کتب خانہGranth 19 (Shahmukhi)

۲۶ پھگّن شہنشاہی سمت ۱ کیہر سِنگھ دے گرِہ پِنڈ رجی والا ضِلع فِروزپُر

سِری بھگوان کہے پھلگُن اپنا سُن لےَ نتیجہ، مضموُن اگلا دیاں جنائیا۔ چاچا گُروُ گُرمْکھ رہے نہ کوئے بھتیجا، پِتا پُرکھ اکال اِکو نظری آئیا۔ جو جن بھگتاں نِج آتم گرِہ مندر کرے ریجھا، محل اٹل چڑھ کے خوشی وکھائیا۔ نِج نیتر کھول کے سِدھا کرے دیدا، اکّھ پرتکھ پرگٹے آپ گوسائیا۔ چرن پریِتی یقیِن دیوے اِک عقیدہ، عقل بُدھی توں باہر اپنا نام دئے دِرڑائیا۔ ترےَگُن مایا پنج تت کایا اندر بنے سچ طبیبا، چِنتا روگ کوُڑا ویکھ وکھائیا۔ گرِہ مندر دھام دسےّ اجیبا، عجب نِرالا پُرکھ اکالا اپنا گھر دِسائیا۔ جِتھے جھگڑا رہے نہ امیِر غریِبا، دیِن مذہب ذات پات ونڈ نہ کوئے ونڈائیا۔ ساچا کلمہ دسےّ حدیِثا، حضرت ہو کے کرے پڑھائیا۔ لہنا دینا پوُرا کرے محمدموُسیٰ عیسیٰ، اصل اپنی کھیل جنائیا۔ جلوہ جوت اُجیار کر جگدیِشا، جگدیِشر اپنا حُکم منائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ دھرنی کہے مَیں آد جُگاد وڈّی بلوان، بلدھاری رہن کوئے نہ پائیا۔ میرا مالک پرم پُرکھ سُلطان، شاہ پاتشاہ شہنشاہ اپنا ناؤں دھرائیا۔ وسنہارا سچکھنڈ سچ مکان، مقامے حق ڈیرہ لائیا۔ جِس دا سمجھ نہ سکے کوئے اسلام، دھرم دا دھرم نہ کوئے پرگٹائیا۔ صِفتاں وِچ سارے گان کلام، جو کلمے دِتے پڑھائیا۔ کلجُگ انت سِری بھگوَنت نِرگُن دھار اپنا بدل دیوے وِدھان، جگت وِدیا وِدَیالا نہ کوئے وکھائیا۔ نوَ نؤ چار ویکھے مار دھیان، لکّھ چؤراسی اندر پڑدا دئے اُٹھائیا۔ اگلا سمت دین والا بیان، بیانا لوک مات ٹِکائیا۔ جیِو بُدھی رہے نہ کوئے اَنجان، سُتّیاں سُرت ہِلائیا۔ سُنو صاحب دا اِک فرمان، فُرنے سب دے بند کرائیا۔ جن بھگت کرے پروان، پروانے دُھر دے ہتّھ پھڑائیا۔ نِرگُن ہو کے ویکھے آن، انک کل دھاری اپنا ویس وٹائیا۔ در دوارے دیوے مان، من کا منکا آپ بھوائیا۔ جوتی جوت سروُپ ہرِ، آپ اپنی کِرپا کر، کلجُگ انتم میٹے اندھیری شام، شامت سب دے سِر تے

آئیا۔ شامت کہے مَیں چار کُنٹ میٹنی شمع، شاید کوئی گُرمْکھ وِرلا بچیا نظری آئیا۔ کوُڑی رہن نہیں دینی جگت وِچ طمع، طماچے مار کے باہر دینے کڈھائیا۔ من مُکھتا دا لیکھا رہن نہیں دینا جما، جماں دے ہتّھ دینا پھڑائیا۔ بِن پُرکھ اکال توں دُنی دا دیِن کر نِکما، غماں وِچ پِھرے لوکائیا۔ پربھ دا کوئی نہ سمجھے سماں، سہائتا وِچ سہائک اکّھ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، اپنا حُکم کرے رَواں، رَوانگی پروانے بِنا پترکا گھر گھر دئے پُچائیا۔ پترکا کہے مَیں نہیں بننا اکھّراں والی پاتی، پاتن ہو کے ویکھ وکھائیا۔ مَیں اِکے حُکم سُننا کملاپاتی، جو پت پرمیشور اپنی دھار وِچوں پرگٹائیا۔ کھیل ویکھنا بہُبِدھ بھاتی، بھاوی بھؤ سب نوُں رہی جنائیا۔ اندھیرا چُکدا تکّنا کلجُگ اندھیری راتی، اماوس اپنا روُپ لئے بدلائیا۔ جن بھگتاں دا تکّنا ساتھی، گُرمْکھاں گُر گُر اپنی گود اُٹھائیا۔ بہُتا لیکھا لِکھا دینا ایسے آؤن والی وساکھی، وِشوَ بُھل رہے نہ رائیا۔ مہاراج شیر سِنگھ وِشنوُں بھگوان، تن وِچوں من کرائے سب دا باغی، بغاوت وِچ ویکھے جگت لوکائیا۔

