کتب خانہGranth 18 (Shahmukhi)

۲۷ پوہ ۲۰۲۱ بِکرمی ہرِ بھگت دوار جیٹھوُوال رات دے سمیں

پُرکھ اکال گیا تُٹھ، دَیاوان دَیاکمائیندا۔ گوبِند سُت دُلارے اُٹھ، دُھر دا حُکم سُنائیندا۔ چل ویکھیئے تیرے گُرسِکھ سُت، جِنہاں پوُرب میل مِلائیندا۔ جِنہاں امرت پیتا گھُٹ، رسنا مُکھ نال چُھہائیندا۔ اوہناں کولوں دوویں لئیے پُچھ، بھیوَ ابھید آپ سُنائیندا۔ گُرمْکھو بول کے دسّو اپنا دُکھ، دُکھیاں دُکھ آپ ونڈائیندا۔ جے اگنی لگی مات کُکھ، جنم کرم دا روگ مِٹائیندا۔ جے ترِشنا دی لگی بُھکھ، ممتا موہ چُکائیندا۔ جے کوئی گھاٹا دھی پُت، اوہ وی جھولی پائیندا۔ جے بوُٹا رہیا سُک، اوہ وی ہرا کرائیندا۔ جے سَتگُر نالوں گئے رُٹھ، رُٹھیاں پھیر منائیندا۔ جے اوہلے ہو کے گئے لُک، لُکیاں آ کے باہر کڈھائیندا۔ جے بُھل کے بن گئے کپُت، پِھر وی پُتر بنا کے گود اُٹھائیندا۔ جے پریِتی کرنوں گئے چُھٹ، اوہ وی پریِتم ہو کے جوڑ جُڑائیندا۔ جے غُصّے وِچ آ کے گئے رُس، اوہ وی رُسیاں پھیر منائیندا۔ جے رستے جاندیاں گئے گھُس، اوہ وی پھڑ کے راہے پائیندا۔ جے بِرہوں وِچھوڑے وِچ ہوئے چُپ، اوہ وی شبدی ناد وجائیندا۔ جے پیَنڈا کر کر گئے تھک، اوہ وی تھکاوٹ دوُر کرائیندا۔ جے درس کر کر گئے اکّ، اوہ وی نیتر نیَن نال مِلائیندا۔ جے سیوا کر کر گئے گھس تُہاڈے ہتّھ، اپنے ہتّھ تُہاڈیاں پَیراں ہیٹھاں وِچھائیندا۔ جے دم چڑھ گیا نٹھ نٹھ، اگل واڈھی ہو کے میل مِلائیندا۔ جے کوئی تُہاڈے اندر جھگڑا اٹھسٹھ، اوہ وی کِرتی کِریا باہر کڈھائیندا۔ گُرمْکھ سنت سُہیلِیو انتر خواہش دینی سچ دسّ، دہ دِشا آپ جنائیندا۔ جے پربھ نالوں ہو گئے وکھ، وِچھڑے پھڑ کے پھیر جُڑائیندا۔ جے تُہاڈی ویکھن والی رہ نہیں گئی اکّھ، اوہ وی نِج نیتر نیَن کُھلائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ اُٹھ گوبِند کُچھ پِچھلی کر یاد، تَینوُں دیاں

وکھائیا۔ جِنہاں کیِتی انت فریاد، انتم لیکھے دیاں لگائیا۔ اوہناں دا کھیڑا ہون نہیں دِتا برباد، اُجڑے پھیر لئے وسائیا۔ سَت سروُپ وِچ کر کے وِسماد، بِسمل اِکو رنگ رنگائیا۔ لکّھ چؤراسی وِچوں کر کے آزاد، بندی خانہ دِتا تُڑائیا۔ دُھر درگاہی بخش کے راج، درگاہ ساچی دے راجے دِتے بنائیا۔ تیرے سِر تے رکھ کے تاج، تخت سارے دِتے اُلٹائیا۔ بھگتو تُہاڈی رکھے لاج، سِر اپنا ہتّھ رکھائیا۔ گوبِند تُہاڈا مُحتاج، آتم درسی نظری آئیا۔ ایہدا اگلا ویکھو رواج، سوہنی بنت بنائیا۔ داساں دا داس، سیوکاں دا سیوک نظری آئیا۔ پاکاں دا پاک، رسوُلاں دا رسوُل نوُر خُدائیا۔ آساں دا آس، آسا منسا پوُر کرائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ گوبِند مَینوُں ایؤں جاپدا جِویں گُرسِکھ اندر کردے گھُس گھُس، اُچی آواز نہ کوئے سُنائیا۔ بُہتے کہندے سانوُں مِلیا نہیں کُچھ، لارے لّپِییاں وِچ لنگھائیا۔ ویہہ سؤ اِکّی رہی مُک، پربھ دی سمجھ کوئے نہ آئیا۔ کوئی کہے ایویں دوُر دُراڈے آئے پُج، اپنا پندھ مُکائیا۔ کوئی کہے سانوُں کُچھ نہیں گیا سُجھ، سمجھ وِچ نہ کوئے سمجھائیا۔ کوئی کہے پتہ نہیں کِتھے بَیٹھا لُک، جگت نیتر نظر نہ آئیا۔ کوئی کہے ایویں دسےّ گوبِند دا بُت، سمبل نگری ناؤں دھرائیا۔ گوبِند کہے مَیں ٹھیِک اوسے دا سُت، جو داتا اِک اکھوائیا۔ جن بھگتو گُرمْکھو ساچے سنتو مَیں تُہاڈے اَگے گیا جھُک، دو جہان اپنے اَگے جھُکائیا۔ لکّھ چؤراسی وِچوں لبھے مَینوُں تھوڑے مُٹھ، جِنہاں دی گِنتی اِکّی وِچ گِنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ تُوں ویکھیں چڑھدے لینہدے، دکھّن پہاڑ پھیرا پائیا۔ مَینوُں ایں بھاسدا سنت سُہیلے وِچوں تھوڑے نیِتی نال چرنیں ڈھینہدے، بُہتے ویکھو ویکھی پھیرا پائیا۔ جوتی جوت سروُپ ہرِ، آپ اپنی کِرپا کر، ساچی کھیل اِک ورتائیا۔ پُرکھ اکال کہے گوبِند تَینوُں کُچھ ہور دسّاں، اگلی کہانی دیاں جنائیا۔ میریاں تیریاں ہوئیاں پکّیاں گٹّھاں، اندر لیکھا سب کُچھ دیاں جنائیا۔ لکّھ چؤراسی دی پؤن آیا اکّھیں گھّٹا، اوہلا پڑدا اِک جنائیا۔ نالے لاون آیا وّٹا، مانَس مانُکھ دِتے بُھلائیا۔ نالے گھر گھر پایا رٹّا، دیِن مذہب چھیڑ چھِڑائیا۔ نالے کوُڑی کِریا نال پھٹا، پٹّی سکے نہ کوئے بندھائیا۔ کھیل کر کے بازی گر نٹا، سوانگی سانگ دِتا ورتائیا۔ نالے ہو کے تیِرتھ تٹا، جمنا گوداوری سُرستی گنگا مینڈھی دِتی کُھلائیا۔ نالے ہو کے مندر مسجد شِودوالے مٹّھا، سادھاں سنتاں سُرت دِتی گوائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمائیا۔ گوبِند کہے پربھ کُچھ گُرسِکھ آئے دسّن، اپنا حال سُنائیا۔ بُہتے ویہہ سؤ اِکّی توں بعد آئے نسّن، پلّوُ لئے چُھڈائیا۔ بُہتے چرنی ڈھٹھ

