کتب خانہGranth 19 (Shahmukhi)

پہلی پوہ شہنشاہی سمت ۱ ہرِ بھگت دوار جیٹھوُوال

پہلی پوہ کہے کھیل ہونا پِتا پُت دا، پُرکھ اکال گوبِند شبد ڈنک وجائیا۔ کھیل ویکھنا ابناشی اچُت دا، پاربرہم پربھ دَیا کمائیا۔ پڑدا اوہلا چُکنا لُک دا، نقاب نظر کوئے نہ آئیا۔ شبد اگمّی ویکھنا اُٹھدا، جِس دا پِتا نہ کوئی مائیا۔ نِرگُن دھار ویکھنا بُکدا، رسنا جِہوا نہ کوئی ہِلائیا۔ کلجُگ کوُڑی کِریا پیَنڈا ویکھیا مُکدا، اَگے اوَر نہ کوئے ودھائیا۔ کوُڑی کِریا ویکھنا کُٹدا، نام کھنڈا ہتّھ چمکائیا۔ مایا ممتا ویکھنا لُٹ دا، چاروں کُنٹ پھیرا پائیا۔ بھگتاں بھگوان ویکھنا پُچھدا، لکّھ چؤراسی کھوج کھوجائیا۔ کوئی بھیوَ نہ جانے اُسدا، اُستت گُر اوتار پَیغمبر گئے سُنائیا۔ جِس جھگڑا مُکاؤنا مایا ممتا دُکّھ دا، دردیِاں ہوئے سہائیا۔ جِس دا نِشانہ انیالا تیِر کدے نہ اُکدا، اُتم سریشٹ اپنا بان وکھائیا۔ جھگڑا مُکاوے ہؤمے بُھکھ دا، نام بھنڈار اِک ورتائیا۔ بھاگ ویکھے دھرنی دی کُکھ دا، ہرِ کرتا شہنشاہیِا۔ سنت سُہیلے گودی چُکدا، پھڑ باہوں گلے لگائیا۔ جِس دا لہنا نہ کدے نِکُھٹدا، ویکھنہار دُھر درگاہیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ پہلی پوہ کہے مَیں ویکھیا حقیِقت حج، حضرتاں دیاں سُنائیا۔ جُگ چؤکڑی پیَنڈا مُکیا بھجّ بھجّ، پاندھی نظر کوئے نہ آئیا۔ ساچے تخت تخت نِواسی بَیٹھا سج، سجّن داتا دُھر درگاہیِا۔ جِس دی آد جُگاد جُگ چؤکڑی کِسے نہ لبھی حد، پار کنارہ نہ کوئے دِرڑائیا۔ جِس نوُں راگاں ناداں اندر سیِس جھُکا کے رہے سدّ، سدّے ڈھولے نام سُنائیا۔ جِس دے چرناں اُتے سرگُن نِرگُن دھار رہے ڈھٹّھ، نیتر نظر کوئے نہ آئیا۔ جِس دا سچکھنڈ دوارا دُھر دا ہٹّ، چؤداں طبق نہ کوئے وڈیائیا۔ سو پُرکھ اکال دیِن دَیال کرے کھیل اِک سمرتھ، دُھر دا حُکم اِک ورتائیا۔ بھگت سُہیلے ویکھنے سچ، سچ سَت نال جُڑائیا۔

آتم انتر جانا رچ، رُچی اندروں دینی بدلائیا۔ بھاگ لگا کے کایا ماٹی کچّ، کایا کنچن گڑھ دینا سُہائیا۔ دُھر دا مارگ اِکو دسّ، دہِ دِشا کرے پڑھائیا۔ آتم پرماتم مِل کے پئے ہسّ، ہستی وجوُد نہ کوئے درسائیا۔ جوتی جوت سروُپ ہرِ، آپ اپنی کِرپا کر، دیونہار وڈّی وڈیائیا۔ پہلی پوہ کہے مَیں ویکھنا انت اَخیِر، آخر دیاں جنائیا۔ دُھر درگاہی تکّنا اِک پیِر، پَیغمبر بَیٹھے سیِس نِوائیا۔ جِس دا نوُر نوُرانہ بےنظیِر، جگت نیتر نہ کوئے رُشنائیا۔ کِھچی جائے نہ کوئے تصویِر، مُصوّر ونڈ نہ کوئے ونڈائیا۔ جِس دا گرِہ مندر گہر گمبھیِر، بےانت بےپرواہیِا۔ جِس نوُں سمجھے نہ کوئے ضمیِر، بُدھی شبد نہ کوئے سُنائیا۔ جِس نوُں سجدہ کردا گیا کبیِر، تن ماٹی خاک مِلائیا۔ سو کر کے اگمّی تدبیِر، طبع سب دی رہیا بدلائیا۔ توڑنہارا شرع زنجِیر، شریعت اِکو رہیا درسائیا۔ جھگڑا چُکے شاہ حقیِر، اوُچ نیِچ بخشنہار سرنائیا۔ لیکھا جانے صوُفی جگت فقیر، فِقرہ کلمہ اِکو اِک دِرڑائیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا اُٹھائیا۔ پہلی پوہ کہے مَیں تکّنا عالمین، بِسمل اپنی کھیل کرائیندا۔ جِس دا محمد گوبِند نالوں بہُتا کیِتا یقیِن، یّکے بعد دیگرے دھار چلائیندا۔ جِس دی سمجھے نہ کوئے ترمیِم، ونڈن ونڈ نہ کوئے وکھائیندا۔ جِس دا مارگ دو جہان مہیِن، جگ نیتر نظر نہ آئیندا۔ جِس دی سب توں وکھری تعلیِم، الف یے نہ کوئے وکھائیندا۔ جِس دے گُر اوتار پَیغمبر مسکیِن، حُکمے اندر حُکم پِھرائیندا۔ شبدی کرنہار تلقیِن، طُلبا طالب آپ پڑھائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ وکھائیندا۔ پہلی پوہ کہے مَیں بولنا للکار، دُھر دا جَیکارا اِک سُنائیا۔ کل کلکی نِرگُن دھر آیا اوتار، اوتری بےپرواہیِا۔ جو لکّھ چؤراسی ویکھے جگت شِکار، شِکاری ہو کے پھیرا پائیا۔ گُر اوتار پیِر پَیغمبر شبدی لئے اُٹھال، حُکمے حُکم منائیا۔ اُٹھو ویکھو پوُرب حال، چارے جُگ دین گواہیِا۔ چار ورن ہوون بےحال، اٹھاراں ورن نہ کوئے وڈیائیا۔ شاستر سِمرت وید پُران کرن پُکار، انجیل قُرآن رہی کُرلائیا۔ حقیِقت سمجھے نہ کوئے حق حلال، حالت بدلی انت لوکائیا۔ اَگے دِسے نہ کوئے دلال، پلّوُ سارے گئے چُھڈائیا۔ جلوہ تکّیا نہ نوُر جلال، نوُرو نوُر نہ کوئے رُشنائیا۔ پلّوُ سکیا نہ کوئے سنبھال، کنّی گنڈھ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، حُکم دُھر دا اِک ورتائیا۔ پہلی پوہ کہے مَیں ویکھنا اندر وڑ، لکّھ چؤراسی کھوج کھوجائیا۔ بِن پؤڑھی ڈنڈے جانا چڑھ، منزل اپنی پندھ مُکائیا۔ سچ دوارے ویکھنا کھڑ، سچ سِنگھاسن سوبھا پائیا۔ جیِو جنت سادھ سنت کوَن کرنی رہیا کر، ویکھنا تھاؤں تھائنیا۔ کوَن جیِوت رہیا مر، من

واسنا رہیا مِٹائیا۔ کوَن نِراکھّر رہیا پڑھ، جِس نوُں لِکھے کوئے نہ قلم شاہیا۔ کوَن سرن سرنائی رہیا پڑ، جِس نوُں گُر اوتار پَیغمبر گئے دِھیائیا۔ کوَن کُھلاؤنا ساچا در، درگاہ ساچی سوبھا پائیا۔ جِتھے روَ سس کوئی پرکاش رہیا نہ کر، منڈل منڈپ نہ کوئے وکھائیا۔ سو سوامی انترجامی نِرگُن نِروَیر آیا چل، نِہچل اپنا دھام سُہائیا۔ جِس دا سمجھ سکے نہ کوئی بل، ول چھل دھاری اپنی کھیل وکھائیا۔ جِس دا کوٹن کوٹ جُگ بیِتیاں اِک نہ ہووے پل، کوٹن کوٹ برہما دئے بدلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پہلی پوہ کہے مَیں دینا ہوکا، حُکم اِک سُنائیا۔ خبر سُناؤنی چؤداں لوکا، لُقمہ ہونا جگت لوکائیا۔ کوٹاں وِچوں پُرکھ اکال دا بچنا اِکو پوتا، جو گوبِند سُت گیا بنائیا۔ جو آیوُ عمُر وِچ چھوٹا، دسواں سال ہرِ سنگت اُتے نظری آئیا۔ جِنہاں وِچ رہنا کوئی نہ کھوٹا، کھوٹیاں کھرے لَینا بنائیا۔ کوئی پڑھاون والا دینا نہیں طوطا، تُوں مَیں لہنا دینا مُکائیا۔ مِہر نظر نال کایا ماٹی اندر پھیر کے پوچا، دُرمت مَیل دینی دھوائیا۔ اَگے پِچھے دی رہن نہیں دینی سوچا، لکّھ چؤراسی لیکھا دینا مُکائیا۔ گُرمْکھ لیکھا دیوے نہ کوئے نِردوشا، رائے دھرم نہ دئے سزائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ پہلی پوہ کہے مَیں ویکھیا لیکھا لِکھدا، سچکھنڈ نِواسی دَیا کمائیا۔ ناتا جوڑ کے گوبِند گُرسِکھ دا، ساکھیات ہویا سہائیا۔ بِن بھگتاں کِسے نہ دِسدا، بھرمے وِچ لوکائیا۔ لہنا دیوے جِس جِس دا، جِسم ضمیِر دوویں اپنے لیکھے لائیا۔ ایہہ مؤقع نہیں کِسے مُن رِکھ دا، مُکمل اپنا رنگ رنگائیا۔ جھگڑا چُکنا کروٹ والی پِٹھدا، سنمُکھ ہو کے سوبھا پائیا۔ پیَنڈا رہیا نہ سوا گِٹھّ دا، اندر دی رسائی دی لوڑ اِکو وار پوُری دئے کرائیا۔ جن بھگتاں کارج آپ نِجٹّھدا، نِج نیتر درس وکھائیا۔ جِس دا حُکم سدا جِتّ دا، ہار وِچ ویکھے سرِشٹ سبائیا۔ جوتی جوت سروُپ ہرِ، آپ اپنی کِرپا کر، پتت پُنیِت رہیا بنائیا۔ پوہ کہے مَیں تکّیا پروردِگار، جلوہ نوُر نوُر خُدائیا۔ جو آد جُگادی سانجھا یار، یارانہ اِکو اِک درسائیا۔ جِس دا مقامے حق حقیِقت دا دربار، درگاہ ساچی سوبھا پائیا۔ اوس دے اُتے مَینوُں اِک اِعتبار، باقی لارے لا کے گئے جنائیا۔ جِس دے دوارے در درویش منگدے گئے بِھکھار، اوتار پَیغمبر گُر جھولیاں ڈاہیِا۔ سو قُدرت دا قادر ہویا خبردار، بےخبراں خبر پُچائیا۔ مُریِداں مُرشد دیوے دیِدار، دیِد عیِد چند چمکائیا۔ کایا کعبہ دئے وکھال، گرِہ مندر سوبھا پائیا۔ جِس دا جُگ چؤکڑی دیِن احوال، حالانکہ اوہو گیا آئیا۔ جِس دے اَگے نہ جواب تے نہ سوال، فِقرہ سکے نہ کوئے بدلائیا۔ جِس دی گھالنا

