کتب خانہGranth 18 (Shahmukhi)

۲۱ چیت شہنشاہی سمت ۱ دَیال سِنگھ دے گرِہ پِنڈ ڈڈواں ضِلع ہوشیار پُر

بھگتن میِتا سری بھگَونت، آد جُگاد جُگ چؤکڑی دَیاکمائیندا۔ دیونہار وڈیائی وِچ جیِو جنت، لکّھ چؤراسی وِچوں باہر کڈھائیندا۔ گڑھ توڑ کے ہؤمے ہنگت، ہنگ برہم آپ سمجھائیندا۔ نام نِدھانا دے کے دُھر دا منت، آتم پرماتم راگ سمجھائیندا۔ بودھ اگادھا بنا کے پنڈت، ساچی سِکھیا اِک دِرڑائیندا۔ پنج تت کایا ماٹی بناونہارا بنت، من مت بُدھ اپنا رنگ رنگائیندا۔ جوتی جوت سروُپ ہرِ، آپ اپنی کِرپا کر، بھگت سُہیلا اِک اکھوائیندا۔ بھگت سُہیلا سِری بھگوان، سچکھنڈ نِواسی دَیا کمائیا۔ انتر آتم دے کے برہم گیان، انُبھوَ اپنی کھیل وکھائیا۔ شبد ناد سچّی دُھنکان، انراگی راگ جنائیا۔ امرت بوُند سوانتی پیائے آن، نِجھر جھِرنا کوَل نابھ جھِرائیا۔ کوُڑی کِریا میٹ کے اندھ اندھیان، سَت سچ دئے پرگٹائیا۔ دیِا باتی کملاپاتی جگائے مہان، جوتی جوت جوت رُشنائیا۔ سچ پریِتی آتم اتیِتی بخشے چرن دھیان، اِشٹ دیو اِکو گُر سمجھائیا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، گھر ٹھاکر میل مِلائیا۔ بھگت سُہیلا ہرِ کرتار، قُدرت دا قادر دَیا کمائیا۔ جُگ چؤکڑی کھیل نیار، سَتجُگ تریتا دواپرکلجُگ ویکھ وکھائیا۔ نِرگُن سرگُن سرگُن نِرگُن ہو اُجیار، گُر اوتار پیِر پَیغمبر اپنی سیو کمائیا۔ شبد اگمّی بول جَیکار، انراگی اپنا راگ جنائیا۔ نوَ نؤ چار ویکھدا رہیا سرب سنسار، انڈج جیرج اُتبُھج سیتج کھوج کھوجائیا۔ دُھر سندیشہ دیندا رہیا وارو وار، واک بھوِکھت اِک دِرڑائیا۔ جن بھگتاں میل میلدا رہیا نِرگُن نِروَیر نِراکار، ساکار جوڑ جُڑائیا۔ کلجُگ انتم کر پیار، بھگَون ہووے آپ سہائیا۔ گُرمْکھ گُرسِکھ ہرجن ویکھے وِچوں جنگل جوُہ اُجاڑ پہاڑ، ٹِلّے پربت کھوج کھوجائیا۔ ڈوُنگھی کندر پاونہارا سار، سمُند ساگر ورولے تھاؤں تھائنیا۔ جوتی جوت سروُپ ہرِ، آپ اپنی کِرپا کر، ہرجن میلا سہج سُبھائیا۔ ہرجن میلا کایا گڑھ، پنج تت ملِے وڈیائیا۔ پُرکھ ابناشی گھٹ

گھٹ واسی کِرپا کر، شبد سواسی جوڑ جُڑائیا۔ جنم جنم دی پوُری آسی کر، آسا ترِشنا میٹ مِٹائیا۔ ڈوُنگھی بھور اگمّی گھاٹی چڑھ، بھانڈا بھرم بھؤ بھنائیا۔ سچ دوارے سنمُکھ کھڑ، سوَچھ سروُپی نظری آئیا۔ بھگت بھگوان اِک دوُجے دا ڈھولا لیَن پڑھ، تُوں میرا مَیں تیرا سد سوہنگ روُپ سمائیا۔ جوتی جوت سروُپ ہرِ، آپ اپنی کِرپا کر، بخشنہار سچ سرنائیا۔ جن بھگت کہے پربھ میرے ٹھاکر، صاحب سوامی تیری اِک سرنائیا۔ کلجُگ کوُڑی کِریا گہرا ڈوُنگھا ساگر، بھوَ پار نہ کوئے کرائیا۔ نِرمل کرم نہ ہوئے اُجاگر، دُرمت مَیل نہ کوئےدھوائیا۔ ساچا ملِے نہ کوئے ساجن، مِتر پیارا میِت نہ کوئے اکھوائیا۔ کوُڑی کِریا سرِشٹی درِشٹی راج راجن، اِشٹ دیو ہرِ نہ کوئے سمجھائیا۔ من واسنا چار کُنٹ دہ دِشا اُٹھ اُٹھ بھاجن، سانتک سَت نہ کوئے کرائیا۔ کھتری براہمن شوُدر وَیش جوڑ جُڑائے نہ آتم پرماتم، دیِن مذہب اوُچ نیِچ جھگڑا نہ کوئے چُکائیا۔ جوتی جوت سروُپ ہرِ، آپ اپنی کِرپا کر، گھر میلا دئے مِلائیا۔ جن بھگت کہے پربھ کھول پردہ، دُئی دوَیتی دے چُکائیا۔ کلجُگ کوُڑی اگن اندر سڑدا، ہؤمے روگ نہ کوئے مِٹائیا۔ جگت ترِشنا موُل نہ کھڑدا، من واسنا بھجے واہو داہیِا۔ مارگ مِلیا نہ ساچے گھر دا، بند کِواڑی کُنڈا نہ کوئے کُھلائیا۔ ساچے مندر موُل نہ چڑھدا، گرِہ سوامی نظر کوئے نہ آئیا۔ چرن بندنا نمو نمو ڈنڈؤت کردا، سیِس جگدیِس جھُکائیا۔ تُوں مالک پرِتپالک سچکھنڈ دوارے ساچے گھر دا، گھر گھر میلا لئے مِلائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کُھلائیا۔ بھگوان کہے سُن بھگت میِت، سچ سجّن دیاں دِرڑائیا۔ کوُڑی کِریا بدل کے ریِت، ساچا مارگ دیاں وکھائیا۔ کایا ماٹی کر کے پتت پُنیِت، پوِتر اپنا رنگ چڑھائیا۔ ساچا کلمہ اِک حدیِث، حضرت ہو کے دیاں پڑھائیا۔ دُھر دا ٹھاکر اِک جگدیِس، جگدیِشر دیاں مِلائیا۔ لیکھا چُکنا بیِس اِکیس، ویلا وقت دئے گواہیِا۔ پیِر پَیغمبر گُر اوتار کرن تصدیِق شہادت اپنی دین بُھگتائیا۔ جِس صاحب سوامی انترجامی رہے اُڈیِک، جُگ چؤکڑی اکّھ کُھلائیا۔ سو اپنا آپ کرن آیا تصدیِق، نِرگُن نِروَیر نِراکار اپنا ویس وٹائیا۔ جِس دی دھار اگمّ باریِک، جگت نیتر ویکھن کوئے نہ پائیا۔ جن بھگتاں ساچے سنتاں آتم پرماتم دسےّ ہرِ پریِت، پریمی ہو کے اپنا نیم نِبھائیا۔ لیکھا چُکا کے پتت پُنیِت، اوُچ نیِچ راؤ رنک اِکو گھر وسائیا۔ تُوں میرا مَیں تیرا پاربرہم برہم گاؤنا گیِت، سُر تال ناد اِکو دئے وجائیا۔ جھگڑا چُکا کے مندر مسیِت، کایا کعبہ دو دوآبہ اپنا رنگ وکھائیا۔ مِہروان مِہروان مِہروان سچ نام کر بخشیِش، کایا مندر جھولی دئے بھرائیا۔ دوُر دُراڈا نظری آیا نیرن نیرا قریِب، اگلا پِچھلا پندھ مُکائیا۔ کرم

کانڈ کوُڑی کِریا بدل دیوے نصیِب، نصیِحت اپنی نال پار لنگھائیا۔ کھیل اگمّا کرے اِک عجیب، عجب لڑی اپنی دھار چلائیا۔ جِس دی دسّ سکیا نہ کوئی ترتیِب، سِلسلا وار پردہ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، جن بھگتاں لئے ترائیا۔ جن بھگت سُنو ساچا سنگ، صاحب سوامی اِک دِرڑائیا۔ انتر آتم چاڑھ اپنا رنگ، انڈِٹھڑا آپ رنگائیا۔ نام نِدھان وجاواں مردنگ، دُھنی دُھن شنوائیا۔ بھانڈا بھرم بھؤ ڈھاہ کے کندھ، سَت سچ دیاں وکھائیا۔ تُوں میرا مَیں تیرا دوہاں دا اِک انند، انند انند وِچوں پرگٹائیا۔ سوہنگ ڈھولا آد جُگادی چھند، پاربرہم برہم وجدی رہے ودھائیا۔ جنم کرم دی ٹُٹی گنڈھ، پوُرب لیکھا جھولی پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بخشنہار سچّی سرنائیا۔ جن بھگت سُن مِتر پیارے ایک، ایکا دیاں جنائیا۔ سچ سوامی دُھر دی ٹیک، مستک دھوُڑی خاک رمائیا۔ انتر کرے بُدِھ بِبیک، نِرمل اپنا آپ جنائیا۔ سچ گرِہ دی دسےّ کھیڈ، گھٹ گھٹ اپنا پردہ دئے اُٹھائیا۔ مندر اندر کھولے بھیت، پردہ اوہلا رہے نہ رائیا۔ نظری آئے نیتن نیت، نِج گھر بَیٹھا سوبھا پائیا۔ نِج نیتر لَینا پیکھ، سَت سروُپی سوبھا پائیا۔ جوتی جوت سروُپ ہرِ، آپ اپنی کِرپا کر، بھگتن میِتا ٹھانڈا سیِتا ترےَگُن اتیِتا ترےَبھوَن دھنی اپنا حُکم ورتائیا۔ جن بھگت کہے پربھ ویکھ کلجُگ اندھیری رات، چاروں کُنٹ اندھیرا چھائیا۔ سرِشٹ سبائی گا گا تھکی گاتھ، رسنا جِہوا بتّی دند ہِلائیا۔ نہا نہا تھکی تیِرتھ تاٹ، اٹھسٹھ بھجیّ واہو داہیِا۔ لبھ لبھ تھکی گُردر مندر مسجد شِودوالے ماٹھ، کھوجیاں ہتّھ کِسے نہ آئیا۔ چار ورن اٹھاراں برن ویکھ اپنا کھیل تماش، دیِن مذہب راؤ رنک کرے لڑائیا۔ سچ وست دِسے کِسے نہ پاس، مُلّا شیخ مسائک پنڈت خالی دین دُہائیا۔ انتر آتم شبدی دھار کرے کوئی نہ بات، دُھر فرمانا حُکم نہ کوئے سُنائیا۔ پِچھلی کرنی سارے دسّن حالات، پڑھ پڑھ منتر رہے سُنائیا۔ تیری منزل تیرا دوارا سچ مقام کِسے نہ ویکھیا گھاٹ، درگاہ ساچی سوبھا کوئے نہ پائیا۔ دُھر پریِتی ہرِ چرن کوَل جُڑیا کِسے نہ نات، بِدھاتا انگ نہ کوئے لگائیا۔ من واسنا سرِشٹی کوُڑی ودھی خواہش، خالص تیرے وِچ اپنا آپ نہ کوئے سمائیا۔ جن بھگت کر بینتی سچکھنڈ دوارے کرے اِک ارداس، نِیوں نِیوں اپنا سیِس جھُکائیا۔ دُھر دے ٹھاکر کرتا پُرکھ دیِن دَیال سجّن میِت وس پاس، کایا مندر اندر بہہ بہہ خوشی منائیا۔ سُرت شبد گوپی کاہن منڈل منڈپ گھر وکھا راس، ساچی بنسری نام سُنائیا۔ جوتی جوت سروُپ ہرِ، آپ اپنی کِرپا کر، میرا لیکھا دے مُکائیا۔ جن بھگت کہے مَیں رہندا پِنڈ ڈّڈ، ڈنڈؤت اِکو اِک جنائیا۔ بِن ہرِ

