۲۱ پھگّن ۲۰۲۱ بِکرمی گُرمیِت سِنگھ دے گرِہ پِنڈ پھرالا ضِلع جالندھر
راج لال جے میرے پُتر، پاتشاہ ہو کے دَیا کمائیا۔ سچکھنڈ دا مالک ہو کے آیا اُتر، نِرگُن نِروَیر نِراکار جوت رُشنائیا۔ گُر اوتار پیِر پَیغمبر مَینوُں پُچھن، اَگے ہو ہو سیِس نِوائیا۔ کیہڑے بھگت پربھوُ جِنہاں دا کردا تُوں شُکر، سد اوہناں وِچ دھیان رکھائیا۔ جِنہاں دواریوں کھا کے سُکے ٹُکڑ، دِوس رَین اوہناں سیو کمائیا۔ ترنتے دا لہنا دواپردا دینا کلجُگ نہ گِیوں مُکر، مُجرم ہو کے حاضر اپنا آپ کرائیا۔ نہ آپ لُکیا نہ گُرمْکھ دِتے لُکن، پڑدا اوہلا دِتا اُٹھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ راج لال جے بن گئے بچّے، بچت اپنی تُہاڈی جھولی پائیا۔ تُہاڈے نال رل کے ایہہ گُرمْکھ سارے سُچے، جو بَیٹھے ڈیرہ لائیا۔ وڈّے نِکّے مَیں اِکو جِہے رکھے، اِکو جِہا دیاں مان وڈیائیا۔ دُھر دے بھانڈے رہن نہ کچّے، کاچی گگریا کایا اپنی جھولی پائیا۔ گُر اوتار پیِر پَیغمبر جِتھے رکھے، اوسے دھام ایہناں دیاں وڈیائیا۔ باہروں ویکھ کے چیِتھڑ پھٹے، انتر نام گُلالا رنگ چڑھائیا۔ جو خوشیاں اندر ہسّے، غمیاں وِچ گہر گمبھیِر گُن الائیا۔ پوُرب لیکھے دے پربھوُ نوُں پتے، پتناں دا مالک ہو کے بیڑا رہیا بھرائیا۔ ابناشی کرتا سِری بھگوان نِرگُن جوت سوَچھ سروُپ درشن کرکے نِج اپنی اکّھے، آخر اپنے گھر وسائیا۔ جیِو جہان جگت جِس نے چھڈے، گُرمْکھ سچّے بال لبھے، چؤراسی کپّڑ کایا کوٹ پھول پُھلائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ راج لال جِس جوڑیا جوڑ، جُگتی اپنے ہتّھ رکھائیا۔ کلجُگ کوُڑی کِریا ویکھ اندھیرا گھور، گہر گمبھیِر اپنا پھیرا پائیا۔ دوُر دُراڈا چل کے آیا کول، نیرن نیرا ہو کے
نظری آئیا۔ سچ ترازوُ تول کے اپنا تول، وزن اِکو جِہا دِتا وکھائیا۔ جوتی جوت سروُپ ہرِ، آپ اپنی کِرپا کر، کرنی کرتا اپنے ہتّھ رکھائیا۔ راج لال ویکھ چرن کوَل سِری بھگوان، وشِشٹ اپنی اکّھ کُھلائیا۔ رام ویکھ کے ہُندی پرنام، بارن بار اپنا سیِس جھُکائیا۔ جِس لیکھا ساڈا مُکایا آن، اوہ صاحب مِہروان والی دو جہان، دوہاں دا مالک اِک ہو جائیا۔ انتر آتم دے کے دان، پریم پریِتی برہم گیان ساچی وِدیا نام پڑھائیا۔ گوپیِاں دا کاہن، دھرم دا نِشان، منزلاں دا مقام، حقیِقت اپنے نال رکھائیا۔ پِچھلا دین آیا اِحسان، مانَس جنم ویکھ اِنسان، سچ دوارے کر مہمان، مُحبّت محبوُب اپنی اِک جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی بےپرواہیِا۔ وشِشٹ کہے مَیں ویکھے وِشیش، واشنا سُگندھی اِکو نظری آئیا۔ منگاں منگ ایہہ پریم بنیا رہے ہمیش، جو درویش بَیٹھے سیِس نِوائیا۔ اوہناں دا مالک رہے اِک نریش، نر نرائن سچّا شہنشاہیِا۔ قدم بوسی قدم بوُد کردے رہن آدیس، بندگی پرنام اِکو اِک سمجھائیا۔ سَت سروُپ ویکھو نیتر نیَن پیکھ، درِشٹ اندرِشٹ اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، پوُرب لیکھا لیکھے لائیا۔ وشِشٹ کہے رام جی ویکھ اوہ رام، جو ہر گھٹ رمیا نظری آئیندا۔ سچکھنڈ دوار کرے جو بِسرام، سچ سِنگھاسن سوبھا پائیندا۔ سب توں نیارا وسے اپنے دھام، روُپ رنگ ریکھ نہ کوئے وکھائیندا۔ دسرتھ بیٹے اُٹھ کر پرنام، تیرا دھیان اِکو اِک جنائیندا۔ مَیں وی منگنہارا دان، وشِشٹ سنمُکھ ہو کے بچن الائیندا۔ ایہہ مالکاں دا مالک بھگوان، خالقاں دا خالق مِہروان، عدالتاں دا عدلی اِکو نظری آئیا۔ جِس دا چار جُگ دین احوال، شاستر سِمرت کرن بیان، پَیغمبر گُر سُنا کے ناد تان، اگمّ اتھاہ اپنے ہتّھ رکھے وڈیائیا۔ جو جُگ جُگ جن بھگتاں میلے آن، چرن پریِتی دیونہارا مان، سو صاحب سوامی انترجامی ہویا مِہروان، راج لال اپنا رنگ وکھائیا۔ جِسم نال ہونا نہ کوئے قُربان، لڑنا پئے نہ وِچ مَیدان، کلمہ پڑھنا پئے نہ نال زبان، پھڑ باہوں گلے لگائیا۔ داتا داتار اماماں دا امام، راماں دا رام، کاہناں دا کاہن نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ رام کہے کی لال دوُر، راج کہے نہیں نیڑے نظری آئیا۔ پُرکھ اکال کہے مَیں حاضر حضوُر، اندر بہہ بہہ اپنی خوشی وکھائیا۔ بھگت سُہیلے میرا نوُر، آتم جوتی اپنا رنگ بنائیا۔ جگت مات پِت سب دا ناتا کوُڑ، بِن پُرکھ اکال ساچی گود نہ کوئے اُٹھائیا۔ تریتا دواپردے وِچھڑے کلجُگ ملِے ضرور، ضرورت اپنی ایہناں نال رکھائیا۔ جوتی جوت سروُپ ہرِ، آپ اپنی کِرپا کر،
