۵ چیت شہنشاہی سمت ۱ چیلا سِنگھ دے گرِہ جموں شہر وزارت روڈ
پنج چیت کہے پربھ کِرپا کیِتی آپ، پُرکھ اکال دِتی وڈیائیا۔ سچکھنڈ نِواسی پُرکھ ابناش، نِرمل جوت کر پرکاش، دو جہان کرے رُشنائیا۔ آتم پرماتم سچ سُنیہڑا دسّن آیا جاپ، نِرگُن سرگُن کرے سچ پڑھائیا۔ بھگت بھگَونت دیون آیا ساتھ، دُھر دا سنگی بن کے سنگ نِبھائیا۔ نِروَیر پُرکھ نِرنکار ہو کے درشن دین آیا ساکھیات، سوَچھ سروُپی اپنا روُپ دھرائیا۔ چرن پریِت بندھاون آیا نات، سنت سُہیلے جوڑ جُڑائیا۔ محبوُب مُحبّت وِچ دسّن آیا گاتھ، لاشریِک شرکت سرب مِٹائیا۔ بھیوَ ابھیدا کھولن آیا شاہ نواب، وڈ راجن راج بھوُپت بھوُپ بےپرواہیِا۔ کلجُگ پَیج سوارن آیا کاج، کرنی کرتا آپ کمائیا۔ سَت دھرم چلاون آیا جہاز، کوُڑی کِریا پندھ مُکائیا۔ شاہ پاتشاہ دو جہاناں برہمنڈاں کھنڈاں کرن آیا راج، رعیت ویکھے چائیں چائنیا۔ کھتری براہمن شوُدر وَیش بناون آیا اِک ذات، ذات پات اوُچ نیِچ پندھ مُکائیا۔ سنسار ساگر پار کرن آیا گھاٹ، پتن اِکو اِک درسائیا۔ کام کرودھ لوبھ موہ ہنکار آسا ترِشنا کلجُگ کوُڑی کِریا میٹن آیا رات، سَت سَتوادی برہم برہمادی شبد انادی چند چمکائیا۔ گوبِند پوُرا کرن آیا بھوِکھت واک، بیِس اِکیِسا ہرِ جگدیِشا پِچھلا پندھ مُکائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنج چیت کہے مَیں چڑھیا سُبھاگا، پُرکھ اکال دِتی وڈیائیا۔ انتر انتر اُپجایا اِک راگا، اگمّی ناد دِتا سُنائیا۔ رس انوکھا دِتا پریم پریِتی سوادا، رسنا جِہوا سمجھ کوئے نہ پائیا۔ نِرگُن نِروَیر نِرنکار بھیوَ ابھیدا کھول کے دسّیا ساتھا، سگلا سنگی اِک جنائیا۔ اِکو سِمرن اِکو پوُجا اِکو پاٹھا، اِشٹ دیو اِک منائیا۔ شاستر سِمرت وید پُران جِس دیِاں شاخاں، اکھّر وکھّر نِت نوِت اپنی کھیل کھِلائیا۔ سو صاحب سوامی انترجامی ہر گھٹ واسی پُرکھ ابناشا، جگت تماشا اِکو رہیا وکھائیا۔ گُر اوتار پیِر پَیغمبر سنت سُہیلے جو لِکھ کے گئے بھوِکھت واکا، ناتا جوڑ قلم شاہیِا۔ جِس دی آد جُگاد جُگ چؤکڑی دِوس رَین گاؤندے گاتھا، رسنا جِہوا بتّی دند سوہلے ڈھولے گائیا۔ سو ویکھنہارا جیرج انڈج اُتبُھج سیتج جگت تماشا، ایش جیِو
جگدیِش جگدیِشور اپنی کار کمائیا۔ بھگتاں میِتا ٹھانڈا سیِتا جُگ جنم دا پوُرا کرن آیا گھاٹا، بھیوَ ابھیدا اچھل اچھیدا پڑدا اوہلا آپ اُٹھائیا۔ آتم پرماتم میل مِلاون آیا سیج سُہّنجنی کھاٹا، دیِا باتی کملاپاتی اِکو نوُر کر رُشنائیا۔ نام نِدھان سِری بھگوان سرِشٹی درِشٹی دیون آیا سچ سوغاتا، وست امولک کایا گولک جھولی پائیا۔ لکّھ چؤراسی جیِو جنت دسن آیا اِکو پِتا اِکو ماتا، دوُجی جننی نظر کوئے نہ آئیا۔ سچ سندیش سُناون آیا پرِتھمی آکاشا، گگن منڈل اِکو راگ الائیا۔ وِشن برہما شِو کروڑ تیتیِسا سُرپت اِند دیون آیا داتا، گہر گمبھیِر بےنظیِر لاشریِک سچ تؤفیِق اپنا پھیرا پائیا۔ گھٹ گھٹ اندر کرنہارا واسا، جوتی جوت جوت پرکاشا، لیکھا جان پَون سواسا، منڈل راسا اپنی آپ وکھائیا۔ بھیو کُھلائے بودھ اگادھا، جوتی جوت سروُپ ہرِ، آپ اپنی کِرپا کر، دیونہارا ساچا ور، شاہ پاتشاہ سچّا شہنشاہیِا۔ پنج چیت کہے امرت ویلے مَینوُں مِلیا امرت رس، پربھ دِتی مان وڈیائیا۔ سچ سُنیہڑا دِتا ہس ہس، سَت سَتوادی آپ سُنائیا۔ بھگت سُہیلیاں جا کے دسّ، گُرمْکھاں دے دِرڑائیا۔ جِس نوُں جُگ چؤکڑی سارے رہے لبھ، گُر اوتار پیِر پَیغمبر نیتر لوچن نیَن اکّھ کُھلائیا۔ جِس دی سَتجُگ تریتا دواپرکلجُگ کِسے آر پار لبھی نہ حد، بےانت بےانت بےانت کہہ کہہ سارے شُکر منائیا۔ جو آد جُگاد سچکھنڈ نِواسی پُرکھ ابناشی مقامے حق، بَیٹھا سوبھا پائیا۔ گہر گمبھیِر بےنظیِر لاتصویِر یک، تصّور اپنا آپ رہیا کرائیا۔ جِس دا شاستر سِمرت وید پُران گیِتا گیان اِنجیِل قُرآن گاؤندے جس، کاتب لِکھ لِکھ شاہی گئے تھک، صِفتاں نال صِفت نہ کوئے صلاحیِا۔ جِس دے مکّے کعبےحضرتاں والا کردے رہے حج، پیِراں دا پیِر پَیغمبراں دا پَیغمبر واحد اِکو جلوہ نوُر کرے رُشنائیا۔ جو ویکھنہارا حقیِقت حق، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پنج چیت کہے مَیں سُنیا سندیشہ، پُرکھ ابناشی دِتا جنائیا۔ دُھر فرمانا اِک نریشا، نر نرائن رہیا دِرڑائیا۔ سَتجُگ ساچے تیرا لہنا لوک مات ساچے دیسا، دیس دسنتر تیری ونڈ ونڈائیا۔ کوُڑی کِریا کلجُگ مکُے ٹھیکا، ٹھاکر سوامی اپنا حُکم ورتائیا۔ گُر اوتار پیِر پَیغمبر چُکا کے اپنا لیکھا، بیِس اِکیس بَیٹھے پندھ مُکائیا۔ نِیوں نِیوں سجدے کرن نمو نمو ڈنڈاوت اِک ادیشا، سیِس سکے نہ کوئے اُٹھائیا۔ جھُکدے ویکھے وِشن برہما شِو گنیشا، دھوُڑی ٹِکاّ خاک رہے رمائیا۔ جوتی جوت سروُپ ہرِ، آپ اپنی کِرپا کر، سچ سُنیہڑا دِتا جنائیا۔ سچ سُنیہڑا دِتا بھگَونت، پنچم پنچ رہیا جنائیا۔ پُرکھ ابناشی لکّھ چؤراسی جیِو جنت سادھ سنت منّنا اِکو کنت، دوُجا سائیں نظر کوئے نہ آئیا۔ جِس دی مؤلی نؤ سؤ
چُرانوے چؤکڑی جُگ پِچھوں رُت بسنت، پتّ ٹہنی آپ مہکائیا۔ جن بھگتاں گڑھ توڑ کے ہؤمے ہنگت، ہنگ برہم رہیا سمجھائیا۔ جو بیِس اِکیِسا تک بن گئی ساچی سنگت، تِنہاں توں اَگے لیکھا منگے کوئے نہ رائیا۔ ایہناں توں وڈّا بودھ اگادھا بنے کوئی نہ پنڈت، وِدواناں وِدیا کم کِسے نہ آئیا۔ اُتم سریشٹ گُرمْکھ گُرسِکھ سُہیلا سنت، ہرِ سجّن دئے وڈیائیا۔ جِس دی آد جُگاد جُگ چؤکڑی مہما اگنت، کتھنی کتھ نہ سکے رائیا۔ سو صاحب سوامی انترجامی آپ بنائے بنت، گھڑن بھنّنہار دیوے آپ وڈیائیا۔ انتم جوت مِلاوا کرے پربھوُ بھگَونت، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کہے مَیں ویکھیا محبوُب، مُحبّت اپنی سچ کمائیندا۔ اعلیٰ ادنیٰ جِس دے وسے سچ عروُج، عرشی فرشی کھوج کھوجائیندا۔ جِس دی منزل اِک مقصوُد، جگت نیتر کوئے نہ پائیندا۔ جِس دی سمجھ نہ آئی کِسے حدوُد، آر پار نہ ویکھ وکھائیندا۔ سو صاحب سوامی پُرکھ بِدھاتا کل کلکی نِرگُن جوت سدا مؤجوُد، مجلس بھگتاں وِچ رکھائیندا۔ کوُڑی کِریا کلجُگ انتم کر کے رہنا مؤقوُف، مُکمل اپنا حُکم اِک ورتائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سُنیہڑا دو جہاناں آپ درڑائیندا۔ سچ سُنیہڑا دیوے بھگوان، ابناشی کرتا آپ جنائیا۔ برہمنڈ کھنڈ نیتر کھول کرائے دھیان، آلس نِندرا سرب گوائیا۔ نؤ کھنڈ پرِتھمی ستّ دیِپ دیونہارا اِک گیان، اِکو اکھّر دئے جنائیا۔ چار کُنٹ دہ دِشا ایکا حُکم اِک فرمان، ویکھنہارا اِکو نظری آئیا۔ ایکا مندر اِک مکان، گرِہ اِکو اِک سُہائیا۔ اِکو امرت رس لکّھ چؤراسی جیِو جنت پیِن کھان، پِھکا رس نہ کوئے جنائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پنج چیت کہے مَیں ویکھیا پنجاں دا مالک، پاربرہم پربھ نظری آئیا۔ جو لکّھ چؤراسی سرگُن دھار نِرگُن بنے ثالث، نِروَیر اپنی عدالت اِک وکھائیا۔ سنت سُہیلے گُرمْکھ ویکھے بالک، ننھے بچّے اپنی گود اُٹھائیا۔ جنم کرم دی کوُڑی مستک لاہ کے کالکھ، سچ جوت پرکاش دئے کرائیا۔ نام نِدھان اِکو دسےّ عبادت، بندنا اِکو اِک سمجھائیا۔ چرن پریِتی دسّ سخاوت، وست امولک جھولی پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی بےپرواہیِا۔ پنج چیت کہے سُنو گُرمْکھ، بِن مُکھ دیاں جنائیا۔ جِس لَینا سَتجُگ سُکھ، سُکھ ساگر دیاں وکھائیا۔ جِس سفل کراؤنی جننی کُکھ، لکّھ چؤراسی گیڑ کٹائیا۔ جِس انتر آتم پرماتم ویکھنا مُکھ، جوت سروُپی درشن پائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پنج چیت کہے سُنو جن سجّن، لوک مات دیاں جنائیا۔ جِس
پربھ چرن دھوُڑی کرنا مجن، دُرمت مَیل دھوائیا۔ اوہ سوہنگ ڈھولا گاوے بھجن، بندگی اِکو اِک دِرڑائیا۔ ایہو نیتر نام پائے انجن، اکّھ پرتکھ نظر آئے گوسائنیں۔ کایا ماٹی کرے کنچن، سوہنا روُپ وٹائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ پنج چیت کہے جِس جنم جنم دی میٹنی حرص، کرم کرم دے روگ گوائیا۔ جِس انتر آتم پاؤنا درس، نِج نیتر کر رُشنائیا۔ من واسنا موُل نہ جائے بھٹک، اگنی تت بُجھائیا۔ لیکھے لائے بوُند رَکت، کِرپا نِدھان ہوئے سہائیا۔ نؤ سؤ چُرانوے چؤکڑی جُگ پِچھوں پنج چیت کہے مَیں بھگتاں نال لاؤن آیا شرط، شرطیہ دُھر دا حُکم سُنائیا۔ جو سچکھنڈ نِواسی جوت سروُپ ہو کے آیا پرت، پت پرمیشور ہو کے اپنا ویس وٹائیا۔ جو لیکھا جانے عرش فرش، زِمیں اسمان کھوج کھوجائیا۔ پوُرب لہنا سب دا دیوے قرض، حِساب بےباق رہیا کرائیا۔ اوس دا کھیل اگمّی اسچرج، بُدھی سمجھ کوئے نہ پائیا۔ سوُربیِر مردانہ مرد، شبدی روُپ اپنا لیا بدلائیا۔ غریِب نِمانیاں ونڈن آیا درد، دُکھیاں دُکھ مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمْکھ لئے مِلائیا۔ پنج چیت کہے گُرمْکھاں مِلاپ کرے آپ، اپنی دَیا کمائیا۔ ایہہ کھیل ویکھیو ساکھیات، گُجھا کوئے نہ رہے رائیا۔ اگلا کھیل ہور تماش، نٹوُآ ہو کے سوانگ ورتائیا۔ گُرسِکھاں گرِہ گرِہ پوُری کر کے آس، ترِشنا دئے بُجھائیا۔ جِس ویلے دیوے درس نال جوت کرے پرکاش، نوُر وِچوں نوُر دئے جوت چمکائیا۔ کِرپا کر کے انحد دی سُنائے آواز، انراگی راگ جنائیا۔ جوتی جوت سروُپ ہرِ، آپ اپنی کِرپا کر، دُھر دی وست جھولی پائیا۔ پنج چیت کہے مَیں کراں کی بیان، صِفت وِچ نہ کوئی صلاحیِا۔ بھگتاں مِلن آیا بھگوان، پُرکھ ابناشی ویس وٹائیا۔ لیکھا جان کے دو جہان، نِرگُن سرگُن کھیل کرائیا۔ اوہناں دی کیِتی پہچان، جو جُگ وِچھڑے وِچھڑیاں اپنا جوڑ جُڑائیا۔ سَت سچ آتم پرماتم دے گیان، ہؤمے ہنگتا روگ مِٹائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ مِہر نظر کہے مَیں کی دسّاں حال، سمجھ کُچھ نہ آئیا۔ چار کُنٹ دہ دِشا سرِشٹی سِر تے کوُکے کال، نگارہ اپنا رہیا وجائیا۔ سادھ سنت ہوئے بےحال، دھیِرج سَت نہ کوئی رکھائیا۔ پُرکھ ابناشی سَتجُگ چھوٹا اُٹھا دِتا بال، حُکم اپنا اِک پرگٹائیا۔ لوک مات جا کے اپنی سُرت سنبھال، سوہنی لےَ انگڑائیا۔ لیکھا مُکا دے شاہ کنگال، راؤ رنکاں اِکو رنگ رنگائیا۔ مُریِداں دسّ کے مُرشد حال، دُھر سندیشہ اِک سمجھائیا۔ اِکو سِمرن سِری بھگوان، دوُجا اِشٹ نہ کوئی منائیا۔ جو لکّھ چؤراسی سخیاں دِسے کاہن، گوپی جیِو جنت پرنائیا۔ جوتی جوت
سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک جنائیا۔ پنج چیت کہے مَیں پِھر نہیں آؤنا، دوُجی وار نہ پھیرا پائیا۔ پہلے سمت دا پہلا راہ چلاؤنا، رہبر ہو کے دیاں دِرڑائیا۔ اِکو اکال اِکو دَیال سب نے دھیاؤنا، کال نیڑ کدے نہ آئیا۔ کایا دھرم سال بھاگ لگاؤنا، مندر اِکو لَینا سُہائیا۔ سچ پرکاش دیِپ جگاؤنا، نِرگُن جوت ہووے رُشنائیا۔ انحد نادی ناد وجاؤنا، دُھن آتمک راگ الائیا۔ امرت رس نِجھر جھِرنا گھر جھراؤنا، اٹھسٹھ کھوجن کوئی نہ جائیا۔ سچ سندیشہ اِک سُناؤنا، سب نوُں دیاں دِرڑائیا۔ بِن مہاراج شیرسِنگھ وِشنوُں بھگوان، نہ کِسے پار لنگھاؤنا، پوُرے لیکھے سب دے دِتے کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم آپ سُنائیا۔
حُکم کہے مَیں اوس دا فرمانا، جو فُرنیاں بند کرائیا۔ جِس نوُں سارے کہندے سِری بھگوانا، بھگتاں ہوئے سہائیا۔ جو گُر اوتاراں پیِر پَیغمبراں دیوے دانا، داتا بےپرواہیِا۔ جِس دا آد جُگاد جُگ چؤکڑی اتُٹ خزانہ، توٹ رہے نہ رائیا۔ جِس دا سچکھنڈ دوار جھُلدا رہے سَت نِشانہ، سو مات لوک اپنا حُکم ورتائیا۔ جِس دا سب توں وکھرا نِرالا اِک پیَمانہ، مدُھر خُماری نام وکھائیا۔ جِس دی صِفت اندر گُر اوتار پیِر پَیغمبر بھوِکھتاں دا دے کے گئے بیانا، سو انتم لیکھا رہیا چُکائیا۔ کوئی نہ رہے راجا رانا، شاہ سُلطاناں خاک مِلائیا۔ پنج چیت کہے میرا ویکھیو کھیل مہانا، پربھ مہمان گھر گھر دیاں کرائیا۔ ہُن رہنا نہیں اَنجانا، جوان ہو کے اپنا جوبن دیاں وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مہاراج شیرسِنگھ وِشنوُں بھگوان، حُکم دُھر دا آپ ورتائیا۔ پنج چیت کہے ورتنا حُکم دُھر، دُھر درگاہی آپ جنائیا۔ سیِس اُٹھائے نہ کوئی دیوت سُر، مُن رِکھ بَیٹھے دھیان لگائیا۔ سب سرِشٹی دا اِکو گُر، سَتگُر اِکو دینا شبد سمجھائیا۔ کوئی نہ رہے ٹھگ چور، کوُڑی کِریا دینی کھپائیا۔ پِچھے لیکھا سی ہور، اَگے ہور کار ورتائیا۔ دو جہاناں دی اپنے ہتّھ وِچ پھڑ کے ڈور، پِچھلے لیکھے دِتے مُکائیا۔ جن بھگتاں جائے بہُڑ، بہُڑی بہُڑی کرے لوکائیا۔ جِنہاں دی لگ گئی اوہناں دی نِبھ گئی توڑ، اَدھ وِچکار نہ کوئے تُڑائیا۔ جِنہاں نوُں آتم کر کے پرماتم لیا جوڑ، جگت وِچھوڑا دِتا کٹائیا۔ اوہناں دے انتر منتر فُرنا دے کے پھور، فُرنے سارے بند کرائیا۔ کراں پرکاش اندھ گھور، دیِا باتی کملاپاتی ہو کے اِک جگائیا۔ جوتی جوت سروُپ