۲۷ پھگّن شہنشاہی سمت ۱ مل سِنگھ دے گرِہ پِنڈ رجی والا ضِلع فِروزپُر

دردیِاں ونڈے پربھوُ سدا درد دُکھ، من دا روگ دئے گوائیا۔ سچ دوار دا بدل کے رُخ، رُخصت کوُڑی کِریا کولوں دوے دوائیا۔ پڑدا رہن نہ دیوے اوہلا لُک، ہستی وِچوں ہستی دئے وکھائیا۔ بِن ہتّھاں باہواں گودی لئے چُک، سَتگُر پوُرا پُرکھ اکال دَیا کمائیا۔ ہِردیوں پرنام بندنا وِچ جو گیا جھُک، آسان مُشکل حل کرائیا۔ بھگت سُہیلا اُجل کرے مُکھ، چیلا گُروُ لئے اپنائیا۔ اگلا پیَنڈا جاوے مُک، پِچھلا لیکھا دیوے جھولی پائیا۔ جوتی جوت سروُپ ہرِ، آپ اپنی کِرپا کر، آد جُگادِ جُگ چؤکڑی دیونہارا سب کُچھ، سبب نال سمجھ دئے بدلائیا۔

۲۷ پھگّن شہنشاہی سمت ۱ اِندر سِنگھ دے گرِہ پِنڈ قادر والا ضِلع فِروزپُر

جنم جنم دا لیکھا رہیا مُک، ابناشی کرتا لہنا جھولی پائیا۔ آون جاون میٹ کے دُکھ، لکّھ چؤراسی پھند کٹائیا۔ آتم پرماتم دے کے سُکھ، نِجانند کرے رسائیا۔ سڑنا پئے نہ جننی کُکھ، دس دس ماس اگنی اگّ نہ کوئے جلائیا۔ پُرکھ اکال دیِن دَیال گودی لئے چُک، صاحب سَتگُر اپنا رنگ چڑھائیا۔ امرت پیائے اگمّا گھُٹ، ترِشنا اگّ کوُڑ دی دئے بُجھائیا۔ کر پرکاش نِرگُن جوت، جوتی جاتا کرے رُشنائیا۔ جھگڑا مُکا کے ورن گوت، اِکو برہم دئے درسائیا۔ چِنتا غم رہے نہ سوگ، حرص کوُڑی دئے گوائیا۔ گھر ٹھاکر درس دیونہار اموگھ، سنمُکھ ہو کے نظری آئیا نام سندیشہ دیکے اِک سلوک، سوہنگ سچ کرے پڑھائیا۔ جوتی جوت سروُپ ہرِ، آپ اپنی کِرپا کر، ہرجن میلا لئے مِلائیا۔ ہرجن لہنا رہیا وصوُل، داتا دیونہار اکھوائیا۔ جو در آیاں کرے قبوُل، سِر اپنا ہتّھ ٹِکائیا۔ مانَس جنم جان نہ دیوے فضوُل، فضل رحمت آپ کمائیا۔ نام نِدھانا دسّ مضموُن، کلمہ اِکو دئے دِرڑائیا۔ کوُڑی کِریا بدل قانوُن، سَت دھرم دئے وکھائیا۔ ساچا گرِہ کر معلوُم، مُشکل اگلی حل کرائیا۔ جِس نوُں سمجھے نہ کوئے علوُم، عِلم وِدیا نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، ہرجن دیونہار وڈیائیا۔ جن بھگت کایا ماٹی اندر جھولی رہیا بھر، اگمّی وست سَتگُر شبد نام ٹِکائیا۔ جنم مرن بھے بھؤ چُکائے ڈر، کرم کانڈ رہے نہ رائیا۔ دُرمت مَیل دُھآئے نُہا کے ساچے سر، سر سروور اِکو اِک وکھائیا۔ کرے پرکاش ساڈھے تِنّ ہتّھ دُھر دے گھر، گھر وِچ گھر ہوئے رُشنائیا۔ سنت سُہیلا گُرمْکھ گُر شبدی ڈھولا جائے پڑھ، تُوں میرا مَیں تیرا راگ الائیا۔ دھام سُہنجنا ویکھے کایا بنک گڑھ، شاہ رگ اُپر سوبھا پائیا۔ سُرتی لگّے شبدی لڑ، من وَیراگی کنت سُہاگی سیِس نِوائیا۔ جوتی جوت سروُپ ہرِ، آپ اپنی کِرپا کر، گُرمْکھ سُہیلے لئے پھڑ، لکّھ چؤراسی وِچوں کر کِرپا باہر کڈھائیا۔ جن بھگت تیرا لہنا دینا پوُرب جنم دا پیار، پرم پُرکھ پرماتم آتم دیونہار وڈیائیا۔ جگ وینہدیاں لنگھ گئے جُگ چار، سَتجُگ تریتا دواپر کلجُگ اپنا پندھ مُکائیا۔ حُکم سندیشے دے کے گئے گُروُ اوتار، پَیغمبر کلمیاں وِچ کر پڑھائیا۔ شاستر سِمرت وید پُران کرن پُکار، انجیل قُرآن بائیبل ہوکا حق سُنائیا۔ جن بھگت کہن بھگت وچھل گِرور گِردھار، غریِب نِمانے کوجھے کملے گلے لگائیا۔ سو صاحب سوامی انترجامی کلجُگ انت سِری بھگوَنت دیونہار سچ دیِدار، گرِہ مندر کایا ماٹی خوشی منائیا۔ جُگ جنم دے وِچھڑے پھڑ باہوں لئے تار، تارنہار سمرتھ

