پہلی پھگّن شہنشاہی سمت ۱ ہرِ بھگت دوار جیٹھوُوال
پھلگُن کہے مَیں آیا جگت، پھل اپنا نال لیائیا۔ پرم پُرکھ دے ویکھ کے بھگت، بھگوَن سمجھ کے سیِس نِوائیا۔ ویلا سُہنجنا جان کے وقت، واقعہ ویکھیا چائیں چائنیا۔ جِس دا دو جہاناں حُکم سخت، نہ کوئی میٹے میٹ مِٹائیا۔ نِواسی واسی اُپر عرش، فرش کرے رُشنائیا۔ نِرگُن ہو کے دیوے درس، نوُر نوُرانہ چند چمکائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پھلگُن کہے میری آئی بہار، سمت صاحب ملِے وڈیائیا۔ جِس دی سوہنی کھِلی گُلزار، گُرمْکھ بوُٹے رہے مہکائیا۔ ویکھنہارا سانجھا یار، جلوہ گر نوُر خُدائیا۔ سچ دوارے لا دربار، بھگت دوار وجےّ ودھائیا۔ جُگ چؤکڑی دا لیکھا جانے جاننہار، سَتجُگ تریتا دواپر کلجُگ کھوج کھوجائیا۔ لہنا دینا نال چمیار، رَوداسے ملِے وڈیائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ ورتائیا۔ پھلگُن کہے مَیں آ گیا انت، لوک مات ویس وٹائیا۔ جِس دا لیکھا لِکھ کے گئے گُر اوتار پَیغمبر سنت، گُر گُر لیکھ جنائیا۔ سو انترجامی ویکھیا کنت، پت پرمیشور بےپرواہیِا۔ جِس دی مؤلی رُت بسنت، دو جہان وجّی ودھائیا۔ اوہ جنم جنم دے پاپی تارے پنڈت، پاندھے ویکھ وکھائیا۔ کِرپا نال میل کے سنگت، جنم وِچوں جنم دِتا بدلائیا۔ گڑھ توڑ کے ہؤمے ہنگت، ہنگ برہم دِتا سمجھائیا۔ بِھکھاری بن کے آئے سنگت، جھولی دُھر دی اَگے وکھائیا۔ لہنا دینا مُکا بُھکھ ننگت، وست امولک اِک ورتائیا۔ جھگڑا مُکا کے بہِشت جنّت، جگہ جگہ دئے وڈیائیا۔ من منوُآ میٹ کے دنت، دُشٹ دُراچاری دئے کھپائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ ورتائیا۔ پھلگُن کہے مَیں ویکھن آیا بِھکھاری، بِھکھیا منگن چائیں چائنیا۔ تخت نِواسی تکّیا اِک درباری، سچکھنڈ ساچے سوبھا پائیا۔ جِس دی آد انت اِکو یاری، یارانہ بھگتاں نال رکھائیا۔ گُرمْکھ آتم رہن نہ دیوے کواری، کنت کنتوُہل اپنا جوڑ جُڑائیا۔ جیہڑے منگتے در تے آئے وپاری، وست اِکو دئے وکھائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ پھلگُن کہے مَیں ویکھاں منگدے، منگتے اپنا راہ تکائیا۔ جُگ چؤکڑی ویکھاں لنگھدے، نِرگُن سرگُن پھیرا پائیا۔ گُرمْکھ سنت سُہیلے کوٹاں وِچوں چولی رنگدے، نام اگمّا رنگ چڑھائیا۔ ڈوُم نائی کدے نہ سنگدے، پریِتی منگن تھاؤں تھائنیا۔ جھگڑے مُکا کے گوداوری گنگ دے، گنگا ساگر ہتّھوں دِتا سُٹائیا۔ لیکھے مُکا کے جلدھار ترنگ دے، تُرت اپنا پڑدا لاہیِا۔ جوتی
جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پھلگُن کہے منگتیؤ منگو کی، سچ دیؤ جنائیا۔ جِس نے تُہانوُں بنا لیا اپنا پُتر دھی، دوُجا ناتا نہ کوئے رکھائیا۔ سَت دھرم دا مارگ لا کے لیِہ، راہ اِکو رہیا دِرڑائیا۔ جھگڑا مُکا کے اِکیِہ ویِہہ، سمت شہنشاہی وجّی ودھائیا۔ سَتجُگ ساچی رکھ کے نیِہہ، نِون سُ اکھّر دِتا پڑھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پھلگُن کہے منگتیؤ منگ لؤ اپنا دان، داتا دانی جھولی پائیا۔ اِس توں پرے ہور نہیں بھگوان، بھاگاں والیو بھاگ نہ کوئے جنائیا۔ اِس توں اُپر نہیں کوئی کاہن، گوپی کاہن ایسے دی سیو کمائیا۔ اِس توں وڈّا نہیں رام، سیِتا رام بن کھنڈ دین دُہائیا۔ اِس توں پرے نہیں امام، عیسیٰ موُسیٰ محمد سیِس نِوائیا۔ اِس توں دوُر نہیں کوئے نِرگُن نِروَیر نِرنکار سچ نِشان، نانک گوبِند گئے سمجھائیا۔ جو وسے سچ بھوُمکا اگمّی استھان، استھل اپنا ڈیرہ لائیا۔ سو پرت کے آیا والی دو جہان، نِرگُن سرگُن کھیل کھِلائیا۔ کلجُگ میٹے اندھیری شام، شمع گُرمْکھ دئے جگائیا۔ در آیاں نوُں آتم پرماتم دیوے آرام، دیِن دُنی دے دُکھ دئے گوائیا۔ پریم پریِتی پیائے جام، جماں توں لئے چُھڈائیا۔ امرت رس کرائے پان، نِجھر جھِرنا آپ جھِرائیا۔ سَت سچ دوائے طُعامَ، کوُڑی طمع دئے گوائیا۔ لیکھا مُکا کے جنم جنم دا غُلام، پھاسی اوَر کوئے نہ پائیا۔ جن بھگت رہے نہ کوئے حرام، شبد انادی سُت لئے اُپجائیا۔ لیکھے لائے سیوا نِشکام، جو چل آئے سرنائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پھلگُن کہے منگتیؤ ڈاہ لؤ جھولی، جھوُلے والا اپنی جھلک وکھائیا۔ جِس دی چار جُگ توں وکھّری بولی، انبولت راگ سُنائیا۔ جِس دی بِنا کہاراں توں اگمّی ڈولی، نِرگُن سرگُن دئے سمجھائیا۔ جو اپنے پریم پیار دی کھِلائے ساچی ہولی، بِن رنگن رنگ چڑھائیا۔ جو نِرگُن دھار بن کے تُہاڈی بنی ڈولی، وِچلے پڑدے دئے اُٹھائیا۔ منگتیؤ جے منگنا سوہنگ شبد دی پا لؤ رؤلی، رؤنق اپنی نال لگائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے ورتائیا۔ پھلگُن کہے ویکھو منگتیؤ نہ جائیو تھک، تھکاوٹ جگت نہ کوئے وکھائیا۔ منگدے منگدے نہ جائیو اکّ، جُگ چؤکڑی گئے وِہائیا۔ پُرکھ اکالا دیِن دَیالا سوامی اِک سمرتھ، صاحب سُلطان بےپرواہیِا۔ جِس دا صِفتی گاؤندے رہے جس، وید پُران دی لوڑ رہے نہ رائیا۔ جگت نالوں وکھّری کھول لؤ اکّھ، تکّو پرتکھ روُپ گوسائی۔ دردی ہو کے آوو نَٹھ، بھجّو واہو داہیِا۔ سچ دوارے کر اِکٹّھ، اِکو بولی دیؤ سُنائیا۔ جے پربھ دینا تے دے دھیِرج یت، سَت ہٹھ سنتوکھ اپنا نام جھولی پائیا۔
مانَس جنم نہ ہووے بھٹھ، کھیڑا دُھر دا دینا وسائیا۔ اسیں منگتے براہمن تُوں دیِن والا سِدھا جِہا جٹّ، ہان لابھ نہ کوئے رکھائیا۔ بھاویں روڑی گنّا دے بھاویں اُلٹ دے مٹّ، کایا مٹکی دے بھرائیا۔ جو تیرے دوارے آوے سو جائے کھٹ، کھٹکا رہے نہ رائیا۔ براہمن کہے ساڈی ریِتی کھا پی کے جھٹ، ٹھوُٹھا بغل وِچ چُھپائیا۔ دوانی چوانی لےَ کے جائیے نَٹھ، پِچھا پھیر نہ کوئے بدلائیا۔ جے کوئی جھولی دانے دیوے سٹّ، گٹھڑی بھار سیِس چُکائیا۔ جے کوئی کُھلا ویکھیئے ہٹّ، سستے داماں دئیے لُٹائیا۔ نالے کہیئے ججماناں دی ماری گئی مت، کھا کے ساڈا شُکر منائیا۔ نالے ویکھیئے چوری اکّھ، ہتّھ متھے اُتے ٹِکائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ مِہروان کہے منگتیؤ منگن دی سِکھ لؤ جاچ، یاچک ہو کے دیاں سمجھائیا۔ نؤ سؤ چُرانوے چؤکڑی جُگ پِچھوں آئی تُہاڈی رات، بھگت بھگوان وجےّ ودھائیا۔ نِکّی جِہی سمجھ لؤ بات، باطن پڑدا دیاں کُھلائیا۔ من مت رکھیو نہ کوئی نار کمذات، کُلکّھنی اندروں دینی کڈھائیا۔ اپنی آتم پرماتم دی سمجھ لؤ ذات، دوُجی ونڈ نہ کوئے وکھائیا۔ اوہ تُہاڈا تُہاڈے وسے پاس، سیج سُہنجنی ڈیرہ لائیا۔ جِدھر ویکھو تکّو سدا ساتھ، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، دیونہار سچ وڈیائیا۔ پھلگُن کہے دھنّ بھاگ جے منگن آئے منگتے، گھر ساچے وجّی ودھائیا۔ جو منزل اگلی لنگھدے، پِچھلا پندھ چُکائیا۔ جھگڑے مُکا کے کوُڑے سنگ دے، اِکو کنت ہنڈھائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ پھلگُن کہے منگتیؤ کر لؤ پُھرتی، چیتن چلاک اپنا آپ لَینا بنائیا۔ سَتگُر شبد دان پاؤ جھولی سُرتی، سُتّی لئے انگڑائیا۔ ساڈھے تِنّ ہتّھ کایا چولی دی سوہے کُڑتی، انگی اِکو ویکھ وکھائیا۔ جے کُچھ ہور نہیں نؤ سؤ چُرانوے چؤکڑی جُگ پِچھوں پربھوُ دے نام دی لےَ کے جائیو گُڑتی، اَگے دائیاں دی لوڑ رہے نہ رائیا۔ کھیل مُک جائے دیوت سُر دی، سُتّیاں لئے اُٹھائیا۔ ایہہ وڈیائی پوُرے سَتگُر دی، جو گودی اپنی لئے ٹِکائیا۔ منگتیؤ تُہاڈی منسا رہے نہ جھُردی، حِرس ہوَس دئے مِٹائیا۔ تُہاڈی وست دِتی کدے نہ کُھردی، خود مالک ہوئے سہائیا۔ کُچھ دات باقی انندپُر دی، جو پُریِاں لوآں توں باہر تُہاڈی جھولی پائیا۔ جوتی جوت سروُپ ہرِ، آپ اپنی کِرپا کر، بخشنہار سچ سرنائیا۔ پھلگُن کہے منگتیؤ تُہاڈا دیون والا داتا، دانی ہو کے پھیرا پائیا۔ اُس نوُں دسّو اپنی گاتھا، تن من دا حال جنائیا۔ اندھیرا مکُے نہ اندھیری راتا، ساچا چند نہ کوئے چمکائیا۔ لیکھا مکُے نہ بِدھنا ماتا، سطراں ڈھائی نہ کوئے گوائیا۔ چِتر گُپت دا
چُکے نہ کھاتہ، حِساب کِتاب نہ کوئے کڈھائیا۔ لاڑی مؤت دا مِٹے نہ ہاسا، کوٹن ہستیاں گئی مِٹائیا۔ دھرم رائے دا تُٹا نہ ساکا، سجّن صاحب نہ کوئے مِلائیا۔ جن بھگتو تُہاڈا میل ہویا اِتفاقا، اِتمینان نال دئے سمجھائیا۔ تُہانوُں پِچھلا دان دینا خاصا، تھوڑیوں بہُتا دئے ورتائیا۔ آتم پرماتم جوڑ کے ناتا، ناتواں جوبن دئے وکھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پھلگُن کہے منگتیؤ جھولی لؤ اڈّ، اڈرا راہ وکھائیا۔ جُگ چؤکڑی جِس نوُں آئے چھڈ، منزل پندھ مُکائیا۔ اوہ پار کرکے دو جہاناں حد، حاضر ہو کے رہیا سمجھائیا۔ جن بھگتو اِکو وار تُہانوُں بنا لیا اپنی جدّ، پِچھے ہور نہ کُچھ رکھائیا۔ اپنے نال سانجھا بنا کے چھند، سوہنگ ڈھولا دِتا دِرڑائیا۔ چھڈ کے پُری انند، انند تُہاڈے اندر دِتا پرگٹائیا۔ اَگے جانا پئے نہ کول گنگ، مئیا سیِس نہ کوئے نِوائیا۔ دان لوَو بھاویں نِشنگ، نِشانہ اپنا دئے لگائیا۔ جیہڑے بھگت دوارا آئے لنگھ، اوہ پربھوُ نوُں اپنے انتر گئے سمائیا۔ سِری بھگوان تُہاڈے دواریوں کھاوَن والا ڈنگ ڈنگ، ٹُکڑا ٹُکڑا اپنی جھولی پائیا۔ جوتی جوت سروُپ ہرِ، آپ اپنی کِرپا کر، دُھر دا کھیل دئے سمجھائیا۔ پھلگُن کہے مَیں ویکھے پھلدے پُھلدے، پتّ ٹہنی نال مہکائیا۔ جوبن ویکھے غُنچے گُل دے، گُلشن رہے مہکائیا۔ بھا ویکھے جگت مُلّ دے، قیِمت ٹکیاں والی سمجھائیا۔ جِس ویلے سِری بھگوان دے سچ دوارے کُھلدے، لوک مات وجّی ودھائیا۔ جیہڑے منگتے پربھوُ دی کُل دے، اوہ کُل مالک اپنے نال رلائیا۔ بھگتو تُسیں منگن والی وستوُ اجے بُھلدے، بُھلیاں دئے سمجھائیا۔ جِنہاں دے انتر میرے پریم پیار دے ہنجھوُ ڈُلھدے، بِن اکّھاں نیِر رہے وہائیا۔ جوتی جوت سروُپ ہرِ، آپ اپنی کِرپا کر، اپنی کار آپ کمائیا۔ پھلگُن کہے جن بھگتو تُہاڈے اندر سَت سنتوکھ، سنتُشٹ دئے کرائیا۔ تُسیں دیؤ پربھوُ نوُں موکھ، اپنے پاپ اِس دی جھولی پائیا۔ جھگڑا مُکا لؤ لوک پرلوک، آون جاون رہے نہ رائیا۔ من دی کوُڑی چھڈ دیؤ سوچ، سمجھ بُدھ نہ کوئے وڈیائیا۔ جھگڑا مُک جائے ہرکھ سوگ، چِنتا غم نہ کوئے وکھائیا۔ جِس نے تُہانوُں اپنے نام دی دِتی چوگ، ترِشنا بُھکھ دِتی مِٹائیا۔ درشن دے کے اِک اموگھ، امراپد دِتا جنائیا۔ پندھ مُکا کے جگت وِجوگ، دُھر سنجوگ لیا جُڑائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ بھگتو تُسیں براہمن کے ڈوُم، ڈھول ڈھمکاّ نظر کوئے نہ آئیا۔ جِس پربھوُ نوُں پِچھے سارے سمجھدے رہے سوُم، کنجوُساں دا کنجوُس دئے جنائیا۔ تُہاڈے ساہمنے چار جُگ دا بدل کے قانوُن، قایم کر کے تُہانوُں دِتا وکھائیا۔ اِکو دسّ کے اگمّا مضموُن، شاستر سِمرت وید پُران دِتے
بُھلائیا۔ دُھر دا مارگ دسّ اصوُل، اصلیّت اِکو دِتی دِرڑائیا۔ جوتی جوت سروُپ ہرِ، آپ اپنی کِرپا کر، سِر سِر اپنا ہتّھ رکھائیا۔ پھلگُن کہے مَیں ویکھیا تکّیا جانیا جگ، جگدی جوت نظری آئیا۔ مَینوُں خوشی ہوئی اجّ، مِلی سچ وڈیائیا۔ جو دو جہاناں سِری بھگوانا آیا تج، نِروَیر اپنا ویس وٹائیا۔ سچ سِنگھاسن بَیٹھا سج، سجّن گُرمْکھ نال مِلائیا۔ بِنا کعبیوں کرا کے حج، حاضر ہو کے دئے سمجھائیا۔ جوتی جوت سروُپ ہرِ، آپ اپنی کِرپا کر، بھرم بُھلیکھا دوُر کرائیا۔ پھلگُن کہے کی منگن پنڈت پاندھے، منگ منگ تھکے وِچ لوکائیا۔ گٔو نوُں کہہ کے گٔو ماتا چراؤندے رہے ڈھانڈے، سیِر جگت مُکھ چوائیا۔ گنگا گوداوری رہے نہاندے، جنجوُ بودی کر صفائیا۔ سوُرج نوُں پانی رہے چڑھاندے، چُلیاں نال بھرائیا۔ نؤ نؤ ٹُبھیاں رہے لاندے، نیتر نیَن بند وکھائیا۔ پربھوُ دا درس موُل نہ پاندے، ترسوُل متھے اُتے گھسائیا۔ اَگا پِچھا تکّن آؤندے جاندے، کرمنڈل ہتّھاں وِچ کھڑکائیا۔ کھیِراں والے تکّن بھانڈے، سوُکر ڈنڈیاں نال ہٹائیا۔ موُرکھ مت نال رہے کھاندے، گُرمت نہ کوئے جنائیا۔ پُتراں جمّیاں توں گھر گھر رہے جاندے، اوانگ تت سَت سُنائیا۔ پربھ چرناں توں رہے وانجھے، درگاہ مِلی نہ کوئے سرنائیا۔ انت ہتّھ گئے نانگے، پڑدا اوڈھن نہ کوئے ٹِکائیا۔ ہوئی سہائی نہ مائی گانگے، گُنگی ہو کے بَیٹھی زبان دبائیا۔ ناتے بنے نہ سچّے سانجھے، سجّن یار نہ کوئے ہنڈھائیا۔ انتم رو رو نیِر وہاندے، ہنجھوُاں ہار بنائیا۔ بِن صاحب سوامی پچھتاندے، پِچھا اَگے نہ کوئے چُھڈائیا۔ سو کلجُگ انتم منگن آئے نہ موُل شرماندے، مانگت ہو کے جھولی ڈاہیِا۔ جو در آ گئے جھکھڑ میِنہہ جھانجے، اپنا پندھ مُکائیا۔ اوہ بہہ گئے گھر ٹھانڈے، جِتھے اگن نہ کوئے تپائیا۔ ایسے کرکے چؤل پکّے وِچ ہانڈے، براہمن دینے کھوائیا۔ جِنہاں دی پوُری کرنی تانگھے، ترِشنا دینی مِٹائیا۔ خالی بھرنے بھانڈے، اؤنتا رہے نہ رائیا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ ورتائیا۔ جن بھگتو پربھ دا نہ کوئی پُت نہ کوئی پوِترا، پِتا سب دا نظری آئیا۔ اوہ خوشیاں وِچ کِسے دا سگناں والا چُکے نہ ٹوکرا، بھار گٹھڑی ہتّھ نہ کوئے اُٹھائیا۔ نہ کوئی دھی تے نہ کوئی دوہترا، نہ کوئی بنے جوائیا۔ نہ جاوے کدے پربھ اؤنترا، سد وجدی رہے ودھائیا۔ پنڈتو اَگے تُہانوُں کِسے نہیں بہاؤنا صاف کر کے چؤنترا، گٔو گوبر نہ کوئے پِھرائیا۔ تُہانوُں بہنا پئے نہ مار کے چؤنکڑا، ہتّھ ٹِنڈا اُتے ٹِکائیا۔ تُہاڈے اَگے کِسے گُرمْکھ نہیں رکھنی روکڑا، دچھّناں دان نہ کوئے ورتائیا۔ تُہاڈا ویہڑا رہنا نہیں موکلا، بھیِڑی گلی دینی سمجھائیا۔ ڈوُنگھا دسّنا کوٹھڑا، دروازہ در نہ کوئے کُھلائیا۔ جوتی جوت سروُپ ہرِ، آپ اپنی کِرپا کر،