دیونہار سچّی سرنائیا۔ وشِشٹ کہے مَیں کی دسّاں، کھیل عجب نِرالی نظری آئیا۔ مَیں سُنیا نہیں سچ ویکھیا اکّھاں، نیتر ساچے کھول دھیان لگائیا۔ مالک ہو کے پُرکھ سمرتھا، نِردھناں بَیٹھا انگ لگائیا۔ مَیں خوشیاں وِچ ہسّاں، دُکھیاں ہویا سہائیا۔ ایسے دا نام رٹاں، جو رام رام روُپ نظری آئیا۔ وڈّے نِکّے دا اِکو بن گیا پکاّ متا، مشورہ سچ دیاں کرائیا۔ جنم کرم دا رہے نہ رٹّا، جھگڑا کوُڑا دے چُکائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ وشِشٹ کہے رام ایہہ اوہ دوویں لڑکے، جِنہاں دا لیکھا پِچھے دِتا جنائیا۔ ترنتے دے وِچھڑے کلجُگ ہوئے اِکٹّھے، رل کے چرنی بَیٹھے سیِس نِوائیا۔ قؤل اِقرار پوُرے کر کے، کرماں ڈیرہ ڈھائیا۔ منزل پؤڑی چڑھ کے، اپنا پندھ مُکائیا۔ ڈھولا ساچا پڑھ کے، تیرا میرا راگ الائیا۔ جیِودیاں جگ مر کے، جیِون جیِون وِچ بدلائیا۔ بِرہوں دی اگنی سڑ کے، آپ اپنا دِتا تجائیا۔ صاحب سَتگُر چرن پھڑ کے، فَیصلہ اِکو دِتا سُنائیا۔ جے تُوں سانوُں جائیں چھڈ کے، بھگتاں نال اَگے تیری کدے نہ ہووے کُڑمائیا۔ منگاں منگ اپنی جھولی اڈّ کے، خالی رہے وکھائیا۔ ہے پربھوُ ایہناں ساریاں نوُں اپنے رنگ رنگ دے، جو بَیٹھے در تے ڈیرہ لائیا۔ دو نہیں اسیں سارے ایہو منگ منگدے، مانگت ہو کے الکھ جگائیا۔ اسیں ناتے چھڈے جگ دے، تیرے ہو کے تیرے در تے بَیٹھے سیِس نِوائیا۔ پہلوں ساڈا حق دے، حُکم اِکو وار سُنائیا۔ جے اسیں نہیں تَیتھوں اکّدے، تُوں کِیوں جاویں مُکھ بھوائیا۔ دوویں اِکٹّھے ہو کے اِک اِک دِن تَینوُں رکھدے، سادھ سنگت نال مِلائیا۔ جوتی جوت سروُپ ہرِ، آپ اپنی کِرپا کر، پوُرب لہنا دے چُکائیا۔ رام کہے ویکھ وشِشٹ گُردیو، سوامی مَیں کی کی دیاں سُنائیا۔ کی دسےّ میری جِہو، کی ڈھولا دیواں گائیا۔ مَینوُں نہیں پتہ کی ایہناں کیِتی سیو، پربھ نوُں اپنے اندر بند کرائیا۔ اوہ چھڈ کے نِہچل دھام نِہکیو، نِرگُن ہو کے ایہناں وِچ بَیٹھا ڈیرہ لائیا۔ بچّیاں وانگ نال رہیا کھیڈ، بالے اپنے نال مِلائیا۔ مَیں نہ سمجھیا ایس دا بھید، میری چلی نہ کوئے چتُرائیا۔ جِس ویلے مَیں راتی تکاّں ایہناں گُرمْکھاں پیاریاں دی سُتّا رہے سیج، پرماتم ہو کے گل وکڑی اِکو پائیا۔ جے لبھاں نہ کوئی روُپ تے نہ کوئی ریکھ، رنگ اپنا بَیٹھا چُھپائیا۔ ایہناں ساریاں دا سریِر دا وکھرا وکھرا بھیت، اندروں سارے ایک، جِنہاں بخشی ساچی ٹیک، چرن کوَل دِتی سرنائیا۔ ساچی دھاروں آپے بھیج، جنم لوک مات دوائیا۔ انتم کر کے ساچا ہیت، صاحب سَتگُر رہیا مِلائیا۔ جوتی جوت سروُپ ہرِ، آپ اپنی کِرپا کر، دُھر دی کرنی اپنے ہتّھ رکھائیا۔ وشِشٹ کہے رام جی ایہہ چنگا، مَیں چنگی طرح ویکھ وکھائیا۔
گُرمْکھاں دے ہنجھوُ نہیں ایہہ رووے گنگا، گوداوری اپنی دھار رہی وہائیا۔ شنکر وجاونہارا مردنگا، برہما برہم راگ رہیا سُنائیا۔ وِشنوُں ویکھے کوئی رہے نہ بُھکھا ننگا، دُھر دی سیوا اِک کمائیا۔ پُرکھ اکال ہتّھ اوہ شبدی ڈنڈا، جِس نوُں ڈنڈاوت کرے لوکائیا۔ مَینوُں آیا اِک انندا، رس سوہنا دِتا وکھائیا۔ کھیل ویکھیا وِچ برہمنڈا، لوک مات وجی ودھائیا۔ بھگت بھگوان بنیا سنگا، جوڑی اپنے نال رکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چرن کہن گُرمْکھ نہ مار بُھب، ہؤکا لےَ نہ دے سُنائیا۔ تیرے پریم دی ستار اندروں رہی چُبھ، جو ہؤلی ہؤلی پدم روُپ وٹائیا۔ ایہدے وِچ راز کُجھ، کُچھ دیاں سمجھائیا۔ جِس ویلے تُہاڈا رام وشِشٹ والا جنم گیا سی مُک، ترنتے وِچ انت اِک شبد دِتا جنائیا۔ نؤ مِنٹاں پِچھوں تُہاڈے اودوں سواس گئے سی مُک، ناتا جگت نالوں تُڑائیا۔ پُرکھ اکال اگمّی آواز نال کِہا سی پُت، شبدی ناد سُنائیا۔ جِس ویلے سچ مُچ میرے چرناں جاؤگے جھُک، جُگ وِچوں جُگ روُپ وٹائیا۔ اوس ویلے لَوانگا پُچھ، مِہروان ہو کے اپنی دَیا کمائیا۔ چرن نال سیِس سیِس نال چرن دوویں ہو جان خوش، خوشحالی اِکو دیاں وکھائیا۔ اندر وڑ کے کراں سِدھا رُخ، رہبر ہو کے راہ وکھائیا۔ نام پیالہ ساچا گھُٹ، خُماری اِکو دیاں چڑھائیا۔ دوہاں دا سوہنا بنیا رہے جُٹ، جُٹ دا جوٹا جو تِرنجناں وِچ کواریاں کنیا رہیاں پائیا۔ تُہاڈے نالوں تُہاڈے وِچھڑن دا مَینوُں بہُت دُکھ، دُکھ دا ماریا پِچھے پِچھے بھجّاں واہو داہیِا۔ بےشک مَیں باہروں تتّاں والا منُکھ، ہڈّ ماس ناڑی چمڑی رنگ رنگائیا۔ انتر نِراکار نِرنکار ابناشی اچُت، جو چیتن سُرتی سب دی رہیا کرائیا۔ جوتی جوت سروُپ ہرِ، آپ اپنی کِرپا کر، دیونہار سرنائیا۔ وشِشٹ کہے رام سُن، انڈِٹھڑی دیاں جنائیا۔ اجّ اِک ہور وِہار کرنا جِس دا سب توں وکھّرا گُن، چار جُگ نہ کوئے سمجھائیا۔ جیہڑا کوٹن کوٹ اسمیدھ یگ کیِتیاں پُنّ، راج راجاناں شاہ سُلطاناں ہتّھ کِسے نہ آئیا۔ پربھ دا کھیل جانے کؤن، کوَن کرنہار وڈیائیا۔ دوویں انگوُٹھے لَوو چُمّ، رس اپنا دیاں چکھائیا۔ جوتی جوت سروُپ ہرِ، آپ اپنی کِرپا کر، رنگ ساچا رہیا رنگائیا۔ رام کہے کھیل نِرالا، نِراکار دِتا وکھائیا۔ مارگ دسّ سُکھالا، بھگت دِتے وڈیائیا۔ اِکو وار انتر آتم پا کے اپنے پریم دی مالا، من کا منکا دِتا بھوائیا۔ پوُرب جنماں دے حوالہ، احوال اپنا نال رکھائیا۔ دو جہاناں بن رکھوالا، رکھک ہو کے ہویا سہائیا۔ گُرمْکھاں ہو مِہروانا، مُحبّت اِک جنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ وشِشٹ کہے رام دوویں چرن رہے کُچھ آکھ، سجّا کھبّا اپنی
