کتب خانہGranth 18 (Shahmukhi)

۲۴ وِساکھ شہنشاہی سمت ۱ مہِندر سِنگھ دے گرِہ بھلائی پُر ڈوگرا ضِلع امرتسر

کلجُگ کہے میری مُکی اؤدھ، جن بھگتاں سیِس نِوائیا۔ جِنہاں نوُں پُرکھ اکال کیِتا بودھ، اندھ اگیان دِتا مِٹائیا۔ آتم پرماتم لئی سودھ، سوَچھ سروُپ اپنا درس وکھائیا۔ اندروں کٹ کے ہؤمے روگ، دُئی دُکھڑا دِتا گوائیا۔ سَت سَت دا کر کے دُھر سنجوگ، جُگ جنم دے وِچھڑے میل مِلائیا۔ نام سُنا کے سچ سلوک، تُوں میرا تیرا اِکو ڈھولا دِتا دِرڑائیا۔ لیکھا چُکا کے چؤداں لوک، چؤداں طبقاں پندھ مُکائیا۔ سچ پریِتی بخش کے دُھر دی اوٹ، کوَل چرن اُپر دھرن دِتی سرنائیا۔ نام تن نگارے لا کے چوٹ، سوئی سُرتی دِتی اُٹھائیا۔ مایا ممتا ہؤمے ہنگتا کوُڑی کِریا کڈھ کے کھوٹ، سچ سُگندھی نام بھرائیا۔ نِرمل نوُر پرکاش کر کے جوت، جوتی جوت کری رُشنائیا۔ جِتھے کوئی نہ سکیا پہنچ، منزل دِتی بےپرواہیِا۔ آد انت اَخیِری اِکو مؤج، مجلس اپنی دِتی وکھائیا۔ جِتھے کوئی نہ سکے روک، اَدھ وِچکار نہ کوئے اٹکائیا۔ سچکھنڈ دوارا بخش کے قِلعہ کوٹ، کوٹن کوٹاں وِچوں پار لنگھائیا۔ کلجُگ کہے میری انت اَخیِری مُکی سوچ، سمجھ سمجھ دِتی بدلائیا۔ جِس دے درشن گُر اوتار پیِر پَیغمبر نوَ نؤ چار رہے لوچ، سو لوچا پوُر آسا منسا وِچ سمائیا۔ جِس دی کھانی بانی کردی رہی کھوج، گہر گمبھیِر بےنظیِر اپنی نظر رہیا اُٹھائیا۔ گُرمْکھاں آون جاون پتت پاون دُھر دا کٹ وِجوگ، ساچا میلا میلے سہج سُبھائیا۔ جوتی جوت سروُپ ہرِ، آپ اپنی کِرپا کر، دیونہار وڈّی وڈیائیا۔ کلجُگ کہے میرا انت اَخیِر، تا آخر دیاں جنائیا۔ مَیں نظری تکیا شاہ پاتشاہ شہنشاہ پیِراں دا پیِر، پَیغمبراں دا پَیغمبر سوّمبر ساچا رہیا رچائیا۔ جِس دا شبد نِرالا

انوکھا تیِر، انیالا تِکھی مُکھی دھار جنائیا۔ جو دو جہاناں منزل پیَنڈا پندھ رہیا چیِر، چار کُنٹ دہ دِشا ویکھے تھاؤں تھائنیا۔ جِس مِہر نظر نال جن بھگتاں بدل دِتی تقدیِر، تدبیِر نال تاثیر دِتی بدلائیا۔ لیکھے لا کے شاہ حقیِر فقیِر، دیِن مذہب شرع زنجِیر دِتی کٹائیا۔ دوُر دُراڈا حق خُدائی نظری آئے محراب محبوُب نزدیِک، گرِہ مندر اندر میل مِلایا سہج سُبھائیا۔ جِس دا کھیل نِرالا تکّیا عجب عجیب، جگت بُدھی بھیو کوئے نہ آئیا۔ جِس دا دُھر دا کلمہ قُدرت قادر قدراں والی دسےّ حدیِث، حضرتاں دا حضرت حاضر ہو کے اپنا حُکم ورتائیا۔ لیکھا چُکا کے بیِس اِکیس، بِسترے سب دے دِتے بندھائیا۔ سَت سَتوادی برہم برہمادی شبد انادی پاربرہم پت پرمیشور دو جہان سِری بھگوان سچ سوامی دیونہار اپنی ترتیِب، طرح طرح گُر اوتار پیِر پَیغمبر وِشن برہما شِو آد شکت سرب دِتے سمجھائیا۔ کلجُگ کہے میری کوُڑ کُڑیاری بھگتاں اندروں میٹ کے لیِک، شبد اگمّی کر کے تصدیِق، بِن عبادت سچ شہادت دِتی بُھگتائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کلجُگ کہے میری انت انت جن بھگتو ارداس، بھگَون لیکھا رہیا مُکائیا۔ جِنہاں دا صاحب اوہناں دے وسیا پاس، تِنہاں دا لہنا دینا دِتا چُکائیا۔ میری انت اَخیِری خواہش، مَیں وساں سواس سواس، بیِس بیِسے پوُری ہوئی آس، نِراستا اپنا مُکھ بھوائیا۔ مَیں تک کے ویکھیا پرِتھمی آکاش، لکّھ چؤراسی پنج تت کایا ویکھیا لباس، منڈل منڈپ گوپی کاہن جنگل جوُہ اُجاڑ پہاڑ اُچے ٹِلّے پربت پیَندی ویکھی راس، رستہ تکّیا بےپرواہیِا۔ مندر مسجد شِودوالے مٹھ سِمرن پوُجا پاٹھ ویکھی نماز، اندر وڑ کے محل چڑھ کے ویکھیا نہ کِسے آغاز، راز سکیا نہ کوئے کُھلائیا۔ مَیں حَیران ہو کے وَیران ہو کے شیَطان ہو کے نؤجوان ہو کے نِگہبان ہو کے جن بھگتاں کہاں شاباش، دھیان دُھر دا اِک لگائیا۔ جِنہاں میرے اندر رہ کے اپنے مندر لیا جھاک، جِتھے پربھوُ دا میلا ہویا نال اِتفاق، ناتا تُٹ گیا کوُڑے ساک، سجّن مِلیا شاہ پاتشاہ سچّا شہنشاہیِا۔ جِس نے گُر اوتاراں پیِر پَیغمبراں پوُرے کیتے بھوِکھت واک، نؤ کھنڈ پرِتھمی کھولے تاک، شبد اگمّی چڑھے راک، دو جہاناں اپنے ہتّھ وِچ پکڑے واگ، دوُجا واگی رہن نہ کوئے پائیا۔ بیِس بیِسا ہرِ جگدیِشا سب دا لیکھا کرے بےباق، سچ دوارے سنمُکھ ہو کے سارے ہوئے لاجواب، احباب رباب تند ستار دُھر دی اپنی اِک وجائیا۔ جن بھگتاں دے کے چرن پریِتی دُھر دا لابھ، آسا منسا پوُری کر کے مُراد، مُردے مُحبّت نال جِندا لئے کرائیا۔ وسدا کھیڑا بِنا اُجڑیاں ہوئے آباد، آتم انتر پئے جاگ، سچ پریِتی اُپجے وَیراگ، جگت ترِشنا آگ دئے

بُجھائیا۔ جِس ہنس بنائے کاگ، تُوں میرا مَیں تیرا سوہنگ شبد سُنائے آواز، پردہ اوہلا لاہ کے دیس ماجھ، سیِس جگدیِش رکھ کے تاج، تاجاں والے تخت نِواسی تختہ دیِن دُنی دئے اُلٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہروان محبوُب مُحبّت وِچ کھیلے کھیل حق گوسائنیا۔ کلجُگ کہے مَینوُں کوئی نہ کِہو کملا، کلمے والیاں کلمہ اگلا دیاں پڑھائیا۔ لکّھ چؤراسی جیِو جنت سادھ سنت پیِر پَیغمبر گُر اوتار لیکھا عملاں، عامل کامل مُرشد دُھر دا حُکم رہیا جنائیا۔ جن بھگت سُہیلے دُھر دے ویکھاں سجّناں، ساجن ہو کے کھوج کھوجائیا۔ چرن پریِتی ساچی ریِتی دھوُڑی اِشنان کراواں مجنا، کوُڑ کُڑیاری دُرمت مَیل دھوائیا۔ بِن مکّے کعبیوں کراواں دُھر دا حجنا، حاضر ہو کے حضرت دیاں مِلائیا۔ جِس ایتھے اوتھے دو جہان پردہ کجنا، نام دوشالہ سیِس اوڈھن دئے ٹِکائیا۔ جِس دا لیکھا کوئی سمجھ نہ سکے اگلا، پِچھلے پڑھ پڑھ تھکی جگت لوکائیا۔ کلجُگ کہے مَیں کلجُگ جیِواں کیِتا کنگلا، ساچی وست نام امولک دھن دؤلت دُھر دی ہتّھ کِسے نہ آئیا۔ گُرمْکھ گُرسِکھ سچ پریِتی من آتم رنگلا، پرماتم مِل مِل ڈھولا گائیا۔ اٹّھے پہر دِوس رَین تن من اندر رہے چار منگلا، گیِت گوبِند بِن رسنا جِہوا گائیا۔ کلجُگ کہے جن بھگتو مَیں انت ایہو منگ منگ لاں، مانگت ہو کے اپنی جھولی ڈاہیِا۔ پربھوُ تیری چرن پریِتی سدا سدا سد انند لاں، انند چند اپنا نوُری نوُر دینا چمکائیا۔ اپنی منزل دا پیَنڈا لنگھ لاں، پاندھی ہو کے اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے ویکھے تھاؤں تھائنیا۔ سچ پوشاک نام ہو رہی تیار، ترےَگُن اتیِتا ترےَبھوَن دھنی رہیا بنائیا۔ جِس نوُں جاننہارا اِک اِکلا ایکنکار، اکل کل دھاری اپنی کل رہیا ورتائیا۔ جن بھگت دا بنے شِنگار، جگت جہان نہ پاوے سار، من مت بُدھ سکے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پوشاک کہے مَیں بننا کپّڑ، تن ماٹی خاکی دیاں وڈیائیا۔ مَیں اوتھے جانا اپّڑ، جِتھے منزل بےپرواہیِا۔ نہ کوئی چھنّ تے نہ کوئی چھپّر، محل اٹل نظر کوئے نہ آئیا۔ نہ کوئی اکھّر لگ ماتر نہ کوئی سطر، ہِندسیاں والی ونڈ نہ کوئے ونڈائیا۔ نہ کوئی قلم دوات شاہی پتر، نہ کوئی کاتب لیکھا رہیا جنائیا۔ اِکو نوُر ظہوُر برہم پاربرہم نِرنتر، نر نِرنکار نِراکار سوبھا پائیا۔ نہ کوئی راگ دُھن شبد منتر ، گائن گاتھا نہ کوئے دِرڑائیا۔ جِس دھام تے کوئی نہ پہنچیا سنتن، کبیِر جُلاہا تک کے خوشی منائیا۔ گُرمْکھ اوس پہنچنا پتن، جِتھے کھیوٹ کھیٹا شہنشاہیِا۔ سچ دوارا ویکھنا اوہ وطن، جِس وطن وِچوں بےوطن ہو کے لوک

