۲۱ چیت شہنشاہی سمت ۲ مکھّن سِنگھ دے گرِہ پِنڈ باؤپُر ضِلع گُرداسپُر
سِری بھگوان کہے مَیں اپنی دُنیا تکّی، لکّھ چؤراسی جیِو جنت ویکھ وکھائیا۔ من واسنا جگت کِریا وِچ ہوئی شکّی، گُر اوتار پَیغمبراں حُکم گئی بُھلائیا۔ آتم پرماتم پریِت نہ ویکھی حقی، حقیِقت وِچوں حق کیِتی جُدائیا۔ چار کُنٹ دہِ دِشا نَٹھ نَٹھ تھکی، جگت مایا بھّجی واہو داہیِا۔ نِج نیتر گیان کُھلی کِسے نہ اکّھی، اکّھیاں والے اندھے نظری آئیا۔ امرت دھار نِجھر بوُند سوانت کِسے نہ چکّھی، چسکا رسنا پیا لوکائیا۔ پرم پُرکھ پرماتم پرمیشور مِلیا نہ کملاپتی، پتت اُدھارن نظر کوئے نہ پائیا۔ گھر گھر اندر بُجھی ویکھی بتّی، سَت جوت نہ کوئے رُشنائیا۔ بِن ہرنامے خالی ہوئی ساڈھے تِنّ ہتّھ ہٹّی، من ہٹوانا پوُنجی بَیٹھا لُٹائیا۔ صدی چؤدھویں سارے بھرن والے چٹّی، چوٹ پروردِگار اِک لگائیا۔ نام پدارتھ ملِے کوئے نہ رتی، رتن امولک ہیرے ماٹی خاک مِل کے اپنی پت گئے گوائیا۔ سَت سنتوکھ دھیِرج وِچ نظر نہ آوے کوئے جتی، سَت وِچ سَتی نہ کوئے سمائیا۔ سِری بھگوان کہے میری خاطر مایا کردے اِکٹّھی، بھٹھی کوُڑی اگن تپائیا۔ صِفتاں دی پڑھدے پٹّی، پٹنے والے نالوں ہوئی جُدائیا۔ جِس نے لیکھ لیکھنی بِن قلم شاہی لِکھی، عبارت وِچ نہ کوئے پڑھائیا۔ جِس دی چار ورن توں باہر پریم دھار دی سِکھی، سخاوت وِچ چرن پریِتی جھولی پائیا۔ دھار اگمّی دسّ انڈِٹھی، بِن نیتر کرے رُشنائیا۔ جِس نوُں سمجھے کوئے نہ وار تھِتی، جُگ چؤکڑی دین دُہائیا۔ اوس پربھوُ دی بھگت اُدھارن دی ساچی متی، مِتر پیارا ہو کے نظری آئیا۔ جِس نے منزل وڈّیوں کیِتی نِکّی، نِکّیاں توں وڈّے دئے بنائیا۔ کھیل جانے جیِو جی کی، لکّھ چؤراسی ویکھ وکھائیا۔ جوتی جوت سروُپ ہرِ، آپ اپنی کِرپا کر، مِہروان بےپرواہیِا۔ سِری بھگوان کہے مَیں اپنا ویکھیا لوک مات، چار کُنٹ دہِ دِشا پھول پھولائیا۔ چار کُنٹ دہِ دِشا دِسی اندھیری رات، گیان گُروُ چند نہ کوئے چمکائیا۔ سچ بھنڈارا نظر نہ آئے اگمّی سوغات، جو
صاحب سَتگُر آپ ورتائیا۔ آتم پرماتم جُڑیا نہ ویکھیا نات، ناتواں ہوئی لوکائیا۔ صِفتاں والی گاؤندے گاتھ، آتم پرماتم وجےّ نہ کوئے ودھائیا۔ پِچھلیاں کتھا کہانیاں کردے یاد، سنمُکھ ہو کے درس کوئے نہ پائیا۔ ساڈھے تِنّ ہتّھ کایا کھیڑا، مانَو ویکھیا برباد، منُش ہو کے سوبھا وِچ نہ کوئے سُہائیا۔ جنم کرم وِچوں کرے نہ کوئے آزاد، آزادی حق نہ کوئے دوائیا۔ لیکھا مُکیا نہ وُضوُ وِچ نماز، سجدیاں وِچ سِر نہ کوئے جھُکائیا۔ سچکھنڈ دوارے وسیا تکّیا نہ کوئے آباد، عبادت وِچ لگّی سرب لوکائیا۔ سِری بھگوان مِہروان محبوُب مالک خالق گرِہ مندر اندر سُنے نہ کوئے فریاد، دُکھیاں درد نہ کوئے مِٹائیا۔ االلہ رام واہِگُروُ کہہ کہہ گاڈ، بَیٹھے سیِس نِوائیا۔ سچ دوارے کرے نہ کِسے لاڈ، گودی گود نہ کوئے اُٹھائیا۔ دیِن دُنی دا لگّا داغ، دُرمت مَیل نہ کوئے دھوائیا۔ دِیپک جوت نہ جگے چِراغ، گرِہ مندر نہ کوئے رُشنائیا۔ جِس نے رچنا رچی آد، سو بُھلیا بےپرواہیِا۔ رسنا جِہوا دا لیَندے سواد، نِج رس نہ کوئے چکھائیا۔ کنّاں نال سُندے آواز، دُھن آتمک راگ نہ کوئے الائیا۔ جگت نیِندر وِچوں جان جاگ، مایا پڑدا نہ کوئے اُٹھائیا۔ وِدیا نال وڈّا ہویا دِماغ، وَیراگ اندر نہ کوئے جنائیا۔ ہرِ کنت کِسے نہ پایا سُہاگ، سؤہرے پئیے سارے رہے ہنڈھائیا۔ سِری بھگوان کہے مَیں ویکھیا جگت وِواد، گُر اوتار پَیغمبر سکیا نہ کوئے مِٹائیا۔ سچ پریم دا اُجڑیا ہویا باغ، پتّ ٹہنی کلی مُرجھائیا۔ ایسے کارن کلجُگ انت سِری بھگوَنت ویکھن آیا آپ، نِرگُن ہو کے ویس وٹائیا۔ جن بھگتاں کھول کے اندر تاک، پڑدا رہیا اُٹھائیا۔ شبد سُنیہڑا دے کے صاف، دُھر حُکم کرے شنوائیا۔ پوُرب جنم دا کرم کیِتا معاف، مُستقِل ناتا اِکو لیا بندھائیا۔ اندر باہر رہے کوئی نہ ناپاک، دُرمت مَیل دھوائیا۔ تُوں میرا مَیں تیرا دسّ کے جاپ، سوہنگ سچ کری پڑھائیا۔ پُرکھ اکال میل کے باپ، گودی دُھر دی لیا ٹِکائیا۔ جو گُر اوتار پَیغمبر گئے آکھ، آخر اوہو رہیا بُھگتائیا۔ لیکھا جانے بھوِکھت واک، واقعہ اپنا دئے سمجھائیا۔ سنت سُہیلے کر کے داس، در دروازہ اِک کُھلائیا۔ جِتھے وجےّ اگمّی ناد، شبد دُھن شنوائیا۔ جوتی جوت سروُپ ہرِ، آپ اپنی کِرپا کر، دیونہارا وڈ وڈیائیا۔ سِری بھگوان کہے مَیں ویکھیا لوک مات جگ، چار کُنٹ دہِ دِشا پھیرا پائیا۔ گھٹ گھٹ اندر لگّی اگّ، ترِشنا جگت نہ کوئے بُجھائیا۔ کوُڑی کِریا پار کرے نہ کوئے حد، حدوُد پڑدا نہ کوئے اُٹھائیا۔ گھر سوامی سجّن لئے کوئی نہ سدّ، پُرکھ اکال مِلن کِسے نہ آئیا۔ من واسنا جگت ترِشنا رہے نَٹھ، بھجّن واہو داہیِا۔ ساچا کرے کوئی نہ ہٹّھ، ہِردے ہرِ نہ کوئے وسائیا۔ لبھدے تیِرتھ تٹ، گنگا گوداوری جمنا سُرستی کھوج کھوجائیا۔ نظر آئے نہ