کہانی رہے سُنائیا۔ جن بھگتو جُگ چؤکڑی کِسے نے انّ کھادھا کِسے نے بھات، کوئی دوُدھا دھاری نظری آئیا۔ کِسے تپسیا کیِتی رات، کوئی دِنے بن کھوجن جائیا۔ کِسے پوُجا کیِتی کِسے پاٹھ، کوئی کلمیاں کلاماں نال سجدے سیِس نِوائیا۔ کِسے گائتری منتر کیِتا یاد، کوئی اشٹبُھج لال بھوُشن رہیا پہنائیا۔ کِسے ورت رکھیا کِسے روزیاں نال پڑھی نماز، کِسے عیِد بقرعید لئی بنائیا۔ کِسے گُروُآں اوتاراں پَیغمبراں دی رکھی یاد، کِسے نے دیوی دی یاد اندر کنجکاں لئیاں کھوائیا۔ کِسے نے پیِراں دے مقبریاں اُتے جگائے چراغ، کوئی شہیداں اَگے سیِس نِوائیا۔ کِسے نے پوُجا کیِتی آگ، کوئی جل پانی سوُرج دیوتا رہے چڑھائیا۔ کِسے نے جوگ کیِتا ابھیاس، کوئی برہم دی دھار بَیٹھا سنیاس، کوئی وَیراگی کوئی تیاگی کوئی مچھندر گورکھ روُپ وٹائیا۔ کِسے نے حضرتاں دی پڑھی کِتاب، کِسے نے پُنن کیِتا صواب، کوئی مندر وِچ ٹل کھڑکائیا۔ وشِشٹ کہے رام کلجُگ ویکھ کھیل عجب تماش، پُرکھ ابناشی آپ کرائیا۔ جن بھگتاں دا جنم لیکھے لا کے لہنا چُکائے مات، آون جاون اپنی جھولی پائیا۔ دوہاں نے جیہڑا لیا رس سواد، اوہ ساری سنگت اندر دئے ٹِکائیا۔ اسیں سارے ہو گئے لاجواب، ساڈی چلے نہ کوئے وڈیائیا۔ کِیوں پُرکھ اکال پاتشاہاں دا پاتشاہ راجیاں دا مہاراج، شہنشاہاں دا شہنشاہ اکھوائیا۔ جِس دے ہتّھ دو جہاناں دا کاج، کرنی دا کرتا بےپرواہیِا۔ اوس سب دی رکھنی لاج، ویکھنہارا چائیں چائنیا۔ جن بھگتاں نوُں پار اُترن دی ساچی دسّ دئے جاچ، لیکھا اِکو وار مُکائیا۔ جِس نوُں یاد کردے رہے اوہ آ گئی لوک مات رات، اپنا ویس وٹائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمائیا۔ رام کہے وشِشٹ رات کیہڑی، رَین اپنا روُپ رہی بدلائیا۔ وشِشٹ کِہا رام ایہہ اوہ رَین جِس بھگتاں دی کٹنی جیڑی، پھاسی گلوں کٹائیا۔ پُرکھ اکال تارن لگیاں لاؤنی نہیں کوئی دیری، دوُر نیڑے سارے پار لنگھائیا۔ جن بھگت نوُں تِنّاں جُگاں جوگی اِکو رات بتھیری، بہُتی تپسیا دی لوڑ رہی نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ رام کہے وشِشٹ جی مَیں سنگت وِچ اِستری پُرش ویکھے دو دو، ناری نر نظری آئیا۔ وشِشٹ کِہا رام ایہہ سارے اِک دوُجا جامہ بدل کے ایہو جِہے آئے ہو ہو، کوٹن وار پھیریاں پائیا۔ سچ پُچھیں ایہناں تے پرماتما دی اِکو لو، باہرلے چِنھاں نال نہ کوئے لڑائیا۔ دوہاں دا مالک اوہ، جو سب دا پِتا مائیا۔ رام کِہا پربھوُ بھگت کو، مَینوُں دے سمجھائیا۔ اودھروں بھیِلنی اَگے گئی ہو، ہوکا دے کے دِتا سُنائیا۔ رام وشِشٹ میرے نال رل کے تُسیں سارے پؤ رو، پربھ نوُں حال دئیے سُنائیا۔
تیرے دوارے اِکو جِہا سب دا موہ، مُحبّت اِکو نظری آئیا۔ اجّ دی رَین پُرش سّجے چرن ناری کّھبےچرن انگوُٹھیاں نال اپنا مستک لیَن چھوہ، ٹِکاّ دُھر دا لیَن لگائیا۔ پھیر سب نوُں یاد آ جائے ستائی پوہ، تُہاڈا حِساب تُہاڈی جھولی پائیا۔ جیہڑا کیِڑی دا انّ رکھیا لکو، تُہاڈے کول دیاں کڈھائیا۔ جے پریم کرکے اِکٹّھے گئے ہو، سِمت اپنی لؤ بنائیا۔ جے اِک رات ہور میرے نال رہو، مَینوُں بُھکھا رکھ کے آپ خوشیاں لؤ منائیا۔ مَیں تُہاتھوں ساڈھے نؤ وجے اِک منگاں کھان نوُں جؤ، باقی سب کُچھ تُہاڈی جھولی پائیا۔ بھاویں سوا دیؤ اُتے مِٹّی بھؤں، اوڈھن دی لوڑ رہے نہ رائیا۔ مَینوُں اپنا نہیں کوئی گؤں، لوڑوند مَیں تُہاڈا نظری آئیا۔ بھگتاں نال مَیں کدے نہیں ہویا نِرموہ، پریِتی پریم پیار بندھائیا۔ تُسیں نہیں جاندے مَیں گوبِند اوہ، جو وعدہ کر کے پھیرا پائیا۔ کی ہویا جے سرسے تُہاڈے نال ہویا دھروہ، تُہاڈی دُرمت مَیل دیاں دھوائیا۔ تُہانوُں سمجھ نہیں آیا کی لیکھا سی چّھبی پوہ، کی پنجھی ماگھ آیا سمجھائیا۔ تُسیں بھاویں کِنّا غُصّہ میرے اُتے کرو روہ، مَیں رُسیاں پِھر بھی لَواں منائیا۔ میرے نال گُروُآں اوتاراں پَیغمبراں دا نہیں کوئی گروہ، اِک اِکلّا ہو کے تُہاڈی سیو کمائیا۔ تُسیں سارے میرے بچّے ہو کے رہو، مَیں آپے بناں پِتا مائیا۔ جو کُچھ کہنا سو میرے ساہمنے کہو، مَیں اپنے اندر سب کُچھ لَواں ٹِکائیا۔ جے میرے چرن نال گئے چھوہ، مَیں شہنشاہ تُہانوُں شہنشاہ دیواں بنائیا۔ تُہاڈی وست تُہاڈے کولوں کِسے نہیں لیَنی کھوہ، جو اپنے آپ تُہانوُں دِتی پھڑائیا۔ جے نہیں اِعتبار، تے ہُن ازما کے لؤ جوہ، مَیں اپنے پڑدے آیا اُٹھائیا۔ تُہاڈے ساہمنے ویکھیو ساری سرِشٹی توں سب کُچھ لَینا کھوہ، خالی ہتّھ سارے دینے بھوائیا۔ اِک مَینوُں تُہاتھوں آوے بھؤ، ڈردا گھر گھر پھیرا پائیا۔ بھگتو تُسیں جے میرے کول نہ بہو، میری مات نہ ہووے وڈیائیا۔ جوتی جوت سروُپ ہرِ، آپ اپنی کِرپا کر، کرنی کر کر رہیا وکھائیا۔ وشِشٹ کہے رام کِیوں اِنہاں دے نیتر وگیا اتّھر، چھہبر رہیا لگائیا۔ رام نے کِہا جِس ویلے گوبِند پیا سی سَتھر، اِک کیِڑی چِیؤنٹی نِکی سیو کمائیا۔ اوس دے سرہانے سی اِک پتّھر، جِس نوُں اِک مُٹھی نال مِن کے اپنے تھلّے لیا ٹِکائیا۔ اپنی نظر نال مِلائی سِخر، اسماناں توں پرے دِتی ٹِکائیا۔ اوس ویلے پُرکھ اکال تے گوبِند دا اِک ذِکر، جِس دا کوئی سکیا نہ چِتر چِتر، چلِتر چلِتر بچِتر اپنے وِچ سمائیا۔ اوس ویلے دا لگّا رہیا سی فِکر، کؤن ویلا آئے ویہہ سؤ اِکّی بِکرمی لیکھا دیاں مُکائیا۔ سچ دسّو تُسیں کِیوں مَیتھوں رہے وِچھڑ، اپنا آپ مُکھ چُھپائیا۔ جے رام آیا تے چرنی ڈھٹّھا ویکھو کرِشن، تریَلوکی دا ناتھ بَیٹھا سیِس نِوائیا۔ کِیوں ایہناں دا حِساب رَویداس چمیارا آیا
