۲۶ پوہ شہنشاہی سمت ۱ ہرِ بھگت دوار جیٹھوُوال
پُھلّ کہے جن بھگتو سُنو خوشخبری، پوہ چھّبی وجےّ ودھائیا۔ ڈنکا سُنو اُپر عمبری، اگمّ ناد شنوائیا۔ لیکھا جانے شبدی شیر ببری، بھبک اِک لگائیا۔ جِس کلجُگ انتم کرنی بدلی، بدلہ رہیا چُکائیا۔ مالک دُھر دا عدلی، عدالت اِک وکھائیا۔ ہرجن پہنچے مزلو مزلی، منزل دیوے بےپرواہیِا۔ جِس کارن سنگت سدّ لئی، صدمے دئے گوائیا۔ بھگت بھگوان دی اَدھ وِچکار کوئی نہ حد رہی، حدوُد اِکو رہیا جنائیا۔ پریم پریِتی اندر رنگ لئی، رنگ اپنا اِک وکھائیا۔ وست امول پِچھلی منگ لئی، جگت اُدھارا رہیا
گوائیا۔ لوک مات کوئی نہ سنگ رہی، پڑدا رہیا اُٹھائیا۔ سرِشٹی درِشٹی دُنی دنگ رہی، سمجھ وِچ نہ کوئے سمجھائیا۔ اِک آیا تُہاڈے انند لئی، دوُجی ہوَس نہ کوئے وکھائیا۔ جِس بینتی پِچھلی منّ لئی، اَگے چلے رضائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پُھلّ کہے مَیں ہویا خوشحال، خوشیاں نال جنائیا۔ درشن تکّ کے دیِن دَیال، دیِن دُنی دِتی مِٹائیا۔ جُگ چؤکڑی جِس دی کردا رہیا بھال، سو صاحب سوامی مِلیا بےپرواہیِا۔ میری لیکھے لاوے گھال، سیوا سچ کمائیا۔ اپنے وکھاوے اگمےّ لال، جو لالن اپنے وِچوں کڈھائیا۔ جیہڑے کِسے ماتا دے جنمے نہیں بال، گُر شبدی دھار پرگٹائیا۔ جِنہاں دا شاستر سِمرت وید پُران دے نہ سکن احوال، وِدیا وِچ نہ کوئے وڈیائیا۔ جِنہاں نوُں کھا نہ سکے کال، جنم مرن وِچ کدے نہ آئیا۔ جو وسن سچکھنڈ دوار سچّی دھرمسال، حق مقامے ڈیرہ لائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ چھّبی پوہ کہے مَیں دینا اِک بیان، فرمانا دُھر جنائیا۔ حُکم سُننا سِری بھگوان، دوُجا راگ نہ کوئے الائیا۔ کرنا اِک دھیان، درِشٹی اِشٹ نہ کوئے منائیا۔ ویکھنا اِک جہان، پڑدا اوہلا مِٹائیا۔ مِلنا اِک سِری بھگوان، جو سب دا پِتا مائیا۔ جِس دی کلمیاں توں باہر کلام، اکھّراں توں باہر پڑھائیا۔ جِس نوُں جھُکدے سرب امام، سجدیاں وِچ سیِس نِوائیا۔ جِہنوُں لبھنا نہیں آسان، مُشکل وِچ لوکائیا۔ جِس دا کھیل دو جہان، نِرگُن سرگُن کار کمائیا۔ جِس دا انوکھا وکھّرا بان، انیالا تیِر چلائیا۔ جِس دا امرت گوبِند کیِتا پان، کِرپان کھڑگ نہ کوئے کھڑکائیا۔ جیہڑا دے کے کدے نہ کرے اِحسان، پریمیاں پریم ودھائیا۔ جِس دا بھگتاں اُتے مان، ابِھمان دئے گوائیا۔ جِس نے جنگلاں وِچ پِھرایا رام، چار کُنٹ دُہائیا۔ جِس نے بھیج کے کرِشنا کاہن، بنسری اِک سُنائیا۔ جِس نے دے اگمّ پَیغام، پَیغمبراں کری پڑھائیا۔ جِس سَتگُروُ دے کے دان، نِرگُن نانک کری پڑھائیا۔ جِس گوبِند کر بیان، پڑدا اوہلا دِتا اُٹھائیا۔ جو بھگتاں دیونہارا دان، داتا بےپرواہیِا۔ جِس نوُں جھُکدے زِمیں اسمان، برہمنڈ کھنڈ اکّھ نہ کوئے اُٹھائیا۔ سو پُرکھ اکالا دیِن دَیالا ایکنکارا سہجے مِلیا آن، لبھن دی لوڑ رہی نہ رائیا۔ جن بھگت ویکھے اپنے اوہ مہمان، جو جُگ چؤکڑی ناتا گئے تُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُھلّ کہے مَیں ویکھنی عجب بہار، چاروں کُنٹ دھیان لگائیا۔ میرے صاحب دی کھِڑی گُلزار، گُلشن بےپرواہیِا۔ جِنہاں دے اندر اِک پیار، دوُجی دھار نہ کوئے وکھائیا۔ جِنہاں دا مالک اِکو کل کلکی اوتار، گُر اوتار سیِس نِوائیا۔ جِس دا دو جہاناں اِک دربار، در
دروازہ چرناں وِچ رکھائیا۔ سو پڑدے اوہلے دیوے پاڑ، دُئی دوَیتی ڈیرہ ڈھائیا۔ سچ دھرم دا لائے اکھاڑ، ڈنکا شبد نام وجائیا۔ سُتّیاں کرن آیا خبردار، بےخبراں خبر پہنچائیا۔ مَیں دُھر دا تُہاڈا یار، پِچھلی کٹاں جُدائیا۔ جِس نوُں نانک منّیاں پُرکھ اکال، سو چل کے آیا ماہیِا۔ بِن اکّھاں دیواں دیِدار، راتیں سُتّیاں لَواں اُٹھائیا۔ جِس نوُں کہِندے کنت بھتار، آتم پرماتم سیج ہنڈھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پُھلّ کہے مَیں دیواں ساچی خبر، سندیش اِک سُنائیا۔ گُرمْکھو تُہاڈا پوُرا کرے صبر، بےصبری دئے گوائیا۔ جِس مِہر نظر کرے کے تارنے سب دے ٹبّر، بچیا رہن کوئے نہ پائیا۔ جھگڑا مُکا کے مڑھی قبر، سچکھنڈ دوار دئے وڈیائیا۔ جیہڑے پِچھے رہ گئے مگر، اوہ اَگے لئے لگائیا۔ آتم پرماتم رچ سوّمبر، لیکھا اپنے نال جنائیا۔ جوتی جوت سروُپ ہرِ، آپ اپنی کِرپا کر، اپنی دھار رہیا بدلائیا۔ پُھلّ کہے بدل دے دھار، دھرم دوارا تیرا نظری آئیا۔ تَینوُں سارے کہہ کے گئے یار، یاری کِسے نہ توڑ نِبھائیا۔ گُر اوتار تُوں کیتے مات خوار، جنگلاں وِچ بھوائیا۔ تیرے اُتے کِسے نہ کیِتا اِعتبار، دروہی نام خُدائیا۔ تیرا کھیل جُگ چؤکڑی چار، چار کُنٹ رہے کُرلائیا۔ تیرا ویکھیا بھگت دوار، تُوں بھگوَن بےپرواہیِا۔ سنت سُہیلے لےَ اُٹھال، گُر چیلے جوڑ جُڑائیا۔ ویکھ مُریِداں حال، مُرشد نظر اُٹھائیا۔ توڑ مایا جنجال، جاگرت جوت ہوئے رُشنائیا۔ تیرا سچکھنڈ دوارا سچّی دھرمسال، جن بھگت بَیٹھے ڈیرہ لائیا۔ لیکھا جگت چُکے چؤراسی آن، جم دی پھانسی دے تُڑائیا۔ وعدہ کر سِری بھگوان، جن بھگت تَینوُں رہے سُنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُھلّ کہے جن بھگتو مَیں ویکھی تُہاڈی پُھلّواڑی، پھلی بھوُت نظری آئیا۔ مَینوُں یاد آئی ستاراں ہاڑی، اِک ستّ وجّی ودھائیا۔ پرکاش ویکھ بہتّر ناڑی، جوتی جوت ڈگمگائیا۔ جِنہاں دے اندر پریِتی سب توں وکھّری گاڑھی، رنگ وکھّرا رہی رنگائیا۔ اُہناں دے نیڑے آؤنی نہیں مؤت لاڑی، شبد ڈنڈا رہیا ڈرائیا۔ کِسے نوُں جانا نہ پئے جنگل جوُہ اُجاڑ پہاڑی، گھر بَیٹھیاں آتم پرماتم لئے مِلائیا۔ تُہاڈی لیکھے لاؤنی اجّ دی دِہاڑی، نؤ سؤ چُرانوے چؤکڑی جُگ دا لیکھا رہیا چُکائیا۔ تُہانوُں سچکھنڈ دی بخشنی اوہ سرداری، جِتھے سدا ملِے بےپرواہیِا۔ کوئی آتما پرماتما بِنا نہ رہے کواری، رنڈیپا پِچھلا دینا کٹائیا۔ جِنہاں مہاراج شیر سِنگھ وِشنوُں بھگوان بولیا جَیکاری، نعرہ دو جہان لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُھلّ کہے آ گیا چھّبی پوہ، نؤ سؤ چُرانوے جُگ چؤکڑی
وقت لنگھائیا۔ پُرکھ اکال دیِن دَیال ہو نِرموہ، ناتا جگت نالوں تُڑائیا۔ بھگتاں دی آتما نال گیا چھوہ، شہنشاہ اپنا رنگ وکھائیا۔ گُرمْکھاں ورگا ہو، وِچ پِھرے بےپرواہیِا۔ سہجے سہجے اِکے وار سب دے اندر کر دئے لو، دیوے بتّی دی لوڑ رہے نہ رائیا۔ من واسنا کوُڑی کِریا کرودھ وِکارا تُہاڈا لوَے کھوہ، اپنے چرناں ہیٹھ دبائیا۔ گوبِند والا امرت رس نِجھر جھِرنا دیوے چو، جگت ترِشنا بُھکھ مِٹائیا۔ اجّ توں تُسیں میرے مَیں تُہاڈا گیا ہو، وِچھوڑے دا لیکھا دِتا مُکائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ جن بھگتو تُہاڈے پِچھے پھڑ لیا ڈنڈا، ڈنڈاوت دی لوڑ رہے نہ رائیا۔ تُہاڈا انت اَخیِری کنڈھا، چؤراسی وِچوں باہر کڈھائیا۔ دیِن دَیال بن بخشندا، بخشش رحمت اپنی جھولی پائیا۔ بےشک مَیں باہروں نظری آواں تتّاں والا بندہ، اندر جلوہ نوُر خُدائیا۔ ویکھیو گُرسِکھ کوئے نہ رِہو اندھا، اگیان اندھیرا دیاں مِٹائیا۔ ہرِ سنگت وِچ کوئے رہن نہیں دینا گندہ، گُرمْکھ اِکو رنگ رنگائیا۔ تُسیں میرے مَیں تُہاڈا گاواں چھندا، ڈھولا اِکو شہنشاہیِا۔ تُہاڈا میرا بن گیا سنگا، سگلا لیکھا لَینا مُکائیا۔ میرا تُہاڈے اندر لگّنا پنجہ، پنجاں چوراں باہر کڈھائیا۔ ذرا ویکھیو پوُرے سَتگُر دا کِس طرح پیندا پھندا، پھندی چؤراسی والی دینی کٹائیا۔ تُہاڈے توڑ کے جندا، اندر وڑنا چائیں چائنیا۔ تُہاڈا تن من کرنا ٹھنڈا، اگنی اگّ بُجھائیا۔ تُہانوُں پتہ نہیں لگّنا کِس بِدھ نال گوبِند تُہاڈے اندر پھیرنا رندا، دُرمت مَیل دیوے دھوائیا۔ اپنے نال لگا کے انگا، انگیکار دِتے کرائیا۔ نوَ نویِن چڑھا کے رنگا، رنگ رتڑے دِتے وکھائیا۔ مَینوُں دو جہاناں نالوں اِکو گُرمْکھ چنگا، جو پربھ دے وِچ سمائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ چھّبی پوہ کہے شاباس، گُرمْکھاں صِفت صلاحیِا۔ جِنہاں دی پوُری ہوئی آس، نِراسا رہن کوئے نہ پائیا۔ جِنہاں دے اندر اوہ پرکاش، جِتھے جوت ہوئے رُشنائیا۔ مَیں سدا تُہاڈے پاس، کٹاں مات جُدائیا۔ گُرمْکھ ہوئے نہ کوئے بدمعاش، من مت دینی کڈھائیا۔ تُہاڈا مندر میری راس، بِن گوپی کاہن وکھائیا۔ کٹ کے جائیگا پھاس، اپنے گھر بہائیا۔ مَیں دیواں دُھر درخاس، دو جہاناں اپنی گود اپنے وِچ ٹِکائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا رہیا چُکائیا۔ پُھلّ کہے مَیں سُنیا فرمان، فرمانبردارو تُہانوُں دیاں جنائیا۔ انتم چھڈنا پَینا سب نوُں جہان، دیِن دُنی دوویں دینے مُکائیا۔ اکھّراں والا کوئی نہ لِؤ گیان، سطراں والی نہ کوئے پڑھائیا۔ اِکو درشن منگو سِری بھگوان، دوُجے دی لوڑ رہے نہ رائیا۔ منزل چڑھو اوہ مہان، جِتھے جلوہ نوُر خُدائیا۔ ملِے دُھر دا کاہن،
گوپی لئے پرنائیا۔ جے تُسیں مَینوُں نہیں ملِے آن، مَیں تُہانوُں کھوجاں تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ چھّبی پوہ کہے مَیں سب نوُں کہاں سُنو سجّن میِت، مِترو دیاں دُہائیا۔ جے اِک ویراں ایہو سُن لوَو گیِت، گوبِند دا وِچھوڑا رہے نہ رائیا۔ تُہاڈا جھگڑا چُھٹ جائے مندر مسیِت، کایا کعبےوجےّ ودھائیا۔ پھیر بَیٹھے رہو اتیِت، لِکھن پڑھن دی لوڑ رہے نہ رائیا۔ آپے تُہاڈی بدل دیوے نیِت، نیِتیوان شہنشاہیِا۔ اندر وڑ جائے چیت، چِت وِت ٹھگؤری کوئی نہ پائیا۔ اجے تے پہلا سال نہیں گیا بیِت، چاروں کُنٹ رہیا کُرلائیا۔ تھوڑی ہور وٹّ لوَو کسیِس، پہلی چیت اپنا رنگ دئے چڑھائیا۔ شاہ سُلطاناں تختاں توں لئے گھسیٹ، جنگلاں وِچ بھوائیا۔ جن بھگتاں راتیں سُتّیاں دِنے جاگدیاں رنگ چاڑھ دیوے مجیٹھ، دو جہان اُتر کدے نہ جائیا۔ تُہاڈی کیہڑا کرے ریِس، جِنہاں نوُں مِلیا بےپرواہیِا۔ - - - - - - - - میرا عِشق بےپرواہیِا۔ میرا عِشق میرا پیار دُھر دی حدیِث، کلمہ اِک سمجھائیا۔ انت چھتر جھُلنا نہ کِسے سیِس، بِن گوبِند دوُسر نظر کوئے نہ آئیا۔ نہ کوئی سجّن نہ کوئے میِت، جگت جہان ہونی جُدائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ چھّبی پوہ کہے مَینوُں کوئی تھلّیوں آئی آواز، اوہ دھرنی دِتی لگائیا۔ مَیں پڑھدے ویکھے نماز، مُلّا شیخ رہے کُرلائیا۔ مَیں جھگڑے ویکھے ذات پات، دیِن دُنی دئے دُہائیا۔ مَیں کردے ویکھے پاٹھ، رسنا ڈھولے گائیا۔ مَیں کنّاں وِچ سُندے ویکھے بات، اِشاریاں نال جنائیا۔ جن بھگتو پربھ نوُں مِلن دی کِسے نوُں نہیں لبھی جاچ، چاروں کُنٹ اندھیرا چھائیا۔ جِتھے اِکو حُکم ملِے صاف، اِنصاف دئے سمجھائیا۔ کوٹ جنم دے اُتار کے پاپ، دُرمت مَیل دھوائیا۔ روُح بُت دوویں کرکے پاک، پاِکیزہ اپنا رنگ چڑھائیا۔ ایتھے اوتھے پت لئے راکھ، سَتگُروُ اِکو نظری آئیا۔ جیہڑا اندروں کھولے تاک، پڑدا اندروں دئے اُٹھائیا۔ کرے جوت پرکاش، شبد ناد شنوائیا۔ لیکھا جان پوَن سواس، جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پُھلّ کہے مَیں دسّاں انوکھی گلّ، گلوکڑی بھگتاں نال پائیا۔ جو تُہاڈی خاطر آیا چل، اوہ مالک بےپرواہیِا۔ تُہاڈے اندر جِس نے جانا رل، جوتی شبدی روُپ وٹائیا۔ وِچھوڑا سہہ نہ سکے پل، پلکاں دے اوہلے کر کے رنگ رنگائیا۔ ویکھیو ویلا پھیر نہیں مِلنا کل، کلمیاں والیو کلمے دینے تجائیا۔ جِس دا لیکھا جل تھل، سو تُہاڈا لیکھا رہیا مُکائیا۔ پرکاش ہو کے تُہاڈے اندر جائے بل، نوُر نوُر رُشنائیا۔ جیہڑا کِسے توں سوال نہیں ہویا حل، اوہ سہجے دئے سمجھائیا۔ جوتی جوت سروُپ ہرِ، آپ
اپنی کِرپا کر، مِہر نظر اِک اُٹھائیا۔ چھّبی پوہ کہے مَیں ویکھیا بھگتاں اندر وڑ، کایا کعبےپھیرا پائیا۔ اِکو سوہنگ ڈھولا رہے پڑھ، تُوں ہی تُوں ہی راگ الائیا۔ بِن پؤڑھی منزل رہے چڑھ، راہ وِچ نہ کوئے اٹکائیا۔ سنمُکھ سَتگُر رہے کھڑ، پڑدا اوہلا دوُر کرائیا۔ درشن کر نرائن نر، ناری روُپ نہ کوئے بنائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ پُھلّ کہے میرا آؤندا جاندا وقت، ویکتی دئے بنائیا۔ مَیں پرکھن آیا بھگت، بھگوَن نال مِلائیا۔ میری گوبِند نال شرط، سنسے دیوے چُکائیا۔ اوہناں نوُں دینا درس، جِنہاں دے چار جُگ لاریاں وِچ لنگھائیا۔ منزل چڑھدیاں کوئے نہ جائے اٹک، سچکھنڈ دوار دینے بہائیا۔ پربھ درشن نوُں کوئی نہ رہے بھٹک، گھر ملِے شہنشاہیِا۔ تُہاڈے من دی کرکے ہّتک، ہتّیا پوُری دئے کرائیا۔ اپنا حُکم دے کے سخت، اندروں چوراں دئے بھجائیا۔ تُہانوُں بنا کے جِگرے لخت، لِکھت اپنے نال کرائیا۔ اِک دوُجے نال کریو نہ کوئے حسد، دُئی دوَیتی دئے گوائیا۔ نام خُماری وِچ رہنا مست، مستانے اپنے ورگے لئے کرائیا۔ تُہاڈا درجہ کوئی نہیں رہنا تھرڈ، سیَکنڈ فسٹ اِشٹ اِکو دئے بنائیا۔ تُہانوُں کِسے نہیں کرنا ارَیسٹ، رائے دھرم نہ دئے سزائیا۔ تُہاڈا لیکھا سدا بَیسٹ، کویسچن ہور نہ کوئے جنائیا۔ جوتی جوت سروُپ ہرِ، آپ اپنی کِرپا کر، لیکھا سب دا رہیا جنائیا۔ چھّبی پوہ کہے مَیں آ گیا مُڑ کے، مُڑ مُڑ پھیری پائیا۔ لکّھ چؤراسی کھیل ویکھدا رہیا چیلا گُر کے، نِت نِت اکّھ کُھلائیا۔ رنگ تکدا رہیا دیوت سُر کے، وِشن برہما شِو پردہ لاہیِا۔ لیکھ ویکھدا رہیا ٹھگ چور دے، شور وِچ لوکائیا۔ اجّ کھیل ایتھے پربھوُ اگمّڑے ہور دے، جو ہوکا دے کے رہیا سُنائیا۔ جِس دے بھانے سدا زور دے، وِچ جہان نہ کوئے مِٹائیا۔ جِس نے جھگڑے مُکاؤنے کلجُگ اندھ گھور دے، ساجن سچ کرے رُشنائیا۔ جِس نوُں گُر اوتار پَیغمبر لوڑ دے، صِفتاں وِچ صلاحیِا۔ اُس نے جگت بھاگ کرنے متھور دے، مِتھیا دسےّ لوکائیا۔ جِنہاں دے لنگھ گیا کول دے، کلمہ اِکو دینا سمجھائیا۔ دُنیا نوُں مارگ دسّ مخؤل دے، بھگتاں نوُں اندروں لیا جگائیا۔ ویلے پوُرے ہوئے اِقرار قؤل دے، قیِمت آپے لئے پائیا۔ نالے بھاگ جاگے اِس دھرتی دھؤل دے، جِتھے رام دے کے گیا دُہائیا۔ جوتی جوت سروُپ ہرِ، آپ اپنی کِرپا کر، لیکھا سب دا پوُر کرائیا۔ چھّبی پوہ کہے میری پوُری ہون والی شرط، پربھ نے شریعت دینی بدلائیا۔ جو نِرگُن ہو کے آیا پرت، سرگُن اپنا آپ اپنے وِچ چُھپائیا۔ کرنا کھیل اُتے دھرت، دھرنی دھوَل وجےّ ودھائیا۔ جِس دا لیکھا سب توں ٹھنڈا سرد، صدیاں دی صدی دئے مُکائیا۔ بھگتاں دی منّ کے پِچھلی
عرض، آرزوُ اپنی جھولی پائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پُھلّ کہے مَیں بھگتاں نوُں دسّاں اندر دا بھیت، سہج نال جنائیا۔ تُہانوُں نہیں پتہ میرا کِس دے نال ہیت، ہِتکاری کوَن نظری آئیا۔ مَیں ہُن تے اُگدا وِچ کھیت، کدے وِشنوُں دی نابھی بہہ کے خوشی منائیا۔ مَینوُں کِسے نہیں لیا چیت، چیتن سُرتی نہ کوئے وڈیائیا۔ جگت جہان بنا کے کھیڈ، کھِلاڑی ہو کے پھیرا پائیا۔ نؤ سؤ چُرانوے جُگ چؤکڑی پِچھوں مَیں بھگتاں دے راہیں بھگوان دے ہُندا بھیٹ، دوُجیاں دی وتھ نہ کوئے بنائیا۔ مَیں اُس سیجا اُتے جاواں لیٹ، جِتھے شہنشاہ اپنا چرن ٹِکائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ جن بھگت کہن سُن پُھلّ گُلاب، آرزوُ اِک پرگٹائیا۔ تیرا کیہڑا بیِج تے کیہڑی داب، کوَن رنگ رنگائیا۔ کیہڑا جل تے کیہڑا آب، کوَن کرے رسائیا۔ کیہڑا میِت تے کوَن ساتھ، کوَن جوڑ جُڑائیا۔ کیہڑا داتا تیرا رگھُناتھ، کوَن ہووے سہائیا۔ کیہڑی ڈالی اتے کیہڑا پات، کیہڑا کھنڈا کار بنائیا۔ کیہڑا ورن تے کیہڑی ذات، سانوُں دے سمجھائیا۔ کیہڑی وست کیہڑی دات، کوَن رہیا ورتائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پُھلّ کہے میرا بھیو انوکھا، جُگ چؤکڑی سمجھ کِسے نہ آئیا۔ بھگتو تُہاڈے نال نہیں کرنا دھوکھا، اپنا پڑدا دیاں اُٹھائیا۔ جُگ چؤکڑی پِچھوں مَینوُں مِلنا مؤقع، مَیں اپنا حال سُنائیا۔ میرا لبھنا نہیں سؤکھا، سرِشٹی سمجھ نہ سکے رائیا۔ میرا کوئی جڑاں والا نہیں پؤدا، پد اِکو نظری آئیا۔ جِتھے بھگت بھگوان دے پریم دا ہووے سؤدا، اوتھے میری رہنُمائیا۔ میری اِکو پدوی اِک اؤہدا، دوُجی ونڈ نہ کوئے ونڈائیا۔ مَینوُں سمجھ سکے نہ لوک چؤدا، چؤداں طبق بھیوَ نہ آئیا۔ جُگ چؤکڑی کوٹن کوٹ کھیل بھگوَن کراؤندا، کرتب اپنا نال بنائیا۔ نِت نوِت مَینوُں نال لِیاؤندا، لہراں وِچ بھوائیا۔ مَیں اوسے دے ڈھولے گاؤندا، جِس میری بنت بنائیا۔ اوسے دی سیجے سؤندا، جِتھے کدے نہ ہووے جُدائیا۔ اوسے دے تیِرتھ نہاؤندا، جِتھے ترِشنا بُھکھ رہے نہ رائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ پُھلّ کہے میری کوئے نہ سمجھیو پتّی، پت پرمیشور اِکو نظری آئیا۔ میرے اندر اوہ سُگندھی رتی، جِس دی رتن امولک قیِمت کوئے نہ پائیا۔ میرے اندر جگی اِکو بتی، جِس دا جوت نوُر رُشنائیا۔ میرے اندر اگمّی ہٹّی، جِتھے ونجارا شہنشاہیِا۔ مَیں جُگ چؤکڑی کّھٹّی ایہو کّھٹّی، گھاٹا نظر کوئے نہ آئیا بھگتاں سنگ میری بات پکّی، پکّی طرح دیاں جنائیا۔ جِتھے لاڑی مؤت کدے نہ نّچی، رائے دھرم نہ دئے سزائیا۔ اِکو کتھا کہانی