ہرِ، آپ اپنی کِرپا کر، دیونہارا ساچا ور، صاحب سُلطان بےپرواہیِا۔ پنج چیت کہے میرا صاحب سُلطان، بھگتاں رہیا جگائیا۔ گوپیِاں دا کاہن، گوالیاں ویکھنہارا مار دھیان، بالیاں اپنے نال مِلائیا۔ شبد سروُپی ہو جوان، جوبنونتا پھیرا پائیا۔ شاہ پاتشاہ ہو کے آیا وِچ مَیدان، مدد ہور نہ کوئی رکھائیا۔ حُکم دیندا جائے فرمان، سُناؤندا جائے دو جہان، سِر سکے نہ کوئی اُٹھائیا۔ بن دا جائے حُکمران، میٹدا جائے شیَطان، شرع دیوے بدلائیا۔ دِساؤندا جائے سچ اِیمان، جھُلاؤندا جائے سچ نِشان، دو جہاناں اپنا روُپ وٹائیا۔ کراؤندا جائے کلیان، جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ ساجن بےپرواہیِا۔ ساجن سچّا بےپرواہ، پت پرمیشور نظری آئیا۔ جو ویس اویس روُپ رہیا وکھا، جوتی جاتا پھیرا پائیا۔ گُر اوتار پیِر پَیغمبر لکّھ چؤراسی بن کے گواہ، سب نوُں رہیا سمجھائیا۔ پُرکھ اکال پاتشاہاں دا پاتشاہ، دیِناں دا دیِن دوویں کھیل کرائیا۔ جُگ چؤکڑی جِس آد جُگاد چلا ئے راہ، رہبر گُر اوتار پیِر پَیغمبر دِتے بنائیا۔ سو پروردِگار نوُرے خُدا آیا ویس وٹا، جلوہ گر اپنا پھیرا پائیا۔ ساچا کلمہ رہیا پڑھا، اِکو عِلم سِکھا، اِکو سمجھ رہیا دُعا، دُئی دوَیتی رہن کوئی نہ پائیا۔ ساچے کعبےکر رہیا نِکاح، جِس دا لہنا اوسے نوُں رہیا پرنا، اَگے ہوئے نہ کوئے جُدا، جُدا انگ نہ کوئے رکھائیا۔ اِس دی کیا کوئی دسےّ وجہ، پِچھے سب نوُں مِل گئی سزا، اَگے حُکمے اندر بدھّا، دو جہاناں چلے نہ کوئی وڈیائیا۔ پُرکھ اکال اِک سمرتھا، لہنا دینا چُکائے ہتّھو ہتّھا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحب سوامی انترجامی گھٹ واسی پُرکھ ابناشی اپنی دھار چلائیا۔ دھار کہے مَیں دُھر دی دھار، دھرنی دھرت دھوَل دیاں جنائیا۔ نِرگُن نِروَیر نِرنکار پُرکھ اکال کل کلکی اوتار، کل کلیش لیکھا دئے مُکائیا۔ پَیغمبر سجدے کرن وارو وار، امام مہِندی آیا سانجھا یار، محبوُب مُحبّت دا مالک پھیرا پائیا۔ جِس نے دیِن مذہب دی ڈھاہ دینی دیِوار، شرع شریعت کڈھنی باہر، ساری سرِشٹی کرنی ہموار، پدّھر اِکو دئے بنائیا۔ ورن برن ذات پات اوُچ نیِچ کر خَوار، آتم پرماتم دسّ کے سچ پیار، ناتا جوڑ کے اِک نِرنکار، نِرگُن اپنا رنگ دینا رنگائیا۔ بِن تندی تار وجےّ رباب، گھر سجّن ملِے احباب، پریم پیار پیا کے آب حیات، حیاتی وِچوں حیاتی دئے بدلائیا۔ اِکو سجدہ اِکو آداب، اِکو شہنشاہ اِکو نواب، اِکو دیونہارا خطاب، خطا سب دی ویکھ وکھائیا۔ اِکو نام نِدھان بودھ اگادھ، اِکو سُناونہارا حُکم سنت سادھ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شاہ پاتشاہ سچّا شہنشاہیِا۔ شہنشاہ کہ پاتشاہ، پنج چیت دئے گواہیِا۔ رہبر کہ راہ رہیا
وکھا، پردہ رہیا اُٹھائیا۔ زِمیں اسمان ڈھولے رہے گا، وجّی سچ ودھائیا۔ دھنّ بھاگ جے سب دا مالک گیا آ، پِچھلے لیکھے دئے چُکائیا۔ سچ پریِتی دئے سِکھا، اِکو کرے پڑھائیا۔ جِس نالوں وِچھڑے اوسے نال لئے مِلا، میلا اپنے نال کرائیا۔ کِسے اوتار گُروُ پیِر دی لوڑ رہی نہ را، جو انت بنے گواہ، شہادت اپنی دئے بُھگتائیا۔ جِنہاں نے ڈھولا دُھردرگاہی لیا گا، گہر گمبھیِر اپنے وِچ سمائیا۔ جوتی جوت سروُپ ہرِ، آپ اپنی کِرپا کر، گھر سجّن لئے مِلائیا۔ گھر سجّن ملِے میِت، پیارا اِکو نظری آئیا۔ جِس دا دھام سدا انڈیِٹھ، جگ نیتر ویکھن کوئے نہ پائیا۔ اوہ بدل کے جُگ چؤکڑی ریِت، ساچا مارگ اِک لگائیا۔ اِکو کایا کعبہ دسّ مسیِت، حُجرہ حق دا دئے وکھائیا۔ پنج چیت کہے اوہ گُرمْکھو تُہاڈے بدل گئے نصیِب، تُہاڈے اندر وڑ کے نقب دئے لگائیا۔ جیہڑی چوراں نوُں ہتّھ نہیں آئی ترتیِب، اوہ باہروں ہور اندروں ہور بن کے اپنا راہ دئے وکھائیا۔ کی لوڑ اُہناں پڑھن دی قُرآن مجید، جِنہاں دی مجلس اپنے وِچ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتگُر داتا بےپرواہیِا۔ مہاراج شیرسِنگھ وِشنوُں بھگوان، بِنا منگیاں بِنا پُچھیاں در در گھر گھر اَگے دیندا جائے اپنی پچھان، روُپ انوُپ سَت سروُپ اپنا اِک پرگٹائیا۔ پنج چیت کہے گُرمْکھو تُہانوُں لبھن دی رہے کوئے نہ لوڑ، کھوجن باہر کوئی نہ جائیا۔ جے سَتگُر ہو کے تُہاڈی آتما سکدا نہیں جوڑ، دھکّے دے کے باہر دیؤ کڈھائیا۔ اوہ سَتگُروُ نہیں اوہ چور، ٹھگّاں والی ریِتی جگت وکھائیا۔ جِس ہؤلی ہؤلی اپنے نال لیاندے تور، اَگے منزل دئے چڑھائیا۔ جوتی جوت سروُپ ہرِ، آپ اپنی کِرپا کر، ساچے در دئے وڈیائیا۔ در کہے گُرمْکھو اوہ وڈیائی کی، مَیں تُہانوُں دیاں سمجھائیا۔ جِس ویلے پُرکھ اکال سچکھنڈ دی رکھی سی نیِہہ، اپنی سیوا آپ لگائیا۔ اوس ویلے نہ کوئی اِسدا پُت نہ دھی، اِکو اِک بےپرواہیِا۔ اِک فُرنا پُھریا جی، آپ اپنے وِچ دھیان رکھائیا۔ مَیں اَگے کراں کی، کِس بِدھ اپنی دھار چلائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ پرگٹائیا۔ سچکھنڈ کہے جِس ویلے میری نیِہہ رکھی بھگوان، مَیں خوشی لئی منائیا۔ مَیں بول کے بِنا زبان، بینتی دِتی سُنائیا۔ سچ دسّیں میرے مِہروان، کِس بِدھ مَینوُں لیا بنائیا۔ تُوں اِکلّا جِتھے چاہیں وسیں اوہو تیرا استھان، میری لوڑ تَینوُں رہے نہ رائیا۔ سِری بھگوان کِہا سچکھنڈ مَیں تَینوُں دسّنا اِک بیان، بھیو ابھیوَ دیاں دِرڑائیا۔ جِس ویلے کھیلیا کھیل مہان، شبدی دھار چلائیا۔ برہمنڈ کھنڈ پرگٹائے سرِشٹ بنا جہان، لکّھ چُراسی دینی پرگٹائیا۔ انڈج جیرج اُتبُھج سیتج دے کے مان، چارے بانی راگ الائیا۔ اوہناں وِچوں کر
