۲۲ اَسوُ شہنشاہی سمت ۱ پِنڈ بابوُپُر ہرِسنگت
ہرِ جوت شبد ناد، اگمّ اگمّ جنائیا۔ جِس گرِہ وِشن برہما شِو ہوون وِسماد، سیِس سکے نہ کوئے اُٹھائیا۔ نِرگُن نِروَیر نِراکار اپنی اگمّی آس، راز دئے کُھلائیا۔ بِن رسنا جِہوا چلے اوہ آواز، جو سَت سَتواد کرے شنوائیا۔ پت پرمیشور دی شبدی سُت سچّی اؤلاد، اول اِکو اِک اُپجائیا۔ جِتھے نہ کوئی سوال نہ جواب، حرفاں والی نہ کوئے پڑھائیا۔ نہ کوئی جمُلہ نہ کِتاب، نہ کوئی کاتب قلم شاہیِا۔ نہ کوئی گُر اوتار پَیغمبر اُستاد، نہ کرے کوئے پڑھائیا۔ نہ کوئی پنج تت ترےَگُن خاکی بُت بنی بُنیاد، تتّاں والی نہ کوئے وڈیائیا۔ پت پرمیشور دی اپنی ذات، ذات صفاتی حُکم خُدائیا۔ جِس نال کھیڑا وسایا کیِتا آباد، سچکھنڈ ساچا دئے سُہائیا۔ جوتی جوت سروُپ ہرِ، آپ اپنی جوت دھر، دُھر سندیشہ آپ پرگٹائیا۔ سچ شبد دُھر دا سُت، سَت سَتوادی نظری آئیا۔ آد جُگادی ابناشی اچُت، چیتن سَتا لئی پرگٹائیا۔ کھیل کر کے بِن ماٹی بُت، دُھر دی دھار سچ اُپجائیا۔ جِس نوُں شاستر سِمرت وید پُران گیِتا گیان اِنجیِل قُرآن کھانی بانی بُدھ کوئی نہ سکے بُجھ، سمجھ وِچ نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، سچ شبد دئے سمجھائیا۔ سچ شبد اناد انادی ڈھول، بِن ڈھمکّے ڈنک وجائیا۔ جوتی دھار وِچوں رہیا بول، روُپ رنگ نہ کوئے وکھائیا۔ جِدھر ویکھو اُدھر پئے بول، گھر گھر سوبھا پائیا۔ برہمنڈاں کھنڈاں زِمیں اسماناں جیِو جہاناں رہیا مؤل، موَل اپنی کھیل وکھائیا۔ جوتی جوت سروُپ ہرِ، آپ اپنی جوت دھر، دُھر شبد آواز آپ پرگٹائیا۔ ہرِ شبد کہے مَیں دُھر دی دھار، نِرگُن نِروَیر نِراکار نظری آئیا۔ میرا تتّاں والا نہیں کوئی آکار، ایکنکار دِتی وڈیائیا۔ میرا سچ سچ جَیکار، گھر ساچے وجے ودھائیا۔ میری آواز جُگ چؤکڑی سُنن گُروُ اوتار، پَیغمبراں رمز وِچ رمز جنائیا۔ میری بےحرفاں والی گُفتار، نِراکھّر کرے پڑھائیا۔ میرا وزن وجوُد نہیں کوئی مِقدار، مقصد اپنا اِک سمجھائیا۔ جِس گرِہ مندر سچکھنڈ دوارے اِکو جوت نوُر اُجیار، پروردِگار نوُر خُدائیا۔ اوسے وِچوں آواں باہر، بِن رسنا جِہوا ڈھولا گائیا۔ جِس شبد نے برہمنڈ کھنڈ محل اٹل دِتے اُسار، وِشن برہما شِو دِتے اُپجائیا۔ کروڑ تیتیِسا کر پیار، سُرپت اِند لیا ہِلائیا۔ اوہ آواز سب نوُں کرے خبردار، بےخبراں خبر سُنائیا۔ جِناں چِر منزل چڑھ کے مقامے حق نہ ویکھے اوہ یار، جو دِلدار سب دا سچ گوسائنیا۔ اوناں چِر شبد دی اِک تُک دا کِسے کولوں بُجھیا نہ جائے راز، نمازاں وِچ نمودار سیِس نِوائیا۔ جوتی جوت سروُپ ہرِ، آپ
اپنی کِرپا کر، دُھر سندیشہ شبد لیا پرگٹائیا۔ شبد کہے مَیں بولاں اوہ نعرہ، جو نر نرائن اپنے وِچوں پرگٹائیا۔ میرا وکھرا دھام نیارا، جگت نیتر ویکھن کوئے نہ پائیا۔ میرا کھیل اگمّ اتھاہ بےپرواہ وِچ سنسارا، سگل سرِشٹی رہیا سمجھائیا۔ میرا لیکھا کاغذ قلم نہ لِکھنہارا، بےرنگ بےانت کہہ کے سارے سیِس نِوائیا۔ سب نوُں اِشاریاں نال دسّدا رہیا دُھر دا اِک نظارہ، نگارہ اپنا نام وجائیا۔ ساچی جوت وِچوں ہویا اُجیارا، آپ اپنا روُپ بدلائیا۔ گھر گھر بہہ کے ڈھولا گاواں اِک نِرنکارا، گھر تھارا اِک سمجھائیا۔ جوتی جوت سروُپ ہرِ، آپ اپنی کِرپا کر، میری بنت دِتی بنائیا۔ شبد کہے میری بن گئی بنت، بول اپنا آپ دِتا جنائیا۔ میرا مالک خالق پرِتپالک پُرکھ اگمّ اتھاہ سِری بھگوان ساچا کنت، پروردِگار سچ گوسائنیا۔ جِس نوُں سیِس جھُکاؤندے پَیغمبر گُروُ اوتار سنت، نمستے نمو کہہ کے سجدیاں وِچ خوشی منائیا۔ سچکھنڈ دوارے دھام نیارے جوت اُجیارے ہرِ نِرنکارے میری بنائی بنت، تتّاں والی ونڈ نہ کوئے ونڈائیا۔ سچ جَیکارے نام ادھارے وجدے آد انت، سلوک الوک الؤکِک اِک سُنائیا۔ جوتی جوت سروُپ ہرِ، آپ اپنی کِرپا کر، ساچے گھر دِتا ور، شبدی بول انبولت لیا اُپجائیا۔ شبد بول کہے میرا دُھر دا ہوُنگا، ہؤمے نظر کوئے نہ آئیا۔ جِتھے اِکو راگ تُوں ہی تُوں ہی دا، اوس دھار وِچوں پرگٹ ہو کے برہمنڈ کھنڈ دِتا بنائیا۔ جِتھے جھگڑا نہیں کوئی دُئی دا، اِکو اِک نظری آئیا۔ جوتی جوت سروُپ ہرِ، آپ اپنی کِرپا کر، ساچا کھول کے راز، جوت دھار وِچوں اُپجائیا۔ شبد کہے مَیں نِرگُن دھار ہویا پرگٹ، بنی جگت نہ جنیِندی کوئی مائیا۔ کدی گیا نہ کِسے مرگھٹ، مڑھی گَور نہ کوئے دبائیا۔ سچ دوارے کھول کے ہٹّ، ہٹّ ہٹوانا ہو کے خوشی منائیا۔ میرے انتر انتر سچ وست امولک دِتی رکھ، پرمُکھ دِتا سمجھائیا۔ چرن دوارے دُھر دا دے کے حق، پُرکھ اکال دِتا سمجھائیا۔ اوس دے پریم پیار دی سچّی خواہش جِس وِچ سِری بھگوان پیا ہس، اوس ہسی وِچ میری ہستی دِتی پرگٹائیا۔ جِتھے لِکھن پڑھن والے وِدیا وِدیارتھی ہو جان وس، بُدھی سمجھ نہ کوئے لگائیا۔ جوتی جوت سروُپ ہرِ، آپ اپنی کِرپا کر، شبد آواز واضع کر کے وضاحت نال سمجھائیا۔ تُسیں جے ساڈے کولوں آئے کُچھ لَین، لہنا پِچھلا ویکھ وکھائیا۔ بھاویں تُہاڈا کرِشن سچّا سیَن، دواپردئے گواہیِا۔ اوس ویلے بھاویں تُہاڈے کول سنجے والا نہیں سی نیَن، جو دوُروں ویکھ خوشی منائیا۔ تُساں دو نیتر وہا کے نیِر پایا وَین، وَیراگ وِچ سُنائیا۔ کُچھ اندروں لگا کہن، رسنا جِہوا نال مِلائیا۔ اِک سنیاسی تُہانوُں بھرم وِچ پا کے سونا بناؤن والی وکھائی رسیَن، کھنڈے اُتے رگڑ دِتی لگائیا۔ لالچ دِتا
جا کے اِس دی لےَ لےَ کامدھین، جیہڑی اٹّھے پہر دُدھ نال رجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا دین، جنم جنم کرم کرم پوُرب پوُرب لیکھا ویکھ وکھائیا۔ سَتگُر کِرپا سُرت شبد جاگے، شبد سَتگُر روُپ بدلائیا۔ پھڑ کے ہنس بنائے کاگے، کاگ ہنس دئے وکھائیا۔ جو کِرپا کر کے من واسنا اندروں تیاگے، باہر دئے کڈھائیا۔ سَتگُر کِرپا جِویں سونا اُتے سُہاگے، سوہنا رنگ بدلائیا۔ ایہہ کوئی کچّے تند نہیں ٹُٹن والے دھاگے، پریِتی دُھر دی نظری آئیا۔ جو جگت وِہار چھڈ دیوے سماجے، ناتا کوُڑ تُڑائیا۔ اوہ انتر آتم دُھن شبد سُنے اوہ راگے، انحد ناد کرے شنوائیا۔ امرت آتم رس پیئےِ جل ٹھانڈے، نِجھر جھِرنا دئے وہائیا۔ نِرمل جوت جوت کرے پرکاشے، نِرنجن جوت ڈگمگائیا۔ دھیِرج دھیِر دھروائے دھرواسے، بھرواسا اپنے نال بندھائیا۔ سُرت شبد ملاؤن دی جِنہاں نوُں خواہشے، خواہش اُہناں دی ویکھ وکھائیا۔ جوتی جوت سروُپ ہرِ، آپ اپنی کِرپا کر، میل مِلائے سہج سُبھائیا۔
