کتب خانہGranth 18 (Shahmukhi)

۲۱ ماگھ ۲۰۲۱ بِکرمی ہری پُر مہنگا سِنگھ دے گِرہ

ہوئے پروان در گُرمْکھ ٹُکر، ٹُکڑا ٹُکڑا خوشی منائیا۔ پُرکھ اکال دیِن دَیال جو اگمّی دھاروں آیا اُتر، نِرگُن نِروَیر نِراکار بےپرواہیِا۔ آد جُگاد جُگ چؤکڑی نِت نوِت جو کدے نہ جائے مُکر، ایتھے اوتھے دو جہاناں برہمنڈاں کھنڈاں کیِتا قؤل توڑ نِبھائیا۔ گُر اوتار پیِر پَیغمبر سادھ سنت جِس دا کرن شُکر، چرن کوَل اُپر دھوَل نِیوں نِیوں لاگن پائیا۔ جِس صاحب سُہیلے اِک اَکیلے گوبِند سوُرا حاضر حضوُرا بنایا اپنا پُتر، پِتا ایک ایک وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ اِک اِک ٹُکڑا کرے پُکار، بینتی در سُنائیا۔ سو پُرکھ نِرنجن تیرا ٹھانڈا دربار، ہرِ پُرکھ نِرنجن تیری سچ سرنائیا۔ ایکنکار تیرے چرن کوَل بلہار، آد نِرنجن تیرا جوتی نوُر نظری آئیا۔ ابناشی کرتے کِرپا دھار، سِری بھگوان سانجھے یار پروردِگار خوشی منائیا۔ پاربرہم پربھ دے آدھار، برہم میِتا ساجن اِک سنسار، نِرگُن سرگُن سرگُن نِرگُن اگمّی دھار چلائیا۔ جُگ چؤکڑی سَتجُگ تریتا دواپرکلجُگ وینہدے رہے نیتر نیَن اُگھاڑ، چار کُنٹ دہ دِشا اُتّر پوُرب پچھّم دکھّن اپنا دھیان لگائیا۔ ٹِلّے پربت سمُند ساگر ویکھے جنگل جوُہ اُجاڑ پہاڑ، ڈوُنگھی کندر پھول پُھلائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ٹُکڑے کہن پربھ کھول دے بھیت، انبھَو

تیری بےپرواہیِا۔ کِس بِدھ رچیا اپنا کھیل، رنگ نویل دے سمجھائیا۔ محبوُب مُحبّت وِچ آ کے کر مِہر، بےنظیِر نظر اُٹھائیا۔ لہنا دینا حق حقیِقت وِچوں دے نبیڑ، پوُرب سب دا جھولی پائیا۔ جُگ چؤکڑی پِچھوں پِھردیاں پِھردیاں ہویا تیرا میل، گھر وجے سچ ودھائیا۔ لیکھا چُک جائے گُروُ چیل، چیلا گُروُ اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، مِہروان دے سمجھائیا۔ نِکّے نِکّے ٹُکڑِیو سُنو اگمّی بات، آد جُگادی دیاں جنائیا۔ جِس ویلے شبد سُت رچنا رچی سی آد، پُرکھ اکال اپنی دَیا کمائیا۔ اِچھیا وِچوں اگمّ اتھاہ بےپرواہ وجایا ناد، دُھن اپنی نال مِلائیا۔ سچکھنڈ نِواسی پُرکھ ابناشی تھِر گھر کر آپ وِسماد، محل اٹل دِتی وڈیائیا۔ وِشن برہما شِو ساجن دِتا سی ساز، ترےَ ترےَ میلا سہج سُبھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دیوے وڈیائی سِری بھگوان، ہرِ کرتا بےپرواہیِا۔ سچکھنڈ نِواسی نؤجوان، مرد مردانہ دَیا کمائیا۔ سُت دُلارا کر پردھان، تھِر گھر دیونہار وڈیائیا۔ وِشنوُں شبد سندیشہ دِتا ایکو ایک حُکمران، نہ کوئی میٹے میٹ مِٹائیا۔ سَت سَتوادی برہم برہمادی شبد انادی پرم پُرکھ پرماتم آتم دِتا اِک پکوان، وست امولک اپنی آپ پرگٹائیا۔ جوتی جوت سروُپ ہرِ، آپ اپنی کِرپا کر، دُھر دی کرنی رہیا جنائیا۔ دُھر دی کرنی ہرِ کرتار، ہرِ کرتا آپ جنائیا۔ سچ سندیشہ دے کے ایکا وار، وِشن دِتا دِرڑائیا۔ نؤ سؤ چُرانوے چؤکڑی جُگ بیِتے وِچ سنسار، سَتجُگ تریتا دواپرکلجُگ نِت نوِت ویس وٹائیا۔ نِرگُن سرگُن لےَ اوتار، پیِر پَیغمبر ہرِ ہرِ کھیل کھِلائیا۔ شاستر سِمرت وید پُران بول جَیکار، اِنجیِل قُرآناں دئے وڈیائیا۔ رسنا جِہوا بتّی دند کر اِظہار، کاغذ قلم شاہی میلا سہج سُبھائیا۔ کلجُگ انت سری بھگَونت جِس ویلے کل کلکی لئے اوتار، جوتی جاتا پُرکھ بِدھاتا نِرگُن نِروَیر پھیرا پائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ وِشنوُں کہے سچ پربھ مَینوُں دے دسّ، دُھر دی منگ منگائیا۔ جیہڑی وست دِتی میرے ہتّھ، آد پُرکھ پھڑائیا۔ جُگ چؤکڑی سانبھ کے چھڈاّں رکھ، دُھر دی سیو کمائیا۔ سِری بھگوان کِہا دُھر سندیشہ دیواں سچ، نہ کوئی میٹے میٹ مِٹائیا۔ جِس ویلے پرگٹ ہوواں آپ، وڈ پرتاپ نوُر خُدائیا۔ تیرا میرا ڈھولا سوہلا اِکو ہووے جاپ، پت پرمیشور رہیا دِرڑائیا۔ بھگت سُہیلا ہو کے دیواں ساتھ، دُھر دا سنگ نِبھائیا۔ لوک مات ویکھاں کھیل تماش، چار کُنٹ کھوج کھوجائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ وِشنوُں دوئے جوڑ کر ارداس، پربھ اَگے سیِس نِوائیا۔ تیری وڈیائی تیرے ہاتھ، بےانت تیری سرنائیا۔

سچ سُہیلے اِک اَکیلے مَیں ویکھاں مار جھات، پردہ اِک اُٹھائیا۔ پُرکھ ابناشی کھول کے آنکھ، نیتر نیَن دِتا جنائیا۔ جوتی جوت سروُپ ہرِ، آپ اپنی کِرپا کر، اگمّی کھیل رہیا وکھائیا۔ پُرکھ اکال کھیل اگمّ، ہرِ کرتا آپ جنائیا۔ کرے کھیل سری بھگَون، پاربرہم بےپرواہیِا۔ کلجُگ انتم جوتی نوُر اگمّی چاڑھ کے چنّ، دو جہان کرے رُشنائیا۔ بھگتاں بیڑا بنّھ، اپنے کندھ اُٹھائیا۔ گُر اوتاراں پیِر پَیغمبراں دُھر سندیشہ لَینا منّ، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ بھیوَ ابھیدا سچ کھلاؤندا ہاں۔ وِشنوُں تَینوُں اِک جناؤندا ہاں۔ کلجُگ انتم راہ وکھاؤندا ہاں۔ بیِس اِکیِسا وقت سُہاؤندا ہاں۔ جگت جگدیِشا اِک اکھواؤندا ہاں۔ سچ حدیِثا اِک پڑھاؤندا ہاں۔ جوتی جوت سروُپ ہرِ، آپ اپنی کِرپا کر، دُھر دا مارگ اِک جناؤندا ہاں۔ دُھر دا مارگ سچ وکھاوانگا۔ کل کلکی ویس وٹاوانگا۔ جوتی جاتا روُپ دھراوانگا۔ کوٹن کوٹی جیِو بُھلاوانگا۔ گُرمْکھ وِرلے نِرمل جوتی، گرِہ مندر آپ ٹِکاوانگا۔ جن بھگتاں سُرت اُٹھا کے سوتی، سوہنا رنگ رنگاوانگا۔ وِشنوُں تیرے بھنڈارے دی غریِباں گھر پکا کے روٹی، رٹّا پِچھلا سرب چُکاوانگا۔ اوہناں چاڑھ کے منزل اپنی چوٹی، چوٹ اِکو نام لگاوانگا۔ اندروں کڈھکے واشنا کھوٹی، دُرمت مَیل دھواوانگا۔ ایس دی سوچ موُل تُوں نہ سوچیں، سوچیاں ہتّھ کِسے نہ آوانگا۔ میرا لیکھا لبھے وِچوں کِسے نہ پوتھی، شاستر سِمرت وید پُران صِفتاں وِچ صلاحوانگا۔ جوتی جوت سروُپ ہرِ، آپ اپنی کِرپا کر، سچ کرنی کار کماوانگا۔ وِشنوُں کہے پربھ مَیں ہویا خوش، بندنا اِک سرنائیا۔ نؤ سؤ چُرانوے چؤکڑی جُگ رہاں چُپ، بتّی دند رسنا جِہوا صِفت نہ کوئے صلاحیِا۔ جِس ویلے کلجُگ اندھیرا ہووے گھُپ، ساچا نوُر نہ کوئے چمکائیا۔ گُر اوتار پیِر پَیغمبر سارے جان لُک، سنمُکھ نظر کوئے نہ آئیا۔ سرِشٹی درِشٹی اِشٹی لگے دُکھ، دردیاں درد نہ کوئے ونڈائیا۔ غریِب نِمانیاں ستاوے کوُڑی کِریا بُھکھ، آسا ترِشنا پوُر نہ کوئے وکھائیا۔ جننی بھاگ لگے نہ کِسے کُکھ، سَت سروُپ نہ کوئے سمائیا۔ اوس ویلے تیری کِرپا نال پَواں اُٹھ، نِرگُن نِرگُن لَواں انگڑائیا۔ تیرے سنت سُہیلے ویکھاں ساچے سُت، ابناشی اچُت اپنا پھیرا پائیا۔ جِنہاں دی تیرے نال مؤلے رُت، گھر گھر بَیٹھے خوشی منائیا۔ اوہناں دا پکوان جگت سُکا ٹُک، ٹُکڑے روُپ وٹائیا۔ ٹھاکر سوامی انترجامی جِس ویلے لگے تیرے مُکھ، دو جہان ترسن تھاؤں تھائنیا۔ جوتی جوت سروُپ ہرِ، آپ اپنی کِرپا کر، بےپرواہ کھیل کھِلائیا۔ سُکا ٹُکڑ کہے مَیں دسّاں کی، جُگ چؤکڑی میری قیِمت کِسے نہ پائیا۔ لکّھ چؤراسی کھاندا رہیا جی، جیِون