نام خالی دِسے ہڈّ، وست امولک نظر کوئے نہ پائیا۔ کِرپا کر مِہروان نوَ دوارے پار کر حد، پڑدا اوہلا دے اُٹھائیا۔ جن بھگت تیری جدّ، وِشوَ اپنا رنگ چڑھائیا۔ نام خُماری دے مدھ، ترِشنا کوُڑی جگت بُجھائیا۔ مایا ممتا رہے نہ اگّ، ہؤمے ہنگتا دے گوائیا۔ ہنس روُپ ہوئے کگ، سوہنگ مانک موتی چوگ چُگائیا۔ درس دے اُپر شاہ رگ، سوَچھ سروُپی اپنا روُپ پرگٹائیا۔ گھر انادی ناد پئے وج، انحد اپنا راگ سُنائیا۔ دِیپک پرکاش ہووے جھٹ، جوتی جوت جوت رُشنائیا۔ سچ دوارا کھول دے ہٹّ، ٹھاکر تیری بےپرواہیِا۔ آتم پرماتم اَگے رہے نہ اڈّ، پردہ وِچوں دے چُکائیا۔ بِن مکّے کعبیوں کرا دے دُھر دا حج، مقامے حق تیرا نوُر نظری آئیا۔ درگاہ ساچی سچکھنڈ دوارے جاواں وس، واسطہ تیرے نال رکھائیا۔ کِرپا کر پُرکھ سمرتھ، شاہ پاتشاہ شہنشاہ تیری اِک سرنائیا۔ میرا دے کے جائیں پِچھلا حق، پوُرب لہنا جھولی پائیا۔ راہ تکدیاں تریتا دواپرگئے تّھک، کلجُگ ویلا وقت دئے گواہیِا۔ جوتی جوت سروُپ ہرِ، آپ اپنی کِرپا کر، لہنا دینا جھولی دینا پائیا۔ سِری بھگوان کہے سُن میرے بھگت، بھاگ تیرا تیری جھولی پائیا۔ انتر آتم ساچی شکت، وست امولک اِک ورتائیا۔ نِج نیتر ہووے ساچا درس، سَت سروُپی اِکو نظری آئیا۔ چِنتا روگ رہے نہ ہرکھ، غمی غم نہ کوئے ستائیا۔ جنم جنم دی پوُرب میٹ کے تڑپ، اَگے اِکو گنڈھ پوائیا۔ جودھا سوُربیِر مردانہ بن کے مرد، سِر اپنا ہتّھ رکھائیا۔ پوُرا کرنا پرم پُرکھ پرماتم اپنا فرض، بھگت سُہیلے لئے اُٹھائیا۔ ایہو کھیل نِرگُن سرگُن کرے اسچرج، جگت وِدیا سمجھ کوئے نہ پائیا۔ میِت پیارا ونڈنہارا درد، دُکھیاں دُکھ ویکھے تھاؤں تھائنیا۔ سچ بینتی سُن کے عرض، عاجز اپنے گلے لگائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں پوُری کر کے سنساری بِوہاری ساری غرض، غرض اپنی نہ کوئے رکھائیا۔

تنّ پُھل کہن ساڈی انڈِٹھی منگ، مانگت ہو کے جھولی ڈاہیِا۔ پوُرب جنم پِچھے گیا لنگھ، اپنا پندھ مُکائیا۔ اِس جنم آیا نہیں انند، سُکھ ساگر نہ کوئے وکھائیا۔ بیِتے جنم دا پتہ نہیں مرن توں پِچھوں کیہڑا پَوے پندھ، کوَن راہ بھوائیا۔ تِنّے کٹّھے ہوئے بنیا ساڈا سنگ، اپنا جوڑ لیا جُڑائیا۔ گُرمْکھ دے ہتّھ آ گئے کِسے نال ڈھنگ، اندر خواہش دِتی بدلائیا۔ اوہ مار کے آیا پندھ، بن کے پاندھی راہیا۔

اُس دی انتر آواز دا اِک چھند، بِن اکھّراں دیئیے سمجھائیا۔ جیہڑی آسا نِراسا وِچ ہوئی بند، اپنا روُپ نہ سکی پرگٹائیا۔ جگت جہان دِسے رنڈ، سجّن میِت مِتر نہ کوئے وڈیائیا۔ تِنّے کہن ساڈی بِرہوں وِچ اَخیِری منگ، تیِبر اِچھیا رہے جنائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ پُھل کہن اسیں تن ویکھیا تن لوک، بِن اکّھاں اکّھ کُھلائیا۔ ساچی مِلی نہ کِتے مؤج، مُحبّت سچ نہ کوئے کمائیا۔ ساچی ہتّھ نہ آئی کِسے کھوج، کھوج کھوج تھکی سرب لوکائیا۔ آسا منسا سب دی تکّی روز، صُبح شام دھیان لگائیا۔ سچ وست دِسے نہ کِسے کول، خالی ہتّھ سرب رہے کُرلائیا۔ دُکھیاں دے دُکھڑے کوئی نہ سکے پھول، دردیِاں درد نہ کوئے ونڈائیا۔ اسیں تِنّاں کٹّھیاں ہو کے ماریا ڈھول، اُچی کوُک دیئیے جنائیا۔ ساچا تولنا پوُرا تول، نام کنڈا ترازوُ ہتّھ اُٹھائیا۔ جِس وست نوُں گُرمْکھ رہے ٹٹول، جھولی دینی پائیا۔ سب کُچھ پاربرہم پت پرمیشور تیرے کول، دیندیاں توٹ رہے نہ رائیا۔ پُھل کہن اسیں وِچولیاں وانگ بن کے آئے وِچول، وِچلا بھیت دیئیے جنائیا۔ گھُنڈی اوہ کھول، جِس نال کنڈا کُھلے لوکائیا۔ سانوُں دینا نہ مات ورول، ککھّاں اُتے سُٹائیا۔ اسیں کومل سب نالوں سوہل، تِنّے پتّ ٹہنی نال مؤل، آپ اپنا بھیٹ چڑھائیا۔ سانوُں انتر انتر سُنا دے اوہ بول، جِس بول وِچ تیری بےپرواہیِا۔ جیہڑی وست ایس دے نہیں کول، اوہ وی جھولی دینی پائیا۔ پُھل کہن پھیر اسیں تِنّے رہیئے اڈول، خوشیاں وِچ تیرا ڈھولا گائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر نال آسا منسا پوُری دئے کرائیا۔

کرپا کرے ہرِ کرنے یوگ، سَتگُر شبد سچّی سرنائیا۔ آد جُگادی کر کے دُھر سنجوگ، برہم برہمادی پندھ مُکائیا۔ بھیو کُھلا کے لوک پرلوک، دو جہاناں پردہ دئے چُکائیا۔ بودھ اگادھا سُنا کے سچ سلوک، انتر منتر نام اِک دِرڑائیا۔ ڈوُنگھی بھوَری کرنہارا کھوج، گرِہ مندر اندر ویکھ وکھائیا۔ کوُڑ اندھیرے پرکاش کرنہارا جوت، نِرگُن نوُر کرے رُشنائیا۔ بھگت سُہیلا بخشنہارا ساچی اوٹ، چرن کوَل دئے سرنائیا۔ کوُڑی کِریا مایا ممتا کڈھنہارا کھوٹ، دُرمت مَیل دئے دُھوائیا۔ ہؤمے ہنگتا گواونہارا روگ، چِنتا چِکھا نہ کوئے جلائیا۔ سچ دوارے بخشنہارا مؤج، مجلس اپنے نال وکھائیا۔ لہنا دینا چُکائے جنم مرن لیکھا لاڑی مؤت، اگنی تت تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ سَتگُر شبد کہے مَیں گہر گمبھیِر، آد انت میرا انت کوئے نہ پائیا۔