پِچھے ہٹن، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گوبِند کہے ایہہ کیہڑی گلّ، پربھ مَینوُں دِتی سُنائیا۔ مَیں اجے اِک کھیل ویکھیا کل، کلمے والے تیرے در تے سیِس نِوائیا۔ تیرا ورتے سوانگ تے وڈّا چھل، گھڑی پل سمجھ کِسے نہ آئیا۔ تیرا کھیل جل تھل، مہیئل اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ گوبِند کہے سُنو گُرسِکھو، سچ سچ دیواں سمجھائیا۔ پربھ مِلنا تُہانوُں کِتھوں، اوہ کھیڑا دیؤ درسائیا۔ اوہ نِکلنا کیہڑی وِتھوں، اپنا روُپ چُھپائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا سُنائیا۔ گوبِند کہے پربھ ایہہ مَینوُں دِسدے چار جُگ دے وِچھڑے، غؤر نال تک کے رہیا جنائیا۔ جِنہاں وِچوں بُہتے چڑھے چوٹی سِخرے، تھوڑے اَدھ وِچکار ڈیرہ لائیا۔ ویکھن کوٹن کوٹاں وِچوں تھوڑے نِترےَ، جو اپنا آپ صاف کرائیا۔ جِنہاں تیرے میرے پڑھے فِقرے، فِکر ساچے گئے گوائیا۔ مَیں نہیں جان دا پُرکھ اکال تُوں کِویں اِنہاں دے چِتر چِترےَ، سوہنے مُکھڑے دِتے بنائیا۔ تیری پریم پریِتی دھار وِچوں نِکلے، سوہنا اپنا رنگ وکھائیا۔ مَیں حَیران ہوواں جِس ویلے بِشن سِنگھ نے ماری وِسلے، آواز اِکو اِک سُنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گوبِند کہے مَیں پہلی وار وجدی ویکھی وِسل، لوک مات گُرمْکھاں ہتّھ پھڑائیا۔ جِس دے وِچوں تیرا روُپ نظری آیا اصل، اصلیّت دِتی سمجھائیا۔ ہُن اَگے واسطے مَینوُں اَیں جاپدا جِویں تُوں بھگتاں دی سیجے چڑھ کے کرنا وصل، آتم انتر ڈیرہ لائیا۔ گُر اوتاراں پیِر پَیغمبراں کولوں بھگتاں نوُں دوا کے دخل، ملکیّت ساچی دینی جنائیا۔ جوتی جوت سروُپ ہرِ، آپ اپنی کِرپا کر، سچ دیویں مان وڈیائیا۔ پُرکھ اکال کہے سُن میرے گوبِند، خالص تَینوُں دیاں وڈیائیا۔ گُر اوتاراں پیِر پَیغمبراں سب دے کولوں لےَ لےَ چارج، خالی سب نوُں دے کرائیا۔ سچ ملکیّت تیرے ناں کرا دیاں داخل، خارج حُکم اِک سُنائیا۔ تُوں میرا مَیں تیرا تیرا میرا دوُجا ہور نہ کوئے وارث، وعدہ تیرے نال رکھائیا۔ جے تُوں اِنہاں دی کیِتی سفارش، جو بَیٹھے ڈیرہ لائیا۔ مَیں کر کے سچ عدالت، سب نوُں پار کرائیا۔ ویکھو کیہڑی لِکھی عبارت، کلمیاں دی لوڑ رہی نہ رائیا۔ جِنہاں نیتر نیَناں اِکو وار کیِتی زیِارت، ظاہر ظہوُر ایکا سنگ رکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ گوبِند کہے پربھ آد جُگاد تیرا حقوُق، مَینوُں اِکو نظری آئیا۔ جِدھر ویکھاں اودھر مؤجوُد، خالی تھاں نہ کوئے وکھائیا۔ تُوں ساڈی آئیوں حدوُد، لوک مات پھیرا پائیا۔ تَینوُں کوئی نہ سکے بوُجھ، سمجھ

سکے نہ کوئے چتُرائیا۔ جِس دی سیوا پِچھے بنس سربنس گیا جھوُج، آپ آپا بھیٹ چڑھائیا۔ اوہ لیکھا تُڑائے ایکا دوُج، دوُآ ایکے نال مِلائیا۔ مالک بن کے ہرِ محبوُب، مُحبّت خانہ رہیا کُھلائیا۔ جوتی جوت سروُپ ہرِ، آپ اپنی کِرپا کر، گُرمْکھ ویکھے چائیں چائنیا۔ گُرمْکھو دسّو اپنا حال، حالت تُہاڈی ویکھ وکھائیا۔ کوٹ جنم تُہانوُں کھاندا رہیا کال، لاڑی مؤت کردی رہی کُڑمائیا۔ جنم جنم دی گھالدے رہے گھال، جوُن اجوُنی ڈیرہ لائیا۔ گُر اوتار پیِر پَیغمبراں اَگے کردے رہے سوال، اپنی جھولی ڈاہیِا۔ مندر مسجد شِودوالے مٹھ جاندے رہے دھرم سال، شاستر سِمرت وید پُران اِنجیِل قُرآن سیِس نِوائیا۔ تیِرتھ تٹاں اُتے وہن وہندے وہندے رہے تال، جل دھارا نال رلائیا۔ سردی وِچ ٹھردے رہے سیال، گرمی وِچ اگنی تت تپائیا۔ جنگلاں وِچ پِھردے رہے مِرگاں والی چال، مِرگچھالا ہیٹھ وچھائیا۔ پہاڑاں اُتے گھالدے رہے گھال، چوٹیاں اُتے ڈیرے جمائیا۔ براہمن سادھ بن کے پراؤنٹھے رکھاؤندے رہے وِچ تھال، کھیراں بھوگ لگائیا۔ فقیِر فقّر ہو کے نیازاں دا لبھدے رہے سواد، جِہوا رس ودھائیا۔ بَیراگی ہو کے سُناؤندے رہے آواز، ڈھولے ناد وجائیا۔ سنگتاں وِچ کھولدے رہے راز، بتّی دند صِفت صلاحیا۔ لیکھے لِکھدے رہے نال قلم دوات، شاہی ناتا جوڑ جُڑائیا۔ نہاؤندے رہے اُٹھ کے پربھات، سندھیا مٹّھاں وِچ لنگھائیا۔ دھیان رکھدے رہے اِشٹ دُرگا مات، سِنگھ سوار دھیان لگائیا۔ ہتّھ جوڑدے رہے اُتے آکاش، دیوتا سوُرج چند منائیا۔ دھرتی دی کھوجدے رہے خاک، تن وجوُد اُتے رمائیا۔ جٹا جوُٹ ودھاؤندے رہے جھاٹ، بھسم بھسم تن رنگائیا۔ سادھاں نوُں مِلن پِچھے کٹدے رہے واٹ، راتیں اُٹھ اُٹھ دوُر دُراڈے نیڑے آئیا۔ تن ویس وٹاؤندے رہے جنیؤُ نال، کپّڑ کچّھ تہمت ویس وٹائیا۔ کلمیاں ناماں نامیاں دا لیندے رہے سواد، ڈھولیاں وِچ وجدی رہی ودھائیا۔ گیاناں وِچ ہُندے رہے برباد، کایا چولے کوٹ بدلائیا۔ کِسے دی دسّ سنکھاں والی آواز، کوئی بنسری دِتی سُنائیا۔ کِسے نے دسّیا اوہدا کھیل تماش، جو اندرے اندر وکھائیا۔ کِسے نے گوپیِاں والا کر کے ناچ، نٹوُآں ورگا سانگ بدلائیا۔ کِسے نے بنا کے جگت سماج، حِصّے دِتے ونڈائیا۔ کِسے نے گا کے چھتّی راگ، ڈھولے دِتے سُنائیا۔ کِسے نے دھو کے دُرمت داغ، دو چار دِتے ترائیا۔ کِسے نے کپّڑ لاہ کے ہوئے نانگ، تن لنگوٹ نہ کوئے رکھائیا۔ کِسے نے ہتّھ وِچ پھڑ متَیہرے ڈانگ، مُچھاں وٹّ لئے چڑھائیا۔ کِسے دا تن پاکن پاک، کِسے پلیِت دِتا جنائیا۔ کِسے دا تھوڑا جِہا کھول کے تاک، نِکی جِہی بتّی دِتی جگائیا۔ کِسے نوُں دسّ کے بھوِکھت واک، اگلا کھیل سمجھائیا۔ کِسے نوُں

