کتب خانہGranth 18 (Shahmukhi)

۲۴ چیت شہنشاہی سمت ۱ ہرِ بھگت دوار جیٹھوُوال

نؤ گُرسِکھ آو اَگے، پِچھلا لیکھا دیاں چُکائیا۔ گل وِچوں لاہ لؤ اپنے اپنے جھّگے، تپسیا پِچھلی جھولی پائیا۔ میِت پیارے سجّن بنو سکے، سگلا سنگ بنائیا۔ دُھر دے شبد جو انت اَخیِری دسےّ، پال سِنگھ دیاں وڈیائیا۔ اوسے دے اجّ آ گئے سدّے، پِچھلا پندھ مُکائیا۔ اوسے دا نوُر اوسے دی جوت جگے، شبد سُت وجےّ ودھائیا۔ پریم پیار سچ پریِتی دے ویکھو مزے، مجلس اپنے نال رکھائیا۔ اجے تک گُرمْکھو تُہاڈے لیکھے رکھے اَدھے، اَدھا حِصّہ اِکو وار اگلا تُہاڈی جھولی پائیا۔ کِرپا کرے پُرکھ سمرتھے، صاحب سوامی بےپرواہیِا۔ اوس براہمن نوُں ویکھو اکّھے، جو پِچھلا سنگی جوڑ جُڑائیا۔ جِس دے کرماں دے روگ کٹے، پاپاں دی مَیل دھوائیا۔ دُھر سندیشے دے کے سچّے، سچ سُچ دئے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ کُڑتا کہے مَیں کِیوں گیا لتھ، مَینوُں پُچھو چائیں چائنیا۔ کی کرے کھیل پُرکھ سمرتھ، شاہ پاتشاہ سچّا شہنشاہیِا۔ مَیں کایا چولا بدل کے بدلی کیِتی جھٹ، پڑدا اپنا دِتا اُٹھائیا۔ سارے گُرمْکھ اکّھاں نال لؤ تک، جو نؤ در بَیٹھے پندھ مُکائیا۔ سچ دوارے آئے ہسّ، خوشیاں ڈھولے گائیا۔ جِنہاں پِچھے مارگ لاؤنا سچ، ایہہ ریِتی سچ بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جھگّا کہے اسیں نؤ کرن لگّے سی اِشنان، پِچھلے ساتھی نظری آئیا۔ سانوُں گلوں لتھیاں نوُں ویکھ کے ایس براہمن نے منگ لیا دان، اَگے اپنی

جھولی ڈاہیِا۔ جے وِچھڑن لگیاں مَینوُں دے دیؤ دان مَیں ضرور مِلاواں بھگوان، وِچولا ساچا سیو کمائیا۔ نؤاں کیِتا اِک فرمان، کِیوں پنڈتا رہیا ستائیا۔ اوہناں نوُں اِشارے نال کہندا اوہ ویکھو ربّ دا نِشان، ساڈھے تِنّ مِنٹ دھیان لگائیا۔ اکّھاں میِٹو تُہانوُں آ جاوے گیان، پُرکھ ابناشی درس دِکھائیا۔ اوہ سارے جل وِچ بَیٹھے اکّھاں اُنگلاں نال دبان، اندرے اندر کھوج کھوجائیا۔ اودھروں براہمن ہو پردھان، آپ اپنا حُکم سُنائیا۔ سوہنا سماں پربھ نے میلیا آن، خوشی دِن وکھائیا۔ نَواں دے کُڑتے چُک کے بھجیّا وِچ مَیدان، اگلا پندھ مُکائیا۔ من واسنا آئی جے مَینوُں پہلوں کرا دیندے اِشنان، اپنی سیو کمائیا۔ پھیر مَیں سارے بستراں دا ایہناں کولوں میٹ دیندا نِشان، پِچھا سمجھ کِسے نہ آئیا۔ اودھروں ساڈھے تِنّاں مِنٹاں پِچھوں اکّھاں کھول کے اِک دوُجے ولےّ لگّے تکان، تکّن چائیں چائنیا۔ کِس طرح دا تَینوُں مِلیا بھگوان، مَینوُں دے دِرڑائیا۔ اونے چِر نوُں لال سِنگھ دا کپڑیاں ولےّ ہو گیا خیال، اکّھ نال تکّ کے سب نوُں رہیا سُنائیا۔ ویکھو پنڈت کِدھر گیا شیَتان، بستر اُٹھا کے بھجّا واہو داہیِا۔ اِک نے کِہا اسیں کرایا نہیں اُس نوُں اِشنان، ساڈی بُھل دی سزا تیغا کملا رہیا بُھگتائیا۔ چلو اوسے نوُں جا کے دسّیئے اوہدا بیان، حالت سرب دِرڑائیا۔ اِکٹّھے ہو کے آ گئے سچ استھان، وارتا سچ دِتی سُنائیا۔ اوس اَگوں کِہا آؤ میرے مہمان، پریم پیار نال جنائیا۔ کُچھ تُہانوُں سُناواں وِچ کان، ہؤلی جِہی دِرڑائیا۔ جِس ویلے بھگتاں دا بھگَون بن کے آیا بھگوان، تُہاڈا لیکھا دئے مُکائیا۔ براہمن دا پوُرا کر اِشنان، دُرمت مَیل دیوےدھوائیا۔ اَگے دے کے دُھر فرمان، سچ سندیشہ اِک دِرڑائیا۔ جن بھگتو گُرمْکھو تُسیں کدے نہیں ہونا بےاِیمان، کوُڑی کِریا انتر نہ کوئے رکھائیا۔ پُرکھ ابناشی ہو کے مِہروان، رچھیا کرے تھاؤں تھائنیا۔ ویلا وقت گھڑی پل تھِت چوَی چیت مہان، مہما اکتھ اکتھ سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ نؤ کہن کِس بِدھ ویکھیئے کھیل تماشے، بھیو کوَن کُھلائیا۔ کِس بِدھ ملِے پُرکھ ابناشے، شبد کوَن سُنائیا۔ کِس بِدھ نِرگُن نوُر جوت ہووے پرکاشے، اندھ اندھیر دئے مِٹائیا۔ کِس بِدھ سگلا سنگی ہووے ساتھے، دُھر دا سنگ بنائیا۔ تیغبہادر کِہا اوہ سمرتھ کلا پربھ آپے، اپنی بنت اپنے ہتّھ رکھائیا۔ تُہاڈے جوڑ کے دُھر دے ناتے، بندھن اپنا دیوے پائیا۔ سگلا سنگ بنا کے ساتھے، سوہنا جوڑ جُڑائیا۔ پوُرب جنم پوُرے کر کے گھاٹے، منزل اپنی دئے وکھائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ تیغبہادر کہے میری پربھوُ کرے پرِتپال، پال میرے ناؤں مِلی وڈیائیا۔ میری لیکھے