حُکمے اندر گھل گُر اوتار پَیغمبر پیِر، پرا پسنتی مدھم بَیکھری بانی دِتی جنائیا۔ جھلک پلک خلق وکھا کے اپنی تصویِر، نوُر نوُرانی ڈلک لگائیا۔ اپنی منزل دسّی نہ کِسے اَخیِر، حد بےحد بھیوَ نہ کوئے کُھلائیا۔ پنج تت ناتا جوڑ کے لیکھا بنا کے کرم کانڈ تقدیِر، ترےَگُن کری کُڑمائیا۔ شرع شریعت پا زنجِیر، تسبیح مالا ہتّھ پھڑائیا۔ کر کے کھیل بےنظیِر، نظریہ اپنا لیا بدلائیا۔ اُچی کوُکدا گیا کبیِر، جُلاہا دئے دُہائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ ہرِ شبد کہے مَیں وڈ بلوان، بلدھاری نظری آئیا۔ برہمنڈ کھنڈ میرا نِکاّ جِہا کھیل مہان، کوٹن کوٹ رَو سس نوُری چند کراں رُشنائیا۔ وِشن برہما شِو سیو کمان، چاکر خادم لئے بنائیا۔ شاستر سِمرت وید پُران صِفتی ڈھولے گان، جُگ چؤکڑی ناد وجائیا۔ گُر اوتار پیِر پَیغمبر میرا کرن بیان، سرِشٹی درِشٹی نال مِلائیا۔ کلمہ کائنات کرے کلیان، حرف حروُف مات سمجھائیا۔ سرِشٹ سبائی دسّنہار اِیمان، صِدق صبوُری سچ سمجھائیا۔ آپ ہو کے بےپہچان، گھر گھر بَیٹھا ڈیرہ لائیا۔ بےپرواہ سارے کردے گئے اِعلان، حد محدوُد بند نہ کوئے کرائیا۔ لوک مات میری نِکی جِہی وِدیا برہم گیان، سچ بھنڈارا اپنے وِچ چُھپائیا۔ بھگت سُہیلا گُر چیلا بخشاں اِک دھیان، سَت سچ سچّی سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحب سُلطان بےپرواہیِا۔ سَتگُر شبد کہے میرا کھیل الکھ، الکھ اگوچر اگمّ اتھاہ بھیو کوئے نہ آئیا۔ جُگ چؤکڑی نِرگُن سرگُن ہو پرتکھ، پت پرمیشور صِفتی ڈھولے سُنائیا۔ گُر اوتاراں پیِر پَیغمبراں ساچے بھگتاں کھول کے اپنی اکّھ، آخر اپنا رنگ رنگائیا۔ سچ حقیِقت وِچوں دے کے حق، وست امولک جھولی پائیا۔ دُھر سندیشہ اِکو دسّ، سَت سَتواد کراں پڑھائیا۔ پرگٹ ہو کے گھٹ گھٹ، گرِہ مندر میل مِلائیا۔ سچ دوار کھول کے ہٹّ، بن ونجارا اگمّی دات اِک وکھائیا۔ سَتگُر شبد کہے بِن میری کِرپا کوئی نہ سکے لبھ، نوَ نؤ چار کھوجیاں ہتّھ کِسے نہ آئیا۔ بِنا میرے کِسے نوُری نوُر نہ لبھے ربّ، پروردِگار سانجھا یار درس کوئے نہ پائیا۔ دو جہاناں اختیار دِتا میرے ہتّھ، دوُجا ثانی روُپ نہ کدے وٹائیا۔ سِری بھگوان اِک اِکلّا بَیٹھا رہے سچکھنڈ، جوتی جاتا جوت اپنے وِچ سمائیا۔ تھِر گھر مان وڈیائی دے کے پُرکھ سمرتھ، سیِس تاج میرے اِک ٹِکائیا۔ حُکمے اندر لکّھ چؤراسی جیِو جنت کھانی بانی سرِشٹی رچ، برہمنڈ کھنڈ رچنا لئی رچائیا۔ آد جُگاد جُگ چؤکڑی میرا روُپ سَت، استِ کراں لوکائیا۔ مِہروان ہو کے کوٹن کوٹاں وِچوں بھگت سُہیلے لَواں رکھ، جِنہاں اپنی مِہر نظر نال ترائیا۔ اندر وڑ کے مندر چڑھ کے کایا ماٹی ساچی ہاٹی رہبر ہو کے

مارگ دیواں دسّ، اَدھ وِچکار نہ کوئے اٹکائیا۔ پریِتم پریمی پیارا ہو کے سچ دوارے جاواں وس، وصل اصل اپنے نال جنائیا۔ سوَچھ سروُپ ہو انوُپ درس کراواں پرتکھ، سوَچھ سروُپی روُپ وٹائیا۔ سیج سُہنجنی انتر آتم بہواں سچ، سِنگھاسن آسن ڈیرہ لائیا۔ جوتی جوت سروُپ ہرِ، آپ اپنی کِرپا کر، سچ دیونہار سرنائیا۔ سَتگُر شبد کہے مَیں سچّا محبوُب، مُحبّت وِچ سمائیا۔ عرش فرش توں اُچا اِک عروُج، سچ سِنگھاسن سوبھا رہیا پائیا۔ جِتھے نہ کوئی تت کایا کلبوُت، کلمہ پڑھے نہ کوئے لوکائیا۔ چھپّر چھنّ کرے نہ کوئے محفوُظ، چار دیواری ونڈ نہ کوئے ونڈائیا۔ آر پار جانے نہ کوئے حدوُد، انت کہہ سکے کوئے نہ رائیا۔ اگمّ اتھاہ منزل میری مقصوُد، مقصد میرا حل کرائیا۔ جوتی جوت سروُپ ہرِ، آپ اپنی کِرپا کر، بخشنہار بخشش اِکو جھولی پائیا۔ سَتگُر شبد کہے مَیں داتا دیِن دُنی، دو جہاناں دَیاکمائیندا۔ کوٹن کوٹ سیوا لا کے رِکھی مُنی، حُکمے اندر سرب بھوائیندا۔ لکّھ چؤراسی وِچوں بھگت سُہیلے وِرلے آواز سُنی، جِس انتر آتم دھیان لگائیندا۔ بھیو کُھلا کے اپنا گُن گُنی، گُنونت دَیاونت اپنی کار کمائیندا۔ آتمک راگ سُنا کے ساچی دُھنی، مست خُماری اِک وکھائیندا۔ سِر اوڈھن دے کے نام امولک چُنّی، پڑدا دو جہان جنائیندا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیندا۔ شبد گُروُ کہے مَینوُں سارے منّدے، جُگ چؤکڑی حُکم ورتائیا۔ جو گُر اوتار پیِر پَیغمبر آدھاری پنج تت تن دے، تِنہاں اوٹ اِک جنائیا۔ جِنہاں نوُں مات پِت جننی ہو کے جندے، گودی گود اُٹھائیا۔ اوہ سیوک بنا کے گھلّاں ساچے رام دے، جو ہر گھٹ رہیا سمائیا۔ نام سندیشے دسّاں ساچے گان دے، جو رسنا جِہوا بتّی دند لوک مات دین سُنائیا۔ سچ پرکاش دیواں اگمّی بھان دے، جوتی جوت جوت رُشنائیا۔ پڑدے لاہواں اوس سچ نِشان دے، جِس دا نِشانہ ویکھن کوئے نہ پائیا۔ بھیو کُھلاواں اگمّی کاہن دے، جو لکّھ چؤراسی گوپی سدا ہنڈھائیا۔ کُنڈے کھولاں اوس مکان دے، جِس گرِہ وسے شہنشاہیِا۔ رستے دسّاں دیِن مذہب اِیمان دے، شرع شریعت جگت وڈیائیا۔ بھیو کُھلاواں سچ گیان دے، گیان نیتر اِک جنائیا۔ ناد سُناواں سچّے دیوان دے، انحد نادی ناد وجائیا۔ کھیل وکھاواں سِری بھگوان دے، جو سب دا مالک اِکو روُپ سمائیا۔ جھگڑے چُکاواں آون جان دے، جِنہاں بھگتاں اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ سَتگُر شبد کہے مَیں سب دا پیارا، پریمی پریمکا اپنے وِچ سمائیا۔ جُگ چؤکڑی لےَ اوتارا، گُر گُر دھار بندھائیا۔ نام اگمّی بول جَیکارا، ڈھولا سچ سُنائیا۔ حُکمی

حُکم کر ورتارا، ویکھاں تھاؤں تھائنیا۔ برہمنڈ کھنڈ ہُلارا، پُری لوء آکاش پاتال دھرنی دھرت دھوَل سُہائیا۔ بھگتن میِتا ہو کے دیواں آدھارا، سنت سُہیلا سنگ نِبھائیا۔ گُرمْکھاں کرا سچ ونجارا، سؤدا ساچے ہٹّ وِکائیا۔ گُرسِکھاں چرن پریِتی دے بھنڈارا، دھوُڑی ٹِکاّ مستک خاک رمائیا۔ سَت سَت وست دے کے تھارا، تھِر گھر ساچے دیاں بہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سجّن شہنشاہیِا۔ سَتگُر شبد کہے مَیں سرب سوامی، پُرکھ اکال دِتی وڈیائیا۔ بِن میری کِرپا کوئی نہ جاوے دیس انامی، سچ دوارا ویکھن کوئے نہ پائیا۔ بِن میری اِچھیا گُر اوتار پیِر پَیغمبر بھگت سنت کوئی نہ گاوے بانی، راگ انراگ تال نہ کوئے وجائیا۔ بِن میری کِرپا امرت جل پیِوے کوئی نہ پانی، اٹھسٹھ ملِے نہ کوئے وڈیائیا۔ بِن میری کِرپا سَت دھرم دی دِسے نہ کوئے نِشانی، سچّا مارگ نہ کوئے لگائیا۔ بِن میری کِرپا کِسے دا مکُے نہ آون جانی، لکّھ چؤراسی پندھ نہ کوئے مُکائیا۔ بِن میری کِرپا جھگڑا مکُے نہ چارے کھانی، چار کُنٹ وجےّ نہ سچ ودھائیا۔ بِن میری کِرپا سُرت سوانی ملِے نہ اپنے ہانی، گھر سجّن جوڑ نہ کوئے جُڑائیا۔ بِن میری کِرپا کوئی ویکھے نہ پد نِربانی، منزل اپنی راہ تکائیا۔ بِن میری کِرپا سرِشٹ سبائی سب دی دِسے ہانی، سِر سکے نہ کوئے اُٹھائیا۔ سَتگُر شبد کہے ایہہ میری وڈی مِہروانی، جُگ جُگ جن بھگتاں ساچے سنتاں گُرمْکھاں گُرسِکھاں لوک مات پار لنگھائیا۔ میرے پریم پیار مُحبّت دی سچ طُغیانی، کوُڑی کِریا ایکا وار دئے رُڑھائیا۔ جِس نوُں سمجھ نہ سکے کوئے وِدوانی، جگت وِدیا بَیٹھی مُکھ بھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتگُر شبد کہے مَیں بھگتاں دا سدا اِحسانی، جو پریم پا کے پیار وِچ اِحسان میرے اُتے چڑھائیا۔