۲۳ اَسوُ شہنشاہی سمت ۱ پیارا سِنگھ دے گھر پِنڈ بابوُپُر ضِلع گُرداسپُر
دجال کہے میرے نوُری ربّا، جو بیوی خاوند اِکو نظری آئیا۔ جِس دے حُکمے اندر بجھّا، بندگی بندنا بندوبست لوکائیا۔ اوس دا مِلن والا سدّا، جو سدا گھر گھر دئے سُنائیا۔ جِس دا دُھر دربار اِکو پدا، حقیِقت حق خُدائیا۔ جِس دا پَین والا دبا، دعوے سب دے دئے مِٹائیا۔ جو کوُڑی صفہ اُٹھاوے سبھا، صُبح شام کھوج کھوجائیا۔ وِچالے رہن نہ دیوے کوئی گّبا، غبن خزانے سارے باہر کڈھائیا۔ جِس دا بازوُ انگ نہیں کوئی سجّا کھبّا، خبر کرے بےخبر لوکائیا۔ کلجُگ کوُڑی کِریا میٹے دھبّا، دُھر دا دھوبی بن کے کرے صفائیا۔ صوُفیاں سنت فقیِراں نال کرے نہ دغا، دغیبازی ویکھے خلق خُدائیا۔ سب دا لیکھا جانے اُپر شاہ رگا، رگ رگ کھوج کھوجائیا۔ دُھر دا نیہوں مُحبّت وِچ ویکھے لگا، لاگت دیوے چائیں چائنیا۔ ناتا توڑ کوُڑ سرِشٹی جگّا، جاگرت جوت کرے رُشنائیا۔ جِس دا روُپ ہونا سوہنا بگّا، بگ بپڑے دئے مِٹائیا۔ جِس دا چرن کوَل اگمّی پگا، پت پرمیشور نوُر خُدائیا۔ جِس دا نام نِدھان امرت رس مزہ، مجلس دُھر دی دئے وکھائیا۔ جو کوُڑ کُٹمب دیوے صدّا، دُھر فرمانا اِک سُنائیا۔ جِس دی شاستر سِمرت وید پُران اِنجیِل قُرآن سمجھ نہ سکی وجہ، وزن کر کے تول نہ کوئے تُلائیا۔ جِس دے حُکم اندر بدل جانی سب دی طبح، طبیعت دئے بدلائیا۔
سیِس جھکاؤنا آب ہوا، حَیوان اِنسان لیکھا دئے مُکائیا۔ سچ دوارے دسّنی اِک دُعا، عارف سفارش دئے مِٹائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ دجال کہے کوئی رہن نہیں دینا دیگر، یکا یک کھیل ورتائیا۔ حُکم مِلنا اِک شیگھر، سنسے دئے مِٹائیا۔ کھیل ہونا تیبر، ترِشنا دئے بُجھائیا۔ سچ سوامی مِلنا میِتر، مِتر پیارے لئے اُٹھائیا۔ جِس دی دھار وِچ جُگ چؤکڑی بیِتن، سو صاحب ویس وٹائیا۔ پیِر پَیغمبر گُر اوتار اُڈیِکن، بَیٹھے راہ تکائیا۔ تِس دا ویلا وقت سُہنجنا آیا تریکن، تُرت اپنا پھیرا پائیا۔ جو سچکھنڈ نِواسی درگاہ ساچی سچ دوارے وسنیِکن، دھام اولّڑا سوبھا پائیا۔ اُس دی کرے کیا کوئی پریکھن، پریکھیا وِچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ہرِ حُکم ہر ہِردے دئے سُنائیا۔ دجال کہے مَیں بدلن لگّا دائرہ، قایم مقام دیاں سمجھائیا۔ کھیل ورتنا اِک قاہرہ، کُرم پھول پُھلائیا۔ روُپ ہونا ظاہرا، ظہوُر کرے رُشنائیا۔ ناد ہونا بہرہ، دُھن نہ کوئے سمجھائیا۔ صدی چؤدھویں اِکو وار ویکھنا کائنات مُشاعرہ، مُشکل وِچوں باہر نہ کوئے کڈھائیا۔ جوتی جوت سروُپ ہرِ، آپ اپنی کِرپا کر، ویلا وقت جگت دئے وکھائیا۔ دجال کہے میرا کوئی نہ مذہب دیِن، دعوےدار نہ کوئے اکھوائیا۔ میرا مالک اِک آمیِن، امام نوُر خُدائیا۔ مَیں بردا درے دوار دربارے مسکیِن، سر اپنا رہیا جھُکائیا۔ اِکو کلمہ کر تسکین، تبصرے سارے دیاں مِٹائیا۔ شانے وکھا کے اِک عظیِم، عاجز ویکھاں تھاؤں تھائنیا۔ رنگ چڑھا کے اگمّ نویِن، نوَ پھول پُھلائیا۔ میرا مالک نہ نر تے نہ مدیِن نہ خاوند تے نہ خواطین، مہیِن سب توں نظری آئیا۔ نہ اسمان تے نہ زمیِن، نہ خالق وِچ خلق ہو کے جانے اپنی تؤہیِن، مالک بن کے اِک کریِم، جرائم سب دے ویکھ وکھائیا۔ بِنا حروُفاں دسّ تعلیِم، جوتی جوت سروُپ ہرِ، آپ اپنی کِرپا کر، دُھر دھار اِک پرگٹائیا۔
۲۳ اَسوُ شہنشاہی سمت ۱ بلونت کؤر دے گرِہ پِنڈ بابوُپُرا
دجال کہے مَیں ویکھیا دُھر دربارے اِک درا، راستہ براستہ اِکو نظری آئیا۔ جِتھے کوئی نہ دِسے شرع، شریعت ونڈ نہ کوئے ونڈائیا۔ مالک اِکو اگمّی کھڑا، خالص اپنا نوُر کر رُشنائیا۔ جِس دا مضموُن کِسے نہ پڑھا، جو لِکھت پڑھت رہیا سمجھائیا۔ گھرانیاں وِچوں سب توں بڑا، وڈ وڈّا شہنشاہیِا۔ جِس دی سمجھ نہ سکے کوئی چوٹی جڑا، مدھ بھیو کوئے نہ آئیا۔ سو حُکم فرمان سُناوے اِک کھرا، نِراکھّر
ویکھے سرب لوکائیا۔ جو آد جُگاد کدے نہ مرا، روُپ رنگ ریکھ نہ کوئے وکھائیا۔ سو سوامی ہریاولی وِچ ہووے ہرا، ہر گھٹ ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، حُکم اپنا اِک ورتائیا۔ دجال کہے اِنجیِل قُرآن نِکی جِہی دلیِل، دِلاسیاں والی نظری آئیا۔ جِس وِچ پَیغمبر نبی رسوُل کردے گئے اپیِل، درخاست سارے گئے سُنائیا۔ مالک خلق خالق خلیِل، خُدائے خُد تیری سرنائیا۔ حُکمے اندر کردے گئے تعمیِل، سجدیاں وِچ سیِس جھُکائیا۔ اصل دی اصلیّت دسّدے گئے اصیل، وصل حق یار سمجھائیا۔ کھول کے بول کے تول کے دسّ نہ سکیا کوئے تفصیل، پردہ فاش نہ کوئے کرائیا۔ حُکمے اندر حُکم جناؤندے گئے یقین، ذات اپنی ذات وِچ مِلائیا۔ خلق خُدائی اوہناں کہے آفرین، جو آفت کولوں اپنا آپ نہ سکے بچائیا۔ گُر اوتار پَیغمبر سدا پر اَدھیِن، پرم پُرکھ حُکمے اندر پِھرائیا۔ جوتی جوت سروُپ ہرِ، آپ اپنی کِرپا کر، پردے اوہلے وِچ چُھپائیا۔ دجال کہے مَیں ویکھیا مقام قایم، جو قیامت توں لئے بچائیا۔ رحمان رحمت کرے رحم، رِہائشگاہ اِک وکھائیا۔ جِتھے قضا دا نہیں سہم، بھےَ بھؤ نہ کوئے پرگٹائیا۔ کوُڑی کِریا دا مِٹے وہم، بھانڈا بھرم بھنائیا۔ نُقطہ نظر نہ آوے غَین، غفلت گَور نہ کوئے وکھائیا۔ جوتی جوت سروُپ ہرِ، آپ اپنی کِرپا کر، نوُر نوُر اِک پرگٹائیا۔ دجال کہے مَیں ویکھنی اوہ دید، جو دیوے بتّی گئی بُجھائیا۔ تکنی اوہ عیِد، جو عدم تشّدد دئے مِٹائیا۔ ویکھنے اوہ عزیِز، جو اِسم اِکو رہے منائیا۔ اوہناں دسّنی اوہ تمیِز، کرنی سچ پڑھائیا۔ مُحبّت وِچ بخشیِش، رحمت وِچ صفائیا۔ دے کے سَت رسیِد، رسیِدہ رُسوا ویکھ وکھائیا۔ جِس دی کردے گئے تائید، تا طاقتور دینا مِلائیا۔ جِس دا نام صِفت حمدو حمید، حافظ سارے رہے گائیا۔ جوتی جوت سروُپ ہرِ، آپ اپنی کِرپا کر، مِہروان اِک اکھوائیا۔