لاوے گھال، جو دُھر دی سیو کمائیا۔ وڈیائی ملِے اوسے دے لال، دو جہاناں کرے رُشنائیا۔ تُہاڈی اَمانت گُرمْکھو رکھاں سنبھال، خیانت وِچ نہ کوئے کرائیا۔ جِس ویلے میرا بنیا چؤویِاں سال، دو چار اِکو رنگ وکھائیا۔ دُھر سندیشہ دے احوال، سَت سچ دینا سمجھائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ پال سِنگھ کہے مَیں ویکھیا پرِتپالک، پالنہارا اِکو نظری آئیا۔ گُرمْکھو اوس دے بنے رہو بالک، بالیاں نالوں چنگا اپنی گود ٹِکائیا۔ اوس دا روُپ ویکھیو خالص، جو خالص داتا بےپرواہیِا۔ نِندرا وِچ نہ آئیو آلس، مایا ممتا موہ نہ کوئے وڈیائیا۔ مَیں تُہاڈی کراں سفارش، ضامن ہو کے لَواں بچائیا۔ اکھّراں والی نہ سمجھِیو عبارت، دُھر دا شبد دُھر دی کرے پڑھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پال سِنگھ کِہا ویکھو ویلا وقت آیا اپنے کنڈھے، سوہنی رُت تھِت سُہائیا۔ کِیوں تُسیں بَیٹھے پِنڈے ننگے، تن خاکی رہے وکھائیا۔ سچ پُچھو پربھوُ نے کِرپا کرنی کوُڑ کُڑیارے مِہر نِگاہ نال کرنے چنگے، کھوٹے کھرے دینے بنائیا۔ بِن بندگیؤں بنا کے بندے، حُکم اپنا اِک سمجھائیا۔ جو گُرمْکھ ساچی دھار وِچوں لنگھے، اپنا پندھ مُکائیا۔ ویکھو لیکھا مُکدا براہمن پنڈے، نؤ جنم دا لہنا جھولی پائیا۔ دیِن دَیال ٹُٹی گنڈھے، ناتا اپنے نال جُڑائیا۔ گُرمْکھ بنا کے اپنے ساچے چندے، دو جہان کرے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نؤ کہن کی پنڈت دا حِساب، سمجھ وِچ کُچھ نہ آئیا۔ پُرکھ اکال کِہا اِسنوُں کوئی دُکھ درد آؤن والا سی عذابِ، جو ساڈھے تِنّ مہینےِ ستائیا۔ چھتّی دِن ایہدی بند رہنی آواز، رسنا مُکھ نہ کوئے ہِلائیا۔ جگت سنبندھیِاں دینا سی جواب، ناتا کوُڑ دینا تُڑائیا۔ ایہہ کھیل ویکھ پال سِنگھ دِتا آکھ، آخر انت جنائیا۔ ایہہ اوہناں دا ساتھ، سنگی بن کے پھیری گیا پائیا۔ کرنی دا بڑا چلاک، کرتے دا روُپ لئے بدلائیا۔ نؤواں دی گنڈھ رکھی سانبھ، اپنے کول ٹِکائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ نؤ کہن اسیں تے سمجھیا بڑا چنگا، چنگیاں وِچوں نظری آئیا۔ جیہڑا تیِرتھ اُتے جا کے کردا مائی گنگا، پاپاں مَیل گوائیا۔ وکھرا ویکھیا ایس کول ڈھنگا، جو جاندے راہیاں لئے چُرائیا۔ باہروں کر کے بھیکھ پکھنڈا، اندروں ٹھگّی جائے کمائیا۔ جے پربھوُ کِرپا کر کے ایہنوُں بنا دئیں بندیاں ورگا بندہ، اندروں سُرتی دے بھوائیا۔ ایہدا من نہ رہے گندہ، کوُڑی کِریا جائے تجائیا۔ پھیر ساڈا بنے سوہنا سنگا، بندھن اِکو نظری آئیا۔ جِس ساڈا پِنڈا کیِتا ننگا، ایس دے پِچھے اِس دا پِنڈا مل مل کے سیوا لئیے کمائیا۔ ایہہ پیار سانوُں لگے چنگا، جِس دا

لیکھا اَگے نظری آئیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ چوَی چیت کہے مَیں جِس دی رکھی اُڈیِک، بَیٹھا رہیا دھیان لگائیا۔ اوسے دی آ گئی تاریخ، پربھوُ تبدیِلی دے کرائیا۔ گُرمْکھاں دی ویکھ پریِت، پریِتم اپنی دَیا کمائیا۔ پِچھلے مہینےِ وِچ لیاندے گھسیٹ، شبدی ڈوری تند بندھائیا۔ کرے کھیل اگمّی عجیب، عجب لیِلا آپ ورتائیا۔ براہمن لیاندا قریِب، اپنا حُکم سُنائیا۔ جِس نے اَگے بننا سی مریض، طبیب بن کے گُرمْکھو اوس دا روگ دیؤ مِٹائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ گُرسِکھ کہن پربھوُ سانوُں دے گیان، کِس بِدھ لہنا دیئیے چُکائیا۔ ابناشی کرتے کِہا پھڑ کے کراؤ اِشنان، پِچھلے ساتھی سیو کمائیا۔ دوآبےوالیو ایہہ فرمان، دُھر درگاہی دئے جنائیا۔ جِس سمیں تارا سِنگھ جانا وِچ مسان، تُساں حاضر ہونا آن، مُکان والا نہ روُپ بنائیا۔ اِس دا لیکھا مکُے وِچ جہان، اَگے ملِے سِری بھگوان، وِچھوڑا پندھ دینا مُکائیا۔ جوتی جوت سروُپ ہرِ، آپ اپنی کِرپا کر، اوسے دا لیکھا اوسے دا لہنا اپنی کِرپا نال اوسے دی جھولی پائیا۔ ننگا پِنڈا کہے میری اِک منگ، مانگت ہو کے رہیا دھیان جنائیا۔ ابناشی کرتے چاڑھ دے اپنا رنگ، مِہروان شاہ پاتشاہ سچّے شہنشاہیِا۔ تیرا بنیا سنگ، ہرِ سنگت جوڑ جُڑائیا۔ سانوُں پِچھلا بُھل جائے انند، اپنا انند دے وکھائیا۔ آتم پرماتم پا دے گنڈھ، دو جہاناں نہ ہووے جُدائیا۔ تُوں شاہ پاتشاہ سوُرا سربنگ، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ننگا پِنڈا دیوے دات، دَیاوان دَیا کمائیا۔ جن بھگتو چوَی چیت نوُں سدا رہاں تُہاڈے ساتھ، وِچھوڑا نظر کوئے نہ آئیا۔ بھیو کُھلا کے اپنا آپ، پردے دیاں چُکائیا۔ جنم کرم دے کٹ کے پاپ، پتت پُنیِت دیاں بنائیا۔ درس وکھاواں ساکھیات، سنمُکھ ہو کے نظری آئیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ چوَی چیت کہے تُہاڈی سُرتی کرے چیتن، چِنتا چِکھا دئے مِٹائیا۔ تُہاڈی بھٹکنا میٹے واسن، من منسا من ہی ماہیں سمائیا۔ بھاگ لگاوے تُہاڈے تن، تند ستار دئے ہِلائیا۔ جو شبد بچن سُن کے جاؤ کنّ، گھر جا نہ دینا بُھلائیا۔ پریم پیار دا بیڑا رہیا بنّھ، اپنے کندھ اُٹھائیا۔ کوُڑ کُڑیار رہیا ڈنّ، چوٹ دُھر دی اِک جنائیا۔ اکّھیں ویکھ کے نیتر بنے نہ رِہو انّھ، اندھلاپن دینا گوائیا۔ پربھوُ کوئی لوڑ نہیں کِسے دی دھن، جگت مایا نہ کوئے بھرمائیا۔ ساچے مارگ جو جن رہیا چل، بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نؤ کہن اسیں کِیوں آئے دوآبے، دو دریا دین گواہیِا۔ نؤواں کہے ساڈے پِچھلے ایدھر سی

ماپے، اوہناں دی یاد کھِچ لیائیا۔ لال سِنگھ کِہا مَیں تُہاڈے نالوں چھیتی چھڈ کے اپنا ساتھے، کیِڑی روُپ بدلائیا۔ اِک آس رکھ کے گیا کہ ساڈے ساریاں دا پربھوُ آپے پردہ ڈھاکے، اوڈھن اپنا نام پائیا۔ سنمُکھ ہو کے کرے باتے، شبد ناد دُھن شنوائیا۔ سانوُں بچّوُ بچّوُ آکھے، پُتراں وانگ گود سُہائیا۔ سانوُں بُھل جان پِچھلے ماپے، جھوُٹھا ناتا نہ کوئے رکھائیا۔ براہمن دے کپڑے نہ رہن پاٹے، سوہنی دستار سیِس دیوے بندھائیا۔ اَگے منزل رہے نہ ادھ واٹے، ساچے پؤڑے دیوے چڑھائیا۔ جن بھگتاں کتھا کہانی دسےّ ساچے، سچ سچ جنائیا۔ تُسیں بنے نہ رِہو سدا کاکے، جوبن تُہاڈا لئے انگڑائیا۔ تُہاڈے بدل دینے پاسے، نرد نٹی نہ کوئے رکھائیا۔ ویکھنہارا کھیل تماشے، نِرگُن نِراکار نِرنکار اپنا کھیل کرائیا۔ جوتی جوت سروُپ ہرِ، آپ اپنی کِرپا کر، چرن کوَل دیوے نِواسے، نِواس استھان اِکو اِک وکھائیا۔ پنڈت کہے جِس ویلے اِشنان کیِتا مَینوُں لگی ٹھنڈ، اگنی تت بُجھائیا۔ میرے جنم کرم دی پِچھلی کُھل گئی ساری گنڈھ، لیکھا نظر کوئے نہ آئیا۔ مَیں اندرے اندر منگی اِک منگ، جھولی خالی اَگے ڈاہیِا۔ پربھوُ جِنہاں دا میرے نال سنگ، نؤاں دے نؤ نؤ جنم دے میرے لیکھے اپنی جھولی پائیا۔ سب کُچھ تیرے ہاتھے، دیونہار سچّی سرنائیا۔ گُر اوتار پیِر پَیغمبر ٹیکن ماتھے، بَیٹھے سیِس جھُکائیا۔ بِن تیری کِرپا تیرا حُکم کیہڑا واچے، جگت بُدھی نہ کوئے چتُرائیا۔ پُرکھ اکال کِہا مَیں مارگ لاؤنا ساچے، سچ سُچ دیاں دِرڑائیا۔ کوُڑی کِریا توڑ کے ناتے، دُھر دا میلا لَینا مِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ براہمن کہے جِس ویلے میرے اُتوں دی وگی جلدھار، اپنی سیو کمائیا۔ مَیں پربھوُ نوُں کر کے نِمسکار، اپنی بُھل بخشائیا۔ پِچھلا قرضہ دِتا اُتار، نؤواں دا اُدھار جھولی دِتا پائیا۔ پنڈت کہے مَیں چھڈیا وِکار، جوُٹھ جھوُٹھ باہر دِتا کڈھائیا۔ اَگے مَینوُں کوئی نہ کِہو چور ٹھگ یار، کوُڑی کِریا دِتی تجائیا۔ جِس ویلے مَینوُں نؤواں نے دِتا نُہال، میرا لہنا دِتا بدلائیا۔ نہا دھو کے درس پایا چمیار یار، رَویداس اوہو نظری آئیا۔ جو ننگے پِنڈے سیوا کردا رہیا وِچ سنسار، پانہا گنڈھ کے جھٹ لنگھائیا۔ نؤ جنے تُسیں وی اوس ویلے آ کے کھیڈدے سی شِکار، جھاڑ کھڈاں پھول پُھلائیا۔ اوس ویلے ہُندی رُت سی ہاڑ، اگنی اگّ ستائیا۔ تُساں گلوں کپڑے لئے سی اُتار، ننگے پِنڈے جِس دے کول بَیٹھے چائیں چائنیا۔ اوس نے کِہا ہس کے نال پیار، کی ماریا شِکار، مَینوُں دیؤ سمجھائیا۔ سارے کہن کُچھ ہتّھ نہیں آیا یار، ایَویں بنے پاندھی راہیِا۔ اون آکھیا آہ ویکھو میری رمبی تے آر، جِس اُتے لِکھیا سوہنگ مہاراج شیرسِنگھ وِشنوُں بھگوان، جِس دے کولوں تُہانوُں مِلنا