سوُربیِر بنا کے راٹھ، ہتّھ کھڑگ دِتی اُٹھائیا۔ کِسے دے ہتّھ پھڑا کے ناد، تنبوُرے دِتے وجائیا۔ کِسے دی راتیں سُتّیاں کھول کے جاگ، جُگت اِک دِرڑائیا۔ کِسے دی اپنے ہتّھ وِچ پھڑ کے واگ، چاروں کُنٹ بھوائیا۔ کِسے دا نِمھاں جِہا جگا کے چراغ، ساڈھے تِنّ ہتّھ کیِتی رُشنائیا۔ کِسے نوُں ہؤلی جِہی وِچوں کاڈھ، اپنی گود اُٹھائیا۔ کِسے نوُں لڈا کے دُھر دا لاڈ، سُت دُلارا لیا بنائیا۔ سچ پُچھیں گوبِند تیرے بِنا کِسے نوُں دِتا نہیں تاج، مہاراج ہو کے تخت نہ کوئے سُہائیا۔ ہُن اُٹھ ویکھ سِکھاں دے حالات، پُچھدے تھاؤں تھائنیا۔ جے کِسے نے پِچھے جنم وِچ کٹّی حوالات، اوہناں دا لیکھا پوُر کرائیا۔ اوہدا لیکھا مُکاواں نال قلم دوات، اَگے پھڑن والا نیڑ کوئے نہ آئیا۔ جے کوئی ہور ڈوُنگھی راز والی بات، اوہ وی دے جنائیا۔ گوبِند کہے پربھ تیرا میلا ہویا نال اِتفاق، تُوں لبھیاں ہتّھ کِسے نہ آئیا۔ کی ہویا ہیِر پِچھے روندے گئے چاک، ایہہ تیرے چاکر مَینوُں نظری آئیا۔ اَگے میٹ دے اِنہاں دی واٹ ، پِچھلا پندھ مُکائیا۔ پھڑ کے چاڑھدے اپنے گھاٹ، گھاٹے پوُر وکھائیا۔ ایہہ سُہنجنی آ گئی رات، جیہڑی دِن دی خوشی نال نّچے ٹّپے کُدے چائیں چائنیا۔ جے تُوں میرا اِنہاں دی اپنے نال مِلاویں ذات، فرق رہن کوئے نہ پائیا۔ جے تیرے میرے ہُندیاں اِنہاں نوُں کرنا پئے پاٹھ، پوُجا کم کِسے نہ آئیا۔ تُوں سوُربیِر گوبِند کہے مَیں جٹّ تے دوویں راٹھ، رٹّا دیاں مُکائیا۔ میری تیرے اندر آئی گانٹھ، لوک مات کھول نہ کوئے وکھائیا۔ جگت کہے جیہڑی پِیچی جائے اوہ کُھلے نال دانت، دندیاں نال تُڑائیا۔ گوبِند کہے تیرا میرا لیکھا لِکھدے نال قلم دوات، بِن قلم کدے ہور نہ کوئے جنائیا۔ اوہ وی ویکھے بھگتاں نال کی سواد، اندر وڑ کے خوشی منائیا۔ نالے مَیں تَیتھوں ہور سِکھ لَواں جاچ، کِیوں بھگتاں دِتی وڈیائیا۔ اَگوں ہس کے کِہا پُرکھ ابناش، اوہ کُچھ تَینوُں دیاں سمجھائیا۔ کِیوں، اِنہاں نے گائی میری گاتھ، آپ اپنا بھیٹ چڑھائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ گوبِند لاہ دے پِچھلا آلس، جگت دلِدر رہن کوئے نہ پائیا۔ گوبِند کہے بن تُوں میرا ثالث، ساچا لیکھا دے مُکائیا۔ پُرکھ اکال کہے اُٹھ ویکھ اپنے خالص، خالص تَینوُں دیواں جنائیا۔ جِنہاں نوُں بِن تیرے میرے ہور نہیں کوئی لالچ، درس پیاسے بَیٹھے آسن لائیا۔ ایہہ کوئی کہانی نہیں رسنا والی واچک، شبد اگمّی دھار جنائیا۔ ایہہ بچّے نڈھےّ میرے تیرے یاچک، یتھارتھ اِکو آس رکھائیا۔ میرا حُکم تُوں بن جا کاتب، تیری لیکھنی قلم شاہی دئے وڈیائیا۔ ہُن اِک دوُجے دے ہو کے مُخاطب، مُفت بھگتاں دئیے ترائیا۔ کِیوں تُوں میرا مَیں تیرا واقف، ایہہ پُرانی ریِتی چلی آئیا۔ بھگت تارنا سانوُں دوہاں نوُں

واجب، غریِب نِمانے گلے لگائیا۔ اِنہاں نوُں کیہڑی لوڑ لبھن دی گیِتا والے مہاتم، جیہڑے اٹھاراں دھیایاں وِچ سُنائیا۔ مَیں ظاہر تُوں اندر ہو جا باطن، دوویں اِکو رنگ تیرا میرا نظری آئیا۔ سنت سُہیلے سوہنگ ڈھولا آکھن، وجے سچ ودھائیا۔ اوہ اسیں کوئی نہیں کرنا حاجن، شاہاں دے شاہ دِتی سرنائیا۔ اسیں کوئی نہیں دُرگا والی کرنی داتن، مینڈھی سیِس نہ کوئے گُندائیا۔ اساں لبھنا نہیں ہور کوئی ساتھن، دوہاں مِل کے سِدھا دو جہان پار لنگھائیا۔ جے کوئی ساڈی کہانی آوے واچن، اوس دی سوچ سمجھ چلے کوئی نہ رائیا۔ اُٹھ سوُربیِر اپنے گھوڑے اُتے پا پاکھر، زیِن شبدی تنگ کسائیا۔ صاحب سُلطان نال مِل کے لا آسن، شاہ سوار اپنی لےَ انگڑائیا۔ تَینوُں کیہڑی لوڑ دین دی بھاشن، جِنہاں دے اندر وڑ جائیں اوہناں نوُں لئیں جگائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گوبِند کہے گُرمْکھو دسّو تُہانوُں کی تنگی، اپنا حال رہیا جنائیا۔ اجّ وست ملِے مُنہوں منگی، سچ نال سمجھائیا۔ جیہڑی کدی کِسے نوُں نہیں ونڈی، تُہاڈی جھولی دیواں پائیا۔ تُہاڈی آتم نہ ہووے رنڈی، مالک ہو کے اپنے نال مِلائیا۔ تُہاڈی جنم جنم دی کٹی گئی تنگی، اوہ ویکھو تُہاڈے مُکھ صلاحیِا۔ سرِشٹ سبائی کہے پکھنڈی، مَیں پکھنڈاں دا پکھنڈ کر کے رہیا وکھائیا۔ پر تُہانوُں لا سِدھی ڈنڈی، ڈنڈؤت اِکو دِتی جنائیا۔ اَگے رہی نہ کوئی پابندی، شرع والے گُر اوتار پیِر پَیغمبر سارے تُہاڈا درشن کر کے خوشی منائیا۔ سارے کہن ایہہ ساتھوں چنگی، جیہڑی تیرے حُکم اندر کھیل نظری آئیا۔ اسیں اِس کر کے خوشی ایتھے کوئی سادھاں سنتاں والی نہیں منڈی، اِکو داتا بےپرواہیِا۔ نہ کوئی ہنکاری نہ کوئی گھمنڈی، آتم رسیے بَیٹھے ڈیرے لائیا۔ جوتی جوت سروُپ ہرِ، آپ اپنی کِرپا کر، پُرکھ اکال دیِن دَیال ایہناں نوُں چکّ لےَ اپنی کندھیں، بھار اپنے اُتے اُٹھائیا۔ پُرکھ اکال کِہا سُن گوبِند پُتر، واہوا دِتی جنائیا۔ ایہناں نوُں چُک کے اپنے کُچھڑ، لوریاں نال لَواں پرچائیا۔ جے مَیتھوں بدوبدی جان اُتر، پھڑ کے اُپر لَواں اُٹھائیا۔ جِس اپنا کیِتا شُکر، دھنّ بھاگ جے چار جُگ دے وِچھڑے مَینوُں ملِے آئیا۔ جے مَینوُں ایہہ پُچھن، مَیں سب کُچھ دیاں سمجھائیا۔ جے بُھل کے سچّا راہ گھُسن، پِھر وی اندر وڑ کے موُہرے دیاں لگائیا۔ جے ڈاگاں سوٹے پھڑ کے مَینوُں کُٹن، پِھر وی حوصلہ کر کے چھاتی اَگے دیاں ڈاہیِا۔ جے میرے نیڑے لگّن ڈُھکن، نال لےَ کے اپنی چھاتی لَواں لگائیا۔ جے شیر بگھیلے ہو کے لگّن بُکن، پُشت پناہ اپنا ہتّھ رکھائیا۔ جے کوئی جنم کرم دا دسّن دُکھن، دُکھڑے چرناں ہیٹھ دبائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ

