کتب خانہGranth 18 (Shahmukhi)

۳۰ پھگّن ۲۰۲۱ بِکرمی ہرنام سِنگھ دے گرِہ گُمان پُر ضِلع امرتسر

بیس اِکیس کہے میری نِمسکار، نمو نمو پربھوُ سرنائیا۔ سچکھنڈ نِواسی چرن کوَل بلہار، پت پرمیشور اِک سرنائیا۔ سو پُرکھ نِرنجن ٹھانڈا بخش سچّا دربار، ہرِ پُرکھ نِرنجن تیرے اَگے منگ منگائیا۔ اِک اونکار کر پیار، آد نِرنجن نِرگُن نوُر نوُر رُشنائیا۔ ابناشی کرتے چرن دھوُڑی مستک دے چھار، سِری بھگوان تیری اوٹ تکائیا۔ پاربرہم پربھ ڈھیَہہ پئے دربار، دیِنن ہو کے منگ منگائیا۔ جُگ چؤکڑی تیرا تکدے رہے وِہار، سَتجُگ تریتا دواپرکلجُگ جگت ہنڈھائیا۔ حُکم منّدے وینہدے رہے گُروُ اوتار، پیِر پَیغمبر سیِس نِوائیا۔ وِشن برہما شِو در درویش بن دے رہے بِھکھار، نِرگُن خالی جھولی اَگے ڈاہیِا۔ کروڑ تیتیِسا دوُر دُراڈا منگدا رہے دیِدار، آد جُگادی دھیان لگائیا۔ برہمنڈ کھنڈ ویکھ تیرا پسار، پُری لوء آکاش پاتال خوشی وکھائیا۔ رَو سس تیرا نوُر اُجیار، منڈل منڈپ سوبھا پائیا۔ نِرگُن سرگُن تیرا کھیل اپار، لکّھ چؤراسی ونڈ ونڈائیا۔ چارے کھانی کر کے خبردار، چارے بانی راگ الائیا۔ سُن سُن تھکے وِچ سنسار، شاستر سِمرت وید پُران گیِتا گیان دئے دُہائیا۔ اِنجیِل قُرآن کلمہ نبی رسوُل رہے اُچار، بودھ اگادھا اِک پڑھائیا۔ نؤ کھنڈ پرِتھمی ستّ دیِپ جنگل جوُہ ویکھے پہاڑ، ٹِلّے پربت سمُند دھیان لگائیا۔ رسنا جِہوا بتّی دند بولدے ویکھے جَیکار، شبد ناد دُھن شنوائیا۔ مندر مسجد شِودوالے مٹھ ویکھے گُروُدوار، ماٹی گارا جوڑ جُڑائیا۔ سر سروور تیِرتھ تٹ ویکھے کِنار، گنگا گوداوری جمنا سُرستی کھوج کھوجائیا۔ راہ تکدے ویکھے تیرا تیئی اوتار، عیسیٰ موُسیٰ محمد نیَن اُٹھائیا۔ بھگت سُہیلے کرن پُکار، گُر دس منگن سرنائیا۔ کاتب بن بن لیکھا لِکھ کے گئے اگمّ اپار، الکھ اگوچر اگمّ اتھاہ تیری وڈیائیا۔ بھوِکھتاں وِچ ہُندا رہیا اِظہار، تعریِفاں وِچ جگت لوکائیا۔ ناداں وِچ وجدی رہی دُھنکار، راگاں وِچ سوہلے جگت سُنائیا۔ جوتی جوت سروُپ ہرِ، آپ اپنی کِرپا کر، اِکو دے ساچا ور، پُرکھ اکال تیری سرنائیا۔ بیِس اِکیس کہے میرا ہویا اَخیِر، آخر دیاں جنائیا۔ سچکھنڈ دوارے جھُکدے ویکھے پیِر، پَیغمبر گُر

اوتار اکّھ نہ کوئے اُٹھائیا۔ کھیل ویکھیا شاہ پاتشاہ شہنشاہ فقیِر، حقیِر بےنظیِر اپنا حُکم ورتائیا۔ جُگ چؤکڑی بدلنہارا تقدیِر، تدبیِر اپنی دئے سمجھائیا۔ کوُڑی کِریا میٹنہارا لکیِر، سچ سَت لئے پرگٹائیا۔ داتا جودھا وڈ سوُربیِر، حاکم حُکم اِک منائیا۔ نام کھنڈا ہتّھ شمشیِر، لُہار ترکھان نہ کوئے گھڑائیا۔ دو جہاناں گھتنہار وہیِر، چؤداں طبق پھول پُھلائیا۔ مُریِد مُرشد دستگیِر، واحد نوُر اِک خُدائیا۔ سچکھنڈ نِواسی پُرکھ ابناشی منزل چوٹی چڑھ اَخیِر، مقامے حق سوبھا پائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ بیِس اِکیس کہے مَیں منگاں منگ، پُرکھ اکال اوٹ تکائیا۔ میرا لیکھا گیا لنگھ، اگلا پردہ دئے اُٹھائیا۔ کلجُگ کوُڑی کِریا چھڈی سیج پلنگ، مایا ممتا موہ دیاں تجائیا۔ میرا میل مِلاوے جو چھڈ کے گیا پُری انند، سوُرے سربنگ تیری سرنائیا۔ جِس نوُں تتّاں والا کہندے گُجری دا چند، شبدی داتا بےپرواہیِا۔ دو جہاناں بن جائے سنگ، آد انت نہ کوئے تُڑائیا۔ سَتجُگ سَت سَتوادی اپنی دھار گنڈھ، آتم پرماتم پردہ لاہیِا۔ جگت دُہاگن وِچھوڑا چُکے رنڈ، کنت سُہاگی اِک مِلائیا۔ چار ورن اٹھاراں برن کھتری براہمن شوُدر وَیش اِکو چھند، دُھر دا ڈھولا دے سمجھائیا۔ جوتی جوت سروُپ ہرِ، آپ اپنی کِرپا کر، سَت سچ دے سرنائیا۔ بیِس اِکیس کہے مَیں منگاں ٹھانڈے دربار، الکھ نِرنجن تیری اِک سرنائیا۔ پوُرب لہنا پِچھلا نِوار، مارگ اگلا دے سمجھائیا۔ میرا لیکھا مُکیا جُگ چار، کلجُگ انتم ڈیرہ ڈھائیا۔ سَتجُگ ساچی دسّ سچّی دھرم سال، جِتھے شاہ حقیِر سوبھا پائیا۔ دیِن مذہب نہ کوئے جنجال، اوُچ نیِچ نہ کوئے وکھائیا۔ ایکا دوُآ نہ کوئے جَیکار، اِکو تیرا نام صِفت صلاحیِا۔ تُوں مالک خالق پروردِگار، پاربرہم پت پرمیشور تیری اِک سرنائیا۔ سچکھنڈ نِواسی مِہروان، محبوُب مُحبّت دے جنائیا۔ گُر اوتار پیِر پَیغمبر تیرے در تے کر انت نِمسکار، اپنا لیکھا گئے مُکائیا۔ سچ بینتی کر ارداس، دوئے جوڑ واسطہ پائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے وکھائیا۔ بیِس اِکیس کہے مَیں رہی مُک، ویلا انت دئے گواہیِا۔ پُرکھ اکال دیِن دَیال اگمّی اُٹھ، شاہ پاتشاہ تیری وڈیائیا۔ کوُڑی کِریا مایا ممتا ہؤمے ہنگتا کڈھ کُٹ، لوک مات رہن نہ پائیا۔ جن بھگتاں اُپر آ کے تُٹھ، سنت سُہیلے گُرمْکھ لےَ جگائیا۔ سَت سُہاؤنی ہووے تیری رُت، پتّ ڈالی لےَ مہکائیا۔ تیرا میلا ہووے گوبِند نال تیرے سُت، جوتی شبدی وجےّ ودھائیا۔ جو گھٹ گھٹ اندر بَیٹھا لُک، ساڈھے تِنّ ہتّھ کایا مندر ڈیرہ لائیا۔ انتر آتم جام پیا گھُٹ، نِجھر جھِرنا اِک جھِرائیا۔ جیہڑی لِو تیرے نالوں گئی چُھٹ، سو اپنے نال لئے مِلائیا۔

بھاگ لگا کایا بُت، بُتخانے سوبھا پائیا۔ تیرا کھیل ویکھاں ابناشی اچُت، جوتی جوت سروُپ ہرِ، آپ اپنی کِرپا کر، سَت دے سچّی سرنائیا۔ بیِس اِکیس کہے میرا اَخیِری دِن، دو جہاناں دیاں جنائیا۔ گُر اوتار پَیغمبر جِس نوُں گناؤندے رہے گِنتیاں وِچ گِن گِن، سَتجُگ تریتا دواپرکلجُگ دھیان لگائیا۔ جِس دا شبد اِشارے نال دسّ کے گئے چِنھ، سو چِنتا سب دی رہیا مِٹائیا۔ جوتی جوت سروُپ ہرِ، آپ اپنی کِرپا کر، بخشنہار بےپرواہیِا۔ بیِس اِکیس کہے میری اَخیِری رات، بِھنڑی رَین دئے وڈیائیا۔ سچکھنڈ دواریوں منگاں اِک سوغات، بن بِھکھارن جھولی ڈاہیِا۔ کِرپا کر پُرکھ ابناش، شاہ پاتشاہ تیری سرنائیا۔ مَیں تکاّں پرِتھمی آکاش، گگن منڈل کھوج کھوجائیا۔ چار کُنٹ دہ دِشا کوُڑ کُڑیاری پیَندی ویکھی راس، جوُٹھ جھوُٹھ نٹوُآ اپنا سوانگ ورتائیا۔ سچ وست ہرِ کا نام کِسے نہ پاس، خالی بھانڈے نظری آئیا۔ مَیں لکّھ چؤراسی اندر ویکھیا مار کے جھات، بجر کپاٹی پردہ آپ اُٹھائیا۔ آتم پرماتم جانے کوئی نہ گاتھ، رسنا جِہوا کرن سرب پڑھائیا۔ پاربرہم برہم جُڑیا کِسے نہ نات، لکّھ چؤراسی گھر گھر کوُڑی ہووے کُڑمائیا۔ امرت بوُند ملِے نہ کِسے سوانت، کول نابھ نہ کوئے اُلٹائیا۔ گُر اوتار پیِر پَیغمبر جو گئے آکھ، سندیشہ شبد سُنائیا۔ کلجُگ انت اَخیِری آوے آپ، پاربرہم بےپرواہیِا۔ جِس دا روُپ رنگ ریکھ نہ کوئی ذات، دیِن مذہب نہ کوئے جنائیا۔ جو ہر گھٹ اندر رکھے واس، گھٹ گھٹ رہیا سمائیا۔ جن بھگتاں دیوے دُھر دی دات، نام بھنڈارا اِک ورتائیا۔ سو میری پوُری کرے آس، رَین اَخیِری رہی کُرلائیا۔ جِس دا حُکم لیکھے ورتے لیکھا قلم دوات، کاغذ شاہی جوڑ جُڑائیا۔ اُس دے اَگے نہ کوئی سوال نہ جواب، سِر سکے نہ کوئے اُٹھائیا۔ مَیں انت کرن آئی آداب، نِیوں نِیوں لاگاں پائیا۔ مَینوُں مِلنا انت اَخیِری وکھرا سرب توں خِطاب، خطا میری ویکھ وکھائیا۔ گُر اوتار پیِر پَیغمبر جِس دا کڈھ نہیں سکے حِساب، بےانت بےانت بےانت کہہ کے پلّوُ گئے چُھڈائیا۔ سو مالک خالق پرِتپالک شاہ نواب، پُرکھ اکال اِک اکھوائیا۔ جوتی جوت سروُپ ہرِ، آپ اپنی کِرپا کر، میرا لیکھا دے چُکائیا۔ میرا لیکھا چُکے کلجُگ انت، ویہہ سؤ اِکّی بِکرمی دھیان لگائیا۔ کِرپا کرے سری بھگَونت، پاربرہم وڈّی وڈیائیا۔ جِس دا حُکم جُگا جُگنت، دو جہان نہ کوئے میٹ مِٹائیا۔ جو نِت نوِت پرگٹاونہارا ساچے سنت، گُرمْکھ سجّن لئے جگائیا۔ جو آتم پرماتم میل مِلاونہارا نار کنت، سیج سُہنجنی دئے وڈیائیا۔ جِس دی سَت سَتوادی برہم برہمادی آد جُگادی شبد انادی مؤلنی رُت بسنت، باراں ماس اِکو رنگ رنگائیا۔ سو پاربرہم پت پرمیشور پوُرن

