کتب خانہGranth 18 (Shahmukhi)

۲۹ ماگھ ۲۰۲۱ بِکرمی سرون سِنگھ دے گرِہ پکھووال ضِلع لُدھیانہ

پنج تت کہن اسیں ہوئے خوشحال، خوشی اپنا رنگ وکھائیا۔ کِرپا کرے ہرِ کِرپال، کِرپن لئے ترائیا۔ مارگ دسّ کے اِک سُکھال، دُھر دا رستہ دِتا وکھائیا۔ جگت کِریا توڑ جنجال، جیِون جُگت دِتی سمجھائیا۔ سچ پدارتھ نام دھن مال، کایا مندر اندر دِتا ٹِکائیا۔ ساڈھے تِنّ ہتّھ بنا کے سچّی دھرم سال، پوُجا پاٹھ سِمرن اِکو دِتا وکھائیا۔ جِس دے نال لیکھے لگے شاہ کنگال، غریِب نِمانیاں ہوئے سہائیا۔ خالق پالک ہو کے کرے پرِتپال، صاحب سُلطان سہج سُکھدائیا۔ پوُرب جنم دا لہنا دینا لیکھا مُکا کے اَگے کیِتا اِحسان، مِہروان ہویا سہائیا۔ جِس آشا دا منگدے رہے دان، سو جھولی دِتی بھرائیا۔ ساڈے وِچ وسن والی آتم پرماتم نال ملِے آن، بےپہچان اپنے وِچ سمائیا۔ مالکاں دا مالک خالقاں دا خالق مہاراج شیرسِنگھ وِشنوُں بھگوان، جو بھاگ سب دا حِصّے آؤندا جھولی پائیا۔

۲۹ ماگھ ۲۰۲۱ بِکرمی کرم سِنگھ دے گرِہ پِنڈ گوُڑھے ضِلع لُدھیانہ

پنج تت کہن ساڈے انتر نِرمل جوت، گھر گھر وِچ بَیٹھی ڈیرہ لائیا۔ جِس دا ورن نہ کوئی گوت، ذات پات نہ کوئے رکھائیا۔ جِس دے سنگ اگمّی شبد لگاوے چوٹ، سوئی سُرتی دئے اُٹھائیا۔ بھاگ لگا کے ساچے کوٹ، ماٹی خاکی سوبھا پائیا۔ سرون کہن کِیوں ہویا بولا، سَت آواز نہ کوئے سُنائیا۔ جگت کرماں کیِتا ڈھورا، سمجھ کوئے نہ آئیا۔ سَتگُر پوُرا مِہروان جے کرم کٹے تھوڑا تھوڑا، ہؤلی ہؤلی سب کُچھ دئے بدلائیا۔ اندر آتم پرماتم سچ سُنائے شبد گھنگھورا، انراگی اپنا راگ سُنائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ کنّ کہن سانوُں نہیں کُچھ سُن دا، آواز اندر نہ کوئے سمجھائیا۔ پتہ نہیں اپنے گُن اوگُن دا، کی کرنی لئی

کمائیا۔ اندر اِشارہ نہیں ساچی دُھن دا، باہروں بھرم نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ کنّ کہن ساڈی کوئی نہیں سُنیِت، سمجھ بےسمجھ نہ کوئے سمجھائیا۔ ہرِ کا نام سرون نہ ہوئے سنگیِت، دُھر دی دھار نہ کوئے دِرڑائیا۔ کایا ماٹی پنج تت ہوئے نہ ٹھانڈی سیِت، اگنی تت نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سرون کہن ساڈا پِچھلا کوئی حِساب، ویلا ارجن چیتے آئیا۔ جِس ویلے ماری ہرِ گوبِند آواز، پریم نال بُلائیا۔ اوس ویلے جھیِور جامہ ہتّھ وِچ پانی پھڑ کے رکھدا سی گلاس، خوشیاں نال سیو کمائیا۔ اِک دِن من اندر بَیٹھا سی اُداس، رُچی جگت وِچ لگائیا۔ اودھروں سَتگُر دِتا آکھ، سنتوُ پانی لیا چھیتی بھائیا۔ اُس نے کوئی نہ دِتا جواب، منسا من نہ کوئی رکھائیا۔ اوہناں ہسّ کے کِہا بولیا کی لیندا خواب، سُرتی کِدھر لگائیا۔ پھیر اُٹھ کے کِہا، کی کِہا جناب، مَینوُں دیؤ سمجھائیا۔ اوہناں کِہا پانی لیا شتاب، جل سوہنا اِک بھرائیا۔ اگلا لیکھا ہور تیرا لِکھ دِتا سچّی کِتاب، جِتھوں میٹے نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا وکھائیا۔ پوُرب لیکھا جانی جان، انتر حَیرانی آئیا۔ کِرپا کر مِہروان، مِہر نظر اُٹھائیا۔ مَینوُں پانی دے پِچھے ایہہ کی دِتا دان، تیرا جس سرون سُنن کوئے نہ پائیا۔ ہرِ گوبِند ہس کے کِہا کِیوں لگّا پچھتان، تَینوُں دیاں دِرڑائیا۔ کلجُگ انتم پھیر بننا تُوں اِنسان توں اِنسان، مانَس وِچوں مانَس جنم بدلائیا۔ اوس ویلے کِرپا کرے سِری بھگوان، جوتی جاتا ویکھ وکھائیا۔ تیرے بند کنّاں دا ویکھے آن نِشان، نادان سویا لئے اُٹھائیا۔ لیکھا مُک جائے وِچ جہان، لوک مات رہن نہ پائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پِچھلا لہنا سَتگُر لیکھا، بِن ہرِ میٹ نہ کوئے مِٹائیا۔ جگت مایا کر کے تَینوُں نہیں چیتا، آتم پردہ نہ کوئے اُٹھائیا۔ اٹھاٹھ سال پیا بُھلیکھا، اٹھسٹھ مَیل نہ کوئےدھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سُلطان بےپرواہیِا۔ اٹھاٹھ سال کہن اسیں تت اٹّھ، نؤ دوار دھیان لگائیا۔ نؤواں کہے مَینوُں سُنن لگّا کُچھ گھٹ، کِسے اندروں دِتا بند کرائیا۔ اِک دِن وجّی اگمّی سٹّ، راتیں سُفنے وِچ سمجھائیا۔ اوس دِن سمجھ نہیں سکیا کی کھیل کرے سمرتھ، بُھل وِچ ویلا دِتا گوائیا۔ راتیں ساڈھے گیاراں وجے اوس رات تیری رڑک پئی سی وِچ اکّھ، تھوڑی تھوڑی پیِڑ رکھائیا۔ جِس ویلے سجّا پاسا لیا سی وٹ، ہؤلی جیہی آواز دوہاں کنّاں وِچ سُنائیا۔ پھیر پِچھے گیا ہٹ، پردہ اوہلا وِچ ٹِکائیا۔ جِس دا عِلاج اجے تکّ نہیں سکیا لبھ، کوُڑی مَیل صاف نہ کوئے کرائیا۔ جے کِرپا کرے پُرکھ

سمرتھ، صاحب دَیال ہوئے سہائیا۔ پِھر سُنن لگ پئے جھٹ، مِنٹ دیر نہ لگے رائیا۔ جوتی جوت سروُپ ہرِ، آپ اپنی کِرپا کر، پِچھلے پوُرب جنم دا لہنا، ہرگوبِند دا کہنا، ہرِسنگت دا ویکھنا نیَناں، نیَناں نیَناں نال مِلائیا۔

