کتب خانہGranth 18 (Shahmukhi)

۳ ہاڑ شہنشاہی سمت ۱ ہرِ بھگت دوار جیٹھوُوال

گُڑ کہے مَیں بڑا مِٹھا، مِٹھاس اپنی دیاں وکھائیا۔ بچّے کہن ماتا نے دِتّا، راج ماتا نال مِلائیا۔ مَیں سچ سُناواں کہانی قِصّہ، اپنا حال دِرڑائیا۔ پِچھلا آیا چیتا، سب کُجھ دیاں سمجھائیا۔ مَیں گوبِند دا اوہ کھیل ویکھاں، جِس پُری انند دِتی جُدائیا۔ ایہہ لہنے دا وڈّا لیکھا، گہر گمبھیِر رہیا مُکائیا۔ اُس ویلے دا سچ سندیشہ، ہرِ سنگت دِتا سمجھائیا۔ جِس ویلے آوے نر نریشا، شاہ پاتشاہ بےپرواہیِا۔ جن بھگتاں چُکے ٹھیکہ، ٹھاکر ہو کے گود بہائیا۔ ماتا دی کُکھ بھاگ لگّے پیٹا، وجےّ سچ ودھائیا۔ پُرکھ اکال بھگت بنا کے اپنا بیٹا، بیٹی اِکو رنگ وکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ گُڑ کہے میرے وِچ سوہنی مِٹھاس، مِٹھیاں دیاں جنائیا۔ پوُرب جنم دی جِنہاں آس، آسا توڑ نِبھائیا۔ سوہنا دیاں ساتھ، سگلا سنگ بنائیا۔ دھرم جناواں گاتھ، برہم کراں پڑھائیا۔ بچّیاں نال مِل گئی اوہناں دی مات، پریم پریِتی وِچ سمائیا۔ سانجھا ہو گیا نات، مِٹی جگت جُدائیا۔ اوہنا بھر گیا کھات، بھنڈارا بھرپوُر دئے کرائیا۔ اَگے دوویں پُچھن تُہاڈی وات، آؤندیاں جاندیاں ویکھ خوشی منائیا۔ گُڑ کہے اپنی ماتا پِچھے اج دی رہ جانا رات، خوشیاں نال سنگ نِبھائیا۔ اِکٹّھیاں ہو کے ساڈھے پنج وجے مَینوُں پاؤنا وِچ پرات، پانی نال مِلائیا۔ پریم دے آٹے دی رکھکے وِچ سوغات، ساچا جوڑ لَینا جُڑائیا۔ پھیر گُننا نال ہاتھ، پنج مِل مِل سیو کمائیا۔ پھیر لِیاؤنا لوح دے گھاٹ، پتن اُتے ٹِکائیا۔ پرشادے بنانے صاف، اگنی نال سڑ کوئے نہ جائیا۔ اِکٹّھے کر کے ساریاں بننا داس، سیوک روُپ وٹائیا۔ پھیر چُک کے لِیاؤنا پربھ دے پاس، دوویں ماتا نال مِلائیا۔ پھیر بھوگ لگّے چھکے پرشاد، سواد تُہاڈا وِچ ٹِکائیا۔ نَواں کھیڑا ہو جائے آباد، اُجڑیاں لئے وسائیا۔ سوہنی دیوے دات، ہرِسنگت مان وڈیائیا۔ چرن پریِتی بخشے نات، ناتا دُھر جنائیا۔ بچّیاں دی ماں نوُں آ گئی جاگ، پریم پریِتی اِک وکھائیا۔ اَگے سدا سُنے فریاد، پوُرب لیکھا جھولی پائیا۔ دو جہاناں بنا لئے ساک، اپنی گنڈھ جُڑائیا۔ لیکھا لِکھ دے قلم دوات، میٹ سکے کوئے نہ رائیا۔ کایا ماٹی پوچ پاچ کے کرے صاف، اندروں سُتھرے دئے بنائیا۔ پوُرب کُکرم کر کے معاف، سِر اپنا ہتّھ ٹِکائیا۔ سچ سوَرن گُرمْکھ پرکھے بن صراف، کسوٹی اپنے ہتّھ اُٹھائیا۔ جِس کارن تُہاڈی بھیٹا چڑھیا پرشاد، اُس دا لیکھا دئے جنائیا۔ اَگے بنی رہے جماعت،

اِک اِک نال مِلائیا۔ کھیل وکھاوے بچّیاں نال مات، بھَین بھراواں اِکو روُپ بنائیا۔ جوتی جوت سروُپ ہرِ، آپ اپنی جوت دھر، مہاراج شیرسِنگھ وِشنوُں بھگوان، سُننہارا اپنی آواز، جواب وِچ مارگ دئے بنائیا۔

گُڑ کہے بچّیاں جمدیاں دی میری مِلدی گُڑتی، ماتا خوشی نال مُکھ لگائیا۔ ایہہ وست مِلی دُھر دی، دُھر مستک لیکھا دئے چُکائیا۔ ایہہ ریِتی ساچے گُر دی، ہرِ سنگت میل مِلائیا۔ اپنے نال مِلا کے سُرتی، من واشنا دئے کھپائیا۔ سوادھان ہوئے مُردی، مُردیاں لئے اُٹھائیا۔ ایہہ کھیل اپنی لوڑ دی، لوڑیندا کارج رہیا کرائیا۔ گُڑ کہے ایہہ کھیل نہیں کِسے ہور دی، ہرِجوُ اپنا رنگ رنگائیا۔ تُہاڈی کالکھ میٹے پنج چور دی، جھگڑا دئے مُکائیا۔ جوتی جوت سروُپ ہرِ، آپ اپنی کِرپا کر، بخشنہار سچ سرنائیا۔ گُڑ کہے ماتا بچّیاں نال کیِتا پیار، سوہنی ریِت بنائیا۔ وست امولک دے کے دھار، دھرم جڑ دِتی لگائیا۔ اِک گھر دا اِک وِہار، اِک در وجےّ ودھائیا۔ اپنے بچّیاں ورگا تُہاڈے نال کرے پیار، سچّیاں دے سچّے ویکھ وکھائیا۔ اَگے واسطے سب نوُں کرنی پئے نِمسکار، نِیوں نِیوں سیِس جھُکائیا۔ جِس نے نیہاں ہیٹھاں بچّے دِتے سوال، گودی والی تُہاڈی بھیٹ کرائیا۔ منجیِت جگدیِشا دِتے وار، وارث تُہانوُں دِتا بنائیا۔ سوہنے مندر دِتے اُسار، نؤ دوار وجےّ ودھائیا۔ چاروں کُنٹ ہوئے اُجیار، جےَ جَیکار سرب لوکائیا۔ جوتی جوت سروُپ ہرِ، آپ اپنی کِرپا کر، دُھر دا میلا رہیا مِلائیا۔ گُڑ کہے مَیں آیا وِہار کارن، کرتا دیوے وڈیائیا۔ دُئی دوَیتی وِچوں آیا مارن، مریاں نوُں دیاں اُٹھائیا۔ ڈُبدیاں نوُں آیا تارن، بیڑے وِچ چڑھائیا۔ سوہنا پریم آیا سِکھالن، سِکھیا سچ سمجھائیا۔ پریم نال آیا پالن، دِوس رَین ویکھ وکھائیا۔ جوتی جوت سروُپ ہرِ، آپ اپنی کِرپا کر، میرا لیکھا دِتا بنائیا۔ گُڑ کہے مَینوُں چنگے لگّے اِکٹّھے ماں پُت، پِتا کول خوشیاں نال آئیا۔ اِس توں وڈّی سوہنی کیہڑی رُت، ہِردے سڑدے شانت کرائیا۔ اِک دوُجے نوُں ویکھ سارے ہوئے خوش، خوشی اپنی رہے جنائیا۔ اَگے پردہ اوہلا رہے نہ لُک، گُردیو ماتا ساچی دِتی سمجھائیا۔ اوہ سماں آیا ڈُھک، جِس دا ویلا سارے رہے تکائیا۔ ہُن بجھّن لگا مُڈھ، دُھر دی نیِہہ رہیا بنائیا۔ بھیو رہن نہیں دینا گُجھ، پردہ دینا اُٹھائیا۔ ماتا اپنیاں بچّیاں لئے پُچھ، بچّیاں نال بچّیاں لئے مِلائیا۔ سب دی سانجھی ہو جائے تُک، اِکو نام وڈیائیا۔ اِکو منزل تے پیَنڈا جائے مُک، اَگے پِچھے نہ کوئے وکھائیا۔ جِس نے وِچھوڑا