۲۳ اَسوُ شہنشاہی سمت ۱ دیِدار سِنگھ دے گرِہ بابوُپُرا
نام سندیشہ ملِے دُھر دا رُقع، سندیشہ شہنشاہیِا۔ رہبراں والا پندھ مُکا، مُکمل حُکم سُنائیا۔ سو صاحب سوامی اُٹھا، نِروَیر نوُر رُشنائیا۔ کوُڑ وِکار ہنکار میٹے غُصّہ، نِندک نندیا نال مِٹائیا۔ بھگتاں پوِتر پاک کر کے جُسا، جِسم ضمیِر دئے بدلائیا۔ بچن کرے کوئی نہ رُکھا، سَت تاشیِر دئے بدلائیا۔ پردھان ہو کے آپ پرمُکھا، مُکھیئے سارے سرن لگائیا۔ دو جہان رہے موُل نہ لُکا، پردیاں وِچوں
پردے دئے اُٹھائیا۔ ساچی سمجھ جنا کے اِک تُکا، تُکے نِشانے سارے دئے مِٹائیا۔ سُہاونی سُہنجنی کرے رُتا، رُتڑی رتناں والی بدلائیا۔ جوتی جوت سروُپ ہرِ، آپ اپنی کِرپا کر، سرب سوامی ہوئے سہائیا۔ سوامی انترجامی انتشکرن دسّنہار سندیش، سدا سدا سد اپنی آپ سُنائیا۔ دُھر فرمانا اِک نریش، نر نِرنکار وڈّی وڈیائیا۔ وسنہارا سچکھنڈ ساچے دیس، بَیکُنٹھاں توں پرے ڈیرہ لائیا۔ مات لوک پربھ دا نہیں پردیس، بھگتاں آتم نال پرویش، پرورش کرے تھاؤں تھائنیا۔ اپنا کھیل کرے وِشیش، جِس نوُں سمجھے نہ کوئی گنیش، برہما شنکر سیِس نِوائیا۔ جوتی جوت سروُپ ہرِ، آپ اپنی کِرپا کر، حُکم اپنا آپ ورتائیا۔ دجال کہے مَیں سب کُچھ لیا دیکھ، دیِد دید نال مِلائیا۔ نظری آیا واحد ایک، ایکنکار نوُر خُدائیا۔ جِس دا شاستر سِمرت وید پُران اِنجیِل قُرآن باہر اوَلّڑا بھیکھ، روُپ انوُپا ویس وٹائیا۔ سمجھ نال سمجھائے نہ کوئی ریکھ، رنگ وِچوں رنگت نہ کوئے جنائیا۔ جِس نوُں سارے کردے آدیس، عدل اِنصاف دا راہ تکائیا۔ سو جُگ چؤکڑی میٹنہار کلیش، قسم سوگند اپنی دیوے پائیا۔ جِس دا لیکھا بِنا اکھّراں توں لِکھیا دسمیش، نام دشملو اِک لگائیا۔ جِس دا پّنہ صفحہ جوڑیا نہیں جاندا کِسے نال سریش، چِکنا روُپ نہ کوئے بدلائیا۔ جِس دے حُکمے اندر پَیغمبر ہوئے درویش، در دوارے الکھ جگائیا۔ جِس نے جگت حُکمے اندر کیِتا ملیچھ، مشورے والی صلاح نہ کوئے بنائیا۔ اوس نوُں کہندے پوُرن وِچ پرویش، پرویش نہیں پوُرن پرمیشور روُپ نظری آئیا۔ جِس نے لیکھا ویکھنا مُلّا شیخ، شرع شریعت کھوج کھوجائیا۔ جوتی جوت سروُپ ہرِ، آپ اپنی کِرپا کر، پردے اوہلے دئے اُٹھائیا۔ دجال کہے مَیں اوسے وِچ جذب، جِس دا جذبہ نہ کوئے سمجھائیا۔ جِس نوُں سرِشٹی ہائے اُف کہے غضب، بھیوَ ابھید نہ کوئے پائیا۔ جِس دا دیِن نہیں کوئی مذہب، ذات پات نہ ونڈ ونڈائیا۔ فِرقیاں والا نہیں مُتعصّب، مُطلاع کر کے دئے سمجھائیا۔ پریم پیار اندر نہیں حسد، ہستیاں دئے بدلائیا۔ گُر اوتار پَیغمبر جِس دا وفد، لوک مات رہیا پِھرائیا۔ تِس صاحب دا آد جُگاد جُگ چؤکڑی اِکو جِہا ادب، اعلیٰ ادنیٰ سیِس نِوائیا۔ سو پروردِگار سانجھا یار چُکن والا قدم، قدیِم دے قاعدے قانوُن دئے بدلائیا۔ جِس دا نظر نہ آوے بدن، بدنیِت سارے دئے کھپائیا۔ اوہ لوک پرلوک برہمنڈ کھنڈ کر کے وزن، تولا ہو کے تول تُلائیا۔ لکّھ چؤراسی وِچوں تھوڑے لبھ کے سجّن، گُرمْکھ لئے مِلائیا۔ سچ پریِتی نام خُماری وِچ کر کے مگن، مگرلا لیکھا
دئے مُکائیا۔ کلجُگ پوہ نہ سکے اگنی اگن، اگلی منزل دئے وکھائیا۔ چرن دوار وکھا کے اُپر گگن، درگاہ ساچی دئے وڈیائیا۔ سچ دوارے دے کے سگن، سگلا سنگ بنائیا۔ مہاراج شیرسِنگھ وِشنوُں بھگوان، دُھر سندیشے آیا سدّن، سدّا اِکو اِک سمجھائیا۔
۲۳ اَسوُ شہنشاہ سمت ۱ مُنشا سِنگھ، میلا سِنگھ دے گرِہ پِنڈ بابوُپُر
دجال کہے مالک اِک مدیِنہ، مُغلگ ویکھے سرب لوکائیا۔ جِس دا قدم حق مدیِنہ، برے حق دئے سمجھائیا۔ جِس دا نوُر اگمّی حُسینہ، حُسن نوُر اِک رُشنائیا۔ جِس دا اپنا آپ سچ پشمینہ، پوشاک دُھر دی اِک ہنڈھائیا۔ جِسدا وِچار اجے نہیں ہویا کمیِنہ، دُئی دوَیت نہ کوئے وکھائیا۔ اوس دا شہنشاہی سمت وِچوں بدلن والا مہیِنہ، کتّک کرماں ویکھے تھاؤں تھائنیا۔ شاہ سُلطاناں آؤن والا پسینہ، پسلی پسلی دئے دُہائیا۔ سب نوُں یاد آئے اوہ کریِما، جو کلماں اِک پڑھائیا۔ راہ تکّے نر مدیِنا، نیتر اکّھ اُٹھائیا۔ دھڑکن لگّے وِچ سینہ، اگنی اگّ جلائیا۔ جھگڑا ویکھنا وِچ دیِناں، مذہباں وِچ لڑائیا۔ جوتی جوت سروُپ ہرِ، آپ اپنی کِرپا کر، اگمّی کھیل اِک وکھائیا۔ دجال کہے مَیں ویکھنا جدوجہد، جگ وِچ خوشی منائیا۔ گُر اوتاراں پَیغمبراں دا پوُرا ہو گیا عہد، عہدنامے اپنے پوُرے لئے کرائیا۔ اَگے پتہ نہیں کیہڑا رہوے شاید، شمع کوَن ہوئے رُشنائیا۔ کِس نوُں ملِے حمایت، ہم ساجن ملِے وڈیائیا۔ کوَن کرے عنایت، بخشش جھولی پائیا۔ جِس نے پرلوک کرنی پَیمائش، نام پَیمانہ اِک اُٹھائیا۔ سچ دوارا دسّنی رہائش، آرام گاہ اِک وکھائیا۔ جِس دی شبدی دھار اگمّی سُت اِک پَیدائش، اَگے پَیدا کر کے ویکھے لوکائیا۔ اوہ سب دی کرن آیا ازمائش، عجب نِرالا ویس وٹائیا۔ ویکھنہارا جگت جماعت، جمع تفریق حِساب رہیا لگائیا۔ کوٹاں وِچوں تھوڑیاں نال کرے رَوایت، رِعیت نال لئے مِلائیا۔ مان وڈیائی دیوے سدائت، شجرا نصب جُگ چؤکڑی پھول پُھلائیا۔ باقی سب نوُں لائے ضربائت، ضرب اِکو نام سمجھائیا۔ لیکھا لِکھے نہ کوئے قلم دوائت، دعوے سب دے میٹ مِٹائیا۔ جوتی جوت سروُپ ہرِ، آپ اپنی کِرپا کر، سچ فرمانا اِک سُنائیا۔ دجال کہے مَیں ہو کے ویکھنا نیِواں، اُپروں ہیٹھاں دھیان لگائیا۔ کِسے گھر نہ جگنا دیِا، شمع نوُر نہ کوئے رُشنائیا۔ مالک لبھنا نہیں کوئی جیِواں، جگت جیِو دین دُہائیا۔ مَیں بلہاری اوس توں تھیِواں، جو ٹھوکر رہیا لگائیا۔ جِسنے ونڈ ونڈاؤنی ساڈھے تِنّ ہتّھ سیواں، سُتے دینے سوائیا۔ جوتی جوت سروُپ ہرِ، آپ اپنی
