کتب خانہGranth 17 (Shahmukhi)

۱۵ پوہ ۲۰۲۱ بِکرمی گیان سِنگھ دے گھر پِنڈ اوگرا ضِلع گُرداسپُر

گُڑ کہے میَں صِفت کراں پوُرے سَتگُر دی، جو مِٹھیاں وِچوں مِٹھا نظری آئیا۔ جو راوی پار کرکے آیا پَیریں مُڑدی، مُڑ اپنی دَیا کمائیا۔ کھیل دسّ کے ساچی دُھر دی، دُھر مستک لیکھ ویکھ وکھائیا۔ ہرِ سنگت پار اُتارے سرِشٹی ویکھے رُڑھدی، اَگے ہو نہ کوئے بچائیا۔ جیہڑی سنگت قدم قدم ایہدے نال تُردی، اوہ قاعدے قانوُن پہلے گئی بُھلائیا۔ اوہ لوکمات پرگٹ ہوئی مُردی، زِندگی وِچوں زِندگانی دِتی بدلائیا۔ اُہناں دی کلا ویکھی چڑھدی، چڑھدیوں گیا لہِندے لہِندیوں چڑھدے پھیر آئیا۔ کِڈی سوہنی پریِت سچّے ہرِ دی، جو ہِردے سانت کرائیا۔ دھنّ آتم جو پرماتم وردی، گھر لوڑیندا کنت ہنڈھائیا۔ آپ دا جیِون اوس دے اَگے دھردی، من دی مرضی نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُڑ کہے میَں سَتگُر دی ویکھی مِٹھاس، جو شبدی شبد نال جنائیا۔ راہی پاندھی بن کے سب دی پوُری کردا آیا آس، آسرا اِک جنائیا۔ دھیِرج دھیِر دھراؤندا آیا دھرواس، سَت دھرم جڑ لگائیا۔ وِچھڑیاں مِلاؤندا آیا مِلاپ، میلے کر کر جوڑ جُڑائیا۔ سوہنگ ڈھولا جپاؤندا آیا جاپ، پِچھلے سُتّیاں اکھّ کھُلائیا۔ پوُرا کردا آیا بھوِکھت واک، راما کرِشنا دئے وڈیائیا۔ عرش فرش ویکھن تاریاں بھری رات، چمک نوُر نال رُشنائیا۔ خوشی منائے پرِتھمی آکاش، گگن منڈل سنگ رکھائیا۔ کِدھروں بھگتاں دے گھر ایہہ وکھّری آ گئی پربھات، اپنا روُپ بدلائیا۔ سِری بھگوان دیون آ گیا دات، دؤلت مند پھیرا پائیا۔ پِچھےکِسے دے چبےچنے کِسے دی کھادھی بھات، کِسے دیاں گنیاں کِسے دیاں چھنّیاں بھوگ لگائیا۔ اوہ پِچھلی پِچھےرہ گئی بات، اَگے کھیل اِک وکھائیا۔ جلاں تھلاں وِچ ساتھ، جوُہاں جنگلاں وِچ اپنا سنگ نِبھائیا۔ بھگتاں دی پوُری کرن آیا آس، اصل اپنا حُکم ورتائیا۔ مہاراج شیر سِنگھ وِشنوُں بھگوان، گُرمکُھاں گُرسِکھاں گھر آؤندیاں نوُں دیوے سچّی سوغات، سیِت پرسادِ اپنا گُرمکُھاں دے مکُھ لگائیا۔

تھکاوٹ والی کرے نہ کوئی بات، سخاوت والی وست جھولی پائیا۔ نالے تُہاڈے کولوں پریم کرن دی سِکھی جاچ، بھگتاں نال بھگوان چلکے اپنی خوشی منائیا۔ تُہاڈے کولوں سِکھی پریم دی وجاؤن والی رباب، احباب ہو کے ویکھے چائیں چائنیا۔ تُہاتھوں پریم والا سِکھیا آداب، کِس بِدھ نِیوں نِیوں سیِس جھُکائیا۔ تُہاڈے کولوں سِکھیا سچّا کرنا وِشواس، اِکو اوٹ تکائیا۔ ایسے کارن تُہاڈے آیا پاس، پاسا اپنا رہیا اُلٹائیا۔ گُرمکُھو تُساں کھانا نال ایہہ سواد، جِس دا سواد سادھ سمجھ کوئے نہ پائیا۔ مہاراج شیر سِنگھ وِشنوُں بھگوان، گُرمکُھاں وِچ گُرمکُھ، گُرسِکھاں وِچ گُرسِکھ، بھگتاں وِچ بھگت، سنتاں وِچ سنت آپس وِچ رہن نہ دیوے کوئی ناراض، جگت ناراضگی کمّ کِسے نہ آئیا۔ نہ کوئی تُہاتھوں کلمہ پڑھائے نہ نِماز، نہ کوئی پوُجا نہ کوئی پاٹھ، نہ کوئی تیِرتھ نہاؤن جائے گھاٹ، اِکو دسےّ اگمّی آواز، سوہنگ ڈھولا دِتا سُنائیا۔ تُسیں آکڑ نال پِھرو اپنی مِزاج، تُہاتھوں کِسے نہیں لَینا خراج، ہرجانہ بھرن کوئے نہ آئیا۔ جِدھر ویکھو اُدھر ساتھ، سیوا ولّوں تُہاڈا داس، میوہ دین ولّوں پُرکھ ابناش، وست امولک تُہاڈی جھولی پائیا۔ جے تُسیں پریم دی اِک سُناؤ بات، میَں سُناواں ساری رات، خوشیاں وِچ گُرمکُھاں راگ الائیا۔ جوتی جوت سروُپ ہرِ، آپ اپنی کِرپا کر، دیونہارا دے دے خوشی منائیا۔ گُڑ کہے میَں گُر دا دسّاں بھیت، جو گُرمکُھ رہیا بنائیا۔ جِس نے ترنتِے جُگ دی لیکھے لائی ریت، چرن کَولاں نال چُھہائیا۔ بالمیک دی اڈّی دا ویکھ کے چھیک، کُنڈا سوُل دِتی وڈیائیا۔ جوگن دا جوگیاں والا ویکھ کے بھیس، سِر مستک ہتّھ رکھائیا۔ جِسنے پٹّی اِک دِتی لپیٹ، اوڈھن اُس دے اُپر پائیا۔ جن بھگتاں اِنعام وِچ اپنا آپ دِتا ویچ، قیمت اَگے نہ کوئے رکھائیا۔ ایہہ سب کُچھ ویکھ بھجّا آیا سہنس پھن شیش، اپنا پندھ مُکائیا۔ میَں دِوس رَین دوئے سہنسر جپاں نام تیرا وشیش، وِشنوُں میری سانگو پانگ سیج ہنڈھائیا۔ میَں ہویا حیَران پربھوُ ایہہ کی تیرا بھیت، پڑدا دے اُٹھائیا۔ جیہڑے بُکلاں مار کے بَیٹھے سوُتری کھیس، اُہناں دی سُتّی سُرتی دِتی جگائیا۔ نالے پتت پاپی کیتے نیک، دُرمت مَیل دھوائیا۔ اِشٹاں دے وِچوں اِشٹ اپنی دسّی چرن ٹیک، مستک ٹِکاّ دِتا لگائیا۔ جیہڑی رام دے سِر وِچ پےَ گئی سی ریت، اُس نوُں اپنا چرن چُھہائیا۔ اوہدے پنج قطرے انگوُٹھے تھلّے لیاندے لپیٹ، ہؤلی جِہی باہر لئے کڈھائیا۔ اِس دی قیمت نہ کوئی ریٹ، جگت خزانیاں وِچوں ہتّھ کِسے نہ آئیا۔ گُرمکُھ جِس ویلے راتیں سؤن گے اپنی سیج، بِسترے زمیں اُتے وِچھائیا۔ تُہاڈے چرناں کول ایہنوُں دیواں بھیج، اپنی مُٹھی وِچوں باہر

کڈھائیا۔ تُسیں بھاویں کِنّا گھُٹ کے رکھیوں لیف، پِھر وی تُہاڈے اندر ہو کے چرن چھوہ خوشی منائیا۔ ہتّھ جوڑ کے کہے گُرمکُھو میَنوُں دسّو اِس دا بھیت، جو بھجّیا پِھرے واہو داہیِا۔ پتہ نہیں کِدھروں آ گیا اچن چیت، اچانک اپنا چرن چُھہائیا۔ پہلوں میَں جانیا کوئی جٹّ ہل واہُن والا کھیت، پاندھی ہو کے پندھ مُکائیا۔ جِس ویلے اوس نے میَنوُں چرن نال دِتا چھیڑ، ہؤلی جِہی اُتے ٹِکائیا۔ میرے جنم جنم دا مُک گیا گیڑ، اِکو داتا نظری آئیا۔ جِس نوُں تاردیاں کوئی نہ لگے دیر، شبد اِشارے نال پار کرائیا۔ برہمنڈ کھنڈ کہن ویکھو کی پیا ہنیر، ہنیرے وِچوں گُرمکُھ رہیا جگائیا۔ نالے سِنگھ تے نالے شیر، بَبراں دا بَبر ٹبّراں دے ٹبّر پار لنگھائیا۔ گُر اوتار پیِر پَیغمبر کہن اسیں کِس طرح کریئے صبر، بےصبری وِچ سرب لوکائیا۔ پَیغمبر ہُنگارے دین وِچوں قبر، کعبیانکرن جنائیا۔ ایہہ اُہناں نوُں آیا سدّن، جِنہاں نوُں سدّا پیا دُھردرگاہیِا۔ اوہ سب توں اَگے ودھن، اپنا بَل ودھائیا۔ کِیوں، اوہ اوس دی چرنیں لگّن، جِس نالوں ہوئے نہ کدے جُدائیا۔ سدا پنجابیاں دا وِہار تے گُڑ دا سگن، لگن اِکو دئے وکھائیا۔ گُرمکُھاں نوُں آپ آیا منگن، ناری کنت اِکو روُپ وٹائیا۔ اگلی پِچھلی کٹ کے مزل، منزل اپنی دئے وکھائیا۔ پہلوں دو جہاناں کر کے وزن، اپنے ترازوُ وِچ ٹِکائیا۔ لکّھ چؤراسی جیِو جنت تھوڑے جہے لگّن، بھار مناں وِچ نہ کوئے رکھائیا۔ گُرمکُھ گُرسِکھ اپنے پریم دے بھار نال پربھوُ نوُں دبّن، آتما سِنگھ ورگے اُتے ڈیرہ لائیا۔ ویکھو کِڈے سوہنے پھبن، نالے راوی نالے بھاوی نالے بیڑی نالے بیڑا، کٹّنہارا اگلا پِچھلا گیڑا، گیڑے وِچوں پار کرائیا۔ جیہڑا دسرتھ دے گھر دا وِچھیرا، اوہ وی نال ترائیا۔ جِس مینڈک نے مچّھی روُپ بن کے پایا پھیرا، گُر چرن مِلی سرنائیا۔ اوسے دا نال بھگتاں ڈیرہ، لیکھا ڈِیوڈھا کر کے جھولی پائیا۔ جیہڑے کردے آئے میرا میرا، اُہنا دا ہو کے دئے وکھائیا۔ مہاراج شیر سِنگھ وِشنوُں بھگوان، لکّھ چؤراسی نال کرے بکھیڑا، گُرمکُھاں گُجھے بھیوَ کھُلائیا۔ بکھیڑے وِچ سرِشٹی، بِکھڑے راہ لگائیا۔ ڈوُنگھی کھُبھن کھُبھ گئی چِکڑی، چِکڑ گارا نہ کوئے ٹپائیا۔ جن بھگتاں اِکو وار دے کے نہ فِکری، فِکر سارے دِتے ہٹائیا۔ جیہڑا گوبِند باج کولوں مروایا سی تِتر اُسدے نال اِک تِتری، تِریا ہو کے پیِا دے وَیراگ وِچ کُرلائیا۔ اُسنے ڈھولا گایا فِقری، صاحِب تیری وڈیائیا۔ میَں اُس دے نالوں وِچھڑی، جِس دے نال میری جوڑی دِتی بنائیا۔ گوبِند کِہا یاد کر جِس ویلے میرے گُرسِکھ دے لنگر وِچوں سی کھادھی کھِچڑی، جو نؤ میل انند پُری توں باہر بنائیا۔ اوس ویلے تیَنوُں پھڑ کے اِک ماری سی نِکّی جِہی

ٹھیِکری، جو گھڑے نالوں بھنائیا۔ اوہ گھڑا جناوے اپنی کہانی بیِتڑی، پِچھلا حال جنائیا۔ میَں رَویداس دی نِکی جہی سیدھڑی، جِس دا سِدھا مُنہ سوا گِٹھ نظری آئیا۔ اُسنوُں اِک دِن مُنہ لا گئی سی گِدڑی، ہلکی ہو کے دند چُھہائیا۔ اوس دی سوانی کِہا ہوئی پلیِتڑی، پرے بھنّ وکھائیا۔ اوس دے وِچوں رَویداس نے چُک کے اِک ٹھیِکری، اپنی سِلا اُتے گھسائیا۔ اوس نے کِہا میَنوُں وڈیائی دے کوئی تاریِخلی، تاریخاں نال رکھائیا۔ رَویداس نے اوسے ویلے اپنے کچّے دھاگے دی گنڈھ پیچ لئی، گھُٹ کے لئی بندھائیا۔ نال اِک وصیّت لِکھ لئی، لیکھا لِکھیا بِن قلم شاہیِا۔ جوتی جوت سروُپ ہرِ، آپ اپنی کِرپا کر، گُرمکُھاں لہنا رہیا مُکائیا۔ گُرمکُھاں لہنا ویکھ بیڑی روئی لکڑی کاٹھ، نیتر دئے دُہائیا۔ جِس ویلے گوبِند سوُرا چڑھیا سی میرے اُتے راٹھ، اِکّیاں پار لنگھائیا۔ میَں اوس ویلے کیِتی سی اِک بات، ہؤلی جِہی سُنائیا۔ میَنوُں دسّ اوس دی ذات، جِس تیَنوُں دِتی وڈیائیا۔ گوبِند کِہا صاف، اوہ میرا دُھر دا ماہیِا۔ جِس ویلے آوے آپ، اپنا پھیرا پائیا۔ اوہ ویکھے جگت کنارہ گھاٹ، پتن کوجے تھاؤں تھائنیا۔ تیری اُس ویلے پُچھے وات، مِہر نظر اِک اُٹھائیا۔ اُسدے نال دُھر دے بھگت دیون ساتھ، دوُجا سنگی نہ کوئے رکھائیا۔ جے اِک دوُجے نوُں تکّن ناتا دِسے اوہ پُت تے اوہ باپ، بھگت بھگوان اِکو نظری آئیا۔ جے بولن تے اوسے دا جاپ، تُوں میرا میَں تیرا ڈھولا گائیا۔ نال بِھنڑی سُہنجنی ہووے رات، اپنے نیتر نَین لئے کھُلائیا۔ نالے یاد آ جاوے اوہ راکھ، جیہڑی لالو گھر دِتی وکھائیا۔ پھیر اَگوں بول پئے اوہ بھات، جیہڑی اپنی ہتھّیں دِتی ورتائیا۔ اُدھروں جمنا سُرستی گنگا گوداوری رہی آکھ، اُچی کوُک کوُک جنائیا۔ جِس ویلے کسیِرا لیا سی پنڈت اوہ مہیِنہ سی وساکھ، وساکھی اُتوں پنج دِن باہروں دِتے گِنائیا۔ ہُن تیرا کھیل تماش، پربھ تیرے ہتّھ وڈیائیا۔ دھنّ وڈیائی جے سب دی پوُری کیِتی آس، آہستہ آہستہ سارے رہیا مِلائیا۔ اَگوں ہسّ کے کہِندی رَویداس دی قلم دوات، میرے بِنا تیری دیوے نہ کوئے گواہیِا۔ میَنوُں سدا رکھیں بھگتاں ساتھ، اگلا سنگ بنائیا۔ ایہہ چنگی لگّے جماعت، جِتھے ڈِگری اِکو وار ہتّھ پھڑائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں سیو رہیا کمائیا۔

جن بھگت اوہلے اوہلے کرن صلاح، ہؤلی ہؤلی اِک دوُجے نوُں کنّاں وِچ سُنائیا۔ ایہہ چنگا مِلیا ملاح، جیہڑا ملّو ملّی پار لنگھائیا۔ اَگے ویکھے پِچھےویکھے سجےّ کھبےّ نہ کرے وساہ، وِچکاربَیٹھا بےپرواہیِا۔ جِتھے دھنے ورگے جٹّ دا لگ گیا داء، موڈھیاں اُتے چڑھکے اپنی خوشی منائیا۔ نالے پنڈت لیا نہا، جوڑا اپنے چرن ٹِکائیا۔ لالو بنایا گواہ، گُجھّی رمز رہی نہ رائیا۔ ایہہ پربھ نوُں پِچھلی ادا، عدل بدل سدا رہیا کرائیا۔ جِس نے وہن دِتے وہا، اوہ پار دئے لنگھا، جن بھگتاں پھڑ کے باہاں سچ دوارے لئے ٹِکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگتو تُہاڈا کی کراں سواگت، سوا سوا پہر تُہاڈی سیو کمائیا۔ میرے کول ایہو تُہاڈی آؤ بھگت، تُہاڈا درشن کرکے خوشی منائیا۔ تُہاڈے پریم دی کرکے عبادت، اوّل اِکو رنگ رنگائیا۔ مات لوک تُسیں میری کرو سفارش، سرِشٹی دیو جنائیا۔ میَں تُہاڈا تُہاڈے اندر ٹِکی اَمانت، جگت نیتر نظر کِسے نہ آئیا۔ جد ویکھو تے صحیح سلامت، صاحِب سُلطان ہو کے درس وکھائیا۔ جوتی جوت سروُپ ہرِ، آپ اپنی کِرپا کر، دُھر دے لیکھے رہیا چُکائیا۔ لیکھا چُکدا ویکھ آئی گوبِند دی گوانڈھن کُلالن، جیہڑی پٹنے گھر توں پنجویں گھر ڈیرہ لائیا۔ اوہ شرع وِچ شیَطانن، مُسلم سُنی ذات اکھوائیا۔ جاں ویکھیا اُسنوُں نظری آیا اِک چانن، چند گُجری نوُر چمکائیا۔ اوہ جھٹ بدل کے بن گئی مالن، پِچھے بھّجی واہو داہیِا۔ میَں توڑاں پُھل گُلعلن، سوہنا ہار گندائیا۔ میَں پاواں اوس بالن، جِس نوُں بلّے بلّے کہے لوکائیا۔ نالے در تے ہوواں سوالن، اَگے اپنی جھولی ڈاہیِا۔ پِھر اُٹھ کے آئی بھالن، اپنا پندھ مُکائیا۔ اَگوں حُکم دِتا جوت اکالن، شبد نال سُنائیا۔ جِس ویلے ابناشی کرتا لوکمات جن بھگتاں آوے سنبھالن، تیرا لہنا لیکھے دئے چُکائیا۔ مُردے آوے جوالن، جیِنودیاں گود اُٹھائیا۔ سب دا بنے رکھوالن، رکھیا کرے تھاؤں تھائنیا۔ اپنی گود آئے سوالن، سِر اپنا ہتّھ ٹِکائیا۔ تیرا ناتا جوڑے وِچ جہانن، بدھکّ نال وڈیائیا۔ بچّی جان کے کرے تیری پرِتپالن، پِتا ہو کے تیری سیو کمائیا۔ پھیر تیری پربھوُ کرے بھالن، کھوجنہارا کھوج کھُجائیا۔ تُوں بن کے پھیر آویں مالن، نَواں رنگاں دا پُھلاں دا ہار اِک نال اِک لَینا جُڑائیا۔ مہاراج شیر سِنگھ وِشنوُں بھگوان، تیرا لہنا چُکاوے آن، والی دو جہان، سچ تصویِر جسبیر اپنی دئے وکھائیا۔