کملاپت، پت پرمیشور بےپرواہیِا۔ سِری بھگوان کہے مَیں دُنیا کر کے وسّ، واسنا وِچ جگت کیِتی ہلکائیا۔ موہ ممتا وِچ گئے پھس، فرمانبردار نظر کوئے نہ آئیا۔ کوٹاں وِچوں سنت سُہیلے گُرمْکھ تھوڑے لئے رکھ، جِنہاں دے اندر وڑ کے لیا اُٹھائیا۔ بِن اکّھاں توں کھول کے اکّھ، آخر منزل دِتا چڑھائیا۔ نعرہ جَیکارا بول کے حق، حقیِقت پڑدا دِتا اُٹھائیا۔ پریم پیار دا دے کے رس، رستہ اِکو دِتا جنائیا۔ آتم پرماتم کر کے وسّ، وصل اپنا دِتا وکھائیا۔ ابناشی کرتا رکھنہارا پت، پت پرمیشور بےپرواہیِا۔ جو بھگتاں کارن آیا وت، بےوطن ہو کے گُرمْکھ وطن رہیا سُہائیا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی سرب کلا سمرتھ، دُھر دا لیکھا دئے چُکائیا۔ سِری بھگوان کہے مَیں ویکھے بھگت، جو بَیٹھے دھیان لگائیا۔ ناتا توڑ کے کوُڑا جگت، جاگرت جوت کری رُشنائیا۔ اِکو نام چیتن فقط، فِقرے سارے گئے بُھلائیا۔ اُہناں دا مِلن دا آوے وقت، وار تھِت دئے گواہیِا۔ جِنہاں دے اندر دینی شکت، شخصیّت دینی بدلائیا۔ پیار وِچ ہون نہ دینا فرق، فِرقےداری دینی کھپائیا۔ دینی وڈیائی اُپر دھرت، دھرنی دھوَل وجےّ ودھائیا۔ بھگت اُدھارنا بھگتاں نال پربھ دی شرط، شرع وِچوں باہر کڈھائیا۔ جو نِرگُن دھار ہو کے آیا پرت، پت پرمیشور بےپرواہیِا۔ اوہ عرش وِچ لےَ کے جائے اُتوں فرش، فَیصلہ حق حق سُنائیا۔ جودھا سوُربیِر مردانہ بن کے مرد، جن بھگتاں مدد کرے چائیں چائنیا۔ اجل چُھری کوہے کوئے نہ کرد، قتل گاہ ونڈ نہ کوئے ونڈائیا۔ ابناشی کرتا آتم دا بنے ہمدرد، دیِناں اناتھاں دَیا کمائیا۔ سچ بینتی سُن کے عرض، آرزوُ اپنے وِچ سمائیا۔ کلجُگ انتم پوُرا کرے فرض، پُرکھ اکال ہوئے سہائیا۔ جن بھگتو تُہاڈے نال مِلن دی پربھ نوُں بہُتی غرض، پریم دی خاطر چاترک ہو کے چلِتر اں وِچ بِلپ رہیا کرائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِرگُن دھار سب دی جانے بِن اکھّراں والی فرد، نِت نوِت لیکھا لیکھے وِچوں باہر کڈھائیا۔
دلیِپ کہے مَیں حاضر ہویا، حضوُری وِچ خوشی منائیا۔ گُرمْکھو مَینوُں کوئی نہ جانیؤ مویا، مُردیاں والی ونڈ نہ کوئے ونڈائیا۔ مَیں اوس دی گودی سویا، جِتھوں سُتّیاں نہ کوئے اُٹھائیا۔ جیہڑا میرے مرن اُتے نہیں روَیا، مَیں دیون آیا ودھائیا۔ مَیں ابناشی کرتے دا
روُپ ہویا، جوتی جوت وِچ سمائیا۔ مَیں پرکاش تکاّں اُپر ترَیلوآ، برہمنڈاں کھنڈاں چرناں ہیٹھ چُھپائیا۔ مَیں آد جُگاد جُگ چؤکڑی سدا نَواں نروئیا، جوبنونتا سوبھا پائیا۔ مَیں اوس پرم پُرکھ دا ہویا، جِس دا ہوکا دیوے لوکائیا۔ ماتا پِتا نے لال نہیں کھویا، جِس دی وست اوسے ہتّھ پھڑائیا۔ مَیں سندیشے وِچ لےَ کے آیا ڈھوآ، دُھر دا حُکم اِک جنائیا۔ جن بھگتو تُہاڈے پریم پیار دی مُحبّت مَینوُں موہیا، مِل کے خوشی وکھائیا۔ ابناشی کرتے ورگا اوَر نہ کوآ، کوُک کوُک دیاں سُنائیا۔ جِسنے امرت رس نِجھر دھاروں چویا، سانتک سَت دِتا کرائیا۔ میرے کولوں کُچھ نہیں لکویا، سب کُچھ بِن اکّھاں دِتا وکھائیا۔ مَینوُں اوس دھار وِچ پروئیا، جِتھے بھگت سُہیلے بَیٹھے ڈیرے لائیا۔ مَیں اوسے دا روُپ تے اوسے دا ہویا، اوَر نہ کوئے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دلیِپ کہے مَیں کہن آیا دھنّ دھنّ، دھنّ دھنّ تیری وڈیائیا۔ جِس پریم دھار اندر کہنا لیا منّ، آسا منسا ویکھ وکھائیا۔ بھگت سُہیلے چاڑھ کے ساچے چنّ، لوک مات کیِتی رُشنائیا۔ نام سندیشہ سُنا کے اگمّی کنّ، پڑدا دِتا اُٹھائیا۔ ساچے سنتاں نیتر نیَن رہیا نہ انّھ، ہوئی سچ رُشنائیا۔ اُہناں اَگے بینتی کراں سب نے لیَنی منّ، ممتا وِچ سُنائیا۔ جن بھگتو پِچھلا سانبھ کے رکھّیا تُساں کھادھا اجّ انّ، انند وِچ ڈھولے لَینے گائیا۔ مالک ہو کے بیڑا جاوے بنّھ، بندیاں دے بندیخانے دئے تُڑائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، لیکھے لائے آتم تن، پرماتم ہو کے اپنے وِچ مِلائیا۔
۲۲ چیت شہنشاہی سمت ۲ گنڈھا سِنگھ دے گرِہ بابوُپُر ضِلع گُرداسپُر
تن ماٹی خاکی جگت ساک، لوک مات رہن نہ پائیندا۔ آتم پرماتم دُھر دا ساتھ، ابناشی کرتا آپ بنائیندا۔ جن بھگتاں مانَس جنم کر کے راس، رستہ دُھر دا اِک جنائیندا۔ انت اَخیِری لیکھے لا کے سواس، ساہ ساہ اپنا رنگ رنگائیندا۔ نِرگُن وست لےَ کے جائے اپنے پاس، سرگُن اپنی بھیٹ جنائیندا۔ میلا کر دُھر پرکاش، پِچھلا پندھ مُکائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن اپنے وِچ چُھپائیندا۔ تن ماٹی خاکی جگت میِت، پرماتم آتم مِتر اِک اکھوائیا۔ جو آد جُگاد جُگ چؤکڑی
جن بھگتاں کردا رہے اُڈیِک، نِت نوِت دھیان لگائیا۔ سو کلجُگ انت گُرمْکھاں کرن آیا تصدیِق، شہادت شبدی نال بُھگتائیا۔ اپنے ہتّھ رکھّ تؤفیِق، توحفے دیوے تھاؤں تھائنیا۔ جنم کرم دی میٹ کے لیِک، پوُرب لہنا دئے چُکائیا۔ منسا آسا پوُری کر اُمید، مِہر نظر نال پار کرائیا۔ جوتی جوت سروُپ ہرِ، آپ اپنی کِرپا کر، ہرجن وکھائے اپنا گھر، جِس گرِہ دا مالک اِکو نظری آئیا۔ تن ماٹی خاکی کوُڑا رِشتہ خاک، خالص رنگ نہ کوئے رنگائیندا۔ بِن سَتگر پوُرے کرے نہ کوئے صاف، دُرمت مَیل نہ کوئے دھوائیند ا۔ روُح بُت نہ ہووے پاک، پتت پُنیِت نہ روُپ بدلائیندا۔ جن بھگت سُہیلے کر کے اپنے داس، سِر اپنا ہتّھ ٹِکائیندا۔ نِج آتم کر کے واس، وِشوَ اپنی دھار سمجھائیندا۔ سد رکھنہارا پاس، پاسا زِمیں اسمان اُلٹائیندا۔ میلا کر جوت پرکاش، پرکِرتی بندھن آپ تُڑائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، مانَس جنم کرے رہراس، رِشتہ آتم پرماتم آپ رکھائیندا۔
۲۲ چیت شہنشاہی سمت ۲ درشن کؤر دے گرِہ بابوُپُر ضِلع گُرداسپُر