پردھان، سنت سُہیلے بھگت جن لَینے اُٹھائیا۔ اوہناں نوُں دے کے اپنا نام گیان، دھیان اپنے وِچ رکھائیا۔ نِرگُن سرگُن کھیل مہان، زِمیں اسماناں سوبھا پائیا۔ اوہناں نوُں اپنے نال میلاں آن، سِر اپنا ہتّھ ٹِکائیا۔ اوہ تیرے وِچ وسن چتُر سُگھڑ سُجان، مَیں ویکھاں چائیں چائنیا۔ سچکھنڈ کِہا اوہ کِنے تیرے نؤجوان، مَینوُں دے جنائیا۔ پُرکھ اکال کِہا تُوں اِک اِک گِندا نؤ سؤ چُرانوے جُگ کر پچھان، نیتر اپنی اکّھ کُھلائیا۔ جِس ویلے کلجُگ انتم مَیں پرگٹ ہو کے لوک مات جاواں بن پردھان، جوت سروُپی پھیرا پائیا۔ پھیر سارے اِکٹّھے اِکو وار چرناں نال کر کے پروان، تیرا دوارا دیاں بھرائیا۔ سچکھنڈ کِہا پربھوُ اوہناں دا کوئی دسّ نِشان، مَینوُں دے جنائیا۔ ابناشی کرتے کِہا اوہ میرا ڈھولا گان، اپنی نال کرن وڈیائیا۔ سچکھنڈ کِہا اوہ کیہڑا فرمان، مَینوُں پہلوں دے پڑھائیا۔ پُرکھ اکال کِہا سوہنگ مہاراج شیرسِنگھ وِشنوُں بھگوان، آد نیِہہ رکھن لگیاں تیری جھولی پائیا۔ جِس دے نال بھگتاں دی ہووے کلیان، دوُجے کلمے دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، ایہہ وکھرا بِنا اکھّراں دے کے بھگتاں دان، دُھر دے داتے دِتے بنائیا۔
۶ چیت شہنشاہی سمت ۱ بیِبی امرو دیوی دے گرِہ جموں شہر
چھ چیت کہے دِوس رَین ہُندی جاندی بدلی، بادل گھِر گھِر خوشی منائیا۔ پُرکھ ابناشی ویکھنا عدلی، عادت اپنی رہیا بدلائیا۔ پندھ مُکا کے جُگ چؤکڑی مزلو مزلی، منزل اپنی اِک درسائیا۔ ہرِ سنگت سُہیلی صاحب سَتگُر آپے لبھ لئی، ٹِلّے پربت کھوج کھوجائیا۔ لکّھ چؤراسی وِچوں کڈھ لئی، مِہر نظر اِک اُٹھائیا۔ سَت وِوہارے واسطے سد لئی، سدّا دے کے اپنے نام حُکم جنائیا۔ پریم بندھن اندر رنگ لئی، رنگت اِکو اِک چڑھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ بدلی دا مالک چُکا کے لیکھا، پِچھلیاں کیِتیاں پوُر کرائیا۔ بھگتاں دا دے کے حِصّہ، دُھر دی وست ورتائیا۔ سب دا لیکھا مُکا کے یاد کرائے پِچھا، اگلا پڑدا آپ اُٹھائیا۔ جیہڑا کھیڈ جُگ چؤکڑی کِسے نہیں ڈِٹھا، سو سنمُکھ دئے وکھائیا۔ پریم پیار سجّن دے مِٹھا، وِکھ امرت روُپ دئے وٹائیا۔ دھار بخش کے اپنی نِجا، نِج نیتر کرے رُشنائیا۔ سب توں وکھری نِرالی کر کے بِدھا، بندھن اپنا دِتا پائیا۔ بِنا وِچولیوں پرم پُرکھ مِلیا سِدھا، ساکھیات سَت سَتوادی نظری آئیا۔ جِس نوُں آد جُگاد جُگ چؤکڑی پُچھدے رہے کِڈا، وڈیاں توں وڈّا نِکیاں توں نِکاّ پریم پیار
اِکو نظری آئیا۔ جوتی جوت سروُپ ہرِ، آپ اپنی کِرپا کر، کھیل اپنا رہیا وکھائیا۔ کھیل کہے مَیں ویکھاں کی تماشا، چاروں طرف دھیان لگائیا۔ جوت دا جاتا پُرکھاں دا بِدھاتا، پریمیاں دا ناتا نِج آتم رہیا بندھائیا۔ خُواجیاں دا خواجہ، راجیاں دا راجا، نواباں دا نوابا، مُمتاجاں دا مُمتاج بےپرواہیِا۔ آکاشاں دا آکاشا، پرکاشاں دا پرکاشا، سواساں دا سواسا، منڈلاں دی راس اپنی رہیا وکھائیا۔ چرناں دا بھرواسا، جوتی جوت سروُپ ہرِ، آپ اپنی کِرپا کر، دُھر دی کرنی رہیا کمائیا۔ کمائی کہے میری کوئی نہ پاوے قیِمت، مُلّ سکیا نہ کوئے چُکائیا۔ جُگ چؤکڑی پِچھوں مَینوُں سماں مِلیا غنیِمت، جِس غمی خوشی وِچ بدلائیا۔ میری شان کر کے عظیِمت، عالیشان دِتا وکھائیا۔ بھگتاں دی کٹ مُصیِبت، دُکھیاں دا دُکھ مِٹائیا۔ نام نِرنکار دے کے نِعمت، سچ سِکھیا رہیا دِرڑائیا۔ گُر اوتاراں پیِر پَیغمبراں دے لیکھے پوُرے کر کے جو لِکھے وصیّت، صاحب سوامی ساچی جائداد، مُنتقل بھگتاں نام کرائیا۔ جِس دی شاستراں سِمرتاں ویداں پُراناں اِنجیِلاں قُرآناں پتّھراں ٹِلیاں پربتاں جوُہاں جنگلاں پہاڑاں جلاں تھلاں وِچوں لبھدے رہے اصلیّت، اوہ اصل اِکو وصل رہیا کرائیا۔ جِس دا زِمیں اسمان پرِتھمی آکاش برہمنڈ کھنڈ دو جہاناں چرناں ہیٹھاں ملکیّت، باہر نظر کوئے نہ آئیا۔ سو صاحب سُلطان سِری بھگوان عالماں دا عالم عُلما دا اُلم اِکو دسّنہارا اصلیّت، الّ للا جِس دی سار کوئے نہ پائیا۔ جِس دی وِشن برہما شِو گُر اوتار پیِر پَیغمبر سمجھ نہ سکے قابلیت، شرارت وِچ عبارت سب نوُں دِتی پڑھائیا۔ پڑھ لِکھ واچ کے سُن کے سمجھ کے ساریاں نوُں پُچھو دسّو تُہاڈی اِک ولدیّت، واحد پِتا پُرکھ اکال اِک اکھوائیا۔ جِس دی سدا سدا سد نَویں نوعیت، نوَ نؤ چار حُکم ورتائیا۔ جوتی جوت سروُپ ہرِ، آپ اپنی کِرپا کر، کھیل اپنا رہیا وکھائیا۔ کھیل کہے مَیں ویکھیا اِک اَکیلا خلق، مخلوُق دا مالک بےپرواہیِا۔ میری اُٹھن نہیں دِتی پلک، پلک توں پلک اپنا دِتا جنائیا۔ جِس دی جھّل نہ سکے کوئی جھلک، سو جھّلا ہو کے بھگتاں رہیا ترائیا۔ اوس دی سب توں وکھری نوُرانی ڈلک، ڈِگیاں ڈھٹھیاں گود اُٹھائیا۔ جِس دی منزل وِچ کوئی نہ جاوے اٹک، اؤجھڑ راہ نہ کوئے وکھائیا۔ اوس دا کر کے نوُرانی درس، گُرمْکھ اپنی خوشی منائیا۔ جِس دے پریم پیار اندر اَمبر رہیا برس، بوُند سوانتی رہیا چوائیا۔ دِوس رَین رہیا کڑک، کُرلاہٹ رہیا پائیا۔ جن بھگتو پربھ نوُں مِلو نِدھڑک، بھےَ ڈر نہ کوئے رکھائیا۔ تُہانوُں جنم کرم دا کوئی رہن نہ دیوے ورگ، غرق ہونا نہ نال لوکائیا۔ ایس دی گوبِند نال شرط، شرطیہ تُہاڈا لیکھا دئے مُکائیا۔ جِس دے کول ستّاں سطراں دی اِک فرد، جِس دے اُتوں
فرض جُرم سب دے اُتے دئے لگائیا۔ صِرف بھگتاں نال ونڈے درد، حامی گُرمْکھاں نظری آئیا۔ جِس دے در دے اُتے گُر اوتار پیِر پَیغمبر رہے تڑپ، نیتر نیَن اکّھ نہ کوئے اُٹھائیا۔ اوس دی سُن نہ سکے کوئی غرض، اسچرج اپنا حُکم ورتائیا۔ جِس نے سب راگاں دے راگ دا راگ تال دی بدل دِتی طرز، طمع ترِشنا ترِکھا نہ کوئے رکھائیا۔ اوس صاحب نوُں کیہڑا دیوے ورج، کِیوں اپنی کھیل رچائیا۔ جِس دے ہتّھ سب دی فرد، جِس ویلے چاہے نٹی دیوے پائیا۔ جو چاہے سو اپنے آپ وِچ کرکے غرق، کوٹن کوٹ جُگ باہر نہ کِسے کڈھائیا۔ اوس دا کیہڑا ہونا حرج، بےپرواہ اپنی بےپرواہی وِچ سمائیا۔ جوتی جوت سروُپ ہرِ، آپ اپنی کِرپا کر، کھیل اگمّی رہیا وکھائیا۔ دِوس کہے مَیں آیا دِن دِہاڑا، اپنا پھیرا پائیا۔ مَیں ویکھیا اوہ اگمّی لاڑا، جِس دی لڑی دو جہاناں گنڈھ وکھائیا۔ بھگتاں دا بنیا اَکھاڑا، گُرمْکھاں دا میلا سہج سُبھائیا۔ غریِباں دا سُنیا ہاڑا، عزیِزاں گود اُٹھائیا۔ شبدی کر اِشارہ، سوئی سُرت رہیا جگائیا۔ جو جُگ چؤکڑی رہیا کوارا، انتر ناتا بھگتاں نال رکھائیا۔ پہلی چیت سگناں دا پا کے چُھہارا، بانکے چھوہر لئے اُٹھائیا۔ اَگے کنت لبھن دا رہے نہ کِسے نوُں پواڑا، براہمن نائی گھر گھر ویکھن کوئے نہ جائیا۔ جو نانک نِرگُن لیکھا لِکھ کے گیا اِک اوتارا، ابناشی کرتا انت اوسے لئے پرنائیا۔ سَت سَتوادی دسّ اپنا وِوہارا، وِوہاری اپنی کار کمائیا۔ امرت بوُند کہے مَیں ٹھنڈی ٹھارا، ٹھاکر دے حُکمے اندر بھجیّ واہو داہیِا۔ جوتی جوت سروُپ ہرِ، آپ اپنی کِرپا کر، کھیل کرے اپر اپارا، اپرمپر سوامی انترجامی اپنی کل ورتائیا۔ دِوس کہے مَیں چُکاں پردہ، اوہلا دیاں مِٹائیا۔ جے کوئی لیکھا پُچھے مَیتھوں میرے دِلبر دِلدار دِل دا، دلیِل نال دیاں سمجھائیا۔ گُرمْکھو بِن سدّیاں پُچھیاں بھگتاں آپ مِلدا، مِلنی گھر گھر رہیا کرائیا۔ تُہاڈا ویلا نہیں ڈِھل دا، سُتّیاں رہیا اُٹھائیا۔ دو جہاناں پیَنڈے مِندا، قدم قدم نال مِلائیا۔ اوہدا کھیل اِن بِن دا، تیرے دِن ویکھے جگت لوکائیا۔ لہنا دینا جانے کِن کِن دا، در قیِمت رہیا پائیا۔ شبد نِشانے نال وِنھدا، انیالے تیِر چلائیا۔ پربھوُ دا روُپ نہیں کوئی بھوُت پریت جِنّ دا، خبیِثاں والی ادا نہ کوئے رکھائیا۔ جُگ چؤکڑی پِچھوں جِنہاں بھگت پیاریاں مِلدا، اوہناں نوُں اپنے وِچ سمائیا۔ بِنا تاریاں اُدھاریاں پَیج سواریاں گُرمْکھاں دے گھروں کدے نہ ہِلدا، سِر اپنا ہتّھ رکھائیا۔ جے گُرمْکھو تُہاڈے کول کوئی سماں نہیں ویہل دا، وِہلا ہو کے تُہاڈی سیو کمائیا۔ بچن پوُرا کرنا گوبِند گُروُ گُر چیل دا، چیلا گُر آپے نظری آئیا۔ لیکھا جانے دِوس رَین دا، دِوس رَین اِکو رنگ وکھائیا۔ آتم پرماتم لہنا دینا دیوے سُکھ چَین دا، چِنتا غمی رہیا مُکائیا۔
چھ چیت کہے مَینوُں سماں مِلیا کہن دا، دُھر دا حُکم دیاں دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سب دا مالک اِک اکھوائیا۔ دِوس کہے مالک نہیں مِلن دا میِت، مِتر پیارا نظری آئیا۔ جِس دی وکھری نِرالی انوکھی ویکھی ریِت، ذرّے ذرّے وِچوں بَیٹھا اپنا روُپ درسائیا۔ لکّھ چؤراسی جِس دے گاؤندی گیِت، دیوت سُر اپنے نال مِلائیا۔ جِس دی گُر اوتاراں پَیغمبراں کیِتی اُڈیِک، اوہ جن بھگتاں دی تواریخ رہیا بدلائیا۔ اپنے ہتّھ وِچ رکھ کے سرب تؤفیِق، طبیعت سب دی دئے بدلائیا۔ ساچے گھر دے بنا کے وسنیِک، مندر اِکو دئے جنائیا۔ سوہنگ مہاراج شیرسِنگھ وِشنوُں بھگوان سُنا کے گیِت، گوبِند گُر گُر گوبِند گُروُ گوبِند وِچ مِلائیا۔ مہاراج شیرسِنگھ وِشنوُں بھگوان سچ سوامی سدا اتیِت، ریِت اپنی اِک پرگٹائیا۔
۶ چیت ششہنشاہی سمت ۱ راج سِنگھ دے گرِہ جموں
دوس رَین گھڑی پل کہے ویکھیا کھیل ہرِ دا، جو ہر ہِردے رہیا سمائیا۔ دُئی دوَیت بھرم بُھلیکھا کوُڑی کِریا چُکے پردہ، سَت دھرم اِک جنائیا۔ جن بھگتاں اندر منزل پؤڑے اوس چڑھدا، نِرگُن نِروَیر نِراکار اپنا پھیرا پائیا۔ جگت دوارے پار کردا، نوَ نؤ واسنا دئے مِٹائیا۔ پریم پیار بنا کے بردا، بندگی ساچی دئے سمجھائیا۔ بھیو کُھلا کے اپنے گھر دا، گھر گھر وِچ دئے وڈیائیا۔ راگ سُنا کے اگمّی انحد دا، دُھن آتمک دئے جنائیا۔ امرت جھِرنا نِجھر دھاروں ہرِ کِرپا جھِردا، کوَل نابھی دئے اُلٹائیا۔ کر پرکاش جوت سروُپ نرائن نر دا، اندھ اندھیر رہیا گوائیا۔ سَت سَتوادی شبد انادی ڈھولا پڑھدا، تُوں میرا مَیں تیرا راگ الائیا۔ دھرم دوارے اِکو کھڑدا، مندر مٹھ شِودوالے سوبھا پائیا۔ آتم پرماتم ہو کے وردا، کنت کنتوُہل سچّا شہنشاہیِا۔ جنم کرم پوُرب لیکھا پِچھے کوئی نہ چھڈدا، ویکھنہارا تھاؤں تھائنیا۔ جوتی جوت سروُپ ہرِ ، آپ اپنی کِرپا کر، ہرجن ساچے لئے مِلائیا۔ گھڑی دِوس پل رَین کہے سوہنی پربھات، جن بھگتاں ملِے وڈیائیا۔ ابناشی کرتا پت پرمیشور امرت بوُند دیوے سوانت، ساچی دھار اِک وکھائیا۔ باطن ہو کے کرے بات، ظاہر کل لئے پرگٹائیا۔ آتم سیجا دسّ کے کھاٹ، آسن سِنگھاسن سوہنا دئے وکھائیا۔ گرِہ مندر کایا ماٹی ساڈھے تِنّ ہتّھ نِرگُن جوت کر پرکاش، دیِا باتی کملاپاتی اِکو ڈگمگائیا۔ سمرتھ پُرکھ سدا سہائی اناتھاں ناتھ، دیِن دَیال دَیا کمائیا۔ شاستر سِمرت وید پُران گیِتا گیان اِنجیِل قُرآن بانی کھانی
جِس دی گاؤندی گاتھ، رسنا جِہوا بتّی دند صِفت صلاحیِا۔ آد جُگاد جُگ چؤکڑی جِس نوُں گُر اوتار پیِر پَیغمبر منّدے تریَلوکی ناتھ، لواں پُریِاں برہمنڈاں کھنڈاں جیرج انڈاں اُتبُھج سیتج اپنی دھار چلائیا۔ سو آتم پرماتم پاربرہم برہم دیوے ساتھ، ایِش جیِو جگدیِش اپنا سنگ نِبھائیا۔ نِج نیتر لوچن نیَن گھر سوامی ٹھاکر نظری آئے ساکھیات، سوَچھ سروُپی اپنا روُپ دئے جنائیا۔ بھگت سُہیلا اِک اَکیلا دیوے وڈیائی وِچ لوک مات، دھرنی دھرت دھوَل خوشی وکھائیا۔ نام امولک کایا گولک پاوے سچ سوغات، انڈِٹھڑی وست اگمّی آپ جھولی پائیا۔ بھگت سُہیلے گُروُ گُر چیلے بنا کے اِک جماعت، کھتری براہمن شوُدر وَیش چارے ورناں کھوج کھوجائیا۔ اٹھاراں برن کھولنہارا تاک، اوہلا پردہ دئے اُٹھائیا۔ سرب جیِاں دا خالق مالک بن کے آپ، پرتاپ ساچا دئے جنائیا۔ جوتی جوت سروُپ ہرِ، آپ اپنی کِرپا کر، بخشنہارا سچّی سرنائیا۔ گھڑی پل کہن اساں ویکھیا پرِتپال، پت پرمیشور نظری آئیا۔ نِرگُن نوُر جوتی جلوہ بےمثال، مقامے حق لاشریِک سچکھنڈ نِواسی سوبھا پائیا۔ جِس دا حُکم آد جُگاد، جُگ چؤکڑی وِشن برہما شِو کرے خبردار، لوک پرلوک سچّا ناد جنائیا۔ جو ترےَگُن مایا پنج تت پرکِرتی دیونہار بھنڈار، چارے کھانی چارے بانی لکّھ چؤراسی اپنی ونڈ ونڈائیا۔ سو نِرگُن سرگُن کھیل کرے سنسار، سرِشٹی دا کرتا درِشٹی اِشٹی اپنا روُپ جنائیا۔ نِت نوِت کر کر ہِت سَتجُگ تریتا دواپرکلجُگ بھگتاں کرے پیار، بھگت اُدھاری اچھل چھل اپنی کھیل کھِلائیا۔ ایتھے اوتھے دو جہاناں زِمیں اسماناں پاونہارا سار، برہمنڈ کھنڈ ویکھے چائیں چائنیا۔ نام نِدھان سِری بھگوان بولنہارا جَیکار، دُھر دا ڈھولا آپ پرگٹائیا۔ سچکھنڈ نِواسی پُرکھ ابناشی وسنہارا دھام نیار، سَت دوارے اِک اِکلّا سوبھا پائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گھڑی پل کہن اسیں ویکھیا پاربرہم، پت پرمیشور نظری آئیا۔ جو مات گربھ نہ پئے جمّ، بال بِردھ نہ روُپ وٹائیا۔ نہ کوئی ترِشنا نہ کوئی طم، راجس سانتک تامس کھیل نہ کوئے پرگٹائیا۔ نِراکار نِرنکار آپے جانے اپنا کمّ، کرنی دا کرتا بےپرواہیِا۔ جُگ چؤکڑی جن بھگتاں بیڑا رہیا بنّھ، سنت سُہیلے پار کرائیا۔ لیکھا جاننہارا کایا ماٹی پنج تت تن، بُدِھ مت من آپے کھوج کھوجائیا۔ گُرمْکھ سُہیلے اپنا راگ سُنائے اگمّی کنّ، دُھر دا ناد اِک وجائیا۔ ہرجن بنا کے سچّے جن، جیِون جُگت دئے دِرڑائیا۔ کوُڑی کِریا ہؤمے ہنگتا بھانڈا بھرم بھؤ دیوے بھنّ، آسا ترِشنا مایا ممتا موہ چُکائیا۔ مانَس جنم بیڑا دیوے بنّھ، لکّھ چؤراسی جم کی پھاسی لیکھا دئے مُکائیا۔ جوتی جوت سروُپ ہرِ، آپ اپنی