پندراں پوہ خوشیاں نال آکھدا، سچ کہانی رہیا دِرڑائیا۔ میَں کھیل ویکھیا بھگت بھگوان وَیراگ دا، اپنا دھیان لگائیا۔ سنت سُہیلا ویکھیا جاگدا، جو بَیٹھا اکھّ کھُلائیا۔ پڑدا ویکھیا اگلے رِواج دا، رسم سچ رہیا کرائیا۔ حُکم ویکھیا سَتگُر مہاراج دا، جو شبد ناد وِچ سُنائیا۔ پیار ویکھیا گُرمکُھ وِسماد دا، جو بِسمِل اپنا آپ کرائیا۔ سُنیا سندیشہ دُھر آواز دا، سچکھنڈ ساچے وجےّ ودھائیا۔ سِنگھ منجیِت اُٹھ کے بھاکھدا، اپنا دھیان لگائیا۔ وقت سُہیلا آیا پربھ سوانگی دے سوانگ دا، اولّڑی کار کمائیا۔ جوتی جوت سروُپ ہرِ، آپ اپنی کِرپا کر، دُھر دا حُکم ورتائیا۔ پندراں پوہ کہے میَں دیواں سندیشہ، دو جہان سُنائیا۔ کرے کھیل نر نریشا، ہرِ کرتا بےپرواہیِا۔ جِس دا بھگتاں نال لیکھا، بھگوَن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دُھر دی دھار رہیا بندھائیا۔ پندراں پوہ کہے سُن منجیِت، منسا پربھ دی دیاں جنائیا۔ جو سَتجُگ چلا ئے ریِت، کلجُگ کوُڑ مِٹائیا۔ اوہ کھیلے کھیل آپ انڈیِٹھ، دُھر دا حُکم رہیا جنائیا۔ گُرمکُھ سجّن بن کے میِت، پڑدا اوہلا رہیا چُکائیا۔ میَں اِک اگمّی سُنی چیِک، جو تھلاں وِچوں نظری آئیا۔ اوتھے اِک اِکلّا رہیا اُڈیِک، اپنی اکھّ کھُلائیا۔ جِس نے ارجن والی لکّڑی لیاندی گھسیٹ، جیہڑی بھٹّھی ہیٹھ تپائیا۔ اوہ دُہتّھڑ مار کے رہیا پیِٹ، بہُڑی ہائے ہائے سُنائیا۔ میَں نیِچاں دا نیِچ، پاپیاں وِچوں پاپی نظری آئیا۔ جوتی جوت سروُپ ہرِ، آپ اپنی کِرپا کر، صد دیونہار وڈیائیا۔ پندراں پوہ کہے کر دھیان، منجیِت دھیان جنائیا۔ تیجے دِن واری تیری آئی وِچ جہان، ترےَلوکاں اپنا پندھ مُکائیا۔ جن بھگت دوارے پھڑنا اِک نِشان، سَت سَتوادی دئے وکھائیا۔ جِس دی سب نے مننی آن، چلنا حُکم رضائیا۔ جِس دا مالک اِک بھگوان، شہنشاہ اکھوائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ منجیِت کہے میَنوُں ہوئی خوشی، اپنی خوشی جنائیا۔ میَں ہرِ سنگت ویکھاں سُچی، سُگھڑ سُچجیّ نظری آئیا۔ جِنہاں دا مان تان اوہ پِھردے اڈّی اُچی، پَیر زمین اُتوں اُٹھائیا۔ اُہناں دی اوس نال رُچی، جو رچنا اپنی رہیا جنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ منجیِت کہے میَں نِشان چُکاں، موڈھے کندھ اُٹھائیا۔ نؤ کھنڈ پرِتھمی پُچھاں، دیِپاں ستّاں لَواں اُٹھائیا۔ تُہاڈا کیہڑی گلّوں پربھ نال غُصّہ، دیِن دَیال گئے بُھلائیا۔ ویکھو کلجُگ پیَنڈا مُکا، لوکمات نظر نہ پائیا۔ اوسدا سڑن والا وِچوں جُسا، جِسم اپنا رہیا گوائیا۔ پیِراں کولوں چُھٹن والا موڑھے ورگا حُقہ، حکوُمت سب دی رہیا بدلائیا۔ اپنی دھار وِچوں لنگھا کے

جِؤں مِسل مشہوُر سوُئی نکاّ، نِکیوں وڈّے بنائیا۔ شبدی کھنڈا نیزہ پھڑ کے تِکھا، دو جہاناں رہیا جنائیا۔ میَں ویکھاں جِس ویلے گوبِند چالیاں وِچوں مہاں سِنگھ نوُں کِہا اُٹھ سِکھا، ساچی سِکھیا دیاں سمجھائیا۔ اوس کِہا واہ میریا پِتا، تُدھ بِن دوُجی اوٹ نہ کوئے رکھائیا۔ گوبِند پھڑ کے کِہا کولوں گُٹا، چِٹّا رُمال ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ منجیِت کہے میَں پھڑ کے نِشانہ، نِشا سب دی دیاں کرائیا۔ بُھلا رہے نہ جیِو جہانا، بُھلیکھا بھرم دیاں کڈھائیا۔ ساچا دیواں اِک فرمانا، دُھر سندیس سُنائیا۔ اُٹھو ویکھو بھوُپت بھوُپ سُلطانا، شاہ پاتشاہ سچّا شہنشاہیِا۔ جِس دا حُکم اِک مہانا، دُھر سندیسہ دئے دِرڑائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ دُھر دی کرنی کردا تکّیا، تقدیِر تدبیِر نال بدلائیا۔ بھگتاں اندر ویکھیا وسیا، نِرگُن ہو کے ڈیرہ لائیا۔ پاندھی ہو کے پِھرے نٹھیا، بھجےّ واہو داہیِا۔ سیوا کرن توں کدے نہ ہٹیا، نہ کوئی روکے روک رُکائیا۔ جل پانن سارے کرکے اِکٹّھیا، پوُرب لیکھا جھولی پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ نِشانہ کہے میَنوُں جن بھگت پھڑیا، ویلا وقت سُہائیا۔ میَں اِکو سوہنگ ڈھولا پڑھیا، پربھوُ تیرے نال وجےّ ودھائیا۔ جِس منزل تُوں آپ چڑھیا، اُس دوارے گُرمکُھ دینے بہائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ نِشانہ کہے میَں سچ سُنایا، جو ہرِ ہرِ دِتا سمجھائیا۔ ویکھو کلجُگ انتم ویلا آیا، چار کُنٹ اندھیرا چھائیا۔ ساچا رنگ نہ کوئے رنگایا، کسُنبھے رنگ رنگی لوکائیا۔ نام مردنگ نہ کوئے سُنایا، دُھر دا ناد نہ کوئے جنائیا۔ پار کنارہ لنگھ کِسے نہ ڈیرہ لایا، پتن میل نہ ساچے ماہیِا۔ آتم انند کِسے ہتّھ نہ آیا، پاندھیاں پندھ نہ کوئے مُکائیا۔ دیِناں ناتھ بخشند جن بھگتاں ویکھیا دَیا کمایا، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سچ دوارے دئے وڈیائیا۔ سَت نِشانہ کہے میَں اوس گھر چڑھدا، جِس گھر اِکو ٹھاکر نظری آئیا۔ جِنہاں دے ہرِ جوُ پلّوُ پھڑدا، اُہناں نال میری وڈیائیا۔ میَں سیوک اوس در دا، جو میرا پُرکھ اکال منائیا۔ میَں اوس دے ساہمنے کھڑدا، جو کنڈھیاں والے رہیا پرگٹائیا۔ میَں میلا کراواں ساچے یار دا، جو سب دا مالک بےپرواہیِا۔ اپنا حُکم جناواں سچّا گُفتار دا، جو گُفت شنید رہیا سُنائیا۔ جوتی جوت سروُپ ہرِ، آپ اپنی کِرپا کر، سب دے لیکھے رہیا مُکائیا۔ سچ نِشانہ کہے میری آئی واری، وریام ہو کے سیو کمائیا۔ سچ دوارے بن کے سچّا درباری، دُھر دا حُکم اِک منائیا۔ نال مِلا کے ایکا ایکنکاری، اکل کل دیاں

وکھائیا۔ جیہڑا کھیل ویکھیا سرب دِہاڑی، گھڑی پل دئے گواہیِا۔ بھگتاں نال سُہندی ویکھی یاری، صاحِب اپنی خوشی وکھائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ سرنائی کہے میَں دیواں اوہنوُں سرن، آسرا اِک رکھائیا۔ جو پُرکھ اکال نوُں یاد کرن، دِوس رَین وسر کدے نہ جائیا۔ اوسے دا جیِون اوسے دا مرن، جو مریاں جیِوت روُپ دئے بنائیا۔ اوسے دا ڈھولا اوسے دے پڑھن، اوسے دا راگ ناد ہو آپ الائیا۔ جوتی جوت سروُپ ہرِ، آپ اپنی کِرپا کر، دُھر دی کھیل آپ وکھائیا۔ سَت نِشانہ کہے میَں چڑھدا راتیں، دِنے اپنا آپ چُھپائیا۔ ایہہ میری اگلی رِواجی، جِس دا روادار نہ کوئے اکھوائیا۔ رمز سمجھے نہ کوئے سماجی، سماجاں وِچ نہ بند کرائیا۔ جوتی جوت سروُپ ہرِ، آپ اپنی کِرپا کر، سچ حُکم اِک سُنائیا۔ سچ نِشانہ کہے میَں سدا جھُلدا، اپنا آپ ہِلائیا۔ میَں لہنا دینا چُکاواں بھگتاں دی کُل دا، کُل مالک ہو کے وست امولک اِک ورتائیا۔ اُہناں دا امرت کدے نہ ڈُلھدا، جیہڑے انتر میلا گئے مِلائیا۔ اُہناں رس بُھل گیا ہونٹھ بُل دا، آتم رس وِچ سمائیا۔ اوہ سنت سُہیلا پھلدا پُھلدا، پتّ ٹہنی نال مہکائیا۔ کلجُگ کوُڑ اندھیرا میٹے جھُلدا، مایا ممتا پرے کرائیا۔ ہُن جن بھگتاں ویلا لہنا وصوُلن دا، وصوُلی بھگتاں ہتّھ پھڑائیا۔ پربھ دا ویلا غریِب نِمانیاں قبوُلن دا، کوجھیاں کملیاں گلے لگائیا۔ جن بھگتاں ویلا نہیں بھوُلن دا، بُھلیاں رہیا سمجھائیا۔ پربھ دا ویلا جن بھگتاں پنگھوُڑا جھوُلن دا، اندر وڑ کے ڈیرہ لائیا۔ گُرمکُھاں ویلا نہیں کُچھ سوچن دا، سوچ سمجھ نہ کوئے چتُرائیا۔ پربھ دا ویلا میل کراؤنا اپنے لوچن دا، جو لوچا پوُر کرائیا۔ جوتی جوت سروُپ ہرِ، آپ اپنی کِرپا کر، سب دا لیکھا ویکھ وکھائیا۔ سَت رنگ کہے میَں ویکھیا لیکھا لِکھدا، لِکھاری اپنا نال مِلائیا۔ باہروں بھیکھ کرے سِکھ دا، اِنساناں ورگا اِنسان بندیاں ورگا بندہ نظری آئیا۔ انتر نوُر پرکاش ساچی جوت دا، سَت سَت روُپ پرگٹائیا۔ ہُن ویلا بھگتاں دی مؤج دا، مؤجوُدہ ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، گھر ساچے لئے مِلائیا۔ سَت نِشانہ کہے پندرھواں دِن رہیا بیِت، رَین گھڑیاں پلاں اُتے آئیا۔ سولاں پوہ رہیا اُڈیِک، اپنی اکھّ کھُلائیا۔ جِس ویلے گرِہ آؤنا سِنگھ دلیپ، دیِپک گھر گھر ہوئے رُشنائیا۔ ہرِ سنگت سوہنی دِسے پریِت، پریِتم میل مِلائیا۔ ایکا وست نال لےَ کے جائے اگمّی چیز، نیتر اکھّ نظر کِسے نہ آئیا۔ چُھپا کے رکھے وِچ قمیض، پڑدا اِک رکھائیا۔ جِس ویلے چرن دوارے دھرے آپ دہلیز، دہ دِشا دین گواہیِا۔ اوس ویلے کرے بخشیِش، رحمت آپ کمائیا۔ جوتی جوت سروُپ ہرِ، آپ اپنی

