کتب خانہGranth 18 (Shahmukhi)

۱۱ چیت شہنشاہی سمت ۱ دیوا سِنگھ دے گھر دِھنگالی

دیوا سِنگھ پِچھلا نام سی گنڈا، کُکھ براہمنّی بھاگ لگایا اے۔ غریِبی وِچ سی اوسدا حال مندا، دُکھ بُھکھ وِچ جھٹ لنگھایا اے۔ چھوٹی اَوستھا ہتّھ وِچ پھڑ کے ڈنڈا، گھر ججماناں پھیرا پایا اے۔ اِک دِن رَویداس دے کول دی لنگھا، اپنا راہ تکایا اے۔ اودھروں براہمن مِل گیا آؤندا گنگا، سوہنا جوڑ جُڑایا اے۔ براہمن کِہا تُوں بندیاں ورگا بندہ، بندگی توں خالی کِیوں پِھریں ہلکایا اے۔ تَینوُں نہیں پتہ مَیں سب توں برہم وِدیا وِچ چنگا، ساچی سِکھیا دیاں دِرڑایا اے۔ آ لےَ مَیتھوں امرت ٹھنڈا، تیری ترِشنا دئے مِٹایا اے۔ اوس نے کِہا چنگا، گھُٹ میرے مُکھ چوایا اے۔ اودھروں رَویداس نے ویکھیا کوئی براہمن لاؤن لگّا ڈھنگا ، کرتب اپنا رہیا پرگٹایا اے۔ جوتی جوت سروُپ ہرِ، آپ اپنی کِرپا کر، ساچی کرنی کار کمایا اے۔ گھر غریِبی غریِباں دا مُنڈا، مانگت روُپ وٹائیا۔ بہُتا کِسے نال نہیں کوُندا، اندرے اندر نام دِھیائیا۔ اِک دِن راہ تکیا اگمّی جوُہ دا، چلیا واہو داہیِا۔ اوس دے اندر جھگڑا چھِڑ پیا بُت روُح دا، آواز اندرے اندر پرگٹائیا۔ یاد آئی کِس طرح مان ودھایا دھروُ دا، پدوی مِلی بےپرواہیِا۔ جوتی جوت سروُپ ہرِ، آپ اپنی کِرپا کر، ... ..... ...۔ اودھر رَویداس پانہی رہیا سی گنڈھ، رمبی آر جوڑ جُڑائیا۔ جھکولا پَون دی آئی ٹھنڈ، سردی رُت وکھائیا۔ آؤن لگّی ہؤلی جِہی کھنگھ، رَویداس کھنگھ کے ہائے دِتا جنائیا۔ اودھروں براہمن آ گیا سِر تے چُکی پنڈ، بستر بہُہ اُٹھائیا۔ اِک دُہر باہر کڈھ، رَویداس اُتے دِتی ٹِکائیا۔ رَویداس کِہا یار چھڈ، ایہدی لوڑ نہ رائیا۔ جِس دے پیار اندر مَیں رہیا لگ، اوسے دا دُکھ اوسے دی جھولی پائیا۔ جے اجّ تیرے سہارے گیا بچ، کل نوُں کوَن ہوؤُ سہائیا۔ ایہہ بچن پربھ نے سُن لیا سچ، دوُر دُراڈے دھیان

لگائیا۔ دردی ہو کے پیا بھجّ، آیا واہو داہیِا۔ ویکھو کھیل پُرکھ سمرتھ، کی اپنی کار کمائیا۔ بنارس دے لُٹن والے تٹ، آسن لیا جمائیا۔ اودھروں براہمنی دا مُنڈا آ گیا خالی ہتّھ، کرمنڈل رہیا لٹکائیا۔ پِنڈیوں ننگا تیڑ نِکی جِہی کچّھ، بودی سِر دے اُتے ہِلائیا۔ سِری بھگوان دے کول آ کے کہن لگا کُچھ ایہدے وِچ گھت، بِھچِھیا میری جھولی پائیا۔ کِرپا کر پُرکھ سمرتھ، اپنے چرناں دی خاک اوہدی کرمنڈلی وِچ دِتی ٹِکائیا۔ مُنڈا کھِڑ کھِڑا کے پیا ہس، مَیں بُھکھا ایہہ میرے نالوں بُھکھا اِک ہور نظری آئیا۔ سِری بھگوان پھڑ کے اوہنوُں جھٹ، نال لیا مِلائیا۔ تَینوُں کھان پیِن والا گھر دیواں دسّ، جِتھے ملِے وڈیائیا۔ اَگے آیا رَویداس سُکی روٹی اُتے گنڈھا بَیٹھا سی رکھ، خوشیاں نال رہیا چبائیا۔ سِری بھگوان نے ڈاہ کے اَگے ہتّھ، مُنہ توں ڈِگا بھورا ہتّھاں وِچ لیا ٹِکائیا۔ پھیر پھڑ کے کِہا اوس بُھج تُوں اِک ویر چھک، رسنا بُلاں نال چُھہائیا۔ اوہن مُنہ کھولیا جھٹ، سِری بھگوان نے اندر دِتا سُٹائیا۔ کھان دے نال کُھل گئی اوہدی اکّھ، پرتکھ نظری آیا گوسائنیا۔ اوس نے کِہا مَینوُں ایس دا پتہ دسّ، جو سُکے ٹُکڑے رہیا چبائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُرکھ اکال دا بھیس، اوس ویلے بدھّی سی اِک گِلتی، بدن کپڑا ہور تن نہ کوئے وکھائیا۔ بن کے آیا عِلّتی، شرارتی اپنا روُپ وٹائیا۔ ایہہ کھیل سی اوس دِلدار دِل دی، جِس دی رمز سمجھ کوئے نہ پائیا۔ ایہہ کھیل اوَلّڑی چِھن چِھن دی، گھڑی گھڑی رہیا وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُرکھ اکال کِہا پھڑ اپنا ڈنڈا، ڈنڈاوت دیاں جنائیا۔ اینے چِر نوُں رَویداس اپنے آسن تے اِس طرح ہو گیا وِنگا، ٹیڈھا ہو کے ڈیرہ لائیا۔ دیِن دَیال نے اوس مُنڈے دا پھڑ کے کندھا، اوس دے پِنڈے نال دِتا گھسائیا۔ اوہن جھٹ کِہا مَیں مُردا ہو گیا زِندا، زِندگی وِچوں زِندگی دِتی بدلائیا۔ رَویداس کِہا بھئی کِداں، مَینوُں سمجھ کوئے نہ آئیا۔ اوہ بچّہ جھٹ مار کے چھال اوہدی بہہ گیا گِدا، گل وکڑی لئی پائیا۔ مَینوُں ہور اندرلی دسّ دے بِدھا، جِس نال مِلیا بےپرواہیِا۔ سوانگ وٹا کے لیایا سِدھا، ادھ وِچ نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، اپنا کھیل کرائیا۔ رَویداس پھڑ کے وِچوں گود، اِک ہلوُنا دِتا لگائیا۔ بالے کُچھ سوچ، سمجھ دیاں دِرڑائیا۔ کر کے ویکھ ہوش، ہوشیاری اِک وکھائیا۔ براہمن بچّہ ہو کے خاموش، مُکھ آواز نہ کوئے سُنائیا۔ اوہنوُں نظر آ گئے چؤداں لوک، چاروں کُنٹ ویکھ وکھائیا۔ رَویداس نے کِہا اِک گا ہور سلوک، تَینوُں دیاں دِرڑائیا۔ پھیر ویکھ اوس پربھوُ دی مؤج، جو تیرے اندر بَیٹھا سوبھا پائیا۔