جُگت وِچ وڈیائیا۔ مَینوُں پتّھراں اندر لیا پیِہ، پیِسن پیِس سیو نہ کوئے کمائیا۔ کِسے نے پُتر پالیا کِسے نے پالی دھی، کوئی کُٹمب رہیا رجائیا۔ بِن پُرکھ اکال دیِن دَیال میری ساچی رکھی کِسے نہ نینہہ، لوک مات جڑ نہ کوئے لگائیا۔ نؤ سؤ چُرانوے چؤکڑی جُگ لما پیَنڈا وسیع، چلدیاں چلدیاں نیڑے آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ٹُکڑیاں ویکھ کے لگّا بھوگ، سچکھنڈ وجی ودھائیا۔ ہویا پرکاش نِرمل جوت، نوُر اگمّ رُشنائیا۔ شبد اگمّی لگّی چوٹ، ڈنکا اِک شنوائیا۔ گُر اوتار رہے سوچ، پیِر پَیغمبر لیَن انگڑائیا۔ بھگت بھگوان دی ویکھن مؤج، مجلس بےپرواہیِا۔ چار کُنٹ دہ دِشا کریئے کھوج، بھجیئےواہو داہیِا۔ صاحب سُلطان دے ویکھیئے چوج، چوجی ہو کے ویکھ وکھائیا۔ جن بھگتاں سُنا کے اپنا سلوک، دُھر دے وِچھڑے لئے مِلائیا۔ دُئی دوَیت کٹ کے ہؤمے روگ، ہنگ برہم دِتا سمجھائیا۔ بھاگ لگا کے کایا کوٹ، پنج تت دِتی وڈیائیا۔ پریم پیار دی دے کے چوگ، ترِشنا بُھکھ بُجھائیا۔ نہ کوئی ہرکھ نہ سوگ، چِنتا غم نہ کوئے جنائیا۔ وِشنوُں کہے میرے بھنڈارے نالوں چنگا روٹ، دو جہاناں سوبھا پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ٹُکڑا کہے مَیں سب توں وڈّا ، پربھ وڈّے دِتی وڈیائیا۔ مَینوُں وِشنوُں جاپے بالا نڈھّا، چرناں وِچ سیِس نِوائیا۔ ایسے کارن گُر اوتاراں پیِر پَیغمبراں پَین لگا سدّا، دُھر دا حُکم اِک سُنائیا۔ تُہاڈا حِصّہ ویکھو اَدھا، جو پوُرب رکھیا بچائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ ٹُکڑا کہے مَیں دساں احوال، اپنا آپ جنائیا۔ جُگ چؤکڑی بیِتے کال، کال گراس کرے لوکائیا۔ نِت نوِت ہو گئے گُروُ اوتار، پیِر پَیغمبر سیو کمائیا۔ میرا کِسے نہ کیِتا اُدھار، عدل سچ نہ کوئے کمائیا۔ غریِب نِمانیاں کوجھیاں کملیاں بُھکھیاں ننگیاں بنیا نہ کوئے دلال، سچ وِچولا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کل دیون آیا وڈیائیا۔ ٹُکڑا کہے مَیں لاواں ٹکّر، دو جہاناں ویکھ وکھائیا۔ میرا بھیو کوئی نہ جانے فقّر، فِکریاں وِچ نہ کوئے جنائیا۔ پُرکھ اکال نے جیہڑی ستّویں لِکھی سطر، گوبِند اِک جنائیا۔ جیہڑا ماچھوُواڑے دِتا پتّر، اوسے دی ونڈ ونڈائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ستّویں سطر دا اَخیِری سلوک، ایکنکار دِتا جنائیا۔ غریِب نِمانیاں کوجھیاں کملیاں دے کے روزی روز، رازق رحیِم ہوئے سہائیا۔ جِنہاں دی آشا منسا پوُری کرے لوچ، لوچن نیَن ملِے وڈیائیا۔ بھنڈارا رہے بہُت، اتوٹ اتُٹ دئے کرائیا۔ دُھر دا حُکم نہ کوئی سکے روک، وِشن برہما شِو بَیٹھے سیِس نِوائیا۔ جوتی جوت سروُپ ہرِ، آپ

اپنی کِرپا کر، سچ بھنڈارا رہیا وکھائیا۔ سچ بھنڈارے توں لاہ کے پردہ، برہمنڈ کھنڈ دئے وکھائیا۔ گُر اوتار پیِر پَیغمبر اِکو ڈھولا پڑھدا، تیرا میرا راگ الائیا۔ دھنّ وڈیائی جو ٹھاکر سوامی کھیل کردا، کرتا بےپرواہیِا۔ بھگتن پِتا ہو کے بردا، اَدلا بدلی رہیا کرائیا۔ جِس دا رس کوئی نہ چکھدا، بےانت کہہ سرب سمجھائیا۔ جو مالک اپنے دیس دا، سچکھنڈ بَیٹھا ڈیرہ لائیا۔ سو کلجُگ انتم ویکھدا، جوتی جاتا ویس وٹائیا۔ لہنا مکُے پِچھلی ریکھ دا، اَگے کھیل ہور ورتائیا۔ حُکم چلنا اِک نریش دا، نر نرائن آپ ورتائیا۔ ایہہ ٹُکڑا نہیں مُحتاج بُھکھیاں دے پیٹ دا، بُھکھیاں دی بُھکھ نہ کوئے گوائیا۔ جوتی جوت سروُپ ہرِ، آپ اپنی کِرپا کر، لیکھ سب دا ویکھ وکھائیا۔ ٹُکڑا کہے مَیں روواں ماراں دھاہ، نیَناں نیِر وہائیا۔ پُرکھ ابناشی بےپرواہ، تیری بےپرواہیِا۔ نظری آیا چار کُنٹ ویکھیا نیَن اُٹھا، دہ دِشا اکّھ کُھلائیا۔ لکّھ چؤراسی وِچوں گُرمْکھ تھوڑے مَینوُں رہے دھیا، انتر آتم دھیان لگائیا۔ شاستر سِمرت وید پُران رہے کُرلا، اُچی کوُک کوُک دین دُہائیا۔ اٹھسٹھ تیِرتھ نیَن رہے شرما، نیتر اکّھ نہ کوئے اُٹھائیا۔ کلجُگ سادھ سنت جیِو جنت رہے نہا، دُرمت مَیل نہ کوئےدھوائیا۔ شاہ سُلطان راج راجان بُھکھیاں بُھکھ نہ سکے کوئی گوا، دُکھیاں دُکھ درد نہ کوئے ونڈائیا۔ جِس کلّر وِچ دِسے کاہی کانا اُڈدی چھاہ، دھوُڑ واہو داہیِا۔ اوتھے کھیل بےپرواہ، پاربرہم آپ وکھائیا۔ اِک اِک قطرہ کوٹن کوٹاں دئے رجا، بھنڈارے سَت سچ کرائیا۔ جن بھگتو تُہاتھوں وکھرا نہیں خُدا، جُدا انگ نہ کوئے رکھائیا۔ تُہاڈے ہِردے وسے شام صُبح، نِج گھر بَیٹھا ڈیرہ لائیا۔ مانَس وِچوں مانَس جنم دئے بدلا، سُرتی شبد نال دئے جُڑائیا۔ نیتر نام نِدھانا کجّل دیوے پا، لوچن نوُر کر رُشنائیا۔ اگلا لیکھا دئے سمجھا، پِچھلا پندھ مُکائیا۔ جو سُکا ٹُکڑا لیندا نال چاء، چاؤ گھنیرا اِک وکھائیا۔ ایسے نوُں کھا کے اپنا آپ لئے رجا، دُکھیاں دُکھ دئے گوائیا۔ تُہاڈا ٹُکڑا کھا کے تُہاڈا بنے ملاح، بیڑا دو جہاناں پار کرائیا۔ شبدی دیوے سچ صلاح، کرے اِک پڑھائیا۔ راتی سُتّیاں دئے جگا، جاگدیاں در آئیا۔ درشن دیوے اُٹھا، بجر کپاٹی کُنڈا لاہیِا۔ مرن توں پہلوں جنم دی دیوے دُعا، جنم اپنے لیکھے لائیا۔ کرماں دا روگ دیوے گوا، لکّھ چؤراسی ڈیرہ ڈھائیا۔ ساچی منزل دیوے چڑھا، جِس گھر وسے بےپرواہیِا۔ ایِڑا پِنگل سُکھمن ٹیڈھی بنک آسا منسا ترِشنا پنج وِکار کوئی نہ سکے اُٹھا، اَدھ وِچ ڈیرہ نہ کوئے لائیا۔ شبد اگمّی اناد انادی اناد دُھن گُروُ اوتار گئے سُنا، سُرتی اپنا تال وجائیا۔ سچ سِنگھاسن آتم پرماتم پاربرہم برہم اِکو دئے وکھا، پاوا چوُل نظر کوئے نہ آئیا۔ دیِا باتی کملاپاتی گرِہ مندر کایا اندر دئے جگا،