مات پھیرا پائیا۔ سَتگُر شبد پوشاک کہے بھگتاں دا بھگتی والا پوُرا ہویا یتن، یتھارتھ اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، دُھر دی بنت رہیا بنائیا۔ پوشاک کہے مَینوُں کوئی نہ سیئے نال سوُئی دھاگا، جگت کلا نہ کوئے وڈیائیا۔ جگت کوُڑ کُڑیار نال مَینوُں کدے نہ لگے داغا، مَیلا روُپ نہ کوئے وٹائیا۔ مَیں اوس دی رکھاں لاجا، جِس نوُں مِلیا پربھوُ وڈبھاگا، بھاگاں والیاں بھاگ دُھر دا جھولی پائیا۔ ننگے پِنڈے رَویداس ماری اِک آوازا، بول کے کِہا غریِب نِوازا، شاہ پاتشاہ تیری سرنائیا۔ محبوُب مہمان ہو کے مُحبّت وِچ آ جا، آپ اپنا رنگ رنگائیا۔ تن بستر اِک پہنا جا، تن خاکی اپنے رنگ رنگائیا۔ ابناشی کرتے کِہا ایہہ لیکھا وڈ حِسابا، بِن قلم شاہی دیاں جنائیا۔ جِس ویلے جوتی جلوہ دھر کے آیا دیس ماجھا، مجلس بھگتاں وِچ رکھائیا۔ اوس ویلے تیرا تن نہ ہووے نانگا، سوہنا بستر دیاں پہنائیا۔ جِس بستر دا جگت جہان وِچ کوئی نہ ہووے گاہکا، بِن قیِمت تیرے ہتّھ پھڑائیا۔ اوہ بستر اپنی آس رکھ کے اپنے ویلے نال جاگا، اپنی آپ لئے انگڑائیا۔ پاربرہم پت پرمیشور پروردِگار سانجھے یار دُھر دے ٹھاکر میری رکھ لاجا، دے مان سچّی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کایا مندر اندر آتم پرماتم سَت پریم سچ نیم دی پہنائے اوہ پوشاکا، جِس پوشاک دا کایا ماٹی ہڈّ ماس ناڑی رَکت اندر لباس دئے چُھپائیا۔

۲۴ وِساکھ شہنشاہی سمت ۱ ہربھجن سِنگھ دے گرِہ بھلائی پُر ڈوگرا ضِلع امرتسر

دھرنی کہے اِک دِن بالمیک بَیٹھا نال دھیان، انتر انتر دھیان لگائیا۔ اوس سُنیا اگمّی اِک فرمان، دُھر سندیشہ شہنشاہیِا۔ سُن کے ہویا حَیران، کوَن ڈھولے رہیا گائیا۔ کِرپا کر سِری بھگوان، اپنا حُکم دِتا جنائیا۔ بال رِشی کھیل مہان، مہما اگمّ اتھاہیِا۔ جِس ویلے جُگ چؤکڑی بیِتے وِچ جہان، کلجُگ ویلا انتم دئے گواہیِا۔ اوس ویلے کِرپا کرے آپ مِہروان، نظر مِہر اِک اُٹھائیا۔ سچ دوارے چرن چُھہائے آن، روُپ انوُپا ویس وٹائیا۔ جِس دی کرے نہ کوئی پہچان، بھانڈا بھرم نہ کوئے بھنائیا۔ اوہ سخیاں دا سُلطان، راماں دا رام نوُر خُدائیا۔ جیہڑی بھوُمی ہُن نظر آوے شمشان، مُردے رہی جلائیا۔ ایتھے بھگت کرے پروان، پروانہ اپنا ہتّھ پھڑائیا۔ اودھروں آ گیا نؤجوان، پالی چوکھراں سیو کمائیا۔ اون ویکھیا مار دھیان، کوَن سُنّ سمادھی وِچ سمائیا۔ سہج سُبھاؤ چرن نمستے کیِتی آن، دھوُڑی

ٹِکاّ خاک رمائیا۔ بالمیک بدل کے اپنا دھیان، جھٹ پُشت پناہ اپنا ہتّھ دِتا ٹِکائیا۔ اودھروں آیا دُھر فرمان، ہرِ سُنیہڑا سچ جنائیا۔ رِشی ایس دی کر پہچان، نیتر نیتراں نال جُڑائیا۔ انتم لہنا دینا مَیں دیواں بن کے گُن نِدھان، گُنونتا ہو کے جھولی پائیا۔ بالمیک سیِس نِوایا کِہا واہ میرے مِہروان، تیری بےپرواہیِا۔ اوس پالی نے منگ لیا دان، جھولی اپنی اَگے ڈاہیِا۔ میری پریِتی رہے نال، جگت کنگال ملِے مان وڈیائیا۔ بالمیک کِہا میرے لال، لال رنگ دیواں رنگائیا۔ تیرا میرے اَگے سوال، مَیں دُھر درگاہی دیاں پُچائیا۔ جِس دے کول سب دا احوال، لیکھا جانے تھاؤں تھائنیا۔ جُگ چؤکڑی جو بدلنہارا چال، اپنا حُکم ورتائیا۔ اوس پالی بےحال ہو کے کِہا میری کرنی سنبھال، سبھا اپنی لَینا مِلائیا۔ رِشی سہج سُبھاؤ کِہا تیرا بناں آپ دلال، دلالی دو جہان کمائیا۔ جِس ویلے ویلا وقت پہنچیا آن، سِری بھگوان دیاں مِلائیا۔ شبد اگمّی چڑھا کے بِبان، منزل منزل پندھ چُکائیا۔ دھرنی کِہا مَیں ویکھ کے ہوئی حَیران، کِس بِدھ رہیا لیکھا لیکھے وِچ پائیا۔ بالمیک دا ساتھی بال اَنجان، بالی بُدِھ ہِردا سُدھ خوشی وکھائیا۔ بھجن سِنگھ بھجیّا نہیں بھجےّ جاندیاں نوُں مِلایا آن، آن اپنی رہیا پائیا۔ مہاراج شیرسِنگھ وِشنوُں بھگوان، لیکھا پوُرب رہیا چُکائیا۔

۲۴ وِساکھ شہنشاہی سمت ۱ پال سِنگھ دے گرِہ بھلائی پُر ڈوگرا ضِلع امرتسر

دھرنی کہے مَیں بھاگاں والی بھوُمی، میرے انتر وجی ودھائیا۔ جِس نوُں کھوجدے رِکھی مُنی، مانو بھجن واہو داہیِا۔ جِس نوُں لبھدے وڈ گُن گُنی، گُنوان کھوج کھوجائیا۔ سو صاحب سوامی پُکار سچ سُنی، سچکھنڈ نِواسی دَیا کمائیا۔ اپنے نام نِدھان دی سُناون آیا دُھنی، راگ اگمّی ڈھولا گائیا۔ وست دیون آیا انمُلی، دؤلت بےپرواہیِا۔ جِتھے سوہے ایہہ کُلیّ، کُل مالک خوشی منائیا۔ مَینوُں اوہ کتھا کہانی نہیں بُھلی، جیہڑی بالمیک اِکّی سال تپسیا گیا کمائیا۔ کھا کے رُکھی سُکی گُلّی، سُکے ٹُکڑیاں جھٹ لنگھائیا۔ پانی تھوڑا لا کے بُلیں، بَل اپنا گیا ودھائیا۔ اوسے دی پُھلواڑی پُھلی، اپنی رُت رہی بدلائیا۔ اوسے دی پریم پریِتی لہر جھُلی، پَون ٹھنڈی ٹھنڈک رہی پائیا۔ اوسے دی پریِتی چرناں اُتے گھول گھُلی، گھائل ہو کے رہی جنائیا۔ اوسے دی سُرت اندروں کُھلی، ساودھان ہو