رکھائیا۔ گوبِند کہے پربھوُ ایہہ کوجھے کملے، اپنی بُدھی نہ کوئے رکھائیا۔ ایہہ باَور دِسدے بولے، چتُر نہ کوئے وڈیائیا۔ کُچھ دِسدا ایہناں نوُں اِکو چڑھیا عملے، جگت عملاں توں اپنا قدم باہر رکھائیا۔ ایہہ جٹّ سِراں تے رکھن والے شملے، ٹؤہر اپنا رہے وکھائیا۔ ایہناں نوُں کِیوں پربھ کردا بند وِچ کایا گملے، پتّھر پاڑن والے مَینوُں نظری آئیا۔ میرے گھر جم پئے، پِتا اِکو لیا بنائیا۔ ایہناں نوُں تارن بِنا ہور کیہڑا کم باقی رہے، لیکھا اَور تُوں جنائیا۔ جے پربھوُ توُں ایہناں دے کول سدا رہیں، اندر میرا ڈیرہ لائیا۔ پھیر ایہناں کی کوئی کُچھ کہے، دھرم رائے ورگے نِیوں نِیوں لگّن پائیا۔ جوتی جوت سروُپ ہرِ، آپ اپنی کِرپا کر، دُھر دا داتا اِک اکھوائیا۔ گوبِند کِہا پربھوُ ایہہ نِکّے اجے بچّے، بچّیاں والی بُدھی ایہناں وِچ رکھائیا۔ پُرکھ اکال کِہا نہیں، ایہہ سب دے نالوں چنگے، چنگی ایہناں دی وڈیائیا۔ جِنہاں مِلیا تیرا سنگے، ساتھی بن کے سوبھا پائیا۔ ایہناں چڑھنا اوس ڈنڈے، جِس دی منزل نہ کوئے سمجھائیا۔ پُرکھ اکال اُٹھاؤنا اپنے کندھے، مِہروان ہو کے سیوا سچ کمائیا۔ دو جہان چرناں ہیٹھ لتاڑ کے لنگھے، برہمنڈ کھنڈ نیَن شرمائیا۔ جوتی جوت سروُپ ہرِ، آپ اپنی کِرپا کر، کرنی کرتا آپ کمائیا۔ گوبِند کِہا کرنی دے کرتے، کُچھ مَینوُں دے جنائیا۔ کِس بِدھ اُپر آئے دھرتے، دھرنی اُپر پھیرا پائیا۔ پیِر پَیغمبر تَیتھوں ڈردے، سجدے کر کر سیِس نِوائیا۔ صوُفی تیرا کلمہ پڑھدے، اِشٹ تیرا اِک جنائیا۔ گُر اوتار تیرے بردے، دوئے جوڑ پَین سرنائیا۔ دو جہان پانی تیرا بھردے، اٹھسٹھ چرن رہےدھوائیا۔ برہمنڈ کھنڈ اَگے نہ کھڑدے، سِر سکے نہ کوئے اُٹھائیا۔ تیرے کھیل اگمّی نر دے، نر نرائن تیری بےپرواہیِا۔ پردے لاہ دے اوس گھر دے، جِس گھر بَیٹھا آسن لائیا۔ گُرسِکھاں نوُں ہُن ہور کوئی ور دے، پِچھلی کیِتی سارے گئے بُھلائیا۔ پربھوُ توُں ہُن اپنی ریِتی چھڈ دے، مَیں تَینوُں سچّی رہیا سُنائیا۔ جے میرے پِچھے ایہہ لڑ کے مر گئے، اپنا آپ مِٹائیا۔ ہُن ایہناں دے بھنڈار بھردے، سچ دوارے سوبھا پائیا۔ جوتی جوت سروُپ ہرِ، آپ اپنی کِرپا کر، گھر ساچے دے وڈیائیا۔ گوبِند کی دِتا آکھ، مَینوُں پِھر دے سمجھائیا۔ پربھوُ جے سچ دسّاں تُوں آکھنا گُستاخ، کِیوں تَینوُں سکے نہ کوئے جنائیا۔ تُوں میرا پِتا مات، مَیں تیرا پوُت اکھوائیا۔ جے تُوں مَینوُں نہ دیویں آپ، دسّ کِہدی جھولی پائیا۔ دسّ میرے بِنا کیہڑا ناتھ، سجّن سچ اکھوائیا۔ تیرے حُکمے اندر مَیں چرناں ہیٹھ دبائے پرِتھمی آکاش، پرکاش تیرا نوُر رُشنائیا۔ جے میرے بھگتاں دی نہ پُچھی وات، پُرکھ اکال تیری میری ہووے سدا لڑائیا۔ ایہہ آئے میرے گھاٹ، پتن اپنا دے وکھائیا۔ نہیں تے مَیں تیرے نال کدی نہیں کرنی بات، رُس کے

پِچھا لَواں بھوائیا۔ پُرکھ اکال کِہا واہ گوبِند شاباش، ایہو تیری وڈیائیا۔ فِکر نہ کریں ساریاں دا کھول دیواں تاک، اندر وڑ کے کراں رُشنائیا۔ پِچھے ایویں کہندے رہے بات، سادھاں ہتّھ کُنجی آئیا۔ جِس کارن اوہ لِکھن والے لِکھایا ایہہ واک، اوہ اجّ تک سمجھ کِسے نہ آئیا۔ ایویں بن دے رہے راٹھ، اکھّراں نال کر کر پڑھائیا۔ دوُروں سُندے رہے بات، ساہمنے کھڑا کرکے کِسے سمجھ نہ دئے سمجھائیا۔ پِچھوں کہانی پاؤندے بات، اُنگلاں سطراں اُتے پِھرائیا۔ سب کُچھ اوس دے ہاتھ، اوہ داتا بےپرواہیِا۔ جِس دے چرن چُمّ دے کوٹن کوٹ تریَلوکی ناتھ، رام دسرتھ بَیٹھے سیِس نِوائیا۔ جھُکدے ویکھے پرِتھمی آکاش، گگن منڈل دین دُہائیا۔ ناتا نہیں جُڑیا کِسے دا ساک، جو سجّن ہو کے گلے لگائیا۔ گوبِند کِہا مَیں منّدا تُوں سانجھا ساریاں دا باپ، ایہہ تیری بےپرواہیِا۔ ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... )تقریِبن ۲۰ پنّے(۔۔

۲۸ پوہ ۲۰۲۱ بِکرمی ہرِ بھگت دوار جیٹھوُوال

دُآبے دے دِن پنج، پنجاں پنجاں جوڑ جُڑائیا۔ باقی اوہناں نال مِل کے کرن سنگ، پلّوُ گنڈھ بندھائیا۔ اِکّی ماگھ جِتھے مرضی ڈاہ لِؤ پلنگ، مِل کے خوشی منائیا۔ پا کے آواں سب نوُں ٹھنڈ، امرت میگھ برسائیا۔ دے کے آواں انند، سانتک سَت ورتائیا۔ تُہاڈے کرماں کُکرماں دی چُک کے آواں پنڈ، سِر اپنے بھار اُٹھائیا۔ کُچھ ہور دسّ کے آواں چھند، کِس بِدھ ساریاں دا ناتا جوڑ جُڑائیا۔ مہاراج شیرسِنگھ وِشنوُں بھگوان، آسا منسا پوُری کرے آپ منگ، منگتیاں اَگے مانگت ہو کے اپنی جھولی ڈاہیِا۔

