کتب خانہGranth 19 (Shahmukhi)

۲ ماگھ شہنشاہی سمت ۱ شنگارہ سِنگھ پِنڈ کھیڑا ضِلع امرتسر

ہرِ شبد کہے مَیں ویکھیا نوَ کھنڈ، پُری لوء برہمنڈ دھیان لگائیا۔ آتم پرماتم گاوے کوئی نہ چھند، ہرِ ہرِ نام نہ کوئے دِھیائیا۔ کوُڑی کِریا بھیکھ پکھنڈ، مایا ممتا موہ ہلکائیا۔ آتم جوتی چڑھیا کوئی نہ چند، دیِا باتی سچ نہ کوئے رُشنائیا۔ سرِشٹی درِشٹی اندر ہوئی ننگ، پڑدا اوڈھن سیِس نہ کوئے ٹِکائیا۔ پِھری دروہی وِچ برہمنڈ، برہمانڈ رہیا کُرلائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ شبد گُروُ کہے مَیں ویکھیا جگت جگ، چار ورن اٹھاراں برن کھوج کھوجائیا۔ دیِن مذہب بجھّی حد، ذات پات رہی کُرلائیا۔ درس کرے نہ کوئی اُپر شاہ رگ، گھر سوامی ٹھاکر نظر کِسے نہ آئیا۔ ناد اگمّی تن نہ سکے وجّ، انحد نادی ناد نہ کوئے سُنائیا۔ دُھر دا پریم سرِشٹی گئی چھڈ، پاربرہم برہم رنگ نہ کوئے رنگائیا۔ کوُڑ نِشانے سارے رہے گڈّ، سَت دھرم نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کلجُگ کایا دے بدلائیا۔ سَتگُر شبد کہے مَیں ویکھی کلجُگ کایا کوُڑ، کُنٹ چار رہی کُرلائیا۔ من واسنا موُرکھ ہوئے موُڑھ، بُدھ بِبیک نہ کوئے بنائیا۔ ساچی ملِے نہ صاحب پریِتی دھوُڑ، مستک ٹِکاّ چرن نہ کوئے لگائیا۔ نِرنتر اُپجے نہ کوئے نوُر، بسنتر اگّ نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، لکّھ چؤراسی ویکھ وکھائیا۔ لکّھ چؤراسی ویکھ نِرنکار، صدی چؤدھویں دئے دُہائیا۔ چار کُنٹ اندھ اندھیار، چؤداں طبق رہے کُرلائیا۔ مُحبّت حق نہ ملِے پیار، محبوُب درس نہ کوئے دِکھائیا۔ روندے ویکھے نر نار، نر نرائن رنگ نہ کوئے رنگائیا۔ ساڈھے تِنّ ہتّھ کایا مندر سُنجے دِسن گھربار، بنک دوار نہ کوئے سُہائیا۔ ہنس رلے کاگاں ڈار، سوہنگ مانک موتی چوگ نہ کوئے چُگائیا۔ تُوں میرا مَیں تیرا بُھلیا آتم پرماتم سانجھا یار، یارانے کوُڑے رہے ہنڈھائیا۔ جوتی جوت سروُپ ہرِ، آپ اپنی کِرپا کر، انتم لیکھا دے مُکائیا۔ شبد گُروُ کہے پربھ ویکھ کلجُگ انتم نیِت، نیِتیوان نظر کوئے نہ آئیا۔ بیِس اِکیسا گیا بیِت، پڑدے وِچ دِتے لُکائیا۔ ٹھاکر سوامی وسے کِسے نہ چیِت، چِت وِت ٹھگؤری

رہیا وکھائیا۔ کایا چولی چڑھے نہ رنگ مجیِٹھ، دُرمت مَیل نہ کوئے دھوائیا۔ سَتگُر ملِے نہ کِسے سچ پریِت، پریِتم درس کوئے نہ پائیا۔ جوتی جوت سروُپ ہرِ، آپ اپنی کِرپا کر، گھٹ گھٹ انتر پڑدا دے اُٹھائیا۔ پُرکھ اکال کہے سُن سَتگُر شبدی سَت، سَت دیاں دِرڑائیا۔ نِرگُن نوُر کر پرگٹ، جوتی جوت جوت رُشنائیا۔ دو جہاناں ویکھاں ہٹّ، برہمنڈ کھنڈ کھوج کھوجائیا۔ سنت سُہیلے لَواں رکھ، گُر چیلے جوڑ جُڑائیا۔ نِج نیتر کھول کے اکّھ، نِرگُن درس نوُر رُشنائیا۔ نام اگمّی لا کے سٹّ، سوئی سُرتی دیاں اُٹھائیا۔ امرت جام پیاواں جھّٹ، من دا جھٹکا دیاں کرائیا۔ دُئی دوَیتی میٹاں پھٹّ، مِہر نظر اِک اُٹھائیا۔ لیکھے لاواں پنج تت کایا ماٹی کچّ، رتن امولک ہیِرے دیاں بنائیا۔ اپنی سمجھاواں مِت گت، گتمِت اِکو دینی دِرڑائیا۔ انتر رہن نہ دیواں وکّھ، گُرمْکھ اپنی گود اُٹھائیا۔ جگ سرِشٹی کھیڑا ہونا بھٹھ، چار کُنٹ دُہائیا۔ باقی مہینےِ رہندے دِسن اٹّھ، جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پُرکھ اکال کہے سُن شبدی سُت دُلارے، دُلہا تَینوُں دیاں بنائیا۔ دو جہاناں وجّنے حق نگارے، نؤبت اِکو نام سُنائیا۔ چرنی جھُکنے گُروُ اوتارے، پَیغمبر سجدیاں وِچ سیِس نِوائیا۔ کلجُگ کوُڑے رنگنے کالے، کاگ ہنس دینے بنائیا۔ کرے کھیل بےمثالے مِسل جگت نہ کوئے سمجھائیا۔ جِس دے سِمرت شاستر وید پُران دیِن احوالے، کھانی بانی راگ الائیا۔ سو سَت دوارا کھول سچّی دھرمسالے، دھرم دوارا اِکو دئے بنائیا۔ جِتھے پُچھے مُریِداں مُرشد حالے، احوال اگلا دئے دِرڑائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ گُر شبد کہے پرم پُرکھ تُوں داتا مِہروان، محبوُب اِکو نظری آئیا۔ مقامے حق تیرا مکان، لاشریِک تیری سرنائیا۔ دُھر دا کلمہ دے کے دان، تؤفیِق بےپرواہیِا۔ حُکم ورتے وِچ دو جہان، دیِن دُنی دے سمجھائیا۔ تَینوُں سکے نہ کوئے پہچان، نیتر اکّھ نہ کوئے کُھلائیا۔ مَیں ویکھ ہویا حَیران، کائنات رہی کُرلائیا۔ پَیغمبر دے کے گئے بیان، عیسیٰ موُسیٰ محمد ڈھولا گائیا۔ چار کُنٹ کوُڑ طوفان، طوبیٰ طوبیٰ کرے لوکائیا۔ تیرا نوُر نظر نہ آئے سِری بھگوان، پڑدا اوہلا نہ کوئے اُٹھائیا۔ سرِشٹی سُتّی وِچ بیابان، جاگرت جوت کر رُشنائیا۔ جوتی جوت سروُپ ہرِ، آپ اپنی کِرپا کر، ساچا کھیل دے سمجھائیا۔ ساچا کھیل دسّ پربھ آپ، شبدی سُت منگ منگائیندا۔ ترےَگُن مایا میٹ تاپ، تتو تت تت سرب سُنائیندا۔ مایا موہ نہ لگّے سنتاپ، جھگڑا کوُڑ تیری جھولی پائیندا۔ روُح بُت کرکے پاک، پتت پُنیِت تیری آس رکھائیندا۔ لکّھ چؤراسی جیِو جنت سادھ سنت چار ورناں اٹھاراں برناں اِکو دسّ

