کتب خانہGranth 18 (Shahmukhi)

۱۶ پوہ ۲۰۲۱ بِکرمی بیِبی بنتی اتے دلیپ سِنگھ، پِنڈ بابوُپُرا ضِلع گُرداسپُر

ساچا نِشانہ کہے واری آئی سورن، سچکھنڈ دوارے ساچے لئے انگڑائیا۔ جِس نوُں جیِون توں پہلوں مرن توں پِچھوں مِلی سرن، چرن کوَل پربھ وڈیائیا۔ اوہ ساچی سیوا آیا کرن، نِرگُن دھار حُکمے اندر پھیرا پائیا۔ ستّ رنگ نِشان آیا پھڑن، آکاش پاتالاں پندھ

مُکائیا۔ ساچا ڈھولا گیِت گوبِند آیا پڑھن، دُھر دا راگ جنائیا۔ ساچے مندر آیا چڑھن، محل اٹل ویکھ وکھائیا۔ میٹن آیا ورن برن، ذات پات اوُچ نیِچ جھگڑے دئے چُکائیا۔ ایکا رنگ آیا رنگن، نام للاری روُپ وٹائیا۔ شاہ پاتشاہ شہنشاہ لےَ کے آیا سنگن، دُھر دا سنگ بنائیا۔ دُئی دوَیتی شرع شریعتی توڑ کے آیا پھندن، کِریا کوُڑی سنگ نہ کوئے رلائیا۔ جنم کرم دیاں وِچھڑیاں آتم پرماتم آیا گنڈھن، دُھر دا میلا میل مِلائیا۔ بیڑا پار کرن آیا بِنا مُہانے ونجھن، کھیوٹ کھیٹا ہو کے سیو کمائیا۔ ناؤں نِرنکار وجاون آیا مردنگن، برہمنڈ کھنڈ پُری لوء دئے سُنائیا۔ شاہ سوارا ساچے اسوَ کسن آیا تنگن، پاکھر زین اِکو نظری آئیا۔ جن بھگتاں مستک ٹِکاّ دھوُڑی لاون آیا چندن، جنم جنم دی دُرمت مَیل دھوائیا۔ سچ بھنڈارا ایکا نام خزانہ آیا ونڈن، حُکم منّ کے بےپرواہیِا۔ کوُڑ کُڑیاراں ٹھگّاں چوراں یاراں آیا ڈنڈن، کھڑگ کھنڈا اِکو ہتّھ اُٹھائیا۔ برہمنڈ کھنڈ جیرج انڈج اُتبُھج سیتج پار آیا لنگھن، بلدھاری ویس وٹائیا۔ چؤداں طبق مُکا کے آیا پندھن، پاندھی ہو کے پھیرا پائیا۔ عیسیٰ موُسیٰ بن درویش سنگ محمد جِس دوارے کردے بندن، سجدیاں وِچ سیِس جھُکائیا۔ جو پروردِگار سانجھا یار کھیلے کھیل وِچ برہمنڈن، وربھنڈن ویکھ وکھائیا۔ جو صوُفیاں سنتاں چرن دھوُڑی دیوے مجن، سر سروور اِکو اِک نُہائیا۔ جو آد جُگاد نِت نوِت دو جہاناں کرے عدل، عدالت اپنی اِک سمجھائیا۔ جو سَتجُگ تریتا دواپرکلجُگ دھار دیوے بدل، لوک مات سکے نہ کوئے اٹکائیا۔ جو سہج سُبھائے بھگتاں مُکھ لگائے سگن، نام رس اِک چکھائیا۔ جِس دے لکّھ چؤراسی جیِو جنت دِیپک جگن، جوت نِرنجن کرے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستّ رنگ کہے ویکھیا شہنشاہ، سچکھنڈ نِواسی بےپرواہیِا۔ جِس دی مدد منگ کے علی کِہا خُدا، پَیغمبر نِیوں نِیوں لاگے پائیا۔ جِس دا واحد روُپ جُدا، جُز وِچ جگت لوکائیا۔ جو نام احباب رباب رہیا وجا، نغمہ حق حق سُنائیا۔ مقامے حق محفل رہیا لگا، تُعارف اپنے نال جنائیا۔ سچ سندیشہ رہیا گھلا، حُکم اِکو بےپرواہیِا۔ چؤداں طبق رہیا اُٹھا، زِمیں اسماناں دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہار سچ وڈیائیا۔ ستّ رنگ نِشانہ کہے مَیں ویکھیا پروردِگار، پت پرمیشور بےپرواہیِا۔ جو آد جُگادی سانجھا یار، آتم پرماتم سگلا سنگ نِبھائیا۔ وسنہارا محل اٹل اُچ مِنار، درگاہ ساچی سوبھا پائیا۔ تخت نِواسی ایکنکار، سو پُرکھ نِرنجن اپنے ہتّھ رکھے وڈیائیا۔ بھگت وچھل گِرور گِردھار، مُریِد مُرشد رہیا ترائیا۔ نغمیاں دا سردار، صدمیاں دا خُمار، نام خُماری اِک رکھائیا۔

قدماں دا اُدھار پدماں دا شِنگار، سوہنا روُپ وٹائیا۔ غریِباں دا مددگار، ہنکاریاں کرنہارا خاک چھار، خاکی خاک روُپ سمائیا۔ صِفتاں دا اِظہار، جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ستّ رنگ نِشانہ کہے مَیں ویکھیا اِک ہمیش، آد پُرکھ وڈی وڈیائیا۔ جِس نوُں سجدے کردے وِشن برہما شِو مہیش، کوٹن کوٹ الکھ جگائیا۔ گُر اوتار پیِر پَیغمبر ڈِگے چرناں ہیٹھ، سیِس سکے نہ کوئے اُٹھائیا۔ جو وسے سچ بھوُمکا سچکھنڈ اگمّے دیس، سچ دوارا اِک سُہائیا۔ بھوُپت بھوُپ بن کے وڈ نریش، نر نِرنکار اپنا حُکم ورتائیا۔ جُگ چؤکڑی شاستر سِمرت وید پُران گیِتا گیان اِنجیِل قُرآن کھانی بانی جِس دا دِندی گئی سندیش، لکّھ چؤراسی حُکم جنائیا۔ سو صاحب سوامی دھر کے بھیکھ، نِرگُن داتا پُرکھ بِدھاتا اپنا پھیرا پائیا۔ آ کے وسیا سمبل دیس، جِس دا روُپ رنگ ریکھ سمجھ کوئے نہ پائیا۔ جن بھگتاں لِکھے دُھر دے لیکھ، پوُرب لہنے رہیا چُکائیا۔ شہنشاہ بن کے آپ درویش، گُرمْکھ دوارے الکھ جگائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ ستّ رنگ نِشانہ کہے مَیں ویکھیا دُھر دا فقّر، جو پیِراں فقیِراں رہیا ترائیا۔ نِرگُن دھاروں آیا اُتر، اُتّر پوُرب پچھّم دکھّن دِشا سمجھ کوئے نہ پائیا۔ لکّھ چؤراسی وِچوں گُرمْکھ تھوڑے بنائے پُتر، پِتا اپنی گود اُٹھائیا۔ چؤداں لوک کرن شُکر، چؤداں طبق خوشی منائیا۔ جوتی جوت سروُپ ہرِ، آپ اپنی کِرپا کر، سچ دوارا اِک سُہائیا۔ ستّ رنگ نِشانہ کہے مَیں ویکھیا سچکھنڈ نِواسی، نِرگُن داتا بےپرواہیِا۔ جِس دا کھیل اگمّ تماشی، منڈل راسی سار نہ پائیا۔ سو صاحب بھگتاں بنیا ساتھی، سگلا سنگ نِبھائیا۔ گُر اوتار پیِر پَیغمبر جو لِکھ لِکھ دے کے گئے پاتی، پتن اکو اِک جنائیا۔ سو سب دا لیکھا دیوے باقی، پوُرب پوُرب جھولی پائیا۔ کلجُگ ویکھ اندھیری راتی، نِرگُن نوُر کرے رُشنائیا۔ منزل چڑھکے اپنی گھاٹی، پندھ اگلا دئے چُکائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ستّ رنگ نِشانہ کہے ویکھیئے مُرشد، جو مُریِداں دئے وڈیائیا۔ دُھردرگاہی اپنی کرکے آیا فُرصت، سماں سمیں وِچوں بدلائیا۔ کلجُگ کوُڑی کِریا میٹے غُربت، غروُر رہن کوئے نہ پائیا۔ جن بھگتاں دھووے مَیل دُرمت، پاِکی پاک دئے بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستّ رنگ کہے مَیں ویکھیا عجیب، عجب نِرالا کھیل کرائیا۔ شہنشاہ ہو کے بنیا آپ غریِب، نِمانیاں نِمان روُپ وٹائیا۔ جن بھگتاں بدلن آیا نصیِب، نصیِحت اپنی اِک سمجھائیا۔ جوتی جوت سروُپ ہرِ، آپ اپنی کِرپا کر، دُھر دی کھیل آپ کھِلائیا۔ ستّ رنگ کہے ویکھو