اپنی دَیا کمائیا۔ لیکھا جانے گرِہ گرِہ سچّے گھر بار، گھٹ بھیِتر ویکھ خوشی جنائیا۔ کرنی دا کرتا دُکھاں دا ہرتا سنت سُہیلے لئے بھال، چار کُنٹ دہِ دِشا ویکھ وکھائیا۔ لیکھا رہن نہ دیوے شاہ کنگال، کھتری براہمن شوُدر وَیش اوُچ نیِچ ذات پات ونڈ نہ کوئے ونڈائیا۔ سچ دوارا ہرِ مندر دسّنہارا اگمّی دھرمسال، جِتھے پُرکھ ابناشی گھٹ گھٹ واسی بَیٹھا ڈیرہ لائیا۔ گُرمْکھاں کایا سُرتی سدا کرے سنبھال، اکال موُرت ہو کے موُرت ناد تُورت وِچ جنائیا۔ جوتی جوت سروُپ ہرِ، آپ اپنی کِرپا کر، ہرجن میلے سہج سُبھائیا۔ ہرجن میلا گہر گمبھیِر، جگ نیتر نظر کِسے نہ آئیندا۔ پُرکھ ابناشی ٹھاکر سوامی دو جہاناں وڈ پیِرن پیِر، پَیغمبر سوّمبر آپ رچائیندا۔ آد جُگاد نِت نوِت کھیلے کھیل بےنظیِر، شاہ سُلطانا سِری بھگوانا اپنا حُکم ورتائیندا۔ لکّھ چؤراسی وِچوں گُرمْکھ سجّن لبھے انت اَخیِر، آخر پڑدا اوہلا آپ اُٹھائیندا۔ پریم وِچھوڑے وِچ ہون نہ دیوے دِلگیِر، آتم درسی اپنا درس کرائیندا۔ ہرجن بنا کے ساچے سنت فقیِر، ساچا فِقرہ اِکو سوہنگ نام سمجھائیندا۔ جِس نال جنم جنم دی کرم کرم دی بدل دیوے تقدیِر، تقدیِر اُتے لکیِر حُکم نال پِھرائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، نوَیں جُگ دی جن بھگتاں نال کری جائے تعمیِر، محل اٹل اِکو اِک سُہائیندا۔

