کتب خانہGranth 19 (Shahmukhi)

پہلی چیت شہنشاہی سمت ۲ ہرِ بھگت دوار جیٹھوُوال

پہلی چیت شہنشاہی سمت پہلا سال گیا مُک، پھلگُن انت اَخیِر جن بھگتاں دئے وڈیائیا۔ تُوں میرا مَیں تیرا دو جہان جِنہاں پڑھی اگمّی تُک، سوہنگ ڈھولا حق بولا بن وِچولا نِرگُن سرگُن آپ جنائیا۔ پاربرہم برہم نِج دے کے سُکھ، سَت سَتوادی برہم برہمادی بھیوَ ابھیدا اچھل اچھیدا نِرگُن آپ کُھلائیا۔ بھگت بھگوان نؤجوان مرد مردان پڑدا اوہلا رہے نہ لُک، بجر کپاٹی ساچی ہاٹی جوتی جاتا پُرکھ بِدھاتا نِرگُن نوُر کرے رُشنائیا۔ سچکھنڈ نِواسی پُرکھ ابناشی نوَ نؤ چار پِچھوں اپنا بدل کے آیا رُخ، رُخصت دے کے گُر اوتار پَیغمبر جوتی جوت وِچ سمائیا۔ دو جہاناں نؤجوانا مرد مردانہ شاہ سُلطانا حُکم دیوے ابناشی اچُت، پاربرہم پت پرمیشور پروردِگار سانجھا یار دُھر دا کلمہ بِن اکھّراں اِک دِرڑائیا۔ برہمنڈ کھنڈ پُری لوء آکاش پاتال زِمیں اسمان چار کُنٹ دہِ دِشا ساچا ملِے کِسے نہ سُکھ، لکّھ چؤراسی جیِو جنت چارے کھانی انڈج جیرج اُتبُھج سیتج پڑدا دئے اُٹھائیا۔ دیِن دُنی ذات پات رِکھی مُنی جنگل جوُہ اُجاڑ پہاڑ اُچے ٹِلّے پربت سمُند ساگر سب نوُں ہونا دُکھ، دُکھیاں درد ہا بھرکے سرد سُن کے عرض اَگے ہو نہ کوئے بچائیا۔ ظالم ظُلم اگمّی دھار حُکمے پیار شبدی کار پھڑنی کرد، بےپناہ بےگُناہ بےزناہ بےرفا بےوفا کوئی نہ سکے اٹک، کھٹکا سب نوُں دئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی پُرکھ ابناشی کرنی کرتا قُدرت دا مالک وڈ خالق

حُکم اِکو اِک جنائیا۔ پہلی چیت کہے مَیں دسّاں اِک سندیشہ، بِن اکھّراں اِک جنائیا۔ کلجُگ جیِوو رِہو نہ ویکھی ویکھا، وکھّرا پڑدا اوہلا دیاں اُٹھائیا۔ پُرکھ اکال دیِن دَیال نِرگُن جوت دھار کے بھیکھا، بھیکھادھاری اپنا آپ بدلائیا۔ جِس دا آد جُگاد جُگ چؤکڑی ایتھے اوتھے برہمنڈ کھنڈ سچکھنڈ مقامے حق روُپ رنگ نہ کوئے ریکھا، لاشریِک واحد جلوہ گر اپنا نوُر کرے رُشنائیا۔ نہ کوئی مُچھ نہ کوئی داہڑی نہ کوئی کیسا، پنجاں تتّاں والی دھار نہ دِسے دس دسمیسا، شبد کھنڈا دیوے سچ انندا، پرمانندا آتم وِچوں دئے دِرڑائیا۔ لکّھ چؤراسی وِچوں تھوڑیاں واسطے سمت چڑھیا چنگا، نیتر روندی ویکھی جمنا سُرستی گنگا، اٹھسٹھ تیِرتھ بِن اکّھاں نیِر وہائیا۔ سادھ سنت چار کُنٹ دہِ دِشا چار ورن اٹھاراں برن بِن شبد اوڈھن پِھرے ننگا، کوُڑی کِریا سیِس خاک، روُح بُت نہ ہویا پاک، پتت پُنیِت نظر کوئے نہ آئیا۔ من واسنا کوُڑی کِریا ہؤمے ہنگتا ہویا گندہ، دُھن اناد شبد انراگی راگ نہ کوئے سُنائیا۔ سچ دوارے کر درس نر نِرنکارے، نِرمل جوت جوت اُجیارے، نوُر نوُر نوُر وِچ نہ کوئے سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحب سوامی انترجامی لکّھ چؤراسی گھٹ بھیِتر اندر باہر گُپت ظاہر نِرگُن سرگُن کھوج کھوجائیا۔ پہلی چیت کہے مَیں دسّن آیا دُھر دی بات، چوری چوری پھیرا پائیا۔ کی کرے پُرکھ ابناش، کرنی کرتا اپنا حُکم ورتائیا۔ جن بھگتو سُن لؤ تُسیں خاص، خصوُصیّت وِچ دِرڑائیا۔ چار کُنٹ سرِشٹی درِشٹی کرنی اُداس، سانتک سَت نہ کوئے ورتائیا۔ گوپی کاہن والی بُھلنی سب نوُں راس، نٹوُآ سوانگی سانگ نہ کوئے جنائیا۔ مندر مسجد گُردوار شِودوالے مٹھ کِسے نہ پُچھنی بات، واتاوَرن بدلے لوکائیا۔ دیِن مذہب وڈّا چھوٹا اِک دوُجے دا کرن گھات، گھاؤ لگّے تھاؤں تھائنیا۔ بِن گُرمْکھاں ساچی دِسے نہ کوئے جماعت، جمُلہ حق نہ کوئے پڑھائیا۔ پُرکھ اکالا دیِن دَیالا سمرتھ سوامی انترجامی ویکھن آیا آپ، اپنے واقعیات، واک بھوِکھت گُر اوتار پَیغمبراں پوُر کرائیا۔ جوتی جوت سروُپ ہرِ، آپ اپنی کِرپا کر، بخشنہارا اِک سرنائیا۔ چیت کہے مَیں دسّن جوگا نہیں کُچھ، کچّھ مچّھ مارن سرب دھاہیِا۔ سرِشٹی ویکھ پربھوُ دی مَینوُں آوے دُکھ، درِشٹی اندر دھیان لگائیا۔ منُکھاں اندر دِسے نہ سُچ، سَت بَیٹھا مُکھ بھوائیا۔ ہویا نہ پیار ساچے پِتا پُت، جگت واسنا نہ کوئے تجائیا۔ گُر اوتار پَیغمبر سارے گئے رُس، رُسیاں نہ کوئے منائیا۔ پنجاں تتّاں والے چھڈ کے جِسم جُس، ناتا لوک مات تُڑائیا۔ جھگڑا رہیا نہ کایا بُت، بُتخانے گئے تجائیا۔ انتم ویکھنی پرم پُرکھ دی مؤلی رُت، لوک مات وجےّ ودھائیا۔

جوتی جوت سروُپ ہرِ، آپ اپنی کِرپا کر، سچ کرنی کھیل کھِلائیا۔ چیت کہے مَیں ویکھ کے ہویا آپ حَیران، بِن حَیرانیوں حَیرانی آئیا۔ دُھر فرمانا سُن کے شبدی سمجھے نہ کوئے بیان، وِدیا وِچ جگت وڈیائیا۔ پَیغمبراں دی خوشیاں نال پڑھن کلام، پروردِگار دا کلمہ سُنن کوئے نہ آئیا۔ پتّھراں والا تتّاں والا پوُجدے سارے رام، ہر گھٹ وسیا رام نہ کوئے منائیا۔ گٔوآں چراون والا بنسری وجاون والا سکھیِاں کھیل کھِلاوَن والا منّدے کاہن، دُھر دا کاہن جِس دا نظر نہ آئے کوئی نِشان، گھر گھر بنیا رہے مہمان، لکّھ چؤراسی سُرتی گوپی آد جُگاد پرنائیا۔ ساچا بےنظیِر نظر نہ آئے کِسے امام، کلمیاں وِچ سیِس سرب جھُکائیا۔ وُضوُآں وِچ کرن اِشنان، شرع شریعت ہوئے وَیران، لاشریِک درس کوئے نہ پائیا۔ نانک سرگُن گاؤندے گان، تتّاں والا کرن دھیان، اکھّراں دا دیِن پرمان، نِرگُن جوت تکّے نہ کوئی بھگوان، جو نانک نانک اپنے وِچ سمائیا۔ گوبِند گوبِند کہہ کے تھکی زبان، باہر دا ویکھ کے چِلّہ کمان، باز اُڈدا، کیہڑے اسمان، نیلا ہِنکے کیہڑے دالان، سب دا مالک سِری بھگوان، ویکھ کے سیِس نہ کوئے نِوائیا۔ پہلی چیت کہے مَیں تکّیا وید پُران، شاستراں مار دھیان انجیل قُرآناں ویکھیا بیان، انتر انتر روون، آد جُگاد کدے نہ سؤون، بِن ہرِ کِرپا کٹی جائے کوئی نہ بِپتا، بِن سَتگُر شبد کوئی نہ لِکھدا، قلم چلے نہ کوئے چتُرائیا۔ کھانی بانی لیکھا جِسدا، اُسدے اُتے کوئی نہ وِسدا، مندر مسجد شِودوالیاں وِچوں نہیں دِسدا، پوُجا پاٹھ اُتے کدی نہیں ٹِکدا، اوہ مالک بنیا نہیں کِسے گارے اِٹّ دا، ہر گھٹ نِواسی پُرکھ ابناشی ساکھیات، جوتی جاتا نِرگُن دھار نِروَیر چار ورن اٹھاراں برن بُدھی وِچ کِسے نہ آئیا۔ رسنا جِہوا بتّی دند گا گا رہیا کُرلا، سمُند ساگر اُچے ٹِلّے پربت جنگل جوُہاں وِچوں لبھدے جگت ملاح، پنڈت پاندھے مُلّا شیخ مسائک گرنتھی پنتھی کرن صلاح، شبد سندیشہ نر نریشا دُھر فرمانا وِچ جہانا کلجُگ انت سُنن کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی کرنی کار کمائیا۔ چیت کہے مَیں ویکھیا لکّھ چؤراسی اندر، اندر وڑ وڑ ویکھ وکھائیا۔ ساچا سوہیا کوئے نہ مندر، مندبھاگ دِسے لوکائیا۔ بھاگ لگّا کِسے نہ کندر، دِیپک جوت نہ کوئے رُشنائیا۔ منُشاں نالوں چنگے ڈنگر، جو مویشی ہو کے درشن پائیا۔ اُہناں دے اندر گُرمْکھاں سِکھاں دِسی اِکو بندن، دوُجی کری نہ کوئے پڑھائیا۔ ٹِکے لگّ گئے بِنا دھوُڑی مستک چندن، جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیت کہے مَینوُں ہو گئی چِندا، دُکھی ہو کے دیاں دُہائیا۔ پرم پُرکھ پرماتم تیری سرِشٹی درِشٹی کردی ویکھی

