ستائیا۔ نال لےَ کے جائے تُہاڈی آس، چرناں نال جُڑائیا۔ جوتی جوت سروُپ ہرِ، آپ اپنی کِرپا کر، لیکھا سب دا دئے مُکائیا۔ اوہ آس پِچھلی پُرانی، تیَنوُں دیاں جنائیا۔ آہ ویکھ تیرے سجّن ہانی، آنڈھی گوانڈھی لئے بُلائیا۔ چل تیَنوُں پیاواں اوسے دا ٹھنڈا پانی، جِس کنڈھے ڈیرہ لائیا۔ کنیں سُن اوسے دی بانی، جیہڑا بان نِرالے تیِر چلائیا۔ آسا کہے میَں نِمانی، نِیوں نِیوں لاگاں پائیا۔ جن بھگتو گُرمکُھو ساچے سِکھو میَنوُں نال لےَ کے جانا میری واٹ پُرانی، بےپران ہو کے پرانیاں وانگ واسطے پائیا۔ مہاراج شیر سِنگھ وِشنوُں بھگوان کِہا اُٹھ سُگھڑ سُچجیّ سوانی، تیرا لیکھا دیاں چُکائیا۔ اَگے دیواں پد نِربانی، سچ دوارے آپ ٹِکائیا۔ اجے بُھلیا نہیں کہانی، کہاوت اپنے ہتّھ بنائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، آؤندا جاندا لیکھیاں وِچوں لیکھے رہیا کڈھائیا۔

آسا کہے میرے بھگوانا، تیَنوُں دیاں جنائیا۔ اِس توں اَگے میرا رہِندا سی نانا، جِس نے تیری یاد کرائیا۔ اوہدے ہتّھ وِچ ہُندا سی اِک کانا، جِس دیِاں قلماں رہیا گھڑائیا۔ اوہ دھرتی اُتے لاؤندا رہیا نِشانہ، گوڈے اپنے اُتے ٹِکائیا۔ جِس ویلے آوے سِری بھگوانا، میرا پِچھلا لیکھا لیکھے وِچ رکھائیا۔ اَگے چُکا دے آون جانا، جوتی جوت سروُپ ہرِ، آپ اپنی کِرپا کر، دیونہارا ساچا ور، شاہ پاتشاہ سچّا شہنشاہیِا۔

گُرمکُھ سِنگھ ایہہ ڈبّاں والا کُتا، پِچھلا لیکھ دیاں جنائیا۔ اِک دِن تیری پانہی کول سُتّا، ٹُٹی جُتی اپنے مکُھ لگائیا۔ اُس نوُں رس آیا جِؤں انگوُر گُچھا، مکُھ سواد بنائیا۔ وِچار آئی کِویں رَویداس نوُں پُچھاں، کی رس ایہدے وِچ ٹِکائیا۔ زبان بول نہ سکی پِھر اندرے کھادھا غُصّہ، غُصّے وِچ پُرکھ ابناشی لیا منائیا۔ پربھوُ جے میرا منُکھاں ورگا بناؤندا جُسا، میَں چمیار کولوں پُچھاں، جو وِتھیا گئے سُنائیا۔ جِس دا چمّ مکُھ نوُں لگّا سُکا، سُکیاں ہرے کرائیا۔ اودھروں اِک سُنی اگمّی تُکا، جو سوہنگ دھارا رہی جنائیا۔ او سوان جِس ویلے آوے ابناشی اچُتا، نِرگُن ہو کے پھیرا پائیا۔ تُوں جنم وِچوں بدل کے ہوویں پھیر کُتے دا کُتا، نؤ جنم قُطباں وِچ لنگھائیا۔ اُس ویلے مِہربان مِہر کر کے تیرا اُجل کرے مکُھا، جِس مکُھ نال چمیار پانہی رسن لگائیا۔ نالے دیوے جنم منُکھا، منُکھتا وِچ گِنائیا۔ ستاراں سال دی اُمر وِچ تُوں بھُننا اِک بُھٹا، جِس نوُں پنجابی وِچ چھلّی کہکے گائیا۔ تُوں اُس دا دانہ اُتارنا نال انگوُٹھا، سجےّ ہتّھ دبائیا۔ اِک آؤنا فقیِر جِس دے ہتّھ وِچ ہونا ٹھوُٹھا، بھیکھادھاری بھیکھ وٹائیا۔ اوہنے منگنا خیر کرکے موُدھا، ہیٹھلا پاسا اُتے آپ اُلٹائیا۔ تُوں نؤ دانے دینے اوہدے وِچ کیر، یکے بعد دیگرے دینے سُٹائیا۔ اُس ویلے پھیر ہووے اِک مِہر، محُبّت وِچ بنائیا۔ چڑھدی دِشا تیَنوُں نظر آوے اِک شیر، چِٹّیاں مُچھاں والا نؤ وال لمے لمے ودھائیا۔ جِس دے اَگے ہووے ہڈّیاں دا ڈھیر، مکُھ لال خوُن رنگ رنگائیا۔ تُوں اوس نوُں دینا چھیڑ، اوہ بھبک دے ڈرائیا۔ تُوں بننا پھیر دلیر، میرا نام دِھیائیا۔ او سوان تیَنوُں کوئی نہ سکے گھیر، گھیرے اِکے دے وِچ آئیا۔ بےشک جنم جنم رہندا پھیر، کرم کرم اپنے ہتّھ رکھائیا۔ انتم لیکھا دئے نبیڑ، نِرگُن ہو کے نظری آئیا۔ مہاراج شیر سِنگھ وِشنوُں بھگوان، آپے جانے اپنی کھیل، خلق دا خالق ہو کے ہر گھٹ ویکھ وکھائیا۔

آساونتی چرن چُم، منسا پوُر کرائیا۔ جِس نوُ یاد کیِتا سی ہُن، اوسے ویلے گیا آئیا۔ اجےّ تیرے میٹے گئے نہیں بُل، دوُر دُراڈا پندھ نہ کوئے مُکائیا۔ تیرا لیکھا لیکھے وِچ لگاوے جو پِچھےگیا رُل، رحمت نال ترائیا۔ اُڈیِک دی قیمت پائے مُّل، کرتا آپ چُکائیا۔ دسرتھ دا ویلا گیا نہیں بُھل، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گھر دی گولی بالوُ ریت، برتن صاف کرائیا۔ اِک دِن رام اُتے رہیا سی کھیڈ، تیِلیِاں نال رہیا اُڈائیا۔ میَں اوہدے سِر وِچ ہو گئی بھیٹ، سیِس چڑھ کے بڑی شرمائیا۔ ایہہ کی پربھ نے ورتی کھیڈ، چرناں دی داسی تاجاں والے دے اُپر ڈیرہ لائیا۔ اُس نے کِہا میَں تیری بدلنی ریکھ، اگلا لیکھا دیاں جنائیا۔ جِس ویلے نر نِرنکار کلجُگ انتم دھر کے آوے بھیکھ، جوتی جامہ ویس وٹائیا۔ پہلوں بالمیک دا لہنا آئے نبیڑ، پھیر اگلا پندھ مُکائیا۔ ہُن تیرا لگّا ڈھیر، پھیر کِنکا کِنکا روُپ وٹائیا۔ سِنگھ روُپ ہو کے آپ آوے پھیر شیر، جنگل بیلے کاہی پار کرائیا۔ رحمت وِچ آ کے کرے مِہر، چرن اپنا تیرے نال چُھہائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ رکھائیا۔ بالوُ کِہا اوہ چرن کیہڑا، جو میرے اُپر ٹِکائیا۔ رام کِہا اوہ کرنہارا مِہرا، میرا رام اِک گُسائینا۔ جِس ویلے آر پار راوی مارے پھیرا، جاندیاں بھگتاں پار لنگھائیا۔ براہمن دا کرکے جائے نبیڑا، لالو دا لہنا لیکھ مُکائیا۔ چرن چھوہ نال ساریاں شہیِداں دا پار ہو جائے ڈیرہ، جیہڑے راوی کُنڈے اپنا ڈیرہ بَیٹھے جمائیا۔ تیَنوُں وقت پھیر دیوے بتھیرا، ساری رات تیری کہانی اپنے نال جنائیا۔ رام نے کِہا میرا ویکھ اِک بھرا مِتریرا، جِس دی ماں جنیدی کیکئی نظری آئیا۔ ایدھر ویکھ ہور نِکاّ جِہا وِچھیرا، ڈھائی سال دی اُمر جنائیا۔ جِس نے تیرے نال تیرا بنھاؤنا بیڑا، ابناشی کرتا اپنی پِٹھ اُٹھائیا۔ تُوں بَیٹھی رہیں کرکے جیرا، تریتا دواپرکلجُگ اکھّ نہ آپ کھُلائیا۔ اوہ ویکھنہارا اِکو بتھیرا، لکّھ چؤراسی بُھل کدے نہ جائیا۔ جِس ویلے اپنے بھگتاں نال لےَ کے آر پار شبد سروُپی لاوے ڈیرہ، جھیڑا پِچھلا دئے چُکائیا۔ مہاراج شیر سِنگھ وِشنوُں بھگوان، وسنہارا نیرن نیرا، دوُر دُراڈا پِچھا پِچھےدِتا ہٹائیا۔ ریت کہے میری صدا رتیلی، میرا قطرہ رتیاں تولیاں وِچ بھار نہ کوئے رکھائیا۔ میَں وینہدی گھر وِچ ماں سؤتیلی، جو رام نال دھرو رہی کمائیا۔ میَں جن بھگتو تُہاڈی بھگوان اَگے کرنی وکیِلی، سچ وکالت اپنا پھیرا پائیا۔ پربھوُ لارا دے کے رکھیں نہ نال دلیِلی، دِلدار ہو کے پار لنگھائیا۔ تیرے بھگتاں اندر ویکھاں اِک اصوُلی، جو تیرا اصل راہ تکائیا۔ اِک دِن کیکئی نے میرے نال مانج دِتی پتیلی، میَں سڑ بل کولا ہو کے دِتی دُہائیا۔ جے تُوں مالک میرا وسدا

اَمبر اُپر نیِلی، درگاہ ساچی آسن لائیا۔ کِیوں میرے نال کردا بخیِلی، کِتھے رام پیارا کِتھے کیکئی دا ہُنارا، دوہاں وِچوں کیہڑا چنگا نظری آئیا۔ پُرکھ اکال کِہا ایہہ وی میرا کھیل اپارا، جِؤں بھاوے تِؤں رہے کرائیا۔ ایسے کارن میَنوُں آؤنا پئے وِچ سنسارا، جُگ جُگ لہنے مات چُکائیا۔ جِس ویلے کلجُگ ہووے اندھ اندھیارا، چاروں کُنٹ اندھیرا چھائیا۔ اُس ویلے مہابلی ہو کے آواں لےَ اوتارا، نِرگُن نوُر جوت کر رُشنائیا۔ ساچی سخیاں مِل کے لاواں اَکھاڑا، دُھر دا راگ الائیا۔ تیرا قطرہ قطرہ کراں پیارا، گُرمکُھ اپنے نال خوشیاں نال چلائیا۔ تیری دھوُڑ چرناں نال چھوہے پروردِگارا، پت پرمیشور دیونہار وڈیائیا۔ تُوں ویکھیں میریاں سنتاں دے اندر نظارہ، جِنہاں دا اندروں نِظام دیاں بدلائیا۔ تیَنوُں پھیر دسّاں اِک اشارہ، سیَنت نال سمجھائیا۔ کِسے عاشق معشوق مانیا نہیں تیرا کنارہ، جھناں والے تیرے در تے پھیرا پائیا۔ کِیوں ایہہ گُر ارجن دا منگن والا دوارا، جو جل دھارا وِچ جھولی ڈاہیِا۔ اُس دے نالوں اِک ہور وہن جِس نوُں گہن کرکے جگت پُکارا، اپنی اکھّ رہیا اُٹھائیا۔ کنڈھے چڑھدیاں میَنوُں کر لَین دیو نِمسکارا، دسرتھ دی گولی دوئے جوڑ واسطہ پائیا۔ جن بھگتو میَنوُں نال لےَ کے جائیو دینا سچ سہارا، ساتھن ہو کے تُہاڈا سنگ بنائیا۔ جے اِکّی وار بولو سوہنگ مہاراج شیر سِنگھ وِشنوُں بھگوان جَیکارا، میَنوُں پِچھلا چیتا پھیر نظری آئیا۔ ریت کہے بھگتو میَں تُہاڈے اَگے روواں مار بُھبی، ہؤکے لےَ لےَدیاں جنائیا۔ جِس ویلے بالمیک دی اڈّی سی ایتھے کھُبھی، اٹّھ اُنگلاں زمین وِچ بدلائیا۔ تھّلیوں اُس نوُں اِک ترِسوُل چُبھی، جِس خوُن دِتا وہائیا۔ اوہدی سوچن لگّی بُدھی، تھلیوں کیہڑا ڈنگ چلائیا۔ سوُل نے کوُک پُکار کِہا اُچی، دیون لگّی دُہائیا۔ ویکھیں اپنے ہتّھاں نال نہ کُٹیں، بِن تیرے میرا دردی نظر کوئے نہ آئیا۔ میَنوُں وہِندے وہن وِچ نہ سُٹیں، جے آیا کنڈھے نال لےَ کے پار لنگھائیا۔ اُس ویلے بالمیک نے اپنے پِچھوں کھول کے والاں دی گُٹی، دوہاں ہتّھاں نال ہِلائیا۔ اُتھوں اِک آواز آئی تُوں اوس مالک توں پُچھیں، جِس نے دوہاں بنت بنائیا۔ اودھروں اِک نائی سنتا سِنگھ لئی آؤندا سی گل وِچ پا کے گُچھی، موچنے نیرنے اپنے نال رکھائیا۔ کہِندا ججمان میَنوُں وی کوئی کر لَین دیو بُتی، تُہاڈا کُنڈا باہر رکھائیا۔ اوس کِہا خبردار میَں بھگت دے چرن نال چھوہ کے ہو گئی سُچی، دوُجا ہتّھ نہ کوئے لائیا۔ میَں پِھرنا اڈّی اُچی، جِس دی اڈّی چپّا لا کے دِتی کھُبھائیا۔ بالمیک مارکے دھیان ویکھیا جِس ویلے آوے ویہویں صدی، لوکمات وجےّ ودھائیا۔ پُرکھ اکال دو جہاناں دی سانبھ کے گدّی، نِرگُن ہو کے پھیرا پائیا۔ ایس راہ پےَ

کے آوے ڈنڈی، ڈنڈے والا بُڈھا آتما سِنگھ نال مِلائیا۔ جیہڑے اوس ویلے کھیڈ رہے سی کبّڈی، اِکّی قدماں اُتے بھجّن واہو داہیِا۔ اجےّ اِکّی ہتّھ ڈوُنگھی اوتھے ہڈّی دبّی، جیہڑی نِشانی گیا ٹِکائیا۔ جِس ویلے پرم پُرکھ دے نام دی چوٹ اِکو لگّی، دو جہاناں ہووے رُشنائیا۔ گُرمکُھ سوانی بنے سُچجیّ، سوہنا روُپ وٹائیا۔ ہرجن دوارے آوے بھجیّ، اپنا پندھ مُکائیا۔ درشن کرکے اکھّیں، آخر اپنا آپ بھیٹ چڑھائیا۔ اونے چِر نوُں بالمیک دے درد پئی وِچ وکھّی، ہؤلی جہی دوہاں ہتّھاں نال دِتا دبائیا۔ اودھروں اِک چلدی چلدی جوبن ونتی آئی جِس دے ہتّھ وِچ پکّھی، نیڑے ہو کے سیو کمائیا۔ بالمیک کِہا دسّ سخی، کی تیری نام صِفت وڈیائیا۔ اُس نے کِہا تیرا مالک مِلیا نال پتی، جو پتی سب دا مالک اکھوائیا۔ میَں اپنے جنم کرم وِچ کِسے نال انگ نہیں لایا رتی، گرِہستیِاں وِچ قدم نہ کوئے ٹِکائیا۔ میرے اندر اجےّ تھوڑی جِہی جگی مومبتّی، جِہدی نِمھی نِمھی رُشنائیا۔ میَں اوس ویلے خوش ہوواں جِس ویلے پرماتما دا درشن پاواں اکھّیں، چرن کَول بہہ بہہ ساچی سیو کمائیا۔ بالمیک کِہا ایہہ منگ منگی حقی، حقیِقت وِچوں دیاں وڈیائیا۔ اگلی کھیل دسّاں سچّی، سُنیہڑے نال سمجھائیا۔ کلجُگ انتم جِس ویلے پرم پُرکھ آوے کملاپتی، پت پرمیشور پھیرا پائیا۔ جِس گوبِند نال یاری رکھی، یارانہ اپنے گھر جنائیا۔ تیَنوُں اگلا بھیوَ کھُلاواں بچّی، کنّ وِچ دِتا سمجھائیا۔ تُوں اوسے ڈلےّ دی ہونا بچّی، جِس دا پِتا گوبِند سہج سُبھائیا۔ تیَنوُں بیِس اِکیسے مِلنی ایس دی کھٹّی، اوناں چِر سؤں جا دے بانہہ سراہنے اکھّ نہ کوئے کھُلائیا۔ اُہنے ہؤلی جِہی اپنے دُپّٹے دی پاڑ کے پٹّی، مار کے پھوُک اُتے دِتی ٹِکائیا۔ بالمیک کِہا میری پیِڑ گئی نٹھی، پھڑ کے گلے لگائیا۔ بیٹی تُوں پھیر دئیں نہ کِسے دی چٹّی، تیرا مالک اِک اکھوائیا۔ اوسے دے چرناں وِچ وسیں، جیہڑا گوبِند ڈلّا اپنے وِچ سمائیا۔ اودھروں حال پُکار کرکے بول پئی مچّھی، اپنا دُکھڑا رہی جنائیا۔ میَنوُں پربھوُ اوسے چرناں وِچ رکھیں، جِسدا وِچھوڑا رہن کوئے نہ پائیا۔ شبد آیا حُکم سُنایا ہرِ سنگت ساری میَنوُں سب توں اچھی، نِکے وڈّے چھوٹے سارے اِکو رنگ رنگائیا۔ سوُل کہے میَنوُں اوہ ویلا دسّیں، میَں تیرا راہ تکائیا۔ جِس ویلے تیرا بھگت سنت گُرمکُھ گُرسِکھ ایتھوں جائے لنگھی، اپنا پندھ مُکائیا۔ میَں اوس ویلے آواں بھنی، بھجّاں واہو داہیِا۔ کِیوں اُہناں سوہنگ ڈھولا سُنایا میری کنیں، کلمہ اِک خُدائیا۔ میَں رضا اُہناں دی منّی، جو پربھ دے بھانے وِچ

سمائیا۔ بےشک سرِشٹی ساری بَیٹھی اَنحی، گُرمکُھ بَیٹھے اکھّ کھُلائیا۔ جے وچھےّ چار دھنےّ دی منّی، اوہو دھنّا تُہاڈا واگی نظری آئیا۔ مہاراج شیر سِنگھ وِشنوُں بھگوان، ہرِ سنگت تیری کہنی رہیا منّی، نَینی سب کُچھ رہیا وکھائیا۔