کِرپا کر، کرتا اپنے ہتّھ رکھے وڈیائیا۔ دجال کہے مَیں ویکھنی دغابازی، اُلٹی سِدھی نظری آئیا۔ تکنے سوُربیِر غازی، جودھے جگت وڈیائیا۔ ویکھنے موُرکھ مُگدھ پاجی، جو بَیٹھے مُکھ بھوائیا۔ نؤ کھنڈ پرِتھمی سَت دیِپ تکنی اَرباں والی آبادی، عبادت خانے کھوج کھوجائیا۔ دیِناں مذہباں ویکھنی شادی، جو من واسنا کرن کُڑمائیا۔ پَیغمبر پیِر ویکھنے حاجی، جو حُجریاں وِچ سیِس نِوائیا۔ شرع وِچ ویکھنے نمازی، جو روزے رکھ کے بنے قصائیا۔ پنڈت پاندھیِاں ویکھنی وادی، جو وعدہ کر کے گئے بُھلائیا۔ گرنتھیاں پنتھیاں ویکھنی ساکھی، جو ساکھیات نہ درشن پائیا۔ انت کِسے دی کِسے کولوں نہیں ہونی بند خلاصی، بندھن سکے نہ کوئے تُڑائیا۔ جِس نے پیِر پَیغمبر چاڑھے پھاسی، پھٹّیاں اُتے لٹکائیا۔ جِس نے گُر اوتاراں نام دی دِتی سی اَراضی، بیِج بیِجن تھاؤں تھائنیا۔ ہُن پِچھلا لیکھا رہن نہیں دینا ماضی، مزیاں والی جائے لوکائیا۔ سِری بھگوان دی کِسے نال نہیں نراضی، کرماں دی دئے سزائیا۔ لیکھا جانے حقیِقی مِجازی، عِشق عاشق معشوُق دوویں ویکھ وکھائیا۔ لہنا جانے نانک والا بغدادی، بغلگیِر ہم خُدائیا۔ تار ستار جانے ربابی، جو مردانے دِتی وجائیا۔ گوبِند کھیل ویکھے پنجابی، پنچم پردہ دئے اُٹھائیا۔ برہمنڈاں کھنڈاں اندر رہن نہیں دینا کوئی باغی، بغلا بپ بپڑا روُپ نہ کوئے وکھائیا۔ سِری بھگوان کِسے دی منگے نہ کوئے اِمدادی، لوڑوند نہ کوئے جنائیا۔ اپنا کھیل کرے شِتابی، شامت سب دی سِر تے آئیا۔ نِرگُن جوت کوئی مومبتّی نہیں متابی، جو کایا اندر کرے رُشنائیا۔ اِس دا کھیل وڈ حِسابی، حسبےزَیل ویکھ وکھائیا۔ لیکھا جان ایُدھیا پراگی، پُرانے پوُرنے دئے کھپائیا۔ لیکھا مُکاوے کوُڑ تیاگی، دغے بازی کھوج کھوجائیا۔ پردہ لاہوے جگت نمازی، ماشا االلہ ویکھ وکھائیا۔ جگت خواری جُگت بربادی، جگہ جگہ دُہائیا۔ انت دے وارسا دا بننا اِکو واگی، اَیرا وغَیرا رہن کوئے نہ پائیا۔ مہاراج شیرسِنگھ وِشنوُں بھگوان، شبد سروُپی لاوے کلابازی، کُل عالم ویکھ وکھائیا۔
۲۳ اَسوُ شہنشاہی سمت ۱ دلیِپ سِنگھ دے گرِہ پِنڈ بابوُپُر
اِٹّ کہے مَیں اپنے نال رلاواں پتّھر، پربت چوٹی دینی ہِلائیا۔ کوُڑی کِریا جگت ویکھنی ستھر، ستھر والا ستھر دئے وِچھائیا۔ جِس دا نام نِدھانا اِکو اکھّر، اکّھاں والیاں اکّھیں دیاں وکھائیا۔ اوہ فِقریاں توں باہر وسنوالا فقّر، فقط اپنی کھیل کرائیا۔ جِس دی دھار ستّر بہتّر، جُگ چؤکڑی دئے گواہیِا۔ جو اپنے وقت توں کدے نہ جائے پچھڑ، ویلے وقت دئے وڈیائیا۔ سو حُکم اگمّا آیا دسّن، دہ دِشا کرے پڑھائیا۔ جگت کِریا ویکھ کے آیا ہسن، ہستی بستی وِچ چُھپائیا۔ جگت وِکار آیا مسن، چرناں ہیٹھ دبائیا۔ جوتی جوت سروُپ ہرِ، آپ اپنی کِرپا کر، پِچھلا لہنا رہیا چُکائیا۔ اِٹّ کہے میرا پتّھر نال ہونا مِلاپ، میلا دُھر دا لئے بنائیا۔ جگت وِکارا میٹنا پاپ، پتت رہن کوئے نہ پائیا۔ روُحے روُحاں کرنا پاک، دُرمت مَیل دھوائیا۔ سچ عدالت ویکھنا اِک اِنصاف، عدل عادل دئے جنائیا۔ بِن ہرِ گُناہ کرے نہ کوئے معاف، مُفت مِہر نہ کوئے جنائیا۔ حقیِقی سُنے نہ کوئے فریاد، فقرہ فقرہ نہ ونڈ ونڈائیا۔ کھوج کھوجے نہ کوئی دِماغ، دیوانہ جگت روُپ وٹائیا۔ دجال کہے مَیں اوسے دا پُت تے اوسے دا داماد، دامن وِچ ضامن کامل اِکو نظری آئیا۔ سُن کے اوہ آواز، کھول کے اندروں راز، پریم دِتی شاباش، نیم دی پوُری آس، ہیم دا کھیل تماش، کُنٹ دا کر پرکاش، بَیکُنٹھ چوں کر اُداس، سچکھنڈ دا دسّ حالات، احوال اپنا دِتا دِرڑائیا۔ بندی بند دا کھول کے تاک، لیکھا لہنا کر بےباق، نام نِدھان مار آواز، مُحتاج اپنا لیا بنائیا۔ جوتی جوت سروُپ ہرِ، آپ اپنی کِرپا کر، سچ حُکم رہیا سمجھائیا۔ اِٹّ کہے میرا پتّھر جوڑا، جوڑی جوڑی رہن کوئے نہ پائیا۔ اوس پربھوُ دا وقت تھوڑا، جو تُھڑے تھِڑکے اپنی گود بہائیا۔ گُر اوتار پیِر پَیغمبر پوُنی کتّ کے گئے نہیں وِچوں گوڑھا، کلمہ اکھّراں نال لِکھ کے گئے سمجھائیا۔ سب دا مالک پرِتپالک خالق دسّ کے زر زورا، ظاہر ظہوُر گئے سمجھائیا۔ جِس دا بالا نڈھّا نِرگُن دھار دجال ہونا چھوہرا، شہرت سب دی ویکھ وکھائیا۔ جِس دا بدلن والا فیلا گھوڑا نہیں کوئی مُہرا، شاہ وزیر ہار جِتّ نہ کوئے بنائیا۔ اوس دا منتر فُرنا پھورا، فُرنے سب دے دئے گوائیا۔ اوہدا مندر شِودوالا مٹھ مسیِتاں نالوں وکھرا دوہرا، راہ دو رہن کوئے نہ پائیا۔ جِتھے ہووے نہ کدے وِچھوڑا، وِچھڑیاں لئے جُڑائیا۔ جیہڑا پُرکھ اکال دیِن دَیال تتّاں والا سریر چھڈ کے کدے نہ بنے بھگؤڑا، بھگؤڑا ہو کے تُہاڈے وِچ سمائیا۔ اَگے ترکھان بن کے پھڑیا تیسا ہُن شبدی لُہار ہو کے چُکن والا ہتھؤڑا، ہتّھو ہتّھ ویکھے لوکائیا۔ گُرسِکھو
ایہہ بچن کوئی نہ منّو کؤڑا، کوُڑ کوُڑے دئے مِٹائیا۔ پربھ دا کھیل بڑا وسیع لما چؤڑا، مسیح ورگے بَیٹھے سیِس جھُکائیا۔ جِس دا اِکو شبدی سُت بانکا چھوہرا، شور سارے دئے مچائیا۔ جِس نے نیہاں ہیٹھ دبایا سِنگھ فتح نال زورا، زیر زبر نال کرے صفائیا۔ جوتی جوت سروُپ ہرِ، آپ اپنی کِرپا کر، بھیو کھولے تھوڑا تھوڑا، پردہ ہؤلی ہؤلی اُٹھائیا۔
۲۳ اَسوُ شہنشاہی سمت ۱ بیِبی ننتی دے گرِہ بابوُپُر
ہرِ شبد کہے مَیں قُربانواری صدقہ، جو صدمہ رہیا مِٹائیا۔ کھیل ویکھ پُرکھ اکال نوُری رب دا، خوشیاں رہیا منائیا۔ جِس نوُں صِفتاں وِچ دسّدا رہیا کد کا، قدیِم توں قلم شاہی وڈیائیا۔ جِس دا لیکھا برہمنڈ کھنڈ رہنا سچ دا، برہمانڈ اپنا حُکم ورتائیا۔ جِس دا نام نِدھان روُپ چنڈ پرچنڈ کا، چنڈال دئے مِٹائیا۔ جو آد جُگاد آتم پرماتم ہو کے ہنڈھدا، کُنڈی نام دی ہتّھ پھڑائیا۔ جگت جُگ جنم وِچھڑیاں سچ پریِتی گنڈھدا، دُھر دا میلا میلے سہج سُبھائیا۔ پرکاش دیوے اپنے نوُری چند دا، نِرگُن جوت کرے رُشنائیا۔ بھانڈا پھوڑ کے ہنگ برہم دا، پاربرہم اپنا آپ وکھائیا۔ جھگڑا مُکا کے ہرکھ سوگ غم دا، چِنتا چِکھا مِٹائیا۔ دُنیا دینا دے کے ہڈّ ماس ناڑی چمّ دا، چمّ درِشٹی دئے بدلائیا۔ دوارا دسّ کے اِک اگمّ دا، اگمّڑی کرے پڑھائیا۔ جو سب توں وکھرا بھگتاں دا بھگوان جگت جہان منّدا، سو گھٹ گھٹ رہیا سمائیا۔ ہُن ویلا نہیں بہُتا کھانا انّ دا، من ممتا لؤ بھوائیا۔ پریم کرو اوس شبدی دھار نوُرانے چنّ دا، جِس نوُں چند چاندنی سیِس نِوائیا۔ جِس نوُں پُرکھ اکال اِکو جندا، جنیِندی بنے دُھر دی مائیا۔ اوہ سروتا نہیں کِسے کنّ دا، سرون ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، فرمان فرمان وِچوں بدلائیا۔ شبد کہے پرم پُرکھ اُتے سب نوُں پےَ گیا شُبا، شبےروز رہی کُرلائیا۔ حق سمجھے نہ کوئی مُدّعا، مُدت توں گُر اوتار پَیغمبر آئے سمجھائیا۔ جِس دا لیکھا بھیو اندر رہنا نہیں گُجھا، گُجھی رمز نال اُٹھائیا۔ جِس دا راہ تک کے گیا مہاتما بُدھا، بُدھی والے دین دُہائیا۔ جِس نوُں عیسیٰ موُسیٰ کِہا آوے بسُدھا، سُدھ کرے سرب لوکائیا۔ جِس دے حُکمے اندر نانک گوبِند کِہا پیَنڈا مُکا، مُکمل کرے صفائیا۔ اوسدا بِن اکھّراں والا رُقہ، شبدی شبد سچ سُنائیا۔ جِس دا تتّاں والا نہیں جُسا، جُگ چؤکڑی پھیرا پائیا۔ سیِس دھڑ نہ چوٹی مُچھاں، نوُرو نوُر نوُر رُشنائیا۔ اگمّ