دے جاپ، دیِن مذہب ونڈ نہ کوئے ونڈائیندا۔ لیکھے لا دے تن ماٹی خاک، خالص روُپ تیرا نظری آئیندا۔ جن بھگتاں انتر آتم کرکے صاف، دُرمت مَیل نہ کوئے وکھائیندا۔ جنم جنم کرم کرم دا پاپ کر معاف، مِہر نظر نظر اُٹھائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ پُرکھ اکال کہے مَیں بےپرواہ، آد جُگاد جُگ چؤکڑی میری بےپرواہیِا۔ سَتجُگ تریتا دواپر کلجُگ گُر اوتار پَیغمبراں دیواں راہ، دُھر سندیشہ نام سُنائیا۔ وِشن برہما شِو مارگ دِتے لا، اِشاریاں نال چلائیا۔ شاستر سِمرت وید پُران انجیل قُرآن دِتے بنا، کھانی بانی ونڈ بنائیا۔ ڈھولے سوہلے راگ گیِت دِتے سُنا، کلمہ کائنات جنائیا۔ پنج تت کایا ماٹی امام دِتے بنا، آمد اپنی نہ کوئے جنائیا۔ برہمنڈ کھنڈ پُری لوء دِتے رچا، رچنا اپنی نال وڈیائیا۔ چار کُنٹ دہِ دِشا نؤ کھنڈ ستّ دیِپ دِتے وسا، لکّھ چؤراسی انڈج جیرج اُتبُھج سیتج ونڈ ونڈائیا۔ نِت نوِت نِرگُن سرگُن آوے ویس وٹا، جوتی جاتا پُرکھ بِدھاتا پھیرا پائیا۔ سچکھنڈ دوارا ایکنکارا پروردِگارا رہیا سُہا، صاحب سُلطان نِرگُن نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ سَتگُر شبد کہے میرے جگدیِش، جگدیِشر تیری اِک سرنائیا۔ تیرے قدماں اُپر سیِس، نِیوں نِیوں لاگاں پائیا۔ لیکھا مُک گیا بیِس اِکیس، جو گوبِند گیا دِرڑائیا۔ صدی چؤدھویں رہی بیِت، محمد نیتر اکّھ کُھلائیا۔ کلجُگ بدلن والی ریِت، سَتجُگ ساچا لئے انگڑائیا۔ جھگڑا مکُے مندر مسیِت، کعبہ ونڈ نہ کوئے وکھائیا۔ اِکو پُرکھ اکال دیِن دَیال تیری ہووے پریِت، پریِتم اوَر نہ کوئے منائیا۔ جوتی جوت سروُپ ہرِ، آپ اپنی کِرپا کر، رنگ رنگ دے ہست کیِٹ، اوُچ نیِچ ڈیرہ ڈھائیا۔ پُرکھ اکال کہے سُن شبدی میرے لال، لالن دیاں سمجھائیا۔ کلجُگ کوُڑی کِریا ہونا کال، کال نگارہ ڈنک وجائیا۔ بھگت سُہیلے لَواں بھال، لکّھ چؤراسی کھوج کھوجائیا۔ نام اگمّا دیواں سِکھال، بِن اکھّراں کر پڑھائیا۔ سد نُہاواں ساچے تال، سروور اِکو دینا بنائیا۔ جوت جگا کے بےمثال، جلوہ نوُر کراں رُشنائیا۔ ایتھے اوتھے دو جہان کراں پرِتپال، سِر اپنا ہتّھ رکھائیا۔ سَتجُگ تریتا دواپر کلجُگ گھالن آئے گھال، نر ہرِ نرائن ساچی سیو کمائیا۔ پھل لگے نہ کایا ماٹی ڈال، تن وجوُد دے وڈیائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ سَتگُر شبد کہے مَیں منگاں منگ ایک، ایکنکار تیری سرنائیا۔ دوُجی رہے نہ کوئی ٹیک، ٹِکاّ مستک اوَر نہ کوئے لگائیا۔ اندر باہر گُپت ظاہر بُدھ کر بِبیک، بِبیکی کر وکھائیا۔ جِدھر تکاّں تَینوُں لیَن ویکھ، سنمُکھ ہو کے نظری آئیا۔ آتم پرماتم کھول

بھیت، بھجن بندگی دی لوڑ دے سمجھائیا۔ تُوں مالک خالق جُگ چؤکڑی کھیوٹ کھیٹ، ملاح اِکو شہنشاہیِا۔ جوتی جوت سروُپ ہرِ، آپ اپنی کِرپا کر، سچّا مارگ دے جنائیا۔ سچّا مارگ دسّ پُرکھ اکال، سَتجُگ سچّا راہ چلائیا۔ شبدی گُر بنے دلال، جگت وِچولا رہن نہ پائیا۔ کلجُگ سرِشٹی ہوئی بےحال، بِہبل ہو کے دئے دُہائیا۔ کِسے کرے نہ کوئے سنبھال، گُر اوتار پیِر پَیغمبر گئے پلّوُ چُھڈائیا۔ جلوہ دِسے نہ کوئے جلال، نوُرو نوُر نہ کوئے رُشنائیا۔ شبدی وجےّ نہ کوئے تال، دُھن آتمک راگ نہ کوئے سُنائیا۔ کایا ماٹی ساچا دِیپک سکے نہ کوئی بال، گرِہ مندر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، ملِے سَت تیری سرنائیا۔ پُرکھ اکال کہے مَیں دیِناں بندھن، آد جُگاد اکھوائیا۔ جن بھگتاں دیواں پرمانندن، نِجانند کراں رسائیا۔ دھوُڑی ٹِکاّ لاواں اگمّا چندن، شبدی مہک اِک مہکائیا۔ جِس نوُں سمجھے کوئی نہ پنڈن، پنڈت پاندھا بھیو کوئے نہ پائیا۔ لکّھ چؤراسی جم کی پھاسی توڑ بندھن، رائے دھرم نہ دئے سزائیا۔ آتم پرماتم ناتا آیا گنڈھن، جُگ چؤکڑی وِچھڑے میل مِلائیا۔ کوُڑی کِریا میٹے بھیکھ پکھنڈن، مایا ممتا موہ دئے گوائیا۔ جوتی جوت سروُپ ہرِ، آپ اپنی کِرپا کر، کھیل ویکھ انت برہمنڈن، وربھنڈ دئے دُہائیا۔ سَتگُر شبد کہے مَیں ویکھیا تیرا نوُر نیِکن نیِکا، جگ نیتر نظر کِسے نہ آئیا۔ پربھ پڑدا کھول جیِو جی کا، جاگرت جوت کر رُشنائیا۔ سَتجُگ اپنے مِلن دا وکھّرا دسّ طریقہ، بِن اکّھوں اکّھ کُھلائیا۔ امرت رس رہے نہ پھیِکا، نِجھر جھِرنا دے جھِرائیا۔ گُر اوتار پَیغمبر چار جُگ تیریِاں کردے گئے اُڈیِکاں، بھوِکھتاں وِچ دھیان لگائیا۔ تُوں سب دا سانجھا میِتا، مِتر پیارا بےپرواہیِا۔ نہ کوئی اُلٹاوے تیرا کیِتا، چار جُگ سرنائیا۔ لکّھ چؤراسی پرکھ نیِتا، دیِن دُنی ویکھ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سِری بھگوان کہے مَیں ویکھنہارا سرِشٹی، گھٹ گھٹ اندر ڈیرہ لائیا۔ کھولنہارا بھگتاں درِشٹی، دِب نیتر کر رُشنائیا۔ مارگ دسّاں اِکو اِشٹی، اِشٹ دیوَ سمجھائیا۔ سنت سُہیلے تاراں پھڑکے گرِہستی، گہر گمبھیِر نال مِلائیا۔ ناتا توڑ سوَرگ بہِشتی، سچکھنڈ دیاں وسائیا۔ جِتھے جنم مرن دی رہے کوئے نہ حرصی، ہوَس اوَر نہ کوئے ودھائیا۔ آتم پرماتم رہیا پرکھی، پت پرمیشور پھیرا پائیا۔ دھرنی دھوَل ویکھے دھرم دا عرشی، شہنشاہ ویس وٹائیا۔ سَتجُگ ساچی بدل دیوے مرضی، مریض رہن کوئے نہ پائیا۔ کوُڑی کِریا میٹے اندھیر گردی، شاہ سُلطاناں خاک مِلائیا۔ جن بھگتاں بنے دردی، گُرمْکھاں گود اُٹھائیا۔ جیہڑی آتم پرماتم ڈھولا پڑھدی، تِس دا پڑدا