نِندا، نِندیا وِچ لوکائیا۔ تیرا ہاہے والا اُپر سمجھیا کِسے نہ بِندا، ٹِپی کہہ کے سارے رہے گائیا۔ ایہو کھیل جیہڑا کُھلے نہ کِسے کولوں جِندا، کُنجی کلجُگ سنت سکے نہ کوئے لائیا۔ اؤجھڑ ویکھدے سُکھمن دا راہ ڈِنگا، بھجّن واہو داہیِا۔ مُرلی ناد سُن کے کِنگا، بچّیاں وانگ اپنا من پرچائیا۔ بوُند سوانتی لےَ کے بوُند کہن مِلیا ساگر سِندھا، خوشیاں ڈھولے گائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ چیت کہے مَیں ویکھ ویکھ کے ہسّاں، ہستی بےپرواہیِا۔ موُرکھاں مُگدھاں دسّاں، دُھر سندیش سُنائیا۔ نِج نیتر کھولو اکّھاں، لوچن باہر بند کرائیا۔ کوُڑیاں چھڈ دیؤ ڈھکاں، دلیِلاں ساڈھے تِنّ ہتّھ وجےّ ودھائیا۔ میرے ساتھی بن جاؤ تُہاڈے اندر پڑدے چُکاں ایہہ چیت رہیا جنائیا۔ دیِن مذہب دیِاں نکیلاں کڈھ دیؤ وِچوں نکاّں، اِکو ملِے بےپرواہیِا۔ جِس دیِاں شبد اگمّی سٹّاں، سُتّیاں لئے اُٹھائیا۔ اوسے دے حُکمے اندر لوک مات وِچ وساں، واسطہ بھگتاں نال جُڑائیا۔ دُنیادارو پہلی چیت کہے اجے سڑن لگیاں بّساں، بِسترے سب دے دینے جلائیا۔ اگنی اگّ لگّے بِن ککھّاں، کامل مُرشد دئے گواہیِا۔ جِس دے حُکم نال پَین لگّا رٹّا، روٹین وِچ اپنی کار کمائیا۔ سب نوُں چھاننا پئے گھّٹّا، کؤڈی نام ہتّھ کِسے نہ آئیا۔ ماواں پُتاں ہتّھ مارنے اُتے پٹّاں، پٹنےوالا دئے سزائیا۔ کِیوں، اُس نے ویس وٹایا وانگ جٹّاں، چار کُنٹ دئے ہِلائیا۔ بھاویں ساری دُنیا کرے ٹّھٹھا، پِھر وی لکّھ چؤراسی وِچوں گُرمْکھ لَینے مِلائیا۔ نہ کوئی چوُنکہ چُناچہ نہ البتّہ، بتّی اندروں کرنی رُشنائیا۔ آتم پرماتم ناتا جوڑ کے سکا، سکیاں توں لَینا تُڑائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک جنائیا۔ چیت کہے کلجُگ جیِو جاؤ سؤں، اپنی اکّھ بند کرائیا۔ لکّھ چؤراسی پِھرن دا تُہانوُں چاؤ، پت پرمیشور دئے بھوائیا۔ تُسیں بُھلے پُرکھ اکال دا ناؤں، صِفتاں والے ڈھولے سارے رہے گائیا۔ جِس دے ہتّھ انت اَخیِری نِیاؤں، دو جہاناں کھوج کھوجائیا۔ ناتا توڑ کے پِتا ماؤں، جگت جروانیاں کرے جُدائیا۔ صدی چؤدھویں کِیوں بُھلے راہوں، رہبر ہو کے رہیا دِرڑائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیت کہے مَیں رکھ کے جانی لوک مات یادگار، چار جُگ میرا ڈھولا گائیا۔ سرِشٹی دا درِشٹی نال رہن نہیں دینا پیار، مُحبّت وِچ نہ کوئے لوکائیا۔ چار کُنٹ کرا کے ہاہاکار، خوشیاں نال ویکھاں چائیں چائنیا۔ دہِ دِشا پُچھن کِتھے نِہکلنک کل کلکی اوتار، جِس نوُں جنمے کوئی نہ مائیا۔ جِس گُر اوتاراں پَیغمبراں دا لہنا دینا پوُرب جھولی دِتا ڈار، اَگے اپنا حُکم ورتائیا۔ دو جہاناں بن کے

حق سِکدار، دُھر فرمانا اِک سُنائیا۔ دغیاں والا ویکھ سنسار، کوُڑی کِریا پھولے تھاؤں تھائنیا۔ بُدھی وِچ کوئی نہ کرے وِچار، جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ پہلی چیت کہے پربھ مارنا اپنا چؤنکڑ، سوہنا کھیل کھِلائیا۔ دو جہاناں پَینی اؤکڑ، وِشن برہما شِو رہے کُرلائیا۔ دیِن مذہباں دا جھگڑا ہونا وانگ سؤنکن، سُتّی کلا دئے پرگٹائیا۔ شاہ سُلطان کوُکراں وانگ بھؤنکن، آواز سُنن کوئے نہ آئیا۔ پربھ دا بھانا میٹ نہ سکے وِچوں کوٹ کوٹن، کایا کُٹیا سب دی پھول پھولائیا۔ گُر اوتار پَیغمبر ویلا وقت اَخیِری سوچن، اپنی سمجھ گئے مِٹائیا۔ جو لیکھا اِکو اِک لوچن، جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیت کہے پربھ نے اپنا چُکنا گوڈا، جِس نوُں گھُٹنا کہے لوکائیا۔ سرِشٹی نوُں لگّنا روگا، ہؤمے ہنگتا دئے دُہائیا۔ ساچا میل نہ ہونا دُھر سنجوگا، وِچھڑ وِچھڑ دئے دُہائیا۔ اِک دُھر سندیشہ شبد انوکھا گوبِند کِہا سِنگھ جوگا، جِس دی سار کِسے نہ پائیا۔ گُروُ چیلے دا اِکو گھر اِکو سیج تے اِکو بھوگا، اِکو رس دِتا وکھائیا۔ اِکو اندر وڑ کے مندر چڑھ کے ویسوا دوارے کھڑکے تُوں میرا مَیں تیرا گایا سلوکا، سوہنگ ڈھولا سچّا دِتا سُنائیا۔ جوگے کِہا صاحب ایہہ کِہو جِہا مؤقع، کی کھیل دِتی ورتائیا۔ گوبِند کِہا مَیں تیرے کارن پہنچا، اپنا پندھ مُکائیا۔ اِک ڈھئیا لاؤنا پئے ڈھؤنکا، نیِتی بدلے سرب لوکائیا۔ کِسے دا کایا ماٹی صاف نہیں رہنا چؤنکا، پنڈت پاندھا کھتری براہمن شوُدر وَیش کرے نہ کوئے صفائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جوگے کِہا تیرے چرن میری نِمسکار، بندن کہہ کے خوشی منائیا۔ گوبِند کِہا کر میرا دیِدار، بِن تتّاں تت دیاں وکھائیا۔ ایہہ کھیل ہونا اپر اپار، جِس دی سمجھ نہ کوئے سمجھائیا۔ کلجُگ انت مِل کے نال سِری بھگوَنت جوتی شبدی چلنی دھار، نِہکلنک کل کلکی ناؤں دھرائیا۔ اوس سمیں سب دے اندر ہونا کوُڑ وِکار، ہنکار ممتا موہ جلائیا۔ جوگیا، چوغا بدل کے مَیں بھگتاں پاواں سار، کایا مندر اندر وڑ وڑ کراں آپ صفائیا۔ بِن اکّھاں دیواں دیِدار، بناں دُھر دا سانجھا یار، لیکھا مُکا کے پُرکھ نار، نظری آواں روُپ کرتار، قُدرت دا قادر کرنی دا کرتا روُپ بدلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ اِک سُنائیا۔ چیت کہے مَیں گوبِند تکّیا، جِس دا تت نظر کوئے نہ آئیا۔ دو جہاناں برہمنڈاں کھنڈاں نِرگُن روُپ پِھرے نَٹھیاں بِن لتّاں پَیراں بھجےّ واہو داہیِا۔ جِس نے گُرمْکھ گُرسِکھ سنت سُہیلا کر اِکٹّھیا، اِکو رنگ دِتا چڑھائیا۔ جن بھگتو تُہاڈی رَین اَگے رہن نہیں دینی مسّیا، اندروں اندھیرا