کِرپا کر، دُھر دا لیکھا ویکھ وکھائیا۔ پندراں پوہ کہے میَں ویکھیا دِوس وِہارا، وِوہاری آپ کرائیا۔ نالے مِتر نالے یارا، دوستاں ورگا دوست سَتگُر ورگا سَتگُر نظری آئیا۔ مَیداناں وِچ اَکھاڑا، رستیاں وِچ سُنے راہیِاں ہاڑا، جو بَیٹھے دھیان لگائیا۔ نال سُآن دا لتّھا اُدھارا، رَویداس دی پانہی لیکھا دِتا مُکائیا۔ جوتی جوت سروُپ ہرِ، آپ اپنی کِرپا کر، کرنی ساچی رہیا کرائیا۔ پندراں پوہ کہے آؤندا جاندا سولاں دِن، اپنا روُپ وٹائیا۔ سوہنے لگدے اوہدے چِنھ، جو چِنتا رہیا گوائیا۔ کرے کھیل بھِن بھِن، بِھنڑی رَین نال مِلائیا۔ جِس دا لیکھا لِکھیا گِن گِن، جُگ چؤکڑی بَیٹھے پندھ چُکائیا۔ جوتی جوت سروُپ ہرِ، آپ اپنی کِرپا کر، لیکھا لیکھے نال مِلائیا۔ ستّ رنگ نِشانہ کہے میَنوُں آیا خیال، پِچھلا حِساب جنائیا۔ ہمیشہ ایہہ گوبِند ستّاں رنگاں دے رکھدا سی رُمال، اپنیاں جیباں وِچ ٹِکائیا۔ اِک نالوں دوُجے دی چنگی کردا سنبھال، دوُجے نالوں تیجا تیجے نالوں چؤتھا چنگا بنائیا۔ پنجویں دا پُچھ کے آپے حال، چھویں دا لہنا موُل چُکائیا۔ ستّویں نوُں سمجھا کے اپنا اِک سوال، دُھر دا حُکم سُنائیا۔ تُہاڈی سیوا کرن گوبِند بال، پہلوں اپنا آپ بھیٹ چڑھائیا۔ جِنہاں نوُں نیِہاں ہیٹھاں دینا سوال، پھیر مان تان وڈیائیا۔ میل مِلا کے نال پُرکھ اکال، سچکھنڈ دوارے دیواں وڈیائیا۔ اوہ کلجُگ انتم سیوا کرن وِچ جہان، لوکمات پھیرا پائیا۔ سچ نِشان بنا کے وِدھان، دھرم دھارا اِک وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر نال اُٹھائیا۔ ستّ رنگ نِشانہ کہے بھیلنی دے اینہاں وِچوں پنج رنگ، جِس دی انگی لئی بنائیا۔ اوہناں وِچوں دو رام دی آئے ونڈ، جو اپنے ہتّھ رکھائیا۔ لال دھنُش نال رکھیا سی بنھ، چِٹّا اپنے سجےّ گُٹ نال رکھائیا۔ اوس ویلے آؤندا اِک انند، جِس ویلے بھگت بھگوان دوویں مِل کے اپنے نال چُھہائیا۔ اِک دِن اساں ستّاں منگ لئی منگ، جھولی اَگے ڈھاہیِا۔ ساڈی اکٹّھی کر دیو گنڈھ، کُتراں دی رہے نہ کوئے جُدائیا۔ رام نے کِہا تُہاڈی آسا پوُری ہووے نِشنگ، نِسچے نال لَینا دھیان لگائیا۔ جِس ویلے آوے سوُرا سربنگ، لوکمات ویس وٹائیا۔ اُس دے کول تُہاڈے اِکٹّھیاں کرن دا ہووے ڈھنگ، ساڈھے تِنّ ہتّھ تُہاڈا روُپ لئے بنائیا۔ جیہڑا گیا چھّڈ پُری انند، اوسے چند لئے چمکائیا۔ تُہانوُں اپنے ہتّھاں نال لئے ٹنگ، چَوھی ہتّھ ونڈ ونڈائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ ستّاں وِچوں اِک رُمال، جو گوبِند ہتّھ اُٹھائیا۔ جِس نال مکُھ پوُنجھیا سی مہاں سِنگھ لال، پریم پریِت جنائیا۔ اوس کیِتا اَگوں اِک سوال، گوبِند سیِس نِوائیا۔ اسیں تیرے تن نال چھوہن والے وِچ

جہان، لوکمات کی سانوُں ملِے وڈیائیا۔ ساڈی پھیر کِس طرح ہووے پچھان، جِنہاں نوُں گوبِند اپنے کول رکھائیا۔ گوبِند کِہا میرا سِری بھگوان، تُہاڈا لیکھا لیکھے لئے لگائیا۔ جِس ویلے کل کلکی آئے نؤجوان، نِرگُن اپنا ویس وٹائیا۔ تُہانوُں سب نوُں کٹّھا کرے آن، دُھر دا جوڑ جُڑائیا۔ پِھر گوبِند دے سِر تے تاج تُساں جھُلنا نال جہان، دوہاں دا نِشان اِکو نظری آئیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ ستّ رنگ کہن جِس ویلے بل کیِتا سی جگّ، اسمیدھ مات رچائیا۔ اوس وِچ ساڈے سمگری بدھّی سی اڈّ اڈّ، ونڈاں ستّ ستّ کرائیا۔ جِس ویلے براہمن باون ہو کے بَیٹھا اپنا نِشانہ گڈّ، در دواریوں باہر ڈیرہ لائیا۔ اوس نے منگی اِک منگ، دھرت ڈھائی کرم مِنائیا۔ بل نے اُس ویلے سب کُچھ دِتا چھّڈ، ساڈی وست وِچوں کِسے نہ بھیٹ چڑھائیا۔ اساں سب نوُں مِل کے دِتا آکھ، اِک آواز لگائیا۔ ساڈا کیہدے نال ساتھ، سچ دِیو سمجھائیا۔ اوس نے کِہا تُہاڈا مالک پُرکھ سمراتھ، جو کلجُگ انتم پھیرا پائیا۔ اوہ تُہاڈا پڑدا لَوے ڈھاک، سِر اپنا ہتّھ رکھائیا۔ اِک دوُجے نال جوڑ کے تُہاڈا نات، کٹّھیاں دئے کرائیا۔ پھیر وکھاوے بھگتاں اِک جماعت، جو اِکو نام دِھیائیا۔ پِھر نظری آئے ساکھیات، جوتی جاتا نوُر کر رُشنائیا۔ جوتی جوت سروُپ ہرِ، آپ اپنی کِرپا کر، تُہاڈا لیکھا دئے چُکائیا۔ ستّ رنگ کہن سانوُں پہلوں رنگیا آد شکت، اپنی سیوا لائیا۔ ساڈے وِچ پا کے اپنی برکت، دِتی مان وڈیائیا۔ پھیر اسیں کر کے اپنی حرکت، ہؤلی ہؤلی بھجےّ واہو داہیِا۔ سَتجُگ تریتا دواپرکلجُگ کردے رہے کسرت، بلدھاری ہو کے اپنا ناؤں پرگٹائیا۔ لوکمات کردے رہے عیَشو عِشرط، عیاش گاہ وِچ سمائیا۔ جِس دی کرنی اوسے توں گئے بِچھرت، اپنا آپ بُھلائیا۔ جِس ویلے رام بیٹا دسرتھ، جنک سپُتری گیا پرنائیا۔ اوس ویلے سانوُں آئی اِک حسرت، اپنا خیال دِرڑائیا۔ جوتی جوت سروُپ ہرِ، آپ اپنی کِرپا کر، صد دیونہار وڈیائیا۔ ستّ رنگ کہن سانوُں جنک سپُتری بدھّا نال دھنُش، اڈّو اڈّ دِتا رنگائیا۔ لاگے رکھ کے چھوٹا جِہا سنکھ، اپنی کھیل وکھائیا۔ جِس ویلے رام نوُں آئی انکھ، اُٹھیا بَل پرگٹائیا۔ ہؤلی جِہی لائی تنک، اسیں سُتے ہِلّے واہو داہیِا۔ اوس دی اکھّ دا نِشانہ ساڈے اُتے پیا اِک پلک، جو مِہر نظر تکائیا۔ اساں ہو کے کِہا تلخ، کِیوں سانوُں دِتی جُدائیا۔ اوس تکّ کے کِہا اُتے فلک، اِشارے نال سمجھائیا۔ جِس ویلے میرا کُل مالک آیا خلق، ہرِ خالق ویس وٹائیا۔ اوس دی نوُری روُپ والی آ جائے ڈلک، جوتی جاتا اِک اکھوائیا۔ تُہانوُں اکٹّھیاں نوُں اِکٹّھا کر کے آپ بنے بندھپ، سجّن اِک

اکھوائیا۔ نال مِلا کے اپنی سنگت، ہرِ سنگی دئے جنائیا۔ دے کے مان وِچ جیرج انڈج، اُتبُھج سیتج خوشی وکھائیا۔ جوتی جوت سروُپ ہرِ، آپ اپنی کِرپا کر، ستّ رنگ دیوے مان وڈیائیا۔ ستّ رنگ کہن جِس ویلے نانک گیا بغداد، بغدادی روُپ وٹائیا۔ اوتھے پیِراں نے ستّے رنگ ایہنوُں دِتی دات، وارو واری ٹلّیاں ٹاکیِاں ہتّھ گئے پھڑائیا۔ اوس نے کِہا اِنہاں دا مالک رسوُل پاک، جو اِتفاق نال لئے مِلائیا۔ آپ بنے شاہ نواب، شہنشاہ اکھوائیا۔ سِر رکھے اگمّا تاج، پنچم مکُھ ملِے وڈیائیا۔ ستّاں دا مالک بن کے آپ، اکٹّھیاں دئے کرائیا۔ جِس دا حُکم اوسے دا راج، نِشانہ اپنا لئے بنائیا۔ نانک کِہا جو میرے انگن گئے لاگ، دوُجے در نہ منگن جائیا۔ ایہہ سَتجُگ دا سچّا رِواج، جو ہِندوُ مُسلم اِکو رنگ چڑھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ستّ رنگ کہن جِس ویلے گُروُ ارجن رکھی ٹیک، گُروُ گرنتھ رہیا لِکھائیا۔ اوس ویلے اسیں ستّے ہوئے اُس دے پیش، در اپنا آپ بھیٹ چڑھائیا۔ ساڈے ستّاں اندر اوس نے سَتنام لِکھ کے رکھیا لپیٹ، ستّ دِن باہر نہ پھیر کڈھائیا۔ پھیر اِک ونجارے کول دِتا ویچ، ساڈھے تِنّ تِن ٹّکے قیمت ساڈی پائیا۔ اوہ ونجارا سی اِک شیخ، جِس دا جنم جاگیر سِنگھ روُپ وٹائیا۔ اِس دے وِچ کوئی بھیت، جِس نے تتّی ریت سیِس ٹِکائیا۔ اوسے دی اجّ کھیڈ، کھِلاڑی ہو کے ویکھ وکھائیا۔ ستّ رنگ نِشانہ کہے میَں سب دے کول ہُندا رہیا پیش، وڈّا چھوٹا اپنا روُپ بنائیا۔ بِن پُرکھ اکال میرا کِسے نہ لِکھیا لیکھ، میرا سچّا جوڑ نہ کوئے جُڑائیا۔ میَں اوسے کر کے اوہدے بھگتاں نال کراں ہیت، جِس میری بنت بنائیا۔ چار جُگ میری گئی نہ کوئی پیش، دوُر دُراڈا بہہ کے مکُھ چُھپائیا۔ کِسے نے منّیا شنکر کِسے نے گنیش، کِسے نے برہما کِسے نے وِشنوُں کِسے نے دیوتیاں دِتا سیِس نِوائیا۔ میَں سب نوُں جُگ جُگ رہیا ویکھ، پربھ ایہہ کی رچن رچائیا۔ جِنہاں نوُں تُوں آپ دیویں بھیج، لوکمات تیری کرن وڈیائیا۔ جے تُوں مالک کُل دا بھگتاں دی مان سیج، آتم انتر آسن لائیا۔ پڑدا لاہ کے اپنے دیس، پردیسیاں اپنے گھر وسائیا۔ مالک ہو کے دُھر دا نریش، نر نرائن دئے وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستّ رنگ کہن اسیں سب دے سانجھے، کہانی سچ دئیے سُنائیا۔ ساڈے وِچوں چار رنگ ہنڈھائے ہیر تے رانجھے، عاشق معشوق خوشیاں وِچ سمائیا۔ دوہاں رنگاں وِچ چیلے گُر سماندے، چَیلنج کرن لوکائیا۔ ستّویں رنگ وِچ جُگ جنم دے تھکے ماندے، بہہ بہہ ڈیرہ لائیا۔ جِس ویلے ستّ رنگ االلہ رانی بنھے اپنے نال پراندے، میَنہدی ہتّھاں نال