بِھکھاری، در مانگت بےپرواہیِا۔ بھگت سُہیلا آیا اپنی واری، صدی ویہویں ویس وٹائیا۔ جیہڑا آد جُگاد جُگ چؤکڑی مفروُر ہو کے بنیا رہیا اِشتہاری، کھوجیاں ہتّھ کِسے نہ آئیا۔ لُکیا رہیا سچکھنڈ سچّے درباری، مقامے حق مُکھ نقاب ٹِکائیا۔ حُکم سندیشہ دیندا رہیا وارو واری، اوتاراں پَیغمبراں گُروُآں سیو لگائیا۔ لیکھ لِکھاؤندا رہیا بن لِکھاری، کاتب ہو کے قلم چلائیا۔ حُکم مناؤندا رہیا بن کے وڈ سنساری، دُھر دی دھار آپ رکھائیا۔ جوتی جوت سروُپ ہرِ، آپ اپنی کِرپا کر، حُکمے اندر ویس وٹائیا۔ حُکمے اندر وٹیا ویس، وٹّا سب نوُں لئے لگائیا۔ آپے شاہ آپے نریش، درویش اپنی کھیل کرائیا۔ آپے رہنہار ہمیش، آپے کھِن کھِن اپنا پھیرا پائیا۔ آپے کرنہار آدیس، آپے نِیوں نِیوں سجدہ سیِس جھُکائیا۔ آپے خِدمتگار اپنا آپ کرنہارا پیش، آپے سُلطان بن کے حُکم منائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ پروردِگار ہویا درویش، تن ماٹی خاکی چولا تت ہنڈھائیا۔ دو جہاناں پندھ مُکاؤندا آیا اوسے دیس، جِس دی دِشا سمجھ کِسے نہ آئیا۔ جِس دی صِفت گاؤندا دوئے سہنسر جِہوا پھن شیش، شاستر سِمرت دین گواہیِا۔ سو صاحب سُلطانا مِہروانا بخشنہارا ٹیک، ٹِکّے مستک رہیا لگائیا۔ جوتی جوت سروُپ ہرِ، آپ اپنی کِرپا کر، مِہروان ہویا سہائیا۔ ستّ رنگ نِشانہ کہے مَیں ویکھ مؤقع، اِکو وار کُرلائیا۔ سچکھنڈ دوارے دیواں ہوکا، برہمنڈاں کھنڈاں آپ جنائیا۔ گُر اوتار پیِر پَیغمبر ویکھو دھیان کر کے چؤداں لوکا، چؤداں طبقاں چرناں ہیٹھ دبائیا۔ جوتی جوت سروُپ ہرِ، آپ اپنی کِرپا کر، دُھر دا مالک پھیرا پائیا۔ ستّ رنگ نِشانہ کہے مَیں گُر اوتار پیِر پَیغمبر سدّاں، سندیشہ نام سُنائیا۔ سب دے پِچھے اُٹھ اُٹھ بھجّاں، واہو داہی پندھ مُکائیا۔ آو ویکھو سارے اپنا اگا، پِچھلا لیکھ مُکائیا۔ جیہڑا شبدی گوبِند پایا جھّگا، اوہ درویش اپنے تن چُھہائیا۔ سب نالوں لگا چنگا، چار کُنٹ کرے رُشنائیا۔ جن بھگت دوارے آ کے گُرمْکھاں کولوں منگے منگاں، اپنی جھولی اَگے ڈاہیِا۔ مَیں پَیراں توں ننگا، بُھجاں تان نہ کوئے رکھائیا۔ ویکھن والا بندیاں ورگا بندہ، تتّاں دا آدھاری نظری آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستّ رنگ نِشانہ کہے گُر اوتار پیِر پَیغمبر تکّو جلوہ، نوُر ظہوُر خُدائیا۔ جِس دے ناں دا نیازاں اندر کھاندے آئے حلوا، سو احوالا دے کے رہیا جنائیا۔ جِس دا لہنا دینا سگواں، سنمُکھ ہو کے رہیا مُکائیا۔ جِس دا دِیپک اِکو جگنا، لوک پرلوک کرے رُشنائیا۔ جِس دا نگارہ اِکو وجنا، برہمنڈاں کھنڈاں کرے شنوائیا۔ جِس دا مندر اِکو سجنا، سَت سوامی نظری آئیا۔

جِس دا چؤداں طبقاں اِکو عدلا، اِنصاف وِچ رکھے لوکائیا۔ جِس دا سیِس دھڑ کِسے توں ہووے کدے نہ قتلا، قاتل مقتوُل نظر کوئے نہ آئیا۔ جِس دا سب توں وکھرا وصلا، وصلے یار اِک رکھائیا۔ اوہ تارے اعلے ادنیٰ، غریِب نِمانیاں گود اُٹھائیا۔ کلجُگ کولوں سَتجُگ لئے بدلا، اُلٹی دھارا آپ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پیِر پَیغمبر اپنا تکّو اوہ محبوُب، جو مُحبّت وِچ سمائیا۔ ویکھو اپنا دیون آیا ثبوُت، لوک مات پھیرا پائیا۔ درویشاں والا کلبوُت، شہنشاہ اپنی سیو کمائیا۔ اپنی اُتارن آیا بھوُکھ، جن بھگتاں اَگے جھولی ڈاہیِا۔ مَیں حاضر ہویا مؤجوُد، مُفِلس ہو کے رہیا سُنائیا۔ جوتی جوت سروُپ ہرِ، آپ اپنی کِرپا کر، ساچا منگے اِک در، جن بھگت دیؤ وڈیائیا۔ جن بھگتو کرو سچ پیار، پریم پریِتی منگ منگائیندا۔ تُسیں شہنشاہ میرے سردار، مَیں خادم نظری آئیندا۔ مَیں تُعارف کراں وِچ سنسار، صِفتاں نال صلاحِندا۔ تُہاڈے نال مِل کے ہوواں نہ کدے خَوار، خواری سب دی اپنی جھولی پائیندا۔ پھڑیاں کِسے توں نہ ہوواں گرِفتار، بندیخانے سرب رکھائیندا۔ جوتاں وِچوں میرا نوُر اُجیار، ظہوُراں وِچوں ظاہرا ظہوُر کل رکھائیندا۔ جوتی جوت سروُپ ہرِ، آپ اپنی کِرپا کر، در ٹھانڈے الکھ جگائیندا۔ شاہ سُلطان مِہروان جگائے الکھ، نعرہ حق سُنائیا۔ دُھر دربار ہو پرتکھ، اپنا ویس وٹائیا۔ ساچا مارگ اِک دسّ، دو جہان رہیا سمجھائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ جن بھگت در تیرے آیا، دُھر دی آس رکھائیا۔ میرا دلِدر دیؤ گوایا، بُھکھ رہے نہ رائیا۔ کلجُگ انتم جھوُٹھی منگے مایا، ممتا نال ہلکائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ جن بھگت کہے پربھ تیری سِکھیا چنگی سِکھی، سِکھی وِچوں سِکھ نظری آئیا۔ سانوُں یاد آئی گوبِند والی چِٹھی، جیہڑی دست گیا پھڑائیا۔ جِس ویلے سمت آوے ویہہ سؤ اِکّی، اِکیاں ملِے وڈیائیا۔ جوتی جوت سروُپ ہرِ، آپ اپنی کِرپا کر، دُھر دے لیکھے رہیا بنائیا۔ چِٹھی وِچ گُرمْکھاں دِتا اِختیار، حُکم اِک جنائیا۔ پُرکھ اکال تُہاڈا سانجھا یار، دوُجا نظر کوئے نہ آئیا۔ جِس ویلے در تے آوے بن بِھکھار، الفی تن چُھہائیا۔ منگے منگ بھرے وِچ دربار، اپنی آس ودھائیا۔ اوس ویلے بِھچِھیا دینی ڈار، پریم پریِتی جھولی پائیا۔ ویہہ سؤ اِکّی دا اِکّی سینکڑیاں والا ہار، ہرِ ہرِ ہرِ ہر رنگ سمائیا۔ اَگے توں بھگتاں دا کرے اِعتبار، بےاعتبارا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ اِکّی سؤ دا ہار نہیں ایہہ گُرمْکھاں دے سِکھ، سِکھاں دے گُرمْکھ نظری آئیا۔