کے ڈھولا گائیا۔ دھرنی کہے مَینوُں وست مِلی انمُلی، کرتے جھولی دِتی پائیا۔ میری پتّ ٹہنی موُل نہ پُھلی، پُھل سوہنا دِتا لگائیا۔ لوک مات میری خاک نہ رُلی، رُلدی خاک نوُں پاک دِتا بنائیا۔ اپنے پریم پیار دی امرت دے کے نِجھر چُلی، چیلا گُروُ اِکو رنگ رنگائیا۔ جِس دی بوُند سوانتی موُل نہ ڈُلھی، قطرہ قطرے وِچ سمائیا۔ جوتی جوت سروُپ ہرِ، آپ اپنی کِرپا کر، دیونہار ساچا ور، مہاراج شیرسِنگھ وِشنوُں بھگوان، بھار ہؤلا رہیا کرائیا۔

دھرنی کہے مَیں کِہا نِدھڑک، حؤصلے نال جنائیا۔ بھگتاں دی سِدھی سڑک، رہبر ہو کے رہیا لگائیا۔ منزل وِچ نہیں کوئی اٹک، رستہ بِکھڑا نہ کوئے جنائیا۔ اَدھ وِچکار کوئی نہ رہے لٹک، جِس نوُں پلّوُ رہیا پھڑائیا۔ جگت نالوں چال نِرالی کرے مٹک، وکھرا رنگ رنگائیا۔ بھےَ بھؤ چُکا کے کرے بےکھٹک، کوُڑا کھٹکا دئے گوائیا۔ لیکھے لا کے بوُند رَکت، سُت انادی لئے بنائیا۔ آتم پرماتم دے کے شکت، ساکھیات ہوئے سہائیا۔ لیکھا چُکاون آیا بھگتاں دا فقط، فقرہ اِکو رہیا سُنائیا۔ بھرم بُھلیکھے پا کے جگت، گُرمْکھ جیِون جُگتی اپنی رہیا دِرڑائیا۔ آتم درسی ہو کے دیوے درس، نِج نیتر نیَن نیتر دئے درسائیا۔ جنم جنم دی میٹ کے حرص، اگلی ہَوس رہیا بُجھائیا۔ ایس دی کیا کوئی کرے پرکھ، کسوٹی کوَن چڑھائیا۔ جِس نے گُر اوتار پیِر پَیغمبر کوٹن کوٹ وِشن برہما شِو اپنے اندر کر کے ہڑپ، تڑپ جگت دِتی لگائیا۔ جِس دا نام نِدھانا دو جہاناں شبد کھنڈا کھڑگ، لکّھ چؤراسی جھٹک جھٹک رہیا وکھائیا۔ اوس دی اِکو سچ پریم والی رگڑ، جن بھگتاں دی آتم نال پرماتم ہو کے دئے چُھہائیا۔ موُرکھ مُگدھ اَنجان من مت رہے جھگڑ، جھگڑے وِچ سرب لوکائیا۔ جِنہاں نوُں اندرو اندر لئے پکڑ، سُرتی شبدی ڈور بندھائیا۔ تول تول لئے اپنے تکّڑ، نام ترازوُ کنڈے لئے اُٹھائیا۔ اوہ بھگت جن فقیِراں دے فقّر، فِقراں دے فِکر سارے جان مُکائیا۔ جِنہاں دا پُرکھ اکال کرے ذِکر، دُھر دے ڈھولیاں وِچ گائیا۔ تِنہاں دا سوامی بن کے مِتر، مِترتا دئے جنائیا۔ نوُر نوُر وِچوں آوے نِتر، ظہوُر ظہوُر کرے رُشنائیا۔ دھرتی کہے میرا پریم پریِتی دا بالمیک نال عِشق، عاشق معشوُق دوہاں توں وکھری اپنی دھار چلائیا۔ سُکھ چھڈ کے سَورگ بہِشت، اپنا قدم اُٹھائیا۔ خوشی

ہوئی ویکھ کے جِنہاں نوُں مِل گیا اِکو اِشٹ، رام وشِشٹ جِنہاں دا سنگ نِبھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، جگت جنم دی بھگتاں دی سدا اپنے کول رکھے لِسٹ، فہرِست ہتّھ نہ کِسے پھڑائیا۔

۳۱ وِساکھ شہنشاہی سمت ۱ ہرِ بھگت دوار جیٹھوُوال

مِسّی روٹی کہے میرا سوہنا پکوان، پکّی گنڈھ رہیا بندھائیا۔ بھگتاں ولّوں مِلیا سچّا دان، وست امولک روُپ وٹائیا۔ نؤ سؤ چُرانوے چؤکڑی جُگ جیہڑا مِلیا نہیں کِسے دان، سو امیوں امرت امِت دِتا ورتائیا۔ آد جُگاد جُگ چؤکڑی برہمنڈ کھنڈ جیہڑا بھوگ لگّا نہ وِچ دو جہان، پُری لوء آکاش پاتال نظر کِسے نہ آئیا۔ گُروُ اوتار پیِر پَیغمبر ویلا وقت سُہنجنا ویکھ ہوئے حَیران، حَیرانی اندر دھیان لگائیا۔ جِس دی مہما صِفت صلاح کردے رہے وید پُران، اِنجیِل قُرآن کھانی بانی اپنا دھیان لگائیا۔ سو صاحب سوامی انترجامی بھگتاں پریم رس رسم نال کرے پروان، قسم نال کامل مُرشد دئے وڈیائیا۔ جِس دا اندروں باہروں رس مہان، مِسّی روٹی اچار دے ملِے نال بھگوان، بھاگاں والا بھاگ دُھر دا جھولی پائیا۔ پندھ مُکا کے زِمیں اسمان، گرِہ مندر سُہائے اِک مکان، کایا کعبہ دئے وڈیائیا۔ سُکا ٹُکر کہے مَیں ہوواں پردھان، مَینوُں لیَن لئی ترسن بال بِردھ نؤجوان، جوبن ونتیاں ہتّھ کِسے نہ آئیا۔ ماکھن کہے کی ہویا مَینوُں کھا گیا کرِشن کاہن، گھنئیا ہو کے گوکل گوالیاں سوبھا پائیا۔ روٹی مِسّی کہے میری مِسل نہ بنائی کِسے وِچ جہان، مِشن پروانہ نہ کوئے سمجھائیا۔ کمیشن رکھ کے لیَندے رہے پُنّ دان، جگت واسنا نال پرنائیا۔ مَیں چوٹی چڑھ کے ویکھیا کھیل مہان، سُکا ٹُکڑا دئے گواہیِا۔ جِتھے نہ کوئی پیِن نہ کوئی کھان، دستر نہ کوئے سہائیا۔ سو پُرکھ بِدھاتا سرب سُکھ داتا، ویکھنہار جگت تماشا، بھگتاں اندر بھگتی دے بھرواسا، جنم جنم دا پِچھلا کٹ فاقہ، اَگے بن کے دُھر دا آقا، عقل اصل اپنی آپ جنائیا۔ سَت سچ پریم پیار پکّیا کہے پرسادا، سَتگُر پرساد پرے سوُاد میرا روُپ وٹائیا۔ کر کِرپا کِرپا نِدھان مَینوُں لائے ہتّھ، سمرتھ دِتی مان وڈیائیا۔ مِسّی روٹی کہے سب نوُں دیواں آکھ، میرے پِچھے پرم پُرکھ دا درشن کرو ساکھیات، تُہاڈی سِخاوت سُکھ نال اپنی جھولی پائیا۔ جوتی جوت سروُپ ہرِ، آپ اپنی کِرپا کر، دیونہار وڈیائی لوک مات اَگے دا ساک، پرماتم آتم جوڑ جُڑائیا۔ روٹی کہے مَینوُں کوئی نہ کہے انّ مِسا، مُصیِبت وِچ ہوئے سہائیا۔ اجّ دی کہانی

