کتب خانہGranth 18 (Shahmukhi)

۳۰ ہاڑ شہنشاہی سمت ۱ چیلا سِنگھ دے گرِہ وزارت روڈ جموں

کرم کانڈ دا جگت گیان، وِدیا لوک مات وڈیائیا۔ آتم بودھ سِری بھگوان، پرم پُرکھ اکھوائیا۔ جِنہاں اُپر ہووے مِہروان، نظرے کرم مِہر اُٹھائیا۔ سچ پریِتی بخشے چرن دھیان، نیِتی اندروں دئے بدلائیا۔ سو سرنی چرنی ڈِگے آن، آپ اپنا مان مِٹائیا۔ تِس رکھنہارا والی دو جہان، مالک خالق نوُر خُدائیا۔ وست امولک نام نِدھانا دے کے دُھر دا دان، خالی بھنڈارے دئے بھرائیا۔ بھیو چُکا کے زِمیں اسمان، گگن منڈل پردہ دئے اُٹھائیا۔ گھر سوامی سجّن ملِے آن، باہر لبھن دی لوڑ رہے نہ رائیا۔ پنج تت ترےَگُن ساچے در کر پروان، پروانہ اپنا دئے پھڑائیا۔ آتم پرماتم دا مالک دُھر دا کاہن، ساچی سخیاں مِل کے راس وکھائیا۔ ٹھاکر سوامی بن کے دُھر دا رام، سیِتا سُرتی لئے پرنائیا۔ محبوُب مُحبّت وِچ بن کے اِک امام، عملاں دا لیکھا دئے چُکائیا۔ ساچا سجدہ دسےّ اِک سلام، نمو نمستے اِک دِرڑائیا۔

جو انت اَخیِری کِہا کرِشن کاہن، بھگوت گیِتا دئے گواہیِا۔ اٹھاراں دھیائے جگ کردے گئے گیان، حرف حروُف نال وڈیائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ آد جُگاد پُرکھ اکال دیوے ساچی سرنگت، گت مِت اپنے ہتّھ رکھائیا۔ بودھ اگادھ آتم پرماتم دے کے برہم مت، الکھ اگوچر اگمّ اتھاہ ساچی وِدیا آپ پڑھائیا۔ ناڑ بہتّر نہ اُبلے رت، اگنی تت نہ کوئے جلائیا۔ دھیِرج دے سنتوکھ سَت، سَت سَتوادی میل مِلائیا۔ نِج نیَن کھول کے اکّھ، گیان نیتر اِک پرگٹائیا۔ کرم دھرم توں کر کے وکھ، محل اٹل اِک سُہائیا۔ جِس گرِہ نِرگُن نوُر جوتی دِیپک بلے لٹ لٹ، اندھ اندھیرا نظر کوئے نہ آئیا۔ شبد انادی راگ سُنے انحد، دُھن آتمک راگ آپ دِرڑائیا۔ سِری بھگوان جو چرنی گیا ڈھٹھ، اٹّھ تت من مت مایا موہ چُکائیا۔ ناتا جوڑ کے سچّو سچ، سَت دوارا اِک سُہائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سرن پڑے جو صاحب گرِہستی، دَیاوان اپنی دَیا کمائیا۔ نام خُماری دے کے مستی، مست دیوانے لئے بنائیا۔ پریِتم ہو کے ملِے عرشی، عرش فرش دوویں پندھ مُکائیا۔ دیوے وڈیائی اُپر دھرتی، دھرنی دھؤل اپنے رنگ رنگائیا۔ کھیل وکھائے ساچے گھر دی، جِس گھر وجےّ اِکو نام ودھائیا۔ جوتی جوت سروُپ ہرِ، آپ اپنی کِرپا کر، منزل وکھائے اوہ چڑھدی، جِس دا پؤڑا ہتّھ کِسے نہ آئیا۔ سرن پڑے جو صاحب سوامی، انتر جانت ویکھ وکھائیا۔ پت پرمیشور انترجامی، بھیوَ ابھیدا دئے کُھلائیا۔ بِن رسنا جِہوا بتّی دند سُنائے اگمّی بانی، بان نِرالا تیِر چلائیا۔ جھگڑا مُکائے چارے کھانی، انڈج جیرج اُتبُھج سیتج ڈیرہ دیوے ڈھائیا۔ امرت آتم نِجھر دیوے ٹھنڈا پانی، بوُند سوانتی آپ چوائیا۔ آتم پرماتم ساچا میلا سُرتی شبدی ہانی، گھر مندر وجےّ ودھائیا۔ سو گُرمْکھ گُرسِکھ ہربھگت ہرجن سُگھڑ سُچجیّ بنے سوانی، گرِہستی اپنا رنگ دئے وکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ سِری بھگوان جِس سرن لئی تک، اوٹ اِکو اِک رکھائیا۔ اوس دا نبیڑا کرے حقیِقت حق، لاشریِک نوُر خُدائیا۔ نیتر لوچن کھول کے اکّھ، آخر اپنی منزل دئے وکھائیا۔ جِس گرِہ بَیٹھا پُرکھ سمرتھ، جوتی جاتا ڈگمگائیا۔ سچ سچ دوارا کھول کے ہٹّ، وستوُ اِکو اِک دئے ورتائیا۔ میل مِلا کے کملاپات، پت پرمیشور اپنی گود اُٹھائیا۔ جنم کرم کرم جنم توں کر کے وکھّ، گھر سُہاونا اِکو دئے سمجھائیا۔ جِتھے آتم پرماتم تُوں میرا مَیں تیرا ہووے جس، دوُجی صِفت نہ کوئے صلاحیِا۔ جِتھے سنت سُہیلے بھگت بھگوان صوُفی فقیِر کرن اِکٹّھ، دوُجا نظر کوئے نہ آئیا۔ جیہڑا گیان کرِشن ارجن دِتا دسّ، دوُسر کِسے نہ آیا ہتّھ،

سارے روندے نیتر اکّھ، ہنجھوُاں نیِر وہائیا۔ جوتی جوت سروُپ ہرِ، آپ اپنی کِرپا کر، ساچی سرن اِک وکھائیا۔ سچ گرِہستی پربھ دی سرن، صاحب سوامی دَیا کمائیا۔ نیتر کھول کے ہرن پھرن، فُرنے پوُرے بند دئے وکھائیا۔ لہنا دینا چُکا کے مرن ڈرن، آون جاون گیڑ کٹائیا۔ ساچی ترنی دسےّ ترن، انتاروُ پار لنگھائیا۔ جو پُرکھ اکال دیِن دَیال پت پرمیشور چرن پھڑن، پھڑ باہوں گلے لگائیا۔ سچ دوارے ٹھانڈے دربارے اوہ وڑن، اَدھ وِچکار نہ کوئے اٹکائیا۔ ناتا تُٹ جائے ورن برن، ذات پات دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ اٹھاراں دھیائے بولکے کہے گیِتا، اکھّراں اکھّراں نال وڈیائیا۔ سب دا مالک اِکو ٹھانڈا سیِتا، سَتگُر ساچا بےپرواہیِا۔ جِس دی آد جُگاد جُگ چؤکڑی نِت نوِت اگمّی ریِتا، سمجھ سکے کوئے نہ رائیا۔ جیہڑا ترےَگُن سدا رہے اتیِتا، ترےَبھوَن دھنی اپنی کھیل وکھائیا۔ جِس دا وسیرا اوُچاں نیِچاں، گھٹ گھٹ رہیا سمائیا۔ جِس دا کلمہ نام حدیِثا، حضرتاں کرے پڑھائیا۔ جِس دا لیکھا جُگ چؤکڑی کدے نہ بیِتا، بھیوَ ابھیدا دئے کُھلائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ کرِشن کہے مَیں ارجن دِتی سِکھیا، اٹھاراں دھیائے مِلی وڈیائیا۔ نام نِدھان دی پا کے بِھچِھیا، بھیو دِتا کُھلائیا۔ ساچا نام سِری بھگوان کِسے قلم شاہی نال لوک مات نہ لِکھیا، سارے اوسے دی صِفت صلاحیِا۔ جو سچ سرنائی آئے اُس دی کی کہانی تے کی وِتھیا، کی کرے کوئے وڈیائیا۔ اوہ چھڈ کے سرِشٹی کوُڑی درِشٹی ملِے اِکو مِتیا، جو مِتر پیارا آد جُگاد اِک اکھوائیا۔ جِتھے مان مِلدا وڈیاں نِکیاں، اوُچوں نیِچ نیِچوں اوُچ اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ کرِشن کِہا گیِتا سندیشہ دیوے سِری بھگوان، جو بھاگ سب دا جھولی پائیا۔ باراں اکھشراں والا جگت گیان، واسدیوا سرب سمجھائیا۔ جو پربھ دی چرن سرن ڈِگے آن، اوہناں نوُں پڑھن لِکھن دی لوڑ رہے نہ رائیا۔ اوہ مِہر نظر نال لےَ جائے اوس استھان، جِس دی بھوُمُکا سمجھ کوئے نہ پائیا۔ جِتھے کاہناں دا وسے کاہن، نہ زِمیں نہ اسمان، کوٹن کوٹ نِمسکار کردے رام، دسرتھ بیٹے بَیٹھے اکّھ جھُکائیا۔ اُس دا اِکو اِک نِشان، اِکو نوُر نوُری مہان، دوُجا روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، پردہ اوہلا دئے اُٹھائیا۔ بھگَون کہے جو گرِہستی آئے دوار، چرن کوَل سرنائیا۔ بِن بھگتیؤں دیواں تار، ایہو میری وڈیائیا۔ پتت پاپیاں کراں اُدھار، دُشٹ دُراچاراں اپنے رنگ رنگائیا۔ جو نار ہووے وِبھچار، کنت دُہاگن ویس وٹائیا۔ جِس ویلے سرن ڈِگے آن، مستک ٹِکاّ دھوُڑی