جِنہاں دا لیکھا گوبِند گیا لِکھ، لِکھت کیِتی قلم شاہیا۔ جِنہاں نال بنیا بھوِکھ، واک بھوِکھت دین گواہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اِکیاں دا ہار اِکّی سِر، گُرمْکھ آپا بھیٹ چڑھائیا۔ جِنہاں دی صاحب سُلطان بنیا دِھر، پُرکھ اکال ہویا سہائیا۔ اوہناں دی کہانی اَگے جانی چھِڑ، بھیوَ ابھیدا دئے کُھلائیا۔ کلجُگ اُلٹا گیڑا جانا گِڑ، لکّھ چؤراسی لٹھ آپ بھوائیا۔ شاہ سُلطاناں مرناں بِھڑ بِھڑ، دھیِرج دھیِر نہ کوئے دھرائیا۔ اِک درویش نے خالی کرنا پِڑ، نؤ کھنڈ پرِتھمی اکو حُکم ورتائیا۔ گُرمْکھ وِرلا رہنا تھِر، جِس سِر اپنا ہتّھ رکھائیا۔ کچّے بیر جانے جھِر، پتّ ٹہنی رہے کُرلائیا۔ اِکو بھبک مارے شیر، دو جہان دئے ہلائیا۔ لکّھ چؤراسی حُکمے اندر گھیر، رائے دھرم ہتّھ پھڑائیا۔ گُرمْکھاں دی غریِبی اِکیاں پِچھے دئے نبیڑ، نام دے دھنی سارے دئے بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُرمْکھ دا ہار رہیا دسّ، سوہنا حال جنائیا۔ اِک ویراں سَتجُگ مَیں آیا کپل مُنی دے ہتّھ، اوس اَمانت دِتا ٹِکائیا۔ پِھر رام گل چُھہایا دسرتھ، پِتا پوُت پیار وکھائیا۔ رام نے اندر دِتا ٹنگ، پِھر ہتّھ نہ کوئے چُھہائیا۔ تیجی ویر سُدامے نے کرِشن گل پایا ہس، جِس ویلے تندل لےَ کے دوارے جائیا۔ اُس نے اَگوں جوڑ کے ہتّھ، کر بینتی دِتا سُنائیا۔ ایہہ ساڈا تَینوُں پاؤنا حق، کی ہویا جے غریِب تیری مایا والی سیو نہ کوئے کمائیا۔ ایسے طعنے اندر اوہدے مندر دِتے چّھت، استھل روُپ وٹائیا۔ کاہن نے اَگوں کِہا ہس، اِس دی واری اجے نہ آئیا۔ کلجُگ انتم جِس ویلے آوے پُرکھ سمرتھ، نال گوبِند سُت مِلائیا۔ اوہ گُرمْکھاں دے کے اپنی مت، ساچے مارگ لئے لگائیا۔ اندروں کھول کے اوہناں دی اکّھ، پرتکھ روُپ دسائیا۔ ایسے پیار دی خاطر بِن صدّیاں پُچھیاں آئے نٹھ، بن کے پاندھی راہیِا۔ چار جُگ دے وِچھڑیاں کر اِکٹّھ، راوی کنڈھے خوشی منائیا۔ درویش بن کے اوہناں کولوں منگے جھٹ، آپ اپنا نعرہ لائیا۔ چار جُگ دا اُدھار جو سانبھ کے چھڈیا رکھ، انتم اپنی جھولی پائیا۔ اَگے دے کے بھگتاں حق، حاکم دُھر دے دئے بنائیا۔ گُرمْکھو پربھ مِلن دا رہ نہ جائے کوئی شک، سنسا نظر کوئے نہ آئیا۔ درس دِکھا کے نوُر نوُرانہ جوت لٹ لٹ، اندھ اندھیر دئے گوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اِکّی سؤ کہے مَیں ویکھیا اِکیِسا، چار جُگ اکّھ نہ کوئے کُھلائیا۔ دربان بنیا ہرِ جگدیِشا، شہنشاہ پھیرا پائیا۔ جِس دے تاج سیِس سوہے سیِسا، پنچم مُکھ مِلی وڈیائیا۔ اوس دی غریِباں نال پریِتا، پریِتم ہو کے میل مِلائیا۔ گُرمْکھاں دا خالی رہے نہ کھیِسا، خِلّت بخشے ہرِ رگھُرائیا۔ نالے پوُرب لہنے دا بنا کے آپ

طریقہ، پِچھلی منگ منگائیا۔ نالے کڈھ کے جائے نتیجہ، وست دُھر دی ہتّھ پھڑائیا۔ گُروُآں دا گُرمْکھ بنے نہ کوئی بھتیجا، پِتا پُرکھ اکال اِکو اِک منائیا۔ جِس دیاں سارے کردے رہے اُڈیِکا، نیتراں نال راہ تکائیا۔ جوتی جوت سروُپ ہرِ، آپ اپنی کِرپا کر، نِروَیر ہو کے پھیرا پائیا۔ ہار کہے مَیں ویکھیا ہِردا، گُرمْکھاں اندر دھیان لگائیا۔ جِنہاں وِچھوڑا پِچھلا چِر دا، اگلا پندھ مُکائیا۔ دھام وکھاواں گھر تھِر دا، جِس گرِہ وجے اِک ودھائیا۔ میل مِلاواں اگمّی پِر دا، پریِتم جوڑ جُڑائیا۔ جیہڑا مِل کے پھیر کدے نہ وِچھڑدا، وِچھوڑے وِچ رکھے لوکائیا۔ اوہدا لہنا حقو حق نِبڑدا، جھگڑا اَگے نہ کوئے جنائیا۔ جِس دا جُگ بدلدیاں کُچھ نہیں وِگڑدا، حُکم نال حُکم سُنائیا۔ اوہ صاحب سوامی بھگتاں کدے نہ وِسردا، سد بِچھرت لئے مِلائیا۔ اوہ اندھ اندھیارے وِچوں جوت سروُپ ہو کے نِکلدا، چنداں دا چند کرے رُشنائیا۔ سَتگُر نام کوئی گہنا نہیں مُلّمے پِتل دا، سوَرناں دا سوَرن نظری آئیا۔ اوہ مالک نہیں اِک شکل دا، کوٹن کوٹ روُپ دھرائیا۔ اوہ عادی نہیں کِسے عقل دا، انبھَو اپنی دھار چلائیا۔ اوہ مُحتاج نہیں کِسے یتن دا، کھوجیاں ہتّھ کِسے نہ آئیا۔ اوہ ملاح ساچے پتن دا، جِتھے گُرمْکھ ڈیرہ لائیا۔ کلجُگ انتم ویلا اوہدے رکھن دا، گُر اوتار پیِر پَیغمبر پلّوُ گئے چُھڈائیا۔ جن بھگتو سُکھ ویکھو اوسے دے گھر وسن دا، جو کنت کنتوُہل سب دا اِک اکھوائیا۔ ہُن ویلا بنیا پَیراں نال نَٹھن دا، پھڑ باہوں دو جہان پار کرائیا۔ وقت سُہیلا سوہنگ نام جپن دا، تُوں میرا مَیں تیرا دوہاں نہ ہوئے جُدائیا۔ جیِون وِچ وقت سُہنجنا ٹپن دا، خوشیاں راگ الائیا۔ جوتی جوت سروُپ ہرِ، آپ اپنی کِرپا کر، لیکھے اپنے وِچ رکھائیا۔ اِکّی کہن اسیں کاغذاں والے نوٹ، نوٹس سب نوُں رہے جنائیا۔ مایادھاری چھتردھاری سب نوُں لگّی مایا دی چوٹ، چاروں کُنٹ خواری نظری آئیا۔ ویہہ سؤ اِکّی بِکرمی اَخیِری لؤ سوچ، پِھر سوچ سمجھ نہ چلنی رائیا۔ مندراں والی لبھنی نہیں کِسے مؤج، سیجاں والی لبھنی نہ کِسے لیف تلائیا۔ شاہاں دے کول نہ رہنی فؤج، درویش بن کے سارے درویش دئے وکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ اِکّی نوٹ کہن اساں سانگ بنایا نٹوُآں، جگت ناٹک رہے وکھائیا۔ مانَس بُدھی ہو گئی پشوُآں، ڈھوراں ورگے نظری آئیا۔ شرع شریعت بدھےّ نال رسّیاں، ذات پات پھند نہ کوئے کٹائیا۔ من واسنا ساریاں پِھرن نسّیاں، بھجّن واہو داہیِا۔ ہرِ کنت مِل کے سچ گھر کدے نہ وسیاں، دُھر دی ہوئی جُدائیا۔ کوٹن کوٹ رُل کے مر گئے پُننوُوں سسّیاں، سؤہرے پئیے نہ کوئے وڈیائیا۔ جِنہاں دیاں صاحب سَتگُر نال لگّیاں