اگلا بننا قِصہ، قِسمت سب دی دیاں بدلائیا۔ روٹی کہے مَیں سب توں چنگی جِس نوُں صاحب نے آپ ڈِٹھا، انڈِٹھ دِتی وڈیائیا۔ میرا لیکھا سدا سَوا گِٹھا، جو اندر دی دھار رہی سمجھائیا۔ لیکھ لِکھت نہیں ایہہ دُھر درگاہی چِٹھا، فرمانا سچ سچ سمجھائیا۔ بچّیو تُہاڈے سچّے پریم پیار دا بُھکھا پِتا، سُکا ٹُکڑا کھا کے خوشی منائیا۔ اِس توں اَور نہیں کوئی اِچھا، ساجن میِت نہیں کوئی مِتّا، جو مِتر پیارے میل مِلائیا۔ امرت رس سارے کہن اِس توں اَور نہیں رس مِٹھا، مِٹھت روُپ نہ کوئے وٹائیا۔ مِسّی روٹی کہے جِس ویلے مَینوُں پِٹّھا، مَینوُں یاد آ گیا جیہڑا نانک نال قؤل کیِتا، اِقرارنامہ شبدی روُپ وٹائیا۔ مَیں اوسے ہی خاطر چڑھیا تپن والے انگیِٹھا، اگنی اگّ نال اپنا روُپ بدلائیا۔ مَینوُں یاد آ گیا جِس ویلے گوبِند پرویش ہویا وِچ انگیِٹھا، مِسّا ٹُکڑا کھا کے پُرکھ اکال دا شُکر منائیا۔ اوس ویلے پُرکھ اکال کِہا میرا گوبِند سدا جیِتا، دو جہان وجے ودھائیا۔ گوبِند کِہا پربھوُ اپنے پھل بھگتاں در دیتا، گُرمْکھاں دی جھولی پائیا۔ گُرسِکھا اُس دا ایہہ نتیجہ جِس دے اُپر ٹھاکر پتیِجا، عزیِزاں دا لیکھا لیکھے پائیا۔ جوتی جوت سروُپ ہرِ، آپ اپنی کِرپا کر، خوشی نال کھا کے خوشحالی وِچ دیوے اسیِسا، آسا سب دی پوُر کرائیا۔ وِشنوُں آن کے ویکھ اپنی روٹی، رٹےّ گھر گھر رہی پائیا۔ ہُن لیکھا نہ رَویداس چمارے موچی، مُشکل پِچھلی دوُر کرائیا۔ کوئی بھگت نہ رہے لوبھی، لالچ طمع نہ کوئے جنائیا۔ خانہ کھولنا نہ پئے مودی، مُدّت توں وِچھڑے لیکھے رہیا چُکائیا۔ پریم پیار دا پریِتم چوجی، چرن کوَل دیوے سرنائیا۔ انتر آتم دے کے سوجھی، سوئی سُرتی لئے اُٹھائیا۔ دُکھ بُھکھ دا گُرمْکھ رہے نہ کوئی روگی، شاہ رگ توں اُپر اپنا رنگ چڑھائیا۔ سُکا ٹُکڑا کہے مَینوُں کھا کے سَتگُروُ بننا دھوبی، اندروں دُرمت مَیل دھوائیا۔ گُرمْکھو بچّیاں وانگ چُکنا گودی، گوداوری بَیٹھی راہ تکائیا۔ دِتا درس اموگھی، مُفت جھولی دِتی بھرائیا۔ میل مِلا کے دُھر سنجوگی، وِچھڑیاں لَینا جُڑائیا۔ مہاراج شیرسِنگھ وِشنوُں بھگوان، بھوگ لگا کے بنے بھوجی، بھاجی گُرمْکھاں دئے ورتائیا۔

پہلی جیٹھ شہنشاہی سمت ۱ ہرِ بھگت دوار جیٹھوُوال

صاحب نہیں ایہہ انک سہیلی، ساحل اپنا رہیا وکھائیا۔ صاحب نہیں ایہہ سچّا میلی، ہرِ سنگت میل مِلائیا۔ صاحب نہیں ایہہ انتم بیلی، بیلے جنگل ہووے سہائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ صاحب نہیں ایہہ انگیکار، انگ انگ نال مِلائیا۔ صاحب نہیں ایہہ دُکھیاں دا دِلدار، دردیاں درد ونڈائیا۔ صاحب نہیں ایہہ پتت پاپی لائے پار، پتن بیڑے نام چڑھائیا۔ صاحب نہیں ایہہ سبناں دا سیوادار، صِدق صبوُری نال سیو کمائیا۔ صاحب نہیں ایہہ سُتّیاں دا پہریدار، بےخبراں خبر پہُچائیا۔ صاحب نہیں ایہہ سخیاں دا سُلطان، دیِن دَیال ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ صاحب نہیں دِلدار دِل دا، دلِدری ویکھ وکھائیندا۔ صاحب نہیں پریِتم پیارا ہو کے مِلدا، میل مِلاپ اپنے ہتّھ رکھائیندا۔ صاحب نہیں سِری بھگوان پِھردا تُردا، منزل منزل پندھ چُکائیندا۔ صاحب نہیں محبوُب مُحبّت والا دُھر دا، دُھر مستک ویکھ وکھائیندا۔ صاحب نہیں کھیل کرے اپنی لوڑ دا، لوڑیِندے سجّن جوڑ جُڑائیندا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیندا۔ صاحب نہیں دُھر دا بابل، پِتا پوُت ویکھ وکھائیا۔ صاحب نہیں سئیا سُندر سانول، سخیاں انگ لگائیا۔ صاحب نہیں ثابت گُرمْکھ ویکھے دُھر دے قابل، قابلیت دُھر دی جھولی پائیا۔ صاحب نہیں درویشی راول، رمتا رمتا پندھ مُکائیا۔ جوتی جوت سروُپ ہرِ، آپ اپنی کِرپا کر، پردہ اوہلا رہیا اُٹھائیا۔ صاحب نہیں دیون آیا سچ ثبوُت، سبب نال میل مِلائیا۔ کایا دا کپّڑ ویکھ کلبوُت، کرم کانڈ کھوج کھوجائیا۔ اُچ منارا عرش فرش عروُج، آشش آتش دئے بُجھائیا۔ لیکھا جانا چڑھدا لہِندا شمال جنوُب، دِشا اپنی سوبھا پائیا۔ قُدرت دا قادر کرنی دا کرتا آ گیا سچ حدوُد، محراب مُحبّت والی بنائیا۔ جِدھر ویکھو اودھر مؤجوُد، ماجرہ اپنا رہیا وکھائیا۔ بِن کرنی کرتا رکھنہارا محفوُظ، سِر اپنا ہتّھ ٹِکائیا۔ گُرمْکھاں ہون نہ دیوے محروُم، خالی ہتّھ نہ کوئے پِھرائیا۔ جُگ جنم دے وِچھڑے بچّے نڈھےّ معصوُم، مست خُماری دئے چڑھائیا۔ جگت وِکاری تج ہجوُم، دُنیاوی دُنی دِتی مِٹائیا۔ جِس دا کوئی پنڈت پاندھا لا نہ سکیا نِجوم، نظم نثر وِچ سکے نہ کوئے گائیا۔ جِس دا کھیل نہ معلوُم، پڑدا نہ کوئے اُٹھائیا۔ جِس دا عِلم جانے نہ کوئی علوُم، عالم نہ کوئے چتُرائیا۔ جِس دا سمجھ نہ سکیا کوئے مضموُن، مُشکل حل نہ کوئے کرائیا۔ جِس دا تازیرات توں باہر قانوُن، قلم بند نہ کوئے وکھائیا۔ سو صاحب سوامی

انترجامی دسّنہارا سچ اصوُل، اصلیّت رہیا دِرڑائیا۔ مانَس جنم دا لئے نہ کوئے محصوُل، کرایہ قیِمت نہ کوئے رکھائیا۔ دُھر دا حُکم دُھر دا روُل، سچ سندیشہ اِک سمجھائیا۔ جو بھگت دوارے آیا چل کے بھوُل، بُھلیاں گلے لگائیا۔ سب دا پِچھلا لہنا ہووے وصوُل، وصوُلی بِن ورنٹاں دیوے کرائیا۔ لیکھا چُکا کے قاتل مقتوُل، مکتب اِکو کرے پڑھائیا۔ چرن پریِتی بخش کے دھوَل، دُھر دا ٹِکاّ دیوے لگائیا۔ رنگ چاڑھ کے نام چلوُل، چولی دئے رنگائیا۔ در آیاں جن بھگتاں کرے قبوُل، بچیا کوئے رہن نہ پائیا۔ بھگتو تُہاڈی بھگتی سدا سد منظوُر، منظوُری اپنی نال رلائیا۔ تُہاڈا وقت جاوے نہ ایَویں فضوُل، جو در تے درشن پائیا۔ تُسیں میرے تے مَیں تُہاڈا حضوُر، حضرتاں دا حضرت نظری آئیا۔ جنم جنم دی کرنی دے بخش کے قصوُر، تُہاڈی قِسمت نال دیاں اُڈائیا۔ من ممتا توڑ غروُر، سچ نِمرتا اِک سمجھائیا۔ تُہاڈے نال مِل کے ہوواں مشہوُر، مشورہ تُہاڈے نال رکھائیا۔ اِک اِک دا لہنا دیواں ضرور، ضرورت سب دی جھولی پائیا۔ جگت ناتا توڑ کے کوُڑ، کوُڑی کِریا دیاں مِٹائیا۔ چتُر سُگھڑ بنا کے موُرکھ موُڑھ، موُہرے اپنے لَواں لگائیا۔ سنت سُہیلے میرا نوُر، جوتی جوت جوت جگائیا۔ جیہڑا لبھا نہیں کِسے کوہ طوُر، اوہ قُدرت دا مالک قُدرتی گیا آئیا۔ نہ تت نہ وجوُد، اچرج کھیل رہیا وکھائیا۔ بِنا سدیاں پُچھیاں سدا تُہاڈے وِچ مؤجوُد، مجلس اندر باہر وکھائیا۔ بھاویں لڑ پھڑ کے میرے نال کردے رہو کھروُد، پِھر وی خوشیاں نال گلے لگائیا۔ تُہاڈے نوُر دا آفتاب نہیں ہونا غروُب، سوُرج مُکھ نہ کوئے چُھپائیا۔ جوتی جوت سروُپ ہرِ، آپ اپنی کِرپا کر، بخشنہار سچّی وڈیائیا۔ وڈیائی کہے مَیں کیہڑی گلّوں وڈّی، دُھر دی دھار دے جنائیا۔ مَیں جُگ چؤکڑی ویکھی بیِتدی صدی، سدا سدا سد اپنا روُپ وٹائیا۔ تیرے حُکم سندیشے اندر بدھّی، جُگ چؤکڑی سیو کمائیا۔ کوٹن کوٹ گُروُ اوتار پیِر پَیغمبر لوک مات ہنڈاؤندے ویکھے گدّی، کوٹن کوٹ گداگر ہو کے در در الکھ جگائیا۔ ہے پربھوُ تیرے نام دی صدا بِن بھگتاں اندر کِسے نہ وجّی، واجب حُکم نہ کِسے منائیا۔ مَیں ایسے خوشی اندر پِھراں بھجیّ، نَٹھاں واہو داہیِا۔ جن بھگتاں سندیشہ دیواں گُرمْکھو ایہہ ویلا مِلدا کدی کدی، قادر قدماں جوڑ جُڑائیا۔ جِس دی ودھائی ودھائیاں وِچوں وجّی، وجاوے بےپرواہیِا۔ وڈیائی کہے مَیں ویکھ کے خوش ہوئی ایہہ سنگت اوسے دی سدّی، جو سدا سدا سد اپنا رنگ رنگائیا۔ جوتی جوت سروُپ ہرِ، آپ اپنی جوت دھر، مہاراج شیرسِنگھ وِشنوُں بھگوان، لہنا دینا لیکھا چُکاوے اجّیں پجّیں، اَنجان بال اپنا حُکم منائیا۔