لِکھن، گُرمْکھ روُپ وٹائیا۔ جن بھگتو تُہاڈا بھگوان والا چلنا مِشن، مُنی مُنیشر تُہاڈا راہ تکائیا۔ مہاراج شیرسِنگھ وِشنوُں بھگوان، سچ پریِتی تُہاتھوں آیا سِکھن، سِکھیا دا کیندر گُرمْکھ لئے پرگٹائیا۔ گُرمْکھاں اندر اِک وِدَیالا، وِدیا برہم پڑھائیا۔ جِس دا ادھیاپک دیِن دَیالا، پاربرہم بےپرواہیِا۔ نؤ کھنڈ پرِتھمی وِچ ایہو جِہا نہ کوئی مکتب نہ کوئی پاٹھشالا، نہ کوئی وِدیارتھی نظری آئیا۔ نالے پریم پیار پریِت کرے نالے وکھائے سچّی دھرم سالا، نِرگُن نِروَیر نِراکار اپنا حُکم سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیونہارا ساچا دان، راج لال ہرِ سنگت ملِے آن، ہرِ سنگت دا روُپ سِری بھگوان، بھگوان دا انگ گُرمْکھ چتُر سُگھڑ سُجان، گُرمْکھاں دا سنگ آد جُگادی نؤجوان، نر نِرنکارا اِک اکھوائیا۔
ساڈے کول سی اِکو مِنّت، گُرمْکھاں دِتی سُنائیا۔ تُہاڈے پریم دی مَینوُں قِلت، دردیو درد لَینا ونڈائیا۔ تُہاڈی خواری نہ ہووے ذِلّت، دیواں سدا سدا سچّی وڈیائیا۔ جے تُہاڈے وِچ پریم پیار دی ساچی ہِمّت، پھیر ترس کھا کے جؤ دا دانہ اِک دیؤ کھوائیا۔ جوتی جوت سروُپ ہرِ، آپ اپنی کِرپا کر، آپ اپنی منگ منگائیا۔ بلہاری کہے گُرسِکھ گُرمیِت، ہرِ دیونہار وڈیائیا۔ جِس سنگت نال کر کے پریِت، میلا سب دا لیا مِلائیا۔ راج نرَین لال سِنگھ مِل کے ہوئے سیِت، ٹھنڈ دِتی ورتائیا۔ سنگت نے ساچا گایا گیِت، ڈھولا بےپرواہیِا۔ مَیں سب نوُں دین آیا بخشیِش، مان تان ودھائیا۔ گُرمْکھو سدا جاؤ جگ جیِت، جیِون اپنا پربھ دی جھولی پائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ رکھائیا۔ گُرمیِت دا گاؤ جس، ساری سنگت اِکو روُپ نظری آئیا۔ ایہہ ایس دے نہیں کُچھ وس، جو کرنا سو کر کر رہیا وکھائیا۔ سمیں سمیں دی پوُری کرے آس، وقت وقت دا لیکھا رہیا مُکائیا۔ پوُرب لہنا جانے حِساب، جُگ چوکڑی پھول پُھلائیا۔ مِلن آیا کرتا پُرکھ نِرگُن سروُپ پربھ آپ، جوتی جاتا ویس وٹائیا۔ گُرمْکھو تُہاڈے وِچ بھاویں کِنی ہووے مِزاج، مَیں اپنی نِمرتا تُہاڈے نال دینی مِلائیا۔ کِیوں آیا آج، تُہانوُں پِچھے چھڈ کے اَگے بھجیّا واہو داہیِا۔ اِس دا کوئی لہنا سی حِساب، تُہانوُں دیاں سمجھائیا۔ پنج وِساکھ ساڈھے نؤ وجے رات شِنگارا سِنگھ دا مُکیا سی کھاج، جواب دینا سی پِتا مائیا۔ جِس طرح سسکار کر کے غمی وِچ واپس آؤنا سی اوہ کھیل دِتا وکھال، آپ اپنی دَیا کمائیا۔ جوتی جوت سروُپ ہرِ، آپ اپنی
کِرپا کر، مِہر نظر اِک اُٹھائیا۔ پنج وِساکھ اجے وی رکھیو یاد، ہرِ سنگت وِچ دیاں سمجھائیا۔ اوس دِن ضرور کرائِیو پرشادِ، ڈھائی چھٹانکاں ونڈ ونڈائیا۔ جے بُھل جائے نؤ دِناں پِچھوں پھیر دینا پؤُ حِساب، پھیر بینتی سُنن کوئی نہ پائیا۔ جوتی جوت سروُپ ہرِ، آپ اپنی کِرپا کر، کر کِرپا رہیا ترائیا۔ شِنگارا سِنگھ دا پِچھلا جنم، جو انڈِٹھا سرب درڑائیندا۔ اِس دا شوُدراں والا ورن، کُلہیِن اکھوائیندا۔ جِتھوں رَویداس پانی جاندا سی بھرن، اوس کوُایں اُتے سیو کمائیندا۔ اِک دِن ایہہ کِسے راہی نال لگّا سی لڑن، اُچی اُچی بول سُنائیندا۔ اودھروں رَویداس آ کے ڈول لگّا پھڑن، کُنڈے ہتّھ چُھہائیندا۔ اودروں نتھیا لگّا ڈرن، کر پرنام سیِس جھُکائیندا۔ رَویداس پرے لگّا کرن، ڈوری اپنے ہتّھ وکھائیندا۔ ایس رو کے کِہا جے مَیتھوں کھوہیا تے مَیں تیرے ساہمنے لگّا مرن، کِیوں سیوا میری مَیتھوں چُھڈائیندا۔ رَویداس کِہا ایہہ تیرا میرا پرن، سِر اُتے ہتّھ ٹِکائیندا۔ کاکا جِس ویلے مَیں تے تُوں دوویں اِکٹّھے ہوئے پُرکھ اکال دی سرن، چرن کوَل اِکو نظری آئیندا۔ یاد رکھیں جِس ویلے تیرا ویلا آوُ مؤت دا مرن، مَیں اوس ویلے تَینوُں اِک وار بچائیندا۔ اوہ بچّہ اوسے ویلے لگّا چرن پھڑن، نیتر رو رو نیِر وہائیندا۔ رَویداس نے مِٹّی تھوڑی پُٹی اُتوں دھرن، دھرتی خاک اوہدے سیِس وِچ ٹِکائیندا۔ جِس ویلے میرا مالک آیا کرنی کرن، کرتا پُرکھ اپنا روُپ وٹائیندا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیندا۔ نتھیئے کِہا دسّ رَویداس، کُچھ رستہ دے سمجھائیا۔ مَیں کِس بِدھ آواں تیرے پاس، پُرکھ اکال کِویں مِلائیا۔ کِس بِدھ چُکاویں میرا حِساب، لیکھا پربھوُ کولوں کرائیا۔ رَویداس کِہا میرے ہتّھ وِچ قلم دوات، جو لِکھاں تِس نوُں سکے نہ کوئے مِٹائیا۔ کِیوں اوس نے ساریاں دا اِکو بن کے آؤنا باپ، گُرمْکھ بچّے اپنی گود اُٹھائیا۔ جِس ویلے مَیں انتر آتما اوہنوُں دِتا آکھ، اوہ ضرور میری منّے چلے بھگتاں دی رضائیا۔ اودوں وی ایہو دِہاڑا سی پنج وِساکھ، جِس دی بدل دینی شاخ، مِہروان مِہر نظر اُٹھائیا۔ مہاراج شیرسِنگھ وِشنوُں بھگوان کِرپا کر کے بخش جاوے بچّیاں والی دات، ایہو بچت جیہڑی گُرمیِت تیری جھولی پائیا۔
۲۲ پھگّن ۲۰۲۱ بِکرمی گُرمیِت سِنگھ دے گرِہ پھرالا ضِلع جالندھر