۲۲ چیت شہنشاہی سمت ۱ امریک سِنگھ دے گرِہ پِنڈ سرائیں ضِلع ہوشیار پُر

پریم کِنگ کہے مَیں رہی وجدی، جُگ چؤکڑی لوک مات سیو کمائیا۔ چار کُنٹ دہ دِشا رہی بھجّدی، بن بن پاندھی راہیِا۔ راگاں ناداں سواداں وِچوں رہی لبھدی، ترانیاں نال وڈیائیا۔ جنگل جوُہ اُجاڑ پہاڑ کوُکاں ماردی رہی سدّ دی، نعرے حق حق دِرڑائیا۔ سَتجُگ تریتا دواپرکلجُگ میری آسا پوُری نہ ہوئی ساچے حج دی، بِن کعبیوں کعبہ دئے وکھائیا۔ سچ کہانی جن بھگتو دسّاں

پریِت پربھ پرم پُرکھ اتے ربّ دی، جو جلوہ نوُر ظہوُر اِک خُدائیا۔ سُنیہڑا دیواں خوشیاں نال ہسدی، انتر اپنی خواہش پرگٹائیا۔ جے کوئی مَیتھوں گلّ پُچھے گھڑی سُہنجنی اجّ دی، پردہ لاہ کے دیاں سمجھائیا۔ جیہڑی کلغی کلغیدھر دے سیِس اُتے سجدی، سجّن جناوے دُھردرگاہیِا۔ مَیں اوسدا درشن کر کر رجدی، نیتر نیَن خوشی منائیا۔ جِسدے کول امرت دھار اگمّی رس مدھ دی، نام خُماری دئے چڑھائیا۔ چِنتا مُکاوے ہڈّ ہڈّ دی، ناڑی ناڑی کرے رُشنائیا۔ جِس دی پریم پریِتی دو جہاناں وِچوں چنگی لگدی، انیالے تیِر رہی چلائیا۔ جِس دی جوڑی جوڑی چمکؤر سرہند وِچ پھبدی، فَیصلے دُھردے گیا کرائیا۔ اوسدی ویل ویکھو ودھدی، دھرنی دھرت دھوَل سوبھا پائیا۔ اوس دی کلا ویکھو چڑھدی، دو جہان کرے رُشنائیا۔ مَیں اوسے دے گیِت رٹدی، صِفتاں صِفت صلاحیا۔ مستی ویکھ نوُرانی اکّھ دی، آخر اپنا آپ بُھلائیا۔ گاون وجاون والیو تُہانوُں کی مَیں دسّدی، تُوں ہی تُوں راگ الائیا۔ مَیں اوسے دے چرناں اُتے ڈھٹھدی، جو غریِب نِمانیاں گلے لگائیا۔ سِر قدماں اُتے سٹدی، جو دُرمت مَیل دئےدھوائیا۔ اِکو لاہ در تے کھٹدی، اَگے دا کھٹکا رہے نہ رائیا۔ ایہہ کھیل نہیں کوئی بازی گر نٹ دی، سوانگی سوانگ نہ کوئے رچائیا۔ ایہہ دھار پُرکھ سمرتھ دی، مہما شبد اکتھ پڑھائیا۔ جِس دے کول وست امولک اوہ نظری آئے سب دی، دیونہار بےپرواہیِا۔ جِس دے انتر جوت اکال اِکو جگدی، نوُرو نوُر نوُر رُشنائیا۔ کِنگ کہے میری پُرانی آسا کد کی، قُدرت دا قادر رہیا کرائیا۔ مَیں اَگے ہو کے ودھدی، اپنا سیِس جھُکائیا۔ گوبِند جے تُوں آئیوں خاطر جگ لئی، جاگرت جوت کر رُشنائیا۔ ہُن رہنا تَیتھوں اڈّ نہیں، وِچھڑیاں لےَ مِلائیا۔ ہیرا پھیری دا کرنا کوئی پجّ نہیں، جھگڑا دُئی دینا مِٹائیا۔ اِک اوٹ تیری تک لئی، آسا اِک پرگٹائیا۔ جے کِرپا کرکے دوارے اپنے سدّ لئی، سیوا سچ دسائیا۔ مَیں پریم پیار اندر آ کے وجّ گئی، وجہ وضاحت نال دِتی سُنائیا۔ لکّھ چؤراسی دے گیڑ وِچوں کڈھ لئی، بناسپت تیری مان وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ کِنگ کہے جِس ویلے مَینوُں پوٹے نال لائی دھنکاری، سُر تال دِتا بنائیا۔ میری سُنّ اگمّ کُھل گئی، پردہ رہیا نہ رائیا۔ مَیں کنڈے انوکھے تُل گئی، جِس دا وزن نہ کوئے سمجھائیا۔ مَیں لوک مات موُل نہ رُل گئی، کملی کوجھی مِلی وڈیائیا۔ مَیں گُلشن دے پُھل وانگ کھِل گئی، جِس دی ٹہک مہک سُگندھ وِچ چُھپائیا۔ جوتی جوت سروُپ ہرِ، آپ اپنی کِرپا کر، مِہر نظر اِک ٹِکائیا۔ کِنگ کہے میری ساتھن اِک ہور ڈّھڈ، جو اپنا تال وجائیا۔ جِس دی سمجھ سکے

نہ کوئی جدّ، پردہ اوہلا نہ کوئے اُٹھائیا۔ اوسے دے اُتے وجدا وارو واری ہتّھ، اُنگلاں اپنا تال جنائیا۔ اوہ اندروں کہے مَیں بولاں سچ، سچ دیاں جنائیا۔ مَیں باہروں ماٹی کچ، کوُڑی جڑت دِتی جڑائیا۔ جگت اَکھاڑیاں وِچ سدا رہی نچ، ڈھولیاں والے راگ سُنائیا۔ ڈّھڈ کہے جے سچ پُچھو میری اندروں کُھلی اجّ اکّھ، نِج نیتر ہوئی رُشنائیا۔ جِس صاحب سَتگُر نوُں دو جہان رہے لبھ، پرکاش آکاش ویکھن تھاؤں تھائنیا۔ جِس دا نام سِمرن پوُجا پاٹھ کرن جپ، ابھیاس وِچ دھیان لگائیا۔ جِس نوُں کھوجدے اُتے اٹھسٹھ، گنگا گوداوری جمنا سُرستی پھیرا پائیا۔ جِس دے کارن منکے مالا رہے رٹ، تسبیح گلاں وِچ لٹکائیا۔ جِس دے واسطے جنگل جوُہ اُجاڑ پہاڑ اُچے ٹِلّے رہے بھجّ، بن بن پاندھی راہیا۔ سو صاحب سوامی انترجامی پُرکھ اکالا دیِن دَیالا گھر ٹھاکر پایا سمرتھ، گہر گمبھیِر بےنظیِر شاہ حقیِر نظری آئیا۔ ڈّھڈ کہے وجاون والیو ایس دے کولوں منگ لؤ اوہ وتھ، جیہڑی وِشنوُں جھولی کِسے نہ پائیا۔ پریم پیار نال دے کے جاوے برہم مت، منمت کوُڑی دئے گوائیا۔ نِجھر جھِرنا جھرائے امیوں رس، نابھی کوَل دئے اُلٹائیا۔ نِرگُن نوُر جوت کرے پرکاش، گھر گھر وِچ دیِا باتی کملاپاتی اِکو ڈگمگائیا۔ شبد اگمّی انحد انادی دُھر لگاوے سٹّ، انراگی راگ سُنائیا۔ بےشک مَیں تُہاڈے ہتّھاں نال رہی وجّ، اِشاریاں نال اپنا تال بدلائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ کِنگ کہے میری ویکھو تند تند ستار، جو اپنا حال سُنائیا۔ اِکو پروردِگار سانجھے یار کرو پیار، جو لاشریِک نوُرو نوُر نظری آئیا۔ مقامے حق سچکھنڈ ویکھو اِکو دھار، دوُجا اِشٹ نہ کوئی وکھائیا۔ جُگ چؤکڑی نِت نوِت جِس دی مہما کردے گُر اوتار، پیِر پَیغمبر ڈھولے راگ سُنائیا۔ شاستر سِمرت وید پُران جِس دی کرن پُکار، انجیِل قُرآن تیس بتیِسا حدیِثا اِک سُنائیا۔ اوس سوامی دا سچ سجیا ویکھو دربار، جِتھے جوت جگے اپار، شبدی ناد رہیا وجائیا۔ جیہڑی گائی تُساں وار، ایہہ کھیل ہرِ کرتار، گوبِند ویکھے وِچ سنسار، دھرت دھوَل دِتی مان وڈیائیا۔ چارے سُت ویکھ دُلار، چارے جُگ جڑ دِتی اُکھاڑ، چار کُنٹ چار ورن بخش اِک سرنائیا۔ کِنگ کہے مَیں اوسے دی کراں گُفتار، جو گُفت شنید اپنی کار کمائیا۔ میرے اندر اِک اِظہار، جِسدا کھیل سدا نیار، نِرگُن نِروَیر نِراکار نِرنکار رہیا دِرڑائیا۔ جوتی جوت سروُپ ہرِ، آپ اپنی کِرپا کر، ویکھنہارا بےپرواہیِا۔ ڈّھڈ کہے مَینوُں کوئی نہ جانِیو ڈھولک، ڈگّا دُھر دا نام جنائیا۔ سَتگُر شبد اِک امولک، عقل دے وڈیائیا۔ رکھکے ویکھو اپنی کایا گولک، ساڈھے تِنّ ہتّھ پردہ لاہیِا۔ پرم پُرکھ پت پرمیشور ویکھو