اکھّیاں، اوہ آخر خوشی منائیا۔ رائے دھرم دی موُل نہ بھرن چٹیاں، چیٹک ہور نہ کوئے لگائیا۔ اکو پریِتم دے چرنیں ڈھٹھیاں، جو پھڑ کے گلے لگائیا۔ خوشیاں نال ہسدیاں پیِڑ کردیاں دِسن وکھیاں، جِس وکھری دھار چلائیا۔ اوہ آپے شؤہ نال رتّیاں، جِنہاں دے گل وِچ رتن امولک ہیِرے آپ لٹکائیا۔ دوُسر انگ کدے نہ لگّیاں، دُہاگن روُپ نہ کوئے وٹائیا۔ سَتجُگ تریتا دواپرکلجُگ پُرکھ اکال چلاؤندا رہیا دیِن مذہباں دیاں ڈنڈیاں، ونڈیاں وِچ رکھی لوکائیا۔ انت بھگَونت حُکمے اندر سب بدھّیِاں، پلّوُ سکے نہ کوئے چُھڈائیا۔ پندھ مُکا کے آ گئیاں لوک مات سدّیاں، سدّے دے کے رہیا سُنائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ نوٹ کہے گُرمْکھاں کیِتا بھیٹ، بھیٹا اکو وار چڑھائیا۔ سانوُں بنا کے نام بھنڈاری سیٹھ، کوُڑی کِریا اپنے گل وِچ پائیا۔ لوڑ جوگی سانوُں ضرور دیوے بھیج، تُھڑ وِچ نہ کدے رکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ تخت تاج چھڈیا کلغی توڑا، آپ آپا بھیٹ چڑھائیا۔ شستر بستر تجیا گھوڑا، شاہ اسوَار نہ روُپ وٹائیا۔ پُتراں دا وِچھڑیا جوڑا جوڑا، ناتا جگت تُڑائیا۔ سوُلاں دی سیج بنا کے سرانے رکھ روڑا، اِکو آس رکھائیا۔ وقت لنگھایا ہؤلی ہؤلی تھوڑا تھوڑا، ڈُبیاں پار کرائیا۔ سسّے اُپر لا کے اِکو ہوڑا، نِرگُن سرگُن کھیل کھِلائیا۔ ہنگ برہم آپے بہُڑا، پاربرہم اپنا حُکم ورتائیا۔ بھگت سُہیلا ہو کے دؤڑا، اپنا پندھ مُکائیا۔ کلجُگ ویکھ اندھیر گھورا، نِرگُن جوت کرے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مالک دو جہاناں شہنشاہ، درویش ویس وٹائیندا۔ رحمتاں دا رحمان خُدا، رحیِم اپنی کار کمائیندا۔ جن بھگتاں اُتوں اپنا آپ کر فِدا، فَیصلہ حق سچ سُنائیندا۔ روُح بُت دوویں کر جُدا، صُلح کُل اپنے وِچ سمائیندا۔ شیرسِنگھ دا اِکو شجرہ گیا بنا، تت نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، جوت وِچ گوبِند ہو کے گیا سما، سیج سُہنجنی اپنا آسن لائیندا۔ جن بھگتاں دے ڈھولے رہیا گا، اپنا راگ نہ کوئے الائیندا۔ سیوک ہو کے بنیا ملاح، بیڑا اپنے کندھ اُٹھائیندا۔ جُگ جنم دے وِچھڑے رہیا مِلا، جاگرت جوت اِکو ڈگمگائیندا۔ نالے ساچی سِکھیا رہیا سِکھا، اِکو اکھّر پڑھائیندا۔ جے منگو تے اِکو پُرکھ اکال دُعا، دوُجا اِشٹ نہ کوئے رکھائیندا۔ غریِباں دا غریِب آپ اکھوا، دو جہاناں دا مُحتاج پھیرا پائیندا۔ جوتی جوت سروُپ ہرِ، آپ اپنی کِرپا کر، اپنی کرنی کار کمائیندا۔ بُھکھیاں ننگیاں دا اِک بِھکھاری، بِھچِھیا منگن آئیا۔ وست دیؤ اوہ اپاری، جیہڑی اپرمپر تُہاڈے وِچ ٹِکائیا۔ نالے پیار نالے شبد جوت جگے

نِرنکاری، دیِا باتی اِکو کرے رُشنائیا۔ ساچے دی سچ نال یاری، کوُڑیاں نالوں ناتا دِتا تُڑائیا۔ ویکھو نالے پریِتم نالے وپاری، گھر گھر سؤدےرہیا کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا حُکم آپ ورتائیا۔ بُھکھیاں وِچوں آیا بُھکھڑا، ہرِ کرتا وڈ وڈیائیا۔ جو بھگت سُہیلا ہو کے ونڈاوے دُکھڑا، دردیاں درد اپنی جھولی پائیا۔ اُجل دو جہاناں کر کے جائے مُکھڑا، دُرمت مَیل دھوائیا۔ سنت سُہیلے چُک کے کُچھڑا، سچکھنڈ دوارے آپ ٹِکائیا۔ جِس دھاروں نِرگُن ہو کے آپے اُترا، انتم اوسے وِچ سمائیا۔ پُرکھ اکال کِسے نہ کِہا پُترا، پُرکھ اکال دا پُتر اِکو گوبِند نظری آئیا۔ جو نؤ کھنڈ پرِتھمی ستّ دیِپ دہ دِشا ویکھے چارے نُکرا، نِو نِو دو جہاناں پھول پھولائیا۔ اوس توں بِنا دوُجا ہور نہیں کوئی دوُسرا، نِرگُن سرگُن روُپ نہ کوئے جنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بُھکھیاں دا آیا پہلا مِتر، میِت اِک اکھوائیا۔ جِس بازاں کولوں مروایا تِتر، اوہ تِتر اجے دئے دُہائیا۔ جو چوٹی چڑھ کے گُرمْکھاں ویکھے سِخر، سچ دوارے ڈیرہ لائیا۔ مہاراج شیرسِنگھ وِشنوُں بھگوان، حاضر ہو کے تُہاڈا کرے فِکر، اِکے فقرے وِچ سارے فَیصلے دئے کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، چرن کوَل کوَل چرن دھرنی دھوَل اِک سرنائیا۔

۱۷ پوہ ۲۰۲۱ بِکرمی دلیِپ سِنگھ دے نوِت

پوہ ستاراں کہے مَیں سُتّا پیا اُٹھ، مَینوُں اگمّی آواز اِک سُنائیا۔ مَیں چار کُنٹ ویکھ کے ہویا چُپ، کوَن حُکم رہیا ورتائیا۔ جِس ویلے دھرنی اُتے ویکھیا بھگت بھگوان اِک دوُجے نوُں رہے پُچھ، اگلا پِچھلا لیکھا لیکھ سمجھائیا۔ درشن کر کر ہُندے ویکھے خوش، خوشیاں وِچ سمائیا۔ تھوڑی سمجھ وِچوں آئی مُجھ، اپنی لئی انگڑائیا۔ مَیں وی پُچھاں کُجھ، آسا نال مِلائیا۔ چرناں اُتے جھُک، بینتی اِک سُنائیا۔ اَگوں بھگتاں کِہا گا اِک تُک، جو نر ہرِ سانوُں رہیا پڑھائیا۔ جِس دے نال لوک مات مِلنا سُکھ، سنسے روگ چُکائیا۔ کوُڑی کِریا مِٹنا دُکھ، دُکھڑے رہیا گوائیا۔ غریِب نِمانیاں مِٹنی بُھکھ، ترِشنا ترِکھا بُجھائیا۔ جگت وِچھڑیاں گودی لئے چُک، بودی اُچی دئے کرائیا۔ اُٹھ ویکھ بیدی سوڈھی سارے رہے پُچھ، اپنی جھولی اَگے ڈاہیِا۔ کُچھ ہور ویکھ اوہ روَداس توں بنیا گُرمْکھ، ہُن سنمُکھ ہو کے سیو کمائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ ستاراں پوہ کہے جِس ویلے