باہر دینا کڈھائیا۔ جو گوبِند دے تیِر نال گیا پھٹّیا، دُئی دوَیتی پھٹّ رہے نہ رائیا۔ جِنہاں پریم رس امرت نِجھر دھاروں چٹّیا، اٹھسٹھ دی لوڑ رہے نہ رائیا۔ گُرمْکھ کوئی نہ پوُجے سِل پتّھر تے وٹّیا، شاستر سِمرت وید پُران انجیل قُرآن کھانی بانی توں اَگے پربھ دا درشن پائیا۔ جِتھے بَیٹھا لامقام، شرع دا دِسے نہ کوئے طوفان، نہ کوئی بندہ تے نہ بندگی نہ اِنسان، نہ کوئی نؤبت نہ کوئی نغمہ نہ کوئی نام نہ کوئی گاوے گان، نہ کوئی زِمیں نہ اسمان، شاہ پاتشاہ شہنشاہ اِکو سوبھا پائیا۔ سو کھیل کرے مہان، کلجُگ انت سنت سُہیلے ویکھے آن، نِرگُن نوُر کر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن اپنے رہیا اُٹھائیا۔ چیت کہے مَیں چار کُنٹ دا راہی، تکاّں سرِشٹ سبائیا۔ جھگڑا ہونا بھائی بھائی، سجّن جان روُپ بدلائیا۔ پربھ دا دوُجا سمت خوشیاں نال دیِن دُنی لئی پُٹے کھائی، ڈوُنگھا گھاؤ لگائیا۔ سمبھل پَیر نہ کوئے ٹِکائی، گوبِند دا لیکھا بُھل گیا جو اِکٹّھے کر گیا چھیمبےجھیِور نائی، نؤکا نام والی چلائیا۔ اوس نے اپنے حُکم نال بدل دینی شاہی، شہنشاہ حُکم اِک دِرڑائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک جنائیا۔ دُھر دا حُکم کہے مَیں آیا لوک مات، متا پربھ دے نال پکائیا۔ ابناشی کرتے دے کے اگمّی دات، پُشت پناہ میرے ہتّھ ٹِکائیا۔ جا کے میٹ کلجُگ اندھیری رات، کوُڑی کِریا رہے نہ رائیا۔ بھگت سُہیلے سجّن بنا میرے سجّن ساک، سُتّیاں لےَ اُٹھائیا۔ اندر وڑ کے بند کِواڑی کھول تاک، بجر کپاٹی پڑدا رہے نہ رائیا۔ شبد اگمّی انحد وجا ناد، دُھن آتمک کر شنوائیا۔ بِن رسنا جِہوا بتّی دند سُنا راگ، چھتّی راگ دی لوڑ رہے نہ رائیا۔ نِرگُن نوُر جوت کر پرکاش، دیِا باتی سوُرج چند کرے نہ کوئے رُشنائیا۔ گُر اوتار پَیغمبراں پوُری کرنی خواہش، خالص اپنا آپ سمجھائیا۔ سب دی لیکھے لاؤنی پوُرب آس، آہستہ آہستہ ویکھنا تھاؤں تھائنیا۔ چؤتھے جُگ دی پھول کے ویکھنی درخواست، جو بِنا دستخطاں توں پربھ دے ہتّھ پھڑائیا۔ جِس نوُں چار جُگ کوئی نہ سکیا واچ، وِدیا وِچ نہ کوئے سمجھائیا۔ صِفتاں دی گا کے تھکے گاتھ، ڈھولیاں وِچ شنوائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ پہلی چیت کہے مَیں جُگ چؤکڑی پِچھوں آیا مر کے، اپنا پھیرا پائیا۔ لوک مات مَیں نہیں رہنا ڈر کے، سرِشٹ سبائی دیاں ہِلائیا۔ پُرکھ اکال کولوں اگمّی ڈھولا آیا پڑھ کے، دوُجی کری نہ کوئے پڑھائیا۔ سچکھنڈ دوارے مندر آیا چڑھ کے، مقامے حق ویکھ خوشی منائیا۔ جُگ چؤکڑی پِچھوں بھانا آیا جر کے، جِہوا کتھے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر،

سچ کرنی کار کمائیا۔ چیت کہے مَینوُں کہنا برس دوُجا، دو جہان راہ تکائیا۔ مَیں بھیو کُھلاؤنا گوُجھا، جِس دی سمجھ نہ کوئے سمجھائیا۔ جِس کارن اجیِت جُجھار جُجھا، سو ویلا دینا جنائیا۔ کلجُگ دا ٹھوُٹھا کر کے موُدھا، مُدتاں دے وِچھڑے لَینے مِلائیا۔ جِس دا دیوے نہ کوئے ثبوُتا، سو پُرکھ اکالا گیا آئیا۔ کوئی نہ جانیوں ایہہ پنج تت کلبوُتا، کلمیاں توں پرے اپنا حُکم سُنائیا۔ شبدی دھار ہو مؤجوُدہ، مُفلساں رہیا اُٹھائیا۔ مُحبّت والا محبوُبا، محض اِکو جام پیائیا۔ سرِشٹی واسطے کمّ ہو گیا کسوُتا، کُشتیاں وِچ لڑدی ویکھے لوکائیا۔ سب دی سِیاست سب دی وِراشت سب دی عقل سب دی بُدھی کرنی بےہوُدا، بیوہ چار کُنٹ نظرری آئیا۔ جوتی جوت سروُپ ہرِ، آپ اپنی کِرپا کر، سچ دیونہار سرنائیا۔ چیت کہے مَیں تکدا گوبِند دھار، بِن اکّھاں نظری آئیا۔ جِس آپا دِتا وار، کرتے پُرکھ نال کُڑمائیا۔ چھڈ کے سجّن یار، ناتا اِکو نال رکھائیا۔ تکّ کے سدا دیِدار، اکّھاں گیا تکائیا۔ منّ کے مددگار، ڈنکا دِتا وجائیا۔ تیری دیِن دُنی کرنی خبردار، بےخبراں خبر سُنائیا۔ تُوں کل کلکی اوتار، مَیں تیرا نوُر اُجیار، میرا شبد اگمّی کار، کرتے پُرکھ نہ کوئی سوگ نہ کوئی ہرکھ، چِنتا غم نظر کوئے نہ آئیا۔ سِری بھگوان تُوں اَگے مَینوُں لیا پرکھ، مَیں کراؤنا بھگتاں نوُں درس، ایہہ خوشیاں والا برس، سب دی میٹ کے چِنتا ہرکھ، اندرے اندر نوُری جوت کراں رُشنائیا۔ سِدھی کر کے دیِن مذہب دی سڑک، جنم جنم دی پِچھلی میٹ کے بھٹک، کایا مندر اندر رہن نہ دیواں کوئی رڑک، سچ دوارا ایکنکارا اِکو دیاں وکھائیا۔ پربھ دے نال پوُری ہوئی شرط، جامہ دھار کے آیا پرت، کھیل ویکھنا اُپر دھرت، کوُڑی کِریا کرنی غرق، مایا ممتا موہ وکھاؤنا نرک، نام کھنڈا وِچ برہمنڈاں جانا کھڑک، جن بھگتو کھٹکا کوئے رہے نہ رائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ گوبِند کہے تَینوُں چار جُگ کردے رہے مِنتا، پُرکھ اکال تیرے اَگے سیِس نِوائیا۔ ہُن اِکو شبد نوُں دے دے ہِمّتا، دوُجے دی لوڑ رہے نہ رائیا۔ کوئی رہن نہیں دینا جیہڑا کرن والا سُنّتا، سُنّی مُسلم سارے دینے کھپائیا۔ جن بھگتو تُہاڈے اندر رہے نہ چِنتا، چِنتا چِکھا نہ کوئے جلائیا۔ بیڑا شؤہ دریائے ڈوبنا نِندکا، اُچی کوُک دینا سُنائیا۔ لیکھا ویکھنا جیِؤ پِنڈ دا، برہمنڈ کھنڈ پھیرا پائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ دُھر فرمانا کہے مَیں گوبِند رکھی آس، ناتے دیِن دُنی تُڑائیا۔ جِس بچّے دا موڑ کے خالی گلاس، خاص اپنا حُکم سُنائیا۔ مَیں سدا بھگتاں گُرمْکھاں دا داس، ناتا بنس نہ کوئے بنائیا۔ شبد اگمّی دیواں

دات، بِن اکھّراں آپ پڑھائیا۔ اَگے مار کے ویکھ جھات، کلجُگ انت اَخیِری راہ تکائیا۔ جِس ویلے مِل کے آواں نال پُرکھ ابناش، کل کلکی ویس وٹائیا۔ لیکھا جاناں پرِتھمی آکاش، گگن گگننتر کھوج کھوجائیا۔ سچ دھرم دا ہونا ناس، کوُڑی کِریا وجےّ ودھائیا۔ اوس ویلے گُرمْکھاں دے اندر کرنا واس، واسطہ اپنے نال جُڑائیا۔ بِنا سِکھیا توں دے کے وِشواس، وِشیاں توں لَینا باہر کڈھائیا۔ من واسنا کر کے فاش فاش، فَیصلہ حق دینا سُنائیا۔ گُرمْکھ رہے نہ کوئے گُستاخ، غُصّے گلِے اپنی جھولی پائیا۔ کلجُگ میٹ اندھیری رات، سَتجُگ سچ کراں رُشنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیت کہے مَیں کی کُچھ سُنیا