دان، لہنا چُکنا وِچ جہان، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نؤ کہن دسّ چمریٹے، کی سانوُں رہیا جنائیا۔ رَویداس کِہا تُساں اِک پُرکھ اکال دے پَینا پیٹے، مَینوُں ایہو نظری آئیا۔ وار تھِت گھڑی رکھیؤ چیتے، چوَی چیت دیاں سمجھائیا۔ تیغبہادر ہتّھ تُہاڈے لیکھے، لیکھا دُھر دا دئے مُکائیا۔ جِس ویلے گُر اوتاراں پیِر پَیغمبراں دے مُکنے ٹھیکے، آڑھت گاہک دوویں رہن کوئے نہ پائیا۔ اوس ویلے تُساں اوس بھگوان دے بننا بیٹے، جیہڑا وٹّیاں وِچوں دھنےّ ورگیاں رہیا اُپجائیا۔ اوہناں کِہا ساڈے وِچوں کؤن اوہنوُں ویکھے، کؤن دیوے سمجھائیا۔ رَویداس کِہا اوہ آپے کر کے چیتے، تُہانوُں لئے اُٹھائیا۔ اپنے سمت وِچ اپنے نیتر پیکھے، دیوے مان وڈیائیا۔ پوُرب لہنا رکھیئے چیتے، ابُھل بُھل کدے نہ جائیا۔ براہمن نہا دھو کے اِدھر اُدھر پیکھے، کی ملِے تَینوُں وڈیائیا۔ اندرے اندر پہلے جنم دے کرکے چیتے، سُدھ بُدھ سمجھ سکے کوئے نہ رائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ اوس کِہا اوہ ملِے بھگَونت، بھاگاں بھریو تُہانوُں دیاں سُنائیا۔ تُساں ننگے پِنڈے والیاں بننا سچّے سنت، صاحب سَتگُر اپنے رنگ رنگائیا۔ تُہاڈا اِکو ہونا منت، منتوَ دیاں سمجھائیا۔ تُہاڈا ساتھی نال ہووے براہمن پنڈت، جِس اگلے جنم لیکھا تُہاڈے نال جنائیا۔ اوس ویلے اندرے اندر اِک روُپ ہو کے کر لِؤ مِنّت، دھیان چرناں وِچ رکھائیا۔ جوتی جوت سروُپ ہرِ، آپ اپنی کِرپا کر، پوُرب لیکھا دئے مِٹائیا۔ نؤ کہن ہِمّت کریئے کیہڑی، سانوُں دے سمجھائیا۔ رَویداس نے کِہا جِس ویلے چڑھو اوس دی بیڑی، بیڑا سمجھو بےپرواہیِا۔ ہنکار وِکار دی چھڈ دیؤ ڈھیری، مایا ممتا موہ مِٹائیا۔ چرن کوَل بن کے چیری، ساچی سیو لیَنی کمائیا۔ تُہاڈے واسطے اِکو اوٹ بتھیری، چوَی چیت ملِے مان وڈیائیا۔ پنڈت دی آون جاون چُک جائے گیڑی، گیڑا اگلا پِچھلا دئے کٹائیا۔ تُساں نؤواں جنیاں ہرِ سنگت نوُں کہنا اِک ویری، سچ سندیش سُنائیا۔ گُرمْکھو اَگوں پربھوُ دے نال کرِیو نہ ہیرا پھیری، جگت ریِتی دینی تجائیا۔ کوُڑی کِریا جھُلن نہیں دینی جِس اندھیری، سچ سچ کرنی رُشنائیا۔ اوس دے کارن پائی پھیری، ہیرا پھیری وقت نہ کوئے لنگھائیا۔ اجّ دی سُلکھنی گھڑی آئی جیہڑی، سب نوُں جماں توں لئے چُھڈائیا۔ اَگے اِک کھیل ہور بتھیری، پردہ دیاں چُکائیا۔ جے کہوگے میری میری، ہتّھ کُچھ نہ آئیا۔ جوتی جوت سروُپ ہرِ، آپ اپنی کِرپا کر، دُھر سندیشہ اِک سُنائیا۔ دُھر سندیشہ کہے چوَی چیت یاد رکھنا، یاد یاد وِچوں دوائیا۔ پال سِنگھ رہیا نہیں سکھنا، درگاہ ساچی ملِے وڈیائیا۔ ایہہ اوسے دا کھیڑا وسنا، اوسے گرِہ

وجےّ ودھائیا۔ اوس دا نوُر چمکنا، اوسے دی ہووے رُشنائیا۔ ویکھیوں کدی بُھل وِچ آ کے ایس نوُں نہیں پرکھنا، پارکھاں دا پارکھوُ اِکو بےپرواہیِا۔ اِس نے گلّاں باتاں نال نہیں ہُن پرچنا، ہیرا پھیری نال نہ کوئے بھرمائیا۔ جیہڑا وِچھڑیا اوس مُڑ کے ایس در نہیں پرتنا، لکّھ چؤراسی دئے سزائیا۔ دوُتاں نوُں دنڈدیاں ایہنوُں کدے آوے ترس نہ، گُرمْکھاں نوُں اپنی گود بہائیا۔ گُرمْکھو ویلا آؤنا تُساں اِک دوُجے دے پیار نوُں ترسنا، بِن میرے پیار ہتّھ کِسے نہ آئیا۔ تُہانوُں کُکرم کردیاں اَگے ہو کے نہیں ورجنا، حُکم دے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، دُھر فرمانے دے دِرڑائیا۔ چوَی چیت کہے بنیوں نہ چاتر، چلاکی کمّ کِسے نہ آئیا۔ جے جیؤنا تے پربھوُ دی خاطر، باقی خطرے وِچ سرب لوکائیا۔ جگت سوانی کِسے کمّ نہ آوے ملیا دنداسا مُکھ داتن، کوُڑا رنگ نہ کوئے وڈیائیا۔ من چتُرائی جے کوئی کرے سادھن، اپنا بل دھرائیا۔ اوس کُلکّھنی نوُں سمجھو وانجل، جِس دا سائیں سِر ہتّھ نہ کوئے ٹِکائیا۔ اوس نوُں سمجھو پاگل، جو سَتگُر حُکم گیا بُھلائیا۔ اوہ گُرسِکھ دا دِسے قاتل، جو ویکھ کے مُکھ بھوائیا۔ پُرکھ اکال سچّا کرن آیا عادل، عدلی ہو کے عدالت اِک لگائیا۔ جِس برہمنڈ کھنڈ کرکے تبادل، لیکھے سب دے دینے مُکائیا۔ اوس نوُں کیا کوئی سِکھیا آوے سِکھالن، اپنی سمجھ لئے وڈیائیا۔ اوس دا روُپ ہاکن ڈاکن، وِشٹا سدا مُکھ چکھائیا۔ بِنا بھگت تے بھگوان دا بنیا کوئی نہیں ساتھن، لگی توڑ نہ کوئے نِبھائیا۔ جگت اندھیرا جھُلدا ویکھو جھاکھڑ، پَیر سمبھل نہ کوئے ٹِکائیا۔ ایہہ ویلا انت اَخیِر آخر، اِکو وار جنائیا۔ جگت کنارہ ویکھو پاتن، پتن بَیٹھا بےپرواہیِا۔ سب دے لیکھے آیا واچن، پوُرب جنماں کھوج کھوجائیا۔ جیہڑے ایس دے در توں گواچن، اُہناں دی سار کِسے نہ پائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چوَی چیت کہے گُرمْکھو ہو جاؤ اتیِت، دُھر دا حُکم سُنائیا۔ من واسنا کر لؤ ٹھانڈی سیِت، اگنی تت بُجھائیا۔ جگت وِوہاری بدل دِؤ ریِت، ادھاری اِکو نظری آئیا۔ جے تُسیں اِسنوُں پرماتم سمجھو ٹھیِک، ٹھاکر ہو کے ملِے چائیں چائنیا۔ جے کوئی چاہے مَیں جگت والی کراں پریِت، اوس پریِتی وِچوں ہتّھ کِسے نہ آئیا۔ اگلا کھیل عجب انڈیِٹھ، دُھر فرمانے دے دِرڑائیا۔ ایس دے درس نوُں تُہانوُں لگی رہنی اُڈیِک، لبھیاں ہتّھ کِسے نہ آئیا۔ ہؤلی ہؤلی تُہانوُں لیاندا گھسیِٹ، ایس منزل دِتا چڑھائیا۔ ہُن ویہہ سؤ اِکّی بِکرمی گئی بیِت، اپنا پندھ مُکائیا۔ ہُن سِری بھگوان اپنی بدل دینی ریِت، ریِتی سب دی دینی بدلائیا۔ چوَی چیت کہے مَیں کراں تصدیِق، شہادت دیواں پائیا۔ گُرمْکھو جِس دی بِنا پیار توں