دئے اُٹھائیا۔ خبر دیوے اپنے گھر دی، گھر وِچ گھر کرے رُشنائیا۔ ایہہ کھیل اگمےّ ہرِ دی، جو ہر ہِردا ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ شبد گُروُ کہے میرے دیؤ سوامی، صاحب تیری سرنائیا۔ سَتجُگ تریتا دواپر کلجُگ تیری صِفتاں والی گائی بانی، بان نِرالا تیِر چلائیا۔ اٹھسٹھ تیِرتھ مان دِتا پانی، پنگھٹ اُتے ویکھی لوکائیا۔ تیری رچن انڈج جیرج اُتبُھج سیتج کھانی، چاروں کُنٹ پھیرا پائیا۔ کلجُگ انت سِری بھگوَنت سب دی درِشٹی ہوئی نِمانی، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ساچا کھیل دے دِرڑائیا۔ ساچا کھیل دسّ بھگوَنت، اِکو اِک عرضوئیا۔ آتم پرماتم میلا کر دے نال کنت، گھر سہجے ملِے ڈھوئیا۔ کایا چولی چڑھے رنگ بسنت، دوُجے رنگ دی لوڑ رہے نہ رائیا۔ گڑھ تُٹے ہؤمے ہنگت، اُٹھے سُرتی سوئیا۔ بودھ اگادھا بن پنڈت، جوتی جوت سروُپ ہرِ، آپ اپنی کِرپا کر، سچ بخش اِک سرنائیا۔ سچ سرنائی دے دے چرن، چرن کوَل دھیان لگائیا۔ نیتر کُھلے ہرن پھرن، نِج نیَن سدا رُشنائیا۔ جھکڑا مُک جائے ورن برن، ذات پات نہ ونڈ ونڈائیا۔ مرن توں پہلوں دے مرن، جیِون جیِون وِچوں بدلائیا۔ گُرمْکھ تیرا ڈھولا پڑھن، تُوں ہی تُوں ہی راگ الائیا۔ تیری منگن سرن، دوُسر سیِس نہ کوئے جھُکائیا۔ تُوں مالک خالق پرِتپالک ترنی ترن، تارنہار اکھوائیا۔ جوتی جوت سروُپ ہرِ، آپ اپنی کِرپا کر، سچ مارگ دے جنائیا۔ سچ مارگ دسّ بھگوان، سَتجُگ سچّا راہ جنائیا۔ لیکھا کوُڑ مِٹے جہان، ممتا موہ نہ کوئے ہلکائیا۔ گھر سوامی دِسے کاہن، سکھی سہیلی وجےّ ودھائیا۔ پریم پریِتی بخش دان، دَیاوان تیری اوٹ تکائیا۔ سیِتا سُرتی ملِے رام، رمئیا اپنا پھیرا پائیا۔ پَیغمبر دے پَیغام، کلمہ نغمہ نام سُنائیا۔ نانک نِرگُن منتر دے سَتنام، گوبِند فتح ڈنکا اِک وجائیا۔ ساچے مندر ہووے وِسرام، بِستر اِکو دینا سُہائیا۔ جوتی جوت سروُپ ہرِ، آپ اپنی کِرپا کر، ساچی سرنی دینی سرنائیا۔ ساچی سرن دے دے اِک، ایکنکار منگ منگائیا۔ چاروں کُنٹ آویں دِس، دہِ دِشا تیری رُشنائیا۔ کروٹ لےَ بدل لےَ پِٹھ، کلجُگ انتم سَتجُگ لئے انگڑائیا۔ بھگت سُہیلے کر ہِت، گُرمْکھ گُر گُر گود اُٹھائیا۔ تیرا درشن کرن نِت، نِج گھر مِل کے خوشی منائیا۔ تُوں مالک سب دا پِت، پت پرمیشور بےپرواہیِا۔ نِہکرمی ہو کے اپنا لیکھا لِکھ، کرماں توں لےَ چُھڈائیا۔ پوُجنا پئے نہ کوئی پتّھر اِٹّ، کایا کعبہ دے سمجھائیا۔ جوتی جوت سروُپ ہرِ، آپ اپنی کِرپا کر، گھر گھر وِچ میل مِلائیا۔ سِری بھگوان کہے مَیں بھگتاں کھولاں بھیت، ابھید دیاں جنائیا۔ نظری

آواں نیتن نیت، نِج نیَن کراں رُشنائیا۔ آتم پرماتم کراں ہیت، من واسنا دیاں مِٹائیا۔ رُت بسنتی مؤلے چیت، چیتن سُرتی دیاں کرائیا۔ نِرگُن سرگُن دسّاں کھیڈ، ساڈھے تِنّ ہتّھ وجےّ ودھائیا۔ جوتی جوت سروُپ ہرِ، آپ اپنی کِرپا کر، میلا سہجے لئے مِلائیا۔ جن بھگتاں میلا ہوئے مِلاپ، سچ شبد شنوائیا۔ تُوں میرا مَیں تیرا اِکو جاپ، دوُجی اوَر نہ کوئے پڑھائیا۔ اندر باہر کر کے صاف، پتت پُنیِت لئے بنائیا۔ شبد اگمّی دے کے واک، واقف اپنا لئے بنائیا۔ جوتی جوت سروُپ ہرِ، آپ اپنی کِرپا کر، ہرجن ساچے ویکھ وکھائیا۔ ہرجن ساچے ویکھ، اپنی دَیا کمائیا۔ جنم جنم دی بدل کے ریکھ، کرم کانڈ دئے گوائیا۔ چرن کوَل کوَل چرن بخش کے ساچی ٹیک، ٹِکاّ مستک دئے لگائیا۔ کوُڑی کِریا توں کر کے نیک، نِکّیاں توں وڈّے دئے بنائیا۔ نام نِدھان دے کے دُھر سندیش، سُنیہڑا سچ سُنائیا۔ جوتی جوت سروُپ ہرِ، آپ اپنی کِرپا کر، ہرجن اپنے گھر وسائیا۔ ہرجن تیرا سَتگُر گھر وسیرا، دوارا اِکو اِک سمجھائیا۔ نظری آئے نیرن نیرا، دوُر دُراڈا پندھ مُکائیا۔ اوتھے کدے نہ ہوئے اندھیرا، بِن تیل باتی جوتی جوت جوت کرے رُشنائیا۔ لکّھ چؤراسی کٹے گیڑا، مات گربھ نہ کوئے پِھرائیا۔ مانَس جنم بنّھے بیڑا، سِر اپنا ہتّھ ٹِکائیا۔ ڈھولا دسّ کے تُوں میرا مَیں تیرا، نام نِدھانا دئے سمجھائیا۔ مُحبّت وِچ مِہروان محبوُب کرے مِہرا، سِری بھگوان ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ور داتا اِکو نظری آئیا۔ سِری بھگوان تُوں آد جُگادی دیِن دَیال، دیانِدھ اکھوائیندا۔ بھاگ لگا کایا سچّی دھرمسال، دوُجا بنک نہ کوئے وڈیائیا۔ دیِپ جوت جگے بےمثال، نوُرو نوُر رُشنائیندا۔ شبد اگمّی وجےّ دُھنکان، دُھن آتمک راگ الائیندا۔ امرت ملِے آتم پیِن کھان، ترِشنا بُھکھ نہ کوئے ودھائیندا۔ تُوں صاحب سوامی دُھر دا کاہن، رام اِکو سوبھا پائیندا۔ دوارا سُہاؤنا ساڈھے تِنّ ہتّھ مکان، مقام اِکو نظری آئیندا۔ آتم سیجا کر آرام، سُکھ آسن اِک سُہائیندا۔ چرن پریِتی بخش سچ گیان، اگیان اندھیر رہن کوئے نہ پائیندا۔ دھوُڑی ہووے اِشنان، تیِرتھ تٹ ونڈ نہ کوئے ونڈائیندا۔ پریم پیار پریِتی اندر پرم پُرکھ ملِے آن، سَتگُر شبد تیرا روُپ انوُپ نظری آئیندا۔ تُوں آد جُگادی سدا دَیاوان، دیِن دُنی ویکھ وکھائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، کوٹن بھان تیرا نوُر چمکائیندا۔