سچ کرنی کار کمائیا۔ پھلگُن کہے جن بھگتو تُہانوُں سدا ودھائی، وادھا تُہاڈے وِچ بنائیا۔ بھگتاں وِچ بھگت مِل کے بنیا بھائی، وڈّا چھوٹا نہ کوئے وکھائیا۔ جِس دا پِچھلا لیکھا لہنا دینا نانک دسّ کے گیا راہی، رہبر ہو کے آپ جنائیا۔ داتا دانی دیونہار بےپرواہی، بےپرواہ اپنا رنگ چڑھائیا۔ سو صاحب سوامی انترجامی، پڑدا اوہلا رہیا اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پھلگُن کہے بھگتو دسّاں ساکھیات، سہج سہج سمجھائیا۔ وید ویاسا لِکھ کے گیا نال قلم دوات، پُران بھوِکھ وِچ دِرڑائیا۔ جو شیراں والی ذات، شہنشاہ سرنائیا۔ جِس ویلے کل آوے اندھیری رات، کلمہ بُھلے لوکائیا۔ کھیل ہووے چار کُنٹ دہِ دِشا سمجھے کوئی نہ بات، جوتی جوت سروُپ ہرِ، آپ اپنی کِرپا کر، پوُرب لیکھا دئے دِرڑائیا۔ پھلگُن کہے ودھان نہیں ایہہ وادھا، وجہ نال جنائیا۔ جے پوُرن سِنگھ سمجھیؤ دادا، ایہہ وی بُھل وکھائیا۔ جِس دا پریم سب نال سانجھا، حِصیاں والی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ دُھر فرمانا سُنو عزیِز، بچّیو دیاں سمجھائیا۔ ساچی دسّ تمیِز، طمع دیاں گوائیا۔ تکّو لا کے نیجھ، نیتر اکّھ کُھلائیا۔ تُہانوُں چاؤ تے تُسیں کرو ریِجھ، ریِجھ دے اَگے پربھ نوُں لؤ منائیا۔ جو پریم پیار پریِتی اندر جائے پتیِج، اِکو پِتا اِکو مائیا۔ جے گُر پرنالی دی سمجھ لؤ ترتیب، بھرم بُھلیکھا رہے نہ رائیا۔ جن بھگتو تُسیں پاتشاہ مَیں منگتا تُہاڈا غریِب، تُہاڈے گُناہاں دا مالک جناہ وِچوں لَواں بچائیا۔ تُسیں منگتے نہیں مَیں منگتا تُہاڈی لنگھ کے آیا دہلیز، سچکھنڈ نِواسی ہو کے لوک مات پھیرا پائیا۔ کِسے گیا نہیں مندر مسیِت، شِودوالا مٹھ راہ نہ کوئے تکائیا۔ جُگ چؤکڑی دی تُہاڈی لگّی پریِت، پریِتم ہو کے توڑ نِبھائیا۔ تُہاڈے نالوں مَینوُں تُہاڈی بہُتی اُڈیِک، تُسیں بیِتے دِن گِنو مَیں گھڑی گھڑی تُہاڈا راہ تکائیا۔ سچ پُچھو مَیں تُہاڈے اندر سدا نزدیِک، دوُر نیڑا نہ کوئے وکھائیا۔ تُہانوُں چِر لگدا بدلن لگیاں قمیِض، مَیں اِس توں پہلوں کوٹن چولے دیاں بدلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ منگتیؤ تُہانوُں ہوئی خوشی، امرجیِت ہویا گھر پُتر، وجّی اِک ودھائیا۔ مَیں عرشاں توں آواں اُتر، اُتّر پوُرب پچھّم دکھّن اپنی دھار چلائیا۔ تُسیں میرا تھوڑا کرو تے مَیں تُہاڈا بہُتا کراں شُکر، شاید تُسیں نہیں سمجھے مَیں دیاں سمجھائیا۔ دسّو مَیں کِہنوُں نہ چُکاں کُچھڑ، سارے اِکو جِہے نظری آئیا۔ مَیں نہ کِسے دا چاچا تایا نہ کِسے دا پُھپھڑ، بھَین بھائی والی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ پھلگُن کہے
جن بھگتو مَیں ویکھاں اوہ پُھل، جِس دی ڈوڈی بِن گوڈی سوبھا پائیا۔ جو کدی نہ جاوے رُل، اپنا روُپ نہ سکے بدلائیا۔ تُہاڈے کول پواؤن آ گیا مُل، قیِمت تُساں دینی چُکائیا۔ جوتی جوت سروُپ ہرِ، آپ اپنی کِرپا کر، ساچا مارگ اِک لگائیا۔ پھلگُن کہے مَیں پھلیا، رس اپنا لیا بنائیا۔ لوک مات اوہناں وِچ رلیا، جو رنگ رلیاں پربھ دے نال رہے منائیا۔ اُس ڈھانچے وِچ ڈھلیا، جِتھوں باہر نہ کوئے کڈھائیا۔ اوہ دوارا ملّیا، جِتھے وجدی رہے ودھائیا۔ جن بھگتو تُہانوُں سُنیہڑا پربھ نے اِک گھلیا، اَگے گھلوُگھار ہووے لڑائیا۔ تُسیں اپنے آپ نوُں کدی نہ سمجھیؤ اِکلّیا، جِدھر ویکھو اُدھر نظری آئیا۔ پریِتم ہو کے پھڑیا پلّیا پل پل دی کٹے جُدائیا۔ تُہاڈا بِرہوں نہ جاوے جھلّیا، جھلک دیوے نوُر خُدائیا۔ میرا زخم اجے الیا، االلہ دی سؤہ سؤہ االلہ رانی انت اپنے نال پرنائیا۔ کِسے چونا نہیں مقبریاں اُتے تیل پلیا، دیِا چراغ نہ کوئے جلائیا۔ جوتی جوت سروُپ ہرِ، آپ اپنی کِرپا کر، حُکم نال حُکم دئے بدلائیا۔ حُکم کہے مَیں دسّنا سب دا اِک حکیِم، جنم کرم دا روگی رہن کوئے نہ پائیا۔ دوُجا رہن نہیں دینا نیِم، خطرہ جان نہ کوئے جنائیا۔ اِک دا اِک نوُں دے کے یقیِن، اِک دا ایکنکار دینا وکھائیا۔ دُھر دی دسّ تعلیِم، طُلبا دینے پڑھائیا۔ محل دسّ عظیِم، اعظم دینا مِلائیا۔ وڈیائی دے کے اُتے زمیِن، ضامن ہو کے اَگے لَینا چُھڈائیا۔ سب نے کہنا یامبیِن، یاامیِن تیری اِک سرنائیا۔ جن بھگتو تُساں بننا نہیں کِسے دے کمیِن، اِکو گھر دے منگتے اِکو دیونہار اکھوائیا۔ رہنا نہیں غمگیِن، غماں توں لئے چُھڈائیا۔ تُساں میری دِتی ہوئی دات کرنی تسلیِم، طمع جگت رہے نہ رائیا۔ جوتی جوت سروُپ ہرِ، آپ اپنی کِرپا کر، مارگ اگلا دئے وکھائیا۔ پھلگُن کہے جن بھگتو مَیں چلیا مُک، چڑھکے خوشی وکھائیا۔ اَگے بدل دینا رُخ، پاسا دینا اُلٹائیا۔ کِسے گھر رہن نہیں دینا سُکھ، سُکھی وسے نہ کوئے لوکائیا۔ بِنا بھگتاں بھاگ لگّے نہ کِسے کُکھ، جنیندی ماں نہ کوئے وڈیائیا۔ گُرمْکھو تُہاڈی بُھکھیاں دی مِٹا کے بُھکھ، جھولی اِکو دینی بھرائیا۔ تُسیں جدوں آو میرے نال مانَس جنم وِچ منُکھ، مُکھیئے اپنے جگت دیاں وکھائیا۔ بھگوان نوُں سدا بھگت دے وِچھوڑے دا دُکھ، وِچھڑیاں لئے جُڑائیا۔ جِس ویلے مَیتھوں جاؤ رُٹھ، مَیں لوک مات کدے نہ آواں نِرگُن سرگُن پھیرا پائیا۔ جِس ویلے سانجھا ویلا جاوے ڈُھک، سماں دیاں بدلائیا۔ تُہاڈا اِکو پِتا تے تُسیں اِکے دے پُت، اِکو جمن والی مائیا۔ دُھر دی دھار دے کے ساچے سُت، سُتّیاں لَواں اُٹھائیا۔ پھلگُن والی مؤلے رُت، بسنت رہی مہکائیا۔ جیہڑے منگتے من رسنا توں بَیٹھے چُپ، حق سب دا ویکھ وکھائیا۔ جِنہاں سوہنگ
