۲۹ ہاڑ شہنشاہی سمت ۱ چیلا سِنگھ دے گرِہ جموں
گوداوری کہے مَیں راہ تکاّں سچ پربھاتی، پربھوُ جِس نوُں دیوے مان وڈیائیا۔ جِس پُرکھ اکال دیِن دَیال گوبِند منّ کے آکھی، آخر اپنا حُکم ورتائیا۔ نِرگُن نِروَیر نِراکار نِرنکار بن کے ساتھی، دُھر دا بیلی سگلا سنگ نِبھائیا۔ جِس دی اگمّ اتھاہ بِن اکھّراں والی پاتی، بِن سطراں رہی سمجھائیا۔ اوہ وارتا کتھا دسےّ ساچی، سَت سَت دِرڑائیا۔ مَینوُں یاد آئی پِچھلی باتی، باطن پڑدا دیاں اُٹھائیا۔ تیرا کھیل پُرکھ ابناشی، شاہ پاتشاہ تیری سرنائیا۔ تیرا حُکم بھوِکھت واکی، ویلا وقت دئے سُہائیا۔ دَیاوان مِہروان نظرے کرم کریں ناتھ اناتھی، دیِناں گود اُٹھائیا۔ سچ سُہنجنی سُہاؤنی میری راتی، رُتڑی اپنے نال مہکائیا۔ جن بھگتاں دی پہلوں معاف کرکے جنم جنم دی
گُستاخی، غُصّہ گِلہ دینا گوائیا۔ سوہنگ مہاراج شیرسِنگھ وِشنوُں بھگوان، سب دی لِکھیا ہووے اُپر چھاتی، دُھر دی دھارا نال بنائیا۔ پریم پیار نال تکے کملاپاتی، پت پرمیشور نوُر خُدائیا۔ جنم جنم دی بدل دے حیاتی، حاضر ہو کے ہو سہائیا۔ ہُن کیہڑی کتھا تیری کاغذاتی، ساکھیات تیری بےپرواہیِا۔ کیہڑا میل ہویا اِتفاِقّی، حُکمے اندر اپنا حُکم ورتائیا۔ پربھوُ تیرے بھگت سدا تیرے جماعتی، دوُجی پاٹھشالا وِچ کرن نہ کوئی پڑھائیا۔ تیرا عِلم عالماں توں باہر صفاتی، بِن سمجھ دینا سمجھائیا۔ لیکھا لِکھیا نہ جائے قلم دواتی، دانشمندی نہ کوئے چتُرائیا۔ لیکھا چُک جائے عِشق حقیِقی مجازی، لاجوابی اپنا حُکم ورتائیا۔ من واسنا کوُڑی کِریا تیرے بھگتاں اندر نہ کرے خرابی، کھوٹے کھرے دینے بنائیا۔ اپنے پریم پیالے متوالے دے کر کے شرابی، نشہ اِکو دینا چڑھائیا۔ تیرے رس دا کھاون سچ کبابی، کایا کعبہ دینا کُھلائیا۔ سچ مندر سُہا محرابی، محبوُب اپنا رنگ رنگائیا۔ بھگت اُدھارنا تیری دُھر دی وادی، وعدہ گوبِند پوُر کرائیا۔ ممتا پوُری ہووے اوس دادی، جو دعوے نال گئی دِرڑائیا۔ دُھر دی بان تیری آدی، عدل اِکو لَینا کمائیا۔ گُرمْکھ ہنس بنؤنے کاگی، کلمہ نام سچ جنائیا۔ گیِت سُناؤنا دُھر دا راگی، انراگی آپ دِرڑائیا۔ ساچے بھگتاں بخش کے اِک آزادی، اجل توں لَینا چُھڈائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا لیکھے لائیا۔ گوداوری کہے پربھ میری پوُرب ونڈی، حِصیاں والی نظری آئیا۔ کنڈھے والے جِس ویلے جاوے کنڈھی، ویس انیِکا روُپ وٹائیا۔ جن بھگت بنا کے سنگی، دُھر دا سنگ رکھائیا۔ کوُڑی کِریا توڑ پابندی، مُشکل اوہناں حل کرائیا۔ سِدھا مارگ دسّ کے ڈنڈی، ڈنڈؤت اِکو دینی سمجھائیا۔ آتم رہے کوئی نہ رنڈی، دوہاگن روُپ نہ کوئے وٹائیا۔ من واسنا کڈھ کے گندی، امرت جام دینا پیائیا۔ جوتی جوت سروُپ ہرِ، آپ اپنی کِرپا کر، میرا لیکھا ویکھ وکھائیا۔ گوداوری کہے پربھوُ میری اِک ہور لگن، لگّی دیاں جنائیا۔ تیرے بھگتاں نوُں مَیں خوشیاں نال پاؤنا سگن، سوہنا ویس وٹائیا۔ نام خُماری پریم پریِتی چاڑھنی رنگن، کُسُنبھڑا روُپ نہ کوئے وٹائیا۔ سجّن سُہیلے لا کے انگن، انگیکار لَینے بنائیا۔ جوتی دھار دے نِرنجن، انجن اِکو دینا وکھائیا۔ دُھر دی دھار ساچا مجن، امرت جل مُکھ چوائیا۔ آتم پرماتم کر کے مگن، مگرلا لیکھا دینا مُکائیا۔ پِچھوں بھیو کُھلا کے اُپر گگن، گہر گمبھیِر دینا مِلائیا۔ جِنہاں دی ویل لگی ودھن، بنس اُہناں دے سُہائیا۔ جوتی جوت سروُپ ہرِ، آپ اپنی کِرپا کر، سچ کرنی دینی دِرڑائیا۔ گوداوری کہے مَیں تکدی رہی جُگ چار، بِن اکّھاں دھیان لگائیا۔ جگت مَیل دھوندی
رہی سنسار، سیوا سیو کمائیا۔ وینہدی رہی وِبھچار، کوُڑ کُڑیار راہ تکائیا۔ سرِشٹی روندی رہی زارو زار، درِشٹی درِشٹ نہ کِسے کُھلائیا۔ گرِہستی آؤندے رہے وارو وار، بن بن پاندھی راہیِا۔ سادھ سنت رسنا جِہوا بولدے رہے نال زبان، رام نام ڈھولا گائیا۔ ہے پربھوُ بِنا تیری کِرپا ثابت ویکھیا نہیں کِسے دا ایمان، عملاں وِچ نہ کوئے لوکائیا۔ شاہ سُلطان ویکھے بےایمان، بیوہ ہو کے دین دُہائیا۔ میرے دھنّ بھاگ جے بھگَونت تیرا بھگتاں دا ویکھاں خاندان، ہانی میری پوُر مَیں خوشی ہوواں جہان، اپنا رنگ بدلائیا۔ جِس ویلے تیرے بھگتاں دا سوہنا لگے دیوان، انتر آتم اِک لِو لائیا۔ مَیں سُننا سچ فرمان، جو فُرنیوں باہر دئے دِرڑائیا۔ جِس نوُں جانے نہ کوئے عوام، قلماں نال نہ ونڈ ونڈائیا۔ تُوں دردی بن سُلطان، ہونا سچ سہائیا۔ مَیں بردی بن غُلام، در تیرے سیِس نِوائیا۔ کر بینتی منگاں دان، نیتر نیَناں نیِر وہائیا۔ ہے پربھوُ تیرے بھگت بالے نڈھےّ بچّے اجے اَنجان، ہؤلی ہؤلی اُپر لَینا اُٹھائیا۔ اِنہاں دے اندر بخش اِک گیان، بِن تیرے دوُسر سیِس نہ کِسے نِوائیا۔ تُوں اِنہاں دا بن اوہ کاہناں دا کاہن، جِس کاہن نے کاہن دِتے پرگٹائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ گوداوری کہے سگن والیاں وستوُ دس، گُرمْکھاں ہتّھ وڈیائیا۔ لال دستار سّجے ہتّھ، ہاڑ ستاراں دئے گواہیِا۔ اکّھ وِچوں اکّھ کر کے وکھ، حُکم دینا سمجھائیا۔ سچ روُپ کر پرتکھ، بھرم دینا مِٹائیا۔ جو گُرمْکھ لئے سدّ، شبدی حُکم جنائیا۔ جوتی جوت سروُپ ہرِ، آپ اپنی کِرپا کر، حُکم اپنے ہتّھ رکھائیا۔ گوداوری کہے سگن اوہ سگلا، بھگت ملِے وڈیائیا۔ جِس نال مارگ ملِے اگلا، پِچھلا پندھ چُکائیا۔ ہرجن رہے کوئی نہ کنگلا، نام بھنڈارا دئے بھرائیا۔ پِھرنا پئے نہ وِچ جنگلا، جوُہاں وِچ نہ کوئے بھٹکائیا۔ دوارا کوئی نہ پئے منگنا، بھیکھی روُپ نہ کوئے وکھائیا۔ گھر بار نہ پئے تجنا، ناتا گِرہست نہ کوئے تُڑائیا۔ دَیاوان ہو کے گھر سوامی مِلنا سجّنا، سہج سُبھاؤ اپنے انگ لگائیا۔ جُگ چؤکڑی تیریاں بھگتاں بہُہ کیِتی تیری بندنا، نِیوں نِیوں سیِس نِوائیا۔ جوتی جوت سروُپ ہرِ، آپ اپنی کِرپا کر، دُھر دا لہنا دے چُکائیا۔ گوداوری کہے مَیں ویکھنی بھگتاں دی اوہ چھاتی، جیہڑی ہنوُنت گیا وکھائیا۔ گُرمْکھاں دی ویکھنی اوہ راتی، جو نانک گیا دِرڑائیا۔ گُرسِکھاں دی ویکھنی اوہ جماعتی، گوبِند کر کے گیا پڑھائیا۔ بھگتاں دی ویکھنی اوہ ساکھی، جو ساکھیات بھگوان درشن پائیا۔ سب نے مِل کے اِک دی منّنی آکھی، وِچوں دوُجا لَینا سمجھائیا۔ گوداوری کہے پربھوُ تیرے در تے آ کے کوئی نہ رہے پاپی، پتت پُنیِت دینے بنائیا۔ چار جُگ دے لیکھ کھول کے ویکھ اپنی کاپی،
جِس دا رائیٹ رائیٹر تُدھ بِن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دُھر دا سنگ دینا وکھائیا۔ گوداوری کہے مَیں گُرمْکھاں دا ویکھیا ہِردا، اندر وڑ کے دھیان لگائیا۔ جِنہاں دا وِچھوڑا چِر دا، چِری وِچھنے لئے مِلائیا۔ جِنہاں دے انتر گوبِند پِھردا، بھجےّ واہو داہیِا۔ جِس دے پریم پیار اندر ہنجھوُ گِردا، نیتر نیَن چھہبر لائیا۔ اوہناں اُتے تیرا ہتّھ ویکھنا پِھردا، کِس بِدھ لئے ٹِکائیا۔ نؤ سؤ چُرانوے چؤکڑی جُگ پِچھوں ویلا آیا اوس اگمّی پِر دا، جِس دی شاہی سکے نہ کوئے بدلائیا۔ حق حق حقیِقت نِبڑدا، جھگڑا چُکاوے کوُڑ لوکائیا۔ مَیں راہ تکاّں اوس دلیر دِلدار دِلبر دا، جو دِل دی حالت دئے بدلائیا۔ جو میرے کنڈھے اُتے آ کے کنڈھی والے وِچھڑے میلدا، مِلاپی ہو کے ہوئے سہائیا۔ ناتا کٹ کے رائے دھرم دی جیل دا، جیل خانہ کوُڑا دئے گوائیا۔ جھگڑا مُکا کے پاس فیل دا، اِکو ڈِگری ہتّھ پھڑائیا۔ اوتھے مِٹ جائے جھگڑا بھنڈارا کھیِر دا، آسا ترِشنا دئے گوائیا۔ گوداوری کہے مَیں کھیل ویکھاں اوسے دی کھیل دا، جو خلاصے نال بھرواسا دئے بنائیا۔ جوتی جوت سروُپ ہرِ، آپ اپنی کِرپا کر، مالک ہو کے دَیا کمائیا۔ گوداوری کہے سچ بھیو ہُن رہن نہیں دینا گُپت، مَیں سچ دیاں دِرڑائیا۔ بھگتاں اُتے پربھ مِہر کرنی مُفت، بندگی دی لوڑ رہے نہ رائیا۔ جُگ چؤکڑی تیری کردے رہے صِفت، راگاں ناداں وِچ صلاحیِا۔ شرع وِچ ہُندے رہے گرِفت، بندی خانہ نہ کوئے تڑائیا۔ دیِن مذہب حِصّے ونڈدے رہے نِصف، سچ رنگ نہ کوئے رنگائیا۔ ہے پربھوُ توُں سب دا مالک لکّھ چؤراسی نوُر اُپجیا وِچوں تیرے گِرہست، آتم پرماتم ونڈ ونڈائیا۔ تیریاں بھگتاں نوُں تیرے مِلن دا عِشق، دوُجی آس نہ کوئے وکھائیا۔ گوداوری کہے اَگے گوبِند مَینوُں لارا لا کے گیا خِسک، ہُن ہون نہ دینی جُدائیا۔ سنمُکھ ہو کے تیرے کولوں لُانٓا تِلک، سَوا رتی کیسر پٹنے والا دئے گواہیِا۔ مَیں پکاّ کر لیا نِسچ، سچ نِسچے نال رہی جنائیا۔ جوتی جوت سروُپ ہرِ، آپ اپنی کِرپا کر، مَینوُں یاد چّھبی پوہ والے دِتے ٹِکٹ، بِن ٹکیاں دِتے ورتائیا۔ تیرے بھگت پریمی ویکھاں تیرے نِکٹ، نِکٹورتی ہو کے ہو سہائیا۔ وِچھوڑے والی کٹ دِقت، دُکھیاں درد لئے ونڈائیا۔ سچ بھروسہ دے صِدق، چرن پریِتی اِک سرنائیا۔ در تے رہے کوئی نہ نِندک، کوُڑی کِریا دینی کڈھائیا۔ جوتی جوت سروُپ ہرِ، آپ اپنی کِرپا کر، میرا لیکھا پوُرا دینا کرائیا۔ مہاراج شیرسِنگھ وِشنوُں بھگوان، چرن دھوُڑی دینا دان، اِشنان مجن اِکو وار دینا کرائیا۔
۳۰ ہاڑ شہنشاہی سمت ۱ سَتسنگ بھَون رانی تالاب جموں شہر
صاحب سَتگُر سچّا گیا آ، آد جُگاد شبد انادی بےپرواہیِا۔ جو ایتھے اوتھے دو جہاناں بنے ملاح، کھیوٹ کھیٹا بیڑا اپنے کندھ اُٹھائیا۔ وار تھِت سوہنی پوُرنما رہیا سُہا، ویلا وقت دئے وڈیائیا۔ جموں نِواسیؤ ذرا مار کے ویکھو دھیِاں، بند کِواڑی پردہ لاہیِا۔ گھر گھر بَیٹھا جوت جگا، نوُرو نوُر نوُر رُشنائیا۔ شبد اگمّی ناد رہیا وجا، دِوس رَین اٹّھے پہر کرے شنوائیا۔ من واسنا نال ہو کے جُدا، آتم پرماتم پلّوُ گئے چُھڑائیا۔ دُھر دا مالک نر ہرِ خالق سچ سندیشہ اِکو رہیا سُنا، جگ جیِون داتا جاگرت جوت کرے رُشنائیا۔ جوتی جوت سروُپ ہرِ، آپ اپنی جوت دھر، ہر گھٹ اندر بَیٹھا وڑ، دوُر دُراڈا پندھ نہ کوئے رکھائیا۔ سَتگُر ساچا تُہاڈے کایا مندر اندر، نِج گھر بَیٹھا ڈیرہ لائیا۔ ساڈھے تِنّ ہتّھ ویکھے سوہنا مندر، نؤ دوارے پندھ چُکائیا۔ بجر کپاٹی کھول کے ویکھے جندر، نوُرو نوُر نوُر رُشنائیا۔ من واسنا دہ دِشا نہ دؤڑے بھجےّ بندر، کوُڑی کِریا باہر کڈھائیا۔ ساچا رس دیوے نِج نندن، ساچا رس اِک وکھائیا۔ جنم کرم لکّھ چؤراسی توڑے بندھن، بندگی اِکو دئے سمجھائیا۔ جوتی جوت سروُپ ہرِ، آپ اپنی جوت دھر، ہر گھٹ اندر بَیٹھا وڑ، سَتگُر سچّا بےپرواہیِا۔ سَتگُر سچّا پاربرہم، پت پرمیشور بےپرواہیِا۔ آد جُگاد جُگ چؤکڑی نہ جنمے نہ جائے مر، نوُرو نوُر نوُر رُشنائیا۔ لکّھ چؤراسی جیِو جنت سادھ سنت نِہکرمی ویکھے سرب کرم، کرم کانڈاں ڈیرہ دئے ڈھاہیِا۔ مایا ممتا ہؤمے ہنگتا کوُڑی کِریا من واسنا توڑے بھرم، بھانڈا بھے بھؤ بھنائیا۔ پنج تت کایا ماٹی ویکھنا ہڈّ ماس ناڑی چرم، گرِہ گرِہ آپے پھول پُھلائیا۔ سچ سندیشہ نر نریشا سَتگُر پوُرا حاضر حضوُرا اِکو سمجھا دئے ذات پات برن، ورن گوت ونڈ نہ کوئے ونڈائیا۔ صاحب سوامی انترجامی ساچی بخشے اِک سرن، چرن کوَل دھیان جنائیا۔ جوتی جوت سروُپ ہرِ، آپ اپنی جوت دھر، ہر گھٹ بَیٹھا اندر وڑ، گرِہ گرِہ اپنا آسن لائیا۔ سَتگُر پوُرا ہر گھٹ وسیرا، باہروں نظر کِسے نہ آئیا۔ جِس دے کول حق نبیڑا، جُگ چؤکڑی ویکھ وکھائیا۔ بھاگ لگائے کایا ماٹی کھیڑا، اندر مندر سوبھا پائیا۔ پتت پاپی اُتے کرے مِہرا، مِہر نظر آپ ٹِکائیا۔ بِن کرنیوں کرتا پار کر جائے بیڑا، سَتگُر شبد وڈّی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ سَتگُر شبد انند ساگر، گہر گمبھیِر نظری آئیا۔ بھاگ لگاوے کایا گاگر، مانس مانُکھ ونڈ ونڈائیا۔ آتم پرماتم دیوے آدر، من واسنا دوُر کرائیا۔ کِرپا کرے کریِم قادر، قُدرت دا مالک خالق شہنشاہیِا۔ نِرمل
کرم کرے اُجاگر، دُرمت مَیل دھوائیا۔ ساچا ونج کرائے بن سؤداگر، ساچا سؤدا اِکو نام وکھائیا۔ سو سوُربیِر جودھا بہادر، جو سَتگُر پوُرے لگے سرنائیا۔ جوتی جوت سروُپ ہرِ، آپ اپنی جوت دھر، ہر گھٹ اندر بَیٹھا وڑ، نِرگُن نوُر نوُر ڈگمگائیا۔ سَتگُر پوُرا کہے جِنہاں میرے مِلن دی رکھی آس، انتر آتم دھیان لگائیا۔ مَیں سدا وساں پاس، جگت وِچھوڑا پندھ مُکائیا۔ دیِا باتی کملاپاتی کراں اِک پرکاش، اندھ اندھیرا دیاں گوائیا۔ لیکھے لاواں پَون سواس، ساہ ساہ سمائیا۔ جھگڑا مُکا کے پرِتھمی آکاش، گگن منڈل ڈیرہ ڈھائیا۔ درس وکھاواں ساکھیات، سوَچھ سروُپی اپنا روُپ وٹائیا۔ ظاہر باطن کراں بات، بھیوَ ابھیدا کراں رُشنائیا۔ پوُرنماشی کہے میری پوُرنما والی رات، راتی سُتّیاں شبد ہو کے دیاں وکھائیا۔ جِس دی شاستر سِمرت وید پُران گاؤندے گاتھ، گیِتا گیان کرے وڈیائیا۔ سو صاحب سوامی انترجامی گھٹ وسیرا سب دے وسے پاس، سگلا سنگ رکھائیا۔ جوتی جوت سروُپ ہرِ، آپ اپنی کِرپا کر، ہر گھٹ ہو کے اندر بَیٹھا وڑ، سَتگُر پوُرا ڈیرہ لائیا۔ سَتگُر کہے مَیں سچ سوامی، مالک اِکو نظری آئیا۔ بِن رسنا جِہوا بتّی دند اکھّراں بولاں بانی، نِراکھّر دھار سمجھائیا۔ امرت آتم رس دیواں ٹھنڈا پانی، کَول نابھی آپ اُلٹائیا۔ لیکھا چُکاواں چارے کھانی، انڈج جیرج اُتبُھج سیتج لوڑ رہے نہ رائیا۔ سُرتی شبد مِلاواں ہانی، سیِتا رام ہووے کُڑمائیا۔ جوتی جوت سروُپ ہرِ، آپ اپنی کِرپا کر، ہر گھٹ اندر بَیٹھا وڑ، سچ سِنگھاسن پُرکھ ابناشن نِج آتم پرماتم ڈیرہ لائیا۔ سَتگُر شبد کہے جِس نوُں میری لوڑ، اندر وڑ کے کھوج کھوجائیا۔ میرا روُپ رنگ بھاگ کرے متھور، غریِب نِمانیاں گود اُٹھائیا۔ ناتا توڑے پنج چور، کام کرودھ لوبھ موہ ہنکار نہ ہوئے ہلکائیا۔ چِری وِچُھنی آتم پرماتم دئے جوڑ، ناتا دُھر دا دئے بنائیا۔ اِکو تند بجھّے ڈور، دوُجی لوڑ رہے نہ رائیا۔ اندھیرا چُکے اندھ گھور، سَت دیِپ ہوئے رُشنائیا۔ منتر پُھرے فُرنا پھور، من منسا دئے گوائیا۔ جوُٹھ جھوُٹھ کوُڑی کِریا دیوے ہوڑ، ہوکا اِکو اِک سُنائیا۔ جوتی جوت سروُپ ہرِ، آپ اپنی جوت دھر، سَتگُر سچّا وسے ساچے گھر، گرِہ مندر اندر بَیٹھا ڈیرہ لائیا۔ سَتگُر شبد دیِن دَیال، دیانِدھ اپنی دَیا کمائیا۔ ناتا توڑ کال مہاکال، مُحبّت دُھر دی اِک بندھائیا۔ ساچی سخیاں ملِے ساچا کاہن، گرِہ مندر وجےّ ودھائیا۔ پریم پریِتی بخشے دان، دُھر دی وست اِک ورتائیا۔ سچ سِنگھاسن دیوے آرام، من واسنا نہ کوئے ہلکائیا۔ آون جاون جھگڑے مُکاوے تمام، لکّھ چؤراسی دئے مِٹائیا۔ سچ وستوُ دے کے دُھر دا اِنعام، نام نِدھانا جھولی پائیا۔ اِکو میلا ہووے سچّے رام، جو رِشتہ دُھر دا دئے جنائیا۔
بِن سَتگُر پوُرے ہوئے نہ کِسے کلیان، سچکھنڈ دوارے نہ کوئے بہائیا۔ جوتی جوت سروُپ ہرِ، آپ اپنی کِرپا کر، سب نوُں مارگ رستہ دسےّ آسان، مِہروان ہو کے مِہر نظر نال ترائیا۔ آپ بھاویں کُچھ نہ کہنا، کہن دی لوڑ رہے نہ رائیا۔ ضرور پربھ دا درشن کرنا اوس نیَناں، جیہڑی اکّھ نہ کِسے کُھلائیا۔ سجّن بناؤنا اِکو سیَنا، جو ساکھیات ہوئے سہائیا۔ جِس دے نال سدا سدا سد مِل کے بہنا، گھر اِکو ڈیرہ لائیا۔ جو چُکاوے جنم جنم دا لہنا دینا، دے دے خوشی منائیا۔ جوتی جوت سروُپ ہرِ، آپ اپنی کِرپا کر، بِن کہن سُنن توں سب کُچھ دئے سمجھائیا۔ بےشک کہن سُنن دی نہیں گلّ، بھیوَ ابھید نہ کوئے جنائیا۔ جے سہجے مُشکل ہو جائے حل، بِن حلوے پوُڑی کھوَایاں ملِے ہرِ رگھُرائیا۔ وِچھوڑا رہے نہ گھڑی پل، آتم پرماتم نہ ہوئے جُدائیا۔ دِیپک جوتی جائے بل، اندرے اندر ہوئے رُشنائیا۔ دُئی دوَیتی مِٹ جائے سلّ، صاحب اِکو نظری آئیا۔ پوُرب جنم دا جھولی پےَ جائے پھل، اِس جنم دا لیکھا دئے مُکائیا۔ نِہچل دھام وکھائے اٹل، سچ در اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، بِن کہن سُنن توں کایا کپڑ ویکھ وکھائیا۔ کہن سُنن نالوں اندر دھیان چنگا، بِن رسنا جِہوا ملِے وڈیائیا۔ صاحب سَتگُر سدا بخشندا، شبدی روُپ بےپرواہیِا۔ جگت نیتر جہان اندھا، بھگت بھگوان اندر اکّھ کُھلائیا۔ تُہاڈے جیِون دا انتم کنڈھا، ویلا نیڑے دئے وکھائیا۔ بِنا پوُرے سَتگُر منزل پؤڑی چڑھیا کوئے نہ ڈنڈا، ڈنڈاوت سچ نہ کوئے کرائیا۔ آتم پرماتم بن جائے دُھر دا سنگا، سگلا سنگ نِبھائیا۔ کایا مندر اندر ساچا تیِرتھ ہو جائے گنگا، گوداوری جمنا سُرستی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، بِن کہن توں کرنی ویکھ وکھائیا۔ کہن سُنن دی ایتھے کیہڑی لوڑ، بُدھی والی نہ کوئے چتُرائیا۔ جیہڑا وِچھڑیاں رہیا جوڑ، آتم پرماتم میل مِلائیا۔ جِس دی لگی نِبھے توڑ، اَدھ وِچکار نہ کوئے اٹکائیا۔ صاحب سوامی ہووے بندی چھوڑ، پھانسی جم دی دئے کٹائیا۔ گُر اوتار پَیغمبر جِس دی رکھدے گئے لوڑ، سو آسا پوُر پربھ پوُرن بےپرواہیِا۔ سُرتی شبد بندھاوے ڈور، آپ اپنی دَیا کمائیا۔ جوتی جوت سروُپ ہرِ، آپ اپنی جوت دھر، بھیوَ ابھیدا دئے کُھلائیا۔ رسنا کہن دی کیہڑی بات، کہہ کہہ تھکی سرب لوکائیا۔ بِن سَتگُر پوُرے اندروں کھولیا کِسے نہ تاک، پردہ پرے نہ کوئے ہٹائیا۔ دُھر دا جُڑیا نہ کوئی ساتھ، سجّن صاحب نہ انگ لگائیا۔ اجّ مِلن دا ہو گیا اِتفاق، اِتفاقیا گیا آئیا۔ وست امولک دیوے دات، داتا دانی دَیا کمائیا۔ شبد گھوڑے چڑھاوے راک، اسوَ اِکو دئے وکھائیا۔ جے جگت گوَرنری دا کیِتا راج، حُکم حاصل نال وڈیائیا۔ اندر آتما پرماتما
دی رہی آواز، لوڑیندا ساجن نہ کوئے مِلائیا۔ پِھردا رہیا وِچ سماج، بھجیّا واہو داہیِا۔ تکدا رہیا سنت سادھ، سادھنا سچ نہ کوئے جنائیا۔ جو سوامی ہر گھٹ اندر ہویا وِسماد، بِسمِل اپنا آپ کرائیا۔ جِس نوُں سمجھ نہ سکے کوئی دِماغ، بُدھی چلے نہ کوئے چتُرائیا۔ بھگت اُدھارن جِس دا جُگ چؤکڑی رِواج، رِعایت نال پار دیوے کرائیا۔ اوتھے کہن سُنن دی کیہڑی گاتھ، جو اندر وڑیا مندر چڑھیا سب کُچھ جانے چائیں چائنیا۔ جوتی جوت سروُپ ہرِ، آپ اپنی کِرپا کر، پردہ اوہلا دئے اُٹھائیا۔ کہہ سُن رسنا تھکی، شاستر سِمرت وید پُران دین گواہیِا۔ لبھ لبھ سرِشٹی اکّی، بھجےّ واہو داہیِا۔ بِن ہرِ کِرپا تکّے نہ کملاپتی، پت پرمیشور سِر ہتّھ نہ کوئے ٹِکائیا۔ جِنہاں نام دیوے نِرگُن نِروَیر اِک رتی، رتن امولک ہیِرے دئے بنائیا۔ سنمُکھ ساکھیات درس کراوے اکّھی، اکّھ اکّھ نال مِلائیا۔ بھگت بھگوان دی بن جائے اوہ سخی، جِس دی راس آد جُگاد نظری آئیا۔ بھاویں جگت مایا وِچ ہووے لکّھ لکّھی، کروڑ کروڑی روُپ وٹائیا۔ پربھ دوارے قیِمت کوئے نہ ککّھی، کؤڈی ہٹّ نہ کوئے وِکائیا۔ جے سَتگُر پوُرے گُرمْکھ کہے مَیں کوئی گلّ دسّی، دسّ کے دِتا سمجھائیا۔ ایہہ گلّ نہیں اچھی، بھگت بھگوان سدا وجدی رہے ودھائیا۔ سرِشٹی کہے وِچھوڑا جل میِن مچّھی، گُرمْکھ کہے وِچھوڑے وِچوں جوڑا جوڑے وِچوں اِکو نظری آئیا۔ کہن سُنن دی پڑھن لِکھن دی ایتھے نہیں کوئی پٹّی، پٹیداری ساری دِتی گوائیا۔ جوتی جوت سروُپ ہرِ، آپ اپنی کِرپا کر، کرے کھیل اِکو سچّی، سچ ساجن لئے مِلائیا۔ ٹھیِک ہووے جے ملِے ٹھاکر، اندر ٹھوکر دئے لگائیا۔ بھیو کُھلا کے کایا گاگر، امرت رس دئے چوائیا۔ شبد گُروُ پرگٹ ہوئے بہادر، سوُربیِر اِکو نظری آئیا۔ در آیاں گھر آیاں گرِہ مندر دیوے آدر، آدرش اپنا اِک جنائیا۔ جوتی جوت سروُپ ہرِ، آپ اپنی کِرپا کر، ٹھیِک ٹھاک سب نوُں ویکھ وکھائیا۔ ٹھیِک ٹھاک سارے کہندے فقّر، فِکریاں وِچ گائیا۔ چوٹی چڑھیا ویکھیا کوئے نہ سِخر، منزل حق نہ کوئے جنائیا۔ جگت وِدیا پڑھ کے اکھّر، دیِن دُنی رہے سُنائیا۔ آپ اپنا کر کے وکھّر، رہبر مِلیا نہ بےپرواہیِا۔ جِس ویلے بھگت بھگوان دے آ جائے پتن، پِچھلا پندھ مُکائیا۔ اوس ویلے صاحب آپ آوے پت رکھن، نِرگُن سرگُن ویس وٹائیا۔ پھیر لوڑ نہ رہے کرن دی کوئی یتن، یتھا یوگ یتھارتھ یدپ اپنا رنگ دئے رنگائیا۔ مُڑ کے لےَ جائے اوس وطن، جِس وطن وِچوں بےوطن کر کے لوک مات دِتا گھلائیا۔ پوُرنماشی کہے پھیر اندھیری رَین نہ ہووے مسن، نوُری چند ہووے رُشنائیا۔ پوُرنما کہے مَیں اجّ آئی سب نوُں دسّن، ہوکا دے کے رہی سُنائیا۔ باہر کوئی نہ جائیو
لبھن، گھر بَیٹھا بےپرواہیِا۔ جِس نوُں کہندے گوپال موُرت مدن، مُکند منوہر لکھمی نرائن گا گا خوشی منائیا۔ جِس دے چرن کوَلاں وِچوں لبھو پدم، نِشانی تتّاں والی وڈیائیا۔ اُس دا بھگتاں دے کایا مندر اندر پہلا قدم، لنگھ دہلیزوں اَگے ویکھ وکھائیا۔ جوتی جوت سروُپ ہرِ، آپ اپنی کِرپا کر، بِن کہیاں سُنیاں سب کُچھ آوے سمجھن، لیکھا سب دا ویکھ وکھائیا۔ گوَرنر جی کدی ویکھیا جے نر، جِس نوُں نرائن سَت کہہ کے سارے رہے گائیا۔ جِس دا اِکو سچکھنڈ دوار سچّا گھر، سچ سِنگھاسن ڈیرہ لائیا۔ جو سنت سُہیلے رہیا پھڑ، اندرے اندر جوڑ جُڑائیا۔ جو کایا مندر اندر جائے چڑھ، نؤ دوارے پندھ مُکائیا۔ جِس توں وِکار ہنکار رہے ڈر، پرکِرتی سیِس نہ کوئے اُٹھائیا۔ جِس دے حُکمے اندر گُر اوتار پیِر پَیغمبر کھیل رہے کر، جُگ چؤکڑی اپنا ویس وٹائیا۔ سو صاحب سمرتھ جِس دی مہما اکتھ جُگ چؤکڑی چلاوے رتھ، سمرتھ سہج سُکھدائیا۔ جے اوس دا درشن کر لؤ نال اکّھ، پھیر ہو جاؤ سرِشٹی نالوں وکھ، نظری آئے اوہ پرتکھ، جِس نوُں رسنا جِہوا نہ سکے دسّ، بِن کہن توں ہو جاؤ اوس دے وس، اوہ انتر آتم دیوے رس، میٹ رَین اندھیری مس، شبدی تیِر نِرالا مارے کس، انیالا اِکو اِک چلائیا۔