بچّے کِہا مَیتھوں نہیں ہُندی کھوج، لبھن کِس بِدھ جاواں کھوجاں تھاؤں تھائنیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ رَویداس کِہا تیری کرمنڈلی وِچ کی، مَینوُں دے وکھائیا۔ اوس کِہا کُچھ وی نہیں، مِٹّی کِسے نے دِتی سُٹائیا۔ رَویداس کِہا آہ میرا پانا اِس دے وِچ گھول کے پی، پِھر تَینوُں دیاں سمجھائیا۔ اُس ہائے کیِتا نالے سی، چمّ والا کِس طرح مُکھ لگائیا۔ نہ مَینوُں پیِن نوُں دُدھ نہ کھان نوُں دِتا گھی، رَویداس کوُڑا کرکٹ میرے مُکھ وِچ پائیا۔ اوسے ویلے بوہ روُپیئے بھگوان بھر کے چُلی وِچوں اِک لئی پی، ہا کہہ کے دِتا سُنائیا۔ اوسے بچّے دے ڈِھڈ وِچ پئی لیِہ، درد نے دُکھ دِتا ودھائیا۔ اوہ کہے ہُن کراں کی، داروُ سکے نہ کوئے پیائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمائیا۔ ہوئی درد ودھیا دُکھ، دُکھڑا نہ کوئے مِٹائیا۔ اندرے اندر کوئی سُکھنا رہیا سُکھ، کوئی مَینوُں لئے بچائیا۔ مَیں بن جاواں اوس دا سکا پُت، پِتا سمجھ کے سیو کمائیا۔ تے جے میرا ایتھے جیِون گیا مُک، میری کی کروُ مائیا۔ اوہ مَینوُں سمجھی بَیٹھی سب کُچھ، میرے پِتا دی میرے نالوں پہلے ہو گئی جُدائیا۔ اوس ویلے چھیتی نال رَوی نے رمبی اُتے چاڑھ کے تھوڑا جِہا مُکھ وِچ پایا گھُٹ، پیَندیاں سار دُکھ گیا چُھٹ، اندروں رس پیا پُھٹ، ترِشنا دِتی گوائیا۔ چھیتی نال اُٹھ ہتّھ جوڑ کے کہے مَینوُں دے کُچھ، بینتی دِتی سُنائیا۔ رَویداس کِہا پہلوں میرا بن پُت، پھیر اَگوں مَیتھوں پُچھ، مَیں پڑدا کھولاں لُک، تُوں گاؤنی اِک تُک، سوہنگ ڈھولا دیاں سمجھائیا۔ اودھروں براہمن بدل کے آ گیا رُخ، پُچھن لگّا شانت سُکھ، آ تَینوُں اپنیاں کندھیاں لَواں چُک، تیرے گھر آواں پُچائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ بچّے کِہا میرا کُچھ وِچار، وِچلی کہانی دیاں جنائیا۔ مَیں براہمن تُوں رَویداس چمیار، دوہاں دی جوڑی کِس طرح سوبھا پائیا۔ جیہڑا تُوں پانا مَینوُں دِتا پیال، کِتے پتہ نہ لگّے میری مائیا۔ بےشک اسیں غریِبی وِچ کنگال، براہمن پکّے ذات وِچ نظری آئیا۔ رَویداس کِہا جیہڑا ایہہ خیال، کُچھ تَینوُں دیاں سمجھائیا۔ آہ ویکھ دیِن دَیال، جو اِکو کپڑا تن دے نال ہنڈھائیا۔ بچّے کِہا مَیں تے سمجھیا کؤن میرے ورگا کنگال، بُھکھ دا ماریا پِھرے واہو داہیِا۔ رَویداس کِہا اُٹھ ویکھ میرے لال، تَینوُں پڑدا دیاں چُکائیا۔ جاں پھیر تکیا اوہ نظر آیا اوہ وسیا اُپر اسمان، جِس دا جوت نوُر مہان، لکّھ چؤراسی دے اندر بَیٹھا سوبھا پائیا۔ بچّہ ہو گیا حَیران، رَویداس تیرے دوارے کِس طرح آ گیا ایہہ مہمان، دُھر دا مالک سِری بھگوان، ننگی پَیریں پھیرا پائیا۔ کُچھ مَینوُں وی دسّ احوال، جِس بِدھ ہووے ایہہ دَیال، گھر غریِباں

آوے اپنی دَیا کمائیا۔ رَویداس کِہا تُوں بچّہ اجے اَنجان، تَینوُں دسّاں اِک دھیان جِس دا وکھرا سب توں گیان، اکھّراں والی نہ کوئے پڑھائیا۔ جیہڑا ایس نوُں کرے پروان، ایہہ پربھوُ سدا مِہروان، جُگ جُگ بھگتاں دا مہمان نظری آئیا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیا۔ بچّے کِہا تُوں میرا پِتا تے مَیں تیرا پُت، رَویداس تیری اوٹ تکائیا۔ ہُن رکھیں نہ پردہ اوہلا لُک، بھیو ساچا دینا کُھلائیا۔ کِس بِدھ آوے ابناشی اچُت، مَینوُں سچ دینا دِرڑائیا۔ مَیں اوناں چِر نہیں کرنا چُپ، اُچی کوُک کوُک سُنائیا۔ جِس کارن ہووے خوش، اوہ بِدھی دینی وکھائیا۔ جِس سوہنی آوے رُت، اوہ مہیِنہ دِوس دینا جنائیا۔ جیہڑا کھاوے پیِوے ٹُک، اوہ بھوجن دینا بنائیا۔ جوتی جوت سروُپ ہرِ، آپ اپنی کِرپا کر، مِہروان کھیل کھلائیا۔ رَویداس کِہا کی اِس دی لوڑ، بالی بُدِھ سمجھ نہ رائیا۔ پہلوں کمّ سِکھ لےَ میرے کولوں کھِچنے ڈھور، ذات پات مِٹائیا۔ گنڈھاں پاؤنیاں سِکھ لےَ نال ڈور، ٹُٹیاں نال مِلائیا۔ سُکے ٹُکڑے کھانے بھور بھور، طمع جگت نہ کوئے رکھائیا۔ در آیا خالی کوئی نہ دینا موڑ، غُصّہ کمّ نہ کوئے جنائیا۔ جے تیری پریِتی نِبھ جائے میرے نال توڑ، پھیر تُرت تیرا بھگوان دیاں مِلائیا۔ تُوں براہمنی دا جایا چھوہر، اُچی ذات رکھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ بچّے کِہا مَیں چھڈی ذات پات، مان دِتا مِٹائیا۔ رَویداس نے کِہا کول رہ جا اجّ دی میرے رات، دُھر دی کتھا سُنائیا۔ پھیر سُناواں اگمّی بات، پردہ دیاں چُکائیا۔ اوہ بن گیا ساچا ساتھ، منسا دوُر کرائیا۔ دوہاں مِل کے اِکٹّھی مُکا لئی واٹ، رَویداس دوارے ڈیرہ لائیا۔ گھر سؤن نوُں کوئی نہیں لئی کھاٹ، بِستر زِمیں اُتے ٹِکائیا۔ کھان پیِن ولّوں خالی دِسی پرات، سوانی آٹا گُنھ نہ کُچھ پکائیا۔ لڑکا چاروں کُنٹ رہیا جھاک، کُچھ اَگے دینا ٹِکائیا۔ رَویداس نے گھُٹ کے جپھی پا کے کِہا بھگت بھگوان دے کول ایہو وڈی سوغات، جو مِل کے خوشی منائیا۔ لکّھ چؤراسی دے کھا کھا تھکے دانت، ہِل ہِل ہونٹھ دین دُہائیا۔ پر پربھوُ مِلن دی کِسے دی پوُری نہیں ہوئی آس، ترِشنا وِچ لوکائیا۔ جے بہُتا رس لَینا ایس پرات نوُں لےَ چاٹ، جو ترِپت دئے کرائیا۔ لڑکے منّ کے اِکو بات، رسنا نال دِتی لگائیا۔ اودھروں آ گیا پُرکھ ابناش، گل پُھلاں ہار اُٹھائیا۔ رَویداس نوُں مِلا کے اپنی نال ذات، ظاہر نوُر کیِتا رُشنائیا۔ بچّے پُچھیا کی چانن ہویا آکاش، زِمیں ہوئی رُشنائیا۔ رَویداس کِہا آہ ویکھ میرا باپ، جو مِلن آیا چائیں چائنیا۔ بچّے کِہا ایہدے کول کیہڑا حِساب، جو بھگتاں لیکھا جُگ جُگ رہیا مُکائیا۔ ابناشی کرتے کڈھکے اگمّی کِتاب، بِن کُتب خانیوں

دِتی وکھائیا۔ بچّے رو کے دِتا آکھ، بہُڑی کر دُہائیا۔ رَویداس جے تُوں میرا دھرم دا باپ، اِک احباب اِک باب میرا دینا دِرڑائیا۔ جِس طرح بھاگ لگّا گھر تیرے آج، ایسے طرح مَینوُں وی درس دِکھائیا۔ رَویداس کِہا جو تُوں کِہا ساچ، سچ سچ نظری آئیا۔ ابناشی کرتا پیا ہس، سوہنا روُپ پرگٹائیا۔ بچّوُ اِک ویراں کھول کے ویکھ اکّھ، پڑدا دیاں اُٹھائیا۔ جِس ویلے اکّھ پُٹی اوہنوُں نظر آ گیا میرے جیِون دے دِن باقی رہ گئے اٹھ، ناتا تت جانا تُڑائیا۔ نِمانا ہو کے منگ لَواں کُچھ منگ، جو ویلے انتم کمّ آئیا۔ رَویداس کِہا سُن میرے چند، سچ کہانی دیاں دِرڑائیا۔ شاہ پاتشاہ سوُرا سربنگ، سمرتھ پُرکھ اکھوائیا۔ جے منگنا ای تے منگ ایس دا سنگ، تے نالے رَویداس نالوں نہ ہوئے جُدائیا۔ اِس دے کول بُہتے ڈھنگ، بِدھی انیک نال ترائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ رَویداس کِہا پربھوُ ایہہ میرا ساتھی، سوہنا سنگ بنائیا۔ ایہدے جیِون دے دِن رہ گئے اٹھ باقی، لہنا رہیا مُکائیا۔ چھڈ جانا تن خاکی ، مِٹّی وِچ سمائیا۔ ذرا ایہدے ول جھاکی، مِہر نظر اُٹھائیا۔ اِس نے اِک بینتی مَینوُں آکھی، سو تَینوُں دیاں سُنائیا۔ جِس بِدھ گھر آئیوں میرے راتیں، تن کپڑا اِک سُہائیا۔ ایہہ وی چاہُندا مَیں درس کراں کملاپاتی، جے گرِہ میرے پھیرا پائیا۔ سِری بھگوان کِہا ایہہ سوہنی چنگی باتی، جو مَینوُں دِتی سُنائیا۔ جگت جہان بھگتاں جگت بناواں ساتھی، ساکھیات درس دِکھائیا۔ جِس ویلے کلجُگ آوے اندھیری راتی، چاروں کُنٹ اندھیرا چھائیا۔ مَیں بن کے آواں پُرکھ ابناشی، جوت سروُپی پھیرا پائیا۔ اوس ویلے ایہدی مانَس ہووے ذاتی، گُرمْکھ اپنا روُپ وکھائیا۔ رَویداس تُوں وی بننا ساتھی، آؤنا واہو داہیِا۔ مَیں ایسے طرح اِس دے گھر کٹوُنگا راتی، دوُجا بستر نہ کوئے چُھہائیا۔ اوس توں بعد ہتّھ مار کے کہے اُتے چھاتی، شہنشاہ مِلیا دُھردرگاہیِا۔ جِس نے پِچھلی کھیل پچھاتی، اگلا لیکھا رہیا مُکائیا۔ جے اجّ ایہہ کِرپا نہ کردا دیوا سِنگھ وی مُک جانا سی ایسے وساکھی، ویلا وقت دئے گواہیِا۔ مہاراج شیرسِنگھ وِشنوُں بھگوان، جیِون دی بخش کے داتی، دَیادرِشٹی جھولی پائیا۔ ایہہ کفناں والی ٹاکی، گلوں پھانسی دِتی لاہیِا۔ منزل چاڑھ کے اپنی گھاٹی، واٹی دِتی مُکائیا۔ اوہ دھوُڑ جیہڑی گُرمْکھ چُکی خاکی ، اوہ خاک دی چُٹکی ایسے نوُں گئی بچائیا۔ مہاراج شیرسِنگھ وِشنوُں بھگوان، بنس سربنسا کر کے جاوے راضی، رضا اپنی وِچ چلائیا۔