خاک رمائیا۔ اوس ویلے دے کے سچّا دان، پوُرب لیکھا کرماں روگ مِٹائیا۔ اَگے ساکھیات میلا دُھر بھگوان، بھگَون ہو کے اپنی گود اُٹھائیا۔ جُگ چؤکڑی پِچھوں کوٹاں وِچوں کوئی ہُندا پروان، جِس اُپر اپنی دَیا کمائیا۔ پربھ سرن ایہو وڈّا گیان، اِس توں پرے نہیں کوئی دھیان، کرم کانڈ دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا دئے چُکائیا۔ پربھ دی سرن سب توں اُتم جُگتی، جگت جگ جیِون داتا دئے وڈیائیا۔ اوتھے لوڑ رہے نہ مکُتی، مکُت توں پرے ساچے گھر سچ دوارے دئے بہائیا۔ جِتھے منزل بھگتاں دی مُکدی، اگلا پندھ نہ کوئے جنائیا۔ اوتھے لوڑ رہے نہ کوئی پڑھنی تُک دی، ڈھولے گیِت نہ کوئے سُنائیا۔ نوُری دھار نوُر نوُں جھُکدی، نوُر نوُر وِچ سمائیا۔ ایہہ کھیل نہیں کوئی پردے اوہلے لُک دی، سنمُکھ ہو کے رہیا سمجھائیا۔ جیہڑی آتم پرماتم نال گرِہستی ہو کے دوُجیاں تائیں پُچھدی، دُہاگن نظری آئیا۔ جوتی جوت سروُپ ہرِ، آپ اپنی کِرپا کر، کرنی دا کرتا اپنی کھیل وکھائیا۔ گرِہستی سرب دھرموں سے وسے باہرے ساتھ ایک، صاحب سوامی نظری آئیا۔ تِسدی ساچی ٹیک، جو ٹِکّے مستک رہیا لگائیا۔ جِس دے روُپ جُگ چؤکڑی انیک، نِرگُن سرگُن اپنا پھیرا پائیا۔ سو بھگت سُہیلا اِک اَکیلا ہر گھٹ رہیا پیکھ، نِج آتم بَیٹھ ڈیرہ لائیا۔ اوس دے کول برہمنڈ کھنڈ دو جہاناں بھیت، بھیو دئے کُھلائیا۔ کی ہویا جے گیِتا اٹھاراں دھیائے لِکھیا لیکھ، تریَلوکی ناتھ اناتھاں دِتی وڈیائیا۔ پربھ دی سرن سب توں اُتم سریشٹ وِشیش، جو وِشیاں وِچوں باہر کڈھائیا۔ جِس دی اوٹ رکھدے وِشن برہما مہیش، شنکر اِکو اکّھ کُھلائیا۔ سو صاحب سوامی انترجامی سُہاونہارا سچّے دیس، دھام اوَلّڑے ڈیرہ لائیا۔ گرِہستیاں نال گرِہستی ہو کے رہیا کھیڈ، کھِلاریاں نال اپنی کھیل بنائیا۔ جِہنے ارجن نوُں دِتا بھیج، کرِشن دتی وڈیائیا۔ جوتی جوت سروُپ ہرِ، آپ اپنی کِرپا کر، سد ویکھنہارا تھاؤں تھائنیا۔ تھان تھننتر کھوجدا، برہمنڈ کھنڈ دو جہان۔ سب دی سوچ آپے سوچدا، جانی جان مِہروان۔ بھیو جانے لوک پرلوک دا، وڈ داتا گُنی نِدھان۔ لیکھا جانے اٹھاراں دھیائے اکھّراں والے سلوک دا، سولاں کلا نؤجوان۔ انتم مالک بن کے اپنی مؤج دا، دِتا اِک فرمان۔ جو مالک خالق پرلوک دا، داتا دانی مِہروان۔ جو بھگت سُہیلا بن جائے اوس دا، چرن کوَل کرے دھیان۔ اوسدی منزل کوئے نہ روکدا، جوتی جوت سروُپ ہرِ، آپ اپنی کِرپا کر، محل اٹل سُہائے اِک مکان۔ اُتم نِرالا سب توں وکھرا گِرہست، گہر گمبھیِر گیا سمجھائیا۔ جِنہاں دے اندر پریم پیار دا عِشق، ناری کنت خوشی منائیا۔ ساکھیات سچ سوامی

جِنہاں دا اِشٹ، درِشٹ گئے کُھلائیا۔ کھیل اوَلّڑا انوکھا راما وشِشٹ، شاستر سِمرت دین گواہیِا۔ سرن لگیاں دی پربھ دے کول لِسٹ، وکھری ونڈ اپنے ہتّھ رکھائیا۔ اُہناں نوُں کرم دھرم گیان دھیان دی دینی نہ پئے کِشت، حِصیاں وِچوں حِصّہ نہ کوئے رکھائیا۔ اُہناں نوُں لوڑ رہے نہ سَورگ بہِشت، اُہناں دے پیَنڈے دئے مُکائیا۔ اُہناں دی آسا پوُری کرے پربھوُ آپ نِراِچھت، اِچھیا سب دی ویکھ وکھائیا۔ چرنی لگنا بڑا اؤکھا بہُتیاں وِچوں بُہتے جاندے خِسک، تھوڑیاں وِچوں تھوڑے پریمی نظری آئیا۔ پرماتما آتم دا سدا بھوگے آپ گِرہست، انبھوگی ہو کے اپنی کھیل کھِلائیا۔ ایہہ کوئی سؤدا نہیں ٹانک جِست، ہِندسیاں والی ونڈ ونڈائیا۔ سرنگت جو آئے جنم کرم دا کوُڑ کُڑیارا نِندک، پربھ گہر گمبھیِر بےنظیِر اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سِری بھگوان سرن جو جائے ڈھٹھ، ابُھل بُھل دئے بخشائیا۔ جنم جنم دی کرم کرم دی دُرمت مَیل دیوے کٹ، پتت پُنیِت دئے وکھائیا۔ نام اگمّی شبدی لا کے سٹّ، سوئی سُرتی لئے اُٹھائیا۔ درس دِکھا کے نِج نیتر اپنی اکّھ، دوناں اکّھاں دا لیکھا دئے مُکائیا۔ میل مِلا کے سچّو سچ، سچ سمگری دئے سمجھائیا۔ بھگت بھگوان مِل کے پَین ہس، ہستی وِچوں مستی ملِے نوُر خُدائیا۔ اِکے مندر اندر جان وس، وصل اِکو اِک جنائیا۔ سب توں نیارے سب توں ہو کے وکھ، سب دے اندر اِکو اِک ویکھ ویکھ خوشی منائیا۔ کرِشن کاہن سچ سُنیہڑا جو اَخیِری گیا دسّ، دہ دِشا جگت سُنائیا۔ سِری بھگوان پُرکھ سمرتھ، سب دے سنسے رہیا مُکائیا۔ جو اوس دی سرن گیا ڈھٹھ، لیکھا مُک جائے تت اٹھ، کوُڑی کِریا میٹے ساڑے جگت بھٹھ، آتم برہم دئے جنائیا۔ جوتی جوت سروُپ ہرِ، آپ اپنی کِرپا کر، سچ سمجھن دی سچّی رکھی قیاس، اندر اندر کایا مندر ویکھے مار جھات، بند کِواڑی توں اگلا کھول کے تاک، جِتھوں خواہش اُپجے باہر آوے نال سواس، رسنا جِہوا مِل کے بانی بَیکھری وِچ شنوائیا۔

۳۱ ہاڑ شہنشاہی سمت ۱ گُرموہن سِنگھ دے گرِہ پٹھان کوٹ ضِلع گُرداسپُر

پُھل کہن اسیں بن کے سوہنا ہار، ہاردک دین آئے ودھائیا۔ بھگت وچھل گِرور گِردھار، پاربرہم پربھ تیری بےپرواہیِا۔ جُگ چؤکڑی وِچھڑے میلے سجّن یار، میِت مُرارے اپنا جوڑ رہیا جُڑائیا۔ انتر آتم بخش اِک پیار، سوئی سُرتی لئے اُٹھائیا۔ نِج نیتر دے دیِدار، کوُڑی ہَوس دئے مِٹائیا۔ دُھر دا مندر مَینوُں وکھال، گرِہ دیِا باتی اِکو ہوئے رُشنائیا۔ سنت سُہیلے گُرمْکھ ویکھ کے اپنے لال، لال گُلالا اپنا رنگ چڑھائیا۔ تُوں داتا دیِن دَیال، دَیاوان اکھوائیا۔ ترےَگُن مایا توڑ جنجال، جاگرت جوت کرے رُشنائیا۔ گھر پُچھے مُریِداں حال، مُرشد ہو کے پھیرا پائیا۔ اندر باہر گُپت ظاہر چلے نال نال، جگت وِچھوڑا پندھ کٹائیا۔ مانَس جنم دی لیکھے لائے کیِتی گھال، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ہار کہے مَیں چرنی گیا لگ، آپ اپنا لیا مِٹائیا۔ مِل کے صاحب سوُرے سربگ، میرے اندر وجّی ودھائیا۔ مَیں کوُک سُناواں جگ، دہ دِشا ڈھولا اِک الائیا۔ صاحب سوامی انترجامی بھگت سُہیلے رہیا لبھ، نِرگُن داتا پُرکھ بِدھاتا بھیوَ ابھیدا آپ کُھلائیا۔ کوُڑی کِریا جگت واسنا پار کر کے حد، سچ دربارا نر نِرنکارا اِکو ویکھ وکھائیا۔ جِس گھر پریم اندر دِیپک جوتی رہیا جگ، نوُرو نوُر کرے رُشنائیا۔ شبد اگمّی انحد ناد رہیا وج، دُھن آتمک راگ الائیا۔ بِن مکّے کعبیوں ساچے حُجرے کرائے حج، محبوُب مُحبّت سچ کمائیا۔ درشن دیوے اُپر شاہ رگ، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ہار کہے جِس ویلے مَیں لگّا چرن، دھوُڑی ٹِکاّ مستک لائیا۔ میرا اندروں کُھل گیا ہرن پھرن، نِج لوئن ہوئی رُشنائیا۔ میرا چُکیا مرن ڈرن، لکّھ چؤراسی پیَنڈا رہیا مُکائیا۔ مَیں منزل اوس لگّا چڑھن، جِسدا راہ کھہڑا نہ کوئے درسائیا۔ مَیں اوس دا ڈھولا لگّا پڑھن، جِس دا نغمہ نام تعلیِم وِچ نہ کوئے دِرڑائیا۔ مَیں درشن لگّا کرن، حرص ہَوس دِتی مِٹائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ہار کہے مَیں ویکھیا نر نریش، نر نِرنکار اِکو نظری آئیا۔ جو نِواسی سچکھنڈ دوارے دُھر دے دیس، مقامے حق سوبھا پائیا۔ جِس دا گُر اوتار پیِر پَیغمبر دیندے گئے سندیش، کھانی بانی ڈھولے کلمیاں وِچ جنائیا۔ جِس دا آتم پرماتم اِکو اُپدیش، دوُجی اَور نہ کوئے پڑھائیا۔ جو ہر گھٹ اندر رہیا ویکھ، گہر گمبھیِر بےنظیِر گوسائنیا۔ سو صاحب سوامی انترجامی پُرکھ اکالا دیِن دَیالا جوتی جاتا دھر کے ویس، اوَلّڑا روُپ