۲۹ ماگھ ۲۰۲۱ بِکرمی پاکھر سِنگھ دے گرِہ پِنڈ موہی ضِلع لُدھیانہ

صدی ویہویں کہے سُن بےپرواہ، سچکھنڈ نِواسی اپنا دھیان لگائیا۔ صدی چؤدھویں پندھ رہی مُکا، بھجیّ واہو داہیِا۔ کلجُگ چاروں کُنٹ اندھیرا گیا چھا، ساچا چند نہ کوئے رُشنائیا۔ گُر اوتار پیِر پَیغمبر پلّوُ گئے چُھڈا، ساکھیات سنمُکھ نظر کوئے نہ آئیا۔ لکّھ چؤراسی جیِو جنت سادھ سنت نیتر روون مارن دھاہ، من واسنا سارے رہے کُرلائیا۔ جوُٹھ جھوُٹھ کوُڑ کُڑیار گھر گھر ڈیرہ بَیٹھا لا، مایا ممتا ہؤمے ہنگتا روگ نہ کوئے گوائیا۔ شاستر سِمرت وید پُران اِنجیِل قُرآن گیِتا گیان اکّھ نہ سکے کُھلا، کھانی بانی حُکم نہ کوئے ورتائیا۔ دُھر سندیشہ نر نریشا کوئی نہ سکے گا، اگمّی دُھن ناد نہ کوئے جنائیا۔ سَت پرکاش پُرکھ ابناشی نِرمل جوت سکے نہ کوئی جگا، نوُر ظہوُر نہ کوئے رُشنائیا۔ اناد انادی شبد اگمّی سکے نہ کوئی سُنا، دُھن آتمک راگ نہ کوئے الائیا۔ امرت آتم جام سکے نہ کوئی پیا، نِجھر جھِرنا نہ کوئے جھِرائیا۔ گھر دِیپک جوتی سکے نہ کوئے جگا، اگیان اندھیر نہ کوئے مِٹائیا۔ آتم پرماتم سکے نہ کوئے مِلا، اِکو رنگ نہ کوئے وکھائیا۔ رسنا جِہوا بتّی دند صِفت صلاحی سارے ڈھولے رہے گا، گہر گمبھیِر بےنظیِر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ صدی ویہویں کہے مَیں ویکھیا جگت اندھیرا، سَت دھرم نظر کوئے نہ آئیا۔ کِسے نہ چُکے تیرا میرا، بھانڈا بھرم نہ کوئے بھنائیا۔ در در گھر گھر چار کُنٹ دہ دِشا دھرنی دھرت دھوَل اُتے کوٹن کوٹ سادھاں لایا ڈیرہ، بَیٹھے جگت دھوُنیاں تائیا۔ تیرے نال مِل کے پربھوُ کِسے نہ دِتا سچ سُنیہڑا، چار جُگ دی پِچھلی بانی سارے رہے سُنائیا۔ ساڈھے تِنّ ہتّھ کایا مندر سوہنا وسیا کوئی نہ کھیڑا، محل اٹل نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کُھلائیا۔ صدی ویہویں کہے پربھ ویکھ اندھیری رَین، ساچی رُتڑی رُت نہ کوئے سُہائیا۔ سچ سوامی انترجامی نِرگُن نِروَیر نِرنکار مَیں تَینوُں آئی کہن،

بن نِمانی اِکو الکھ جگائیا۔ تیری سرِشٹی بِن درِشٹی رُڑھدی جائے ڈوُنگے وہن، کام کرودھ لوبھ موہ ہنکار رہیا رُڑھائیا۔ سَتگُر شبد کِسے نہ مِلیا ساک سجّن سیَن، ساچا بندھن نہ کوئے پائیا۔ اندر وڑ کے مندر چڑھ کے سَتگُر شبد کِسے نہ آیا لَین، سُرت سوانی شبد ہانی نر ہرِ کنت نہ کوئے پرنائیا۔ جنم کرم دا چُکاوے کوئی نہ لہنا دین، نِہکرمی روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، مِہروان ہو سہائیا۔ صدی چؤدھویں کہے مَیں کلجُگ روندے ویکھے سنت، اندر وڑ وڑ رون دین دُہائیا۔ بہُڑی بہُڑی اجے نہ مِلیا کنت، پریِتم انگ نہ کوئے لگائیا۔ گُپت ظاہر چڑھی نہ کوئے رنگت، رنگ چلوُل نہ کوئے وکھائیا۔ دھائیں ماردے ویکھے پنڈت، برہم وِدیا سمجھ کِسے نہ آئیا۔ لیکھا چُکیا نہ جیرج انڈج، اُتبُھج سیتج پندھ نہ کوئے مُکائیا۔ ساچا سمجھ نہ آیا منت، منتوَ حل نہ کوئے کرائیا۔ جِس دیِن دَیال پُرکھ اکال شبدی دھار گُر اوتار پیِر پَیغمبر بنائی بنت، گھاڑت گھڑ گھڑ ویکھ وکھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کُھلائیا۔ صدی ویہویں کہے پربھوُ مَیں ویکھیا کوُڑ، گھر گھر کایا مندر اندر نظری آئیا۔ جوتی چمکے نہ تیرا نوُر، سچ جوت نہ کوئے رُشنائیا۔ شبدی سُنے نہ کوئے تُور، انراگی راگ نہ کوئے سُنائیا۔ چتُر سُگھڑ نہ بنے موُڑھ، موُرکھ مُگدھ اپنے انگ نہ کوئے لگائیا۔ جِدھر تکاّں تیرے مانُش تیرے نالوں ہو گئے دوُر، بجر کپاٹی پردہ نہ کوئے اُٹھائیا۔ اندر وڑیا جوُٹھ جھوُٹھ لوبھ ہنکار غروُر، غُربت سکے نہ کوئے مِٹائیا۔ من واسنا پایا فتوُر، فتویٰ سب دے اُتے لائیا۔ گھر وِچ بَیٹھا کِسے نظر نہ آئیوں حضوُر، حضرت بَیٹھا اپنا مُکھ چُھپائیا۔ جوتی جوت سروُپ ہرِ، آپ اپنی کِرپا کر، ساچا پردہ دے اُٹھائیا۔ صدی ویہویں کہے مَیں ویکھیا لوک پرلوک، دو جہان دھیان لگائیا۔ تیرے نال مِل کے ٹھاکر کوئی نہ مانے مؤج، مجلس سچ نہ کوئے لگائیا۔ سنتاں اندر کلجُگ ویکھیا جگی نہ سچّی جوت، ایویں اکھّراں والی کر کر تھکے پڑھائیا۔ سچ دوارے ہرِ نِرنکارے کِسے نہ آئی سوچ، سمجھ حق نہ کوئے دِرڑائیا۔ ہؤمے ہنگتا لگّا ویکھیا روگ، طبیب سچ نہ کوئے مِلائیا۔ تیرے وِچھوڑے دا جگت وِجوگ، بُھلی بھرم لوکائیا۔ لکّھ چؤراسی وِچوں بِن بھگتاں ہویا نہ کِسے دا سنجوگ، جوتی جوت سروُپ ہرِ، آپ اپنی کِرپا کر، ہرِ کرتے دے سمجھائیا۔ ہرِ کرتے دسّ سِری بھگوان، در ٹھانڈے منگ منگائیا۔ ساچا دِسے نہ کِسے نِشان، محل اٹل سوبھا کوئے نہ پائیا۔ تیرے نال مِل کے آتم پرماتم لائے نہ کوئی دیوان، ڈھولا حق نہ کوئے سُنائیا۔ سارے سُنن والے نال کان، اندر وڑ کے ناد نہ کوئے وجائیا۔ رسنا نال کرن والے کلیان، کایا کعبہ کھوج نہ کوئے وکھائیا۔ دوُسریاں

نوُں دسّن والے بھگوان، آپ درس کوئے نہ پائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کُھلائیا۔ پُرکھ اکال کہے سُن صدی بیِس، سَت سچ دیاں دِرڑائیا۔ گُر اوتار پیِر پَیغمبر جو لِکھ کے گئے ٹھیِک، بھوِکھتاں وِچ جنائیا۔ سو ویلا وقت آیا نزدیِک، سارے اِکٹّھے ہو کے دین گواہیِا۔ ساڈے وِچ رہی نہ کوئے تؤفیِق، طوبیٰ طوبیٰ کر کے دین سُنائیا۔ کِرپا کر لاشریِک، واحد پیِر تیری سرنائیا۔ سَتجُگ تریتا دواپرکلجُگ تیری کردے گئے اُڈیِک، کلمیاں وِچ صِفت صلاحیِا۔ گُر اوتار کرن تصدیِق، حاضر ہو کے دین سُنائیا۔ پُرکھ اکالا دیِن دَیالا سب دا میِت، مِتر پیارا اِک اکھوائیا۔ جِس دی آد جُگاد جُگ چؤکڑی اوَلّڑی ریِت، شاستر سِمرت وید پُران نہ کوئے سمجھائیا۔ جو بھگت سُہیلا اِک اَکیلا دُھر اگمّا سُناوے گیِت، گوبِند داتا بےپرواہیِا۔ لیکھا مُکاونہارا ہست کیِٹ، اوُچ نیِچ ویکھ وکھائیا۔ ساچا کلمہ دئے اِک حدیِث، کرے کرائے سچ پڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُرکھ اکال کہے صدی ویہویں مَیں لگّی ویکھی اگّ، نوَ نؤ چار نظری آئیا۔ ساچا کرے نہ کوئی حج، حُجرہ حق نہ کوئی صلاحیِا۔ ساچے مندر وڑے کوئے نہ نَٹھ، بنک دوارے سوبھا کوئے نہ پائیا۔ سچ اِشنان کرے نہ کوئی اٹھسٹھ، دُرمت مَیل نہ کوئےدھوائیا۔ ساچا ناد نہ وجائے کوئی انحد، دُھر دی دھار نہ کوئے سمجھائیا۔ ساچا امرت دیوے کوئی نہ جھّٹ، امیوں رس جام نہ کوئے پیائیا۔ ساچی جوت کرے نہ کوئی پرگٹ، جلوہ نوُر نہ کوئے وکھائیا۔ چاروں کُنٹ ویکھے کُھلے ہٹّ، ہرِ کا نام جھولی کوئے نہ پائیا۔ نانک کبیِر دے کہنے رہے دسّ، اپنی رمز نہ کوئے لگائیا۔ جِنہاں دا آد جُگاد جُگ چؤکڑی میل ہویا نال پُرکھ سمرتھ، سو سوہلے سچ دین سمجھائیا۔ اوہناں دے کول اِکو پربھ مِلن دی اکّھ، دوئے لوچن بَیٹھن بند کرائیا۔ سچ دوارے جاون وس، جِتھے صاحب پُرکھ سمرتھ، جوتی نوُر اِک پرکاش، دوُجا رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ پُرکھ اکال کہے مَیں صدی ویہویں سرِشٹی ویکھی سب، لکّھ چؤراسی کھوج کھوجائیا۔ کوئی نہ کرے پار حد، نؤ در ڈیرہ کوئے نہ ڈھائیا۔ کوئی نہ ساچی منزل چڑھے بھجّ، بِن کدماں پندھ مُکائیا۔ کوئی نہ درشن کرے رجّ، سنمُکھ ہو کے خوشی منائیا۔ کوئی نہ آتم پرماتم مِل کے پئے وس، کایا کھیڑا سوبھا پائیا۔ تیرا میرا ہو کے گاوے جس، ڈھولا اِکو ناد سُنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ صدی ویہویں کہے پربھوُ مَیں ویکھی جگت وہیِر، کلجُگ کوُڑا بھجےّ واہو داہیِا۔ ساچا نظر نہ آئے کوئی پَیغمبر پیِر، دستگیر دست نہ کوئے مِلائیا۔ سنت ساجن