سمت کہے میرا مالک شہنشاہ، تخت نِواسی نوُر خُدائیا۔ مالک خالق پرِتپالک بےپرواہ، جوتی جاتا پُرکھ بِدھاتا نوُر خُدائیا۔ سچکھنڈ نِواسی وسنہارا ساچے تھاں، مقامے حق گہر گمبھیِر بےنظیِر سوبھا پائیا۔ آد جُگاد جُگ چؤکڑی جِس دا کھیل دو جہاں، برہمنڈ کھنڈ اپنا حُکم ورتائیا۔ نِرگُن سرگُن آتم پرماتم جو رہیا کھیل کھلا، پاربرہم برہم اپنا بھیو کُھلائیا۔ برہمنڈ کھنڈ پُری لوء آکاش پاتال جو رہیا وسا، دھرنی دھرت دھوَل زِمیں اسماناں سوبھا پائیا۔ شبد اناد برہم برہماد ساچا تال رہیا وجا، انراگی اپنا نام جنائیا۔ وِشن برہما شِو گُر اوتار پیِر پَیغمبر جو رہیا پرگٹا، پاربرہم پت پرمیشور الکھ اگوچر اگمّ اتھاہیِا۔ جُگ چؤکڑی نِت نوِت جو آوے ویس وٹا، کایا ماٹی پنج تت خاکی سوبھا پائیا۔ دیِن دُنی جو ویکھنہارا آپ خُدا، خالق خلق مخلوُق اپنا رنگ رنگائیا۔ منتر انتر جو نام نِدھان رہیا سمجھا، بودھ اگادھ کرے پڑھائیا۔ وید پُران شاستر سِمرت گیِتا گیان اِنجیِل قُرآن جو رہیا جنا، گرنتھ پنتھ دیونہار وڈیائیا۔ دیِن مذہب ذات پات کھتری براہمن شوُدر وَیش جو ونڈ رہیا ونڈا، الف یے اکھّراں کرے پڑھائیا۔ نوَ نؤ چار جو کھیل رہیا کھِلا، دُھر فرمانا حُکم منائیا۔ جگت ریِتی سماج رِواج رہیا چلا، ادھیاپک ہو کے کرے پڑھائیا۔ واچک ہو کے گیان رہیا سُنا، دُھر دا ڈھولا دُھر دی دھار بندھائیا۔ اندر وڑ کے مندر چڑھ کے گرِہ پردے رہیا کُھلا، درِشٹ اندرِشٹ اپنی کار جنائیا۔ جگت وِدیا اکھّراں جو جوڑ رہیا جُڑا، لوک مات سوبھا پائیا۔ جو ماٹی خاکی پتّھر پاہن رہیا ترا، چرن کوَل اُپر دھوَل بخشنہار سرنائیا۔ آد جُگاد نِت نوِت کوٹن کوٹ نام رہیا سمجھا، من مت بُدھ بھیوَ ابھید کُھلائیا۔ کاغذ قلم شاہی لیکھا رہیا لِکھا، تقریر تحریر وِچ جنائیا۔ چار کُنٹ دہ دِشا نِرگُن سرگُن مُسافر رہیا پھرا، حُکمے اندر حُکم بھوائیا۔ بھاوَ بھوِکھت درِشٹ اندرِشٹ رہیا سُنا، اَنجانت اپنی سمجھ سچ سمجھائیا۔ جوتی جوت سروُپ ہرِ، آپ اپنی کِرپا کر، شاہ سُلطان اِک اکھوائیا۔ سمت کہے شاہ سُلطان میرے نال سہمت، سَتگُر داتا دَیا کمائیا۔ مِہروان کرے رحمت، محبوُب نوُر خُدائیا۔ موُرکھ مُگدھ کوئی رہن نہ دیوے احمق، کوُڑی کِریا کھوج کھوجائیا۔ شبد اگمّی نام نِدھان مارے سیَنت، راگ نغمیاں وِچ جنائیا۔ لیکھا چُکا کے دھوتی ٹِکاّ بودی تہمت، ساچا بستر استر شستر اِک جنائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ سمت کہے میرا وڈ وڈبھاگ، پُرکھ اکال دیِن دَیال دئے وڈیائیا۔ جِس کلجُگ اندر سَتجُگ بدل کے رِواج، رواداری کوُڑی دینی گوائیا۔ لیکھا چُکا کے پوُجا پاٹھ روزہ نماز، منتر ساچا دینا پڑھائیا۔ انتر آتم پردہ

کھول کے آغاز، بھیوَ ابھیدا دینا جنائیا۔ بِن مکّے کعبیوں حاجیاں کرا کے سچّا حاج، حضرت ہو کے ہوئے سہائیا۔ سچ اِشنان کرائے بِن سروور تیِرتھ تاٹ، گنگا گوداوری جمنا سُرستی لوڑ رہے نہ رائیا۔ چرن دھوُڑ مجن کرا کے ماگھ، مگرلے لیکھے دئے مُکائیا۔ امرت رس پیا کے ہنس بنائے کاگ، دُرگندھی سُگندھی وِچ پرگٹائیا۔ آتم پرماتم رچ کے کاج، گھر مندر کرے کُڑمائیا۔ سَت دھرم دا دس کے اِک رواج، سوہنی سِکھیا دیوے سمجھائیا۔ دُھر دا ڈھولا سُنا کے اگمّی بات، باطن پردے دئے کُھلائیا۔ پت پرمیشور کملاپات، کامل مُرشد ہوئے سہائیا۔ ساچا سجدہ دسےّ آداب، نمو نمستے اِکو اِک دِرڑائیا۔ وست امولک دیوے ہاتھ، دست بدست آپ پھڑائیا۔ اِکو سِمرن اِکو پوُجا اِکو پاٹھ، پاٹھشالا کایا مندر اندر اِک وکھائیا۔ اِکو پٹّی طُلبا پڑھے جماعت، وِدَیالا اِکو دئے وکھائیا۔ اِکو راگ دُھن اِکو آئے آواز، رس اِکو اِک وکھائیا۔ اِکو پریِتم موہن مادھوَ مادھ، مدُھر دُھن اِک جنائیا۔ اِکو پتن بیڑا چلا ئے جہاز، کھیوٹ کھیٹا اِک اکھوائیا۔ اِکو سہائی ہووے اناتھاں دا ناتھ، داتا دانی بےپرواہیِا۔ اِکو مندر جنائے گھاٹ، رہبر اِکو نوُر خُدائیا۔ اِکو سوال اِکو جواب، اِکو لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، سچ سمت دیوے وڈیائیا۔ سمت کہے میرا کھیل سُہانا، شاہ پاتشاہ دئے وڈیائیا۔ جن بھگتو میرا پہلی وار نِکاّ جِہا بیانا، اِقرارنامہ تُہاڈے نال رکھائیا۔ دُھر دے حُکم نال بدل دینا زمانہ، ضامنی سب دی دینی تُڑائیا۔ کوُڑا رہن نہیں دینا نِشانہ، ستّ رنگ دئے گواہیِا۔ پُرکھ ابناشی گھٹ گھٹ واسی جوتی جاتا پہریا بانا، بانی ہو کے ہوئے سہائیا۔ دیِن مذہب ذات پات ٹِنڈ وِچ رہن نہیں دینا کانا، کلمیاں والیاں کرے صفائیا۔ دُھر سندیشہ دینا اِک فرمانا، شبد اگمّا سچ دِرڑائیا۔ نؤجوان مرد مردان کھیلے کھیل دو جہاناں، برہمنڈ کھنڈ اپنا حُکم ورتائیا۔ شاہ پاتشاہ شہنشاہ حُکمی حُکم ورتائے نِرگُن سرگُن ہو پردھانا، پردھانگی اِکو اِک وکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ سمت کہے میرے پربھ نے لیَنی نہیں کِسے توں صلاح، صلاحگیر نہ کوئے بنائیا۔ کِسے توں پُچھنا نہیں راہ، رہبر اِک اکھوائیا۔ کِسے دی پکڑنی نہیں بانہہ، سہارا نہ کوئے تکائیا۔ جو کرنی سو لیَنی کرا، کرامات نہ کوئے وڈیائیا۔ جِس نے اُپجائے اوسے نے اپنے حُکمے اندر لَینے سما، سمجھ وِچ سمجھے نہ کوئے لوکائیا۔ جِس دی کھیل اوسے نے لئی کھِلا، ویکھنہار آپ ہو جائیا۔ جِس دی ستار اوسے نے لیَنی وجا، رباب کایا کندھ اُٹھائیا۔ جِسدا حِساب اوسے نے لَینا چُکا، زیر زبر نہ کوئے وڈیائیا۔ جِس نوُں سارے کہندے گئے خُدا، خُدی سب دی دئے مِٹائیا۔ بھگتاں نالوں ہووے نہ