مَیں اُٹھن لگا، ساڈھے تِنّ لئی انگڑائیا۔ اوس ویلے مَینوُں تیِر اِک لگّا، گھاؤ ڈوُنگھا دِتا کرائیا۔ مَیں انتر انتر اُٹھ کے بھجّا، چاروں کُنٹ واہو داہیِا۔ نؤ سؤ چُرانوے جُگ چؤکڑی ٹھانڈا در کوئی نہ لبھا، دھام سَت نہ کوئے سُہائیا۔ اودھروں یاد اندر گُرمْکھ رو پیا بچّہ، بِرہوں وِچ مارے دھائیا۔ نالے کہے پرم پُرکھ پرماتم مِل گیا سچّا، صاہب سَتگُر بےپرواہیِا۔ مَیں اوسے ویلے اپنا ہِردا کیِتا پکاّ، وِشواس لیا بنائیا۔ مَیں اوہنوُں ویکھاں جیہڑا بھگتاں دا بھگَونت سکا، ناتا دُھر دا رہیا بنائیا۔ مَیں پِھر پِھر جنگل جوُہ اُجاڑ پہاڑاں کاہیِاں بیلیاں وِچ اکاّ، تھوہراں کنڈیاں پار کرائیا۔ اودھروں پَون ٹھنڈی دا ٹھکاّ، اپنا زور وکھائیا۔ اودھروں رات اندھیری دا دھکاّ، مُنہ دے بھار سُٹائیا۔ اودھروں راہ دا نہیں پتہ، ڈنڈی پگڈنڈی نظر کوئے نہ پائیا۔ اودھروں چانن نہیں اکّھاں، جلوہ نوُر نہ کوئے رُشنائیا۔ پھیر مَیں کِہا بےپرواہ جو تیری مرضی سو مَینوُں لگے اچھا، پاگل ہو کے دیاں دُہائیا۔ اچانک اگمّی آواز نال آیا سدّا، حُکم نال جنائیا۔ اُٹھ ویکھ بھگوان بھگتاں دے پریم اندر بدھّا، آسن سِنگھاسن کُٹیا ڈیرہ لائیا۔ نالے ڈھولے گاوے نالے چھندا، نال دُھر دے گیِت رہیا سُنائیا۔ پرماتم آتم آتم پرماتم تتّاں والا بندہ، باہروں نظری آئیا۔ نالے بھیکھ نالے پکھنڈا، برہمنڈاں رہیا ترائیا۔ نالے سنت سُہیلا پَیروں دِسے ننگا، پانہی انگ نہ کوئے لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پوہ ستاراں کہے میری اَخیِری اوستھا، مَیں آخر دیاں جنائیا۔ مَینوُں انتر لگی اُٹھ ویکھ رستہ، راوی دا آر پار کنارہ دِتا سمجھائیا۔ جِس سنگ رام ہستی والا وسدا، اوس بستی وجی ودھائیا۔ اوہ مالک نام خُماری رس دا، رسوا اِک اکھوائیا۔ بھگتاں نال ہسدا، گُرمْکھاں نال مِل مِل اپنا جھٹ لنگھائیا۔ اگلا مارگ نالے دسّدا، دہ دِشا رہیا سمجھائیا۔ سیِس تاج تاج سیِس اُتوں لاہ کے رکھدا، فقّر درویش چاکر پاخاک گداگر ہو کے پھیرا پائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ ستاراں پوہ کہے مَینوُں مِل گیا رستہ، بہُتی خوشی منائیا۔ مَیں لیکھاں والا بنّھ کے بستہ، پکّی گنڈھ پوائیا۔ جے سِری بھگوان مِل جائے ہسدا ہسدا، ہستی میری وِچ سمائیا۔ مَیں ڈھولا گاواں اوس دے جس دا، دُھر دا راگ الائیا۔ پرشاد کھاواں اوسے دے ہتّھ دا، جو ہاتھیاں گج تند کٹائیا۔ درشن کراں اوس اکّھ دا، جِس اکّھ وِچوں پرتکھ نوُر رُشنائیا۔ جو بھگتاں پَیج رکھدا، جُگ جُگ ہوئے سہائیا۔ جو مالک دُھر دے ہٹّ دا، سچ خزانہ رہیا ورتائیا۔ جوتی جوت سروُپ ہرِ، آپ اپنی کِرپا کر، میرا میلا لئے مِلائیا۔ ستاراں پوہ کہے رستے تُریا، ہؤلی ہؤلی

پندھ مُکائیا۔ مَینوُں اندروں فُرنا پُھریا، جِس سچ دِتا سمجھائیا۔ ویکھیں ہُن نہ رہیں نِگُریا، گُر بِن پار نہ کوئے لنگھائیا۔ لکّھ چؤراسی وِچ آ کے بِن سَتگُر کِرپا پِچھے کوئے نہ مُڑیا، جوتی جوت نہ کوئے مِلائیا۔ بیڑا سب دا ویکھ جاندا رُڑھیا، اَگے ہو نہ کوئے ترائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ ستاراں پوہ کہے مَیں سُنی ایہہ آواز، بِن کنّاں کِسے اندر دِتی سُنائیا۔ بھولیا، تُوں نہیں ویکھیا کِس طرح سگناں والی لنگھی رات، بھگت بھگوان مِل مِل خوشی منائیا۔ اگلا ہور دسّاں راز، رمز نال سمجھائیا۔ ستاراں پوہ دا کھیل تماش، سَت سَتوادی دئے کرائیا۔ تِن ویراں سیِس توں لاہوے تاج، تِن ویراں ہتّھاں اُتے ٹِکائیا۔ جن بھگتاں دیوے دات، تریَلوکی توں باہر کڈھائیا۔ بھگتاں اپنی دسّ کے گاتھ، پِچھلی بیِتی دئے سُنائیا۔ ستاراں پوہ کہے رَویداس نوُں دے آکھ، دُھر دا حُکم ورتائیا۔ ستاراں پوہ کہے پتن چڑھاوے گھاٹ، جیہڑا جنم توں پہلاں جنم توں باہر نظری آئیا۔ جوتی جوت سروُپ ہرِ، آپ اپنی کِرپا کر، سوہنی اپنی کھیل وکھائیا۔ ستاراں پوہ کہے ایہہ ہونا کِتھے وِہار، مَینوُں دے جنائیا۔ ایسے ستاراں پوہ تے مَیں ڈھائی پل رَویداس دا کیِتا سی دیِدار، اکّھاں نال اکّھاں مِلائیا۔ اوس نالوں ہُن کلجُگ ہور ہویا ہوشیار، کِتے مَینوُں راہ وِچ نہ دئے بُھلائیا۔ اندروں ہور آئی آواز نر نِرنکار، حُکم نال سُنائیا۔ ساچیاں بھگتاں دی مستک دھوُڑی لا لےَ چھار، تَینوُں اَدھ وِچکار نہ کوئی اٹکائیا۔ جِس بھلائیپُر وِچ جانا آپ نِرنکار، سب دا بھلا لوڑے بُھلیاں بھٹکیاں لیکھے لائیا۔ جِنہاں نوُں اجّ دا مِل گیا پیار، اوہناں دے مُکھ چُمّ چُمّ پرم پُرکھ اپنی چھاتی اُتے ٹِکائیا۔ نالے گُلشن نالے بہار، نال بُلبُل چہچائیا۔ نالے پریِتم سِنگھ ہتّھ کھِچے کٹار، پربھ دے سیِس دئے ٹِکائیا۔ اگلا پھیر دسےّ وِہار، ایتھے لیکھا بند کرائیا۔ مہاراج شیرسِنگھ وِشنوُں بھگوان، جُگ جُگ دے کیتے وعدیاں دا کردا رہیا انتظار، انتم ویلا گیا آئیا۔

۱۷ پوہ ۲۰۲۱ بِکرمی بلاکا سِنگھ، پیارا سِنگھ دے گرِہ پِنڈ بابوُپُر ضِلع گُرداسپُر

ستاراں پوہ کہے اُٹھو میرے سجّن، سچّا حال سُنائیا۔ باقی اُنّتی مَینوُں مِل کے پاوو کجّل، سبناں دیاں سُنائیا۔ مَیں اجّ جانا ساچی منزل، بن کے پاندھی راہیا۔ اَدھ وِچ آؤنا کھیڑا اچل، جِتھے ستّ سِدھ بَیٹھے دھیان لگائیا۔ اوہناں نوُں نانک دسّ کے گیا سی اِک بچن، جگت اُڈاری کمّ کِسے نہ آئیا۔ جِس نے مَینوُں نام خُماری چاڑھی رنگن، اوہ داتا بےپرواہیِا۔ جِس ویلے بھگتاں کولوں آوے

بِھچِھیا منگن، ایتھوں دی لنگھے چائیں چائنیا۔ ستاراں پوہ سُہنجنی تُسیں ویکھیو نہ اُتے گگن، اوہ خاکی بندہ ہو کے پندھ مُکائیا۔ اوہدا چمڑے والا باہروں بدن، اندر اِکو جوت رُشنائیا۔ تُہاڈے مُکھ نوُں چرناں دی دھوُڑی لا کے جاوے سگن، آسا پوُر کرائیا۔ ستّاں نے پُچھیا نانک اسیں کیہڑا کریئے بھجن، سانوُں اگلا دے سمجھائیا۔ ساڈا ہنکار وِکار کرے دجھن، اگنی تت رہے نہ رائیا۔ جِس بِدھ سانوُں لائے انگن، انک سُہیلی لئے بنائیا۔ درس وکھا کے موُرت گوپال مدن، مدُھسوُدن اپنی سیوا وِچ سمائیا۔ جوتی جوت سروُپ ہرِ، آپ اپنی کِرپا کر، سب دے لیکھے رہیا چُکائیا۔ نانک کِہا سُنو سِدھو، سِدھا راہ وکھائیا۔ جے سچ مَیتھوں پُچھو، پیشتر دیاں جنائیا۔ جے اوس نوُں تُسیں نہ بُجھو، اوہ تُہاڈا لہنا آپے دئے چُکائیا۔ اوس دے ناں وِچ ایس طرح رُجھو، جِس طرح مَیں سوہنگ ڈھولا رہیا گائیا۔ بھاویں داہڑی مُچھاں موُل نہ مُنڈو، موُنڈ مُنڈائے کیسادھاری سارے پار لنگھائیا۔ جوتی جوت سروُپ ہرِ، آپ اپنی کِرپا کر، مِہروان وڈی وڈیائیا۔ سِدھاں کِہا کی اوہ نانک ہووے سادھ، سادھاں ورگا نظری آئیا۔ سِدھاں کِہا کی اوہ ہووے راجن راج، شاہ سوارا پھیرا پائیا۔ نانک کِہا نہیں اوہ بھگتاں دا مُحتاج، بِھکھاری ہو کے الکھ جگائیا۔ سچ پُچھو اوہ مالک دو جہاناں سب نوُں دیونہار خراج، نام نِدھانا اِک اکھوائیا۔ اوس دا آپے سوال تے آپے جواب، لاجواب سب نوُں دئے کرائیا۔ بھگتاں مِلن دی رکھ کے خواہش، نِرگُن ہو کے پھیرا پائیا۔ اوس دے چرن دی دھوُڑی لا لِؤ خاک، مستک نوُر کرے رُشنائیا۔ سِدھاں کِہا اوہدا کِہو جِہا مزاج، کیہڑے رنگ سمائیا۔ نانک کِہا اوہ سدا سُکھ شانت، وِشوَ اپنی دھار چلائیا۔ پریم نال سب نال کردا بات، وڈیاں چھوٹیاں اِکو جِہی دئے وڈیائیا۔ کی نانک اوہدے نال ہور وی ہونا نال ساتھ، سانوُں دے درسائیا۔ نانک کِہا اوہدی اِکیاں دی جماعت، نِرگُن سرگُن روُپ وٹائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔

۱۷ پوہ ۲۰۲۱ بِکرمی باجی دے گرِہ پِنڈ بابوُپُر ضِلع گُرداسپُر

سال اُنتالیویں تیغ بہادر بَیٹھا سی مار کے بُکل، حُکمے اندر دھیان لگائیا۔ آتم انتر پربھ نوُں لگّا پُچھن، اپنی آس رکھائیا۔ پُرکھ اکال کُچھ اپنے دسّ لچھن، کی تیری وڈیائیا۔ دُھر آواز آئی تیرے پرگٹاؤن دا وِچولا بناواں مکھّن، پہلی رمز لگائیا۔ پِھر گوبِند ہو کے آواں

تیری پت رکھن، دیواں مان وڈیائیا۔ انت پرت کے جاواں دکھّن، ندیڑ دیاں سُہائیا۔ اوتھے لا کے اپنا آسن، سچکھنڈ بہہ کے خوشی منائیا۔ پھیر ہو کے پُرکھ ابناشن، نِرگُن اپنا ویس دھرائیا۔ جوتی نوُر کر پرکاشن، دو جہان کھیل کھِلائیا۔ بھگت سُہیلا بن کے ساتھن، جُگ جنم دے وِچھڑے پھیر مِلائیا۔ تیغ بہادر کِہا میری اِک عرضوئی باطن، ظاہر دیاں سُنائیا۔ مَیں ویکھاں تیرا اوہ وی آسن، جِس آسن وِچ ہو کے تیرا دھیان لگائیا۔ پُرکھ اکال کِہا شاباشن، شاباش تَینوُں دیاں وڈیائیا۔ تُوں گوبِند دا باپن، پِتا جگت ولوں اکھوائیا۔ کلجُگ انت وکھاواں کھیل تماشن، دُھر دا سنگ آپ بنائیا۔ مان دوا کے اُپر آکاشن، زِمیں اسماناں حُکم پِھرائیا۔ جوتی جوت سروُپ ہرِ، آپ اپنی کِرپا کر، مِہروان دِتی وڈیائیا۔ گُر تیغ بہادر کِہا مَینوُں اکو مستی، تیری نظری آئیا۔ مَیں نہ سمجھاں اپنی ہستی، تیری ہستی میری سمجھ نہ کوئے سمجھائیا۔ مَیں اِکو منگ منگاں جے وسیں تے بھگتاں بستی، اپنی دَیا کمائیا۔ تیری بھگتی پربھوُ نہیں کرنی سستی، کوٹاں وِچوں پوُرا نظر کوئے نہ آئیا۔ جے تُوں مالک سب دا عرشی، کِیوں نہ فرش دئیں وڈیائیا۔ میری گُفا اندر عرضی، جن بھگتاں دی کایا گُفا اندر اپنا آسن لائیا۔ جے تُوں پاربرہم پت پرمیشور فرضی، پِھر کِیوں سانوُں رہیا ستائیا۔ پُرکھ اکال کِہا تیری تے تیرے پُت دی کلا کر کے چڑھدی، چاروں کُنٹ ویکھ وکھائیا۔ دھرت مات اجے تیرے پوتریاں نوُں یاد کردی، جو نیِنہاں ہیٹھاں دینے دبائیا۔ کوُڑ کلجوگن ویکھ لڑدی، گوبِند راہ رہی تکائیا۔ اُدھروں ہیمکُنڈ تے پیَندی سردی، دُشٹ دمن اِکو آس رکھائیا۔ مَیں تُہاڈا دوہاں دا بن کے دردی، ناتا اِکو دیاں بنائیا۔ ایہہ کہانی ایس گھر دی، اگلی ریِت اپنے نال مِلائیا۔ کلجُگ انتم کراں اپنی مرضی، شاہ پاتشاہ شہنشاہ ہو کے حُکم سُنائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ تیغ بہادر کِہا کی ایہہ پِنڈ بکالا، بُکل وِچوں نظری آئیا۔ پُرکھ اکال کِہا نہیں ساڈھے تِنّ ہتّھ مندر تیرا علا، جِس وِچ اپنی وست ٹِکائیا۔ اِک اُٹھاواں مکھّن لُبانا، جیہڑا رام دا مِتر سُگریو نظری آئیا۔ اِس توں اَگے پھیر ورتے بھانا، کلجُگ کوُڑ کُڑیارا دئے گواہیِا۔ بیِس اِکیِسا کھیل کرے آپ بھگوانا، بھگَون ہو کے لیکھ چُکائیا۔ جن بھگتاں نوُں دیندا دیندا آ جائے دانا، داتا دانی بےپرواہیِا۔ جِس ویلے لنگھنا کول بکالا، میری پِچھلی بُکل ویکھ وکھائیا۔ اوتھے اجے تک لُبانا، لباں اُتے اکو نام ٹِکائیا۔ جِس ویلے اِتھوں لنگھے سچّا رانا، مَیں نِیوں کے سیِس نِوائیا۔ تیغ بہادر کِہا نہیں تُوں اوس دے نال اَگے جانا، جِتھے بھگتاں رہیا ترائیا۔ اوس پُچھیا کیہڑا ٹِکانا، مَینوُں سچ دیؤ جنائیا۔ گُروُ تیغ بہادر

کِہا جِتھے بالمیک اِکّی سال بَیٹھا رہیا وِچ مسانا، نیتر اکّھ نہ کوئے کُھلائیا۔ اوتھے کھیل کرے آپ مِہروانا، مِہر نظر ٹِکائیا۔ رَویداس دا جنم جنم کرماں والا بھانا، بھاوی چرناں ہیٹھ دبائیا۔ گُرمْکھ سِنگھ گُر سَتگُر دوہاں دا مِل کے جھُلے اِک نِشانہ، سَت سَتوادی آپ جھُلائیا۔ بھلائیپُر نہیں ایہہ بھلیاں دا گھرانہ، جِتھے بالمیک روَداس دوویں مِل کے ڈیرہ لائیا۔ سب دا مالک مہاراج شیرسِنگھ وِشنوُں بھگوانا، جو آؤ بھگت لئی جاوے چائیں چائنیا۔

براہمن جی تُسیں ویکھو اپنی نال درِشٹ، درِشٹ اِک کُھلائیا۔ ترنتے دھار ہویا رام وشِشٹ، گُر چیلا روُپ وٹائیا۔ ہُن بھگتاں لگنا تِلک، تُہاڈی سیو سمجھائیا۔ ویکھیو کِتے رات دے دس وجے نہ جانا کِھسک، ہتّھ کھیِسیاں وِچ پائیا۔ پربھ نے سب دی پِچھلی کڈھ کے لِسٹ، اجّ لیکھے دینے چُکائیا۔ تُہاڈیاں چرناں ہیٹھاں رات نوُں سوانے سَورگ بہِشت، سوہنی سیج بنائیا۔ عاشقاں توں وکھرا دسّنا عِشق، معشوُقاں دا معشوُق بن کے ملِے بےپرواہیِا۔ جنم کرم دی میٹ کے حِرس، حرص ہَوس دئے چُکائیا۔ جے اَگے نہیں کیِتا تے ہُن کر کے جائے ترس، تسلیِم اپنا آپ کرائیا۔ گُر اوتاراں پیِر پَیغمبراں ویکھن آؤنا کی ہویا کھیل اسچرج، اچرج لیلا کی ورتائیا۔ جُلاہے کبیِر ورگے آؤنا ویکھاں کِداں بھگتاں ونڈے درد، کِویں دردیاں دُکھ ونڈائیا۔ پنجاں اُتوں چل کے آؤنا ویکھیئے پربھوُ دی پریم والی بھٹک، کِس بِدھ گُرمْکھاں اپنے انگ لگائیا۔ اوہ راجا بل کہے مَیں راجیاں دا راجا سِدھی کر دیاں سڑک، اجّ میری واری آئیا۔ بھگت کوئی نہ جاوے اَدھ وِچ اٹک، سِدھا نِشانہ اَگوں رہیا وکھائیا۔ تُسیں اُچی بول کوُکنا کھڑک، دُھر فرمان سُنائیا۔ مہاراج شیرسِنگھ وِشنوُں بھگوان مردانہ مرد، مدد واسطے اپنا پھیرا پائیا۔ مکھّن لُبانے کِہا جے میرے اُتے کرنی مِہر، اگلی گل دیاں سُنائیا۔ اِک میرا ساتھی سی اُس ویلے سِنگھ شیر، بچّہ جھیِراں دا نظری آئیا۔ اوس تیغ بہادر دے چرناں دے نال اپنے بُل لئے سی لبیڑ، چرناں دی دھوُڑی کھا کھا خوشی منائیا۔ اوس ویلے تیغ بہادر کِہا سی تَینوُں جنم دواواں پھیر، مانَس توں مانَس روُپ بدلائیا۔ تیرا لیکھا سچ دوارے دیاں نبیڑ، مالک سچ دے ہتّھ پھڑھائیا۔ مکھّن کہے بےشک سرِشٹی نوُں دِسے بہُتی ہو گئی ڈیر، مَینوُں ایؤں جاپے جِؤں گھڑی پل گئے وِہائیا۔ پربھوُ اجّ تیرے نال جا کے اوہنوُں مِلنا پہلی ویِر، ویِراں وانگ اپنے گلے لگائیا۔ کی ہویا جے اوہ گُرمْکھ دا پُت