اِک پرگٹائیا۔ جن بھگتاں کرے ساچا ہیت، درشن دیوے نیتن نیت، نر نرائن بےپرواہیِا۔ اندر وڑ کے مندر چڑھ کے بجر کپاٹی لاہ کے دسےّ بھیت، پردہ اوہلا دئے اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ ہار کہے مَیں اپنی بھیٹا دِتی بلی، بلوان ہو کے سیِس نِوائیا۔ پرم پُرکھ پت پرمیشور ویکھیا دھنی، شاہ پاتشاہ شہنشاہ نظری آئیا۔ جِس دی بھگتاں نال بنی، جُگ چؤکڑی اپنی گود اُٹھائیا۔ ساچے سنتاں دی وڑ جائے اندر گلی، باہروں کھوجیاں ہتّھ کِسے نہ آئیا۔ گُرمْکھاں نال آتم پرماتم روُپ رلی، رنگ اِکو اِک چڑھائیا۔ جوتی جوت سروُپ ہرِ، آپ اپنی کِرپا کر، صاحب سوامی اِکو بےپرواہیِا۔ ہار کہے مَینوُں آوے ہاسا، خوشیاں نال جنائیا۔ پرم پُرکھ کھیل تماشا، جُگ چؤکڑی ویکھ وکھائیا۔ داتا دانی گہر گمبھیِر سرب گُنتاسا، دیِن دَیال وڈی وڈیائیا۔ منڈل منڈپ دو جہان سِری بھگوان بِن گوپی کاہن پاونہارا راسا، نام بنسری دُھر دی دُھن اگمّ آواز اِک سُنائیا۔ سنت سُہیلا اِک اَکیلا جُگ چؤکڑی جن بھگتاں دیوے بھرواسا، بھرم بُھلیکھا کوُڑا دئے مِٹائیا۔ آتم پرماتم کھولے سد خلاصہ، پاربرہم برہم میلا سہج سُبھائیا۔ دَیاوان ہو کے دیِنن دیوے داتاں، داتار اپنی دَیا کمائیا۔ سب دیِاں پوُریاں کرے خواہشاں، خواہش اپنی نال مِلائیا۔ صاحب سوامی پُرکھ سمراتھا، جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ ہار کہے مَیں اِکو پریم پیار دا ویکھیا دھاگا، جو کلی کلی رہیا جنائیا۔ دُرمت مَیل دھووے داغا، پتت پُنیِت دئے وکھائیا۔ نام سُنائے دُھر دی گاتھا، تُوں میرا مَیں تیرا کرے سچ پڑھائیا۔ جِس دی وار گاؤندے راسا، صِفتاں نال صلاحیِا۔ اوہ سوامی صاحب پُرکھ ابناشا، ابناشی کرتا ویس وٹائیا۔ جن بھگتاں جنم جنم دا پوُرا کرے گھاٹا، وادھا چرن کوَل دئے سرنائیا۔ سچکھنڈ نِواسی سچ دوار دُھر دا سُناوے ساکہ، جگت وِدیا نہ کوئے پڑھائیا۔ گُرمْکھاں اندروں کھول کے تاکا، پردہ اوہلا دئے اُٹھائیا۔ نِرگُن نوُر نوُر جوت کر پرکاشا، شبدی ناد دُھن شنوائیا۔ جوتی جوت سروُپ ہرِ، آپ اپنی کِرپا کر، سدا سدا سد اپنا رنگ رنگائیا۔ ہار کہے میرے وِچ پُھل گُلاب، گُلشن سوہنا رہیا مہکائیا۔ مَیں سجدہ اوس نوُں کراں آداب، بِسمِل ہو کے اپنا آپ بھیٹ کرائیا۔ جِس نوُں آد جُگاد جُگ چؤکڑی سارے کہن گُروُ مہاراج، شاہ پاتشاہ سچّا شہنشاہیِا۔ جیہڑا گُر اوتاراں پیِر پَیغمبراں دیونہارا دات، نِرگُن سرگُن جھولی دئے بھرائیا۔ کلجُگ کوُڑی کِریا میٹے اندھیری رات، سَت سَتوادی اِکو چند کرے رُشنائیا۔ چار ورن بناوے اِک جماعت، کھتری براہمن شوُدر وَیش ونڈ نہ کوئے ونڈائیا۔ دو جہان برہمنڈ کھنڈ پُری لوء آکاش پاتال

سُنائے اِکو گاتھ، گیِت گوبِند اگمّ اتھاہ اِکو اِک جنائیا۔ غریِب نِمانیاں کوجھیاں کملیاں جُگ جنم دیاں وِچھڑیاں پُچھے بات، لکّھ چؤراسی وِچوں کھوج کھوجائیا۔ نِج نیتر لوچن نیَن درشن دیوے اِک اِکانت، شاہو بھوُپی سوَچھ سروُپی اپنا روُپ وکھائیا۔ جنم کرم لیکھا لائے لوک مات، لہنا دینا اگلا پِچھلا دئے مِٹائیا۔ چار کُنٹ دہ دِشا نظری آئے ساکھیات، جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ ہار کہے مَیں دینا ہوکا، حُکم دُھر دا دینا جنائیا۔ سندیشہ دیواں چؤداں لوکاں، چؤداں طبق دیاں اُٹھائیا۔ پربھ مِلن دا اِکو مؤقع، لکّھ چؤراسی وِچوں مانَس جوُنی نظری آئیا۔ جِس وِچ من دے نہ سکے دھوکھا، بُدھی چلے نہ کوئے چتُرائیا۔ بھاگ لگے ساڈھے تِنّ ہتّھ کایا کوٹھا، مندر اندر وجے ودھائیا۔ پڑھنا پئے کوئی نہ پوتھا، بِن پُستک ساچی سِکھیا دئے سمجھائیا۔ جگت سادھنا وِچ ہونا نہ پئے اؤکھا، جِس اُپر مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ ہار کہے مَیں سب نوُں دسّنا ہار جیِت، گھٹ گھٹ دینا دِرڑائیا۔ پت پرمیشور صاحب سوامی سچ پریِت، سِری بھگوان اِک سرنائیا۔ داتا دانی گہر گمبھیِر بےنظیِر ترےَگُن مایا کرے اتیِت، ترےَبھوَن دھنی اپنا رنگ رنگائیا۔ پنج تت کایا ماٹی پریم پیالے کرے ٹھانڈے سیِت، نِجھر جھِرنا امرت اِکو اِک جھِرائیا۔ آتم پرماتم پاربرہم برہم دسےّ دُھر دا گیِت، چؤداں وِدیا نہ کوئے پڑھائیا۔ ٹھاکر سوامی گھر سجّن ملِے ٹھیِک، باہر لبھن دی لوڑ رہے نہ رائیا۔ لیکھا جانے راؤ رنک راج راجان شاہ سُلطان ہست کیِٹ، گھٹ گھٹ اندر ویکھ وکھائیا۔ ساچا کلمہ کائنات دسےّ اِک حدیِث، حضرت ہو کے کرے حق پڑھائیا۔ جنم کرم بدل دیوے نصیِب، مِہروان مِہر نظر اِکو اِک اُٹھائیا۔ جوتی جوت سروُپ ہرِ، آپ اپنی کِرپا کر، وڈ داتا بےپرواہیِا۔ ہار کہے جِس مَینوُں کیِتا بھیٹا، پریم پریِتی اِک جنائیا۔ تِس دا مالک اِکو بنے کھیوٹ کھیٹا، بیڑا اپنے کندھ اُٹھائیا۔ پوُرب جنم جِس پِچھلا رکھیا چیتا، اَگے رائے دھرم نہ دئے سزائیا۔ مانَس جنم لیکھے لائے لیکھا، چِتر گُپت حِساب نہ کوئے وکھائیا۔ اندر وڑ کے صاحب سَتگُر کھولے بھیتا، پردہ اوہلا دئے اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ ہار کہے جِس مَینوُں لیا گُند، کلی کلی میل مِلائیا۔ مَیں صاحب سَتگُر لیا ڈھوُنڈ، جگت جہان کھوج کھوجائیا۔ جِس دے کول امرت سُہنجنی سوانتی بوُند، جگت ترِشنا دئے بُجھائیا۔ کوُڑی کِریا آلس میٹے نیِند، چیتن سُرتی دئے کرائیا۔ جوتی جوت سروُپ ہرِ، آپ اپنی کِرپا کر، صاحب سوامی ہوئے سہائیا۔ ہار کہے مَیں بہُتا ہویا خوش، خوشیاں وِچ جنائیا۔ جے کوئی