دھوُڑ کہندی جے رَویداس دے نہ آؤندی ہتّھ، پُرکھ اکال نہ حُکم سُنائیا۔ ہُن وی ماں نالوں پُت کر دینا سی الگ، ہونی سی جگت جُدائیا۔ بھیٹا چڑھنا سی اگنی اگّ، تتّاں دا تت مِٹائیا۔ دیوا سِنگھ دے بدلے دو مہینےِ پہلوں آیا بھج، اپنا پھیرا پائیا۔ اَگے ہون نہ دیوے اڈّ، آیوُ بہُتی دِتی ودھائیا۔ کِیوں، جِس دا پِتا تایا پہلے لئے سدّ، اپنے چرن ٹِکائیا۔ ہُن بھاگ لاؤنا اوس جدّ، گُرمْکھ رنگ چڑھائیا۔ مہاراج شیر وِشنوُں بھگوان، کِرپا کر کے جِس نوُں چاہے اُسنوُں جائے چّھڈ، جو چاہے سو اپنے نال لئے مِلائیا۔ اِس دے اَگے بولن دا کِسے دا نہیں حقُ، گُر اوتار پیِر پَیغمبر چلن سرب رضائیا۔ جوتی جوت سروُپ ہرِ، آپ اپنی کِرپا کر، کرے کھیل پُرکھ سمرتھ، وتھ دُھر دی جھولی پائیا۔ دھوُڑ کہے مَیں وست اوس سَتگُر دی، جِس کرمنڈلی دِتی پائیا۔ جیہڑی رَویداس دے پانے وِچ کُھر گئی، امرت روُپ وٹائیا۔ اجّ اوسے دی آسا پوُردی، ساچی سیو کمائیا۔ کِرپا ویکھی حاضر حضوُر دی، جو ہرجن رہیا ترائیا۔ ایہہ وڈیائی میری مِٹّی خاکی دھوُل دی، جو دُھر دے لیکھے رہی بنائیا۔ کرے کھیل سمرتھ پُرکھ اصوُل دی، اصلیّت دئے جنائیا۔ مہاراج شیرسِنگھ وِشنوُں بھگوان، دھوَل کہے جے مَیں نہ قبوُلدی، کوَن مَینوُں دیندا وڈیائیا۔

۱۲ چیت شہنشاہی سمت ۱ بیلا سِنگھ دے گھر دِھنگالی

ترشنا کہے مَینوُں آندی ترِشنا، اپنی آس رکھائیا۔ شِو برہما ویکھیا وِشنا، اپنی لئے انگڑائیا۔ راہ تکیا راما کرِشنا، در در الکھ جگائیا۔ عیسیٰ موُسیٰ محمد رکھیا نِسچا، صِدق صبوُری ہور ودھائیا۔ نانک گوبِند رس ویکھیا مِٹھدا، امرت رس جنائیا۔ شاستر سِمرت وید پُران جو لیکھا لِکھدا، لِکھ لِکھ دئے سُنائیا۔ اِنجیِل قُرآن جگت عِلم الف یے دِسدا، بَیٹھی دھیان لگائیا۔ کنارہ ویکھیا تیِرتھ تٹ دا، اپنا پندھ مُکائیا۔ ونج ویکھیا ونجاریاں دے ہٹّ دا، گرِہ گرِہ کھوج کھوجائیا۔ آواز سُنیا سنکھ دی گجّ دا، سرون سوبھا پائیا۔ جوگی جتی سنیاسی وَیراگی ویکھیا گھر بار تجدا، ناتا جگت تُڑائیا۔ گرِہستی ویکھیا پریوار وِچ سجدا، مات پِت بھَین بھائی پُتر دھیِاں نار کنت مِل کے خوشی منائیا۔ راگ سُنیا شبد دُھن سُرنگا وجےّ تند دا، طبلے تنبوُرے دین دُہائیا۔ سادھوُ ویکھیا اگنی نال تپدا، دھوُنیاں رہے لائیا۔ جوگی ویکھیا کندراں وِچ چھپدا، اندھ اندھیرے سوبھا پائیا۔ اودھوُت ویکھیا خاک سیِس سٹدا، بھبوُتی تن رمائیا۔ مِرگ ویکھیا

سُگندھی پِچھے نَٹھدا، بھجےّ واہو داہیِا۔ ہنس ویکھیا مانک موتی چوگ لبھدا، سروور کھوج کھوجائیا۔ بھیانک روُپ ویکھیا کالے ناگ سپّ دا، جو بِلّاں اندر سوبھا پائیا۔ اسوَ گھوڑا ویکھیا ٹپدا، گج ہاتھی شِنگار کرائیا۔ سوُربیِر جودھا آسن اُتے ویکھیا سجدا، شستر کھنڈا کھڑگ تیِر تلوار ہتّھ رکھائیا۔ کالکا دا کھپر ویکھیا بھردا، دُرگا دی رن بھوُمی سوبھا پائیا۔ راون دا ہنکار ویکھیا ودھدا، رام دا بنباس نظری آئیا۔ وِچھوڑے وِچ سیِتا نوُں ویکھیا لبھدا، ہنونت رنگ چڑھائیا۔ کنس نوُں ویکھیا کنیا لہر وِچ سُٹدا، دھروہ بھَین نال کمائیا۔ کرِشن نوُں ویکھیا نئیا پار ٹپدا، ماتا ماتا اپنی بدلائیا۔ محمد نوُں ویکھیا کلمہ رٹدا، نیتر رو رو نیِر وہائیا۔ عیسیٰ نوُں ویکھیا پھانسی اُتے لٹکدا، سلیِو دِتا چڑھائیا۔موُسیٰ ویکھیا مُنہ دے بھار ڈھٹھدا، جلوہ نوُر نظری آئیا۔ نانک ویکھیا نِرنکار نِرنکار نِرنکار رٹدا، دِوس رَین ستار وجائیا۔ انگد ویکھیا چرناں دی دھوُڑی چِٹدا، سوہنی سیو کمائیا۔ امرداس ویکھیا مٹکا سیِس اُتے رکھدا، بھجےّ واہو داہیِا۔ رام داس ویکھیا چنے چبدا، ہٹّو ہٹّ وِکائیا۔ ارجن ویکھیا جو اِکو راہ تکدا، شبدی میل مِلائیا۔ ہرگوبِند جودھا سوُربیِر ویکھیا پھبدا، میِری پیِری تن چُھہائیا۔ ہررائے منزل ویکھیا لنگھدا، ہؤلی ہؤلی پندھ مُکائیا۔ ہرکرِشن ویکھیا چھوٹی دیہی تجدا، بال اوستھا جوت سمائیا۔ تیغ بہادر ویکھیا سیِس کٹدا، دھڑ نالوں ہوئی جُدائیا۔ گوبِند ویکھیا بچّے نیہاں ہیٹھ رکھدا، بھانا بےپرواہیِا۔ بِنا پانیؤں پِچھانہ گھلدا، چمکؤر دئے گواہیِا۔ زر زیور دھن دؤلت پُری انند ویکھیا چھڈدا، گیا سرب تجائیا۔ دکھشن دِشا ویکھیا ہسدا، اِکو دھیان لگائیا۔ گوداوری نوُں ویکھیا کُچھ دسّدا، سندیشہ اِک جنائیا۔ جاندی واری کہہ کے گیا ہونا کھیل پُرکھ سمرتھ دا، جِس دا انت کوئے نہ پائیا۔ کرِشنا کہے مَیں اوس ویلے اِشارہ لَینا اپنی پلک دا، کُچھ مَینوُں دے جنائیا۔ میرا حِصّہ نہیں مُکیا جگت وِچ ترس دا، ترسدی نوُں جُگ چؤکڑی گئے وِہائیا۔ گوبِند کِہا جِس ویلے میلا ہویا بھگت بھگَونت دا، تیرا لیکھا دئے چُکائیا۔ اوہ جوت اگمّی مالک دو جہان جگت دا، جُگ چؤکڑی لہنے رہیا مُکائیا۔ اوس نے کِہا ساچا ویلا کیہڑا سماں وقت دا، تھِت وار دے سُنائیا۔ گوبِند کِہا جِس ویلے آپ آیا مالک عرش فرش دا، ترس کر کے تَینوُں اپنے نال رلائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، مہاراج شیرسِنگھ وِشنوُں بھگوان، دوُجی آس نہ کوئے جنائیا۔