ہور کوئی دینی نہیں پیَندی فیِس، بھیٹا جگت نہ کوئے چڑھائیا۔ نَویِں نَویِن نوَ جُگ دی نَویِں تاریخ، تواریخ تُہاڈی دئے بنائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، سچ سندیشہ اِک نریشا حُکم دُھر دا دئے دِرڑائیا۔

چوھی چیت کہے اِک میری منّ عرض، بینتی رہیا سُنائیا۔ کِرپا کرنا پربھوُ تیرا فرض، نظر مِہر اُٹھائیا۔ پریِتی کرنی گُرمْکھو تُہاڈی غرض، وست امولک جھولی پائیا۔ اِنہاں دے کرماں دی ویکھ کے فرد، فَیصلے سارے دے سُنائیا۔ کوُڑی کِریا رہے کوئی نہ گرد، غُبار دے مِٹائیا۔ دردیاں دا ونڈ درد، دُکھیاں دا ہو سہائیا۔ تیرے درس نوُں اَگے کوئی نہ جاوے ترس، گھر گھر خوشی دینی وکھائیا۔ جِس کارن آئیوں پرت، پرماتم ہو کے اپنا کھیل دینا وکھائیا۔ جوتی جوت سروُپ ہرِ، آپ اپنی جوت دھر، ساچی بخشنی اِک سرنائیا۔ چوَی چیت کہے مَیں ویکھنی اوہ پُھلواڑی، جِس دے پُھل گُل غُنچے سمجھ کوئے نہ پائیا۔ مَیں پہلے سمت دی پہلی ویکھنی ہاڑی، ہرِ دی سنگت پریم نوُر رُشنائیا۔ مَیں منگن آؤنی واڑی، در ٹھانڈے الکھ سُنائیا۔ تُوں رحمت کرنی بھاری، بخشش جھولی دینی بھرائیا۔ خوشی ہوواں کھیل ویکھ کے نیاری، نِراکار نِرنکار بےپرواہیِا۔ جن بھگتاں مِلدی ویکھاں سرداری، سچکھنڈ ساچے مان وڈیائیا۔ گُر اوتار پیِر پَیغمبر کہن سانوُں سوہنی لگّنی اوہ بہاری، جیہڑی رُت مؤل کے اپنا رنگ بدلائیا۔ چِٹی دھار گُرمْکھ نظر آؤن وِچ سنساری، تن بستر سوہنا روُپ وٹائیا۔ اوس دِوس دی خوشی اپاری، مہما اپار دیاں دِرڑائیا۔ جِس دا حُکم ورتنا دو دھاری، نہ کوئی میٹے میٹ مِٹائیا۔ بھگتو جاں بھگوان دے نال لگّی رہ جانی یاری، جاں ناتے جانے تُڑائیا۔ ایہہ کھیل عجب نیاری، نِراکار ہو کے دینی کرائیا۔ کوُڑی کِریا دی رہن نہیں دینی وِچ بیماری، باہروں نِرمل اندروں نِرمل دینے بنائیا۔ جے پسند آوے تے پھیر رکھِیو میرے نال یاری، جھوُٹھے یرانے دی لوڑ رہے نہ رائیا۔ مَیں پِھرنا بن کے وڈ سنساری، سوادھان سارے دینے کرائیا۔ پوُرن نہ سمجھِیو پوُرن جوت نِرنکاری، دُھر دا حُکم اِک ورتائیا۔ شبد سندیشہ کرے خبرداری، بےخبراں خبر پہنچائیا۔ جوتی جوت سروُپ ہرِ، آپ اپنی کِرپا کر، سچ کرنی اپنے ہتّھ رکھائیا۔ چوَی چیت کہے مَیں خوشی ہوواں ویکھ ویکھ کے سمت، سماں سماں رہیا بدلائیا۔

لیکھا مُک گیا براہمن پنڈت، پنج تت دِتی وڈیائیا۔ نَویِں چڑھ گئی رنگت، بخشے سچ سرنائیا۔ پیاری لگی سنگت، گُرمْکھ جوڑ جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ چوَی چیت کہے گُرمْکھ جائے نہ کوئے اُداس، میری نِشانی جھولی دینی پائیا۔ اِک سُناؤنی گاتھ، دُھر دا حُکم دِرڑائیا۔ بچّیو ساچی سِکھ لؤ جاچ، نِکیاں وڈّیاں دئے پڑھائیا۔ جے پُرکھ اکال نوُں سمجھو باپ، بھائی بھَین سارے نظری آئیا۔ ہرِ سنگت وِچ پریم سب دا سجّن تے سب دا ساک، سنبندھی دِتا بنائیا۔ گُرمْکھو تُہاڈا بناؤنا اِتفاق، گھر گھر وِچوں کوُڑا جھگڑا دینا کڈھائیا۔ ستاراں ہاڑ نوُں اِکیاں دی بنا دینی جماعت، جو گُرمْکھاں دے فَیصلے دئے کرائیا۔ جے نِبھوُ تے پکّی میرے ساتھ، نہیں تے ایتھے اوتھے ہوئے جُدائیا۔ ویکھو ہُن کِہنوُں مِلدی شاباش، کیہڑے جاندے پلّوُ چُھڈائیا۔ بچن شبد حُکم اَخیِری اِکو وار دیوے آکھ، دُہراؤن دی لوڑ رہے نہ رائیا۔ جاں عزیِز بنو جاں گُستاخ، اَدھ وِچکار لٹکدا نظر کوئی نہ آئیا۔ جاں جنم کرم بھوگو جاں کرا لؤ مُعاف، بری اپنا آپ کرائیا۔ نَویں سمت دی نَویِں سِکھ لؤ جاچ، یاچک بن کے سیو کمائیا۔ نہ اوہ پوُرن رہیا نہ اوہ پوُرن والی بات، پت پرمیشور ہو کے اپنا حُکم ورتائیا۔ گُرمْکھ ہو کے بنِیو نہ نار کمذات، کُلکھنی ہو نہ مُکھ بھوائیا۔ جِس دا لیکھا اوسے دا حِساب، دیونہارا اوہو گوسائنیا۔ جے تُساں کِسے بچن وِچ دینا ہووے جواب، جواب دین توں پہلاں بینتی کر کے اپنا پلّا لؤ چُھڈائیا۔ ہُن رہن نہیں دینا اندروں اوہلا تے باہروں کہو گُروُ مہاراج، پاتشاہ سچّا کہہ کے سیِس نِوائیا۔ مَیں اندر پھول کے سب دا ویکھنا تاک، کوَن نیک کوَن ٹھگ کوَن یار کوَن بدی رہیا کمائیا۔ گُرمْکھو ہرِسنگت وِچ رہن نہیں دینا جھگڑا فساد، پریم پریِتی دینی سِکھائیا۔ مہاراج شیرسِنگھ وِشنوُں بھگوان، شبد اگمّی دئے آواز، راز رمز نال کُھلائیا۔