گئے گھال، گھائل کر کے فرزند گئے کٹائیا۔ جلوہ دیون آیا اِک جمال، ضامن ہو کے پھیرا پائیا۔ جن بھگتاں اندر لُکے رہن نہ دیوے ارمان، آرام نال سب کُچھ دئے وکھائیا۔ سب دی لیکھے لا کے سیوا نِشکام، جو کر کر خوشی منائیا۔ گُرمْکھ تیرا پریم کدے نہ جائے حرام، کوُڑی ونڈ نہ کوئے ونڈائیا۔ بھاویں لکّھ چؤراسی سرِشٹی ڈُبےتمام، بھگت سُہیلے سچکھنڈ دوارے دیاں ٹِکائیا۔ ایہہ کوئی گلّاں باتاں والی نہیں زبان، اکھّراں والی نہ کوئے پڑھائیا۔ بھگت بھگوان دا اِک ایِمان، عملاں توں باہر دیاں سمجھائیا۔ تُہاڈیاں چرناں ہیٹھ دبا کے زِمیں اسمان، مہمان اپنے لَواں بنائیا۔ جِس نوُں سارے منّدے سِری بھگوان، اوہ نوُر تُہاڈا نوُر کراں رُشنائیا۔ مالک خالق پرِتپالک ہو کے دو جہاناں پکڑی آپ کمان، حُکم دُھر دا اِک سمجھائیا۔ فُرنیاں وِچ دے کے فرمان، فرمابردار لَواں اُٹھائیا۔ نِت نوِت ویکھاں مار دھیان، بِن اکّھاں اکّھ کُھلائیا۔ جُگ جنم دے پربھ دے کول تُہاڈے بیان، پڑدیاں وِچوں پڑدے دئے کُھلائیا۔ سچ باغیِچی دا مالک باغبان، باغی کرے سرب لوکائیا۔ چار کُنٹ ویکھے اِک طوفان، جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ پہلی پوہ کہے مَیں ویکھیا نوُری اِسم، اعظم اعلا نظری آئیا۔ تن وجوُد ویکھیا جِسم، انتر انتر پھیرا پائیا۔ جِس دی جُگ چؤکڑی سمجھ سکیا نہ کوئے قِسم، قِسمت سب دی رہیا بدلائیا۔ جِس دا نام نگارہ اِکو وِسل، وِشیاں وِچوں باہر کڈھائیا۔ جِس نوُں بِنا اکّھاں توں بھگت سُہیلے سارے دِسن، لکّھ چؤراسی پڑدا رہیا اُٹھائیا۔ نؤ سؤ چُرانوے چؤکڑی جُگ پِچھوں اوس پُرکھ اکال دا لاؤنا مِشن، مِشنریاں ساریاں دینیِاں تُڑائیا۔ جِس دے کولوں سب نے آؤنا سِکھن، دو جہاناں کرے اگمّ پڑھائیا۔ جِس دے کولوں سب نے آؤنا لِکھن، پریم حروُف دئے بنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پہلی پوہ کہے مَیں بننا وڈّا نِکاّ، سرب دیاں جنائیا۔ مَیں ویکھنا پُرکھ اکال دُھر دا پِتا، پت پرمیشور بےپرواہیِا۔ جِس دا شبدی گوبِند نال ہِتّا، پریم اِکو اِک رکھائیا۔ جِس دا ایتھے اوتھے دو جہان چلے سِکہ، دوُجا ہور نہ کوئے وکھائیا۔ سو صاحب سوامی انترجامی سِری بھگوَنت دُھر دا کنت سچ دوارے ڈِٹھا، انڈِٹھ بَیٹھا سوبھا پائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ پہلی پوہ کہے مَیں ویکھنی اوس دی پلک، جو پل پل کھیل کھِلائیا۔ جِس نے دھار بدلنی خلق، خالص گُرمْکھ دئے وکھائیا۔ کوُڑی کِریا لاہُنی الکھ، الکّھ اگوچر اگمّ اتھاہ پھیرا پائیا۔ جِس نے کھیل کرنا وِچ بلکھ، پوُرب لیکھا پوُر کرائیا۔ کر پرکاش اُپر فلک، نوُر ظہوُر دئے دِرڑائیا۔

جوتی دھار چمکا کے چمک، چمتکار اپنا دئے وکھائیا۔ جن بھگتاں ہون نہ دیوے حرام نمک، نِمکھ نِمکھ ہوئے سہائیا۔ ساچے پریم دی بخش کے ہِمّت، حؤصلے اگلے دئے بدلائیا۔ سمبل نگری ساچی سِمت، چار کُنٹ دہِ دِشا وِچوں وکھّری آپ اُپائیا۔ جِتھے بِنا پُرکھ اکال دے کرنی پئے اوَر نہ مِنّت، وِچولا لبھن دی لوڑ رہے نہ رائیا۔ چِتر گُپت رائے دھرم ویلے انت کرن کوئے نہ عِلّت، لکّھ چؤراسی دئے نہ کوئے سزائیا۔ مات گربھ پھیر نہ ہووے ذِلّت، نؤ اٹھاراں ونڈ نہ کوئے ونڈائیا۔ ساچے شبد دی دے کے خِلعت، سِر اپنا ہتّھ ٹِکائیا۔ پریم پیار دا لا کے تِلک، تِلکن بازی، توں باہر کڈھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پہلی پوہ کہے مَیں ویکھیا شبدی شیر، شہنشاہ اِکو نظری آئیا۔ جِس نے دو جہاناں کرنا زیر، سِر سکے نہ کوئے اُٹھائیا۔ کوُڑی کِریا میٹنا اندھیر، سَت سچ کرے رُشنائیا۔ کلجُگ انت چُکاؤنا گیڑ، گیڑا گیڑے وِچ بھوائیا۔ لکّھ کروڑی چھیڑنی چھیڑ، من ممتا وِچ پھسائیا۔ شبد اگمّی مارنی چپیڑ، موُرکھ مُگدھ دینے دُرکائیا۔ شاہ سُلطاناں کرنا ڈھیر، خاکی خاک خاک اُڈائیا۔ جگ دا مارگ لاؤنا پھیر، پِھر پِھر ویکھے سرب لوکائیا۔ کوٹاں وِچوں تھوڑیاں اُتے کر کے مِہر، اپنی گود لَینا ٹِکائیا۔ جِنہاں دی سیوا کرن نوُں تڑپ رہیا کمُیر، نیتر لوچن نیَن اکّھ کُھلائیا۔ گوبِند کھنڈا پھڑ ہتّھ شمشیِر، چاروں کُنٹ ہوئے سہائیا۔ جن بھگتاں مارگ لگّنا پہلی ویر، ویروا اوَر رہے نہ رائیا۔ پِچھلی کرنی آپے دینی اُدھیڑ، حُکم دُھر دا اِک سُنائیا۔ اگلا لیکھا حق نبیڑ، جوتی جوت سروُپ ہرِ، آپ اپنی کِرپا کر، جن بھگت کرے کُڑمائیا۔ پہلی پوہ کہے مَیں ویکھنا اوہ سماں، جِس نوُں سارے گئے وڈیائیا۔ جِس وِچ کوئی سمجھ نہ سکے ہرکھ سوگ غماں، چِنتا نچِنتا نہ کوئے جنائیا۔ کوُڑی کِریا ویکھنی طمع، لالچ لالس کھوج کھوجائیا۔ دیِن مذہب ویکھنا بنّا، ذات پات ونڈ ونڈائیا۔ گُر اوتار پَیغمبر ویکھنا بِن چھپّر چھنّا، سَت دوارے سیِس جھُکائیا۔ کلجُگ کوُڑ کُڑیار ویکھنا انّھا، سِر پاپاں گنڈھ اُٹھائیا۔ کِسے نوُں یاد نہیں رہنا چؤداں سؤ تیِس انک دا پّنا، پنگھٹ اُتے سوبھا کوئے نہ پائیا۔ جیہڑا گوبِند اِکو لا کے گیا وِچ کنّا، قایم کرے خلق خُدائیا۔ اوس دا سال ہونا رواں، ارمان سب دے ویکھ وکھائیا۔ چار کُنٹ نظر نہ آؤنی کوئی شمع، دیوے گُل خلق خُدائیا۔ نیتر ویکھنی روندی مائی حوّا، بابا آدم دئے دُہائیا۔ وِشن برہما شِو ہو کے جمع، پربھوُ اَگے سیِس جھُکائیا۔ پہلی پوہ کہے مَیں کی وارتا کہواں، کہن دی لوڑ رہی نہ رائیا۔ مَیں بھجےّ آؤندے ویکھاں جُگاں چؤہاں، سَتجُگ تریتا دواپر کلجُگ پندھ مُکائیا۔ سب دے اَگے مَیں اِکو ڈھولا گواں،