بھگَونت، پروردِگار سانجھا یار واحد اِک اکھوائیا۔ جِس نے سَتجُگ ساچی بناؤنی بنت، دھرم دوار دئے وڈیائیا۔ جِس دا اِکو چلنا منت، جیِو جنت دئے سمجھائیا۔ جو بودھ اگادھا بن کے آیا پنڈت، چؤداں وِدیا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ رکھائیا۔ بیِس اِکیس کہے مَیں ہوئی درویش، گھر ساچے الکھ جگائیا۔ میرا پوُرب چُک جائے لیکھ، اَگے ملِے وڈیائیا۔ پُرکھ اکال دا چڑھن والا سمت مہیِنہ چیت، چیتن سب نوُں دئے کرائیا۔ شبد سندیشہ دیس پردیس، دُھر درباری آپ سُنائیا۔ حُکمے اندر بدل کے وِشن برہما شِو گنیش، شنکر پندھ مُکائیا۔ سچکھنڈ سُہا کے اپنا دیس، تھِر گھر پردہ دئے اُٹھائیا۔ سُنّ اگمّی کھیلنہارا کھیڈ، بھیوَ ابھیدا دئے سمجھائیا۔ جِس دا آد جُگادی جوتی جلوہ نوُری تیج، تخت نِواسی شاہو شاباشی پُرکھ ابناشی اِک اکھوائیا۔ جِس نے گُر اوتار پیِر پَیغمبر دِتے بھیج، حُکمے اندر سیو لگائیا۔ سو مالک دو جہاناں اِک نریش، نر نرائن نِرنکار اِک ہو آئیا۔ جِس دا شاستر سِمرت وید پُران لِکھ نہ سکے لیکھ، کھانی بانی انت نہ کوئے جنائیا۔ سو صاحب سوامی انترجامی گھٹ گھٹ رہیا ویکھ، صدی چؤدھویں بیِس اِکیِسا ہرِ جگدیِشا اپنا بھیو کُھلائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ بیِس اِکیس کہے مَیں چّھڈیا جھگڑا، انتم آواز رہی جنائیا۔ مَینوُں مارگ نظری آئے اگلا، جو پُرکھ اکال رہیا لگائیا۔ کلجُگ پِچھے سَتجُگ اِک دوُجے دا ہووے بدلا، تبدیِلی ریِتی نیِتی وِچ وکھائیا۔ صدی چؤدھویں اَخیِری ویکھے مزلا، منزل اپنا پندھ مُکائیا۔ پاربرہم پت پرمیشور کِسے ہتّھ نہ آوے جنگل جوُہ اُجاڑ پہاڑ اُچے ٹِلّے پربت جنگلا، کھوج کھوج تھکی سرب لوکائیا۔ جو لیکھا جانے سرب سگلا، سب دا مالک اِکو نظری آئیا۔ سو کلجُگ کوُڑ کُڑیار میٹے پگلا، بؤرا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، بخشنہار اِک سرنائیا۔ بیِس اِکیس کہے مَیں ویکھن آئی وادھا، ودی سُدی دوویں بَیٹھی مُکھ چُھپائیا۔ کرے کھیل گوبِند گُر نال پُرکھ اکال دادا، گُرمْکھ دیونہار سچّی وڈیائیا۔ جِس نے رچن رچائی آد سو لیکھا جانے جُگ جُگادا، چؤکڑی اپنا حُکم منائیا۔ گُر اوتار پیِر پَیغمبر جِس دی رکھدے رہے آسا، بھوِکھتاں وِچ بیان لِکھائیا۔ چرن کوَل دھردے رہے بھرواسا، کر بینتی منگ منگائیا۔ کوَن ویلا کلجُگ پربھ نِرگُن نوُر ہووے پرکاشا، جوتی جوت جوت رُشنائیا۔ جِسدا کھول نہ سکیا کوئی خلاصا، بھیوَ ابھید نہ کوئی سمجھائیا۔ اِشاریاں نال کردے گئے باتاں، حُکمے اندر حُکم سُنائیا۔ جوتی جوت سروُپ ہرِ، آپ اپنی کِرپا کر، سچ دیونہار سرنائیا۔

پُرکھ اکال کہے سُن بیِس اِکیس، دُھر فرمان دیاں جنائیا۔ ایہہ کھیل ہرِ جگدیِس، جگتیشور ویکھ وکھائیا۔ جِس دی صِفت کرن راگ چھتیِس، تیس بتیِس ڈھولے گائیا۔ جِس دی کلمیاں وِچ حدیِث، حضرتاں کرے پڑھائیا۔ سو مالک اِکو ٹھیِک، ٹھاکر نظری آئیا۔ جو لکّھ چؤراسی لئے جیِت، گڑھ ہنکار سرب تُڑائیا۔ تیرا لہنا گیا بیِت، انت چرن کوَل ملِے سرنائیا۔ اَگے سَت سَتوادی بدلے ریِت، پتت پُنیِت دئے بنائیا۔ ساچا سوہلا دسّ کے اِکو گیِت، آتم پرماتم جوڑ جُڑائیا۔ کایا کعبہ مندر مسیِت، مُلّا مسائک شیخ دے دِرڑائیا۔ ساچی کر کے آپ تبلیِغ، تابعداری اِک وکھائیا۔ آتم پرماتم دسّ کے ولدیّت، ملکیّت اِکو گھر وکھائیا۔ سَتجُگ تریتا دواپرکلجُگ دیونہارا ترتیِب، جُگ جُگ لیکھا دئے چُکائیا۔ ویکھنہارا ہست کیِٹ، انڈیِٹھ اپنی دھار پرگٹائیا۔ ساچی دسّ کے شبد پریِت، سُرت سوانی لئے اُٹھائیا۔ جھگڑا مُکا کے اوُچ نیِچ، راؤ رنک اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، کرنی دا کرتا اِک اکھوائیا۔ بیِس اِکیس کہے مَینوُں انت اَخیِری اِک چا، چاؤ گھنیرا نظری آئیا۔ جن بھگتو میری سُنو صلاح، دُھر دے حُکم نال جنائیا۔ سب دا مالک اِکو ملاح، پُرکھ اکال بےپرواہیِا۔ اوس دا سِمرو اِکو ناں، دوُجی اَور نہ کوئے پڑھائیا۔ جو رام رحیِم واہِگُروُ االلہ رہیا اکھوا، جلوہ گر نوُر ظہوُر کرے رُشنائیا۔ اوس دے اَگے سارے کرو دُعا، بینتی اِکو اِک جنائیا۔ تُوں پرماتم سب دا سانجھا اِک خُدا، خُدی تکبّری دے مِٹائیا۔ جِس نوُں سجدہ کردے گئے آدم حوّا، شنکر پاربتی نال منگدا گیا سرنائیا۔ اوس دے اَگے کھیل کوئی کرے نہ، جوتی جوت سروُپ ہرِ، آپ اپنی کِرپا کر، دو جہاناں ویکھ وکھائیا۔ ویہہ سؤ اِکّی کہے سُنو جن سنت، شبد سندیشہ دیاں سُنائیا۔ ٹھاکر دا سُن لؤ منت، منتوَ حل وکھائیا۔ جِہنوُں کہندے گئے بےانت، سو پردہ رہیا اُٹھائیا۔ اِکو نوُر جوت سری بھگَونت، رَکت بوُند ونڈ نہ کوئی ونڈائیا۔ جو آد جُگادی سب دا کنت، کنتوُہل سچّا شہنشاہیِا۔ تُہاڈا میلا اوس دے نال انت، جو انتشکرن دا مالک سد اکھوائیا۔ دوُجے در نہ ہویؤ منگت، گُر اوتار پیِر پَیغمبر بَیٹھے اپنا پندھ مُکائیا۔ کِسے دے کول پِچھلی رہ نہیں گئی سند، لیکھا سب دا دِتا چُکائیا۔ جوتی جوت سروُپ ہرِ، آپ اپنی کِرپا کر، سنت سُہیلے آپ اُٹھائیا۔ بیِس اِکیس کہے سُنو گُرمْکھ، مُفت دیاں جنائیا۔ بِن پُرکھ اکال ملِے نہ کوئی سُکھ، دُکھاں بھری لوکائیا۔ جِس دی دھاروں آئے اُٹھ، آتم پرماتم روُپ وٹائیا۔ اوس دا پردہ ویکھو چُک، جو تُہاڈے انتر رہیا ٹِکائیا۔ پیارے ہو کے لؤ پُچھ، پریِتم اپنا لؤ منائیا۔ اوہ دیونہارا سب کُچھ، شبد بھنڈار سَت ورتائیا۔ دیِن دَیال ہو کے

جاوے تُٹھ، مِہر نظر آپ اُٹھائیا۔ امرت جام پیاوے گھُٹ، بوُند سوانتی اِک ٹپکائیا۔ ساڈا آون جاون لیکھا جاوے مُک، لکّھ چؤراسی پھند کٹائیا۔ جیہڑا نؤ سؤ چُرانوے چؤکڑی جُگ بَیٹھا رہیا الوپ ہو کے چُپ، ساکھیات کھیل نہ کوئے وکھائیا۔ سو صاحب سوامی پہلی چیت ہونا خوش، خوشحالی تُہاڈی دئے بنائیا۔ کوُڑ کُڑیارا پیَنڈا گیا مُک، سچ ونجارا لئے پرگٹائیا۔ جِس نے گوبِند بنایا اپنا پُت، لوک مات دِتی وڈیائیا۔ جوتی جوت سروُپ ہرِ، آپ اپنی کِرپا کر، کرنی کرتا کار کمائیا۔ بیِس اِکیس کہے مَیں گُرمْکھاں دسّاں، دُھر دا حال جنائیا۔ مَیں پربھ دا درشن پایا اکّھاں، جوتی جوت ڈگمگائیا۔ خوشیاں نال بہہ کے ہسّاں، انت اَخیِری دیاں دِرڑائیا۔ جن بھگتو سدا مِل کے تُہاڈے وِچ وساں، واسطہ اِکو نال جُڑائیا۔ مَیں ناتا چّھڈیا پتّھر اِٹّاں، مِٹّی گارا سنگ نہ کوئے رکھائیا۔ چاروں کُنٹ دُہتّھڑ مار کے پِٹاں، بُتخانیاں دیاں دِرڑائیا۔ ویکھو اگلے سمت کی نِکلدا سِٹہ، - - - - - - - -۔ صاحب سَتگُر ویکھ جیہڑا بھگت دوارے کاغذ دبّیا چِٹا، اوسدا لیکھا کل نوُں دینا لِکھائیا۔ جِس دے حُکم نال سَت دھرم دا چلنا سکہ، دو جہاناں حُکم منائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بیِس اِکیس کہے مَیں دیواں انت ودھائی، سُنیہڑا سچ سُنائیا۔ ابناشی کرتے کھیل رچائی، رچنا ویکھے تھاؤں تھائنیا۔ گُر اوتار پیِر پَیغمبر پئے سرنائی، سِر سکے نہ کوئے اُٹھائیا۔ پیِر پَیغمبر منگن دُعائی، نِیوں نِیوں دھوُڑی ٹِکاّ مستک لائیا۔ چار جُگ دا بھوِکھت دیوے گواہی، شہادت اِکو وار بُھگتائیا۔ پِچھلا لیکھا رہیا مُکائی، مُکمل اپنا حُکم منائیا۔ اگلا مارگ اِک درسائی، دہ دِشا دئے جنائیا۔ برہمنڈ کھنڈ پُری لوء آکاش گاون چائیں چائیں، مدُھر دُھن راگ الائیا۔ دھرنی دھرت دھوَل منڈل منڈپ آکاش پاتال پرکاش کرے رُشنائی، اندھ اندھیر رہن نہ پائیا۔ آتم پرماتم میلا ہووے سہج سُبھائی، جوگ ابھیاس ہٹھ تپ سنیاس وَیراگ تیاگ نہ کوئے جنائیا۔ نِج نیتر لوچن نیَن تکّے اکّھ گوسائیں، درس دیوے پرتکھ، ساکھیات نوُرو نوُر نظری آئیا۔ تُوں میرا مَیں تیرا بھگت بھگوان گاؤنا جس، لیکھا مُکنا تیِرتھ اٹھسٹھ، سچ اِشنان انتر آتم دئے کرائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک منائیا۔ دُھر دا حُکم ہرِ کرتار، جگ کرتا آپ جنائیا۔ جِس نوُں سمجھے کوئی نہ وِچ سنسار، من مت بُدھ بھیو کوئے نہ آئیا۔ ساچی کرنی کرے آپ کرتار، اکل کل دھاری اپنی کھیل کرائیا۔ بیِس اِکیس تیرا ویکھ کے سرب احوال، دیِن دَیال ہوئے سہائیا۔ تیری لیکھے لگے گھال، کیِتی گھال تیری جھولی پائیا۔ اَگے چڑھنا بھگت بھگَونت دا سال، پنڈت پاندھا بھیو کِسے نہ آئیا۔ جِس دا لیکھا

لِکھنا کمال، قلم شاہی بَیٹھی اکّھ اُٹھائیا۔ پُرکھ اکال بننا دلال، وِچولا بےپرواہیِا۔ جھگڑا مُکنا شاہ کنگال، اوُچ نیِچ راؤ رنک اِکو رنگ وکھائیا۔ سَوا پہر سرب دھیان، چرن کوَل کوَل چرن بخشے اِک سرنائیا۔ جیہڑا اجے تک مِہر نظر نال دِتا نہیں کِسے گیان، سو محوان ہو کے مِہر نظر دیوے ٹِکائیا۔ چرن دھوُڑی بخش اِشنان، دُرمت مَیل پرے دیوے کرائیا۔ ناتا توڑ کے کال مہاکال، سچکھنڈ سچّی دھرم سال بخشے سرن سرنائیا۔ جو منگاں منگدا رہیا رَوال، سمت چؤداں دا احوال، اِکّی سؤ کوس دا خیال، ابُھل بُھل کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچے سمیں دا ساچا سمت، جِس دی منگ منگدے گئے صوُفی فقیِر گُر اوتار پَیغمبر اپنی جھولی ڈاہیِا۔ مہاراج شیرسِنگھ وِشنوُں بھگوان، اُس دی دو جہان بنا کے بنت، جِسنوُں کوئی نہ سمجھے سنت، دُھر دا کھیل سری بھگَونت، کرے کرائے آدی کنت، قُدرت دا مالک، خلق دا خالق، بھگت دا ثالث، خالص خاص دئے جنائیا۔

سوہنگ مہاراج شیرسِنگھ وِشنوُں بھگوان دی جےَ
پہلی چیت شہنشاہی سمت ۱ ہرِ بھگت دوار جیٹھوُوال