نِرمل جوت کرے رُشنائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا رہیا وکھائیا۔ سُکا ٹُکر ویکھ گُروُ اوتار، پیِر پَیغمبر دھیان لگائیا۔ سارے کہن ہووو خبردار، اُٹھو چائیں چائنیا۔ وِشن برہما شِو کہے چلو چلیئے یار، یارڑا پندھ مُکائیا۔ لوک مات ویکھیئے اوہ وِہار، جو وِوہاری رہیا کرائیا۔ جِس دا راہ تکدے رہے چؤکڑی جُگ چار، بھوِکھتاں وِچ صلاحیِا۔ جِس دی راگاں ناداں وِچ گاؤندے رہے وار، ڈھولیاں کلمیاں نال صلاحیِا۔ جِس نوُں من دے رہے پروردِگار، پرم پُرکھ سچّا شہنشاہیِا۔ جِس دا تکدے رہے سچکھنڈ سچّا دربار، درگاہ ساچی سوبھا پائیا۔ سو پُرکھ اکالا دیِن دَیالا سوہے بنک دوار، بھگَون اپنا ویس وٹائیا۔ ساچی سِکھیا سنتاں آپ سِکھال، ساکھیات کرے پڑھائیا۔ آد جُگادی برہم برہمادی وِشنوُں تیرا حل کرے سوال، بھیوَ ابھیدا دئے جنائیا۔ اُٹھ ویکھ نیتر کھول تک ٹُکر بِنا دال، دلِدریاں دلِدر رہیا گوائیا۔ ایسے دے پِچھے آتما پرماتما پرماتما آتما دا پُچھے حال، اندر وڑ کے کھوج کھوجائیا۔ گُرمْکھو تُہاڈے بھاگ لگاوے کایا دھرم سال، دھرم دوارا اِکو اِک وکھائیا۔ جوت جگا کے بےمثال، مِسل اپنی دئے سمجھائیا۔ تُہاڈے نیڑ نہ آوے کال، رائے دھرم چِتر گُپت اکّھ نہ کوئے اُٹھائیا۔ جِنہاں پریم پیار نال دُھر دا ٹُکڑا دِتا کھوال، خواہ مخواہ اپنی سیو کمائیا۔ ایسے کارن سَتجُگ چلے اوَلّڑی چال، شاہ پاتشاہ شہنشاہ سچّا شہنشاہیِا۔ غریِب نِمانیاں ساچے تخت دیوے بہال، جِس دا مالک اِک اکھوائیا۔ لکّھ چؤراسی وِچوں بھال، گُرمْکھ گُر گُر اپنے رنگ رنگائیا۔ گُرمْکھ کوجھے کملے نہیں ایہہ سچّے لال، جو چل آئے سرنائیا۔ جِنہاں دے انتر آتم سوہے تال، نِجھر جھِرنا رہیا جھِرائیا۔ جوتی جوت سروُپ ہرِ، آپ اپنی کِرپا کر، لیکھا دیوے تھاؤں تھائنیا۔ ٹُکر کہے مَینوُں جُگ جُگ گئے ٹُک، اپنا حُکم سُنائیا۔ کوٹن کوٹ رسنا نال کھا کے پھیر دین تُھک، سچّا رس سمجھ کِسے نہ آئیا۔ جِس ویلے بھگوان بھگتاں بنا لئے اپنے پُت، اپنے سُت دُلارے اپنی گود اُٹھائیا۔ نِرگُن ہو کے نِرگُن دھاروں پئے اُٹھ، سرگُن دیوے مان وڈیائیا۔ اوس ویلے وست لیاوے کُچھ، جن بھگتاں بھیٹ چڑھائیا۔ اوہنوُں کوئی نہ سکے بُجھ، بھرمے بُھلے سرب لوکائیا۔ ایہو بھیو پربھوُ دا گُجھ، جُگ چؤکڑی سمجھ کِسے نہ آئیا۔ جگت وِہاراں وِچ سرِشٹی گئی رُجھ، رُچی آتما پرماتما نال نہ سکے جُڑائیا۔ شبدی دھار اِکو سچّی سُچ، سوُکھم ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ ٹُکڑا کہے میرے ویکھو ٹوٹے، ٹُٹیاں رہیا جُڑائیا۔ گُرسِکھ گوبِند دے پُت پُرکھ اکال دے پوتے، پِتا پوُت پوترے اِکو رنگ رنگائیا۔ جِنہاں دے انتر شبد اگمّی لگّے

چوٹے، نادی دُھن کرے شنوائیا۔ سو اِکو رنگ وڈّے چھوٹے، بُڈھا بال بِردھ نظر کوئے نہ آئیا۔ اِکو دھار اندر پروتے، من کا منکا اپنے نال جُڑائیا۔ جوتی جوت سروُپ ہرِ، آپ اپنی کِرپا کر، لیکھا دیوے چائیں چائنیا۔ سُکا ٹُکر کہے مَیں ویکھیا راہ سُکھالا، سُکھ ساگر نظری آئیا۔ جِس ویلے کلجُگ دا نِکلن لگا دوالا، چاروں کُنٹ پئی دُہائیا۔ سچّا دِسے نہ کوئے پرِتپالا، پرِتپالک ہو کے سیو نہ کوئے کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، غریِباں دا لیکھا نصیِباں وِچوں باہر کڈھائیا۔ ٹُکڑے کہن پنج پنج ہُندے ویکھے اِکٹّھے، گُرمْکھ ٹُکڑا رہن کوئے نہ پائیا۔ اِکو نام چار ورن جان رتے، شوُدر وَیش کھتری براہمن نظر کوئے نہ آئیا۔ وست امولک نام پدارتھ وِکے اکو ہٹّے، پُرکھ اکال دیونہار آد جُگاد بےپرواہیِا۔ دیِن مذہب ذات پات اوُچ نیِچ راؤ رنک دے رہن موُل نہ رٹےّ، آتم پرماتم پرماتم آتم ہر گھٹ نظری آئیا۔ شبد سوُرا حاضر حضوُرا مارگ اگمّا اِکو دسےّ، چار کُنٹ دہ دِشا سچ سمجھائیا۔ بھگت بھگوان دو جہان سچکھنڈ دوار سدا وسے، دوُجا دھام مقام نظر کوئے نہ آئیا۔ پریم پریِتی ساچی نیِتی سنت سُہیلے پِھرن نَٹھے، گُرمْکھ گُرسِکھ بھجّن واہو داہیِا۔ پت پرمیشور سرن سرنائی جو جن لگے، سو اگنی اگّ گئے بُجھائیا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا وکھائیا۔ ٹُکڑے کہن اسیں ہُندا ویکھیا جوڑ، پنچم پنچ ملِے وڈیائیا۔ سُرتی بدھّی شبدی ڈور، دُھر مالک دُھر دی گنڈھ پوائیا۔ نام نِدھانے سچ بِبانے چڑھا کے اپنے گھوڑ، دو جہاناں پار کرائیا۔ صاحب سوامی انترجامی جن بھگتاں مِلن دی سدا لوڑ، جُگ چؤکڑی ویکھے چائیں چائنیا۔ کوُڑی کِریا من واسنا چمّ درِشٹی دِسے ڈھور، گُرمْکھ گُرسِکھ سہنساں وِچوں ہنس نظری آئیا۔ کلجُگ کوُڑی کِریا گرِہ گرِہ گھر گھر دِسے چور، دِوس رَین گھڑی پل بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، گُرمْکھ اپنے رنگ رنگائیا۔ ٹُکڑے کہن ہُندا ویکھیا مِلاپ، ہرِ کرتا دَیاکمائیندا۔ جنم جنم دا میٹ کے پاپ، دُرمت مَیل دھوائیند ا۔ آتم پرماتم بنا کے ساک، ناتا دُھر دا آپ وکھائیندا۔ کوُڑی کِریا میٹ کے تاپ، ترےَگُن ڈیرہ آپ ڈھائیندا۔ درس وکھائے ساکھیات، نِج نیتر آپ کُھلائیندا۔ پوُرا کر کے بھوِکھت واک، واسطہ اپنے نال جُڑائیندا۔ جوتی جوت سروُپ ہرِ، آپ اپنی کِرپا کر، پنچم رنگ رنگائیندا۔ پنچم کہن ساڈا مِٹیا پرپنچ، کوُڑی کِریا رہن نہ پائیا۔ جگت وِکارے ہویا انت، انتشکرن کھوج کھوجائیا۔ ٹھاکر مِلیا سری بھگَونت، بھگَون دئے وڈیائیا۔ سو سجّن سوامی کہے سنت، جو سَت وِچ رہے سمائیا۔ دیونہار وڈیائی وِچوں جیِو