کِرپا کر، جُگ کرتا ہوئے سہائیا۔ گھڑی پل کہن ویکھیا سَتگُر صاحب سچّا، ابناشی کرتا نظری آئیا۔ پیِر پَیغمبر جِس دا حج کردے وِچ کعبےمکّہ، حُجریاں وِچ دھیان لگائیا۔ جِس دے نام دے ٹل وجدے شِودوالے مندر مٹّھاں، گھنگھور رہے پائیا۔ جِس دا لیکھ لِکھیا شاستر سِمرت وید پُراناں وِچ گرنتھا، اِنجیِل قُرآناں دین گواہیِا۔ سو پُرکھ اکال دیِن دَیال بناونہارا سب دی بنتا، گھڑن بھنّنہار اپنے ہتّھ رکھے وڈیائیا۔ جو ویس وٹائے نِرگُن سرگُن جُگا جُگنتا، راما کرِشنا عیسیٰ موُسیٰ محمد نانک گوبِند پھیرا پائیا۔ سو صاحب سوامی لکّھ چؤراسی ساچا کنتا، مالک دُھر دا نظری آئیا۔ کلجُگ ویکھے کھیل، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنے ہتّھ رکھے وڈیائیا۔ گھڑی پل کہن اوس دا وجےّ نام گھڑیال، دو جہاناں رہیا بھوائیا۔ سچکھنڈ دوارے بَیٹھ سچّی دھرم سال، دُھر دا حُکم اِک سُنائیا۔ بھوُپت بھوُپ بن راج راجان، شہنشاہ اپنا حُکم ورتائیا۔ گُر اوتار پیِر پَیغمبر وِشن برہما شِو کروڑ تیتیِسا سُرپت اِند دیونہار گیان، بودھ اگادھ کرنہار پڑھائیا۔ سَتجُگ تریتا دواپرکلجُگ جِس کھیلیا کھیل مہان، خلق دا مالک پرِتپالک ہو کے سیو کمائیا۔ سو صاحب سَتگُر اگمّ اگمّڑا لیکھا جانے دو جہان، دوئے دوئے دھار ہرِ نِرنکار نِرگُن سرگُن اپنا حُکم ورتائیا۔ بھگت وچھل سنت سُہیلا گُرمْکھ میِت گُرسِکھاں جائے تار، تارنہار دیونہار سچّی وڈیائیا۔ جِس دا لیکھا کوئی سمجھ نہ سکے سدا جُگ چار، جُگ چؤکڑی کرن پُکار، برکھ ماس ہاہاکار دِوس رَین رہے کُرلائیا۔ گھڑی پل کہن اساں ویکھیا اوہ نِرنکار، جو چِھن بھنگر رہیا تار، بِھینکر روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا چُکائیا۔ پردہ اوہلا چُکاون آیا، ہرِ کرتا گہر گمبھیِر۔ بھگت سُہیلا اُٹھاون آیا، دوُر دُراڈا پیَنڈا چیِر۔ جُگ جنم وِچھڑے میل مِلاون آیا، آتم پرماتم دیوے دھیِر۔ ساچے مندر کایا اندر کھلاون آیا، پؤڑے چاڑھ کے ڈنڈے اَخیِر۔ شبد انادی ناد سُناون آیا، دُھر دھامی گائے اپنا گیِت۔ ہنس کاگ بناون آیا، بھیو چُکائے اوُچ نیِچ۔ راؤ رنک راہ پاون آیا، لیکھا جانے ہست کیِٹ۔ ساچا مارگ اِک درساون آیا، تُوں میرا مَیں تیرا دوہاں دی سانجھی ریِت۔ سوہنگ ڈھولا پڑھاون آیا، ترےَگُن وکھرا سچکھنڈ نِواسی اتیِت۔ جن بھگتاں ہؤلا بھار کراون آیا، جوتی جوت سروُپ ہرِ، آپ اپنی کِرپا کر، دیونہارا سچ حدیِث۔ گھڑی پل کہے ویکھیا چُک کے پلک، اپنا دھیان لگائیا۔ مالک آیا خالق خلق، شاہ پاتشاہ سچّا شہنشاہیِا۔ نوُر تک کے اُتے فلک، فَیصلہ دِتا جنائیا۔ ایس پربھوُ نال کیا کوئی کرے حسد، لاثانی دا ثانی شریک روُپ نہ کوئے دھرائیا۔
جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گھڑی پل کہن پربھوُ ویکھیا بھگت اُدھاری، ہرجن ساچے رہیا وڈیائیا۔ سچ پریِتی چرن دواری، چرن کوَل بخشے اِک سرنائیا۔ سَت سنتوکھ دھیِرج دیوے جگت وِچاری، نام خُماری اِک چڑھائیا۔ آتم پرماتم گھر سجّن لاوے یاری، یارانہ اِکو توڑ نِبھائیا۔ بھگت سُہیلا ٹھانڈا سیِتا پِھرے پِچھے اَگاڑی، اندر باہر گُپت ظاہر اپنی کار کمائیا۔ جن بھگتاں دے لیکھے لا کے چار پہر دی جگت دِہاڑی، جگت اُجاڑیں پندھ مُکائیا۔ سچ بھگتی دی کر کے کاری، کرم کِریا دوویں ویکھ وکھائیا۔ سچ دھرم دا بن وپاری، گھر گھر ونج رہیا جنائیا۔ مِلو میل جوت نِرنکاری، جِس دی ہووے نہ کدے جُدائیا۔ صاحب سَتگُر جاؤ بلہاری، جو بُڈھے بالیاں رہیا ترائیا۔ جُگ چؤکڑی پِچھوں جن بھگتاں دی آئی واری، وارتا سب دی رہیا دُہرائیا۔ سَت دھرم دی سچ پُھلواڑی، ہرِ سجّن بوُٹے آپ لگائیا۔ اپنے شبد دی کر کے واڑی، ٹھگّاں چوراں یاراں کولوں لئے بچائیا۔ انتر آتم ساچے نام دی دے کے خُماری، خُد اپنا رنگ چڑھائیا۔ گُرمْکھاں نال نہ کرے غداری، گداگر ہو کے گھر گھر سیو کمائیا۔ سچ پُچھو تُہاڈی آتما نال پریِت لگی ہماڑی، ہم تُم اِکو روُپ سمائیا۔ ایہہ گُرمْکھ سب توں سوہنی بن گئی لاڑی، پُرکھ اکال جوبن ونتا لاڑا اِک پرنائیا۔ اوہناں جنیاں دی آ گئی واری، جِنہاں دی جنیِندی مائی سوبھا پائیا۔ جوتی جوت سروُپ ہرِ، آپ اپنی جوت دھر، مہاراج شیرسِنگھ وِشنوُں بھگوان، ساچی پَیج رہیا سواری، شاہ اسوَاری اپنا پھیرا پائیا۔
۷ چیت شہنشاہی سمت ۱ سَتسنگ بھَون جموں
اوم اوم روم روم کرے پُکار، ساڈھے تِنّ کروڑ رہیا جس گائیا۔ وِشوَ روُپ سرب سنسار، نؤ کھنڈ پرِتھمی سَت دیِپ مانو اِکو نظری آئیا۔ انتر آتم کر کے ویکھو وِچار، پردہ دُئی دوَیت اُٹھائیا۔ سب دا مِتر پیارا میِت ایکا ایکنکار، جِس دی سچّی شہنشاہیِا۔ لاشریِک پروردِگار، نوُر نوُرانہ نظری آئیا۔ کوُڑی کِریا ہؤمے ہنگتا مایا ممتا کرو خَوار، ہنگ برہم گرِہ مندر ویکھ وکھائیا۔ جو آد جُگاد جُگ چؤکڑی کھیلے کھیل اگمّ اپار، سَتجُگ تریتا دواپرکلجُگ آپ ہنڈھائیا۔ سو صدی بیِسویں شبد سندیشہ دیوے دو جہان، برہمنڈ کھنڈ پُری لوء آکاش پاتال اپنا حُکم سُنائیا۔ ہِندوُ سِکھ عیسائی مُسلمان بودھی سارے کرو پیار، دوُجا کوئے نظر کِسے نہ آئیا۔ چار
ورناں اِک ادھار، کھتری براہمن شوُدر وَیش ساچا نام اِک دِھیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نَویں جُگ دی نَویں دھار، سنتن سنگ کُڑمائیا۔ آتم پرماتم دے پیار، نِج نیَن سرب جنائیا۔ روم روم کہے سُنو میرا اِک گیِت، جیِواں جنتاں دیاں جنائیا۔ کایا کعبہ ویکھو سچ مسیِت، حُجرہ حق اِک کُھلائیا۔ مندر شِودوالے مٹھ سدا اتیِت، پُرکھ ابناشی بَیٹھا ڈیرہ لائیا۔ جِسدا جھگڑا نہ کوئی اوُچ نیِچ، ذات پات نظر کوئے نہ آئیا۔ سَت بھگوان سب نال کرے پریِت، غریِب نِمانیاں اپنی گود اُٹھائیا۔ لیکھ مُکاوے ہست کیِٹ، شاہ سُلطاناں راج راجاناں اِکو گھر درسائیا۔ صدی اَخیِری رہی بیِت، نوَ نؤ چار چاروں کُنٹ رہیا کُرلائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ روم روم کہے سُنو جگ سجّن، مَیں سب نوُں دیاں سُنائیا۔ آتم پرماتم کایا مندر اندر ساچے تیِرتھ کرو مجن، دُرمت مَیل رہن کوئے نہ پائیا۔ گرِہ مندر شبد انادی دُھن آتم وجن، انحد اپنا راگ سُنائیا۔ آتم جوت پرماتم وِچ ہو جاؤ مگن، دوُجی حِرص ہَوس رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچی ریِت اِک درسائیا۔ روم روم کہے سرِشٹ سبائی اِکٹّھا کرنا جگ، چاروں کُنٹ اِک سندیش سُنائیا۔ نؤ کھنڈ پرِتھمی جو گھر گھر لگی اگّ، دُئی دوَیت رہی تپائیا۔ تِنہاں کارن سنت سُہیلے مِل مِل کرن اِکٹّھ، سنگٹھن اِک رہے بنائیا۔ سب دے اندر پرگٹ کرنی برہم مت، کوُڑی کِریا دینی کڈھائیا۔ دیِن مذہب دے جھگڑے پِچھے کوئی نہ اُبلے رت، ہاہاکار نہ کوئے لوکائیا۔ سب نے اپنے اِشٹ دیو دا گاؤنا جس، اوم کرِشن آد شکت چتربُھج عیسیٰ موُسیٰ محمد نانک گوبِند دھیان لگائیا۔ سب تو اُتم سریشٹ مِترو اپنا من کر لؤ وس، جھگڑا کوئے رہن نہ پائیا۔ گیِتا گیان اٹھاراں دھیائے رہی دسّ، بِن پرماتم سِری بھگوان دوُجا نظر کوئے نہ آئیا۔ اِک دوُجے نوُں مِلو ہس ہس، ذات پات لیکھا دینا مُکائیا۔ جے سنتاں دے سُن کے بچن تُہاڈی اندروں کُھل جائے اکّھ، پرتکھ تُہانوُں نظر آوے گوسانئیا۔ پھیر پریم پیار دا تُہانوُں مِل جائے حق، حقیِقت تُہاڈی دئے گواہیِا۔ جوتی جوت سروُپ ہرِ، آپ اپنی کِرپا کر، سچّا مارگ اِک لگائیا۔ ساچا مارگ لگؤن گے سادھ، سنت بھگت اِکٹّھے ہو کے دین جنائیا۔ کلجُگ کوُڑی کِریا بدل دینا رِواج، لوک مات رہن نہ پائیا۔ سرِشٹ سبائی دا بننا اِک سماج، دھرم اِکو دئے دِرڑائیا۔ سِری بھگوان دے سارے بنو مُحتاج، دوُجی لوڑ رہے نہ رائیا۔ اپنے کایا مندر اندر شبد اگمّی سُنو ناد، جو دِوس رَین کرے شنوائیا۔ ساچے سنتاں نال مِل کے انتر اپنی جوت کرو پرکاش، اندھ اندھیرا لؤ گوائیا۔ جوتی جوت سروُپ
ہرِ، آپ اپنی کِرپا کر، بھیوَ ابھیدا دے کُھلائیا۔ روم روم کہے مَیں کی ویکھیا اندر انت، سَت سچ دیاں سمجھائیا۔ اوہ جھگڑا چھڈکے کوُڑا جنت، جیِون اپنا گئے بدلائیا۔ ناتا جوڑ کے نر ہرِ کنت، گھر سجّن رہے مِلائیا۔ آتم پرماتم گا کے چھنت، سوہنگ روُپ سمائیا۔ گڑھ توڑ کے ہؤمے ہنگت، کوُڑی کِریا دِتی تجائیا۔ کھتری براہمن شوُدر وَیش بن جاؤ سارے اِکو پنگت، سنگت اِکو اِک وکھائیا۔ لیکھا چُک جائے جیرج انڈج، اُتبُھج سیتج لہنا دئے مُکائیا۔ جوتی جوت سروُپ ہرِ، آپ اپنی کِرپا کر، کرنی دا مالک اِک اکھوائیا۔ روم روم کہے مَیں تکیا پروردِگار، جلوہ گر نوُر اِلاہیِا۔ مقامے حق وسیا سانجھا یار، تؤفیِق اپنے ہتّھ رکھائیا۔ پیِر پَیغمبر جِس دا کردے گئے اِظہار، کلمیاں وِچ صِفت صلاحیِا۔ سو چؤداں لوک چؤداں طبق ویکھنہار، زِمیں اسماناں کھوج کھوجائیا۔ ساچا اِسم اعظم دسےّ اگمّ اپار، نوُری جلوہ کر رُشنائیا۔ مانوِتا دا اِک ادھار، مانَس اِکو رنگ رنگائیا۔ کوُڑا جھگڑا چّھڈو وِچ سنسار، ساچی سِکھیا اِکو جھولی لؤ پائیا۔ کایا تتّاں اندر ایکا جوت نوُر اِک اُجیار، ایکا آتم ایکا پریم نظری آئیا۔ جے سارے اپنے اندر اپنا آپ لؤ سوچ وِچار، پھیر سمجھ ساریاں نوُں چھیتی جاوے آئیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ کایا دا روم روم کہے مَیں دسّاں ایکا آہِستہ، ہؤلی ہؤلی دیاں جنائیا۔ پوُرن سنتاں پربھ دا اندروں ویکھیا رستہ، سوُربیِر بن کے ساریاں نوُں رستے دین لگائیا۔ پربھ دا نام ساری دُنیا وِچوں سب توں سستا، جے کوئی دیونہارا داتا انمنگی دؤلت جھولی پائیا۔ اوہ کایا گٹھڑی دا پھول دیوے بستہ، نِراکھّر وِچوں اکھّر دیوے پرگٹائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ روم روم کہے مَیں ویکھیا وِشوَ مار کے جھات، ویلا وقت دھیان لگائیا۔ لوک مات وِچ رہن نہیں دینی اندھیری رات، سَتجُگ ساچا چند دینا چمکائیا۔ چار ورناں دا بننا اِکو نات، پریم پریِتی جوڑ جُڑائیا۔ سارے اپنے اندر ویکھو بَیٹھا اِک اِکانت، پت پرمیشور بےپرواہیِا۔ جے اوس دا امرت پی لؤ بوُند سوانت، جو نِجھر جھِرنا رہیا جھِرائیا۔ پھیر تُسیں آپے مِل کے اِک دوُجے دا دے دیؤ ساتھ، جھگڑا رہن کوئے نہ پائیا۔ لیکھا مُک جائے کوُڑی ذات، آتم پرماتم اِکو نظری آئیا۔ بھاگاں بھریا نَویں سمت دا آؤن والا وِساکھ، جِس وِساکھ دے وِچ جموں لئے وڈیائیا۔ سنتاں دا درشن نالے پربھوُ ہووے ساکھیات، سنتاں دا مالک ساہمنے نظری آئیا۔ پھیر خوشی دے نال جِتنی چاہو پُچھ لؤ اوس توں بات، گھر بَیٹھیاں دئے سمجھائیا۔ جِس دے کول بھوِکھت واک، پردہ اوہلا دئے چُکائیا۔ جوتی جوت سروُپ ہرِ، آپ اپنی کِرپا کر، روم روم
آپے ویکھ وکھائیا۔ روم روم کہے دیِن مذہب دا چھڈ دیؤ جھگڑا، کوُڑی کِریا دیؤ مِٹائیا۔ ہُن مارگ ویکھو اگلا، جو سنت سجّن رہے وکھائیا۔ منُش ہو کے کوئی نہ بنے پگلا، بؤرا روُپ نہ کوئے وٹائیا۔ جیہڑے پِھردے رہے وِچ جنگلا، جنم جنم دھوُنیاں تائیا۔ اوہ پربھ نال مِل کے سرِشٹی دا لاہ دیؤ پردہ اندھلا، سچ سچ دیاں سُنائیا۔ رل مِل کے سارے اِک سٹیج تے گاؤ چار منگلا، گھر گھر وجے نام ودھائیا۔ ہرِ کے نام بِنا جن بھگتو کوئی نہیں سگلا، سب دے اندر وست دِتی ٹِکائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ روم روم کہے مَیں وِشوَ دا کھولنا پردہ، پوشیدہ راز دینا جنائیا۔ جو جیِو جنت بِرہوں اگنی وِچ سڑدا، تتّاں نال تت رہے ٹکرائیا۔ پتہ اوہناں کوئی نہیں اپنے گھر دا، جِس منزل اُتے بِن سنتاں کوئی نہیں چڑھدا، سَتگُر نے کِرپا کر کے غریِب نِمانے اوتھے دینے چڑھائیا۔ بےشک سکوُل مکتب پاٹھشالا وِچ جیِو جنت پڑھدا، پر آتم وِدیا بِن پوُرے سنتاں ہتّھ کِسے نہ آئیا۔ جِس دوارے اَگے آتم دا سوامی پرماتم کھڑدا، سوَچھ سروُپی درس دِکھائیا۔ اوتھے جھگڑا رہے نہ کوئی نار مرد دا، سانتک سَت دئے ورتائیا۔ جوتی جوت سروُپ ہرِ، آپ اپنی کِرپا کر، دُھر دی کھیل اِک وکھائیا۔ روم روم کہے سُن کے بچن نہ جانا بُھل، گھر دے دھندیاں وِچ وقت نہ کوئے گوائیا۔ سمت چڑھیا انمُل، جِس نوُں اکال پُرکھ شہنشاہ دِتی وڈیائیا۔ گُرمْکھو ہرجنو ساچے بھگتو سُہنجنی مات لوک دی پُھلواڑی دے بن جاؤ اوہ پُھل، جِنہاں دے وِچوں سُگندھ اِکو نظری آئیا۔ تُسیں سارے سِری بھگوان دی کُل، کُل دا مالک پروردِگار ساچا شہنشاہیِا۔ ویکھیو کوُڑی کھیل وِچ نہ جائیو رُل، آپ اپنا جگت بُھلائیا۔ اَگے سَت دھرم دا پَینا مُل، جوُٹھ جھوُٹھ کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑائیا۔ روم روم کہے میری سُن لؤ عرض، آرزوُ اِک دیاں جنائیا۔ اوم اوم کہنا سب دا فرض، وِشن برہما شِو ایہو راگ الائیا۔ آتم پرماتم دی ساچی طرز، تُریا دھار جنائیا۔ ایہہ سب توں وکھرا نِرالا چلن جگ دِسے اسچرج، اچرج لیِلا ہرِ جوُ آپ کرائیا۔ دیِن مذہب دی چُھری کِسے اُتے چلے کوئی نہ کرد، منُشاں تانئیی منُش ذِبع نہ کوئے کرائیا۔ جے تُہاڈے اندر پریم پیار دی پرگٹ ہو جائے درد، چار کُنٹ اِکو رنگ نظری آئیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ روم روم کہے میری سچ ارداس، پنجاں تتّاں والیو تُہانوُں دیاں جنائیا۔ اپنا ویکھو ہڈّ ناڑی ماس، پِنجر سوہنا دِتا جنائیا۔ جِس دے اندر وست رکھی خاص، اڈول اڈُل ٹِکائیا۔ امرت پیالہ نِجھر کوَل نابھی بھریا گلاس، سوہنا رنگ رنگائیا۔ انحد