جھّل کے اپنے پُت، گُرمْکھ بچّے گود بٹھائیا۔ دھرت دھوَل توں اپنے بوُٹے پُٹ، اُپر آکاشاں دِتے ٹِکائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گُڑ کہے مَینوُں چنگا لگّا ناتا، بندھن سوہنا نظری آئیا۔ جن بھگتاں میل مِلیا دُھر دی ماتا، وڈ ماتا خوشی رکھائیا۔ جِس دا گوبِند گُر ساچا، شبد پوُت وڈیائیا۔ دو جہاناں راجا، شہنشاہ اکھوائیا۔ سیِس رکھ کے تاجا، تخت تاج اُلٹائیا۔ سوہنا رچ کے کاجا، بچّیاں نال مِلائیا۔ بُڈھڑی مائی سب دا خوُن کر کے سانجھا، دھار اپنی وِچ سمائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُڑ کہے مَیں سُنیا سوہنا ڈھولا، ماں پُتر رہے گائیا۔ وِچ رلیا ہور وِچولا، راج نرَین خوشی منائیا۔ جِس دے اندر رنگ گُلالا چڑھیا ہولا، سوہنا روُپ وٹائیا۔ اِک نظری آیا تولا، امیِر چند دھڑوائیا۔ سب دا کرنا بھار ہؤلا، لیکھے لہنے وِچ رکھائیا۔ بھاویں میرا تناں والا نہیں چولا، کایا ساڑ کے مَینوُں مِلی وڈیائیا۔ مَیں اُچی کوُک پاواں رؤلا، بھگتاں دینا سُنائیا۔ پِھر لبھنا نہیں مؤلا، مالک بےپرواہیِا۔ جِس دا گوبِند نال قؤلا، اِقرار لیا لِکھائیا۔ سو آیا اُپر دھؤلا، دُھردرگاہی ویکھ وکھائیا۔ تُہاڈا بھار کر کے ہؤلا، دُکھ درد دئے گوائیا۔ لہنا چُکائے پریم پیار دا رونا، سوہنا اپنے وِچ سمائیا۔ سدا بچّیاں دا مُکھڑا ماتا نے دھونا، ایہہ سیوا دُھر دی بنی آئیا۔ گیِت ڈھولا سوہلا رل کے گاؤنا، گہر گمبھیِر وجّی ودھائیا۔ گُڑ کہے ساڈھے پنج وجے میرے اُتے نَواں پاؤنا پونا، کورا سَوا گز وکھائیا۔ کول جل دا بھریا ہووے ڈوہنا، سَوا سیر دُدھ نال وڈیائیا۔ پنج واری باہروں دھونا، پریم پریِتی سیو کمائیا۔ پنجاں نے اِک دوُجے توں ہؤلی ہؤلی کھوہنا، ونڈ ویروے وار سمجھائیا۔ ایہہ ور منگیا سی اچارج درونا، کرِشن اَگے سیِس نِوائیا۔ ایہہ ور منگیا سی کرن دان کرن لگیاں سونا، سوا من بھیٹ چڑھائیا۔ جن بھگتاں سب کُچھ لیکھے پاؤنا، کِسے نوُں دین دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُڑ کہے اوہ کھون والے کپّڑے پنج، سچ دیاں سمجھائیا۔ ایہہ کھیل بازی شطرنج، سار پاشا نظری آئیا۔ جِس قاروُ دے بھرے گنج، انت خالی ہتّھ وکھائیا۔ جِس راجے رانے کیتے تنگ، شہنشاہ خاک مِلائیا۔ جِس دے نام دا اِک مردنگ، ڈھولے رہیا سُنائیا۔ جِس سوہنی دات دینی ونڈ، ونڈ ویروے وار پائیا۔ ساچا کھیل کرے بخشند، بخشش رحمت وِچ سمائیا۔ دوویں گوبِند دے ہوون چند، اپنا سنگ رکھائیا۔ کِشن سِنگھ آیا وِچ ونڈ، راج نرَین جوڑ جُڑائیا۔ رنجیِت کؤر ہووے سنگ، پنجاں مِل کے جوڑ جُڑائیا۔ وڈّی ماتا ویکھے ایہہ انند، بچّیاں نال خوشی پرگٹائیا۔