مَینوُں لَوے پُچھ، سچ سندیشہ دیاں دِرڑائیا۔ جو سب توں نِرالا وکھرا نِروَیر ہو کے بَیٹھا لُک، نِرگُن اپنا آپ چُھپائیا۔ جِس گوبِند سوُرا بنایا اپنا سُت، جوتی شبدی دھار کھیل کھِلائیا۔ سو کھیل کرے ابناشی اچُت، بےپرواہ اپنے ہتّھ رکھے وڈیائیا۔ سوہنی سُہاونی مؤلے اِکو رُت، بسنت اپنا روُپ پرگٹائیا۔ جوتی جوت سروُپ ہرِ، آپ اپنی کِرپا کر، ویکھنہارا ساچا در، جِس گرِہ مندر گھر وجےّ نام ودھائیا۔ ہار کہے مَیں دیواں سچ ثبوُت، سرب دیاں جنائیا۔ پاربرہم پت پرمیشور سب دا اِک محبوُب، مُحبّت وِچ سمائیا۔ جِس دا محل اٹل مندر اِک عروُج، عرش قُرص دوویں ویکھ وکھائیا۔ صوُفی سنت فقیِر سدا رکھے محفوُظ، سِر اپنا ہتّھ ٹِکائیا۔ پُھل کہن اسیں پُھلواڑی وِچوں نِکل کے گئے جھوُج، اپنا آپ بھیٹ کرائیا۔ جن بھگتاں دے اندروں کڈھکے دوُج، دُتیا بھاؤ دینا مِٹائیا۔ گُرمْکھاں آوے اِکو سوُجھ، بُدھی بِبیک روُپ وکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ ہار کہے میری بینتی انت اَخیِر، ارداس اِکو دیاں جنائیا۔ مالک خالق پیِراں دا پیِر، پَیغمبراں دا امام نوُر خُدائیا۔ شرع دے کٹنہارا زنجِیر، شریعت اندروں دئے بدلائیا۔ مِٹاونہارا جگت تقدیِر، تدبیِر اپنی اِک دِرڑائیا۔ بِنا اکّھاں توں درساونہارا سچ تصویِر، نوُر نوُر کرے رُشنائیا۔ جِس دی مہما صِفت کرے کبیِر، کعبیانوِچ وجےّ ودھائیا۔ سو سب نوُں دیونہارا دھیِر، دھیِرج اِک بندھائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ ہار کہے مَیں سَتگُر آیا گرِہ، گھر سچ ملِے وڈیائیا۔ ساچے مندر اندر نِرگُن ہو کے بہے، سرگُن میلا سہج سُبھائیا۔ شبد اگمّی انتر نام نِدھان اِکو کہے، رسنا جِہوا بتّی دند وجےّ حق ودھائیا۔ امرت آتم جام پیائے وہائے دُھر دی نیں، وہن اپنے نال مِلائیا۔ جھگڑا چُکا کے تُوں مَیں، مایا ممتا دئے گوائیا۔ سچ پریم دی بخش کے لےَ، کوُڑی کِریا دئے مِٹائیا۔ گُرمْکھ گُرسِکھ ہرجن ہربھگت سِری بھگوان مِل کے ڈھولا اِکو کہے، تُوں میرا مَیں تیرا دوُجا نظر کوئے نہ آئیا۔ سنت سجّن چرناں اُپر ڈھہے، ماٹی خاکی دھوُڑی مستک ٹِکاّ اِک رمائیا۔ جوتی جوت سروُپ ہرِ، آپ اپنی کِرپا کر، پوُرب لہنا جھولی پائیا۔ ہار کہے مَیں اوہناں دا کراں دھنّ واد، جِنہاں دُھر دربارا دِتا وکھائیا۔ پربھوُ دے اَگے کراں فریاد، انتر آتما نال جنائیا۔ صاحب سوامی اِنہاں دے کے جاویں داد، وست امولک جھولی پائیا۔ سچ پریم دی بخش کے یاد، جدّ اپنی وِچ لَینا مِلائیا۔ کایا کھیڑا سدا رہے آباد، گھر محبوُب نظری آئیا۔ اندر وڑ کے کھولنا راز، پردہ دینا اُٹھائیا۔ جھگڑا چُک جائے جگت نماز، آواز اِکو دینی لگائیا۔ سُرتی شبد کر کے کاج،

میلا دُھر دا لَینا مِلائیا۔ جوتی جوت سروُپ ہرِ، آپ اپنی کِرپا کر، اِکو دینی مان وڈیائیا۔ ہار کہے میری اِکو منگ، گہر گمبھیِر دیاں جنائیا۔ پریمی پیاریاں چاڑھ اوہ رنگ، نام مجیِٹھی روُپ وٹائیا۔ آتمک دُھن وجا سچّا مردنگ، انحد نادی ناد سُنائیا۔ سچ دوارا ویکھ لنگھ، نؤ دوارے ڈیرہ ڈھاہیِا۔ آتم سیجا سُہا پلنگ، آسن سِنگھاسن اپنی خوشی جنائیا۔ نِرگُن نوُر اگمّی چڑھا چند، جِس دا کِشنا شُکلا پکھّ نظر کوئے نہ آئیا۔ پریمی پیاریاں بھگتاں اپنا دے اوہ انند، جِس انند وِچوں انندپُری والے گُرمْکھ لئے پرگٹائیا۔ خوشی کردے بند بند، بندگی اِکو اِک دِرڑائیا۔ جنم مرن آون جاون لکّھ چؤراسی مُک جائے پندھ، رائے دھرم نہ دئے سزائیا۔ آتم پرماتم وِچھوڑے وِچ نہ ہووے رنڈ، کنت سُہاگی ہو کے خوشی دینی وکھائیا۔ آسا منسا پوُری کرنی تُوں صاحب سدا بخشند، بخشنہار تیری بےپرواہیِا۔ جے لیکھا نہیں پھیر وی گنڈھ، شبدی ڈوری تند بندھائیا۔ مِہروان ہو کے لا انگ، انگیکار اِک اکھوائیا۔ من واسنا کوُڑی کِریا انتر رہے نہ گند، سُگندھ اِکو دینی بھرائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، جن بھگتاں اندر تیرے سچ پریم دی سدا وجدی رہے ودھائیا۔

۳۱ ہاڑ شہنشاہی سمت ۱ سردوُل سِنگھ دے گرِہ پٹھان کوٹ ضِلع گُرداسپُر

پُھل کہے گُرمْکھ بن اگمّی پھوُل، سچ سُگندھی وِچ بھرائیا۔ من واسنا نہ جانا بھوُل، ابُھل دئے وڈیائیا۔ اپنا آد دا ویکھ موُل، تیرا نوُر آتم پرماتم نظری آئیا۔ کٹ وِچھوڑا کنت کنتوُہل، گھر ساچے وجےّ ودھائیا۔ سِری بھگوان منّ اصوُل، نِیم اِکو رہیا دِرڑائیا۔ سچ وست کر وصوُل، وصل اِکو یار خُدائیا۔ دھوُڑی ٹِکاّ مستک لا دُھول، دُھر دا لیکھا دئے چُکائیا۔ سچ پنگھوُڑا لَینا جھوُل، نام ہُلارا دئے وکھائیا۔ پریم پریِتی اندر ہونا مشغوُل، مشورہ اِکو اِک دِرڑائیا۔ مانَس جنم نہ جائے فضوُل، فضل رحمت دئے کمائیا۔ جنم کرم دا منگے نہ کوئے محصوُل، اَگے ہو نہ کوئے اٹکائیا۔ تیرا لہنا دینا لیکھا مکُے ضرور، ضرورت جنم جنم دی کھوج کھوجائیا۔ ابناشی کرتا سدا سدا سد حاضر حضوُر، حضرت ہو کے دَیا کمائیا۔ جوُٹھ جھوُٹھ دا کٹ قصوُر، قِسمت دئے بدلائیا۔ مایا ممتا توڑ غروُر، سچ شعوُر دئے وکھائیا۔