سندیشہ سچ سُنائیا۔ آؤ پربھ دا مارگ ویکھو نواں، نوَ نؤ چار رہیا سمجھائیا۔ جِس دے دوارے سوبھنیِک ہو کے بہواں، سنمُکھ درشن پائیا۔ مَیں اِکو دی چرنی ڈھہواں، جِتھے ڈھولک چَھینے دی لوڑ رہے نہ رائیا۔ اوسے دی سیجے سواں، جِتھے سُتّیاں نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ پہلی پوہ کہے مَیں سُناؤن آیا اگمّی بات، باطن دیاں جنائیا۔ جن بھگتو اگلا بدلن والا تماش، پُرکھ ابناشی دَیا کمائیا۔ کھیلنہارا کھیل ہو کے آپ پاک، پتت پُنیِت دئے بنائیا۔ جیہڑا میلا مِلدا رہیا نال اِتفاق، اُس دا لیکھا دئے سمجھائیا۔ چھّبی پوہ توں گوبِند پِچھلا لیکھا ہونا بےباق، لاریاں والا نعرہ نہ کوئے جنائیا۔ جوتی جوت سروُپ ہرِ، آپ اپنی کِرپا کر، اپنا حُکم دئے سُنائیا۔ پہلی پوہ کہے مَیں ہویا حَیرانا، ہرِ جوُ اندرے اندر سُنائیا۔ مَیں دو جہاناں بدل دینا زمانہ، ضامنی اپنی وِچ رکھائیا۔ شبدی گوبِند ہتّھ دینی کمانا، چِلّہ تیِر اِک وکھائیا۔ پہلا حُکم سُنا اُپر اسماناں، اِسم اِکو دینا وکھائیا۔ گُر اوتار پیِر پَیغمبراں پڑدا کُھلا کے دو جہاناں، دوہرا روُپ لَینا پرگٹائیا۔ سب نے منّنا اِکو بھانا، سِر سکے نہ کوئے اُٹھائیا۔ پُرکھ اکال جانی جانا، لکّھ چؤراسی ویکھ وکھائیا۔ اِکو اِک ہونا بلوانا، بلدھاری روُپ وکھائیا۔ جِس دے کول اگمّی اِک پَیمانہ، دو جہاناں ناپ بنائیا۔ جن بھگتاں اندر رہن نہ دینا کوئی بیگانہ، دوُجا نظر کوئے نہ آئیا۔ گلّاں والا بنن نہیں دینا کوئی افسانہ، شبدی حُکم اِک ورتائیا۔ پریمی پیار اندر کرنا دیوانہ، نام خُماری اِک ورتائیا۔ درس وکھا کے روُپ نا نا، نِرگُن نِروَیر جوت کرے رُشنائیا۔ مایا ممتا موہ توڑ ابِھمانا، ساچی سِکھیا دئے سمجھائیا۔ تُوں میرا مَیں تیرا گاؤنا اِک ترانہ، تُریا پد توں باہر کڈھائیا۔ جِس دے نال ہووے کلیانا، کلمہ اِکو دینا سُنائیا۔ جوتی جوت سروُپ ہرِ، آپ اپنی کرپا کر، کرنی اپنے ہتّھ رکھائیا۔ پہلی پوہ کہے مَیں سُن لئی اوہ گوُنج، جو گُجھی رمز رہی لگائیا۔ گُرمْکھ آتم کُرلاوے کوئی نہ کوُنج، دوُر دُراڈا نظر کوئے نہ آئیا۔ پریم پیار دی پربھ نے بخشنی آتم سوانتی بوُند، ترِشنا ترِکھا دینی بُجھائیا۔ نِج کوَل کرنا موُندھ، مِہروان مِہر نظر اُٹھائیا۔ منزل رہے نہ کوئی ڈوُنگھ، ساچے پؤڑے دینا چڑھائیا۔ غفلت وِچ نہ آوے اوُنگھ، گُرمْکھ سوادھان کرائیا۔ جِدھر ویکھن اودھر مؤجوُد، مُفت آپے ہوئے سہائیا۔ بھاگ لگا کے تت وجوُد، وجہ اگلی دئے سمجھائیا۔ آو ویکھو تکّو جلوہ گر اوہ محبوُب، جو مُحبّت وِچ سمائیا۔ جِس دا نام کدے نہ ہووے نیست و نابوُد، آد جُگاد وجےّ ودھائیا۔ سچ دوار دی دسّ کے سچ حدوُد، کوُڑ کُڑیارا پندھ مُکائیا۔ جوتی جوت سروُپ ہرِ، آپ اپنی کِرپا

کر، ہرِ دینی مان وڈیائیا۔ پہلی پوہ کہے مَیں دسّاں اگمّی کہانی، کہاوت جگت نہ کوئے بنائیا۔ جن بھگتو تُہاڈا لیکھا پد نِربانی، نِربان پد ملِے وڈیائیا۔ تُہاڈی نوَ جوبن دی جوانی، چار کُنٹ ویکھ وکھائیا۔ تُہاڈے پریم دی سچ طُغیانی، چاروں کُنٹ لہر لہرائیا۔ تُہاڈا اندر نوُر روُحانی، رحمت وِچ سمائیا۔ تُہاڈی آتما رہن نہیں دینی بیگانی، پرماتما اپنے نال جُڑائیا۔ داتا بن کے آیا دانی، گہر گمبھیِر پھیرا پائیا۔ جن بھگتو چھّبی پوہ اِک اِک پُھل لےَ کے آؤنا نِشانی، نشہ دُھر دا دیاں چڑھائیا۔ تُہاڈے اندر پرگٹاوے اوہ بانی، جو بان نِرالا دئے چلائیا۔ امرت رس دے کے ٹھنڈا پانی، اگنی اگّ دئے بُجھائیا۔ ناتا چُھٹ جائے دُنیا فانی، فَیصلہ اپنے نال کرائیا۔ اَگے مارگ ملِے آسانی، اَدھ وِچکار نہ کوئے اٹکائیا۔ جھگڑا مُک جائے عدالت دیوانی، حُکم اِکو وار سُنائیا۔ تُساں پِچھے گوبِند نال دِتی قُربانی، اَگے جماں توں لیا بچائیا۔ جھگڑا مُکایا چارے کھانی، انڈج جیرج اُتبُھج سیتج نہ کوئے پِھرائیا۔ ساچے گھر دی بنا کے سچّی رانی، درگاہ ساچی دینا بَیٹھائیا۔ جِتھے کھیل نہیں جِسمانی، بُتخانے وجےّ نہ کوئے ودھائیا۔ شان رہن نہیں دینی پنجاں تتّاں والے پرانی، ویداں پُراناں توں لَینا چُھڈائیا۔ چڑھن اوس بِبانی، جِس دا روُپ رنگ ریکھ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ پہلی پوہ کہے تُساں پھوُل نہ سمجھنا پُھل، گُل گُلاب نہ کوئے سُنائیا۔ جن بھگتو تُہاڈا پَینا مُلّ، ملکیّت پِچھلی گئی وِہائیا۔ بھگت بھگوان دی بننی کُل، کُل مالک کھیل کھِلائیا۔ ویکھیو جگت واسنا وِچ نہ جائیو ڈُل، انڈولت لئے بچائیا۔ جھوُٹھے پیار وِچ نہ جائیو بُھل، پریمی پریِتم دئے سمجھائیا۔ مایا وِچ نہ جائیو رُل، رُلدیاں گلے لگائیا۔ تُہانوُں سچ دوارے آؤن دی کُھل، اَگے سکے نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ پُھل کہے مَینوُں کوئی نہ جانیؤ گندہ، مَیں اپنی گُلشن دیاں جنائیا۔ جِس ویلے گوبِند کول گیا سی بَیراگی بندہ، چرن گوداوری کنڈھے ٹِکائیا۔ اُس دے ہتّھ وِچ سی ستّ رنگ دا ڈنڈا، جو نظر کِسے نہ آئیا۔ ہؤلی ہؤلی ہتّھاں نال پائے ونڈا، حِصّہ سکے نہ کوئے سمجھائیا۔ اِشارہ کر کے اُپر سوُرج چندا، دوہاں دِتا ہِلائیا۔ چؤداں طبق کر کے ننگا، پڑدا دِتا اُٹھائیا۔ میانوں کھچّ کے اپنا کھنڈا، سہج نال چمکائیا۔ پُرکھ اکال نوُں کہہ کے چنگا، سیِس دِتا نِوائیا۔ دو ہتّھاں دا وجا کے مردنگا، دو جہان لیا اُٹھائیا۔ سیِس چوں کڈھ کے اپنا کنگھا، چرناں اُتے لیا چُھہائیا۔ آپ کھلو کے اِک ٹنگا، نیتر نیَن بند کرائیا۔ پُرکھ اکال مَیں کوئی پہنیاں نہیں ونگاں، ونگار کے رہیا سُنائیا۔ مَینوُں لکّھ چؤراسی نبیڑن دا ڈھنگا، تیری