اڈولت، سچ سوامی بَیٹھا سوبھا پائیا۔ جِس دا نام نِدھان سدا انبولت، رسنا جِہوا راگ نہ کوئے الائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ کِنگ کہے جِس ویلے گایا راگ، بَیکھری روُپ وٹائیا۔ میرے انتر اُپجیا اِک وَیراگ، کوُڑ کُڑیارے وَیری دِتے کھپائیا۔ میری جنم جنم دی بُجھی ترِشنا آگ، ہؤمے روگ دِتا مُکائیا۔ میرے اندروں آئی اِک آواز، دُھر دا نعرہ رہی جنائیا۔ میری سُرتی گئی جاگ، میرے لوچن لئی انگڑائیا۔ میرے انتر آیا سواد، امرت رس چوائیا۔ میرا رسنا والا ہویا ساز، رباب احباب روُپ وٹائیا۔ مَیں کوُڑی کِریا جگت تیاگ، وَیراگی روُپ بنائیا۔ دھنّ بھاگ سُلکھنی گھڑی ہرِ مِلیا کنت سُہاگ، جگت وِجوگ دِتا مِٹائیا۔ کر کِرپا جگت کِریا وِچوں کاڈھ، اپنے رنگ رنگائیا۔ تیرے وِچ ہوواں وِسماد، بِسمِل ہو کے سیو کمائیا۔ دھنّ بھاگ جے مِلیوں آج، پھیر لبھیاں ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، در دے مان وڈیائیا۔ ڈّھڈ کہے جِس ویلے میرے اُتے وجّا دھپھا، اُنگلاں عدل بدل کے لائیا۔ مَینوُں مِل گیا اوہ گّپھا، جو بےپرواہ رہیا ورتائیا۔ مَینوُں یاد آ گیا ڈھاڈھیاں والا پِچھلا صفحہ، جو ستّا بلونڈا راگ الائیا۔ جِنہاں دا مضموُن سی اِک نِکاّ، نِرنکار نِرنکار اِکو دھار سُنائیا۔ جِس دا کھیل سدا انڈِٹھا، جگ نیتر نظر کوئے نہ آئیا۔ اوہ مالک خالق بن کے آیا دُھر دا پِتا، پت پرمیشور روُپ وٹائیا۔ لکڑی چمّ کہے جِس میرے نال کیِتا ہِتّا، پریم پریِتی اِک جنائیا۔ مَیں اوسے در تے وِکا، قیِمت اَور نہ کوئے رکھائیا۔ جِس دا مارگ سب توں سِدھا، دو جہان نہ کوئے اٹکائیا۔ کِس بِدھ اپنے مِلن دی آپے بنا لئی بِدھا، بِدھنا دا لیکھ مُکائیا۔ اوس دی صِفت وِچ ڈھولا گاواں کِڈا، جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ کِنگ کہے میرے جاگے کرم، نِہکرمی دئے وڈیائیا۔ جِس دی مِل گئی ساچی سرن، سرنگت اِکو ہو آئیا۔ لہنا دینا چُکا کے مرن ڈرن، بھےَ بھؤ نہ کوئے وکھائیا۔ جِس دا نام نِدھان گا گا گُرمْکھ سنت سُہیلے ساچے پؤڑے چڑھن، منزل منزل اپنا پندھ مُکائیا۔ سخیِو مَیں وی اوسے دا اجّ آنکھن درشن کرن، جِس دا درس دیِدار دیِد چند چند رُشنائیا۔ جو پوُرب جنم لہنے دینے کرم کُکرم رہیا وِچار، بھیوَ ابھید دُھر دا دئے کُھلائیا۔ ڈنڈؤت بندنا میری نِمسکار، سجدہ کر کر خوشی منائیا۔ سندیشے وِچ سب نوُں کراں خبردار، بےخبر خبر سُنائیا۔ دُھر دا مالک ایکنکار، اکل کل دھاری اپنا ویس وٹائیا۔ جِس نوُں لبھدے رہے جُگ چار، نوَ نؤ چار اپنی اکّھ کُھلائیا۔ سو لیکھا لہنا دیونہار، دُھر دی وست رہیا ورتائیا۔ میرے لہنے وِچ پائے اجّ دِہاڑ، سیوا سچ سچ

کمائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ڈّھڈ کِنگ کہے اساں دوہاں مِل کے گایا گیِت، سوہنی سیو کمائیا۔ کِرپا کر کے ساڈی بدل دیوے نیِت، انتر انتر دئے بدلائیا۔ امرت رس بھردے کایا کؤڑے ریِٹھ، دُرمت مَیل دھوائیا۔ سوامی ہو کے وسے چیِت، من چِت ٹھگؤری کوئے نہ پائیا۔ جِس دی گُر اوتار پیِر پَیغمبر کرن اُڈیِک، نیتر لوچن نیَن اکّھ کُھلائیا۔ چارے بانی چارے کھانی کرے جِس دی تصدیِق، سو تصّور اپنا آپ رہیا کرائیا۔ جِس دی دھارا سدا باریِک، جگت جیِو سمجھ سکے نہ رائیا۔ سو ٹھاکر سوامی ویکھیا ٹھیِک، جو ٹھوکر اپنے نام لگائیا۔ ساچا کلمہ دسےّ حدیِث، حضرتاں کرے پڑھائیا۔ جو ویکھنہارا کھیل بیِس اِکیس، نِرگُن سرگُن روُپ وٹائیا۔ جِس دی سب توں وکھری نِرالی ترتیِب، طرح طرح دئے جنائیا۔ سو دوُر دُراڈا چل کے آیا قریِب، نیرن نیرا سوبھا پائیا۔ جِس دی صِفتاں نال سارے کرن تمہید، ڈھولیاں وِچ جنائیا۔ اوس دا روُپ انوُپ عجیب، عجب لیِلا رہیا ورتائیا۔ پار اُتارن آیا جگت نِمانے غریِب، ہنکاریاں غُربت دئے مِٹائیا۔ ڈّھڈ کِنگ کہے ساڈے بدل جائے نصیِب، مِہر نظر اِک ٹِکائیا۔ لوڑ رہے نہ پڑھن دی قُرآن شریِف، مسلہ حل کر وکھائیا۔ اپنے نام دی دے کے جاوے بھیِکھ، بِھچِھیا دُھر دی جھولی پائیا۔ جوتی جوت سروُپ ہرِ، آپ اپنی کِرپا کر، لیکھے دُھر دے رہیا چُکائیا۔ ڈّھڈ کِنگ کہے جِنہاں ساڈے نال مِل کے گایا، سریِر پنج تت رکھائیا۔ پُرکھ اکال دیِن دَیال اُہناں دا ہونا آپ سہایا، سِر اپنا ہتّھ ٹِکائیا۔ کوُڑی کِریا میٹ کے ترےَگُن مایا، ترےَبھوَن دھنی اپنا رنگ دینا چڑھائیا۔ بِرتھا نہ جائے تیرے پریم دا ڈھولا گایا، سوہلا تیرا نام وڈیائیا۔ دیِن دَیال وِچولا بن کے جے تُوں لوک مات آیا، جن بھگتاں بیڑا پار کرائیا۔ دھنّ وڈیائی جِس ویلا وقت اجّ سُہایا، سمرتھ تیری بےپرواہیِا۔ حقیِقت وِچوں حق منگ منگایا، لالچ طمع نہ کوئے رکھائیا۔ نیتر لوچن نیَن تیرا درشن پایا، جم کا بھے دینا مِٹائیا۔ رائے دھرم نہ دئے سزایا، چِتر گُپت نہ لیکھ وکھائیا۔ لاڑی مؤت نہ گود سوایا، پھڑ کے اپنے گلے لَینا لگائیا۔ چرن سرن سرن چرن پربھ تیری اوٹ تکایا، تقدیِر تدبیِر نال دینی بدلائیا۔ پیِراں دا پیِر بےنظیِر لاتصویِر نَواں نوُر نظر آیا، تن وجوُد محبوُب تیرا سمجھ کوئے نہ پائیا۔ تیرے پریم دے اندر ساچے مندر اِکو راگ سُنایا، دوُجا راہ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ ڈّھڈ کِنگ کہے اِک ہور بینتی دیواں دسّ، آرزوُ عرض جنائیا۔ کِرپال ٹھاکر سب کُچھ تیرے وس، بےبس دِسے لوکائیا۔ جو بالے نڈھے بُڈھے اِستری پُرش ایتھے آئے نَٹھ، اپنا پندھ مُکائیا۔ مِہر نظر نال تکّ، نیتر

نیَن نیَن کُھلائیا۔ جے تیرا بھید نہیں سکے لبھ، اندر وڑ کے دے سمجھائیا۔ اِنہاں دی منزل مُکا دے پِچھلی حد، برہم برہمانڈ دے جنائیا۔ جِنہاں نے گایا ایس دے در توں خالی کوئی نہ جاوے اجّ، اُجل مُکھ دیوے کرائیا۔ پربھوُ تیرا کی جانا گھٹ، دِندیاں توٹ رہے نہ رائیا۔ مُحبّت وِچ پریِتم بن کے وس، پیار پیار وِچ کُڑمائیا۔ جے ایہناں دا نہیں تے اپنے کولوں دے دے حق، حقیِقت والے دے بنائیا۔ راتی سُتّیاں نوُں گھر گھر دے دے درس، اپنا بھیو کُھلائیا۔ غریِب اُدھارنا تیرا فرض، دُرمت پتت پاپیاں مَیل دھوائیا۔ جے امریک سِنگھ تَینوُں لیاندا سدّ، سدھنے وانگ لیکھے پوُرے دے کرائیا۔ خالی مُڑ کے کوئی نہ جاوے اپنے ہتّھ، سمرتھ وتھ اپنی جھولی پائیا۔ جوتی جوت سروُپ ہرِ، آپ اپنی کِرپا کر، چرن بخش سچّی سرنائیا۔ کِنگ ڈّھڈ اِک یاد آ گئی ہور بات، دردیِا تَینوُں دیاں سُنائیا۔ کلجُگ ویکھ اندھیری رات، ساچا چند نہ کوئے چمکائیا۔ سرِشٹی ہوئی نار کمذات، سُہاگی کنت نہ کوئے ہنڈھائیا۔ آتم پرماتم گائے کوئی نہ گاتھ، مُکھ رسنا جِہوا کرے پڑھائیا۔ تیرا درس کوئی نہ پاوے پُرکھ ابناش، نیتر لوچن نیَن نظر کِسے نہ آئیا۔ منزل پوُری چڑھے کوئی نہ گھاٹ، اُتّر پوُرب پچھّم دکھّن رُلدی ویکھی لوکائیا۔ بھگت سُہیلے رکھن تیری آس ، پیاس وِچ بِہبل ہو کے رہے کُرلائیا۔ جوتی جوت سروُپ ہرِ، آپ اپنی کِرپا کر، دُھر دی دینی اِک وڈیائیا۔ کِنگ کہے جِس ویلے میرا ہِلیا تند، تنبوُرا اِک وجائیا۔ دین دَیال ویکھیا انند، رحمت دا مالک اِک گوسائنیا۔ میرا خوشی ہو گیا بند بند، بندگی وِچ سیِس نِوائیا۔ جِنہاں ڈھولا ساچا گایا گُجری چند، چند ستارے دئے بنائیا۔ پُری انند والے دے اوہ انند، جیہڑا کھوجیاں ہتّھ نہ آئیا۔ جنم کرم دی ٹُٹی ایہناں دی گنڈھ، ایہہ وی بینتی وِچ سُنائیا۔ سب دے اندر پا ٹھنڈ، اگنی تت دے بُجھائیا۔ سُرت سوانی رہے کوئی نہ رنڈ، سَتگُر شبد ہانی جوڑ جُڑائیا۔ بھرماں دی ڈھاہ دے کندھ، پردہ اوہلا دے اُٹھائیا۔ تُوں صاحب سوُرا سربنگ، الپگ اپنے گلے لگائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ ڈّھڈ کہے جِس ویلے مَیں کوُک پُکار کیِتی نال زور، زوراَور سِنگھ فتح سِنگھ مِلی وڈیائیا۔ جِس دے ہتّھ سب دی ڈور، اوہ شبدی تند ستار ہِلائیا۔ مَیں اَگے ویکھیا کُچھ ہور، اپنا قدم اُٹھائیا۔ جِس دا منتر فُرنا پھور، فؤرن اپنا حُکم منائیا۔ اجیِت جُجھار چڑھا کے گھوڑ، خالی دوہاں حُکم سُنائیا۔ تُہاڈی بچّیو اوس نوُں لوڑ، جِس نے میری تیری بنت بنائیا۔ تُسیں جانا پُرکھ اکال دے کول، جِس دی کلا بےپرواہیِا۔ تُہاڈا لہنا دینا پھیر اُتے دھرنی دھؤل، دھوَل دھیان لگائیا۔ پوُرا کرنا اِقرار قؤل، کیِتا قؤل بُھل نہ جائیا۔