۲۹ پوہ ۲۰۲۱ بِکرمی بیِبی پیارو دے گِرہ

امرت کہے مَیں دسّاں کی، امراپد ملِے وڈیائیا۔ بلہاری ہرِ چرن کوَل جاواں تھی، سچکھنڈ نِواسی دِتی مان وڈیائیا۔ جُگ چؤکڑی بدل کے لیِہ، لیکھا اپنے ہتّھ رکھائیا۔ سَت دھرم دی رکھکے نینہہ، حُکم اپنا اِک سُنائیا۔ بھاگ لگا کے ساڈھے تِنّ ہتّھ سیِں، پڑدا اوہلا ویکھ وکھائیا۔ جن بھگت بنا کے پُتر دھی، ناتا بنیا بےپرواہیِا۔ مَیں خوش ہویا مَینوُں بھگتاں لیا پی، پیالہ ہتّھاں والا بنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ امرت کہے جِس ویلے ہتّھاں دا بنیا پیالہ، میری پلک لئی

انگڑائیا۔ ویکھیا کھیل دیِن دَیالا،دیانِدھ دَیا کمائیا۔ میرا انتر ہویا خوشحالا، خوشی غمی اِکو رنگ سمائیا۔ کریا کھیل سِری بھگوانا، مِہر نظر اُٹھائیا۔ جِنہاں ہتّھاں نال بھگتاں کرایا اِشنانا، اپنی سیو کمائیا۔ اوہناں ہتّھاں نال مُکھ سُہانا، رس جام لب لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ امرت کہے چنگا ہویا مَینوُں ہتّھاں نال پیِتا، برتن اَگے نہ کوئے رکھائیا۔ ہتّھ کہن ساڈا انتر ہویا ٹھانڈا سیِتا، جِس ویلے تلی اُپر ٹِکائیا۔ تلی کہے مَیں تک کے ویکھیا نال نیجھاں، اپنی اکّھ کُھلائیا۔ سچ دِسیا جِویں ایہہ ہتّھ پربھ چرن چھوہ کے کرن پریِتا، دھوُڑی خاک ایہناں نال رمائیا۔ جوتی جوت سروُپ ہرِ، آپ اپنی کِرپا کر، اچرج کھیل وکھائیا۔ امرت کہے جیہڑے ہتّھ بھگتاں پربھ چرن لگے، سیِس نال مِلائیا۔ اوہو ہتّھ گُرمْکھاں ڈاہے اَگے، پیار نال مَینوُں وِچ لیا ٹِکائیا۔ اوس ویلے میرے سارے سنسے لتھے، سوگ رہیا نہ رائیا۔ جِس ویلے گُرمْکھ پیِن لگے اندروں ہسّے، خوشی میرے اُتے آئیا۔ مَیں اُٹھ کے ویکھیا پریم دی خاطر اِک دوُجے نوُں پیَندے دھکّے، وڈّے چھوٹے اِک دوُجے دے ہیٹھاں اُتوں تھلّے دی ہتّھ لنگھائیا۔ کئی گوڈیاں بھار ڈھٹّھے، بہُتیاں زور دِتا وکھائیا۔ مَینوُں بڑی خوشی آؤندی جِس ویلے گُرمْکھ اَگے ہتّھ وکھاؤندے اِکٹّھے، اِک دے دو دو نظری آئیا۔ مَیں اوس ویلے پربھوُ اَگے واسطے گھتّے، بینتی کر سُنائیا۔ ہے پربھوُ جیہڑا گُرمْکھ اجّ میرا رس چٹےّ، اوہ تیرے وِچ سمائیا۔ جنم کرم دے رہن نہ رٹےّ، جھگڑا اَگے نہ کوئے وکھائیا۔ اِنہاں دے لیکھے لاؤنے ٹیکے متھے، مستک اپنا تِلک چُھہائیا۔ بِن تیری کِرپا کدے کوئی بھانڈے نہ ہوئے پکّے، کچّے سارے نظری آئیا۔ مَینوُں اَیں دِسدا جِویں ایہہ سارے میرے نالوں اچھے، جِنہاں دے پِچھے مَینوُں مِلی وڈیائیا۔ پربھوُ ایہہ رس بِن تیریاں بھگتاں ہور کدی کِسے نوُں نہ پچے، سانتک سَت نہ کوئے کرائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ امرت کہے چنگا ہویا، پربھ چنگی دِتی وڈیائیا۔ مَیں سمجھ چُکا ساں کہ مَیں ویہویں صدی اَخیِری مویا، میرا ساتھی نظر کوئے نہ آئیا۔ کِیوں گوبِند ورگا سِکھ مُڑ کے گوبِند روُپ نہ ہویا، کایا گور درس کوئے نہ پائیا۔ دھنّ بھاگ تُوں مُڑ کے پھیر لےَ کے آئیوں ڈھوآ، دُھردرگاہی اپنا پھیرا پائیا۔ ہُن کوئی مَینوُں پُچھے مَیں پھیر نَواں نروئیا، اَگے نالوں وڈّا نظری آئیا۔ جِس ویلے گُرمْکھاں نے مَینوُں اپنے مُکھ اندر چویا، مَیں چُستی چلاکی نال تھلّے دی بجائے کُچھ اُتے چڑھ کے اپنا آسن لائیا۔ میرا بھیت تیرے بِنا جانے نہ کویا، کایا قُفل نہ کوئے کُھلائیا۔ مَیں پربھوُ سیوا کر کے دُرمت مَیل نوُں باہروں کر کے آیا وِچھویا، ہؤلی ہؤلی دِتا وہائیا۔ ایسے کر