بےپرواہیِا۔ دیِن دَیال ہسّ کے کِہا تُوں مالک پُری انندا، انند تیرے وِچ بھرائیا۔ تیرے کول دیواں اوہ پھندا، جِسنوُں ویکھے نہ کوئے لوکائیا۔ گوبِند تکّ کے چار کُنٹ برہمنڈاں، پُرکھ اکال اپنے وِچوں نظری پائیا۔ ہسّ کے کِہا تیری میری پےَ گئی گنڈھا، اَگے ہوئے نہ کدے جُدائیا۔ سِری بھگوان کِہا تُوں گوبِند میرا روُپ ٹھنڈا، اگنی اگّ نہ کوئے تپائیا۔ تیرا گُلشن ویکھنا مہکندا، جِس دے اندر سُگندھی تیری نظری آئیا۔ جوتی جوت سروُپ ہرِ، آپ اپنی کِرپا کر، سو لہنا رہیا چُکائیا۔ پھوُل کہے مَینوُں گوبِند ہتّھ توڑیا، تُٹیا نالوں ڈال۔ مَیں حُکم موُل نہ موڑیا، پُرکھ اکال دا ویکھ کے سچّا لال۔ مَیں اِکو لےَ کے ساہ ہٹکوریا، کیِتا اِک سوال۔ جے تیرے وِچ کوئی زوریا، مَینوُں وکھا دے دیِن دَیال۔ جے تَیتھوں وکھرا کوئی ہور آ، پھیر مَینوُں نہ رکھیں سنبھال۔ جے کوئی تُوں ٹھگ یار چور آ، کِیوں مَینوُں دِتا زوال۔ گوبِند کِہا مَینوُں تیری لوڑ آ، ایہہ حُکم میرے بھگوان۔ جوتی جوت سروُپ ہرِ، آپ اپنی کِرپا کر، کھیلیا کھیل اِک مہان۔ پُھل کِہا کِیوں توڑیا نالوں ڈنڈی، میرا ناتا دِتا تُڑائیا۔ تُوں آئیوں گوداوری کنڈھی، گودی والے پھیرا پائیا۔ مَیں ہو گیا تیرے وِچ بند خانے بندی، مَینوُں بندگی دینی دِرڑائیا۔ درویش ہو کے منگ منگی، نِیوں نِیوں لاگاں پائیا۔ گوبِند کِہا مَیں پُرکھ اکال دا اِک بُھجنگی، نِرگُن سرگُن ویس وکھائیا۔ جوتی جوت سروُپ ہرِ، آپ اپنی کِرپا کر، حُکم اپنے وِچ چُھپائیا۔ پُھل کِہا سُن میرے گوبِند، بندنا دیاں جنائیا۔ تُوں مالک بنیا ہِند، ہِندوائن تیری سرنائیا۔ مَیں جھُکدا ویکھیا سُرپت اِند، کروڑ تیتیِسا لاگے پائیا۔ وِشن برہما شِو بن بخشِند، سِر اپنا ہتّھ ٹِکائیا۔ مَینوُں اپنی بنا لےَ اوہ بِند، جِتھے جنم مرن دی لوڑ رہے نہ رائیا۔ ایتھے اوتھے ہووے نہ چِند، چِنتا غم نہ کوئے ستائیا۔ گوبِند کِہا جِس ویلے میرا سمبل نگر بنیا پِنڈ، پتّھر اِٹّ گارا نہ کوئے لگائیا۔ کوئی کھیل نہ جانے ساگر سِندھ، گہر گمبھیِر نظر کِسے نہ آئیا۔ مَیں اُپجنا نہیں کِسے لِنگ، بوُند رَکت نہ ویکھ وکھائیا۔ جوتی جوت سروُپ ہرِ، آپ اپنی کِرپا کر، تیرا میلا لئے مِلائیا۔ گوبِند آکھ درڑاؤندا اے۔ شبدی حُکم سُناؤندا اے۔ واک بھوِکھت الاؤندا اے۔ بِن قلم شاہی لیکھ بناؤندا اے۔ مَیں وسنا اوس دیش، جِتھے درشن کوئی نہ پاؤندا اے۔ مَیں رہنا سدا ہمیش، جنم مرن دا گیڑ کٹاؤندا اے۔ تیرا )بنا( نال اپنے لیکھ، اپنا لیکھا تیرے نال بناؤندا اے۔ بھاگ لگا کے ماجھے دیس، دیس دسنتر آپ سُہاؤندا اے۔ نِرگُن دھار بدل کے بھیکھ، جوتی جاتا جوڑ جُڑاؤندا اے۔ چرن لگا کے برہما وِشن مہیش، برہم اپنا حُکم دساؤندا اے۔ تیرا لیکھا پھیر لوَانگا ویکھ، وکھری ونڈ نہ کوئے

ونڈاؤندا اے۔ سمت شہنشاہی وِچ ہووے پیش، تیری پیشی اِک اِک بناؤندا اے۔ ہُن مَینوُں سارے کہِندے گُر دس دسمیش، دہِ دِشا تُرنگ دُڑاؤندا اے۔ بستر کپڑے ویکھدے کھیس، کھنڈا تن نال لٹکاؤندا اے۔ مَینوُں تھوڑے منّدے نریش، بہُتیاں سمجھ کوئے نہ پاؤندا اے۔ مَیں پنج تت چّھڈ کے جانا اوہ پربھوُ دے دیش، جِتھے دِشا ونڈ نہ کوئے وکھاؤندا اے۔ جوتی جوت سروُپ ہرِ، آپ اپنی کِرپا کر، پڑدا اوہلا آپ چُکاؤندا اے۔ گوبِند کہے سُن پُھل پیارے مِتر، سجّنا دیاں جنائیا۔ ہُن بازاں کولوں تُڑاواں تِتر، بھرماں وِچ بُھلے لوکائیا۔ ہُن گُجری دی گودوں آیا نِکل، سُلکّھنی کُکھ بنائیا۔ پھیر نِرگُن دھار ہو کے آؤنا نِتر، نہ کوئی پِتا نہ کوئی مائیا۔ اِکو گُرمْکھاں دا ہونا فِکر، نہ کوئی کھنڈیاں والی لڑائیا۔ ہِردیاں اندر وڑ کے کرنا ذِکر، اکھّراں والی نہ کوئی پڑھائیا۔ گُرمْکھاں دا چرن دوارے چِتر کے چِتر، چلِتر اپنا دینا سمجھائیا۔ سچ پریم دا کرکے عِشق، حقیِقی مجازی دوویں دینے کھپائیا۔ ہُن لارے لا کے جانا کِھسک، بھجّنا واہو داہیِا۔ پھیر پُرکھ اکال دا نال لےَ کے آؤنا اِشٹ، اندر وڑ کے سوبھا پائیا۔ مِہر نظر نال سب دی کھولنی درِشٹ، جوگ ابھیاس تپ نہ کوئی سمجھائیا۔ بھگتاں دی سیجا اُتے مَیں بھوگنا گرہست، دوُجا سنگ نہ کوئی رکھائیا۔ میرا لہنا دینا نہ کوئی ٹانک نہ کوئی جِست، نہ کوئی جِسم وِچ وڈیائیا۔ جوتی جوت سروُپ ہرِ، آپ اپنی کِرپا کر، تیرا میلا میل مِلائیا۔ پُھل کہے تُوں گہر گمبھیِر، سوہنا بانکا نظری آئیندا۔ تیرا تتّاں والا سریِر، سنمُکھ میرے سوبھا پائیندا۔ تیری کِس نے کری تعمیِر، مَینوُں اندروں نہ کوئے سمجھائیندا۔ تیری سوہنی کھڑگ شمشیِر، چمک دمک روُپ بدلائیندا۔ تُوں وکھّرا پیِراں دا پیِر، پرا پسنتی مدھم بَیکھری ونڈ نہ کوئی وکھائیندا۔ تیرا لیکھا امیر غریِب، راؤ رنک نہ کوئے جنائیندا۔ مَیں حَیران تیرا کھیل عجیب، نِرالا ویکھ خوشی منائیندا۔ تیری سب توں وکھّری ترتیب، ڈھنگ انوکھا اِک جنائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا تیرے وِچ رکھائیندا۔ گوبِند کہے پُھل تَینوُں سمجھاؤندا ہاں۔ پھڑ کے اپنے چرناں نال چُھہاؤندا ہاں۔ چرن چُھہا کے ہتّھ اُپر ٹِکاؤندا ہاں۔ ہتّھ اُپر ٹِکا کے، چھاتی نال لگاؤندا ہاں۔ چھاتی نال لگا کے، اےدوُں اُپر کملاپاتی نال مِلاؤندا ہاں۔ تیرا کھیل دِوس راتی، رُت اپنی نال سُہاؤندا ہاں۔ جے توڑیا تَینوُں نالوں ڈال پاتی، پتن اپنا اِک درساؤندا ہاں۔ تَینوُں پریمیاں پیاریاں دا بناؤنا ساتھی، گُرمْکھاں دی جھولی پاؤندا ہاں۔ جِناں چِر پُرکھ اکال نہ آوے مَیں تیری کراں راکھی، ستّ زِمیں اسمان چرناں ہیٹھ دباؤندا ہاں۔ تیری اوہناں نال چلنی ساکھی، جِنہاں نوُں