کلجُگ انت سَت سچ ہو کے تُساں جانا مؤل، مؤلا اپنا حُکم منائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ کِنگ کہے مَیں سُنیا اِک سندیشہ، جو اگمّی دھار جنائیا۔ ہرِ کرتا نر نریشا، نر نرائن سچّی شہنشاہیِا۔ بھگت اُدھارن جِس دا پیشہ، گُرمْکھاں گود بہائیا۔ کلجُگ انتم سب دا دیونہارا لیکھا، لِکھت بھوِکھت دئے دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور،۔ ڈّھڈ کِنگ کہے اجّ دی گھڑی سُلکھنی، سُکھ ساگر روُپ نظری آئیا۔ گُرمْکھو جھولی لےَ کے جائیو کوئی نہ سکھنی، پریم پریِتی نال سب دی دئے بھرائیا۔ بِن چرن ٹیک ہور کِتے نہ رکھنی، دُھر دی دھار سمجھائیا۔ جیہڑی آتما ہوئی بےوطنی، گھر بار گئی تجائیا۔ اوس دی پت ایسے رکھنی، جو وِچھڑے لئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا صاحب گوسائنیا۔ ڈّھڈ کہے مَیں سوہنا ویکھیا رنگ، رنگ رتّا نظری آئیا۔ جِس دی مہما دا گایا چھند، اوہ سنسے دئے چُکائیا۔ دو جہاناں پاؤندا جائے گنڈھ، پُری لوء برہمنڈ کھنڈ پار لنگھائیا۔ کوجھے کملے لاؤندا جائے انگ، انگیکار اِک ہو جائیا۔ دیونہارا سُکھ سچ انند، پرمانند وِچ سمائیا۔ بھیو کُھلائے جیِو اِنڈ پِنڈ، برہمنڈ پردے رہیا اُٹھائیا۔ جِس دے پریم اندر وج گئی بن کے دھار کِنگ، سو کِنگرا کِنگرا رہیا ہِلائیا۔ جِس نوُں جھُکدے وِشن برہما شِو سُرپت اِند، کروڑ تیتیِسا اکّھ نہ کوئے اُٹھائیا۔ جِس نے گھالنا گھالی کوُٹ ہیم کُنڈ، ٹھنڈک دھارا جل وہائیا۔ سو کلجُگ انتم میٹنہارا کوُڑی دُھند، ساچا چند کرے رُشنائیا۔ اوسے دی صِفت اندر ڈّھڈ کِنگ کہے اساں گایا گُن، گہر گمبھیِر راگ الائیا۔ جِنہاں پیاریاں پریم نال لیا سُن، تِنہاں دی سُرتی اپنے نال مِلائیا۔ جگت والا اُدھار نہیں لیکھا اپنا ہُن، بہُتی دیر نہ کوئے لگائیا۔ لکّھ چؤراسی کرنہارا چھان پُن، کھانی بانی پھول پُھلائیا۔ پردہ لاہُنہارا رِکھ مُن، جوگی جوگیشر تپیِشر بھیو رہیا کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل سہج سُکھدائیا۔ گیِت بولن والی کہے زبان، مَیں اپنا حال دیاں جنائیا۔ جِس ویلے اندروں آیا اِک دھیان، مِہروان دِتی وڈیائیا۔ بِن اکّھاں توں مَینوُں آئی پہچان، بےپہچان دیاں جنائیا۔ جیہڑا صاحب نِرگُن سرگُن سِری بھگوان بھگتاں دا محبان، محبوُب مالک خالق پرِتپالک اِکو نظری آئیا۔ دسّدا جگت والا نہیں دیوان، جھُلاون آیا بھگت نِشان، بخشنہارا چرن دھیان، جنم جنم دی کرے کلیان، اگلا لیکھا رہیا مُکائیا۔ گاون دا ایہہ جیہڑا تُساں کیِتا اِحسان، اِس دا لہنا دینا دینا وِچ جہان، مِہروان ہو کے اپنی دَیا کمائیا۔ سیوا لیکھے وِچ نِشکام، انتر آتم دئے آرام، سیِتا سُرتی نالوں وِچھڑیا میلے رام،

رام رام روُپ نظری آئیا۔ ڈّھڈ کِنگ جو کیِتی کلیان، تند ستار وجائیا۔ نِرگُن سیوا کری مہان، پھلی بھوُت اَگے دئے کرائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، نِہکلنک نرائن نر، ہرجن جن ہرِ وسائے اپنے گھر، گرِہ مندر کایا اندر ڈوُنگھی کندر پُرکھ ابناشی جوت پرکاشی منڈل راسی وسے پاسی، کرے کرائے داس داسی، نِج گھر کر کے واس واسطہ اپنے نال رکھائیا۔

۲۳ چیت شہنشاہی سمت ۱ پیارا سِنگھ دے گرِہ پِنڈ سرائیں ضِلع ہوشیار پُر

ست پُرکھ نِرنجن کِرپا کر دے، چرن کوَل تیری سچ سرنائیا۔ خاکی بن دے چاکر تیرے در دے، دیِن دُنی دے مالک تیری سیو کمائیا۔ مان ابِھمان سب تیرے اَگے دھردے، روگ سوگ تاپ سنتاپ تیری جھولی پائیا۔ جنم کرم کر جے وِچھڑے پِچھلے چِر دے، دُھر دا میلا لےَ مِلائیا۔ لکّھ چؤراسی وِچ پِھردے پِھردے، مانَس جنم مِلی وڈیائیا۔ کِرپا کر کے سانت کردے ہِردے، اگنی تت بُجھائیا۔ سیَر کرا گھر تھِر دے، گرِہ مندر اِک سُہائیا۔ وَیراگ نہیں ہنجھوُ کِردے، نیَناں چھہبر لائیا۔ بِن تیری کِرپا کرم کانڈ نہ مِٹدے، لیکھا مکُے نہ جگت لوکائیا۔ دُھر دا لہنا دینا آپے لِکھ دے، جگت تُٹی آپے گنڈھ پوائیا۔ بھگت سُہیلے گُر چیلے مالک اِک دے، ایکنکار تیری سرنائیا۔ آتم پرماتم ساچا ہِت دے، ریِتی نیِتی اِک دِرڑائیا۔ سچ وسیرا کر وِچ چِت دے، کوُڑی چِنتا دے مِٹائیا۔ جھگڑے مُکا دے نِت دے، سچ نیتر نیَن اپنا رنگ چڑھائیا۔ گُرمْکھ بِرہوں وَیراگی ہو کے پِٹدے، دُکھیئے حال سُنائیا۔ ہُن دوارے جائیے کِس دے، پربھ مِلیا بےپرواہیِا۔ جھگڑے مُکا دے پتّھر اِٹّ دے، جلاں تھلاں سیِس نہ کوئے نِوائیا۔ بَل ودھا دے ساڈی ہِکّ دے، حِکمت اپنی اِک دِرڑائیا۔ رس جھوُٹھے مِٹ جان پِھک دے، فقرہ تیرا ڈھولا گائیا۔ جن بھگت تیرے در تے وِکدے، کرتے قیِمت دینی پائیا۔ ساڈے کُکرم بھاویں سانوُں نہیں دِسدے، تُوں ویکھنہارا نظری آئیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ مِہر نظر کر دے مالک، مالی دو جہاناں نظری آئیا۔ نِرگُن سرگُن بن ثالث، جگت وِچولا بےپرواہیِا۔ نام نِدھان اپنی دسّ دے بات، دُھر دی بندگی سچ کمائیا۔ مِہر مُحبّت کر سخاوت، وست امولک جھولی پائیا۔ کوُڑی کِریا نہ رہے علامت، مایا ممتا موہ مِٹائیا۔ ہونا

سہائی ویلے قیامت، قیامگاہ اپنی دینی کمائیا۔ اِکو وار دے کے ضمانت، دو جہاناں بری دینا کرائیا۔ جے تُوں پربھوُ آپ صحیح سلامت، بھگت سُہیلے اپنے سنگ رکھائیا۔ مہاراج شیرسِنگھ وِشنوُں بھگوان، سرب جیِاں ہر گھٹ جانت، جانی جان تیری وڈی وڈ وڈیائیا۔