کے اٹھائی دی رات خوشی نال سویا، پربھوُ نے مَینوُں تھاپڑ کے دِتا سوائیا۔ ہُن پھیر اُٹھ کھلویا، بھجّاں واہو داہیِا۔ جِس دے رسنا نال چھویا، اُسنوُں چھوہر بانکا دِتا بنائیا۔ سوُتر ساچے تُہاڈے نال پرویا، روَداس دے پانہے والی چس دِتی جنائیا۔ بھیو چُکا کے ایکا دویا، دُتیا بھاؤ دِتا مِٹائیا۔ گُر اوتار پیِر پَیغمبر سارے حَیران ہو کے کہن ایہہ کی ہویا، انہونی کھیل پربھ نے دِتی کرائیا۔ جوتی جوت سروُپ ہرِ، آپ اپنی کِرپا کر، دیونہار مان وڈیائیا۔ امرت کِہا جِس ویلے بھرے پنج گھُٹ، گُرمْکھ مُکھ لگائیا۔ مَیں اوسے ویلے ہو کے خوش، خوشحالی اپنی دِتی جنائیا۔ تُہاڈی مؤلے سوہنی رُت، پتّ ڈالی رنگ رنگائیا۔ سچ پُھلواڑی آوے پُھٹ، دُھر دی مہک مہکائیا۔ ایتھے اوتھے تُہانوُں لئے پُچھ، پُشت پناہ پربھ اپنا ہتّھ ٹِکائیا۔ مہاراج شیرسِنگھ وِشنوُں بھگوان، ناتا جوڑ کے ساچے سُت، سَت سَتوادی لیا بنائیا۔ امرت آکھے پربھوُ مَینوُں اِک ویراں وِچوں آ گیا رون، مَیں اکّھاں اُتے ہتّھ لئے ٹِکائیا۔ کِیوں وِشن برہما شِو تھوڑا جِہا آئے سی وِچوں کھوہن، مَیں اپنا آپ اپنے وِچ لیا لُکائیا۔ پھیر کر کے اُچی دھؤن، تیرے ول لئی اُٹھائیا۔ پربھوُ ایہہ کؤن، مَینوُں دے سمجھائیا۔ اوسے ویلے تیرا گوبِند پِچھے آ گیا ہٹاؤن، اَگوں پِچھے دِتے ہٹائیا۔ پھیر پریم نال پیارا ہو کے لگّا آپ ورتؤن، کِیوں اپنا آپ پنجاں پیاریاں دی بھیٹ چڑھائیا۔ مَیں اوسے ویلے لگّا گؤن، گوبِند ڈھولا بےپرواہیِا۔ نالے کہاں دھنّ وڈیائی جیہڑا اُجڑے آیا وساؤن، سوہنے مندر بہائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ اونے چِر نوُں امرت دا بول پیا نِکاّ جِہا ڈِگا ہویا تُبکا، کرے حال دُہائیا۔ بہُڑی مَیں ہو گیا مُردا، گُرمْکھ مَینوُں ہتّھ نہ کوئے لگائیا۔ مَیتھوں ناتا تُٹ گیا سَتگُر دا، بھگتاں نالوں ہوئی جُدائیا۔ اوہدا دُکھ سُن کے ویکھ کے جھُردا، پربھ رحمت آپ کمائیا۔ اوسے ویلے اِکّی مِنٹ دا وقفہ دے کے آیا تُردا، چرن چُھہا کے لیکھا لیا مُکائیا۔ اِکیاں اِکیاں اِکیاں دا مالک کِیوں نہ سب نوُں پُچھدا، جو در تے آس رکھائیا۔ جِن قطرے دا لہنا بناؤنا اِک گھُٹ دا، گھُٹ توں اتُٹ دِتا ورتائیا۔ امرت کہے میری جے بوُند کولوں اوس ویلے پُچھدا، اوہ اپنی اگمّی کہانی دئے سُنائیا۔ جن بھگتو ایہہ پیارا دُکھیاں دے دُکھ دا، دردیاں دا درد ونڈائیا۔ جے ایہنوُں میرا درد نہ ہُندا کِیوں سِنگھاسن اُتوں اُٹھدا، اپنا پندھ مُکائیا۔ مَیں خوش ہوئی اِس دے کول بھنڈارا اوہ سُکھ دا، جیہڑا سُکھنا لیَن والیاں ہتّھ کِسے نہ آئیا۔ مہاراج شیرسِنگھ وِشنوُں بھگوان، لیکھا جانے اُجل مُکھ دا، جو مُکھ مُکھ اپنے امرت لائیا۔

۲۹ پوہ ۲۰۲۱ بِکرمی بخشیِش سِنگھ دے نوِت جیٹھوُوال

اِک دِن بالے نانک نوُں گنّا دِتا جِس دی اِکّی پوری، ڈھائی ہتّھ اُتلا حِصّہ باقی دِتا رکھائیا۔ ہتّھ نال دِتا مروڑی، حِصّہ اڈّ ونڈائیا۔ اُس اوس ویلے کیِتا بہُڑی، دِتی حال دُہائیا۔ بالیا باقی نانک نال مِل کے ہُندے جوڑی جوڑی، مَینوُں وکھرا دِتا بہائیا۔ بالے کِہا اجّ دِن لوہڑی، رس چکھن نوُں ساڈا وی جی کر آئیا۔ گنّے کِہا میرا نہیں کوئی زوری، پر ادھیِن رہیا کُرلائیا۔ اودھروں نانک بول پیا ہؤلی، ہؤلی جِہی آکھ سُنائیا۔ ایہہ کی گلّ کیہڑی گھُنڈی کھولی، مَینوُں دیؤ جنائیا۔ بالے کِہا ایہہ ایویں پاؤندا رؤلی، گنّا دیوے پیا دُہائیا۔ اوس کِہا میری رُت اجے پوُری نہیں مؤلی، اپنا رنگ وکھائیا۔ اودھروں بالے نے جیب وِچوں کڈھ لئی کؤلی، پَیر ہیٹھاں دبّ کے زور نال وٹ دِتا چڑھائیا۔ اوس گنّے نے اپنی رت رس دھار ڈولھی، ہائے سی نہ کوئے سُنائیا۔ اُدھروں گُروُ نانک نے سّجے ہتّھ دی اُنگلی وِچ ڈُبو لئی، پوٹے نوُں لا کے اپنے مُکھ وِچ لائیا۔ اوس ویلے اُس نے کِہا مَیں گھول گھولی، اپنا آپ گوائیا۔ سَتگُر مَینوُں رکھ لےَ اپنی کایا اندر چولی، میرا دُکھڑا دے مِٹائیا۔ گُروُ نانک کِہا بہُتا نہ بولیں، تَینوُں دیاں سمجھائیا۔ تیرے پیار رس دی رس بننا وِچولی، بھگَون رہیا جنائیا۔ اوس کِہا ایہہ دھار وکھری نِرولی، سمجھ کوئے نہ پائیا۔ نانک کِہا جِس ویلے میرا مالک اپنیاں بھگتاں دی چُکن آوے ڈولی، لوک مات پھیرا پائیا۔ اوسے ویلے تیری گنڈھ پھیر لَوے کھولی، اپنی دَیا کمائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ اِکّی گنڈھاں پا بَیٹھیاں جھگڑا، اِکٹّھیاں رہیاں جنائیا۔ کُچھ سانوُں دسّ بھید اگلا، تیرے اَگے واسطہ پائیا۔ جِس ویلے اوہ مالک آیا سگلا، مِتر بےپرواہیِا۔ اوہ اِکیاں وِچوں کِہنوُں چنگا لگنا، کِس نال پریم ودھائیا۔ نانک کِہا اُس سب دا اِکو جِہا حِصّہ رکھنا، وڈّی چھوٹی نہ کوئے وڈیائیا۔ اوس دا حِساب اوسے نوُں جچنا، اوسے دے ہتّھ وڈیائیا۔ اوہناں کِہا کِتنا کہ کِتنا، سانوُں دے سمجھائیا۔ نانک ہس دے کِہا نِکیؤں اِتنا، جِہنوُں اِکّی سیر دِتا بنائیا۔ تُساں بھگتاں دے دوارے وِکنا، اِکّی اِکّی گنڈھ پوائیا۔ مَیں تُہاڈیِاں صِفتاں دا لیکھ لِکھنا، شبدی دیواں گواہیِا۔ تُہاڈا پریم پیار رس مِٹھنا، گُرمْکھاں دیاں چکھائیا۔ تُساں کِسے ہور اُتے نہیں وِسنا، تھوڑا جِہا پڑدا دیاں کُھلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔

۲۹ پوہ ۲۰۲۱ بِکرمی سنتوکھ سِنگھ دے نوِت جیٹھوُوال

اِکّی گنڈھ والی اِکّی مٹّی، مٹکی اپنی لئی بھرائیا۔ نِکی توں ہو کے وڈّی، وڈّی کھیل وکھائیا۔ صدیاں پِچھوں کھٹی کھٹی، وادھا سَتگُراں ہتّھ نظری آئیا۔ پریم پیار دی کھول کے ہٹّی، بھگت دوارے اپنی وست وِکائیا۔ سیوا کرن وِچ ہو گئی اّچھی، آپا بھیٹ کرائیا۔ اِکّی سیر جل وِچ گئی جھسّی، اپنا وجوُد گئی مِٹائیا۔ پھیر خوشیاں نال ہسّی، صاحب دِتی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا لیکھ اپنے ہتّھ رکھائیا۔