پہلی چیت کہے شہنشاہی سمت، سماں سماں دِتا بدلائیا۔ سچکھنڈ دوارے گُر اوتار پیِر پَیغمبر ہو گئے منگت، تھِر گھر بَیٹھے سیِس نِوائیا۔ کر ڈنڈاوت دُھر چرن مِنّت، سجدہ سیِس جھُکائیا۔ پُرکھ اکال دیِن دَیال تیرے اَگے رہی کوئی نہ ہِمّت، حوصلہ اَور نہ کوئے جنائیا۔ نوَ نؤ چار جُگ چؤکڑی تیرے پریم پیار دا کھادھا نِمک، نِرگُن سرگُن سرگُن نِرگُن تیری کار کمائیا۔ جھگڑا مُکا کے سَورگ جنّت، لوک پرلوک دو جہان پُری لوء آکاش پندھ مُکائیا۔ جوتی جوت سروُپ ہرِ، آپ اپنی کِرپا کر، ساچا مارگ دے وکھائیا۔ سمت کہے میرا مالک شہنشاہ، سو پُرکھ نِرنجن اِک اکھوائیندا۔ جو آد جُگاد جُگ چؤکڑی لہنے سرب مُکا، پرِتھمی آکاش کھوج کھوجائیندا۔ گُر اوتار پیِر پَیغمبر چرن کوَل بہا، دُھر فرمانا اِک سمجھائیندا۔ اِکو پُرکھ اکال لَینا منا، پروردِگار اِکو نظری آئیندا۔ نِرگُن نوُر جوت کر رُشنا، لکّھ چؤراسی گھٹ گھٹ واسی اپنا بھیو کُھلائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچ کرنی کار کمائیندا۔ شہنشاہی سمت کہے مَیں گیا آ، سَتجُگ دیواں مان وڈیائیا۔ دو جہاناں اِک ملاح، پاربرہم دیاں

وکھائیا۔ جِس دے در تے کوٹن کوٹ وِشن برہما شِو سیِس رہے نِوا، نیتر اکّھ نہ کوئے اُٹھائیا۔ گُر اوتار پیِر پَیغمبر در ٹھانڈے بَیٹھے دُھر دا ڈھولا رہے گا، تُوں میرا مَیں تیرا دوُجا نظر کوئے نہ آئیا۔ سو مالک خالق بےپرواہ، پت پرمیشور اپنے ہتّھ رکھے وڈیائیا۔ پوُرب لہنے سرب مُکا، مُکمل اپنا حُکم منائیا۔ نوُری جلوہ اِک خُدا، واحد لاشریِک شہنشاہ اپنا بھیو دئے کُھلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سمت کہے مَیں گیا چڑھ، چڑھدی کلا اِک وکھائیا۔ پُرکھ اکال دا پلّوُ لیا پھڑ، دوُجی اوٹ نہ کوئے تکائیا۔ دو جہان رہے ڈر، سِر سکے نہ کوئے اُٹھائیا۔ دھرنی دھرت دھوَل کرے تھر تھر، دھؤلا اندر باہر دئے دُہائیا۔ کؤن جانے کرتا پُرکھ کی رہیا کر، کرنی دا مالک بےپرواہیِا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا جنائیا۔ شہنشاہی سمت کہے سُنو جن بھگت، دُھر سندیشہ دیاں سمجھائیا۔ پُرکھ اکال دا سوہنا وقت، نوَ نؤ چار پِچھوں کرے رُشنائیا۔ بھیو چُکا کے عرش فرش، دو جہاناں کھوج کھوجائیا۔ سنت سُہیلے کر کر ترس، گُر چیلے لئے مِلائیا۔ گُرمْکھاں پوُری کرنہارا غرض، عرض آرزوُ اپنی جھولی پائیا۔ جوتی جوت سروُپ ہرِ، آپ اپنی کِرپا کر، اگلا لیکھا رہیا دِرڑائیا۔ سمت کہے مَیں دیون آیا سندیشہ، رُتڑی رُت نال بدلائیا۔ پُرکھ اکال دیِن دَیال جوت سروُپی دھریا بھیسا، ویس اوَلّڑا اِک وٹائیا۔ شبدی سُت جودھا سوُربیِر گُر دسمیسا، گوبِند کھڑگ کھنڈا اِک چمکائیا۔ نر نِرنکار ہرِ کرتار سچکھنڈ نِواسی اِک نریشا، شاہ پاتشاہ سچّا شہنشاہیِا۔ جُگ چؤکڑی نِت نوِت ویکھنہارا لیکھا، آد جُگاد اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ سمت کہے مَینوُں لَینا سمجھ، چار کُنٹ دیاں جنائیا۔ اجّ دی رات گیاراں لکّھ نوُں مارنی رمز، نؤ کھنڈ پرِتھمی ستّ دیِپ مانَو دیاں ہِلائیا۔ لکّھ چؤراسی جیِو جنت سادھ سنت میرے ہتّھ نبض، آتم پرماتم ناڑ بہتّر ہڈّ ماس رَکت بوُند اپنا کھیل وکھائیا۔ صاحب سوامی انترجامی اپنا پوُرا کرن آیا فرض، فَیصلہ حق حقیِقت وِچوں رہیا دِرڑائیا۔ تیئی اوتاراں عیسیٰ موُسیٰ محمد دس گُر اٹھاراں بھگت سُن کے عرض، بینتی اپنی جھولی رہیا پائیا۔ نِرگُن نِروَیر نِراکار کھیلے کھیل اِک اسچرج، اچرج لیِلا آپ ورتائیا۔ جودھا سوُربیِر مردانہ بن کے آیا مرد، دوُجی مدد نہ کوئے تکائیا۔ چار کُنٹ دہ دِشا دو جہاناں میٹنہار تشّدد، دُھر فرمانا سِری بھگوانا اِکو حُکم سُنائیا۔ جگت قصائی چُھری رہے کوئی نہ کرد، قاتل مقتوُل دوویں ویکھ وکھائیا۔ جوتی جوت سروُپ ہرِ، آپ اپنی کِرپا کر، دُھر دے بھیو رہیا کُھلائیا۔ سمت کہے میری آ گئی

واری، وارتا اگلی دیاں جنائیا۔ جِس نوُں سمجھے نہ کوئے سنساری، من مت بُدھ نہ کوئے چتُرائیا۔ گُر اوتار پیِر پَیغمبر جِس دے کاتب بنے لِکھاری، بودھ اگادھا گیان دئے دِرڑائیا۔ سو دو جہاناں مالک شاہ پاتشاہ سچّا نِرنکاری، نِرگُن نِروَیر اپنا حُکم منائیا۔ چار ورناں سب دے نالوں توڑ کے یاری، پُرکھ اکال اِشٹ سب نوُں دئے وکھائیا۔ ساچے سنتاں پوُرن بھگتاں گُرمْکھاں آتم رہے نہ کوئے کواری، نر ہرِ کنت دیاں مِلائیا۔ کلجُگ کوُڑی کِریا چاروں کُنٹ کر خواری، لوک مات باہر کڈھائیا۔ سَتجُگ ساچے چھوٹے پُت لال دُلاری، ننھے دیاں وڈیائیا۔ بھیوَ ابھیدا اچھل اچھیدا اگمّ اتھاہ کھول کے پہلی واری، وارتا اگلی دیاں دِرڑائیا۔ شاستر سِمرت وید پُران گیِتا گیان، اِنجیِل قُرآن جِس دی صِفت رہی اُچاری، مہما نال رہی سمجھائیا۔ جوتی جوت سروُپ ہرِ، آپ اپنی کِرپا کر، کرنی کرتا اِک اکھوائیا۔ شہنشاہی سمت کہے مَیں سب دا مالک، عیسیٰ موُسیٰ محمد بَیٹھے سیِس نِوائیا۔ نانک گوبِند مَینوُں منّیا ثالث، راما کرِشنا راہ تکائیا۔ جگت اُدھارن بھگتاں پَیج سوارن پربھ دی عادت، عدل اِکو اِک جنائیا۔ جِس دے دوارے وُکلا کرے نہ کوئے وکالت، اپنا حُکم نہ کوئے دِرڑائیا۔ صدی بیِس اِکیِسا انتم کہہ کے گیا گُر اوتار پیِر پَیغمبر اَگے کوئی نہ کرے کِسے سفارش، بندیخانے وِچوں باہر نہ کوئے کڈھائیا۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ رکھائیا۔ سمت کہے اُٹھ سَتجُگ میِت، پہلی چیتر تَینوُں دیاں جنائیا۔ میرے نال مِل کے گا لےَ اوس پربھوُ دا گیِت، جو مندر مسیِت وِچوں ہتّھ کِسے نہ آئیا۔ جو ہر گھٹ وسیا اوُچ نیِچ، راؤ رنکاں وِچ سمائیا۔ جِس کلجُگ بدل کے تیری چلاؤنی ساچی ریِت، سَت سَتوادی مارگ دئے بنائیا۔ ایکا گھر وساؤنا ہست کیِٹ، شاہ درویش اِک دوارے الکھ جگائیا۔ جِس من واسنا سب دی لئی جیِت، شبد ناد دُھن کرے شنوائیا۔ جو سچکھنڈ دوارے بَیٹھا رہے اتیِت، ترےَگُن وِچ کدے نہ آئیا۔ پِچھلا لیکھا بیِس اِکیسے پِچھے گیا بیِت، اَگے چلنا دُھر رضائیا۔ پربھ دا کھیل سدا انڈیِٹھ، جگت نیتر نظر کوئے نہ پائیا۔ سچ پُچھیں وِچولا بنیا گوبِند میِت، شبدی دھارا نظر کِسے نہ آئیا۔ پُرکھ اکال دی لنگھ کے اندر دہلیز، سچ دوارے اپنی سوبھا پائیا۔ پریم پریِتی اندر ہو وسنیک، واسطہ اِکو نال جُڑائیا۔ ایہہ مارگ وکھرا سب توں باریِک، جگت نیتر نیَن ویکھن کوئے نہ آئیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ سَتجُگ کہے سُن سمت سُلکّھنے، بینتی دیاں جنائیا۔ پُرکھ اکال دیِن دَیال کِت بِدھ درشن تکنے، نیتر لوچن نیَن بِگسائیا۔ کِس بِدھ نال بھگت بھگوان پرکھنے، کسوٹی کوَن اُپائیا۔ بھیوَ ابھیدے سارے تَینوُں

دسّنے، پردہ اوہلا رہے نہ رائیا۔ کی گوبِند جنمے جِؤں گُجری مات پٹنے، پاٹل ہو کے پھیرا پائیا۔ کی کھیل پرِتھمی آکاسنے، گگن منڈل دئے دِرڑائیا۔ کی ڈھولے دُھر دے آکھنے، کوَن سچ پڑھائیا۔ کی کھیل ظاہر باطنے، گُپت پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، کِس بِدھ اپنی کار کمائیا۔ سمت کہے سُن سَتجُگ سجّن، دُھر لیکھا دیاں دِرڑائیا۔ پُرکھ اکال کھیل سمرتھن، دوُجا نظر کوئے نہ آئیا۔ جِس نے سب دی پوُری کرنی آسن، ترِشنا دئے گوائیا۔ سو نِرگُن نوُر جوت پرکاشن، گوبِند شبدی سُت پرگٹائیا۔ جِس دا جلوہ پرِتھمی آکاشن، برہمنڈ کھنڈ کرے رُشنائیا۔ جِس دی مِہر نظر نال کوٹن کوٹ اُترنے پاپن، دُرمت مَیل دئےدھوائیا۔ جِس دا اِکو ہونا سچّا جاپن، تُوں میرا مَیں تیرا سچ سندیشہ دئے سُنائیا۔ اوہ لکّھ چؤراسی وِچوں بھگت سُہیلے وِرولے ماکھن، کوٹاں وِچوں کُچھ اپنے رنگ رنگائیا۔ پریم پریِتی پیار مُحبّت وِچ کر کے داسی داسن، سیوک چاکر در ٹھانڈے لئے بنائیا۔ پاربرہم پت پرمیشور لکّھ چؤراسی جیِو جنت دے پترےَ آیا واچن، آتم پرماتم ویکھ وکھائیا۔ جوتی جوت سروُپ ہرِ، آپ اپنی کِرپا کر، قُدرت دا قادر اپنا ویس وٹائیا۔ سَتجُگ کہے کُچھ ہور دسّ، جو پربھ تَینوُں رہیا جنائیا۔ سمت کہے ایہہ اوس دے وس، جِس شہنشاہ تیری میری بنت بنائیا۔ اوہ بھگتاں دیون آیا حق، پوُرب لہنا جھولی پائیا۔ اندروں کھول کے اوہناں دی اکّھ، نِج نیتر درشن رہیا کرائیا۔ سَت دھرم دا کھول کے ہٹّ، چار ورن ونجارے رہیا اُپجائیا۔ شبد اگمّی مار کے سٹّ، سوئی سُرتی آپ اُٹھائیا۔ کر پرکاش نِرمل جوت لٹ لٹ، گرِہ گرِہ دِیپک رہیا ٹِمکائیا۔ لہنا دینا مُکا کے تیِرتھ اٹھسٹھ، امرت جھِرنا نِجھر اِک جھِرائیا۔ جِس گوبِند نالوں کلجُگ جیِو پِچھے گئے ہٹ، انتم اوسے نال مِلائیا۔ سیج سُہنجنی دسّ کے کھاٹ، گھر گھر وِچ پردہ لاہیِا۔ جن بھگتاں اندر رہن نہیں دینی اندھیری رات، سَت سَتوادی ساچا چند کرے رُشنائیا۔ سنت مِلا کے اپنی ذات، جوتی جوت وِچ سمائیا۔ گُرمْکھ درس دیوے اِکانت، راتیں سُتّیاں لئے جگائیا۔ گُرسِکھاں نال کر کے آوے بات، پھڑ باہوں گود اُٹھائیا۔ گُر اوتاراں پیِر پَیغمبراں دا پوُرا کر کے بھوِکھت واک، ویہہ سؤ اِکّی بِکرمی انتم لہنا دِتا مُکائیا۔ اَگے سَت دھرم دا کھول کے تاک، پڑدا دِتا چُکائیا۔ دُھر دے مارگ چلن دی دسّ کے جاچ، ساچی سِکھیا اِک سمجھائیا۔ گُرمْکھو پربھ مِلن دی ساچی آس، دوُجی ترِشنا کمّ کِسے نہ آئیا۔ گھر مالک سجّن ملِے احباب، محبوُب نوُر خُدائیا۔ تن وجوُد وجائے رباب، سوہنا ناد سُنائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ سَتجُگ کہے مَیں پہلوں