۲۳ چیت شہنشاہی سمت ۱ ارجن سِنگھ دے گرِہ سلیِم پُرا ضِلع ہوشیار پُر

گُرمْکھ کہے کِرپا کر جا جاندا جاندا، جُگ چؤکڑی گئے وِہائیا۔ جنم کرم دا تھکا ماندا، تھکاوٹ وِچ رہیا کُرلائیا۔ منزل پاندھی بن بھسماندا، نِردھن دئے دُہائیا۔ ہویا وِچھوڑا تیرے ناں دا، ہِردے ہرِ نہ کوئے وسائیا۔ رسنا جِہوا رہیا گاندا، آتم پرماتم جوڑ نہ کوئے جُڑائیا۔ ڈھولے راگ رہیا سُناندا، اگمّ ستار نہ کوئے ہِلائیا۔ تیِرتھ تٹ رہیا نہاندا، پاپاں مَیل نہ کوئےدھوائیا۔ پوُجا پاٹھ رہیا کراندا، کرم کانڈ نہ کوئے مِٹائیا۔ سادھاں سنتاں درشن رہیا پاندا، دیس پردیس پندھ نہ کوئے چُکائیا۔ پوُرب جنم دا پوُرا کرے نہ کوئی وعدہ، واحد میل نہ کوئے مِلائیا۔ ساچا دسےّ نہ کوئی مُعاہدہ، تصدیِق شناخت سکے نہ کوئے سمجھائیا۔ زِندگی جیِون جنم گُجریا بےفائدہ، فائدہ حاصل نہ کوئے کرائیا۔ تیرے نالوں وِچھڑ کے ہوئے علاحدہ، وِچھوڑا سکے نہ کوئے کٹائیا۔ پربھوُ جے تُوں آپ مالک گوبِند شبد بنایا نُمائیندا، نِرگُن اپنی کھیل کھلائیا۔ جوتی جوت سروُپ ہرِ، آپ اپنی کِرپا کر، مِہر نظر نال پار لنگھائیا۔ گُرمْکھ کہے جے آ گیا پاندھی راہی، سفر سفر وِچ کرائیا۔ دو جہان بن ملاحی، مالک ہو کے بیڑا کندھ اُٹھائیا۔ تُوں کیہڑی کِسے توں لیَنی صلاحی، اِکو حُکم دینا ورتائیا۔ کِیوں مانَس جنم وِچ رہیا ترسائی، ترِشنا ترِکھا مگر لگائیا۔ اپنی کِرن جوت کر رُشنائی، نوُرو نوُر ڈگمگائیا۔ بوُند سوانتی امرت دے جھِرائی، گھر جھِرنا دے جھِرائیا۔ محل اٹل دے سُہائی، آتم پرماتم دے مِلائیا۔ مِل مِل اپنی خوشی دے پرگٹائی، تُوں صاحب سچ گوسائنیا۔ گہر گمبھیِر تیری سرنائی، تُدھ بِن دوُجا کوئے ناہیں آ۔ دُھر دا مالک اِکو نظری آئی، ویکھیں بھگت اُدھارن واسطے نہ کریں کوتائیا۔ نِہکرمی ہو کے اپنا کرم کمائی، سچ دوارے منگیئے سچ دُعائی، عرض بینتی اِکو اِک سُنائیا۔ تیرا پلّوُ چھڈنا ناہیں، نِرگُن سرگُن میلا لَینا مِلائی، تیرے پریم پیار دی کھا کے اِک گراہی، صبر سنتوکھ اِک جنائیا۔ جنم جنم دی آس بُجھائیں، پیاسا رہے کوئی نہ رائیا۔ کیاس کر کے اکّھ کُھلائیں، ابُھل ہو کے بُھل کدے نہ جائیا۔ بےشک گُرمْکھ بھاویں ہوون بڑے گُناہی، پاپاں گٹھڑی تیری جھولی پائیا۔

تُوں دینا مان وڈیائی، پربھ تیری سچ سرنائیا۔ آتم پرماتم ہووے کُڑمائی، ناتا دُھر دا لَینا جُڑائیا۔ وِچھوڑے وِچ نہ دیئیں جُدائی، جُدا روُپ نہ کوئے وکھائیا۔ بِرہوں وِچ نہ جگت روائیں، روندیاں گلے لَینا لگائیا۔ تُوں نہیں ویکھیا کِیوں لال سِنگھ راتیں ماریاں دھاہیں، اُچی کوُک کوُک سُنائیا۔ امریک سِنگھ ترنتے جُگ دا اِس دا بھائی، بھتیِجا ارجن سِنگھ نظری آئیا۔ وشِشٹ رام والی گلّ اِنہاں نوُں جِس سُنائی، پریم نال بُجھائیا۔ اوسے ویلے اِنہاں آسا انتر اِک رکھائی، کِس بِدھ سانوُں لئے مِلائیا۔ دُھردرگاہی حُکم دِتا بےپرواہی، شبدی ناد وجائیا۔ ایس جنم تُہاڈی جگت والی صلاحی، صالاح کار اِک دوُجے نال سنگ نِبھائیا۔ کلجُگ انتم جِس ویلے سمت آوے شہنشاہی، شہنشاہ اپنا میلا لئے مِلائیا۔ شبد وِچولا دیوے وِچ گواہی، شہادت اِک بُھگتائیا۔ پریم پریِتی بنّھا تھاؤں تھائیں، دوُر دُراڈے جوڑ جُڑائیا۔ اِک مات پِتا دے گھر تُساں نہیں ہونا جنم کے بھائی، رَکت بوُند رنگ نہ کوئے رنگائیا۔ سچ پریم کراں کُڑمائی، قُدرت دا قادر ہو کے ویکھ وکھائیا۔ میل مِلاواں چائیں چائیں، چاؤ گھنیرا اِک سمجھائیا۔ جِس ویلے ارجن سِنگھ بینتی رہیا سُنائی، اپنی آتم خواہش رہیا پرگٹائیا۔ سنگت سنگ آؤنا دُھر دے ماہی، اپنا پندھ مُکائیا۔ سہج سُبھاؤ کِہا کوئی وِچھڑ جاوے ناہیں، جِنہاں دا میلا اُہناں میلا لَینا کرائیا۔ بچّیو کر کے دسّو کھاں بھلا جُدائی، بھجیّاں پھڑ پھڑ انگ لگائیا۔ اجے اوہو تکدی تُہاڈا راہ گوبِند والی کاہی، جنگلاں وِچوں بیلیاں وِچ چل کے آئیا۔ اوتھے اِک ہور بَیٹھا جو چاچا سیَن نائی، دھوُڑی اپنی وکھری لائیا۔ اوس دے پِتا دا جیِجا جِس دی آس تکائی، آسا نال وڈیائیا۔ کُمار اوہو نظری آئی، جو نؤ سال کملا ہو کے جھٹ گیا لنگھائیا۔ اِک دِن اُس نوُں یاد اِک اندروں رہی ستائی، سُتّیاں دِتا اُٹھائیا۔ اُٹھ ویکھ اپنا دُھر دا ماہی، محبوُب نوُر خُدائیا۔ اُسنے کِہا اجے واری نہیں میری آئی، کوئی ہور رہیا دِرڑائیا۔ کلجُگ انت جِس ویلے آوے دُھردرگاہی، درگاہ دا مالک پھیرا پائیا۔ اوس ویلے میلا لئے مِلائی، پوُرب وِچھوڑا دئے کٹائیا۔ مہاراج شیرسِنگھ وِشنوُں بھگوان، سب دے قرضے رہیا لاہی، لہنے دینے سب دے جھولی پائیا۔

۲۳ چیت شہنشاہی سمت ۱ خوشحال سِنگھ دے گرِہ پِنڈ جلال پُر ضِلع ہوشیار پُر

ستگُر شبد کہے مَیں سدا دَیال، دیِنن اپنے گلے لگائیندا۔ بھگت وچھل بن کِرپال، مِہر نظر اِک اُٹھائیندا۔ سنت سُہیلے ساچے لال، پھڑ باہوں گود بہائیندا۔ ساچا مارگ اِک سِکھال، دُھر دی سِکھیا آپ پڑھائیندا۔ نام بھنڈارا دے کے سچّا دھن مال، وست امولک وِچ ٹِکائیندا۔ شبد ناد وجا کے اگمّی تال، دُھن آتمک راگ سُنائیندا۔ دِیپک جوتی نِرگُن بال، اگیان اندھیر مِٹائیندا۔ کایا مندر اندر وکھا کے سچّی دھرم سال، دُھر دربارا آپ سُہائیندا۔ کوُڑی کِریا ترےَگُن مایا توڑ جنجال، جیِون جُگت اِک جنائیندا۔ لیکھا مُکا کے کال مہاکال، چرن سرن سرن چرن اِکو اِک جنائیندا۔ جوتی جوت سروُپ ہرِ، آپ اپنی کِرپا کر، ہرجن ساچے پار لنگھائیندا۔ سَتگُر شبد کہے مَیں بھگت سُہیلا، سنتن دیواں مان وڈیائیا۔ جُگ چؤکڑی سُہاواں ساچا ویلا، وار تھِت گھڑی پل اپنے ہتّھ رکھائیا۔ بھاگ لگاواں گرِہ گُروُ گُر چیلا، چیلا گُر اِکو رنگ رنگائیا۔ نِرگُن نِرگُن کر کے میلا، سرگُن سرگُن وجے ودھائیا۔ جوتی جوت سروُپ ہرِ، آپ اپنی کِرپا کر، قُدرت قادر کھیل وکھائیا۔ سَتگُر شبد کہے مَیں گُرمْکھ پیارا، پریِتم پریمی دیاں مِلائیا۔ اندر باہر کر اُجیارا، گُپت ظاہر رنگ چڑھائیا۔ کایا تن رباب وجاواں سچ ستارا، انراگی اپنا راگ سُنائیا۔ محل اٹل سُہاواں سچ منارا، محفل اپنا نام لگائیا۔ نِرگُن نوُر جوت کر اُجیارا، پرکاش پرکاش وِچوں وڈیائیا۔ صاحب سجّن بن کے میِت مُرارا، مِتر ہو کے توڑ نِبھائیا۔ جِس دا لیکھا کاغذ قلم نہ لِکھنہارا، شاہی چلے نہ کوئے چتُرائیا۔ آپے ٹھاکر آپے وست آپے بن بنجارا، گرِہ گرِہ آپے جھولی پائیا۔ بھگتن میِتا ٹھانڈا سیِتا آد جُگادی ایکنکارا، اکل کل دھاری اپنا کھیل کھِلائیا۔ وسنہارا دھام نیارا، نِرگُن نوُر نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، ہرجن ساچے پار لنگھائیا۔ سَتگُر شبد کہے میرا آد جُگادی رنگ، جن بھگتاں دیاں چڑھائیا۔ آتم سیجا ویکھ پلنگ، سِنگھاسن سُہنجنا دیاں وڈیائیا۔ پریم پریِتی اندر جاواں وس، آپ اپنا پندھ مُکائیا۔ امرت امیوں دیواں ساچا رس، وِکھ رہن کوئے نہ پائیا۔ بِن مکّے کعبیوں کرا کے حج، حاضر حضرت دیاں مِلائیا۔ بِن مندر مسجد شِودوالے مٹھ، گھر مندر سوہنا دیواں سُہائیا۔ جِس گرِہ جوت جگے لٹ لٹ، دِوس رَین کرے رُشنائیا۔ شبد اگمّی ہرِ کا ناؤں بِن رسنا جِہوا بتّی دند رہیا رٹ، تُوں ہی تُوں ہی رہیا سُنائیا۔ سو صاحب سوامی انترجامی ہر گھٹ میِتا ٹھانڈا سیِتا بھگتاں ہویا وس، نِرگُن ہو کے نر نِرنکار سیو کمائیا۔ جوتی جوت