سب نوُں دیاں جنائیا۔ گوبِند کِہا ہُن پُرکھ اکال آ، جھلّی نہ جائے جُدائیا۔ مِہروان تُوں بن ملاح، بیڑا اپنے کندھ اُٹھائیا۔
تُوں کیہڑی کِسے کولوں لیَنی صلاح، دُھر فرمانا دے دِرڑائیا۔ تیرا حُکم بےپرواہ، نہ کوئی میٹے میٹ مِٹائیا۔ گُر اوتار پَیغمبر سجدیاں وِچ
سیِس رہے جھُکا، سِر سکے نہ کوئے اُٹھائیا۔ تیری دھرتی تیری دھرنی تیری دھوَل تیری دُنیا بھری نال گُناہ، حق حقیِقت نہ کوئے
سمجھائیا۔ صوُفی سنت فقیِراں اندر جگے کوئی نہ شمع، تاریِکی چاروں کُنٹ نظری آئیا۔ اندر مندر مِٹے کِسے نہ غما، سانتک سَت نہ کوئے
کرائیا۔ پُرکھ اکال دیِن دَیال اپنا جُگ بدل دے نَواں، نَواں رنگ آتم سیجا پلنگ سب نوُں دے دِرڑائیا۔ جوتی جوت سروُپ ہرِ،
آپ اپنی کِرپا کر، دُھر دا حُکم اِک ورتائیا۔ سِری بھگوان کہے چیت نہ کر چھیتی، چھتردھاری سرب ویکھ وکھائیا۔ مَیں لکّھ
چؤراسی کایا مندر اندر دا بھیتی، باہروں ویکھن دی لوڑ رہے نہ رائیا۔ کلجُگ جِس دے نال کردا نیکی، نِکّیاں توں وڈّے دینے
بنائیا۔ کلجُگ کہے پربھوُ تیرے حُکمے اندر مَیں پوِتر رہن نہیں دِتی کِسے بہوُ بیٹی، نیتر اکّھ نال درِشٹی اندر سرِشٹی اِک دوُجے نوُں
رہی تکائیا۔ مَیں گُر اوتاراں پَیغمبراں دی لیکھنی ویکھی، جو بھوِکھتاں وِچ کر کے گئے شنوائیا۔ جوتی جوت سروُپ ہرِ، آپ اپنی
کِرپا کر، نِہکلنک نرائن نر، سچکھنڈ نِواسی جوت بن کے ویکھ پردیسی، پردیسیاں نوُں لےَ کے اپنے گھر خوشی منائیا۔ سِری
بھگوان کہے چیت نہ کر جھگڑا، دُھر دا حُکم جنائیا۔ کِسے نوُں بھیت نہیں اگلا، پڑدا اوہلا نہ کوئے اُٹھائیا۔ کلجُگ کوُڑ کُڑیار بپڑا بگلا،
باہروں دئے صفائیا۔ من واسنا کلجُگ جیِو ہویا پگلا، بُدھ بِبیک نہ کوئے بنائیا۔ جے منگنا اِک نِراکھّر منگ لا، اکھّراں دی لوڑ رہے
نہ رائیا۔ چیت کہے پربھوُ میرا کھیڑا ساڈھے تِنّ ہتّھ دا بنگلا، جِتھے رہ کے بہہ کے خوشی منائیا۔ سِری بھگوان کِہا ہور کِسے نوُں سدّ

لا، ساتھی لےَ بنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیت کہے مَیں دیواں سدّا، کوٹن کوٹ کوُک سُنائیا۔ جن بھگتو تُہاڈے نال مِل کے مَینوُں آوے مزہ، مجاز وِچ سرب لوکائیا۔ پُرکھ اکال دیِن دَیال بھگتاں نال کدے کرے نہ دغا، دغے فریب توں لئے بچائیا۔ تُہاڈے نال مِل کے سِری بھگوان دا ودھدا اَگا، پُشت در پُشت وجّدی رہے ودھائیا۔ آتم پرماتم ناتا جُڑ جائے سکا، ساجن ہو کے میل مِلائیا۔ درشن کراؤندا رہے بِن اکّھاں، نِج لوچن کر رُشنائیا۔ بھاگ لگاؤندا رہے کُلیّ ککھّاں، بِن ککھّاں محل اٹل نہ کوئے وڈیائیا۔ سو کلجُگ انتم ویلا وقت سُہنجنا ہویا مساں، مست خُماری لؤ چڑھائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ جن بھگت کہن کی رہیا آکھ، سانوُں دے سمجھائیا۔ اساں پرم پُرکھ نوُں تکّنا ساکھیات، بِنا ویکھیاں دیِد کر کے خوشی نہ کوئے منائیا۔ اٹّھے پہر دِوس رَین ساڈی خوشیاں والی رکھے پربھات، رَین اندھیری نظر کوئے نہ آئیا۔ امرت آتم سچ پیالہ دیوے آبِ حیات، حیاتی وِچوں حیاتی دئے بدلائیا۔ بِن دیِئے باتی کملاپاتی نِرگُن جوت کرے پرکاش، اندھ اندھیر رہن نہ پائیا۔ بِن مندر پؤڑے سچکھنڈ دوار کرائے نِواس، اَدھ وِچکار نہ کوئے اٹکائیا۔ اندر باہر گُپت ظاہر سدا سُہیلا وسے پاس، وِچھوڑا رہن کوئے نہ پائیا۔ بےشک بھگت بالے نڈھے بچّے جے ہو جان گُستاخ، پھڑ باہوں گلے لئے لگائیا۔ مِہر نظر نال کر دیوے پاک، روُح بُت کرے صفائیا۔ جن بھگت کہن چیت اساں ایہو جہے پرم پُرکھ دا کرنا ساتھ، جو سمرتھ آپ اکھوائیا۔ جیہڑا جھولی ڈاہ کے منگن والا دات، اوس گُروُ دی لوڑ رہے نہ رائیا۔ اوس نالوں چنگی کنت توں وِچھڑی نار کمذات، گھر گھر خصم نہ کوئے ہنڈھائیا۔ گُر اوتار پیِر پَیغمبر کہہ کے گئے سب دا مالک پُرکھ ابناش، مُریِداں دا مُرشد شہنشاہیِا۔ جِس دی نہ کوئی ذات نہ کوئی پات، ورن برن ونڈ نہ کوئے ونڈائیا۔ نہ کوئی رسنا جِہوا بتّی دند کرے بات، باطن اپنا پڑدا دئے کُھلائیا۔ نہ کوئی نوُر کرے آفتاب، جلوہ گر جوتی جوت ڈگمگائیا۔ چیت جے ایہو جہے سَتگُر نال بن جائے ساک، مِل کے جھٹ لئیے لنگھائیا۔ جے کوئی گُروُ وِدیا والا ملِے چالاک، مُنہ دے بھار سُٹ کے ڈنڈے دئیے لگائیا۔ اسیں کوئی مجھّاں چارن والے نہیں چاک، ونجھلی وجا کے اپنا من پرچائیا۔ جن بھگت کہن اسیں لبھنا تے لبھنا اِکو باپ، جِس نوُنموُسیٰ عیسیٰ باپ کہہ کے سیِس نِوائیا۔ چیت کہے جن بھگتو مَیں ہُن ہو گیا چُپ، حَیرانی میرے اندر آئیا۔ مَیں سِری بھگوان توں لَواں پُچھ، جو سب دا پِتا مائیا۔ پربھوُ کی تیرے کول کُچھ، جو بھگتاں دئیں ورتائیا۔ سِری بھگوان کہے

چیت تُوں نہیں جان دا مَیں چار جُگ سب توں بَیٹھا رہیا لُک، جگت اکّھاں نال نظر کِسے نہ آئیا۔ اِکو دسّ کے کلجُگ انت اَخیِری اپنی تُک، تُہمت سب نوُں دِتی لگائیا۔ جِس نوُں پڑھیاں اگلا پِچھلا جنم دا پیَنڈا جائے مُک، مُکمل ملِے بےپرواہیِا۔ جن بھگت سُہیلے گودی چُک کے کہے لاڈلے پُت، سُت دُلارے لئے بنائیا۔ جوتی جوت سروُپ ہرِ، آپ اپنی کِرپا کر، دیونہار اِک سرنائیا۔ چیت کہے پربھوُ تُوں آد جُگاد دیویں دھوکھا، شاستر سِمرت وید پران دین گواہیِا۔ جن بھگتاں مِلدا رِہوں اُتے مؤقع، سزا جگت والی بُھگتائیا۔ لُکیا رہیا عرشاں توں پرے فرشاں توں تھلّے شیَطانی وِچ کایا کعبےکوٹھا، مقبرے وِچ اپنا آپ چُھپائیا۔ لکّھ چؤراسی جیِو جنت پڑھن لےَ کے اکھّراں والا پوتھا، نِراکھّر بھیوَ نہ کوئے سمجھائیا۔ تیرا سَت سچ کِسے نہ سوچا، بُدھی وِچ دِتا پھسائیا۔ کلجُگ انتم کھیل کر کے نیارا نِرنکار کر کے موٹا، موٹی مت کیِتی لوکائیا۔ وڈّیوں بن کے نِکاّ جِہا چھوٹا، بِن روُپ رنگ ریکھ ڈیرہ لائیا۔ گُرمْکھ ویکھیں تکّیں اپنا پوتا، گوبِند پِتا نال مِلائیا۔ جلوہ نوُر جلا کے جوتا، جوتی جوت کری رُشنائیا۔ تیرا ساگر پھول سکے نہ مار کے کوئی غوطہ، ڈوُنگھی ہاتھ کِسے نہ آئیا۔ پایا انت کِسے نہ چؤداں لوکا، تریَلوکی رہے کُرلائیا۔ کر کِرپا جُگ چؤکڑی گُر اوتار پَیغمبراں اپنا صِفتی دسّدا رِہوں سلوکا، ساچا نام نہ کِسے سمجھائیا۔ جوگی ابھیاسی تپی ہٹھی سنیاسی وَیراگی تیاگی اِس نوُں کہِندے رہے وڈّا چوکھا، بہُتا کر کے سیِس نِوائیا۔ جوتی جوت سروُپ ہرِ، آپ اپنی کِرپا کر، اچرج کھیل رہیا ورتائیا۔ سِری بھگوان کہے مَیں سب نوُں دسےّ سجدے، سریِر تت تت سریِر والے جنائیا۔ مَیں گُر اوتار بنا کے بردے، پَیغمبراں کری پڑھائیا۔ منگتے کِیتے گھر دے، درویش نظری آئیا۔ مِنتاں ویکھے کڈھدے، خالی جھولیاں اَگے ڈاہیِا۔ سِر قدماں اُتے سٹدے، نیَن اکّھ شرمائیا۔ ونجارے بنے رہے سچکھنڈ دوارے ہٹّ دے، در ٹھانڈے پھیرا پائیا۔ سارے میرا نام گئے رٹدے، دِوس رَین دھیان لگائیا۔ جھگڑے پا کے دیِن مذہب والی وٹ دے، حُکمے اندر کھیل کھِلائیا۔ حُکمنامے دِتے بِنا اپنے دستخط دے، شبدی خطاں نال کری پڑھائیا۔ جِنہاں دے پِچھے چھوٹے چھوٹے دائرے مذہباں والے دسّدے، نِکے نِکے قصبےنظری آئیا۔ ہُن اَگے کھیل ہونے پُرکھ سمرتھ دے، دو جہاناں جھگڑے دئے مُکائیا۔ مندر مسجد شِودوالے مٹھ مسیِت ویکھو کِویں ڈھٹّھ دے، اَگے ہو نہ کوئے بچائیا۔ للکارے سُننے پُرکھ اکال شبدی جٹّ دے، جو جٹا جوُٹ دھاری سارے دئے کھپائیا۔ جن بھگت سُہیلے کایا چولی اندر چولے اپنے رنگدے، رنگ رتڑا آپے رہیا رنگائیا۔