کدے جُدا، جُز ونڈ نہ کوئے ونڈائیا۔ جِنہاں پِچھے سمت کہے مَینوُں دِتا چڑھا، چڑھدا لہِندا دوویں دئے اُٹھائیا۔ ڈاڈھے نال کی کوئی متھا سکے لا، جو سَتھر رہیا وِچھائیا۔ ماچھوُواڑا ہویا گواہ، دِن دِہاڑا شہادت دئے بُھگتائیا۔ جِس نوُں سوُلاں دی سیج دِتا سَوا، سو شبدی جودھا روُپ وٹائیا۔ جِس دا قاعدہ قانوُن قلم لِکھ نہ سکے شاہ، دھار جگت نہ کوئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ سمت کہے مَیں ہویا خوشحال، خوشی خواہش وِچوں پرگٹائیا۔ پرم پُرکھ پرماتم ویکھیا دَیال، دیِن دُنی دا مالک اپنا رنگ رنگائیا۔ خالق خلق وِچ کھیل کرے کمال، جیِو جنت سمجھ کِسے نہ آئیا۔ کایا کعبہ ساچا مندر دسّ کے سچّی دھرم سال، ساڈھے تِنّ ہتّھ دئے وڈیائیا۔ جگت انوکھی وکھری چل کے چال، چلِتر سب دے کھوج کھوجائیا۔ ترےَگُن مایا توڑ جنجال، پنج تت کوُڑا ڈیرہ دیوے ڈھائیا۔ جن بھگتاں سُرت سنبھال، سُتّیاں لئے اُٹھائیا۔ جھگڑا مُکا کے شاہ کنگال، آتم پرماتم اِکو رنگ رنگائیا۔ پریم پریِتی دُھر دی سِکھیا اِک سِکھال، سَت سچ کرے پڑھائیا۔ نام پدارتھ دے کے دھن مال، تن خزینہ دئے بھرائیا۔ پِچھے توں اَگے دا دسّ احوال، حالت دئے بدلائیا۔ گُرمْکھ بنا کے انمُلڑے لال، ہیِرے مانک موتی دئے پرگٹائیا۔ اپنے کول رکھے سنبھال، دوُسر ہتّھ نہ کِسے پھڑائیا۔ جن بھگتاں دی بن کے تلوار ڈھال، اَگے پِچھے ہوئے سہائیا۔ نیڑے پوہ نہ سکے کال، مہاکال نیَن شرمائیا۔ دوُتی دُشمن دی کی مجال، سِر سکے نہ کوئے اُٹھائیا۔ جہاں تہاں کرے پرِتپال، ہووے آپ سہائیا۔ جِس نے جُگ جنم دے وِچھڑے لئے بھال، چؤراسی وِچوں لئے اُٹھائیا۔ اوہ اندر باہر سدا نال، وِچھوڑا جگت نہ کوئے جنائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ سمت کہے مَیں آیا پہلی وار، لوک مات ناؤں پرگٹائیا۔ سماں بیِتیا نؤ نوَ چار، جُگ چؤکڑی پندھ مُکائیا۔ راہ تکدے گئے گُروُ اوتار، پیِر پَیغمبر اکّھ کُھلائیا۔ منگاں منگدے گئے بن بِھکھار، جھولی اپنی پلّوُ ڈاہیِا۔ کوَن ویلا سخاوت کرے پروردِگار، حقیِقت حق دئے ورتائیا۔ ایہہ کھیل سب دی طاقت توں باہر، زوراور نہ کوئے سمجھائیا۔ شبد اگمّی نال کردا رہیا گُفتار، گُفت شنید کرے شنوائیا۔ کِسے نوُں دسّیا سانجھا یار، کِسے نوُں گھٹ گھٹ دِتا دِرڑائیا۔ جوتی جوت سروُپ ہرِ، آپ اپنی کِرپا کر، ساچی کرنی اپنے ہتّھ رکھائیا۔ سمت کہے مَینوُں چاؤ گھنیرا، چار کُنٹ وجےّ ودھائیا۔ پُرکھ اکال سچ وسایا کھیڑا، کایا مندر سوبھا پائیا۔ بھگتاں دے اندر لایا ڈیرہ، سچ سِنگھاسن وجّی ودھائیا۔ ناتا جوڑ کے تیرا میرا، آتم پرماتم گنڈھ پوائیا۔ اندروں چُک کے کوُڑ اندھیرا، سَت نوُر کرے

رُشنائیا۔ ایس کھیل نوُں سمجھے کیہڑا، نؤ سؤ چُرانوے چؤکڑی جُگ اَگے ہور نہ کِسے ورتائیا۔ ایسے کر کے من مت پیا جھیڑا، بُدھی نہ کوئے وڈیائیا۔ دیِن مذہب کر سکے نہ کوئے نبیڑا، پنڈت پاندھا مُلّا شیخ مسائک قاضی گرنتھی پنتھی سمجھ نہ کوئے پائیا۔ جِنہاں دے اُپر صاحب سوامی انترجامی ہرِ ٹھاکر کرے مِہرا، مِہر نظر اُٹھائیا۔ اوہ بِن کلمیوں بِن پوُجا پاٹھ چُکا لیَن اندروں جھیڑا، جھگڑا دوَیت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہار دَیا کمائیا۔ سمت کہے مَینوُں مِل گئی ٹیک، جن بھگتاں دیاں جنائیا۔ جیٹھ تپیا سب جگ کہے تُسیں بُدھی کرو بِبیک، ہؤمے ہنگتا دوُر کرائیا۔ تن ماٹی کوُڑی کِریا لگّے نہ سیک، اگنی اگّ نہ کوئے جلائیا۔ جے کِسے نوُں اندروں لبھیا نہیں پِچھے بھیت، اَگے سہجے دیاں سمجھائیا۔ خوشیاں نال ویکھو اوس پربھوُ دی کھیڈ، جو کھنڈے کھڑگ رہیا چمکائیا۔ جِس نے گُر اوتار پیِر پَیغمبر دِتے بھیج، بھجن بندگی اِک سمجھائیا۔ اوہ تُہاڈی آتم دی مانے سیج، سجّن ہو کے انگ لگائیا۔ بِن اکّھاں توں رہیا ویکھ، بِن لوچن رہیا مِلائیا۔ جِس نوُں سمجھ نہ سکے چارے وید، برہمے نہ کوئے وڈیائیا۔ جِس دا لِکھ نہ سکیا کوئی لیکھ، گُر اوتار بےانت بےانت کہہ کے پلّوُ گئے چُھڈائیا۔ جوتی جوت سروُپ ہرِ، آپ اپنی کِرپا کر، کرنی دا کرتا کر وکھائیا۔ سمت کہے میرا سندیشہ سُن لؤ یار، یارانہ کچّا نہ کوئے لگائیا۔ جے کرنا تے سچّا پیار، پریِتی پریم نال رکھائیا۔ مطلب وِچ نہ بنیوں خِدمتگار، کوُڑی آس نہ کوئے رکھائیا۔ ایہہ جگت ونجاریاں والا نہیں اُدھار، سؤدا ہٹّ نہ کوئے چُکائیا۔ ایہہ لہنا دینا میِت مُرار، ہرِ کرتا رہیا جنائیا۔ جِس نے جیؤندیاں کوُڑا چھڈنا سنسار، سو میرے انگن بہہ کے خوشی منائیا۔ لوک لجیا دِتی مار، ابِھمان روُپ نہ کوئے وٹائیا۔ سنساریاں دا رہنا نہیں ٹھیکے دار، ٹھوکر ٹھاکر رہیا لگائیا۔ سمجھاؤن واسطے کندھاں اُتے لاؤنے نہیں کوئی اِشتہار، تُہاڈے اندر کرنی پڑھائیا۔ ساچی منزل دسّ کے اُچ منار، نام پؤڑے دینا چڑھائیا۔ جِس نوُں چنگا نہ لگے ایہہ وِہار، اوہ بےشک اُٹھ کے دیوے سُنائیا۔ جِنہاں حُکم نوُں کہنا اوہ خوشی نال نِکل جائے باہر، باہر گئے نوُں پھیر نہ کوئے پرتائیا۔ ایہہ پرکھن والا نہیں کوئی سُنیار، جو کسوٹی اُتے رگڑ دیوے لگائیا۔ اِس دے کول اوہ اگمّی ہتھیار، جِس دے اُتے مُہر کِسے نہ لائیا۔ جیہڑا اندرے اندر مارے مار، تِکھی دوہری دھار جنائیا۔ سچ پُچھو تے اَگے سجّن رہ جانے سچّے یار، کوُڑیاں نالوں یرانے لَینے تُڑائیا۔ ایہہ وی ستاراں ہاڑ تک اُدھار، اَگے قسم کھا کے کراں جُدائیا۔ بھاویں نؤ کھنڈ پرِتھمی وِچوں گُرمْکھ رہ جان دو چار، بہُتیاں دی لوڑ رہے نہ رائیا۔ اوہ میرا نیَن شِنگار، مَیں