پہلی وساکھ شہنشاہی سمت ۱ ہرِ بھگت دوار جیٹھوُوال

گوداوری کہے میرا پوُرا کر اِقرار، دِلے دِلدار بےپرواہ تیری آس رکھائیا۔ چیت دس دا پہلا وِہار، پوُرب لہنا دینا دے مُکائیا۔ پٹنے والا آ گیا چھڈ دربار، گھربار دؤلت دھن مال تجائیا۔ ایسے دی سی انتظار، جِس کارن لیکھا باقی رہیا لِکھائیا۔ ترنتے دے مِتر جگت دے وِوہار، ریِتی سنسار نال رلائیا۔ اوہناں دا اُدھار قرضہ دے اُتار، پردہ دے اُٹھائیا۔ تِنّاں نال میرا سی وپار، لہنا دینا کردا رہیا سال تریاسی اپر اپار، سوہنا سنگ نِبھائیا۔ اِک دِن آ گئی ویچار، پریم نال بولیا اِک جَیکار، دُھر دا راگ سُنائیا۔ رام وشِشٹ دی پرگٹ ہو گئی یاد، اندروں آیا اِک سواد، برباد کھیڑا سوبھا پائیا۔ تُوں میرا مَیں تیرا سُنی سچ آواز، اندروں کُھلیا راز، کِسے نے کِہا شاباش، دُھن اگمّ جنائیا۔ تِنّاں کر اِتفاق، میرا پکڑیا ہاتھ، ہلوُنا دِتا لگائیا۔ کوئی سانوُں دسّ بات، تُوں ساڈا سچ بھرات، بھیو دے جنائیا۔ جوتی جوت سروُپ ہرِ، آپ اپنی کِرپا کر، دُھر دی دھار ویکھ وکھائیا۔ تریتا کہے تیرے پِچھلے ساتھی، مانَس روُپ نظری آئیا۔ جِنہاں دا لہنا دینا باقی، لیکھا جھولی پائیا۔ اِک بات انوکھی جو پوُرب جنم بھاکھی، بھاشا پِچھلی دئے گواہیِا۔ سجّنوں تُسیں میرے سچّے ساتھی، پیار مِتراں والا بنائیا۔ میری رام وشِشٹ نے کھولی تاکی، پڑدا دِتا اُٹھائیا۔ جے تُسیں مِلنا چاہو کملاپاتی، پت پرمیشور میلا سہج سُبھائیا۔ اوسے ویلے ہرِ حُکم سندیشہ دِتا ماری اِک آوازی، شبد شبد نال جنائیا۔ اَگے نہ کوئی سوال تے نہ کوئی جوابی، بتّی دند والا مُکھ بند کرائیا۔ کُچھ اَگے لیکھا ویکھ جِس دا وکھرا حِسابی، جگت وِدیا نہ کوئے جنائیا۔ ایہہ لہنا دینا ہرِ پُرکھ ابناشی، کرنی دا کرتا دیونہار وڈیائیا۔ تریتا دواپرکلجُگ انتم ویکھنی اندھیری راتی، چاروں کُنٹ اندھیرا چھائیا۔ سچ دِسے نہ کوئے پربھاتی، سندھیا اپنا روُپ بدلائیا۔ کرے کھیل ہرِ کملاپاتی، پت پرمیشور بےپرواہیِا۔ تیرے پکڑ اُٹھاوے ساتھی، سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ گوداوری کہے لیکھا دسّ دے سَت سچ، در ٹھانڈے منگ منگائیا۔ کنڈھی والے کر پرگٹ، راج نریَن گیا آئیا۔ جِنہاں دے اندر گِیوں وس، واسطہ اوہناں دا اپنے نال جُڑائیا۔ تیج بھان کھول دے اکّھ، لچھمن سِنگھ لّچھمی نالوں کرے جُدائیا۔ چیلا سِنگھ پرت کے آیا وت، وطن اپنا دے وکھائیا۔ لالو نوُں دے کے انتر رس، رستے دُھر دے دینے پائیا۔ پنجاں پیاریاں وِچوں جو اَگے رہے بچ، چارے اوہ وی نال رلائیا۔ جیہڑا گوبِند دی نندیا کردا سی بھج بھج،

اُسدا لیکھا لیکھے وِچوں لئے کڈھائیا۔ جِس دا نام سِنگھ پرگٹ، پِتا پال سِنگھ سمجھائیا۔ گوداوری کہوے اوہ وی تِن دسّ، جیہڑے چھڈ کے بھجےّ واہو داہیِا۔ تیرے نالوں بدل کے اکّھ، آخر رہے پچھتائیا۔ من واسنا چھڈ کے آتم پیار اندر گئے ڈھٹھ، ہنکار وِکار دِتا گوائیا۔ مَیں اوہناں دا راہ رہی تکّ، نیتر لوچن نیَن اپنی سیو لگائیا۔ تُوں صاحب پُرکھ سمرتھ، بےپرواہ تیرے ہتّھ وڈّی وڈیائیا۔ پُرکھ اکال پیا ہس، گوداوری تیری چِنتا دیاں گوائیا۔ اوہناں تِنّاں وِچوں دو اٹارسی رہے وس، جسونت سِنگھ ہردتّ سِنگھ نام دیاں سمجھائیا۔ تیِجا جامہ بدل کے اپنا ویس آیا اُلٹ، تھوڑا پردہ وِچ جنائیا۔ اِک دِن خواب وِچ سُتّیاں اوس اپنی گھر دی اِستری لئی تک، ڈھائی سکِنٹ دھیان اُس دے وِچ رکھائیا۔ اوس سمیں گوبِند نالوں ہو کے وکھ، اپنی نیِتی لئی بدلائیا۔ جِس ویلے سُتے دی کُھلی اکّھ، گوبِند نظر آیا پرتکھ، چرناں دے اُتے گیا ڈھٹھ، بینتی دِتی سُنائیا۔ مَیں ہو کے بےبس، کوُڑی کِریا دا جان کے رس، رستہ تیرا دِتا بُھلائیا۔ نیتر نیِر وحا کے اتھ، دوویں چرناں تے رکھ کے ہتّھ، دھوُڑی ٹِکاّ لا کے متھ، مستک لیا رگڑائیا۔ گوبِند کِہا بس، اوس کِہا کُچھ میرے نہیں وس، جو کرنی تُوں آپے رہیا کرائیا۔ جے سَتگُر ہو کے میرے ہِردے جاندوں وس، من واسنا کدے نہ ہُندی ہلکائیا۔ اپنے لیکھے لا لےَ میری رت، رتی رت وِچوں اپنا رتن لےَ پرگٹائیا۔ گوبِند پریم پیار نال لیا تکّ، شبدی اکّھ کُھلائیا۔ بھیوَ ابھیدا کھول کے دسّاں سچ، سُنیہڑا اِک سندیشے وِچ پرگٹائیا۔ جِس ویلے مُڑ کے آواں وت، جوتی شبدی کھیل کھلائیا۔ سچ دوارے لَواں سد، سدّا اپنا نام بنائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ گُرمْکھ ہو نِمانا گیا جھُک، چرن کوَل سیِس نِوائیا۔ میرا پیَنڈا تیرے بِنا نہ جاوے مُک، لیکھا لیکھے نہ کوئے رکھائیا۔ گوبِند کِہا بےشک گُرمْکھ تُوں بچّہ پیارا نالوں پُت، پُتراں توں چنگی دیاں وڈیائیا۔ جے سچ سچ لویں پُچھ، پُشت پناہ تیری ہتّھ رکھائیا۔ بھیت تھوڑا وِچ کُچھ، تَینوُں دیاں جنائیا۔ تیرا جامہ بدلنا نہ داہڑی ہوئے نہ مُچھ، اِستری پِچھے اِستری روُپ دینا بنائیا۔ نیتر رو کے اُس چرن پھڑے گھُٹ، بہُڑی بہُڑی کیِتی دُہائیا۔ گوبِند کِہا ایہہ پڑدا نہیں کوئی لُک، دُھر دا حُکم دِتا سمجھائیا۔ گُرسِکھ کِہا مَیں بننا چاہواں تیرا پُت، پِتا اِکو نظری آئیا۔ گوبِند کِہا جو کِہا سو درُست، نہ کوئی میٹے میٹ مِٹائیا۔ بچّیاں وانگ تَینوُں گودی لَواں چُک، پھڑ باہوں گلے لگائیا۔ جے پُت نہیں تے پُت دے نال رکھاں خوش، ایسے کرکے منجیِت دا جوڑا لیا جُڑائیا۔ اِکیاں دی سوہنی رُت، گوداوری تیری رُتڑی نال مہکائیا۔ جوتی جوت سروُپ ہرِ،