۴ ماگھ شہنشاہی سمت ۱ گیانی گُرمْکھ سِنگھ دے گرِہ بھلائی پُر ڈوگرا ضِلع امرتسر

ماگھ کہے مَیں گُرمْکھ ویکھاں منگدے، مانگت ہو کے جھولی ڈاہیِا۔ انتر آتم تن وجوُد رنگدے، کایا ماٹی خاکی سوبھا پائیا۔ دُرمت مَیل پاپ دھو کے چمّ دے، چمّ درِشٹی جان بدلائیا۔ بھیو مُکا کے ہنگ برہم، دے، پاربرہم پربھ پت پرمیشور درشن پائیا۔ پُرکھ اکال دے گرِہ جمّدے، جنم جنم وِچوں بدلائیا۔ مانَس جنم بیڑا بنّھدے، ناتا جگت والا تُڑائیا۔ جھگڑے مُکا کے خوشی غم دے، اِکو رنگ رہے سمائیا۔ لیکھے مُکا کے ممتا مم دے، سیِس جگدیِش اِک جھُکائیا۔ جوتی جوت سروُپ ہرِ، آپ اپنی کِرپا کر، ہرِ دیونہار سرنائیا۔ ماگھ کہے منگتیاں وِچوں نظری آئی منگتی، جُگ چؤکڑی دئے گواہیِا۔ جِس نوُں سمجھے نہ کوئی پنڈتی، وید شاستر پُران نہ کوئے دِرڑائیا۔ بھیو جانے دھار نہ کوئی من دی، بُدھی پڑدا نہ کوئے اُٹھائیا۔ کھیل نہیں کِسے پنج تت کایا تن دی، تتو تت نہ کوئے وڈیائیا۔ چال اَولّڑی سِری بھگوَن دی، پاربرہم پربھ کھیل کھِلائیا۔ وست پِچھلی بل والے انّ دی، حُکمے اندر لئی منگائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ ماگھ کہے مَیں منگتے ویکھے جگ، جُگ چؤکڑی دھیان لگائیا۔ گُر اوتار پَیغمبر پربھ نوُں رہے لبھ، بِن اکّھاں اکّھ کُھلائیا۔ گُرمْکھ گُرسِکھ سنت سُہیلے رہے بھجّ، بھجّن واہو داہیِا۔ نام سندیشیاں وِچ رہے سدّ، نعرے کلمیاں وِچ لگائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ ماگھ کہے مَیں ویکھاں پوُرب لہنا، لیکھا لیکھے وِچوں پرگٹائیا۔ سَتجُگ کھیل کیِتا نر نرائنا، نر ہرِ دَیا کمائیا۔ پُرکھ اکال اگمّی شبدی ڈھولا کہنا، دوُجی اوَر نہ کوئے پڑھائیا۔ تھوڑا لیکھا بالمیک لِکھیا وِچ رمائنا، سطراں ساڈھے تِنّ ونڈ ونڈائیا۔ رَوداس چمار نیتر لوچن تکّ کے اپنے نیَناں، اکّھ پرتکھ ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کرنی کہے مَیں کی دسّاں کار، سوچ سمجھ رہی نہ رائیا۔ جُگ چؤکڑی بیِتے وِچ سنسار، سَتجُگ تریتا دواپر کلجُگ اپنا پندھ مُکائیا۔ سندیشے دے کے گئے گُروُ اوتار، پَیغمبر کلمہ کائنات پڑھائیا۔ بودھ اگادھا شبد انادا کھولے نہ کوئے کِواڑ، پڑدا پڑدا نہ کوئے چُکائیا۔ چار کُنٹ دہِ دِشا پِھری دروہی جنگل وِچ اُجاڑ، پہاڑ رہے کُرلائیا۔ صدمہ ہویا پُرکھ نار، جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ پوُرب لیکھا کہے میری کِسے نہ لِکھی لِکھت، قلم شاہی ونڈ نہ کوئے ونڈائیا۔ سمجھ آئی نہ دُنی درِشٹ، سرِشٹ جیِو نہ کوئے وڈیائیا۔ تھوڑا اِشارہ کیِتا رام

وشِشٹ، واسنا شبدی اِک جنائیا۔ کوُڑی کِریا انتم ہووے نِشٹ، نشٹ کرے بےپرواہیِا۔ جِس دے کول آد جُگاد فہرِست، نِہکرمی کرماں کھوج کھوجائیا۔ بھیو جانے وَیراگی تیاگی بَیراگی گرہست، کنت سُہاگی کھوج کھوجائیا۔ جھگڑا مُکاوے ٹانک جِست، اِکو ایکا دئے دِرڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کہے کی دساں بےنظیِر، جگ نیتر نظر کِسے نہ آئیا۔ آد جُگادی داتا دانی گُنی گہِیر، گہر گوَر وڈ وڈیائیا۔ جِس دی عکس وِچ نہیں تصویِر، روُپ رنگ نہ کوئی پرگٹائیا۔ دو جہاناں مالک خالق وڈّا پیِر، پاربرہم اِک اکھوائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ دُھر دا حُکم کہے مَینوُں آئی یاد، بل دوارا نظری آئیا۔ شبد اگمّی وجّی آواز، حُکم رہی سُنائیا۔ منگتے منگتیاں دا کھول راز، پڑدا دے اُٹھائیا۔ جوتی جوت سروُپ ہرِ، آپ اپنی کِرپا کر، ساچا بھیو دے سمجھائیا۔ پڑدا کہے مَیں رکھنا اوہلا، سَت سَت دینا جنائیا۔ شبدی حُکم بنے وِچولا، گُپت ظاہر کھیل کھِلائیا۔ کوُڑا پائے کوئی نہ رؤلا، سَت سچ دئے سمجھائیا۔ یاد کرائے دُھر دا بولا، انبولت راگ الائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے جنائیا۔ ماگھ کہے موہے آئی ویچار، سَتجُگ پِچھلا یاد آئیا۔ پُرکھ ابناشی بن بِھکھار، منگن جائے چائیں چائنیا۔ باوَن روُپ اپنا دھار، در ٹھانڈے آسن لائیا۔ بھیکھی ہو کے نر نِرنکار، مالا منکے رہیا وکھائیا۔ پاٹے چیِتھڑ چولی اپر اپار، بہتّر کنّیاں گنڈھ پوائیا۔ ستّ رنگ دی بنّھ دستار، لیِرو لیِر لیِر وکھائیا۔ ٹُٹا جوُتا کر تیار، اَدھا کھبّا چرن ننگا وکھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ماگھ کہے مَیں مانگت ویکھیا درویش، پُرکھ اکالا نظری آئیا۔ جو ویس وٹائے نِت ہمیش، نِرگُن سرگُن کھیل کھِلائیا۔ بل دوارے کرے آدیس، ڈنڈؤت اِکو اِک جنائیا۔ نال لےَ کے پنج ریٹھ، پنجاں اُنگلیاں ہیٹھ دبائیا۔ جِس دا سمجھے کوئی نہ بھیت، امیِر وزیر رہے کُرلائیا۔ سب توں وکھّری کر کے کھیل، جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کرنی کہے مَیں ویکھیا کرتار، بوَلا بؤرا روُپ وٹائیا۔ بِردھ اوستھا وِچ سنسار، بنیا پاندھی راہیِا۔ اِکو ڈھولا گاوے اپر اپار، تُوں ہی تُوں ہی راگ الائیا۔ بُھکھیاں بیِت گئے جُگ چار، براہمن پیٹ نہ کو بھرائیا۔ خالی دِسدے سرب دوار، بھنڈارا سچ نہ کوئے ورتائیا۔ غریِباں کرے نہ کوئے پیار، مُحبّت سَت نہ کوئے کمائیا۔ نالے رووے دھاہاں مار، اُچی کوُک کوُک سُنائیا۔ مَیں نہیں ویکھیا راج دربار، در دربار نہ کوئے وڈیائیا۔ جوتی جوت سروُپ ہرِ، آپ اپنی