سچّی، تُوں میرا مَیں تیرا ڈھولا گائیا۔ آتم پرماتم بنے بچّی، پِتا پوُت گود اُٹھائیا۔ پریمی ہو کے پریمکا ہسّی، ہستی وِچوں ہستی لئے بدلائیا۔ دو جہاناں پِھرے نسّی، برہمنڈاں کھنڈاں پار لنگھائیا۔ میری حقیِقت والی گلّ حقی، حُکمے حُکم نال جنائیا۔ جوتی جوت سروُپ ہرِ، آپ اپنی کِرپا کر، میرا پڑدا رہیا اُٹھائیا۔ پُھلّ کہے مَیں گُرمْکھو تُہاڈی ویکھنی ناڑ ناڑ، ناڑی ناڑی کھوج کھوجائیا۔ بھاویں میلا نہیں ہویا جُگ چار، سَتجُگ تریتا دواپر گئے وِہائیا۔ مَینوُں لبھدے گئے تیئی اوتار، عیسیٰ موُسیٰ محمد اکّھ اُٹھائیا۔ نانک گوبِند وینہدا گیا گُلزار، گُلشن شہنشاہیِا۔ بھگت بندے گئے بِھکھار، فقیِر صوُفی جھولیاں ڈاہیِا۔ مَیں کِسے دا نہیں بنیا یار، یارانہ توڑ نہ کوئے نِبھائیا۔ مَیں لبھاں اِکو پُرکھ اکال، جِس دی آد جُگاد کدے مِٹے نہ شہنشاہیِا۔ پھیر بھؤاں اُس دے نال، جو بَیٹھے ڈیرہ لایا۔ مَیں چؤراسی وِچوں کراں بھال، بھجّاں تھاؤں تھائنیا۔ میرا کھیل بےمثال، جِس دی مِسل نہ کِسے بنائیا۔ مَیں چلاں اَولّڑی چال، چاروں کُنٹ کراں کُڑمائیا۔ ایہہ وی کھیل کمال، نؤ سؤ چُرانوے چؤکڑی جُگ پِچھوں میرا ویلا گیا آئیا۔ آو ویکھیئے اُس دے لال، پُھلّ کہے مَیں پُھلّدا پھلدا، پھل سچّا دیاں جنائیا۔ جِس ویلے بھگتاں نال رلدا، اپنا آپ مِٹائیا۔ اُس مارگ تے چلدا، جِتھے کدے نہ ہووے جُدائیا۔ جھگڑا چھڈ کے کُڑیاری دُنیا دل دا، دلدل وِچوں اپنا آپ باہر کڈھائیا۔ مسلہ سوال ویکھ حل دا، اپنی حالت لَواں بدلائیا۔ اِکو دوارا ملّدا، پربھ چرن ملِے سرنائیا۔ پھیر مَینوُں آسرا نہیں کِسے پانی جل دا، اگنی اگّ نہ کوئے تپائیا۔ جن بھگتو سچ منّیوں سِری بھگوان دا بھانا کدے نہ ٹلدا، ٹالمٹول وِچ وقت نہ کوئے گوائیا۔ کلجُگ انت اپنی اگنی اندر بلدا، بلدی ویکھے لوکائیا۔ جھگڑا کِسے نہیں چُکاؤنا دُئی دوَیتی سل دا، تیِر انیالا آپ لگائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ چھّبی پوہ کہے مَیں سُنن آیا ہدایت، جو حضوُر حضرتاں رہیا سُنائیا۔ جِس نے کِسے نال کرنی نہیں کوئی رِعایت، رواداری نہ کِسے سمجھائیا۔ جاں تکاّں ویکھاں اِکو بھگتاں اُتے کرے عنایت، مِہر نظر اُٹھائیا۔ اَگے اپنے حُکم دی کرے سماعت، سماں دئے بدلائیا۔ جن بھگت بھاویں کِس طرح کر لوَو ازمائش، پڑدا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ پُھلّ کہے سُن میرے جگدیِش، جگ جیِون داتے منگ منگائیا۔ اِکو چھتر سوہے تیرے سیِس، کل کلکی نوُر الاہیِا۔ لہنا دینا مُکیا بیِس اِکیس، نِرگُن سرگُن پندھ مُکائیا۔ اَگے ساچی دسّ ریِت، ریِتیوان دَیا کمائیا۔ تیرا کھیل ویکھیئے اتیِت، ترےَگُن لیکھا دینا چُکائیا۔ جانا پئے نہ کِسے
مندر مسیِت، کایا کعبہ دینا کُھلائیا۔ آتم پرماتم مِل کے گائے گیِت، شِودوالے مٹھ دی لوڑ رہے نہ رائیا۔ جھگڑا مُک جائے اوُچ نیِچ، ذات پات ہووے صفائیا۔ اِکو لگّے سرب پریِت، پریِتم ملِے شہنشاہیِا۔ تُوں مالک خالق پرِتپالک تیرے بنیئے عزیِز، نِیوں نِیوں سیِس جھُکائیا۔ حُکمے اندر دسّ تمیِز، اندروں طمع دے مِٹائیا۔ تیرے وِچ سچ تؤفیِق، طوبیٰ طوبیٰ کرے خُدائیا۔ جوتی جوت سروُپ ہرِ، آپ اپنی کِرپا کر، سب دا لہنا دینا دے چُکائیا۔ لیکھا چُکاوے لوک مات، سرگُن رہن کوئے نہ پائیا۔ پرم پُرکھ پربھ دے دے دات، تیری بےپرواہیِا۔ لیکھے لا لےَ آیاں دی رات، جو آئے پندھ مُکائیا۔ چار ورن بنا دے اِکو جماعت، اِکو کر پڑھائیا۔ دُھر دا دے ساتھ، پِچھلی کٹ جُدائیا۔ نام نِدھانا سُنا گاتھ، تُوں میرا مَیں تیرا دوُجا نام نہ کوئے شنوائیا۔ پوُری کر دے خواہش، ترِشنا میٹ مِٹائیا۔ لیکھے لا لےَ سواس، ساہ ساہ سمائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ جن بھگت کہن اسیں تیرے بردے، بندی خانہ دے تُڑائیا۔ اسیں مالک تیرے گھر دے، اندروں کُنڈا دے کُھلائیا۔ بِنا تیری سیجا ہور سیج کدے نہ چڑھدے، دوُجا روُپ نہ کوئے بنائیا۔ اسیں کِسے کولوں نہیں ڈردے، گُر پیِر اوتار پَیغمبر سارے در تے ویکھے سیِس نِوائیا۔ کھیل وکھا اپنے تھِر گھر دے، جِتھے وجےّ سچ ودھائیا۔ نِت نوِت تیرا بھانا جردے، آپ اپنا گئے مِٹائیا۔ جوتی جوت سروُپ ہرِ، آپ اپنی کِرپا کر، اپنا لیکھا دے وکھائیا۔ جن بھگتو پربھ دیوے اِک سندیش، دُھر دی دھار جنائیا۔ تُسیں ہوئے اُس دے پیش، جو پُشت پناہ اپنا ہتّھ رکھائیا۔ جو مالک اِک نریش، نر نرائن دُھر درگاہیِا۔ تُہانوُں سدا رکھے اپنے کول ہمیش، مات گربھ نہ پھیرا پائیا۔ تُہاڈے چرن چُمّے وِشنوُں دی سیج والا شیش، سانگو پانگ تُہاڈے چرناں ہیٹھ دبائیا۔ تُہاڈا سب توں وکھّرا دیش، سچکھنڈ دوارا دِتا بنائیا۔ جِس دی نہ کوئی میٹ سکے ریکھ، نؤ دوار نہ کوئے وڈیائیا۔ تُہاڈے اندر وڑ کے دسّنا بھیت، باہروں کرنی نہیں کوئی پڑھائیا۔ تُہانوُں نظری آؤنا نیتن نیت، نِج نیتر کراں رُشنائیا۔ ذرا آ لیَن دیؤ پہلی چیت، چار کُنٹ پئے دُہائیا۔ ایہہ وی پربھ دی کھیڈ، کھِڈاری ہو کے لئے کھِڈائیا۔ کِیوں تُساں ستّ رنگ دا ڈنڈا کیِتا اُس دی بھیٹ، جِس ستّاں دیِپاں دی کرنی صفائیا۔ جِس دا لکّھ چؤراسی کھا کے کدے نہ بھریا پیٹ، بُھکھے دی بُھکھ نہ کدے گوائیا۔ جے کدی خوشی آوے تے تُہاڈے اندر جاوے لیٹ، آتم ہو کے پرماتم ہو کے اپنی سیج ہنڈھائیا۔ سہج سُبھاؤ تُہاڈے بدل دیوے لیکھ، لیکھا اپنے ہتّھ رکھائیا۔ کوئی نہیں جان دا پربھوُ دا جوت سروُپ کیہڑا بھیکھ، بِنا
گوبِند سار کوئے نہ پائیا۔ جو بچّیاں کر کے بھیٹ، بھانڈا بھرم گیا بھنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک منائیا۔ جن بھگت کہن بھگوَن ویکھیں کِتے کریں نہ دِلگیِر، تیری بےپرواہیِا۔ تُوں تیغ بہادر دا کٹا کے سیِس )نال شمشیِر،( دِلّی وِچ دِتا لٹکائیا۔ تُوں رول رول کے ماریا کبیِر، فریِد دئے دُہائیا۔ تَینوُں اجے تکّ کدی نہیں لبھیا کِسے امیِر، غریِباں دے اندر وڑ کے اپنا جھٹ لنگھائیا۔ سچ مکان کر دے تعمیِر، منزل اپنی دے وکھائیا۔ جِتھے ناتا تُٹے تت سریِر، اِکو جوت ہووے رُشنائیا۔ بھاویں تیرا مارگ مہیِن، جگ نیتر نظر کدے نہ آئیا۔ جے تُوں ساڈے اندر دیویں یقیِن، یقیِناً یک طرفہ ہو کے فَیصلہ دیویں سُنائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دے چُکائیا۔ سِری بھگوان کہے جن بھگتو جلوہ نوُر، نوُر دیاں وکھائیا۔ جُگاں پِچھوں پربھ دا اِکو بیڑا تے اِکو بھریا پوُر، پوُرن ہو کے پوُر کرائیا۔ بےشک تُسیں سمجھدار . . . . . . . . . .مَیں نیرن نیرا ہو کے تُہاڈے اندر ڈیرہ لائیا۔ چتُر سُگھڑ بناؤنا موُرکھ موُڑھ، جو چل آئے سرنائیا۔ تُہاڈی یاد رہ جائے اجّ دی مستک لگّی چرناں دی دھوُڑ، خاکی خاک وِچوں باہر کڈھائیا۔ جُگ چؤکڑی دے بخش دیواں قصوُر، کسر اعشاریئے نال اُڈائیا۔ نام خُماری دے اِک سروُر، سُرت شبد نال مِلائیا۔ جِدھر ویکھو اُدھر حاضر حضوُر، حضرت ہو کے مرید مُرشد گلے لَواں مِلائیا۔ تُہاڈے من دا کدے پَین نہ دیواں فتوُر، فتویٰ لا کے بندیخانے وِچ دیواں بھوائیا۔ نیڑے آؤن نہ دیواں غروُر، غُربت سب دی دیواں مِٹائیا۔ سچ پُچھو پہلی چیت دے پِچھوں تُہانوُں مِلدا رہاں ضرور، جِمیواری اپنے کندھ اُٹھائیا۔ پِھر وی تُہاڈا ہوواں مشکوُر، جگت وِچ مُشکل حل کرائیا۔ مَیں تُہاڈا جنم جنم دا کنت کنتوُہل، ناتا اپنے نال رکھائیا۔ تُہاڈی اجّ دی رات جان نہیں دیندا فضوُل، فضل کر کے رحمت کر کے فَیصلہ حق دیواں سُنائیا۔ اِکو کلمہ نام معکوُل، جوتی جوت سروُپ ہرِ، آپ اپنی کِرپا کر، اپنا رنگ دئے رنگائیا۔ جن بھگت کہن ویکھیں پربھوُ کِتے دے کے نہ جاویں لارا، لاریاں نال وقت لنگھائیا۔ تیرا جُگ چؤکڑی سمجھیا نہیں کِسے اِشارہ، بھیو سکیا نہ کوئے کُھلائیا۔ صدی چؤدھویں دا انت کنارہ، محمد رہیا کُرلائیا۔ کوُڑی کِریا دھوُاں دھارا، ساچا چند نہ کوئے چمکائیا۔ بھگتاں دا ویکھ کے بھگتی واڑا، بھگوَن آیا بےپرواہیِا۔ ایسے کرکے کڈھدے ہاڑا، ہتّھ جوڑ سیِس نِوائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جن بھگت کہن سُن ساڈے بھگوَنت، بینتی اِک سُنائیا۔ تَینوُں لبھدے کوٹن کوٹ سنت، سہسیاں وِچ لوکائیا۔ گُر اوتار تیرا پا نہ سکے انت، بےانت
کہہ کے سارے رہے گائیا۔ ہتّھ نہ آیا کِسے جیِو جنت، لکّھ چؤراسی دئے دُہائیا۔ دھنّ بھاگ جے بھگتاں ناتا جُڑیا نار کنت، آتم پرماتم جوڑ جُڑائیا۔ اِکو نام دسّیا منت، منتوَ سب دا حل کرائیا۔ گڑھ توڑ کے ہؤمے ہنگت، ہنگ برہم دِتا سمجھائیا۔ ناتا جوڑ کے ساچی سنگت، سگلا لیکھا دِتا مُکائیا۔ بودھ اگادھا بن کے پنڈت، بِن وِدیا کرے پڑھائیا۔ اپنے پریم دی دے کے ہِمّت، جگت جُگتوں لیا چُھڈائیا۔ من کرے کوئی نہ عِلّت، کوُڑی واسنا نہ کوئے بنائیا۔ انت اَخیِری اِکو مِنت، چرن کوَل ملِے سرنائیا۔ غمی رہے کوئی نہ چنت، چِکھا کوُڑ نہ کوئے جلائیا۔ ساچی دسّدے دُھر دی سِمت، اُتّر پوُرب پچھّم دکھّن ونڈ نہ کوئے ونڈائیا۔ جِتھے تیری ہووے مِلّت، اوَر نہ کوئے جُدائیا۔ وِچھوڑے والی رہے نہ قلت، کلمہ کلام نہ کوئے سُنائیا۔ نظری آئے نہ کوئی نِندک، دُشٹ روُپ نہ کوئے پرگٹائیا۔ اِکو شبدی دے دے خِلعت، خطا ساری معاف کرائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ سِری بھگوان کہے سُن بھگت سُہیلے میرے، محبوُب دے وڈیائیا۔ مَیں وسیا تُہاڈے کھیڑے، گھر گھر وِچ ڈیرہ لائیا۔ مَیں اکّھاں توں دوُر پریم توں نیڑے، سچ گھر بَیٹھا سوبھا پائیا۔ کوُڑی کِریا چھڈ کے جھیڑے، جھگڑے مایا والے مِٹائیا۔ چرن رکھ تُہاڈے ڈیرے، ڈیرہ اپنا لیا بدلائیا۔ ہُن آ گیا بھگتاں ویہڑے، چھپّر چھنّ نہ کوئے وڈیائیا۔ جِتھے ہونے حق نِبیڑے، حقیِقت دئے گواہیِا۔ کِسے توں سُننے پَین نہ کوئی جھیڑے، دوُجی آس نہ کوئے رکھائیا۔ جیہڑے بھگت بن گئے میرے، پربھ دے روُپ وِچ سمائیا۔ لکّھ چؤراسی وِچوں تھوڑے سدا بتھیرے، بہُتیاں دی لوڑ رہے نہ رائیا۔ جیہڑے آ گئے شبدی گھیرے، چاروں کُنٹ پہریدار اکھوائیا۔ پھڑ کے باہوں چاڑھنے بیڑے، پتن اپنے لئے لگائیا۔ جنم مرن دے نہیں جھیڑے، آون جاون نہ کوئے وکھائیا۔ رائے دھرم موُل نہ گھیرے، چِتر گُپت نہ حِساب جنائیا۔ جوتی جوت سروُپ ہرِ، آپ اپنی کِرپا کر، بخشنہار سچ سرنائیا۔ جن بھگت کہن پربھ تیرا سچ سِنگھاسن چنگا، چاروں کُنٹ وجےّ ودھائیا۔ لوڑ رہے نہ نہاوَن دی گنگا، گوداوری جمنا سُرستی چرناں ہیٹھ دبائیا۔ بِنا بندگیؤں بنائے بندہ، بندھن اگلے دئے تُڑائیا۔ بِنا سوُرج چند چڑھائے چندا، جلوہ نوُر کر رُشنائیا۔ تیرے ہتّھ ستّ رنگ دا ڈنڈا، سَت بھوُمکا کر صفائیا۔ جِتھے تیرا دوارا سچکھنڈا، اوہ گھر دینا بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سِری بھگوان کہے تُسیں میرے سجّن سُہیل، سوہنے نظری آئیا۔ چاڑھاں رنگ نویل، اِکو وار رنگائیا۔ انتم لَواں میل، ہووے نہ کوئے جُدائیا۔ بھاگ لگا کے گُروُ
گُر چیل، چیلا گُر بنت بنائیا۔ جوت جگا کے بِن باتی تیل، اِکو نوُر کراں رُشنائیا۔ اپنا وکھاواں اگمّی کھیل، جوتی جوت سروُپ ہرِ، آپ اپنی کِرپا کر، ناتا اپنے نال جُڑائیا۔ جن بھگتو جائیو جاگ، جاگن ویلا آیا۔ گھر ملِے کنت سُہاگ، ٹھاکر بےپرواہیِا۔ جِس دا سب توں وکھّرا راگ، انراگی آپ سُنایا۔ دُرمت مَیل دھووے داغ، امرت جام پیایا۔ شبد وجائے ناد، دُھن آتمک راگ الایا۔ دُھر دا بنے باپ، پت پرمیشور بےپرواہیِا۔ کوٹ جنم دے اُتارے پاپ، کایا کھیڑا ویکھ وکھایا۔ گھر گھر نظری آوے آپ، بھگتاں لئے اُٹھایا۔ گُرمْکھاں دئے شاباس، جو چل آئے سرنایا۔ اجّ دی رات ویلا خاص، خسوُصیّت تُہاڈی دئے جنایا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھایا۔ جن بھگت کہے بھگوَن تُوں بڑا بےپرواہ، بےپرواہی وِچ سمائیا۔ کِسے نے تَینوُں کِہا خُدا، کوئی خُدی وِچ نچائیا۔ کوئی بن کے تیرا گواہ، شہادت نام والی بُھگتائیا۔ کوئی جھگڑا گیا پا، دیِناں مذہباں ونڈ ونڈائیا۔ کوئی سجدیاں وِچ سیِس جھُکا، ڈنڈاوت کر کے نمو نمو سُنائیا۔ کوئی دھوُڑی خاک رما، چِمٹے رہیا وجائیا۔ کوئی مندر مٹھ بنا، ٹلّاں رہیا کھڑکائیا۔ کوئی مسجد مسیِت رہیا سُہا، محراب کرے رُشنائیا۔ کوئی ٹھاکر سوامی رہیا منا، مُنادی نال وجےّ ودھائیا۔ جن بھگتاں اِکو تیرا در منگیا آ، جگت ناتے دِتے گوائیا۔ تُوں پاتشاہاں دا پاتشاہ، شہنشاہ اکھوائیا۔ اپنے رستے لَینا لا، پڑدا دینا اُٹھائیا۔ پِھر وی پربھوُ تیرا نہیں وساہ، کِس ویلے کریں جُدائیا۔ جے شبدی گوبِند نال دئیں مِلا، اوہ وِچھوڑا دئے مُکائیا۔ جوتی جوت سروُپ ہرِ، آپ اپنی کِرپا کر، بھگتاں دا لیکھا دے وکھائیا۔ سِری بھگوان کہے بھگتو میرے اُتے رکھو بھروسہ، سچ دیاں جنائیا۔اگے رہن نہ دیواں جنم جنم دا روسا، رُسیاں لَواں مِلائیا۔ تُہاڈا وساواں ساڈھے تِنّ ہتّھ دا کوٹھا، مندر اندر ڈیرہ لائیا۔ تُہانوُں پڑھنا پَینا نہیں کوئی پوتھا، اکھّر اِکو دینا سمجھائیا۔ راہ دسّ کے منزل توں پرے سؤکھا، پیَنڈا دینا مُکائیا۔ جِتھے جھگڑا رہے نہ چؤداں لوکا، چؤداں وِدیا نہ کوئے جنائیا۔ اوتھے اِکو شبد گُروُ دا ہوکا، دوُجا حُکم نہ کوئے منائیا۔ اَگے دی رہے کوئی نہ سوچا، سوچاں وِچ نہ کِسے بھوائیا۔ تُہاڈی پوُری کراں لوچا، لوچن اندروں دیاں کُھلائیا۔ لُکیا رہے نہ کوئی لوک مات گوشہ، پھڑ باہوں لَواں جگائیا۔ پِچھلیاں سادھاں ورگا کرنا پئے نہ کوئے مہوچھا، مُشکل آپے حل کرائیا۔ جوتی جوت سروُپ ہرِ، آپ اپنی کِرپا کر، تُہانوُں دسےّ اِک سلوکا، دوُجے دی لوڑ رہے نہ رائیا۔ جن بھگت کہن پربھوُ ویکھیں کچّی نہ پائیں گنڈھ، گنڈھنہار تیری وڈیائیا۔ اسیں حَیران پریشان دنگ، دنگا پَینا وِچ لوکائیا۔ چار کُنٹ
نہیں دِسنی ٹھنڈھ، اگنی تت تپائیا۔ سرِشٹی ہونی رنڈ، سُہاگی کنت نہ کوئے ہنڈھائیا۔ ویکھیں اپنیاں بھگتاں نوُں کدی نہ دیویں کنڈ، پُشت پناہ ہتّھ ٹِکائیا۔ جُگاں پِچھوں تیری آؤندے وِچ ونڈ، ونڈ جگت نالوں کرائیا۔ کِسے نوُں کدی نہ دیویں دنڈ، مِہر نظر نال ترائیا۔ سب دا خوشی کرنا بند بند، بندگی اپنی دینی جنائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دینا اُٹھائیا۔ جن بھگتو میرے اُتے کرِیو وِشواس، سِری بھگوان سدا سمجھائیندا۔ بھگتاں دا سدا داس، سیوک سیوادار اکھوائیندا۔ اُہناں دے وساں پاس، جیہڑا اندرے اندر میرا راہ تکائیندا۔ پربھوُ جاننہارا سب دی خواہش، لکّھ چؤراسی کھوج کھوجائیندا۔ مِہروان ہو کے تُہاڈے اندر کراں واس، واسطہ اپنے نال جُڑائیندا۔ تُہاڈا ویکھاں گھر گرِہ مندر تھان نِواس، جِتھے دیِا باتی کملاپاتی آپ ٹِکائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ جن بھگت کہن پربھوُ تیرا جھگڑا سدا قدیِم، پوُرب نظری آئیا۔ گُر اوتار پَیغمبر تیرے مُنیم، لِکھ لِکھ لیکھا گئے قلم شاہیِا۔ کِسے نوُں الف سِکھائی کِسے نوُں میم، کِسے نوُں نُکتیاں وِچوں باہر کڈھائیا۔ جُگ چؤکڑی کردا رِہوں ترمیِم، اپنی بنت بنائیا۔ کِسے نوُں اکّھ پرتکھ وکھائے سیِن، سمجھ رمز وِچ مِلائیا۔ کِسے نوُں نر بنایا کِسے نوُں مدیِن، آپ پڑدیاں وِچ اپنا آپ چُھپائیا۔ تیرے اُتے کِس طرح آوے یقیِن، جو یکے بعد دیگرے ساریاں نوُں رہیا بھوائیا۔ اسیں تیرے بھگت نہیں کوئی کمیِن، بُھکھے ننگے منگتے نظر کوئے نہ آئیا۔ کِیوں، ساڈا نہ کوئی مذہب نہ کوئی دیِن، ذات پات ونڈ نہ کوئے وکھائیا۔ اسیں پَیراں ہیٹھاں دینے لوک تیِن، چؤداں لوک چؤداں طبق ٹھیڈیاں نال اُڈائیا۔ اسیں نہیں منّنی تیری تقسیِم، اِکو رنگ لَینا رنگائیا۔ جوتی جوت سروُپ ہرِ، آپ اپنی کِرپا کر، در تیرے منگ منگائیا۔ جن بھگت کہن اسیں کوئی بُھکھے ننگے نہیں بِھکھاری، دُھر دا ڈھولا دئیے سُنائیا۔ بےشک تُوں نِرگُن جوت نِرنکاری، نوُر تیرا ساڈا نوُر نظری آئیا۔ ساڈی تن ماٹی نہیں بےکاری، خالی روُپ نہ کوئے وکھائیا۔ اسیں کچّی کدی نہیں لائی یاری، جن بھگت رہے سُنائیا۔ جے ساڈی آتما رہ جائے کواری، تَینوُں خاوَند نہ کوئے بنائیا۔ جے تُوں کریں نہ ساڈی طرفداری، اساں جھگڑا لَینا پائیا۔ سانوُں تیرے مِلن دی بیماری، روگ سکے نہ کوئے ہٹائیا۔ تیریاں چرناں اُتے تیریاں بھگتاں دی سدا گھسدی رہی داہڑی، آپ اپنا گئے مِٹائیا۔ تَینوُں لبھن جائیے وِچوں جنگل تے پہاڑی، تُوں بَیٹھا رہیں گھر گھر ڈیرہ لائیا۔ کِیوں کٹیئے خواری تُوں ساڈا اسیں تیرے بِنا تیرے دوُجی اوٹ نہ کوئے تکائیا۔ او پربھوُ تُوں ساڈا بن پُجاری، جن بھگت