آپ اپنی کِرپا کر، مِہر نظر نال لیکھا دے چُکائیا۔ گوداوری کہے مَینوُں ہور آئی یاد، یدی دیاں بتلائیا۔ مَینوُں پتہ لگّا تُوں نؤ دوارے کرنے برباد، بھگتاں نوُں اِکو گھر دینا بہائیا۔ اوہناں دا بن کے کنت سُہاگ، دُھر دا جوڑا لَینا جُڑائیا۔ مَینوُں آیا اِک وَیراگ، وَیری اندروں دینے مِٹائیا۔ جِنہاں نے کوُڑی کِریا دا کرنا تیاگ، تیاگی ہو کے تیرا درشن پائیا۔ اوہ ہنس نہ رہ جان کاگ، کاگ ہنس تیرے چرن ملِے سرنائیا۔ تیریاں بھگتاں دا ویکھاں اِک سماج، چار کُنٹ دہ دِشا چار ورن اٹھاراں برن اِک سرنائیا۔ تیری رمز نوُں کیہڑا سمجھ سکے دِماغ، بُدھی چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوداوری کہے میری ہور اِک منّ، منسا دیاں جنائیا۔ اِکیاں دا بیڑا بنّھ، اِکّی اِکّی اپنی گنڈھ وکھائیا۔ نؤاں نوُں ہور دے دے اپنے پریم دا سچّا دھن، دھن ونت دے بنائیا۔ جے اوہوی نال رلکے آؤن چنّ، مَیں چند مُکھڑے ویکھ کے خوشی منائیا۔ پر گوداوری کہے میرے کنڈھے تے بہن توں پہلوں پھڑن اپنے کنّ، دوں ہتّھاں وِچ ٹِکائیا۔ نیتر روون چھمّ چھمّ، وَیراگی ہو کے چھہبر دین لگائیا۔ مَیں بھجّاں اوہناں ولّ، نَٹھاں چائیں چائنیا۔ گُرمْکھو تُساں نؤاں نے ساری سنگت واسطے نؤ وار پربھ دے چرناں اُتے جھٹّنا جل، گھر گھر سُکھ سانت دئے کرائیا۔ جیہڑا سماں ایہہ مِل گیا کلجُگ وِچ کل، ایہہ کلمیاں والیاں ہتّھ کِسے نہ آئیا۔ پوُرب دا پھل، بھگتاں دا مل، گوداوری کڈھکے وِچوں جل، اِشارے نال دئے سمجھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ پُرکھ اکال کِہا گوداوری کِیوں ہوویں حَیران، تیری حَیرانی دیاں گوائیا۔ لیکھا وِچ جہان، پوُرب جھولی پائیا۔ سَت جھُلا کے نِشان، نِگہبان اِک اکھوائیا۔ حُکم دے کے زِمیں اسمان، درگاہ ساچی خوشی جنائیا۔ نؤ سَت دی اِک کلام، کلمے نغمے راگ ناد دیاں جنائیا۔ پَیغمبراں دا اِک امام، عملاں وِچ ویکھاں سرب لوکائیا۔ بھگتاں دا بھگوان، شاہ سُلطان ہو کے خوشی جنائیا۔ اگلا دے کے دُھر فرمان، سمت شہنشاہی کر پردھان، جگت پردھاناں سندیشے دیاں پہُنچائیا۔ جوتی جوت سروُپ ہرِ، آپ اپنی کِرپا کر، مہاراج شیرسِنگھ وِشنوُں بھگوان، تیرا لیکھا دیاں مُکائیا۔ گُر اوتار پیِر پَیغمبر کہن ویکھو کیہڑی وساکھی، وساہ کے گئی آئیا۔ سمت صدیاں دی کرکے باقی، بکتیاں دے لیکھے رہی چُکائیا۔ چار جُگ دی ویکھ کے ساکھی، سُکھ سُنیہڑے گھر گھر رہی پہنچائنیا۔ سَت سَت دا نام سندیشہ دے کے پاتی، پردہ اِکو مضموُن رہی جنائیا۔ برہمنڈ کھنڈ پُری لوء آکاش پاتال زِمیں آسمان کھولو تاکی، پردے رہی اُٹھائیا۔ پِچھلی مُکی سب دی واٹی، اگلا

پندھ رہیا نہ رائیا۔ دُھر دا حُکم پُرکھ ابناشی، شاہ پاتشاہ شہنشاہ رہیا جنائیا۔ جن بھگتو تُہاڈا میلا نال کملاپاتی، پت پرمیشور اپنا رنگ چڑھائیا۔ تُہاڈی آتم اوسے دی ذاتی، ذات پات نظر نہ کوئے وکھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ گُر اوتار کہن آؤ ویکھو تکّو وساکھی دا میلا، ہرِ کرتا دئے وڈیائیا۔ اِکو رنگ دِسے گُروُ گُر چیلا، چیلا گوبِند گوبِند چیلے وِچ سمائیا۔ دو جہاناں نالوں ہو کے ویہلا، واحد بھگتاں کرے کُڑمائیا۔ وسنہارا رنگ نَویلا، نِرگُن داتا شاہ پاتشاہ سچّا شہنشاہیِا۔ ساچی کھیل رہیا کھیلا، خالق خلق پردہ دئے اُٹھائیا۔ جن بھگتو تُہاڈا رہے نہ وقت دُہیلا، دوہری چوٹ تن نگارے اندر دئے لگائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ وساکھی کہے اِس دا کرِیو نہ کوئی وساہ، وسدے کھیڑے دئے اُجاڑ، اُجڑیاں دئے وسائیا۔ پربھ داتا وڈّا بےپرواہ، سدا بےپرواہی وِچ سمائیا۔ جِس دی جُگ چؤکڑی بدل کے مَیں پہلی واری گئی آ، لوک مات پھیرا پائیا۔ میری منگ مَیں شہنشاہی سمت سُناں نال چا، چاؤ گھنیرا اِک رکھائیا۔ تسبیاں مالاں توں باہر مِل گیا سچ خُدا، نہ خادم نہ آدم عدلاں دا عدل رہیا کمائیا۔ بھگتاں دا بن کے گواہ، ایتھے اوتھے رہیا بچا، بچپن اپنی جھولی پائیا۔ ایتھے کی کرے بابا آدم تے حوّا، پاربتی تے شِو نِیوں نِیوں سیِس جھُکائیا۔ پَیغمبراں کِہا خُدا، اوتاراں کِہا جوتی جوت رہیا ڈگمگا، گُروُآں کِہا گہر گمبھیِر نظری آئیا۔ وساکھی کہے جے کوئی مَینوُں پُچھ آ مَیں سچ دیاں سُنا، ایہہ اوہ بےپرواہ، جِس دا کھانی بانی جس ڈھولیاں وِچ سُنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتاراں پیِر پَیغمبراں دی سُن کے بات، چھوٹے بالے نڈھے کاکے منجیِت لئی انگڑائیا۔ تھلّے مار کے ویکھیا جھات، پڑدا پرے اُٹھائیا۔ بھگتاں دی بَیٹھی جماعت، سوہنی نظری آئیا۔ جگدیِش نوُں مار کے آواز، بھائی نوُں بھائی لیا جگائیا۔ جگدیِش سوَرن دا کھول کے تاک، تُرت دِتا سُنائیا۔ سورن کہے مَیں گُردَیال سِنگھ نوُں لَواں آکھ، سارے ویکھیئے چائیں چائنیا۔ گُردَیال سِنگھ کِہا پال سِنگھ دے سارے داس، کے اپنا حال سُنائیا۔ منجیِت کِہا ایہہ بھگتاں دا رِواج، دو جہاناں نظری آئیا۔ کِرپا کیِتی پُرکھ ابناش، مِہر نظر اِک اُٹھائیا۔ مَیں پربھ دے اَگے کرنی اِک ارداس، بینتی اپنی دینی سُنائیا۔ ہے پربھوُ جِس ماتا نے مَینوُں جنم دِتا وِچ لوک مات، آپ اپنی کُکھ سُہائیا۔ اُسدی کردے آپ نِجات، نظر مِہر اِک اُٹھائیا۔ تُوں صاحب بخشِند ساکھیات، پردہ اوہلا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔

منجیِت کہے وساکھی منّاں تاں، پربھ تیری اوٹ تکائیا۔ جے وڈیائی دیویں اوس ماں، جِس نوُں ویہہ سؤ دس بِکرمی وِچ لارا لا کے گیا آئیا۔ جناں چِر نہ کریں ہاں، میرا حق نہ جھولی پائیا۔ اوناں چِر پلا چھڈاں نہ، سچ دِتا سُنائیا۔ جوتی جوت سروُپ ہرِ، آپ اپنی کِرپا کر، میرا لیکھا لیکھے وِچ رکھائیا۔ منجیِت کہے مَیں کوئی منگی نہیں منگ واسطے لالچ، لالچی روُپ نہ کوئے بنائیا۔ ستّ مہینےِ تِنّ دِن جو تیری بھگتی کیِتی خالص، خاص تیری سیو کمائیا۔ چھوٹا نَنھا بن کے بالک، گودی ماں سُہائیا۔ اجّ اوسے دا بن کے ثالث، بینتی رہیا جنائیا۔ تُوں مالک سب دا خالق، تیری وڈ وڈیائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ منجیِت کہے مَیں گیاراں سال رہیا چُپ، اپنی منگ نہ کوئے منگائیا۔ پریم پیار اندر آیا دُکھ، بینتی دِتی سُنائیا۔ اوس نوُں دے سُکھ، جِس نے سُکھ ساند نال تیری گودی دِتا بہائیا۔ پُرکھ اکال ہو کے تُٹھ، بےپرواہ تیرے ہتّھ وڈیائیا۔ چرن کوَلاں اُتے جھُک، جھولی اَگے ڈاہیِا۔ جِس طرح رنگ چڑھایا پُت، اوہو مات دے وڈیائیا۔ پُرکھ اکال کِہا تیری بینتی اُتے ہویا خوش، خوشیاں وِچ خوشی دیاں بدلائیا۔ ہاڑ ستاراں اِک وکھری نِرالی انوکھی گا کے تُک، تُرت میلا لَواں مِلائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ منجیِت کہے کیہڑی تُک، گاؤنا چھند، مَینوُں دے سمجھائیا۔ پُرکھ اکال کِہا اوہ میرے وِچ بند، کوئی بندیخانے وِچوں بندہ نہ باہر چُھڈائیا۔ اِکیاں سِکھاں دا بنا کے سنگ، سوہنا ویلا وقت دیاں جنائیا۔ ہاڑ ستاراں شبدی دھار پا کے ٹھنڈ، مِہر نظر اِک ٹِکائیا۔ جِس دا نوُر اُپجیا چند، ساچی جوت جگت رُشنائیا۔ اوسے دا من وِکار کر کے کھنڈ، کھنڈا نام تن پہنائیا۔ مہاراج شیرسِنگھ وِشنوُں بھگوان، سچ دوار بخش کے سچ انند، ساچی سیوا اگلی دئے جنائیا۔

۲ وساکھ شہنشاہی سمت ۱ ہرِ بھگت دوار جیٹھوُوال

چنا کہے مَینوُں لا دے بھوگ، کچےّ توں پکاّ دے بنائیا۔ پیٹھا کہے میرا پِچھلا سنجوگ، پردہ دے اُٹھائیا۔ کیلا کہے مَیں سب دی بھیٹا چڑھدا رہیا روز روز، گُجھی رمز نہ کِسے لگائیا۔ سؤنف کہے مَینوُں کھا کھا تھکے لوک، رس وِچ رس نہ کوئے مِلائیا۔ بادام کہن سانوُں کھا کے سب نوُں آوے جوش، سانتک سَت روُپ نہ کوئے سمائیا۔ سارے بَیٹھے رہے خاموش، اپنی وِتھیا نہ کِسے جنائیا۔ ٹھاکر

تیری ٹھاکراں نال وینہدے رہے مؤج، ٹھوکر اندر نہ کِسے لگائیا۔ ڈھئیا سئیا کردے رہے کھوج، بئیاں پکڑ گلے نہ کوئی لگائیا۔ اچانک اسُتے آ گئی ہوش، اندروں سُرتی دِتی کُھلائیا۔ بِنا سوچ توں آ گئی سوچ، کِسے اگمّی رمز دِتی لگائیا۔ تکّیا ویکھیا لکّھن پُشکر کرؤچ، جنبوُ دھیان لگائیا۔ سُنیا ڈھولا اِک سلوک، دُھر کا نعرہ نام خُدائیا۔ انتر رہیا نہ کوئی روگ، کوُڑی خواہش نہ کوئے جنائیا۔ آسا پُنّی سارے مِل کے بنیئے ساچی چوگ، جِس نوُں کھادھیاں چُغلی نندیا اندر رہن کوئے نہ پائیا۔ جن بھگتاں دئیے گیان بودھ، بُدھی بِبیک بنائیا۔ ہِردے دئیے سودھ، سُگندھی سچ سمائیا۔ کوُڑی کِریا کڈھیئے کھوٹ، اَگے کھٹکا رہے نہ رائیا۔ گوبِند پریم دی لگّے چوٹ، چوٹ نگارہ اِک سُنائیا۔ بنک دوارا سوہے کوٹ، گرِہ مندر خوشی وکھائیا۔ ساچی گوشنا گوشٹ کریئے کوُنے گوش، گُفت شُنید دیِد حال سُنائیا۔ جوتی جوت سروُپ ہرِ، آپ اپنی کِرپا کر، سب دا لیکھا دئے مُکائیا۔ چنا کہے مَینوُں چبنا نہیں نال دند، بتّی دنداں والی ویکھی سرب لوکائیا۔ جِناں کھادھا اوہناں وِشٹا روُپ کڈھیا گند، پرمانند نہ کوئے وکھائیا۔ بِن گوبِند سانوُں مِلیا نہیں اوہ انند، جو انند پٹنے گیا جنائیا۔ نہ اوہ مئیا نہ اوہ راجا نہ اوہ پریم پیار دا ڈھنگ، طریقہ سچ نہ کوئے دِرڑائیا۔ صدیاں وینہدے رہے کدے سوُرج تے کدے چند، دِوس رَین دھیان لگائیا۔ ساڈے انتر نہیں پئی ٹھنڈ، اگنی تت نہ کوئے بُجھائیا۔ سانوُں خوشی آئی جِس ویلے سمت چڑھیا شہنشاہی راج نرَین لےَ کے گیا گنڈھ، پٹنے سندیشہ دِتا سُنائیا۔ سانوُں پِچھلی یاد آ گئی منگ، جو گوبِند دیاں دنداں نال چھوہ کے بینتی دِتی سُنائیا۔ اوہ ہؤلی جِہی کہہ کے گیا سانوُں وِچ کنّ، نِکمیو تُہانوُں دیاں وڈیائیا۔ جِس ویلے پرم پُرکھ دا چڑھ کے آواں چنّ، دو جہان کراں رُشنائیا۔ تُہاڈا بیڑا دیواں بنّھ، لیکھا اپنے نال چلائیا۔ اوہناں اُس ویلے کِہا کِویں ساڈی لئے منّ، سچ دے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چنا کہے مَینوُں کوئی دنداں نال نہ لَوے پیس، پیشتر دیاں جنائیا۔ مَیں مِلنا اوس جگدیِس، جو جگدیِشر ہر گھٹ رہیا سمائیا۔ جِس دے چھتر جھُلے سیِس، ساہ ساہ نام جپے لوکائیا۔ جِس دی گوبِند نال پریِت، گوبِند اوسے وِچ نظری آئیا۔ مَیں کرن آیا تصدیِق، چھوٹا چنا دیوے گواہیِا۔ جِس نے میری رکھی اُڈیِک، ویلا وقت سُہنجنا رہیا سُہائیا۔ گُرمْکھو جو کہاں سو ٹھیِک، ٹھاکر نے ٹھوکر لا کے لیا اُٹھائیا۔ مَینوُں نہ سمجھیو مَیں نِکاّ جِہا کیِٹ، میری ہستی مستی وِچ سمائیا۔ مَیں اوس گھر دا وسنیِک، جِتھے وسدیاں باہر سکے نہ کوئے کڈھائیا۔ جِس ویلے گوبِند نے رانی دے گھر بھوگ لگایا ساڈی