شبد وجے دِن رات، اٹّھے پہر کرے شنوائیا۔ نِرگُن جوت تُہاڈے کایا مندر پرکاش، نوُرو نوُر نظری آئیا۔ جِس نالوں وِچھڑے اوسے دا بنا لؤ ساتھ، سرِشٹ سبائی تُہاڈی سنگی نظری آئیا۔ کلجُگ کوُڑی کِریا دا چھڈ دیؤ کنارہ تاٹ، سچ سروور لَینا نہائیا۔ سچ سندیشہ سُننا اگمّی گاتھ، جو نِہکرمی آپ سُنائیا۔ سچ پُچھو آد جُگاد جُگ چؤکڑی سرب سرِشٹ دا پُرکھ اکال اِکو مائی باپ، اوسے دے پُتر دھیِاں جیِو جنت نظری آئیا۔
۷ چیت شہنشاہی سمت ۱ چیلا سِنگھ دے گرِہ جموں
پُھل کہے حُکم جناب، جنابِ عالی دِتا سُنائیا۔ واحد پروردِگار میرا کرنا آداب، سجدہ سیِس نِوائیا۔ میرا لیکھا ہتّھ اوس احباب، جو محبوُب مُحبّت بےپرواہیِا۔ جِس دا پنّ ملِے صواب، رحمت جھولی پائیا۔ پاتشاہاں دا پاتشاہ نظری آئے نواب، واحد لاشریِک نوُر خُدائیا۔ گھر وکھائے کایا کعبےدو دوآب، آب حیات مُکھ چوائیا۔ پُھل کہے میرا سُنیہڑا لےَ کے جانا واپسی جواب، سندیشہ حقیِقت وِچوں سُنائیا۔ پُھل کہے میرے اندر اگمّی خوشبوُ، خوشنوُدی سب نوُں دیاں جنائیا۔ مَیں پاک کر دیاں بُت تے روُح، جو میرے گوسائیں دی بھیٹ چڑھائیا۔ اِکے نال کر کے رجوُہ، رُچی ساچی دیاں بنائیا۔ جِس مُحبّت دے مالک نال مَیں جاواں چھوُہ، اوہ خلق دا خالق نظری آئیا۔ اوہ محمد دا نوُر ہوُ بہوُ ، جلوہ گر نظری آئیا۔ خوشی ویکھ کے ہووے لوُں لوُں، اندروں ضمیِر دیوے بدلائیا۔ جوتی جوت سروُپ ہرِ، آپ اپنی کِرپا کر، ویکھنہارا انتر انتر کھوج کھوجائیا۔ پُھل کہے مَیں پُھلیا پُھلواڑی، گُلشن دِتا مہکائیا۔ صدی چؤدھویں میری آ گئی واری، پتّ ٹہنی نالوں جُدا دِتا کرائیا۔ مستی وِچ مستانے میرے نال لائی یاری، اپنے یار دا راہ تکائیا۔ سچ مُحبّت دی اِک خُماری، سوہنی دِتی پرگٹائیا۔ جوتی جوت سروُپ ہرِ، آپ اپنی کِرپا کر، قیِمت آپے پائیا۔ پُھل کہے کی مَینوُں کِسے ہتّھ پھڑایا مُرشد، مشیِر دِتا جنائیا۔ سوہنی مِلدی فُرصت، مِلایا بےپرواہیِا۔ میرے اندر نہ رہی غُربت، چُکی مان وڈیائیا۔ - - - - پُھل کہے میرے رحمان، رحمت دے کمائیا۔ صِدق صبوُری دا دے ایمان، حُجرہ حق دے وکھائیا۔ جِتھے جھُلدا اِک نِشان، مُرشد بَیٹھا شہنشاہیِا۔ اِکو کلمہ تے اِکو کلام، اِکو حرف رہیا پڑھائیا۔ اُس دے نظر نہ آؤندے کِسے عنوان، ثابت صوُرت نہ کوئے
جنائیا۔ پُھل کہے جے مُریِدو مُرشد دی تُہانوُں آ جاوے پہچان، پِھر مُشکل اَور نہ کوئے رکھائیا۔ جو ساریاں غُنچیاں دا باغبان، اِنساناں دا اصلی مالک نظری آئیا۔ اوہ پِھردا نہیں وِچ عوام، عامَ خاص بھجےّ نہ واہو داہیِا۔ جِس دے نال اُس دا ہووے کام، اوسے نوُں لیا بُلائیا۔ ساچا دیوے پَیغام، حضرت کرے پڑھائیا۔ مقامے حق دا امام، عملاں والی ویکھے سرب لوکائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پُھل کہے مَیں ویکھیا اندر اِک حُجرہ، کایا کعبےسوبھا پائیا۔ جِتھے پروردِگار دا مُجرا ، مُریِد مُرشد دوویں نچ نچ خوشی منائیا۔ پُھل کہے میری بُنیاد دا کِسے نہیں ویکھیا شجرہ، میرا موُل نہ کوئے سمجھائیا۔ جِس ویلے محمد دی روُح نوُں محبوُب دا لگنا سی سگنا، اگلا پردہ دِتا اُٹھائیا۔ جوتی جوت سروُپ ہرِ، آپ اپنی کِرپا کر، دُھر دی کرنی اپنے ہتّھ رکھائیا۔ پُھل کہے میری ویکھو پتّی پتّی، پنکھڑی اپنا حال سُنائیا۔ جِس لوک مات چؤداں طبق سب دی اکّھ پرکھ لئی، پرتکھ بےپرواہیِا۔ اوسے دی آس رکھ لئی، جو مِل کے خوشی منائیا۔ - - - - دِل میں تھا ایک ایسا اِحساس، آشا رہی تڑپائیا۔ اوس محبوُب دے جاواں پاس، جو مُحبّت دا مالک نظری آئیا۔ میری پوُری کردے خواہش، خاص اپنا رنگ چڑھائیا۔ میرا نفس نہ ہووے اُداس، ہَوس دئے بُجھائیا۔ جِس طرح مَیں اوس دی بھیٹا کرنا پُھل گُلاب، گُلاب دا آب میرے اندر چوائیا۔ میرا قیامت دا مُک جائے حِساب، ضمانت دے کے بری کرائیا۔ اوس پَیغمبر نوُں سجدہ کراں آداب، اسلام علیکم دیاں سُنائیا۔ جوتی جوت سروُپ ہرِ، آپ اپنی کِرپا کر، کلمہ اِکو دئے پڑھائیا۔ پُھل کہے مَینوُں رکھیا توڑ، سچ مُحبّت اِک رکھائیا۔ مَیں کِہا مَینوُں وی اوس دی لوڑ، جیہڑا وِچھڑیاں رہیا مِلائیا۔ دوہاں مِل کے تکیا غؤر، چاروں کُنٹ اکّھ کُھلائیا۔ سانوُں نظری آیا ہور، اَور کا اَورا روُپ وٹائیا۔ جِس دے ہتّھ سب دی ڈور، تندی تند بندھائیا۔ دوویں چل کے آ گئے کول، پِچھلا پندھ مُکائیا۔ اوہ انتولے تولے اپنے تول، کنڈے سچ اُٹھائیا۔ کایا قبر صبر پردہ دیوے کھول، چشم دیِد نظری آئیا۔ پُھل کہے حُکم تھا ایک، مالک اِکو نظری آئیا۔ جِس نوُں ایہہ اکّھاں نہیں سکدیاں ویکھ، کایا کعبےوِچوں نظری آئیا۔ جِس دا تیس بتیِس قُرآن وِچ لِکھیا لیکھ، مجید دِتی وڈیائیا۔ اوسے دی وستوُ اوسے دی بھیٹ، اِکو دے اَگے دِتا ٹِکائیا۔ جِس نوُں سجدے کردے مُلّا شیخ، مسائک نغمیاں وِچ گائیا۔ کائنات کلمے والی دیونہارا ٹیک، عنایت اپنی آپ جھولی پائیا۔ جِس دی سچ شرع دی سچ شرائط، شریعت دئے وکھائیا۔ جِس دی مقامے حق آرامگاہ رہیائش، نوُر نوُرانہ نظری آئیا۔ پُھل کہے درویش اِس
دی سُن لےَ ہدایت، حضرت ہو کے رہیا سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ پُھل کہے میری اّچھی کِسم، قِسمت نال قِسمت دیاں بدلائیا۔ جِنہاں نوُں پروردِگار دا ساچا مِل گیا اِسم، سو اِسم اعظم وِچ اپنا ڈیرہ لائیا۔ درس کر کے چشم، دیِد خوشی منائیا۔ مَیں کھا کے کہاں قسم، پروردِگار اِکو نوُر خُدائیا۔ جِس دا وجوُد نہیں کوئی جِسم، ماٹی خاک گور نہ ڈیرہ لائیا۔