۲۷ پھگّن شہنشاہی سمت ۱ سوہن سِنگھ دے گرِہ پِنڈ مُنڈی جمال ضِلع فِروزپُر

جن بھگتاں وقت سدا رہے سُہنجنا، گھڑی سُہنجنی جُگ جُگ دیوے وڈیائیا۔ ہُندا رہے پُرکھ اکال چرن دھوُڑی مجنا، دُھر بِن مستک مستک چُھہائیا۔ جنگل جوُہ اُجاڑ پہاڑ وِچوں پئے نہ لبھنا، گھر بَیٹھیاں گھر گھر نظری آئیا۔ مِنتاں کر کے پئے نہ سدّنا، تپاں والی خوشامد نہ کوئے کرائیا۔ بِھکھاری ہو کے پئے نہ منگنا، سوالی ہو کے نہ جھولی ڈاہیِا۔ سِری بھگوان اپنی کِرپا نال چاڑھے رنگنا، رنگت اِکو دئے رنگائیا۔ کرم رہے کوئی نہ مندنا، وڈبھاگ دئے بنائیا۔ دوُسر کرنی پئے کوئے نہ بندنا، سیِس جگدیِش اِک جھُکائیا۔ بھیِڑی گلی پئے نہ لنگھنا، سچ دوارا دئے وکھائیا۔ کرے پرکاش اگمّی چندنا، چند سوُرج سیِس نِوائیا۔ جوتی جوت سروُپ ہرِ، آپ اپنی کِرپا کر، ہرجن ساچے رنگ چڑھائیا۔ جن بھگتاں پوُری کرے سدھر، سد سد دَیا کمائیا۔ پریمی پیارا پِھرے مگر، گھر گھر الکھ

جگائیا۔ کوُڑی کِریا میٹے غدر، واسنا من نہ کوئے لڑائیا۔ بھاگ لگائے اندر، کایا مندر وجےّ ودھائیا۔ کلجُگ کوُڑ نہ نچائے قلندر، جوُٹھ جھوُٹھ ڈنک نہ کوئے وجائیا۔ کوُڑی واسنا رہے نہ بندر، من شبدی ڈور بندھائیا۔ جوتی جوت سروُپ ہرِ، آپ اپنی کِرپا کر، توڑنہارا کوُڑا سنگل، سنگ اپنا آپ بنائیا۔ جن بھگتاں دیون دی اپنے ہتّھ رکھے جُگت، جگت جُگت دی لوڑ رہے نہ رائیا۔ مِہر مُحبّت ونڈے مُفت، قیِمت کرماں نہ کوئے چُکائیا۔ کھیل کردا جائے گُپت، جگت سنساری نظر نہ کوئے تکائیا۔ اُٹھاؤندا جائے سوئی سُرت، سُتّیاں دئے انگڑائیا۔ حُکم ورتائی جائے تُرت، دُھر فرمانا اِک سُنائیا۔ گُرمْکھ رہے کوئی نہ موُرکھ، چتُر سُگھڑ سُچجے دے جنائیا۔ نام سُنا کے اپنی تُورت، تن ماٹی کرے شنوائیا۔ آسا منسا سب دی پوُرت، ترِشنا دئے چُکائیا۔ جوتی جوت سروُپ ہرِ، آپ اپنی کِرپا کر، سرب کلا بھرپوُرت، بھانڈا بھرم دئے بھنائیا۔ جن بھگتاں ہتّھ رکھدا جائے پُشت پناہ، مِہر نظر ٹِکائیا۔ جنم جنم دا میٹدا جائے گُناہ، بدیِاں نوُں بدھ کر وکھائیا۔ درڑاؤندا جائے اِک ناں، سوہنگ ڈھولا بےپرواہیِا۔ سمجھاؤندا جائے پُرکھ اکال اِکو پِتا ماں، دو جہاناں گود ٹِکائیا۔ سچکھنڈ دوارا جِس دا تھاں، تخت نِواسی ہو کے سوبھا پائیا۔ سو لیکھا جانے دو جہاں، نِرگُن سرگُن حُکم ورتائیا۔ جن بھگتاں پکڑے بانہہ، کلجُگ انتم ہو سہائیا۔ سِر رکھ کے ٹھنڈی چھاں، اگنی تت دئے گوائیا۔ سچ پریِتی بخش کے چرن دھیِاں، مایا ممتا موہ مِٹائیا۔ ساچی سِکھیا دئے سِکھا، سِکھیا وِچوں سِکھی لئے پرگٹائیا۔ سَت سروُپ درشن جائے دِکھا، پیکھ پیکھ بِگسائیا۔ جنم جنم دا لیکھا جائے چُکا، لہنا اوَر رہے نہ رائیا۔ بھگت سُہیلے دئے ترا، تارنہارا دَیا کمائیا۔ آتم پرماتم نال لئے مِلا، مِلنی جگدیِش کرائیا۔ کلجُگ انتم ہو سہا، سہائتا دیوے تھاؤں تھائنیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جِنہاں پکڑے بانہہ، بَل اپنے نال پار لنگھائیا۔