گا لئی تُک، اوہ تُرت اپنے وِچ سمائیا۔ جو پریم نال گیا جھُک، انجھک ہو کے پیَنڈا دیاں چُکائیا۔ جو لوک لجیا وِچ گئے رُک، لکّھ چؤراسی وِچ دیاں بھوائیا۔ جوتی جوت سروُپ ہرِ، آپ اپنی کِرپا کر، دردی ہو کے درد ونڈائیا۔ منگتیؤ منگن دا ویلا، جُگ چؤکڑی دئے گواہیِا۔ اِکو روُپ ہو جاؤ گُروُ چیلا، چِلیاں دی لوڑ رہے نہ رائیا۔ اوس نال ہو جائے میلا، جِسدے مِلیاں نہ ہوئے جُدائیا۔ گُرمْکھ کدے نہ رہے اَکیلا، اکل کل دھاری اپنا ساتھ رکھائیا۔ جوتی جوت سروُپ ہرِ، آپ اپنی کِرپا کر، مِہروان مِہروان مِہروان ماہر گُرمْکھ لئے بنائیا۔ پھلگُن کہے مَیں تکّی سچ پُھلواڑی، رس اگمّا نظری آئیا۔ جِس دی یاد آوے ساؤنی ہاڑی، ہاڑا کڈھے لوکائیا۔ اوہ منگتیاں دی لیکھے لاوے چرن چُھہائی داہڑی، وست امولک نام دان جھولی پائیا۔ سدا رہے پِچھے اَگے اَگاڑی، ایتھے اوتھے سنگ بنائیا۔ سب دی لیکھے لاوے دِہاڑی دِؤہاڑی سدوار، ہوڑا جوڑا جوڑا دئے وکھائیا۔ جیہڑے منگتے جُگ جنم دے اُمیدوار، منگدے منگدے دوارے پہنچے آن، تِنہاں دے خالی بھرے بھنڈار، بُھکھیاں دئے رجائیا۔ براہمن گُرسِکھاں نوُں اَگے کوئی نہ کہے چنگا نہیں شنِچروار، شنکے سارے دئے مِٹائیا۔ جن بھگتو پھلگُن کہے تُہاڈی جنم توں لےَ کے انت تک انت توں لےَ کے کنت تک سدا اِکو جِہی بہار، بہار وِچ ملِے یار، یار وِچ نِرنکار نِرنکار وِچ اپنا دیِدار دئے دکھائیا۔ تُسیں کِسے در تے بنیؤ نہ بِھکھار، مانگت ہو کے منگن کوئے نہ جائیا۔ جوتی جوت سروُپ ہرِ، آپ اپنی کِرپا کر، سوالیاں دے منّے سارے سوال، زوال تُہاڈا دِتا چُکائیا۔ مہاراج شیر سِنگھ وِشنوُں بھگوان، جھگڑا مُکا کے جگت کال، مہاکال توں پرے اپنے وِچ سمائیا۔
۲ پھگّن شہنشاہی سمت ۱ ہرِ بھگت دوار جیٹھوُوال
کرے کھیل پربھ اگمّی ہستی، ہرِ سَتگُر دَیا کمائیا۔ مارگ دسےّ دُھر دا عرشی، فرشی حُکم سُنائیا۔ جن بھگتاں نام خُماری دیکے مستی، مستوُانا سَتگُر چرن دھام پرگٹائیا۔ جو آتما جُگ جنم آئی نسدی، کلجُگ انتم پندھ مُکائیا۔ جوت اکالن عقلاں والیاں سچ دسّدی، دہِ دِشا دئے سمجھائیا۔ ایہہ کھیل نہیں کِسے دے وسّ دی، دُھر دا حُکم ہرِ کرتا آپ پرگٹائیا۔ جیہڑی پِچھلے جنم دی رانی
اِس جنم دی سُرستی، سُتّیاں لیا اُٹھائیا۔ اُس دی بھاوَنا اندر دی اکّھ دی، بھانے وِچ سمائیا۔ اَگے واسطے اوہ بھگتاں نوُں تِلک لاوے ہسدی ہسدی، منگنی ویاہ وِچ مستک رنگ چڑھائیا۔ ہرِ سنگت بھری ہووے جس دی، ڈھولے صاحب سوامی گائیا۔ پریِتی ویکھنی سجےّ ہتّھ دی، جِس نال گوبِند پھڑ کے گودی وِچ ٹِکائیا۔ کتھا کہانی نہیں اجّ دی، جُگ جنم دی چلی آئیا۔ جن بھگتو تُہاڈی ریِتی نہیں جگ دی، جاگدی جوت دئے وڈیائیا۔ کھیل مُکی ورناں برناں والی حد دی، گھر اِکو دِتا سمجھائیا۔ آواز سُن لؤ اوس اگمّی ندّ دی، جو دُھن آتمک کرے شنوائیا۔ جوتی جوت سروُپ ہرِ، آپ اپنی کِرپا کر، جوڑی اوہ بنائے جو ایتھے اوتھے سجدی، سجّناں نال سجّن لئے مِلائیا۔ تِلک کہے مَیں لگّاں اوس اُنگلی، جو پنجاں وِچوں وڈّی نظری آئیا۔ کھولاں اندر گُنجھلی، پڑدا دیاں اُٹھائیا۔ اَگے گُرمْکھ گُرمْکھ دی کرے کوئی نہ چُغلی، نِندیا والا مُکھ نہ کوئے وکھائیا۔ ایہہ ریِتی پربھ نے پھیر پرگٹائی مُڈھلی، جو وِشنوُں برہمے دِتی سُنائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا وکھائیا۔ اُنگلی کہے نوَ نؤ چار پِچھوں مَیں وڈّی توں ہوئی وڈّی، پُرکھ اکال وڈّی دِتی وڈیائیا۔ مَیں پِچھلی ریِتی چھڈی، اپنی لئی انگڑائیا۔ دو جہاناں دی بدل کے گدّی، گائیڈ گاڈ دِتا وکھائیا۔ پرم پُرکھ دی جنا کے پہلی صدی، برسی پہلی رہی منائیا۔ دھنّ وڈیائی جے بھگتاں دی ویل ودھی، وادھا ہرِ سَتگُر رہیا وکھائیا۔ پریِتی پریِتم نال لگّی، پت پرمیشور ہوئے سہائیا۔ جوتی جوت سروُپ ہرِ، آپ اپنی کِرپا کر، ساچی کرنی دئے بُھگتائیا۔ اُنگلی کہے جِس ویلے مَیں لگّنا نال سندھوُر، سند ساچی دینی بنائیا۔ گُرمْکھ صاف کر کے وانگ کافوُر، کامل مُرشد دینا مِلائیا۔ پوُرب جنم دا لہنا دینا ضرور، ضرورت سب دی ویکھ وکھائیا۔ اَگے بھگتاں دا دسّ کے سچ دستوُر، دست نال دست دینا مِلائیا۔ بیڑا بھر کے ساچا پوُر، پاربرہم دا چپوُ دینا وکھائیا۔ لہنا دینا جھولی پا کے حاضر حضوُر، حاضر ہو کے سیو کمائیا۔ جوتی جوت سروُپ ہرِ، آپ اپنی کِرپا کر، مِہر اپنی نال ترائیا۔ اُنگل کہے میری کِسے نہیں پائی سار، وڈّی توں وڈّی نہ کوئے بنائیا۔ جُگ چؤکڑی بیِتے چار، چارج گُروُ اوتار پَیغمبر اپنے ہتّھ وِچ ٹِکائیا۔ کوٹاں وِچوں بھگت لبھے دو چار، چار ورن رو رو مارے دھائیا۔ پُرکھ ابناشی آیا اپنی وار، وارتا اپنی دئے جنائیا۔ بھگت سُہیلے کر کے خبردار، بےخبری وِچوں اُٹھائیا۔ جُگ جنم دا کرم وِچار، دھرم دی دھار بنائیا۔ دسّ کے سانجھا پیار گھر اِکو رہیا وکھائیا۔ حق دے کے پُرکھ نار، سمرتھ بخشنہار وڈیائیا۔ جوتی جوت سروُپ ہرِ، آپ اپنی کِرپا کر،
ریِتی وِچوں نیِتی دئے بدلائیا۔ اُنگلی کہے جِس ویلے مَیں لگّنا بھگتاں دے نال مستک، مست خُماری دینی چڑھائیا۔ گُرمْکھ رہے کوئی نہ ناستک، کوُڑی کریا باہر کڈھائیا۔ ناتا جوڑ کے اِکو واستوِک، وِشوَ روُپ دینا سمجھائیا۔ جِنہاں نوُں پڑھنا پئے نہ کوئی شاستر، کھتری براہمن شوُدر وَیش ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، اپنے گھر وسائیا۔ مستک کہے جِس ویلے مَیں سُرستی دا تکّنا ہتّھ، بل دی ماسی نظری آئیا۔ جِس دا لیکھا گُردَیال سِنگھ ہؤلی جِہی گیا سی دسّ، ویہہ سؤ چؤداں وِچ سمجھائیا۔ اوس دا پوُرا مِلن لگّا حق، حقیِقت دئے گواہیِا۔ اَگے رہے کوئی نہ شک، شکایت کرن کوئے نہ آئیا۔ حُکم دیوے پُرکھ سمرتھ، سمرتھ ہتّھ وڈیائیا۔ جِس دے نکّ سُہاگ دی نتھ، میِڈھی سیِس سچ گُندائیا۔ اوہ گُرمْکھاں تکّے اِک اکّھ، اکّھ وِچوں اکّھ نہ کوئے بدلائیا۔ مہاراج شیر سِنگھ وِشنوُں بھگوان، دَیاکمائے ہسّ ہسّ، گُرمْکھ ہستی اپنی مستی وِچ رکھائیا۔
۱۴ پھگّن شہنشاہی سمت ۱ بلوَنت سِنگھ دے گرِہ تلونڈی جُلیخاں ضِلع فِروزپُر
پھلگُن کہے میرا آ گیا وقت سُبھاگا، سبھا سچ دی ویکھ خوشی منائیا۔ گُرمْکھاں گوبِند پِتا پُرکھ اکال مِلیا دادا، دعویدار اپنے رہیا بنائیا۔ جِنہاں دے انتر آتم امیوں رس دِتا سوادا، انڈِٹھ آپ چکھائیا۔ تُوں میرا مَیں تیرا سُنا کے راگا، ناتا لیا جُڑائیا۔ تندی ڈور پھڑ کے واگا، واقف اپنے رہیا بنائیا۔ میل مِلا کے کنت سُہاگا، جگت وِچھوڑا رہیا کٹائیا۔ دِیپک جوت جگا چِراغا، چار ورن دئے سرنائیا۔ سَت پریم دا سنتوکھیِاں کولوں کھا پرسادا، پرساد اپنا سب نوُں دئے ورتائیا۔ لیکھا لِکھ کے گیا بِن قلموں اِشارے وِچ بُڈھا بابا، نانک نِرگُن نِروَیر دھیان رکھائیا۔ آسا وِچ آساوَند رہیا نال کرِشن رادھا، راہ تکّ نیَن اُٹھائیا۔ رام سیِتا بھوجن کھادھا سادہ، بنباس پنچبٹی ڈیرہ لائیا۔ بل براہمن بُڈھے نوُں ماردا رہیا آوازا، باوَن اکّھ نہ کوئے پُٹائیا۔ شبد اگمّی کھول دے رازا، رازق رِزق رحیِم رہیا جنائیا۔ محمد آس رکھی وِچ نمازا، ماشاااللہ نوُر خُدائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا چُکائیا۔ پھلگُن کہے مَینوُں یاد آ گیا بھوِکھت، دُھر دی بھاکھیا دئے گواہیِا۔ جِس ویلے عیسیٰ لِکھن لگّا سی لِکھت، اِشٹ اپنا اِک منائیا۔ کُھلی