سوہنا بنے سنگ، چِنتا سگل گوائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، شاہ پاتشاہ سچّا شہنشاہیِا۔ گُڑ کہے میرے اندر کیہڑا رس، اکّھاں نال نظر کِسے نہ آئیا۔ جیہڑا رسنا نال لَوے چکھ، اوسے دیاں سمجھائیا۔ اَگے توں ماں پُت رہن نہیں دینے وکھ، اِکو گھر دینے وسائیا۔ تُہاڈا ساریاں دا سانجھا کیِتا حق، دُئی دی حکوُمت دِتی بدلائیا۔ دُھر دا ناتا ہویا پک، پکّی گنڈھ پوائیا۔ اِس وِچ رہے کوئی نہ شک، بُھلیکھے دئے کڈھائیا۔ بھگت دوارے سب نے مِل کے جانا وس، واسطہ اِکو نال رکھائیا۔ ماں پُتاں دی بدل نہ جائے کدی اکّھ، پِٹھ سکے نہ کوئے بدلائیا۔ گُرمْکھ غریِب نِمانے ہاڑ کہے گوبِند دے سوا لکّھ، دُھر دی آواز دِتی سمجھائیا۔ جِنہاں دے انتر پربھ ساچا رہیا وس، ہردم اپنا ڈیرہ لائیا۔ ایہہ ناتا بن گیا سچ، سچ وجّی ودھائیا۔ سب دی پوُری ہووے آس، آسا رنگ چڑھائیا۔ گُڑ کہے مَینوُں دیؤ شاباش، مَیں وِچھڑیاں رہیا مِلائیا۔ کِھچ کے لیایا ستِگُر پاس، اندرے اندر دِتے ہِلائیا۔ جوتی جوت سروُپ ہرِ، آپ اپنی جوت دھر، سِر اپنا ہتّھ رکھائیا۔ گُڑ کہے میرا لیکھا نال اگمّی بانی، پُرکھ اکال دئے وڈیائیا۔ گوبِند مِلیا سچّا ہانی، گُر سَتگُر دَیا کمائیا۔ مِہروان ہو کے کرے مِہروانی، مِہر نظر اُٹھائیا۔ دَیاوان ہو کے بنے دانی، دؤلت اپنی اِک ورتائیا۔ سچ پیار دی دیوے نِشانی، دو جہاناں نظری آئیا۔ پوُرب لہنا چُکائے گُن نِدھانی، گُنونتا سہج سُکھدائیا۔ پوُرب لیکھا چُکائے دو جہانی، لوک مات وجےّ ودھائیا۔ میرے وِچ مِلائے ٹھنڈا پانی، جوڑ دُھر دا دئے جُڑائیا۔ ساچے سیِر دی دیوے پد نِربانی، رس دُھر دا وِچ رکھائیا۔ ساڈی چڑھدی ہووے جوانی، جوبن روُپ پرگٹائیا۔ سیوا کر لےَ سچ مہانی، اپنا آپ بھیٹ چڑھائیا۔ لیکھا ویکھ کے چارے کھانی، گُرمْکھاں راہ تکائیا۔ بھگت سُہیلا سِری بھگوانی، بھاگ ساڈا دئے ونڈائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ گُڑ کہے پانی دُدھ ہویا مِلاپ، ترےَ میلا سہج سُبھائیا۔ اِکو آئی آواز، سندیشہ دُھر سمجھائیا۔ پُرکھ اکال دُھر دا باپ، انبولت راگ الائیا۔ سچ سوامی کرن آیا اِنصاف، عدل عدالت اِک وکھائیا۔ ترےَگُن مایا اُتار کے پاپ، گُرمْکھ پتت پُنیِت روُپ بنائیا۔ اگلا کھیل سچ تماش، بِن طمع لوبھ دئے دِرڑائیا۔ جو گوبِند گیا آکھ، سُنیہڑا سچ سمجھائیا۔ سو وقت سُہنجنا ویکھے آپ، پت پرمیشور بےپرواہیِا۔ کوُڑی کِریا میٹ کے تاپ، ترےَگُن ڈیرہ رہیا ڈھائیا۔ ساڈا سجّن بن کے ساک، سگلا سنگ نِبھائیا۔ آٹا پا کے وِچ پرات، پرتاپ بھگتاں رہیا ودھائیا۔ پنجاں نوُں دسےّ سوہنی جاچ، پنچم میِتا بےپرواہیِا۔ مِل کے دینا دُھر دا ساتھ، سوہنا

سنگ بنائیا۔ اندر گاؤنی آتم پرماتم گاتھ، سوہنگ ڈھولا راگ الائیا۔ میری پِچھلی پوُری ہووے خواہش، آسا نال وجےّ ودھائیا۔ جوتی جوت سروُپ ہرِ، آپ اپنی کِرپا کر، میرا لیکھا رہیا مُکائیا۔ گُڑ کہے مَینوُں پانی وِچ دِتا گھول، پانی دُدھ نال مِلائیا۔ پنج جَیکارے دیؤ بول، وجےّ نام ودھائیا۔ بِن وزن توں تول وڈ تول، انتُل وست اُلٹائیا۔ مَیں آٹے وِچ جاواں مؤل، مِل کے خوشی منائیا۔ پنجاں ہتّھاں نال پھیر دینا پھرول، حِصّہ دُھر دا سیو کمائیا۔ مَیں ویکھاں کھیل اڈول، سَت سچ وِچ سمائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ گُڑ کہے میری پُکار لئی سُن، پربھ اپنی دَیا کمائیا۔ سوہنا وقت سُہیلا لیا چُن، چاروں کُنٹ کھوج کھوجائیا۔ پریم پیار اُپجا کے دُھن، گُرمْکھاں لیا اُٹھائیا۔ ہؤلی ہؤلی مَینوُں ہُن گنّ، بھار تھوڑا تھوڑا پائیا۔ سوہنگ جاپ دے ہِلدے رہن بُل، تُونہی تُونہی راگ الائیا۔ مَیں آ گیا بھگتاں دی وِچ کُل، کُلونتا میل مِلائیا۔ سچ پُھلواڑی گئی پُھل، پتّ ٹہنی رنگ مہکائیا۔ گُرمْکھ کوئی نہ جاوے بُھل، بُھلیاں رستے دینا لگائیا۔ سچ دوارا گیا کُھل، بُھکھیاں دئے رجائیا۔ کھان پیِن دا لگے کوئی نہ مُل، قیِمت کرتا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، میرا دُھر دا سنگ نِبھائیا۔ گُڑ کہے رل مِل کے ہوئے اِکٹّھے، اِکو رنگ سمائیا۔ شبد سندیشے سُنے دُھر دے پتے، پت پرمیشور دئے وڈیائیا۔ اسیں سچّے پکا لئیے متے، مت اپنی دِتی گوائیا۔ بھائی بھائی بن گئے سکے، دُدھ پانی آٹا گُڑ نہ کوئی جُدائیا۔ اِکو برتن وِچ سب نوُں رکھے، سوہنا تھاں سُہائیا۔ ساڈے بھاگ ہو گئے اّچھ، کُکرماں ڈیرہ ڈھائیا۔ بھگت سُہیلے ویکھے سچّے، سَت سچ دھیان رہے لگائیا۔ اسیں خوشیاں اندر ہسّے، گیِت گوبِند الائیا۔ اِک دوُجے نوُں پتے دسےّ، بھیوَ ابھید کُھلائیا۔ اسیں ہُن ٹھنڈیاں توں ہونا تتّے، اگنی لوح اُتے تپائیا۔ سانوُں سٹّاں وجنیاں اُتے پھٹّے، سوُانیاں ہتّھاں نال کڑھائیا۔ پھیر اساں پربھ دے در تے ہونا اچّھ، اپنا آپ دینا جلائیا۔ جیہڑا سانوُں گُرمْکھ چھکے، شک اوسدے دینے گوائیا۔ ایہہ مالک دُھر دا حقے، حقیِقت سب دی ویکھ وکھائیا۔ مستک لیکھ مِٹا کے لِکھے، لیکھا اپنا دئے پرگٹائیا۔ جگ نیتر کِسے نہ دِسے، کوُڑ کُڑیارے رہے کُرلائیا۔ جن بھگتاں آیا حِصّے، سوہنی ونڈ ونڈائیا۔ گُرمْکھو تُساں خوشیاں نال چھکنے پرشادے مِٹھے، مِٹھاس تُہاڈے اندر دیاں ٹِکائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ گُڑ کہے اسیں رل مِل کرنی سیوا، رل مِل اپنا آپ بھیٹ چڑھائیا۔ پُرکھ اکال منّنا دیوی دیوا، دیوت سُر نال مِلائیا۔ اُستت کرن بِن رسنا جِہوا، انبولت راگ سُنائیا۔ پت پرمیشور