دیوے کوئی نہ دھیِر، من شانت نہ کوئے کرائیا۔ دیِن مذہب شرع دے توڑے نہ کوئے زنجِیر، اوُچ نیِچ ڈیرہ کوئے نہ ڈھائیا۔ جنم وِچوں جنم دی بدلے نہ کوئے تقدیِر، مِہر نظر نال نہ کوئے ترائیا۔ گھر سروور امرت بخشے کوئی نہ نیِر، اٹھسٹھ سارے رہے پِھرائیا۔ ساچی چوٹی منزل چڑھے نہ کوئے اَخیِر، بِن اکھّراں کرے نہ کوئے پڑھائیا۔ پُرکھ اکال دیِن دَیال تُوں اِک پاتشاہ اِک شبد تیرا وزیِر، گُروُ پیِر اوتار پَیغمبر رعیت نظری آئیا۔ جوتی جوت سروُپ ہرِ، آپ اپنی کِرپا کر، - - - -۔ صدی ویہویں کہے مَیں چار جُگ رہی تکدی، جُگ چؤکڑی دھیان لگائیا۔ مَیں وِشنوُں دی آسا ویکھی منگدی، برہمے دی ترِشنا جھولی رہی ڈاہیِا۔ شنکر دے متھے تیرے چرناں دی دھوُڑ ویکھی لگدی، جو نِیوں نِیوں لاگے پائیا۔ ترےَگُن تیرے چرناں ویکھی ڈھٹھدی، دوئے جوڑ جوڑ سرنائیا۔ جوتی جوت سروُپ ہرِ، آپ اپنی کِرپا کر، پوُرب لیکھا دئے چُکائیا۔ صدی ویہویں کہے مَیں تیئی اوتاراں سُن دی رہی واک، جو انتر انتر رہے جنائیا۔ سارے دسّدے رہے بھوِکھت ساچ، اپنی اپنی رمز لگائیا۔ اوٹ رکھدے رہے تیری پُرکھ ابناش، پاربرہم تیری سرنائیا۔ جِس ویلے صاحب سُلطان آوے کملاپات، دو جہاناں مالک پھیرا پائیا۔ سب دا لہنا میٹے حِساب، پِچھلا لیکھا بےباق کرائیا۔ اَگے بھگتاں کھول کے تاک، پردہ دئے اُٹھائیا۔ آتم پرماتم جوڑ کے نات، سُرتی شبد نال مِلائیا۔ نام سُنا کے بودھ اگادھ، انحد راگ دئے وڈیائیا۔ پھڑ پھڑ ہنس بنائے آپے کاگ، مانک موتی چوگ چُگائیا۔ گھر دیِپ جگا کے چراغ، جوت نوُر کرے رُشنائیا۔ جُگ چؤکڑی دا وِچھڑیا ملِے ہرِ کنت سُہاگ، دُھر سنجوگی ہو کے جوڑ جُڑائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ صدی ویہویں کہے مَیں پَیغمبر ویکھے راہ تکدے، مقامے حق دھیان لگائیا۔ کلمیاں وِچ ویکھے دسّدے، شرع نال سمجھائیا۔ کھیل تکے اوس جناب حق دے، جو محبوُب بےپرواہیِا۔ چؤداں لوک جِس دے چرناں ہیٹھ وسدے، چؤداں وِدیا سمجھ کوئے نہ پائیا۔ الف یے اِنجیِل قُرآنا آکھ کُچھ نہ سکدے، تُعارف وِچ نہ کوئے لوکائیا۔ اگمّی کھیل پُرکھ سمرتھ دے، الکھ اگوچر آپ کرائیا۔ اسیں نٹوُے ہو کے نچدے، حُکمے اندر تال وجائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ صدی ویہویں کہے مَیں گُروُآں دا ویکھیا بھوِکھت، جو دُھر سندیشے گئے سُنائیا۔ قلم شاہی دی ویکھی لِکھت، جو کاغذاں اُتے دئے گواہیِا۔ نِرگُن دا جانیا ساچا اِشٹ، جو درِشٹ دئے کُھلائیا۔ لیکھا مُکدا ویکھیا سَورگ بہِشت، سچ دوارا اِکو سوبھا پائیا۔ جوتی جوت سروُپ ہرِ، آپ اپنی کِرپا کر، کلجُگ انتم دئے

وڈیائیا۔ صدی چؤدھویں نہ کر جھگڑا، پروردِگار دئے سمجھائیا۔ اگلا لیکھا ویکھ کرڑا، نُقتیاں نالوں نُقتیاں دی ہوئے جُدائیا۔ پُرکھ ابناشی گھٹ گھٹ واسی ویکھنہارا دو جہان کھرڑا، برہمنڈ کھنڈ دھیان لگائیا۔ کلجُگ جیِو من واسنا ہویا جھلّڑا، بُدِھ بِبیک نہ کوئے کرائیا۔ جوتی جوت سروُپ ہرِ، آپ اپنی کِرپا کر، سَت سچ رہیا دِرڑائیا۔ صدی ویہویں کہے پربھوُ شبد سندیشہ دئے سچ دا، بےپرواہی آپ سمجھائیا۔ دسّ کیہڑا ایس ویلے بچدا، پلّوُ مایا ممتا کولوں چُھڈائیا۔ پُرکھ اکال دیِن دَیال کِہا جِس نوُں میل میرا تیِجی اکّھ دا، نِج نیتر جوڑ جُڑائیا۔ اوہ کوُڑ کُڑیار وِچ نہیں پھسدا، جوُٹھ جھوُٹھ نہ کوئے پرنائیا۔ سد میری پریِتی وِچ پریمی ہو کے وسدا، واسطہ اِکو نال رکھائیا۔ اوس دا لیکھا مِٹ گیا ہرکھ سوگ غم دا، ماٹی چمّ دَمادم جھولی دیوے پائیا۔ جوتی جوت سروُپ ہرِ، آپ اپنی کِرپا کر، مِہروان دئے سمجھائیا۔ صدی ویہویں کہے پربھوُ اوہ کؤن، جو تیرے پریم وِچ سمائیا۔ جِس دا لیکھا مِٹیا اون گؤن، لکّھ چؤراسی پھند کٹائیا۔ جِس نوُں ساچی سیجا مِلیا سؤن، سچ سِنگھاسن سوبھا پائیا۔ پُرکھ اکال کِہا جِس نوُں کِرپا کر کے آپ آواں وساؤن، تن مندر اندر ساچا گھر دیاں وکھائیا۔ اُس دا پلنگ رنگیِلا آپ آواں ڈاؤن، پاوا چوُل سمجھ کوئے نہ آئیا۔ اُس دے اندر مندر دِیپک جوت آواں جگاؤن، تیل باتی نظر کوئے نہ آئیا۔ اوس دا ڈھولا نِرگُن ہو کے آواں گاؤن، سرگُن دیواں مان وڈیائیا۔ اوہدے چرناں ہیٹھ دباواں اُننجا پؤن، مِہر نظر اِک اُٹھائیا۔ اوس دا وادھا آواں ودھاؤن، لوک مات سِر اپنا ہتّھ ٹِکائیا۔ انتم جوتی جوت آواں مِلاؤن، نِرگُن دھار نِرگُن وِچ سمائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ صدی ویہویں کہے پربھوُ اوہ کیہڑا جگت، جِس وِچ دیویں مان وڈیائیا۔ پربھوُ کِہا ایہہ سوہنا وقت، سُہنجنی گھڑی دیاں سمجھائیا۔ جِنہاں دا ہرِ دے نال مِلاپ اوہ دُھر دا بن گیا بھگت، بھاوی نیڑ رہن نہ پائیا۔ منزل مُکا کے عرش فرش، درگاہ ساچی سوبھا پائیا۔ سچ دوارے مردانہ مرد، محبوُب نوُر خُدائیا۔ صدی ویہویں ایہہ ہرِ دا کھیل اسچرج، جُگ چؤکڑی سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا آپ سمجھائیا۔ صدی ویہویں کہے پربھوُ تیرا بھگت چنگا، اوہدے وِچ کی وڈیائیا۔ پُرکھ اکال کِہا اوس دے انتر نوُری چندا، جو ہرِ سوامی آپ دِتا چمکائیا۔ اوہدے اندر وگے دُھر دی گنگا، امرت دھارا اِک وہائیا۔ اوس دے اندر اِک اگمّی مردنگا، جو اپنا راگ سُنائیا۔ اوہدے اندر شبدی کھنڈا، جو کوُڑی کِریا پار کرائیا۔ اوہدے اندر اِکو ڈنڈا، جِس پؤڑے ساچے دئے چڑھائیا۔ اوہدے کول اوہدی کھیل