گُرمْکھو لہنے چُک گئے جگت والی منمت دے، گُرمت اِکو دئے سمجھائیا۔ جو بھگت پربھوُ دے نال مِل کے وسدے، دو جہاناں رنڈیپا نہ کوئے کرائیا۔ تُہاڈے میل ہونے اندر والی اکّھ دے، باہروں پوُجا پاٹھ نہ کوئے کرائیا۔ جو سوہنگ ڈھولا رٹدے، رٹّیاں توں لَینے چُھڈائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ چیت کہے مَینوُں ویکھ لیَن دیؤ نال چوری، چوری چوری اکّھ کُھلائیا۔ کلجُگ ویکھاں رَین اندھیری گھوری، ساچا چند نہ کوئے چمکائیا۔ پُرکھ اکال کِس بِدھ دُنیا نال کرے ہیری پھیری، پھیری وِچ آیا پھیر نہ کِسے سمجھائیا۔ نہ کوئی جانے گُروُ تے نہ کوئی جانے چیری، کوٹاں وِچوں چِری وِچھُنے گُرمْکھ آتم اپنے نال مِلائیا۔ جن بھگتو تُہاڈے اندر وڑ کے مندر چڑھ کے ٹھوکر لا کے دَیاکما کے درس وکھاوے نہ لاوے دیری، دُرگا اِشٹ دی لوڑ رہے نہ رائیا۔ جگت ملاحاں والی سادھاں سنتاں کول لبھنی پئے کدے نہ بیڑی، اِکو نام جہاز اُتے پھڑ باہوں دئے چڑھائیا۔ پھیر دسِّؤ بھگت آتما وِچھڑی کیہڑی، اگلے سال نوُں سب نوُں سُتّیاں دیاں وکھائیا۔ جوتی جوت سروُپ ہرِ، آپ اپنی کِرپا کر، کھیل اپنا رہیا ورتائیا۔ چیت کہے مَینوُں کڈھ لیَن دے گھُنڈ، پڑدا لَواں پائیا۔ مُکھ توں ہو لیَن دے گُنگ، رسنا جِہوا نہ کوئے سُنائیا۔ سِری بھگوان کہے اوۓ اُٹھ جن بھگتاں نوُں دے ٹُنب، شبد اِشارے نال اُٹھائیا۔ جن بھگتو بِنا رسنا جِہوا توں پُرکھ اکال دے اوہ چرن لؤ چُمّ، جِنہاں دی دھوُڑ نظر کِسے نہ آئیا۔ تُسیں نہ کوئی رِکھ نہ کوئی مُن، جِنہاں دسم دواری وِچ وڑ کے کُھلاؤنی پئے سُنّ، نہ کوئی گیانیاں والا رکھنا پئے گُن، لکّھ چؤراسی وِچوں تھوڑے لئے چُن، جِنہاں دے اُتے کِرپا کرنی ہُن، اَگے اپنے نال جُڑائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیت کہے مَینوُں تھوڑا پِچھے لیَن دے خِسک، پاسا لَواں بدلائیا۔ پُرکھ اکال کہے ساریاں نوُں دسّ کے اِکو سب دا اِشٹ، ہرِ کرتا بےپرواہیِا۔ جو لکّھ چُراسی نال بھوگدا گرہِست، آتم پرماتم سیج ہنڈھائیا۔ دو جہاناں برہمنڈاں کھنڈاں گُر اوتاراں پَیغمبراں دی جِس دے کول لِسٹ، فہرِست اپنے ہتّھ رکھائیا۔ گُرمْکھو تُہانوُں کیہڑی لوڑ سوَرگ تے بہِشت، بِنا پربھ دے چرناں دوُجا دھام نہ کوئے وکھائیا۔ بےشک تُہاڈی کایا ہو جائے نشٹ، تُہاڈی آتما پرماتما وِچ سمائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ چیت کہے مَینوُں پرت لیَن دے پِچھا، کروٹ لَواں بدلائیا۔ پُرکھ اکال کہے اُٹھ میری سُن لےَ سِکھا، بچّیا تَینوُں دیاں دِرڑائیا۔ تیرے وِچ بھگتاں اُدھارنا میری اِچھا، اِچھا سب دی پوُر کرائیا۔ کوٹاں وِچوں کِسے نہ دِسا، گُرمْکھ تھوڑے اکّھ

کُھلائیا۔ جِنہاں دے کول گوبِند دی شبدی چِٹا، چِٹی دھار وِچ پِھرائیا۔ تِنہاں سمت ایسے وِچ کڈھ کے وکھّرا سِٹہ، سِٹے دی بازی سب نال دیاں لگائیا۔ جیہڑا پُرکھ اکال جگت نیتراں کِسے نہیں سی ڈِٹھا، سو سنمُکھ سب نوُں دیاں سمجھائیا۔ کوٹن کوٹ لبھدے گئے وِچوں سَوا گِٹھا، شاستر سِمرت وید پُران کھوج کھوجائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیت کہے مَیں پِچھوں ہو جاں اَگے، اگلی گاتھ سُنائیا۔ نِرمل جوت اِکو جگے، جو لکّھ چؤراسی کرے رُشنائیا۔ جِس دے حُکمے اندر بدھےّ، سَتجُگ تریتا دواپر کلجُگ سیو کمائیا۔ وِشن برہما شِو سرن ڈھٹّھے، کروڑ تیتیِسا رہیا کُرلائیا۔ گُر اوتار پَیغمبر گا گا تھکے، ڈھولے گیِت نغمے گئے جنائیا۔ کلجُگ انتم سارے کر کے اِکٹّھے، دُھر فرمانا دِتا دِرڑائیا۔ پُرکھ اکال میٹن لگّا دیِن مذہب دے رٹےّ، ذات پات کرے صفائیا۔ اِکو جوت گھر گھر جگے لٹ ٹے، کھتری براہمن شوُدر وَیش ونڈ نہ کوئے ونڈائیا۔ صدی چؤدھویں لِکھت پڑھت دے تُہاڈے پوُرے ہو گئے پٹے، اَگے تُہاڈی نہ کوئے وڈیائیا۔ دُھر فرمانا سِری بھگوانا نر نریشا حق سندیشہ اِکو دسےّ، دہِ دِشا کرے پڑھائیا۔ چار ورن اٹھاراں برن جِس نے بناؤنے اپنے بچّے، گُرمْکھ گُر گُر گود اُٹھائیا۔ سَت پریم پریِتی اندر جان رتےّ، رنگ اگمّڑا دئے چڑھائیا۔ سارے وینہدے رہ جان ہکےّ بکےّ، پڑدا حقیِقت نہ کوئے اُٹھائیا۔ جھگڑا پَینا مدینے مکّے، مقبریاں وِچوں مُرشد رہے کُرلائیا۔ ساچے دسےّ کِسے نہ پتے، اِشاریاں وِچ گُر اوتار گئے جنائیا۔ گوبِند تھوڑے لیکھ لِکھے سچّے، جو سرسے وِچ گئے رُڑھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ چیت کہے میری چیتن ہو گئی سُرتی، سُتّیاں لَواں جگائیا۔ جوت ویکھی اکال موُرتی، بِن رنگ روُپ کرے رُشنائیا۔ جِس دی آواز شبد اگمّی تُورتی، تُریا پد سار نہ آئیا۔ جن بھگتو ایہہ گلّ مشہوُر کد دی، کل کلکی پھیرا پائیا۔ جِس دی کھوج کِسے نہ لبھدی، وِدوانی گیانی رہے کُرلائیا۔ اَگے کھیل رہن نہیں دینی اج پج دی، شاہ سُلطاناں دینا سمجھائیا۔ دوُجا سال کہے میری ویل رہنی ودھدی، وادھا پربھ دے گھر بنائیا۔ تھوڑی کھیل ہونی اگنی اگّ دی، اگلا پڑدا پڑدے وِچ چُھپائیا۔ تِنّ اَسوُ دی دھار سب نوُں سدّ دی، سدّے دے کے رہی جنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پہلی چیت کہے مَینوُں تھوڑا دِسدا اَگے نظارہ ہور، پربھ نظر رہیا بدلائیا۔ دُنیا دے بدلے طؤر، طرح طرح کھیل ورتائیا۔ جِس تے کرے کوئے نہ غؤر، اوہ سمجھ دئے سمجھائیا۔ جِس نوُں کہِندے براہمن گؤڑ، بِن گوبِند نظر کِسے نہ آئیا۔