پریِتم سِنگھ آ بدھکّ نوُں دئیے اِنعام، گُرمکُھ سِنگھ لیکھا دے لِکھائیا۔ کِشن سِنگھ آ کرائیے پہچان، نؤ جنم دا پِچھلا براہمن نال رلائیا۔ کاہن اُٹھ کرِشن ویکھ اوہ سنگرام، ایہو جِہا بن بان جِتھے تیرا چرن تیِر نال ونھائیا۔ تکّ اوسے دا چھوٹا جِہا سوان، جو آیا پندھ مُکائیا۔ اُنی سال دا نؤجوان، لئی سچ انگڑائیا۔ جِس گرڑ دا لیکھا لِکھیا مہان، اوس دا لیکھا آیا جھولی پائیا۔ جیہڑے نَین وینہدے سی مار دھیان، تریتا دواپرکلجُگ اکھّ کھُلائیا۔ جو وِچھڑے سی بال انجان، انجانے گود اُٹھائیا۔ نالے کراؤندا آیا یاد، نالے سُندا آیا فریاد، نالے دیندا آیا داد، داتا ہو کے دَیا کمائیا۔ اَگے ور دیوے آپ، بدھکّ تیرے پِچھلے کٹّے گئے پاپ، اَگے مِلیا اِکو باپ، جِس دا پُت گُرمکُھ نظری آئیا۔ راوی کنڈھے کرائی واٹ، تیرا کھولاں بند تاک، ایتھے اوتھے بنا ں ساک، سجّن ہو کے سنگ نِبھائیا۔ آر پار کرنا تیرا گھاٹ، اَگے رہے کوئی نہ واٹ، جِدھر ویکھو اودھرے مُلاکات، ساہمنے بَیٹھا نظری آئیا۔ تُہاڈی سب دی جماں والی کٹّ دِتی حوالات، حوالے اپنے لیا کرائیا۔ چرن پریِتی جوڑ کے نات، پُت پوترے پڑپوترے نتیاں والے دِتا بنائیا۔ اَگے بھگتاں دی چلدی رہے شاخ، پیَنڈا مُک کدے نہ جائیا۔ سچ پُچھو تُہاڈے اندر ہُن کر لَینا واس، نِواسا تُہاڈے وِچ رکھائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ رکھائیا۔ پریِتم سِنگھ آ ونڈیئے اِنعام، انامی دَیا کمائیندا۔ بدھکّ تیرے کول وسے بھگوان، بھاگاں بھریا ویکھ وکھائیندا۔ جو بھگتاں دا لےَ کے آیا سچ نِشان، نِشانہ دو جہان جھُلائیندا۔ راوی لنگھدیاں ماری اِک آواز، منجیِت بال نادانے دِتی جنائیا۔ میَں ویکھ کے ہویا حیَران، ہرِ جوُ اچرج کھیل ورتائیا۔ کروڑ تیتیِسا دیوت سُر اِندر پھنِندر سرب کُرلان، نیتر نَیناں نیِر وہائیا۔ اؤہ ویکھو کِس بِدھ بالوُ ریت کنڈھے مِلیا آن، آپ اپنا ویس وٹائیا۔ جوتی جوت سروُپ ہرِ، آپ اپنی کِرپا کر، حُکم دُھر دا آپ سُنائیا۔ بدھکّ لےَ لئے پِچھلا اِنعام، وست امولک جھولی پائیندا۔ اَگے ہونا نہیں کِسے دا غُلام، سلام اِکو سیِس جھُکائیندا۔ تیَنوُں مِل گیا کاہناں دا کاہن، راماں دا رام، نِمانیاں دا مان آپ اکھوائیندا۔ جو تیَنوُں نہیں سی پتہ آپ کیِتی پہچان،