۱۲ چیت شہنشاہی سمت ۱ بُڈھیاں دے شبد پڑھن تے

جس ویلے بُڈھیاں نے شبد دِتا بول، انتر پریم آواز لگائیا۔ لّچھمی نے کُنڈا دِتا کھول، وِشنوُں ویکھ کھیل بےپرواہیِا۔ برہما چل کے آ گیا کول، اپنا پندھ مُکائیا۔ پاربتی نے وجا کے ڈھول، بھولا ناتھ سُتّا دِتا اُٹھائیا۔ راہ تکّن ویکھن کی ایہہ سچ کہ مخؤل، پربھ نے کھیل کھِلائیا۔ گوبِند اِشارے نال کِہا ویکھو اُپر دھؤل، نِگاہ نِگاہ نال مِلائیا۔ پُرکھ ابناشی جِنہاں دے بَیٹھا کول، کملے کوجھے اپنے رنگ رنگائیا۔ پریم پیار دے بھنڈارے اوہناں دے اندر دیوے کھول، مِہر نظر نال ترائیا۔ گُرمْکھ سِکھ بنا کے نِرول، نِرمل روُپ دئے جنائیا۔ ایہہ شبد بڑے انمول، جو ان پڑھاں رہیا پڑھائیا۔ جو کُچھ سی ایہناں دے کول، ایہناں اندروں باہر دِتا کڈھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ جگت سِنگھ کہے بیلا سِنگھا جدوں مَیں شبد پڑھیا، پریم پریِتی نال گائیا۔ تُوں نہیں ویکھیا برہمنڈ کھنڈ سُنن نوُں کھڑھیا، کیہڑا راگ رہیا الائیا۔ راگ ناد حَیران ہو کے سرنی پڑیا، وِسماد روُپ وٹائیا۔ جِنہاں دے اندر پریِتم وڑیا، اوہناں دی بےتُک تُکاں نالوں چنگی نظری آئیا۔ اوہناں دا کارج سریا، جِنہاں پڑھن دی بجائے سنمُکھ درشن لیا پائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ بیلا سِنگھ کہے جِس ویلے لچھمن سِنگھ بولیا جَیکارا، جےَ جَیکار دِتی سُنائیا۔ دو جہاناں آیا ہُلارا، برہمنڈ کھنڈ دِتے اُٹھائیا۔ پریم وِچ نچّے ٹپّے کُدے نالے کرے اِشارہ، ہتّھاں اُنگلاں نال سمجھائیا۔ جو کوئی وست دے دیں تھارا، گٹھڑی پھول ساڈی جھولی پائیا۔ پِھر ساڈا ویکھیں نظارہ، بُڈھے نڈھے روُپ وٹائیا۔ پریم پریِتی دا اِک پیارا، وست دُھر دی دے ورتائیا۔ جے تُوں آیا کنڈھی کنارہ، کنڈیاں وِچوں پار لنگھائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ رکھائیا۔ لچھمن سِنگھ کہے میرے لاَگوں نندوُ گیا اُٹھ، وِنگا ٹیڈھا اَگے گیا آئیا۔ اندرے اندر کُچھ لیا پُچھ، اپنی منگ منگائیا۔ بولیا سچ مُچ، جو سچ کایا رنگ چڑھائیا۔ دیِن دَیال ہویا خوش، ڈھولا سُن کے اگمّ اتھاہیِا۔ کرم سِنگھ کِہا مَینوُں آؤندا نہیں کُچھ، ایہہ وی اُہناں نال رلائیا۔ اِنہاں ساریاں دی پربھوُ آپ بولے تُک، تُخم تاثیر اپنے وِچ مِلائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ بُڈھے کہن ساڈی بول اِکو تُک، تُرت دے جنائیا۔ ساڈا لیکھا جاوے مُک، جگت حِساب رہے نہ رائیا۔ بُڈھیاں دی گبھروُآں ورگی کھڑی ہو جائے مُچھ، خوشی وِچ بھجیئےواہو داہیِا۔ جے کوئی سانوُں لئے پُچھ، اسیں

کہیئے مِلیا بےپرواہیِا۔ بُدھوُ رہے مُڈھ، مُڈھ توں پھیر بُدھی والے دے بنائیا۔ جِس بُدھی نال تُوں سانوُں گِیوں سُجھ، بہُتی عقل دی لوڑ رہی نہ رائیا۔ اَگے پریِتی وِچ جائیے رُجھ، رُچی تیرے نال بنائیا۔ دُنیا بھاویں کہے کُچھ، ساڈی ڈوری تیرے ہتّھ نظری آئیا۔ عمُر دے بُڈھے بھگتی پریم پیار وِچ تیرے پُت، بچّیاں وانگ لَینا گود اُٹھائیا۔ مہاراج شیرسِنگھ وِشنوُں بھگوان مِہروان ہو کے گیا تُٹھ، مُٹھ اپنی دئے کُھلائیا۔

۱۲ چیت شہنشاہی سمت ۱ جگت سِنگھ دے گھر پِنڈ دِھنگالی جموں

بُڈھے نڈھے کر منظوُر، مُشکل حل کرائی جاندا۔ جنم جنم دے بخش قصوُر، دُرمت مَیل دُھآئی جاندا۔ جوت اگمّی دے کے نوُر، دِیپک گھر گھر ڈگمگائی جاندا۔ امرت آتم دے کے سروُر، ترِشنا بُھکھ مِٹائی جاندا۔ درشن دے کے حاضر حضوُر، وِچھڑے میل مِلائی جاندا۔ سرب گُناں بھرپوُر، خالی بھانڈے آپ بھرائی جاندا۔ جنم کرم دا وِچھوڑا کر کے چوُر، دُھر سنجوگی جوڑ جُڑائی جاندا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائی جاندا۔ مِہر نظر اُٹھاون آیا، دَیاوان داتار۔ گُرمْکھ میل مِلاون آیا، وِچھڑیاں دا یار۔ کرم کرم دا روگ کٹاون آیا، دُکھیاں دا آدھار۔ بھرم بُھلیکھا کڈھاون آیا، پردہ لاہ سِرجنہار۔ پوُرب لہنا ویکھن آیا، جُگ چؤکڑی جانے حِساب۔ جوتی جوت سروُپ ہرِ، آپ اپنی کِرپا کر، محل اٹل سُہاون آیا، سوہنی اِک محراب۔ محراب کہے مَیں ویکھنا محبوُب، مُحبّت دا مالک بےپرواہیِا۔ جِس دی منزل اِک عروُج، عرش فرش سوبھا پائیا۔ بھگتاں دی آ گیا کوُٹ، ویس اوَلّڑا روُپ وٹائیا۔ ساچی دے کے سوُجھ، سُدھ بُدھ اپنے نال مِلائیا۔ سچ وِرول کے گُرمْکھ ساچا نِرمل دوُدھ، پانی چھاچھ باہر کڈھائیا۔ ویکھنہارا شمال جنوُب، مشرق مغرب کھوج کھوجائیا۔ پوِتر کرن آیا وجوُد، وُضوُ اِکو نام وکھائیا۔ ایہہ وڈیائی خوُب، خوُبی اپنی نال پار لنگھائیا۔ گُرمْکھو تُہاڈا سوُرج کدے نہ ہوئے غروُب، دو جہان ہووے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ مِہر نظر دا داتا اِکو، ایکنکارا آپ۔ ساچی سِکھیا گُرمْکھ سِکھو، سوہنگ دُھر دا جاپ۔ کُچھ ہتّھ نہ آئے پھیر پِچھوں، ویلا گیا ہاتھ۔ جگت جہان تتّاں وِچ سدا نہ دِسو، روُح بُت دا بنیا نہیں رہنا ساتھ۔ ویلا وقت سُہنجنا نجِٹھو، پُرکھ اکال اِکو بنا لؤ باپ۔