۲۷ پھگّن شہنشاہی سمت ۱ باغیچہ سِنگھ دے گرِہ پِنڈ مُنڈی جمال ضِلع فِروزپُر

جن بھگتاں پربھ لیکھے لاوے جنم جنم دی بندگی، بندیخانے وِچوں بندہ دئے چُھڈائیا۔ کوُڑی کِریا جگت واسنا اندر رہے نہ گندگی، مایا موہ لوبھ رسنا جِہوا نہ کوئے ہلکائیا۔ اَگے کٹنی پئے نہ کِسے دی مُشندگی، مُشکل وِچوں خوشیاں نال باہر کڈھائیا۔ آسا

رہے نہ سُرپت اِند دی، وِشن برہما شِو نہ کوئے منائیا۔ دھار بنا کے اگمّی بِند دی، بِندرابن توں کھہڑا دئے چُھڈائیا۔ ایہہ کھیل اگمّی داتے گُنی گہِند دی، جو گہر گمبھیِر بےنظیِر نِرگُن نِرنکار نظری آئیا۔ منزل مُک جائے جیِؤ پِنڈ دی، برہمنڈاں کھنڈاں اُپر اپنا درس دِکھائیا۔ جیِون وِچوں نوَیں مِل جائے زِندگی، مرن پِچھوں مرتبہ دیوے دُھردرگاہیِا۔ دھار ملِے امرت رس سِندھ دی، سندھیا کوُڑی دے گوائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ جن بھگت ہووے نہ کِسے اَدھیِن، ادنیٰ ہو کے منگ نہ کوئے منگائیا۔ اِک پرماتم آتم ہو کے رکھے یقیِن، اِشٹ دیوَ اِک منائیا۔ سَت دھرم دا لبھے سچّا دیِن، اپنے مذہب وِچ جذب لئے کرائیا۔ بھگت سُہیلا رہے نہ کوئے کمین، دات اگمّی نِرگُن داتا آپ ورتائیا۔ سچ دوار بنا مسکیِن، مسلہ اگلا حل کرائیا۔ چِنتا وِچ نہ رہے غمگیِن، غماں توں لئے چُھڈائیا۔ جوتی جوت سروُپ ہرِ، آپ اپنی کِرپا کر، کوُڑی ہون نہ دیوے تقسیِم، رنگ اِکو اِک چڑھائیا۔ جن بھگت کدے نہ ہووے دوُر، قدماں اُپر قدیِم توں رہیا ٹِکائیا۔ درس دِکھا دئے سدا سدا سد حاضر حضوُر، حاضری اپنے گھر لگائیا۔ پوُرب بخش دیوے قصُور، قسم اَگے اِکو نام دئے کھوائیا۔ منوُآ من نہ رہے غروُر، ہنگتا گڑھ نہ کوئے تُڑائیا۔ کایا تپے نہ اگن تندوُر، ترےَگُن اگن لیکھا دیوے ڈھاہیِا۔ جنم جنم دا بخش قصوُر، سِر اپنا ہتّھ ٹِکائیا۔ کلجُگ انت مِلن واسطے آتما کرے مجبوُر، حُکمے اندر اندر سُنائیا۔ جوت جوت سروُپ ہرِ، آپ اپنی کِرپا کر، جن بھگت سُہیلے سچ دوارے کر منظوُر، منزل پیَنڈا دِتا مُکائیا۔

۲۷ پھگّن شہنشاہی سمت ۱ کرتار سِنگھ دے گرِہ پِنڈ مُنڈی جمال ضِلع فِروزپُر

جن بھگت رہے نہ کدے انبھول، ابُھل بُھلیاں لئے مِلائیا۔ ہِردا شانت من رکھے اڈول، جگت ترِشنا دیوے بُجھائیا۔ پریِتی وِچ پریِتم وسے کول، قؤل اِقرار توڑ نِبھائیا۔ سچ دوارا اِکو کھول، خالص گُرمْکھ رہیا پرگٹائیا۔ نام کنڈے تول کے تول، قیِمت ساچی رہیا چُکائیا۔ سانجھا دسّ کے اِک بول، سوہنگ ڈھولا رہیا پڑھائیا۔ لکّھ چؤراسی تت وِرول، گُرمْکھ گُر گُر باہر کڈھائیا۔ شبد سوامی بن وِچول، وِچلا بھیو کُھلائیا۔ وست دے انمول، انھیاں کرے رُشنائیا۔ جوتی جوت سروُپ ہرِ، آپ اپنی کِرپا کر، سد بخشے اِک سرنائیا۔ جن بھگت رہے نہ من اَدھیِن، سُرتی اندروں دئے لگائیا۔ لیکھا چُکا کے اُپر زمیِن، فرش توں عرش دئے چڑھائیا۔ جِتھے مالک