رنگائیا۔ اوس دے نَین دوویں شرماندے، اکھّ پلک نہ کوئے اُٹھائیا۔ چؤداں طبق ایہہ راگ گاندے، واہوا پروردِگار تیری وڈیائیا۔ تارے چند نَین شرماندے، سوُریہ بَیٹھا مکُھ بھوائیا۔ ویکھے کھیل دو جہاں دے، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ لال رنگ کہے جِس ویلے االلہ رانی میَنوُں بدھّا نال گُت، والاں وِچ دِتا ٹِکائیا۔ میَں اوسے ویلے لیا پُچھ، کی تیری چتُرائیا۔ اوس نے کِہا ایہہ کھیل ابناشی اچُت، جو میَنوُں رہیا سمجھائیا۔ صدی چؤدھویں تیَنوُں اپنے نال لئے چُک، زمیں توں آسماناں اُپر چڑھائیا۔ جگت جہان دا بدل دیوے رُخ، گُر اوتاراں پیِر پَیغمبراں رُخصت دے کے اپنے گھر چُھٹی دیوے منائیا۔ بھگتاں نام بھنڈارا دے کے مُفت، صوُفیاں اپنا رنگ چڑھائیا۔ ویکھیں اوس ویلے نہ ہوویں سُست، جھُلیں واہو داہیِا۔ تیَنوُں پھڑنا چھوٹے بالے چُست، جو ستّ مہینےِ تِنّ دِن لوکمات گیا ہنڈھائیا۔ ایہہ پربھ دا حُکم درُست، نہ کوئی میٹے میٹ مِٹائیا۔ سب نے اپنی کرنی لَینی بُھگت، بِن بھگتاں بھگوَن جوڑ نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، دیونہار سدا سرنائیا۔ ستّ رنگ کہن جِس ویلے تیغ بہادر گیا دلّی، دلیِل اپنی اِک بنائیا۔ اوس ویلے اؤرنگے دا مجؤر آیا اِک شیخ چِلّی، ستّاں رنگاں والی چولی گل وِچ پائیا۔ تھلّیوں تمبی رکھی ڈِھلّی، پَیراں وِچ کھِچائیا۔ ہتّھ وِچ پھڑ کے چِٹے رنگ دی بِلّی، آیا ناچ کرائیا۔ نچّے ٹپّے کُدے پاوے جلّی، ڈھائی ہتّھ دی متَیہر رہیا بھوائیا۔ نالے بولے علی علی، االلہ تیری بےپرواہیِا۔ تیغ بہادر گوبِند تیرے باغ دی نِکّی جِہی کلی، کِیوں کرن لگا جُدائیا۔ پروردِگار تیرا ولی چھلی، جو تیرے نال دھوکھا رہیا وکھائیا۔ تُوں شہنشاہ دوارے مانیں اپنی رنگ رلی، اِیمان اپنا لَینا بنائیا۔ پھیر تیَنوُں سارے کہنگے بڑا ولی، ولی عہد تیری سیو کمائیا۔ اودھروں بِلّی ہو کے جھلّی، اگلے پنجے متھے اُتے ٹِکائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ تیغ بہادر کِہا او ملنگ ستّ رنگے، تیَنوُں دیاں جنائیا۔ اؤہ ویکھ بھجےّ آؤندے فرنگے، اپنا پندھ مُکائیا۔ تُہاڈے متَیہر رہ جان ٹنگے، بھجّو اپنی پِٹھ وکھائیا۔ تیرے فریباں والے رنگ جو قمر اُتے بنھے، ایہہ رو رو دین دُہائیا۔ ایہہ روندے میَنوُں لگّے چنگے، جیہڑے بِرہوں وِچ کُرلائیا۔ میَنوُں ایں دِسدا جِس طرح سَتجُگ وِچ سِری بھگوان نے ایہہ بناؤنے سَت دھرم دے جھنڈے، جھنڈا اپنے سنگ رکھائیا۔ تُساں رہناں رنڈیاں دے رنڈے، سُکی روٹی تے کھان نوُں گنڈھے، ایہو وست تُہاڈے حِصّےآئیا۔ جِس ویلے آوے راوی کنڈھے، راویؤں پرے تُہاڈا مکُھ بھگتاں دا دُکھ اپنی جھولی پائیا۔ پریم

بھگتاں کولوں لَوے دُھر دی دات ونڈے، بھگتاں دیوے اپنا کھیل وکھائیا۔ پھیر بہہ کے اِک کھٹیا اُتے منجے، مجلس آپ لئے لگائیا۔ جیہڑی اکھّ تھوڑے سمیں واسطے مِلی سی سنجے، مہابھارت ویکھے اپنا نَین اُٹھائیا۔ اوس دے نالوں گُرمکُھ کر لئے چنگے، نیتر دوہاں دے وِچوں نَین نَیناں نال مِلائیا۔ راہ وِچ آؤندیاں نالے توڑے نالے گنڈھے، پا کے گنڈھ ٹھنڈ پھیر ورتائیا۔ نال گُرمکُھ نوُں کہے سانوُں راہ لا چنگے، رستہ اِک جنائیا۔ آ کے راوی دے اُرار کنڈھے، کنڈھی والا ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ ستّ رنگ کہن اسیں رہے رُڑھدے، پھڑ کے اِکٹّھا نہ کوئے کرائیا۔ ساڈے اندر فُرنے رہے پُھردے، جُگ چؤکڑی دھیان لگائیا۔ کئیاں نے ساڈے وِچ دبےّ مُردے، کفن بنا کے اُتے دِتا ٹِکائیا۔ بِن پربھ دی کِرپا اسیں اِکٹّھے ہو نہ جُڑدے، اِک گنڈھ نہ کوئے پوائیا۔ کِرپا کری جِس ویلے مالک دُھر دے، ساڈا میلا لیا مِلائیا۔ ہُن اسیں دو جہاناں پِھریئے اُڈدے، شاہ سُلطاناں دئیے جگائیا۔ جن بھگتو تُسیں کِیوں نہیں اِکٹّھے ہو کے تُردے، ویکھو تُہاڈے ساہمنے اسیں کھلو کے دئیے گواہیِا۔ اسیں پوُرب وِچھڑے چِر دے، پربھ میلا لیا مِلائیا۔ جِس طرح اسیں مالک بن گئے دُھر دے، جگت چیِتھڑ مِلی مان وڈیائیا۔ تُسیں تے مانَس تُردے پِھردے، کِیوں نہ چل کے درشن پائیا۔ ایہو جِہے سمیں مؤقعے پھیر نہیں جُڑدے، نالے گوبِند نالے ہرِ جوُ گھر ہرِ مندر دئے بنائیا۔ جیہڑے در تے آئے اوہ خالی کدے نہیں مُڑدے، خالی بھانڈے دئے بھرائیا۔ جِس ویلے گُرمکُھ اپنے قدماں نال ہون تُردے، اوس ویلے سَتگُر ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، کلجُگ انتم کھیل کرے اپنی لوڑ دے، اپنی غرض خاطر تُہاڈی سیو کمائیا۔ مہاراج شیر سِنگھ وِشنوُں بھگوان، لیکھے مکائے اندھ گھور دے، اِکو نوُر کر رُشنائیا۔۔