جنت، جیِون جُگت آپ سمجھائیا۔ ٹُکڑے کہن ساڈا بھنڈار ہووے بےانت، دُکھیاں دا دُکھ بُھکھیاں دی بُھکھ رہے نہ رائیا۔ پنچ کہن مِل کے سب نے گایا اِکو چھند، سوہلا ڈھولا راگ جنائیا۔ جِس نال وِچھڑیا مِلیا ہرِ کنت، وجی گھر ودھائیا۔ جِس دی مہما سدا اگنت، صِفتاں وِچ نہ کوئے صلاحیِا۔ جوتی جوت سروُپ ہرِ، آپ اپنی کِرپا کر، گھر دیونہار وڈیائیا۔ پنچ کہن ہویا سنجوگ، گھر میلا سہج سُبھائیا۔ جنم کرم دا مِٹیا وِجوگ، وِچھوڑا دِتا چُکائیا۔ سچ بھنڈارے دی دے کے چوگ، چُغلی نِندیا کولوں دِتا ہٹائیا۔ کر پرکاش نِرمل جوت، اندھ اندھیرا دِتا مُکائیا۔ بھگت بھگوان اِکو رنگ وکھا کے اپنی مؤج، مجلس اِکو گھر وکھائیا۔ جوتی جوت سروُپ ہرِ، آپ اپنی کِرپا کر، سچ ویکھے تھاؤں تھائنیا۔ پنچ کہے ہرِ پایا ٹھاکر، اَور لوڑ رہی نہ رائیا۔ پار کنارہ ڈوُنگے ساگر، گہر گَور دِتا کرائیا۔ نِہکرمی کر کے کرم اُجاگر، جنم کرم دِتا بدلائیا۔ سچ دوارے دے کے آدر، آدرش اپنا دِتا وکھائیا۔ مِہروان ہو کے کریِم قادر، قُدرت پردہ رہیا اُٹھائیا۔ سچ ونجارے بنا سؤداگر، ساچا ہٹّ اِک کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لیکھا چُکائے چائیں چائنیا۔ ٹُکڑِیو تُہاڈی سوہنی ونڈ، ہرِ کرتا آپ رکھائیا۔ جن بھگتاں اندر پاؤنی ٹھنڈ، منُمکھاں اگن تپائیا۔ پنچم آوے اِک انند، سیِتل دھار وہائیا۔ تُہاڈا مالک اِک بخشند، بےپرواہ ہوئے سہائیا۔ جِس نال چھوہ دند، دند دند وِچ سمائیا۔ بھگت اُدھارن تُہاڈا کمّ، کمی کوئی رہن نہ پائیا۔ مہاراج شیرسِنگھ وِشنوُں بھگوان، تُہاڈی آسا منسا پُکار لئی منّ، در آیاں لیکھا لیکھے وِچ رکھائیا۔

۲۲ ماگھ ۲۰۲۱ بِکرمی ہری پُر بچّیاں دے بھنگڑے سمیں

بھنگڑے اندر چھوٹے بچّے بالے نڈھےّ نچےّ، پریم بستر تن رمائیا۔ انتر باہر پریم پریِتی اندر ہسّے، دُھن خوشیاں راگ الائیا۔ گُرمْکھ سجّن ویکھو سچےّ، سَت سچ دِرڑائیا۔ جگت شِنگار کایا ماٹی بھانڈے کچےّ، تن وجوُد سوبھا پائیا۔ جے ایسے طرح اندروں جاؤ رتےّ، نام رنگن حق چڑھائیا۔ درشن پاؤ ساچی اکّھے، نِج لوچن نیَن کُھلائیا۔ ڈھولے گاؤ دُھر دے ٹپّے، صِفت بےپرواہیِا۔ جِتھے مردنگ اگمّی اِکو وجےّ، انحد سیو کمائیا۔ سنت سُہیلا سچ دوارا کوئی لنگھے، جِس سَتگُر آپ لنگھائیا۔ نیتر لوچن نیَن اکّھ پرتکھ سِری بھگوان سَت سروُپ اِکو دِسے سچ سِنگھاسن اُچے پلنگے، محل اٹل ڈیرہ لائیا۔ جوتی جوت سروُپ ہرِ، آپ اپنی کِرپا کر، ساچی

سِکھیا اِک سمجھائیا۔ ڈھول کہے میرا سُن لؤ ڈگّا، دو جہان رہیا جنائیا۔ لکّھ چؤراسی وِچوں مانَس جامہ چنگا، منُکھتا ملِے وڈیائیا۔ اپ تیج وائے پرِتھمی آکاش پنجاں تتّاں گھاڑت گھڑیا بندہ، من مت بُدھ نال رلائیا۔ اِسدے اندر اگمّ اتھاہ مردنگا، جو دِوس رَین کرے شنوائیا۔ جن بھگتاں سنتاں گُرمْکھاں گُرسِکھاں ساچا ٹیچر مِل گیا سنگا، سَتگُر داتا بےپرواہیِا۔ اوہناں دا پَیر سوہوے ننگا، جو دھرنی نال چُھہائیا۔ چار کُنٹ دہ دِشا کوُڑی کِریا ویکھو شؤہ دریا کِسے نہ لنگھا، پاندھی پندھ نہ کوئے مُکائیا۔ گہر گمبھیِر بےنظیِر ڈھولا شبد گاؤ اِک چھندا، نعرہ حق حق سُنائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ ڈھول اُتے لگّی بولے کھلّ، کوُک کوُک سُنائیا۔ ہوئے وِچھوڑا نہ گھڑی پل، جھلّی نہ جائے جُدائیا۔ جِتھے گُرمْکھ گُرسِکھ ہرجن بَیٹھے رل، تال اِکو وجےّ چائیں چائنیا۔ نیتر روندے ویکھو جل تھل، ٹِلّے پربت جنگل جوُہ اوجاڑ پہاڑ دین دُہائیا۔ دُئی دوَیتی شرع شریعتی میٹ کے ویکھو سلّ، بھانڈا بھرم بھؤ بھنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیا۔ بچّے نڈھےّ کریا ہاسہ، خوشیاں کھیل وکھائیا۔ ایہہ ناچ نہیں کوئی جگت تماشا، نٹوُآ ویس نہ کوئی وکھائیا۔ ایہناں دے انتر پریم پریِت دی سچّی خواہشا، خالص اِکو دھیان لگائیا۔ بن کے سیوک داسی داسا، در گھر ٹھانڈے سیو کمائیا۔ جنم کرم دی پوُری کر جائے آسا، پت پرمیشور بےپرواہیِا۔ جِس دے چرن کوَل اُپر دھرنی دھرن ملِے بھرواسا، ٹیک ایک نظری آئیا۔ لیکھا جانے پرِتھمی آکاشا، گگن منڈل گگننتر کھوج کھوجائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بالے نڈھےّ کرن پُکار، آتم انتر کوُک سُنائیا۔ تُوں صاحب سوامی سِرجنہار، بےانت تیری وڈیائیا۔ لکّھ چؤراسی وِچوں مانَس جنم مِلیا اپار، اپرمپر تیری اوٹ تکائیا۔ جُگ چؤکڑی بیِتے وِچ سنسار، لکّھ چؤراسی جنم جنم بھوائیا۔ خوشیاں نال گیِت گاؤندے آئے سچّے دربار، بن کے پاندھی پندھ مُکائیا۔ ڈھول ڈھمکاّ وجےّ نال اپار، سوہنا تال وکھائیا۔ جگت شِنگار گھُنگروُ اپنی کرن پُکار، اندر وڑ وڑ دین دُہائیا۔ پُرکھ ابناشی کِرپا دھار، بند کِواڑی دے کُھلائیا۔ جِتھے سدا سدا تیری اِک گُفتار، شبدی ناد الائیا۔ سو مندر سچ وکھال، جِس گھر بَیٹھا بےپرواہیِا۔ دیِا باتی کملاپاتی اِکو وار بال، جوتی جوت جوت رُشنائیا۔ جوتی جوت سروُپ ہرِ، آپ اپنی کِرپا کر، گھر دے مان وڈیائیا۔ بھنگڑا پایا بول جَیکارے، ڈھولے جگت سُنائیا۔ سُن پُکار آپ داتارے، در ٹھانڈے الکھ جگائیا۔ نیتر لوچن نیَن درس دے اگمّ اپارے، انتر آتم پردہ لاہیِا۔ تیرے رنگ برنگے جوتی جاتے ویکھیئے