کِتھے اُٹھاں، پربھوُ کُچھ مَینوُں دے سمجھائیا۔ کِنھاں اُپر تُٹھاں، جِنہاں تیرا جوڑ جُڑائیا۔ بھاگ لگے کیہڑی چھیاں رُتاں، باراں ماس دے سمجھائیا۔ چرن کوَل دوارے پُچھاں، ڈھیَہہ پیا سرنائیا۔ لوک مات تیرے حُکم اندر بُکاں، سَت جَیکارا اِک سُنائیا۔ سچ نِشانیوں کدے نہ اُکاں، تیِر انیالا دینا پھڑائیا۔ کوُڑ کُڑیارے جڑ پُٹاں، بھگتاں دے اندر رہن کوئے نہ پائیا۔ جِنہاں دے پِچھے گوبِند بھیٹا کر کے گیا اپنے پُتاں، سو پربھوُ تیرے پوترے دیاں جگائیا۔ میرے دیِن دَیال صاحب کِرپال اوہناں اُتے تیرا کاہدا غُصّہ، جِنہاں انتر رمز نہ کوئی لگائیا۔ بےشک اوہناں دا تتّاں والا مانَس جُسا، بُتخانے بہہ کے اپنا جھٹ لنگھائیا۔ اوہناں دا پیَنڈا منزل وِچوں موُل نہ مُکا، پاندھی پندھ نہ کوئے چُکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم دے سُنائیا۔ سمت کہے سُن سَتجُگ میری گلّ، گل وکڑی پا کے دیاں جنائیا۔ پُرکھ ابناشی آد جُگادی اچھل چھل، ول چھل سمجھ کوئے نہ پائیا۔ اُٹھ میرے نال چل، تَینوُں مارگ دیاں وکھائیا۔ جِتھے نِرگُن نوُر دِیپک اگمّا رہیا بل، سچ پرکاش کرے رُشنائیا۔ جوتی جوت سروُپ ہرِ، آپ اپنی کِرپا کر، ویلا وقت رہیا سُہائیا۔ پُرکھ اکال کہے سُن سَتجُگ بچّے، دُھر فرمانا دیاں جنائیا۔ پہلی چیتر شہنشاہی سمت دے ساچے پتے، پردہ اوہلا دیاں اُٹھائیا۔ جِتھے بھگت سُہیلے سنت سجّن بَیٹھے سچّے، گُرمْکھ گُرسِکھ سوبھا پائیا۔ باہروں ماٹی بھانڈے کچّے، انتر آتم پرماتم جوڑ جُڑائیا۔ اوہ نوَ نؤ چار نالوں اچھے، چنگی طرح دیاں دِرڑائیا۔ جِنہاں کدی نہ کھادے کٹّے وچھےّ، سوُر گاں نہ مُکھ لگائیا۔ اوہ نانک نال رتے، گوبِند رنگ گیا چڑھائیا۔ جِنہاں دے پِچھے نیہاں ہیٹھاں اپنے بچّے رکھے، دوہری سیو کمائیا۔ اوہناں دے اوڈھن سیِس اُتوں کدی نہ لّتھے، دُہاگن روُپ نہ کوئے وٹائیا۔ اوہ چار ورن کھتری براہمن شوُدر وَیش بھائی بھَین بن گئے سکے، مات پِتا اِکو پُرکھ اکال نظری آئیا۔ سچ سرنائی ہرِ رگھُرائی بےپرواہی نوُر خُدائی اِکو ڈھٹّھے، دوُجی اوٹ نہ کوئے تکائیا۔ دیِن مذہب دے جھگڑے چھڈے رٹےّ، ساچا اِسم اِکو اِک وکھائیا۔ دُھر دے مارگ ساچے پنتھ آپے لگّے، شاستر سِمرت وید پُران جِس دی دین گواہیِا۔ مَیں اوہناں نوُں مِلیا اُپر شاہ رگے، دوُجا پندھ نہ کوئے مُکائیا۔ جِتھے پَون اِکو ٹھنڈی وگے، تتّی وا نہ لاگے رائیا۔ جوتی جوت سروُپ ہرِ، آپ اپنی کِرپا کر، اپنا بھیو آپ کُھلائیا۔ سَتجُگ کہے اوہ دھرم کیہڑا، سو پُرکھ نِرنجن مَینوُں دے سمجھائیا۔ ہرِ پُرکھ نِرنجن کِہا جِتھے لیکھا چُکے تیرا میرا، اِکو ایک نظری آئیا۔ ایکنکار کِہا اوتھے گُر اوتار پَیغمبر نہیں کوئی جھیڑا، اُمت کرے نہ کوئے لڑائیا۔ آد نِرنجن کِہا اوتھے اِکو نوُر تیرا، دیِا باتی ہور نہ

کوئے جگائیا۔ سِری بھگوان کِہا سچکھنڈ دوارا ساچا کھیڑا، درگاہ ساچی مقامے حق محل اِکو سوبھا پائیا۔ ابناشی کرتے کِہا اوتھے شبد اگمّی اِکو ڈیرہ، تتّاں والی دھار نہ کوئے پرگٹائیا۔ پاربرہم کِہا اوتھے آپے کرنہارا مِہرا، مِہر نظر اِک اُٹھائیا۔ سَت سوامی ٹھاکر نِرگُن جوت کلجُگ انتم پایا پھیرا، کل کلکی ویس وٹائیا۔ کرن آیا حق نبیڑا، وِشن برہما شِو کروڑ تیتیِسا رہیا اُٹھائیا۔ جگت نیتراں ساہمنے لکّھ چؤراسی دیوے گیڑا، زِمیں اسماناں لٹھ آپ بھوائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ سَتجُگ کہے پربھ دسّ دے مارگ، اِکو وار حُکم سُنائیا۔ میرے کول نہ آوے کوئی نارد، مُنیِاں لوڑ رہے نہ رائیا۔ صاحب سوامی تُوں اِکو سب دا ثالث، آد جُگاد اکھوائیا۔ مَیں تیرا روُپ پرگٹاواں اِکو خالص، خالص سرِشٹ دیاں جنائیا۔ کوُڑی کِریا میٹ کے نِندرا آلس، اچھل چھل دیاں کرائیا۔ دُھر دربارا دسّ عدالت، عدل اِکو دیاں جنائیا۔ بِن گوبِند کرے نہ کوئی ہور سفارش، لیکھا سب دا اَگے رہیا نہ رائیا۔ تیرے نام سچّے دی بنے وزارت، تتّاں دی لوڑ رہے نہ رائیا۔ اکھّراں دی لِکھے نہ کوئی عبارت، ہِندسیاں ونڈ نہ کوئے ونڈائیا۔ جے پربھوُ توُں اِک تے اِکو تیری ہووے زیارت، پیِر پَیغمبر جھُک جھُک تیرے چرناں سیِس نِوائیا۔ ابناشی کرتے تیری حکوُمت وِچ رہے نہ کوئی بغاوت، بغلگیِر دستگیِر شاہ فقیِر دینے بنائیا۔ تیرے دوارے آؤن دی دیِن مذہب دی پابندی رہے نہ کوئے ممانت، اَگے ہو نہ کوئے اٹکائیا۔ تُوں سب دا مالک آد جُگاد جُگ چؤکڑی صحیح سلامت، جنم مرن وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، سَتجُگ ساچا در تیرے منگ منگائیا۔ سَتجُگ ساچے، سَت سَت سچ دِرڑاوانگا۔ پریم پریِتی جوڑ کے ناتے، دُھر دا سجّن اِک اکھواوانگا۔ آتم پرماتم نؤ کھنڈ پرِتھمی گاوے گاتھے، سوہنگ ڈھولا اِک جناوانگا۔ کوُڑی کِریا میٹ اندھیری راتے، دُھر دا چنّ اِک چمکاوانگا۔ راؤ رنک بنا کے اِک جماعتے، چارے ورناں ویکھ وکھاوانگا۔ سب دے بندگی والے ویکھاں کھاتے، کوُڑی مایا خاک وِچ رلاوانگا۔ جِنہاں پرم پُرکھ پرماتم دِتی اپنی داتے، داتار ہو کے دَیاکماوانگا۔ جن بھگتاں دے پوُرے کر کے گھاٹے، اَگے اپنے نال جُڑاوانگا۔ شہنشاہی سمت پہلی چیت توں جِنہاں دے سولاں سال اَگے جُڑے رہے ناتے، تِنہاں اپنے وِچ سماوانگا۔ چار جُگ جِنہاں دی گُر اوتاراں پیِر پَیغمبراں گاؤنی گاتھے، اگلا لیکھا ہور بناوانگا۔ راگاں ناداں وِچ ڈھاڈیاں گؤنے ساکے، خاکے سب دے ویکھ وکھاوانگا۔ کوئی نہ سمجھِیو ساڈا میل ہویا اِتفاقے، اِتفاقیا نہیں پوُرب لیکھے ویکھ ویکھ اپنے جوڑ جُڑاوانگا۔

تُہاڈے رہن نہیں دینے چیِتھڑ پاٹے، رَویداس چمارے وانگر چولی تن رنگاوانگا۔ جِنہاں نوُں گوبِند امرت پیایا اِک باٹے، اوہناں دا امرت لکّھ چؤراسی وِچ پرگٹاوانگا۔ گُرمْکھ کوئی رہن نہیں دینا اَدھ واٹے، ساچی منزل پؤڑی سچکھنڈ دوارے آپ چڑھاوانگا۔ تُہاڈے کرم جنم ورن دھرم سِری بھگوان آپے واچے، جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی دھام انعامی دئے جنائیا۔ ویکھو اودھروں نؤ کھنڈ وِچوں اِک شبدی آئی آواز، ہؤلی ہؤلی رہی جنائیا۔ گیاراں لکّھ تیرا مُحتاج، سیوک سیوا سچ کمائیا۔ اَگے کھول دے تھوڑا راز، پردہ دے اُٹھائیا۔ اپنے مِلن دی دسّ دے جاچ، یاچک ہو کے لاگن تیرے پائیا۔ گھر منوُآ رہے نہ کوئی بدمُعاش، بدی نیکی تیری جھولی پائیا۔ ساڈی پوُری کردے خواہش، خصوُصیّت اپنی دے جنائیا۔ تیرے بھگت دوارے دی پیَندی ویکھیئے راس، جِتھے گُر اوتار پیِر پَیغمبر اپنے لیکھے گئے لِکھائیا۔ اَگے تیریاں سنتاں دی چلنی شاخ، شناخت تیرے انتر نظری آئیا۔ جِؤں بھاوے تِؤں لَینا راکھ، آخر بینتی اِک سُنائیا۔ جے پِچھے سب دا پوُرا کیِتا بھوِکھت واک، لہنا رہیا کوئی نہ رائیا۔ آ کے بن کے شاہ نواب، شہنشاہ اپنا حُکم سُنائیا۔ جُگ چؤکڑی تیرے مُحتاج، در بَیٹھے منگ منگائیا۔ پربھوُ ایہہ نِرالا انوکھا وکھرا چلایا رِواج، نِرگُن جوت کر رُشنائیا۔ غریِب نِمانے کوجھے کملے بِن وِدیا بنا کے دُھر دے سادھ، سادھنا سچّی دِتی جنائیا۔ جِنہاں پنج وار سوہنگ مہاراج شیرسِنگھ وِشنوُں بھگوان لیا ارادھ، تِنہاں اَدھ وِچکار نہ کوئے اٹکائیا۔ پہلی چیت کہے مَیں بھگتاں دین آیا داد، جو کلجُگ وِچوں اڑ کے، منزل چڑھ کے، لڑ پھڑ کے، اپنا ناتا جوڑ جُڑائیا۔ جوتی جوت سروُپ ہرِ، آپ اپنی کِرپا کر، مارگ نِرالا رہیا درسائیا۔ سَتجُگ سُن کہانی ایک، ایکنکار دیاں جنائیا۔ پنج چیت تک جن بھگتاں دی بُدھی کرنی بِبیک، اندر وڑ کے سیو کمائیا۔ ساڈھے دس تیری کرنی لیَنی ویکھ، حُکم دُھر دا اِک منائیا۔ جِس دے ہتّھ سب دا لیکھ، سو لیکھا لِکھ لِکھ رہیا سمجھائیا۔ گُرمْکھاں دی ماننی سیج، سوہنا رنگ چڑھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک منائیا۔ سَتجُگ کہے پربھوُ سُن میری اِک ارداس، دُھر سوامی دیاں سُنائیا۔ اپنے بھگتاں نوُں دسّ اپنا واک، دُھر سندیشہ اِک الائیا۔ جن بھگتو اپنا کھول کے رکھیو تاک، پربھ چرن دھیان ٹِکائیا۔ ایہہ نؤ سؤ چُرانوے چؤکڑی جُگ پِچھوں آئی رات، جو رُت سب دی رہی بدلائیا۔ پِچھلا کرم پِچھلا جنم پِچھلا پاپ سب دا کیِتا مُعاف، لیکھا رائے دھرم منگے نہ رائیا۔ گُر اوتار پیِر پَیغمبر بھگتاں دیونہارے