چاروں کُنٹ کرنا چؤڑ، چار کوُٹ دئے ہِلائیا۔ جن بھگتاں جانا بہُڑ، بہُڑی بہُڑی کرے لوکائیا۔ جوتی جوت سروُپ ہرِ، آپ اپنی کِرپا کر، بخشنہار اِک سرنائیا۔ چیت کہے اوہ اَسوُ ویکھو آؤندا جاندا نیڑے، نیتر نیَن اُٹھائیا۔ جیہڑی سرِشٹی کردی جھیڑے، دھکاّ لگّے تھاؤں تھائنیا۔ دھرنی دے کُھلے ہوئے ویہڑے، چار کُنٹ ہوئے رُشنائیا۔ جھوُٹھے سادھاں دے رہنے نہیں ڈیرے، ڈنکا اِکو نام وجائیا۔ جن بھگتاں چاڑھ کے اپنے بیڑے، بیڑا دو جہان پار کرائیا۔ کرے کھیل سِنگھ سچّا شیرے، شیر بھبک اِک جنائیا۔ جوتی جوت سروُپ ہرِ، آپ اپنی کِرپا کر، دُھر فرمانا حُکم سُنائیا۔ تِنّ اَسوُ کہے کُچھ مِلن والا فرمان، فرمانبرداراں دیاں جنائیا۔ پُرکھ اکالا کرن والا دھیان، مِہر نظر نظر اُٹھائیا۔ راشٹرپتِ دین والا گیان، پردھان منتر یاں دئے سمجھائیا۔ سوہنگ مہاراج شیر سِنگھ وِشنوُں بھگوان دی جےَ دا لِکھ کے نِشان، نؤ کھنڈ پرِتھمی دئے وکھائیا۔ سب نوُں منّنی پئے اِس دی آن، سِر سکے نہ کوئے اُٹھائیا۔ شبدی آن نال سب نوُں منّنا پئے سِری بھگوان، بھانڈا بھرم دینا بھنائیا۔ پُرکھ ابناشی آد جُگادی وڈّا بلوان، جِس دا ثانی نظر کوئے آئیا۔ ویکھیو کدے بُھل نہ جائیو ایہہ چلن پِھرن والا اِنسان، تتّاں والا ویس وٹائیا۔ ایہہ کھیل لامقام، بےمقام اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر فرمانا اِک دِرڑائیا۔ دُھر فرمان کہے مَیں خبر سُناواں دُھر دی، دھرم دی دھار دیاں جنائیا۔ کھیل دسّاں اوس سچّے سَتگُر دی، جو آد جُگاد سَت سَتوادی نظری آئیا۔ جیہڑی باقی رہ گئی انندپُر دی، پُریِاں لَواں توں باہر جھولی پائیا۔ دھار بخشے اپنے پریم پیار سُر دی، سوئی سُرتی لئے اُٹھائیا۔ دھاڑ رہے نہ کوئی گُرمْکھو پنج چور دی، ترِشنا مات نہ کوئے ہلکائیا۔ نگری رہے نہ اندھ گھور دی، تن ماٹی اندر کرے رُشنائیا۔ گنڈھ ٹُٹے نہ کدے شبد اگمّی ڈور دی، میلا اپنا آپ کرائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ چیت کہے مَینوُں کہِندے پہلا ماہ، محرم ہو کے دیاں جنائیا۔ جلوہ گر اِک خُدا، نوُرو نوُر نوُر رُشنائیا۔ جیہڑا آتم کر کے ہویا جُدا، پرماتم ہو کے نال مِلائیا۔ مارگ دو جہاناں کر کے سِدھا، منزل اپنی رہیا چڑھائیا۔ سچ دوارا دے کے نِگھا، جگت ترِکھا رہیا بُجھائیا۔ جوتی جوت سروُپ ہرِ، آپ اپنی کِرپا کر، بخشنہار اِک وڈیائیا۔ چیت کہے مَینوُں کہِندے پہلا ماس، اکھّراں نال جوڑ جُڑائیا۔ تھوڑی سمجھ آئی گُرداس، جو ارجن دئے گواہیِا۔ جوتی اُپجی للاٹ، شبدی ہوئی شنوائیا۔ کلجُگ ویکھ گھاٹ، پربھ کرے کھیل بےپرواہیِا۔ انت دِسے اندھیری رات،

ساچا چند نہ کوئے چمکائیا۔ آتم پرماتم پڑھے کوئی نہ گاتھ، بانی بَیکھری سرب صلاحیِا۔ ہرِ کا شبد سکے کوئی نہ واچ، بُدھی نال بُدھی کرے لڑائیا۔ منوُآ کرے ناچ، گھر گھر پھیرا پائیا۔ گُرداس بِن تیرے کِسے ہتّھ نہیں آؤنی قلم دوات، بِنا رَویداس چمار نہ کوئے وڈیائیا۔ بِن بھگتاں پربھوُ نہیں دینا ساتھ، سگلا سنگ نہ کوئے رکھائیا۔ گُرمْکھاں ہون نہ دیوے اُداس، گُرسِکھ اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ چیت کہے میرا پہلا کہِندے مہیِنہ، رُت رُتڑی وِچوں بدلائیا۔ مَینوُں سمجھے نہ کوئے نر مدیِنہ، پڑدا سکے نہ کوئے اُٹھائیا۔ غریِب کہِندے آخری وقت کمیِنہ، بُھکھیاں بُھکھ نہ کوئے مِٹائیا۔ جن بھگت کہن ساڈا ٹھانڈا ہووے سینہ، اگنی تت بُجھائیا۔ جھگڑا چُک جائے لوک تیِنا، ترےَگُن لیکھا رہے نہ رائیا۔ جانا پئے نہ مکّہ مدیِنہ، مقبریاں سیِس نہ کوئے جھُکائیا۔ تیِرتھ تٹاں اُتے وہاؤنا پئے نہ کوئی پسیِنہ، پاندھی بن نہ پندھ مُکائیا۔ لوڑ رہے نہ بنن دی جل میِنا، بھگت بھگوان وِچ سمائیا۔ جن بھگتو سِری بھگوان ورگی لوک مات نہیں کوئی ہور حُسینہ، جو جوبن اپنا سدا رکھے بنائیا۔ جوتی جوت سروُپ ہرِ، آپ اپنی کِرپا کر، بخشنہار اِک سرنائیا۔ چیت کہے مَیں کی بننا چاتر، چتُرائی نظر کوئے نہ آئیا۔ مَینوُں یاد آئی گوبِند والی پاتر، جو پترکا بِن اکھّراں دِتی وکھائیا۔ پُرکھ اکال آؤنا بھگتاں خاطر، خطرے وِچ ہووے لوکائیا۔ جِس ویلے دھرم دا نِشان رہیا نہ تِل ماتر، ماتربھوُمی دئے دُہائیا۔ ابناشی کرتے پریمیاں دا بننا یاچک، نِرگُن ہو کے دَیا کمائیا۔ گُرمْکھاں دا لہنا لیکھا دینا بن وِدیا دا واچک، اندر وڑ کے دسّنی سچ پڑھائیا۔ گُرمْکھو کلجُگ دا انت ویکھ لؤ ناٹک، نٹوُآ ہو کے تُہانوُں دئے وکھائیا۔ کِرپا کر کے تُہاڈے اندروں کھول دیوے پھاٹک، پڑدا اوہلا رہے نہ رائیا۔ تُسیں بچّیو سِری بھگوان دے نِکے جِہے جاتک، یتھا یوگ سارے سیو کمائیا۔ اوہ تُہانوُں لےَ کے جاوے اپنے پاتن، پتریاں والی کرے نہ کوئے پڑھائیا۔ تُہاڈا میلا ظاہر تے راتیں سُتّیاں باطن، موم بتّیاں دی لوڑ رہے نہ رائیا۔ گُرمْکھو تُہاڈے پِچھے پربھوُ آیا سدا جاگن، جاگرت جوت وِچ سمائیا۔ سب دے کرے وڈ وڈ بھاگن، بھاگ حِصّہ پِچھلا جھولی پائیا۔ ویکھیو بُھل کے کدے نہ لبھیؤ تِتر بازن، بِنا گوبِند سانت کِسے نہ آئیا۔ شبد اگمّی سُنیؤ آوازن، جو بِنا کلمیاں توں کرے پڑھائیا۔ تُہاڈی ساجن آوے ساجن، جِس دی یاد وِچ اپنا جھٹ لنگھائیا۔ تُہاڈی لیکھے لاوے راتن، رُت دی رُتڑی اپنے نال مہکائیا۔ جوتی جوت سروُپ ہرِ، آپ اپنی کِرپا کر، کھیلے کھیل شاہو شاباسن، شہنشاہ اپنا حُکم ورتائیا۔ چیت کہے مَینوُں ہوئی چِتونِ، چِنتا گئی