اتھاہ سب توں اوُچا، اوُچو اوُچ بےپرواہیِا۔ سو بھگتاں دے ویکھن آیا کوُچا، گلی گلی پھول پُھلائیا۔ چَھیل چھبیِل نؤجوان ملوُکا، سخت کُرخت اپنی دھار چلائیا۔ لیکھا جانے نہ کوئی ہوَن آہوُتا، مُلّا والی آواز نہ کوئے جنائیا۔ خاکی تن لبھے نہ کوئے بھبوُتا، پرم ہنس نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کھیلے کھیل شہنشاہیِا۔ شبد کہے مَیں لِکھنا لیکھ شباب، شہانہ روُپ وٹائیا۔ کلمیوں باہر آداب، ادب اِک سمجھائیا۔ ستار بِن رباب، تن بھیِتر دینی وجائیا۔ مُحبّت وِچ میل احباب، اگلا باب دینا پڑھائیا۔ لیکھا جان کے طوُل عرض مُکعّب، مُشطیل ونڈ ونڈائیا۔ دُھردرگاہی بن نواب، نؤبت حق دینی وجائیا۔ کِسے دا چلنا نہیں سوال جواب، جواب طلبی ہووے تھاؤں تھائنیا۔ بھگتاں نوُں دے خطاب، خطا سب دی دوُر کرائیا۔ گُلشن وِچ گُل ویکھ کے گُرمْکھ گُلاب، غُلام بردے اپنے لئے بنائیا۔ پریم پیار اندر بدل دیوے مزاج، مذہب دی شرع دئے کٹائیا۔ پڑھنی دسےّ اِک کتاب، جو کُتب خانیاں وِچوں باہر رکھائیا۔ مہاراج شیرسِنگھ وِشنوُں بھگوان، سَت سچ چلا کے اِک سماج، سمیں نال سماں دئے بدلائیا۔
۲۳ اَسوُ شہنشاہی سمت ۱ دلیِپ سِنگھ دے گرِہ پِنڈ بابوُپُر
شبد دھار کھیل انوکھا، اکل کل دھاری آپ کرائیا۔ جیِو جگت جہان جُگت ویکھ کے مؤقع، فرمان دربان اِک سُنائیا۔ لکّھ چؤراسی ویکھ پرکھ کھرا کھوٹا، پردہ پردے اُتوں اُٹھائیا۔ کوَن سِری بھگوان دی رکھ اوٹا، اوڑک اِکو راہ تکائیا۔ کلجُگ انت اوہ دھرم رائے کول نہ جائے بےدوشا، بدو بدی دئے نہ کوئے سزائیا۔ اُس دا لہنا پار چؤداں لوکا، لوک پرلوک وجےّ ودھائیا۔ جِس گایا ''سوہنگ مہاراج شیرسِنگھ وِشنوُں بھگوان'' سلوکا، سو صُلح نال اپنے وِچ سمائیا۔
۲۴ اَسوُ شہنشاہی سمت ۱ کِشن سِنگھ دے گرِہ الّڑپِنڈی
سِنگھاسن کہے مَیں کدے نہ وِہلا، خالی سیج نہ کوئے وکھائیا۔ میرا اوس دے نال ہویا میلا، جو جوتی شبدی دھار بےپرواہیِا۔ جِس دا گوبِند اِکو چیلا، برہمنڈ کھنڈ ویکھ وکھائیا۔ بھگتاں دا بن سُہیلا، بھگَون ہو کے دَیا کمائیا۔ وسنہارا دھام نویلا،
نِراکار سچّا شہنشاہیِا۔ جوتی جوت سروُپ ہرِ، آپ اپنی کِرپا کر، سچ سِنگھاسن سوبھا پائیا۔ سِنگھاسن کہے میرا اوس دے نال مِلاپ، جو مِل کے وِچھڑ کدے نہ جائیا۔ جِس دا دو جہان پرتاپ، پرت کے اپنا پھیرا پائیا۔ سدا سُہیلا وسے ساتھ، دُھر دا سنگ بنائیا۔ سدا نظری آوے ساکھیات، سنمُکھ بَیٹھا ہرِ رگھُرائیا۔ دُھر دی دیندا رہے سوغات، نام بھنڈارا اِک ورتائیا۔ مَیں خالی ہوواں نہ کدی دِوس رات، گھڑی پل میری وجدی رہے ودھائیا۔ میرا اوس دے نال بنیا ساک، جو سجّن اِک اکھوائیا۔ جوتی جوت سروُپ ہرِ، آپ اپنی کِرپا کر، دُھر دا سنگ اِک بنائیا۔ سِنگھاسن کہے مَیں کھیل دسّاں سنگیِن، سنگھڑ نظری آئیا۔ جِس دا لیکھا ترےَ تِر تیِن، ترِپت رہیا کرائیا۔ وڈیائی دے کے اُتے زمیِن، فرش سوبھا پائیا۔ بھگتاں دیونہارا یقین، بھروسہ اِک بندھائیا۔ مِثال میٹ جل میِن، مِلت اپنی اِک دِرڑائیا۔ جوتی جوت سروُپ ہرِ، آپ اپنی کِرپا کر، سچ سِنگھاسن سدا سدا سد بَیٹھا سوبھا پائیاو۔ سِنگھاسن کہے مَیں کدے نہ ہوواں خالی، خالق خلق دیاں سمجھائیا۔ میرا مالک اِکو والی، ولیاں دا ولی بےپرواہیِا۔ جو سچ دوارے ساچی سچ کرے پرِتپالی، سب دا اِک گوسائنیا۔ ایتھے اوتھے دو جہاناں اندر باہر گُپت ظاہر جنگل جوُہ اُجاڑ پہاڑ کرے رکھوالی، ٹِلّے پربت ہوئے سہائیا۔ مہاراج شیرسِنگھ وِشنوُں بھگوان، ویکھے جوت اکالی، اکل کل اپنی کھیل کھِلائیا۔
پہلی کتّک شہنشاہی سمت ۱ )بکرمی ۲۰۲۲( )عیسوی ۱۹۶۵( )سّن ہِجری ۱۳۸۵(
پِنڈ گھوِنڈ )بھاوَ گھنک پُری( )پاکستان( پِچھلے لیکھے دے لہنے وِچ لِکھت
ویہہ سؤ بِکرمی کہے میری سُنی فریاد، پاربرہم پت پرمیشور اپنی دَیا کمائیا۔ پنج جیٹھ دی میری اگمّی آواز، سُنی دُھردرگاہیِا۔ نِرگُن نِروَیر نِراکار کھول کے راز، پردہ دِتا اُٹھائیا۔ شبد اگمّی ساجن ساز، سَت سَتوادی دھار چلائیا۔ حُکمی حُکم بدلا کے رِواج، شاہ سُلطاناں خاک مِلائیا۔ جھگڑا مُکا کے روزہ نماز، جَیکارا اِکو اِک سُنائیا۔ سجدیاں والا مُکا کے آداب، نمستے اِکو دئے دِرڑائیا۔ دُھر دا مالک حق جناب، حقیِقت ویکھے تھاؤں تھائنیا۔ گھنک پُری شہنشاہی سمت سَت سَتوادی پھیر کرے آباد، نام نگارہ اِک وجائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ویہہ سؤ بِکرمی کہے میرے وڈ وڈبھاگ، پُرکھ اکال دَیا
کمائیا۔ گھر گھر بُجھا کے چراغ، دیِا باتی دِتا مِٹائیا۔ کوُڑی کِریا لا کے آگ، اگنی اگّ دِتا تپائیا۔ پوُرا کر کے بھوِکھت واک، سمت شہنشاہی دِتا بدلائیا۔ نؤ کھنڈ پرِتھمی سَت دیِپ وجائے دُھردرگاہی اِکو ناد، نام نِدھانا دئے جنائیا۔ گُروُ اوتار پیِر پَیغمبر ہون وِسماد، بھگت سنت گُرمْکھ گُرسِکھ فقیِر صوُفی نیتر نیَن اکّھ کُھلائیا۔ دو جہاناں ویکھنہار حالات، پُری لوء برہمنڈ کھنڈ زِمیں اسماناں کھوج کھوجائیا۔ گھنک پُری پوُری کر کے آپ آزاد، عاجز اپنے چرن ٹِکائیا۔ مایا ممتا موہ کر کے برباد، ظُلم سِتم دِتا گوائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا بُھگتائیا۔ ویہہ سؤ بِکرمی کہے مَیں سمت ویکھیا شہنشاہی، جُگ چؤکڑی رہیا بدلائیا۔ جِس دی اِکّی سال دین گواہی، شہادت اپنی رہیا بُھگتائیا۔ چاروں کُنٹ وجی اِک ودھائی، ڈنکا نام سُنائیا۔ دِلّی دربار نیِہہ دیوے دھرائی، حُکم چلے بےپرواہیِا۔ اگلا کھیل اگمّ اتھاہی، پُرکھ ابناشی اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، سَت دوارا ویکھ وکھائیا۔ گھوِنڈ نہیں ایہہ شیر گھرانہ، شیراں دا شیر کھیل کرائیا۔ جِس دے حُکمے اندر ہویا وَیرانہ، وَیری روُپ نہ کوئے وٹائیا۔ کِسے بھرنا نہ پیا آبیانا، دُھر دا دھکاّ اِک لگائیا۔ اگلا کھیل ہونا مہانا، مہابلی ویکھ وکھائیا۔ سَتجُگ سَت دھرم دا جِتھے جھُلنا سَت نِشانہ، نِشانے کوُڑے دِتے مِٹائیا۔ مہاراج شیرسِنگھ وِشنوُں بھگوان، پہلی کتّک سمت شہنشاہی لِکھا کے چلیا اوہ پروانہ، جو پرم پُرکھ پرماتم سرب جیِو آتم حُکم سُنائیا۔