ساتھ، اگلا سنگ نِبھائیا۔ اِکو نظری آئے پُرکھ اکال دُھر دا باپ، پت پرمیشور سہج سُکھدائیا۔ اوس دا اِکو کرنا جاپ، جو نانک نِرگُن سرگُن گیا سُنائیا۔ تُوں میرا مَیں تیرا دوُجا دِسے کوئی نہ پاس، اوستھا اِکو نظری آئیا۔ جوتی جوت سروُپ ہرِ، آپ اپنی کِرپا کر، در در گھر گھر سیو کمائیا۔ سَتجُگ کہے سُن سوامی ٹھاکر، پُرکھ اکال بےپرواہیِا۔ تیری سرِشٹی ویکھی ڈوُنگھا ساگر، چار کُنٹ دھیان لگائیا۔ گیاراں وِچوں تھوڑے سؤداگر، جو بھجّن واہو داہیِا۔ تِنہاں دا صِدق صبوُری ویکھ صابر، صاحب اپنا دھیان لگائیا۔ کلجُگ کوُڑ کُڑیارا چاروں کُنٹ چڑھیا بابر، نانک جوت دئے گواہیِا۔ حُکم سندیشہ دے دے اپنا قابل، قِبل اپنی جڑ جنائیا۔ آر پار لیکھا قاتل، قتل گاہ وکھائیا۔ لہنا مکُے نِندک ساقط، سگلا حُکم ورتائیا۔ جو پریم پریِتی انتر تیرا عاشق، حقیِقی نظری آئیا۔ اوس دی اپنے نال بدل دے عادت، جگت تشدّد دے گوائیا۔ میرے اندر تیرے نام دی کرے نہ کوئی مُزاحمت، علامت کوُڑی ساری دے کھپائیا۔ جوتی جوت سروُپ ہرِ، آپ اپنی کِرپا کر، دُھر دا مارگ اِک لگائیا۔ دُھر دا مارگ لا دے آپ، پربھوُ اپنی دَیا کمائیا۔ پہلا مہیِنہ چیتر چڑھنا اَگے وِساکھ، گوبِند اَگے لہنا منگے چائیں چائنیا۔ پردہ لاہ کے پرگٹ ہو جا ساکھیات، نوُر نوُرانے کر رُشنائیا۔ شبد سندیشہ لِکھ کے دے دے قلم دوات، راج راجاناں شاہ سُلطاناں حُکم ورتائیا۔ سب دا ڈُبن والا آفتاب، محراب اِکو دے رُشنائیا۔ پُرکھ اکالا پرگٹ ہویا دُھر نواب، نؤبت ساچا نام وجائیا۔ سجدہ کرنا پئے آداب، نمو نمو سرب دِرڑائیا۔ لیکھا جانے اِکو واحد، عدداں دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ دُھر دا حُکم کہے میرا سندیشہ سَت، سَت سَتوادی ہو کے دیاں جنائیا۔ بھگتاں کھول کے نیتر اکّھ، پرتکھ دیاں کُھلائیا۔ گُر اوتاراں پیِر پَیغمبراں منّیاں سچ، سَت سچ کہہ کے خوشی جنائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا رہیا بنائیا۔ سَتجُگ کہے نیڑے چھیتی آؤنا وِساکھ، چیت اپنا پندھ مُکائیا۔ دُھر سندیشہ پُرکھ ابناش، برہمنڈاں کھنڈاں دینا سُنائیا۔ جِنہاں اُترنا ساچے گھاٹ، پتن اِکو دئے بنائیا۔ نؤ ستّ میٹے اپنی واٹ، بن کے پاندھی راہیا۔ جو کھیل کرن آیا خاص، خالق خلق بےپرواہیِا۔ جِس دی عبادت کردے آئے آد، کلمیاں وِچ ڈھولے گائیا۔ جِس دی روزہ رکھو نماز، کلمہ پڑھ پڑھ آیت سُنائیا۔ سو ویکھنہارا کھیل تماش، نوُر خُدائی کرے رُشنائیا۔ سچ دوارے کر پرکاش، جوتی جاتا ڈگمگائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ سمت کہے میرا سچّا سماج، شہنشاہ

دینی وڈیائیا۔ تخت نِواسی تیرا راج، حُکم بےپرواہیِا۔ نام اگمّا سُنا دے ناد، پُریِاں لواں نیَن اُٹھائیا۔ ہر گھٹ اندر ہو وِسماد، بِسمل اپنی دھار جنائیا۔ آب حیات امرت رس دے سواد، رس جھوُٹھے پرے کرائیا۔ ڈنکا وجےّ وِچ برہماد، برہمانڈ سیِس نِوائیا۔ سنت سُہیلے جاون جاگ، جاگرت جوت کر رُشنائیا۔ کوُڑی کِریا بُجھے آگ، اگنی تت نہ کوئے تپائیا۔ ہرِ کنت ملِے سُہاگ، گرِہ میلا سہج سُبھائیا۔ کلجُگ کھیڑا نہ ہوئے برباد، آباد آپ اپنا لَینا کرائیا۔ جوتی جوت سروُپ ہرِ، آپ اپنی کِرپا کر، دُھر دی دھار آپ وکھائیا۔ پہلی چیت کہے مَینوُں کُجھ دِسے اَگے، اگلا لیکھا دیاں جنائیا۔ چاروں کُنٹ اندھیر اِکو وگے، واگھیوں پار دیاں ہِلائیا۔ پُرکھ اکال شبد حُکم دینا شیر بگے، شریعت سب دی ویکھ وکھائیا۔ جِس دا بھانا کوئی نہ ڈکےّ، دو جہان نہ میٹ مِٹائیا۔ اوہدے حُکم نال حکوُمتاں اندر پَینے رٹےّ، تُہمت لگّے جگت لوکائیا۔ راجاں تاجاں والے مِلنے وِچ گھٹے، گھاٹی منزل سچ نہ کوئے چڑھائیا۔ چار کُنٹ دہ دِشا سارے پِھرن نَٹھے، بھجّن واہو داہیِا۔ اوہ نوُر الاہی کِتھوں لبھے، جیہڑا بَیٹھا اپنا آپ چُھپائیا۔ کِس بِدھ سچ دوارے سدّے، دُھر دا حُکم منائیا۔ ساڈھے تِنّاں سالاں پِچھوں جِس نے میٹ دینے سب دے اڈّے، اِکو دوارا دینا جنائیا۔ ہرِ کا حُکم دُھر دا شبد سَت سروُپ اِکو گجےّ، چاروں کُنٹ کرے شنوائیا۔ جوتی جوت سروُپ ہرِ، آپ اپنی کِرپا کر، کرنی کرتا آپ کمائیا۔ ساڈھے تِنّ کہن رَویداس چمیارے تَینوُں عِلم، جِس مانَس دیہی ونڈ ونڈائیا۔ پیِر پَیغمبر جِس دھار وِچوں جمّن، لوک مات نِرگُن جوت لیَن انگڑائیا۔ سو پہلی چیت سچ دوارے سارے اُٹھ کے کمبن، دھرنی دھرت دھوَل دِتی ہِلائیا۔ ہائے گوبِند بہُڑی ساڈی چُک گئی مزل، منزل اِکو پُرکھ اکال دِتی پرگٹائیا۔ چؤداں صدیاں کر کر اپنا یتن، کلجُگ جیِو بےوطن دِتے بنائیا۔ سچ خُدا لبھن نہیں دِتا اصل، وصل محبوُب نہ کوئے رکھائیا۔ بِن قتل گاہ توں کر کے قتل، مقتوُل ہو کے اپنا مُکھ چُھپائیا۔ جوتی جوت سروُپ ہرِ، آپ اپنی کِرپا کر، سَت سچ لیکھا رہیا مُکائیا۔ سَت کہے مَیں سب دا مِتر، پیارا نظری آئیا۔ میرا روُپ کوئی نہ سکے چِتر، چلِتر ویکھاں سرب لوکائیا۔ کلجُگ کوُڑی کِریا دا پِتل، سَتجُگ سچ سوَرن اپنی ڈلک لگائیا۔ بھگت سُہیلے ساچے دسن، سچ دوارے سوبھا پائیا۔ پہلی چیت جو دھرم دوارے آ کے بُکن، آپ اپنا موُل لگائیا۔ سَت دھرم دا مارگ آئے سِکھن، کام کرودھ لوبھ موہ ہنکار تجائیا۔ چرن کوَل سرنائی آئے ڈِگن، ٹِکاّ مستک دھوُڑی خاک رمائیا۔ اپنا مانَس جنم آئے نجِٹھن، سنمُکھ ہو کے درشن پائیا۔ جوتی جوت سروُپ ہرِ، آپ اپنی کِرپا کر، اگلا حُکم آپ

ورتائیا۔ اگلا حُکم سچ ورتاؤنا اے۔ پہلے سمت رنگ چڑھاؤنا اے۔ پُرکھ اکال دی اِکو ہووے منّت، مہما شبدی اِک درڑاؤنا اے۔ دِب درِشٹ نِج نیتر کھول کے ساچے سنت، سَت سَتگُروُ جوڑ جُڑاؤنا اے۔ سُرت سوانی میل کے گھر وِچ کنت، سیج سُہنجنی رنگ رنگاؤنا اے۔ آتم پرماتم دسّ کے منت، منتر اِکو اِک جپاؤنا اے۔ گڑھ توڑ کے ہؤمے ہنگت، ہنگ برہم درساؤنا اے۔ بودھ اگادھا بن کے پنڈت، شبد انادی انراگی راگ سُناؤنا اے۔ کوُڑی کِریا کر کے انت، انتشکرن سب دا آپ بدلاؤنا اے۔ پُرکھ اکال نال بنا کے بنس، سربنس اِکو اِک وکھاؤنا اے۔ من ہنکاری مار کے کنس، سَت دوارکا ساچا دھرم پرگٹاؤنا اے۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مستک لیکھ لِکھاؤنا اے۔ دُھر مستک لیکھ لِکھاوانگا۔ سنت سُہیلے گُرمْکھ پیکھ، پیشتر اپنا حُکم جناوانگا۔ لیکھا مُکا کے مؤلوی شیخ، مسائک پیَنڈا آپ مُکاوانگا۔ سرب دا سوامی اِکو نائک، نر نِرنکار نظری آوانگا۔ جن بھگتو سال بسالا کرکے جائیو ازمائش، سوہنی اپنی کھیل کھلاوانگا۔ جِس دی کِسے نے کیِتی نہیں پَیمائش، اوس نوُں چرناں ہیٹھ دباوانگا۔ سچ دوارے دی سَت رِہائش، رہبر ہو کے آپ وکھاوانگا۔ دُھر دا حُکم اِک ہدایت، حضرت ہو کے آپ مناوانگا۔ نام نِدھانا دُھر دا کلمہ کر عنایت، مِہر نظر اِک اُٹھاوانگا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرنی دھرت دھوَل اپنے رنگ رنگاوانگا۔ دھرنی دھرت دھوَل کہے پُکار، بہُڑی بہُڑی رہی کُرلائیا۔ پُرکھ اکال تیرا کی وِہار، وِوہاری دے سمجھائیا۔ پہلے دِن چڑھیا تیرا سال، لوک مات لئی انگڑائیا۔ مَیں اندرے اندر ہو گئی بےحال، ہوش حواس رہی مِٹائیا۔ جِس ویلے نِرگُن سرگُن اندر ماری چھال، جوتی جوت نال مِلائیا۔ میرا نؤ کھنڈ تے ہِلیا وال وال، دھرم دوارے آ کے بھگتاں دِتا وکھائیا۔ جے چرن نال دب کے پاؤندا نہ بھار، سرِشٹی ہیٹھاں اُتے اپنا آسن لائیا۔ ایہہ تُہانوُں جلوہ اِک تھوڑا جِہا دِتا نِشان، نِشانی تُہاڈے لڑ دِتی بندھائیا۔ گُرمْکھو تُسیں منگتے نہیں دُھر دے ججمان، پُرکھ اکال دِتی وڈیائیا۔ رحمت کرے رحیِم رحمان، شاہ سُلطان سچّا شہنشاہیِا۔ جے وِچ اجّ آئے ازمان، اوہناں نوُں اپنی ازمائش دیاں وکھائیا۔ شبد دا داتا پُرکھ بِدھاتا جودھیِاں دا جودھا سوُربیِر بلی بلوان، بلدھاری اِک اکھوائیا۔ جِس دا سَت دھرم دا سچکھنڈ سدا جھُلدا رہے نِشان، تھِر گھر وجدی رہے ودھائیا۔ گُر اوتار پیِر پَیغمبر اوسے دے ڈھولے گان، جُگ چؤکڑی راگاں ناداں وِچ صِفتاں نال کرن وڈیائیا۔ اوہ گہر گمبھیِر بےنظیِر لاشریِک بےپہچان، جگت نیتر نیَن نظر کِسے نہ آئیا۔

جو سرب سرِشٹی دا اِک اِیمان، لکّھ چؤراسی درِشٹی دا اِک دھیان، وِشیش بُدھی دا اِک گیان، دُھر منتر کرے پڑھائیا۔ جِس دا کھنڈا نام شبد تن گاترےَ رہے میان، دو جہاناں منائے آن، کوُڑی کِریا میٹ شیَطان، شریعت سَت لئے اُپجائیا۔ اوس دا پہلی ویر پہلا ایہہ بیان، شہنشاہی سمت چلنا وِچ جہان، ساڈھے تِنّاں سالاں پِچھوں سارے منگن ایسے دا دان، دیِن دُنی دا مالک اِکو نظری آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، دیونہارا ساچا ور، سادھ سنت بھگت بھگَونت اِکو روُپ سَت سروُپ دئے وکھائیا۔