جن بھگت نام نِدھانا گاؤنا دُھر دا منگل، سَتجُگ کیِتی سچ پڑھائیا۔ کوُڑی شرع دا توڑ کے سنگل، سنگ رہن بےپرواہیِا۔ پِھرنا پئے نہ اُجاڑ جنگل، جوُہاں وِچ نہ کوئے بھوائیا۔ مستک ٹِکا لاؤنا پئے نہ چندن، سندھوُر قصوُر نہ معاف کرائیا۔ ممتا من رہے نہ گندھل، اگیان اندھیر چُکائیا۔ چرن پریِتی کرنی دُھر دی بندن، بندگی اِک دِرڑائیا۔ دوُجے در نہ جانا منگن، مانگت ہو کے جھولی ڈاہیِا۔ ابناشی کرتا چاڑھنہارا اپنی رنگن، رنگ رنگیِلا دَیا کمائیا۔ سچ دوارے دے کے دُھر دا انندن، انند آتم وِچوں پرگٹائیا۔ لکّھ چؤراسی وِچوں آیا کڈھن، دُھر دا کٹڑا اپنا دئے سمجھائیا۔ شبد سندیشے وِچ آیا سدّن، سدّا دیوے نام خُدائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگت تیرا لیکھا رہن نہ دیوے جگ، جگہ جگہ ویکھ وکھائیا۔ کوُڑی ترِشنا میٹ
کے اگّ، اگلا پڑدا دئے اُٹھائیا۔ سچ دوارے دا بخش کے حج، حاجت پوُری آپ کرائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، کرے کھیل پُرکھ سمرتھ، سماں سمجھ وِچوں بدلائیا۔
۲۲ چیت شہنشاہی سمت ۲ دلیِپ سِنگھ دے گرِہ پِنڈ بابوُپُر ضِلع گُرداسپُر
ہرِ داتا آد جُگاد، جُگ چؤکڑی دیونہار اکھوائیندا۔ نام پدارتھ شبد بھنڈارا دیوے داد، وست امولک جھولی پائیندا۔ گُرمْکھ گُرسِکھ سنت سُہیلے بنائے اپنے سادھ، سادھنا دُھر دی اِک وکھائیندا۔ دُھر دی پریِتی دسےّ اگمّی یاد، آتم پرماتم میل مِلائیندا۔ اُجڑے کھیڑے کر آباد، رُت سُہنجنی نال سُہائیندا۔ جن بھگتاں کر واس، نِواس استھان اِک وڈیائیندا۔ گھر ساچے کر پرکاش، اندھ اگیان چُکائیندا۔ سوامی ہو کے وسے پاس، انترجامی ہو کے پڑدا لاہِندا۔ جُگ چؤکڑی چلی آئی گاتھ، سَتجُگ اپنا بھیو کُھلائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ سَتجُگ کہے ایہہ پِچھلی پُرانی بستی، بستیاں گرنتھاں وِچوں ہتّھ کِسے نہ آئیا۔ راجے بل دے نال سی وسدی، سوہنا اپنا رنگ وکھائیا۔ ایتھے کُٹیا سی رام جس دی، جو پنڈت ویتا ویداں دا اکھوائیا۔ اُس دی رمز سی اندرلی اکّھ دی، بِن اکّھاں راہ تکائیا۔ گاتھا دُھر دی سچ دی، سچ سچ سمجھائیا۔ دھرنی خوشیاں نال ہسدی، ڈھولیاں وِچ الائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ دھرنی کہے ایتھے رام جس پربھ دا بھگت، سَتجُگ پِچھلا رہیا جنائیا۔ جِس دی بل نال سی شرط، بلخ جا جا گیا سُنائیا۔ مَینوُں ایں دِسدا پُرکھ اکال کلجُگ آؤنا ایتھے پرت، نِرگُن ہو کے پھیرا پائیا۔ سوہنی ہونی دھرت، کلجُگ کنڈیاں وِچوں گُرمْکھ لئے پرگٹائیا۔ مالک بن کے عرش، فرش دئے وڈیائیا۔ گُرمْکھاں میٹے حرص، سنسا روگ گوائیا۔ نِمانیاں کرے ترس، رحمت نال ترائیا۔ امرت دیوے برس، بوُند سوانت چوائیا۔ پِچھلی یاد کرے پڑھت، لِکھت اگلی دئے بنائیا۔ سوہنا شہنشاہی ہووے برس، سمت سمتی نال وڈیائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے چُکائیا۔ بستی کہے میرے وِچ پِچھے وسے تھوڑے لوک، اِک سؤ اُنّتی نظری آئیا۔ اِک دا اِکو گاؤندے سلوک، دو دا دوُآ گئے مِٹائیا۔ نؤ در توں باہر مانن مؤج، مجلس کر کے بےپرواہیِا۔ درشن کر کے روز، خوشیاں جھٹ لنگھائیا۔ چُگدے
رہے چوگ، نام امولک رسنا لائیا۔ کٹدے رہے وِجوگ، سنجوگی جوڑ جُڑائیا۔ کردے رہے بھوگ، آتم سیج ہنڈھائیا۔ پیَنڈا مُکاؤندے رہے لوک پرلوک، پندھ وِچ نہ کوئے اٹکائیا۔ سوہنگ ڈھولا گاؤندے رہے سلوک، جو رام جس دِتا سمجھائیا۔ پُرکھ اکال دی رکھدے اوٹ، اوڑک مِل کے وِچ سمائیا۔ جو آد جُگادی نِرمل جوت، جوتی جاتا اِک اکھوائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سرب سوامی ویکھ وکھائیا۔
۲۲ چیت شہنشاہی سمت ۲ بلاکا سِنگھ، آسا سِنگھ دے گرِہ پِنڈ بابوُپُر ضِلع گُرداسپُر
دھرنی کہے میرے وسدا سی کھیڑا، سَتجُگ پِچھلا رہیا جنائیا۔ سَت سَتوادی رام جس دا سی ڈیرہ، باوَن باوَن کرم ونڈ ونڈائیا۔ جِس دے اندر ڈھولا گاؤندا سی تُوں میرا مَیں تیرا، دوُجی آواز نہ کوئے سُنائیا۔ بائی چیت نوُں پِچھے ہویا اندھیرا، بادل گھنگھور رہے کُرلائیا۔ من وِچ اُلٹا آیا گیڑا، منوُآ لیا بھوائیا۔ جِناں چِر صاحب گھر آ ملِے نہ میرا، مِتر ہو کے میِت بنائیا۔ نظر نہ آئے نیرن نیڑا، دوُر دُراڈا پندھ چُکائیا۔ جگت موہ نہ مِٹائے جھیڑا، جھگڑا اندروں باہر کڈھائیا۔ چار کُنٹ نہ پائے گھیرا، شاہ سوارا ہو کے سیو کمائیا۔ مِہروان ہو کے کرے نہ مِہرا، مِہر نظر نال ترائیا۔ اوناں چِر سُہنجنا دِسے نہ میرا ڈیرہ، جے ڈیری لا کے آوے دُھر دا ماہیِا۔ جوتی جوت سروُپ ہرِ، آپ اپنی کِرپا کر، اپنا رنگ دئے رنگائیا۔ اندھیری رات رام جس دے پَیر ہیٹھاں آ گئی کیِڑی، اندروں دِتی حال دُہائیا۔ مَیں درد نال گئی پیِڑی، پیِڑ اندروں نہ کوئے کڈھائیا۔ میری زِندگی دی منزل انت اَخیِر، منزل مِلی نہ بےپرواہیِا۔ ہوئی مات دِلگیِری، رو رو رہی سُنائیا۔ دھیِرج ملِے نہ کوئے دھیِری، دھرواس رہیا نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا درسائیا۔ کیِڑی کہے جِس ویلے مَینوُں پَیر نال دِتا دبّ، اڈّی چُک کے پنجے اُتے بھار لیا ٹِکائیا۔ میرے اندروں نِکلیاں ہائے ربّ، بہُڑی بہُڑی کر کے دِتا سُنائیا۔ رام جس نوُں سُرتی آئی جھبّ، چاروں کُنٹ ویکھے اکّھ اُٹھائیا۔ مَیں تھلّیوں کِہا مَینوُں مِٹّی وِچوں لےَ لبھ، جِس دا تن وجوُد دِتا گوائیا۔ اوس اندھیرے وِچ ماریا ہتّھ، خاک وِچ پِھرائیا۔ مَیں اَگوں بولی ہسّ، مسخری وِچ سُنائیا۔ رام جس جے تُوں پربھ دا گاؤندا جس، کِیوں نہیں تیری اندروں کُھلی اکّھ، نِکیاں نوُں ویکھ
خوشی منائیا۔ پربھ مِلن توں بِنا کھیڑا دِسے بھٹھ، ساڈھے تِنّ ہتّھ ماٹی چار گُناں دی چؤگُنی کمّ کِسے نہ آئیا۔ اوس نے ایدھر اودھر تکّیا جھٹ، اندر جھٹکا وجّا سہج سُبھائیا۔ انالے تیِر نال کِسے نے دِتا پھٹّ، گھاؤ اِکو دِتا وکھائیا۔ مُنہ دے بھار گیا ڈھٹّھ، نیتر نیَناں نیِر وہائیا۔ دوویں مارے ہتّھ، خاک رہیا اُڈائیا۔ کیِڑی کِہا جے پربھ نوُں مِلیوں سچ، مَینوُں اوس دی سوُچنا دے سمجھائیا۔ کی ہویا تیرے وس، کہ بَیٹھا کر جُدائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، پوُرب لیکھا لیکھے وِچوں کڈھائیا۔