اِک آمیِن، عمل رہت اکھوائیا۔ جِس در دھار نہ نر نہ مدیِن، جوتی نوُر نوُر رُشنائیا۔ سو ساچا دسےّ اِک دیِن، دھرم ہنگ برہم دِرڑائیا۔ بھےَ چُکا کے لوک تیِن، مایا تیِن پندھ چُکائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں کہے آفریِن، جو بِنا اُف ہائے توں سیِس نِوائیا۔

۲۷ پھگّن شہنشاہی سمت ۱ سوہن سِنگھ دے گرِہ پِنڈ ترن تارن ضِلع امرتسر

پھلگُن کہے مَیں کی دسّاں صِفتاں، صِفت وِچ نہ صِفت صلاحیِا۔ جن بھگتاں رنگ ویکھاں اپنی اکّھاں، سِری بھگوان رہیا چڑھائیا۔ بِن دنداں توں خوشیاں نال ہسّاں، بِن تن وجوُد ہستی لئے انگڑائیا۔ پرم پُرکھ دے قدماں اُتے ڈھٹّھاں، مان ابِھمان موہ مِٹائیا۔ چار کُنٹ دہِ دِشا نَٹھاں، بھجّاں چائیں چائنیا۔ جِس کوٹاں ارباں وِچوں گُرمْکھ تھوڑے لبھے دیِپاں ستّاں، نؤ کھنڈ ویکھ وکھائیا۔ گل پلڑوُ اپنے اِک گھّتاں، نِردھن ہو کے سیِس جھُکائیا۔ تیرا کھیل بےانت سمرتھا، سمرتھ تیری وڈیائیا۔ جوتی جوت سروُپ ہرِ، آپ اپنی کِرپا کر، سچ دَیاآپ کمائیا۔ پھلگُن کہے میرے اندروں آؤندی ہاسی، ہستی ویکھی بےپرواہیِا۔ جوت پرکاش تکّیا سچکھنڈ نِواسی، نِرگُن داتا بےپرواہیِا۔ جن بھگت سُہیلے ویکھے داس داسی، دست بدست سیو کمائیا۔ گوبِند شبد ویکھیا ساتھی، جو اندر وڑ کے سیو کمائیا۔ پُرکھ اکال کردا ویکھیا راکھی، شبد کھنڈا ہتّھ اُٹھائیا۔ پریم پیار اندر بن دا ویکھیا ساقی، نام پیالہ اندر مُکھ لگائیا۔ جھگڑا مُکاؤندا ویکھیا ذات پاتی، ورن برن ڈیرہ ڈھاہیِا۔ سندیشہ دیندا ویکھیا کملاپاتی، پت پرمیشور حُکم جنائیا۔ درشن دیندا ویکھیا دِوس راتی، جن بھگتاں اکّھ کُھلائیا۔ جوتی جوت سروُپ ہرِ، آپ اپنی کِرپا کر، کرنہار کھیل ساچی، سچ مارگ اِک پرگٹائیا۔ پھلگُن کہے مَیں کُچھ نہیں دسنیوگ، یتھا شکت کہن کُچھ نہ پائیا۔ جن بھگتاں دوارے لگدا ویکھدا رہیا بھوگ، بھاونا سب دی کھوج کھوجائیا۔ گُر اوتاراں پَیغمبراں پُرکھ اکال دا تکّیا ایہہ چوج، چوجی پریِتم ہو کے آپ کرائیا۔ خوشی وِچ ویکھیا لوک پرلوک، سلوک ڈھولے راگ سُنائیا۔ وِشن برہما شِو کھیل ویکھنا نِرگُن جوت، جوتی جاتا اپنی کار کمائیا۔ بھگت تکّے رکھدے گئے اِک اوٹ، دوُجی آس نہ کوئے ودھائیا۔ جوتی جوت سروُپ ہرِ، آپ اپنی کِرپا کر، اپنی کرنی کار کمائیا۔ پھلگُن کہے مَیں رُت بسنتی