سروُپ ہرِ، آپ اپنی کِرپا کر، کرے کھیل ساچا ہرِ، دُھر دی دھار آپ پرگٹائیا۔ سَتگُر شبد کہے میری جُگ جُگ کار، کرنی کرتا آپ کرائیا۔ نِت نوِت ویکھیا سرب سنسار، سَتجُگ تریتا دواپرکلجُگ پھیرا پائیا۔ شبد سندیشے دیندا رہیا گُروُ اوتار، پیِر پَیغمبراں کلمہ نغمیاں وِچ سُنائیا۔ کردا رہیا کھیل دو جہان، مِہروان ہو کے حُکم ورتائیا۔ کلجُگ انتم ہو کے بےپہچان، جوتی جاتا اپنا ویس وٹائیا۔ سخیاں دا کاہن، سیِتا دا رام، سُرتی دا سُلطان، مُحبّت وِچ محبوُب اپنا پھیرا پائیا۔ جن بھگتاں دیونہارا مان، چرن پریِتی بخشے دان، انتر آتم برہم گیان، نِج نیتر لوچن نیَن اکّھ کُھلائیا۔ سنمُکھ ہو کے درشن دیوے آن، کِرپا کرے سِری بھگوان، دھرم وکھا کے اِک نِشان، جوُٹھ جھوُٹھ بھانڈا بھرم بھؤ بھنائیا۔ روگ سوگ ویکھے مار دھیان، لکّھ چؤراسی جیِو جنت سادھ سنت کرنہار کلیان، رحمت دا داتا رحیِم روُپ رحمان، مِہر نظر اِک اُٹھائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سرب سوامی انترجامی ہر گھٹ ویکھ وکھائیا۔ سَتگُر شبد کہے مَیں ساچا میِتا، سجّن دُھر دا نظری آئیا۔ جن بھگتاں سیِنہ کراں ٹھانڈا سیِتا، امرت رس میگھ چوائیا۔ جھگڑا چُکاواں ہست کیِٹا، اوُچ نیِچ نہ کوئے وکھائیا۔ ترےَگُن مایا تپے نہ تت انگیِٹھا، تتو تت دیاں بُجھائیا۔ حُکمے اندر بنا کے بھگتاں میِتا، مِہروان ہو کے ہوئے سہائیا۔ لیکھا جانے جیِو جی کا، جیِون جُگت جگ داتا آپ جنائیا۔ پوُرب جنم پوُری کر کے آسا، سچ بھرواسا اِک رکھائیا۔ دَیاوان پُرکھ ابناشا، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، لکّھ چؤراسی جیِو جنت ویکھن آیا تماشا، گُرمْکھ وِرلے گُر گُر سَتگُر اپنی گود اُٹھائیا۔

۲۴ چیت شہنشاہی سمت ۱ حُکم سِنگھ دے گرِہ فَیج پُرا ضِلع گُرداسپُر

کرپا کرے سَتگُر مِہروان، گُرمْکھ دیوے مان وڈیائیا۔ جُگ چؤکڑی دَیاوان، مِہر نظر اِک اُٹھائیا۔ لیکھا جان سِری بھگوان پوُرب لہنا لہنا جھولی پائیا۔ نؤ جنم دی کر کلیان، کرم کُکرم لیکھا دئے مُکائیا۔ نؤ سِنگھاں کراؤنا اِشنان، دوآبہ میلا سہج سُبھائیا۔ لیکھا جانے جانی جان، جاننہار بےپرواہیِا۔ بھیوَ ابھیدا کھولے سِری بھگوان، پردہ آپ اُٹھائیا۔ ندیڑ دا پوُرا کرے بیان، مان دیوے قلم شاہیِا۔ اِکیاں دا اِک فرمان، دُھر دا حُکم سمجھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ نؤ گُرمْکھ نوَ

دوار، نوَ نؤ چار دھیان لگائیا۔ پُرکھ ابناشی کِرپا دھار، حُکم دیوے سہج سُبھائیا۔ براہمن لیکھا مکُے ٹھگ چور یار، انت اَخیِری دینا جھولی پائیا۔ بغلا ہنس بنے رلے ہنساں ڈار، مانک موتی چوگ اپنا نام مُکھ رکھائیا۔ اندر باہر دُکھ دئے نوار، سُکھ ساگر سہج اُپائیا۔ نؤ دس اِک وِہار، وِوہاری آپ جنائیا۔ پریم پریِتی بندھائے سِر دستار، سِر اپنا ہتّھ ٹِکائیا۔ سیوا کرے سِنگھ لال، لال گُلالا رنگ چڑھائیا۔ ساچا بستر کرائے تن شِنگار، تتو تت بدلائیا۔ پوُرب لہنا پِچھلا اُدھار، بھیوَ ابھیدا دئے کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہر نظر اِک اُٹھائیا۔ مِہر نظر کہے مَیں ویکھیا چوَی چیت، چوَی ہتّھ نِشانہ نظری آئیا۔ جِس ٹھاکر سوامی رچی کھیڈ، کھِلاری ہو کے پھیرا پائیا۔ اُس دے کولوں پُچھنا بھیت، پردہ دے اُٹھائیا۔ اوسنے کرنا ہیت، جِس نوُں لوک مات سب توں اُتم مِلی وڈیائیا۔ سچ سُہنجنی دے کے سیج، آسن سِنگھاسن دینا سُہائیا۔ دُھر سندیشہ دینا بھیج، جن بھگتاں کر شنوائیا۔ من واسنا چھڈ کے بننا نیک، نِکیاں وڈّا اِکو رنگ وکھائیا۔ تُسیں ویکھو اپنا دیس، کِیوں پردیسی ہو کے بَیٹھے مُکھ بھوائیا۔ اِکو سجدہ اِکو کرو آدیس، نِیوں نِیوں ایکا سیِس نِوائیا۔ جو سرب سوامی کرن آیا ہیت، ہِتکاری ہو کے پھیرا پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ چوَی چیت کہے مَیں نؤ دا دسّاں حال، نوَ نؤ چار دیاں وڈیائیا۔ اِنہاں دا لیکھا نال سِنگھ پال، جو پلک وِچھوڑا جھل نہ سکن رائیا۔ ایسے کارن ہویا پربھوُ دَیال، دیانِدھ بےپرواہیِا۔ پریم پریِتی پا کے جال، بندھن اِک رکھائیا۔ بھگت دوارے سچ سچّی دھرم سال، پوُرب لیکھا دئے مُکائیا۔ اگلا دسےّ ہور سوال، جِس دا جواب نہ کوئے جنائیا۔ مہاراج شیرسِنگھ وِشنوُں بھگوان، کھیلنہارا کھیل مہان، دینا بندھپ دیِن دَیال، پُرکھ اکال اکل کل اپنی آپ ورتائیا۔

۲۴ چیت شہنشاہی سمت ۱ اجیِت سِنگھ دے گرِہ بٹالا

جل کہے نؤ گُرمْکھ خوشی مناؤن گے۔ نؤ دس ساچی سیو کماؤن گے۔ ہس ہس پنڈت دا پندھ مُکاؤن گے۔ جپ جپ اِکو ڈھولا گاؤن گے۔ چھند چھند سوہنگ راگ الاؤن گے۔ بند بند بندگی وِچ سماؤن گے۔ انند انند انند وِچوں پرگٹاؤن گے۔ منگ منگ مانگت ہو کے جھولی وکھاؤن گے۔ جوتی جوت سروُپ ہرِ، آپ اپنی کِرپا کر، ساچی آسا اِک ودھاؤن گے۔ آسا کہے مَیں بڑی

وڈّی لمی ودھنا، سب نوُں دیاں سُنائیا۔ جِس نے پار کرایا سدھنا، سِر اپنا ہتّھ ٹِکائیا۔ پار اُتارنہارا اعلے ادنیٰ، عدالت اِک لگائیا۔ کرم کُکرم دا جِس نے تولنا وزنا، نام کنڈے اُتے چڑھائیا۔ جِس دا سَت ہونا بچنا، سکے نہ کوئے اُلٹائیا۔ اوسے نے ساچا حُکم اِک دسّنا، ہرِسنگت دئے سمجھائیا۔ دو چار ہو کے تُہاڈے اندر وسنا، کوُڑی وِس باہر کڈھائیا۔ درس کراؤنا اکّھنا، اکّھ اکّھ نال مِلائیا۔ لکّھ چؤراسی ورول مکھّنا، گُرمْکھ رہیا پرگٹائیا۔ پریم پریِتی کوئی نہ رہے سکھنا، دیونہار آپ گوسائنیا۔ نؤ سِکھ تارا سِنگھ ملنا وٹنا، پربھ دی چرن دھوُڑ دِتی نال مِلائیا۔ کُچھ لیکھا پِچھے رہ گیا پٹنا، دُھر دا ویکھ وکھائیا۔ ایہہ کھیل اگمّی گھٹنا، گھاٹے والیاں دے گھاٹے پوُر وکھائیا۔ مہاراج شیرسِنگھ وِشنوُں بھگوان، اَگے لیکھا پھیر جناوے اگلا، شاہ کنگلا اپنے وِچ سمائیا۔