کِرپا کر، ساچی کھیل رہیا وکھائیا۔ کھیل کہے مَیں ویکھیا کھِلاری، ہرِ کرتا بےپرواہیِا۔ روُپ دھار اگمّ اپاری، نِرگُن سرگُن آسن لائیا۔ سمجھ سکے نہ جیِو گواری، در دربان بھیو کِسے نہ پائیا۔ ساڈھے تِنّ اُچی کوُک کیِتی پُکاری، ہوکا دے کے دِتا سُنائیا۔ اُٹھ کے چلیا بُڈھا بِھکھاری، براہمن ویتا پھیرا پائیا۔ نیتر رووے زارو زاری، نیَناں نیِر وہائیا۔ لمی واہوا ہِلے داہڑی، ڈھائی ہتّھ نظری آئیا۔ تِنّ دفعہ دوواں ہتّھاں نال جھاڑی، دو جہان رہے شرمائیا۔ کوُک پُکارے سچّی نہیں کوئی سرداری، چھتردھاری پوُری آس نہ کوئے کرائیا۔ بِنا پُرکھ اکال چنگی نہیں کوئی یاری، یارانہ توڑ نہ کوئے نِبھائیا۔ اودھروں آ گئی تیراں سال دی کنیا کواری، جِس دا پِتا یشیم نظری آئیا۔ اوہدا دادا سی پُرشوتم بڑا اُپکاری، نِت براہمن سیو کمائیا۔ اوہ ننّھی بچّی جا ڈِگی چرن دیواری، مستک دھوُڑی ٹِکا لائیا۔ چلو پِتا مَیں سیو کراں تُمہاری، گھر بھوجن دیواں چھکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بِردھ کہے تُوں اجے بالی بچّی، سچ دیاں سمجھائیا۔ پہلاں دیاں پریم دی رتّی، نام خُماری دیاں چڑھائیا۔ پھیر پڑھا کے اگمّی پٹّی، نِر اکھّر دیاں سمجھائیا۔ پِھر وکھاواں ساچی ہٹّی، مَیتھوں وست خریدنی چائیں چائنیا۔ نِرگُن جوت دی دیواں سچّی بتّی، اگنی اگّ لئے جلائیا۔ تیری پریِت سمجھ کے حقی، حقیِقت دیاں دِرڑائیا۔ اوہ کنیا جھٹ رو پئی اکھیّں، نیتر نیِر رہی وکھائیا۔ اُس دے کول سی اِک پکھّی، ہؤلی ہؤلی جھلّ لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بِردھ کہے مَیں براہمن بُڈھا، قدم قدم نہ کوئے اُٹھائیا۔ مَیں کی دسّاں بھیو گُجھا، کِس نوُں دیاں سمجھائیا۔ سَتجُگ پیَنڈا دِسدا مُکا، انت رہیا بدلائیا۔ مَینوُں ٹُکر دے دے سُکا، کھا کے خوشی منائیا۔ کنیا رو پئی مار کے بُھباں، اُچی دئے دُہائیا۔ مَینوُں بخش ساچی بُدھا، بھیو دے کُھلائیا۔ میرا پِتا اِک لتّ توں ڈُڈا، لنگڑا نظری آئیا۔ اوہدا راجے دے گھر عہدہ، ہوکا دے کے سدّے لوکائیا۔ ساڈا نیڑے وسدا جھُگا، وِچ میری بُڈھی مائیا۔ جِس دیاں چار دھیِاں تے اِکو مُنڈا، نرائن ناؤں رکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کنیا کہے سُن وڈّے بابے، بابل دیاں جنائیا۔ تیرے بستر ویکھے سادے، غریِب نِمانا نظری آئیا۔ مَینوُں صاف دِسدے اِرادے، اندروں اندر صفائیا۔ تُوں وس پےَ گِیوں ڈاڈھے، راج دوار ڈیرہ لائیا۔ میری اِچھیا تَینوُں بھوجن چھکاواں اپنے ہانڈے، ہانڈی میری ماتا بنائیا۔ ننھے نِکے بال مِل کے کھاندے، پنجے بھَین بھائی خوشی منائیا۔ پُرکھ اکال دے گیِت گاندے، اٹّھے پہر دھیان رکھائیا۔ تیرے

گوڈے دِسدے تھکے ماندے، پَیر چھالے رہے وکھائیا۔ تیرے گِٹے دِسن نانگے، دھوتی اُپر لئی ٹِکائیا۔ ساڈے گرِہ چرن پا جا جاندے جاندے، ایہو منگ منگائیا۔ بِردھ کِہا مَیں ویکھاں آنڈھے گوانڈھے، چاروں کُنٹ کھوج کھوجائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پُرکھ اکال اُٹھ کے گیا بَیٹھ، پِٹھ دوار نال لگائیا۔ بَیٹھ کے گیا لیٹ، بازوُ ہیٹھاں رکھائیا۔ لیٹ کے ہویا موُندھے پیٹ، ہتّھ گردن اُتے ٹِکائیا۔ ہسّ کے کِہا بیٹ، بیٹی کہہ کے لیا بُلائیا۔ مَینوُں تیرا آیا ہیت، پریم نال سمجھائیا۔ تُوں اچھے گھرانے دی نیک، ننّھی نظری آئیا۔ تُوں مَینوُں لیا ویکھ، مَیں تَینوُں دیاں وڈیائیا۔ گھر نوُں دیواں بھیج، سہج نال سمجھائیا۔ جو پکّیا لیاویں لپیٹ، بُکل وِچ چُھپائیا۔ خوشیاں نال لویں کھیڈ، ہؤلی جہی دِرڑائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ ورتائیا۔ کنیا کر کے نِمسکار، بھجیّ چائیں چائنیا۔ رستے وِچ ڈِگی واری دو چار، اپنی سُرت بُھلائیا۔ خوشیاں نال لنگھیاں بار، قدم اَگے دِتا ودھائیا۔ آواز ماں نوُں لئی مار، ماتا کہہ کے لیا بُلائیا۔ بُھکھا براہمن ویکھیا در دربار، بل دوارے دئے دُہائیا۔ مَینوُں اوس دا آیا پیار، پریِتی وِچ جنائیا۔ اوس نے کرنا آہار، بُھکھے بُھکھ گوائیا۔ مَینوُں دُپڑاں دے دے دو چار، چھ ستّ جوڑ جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ماں کِہا سُن بچّی بھولی بھالی، سچ دیاں سمجھائیا۔ تُوں نڈھّی اجے بالی، سمجھ کوئے نہ آئیا۔ پاتشاہاں دے در جو مِلدا سو لےَ کے جاوے ڈالی، خالی ہتّھ نہ کوئے آئیا۔ پتہ نہیں اوہ کیہو جیہا سوالی، جِس دی آس پوُری نہ کوئے کرائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ ورتائیا۔ بچّی کِہا دے دے جو رِدھا پکاّ، نِیوں نِیوں لاگے پائیا۔ اودھروں آ گیا بھئیا سکا، خوشی نال دِرڑائیا۔ مَیں وی بُڈھا ویکھیا ڈھٹّھا، ہتّھ متھے اُتے ٹِکائیا۔ چھوٹیاں بھَیناں پا لیا رٹّا، کوُک کوُک سُنائیا۔ بِردھ نوُں تاپ ویکھیا چڑھیا مٹّھا مٹّھا، اکّھاں لال رہیا جنائیا۔ وڈّی بھَین نے پھڑیا پکّھا، سوہنی سیو کمائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ کنیا کہے سُن ماں پیاری، ممتا وِچ دیاں جنائیا۔ مَینوُں اندروں آواز آئے اِک نیاری، ہؤلی ہؤلی رہی سُنائیا۔ چھیتی چھیتی کرو تیاری، بُڈھا بُھکھا دئے دُہائیا۔ چارے بھَیناں چلو اِکو واری، وست وکّھو وکّھ اُٹھائیا۔ کوئی ویکھ نہ لئے راج درباری، در دوارے نِگاہ اُٹھائیا۔ جوتی جوت سروُپ ہرِ، آپ اپنی کِرپا کر، دُھر دی کار آپ بُھگتائیا۔ خوشی نال ماتا دِتا بھتّا، اِک دوُجے اُتے دِتا ٹِکائیا۔ نال بچن کیِتا سچّا،