سوئے سُتے آپ جگائیندا۔ تُہاڈے لہنے پِچھےلنگھایا ایہہ گاہن، ورنہ پُرکھ ابناشی چرن نہ کدے ٹِکائیندا۔ تیرا کِڈا سوہنا چنگا اوہ بان، جیہڑا چرن وِچ ٹِکائیندا۔ میَں اوہ لیکھا آیا سُنان، انسُنی تُہاڈے کنّاں وِچ پائیندا۔ ایہہ بھگتاں دا بھگوان، سنتاں دا مِہربان، گُرمکُھاں دا نِشان، گُرسِکھاں دا دھیان اپنے وِچ رکھائیندا۔ جے چلدے پِھردے آؤندے جاندے گئے تھک، اوہ تھکاوٹ دا منگے دان، اپنی جھولی آپے پائیا۔ اِک بھگت تے اِک بھگوان، تھرڈ پرسن وِچ رلے کوئے نہ آن، برڈ پرِندا دئے ترائیا۔ ایہہ اِنعاماں دا اِنعام، کلاماں دا کلام، نِشاناں دا نِشان، داناں دا دان، اپنے چرن دی دھوُڑی تُہاڈے ٹِکاّ مستک لائیا۔ مہاراج شیر سِنگھ وِشنوُں بھگوان، بھجّ بھجّ تُہاڈا پندھ مُکائیا۔ پریِتم سِنگھا اِک واراں مستک لا دے اُنگلی، پوٹا اگلا سِدھا دے کھُبھائیا۔ ایہہ ریِت پُرانی مُڈھلی، مُڑکے رہیا دُہرائیا۔ جن بھگتاں نال بھگوان پریم پریِتی گُنھ لئی، پانی آٹے وِچ سمائیا۔ بھگتاں دی جماعت لکّھ چؤراسی وِچوں چُن لئی، پٹّی اپنا نام پڑھائیا۔ ایہہ نہیں لیکھا اجّ ہُن لئی، اَگے سدا تُہاڈے نال رکھائیا۔ ایہہ وڈیائی بھگتاں دی کُل لئی، کُلّیِاں ککّھاں والے پار لنگھائیا۔ جو سرِشٹی پربھ نوُں بُھل گئی، بُھلیاں شؤہ دریا رُڑھائیا۔ جن بھگتو تُہاڈی انمُلڑی وست دات کھُل گئی، خالق ہو کے رہیا ورتائیا۔ جو گُرسِکھ سہیلی پریم پریِتی اندر تُل گئی، اوس نوُں اپنا تُلھا بنا کے پار دیوے لنگھائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، پُھلواڑی ویکھے اپنی پُھلدی، مہک دو جہان سُگندھی دئے ورتائیا۔ بھگت ایہہ اِنعام اوہ تغما، جگت شہنشاہ جیہڑا ہتّھ نہ کوئے پھڑائیندا۔ ایہہ نام نِدھان اوہ نغمہ، جِس نوُں نظم وِچ نہ کوئے سُنائیندا۔ ایہہ درس دید چشما، چشم دید اپنا نوُر پرگٹائیندا۔ لیکھے لائے سِر جھُکیا وِچ قدماں، قدم بوسی وِچ خموشی، لبریز رس اپنا اِک چکھائیندا۔ نہ کوئی جگت دا میہنا نہ کوئی نموشی، دوشی نِردوشی اِکو رنگ رنگائیندا۔ مہاراج شیر سِنگھ وِشنوُں بھگوان، پار کراکے گھاٹی اؤکھی، سؤکھی منزل آپ چڑھائیندا۔ جن بھگتاں گھر کِسے کارن کھان آوے رُکھی سُکھی روٹی، اِک اِک ٹُکڑا ٹُک ٹُک اپنے لیکھے لائیندا۔ بُھکھ تیہ دی پیاسی نہیں جوتی، جوتاں دا مالک گھر گھر در در دیوے آپ جگائیندا۔ مہاراج شیر سِنگھ وِشنوُں بھگوان نِکّی جِہی ایہہ مِثال دِتی موٹی، ڈوُنگھا راز اپنے وِچ چُھپائیندا۔ کِیوں اُس دا لیکھا لِکھن والا رَویداس موچی، جو دِوس رَین سیوا وِچ سمائیندا۔