اوہ نظارے، جو جگت نیتر نظر کِسے نہ آئیا۔ ساچے مندر لگّے جِتھے اَکھاڑے، سُرتی شبدی بَیٹھے ناچ نچائیا۔ سنت سُہیلے سجّن سوہنے لاڑے، در ٹھانڈے سوبھا پائیا۔ منمت بُدھ ہیِن سمجھے نہ کوئی وِچارے، چلے نہ کوئے چتُرائیا۔ در آئے تیرے دوارے، درگاہ ساچی دے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ جِن بھنگڑا پایا آن، ملِے مان وڈیائیا۔ تارنہارا بال اَنجان، بالیاں ہوئے سہائیا۔ راتی سُتّیاں گھر گھر درس دیوے بھگوان، جوتی جاتا ویس وٹائیا۔ نالے دسّ کے جاوے اپنا گان، تُوں میرا مَیں تیرا دوُجا نظر کوئی نہ آئیا۔ شبد اگمّ سُنا دُھنکان، سوئی سُرت اُٹھائیا۔ بھاگ لگائے ساڈھے تِنّ ہتّھ کایا مکان، گھر گھر وِچ کرے رُشنائیا۔ دوُر دُراڈا سجّن ملِے آن، نِرگُن اپنا پھیرا پائیا۔ چرن پریِتی دے کے دان، ساچی ریِتی دئے وکھائیا۔ لیکھا مُک جاوے آون جان، لکّھ چؤراسی پندھ مُکائیا۔ جوتی جوت سروُپ ہرِ، آپ اپنی کِرپا کر، لیکھا سب دا ویکھ وکھائیا۔ چھوٹے بچّے جو آئے بن درویش، در ٹھانڈے الکھ جگائیا۔ تِنہاں وکھاوے اپنا دیس، سچکھنڈ واسی بےپرواہیِا۔ جِتھے آد پُرکھ ابناشی کرتا جوتی دھار سدا پرویش، روُپ رنگ ریکھ نہ کوئی سمجھائیا۔ دو جہاناں مالک خالق بن نریش، نر نرَین حُکم سُنائیا۔ پریم پیار دی لیکھے لا کے کھیڈ، کھیل اپنا دئے جنائیا۔ جوتی جوت سروُپ ہرِ، آپ اپنی کِرپا کر، گھر میلا سہج سُبھائیا۔ بال اَنجانیاں ویکھے سوہنے رنگ، رنگ رتا دئے وڈیائیا۔ پرم پُرکھ دا اِکو انند، آتم پرماتم جوڑ جُڑائیا۔ جنم کرم دی پوُرب ٹُٹی دیوے گنڈھ، سُرتی شبد مِلائیا۔ مانَس جنم نہ ہووے بھنگ، کوُڑی کِریا ڈیرہ ڈھاہیِا۔ لیکھے لاوے اِک اِک ڈھولا چھند، سنسا رہن کوئے نہ پائیا۔ جِس نے مِلدے ویکھے بند، سو بندی خانہ دئے تُڑائیا۔ جیہڑی وست بالے موُل نہ منگن منگ، سو انمنگی جھولی پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ مان ویکھیا بچّیاں مِلدا، دھرنی رہی سُنائیا۔ تُوں مالک ہر گھٹ دِل دا، لکّھ چؤراسی وِچ سمائیا۔ جُگ چؤکڑی بھگتاں مِلدا، نِت نوِت ویس وٹائیا۔ جوتی جوت سروُپ ہرِ، آپ اپنی کِرپا کر، ساچی کھیل دئے وکھائیا۔ ساچی کھیل دسّ میرے محبوُب، در تیرے عرضوئیا۔ محل اٹل تیرا اُچ عروُج، عرش قُرص سیِس نِوائیا۔ بھیو کُھلا دے اپنی منزل سچ مقصوُد، درگاہ ساچی پردہ لاہیِا۔ جو تیرے پریم پیار اندر جاندے جوُجھ، بِسمل روُپ وٹائیا۔ جوتی جوت سروُپ ہرِ، آپ اپنی کِرپا کر، سچ لیکھا دے دِرڑائیا۔ سُن سندیشہ دھرنی دھوَل، ہرِ کرتا آپ جنائیا۔ پربھ دا کھیل الاہی اول، نوُرو نوُر نوُر رُشنائیا۔ لکّھ چؤراسی گھٹ گھٹ

واسی جوتی جاتا آتم پرماتم رہیا مؤل، جگت نیتر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کرے پربھ ایک، ایکا ایک دئے وڈیائیا۔ بخشنہارا ساچی ٹیک، ٹِکاّ مستک دئے لگائیا۔ بالی بُدِھ بُدِھ بِبیک، دُرمت مَیل دھوائیا۔ کوُڑی کِریا نہ لگے سیک، اگنی تت نہ کوئی تپائیا۔ سوہنا کھیل جِس سوامی لیا ویکھ، پیکھ خوشی منائیا۔ اوسے دا اوہو لیکھ، بھوِکھت دِتا وڈیائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ بھنگڑا کہے مَیں ہویا خوشحال، خوشی میرے اندروں نظری آئیا۔ سوہنے چنگے لگّے نِکّے بال، اپنا تال وکھائیا۔ مَیں پربھ دے اَگے کراں اِک سوال، دوئے جوڑ بینتی سچ سُنائیا۔ تُوں سمرتھ سوامی سدا وسنا ایہناں نال، اندر باہر ہونا سہائیا۔ ویلے انت انت نہ کھائے کال، جم نیڑے کوئے نہ آئیا۔ چِتر گُپت لیکھ نہ سکے وکھال، رائے دھرم نہ دئے سزائیا۔ لےَ کے جانا اپنے سچکھنڈ سچّی دھرم سال، درگاہ ساچی میل مِلائیا۔ تُوں داتا مالک خالق سدا پرِتپال، پرِتپالک تیری بےپرواہیِا۔ تیرا شبد سُت سچ سدا دلال، وِچولا اِکو نظری آئیا۔ ایہہ کھیل جگت نہیں بھگت نِشان، نِشانیاں وِچوں نِشانہ دِتا پرگٹائیا۔ جِنہاں نوُں مِلیا آپ سِری بھگوان، جوتی جاتا نظری آئیا۔ اوہناں دا لیکھا مکُے دو جہان، ایتھے اوتھے ہوئے آپ سہائیا۔ بچّیو تُہاڈا بھنگڑا ہویا پروان، پروانے دُھر دے تُہاڈے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، دیونہارا اِکو چرن دھیان، نیتر لوچن نیَن نِج اپنی اکّھ کُھلائیا۔ اکّھ کہے میرا چُک دے پردہ، دوئے لوچن کمّ کِسے نہ آئیا۔ جو تیرے وِچھوڑے اندر سڑدا، تِس دی اگنی دے بُجھائیا۔ جو تیرا گیِت گہر گمبھیِر پڑھدا، ڈھولا راگ الائیا۔ کِیوں نہیں اوس دے اندر وڑدا، نِرگُن ہو کے پھیرا پائیا۔ تُوں مالک ساچے گھر دا، گرِہ مندر دے وڈیائیا۔ نِکاّ بالا نڈھّا تیرا کھیل کردا، ویکھنہار جگت لوکائیا۔ ایہہ دھوکھا ول چھل دا، بھرم بُھلیکھا دے مِٹائیا۔ تیرا واسا نِہچل دھام اٹل دا، پدوی اِکو دے جنائیا۔ جوتی جوت سروُپ ہرِ، آپ اپنی کِرپا کر، لیکھا لا دے ڈھول کھلّ دا، ڈگّا اپنا نال مِلائیا۔

۲۲ ماگھ ۲۰۲۱ بِکرمی پیارا سِنگھ دے گھر پِنڈ ڈرولی کلاں ضِلع جالندھر

جن بھگتاں اندر راگ سنگیِت، شبدی داتا شبد سُنائیا۔ جن بھگتاں اندر ٹھاکر میِت، سو پُرکھ نِرنجن سوبھا پائیا۔ جن بھگتاں اندر ترےَگُن اتیِت، ترےَبھوَن دھنی رہیا سمائیا۔ جن بھگتاں اندر ٹھانڈا سیِت، امرت رس نظری آئیا۔ جن بھگتاں اندر روُپ