رہے سُنائیا۔ تُوں آئیوں ساڈے دواری، دوارکا واسی تیرے اندر سیو کمائیا۔ تَینوُں نہیں پتہ ایہہ جٹّ پھڑ کے آؤن سانگھے تے کُہاڑی، ڈانگاں ہتّھاں وِچ پھڑائیا۔ وٹ مُچھاں نوُں رہے چاڑھی، بل اپنا رہے ودھائیا۔ جِنہاں دی گوبِند پَیج سواری، تُوں اُہناں دی کٹّنی جُدائیا۔ جوتی جوت سروُپ ہرِ، آپ اپنی کِرپا کر، دُھر دا میلا لَینا مِلائیا۔ جن بھگتو میرے نال نہ پائیو جھگڑا، سب نوُں دیاں سُنائیا۔ مَیں ساتھ دیواں تُہاڈا سگلا، دو جہاناں سنگ مِلائیا۔ مَیتھوں احوال سُن لؤ اگلا، پڑدے اوہلے دیاں اُٹھائیا۔ تُہانوُں پِھرن نہیں دیندا وِچ جنگلاں، گھر گھر کراں رُشنائیا۔ اپنے نام دا کر کے چار منگلا، دُھن ناد کراں شنوائیا۔ تُہانوُں بنھاؤنا نہیں کِسے شرع والے سنگلا، زنجِیراں وِچوں باہر کڈھائیا۔ سچکھنڈ دوارا دیواں بنگلا، چھپّر چھنّ نہ کوئے چُھہایا۔ اوہ گُرمْکھ اوتھے کوئی رہے نہ گندلا، شہنشاہ دیوے مان وڈیائیا۔ تُساں نوُں اِکو دسّنی بندنا، بندگی دینی جنائیا۔ جن بھگت جو کُچھ منگنا منگ لا، دیونہار دَیا کمائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جن بھگت کہے پربھوُ تُوں کی دینا سوُما، سوُماں دا سوُم نظری آئیا۔ اسیں کُچھ نہیں منگدے اِکو درشن کرنا چاہُندے نیَناں، نِج نیتر اکّھ دے کُھلائیا۔ تیرے جگت وہن وِچ کدی نہیں وہنا، مایا وِچ نہ کوئے رُڑھائیا۔ اسیں ناتا چھڈ کے بھائی بھَیناں، جھگڑے دِتے مُکائیا۔ تیرے نام دا پا کے گہنا، گھُنگٹ پڑدا دِتا اُٹھائیا۔ اِکو تیرا بھانا سہنا، دوُجے دی لوڑ رہی نہ رائیا۔ جے تُوں نہ منّیا کہنا، اسیں جانا مُکھ بھوائیا۔ پھیر تَینوُں پربھوُ پربھوُ کِسے نہیں کہنا، تَینوُں متھے نہ کوئی گھسائیا۔ اسیں بھگتیؤں بِنا اپنا لہنا لیَنا، جُگ جُگ تیری سیو کمائیا۔ خالی ہتّھ کدے نہیں بہنا، جھولیاں بھر کے گھراں نوُں جائیے چائیں چائنیا۔ اوۓ پربھوُ اساں کی کرنی تیری کامدھینا، ایَراپت ہاتھی کمّ کِس آئیا۔ اِکو تیرے پریم اندر رہنا، ہووے نہ کدے جُدائیا۔ جے تُوں سمجھیں طرفَینا، کروٹ لئیں بدلائیا۔ پھیر نہ کوئی ایَن تے نہ کوئی غیَنا، نہ کوئی نُقطہ مکُتا کرے پڑھائیا۔ نہ کوئی رسن نہ کوئی شبد نام رسیَنا، نہ کوئی ڈھولے گیِت الائیا۔ او پربھوُ بِنا بھگتاں کِہدے گھر بنے پراہُنا، کِس دے گھر وڑ کے خوشی منائیا۔ تَینوُں کِتے نہ آوے چیَنا، اساں نہیں سُننی تیری صِفت صلاحیِا۔ بِنا بھگتاں توں منمُکھ تیَنا، دھکّیاں نال باہر دیِن کڈھائیا۔ جوتی جوت سروُپ ہرِ، آپ اپنی کِرپا کر، اپنا در دے وکھائیا۔ جن بھگت کہن تَینوُں کہِندے ٹھاکراں دا ٹھاکر، پروردِگار نظری آئیا۔ تیرا نام کہِندے ڈوُنگھا ساگر، وہناں وِچ رُڑھائیا۔ اسیں کہِندے ساڈے نِرمل کرم کر اُجاگر، کرماں دا لیکھا آئے مُکائیا۔
سانوُں مِل گیا شبدی گُر سوُرا بہادر، سوُربیِر بےپرواہیِا۔ جناں چِر در آیاں نوُں نہ دیویں آدر، اپنا درس نہ دئیں وکھائیا۔ اسیں کِسے نہیں کہنا کریِم قادر، قُدرت نالوں ناتا لَینا تُڑائیا۔ جوتی جوت سروُپ ہرِ، آپ اپنی کِرپا کر، اپنا پاسا لَینا بدلائیا۔ جن بھگتو میری منّ لؤ اِک گلّ، گلوکڑی لَواں پائیا۔ وِچھوڑا ہووے کدی نہ پل، پلک نہ ہوئے جُدائیا۔ تُہاڈی پریِتی دا دیواں پھل، پُھلواڑی اِک مہکائیا۔ تُہاڈی خاطر آیا چل، چلِتر دیاں بنائیا۔ جگت جوانی سب دی جانی ڈھل، ڈھولیاں ڈھولے راگاں ناداں وِچ گائیا۔ تُسیں میرے اندر گئے رل، رل مِل اِکٹّھے جھٹ لنگھائیا۔ کوئی کرنا نہیں ول چھل، چھل دا ویلا دِتا مُکائیا۔ دُئی دوَیت دا میٹیا سل، اپنا تیِر لگائیا۔ پہلوں تُہانوُں دِتا گھّل، پھیر اپنا پھیرا پائیا۔ پربھوُ سدا بھگتاں ولّ، ولولے اندروں دئے کڈھائیا۔ دسّ کے نِہچل دھام اٹل، گھرانا پِچھلا دیاں وکھائیا۔ جِتھے اِکو جوت رہی بل، تیل باتی دی لوڑ رہی نہ رائیا۔ جوتی جوت سروُپ ہرِ، آپ اپنی کِرپا کر، اپنے رنگ رنگائیا۔ پربھوُ وِچھوڑے والا نہ دیویں صدمہ، صدیاں دے راہ تکائیا۔ اسیں تھوڑے وِچوں پدما، ارباں وِچوں نظری آئیا۔ جیہڑے جھُکدے سدا تیرے قدماں، ناتا جگت نالوں تُڑائیا۔ جے تُوں سانوُں سچ دوارے سدّنا، سچکھنڈ دینی مان وڈیائیا۔ پھیر اساں تَینوُں ہور کِتے نہیں لبھنا، گھر بَیٹھیاں نظری آئیا۔ اساں تیرے نال ناد ہو کے وجّنا، دُھن نال شنوائیا۔ تیرے پرکاش نال جگنا، نِرگُن نوُر ہووے رُشنائیا۔ او گوبِند پیارے سجّنا، ایتھے اوتھے کٹ جُدائیا۔ تیرا کوئی نہ جانے اُچا لما قدنا، قُدرت دے مالک بےپرواہیِا۔ تیری پریِتی اندر بجھّنا، بچن اِکو دینا سُنائیا۔ سِری بھگوان تَینوُں بھگتاں دا پڑدا پَینا کجّنا، کلجُگ توں لَینا بچائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چھّبی پوہ کہے مَیں کی کُجھ سُنیا بچن بِلاس، بِن کنّاں کنّ سُنائیا۔ مَیں اکھیّں ویکھی بھگت بھگوان دی پیَندی راس، بِن گوپی کاہن وجّی ودھائیا۔ آتم پرماتم دا بنیا ساتھ، سوہنا سنگ جنائیا۔ اُتوں جھُکدے منڈل آکاش، تھلیوں دھرتی خوشی منائیا۔ جھگڑا رہے نہ کوئی پربھاس، بنباس نہ کوئے پِھرائیا۔ گُرمْکھو جِدھر جاؤ تُہاڈی پوُری کراں آس، نِراستا روُپ نہ کوئے وٹائیا۔ ویکھیو تُسیں کدی نہ بنیو بدمعاش، یاری گُنڈیاں نال لگائیا۔ تُہاڈے اندر لاؤنی اوہ جاگ، جیہڑی سُتّیاں لئے اُٹھائیا۔ نام دا دینا وَیراگ، نیتر نیِر نہ کوئے وگائیا۔ پریم دی لاؤنی آگ، اگنی تت بُجھائیا۔ جے نہیں جگیا تے جگا دینا چراغ، ایہو میری وڈیائیا۔ بِنا صابن توں تُہاڈا دھو دینا داغ، اندروں کرنی صفائیا۔ جے مَیتھوں جاؤ بھاج، شبد
ڈنڈے نال موڑ کے اپنے چرناں وِچ سُٹائیا۔ بےشک ہُن ہتّھاں اُتے نہیں باز، بازاں والا اوہو دُھر دا ماہیِا۔ جِس نوُں سمجھے نہ کوئے دِماغ، عقلاں والیاں نہ کوئے چتُرائیا۔ راتیں سُتّیاں بِن کنّاں سُنو میری آواز، جو اندروں راز دئے کُھلائیا۔ پھیر وی تُہاڈا مُحتاج، سیوکاں دا سیوک نظری آئیا۔ ایہہ کوئی گانا نہیں ناچ، نٹوُآ نہ ویکھ وکھائیا۔ سب توں انوکھی خوشیاں والی رات، رُتڑی رہی مہکائیا۔ جیہڑی کِسے لبھی نہیں لوک مات، ماتا پِتا بچّیاں رہے سُنائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا جنائیا۔ پُھل کہے مَیں ویکھی بھگتاں دی بہار فصل، سوہنی نظری آئیا۔ جِنہاں دے اندر نام بوُٹا اصل، اپنا رنگ بدلائیا۔ اوہ کھا کے سچّی قسم، قِسمت رہے بدلائیا۔ یار دا کر کے وصل، سیج رہے ہنڈھائیا۔ اُہناں دے فرقے مسل، مسرّت وِچ پیشانی روُپ بدلائیا۔ جِنہاں دی گُر اوتاراں پَیغمبراں نال رہ گئی کسر، لیکھا اوہناں دا جھولی پائیا۔ جن بھگتو بھگوَن نال مِل کے آرام نال کرنا بسر، بِستریاں دی لوڑ رہے نہ رائیا۔ اَگے کوئی نہ جائیو پچھڑ، پِچھلیاں نال مِلائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ پُھلّ کہے مَیں گُرمْکھاں ولّ کیِتی دید، سب نوُں ویکھ وکھائیا۔ ویکھیو کِسے دے اُتے غلبہ پا نہ جاوے نیِند، آلس وِچ سُائیا۔ ایہہ مالک ویکھو عجیب، جنم جنم دیوے کٹائیا۔ تُہاڈے اندر رہے قریب، دوُر دُراڈا پندھ مُکائیا۔ او تُساں کیہڑی پڑھنی قُرآن مجیِد، کلمیاں وِچ سیِس جھُکائیا۔ تُہاڈی اجّ توں پوُری کیِتی اُمید، آمد وِچ خوشی منائیا۔ اکھّراں والی تُہاڈی کٹ دِتی رسیِد، رستے وِچ نہ کوئے اٹکائیا۔ جِدھر جاؤ وِشن برہما شِو گُر اوتار پَیغمبر تُہاڈی کرن دید، دیدا دانِستہ نظری آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چھّبی پوہ کہے مَیں بھگتاں ولّ رہیا تکّ، بِن اکّھاں اکّھ کُھلائیا۔ کوئی بَیٹھا تے نہیں گیا تھک، من واسنا ہوئی ہلکائیا۔ کوئی سُندا تے نہیں گیا اکّ، سرون بند کرائیا۔ مَیں ویکھنے سارے انجھک، چاروں کُنٹ اکّھ کُھلائیا۔ جے کوئی بھجّن لگّے تاں شبد ڈنڈے نال لَینے ڈکّ، حُکم نال لَینے ڈرائیا۔ تُہاڈے اندر واڑ کے اپنی مت، منمت باہر کڈھائیا۔ تُہاڈی ویکھ کے حقیِقت حق، حُکم رہیا سُنائیا۔ چھیتی چھیتی تُہاڈی اندروں کھول دینی اکّھ، کٹ دینی جُدائیا۔ پھیر آپے سمجھ جاؤگے سچ، ایہہ مالک دُھر دا ماہیِا۔ جِس دے کولوں کوئی نہ سکے بچ، تیِر انیالا دئے چلائیا۔ در آیاں نوُں ساچا مارگ دیوے دسّ، دہِ دِشا مُکھ بھوائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ چھّبی پوہ کہے مَیں اندروں کُچھ
نِمھی نِمھی سُنی دُھن، جو دُھنکی رہی وجائیا۔ کوئی نہ جانے پربھ دے گُن، گُنونت نہ کوئے دِرڑائیا۔ کِسے نوُں پتہ نہیں کی کھیل ہونا ہُن، اَگے کی وجےّ ودھائیا۔ برہما کہے میری سرِشٹی وِچوں تھوڑے لئے چُن، وِشنوُں کہے وِشوَ وِچوں گُرمْکھ اپنے رنگ رنگائیا۔ شنکر کہے ایہہ لکّھ چؤراسی وِچوں چکّھن والا لوُن، بھگت سُہیلے اپنے ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، اَگے ہور نہ دیوے کِسے نوُں کوُن، جِہوا رسنا بند کرائیا۔ جن بھگت کہن چھّبی پوہ کہِندا کی، سانوُں رہیا سُنائیا۔ پُھلّ کہے ایہہ جی آیا نوُں کہِندا جی، جیِون گیا بدلائیا۔ اَگے اِکو دے بن جاؤ پُتر دھی، اِکو پِتا مائیا۔ جھگڑا چُک جائے ساڈھے تِنّ ہتّھ سیں، گھر ساچے دئے بہائیا۔ اوتھے گِننی پئے نہ کوئی اِکّی ویہہ، بیِس اِکیس اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، ناتا اپنے نال رکھائیا۔ چھّبی پوہ کہے مَیں ویکھنے بھگت . . . . . . . . . . نرائن اپنے نال مِلائیا۔ کیہڑی آتما جتی تے کیہڑی ہاری، کیہڑی ہِردے ہرِ وسائیا۔ کیہڑی بنی کُلکّھنی ناری، کمذات روُپ وٹائیا۔ کیہڑی بندھائے سچّی یاری، ناتا اِکو نال جُڑائیا۔ کوَن بولے سچ جَیکاری، نعرہ حق حق سُنائیا۔ جوتی جوت سروُپ ہرِ، آپ اپنی کِرپا کر، لیکھا اگلا دئے جنائیا۔ لیکھا کہے مَینوُں سارے کہِندے لِکھت، اکھّراں نال وڈیائیا۔ گُر اوتار پَیغمبراں میرا دسّیا بھوِکھت، شبداں وِچ شنوائیا۔ کوئی سمجھیا نہ وِچ سرِشٹ، وِدیا نہ کوئے وڈیائیا۔ کُھلی نہ کِسے درِشٹ، مِلیا نہ بےپرواہیِا۔ کوئی لبھدا سوَرگ تے کوئی لبھدا بہِشت، سنت سُہیلے سوَرگ بہِشت پَیراں نال پرے سُٹائیا۔ جِنہاں پربھ دے نال بھوگنا گرہست، سُنجی سیج نہ کوئے بنائیا۔ ایہہ رمز رام نوُں دسّی اِک وشِشٹ، وِشیش دِتا دِرڑائیا۔ جِس نوُں مِلیاں نہ کوئی سوگ نہ کوئی ہرکھ، دُکھ روگ نیڑ کوئے نہ آئیا۔ جن بھگت کہن اجّ اوسے دی کرنی پرکھ، جو پارکھوُ بن کے ویکھے جگت لوکائیا۔ نالے پریم پیار تے نالے کرنا درس، نیتر لوچن اپنا اپنے نال جُڑائیا۔ نالے اگلا لَینا خرچ، پلے گنڈھ لیَنی۔ جوتی جوت سروُپ ہرِ، آپ اپنی کِرپا کر، اِکو راہ دینا وکھائیا۔ جن بھگتو کیہڑا لبھو راہ، رہبر دئے وکھائیا۔ جن بھگت کہن جِس نوُں سارے رہے گا، صِفتاں وِچ صلاحیِا۔ جو آد جُگاد بنے ملاح، بیڑا اپنے کندھ اُٹھائیا۔ اوس نال دئے مِلا، تُوں اوہو نظری آئیا۔ جے مُکریوں ساڈا گوبِند سدا گواہ، شہادت اِکو دئے بُھگتائیا۔ جِنھ گُرمْکھاں دی پکڑ کے بانہہ، بچّے نیہاں ہیٹھ دبائیا۔ اوہدے اَگے کی کروُ خُدا، جو کٹ دیوے جُدائیا۔ اون بدل دینی فضا، مِہر نظر اُٹھائیا۔ ساچیاں بھگتاں نوُں کیہڑا دؤوُ سزا، جو اِکو اوٹ تکائیا۔ اسیں
کوئی منگتے نہیں گداگر نہیں جو کردے رہیئے تیرے اَگے دُعا، بہُڑی بہُڑی کر کے حال سُنائیا۔ او پربھوُ بِنا بھگتاں توں تَینوُں کِتھے آؤنا مزہ، سانوُں دے سمجھائیا۔ تیرا کِسے کمّ نہیں آؤنا کعبیانوالا حجا، حاجت پوُر نہ کوئے وکھائیا۔ جے ساڈے نال کیِتا دغا، دُنیا دئے دُہائیا۔ ہے بھگوان پاربرہم اوۓ پروردِگار، بِنا بھگتاں تیرا کِس طرح ودھوُ اَگا، بِنا پُت پِیو نہ ملِے وڈیائیا۔ تیرا کِسے نہیں پڑھنا کّکا کّھکھا گّگا، گھّگھے دا گھڑیال نہ کوئے کھڑکائیا۔ جے دھنّا نہ ہُندا تے کیہدا واہندا ڈّھگا، ڈنڈا ہتّھ وِچ اُٹھائیا۔ بِنا کبیِر توں کِس طرح کردوں جل ٹھنڈا، گنگا لہر پھیرا پائیا۔ کِس دا ورتاؤندا منڈا منڈا، اپنی سیو کمائیا۔ پھیر تَینوُں بھگتاں اَگے آپے بننا پئے بندہ، تن وجوُد ویس وٹائیا۔ جوتی جوت سروُپ ہرِ، آپ اپنی کِرپا کر، اپنا لیکھا دے بنائیا۔ جن بھگتو میری منّو آکھی، بِن اکھّراں دیاں سُنائیا۔ جن بھگت کہن اساں نہیں پڑھنی تیری تیرے اکھّراں والی ساکھی، جناں چِر ساکھیات ہو کے نظر نہ آئیا۔ اساں ہُن ہؤلی ہؤلی بجر کپاٹی دی کھولنی نہیں تاکی، نؤواں دواریاں دی ونڈ نہ کوئے ونڈائیا۔ بنا کے چھوٹا جِہا ساقی، پیالہ ماٹی ہتّھ نہ کوئے پھڑائیا۔ اسیں تیرے بنن نہیں آئے کوئی پاٹھی، سطراں دی اُنگلاں نال نہ کریئے پڑھائیا۔ اسیں کوئی نہیں پاپی، دُشٹ دُراچار نہ روُپ وکھائیا۔ اسیں تیری آتم تُوں پرماتم دُھر دا ساتھی، سگلا سنگ نِبھائیا۔ جے پربھوُ بھگتاں نال کریں گُستاخی، اِکٹّھے ہو کے تَینوُں گھیر کے اپنے وِچ لَینا بہائیا۔ ہنھورے نال دئیے ڈانٹی، کوُک کوُک سُنائیا۔ پھیر تَینوُں آؤنا پَوے سُتّیاں کول راتیں، جوتی شبدی پھیرا پائیا۔ ہے بھگوان، اسیں کوئی نہیں بناؤنی ممی ماسی، تائی پھوُپھی نہ ونڈ ونڈائیا۔ اسیں کوئی پنڈت ہاں ؟ تَینوُں لبھن جائیے وِچوں کاشی، جنیؤُ کنّاں اُتے لٹکائیا۔ اسیں کوئی گاؤن والے نہیں ڈھاڈھی، چَھینے مندراں وِچ کھڑکائیا۔ او پرماتما مَیں آتما تیرا گوانڈھی، کدے نہ ہووے جُدائیا۔ ایہہ کایا میری ٹھانڈھی، جو تیری آس پُجائیا۔ سانوُں پتہ تُوں آد جُگاد سوانگی جُگ جُگ ویس وٹائیا۔ جوتی جوت سروُپ ہرِ، آپ اپنی کِرپا کر، اپنا رنگ دینا رنگائیا۔ جن بھگتو پربھوُ سدا رنگ رنگیِلا، انمُلڑے رنگ رنگائیا۔ جُگ چؤکڑی بنے تُہاڈا وسیِلہ، وِچھڑیاں نوُں لئے مِلائیا۔ دھنّ بھاگ جے انتم پربھ دا بنیا اِک قبیلہ، کامل گُرمْکھ نظری آئیا۔ تُہاڈی شبد گُروُ کراؤن آیا تعمیلا، سندیشہ اِک سُنائیا۔ جُگ جنم دے وِچھڑیو کر لؤ انتم حیِلہ، ویلا انتم دئے گواہیِا۔ ایہہ بستر نہ سمجھیو پیِلا، پلاں وِچ پار کرائیا۔ جن بھگتو تُہاڈا پربھ دے چرن جیِنا، باقی جیِون دی لوڑ رہے نہ رائیا۔ گُرمْکھو کوئی نہ بنیو ہیِنا، دوُسر سیِس نہ کوئے نِوائیا۔ تُہانوُں
مِل گیا اِکو داتا دانا بیِنا، مالک خلق خُدائیا۔ جِس نے ٹھنڈا کرنا سیِنہ، سُتّیاں لئے اُٹھائیا۔ جھگڑا چُکاؤنا لوک تیِناں، ترےَگُن مایا ڈیرہ ڈھائیا۔ تُساں اوسے دے دوارے توں امرت رس پیِنا، جو امرت دھار رہیا وہائیا۔ تُسیں کوئی پانی والی نہیں میِنا، جل وِچوں باہر نہ کوئے کڈھائیا۔ جوتی جوت سروُپ ہرِ، آپ اپنی کِرپا کر، تُہاڈا لیکھا رہیا دِرڑائیا۔ جن بھگت کہن ایَویں سانوُں نہ جائیں وڈیا، وڈّے تیری وڈ وڈیائیا۔ اسیں تیرا لگّن نہیں دینا داء، دغا سکے نہ کوئے کمائیا۔ سانوُں اِکو شبد گُروُ رہیا سمجھا، حُکم اِشارہ اِک دِرڑائیا۔ جن بھگتو تُہاڈے بِنا کِسے کمّ نہیں آؤنا خُدا، خالق خَیر مُحبّت نہ کوئے پائیا۔ تُسیں جھلّیو کوئی نہ دبّا، دبےّ وِچ نہ سیِس نِوائیا۔ جناں چِر پروردِگار سانجھا یار واحد تُہاڈا بنے نہ ابّا، اوّل اعلا کرے نہ رُشنائیا۔ لیکھا چُکائے نہ پِچھلا ہبھّا، حقیِقت دئے دِرڑائیا۔ دُرمت مَیل نہ دھووے دھبّا، پاپاں کرے صفائیا۔ تُہاڈا انتر کرے نہ بگّا، چِٹی دھار دئے چڑھائیا۔ اندر وڑ دِنے رات وجاوے نہ اگمّی ڈگّا، دُھن اپنی اِک شنوائیا۔ اوناں چِر پرماتما نوُں کدے نہ کہہاو ہچھّا، نِیوں نِیوں نہ سیِس نِوائیا۔ اوہ کھیل کردا رہیا کچّھاں مچّھاں، جلاں وِچ ڈیرہ لائیا۔ تُہانوُں کلجُگ انت مِل گیا مساں، رَین اندھیری مسیا لیَنی جنائیا۔ جوتی جوت سروُپ ہرِ، آپ اپنی کِرپا کر، ساچا حُکم رہیا سمجھائیا۔ جن بھگت کہن اسیں ہُن نہیں کوئی بچّے چھوٹے، ننھے نِکے نہ نظری آئیا۔ اسیں سوُربیِر بن کے بنّھے لنگوٹے، بل اپنا رہے پرگٹائیا۔ اوہ جِس بھگوان دے پِچھے اپنے من دے کراؤندے رہے ٹوٹے، ٹُکڑے ٹُکڑے وکھائیا۔ اوسدے پیار دے وہن وِچ لاؤندے گئے غوطے، سمُند ساگر گئے تجائیا۔ کھانیاں بانیاں وِچ سُندے رہے ہوکے، حُکماں نال جنائیا۔ ہُن سانوُں پربھ مِلن توں کیہڑا روکے، رُکاوٹ رہن دینی نہ رائیا۔ جوتی جوت سروُپ ہرِ، آپ اپنی کِرپا کر، ساچا میلا لَینا مِلائیا۔ سِری بھگوان کہے مَیں ہؤلی ہؤلی نیتر رہیا کھول، کُھلا راہ وکھائیا۔ آتم نال پرماتم ہو کے رہیا بول، انبولت راگ الائیا۔ جے بھگتو تُسیں نہیں پُجے مَیں عرشاں توں فرشاں اُتے آیا تُہاڈے کول، قؤل اپنا پوُر کرائیا۔ پریم پریِتی اندر گیا مؤل، ایسے کر کے مؤلا کہے خُدائیا۔ تُہانوُں سُتّا رہن نہیں دینا کوئی انبھول، جاگرت جوت ہووے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چھّبی پوہ کہے مَیں ویکھنی جگدی شمع، شمشان بھوُمی ہوئے لوکائیا۔ بھگتاں دی مِٹدی ویکھنی طمع، تامس رہے نہ رائیا۔ گُرمْکھاں دا ویکھنا غما، خوشی لئے انگڑائیا۔ ہُن تھوڑا وِچوں گُر اوتاراں پَیغمبراں نوُں دینا سماں، سچکھنڈ بَیٹھے دھیان لگائیا۔ پھیر