ساکھیات نظری آؤندا ہاں۔ لہنا دینا چُکاواں باقی، حِساب اپنے وِچ چُھپاؤندا ہاں۔ جوتی جوت سروُپ ہرِ، آپ اپنی کِرپا کر، ساچی کھیل اِک درڑاؤندا ہاں۔ پُھل کہے میرے گوبِند سجّن، سچ دے جنائیا۔ کِس بِدھ آویں پڑدا کجّن، گُرمْکھاں ہوئیں سہائیا۔ لکّھ چؤراسی وِچوں آئیں لبھّن، چاروں کُنٹ ویکھ وکھائیا۔ کِس دوارے آویں سدّن، کوَن گھر لئیں بُلائیا۔ کوَن دیویں سچ انندن، انندپُر واسی دے سمجھائیا۔ کِس بِدھ توڑیں جگت کِریا بندھن، بندگی اِکو دئیں سمجھائیا۔ گوبِند اَگوں لگّا ہسّن، تالی ہتّھاں نال وجائیا۔ پُھلّا، جے تُوں میرے پریم دا رس لگّا چکّھن، تَینوُں سواد دیاں سمجھائیا۔ مَیں گُرمْکھ اپنے لکّھ چؤراسی وِچوں وِرولنے مکھّن، مُفت اپنی سیو کمائیا۔ مَیں پِھردا اُتّر پوُرب پچھّم دکھّن، بھجّاں تھاؤں تھائنیا۔ انت وِچھوڑا آواں کٹّن، نال لےَ کے بےپرواہیِا۔ غریِب نِمانیاں کوجھیاں کملیاں گودی آواں چُکن، پھڑ باہوں گلے لگائیا۔ جُگ جنم دیاں وِچھڑیاں آواں پُچھن، کایا مندر اندروں لَواں اُٹھائیا۔ ٹھگّاں چوراں یاراں کولوں آواں نسّن، کول رہ کے درس نہ کوئے دِکھائیا۔ جوتی جوت سروُپ ہرِ، آپ اپنی کِرپا کر، لیکھا دوہاں دا دئے دِرڑائیا۔ پُھل کہے مَینوُں کہِندے پُھل گُلاب، پنکھڑی پنکھڑی رہی کُرلائیا۔ گوبِند کِہا اُٹھ ویکھ اپنا باپ، تَینوُں دیاں مِلائیا۔ جِس دے در تے اِکو جاپ، تُوں میرا مَیں تیرا دوُجا نظر کوئے نہ آئیا۔ پُھل تُوں نہیں سمجھدا کیہڑا تیرا ساک، کوَن سجّن سیَن گوسائنیاں۔ جِس ویلے کوَل دا کُھلیا سی تاک، برہما نیَن اُٹھائیا۔ اوس ویلے اوہدے اندر آشا گئی سی بھاکھ، پربھ دھار دِتی پرگٹائیا۔ جے پربھ میرے اندر اپنے پریم دی اُپجا دیویں شاخ، جِس وِچ تیرا پریم سدا مہکائیا۔ گوبِند کِہا اُس آشا دا روُپ پُھل گُلاب، تیرا گگّا گوبِند گوبِند گائیا۔ تَینوُں وکھاواں اِک محل تے اِک محراب، اِکو محبوُب سوبھا پائیا۔ اِکو سجدہ اِک آداب، اِکو بندنا رہیا کرائیا۔ اِکو شاہ اِک نواب، شہنشاہ اِکو اِک اکھوائیا۔ جِس نے بھگتاں نال تَینوُں دینا خطاب، مُخاطب کر کے دوہاں نوُں دئے مِلائیا۔ بندے کارن تیرا ہویا مِلاپ، پِچھلا لیکھا رہیا چُکائیا۔ اَگے دسّ بھوِکھت واک، سمت شہنشاہی دِتا سمجھائیا۔ تیرا بھگتاں نال ساتھ، وجےّ جگت ودھائیا۔ چھّبی پوہ سوہنی آؤنی پربھات، پربھ دینی مان وڈیائیا۔ نوَیں جُگ دی تیرے اُتے چرن رکھ کے دسّنی نوَیں ارداس، نواں مارگ دینا دِرڑائیا۔ نالے اندروں لاہ کے شبدی ڈنڈے نال گِلاف، پڑدے دینے چُکائیا۔ پاپاں نوُں کر معاف، بچّے لَینے ترائیا۔ چؤراسی وِچوں کڈھ کے صاف، سُتھرے اپنے گھر ٹِکائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پُھل

کہے میری اِک منگ اپار، گوبِند دیاں جنائیا۔ جِس ویلے میرا تیرا ہووے وِہار، مَینوُں پہلوں دینا سمجھائیا۔ مَیں آؤنا کیہڑے دوار، کوَن سیج سُہائیا۔ کوَن ہووے میرا خریددار، قیِمت کوَن مُلّ پوائیا۔ کوَن کرے میرے تیرے اُتے اِعتبار، کوَن یقیِن یقیِن وِچ بدلائیا۔ اُس ویلے ساریاں بھگتاں نوُں کریں خبردار، بےخبراں خبر پہنچائیا۔ کِسے دے کول میرا رہ نہ جائے اُدھار، لیکھا سب دی جھولی پائیا۔ جے کوئی تیرا گُرسِکھ تَیتھوں ہون لگّے فرار، شبد ڈنڈے نال پرتائیا۔ تیرا گُرمْکھ کدے نہ ہووے غدار، گداگر ہو کے گھر گھر منگن کدے نہ جائیا۔ جے منگے تے تیرا دیِدار، دوُجے دی لوڑ رہے نہ رائیا۔ پُھل کہے مَیں کہنا ونگار، کوُک کوُک سُنائیا۔ جے لبھنا تے لبھو پُرکھ اکال، عقلاں دی لوڑ رہے نہ رائیا۔ گُرمْکھو تُسیں نہ پُرکھ تے نہ نار، اِستری پُرش نہ کوئے وڈیائیا۔ اندر تکّو تُہاڈا پریِتم تُہاڈا یار، یارانہ اِکو دئے وکھائیا۔ رستے جاندیاں کرے پیار، بُھکھے مردیاں لئے اُٹھال، جل ڈُبیاں کرے بھال، کنگالاں وِچ بن کنگال، کوجھیاں کملیاں گلے لگائیا۔ پُھل کہے او گُرمْکھو مَینوُں رکھیو سنبھال، سمبھل کے سمبل نگری لِیاؤنا چائیں چائنیا۔ اَگے پھیر سُنو احوال، کی کھیل نال سِنگھ پال، کِیوں پوُرن سِنگھ بنیا دلال، جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ گوبِند کہے سُن پُھل سُگندھی، سُکھ داتا دئے وڈیائیا۔ گُرمْکھاں نال مِلا کے تیری توڑ دیواں پابندی، حُکم اپنا اِک جنائیا۔ سنت سُہیلے بنا کے سنگی، ہرِ سنگت دیاں وکھائیا۔ جِنہاں دی کنڈ کدے نہیں ہونی ننگی، سِری بھگوان دئے وڈیائیا۔ میرے نام شبد دی ویکھنی اِکو چنڈی، جو چنڈے سرب لوکائیا۔ رہن دینا نہیں کوئی پاکھنڈی، کوُڑی کِریا دئے مِٹائیا۔ جوتی جوت سروُپ ہرِ، آپ اپنی کِرپا کر، لیکھا سب دا پار کرائیا۔ پُھل کہے کی پھیر پُھلے پُھلواڑی، پھل اگلا دئے لگائیا۔ گوبِند کہے جِس دا بوُٹا لگایا ستاراں ہاڑی، اوہ ہاڑا کڈھ کے تیرا سنگ نِبھائیا۔ تیری رہن نہیں دینی کنڈیاں والی واڑی، خار روُپ نہ کوئے بنائیا۔ مَیں جِدھر جاواں جاواں تاری، تارنہار میرا سنگ نِبھائیا۔ جن بھگتاں دی کٹّاں خواری، خالص اپنے گھر بہائیا۔ جوتی جوت سروُپ ہرِ، آپ اپنی کِرپا کر، تیری توڑ نِبھاوے یاری، یار یاراں وِچ رکھائیا۔ پُھل کہے مَیں نہیں سمجھیا یار، یارانہ سکیا نہ کوئے جنائیا۔ مَینوُں سارے کھاریاں وِچ رہے اُٹھال، ہوکے دے کے گلی گلی سُنائیا۔ راجیاں دے بن کے ہار، رانیاں دی مینڈھی دِتی بدلائیا۔ گوبِند میرا سچّا نہیں جانیاں کِسے پیار، پریمیاں والا پریم نہ کوئے وکھائیا۔ دوُجے دِن تن دے نالوں اُتار، اُتّر پوُرب پچھّم دکھّن چارے دِشا دِتا سُٹائیا۔ گوبِند کِہا اَگے ہون نہ دیواں خوار،

تیری سُگندھی گُرمْکھاں اندر دیواں ٹکائیا۔ کل کلکی لئے اوتار، کلا سب دی دیواں بھوائیا۔ دُکھیاں دا بن کے دِلدار، سِر اپنا ہتّھ ٹِکائیا۔ سمت شہنشاہی اِک وِچ ساچا کھول کے دسّاں احوال، اّول تیرا کھیل پرگٹائیا۔ جن بھگتاں نوُں دیاں سِکھال، جن بھگتو پُھل گُلاب لےَ کے آؤنا چائیں چائنیا۔ مہاراج شیر سِنگھ وِشنوُں بھگوان دیِن دَیال، دیانِدھ سِر اپنا ہتّھ ٹِکائیا۔

۷ پوہ شہنشاہی سمت ۱ سُرنِدر سِنگھ دے گرِہ پِنڈ بُھلر ضِلع امرتسر

پوہ کہے مَیں بھگتاں ویکھی سُرتی، سُرت شبد ہوئی کُڑمائیا۔ مِہر ہوئی پوُرے سَتگُر دی، جو گور مڑھی وِچوں باہر کڈھائیا۔ دھار میلی اِک دُھر دی، جوتی جوت وِچ سمائیا۔ منسا پوُری ہوئی لوڑ دی، لوآں پُرِیاں پیَنڈا دِتا مُکائیا۔ دھاڑ رہی نہ کِسے چور دی، کوُڑی کِریا ڈیرہ ڈھائیا۔ رَین رہی نہ اندھیر گھور دی، نِرمل نوُر چند کرے رُشنائیا۔ کھیل رہی نہ آون جاون دؤڑ دی، لکّھ چؤراسی پیَنڈا دِتا مُکائیا۔ ویل رہی نہ کوُڑی کِریا کوُڑ دی، امرت رس دِتا بھرائیا۔ اَگے لوڑ رہی نہ ہور دی، پُرکھ اکال دِتی سرنائیا۔ شبد دھار بخش گھنگھور دی، انحد نادی ناد سُنائیا۔ یاد آئی گڑھی چمکؤر دی، گُرمْکھ ہیرے لئے چمکائیا۔ جِتھے بُدھی نہیں کِسے دی بہُڑ دی، اوتھے سنت سُہیلے لئے اُٹھائیا۔ رُت خِزاں گئی اؤڑ دی، بسنت روُپ آپ بدلائیا۔ پدوی دے کے اپنے کؤر دی، کملاپت ہوئے سہائیا۔ چھتر چھایا دے کے اگمّی چؤر دی، چوَر اپنا نام جھُلائیا۔ کھیل وکھا کے گوَر گؤر دی، گہر گمبھیِر پڑدا آپ اُٹھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ پوہ کہے مَیں بھگتاں ویکھی اُستت، سِری بھگوان ڈھولا گائیا۔ جِنہاں نوُں اِکو مِل گیا مُرشد، دوُجے دی لوڑ رہے نہ رائیا۔ پڑھنی پئی کوئے نہ پُستک، سُرتی شبد وجےّ ودھائیا۔ کوُڑی کِریا نالوں دے کے فُرصت، فُرنا اپنا اِک جنائیا۔ مایا ممتا مَیل دھو کے دُرمت، پتت پُنیِت رہیا بنائیا۔ ساچی دسّ دے اِکو گُرمت، گُرمْکھ گُر گُر رنگ رنگائیا۔ سِری بھگوان دی ساچی اُلفت، دوُجی اوَر نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، دیِن دَیال دَیا کمائیا۔ پوہ کہے مَیں بھگتاں ویکھیا انند، گھر گھر بَیٹھے خوشی منائیا۔ آتم پرماتم چڑھیا چند، جلوہ جوت نوُر رُشنائیا۔ پاربرہم برہم بنیا سنگ، دُھر دا سنگ اِک بنائیا۔ شبدی ناد وجائے مردنگ، گیِت گوبِند اِک سُنائیا۔ دُئی دوَیتی ڈھاہ کے کندھ،