دُھر درگاہی دُھر دا مِتو، میِت مُرارا سخا سخائی آپ۔ سچ پریِتی توں موُل نہ رِتو، آتم پرماتم بنا لؤ دُھر دا ساک۔ تُسیں سمجھ نہیں سکدے پُرکھ ابناشی مِلیا کِتھوں، ایہہ اگمّی کھیل تماش۔ مہاراج شیرسِنگھ وِشنوُں بھگوان، سچ دوار اوس دے اَگے وِکو، پا کے قیِمت تُہاڈا وڈّا کرے پرتاپ۔ پرتاپ کہے مُل پائی جاندا، لکّھ کروڑی نہ ونڈ ونڈائیا۔ ساچے گھر ٹِکائی جاندا، جوڑی اپنے نال رکھائیا۔ دُھر دا گھر وسائی جاندا، وِچھڑے گود اُٹھائیا۔ تُوں میرا مَیں تیرا ڈھولا گائی جاندا، کرے اگمّ پڑھائیا۔ مِہر نظر نال ترائی جاندا، جن بھگتو پربھ نے کوئی دھریا نہیں روُپ قصائی دا۔ ویلا وقت سُہائی جاندا، لیکھا مکُے کوُڑ جُدائی دا۔ مہاراج شیرسِنگھ وِشنوُں بھگوان، سچ پریِتی اِک سِکھائی جاندا، وقت سُہنجنا ہووے آتم پرماتم سچّی ودھائی دا۔

۱۲ چیت شہنشاہی سمت ۱ پوُرن سِنگھ دے گرِہ پِنڈ دِھنگالی

دھرتی کہے مَیں ویکھیا راہی اِکلّا، اکل کل دھاری بےپرواہیِا۔ جِس جا وڑے محلا، گُرمْکھ گُرسِکھ پار لنگھائیا۔ جِس پتّ ٹہنی نال ایہدا چھوہ گیا پلّا، اوس دا لیکھا رہے نہ رائیا۔ جِنہاں دریاواں دے وہناں وِچ دی لنگھ گیا تھلاں، اُچیاں ٹِبیاں چرن چُھہائیا۔ اُہناں نوُں جنم مرن دا رہیا کوئی نہ گِلہ، آون جاون دُکھڑے رہیا گوائیا۔ دھنّ وڈیائی جِنہاں نوُں مِلا، مِل مِل رنگ رنگائیا۔ میرا سِنگھاسن نؤ سؤ چُرانوے چؤکڑی جُگ پِچھوں ہِلا، ہلوُنا اپنا دِتا وکھائیا۔ جِس نے بھگت کوئی بھانڈا رہن نہیں دینا پِلّا، کچیؤں پکّے دینے بنائیا۔ گوبِند چاڑھ کے اپنا چِلّہ، شبد کمان لَینا کھِچائیا۔ پیِر پَیغمبراں خوشی نال کہنا دھنّ بِسمِ الّہ، جو وِچھڑیاں رہیا مِلائیا۔ گُرسِکھو ایہہ نہ سمجھِیو کہ وِہلا، ایویں پِھر پِھر جھٹ لنگھائیا۔ گوبِند تارن آیا جو پوُرب جنم دا چیلا، میلا اپنے نال کرائیا۔ مہاراج شیرسِنگھ وِشنوُں بھگوان، لیکھا اوس دا دیوے جیہڑا کِسے سمیں بکری دا سی لیلا، جیہڑا گوداوری کنڈھے مادھو بَیراگی دے ڈیرے سیِس گیا نِوائیا۔

۱۲ چیت شہنشاہی سمت ۱ کھیمو دیوی دے گرِہ دِھنگالی

لیلے دے پِچھے آ گئی اوہدی ماں بکری، چوپائی اپنا پندھ مُکائیا۔ بھجیّ آؤندی گوبِند نوُں ساہمنے ٹکری، نِیوں کے گھاہ چُگن لگّی دا سیِس جھُکیا نظری آئیا۔ اوہنوُں اِک نظر آئی جو دھار دو سَتری، دُھر دی کرے پڑھائیا۔ پِچھا یاد آ گیا ایہہ میرا پُت لیلا موُلے دا بھرا کّھتری، جِس نوُں نانک کُچھ کہہ کے گیا سُنائیا۔ جِس دے ہتّھ سی اوس ویلے تکّڑی، دو چھابےروُپ وٹائیا۔ نانک نے پیار نال منگی اِک ککڑی، مَینوُں دے کھوائیا۔ اوس دین دے مارے کِہا اِس نوُں جوُٹھا کر گئی آ اِک بکری، جو لیلے دی ماں نظری آئیا۔ نانک ہس کے کِہا تیرے کرماں دی میرے ہتّھ پتّری، جِویں چاہیں دیاں بنائیا۔ اوس کِہا کِدھروں منگتا آ گیا مکری، فریباں نال لُٹ لُٹ کھائیا۔ جے کرماں دی ہووے تیرے کول گٹھڑی، کِیوں در در اپنی الکھ جگائیا۔ نانک کِہا ایہہ کہانی سجری، تَینوُں دیاں وکھائیا۔ کھیل ویکھیں رات اجّ دی، سویرے مِلنا چائیں چائنیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کھتری پُت سُتّا رات، لیف نِہالی ڈیرہ لائیا۔ اُس نوُں نظری آیا ساکھیات، بکری دا لیلا ہو کے بھجّا پِھرے واہو داہیِا۔ جِدھر جائے اُدھر نانک ملِے آپ، ہس کے دئے وکھائیا۔ اوس ڈر کے کِہا مَیتھوں ہویا پاپ، بُھل دے بخشائیا۔ نانک کِہا ایہہ تیری کرنی دا سراپ، دس جامے میرے، دساں جامیاں پِچھوں تیرا لیکھا دیاں چُکائیا۔ لیلے کِہا کی تیری شناخ، شناخت دے دِرڑائیا۔ نانک کِہا ہُن مَیں درویش پھیر شہنشاہاں والا خطاب، گوبِند کہہ کہہ مَینوُں سارے گائیا۔ اوس جوڑ کے اپنے ہاتھ، اندروں سیِس دِتا نِوائیا۔ میری کیِتی کر مُعاف، بُھل دے بخشائیا۔ نانک کِہا ایہہ گوبِند دے ہاتھ، جو میرا میرا نظری آئیا۔ گوداوری دا ہووے گھاٹ، جاوے پندھ چُکائیا۔ اوس ویلے تیری کرے بند خلاص، بندی خانہ دئے تُڑائیا۔ اوس دا لیکھا مُکایا آج، وِچلا بھیو گُجھا لیا رکھائیا۔ مہاراج شیرسِنگھ وِشنوُں بھگوان، پردے لاہ کے ویکھنہارا تاک، حِساب بےباق رہیا کرائیا۔

۱۲ چیت شہنشاہی سمت ۱ دھرم کؤر دے گرِہ دھنگالی

دیوا سِنگھ تیرے پِتا دا پِچھلا ناں سی مسوُر، چؤنہہ بھائیاں توں وڈّا نظری آئیندا۔ جِس ویلے گوبِند لنگھیا سی کوٹ کپوُر، کپوُرے دی حد ویکھ وکھائیندا۔ ایہہ زِمیندار سی مشہوُر، ویلے وقت دا اکھوائیندا۔ اودھروں سوُرج ہون لگّا سی غروُب، اپنیِاں کِرناں پردے وِچ چُھپائیندا۔ ایس ویکھیا ایہہ گوبِند آؤندا ضرور، جو سانجھا گُر اکھوائیندا۔ مَیں ایس نوُں مِلنا ضرور، جو ضرورت پوُر کرائیندا۔ بھیٹا کرن لئی اِک توڑ لیا تربوُز، جو گیاراں سیر وزن رکھائیندا۔ پیَنڈا مُکا کے نیڑے آیا دوُر، چرناں اُتے سیِس رکھائیندا۔ تُوں مالک حاضر حضوُر، حضرت جھولی اَگے ڈاہِندا۔ میرے مُعاف کر جا قصوُر، قِسمت تیرے ہتّھ پھڑائیندا۔ گوبِند کِہا مَینوُں منظوُر، مَیں جاندے راہیاں پار لنگھائیندا۔ اِسدے وِچوں کڈھ تھوڑا جِہا کھوُر، رس رسنا نال ویکھ وکھائیندا۔ اون اوسے ویلے گوبِند دے چرناں دی اپنے ہتّھاں نوُں لا کے دھوُڑ، تلی مار کے دو ٹُکڑے بھنّ وکھائیندا۔ تربوُز اندروں لال نِکلیاں ضرور، جو تھلّے گُلابی روُپ وٹائیندا۔ جوتی جوت سروُپ ہرِ، آپ اپنی کِرپا کر، کرنی کرتا اپنے ہتّھ رکھائیندا۔ تربوُز اَگے دِتا رکھ، دو حِصّے ونڈ ونڈائیا۔ گوبِند کھنڈے دی نوک نال تھوڑا جِہا لیا چکھ، رس رسنا والا بھرائیا۔ پھیر خوشی وِچ پیا ہس، پردہ رہیا کُھلائیا۔ مسوُرا ایہہ کی رہیا دسّ، ہؤلی ہؤلی مَینوُں رہیا جنائیا۔ مسوُر کِہا اِس دا دے کے جاویں حق، وست دُھر دی جھولی پائیا۔ خالی نہ جاویں چھڈ، در آیا پار لنگھائیا۔ گوبِند کِہا مَیں سِر رکھاں ہتّھ، مِہر نظر اُٹھائیا۔ دیوانگا اوہ وتھ، جِس دے نال ایہدی وسدی رہے لوکائیا۔ جِس ویلے پنجاب چوں گیا نَٹھ، ندیڑ دا راہ تکائیا۔ اوس ویلے ایس نے اپنا سریر جانا چھڈ، آتم پرماتم تیرے وِچ سمائیا۔ کلجُگ انتم جِس ویلے پرگٹ ہووے سمرتھ، ایس دی اکّھ دیاں کُھلائیا۔ جیہڑا بچّہ روَداس دے نال گیا سی وس، اوہ ایسے دی جھولی پائیا۔ جِنہاں مِل کے گاؤنا جس، دُھر دا نام دِھیائیا۔ ایسے دی اوہو سوانی اودوں مِل جائے حق، جوڑی جُڑی نہ کوئے تُڑائیا۔ انتم گودی لَواں چکّ، سچکھنڈ دیاں بہائیا۔ بنس سربنس لجیا رکھ، دیواں مان وڈیائیا۔ مہاراج شیرسِنگھ وِشنوُں بھگوان، پُرکھ سمرتھ، پوُرب لہنے سب دے رہیا مُکائیا۔