حُکم چلنا نواں، نوَیں کرے پڑھائیا۔ جوتی جوت سروُپ ہرِ، آپ اپنی کِرپا کر، بخشنہار سچ سرنائیا۔ زیِرو کہے اِک نال مِل کے ہوئی دس، دسم وجّی ودھائیا۔ خوشیاں وِچ پئی ہسّ، غمی دِتی گوائیا۔ کھول کے اپنی اکّھ، نظر دِتی بدلائیا۔ بھگت بھگوان ول رہے تکّ، اپنا پریم ودھائیا۔ سِری بھگوان رہیا سدّ، حُکمی شبد الائیا۔ حِصّہ دے کے اَدھ، دُھر دی ونڈ ونڈائیا۔ نام گھڑیال کہے بھگت بھگوان مِل کے ساڈھے دس گئے وجّ، وجہ سکے نہ کوئے سمجھائیا۔ پرگٹ ہوئے جگ، جاگرت جوت کرے رُشنائیا۔ کوُڑی مِٹی حد، جھگڑا گیا مُکائیا۔ وِچھوڑا چُکیا الگ، اَگے ہوئے نہ کوئے جُدائیا۔ پریم دا بجھّا تگ، سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، میلا رہیا مِلائیا۔ ساڈھے دس کہن بھگتاں دی ویکھی بھگتی، بھگوَن دَیا کمائیا۔ آتم دی ویکھی شکتی، جو شکل نوُر الاہیِا۔ پریم دی ویکھی ہستی، جو ہسّ ہسّ خوشی منائیا۔ دھار ویکھی الکھ دی، جو ڈھولے رہی سُنائیا۔ ستار ویکھی سچ دی، جو تُوں ہی تُوں ہی الائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ ساڈھے دس کہن جن بھگتاں پیار ہویا مردن، مدد بےپرواہیِا۔ گُلاب آیا پِچھے گِچی گردن، اپنا راہ تکائیا۔ کنٹھ دوار دی لنگھ کے سردل، پڑدا پرے ہٹائیا۔ ملِے یار پیارا ہر دِل، عزیِزاں گلے لگائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پُھلّ کہے جِس ویلے لگّا نال گِچی، انتر آتم رہی سُنائیا۔ ویکھ گوبِند دی دھار لِکھی، بِن اکھّراں نظری آئیا۔ جِس دی منزل توں پرے سِکھی، سِکھیا نہ کوئے پڑھائیا۔ کھنڈے دی دھاروں تِکھی، لوہار ترکھان نہ کوئے گھڑائیا۔ پنڈیاں توں پرے اِکّی، ایکنکار رہیا جنائیا۔ یاد آ گئی پُرانی چِٹھی، چِٹھی رسیَن ہتّھ نہ کوئے پھڑائیا۔ جیہڑی جگت کِسے نہیں ڈٹھی، اکّھ پرتکھ نہ کوئے کُھلائیا۔ اُس دے وِچ دھار لبھے مِٹھی، مِٹھاس رہی بنائیا۔ مَینوُں جانے نہ کوئے مُنی رِکھی، رِکھیشر مُکھ بھوائیا۔ جوتی جوت سروُپ ہرِ، آپ اپنی کِرپا کر، بھیو رہیا چُکائیا۔ پُھلّ کہے جِس ویلے لگّا بھگتاں دی دھؤن، تھلّیوں دھوَل دئے گواہیِا۔ مَیں ویکھی سیوا کردی اُننجا پؤن، در در پھیرا پائیا۔ پتہ نہیں اِنہاں دے اندر وڑیا کؤن، جِس دی قؤم نہ کوئے سمجھائیا۔ جو بھگت دوارے آیا بہاؤن، سوہنا دھام سُہائیا۔ رُسیاں نوُں آیا مناؤن، پھڑ باہوں گلے لگائیا۔ مُردیاں نوُں آیا جِواؤن، امرت جام پیائیا۔ بُھلیکھا آیا چُکاؤن، خالی بھانڈے دئے بھرائیا۔ منُمکھاں نوُں آیا ترساؤن، کول رہندیاں نظر نہ آئیا۔ گُرسِکھاں نوُں پیار وِچ آیا بھرماؤن، اِشارے رہیا لگائیا۔ اپنا لیکھا آیا جناؤن، پڑدا رہیا
اُٹھائیا۔ اُجڑِیو تُہانوُں آیا وساؤن، جگت بِسترے سیج تجائیا۔ تُہاڈا لہنا آیا دواؤن، دُکھاں توں لَینا چُھڈائیا۔ ہنکاری بُرج آیا ڈھاہُن، کوُڑی کِریا پرے ہٹائیا۔ نوَیں اٹاری آیا بناؤن، محل اٹل سُہائیا۔ جوتی جوت سروُپ ہرِ، آپ اپنی کِرپا کر، بھاگ سب دا ویکھ وکھائیا۔ پُھلّ کہے مَیں لگّا نال چمّ، چمّ درِشٹی دِتی بدلائیا۔ نہ کوئی خوشی نہ کوئی غم، اِکو رنگ گیا سمائیا۔ میروُ ڈنڈ گیان کوئی نہ دیِن آوے دم، آتم پرماتم دئے وڈیائیا۔ جن بھگت بھگوان دے گھر پئے جمّ، ننھی اِکو گود اُٹھائیا۔ جِس نے لیکھے لاؤنا تن، اپ تیج وائے پرِتھمی آکاش اپنے وِچ سمائیا۔ جوتی جوت سروُپ ہرِ، آپ اپنی کِرپا کر، مِہروان ویکھ وکھائیا۔ پُھلّ کہے جِس ویلے مَیں لگّا نال چمڑی، اپنا آپ جنائیا۔ مَینوُں ماٹی دیہہ دِسی نِکمڑی، وِچوں نظری آیا نوُر خُدائیا۔ جِس دی قیِمت نہیں کوئی دمڑی، جگت مایا مُلّ نہ کوئے پوائیا۔ اوس دی حالت بھگت دوارے ویکھی مندڑی، بھگوَن ہو کے سیو کمائیا۔ گُرمْکھاں دے اندروں دُرمت مَیل کڈھے چندری، انتر صاف کرائیا۔ من رہے نہ اندر قلندری، واسنا بندر نہ کوئے نچائیا۔ اکّھ رہے نہ کوئے اندھلی، نِرگُن نوُر کرے رُشنائیا۔ گُرمْکھو اِکو سِکھ لؤ تُوں میرا مَیں تیرا دُھر دی بندگی، بندھن دئے تُڑائیا۔ کوئی لوڑ نہیں کِتاباں دی چُکنی پنڈنی، پاندھیِاں کول پڑھن کوئے نہ جائیا۔ جے آیا تے تُہاڈے سنگ لئی، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، سچ رستہ رہیا وکھائیا۔ پُھلّ کہے مَیں اندروں سُنی آواز شاہ رگ، جو رگھُپت نام دِھیائیا۔ جِس دا اِکو سب توں وکھّرا پد، پدماں وِچوں باہر کڈھائیا۔ جو بھگت بھگوان دی دسےّ جدّ، کُلونتا دئے مِلائیا۔ جگت جہان چُھڈا کے حد، گھر دُھر دا دئے وکھائیا۔ جِتھے لگّے کوئی نہ اگّ، تتو تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ تن کہے جِس ویلے پُھلّ میرے نال کیِتا پیار، اپنا رنگ رنگائیا۔ میرا آتم ہویا خبردار، لئی اِک انگڑائیا۔ اُٹھ ویکھ میِت مُرار، گھر سجّن بےپرواہیِا۔ بِن اکّھاں کر دیِدار، لوچن درشن پائیا۔ ویکھ سچّی گُلزار، گُلشن رہیا مہکائیا۔ مِل محبوُب احباب، مُحبّت وِچ سمائیا۔ پریم وجائے رباب، تند ستار ہِلائیا۔ اندروں آیا جواب، جلوہ نوُر الاہیِا۔ ہتّھ رکھے شتاب، مستک دینی وڈیائیا۔ تیرا پوُرب لیکھا چُکیا آج، اگلا دِتا بنائیا۔ پھیر جن بھگت نہیں آؤنا لوک مات، جننی گود نہ کوئے اُٹھائیا۔ جِناں چِر پُرکھ اکال نہ آوے آپ، بھگت سُہیلے اپنی جوت وِچ رکھائیا۔ جوتی جوت سروُپ ہرِ، آپ اپنی کِرپا کر، دُھر دا ناتا رہیا بنائیا۔ مستک کہے جِس ویلے میرے اُتے گُرمْکھ دا لگّا ہتّھ، اُنگلیاں
وجّی ودھائیا۔ مَیں ویکھیا تکّیا پُرکھ سمرتھ، جو شمع رہیا جگائیا۔ اندر کہانی سُنائے اکتھ، کتھنی کتھ نہ سکے رائیا۔ کوُڑ اندھیرا میٹے مس، چند نوُر کرے رُشنائیا۔ شبدی گاوے جس، ڈھولا اِک سُنائیا۔ بھنڈارا کھول کے ہٹّ، بھگتاں رہیا ورتائیا۔ دُئی دوَیتی میٹ کے پھٹّ، پٹّی نام بندھائیا۔ جِس نوُں کہِندے تتّاں والا جٹّ، جٹا جوُٹ رہیا سُہائیا۔ نوُر نوُرانہ جگے لٹ لٹ، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ مستک کہے جِس ویلے مَینوُں لگّی ٹھوکر، ٹھاکر نظری آئیا۔ میری مُشکل ہو گئی اؤکڑ، دُکھ دِتا گوائیا۔ جِس نوُں لبھدے کوٹ کوٹن، مِلیا بےپرواہیِا۔ جِتھے سنت موُل نہ پہنچن، چڑھے نہ حق چڑھائیا۔ اوہ سُناوے سچ سلوکن، کرے نام پڑھائیا۔ جوتی جوت سروُپ ہرِ، آپ اپنی کِرپا کر، گھر اپنا دئے وکھائیا۔ پُھلّ کہے مَیں گِچی اُتوں آیا نابھی، کول نابھ وڈیائیا۔ بھگتاں نال مِل کے ہویا وڈبھاگی، بھگوَن ہوئے سہائیا۔ میری پُشت در پُشت دُھر دی عادی، آد پُرکھ دِتی بنائیا۔ جِسدا کھیل ہونا جُگادی، جُگ جُگ ویس وٹائیا۔ اوہ ساجن رہیا ساجی، سجّن شہنشاہیِا۔ جن بھگتاں کرن آیا راضی، وِگڑے رہیا منائیا۔ مانَس جنم دی پوُری کر جائے بازی، بازاں والا ویکھ وکھائیا۔ جِسدا شبد اسوَ اِکو تازی، تاجاں والے خاک مِلائیا۔ ونڈاں والا رہے نہ کوئے سماجی، سماں سب دا دئے بدلائیا۔ گُرمْکھ رہے کوئی نہ داغی، کوُڑی کِریا پرے ہٹائیا۔ جھگڑا کرے نہ کوئے نمازی، کلمیاں توں لئے چُھڈائیا۔ کِسے دا من رہن نہ دیوے باغی، بستے بغلاں وِچوں پرے سُٹائیا۔ آتم پرماتم اِکٹّھے بنن اِتہادی، اِتفاقی جوڑ جُڑائیا۔ جن بھگتو سچ پُچھو پرماتما تُہاڈے پِچھے کرن آیا منادی، حُکم سندیشہ اِک سُنائیا۔ بھگت بھگوان دا کھیل بُنیادی، جِس دی جڑ نہ کوئے اُکھڑائیا۔ گُر اوتار پَیغمبر پربھ دے سدا لاگی، سدّے جگت رہے سُنائیا۔ جوتی جوت سروُپ ہرِ، آپ اپنی کِرپا کر، سچکھنڈ دی تھوڑی رکھے آبادی، گُرمْکھ وِرلے وِچ ٹِکائیا۔ پُھلّ کہے مَیں لگّیا اُتے دھُنّی، دُھن دیاں جنائیا۔ میری سمجھ آئی نہ کِسے رِکھی مُنی، مُنیِشر گئے مُکھ بھوائیا۔ مَینوُں جانے کوئے نہ گُنی، گُن وان رہے کُرلائیا۔ میرا تھوڑا اِشارہ ہویا وِچ سمت اُنی، اِک ناؤں وجّی ودھائیا۔ جوت اکالن مُکھ توں لاہی چُنی، پڑدا دِتا اُٹھائیا۔ بھاگ لگا کے کایا کُلیّ، کلمہ دِتا پڑھائیا۔ دؤلت دے انمُلی، گُرسِکھ لئے منائیا۔ جنم جنم دی وِچھڑی بُھلی، اپنے نال جُڑائیا۔ جِس دی پُھلواڑی کدے نہ ہُلی، اوسے وِچ مِل کے اپنا رنگ بدلائیا۔ بےشک گُرمْکھو تُسیں گاؤندے نال بُلیں، بُلھے نالوں پرے، تُہاڈے کایا مندر وڑے، بِن پؤڑی ڈنڈے
چڑھے، سچ دوارے آپے کھڑے، گھر اِکو دئے وکھائیا۔ جوتی جوت سروُپ ہرِ، آپ اپنی کِرپا کر، ساچی رنگن رہیا رنگائیا۔ پُھلّ کہے مَیں تھوڑا تھوڑا چھوہیا نال پیٹ، تانا پیٹا ویکھ وکھائیا۔ جیہڑا آیا پنچم جیٹھ، چھّبی پوہ ڈنک وجائیا۔ جو ہر گھٹ اندر رہیا لیٹ، سِنگھاسن اِک سُہائیا۔ جِس دا نام لِکھیا جائے نہ اُتے کِسے سلیٹ، سِل پتّھر توں اَگے اپنا اکھّر دئے بنائیا۔ جِس دے در تے بھگت ہونے بھیٹ، بھٹکنا دئے گوائیا۔ بن کے دُھر دا کھیوٹ کھیٹ، بیڑا بنّے دئے لگائیا۔ مالک اِک نریش، نرائن سچّا شہنشاہیِا۔ جو سدا رہے ہمیش، جنم مرن وِچ نہ آئیا۔ جِس دا پُت بنیا گُر دسمیش، پِتا پُرکھ اکال وڈیائیا۔ جوتی جوت سروُپ ہرِ، آپ اپنی کِرپا کر، کرماں توں لئے بچائیا۔ پُھلّ کہے مَیں لگّا نال تن سریِر، اندر باہر ویکھ وکھائیا۔ جن بھگتاں اندر ہِجر دی پیڑ، حضرت رہیا لگائیا۔ جگت ولوں دِلگیِر، غمی رہے وکھائیا۔ شرع دی ٹپّ لکیِر، کلمے گئے بُھلائیا۔ شاہ بن فقیِر، در تے الکھ جگائیا۔ پربھوُ بدل دے تقدیِر، تدبیِر دے سمجھائیا۔ وِچھوڑے وِچ رہے نہ کوئے ضمیِر، ضامن ہو کے لےَ ترائیا۔ ہُن ہو گئی انت اَخیِر، آخر لےَ مِلائیا۔ سندیشہ دے کے گیا جُلاہا کبیِر، کوُک کوُک سُنائیا۔ جِس ویلے آؤنا بےنظیِر، مِہر نظر اِک اُٹھائیا۔ سچ پریم دی دئے تصویِر، امرت آتم جام پیائیا۔ نام کھنڈا پھڑ شمشیِر، دغا فریب دئے مِٹائیا۔ جن بھگت بنائے وزیِر، شہنشاہ آپ اکھوائیا۔ جھگڑا چُکا امیِر غریِب، اِکو رنگ رنگائیا۔ چار ورناں دے ترتیب، ساچا مارگ دئے وکھائیا۔ اپنا کھیل کرے عجِیب، نِرالا رنگ چڑھائیا۔ جوتی جوت سروُپ ہرِ، آپ اپنی کِرپا کر، کرنی کرتا کار کمائیا۔ پُھلّ کہے میری ہسّ کے کہے پتّی، پت پرمیشور ویکھ وکھائیا۔ جن بھگتاں اندر ویکھی اوہ رتی، جِس دی رتن امولک قیِمت کوئے نہ پائیا۔ بِن اکھّراں ویکھی پٹّی، پٹنے والا کرے پڑھائیا۔ بِنا وپاروں کھٹّن کّھٹی، کھٹکا اَگے رہیا نہ رائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سمجھائیا۔ پُھلّ کہے میرا دے اُدھار، آساوَند منگ منگائیا۔ لارا لا کے گئے گُروُ اوتار، پَیغمبر اِشاریاں وِچ سمجھائیا۔ جِس ویلے آوے کل کلکی اوتار، نِرگُن نِروَیر پھیرا پائیا۔ وِشنوُں سُتّا لئے اُٹھال، برہما نیتر اکّھ کُھلائیا۔ شنکر ویکھ جٹا جوُٹ بال، بل اپنا دئے سمجھائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ پُھلّ کہے میرا لیکھا نال سنت کُمار، برہما بیٹا نظری آئیا۔ جیہڑا کر کے گیا اُدھار، نؤ دِن اپنے پاس رکھائیا۔ جِس دا لیکھا لِکھیا نہ کِسے لِکھار، اکھّراں وِچ نہ ونڈ ونڈائیا۔ بِنا رسنا ہویا تکرار، جھگڑا نہ کوئے مُکائیا۔ مَیں کر کے بَیٹھا رہیا اِعتبار، چار
جُگ دھیان لگائیا۔ انتم ویلا پہنچیا آن، لوک مات وجّی ودھائیا۔ پرگٹ ہویا سِری بھگوان، جِس دی ضامنی وِچ لوکائیا۔ جوتی جوت سروُپ ہرِ، آپ اپنی کِرپا کر، میرا لیکھا دئے مُکائیا۔ پُھلّ کہے میرا لہنا نال براہ، پوُرب رہیا جنائیا۔ جِس دا بنیا نہ کوئے ملاح، بیڑا کندھ نہ کوئے اُٹھائیا۔ اُس نے تَیتھوں لئی صلاح، سہجے سہجے بھار اُٹھائیا۔ مَیں انتر انتر دِتا بتلا، مُحبّت وِچ دِرڑائیا۔ میرا لیکھا نال بےپرواہ، جو پڑدیاں وِچ ہوئے سہائیا۔ جوتی جوت سروُپ ہرِ، آپ اپنی کِرپا کر، دُھر دی دینی اِک صلاحیِا۔ پُھلّ کہے میرا لیکھا نال یگے پُرش، پُرکھ پُرکھوتم دیاں جنائیا۔ میرا لہنا مُکا تُرت، لیکھا دئے مِٹائیا۔ مَینوُں پِچھلی کہانی یاد وِچ سُرت، دُھر شبد کرے شنوائیا۔ مَیں ویکھنی اکال موُرت، جو مُتالع کرے خلق خُدائیا۔ آسا منسا ہووے پوُرت، پوُرب لہنا جھولی پائیا۔ کلجُگ انت دیوے سہوُلت، سہجے دئے مِلائیا۔ میرا لہنا دینا چُکاوے موُلت، جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ میرا لہنا نال ہاو گریِو، گہر گمبھیِر دیاں جنائیا۔ جیہڑا ہویا انت دِلگیِر، دھیِرج رہیا مِٹائیا۔ مَیں اوس دی ونڈی درد پیڑ، دُکھیاں دُکھ ونڈائیا۔ اوس نے کِھچی چِٹے اُتے لکیِر، کالی قلم شاہیا۔ جِس ویلے کلجُگ آوے انت اَخیِر، ویلا انت دئے دُہائیا۔ تیری بدل دئے تقدیِر، تدبیِر اِک دِرڑائیا۔ جوتی جوت سروُپ ہرِ، آپ اپنی کِرپا کر، میرا لہنا ویکھ وکھائیا۔ پُھلّ کہے میرا لیکھا نال نرائن، ناری نر سمجھ کِسے نہ آئیا۔ سو ویلا پہنچیا عین، ویلا وقت دئے گواہیِا۔ تُوں مالک بن سجّن سیَن، سگلا سنگ نِبھائیا۔ مَیں در تے آیا کہن، پنچم میلا سہج سُبھائیا۔ تیرا بھانا آیا سہن، حُکمے سیِس نِوائیا۔ جوتی جوت سروُپ ہرِ، آپ اپنی کِرپا کر، پڑدا پڑدے وِچوں باہر کڈھائیا۔ پُھلّ کہے میرا لیکھا نال کپل مُن، یادداشت نہ کوئے بُھلائیا۔ مَیں اُس دے نال کیِتا گُن، اُس دی ماتا دِتی وڈیائیا۔ اُس دا لیکھا لہنا ہُن، در تیرے منگ منگائیا۔ پربھوُ تُوں نہ جائیں بُھل، ابُھل تیری سرنائیا۔ تُوں پاؤنا قیِمت مُل، لیکھا دینا گوائیا۔ تُوں مالک صُلح کُل، شہنشاہ اکھوائیا۔ تیرے در نہ جاواں رُل، رُلدیاں لَینا اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُھلّ کہے میرا لیکھا دتّاترےَ، ترےَگُن سمجھ کِسے نہ آئیا۔ میرا روُپ اوہو ہےَ، ہوا روُپ نہ سکی بدلائیا۔ جو سَتجُگ آیا کہہ، سو کلجُگ انتم منگ منگائیا۔ تیرے در تے گیا ڈھیَہہ، چرن کوَل مِلی سرنائیا۔ کوُڑا وہن موُل نہ وہےَ، منجھدھار نہ کوئے رُڑھائیا۔ جیہڑا تیرے دوارے بہےَ، خالی رہن کوئے نہ پائیا۔ کوٹن وار سرِشٹی ہوئی لےَ، تیرا اِشٹ نہ کوئے
گوائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ پُھلّ کہے میرا لیکھا نال رِکھو دیو، اپنا رہیا جنائیا۔ مَیں اوہدی تِنّ دِن کیِتی سیو، جِس ویلے بَیٹھا آسن لائیا۔ تُوں وِچولا الکھ ابھیوَ، بھیت تیرے ہتّھ پھڑائیا۔ تُوں وسیں نِہچل دھام نِہکیو، سچکھنڈ دوارے ڈیرہ لائیا۔ تیری مہما گائے نہ رسنا جِہو، صِفتاں وِچ نہ کوئے صلاحیِا۔ تُوں امرت رس دینا میو، محنت میری جھولی پائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ پُھلّ کہے میرا حِساب نال پرِتھوُ، پرتھم دیاں جنائیا۔ تیرے کولوں کیہڑا کھِسکوُ، بھجّیاں راہ نظر کوئے نہ آئیا۔ جِس نے میرے اُتے آسن لا کے ویکھیا تیرا اِشٹوُ، اِشٹ اپنا دِتا سمجھائیا۔ اوہنوُں سمجھے نہ کوئی گرِہستوُ، جو جگت ناتا گئے جُڑائیا۔ جوتی جوت سروُپ ہرِ، آپ اپنی کِرپا کر، میرا لیکھا دینا مُکائیا۔ پُھلّ کہے میرا لیکھا نال متس، سمُند ساگر دین گواہیِا۔ جِس نے تکّیا میرا عکس، جلوہ نوُر خُدائیا۔ ڈھائی گھنٹے مَینوُں بند کر کے وِچ بکس، اُتے بَیٹھا چائیں چائنیا۔ پربھ تُوں کیہڑا بندہ شخس، کی تَینوُں کوئی سمجھائیا۔ تیرا حُکم اِکو سخت، جو جُگ جُگ رہیا منائیا۔ ہُن ویلا آیا وقت، میرا لہنا دینا دوائیا۔ تُوں آئیوں وِچ جگت، جاگرت جوت کرنی رُشنائیا۔ نال رلائے اپنے بھگت، بھگوَن دَیا کمائیا۔ میری نِکّی جِہی منگ فقط، فَیصلہ دینا سُنائیا۔ تُوں مالک فرش عرش، عرشی پریِتم شہنشاہیِا۔ لہنا مُکادے پِچھلا قرض، مقروُض کر صفائیا۔ اپنا کھیل دسّ اسچرج، اچرج دئے وکھائیا۔ تیرے کول سب دی فرد، لیکھا پِچھلا لےَ پھولائیا۔ میرے اُتے کر ترس، دوئے جوڑ واسطہ پائیا۔ تیرے سمت دا پہلا برس، برسی رہیا منائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ پُھلّ کہے میرا حِساب نال کچّھ، قسم کھا کے دیاں جنائیا۔ بِن رسنا بولاں سچ، سچ دیاں جنائیا۔ جِس ویلے مندراچل چاڑھیا وٹ، بِن ہتّھاں ہتّھ بھوائیا۔ جوتی جوت سروُپ ہرِ، آپ اپنی کِرپا کر، میرا لیکھا دینا مُکائیا۔ پُھلّ کہے میرا لہنا نال دھننتر، دھنی دھناڈھ دیاں جنائیا۔ میرے بِنا کِسے جڑی بوُٹی دا چلیا نہیں کوئی منتر ، داروُ روگ نہ کوئے بنائیا۔ مَیں سوا پہر سڑیا اُتے بسنتر، اگنی اگّ جلائیا۔ مَیں اِکو ویکھیا تیرا روُپ نِرنتر، نِراکار تیری سرنائیا۔ تُوں وسیں اُپر گگن گگننتر، گہر گمبھیِر ڈیرہ لائیا۔ تُوں بناوَنہارا بنتر، گھڑن بھنّنہارا اکھوائیا۔ تیری سرنی آیا انتم، انتشکرن رہیا وکھائیا۔ تُوں بھگت اُدھاریں سنتن، کِیوں مَینوُں کریں جُدائیا۔ جوتی جوت سروُپ ہرِ، آپ اپنی کِرپا کر، سچ دوار دینی سرنائیا۔ پُھلّ کہے میرا لیکھا نال باوَن، راجے بل سیو کمائیا۔