سُخن دِتا سُنائیا۔ پہلوں جا کے ٹیکو متھا، دوئے جوڑ واسطہ پائیا۔ پِھر بول بولیو اِکٹّھا، پربھ تیری بےپرواہیِا۔ تھوڑا نمک دِتا مٹّھا، حِصّہ ونڈ ونڈائیا۔ بِنا چکھیوں پایا کھٹّا، رس سواد نہ کوئے وڈیائیا۔ اُتے دے کے ہتّھاں نال دوپّٹا، پٹکہ دِتا ٹِکائیا۔ جوتی جوت سروُپ ہرِ، آپ اپنی کِرپا کر، کھیل اپنا آپ ورتائیا۔ اودھر بُڈھا براہمن رہیا تکّ، اکّھ اپنی آپ اُٹھائیا۔ کھیل کراں ہو سمرتھ، پڑدا جگت جگ جنائیا۔ میل مِلاؤنا اینہاں سچ، جو ساچی سیو کمائیا۔ ساچا مارگ دینا دسّ، کرنی اِک پڑھائیا۔ امرت دینا رس، رستہ دینا سمجھائیا۔ جِنہاں گاؤنا میرا جس، پربھ دی صِفت صلاحیِا۔ اینہاں انتر جانا وس، ناتا پریم پیار بندھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ اودھروں کنیا رل کے بھَیناں چار، آئیاں چائیں چائنیا۔ خوشیاں نال بول جَیکار، گیِت اِکو دِتا گائیا۔ باپوُ تیرے نال پیار، سرن دے سرنائیا۔ جو چُک کے لیاندا بھار، اَگے دِتا ٹِکائیا۔ اوس ہسّ کے کِہا ہو خوشحال، خوشیاں وِچ جنائیا۔ کِتھے تُہاڈا ویِر پنجواں لال، مَینوُں دیؤ وکھائیا۔ اوہ پِچھے پِچھے کردا آوے حال حال، بہُڑی بہُڑی سُنائیا۔ مَیں وی کنیا ہُندا مَینوُں لِیاؤندیاں نال، آپ اپنا سنگ بنائیا۔ ابناشی کرتے کِہا مَیں وی تیری کراں سنبھال، سِر اپنا ہتّھ ٹِکائیا۔ جے تُوں پِچھوں مِلیوں آن، تَینوُں نِکاّ دیاں بنائیا۔ جے کنیا بنن دا دھیان، ایہہ وی آسا پوُر وکھائیا۔ پنجاں اِکٹّھے کر کراں کلیان، سِر اپنا ہتّھ ٹِکائیا۔ اجّ تُہاڈا بنیا مَیں مہمان، مِہروان ہو کے پھیرا پائیا۔ پڑدا لاہ کے اُتوں پکوان، تِن ویراں چکھ کے لیا کھائیا۔ تِنّ جُگ دا لہنا کر پروان، پروانہ شبدی ہتّھ پھڑائیا۔ حُکم دے کے دُھر فرمان، دُھر سندیشہ اِک جنائیا۔ جِس ویلے کلجُگ انت نِرگُن ہو کے آواں وِچ جہان، نِروَیر ہو کے پھیرا پائیا۔ لہنا دینا چُکاواں لکّھ چؤراسی وِچوں کر پہچان، بےپہچان رہن کوئے نہ پائیا۔ اوسے دا لیکھا مُکیا آن، لہنا رہیا دِوائیا۔ شبد سندیشہ دے سِری بھگوان، حُکمی حُکم منائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پُرکھ اکال تھوڑا جِہا پکوان چھک، شہنشاہ دِتا جنائیا۔ بچّیو اُپر ویکھو میری اکّھ، اکّھ چوں اکّھ پار دِتی لنگھائیا۔ پہلوں دیواں تُہاڈا حق، لہنا جُگ جُگ جھولی پائیا۔ تِنّ جُگ پڑدا رکھاں ڈھک، چؤتھے جُگ کراں رُشنائیا۔ پریم پریِتی دے کے سَت، سَت سَتونتے لَواں بنائیا۔ نام رنگن چاڑھ کے رت، رتن امولک ہیِرے لَواں بنائیا۔ ایتھے اوتھے رکھاں پت، پت پرمیشور ہو کے دَیا کمائیا۔ امرت جام دا دیواں رس، رستہ اِکو دیاں وکھائیا۔ سہج سبھاؤ کراں اِکٹّھ، میلا اپنا لَواں مِلائیا۔ مات پِتا

گھر جنم ہووے اڈّ اڈّ، ناتا جگت والا جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پنجے رو پئے بالے نڈھےّ، وَیراگ اندرے اندر آئیا۔ ہُن کِس بِدھ سانوُں چھڈیں، جھلّی نہ جائے جُدائیا۔ ناتا جُڑیا ماس ناڑی ہڈّے، پنج تت وجّی ودھائیا۔ دیِن دُنی وِچوں کیہڑا کڈھے، باہر لئے کڈھائیا۔ پُرکھ اکال بہا کے سجےّ کھبّے ، بُڈھا روُپ اپنے اُتے لئے ٹِکائیا۔ میرے پریم پیار وِچ رِہو بدھےّ، ناتا سکے نہ کوئے تُڑائیا۔ جِس ویلے آیا اُپر جگ جگے، کل کلکی پھیرا پائیا۔ تتّی واؤ اِکو وگے، چار کُنٹ دئے جلائیا۔ تُہاڈا پریم پیار اِکو در لبھے، دوُجا در نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کرنی کہے مَیں ویکھی اوہ کنیا، جو باوَن سیِس نِوائیا۔ جِس اُتے ہرِ جوُ منّیا، مِہر نظر اُٹھائیا۔ جُگ چؤکڑی بیڑا بنھیا، جنم جنم دا لہنا دیوے جھولی پائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ ماگھ کہے مَیں ویکھاں اوہ نظارہ، بِن اکّھاں نظری آئیا۔ بلکھ دِسے بل دوارا، باہر وجےّ ودھائیا۔ بِردھ بالاں دا پیارا، سوہنا روُپ نظری آئیا۔ شبدی ہوئے ہوشیارا، کلجُگ انت رہیا جنائیا۔ تُہاڈا لیکھا چُکاواں وِچ سنسارا، سنسار ساگر وِچوں پار لنگھائیا۔ چؤہاں نوُں جنم دواواں دوبارہ، اِک نوُں سِہ بار روُپ بدلائیا۔ حاضر ہو کے کراں وِوہارا، حضوُر ہو کے ہوواں سہائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ بچّیاں کِہا تُوں بہُت بِردھ اُتے دِسے بُڑھاپا، ڈنگوری سہارا نظری آئیا۔ تیرا ساڈے نال جُڑ گیا ساکا، مِہروان ہو کے دَیا کمائیا۔ سانوُں اگلا دسّ خاکہ، پڑدا دے اُٹھائیا۔ بھاویں تُوں بچّیاں نال چنگیاں کیِتیاں باتاں، پریم نال جنائیا۔ کُچھ اگلیاں بخش داتاں، در تیرے منگ منگائیا۔ پربھوُ کِہا مَیں منگتا تُہاڈا، بچّیو تُہاتھوں کھا کے خوشی منائیا۔ کلجُگ انتم ہووے کھیل تماشا، خالق ہو کے دیاں دِرڑائیا۔ تُہاڈی پوُری کراں آسا، ترِشنا دیاں بُجھائیا۔ تُہاڈا پیار نہ کدے گواچا، تُہاڈے وِچوں لَواں پرگٹائیا۔ ساڈھے تِنّ ہتّھ دا بنا کے ڈھانچہ، مانَس جنم دیاں دوائیا۔ پنجاں دا بنا کے ساتھا، سگلا سنگ جُڑائیا۔ تُسیں ہُن میرا منّو آکھا، گھراں نوُں جانا چائیں چائنیا۔ میریاں ہُن کُچھ بل نال باتاں، اپنا آپ لَینا بدلائیا۔ کنیا کِہا اوہ راجا سب دا پِتا ماتا، رعیت خوشی رہیا وسائیا۔ باوَن کِہا پھیر وی تُہاڈا رکھاواں ساتھا، کلجُگ انتم جوڑ جُڑائیا۔ داساں دا ہووے داسی داسا، سیوکاں دا سیوک روُپ دھرائیا۔ میرے اُتے کرِیو بھرواسا، شاباس کہے لوکائیا۔ ہُن پاتال وِچ دینا واسا، سِتل لوک راہ تکائیا۔ جِس دوارے توں مَیں نہیں کُچھ پیِتا