اندروں درِشٹ، دہِ دِشا سُنی شنوائیا۔ لیکھا مُکیا بہِشت، جلوہ نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پھلگُن کہے جِس ویلے عیسیٰ نے کیِتا سلام، سیِس سجدیاں وِچ جھُکائیا۔ آئی اگمّی کلام، کلمہ اِک جنائیا۔ جِس ویلے کلجُگ انتم بدلے نِظام، نؤبت وجےّ بےپرواہیِا۔ پرگٹ ہووے اِک امام، کامل مُرشد پھیرا پائیا۔ جھگڑا مُکاوے تمام، طمع کوُڑی دئے گوائیا۔ پریمیاں پیاریاں دئے آرام، سچ دوار سچ سرنائیا۔ حُکمے اندر اِک پَیغام، پرا پسنتی مدھم بَیکھری توں پرے کرے پڑھائیا۔ ساچا دسّ کے دُھر نِشان، نِشانے پِچھلے دئے چُکائیا۔ کوُڑی کِریا دسّ کے کھیل حرام، مِہر نظر نال اُٹھائیا۔ جھگڑے مُکا کے تمام، تامس دئے رُڑھائیا۔ سَت پریم دا پکا کے اِک پکوان، پکّے اپنے نال رلائیا۔ عیسیٰ کِہا اوہ کیہڑا دان، کوَن جھولی دئے بھرائیا۔ پروردِگار کِہا مَیں آپ ہوواں مِہروان، محبوُب ہو کے مُحبّت وِچوں پرگٹائیا۔ تُوں بالا نڈّھا اَنجان، سمجھ اَگے نہ کوئے رکھائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ پھلگُن کہے میری بدلدی آئی رُت، رُتڑی ویس وٹائیا۔ نوَ نؤ چار پِچھوں ہویا خوش، خوشیاں وِچ سُنائیا۔ ناتا ویکھ کے پِتا پُت، گُرمْکھ گُر گُر وجّی ودھائیا۔ جو اندر بَیٹھا لُک، سو باہر کرے پڑھائیا۔ جِس دے نام دی اِکو تُک، تُخم تاثیر دئے بدلائیا۔ سو گُرمْکھاں دوارے پریِتی اندر پریم دا منگے ٹُک، ٹُکڑا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سچ پریم دا دے کے سُکھ، دُکھ دلِدر دئے گوائیا۔ پھلگُن کہے میرے اُتے آئی حَیرانی، انتر دئے گواہیِا۔ پُرکھ اکال کر کے مِہروانی، محبوُب پھیرا پائیا۔ جن بھگتاں منزل دے کے جائے آسانی، سِر اپنا ہتّھ ٹِکائیا۔ گوبِند دی لیکھے لائے قُربانی، کامل مُرشد بےپرواہیِا۔ بخشش کرے گُن نِدھانی، رحمت آپ ورتائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ پھلگُن کہے مَیں ویکھیا گھر پریم پیار دا پُھلکا، خوشیاں نال بنائیا۔ بھاگ اُجل ہووے ساچی کُل دا، جو کُل مالک مِل کے خوشی منائیا۔ لہنا مُکنا ساچی چُلھ دا، سمت سولاں پائیا۔ پُرکھ اکال دیِن دَیال لہنا دینا کدے نہ بُھلدا، مگھّر دئے گواہیِا۔ جوتی جوت سروُپ ہرِ، آپ اپنی کِرپا کر، سب دا لیکھا ویکھ وکھائیا۔ پُھلقا کہے مَیں آد جُگاد رہیا پکدا، اگنی تت تپائیا۔ میرا لہنا دینا مُکیا نہ سجّن سچ دا، ساچے ہتّھ نہ کوئے پھڑائیا۔ مَیں ادھار بنیا رہیا ماٹی بھانڈے کچّ دا، من واسنا جگت پِھرائیا۔ نوَ نؤ چار پِچھوں میرا سُبھاگ دِہاڑا ہویا اجّ دا، پربھ پریِتی ریِتی وِچوں بدلائیا۔ کھیل نِرالا بھگتاں وِچ جگ دا، جاگرت جوت کرے رُشنائیا۔
جھگڑا مُک گیا حج دا، حاجت سب دی پوُر کرائیا۔ جِنہاں دواریوں پُرکھ اکال کھا کھا کے آپ رجدا، بھنڈارے اُہناں دے دئے بھرائیا۔ مہاراج شیر سِنگھ وِشنوُں بھگوان، حق کِسے دا آد جُگاد نہ رکھدا، جُگ چؤکڑی خوشیاں نال جھولیاں دئے بھرائیا۔ جوتی جوت سروُپ ہرِ، آپ اپنی کِرپا کر، سنت سُہیلے ساجن سدّدا، سِدھے سادے سدھراں وِچ رکھائیا۔
۱۴ پھگّن شہنشاہی سمت ۱ سردارا سِنگھ دے گرِہ پِنڈ مناوا ضِلع فِروزپُر
چؤداں پھلگُن کہے مَیں جلوہ تکّیا نِرگُن جوت، نوُر نوُرانہ نوُر نظری آئیا۔ در دربار ویکھیا سچکھنڈ دوارا اگمّی کوٹ، چھپّر چھنّ چار دیوار نظر کوئے نہ آئیا۔ گُر اوتار پَیغمبر سُنے گاؤندے اِک سلوک، تُوں میرا مَیں تیرا دُھر دا راگ اِک الائیا۔ سیِس جھُکاؤندے ویکھے وِشن برہما شِو چؤداں لوک، چؤداں طبق دھیان لگائیا۔ جُگ چؤکڑی سارے منگن پربھوُ تیری اِکو اوٹ، دوُجی آس نہ کوئے رکھائیا۔ تیرا بھانا لوک مات سکے کوئی نہ روک، نِرگُن سرگُن میٹے نہ کوئے مِٹائیا۔ تیرا حُکم فرمانا سندیشہ دُھر دا بہُت، زِمیں اسمان رہے کُرلائیا۔ جوتی جوت سروُپ ہرِ، آپ اپنی کِرپا کر، سچ کرنی دینی دِرڑائیا۔ ساچی کرنی دسّ سِری بھگوَنت، در ٹھانڈے منگ منگائیا۔ جُگ چؤکڑی تیری مہما کہہ کے گئے بےانت، صِفت صلاحی ڈھولے گائیا۔ چار کُنٹ دہِ دِشا کھوجدے کوٹن سنت، سچ سوامی نیَن اُٹھائیا۔ بھیوَ ابھیدے اچھل اچھیدے دسّ اپنا منت، منتر اِکو اِک جنائیا۔ سچ دوارے ہرِ نِرنکارے میلا ہووے آتم پرماتم نار کنت، سیج سُہنجنی جوت نِرنجنی وجےّ ودھائیا۔ جھگڑا چُکے لکّھ چؤراسی مایا ممتا ہؤمے ہنگت، جیِو جنت کرے رُشنائیا۔ در بِھکھاری در درویش بَیٹھے دُھر دے منگت، من واسنا دوُر کرائیا۔ جوتی جوت سروُپ ہرِ، آپ اپنی کِرپا کر، چرن کوَل دئے سرنائیا۔ چرن کوَل پربھ دے دے سرن، در ٹھانڈے منگ منگائیا۔ نیتر کھول ہرن پھرن، نِج نیَن ہووے رُشنائیا۔ جھگڑا چُکا دے مرن ڈرن، بھے بھؤ نہ کوئے جنائیا۔ تیرا ڈھولا تیرے گیِت تیرے گُرمْکھ اِکو پڑھن، چؤداں وِدیا لوڑ رہے نہ رائیا۔ ساچی منزل پاندھی بن کے چڑھن، انت اَخیِری قدم اُٹھائیا۔ ترےَگُن اگنی مایا تت وِچ نہ سڑن، کام کرودھ لوبھ موہ ہنکار نہ کوئے ہلکائیا۔ جھگڑا مُک جائے ورن برن، اٹھ دس نہ کوئے لڑائیا۔ پُرکھ اکال دیِن دَیال تُوں داتا ترنی ترن، تارنہار تیری سرنائیا۔ جوتی
جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر اُٹھا سِری بھگوان، بھانڈا بھرم دے بھنائیا۔ آتم سیجا کر بِسرام، وِشن برہما شِو ویکھن چائیں چائنیا۔ ڈھولا سُنا اگمّی نام، رسنا جِہوا بتّی دند نہ کوئے ہِلائیا۔ کلمہ دے اگمّی کلام، کائنات وِچوں باہر پڑھائیا۔ سچ وکھا اِک نِشان، سچ دوارے سوبھا پائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کرے بھگوَنت، پاربرہم پربھ دَیا کمائیا۔ سنت سُہیلے گُرمْکھ لبھے وِچوں جیِو جنت، گھٹ بھیِتر کھوج کھوجائیا۔ گڑھ توڑ ہؤمے ہنگت، ہِردے ہرِ دئے سمجھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ دیونہار سچّی سرنگت، چرن کوَل اِک دِرڑائیندا۔ آتم پرماتم دُھر دی مت، منمت نہ کوئے رکھائیندا۔ سَت سنتوکھی دھیِرج جت، سِر اپنا ہتّھ رکھائیندا۔ من واسنا نالوں کر کے وکّھ، بودھ اگادھ آپ سمجھائیندا۔ حقیِقت وِچوں دے کے حق، نِج اکّھ آپ کُھلائیندا۔ امرت امیوں دے کے رس، اگنی تت بُجھائیندا۔ تُوں میرا مَیں تیرا تیرا آتم پرماتم گاؤنا جس، دُھر دا ڈھولا آپ سُنائیندا۔ جوتی جوت سروُپ ہرِ، آپ اپنی کِرپا کر، دُھر دی کار آپ کمائیندا۔ چؤداں پھلگُن کہے میری آ گئی لوک مات رات، بِھنڑی رَین وجّی ودھائیا۔ مَیں ویکھنا کھیل تماش، خالق خلق رہیا ورتائیا۔ جُگ چؤکڑی پِچھوں پوُری ہون لگّی آس، نوُر نوُرانہ کر رُشنائیا۔ جن بھگتاں ہو کے ساتھ، سگلا سنگ بنائیا۔ نِراکھّر وکھّر دسّ کے گاتھ، نِہکرمی کرے پڑھائیا۔ جوتی جوت سروُپ ہرِ، آپ اپنی کِرپا کر، لہنے دینے ویکھ وکھائیا۔ لہنا دینا ویکھنہارا، دیوت سُر کھوج کھوجائیا۔ کلجُگ کھیل کرے اپارا، نِروَیر ویس وٹائیا۔ بھگتاں کھول کے بند کِواڑا، تاکی کُنڈا دیوے لاہیِا۔ دِیپک دِیاکر اُجیارا، جوتی جوت کرے رُشنائیا۔ ویکھے وِگسے ویکھنہارا، گرِہ گرِہ مندر پھول پھولائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا چُکائیا۔ پھلگُن کہے میری آسا ہوئی پوُری، آہستہ آہستہ دیاں جنائیا۔ سُنیا ناد اگمّی تُوری، تُریا توں اَگے گیا جنائیا۔ جِتھے وست نہیں کوئی کوُڑی، سَت سچ وجےّ ودھائیا۔ پنج تت چرن نہ کوئی دھوُڑی، نِرگُن نوُر جوت رُشنائیا۔ جِدھر تکّو حاضر حضوُری، حضرت ملِے بےپرواہیِا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ سِر کہے مَیں جاواں صدقے، بلہار مِلی سرنائیا۔ پُرکھ اکال دیِن دَیال درشن کراں رجّ کے، ترِشنا بُھکھ نہ اوَر ودھائیا۔ کایا انتر اپنی لبھ کے، کھوجت کھوجت ویکھ وکھائیا۔ جھگڑے مُکا کے نؤ دوارے حد دے، سُکھمن ٹیڈھی بنک پندھ چُکائیا۔ ناد اگمّی
ویکھاں وجدے، دُھن آتمک ہوئے شنوائیا۔ دِیپک ویکھاں جگدے، گھر وِچ گھر کرے رُشنائیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا اُٹھائیا۔ پڑدا اوہلا دیوے چُک، چاکر ہو کے سیو کمائیا۔ دُئی دوَیت میٹ کے دُکھ، سُکھ آتم دئے اُپجائیا۔ گھر سوامی سجّن جو بَیٹھا لُک، نقاب پرے دئے سُٹائیا۔ گلی بھیِڑی منزل پَینڈا جائے مُک، گھر ملِے بےپرواہیِا۔ پرماتم ہو کے آتم لئے پُچھ، جنم جنم دی کٹے آپ جُدائیا۔ جوتی جوت سروُپ ہرِ، آپ اپنی کِرپا کر، بخشنہار آپ وڈیائیا۔ آتم پرماتم کرے مِلاپ، مِلنی جگدیِش کرائیندا۔ تُوں میرا مَیں تیرا دوہاں دا اِکو جاپ، دوُجی ونڈ نہ کوئے ونڈائیندا۔ نِرگُن سرگُن کر کے پاک، پتت پُنیِت دَیاکمائیندا۔ نِج گھر درشن دیوے ساکھیات، جوتی جاتا ڈگمگائیندا۔ نام سندیشہ دیوے بِنا قلم دوات، اکھّراں ونڈ نہ کوئے ونڈائیندا۔ جوتی جوت سروُپ ہرِ، آپ اپنی کِرپا کر، ناتا جوڑ کے دُھر دا ساک، سجّن اِکو سوبھا پائیندا۔ سجّن ملِے صاحب سوامی، آتم انتر وجےّ ودھائیا۔ بودھ اگادھ دسےّ اِکو بانی، نِراکھّر کر پڑھائیا۔ بھیوَ ابھیدا کھولے شاہ سُلطانی، شہنشاہ آپ سمجھائیا۔ سنت سُہیلا بنا کے برہم گیانی، وِدیا اپنی دئے پڑھائیا۔ جھگڑا مُکا کے اٹھسٹھ پانی، امرت جھِرنا دئے جھِرائیا۔ شبد اگمّی مار کے تیِر کانی، کائنات وِچوں باہر کڈھائیا۔ تت وجوُد لیکھا چُکے سرِشٹی درِشٹی فانی، فَیصلہ حق حق سُنائیا۔ جن بھگتاں اُتے کر کے آپ مِہروانی، محبوُب اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، نِت نوِت ویکھ وکھائیا۔ پھلگُن کہے مَیں کی دسّاں، رسنا جِہوا نظر کوئے نہ آئیا۔ جگت نیتر نہ کوئی اکّھاں، نیَن نیَن نہ کوئے بدلائیا۔ اِکو حُکمے اندر وساں، بھانے وِچ سمائیا۔ سیو کراں بِن ہتّھاں، بِن قدماں پندھ مُکائیا۔ ونج کراں بِن ہٹّاں، بھجّاں چائیں چائنیا۔ ساچا لاہا اِکو کھٹّاں، سہجے سہج دیاں دِرڑائیا۔ پُرکھ اکال دیِن دَیال ویس وٹا کے وانگ نٹاں، جُگ جُگ اپنا پھیرا پائیا۔ جِس نوُں سمجھ نہ سکن کوٹن متاں، بُدھیِوان نہ کوئے چتُرائیا۔ جگت جہان رہ جائے ہکاّ بکاّ، حقیِقت حق نہ کوئے درسائیا۔ بِنا بھگتاں سِری بھگوان دا ملِے کِسے نہ پتہ، پت پرمیشور جوڑ نہ کوئے جُڑائیا۔ چار کُنٹ دہِ دِشا کوُڑی واسنا پیا رٹّا، جھگڑے وِچ لوکائیا۔ گڑھ ہنکار بُرج نہ ڈھٹّھا، دُئی دوَیت نہ کوئے گوائیا۔ ساچا بھوجن کِسے نہ چکّھا، امرت رس کوئے نہ کھائیا۔ جوتی جوت سروُپ ہرِ، آپ اپنی کِرپا کر، دیونہارا سچّی سرنائیا۔ پھلگُن کہے گھر گھر پکے پکوان، نوَ نؤ ستّ پیٹ بھرائیا۔ سوامی ملِے نہ کوئے بھگوان، بھاگاں ونڈ نہ کوئے ونڈائیا۔ جگت بُدھی ہوئی اَنجان، انبھوَ پڑدا نہ کوئے کُھلائیا۔ سرِشٹی درِشٹی ہوئی وَیران، وَیری ہو کے
دین دُہائیا۔ سَت دھرم گیا نِشان، نِشانے سارے گئے بُھلائیا۔ جوتی جوت سروُپ ہرِ، آپ اپنی کِرپا کر، دیونہار بےپرواہیِا۔ پکوان کہے مَینوُں سارے کہِندے روٹی، جُگ چؤکڑی ریِتی چلی آئیا۔ مَینوُں کھا کے سب دی واسنا ہوئی کھوٹی، کوُڑا کرم کمائیا۔ جیِواں جنتاں کھا کے بوٹی، میرا سواد رہے ودھائیا۔ مَیں ویکھن آیا جیہڑے گُرمْکھ چڑھے منزل چوٹی، پیَنڈا اپنا رہے مُکائیا۔ کر پرکاش نِرمل جوتی، اندھ اندھیر دئے چُکائیا۔ بھاویں طعنے دیون لوکی، اِکو پُرکھ اکال رہے منائیا۔ اُہناں پڑھنی پئے نہ پوتھی، بغل قُرآن نہ کوئے ٹِکائیا۔ اُہناں دی سوچ سِری بھگوان رہیا سوچی، سمجھ اپنے وِچ مِلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم رہیا ورتائیا۔ پکوان کہے مَیں رہیا پکّدا، جُگ چؤکڑی سیو کمائیا۔ میرا لہنا مِلیا نہ حق دا، حقیِقت جھولی کوئے نہ پائیا۔ گُر اوتاراں پَیغمبراں آیا دسّدا، رو رو دیاں دُہائیا۔ مالک مِلاؤنا اِکو سچ دا، جو شاہ پاتشاہ شہنشاہ اکھوائیا۔ جو لکّھ چؤراسی بھانڈا گھڑے کچّ دا، وِشن برہما شِو سیو لگائیا۔ جو مارگ دسےّ نِج نیتر لوچن اکّھ دا، اگیان اندھیر مِٹائیا۔ جو پیَنڈا مُکائے حقیِقت حق دا، منزل اِک چڑھائیا۔ جو مقامے حق وسدا، سچکھنڈ ساچے سوبھا پائیا۔ جِس دا بھنڈارا صِفتی جس دا، جُگ چؤکڑی رہی صلاحیِا۔ اوہ بھگتاں پَیج رکھدا، نِت نوِت دَیا کمائیا۔ درشن کرنا سوُرے سربگ دا، چرن کوَل ملِے سرنائیا۔ ناتا تُٹ جائے کوُڑے جگ دا، جگ جیِون داتا دئے وڈیائیا۔ پیَنڈا مُک جائے شاہ رگ دا، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پھلگُن کہے مَیں ویکھیا جُگ چؤکڑی چار، چار کُنٹ دھیان لگائیا۔ بھگت بھگوان ویکھیا پیار، پریمی پریمکا روُپ بدلائیا۔ آتم پرماتم ویکھیا ادھار، ترِشنا موہ نہ کوئے رکھائیا۔ نِرگُن سرگُن کھیل ویکھیا سنسار، جیِون جیِون رنگ رنگائیا۔ سو ویلا وقت رہیا وِچار، گھڑی پل تھِت ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ سمجھائیا۔ دُھر دی کرنی کرے پربھ آپ، اپنی دَیاکمائیندا۔ جن بھگتاں دے کے ساتھ، سگلا سنگ بنائیندا۔ پڑھا اگمّی گاتھ، گہر گمبھیِر رنگ رنگائیندا۔ منتر دسّ کے ساچ، سَت سچ وِچ مِلائیندا۔ شبد چڑھا کے راک، پُریِاں لوآں باہر کڈھائیندا۔ آتم پرماتم کر اِتفاق، پڑدا اوہلا دوُر کرائیندا۔ پوُرا کر بھوِکھت واک، کلجُگ انتم ویس وٹائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیندا۔ بھیوَ ابھیدا کھولے جگ، پاربرہم دَیا کمائیا۔ چاروں کُنٹ ویکھے لگّی اگّ، اگنی تت رہی جلائیا۔ ساچا کرے کوئی نہ حج، حُجرہ حق