پاؤنا الکھ ابھیوا، اگمّ اتھاہ وڈی وڈیائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ گُڑ آٹا پانی دُدھ کہے جِس ویلے سانوُں وجدی مُکّی، پنجاں اُنگلاں دی پِٹھ رہی دبائیا۔ ساڈی سُرت اُٹھدی سُتّی، خبردار رہی کرائیا۔ پریم پیار نِشانیوں کدے نہ رُکیں، اِکو گلّ رہی جنائیا۔ پوُرب پوُرب جنم دی جو گُرمْکھاں دی منسا دی بُھکھی، پریم نال دینی رجائیا۔ جن بھگت سُہیلے سارے بنؤنے پنج مُکھی، مُکھ انتر ویکھ وکھائیا۔ پربھ دے وِچھوڑے وِچ رہے کوئی نہ دُکھی، دُکھیاں درد دینا گوائیا۔ چاروں کُنٹ نظر آون سُکھی، سُکھ ساگر وِچ سمائیا۔ بھاگ لگاؤنا ماواں کُکھی، جنیندی دینی وڈیائیا۔ پریم پریِتی دینی سُچی، کوُڑی گنڈھ نہ کوئے بندھائیا۔ جن بھگتاں دی سنگت کرنی اُچی، اُچ اگمّ اتھاہ نال مِلائیا۔ ساریاں دی مِل کے ساڈے ورگی ہونی رُچی، اِکو رنگ سمائیا۔ پِچھلی جنم کرم دی جو لڑی پِچھلی ٹُٹی، اوہ وی گنڈھ وکھائیا۔ گُڑ کہے ساڈا پریم پیار رس کھا کے سب نوُں ملِے چُھٹی، چُھٹکارا جماں توں دِتا کرائیا۔ مہاراج شیرسِنگھ وِشنوُں بھگوان، اپنی دِنو دِن ودھاؤندا جائے خوشی، خوشحالی بھگتاں وِچ ٹِکائیا۔

۱۴ ہاڑ شہنشاہی سمت ۱ ہرِ بھگت دوار جیٹھوُوال

دکھّن دِشا کہے پربھ کِرپا کیِتی آپ، دچھنا اپنی رہیا ورتائیا۔ ساچی کوُٹ کیِتا پرتاپ، پرتینِدھ اپنا حُکم سمجھائیا۔ دُھر دا نام دسّ کے جاپ، سندیشہ اِکو دِتا سُنائیا۔ پوُرب پوُرا کر کے بھوِکھت واک، واقعہ ویکھا تھاؤں تھائنیا۔ دکھّن دِشا کہے آد توں آدی اُپجیا میرا جاپ، وجّی اگمّ ودھائیا۔ پُرکھ اکال دے کے ساتھ، جُگ چؤکڑی سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، دُھر کرتا ویکھ وکھائیا۔ دکھّن دِشا کہے مَیں ویکھیا دیِن دَیال،دَیانِدھ اِکو نظری آئیا۔ بھگت وچھل سدا کِرپال، مِہروان نوُر خُدائیا۔ مالک خالق دو جہان، ثالث ہووے تھاؤں تھائنیا۔ جگت سُہیلے گُر چیلے لئے بھال، جُگ چؤکڑی ویس وٹائیا۔ نام سندیشہ دے فرمان، دُھر دا حُکم اِک دِرڑائیا۔ نِت نوِت کرے کھیل مہان، مہابلی اپنی کل دھرائیا۔ جودھا سوُربیِر بن نؤجوان، نؤبت اپنا نام کرے شنوائیا۔ سخیاں دا بن کے دُھر دا کاہن، دو جہان اِکو اِک وکھائیا۔ آتم دا انتر بن کے رام، رمتا رمتا پندھ مُکائیا۔ سچ دوارے سُہا

کے اگمّ مکان، تھم رہیا ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل صاحب گوسائنیا۔ دکھّن دِشا کہے پربھ سب دی منّے آکھی، آخر اپنا کھیل کرائیا۔ گُر اوتاراں پَیغمبراں دی بھوِکھت واکی، واقف کار آپے دئے سمجھائیا۔ آد جُگادی دُھر دا ساتھی، سگلا سنگ دئے دِرڑائیا۔ دکھّن دِشا کہے ایراپت اُتے زین پاکھر سوہے کاٹھی، حماری ہم ساجن ویکھ وکھائیا۔ جِس دے کول نام اگمّی شبد سروُپی لاٹھی، برہمنڈاں کھنڈاں رہیا ڈرائیا۔ سو منزل پوُری کر کے واٹی، اگلا پِچھلا پندھ رہیا چُکائیا۔ سچ دوارا دھرم کھول کے ہاٹی، ونجارا ہو کے ونج کرائیا۔ تِس دا لیکھا لہنا دینا جگت واسنا مکُے نہ گلّیں باتی، شبدی شبد دُھر دی کار کمائیا۔ سو صاحب سوامی انترجامی پُرکھ اکالا دیِن دَیالا دیون آیا بِن اکھّراں والی پاتی، جوتی جوت سروُپ ہرِ، آپ اپنی کِرپا کر، اپنا حُکم اِک ورتائیا۔ دکھّن دِشا کہے مَیں پربھ دا ویکھدی رہی رُخ، اساڑ مہیِنہ میری دئے گواہیِا۔ جِس نے بھگتاں دا میٹنا دُکھ، دردیِاں درد دینا مِٹائیا۔ پریمیِاں توں پریم پیالہ نہ جانا چُھٹ، ابِھمانیاں دا مان دینا گوائیا۔ نوَ نؤ چار پِچھوں مَیں ہوئی اجّ خوش، خوشی نال دیواں سُنائیا۔ جیہڑا پُرکھ اکال دیِن دَیال بَیٹھا رہیا چُپ، سُنیہڑا گُر اوتاراں پیِر پَیغمبراں ہتّھ گھلائیا۔ سو پُرکھ اکالا دیِن دَیالا بن رکھوالا جگ گودی رہیا چُک، نِرگُن اپنا ویس وٹائیا۔ دکھّن دِشا کہے سب توں وکھری نِرالی جِس دی ہونی رُت، جگت رُتڑی دئے بدلائیا۔ تُہاڈے اندر بخش کے سچ سُچ، ساچی وِدیا دِتی پڑھائیا۔ اُجل کر کے مات مُکھ، بھگت دینی جگت وڈیائیا۔ جوتی جوت سروُپ ہرِ، آپ اپنی کِرپا کر، مہاراج شیرسِنگھ وِشنوُں بھگوان، تُہاڈے مندروں اندروں جانا اُٹھ، نِرگُن نوُر جوت کرے رُشنائیا۔