آکاش کہے برہمنڈ کھنڈ جِس دا نوُری عکس، اکثر اپنی کھیل کھِلائیندا۔ جو میرے اُتے وسے عرش، شاہ پاتشاہ شہنشاہ اکھوائیندا۔ اوہ چل کے آیا دھرت، نِرگُن نوُر جوت رُشنائیندا۔ سوُربیِر مردانہ بن کے مرد، مدد بھگتاں آپ کرائیندا۔ کلجُگ کوُڑی کِریا میٹن آیا تشّدد، حُکم دُھر دا سچ سُنائیندا۔ کلجُگ کاتی دینا بدل، سَتجُگ ساچا راہ وکھائیندا۔ دو جہاناں کرنا عدل، بریِخانہ آپ کُھلائیندا۔ دوُر دُراڈا جاننہارا مزل، منزل اپنی آپ سمجھائیندا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیندا۔ آکاش کہے مَیں ویکھی چمک، نوُراں دا نوُر نظری آئیا۔ جِس دے نام دی برہمنڈ کھنڈ پیَندی دھمک، دُھر دا مالک بےپرواہیِا۔ جِس سُگھڑ بناؤنے موُرکھ مُگدھ احمق، احمدیئے نال رلائیا۔ دھوتی ٹِکاّ بودی مُچھ داہڑی سُنّت، میل ملاؤنا نال تہمت، چار کُنٹ ویکھ وکھائیا۔ جے پریم نال نہ ہووے سہمت، شبد ڈنڈے نال لئے مِلائیا۔ جن بھگتاں اُتے کر کے رحمت، رِشماں کِرناں چشماں دئے وکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ آکاش کہے مَیں ویکھی غرج، بھےَ بھیت سرب لوکائیا۔ کرے کھیل انوکھا اسچرج، اچرج اپنی کار کمائیا۔ کوُڑی کِریا میٹن آیا اندھیر گرد، گردش ساری ویکھ وکھائیا۔ غریِب نِمانیاں ونڈن آیا درد، دُکھیاں دُکھ اپنی جھولی پائیا۔ جن بھگتاں پِچھے پِھرے مگر مگر، سگلا سنگ نِبھائیا۔ دو جہاناں تول کے وزن، نام کنڈے دئے چڑھائیا۔ بھیو کُھلا کے جوت نِرنجن، آد نِرنجن ویکھ وکھائیا۔ جو وست گُر اوتار پَیغمبر پِچھے آئے منگن، سو سب دی جھولی دیوے پائیا۔ سچ بھبوُتی نام چڑھائے رنگن، پرسوُتی روُپ نہ کوئے وٹائیا۔ چرن کوَل درسا کے اِکو بندن، خاکی بندیاں بندے دئے بنائیا۔ سنت سُہیلے لا کے انگن، انگیکار اکھوائیا۔ ویکھنہارا سخیاں سئیاں تِرنجن، ڈھولا جناوے بےپرواہیِا۔ جوتی جوت سروُپ ہرِ، آپ اپنی کِرپا کر، کرنی دا کرتا دیونہار وڈیائیا۔ آکاش کہے مَیں ویکھیا نوُر، جگت اندھیرا رہیا مِٹائیا۔ جِس نےموُسیٰ سُٹیا کوہ طوُر، جلوہ جھلک وکھائیا۔ جِس دا اگمّی وجےّ تنبوُر، انراگی راگ الائیا۔ اوہ مالک خالق پرِتپالک ثالث لوک مات ویکھیا ضرور، جماعت اِکو رہیا بنائیا۔ بھگتاں میِتا ٹھانڈا سیِتا بھوُپ روُپ بن مزدوُر، ساچی کرنی رہیا کمائیا۔ سب دا لیکھا دیوے ضرور، کوُڑا فتوُر دئے گوائیا۔ حضرتاں دا حضوُر، مُفلِساں دا نوُر، نِرگُن نِروَیر نظری آئیا۔ مہاراج شیرسِنگھ وِشنوُں بھگوان، ناتا توڑ دے کوُڑو کوُڑ، ساچی دھوُڑ مستک ٹِکاّ دیوے
لائیا۔ آکاش کہے مَیں کی ویکھاں، نیچے اُپر دھیان لگائیا۔ نہ کوئی روُپ نہ کوئی ریکھا، چھپّر چھنّ نہ کوئے وڈیائیا۔ جوت اگمّی دھریا بھیکھا، اوَلّڑا ویس وٹائیا۔ مَینوُں اَدھ وِچکارے بَیٹھے نوُں سُنیا اِک سندیشہ، جو دو جہاناں رہیا سُنائیا۔ حُکمران ہو کے نر نریشا، نِرگُن اپنی دھار چلائیا۔ چؤتھے جُگ دا پِچھلا چُکیا ٹھیکہ، ویلا وقت دئے گواہیِا۔ اَگے سب دا ایکے نال ہو جائے ایکا، ایکنکار اِکو نظری آئیا۔ حُکم چلے دیش بدیشا، بدلی سب دی دئے کرائیا۔ جو ویکھنہار ہمیشہ، سوہنگ سجّن بن کے چِنتا غم رہیا مِٹائیا۔ بھگت اُدھارن جِس دا پیشہ، پیشیِنگوئی سب نوُں رہیا سُنائیا۔ مہاراج شیرسِنگھ وِشنوُں بھگوان، اپنے ہتّھ رکھے لیکھا، گُر اوتار پیِر پَیغمبر دو جہان برہمنڈ کھنڈ جِس نوُں آد جُگاد جُگ چؤکڑی بِن رسنا جِہوا لکّھ لکّھ دین ودھائیا۔
۲۲ پھگّن ۲۰۲۱ بِکرمی چرن کؤر دے گرِہ پِنڈ پھرالا ضِلع جالندھر
آکاش کہے مَیں تکیا نِرنکار، نِردھن سردھن ویکھ وکھائیندا۔ وِشن برہما شِو کرے پیار، گُر اوتار گود بٹھائیندا۔ برہمنڈ کھنڈ کرے اُجیار، پُری لوء نوُر رُشنائیندا۔ رَو سس دیوے دھار، زِمیں اسمان ونڈ ونڈائیندا۔ نؤ کھنڈ پرِتھمی پاوے سار، بھیوَ ابھیدا اپنے ہتّھ جنائیندا۔ کرے کھیل اگمّ اپار، حُکم اگمّی آپ الائیندا۔ نوَ نؤ چار دئے آدھار، شاستر سِمرت وید پُران اِنجیِل قُرآن رنگ رنگائیندا۔ لکّھ چؤراسی جیِو جنت انڈج جیرج اُتبُھج سیتج سب دا سانجھا یار، کھانی بانی اپنا میل مِلائیندا۔ پُرکھ ابناشی سچکھنڈ نِواسی درگاہ ساچی کھیل کرے اپار، دُھردرگاہی اپنا حُکم ورتائیا۔ سرِشٹی درِشٹی کھولنہار کِواڑ، آتم پرماتم دئے جُڑائیا۔ سنت سُہیلا بھگت وچھل گِرور گِردھار، گہر گمبھیِر گُنی گہیر بےپرواہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ آکاش کہے مَیں ویکھیا پربھ دا اِک نُقطہ، چکر گول رہیا وکھائیا۔ مَینوُں پتہ نہیں لگّا اوس دے مُڈھ دا، انت سکیا نہ کوئے سمجھائیا۔ کلجُگ انت نِرگُن دھار ہو کے اُٹھدا، نِروَیر پُرکھ لئے انگڑائیا۔ دو جہان کدے نہ لُکدا، اُپر پڑدا نہ کوئے پائیا۔ جن بھگتاں ناتا جوڑ کے پِیو پُت دا، پت پرمیشور ویکھ وکھائیا۔ ساچا ویلا ویکھاں سُہنجنا سُکھ دا، نیتر لوچن اکّھ کُھلائیا۔ غریِب نِمانیاں ہرِ ہرِ پُچھدا، دردیاں درد ونڈائیا۔ لیکھ مُکاوے کوُڑ کُڑیاری لُٹ دا، سَت سچ لئے پرگٹائیا۔ وقت سُہاونا سوہنی رُت دا، پتّ ڈالی رہی مہکائیا۔ جوتی جوت سروُپ