۱۲ چیت شہنشاہی سمت ۱ کرِشن سِنگھ دے گرِہ دِھنگالی

پُتر دھی اُتارنے پار، بچّے بچّیاں لیکھ چُکائیا۔ سنسار ساگر وِچوں دئے تار، ترنی پار دئے لنگھائیا۔ جنم جنم دا لیکھ نِوار، دوُکھ نوارن ہوئے سہائیا۔ سچ پریِتی بخش پیار، پریم پریمیاں دئے جنائیا۔ جگت جگ دا جیِون وِہار، جگ جیِون داتا دئے سمجھائیا۔ بھگت بھگَونت اِک گھر بار، گرِہ مندر دئے وکھائیا۔ نام اگمّا دُھر جَیکار، شبدی ناد وجائیا۔ گُرمْکھاں دا منگلاچار، سخیاں دی راس وکھائیا۔ سیِتا سُرتی دا رام، گُر شبدی میل مِلائیا۔ رادھا دا کاہن، گھنئیا بنسری سچ سُنائیا۔ بھنڈاریاں دا جام، سَتنام دئے دِرڑائیا۔ کلمیاں والی کلام، کائنات دئے سِکھائیا۔ جن بھگتو تُہاڈا جنم جنم کرم کرم دا لاہ کے اِلزام، نِظام اگلا دِتا بدلائیا۔ تُساں کِسے دے نہیں رہنا غُلام، مالک اِکو دِتا مِلائیا۔ تُہاڈا پِچھلا پریم دا کیِتا اِحسان، تُہاڈی جھولی پائیا۔ اِک روُپ بھگت ہو جاؤ مِل بھگوان، بھاوی نیڑ کوئے نہ آئیا۔ گُرمْکھ چتُر سُگھڑ سُچجےّ بن جاؤ سُجان، دُرمت مَیل باہر کڈھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، جِنہاں نوُں مِلیا آن، مہمان سچکھنڈ دوارے دے دئے بنائیا۔

۱۲ چیت شہنشاہی سمت ۱ چوُڑھا رام دے گرِہ دھنگالی

لیکھے لائے مانَس جنم، جنم جنم کھوج کھوجائیندا۔ لیکھے لائے نِہکرمی کرم، کرم کانڈ ویکھ وکھائیندا۔ لیکھے لائے سچ پریِتی ساچا دھرم، دھرم دھرم دھرتی دھوَل سُہائیندا۔ لیکھے لائے لگّے سرن، سرن سرناگت اِک اکھوائیندا۔ جوتی جوت سروُپ ہرِ، آپ اپنی کِرپا کر، ہرِ سَتگُر دَیاکمائیندا۔ سَتگُر کہے تُوں میرا نہیں سدا، صدیاں دا لیکھا پوُر کرائیا۔ پریم دا بدھّا، آیا ویس وٹائیا۔ گُرمْکھو کوئی دین نہیں آیا سزا، جماں توں رہیا چُھڈائیا۔ جیِنودیاں جگ چرن پریِتی مزہ، مرن توں پِچھوں سچکھنڈ ساچے دیاں بہائیا۔ جِنہاں دواریاں اُتے اپنی کر کے گیا گجا، گداگر ہو کے پھیرا پائیا۔ جِس دی کوئی نہ سمجھے وجہ، وضاحت نال نہ کوئے دِرڑائیا۔ ایہہ چلن آیا بھگتاں دی وِچ رضا، رام رحیِم دوویں روُپ وٹائیا۔ جوتی جوت سروُپ ہرِ، آپ اپنی کِرپا کر، لیکھے رہیا چُکائیا۔ لیکھا کہے مَیں کدے نہ چُکیا، میرا پندھ نہ کوئے مُکائیا۔ میرا پیَنڈا کدے نہ مُکیا، چلیا واہو داہیِا۔ مَیں گُر اوتاراں پیِر پَیغمبراں پُچھیا، ویلے انت کھوج کھوجائیا۔ کوئی

رہیا نہ مَیتھوں لُکیا، پردے رہیا اُٹھائیا۔ مَیں سمجھیا ہُن آیا جو ایس ویلے گھُتھیا، مَیں دیواں نہ کدے گواہیِا۔ بےپرواہ ہو کے جِس سب نوُں آکے پُچھیا، غریِباں ہویا سہائیا۔ مہاراج شیرسِنگھ وِشنوُں بھگوان، نِروَیر ہو کے اپنی گودی چُکیا، پھڑ باہوں گلے لگائیا۔

۱۲ چیت شہنشاہی سمت ۱ اِندر رام دے گرِہ دھنگالی

پَیغمبر کہن لگے اے نزانی مُرشد، مشکوُک ہو جنائیا۔ سانوُں مِلن دی تیرے کول نہیں فُرصت، ساڈھے دس دے آئے بَیٹھے ڈیرے لائیا۔ جن بھگتاں دی دوُر کر کے مَیل دُرمت، دُھر دے میلے رہیا مِلائیا۔ اسیں چؤدھویں صدی دے فقیِراں دی دسّن آئے غُربت، جو مغروُری وِچ رکھائیا۔ جِس بِدھ سانوُں مِل گئی اَخیِری رُخصت، چُھٹی سب نوُں دے کرائیا۔ راہ تکّے مؤت ملکت، ملکیّت ویکھے جگت لوکائیا۔ تیرے بھگتاں دی اسیں کرن آئے اُلفت، تعریِفاں وِچ جس گائیا۔ ایہناں دی حل کردے مُشکل، مُشکلات دے کٹائیا۔ عزیِز پیارے بنا خوش دِل، خوشیاں رنگ رنگائیا۔ کائر پاجی نہ بناویں بُزدِل، جو تَینوُں جان بُھلائیا۔ ایہناں دا لیکھا رہے نہ بِلکُل، کُل دے مالک کُلاں دینیاں ترائیا۔ تیرا کوئی نہ لگّے مُل، مُفت بیڑے لےَ چڑھائیا۔ جے تَینوُں جاون بُھل، ابُھل تُوں نہ دینا بُھلائیا۔ تیرا دوارا سَت دا گیا کُھل، خوشی ویکھے خلق خُدائیا۔ تیریاں بھگتاں دی شمع نہ ہووے گُل، پربھوُ توُں پروانہ بن کے آپ ایہناں دی بھیٹ چڑھائیا۔ تیرا بوُٹا لوک مات نہ جاوے ہُل، پتّ ڈالی دینی مہکائیا۔ سچ پریِتی جاون گھول گھُل، گھُنمن گھیری وِچوں باہر دینا کڈھائیا۔ جنم جنم کرم کرم وِچ جان نہ رُل، چؤراسی گیڑ نہ کوئے وکھائیا۔ تیرا نام بھنڈارا انمُل، انمولک نظری آئیا۔ جِنہاں نے مستک لا لئی تیری دھوُل، دَیادھرم سنتوکھ اوہناں جھولی پائیا۔ اَگے لیَن والا رہے نہ کوئی محصوُل، رائے دھرم سِر نہ سکے اُٹھائیا۔ تیرے پریم پیار مُحبّت وِچ رہن سدا مشغوُل، اِکو رنگ دینا وکھائیا۔ اپنی کرنی دا لیکھا لیَن وصوُل، اصل سب دی جھولی پائیا۔ مِلنی حق دا بن محبوُب، مُحبّت نال وجے ودھائیا۔ عرش فرش توں اُچا دسّنا عروُج، بِنا عرض بینتی اوس دوارے دینا بہائیا۔ اپنی کِرپا نال رکھنا محفوُظ، چار کُنٹ ہونا سہائیا۔ دُھر درگاہی پڑھاؤنا حروُف، بےحرف اپنا دینا سمجھائیا۔ جِس دی نہ کوئی مِثال نہ پروُف، نہ شناخت سکے کوئے کرائیا۔ سچ دوارے واڑ کے اپنے حدوُد، بِنا حُجر توں حُجرہ دینا وکھائیا۔ جِدھر ویکھوُں