نہ کوئے سُہائیا۔ آتم پرماتم نالوں ہوئی الگ، من واسنا کری جُدائیا۔ سچ سِنگھاسن میل نہ ہویا سج، سجّن میِت جوڑ نہ کوئے جُڑائیا۔ بِن اکّھاں درس نہ کیِتا رجّ، جوتی جوت نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ بھیوَ ابھیدا کھولے ایک، ایکنکار دَیا کمائیا۔ جن بھگتاں دے کے دُھر دی ٹیک، ٹِکّے مستک دئے لگائیا۔ ترےَگُن مایا نہ لاگے سیک، اگنی اگّ نہ کوئے جلائیا۔ سچکھنڈ دوارا وکھا کے اپنا دیس، اِکو نوُر کرے رُشنائیا۔ جوتی جوت جوت پرویش، تت وجوُد نہ کوئے بنائیا۔ نہ کوئی وِشن برہما مہیش، گُر اوتار پَیغمبر نِرگُن دھار بَیٹھے سیِس نِوائیا۔ اِکو کلمہ اِکو نام اِکو ڈھولا اِکو سوہلا اِکو کرن آدیس، اِکو ناد رہے جنائیا۔ جوتی جوت سروُپ ہرِ، آپ اپنی کِرپا کر، ساچی دسّنہار پریِت، آتم پرماتم پرماتم آتم رنگ رنگائیا۔ آتم پرماتم رنگے رنگ، بھگت بھگوَنت وجےّ ودھائیا۔ آتم سیجا ویکھ پلنگ، سچ سوامی سوبھا پائیا۔ شبد اناد وجےّ مردنگ، تند ستار نہ کوئے ہِلائیا۔ بِن رسنا جِہوا آوے اوہ انند، جو انندپُری والا اپنے وِچ چُھپائیا۔ جِتھے نہ کوئی سوُرج نہ کوئی چند، منڈل منڈپ نہ کوئے وڈیائیا۔ نہ کوئی بندگی اندر کرے بند، نہ کوئی کلمے رہیا پڑھائیا۔ نہ کوئی ڈھولا گیِت چھند، سوہلا راگ نہ کوئے سُنائیا۔ اِک دیِن دَیال صاحب کِرپال بَیٹھا بخشند، بخشش رحمت آپ کمائیا۔ جو آد جُگاد جُگ چؤکڑی جن بھگتاں سدا سنگ، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، گھر ساچے دئے وڈیائیا۔ وڈیائی کہے مَیں صِفت کراں کی بھگت، بھگوَن انتر نظری آئیا۔ مَیں نمستے کر کر تھکاں وِچ جگت، نِیوں نِیوں لاگاں پائیا۔ جِنہاں دا میل نال اِکو ہویا فقط، فِقرہ اِکو ڈھولا گائیا۔ اوہناں دا ایتھے اوتھے سُہنجنا وقت، نِرگُن نِرگُن نہ ہوئے جُدائیا۔ ناتا چھڈ کے بوُند رَکت، جوتی جوت وِچ سمائیا۔ نہ کوئی دُئی دوَیتی رہے حسد، دیِن مذہب نہ کوئے لڑائیا۔ جوتی جوت سروُپ ہرِ، آپ اپنی کِرپا کر، دُھر دا راہ اِک وکھائیا۔ دُھر دا راہ دسےّ غریِب نِواز، کلجُگ انتم دَیا کمائیا۔ سَتجُگ ساچا ہووے پرکاش، نِرگُن نوُر نوُر رُشنائیا۔ جن بھگتاں پوُری کرے خواہش، آسا اپنے وِچ سمائیا۔ پرم پُرکھ دے کرکے داس، دست بدست سیِس جھُکائیا۔ من واسنا کر کے اناتھاں اناتھ، گڑھ ہنکاری دئے تُڑائیا۔ شِوجی تکّے اُپر کَیلاش، برہما نیتر نیَن اکّھ کُھلائیا۔ وِشنوُں چلے ساتھ ساتھ، سیوک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، بھگت سُہیلا بےپرواہیِا۔ بھگت سُہیلا بےپرواہ، بےپرواہی وِچ سمائیندا۔ نِرگُن سرگُن بن ملاح، بیڑا لوک مات چلائیندا۔
کلجُگ انتم دَیاکما، دیِناں اناتھاں آپ اُٹھائیندا۔ جنم جنم دا لیکھا جھولی رہیا پا، پوُرب وِچھڑے جوڑ جُڑائیندا۔ جنم کرم دے کٹ گُناہ، گہر گمبھیِر رنگ رگائیندا۔ سچ دوارا اِک وکھا، پڑدا اوہلا آپ اُٹھائیندا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ سمجھائیندا۔ دُھر دا حُکم کہے سب نوُں منّنا پئے بھانا، بھانے وِچ لوکائیا۔ آتم پرماتم ساچا نام سب نے گانا، گاوت گا گا خوشی منائیا۔ پُرکھ اکال اِکو منّنا سب نے رانا، رعیت دو جہان نظری آئیا۔ جِس دا روُپ انوُپ شاہ شہانہ، صِفتاں وِچ نہ کوئے صلاحیِا۔ گُر اوتار پَیغمبر جِس دا دے کے گئے بیانا، حُکم سندیشے مات سُنائیا۔ اوہ پرگٹ ہووے والی دو جہاناں، نؤجوانا مرد مردانہ ویس وٹائیا۔ جوتی جوت سروُپ ہرِ، آپ اپنی کِرپا کر، صاحب سوامی ہوئے سہائیا۔ صاحب سوامی پُرکھ سمرتھ، بھگوَن میِتا نظری آئیندا۔ جِس دی مہما سدا اکتھ، صِفتاں وِچ نہ کوئے صلاحندا۔ اوہ کلجُگ سَتجُگ لہنا دینا چُکاوے ہتّھو ہتّھ، دوُجی ونڈ نہ کوئے ونڈائیندا۔ سنت بھگت گُرمْکھ گُرسِکھ کر کے وکّھ، آتم پرماتم جوڑ جُڑائیندا۔ وست امولک دے کے حق، حقیِقت اپنی آپ سمجھائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ ساچی کرنی کرنیہارا، کرتا پُرکھ وڈی وڈیائیا۔ کل کلکی نِرگُن لئے اوتارا، جاگرت جوت کرے رُشنائیا۔ سمبل وسے دھام نیارا، بنک سُہیلا ڈیرہ لائیا۔ نام شبد اِک جَیکارا، دو جہاناں آپ سُنائیا۔ بھگت وچھل کر پیارا، بھگوَن اپنا رنگ چڑھائیا۔ نام کھنڈا پرچنڈ دو دھارا، وِچ سنسارا آپ پِھرائیا۔ بُدھی کرے نہ کوئی وِچارا، سوچ سمجھ نہ کوئے جنائیا۔ جِس دا لیکھا شاستر سِمرت وید پُراناں باہرا، انبھوَ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، گرِہ مندر ڈیرہ لائیا۔ گرِہ مندر ساچے وسیا، وسنیِک اِکو نظری آئیا۔ نِرگُن ہو کے آتم نال ہسّیاة، پرماتم بھیو کُھلائیا۔ برہمنڈاں کھنڈاں پِھرے نسّیا، بِن قدماں قدم ٹِکائیا۔ ڈھولے گیِت سُنا کے جسیا، بِن اکھّراں کر پڑھائیا۔ کلجُگ کوُڑا میٹے رٹیّا، سَت سچ لئے اُپجائیا۔ من ممتا کر کے ہتّیا، شبد کھنڈا کھڑگ کھڑکائیا۔ جوتی جوت سروُپ ہرِ، آپ اپنی کِرپا کر، جن بھگتاں مارگ لا کے سچّیا، سَت سچ اِک وکھائیا۔ سَت سچ دا مارگ ایک، اِکو دئے وکھائیا۔ کلجُگ انتم دُھر دی ٹیک، ٹِکّے مستک دئے لگائیا۔ جھگڑا مُکنا مُلّا شیخ، قاضی مسائک رہن کوئے نہ پائیا۔ گُرمْکھاں کھول کے انتر بھیت، پڑدا دینا اُٹھائیا۔ اگلے سال دی رُت بدلن والی چیت، چیتن سُرتی سب دی دئے کرائیا۔ پُرکھ اکال دی ویکھو کھیڈ، جو چار کُنٹ کھنڈے دئے کھڑکائیا۔ جوتی جوت
سروُپ ہرِ، آپ اپنی کِرپا کر، ہرجن ساچے لئے ترائیا۔ ہرجن تردا ویکھنا مات، تارنہار دَیا کمائیا۔ سوہنی دسےّ اِک پربھات، اندھ اندھیرا دوُر کرائیا۔ نِرگُن ہو کے پُچھے وات، سرگُن گود اُٹھائیا۔ جن بھگتاں گھر دی کھا کے سوہنی بھات، بھرم بُھلیکھا دوُر کرائیا۔ چار جُگ دی منگ پوُری کر کے آج، سَتجُگ نیِہہ رہیا وکھائیا۔ بھگت بھگوان دا بھوگ لگّن دا سدا رِواج، سَتجُگ ساچا دئے گواہیِا۔ گُرمْکھ دو جہان تُہانوُں دین شاباس، خوشیاں وِچ سارے ڈھولے گائیا۔ مہاراج شیر سِنگھ وِشنوُں بھگوان، نِرگُن ہو کے تُہاڈا دیوے ساتھ، ساتھی ہو کے سگلا سنگ بنائیا۔