برہمنڈا، برہمانڈ دئے وکھائیا۔ اوہدے کول سچ انندا، نِجانند اِک جنائیا۔ اوہدے کول اِک بخشندا، پربھ بَیٹھا بےپرواہیِا۔ اوہدے کول سوہنا چھندا، سچ سندیش رہیا سُنائیا۔ اوہنوُں پرم پُرکھ پرماتم آپ اپنے لایا انگا، انگیکار اِک ہو جائیا۔ اوہ گُرمْکھ سنت سُہیلا باہروں بندیاں ورگا بندہ، اندروں نوُرو نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ صدی ویہویں کہے پربھوُ تیرے بھگتاں دا کیہڑا مت، سچ سوامی دے جنائیا۔ اَگوں ہس کے کِہا پُرکھ سمرتھ، نِرگُن شبدی ڈھولا گائیا۔ اوہ کھتری براہمن شوُدر وَیش چارے ورن جاون چھڈ، اٹھاراں برن وِچ نہ آئیا۔ جھوُٹھا سمجھن ناتا کایا ماٹی ہڈّ، چمّ درِشٹی دئے جنائیا۔ ہر گھٹ ویکھن آتم پرماتم وسیا سَت، سچ سوامی ڈیرہ لائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیا۔ صدی ویہویں کہے پربھوُ تیرا بھگت کیہڑا، کلجُگ انتم دے وکھائیا۔ پُرکھ ابناشی کِہا جیہڑا ناؤں گاؤندا تیرا میرا، دوُجا راگ نہ کوئے الائیا۔ اوُچ نیِچ چھڈ کے جھیڑا، من واسنا گیا مِٹائیا۔ کایا مندر سُہا کے کھیڑا، بھگت دوارا لیا کُھلائیا۔ کوُڑی کِریا چُکا کے اندھیرا، ساچا دیِپ لیا جگائیا۔ اندر کُھلا کر کے ویہڑا، پُرکھ ابناشی لیا منائیا۔ پنچ وِکار چُکا کے جھیڑا، جھگڑا دِتا گوائیا۔ جوتی جوت سروُپ ہرِ، آپ اپنی کِرپا کر، ہرجن ساچے رہیا سمجھائیا۔ صدی ویہویں کہے تیرے بھگت دی کی نِشانی، سچ سچ دے سمجھائیا۔ کی اوہ وِدیا والا وڈّا وِدوانی، جاں رسنا والا گیان سُنائیا۔ کی اوہ نہاون والا وڈّا اِشنانی، جل دھارا سیِس کرائیا۔ کی اوہ وڈّا وید پُرانی، پُستک پڑھ پڑھ جگت سُنائیا۔ کی اوہ وڈّا شاہ سُلطانی، شہنشاہ اکھوائیا۔ پُرکھ اکال کِہا ایہہ ساری جھوُٹھ کہانی، دُھر دی دھار دِرڑائیا۔ جِس نوُں اِکو پُرکھ اکال دا چرن دھیانی، دوُجا اِشٹ نہ کوئے منائیا۔ اوہ بھگت تے مَیں بھگوان دوہاں دی سدا اِکو جیہی رہے جوانی، بِردھ بال نہ روُپ وٹائیا۔ جن بھگت بھگوان بنے کوئی نہ بانی، شبدی روُپ نہ کوئے وکھائیا۔ گُر اوتار پیِر پَیغمبر ایہو سندیشہ دے کے گئے زبانی، راگاں ناداں وِچ ونڈ ونڈائیا۔ بھگتی نال بننی نہیں گلّ آسانی، مُشکل گھٹ گھٹ نظری آئیا۔ جِس ویلے پرم پُرکھ پرماتم آپ کرے اپنی مِہروانی، دَیادرِشٹی نال اپنے وِچ مِلائیا۔ اوہ بنے سُچجیّ سوانی، گھر ساچے بَیٹھے چائیں چائنیا۔ جوتی جوت سروُپ ہرِ، آپ اپنی کِرپا کر، - - - -۔ صدی ویہویں کہے پربھوُ میرے بھوُپ، راجن راج تیری سرنائیا۔ مَیں اکّھیں ویکھیا چارے کوُٹ، دہ دِشا دھیان لگائیا۔ ہویا پردھان جوُٹھ جھوُٹھ، وردان کلجُگ جھولی پائیا۔ ساچا دِسے نہ کوئے روُپ،

سَت سروُپ نہ کوئے سمائیا۔ جگت دے مالک کر گئے ایتھوں کوُچ، اپنا پندھ مُکائیا۔ اَگے دوار کِسے نہ سکے سوُجھ، سمجھ چلے نہ کوئے چتُرائیا۔ وِدیا والے ہو گئے موُرکھ مُگدھ، تیرا درس کوئے نہ پائیا۔ من منوُا سب نوُں کر رہیا اُلٹ، اندروں لٹھ بھوائیا۔ نابھ کوَل کِسے دا کوئی نہ سکیا پلٹ، جھِرنا نِجھر نہ کوئے جھِرائیا۔ پُرکھ اکال دیِن دَیال صدی ویہویں سارے ہوئے لاوَلد، والد داتا نظر کِسے نہ آئیا۔ مَیں ویکھیا عرش فرش، فلک اُپر دھیان لگائیا۔ کلجُگ جیِواں دی درِشٹی ویکھ کے کِسے اوتار پَیغمبر سنت نہ آیا ترس، نیڑے ہو کے رحمت نہ کوئے کمائیا۔ اندر وڑکے کوُڑی کِریا توں سکے کوئی نہ ورج، من واسنا شبدی ڈور نہ کوئے بنّھائیا۔ کوجھیاں کملیاں ونڈے کوئی نہ درد، دُکھیاں دُکھ جھولی کوئے نہ پائیا۔ جِدھر ویکھاں کلجُگ قصائی ہتّھ وِچ پھڑی کرد، مقتوُلاں اُتے رہیا چلائیا۔ صدی ویہویں کہے مَیں وی ہاڑا پا کے رہی ورج، میری چلے نہ کوئے چتُرائیا۔ سِری بھگوان ایسے کرکے تیرے اَگے کیِتی عرض، سچ بینتی دِتی سُنائیا۔ تیرا نام کھنڈا اگمّی کھڑگ، دو جہاناں دئے چمکائیا۔ حُکم نال اندروں ساریاں دے ورج، باہروں رسنا والی کرنی نہ پئے پڑھائیا۔ تیرے ورگا سوُربیِر مردانہ نہیں کوئی مرد، محبوُباں دا محبوُب مُحبّت تیری تیرے وِچوں نظری آئیا۔ - - - - ایہناں بھگتاں دا دے آپ ثبوُت، سب دا صِدق اپنے نال نِبھائیا۔ صدی ویہویں ہوئے مؤجوُد، مُفلِساں بِھچِھیا جھولی دے پائیا۔ جے کوئی مَینوُں نہیں سکیا بوُجھ، اوہناں دی سُرتی اندروں دے کُھلائیا۔ اِکو دسّ منزلے مقصوُد، جِس گھر بَیٹھا ڈیرہ لائیا۔ بےشک تیرا کوئی تت نہیں وجوُد، وجوُداں والے اپنے وِچ سمائیا۔ جوتی جوت سروُپ ہرِ، آپ اپنی کِرپا کر، کوُڑی کِریا لوک مات وِچوں کردے نیست و نابوُد، سچ سُچ دھرت دھوَل دے ٹِکائیا۔