تے نہیں کُچھ کھادھا، راج بھوج رسنا نہ کُچھ لگائیا۔ ایہہ وی اِشارہ دے کے گیا بل دا دادا، دَیاوان ہو کے پوُرا رہیا کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کنیا کِہا تیرا کِس بِدھ ہووے درشن، دیِدار سمجھ کوئے نہ آئیا۔ من واسنا مِٹے حرصن، ہوَس رہے نہ رائیا۔ لوچن دیِد پرسن، پرس تیری خوشی منائیا۔ من وَیراگی ہو کے کرے تڑپن، کوُک کوُک سُنائیا۔ کِس بِدھ تیرا ہووے لوک مات پرتن، پت پرمیشور دے سمجھائیا۔ کوَن دوار لنگھیں سردل، در دہلیز چرن ٹِکائیا۔ کوَن کرے تیری اردل، شاہو بھوُپ کِس بِدھ اکھوائیا۔ پُرکھ اکال کِہا مَیں جوتی شبدی دھار ہوواں مردن، مرد مردانہ ویس وٹائیا۔ سب دی جگت آسا پوُری کراں عرضن، منسا سب دی ویکھ وکھائیا۔ مَیں سب دا لہنا دینا دیواں قرضن، مقروُض ہو کے دیاں چُکائیا۔ مَینوُں پتہ بالے نڈھےّ بچّے کِس طرح پرچن، اوسے طرح لَواں پرچائیا۔ خوشیاں نال کھیڈن ہسّن، ہنسیِاں وِچوں ہنسیِاں دیاں وٹائیا۔ نالے تُہاڈا جنم کرم آواں دسّن، پڑدا اوہلا مات اُٹھائیا۔ بچّی نڈھّی کنیا کواری اوس ویلے وِہاری تیرا نام ہووے گُردرشن، درشن دا درشن داساں دا داس نوُرو نوُر چند دا چند چند نِرگُن رُشنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کنیا کہے، پربھوُ کی ! مَیں کیہڑا تھال پروساں، سیوا سچ نہ کوئے کمائیا۔ تِنے بھَیناں کہن سانوُں ایس اُتے روسا، کِیوں نہیں سانوُں پہلوں دِتا سمجھائیا۔ بھاویں ساڈے پِیو دا نِکاّ جِہا کوٹھا، چؤداں ہتّھاں والا لیا بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سِری بھگوان کِہا مَینوُں سمجھو نہ بِردھ براہمن، براہمن برہم نہ کوئے وڈیائیا۔ مَیں تُہاڈا اَگے بننا ضامن، ضامنی اپنی وِچ رکھائیا۔ شبدی دھار پکڑاؤنا دامن، دماں دا لیکھا اپنے وِچ لٹکائیا۔ ساچا دے کے اگمّی نامن، نام رنگ لَینا رنگائیا۔ آپ ہوئے پتت پاون، دُرمت مَیل دیِنی دھوائیا۔ جگت ترِشنا رہے کوئی نہ کامن، کوُڑی کِریا توں لَینا بچائیا۔ نیتر لوچن بِنا درس توں درس پاون، اٹّھے پہر نظری آئیا۔ امرت میگھ برسدا رہے اگمّی ساوَن، جِس دی تھِت وار نہ کِسے بدلائیا۔ چرن دھوُڑی ملِے دُھر دا نہاوَن، سر سروور ناتا دئے تُڑائیا۔ بھاگ لگا کے کایا گرامن، گھر گرِہ دینا وکھائیا۔ ہُن میرا روُپ بل دوارے باوَن، بل دوارے ول چھل سرِشٹی نوُں چھل کے، بھگتاں اندر رل کے، سچ دوارے گھّل کے، خلقت توں باہر لَینا کڈھائیا۔ بچّیوں آپ آواں چل کے، نِرگُن نِرُگن جوت بل کے، جگ نیتر نظر کِسے نہ آئیا۔ تُسیں میرا پکوان لِیاؤنا رل کے، بھَیناں بھَیناں ناتا دیاں بنائیا۔ جوتی جوت سروُپ ہرِ، آپ اپنی

کِرپا کر، مِہر نظر اِک اُٹھائیا۔ کنیا کِہا آہ پھڑ اِک گلاس، جو کلس والا نظری آئیا۔ باوَن کِہا میری خوشی نال بُجھ گئی پیاس، ترِشنا رہی نہ رائیا۔ نِکے بچّے اَگے ہو گئے پاس، نیڑے ہو کے رہے سُنائیا۔ سانوُں پیاؤن دی بُڈھیاں نوُں چنگی جاچ، چھاتی اُتے چڑھ کے مُنہ وِچ دئیے اُلٹائیا۔ نال کرن ہاس بِلاس، خوشیاں لال سُنائیا۔ باوَن کِہا سُنو بات، تُہانوُں دیاں جنائیا۔ جِس ویلے کلجُگ آوے اندھیری رات، ساچا چند نہ کوئے چمکائیا۔ مَیں آواں تُہاڈے پاس، نِرگُن ویس وٹائیا۔ کِسے لبھاں نہ اُتے آکاش، پرِتھمی نہ اکّھ کُھلائیا۔ شبد سندیشہ دے کے دسّاں تُہانوُں جاچ، راہ دیاں وکھائیا۔ تساں آٹا گُنھنا وِچ پرات، پانی وِچ چُھہائیا۔ تُہاڈی چواں دی جماعت، سہجے دیاں رلائیا۔ ایسے کارن کر کے جگجِیت سُکھونت کشمیِر کٹّھیاں ہوئیاں آج، پنجواں بھائی دوِندر نِکّی ننھی بچّی نظری آئیا۔ تُہاڈا کھانا بچّیو کھادھا نال سواد، ایہہ وی رَوداس دی وڈیائیا۔ پِچھلا بالمیک دا لِہاج، جو ناتا رہیا جُڑائیا۔ ہُن بُڈھا نہیں اپاہج، راج دربار نہ کوئے وکھائیا۔ نَویں ساجن ساز، بھگوَن بھگت رہیا بنائیا۔ نوَیں جُگ دا ساجن ساز، سَتجُگ بوُٹے رہیا لگائیا۔ کِسے کارن پوُرب لیکھے وِچوں چؤتھے جُگ رات، رَین بِھنڑی خوشی منائیا۔ جوتی جوت سروُپ ہرِ، آپ اپنی کِرپا کر، تُہاڈی ویکھ کے اگمّی سوغات، اپنی جھولی پائیا۔ چار ماگھ کہے مَیں ویکھیا اجّ دا بھوجن، بھجن بندگی والیاں ہتّھ کِسے نہ آئیا۔ نانک نوُں مِلیا اُپر کروڑاں تے کوٹاں جوجن، پربھ چرن مِلی سرنائیا۔ جِتھے بھگت بھگوان اِک دوُجے نوُں لوچن، دوُجا نظر کوئے نہ آئیا۔ من بُدھ مِٹے سوچن، آتم پرماتم راہ تکائیا۔ اوتھے گُر اوتار پَیغمبر موُل نہ روکن، وِشن برہما شِو نہ سِر اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بھوجن کہے میری نِکّی سوہنی اِک دُپڑ، وِچ نِمک دِتا لگائیا۔ اُتوں دِتا چوپڑ، گھِرت نال وڈیائیا۔ اسیں اوتھے گئے اُپڑ، جِتھے پِچھے نہ کوئے پرتائیا۔ جاں ویکھیا بھگت بھگوان دا ناتا پِتا پُتر، دوُجا رنگ نہ کوئے رنگائیا۔ جِس نوُں نانک کِہا اپنی دھاروں آئے اُتر، اُتّر پوُرب پچھّم دکھّن ویکھ وکھائیا۔ اوس دا سارے کردے شُکر، شُکرانے وِچ ڈھولے رہے گائیا۔ اوہ قؤل اِقرار توں کدے نہ جائے مُکر، جُگ جُگ لہنے رہیا چُکائیا۔ غریِباں دا کھا کے ٹُکڑ، اِحسان اپنے سِر رکھائیا۔ اَگے بھنڈارا نہ دیوے مُکن، بُھکھیاں دئے رجائیا۔ گودی آیا چُکن، پھڑ باہوں گلے لگائیا۔ وِچھڑیاں نوُں آیا پُچھن، سہجے لئے مِلائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا جنائیا۔ ٹُکڑا کہے ٹُکڑے دا بنیا پرساد، پرساد نال پرسادا لیا بنائیا۔ جِس نے پِچھلی کرائی