۲۹ پوہ ۲۰۲۱ بِکرمی مِلکھا سِنگھ دے نوِت جیٹھوُوال

اِکّی سیر آکھیا پربھوُ میری ویکھ مِٹھاس، مِٹھت تیرا روُپ سمائیا۔ مَینوُں آیا اِک قیاس، اندروں دلیِل دِتی گوائیا۔ جے تُوں وسنا بھگتاں ساتھ، پہلوں اپنا آپ دے مِٹائیا۔ مَیں سمجھیا ایہہ ٹھیِک بات، جیہڑی مَینوُں دِتی جنائیا۔ جِناں چِر نہ مِٹے آپ، اوناں چِر باپ نہ گود اُٹھائیا۔ پھیر مَیں سوچیا کِہدے نال بناواں ساک، کِس وِچ اپنا آپ مِلائیا۔ اودھروں آئی اِک آواز، شبد سندیشہ دِتا سُنائیا۔ اُٹھ ویکھ چرن چرنودک پربھ دا صاف، پوِت روُپ وٹائیا۔ جے اِس دے وِچ مِل جائیں تیرے پِچھلے جنم کرم کر دیوے معاف، معافی اگلی تیری جھولی پائیا۔ اوس ویلے مَیں حَیرانی وِچ ہو گئی لاجواب، چاروں کُنٹ اکّھ اُٹھائیا۔ کی ایہہ سچ کہ کوئی خواب، کہ خواہ مخاہ کوئی مَینوُں رہیا بُھلائیا۔ اونے چِر نوُں میری کُھل گئی جاگ، مَیں اپنی اکّھ کُھلائیا۔ جاں تکیاں تے نظری آیا خُداوند پاک، نوُرو نوُر نوُر رُشنائیا۔ ابناشی کرتے اوسے ویلے مَینوُں دِتا آکھ، اُٹھ اپنی سیو کمائیا۔ مَیں جوڑ کے دوویں ہاتھ، چرن کوَل سیِس نِوائیا۔ پربھوُ مَینوُں نہیں کوئی جاچ، کُچھ آپ دے سمجھائیا۔ اوس کِہا ایہناں بھگتاں دا دے ساتھ، جو ساتھی دُھر دے نظری آئیا۔ جِنہاں اِکّی سیر ورتاؤنا اپنے ہاتھ، میری جھولی پائیا۔ مَیں اوسے ویلے کِہا مَینوُں منظوُر ایہہ نات، رِشتہ ایہناں نال رکھائیا۔ کُچھ پِچھلی دسّ یاد، مَینوُں سمجھ کُچھ نہ آئیا۔ شبدی ناد وجیا نانک اَگے کیِتی فریاد، نانک دا دادک دیونہارا آئیا۔ جوتی جوت سروُپ ہرِ، آپ اپنی کِرپا کر، تیری آسا ترِشنا پوُرب پربھ پوُرن ویکھ وکھائیا۔ پوری کہے اِک دِن نچوڑ کے میرے رس دی بھر لئی مٹکی، امرداس اپنے

سِر اُپر اُٹھائیا۔ گُر انگد دے اَگے رکھ دی، رکھن لگے گاگر دِتی بھوائیا۔ مَیں اوس ویلے جیہڑی حالت ویکھی اَمروُ دی اکّھ دی، دسّ سکاں نہ رائیا۔ مَیں جانیا ایہہ سیوا کرے حق دی، جیہڑا مَینوُں اپنے سِر تے چُک کے لیائیا۔ مَیں شرم نال اندر لُک گاگر دے بچدی، نالے ویکھاں کؤن چھیتی نال میرے اُتے پردہ دیوے پائیا۔ اونے چِر نوُں اِک سٹھ سال دی بُڈھڑی آ گئی ڈِگدی ڈھٹھدی، ڈنگوری اپنے ہتّھ اُٹھائیا۔ میرے آ کے کول اوہ ہؤلی جیہی پاسا وٹ دی، میرا پاسا دِتا بدلائیا۔ مَیں اپنی وکھّی ٹھانہہ رکھدی، ٹیڈھی ہو گئی مَینوُں سکے نہ کوئے اُٹھائیا۔ پھیر میرے اندروں آواز آئی گٹ گٹ دی، تھوڑی ڈُلھ کے انگد دے چرناں لگ کے خوشی منائیا۔ اوس ہس کے کِہا کِتھوں آ گئی پیاری جٹّ دی، کھیتاں وِچوں سادھاں وِچ ڈیرہ لائیا۔ مَیں اوسے ویلے ہس پئی، دوویں ہتّھ چرناں اُتے دِتے گھسائیا۔ ایہہ گلّ نہیں میرے وس دی، مَینوُں کوئی ہور رہیا مِلائیا۔ انگد کِہا ایہدی آواز سچ دی، جو سچ رہی دِرڑائیا۔ اوس کِہا میری پت رکھ لئیں، تیرے در تے آئیا۔ انگد کِہا مَینوُں اَیں دِسدا تُوں میرے بھگوان کولوں جس لئیں، جِس دی صِفت بےپرواہیِا۔ مَیں اوس ویلے اوہدے پٹّاں اُتے ڈھٹّھ پئی، کِیوں کِسے بچّے نے میرے اُتے سوٹی دِتی لائیا۔ مَیں تُبکا ہو کے ٹپ پئی، گیاراں اُنگلاں اُبھر کے اپنا انگ لیا چُھہائیا۔ جِتھے مَیں لگی اوتھے ہی انگد نے اُنگل رکھ لئی، اُتوں بھار دِتا پائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ رکھی اُنگل دِتی چوبھ، ہؤلی جیہی دِتی دبائیا۔ مَیں کِہا خوُب، مَینوُں اپنے وِچ لیا مِلائیا۔ انگد کِہا نہیں اجے آؤنا میرا محبوُب، ایہہ مُحبّت اوہدے نال رکھائیا۔ جِس دا اپنا نہیں ہونا وجوُد، پھیر تیرا وجوُد دئے گوائیا۔ اوس نے کِہا کوئی ثبوُت، انگد نے کِہا بھگت تے بھگوان دین گواہیِا۔ جِنہاں نے تیرا رس لَینا چوُپ، اِکیاں اِکیاں دا جوڑ جُڑائیا۔ اوہنے کِہا ایہہ تے ہویا میرا اصل ہور کیہڑا دیویں سوُد، مَینوُں دے سمجھائیا۔ انگد کِہا تیرے پِچھے در آیاں دا کٹ دئے سوگ دوُکھ، دُکھیاں دُکھڑے اپنی جھولی پائیا۔ بھگتاں نوُں چاڑھ کے منزلے مقصوُد، مقصد تیرا حل کرائیا۔ اوسے ویلے صاف کرن والیاں اَگوں رس دِتی ہوُنجھ، صاف سُتھرے بستر انگد دے چرناں ہیٹھاں دِتے وِچھائیا۔ رس کہے مَیں رو پئی وانگ کوُنج، دیندی رہی دُہائیا۔ پھیر مَینوُں آئی سوُجھ، کِسے وِچوں دِتا سمجھائیا۔ صبر کر تیرا وقت آؤنا جِس ویلے جانا جھوُج، بھگَون دیاں چرناں وِچ اپنا آپ لیا مِلائیا۔

بیِس اِکیِسا ہوئے مؤجوُد، لیکھا اپنا لَینا مُکائیا۔ جوتی جوت سروُپ ہرِ، آپ اپنی کِرپا کر، مہاراج شیرسِنگھ وِشنوُں بھگوان، لہنا دیوے اصل دا زر سوُد نال سوُد، کُل زر سب دی جھولی پائیا۔