سرب آتم پرماتم سندیش، نِرگُن نِرگُن حُکم جنائیا۔ سمت شہنشاہی حُکم ایک، ایکنکار دئے وڈیائیا۔ نیتر لوچن نیَن سب نے لَینا ویکھ، دِشا سب دی دئے بدلائیا۔ ڈھیری ڈھاہ کے مسائک مُلّا شیخ، شناخت سب دی دئے گوائیا۔ جوتی جوت سروُپ ہرِ، آپ اپنی کِرپا کر، گھوِنڈ پِنڈ بھگتاں دے کے ٹیک، ٹِکاّ مستک رہیا لگائیا۔ گھوِنڈ پِنڈ کہے مَیں گیا گھبرا، ویہہ سؤ بِکرمی یاد آئیا۔ جِس ویلے حُکم دِتا شہنشاہ، سب دی صفہ دینی اُلٹائیا۔ گھر گھر خالی کاگ دینے اُڈا، چُنجھی چوگ نہ کوئے بھرائیا۔ محل اٹل نہ کوئے رُشنا، منڈل منڈپ نہ کوئے وڈیائیا۔ دھام سُہلڑا اِک اِکلڑا سچ دوارا دینا وسا، وِشوَ اپنی کار کمائیا۔ مہاراج شیرسِنگھ وِشنوُں بھگوان، اگلا لیکھا پہلی کتّک ہرِ سنگت رات دس وجے دئے لِکھا، لِکھت بھوِکھت بھاوَ اپنے نال سمجھائیا۔
گھوِنڈ دے بُڈھے مُسلمان سُلکھن دے نال تے اوہدی بھَین دے نوِت
علی دے مِتر پیارے سُلکّھن، ولیاں ولی دئے وڈیائیا۔ خُداتعالا تیری اعظمت آیا رکھن، مِہر نظر اُٹھائیا۔ تِنّ دفعہ تیرے کولوں کھادھا سی مکھّن، پِنڈ گھوِنڈ دئے گواہیِا۔ اِک ویراں لسّی لگّا سی چکّھن، صُلح پریم نال لگائیا۔ پِھر پڑدے نال لگّوں ڈھکن، مہاراج شیرسِنگھ ہس کے تیرا ہتّھ دِتا اُلٹائیا۔ اوس دے کارن تیرے نال مِل کے آیا وسن، پریم پریِتی توڑ نِبھائیا۔ تیرا عذاب آیا کٹّن، روُح بُت دوویں پاک کرائیا۔ لےَ کے جائے اوس حُبےوطن، جِس مقامے حق جلوہ نوُر خُدائیا۔ رحیِم رحمان درساوے اوہ پتن، جِس دا کنارہ بےپرواہیِا۔ جوتی جوت سروُپ ہرِ، آپ اپنی کِرپا کر، تیرا لیکھا رہیا چُکائیا۔ سُلکّھن تیرا جذبہ پریم، نیِتی نیِتی وِچوں بدلائیا۔ اوس دا پوُرا کرن آیا نیم، جو راتی سُفنیاں وِچ سمجھائیا۔ پِچھلے جنم دا لہنا دین، مقروُض رہیا چُکائیا۔ تیرا تھوڑا ناتا سی نال حسن حُسین، کربلا روُپ وڈیائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ سُلکّھن تیرے پِچھے لےَ کے آیا تشریِف، مِہروان مِہر نظر اُٹھائیا۔ تیرے کرم دی کر کے جائے تصدیِق، حُکمے نوُر خُدائیا۔ تیری بےشک عمُر بھاویں ضعیفُل ضعیف، ہڈّیاں وِچوں بُڈھاپا روُپ وٹائیا۔ تیری قیِمت والی تعریِف، پَیغمبراں نال وڈیائیا۔ تَینوُں ویکھ کے اِک عزیِز، سِر اپنا ہتّھ ٹِکائیا۔ تیری جان کے پِچھلی تمیِز، طمع دِتی بدلائیا۔ جیہڑا کر رہیا سی اُڈیِک، ویلا وقت دئے گواہیِا۔ اُس دی دسےّ نہ کوئے تصنیف، مُصنف نظر کوئے نہ آئیا۔ گھوِنڈ دی نِشانی اِک قُرآنے شریِف، کُرہ قدیِم دا دئے بدلائیا۔ سچ دی سدا پریِت، کوُڑ نالوں کوُڑ ناتا گیا تُڑائیا۔ تُسیں پہلوں پاکستان دے وسنیِک، ہُن ہِند دے سِپاہی تُہاڈی شہادت رہے بُھگتائیا۔ تُہاڈے کول کھڑے قریِب، دِوس رَین سیو کمائیا۔ خُدا دے کارن ہوئی ایہہ بخشیِش، جو تیرے کول بہہ کے صفہ سب دی رہیا اُلٹائیا۔ مہاراج شیرسِنگھ وِشنوُں بھگوان، دے کے جائے اوہ بھیکھ، جیہڑی انت مقبریاں وِچوں باہر کڈھائیا۔
پہلی کتّک شہنشاہی سمت ۱ ہرِ بھگت دوار جیٹھوُوال
کتّک کہے سمت شہنشاہی دا مُشکل نال مُکیا اَدھ، اَدھ واٹے ویکھی لوکائیا۔ مَیں ویکھ کے ہویا گد گد، خوشیاں وِچوں خوشی بےپرواہیِا۔ چھ ماہ پِچھلے سدّ، کول بہا کے پُچھ پُچھائیا۔ کی کُچھ کیِتا مَینوُں دیؤ دسّ، پردہ رہے نہ رائیا۔ چھیوے رو پئے اپنی اکّھ، نیتر نیَناں نیِر وہائیا۔ اسیں تھوڑا تھوڑا پوُرا کیِتا اپنا حق، حُکم منّیا شہنشاہیِا۔ گُر اوتاراں پیِر پَیغمبراں دا پِچھلا میٹ کے شک، پردہ دِتا اُٹھائیا۔ چار کُنٹ دہ دِشا رہے نَٹھ، بھجےّ واہو داہیِا۔ سرِشٹی دی درِشٹی دا بنا کے بھٹھ، بھٹھیالا لبھیئے تھاؤں تھائنیا۔ کِسے اگمّی حُکم دِتا جھٹ، سندیشہ سچ سُنائیا۔ ذرا پرت کے ویکھو اکّھ، پرتکھ روُپ گوسائنیا۔ جو تیِر انیالا مارے کس، قسم کھا کے پار لنگھائیا۔ تُسیں کرِیو موُل نہ بّس، بستے سب دے پھول پُھلائیا۔ کلجُگ کوُڑی کایا پئی پس، دردی درد نہ کوئے ونڈائیا۔ پُرکھ اکال دا بُھلیا جس، چار جُگ دین گواہیِا۔ خالی سب دے ویکھو ہتّھ، نِہتھّیں دِسے لوکائیا۔ ہِردے ہرِ کوئی نہ رہیا رٹ، رٹےّ گھر گھر رہیا وکھائیا۔ سچ کنارہ نظر نہ آوے تٹ، تُٹیاں جوڑ نہ کوئے جُڑائیا۔ چھ ماس کہن اسیں تھوڑی جِہی اپنے حِصّے دی لا کے بَیٹھے سٹّ، ماتر اِشارے دِتا سمجھائیا۔ اَدھ وِچکاروں کتّک تُوں دینا اپنا ٹک، ٹکیاں والے دینے مِٹائیا۔ جگت رہن نہیں دینی کوئی وٹ، وٹنیاں والی نہ کوئے سگائیا۔ کتّک کہے مَیں مارنا اوہ پھٹّ، پھٹیاں اُتے جنازے دینے ٹِکائیا۔ جگت منارا جائے ڈھٹھ، ڈھیری خاک وکھائیا۔ میری پہلی اوہ حد، جِتھے وجّی سچ ودھائیا۔ جِس دا حُکم کوئی نہ سکے دب، دبدبےوِچ نہ کوئے ڈرائیا۔ جِس نوُں سارے رہے لبھ، لباں اُتے زبان پِھرائیا۔ نوُری کہندے ربّ، جلوہ بےپرواہیِا۔ پرگٹ ہووے جھب، جھپٹ اِک لگائیا۔ کتّک کہے کھیل اوس دا اب، ویس انیکا روُپ وٹائیا۔ سچ دوارے رہیا پھب، فَیصلہ حق سُنائیا۔ دو جہاناں بن کے جج، ضمانت وِچ رکھے لوکائیا۔ کِسے لاؤن نہ دیوے اج پج، لکّھ چؤراسی سِر سکے نہ کوئے اُٹھائیا۔ اپنے حُکمے اندر لئے بدھ، بندھن اِکو پائیا۔ جِس دا لیکھا کوئی نہ سکے ردّ، حُکمی حُکم نہ کوئے اُلٹائیا۔ اوہ جُگ چؤکڑی دا پِچھلا لیکھا بہی کھاتہ رہیا کڈھ، بِن حرفاں حرف پرگٹائیا۔ دو جہاناں پار لنگھ، انگن اپنے سوبھا پائیا۔ کِسے کولوں وست نہ لئے کوئی منگ، مانگت کرے لوکائیا۔ سرِشٹی ہووے دنگ، حَیرانی وِچ گھبرائیا۔ کتّک کہے کِس بِدھ چھیڑن والا جنگ، جنگجوُ بہادر شہنشاہیِا۔ جِس دا نام فرمانا بَیرنگ، مُہر ثابت نہ کوئے کرائیا۔ ہلوُنا دے کے شاہ فرنگ، فِقریاں وِچ