۳۰ ماگھ ۲۰۲۱ بِکرمی کپوُر سِنگھ دے گھر پِنڈ موہی

ہرِ سَتگُر شبد سدا مِہروان دیِن دَیال،دیانِدھ اکھوائیندا۔ جُگ چؤکڑی کردا رہے سنبھال، لکّھ چؤراسی گھٹ گھٹ درس ویکھ وکھائیندا۔ بھگت سُہیلے گُروُ گُر چیلے سنت سجّن لئے اُٹھال، گُرمْکھ گُرسِکھ اپنا رنگ رنگائیندا۔ ساچی سِکھیا بودھ اگادھی دئے سِکھال، کوُڑی کِریا میٹ مِٹائیندا۔ اندر باہر گُپت ظاہر دِوس رَین چلے نال، سدا سُہیلا اِک اَکیلا وِچھڑ کدے نہ جائیندا۔ سَت سروُپی شاہو بھوُپی لیکھا جان شاہ کنگال، شاہ پاتشاہ اپنی سیو کمائیندا۔ مِتر پیارے سجّن ویکھے اپنے لال، بھیوَ ابھیدا اچھل اچھیدا آپ کُھلائیندا۔ ساچا رس ایہو امرت نام پیالہ دئے پیال، دُھر خُماری اِک چڑھائیندا۔ ناتا توڑ کے کال مہاکال، سِر اپنا ہتّھ رکھائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ سَتگُر سچّا صاحب سُلطان، ہرِ وڈّا وڈ وڈیائیا۔ جُگ چؤکڑی کرنہار کلیان، نِت نوِت ویس وٹائیا۔ جودھا سوُربیِر وڈ بلوان، بلدھاری اِک اکھوائیا۔ گُرمْکھاں دیوے آتم پرماتم سچ گیان، دوُجی اَور نہ کوئے پڑھائیا۔ جنم کرم دا وِچھوڑا کٹے آن، نِہکرمی کرم کانڈ گوائیا۔ جوتی جوت سروُپ ہرِ، آپ اپنی کِرپا کر، ہرجن دیونہار وڈیائیا۔ سَتگُر شبد کہے مَیں سدا رکھوالا، نِت نوِت ویکھ وکھائیا۔ بھاگ لگاواں کایا سچّی دھرم سالا، باہروں ہتّھ کِسے نہ آئیا۔ پوُجا پاٹھ جوگ ابھیاس میرا راہ سُکھالا، من دی منسا من ہی من سمائیا۔ ساڈھے تِنّ ہتّھ اندر جنگل جوُہ اُجاڑ پہاڑا، ڈوُنگی کندر نظری آئیا۔ کایا ماٹی خاکی تیرا اگمّی وجدا رہے تاڑا، بہتّر ناڑ کرے شنوائیا۔ سچ سخیاں مِل مِل گھر ٹھاکر سچ اَکھاڑا، دُھر دا ڈھولا سوہلا اگمّی راگ الائیا۔ جوتی جوت سروُپ ہرِ، آپ اپنی کِرپا کر، ہرجن ساچے رنگ رنگائیا۔ سَتگُر شبد کہے مَیں دُھر دا دیوا، دیو آتما لَواں اُٹھائیا۔ سُرت جگاؤنی میری سیوا، اکال موُرت نظری آئیا۔ لیکھا چُکا کے رسنا جِہوا، انتر آتم سچ پریِت دیواں بندھائیا۔ دھام وکھا کے نِہچل دھام اِک نِہکیوا، اٹل محل دیاں وکھائیا۔ ساچی دھوُڑی مستک لا کے تھیوا، جوت للاٹ کراں رُشنائیا۔ نام پدارتھ دُھر دا میوہ، بِن رسناں دیاں چکھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ سَتگُر شبد کہے مَیں تارنہارا ایک، ایکنکار دَیا کمائیا۔ وِشن برہما شِو رکھی میری ٹیک، کروڑ تیتیِسا دھیان لگائیا۔ گُر اوتار پیِر پَیغمبر میرا بھیکھ، نِرگُن سرگُن ہو ہو سیو کمائیا۔ دو جہاناں مالک خالق اِک نریش، داتا دانی دَیا کمائیا۔ پیِر پَیغمبر اؤلیئے قُطتب بنے رہے نریش، مسائک شیخ اپنیاں

جھولیاں ڈاہیِا۔ بھگت سنت راہ تکدے گئے ہمیش، گُرمْکھ گُرسِکھ اپنی اکّھ کُھلائیا۔ تن ماٹی کاچی ہاٹی کھیڈدے گئے کھیڈ، ڈوُنگی کندر وڑ وڑ ویکھ وکھائیا۔ بِن سَتگُر شبد کوئی نہ مُڑیا اپنے دیس، ساچے گھر بہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ سَتگُر شبد کہے میرا سندیش سچّا، چارے بانی نہ موڑ مُڑائیا۔ لکّھ چؤراسی وِچوں گُرمْکھ گُرسِکھ ساچا بچّہ، جِس دا بچپن اپنی جھولی پائیا۔ سنت سُہیلا اندر رتّا، رام نام رنگیِلا اندر رنگائیا۔ جِس دا رَویداس چمارا دیوے پتہ، پت پرمیشور رہیا دِرڑائیا۔ بھگت سُہیلا ویکھے اکّھاں، نیتر نیَناں نیِر نہ کوئے وہائیا۔ جوتی جوت سروُپ ہرِ، آپ اپنی کِرپا کر، جن لیکھا دئے مُکائیا۔ سَتگُر شبد کہے مَیں کراں مُعاف، جُگ جنم دے پاپی دیاں ترائیا۔ ایہہ عدل سچّا اِنصاف، مِہر نظر اِک اُٹھائیا۔ بچّیاں دی بُھل نہ ویکھے باپ، پِتا پُرکھ سچّا شہنشاہیِا۔ جِس ویلے رسنا نال سوہنگ کر لؤ جاپ، پِچھلا لیکھا رہن کوئے نہ پائیا۔ روز روز دا لیکھا ہُندا جائے صاف، کرماں گیڑ رہن نہ پائیا۔ ایس نعرے دا ایہو وڈّا پرتاپ، رات دا رات دِن دا دِن حِساب تھاؤں تھائیں رہیا چُکائیا۔ اَگے دینا پئے نہ کوئی جواب، پُچھن والا نظر کوئے نہ آئیا۔ چِتر گُپت کڈھ نہ سکے کِتاب، کُتب خانیاں وِچ جو بَیٹھا چُھپائیا۔ جوتی جوت سروُپ ہرِ، آپ اپنی کِرپا کر، دَیاوان دَیا کمائیا۔ سَتگُر شبد کہے مَیں بنایا کِیوں سنسار، اپنا ناؤں پرگٹائیا۔ چار جُگ میری کِسے نہ آئی وِچار، سچ بیان نہ کوئے کرائیا۔ مَیں برہمنڈاں کھنڈاں دو جہاناں دا سِکدار، پُری لوء حُکمے اندر بھوائیا۔ جُگ چؤکڑی میری کِسے نہ بدھّی دھار، دھرنی اُتے نہ کوئے ٹِکائیا۔ گُر اوتار پیِر پَیغمبر دسّدے گئے نال اِشار، رمز نال سمجھائیا۔ جِناں چِر نہ آوے پروردِگار، پاربرہم بےپرواہیِا۔ اوناں چِر اُسدا پوُرا ناؤں سکے نہ کوئے وِچار، پرمیشور ہو کے بھیوَ نہ کوئے کُھلائیا۔ گھڑی پل دا لہنا دینا روز روز نہ دیوے کوئی اُتار، بِن پوُجا پاٹھ سِمرن لیکھا دئے نہ کوئے مُکائیا۔ جو منگ منگی وِچ سنسار، گوبِند اپنی جھولی ڈاہیِا۔ جِس ویلے آوے کل کلکی اوتار، کل کلیش دینا گوائیا۔ بھگتاں کر پیار، ساچے سنتاں میل مِلائیا۔ اِکو سوہنگ مہاراج شیرسِنگھ وِشنوُں بھگوان دسّ جَیکار، اگلا پِچھلا جنم کرم دا لیکھا دئے مُکائیا۔ ایہہ پنج پنج ہوون پروان، جِس دا سب توں وکھرا گیان، دھیاناں وِچ دھیان نہ کوئے رکھائیا۔ ایہہ گُروُآں دا دان، پیِراں دا پکوان، بھگتاں دا کھان، سنتا دا مان، گُرمْکھاں دا گیان، گُرسِکھاں لیکھے رہیا لگائیا۔ بُھلیاں دا مان، رُلیاں دا نِشان، جوتی جوت سروُپ ہرِ، آپ اپنی کِرپا کر، پوُرب لیکھے رہیا چُکائیا۔ جِس ویلے میرے ناؤں دا