جِس نے رکھّیا وِچ دامن، پڑدیاں وِچ چُھپائیا۔ مَینوُں بنایا ضامن، وِچولیاں والی وڈیائیا۔ پوُری منسا کر کے کامن، کرم دِتا جنائیا۔ جِس ویلے در تے آیا سی براہمن، پاربرہم پربھ ویس وٹائیا۔ اوس ویلے لگّا سی مَینوُں سامبھن، تکیئے ہیٹھ دبائیا۔ مَینوُں یاد آیا تیرا نامن، اِک دھیان لگائیا۔ جوتی جوت سروُپ ہرِ، آپ اپنی کِرپا کر، میرا مان دینا بنائیا۔ پُھلّ کہے میرا رِشتہ نال موہنی، موہ ممتا گیا مِٹائیا۔ جِس ویلے تکّی نوُر نوُرانی صوُرت سوہنی، جلوہ اِک رُشنائیا۔ اوس ویلے میری اِک غریِب نے کیِتی بوہنی، تِنّ دِن دا بُھکھا توڑ کے بھیٹ چڑھائیا۔ میرے نیَناں آئی رونی، ہنجھوُاں دھار وہائیا۔ تیری آواز آئی انہونی، مَینوُں سہجے دِتا سمجھائیا۔ پُرکھ اکال کلجُگ انتم جوت پرگٹاؤنی، نِراکار ویس وٹائیا۔ جِس نے سب دی پِچھلی کیِتی ڈھاؤنی، ساچا راہ اِک وکھائیا۔ تیری سُنے حال پُکار کُرلاؤنی، دُکھیاں دُکھ مِٹائیا۔ جِس نے اپنے سمت دی رُت سہاؤنی، سوہنیا سوہنے لئے بنائیا۔ جِس دی بھگتاں سیو کماؤنی، کملیاں لئے ترائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ پُھلّ کہے میرا لیکھا نال ہنس، مانک موتی چوگ رہیا چُگائیا۔ مَیں چھڈے ناتے کوٹ سہنس، سہنسراں دِتا تجائیا۔ تیرے بھگتاں دا جان سچّا سربنس، ناتا لیا جُڑائیا۔ آتم پرماتم تیری انس، اِکو نوُر ہووے رُشنائیا۔ لیکھ لہنا مُکا انت، ہووے نہ کدے جُدائیا۔ کھوج کھوج تَینوُں تھکے سادھ سنت، ساچی سطح نہ کوئے سمجھائیا۔ تُوں پربھوُ بےانت، بےانت اکھوائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے چُکائیا۔ پُھلّ کہے میرا لیکھا نال ہری، ہردم دھیان لگائیا۔ جِس نے سب دی آتم وری، پرماتم کنت اکھوائیا۔ جِس توں روُح بُت رہے ڈری، بھےَ وِچ لوکائیا۔ اُسدی سوہنی وار تھِت آئی گھڑی، گھڑیال رہیا کھڑکائیا۔ جِس دی وِدیا بھگتاں پڑھی، موُرکھاں ہتّھ کِسے نہ آئیا۔ جو دو جہاناں کرے بری، بندی خانہ دئے تُڑائیا۔ جِتھے مذہب رہے نہ شرعی، شرع ونڈ نہ کوئے ونڈائیا۔ جِس دی دھار سدا جگت نئی، نام نؤکا دئے چڑھائیا۔ جِس دی بِنا اکھّراں توں وحی، وعدہ اپنے نال رکھائیا۔ سو پاون آیا صحیح، سہج سُبھاؤ ویس وٹائیا۔ پُھلّ کہے میرا جوڑا نال نرسِنگھ، بِنا نارد ویکھن کوئے نہ پائیا۔ جِس دا کھیل ہویا اِنج، پڑدا دیاں اُٹھائیا۔ جِس ویلے بھگت بھگوان دی بنیا بِند، پرہلاد وجّی ودھائیا۔ دھار وہی ساگر سِندھ، گہر گمبھیِر دَیا کمائیا۔ پُھلّ کہے اوس ویلے میری برکھا کیِتی سُرپت اِند، کروڑ تیتیِسا نال رلائیا۔ مَینوُں پرگٹ ہوئی چِند، چِنتا وِچ دِتا سُنائیا۔ مَیں پتّی پتّی ہو کے گیا کھِنڈ، پنکھڑیاں ناتا گئیاں تُڑائیا۔ پُرکھ اکال
نے کِہا مَیں تَینوُں اگلا دسّاں اِکو پِنڈ، گھرانہ دیاں سمجھائیا۔ جِتھے نہ کوئی غمی نہ کوئی چِند، چِنتا اگن نہ کوئے تپائیا۔ اِکو داتا گُنی گہِند، گہر گمبھیِر ڈیرہ لائیا۔ مالک ہو بخشِند، رحمت دئے کمائیا۔ جوتی جوت سروُپ ہرِ، آپ اپنی کِرپا کر، بھرم بُھلیکھا دئے مِٹائیا۔ پُھلّ کہے میرا پریم اوسے نال اِک نرائن، جو بچّیاں دئے وڈیائیا۔ جِس دے کول نام رسائن، خاکی ماٹی دئے ترائیا۔ جِس دے پریم ساگر دا وہن، کوُڑی کِریا دئے رُڑھائیا۔ اوہ درس دِکھاوے عین، بِنا خوشامد آمد وِچ نظری آئیا۔ جوتی جوت سروُپ ہرِ، آپ اپنی کِرپا کر، میرا جھگڑا دینا چُکائیا۔ پُھلّ کہے میرا ناتا نال رام پرس، پرس رام دیاں جنائیا۔ جِس ویلے شتریاں اُتے کھادھا ترس، پُھلّ کہے اوس ویلے مَینوُں توڑ کے اپنے کنّ دے وِچ ٹِکائیا۔ مَیں لُکیا رہیا وِچ سوا برس، اپنا آپ چُھپائیا۔ اِک دِن وکھّی بھار سُتّا اُتے فرش، اُنگلی نال ہلوُنا دِتا لگائیا۔ مَیں باہر آیا نِدھڑک، دھرنی اُتے ڈگّ کے دِتی حال دُہائیا۔ جے پربھوُ تُوں مُڑ کے آویں پرت، میرا پتّا پتّا لَینا ترائیا۔ مَیں تِنّ جُگ بَیٹھا رہنا رکھ کے ورت، مُکھ نال نہ کُچھ چُھہائیا۔ جوتی جوت سروُپ ہرِ، آپ اپنی کِرپا کر، مَینوُں اپنا لَینا بنائیا۔ پُھلّ کہے جِس ویلے رام گیا وشِشٹ کول، گُروُ گُردیو سیو کمائیا۔ وشِشٹ نے میرا روُپ ویکھ کے گول، اوس نوُں دِتا پھڑائیا۔ رام نے پنجاں اُنگلاں وِچ لیا تول، پُٹھے توں سِدھا دِتا کرائیا۔ مَیں اَگوں پیا بول، کوُک کوُک سُنائیا۔ جے رام تیرا رام اُپر آوے دھؤل، کِس بِدھ اُسدی سیو کمائیا۔ اوس کِہا سُن رہیں نہ انبھول، سہجے دیاں جنائیا۔ جِس ویلے میرا رام آوے اُسدے نام دے وجّ جانے ڈھول، ڈنکے دو جہان کھڑکائیا۔ آون سب دے خالی کرنے کھول، کھوکھے دینے بنائیا۔ گُرمْکھ بھگت کڈھنے نِرول، نِرپکّھ دینے وکھائیا۔ اوس ویلے پُھلا تَینوُں کوئی نہ دیوے مدھول، گُرمْکھ ویکھن چائیں چائنیا۔ میرا تیرے نال قؤل، اِقرارنامہ دِتا لِکھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پُھلّ کہے مَینوُں نؤ وار سُنگھیا وید ویاس، ناسکاں ڈھائی اِنچ پرے ہٹائیا۔ اِک دِن مَیں اوس نوُں پُچھیا خاص، سہج نال بُلائیا۔ مَینوُں اِک دے مِلن دی آس، جو ٹُٹیاں لئے جُڑائیا۔ اوس نے بھر کے پانی دا اِک گِلاس، سہجے مَینوُں دِتا ٹِکائیا۔ جِس ویلے تیرا تے میرا آوے پُرکھ ابناش، ابناشی کرتا پھیرا پائیا۔ بھگتاں دا ہووے ساتھ، گُرمْکھاں سنگ جُڑائیا۔ تَینوُں درس دِکھائے ساکھیات، وِچھوڑا دئے کٹائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُھلّ کہے جِس ویلے کرِشن دا میل ہویا نال سُدامے، سدّا مِلیا دُھر درگاہیِا۔ مَیں راہ وِچ جاندیاں براہمن دے لُک گیا
وِچ پجامے، گِٹے توں پنج اُنگلاں اُتے ڈیرہ لائیا۔ مَینوُں اِکو تکّیا کرِشن شامے، نظر اکّھ اُٹھائیا۔ مخؤل نال کِہا اُٹھ گُلدانے، تیرا گُلشن دینا سُہائیا۔ مَیں ہویا بہُت حَیرانے، حَیرانی میرے اندر آئیا۔ جناں چِر میری بینتی نہ مانیں، اپنا حُکم ورتائیا۔ مَیں انت جانا اوس نِشانے، جِس دا نِشانہ سارے رہے تکائیا۔ مَیں مِلنا اوس بھگوانے، جو بھگتاں دئے وڈیائیا۔ کرِشن کِہا اوس دے تریلوکی چوں پرے ٹِکانے، جِتھے ٹِکے نہ کوئے وکھائیا۔ اُس نے کلجُگ انتم پہرنے بانے، نِرگُن جوت کرے رُشنائیا۔ تیرے اُپر ہووے مِہروانے، مِہر نظر نال پار لنگھائیا۔ جوتی جوت سروُپ ہرِ، آپ اپنی کِرپا کر، سچ سندیشہ گیا سُنائیا۔ پُھلّ کہے جِس ویلےموُسیٰ ڈِگا کوہ طوُر، کرم کانڈ دا لیکھا رہیا نہ رائیا۔ مَیں اوہدے تھلّے آیا ضرور، مستک میرے نال چُھہائیا۔ مَیں تکّیا چھوٹا جِہا نوُر، جو جھلک وِچ رُشنائیا۔ سُنّ اگمّی تُور، سندیشے رہی سُنائیا۔ میرے نام نوُں کرنا مشہوُر، کلمیاں وِچ گائیا۔ مَیں انتم آواں بن محبوُب، مُحبّت نوُر خُدائیا۔ پُھلّ کِہا مَیں اوہدے تھلّے رگڑ کے گیا جھوُج، اپنا آپ مِٹائیا۔ مَینوُں اگلی آئی سوُجھ، پڑدا دِتا اُٹھائیا۔ مَیں دوارا ویکھیا ڈوُنگھ، جِس دا پَیمانہ ناپ نہ کوئے بنائیا۔ اوس ویلے حُکم مِلیا پُھلّا ویکھیں تیرے نال مِل کے کوئی بھگت نہ جاوے اوُنگھ، سُتّیاں لَینا اُٹھائیا۔ پھیر مَیں آپے لَواں ڈھوُنڈ، لبھن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، اپنے نام دی پاوے گوُنج، گُنجائش اوَر نہ کوئے رکھائیا۔ پُھلّ کہے میری یاد عیسیٰ نال پِچھلی، پِچھا دئے گواہیِا۔ جِس ویلے مَینوُں پھڑ کے ماریا شِبلی، سِمت دِتی بدلائیا۔ اوس ویلے ستّاں پتّیاں والی کول اُگی ہوئی سی پِپلی، فُٹ اِکو نظری آئیا۔ اُس دے اندر کھیل سی وِچلی، جیہڑی وِچوں رہی جنائیا۔ جیہڑی پھاسی عیسیٰ نوُں پائی اُتے گِچی، پِچھے اَگے دِتی بندھائیا۔ اوس ویلے اوس کِہا میرے نالوں میرے پُرکھ اکال دی چنگی ہونی سِکھی، جِس نے اِکو کرنی پڑھائیا۔ اوس ویلے قلم نے شاہی نال دھار نہیں لِکھی، شبدی شبد دئے گواہیِا۔ جوتی جوت سروُپ ہرِ، آپ اپنی کِرپا کر، اپنا حُکم رہیا ورتائیا۔ پُھلّ کہے جِس ویلے محمد نے یاد کیِتا علی، علی مدد کہہ کے گائیا۔ اوس ویلے میری ڈھائیاں کرماں دی لگّی سی اِک پَیلی، لمی نؤ کرم اکھوائیا۔ اُس دے باہر سی اِک گیَلی، فُٹ ڈھائی ونڈ ونڈائیا۔ پُھلّ کہے محمد مَینوُں توڑیا مَیں پیِڑ درد سہہ لئی، دُکھ وِچ دِتی دُہائیا۔ اِک گل اگمّی کہہ لئی، اِشارہ دِتا لگائیا۔ محمد کِہا پُھلّا صدی چؤدھویں میری اُمت آپے وہنی، وہِندی دھار وگائیا۔ تُوں ویکھیں اپنی نیَنی، نیتر اکّھ کُھلائیا۔ تیرا سجّن بننا اِکو سیَنی، پروردِگار نوُر خُدائیا۔ جوتی
جوت سروُپ ہرِ، آپ اپنی کِرپا کر، دُھر لیکھا ویکھ وکھائیا۔ پُھلّ کہے میرا لیکھا نال سَتگُر نانک، تنے دین گواہیِا۔ جِس ویلے بُھکھے سنت ملِے سی اچانک، خَیر خَیریت دِتی ورتائیا۔ اوہ ویلا سی بڑا بھیانک، بچےّ نوُں کہن شؤدائیا۔ اُہناں نے نانک نوُں دِتی اَمانت، پُھلّ گُلاب دا بھیٹ چڑھائیا۔ نانک کِہا ایہہ رہے صحیح سلامت، کلجُگ انتم وجےّ ودھائیا۔ ایہنوُں مِلنی بھگتاں دے پریم دی نیامت، نیم اِکو نال رکھائیا۔ جِس ویلے صدی چؤدھویں دی آؤنی قیامت، کلمیاں توں لَینے چُھڈائیا۔ من نہیں کرنی بغاوت، جھگڑا نہ کرے لوکائیا۔ اوس ویلے ایس نے بھگتاں دی میٹنی عداوت، بھگت دوارے آ کے دئے صفائیا۔ گُرمْکھو سدا کرنی شرافت، شرعیاں توں لئے بچائیا۔ پربھ دا نام بھاویں حقیِقی سمجھو بھاویں معرفت، محبوُب توں ہووے نہ کدے جُدائیا۔ جِس نوُں سمجھے کوئے نہ عارف، الف یے نہ پڑدا اُٹھائیا۔ نانک کِہا نِرگُن نِروَیر نِراکار کرے تُعارف، سفارش دی لوڑ رہے نہ رائیا۔ اوس ویلے کِسے نہیں لِکھی عبارت، نانک بچن نہ کوئے اُلٹائیا۔ جوتی جوت سروُپ ہرِ، آپ اپنی کِرپا کر، جنم جنم دا لیکھ چُکائیا۔ پُھلّ کہے جِس ویلے انگد آیا دیوی دا پُجاری، دیوتیاں والا اِشٹ منائیا۔ اوس نوُں دِسی جوت نِرنکاری، جوت للاٹ ہوئے رُشنائیا۔ اوس ویلے اِک مالن پُھلّ لئی آؤندی سی وِچ پٹاری، کھاری سیِس اُتے ٹِکائیا۔ اوہ سولاں سالاں دی کواری، انگی انگ نہ کوئے چُھہائیا۔ اُسنوُں رمز لگّی اپاری، کِسے اندروں دِتا اُٹھائیا۔ اُسنے پھڑ کے پُھلّ انگد دی بھیٹا دِتے چاڑھی، انگد نانک دیاں چرناں اُتے ٹِکائیا۔ پُھلّ نے کِہا مَیں وکھّری ویکھی سب توں یاری، گُر چیلے وجےّ ودھائیا۔ نانک کِہا نانک نہیں شبد دے ہونا پُجاری، جوتی جوت سیِس جھُکائیا۔ ایہدا لیکھا لہنا اَگے اگاڑی، کلجُگ انتم نظری آئیا۔ جوتی جوت سروُپ ہرِ، آپ اپنی کِرپا کر، حُکم اپنا اِک سمجھائیا۔ پُھلّ کہے میرا لیکھا نال گُر داس امر، عملاں وِچ جنائیا۔ اوہ جل چُکن لگّیاں مَینوُں رکھدا سی وِچ قمر، کمرکسے وِچ ٹِکائیا۔ مَیں ویکھ کے اوہدا صبر، پربھ دے اَگے واسطہ دِتا پائیا۔ تیرا حُکم بڑا جبر، نہ کوئے میٹے میٹ مِٹائیا۔ تُوں مالک گہر گوَر، تیری بےپرواہیِا۔ تُوں وسیں اُتے اَمبر، نوُرو نوُر رُشنائیا۔ سرب کلا بھرتمبر، گھٹ گھٹ رہیا سمائیا۔ جے انگد دا امرداس نال ہو جائے سویمبر، عملاں دی لوڑ رہے نہ رائیا۔ پُھلّ کہے مَیں پریِتی وِچ ہو کے مگن، اِک دھیان لیا لگائیا۔ آتم پرماتم دا پیندا ویکھیا سگن، امروُ دے گھر وجّی ودھائیا۔ دِیپک جوت لگّا جگن، ہوئی سچ رُشنائیا۔ جوتی جوت سروُپ ہرِ، آپ اپنی کِرپا کر، میرا حِصّہ دینا وکھائیا۔ پُھلّ کِہا میرا پریم نال رام داس، جو رام رام
دِھیائیا۔ جو چھابڑی چُکن لگّا مَینوُں سِر اُتے رکھدا سی خاص، ڈیڈھ اِنچ وِچ ٹِکائیا۔ جِتھے سُندی سواس دی آواز، راز اگلا دئے جنائیا۔ مَیں تکدا رہیا پرکاش، جوتی جوت ڈگمگائیا۔ مَیں جوڑ کے دوویں ہاتھ، سیِس دِتا نِوائیا۔ اوس کِہا تیرا میلا نال پُرکھ ابناش، کلجُگ انتم ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُھلّ کہے مَینوُں پنج وار گُر ارجن کِہا پُھلّ گُلاب، اِشارہ گُرمْکھاں ول کرائیا۔ جِس ویلے اِکاوَن باوَن کیِتا حِساب، پنج اِک تے پنج دو وجّی ودھائیا۔ گُروُ گرنتھ لِکھن لگّا وکھّری کِتاب، توڑ کے سَتنام دی بھیٹا دِتا کرائیا۔ نال دسّیا اِکو پُرکھ اکال سب دا باپ، پِتا اِک اکھوائیا۔ جِس دا اِکو چلنا جاپ، دوُجی لوڑ رہے نہ رائیا۔ اوس کلجُگ انتم آؤنا آپ، اپنا پھیرا پائیا۔ بھگتاں نال جوڑے تیرا ساتھ، گُرمْکھ سجّن لئے بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُھلّ کہے جِس ویلے ہرِ گوبِند پہنی میری پیِری، پیِراں دا پیِر نظری آئیا۔ مَینوُں ٹنگیا وِچ زنجِیری، دسویں کُنڈے وِچ پھسائیا۔ میری دوُر ہوئی دِلگیِری، غمی دِتی گوائیا۔ اوس ہتّھ لایا مَینوُں تقدیِری، پتّی پتّی دِتی تُڑائیا۔ چرناں نال چھوہ کے مَینوُں مِلی اوہ امیِری، جِس دی سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، میرا کھیل ویکھیا پِھر کشمیِری، چشمے اُپر اپنا رنگ چمکائیا۔ پُھلّ کہے میرا پریم نال ہررائے، ہر ہِردے دیاں جنائیا۔ نہاؤن توں پہلوں مَینوُں چؤکی دے پاوے ہیٹھ ٹِکائے، اُتے اپنا بھار رکھائیا۔ اِک دِن میرے اندروں نِکلی ہائے ہائے، ہؤکا لےَ کے دِتا سُنائیا۔ اوس خوشی نال کِہا تیرے اُتے پربھوُ دَیاکمائے، مِہر نظر نال ترائیا۔ تَینوُں بھگتاں نال رلائے، لوک مات ملِے وڈیائیا۔ جوتی جوت سروُپ ہرِ، آپ اپنی کِرپا کر، میرا سگلا سنگ بنائیا۔ پُھلّ کہے میرا ہرکرِشن نال ناتا، اٹّھاں تتّاں دیاں جنائیا۔ جِس ویلے ہرکرِشن درشن کردا سی پِتا ماتا، ماتا پِتا دی مَینوُں بھیٹ چڑھائیا۔ سب توں وڈّی سمجھ سوغاتا، وکھّرا رنگ وکھائیا۔ اِک دِن مَیں ٹیک کے اگوں ماتھا، سال ستّویں منگ منگائیا۔ مَیں ویکھنا اوہ باپا، جِس نوُں پُرکھ اکال کہہ کے سارے گائیا۔ اوس نے کِہا گُر تیغ بہادر تیرا بدلنا ساکہ، ساکھی اپنی دئے جنائیا۔ جوتی جوت سروُپ ہرِ، آپ اپنی کِرپا کر، اپنی کرنی دئے جنائیا۔ پُھلّ کہے میرا گُر تیغ بہادر نال جوڑ، ناتا دُھر دا نظری آئیا۔ جِس ویلے دِلّی نوُں جان لگّیاں گوبِند نوُں دِتا سی موڑ، اِکو پُھلّ ہتّھ پھڑائیا۔ گوبِند مَیں نہیں تیرا پِتا ہور، جِس نوُں جنمے کوئے نہ مائیا۔ اوس دا بچّہ کؤر، شاہزادہ شہنشاہ اکھوائیا۔ مَیں سیوا کرن آیا بتؤر، پلّوُ رہیا چُھڈائیا۔
پُھلّ کہے میری گوبِند ہتّھ دے کے ڈور، تند تار دِتی جنائیا۔ جوتی جوت سروُپ ہرِ، آپ اپنی کِرپا کر، بھید ابھیدا دئے کُھلائیا۔ پُھلّ کہے میرا گوبِند نال پریم، پریمیاں دیاں سمجھائیا۔ دُشٹ دمن والا نیم، گوداوری وجےّ ودھائیا۔ سب نوُں آیا کہن، گھر گھر رہیا سُنائیا۔ جِس ویلے مادھو داس دے دوارے کٹی رَین، رین مستک دھوُڑی دِتی چُھہائیا۔ مَینوُں ہتّھینں آیا لَن، پتّ ڈالی ونڈ ونڈائیا۔ میرے نیر چھلکیا نیَن، نیتراں دِتا وہائیا۔ مَینوُں موُل نہ آیا چَین، چاروں کُنٹ لیا کُرلائیا۔ جوتی جوت سروُپ ہرِ، آپ اپنی کِرپا کر، اپنے حُکم وِچ پِھرائیا۔ پُھلّ کہے گوبِند توڑیا نال ہتّھ، ہتھیلی اُتے ٹِکائیا۔ مَیں اگوں کِہا ہسّ، تیری بےپرواہیِا۔ کوئی مارگ سچّا دسّ، اپنے نال مِلائیا۔ اوس گُرمْکھاں ول کر کے اکّھ، اِشارہ دِتا جنائیا۔ اِکو ڈھئیا رکھ ہٹّھ، پھیر ملِے وڈیائیا۔ جِس طرح میرا تے میرے پُرکھ اکال دا ہونا اِکٹّھ، ایسے طرح تَینوُں بھگتاں نال جُڑائیا۔ سچ دوارا کھولنا ہٹّ، نام بھنڈارا دینا ورتائیا۔ ہُن مَینوُں ویکھیا گوداوری تٹ، پھیر بھگتاں دے ہتّھ وِچ سوبھا پائیا۔ جِتھے ہونی اِکو مت، اِکو اِک پڑھائیا۔ بھگت ویکھن حق، حُکم شہنشاہیِا۔ جے کوئی ذرا وی پےَ گیا شک، شکایت دِتی سُنائیا۔ مَیں دواریوں دیواں دھکّ، ایہو بےپرواہیِا۔ پُھلّ رگڑ کے اپنا متھ، جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ پُھلّ کہے مَیں لےَ کے وڈّا ہؤکا، ہا دِتی سُنائیا۔ کِس ویلے آوے گوبِند تیرا مؤقع، مُکمل دے دِرڑائیا۔ گوبِند کِہا مَینوُں اِکو ڈھئیے دا لا لیَن دے ڈھؤنکا، پِھر ڈنکا ظاہر دیاں کھڑکائیا۔ مَینوُں وی بھگتاں نوُں پربھ دے نال مِلاؤن دا شؤقا، آشا سب دی پوُر کرائیا۔ مَیں گُرمْکھاں سچ چلاواں روؤنسا، گھر گھر پھیرا پائیا۔ جھگڑا مُکاواں مَیں ہؤں کا، سَت برہم دیاں جنائیا۔ بھیو کُھلاواں اگمّی ناؤں کا، پت پرمیشور دیاں مِلائیا۔ جوتی جوت سروُپ ہرِ، آپ اپنی کِرپا کر، بخشنہار سچ سرنائیا۔ پُھلّ کہے تیرا کیہڑا ویلا ہووے سُہاوَنا، سچ دے سمجھائیا۔ گوبِند کِہا جِس ویلے بھگت بھگوان اِکو ڈھولا گاؤنا، تیرا میرا رہن نہ پائیا۔ اوس ویلے مَیں شبدی دھار آؤنا، جوت جوت وِچ سمائیا۔ بھگت دوارا اِک بناوَنا، شِودوالا مٹھ تجائیا۔ دوہاں دا پکڑنا دامنا، دامنگیِر اکھوائیا۔ سب دی پوُری کراں کامنا، کرماں توں لَواں بچائیا۔ جوتی جوت سروُپ ہرِ، آپ اپنی کِرپا کر، دُھر دا لہنا دئے چُکائیا۔ پُھلّ کہے مَینوُں اِکو دسّ دے انت اَخیِر، در ٹھانڈے منگ منگائیا۔ تُوں دِسیں دُھر دا پیِر، پَیغمبر دُھر درگاہیِا۔ گوبِند کِہا جِس ویلے سمت شہنشاہی دی ہونی تعمیِر، لوک مات جڑ لگائیا۔ اوس ویلے بھگت بھگوان پاتشاہ تے بنے وزیر، دوُجا رہن کوئے نہ
پائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پُھلّ کہے اجّ اوہ آ گیا ویلا، وِہلا ہو کے دیاں سُنائیا۔ اِکو رنگ نظری آئے گُروُ چیلا، چیلا گُروُ وِچ سمائیا۔ پِچھلا تُوں وی جو کُچھ لَینا لےَ لا، دیِندیاں توٹ رہے نہ رائیا۔ سچّیاں بھگتاں دی گودی وِچ بہہ لےَ، جو نابھی نال رہے چُھہائیا۔ جے ہور وی کُچھ کہنا ای تے کہہ لےَ، سماں تیری ونڈ ونڈائیا۔ جوتی جوت سروُپ ہرِ، آپ اپنی کِرپا کر، دیِن دَیال دَیا کمائیا۔ پُھلّ کہے مَیں دین آیا شہادت، صدیاں دے پِچھوں پھیرا پائیا۔ جن بھگتو سِکھ لؤ اِک عبادت، اِکو نام دِھیائیا۔ تُہاڈی جِس نے دِتی ضمانت، انتم اوہو لئے چُھڈائیا۔ تُہاڈے وِچھوڑے دی رہے نہ کوئی علامت، اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، سب کُچھ ویکھ وکھائیا۔ پُھلّ کہے مَیں تیریاں بھگتاں دی بَیٹھا وِچ گودی، اندر باہر ویکھ وکھائیا۔ جِنہاں نوُں تیرے مِلن دی آئی سوجھی، اندرے اندر رہے گائیا۔ اوہناں نوُں اِکو روُپ نظری آیا ویدی سوڈھی، ونڈن ونڈ نہ کوئے ونڈائیا۔ پُھلّ کہے مَیں بند ساں وِچ ڈوڈی، اپنا آپ چُھپائیا۔ اجّ گُرمْکھ مِل گئے مؤجی، جو ہتّھاں اُتے رہے نچائیا۔ جِنہاں دے وِچوں اَدھیِاں وِچوں اَدھے فؤجی، فؤجاں دا مالک ویکھ خوشی منائیا۔ جِنہاں دی آتم ایسے جوگی، جوگی بن کے بَیٹھے ڈیرہ لائیا۔ اَگے چِنت رہے نہ سوگی، ساچا سگن رہے منائیا۔ جوتی جوت سروُپ ہرِ، آپ اپنی کِرپا کر، جھولی سب دی پھول پھولائیا۔ پُھلّ کہے جن بھگتو مَینوُں پھڑ لؤ سجےّ ہتّھ، اُچی بانہہ دینی وکھائیا۔ تُہاڈی پت لئے رکھ، در آیا دُھر دا ماہیِا۔ تُساں میرا کرنا پکّھ، مَیں تُہاڈی دیاں گواہیِا۔ پریم پیار مُحبّت اندر جانا رچ، روم روم خوشی منائیا۔ دیہی ماٹی سمجھو کچّ، کنچن گڑھ لَینا سُہائیا۔ اوہ رل مِل کے درشن کریئے رجّ، رُچی اپنی لیَنی بدلائیا۔ بھاویں طعنے دیوے جگ، پربھ دے نالوں نہ ہووے جُدائیا۔ تُسیں پیَنڈا مُکایا گھراں توں بھجّ بھجّ، مَیں دوُر دُراڈا آیا نوُر خُدائیا۔ جوتی جوت سروُپ ہرِ، آپ اپنی کِرپا کر، رحمت اپنی رہیا کمائیا۔ پُھلّ کہے مَینوُں لےَ لؤ ہتّھ کھبّے ، بدلی بدلے وِچوں چُکائیا۔ ایتھے اوتھے تُہاڈے نال ہونے نہیں دغے، جگت فریب نہ کوئے بنائیا۔ جن بھگتو تُساں پربھ دے بہنا اَگے، اَگے پِچھے پہریدار ہوئے سہائیا۔ راہ وِچ ویکھیو کِس طرح وِشن برہما شِو پِھردے بھجےّ، تھاؤں تھائیں سیِس نِوائیا۔ ایہہ میرے نِکے نِکے اڈّے، جو اڈّیِاں نال گوڈے دینے رگڑائیا۔ بھاویں تُسیں گھر وِچ واہندے گڈّے، تُہانوُں شبد بِبانے دینا چڑھائیا۔ پُھلّ کہے ساڈے ناتے ہو گئے پکّے، دوویں ہتّھ دین دُہائیا۔ سب نے پریم نال بدھےّ، بندنا بےپرواہیِا۔
جھُک جاؤ سِدھے اَگے، سیِس اِکے نوُں نِوائیا۔ تُہاڈے صاف ہو گئے اَگے، پربھ نے کری صفائیا۔ جن بھگتو اگلے سال ویکھیو مزے، مِجاز نال چلو چائیں چائنیا۔ پُرکھ اکال سب توں اَگے ودھے، بِن قدماں قدم اُٹھائیا۔ جوتی جوت سروُپ ہرِ، آپ اپنی کِرپا کر، کھیل اگلی اَگے دئے ورتائیا۔ پُھلّ کہے مَیں گُرمْکھ ویکھے اُٹھے، پَیراں بھار نظری آئیا۔ جِنہاں دے اُتے مالک تُٹھے، مِہر نظر اُٹھائیا۔ مَیں ویکھیا کوئی سُتّا رہ نہ جاوے کِسے گُٹھے، لُکیاں لَواں جگائیا۔ جے کوئی گھردیاں نال ہو کے آیا غُصّے، اوہنوُں لَواں منائیا۔ سِری بھگوان کہے جے کوئی مَینوُں پُچھے، مَیں بھگت دوارے اندر بھگت دیاں وکھائیا۔ جِنہاں دے پُھلّ نال بن گئے گُچھے، ہتّھ ہتّھ نال جُڑائیا۔ تُہاڈے بوُٹے کدے نہ سُکے، گوبِند پانی رہیا لگائیا۔ تُہاڈا مالک شیر اگمّی بُکے، گُرمْکھو اپنی بُکل دیؤ کُھلائیا۔ تُسیں ہُن مات لوک رہنا نہیں سُتے، سوگند کھا کے تُہانوُں لَواں جگائیا۔ بِنا دیِن دَیال پریمی پیاریاں کوئی نہ پُچھے، پُشت پناہ ہتّھ نہ کوئے ٹِکائیا۔ تُسیں بجھّ جاؤ اِکے مُٹھے، دیِن مذہب ذات پات لیکھا دیؤ چُکائیا۔ اوُچ نیِچ سارے بن جاؤ سُچے، کھتری براہمن شوُدر وَیش اِکو نظری آئیا۔ جوتی جوت سروُپ ہرِ، آپ اپنی کِرپا کر، ناتا تُہاڈے نال رکھائیا۔ پُھلّ کہے مَیں جن بھگت ویکھاں کھلوتے، سوہنے سُہنجنے نظری آئیا۔ جیہڑے پُرکھ اکال دے پوُتے، گوبِند پُتر گیا بنائیا۔ پنجاں نالوں ہُن بن گئے چوکھے، سوہنی وجّی ودھائیا۔ اِکو گاؤن نام سلوکے، سوہنگ ڈھولا رہے سُنائیا۔ بھتّھے تیِر دے گئے مؤقعے، شبدی حُکم سچ لڑائیا۔ گُرمْکھو تُہانوُں پھڑنے پَین نہ سوٹے، پُرکھ اکال دَیا کمائیا۔ کلجُگ بھوَر نہ کھایؤ غوطے، پھڑ کے باہوں پار لنگھائیا۔ رکھنے پَین موُل نہ روزے، برتاں وِچ نہ بُھکھ رکھائیا۔ تُہاڈے پِچھلے دِن لنگھ گئے اؤکھے، اَگے سماں دئے بدلائیا۔ تُہاڈی سوچ آپے سوچے، جوتی جوت سروُپ ہرِ، آپ اپنی کِرپا کر، حق حقیِقت رہیا دِرڑائیا۔ پُھلّ کہے جن بھگتو مَینوُں یاد آیا تُہاڈا پِچھلا رِشتہ، رِشتیداری دئے جُڑائیا۔ جِس ویلے محمد کول کوئی سندیشہ لےَ کے آیا سی فرِشتہ، آہستہ آہستہ ہدایت دِتی سُنائیا۔ مَینوُں محمد نے تکّیا خُدانخاستہ، اِکو پلک اُتوں اُٹھائیا۔ مَیں کُچھ آ کے بینتی کیِتی درخاستا، اپنی بینتی دِتی سمجھائیا۔ میرا صوُفیاں نال ہووے واسطہ، باقی مُرشداں توں پیَنڈا لیا مُکائیا۔ محمد کِہا اُس دی کرنی نہیں کِسے شناختا، اماماں دا امام پھیرا پائیا۔ جِس نے سِدھا بھگتاں نال کرنا واسطہ، واستَو اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، سچ کرنی رہیا وکھائیا۔ پُھلّ کہے جن بھگتو ساڈی سانجھی ہو گئی جدّ، اِکو مِلی وڈیائیا۔ دیِن
دُنی دی چھڈ دیؤ حد، پیَنڈا لؤ مُکائیا۔ سارے سوہنگ مہاراج شیر سِنگھ وِشنوُں بھگوان دے جَیکارے گاؤ گجّ، غزل اِکو ڈھولا گائیا۔ پُھلّ کہے سب نوُں وڈّی خوشی ہوئی اجّ، سمت شہنشاہی خوشی منائیا۔ اَگے ہونا نہیں کدے الگ، وکھّرا گھر نہ کوئے بنائیا۔ جے یاد کرو تے آپ درشن دئے تُہانوُں اُپر شاہ رگ، جگت دوار دا لیکھا دئے مُکائیا۔ ویکھیو ہنس نہ بنِیو کگّ، بُدھی کاگ وانگ کُرلائیا۔ جوتی جوت سروُپ ہرِ، آپ اپنی کِرپا کر، بخشنہار سچ سرنائیا۔ جن بھگت کہن اسیں پربھ توں سُننی اِک ارداس، جو سب نوُں پار لنگھائیا۔ جِس ویلے سدّیئے اوسے ویلے آوے پاس، دوُر دُراڈا پندھ مُکائیا۔ راتیں سُتّیاں دے سرہانیوں پی جائے پانی دا گلاس، اپنے آؤن دی نِشانی دئے وکھائیا۔ آتم سیجا سُتّا رہے ساری رات، سُکھ آسن ڈیرہ لائیا۔ جان لگّا جے پریم وِچ دسّ جائے اپنی اِک نِکّی جِہی بات، باطن پڑدا اِک اُٹھائیا۔ سچ پریم دی دے کے جائے اِک سوغات، سُگندھی اندر اِک بھرائیا۔ پھیر پکاّ رِشتہ سمجھیؤ نال پُھلّ گُلاب، بےآب نہ کوئے تڑپھائیا۔ جوتی جوت سروُپ ہرِ، آپ اپنی کِرپا کر، سچ محراب دئے سمجھائیا۔ پُھلّ کہے جن بھگتو جاؤ بہہ، خوشیاں نال آسن لائیا۔ تُہاڈے اندر اِکو دی لےَ، لایق بچّے لئے بنائیا۔ جو منگو سوئی دئے، دیونہار اکھوائیا۔ جو چرن کوَلاں ڈھہے، پھڑ باہوں گلے لگائیا۔ تُہاڈا بھگت دوارا وسدا رہے، جُگ چار چار وجےّ ودھائیا۔ جوتی جوت سروُپ ہرِ، آپ اپنی کِرپا کر، ساچی بنت رہیا بنائیا۔ جن بھگتو تُہاڈا سچکھنڈ دوار، تھِر گھر آسن اِک وکھائیا۔ جِتھے شبد دی گُنجار، نام دی وجےّ ودھائیا۔ جوت دا اُجیار، نوُر نوُر رُشنائیا۔ سدا چلدا رہے وِہار، وِوہاری دئے وڈیائیا۔ بھریا رہے بھنڈار، اتوٹ اتُٹ رکھائیا۔ سرِشٹی نے ہونا خوار، دھیِرج دھیِر نہ کوئے رکھائیا۔ جے تُساں پرم پُرکھ تے رکھیا اِعتبار، جِتھے ہووو اوتھے ہوواں سہائیا۔ تُہاڈا اِنہاں انکڑیاں وِچ کراں شمار، دُلینکڑیاں وِچ جوڑ جُڑائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ جن بھگت کہن اساں پربھ کی کرنی تیری بھگتی، اکھیّں میِٹ دھیان نہ کوئے لگائیا۔ اساں تَینوُں مِلنا شرطی، سِدھا ناتا تیرے نال رکھائیا۔ تُوں مالک دُھر دا عرشی، پریِتم بےپرواہیِا۔ سانوُں کوئی نہیں لگدی چھّبی پوہ دی سردی، سِر درد نہ کوئے جنائیا۔ تُوں ساڈی اپنے نال جوڑ مرضی، مرضی جگت والی دینی گوائیا۔ جے تُوں نر نرائن سچّا ہرجی، ہِردے اندر ڈیرہ لائیا۔ جن بھگت کہن اجّ توں ساڈی آتما تَینوُں وردی، دوُجا خصم نہ کوئے ہنڈھائیا۔ سوبھاوَنت ہووے تیرے گھر دی، دوہاگن رہن کوئے نہ پائیا۔ جوتی جوت سروُپ ہرِ،
آپ اپنی کِرپا کر، میلا اپنا لَینا مِلائیا۔ جن بھگت کہن پربھ ساڈے کملاپت، پت پتونتے بےپرواہیِا۔ کِیوں بُہتے ساتھوں جُڑاؤندا ہتّھ، سیِس چرناں نال رگڑائیا۔ اندروں کھول دے اکّھ، اٹّھے پہر تیرا درشن پائیا۔ اسیں کدی نہیں کہنی بّس، بھاویں بھر بھر کے اُتوں دی دے رُڑھائیا۔ جے تُوں ساڈا گاویں جس، سِری بھگوان سیو کمائیا۔ پھیر خوشیاں نال جائیے ہسّ، مُسکراہٹ بُلاں والی رکھائیا۔ سِری بھگوان کِہا مَیں تُہاڈے کول جاواں وس، ڈیرہ نیڑے ہو لگائیا۔ تُساں کیِتا پریم دا اِکٹّھ، اِکٹّھیاں دِتا سُنائیا۔ ہُن مَیں کِدھر جاواں نَٹھ، چارے رستے بند نظری آئیا۔ تُہاڈے پریم اندر جاواں ڈھٹّھ، اپنا آپ تُہاڈی بھیٹ چڑھائیا۔ جن بھگتو کدے نہ سمجھیؤ وکّھ، وکھّرا ڈیرہ نہ کوئے بنائیا۔ جوتی جوت سروُپ ہرِ، آپ اپنی کِرپا کر، داتا دیونہار گوسائیا۔ جن بھگتو ویکھو بھوُمکا استھان، استھل رہیا وکھائیا۔ جِتھے بنیا بھگتاں دا مکان، بےمُکام آسن لائیا۔ ایتھے بالمیک دا قیام، سُنّ سمادھی وِچ سمائیا۔ ہرِ گوبِند دا اِحسان، تُہاڈے سِر چڑھائیا۔ نانک دا نِشان، جھنڈا رہیا لہرائیا۔ کرِشن دا پَیغام، بنسری نام سُنائیا۔ محمد دا امام، نِرگُن پھیرا پائیا۔ جِسنوُں سجدہ کردے سلام، صحیح سلامت اپنا کھیل وکھائیا۔ رَین کہے میری بینتی پربھوُ بھگتاں نوُں کر لیَن دے آرام، بِسرام چرناں وِچ رکھائیا۔ بھگتاں نوُں فِکر پےَ گیا سانوُں ہو نہ جائے زُکام، ہتّھ متھے اُتے گھسائیا۔ تھوڑے کہن سؤں کے ہو نہ جائیے بدنام، اندرے اندر دین دُہائیا۔ دس ویہہ کہن اساں سویرے کرنا کام، ساڈی کرے نہ کوئے رہیائیا۔ ترینٹھ کہن ایَویں وِچ پھسے آن، بِنا سُتّیاں رات گوائیا۔ رَین کہے مَیں بِھنڑی سب نوُں دیواں مان، جو چل آئے سرنائیا۔ ایہہ بخشنہار بھگوان، بھگتاں دا سنگ نِبھائیا۔ سب نوُں دیوے اِکو جِہا دان، جو بھگت دوارے دے اندر بہہ کے پِیو دادے دی یاد لگائیا۔ جوتی جوت سروُپ ہرِ، آپ اپنی کِرپا کر، بخشنہار اِک سرنائیا۔ رَین کہے مَیں بےشک بِھنی، بِھنڑی نظری آئیا۔ کئی گھڑیاں ولّ وینہدے بیِت گئی کِنی، کوَن گھڑیال رہیا کھڑکائیا۔ جِس دی رحمت جائے نہ گِنی، گِنتیاں وِچ گنت نہ کوئے گِنائیا۔ جن بھگتو تُہانوُں دات دینی اِنی، جو انھیاں توں سُجاکھے دئے بنائیا۔ تُہاڈے اندر دھار پریم رکھنی نِمھی، نِمھا نِمھا رنگ چمکائیا۔ ایہہ کوئی سادھوُ فقیِر نہیں ڈِنبھی، ڈمبھ جگت نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سب دا ہو سہائیا۔ بِھنڑی رَین کہے مَیں بھگتاں دی بناں سکی، سکھی پربھ دی نظری آئیا۔ بات کراں حقی، حقیِقت دیاں دِرڑائیا۔ جِنہاں تیرے وِچھوڑے وِچ پِچھے جُگ چؤکڑی کٹی، اَگے نہ کوئے جُدائیا۔ اپنے نام دی
پڑھا کے گھّلنا پٹّی، ڈھولا اِک سُنائیا۔ رنگ چڑھاؤنا اِکو رتی، رتن امولک ہیِرے لَینے بنائیا۔ جوتی جوت سروُپ ہرِ، آپ اپنی کِرپا کر، جن بھگتاں ویکھیں اکھّیں، اپنی ویلے اَخیِر ہوئے سہائیا۔ پُھلّ کہے جن بھگتو دوہاں دا مِل کے بنیا گُلدستہ، گُلدان سَتگُر نظری آئیا۔ نام خُماری وِچ کرے مستا، مستی اِکو اِک رکھائیا۔ تُہانوُں بنّھنا پئے کوئی نہ بستہ، اِکو اکھّر دِتا پڑھائیا۔ اِس توں ہور نام نہیں کوئی سستا، جُگ چؤکڑی دئے گواہیِا۔ تُہاڈا حال ہووے نہ خستہ، خوشیاں رنگ رنگائیا۔ تُوں میرا مَیں تیرا دوہاں دا اِکو رِشتہ، آتم پرماتم جوڑ جُڑائیا۔ جوتی جوت سروُپ ہرِ، آپ اپنی کِرپا کر، جُگ جُگ جن بھگتاں پَیج رکھدا، رکھّیا کرے تھاؤں تھائنیا۔ بِھنڑی رَین کہے پربھ میری منّی پوُری کریں منگ، مانگت ہو کے جھولی ڈاہیِا۔ پریمیاں بھگتاں سؤن دے نِشنگ، سُتّیاں دے اندر پریم دینا ٹِکائیا۔ تیرے کول انوکھا ڈھنگ، طریقہ دینا سمجھائیا۔ انت اَخیِر اِکّی وار گا لیَن دے تیرا چھند، سوہلا صِفتاں وِچ وڈیائیا۔ خوشی کر کے بند بند، بندھن دے تُڑائیا۔ جوتی جوت سروُپ ہرِ، آپ اپنی کِرپا کر، مِہروان سوُرے سربنگ سِر سِر اپنا ہتّھ رکھائیا۔ جن بھگتو بِھنڑی رَین کہے ایہناں دے دے چُھٹی، چُھٹکارا دے کرائیا۔ ویکھو کوئی نہ وڑ جائیو ترِکُٹی، سُکھمن ٹیڈھی بنک وِچ پھیرا کوئے نہ پائیا۔ ایِڑا پِنگل دی ہٹّی گئی لُٹی، خالی دین دُہائیا۔ تُہانوُں چاڑھیا چوٹی اُچی، منزل دِتی مُکائیا۔ جے آتما کر لؤ سُچی، پِھر پرماتما دی نہ ہوئے جُدائیا۔ تُہاڈی سوہندی رہے رُتی، رُتڑی اپنے نال مہکائیا۔ تُہاڈی ہُن پیَنڈیاں وِچ گھسن نہیں دینی جُتی، رَویداس چمارا دئے گواہیِا۔ تُہاڈی مینڈھی رہن نہیں دینی کُھتھی، کنت سُہاگی دئے مِلائیا۔ جوتی جوت سروُپ ہرِ، آپ اپنی کِرپا کر، سُرت سوانی اُٹھائے سُتّی، آلس نِندرا دئے گوائیا۔ مہاراج شیر سِنگھ وِشنوُں بھگوان، دات دیوے رُکھی رُکھی، پڑدے وِچ پڑدا رہیا وکھائیا۔
۲۷ پوہ شہنشاہی سمت ۱ ہرِ بھگت دوار جیٹھوُوال
ستگُر شبد کہے نہ کرِیو جلدی، من واسنا نہ کوئے بھٹکائیا۔ جن بھگتو تُہاڈی باقی رہندی کل دی، نِہکرمی کرم رہیا کمائیا۔ کوئی کھیل نہیں کپٹ چھل دی، اچھل چھلدھاری دَیا کمائیا۔ تُساں اجے کُشتی ویکھنی اوس ملّ دی، جو مالک دُھر درگاہیِا۔ جِس دی دھار اگمّی چلدی، چار جُگ وڈیائیا۔ جو کھیل جانے جل تھل دی، لکّھ چؤراسی رہیا سمائیا۔ جِس قیِمت پاؤنی اپنے پُھلّ
دی، کنڈا دُھر دا ہتّھ اُٹھائیا۔ جگت سنکھیا مُکنی کوُڑے دھن دی، نوَ ستّ لیکھ چُکائیا۔ کِسے نوُں خبر نہیں اگلے پل دی، گھڑی ونڈ نہ کوئے سمجھائیا۔ جوت اکالن اِکو بن کے مالن پریم سُگندھی پُھلّ گھّلدی، پتّ ٹہنی نال مہکائیا۔ گُرمْکھو ویداں پُراناں شاستراں وِچوں سمجھ نہیں آئی اِک گلّ دی، رمز حق نہ کوئے لگائیا۔ جوبن جوانی سب دی ڈھلدی، تھِر رہن کوئے نہ پائیا۔ حُکمے اندر اگنی ویکھو بلدی، تتّاں دئے جلائیا۔ پربھ دے اَگے پیش نہ کِسے دی چلدی، سِر سکے نہ کوئے اُٹھائیا۔ بھاوی کِسے توں نہیں ٹلدی، بھانے وِچ لوکائیا۔ کِسے نے طاقت نہیں سمجھی پربھ دے بل دی، بلدھاری بل باوَن چھل وکھائیا۔ ہُن کھیل نہیں کِسے تن دی، شبدی ڈنک سُنائیا۔ جِسنوُں جننی کوئی نہ جندی، سیِر مُکھ نہ کوئے لگائیا۔ جِس دی آواز نہیں کوئی کنّ دی، رسنا نہ راگ الائیا۔ جِس دی دؤلت نہیں مایا دھن دی، ٹکیاں ٹکسال نہ کوئے بنائیا۔ جِس دی روشنی نہیں کِسے چند دی، سوُریہ روُپ نہ کوئے وٹائیا۔ جِہدی نظر نہیں نیتر انّھ دی، دوُر نیڑا ویکھ وکھائیا۔ جِس دی سمجھ نہیں کِسے من دی، بُدھی نال لڑائیا۔ اوہ دات دیوے جن بھگتاں اِکو بھل دی، بھال بھال کے جوڑ جُڑائیا۔ کھیڈ مُکاوے کوُڑی جھلّ دی، جھلک اپنی دئے بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد کہے نہ کرو چھیتی، چھتّی جُگ نانک تھوڑے گیا جنائیا۔ پربھوُ آد انت دا بھیتی، بھیو پڑدے دئے اُٹھائیا۔ جُگ چؤکڑی تُسیں میرے نال کردے رہے نیکی، وڈّیوں نِکّے روُپ بنائیا۔ جگت ولوں بن دے رہے بِبیکی، واسنا کوُڑ باہر کڈھائیا۔ چرن کوَل رکھدے رہے ٹیکی، دھوُڑی مستک ٹِکّے نال چُھہائیا۔ روُپ دھردے رہے بیٹا بیٹی، نِرگُن سرگُن جوڑ جُڑائیا۔ جگت مُہانے بن دے رہے کھیوٹ کھیٹی، مارگ بھگت بھگوان لگائیا۔ ویکھیو کوئی چرنیں نہ جھُکِاو ویکھا ویکھی، ٹھگّاں دی لوڑ رہی نہ رائیا۔ جِس نے جُگ چؤکڑی ویکھی، اوہ پرکھنہارا دُھر درگاہیِا۔ جِس نے نانک دے موڈھیاں اُتے دھرا کے کھیسی، جنگلاں وِچ دِتا بھوائیا۔ اوہ جگت واسطے پردیسی، تُہاڈے اندر دا مالک نظری آئیا۔ سِری بھگوان بھگتاں کارن اپنے شبد دی کرے شیخی، شاخ اپنی اِک پرگٹائیا۔ جوتی جوت سروُپ ہرِ، آپ اپنی کِرپا کر، مِہروان اِک اکھوائیا۔ سَتگُر شبد کہے نہ بنِیو کاہلے، کالکھ اندروں دینی گوائیا۔ مان وِچ نہ سمجھیؤ اسیں بھگت ہو گئے باہلے، بِن کِرپا چرن کوَل کوئے نہ آئیا۔ چار جُگ تُہاڈے سب نے دِندیاں رہنا حوالے، مَیں نوَیں شاستر جانا بنائیا۔ بِن ہتّھاں توں وجدے رہنے تالے، دھار اِکو اِک بندھائیا۔ تُسیں ہو گئے پربھوُ