نام جَیکارا دُھر دا منتر ، شبد ناد دُھن برہمنڈ جنائیا۔ حُکم سندیشہ گگن گگننتر، پُری لوء آکاش رہیا دِرڑائیا۔ سرب جیِاں بِدھ جاننہارا انتر، لکّھ چؤراسی کھوج کھوجائیا۔ سَتجُگ کہے مَیں سچ بناؤنی بنتر، جن بھگتاں رنگ وٹائیا۔ نام نِدھانا دے کے شستر، جودھے سوُربیِر بلوان دینے پرگٹائیا۔ میل مِلا کے آدی کنتن، سیج سُہنجنی دینی وکھائیا۔ بھیو چُکا کے برہم نِرنتر، نِرگُن روُپ دینا درسائیا۔ ساچا روُپ بنا کے سنتن، ساچا مارگ اِک چلائیا۔ حُکم سندیشہ دیوے انتم، دُھر درباری بےپرواہیِا۔ ہاڑ ستاراں سب نے چِٹے پہن کے آؤنا بستر، کایا بستی چرناں وِچ بَیٹھیاں دیوے بدلائیا۔ ایہہ کھیل ہونا اکثر، آخر اپنا پردہ لاہیِا۔ جِس تے گوبِند کر کے گیا دستخط، شہادت اپنی دئے بُھگتائیا۔ سو گُرمْکھو ویلا اَخیِری آیا وقت، بھگت بھگوان وجےّ ودھائیا۔ پھیر ریِتی چلے جگت، جاگرت جوت کرے رُشنائیا۔ تُہاڈے اندروں تُہاڈی لبھا دیوے وست، وست اپنی نال مِلائیا۔ اِک دوُجے نال گُرمْکھ گُرسِکھ کوئی نہ کرے حسد، دُئی دوَیتی ڈیرہ ڈھائیا۔ نام خُماری چاڑھ کے مست، المست روُپ وٹائیا۔ مانُکھ مانَس مانَو بھیو چُکا کے عرش فرش، درس اپنا دئے کرائیا۔ جنم کرم دی میٹ کے حرص، ہَوس کوُڑی دئے بُجھائیا۔ رحمت نال اَخیِر کرے ترس، محبوُب بےپرواہیِا۔ بھگت اُدھارنا پُرکھ اکال نال گوبِند دی لگّی شرط، شریعت سب دی دینی بدلائیا۔ ویکھو کھیل کرے اُپر دھرت، دھوَل دا مالک اول عالمیِن نوُر خُدائیا۔ جو نِرگُن ہو کے آیا پرت، پت پرمیشور پھیرا پائیا۔ جو پِچھے رہ گیا فرق، تِس دا فَیصلہ انت دئے وکھائیا۔ چار کُنٹ دہ دِشا کِسے دا رہنا نہیں کوئی دھڑت، ہرِ کا نام ہٹّو ہٹّ نہ کوئے وِکائیا۔ گُروُ اوتاراں پیِر پَیغمبراں دی پوُری ہو گئی لِکھت پڑھت،

پاندھی اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، دھرم سندیشہ اِک سُنائیا۔ چِٹے بستر کہن ساڈی پِچھلی دھار، پربھ نے وِشنوُں دِتی وڈیائیا۔ جِس ویلے شبد کیِتا پیار، ساچا رنگ دِتا چڑھائیا۔ نابھی کوَل جِس کیِتا اُجیار، امرت بوُند ٹِکائیا۔ جِس ویلے برہما کیِتا پسار، چِٹی دھار نال وڈیائیا۔ جِس ویلے شنکر کڈّھیا وِچوں دھوُاں دھار، بھولا ناتھ لیا اُپجائیا۔ پربھ نے چرن دھوُڑی بخش کے چھار، چِٹا روُپ دِتا وکھائیا۔ اوہناں تِنّاں دے اندر اِک گُلزار، گُلشن محبوُب دِتا مہکائیا۔ اپنے وِچوں پرگٹا کے اپنی بہار، انت اپنے وِچ لُکائیا۔ جِس ویلے سرِشٹی دا کیِتا وِہار، چِٹی دھار برہمے دِتی جنائیا۔ جِس وِچوں نظری آیا سانجھا یار، کرتا پُرکھ سچّا شہنشاہیِا۔ برہما ڈھیَہہ کے چرن دوار، نِیوں کے اپنا سیِس نِوائیا۔ کِرپا کر پُرکھ اکال، در ٹھانڈے منگ منگائیا۔ ایہہ کیہڑا تیرا رومال، کوَن روُپ رہیا پرگٹائیا۔ میرا تیرے اَگے سوال، بینتی اِک سُنائیا۔ شبد سندیشہ دِتا سِری بھگوان، بھیوَ ابھیدا آپ کُھلائیا۔ برہمے تُوں بالا سُت انجھان، سمجھ سمجھ سکے نہ رائیا۔ میری مِہر اندر تیرا فُرنا گیان، بِن کِرپا نہ کوئے چتُرائیا۔ جِس ویلے نؤ سؤ چُرانوے چؤکڑی جُگ بیِتے وِچ جہان، گُر اوتار پیِر پَیغمبر سَتجُگ تریتا دواپرکلجُگ لکّھ چؤراسی سیو کمائیا۔ اوس ویلے کر کِرپا مَیں لوک مات ویکھاں آن، جوتی جوت کر رُشنائیا۔ جُگ چؤکڑی دے بھگت سُہیلے میلاں آن، گُرمْکھ گُر گُر اپنے انگ لگائیا۔ بِن پڑھیاں دے کے گیان، آتم پرماتم جوڑ جُڑائیا۔ اوہناں دی بھگتی دا سچ نِشان، تَینوُں دیاں وکھائیا۔ جِس ویلے کلجُگ بدل کے سَتجُگ لاواں آن، آن اپنی اِک رکھائیا۔ اوس ویلے جن بھگتاں دیواں دان، داتا دانی ہو کے آپ ورتائیا۔ برہمے پُچھیا کی اوہناں دی پہچان، مَینوُں دے درسائیا۔ پُرکھ ابناشی کِہا جِنہاں اُتے ہوواں آپ مِہروان، مِہر نظر اُٹھائیا۔ سَتجُگ دا پہلا سمت دسّاں مہان، مہما اکتھ دِرڑائیا۔ جو بھگت دوارے چِٹے بستر پہن کے آون نؤجوان، نار پُرکھ اِکو روُپ نظری آئیا۔ اوہناں دی، گُر اوتاراں پیِر پَیغمبراں وِشن برہما شِو تُہانوُں وکھا کے کراں کلیان، کلمہ اپنا نام پڑھائیا۔ اوہناں دے کوئی نہ آوے وِچ درمیان، پردہ اندھ نہ کوئے رکھائیا۔ پربھ دے بھگتاں دا کلجُگ انت گیان، چرن پریِتی دیاں وکھائیا۔ اوہناں نوُں ویکھ کے چند چکور دوویں پچھتان، جِنہاں دی مسیا رَین اندھیر کدے نہ آئیا۔ ڈھولے گیِت گوبِند واہ واہ سارے گان، گا گا خوشی منائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ جن بھگت سُہیلے چِٹے بستر پا کے آؤن گے۔ ہیِرا گھاٹ کراں میلے، سچ نِشانے ہتّھ جھُلاؤن گے۔ بھیو رہے نہ گُروُ چیلے،

چیلا گُروُ اِکو روُپ وٹاؤن گے۔ سِری بھگوان دے سجّن سُہیلے، ہرجن سوہنے آپ اکھواؤن گے۔ جِنہاں وسنا دھام نویلے، اوہ نِرگُن اِشٹ اِک مناؤن گے۔ جوتی جوت سروُپ ہرِ، آپ اپنی کِرپا کر، ساچی کرنی کار کماؤن گے۔ چِٹے بستر مان دواوانگا۔ ہاڑ ستاراں سنگ نِبھاوانگا۔ سب دی آسا منسا پوُری کر کے منگ، ہنگ برہم بھیو کُھلاوانگا۔ چؤداں گھنٹے اِکٹّھا کر کے سَت سنگ، چؤداں لوکاں حُکم جناوانگا۔ بھگتاں نال پکّی پا کے گنڈھ، پلّوُ جگت نالوں چُھڈاوانگا۔ نام خُماری چاڑھ کے رنگ، انند انند وِچوں پرگٹاوانگا۔ ویکھیو گُرسِکھو کِسے توں چِٹے بستر نہ لِیاؤنے منگ، جِنہاں دے کول نہیں اوہناں دے اپنی ہتھیں بناوانگا۔ تُسیں پربھوُ دے لاڈلے چنّ، سب توں وکھرے جگت چمکاوانگا۔ تُہاڈا سوہلا ڈھولا سُن کے چھند، سنسے روگ سرب مِٹاوانگا۔ تُہاڈا لیکھا مُکا کے خانہ بند، بندی چھوڑ آپ ہو جاوانگا۔ جن بھگتو تُہانوُں کیہڑا کرنا پَینا جنگ، شبد کھنڈے نال سرب مِٹاوانگا۔ پربھ دے کول وکھرا انوکھا ڈھنگ، سو اپنا اِک پرگٹاوانگا۔ کِسے دے جُڑے رہنے نہیں خزانے کاروُگنج، شاہ سُلطاناں خالی ہتّھ پِھراوانگا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھاوانگا۔ چِٹے بستر کہن کی ساڈی وڈیائی، ہرِ کرتے دے جنائیا۔ پُرکھ اکال کِہا جِس ویلے ماچھوُواڑے گوبِند سیج وِچھائی، چِٹا رومال ہیٹھاں لیا ٹِکائیا۔ جِس ویلے کیِڑی روُپ ہو کے گُرمْکھ آیا چائیں چائیں، نِیوں کے بینتی اِک سُنائیا۔ سُن صاحب سُہیلے میرے ماہی، مُحبّت دے مالک نوُر خُدائیا۔ تُوں سب دے نالوں کر کے جُدائی، اِک اِکلّا پُرکھ منائیا۔ جِس دی مَینوُں تیرے اندر باہر دِسے رُشنائی، چِٹا نوُر رہیا چمکائیا۔ گوبِند کِہا ایہہ کھیل بےپرواہی، قُدرت دا کرتا آپ کرائیا۔ تَینوُں سچ دیاں سمجھائی، تُوں میری دینی گواہیِا۔ جِس ویلے کلجُگ انت سَتجُگ بنے سچّا راہی، دُھر دا پاندھی پھیرا پائیا۔ پُرکھ اکال نے بھگتاں دی کرنی اگوائی، اَگے ہو کے مارگ دینا جنائیا۔ لوک مات ساچی بنت دینی بنائی، وکھری دھار وہائیا۔ کلجُگ کوُڑی کِریا میٹ کے شاہی، بستر چِٹے سوہنے تن سجائیا۔ اوس ویلے مَیں آ کے چائیں چائیں، سچ سندیشہ دینا اِک الائیا۔ جِس دا بھیو جانے کوئی نہ شاستر سِمرت وید رائی، چارے کھانی چارے بانی پردہ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ چِیونٹی کِہا کی بستر چِٹا، گوبِند تَینوُں بھائیا۔ گوبِند کِہا میری سِکھی دا اَخیِری سِٹہ، پُرکھ اکال دئے پرگٹائیا۔ پِچھے بھگتاں نوُں مِلدا رہیا کِسے نوُں پتّھر وِچوں اِٹّاں، کِسے نوُں جلدھارا نظری آئیا۔ کِسے نوُں چتربُھج ہو کے مِلیا نِکاّ، کِسے نوُں تھم

چوں پرگٹ ہو کے درس دِکھائیا۔ کِسے دی راج دوارے جا کے پوُری کیِتی سِکا، کِسے دے پتراں اُتے لیکھ لِکھائیا۔ کِسے دے پِچھے ہٹّو ہٹّ وِکا، قیِمت نہ کوئے چُکائیا۔ کلجُگ انتم کھیل پُرکھ اکال کرے اکاّ، ایکنکار سچّا شہنشاہیِا۔ جن بھگت سُہیلا ساکھیات نظری آئے جوت سروُپی ہو پرتکھا، پرتکھ اپنی دَیا کمائیا۔ اِس دے وِچ فرق نہ رتا، رتی رت کھوج کھوجائیا۔ چِٹی دھار کہے میرا پریم پیار تن بستر سوہنا چِٹا، نِرگُن نوُر چند کرے رُشنائیا۔ پُرکھ اکال اوہناں دا نظری آوے ساچا پِتا، دوُجا اِشٹ نہ کوئے منائیا۔ لکّھ چؤراسی رس دِسے پھکا، امرت آتم اِکو منگ منگائیا۔ جن بھگتو سب نوُں پتہ بھگت دوارے تھلّے کاغذ ایک چِٹا، گوبِند رت نال رنگائیا۔ اوہناں وڈیائی جِنہاں اکّھاں ڈِٹھا، جِنہاں جگت جہان پِچھوں چِٹھا پڑھ پڑھ خوشی منائیا۔ جوتی جوت سروُپ ہرِ، آپ اپنی کِرپا کر، تارنہارا وڈّا نِکاّ، بُڈھا بال بِردھ نؤجوان اِکو رنگ وکھائیا۔ اَگے کدے نہ مَینوُں بےسگن ہون دی وجےّ چِھکاّ، چِھک دے اندر سِک اپنی لئے لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سُلطان سب دا اِکو نظری آئیا۔ چِٹا کہے مَیں چِٹی چادر، رَویداس دِتی وڈیائیا۔ مان دوا کے تیغبہادر، چاندنی چؤک کیِتی رُشنائیا۔ گُر گوبِند بنا کے بہادر، سوہنی سیجا دِتا سوائیا۔ حُکم منّ کے کریِم قادر، قُدرت ویکھی تھاؤں تھائنیا۔ جِس ویلے نانک نِرگُن دھار وڑیا وِچ ساگر، چِٹی چادر اوڈھن لیا بنائیا۔ اوس مار کے اِک آوازن، نِرگُن اگمّی شبد سُنائیا۔ جِس ویلے آوے غریِب نِوازن، کوجھیاں کملیاں لئے اُٹھائیا۔ سَت دھرم دا چلا ئے اِک جہازن، رہبر اِک بےپرواہیِا۔ چار ورن بنا کے سجّن ساکن، دُھر دا میل وکھائیا۔ جوتی جوت سروُپ ہرِ، آپ اپنی کِرپا کر، ساچا رنگ دے چڑھائیا۔ چِٹی چادر کہے میرا کپّڑا نِرگُن سیِتا، سوُئی دھاگا ونڈ نہ کوئے ونڈائیا۔ جِس ویلے پنجاں پیاریاں گوبِند امرت پیتا، اوس ویلے ہیٹھاں دِتا وِچھائیا۔ اوس ویلے کھنڈے دی دھار نال میرے اُتے پنج پا کے لیِکاں، سچ سندیشہ دِتا سُنائیا۔ کلجُگ انتم جِس ویلے آوے لاشریِکا، واحد اپنا پھیرا پائیا۔ سرِشٹ سبائی دا بدلے آن طریقہ، طرح طرح دِرڑائیا۔ جو بھگت سُہیلے انتر آتم کردے ہون اُڈیِکاں، اٹّھے پہر اکّھ کُھلائیا۔ تِنہاں دا اندر باہر تن من کرے ٹھانڈا سیِتا، اگنی تت نہ کوئے جلائیا۔ جِنہاں نوُں شاستر سِمرت وید پُران پڑھنی پئے نہ گیِتا، اِنجیِل قُرآن تیِس بتیِس کلمہ نہ کوئے وکھائیا۔ تِنہاں نوُں چِٹے بستر پا کے اپنے مِلن دا دسّ دیوے سچّا طریقہ، ترتیِب وار سمجھائیا۔ بھیو کُھلا کے ایِش جیِو جی کا، جگدیِشر جگت اگن دئے گوائیا۔ کوُڑی کِریا رس وکھا کے پھیِکا، امرت جام اِکو