سِنگھ اجمیر، میرے نالوں اجے جُدا نہ کوئے کرائیا۔ اگلی کہانی اوتھے دیوانگے چھیڑ، جیہڑے رل کے تیری یاد کرائیا۔ مہاراج شیرسِنگھ وِشنوُں بھگوان، دیونہارا ساچا دان، دیِن دَیال وڈی وڈیائیا۔

۱۷ پوہ ۲۰۲۱ بِکرمی مُنشا سِنگھ، میلا سِنگھ دے گرِہ بابوُپُر

مکھّن دی آسا کہے پربھوُ اِک بچن انمول، مَیں سچ دینا سُنائیا۔ گُر تیغ بہادر کول نہ ڈّگا نہ کوئی ڈھول، نؤبت جگت نہ کوئے وجائیا۔ اُس دے پریم دا اِک پرِندا باہروں کالا تے اوس نوُں کہندے کوئل، اُچی کوُک کوُک سُنائیا۔ اوہ ٹھیِک ساڈھے تِنّ وجے پیَندی سی بول، اپنی سیوا سچ کمائیا۔ گُر تیغ بہادر اُٹھ پیندا سی اڈول، اپنی اکّھ کُھلائیا۔ اِک دِن کلجُگ نے کاں بن کے ماریا رول، اپنی آواز سُنائیا۔ تیغ بہادر کِہا کوُڑے کدے نہ تُلے گُرمْکھاں تول، ایہہ آواز موہے نہ بھائیا۔ جو پریم وِچ منّے اپنا آپ چرناں اُتوں گئے گھول، اوہناں دا سُرتال کِسے نال کدے رل نہ پائیا۔ سہج سُبھاؤ کِہا، او جوُٹھیا جھوُٹھیا، مَیں نہیں میرے بھگوان دے بھگت تَینوُں چرناں ہیٹھاں دینگے ورول، ڈاڈھی ملِے سزائیا۔ اوس کوئل نوُں مان مِلنا اُپر دھؤل، دھرنی دئے گواہیِا۔ مکھّن کہے پربھوُ تیرے بِنا کوَن پوُری کرے لوڑ، لوڑیندی آسا پوُر کرائیا۔ مَیں بینتی کرنی ہتّھ جوڑ، جِس ویلے کول لنگھدا مَینوُں نظری آئیا۔ اوہدی آشا دی اجے تک تیرے نالوں ٹُٹی نہیں ڈور، ڈوراں دے مالک اپنے نال بندھائیا۔ تیرے نال چمیار ڈھون والا ڈھور، جو پشوُآں کھل لُہائیا۔ تُوں اوہناں دے کر جا بھاگ متھور، جو مِتھ کے تیری سیو کمائیا۔ تُوں جگت جہان واسطے چور، بھگتاں واسطے ساہمنے نظری آئیا۔ سِری بھگوان کِہا مَیں جاندا جاندا لہنے دینے سب دے جاواں نبیڑ، لیکھا کوئے رہن نہ پائیا۔ جِس نوُں اِک وار مِلاں اوہ مُڑ کے آوے نہ پھیر، پھیرے سارے دیواں مُکائیا۔ ایسے کر کے گُر اوتار پیِر پَیغمبر میری منگدے گئے مِہر، مِہر نظر نال سرب ترائیا۔ مہاراج شیرسِنگھ وِشنوُں بھگوان، کھِلاری ہو کے شِکاری ہو کے وپاری ہو کے وِوہاری ہو کے کھیلدا پِھردا اپنی کھیل، کھیڈ اپنی آپ رچائیا۔ کوئل کہے مَیں کالی کوجھی کملی، کملاپت تیری سار کوئے نہ آئیا۔ پریم پیار اندر ہو گئی یملی، یادداشت رہی نہ رائیا۔ نام خُمارن ہو گئی عملی، اپنیاں عملاں گئی بُھلائیا۔ بِرہوں وَیراگن ہو گئی پغلی، ہوش حواس رہی نہ رائیا۔ مَیں پِھردی رہی جوُہاں

جنگلی، بھجیّ واہو داہیِا۔ میری کہانی سُنی نہیں کِسے اگلی، پِچھا نہ یاد کرائیا۔ دھنّ بھاگ جے تُوں اجّ اپنے دوارے سدّ لئی، مکھّن نال مِلائیا۔ اجّ توں کوجھیاں کملیاں دی ویل ودھ گئی، جو اندروں تیرے ہو کے تیرے وِچ سمائیا۔ دھنّ بھاگ جے ٹُٹی پھیر گنڈھ لئی، ناتا اپنے نال جُڑائیا۔ مَیں درشن کرن آؤنا واسطے ٹھنڈ لئی، جو بھگتاں اندر اپنا امرت میگھ برسائیا۔ مَیں پیاسی اُداسی گُجری دے چند لئی، جِس دے پِتا دِتی وڈیائیا۔ مَیں بھجیّ نَٹھی اوسے دے سنگ لئی، جو سگلا سنگ نِبھائیا۔ مَیں نَٹھی کُٹھی اوسے دے انند لئی، جو انندپُری گیا تجائیا۔ جِس ہرِ سنگت پریم اندر بنّھ لئی، مَیں اوس دی بندنا وِچ بہہ کے خوشی منائیا۔ مہاراج شیرسِنگھ وِشنوُں بھگوان جے کوئی کہے بخشند نہیں، مَیں لعنت دیواں پائیا۔ جِس جنم جنم دی وِچھڑی اپنے رنگ وِچ رنگ لئی، جاندے راہیاں پار لنگھائیا۔

۱۷ پوہ ۲۰۲۱ بِکرمی مہِنگا سِنگھ دے گِرہ

سدھنا کہے مَیں تردا ویکھیا بکرا، جِس دا دِتا انگ کٹائیا۔ اوس دے پِچھے میری پوُری ہوئی سدھرا، صدقے گھول گھُمائیا۔ پِچھلا لہنا مُکیا وقت سُہیلا آیا اگلا، اَگے میلا بےپرواہیِا۔ جوتی جوت سروُپ ہرِ، آپ اپنی کِرپا کر، سب دے لہنے رہیا چُکائیا۔ لہنیدار ہرِ نِرنکار، نِرگُن دَیاکمائیندا۔ جُگ چؤکڑی جِس نال کیِتا اِقرار، کلجُگ انتم اوسے دا موُل مُکائیندا۔ جیٹھ مہیِنہ کُچھ کر کے گیا اِظہار، تھوڑا لیکھ درڑائیندا۔ پوہ ستاراں لیکھا لا کے سرب پروار، پرم پُرکھ پربھ اپنا رنگ رنگائیندا۔ نیتر رو کے کہے اوہ چُھری کٹار، تِکھی دھار جو بنائیندا۔ مَیں کوٹن کوٹ بکرے شاہ رگوں مار کے کیتے پار، جیؤندا نظر کوئے نہ آئیندا۔ اِک بکرے کِہا، جے میری شاہ رگ توں اُتے مَینوُں دیویں درس دیِدار، پھیر بِن چُھری حلال ذِبح اپنا آپ کرائیندا۔ اودھروں آئی دُھر دی آواز، شبد سندیشہ اِک سُنائیندا۔ جِس ویلے کلجُگ انتم آواں خاص، لیکھے سب دے لیکھے لائیندا۔ پریم پریِتی بخش کے دیواں سچ نِواس، نِج سِنگھاسن اِک درسائیندا۔ نام جپا کے سواس سواس، آتم پرماتم ڈھولا راگ الائیندا۔ بھگتاں نال بنا کے دُھر دا ساتھ، ساچا میل مِلائیندا۔ پِچھلی بُھل نہ جائے یاد، یدی اپنا حُکم منائیندا۔ کرے کھیل پروردِگار واحد، واہِگُروُ اپنی کار کمائیندا۔ نِت نوِت رکھنہارا لاج، مِہر نظر نال

ترائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ سدھنا کہے میرا اِک ہور سُہیلا، سئیا نظری آئیا۔ اوس نال کراؤنا میلا، مِل کے خوشی منائیا۔ اوہ بھگتاں وِچ بھگت چیلیاں وِچ چیلا، سنتاں وِچ سنت سَت سروُپ سمائیا۔ میرا پِچھلا لیکھا مکُے وقت دُہیلا، دوُجا بھؤ نہ کوئے نظری آئیا۔ پُرکھ ابناشی کِہا ستاراں پوہ توں باراں دِن پِچھوں پھیر اِک اوَلّڑا آئے ویلا، وقت اپنا دئے دِرڑائیا۔ مہاراج شیرسِنگھ وِشنوُں بھگوان، بےشک تارن آیا اِک اِکیلا، اِک اِک کرکے بہُتیاں بھگتاں جوڑ جُڑائیا۔

۱۷ پوہ ۲۰۲۱ بِکرمی اچل )بٹالا( ضِلع گُرداسپُر

سدھو کارج ہویا سِدھ، سِدھا مِلیا بےپرواہیِا۔ نانک جنائی ساچی بِدھ، بِدھاتا ہویا سہائیا۔ تُہاڈے کول بَیٹھا سی اِک گِدھ، جو سُن سُن خوشی منائیا۔ اوہ وی سرپ بنیا رِڑدا بھار ڈِھڈ، اپنا زور لگائیا۔ اوس ویلے مردانے آئی سی اِک چِھکّ، چِھکّ دے پِچھوں سَتنام ڈھولا گائیا۔ گِدھ اوسے نوُں گیا سِکھ، اِس دے وِچ کوئی وڈیائیا۔ جے مَیں وی کراں ہِت، میرا لیکھا لیکھے پائیا۔ اودھروں نانک کِہا ٹھیِک، میرا ٹھاکر بےپرواہیِا۔ اجے ہور جنم لَینے تُوں تیہہ کُ، انڈج روُپ وٹائیا۔ پھیر تیری اوس نال لگّے پریِت، جو سب دا سجّن سائینا۔ اوہنے نِیوں کے جھُکایا سیِس، وِشٹے والی چُنجھ دھوُڑی نال گھسائیا۔ اوسے ویلے ہویا ٹھنڈا سیِت، اگنی اگّ رہی نہ رائیا۔ مَیں کِناں چِر رکھاں اُڈیِک، سَت سچ دے سمجھائیا۔ نانک کِہا بیِس اِکیس، لہنا دئے چُکائیا۔ سِدھاں نال تُہاڈی چلے ریِت، بِدھاں نال جوڑ جُڑائیا۔ تپسویِاں نے اپنے اندالے ماری لیک، ولگن لیا بنائیا۔ اوناں چِر ساڈے کول نہ نیڑے آوے نزدیِک، سُتّیاں لئے اُٹھائیا۔ نانک کِہا اوہ تُہانوُں کِرپا کر کے اسماناں توں پرے زمیِن توں تھلّے لُکیاں نوُں لیاوے گھسیٹ، شبد اِشارے نال رکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ نانک ویکھ کے آہ سوہنی دھرتی، دِتی مان وڈیائیا۔ جِس ویلے کِرپا کرے میرا پریِتم عرشی، پاربرہم پربھ بےپرواہیِا۔ اوس دی سُہنجنی آوے بیِس اکیِسی برسی، نِرگُن سرگُن سرگُن نِرگُن روُپ اپنی دھار چلائیا۔ بھگت سُہیلا ہو کے بنے دردی، گُر چیلا لئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہار سچ وڈیائیا۔ سِدھاں کِہا کوَن سرن، سرنگت کوَن اکھوائیا۔ جیِون پہلوں مِلنا مرن، مرن پِچھوں سمجھ کوئے نہ پائیا۔ لکّھ چؤراسی کیہڑی

جوُنے بھوَن، چارے کھانی ویکھ وکھائیا۔ سمجھ نہیں وسیرا ہووے اون گَون، اگلا پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ نانک کِہا مِہروان، مِہر نظر اُٹھائیا۔ جُگ چؤکڑی سَتجُگ تریتا دواپرکلجُگ دیندا آیا دان، داتا دانی بےپرواہیِا۔ کلجُگ انت سری بھگَونت کرے پچھان، بےپچھان اپنا پھیرا پائیا۔ جِنہاں نے منّی میری آن، اوہناں دا لیکھے لگّا نِشان، نِشانہ سَتگُر اپنا دئے سمجھائیا۔ انتم لےَ کے جائے نال، بِن تتّاں توں ہون نہ دئے بےحال، دوُر دُراڈا اپنا میل مِلائیا۔ جوتی جوت سروُپ ہرِ، آپ اپنی کِرپا کر، پوُرب لہنا رہیا چُکائیا۔ سِدھ اُٹھن کرن تیاری، ترےَگُن اتیِتا دَیاکمائیندا۔ چلو ویکھیئے جوت نِرنکاری، جو نِرگُن نِروَیر نِراکار پُرکھ اکال اکھوائیندا۔ بھگت سُہیلا اِک اَکیلا ساچے سنت سجّن رہیا اُبھاری، سِر اپنا ہتّھ ٹِکائیندا۔ سَتجُگ سَت سَتوادی برہم برہمادی لا رہیا پُھلواڑی، گُرمْکھ بوُٹے مات پرگٹائیندا۔ اوس دا ویکھیئے سچ سچّا درباری، سچکھنڈ نِواسی پُرکھ ابناشی لوک مات وقت سُہائیندا۔ اوس دی چرن سرن سرن چرن کریئے نِمسکاری، جو غریِب نِمانیاں اپنی گود بہائیندا۔ جو دو جہاناں ونج کرے بن وپاری، لکّھ چؤراسی جیِو جنت سادھ سنت انتر آتم کھوج کھوجائیندا۔ جِس نے لیکھا چُکاؤنا رَویداس چماری، چمریٹا اپنے رنگ رنگائیندا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیندا۔ سِدھ کہن اسیں بن گئے راہی، بھجےّ واہو داہیِا۔ ڈھولا گائیے چائیں چائیں، جو نانک نِرگُن سرگُن گیا سمجھائیا۔ جا کے ویکھیئے سچّا تھائیں، جِس تھان بھوُمُکا ماٹی خاک ملِے وڈیائیا۔ درشن پائیے بےپرواہی، جِس دا جلوہ نوُر اِلاہی، ظاہر ظہوُر نظری آئیا۔ ساڈی واٹ نیڑے آئی، اگلا پندھ رہے نہ رائیا۔ دو جہاناں لیکھا آپ مُکائی، جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ سِدھ کہن پہلوں چرن لئیے جھُک، اِکٹّھے ہو کے سیِس نِوائیا۔ پھیر رستہ لئیے پُچھ، سانوُں مارگ دے سمجھائیا۔ جے جگ نیتر نظر نہیں آؤندا کِتھے بَیٹھوں لُک، نِج نیتر دے کُھلائیا۔ دُھر دی آواز آئی سِری بھگوان کہے جِس راہ اُتے بھجّدے ساچے سُت، اوسے راہ بھجّو واہو داہیِا۔ آون جاون پیَنڈا جائے مُک، مُکمل اپنے گھر وسائیا۔ ویکھو جگت واسنا وِچ نہ جانا گھُس، اؤجھڑ راہ پار نہ کوئے لنگھائیا۔ تُہاڈا لہنا دینا تُہاڈی جھولی پا کے اُجل کراں مُکھ، مُکھڑا صِفت صلاحیا۔ اَگے لیکھا بہُت کُچھ، اِکٹّھیاں کرکے ساریاں دئے سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شبد اِشارے نال سارے اَگے لائیا۔

۱۷ پوہ ۲۰۲۱ بِکرمی بابا بکالا

چرن چھوہ مِلی شانت، دھرنی ہس ہس خوشی منائیا۔ جِس دی کردے رہے یاد، یاد کرکے اپنا پھیرا پائیا۔ صدیاں پِچھوں سُن فریاد، بِن سدّیاں آیا واہو داہیِا۔ ساڈا کھیڑا کرکے جائے آباد، اپنا رنگ رنگائیا۔ چرن کوَل بخش نِواس، دیوے مان وڈیائیا۔ مکھّن آشا کوئل بھرواسا دوویں مِل کے تُر پئے ساتھ، خوشیاں نالوں بہُتی خوشی وڈّی آج سُہنجنی آئی رات، پربھ دیوے مان وڈیائیا۔ بھگتاں دے ہو کے رہیئے داس، ساچی سیو کمائیا۔ جِنہاں دا میِتا پُرکھ ابناش، پِچھلا کیِتا سب دی جھولی پائیا۔ مہاراج شیرسِنگھ وِشنوُں بھگوان، پوُربلی جوڑی آؤندا شاخ، شناخت اپنے ہتّھ رکھائیا۔