دے حوالے، تُہاڈی حوالات دینی کٹائیا۔ تُسیں کرِشن نال کھیڈن والے نہیں گوالے، گٔوآں دی سیو کمائیا۔ تُسیں پربھوُ دے سچّے بالے، تُہاڈا پِتا اِکو نظری آئیا۔ تُہانوُں شبد گودی وِچ پالے، امرت دُھر دا جام پیائیا۔ تُہاڈے پِچھے گھالنا گھالے، پنج تت اندر اپنا روُپ چُھپائیا۔ تُسیں ہُن سمجھدے نہیں پربھوُ دے کیہڑے وکھّرے چالے، چلاکی نال سب نوُں رہیا بُھلائیا۔ مَینوُں دِسدا تُسیں بہہ گئے میرے دوالے، دعویدار اکھوائیا۔ ہُن تدبیِر نال تُہاڈے اُتوں تُہاڈی تقدیِر ٹالے، ٹالمٹول نہ کوئے جنائیا۔ پرکھ پرکھ کے ویکھ ویکھ کے پیکھ پیکھ کے ورناں برناں چؤراسی وِچوں تھوڑے اُٹھالے، اکّھ اکّھ نال مِلائیا۔ تُہاڈے حل کرے سوالے، سوال اپنا دئے سُنائیا۔ اَگے چلنا تُہاڈے نالے، نا لایق رہن کوئے نہ پائیا۔ ایتھے اوتھے کرے پرِتپالے، پرِتپالک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، سَت سچ کرنی کار کمائیا۔ سَتگُر شبد کہے نہ اندروں ہووو کوُڑے، کوُڑی کِریا دینی تجائیا۔ تُہاڈے رنگ ویکھنے گوُڑھے، گوبِند اپنے رنگ رنگائیا۔ نام وجا کے ساچی تُورے، تُرت پڑدا دئے کُھلائیا۔ چار جُگ تُہانوُں کرے مشہوُرے، ڈھولے دُھر دے نال وڈیائیا۔ تُسیں اوس گھر دے بنے مزدوُرے، جِتھوں نام بھنڈارا ملِے چائیں چائنیا۔ تُہاڈا صاحب تُہانوُں قبوُلے، مالک گود اُٹھائیا۔ جوتی جوت سروُپ ہرِ، آپ اپنی کِرپا کر، دَیاوان دَیا کمائیا۔ سَتگُر شبد کہے اندر کوئی نہ کرِیو گھُس گھُس، من گھمسان نہ کوئے بنائیا۔ در تے آ کے بہو نہ رُس رُس، رُسے رہیا منائیا۔ اوس توں بہُتا نہیں تے تھوڑا لےَ کے جائیو کُچھ کُچھ، جِس دی کچھپ دئے گواہیِا۔ ہنکاری جائیو جھُک جھُک، وِکاری روُپ نہ کوئے وکھائیا۔ اِکو سِکھ کے جائیو اپنے نام دی تُک، جو تُخم تاثیر دئے بدلائیا۔ جگت واسنا اُتے جائیو تُھک، کوُڑی کِریا دینی تجائیا۔ تُہاڈے لیَن دا ویلا آیا ڈُھک، دیونہار دیوے بےپرواہیِا۔ کوئی پڑدا رہنا نہیں لُک، سب دا کایا چولا دینا بدلائیا۔ جے نہیں بنے ہُن بن جاؤ اُس پربھوُ دے پُت، جو پتن اِکو دئے وکھائیا۔ ویکھیو بِنا پریم دے خالی رہن نہ دیوے کایا بُت، پنج تت کمّ کِسے نہ آئیا۔ ایہو جہی او بھگتو کدی نہیں مِلی کِسے نوُں لُٹ، بِنا بھگتی بھگتو دات نہ کِسے ورتائیا۔ کوئی نہ جانے کِیوں پیا تُٹھ، تُٹیاں رہیا جُڑائیا۔ جوتی جوت سروُپ ہرِ، آپ اپنی کِرپا کر، مِہر اکّھ کُھلائیا۔ سَتگُر شبد کہے ایَویں نہ کرِیو ہوُں ہوُں، ہوکے نال سُنائیا۔ جناں چِر مَیں وِچ نہ ملِے تُوں تُوں، مَیں تُوں وِچ سمائیا۔ تُہاڈا خوشی نہ ہووے لوُں لوُں، گھر وجےّ نہ سچ ودھائیا۔ اوناں چِر پربھ دے دوارے دی کدے نہ بُھلیو جوُہ، اَگے پِچھے قدم نہ کوئے ٹِکائیا۔ جے متھے ٹیکنے تے
کوٹن کوٹ باہر ویکھیو گُروُ، گھر گھر بَیٹھے ڈیرے لائیا۔ جے آتم ہو کے پرماتم نال جاؤ چھوُہ، پِھر شرم حیا رہے نہ رائیا۔ اپنے گھر دی تُہانوُں آپے دسّ دئے سوُہ، اِشارے نال دِرڑائیا۔ جوتی جوت سروُپ ہرِ، آپ اپنی کِرپا کر، سوہنی کار کمائیا۔ شبد گُروُ کہے پربھوُ کُچھ مَینوُں دے صلاح، لوک مات سَت جنائیا۔ مَیں ویکھنا سب دے اندر اوہ راہ، جو اندھیرے وِچ بَیٹھے اپنا آپ چُھپائیا۔ جو چوراں وانگ داؤ رہے لا، ٹھگّاں والا روُپ وٹائیا۔ کی تَینوُں پتہ نہیں دس ماہ تپنا پئے اگنی کُکھ ماں، سکے نہ کوئے بچائیا۔ مطلب واسطے کوئی نہ کرِیو ہاں، بےغرض دینے بنائیا۔ کچّی یاری لاؤن دا مَینوُں کدی نہیں آیا چا، جھوُٹھا ناتا نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، آپ اپنا حُکم ورتائیا۔ شبد گُروُ کہے مَیں پِھردا سدا انبھول، جیِواں نال چوری چوری کھیل کھِلائیا۔ جُگاں پِچھوں آواں اُتے دھؤل، دھرنی اُتے پھیرا پائیا۔ لکّھ چؤراسی دیواں مدھول، خاک وِچ مِلائیا۔ بھگتاں وساں کول، نیرن نیر نظری آئیا۔ جیہڑے میرے نال مارن آون رول، جُگ چؤکڑی دیواں سزائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ شبد گُروُ کہے مَیں ویکھن آیا مرد اِستری، سارے کھوج کھوجائیا۔ کدے مَینوُں کہِندے سی جگت دا مُشتری، مِشن نہ سکے سمجھائیا۔ ہُن مَیں کرن آیا مُخبری، ہوکا رہیا سُنائیا۔ جوتی جوت سروُپ ہرِ، آپ اپنی کِرپا کر، سچ کرنی رہیا جنائیا۔ شبد گُروُ کہے پربھوُ میری اجّ تک کیِتی نہیں کِسے پہچان، جگت نیتر نظر کوئے نہ آئیا۔ ایَویں تَینوُں منّدے رہے بھگوان، تُوں ساکھیات نظر کِسے نہ آئیا۔ حُکم نام تیرا سندیشہ دیندے رہے مہان، کاغذاں اُتے وڈیائیا۔ سچ دسّ نؤ سؤ چُرانوے چؤکڑی کدی آیا وِچ مَیدان، سوُربیِر ہو کے پھیرا پائیا۔ ایَویں ٹِلیاں پربتاں اُتے دھرن تیرا دھیان، موُرتی بنا کے تَینوُں شرمِندا رہے کرائیا۔ اُنگلیاں نال تیرا ساز وجا کے رسنا نال گاؤندے گان، ساہمنے ہو کے درس کوئے نہ پائیا۔ گُر اوتار پیِر پَیغمبر تیرا کردے رہے بیان، رسنا جِہوا ڈھولیاں وِچ گائیا۔ تیرا دسّدے رہے نام، کِسے نظر نہ آیا امام، جوتی جلوہ کر رُشنائیا۔ سُن سُن تیرا پَیغام، بغل قُرآن وِچ ٹِکائیا۔ جِنّا چِر پیاویں نہ اِکو جام، ضامن ہو کے لئیں چُھڈائیا۔ اوہناں چِر جھگڑے نہیں مُکنے تمام، طمع توں لےَ چُھڈائیا۔ شبد گُروُ کہے پربھوُ تُوں اَگے سچکھنڈ کردا رِہوں آرام، حُکم نال پَیغمبر گُروُ بنائیا۔ کِسے نوُں بنا دِتا گوپِییاں والا کاہن، کِسے نوُں بنا کے سیِتا تے رام، جنگلاں وِچ بھوائیا۔ چھوٹا چھوٹا کر کے اِحسان، ہستیاں کوٹ دِتیاں بدلائیا۔ پیِر پَیغمبر کر کے غُلام، بردے دِتے وکھائیا۔ اپنا
دسّیا نہیں کِسے نوُں سچ مقام، دھام اپنا نہ کوئے پرگٹائیا۔ جوتی جوت سروُپ ہرِ، آپ اپنی کِرپا کر، دُھر حُکم اِک منائیا۔ شبد گُروُ کہے سُن میرے بھگوَنت، تیری بےپرواہیِا۔ مَیں تیرا کِسے کولوں سُننا نہیں منت، رسنا والی گلّ موہے نہ بھائیا۔ جے کدی نہیں مِلیا ہُن ویکھیا انت، انتر دھیان لگائیا۔ پربھوُ تیرے ایہہ درویش نہیں سنت، ایہہ ہمیشی نظری آئیا۔ جِنہاں دے چرناں ہیٹھاں رُلدا جنّت، بہِشت رہیا کُرلائیا۔ اِنہاں دا لیکھا کی جانے برہما پنڈت، جو ویداں دی کرے پڑھائیا۔ تیئی اوتار تیرا کوئی سمجھ نہ سکے سمت، سچ دا حال نہ کوئے دِرڑائیا۔ جے کِسے نوُں اِشارہ دِتا تے اوہنوُں بولن دی نہیں دِتی ہِمّت، بھوِکھت وِچ نہ کوئے دِرڑائیا۔ نہ کوئی صِفتی بنیا نہ کوئی بنیا نِندک، دوہاں اُتے پڑدا دِتا پائیا۔ گُر اوتار پَیغمبر تیری کردے گئے مِنت، سیِس قدماں اُتے ٹِکائیا۔ دیِناں مذہباں دی پا کے چِنت، حُکمے وِچ بھوائیا۔ کِسے نوُں دسّیا کعبےوالی سِمت، کِسے نال کر کے عِلّت، کِسے نوُں دے کے تن خطابی خِلعت، کِسے نال اندروں کر کے مِلّت، کِسے نوُں دے کے جگت دی ذِلّت، آپ اپنا بَیٹھا آسن لائیا۔ جوتی جوت سروُپ ہرِ، آپ اپنی کِرپا کر، سوہنی سچ دی کار کمائیا۔ شبد گُروُ کہے پربھوُ مَیں نہیں سُننے تیرے پوتھیاں والے چھند، جو شنکیاں وِچ نظری آئیا۔ مَیں تیرے تاج نوُں تیرے اُتے دینا ٹنگ، راج دی لوڑ رہی نہ رائیا۔ جو کُچھ سو تیریاں بھگتاں دینا ونڈ، بن کے بےپرواہیِا۔ ایس توں اَگے رہن نہیں دینا بھیکھ پکھنڈ، کوُڑی کِریا دینی کڈھائیا۔ بھگتو تُسیں نہ ہوئیو حَیران تے دنگ، ایہہ دنگا جگت نوُں رہیا وکھائیا۔ تُسیں تے میرے لاڈلے چند، خوشی نال دیاں چمکائیا۔ جے کِتوں نہیں مِلیا اجّ دینا اوہ انند، انند آتما وِچ رکھائیا۔ تُسیں نہیں جان دے تُہاڈے پریم والے رنگ، ایہہ ڈنڈا رہیا پرگٹائیا۔ جِس نے تُہاڈی سیوا کرنی پِچھے ہو کے کنڈ، کنڈیاں وِچوں باہر کڈھائیا۔ ہُن کی سمجھوگے پربھوُ کہ ملنگ، کہ لنگڑا لوُلھا پھیرا پائیا۔ کِدھرے سمجھ نہ لِؤ ایہنوُں ہو گیا اَدھرنگ، لتّ بانہہ ہِلے نہ رائیا۔ ہُن مَیں وساں تُہاڈے سنگ، سگلا سنگ نِبھائیا۔ اجّ دی رَین سب حُکم گھل دینے بےرنگ، مُہر اپنی نہ کوئے وکھائیا۔ کُچھ لہنا دینا اوس سوُرے سربنگ، جِس سیِس تاج دِتا ٹِکائیا۔ اجّ گوبِند دی ونڈ، گُرمْکھاں جھولی پائیا۔ جن بھگتو گا لؤ اَگے باپوُ دا چھند، بخشند ملنگ بن کے سیو کمائیا۔ شبد گُروُ کہے باپوُ کِتے ہو تے نہیں گیا بُڈھا، بُڈھاپا دئے وکھائیا۔ کوٹن کوٹ جُگاں پِچھوں چلدا چلدا ہو تے نہیں گیا ڈُڈا، چرن پَیر نہ کوئے سمجھائیا۔ گُر اوتار پیِر پَیغمبر تیریاں صِفتاں دا بنّھدے گئے گُڈا، صِفتاں وِچ صلاحیِا۔
تُوں بےپرواہ سب توں بھیت رکھیا گُجھا، گُنجھل وِچ سرب پھسائیا۔ بےپرواہ تُوں کِسے نہیں سمجھایا اپنا مُدعا، مُدتاں توں تیری عادت نہ کِسے بدلائیا۔ کلجُگ انت بھگوَنت ہو کے اُگھا، نِرگُن ہو کے پھیرا پائیا۔ جن بھگت کوئی نہ رہے ڈُبا، منجھدھار وِچوں پار کڈھائیا۔ گُرمْکھو تُہاڈا کوئی نہیں لَینا بُھگا، بھگوَن ہو کے دَیا کمائیا۔ تُہاڈا وسدا رہے جھُگا، ہُندی رہے رُشنائیا۔ تُہاڈی خاطر دُھر دا لےَ کے آیا پنجابی بولی والا چُگھا، چُگتے سارے دئے بھجائیا۔ تُہاڈے وِچھوڑے دا مَینوُں دُکھا، دوُجا دُکھ نہ کوئے سمجھائیا۔ مَیں وینہدا رہیا جیہڑا گُرمْکھ اپنی ماں دے پیٹ وِچ لٹکیا رہیا پُٹھا، بِنا ساہ ساہ دِھیائیا۔ مَیں بےفِکر ہو کے رہیا سُتّا، اپنی نہ لئی انگڑائیا۔ جِس ویلے تُہاڈا ویلا ڈُھکا، نِرگُن ہو کے آیا جوتی جامہ کر رُشنائیا۔ جوتی جوت سروُپ ہرِ، آپ اپنی کِرپا کر، مِہروان پھیرا پائیا۔ شبد گُروُ کہے پُرکھ اکال تُوں سدا چلن والا ٹیڈھا، سِدھی دھار نہ کوئے سمجھائیا۔ ویکھیں کِتے تَینوُں چلدیاں لگّ نہ جائے ٹھیڈا، راہ وِچ نہ کوئے اٹکائیا۔ مَینوُں پتہ جِس ویلے برہمے نوُں اِشارہ دِتا چار ویدا، وِدیا اپنی پھیر نہ کوئے پڑھائیا۔ اوہدا اپنی چرن دی دھوُڑی نال بنا کے میَدا، مدھ وِچ حد دِتی رکھائیا۔ تَینوُں اُپر کدے نہ وینہدا، چرناں وِچ آس رکھائیا۔ جوتی جوت سروُپ ہرِ، آپ اپنی کِرپا کر، سوہنی کار کمائیا۔ شبد گُروُ کہے پربھوُ اجے تائیں تیرے گھر سُت نہیں جمّیا کدے جوڑا، سجےّ کھبّے نہ کوئے لگائیا۔ مَیں حَیران ہویا تُوں کِس طرح سسّے اُپر لایا ہوڑا، ہوڑے دا مطلب جانیا کِسے نہ رائیا۔ گُروُ گوبِند ماچھوُواڑے تیرا گاؤن لگّا سی دوہرا، پھڑ کے کنّوں چاروں کُنٹ دِتا بھوائیا۔ تُوں اجےّ میرا نِکاّ جِہا چھوہرا، شہنشاہ ہو کے تَینوُں لَواں اُٹھائیا۔ گوبِند ہسّ کے دِتا مروڑا، پربھوُ تیرا کھیل بےپرواہیِا۔ سِری بھگوان کہے او نہیں مَینوُں تیری پَینی لوڑا، لوہڑا پئے جگت لوکائیا۔ اوس ویلے تیرے کول ہونا نہیں کوئی باز گھوڑا، گھوڑا شبدی دیاں بنائیا۔ تیرے سِر اُتے کوئی جھُلدا نہیں دِسنا چؤرا، چاروں کُنٹ میرے نام دی وجےّ ودھائیا۔ جیہڑا نانک تُہاڈے اندر رکھ کے گیا مُہرا، مُہر اپنی اِک لگائیا۔ اوہدے پِچھے بھگت دوارے دبنا کاغذ کورا، خوُن اپنے نال رنگائیا۔ پِھر بننا بھگت بھگوان دا جوڑا، وجّنی سچ ودھائیا۔ کِیوں تیرا اوہناں دے اندر ہونا پؤڑا، پؤڑی گؤڑی راگ نہ کوئے سُنائیا۔ جے تُوں گوبِند ہوئیو کمزورا، نکّ نال لکیِراں دیاں کھِچائیا۔ تُوں میرے اُتے واریا اجیِت جُجھار فتح سِنگھ زورا، مات پِت دی لوڑ رہی نہ رائیا۔ ایہہ وی دُنیا وِچ تیری نِشانی ڈورا، بِنا پُرکھ اکال ہتّھ نہ کوئے پھڑائیا۔ جِس ویلے کلجُگ انت ہویا گھنگھورا، رَین
اندھیری چھائیا۔ تیرا ہونا بھاگ متھورا، مِتھیا دِسے لوکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ شبد گُروُ کہے او گوبِند تَینوُں کِسے بنّھنے نہیں سِر تے پُھلّ چّھبے، چھّبی پوہ دئے گواہیِا۔ تیرا ناتا جُڑنا اوس نال شیر بگےّ، جِس دی بغل وِچ لوکائیا۔ گُر اوتار پَیغمبر جِس نے اپنے چرناں دے ہیٹھوں کڈھے، لوک مات پرگٹائیا۔ حُکمے اندر پِھرن بدھےّ، بندنا سیِس جھُکائیا۔ اوس ویلے پتہ لگّے تیری تے پرماتما دی پریِتی لگّے، اِکو نوُر نظری آئیا۔ تیرا پُرکھ اکال تیرے وِچوں کوئی نہ کڈھے، دوویں رل کے خوشیاں لؤ منائیا۔ اِکو نوُر اِکو دِیپک جوت جگے، اِکو شبد ہوئے شنوائیا۔ پھیر بھگتاں نوُں آؤنے مزے، اوہناں کھانی چھڈنی مِٹھیائیا۔ تیرا پَیر سِر ویکھ کے ننگے، ننگیاں ملِے وڈیائیا۔ جوتی جوت سروُپ ہرِ، آپ اپنی کِرپا کر، دُھر دا داتا ویکھ وکھائیا۔ شبد کِہا مَیں شبدی کافور، گہر گمبھیِر اکھوائیا۔ جُگ چؤکڑی رہیا ہور، کلجُگ ہور روُپ بدلائیا۔ جد ویکھو نواں نِکور، بِردھ بال نہ روُپ جنائیا۔ میرا کِسے دے نال نہیں کوئی خور، بھگتاں دا کھوجی بن کے پھیرا پائیا۔ گُرمْکھو کوئی پربھوُ تُہاڈے ورگا نہیں کٹھور، جو در آیاں نوُں دیوے دُرکائیا۔ جے سچ سمجھو تُہاڈے اندر وساں تُساں پھیر وی نہیں جانی لوڑ، لوڑاں جگت پوُر کرائیا۔ جدوں وڑاں تے وڑاں بن کے چور، راتی سُتّیاں دے اندر ڈاکا آواں پائیا۔ تُہاڈا خزانہ تُسیں نہیں سمجھے تے نہ کوئی جانے لکّھ کروڑ، اسنکھاں والی گنت نہ کوئے گنائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ گوبِند کہے مَیں کی کُچھ جاتا، کی کیِتی پربھ جنائیا۔ کی سمجھی رمز اِشارے والی باتا، باطن ہوئی پڑھائیا۔ کی دسّی بِن اکھّراں توں گاتھا، بِن سطراں سطر سمجھائیا۔ پُرکھ اکال نے میرے ہتّھ مار کے اُپر ماتھا، مستک دِتا بدلائیا۔ جِدھر ویکھاں تے ویکھاں پُرکھ سمراتھا، دوُسر نظر کوئے نہ آئیا۔ گُرمْکھ بالا چُکیا ڈھاکا، سجےّ کھبّے رہیا لٹکائیا۔ مَینوُں سَتگُر مِل گیا ڈاڈھا، جِس لّک وِچ ڈنڈے دِتے ٹِکائیا۔ اوہنے کیہڑے کارن امرت پیایا وِچ باِٹّا، جو تَینوُں گئے بُھلائیا۔ کوئی پوُجے دیوی والی لاٹا، نِرگُن جوت درس کوئے نہ پائیا۔ ایسے کارن سب نوُں آیا گھاٹا، گھاٹے وِچ لوکائیا۔ پُرکھ اکال نالوں تُٹیا ناتا، ناتواں ہو کے دین دُہائیا۔ تن ماٹی پہن کے بستر خاکا، خالی ہتّھ رہے وکھائیا۔ کِسے مِلیا نہیں دُھر دا آقا، عقل چلی نہ کوئے چتُرائیا۔ جے سچ سمجھو پُرکھ اکال سب دا نِکاّ کاکا، جو تُہاڈے اندر وڑ کے آسن لائیا۔ جے اُس دے نام دا سُنو کلاکا، ٹِک ٹِک آواز سُنائیا۔ اوہ بخشے ساچیِاں داتاں، دَیاوان ہوئے سہائیا۔ گُرمْکھو تُہاڈیاں بِرتھیِاں جان نہیں دینیِاں
دوویں راتاں، جُگ جنم دی زِندگی کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، سچ دوارے الکھ جگائیا۔ شبد گُروُ کہے پربھوُ جگا دے اِک الکّھ، سوہنگ ڈھولا گائیا۔ سِری بھگوان کہے میری طوبیٰ مَیں گوبِند نالوں کدی نہ ہونا وکّھ، وکھّرا دھام نہ کوئے بنائیا۔ جن بھگتو تُہانوُں دے دینی اوہ اکّھ، جِس نال ساکھیات نظری آئیا۔ مَیں اجّ تائیں کِسے نوُں بھیت نہیں دِتا دسّ، بہُڑی تُہانوُں دینا سمجھائیا۔ کِیوں جُگ چؤکڑی گُر اوتار میرے جوگا حِصّہ گئے چھڈ، بھوِکھتاں وِچ گائیا۔ مَیں ہویا گد گد، خوشیاں چھند الائیا۔ تُسیں میرے لال ہیرے نگ، لوک مات کرو رُشنائیا۔ تُہاڈے اندر پریم دی اگّ، جو کوُڑی کِریا رہی جلائیا۔ جِس کارن لئے سدّ، حُکم رہیا سُنائیا۔ سوہنے رہے پھب، آسن رہے جمائیا۔ کتے سمجھ نہ لِؤ ایہہ بندیاں والا کوئی پِھردا قد، بُڈھا نڈھّا اپنی دھار بدلائیا۔ مَیں کوئی بھیڈاں دے چارن والا نہیں وگ، سانہسی ڈوم نہ نظری آئیا۔ مَیں کوئی براہمناں دا بنّھن والا نہیں تگ، جنیؤُ گل دے وِچ پائیا۔ ایہہ وی کوئی جرنیل سِنگھ دا )شکگّ(، جیہڑا راجا بن کے رَوداس دی بھیٹ کرائیا۔ رَوداس نے بولیا حق، حُکم دِتا جنائیا۔ ایہنوُں پہنے پُرکھ سمرتھ، جِس دے اَگے سیِس دِتا نِوائیا۔ تُوں سانبھ کے چھڈیں رکھّ، خزانے دُھر دے وِچ لُکائیا۔ جِسنوُں کِسے نہیں لاؤنا ہتّھ، کلجُگ انتم لئے مِلائیا۔ جن بھگتو کِسے نوُں نہ ہووے شک، پِچھلا لہنا رہیا چُکائیا۔ ایس توں بہُتی ہور دے کے وتھ، پریم پریِتی چرناں نال بندھائیا۔ کِیوں اِسنے گوبِند چُکیا کندھے اُتے وِچوں ڈھکّ، اُچ دا پیِر سیِس اُٹھائیا۔ اندر لگّا ہِجر دا پھٹّ، فِکر دی لوڑ رہی نہ رائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ گوبِند کِہا مَیں کِدھر پےَ گیا کھہڑے، رَوداس کہے میرا باقی لہنا نظری آئیا۔ اَگے ہور بتھیرے دُنیا دے پَینے جھیڑے، جھگڑے وِچ رہنا لوکائیا۔ کوٹاں جُگاں پِچھوں سِری بھگوان آیا بھگتاں دے کھیڑے، کھِڑے متھے سب نوُں ویکھ وکھائیا۔ جن بھگتو چڑھ جاؤ میرے بیڑے، بیڑیِاں دا ناتا دینا تُڑائیا۔ ویکھیو وڈّے رکھیو جیرے، جیرج انڈ پھیر نہ ملِے سزائیا۔ جے ایتھے دُکھ تے ایتھے سُکھ ایتھے چاؤ گھنیرے، گھنگھور رَین رہن نہ پائیا۔ تُہاڈا مالک بن گیا سِنگھ شیرے، شرع دا لیکھا دئے چُکائیا۔ تُسیں آ گئے اوس دے گھیرے، جو چاروں کُنٹ بھجےّ واہو داہیِا۔ بھاویں تُسیں اپنے کایا دے چیِتھڑ لبیڑے، پریم پیار نال دھو کے صاف دئے کرائیا۔ ایہو بخشش ایہو مِہرے، مِہروان آپ سمجھائیا۔ ہُن گوبِند دے تبیلیاں وِچ نہیں لُکدے وچھیرے، شبد تُرنگ بھجےّ چائیں چائنیا۔ نالے ویکھے میرے پریمی