ہؤمے ہنگتا نہ رہے فتُور، نِون سو اکھّر اِک سمجھائیا۔ جلوہ ملِے جوتی کوہ طوُر، کُتب خانیاں دی لوڑ رہے نہ رائیا۔ سرب سوامی ہوئے مزدوُر، چاکر خادم سیو کمائیا۔ انتر آتم کرے قبوُل، مِہر نظر نال مِلائیا۔ مُحبّت دا مالک صاحب محبوُب، محوخانہ اِک درسائیا۔ لیکھا چُک جائے مشرق مغرب شمال جنوُب، سِمت دی لوڑ رہے نہ رائیا۔ لیکھا مُک جائے کوُڑ حدوُد، حد توں پرے ڈیرہ دئے وکھائیا۔ جِدھر ویکھے اُدھر مؤجوُد، گُرمْکھ سنمُکھ نظری آئیا۔ جگت لالچ کر دے نیست و نابوُد، کوُڑی کِریا جڑ اُکھڑائیا۔ لیکھے لائے تن وجوُد، وجہ نال سمجھائیا۔ جوتی جوت سروُپ ہرِ، آپ اپنی کِرپا کر، گھر ساچے لئے مِلائیا۔ پُھل کہے گُرمْکھ اپنے اندر ویکھ سُگندھی، سوگند کھا کے دیاں جنائیا۔ جِس دے اُتے نہیں کوئی پابندی، پابند ہو کے بَیٹھا بےپرواہیِا۔ جو توڑنہارا خانہ بندی، بندگی اِکو اِک سمجھائیا۔ واسنا رہن نہ دیوے گندی، کوُڑی کِریا باہر کڈھائیا۔ جوتی نوُر چمکاوے چندی، چند سوُرج نیَن شرمائیا۔ مارگ سِدھی دسےّ ڈنڈی، ڈنڈؤت اِکو اِک دِرڑائیا۔ پنچ وِکارا بھیکھ میٹے پکھنڈی، سَت سنگی سَتگُر شبد دئے جنائیا۔ منزل راہ ہووے نہ تنگی، ٹیڈھی بنک نہ کوئے اٹکائیا۔ تٹ کنارہ سُہائے بھوُمِکا چنگی، چاروں کُنٹ خوشی وکھائیا۔ صاحب سَتگُر جِس دا دروازہ گئے لنگھی، اپنا پندھ مُکائیا۔ اوتھے آتم رہے کوئے نہ اندھی، سَت سروُپ اِکو نظری آئیا۔ اوتھے سادھاں دی نہیں کوئی منڈی، مویشیاں وانگ نہ کوئے بھوائیا۔ کوٹاں وِچوں بھگت سُہیلا مانے رس انندی، انند آتم وِچ پرگٹائیا۔ جِنہاں دی پِٹھ ہووے نہ ننگی، پُشت پناہ بَیٹھا بےپرواہیِا۔ جوتی جوت سروُپ ہرِ، آپ اپنی کِرپا کر، گھر سجّن ہوئے سہائیا۔ پُھل کہے گُرمْکھ تیرے اندر سوہنا رنگ، مَینوُں نظری آئیا۔ جِتھے وجےّ نام مردنگ، انراگی ڈھولے گائیا۔ پَون پَوناں پائے ٹھنڈ، امرت جھِرنا رہیا جھِرائیا۔ سیج سُہنجنی سُہائے پلنگ، بِن پاوا چوُل ٹِکائیا۔ نوُری نوُر چڑھا کے چند، اگمّ کرے رُشنائیا۔ سجّن سُہیلا ہو کے سنگ، دُھر دا میل مِلائیا۔ ناتا توڑ کے جیرج انڈ، اُتبُھج سیتج لیکھا دئے مُکائیا۔ جنم جنم دی ٹُٹی گنڈھ، گوپال دَیال دیِناں ہوئے سہائیا۔ وست امولک رہیا ونڈ، نام نِدھانا جھولی پائیا۔ پنجاں کر کے کھنڈ کھنڈ، اندر باہر کرے صفائیا۔ کوُڑ کُڑیاری ڈھاہ کے کندھ، بھانڈا بھرم بھؤ بھنائیا۔ پردہ لاہ کے ہنگ برہم، پاربرہم اپنا آپ پرگٹائیا۔ چرن کوَل سرنائی دے کے انند، سرنگت اِک سمجھائیا۔ جوتی جوت سروُپ ہرِ، آپ اپنی کِرپا کر، ساچی منزل ویکھ وکھائیا۔ پُھل کہے مَیں ویکھاں گُرمْکھو تُہاڈی سوہنی پُھلواڑی، پتّ ٹہنی خوُب مہکائیا۔ جِنہاں دا لیکھا لگّا ستاراں ہاڑی،

پوُرب ہاڑے کڈھے مِلی وڈیائیا۔ لہنا مُکیا چرن چُھہائی داڑھی، سِر مستک ہتّھ ٹِکائیا۔ نؤ سؤ چُرانوے چؤکڑی جُگ پِچھوں آئی واری، وارتا پِچھلی دئے گواہیِا۔ اَگے ہوئے نہ کوئے خواری، جنم مرن نہ کوئے جنائیا۔ بھاویں پربھ نوُں سارے کہندے جواری، دھوکھے باز نوُر خُدائیا۔ جُگ چؤکڑی ہویا رہیا بےاِعتباری، اچھل چھل اپنا ناؤں دھرائیا۔ پُھل کہے دھنّ بھاگ جِس تُہاڈے نال لائی یاری، اپنی خاطر مِل کے خوشی منائیا۔ تُہاڈی آتما نہ رہے کواری، پرماتم ہو کے آپ پرنائیا۔ سچ پریم نال شِنگاری، جوبن روُپ اِک چڑھائیا۔ مُحبّت دی کر پُجاری، گھر ساچے لئی بُلائیا۔ دُھر دی دے خُماری، خواہ مخواہ اپنا رنگ رنگائیا۔ تُہاڈے نال نہ کرے غداری، گداگر ہو کے سیو کمائیا۔ بھگت سُہیلے جاوے تاری، چاروں طرف وجےّ ودھائیا۔ لہنا چُکا کے پُرکھ ناری، نر نرائن مان تان اِک رکھائیا۔ جوتی جوت سروُپ ہرِ، آپ اپنی کِرپا کر، گُرمْکھ ساچے پار لنگھائیا۔ پُھل کہے جن بھگتو تُہاڈا صاحب رنگ رنگیِلا، سچ رنگت وِچ سمائیا۔ جو بن کے سچ وسیِلہ، لوک مات ویس وٹائیا۔ پار کر کے اَمبر نیِلا، نِرگُن نوُر کرے رُشنائیا۔ سب دی ویکھنہار دلیِلا، اندر اندر پھول پُھلائیا۔ جوتی جوت سروُپ ہرِ، آپ اپنی کِرپا کر، صاحب سوامی بےپرواہیِا۔ جن بھگتو ویکھو کھیل سچّے سَتگُر دا، جو ساچی سیو کمائیا۔ پوُرب لہنا ویکھ دُھر دا، وِچھڑیاں جوڑ جُڑائیا۔ اپنی کرنی کرن توں کدے نہ مُڑدا، غریِب نِمانے گلے لگائیا۔ بھاویں ہتّھاں پَیراں نال نہیں تُردا، تُرت اپنا حُکم جنائیا۔ ساجن گُرمْکھ میلے اپنی لوڑ دا، لوڑیندا اپنے نال جُڑائیا۔ لیکھا چُکا کے اندھ گھور دا، سچ پرکاش کرے رُشنائیا۔ ناتا تُڑا کے کوُڑ کُڑیار چور دا، جگت ٹھگّی توں لئے بچائیا۔ منتر دسّ کے اپنا فُرنا پھور دا، پردہ اوہلا دئے اُٹھائیا۔ جو چرن پریِتی کر کے اپنا آپ گھولدا، سو گھولی گھول گھُمائی ویکھ وکھائیا۔ ساچے نام کنڈے ترازوُ اِکو تولدا، دھڑی سیر وٹّا نظر کوئے نہ آئیا۔ لکّھ چؤراسی وِچوں گُرمْکھ سُہیلے بھگت وِرولدا، آپ آپا کھوج کھوجائیا۔ پُھل کہے مَیں سچ سَت دُھر حُکم نال بولدا، اپنی کتھا نہ کوئے سُنائیا۔ جیہڑا صاحب سَتجُگ دا راہ کھولدا، کُنڈے اندروں دئے کُھلائیا۔ مہاراج شیرسِنگھ وِشنوُں بھگوان، گھر وکھاوے گھر وِچ کول دا، کُلونت سری بھگَونت جن بھگت کُل اپنی دئے بنائیا۔

۳۱ ہاڑ شہنشاہی سمت ۱ کرم سِنگھ دے گرِہ نیاشالا ضِلع گُرداسپُر

گوبِند کہے مَیں پُچھاں وات، پُرکھ اکال سیو کمائیا۔ جُگ جنم دا ویکھاں نات، پوُرب پوُرب پھول پُھلائیا۔ جنم جنم دا پوُرا کراں گھاٹ، گھاٹا پِچھلا دیاں مُکائیا۔ منزل منزل اگلی دسّاں واٹ، در گھر ساچا اِک سمجھائیا۔ شبدی شبد سُناواں دُھر دی گاتھ، انبولت بولت راگ الائیا۔ سچ بھنڈار دے کے دات، دؤلتمند دیاں بنائیا۔ سُرتی سُرت کر اِکانت، لِو اِکو اِک وکھائیا۔ سوہنی سُہنجنی بِھنڑی رَین وکھا کے رات، رُتڑی اپنے نال مہکائیا۔ آتم پرماتم کر کے یاد، میل مِلاواں سہج سُبھائیا۔ ساچا کھیڑا کر آباد، نام وجاواں اِک ودھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کہے مَیں لیکھا لاؤنا، پاربرہم پربھ تیری سیو کمائیا۔ گُرمْکھ سجّن میل مِلاؤنا، پت پرمیشور تیری وڈ وڈیائیا۔ آتم انتر بھیو کُھلاؤنا، دُئی دوَیتی ڈیرہ ڈھائیا۔ سچ سندیشہ نام سُناؤنا، کراں حق پڑھائیا۔ وِچھڑیاں جگ میل مِلاؤنا، ناتا کوُڑ تُڑائیا۔ محل اٹل اِک سُہاؤنا، جوتی نوُر کر رُشنائیا۔ امرت ٹھانڈا جل پیاؤنا، رس اِکو اِک وکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ گوبِند کہے مَیں کرنا خبردار، دُھر سندیشہ اِک جنائیا۔ سوئی سُرت کرنی بےدار، غفلت نِندرا رہن کوئے نہ پائیا۔ سندیشہ دینا دُھر دے یار، سُنیہڑا اِک سُنائیا۔ بھگت سُہیلے لَینے اُٹھال، جاگرت جوت کر رُشنائیا۔ نیتر لوچن نیَن کرو اِک دیِدار، پاربرہم پربھ ساچا درشن پائیا۔ نوَ نؤ چار پِچھوں آئی جِس دی وار، وارتا سب دی ویکھ وکھائیا۔ جِس دے پِچھے ہُندے رہے خَوار، لکّھ چؤراسی بھج بھج تھکے واہو داہیِا۔ پریِتم مِلیا نہ سانجھا یار، سَت سَتوادی نظر کوئے نہ آئیا۔ جِس دی صِفت کر کر کاغذ قلم شاہی گئے ہار، آد انت کہن کوئے نہ پائیا۔ جِس نوُں کھوجدے رہے سدا جُگ چار، سَتجُگ تریتا دواپرکلجُگ ویکھن چائیں چائنیا۔ جِس دی بھوِکھتاں وِچ گاؤندے وار، گُر اوتار پَیغمبر ڈھولے ناد جنائیا۔ جِس دے شاستر سِمرت وید پُران اِنجیِل قُرآن بنے رہے اِشتہار، اِشتہاری بَیٹھا رہیا مُکھ چُھپائیا۔ سو صاحب سوامی انترجامی پُرکھ بِدھاتا ہو کے ظاہر، ظاہر ظہوُر کرے رُشنائیا۔ جِسدا نہ کوئی کھنڈا نہ تلوار، کھڑگ ہتّھ نہ کوئے چمکائیا۔ حُکمے اندر کرے کار، شبد سندیشہ اِک سُنائیا۔ سنت سُہیلے گُر چیلے میلے آن، دوُر دُراڈا پندھ مُکائیا۔ مایا ممتا موہ توڑ ابِھمان، ساچی سِکھیا اِک سمجھائیا۔ آتم پرماتم دے کے برہم گیان، بھانڈا بھرم دیوے بھنائیا۔ سَت دھرم وکھائے نِشان، شرع وِچ نہ کوئے لڑائیا۔ ثابت دسےّ اِک