وکھائے ہست کیِٹ، ایکا نوُر رہیا چمکائیا۔ جن بھگتاں اندر دھام انڈیِٹھ، محل اٹل ویکھ وکھائیا۔ جن بھگتاں اندر آتم پرماتم کر کے سچ پریِت، پریِتم اپنا جوڑ جُڑائیا۔ جن بھگتاں اندر بنک دوار بنا کے سچ مسیِت، کلمہ حق حق جنائیا۔ جن بھگتاں اندر پاربرہم برہم کرے تعریِف، صِفتاں صِفت صلاحیِا۔ جن بھگتاں اندر جنا کے اِک حدیِث، حضرت رہیا سمجھائیا۔ جن بھگتاں اندر جوتی دھار اگمّی لیِک، جگت نیتر نظر کوئی نہ آئیا۔ جن بھگتاں اندر کوُڑی کِریا میٹے ٹھیِک، مایا ممتا موہ چُکائیا۔ جن بھگتاں اندر سَت سچ دی کرے آپ تصدیِق، شہادت اپنی دئے بُھگتائیا۔ جن بھگتاں اندر آد جُگادی بن وسنیِک، گھر ٹھانڈے سوبھا پائیا۔ جن بھگتاں اندر پرکھنہارا ساچا نیِت، نِت نوِتا بےپرواہیِا۔ جن بھگتاں اندر روُپ انوُپ جنا کے نیِک، نیِکو نیِکا اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ جن بھگتاں اندر وجا مردنگا، مردنگ اِک سُنائیا۔ جن بھگتاں اندر نوُری چندا، جوتی جوت کرے رُشنائیا۔ جن بھگتاں اندر امرت دھار اِکو گنگا، نِجھر جھِرنا آپ جھِرائیا۔ جن بھگت اندر اِکو پیارا پریم پریِتی آپ جنا اِکو چھندا، سوہنگ ڈھولا رہیا گائیا۔ جن بھگتاں اندر اِکو کنارہ اِکو کنڈھا، پتن بَیٹھا بےپرواہیِا۔ جن بھگتاں اندر پانی دُھر دا ٹھنڈا، سوما نِجھر دیاں جھِرائیا۔ جن بھگتاں اندر لال گُلالا اِکو رنگ رنگا، ایتھے اوتھے اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ جن بھگتاں اندر اِکو رس، ہرِ رسیِا آپ جنائیا۔ جن بھگتاں اندر اِکو رہیا وس، پت پرمیشور ڈیرہ لائیا۔ جن بھگتاں اندر اِکو رہیا ہسّ، سو پُرکھ نِرنجن سوامی خوشی منائیا۔ جن بھگتاں اندر اِکو کھیل کرے سمرتھ، پُرکھ اکال وڈّی وڈیائیا۔ جن بھگتاں اندر اِکو نام بانی گائے اکتھ، کتھنی سمجھ کوئی نہ آئیا۔ جن بھگتاں اندر اِکو آتم پرماتم گائے جس، دُھر دا ڈھولا صِفت صلاحیِا۔ جن بھگتاں اندر اِکو کھولنہارا اکّھ، پرتکھ روُپ گوسائنیا۔ جن بھگتاں اندر دیونہارا ساچا حق، حقیِقت سب دی جھولی پائیا۔ جن بھگتاں اندر سُرتی شبدی میلا کرے جھب، جگت وِچھوڑا پندھ مُکائیا۔ جن بھگتاں اندر نؤ دوارے پار کر کے حد، گھر اپنا دئے وکھائیا۔ جن بھگتاں اندر ترےَگُن مایا میٹ کے اگّ، سانتک سَت دئے کرائیا۔ جن بھگتاں اندر بِن مکّے کعبےکرائے حج، حُجرہ ساچا دئے سمجھائیا۔ جن بھگتاں اندر نظری آئے نوُری ربّ، جوتی جوت جوت چمکائیا۔ جن بھگتاں اندر سچ سِنگھاسن ویکھے لنگھ، منزل منزل پھیرا پائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ وکھائیا۔ جن بھگتاں اندر ساچا ڈیرہ، ہرِ کرتا آپ

لگائیا۔ جن بھگتاں اندر نیرن نیرا، دوُر دُراڈا خوشی وکھائیا۔ جن بھگتاں اندر ساچا کھیڑا، کایا کھِڑکی دئے کُھلائیا۔ جن بھگتاں اندر کُھلا ویہڑا، آتم پرماتم ویکھ وکھائیا۔ جن بھگتاں اندر جھگڑا چُکے تیرا میرا، ہؤمے ہنگتا نہ کوئے لڑائیا۔ جن بھگتاں اندر چاؤ گھنیرا، غمی خوشی اِکو رنگ وکھائیا۔ جن بھگتاں اندر بھگَون کرے سد وسیرا، نِج گھر بَیٹھا سوبھا پائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ جن بھگتاں اندر گاوے دُھن، دُھن آتمک راگ سُنائیا۔ جن بھگتاں اندر پُکار لئے سُن، پت پرمیشور بےپرواہیِا۔ جن بھگتاں اندر وکھائے ساچے گُن، اَوگُن رہن کوئے نہ پائیا۔ جن بھگتاں اندر قیِمت کرتا پائے مُلّ، جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ جن بھگتاں اندر نِرمل جوت، جوتی جوت کرے رُشنائیا۔ جن بھگتاں اندر شبد نگارے لا کے چوٹ، سوئی سُرتی دئے اُٹھائیا۔ جن بھگتاں اندر ہؤمے ہنگتا کٹ کے روگ، مایا ممتا موہ مِٹائیا۔ جن بھگتاں اندر کھول کے نیتر لوچن لوچ، آسا منسا ویکھ وکھائیا۔ جن بھگتاں اندر لہنا چُکا کے ہرکھ سوگ، چِنتا غم دئے گوائیا۔ جن بھگتاں اندر آتم پرماتم کر کے دُھر سنجوگ، دُھر دا جوڑ دئے بنائیا۔ جن بھگتاں اندر شبد اگمّی دیونہارا چوگ، کوُڑی کِریا بُھکھ مِٹائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ جن بھگتاں اندر اِک پیار، پرم پُرکھ پربھ آپ کرائیندا۔ جن بھگتاں اندر اِک وِہار، بِوہاری آپ سمجھائیندا۔ جن بھگتاں اندر اِک اُجیار، جوتی جاتانظری آئیندا۔ جن بھگتاں اندر اِک دُھنکار، انحد نادی ناد سُنائیندا۔ جن بھگتاں اندر اِک بہار، کایا گُلشن آپ مہکائیندا۔ جن بھگتاں اندر اِک دربار، دُھر درباری آپ سُہائیندا۔ جن بھگتاں اندر اِک آواز، اگمّی آپ لگائیندا۔ جن بھگتاں اندر کھول کے راز، پردہ اوہلا آپ چُکائیندا۔ جن بھگتاں اندر کر نِواس، سچ سِنگھاسن سوبھا پائیندا۔ جن بھگتاں اندر ہو کے داسی داس، نِرگُن نِرگُن سیو کمائیندا۔ جن بھگتاں اندر جنم کرم دی پوُری کرے آس، آون جاون لکّھ چؤراسی پھند مُکائیندا۔ جن بھگتاں اندر، جوتی جوت سروُپ ہرِ، آپ اپنی کِرپا کر، بِن گوپی کاہن پا کے ساچی راس، منڈل منڈپ آپ سُہائیندا۔ جن بھگتاں اندر ساچا دِیپک، دیِا اِکو نظری آئیا۔ کرے کھیل پربھ ٹھاکر سوامی پریِتم، پت پرمیشور بےپرواہیِا۔ دُھردرگاہی اِکو میِتن، مِتر پیارا نظری آئیا۔ جن بھگتاں اندر ہو نزدیِکن، دوُر دُراڈا پندھ چُکائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ جن بھگتاں اندر سوہنا رنگ، ہرِ کرتا آپ رنگائیا۔ جن بھگتاں اندر سوہنا پلنگ، سَت سَتوادی آپ وِچھائیا۔ جن

بھگتاں اندر سوہنا مردنگ، وڈ مردانہ آپ وجائیا۔ جن بھگتاں اندر سوہنا انند، بِن رسنا جِہوا دئے وکھائیا۔ جن بھگتاں اندر سوہنا چند، جلوہ نوُر کرے رُشنائیا۔ جن بھگتاں اندر سوہنا انگ، انگیکار آپ ہو جائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ جن بھگتاں اندر سچ سماج، سمگری آپ ٹِکائیا۔ جن بھگتاں اندر سَت رِواج، جوُٹھ جھوُٹھ نہ کوئے وکھائیا۔ جن بھگتاں اندر دُھر دی دات، وست امولک نام ٹِکائیا۔ جن بھگتاں اندر میٹ اندھیری رات، چاندنی نوُر کرے رُشنائیا۔ جن بھگتاں اندر اٹّھے پہر رہے پربھات، سندھیا وقت نہ کوئے سُہائیا۔ جن بھگتاں اندر اِکو کھولے تاک، پردہ اوہلا آپ اُٹھائیا۔ جن بھگتاں اندر بھگَون سدا وسے ساتھ، سنگی ہو کے دُھر دا سنگ نِبھائیا۔ جِس تکیا سو سَت سَت کر کے گیا آکھ، آخر اپنا ڈھولا گائیا۔ جوتی جوت سروُپ ہرِ، آپ اپنی جوت دھر، مہاراج شیرسِنگھ وِشنوُں بھگوان، بھگتاں کر کے پوُری آس، آہستہ آہستہ اپنی منزل رہیا چڑھائیا۔