۲۲ چیت شہنشاہی سمت ۲ پیارا سِنگھ دے گرِہ بابوُ پُر ضِلع گُرداس پُر
کیِڑی کہے میرا صبر، سنتوکھ وِچ جنائیا۔ میرا بہُتا وڈّا ٹبّر، انِگنت بھَین بھائیا۔ جِنہاں نوُں مِلن دی میری رہ گئی سدّھر، دھیان وِچ دھیان رکھائیا۔ مَیں روندی کِیوں آ گئی اِدھر، اپنا رُخ بدلائیا۔ دردی نہیں کوئی جِدھر، دُکھیاں دُکھ ونڈائیا۔ مَینوُں بہُتا لگّا فِکر، اندروں رہی کُرلائیا۔ مَیں پھس گئی کِس چکڑ، باہر نہ کوئے کڈھائیا۔ کِس بِدھ جاواں نِکل، بھجّاں واہو داہیِا۔ کوئی دُھر دا مِل جائے مِتر، پلّوُ لئے چُھڈائیا۔ مَیں اوس دا کراں ذِکر، جو ظاہر ظہوُر ہووے سہائیا۔ چوٹی چاڑھے سِخر، سِکھیا اِک سُنائیا۔ دُھر دے پریم دا لاوے عِشق، حقیِقت وِچ وڈیائیا۔ اؤکھی ویلے نہ جاوے کھِسک، ہووے دُھر دا ماہیِا۔ رام جس تیرے ورگا جے اوس دا وی ہووے جھوُٹھا تِلک، مَیں جاواں مُکھ بھوائیا۔ رام جس کِہا میرا وی ایہو اِشٹ، جو سب دا پِتا مائیا۔ میری کُھلی اندروں درِشٹ، جِس دِشا دِتی بدلائیا۔ جِس دا لیکھا نہیں وِچ ٹانک جِست، اِک دو نہ کوئے وکھائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ کیِڑی کِہا کُھلی درِشٹ ویکھیا کی، مَینوُں دے سمجھائیا۔ مَیں وی نِکاّ جِہا اوس دا جی، جو تیرے پَیراں ہیٹھ آ کے دیاں دُہائیا۔ اُس دی شہادت دے تشبیہ، تمہید نال دِرڑائیا۔ کی دھار جلوہ نوُر ربّی، رحمت وِچ سمائیا۔ کوئی کرنا نہیں اجّ پجّی، بھرم نہ کوئے رکھائیا۔ مَیں اوسے دے پریم اندر بدھّی، ویاکُل ہو کے دیاں دُہائیا۔ حُکمے اندر آ گئی سدّی، گلی کوُچے پِھراں چائیں چائنیا۔ میری تار سِتار اوسے نال وجّی، جو ہر گھٹ رہیا سمائیا۔ پر مَینوُں مِلدا کدی کدی، قدیِم دا مالک قدم
پُٹ کے چرن میرے نال چُھہائیا۔ مَیں اوسے دی دھار وِچ بدھّی، بندنا کہہ کے خوشی منائیا۔ جِس دے کول پنڈتاں پاندھیاں والی نہیں کوئی گدّی، متھے سندھوُر نہ کوئے چُھہائیا۔ اِکو جوت اگمّی جگی، نِرگُن نوُر ہووے رُشنائیا۔ مَیں اوس نوُں رہی لبھی، جو مالک بےپرواہیِا۔ رام جس کِہا کلجُگ انت جِس ویلے بیِتن والی ہوئی چؤدھویں صدی، صدمہ ہووے سرب لوکائیا۔ اوس ویلے نِرگُن دھار آوے اوہ ربّی، جو رحمتاں وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا کیِڑی کِہا چؤدھویں صدی دا کی لگّے پتہ، مَینوُں دے سمجھائیا۔ ہُن میل مِلا دے رتا، رنگ رتڑی دے بنائیا۔ میرا اندر رہے نہ تتّا، اگنی اگّ گوائیا۔ تیرے پَیر تھلّے آ کے میری ہوئی ہّتا، ہتّیا وِچ دیاں دُہائیا۔ مَیں اوس دی ویکھنی سَتا، جو سَت سَتوادی بےپرواہیِا۔ درس کرنا نال اکّھاں، آخر راہ تکائیا۔ مَیں سڑنا نہیں وِچ ککھّاں، اگنی بھیٹ نہ کوئے بنائیا۔ مَیں انتر دھار دسّاں، رو رو کُرلائیا۔ مَیں بِنا پربھوُ دے چرن ہور کِتے نہ وساں، واسطہ اوَر نہ کوئے رکھائیا۔ اِکو پریم پیار دا رس چکھّاں، ترِشنا بُھکھ رہے نہ رائیا۔ چرن کوَلاں ڈھٹّھاں، نِیوں نِیوں لاگاں پائیا۔ ساچا لاہا کھٹّاں، جھولی لَواں بھرائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دیِاں متاں، متیاں وِچوں باہر کڈھائیا۔
۲۲ چیت شہنشاہی سمت ۲ رویل کؤر دے گرِہ پِنڈ بابوُپُر ضِلع گُرداس پُر
کیِڑی کہے جِس ویلے میرے اُتے پایا بھار، بھاوی سِر تے نظری آئیا۔ مَیں روئی دھاہاں مار، اُچی کوُک کوُک سُنائیا۔ اِکٹّھے ہو گئے دو چار، بہُتیاں رؤلا دِتا پائیا۔ مَیں ویکھ کے ایہہ حال، اپنی حالت لئی بدلائیا۔ میرا انت پہنچیا کال، اپنا گراس لئے بنائیا۔ مَیں ہو کے انتر دھیان، دھیان لیا لگائیا۔ ہے میرے بھگوان، پربھوُ بےپرواہیِا۔ سہائتا کر آن، رَچھک شہنشاہیِا۔ میری کر کلیان، کائنات وِچوں باہر کڈھائیا۔ ہویا دُھر فرمان، شبد سندیشہ اِک سُنائیا۔ گاؤنا دُھر دا گان، سوہنگ ڈھولا دِتا پڑھائیا۔ ملِے مِہروان، محبوُب نظری آئیا۔ تیرا لیکھا چُکے وِچ جہان، جنم مرن دا گیڑ دئے مُکائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ کیِڑی کہے میرے اُتے آیا بوجھ، بوجھل ہو کے دِتی دُہائیا۔ میری رہی نہ کوئی سوچ، سمجھ دِتی گوائیا۔ اِکو
درس تکاّں نیتر لوچ، لوچن لئے اُٹھائیا۔ اندروں گا کے سچ سلوک، سوہلا لیا گائیا۔ ملِے اوس دی مؤج، جو مجلس بھگتاں سنگ رکھائیا۔ جو ہتّھ نہ آوے چؤداں لوک، چؤداں طبق دین دُہائیا۔ جِس دا نام نِدھانا اِک سلوک، دُھر دا اکھّر دئے دِرڑائیا۔ نِت درشن دیوے روز، نیتر گیان اکّھ کُھلائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ چیؤنٹی کہے مَیں تھوڑا جیہا کر لیا چلِتر ، پُٹھی ہو کے دِتی دُہائیا۔ کوئی مِلاوے میرا مِتر، پریِتم شہنشاہیِا۔ جو نِرگُن دھاروں آوے نِکل، جوتی جاتا روُپ بدلائیا۔ منزل چڑھ کے ویکھاں سِخر، سِکھیا اِکو دئے سُنائیا۔ اگلا رہے کوئی نہ فِکر، فاقیاں وِچوں باہر کڈھائیا۔ آد جُگاد نہ جائے وچھڑ، وِچھوڑا پندھ مُکائیا۔ گل لاوے بھری چکڑ، اوگُن گُن وِچ بدلائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ چیؤنٹی کہے مَیں پرت کے ہو گئی اُلٹی، اپنا آپ بدلائیا۔ بھگت بھگوان دی ویکھنی کُشتی، بَل زور نال مِلائیا۔ جِس دی کرے نہ کوئے درُستی، اَگے ہو نہ کوئے سمجھائیا۔ جو کھیل کرے پُشت در پُشتی، پوشاک کایا چولا بدلائیا۔ اندر آوے کدے نہ سُستی، نِندرا آلس نہ کوئے رکھائیا۔ منزل ویکھنی اوس دی، جِس دی اُستت شاستر سِمرت رہے گائیا۔ سیَر کرنی لوک پرلوک دی، دو جہان پرے ڈیرہ لائیا۔ مؤج ویکھنی اِک سلوک دی، جو سوہنگ ڈھولا رہیا سُنائیا۔ چاندنی تکّنی نِرمل جوت دی، جو بِنا سوُرج چند کرے رُشنائیا۔ جِس نوُں آد جُگاد درِشٹی اندر سرِشٹی کھوج دی، لبھیاں ہتّھ کِسے نہ آئیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، صاحب سوامی دَیا کمائیا۔