اُڈائیا۔ شبدی گھوڑ ترنگ، تُرت لئے دؤڑائیا۔ جِس کارن مار کے آیا پندھ، پُری گھنک چرن چُھہائیا۔ لکّھ چؤراسی کھٹّے کر دئے دند، جیِبھ سکے نہ کوئے ہِلائیا۔ شاہ سُلطاناں پھرکے انگ انگ، من واسنا لئے انگڑائیا۔ اندھیر ویکھے وِچ برہمنڈ، وربھنڈ دئے دُہائیا۔ سب نوُں کرے کھنڈ کھنڈ، کھنڈا اِک اُٹھائیا۔ جو چھڈ کے گیا پُری انند، اوہ انند سب دے دئے مِٹائیا۔ جِس نے بالے نیِہاں ہیٹھاں رکھے کندھ، اوہ کندھے سب دے دئے اُکھڑائیا۔ جگت دُہاگن نار دِسے رنڈ، رنڈیپا گھر گھر پھیری پائیا۔ کلجُگ کوُڑ کُڑیارا کتّک وِچ چڑھن والا جنج، سجّن ساتھی نال رلائیا۔ تھوڑا جِہا اِشارہ دِتا بھائی منجھ، بھَولے بھاؤ گیا سمجھائیا۔ گُرمْکھو اوس ویلے کرِیو کوئی نہ رنج، دُکھاں والا درد نہ کوئے مِٹائیا۔ تُہاڈی ڈوری پربھ دا پتنگ، پُتلی لکّھ چؤراسی دئے نچائیا۔ جِس دا ڈھولا شبد سندیشہ اِکو چھند، شہنشاہ بےپرواہیِا۔ کوُڑیاں کرماں دی ڈھٹھ جائے کندھ، کلمیاں وِچوں کلمے دئے پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل شہنشاہیِا۔ شہنشاہی سمت کہے میرے مہینےِ گُزرے چھ، چاروں کُنٹ ویکھ وکھائیا۔ میری کِسے نہ لئی ہے بہے، الف یے نہ کوئے سمجھائیا۔ میری بُجھی پیاس والی نہیں تیہ، ترِکھا رہی ستائیا۔ مَیں چار کُنٹ کِسے دا لگّا رہن نہیں دِتا نیَنہ، یاری یار نہ کوئے ہنڈائیا۔ اجے ماجھے دی تھوڑی اُڈی کھیہہ، خبر سب نوُں رہیا سُنائیا۔ جِناں چِر نہ ہووے تھیہ، تھڑھے صاف نہ کوئے کرائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ چھ مہینےِ کہن اسیں تھوڑی جِہی لائی اپنی شکت، حُکم منّیا بےپرواہیِا۔ سانوُں ماجھے وِچوں لجیا آ گئی ویکھ کے دوارا بھگت، نیتر نیَن لئے بدلائیا۔ گوبِند پِچھے آیا ترس، گُرمْکھ لئے اُٹھائیا۔ تھوڑی باقی ہور حرص، اوہ وی رہے جنائیا۔ پُرکھ اکال دا دینا قرض، مقروُض سیِس جھُکائیا۔ اگلا کھیل ویکھو اسچرج، اچرج روُپ وٹائیا۔ سب دی پُٹھی کرنی نرد، سارپاش سمجھ نہ پائیا۔ سب نوُں لاؤنا اِک ورگ، وکھرے وکھرے لَینے اُٹھائیا۔ جِناں چِر ویکھاں نہ بِسترے مرگ، مگرلی پوُری نہ ہوئے لِکھائیا۔ جِس کارن مُڑ کے آیا پرت، جوت سروُپی پھیرا پائیا۔ سچکھنڈ دواریوں لےَ کے فرد، سنت سُہیلے لئے اُٹھائیا۔ چھیاں مہیِنیاں اندر اُہناں دی ونڈ کے درد، حِصّہ اپنی جھولی لیا ٹِکائیا۔ اَگے کتّک ہتّھ پھڑا کے چُھری کرد، قتل گاہ دِتی وکھائیا۔ گھنک پُری دے اِرد گِرد اُڈنی اوہ گرد، جو گِرہا پلّوُ سب دے دئے چُھڈائیا۔ انت لیکھا اَخیِری اوس بِردھ، جِس دا بدلہ آیا چُکائیا۔ جوتی جوت سروُپ ہرِ، آپ اپنی کِرپا کر، سماں اپنے ہتّھ وکھائیا۔ کتّک کہے مَینوُں یاد سمت اوہ بیِس،
جِس وِچ مِلی وڈیائیا۔ جِس دے سال بیِتے اِکیس، گُر اوتاراں پَیغمبراں لہنا دِتا مُکائیا۔ سانجھی دسّ کے اِک حدیِث، کلمہ حق پڑھائیا۔ دُھر دی اگمّی جنا کے ریِت، ساچا گیِت اِک پرگٹائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ کتّک کہے چھ مہیِنیاں لایا بہُت زور، مَینوُں تھوڑا نظری آئیا۔ مَیں نؤ کھنڈ پرِتھمی گھر گھر واڑنا اوہ چور، جو چوری چوری سب نوُں لئے اُٹھائیا۔ دہ دِشا اندھیرا کرنا گھور، ساچا چند نہ کوئے چمکائیا۔ اُتّر پوُرب پچھّم دکھّن مچاؤنا شور، شور گُل سرب لوکائیا۔ لیکھا تھوڑا جِہا پشؤر، پُشت پناہ ہتّھ دیاں ٹِکائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ کتّک کہے مَیں ویکھنے سب دے کرم، کانڈاں وِچوں پھول پُھلائیا۔ مَیں میٹنے اوہ بھرم، جو پڑدیاں وِچ چُھپائیا۔ مَیں ویکھنے اوہ چرم، جِنہاں دا ماس کوئے نہ کھائیا۔ مَیں ویکھنے اوہ برن، جِنہاں دی سرن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، میرا صاحب ہوئے سہائیا۔ کتّک کہے مَیں حُکم منّنا عادل، عدلی اِک جنائیا۔ مَیں دھام ویکھنا باتل، بَیتُل نظری آئیا۔ مَینوُں کوئی نہ کہو قاتل، قطرہ قطرہ خوُن سب دا ویکھ خوشی منائیا۔ مَینوُں چار جُگاں پِچھوں کہنا وڈّا چاتر، جِس سرِشٹی دِتی ہِلائیا۔ میرا سندیشہ دُھر دا پاتر، پتریاں والی نہ کوئے پڑھائیا۔ چؤداں لوکاں رہن نہیں دینی آکڑ، انکڑیاں وِچ نہ کوئے گنائیا۔ جو میرے صاحب اُتے ہویا شاکر، شُکریہ اِک منائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ کتّک کہے میرا کھیل اَدھ توں اَگے، اگلی کار جنائیا۔ کوُڑے رہن نہیں دینے بغلے بپّے، بپڑے دینے مِٹائیا۔ حرفاں والے رہن نہیں دینے ٹپّے، اِکو کرنی سچ پڑھائیا۔ ماتا دی گود وِچ کھیڈن نہیں دینے بچّے، ایہو میری چتُرائیا۔ مَیں پربھ دے واک کرنے سچّے، سچّیاں رہیا سمجھائیا۔ گُرمْکھو گُر شبد دھار وِچ رِہو نہ کچّے، کاچی ماٹی کمّ کِسے نہ آئیا۔ ویکھو گھنک پُری دے گھرانے ڈھٹّھے، جِتھے ملِے نہ کوئے وڈیائیا۔ ایہو پَینے چاروں کُنٹ رٹےّ، سِر سِر ہتّھ نہ کوئے ٹِکائیا۔ پہلی کتّک اُچی کوُک کوُک دسےّ، حُکم حُکم بےپرواہیِا۔ جو لیکھ اگمّی نر ہرِ دسےّ، دہ دِشا رہیا دِرڑائیا۔ مایا ممتا وِچ رہن نہ دیوے پھسے، فَیصلہ اِکو وار سُنائیا۔ جوتی جوت سروُپ ہرِ، آپ اپنی کِرپا کر، کِسے نوُں چڑھن نہ دیوے ریل گاڑی بسّے، بِسترے سیِس اُتے ٹِکائیا۔ کتّک کہے میری سُہنجنی سنگراند، جو سمت شہنشاہی رہی وڈیائیا۔ سرِشٹی اندر پاؤنی بکھاند، وکھ وکھ حُکم سُنائیا۔ کِسے نوُں سؤن نہیں دینا سرھاند پواند، سُکھ آسن نہ کوئے وِچھائیا۔ جوترا لاؤن نہیں دینا کِسے داند، ہالیاں ہل نہ کوئے پِھرائیا۔