پڑدا اوہلا دِتا اُٹھائیا۔ بھیو کُھلا کے ہنگ برہم، ناتا کوُڑا دِتا چُکائیا۔ کر پرکاش اندھیرے اندھ، اِکو نوُر کرے رُشنائیا۔ کوُڑی کِریا بیڑا بنّھ، بندگی اِکو رہیا سمجھائیا۔ جوتی جوت سروُپ ہرِ، آپ اپنی کِرپا کر، سد ہوونہار سہائیا۔ پوہ کہے مَیں بھگتاں ویکھیا گیِت، بِن رسنا جِہوا بتّی دند گائیا۔ آتم پرماتم جوڑ پریِت، پریِتم اپنا رہے منائیا۔ کایا کرکے ٹھنڈی سیِت، اگنی تت گئے بُجھائیا۔ جھگڑا چُکا کے ہست کیِٹ، چار ورن اٹھاراں برن ڈیرہ ڈھائیا۔ لیکھا مُکا کے اوُچ نیِچ، راؤ رنک نہ کوئے وکھائیا۔ پندھ مُکا کے مندر مسیِت، کایا کعبہ خوشی منائیا۔ ترےَگُن مایا نالوں ہو اتیِت، ترےَبھوَن منگن سرنائیا۔ آپ اپنا جگت توں جیِت، جگ جیِون داتا مِل کے سوبھا پائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ پوہ کہے مَیں جن بھگتاں ویکھیا سوہنا مندر، کایا ماٹی سوبھا پائیا۔ جِتھے رہیا کوئے نہ جندر، بجر کپاٹی کُنڈا لاہیِا۔ من واسنا بھوَے نہ بندر، ترِشنا تامس نہ کرے کوئے وڈیائیا۔ سچ پریم دا ملِے انندن، انند انند وِچوں پرگٹائیا۔ جم کی پھاسی رہی نہ بندھن، بندگی ڈنڈاوت اِکو دِتی سمجھائیا۔ ساچا روُپ بنا کے چندن، نِم واس دِتی کڈھائیا۔ دُھر دا مالک بن کے سنگن، سگلا ساتھ رہیا نِبھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ پوہ کہے مَیں بھگتاں رکھی تانگھ، جُگ چؤکڑی دھیان لگائیا۔ کوَن ویلا پربھ دھارے سوانگ، بھیکھی اپنا ویس وٹائیا۔ سچ پریم دی چاڑھے کانگ، کوُڑی کِریا دئے رُڑھائیا۔ سوئی سُرتی جائے جاگ، جاگرت جوت کرے رُشنائیا۔ ہنس بُدھی رہے نہ کاگ، کاگوں ہنس بنائیا۔ دُرمت مَیل دھو کے داغ، پتت پُنیِت دئے وکھائیا۔ جگت وِوہار بدل سماج، سمگری اِکو دئے سمجھائیا۔ دُھردرگاہی بخش کے راج، رعیت اپنی دئے وکھائیا۔ جِتھے اپچّھراں دا نظر نہ آوے کوئے ناچ، نؤ اٹھاراں وجےّ نہ کوئے ودھائیا۔ تن ماٹی دِسے نہ کاچ، پنج تت نہ کوئے وکھائیا۔ رسنا جِہوا بتّی دند نہ کرے کوئے بات، من مت بُدھ نہ کوئے چتُرائیا۔ سوُرج چند منڈل منڈپ نہ کوئے دِوس رات، گھڑی پل ونڈ نہ کوئے وکھائیا۔ نہ کوئے بھوَر نہ پربھات، سندھیا رنگ نہ کوئے رنگائیا۔ نہ کوئی دیِن نہ کوئے ذات، مذہب روُپ نہ کوئے سمجھائیا۔ اِک اِکلّا بَیٹھا آپ اِکانت، ایکنکارا سوبھا پائیا۔ جِس دی بھگتاں نال جماعت، ضامن ہو کے ویکھ وکھائیا۔ جِتھے کڈھنا پَوے نہ کوئے حِساب، قلماں والی نہ کوئے لِکھائیا۔ پڑھنی پئے نہ کوئے کِتاب، کُتبخانے قیِمت کوئے نہ پائیا۔ اِکو سجدہ دسّیا آداب، سِر قلم نہ کوئے کرائیا۔ سچ محرابے بَیٹھ آپ، محبوُب اِکو سوبھا پائیا۔ ترےَگُن کوُڑی کِریا توڑ کے تاپ، اگنی تت دئے

بُجھائیا۔ تُوں میرا مَیں تیرا اِکو دسّ کے جاپ، جماں توں لئے چُھڈائیا۔ روُح بُت دوویں کر کے پاک، پُنیِت اپنے پتّن لئے ٹِکائیا۔ گُر اوتار پَیغمبر جو بھوِکھتاں وِچ گئے بھاکھ، بھاوَ سب دا کھوج کھوجائیا۔ کھیل کرے ہو کے ساکھیات، سچ سوامی اپنی دَیا کمائیا۔ جِس دا نِراکھّر لبھے کِسے نہ وِچوں لُغگات، لگ ماتر نہ کوئے دِرڑائیا۔ سو بھگت سُہیلا بن کے باپ، سنت سجّن گود اُٹھائیا۔ پوہ کہے جِدھر ویکھاں اُدھر ساتھ، بھگتن میِتا بھگتاں وِچ سمائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، تن ماٹی بُت نہ خاک، جوتی شبد دھار مِلیا نال اِتفاق، نِفاق بھگتاں دئے مِٹائیا۔

۷ پوہ شہنشاہی سمت ۱ چرن سِنگھ دے گرِہ ماناوالا

پوہ کہے مَیں جُگ چؤکڑی ویکھاں چاروں دِشا، چار کُنٹ دھیان لگائیندا۔ نِت نوِت پرم پُرکھ پرماتم بھگوَن ہو کے کرے بھگتاں رچّھا، دو جہاناں ایتھے اوتھے سِر اپنا ہتّھ ٹِکائیندا۔ نام وست امولک کایا تن ماٹی خاکی پائے بِھچھا، وست اگمّی اندر مندر آپ رکھائیندا۔ سچ پریم پیار دا اُتم سریشٹ دیوے حِصّہ، خالی بھنڈارے آپ بھرائیندا۔ دیِن دُنی جگت جہان کائنات دسےّ مِتھا، تھِر گھر ساچا اِک سمجھائیندا۔ رسنا جِہوا بتّی دند کوُڑا رس پِھکا، امرت رس انتر آتم آپ چکھائیندا۔ جوتی جوت سروُپ ہرِ، آپ اپنی کِرپا کر، بھگوَن اپنا رنگ رنگائیندا۔ پوہ کہے مَیں جُگ چؤکڑی جگت جیِو کایا ویکھی بدلی، تن ماٹی پھول پھولائیا۔ بھرمے بُھلی سرِشٹی ویکھی سگلی، سگلا سنگ نہ کو بنائیا۔ آتم پرماتم دھار دسےّ نہ کوئی اگلی، پڑدا اوہلا نہ کوئے اُٹھائیا۔ سنیاسی وَیراگی تیاگی جٹا جوُٹ پِھردے جنگلیں، تن بھبوُتی خاک رمائیا۔ سچ وست نام امولک بِن بھگتاں کِسے نہ لبھ لئی، کھوج کھوج تھکی سرب لوکائیا۔ من واسنا کوُڑی کِریا کِسے نہ حد گئی، حاضر حضوُر حضرت، جوتی جوت سروُپ ہرِ، آپ اپنی کِرپا کر، ہرجن ساچے ویکھ وکھائیا۔ پوہ کہے مَیں جُگ چؤکڑی کردا رہیا دھیان، بہُروُپی روُپ وٹائیا۔ شاستر سِمرت وید پُران گیِتا گیان انجیل قُرآن کھانی بانی، سُندا رہیا گیان، رسنا جِہوا بتّی دند کلمیاں والی پڑھائیا۔ گُر اوتار پیِر پَیغمبر دے دے گئے بیان، صِفتاں وِچ سوہلے ڈھولے گائیا۔ بُھکھے مردے ویکھے مہینےِ وِچ رمضان، رمز اِشارہ نہ کوئے سمجھائیا۔ نوَ نؤ چار جُگ جُگیِشر دھردے گئے دھیان، مُنیِشر مون روُپ