کلجُگ انت گُرمْکھ پُھل، پُھلواڑی مہکی بےپرواہیِا۔ نال تکّے غُنچے گُل، پتّ ٹہنی ویکھ وکھائیا۔ جِس دی نہ کوئی قیِمت نہ کوئی مُل، ہٹّ بازار نہ کوئے وِکائیا۔ جِنہاں دا مالک ایکنکارا صُلح کُل، پروردِگار نوُر خُدائیا۔ سو کرے کھیل انتُل، اڈُل دَیا کمائیا۔ جن بھگت بنا کے اپنی کُل، ویکھنہارا تھاؤں تھائنیا۔ جوتی جوت سروُپ ہرِ، آپ اپنی کِرپا کر، مارگ دُھر دا اِک پرگٹائیا۔ پھلگُن کہے مَیں ویکھیا گھر گھر، جن بھگتاں وجّی ودھائیا۔ پُرکھ اکالا دے کے ور، دردیِاں درد ونڈائیا۔ سچ سروور دسّ کے سر، بِن تیِرتھ تٹ اِشنان کرائیا۔ بھاگ لگا کے کایا گڑھ، کوُڑی گڑھی دیوے وڈیائیا۔ منزل محل ویکھے چڑھ، پؤڑی ڈنڈا ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ وکھائیا۔ پھلگُن کہے مَیں بھگتاں اندر ویکھی سوہنی سُگندھی، چار کُنٹ مہکائیا۔ جِنہاں دی نیتر اکّھ رہے نہ اندھی، اندھیارا کوُڑا دئے چُکائیا۔ من واسنا رہے نہ گندی، گندم کٹوا کے گُدام بھرن نام نِدھان جھولی پائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پھلگُن کہے مَیں تکدا رہیا انک انیک پدارتھ، چار جُگ کھوج کھوجائیا۔ دُنیا اپنا مُکھ رکھدی رہی سوارتھ، جگت آسا وِچ لوکائیا۔ پربھوُ دا پربھوُ بِن جانے نہ کوئے پرمارتھ، پڑدا پرے نہ کوئے ہٹائیا۔ کلجُگ انت پُرکھ ابناشی کھیل کریا وِچ بھارت، دھرنی حِصّہ سوہنا ونڈ ونڈائیا۔ بھگت دوار اُپا سچّی عِمارت، محل اٹل کرے رُشنائیا۔ جِتھے منظوُر ہووے بِن سجدیوں سچ زیارت، سفارش دی لوڑ رہے نہ رائیا۔ جِس دی بدلے نہ کوئے وزارت، وُضوُآں توں لئے چُھڈائیا۔ جن بھگتاں مہما دُھر دی گاتھا شبدی نام لِکھے عبارت، حُکمی حُکم آپ دِرڑائیا۔ جوتی جوت سروُپ ہرِ، آپ اپنی کِرپا کر، دُھر دا کھیل جنائیا۔ پھلگُن کہے مَیں ویکھیا گھر گھر دا حِصّہ، بھگوان بھگت ونڈ ونڈائیا۔ غریِب نِمانیاں دیوے کِسے نہ پِچھا، پِچھلے اَگے لئے لگائیا۔ شاہ سُلطان ہوکے کرے رچھا، مِہر نظر اِک اُٹھائیا۔ بھگتی دا بھاوَ نام پائے بِھچھا، دُھر دی وست اِک ورتائیا۔ جوتی جوت سروُپ ہرِ، آپ اپنی کِرپا کر، لیکھا جانے دُھر دا لِکھا، لکّھ پتی سمجھ کِسے نہ آئیا۔ پھلگُن کہے مَیں تکدا رہیا بھگت بھگوان پیار، پرِتھمی آکاش کھوج کھوجائیا۔ وینہدا رہیا جگت سنسار، لکّھ چؤراسی اندر وڑ وڑ چارے کُنٹ پڑدا لاہیِا۔ ساچا دِسے نہ کوئے دِلدار، دلِدریاں دُکھ نہ کوئے مِٹائیا۔ ہنگتا وِچ بھریا سنسار، منوُآ من ہنکار نہ کوئے گوائیا۔ پُرکھ اکال ہو تیار، ہرجن ویکھے چائیں چائنیا۔ گُر اوتاراں پَیغمبراں دا پوُرب وِہار، بِوہاری ہو کے آپ کرائیا۔ جِس دا لیکھا اوسے دا لہنا سدا جُگ چار، چؤکڑ اپنی

کھیل کھِلائیا۔ سو پُرکھ اکالا دیِن دَیالا جن بھگتاں گرِہ گرِہ دے دیِدار، دلِدراں وِچوں باہر کڈھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، حُکمے اندر اپنا حُکم کر ورتار، وِہار بھگتاں نال رکھائیا۔