۲۲ ماگھ ۲۰۲۱ بِکرمی سنسار سِنگھ دے گرِہ ڈوِڈا رہیانا

دھرنی کہے کِیوں میل ہویا پنجاں، پنج پنجاہ دے سمجھائیا۔ مَیں لیکھا لِکھ تھکی اِکوَنجا بوَنجا، باون اکھّری صِفت صلاحیا۔ جُگ چؤکڑی دھار ویکھی شترنجا، شاہ سُلطان اپنی آپ بنائیا۔ گُر اوتار پیِر پَیغمبر سِنگھاسن لاؤندے رہے اُتے منجا، پنج تت کایا چولی دے وڈیائیا۔ من مت بُدھ دھار کھیلدے رہے خاکی بندہ، بندگی اگمّی اِک دِرڑائیا۔ جوتی نوُری چاڑھدے گئے چندا، گھٹ مندر کر رُشنائیا۔ سنت سُہیلیاں لاؤندے گئے انگا، انگیکار اکھوائیا۔ تیِرتھ تٹ سُہاؤندے گئے جمنا سُرستی گوداوری گنگا، گہر گمبھیِر حُکم سُنائیا۔ ڈھولا سوہلا راگ سُناؤندے گئے چھندا، منتر رسنا نال پڑھائیا۔ بھیو کُھلاؤندے گئے جیؤ پِنڈا، برہمنڈ کھنڈ دِرڑائیا۔ لیکھ چُکاؤندے گئے وِشن برہما شِو سُرپت اِندا، اِند اِندراسن کھوج کھوجائیا۔ گُرمْکھاں اندر نام کُنجی لا کے کھولدے گئے جِندا، زِندگی زِندگی وِچوں بدلائیا۔ شبد انادی دسّ کے گئے بِندا، مات پِت نہ کوئے وڈیائیا۔ حُکم سندیشہ دیندے گئے گُنی گہِندا، دُھر دی دھار اِک دِرڑائیا۔ امرت رس وہاؤندے گئے ساگر سِندھا، جل تھل مہیئل ویکھ وکھائیا۔ تند ستار وجاؤندے گئے سرنگا، مردنگا ہتّھ اُٹھائیا۔ کوُڑی کِریا ہؤمے ہنگتا میٹدے گئے چِندا، سَت سَتوادی دھیِرج اِک دھرائیا۔ پرماتم آتم دسّدے گئے ساڈھے تِنّ ہتّھ اندر رہندا،

نِرگُن ہو کے سوبھا پائیا۔ وڈیاں چھوٹیاں مارگ دسّدے گئے چنگا، چار کُنٹ دہ دِشا کر پڑھائیا۔ من ذِبعے نال کردے گئے دنگا، گھر گھر وِچ ویکھ لڑائیا۔ سنت ساجن گُرمْکھاں چڑھاؤندے گئے رنگا، رنگ اگمّی اِک رنگائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ دھرنی کہے مَیں ویکھے پنج اکّھیں، ہرِ کرتا میل مِلائیا۔ کوئی سمجھ نہ سکے سُرت سوانی سخی، ساکھیات وجّی ودھائیا۔ جِس دی کہانی آد جُگاد کِسے نہ دسّی، بھیوَ ابھید نہ کوئے کُھلائیا۔ اوس دے چرناں ہیٹھاں ڈھٹّھی، ایتھے اوتھے دو جہان مِلی وڈیائیا۔ سچ سوامی انترجامی شبد جنائی اِکو پٹّی، پّٹا دُھر دا دِتا لِکھائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ دھرنی کہے کُچھ پُچھو مَیتھوں سخیو، سَت سچ دیاں دِرڑائیا۔ جِس پربھوُ دے چرن کوَل سرنائی ساچی وسیو، واسطہ وصل اِکو نال جنائیا۔ لوک مات دی نِکی نِکی بتّیو، جوت نِرنجن نوُری ڈگمگائیا۔ ساڈھے تِنّ ہتّھ کایا اندر وِک گئی ہٹّیو، سچ ونجارا نظر کوئے نہ آئیا۔ جِس دے وَیراگ تیاگ اندر پِھرو نسّیو، جوُن اجوُنی لکّھ چؤراسی پھیرا پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دھرنی کہے مَیں دسّاں پِچھلی کہانی، پربھ دیوے مان وڈیائیا۔ جِس ویلے ایتھے آئی پنچالی پنجاں دی رانی، ننگے پَیراں پھیرا پائیا۔ ایس دھام بَیٹھ گئی سی اوہ سوانی، آسن سِنگھاسن اِک وچھائیا۔ اُس دے کول سی ٹھنڈا پانی، جل پِچھلا نال رکھائیا۔ اودھروں کھیل کرے بھگوانی، بھگَون اپنی دھار چلائیا۔ جوتی جوت سروُپ ہرِ، آپ اپنی کِرپا کر، لیکھا جانے چائیں چائنیا۔ دھرنی کہے جِس ویلے لگّا آسن، آسا اندروں اِک ودھائیا۔ جِس نوُں مِلیا پُرکھ ابناشن، ابناشی کرتا بےپرواہیِا۔ اوہ ہؤلی ہؤلی کرن لگی انتر آتم باطن، نِرگُن نِرگُن اپنا میل مِلائیا۔ تُوں میرا مَیں تیرا گہر گمبھیِر اِس توں وکھرا کیہڑا پاٹھن، پوُجا پاٹھ اِشٹ دیو سوامی دے سمجھائیا۔ چار کُنٹ اُٹھ کے لگی جھاکن، نیتر نیَن اکّھ کُھلائیا۔ پِچھلی پوتھی لگی واچن، جو دروپد گھر دی واچ لیائیا۔ اُس دا پہلا انک اِکو بھاشن، بھانڈا بھرم بھؤ بھنائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ دروپد سُت پڑھ کے پوتھی، اپنا انچل دِتا اُٹھائیا۔ اوس وِچ دھار مِلی سؤکھی، سوہنی مِلی وڈیائیا۔ پُرکھ اکال لکّھ چؤراسی اندر سب دی جوتی، جوتی جاتااِکو نظری آئیا۔ جِس نوُں لبھدے کوٹن کوٹی، برہمنڈ کھنڈ کھوجن تھاؤں تھائنیا۔ اوہ ٹھاکر سوامی دُھر دا مؤجی، مجلس بھگتاں نال لگائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیا۔ پہلی سطر دا ویکھیا ستارا، ستاراں اکھّراں وِچ

وڈیائیا۔ جِس دا پہلا انک نِہکلنک نر اوتارا، جوتی جاتا بےپرواہیِا۔ نوُرو نوُر چمکے اگمّ اپارا، تت وجوُد نہ کوئے رکھائیا۔ اوس دا بھگتاں نال پیارا، پریِتم ہو کے میلا میلے سہج سُبھائیا۔ جِس ویلے کلجُگ ہووے انت کنارہ، نئیا ڈولے تھاؤں تھائنیا۔ چار جُگ دا کمّ نہ آئے وَنجھ مُہانا، پتن کھیوٹ کھیٹا بَیٹھے مُکھ بھوائیا۔ بھرمے بُھلے راجا رانا، شاہ سُلطان نہ کوئے وڈیائیا۔ اوس ویلے کِرپا کرے سِری بھگوانا، بھگَون اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ وکھائیا۔ دروپد کِہا ایہہ کی آئے بھگَونت، اپنا پھیرا پائیا۔ اودھروں پِھردا پِھردا نارد مُن آ گیا سنت، بودی اپنی رہیا ہِلائیا۔ کِنگ نال وجا کے پڑھے منت، ڈھولا دُھر دا رہیا سُنائیا۔ اوس دی مہما سدا اگنت، بےپرواہی وِچ سمائیا۔ جِس تیری بنائی بنت، دِتی مان وڈیائیا۔ اوہ سب دا وڈّا بودھ اگادھا پنڈت، آد جُگاد جُگ چؤکڑی کرے پڑھائیا۔ نِت نوِت کرنہارا انت، انتشکرن سب دا ویکھ وکھائیا۔ کوُڑی کِریا گڑھ توڑنہارا ہؤمے ہنگت، ہنگ برہم دئے سمجھائیا۔ اوسے ویلے دروپت اُٹھ کے کیِتی مِنت، نیتر نیَناں نیِر وہائیا۔ ویکھیں کوئی کر کے نہ جائیں عِلّت، دغا میرے نال کمائیا۔ نارد کِہا، نہیں، مَیں لاؤن آیا تِلک، ساچی سیو کمائیا۔ کلجُگ انت سری بھگَونت دوہاں دا وکھرا نِرالا سب توں ہونا عِشق، عاشق معشوُق دوویں بَیٹھن نیَن شرمائیا۔ بیِس اِکیسے تیری کڈھن پھیر فہرِست، پوُرب لیکھا ویکھ وکھائیا۔ جن بھگتاں کھول کے درِشٹ، اِشٹ اپنا دئے مِلائیا۔ صبر صبوُری دے کے بھروسہ صِدق، من ممتا موہ چُکائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ دروپت کِہا نارد ہوویں نہ جھوُٹھا، جھوُٹھی کہانی سُنائیا۔ اوس کِہا مَیں پنجے والا لاواں انگوُٹھا، اُنگلاں چارے نال مِلائیا۔ اوہ صاحب سچّا محبوُبا، سچ مُحبّت وِچ سمائیا۔ آد جُگاد سدا مؤجوُدہ، وِچھڑ کدے نہ جائیا۔ اُس نے اَگوں مار کے کِہا ہوُنگا، ہوُں ہوُں کر کے دِتا سُنائیا۔ ہؤلی جِہی اوہدے سِر وِچ مار کے ٹھوُنگا، بودی دِتی ہِلائیا۔ نارد اوسے ویلے اپنا موُدھا کر کے تُونبا، کِنگ وِچوں کِلّی دِتی کڈھائیا۔ جِس پربھ نوُں سارے کہندے گوُنگا، سو کلجُگ انت جن بھگتاں ڈھولے ایتھے گائیا۔ پنجاں میل مِلا کے تیرے کنتاں نالوں چنگا ہووے کنت، ہرِ کرتا بےپرواہیِا۔ ساچی رُت بہار مؤلے بسنت، پتّ ڈالی رنگ وکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ نارد دے کے ہٹیا اُپدیش، کہانی سچ سُنائیا۔ اودھروں اِک سادھوُ بدل کے آ گیا بھیس، لنگوٹی اِکو تن چُھہائیا۔ خاک اُڈاوے مِٹّی نال رہیا کھیل، دھوُڑی دھوُڑ رمائیا۔ نیڑے آ کے کہندا دروپتی مَینوُں