۱۶ ہاڑ شہنشاہی سمت ۱ ہرِ بھگت دوار جیٹھوُوال

سولاں ہاڑ کہے مَیں آیا جگ، برہمنڈ کھنڈ دو جہان وجّی ودھائیا۔ جن بھگت سُہیلے سجّن لئے سدّ، دوُر دُراڈے میل مِلائیا۔ انتر آتم پریم پیار دا وجا کے ند، سوئی سُرتی دِتی اُٹھائیا۔ کوُڑی کِریا ذات پات دیِن مذہب نہ کوئی حد، مایا ممتا موہ دینی تجائیا۔ گھر سوامی درشن کرنا اُپر شاہ رگ، بِن نیتر نیَناں نظری آئیا۔ جو آد جُگاد جُگ چؤکڑی کرے کھیل سمرتھ، سمرتھ اگمّ کہانی اِک سمجھائیا۔ سو صاحب سُہیلا جن بھگتاں دیوے ساچی وتھ، نام نِدھانا سِری بھگوانا نام وست امولک جھولی پائیا۔ پریمی سجّن گُرمْکھ

سنت سُہیلے ہرِبھگت دوارے رہے سج، در گھر ساچے سوبھا پائیا۔ رسنا جِہوا سِنگھ گِردھارا رہیا بھج، گُر کی موُرت گُر نوُر نظری آئیا۔ من واسنا انتر والی تج، درِشٹی اندروں دِتی بدلائیا۔ بِن مکّے کعبیوں ہونا حج، لاشریِک نوُر خُدائیا۔ جنم جنم دا کوُڑا رہے کوئی نہ داغ، مایا ممتا موہ نہ کوئے جنائیا۔ نؤ سؤ چُرانوے چؤکڑی جُگ دا بدلنہارا رِواج، شاہ پاتشاہ شہنشاہ اپنا حُکم ورتائیا۔ آد جُگاد جُگ جُگ پربھ دے حُکم نال رہے جاگ، دو جہاناں ابُھل نہ کوئے بُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ سولاں ہاڑ کہے میلا ہویا بھگتن میِتا، مِتر پیارا دیاں مِلائیا۔ جِس دی آد جُگاد جُگ چؤکڑی نِت نوِت وکھری ریِتا، شاستر سِمرت وید پُران سارے ڈھولے جس رہے گائیا۔ سو پُرکھ اکالا دیِن دَیالا گھر ٹھانڈے بَیٹھا سیِتا، ترےَگُن اتیِتا اپنا حُکم منائیا۔ ہر گھٹ اندر وسنہارا چیِتا، لہنا دینا سب دی جھولی پائیا۔ جِس دے چھتر جھُلے سیِسا، سچکھنڈ ساچے وجےّ ودھائیا۔ لکّھ چؤراسی ویکھنہارا نیِتا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، انتر آتم پریمیِاں دیوے نام رس دُھر دا میِٹھا، کوُڑی کِریا من تن کایا ماٹی باہر کڈھائیا۔ سولاں ہاڑ کہے گُرمْکھو میرا تُہاڈے نال ناتا، جُگ جُگ چلیا آئیا۔ آتم پرماتم کھیل کھیلدا رہیا بِدھاتا، ساچی دیوے صِفت صلاحیِا۔ جُگ چؤکڑی شاستر سِمرت وید پُران ماردے رہے جھاتا، نیتر نیَن نظر کِسے نہ آئیا۔ بھگتاں اُتے کِرپا کر پُرکھ سمراتھا، لیکھے لائے اجّ دی راتا، جو چل آئے سرنائیا۔ کھتری براہمن شوُدر وَیش ہست کیِٹ میل مِلاواں بھَین بھراتا، دُئی دوَیتی رہن کوئے نہ پائیا۔ سرب جیِاں دا پُرکھ اکال دیِن دَیال پِتا ماتا، ہرجن بن کے گُرمْکھ ہو کے گُرسِکھ اِکو گُر لئے ہنڈھائیا۔ جو دیونہارا بوُند سوانتا، کوُڑی کِریا جگت اِکو اگّ بُجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھیوَ ابھیدا اچھل اچھیدا انتر آتم آپ کُھلائیا۔ سولاں ہاڑ کہے میرا نام انمولا، شہادت گُر اوتار پَیغمبراں دینی بُھگتائیا۔ اَگے پڑدا رہن نہیں دینا اوہلا، مُکھ نقاب نہ کوئے رکھائیا۔ لکّھ چؤراسی سرِشٹ سبائی برہمنڈ کھنڈ اِکو نام سُناواں ڈھولا، سَت سروور اِکو رنگ وکھائیا۔ گُرمْکھو گُرسِکھو ہرجن ہربھگتو سارے کر لؤ اِقرار قؤلا، دوَیت اندروں دینی کڈھائیا۔ کوُڑ کُڑیار جوُٹھ جھوُٹھ دا بھار کر لؤ ہؤلا، سچ سُچ اپنے انتر لیَنی وسائیا۔ بِن ہرِ نامے رسنا جِہوا بتّی دند کوُڑی واسنا پاؤنا رؤلا، آتم برہم گیان سکے نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سولاں ہاڑ کہے مَیں کراں سواگت، سب نوُں دیاں دِرڑائیا۔ پربھ دا انتر آتم نِندک