۲۲ چیت شہنشاہی سمت ۲ ہزارا سِنگھ دے گرِہ پِنڈ بابوُ پُر ضِلع گُرداس پُر
چیؤنٹی کِہا دسّ رام جس پنڈے، پنڈت ہو کے دینا سمجھائیا۔ کِس بِدھ چڑھاں منزل اَخیِری ڈنڈے، ڈنڈاوت اِکو سیِس نِوائیا۔ کھلوتی رہواں نہ کِسے کنڈھے، تٹ کِنار نہ دیاں دُہائیا۔ دُھر دا مالک ہووے سنگے، سگلا سنگ بنائیا۔ دیوے بھنڈارے بِنا منگے، مانگت جھولی دئے بھرائیا۔ کرم کرے چنگے، چنگیائیاں وِچ وڈیائیا۔ سِر دھڑ رہن نہ دیوے ننگے، اوڈھن سیِس ٹِکائیا۔
نہاوَن دیوے نہ کِسے گنگے، بخشے چرن سرنائیا۔ نیتر رہن موُل نہ اندھے، لوچن کرے رُشنائیا۔ جِس نوُں لبھ نہ سکن بُدھی والے بندے، وِدیا وِچوں ہتّھ نہ آئیا۔ اپنا نِرالا دسےّ ڈھنگے، ترتیب بےپرواہیِا۔ وست امولک بھوجن کھا کے اِک ڈنگے، ڈنکا اپنا دئے سُنائیا۔ منزل اوس اگمّی لنگھے، جِتھے ویکھن کوئے نہ پائیا۔ نام انمُلڑے وِچ رنگے، رنگ اِکو اِک چڑھائیا۔ جِدھر ویکھاں اودھر آوے سنگے، سگلا سنگ بنائیا۔ نہ مرے نہ کدے جمے، نِرگُن نوُر جوت رُشنائیا۔ بھگت سُہیلے ہون نہ دئے نِکمے، نِہکرمن مات لوک نہ کوئے اکھوائیا۔ سدا کھیل دسےّ نوَیں، جُگ چؤکڑی ویس وٹائیا۔ جیہڑا غریِب نِمانیاں دی منّے، ایہو جیہا ملِے بےپرواہیِا۔ کرے پرکاش نیتر انّھے، اندھ دئے چُکائیا۔ سنت سُہیلے آپے جنے، بنے دُھر دی مائیا۔ کوُڑی کِریا بھانڈے بھنےّ، بھرم بھؤ گوائیا۔ سدا وسے بِن چھپّر چھنّے، در سُہنجنے ڈیرہ لائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رام جس کہے چیؤنٹی مَینوُں ویکھ لیَن دے پتّری، ورقہ ورقہ اُلٹائیا۔ اوہ پربھوُ براہمن ہووے کہ کھتری، شوُدر وَیش کوَن روُپ دھرائیا۔ اُس دا لیکھا لِکھیا ہووے وِچ سطریں، کہ اکھّراں وِچ وڈیائیا۔ اوہ بَیٹھا ہووے کیہڑے پتنیں، پت پرمیشور ہو کے ڈیرہ لائیا۔ جاں پُستک ویکھی اوہ سکھنی دی سکھنی، پربھ دا روُپ نہ کوئے بدلائیا۔ آواز آئی اوہ دُھر دا مالک سدا بےوطنی، جِس دا وطن نہ کوئے سمجھائیا۔ جِس آد جُگاد جُگ چؤکڑی بھگتاں پت رکھنی، بھگت دوارے بہہ کے خوشی منائیا۔ اوہنوُں جگت اکّھ کِسے نہ تکّنی، طاقتور لبھ نہ سکے کوئے اپنا بَل رکھائیا۔ جِس نے گرِہ گرِہ گراہی اِک اِک چکّھنی، چار جُگ دا لیکھا دئے مُکائیا۔ تُک اگمّی دسّنی، اِکو کرے پڑھائیا۔ جِس دی وستی کلجُگ انتم وِچ پھیر بسنی، گھرانے سوہنے لئے بنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ رام جس کہے میرے حِساب وِچ نہ آئی کوئی کُنڈلی، نچھتر سکیا نہ کوئے سمجھائیا۔ پتہ لگّے نہ دھار مُڈھلی، مُدّعا بھیوَ نہ کوئے کُھلائیا۔ ایہہ اکھّراں والی کھیل بنی بُدھ لئی، اِس توں پرے دا پڑدا نہ کوئے اُٹھائیا۔ مَیں اندرے اندر اوس دی رمز بُجھ لئی، جو شبد وِچ سمجھائیا۔ رام جس مَیں دُنیا واسطے کیِتا کُچھ نہیں، بھگتاں واسطے سب کُچھ اندر دِتا ٹِکائیا۔ بےشک مَیں پریم پیالہ پیِون والا دُدھ نہیں، امرت دھارا سب دے مُکھ چوائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پتّری کہے جِس ویلے میرا پھولیاں پترا، بہُڑی بہُڑی دے کے دِتی دُہائیا۔ مَینوُں پےَ گیا خطرہ، نیَناں نیِر وہائیا۔ جِس دا لیکھا نہیں وِچ سطراں، اکھّراں ونڈ نہ
کوئے ونڈائیا۔ لبھیا نہیں کوئی وِچوں پتّھراں، دھنےّ نوُں بجر کپاٹی اندروں درس دِکھائیا۔ جِس دا شیَطاناں والا نہیں نخرہ، ویس اَولّڑا لئے وٹائیا۔ نٹوُآں وانگ نہیں کوئی مسخرہ، مست خُماری نام چڑھائیا۔ لوہار ترکھان دا گھڑیا ہویا نہیں شسترا، شبد کھنڈا کھڑگ کھڑکائیا۔ جِس دا کوئی لیف تلائی والا نہیں بِسترہ، آتم سیجا سدا ہنڈھائیا۔ پتّری کہے مَیں اوس دا بیان کراں کِس طرح، میری عقل چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پتّری کہے مَینوُں مُڑ کے نہ لَینا پھول، سہجے دیاں سُنائیا۔ تُسیں اوس دا سُنو بول، جو اندرے اندر کرے شنوائیا۔ جن بھگتاں وسے کول، دوُجیاں اکّھ نہ کدے مِلائیا۔ نام نِدھان وجا کے ڈھول، سُتّیاں لئے اُٹھائیا۔ جِس نوُں سمجھے کوئی نہ پاندھا رؤل، پنڈت وِدیا نہ کوئے چتُرائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، آپ اپنی کھیل وکھائیا۔
۲۲ چیت شہنشاہی سمت ۲ سپوُرن کؤر دے گرِہ پِنڈ بابوُپُر ضِلع گُرداسپُر
پتّری کہے مَیں کُچھ نہیں دسّن جوگی، جُگتی نہ کوئے جنائیا۔ سِری بھگوان وَیراگی تیاگی بَیراگی سنیاسی نہیں کوئی بھوگی، بھاوَنا جگت نہ کوئے وکھائیا۔ اوہ آد جُگاد جُگ چؤکڑی پریِتم دُھر دا چوجی، کھیل نِرالی آپ بنائیا۔ بِنا بھگتاں کِسے نہ دیوے سوجھی، بُدھیِوان نہ کوئے چتُرائیا۔ جگت واسنا سب نوُں کرے روگی، ہنگتا گڑھ بنائیا۔ گُرمْکھ وِرلا جانے وِچوں کوٹن کوٹی، کایا کُٹیا پھول پھولائیا۔ منزل چڑھ کے تکّے چوٹی، چوٹ جِس نوُں دئے لگائیا۔ واسنا رہن نہ دیوے کھوٹی، کوُڑی کِریا باہر کڈھائیا۔ کر پرکاش نِرمل جوتی، جوت جوتی جوت کرے رُشنائیا۔ بھگتاں پڑھنی پئے کوئی نہ پوتھی، پُستک ہتّھ نہ کوئے پھڑائیا۔ تِلک مالا نہ کوئے دھوتی، ٹِکّیاں وِچ نہ کدے پھسائیا۔ مِہر نظر نال اندروں واسنا کڈھ دئے کھوٹی، کھوٹیاں توں کھرے دئے وکھائیا۔ اپنے آپ بنا کے گوتی، ورناں برناں توں دئے چُھڈائیا۔ جیہڑی سمجھ کِسے نہ سوچی، اوہ سوچ گُرمْکھاں اندر دئے ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی بےپرواہیِا۔ پتّری کہے مَیں دسّاں انتم ایک، اِکو وار جنائیا۔ پربھ بِن اوَر نہ کوئی دوُجی