شمع دیاں جگائیا۔ ویکھیوں بُھل کے کوُڑا نہ کریو اِعتبار، یقین نال دیاں دِرڑائیا۔ کوئی لوڑ نہیں کاگاں دی رہے ڈار، گُرمْکھ ہنس لَینے پرگٹائیا۔ جیہڑا گُرسِکھ گُرسِکھ نال کرے خار، غُصّے وِچ لڑائیا۔ جوتی جوت سروُپ ہرِ، آپ اپنی کِرپا کر، اگلا لیکھا دئے مُکائیا۔ سمت کہے مَیں کِیوں آیا جگ، جاگرت روُپ دیاں وکھائیا۔ سچ دوارے پرگٹ ہو کے گیا سج، سجّن اِکو لیا بنائیا۔ ویکھو جِس طرح مَیں پِچھلے دِتے چھڈ، اَگے اِکو پُرکھ اکال منائیا۔ جگت جہان نالوں ہو کے اڈّ، وکھری دھار بنائیا۔ سماں سماں میرے وینہدیاں وینہدیاں گیا لنگھ، انتم میری واری آئیا۔ مَیں کوٹن کوٹ ویکھے بغلے بپ، ہنس مانک موتی چوگ وِرلا مُکھ رکھائیا۔ شہنشاہی سمت کہے مَیں کِسے لاؤن نہیں دینا اج پج، جھوُٹھا مکر فریب نہ کوئے بنائیا۔ کوُڑ کُڑیارے سارے دینے چھڈ، چُھٹکارا لَینا پائیا۔ جیہڑے میرے پربھوُ توں ہوئے اڈّ، مَیں وکھرے ڈیرے دینے وکھائیا۔ جوتی جوت سروُپ ہرِ، آپ اپنی کِرپا کر، اپنے حُکم نال دِرڑائیا۔ سمت کہے سمجھ لؤ ویلا، ولیاں دا ولی رہیا جنائیا۔ لیکھا چُک جائے گُروُ چیلا، چیلا گُروُ سمجھ نہ رائیا۔ پُرکھ ابناشی کرے کرائے کھیل نَویلا، نِرگُن نِرنکار بےپرواہیِا۔ امرت رس امرت پھل اِکو وار رس کھانا کیلا، قِلّت اگلی رہے نہ رائیا۔ کوٹن کوٹ جنم بھرمدیاں پربھ نال ہویا میلا، مِلنی دی لوڑ رہی نہ رائیا۔ ٹھاکر مِلیا سجّن سُہیلا، جِس نوُں سارے رہے گائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ سمت کہے جن بھگتو بن جاؤ ہنس، جھوُٹھی ہستی دیؤ مِٹائیا۔ تُسیں اوس پربھوُ دا بن جاؤ بنس، جِس بنسری والے کاہن سیوا لائیا۔ جِس نوُں سیِس نِواؤندے پھنِندر مُکھ سہنس، دو سہنسر جِہوا ڈھولا گائیا۔ تُسیں اوس دی ساچی انس، جو اصل روُپ آتما ہو کے تُہاڈے اندر ڈیرہ لائیا۔ جِس نے آد بنائی بنت، انتم دیوے وڈیائیا۔ سو سوامی سچّا کنت، گہر گمبھیِر اکھوائیا۔ جِس دا سوہنگ ڈھولا منت، تُوں میرا مَیں تیرا کرے پڑھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے وکھائیا۔ سمت کہے میرا حُکم اَخیِری، آخر دیاں جنائیا۔ جِس پَیغمبراں دی رہن نہیں دِتی پیِری، میِری دِتی بدلائیا۔ جِس شرع دی رہن نہیں دِتی زنجِیری، سنگل دِتے تُڑائیا۔ جِس دا کھیل بےنظیِری، جگت نیتر نظر کِسے نہ آئیا۔ کوئی نہ سمجھیو ایہہ کھیل ہویا تقدیِری، قُدرت دا مالک ہو کے اپنا حُکم ورتائیا۔ اَگے اؤجھڑ راہ گلی دِسے بھیِڑی، پار کنارہ نہ کوئے کرائیا۔ کِسے کمّ نہ آؤنی شہنشاہی امیِری، مایا ممتا سنگ نہ کوئے جائیا۔ جوتی جوت سروُپ ہرِ، آپ اپنی کِرپا کر، سہج سہج رہیا سمجھائیا۔ سمت کہے مَینوُں مِلیا اِک

فرمان، جن بھگتو دیاں دِرڑائیا۔ سندیشہ دیوے سِری بھگوان، بھاگاں والیاں حُکم سُنائیا۔ گُرمْکھ رہے نہ کوئی اَنجان، بالی بُدھ سُدھ دیاں پائیا۔ جوتی جوت سروُپ ہرِ، آپ اپنی کِرپا کر، تخت نِواسی تختہ دُنیا ویکھ وکھائیا۔ سمت کہے پربھ دا حُکم ویکھیو سختا، سخیاں والی راس رہن نہ پائیا۔ کوُڑی کِریا بنھنا بستہ، اَگے سکے نہ کوئے کُھلائیا۔ سرِشٹی حال ہونا خستہ، خُسریاں وانگ سرب نچائیا۔ مارگ ملِے نہ کِسے رستہ، رُٹھے بےپرواہیِا۔ ساچا نام جِنہاں کیِتا سستا، لُٹے جان تھاؤں تھائنیا۔ ساچی کِسے کول رہے نہ وستا، شاہ کنگال روُپ بدلائیا۔ شاہی فؤج نہ کوئی دستا، چاروں کُنٹ رہی کُرلائیا۔ کھیڑا رہے نہ کوئی وسدا، بستی سوبھا نہ کوئے سُہائیا۔ منمُکھ رہے کوئی نہ ہسدا، نیتر روون مارن دھائیا۔ جو ڈھولا گاوے پربھوُ دے جس دا، جس وید پُران تجائیا۔ اوہ نظارہ ویکھے اوس الکھ دا، جو سب دے لیکھے رہیا مِٹائیا۔ اِشارہ تکے اوس پریمی دی اکّھ دا، جو اندرے اندر رہیا مِلائیا۔ جوتی جوت سروُپ ہرِ، آپ اپنی کِرپا کر، جن بھگتاں اندر وسدا، وسیرا اپنے نال مِلائیا۔ سمت کہے میری اُٹھدی ویکھو نَویں جوانی، نؤجواناں دیاں دِرڑائیا۔ میرے پربھوُ دی ویکھو نِشانی، جو نِشانے گھر گھر رہیا لگائیا۔ وِدیا والیاں دی کوئی نہ رہے وِدوانی، وادھل ہو کے کرن لڑائیا۔ بُدھیِواناں دی بُدھی ہووے پریشانی، سانتک سَت نہ کوئے وکھائیا۔ شاہ سُلطاناں اندر وڑ کے بےایمانی، موُرکھ مُگدھ دئے بنائیا۔ کوُڑی خواہش نال دیون قُربانی، نام شہیدی نظر کِسے نہ آئیا۔ رائے دھرم دے گھر سارے کھان مہمانی، شیَطانی بھاجی دئے ورتائیا۔ ہُن اَگے دعوہ موُل نہیں رہنا دیوانی، جھگڑا چھیتی دئے چُکائیا۔ اپنے نام دی ہون نہ دئے بدنامی، بُدھیمانی دے اڈّے دئے کھپائیا۔ جوتی جوت سروُپ ہرِ، آپ اپنی کِرپا کر، اپنا لیکھا دئے دِرڑائیا۔ سمت کہے میرے نال پِچھلے کرن آئے سمجھوتا، ہؤلی ہؤلی رہے جنائیا۔ ساڈا سماں نہیں بیِتیا بہُتا، صدی ویہویں دئے گواہیِا۔ سانوُں اندروں آوے ہؤکا، سنسے نال رہے جنائیا۔ اساں گھر گھر جھگڑا پایا پربھ کے ناؤں دا، دیِناں مذہباں ونڈ ونڈائیا۔ کھیڑا بنایا ہؤمے ہنگتا ہؤں کا، ہنگ برہم نہ کوئے سمجھائیا۔ براہمناں دا صاف ہون نہ دِتا چؤنکا، گائے گوبر پوچ پُچائیا۔ کلمے والا اَگے کوئی نہ پہنچا، مِٹّی خاکی سجدیاں وِچ سیِس نِوائیا۔ پاٹھاں منتر اں والا ویکھیا آؤنتا، اپنا گھر نہ سکیا وسائیا۔ ساچا خصم کِسے نوُں مِلن نہ دِتا کھؤنتا، نار دُہاگن سرِشٹی نظری آئیا۔ کِتھے گوبِند دا چھیتی نال مُک گیا ڈھئیے والا ڈھؤنکا، جِس اپنی آپ لئی انگڑائیا۔ جو چھڈ کے گیا پٹنا پاؤنٹا، لیکھا گوداوری نال مُکائیا۔ سو لےَ کے آ گیا نئیا نام نؤکا، کھیوٹ کھیٹا