سُہاگی گُت رہن نہیں دینی کوئی پراند، کجّل دھار نہ کوئے جنائیا۔ لیکھا مُکنا تارا چاند، اِکو نوُر ہوئے رُشنائیا۔ پُرکھ ابناشی بدلن والا سوانگ، سوانگی ہو کے دئے وڈیائیا۔ جِس دی صدیاں توں کردے گئے تانگھ، ماس برکھ گنت گنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک جنائیا۔ پُری گھنک کہے مَینوُں یاد آیا تِنّ اَسوُ دا وقت، ویہہ سؤ تِنّ بِکرمی دئے گواہیِا۔ جِس نے کھیل کھیلنا وِچ جگت، جاگرت جوت کر رُشنائیا۔ اوہ کھیل کرن آیا فقط، فِقرے اپنے رہیا بنائیا۔ جِس نے بِن اکھّراں توں کیتےِ دستخط، حروُف حروُف ونڈ ونڈائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پُری گھنک کہے جِس میرا سُہایا دوار، دوُجی وار کھیل وکھائیا۔ مَینوُں تھوڑا جِہا آیا اِعتبار، دھیِرج دھیِر دِتی بندھائیا۔ جِس نے لِکھیا آر پار کراں خوار، سُکھ سانت نہ کوئے کرائیا۔ اوہ مِلیا مالک دِلدار، ساجن بےپرواہیِا۔ مَینوُں کر کے گیا خبردار، ہؤلی جِہی سمجھائیا۔ پہلوں تیرے اُتوں شُروُع کیِتا وِہار، ویہہ سؤ بِکرمی پنج جیٹھ دئے گواہیِا۔ جوتی جامہ دھار کے وِچ سنسار، اپنا کھیل دِتا ورتائیا۔ اوہ مار کے اِک رمز والی لشکار، چمک اگمّی گیا چمکائیا۔ مَیں مُحبّت وِچ ہوئی بےدار، اپنی اکّھ کُھلائیا۔ دوئے جوڑ کر نِمسکار، سیِس جگدیِس لیا جھُکائیا۔ بھیت دسّ سچ نِرنکار، پردہ دے اُٹھائیا۔ تیرے در بنی بِھکھار، مانگت ہو کے منگ منگائیا۔ پُرکھ اکال دیِن دَیال ہؤلی جِہی مَینوُں دِتا سِکھال، سِکھیا سچ دِرڑائیا۔ مَیں دیِناں بندھپ سدا دَیال، دیِنن ہوواں سہائیا۔ تُوں میرے پِچھے گھالی گھال، گھر بار سارے خالی دِتے کرائیا۔ مَیں اپنے سمت وِچ تیرا کر وِہار، تِوہار سوہنا دیاں سُہائیا۔ اگلی کر اگمّی کار، کرنی نال پرگٹائیا۔ گھنک پُری، مَینوُں دِلّی بنا لیَن دے نِکاّ جِہا دربار، دربار سارے دیاں مِٹائیا۔ ساڈھے تِنّ سال انت اَخیِری تیری ونگار، وگاری سارے دیاں بنائیا۔ پنج کتّک پنجہ لاؤنا آپ نِرنکار، جو پنجے لیکھ تِنّ چار اَسوُ دی رات دِتے لِکھائیا۔ جوتی جوت سروُپ ہرِ، آپ اپنی کِرپا کر، اگمّی کھیل رہیا ورتائیا۔ کتّک کہے مَیں ویکھنا اپنا زور، بَل بَل وِچوں پرگٹائیا۔ نال تکنا پربھ دا فُرنا پھور، جو فرنیاں وِچ سب نوُں رہیا اُٹھائیا۔ شرع دا ویکھنا شور، شریعت دی شرم لڑائیا۔ کل دا کالا ویکھنا اندھ گھور، جو کلمیاں رہیا بُھلائیا۔ جن بھگتاں دا اِکو ویکھنا بول، جو سوہنگ ڈھولے رہے گائیا۔ جیہڑے گُرمْکھ پربھ دے کنڈے دا تُل گئے تول، قیِمت تولیاں ماشیاں وِچوں باہر کڈھائیا۔ اوہ سچکھنڈ دوارے دے رتن انمول، قیِمت اِکو وار دِتی چُکائیا۔ کتّک کہے مَیں کرماں دا ویکھنا گھول، کرماں دی دینی
سزائیا۔ سنت سُہیلے سچ وِرول، وِرولیاں وِچوں باہر کڈھائیا۔ گُرمْکھو، بچن بچّیاں وانگ نہ جانِیو جگت مخؤل، مسخرہ روُپ نہ کوئے بنائیا۔ تُہاڈے ساہمنےسب دے پردے دینے پھول، چار کُنٹ کھوج کھوجائیا۔ لکّھ چؤراسی وِچوں رکھنے اوہ نرول، جیہڑے نِرے نِروَیر نوُں سیِس جھُکائیا۔ باقی دھرت مات دھؤل دی سوا کے گود، دھؤلاں مار کے لَینے ڈھاہیِا۔ مہاراج شیرسِنگھ وِشنوُں بھگوان، اوہناں دے وسنا کول، جِنہاں نوُں اپنی کُل لیا بنائیا۔
کتّک کہے مَیں ویکھن آیا قُدرت، قدیِم دا دھیان لگائیا۔ گُر اوتار پَیغمبراں توں مَینوُں مِل گئی فُرصت، ویہلا ہو کے خوشی منائیا۔ سب نوُں جگت جہان وِچوں مِل گئی رُخصت، پُرکھ اکال حُکم سُنائیا۔ اَگے اِکو سب دا ہونا مُرشد، مُردیاں والی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ کتّک کہے میرا قدم ویکھیو پہلا پَیر، پہر پہر ونڈ ونڈائیا۔ سرِشٹی درِشٹی ہووے قہر، اِشٹی مُکھ بھوائیا۔ جھگڑا ویکھیو جگت غَیر، گہرا گھاؤ دیاں لگائیا۔ وسیا کوئی نہ رہے شہر، شاہ خاک دیاں بنائیا۔ طرز سُنا کے اِکو بحر، ڈھولا بےپرواہیِا۔ اگنی اگّ لگا کے دُپہر، جھُلس دیواں لوکائیا۔ صِرف بھگتاں دی منگاں خَیر، جھولی ڈاہ کے سیِس نِوائیا۔ پربھوُ کدی پُتراں نوُں کِسے نہیں دِتا زہر، رُسیاں نوُں ماپے گلے لگائیا۔ جوتی جوت سروُپ ہرِ، آپ اپنی کِرپا کر، کرماں توں لَینا بچائیا۔ کتّک کہے مَیں نؤ سؤ چُرانوے جُگ دا آدی، عادت اپنی دیاں جنائیا۔ سدا سمت شہنشاہی وِچ کراں بربادی، بدلے دیواں تھاؤں تھائنیا۔ مَینوُں تھوڑی چنگی لگے آبادی، جو عبادت وِچ بَیٹھے سیِس نِوائیا۔ اوہناں دی آتم سب توں چنگی ہیَگی، جو چنگیاڑے اگن دئے بُجھائیا۔ مَیں بھگتاں نوُں بنا کے سچّے تیاگی، پُرکھ اکال نال مِلائیا۔ کوٹاں وِچوں تھوڑے کر کے وڈبھاگی، بھاگ اوہناں دا دیاں سمجھائیا۔ جیہڑے میرے صاحب توں ہوئے باغی، بغلے بپ دیاں کھپائیا۔ مَیں سدا چاہُندا اِکو پِتا ہووے تے اِکو ہووے دادی، دعوے سب دے دئے مُکائیا۔ جو مالک دُھر دا آدی، ادنیاں گلے لگائیا۔ اوس دا بناواں ساتھی، جو سجّن شہنشاہی جنائیا۔ جِنہاں کتّک کہے میری نہیں منّی آکھی، آخر اکّھیاں توں اوہلے دیاں کرائیا۔ جن بھگتو کھول کے ویکھو اپنی تاکی، طاقتور بَیٹھا تُہاڈے اندر ڈیرہ لائیا۔ جوتی جوت سروُپ ہرِ، آپ اپنی کِرپا کر، دُھر دا مالک ویکھ وکھائیا۔ کتّک کہے مَیں
جُگ جُگ لیندا بدلہ، بداں نوُں دیاں کھپائیا۔ مَینوُں گیاراں سؤ سال سارے کہندے پگلا، پِچھلی وارتا واراں وِچ گائیا۔ کِیوں مَیں راجیاں رانیاں کراں کنگلا، سُلطاناں خاک مِلائیا۔ شاہاں پِھراواں وِچ جنگلاں، حیَواناں وانگ بھجائیا۔ کِسے دے رہن جوگا رہن نہ دیواں بنگلا، بغل بِسترے دیاں بنّھائیا۔ جوتی جوت سروُپ ہرِ، آپ اپنی کِرپا کر، میری سیوا اِک لگائیا۔ کتّک کہے میری جُگ جُگ سیوا سچّی، نوَ نؤ چار دئے گواہیِا۔ مَیں دھار رہن نہیں دِتی کدے کوئی کچّی، کچّی کُچل کے کچّیاں جاواں کھائیا۔ اِک ویراں منگ منگی تھوڑی جِہی سُلطان ککّھی، سخی سُتّیاں سُفنے وِچ جھولی ڈاہیِا۔ اوہنوُں شرع دی پڑھا کے پٹّی، پٹیاں توں دِتا ہِلائیا۔ تھوڑی جِہی جگا کے موم بتّی، ننمھی کری رُشنائیا۔ اِک نِکی جِہی بات دسّی، دست نال دست مِلائیا۔ میری کھیل انت ہونی سب توں وّکھی، وکھری دھار پرگٹائیا۔ کتّک وِچ کھیل کرنی اِک اچھّی، اچھّی طرح سمجھائیا۔ سرِشٹی پیِڑنی جِؤں ویلنے وِچ پّچھی، پسچاتاپ نال کُرلائیا۔ مہاراج شیرسِنگھ وِشنوُں بھگوان، جگت ریِتی بنّھ کے شبد نال رسّی، رستیاں وِچوں بستے دینے چُکائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، لیکھا ویکھ کے اِک لکّھ ہزار اسّی، آسا سب دی پوُر کرائیا۔