دے دے سیج، جِس اُتے آسن لیا لگائیا۔ مَینوُں کُل مالک دِتا بھیج، بھجن بندگی اِکو اِک سِکھائیا۔ اُٹھ ویکھ میرا تیج، جوتی نوُر رُشنائیا۔ اوس نے کِہا کِیوں دھر کے آیا بھیکھ، پاکھنڈی روُپ وٹائیا۔ میرے نال کرداں جھیڑ، جھگڑا رہیا جنائیا۔ جا کے وس اپنے دیس، جِتھے کوجھے کملے ڈیرہ لائیا۔ اوس کِہا میرا اوسے نال ہیت، جو سُچجیاں میلا رہیا مِلائیا۔ اِس دے اندر کوئی بھیت، ڈوُنگا راز دیاں وکھائیا۔ جِس ویلے کلجُگ انت جن بھگتاں بدلن آیا ریکھ، ریکھا اپنی نال بدلائیا۔ اوس ویلے، جوتی جوت سروُپ ہرِ، آپ اپنی کِرپا کر، دیونہارا ساچا ور، گہر گمبھیِر وڈّی وڈیائیا۔ سادھوُ کہے مَیں اودھوُت، سادھنا نظر کوئے نہ آئیا۔ میری کایا پنج تت بھوُت، پنج بھوُتک رہیا سمائیا۔ ایتھوں سب نے کر کے جانا کوُچ، تھِر رہن کوئے نہ پائیا۔ جھگڑا مِٹ جائے اِک دوُج، دوُآ ایکے نال مِلائیا۔ جوتی جوت سروُپ ہرِ، آپ اپنی کِرپا کر، پردہ اوہلا دئے اُٹھائیا۔ دروپتی کِہا سُن اچھل اچھلّ، تَینوُں دیاں جنائیا۔ نارد کہے مَیں سچ دسّاں انتم کلجُگ کل، ہرِ کرتا رہیا دِرڑائیا۔ جِس ویلے نر نرائن نِرگُن نِروَیر آوے چل، اچلت اپنی کھیل کھِلائیا۔ سو اپنے توں پہلوں ایسے اودھوُت نوُں دیوے گھل، دُھر دا حُکم اِک منائیا۔ اوہدے انتر وسیرا کرکے گھڑی پل، ڈیرہ ساچا لئے جمائیا۔ جوتی شبدی دھار جائے رل، جگت نیتر نظر کِسے نہ آئیا۔ پوُرب جنم دا دے کے پھل، پھل پُھلواڑی آپ مہکائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ اودھوُت کہے میرا اوہ کرتار، مالک قُدرت اِک اکھوائیا۔ جِس دا حُکم سدا جُگ چار، نہ کوئے میٹے میٹ مِٹائیا۔ سَتجُگ تریتا دواپرکلجُگ کھیل کرے اپار، دُھر فرمانا حُکم سُنائیا۔ لیکھا جان گُروُ اوتار، پَیغمبراں پڑدا لاہیِا۔ دروپت سُن لےَ سچ گُفتار، اگلی دیاں جنائیا۔ صاحب سوامی ساچا کرے پیار، انترجامی ویکھ وکھائیا۔ جِس دا کوئی نہ بنے سہار، سِر اوس دے اپنا ہتّھ ٹِکائیا۔ کوُڑی کِریا وِچوں کڈھ کے باہر، چرن پریِتی اِک سمجھائیا۔ امرت آتم چرن چرنودک دئے پیال، دُکھیاں دُکھ گوائیا۔ پوُرب جنم دی لیکھے لا کے گھال، مِہر نظر نال ترائیا۔ اوہ بھولا بھالا ہووے وِچ سنسار، سنسار نہیں سنسار سِنگھ اوسے دا ناں رکھائیا۔ ایہہ کتھا جگت شاستر سِمرت وید پُران توں باہر، اِتہاسک قلم نہ کوئے چلائیا۔ جِس دا لہنا اوسے نوُں دینا دیونہار آپ نِرنکار، نِرگُن وڈّا وڈّی وڈیائیا۔ دھرنی دھرت دھوَل تیرا لتھا اُدھار، پِچھلا قرضہ مقروُض تیری جھولی پائیا۔ دھرنی کہے مَینوُں کر لیَن دیؤ نِمسکار، ایتھے پنجاں دا مالک بَیٹھا بےپرواہیِا۔ جِس دا جوتی نوُر آد انت ایکا ایکنکار، اکل کل اپنی رہیا ورتائیا۔ جوتی جوت سروُپ ہرِ،

آپ اپنی کِرپا کر، اپنا کھیل رہیا دِرڑائیا۔ دھرنی کہے مَیں واری گھول گھولی، اپنا آپ دیاں مِٹائیا۔ اُسدے در دی ہوواں گولی، جو پِچھلی خالی گولک رہیا بھرائیا۔ جِس دی رمز وِچ اگمّی بولی، حرفاں والی نہ کوئے پڑھائیا۔ مَیں اوس دے چرن کوَل اُپر دھوَل دھرنی کہے مؤلی، موُل اپنا آپ مِٹائیا۔ جو چل کے آیا دوُر دُراڈا ہؤلی ہؤلی، دو جہاناں پندھ مُکائیا۔ جگت ناد برہم برہماد پائے کوئی نہ رؤلی، کوُڑ وِواد نہ کوئے رکھائیا۔ جن بھگتاں دی چُکن آیا ڈولی، ساڈھے تِنّ ہتّھ اپنے کندھ اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ دھرنی کہے مَیں ویکھیا گُرمْکھ تردا، تارنہار دئے وڈیائیا۔ جو لکّھ چؤراسی جیِو جنت گھاڑن گھڑدا، کھانی بانی اپنا حُکم ورتائیا۔ سو مالک درویش ہو کے بردا، نِرگُن نِروَیر اپنا ویس وٹائیا۔ لیکھا چُکاوے بھگتن گھر دا، گرِہ مندر کھوج کھوجائیا۔ بِن ڈٹھیاں بِن ویکھیاں ساچے مندر چڑھدا، منزل بہہ کے خوشی منائیا۔ جوتی جوت سروُپ ہرِ، آپ اپنی کِرپا کر، دُھر دی کرنی رہیا وکھائیا۔ دھرنی کہے کِیوں ہوئے پنج اِکٹّھے، پنج گراں کھیڑے دِتے جگت وسائیا۔ بھگت کہے اَگے کوُڑے میٹنے رٹےّ، کایا مندر اندر پنجاں دا جھگڑا رہے نہ رائیا۔ پریم پریِتی اندر جان رتےّ، کوُڑی کِریا باہر کڈھائیا۔ جِس نے دھنےّ دے چارے وچھےّ، اوہ درس دِکھائے سروُپ سوَچھے، ماڑیاں توں اچھّے اچھّیاں توں چنگے اپنے نال مِلائیا۔ جم کی پھاسی توڑ کے رسےّ، پریم پریِتی ڈوری نال پھڑکے کسے، دو جہان ناتا سکے نہ کوئے تُڑائیا۔ ایہہ کھیل ویکھ کے گُر اوتار پَیغمبر ہسّے، بھگت جن تاڑیاں رہے وجائیا۔ جِنہاں دے چیِتھڑ پاٹے پِھردے ننگے، تن وجوُد اوڈھن نہ کوئے وکھائیا۔ اوہناں دا ٹھاکر بنیا دُھر دا سنگے، سگلا سنگ نِبھائیا۔ مہاراج شیرسِنگھ وِشنوُں بھگوان، پِچھلے لیکھے لہنے حِساب سب دے کڈھے جو سچ دوارے ٹنگے، دوُجے ہتّھ نہ کِسے پھڑائیا۔