بےپرواہیِا۔ جِس نے بھگتاں گُرمْکھاں دا پھڑیا آ کے پاؤنچا، ہتّھ گُٹ نال بندھائیا۔ جھگڑا چُکایا من واسنا کھوٹی کاؤں کا، ساچی کرنی دِتی جنائیا۔ بھیو چُکا کے ہؤمے ہؤں کا، ہم ساجن لیا مِلائیا۔ مطلب جان کے اپنے گٔوں کا، گُرمْکھ اپنی گود بہائیا۔ لہنا چُکاون آیا ساچی ماؤں کا، مایا ممتا کوُڑ تجائیا۔ جوتی جوت سروُپ ہرِ، آپ اپنی کِرپا کر، دیِن دَیال دَیا کمائیا۔ سمت کہے میرا لیکھا ہویا شُروُع، شرع دیواں بدلائیا۔ جھوُٹھا رہن نہیں دینا کوئی گُروُ، غریِب نِواز دیاں مِلائیا۔ جگت مِثال مچّھی پتّھر چٹ کے مُڑوُ، اپنا سیِس ٹھوکر نال بھنائیا۔ سمت کہے میرا صاحب سوامی پُرکھ اکال دیِن دَیال میرے نال میرا مالک ہو کے تُروُ، دھرمی سنگ نِبھائیا۔ منزل چوٹی جن بھگتاں اندر مَیں اپنی منزل چڑھوں، پاندھی ہو کے پندھ مُکائیا۔ سُرت سوانی ساچی پھڑوں، اپنا بَل دھرائیا۔ در دروازے اَگے کھڑوں، الکھ نعرہ اِک لگائیا۔ اوسے نوُں ضرور وروُں، جِس دا ور اِکو اِک نظری آئیا۔ جوتی جوت سروُپ ہرِ، آپ اپنی کِرپا کر، میری بنت رہیا بنائیا۔ سمت کہے مَیں بھگتاں دی کراں ریجھا، ساچا صاحب دیاں مِلائیا۔ کوئی رہن نہ دیواں چاچا بھتیجا، پِتا پوُت دیاں بنائیا۔ بِنا پُرکھ اکال دے رہے کوئی نہ تیِجا، جو کہے تیجے نیَن کراں رُشنائیا۔ اِکو بابل تے اِکو پیارا سب دا گیگا، دوُجی ونڈ نہ کوئے ونڈائیا۔ گُرمْکھ ویکھاں سچ عزیِزا، عاجزاں اپنی گود اُٹھائیا۔ اندروں بخش کے سچ تمیِزا ، طمع دیاں بدلائیا۔ سب دی جھولی پاواں سب دا کیِتا، ویکھاں تھاؤں تھائنیا۔ جِس دا چندن نال تپیا انگیِٹھا، اگنی اگّ اگلا روُپ بدلائیا۔ سو بخشنہارا سچ پریِتا، پت پرمیشور رہیا مِلائیا۔ گُرمْکھو تُہاڈا لیکھا چُکا دئے پِچھلا بیِتا، اَگے ٹھانڈا سیِتا آپ کرائیا۔ کوئی لوڑ رہے نہ پڑھن دی گیِتا، پوُجا پاٹھ اِکو دئے دِرڑائیا۔ جن بھگتو تُہاڈا سِری بھگوان بنیا آپ وسیقہ، وصیّت تُہاڈے نام دی دئے لِکھائیا۔ تُہانوُں کِسے دے کولوں منگنی پئے نہ بھیِکھا، بِھچِھیا واسطے جھولی نہ اَگے ڈاہیِا۔ تُہاڈے اندر اپنی کِرپا دا رکھ دیواں سب کُچھ کیِتا، کرنی دی کرنی دیاں مُکائیا۔ جے پربھ نوُں مِلیاں پھیر وی پوُری ہوئے نہ ریِجھا، من منسا نہ پوُر کرائیا۔ جوتی جوت سروُپ ہرِ، آپ اپنی کِرپا کر، کِرپن ویکھے تھاؤں تھائنیا۔ سمت کہے سارے لِؤ سوچ، سچ سچ دیاں سمجھائیا۔ آلنیوں ڈِگے کوئی نہ چُکے بوٹ، سچ دوارے نہ کوئے پھیر پہُنچائیا۔ لکّھ چؤراسی جنم بھوگنے پیندے کوٹن کوٹ، انڈج جیرج اُتبُھج سیتج روُپ وٹائیا۔ بِنا سَتگُروُ دے چرناں مِلدی کِتے نہ مؤج، شاہ پاتشاہ روندے مارن سارے دھائیا۔ سارے اپنی ٹِکانے کر لؤ ہوش، ہوچھی مت دیؤ گوائیا۔ بِنا پریم توں کِسے کمّ نہیں آؤندا جوش،

کرودھ کوُڑ کِریا ہلکائیا۔ جیہڑا اِکّی سال نِرگُن ہو کے بَیٹھا رہیا خاموش، اَگے خواہ مخواہ سب نوُں دئے سمجھائیا۔ ایس دا مِٹّی والا تن نہ سمجھِیو پوش، پوشیدہ ہو کے اپنا حُکم ورتائیا۔ پھیر کِسے نوُں دیؤ نہ کوئی دوش، تُہاڈے سامنے سب دی کیِتی سب نوُں دئے بُھگتائیا۔ جن بھگتاں نام خُماری دے کرے مدہوش، مدُھر اپنی دُھن سُنائیا۔ ایہہ کوئی یاری نہیں عاشق معشوُق سسّی پُنوُں والی بلوچ، جو ریگستاناں وِچ کُرلائیا۔ جِتھے کوئی نہیں سکدا پہنچ، اوتھے پُج کے تُہانوُں گود اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا مالک ہوئے سہائیا۔ سمت کہے مَیں پربھ نوُں کہنا جگا دے شمع، دِیپک سچ کر رُشنائیا۔ خوشی وِچ بدلا دے غما، غمی دے مِٹائیا۔ اپنے پریم دی دے طمع، لالچ مُحبّت والا جنائیا۔ چرن پریِتی لا لےَ طمع، سچ سیو کمائیا۔ مات پِت بن جا ساچی اماں، گودڑی گود اُٹھائیا۔ جے پربھوُ مَینوُں کیِتا لوک مات رَواں، رہبر ہو کے ہو سہائیا۔ مَیں تیرا بھانا سہواں، سِر اپنا ہتّھ ٹِکائیا۔ تیری چرنی بہواں، دوُجا نظر نہ کوئے اُٹھائیا۔ جن بھگتاں نوُں سچ سچ کہواں، دُھر سندیشہ اِک سُنائیا۔ پربھ دے دوارے کدے لوڑ نہیں ہُندی بُہتے ہون جماں، تھوڑیاں نوُں بہُتیاں وِچ دیوے وڈیائیا۔ ایہہ سمت سب توں وکھرا تے سب توں نَواں، نَویں نروئے گُرمْکھاں دئے بنائیا۔ جِس نوُں سمجھ نہ سکے کوئی ہماں تُماں، ہم ساجن نہ کوئے مِلائیا۔ جوتی جوت سروُپ ہرِ، آپ اپنی کِرپا کر، دردی ہو کے درد رہیا ونڈائیا۔ سمت کہے مَیں بڑا چالاک، اپنی چال نہ کِسے دِرڑائیا۔ پہلوں چلاکاں نوُں کر کے خاک، خاک دیاں مِلائیا۔ بھگتاں دا کھول کے تاک، طاقتور دیاں وکھائیا۔ منُمکھاں نالوں توڑ کے ساک، سجّن اِکو لَواں بنائیا۔ بھگتاں نوُں دیواں آکھ، آخر کراں پڑھائیا۔ سچ پُچھو تے اجے اِکو مہیِنہ لنگھیا وِساکھ، وسدے سارے دین دُہائیا۔ جِس ویلے اِک دے دِتی تھاپ، شنکر دِتا سمجھائیا۔ پھیر کوئی رہن نہیں دینا گُستاخ، غُصیاں والے دینے مِٹائیا۔ اوہناں نوُں کرنا مُعاف، جو مؤقعے سِر اپنا ویلا لیَن بچائیا۔ سمت کہے مَینوُں ایَں رہی بھاکھ، بھاکھڑا دئے دُہائیا۔ لہر دی وجنی ٹھاٹھ، تٹ دینے وہائیا۔ ایہہ وی کھیل ہونا پہر آٹھ، اٹّھاں تتّاں ہوئے جُدائیا۔ کِسے نوُں لبھے نہ لکڑی کاٹھ، اگنی بھیٹ نہ کوئے کرائیا۔ پھیر بُھلے پِچھلا پاٹھ، پوُجا دین تجائیا۔ اِکو پُرکھ اکال آوے یاد، جو ڈُبدیاں لئے ترائیا۔ جِناں چِر وسدے نہ ہوئے برباد، اوناں چِر آواز اِک نہ کوئے سُنائیا۔ سمت کہے مَینوُں چا میرا چھیتی چلے راج، رستہ اِکو دئے وکھائیا۔ دھرمیاں دا دھرم نال ہووے کاج، کُکرمیاں نوُں کرماں دی دھار اندر دئے رُڑھائیا۔ اِکو نعرہ سُنا، مہاراج شیرسِنگھ وِشنوُں بھگوان، اِکو سیِس سُہنجنا

ویکھاں تاج، تخت نِواسی دَیا کمائیا۔ سمت کہے تھوڑا جِہا جھگڑا چھِڑن والا وِچ بغداد، بغلگیِر ہو کے سنگ نِبھائیا۔ اَگے کُچھ پردے والا راز، ڈردیاں ہور نہ کوئے ڈرائیا۔ مہاراج شیرسِنگھ وِشنوُں بھگوان جے بھگتاں دا بیڑا چلا نہ سکیا جہاز، پھیر گُروُ مہاراج نہیں بدمعاشاں دا بدمعاش نظری آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ساچی ساجن رہیا ساج، ساجن ہو کے سہج سُبھائیا۔