نِکلی سی چیِک، چیِک چِہاڑا دِتا پائیا۔ گوبِند نے ہس کے ساڈے اندر وڑ کے گایا اِک نِکاّ جِہا گیِت، سوہنگ سو ڈھولا دِتا سُنائیا۔ تُسیں میرے مَیں تُہاڈا دوہاں دے وِچ پرم پُرکھ نزدیِک، دوُر دُراڈا پندھ مُکائیا۔ ایہہ چنا کہے مَیں اوسے ویلے اُچھل کے گوبِند دی جھولی وِچ ڈِگا جِس نوُں گل دا کپڑا کہندے قمیِض، بانا بچّیاں والا نظری آئیا۔ اوس پھڑ کے نال ریِجھ، اپنی جیب وِچ لیا رکھائیا۔ مَیں اندر وڑ کے اپنی بدل لئی نیِت، روُپ انوُپ وٹائیا۔ منگی منگ جے تُوں میرا تے مَینوُں اپنا کر لےَ ٹھیِک، ٹھگ چور یار والی ٹھگّی نہ کوئے کمائیا۔ اوس ہسّ کے کِہا مَیں تُہاڈی رکھاں سدا اُڈیِک، بِن اکّھاں اکّھ کُھلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اِک اُٹھائیا۔ چنا کہے تُسیں نہیں جان دے مَینوُں کِیوں بھوگ لگدا، امرت رس بھوگی دَیا کمائیا۔ مَیں اوس دوار تے سجدا، جِتھے سجدہ کرے لوکائیا۔ بہُت چِر ہویا پِھردا لبھدا، لبھیاں ہتّھ کُچھ نہ آئیا۔ ویکھو ہُن کھیل ہویا سبب دا، راج نرَین دِتا مِلائیا۔ چنا کہے مَیں راج نرَین نوُں کُچھ دسدا، اگلا پڑدا دیاں اُٹھائیا۔ سوا تِن سال تیرا پٹنے والا گھر اُجاڑاں وسدا، گوبِند دے چرن وِچ آسن دیاں لگائیا۔ بِن تیرے میرا پریم نہیں پھبدا، پریِتی سچ نہ کوئے سمجھائیا۔ اوہ تُساں کی رس کرنا اوس کوَل نبھ دا، جیہڑی نابھی کوَل سَتگُر پوُرے بھگتاں نہ کدے رکھائیا۔ اُس دے اُتے آپ وسدا، جِتھے بھگتاں میلے سہج سُبھائیا۔ کؤن لیکھا جانے ایہدی حد دا، حد توں باہر بےحد بےپرواہیِا۔ جیہڑا پریم نال تیرے چنے چبدا، اپنا چمڑا تیری سیج دیوے بنائیا۔ اوہ گُرمْکھو تُہانوُں نہیں پتہ ایہہ لہنا دینا کب دا، کوَن جھولی رہیا پائیا۔ ہُن رنگ رہن نہیں دینا وِچ ڈب دا، للاری ہو کے رنگ اِکو دینا چڑھائیا۔ دِیپک جوت وِچ اوہ جگدا، دِیپک جوت کرے رُشنائیا۔ لیکھا مُک جائے جگت حج دا، حاضر ہو کے اپنا درس کرائیا۔ ایہہ قیِمت وِچ نہ ککّھ دا تے نہ لکّھ دا، سمرتھ ہتّھ ایسے دی وڈیائیا۔ چنا کہے مَیں سچ سچ دسّدا، دہ دِشا پڑدا دیاں اُٹھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ چنا کہے مَینوُں کوئی نہ سمجھِیو دو پھاڑ، ٹُکڑا الگ الگ جنائیا۔ میرا لیکھا ویکھیو ستاراں ہاڑ، ہاڑے کڈھ کے دیاں سُنائیا۔ جِس دا لیکھا وِچ اُجاڑ، ماچھوُواڑے کیِڑی کِریا وِچ سیو کمائیا۔ اِکٹّھا کیِتا بھال، بھالدا بُھلیاں بھٹکیاں میل مِلائیا۔ شاہاں توں بنا کے کنگال، کنگلیاں توں کملاپت دیاں مِلائیا۔ سچ در دی سچّی دھرم سال، سچ دوارا اِک وڈیائیا۔ چنّ کہے گُرمْکھو کی تُسیں اِک راج نرَین نہیں سکدے سنبھال، جِس دے گھر گھڑی پل گوبِند کٹ کے آیا بنا کے آیا پِتا مائیا۔ اَگے بہُتا ہور احوال، بِنا

سوال جواب سہجے نال دیاں لِکھائیا۔ چنا کہے ایہو ویکھو اوہ نِشان، جو بیان نال رہے جنائیا۔ راج پال اوس دربار، دوارپال بن کے سوبھا پائیا۔ وست رسد بہُہ مہان، سِنگھاسن اُتے مِلی مان وڈیائیا۔ کِڈا وڈّا سچ نِشان، نِشانیاں وِچوں نِشانہ رہیا جنائیا۔ چنا کہے مَینوُں سارے کریو پروان، مِہروان دِتی مان وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نِشانہ کہے مَیں شبدی دھار کھنڈا، کھڑگ کھڑگ ٹکرائیا۔ میرا روُپ نہیں کوئی مانَس بندہ، بندگی بندنا نہ کوئے جنائیا۔ مَیں نیترہیِن اندھا، جگت اکّھ نہ کوئے کُھلائیا۔ مَینوُں جگت لُہار گنڈھا، توڑ پھوڑ پالش نال چمکائیا۔ میرے اندر اِک سُگندھا، جو مہک سچ مہکائیا۔ پُرکھ اکال پربھ ٹھاکر تارن آیا بخشندا، بخشش رحمت آپ کمائیا۔ ہُن بھگت سُہیلا بن کے سنگا، سوہنا سنگ بنائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ مہاراج شیرسِنگھ وِشنوُں بھگوان، گُرمْکھاں اُپر ہو مِہروان، مالک خالق ثالث سوامی انتر جانت، اپنا حُکم ورتائیا۔ کِرپا کرے پُرکھ ابناش، ابناشی دَیا کمائیا۔ پٹنے نِواسی بنیا ساتھ، راج نرَین ناتا اِک جُڑائیا۔ پنجاں پیاریاں نال تیرا ساتھ، ہتّھ نال ہتّھ دِتا مِلائیا۔ امرجیِت سِنگھ نال سانجھی تیری بات، بچّیاں وانگ گود اُٹھائیا۔ سُرجیِت سِنگھ نال پریم پیار دی راس، سوہنا ویلا وقت دئے سُہائیا۔ ہرِسنگت تیرے مِلن دی ساری رکھے آس، باہر رہن کوئے نہ پائیا۔ آ کے گوبِند دے گھاٹ، بیڑے بہہ کے خوشی منائیا۔ جنماں دی مُکی واٹ، کرماں دا گیڑ گوائیا۔ پربھ دے وِکیا ہاٹ، قیِمت کرتا دئے چُکائیا۔ ویکھیں بُھل کے سَوا تِن سال پٹنا نہ کریں یاد، واگ تیری اپنے ہتّھ رکھائیا۔ ایہہ گُرمْکھ تیرے ٹہکدے پُھل گُلاب، گُلشن تیرے نال مہکائیا۔ لال سِنگھ دا ہو رہیا حِساب، اِکّی دِن تیرے اِس دے گھر جھٹ لنگھائیا۔ پنج دِن تیرا پکھووال حِساب، اوہ وی رہیا سُنائیا۔ گیاراں دِن تَینوُں جموں مِلنا خطاب، خطا وِچ نہ کوئے رکھائیا۔ تِنّ دِن کنگاں والیاں کرنا یاد، نرَین سِنگھ بَیٹھا اکّھ کُھلائیا۔ ستّ دِن ناتھیوالی مِلنا پُنّ صواب، صُبح شام اِکو رنگ چڑھائیا۔ ہربنس سِنگھ پکڑنی تیری واگ، پنج دِن ضِلع کرنال سیوا کرے چائیں چائنیا۔ اَگے ہور وڈّا تیرا خواب، بےخبر خبراں نال سمجھائیا۔ تیرے پریم توں گھر گھر کرنا آباد، جگ وِچ اُجڑے نوُں بھگتاں دے اندر دِتا وسائیا۔ ستاراں ہاڑ نوُں ایہنوُں اپنے خوُن دا دینا رس آپ، پیالہ پریم پیار پِلائیا۔ پِھر اگلی کڈھ کِتاب، لیکھا بھوِکھت دینا سمجھائیا۔ تیری کایا دا کھول کے گُدام، وپاری دُھر دا دینا بنائیا۔ سچ سُکھ وِچ دے کے آرام، چرن کوَل بخشنی اِک سرنائیا۔ لیکھے لا کے پریم

والی پرنام، پرن تیرا توڑ نِبھائیا۔ اِک رات تَینوُں کٹنی پَینی شہر سنام، ترلوک سِنگھ پِچھلی یاد رہیا کرائیا۔ جوتی جوت سروُپ ہرِ، آپ اپنی کِرپا کر، بہُتا لیکھا تھوڑا کر کے دئے بُھگتائیا۔