ٹیک، ٹِکیاں والے سارے اوسے نوُں رہے دِھیائیا۔ شاستر سِمرت پڑھ پڑھ لئے ویکھ، وِدیا والی جگت چتُرائیا۔ ہرِ دا سمجھے کوئے نہ بھیکھ، بھیکھادھاری کی کی کل ورتائیا۔ مَیں بِن اکّھاں لیا ویکھ، اگلا حال سُنائیا۔ جِس ویلے کلجُگ کوُڑی کِریا مِٹن لگّی ریکھ، مات لوک ہوئے دُہائیا۔ اوس ویلے پھیر ایہہ نگر کھیڑا وسنا دیس، پردیساں دے وِچھڑے ایتھے لئے مِلائیا۔ جِنہاں دا ناتا جوڑ ہمیش، ہم ساجن لئے بنائیا۔ کُچھ تھوڑا جِہا لیکھا ایس تھاں دا لِکھنا گُر دسمیش، بِرج بھاشا وِچ بِنجھل کہہ کے ناؤں گائیا۔ جِتھے پُرکھ اکال جن بھگتاں لئے پیکھ، ویکھ ویکھ خوشی منائیا۔ جوتی جوت سروُپ ہرِ، آپ اپنی کِرپا کر، دیونہارا دُھر سندیش، سُنیہڑا اِکو نام سُنائیا۔ پتّری کہے مَیتھوں پھیر نہ پُچھیؤ کوئی بات، بِن اکھّراں دِتی سمجھائیا۔ جِس ویلے آئے کل اندھیری رات، چاروں کُنٹ اندھیرا چھائیا۔ چار جُگ دے بھگت ایتھے ہونے آباد، بربادی وِچوں آزادی دینی کرائیا۔ جِنہاں دے اندر اِکو ہونی آواز، سوہنگ دُھر دا ڈھولا گائیا۔ اندر کُھلنا راز، پڑدا رہے نہ رائیا۔ دُھر دا مِلنا ساتھ، سگلا سنگ بنائیا۔ پوُری ہووے آس، ترِشنا دئے بُجھائیا۔ پتّری کہے میرے اُتے کرِیو وِشواش، وِشوَ دا مالک آؤنا چائیں چائنیا۔ جِس دا نوُر نوُر ہونا پرکاش، جوتی جوت ڈگمگائیا۔ جوتی جوت سروُپ ہرِ، آپ اپنی کِرپا کر، سب دی پوُری کرے خواہش، خاص اپنا رنگ چڑھائیا۔
۲۲ چیت شہنشاہی سمت ۲ کرتار کؤر دے گرِہ پِنڈ بابوُپُر ضِلع گُرداس پُر
رام جس کِہا میری رہے کوئی نہ سُدھ، ودی سُدی نہ کوئے وڈیائیا۔ پُرکھ اکال اپنی کرنی دا کھیل لَینا بُجھ، پڑدا اوہلا دئے اُٹھائیا۔ لہنا چُکاؤنا انتم کلجُگ ، چؤتھی دھار ملِے وڈیائیا۔ جن بھگت بنا کے اپنے پُت، گُرمْکھ گُر گُر گود اُٹھائیا۔ نِرمل کر کے بُدھ، بِبیک دینا بنائیا۔ من منوُآ بدل کے رُخ، راہ اپنا دینا سمجھائیا۔ جِتھے آتم پرماتم مِلدا سُکھ، لکّھ چؤراسی گیڑ نہ کوئے پِھرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک ترائیا۔ کیِڑی کِہا مَیں نِکّی جیہی چیؤنٹی، بےجان ہو کے دیاں دُہائیا۔ کولوں بول پئی نِکّی جیہی بوُٹی، جو پت ٹہنی اپنی رہی مہکائیا۔ مَیں جاگ پئی سُتّی، اندروں لئی انگڑائیا۔ کُچھ سہجے رہی پُچھی،
سہج سُبھاؤ نال جنائیا۔ تیری کِدھر لگّی رُچی، مَینوُں دے دِرڑائیا۔ چیؤنٹی کِہا میری اؤدھ رہی مُکی، تن ہوئے جُدائیا۔ مَینوُں ایس خوشی دی خوشی، خُشخبری دیاں جنائیا۔ جِس پُرکھ اکال دیِن دَیال بھگتاں دی گنڈھ پواؤنی وانگ پُتیں، پِتا ہو کے گود اُٹھائیا۔ جِس لیکھے لاؤنی رَوداس دی گنڈھی جُتی، بٹوارے دا لہنا جھولی پائیا۔ گُرمْکھاں پِچھے کٹّنی بُتی، گھر گھر اپنا پھیرا پائیا۔ اوہناں دی روٹی کھا کے سُکی، سُکھ دو جہاناں دئے وکھائیا۔ منزل دینی اُچی، اگمّ اتھاہ اِک سرنائیا۔ اپنے وِچ لگا کے رُچی، جگت رچنا توں لَینا چُھڈائیا۔ دھار چلا کے سچّی مُکھی، گُرمْکھ اپنے رنگ رنگائیا۔ چار جُگ دی جو آتما پربھ پریم توں بُھکھی، اُس دا دُکھڑا دئے گوائیا۔ مَیں کوُک سُناواں اُچی، دوہیاں وِچ سُہائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ جھاڑی کہے مَیں نِکاّ جیہا پؤندا، پدم ریکھا نظر کوئے نہ آئیا۔ مَیں کِس بِدھ کراں سؤدا، چیؤنٹی مَینوُں دے سمجھائیا۔ اوس ہس کے کِہا چرن کوَل جھُکن وِچ مِل جائے اوہ عہدہ، جِس نوُں عدالت حُکم وِچ نہ کوئے سُنائیا۔ مِل جائے اوہ چوگا، جِس نوُں کھا کے ترِشنا بُھکھ رہے نہ رائیا۔ مِل جائے اوہ جوگا، جنم مرن دا لیکھا دئے چُکائیا۔ سُنا دیوے اگمّی ہوکا، حُکم نال اُٹھائیا۔ جن بھگتو جھوُٹھا ناتا چؤداں لوکا، لکّھ چؤراسی کمّ کِسے نہ آئیا۔ بناسپت وِچ رہ کے پربھ مِلن دا مِل جائے مؤقع، مُکمل ملِے شہنشاہیِا۔ اگلا مارگ دِسے سؤکھا، اَدھ وِچکار نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ چیؤنٹی کہے مَیں دسّاں کہانی دُھر دی، کیِڑی کپڑ روُپ بدلائیا۔ کی صِفت کراں پوُرے سَتگُر دی، جو سُتّیاں لئے اُٹھائیا۔ جِس دے نال آتم پرماتم ہو کے جُڑدی، جوڑی دُھر دی دئے وکھائیا۔ کُچھ کتھا کہانی ہونی اَگے انندپُر دی، پُر انند دئے گواہیِا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ جھاڑی کہے مَینوُں ہوئی حَیرانی، انندپُر کہہ کے کی سُنائیا۔ کُچھ اوس دی دسّ نِشانی، نِشانہ دے لگائیا۔ اوس نے کِہا پربھ نے سِکھیا دینی کِس طرح پربھ دی دِتی جاندی قُربانی، جگت مان نہ کوئے وڈیائیا۔ کِس بِدھ منزل مِلدی آسانی، اِحسان سِر نہ کوئے رکھائیا۔ کِس بِدھ کھائی جاندی مہمانی، چیؤنٹی ماچھوُواڑے دا راہ تکائیا۔ ویکھیں کِتے ایس وِچ کدے نہ کریں بےایمانی، بےوفا ہو نہ مُکھ بھوائیا۔ جوتی جوت سروُپ ہرِ، آپ اپنی جوت دھر، لیکھا جانے دُھر دا ہرِ، ہِردا پھولے تھاؤں تھائنیا۔ چیؤنٹی کہے مَینوُں دِسدا چمڑے لاہُن والا چمیار، کلجُگ انتم نظری آئیا۔ جِس دا پرم پُرکھ ہونا یار، یارانہ دُھر دا اِک لگائیا۔ لیکھا لِکھے