کیہڑے کیہڑے، کِتھے بَیٹھے ڈیرہ لائیا۔ اوہ پُرکھ اکال تُوں رہیں نہ کِتے وِچ اندھیرے، تیریِاں اکّھیاں دیاں کُھلائیا۔ گوبِند کِہا مَیں سب توں دوُر سب توں نیڑے، نیرن نیرا سوبھا پائیا۔ جوتی جوت سروُپ ہرِ، آپ اپنی کِرپا کر، سوہنا رنگ رہیا چمکائیا۔ گوبِند کہے پربھوُ تُوں بھگتاں دا کھادھا نِمک، نِمک حرام نہ کوئے اکھوائیا۔ پرکاش ہو کے داس ہو کے ابناش ہو کے چمک، نوُر نوُر وِچوں پرگٹائیا۔ اِنہاں دی بنا دے بنت، جو آئے پندھ مُکائیا۔ سبناں دا بن کنت، دُہاگن نظر کوئے نہ آئیا۔ ایہہ سب توں وڈّے سنت، جو سَتگُر مِل کے خوشی منائیا۔ مایا موہ توڑ کے ممت، ممتا گئے بُھلائیا۔ تیری آ گئے انوکھی سِمت، سماں جان بدلائیا۔ سِری بھگوان پِچھلے وِچھوڑے دی اِنہاں اَگے کر مِنت، کِیوں دِتی جُدائیا۔ لکّھ چؤراسی وِچوں ایہہ تیری تھوڑی جہی جِنس، جِس دا وپاری نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گوبِند کہے مَیں دینا کُچھ جواب، جن بھگتاں منگ منگائیا۔ ترتالیاں سالاں وِچ میرا اِک ویراں نِیلے اُتے چڑھن لگّیاں چرن تِلکیا سی وِچوں رکاب، بِنا رکاب رمز سمجھ کِسے نہ آئیا۔ اِس دا ہرکرِشن نوُں دِتا خواب، جو پہلے گیا سُنائیا۔ تیغ بہادر گا کے راگ، تِنّاں اکھّراں ونڈ ونڈائیا۔ پُرکھ اکال نے کِہا مَیں تیرا ویکھنا اوہ باغ، جو باغیچہ شہنشاہیِا۔ ایہہ سُن کے محمد دی طبیعت ہوئی خراب، سچکھنڈ بَیٹھا ہؤکے رہیا سُنائیا۔ گوبِند کِہا تُہانوُں کرنا پئے اِک نوُں آداب، ادب نال دِرڑائیا۔ کِسے دی نہ کِنگ وجنی نہ رباب، ربّی نوُر نظری آئیا۔ اُسنے کوئی پُنّ ویکھنا نہ صواب، صبا بھگتاں دی لئے بنائیا۔ آپ بن کے شہنشاہ نواب، نؤبت حق دئے وجائیا۔ جِنہاں کلمہ پڑھ کے کھادھا کباب، پُشتیاں دے پُشتے دئے وکھائیا۔ انت کرے برباد، حُکمی حُکم ورتائیا۔ لاگیوں عیسیٰ پیا جاگ، ہائے ہائے ایہہ کِس آواز سُنائیا۔ موُسیٰ کہے میری کؤن کرے اِمداد، ساتھی نظر کوئے نہ آئیا۔ گوبِند کہے اوہ جِس نے اِک بناؤنی جماعت، جمع تفریق رہن کوئے نہ پائیا۔ جِس دے جھلک دی جھلّ نہ سکے کوئی تاب، بےتاب ہووے لوکائیا۔ جوتی جوت سروُپ ہرِ، آپ اپنی کِرپا کر، حُکم حُکم وِچوں سُنائیا۔ گوبِند کِہا مَینوُں اکھّراں والے کہِندے گوبِند، گّگا بّبا دّدا نال وڈیائیا۔ جے ہوڑے دی بن جاندے بِند، پِھر پُرکھ اکال آپے نظری آئیا۔ جھگڑا چُھٹ جاندا اُستت نِند، کوُڑی کِریا نہ کوئے سُنائیا۔ امرت مِلدا ساگر سِندھ، جو پنجاں دے مُکھ چوائیا۔ ایسے کرکے سارے گئے کھِنڈ، کایا کھنڈر لیا بنائیا۔ نالے مَینوُں کہِندے والی ہِند، نالے جھگڑا ہِندوُاں نال بنائیا۔ مَیں سارے دینے پِنج، تاڑا وجےّ تھاؤں تھائنیا۔ مَیں
مُنہ دے بھار سُٹنے اِنج، سِر سکے نہ کوئے اُٹھائیا۔ جن بھگتاں دینا نِگھ، اپنی چھاتی لائیا۔ کدی کِسے نہیں سمجھیا وید رِگ، جو رگھُپت دی کرے وڈیائیا۔ نانک دی گودی وِچوں سارے گئے ڈِگّ، ڈِگیاں نہ کوئے اُٹھائیا۔ پاپاں دی اُتے پےَ گئی ڈِھگ، بھار نال دبائیا۔ گوبِند کہے میرے بِنا کِسے نہیں ڈاہُنی اَگے ہِک، باہوُ بل نہ کوئے وکھائیا۔ سب نوُں پتہ لگ گیا گُر اوتار پیِر پَیغمبر سارے ہو گئے چِھپ، پربھ سِنگھاسن دے تھلّے بَیٹھے سیِس نِوائیا۔ کوئی نہ رہیا کِسے دا مِت، مِتراں کیِتی جُدائیا۔ اِکو پرم پُرکھ اکال پِت، پت پرمیشور بےپرواہیِا۔ جِس دا کھیل دِسے انڈِٹھ، پڑدا سکے نہ کوئے اُٹھائیا۔ جن بھگتو تُہانوُں کدے نہیں دینی پِٹھ، سنمُکھ ہو کے سوبھا پائیا۔ تُسیں بھاویں یاد نہ کرو چِت، مَیں اپنا چِتر تُہاڈے اندر دینا لُکائیا۔ پریم نال لَینا کِھچّ، زنجِیر اپنے ہتّھ وکھائیا۔ جوتی جوت سروُپ ہرِ، آپ اپنی کِرپا کر، کرماں دا لیکھ مُکائیا۔ گوبِند کِہا اے اَگے اَگے نہ ڈر، بھجّیا کِتھے جائینگا وڑ، گھیرا سب نوُں آپے پائیندا۔ ایدھروں اودھروں سب نوُں لئے پھڑ، ساہمنے پِھر وی درس دِکھائیندا۔ تُہاڈی چوٹی تے تُہاڈی جڑ، تُہاڈے پِچھے اگنی چ گیا سڑ، تُہانوُں رُڑھا کے پہلوں وِچ سرسے دے سر، مروا کے گڑھی چمکؤر دے گڑھ، کھیل کھترانے والا کر، انتم آپے لئے ور، اپنے نال مِلائیندا۔ جوتی جوت سروُپ ہرِ، آپ اپنی کِرپا کر، - - - - - - - جن بھگتو تُہاڈا انوکھا کھولنا سر، سروور اِکو اِک وکھائیندا۔ جِتھے نہاوَن ناری نر، کوُڑی ونڈ نہ کوئے بنائیا۔ ایہہ میرا نہیں تُہاڈا گھر، مَیں تے مُسافر بن کے جُگ جُگاں دا بُڈھا گٹھڑی کندھ اُٹھا کے، پِٹھ ٹِکا کے، بغل وِچ دی بدلا کے، چھاتی نال لا کے، سیِس اُتے ٹِکا کے، حق آواز لگائیا۔ ہؤلی ہؤلی سمجھا کے، چؤراسی وِچوں اُٹھا کے، اُنگلیاں نال لا کے، شبدی پُت بنا کے، سوہنگ ڈھولا پڑھا کے، اندر جوت جگا کے، جگت دا راج مُکا کے، لوک پرلوک دِتی وڈیائیا۔ اپنی مؤج وکھا کے، پڑدا پرھاں ہٹا کے، بھگتاں گلے لگا کے، اِکو رنگ دِتا چڑھائیا۔ خبراں دِتیاں تمبےچُکو درشن پاؤ جا کے، ایہہ باوَن والی پِچھلی یاد نظری آئیا۔ بھگتاں دے دوارے پُٹھے ڈِگے آ کے، پتّری کھولے بنا کے، سَتریں پڑھے نِگاہ ٹِکا کے، ربّی جوت نوُر جگا کے، نظر کِسے نہ آئیا۔ دھنےّ دا ہل واہ کے، ہیٹھلے اُتلے نوُں ہِلا کے، موڑ اُتوں بھار ٹِکا کے، ہتّھ پِٹھ اُتے رکھا کے، کلجُگ سَتجُگ دوویں رہیا بھجائیا۔ گُرمْکھو تُہاڈے پِچھے اپنا آپ تجا کے، شیر سِنگھ دا نام پوُرن جوڑ جُڑا کے، گوبِند دا رنگ رنگا کے، گُرسِکھاں دا جوگ کما کے، بھسم ہو کے قسم کھا کے، اِسم اپنا رہیا وکھائیا۔ تُوں کی کہنا اوۓ فریِد،
فردر دے سمجھائیا۔ فریِد کہے مَیں پربھوُ دا عزیِز، بچّہ نظری آئیا۔ میرے تن نہیں قمیِض، پٹکہ سیِس نہ کوئے ٹِکائیا۔ مَیں سِکھنی بھگتاں توں تمیِز، جو سُتے پربھ نوُں رہے پائیا۔ جیہڑے جگت ولوں غریِب، نام ولوں مِلی شہنشاہیِا۔ مِہر دی ہوئی بخشیِش، رحمت سچ کمائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ گوبِند کہے کُچھ آواز آئی ولوں چڑھدے، پُرکھ اکال رہیا جنائیا۔ اِشارے کیتے اگلے ہڑ دے، جِس نے ہڑ دینا وہائیا۔ پڑدے کُھلے اگمّے گھر دے، جِتھے وجےّ سچ ودھائیا۔ جیہڑے بھگت بَیٹھے باہر در دے، درشن اوہناں آؤنا وکھائیا۔ کِتے سویرے دوُجیاں نال رہن نہ لڑدے، سانوُں باہر مِلیا نہ سچّا ماہیِا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ شبد گُروُ کہے پربھوُ اوہ تُوں کؤن کھتری، کہ چھتردھاری نظری آئیا۔ کہ براہمن بنِیو پھولن والا پتّری، کُنڈلیاں وِچ حِصّے رِہوں پائیا۔ کہ منتر پڑھیں گائتری، باراں اکشر نال مِلائیا۔ کہ دسّیں لگاں ماتری، سِہاری بِہاری ونڈ ونڈائیا۔ سِری بھگوان کِہا نہیں اوۓ مَیں بھگتاں نوُں کدے دِنے مِلاں کدے راتری، نِرگُن ہو کے کھیل کھِلائیا۔ میرا جلوہ نوُر باطنی، ظاہر کراں رُشنائیا۔ ویکھیو کوئی نہ سمجھیؤ ایہہ کوئی کراماتنی، کرماں دا لیکھا رہیا مُکائیا۔ جن بھگتو تُساں کیہڑی پٹّی لِکھ کے پوچنی نال گاچنی، سَتگُر دا اکھّر نہ کوئے بدلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ شبد گُروُ کہے او برہمے تیری ویکھی نِکّی جِہی قلم، جو اَگے پِچھے رہی لِکھائیا۔ پر تَینوُں پربھ دا نہیں آیا عِلم، قانوُن سکیا نہ کوئے سمجھائیا۔ او شِو تیرے پُجاری سُلفیاں والی پیندے چِلم، سوُٹے کِھچّ کے باہر کڈھائیا۔ تُسیں میری نہیں سمجھی قِسم، پربھ دا ناتا نہ کوئے جُڑائیا۔ تُسیں پوُجا کراؤندے رہے پنج تت جِسم، شبد دی سار کِسے نہ آئیا۔ ایہہ بھگوان، وِشنوُں کہے تیری سمجھے نہیں رسم، بھیوَ ابھید نہ کوئے کُھلائیا۔ برہما کہے مَیں کنّ پھڑ کے کھاواں قسم، سمجھ کُچھ نہ آئیا۔ جے تیرا گُروُ نہ ہُندا دسم، تیرا پڑدا نہ کوئے اُٹھائیا۔ اوہ مُلّا بن کے داہڑیاں نوُں لا کے گئے وسم، اُستریاں نال گھسائیا۔ جگت مایا ویکھ کے ہسّن، مُریِداں نال مُرشداں دی وجدی رہی ودھائیا۔ جگت ناریاں نال وسن، سیجا مات ہنڈھائیا۔ جے پربھوُ تُوں آئیوں سارے لگّے نسّن، بھجےّ تھاؤں تھائنیا۔ سِری بھگوان کہے مَیں ایسے کر کے آیا دسّن، سوُربیِر ناؤں دھرائیا۔ بِنا بھگتو تُہاڈے حُکم توں اَگے موُل نہ لنگھن، ایہہ میری وڈیائیا۔ ایہہ نہ سمجھیؤ کوئی ڈہا پلنگن، سچکھنڈ دوارا رہیا بنائیا۔ مَیں کوئی چھلّے چھاپاں نہیں پہننے کنگن، اشٹبُھج والے لال بستر نہ
کوئے وکھائیا۔ میرا اِکو مُتہرا اِکو مردنگن، سب دے ٹھیِکر رہیا بھنائیا۔ جوتی جوت سروُپ ہرِ، آپ اپنی کِرپا کر، حُکم اپنا رہیا ورتائیا۔ گوبِند کہے پربھوُ مَینوُں جاپدا تیرا کوئی ریڑکا، تُوں رِڑکیں سرب لوکائیا۔ او گوبِند نہیں، ایہہ میرا وِہار شبدی کھیڈ دا، پِچھلیِاں کھِڑکیاں ساریاں بند کرائیا۔ اَگے ہُن میریاں بھگتاں نوُں کوئی نہیں چھیڑدا، ستّ رنگا ستّاں لوکاں کرے صفائیا۔ ایہہ لیکھا نؤ سؤ چُرانوے چؤکڑی گیڑ دا، گیڑے وِچ بھوائیا۔ ایہہ لہنا گوبِند دی مِہر دا، مُحبّت دا موُل چُکائیا۔ ایہہ پھیرا پربھوُ شیر دا، شریعت دئے بدلائیا۔ سنت سُہیلے لکّھ چؤراسی وِچوں نِکھیڑدا، نِکھڑیاں جوڑ جُڑائیا۔ اَگے نظارہ ویکھیو اگمّی کیہر دا، جو قبراں وِچوں سُتے لئے اُٹھائیا۔ کُچھ لیکھا شریِف اجمیر دا، اپنے نال بنائیا۔ کُچھ جھگڑا گوبِند دا گوداوری والے ڈیر دا، ڈیریاں والے دئے ہِلائیا۔ ننگی پَیریں فرنگی ویکھیو گھیر دا، پِٹھ ننگی دئے وکھائیا۔ جنگی چھیڑاں آپے چھیڑدا، جنگجوُ بہادر پھیرا پائیا۔ رنگ ویکھیو پربھوُ دی سویر دا، جو صُبح دی صُبح دئے بدلائیا۔ ستّ رنگا کہے مَینوُں کِیوں بنایا ڈنڈا، ڈنڈؤت سچ نہ کوئے سمجھائیا۔ میرا لیکھا گوداوری کنڈھا، گوبِند راہ تکائیا۔ گُلاب کہے میرا لیکھا نال بندہ، بندھن دئے تُڑائیا۔ پُرکھ اکال کِہا تُوں بچّوُ سب نالوں چنگا، جو کلجُگ کوُڑیِاں ونگاں دئیں بھنائیا۔ تُوں کی لبھنا اوہ جیہڑا بھگت شمع تے جا کے کدی سڑیا نہیں وانگ پتنگا، شمع دے وِچ سمائیا۔ لکّوں کُبی رووے بُھبیں اوہ براہمنوں تُہاڈی مائی گنگا، گوداوری مینڈھی کھول دئے دُہائیا۔ ہائے پربھوُ کِیوں پِھردا پَیریں ننگا، تیری بےپرواہیِا۔ سانوُں دِسدا کِسے تیِرتھ وِچ پانی رہن نہیں دِتا چنگا، چنگیاں توں مندے دِتے بنائیا۔ سادھوُ کلجُگ کر کے رنڈا، رنڈیاں دا ویہڑا دِتا وسائیا۔ شاہ رگ اُتے مار کے ڈنڈا، اُتوں ہیٹھاں دِتے لاہیِا۔ ایَویں کہِندے سانوُں دِسدا سوُرج چندا، ہائے ہائے مِلیا نہ پُرکھ اکال دُھر دا ماہیِا۔ اَگے پِچھے سجےّ کھبّے ویکھن کوئی ہور وی ہیَگا ساڈے ورگا گندہ، جو پربھ نال دغا کمائیا۔ ویسوا وانگ ڈاہ کے منجا، پگڑیاں ٹوپِییاں سانبھ کے مُنہ اُتے ہتّھ پِھرائیا۔ پربھوُ نے کِہا تُہاڈا ایتھوں پھڑ کے پڑدا کرنا ننگا، غُصے والی گُنجائش نہ کوئے رکھائیا۔ مُریِداں دے پِچھوں عیِداں دے مگروں تقریراں دے بعد اندر وڑ کے طوبیٰ کر کے چرنی پڑ کے کہن چنگا، جِویں تیری رضائیا۔ سِری بھگوان کِہا مَیں کی کراں گوبِند مَیتھوں چھّبی پوہ توں پھیر منگ لیا کھنڈا، جِسنوُں مُٹھی پِچھے نہیں کوئی ڈنڈا، ڈنڈؤت سب نوُں دئے سِکھائیا۔ ویکھیو پوُرن نوُں کوئی نہ کہیؤ بندا، بندیو بندیو بندیو دیِنا بندھوُ نظری آئیا۔ جوتی جوت سروُپ ہرِ، آپ اپنی کِرپا کر، اپنا کھیل
رہیا وکھائیا۔ پربھوُ تیرا کھیل کِتھے، گوبِند کہے مَینوُں دے جنائیا۔ پُرکھ اکال کہے بھگت وسن جِتھے، مَیں اوتھے پھیرا پائیا۔ اوہناں دے کرم جنم پاپ سنتاپ چُک کے اِکٹّھے، اُٹھا کے اپنے قدماں اُتے ٹِکائیا۔ ایہہ سُن کے دُرگا اشٹبُھج پِٹے، ہائے ہائے ہائے شیر نے سب دی کیِتی صفائیا۔ میرے لال بستراں نالوں گُرمْکھاں دے چنگے کیتے بستر چِٹے، چِٹی دھاروں اَگے لئے لنگھائیا۔ ہیَں ! سارے تارے وڈّے نِکے، مینڈھی کھول کے وَین پائیا۔ گوبِند کِہا مَیں کیہڑے لُکے رہن دینے کِسے گُٹھے، وِتھاں وِچوں باہر کڈھائیا۔ انتم بنّھے اِکو مُٹھے، مُٹھی اپنی رہیا جنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سِری بھگوان کہے مَینوُں کُچھ گیا چُبھ، تیِر دِتا لگائیا۔ اُتّر پوُرب پچھّم دکھّن چارے دِشا وجےّ بُھب، رو رو سُنائیا۔ دیِن دُنی دا نِکل گیا کُب، وِنگ سکے نہ کوئے کڈھائیا۔ گوبِند شبدی ماریا گُبھ، سارے دِتے سُٹائیا۔ سِری بھگوان نے ہُن ویکھنا چڑھ کے اُتے لکڑی دے مُڈھ، سوہنا آسن لائیا۔ ایہو جِہا کدی نہیں سی بدلیا جُگ، بھگت اُدھارے تے دُشٹاں دی کرے صفائیا۔ جوتی جوت سروُپ ہرِ، آپ اپنی کِرپا کر، ویلا وقت دئے وڈیائیا۔ گوبِند کہے مَینوُں اجے چڑھن لگّی جوانی سمت پہلا نظری آئیا۔ مَیں پہلی وار بھگتاں دی کھادھی مہمانی، بل اپنا لیا ودھائیا۔ مَیں چھڈ دِتے بھتّھے تیِر کانی، شبدی چِلّہ اِک اُٹھائیا۔ کوئی رہن نہیں دینا ابِھمانی، کوُڑی کِریا دینی گوائیا۔ پُرکھ اکال دی بھگتاں نال رہنی نِشانی، نِشانے سارے دینے چُکائیا۔ جِنہاں پِچھے بچّیاں دی کیِتی قُربانی، اپنی دِتی زِندگانی، سرِشٹی دسّی فانی، مایا دی قیِمت نہیں پائی دوانی، سرسے وِچ سُٹائیا۔ ایسے کارن کرے مِہربانی، گُرمْکھو تُہاڈے ہتّھ لائے اُتے پیشانی، حَیرانی اندروں دئے گوائیا۔ تُہاڈا میرا لہنا نہیں کوئی زبانی کلامی، مَیں تُہاڈے پِچھے کرن آیا غُلامی، جے پھیر پُچھو مالک دُھر اَنامی، بدنامی تُہاڈی اپنی جھولی پائیا۔ او ویکھیو کِتے اوہ جوُہ نہ سمجھیؤ بیگانی، ایتھے گُروُآں اوتاراں پَیغمبراں دا مُقدمہ دیوانی، فَیصلہ حقو حق سُنائیا۔ تُہاڈی اجے سُرت انجانی، گوبِند مِلنا سچّا ہانی، جِس جُجھار نوُں دِتا نہیں پانی، تُہانوُں امرت پیالے دئے پیائیا۔ نالے آؤنا وِچ مَیدانی، دُنیا ویکھنی جگت نادانی، جوتی جوت سروُپ ہرِ، آپ اپنی کِرپا کر، دھرت دھوَل دئے سُہائیا۔ دھرنی کہے میرے اُتے ایتھے پیا دھماکا، رام نؤ ویراں سیِس جھُکائیا۔ متھا ٹیکیا اپنے باپا، رام دا رام منائیا۔ مَیں تیرا نِکاّ جِہا کاکا، دسرتھ دا بیٹا اکھوائیا۔ پُرکھ اکال کِہا ایہہ پھیر کراں گا باتا، کلجُگ انتم رہیا سمجھائیا۔ شہنشاہی سمت دیِاں آؤن راتا، چھّبی پوہ وجےّ ودھائیا۔ جِس ویلے بھاگ لگّے سرِشٹی دی دھرتی
ماتا، پربھوُ دے چرناں دی دھوُڑ نظری آئیا۔ میری کوئی ذات نہیں کھتری براہمن شوُدر وَیش مہاشا، ونڈاں وِچ حِصّہ نہ کوئے پائیا۔ جد آواں ویکھن جگت تماشا، تماشگیِر ہو کے پھیرا پائیا۔ سچ پُچھو تاں مَینوُں خوشیاں وِچ آوے ہاسا، گُرمْکھاں مِل کے خوشی منائیا۔ سب نے جانیا گوبِند دا پنج تت کایا چولا پاِٹا، باز گھوڑے ہوئے جُدائیا۔ کوئی نہ جانے اوہ شبدی دُھر دا آقا، عقلاں توں باہر ڈیرہ لائیا۔ جِس نے دیِناں مذہباں ذاتاں پاتاں دا توڑنا ناکا، سِدھا وہن دینا وہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رام کِہا مَیں چاروں کُنٹ ویکھی اِک ہستی، جِس دا حِساب نہ کوئے آئیا۔ پھیر ویکھیا تے اوہدی بھگتاں اندر مستی، مستانے رہیا بنائیا۔ ترنتِے توں اَگے دواپر توں پرے کلجُگ انت جِن گُرمْکھاں دی بناؤنی بستی، بِسترے سب دے گول کرائیا۔ اپنی پریِتی کرنی سستی، مِہر نظر اِک اُٹھائیا۔ پہریدار بن کے چار کُنٹ پِھرنا گشتی، اندر وڑ وڑ ویکھ وکھائیا۔ کیہڑی آتما میرے نال وسدی، گلوکڑی بَیٹھی پائیا۔ پیار وِچ کدے نہ نسّدی، بہُڑی بہُڑی دئے دُہائیا۔ جے کدی سُنی تے کہانی اوسے دے سچ دی، جو سُچے گُرمْکھ رہیا بنائیا۔ جن بھگتو جوت اکالن تُہاڈے پِچھے نچدی، اپنا رنگ رہی چڑھائیا۔ ایہہ قیِمت پائی گوبِند دے بچن سوا لکّھ دی، لکّھاں دا سیوادار لکھمی نرائن دِتا بنائیا۔ مَیں کھیل کراں تُہاڈے پکّھ دی، دو جہاناں پندھ مُکائیا۔ اَگے ریِتی بدل دینی جگ دی، جُگت نال دِرڑائیا۔ تُہاڈی بُدھی رہن نہیں دینی کگ دی، ہنس دینے وکھائیا۔ مہاراج شیر سِنگھ وِشنوُں بھگوان، کھیل کرے سوُرے سربگ دی، سمرتھ اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، مُحبّت ویکھی بھگتاں دی رت دی، رتی رت رنگ وِچ رنگائیا۔