موُرکھ موُڑھ ساقط، جو نیتر لوچن نیَن درشن پائیا۔ بھیوَ ابھیدا سب دا لیکھا جانے پربھ نہیں اَنجانت، پردہ اوہلا اپنے ہتّھ رکھائیا۔ ساچے نام دی پوُرب جنماں دی رکھی ہوئی تُہاڈی جھولی پائے اَمانت، وست امولک دئے ورتائیا۔ تُسیں ایتھے اوتھے رہنا صحیح سلامت، مِہروان سدا سِر اپنا ہتّھ ٹِکائیا۔ ہربھگت دوُر دُراڈا نیرن نیرا آون جاون دی رہے نہ کوئی ممانت، سچ دوارے دئے وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سولاں ہاڑ کہے مَیں سب نوُں دسّاں خوشی، گُرمْکھو لَینا دھیان لگائیا۔ اِکو نال کر لِؤ رُچی، چار کُنٹ دہ دِشا اُٹھ نہ کوئے دھائیا۔ تُہاڈی انتر آتم ہو جاوے سُچی، من واسنا دُرمت مَیل لیَنی دھوائیا۔ تُہاڈی پوِتر ہووے بُدھی، اجّ دی سُلکھنی گھڑی دئے گواہیِا۔ ایہہ کوئی کھیل رمز نہیں گُجھی، سُتّیاں رہی اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ سولاں ہاڑ کہے دوُر دُراڈے جو آئے چل، اپنا پندھ مُکائیا۔ مَیں خوشی نال ہویا ایہناں ولّ، اندر وڑکے دے سمجھائیا۔ جِس دی دِیپک جوت تُہاڈے اندر رہی بل، اوہ مالک اپنا کھیل ورتائیا۔ جِس دا نِہچل دھام اٹل، شاہ پاتشاہ سچّا شہنشاہیِا۔ جو سچ سِنگھاسن نِج آتم بَیٹھا ملّ، بےپرواہ ہو کے ڈیرہ لائیا۔ ذرا نِج نیتر تکّو اوہدے ولّ، ولولے سارے دئے مِٹائیا۔ اجّ دے آیاں دا سچّے پریم دا ملِے اگمّی پھل، پھلی بھوُت پنج تت دئے کرائیا۔ انت سمیں قضا آون والی جائے ٹل، پُرکھ اکال مزہ اپنے نام چکھائیا۔ لکّھ چؤراسی وِچوں کڈھکے ڈوُنگھی جھلّ، آپ اپنے رنگ رنگائیا۔ مات گربھ پھیر کِسے نؤ اٹھاراں دھام نہیں لَینا ملّ، جوتی جوت لئے سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، انتم لیکھا اپنے ہتّھ رکھائیا۔ سولاں ہاڑ کہے جن آئے سجّن میِت، مِتر پیارا دئے وڈیائیا۔ کِرپا کرے تُہاڈی کایا کعبےمندر مسیِت، شِودوالا مٹھ پُرکھ سمرتھ اِکو دئے وکھائیا۔ سب دے نال سچّی کرنی سِکھو پریِت، بِن پریِتی پریِتم میل نہ کِسے مِلائیا۔ پِچھلی سب دی پِچھے گئی بیِت، اَگے پُرکھ اکال شہنشاہی سمت دِتا لگائیا۔ جِس دا فرمان وقت نال ٹھیِک، دو جہان نہ کوئی میٹے میٹ مِٹائیا۔ جن بھگتاں کھیل دسےّ انڈیِٹھ، ساچے مندر اندر وجاوے نام ودھائیا۔ دُھر دا ڈھولا نام اگمّی سُناوے گیِت، رسنا جِہوا بتّی دند کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، گھر پڑدا دئے کُھلائیا۔ سولاں ہاڑ کہے جو آئے در دوار، پریمی پریمی روُپ وٹائیا۔ اوہناں دے اندر وسے نِرنکار، نِرگُن بَیٹھا سوبھا پائیا۔ جو ہؤلی ہؤلی ہِلائے تند ستار، سُرتی شبد نال مِلائیا۔ سوہنے گُردَیال سِنگھ دے سُنے وِچار، وِچرکے دِتے جنائیا۔

ایہہ وی گوبِند نال قؤل اِقرار، گوداوری کنڈھا دئے گواہیِا۔ جِس دا دَیاسِنگھ نال سی بڑا پیار، اٹھاراں سال جوڑ جُڑائیا۔ ایسے کارن ہویا اجّ وِہار، وِوہاری دِتا سمجھائیا۔ پوُرب جنم دا لہنا دینا دیونہار آپ کرتار، قُدرت قادر ویکھ وکھائیا۔ گُرمْکھ گُرمْکھاں نالوں وِچھڑے ملِے یار، یاری دُھر دی اِکو لیَنی بنائیا۔ جگت حکوُمت سدا دِن چار، ایہہ وی خوشیاں وِچ وکھائیا۔ پُرکھ ابناشی ہو دَیال، اپنی سِکھیا اِک جنائیا۔ سرب دا سانجھا کرنا اِک پیار، پیاریاں پیار لَینا پرگٹائیا۔ پریِت اَگے گُرمْکھو اَگے نہیں کوئی اُدھار، سؤدا نقدو نقدی کایا مندر اندر دئے جنائیا۔ سولاں ہاڑ کہے مَیں ہربھگتاں آیاں گُرمْکھاں توں جاواں بلہار، بلہاری جو ایہناں دے گُن گائیا۔ جِنہاں دے اندر وسیا سانجھا یار، سانجھی وارتا رہیا وکھائیا۔ جوتی جوت سروُپ ہرِ، آپ اپنی کِرپا کر، پریم پریِت دا جام ساچے پریمیاں نوُں دئے پیال، پریم دا ناتا پرماتم آتم نال جُڑائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، کرے کھیل اگمّ اپار، الکھ اگوچر اگمّ اتھاہ جِس دی جگت بُدھی سمجھ کِسے نہ پائیا۔

بانہہ کہے مَیں گئی پھڑی، پھڑن والے دَیا کمائیا۔ مَینوُں پِچھلی یاد آئی بڑی، مَیں بُڑھاپے وِچوں جوانی لئی بدلائیا۔ لیکھا مُکیا چمکؤر گڑھی، چمکدے ہیِرے گُرمْکھ لئے پرگٹائیا۔ شہیدی دی شہادت وِچوں کر کے بری، بری خانہ دِتا وکھائیا۔ جِنہاں نال مِل کے گوبِند پربھ دی سوہوے گھڑی، جگت گھڑیال وقت نہ کوئے سمجھائیا۔ میلا ہو گیا نال اوس ہری، جو ہر ہِردے رہیا سمائیا۔ لیکھے لگی سیوا کری، کرماں دا لہنا جھولی پائیا۔ گُرمْکھ آتم کدے نہ مری، مُردا ہو نہ گور سمائیا۔ اوسے دی سرن پڑی، جیہڑا پرت کے اپنا ویس وٹائیا۔ جِس دے گھر قیِمت پیَندی کھری، کھوٹیاں کھرے دئے بنائیا۔ پریم دی لاوے جھڑی، جھگڑے جنم دے دئے چُکائیا۔ بانہہ کہے مَیں بھگت دی اُچی ہو کے کھڑی، کھنڈے کھڑگ نالوں تِکھی نظری آئیا۔ جِس دی پریم دی زنجِیر وکھری سب توں کڑی، کڑیاں دے کنگن رہیا بنائیا۔ اوسے دے دوار تے ہرِسنگت سوہنی کھڑی، جِنہاں ختم کیِتی لوکائیا۔ بھے وِچوں نِکل کے ہوئی نِڈری، کوُڑا بھؤ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنا لیکھا رہیا لگائیا۔ بانہہ کہے مَیں ویکھیا پھڑدا، بِن ہتّھاں ہتّھ لگائیا۔ گُرمْکھاں دا لہنا ویکھیا اَگے دھردا، دھرنی دھرت دھوَل دئے گواہیِا۔ پریمی پریِتم اندر ہُندا ویکھیا بردا، بدلے دا بدلہ رہیا