وٹائیا۔ سہج سُبھاؤ بِن بھگتاں کِسے نہ مِلیا آن، بھگوَن ابھیوَ بھید نہ کوئے کُھلائیا۔ سچ دوارے پاوے کوئے نہ مان، جوتی جوت سروُپ ہرِ، آپ اپنی کِرپا کر، سُکھ سہج ویکھ وکھائیا۔ پوہ کہے مَیں جُگ چؤکڑی ویکھدا رہیا پدوی، اُچ اتھاہ اگمّ بےپرواہ نظر اُٹھائیا۔ جگت جہان ویکھیا وِچ مذہبی، مزہ ہرِ نہ کوئے چکھائیا۔ من واسنا ہُندی رہی بےادبی، ادب آداب حق نہ کوئے دِرڑائیا۔ سِر جھُکِیا نہ کِسے قدمی، قدم بوسی قادر قُدرت نہ لائے پائیا۔ تشّدد مِٹے نہ کِسے عدمی، مدد مِلی نہ نوُر خُدائیا۔ کھیل ویکھی جگت تمّدنی، جوتی جوت سروُپ ہرِ، آپ اپنی کِرپا کر، ہرجن ساچے آپ اُٹھائیا۔ پوہ کہے مَیں ویکھیا جُگ چؤکڑی پرم پُرکھ پرماتم شبدی گھوڑے زیِنہ پاؤندا رہیا پاکھر، ڈوری اپنے ہتّھ رکھائیا۔ انتم کھیل ویکھن آیا آخر، اَخیِر اپنی کار کمائیا۔ گوبِند سوُرا بنیا ساتھن، سگلا سنگ بنائیا۔ گُرمْکھاں آیا آکھن، اُٹھو نیتر لوچن لَوو کُھلائیا۔ کل ویلا آیا جاگن، جاگرت جوت کرے رُشنائیا۔ ایہہ لہنا دینا پِچھلا کوئی بھاگو بھاگن، بھاگ سب دی جھولی پائیا۔ من آتم دے وَیراگن، وَیری مِتر شتروُ پڑدا رہیا اُٹھائیا۔ بِن رسنا جِہوا بتّی دند مارے آوازن، نعرہ جَیکارا اِک سُنائیا۔ جِتھے نہ کوئے سوال نہ جوابن، جواب طلبی نہ کوئے وکھائیا۔ جن بھگتاں پوُری کر کے آس مُرادن، مُردے محبوُب اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، سرنگت اِک دِرڑائیا۔ پوہ کہے مَیں جُگ چؤکڑی ویکھیا گھڑی پل، پلک پلک نال بدلائیا۔ مَیں کھیل ویکھیا جل تھل، مہیئل اپنا دھیان ٹِکائیا۔ پُرکھ ابناشی پرگٹ ہو کے کلجُگ کل، کل کلکی پھیرا پائیا۔ بھگتاں اندر گیا رل، جگ نیتر ویکھ نہ کوئے سمجھائیا۔ سرِشٹی درِشٹی کر کے اچھل چھل، وِشیش وششِٹی گُرمْکھ لئے پرگٹائیا۔ در دوارے دے کے محل اٹل، اُچ پربل پرم پُرکھ ہویا سہائیا۔ سب دے جُگ چؤکڑی دی مِسل وِچوں مصلے کر دیوے حل، اَگے مِثال اپنے نال رلائیا۔

۷ پوہ شہنشاہی سمت ۱ منگل سِنگھ دے گرِہ پِنڈ سارنگڑا

نرگُن نِروَیر جوت پُرکھ سمرتھ، پت پرمیشور بےپرواہ اکھوائیندا۔ جُگ چؤکڑی نِرگُن سرگُن لکّھ چؤراسی جیِو جنت سادھ سنت چلاوے رتھ، مایا تت کھیل کھِلائیندا۔ گُر اوتار پیِر پَیغمبر نام سندیشہ دے کے حق، حقیِقت ساچی آپ دِرڑائیندا۔ شبد

اگمّی ناد انحد وجا ند، سُرتی شبدی راگ الائیندا۔ جوتی جاتا جوت کر پرکاش، ابناش اپنا کھیل کھِلائیندا۔ بھگت سُہیلا اِک اَکیلا ساچے سنتاں نظر آئے ساکھیات، نِج نیتر لوچن نیَن اکّھ کُھلائیندا۔ بِن رسنا جِہوا بتّی دند کرے اگمّی بات، نِراکھّر وکھّر آپ پڑھائیندا۔ گُرمْکھ گُرسِکھ سَت سوامی ویکھے آپ، نِت نوِت ویس وٹائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، بھیوَ ابھیدا اپنے وِچ چُھپائیندا۔ سو پُرکھ نِرنجن دُھر دا سوامی، اجوُنی رہت اِک اکھوائیا۔ آد جُگاد انترجامی، انتر انتر ویکھ وکھائیا۔ گُر اوتار پَیغمبر جِس دی گاؤندے گئے بانی، ڈھولا راگاں ناداں وِچ سُنائیا۔ جِس دی رچنا وِشن برہما شِو چارے کھانی، انڈج جیرج اُتبُھج سیتج وجےّ ودھائیا۔ جِس دا سر سروور نِروَیر نِرمل جل پانی، دھار اِکو اِک وہائیا۔ جِس دا کھیل ایتھے اوتھے دو جہانی، برہمنڈ کھنڈ پُری لوء آکاش پاتال کرے رُشنائیا۔ جو آتم پرماتم دیونہارا پد نِربانی، گرِہ مندر اِک سُہائیا۔ جِس دی کھیل جگت مہانی، مہما اکتھ اکتھ وڈیائیا۔ وِدیا گائے نہ کوئے زبانی، چؤدس چؤداں دئے دُہائیا۔ جِنہاں اُپر کرے آپ مِہربانی، محبوُب مُحبّت اندر محوخانہ دئے درسائیا۔ جلوہ دے کے جوت نوُرانی، اندھ اندھیرا دئے مِٹائیا۔ سو پُرکھ صاحب سُلطانی، شاہ پاتشاہ شہنشاہ پڑدا دئے اُٹھائیا۔ جِس دی صِفت کائنات وِچ لِکھے نہ نال قلم کانی، کعبیانوِچ بَیٹھے سارے دین دُہائیا۔ جِس نے پنج تت گُر اوتار پَیغمبر کیتے فانی، فَیصلہ اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِروَیر نِراکار نِرنکار وڈّی وڈیائیا۔ نِرگُن جوت پُرکھ اکال، دوُجا نظر کوئے نہ آئیندا۔ جِتھے نہ کوئی جواب نہ کوئے سوال، کلمہ نام ونڈ نہ کوئے ونڈائیندا۔ جِتھے نہ کوئی شِودوالا مندر مٹھ حال، تتو تت ویس نہ کوئے وٹائیندا۔ اِکو داتا دیِن دَیال، دیانِدھ سوامی سوبھا پائیندا۔ جِس دا گُر اوتار پَیغمبر چار جُگ دیندے گئے احوال، شاستر سِمرت وید پُران کھانی بانی صِفت صلاحندا۔ جِس نوُں کھا نہ سکے کوئی کال، مہاکال نظر کوئے نہ آئیندا۔ جِس دی کوٹن کوٹ سادھ سنت تن خاکی وجوُد کردے بھال، ثبوُت حق نہ کوئے سُبھائیندا۔ سو پُرکھ بِدھاتا کھیل کرے اپنا آپ، دوُجا سنگ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِروَیر نِراکار نِرگُن اپنی کار کمائیندا۔ نِرگُن جوت پوُرن پرکاش، پاربرہم وڈّی وڈیائیا۔ آد جُگاد نہ ہوئے وِناش، ابناشی اپنا کھیل کرائیا۔ گُر اوتار پَیغمبر بنا کے داسی داس، سیوک سیوا سچ سمجھائیا۔ نِرگُن سرگُن پنجاں تتّاں اندر پاوے راس، گوپی کاہن اپنا روُپ وٹائیا۔ کھیلے کھیل پرِتھمی

آکاش، گگن گگننتر وجےّ ودھائیا۔ جن بھگتاں پوُری کرے آس، آہستہ آہستہ اندروں پڑدا دئے اُٹھائیا۔ لیکھے لا کے پوَن سواس، ساہ ساہ اپنا نام جپائیا۔ آتم سیجا سُہا کے کھاٹ، سِنگھاسن اِکو دئے وکھائیا۔ جِتھے نہ کوئے دِوس نہ کوئے رات، سوُرج چند نہ کوئے چمکائیا۔ نہ کوئی دیِن مذہب ذات پات، کھتری براہمن شوُدر وَیش روُپ نہ کوئے درسائیا۔ صاحب سوامی اِکو بَیٹھا کملاپات، پت پرمیشور نظری آئیا۔ نِرگُن نوُر جوت پرکاش، جوتی جوت سروُپ ہرِ، آپ اپنی کِرپا کر، نوُر نوُرانہ نوُر نوُر چمکائیا۔ نِرگُن جوت جو جائے جان، انجانت رہن موُل نہ پائیا۔ سچکھنڈ بھوُمکا سُہائے استھان، تھِر گھر وجےّ نام ودھائیا۔ گُر اوتار پَیغمبر جِس دے ڈھولے گان، نِیوں نِیوں سیِس جھُکائیا۔ سو صاحب سوامی انترجامی اِک بھگوان، بھگوَن مالک اِک اکھوائیا۔ کر کِرپا جِس نوُں دیوے اپنا پریِتی دان، پریِتم اندروں نظری آئیا۔ آتم پرماتم کرے پروان، پاربرہم برہم اپنا روُپ درسائیا۔ بھیوَ ابھیدا کھولے آن، پڑدا اوہلا دئے اُٹھائیا۔ نام نِدھان سُنا دُھنکان، ناد انادی ناد وجائیا۔ سُرتی سُرت کر سوادھان، نیتر لوچن اکّھ کُھلائیا۔ جِنہاں نوُر نِرگُن ویکھیا اِک مِہروان، مِہر نظر وِچ گئے سمائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ نِرگُن جوت جو جائے بُجھ، من واسنا رہن نہ پائیا۔ پڑدا اوہلا رہے نہ لُک، ساکھیات سَت سروُپی درس دِکھائیا۔ رسنا جِہوا بتّی دند بولن دا پیَنڈا جائے مُک، رمز نال رمز لئے مِلائیا۔ سِدھا پرم پُرکھ پرماتم کولوں ساچا لیکھا لئے پُچھ، دوُجی اوٹ نہ کوئے تکائیا۔ جو کُجھ ہےَ سو اوسے دا باقی لکّھ چؤراسی جیِو جنت سرِشٹی دِسے تُچھ، تُخم تاثیر اپنی سکے نہ کوئے بدلائیا۔ جگت جہان ناتا جُڑیا پِتا پُت، ساک سیَن کُٹمب مِل مِل خوشی منائیا۔ جِنہاں دے اندر پرم پُرکھ دی دھار گئی اُٹھ، دُئی دوَیتی ڈیرہ ڈھائیا۔ بِنا نگاریوں لگّی چوٹ، چوٹی چڑھ کے درشن پاون سچّے ماہیِا۔ انت اَخیِری اِکو پُرکھ اکال دی اوٹ، دوُجا اِشٹ نہ کوئے منائیا۔ جِس نوُں لبھدے کوٹی کوٹ، کایا گڑھ بنک دوار اندر بھجّن تھاؤں تھائنیا۔ بِن ہرِ کِرپا کِرپال اُتے ہوئے نہ کوئے موہت، مُحبّت سچ نہ کوئے جنائیا۔ جِتھے لیکھا نہیں کوئی چؤداں لوک، چؤداں طبق چؤداں وِدیا نہ کوئے سمجھائیا۔ سو سنت سُہیلا گُروُ چیلا بِن نیتر نیَن اکّھاں درشن کرے روز، روضے بانگ دی لوڑ رہے نہ رائیا۔ جن بھگتو پریِتم نال مِل کے ویکھو اُس دی مؤج، مجلس بھگتاں وِچ رکھائیا۔ جِس دی گُر اوتار پیِر پَیغمبر دسّ کے گئے کھوج، لیکھا لِکھ کے قلم شاہیِا۔ اوہ داتا نِرمل جوت، تتّاں والا روُپ نہ کوئے وکھائیا۔ اُس دا اِکو راگ اِکو ناد اِک