اپر اپار، اپرمپر سوامی دئے سمجھائیا۔ پوُرب جنم لاہے اُدھار، قرضہ جائے چُکائیا۔ جن بھگتاں کر بےدار، سُتّیاں لئے اُٹھائیا۔ پریِتی بخش سچ سنسار، سِکھیا اِک دِرڑائیا۔ گُرمْکھو ساچا کرو درس دیِدار، درس وِچ خوشی آپ پرگٹائیا۔ منگن جائے بھگتاں دوار، گھر گھر پھیرا پائیا۔ گُرمْکھ جو کُچھ خوشیاں وِچ دین کھوال، کھا کے شُکر منائیا۔ اَگے لیکھا مُکا کے کال، کرماں وِچوں باہر کڈھائیا۔ سچکھنڈ دوارے لےَ کے جائے سچّی دھرمسال، دھرم دوارا دئے سُہائیا۔ جوتی جوت سروُپ ہرِ، آپ اپنی کِرپا کر، سنت سُہیلے ویکھے آن، میلا کر بھگت بھگوان، دیوے نام پدارتھ دان، داتا ہو کے آپ ورتائیا۔
۲۲ چیت شہنشاہی سمت ۲ دیِدار سِنگھ دے گرِہ پِنڈ بابوُپُر ضِلع گُرداس پُر
کیِڑی کِہا مَیں کھا کے کہاں قسم، سوگند نال جنائیا۔ پُرکھ اکال دُھر دا مالک کل انتم آؤنا خصم، لکّھ چؤراسی جگت ہنڈھائیا۔ اوس دا اِکو ہونا اِسم، واحد اِک سرنائیا۔ گُر اوتار پَیغمبر جِس دی قِسم، طرح طرح اُپجائیا۔ مان وڈیائی دے کے خاکی جِسم، جمُلہ اکھّر کرے پڑھائیا۔ اُس نے وکھرا چلاؤنا اپنا دھرم مِشن، آتم برہم پاربرہم دِرڑائیا۔ جِس نوُں جھُکدے راما کرِشن، کِشنا شُکلا دوویں پکّھ سیِس نِوائیا۔ در منگتے شِو برہما وِشن، جھولیاں رہے وکھائیا۔ چارے جُگ بِھکھاری دِسن، پَیغمبر سیِس نِوائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ جھاڑی کہے کُچھ مَینوُں لگّا جھٹکا، بِنا جھکولے دِتا ہِلائیا۔ میرے انتر ہویا کھٹکا، حَیرانی اِکو آئیا۔ کھیل ہونا اُپر فرشا، عرش دین دُہائیا۔ کُچھ گوبِند دا لہنا دِسے اُپر سرسا، کلجُگ ونڈ ونڈائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ دُھر حُکم کہے پتّری سمجھیا نہ رام جس پاندھا، پڑدا بھیوَ نہ کوئے کُھلائیا۔ جگت وِچاراں رہیا گاندا، ڈھولے سلوکاں وِچ الائیا۔ بِنا منزل تھکیا ماندا، بَیٹھا ڈیرہ لائیا۔ پروہت بن کے رہیا کھاندا، گھر گھر خوشی منائیا۔ ججماناں گھر رہیا جاندا، بھجّیا واہو داہیِا۔ گنگا ساگراں وِچ رہیا نہاندا، جلدھارا سیِس جھُکائیا۔ پتہ لگیا نہ سچ تھاں دا، پڑدا اوہلا نہ کوئے اُٹھائیا۔ گوبر وینہدا رہیا گٔو ماں دا، ممتا موہ نہ کوئے چُکائیا۔ جناں چِر رس لیا نہ پربھوُ دے ناں دا، نؤکا نام نہ کوئے چڑھائیا۔ ہنس بدلیا نہ روُپ کاں دا، مانک موتی چوگ نہ کوئے چُگائیا۔ جِس ویلے دوارا ویکھیا بل راجے دے
تھاں دا، جِتھے حُکم بےپرواہیِا۔ اِنصاف ہووے نِیاں دا، نِیاں کاری دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی کرنی اِک وکھائیا۔ رام جس جِس ویلے آیا سی اِس گرِہ، اوستھا تیتی سال جنائیا۔ حُکمے اندر گیا بہہ، کری اگمّ پڑھائیا۔ اندر اُپجی اِک لےَ، پریم لگان لگائیا۔ پُرکھ اکال اندروں کہےَ، حُکم اِک سُنائیا۔ کلجُگ کوُڑی وگنی نَیں، ویَنہدی دھار وہائیا۔ اوس ویلے پرگٹ ہونا نِرگُن روُپ مَیں، ممتا بھگتاں دینی چُکائیا۔ ساری سرِشٹی نے کرنا ہیَں، کی کھیل کیِتا بےپرواہیِا۔ اِکو میرے نام دی ہونی جےَ، جےَ جَیکار اِک شنوائیا۔ تُوں وی آؤنا ایس گرِہ، گرِہ مندر دینا سُہائیا۔ تیرا لہنا دینا پوُرب دئے، دیونہار وڈی وڈیائیا۔ لنگھ جان دے جُگ ترےَ، تریتا دواپر کلجُگ پندھ مُکائیا۔ دُھر فرمانا سچّا کہےَ، شبدی شبد سُنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رام جس کِہا مَیں سُننا تیرا پَیغام، شبد وِچ شنوائیا۔ کی میرا لیکھا ہونا نال رام، کرِشن نال وڈیائیا۔ کی پَیغمبراں کرنا اِحسان، سچ دیاں دِرڑائیا۔ کی گُروُآں دینا دان، جھولی مات بھرائیا۔ کی تیِرتھ تٹاں مِلنا مان، اٹھسٹھ کھوج کھوجائیا۔ کی پڑھیاں ہونا گیان، شاستر سِمرت وید پُران پھول پھولائیا۔ کی مندر مسجد شِودوالے مٹھ ویکھنے نِشان، چاروں کُنٹ اکّھ کُھلائیا۔ حُکم وِچ کِہا سِری بھگوان، ایہہ میری بےپرواہیِا۔ جِس ویلے کلجُگ انت پہنچیا آن، نِرگُن جوت کراں رُشنائیا۔ بھگت سُہیلے پرگٹاواں وِچ جہان، جاگرت جوت کر رُشنائیا۔ نام سندیشہ دیواں مہان، شبدی ڈھولا اِک سمجھائیا۔ ساچی بستی دیواں دان، گرِہستی ویکھاں چائیں چائنیا۔ جو منزل چڑھن آسان، پھڑ باہوں پار کرائیا۔ گھر گھر دا کھا کے پکوان، پکّے ناتے دیواں جُڑائیا۔ مَیں آد جُگاد جُگ چؤکڑی سدا جوان، بُڑھیپے والا روُپ نہ کوئے وکھائیا۔ رام جس تیرا روُپ اوس ویلے سمجھے نہ کوئے اِنسان، اِنسانیت توں باہر دے وڈیائیا۔ چرن دھوُڑی دی خاک تیری پہچان، وست چوری دی اپنے وِچ چُھپائیا۔ جِس دا سب نوُں ٹِکاّ مستک وِچ لایا آن، پِچھلا سمت دئے گواہیِا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، ہرِ سَتگُر دَیا کمائیا۔
۲۲ چیت شہنشاہی سمت ۲ ہزارا سِنگھ دے گرِہ پِنڈ بابوُپُر ضِلع گُرداسپُر
سوہنی سُہنجنی بنے بستی، بِسرام گھر دُھر دا روُپ بدلائیا۔ پُرکھ اکال دی آوے اگمّی ہستی، جِس نوُں حضرت رہے گائیا۔ لہنا دینا چُکاوے دستی، جگت اُدھار نہ کوئے بنائیا۔ نام خُماری دے کے مستی، مست دیوانے دئے وکھائیا۔ چرن پریِتی بخش کے سستی، سُتّیاں لئے اُٹھائیا۔ ہرجن اُدھارے گرِہستی، گرِہ گرِہ چرن چُھہائیا۔ سب دی دھار جِس نوُں دِسدی، دہِ دِشا ویکھ وکھائیا۔ اوہ کرنی ویکھے کِس کِس دی، قِسمت والے لئے اُٹھائیا۔ کھیل ہووے اِک دی، ایکنکار دَیا کمائیا۔ دھار چلے پِتا پُرکھ اکال پِت دی، پاربرہم پربھ ہوئے سہائیا۔ کھیل مُک جائے آون جاون نِت دی، چؤراسی وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، دھار ویکھے دُھر دے سِکھ دی، جو سِکھیا وِچ سمائیا۔ مہاراج شیر سِنگھ وِشنوُں بھگوان، جِس نگری دے لنگھ جائے وِچ دی، وِچلے پڑدے دئے اُٹھائیا۔