آئیا۔ بہُڑی سب دا لُٹیا جانا دھن، کوُڑی مایا رہی کُرلائیا۔ پُرکھ اکال نے ٹھیِکر جانا بھنّ، ٹھگّاں چوراں کر لڑائیا۔ نِرگُن کوٹاں وِچوں تھوڑے لبھے جن، لیکھا چُکاؤنا دھنّ جنیندی مائیا۔ جِنہاں دے سچ پرویش ہونا کایا ماٹی تن، تِنہاں بُدھ توں سُدھ دینی کرائیا۔ راگ سُناؤنا بِنا کنّ، انحد نادی ناد دُھن شنوائیا۔ دِیپک جوت چاڑھنا چنّ، سوُرج چند لوڑ رہے نہ رائیا۔ کرنا وسیرا بِن چھپّر چھنّ، ہرِ چرن کوَل بِن چرناں اِک سمجھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیت کہے مَیں کھیل ویکھیا چؤہ جُگی، جُگ چؤکڑی دھیان لگائیا۔ کلجُگ انت اؤدھ رہی پُگی، ویلا وقت دئے دُہائیا۔ وسدی رہے کوئے نہ جھُگی، جھگڑا دِسے لوکائیا۔ پربھ دا نام جپن توں جگت رسنا ہو گئی گُنگی، ساچا ڈھولا نہ کوئے سُنائیا۔ سادھ سنت جگت فقیِر پربھ دے نام دی لیَندے چُنگی، پَیسیاں ٹکیاں نال جھٹ لنگھائیا۔ سَت وست ہتّھ نہ آوے ڈھوُنڈی، چار کُنٹ رہی کُرلائیا۔ چیت کہے مَیں چیتن ہو کے شبدی دھار ویکھی اوہ اگمّی کھوُنڈی، جو کُھڈیاں وِچوں سارے باہر کڈھائیا۔ جن بھگتاں نابھی کر کے اوُندھی، امرت جھِرنا دئے جھِرائیا۔ امرت برکھ کے اپنا بوُندی، ترِشنا دئے مِٹائیا۔ شرع دسّ کے سچ گُروُ دی، سَتگُروُ اِکو دئے وکھائیا۔ جن بھگتو دسم دواری توں تُہاڈی منزل شُروُع دی، پِچھے دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، سچ سندیشہ اِک سُنائیا۔ جن بھگت کہے کی مَینوُں مِلیا سندیش، کوَن رہیا جنائیا۔ چیت کہے اوس نوُں کر آدیس، جو سب دا پِتا مائیا۔ پُرکھ اکال کہے مَیں نِرگُن نر نریش، دو جہانا حُکم دیاں ورتائیا۔ میرے اَگے کِسے دی کوئی چلے نہ پیش، پیشوا گئے سیِس جھُکائیا۔ مِتر بن کے درویش، خالی بغلیِاں گئے پھڑائیا۔ مُحبّت وِچ دس دسمیش، پِتا پُرکھ اکال منائیا۔ جو آد جُگاد جُگ چؤکڑی نِت نوِت رہے ہمیش، جنم مرن وِچ کدے نہ آئیا۔ اوسدا دے کے گیا سندیش، شبد سُنیہڑا اِک دِرڑائیا۔ کلجُگ انت کوُڑی کِریا ہوئے کلیش، کلمہ بُھلے سرب لوکائیا۔ پُرکھ اکال دیِن دَیال لوَے ویکھ، دو جہاناں پڑدا آپ اُٹھائیا۔ سچ دھرم دی مِٹدی ویکھو ریکھ، ریکھا سب دی دئے بدلائیا۔ شبدی سَتگُر اپنی دھار بھیج، بھجن بندگی دئے بدلائیا۔ جوتی جلوہ دے کے تیج، دیِن دُنی دا تختہ دئے اُلٹائیا۔ جن بھگتاں مان کے ساچی سیج، سُہنجنی رُت دئے وکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ دُھر دا حُکم کہے مَیں بن کے آیا بردا، دھرم سندیشہ دیواں تھاؤں تھائنیا۔ پُرکھ اکال مالک منّو گھر گھر دا، لکّھ چؤراسی اندر

ڈیرہ لائیا۔ پڑدا کھولے بھیو چُکے چیتن جڑ دا، اوہلا اوَر نہ کوئے جنائیا۔ اِشنان کرو پُرکھ ابناشی چرن ساچے سر دا، سروور اوَر نہ کوئے نُہائیا۔ سُکھ ویکھیو پُرکھ اکال دے گھر دا، جو گھرانے رہیا بنائیا۔ جھگڑا مکُے جنم مرن ڈر دا، لکّھ چؤراسی نہ کوئے پِھرائیا۔ جو سوہنگ مہاراج شیر سِنگھ وِشنوُں بھگوان ڈھولا پڑھدا، ابناشی کرتا اپنی گود اُٹھائیا۔ اوہ گُرمْکھ سنت سُہیلا بِن منزل پؤڑے چڑھدا، اَدھ وِچ نہ کوئے اٹکائیا۔ درشن کرے پُرکھ ابناشی نرائن نر دا، اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چیت کہے مَیں نِیوں نِیوں کراں سلام، بندنا بےپرواہیِا۔ تکّیا اِک امام، جو نؤبت حق سُنائیا۔ پَیغمبر جِس دے غُلام، بردے لوک مات اکھوائیا۔ سُندے رہے پَیغام، کلمیاں وِچ پڑھائیا۔ دے کے گئے بیان، شرع وِچ سمجھائیا۔ انت آوے امام، جلوہ نوُر خُدائیا۔ جِس دا حقیِقت حق مقام، جگ نیتر درس کوئے نہ پائیا۔ اوہ مارگ دسےّ آسان، اِحسان سِر نہ کوئے چڑھائیا۔ آون جاون چُکا کے کان، بِن کنّاں راگ سُنائیا۔ شبدی کھنڈا لےَ کے آوے وِچ مَیدان، مدد اوَر نہ منگ منگائیا۔ جِس دی کوئی نہ کرے پہچان، بےپہچان کرے لوکائیا۔ شبدی کھیل کرے بن رحمان، حُکم اپنا اِک سُنائیا۔ کُچھ لیکھا جانن والا ایِران، تہران دئے ہِلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ دُھر دا حُکم کہے مَیں ورتنا جگ، جگ جیِون داتا دَیا کمائیا۔ جن بھگتاں کراؤنا دُھر دا حج، کایا کعبہ کر رُشنائیا۔ کوُڑ کُڑیاراں لاؤنی اگنی اگّ، اگنی تت جلائیا۔ گُرمْکھو یاد رکھنا دِہاڑا اجّ، اَگے اجل توں لئے بچائیا۔ لوک مات چلا کے تُہاڈی جدّ، سِر اپنا ہتّھ رکھائیا۔ نام نِدھانا پیالہ پیا کے مّدھ، مدُھر خُماری دئے چڑھائیا۔ لکّھ چؤراسی کٹّن واسطے سچ دوارے لئے سدّ، جم کی پھاسی رہن نہ پائیا۔ درس دیوے جگت دواریوں اَگے ودھ، انڈِٹھی منزل پندھ مُکائیا۔ ساچا ڈھولا گاؤندے رہنا سد، چھند اِکو دئے جنائیا۔ جوتی جوت سروُپ ہرِ، آپ اپنی کِرپا کر، دیونہارا وڈّی وڈیائیا۔ جن بھگتو تُہاڈا میل ہووے سچ مِلاپ، استھان اِکو دیاں جنائیا۔ جِتھے تُوں میرا مَیں تیرا ہووے جاپ، بھوُمکا سوئی سوبھا پائیا۔ اوتھے رہے کوئی نہ پاپ، دُرمت مَیل کرے صفائیا۔ سجّن بنے ساک، سگلا سنگ نِبھائیا۔ کھول کے اندر تاک، پڑدا دئے اُٹھائیا۔ کرے حِساب بےباق، پِچھلا لیکھ چُکائیا۔ نظری آوے ساکھیات، نِہکلنک جوت رُشنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سچ مِلن دا سچ استھان، بھوُمکا نظر کوئے نہ آئیا۔ جِتھے جھُلے دھرم نِشان، نِشانہ اوَر نہ کوئے وکھائیا۔ سیِتا سُرتی