ایمان، سِری بھگوان اِک سرنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گوبِند کہے مَیں دسّن آیا خلاصہ، بھیوَ ابھیدا اِک کُھلائیا۔ جِس دے اُتے رکھ کے آئے بھرواسا، جُگ چؤکڑی بِن ویکھیاں دھیان لگائیا۔ جِس نوُں سارے منّدے آئے باپا، پُرکھ اکال بےپرواہیِا۔ جِس دا پرماتم آتم جُڑیا سچّا ناتا، دو جہاناں نہ کوئے تُڑائیا۔ جِس دی سَت سَتوادی گاتھا، وِشن برہما شِو ڈھولے رہے گائیا۔ جِس نوُں گُر اوتار پَیغمبر ٹیکن ماتھا، سجدیاں وِچ سیِس جھُکائیا۔ جِس دی چرن چھوہ منگن تیِرتھ تاٹا، سر سروور راہ تکائیا۔ جِس دی سمجھ نہ سکے کوئی ذات پاتا، ورن گوت نہ ونڈ ونڈائیا۔ سو صاحب سوامی پُرکھ اکالا ویکھن آیا جگت تماشا، جگت نیتر نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ گوبِند کہے مَیں سچ سندیشہ دینا بول، ڈھولا اِکو اِک جنائیا۔ پُرکھ اکالا تولن آیا تول، نام کنڈا ہتّھ اُٹھائیا۔ سچ دوار رہیا کھول، چارے کُنٹاں پندھ مُکائیا۔ سنت سُہیلے رہیا وِرول، لکّھ چؤراسی پھول پُھلائیا۔ پوُرا کرن آیا قؤل، اِقرار اپنا ویکھ وکھائیا۔ پرگٹ ہو کے اُپر دھرنی دھؤل، دھوَل رہیا سمجھائیا۔ جِس دا لیکھا کوئی نہ جانے پنڈت پاندھا رؤل، مُلّا شیخ مسائک سار کوئے نہ آئیا۔ جوتی جوت سروُپ ہرِ، آپ اپنی کِرپا کر، دُھر سُنیہڑا اِک سُنائیا۔ گوبِند کہے مَیں دسّاں سچ، سَت سَت دیاں دِرڑائیا۔ پُرکھ ابناشی آیا وت، بےوطن اپنا پھیرا پائیا۔ جِس دی نہ کوئی جگت والی اکّھ، بِن نیتر لوچن نیَن سب نوُں رہیا تکائیا۔ جِس دے کول سنساریاں والی نہیں وتھ، نام بھنڈارا اِک ورتائیا۔ جِس دے کول کوُڑی مہما والا نہیں جس، سچ سَت اِکو اِک دِرڑائیا۔ جو بھگتاں اندر رہیا وس، بِن ڈیریوں ڈیرہ رہیا لگائیا۔ پریم پریِتی اندر رہیا ہس، ہستی ہستی وِچوں بدلائیا۔ کوُڑی کِریا کرے بھٹھ، اگنی تت دئے جلائیا۔ مایا ممتا موہ ہنکار وِکار وِچوں لئے رکھ، مِہر نظر اِک رکھائیا۔ دیِن دُنی نالوں کر کے وکّھ، واسطہ اپنے نال جُڑائیا۔ دُھر دی دھار دیوے ساچا حق، حاکم ہو کے شہنشاہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کہے مَیں دسّنا سچ پیار، پریمی ہو کے دیاں جنائیا۔ میرا انت اَخیِری اِک وِہار، وِوہاری ہو کے رہیا دِرڑائیا۔ جیہڑا ہتّھ نہ آیا کِسے جُگ چار، چؤکڑی پِھردے مارے دھائنیا۔ جِس دا لیکھا لِکھ نہ سکیا کوئی سنسار، بھیوَ ابھید نہ کوئے کُھلائیا۔ سو لہنا دینا دیونہار آپ نِرنکار، نِرگُن اپنی کار کمائیا۔ جوتی جوت سروُپ ہرِ، آپ اپنی کِرپا کر، دُھر دی دھار اِک بندھائیا۔ گوبِند کہے مَیں دیاں سچ حقوُق، پریمیاں جھولی دیاں بھرائیا۔ ناتا تُٹ جائے عاشق

معشوُق، گُرسِکھ گُرمْکھ گُر گُر اِکو رنگ رنگائیا۔ آر پار دی مُک جائے حدوُد، آر پار ونڈ نہ کوئے ونڈائیا۔ سنت سُہیلے کر محفوُظ، سِر اپنا ہتّھ ٹِکائیا۔ محل اٹل دسّ عرش عروُج، اِکو گھر دینا وکھائیا۔ جوتی جوت سروُپ ہرِ، آپ اپنی کِرپا کر، دَیاوان ہو کے دیِناں گلے لگائیا۔ گوبِند کہے مَیں بھگتاں دسّنا بن کے وارث، دُھر دا حُکم جنائیا۔ جُگ چؤکڑی پِچھوں اِکو وار کراں سفارش، نِت نِت لوڑ رہے نہ رائیا۔ میری اکھّراں والی نہیں عبارت، الف یے نہ کوئے پڑھائیا۔ میری اِٹّاں پتّھراں والی نہیں عِمارت، جھروکھے جگت نہ کوئے جنائیا۔ میری وکیِلاں اپیِلاں والی نہیں عدالت، حُکم دُھر دا اِک سُنائیا۔ کوُڑی کِریا نہیں اَمانت، مایا ممتا موہ نہ کوئے وڈیائیا۔ مچلکا بھرے نہ کوئے ضمانت، شہادت سکے نہ کوئے بُھگتائیا۔ مِہروان ہو کے جن بھگتاں رکھاں صحیح سلامت، ایتھے اوتھے ہوواں سہائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے چُکائیا۔ گوبِند کہے مَیں بننا دسّ کے شبد گُروُ، ناتا تتّاں والا تُڑائیا۔ پُرکھ اکال دا مارگ ہونا شُروُع، شرع دئے بدلائیا۔ جِس دا اِکو منتر پُھروُ، چار ورن کرے پڑھائیا۔ آتم پرماتم سِدھی اِکے نال جُڑوُ، اَدھ وِچ نہ کوئے اٹکائیا۔ ساچا بھگت منزل چڑھ نہ پِچھے مُڑوُ، اَگے بھجےّ واہو داہیِا۔ گوبِند کہے مَیں اُہناں نال تُروُں، جو تُرت میرا حُکم منّ کے خوشی منائیا۔ لوُن وانگ کدے نہ کُھروُن، آد جُگاد اِکو رنگ رنگائیا۔ سوُماں وانگ کدے نہ جھُروُں، داتا ہو کے دؤلتمند دیاں بنائیا۔ جگت وہن کدے نہ رُڑھوں، کوُڑی کِریا دیاں مِٹائیا۔ اگنی اگّ کدے نہ سڑوں، تپدیاں ٹھنڈے دیاں کرائیا۔ تیِر تلوار نال کدے نہ لڑوں، شبدی حُکم اِک منائیا۔ جُگ جنم دے وِچھڑے گُرمْکھ سجّن پھڑوں، لکّھ چؤراسی پھول پُھلائیا۔ اُہناں دی اندر مندر منزل چڑھوں، سچ سِنگھاسن بہہ بہہ ڈیرہ لائیا۔ جو اِچھیا سو دو جہان کروُں، صلاح لیَن دی لوڑ رہے نہ رائیا۔ برہمنڈ کھنڈ کِسے کولوں نہ ہروُں، ہار جت اپنی اپنے ہتّھ رکھائیا۔ سرب دا مالک پرِتپالک اِکو بنوُں، بیڑا اپنے کندھ اُٹھائیا۔ جیہڑی ذات پات ونڈ کے گیا منوُ، من وِچوں واسنا دینی گوائیا۔ ساچے بھگت سُہیلے شبدی دھار وِچوں جنوں، بن کے دُھر دی جنیِندی مائیا۔ کوُڑی کِریا چار کُنٹ دہ دِشا ڈنوُں، دیواں سخت سزائیا۔ نیترہیِن گُرمْکھ رہن نہیں دینا انّوُ، لوچن اپنا دینا کُھلائیا۔ گڑھ ہنکاری بھانڈے سب دے بھنّوُ، تیِر انیالا اِک چلائیا۔ سرِشٹ سبائی اوس ویلے گُر شبدی سچ منّوُ، جِس ویلے گھر بار سارے گئے تجائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گوبِند کہے مَیں حُکم دسنا جگدیِش، جگدیِشر رہیا جنائیا۔ دو جہاناں جِس دے سیِس تے