۱۵ پھگّن شہنشاہی سمت ۱ پوُرن سِنگھ دے گرِہ پِنڈ مناواں ضِلع فِروزپُر
بھگت بھگوان دا اِکو بھوجن، بھجن بندگی سچ وڈیائیا۔ جِسنوُں نانک مِلیا چڑھ کے اُپر کوٹن یوجن، جُز اپنا اوسے وِچ مِلائیا۔ نام سندیشہ لےَ کے آیا اگادھ بودھن، بھیوَ ابھیدا اگمّ کُھلائیا۔ سو بھگتاں دیون آیا ساچی مؤجن، مؤجوُدہ ہو کے ہویا سہائیا۔ جنم جنم دا کٹے روگن، چِنتا غم رہیا گوائیا۔ نام دوشالا دیوے اوڈھن، سیِس جگدیِش ہتّھ رکھائیا۔ جِس نوُں سوچے کوئی نہ سوچن، بُدھی چلے نہ کوئے چتُرائیا۔ جگ ویکھے کوئی نہ لوچن، نیَن اکّھ شرمائیا۔ جِس نوُں لبھدے کوٹی کوٹن، بھجّن تھاؤں تھائنیا۔ جوتی جوت سروُپ ہرِ، آپ اپنی کِرپا کر، ہرجن اپنے رنگ رنگائیا۔ بھگت بھگوان دا سانجھا رِشتہ، آتم پرماتم وجےّ ودھائیا۔ جو کھیلے کھیل جُگ چؤکڑی آہستہ آہستہ، ہؤلی ہؤلی بھیو کُھلائیا۔ گُرمْکھاں نظری آئے دیِدہ دانِستہ، داستان پِچھلی رہیا دُہرائیا۔ لیکھا مُکا کے دوزخ بہِشتا، ساچا در اِک سُہائیا۔ جِتھے لیکھا منگے کوئی نہ فرِشتہ، عرش فرش پیَنڈا دئے چُکائیا۔ لہنا دینا جاننہارا رام وشِشٹا، وِشوَ اپنا حُکم ورتائیا۔ نِندرا وِچ کھول کے درِشٹا، درش اپنا دئے جنائیا۔ جُگ چؤکڑی پِچھلی ویکھ فہرِشتہ، گُرمْکھ گود لئے اُٹھائیا۔ سچ پریِتی دے کے نِسچا، نیِتی اندروں دئے بدلائیا۔ پوُرب لیکھا جِس جِس دا، در در گھر گھر جا چُکائیا۔ جنم جنم دا کاج نجِٹھدا، تن ماٹی ویکھ وکھائیا۔ اَگے ویلا نہیں کروٹ والی پِٹھدا، سنمُکھ ہو کے نظری آئیا۔ جھگڑا مُک گیا ہار جِت دا، رنگ اِکو دئے رنگائیا۔ درشن بخش کے سدا نِت دا، نِج آتم میل مِلائیا۔ پیار کر اگمّی پِت دا، گُرمْکھ پوُت گود اُٹھائیا۔ لیکھا مُکا کے
جنماں دی سِک دا، سِخر چوٹی دئے چڑھائیا۔ نوَ نؤ چار پِچھوں وِہار ہویا ایکنکار اِک دا، اِک اِکلّا بےپرواہیِا۔ جِس دا گُر اوتار پَیغمبر لیکھا گیا لِکھدا، شاستر سِمرت وید پُران دین گواہیِا۔ سو مالک بنیا گُرمْکھ پوُرے سِکھ دا، جگت سِکھیا وِچوں باہر کڈھائیا۔ دیِن دُنی کِسے نہ دِسدا، جگ نیتر نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ بھگت بھگوان سدا میِت، مِتراں وِچوں مِتر نظری آئیا۔ جُگ چؤکڑی بدلدے رہن ریِت، نِت نوِت ویس وٹائیا۔ سانجھا گاؤندے رہن گیِت، دُھر دا نام پڑھائیا۔ جھگڑا چھڈ کے مندر مسیِت، کایا کعبےسوبھا پائیا۔ میلا مِل کے ہرِ جگدیِش، جگت وجاؤندے رہن ودھائیا۔ وکھّری نِرالی کر پریِت، پریِتم پریِتی وِچوں پرگٹائیا۔ بَیٹھے رہن سدا اتیِت، ترےَگُن نیڑ کوئے نہ آئیا۔ جِس دی کردے رہن اُڈیِک، اکھّراں وِچ دھیان رکھائیا۔ سو صاحب آیا نزدیِک، دوُر دُراڈا پندھ چُکائیا۔ جن بھگت دواریوں منگے بھیِکھ، بِھکھاری ہو کے جھولی ڈاہیِا۔ مہاراج شیر سِنگھ وِشنوُں بھگوان، سب دی کرے آپ تصدیِق، شہادت اوَر نہ کوئے بُھگتائیا۔
۱۵ پھگّن شہنشاہی سمت ۱ گُربچن سِنگھ دے گرِہ پِنڈ سدّا سِنگھ والا ضِلع فِروزپُر
جن بھگتاں اندروں چُکنا پڑدا، دُئی رہن کوئے نہ پائیا۔ بھیو کُھلاؤنا ساچے گھر دا، گرِہ مندر وجےّ ودھائیا۔ لیکھا چُکاؤنا بھےَ ڈر دا، بھیانک روُپ نہ کوئے درسائیا۔ میل مِلاؤنا نرائن نر دا، آتم پرماتم جوڑ جُڑائیا۔ گھر وکھاؤنا تھِر گھر دا، سچکھنڈ ساچا سوبھا پائیا۔ جوتی جوت سروُپ ہرِ، آپ اپنی کِرپا کر، لہنا دینا ویکھ وکھائیا۔ لہنا دینا چُکاؤنا جگ، ہرجن ساچے لئے جگائیا۔ ترےَگُن مایا میٹ کے اگّ، امرت میگھ اِک برسائیا۔ کایا کعبےکرا کے حج، حُجرہ اِکو دئے وکھائیا۔ شبد اگمّی سُنا کے ند، انحد نادی تال وجائیا۔ دَیاکما کے اُپر شاہ رگ، شہنشاہ اپنا رنگ چڑھائیا۔ سچ دوارے بہے سج، سجّن ہو کے سوبھا پائیا۔ نام پیالہ دیوے مدِ، امرت رس رس چکھائیا۔ جوتی جوت سروُپ ہرِ، آپ اپنی کِرپا کر، دیونہار اِک سرنائیا۔ جن بھگتاں دینا نام امولا، بِن رسنا جِہوا آپ جنائیا۔ دُھر دا سُناؤنا اگمّی سوہلا، تُوں میرا مَیں تیرا دوُجی ونڈ نہ کوئے ونڈائیا۔ من منوُآ پائے نہ رؤلا، مت متوالی نہ کوئے کُرلائیا۔ پڑدا چُکاؤنا اندھ اندھیر اوہلا، نِرگُن جوت کرے رُشنائیا۔ سہج سُبھاؤ سَتگُر شبد بنے وِچولا، بھیوَ ابھیدا دئے کُھلائیا۔ جوتی جوت
سروُپ ہرِ، آپ اپنی کِرپا کر، ساچے مندر سوبھا پائیا۔ جن بھگتاں دسّنی اگمّی ریِت، نِرگُن نِروَیر کرے پڑھائیا۔ جھگڑا مکُے مندر مسیِت، سچ دوارا سوبھا پائیا۔ آتم پرماتم گائے اِکو گیِت، گہر گمبھیِر کرے رُشنائیا۔ جُگ چؤکڑی جِس دی کردے رہے اُڈیِک، سو سوامی ویکھ وکھائیا۔ اِکو کلمہ دسےّ حدیِث، اِکو حضرت کرے پڑھائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ پڑدا اوہلا چُکے آپ، دیونہار سچّی سرنائیا۔ بند کِواڑی کھولے تاک، گرِہ مندر ہووے رُشنائیا۔ روُح بُت کرے پاک، پتت پُنیِت دئے جنائیا۔ پاربرہم برہم دُھر دا دیوے ساتھ، سگلا سنگ بنائیا۔ نِرگُن جوت کر پرکاش، اندھ اندھیرا دئے مِٹائیا۔ شبد اگمّی وجائے ناد، دُھن آتمک راگ سُنائیا۔ پوُرب لہنا دینا کرے بےباق، لیکھا پِچھلا رہے نہ رائیا۔ مِہروان محبوُب مُحبّت وِچ کھیل کرے پُرکھ ابناش، ابناشی کرتا اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، سچ دوارا اِک درسائیا۔ جن بھگتاں سچ دوارا وکھائے درس، بِن اکّھاں اکّھ کُھلائیا۔ جنم مرن دی میٹ کے حرص، ہوَس اگلی دئے گوائیا۔ کرم کرم دی میٹے بھٹک، بھرم بھرم دا گڑھ تُڑائیا۔ ناتا توڑ کے کوُڑا جگت، جاگرت جوت کرے رُشنائیا۔ ریِتی دسّ کے بھگوان بھگت، بھگوَن اپنا نوُر دئے چمکائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ بھگت بھگوان سدا سنگ، جُگ جُگ کھیل کھِلائیندا۔ انتر آتم چاڑھے رنگ، جگت نیتر نظر کِسے نہ آئیندا۔ نام سَت سَت وجائے مردنگ، ناد انادی راگ الائیندا۔ نام سیجا سُہا پلنگ، سِنگھاسن آسن اِک وڈیائیندا۔ کر پرکاش بِن سوُرج چند، جوتی جوت ڈگمائیندا۔ گُرمْکھاں دے کے اگمّی انند، انند اپنے وِچ سمائیندا۔ دیِن دَیال ہو بخشند، رحیِم رحمت جھولی آپ بھرائیندا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، کرے کھیل سوُرا سربنگ، صاحب سُلطان نؤجوان مرد مردان اپنی کار کمائیندا۔