گاؤندے گیِت، انتر آتم آواز لگائیا۔ اوسے ویلے پِچھلا لیکھا صاف ہُندا ٹھیِک، اکھّر کوئے رہن نہ پائیا۔ گُرمْکھ ہو جاندے اندروں اتیِت، سانتک سَت دیاں کرائیا۔ ایسے کرکے کھہڑا چُھڑایا مندر مسیِت، بِن کایا مندر ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ کایا کہے جِس ویلے گُرمْکھ گاؤندے ڈھولا، جَیکارا سچ لگائیا۔ میرا خوشیاں وِچ نہیں مِیوندا چولا، چولی اپنا رنگ لئے بدلائیا۔ اوس ویلے پنجاں دا رہے کوئی نہ رؤلا، مایا ممتا نظر کوئے نہ آئیا۔ پُرکھ اکال دیِن دَیال اندر وڑیا ہووے وِچولا، دوُجا رہن کوئے نہ پائیا۔ گُر اوتار پیِر پَیغمبر سُنن سچ ایہہ وکھرا سب توں بولا، جِس دی بولی چار جُگ نہ سکے سمجھائیا۔ پڑدا موُل نہ چُکیا اوہلا، سچ نوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، لیکھا دیوے چائیں چائنیا۔ سَتگُر شبد کہے مَیں کراں معاف قصوُر، غلطی رہن کوئے نہ پائیا۔ بن بھگتاں دا مزدوُر، پِچھے ہو ہو سیو کمائیا۔ بِرہوں اندر تُہاڈے حاضر حضوُر، وَیراگ اندر بَیٹھا ڈیرہ لائیا۔ وِچھوڑے وِچ سدا مجبوُر، جُدائی وِچ رہن نہ پائیا۔ پندھ مُکا کے نیڑا دوُر، گھر بَیٹھا آسن لائیا۔ جن بھگتو اپنا لہنا لؤ وصوُل ، دیونہار دَیا کمائیا۔ پریم پیار دی نِکی جیہی سیوا کرو قبوُل، جیہڑی کعبیانوِچوں ہتّھ کِسے نہ آئیا۔ پُرکھ اکال ورگا لبھنا نہیں کوئی محبوُب، جو مُحبّت وِچ سمائیا۔ جو بھگتاں دی حد وِچ وڑیا حدوُد، اپنا پھیرا پائیا۔ بھاویں اُس نوُں شاہ سمجھو مقروُض، دوویں لیکھے دئے مُکائیا۔ جوتی جوت سروُپ ہرِ، آپ اپنی کِرپا کر، دو جہاناں پار کرائیا۔ غلطی کہے جے مَیں نہ ہُندی جگ، لوک مات ویس وٹائیا۔ پِھر بھگتاں نوُں پربھ نال مِلن دا کیہڑا لبھنا سی پجّ، کِس بِدھ بینتی دیندے سُنائیا۔ کِس کارن لِکھاؤندے چھند، اپنا گیِت دِرڑائیا۔ کِس لیکھے وِچ پِچھے ماردا پندھ، پَیڈل بائیسکل ہِلائیا۔ ایسے رستے راجا بل منگ کے گیا سی منگ، اینے قدم گھوڑے نال چل کے پَیدل آئیا۔ اوس دے نال سی اِک سؤ گیاراں والا سنگ، جو اِک اِک اِک اِک نال دھیان لگائیا۔ ایسے دھرنی اُتے اُس دی ڈِگ پئی سی گنڈھ، جِس دے وِچ رام نام بنّھ رکھائیا۔ اَگے جا کے اِک سؤ اسّی قدم اُتے اوس ویکھیا اوہدے خالی رہ گئے ہتّھ، انتر انتر دھیان لگائیا۔ تھوڑی بےچَینی پِچھے ہویا بےبس، سُرتی پربھوُ نالوں بُھلائیا۔ اودھروں آئی اگمّی آواز، حُکم دِتا سُنائیا۔ اُپر ویکھ آکاش، نیتر نیَن کُھلائیا۔ جاں تکیا پُرکھ ابناش، سنمُکھ ہو کے رہیا سمجھائیا۔ بل تُوں کِیوں ہوئیوں اُداس، مَینوُں دے دِرڑائیا۔ اوس کِہا رام نام رہیا نہیں میرے پاس، مِٹّی وِچ رل کے اپنا مُکھ چُھپائیا۔ سِری بھگوان کِہا ایہہ نِکی جِہی بات، کِیوں رہیا گھبرائیا۔

اِس دا لہنا میرے ہاتھ، کلجُگ انت دیواں جھولی پائیا۔ کل اوس ویلے بل نوُں اوہ آ گئی یاد، پِچھلی کہانی دِتی دُہرائیا۔ اون کری سچ فریاد، پربھ لیکھا دے مُکائیا۔ پربھ ابناشی اوسے ویلے اندروں سب دا بدل دِتا سواد، دُھر دا حُکم آپ ورتائیا۔ دلیِپ سِنگھ تُوں وی اوس ویلے اوس دا دِتا ساتھ، جیہڑا ساڈھے تِنّ قدم پِچھے پِچھے چل کے پندھ مُکائیا۔ جے پربھوُ بل دا مُکاؤندا نہ حِساب، تُہاڈا حِساب اَگے کِس بِدھ لئے رکھائیا۔ ایہہ غلطی نہیں مستی نہیں پربھ دا ایہہ رِواج، جُگ جُگ اپنی کھیل وکھائیا۔ مہاراج شیرسِنگھ وِشنوُں بھگوان، خوشی رہے وِچ اپنے کھیل تماش، خواہ مخواہ دوُجی کار نہ کوئے کمائیا۔

۳۰ ماگھ ۲۰۲۱ بِکرمی ناہر سِنگھ دے گرِہ پِنڈ رقبہ ضِلع لُدھیانہ

ستگُر شبد کہے میرا سدا ناتا، آتم پرماتم میل مِلائیندا۔ اگمّ اتھاہ میری گاتھا، ساچے سنتاں بھگتاں آپ سُنائیندا۔ لِکھن پڑھن توں باہر میرا ساکہ، جِس دا انت کِسے نہ آئیندا۔ گُرمْکھاں بند کِواڑی کھولاں تاکا، بجر کپاٹی پار کرائیندا۔ ساچا شبد سُناواں اگمّی واجا، انحد راگی راگ الائیندا۔ امرت آتم دیواں سچّا باٹا، نِجھر جھِرنا آپ جھِرائیندا۔ سچ جوت کراں پرکاشا، ساڈھے تِنّ ہتّھ بنک وڈیائیندا۔ جنم کرم دا ویکھاں کھاتہ، لکّھ چؤراسی پھول پُھلائیندا۔ جُگ چؤکڑی اندھیری رَین میٹاں راتا، بھانڈا بھرم بھؤ بھنّائیندا۔ گُرسِکھاں دا دیواں سگلا ساتھا، ایتھے اوتھے دو جہان سیو کمائیندا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ کمائیندا۔ سَتگُر شبد کہے مَیں بھگتاں سنگ، انتر انتر میل مِلائیا۔ نام اگمّا اِکو رنگ، لال گُلالا دیاں چڑھائیا۔ لیکھا مُکا کے کھنڈ برہمنڈ، جیؤ پِنڈ بھیو چُکائیا۔ سچ دوارے دے کے انند، سُکھ ساگر دیاں وکھائیا۔ بھگت بھگوان دا ڈھولا دسّ کے چھند، سوہنگ سچ دیاں سمجھائیا۔ جِس دی آد جُگادی اِکو ونڈ، پاربرہم پربھ برہم روُپ وکھائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ سَتگُر شبد کہے مَیں برہم آدھاری، آتم میلا سہج سُبھائیا۔ میرا کھیل اگمّ آپاری، اپرمپر آپ دِتا سمجھائیا۔ جُگ چؤکڑی ویکھاں وارو واری، سَتجُگ تریتا دواپرکلجُگ آپ ہنڈھائیا۔ سنت سُہیلے سد رہیا اُٹھالی، نِج نیتر نیَن کُھلائیا۔ جوتی جوت سروُپ ہرِ، آپ اپنی کِرپا کر، ہرِ دیونہار سرنائیا۔ سَتگُر شبد کہے مَیں سرب کلا بھرپوُر، بھرپوُر رہیا سرب ٹھائنیا۔ گُر اوتار پیِر