یاد، یاد یاد وِچوں پرگٹائیا۔ سِری بھگوان دے کے جاوے داد، وست امولک اِک ورتائیا۔ جن بھگتو تُہاڈا بھگت بھنڈارا دیندا رہے سواد، انرس رس رس وِچ بھرائیا۔ ہُن کوئی بل والا نہیں راج، راجیاں دے راجے گُرمْکھ رہیا بنائیا۔ تُہاڈے پِچھے آیا بھاج، پیَنڈا پندھ مُکائیا۔ شبدی دے کے آواز، سُتّیاں لیا اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ پرسادا کہے مَیں چڑھ گیا اُس دی بھیٹ، جِس دی بھیٹا ہووے لوکائیا۔ مَیں بھریا اوس دا پیٹ، جو پٹنے والا نال مِلائیا۔ پریمیاں کرے ہیت، گُرمْکھاں رنگ چڑھائیا۔ نظری آوے نیتن نیت، نِج نیتر کر رُشنائیا۔ پوُرب لہنا ویکھ، وِچھڑیاں لیا مِلائیا۔ پِچھلا دسّ کے بھیت، پڑدا دِتا اُٹھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ منگتی کہے مَیں منگنی سچ پریِت، پریِتم اَگے جھولی ڈاہیِا۔ پریِتم کہے مَیں دسّنی ساچی ریِت، سندیشہ سچ سُنائیا۔ تُوں میرا مَیں تیرا گانا اِکو گیِت، اِکو راگ الائیا۔ کایا ہووے ٹھانڈی سیِت، اگنی اگّ دینی بُجھائیا۔ صاف پوِتر رکھنی نیِت، نِج نیتر کر رُشنائیا۔ رہنا سدا اتیِت، ترےَگُن ڈیرہ ڈھاہیِا۔ پُرکھ اکال دیِن دَیال آپے وسے بیِچ، پڑدا دئے اُٹھائیا۔ سچ بھنڈارے دی سَت دھرم دی چلن لگّی ریِت، ریِتی دینی بدلائیا۔ چؤداں مہینےِ گُرمْکھ سِنگھ پہلوں لگواؤنا کرنا بھوگ ٹھیِک، ٹھاکر اَگے ٹِکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پرسادا کہے مَینوُں پِھر لگّن لگّا بھوگ، گیاراں سالاں پِچھوں واری آئیا۔ بھگتاں والا بدلن لگّا جوگ، جُگتی دئے گواہیِا۔ کٹّن لگّا روگ، ہؤمے دئے مِٹائیا۔ مِلن لگّا دُھر سنجوگ، وِچھڑیاں لئے جُڑائیا۔ شبدی شبد کرے چوج، سُتّیاں لئے اُٹھائیا۔ آتم پرماتم دی دیوے مؤج، منسا موہ من دئے مِٹائیا۔ کِسے دوارے رہن نہ دیوے توٹ، اتُٹ دئے ورتائیا۔ جوتی جوت سروُپ ہرِ، آپ اپنی کِرپا کر، دُھر دی دھار اِک جنائیا۔ بھوگ کہے کِسے نہ جانیا ایہہ کِیوں لگدا، شاستر سِمرت وید پُران کہن کوئے نہ پائیا۔ سِری بھگوان آد جُگاد کدے نہ رجّدا، ترِشنا سکے نہ کوئے مِٹائیا۔ بھگتاں دے پریم پیار اندر اِنہاں دا بھنڈارا چکھدا، رسنا جِہوا نال چُھہائیا۔ اَگے لہنا دیوے حق دا، حقیِقت جھولی پائیا۔ اِشارہ دے کے اکّھ دا، اکّھیاں دئے بدلائیا۔ سدا اندر ہووے وسدا، وِچھوڑا کٹے جُدائیا۔ نام سندیشہ دیوے جس دا، صِفتاں وِچ صلاحیِا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سب دا لیکھے لاوے دِن اجّ دا، جو چل آئے سرنائیا۔

۵ ماگھ شہنشاہی سمت ۱ پال سِنگھ لانگری دے گھر پِنڈ بھلائی پُر ڈوگراں

ماگھ کہے دُھر فرمانا حُکم درُست، ٹیڈھی دھار نہ کوئے بنائیا۔ جن بھگت سُہیلے کرے چُست، آلس نِندرا کوُڑ مِٹائیا۔ نام بھنڈارا ونڈے مُفت، انڈِٹھڑی دؤلت جھولی پائیا۔ بھیو کُھلا کے اِک انگُشت، بالشت لیکھا دئے مُکائیا۔ نظر درسائے دُھر دا اُرس، عرش عظیِم دئے جنائیا۔ جوتی جوت سروُپ ہرِ، آپ اپنی کِرپا کر، دُھر دا کھیل اِک وکھائیا۔ ماگھ کہے مَیں سُناں فرمان انوکھا، فُرنیاں توں باہر جنائیا۔ جِس دے وِچ نہیں کوئی دھوکھا، دھوُاں دھار توں لئے بچائیا۔ چرن پریِتی بخشے اِکو اوٹا، اوڑک اپنا رنگ رنگائیا۔ سنت سُہیلے لبھے وِچوں کوٹا، کوٹی کوٹ کھوج کھوجائیا۔ شبد دمامے مارے چوٹا، چوٹی چڑھ کے چوٹ لگائیا۔ سچ پرکاش کرے نِرمل جوتا، جوتی جوت جوت رُشنائیا۔ جن بھگتاں میٹے پِچھلی اگلی سوچا، سچ سچ دئے جنائیا۔ نام سندیشہ دے کے ہوکا، حُکم اِک منائیا۔ ہرِ کا بھانا کِسے نہ روکا، نہ کوئی میٹے میٹ مِٹائیا۔ ڈھولا گایا سچ سلوکا، وجےّ سچ ودھائیا۔ مارگ رہے کوئی نہ اؤکھا، منزل اِکو دئے چڑھائیا۔ پڑھنا پئے کوئی نہ پوتھا، بغل قُرآن نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ ماگھ کہے مَیں سُندا سدا خُشخبری، خوشیاں وِچ جنائیا۔ پُرکھ اکالا شیر ببّری، بھبک اپنا نام سُنائیا۔ پِھرے دروہی اُپر انبری، زِمیں زماں رہیا کُرلائیا۔ جِس نے بھگتاں بھرتی کیِتی جبری، نام پیمانہ اپنے ہتّھ اُٹھائیا۔ آسا کہے آسا رہے نہ کوئی بےصبری، سانتک سَت رہیا ورتائیا۔ کوُڑ کُڑیاری کر کے پدھری، ہموار اپنا آپ جنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ ماگھ کہے مَیں سُنیا سچ سندیشہ، صدیاں دے پِچھوں آواز سُنائیا۔ دو جہان مُکنا ٹھیکا، ٹھیِکیداری رہن کوئے نہ پائیا۔ بھگت بھگوان کرنا ایکا، ایکنکار اِکو رنگ چڑھائیا۔ نوَ نؤ چار پوُرب کراؤنا چیتا، بھیوَ ابھیدا انت کُھلائیا۔ دو جہاناں بننا دُھر دا نیتا، نر نِرنکار وڈّی وڈیائیا۔ مِہروان رہے ہمیشہ، سدا سد اپنی دَیا کمائیا۔ جنم کرم چُکائے لیکھا، لِکھت بھوِکھت دئے سمجھائیا۔ شبدی دھار اُپجا کے بیٹا، پیٹ اپنا کرے صفائیا۔ سنت سُہیلا بن کے کھیوٹ کھیٹا، نئیا نؤکا نام چلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ ماگھ کہے مَیں سُناں آواز اگمّ، بِنا سرون خوشی منائیا۔ لیکھا چُکا کے ماٹی چمّ، سِری بھگوان پھیرا پائیا۔ ہرکھ سوگ میٹ کے غم، چِنتا چِکھا دِتی تجائیا۔ پوَن سواس چھڈ کے دم، گھٹ گھٹ رہیا سمائیا۔ دُھر دا

سندیشہ نام، نر نِرنکارا آپ ورتائیا۔ بھاگ لگا کے کھیڑا گرام، گُرمْکھاں دئے وڈیائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کرنی کہے پربھ دی نہیں کوئی کرامات، نِہکرمی کرم کمائیا۔ لیکھا لِکھے نال قلم دوات، کلمہ کلام حق سُنائیا۔ اپنی دسےّ وکھّری ذات، اذاتی ڈیرہ ڈھائیا۔ کلجُگ میٹے کوُڑی اندھیری رات، سَت چند کرے رُشنائیا۔ سچ اُجالا ہوئے پربھات، دُھندُوکارا دئے گوائیا۔ بھگتاں پوُری ہووے آس، گُرمْکھاں جوڑ جُڑائیا۔ چِت آوے سواس سواس، چیتن سُرتی دئے کرائیا۔ اندر باہر وسے پاس، دوُر دُراڈا پندھ مُکائیا۔ منزل وکھا کے اگمّی گھاٹ، پتن اِکو دئے سمجھائیا۔ بھگت سُہیلے میلے آپ، گُر چیلے جوڑ جُڑائیا۔ مہاراج شیر سِنگھ وِشنوُں بھگوان، بھگتاں دا بن کے مائی باپ، پاپ کوٹ جنم کایا کُٹیا وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، بِن سدّیاں دیوے ساتھ، ساتھی ہو کے سگلا سنگ نِبھائیا۔