ہونا سیِس، سِر وِچوں سِر نظر کِسے نہ آئیا۔ کلمہ دُھر دا دسےّ حدیِث، حضرت اِک پڑھائیا۔ لکّھ چؤراسی بدل کے ریِت، نیِت اپنی دئے سمجھائیا۔ جوتی جوت سروُپ ہرِ، آپ اپنی کِرپا کر، سب دا لیکھا ویکھ وکھائیا۔ گوبِند کہے میرا اَخیِری کنڈھا انتم واٹ، سب نوُں دیاں جنائیا۔ جِس ویلے وقت سُہاؤنا گوداوری کنارہ تاٹ، اتُٹ دَیا کمائیا۔ اِک شبد سندیشہ دینا پُرکھ سمراتھ، اگمّ اتھاہ جنائیا۔ دُھر دا امرت لےَ کے ہاتھ، ہتھیلی اُتے لَینا ٹِکائیا۔ رَویداس دا رَویا ہویا گلاس، بےآس آس پُجائیا۔ لیکھا دے پُرکھ ابناش، وِشواش، سب دا دئے دھرائیا۔ اُس توں اَگے گُرمْکھ رہے نہ کوئی اُداس، نِراسا روُپ نہ کوئے وٹائیا۔ سوامی بن کے وساں پاس، انترجامی ہو کے ویکھ وکھائیا۔ لیکھے لا کے لکّھ چؤراسی وِچوں اِک رات، جماعت بھگتاں دیاں بنائیا۔ مہاراج شیرسِنگھ وِشنوُں بھگوان، سچ بیڑے چڑھا کے راتھ، رتھواہی بن کے دُھر دی سیو کمائیا۔

۳۲ ہاڑ شہنشاہی سمت ۱ مہِندر سِنگھ، درشن سِنگھ دے گرِہ پِنڈ نیاشالا ضِلع گُرداسپُر

ستگُر شبد کہے شبدی دھار بناواں سِکھ، تتّاں وِچوں تت مِٹائیا۔ دُھر دا لیکھا دیواں لِکھ، جِس سکے نہ کوئے مِٹائیا۔ سب دا سَتگُر نظری آواں اِک، دوُجا اِشٹ نہ کوئے وکھائیا۔ ساچے پریم دی پریمیاں لاواں کھِچ، انتر انتر دیاں ہِلائیا۔ وسیرا کراں اوہناں وِچ، جو وِچوں کوُڑی کِریا گئے کڈھائیا۔ جنم کرم دی پوُری کراں سِک، سِخر چوٹی چڑھ کے ویکھ وکھائیا۔ سچ دوارے پَواں دِس، گھر مندر اِک وڈیائیا۔ جوتی جوت سروُپ ہرِ، آپ اپنی کِرپا کر، اپنا کھیل دئے بدلائیا۔ سَتگُر شبد کہے شبدی سِکھ بناؤنا بچّہ، رَکت بوُند نہ کوئے وڈیائیا۔ نام نِدھان دے کے سچّا، سچ سچ نال مِلائیا۔ مُحبّت وِچ رہن نہیں دینا کچّا، کوُڑی گنڈھ نہ کوئے وکھائیا۔ رنگ چاڑھ کے اپنا تتّاں، تت اِکو دینا وکھائیا۔ درس دِکھا کے بِنا اکّھاں، اکّھ اپنے نال مِلائیا۔ ساچی سِکھیا دُھر دی اِکو دسّاں، درشن جوت شبد سمائیا۔ ہرِ جوُ ہو کے ہِردے وساں، ہاردک خوشی بنائیا۔ جوتی جوت سروُپ ہرِ، آپ اپنی کِرپا کر، سچ دوار دئے دِرڑائیا۔ سَتگُر شبد کہے مَیں گُرسِکھ شبدی بناؤنا چیلا، ناتا تت نہ کوئے رکھائیا۔ بِن مندر مسجد شِودوالے مٹھ ہُندا رہے میلا، گھٹ بھیِتر جوڑ جُڑائیا۔ سوامی بن کے سجّن سُہیلا، انترجامی ہو کے ویکھ وکھائیا۔ دھام اپنا دسّ نَویلا، مندر دُھر دا دینا دِرڑائیا۔

جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ سَتگُر شبد کہے گُرمْکھ شبدی دھار وِچوں لَینا کڈھ، ایہو وڈی وڈیائیا۔ سچ پیار پریم پریِتی وِچ لڈاؤنا لڈ، انگیکار اِک اکھوائیا۔ دُھر دا نغمہ سُناؤنا چھند، کلمہ اِک پڑھائیا۔ بِن رسنا جِہوا بتّی دند دینا انند، رس دُھر دا دئے وکھائیا۔ سچ اِشنان کراؤنا بِن تیِرتھ تٹ گنگ، دُرمت مَیل دھوائیا۔ بِن روُپ رنگ ہونا سنگ، انُبھوَ اپنی کھیل وکھائیا۔ بِن سوُرج چند چمکاؤنا اوہ چند، جِس دا پکھّ سکے نہ کوئے بدلائیا۔ جوتی جوت سروُپ ہرِ، آپ اپنی کِرپا کر، بھگت سُہیلا ویکھ وکھائیا۔ سَتگُر شبد کہے مَیں گُرمْکھ بناؤنا شبدی مُریِد، مُردا گَور نہ کوئے دبائیا۔ ڈاکٹر بن کے دُھر دا طبیب، اندروں طبیعت دینی بدلائیا۔ سجّن میِت مُرار بن حبیِب، تمیِز اِکو دینی دِرڑائیا۔ مِہر نظر نال کر عزیِز، سِر اپنا ہتّھ ٹِکائیا۔ سَت وست توں رہن نہیں دینا کوئی غریِب، وست امولک جھولی پائیا۔ جُگ چؤکڑی جو تھوڑی تھوڑی دیندا رہیا ترتیِب، حِصیاں وِچ ونڈ ونڈائیا۔ کھانی بانی شرع شریعت وید پُراناں سُناؤندا رہیا گیِت، ڈھولا دُھردرگاہیِا۔ سو سَتگُر صاحب کھیل کرے عجیب، عجب نِرالا ویس وٹائیا۔ جِس دی منّنی نہ پئے کوئے عیِد، بقرعید روُپ نہ کوئے وٹائیا۔ سِدھی اندروں کر دئے دیِد، اکّھ اکّھ نال مِلائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ سَتگُر شبد کہے مَیں گُرسِکھ شبدی بناؤنا سنت، جگت والی نہ کوئے پڑھائیا۔ بھیو والی نہیں کوئی بنت، بستر اِکو تن چُھہائیا۔ دُھر سُہاگ مِلا کے کنت، دُہاگن ناتا دینا تُڑائیا۔ نام اِکو دے کے منت، منتر سچ سچ سمجھائیا۔ جِس دے سہارے لکّھ چؤراسی جیِو جنت، انتم اوہو دینا مِلائیا۔ جِس نوُں سرب کہن بےانت، بےپرواہ اکھوائیا۔ جو آد جُگادی بودھ اگادھا پنڈت، گُر اوتاراں کرے پڑھائیا۔ جِس دی بدلی وِچوں بدل کے آ گیا سمت، سماں رہیا سمجھائیا۔ جِس دے در تے سارے کردے مِنت، سِر سکے نہ کوئے اُٹھائیا۔ سو گُرمْکھاں میٹنہارا چِنت، چِنتا غم نہ کوئے ستائیا۔ من واسنا رہن نہ دیوے عِلّت، دہ دِشا نہ کوئے بھوائیا۔ اپنے مِلن دی آپے دیوے ہِمّت، دُھر دا حوصلہ دئے ودھائیا۔ گُرمْکھاں سَتگُر شبد پاوے قیِمت، کرنی آپ چُکائیا۔ ایہہ کھیل وکھرا غنیمت، اِتہاس سکے نہ کوئے سمجھائیا۔ لیکھا سمجھے نہ کوئے تُریا تریمت، تار ستار نہ کوئے دِرڑائیا۔ بھیو جانے نہ کوئے زیب و زینت، شاہ شہان نہ کوئے جنائیا۔ عالمیِن لیکھا سمجھا نہ کوئے آمیِنت، عِلم عُلما نہ کوئے وڈیائیا۔ دھار جانے نہ مذہب دیِنت، دیِن دُنی نہ کوئے وکھائیا۔ بھیو رہے نہ جل میِنت، چند چکور نہ کوئے صلاحیِا۔ ایہہ کھیل نَواں نَویِنت، نوَ نؤ چار راہ تکائیا۔

سَتگُر شبد کہے گُرمْکھ دو جہان کدے نہ آوے ہیِنت، لعنت سکے نہ کوئے پائیا۔ جوتی جوت سروُپ ہرِ، آپ اپنی کِرپا کر، مہاراج شیرسِنگھ وِشنوُں بھگوان، کمّ کرے نہ کوئے کمیِنت، پاتشاہ ہو کے شہنشاہ اپنا حُکم منائیا۔