۲۹ پوہ ۲۰۲۱ بِکرمی ٹھاکر سِنگھ دے نوِت جیٹھوُوال

جس ویلے مَیں اپنا آپ کیِتا بھیٹ، بھیٹا پربھ دے چرن رکھائیا۔ مَینوُں دِسیا اِک نریش، نر نِرنکار بےپرواہیِا۔ جِس دا اگمّ اگمّڑا دیس، سچکھنڈ بَیٹھا ڈیرہ لائیا۔ نِرگُن ہو کے سرگُن لکّھ چؤراسی رہیا ویکھ، برہمنڈ کھنڈ پھول پُھلائیا۔ گُر اوتار پیِر پَیغمبر وِشن برہما شِو اوس نوُں کردے ویکھے آدیس، نِیوں نِیوں سیِس نِوائیا۔ اوس نے اپنا راز کھول کے بھیت، بھانڈا بھرم دِتا بھنائیا۔ حُکم دِتا اُٹھ کے ویکھ، نیتر لوچن اکّھ کُھلائیا۔ جِنہاں دا پوُرب جنم دا لیکھ، اوہناں دا لیکھا ویکھن آئیا۔ جوتی جامہ بدل کے بھیس، بھیکھادھاری اپنی کل دھرائیا۔ کِسے نظر نہ آئے روُپ رنگ ریکھ، چکر چیہن نہ کوئے جنائیا۔ بھگتاں نال مِل کے کھیڈے کھیڈ، وڈ کھِلاری بےپرواہیِا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ چرنی ڈِگ کے تکیا اساں نظارہ، دو جہان ہوئی رُشنائیا۔ سَت سَتوادی نظری آیا اِک نِرنکارا، نِروَیر بےپرواہیِا۔ جِس دا شبدی اِک اِشارہ، آد جُگاد رہیا اُٹھائیا۔ اوہ بھگتاں دا بن کے پیارا، پریِتم ہو کے میل مِلائیا۔ چرناں دا دے سہارا، صِدق بھروسہ اِک وکھائیا۔ امرت دا کھول بھنڈارا، رس اپنے وِچ رلائیا۔ مَینوُں یاد آ گیا انگد والا لارا، جو پریم نال دِتا دِرڑائیا۔ مَینوُں دِس پیا نانک والا اُدھارا، لہنا پِچھلا رہیا مُکائیا۔ مَیں کرکے نِمسکارا، اپنی خوشی پربھ دے در توں اپنی جھولی پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ مِٹھا کہے مَیں گھُل کے اپنا آپ لیا گوا، گہر گمبھیِر وِچ سمائیا۔ رس سوہنا لیا بنا، دُھر دی ونڈ ونڈائیا۔ جن بھگتاں مُکھ لیا لگا، لاگت لگی کوئے نہ رائیا۔ جیہڑا رُپئیا بھگت دوارے تھلّے دِتا دبا، ویہہ سؤ اٹھاراں بِکرمی اوہ خوشیاں نال باہر آئیا۔ اوس کِہا مَیں اِک توں ہویا سَوا، سوائے توں ڈیڈھے ڈیڈھے توں دُگنے دُگنے توں چؤگنے گُرمْکھ دیاں بنائیا۔ ایہہ اِکّی اِکّی گوبِند دے پِچھلے گواہ، اِک اِکّی نال اِکّی اِکّی ہور دِتے رلائیا۔ رس اگمّا اِک پیا، آبِ حیات دِتا وکھائیا۔ دم دم دے وِچ رلا، ساہ ساہ وِچ سمائیا۔ رگ رگ دے وِچ چُھپا،

خوُن خوُن وِچ ٹپکائیا۔ مدھ مدھ دے وِچ پیا، رنگ اپنا اِک رنگائیا۔ جوتی جوت سروُپ ہرِ، آپ اپنی کِرپا کر، کیِتی کھیل بےپرواہیِا۔ رس کہے مَیں ویکھیا رسیِا، رسم اوس دی بےپرواہیِا۔ بھگت سُہیلے بندھے پریم ڈوری نال رسّیا، رستہ ایکا دِتا وکھائیا۔ سچ دوار کھول کے ہٹّیا، امرت بھنڈارا دِتا ورتائیا۔ جوتی جوت سروُپ ہرِ، آپ اپنی کِرپا کر، دُھر سُہیلا ہویا سہائیا۔ مِٹھا کہے میرے نالوں چنگا جل، مَینوُں نظری آئیا۔ جیہڑا اُپروں آیا چل، چرن چھوُہ کے خوشی منائیا۔ کوئی نہیں جان دا وِشنوُں نوُں کِس طرح ایہدا مِلیا پھل، جِسنے برہما لیا پرگٹائیا۔ کوئی نہ جانے اوہ کیہڑا پُھل کوَل، جِس وِچوں نوُری جوت کرے رُشنائیا۔ جِس نے بولیا پربھ کہے اوہنوُں تھوڑا کمل، پوُرا بھیوَ نہ کوئے جنائیا۔ جے نانک کبیِر کِہا لیکھا نوُر اول، االلہ بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ پانی کہے مَیں نہیں جل، نہ میری کوئی وڈیائیا۔ ایہہ پربھ دا ول چھل، جِس سب دی بنت بنائیا۔ کی ہویا جے تُوں میرے وِچ گِیوں رل، اپنا آپ چُھپائیا۔ مَیں پربھ دے چرن سیوا کراں سدا دھرتی توں تھلّے پہاڑاں توں اُتے دوُر دُراڈا آواں چل، کوئی پریمی مَینوُں چُک کے لیائیا۔ جوتی جوت سروُپ ہرِ، آپ اپنی کِرپا کر، اپنے ہتّھ سب دی رکھے وڈیائیا۔ جل کہے مَیں نہیں چنگا، سچ دیاں سمجھائیا۔ ہُن دس کِیوں نہیں مان گنگا، گوداوری دئے دُہائیا۔ جمنا دا چلے نہ کوئی ڈھنگا، سُرستی رہی کُرلائیا۔ تیِرتھ تٹ ہویا ننگا، پردہ نہ کوئے پائیا۔ جِدھر ویکھاں مَیں رنڈے دا رنڈا، ساتھی سنگ نہ کوئے بنائیا۔ جِس وِچ گوبِند پھیر کے گیا سچّا کھنڈا، اوس نے اپنا کھنڈا باہر لیا کڈھائیا۔ پربھ نال مِل کے اوہ در دیوے سنگا، دُھر حُکم سیِس ٹِکائیا۔ اوہ سوامی صاحب بخشندا، رحمت کرکے پانی کہے مَینوُں بھگتاں ہتّھ پھڑائیا۔ اِکّی اِکّی پا کے ونڈاں، اِک اِک سیر گنڈھ تیرے نال رکھائیا۔ ہُن نہ تُوں مَینوُں کہیں نہ مَیں تَینوُں کہاں کوَن چنگا تے کوَن مندا، دوہاں رل مِل بھگتاں دے اندر سیوا لئی کمائیا۔ پِچھوں کھا کے شُکر منایا گوبِند دے ادھار دا پوُرب منڈا، جِس نے ترِپت دِتا کرائیا۔ خوشیاں نال گُرمْکھاں مستک لا کے بِندا، بِندرابن والا اپنے نال مِلائیا۔ اَگے ویکھیا بھگت بھگوان نوُں پکوان ڈّبےوِچ دیندا، روٹی اَدھی ہتّھ پھڑائیا۔ پھیر وی اوہ شُکر کہندا، خوشیاں نال کھائیا۔ اندر باہر ہرِسنگت ساری وینہدا، بُھکھا رہن کوئے نہ پائیا۔ کِیوں امرت کہے بھگتاں نوُں سدّیا سی ورج کے نیِندا، چّھبی پوہ رُت سُہائیا۔ اَگے بھگت کِیوں کھاندے ٹھیڈا، راہ وِچ کوئی ہور لئے اٹکائیا۔ بےشک جن بھگت جگت وِچ چلے کرکے دھؤن ٹیڈھا، آکڑ نال مُچھاں وٹّ

چڑھائیا۔ کہے مَیں پُت اوس پے دا، جیہڑا بھگتاں دئے وڈیائیا۔ امرت کہے سانوُں مزہ آ گیا گوبِند دے نینہ دا، جِس ناتا اَگے لیا جُڑائیا۔ رس مان لیا بھگتاں دے تھیں دا، تھان تھننتر وجی ودھائیا۔ پیار لےَ لیا جوت اکالن مائی دا، جو خوشیاں نال آئیا۔ گیِت سُن لیا سوہنا ودھائی دا، جو بھگتاں مُکھ صلاحیِا۔ ناتا جُڑ گیا بےپرواہی دا، جو پِچھلا وِچھوڑا پندھ مُکائیا۔ - - - - جِس نے اِکٹّھا جام دِتا پیا، پی کے گُرمْکھ اُس دے وِچ سمائی دا۔ رل مِل اِکٹّھیاں دئے وڈیا، مہاراج شیرسِنگھ وِشنوُں بھگوان تیرا میلا ہویا سچّے شہنشاہی دا۔