ہرِ، آپ اپنی کِرپا کر، کرنی دا کرتا قُدرت دا قادر قایم مقام اپنا اِک بنائیا۔ آکاش کہے مَیں ویکھیا قایم مقام، کعبیاں توں پرے نظری آئیا۔ جِتھے وسے اِک اِمام، عالماں دا عالم عُلما عالمیِن کرے پڑھائیا۔ جِس دا کھیل سدا تمام، طمع کوُڑی رہیا بدلائیا۔ سَت سچ سمجھا کے اِک گیان، سوہنگ کرے پڑھائیا۔ پرِتھمی آکاش دا اِک وِدھان، دُھر فرمانا نال سمجھائیا۔ شاہ پاتشاہ دا اِک نِشان، شہنشاہ جھُلائیا۔ مَیں ویکھ کے ہویا حَیران، زِمیں آسمان دوویں خوشی منائیا۔ رل مِل مَیں تیرا تُوں میرا ڈھولے سانجھے گان، گھر گھر وجےّ ودھائیا۔ جھگڑا رہیا نہ کوئے درمیان، گُر اوتار دیِن مذہب ونڈ نہ کوئے ونڈائیا۔ سب دا سانجھا اِک اِک دام، اِقبال اِکو دئے وکھائیا۔ کوُڑی کِریا صاف کرکے مَیدان، میزان بھگتاں دئے جنائیا۔ لیکھا جانے مشرق مغرب جنوُب شمال، اِستعمال سب دا رہیا کرائیا۔ پربھ دا قِطعہ وڈّا وِشال، لوک مات نہ کوئے سمجھائیا۔ نؤ کھنڈ ستّ دیِپ اِک نِکی جِہی مثال، جیِواں جنتاں دئے دِرڑائیا۔ آکاش توں پرے وڈّا کھیل مہان، مہما اپنے وِچ چُھپائیا۔ اوس دا اجے تک کِسے نوُں نہیں آیا گیان، بےانت بےانت کہہ کے سارے گئے سُنائیا۔ آکاش توں اُتے ساڈھے تِنّ سال اندر بنا دینا اُتے دا وِدھان، پھیر لوک مات اُتے دئے ٹِکائیا۔ اِکو حُکم منا کے سِری بھگوان، آن سب نوُں اِک جنائیا۔ جِس نے آد سرِشٹی رچی آن، اوہ ویکھنہار بھگوان، دوُجا جو آیا سو بچّیاں وانگ اَنجان، بالیاں وانگر گیا پھیرا پائیا۔ جوتی جوت سروُپ ہرِ، آپ اپنی کِرپا کر، سچ سمگری دا سچ سامان، سمیں سمیں سمتی سمتی سہج سہج آپے لئے پرگٹائیا۔
۲۲ پھگّن ۲۰۲۱ بِکرمی منسا سِنگھ دے گرِہ پھرالا ضِلع جالندھر
آکاش کہے مَیں تکیا سَت اصوُل، سرب سوامی آپ بنائیندا۔ جِس دا اگمّ اگمّڑا سکوُل، مکتب اپنا آپ کُھلائیندا۔ جِتھے وِدیا اِک معقوُل، دُھر دا حُکم سُنائیندا۔ کوئی وقت نہ جائے فضوُل، رحمت رحم آپ درسائیندا۔ جِتھے جھگڑا مکُے قاتل مقتوُل، عدالت اِک وڈیائیندا۔ جِتھے جنم کرم دا لہنا ہوئے وصوُل، حِساب کِتاب ٹھیِک درڑائیندا۔ جِس دا جُگ چؤکڑی سدا سدا بنیا اِک مضموُن، گُر اوتار پیِر پَیغمبر نہ کوئے اُلٹائیندا۔ جِس دا بِن اکھّراں والا قانوُن، کاتب قلم نال نہ کوئے لِکھائیندا۔ سو دیونہارا سچ ثبوُت، سو پُرکھ نِرنجن ویس وٹائیندا۔ بھاگ لگا کے کایا پنج تت کلبوُت، کعبہ اِکو اِک سُہائیندا۔ سب توں وکھرا نِرالا دسّ کے روُپ، جوبن اپنا رنگ
چڑھائیندا۔ مالک ہو کے دُھر محبوُب، محِو اِکو راہ وکھائیندا۔ دیِن مذہب دی حد وِچ نہ آئے محدوُد، دروازہ بند نہ کوئے کرائیندا۔ عرش فرش توں جِس دا اُچا عروُج، حق مقامے ڈیرہ لائیندا۔ آد جُگاد جو سدا رہے مؤجوُد، مُشکل سب دی ویکھ وکھائیندا۔ چوٹی چڑھ ویکھے منزلے مقصوُد، مِسل مِثال اپنی آپ بنائیندا۔ لیکھا جان کے تت وجوُد، بھیوَ ابھیدا سچ کُھلائیندا۔ وجاونہارا ناد سچ تنبوُر، طبع طبیعت آپ بدلائیندا۔ بینتی کرنہارا منظوُر، آرزوُ اپنے لیکھے لائیندا۔ جلوہ گر اگمّی نوُر، نوُرانہ ڈگمگائیندا۔ صوُفیاں سدا مشکوُر، مِل بھگتاں سوبھا پائیندا۔ درویشاں مزدوُر، مُفلِس ہو کے کار کمائیندا۔ توڑنہارا غُربت غروُر، نِون سو اکھّر اِک سمجھائیندا۔ اپنا حُکم ورتائے ضرور، ظاہر ظہوُر نظری آئیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیندا۔ آکاش کہے میری گئی عقل، سمجھ رہی نہ رائیا۔ جِس ویلے گُر اوتار پیِر پَیغمبر پربھ نے کیتے مُعطّل، حق حقوُق اپنے ہتّھ رکھائیا۔ اوہ بہہ کے اِک دوُجے ولّ تکّن، بَیٹھے دھیان لگائیا۔ کی اسیں ہو گئے شکّن، پربھ نوُں بھروسہ رہیا نہ رائیا۔ ہؤلی ہؤلی سہجے سہجے دسّن، کتھا کہانی سرب سُنائیا۔ اسیں لوک مات کلجُگ انت کوُڑی کِریا نہیں گئے دھکّن، اپنا بل نہ کوئے وکھائیا۔ مایا ممتا نہیں گئے کڈھن، دُھر دا حُکم نہ کوئے منائیا۔ ایسے کر کے پُرکھ سمرتھن، اپنا ویس وٹائیا۔ شبدی حُکم نال اسیں سب کُچھ لگے چّھڈن، اُجر رہیا نہ رائیا۔ پربھ سرنائی اِکو وار سارے رل کے منگن، دیِن مذہب نہ کوئے رکھائیا۔ پریم پریِتی اندر ہو گئے سارے مگن، پِچھا یاد رہن کوئے نہ پائیا۔ جِس اُپائی سرِشٹی اوہ سرِشٹی دا بنے سجّن، ساجن اِک اکھوائیا۔ چرن دھوُڑی کرا کے مجن، منزل پندھ دئے مُکائیا۔ تت وِکار میٹ کے اگن، سانتک سَت دئے کرائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، ہرجن چاڑھ کے ساچی رنگن، دُرمت مَیل دیوےدھوائیا۔
۲۲ پھگّن ۲۰۲۱ بِکرمی گُربچن سِنگھ دے گرِہ ہردوپھرالا ضِلع جالندھر
آکاش کہے مَیں ویکھیا کھیل سچّے ربّ دا، رابطہ سکے نہ کوئے سمجھائیا۔ سچکھنڈ دوارے بہہ کے سجدا، سجدہ دو جہان کرائیا۔ لبھیاں لوک مات کِسے نہ لبھدا، بھجّن واہو داہیِا۔ نہیں پتہ اوس دی حد دا، کنارہ انت نہ کوئے جنائیا۔ دھام وکھرا اِک الگ دا، سربگ رہیا سُہائیا۔ جِتھے دِیپک نِرالا اِکو جگدا، بِن باتی تیل کرے رُشنائیا۔ اوتھے جھگڑا نہیں کوئی اڈّ دا، گُر اوتار پیِر پَیغمبر اِکو چرن دھیان رکھائیا۔ بل زور نال نہیں کوئی اَگے ودھدا، نِمرتا وِچ سرب سمائیا۔ اوتھے لیکھا نہیں کوئی ترےَگُن اگنی اگّ دا، پنج تت نہ کوئے لڑائیا۔ اوتھے خیال نہیں کوئی مکّے کعبےحج دا، شِودوالا مٹھ نظر کوئے نہ آئیا۔ اوتھے جگت وِدیا نہیں کوئی دسّدا، اکھّراں والی نہ کوئے پڑھائیا۔ اوتھے ناتا نہیں کوئی پِتا پُت ماں باپ دا، بھَین بھائی نظر کوئے نہ آئیا۔ اوتھے رِشتہ نہیں کوئی سجّن ساک دا، دوست مِتر نہ کوئے وڈیائیا۔ اوتھے راگ نہیں کوئی تن رباب دا، سُرنگی تنبوُر نہ کوئے وجائیا۔ اوتھے کھیل نہیں سوال جواب دا، سارے بَیٹھے سیِس نِوائیا۔ اوتھے جھگڑا نہیں شاہ نواب دا، شہنشاہ اِکو بےپرواہیِا۔ اوتھے مان نہیں کوئی کِسے راج دا، سیوک ہو کے ساچی سیو کمائیا۔ اوتھے لیکھا نہیں کوئی حِساب دا، چِترگُپت رائے دھرم نیڑ کوئے نہ آئیا۔ ایہہ کھیل اگمّی پروردِگار واحد دا، لاشریِک اپنی کار کمائیا۔ اوہ نوُر ظہوُر قادر گاڈ دا، اِک اِکلّا ڈگمگائیا۔ اوتھے سُنیہڑا نہیں کوئی آواز دا، انتر انتر اپنا حُکم سُنائیا۔ ویکھیا کھیل سچےّ دربار دا، سچ سِنگھاسن سوبھا پائیا۔ روُپ انوُپ سَت پُرکھ سچّے مہاراج دا، جِس دا ثانی دوُسر نہ کوئے وکھائیا۔ حُجرہ ویکھیا حق محراب دا، جِس دی بنت باڈھی نہ کوئے بنائیا۔ اوتھے لیکھا لِکھیا دوآب دا، آبروُ سب دی اِکو جِہی وکھائیا۔ اوتھے بھگت بھگَونت اِکو جِہا جاپدا، جوتی جوت ڈگمگائیا۔ تُوں میرا مَیں تیرا اِک دوُجے نوُں آکھدا، آخر فَیصلہ دِتا سُنائیا۔ ویکھو نِچوڑ گُر اوتاراں پیِر پَیغمبراں دے بھوِکھت واک دا، پُرکھ اکال رہیا سمجھائیا۔ جو سب دے لیکھے واچدا، اندر باہر کھوج کھوجائیا۔ مہاراج شیرسِنگھ وِشنوُں بھگوان، جن بھگتاں لہنا دیوے دیس دوآب دا، گوبِند اپنے نال مِلائیا۔ گوبِند کہے کِیوں میرا ہویا مِلاپ، شبدی دھار ہو کے دیاں جنائیا۔ لِکھت والا میرا ہور واک، جو قلم شاہی دِتی وڈیائیا۔ جیہڑی پُرکھ اکال کیِتی بات، اوہدی سمجھ نہ کوئے سمجھائیا۔ اُس دا لہنا چُکاون آیا آپ، اپنا پھیرا پائیا۔ سیوکاں دا سیوک داساں دا داس، شہنشاہاں دا شہنشاہ پاتشاہ بےپرواہیِا۔ سوہنگ ڈھولا دسّ کے جاپ، پتت پاپی کرکے
پاک، پریم پیار دا جوڑ کے نات، سچ وست دے کے دات، آون جاون کٹ کے پھاس، نِج آتم کرکے واس، پَون روُپ رل کے وِچ سواس، جنم کرم دی پوُری کرکے آس، گھاٹ اپنے لئے لنگھائیا۔ گوبِند کہے ایہہ گھاٹ میرا پتن، نئیا نؤکا اِکو اِک وکھائیا۔ پنج تت کایا جامہ پا کے پہلوں آیا دسّن، ہُن شبدی ہو کے پار لنگھائیا۔ ہِردے اندر آیا وسن، نِرگُن سوہنا روُپ وٹائیا۔ لکّھ چؤراسی وِچوں آیا رکھن، مِہر نظر اُٹھائیا۔ پریم پریِتی اندر آیا نچّن، دُھر دا سوانگ وکھائیا۔ لکّھ چؤراسی وِچوں گُرمْکھ وِرول تھوڑے مکھّن، نام مدھانے صاف کرائیا۔ جوتی جوت سروُپ ہرِ، آپ اپنی کِرپا کر، لیکھا دیونہار گوسائنیا۔ گوبِند کہے مَیں کِیوں گیا آ، اپنا پھیرا پائیا۔ میرا کوئی نہیں گواہ، بِنا پُرکھ اکال شہادت نہ کوئے بُھگتائیا۔ جن بھگتاں ہویا سہا، سہائک ہو کے سیو کمائیا۔ بھگتاں دی پھڑ کے بانہہ، نِندرا آلس وِچوں رہیا جگائیا۔ جنم کر کے دھرم کر کے ورن کر کے برن کر کے جو ہوئے گُمراہ، مان ابِھمان اپنے نال رکھائیا۔ اُہناں دے اندر وڑ کے پھیر وی لا جاواں داء، من کا منکا دیاں بھوائیا۔ ساچا میلا لَواں مِلا، مِلّت اپنے نال رکھائیا۔ کوُڑی کِریا کڈھ وبا، صاف سُتھرے دیاں جنائیا۔ جے سماں پا کے پِچھلا چیتا گئے بُھلا، مَیں نہیں بُھلیا ابُھل ہو کے ویکھ وکھائیا۔ تُہاڈے پِچھے بچّیاں بھیٹ چڑھا، سچّے تُہانوُں دِتا کرائیا۔ آپ اپنا مان مِٹا، تُہاڈے ڈھولے رہیا گائیا۔ سِدھا ساکھیات مِلیا آ کے آپ خُدا، پرماتما آتما جوڑ جُڑائیا۔ ساری سرِشٹی نوُں آکھو ٹھوک وجا، آیا بےپرواہیِا۔ جے کوئی آکھے تُہانوُں شُدا، ایہہ وی خوشی منائیا۔ کِیوں تُسیں اوس توں ہوئے فِدا، جِس دا فقرہ سارے رہے گائیا۔ اَگے ہونا نہیں جُدا، مات گربھ نہ پھیر وکھائیا۔ رل مِل بھگت بھگوان اِک دوُجے دا سوہلا لؤ گا، تُوں میرا مَیں تیرا چائیں چائنیا۔ تُسیں میرے مَینوُں اپنا لؤ بنا، ایہو تُہاڈی بھگتی نظری آئیا۔ پِھر جِتھے چاہوں اوتھے دؤں چڑھا، اَدھ وِچکار نہ کوئے اٹکائیا۔ جے آکھو سچکھنڈ دوارے سدا چرناں وِچ لَواں ٹِکا، ٹِکے سوہنے نام لگائیا۔ اپنی چھاتی اُتے لَواں سوا، آپ تھلّے تُہانوُں اُتے لَواں رکھائیا۔ امرت سیِر دیواں پیا، بےنظیِر مُکھ چوائیا۔ ایتھے اوتھے دو جہان تُہانوُں کدے نہ لگّے وا، تتّی تَوی والا گُروُ ارجن تُہاڈی دیوے گواہیِا۔ جیہڑا شّمس گیا کھلّ لُہا، منصوُر پھاسی گل وِچ پائیا۔ اوہ وی طوبیٰ کر کے کہے خُدا، ایہناں دا ہونا سہائیا۔ عیسیٰ موُسیٰ محمد رہے جنا، جانشین ایہناں نوُں دینا بنائیا۔ تُوں ہی پِتا تُوں ہی ماں، تیری گود اِکو نظری آئیا۔ تیرا آد جُگادی روُپ نِت نَواں، جُگ چؤکڑی ویس وٹائیا۔ مَیں تَینوُں رام رحیِم خُدا واہِگُروُ کہ گاڈ کہاں، کی تیری صِفت صلاحیا۔ کِس بِدھ تیری
سرنی ڈھہاں، نمو نِمسکار کر کے خوشی منائیا۔ کِس دواریوں تَینوُں لَواں، لبھاں چائیں چائنیا۔ سِری بھگوان کِہا عیسیٰ موُسیٰ محمد صدی چؤدھویں وقت اَخیِری مَیں بھگتاں اندر رہاں، اپنا ڈیرہ لائیا۔ مَینوُں سوائے حق حقیِقت مُحبّت پریم پیار توں ہور نہیں طمع، اِکو لالچ میری ایہناں نالوں نہ ہوئے جُدائیا۔ ایہناں دے اندر وڑ کے سواں، باہر نیِند کوئے نہ آئیا۔ جے ایہناں نوُں کوئی کوُڑی کِریا دا کنڈا چُبھے مَیں اپنے ہتّھ ایہناں دے پَیراں ہیٹھاں ڈاہواں، اُپر رکھاواں تھاؤں تھائنیا۔ کِیوں کہ ایہہ بَل میریاں وِچ باہواں، چتربُھج ہو کے سیو کمائیا۔ بےشک ایہناں نوُں وکھریاں وکھریاں جمّیا ماواں، تتّاں والا سریر دِتا بنائیا۔ پر اَگے سب دا اِکو جِہا ناواں، اِکو گھر دیاں وڈیائیا۔ بےشک ایہناں دا وسنا وکھریاں وکھریاں گراواں، اَگے اِکو مندر دیاں بہائیا۔ نِرگُن ہو کے سدا تکدا رہاں گُرمْکھاں دیاں راہاں، رہبر ہو کے کھوج کھوجائیا۔ نؤ سؤ چرانوے چؤکڑی جُگ پِچھوں جِس ویلے جوت سروُپ ہو کے آواں، انت جوتی جوت سارے لَواں مِلائیا۔ جے پِچھے چھڈ کے جاواں، مَینوُں کوئی سِری بھگوان کہے نہ رائیا۔ ایہہ مَینوُں مُڈھ دیاں اداواں، بھگت تارن واسطے اپنا پھیرا پائیا۔ ساکھیات ہو کے درس دِکھاواں، شبد جَیکارے نال جگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مہاراج شیرسِنگھ وِشنوُں بھگوان تُہاڈی بھگتی دا بھاگ، شکتی دا چراغ، ویکتی دا وَیراگ، اپنے انتر پرگٹائیا۔ تُہاڈے اُتے ترس کماوانگا۔ اپنی ہتھیں سیوک بن کے آپ ورتاوانگا۔ تِنّ تِنّ گیڑے سب دے اَگے لاوانگا۔ چڑھا کے اپنے بیڑے، سچ ملاح اکھواوانگا۔ دوُر دُراڈا ہو کے نیڑے، نیڑے توں نیڑے نظری آوانگا۔ کوٹن کوٹ جنم تُہاڈے پکوان کھادھے بتھیرے، اوس دا حِصّہ تُہاڈی جھولی پاوانگا۔ جے تُسیں ہو گئے میرے، مَیں تُہاڈا ہو کے اپنی کار کماوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ رکھاوانگا۔ صاحب سَتگُر ہویا کِرپال، اپنی دَیا کمائیا۔ پُھلکے ونڈے نال نال، سوہنی بنت بنائیا۔ گُرمْکھ سِنگھ ورتاوے دال، کڑچھی نام والی چلائیا۔ جل پیاؤنا سِنگھ لال، راج نریَن گڑوے دئے پھڑائیا۔ کِشن سِنگھ رکھے تھال، پریم نال صاف کرائیا۔ پنجاں مِل کے ہرِسنگت دینا کھوال، بُھکھیاں دینا رجائیا۔ ایہہ سَت دا آہار، برہم مت دا پیار، دیوے مان وڈیائیا۔ گُرمْکھاں رُت بسنت مؤلے بہار، جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سَتگُر اِک اکھوائیا۔ دال روٹی کہے مَیں رہی تک، اپنا دھیان لگائیا۔ جُگ چؤکڑی گئی تھک، بَیٹھی اکّھ اُٹھائیا۔ کِیوں اِک وار بالمیک ایتھے رہ کے گیا سی دِن اٹھ،
مِرگشالا اُتے ڈیرہ لائیا۔ اوس دے کول سی اِک انتولی مِنی گٹھ، جِس وِچ جؤں رکھے بھنائیا۔ اوہناں وِچوں اِک دانہ ایتھے گیا سی ڈھٹھ، جِس ویلے اوہ آتما پرماتما نال جُڑائیا۔ اوہ سب توں ہو کے وکھ، اپنے آپ وِچ پچھتائیا۔ جِس ویلے بالمیک ایتھوں باراں کوس اَگے گیا ہٹ، اپنا پندھ مُکائیا۔ اوتھے بُھجے جؤں تیراں جنیاں لئے چھک، اِک دے نال باراں ہور مِلائیا۔ اودھروں اِک جؤں دی آئی آواز، پاوے حال دُہائیا۔ بالمیک کِتھے میرا تَینوُں آؤنا سچّا سواد، مَینوُں ہُن خاک وِچ گیا رلائیا۔ بالمیک دی اندروں کھُل گئی جاگ، پِچھے اکّھ اُٹھائیا۔ دُھر دے حُکم نال کِہا نہ ہو ناراض، تَینوُں دیاں دِرڑائیا۔ تیرا سب دے نالوں چنگا بنے سواد، رس ساچا روُپ وٹائیا۔ جؤں کِہا کوَن میری پوُری کرے خواہش، مَینوُں دے سمجھائیا۔ بالمیک کِہا جِس ویلے آوے پُرکھ ابناش، جوتی جاتا پھیرا پائیا۔ کلجُگ انت تُوں اوس دا بننا کھاج، خواہ مخواہ نہ کوئے لڑائیا۔ اوس کِہا مَینوُں دسّ اوہدے لبھن دی جاچ، کِس بِدھ ویکھاں اکّھ کُھلائیا۔ بالمیک کِہا کملیا اوہدے سِر تے ہونا تاج، دو جہاناں مالک بےپرواہیِا۔ بھگتاں دی ہونی جماعت، سنتاں دا سنگ وکھائیا۔ اناتھاں دا ہونا ناتھ، غریِباں گود اُٹھائیا۔ جوتی جوت سروُپ ہرِ، آپ اپنی کِرپا کر، تیرا لیکھا دئے چُکائیا۔ جؤں کِہا کی سچ مَینوُں کھاوے، دُھر فرمان دے سمجھائیا۔ بالمیک کِہا ہاں اوہ بھگتاں راہ تکاوے، جُگ جُگ ویکھ وکھائیا۔ بالمیک کِہا نال دعوے، حُکم دِتا دِرڑائیا۔ جؤں کِہا کی اوہ ضرور ایتھے آوے، اپنا پھیرا پائیا۔ اوہدی کی نِشانی کِس بِدھ سمجھاوے، مَینوُں دے دِرڑائیا۔ بالمیک کِہا اوہ سوہنگ ڈھولا گاوے، مہاراج شیرسِنگھ وِشنوُں بھگوان اکھوائیا۔ ہر گھٹ اندر راوے، رہبر نوُر خُدائیا۔ بھگتاں دی ویل ودھاوے، ولدیّت اپنی دئے سمجھائیا۔ جؤں کِہا کی بھگتاں نوُں بُھکھا رکھاوے، ہور نظر کُچھ نہ آئیا۔ بالمیک کِہا نہیں اوہناں نوُں اپنی ہتھیں آپ رجاوے، بُھکھیاں بُھکھ گوائیا۔ جیہڑا دے نہ کدی پچھتاوے، اوہ مالک آوے دُھردرگاہیِا۔ مہاراج شیرسِنگھ وِشنوُں بھگوان، گُرمیِت سِنگھ دے کارن پھیرا پاوے، روٹیاں دا لالچ نہ کوئے رکھائیا۔ روٹی کھان نہیں آیا ٹُکر، دُدھ پیِن دی آس نہ کوئے رکھائیا۔ جُگ چؤکڑی دے وِہار پِچھے آیا اُتر، دوُر دُراڈا بےپرواہیِا۔ ویکھیو کِسے خرچ پِچھے گھر وِچ کریو نہ گھُسر گھُسر، سچ دیاں سمجھائیا۔ ایہہ سماں بڑا اؤکھا مِلدا مُشکل، لبھیاں ہتّھ کِسے نہ آئیا۔ شُکر کرو بھاگ لگّا تُہاڈی کُل، کُل مالک ہویا سہائیا۔ تُسیں کی قیِمت دیؤ تے کی چُکایو مُل، کوَن ترازوُ تول تُلائیا۔ سچ پُچھو تُسیں میرے پیار پریم دے اگمّی پُھل، جِنہاں دے وِچ سُگندھی اندر دِتی ٹِکائیا۔
اجے وی رات دا لیکھا حِساب کر لِؤ کُل، بہتّراں اُتے انک نہ کوئے ودھائیا۔ ایہہ سنگت دا اصوُل، اصل رہیا دِرڑائیا۔ سب نے مِل کے سیوا کرنی سمجھنا نہیں کوئی لگّا محصوُل، مثال نَویں قایم کرائیا۔ ایس دا لہنا ساریاں نوُں پہلی چیت توں پہلوں ہوئے وصوُل، معقوُل دیاں جنائیا۔ مہاراج شیرسِنگھ وِشنوُں بھگوان تُہانوُں کرے قبوُل، وڈّے چھوٹے بُڈھے نڈھےّ نؤجوان بِردھ بال اپنی جھولی پائیا۔ لنگر کہے ہے پربھوُ مَینوُں چھکاؤنا نال پیار، گُرمْکھاں دینا کھوائیا۔ اپنا سِنگھاسن ڈاہیں وِچکار، چاروں کُنٹ پنگت لیَنی ٹِکائیا۔ ساریاں دے مُکھ اندر پِٹھ ہووے باہر، مَیں ویکھاں چائیں چائنیا۔ باقی لیکھا ہور وِہار، جو کھان توں بعد دئے لِکھائیا۔ مہاراج شیرسِنگھ وِشنوُں بھگوان، ساچی کرنی کار کمائیا۔