نظر آویں مؤجوُد، مُعزز ہو کے اپنی سیو کمائیا۔ اَگے بھگتاں توں لِکھاؤندا نہ رہیں کوئی خطوُط، گھر سُتّیاں درس دینا وکھائیا۔ ویکھیں کِسے دے کرماں دی نہ ویکھیں کرتوُت، نِہکرمی ہو کے پار لنگھائیا۔ تیرے پیاریاں دا پریم نہ ہووے غروُب، سوُرج چند بَیٹھن مُکھ چُھپائیا۔ کی ہویا محمد کہے سانوُں دسّ دِتا ہزارا دروُد، اِسم اعظم دِتا جنائیا۔ اسیں سارے دیون آئے ثبوُت، شہادت نال گواہیِا۔ تیرا ناؤں پُختہ مظبوُط، جِس نوُں سکے نہ کوئے تُڑائیا۔ سوہنگ مہاراج شیرسِنگھ وِشنوُں بھگوان دی جےَ جِس کہہ لیا کلبوُت، اوہ کلمیاں وِچ پھیر کدے نہ آئیا۔ تیری منزل ویکھے مقصوُد، چڑھکے نوُر خُدائیا۔ تت وِچھوڑا ہو جائے وجوُد، نوُر نوُر رُشنائیا۔ تیرے پریم پیار دی چنگیاڑی کام کرودھ باروُد، ہنکار دیوے جلائیا۔ ایہناں غریِباں نِمانیاں دا کارج آ جاوے سوُت، اسُتے مِلنا چائیں چائنیا۔ دُکھیاں دا میٹ کے دوُکھ، دردیاں دی درد ونڈائیا۔ جے کِسے دا کوئی لہنا ہیَگا اوہ وی کر جا منسوُخ، اپنا حُکم صادر اِک کرائیا۔ تیرے وِچ حق تؤفیِق، حُکم وِچ وڈیائیا۔ جو چاہیں سو کر دیویں مؤقوُف، حُکمے نال منوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پَیغمبر کہن اسیں ویکھن آئے لُغات، جیہڑی اپنے وِچ چُھپائیا۔ کُچھ اوس دے دسّ الفاظ، جو مذکّر مونث دوویں روُپ نظر نہ آئیا۔ جِس دے وِچ آد جُگادی سَوا لاکھ، بِنا نمبریاں دِتے پرگٹائیا۔ جُگ چؤکڑی دا لِکھیا رِواج، گُر اوتاراں پیِر پَیغمبراں سیوا سمجھائیا۔ جِس دا لیکھا دسےّ ابناشی کرتا سیِس تے پہننا تاج، تاجر دو جہاناں نظری آئیا۔ پَیغمبراں نوُں بُھلنی نماز، بھگتاں دا کھولنا آغاز، پردہ چُکاؤنا راز، سماج اِکو دینا وکھائیا۔ ویکھنا مار کے جھات، کھول کِواڑی تاک، اٹّھے پہر اِکو کر پربھات، آتم پرماتم دے کے سواد، رسنا جِہوا رس دینے بُھلائیا۔ وکھاؤنا کھیل تماش، منڈل وکھاؤنی راس، گوپی کاہن رکھنے پاس، مُکھ گھُنگٹ نہ کوئے جنائیا۔ بھگتاں نوُں دینی دات، گُرمْکھاں نوُں سچ سوغات، نِمانیاں دی پُچھنی وات، مہاراج شیرسِنگھ وِشنوُں بھگوان، سَت سروُپ ہو کے وسنا ساتھ، سانجھے یار اپنا رنگ رنگائیا۔

۱۲ چیت شہنشاہی سمت ۱ ہنس راج دے گرِہ دِھنگالی

پَیغمبر کہن مُریِد مُرشد دا اِک نُقطہ، درمیان بَیٹھا ڈیرہ لائیا۔ نُقطے دا اوہلا اوس ویلے چُکدا، جِس ویلے رحمت آپ کمائیا۔ پِھر بھانڈا پُھٹ جائے دُکھ دا، دلِدر دئے گوائیا۔ گھر بھنڈارا مِل جائے سُکھ دا، امرت رس چوائیا۔ بھیو رہے نہ لُک دا، سنمُکھ نظری آئیا۔ جلوہ ویکھو اوس دا، جو اصل روُپ خُدائیا۔ پردہ اُٹھے لوک پرلوک دا، زِمیں اسماناں پار جنائیا۔ صوُفی فقیِر اوہ اوتھے پہنچدا، جو اِکو دھیان لگائیا۔ جن بھگتو ویلا نہیں ہُن سوچ دا، سوچیاں ہتّھ کُچھ نہ آئیا۔ وقت سُہنجنا پربھ دی مؤج دا، مجلس وِچ بہہ کے خوشی منائیا۔ تُہاڈا آون جھگڑا مُک جائے روز دا، جاون دی لوڑ رہے نہ رائیا۔ پیالہ پی لؤ نام خُماری مدہوش دا، مدُھر دُھن دئے سُنائیا۔ جو تُہاڈے اندر بولدا، اوہ تُہاڈا تُہانوُں دئے مِلائیا۔ سجّن سُہیلے آپے کھوجدا، بن کھوجی پھیرا پائیا۔ اوہ لہنا دینا چُکاوے دوش نِردوش دا، دوشیاں پار لنگھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پَیغمبر کہن نُقطے بِنا سوہے نہ کدے نوُن، ملِے نہ مان وڈیائیا۔ ایہہ نُقطے دا قانوُن، جو گُرمْکھاں منُمکھاں ونڈ ونڈائیا۔ ایہہ نُقطے دا مضموُن، جو مُلزم بری کرائیا۔ ایہہ نُقطے دا جنوُن، جو جلوے رہیا وکھائیا۔ ایہہ نُقطے دا فرؤن، خُدا نوُں تیِر لگائیا۔ ایہہ نُقطے دا اصوُل، اصلیّت دئے چُھپائیا۔ ایہہ نُقطے دا روُل، رُلدیاں دئے ترائیا۔ ایہہ نُقطہ معقوُل، جو مُکمل دِتا ٹِکائیا۔ جیہڑے ایس نُقطے نوُں گئے بھوُل، اوہناں توں بُھلیا بےپرواہیِا۔ نُقطہ کہے مَیں بھگتاں دا مزدوُر، سنتاں دی سیو کمائیا۔ گُرمْکھاں دے حضوُر، حاضر ہو کے ویکھ وکھائیا۔ جِس ویلے سوُلی چڑھیا سی منصوُر، ایہو نُقطہ اُس پرے دِتا ہٹائیا۔ اوہنوُں ربّ دی رضا ہو گئی منظوُر، دھیان اِک نال لگائیا۔ کر کے سزا اوہ پچھتاؤن لگے ضرور، جِنہاں پُٹھی کھلّ لُہائیا۔ نُقطہ کہے میرے نال نیڑے میرے نال دوُر، جے مَیں نہ ہوواں پِھر قصوُر کرن والا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، جن بھگتاں وکھاونہارا اپنا گھر، نُقطہ نام نوک نال اَگوں دیوے ہٹائیا۔

۱۲ چیت شہنشاہی سمت ۱ کرم سِنگھ دے گرِہ دِھنگالی

نُقطہ کہے جے مَیں پڑدا لاہ دیاں نقاب، اوہلا دیاں گوائیا۔ پِھر لوڑ رہے نہ کرن دی کوئی جاپ، رسنا جِہوا پندھ مُکائیا۔ نظری آ جائے ساکھیات، مالک بےپرواہیِا۔ جِس نوُں سب نے منّیا باپ، پَیغمبراں دا نوُر خُدائیا۔ جِس ویلے مِل جاوے آپ، اپنا بھیو کُھلائیا۔ اوس ویلے روُح بُت دوویں ہو جان پاک، پوِتر نظری آئیا۔ جنم کرم ہو جائے مُعاف، مُفلِس شاہ دئے بنائیا۔ جے من ہووے گُستاخ، شرارت اوہدی دئے مِٹائیا۔ بندہ بنا کے خادم خاک، خالص اپنا رنگ چڑھائیا۔ اندرے سوال تے اندرے جواب، آپے دئے سمجھائیا۔ منزل رہے نہ کوئی گھاٹ، اگلا پندھ نہ کوئے چلائیا۔ اِک سُنا کے اپنی گاتھ، حُکم دُھردرگاہیا۔ نُقطہ کہے پھیر جھگڑا رہے نہ کوئے سماج، دیِن مذہب نہ کوئے لڑائیا۔ ہونا پئے نہ کِتے مُحتاج، جھولی اَگے کِسے نہ ڈاہیِا۔ منّنا پئے نہ کِسے نواب، سُلطاناں سِر نہ کوئے جھُکائیا۔ اِکو کرنا پئے آداب، سجدہ شاہ پاتشاہ سچّی شہنشاہیِا۔ جِس نے بخشیا سچ خطاب، رُتبہ دِتا بنائیا۔ اوسے دا نُقطہ اوسے دا نوُر اوسے دا پردہ اوہی سب کُجھ رہیا آکھ، آخر اوہی کھیل کھلائیا۔ جوتی جوت سروُپ ہرِ، آپ اپنی کِرپا کر، جناونہارا ساچا در، ایسے نُقطے دی سارے کردے گئے تلاش، فقیِر حقیِر کلمے دیِاں مومبتّیاں ہتّھاں وِچ اُٹھائیا۔ کلمہ کہے مَیں اوس نُقطے دا پہریدار، سیوا سدا کمائیا۔ جناں چِر حُکم نہ دیوے میرا یار، اِشارہ اِک دِرڑائیا۔ مَیں دُھر دا خِدمتگار، خادم نظری آئیا۔ جِس ویلے مُریِداں نال پروردِگار کرے پیار، مُحبّت اِک رکھائیا۔ مَینوُں کر دیوے خبردار، حُکم اِک سُنائیا۔ جِس ویلے میرا لگّا ہوئے دربار، مقامے حق سچکھنڈ ساچے سوبھا پائیا۔ بھگَون ہو کے بھگت نوُں کراں یاد، اپنی دَیا کمائیا۔ تُوں سُن کے اوسے ویلے آواز، کُنڈا دینا لاہیِا۔ ایہہ نُقطے والا راز، اُہناں نوُں دینا سمجھائیا۔ ایس توں پِچھے پِچھے پڑھن دی لوڑ نماز، اَگے لِکھن پڑھن دی لوڑ رہے نہ رائیا۔ ایہہ بخشش رحمت کر کے بھگتاں دِتی دات، داتار ہو کے آپ ورتائیا۔ جِنہاں مہاراج شیرسِنگھ وِشنوُں بھگوان رکھیا ساتھ، اُہناں در نُقطہ نِیوں نِیوں سیِس نِوائیا۔