مُکھ چوائیا۔ چِٹا بستر نہیں ایہہ پربھ دا رنگ مجیٹھا، جو جنم توں پہلاں مرن توں بعد اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ چِٹے بستر کہن جِس ویلے گُرمْکھاں لاؤنا انگ، اندروں ڈھولا دُھر دا گائیا۔ سانوُں بِنا للاری توں چڑھنا رنگ، رنگت اِکو نظری آئیا۔ سرِشٹی دی درِشٹی ہونی دنگ، بھیوَ ابھید کوئی سمجھ نہ سکے رائیا۔ جِس ویلے کایا مندر اندر دُئی دوَیت دی ڈھہِندی کندھ، دسم دواری جوت نِرنکاری چِٹی دھار نظری آئیا۔ جن بھگتو تُہانوُں پہلوں باہر پا کے ٹھنڈ، پِھر اندر دیواں انند، بِن سوُرج چند کرے رُشنائیا۔ اِکیاں اِکیاں دی پا کے گنڈھ، سوہنی وکھا دے گوبِند ونڈ، وربھنڈ اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل صاحب بخشند، بخشش وِچوں بخشیِش ہرجن ساچے بشرطیہ تیری جھولی پائیا۔

۲ چیت شہنشاہی سمت ۱ ہرِ بھگت دوار جیٹھوُوال

ستجُگ کہے سُن صاحب بےپرواہ، پاربرہم پہلی منگ منگائیا۔ سچکھنڈ نِواسی تیری اِک سرنا، چرن کوَل ملِے وڈیائیا۔ کلجُگ کوُڑی ریِتی دے بدلا، بدلہ چُکے تھاؤں تھائنیا۔ چار ورناں ساچا مارگ دے سمجھا، کھتری براہمن شوُدر وَیش کر پڑھائیا۔ جگت ریِتی اِک وکھا، نیتر لوچن اکّھ کُھلائیا۔ جِس دا تتّاں والا ہووے وِیاہ، انتر آتم پرماتم ناتا نال مِلائیا۔ تیرے نام دے کلمے نال ہووے نِکاح، مُلّا شیخ دی لوڑ رہے نہ رائیا۔ سچ پریم پیار دی ویدی دے گڈا، ہون اہوُتی اپنی وِچ ٹِکائیا۔ انتر من دی منسا دے بھوا، ساچا گیڑا آپ پِھرائیا۔ پُرکھ اکال دیِن دُنی دے مالک بن آپ گواہ، گرنتھی پنتھی نیڑ کوئے نہ آئیا۔ صاحب سجّن ہو سہا، پرتکھ اپنی اکّھ اُٹھائیا۔ اِک وار لیکھا دے لِکھا، پِھر لوڑ رہے نہ رائیا۔ جِس کارن بھگت دوارا لیا بنا، بھگتاں میل مِلائیا۔ جوتی جوت سروُپ ہرِ، آپ اپنی کِرپا کر، سچ مارگ دے وکھائیا۔ سَتجُگ کہے پربھوُ پربھ بدل دے ریِت، دُھر درگاہی حُکم سُنائیا۔ چار جُگ جِنہاں مندر گُردوار بنائی مسیِت، مسلے تیرے نام سُنائیا۔ اوہ اِکٹّھے ہو کے گاون تیرا گیِت، پَیغمبر پیِر گُروُ تیری سرنائیا۔ ساچی ریِت دسّ دے ٹھیِک، ٹھاکر اپنا پردہ لاہیِا۔ جوتی جوت سروُپ ہرِ، آپ اپنی کِرپا کر، دیِن دَیال ہو سہائیا۔ سَتجُگ کہے پربھ تیرے چرن کوَل سہارا، اوٹ اَور نہ کوئے رکھائیا۔ جگت منگنی کھیل نیارا، ساچا سگن سمجھ کوئے نہ پائیا۔ کِسے بھیوَ نہ کھولیا کِیوں مُکھ لگّا

چُھہارا، جگت وِچولا کوَن جنائیا۔ نانک اندرے اندر کر کے گیا پُکارا، شبد اگمّی آواز سُنائیا۔ پربھوُ مَیں دُکھی ہویا ویکھ تیرا سنسارا، تیری سار کِسے نہ آئیا۔ جوُٹھے جھوُٹھے کامی کرودھی پڑھدے چار لاواں اپنی وارا، پُرکھ ابناشی ہر گھٹ نِواسی کنت نہ کوئے مِلائیا۔ پت پرمیشور میرا تیرے اُتے دعویٰ، نال بینتی رہیا سُنائیا۔ مَیں ویکھ کے جگت سماجی راہاں، وِتھیا ساری رہیا سُنائیا۔ جوتی جوت سروُپ ہرِ، آپ اپنی کِرپا کر، ساچی کرنی دے سمجھائیا۔ سَتجُگ کہے پربھوُ تریتا دواپرکلجُگ جوڑدا آیا جوڑ، اِستری پُرکھ میل مِلائیا۔ لکّھ چؤراسی وِچوں اٹھاراں چڑھے توڑ، باقی مانَس جوُنی وِچ بھوائیا۔ جگت کرنی سکیا کوئی نہ موڑ، پردہ دُئی نہ کوئے اُٹھائیا۔ انت اَخیِری تیری پےَ گئی لوڑ، گُر اوتار پیِر پَیغمبر رہے سُنائیا۔ ساچی ریِتی بِن مندر مسیِتی چلا دے ہور، ہرِ جوُ اپنا حُکم ورتائیا۔ جھگڑا چُک جاوے مور تور، تیرا میرا اِکو روُپ سمائیا۔ تیرے ہتّھ سنجوگ وِجوگ، نِرگُن سرگُن اپنا کھیل جنائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ سَتجُگ کہے مَیں منگاں منگ دِن دِہاڑ، صاحب تیری اِک سرنائیا۔ جن بھگتاں ویکھ سوہنا دربار، درگاہ ساچی نظری آئیا۔ سچ سندیشہ سُننا دو جہان، دیوت سُر دھیان لگائیا۔ کِرپا کرے سِری بھگوان، پت پرمیشور دَیا کمائیا۔ کلجُگ بدل کے پِچھلا وِدھان، سَتجُگ سوادھان سَت دِتا کرائیا۔ سرب سرِشٹ دا اِک گیان، ایکا منتر دیاں جنائیا۔ پریم پریِتی دا سچ سروور کرا اِشنان، دُرمت مَیل دھوائیا۔ جِس گُرمْکھ کنیاں کرنی ہووے دان، وار تھِت وڈّی دیاں وڈیائیا۔ جِس پُتر دا ودھاؤنا ہووے مان، لوک پرلوک خوشی جنائیا۔ سو پروشٹیاں وِچوں دِوس اٹھاراں ہاڑ چتُر سُجان، ہرِ سنگت اِکو روُپ نظری آئیا۔ دوُجا ہور اِک وکھیان، سَتجُگ ساچا اندرے اندر منگ منگائیا۔ کِرپا کر ہرِ مِہروان، پت پرمیشور تیری آس تکائیا۔ بھگت سُہیلے کر پروان، در ٹھانڈے سوبھا پائیا۔ اٹھائی پوہ چتُر سُجان، جگت ناتے دے جُڑائیا۔ جوتی جوت سروُپ ہرِ، آپ اپنی کِرپا کر، سَت سَتوادی ہو سہائیا۔ سَتجُگ کہے میرے بھگوانا، پرم پُرکھ تیری اوٹ رکھائیا۔ جو گُرمْکھ تیرے نام دا بنّھے گانا، مؤلی تند لوڑ رہے نہ رائیا۔ جو سَتگُر چرن دھوُڑ کرے اِشنانا، متھے ٹِکاّ اِک لگائیا۔ سو چتُر سُگھڑ ہوئے سُجانا، موُرکھ مُگدھ اپنے لیکھے لائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ سَتجُگ کہے مَیں منگاں ہور دات، جھولی خالی اَگے ڈاہیِا۔ پاربرہم تیرے در دربار جن بھگتاں دی پریم پریِتی والی ہوئے برات، دوُجا نظر کوئے نہ آئیا۔ تیرے نام دی سب دے کول

ہووے سوغات، وست انمُلی دے ورتائیا۔ آتم پرماتم کھول کے تاک، نِرگُن سرگُن دینا سمجھائیا۔ جِنہاں گُرمْکھاں تن ماٹی روُح بُت کرنا پاک، مانَس جنم لیکھا لیکھے وِچ پائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ سَتجُگ کہے میری ہور اِک آسا، سِری بھگوان دیاں جنائیا۔ جِنہاں دا تیرے چرن نہ ہووے بھرواسا، اوہناں دی لوڑ مَینوُں رہے نہ رائیا۔ اوہ کوُڑی کِریا ویکھن آ کے جگت تماشا، مانَس ہو کے ہرِ جوُ تیرا دھیان نہ کوئے لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتجُگ کہے پربھوُ سندیشہ دے دے پُرکھ نار، بُڈھے بالے نڈھے دے جنائیا۔ سَتگُر پریِتی سچ شِنگار، جوبن سوہنا دے چڑھائیا۔ نیتر لوچن درس دیِدار، دھوُڑی ٹِکاّ مستک لائیا۔ آتم پرماتم کر دیِدار، گھر اپنے خوشی وکھائیا۔ پھیر بن کے نار بھتار، جگت جیِون لَینا بنائیا۔ جِنہاں دا وِچولا بنے آپ نِرنکار، ایتھے اوتھے نہ ہوئے جُدائیا۔ جو پکّیِاں ٹِکیِاں پِچھے رہے جھکھ مار، اوہناں دیواں سخت سزائیا۔ مانَس جنم دا ایہہ وِہار، پریم پریِتی اِک جنائیا۔ ایہہ منزل نہیں کوئی دُشوار، من نال من لَینا جُڑائیا۔ جگت دُپٹے گنڈھاں دے دے گئے جُگ چار، کنّی کنّی نال بندھائیا۔ ویاہ کرن کرؤن والے روندے ویکھے وِچ سنسار، بِن سَتگُر پار نہ کوئے لنگھائیا۔ دعوے نال جن بھگتاں کر کے پیار، پریم پریِتی وِچ بندھائیا۔ ایتھے نہیں اَگے دا دِتا سہار، سچکھنڈ نِواسی سچکھنڈ دوار جن بھگتاں رنگ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ سَتجُگ کہے پربھ میری ہور دلیِل، اَگے توں اگلی دیاں جنائیا۔ دھرم دوارے اِک اپیِل، بینتی سچ سُنائیا۔ چور یار ٹھگ گُرمْکھاں وِچ بنے نہ کوئی وکیِل، گولا وِچولا لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، میری آسا پوُر دینی کرائیا۔ سِری بھگوان کہے سُن سَتجُگ بچّے، بچپن تیرا دیاں بنائیا۔ بھگت سُہیلے بنا کے سچّے، ساچی ریِتی دیاں چلائیا۔ جو انتر آتم من واسنا کچّے، دوُر دُراڈا دھکاّ دیاں لگائیا۔ جو پرم پُرکھ دے مِتر پیارے بن گئے سکے، تیرا ناتا دیاں مِلائیا۔ ہرِ کا بھگت کوُڑی مایا کدے نہ تکے، واسنا جگت نہ کوئے رکھائیا۔ اوہ اِکو پریم پیار ساچا لبھے، کھوج کھوجائے چائیں چائنیا۔ جِتھے گُرمْکھ گُرسِکھ پریم پیار دی جوڑی پھبے، اوتھے دیوت سُر مُن جن گن گندھرب اپنا راگ الائیا۔ گُر اوتار پیِر پَیغمبر خوشیاں نال ہسّے، سَت سچ وجےّ ودھائیا۔ سولاں سالاں تانئی ہؤلی ہؤلی مِٹ جانے سارے رٹےّ، جھگڑا رہن کوئے نہ پائیا۔ جو پوُجنہارے پتّھر وٹےّ، اِٹّاں اُتے متھے رہے گھسائیا۔ جِنہاں نے لوٹے سانبھ کے رکھے، وضوُاں نال کرن