سلوک، سوہلے سب نوُں رہیا سُنائیا۔ جوتی جوت سروُپ ہرِ، آپ اپنی کِرپا کر، آد جُگادی اِکو ہرِ، جُگ چؤکڑی اپنا حُکم ورتائیا۔ نِرگُن جوت بےشک مانَس منُکھ، تتّاں اندر تت نظری آئیا۔ جے اُس دا روُپ ہو جاوے نہ کوئی ترِشنا نہ کوئی بُھکھ، آسا من نہ کوئے ودھائیا۔ نہ کوئے روگ نہ کوئے دُکھ، چِنتا غم نہ کوئے ستائیا۔ نہ کوئی دھی نہ کوئے پُت، نہ کوئے سؤہریاں گھر جوائیا۔ اِکو اُس نوُں مِل کے اندروں ہو جائے چُپ، چُپ چُپیِتیاں گھر بَیٹھیاں درشن پائیا۔ پھیر کِسے نوُں کی لَینا پُچھ، جے ملِے دُھر درگاہیِا۔ جوتی جوت سروُپ ہرِ، آپ اپنی کِرپا کر، نِرمل جوت جن بھگتاں دئے درسائیا۔ نِرمل جوت نِراکار جن بھگت تکّ، تقویٰ اِکو اُتے رکھائیا۔ حقیِقت وِچوں مِل گیا حق، حقوُق پِچھلا جھولی پائیا۔ مِلیاں پُرکھ اکال توں بِنا کدے دوُر نہ ہویا شک، شِکوے وِچ پِھرے لوکائیا۔ منزل منزل پاندھی راہی سارے رہے نَٹھ، منزل چڑھ کے گھر سوامی درشن کوئے نہ پائیا۔ ناتا جُڑیا تت اٹّھ، نؤ دوارے مایا ممتا ہوئی ہلکائیا۔ اِیڑا پِنگلا سُکھمنا سب نوُں رہے دسّ، شاستر سِمرت وید پُران دین دُہائیا۔ کوئی سہنس دل کوَل رہے پھس، کوئی اِشٹ دیوَ تتّاں والا ویکھ خوشی منائیا۔ کوئی امرت رس تھوڑا تھوڑا رہے چکھ، نِجھر جھِرنا بےپرواہیِا۔ کوئی اندروں نِج نیتر کھول کے اکّھ، بِنا اکھّراں کرن پڑھائیا۔ کوئی سیج پتّھر وِچھا کے ستّھ، یارڑا اپنا لیا ہنڈائیا۔ جن بھگتاں جِناں چرن ملِے پُرکھ سمرتھ، دوُسر سیِس نہ کوئے جھُکائیا۔ ایہہ کھیل نیارا سب توں وکھ، جگت وِدیا نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، نِرگُن نِروَیر نِراکار نِرنکار اِکو اِک اکھوائیا۔ نِرگُن جوت اِک پُرکھ اگمّ، جو اگمّڑی کار کمائیندا۔ نہ مرے نہ پئے جمّ، جننی کُکھ نہ کوئے سُہائیندا۔ نہ کوئی ترِشنا نہ کوئی طم، رجو طمعو سَتو ونڈ نہ کوئے ونڈائیندا۔ نہ کوئی سوگ نہ کوئی غم، دُکھ سُکھ نہ کوئے پرنائیندا۔ نہ کوئی تن ماٹی خاک چمّ، چمّ درِشٹی نہ ویکھ وکھائیندا۔ نہ کوئی نوُر نوُرانہ چمکے سوُرج چنّ، منڈل منڈپ ونڈ نہ کوئے ونڈائیندا۔ سو پُرکھ اکال دیِن دَیال اِکو جِس گُر اوتار پیِر پَیغمبر کہن دھنّ دھنّ، جِس دی مہما صِفت نہ کوئے صلاحندا۔

۷ پوہ شہنشاہی سمت ۱ اوتار سِنگھ، ہزارا سِنگھ دے گرِہ پِنڈ کاؤنکے

نرگُن روُپ بھگت دا بھاؤ، بھاوَ اپنا دئے دِرڑائیا۔ انتر آتم ساچا چاؤ، چاؤ گھنیرا اِک سمجھائیا۔ ساچا مارگ دسےّ راہو، رہبر ہو کے میل مِلائیا۔ نام نِدھان جنا کے ناؤں، نر نِرنکار دئے وکھائیا۔ بھاگ سُہنجنا کرے گاؤں، گاؤں کھیڑا اِکو اِک وڈیائیا۔ جِس نوُں گوبِند کِہا واہو واہو، واہ واہ گوبِند ویکھ وکھائیا۔ شاہ پاتشاہ بن کے سچّا شاہو، شہنشاہ اپنی کار کمائیا۔ بےپرواہ اگمّ اتھاہو، اکتھ کہانی رہیا دِرڑائیا۔ آتم پرماتم کر وِیاہو، وِیاہ اِکو دئے جنائیا۔ دُھر دا بن کے پِتا ماؤں، سگن ساچا رہیا منائیا۔ پریم پیار پکڑے باہوں، دھام سُہنجنے رہیا ٹِکائیا۔ عرش فرش دا کرے نِیاؤں، حُکم عدالت اِک دِرڑائیا۔ جوتی جوت سروُپ ہرِ، آپ اپنی کِرپا کر، سجّن سُہیلا اِک اکھوائیا۔ نِرگُن جوت سوُرا سربنگیا، بھگت وچھل گِردھار۔ آد جُگادی ساچا سنگیا، سگلا روُپ کرتار۔ دیوے دان نام انمنگیا، بِھکھک بِھچِھیا جھولی بھرے بھنڈار۔ کوُڑ کُڑیاراں کرے چنگیا، بُرائیاں کڈھے باہر۔ پریم پیار دے انِندیا، دُکھڑا جنم دئے نِوار۔ کوُڑی کِریا کڈھ کے گندیا، اُجل صاف کرے سِرجنہار۔ جگت واسنا میٹے دھندیا، دُھندوُکار نہ رہے غُبار۔ بِنا بندگی بنا کے بندیا، بندھن توڑے سرب سنسار۔ دیِن دَیال بن بخشندیا، بخشش کرے آپ کرتار۔ جوتی جوت سروُپ ہرِ، آپ اپنی کِرپا کر، ساچی کرنی رہیا وِچار۔ نِرگُن جوت جگت جہان، چؤراسی چرن کوَل سرنائیا۔ آتم پرماتم سرب دھیان، برہم گیان وِدت وڈیائیا۔ شبد نِدھانا نام نِدھان، بےپہچان دئے سمجھائیا۔ کلمیوں باہر کرے کلیان، عملاں دئے مِٹائیا۔ فضل کرے رحمان، اجل دا لیکھ مُکائیا۔ گرِہ مندر جگا کے شمع دان، نوُر ظہوُر دئے وکھائیا۔ جوتی جوت سروُپ ہرِ، آپ اپنی کِرپا کر، سنت سُہیلے رنگ چڑھائیا۔ نِرگُن جوت جن میلا سگل، سگلی چِنت مِٹائیا۔ گرِہ مندر اندر منگل، منگلاچار شنوائیا۔ پربھاس لیکھا چُکا کے جنگل، جاگرت جوت ڈگمگائیا۔ ساچی دسّ نمستے بندن، بندگی اِک وکھائیا۔ پریم پریِتی دے کے پرمانندن، سُکھ ساگر وِچ سمائیا۔ جِس دا گُر اوتار پیِر پَیغمبر حُکم کرے نہ کوئی اُلنگھن، اُنگلیاں اُتے سب توں حِساب گِنائیا۔ جوتی جوت سروُپ ہرِ، آپ اپنی کِرپا کر، ہرجن دیونہار وڈیائیا۔ نِرگُن جوت پرم پُرکھ دی دھار، پّپا پوُرن دئے وڈیائیا۔ ہوڑا نِرگُن سرگُن کھیل اپار، ہاہا ہرِ جوُ روُپ وٹائیا۔ اکھّراں باہر کرے گُفتار، شبدی شبد سُنائیا۔ لہنا دینا دین آیا سنسار، دیونہار وڈیائیا۔ خالی بھری جائے بھنڈار، بھانڈا بھرم بھؤ مِٹائیا۔ بھگت

سُہیلے سجّن صاحب اُٹھال، اُٹھ اُٹھ اپنا رنگ رنگائیا۔ سچ گھر گرِہ مندر سوامی بنا کے سچّے بال، بال اُپدیش اِک سُنائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، ہرجن سجّن ساچے بھال، بھلی بھلی طرح پار لنگھائیا۔