۲۲ چیت شہنشاہی سمت ۲ سنت سِنگھ دے گرِہ پِنڈ بابوُپُر ضِلع گُرداس پُر
نام سندیشہ پِچھلا پاتر، پتونتیاں رہیا اُٹھائیا۔ سِری بھگوان سد آوے بھگتاں خاطر، ختم کرے اَگے جُدائیا۔ ہرجن بنائے دُھر دے چاتر، چاترک وانگ جو رہے بِللائیا۔ جلوہ دے کے باطن، نوُر کرے رُشنائیا۔ جو دوارے آئے پاتن، پھڑ باہوں پار کرائیا۔ کلجُگ انتم اِک سُنیہڑا آیا آکھن، دُھر دا حُکم جنائیا۔ پُرکھ اکال منّنا مائی باپن، پِتا پوُت گود لئے بہائیا۔ تن ماٹی خاکی کرے پوِت رہے نہ بھری پاپن، پُنیِت آپ بنائیا۔ جن بھگتاں بن کے دُھر دا ساکن، سجّن اِک اکھوائیا۔ جوتی جوت سروُپ ہرِ، آپ اپنی کِرپا کر، سچ کرنی لئے کمائیا۔ کیِڑی کہے مَیں ویکھی اِک بستی، اگمّی نظری آئیا۔ جِس دی کتھا کہانی جُگ چؤکڑی رہی دسّدی، حُکم بےپرواہیِا۔ اوتھے بھگتاں دی دھارا ویکھی وسدی، وسن چائیں چائنیا۔ دھار اوہناں اندر پریم رس دی، رستے چل کے خوشی منائیا۔ آتم رہندی ہسدی، خوشیاں ڈھولے گائیا۔ تھوڑی کہانی رام جس دی، جو صِفتاں وِچ صلاحیِا۔ اَگے گاتھا اگمّی باپ دی، جو پُتراں کرے پڑھائیا۔ کُچھ کھیل ہور جاپ دی، جگ جیِون داتا دئے دِرڑائیا۔ کلجُگ کِریا کوُڑی سڑنی پاپ دی، مایا ممتا اگّ لگائیا۔
جن بھگتو تُہاڈی سُلکّھنی گھڑی سوہنگ جاپ دی، سواساں وِچوں بھرواسا دِتا بندھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، کھیل ویکھو ساکھیات دی، جو سَت سَتوادی ہو کے اپنی کل ورتائیا۔
۲۲ چیت شہنشاہی سمت ۲ مُنشا سِنگھ دے گرِہ ضِلع گُرداس پُر
سَت بھوُمکا سُہاؤنا نگر، ناگرِک گُرمْکھ سوبھا پائیا۔ پُرکھ ابناشی پوُری کرے سدھر، صدیاں دے وِچھڑے جوڑ جُڑائیا۔ کرنی دا کرتا کرے قدر، مِہروان مِہر نظر اُٹھائیا۔ جنم کرم دی ریکھا دیوے بدل، بدلہ چُکاوے بےپرواہیِا۔ سچ دوارے کرے عدل، اِنصاف اِکو اِک جنائیا۔ جن بھگتو تُہاڈی پوُری ہوئی مزل، منزل اپنی دئے وکھائیا۔ نام گاؤنا دُھر دی غزل، غرض سب دی ویکھ وکھائیا۔ سچ دوارے تُہانوُں جانا نہ پئے پَیدل، شبدی دھار وِچ پہنچائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ نگری سوہنی سُہنجنا دھام، دھرم ملِے وڈیائیا۔ چِری وِچھُنّیاں مِلیا رام، رحمت آپ کمائیا۔ سُہاوَنا ہویا گرام، گرِہ گرِہ وجےّ ودھائیا۔ سنت سُہیلے تارے تمام، طمع وِچوں باہر کڈھائیا۔ پربھ دا مارگ نہیں عام، سنت سُہیلے جوڑ جُڑائیا۔ جن بھگتاں دے پَیغام، پرت کے لئے اُٹھائیا۔ سچ پریِتی بخش کے آرام، دوارا دُھر دا دئے وکھائیا۔ دوُجے دے رہنا نہ پئے غُلام، چؤراسی پھاسی دئے کٹائیا۔ من واسنا وِچ ہونا نہ پئے بدنام، بدیِاں توں باہر رکھائیا۔ پُرکھ اکال کرو پرنام، اوَر اوَرا سیِس نہ کوئے جھُکائیا۔ اگلی سُنو داستان، پِچھلی کہانی نہ کوئے دِرڑائیا۔ صاحب سوامی ہو کے مِہروان، محِو اپنا حُکم چلائیا۔ گُرمْکھ گُرسِکھ ویکھے آن، بِن اکّھیاں اکّھ کُھلائیا۔ بھنڈارا دے کے دُھر دا دان، نام انمولا جھولی پائیا۔ کِرپا کر پربھوُ مہان، مہما اپنی دئے سمجھائیا۔ لکّھ چؤراسی ہوئے حَیران، حَیرانی اندر سرب لوکائیا۔ جوتی جوت سروُپ ہرِ، آپ اپنی جوت دھر، گُرمْکھاں دیوے اِک نِشان، جِس نوُں جگت نِشانے سیِس نِوائیا۔
۲۲ یت شہنشاہی سمت ۲ بھاگ سِنگھ دے گرِہ پِنڈ بابوُپُر ضِلع گُرداس پُر
بھوُمکا کہے میرے اُتے بھگتاں دی جگی شمع، شمسان بھوُمی دئے پندھ مُکائیا۔ چِنتا سوگ مِٹایا غماں، ہرکھ ہوَس نہ کوئے وکھائیا۔ پربھ مِلن دی رکھ کے طمع، لالچ اگلا رہے بنائیا۔ جھگڑا مُکا کے رائے دھرم جماں، جنم مرن دا گیڑ کٹائیا۔ پُرکھ اکال دا نام سُن کے نواں، نعرہ ڈھولا اِکو گائیا۔ جِس دی اُڈیِک کردا رہیا لوک مات دا سماں، سمجھ توں باہر دھیان رکھائیا۔ کوئی بھیوَ نہ جانے کایا ماٹی چمّا، چمّ درِشٹی نہ کوئے دِرڑائیا۔ تِس دا کھیل ہویا رَواں، رؤنق بھگتاں وِچ رکھائیا۔ کی صِفت اوس دی کہاں، دھرنی خوشیاں وِچ نیِر وہائیا۔ کِس بِدھ نام اگمّی لَواں، لگ ماتر نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم رہیا ورتائیا۔ بھوُمی کہے میرا مِٹ گیا بھرم، بُھلیکھا رہیا نہ رائیا۔ لجّیا رہی نہ شرم، پڑدا دِتا اُٹھائیا۔ کانڈ رہیا نہ کرم، کوُڑ نہ کوئے چتُرائیا۔ جِس ویلے تکّیا پِتا پُرکھ پرم، پرمیشور بےپرواہیِا۔ جھگڑا رہیا نہ ورن، برن نہ کوئے لڑائیا۔ جن بھگت ڈھہِندے ویکھے سرن، اوٹ اِک رکھائیا۔ ڈھولا اِکو پڑھن، سوہنگ راگ الائیا۔ منزل اگمّی چڑھن، بھجّن چائیں چائنیا۔ اِکو دا پلّوُ پھڑن، جِتھے ہووے نہ کدے جُدائیا۔ کھول کے ہرن پھرن، نِج نیَن درشن پائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ دھرنی کہے میرے اُتے رہیا گھُم، گھُمن گھیری وِچ جگت لوکائیا۔ جِس نوُں سمجھے کوئی نہ رِکھ مُن، مُنیِشر اکّھ نہ کوئے کُھلائیا۔ جِس نے لکّھ چؤراسی وِچوں سنت سُہیلے لئے چُن، چونویں گُرمْکھ اپنے نال رلائیا۔ ایس دا کوَن جانے گُن، ساشتر سِمرت بھیوَ نہ آئیا۔ مَیں اگمّی آواز لئی سُن، جو گُرمْکھ رہے گائیا۔ دھرنی کِہا مَیں دھرواس نال تھلّے چرن لئے چُمّ، چرنودک دھوُڑ اپنے مُکھ چُھہائیا۔ رس پی کے ہو گئی گُمّ، سُرتی سُرت بُھلائیا۔ اندروں آئی دُھن، شبدی شبد شنوائیا۔ پرم پُرکھ دا لہنا ویکھ ہُن، ہرجن ساچے پار لنگھائیا۔ جوتی جوت سروُپ ہرِ، آپ اپنی جوت دھر، سدا سُہیلا لیکھا جانے کُن، کُنبہ جن بھگت ویکھ وکھائیا۔