ملِے رام، رگھُپت دیونہار وڈیائیا۔ ساچی رادھا ملِے کاہن، بنسری نام سُنائیا۔ دُھر دا گوبِند ملِے رام، نانک نِرگُن نوُر جوت رُشنائیا۔ ساچے آسن سِنگھاسن کرے بِسرام، آتم سیجا ڈیرہ لائیا۔ جوتی جوت سروُپ ہرِ، آپ اپنی کِرپا کر، شبد سندیشہ بِن اکھّراں والی چِٹھی دے کے جاوے گُمنام، وِدیا ونڈ نہ کوئے ونڈائیا۔ چیت کہے مَیں ویکھاں اوہ چِتر، جِس نوُں چِترکار نہ کوئے بنائیا۔ اوہ بھگتاں تکّیا نیر نیر مِتر، مِتر پیارا بےپرواہیِا۔ جو اپنی دھاروں آوے نِکل، عرش فرش کھیل کھِلائیا۔ چوٹی چڑھے سِخر، سچ دوارے سوبھا پائیا۔ جِس نوُں آد جُگاد جُگ چؤکڑی بھگتاں سدا فِکر، فِقرہ نام سُنائیا۔ جِس نِہکلنک کل کلکی دا کردے گئے ذِکر، سو ظاہر ظہوُر ویس وٹائیا۔ جو چار ورن اٹھاراں برن کدے نہ ہووے بھٹڑ، بھانڈے کُل دے صاف کرائیا۔ جِس دا نام نِدھانا شبد اگمّا بول مِٹھڑ، کوُڑی وِکھ اندروں دئے کڈھائیا۔ جِس دا دھام استھان ٹِکانا انڈِٹھڑ، گھر گھر بَیٹھا سوبھا پائیا۔ سو بھگتو تُہاڈے نالوں کدے جاوے نہ وچھڑ، وچھڑیاں میل مِلائیا۔ جنم جنم دیِاں بھریِاں گُرمْکھ سکھیِاں چکڑ، پھڑ باہوں گلے لگائیا۔ جگت پیار وِچ کدے نہ جاوے وِسر، بھرم بھرم نہ کوئے بُھلائیا۔ جوتی جوت سروُپ ہرِ، آپ اپنی کِرپا کر، گھر ٹھانڈا دئے وکھائیا۔ جن بھگتو گھر ٹھنڈا ٹھار، ترےَگُن اگن نہ لاگے رائیا۔ نؤ سؤ چُرانوے چؤکڑی جُگ پِچھوں ایہہ بنیا بھگت دوار، دوارکاواسی جِتھے سیِس نِوائیا۔ چل کے آؤن گُروُ اوتار، پَیغمبر ویکھ خوشی منائیا۔ بھگت بھگوان اِک دوُجے دا کرن دیِدار، بِن دیِد عیِد چند رُشنائیا۔ تُوں میرا مَیں تیرا سوہنی دِسے گُفتار، گُفت شنید وجےّ ودھائیا۔ گُرمْکھو پربھ دے سمت دی اَگے ویکھیو رفتار، جو چلے واہو داہیِا۔ کوُڑ کُڑیاریاں کرے خبردار، ڈوری حُکمی تند بندھائیا۔ جیہڑے بھانڈے گھڑے وِشن برہما شِو بن گھُمیار، سو ٹھٹھیار ٹھوکر نال ٹُھکرائیا۔ جِس نوُں لبھدے گئے جُگ چار، سَتجُگ تریتا دواپر کلجُگ اکّھ کُھلائیا۔ سو آ گیا سانجھا یار، جِس دی علی محمد منگ منگائیا۔ حقیِقت دا سردار، حق کرے شنوائیا۔ جِس دا لوک مات کِسے نے بنایا نہیں کوئی مزار، محراباں والی ونڈ نہ کوئے ونڈائیا۔ جِس دی کلا دی لبھے نہ کوئی مِقدار، حد حدوُد نہ کوئے دِرڑائیا۔ اوہ مُریِداں دا بن کے طلبگار، طلب کر کے حُکم سُنائیا۔ بھگتاں دا ہو کے خِدمتگار، خادم بن کے سیو کمائیا۔ گُرمْکھو جِس دا جُگ چؤکڑی کردے رہے انتظار، اوہ مالک مِلیا بےپرواہیِا۔ جِس نوُں مِل کے ہونا نہ پئے خوار، جوُنی جوُن نہ کوئے بھوائیا۔ درگاہ وِچوں دیوے نہ کوئے دُرکار، درے دربار پِچھے نہ کوئے ہٹائیا۔ جِنہاں دا کوٹاں وِچوں تھوڑا شمار،

فِگراں وِچ گنت نہ کوئے گنائیا۔ اوہناں پُرکھ اکال دے دینا اِعتبار، بےاعتباری دئے مِٹائیا۔ ساچا نام دے کے شبد خُمار، غمیِاں وِچوں باہر کرائیا۔ پوُرب جنم دا دے اُدھار، اُدر توں لئے بچائیا۔ قُدرت دا قادر بن کے یار، یارانہ دُھر دا دئے سمجھائیا۔ جن بھگتو رہنا بن کے برخوردار، برخلافی وِچ ملِے سدا سزائیا۔ صدی چؤدھویں آئی ہار، چؤداں طبق رہے کُرلائیا۔ پُرکھ اکالا شبدی کِھچّ کٹار، کٹڑا ویکھے دُنی لوکائیا۔ سب نوُں مارن والا مار، مُردا کرے بےوفائیا۔ کوٹاں وِچوں لبھ کے دو چار، دُراچاراں توں لئے بچائیا۔ ریِتی دسّ وکھّری سنسار، دُھر دا حُکم اِک جنائیا۔ سوہنگ مہاراج شیر سِنگھ وِشنوُں بھگوان بولو جَیکار، شاستر سِمرت وید پُران انجیل قُرآن کھانی بانی پڑھن دی لوڑ رہے نہ رائیا۔ گھر دا مالک سدا پرِتپالک گرِہ مندر ملِے ساچا یار، یارانہ دُھر دا توڑ نِبھائیا۔ جوتی جوت سروُپ ہرِ، آپ اپنی کِرپا کر، بخشنہار اِک سرنائیا۔ چیت کہے مَیں کراں سب نوُں چیتن، چِنتا وِچوں کڈھائیا۔ پرم پُرکھ کرو سچّا ہیتن، ہِتکاری اِکو لَینا بنائیا۔ جو نظری آوے نیت نیتن، نِت نوِت ہووے سہائیا۔ جِس نوُں سمجھے کوئی نہ مُلّا شیخن، شخصیّت توں باہر اپنی دسےّ صِفت صلاحیِا۔ کلجُگ انت وٹا کے ویسن، جن بھگتاں بن کے بھیتن، بھیوَ اندروں دئے سمجھائیا۔ سنت سُہیلے آیا ویکھن، گُرمْکھ گود اُٹھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ چیت کہے سب منّنا اِک گیان، اگیان اندھیرا دینا مِٹائیا۔ جن بھگتو سمت چڑھیا مہان، جگت مستی سب دی دئے گوائیا۔ حَیرانی وِچ ہووے جہان، جوانی سب دی دئے دُہائیا۔ پربھوُ کھیل کرن والا مہان، جِس نوُں لِکھے کوئے قلم نہ شاہیِا۔ اِشارے دیِن والا افغان، آفت کلجُگ دھار نال مِلائیا۔ جگت ریِتی بدلن والا وِدھان، وِدیا وِچوں وِدیا دئے سمجھائیا۔ جھگڑا ویکھنہارا بیابان، کایا اندر منمت منسا نال دئے دُہائیا۔ ساچا حُکم کرے نہ کوئی پروان، پروانہ بن کے اپنا آپ نہ کوئے جلائیا۔ گُر اوتاراں پَیغمبراں توں لےَ کے کمان، دُھر دا حُکم اِک سُنائیا۔ کلجُگ انت پرگٹ ہو سِری بھگوان، کل کلکی ناؤں جنائیا۔ جِس دا دِسے نہ کوئے نِشان، نِشانے دُھر دے رہیا لگائیا۔ سو شبدی دھار آیا مَیدان، مدد اوَر نہ منگ منگائیا۔ سنت سُہیلے ویکھے آن، گُرمْکھ گود اُٹھائیا۔ آتم پرماتم مِلنا دسّ آسان، مُشکل اگلا پندھ مُکائیا۔ پریم پریِتی کر پروان، پروانے دُھر دے ہتّھ پھڑائیا۔ جن بھگتو تُہاڈا مارگ سچ جہان، جہالت کوُڑی باہر کڈھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، بھاگ سب دا جھولی پائیا۔ بھاگ

کہے پربھ دے دے پِچھلی ونڈ، بِن رسنا منگ منگائیا۔ جن بھگتاں آتم گنڈھ، اَگے نہ ہوئے جُدائیا۔ سانتک سَت دے ٹھنڈ، اگنی تت نہ کوئے تپائیا۔ سُرت سوانی نہ ہووے رنڈ، کنت سُہاگی لَینا پرنائیا۔ ساچا سُناؤنا چھند، سوہنگ ڈھولا اِک دِرڑائیا۔ آد جُگادی دُھر دی منگ، مانگت ہو کے جھولی ڈاہیِا۔ تیرے نام دا وجےّ مردنگ، دُھن آتمک راگ سُنائیا۔ رس امرت دھارا وہے گنگ، گنگا گوداوری جمنا سُرستی توں پلّوُ دینا چُھڈائیا۔ نوَ نؤ چار چؤکڑی گئی لنگھ، کلجُگ ویلا انتم آئیا۔ آتم سیج سُہا پلنگ، گھر ساجن سوبھا پائیا۔ تیرا سُناں اگمّا مردنگ، تند ستار نہ کوئے ہِلائیا۔ دوَیتی ڈھاہ دے اندروں کندھ، کندھے اُتے چُک کے پار لنگھائیا۔ تُوں دیِن دَیال سدا بخشند، رحمت تیری بےپرواہیِا۔ پُری انند دا دے اوہ انند، جِس انند وِچ رہیا سمائیا۔ جن بھگت مِلاؤنا تیرا وکھّرا ڈھنگ، طریقہ ہتّھ کِسے نہ آئیا۔ کھیلیں کھیل وِچ برہمنڈ، وربھنڈ حُکم ورتائیا۔ جن بھگت سُہیلے اِکو منگ رہے منگ، دوُجی اوٹ نہ کوئے تکائیا۔ کِرپا کر سوُرے سربنگ، ہرِ تیری سچ سرنائیا۔ کوئی رہے نہ بھاگاں مند، تقدیِر دینی بدلائیا۔ خوشی کر کے بند بند، بندگی اِکو دینی سمجھائیا۔ کلجُگ انت اَخیِری رہیا ہنڈھ، ہونی انت جُدائیا۔ سَتجُگ مِل کے پَوے ٹھنڈ، اگنی تت نہ لاگے رائیا۔ سَت سَتوادی دینی اِک سُگندھ، دُرگندھی باہر کڈھائیا۔ پُرکھ اکال تیرے نام دے ہوئیے پابند، گُرمْکھ سارے خوشی منائیا۔ ہے پربھوُ تیرا پیار نہیں کوئی کاچی ونگ، جو ہتّھاں باہاں نالوں سکے تُڑائیا۔ چیت کہے مَیں حَیران ہویا دنگ، دنگا دِسے سرب لوکائیا۔ ابناشی کرتے کِہا میرا حُکم کوٹن کوٹ برہمنڈ، وربھنڈ سکے نہ کوئے اُلٹائیا۔ سمت شہنشاہی دو وِچ جھگڑیاں والا جھگڑے وِچ لگے جنگ، جگہ بجگہ وِچ سمجھ کِسے نہ آئیا۔