پَیغمبر کوٹن کوٹ لنگھ گئے پوُر، لوک مات بن درویش سیو کمائیا۔ نوَ نؤ چار پِچھوں میری عرض ہوئی منظوُر، فرض اپنی سیو کمائیا۔ جِس نے سوُلی چاڑھ دِتے منصوُر، شمساں کھّل لُہائیا۔ اگنی وِچ تپائے وانگ تندوُر، دیگاں وِچ اُبلائیا۔ بند بند کٹ کے کیِتا چوُرو چوُر، سیِس دھڑ کیِتی جُدائیا۔ سو صاحب سوامی انترجامی بھگت سُہیلا حاضر حضوُر، نِرگُن داتا وڈی وڈیائیا۔ کوُڑی کِریا آشا ترِشنا مایا ممتا میٹے جوُٹھ جھوُٹھ، سَت سچ اِک سمجھائیا۔ جِنہاں گُرمْکھاں اُپر جائے تُٹھ، مِہر نظر اِک اُٹھائیا۔ امرت آتم جام پیائے گھُٹ، رس نِجھر دئے وکھائیا۔ اوہناں دا آون جاون لکّھ چؤراسی کھہڑا جائے مُک، جنم جنم نہ کوئے بھوائیا۔ اوہ ڈھولا گا کے اِکو تُک، صاحب سَتگُر لیَن منائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کہے مَیں سد بھگت اُدھاراں، سنتاں دیاں وڈیائیا۔ میرا کِسے انت نہ پایا وِچ سنسارا، سنساری سکے نہ کوئے سمجھائیا۔ میرا سوہلا گایا گُر اوتارا، پیِر پَیغمبراں کلمیاں نال جنائیا۔ ساچیاں سنتاں دیندی رہی اِشارہ، انتر انتر بوُجھ بُجھائیا۔ دسّدی رہی بول اگمّ جَیکارا، کھتری براہمن شوُدر وَیش اِکو برہم پڑھائیا۔ جوتی جوت سروُپ ہرِ، آپ اپنی کِرپا کر، آتم پرماتم دسےّ دُھر دا نعرہ، چارے ورناں اِکو رنگ رنگائیا۔ آتم پرماتم کہے مَیں آدی ڈھولا، بھگت بھگَونت گئے جس گائیا۔ نِرگُن نِرگُن شبد وِچولا، دُھر دا میل مِلائیا۔ کلجُگ انتم دیِن مذہب ذات پات کوُڑی کِریا پایا رؤلا، چار کُنٹ دہ دِشا نؤ کھنڈ رہیا کُرلائیا۔ ساچا نظر نہ آئے کِسے مؤلا، رام روُپ نہ کوئے وکھائیا۔ دئے دُہائی دھرنی دھرت دھؤلا، اُچی کوُک کوُک سُنائیا۔ صدی بیِسویں میرا بھار کرے نہ کوئی ہؤلا، ہنکار وِکار نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، ویکھنہارا تھاؤں تھائنیا۔ سَتگُر شبد کہے مَیں ویکھی لکّھ چؤراسی، جیرج انڈج اُتبُھج سیتج پھول پُھلائیا۔ پرم پُرکھ دی ملِے کوئی نہ داسی، جو سیوک ہو کے سیو کمائیا۔ کِرپا کر پُرکھ ابناشی، پاربرہم تیری سرنائیا۔ جن بھگتاں منزل دے گھاٹی، انتر آتم پؤڑے دے چڑھائیا۔ تیرے نال مِل کے تیرے نام دی گاؤن ساکھی، ساکھیات ہو کے اپنا درس کرائیا۔ گھر گھر کر پرکاش جوت نِرنجن دیِا باتی، اندھ اندھیرا دے مِٹائیا۔ تُوں محبوُب سوامی کملاپاتی، پت پرمیشور اِک اکھوائیا۔ گُرمْکھاں اندر کھول دے تاکی، پردہ دُئی دے چُکائیا۔ سنت سُہیلے مارن آوازی، دُھر دا ڈھولا رہے سُنائیا۔ جوتی جوت سروُپ ہرِ، آپ اپنی کِرپا کر، ایکا بخش سچّی سرنائیا۔ سَتگُر شبد کہے مَیں کھیوٹ کھیٹا، دو جہاناں ملاح نظری آئیا۔ ہر گھٹ اندر سدا لیٹا، سیج سُہنجنی سوبھا پائیا۔ لکّھ

چؤراسی وِچوں گُرمْکھ وِرلا بناواں اپنا بیٹا، پِتا پوُت جوڑ جُڑائیا۔ پوُرب جنم کرم دا مُکاواں لیکھا، لیکھے وِچ لگائیا۔ بھاگ لگا کے کایا ساچے دیسا، دیس دسنتر کھوج کھوجائیا۔ جِس دی سیوا کردے شِو برہم وِشن مہیشا، چاکر نظری آئیا۔ اوہناں اندر وڑ کے دیواں اِک سندیشہ، سوئی سُرت شبد اُٹھائیا۔ لوک مات مانَس جنم کرم دا مکُے لیکھا، بھرم بُھلیکھا رہن کوئے نہ پائیا۔ انتم لےَ کے جائے اپنے دیسا، سچکھنڈ ساچے دئے وڈیائیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، ہرجن ہرِ ہرِ اپنے رنگ رنگائیا۔

۳۰ ماگھ ۲۰۲۱ بِکرمی مہِندر سِنگھ دے گرِہ پِنڈ داکھے ضِلع لُدھیانہ

گُرسِکھ کہے میری آسا پُنی، ہرِ سَتگُر اِچھیا پوُر نظری آئیا۔ انتر آتم آواز جِس نے سُنی، نِرگُن داتا بےپرواہیِا۔ گہر گمبھیِر وڈ گُن گُنی، شاہ پاتشاہ سچّا شہنشاہیِا۔ جِس دی راگاں توں باہر دُھنی، اگمّی ناد رہیا وجائیا۔ جِس نوُں جنگلاں وِچ لبھدے رِکھی مُنی، سو صاحب سوامی گھر گھر آ آ رہیا ترائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُرمْکھ آسا کہے میرے جاگے بھاگ، میرے اندر وجی ودھائیا۔ صاحب سَتگُر دھوونہارا جگت داغ، پاپاں مَیل رہیا کٹائیا۔ نام سندیشہ سُنا اگمّی راگ، سوہنگ ڈھولا رہیا جنائیا۔ جنم کرم دی میٹ کے آگ، امرت بوُند سوانتی مُکھ چوائیا۔ چرن پریِتی بخش کے دات، ناتے دُھر دے رہیا بندھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُرمْکھ آسا کہے میرا وسیا کھیڑا، بھاگاں بھریا نظری آئیا۔ صاحب سوامی لایا ڈیرہ، ڈنڈؤت ساچی رہیا سِکھائیا۔ کلجُگ شؤہ دریائے بنّھے بیڑا، وہندی دھار نہ کوئے وہائیا۔ آون جاون کٹ کے جائے گیڑا، لکّھ چؤراسی پھند کٹائیا۔ مانَس جنم کر کے جائے نبیڑا، اَگے دئے نہ کوئے سزائیا۔ بھیو کُھلا کے تیرا میرا، اِکو ناد دئے وجائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گُرمْکھ آسا کہے مَینوُں چاؤ گھنیرا، خوشیاں حال سُنائیا۔ صاحب سَتگُر مِلیا نیرن نیرا، دوُر دُراڈا پندھ مُکائیا۔ بھجن بندگی ابھیاساں نال کرنا پیا نہ جھیڑا، جھگڑا من نہ کوئے لڑائیا۔ اِکو سوہنگ دسّیا شبد بتھیرا، جو ایتھے اوتھے ہوئے سہائیا۔ چاروں کُنٹ رکھے گھیرا، اٹّھے پہر ویکھ وکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُرمْکھ آسا کہے مَیں ہو گئی خوش، خوشی میرے اندر پرگٹائیا۔ سَت سوامی بھیو کُھلایا سچ

سُچ، سَت دِتا دِرڑائیا۔ جِس دی دھاروں گئے اُٹھ، اوہ میلا رہیا مِلائیا۔ بھگَون ہو کے رہیا تُٹھ، بھگتاں جوڑ جُڑائیا۔ اُجل کر کے مات مُکھ، کوُڑی کِریا مَیل دھوائیا۔ پُرکھ ابناشی بنا اپنے پُت، ساچی منزل رہیا چڑھائیا۔ جِتھے مؤلے اِکو رُت، خِزاں روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، گرِہ مندر خوشی وکھائیا۔ بھگت آسا کہے میرا مندر سُہنجنا، سوبھاونت دِتا سُہائیا۔ کِرپا کری آد نِرنجنا، دیِا باتی اِک رُشنائیا۔ ٹھاکر ہو کے بنیا سجّنا، سگلا سنگ نِبھائیا۔ سروور ہو کے کرایا مجنا، دُرمت مَیل دھوائیا۔ اوڈھن ہو کے پڑدا کجنا، سِر اپنا ہتّھ رکھائیا۔ چرن پریِتی اندر مگنا، نام خُماری دئے چڑھائیا۔ کوُڑی کِریا بھانڈا بھجّنا، بھرم گڑھ تُڑائیا۔ گُرمْکھ وِرلے اندر لنگھنا، جِس جن رستہ دئے وکھائیا۔ نام بھنڈارا اِکو منگنا، وست امولک بےپرواہیِا۔ رس دیوے نِجانندنا، نِج انتر دئے جنائیا۔ جوتی نوُر چاڑھے چندنا، سچ جوت کرے رُشنائیا۔ گُرسِکھ جِس مِلیا سوُرا سربنگنا، پاربرہم بےپرواہیِا۔ اوس دوُجا در ہور کوئی نہ منگنا، دیونہارا داتا اِکو نظری آئیا۔ جوتی جوت سروُپ ہرِ، آپ اپنی کِرپا کر، جِنہاں لائے اپنے انگنا، انگیکار آپ اکھوائیا۔