۳۲ ہاڑ شہنشاہی سمت ۱ نوشہرا مزہ سِنگھ سنت ہرنام سِنگھ دے ڈیرے ضِلع گُرداسپُر

سبب نال جو مِلیا نال، انتر آتم پریم ودھائیا۔ صاحب سَتگُر ندر نِہال، نیتر لوچن نیَن نِج دئے کُھلائیا۔ ناتا توڑ کے کوُڑا پنج تت ترےَگُن جنجال، جاگرت جوت کرے رُشنائیا۔ کایا مندر اندر سچّی دھرم سال، ہرِ ٹھاکر سوامی دئے مِلائیا۔ اٹّھے پہر دِوس رَین گھڑی پل شبدی دُھن وجےّ تال، انحد نادی ناد سُنائیا۔ داتا ہو کے دیِن دَیال، دیِناں اناتھاں اپنے گلے لگائیا۔ اندر باہر گُپت ظاہر کرے سنبھال، سِر اپنا ہتّھ ٹِکائیا۔ سوَچھ سروُپی سووت جاگت درس دئے دِکھال، جاگرت تُریا اپنا رنگ رنگائیا۔ جِس سَتگُر دی کردے بھال، سو پُرکھ اکالا دیِن دَیالا جوت سروُپی جوتی جوت ڈگمگائیا۔ جوتی جوت سروُپ ہرِ، آپ اپنی جوت دھر، کایا کھیڑا ویکھے گھر، ساڈھے تِنّ ہتّھ کھوج کھوجائیا۔ سبب نال ہویا مِلاپ، ویلا وقت دئے گواہیِا۔ انتر اُپجے اِکو جاپ، اجپا روُپ وٹائیا۔ کوُڑی کِریا مِٹ جائے سنتاپ، سنسا روگ رہے نہ رائیا۔ پوُرب جنم دا رہے نہ پاپ، دُرمت مَیل دیوےدھوائیا۔ آتم پرماتم اِکو رنگ رنگے آپ، کُسمبڑا روُپ نہ کوئے وٹائیا۔ سَتگُر گُرسِکھ دُھر دا ناتا جِؤں پِتا پوُت باپ، ساچا ناتا اِک جُڑائیا۔ جوتی جوت سروُپ ہرِ، آپ اپنی کِرپا کر، لہنا لیکھے وِچ رکھائیا۔ سبب نال ہویا جوڑ، اندر وجےّ نام ودھائیا۔ سَتگُر پریِتی لگّی نِبھے توڑ، جگت وِچ نہ کوئے تُڑائیا۔ پنچ وِکاراں دیوے ہوڑ، کام کرودھ لوبھ موہ ہنکار ڈیرہ ڈھائیا۔ ہؤمے ہنگتا کڈھے روگ، ہنگ برہم اِک دِرڑائیا۔ آتم پرماتم ہووے دُھر سنجوگ، شبدی گُر میلا سہج سُبھائیا۔ جِس سَتگُر دی ساچی رکھی اوٹ، اوہ سَتگُر سمرتھ جِس دی مہما اکتھ، شاستر سِمرت وید پُران گیِتا گیان اِنجیِل قُرآن کھانی بانی راگاں ناداں وِچ ڈھولے رہی گائیا۔ سو پُرکھ اکال دیِن دَیال ابناشی کرتا پاربرہم پت پرمیشور تیرے ہِردے جائے وس، نِرگُن نوُر جوت کرے رُشنائیا۔ شبد انیالا تیِر نِرالا مارے کس، بجر کپاٹی چیِر وکھائیا۔ اندروں کھول کے نِج نیَن اکّھ، پرتکھ نظری آئیا۔ اَگے خالی رہن نہ ہتّھ، جوتی جوت سروُپ ہرِ، آپ اپنی کِرپا کر، دیونہارا ساچا ور،

سَتگُر ایک آد جُگادی جُگ چؤکڑی سب نوُں دیوے ٹیک، سَتجُگ تریتا دواپرکلجُگ برہمنڈ کھنڈ پُری لوء آکاش پاتال سب دا ہوئے سہائیا۔

۳۲ ہاڑ شہنشاہی سمت ۱ اجیِت سِنگھ دے گھر طوطی والا کھوُہ بٹالا

گُرسِکھ کہے میرا میلا شبد گُردیو، جو گدّیاں توں باہر ڈیرہ لائیا۔ جِس دی سدا سدا سد سچّی کراں سیو، سیوک اپنا روُپ دھرائیا۔ جو وسے دھام نِہچل نِہکیو، سچ سِنگھاسن ڈیرہ لائیا۔ جِس دے کول اگمّڑا بھیو، بھید اپنے وِچ چُھپائیا۔ جِس دی مہما کر نہ سکے رسنا جِہو، اکھّراں وِچ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، سَتگُر شبد اِک جنائیا۔ گُرسِکھ کہے مَیں سَتگُر شبد لبھنا سوامی، سماں سچ رہیا دِرڑائیا۔ جو انتر دا ہووے انترجامی، گھٹ بھیِتر ویکھ وکھائیا۔ جو اگمّی سُناوے بانی، نام نِدھانا اِک جنائیا۔ جو بِن سروور پیاوے ٹھنڈا پانی، امرت رس چکھائیا۔ جو گیڑا چُکاوے چارے کھانی، جوُنیاں وِچوں باہر کڈھائیا۔ جو مہما درڑاوے اکتھ کہانی، دُھر دی دھار راگ پرگٹائیا۔ جِس نوُں مِل کے آتما بنے سُگھڑ سُچجیّ رانی، محل اٹل مِل کے خوشی منائیا۔ جوتی جوت سروُپ ہرِ، آپ اپنی کِرپا کر، گھر دیوے مان وڈیائیا۔ گُرسِکھ کہے مَیں سَتگُر شبد لبھنا جگ، جو جاگرت جوت کرے رُشنائیا۔ جِس دی آر پار اپنی اِکو حد، دوُجی ونڈ نہ کوئے ونڈائیا۔ جو جُگ چؤکڑی نِرگُن سرگُن ہو کے پرگٹ، روُپ انوُپا روُپ وٹائیا۔ جو نِت نوِت کھولے ہٹّ، نام بھنڈارا سچ ورتائیا۔ جو نیتر لوچن نیَن کھولے اکّھ، پرتکھ نظری آئیا۔ جو سَت سَتواد دسےّ سچ، ساچی سِکھیا اِک پڑھائیا۔ جو بِن رسنا جِہوا بتّی دند جائے ہس، ہستی اپنی وِچ مِلائیا۔ جو ہِردے اندر آتم ہو کے جائے وس، وصل اِکو اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتگُر میلا سہج سُبھائیا۔ گُرسِکھ کہے مَیں سَتگُر شبد لبھنا مات لوک، دہ دِشا کھوج کھوجائیا۔ جو سُناوے سچ سلوک، اِکو راگ الائیا۔ جو جگاوے نِرمل جوت، جوتی جوت ڈگمگائیا۔ جو مندر اندر کرے کھوج، پوُرب لہنا ویکھ وکھائیا۔ جو نیتر کھولے لوچن لوچ، پردہ دئے چُکائیا۔ نام خُماری دے کرے مدہوش، مدرا جام اِک پیائیا۔ جوتی جوت سروُپ ہرِ، آپ اپنی کِرپا کر، اپنا رنگ دئے رنگائیا۔

گُرسِکھ کہے مَیں سَتگُر شبد نال جُڑنا، جوڑی اِکو نال بنائیا۔ ساچے مارگ اُتے تُرنا، جو تُرت دیوے سمجھائیا۔ من واسنا بند کرنا فُرنا، شبدی شبد وجےّ ودھائیا۔ اپنی منزل کولوں نہیں مُڑنا، بھجّنا واہو داہیِا۔ مایا ممتا وِچ نہیں رُلنا، کوُڑی کِریا نہ کوئے پھسائیا۔ بِن امرت پھل نہیں ہُلنا، سِنمل روُپ نہ کوئے دھرائیا۔ بہُتیاں اکھّراں والا نہیں پڑھنا جمُلہ، اِکو ڈھولا لَینا گائیا۔ بھیو کُھلاؤنا آد مُڈھلا، قدیِم دئے جنائیا۔ اندر رہے کوئی نہ گُنجھلا، گُجھی رمز دئے لگائیا۔ گِننا پئے نہ اُتے اُنگلاں، ساچا ہِندسا دئے سمجھائیا۔ رلنا پئے نہ وِچ چُغلاں، چُغلی نِندیا دوویں دئے مِٹائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ گُرسِکھ کہے مَیں سَتگُر لبھنا شبدی میِت، جو شرع دئے بدلائیا۔ جِس دے ہتّھ ساچی ریِت، ریِتیوان وڈی وڈیائیا۔ جو جھگڑا مِٹا دئے مندر مسیِت، کعبیاں دا ڈیرہ ڈھاہیِا۔ ترےَگُن مایا کر اتیِت، تریَلوکی لیکھا دئے چُکائیا۔ تن ماٹی خاکی کر کے ٹھانڈی سیِت، اگنی تت دئے بُجھائیا۔ چرن پریِتی دے اِکو رنگ وکھائے اوُچ نیِچ، رنک راجان نہ کوئے جنائیا۔ آتم پرماتم دسےّ گیِت، ڈھولا گہر گمبھیِر گوسائنیا۔ جِس دی بِن پُرکھ اکال دوُجا کر نہ سکے تصدیِق، سمجھ اِک نہ کوئے سمجھائیا۔ جو اِکو اِک کرے تبلیغ، طبع دئے بدلائیا۔ پِچھلی کرنی اُتے مارے لیک، اَگے اپنا رنگ رنگائیا۔ اوہ اوس دے وِچ ہووے سچ تؤفیِق، جگت وِکار طوبیٰ طوبیٰ کر کے دین دُہائیا۔ اوہ سچکھنڈ دا ہووے وسنیِک، مقامے حق دا مالک نظری آئیا۔ دوُر دُراڈا نظری آوے نزدیِک، نیرن نیرا ڈیرہ لائیا۔ گُرسِکھ کہے اوس سَتگُر شبد نال کرنی پریِت، جو پریِتم پرتاپ وِچ پرت پرت اپنا ویس وٹائیا۔