صفائیا۔ تِنہاں دا کھیل پُرکھ ابناشی رکھے اپنے ہتّھے، حد پِچھلی دئے مُکائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ سَتجُگ کہے پربھ میری اِک ارداس، بینتی دیاں جنائیا۔ جو گُرمْکھ گُرسِکھ آون سچ دوارے چرن کوَل تیرے پاس، دوُر دُراڈا پندھ مُکائیا۔ اوہناں دے مُکھ تے کوُڑی رہے نہ کوئی نقاب، پردہ نظر کوئے نہ آئیا۔ پہلوں تیرا درشن کرن ساکھیات، نیتر چرناں اُتے ٹِکائیا۔ جوتی جوت سروُپ ہرِ، آپ اپنی کِرپا کر، میرا لیکھا دے وکھائیا۔ سَتجُگ کہے پربھوُ مَیں پہلا حال دسّاں دِل دا، دِلدار دیاں جنائیا۔ جِس ویلے پہلی چیت تیرا سِنگھاسن ویکھیا ہِلدا، برہمنڈ کھنڈ کمبےتھاؤں تھائنیا۔ اوس ویلے سچکھنڈ دوارے گوبِند تیرا لیکھا پریم وِچ لِکھدا، لوک مات رَویداس چمیارا ناتا جوڑے قلم شاہیا۔ بےشک تُوں جگت نیتر نہیں کِسے نوُں دِسدا، جوت سروُپی جوتی جوت سمائیا۔ ایہہ لہنا دینا کِسے بھگت نہیں اِک دا، اِک توں انیک کر کے لیا ترائیا۔ ایہو پراپُکار پُرکھ اکال پِت دا، پرمیشور ہو کے ہویا سہائیا۔ سَتجُگ اَگے بھگتاں دا جھگڑا مِٹ گیا نِت دا، دوُجے گھر ہووے نہ کوئے کُڑمائیا۔ جے کوئی گُرمْکھ غریِب نِمانا ہووے مَیں اوہدے کول بِن قیِمت وِکدا، دھن دؤلت کمّ کِسے نہ آئیا۔ ایہہ کھیل پربھوُ دے ہِت دا، پریم پریِتی جوڑ جُڑائیا۔ ویکھو نظارہ انتر نِج دا، جو ہر گھٹ رہیا چُھپائیا۔ جوتی جوت سروُپ ہرِ، آپ اپنی کِرپا کر، دیون آیا سچ ودھائیا۔ سَتجُگ کہے واہ میرے بھگوان، تیری بےپرواہیِا۔ جِن بھگتاں دِتا دان، انمُلڑی دؤلت جھولی پائیا۔ بھگت سُہیلے کر پروان، پروانے دُھر دے رہیا پھڑائیا۔ پوُرب جنماں مار دھیان، کرماں لیکھا دِتا مِٹائیا۔ سانجھا دے کے سرب گیان، شبدی شبد کراں پڑھائیا۔ سَتجُگ ساچا بنا وِدھان، وادھا اپنے نال رکھائیا۔ ساچا میل میل کے وِچ جہان، مِلنی جگدیِش دِتی کرائیا۔ جِس گھر بھگت وسے اوسے گھر وسے بھگوان، محل اٹل اِکو نظری آئیا۔ گُرسِکھاں دیِاں کنیاں پِچھے، مہاراج شیرسِنگھ وِشنوُں بھگوان، اپنا پریم پیار جھولی پا دیوے دان، اِشٹ درِشٹ اپنے نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا مارگ مرد مردانہ ہو کے دئے چلائیا۔ سَتجُگ کہے پربھ کِس بِدھ ہِندوُ مُسلم سِکھ منّن گے عیسائی، پارسی بودھی جَینی تیرا دھیان لگائیا۔ چار کُنٹ کوَن دیوے سمجھائی، دیِن مذہب ڈیرہ ڈھائیا۔ آتم وِدیا کوَن کرے پڑھائی، جگت وِدیا ہوئی ہلکائیا۔ پُرکھ اکال کِہا مَیں سب دا پِتا مائی، شبد اِشارے نال سب دی منسا دیاں گوائیا۔ جوتی جوت سروُپ ہرِ، آپ اپنی کِرپا کر، جِس فُرنے نال سرِشٹ اُپائی، اوسے فُرنے نال سرِشٹی دیاں بھوائیا۔ گُر اوتار پیِر پَیغمبر

پاندھی بن کے آئے راہی، جُگ چؤکڑی پھیرا پائیا۔ اِکو منّ کے گئے گوسائیں، گہر گمبھیِر اِکو نظری آئیا۔ جگت ریِتی واسطے نانک ارجن نہیں لاو لِکھائی، آتم پرماتم پِچھے یتھارتھ، گئے لِکھائیا۔ مہاراج شیرسِنگھ وِشنوُں بھگوان جن بھگتاں دیون آیا ودھائی، ودی سُدی دی لوڑ رہی نہ رائیا۔ ودی سُدی نہ کوئی دِن وار، نِکّھتر نچھتر گھڑی پل نہ ونڈ ونڈائیا۔ جگت گرِہ کیتے خَوار، منگل چھنچر نہ کوئے دُہائیا۔ جِس پوہ نوُں سارے کہندے چنگا نہیں وِہار، اوسے دا وِہار سب توں اچھا دِتا بنائیا۔ جِس دی ریِتی چلدی رہے جُگ چار، جوڑیاں دے جوڑے جُڑدے رہن سنسار، ایسے کارن اٹھائی پوہ دِتا لِکھائیا۔ مہاراج شیرسِنگھ وِشنوُں بھگوان، کِرپا کرے آپ نِرنکار، نِرگُن سرگُن اپنا حُکم سُنائیا۔

۲ چیت شہنشاہی سمت ۱ ہرنام سِنگھ دے گرِہ گُمان پُرا ضِلع امرتسر

سچکھنڈ کہے میرے گرِہ پرکاش، سَت جوت جوت رُشنائیا۔ کِرپا کر پُرکھ ابناش، ابناشی اپنی کھیل وکھائیا۔ سچ تخت کر نِواس، آسن سِنگھاسن سوبھا پائیا۔ آد جُگادی ویکھ کھیل تماش، دو جہاناں بھیو مِٹائیا۔ گُر اوتار پیِر پَیغمبر ویکھ پاس، چرن دوار رہیا سُہائیا۔ جن بھگتاں میلا نِرگُن سرگُن خاص، نِت نوِت جوڑ جُڑائیا۔ بھوُت بھوِکھت جِس نوُں یاد، ابُھل بُھل کدے نہ جائیا۔ کھوجنہارا برہم برہماد، برہمانڈ ویکھ وکھائیا۔ سُناونہارا سچ ناد، انادی اپنا راگ الائیا۔ ہر گھٹ ہوونہار وِسماد، بِسمِل اپنا آپ جنائیا۔ لکّھ چؤراسی سُننہار فریاد، گھٹ گھٹ واسی ویکھ وکھائیا۔ نام سندیشہ دیونہارا بودھ اگادھ، نِراکھّر کرنہار پڑھائیا۔ سَت دوار دا بھوگنہارا راج، رعیت وِشن برہما شِو رہیا وکھائیا۔ جُگ چؤکڑی حِصّہ دیونہارا بھاگ، نِروَیر نِراکار ونڈ ونڈائیا۔ ویکھنہارا سنت سادھ، گُرمْکھ منمُکھ پردہ لاہیِا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ سچکھنڈ دوار کہے میرا ٹھاکر سوامی، نِروَیر نِرنکار دَیا کمائیا۔ الکھ اگوچر اگمّ اتھاہ انترجامی، آتم پرماتم ویکھ وکھائیا۔ جُگ چؤکڑی صِفت اگمّی سُناونہارا دُھر دی بانی، گُروُ اوتار پیِر پَیغمبر سیو لگائیا۔ رچنا رچنہارا چارے کھانی، انڈج جیرج اُتبُھج سیتج اپنی بنت بنائیا۔ لوک پرلوک دیونہارا دات بن کے دانی، دَیاوان سچّا شہنشاہیِا۔ شاہ پاتشاہ محبوُب مُحبّتاں دا بانی، صحیح سلامت اِک اکھوائیا۔ جوتی جوت سروُپ ہرِ، آپ اپنی کِرپا کر، دُھر دی دھار اپنے وِچ چُھپائیا۔ سچکھنڈ کہے مَیں ہویا خوشحال، گہر گمبھیِر دِتی وڈیائیا۔ سچ دوار سُہا کے

سچّی دھرم سال، گرِہ مندر کری رُشنائیا۔ لیکھا جان دو جہان، مِحبان بیِدواپنا کرم کمائیا۔ شبد سُت ابناشی اچُت اُٹھا اپنا لال، لال گُلالا دُھر دا رنگ چڑھائیا۔ پوُرب جنم پوُرب لہن پوُرب لیکھا پوُرا کر سوال، لہنیدار لہنا سرب چُکائیا۔ چرن کوَل سدّ گُروُ اوتار، پَیغمبراں لیا ٹِکائیا۔ سجدہ دسّ کے اِکو نِمسکار، ڈنڈاوت بندنا دِتی دِرڑائیا۔ جو حُکم ورتدے رہے سدا جُگ چار، سَتجُگ تریتا دواپرکلجُگ سیو کمائیا۔ تِس دا لہنا مُکا اِکو وار، ایکنکار رہیا سمجھائیا۔ بِن رسنا جِہوا بتّی دند بولو اِک جَیکار، نعرہ دُھر دا آپ سُنائیا۔ جِس دی ریِتی نیِتی چلے وِچ سنسار، دیِن دُنی خالق خلق دئے پڑھائیا۔ سب دی مُشکل ہووے آسان، حَیوان اِنسان روُپ وٹائیا۔ شہادت والا لیکھا رہے نہ کوئے بیان، سنمُکھ ہو کے رہیا سمجھائیا۔ بالی بُدِھ نہ کوئے اَنجان، جوبن ونتا اکّھ کُھلائیا۔ نیتر تکّو سرب جیِاں دا لکّھ چؤراسی سخیاں اِکو کاہن، پاربرہم پت پرمیشور نظری آئیا۔ شاہو بھوُپ نِرگُن ویکھو راج راجان، تخت نِواسی سوبھا پائیا۔ جوتی جوت سروُپ ہرِ، آپ اپنی کِرپا کر، پردہ اوہلا رہیا اُٹھائیا۔ سچکھنڈ کہے مَیں ویکھاں مار دھیان جگت، لوک مات اکّھ کُھلائیا۔ صدی صدیوی نظری آئے اوہ وقت، جو گُر اوتار پیِر پَیغمبر بھوِکھتاں وِچ جنائیا۔ مان وڈیائی رہی نہ کِسے شخص، شخصیّت بَیٹھی مُکھ بھوائیا۔ چار کُنٹ دہ دِشا کام کرودھ لوبھ موہ ہنکار ودھی حِرس، ہَوس سکے نہ کوئے مِٹائیا۔ کوجھیاں کملیاں غریِب نِمانیاں اُتے کرے کوئی نہ ترس، جابر جبر کوُڑی کِریا زور رہے وکھائیا۔ بِن شبد گُر نظر نہ آئے کوئی نِدھڑک، سادھ سنت جیِو جنت بھےَ بھیِت سرب لوکائیا۔ دیِن مذہب ذات پات اوُچ نیِچ راؤ رنک کلمیاں ناماں وِچ جو رہیا فرق، مانُکھ مانَس ونڈ ونڈائیا۔ ایہو کھیل سدا اسچرج، اچرج سمجھ کوئے نہ پائیا۔ ویکھنہارا پُرکھ اکال سوُربیِر مردانہ مرد، مدداں دا مالک اِکو اِک نظری آئیا۔ سچ سُہاونا لوک مات پُرکھ اکال دا چڑھیا برس، برسی پِچھلی نہ کوئے منائیا۔ جن بھگتاں ونڈے درد، دیِناں ہوئے سہائیا۔ سچکھنڈ دوارے گُر اوتاراں پیِر پَیغمبراں بینتی منّے عرض، ارداس اپنی جھولی پائیا۔ اَگے پوُرا کرے فرض، فَیصلہ حق حق سُنائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ سچکھنڈ کہے میرا وڈّا بھاگ، پُرکھ اکال دِتی وڈیائیا۔ گرِہ مندر دِیپک جوتی جگیا چراغ، اندھ اندھیرا رہیا نہ رائیا۔ جِس لکّھ چؤراسی ساجن لیا ساج، تت ماٹی گھاڑت لیا گھڑائیا۔ جِس نے دیِن مذہب بنایا سماج، شرع شریعت ونڈ ونڈائیا۔ جِن نِرگُن سرگُن چلایا جہاز، نئیا نؤکا نام کھیوٹ کھیٹا اپنا آپ پرگٹائیا۔ سو صاحب سوامی انترجامی

گھٹ بھیِتر کھولن آیا راز، رازق رِزق رحیِم رحمت آپ کمائیا۔ لکّھ چؤراسی وِچوں جن بھگتاں دیون آیا شاباش، سَت سَتوادی پُشت پناہ اپنا ہتّھ ٹِکائیا۔ محل اٹل اُچ مینار درگاہ ساچی دھام اوَلّڑے کرنہار نِواس، سَت بھوُمُکا سوہنی سچ سُہائیا۔ نوَ نؤ چار پِچھوں ویکھن آیا آپ تماش، جوتی جاتا ویس وٹائیا۔ منڈل منڈپ برہمنڈ کھنڈ نِرگُن سرگُن پیَندی ویکھے راس، گوپی کاہن سُرتی شبد تن مندر اندر ناچ وکھائیا۔ کوُڑی کِریا کلجُگ انتم پار کنارہ ویکھن آیا گھاٹ، تٹ تیِرتھ کھوج کھوجائیا۔ سَت دھرم نِرنتر برہم نِگم دسّن آیا رِواج، چشم دیِد چانن رہیا کرائیا۔ دو جہاناں سَت دھرم دا کرکے اِکو راج، لاجواب سارے رہیا وکھائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، مہاراج شیرسِنگھ وِشنوُں بھگوان، نؤجوان نوَ کرتا وڈ وڈیائیا۔