۳۰ ماگھ ۲۰۲۱ بِکرمی بیِبی سُرجیِت کؤر دے گرِہ پِنڈ جھانڈے

آتما کہے جُگ جُگ لہنا میرا وِچ سنسار، نِت نوِت آسا پوُر کرائیا۔ میرا لیکھا دیندے گئے گُر اوتار، پیِر پَیغمبر ویس وٹائیا۔ بھگتاں نال پِھردا رہیا بن کے مِتر یار، سنتاں سنگ اپنا میل مِلائیا۔ سَتجُگ تریتا دواپرکلجُگ آؤندا رہیا وارو وار، جُگ چؤکڑی اپنا ویس وٹائیا۔ پنج تت کایا نال کردا رہیا اُدھار، بِن لیکھے وِچوں پرگٹائیا۔ شبد سندیشہ سُن دا رہیا اگمّ اپار، ہرِ کا ڈھولا بےپرواہیِا۔ جوتی جوت سروُپ ہرِ، آپ اپنی کِرپا کر، جُگ جُگ لیکھا دئے چُکائیا۔ آتم کہے میرا جُگ جُگ میلا، پُرکھ اکال دیونہار وڈیائیا۔ پاربرہم بن سجّن سُہیلا، برہم اپنا رنگ رنگائیا۔ شبدی دھار گُروُ گُر چیلا، چیلا گُروُ ویس وٹائیا۔ سَت سوامی بن کے سجّن سُہیلا، بھگت بھگَون روُپ وٹائیا۔ دھام ویکھ کے اِک نویلا، مندر اندر بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، ہوونہار سدا سہائیا۔ آتم کہے میرا لہنا دینا کدے نہ مُکدا، لکّھ چؤراسی اندر ڈیرہ لائیا۔ بِن پُرکھ اکال مَینوُں کوئی نہ پُچھدا،

سنمُکھ ہو نہ دَیا کمائیا۔ جُگ چؤکڑی حِساب نہ کوئے مُکدا، پردہ نہ کوئے اُٹھائیا۔ کلجُگ انتم ویلا آ گیا سُکھ دا، گہر گمبھیِر ہوئے سہائیا۔ لیکھا مُکا دے تتّاں دے دُکھ دا، پنجاں اندر بند نہ کوئے کرائیا۔ پار اُتارا کر دے جامے منُکھ دا، جو مانَس نظری آئیا۔ بھیو کُھلا دے اپنی رُت دا، گرِہ مندر دے سمجھائیا۔ پُرکھ اکال دیِن دَیال آتم پرماتم تیرا ناتا پِتا پُت دا، پھڑ باہوں گلے لگائیا۔ جگ ویلا نہیں چُپ دا، سُتّیاں لےَ اُٹھائیا۔ لیکھا مُک جائے آون جاون مات گربھ اُلٹے رُخ دا، دس دس ماس پیَنڈا دے چُکائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ آتما کہے پربھوُ مَیں نہ پُرکھ نہ نار، تیرا نوُر نظری آئیا۔ کِرپا کر آپ نِرنکار، نِرگُن ہو سہائیا۔ بھرمے بُھلا سرب سنسار، بھانڈا بھرم نہ کوئے بھنائیا۔ تیرا میلا نہ ہووے نِرگُن دھار، جوتی جوت نہ کوئے مِلائیا۔ باہروں پنجاں تتّاں دا شِنگار، مانَس دیہہ روُپ وٹائیا۔ چاروں کُنٹ کام کرودھ لوبھ موہ ہنکار، آسا ترِشنا ہؤمے ہنگتا بَیٹھی ڈیرہ لائیا۔ نؤ دوار رہے جھکھ مار، سَت سچ نہ کوئے سمجھائیا۔ من منوُآ اُڈے دہ دِش ڈار، چاروں کُنٹ بھجےّ واہو داہیِا۔ ساڈھے تِنّ ہتّھ اندر اندھ اندھیار، دیِا باتی نہ کوئے جگائیا۔ کِرپا کر سِرجنہار، تیرے سنگی دئے مِلائیا۔ میرا مِتر شبد انحد جو انتر کرے سچ گُفتار، دِوس رَین ناد وجائیا۔ میرا پیار امرت ٹھنڈا ٹھار، جو کوَل نابھی بند دِتا کرائیا۔ میرا سجّن کملاپاتی پَون جوت کرے اُجیار، نوُرو نوُر نوُر چمکائیا۔ چل کے آوے ٹھاکر دوار، محل اٹل سوبھا پائیا۔ ساچی سِکھیا دئے سِکھال، دُھر دا حُکم اِک دِرڑائیا۔ پکڑ اُٹھائے اپنا بال، پرماتم آتم لئے جگائیا۔ دُھر دا دسّ مُریِداں حال، مُرشد اپنا بھیو چُکائیا۔ میرا ٹُٹ جائے کوُڑا جنجال، لوک مات رہن نہ پائیا۔ انتم جاواں سچکھنڈ سچّی دھرم سال، جِس گھر بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، ہرجن آتم لئے پرنائیا۔ آتم کہے نہ پُرکھ نہ مَیں ناری، نر ہرِ نرائن تیری اوٹ تکائیا۔ میرا روُپ نِرمل جوت جوت نِرنکاری، سَت سروُپی نظری آئیا۔ گھٹ گھٹ اندر کراں اُجیاری، لکّھ چؤراسی سوبھا پائیا۔ بِن تیری کِرپا مَینوُں تتّاں وِچ خواری، کوُڑا ناتا نہ کوئے چُھڈائیا۔ ساچی بخش چرن پیاری، چرنودک اِکو مُکھ لگائیا۔ میری کوُڑیاں نالوں ٹُٹ جائے یاری، ساچا شبد تیرا نام اِکو سنگی نظری آئیا۔ محل اٹل سُہا دے اُچ اٹاری، گرِہ مندر دے وڈیائیا۔ آون جاون رہے نہ وِچ سنساری، سنسار ساگر پار دے کرائیا۔ سد وساں تیرے چرن دواری، نِیوں نِیوں لاگاں پائیا۔ جوتی جوت سروُپ ہرِ، آپ اپنی کِرپا کر، جن بھگت بخش سرنائیا۔ آتما کہے مَیں بھگتاں اندر سوہنی ہوئی پرکاش، بِن

تیل باتی ڈگمگائیا۔ سد پربھوُ مِلن دی رکھاں آس، دوُجا دھیان نہ کوئے لگائیا۔ راہ چھڈ دِتے پرِتھمی آکاش، گگن منڈل اکّھ نہ کوئے اُٹھائیا۔ کراں بینتی چرن کوَل سُن میری ارداس، عرضوئی اِکو اِک جنائیا۔ دُھر دے ٹھاکر گہر گمبھیِر پت پرمیشور اگمّ اتھاہ چل کے آویں میرے پاس، دو جہاناں مالک خالق برہمنڈاں کھنڈاں پندھ آپ مُکائیا۔ جنم کرم دی میری بُجھا پیاس، ترِشنا ترِکھا دوُر کرائیا۔ نِرگُن نِروَیر نِراکار لےَ چل اپنے ساتھ، سچکھنڈ دوارے سوبھا پائیا۔ جِتھے سوُرج چند نہیں کوئی پرکاش، اِکو نوُر تیرا وڈیائیا۔ کوئی راگ ناد سَوّئیا ڈھولا گائے نہ بھاٹ، سُرنگی تار نہ کوئے ہِلائیا۔ دِوس رَین نہ کوئی رات، گھڑی پل نہ کوئے وکھائیا۔ لکّھ چؤراسی موُل نہ کھیل تماش، چارے کھانی ونڈ نہ کوئے ونڈائیا۔ تیرے چرن دوارے اِکو بھگتاں دی جماعت، جِنہاں دے انتر آتم ساکھیات، نر ہرِ تیرا نوُر نظری آئیا۔ مَیں اوہناں دی کراں تلاش، جِس گرِہ ہووے تیرا واس، اِحساس اِکو اِک رکھائیا۔ سِری بھگوان کِہا شاباش، آتم تیری پوُری کر دیواں آس، رہن نہ دیواں وِچ پربھاس، لیکھے لاواں ساچی خواہش، جو خالص اِکو اِک رکھائیا۔ آتم کہے میری خواہش کر دے پوُری، پت پرمیشور تیری اِک سرنائیا۔ مَیں تیرا روُپ نوُری، جوتی جاتے ڈگمگائیا۔ ایہہ سرِشٹی دِسے کوُڑی، ساچا سنگ نہ کوئے وکھائیا۔ میری منسا نہ ہوئے ادھوُری، دوُر دُراڈے لَینا مِلائیا۔ تیرے چرن کوَل منگاں دھوُڑی، ٹِکاّ مستک دینا خاک رمائیا۔ جوتی جوت سروُپ ہرِ، آپ اپنی کِرپا کر، سد اپنے وِچ سمائیا۔ سِری بھگوان کہے سُن آتم پیاسی، سَت دیاں دِرڑائیا۔ جنم کرم دی دوُر کراں اُداسی، سنسا روگ دیاں مِٹائیا۔ جِس نوُر وِچوں تیرا نوُر ہویا پرکاسی، انتم اوسے وِچ مِلائیا۔ منزل چاڑھ کے اؤکھی گھاٹی، سچ دوارے دیاں ٹِکائیا۔ ہرِ چرن کوَل رہنا اِکو داسی، بردی ہو کے سیو کمائیا۔ لیکھا مُک جائے پرِتھمی آکاسی، گگن گگننتر اُپر گرِہ مندر دئے سُہائیا۔ جوتی جوت سروُپ ہرِ، آپ اپنی کِرپا کر، آتم پرماتم پرماتم آتم آد جُگادی کھیل وکھائے دُھر سماجی، سماج بھگتاں اپنے نال رکھائیا۔