۳۰ پھگّن شہنشاہی سمت ۱ ہرِ بھگت دوار جیٹھوُوال

شہنشاہی سمت کہے پہلی صدی دا پہلا سُہنجنا برس، جن بھگتاں صدیِاں دے صدمے دئے گوائیا۔ سچ پریم پیار مُحبّت دا دے کے درس، درسی درس اپنے رنگ رنگائیا۔ اگلا کھیل کر اُتے فرش، آتش فشاں ویکھے لوکائیا۔ لہنا دینا دیوے شرقُل شرق، مشرق حُکم ورتائیا۔ مغرب پئے بھڑک، اگنی تت جلائیا۔ شمال اُٹھے نِدھڑک، جنوُب لئے انگڑائیا۔ پُرکھ اکال حُکم دیوے کڑک، سختی وِچ سُنائیا۔ فرمان اندر رہے نہ اٹک، اٹک توں پرے لئے اُٹھائیا۔ شمع اُتے پتنگیاں دا چڑھے کٹک، کٹھپُتلی کرے لوکائیا۔ جوتی جوت سروُپ ہرِ، آپ اپنی کِرپا کر، دُھر دی کار آپ بُھگتائیا۔ برس کہے مَیں پہلا اِک، اِک دی کراں شنوائیا۔ پوُری کر کے سِک، سِکم دیاں ہِلائیا۔ دُھر دا حُکم لِکھ، لیکھا دیاں بھگتائیا۔ بھگت سُہیلا ویکھ کے سِکھ، سِخر چوٹی آپ چڑھائیا۔ میرے وِچ درشن کیِتا جِس، جِسم ضمیِر دوویں لیکھے پائیا۔ سمت کہے جو کُچھ کرنا سو اِس، اِس توں پرے نہ کوئے خُدائیا۔ جگت اکّھاں نہ آوے دِس، گیان لوچن کرے رُشنائیا۔ کلجُگ انتم لاہوے وِکھ، رس مِٹھا اِک چکھائیا۔ جو بھگتاں بھگت دوار لیائے کھِچ، کھِچ اندرے اندر رکھائیا۔ اوس سرِشٹی کرنی یِچ، یچّاں دین دُہائیا۔ ساچا رہے کوئی نہ ہِت، ہِمّت دئے گوائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پھلگُن کہے پہلے برس دا میرا انت سندیش، ساچے سنتاں دیاں جنائیا۔ جن بھگتو سدا وسنا پربھ دے دیس، دِشا ونڈ نہ کو ونڈائیا۔ ذات پات نہ لیَنی ویکھ، وِشیاں وِچ نہ وقت گوائیا۔ اپنا بَل کُچھ پرگٹاؤنا دس دسمیس، دہِ دِشا کر رُشنائیا۔ تھوڑا سما پِھر جوت پرکاش رہے ہمیش، پڑدا اوہلا دوُر کرائیا۔ سُناؤندا رہے سندیش، سُتّیاں آپ اُٹھائیا۔ مالک بن نریش، نِشانہ دئے وکھائیا۔ جوتی جوت سروُپ ہرِ، آپ اپنی کِرپا کر، دوُجا سال سمت سدّے پیش، پیشتر اپنا حُکم سُنائیا۔ اگلا سال کہے مَیں چڑھن والا جگ، جُگتی پِچھلے سمت دِتی سمجھائیا۔ لا کے بُجھاؤنی اگّ، ایہو میری وڈیائیا۔ ہنس

بناؤنے کگ، چار کُنٹ ہلکائیا۔ سنت سُہیلے مِل کے گاؤنا چھد، چھند اِکو اِک سُنائیا۔ پرگٹ ہونی بھگت بھگوان جدّ، یتھارتھ بخشے مان وڈیائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سرِشٹی درِشٹی توں ہو کے بَیٹھا دوُر اڈّ، ماس ناڑی ہڈّ نظر کِسے نہ آئیا۔ اگلا سال کہے مَینوُں کہو سُبھاگا، بھاگ سب دا دینا بدلائیا۔ جن بھگتاں دھونا دُرمت مَیل داغا، دغیاں دی لوڑ رہے نہ رائیا۔ دُھر دا سجّن مِلنا ساکا، سکیری اگلی لئے بنائیا۔ چار کُنٹ دہِ دِشا دا نَواں بناؤنا خاکہ، خالص حُکم سُنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، لیکھا جانے پرِتھمی آکاشا، آکاشاں توں اُپر اپنا حُکم ورتائیا۔