۳۰ ہاڑ شہنشاہی سمت ۱ آر ایل شرما دے گرِہ جموں
شمع کہے کوٹن کوٹ پروانہ میرے اُتے سڑدا، تن ماٹی خاک رُلائیا۔ اِک دوُجے نوُں ویکھ ویکھ مردا، اپنا آپ مِٹائیا۔ بہُتیاں وِچوں کوئی وِرلا دِسے پریمی سچّے پریم پیار دا، پریِتی اپنی دئے دِرڑائیا۔ جو راہ تکّے مُحبّت والے محبوُب حقیِقی یار دا، یارانہ دُھر دا اِک لگائیا۔ سو مرن توں پہلوں انتر انتر اِکو اِک پُکاردا، تُوں ہی تُوں راگ الائیا۔ لیکھا چھڈ کے جِتّ ہار دا، ناتا توڑ جگت وڈیائیا۔ گُلشن چھڈ مؤج بہار دا، بسنت کولوں مُکھ بھوائیا۔ راہ تکّے منزل اوس اگمّ اپار دا، جِس دا پؤڑا نظر کِسے نہ آئیا۔ پُرکھ اکال پروردِگار میلا منگے اوس نِرنکار دا، جو نِراکار اپنا آپ پرگٹائیا۔ جوتی جوت سروُپ ہرِ، آپ اپنی کِرپا کر، شمع پروانہ اپنا حُکم اِک وکھائیا۔ پروانہ کہے سُن شمع، دِیپک تَینوُں دیاں جنائیا۔ میرا پریم پیار دا سوہنا سماں، سُہاونی رُت دئے وڈیائیا۔ مَیں چھڈ کے ہرکھ
سوگ غماں، در تیرا ویکھ وکھائیا۔ کوُڑی کِریا لالچ رہی کوئی نہ طمع، ممتا موہ دِتا مِٹائیا۔ میرا جوبن نِت نَواں، جو تیری بھیٹ چڑھائیا۔ مَیں سندیشہ اِک کہواں، گیِت گوبِند الائیا۔ مَیں اوسے دے اندر رہواں، جِتھوں ہووے نہ کدے جُدائیا۔ اوسے دی سیجے سواں، جِتھے سکے نہ کوئے اُٹھائیا۔ اوسے دی چرنی بہواں، جو مِہر نظر نال ترائیا۔ تیری بھیٹ کر کے اپنا دما، دیوانہ ہو کے شہادت دیاں وکھائیا۔ میرا راس ہووے کّما، کرم کانڈ دینا مِٹائیا۔ جگت واسنا نہ رہے منا، من کا منکا دِتا بھوائیا۔ دوُر دُراڈا آیا بھنّا، بھجیّا واہو داہیِا۔ تیرے پرکاش نوُں ویکھ کے ہویا انّھا، بینائی میرے اُتے چھائیا۔ مَیں وار کے اپنا تنا، تقدیِر تدبیِر نال لَواں مِلائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ شمع کہے سُن پروانے نادان، مَیں سَت سچ دیاں دِرڑائیا۔ میرے اُتوں کوٹن کوٹ اپنا آپ کرکے دان، تن ماٹی گئے تجائیا۔ مَیں ویکھ کے ہویا حَیران، اندروں سمجھ کِسے نہ پائیا۔ بُہتے مرے وِچ اگیان، بھرمی بھرم بُھلائیا۔ اِک دو چار نوُں مِلیا سچّا گیان، بودھ اگادھ دِتا سمجھائیا۔ اگنی سڑیا پروانہ ہووے نہ کدے پروان، پراں والا لیکھا کمّ کِسے نہ آئیا۔ انتر اندر کرو اِک دھیان، برہم وِدیا سچ پڑھائیا۔ میرے اُتوں سڑن توں پہلوں تُہاڈی آسا بینتی پروان کرے بھگوان، مِہروان اپنی جھولی پائیا۔ پھیر تُسیں پروانے چنگے نالوں اِنسان، دُھر دا حُکم دیاں سُنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ پروانہ کہے سُن دِیپک جوت، تیرا اگنی تت نظری آئیا۔ میرے اندر تیرے پریم پیار دی چوٹ، سُتّیاں رہی اُٹھائیا۔ بھاویں سڑ گئے کوٹی کوٹ، اپنا آپ مِٹائیا۔ مَیں آسا رکھی جانا اوس دی گود، جو سِر اپنا ہتّھ رکھائیا۔ مَینوُں کِسے اندروں دِتا بودھ، کیِتی سچ پڑھائیا۔ بھاویں وِدیا والے بُہتے لوگ، شاستراں رہے سُنائیا۔ مَیں اِکو دُھن آواز سُنی دُھر سلوک، ڈھولا اگمّ اتھاہیِا۔ جِس دے چرن چُمّے موکھ، مکُتی نِیوں نِیوں سیِس نِوائیا۔ اوتھے کِسے دی چلے نہ کوئی سوچ، سمجھ نہ کوئے وڈیائیا۔ جگت وِچار نہ جانے کھوج، پردہ اوہلا نہ کوئے اُٹھائیا۔ مرن توں پہلاں جیہڑی مَینوُں آئی مؤج، مؤجوُدہ ہو کے دیاں سُنائیا۔ مَیں تیرے درشن کردا روز، دوُر دُراڈا بَیٹھا آسن لائیا۔ اجّ میری پُگ گئی اؤدھ، ویلا انت دئے گواہیِا۔ میرا تتّاں والا سریِر ہونا مؤت، اگنی دینا جلائیا۔ مَیں مِلنا اوس خؤنت، جو کنت کنتوُہل سچّا شہنشاہیِا۔ جیہڑا کدی نہ گیا اؤنت، بھگت بھگَونت لئے پرگٹائیا۔ بھاویں شمع دے کول پروانے بہُت، بہُتیاں وِچوں اِک دو چار اپنے لئے پرگٹائیا۔ جوتی جوت سروُپ ہرِ، آپ اپنی کِرپا کر، جِنہاں نوُں دِتی اپنی ہوش، ہَوس
کوُڑی دئے بُجھائیا۔ دِیپک کہے پروانے مَینوُں سارے کہندے چراغ، چراگاہاں وِچ کراں رُشنائیا۔ اندھیر دا دھوواں داغ، نوُرو نوُر ڈگمگائیا۔ پریمیاں دا بنا ساک، سجّن اِک اکھوائیا۔ مِتراں دا کھولاں تاک، پردہ دیاں گوائیا۔ تیرا میلا ہویا نال اِتفاق، جوڑا جُڑیا سہج سُبھائیا۔ لیکھا مُکاؤنا دِوس رات، بِنا دِیپک دیِپ ہوئے رُشنائیا۔ جوتی جوت سروُپ ہرِ، آپ اپنی کِرپا کر، تیرا لہنا دئے چُکائیا۔ پروانہ کہے سُن بلدی جوت، اگنی روُپ نظری آئیا۔ مَیں ویکھ کے لوک پرلوک، دو جہان کھوج کھوجائیا۔ ساچی مِلی نہ کِتے مؤج، مجلس حق نہ کوئے دِرڑائیا۔ رسنا جِہوا بتّی دند گاؤن دے پریمی بہُت، انتر آتم بھیٹ نہ کوئے کرائیا۔ بےشک تیرے اُتے سڑن دی ساڈی راؤنس، دُھر دی وادی مات لوک ویکھ وکھائیا۔ بِنا سچ پریِت ساچی منزل سکیا کوئی نہ پہُنچ، مقامے حق نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دِیپک کہے پروانیا مَیں چُکاں تیرا پردہ، کوُڑی کِریا دیواں جلائیا۔ تیرا صاف کراں ہِردا، مایا ممتا موہ مِٹائیا۔ تیرا میل مِلاواں جو وِچھڑیا چِر دا، آتم دا مالک بےپرواہیِا۔ جو برہمنڈاں کھنڈاں اندر پِھردا، پُریِاں لواں آکاش پاتالاں ویکھ وکھائیا۔ جو مالک سچکھنڈ دوار تھِر گھر دا، حق مقامے ڈیرہ لائیا۔ جِس دا گیڑا آد جُگاد گِڑدا، جُگ چؤکڑی رہیا بھوائیا۔ جِس دی عدالت اندر سچ نبیڑا نِبڑدا، جھوُٹھا جُرم نہ کوئے وکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ پروانہ کہے بےشک تُوں میرا کرم دیویں ساڑ، اگنی اگّ جلائیا۔ دُہائی دروہی خُدائے دی کوُک کے کہے تیہہ ہاڑ، ہاڑا کڈھ کے اِک جنائیا۔ جِنہاں پروانیاں دی گِنی نہیں کِسے کولوں مِقدار، تعداد شمار نہ کوئے جنائیا۔ اُہناں وِچوں اِک دو چار دا کھیڑا ہووے آباد، بہُتی آبادی دی لوڑ رہے نہ رائیا۔ جِنہاں سچ پریم اندر اپنا آپ کیِتا برباد، بندی خانہ گئے تُڑائیا۔ اُہناں نوُں صوُفی کہن شاباش، سنت فقیِر ڈھولے رہے سُنائیا۔ جھگڑا مُکیا وِچوں کائنات، کلمہ اِکو حق حقیِقت رہے گائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ پروانہ کہے بےشک اسیں بُہتے، آپ اپنا گئے مِٹائیا۔ دِیپک کہے مَیں سارے ویکھے روندے، کوُک کوُک دین دُہائیا۔ تھوڑے وِچوں اوس دا ڈھولا گاؤندے، گہر گمبھیِر اِکو آس تکائیا۔ اوہ ساچی سیجا سؤندے، جِتھے سکے نہ کوئے اُٹھائیا۔ جنم مرن وِچ نہ آؤندے، ناتا چؤراسی گئے تُڑائیا۔ بھگت سدا بھگوان دے اکھواؤندے، جُگ جُگ اپنا پھیرا پائیا۔ روُپ دھرنا کوُڑ کُڑیار کانؤں دے، ہنس مانک موتی چوگ چُگائیا۔ جھگڑے مُکا دین ہوُں تُوں دے، کوُڑی طمع دین مِٹائیا۔ جوتی جوت سروُپ
ہرِ، آپ اپنی کِرپا کر، دُھر دا لیکھا ویکھ وکھائیا۔ پروانیاں وِچوں پروانہ کوئی منظوُر، لیکھا ویکھے دُھر درگاہیا۔ جِویں سوُلی چڑھدیاں وِچوں منظوُر ہویا منصوُر، منسا آسا اُس دی پوُر کرائیا۔ ایہہ پربھ دا سچّا دستوُر، جُگ چؤکڑی ویکھ وکھائیا۔ جے جلوہ دیوے کوہ طوُر، موُسے نوُں مُنہ دے بھار سُٹائیا۔ جے پروانیوں تُہاڈے اندر ہویا غروُر، مغروُری کم کِسے نہ آئیا۔ سب نے ناتا چھڈنا تن وجوُد، تتّاں تت نہ کوئے ہنڈھائیا۔ منزل چڑھ کے ویکھو عرش عروُج، محراب شہنشاہیِا۔ جِتھے سڑ کے سواہ بن کے لیکھا نہ ہووے مؤقوُف، حروُف سکے نہ کوئے بدلائیا۔ شمع اُتے ڈِگن والے پروانے سارے دِسن مصروُف، بھجّن واہو داہیِا۔ کوٹاں وِچوں دو چار جیہڑے منگدے منزلے مقصوُد، مقامے حق بَیٹھے ڈیرہ لائیا۔ اُہناں نوُں کیہڑی لوڑ پڑھن ہزارا دروُد، کلمیاں نال کرن لڑائیا۔ جِدھر ویکھاں اُدھر مؤجوُد، مُفلساں اندر مُفلس، چاکراں اندر چاکر، شہنشاہاں اندر شہنشاہیِا۔ بھگت بھگوان دوویں مِل کے سچّے پروانیاں دا دین ثبوُت، جُگ چؤکڑی کھیل کھِلائیا۔ مَیخانے ہوون محفوُظ، جِتھے دیوانے بَیٹھے سوبھا پائیا۔ پَیمانہ حق دیونہارا با رسوُخ، جام دُھر دا اِک پیائیا۔ جِس دا پریم کرے نہ کوئی منسوُخ، جُگ چؤکڑی نہ کوئے اُلٹائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ پروانہ شمع جگت کہاوت، چند چکور نال مِلائیا۔ جِنہاں اُتے پرماتم آتم کرے سخاوت، مِہر نظر اِک اُٹھائیا۔ من منوُآ نہ پئے بغاوت، کوُڑی کِریا نہ کوئے لڑائیا۔ پنجاں تتّاں نہ کوئے عداوت، جھگڑا کوُڑ نہ کوئے وکھائیا۔ اُہناں پروانیاں دی سب توں وکھری بناوٹ، روُپ انوُپ دئے دِرڑائیا۔ جِنہاں نوُں جلدیاں جلدیاں سڑدیاں سڑدیاں کوئی نہ ہووے رُکاوٹ، اَگے ہو نہ کوئی پرتائیا۔ اُہناں دی جنم جنم دی مکُے تھکاوٹ، پاندھی اپنا پندھ جان گوائیا۔ مات گربھ دی رہے نہ علامت، عالماں کولوں عِلم نہ کرن پڑھائیا۔ تِنہاں دی دیوے آپ ضمانت، بندیخانے وِچوں باہر کڈھائیا۔ سو پروانہ جنم توں پہلوں مرن توں بعد صحیح سلامت، صاحب سوامی اپنے رنگ رنگائیا۔ سچّے دِیپک اُتے سڑن دی کِسے نوُں نہیں ممانت، ہوکا دے نہ کوئے ہٹائیا۔ شمع نال پریم شخصیّت دی سچّی اَمانت، دُھر دی وست نظری آئیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پروانہ کہے شمع مَیں تیرے اُتوں ہوواں مُردا، اپنا آپ مِٹائیا۔ دِیپک کہے پہلوں سُن سندیشہ اوس سَتگُر دا، جو اِکو اِک سمجھائیا۔ جِس دا حُکم فرمان کدے نہ مُڑدا، دو جہاناں رہیا بھوائیا۔ جو کھیل کرے اپنی لوڑ دا، لوڑیندا اپنا حُکم ورتائیا۔ جو جُگ جُگ وِچھڑیاں جوڑدا، میلا میلے سہج سُبھائیا۔ پریمی
پیارے پریِتم ہو کے اپنے نال توردا، تُرت اپنا رنگ رنگائیا۔ سچ دوارا اِکو کھولدا، دُھر دی سِکھیا کرے پڑھائیا۔ سچ ونجارا بن کے تولدا، نام کنڈا ہتّھ اُٹھائیا۔ جِتھے لیکھا نہیں کوئی رول دا، کوُڑی کِریا ونڈ نہ کوئے ونڈائیا۔ بےشک پروانے تُوں اپنا آپ واری گھولی گھول گھولدا، تن ماٹی وِچ سمائیا۔ جے حُکم منّیں اوس دُھردرگاہی ڈھول دا، جو سوہنگ ڈھولا رہیا سُنائیا۔ تَینوُں گھر نظری آ جائے کول دا، دوُر جان دی آس رہے نہ رائیا۔ جو مِہروان ہو کے پردے کھولدا، گھر وِچ گھر کرے رُشنائیا۔ جِس دا دِیپک پَون ہوا نال کدے نہیں ڈولدا، ساس نال نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، بھید ابھیدا دئے کُھلائیا۔ شمع کہے پروانے ویکھ اوہ دیِپ، جو دیِپاں لوآں کرے رُشنائیا۔ جِس دے نال لکّھ چؤراسی روشن ہست کیِٹ، گھٹ گھٹ رہیا ڈگمگائیا۔ اُس دی دھار اگمّی انڈیِٹھ، جگ نیتر نظر کوئے نہ پائیا۔ اوہ دِیپک بالیا جائے نہ کدی کِسے سیخ، ماچس نال نہ کوئے وڈیائیا۔ اوہ شمع ساچے پروانیاں نوُں رہیا اُڈیِک، جو بھگوان بھگت رہیا اُپجائیا۔ جیہڑے سڑ مرنے اوسے دے گھر دے بنن وسنیِک، واسطہ اِکو نال رکھائیا۔ اوہ دِیپک تیرے مندر اندر نزدیِک، باہر لبھن دی لوڑ رہے نہ رائیا۔ جِس دے نال آد جُگادی سچ پریِت، پریِتم ہو کے ویکھ وکھائیا۔ بہُتیاں وِچوں اِک دو چار دِسن ٹھیِک، جو پروانے بن کے ساچی شمع اُتوں اپنا آپ بھیٹ کرائیا۔ جوتی جوت سروُپ ہرِ، آپ اپنی کِرپا کر، اِکو دیِپ کرے رُشنائیا۔ شمع شمع دیِپ دیِپ پروانے پروانے سارے گاؤندے، گا گا رہے سُنائیا۔ اکھّراں والے شعر بناؤندے، نظماں نال وڈیائیا۔ جگت اَکھاڑیاں وِچ جناؤندے، رسنا جِہوا بتّی دند اپنا زور لگائیا۔ اندر وڑ کے سچ پروانہ اپنا روُپ نہ کوئے وٹاؤندے، دیوانہ ہو کے مستی نام نہ کوئے چڑھائیا۔ ساچا دِیپک بِن تیل باتی نہ موُل جگاؤندے، جِس دی دِوس رَین ہوئے رُشنائیا۔ سڑن توں پہلاں مرن اوسے دی جھولی نہیں پاؤندے، جِس نے شمع پروانے دوویں دِتے بنائیا۔ جگت والی ریِت بھگت بھگوان سُکھاؤندے، نِت نوِت ویس وٹائیا۔ کوٹاں وِچوں دو چار اپنا لیکھا لیکھے لاؤندے، جِنہاں دی لیکھ لِکھت شہادت دئے گواہیِا۔ باقی اپنا پندھ نہ موُل مُکاؤندے، پاندھی ہو کے بھجّن واہو داہیِا۔ جوتی جوت سروُپ ہرِ، آپ اپنی کِرپا کر، سچ پروانہ گُرمْکھ اِک وڈیائیا۔ سچ پروانہ جِس بنن دا چاؤ، دِیپک اُتے اپنا آپ دینا جلائیا۔ سو منزل تکے بےپرواہو، جِس دا کھیل بےپرواہیِا۔ جو پھڑ باہوں لئے اُٹھاؤ، سُتّیاں لئے جگائیا۔ جِس دی نئیا نؤکا چلے ناؤ، کھیوٹ کھیٹا ہو کے سیو کمائیا۔ جِس دا دِیپک بلے تھائیں تھاؤں، گھٹ گھٹ کرے
رُشنائیا۔ جوتی جوت سروُپ ہرِ، آپ اپنی کِرپا کر، سچ پروانہ ساچی شمع دوہاں دا لیکھا سدا سدا سد ویکھ وکھائیا۔ شمع کہے مَیں پروانے ویکھے بےشُمار، نِت نوِت میرے اُتے پھیرا پائیا۔ مَینوُں اِک دو چار اُتے رہیا اِعتبار، باقیاں نالوں ناتا لیا تُڑائیا۔ بھاویں میرے پرکاش اندر ہُندے خَوار، خواہ مخاہ اپنا آپ مِٹائیا۔ مَیں تکدا تھوڑیاں نوُں مِلدا دلیِل دا دِلبر یار، مِہروان دَیا کمائیا۔ بُہتے ہُندے ویکھے خَوار، جنم مرن وِچ پھیرے رہے پائیا۔ جِنہاں دے انتر بخشیا حق پیار، سچ دِتا دِرڑائیا۔ سو بَیٹھے ٹھانڈے دربار، چرن کوَل ملِے وڈیائیا۔ جوتی جوت سروُپ ہرِ، آپ اپنی کِرپا کر، نِت نوِت اپنا حُکم ورتائیا۔ شمع کہے مَیں کلجُگ ویکھی شرارت، شرعی سارے نظری آئیا۔ حرفاں دی پڑھن عبارت، اکھّراں نال شنوائیا۔ کوٹاں وِچوں مَیں دو چار دی کرنی سفارش، بہُتیاں دی لوڑ رہے نہ رائیا۔ جِنہاں نوُں انتر دِتی ڈھارس، کوُڑی کِریا طمع مِٹائیا۔ دیِپ دیِا وکھا کے اِک خالص، خصوُصیّت اُس دی دینی سمجھائیا۔ جِس دے وِچ نہیں کوئی لالس، لالچ روُپ نہ کوئے وٹائیا۔ جو بھگتاں دی نِندرا لاہوے آلس، دلِدریاں دا دلِدر دئے گوائیا۔ ٹِکّے مستک لاہ کے کالکھ، جوتی نوُر کرے رُشنائیا۔ ایتھے اوتھے بن کے ثالث، جھگڑا دئے مِٹائیا۔ سچ پروانیاں دا بن کے وارث، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سچ پروانہ شمع دیوانہ اِتمینان نال دوہاں کھیل کھِلائیا۔
۳۰ ہاڑ شہنشاہی سمت ۱ وِدیا نند سوُدن پدمنی دیوی دے گرِہ جموں
دَیاوان سدا بھگوان، بھگت وچھل اکھوائیندا۔ جُگ چؤکڑی نِت نوِت ویکھنہارا مار دھیان، لکّھ چؤراسی جیِو جنت کھوج کھوجائیندا۔ سچ پریِتی دیونہارا دان، وست امولک جھولی پائیندا۔ سرن سرنائی جو ڈِگے آن، پھڑ باہوں گلے لگائیندا۔ شبد اگمّی دے گیان، بودھ اگادھ آپ سمجھائیندا۔ آتم پرماتم وکھا کے سچ نِشان، نِشانہ اِک پرگٹائیندا۔ جوتی جوت سروُپ ہرِ، آپ اپنی کِرپا کر، مِہروان دَیاکمائیندا۔ سِری بھگوان سدا داتار، دَیاوان اکھوائیا۔ بھگت سُہیلا وِچ سنسار، لوک مات دئے وڈیائیا۔ جِس دی صِفت گاؤندے جُگ چؤکڑی چار، سَتجُگ تریتا دواپرکلجُگ دئے گواہیِا۔ سندیشہ دیون شاستر سِمرت وید پُران، بھید ابھیدا رہے کُھلائیا۔
تِس دا مِلنا بڑا آسان، گھر گھر وِچ میلا سہج سُبھائیا۔ سَت سروُپ اِکو جان، وڈ شاہو بھوُپ بھرم دئے مِٹائیا۔ نِج نیتر بخش کے اِک نِشان، نِشانہ دُھر دا دئے وکھائیا۔ سچ دوارے کر پروان، جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ سِری بھگوان سدا بخشند، بخشش رحمت آپ کمائیا۔ داتا دانی گہر گمبھیِر گُنی گہِند، وڈ وڈّا وڈ وڈیائیا۔ جنم کرم دی سگلی میٹے چِند، چِنتا چِکھا دئے گوائیا۔ امرت دھار وحا کے اندر ساگر سِندھ، کوُڑی کِریا دئے رُڑھائیا۔ بھیو چُکا کے جیؤ اِنڈ پِنڈ، برہمنڈ دئے وکھائیا۔ بھیو کُھلا کے سُرپت اِند، وِشن برہما شِو دُھر دا نوُر چمکائیا۔ بھگت سُہیلے بنا کے انادی بِند، بِندرابن والا دئے مِلائیا۔ جوتی جوت سروُپ ہرِ، آپ اپنی کِرپا کر، صاحب سمرتھ دئے وڈیائیا۔ سِری بھگوان سدا دَیال،دیانِدھ اکھوائیا۔ بھگت سُہیلے ویکھے لال، سنت سجّن لئے اُٹھائیا۔ پھل لگا کے کایا ڈال، بسنتی رُت دئے بنائیا۔ ناتا توڑ کے کوُڑ کُڑیار، کال مہاکال بھؤ مِٹائیا۔ ساچا مندر وکھا کے کایا دھرم سال، دروازہ اِکو دئے کُھلائیا۔ جِتھے شبد اگمّی انحد وجے تال، تلواڑے دی لوڑ رہے نہ رائیا۔ دِیپک جوتی جوت نِرنجن دیوے بال، آد نِرنجن ہوئے آپ سہائیا۔ جنم جنم دی لیکھے لائے گھال، گھائل تھانئے لئے پائیا۔ سِری بھگوان سدا سدا بھگتاں دا سُننہارا سوال، جو سوالی ہو کے آئے انتر آتم اپنی جھولی ڈاہیِا۔ ایہو مِسل بےمثال، جو بِنا مسلیاں لئے پرگٹائیا۔ جِس سِری بھگوان دا دیندے سرب احوال، اوہ حالت سب دی کھوج کھوجائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ سِری بھگوان سرب گُنونت، گُنی گہِند اکھوائیندا۔ نام بھنڈارا دے کے منت، منتوَ سب دا حل کرائیندا۔ بھگت سُہیلے بنا سنت، سَت سَتوادی اپنا حُکم ورتائیندا۔ آتم پرماتم بنا کے نار کنت، سیج سُہنجنی اِک ہنڈھائیندا۔ نام چاڑھ کے رنگ بسنت، کوُڑ کُڑیارا روُپ بدلائیندا۔ گڑھ توڑ کے ہؤمے ہنگت، ہنگ برہم اِک سمجھائیندا۔ میل مِلا کے ساچی سنگت، دُھر دا سنگ جنائیندا۔ بودھ اگادھا بن کے پنڈت، وِدیا اِکو اِک درڑائیندا۔ ناتا تُڑا کے سَورگ بہِشت جنّت، سچکھنڈ دوارا اِک سُہائیندا۔ جِس دا کھیل آد جُگاد جُگ چؤکڑی انت، انتشکرن سب دا ویکھ وکھائیندا۔ سو صاحب سوامی انترجامی پاربرہم پت پرمیشور بےانت، بےپرواہ اپنا حُکم ورتائیندا۔ سِری بھگوان جن بھگتاں کولوں اَگے کرائے نہ کوئی مِنّت، سِمت اندروں آپ بدلائیندا۔ جوتی جوت سروُپ ہرِ، آپ اپنی کِرپا کر، جِویں بِدر الوُنا ساگ کھادھا بِنا نِمک، امرت رس وِچ بھرائیندا۔ سِری بھگوان سب دا مِتر، میِت مُرار نظری آئیا۔ نِرگُن دھاروں آئے نِکل، مات گربھ نہ پھیرا پائیا۔ جن
بھگتاں تن من ٹھانڈا کرے سیِتل، اگنی اگّ بُجھائیا۔ کوُڑی کِریا رہن نہ دیوے مُلّما کوئی پیِتل، کنچن اِکو رنگ رنگائیا۔ بھیو کُھلا کے اندر باہر بھیِتر، پردہ دئے اُٹھائیا۔ ساچا میل کے دُھر دا پریِتم، پریِتی اِکو دئے وکھائیا۔ بےشک لبھدیاں لبھدیاں مانَس جنم دے انیک سال بیِتن، کھوجیاں ہتّھ کِسے نہ آئیا۔ جِس ویلے دھرنی دھرت دھوَل اُتے اپنی آپ دیوے پریکھن، پردیاں اندر پردہ دئے اُٹھائیا۔ نام نِدھان سُنائے کیرتن، بِن رسنا جِہوا بتّی دند ہِلائیا۔ پھیر گُرمْکھ پیِڑ رہے نہ کِسے تن، دُکھ درد دئے مِٹائیا۔ بنّھ لَوے واسنا من، ممتا موہ نہ کوئے ہلکائیا۔ سوہنا پُنّیاں دا چڑھے چنّ، اندھ اندھیر دئے گوائیا۔ رائے دھرم نہ سکے ڈنّ، چِتر گُپت نہ لیکھ وکھائیا۔ نیترہیِن رہے نہ کوئی انّھ، سَت پرکاش دئے پرگٹائیا۔ ڈُبدا بیڑا دیوے بنّھ، شؤہ دریا نہ کوئے رُڑھائیا۔ کِرپا کرے سری بھگَون، بھگتاں ہوئے سہائیا۔ جوتی جوت سروُپ ہرِ، آپ اپنی کِرپا کر، دُھردا لیکھا جھولی پائیا۔ سِری بھگوان کہے مَیں سب دا مالک، بےپرواہ روُپ وٹائیندا۔ آد جُگادی خلق دا خالق، مخلوُق ویکھ وکھائیندا۔ شبد سروُپی بن کے ثالث، دُھر دا حُکم اِک جنائیندا۔ کوُڑی نِندرا میٹ کے آلس، جوُٹھ جھوُٹھ پندھ چُکائیندا۔ بھگت سُہیلے کڈھ کے خالص، ذات پات ورن گوت ڈیرہ ڈھائیندا۔ دُرمت مَیل دھو کے کالکھ، نام ٹِکاّ اِک چمکائیندا۔ جوتی جوت سروُپ ہرِ، آپ اپنی کِرپا کر، سِری بھگوان صاحب سوامی ہر گھٹ ویکھ وکھائیندا۔ سِری بھگوان کہے جو سچ بینتی کرے ارداس، آسا من ہی من اُپجائیا۔ سدا سدا سد رہواں اُس دے پاس، اپنا سنگ بنائیا۔ ڈھولا دسّ کے دُھر دی گاتھ، سوہنگ سو کراں پڑھائیا۔ آتم پرماتم بنا کے نات، کوُڑی کِریا دیاں کھپائیا۔ اٹّھے پہر رکھ اِکو پربھات، خوشی خوشی وِچوں پرگٹائیا۔ ساچی پٹّی پڑھا کے جماعت، دُھر دے حرف دیاں سمجھائیا۔ جِس دا لیکھا لِکھ نہ سکے کوئی کائنات، قلم دوات نہ کوئے وڈیائیا۔ جِس دا نوُر غروُب ہویا نہ کدی آفتاب، جوت جوت جوت رُشنائیا۔ جو خلق دا خالق سب دا احباب، مُحبّت وِچ سمائیا۔ تن وجوُد وجائے رباب، سُرنگی دُھر دی اِک ہِلائیا۔ سو بھگت سُہیلا بھگتاں بنیا رہے غُلام، فرمابردار اِکو نظری آئیا۔ جو وڈّا وڈ امام، نؤبت اپنا نام وجائیا۔ سو سب دے پوُرے کرن آیا کام، کامنّی کوُڑی دئے گوائیا۔ جن بھگتاں دا نِمک نہ کرے حرام، کھا کے مُشکل حل سہجے دئے کرائیا۔ گھر سُرتی میلا کر کے رام، دُھر دی بنسری گھنئیا دئے وجائیا۔ جوبن ونتا نؤجوان، روُپ انوُپ لئے پرگٹائیا۔ بھاگ لگا کے کایا کھیڑا گرام، ساچے مندر بَیٹھ سوبھا پائیا۔ میٹ مِٹا کے اندھیری رَین شام، دُھر دا نوُر کرے رُشنائیا۔ جن بھگتاں پیا کے
امرت جام، جماں توں لئے چُھڈائیا۔ جِنہاں اوٹ رکھی اِک بھگوان، دوُجے در نہ منگن جائیا۔ تیِرتھ تٹ نہ کوئے اِشنان، گھر سوامی ملِے کاہن، مُشکل کرے آسان، درس دِکھاوے گُن نِدھان، آون جاون چُکے جم دی کان، من شیَطان رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِری بھگوان صاحب سُلطان والی دو جہان، جنگل جوُہ اُجاڑ پہاڑ ٹِلّے پربت ڈوُنگھی کندر ویکھ وکھائیا۔ سِری بھگوان کہے جو میرا بن جائے بھگت، بھاگ دُھر دا جھولی پائیا۔ ناتا تُٹ جائے کوُڑے جگت، جگیاسوُ کراں جنائیا۔ انتر آتم دے کے شکت، شخصیّت دیاں بدلائیا۔ سُہنجنا کر کے وقت، ویلا ویکھ وکھائیا۔ پندھ مُکا کے عرش فرش، دھرنی دھرت دھوَل کھوج کھوجائیا۔ جیہڑی آد توں منگی شرط، شرطیہ اوہو بھگتاں نال پوُر کرائیا۔ کوُڑی کِریا دا پوُرنماشی کہے میرا سب نے رکھنا ورت، وارتا اگلی دیاں جنائیا۔ سوُربیِر مردانے بناواں مرد، مدد اپنی نال رکھائیا۔ بھگتاں دا ونڈاں درد، دردیاں دا درد جھولی لَواں پائیا۔ سِری بھگوان کہے میرے نال مِل کے ہُندا نہیں کِسے دا حرج، حرجانے سب دے ویکھ وکھائیا۔ جوتی جوت سروُپ ہرِ، آپ اپنی جوت دھر، مہاراج شیرسِنگھ وِشنوُں بھگوان، اپنا پوُرا کرن آیا فرض، فرائض سب دے ویکھ وکھائیا۔