۱۲ چیت شہنشاہی سمت ۱ کرتار چند دے گرِہ دِھنگالی

نُقطہ کہے جِس ویلے کِرپا کرے پُرکھ سمرتھ، داتار داتا اپنی دَیا کمائیا۔ بھگتاں نال مِلا کے اکّھ، اکھّر اپنا دئے پڑھائیا۔ دُھر دا مارگ دیوے دسّ، مارگ سچّا اِک سمجھائیا۔ پریم پریِتی اندر ہو جائے وس، واسطہ اپنے نال رکھائیا۔ آتم پرماتم کر دئے اِکٹّھ، وِچھوڑا دئے گوائیا۔ سچ دوار کھول کے ہٹّ، مندر سوبھا پائیا۔ دُرمت مَیل دیوے کٹ، پتت پاپی پُنیِت روُپ وکھائیا۔ حقیِقت جھولی پائے حق، حُکم اپنا دئے سمجھائیا۔ گُرمْکھاں دے اندروں میٹ کے شک، شکوُک دئے گوائیا۔ اوہ سمجھن جِس ویلے ایہہ مالک ساڈا سچ، دُھردرگاہی نظری آئیا۔ نُقطہ کہے مَیں اَگوں اُس ویلے جاواں ہٹ، اپنا پاسا لَواں بدلائیا۔ بھگت بھگوان دا اِکو آوے رس، دوُجا سواد نہ کوئے جنائیا۔ جوتی جوت سروُپ ہرِ، آپ اپنی کِرپا کر، جن بھگتاں پار لنگھائیا۔ نُقطہ کہے مَیں بھگتاں وینہدا رہیا مِلدا، اوہلے بہہ کے دھیان لگائیا۔ پُرکھ ابناشی کھیل رہیا کھیلدا، جُگ چؤکڑی ویس وٹائیا۔ جِس ویلے دیِااگمّی بلے ناتا چھڈ کے بتّی تیل دا، نوُرو نوُر کرے رُشنائیا۔ اوہ نظارہ دے کے سجّن سُہیل دا، بِن بھگتاں ویکھن کوئے نہ پائیا۔ ایہہ کھیل رنگ نویل دا، سچکھنڈ نِواسی آپے رہیا کرائیا۔ اوتھے سماں نہیں کوئی کِسے دلیِل دا، صلاحاں دی لوڑ رہے نہ رائیا۔ جھگڑا چُک جائے جگت وکیِل دا، اپیِل فریاد نہ کوئے جنائیا۔ نُقطہ کہے مَیں نُقطہ ہاں نُقطریِن دا، تراوت نظری آئیا۔ ایہہ کھیل یا مبین دا، آمیِن دئے سمجھائیا۔ جن بھگتو اَگے جھگڑا چُک گیا دیِن مذہب تقسیِم دا، ٹُکڑے نہ کوئے وکھائیا۔ سُکھ ویکھو اوس دی سچّی تعلیِم دا، جو بِن طمع رہیا پڑھائیا۔ جھگڑا چھڈ دیؤ من کمیِن دا، کایا دے پاتشاہ ہو کے اپنا پاتشاہ روُپ لؤ وٹائیا۔ اوتھے لیکھا نہیں امیِر غریِب دا، وڈّا چھوٹا نہ کوئے جنائیا۔ ہُن ویلا بدلن نصیِب دا، قریِب ہو کے دَیا کمائیا۔ ایہہ کھیل اگمّی عجیب دا، عجب لیلا رہیا ورتائیا۔ جھگڑا چُکے شریِک رفیِق فریِق دا، تؤفیِق اِکو دئے وڈیائیا۔ نُقطہ کہے بھگتو مَیں تُہاڈا راہ اُڈیِکدا، دِوس رَین دھیان لگائیا۔ مَیں دروازہ کھولاں اوس دہلیز دا، جِس دے لنگھدیاں دِلبر یار نظری آئیا۔ اوتھے لیکھا نہیں عقل شعور تمیِز دا، اِکو مُحبّت وِچ سمائیا۔ کھیڑا ویکھو اوس سجّن وسنیِک دا، جو سچ دوارے بَیٹھا سوبھا پائیا۔ جھگڑا مِٹ جائے سوُرج چند اندھیرے تاریِک دا، اِکو نوُر ہووے رُشنائیا۔ نظارہ تکو نیڑے توں نیڑے نزدیِک دا، منزل در منزل

ہردِل ہو کے دئے کرائیا۔ پھیر گیِت گاؤ صِفتی بھری تعریِف دا، تُعارف کر کے خوشی منائیا۔ مزہ چکھ لؤ بھگَون دی سچّی پریِت دا، جو پریِتم ہو کے رہیا کرائیا۔ مہاراج شیرسِنگھ وِشنوُں بھگوان جھگڑا مُکاوے دوُجے دی تصدیِق دا، بِن شہادتوں لیکھے دئے مُکائیا۔

اِک دِن مُلّا کردا سی حِساب، مسجد اندر ڈیرہ لائیا۔ اوہدا ویلا آ گیا پڑھن دا نماز، وُضوُ کر کے سجدے وِچ سیِس دِتا جھُکائیا۔ اودھروں پنڈت دوُروں آن کے کیِتا آداب، سجدہ دِتا جنائیا۔ جِس ویلے اوہنے اکّھاں میٹ کے کنّاں وِچ اُنگلیاں پائیا۔ ایہن ہؤلی جِہی دو اُنگلاں نال چُک لئی اوہدی دوات، سِر مار کے خوشی دِتی منائیا۔ نالے اِک ورقہ پاڑ کے وِچوں کِتاب، دوناں اُنگلاں نال باہر کڈھائیا۔ اوس وِچ ایہدا وی سی چؤداں رُپئیاں دا حِساب، جو اُدھارے لےَ کے گیا کھائیا۔ پِچھے مُڑ کے کہندا واہ واہ جھگڑا مُکایا رسوُل پاک، میرا لیکھا صاف کرائیا۔ اودھروں مُلّا وِہلا ہو گیا پڑھ کے نماز، پھوُڑھی اُتے ڈیرہ لائیا۔ چار کُنٹ تکیا کلّی قلم نظر نہ آئی دوات، دُعا خُدا اَگے کر کے اِک آواز سُنائیا۔ کیہڑا ایتھوں چکّ کے لےَ گیا بدمعاش، آؤندا جاندا نظر کوئے نہ آئیا۔ جے خُداوند کریِم اوہنوُں سزا دیوے آپ، جو مسجداں دا چور مُلّا نوُں لُٹ لُٹ کھائیا۔ جے اُس نال چُھہایا ہووے ہاتھ، اوہدا ہتّھ دے کٹائیا۔ جے اُنگلاں نے دِتا ہووے ساتھ، اُنگلاں دے لُہائیا۔ آواز آئی ایہہ سب کُچھ لہنا مکُے حِساب، تَینوُں دیاں جنائیا۔ اودھروں براہمن آ کے اوہ ورقہ رکھ کے اپنی وِچ کِتاب، دوات ہتّھ وِچ اُٹھائیا۔ اوہدے وِچ پانی سی تھوڑا، باہر جا کے وِچ کیِتا پیشاب، پھڑ کے ہتّھ نال لئی ہِلائیا۔ خُداوند نے ویکھ کے کِہا ہُن نہیں رہ گئی پاک، ایہہ کوئی موُرکھ ایہنوُں کی دیاں سزائیا۔ تھوڑا جِہا لیکھا رَویداس دے ہاتھ، کیونکہ ایہدی گنڈھ بھگت نال جُڑائیا۔ اِس دے جنم جنم جگ وِچ ہونے جو نؤ دِتے آکھ، نہ کوئی میٹے میٹ مِٹائیا۔ جِس ویلے کلجُگ انت پرگٹ ہونا ساکھیات، اِس دا لہنا دیاں بُھگتائیا۔ ایدھروں ایہہ اگمّی رَویداس نوُں سُن گئی آواز، اوہ اندرے اندر خوشی منائیا۔ کِیوں میرا پنڈت نال انتم ہونا ساتھ، جنم جنم دا گیڑ بھوائیا۔ مَیں اوس ویلے پربھوُ نوُں دیواں آکھ، ایہدی نہ اُنگلی کٹ نہ ہاتھ، شبدی کار دے بُھگتائیا۔ رَویداس دے کارن تَینوُں کیِتا مُعاف، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، ہر بچن ہر شبد وِچ رکھے راز، جو جاگدیاں سُتّیاں سُپنیاں وِچ دکھائیا۔