چُکائیا۔ بانہہ کہے جِس دا بھگتاں بِنا کمّ نہیں سردا، سجّن ساچے ویکھ وکھائیا۔ جیہڑا گوبِند پِچھے پِچھے رہیا لڑدا، اُہناں دی لڑی اپنے نال جُڑائیا۔ گھر وکھا کے سچّا ہرِ دا، در دا میلا رہیا کرائیا۔ لہنا چُکا کے پُرکھ نار دا، نر نرائن ہوئے سہائیا۔ لیکھا مُکیا جُجھار والے جل دا، جھلّ دا دُکھ نہ کوئے وکھائیا۔ بھگتاں دے پریم پیار نال سیِنے سلّدا، تیِر انیالا اِک چلائیا۔ اندرے اندر شبد سروُپی سُنیہڑے گھلدا، کیِڑی چیونٹی ننھی لئے اُٹھائیا۔ اجے وی لیکھا کُچھ ول چھل دا، جیہڑا پردیاں وِچ چُھپائیا۔ سماں آؤنا جِس ویلے بھگت بھگوان نے ویکھنا پھلدا، بوُٹا دو جہان مہکائیا۔ سب دا لیکھا بِن لِکھتوں میرے نال چلدا، دِوس رَین بھجےّ واہو داہیِا۔ جن بھگتو لہنا ہور ویکھیو کل دا، جو بِنا کلمیوں دئے گواہیِا۔ تُہاڈی جوبن جوانی دا پرچھاواں کدے نہ ڈھلدا، جُگو جُگ نِت نوِت اپنے نال رکھائیا۔ تُہانوُں بھیت نہیں ایس گوبِند والے بَل دا، جو بہُتا ہو کے تھوڑا نظری آئیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ بانہہ کہے جِس ویلے مَینوُں پھڑ کے گھُٹیا، گھُٹ امرت دِتا پیائیا۔ میرا جگت جہان دا ناتا تُٹیا، شریکاں نالوں ہوئی جُدائیا۔ میرا کوُڑ کُڑیارا مِٹیا غُصیا، ممتا موہ دِتی تجائیا۔ مَیں سہج سُبھاؤ گوبِند پُچھیا، سیِس چرناں اُتے ٹِکائیا۔ کیہڑی گلّوں مالک ہو کے رُسیاة، اندرلے رستے دِتی جُدائیا۔ جے تُوں وسیں بھگتاں جُسیاں، کوُڑی کِریا دے کھپائیا۔ جوتی جوت سروُپ ہرِ، آپ اپنی کِرپا کر، لہنے دُھر دے ویکھ وکھائیا۔ بانہہ کہے مَینوُں پھڑیا صاحب نے گھُٹ، ہؤلی جِہی اُنگلاں نال دبائیا۔ اگمّی آواز نال کِہا گُرمْکھ ساچے سُت، سُتّیاں لَواں اُٹھائیا۔ اَگے آ گئی میری رُت، پِچھلی رُت دِتی بدلائیا۔ تُہاڈا ویلا آیا ڈُھک، سوہنا سماں دیاں سُہائیا۔ جے تُہاڈے کول نہیں کُچھ، نام بھنڈارے دیاں بھرائیا۔ جِس دا لیکھا کدے نہ جاوے مُک، آد جُگاد رہیا ورتائیا۔ گُرمْکھو تُہاڈے اُتے اِکو وار ہونا خوش، خوشی سب نوُں دینا کرائیا۔ ایس توں اگلا لیکھا ستاراں ہاڑی لَینا پُچھ، بِنا پُچھیاں بِنا دسّیاں اپنا آپ نہ کدے لُکائیا۔ مہاراج شیرسِنگھ وِشنوُں بھگوان، ہؤلی ہؤلی تُہاڈے اُتے رہیا تُٹھ، نؤ سؤ چُرانوے چؤکڑی دی میِٹی مُٹھ، آپے رہیا کُھلائیا۔

روٹی کہے مَیں بدلیا روُپ پرشادے مِسے، مِسل اپنی دینی بنائیا۔ جیہڑے گوبِند دے آئے سی حِصّے، اوہ پُرکھ اکال نوُں دینے کھوائیا۔ بِنا بھگت دواریوں لبھن کِتھے، دو جہاناں ہتّھ کِسے نہ آئیا۔ ایہہ سب رساں نالوں مِٹھے، مِٹھیاں دی مِٹھاس رہے گوائیا۔ بِنا پُرکھ اکال کِسے نہ ڈِٹھے، جگ نیتر نظر نہ کوئے ٹِکائیا۔ جن بھگتو تُہاڈی پِچھلی کیِتی دے نِکلے سِٹے، سِخر چوٹی دئے چڑھائیا۔ تُہاڈے پِچھلے لیکھے کر کے چِٹے، چِٹے بستر دِتے پہنائیا۔ جِنہاں دی ماں کدی نہ پٹے، نیتر نیِر نہ کوئے وہائیا۔ مارگ دُھر دے جانا سِدھے، رہبر ہو کے دَیا کمائیا۔ پریم پیار دے پؤنے گِدھے، دو جہاناں وجےّ ودھائیا۔ ایتھے لوڑ کیہڑی نال پکّے ردھے، سواد سوہنا نظری آئیا۔ کِیوں پربھوُ جُگ جُگ بھگتاں نال سُکے ٹُکڑے کھان گجھے، رَویداس چمارا دئے گواہیِا۔ ایہہ وی اپنے حُکم دی کھیل کرائی بِدھے، بِدھاتا دیونہار وڈیائیا۔ سُکے ٹُکڑیاں والیو تُسیں وڈّے ہو گئے کِڈے، قِسمت اپنی لئی بدلائیا۔ اوسے گوبِند دی چرنی ڈِگے، جیہڑا ڈِگدیاں گلے لگائیا۔ اَگے ہونے موُل نہ دغے، جگت دغے وِچوں باہر کڈھائیا۔ تُہاڈا پرشاد کھا کے اوہ سوامی رجےّ، جو رازق رِزق رحیِم اکھوائیا۔ جِس نے پریم پیار اندر گُرمْکھ سدّے، شبد سندیشے سچ گھلائیا۔ بےشک تُہاڈے گلوں لتّھے جھگّے، جھگڑے سارے دِتے گوائیا۔ تُہاڈے نام دا ڈنکا وجنا بِنا ڈھول ڈّگے، کُنٹ چار ہووے شنوائیا۔ ایس پکوان دے پکّے ہوئے مزے، رس اگمّ رہے وکھائیا۔ لیکھا ہور باقی اجے اَگے، اپنے ہتّھ رکھائیا۔ بھگت بھگوان پوُرب لہنے اندر بدھےّ، دینے وِچ کھیل وکھائیا۔ اُچے سُچے ہو کے سبے، پربھ سبیِتا دئے بدلائیا۔ تُہاڈے اندروں اپنا نام خزانہ پُٹ کے کڈھے، جو پڑدیاں وِچ لوکائیا۔ وست امولک اپنی لبھے، لابھدائک تُہانوُں دئے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔

۱۷ ہاڑ شہنشاہی سمت ۱ لنگر استھان جیٹھوُوال

ہرِسنگت کہے پربھ تیری پہلی برسی، بِچھرت لیا مِلائیا۔ بھگتاں دی منّ بھگوان عرضی، عرشی پریِتم دُھردرگاہیِا۔ دُکھیاں دا بن دردی، دردیاں دُکھ ونڈائیا۔ جُگ چؤکڑی تَینوُں رہی لبھدی، گُرمْکھ آتم رہی کُرلائیا۔ سہِندی رہی گرمی سردی، جگت ونڈ ونڈائیا۔ تیرے نام دے کلمے رہی پڑھدی، ڈھولے رسنا گائیا۔ ویکھی کھیل نہ سچّے ہرِ دی، ہِردے وِچ نہ گیا سمائیا۔ اجّ کھیل

بھگتاں دے گھر دی، گھربار والے دے بنائیا۔ اِکے سرِشٹی تیری سیوا رہی کردی، ٹھاکر سیو نام کمائیا۔ اجّ حالت ویکھ ساڈے حال دی، ہرجن ہِردا دئے گواہیِا۔ سانوُں لوڑ نہیں جگت دھن مال دی، مایا ممتا دِتی تجائیا۔ سانوُں خوشی اُس پریم بھری دال دی، جو دلِدریاں دلِدر ونڈائیا۔ جِس نوُں کھادیاں زنجِیری کٹ جائے جال دی، اَگے دیوے نہ کوئے سزائیا۔ ایہہ بینتی غریِباں دے سوال دی، اپنے نال لَینا مِلائیا۔ مِہر ویکھیئے تیری دیِن دَیال دی، دَیاوان دینی وڈیائیا۔ جے پِچھے نہیں ساں تَینوُں جاندی، اجّ توں اپنا بھید دینا کُھلائیا۔ بُھکھ رہے نہ پیِن کھان دی، ترِشنا دئے مِٹائیا۔ پربھ سانوُں اِچھیا بِھچِھیا مِل جاوے تیرے دان دی، خالی جھولی دینی بھرائیا۔ تیری صِفت آد جُگاد شاہ پاتشاہ سچّے سُلطان دی، جو بُھکھیاں رہیا رجائیا۔ کڑچھی کہے بھردے وِچ دیگ، دغا رہن کوئے نہ پائیا۔ جیہڑی منگ منگ گیا بہادر گُروُ تیغ، انتر اپنا دھیان لگائیا۔ گوبِند ہو کے لِکھ گیا لیکھ، بِنا قلم دوات شاہیا۔ جِنہاں نوُں اپنے حُکم اندر دِتا بھیج، بھجن بندگی اِکو دِتی دِرڑائیا۔ اوہناں دے اندر مان آ کے سیج، جگت بِسترے دینے تجائیا۔ پربھ تیری ویکھے اوہ اگمّی کھیڈ، جِس نوُں کھِلاڑی سکے نہ کوئے کھِلائیا۔ تیرے پریم پیار دی کھا کے دال ہو جائیے سارے نیک، بدی رہن کوئے نہ پائیا۔ وڈّے چھوٹے امیِر غریِب چارے ورن ہو جائیے ایک، ایکنکار تیری سرنائیا۔ ویکھیں کِتے اپنے دوارے توں نہ دیویں چھیک، چھیکڑ ایہو منگ منگائیا۔ سَت پریِتی بخش ٹیک، ٹِکے دھوُڑی دینے لگائیا۔ تیرے پیار دا لبھے ہیت، مُحبّت بےپرواہیِا۔ جِس کارن صدّے دِتے بھیج، گُرمْکھ سجّن لئے بُلائیا۔ جوتی جوت سروُپ ہرِ، آپ اپنی کِرپا کر، اِک وار تکّ کے میرے ولّ لےَ ویکھ، وکھری اپنی نظر تکائیا۔ مہاراج شیرسِنگھ وِشنوُں بھگوان، تُوں آئیوں بھگتاں دیس، اپنا بدل کے بھیس، ریکھ پِچھلی دینی مِٹائیا۔

پریم پیار نال کہے جن بھگتاں پُھلکا، پُھل کے اپنی خوشی وکھائیا۔ مَیں درشن کیِتا اُس سَتگُر دا، جو گُر اپنا رہیا بدلائیا۔ جو لہنا دینا دیوے دُھر دا، دُھر دھار ویکھ وکھائیا۔ جو سچکھنڈ دوارے جا کے اپنے حُکم اندر مُڑدا، دوُجا سنگ نہ کوئے رکھائیا۔ سنت سُہیلے سجّن ساچے لوڑدا، لکّھ چؤراسی ویکھ وکھائیا۔ بھیو مِٹا کے مور تور دا، تُرت اپنا حُکم منائیا۔ لہنا مِٹا کے کوُڑی کِریا شور دا، شہنشاہ اپنا رنگ چڑھائیا۔ کھیل کرے بھگت وچھل وچول دا، میل مِلا کے دُھردرگاہیا۔ جن بھگتو جھگڑا رہیا نہ کِسے رول دا، رؤنق

اپنی اِک جنائیا۔ ڈھولا سُنا دے ساچے ڈھول دا، اگمّی ناد وجائیا۔ پُھلکا کہے مَیں اندروں سڑ کے تُہاڈے اُتوں اپنا آپ گھول دا، گھول گھُما کے سیو کمائیا۔ ایہہ پُرکھ ابناشی جِس دے تول تولدا، تولنہارا اِکو نظری آئیا۔ مَیں سُنیہڑا دیواں جیہڑا گُرمْکھ مَینوُں کھاوے اوہ ایتھے اوتھے کدے نہ ڈولدا، صِدق صبوُری دیاں بندھائیا۔ پوُرا کیِتا اِقرار گُر اوتار دے قؤل دا، اِک اَکیلا ہو کے روُپ وٹائیا۔ لہنا مُکیا ایس دھؤل دا، جِتھے بالمیک اِکّی دِن بُھکھا رہ کے جھٹ گیا لنگھائیا۔ اجّ اوسے دے پریم دا بوُٹا مؤل دا، مؤلا اپنا رنگ وکھائیا۔ جن بھگتو مِہر نظر نال تُہاڈے پِچھلے پردے نہیں پھولدا، سِر اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، سچ بھنڈارا اپنی سمگری وِچوں تُہاڈا کھولدا جوت اِکگری دئے وکھائیا۔ مہاراج شیرسِنگھ وِشنوُں بھگوان، کمّ کرے نہ کوئے ہُن گول مول دا، بُھکھیاں ساریاں دئے رجائیا۔