۱۶ جیٹھ شہنشاہی سمت ۲ پُھمن سِنگھ دے گرِہ پِنڈ چھمب کیَمپ منوال جموں
جن بھگت سوہے سچکھنڈ، جِتھے کھنڈا کھڑگ نظر کوئے نہ آئیا۔ اوتار پَیغمبر ونڈے کوئی نہ ونڈ، اِکو پاربرہم پت پرمیشور پُرکھ اکال جوت جوت وِچ سمائیا۔ نہ کوئی کلمہ ڈھولا گیِت سُناوے چھند، رسنا والی آواز نہ کوئے الائیا۔ نہ کوئی سوُریہ دِسے چند، منڈل روُپ بدلائیا۔ نہ کوئی بھرم بھلیکھا دُئی دوَیتی شرع دی ہووے کندھ، دیِن مذہب ونڈ نہ کوئے ونڈائیا۔ نہ کوئی اِشٹ دیوَ وکھّرا ہووے ڈھنگ، مندر مسجد شِو دوالا مٹھ گُروُدوار نظر کوئے نہ آئیا۔ نہ جلدھارا وہن وہے گنگ، سمُند ساگر روُپ نہ کوئے بدلائیا۔ نہ کوئی چار کُنٹ دہِ دِشا مارنا پئے پندھ، نؤ ستّ بھجےّ کوئے نہ واہو داہیِا۔ نہ کوئی کاغذ قلم شاہی لیکھا کرے بند، بند اکھّر وکھّر دئے جنائیا۔ نہ کوئی روُپ ریکھ دِسے رنگ، نِروَیر نِراکار نِرنکار اپنا کھیل رہیا کرائیا۔ جن بھگتاں پریم پیار پریِتی دیوے اپنا سچ انند، انرس لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، سچ دوارے اِکو ایک ایکنکار اپنا دسےّ دھرم، دُھر دی بان سب نوُں دئے لگائیا۔ جن بھگت تکّے سچکھنڈ محل، چھپّر چھنّ نظر کوئے نہ آئیا۔ جِتھے بِن تیل باتی دِیپک رہیا بل، نِرگُن نوُر جوت رُشنائیا۔ شاہ پاتشاہ شہنشاہ پُرکھ اکال بَیٹھا اٹل، پدوی اپنی آپ بنائیا۔ جِتھے نہ کوئی جل نہ کوئی تھل، سمُند ساگر روُپ نہ کوئے وکھائیا۔ نہ کوئی کپٹ نہ کوئی چھل، اچھل اچھلّ ویس نہ کوئے دھرائیا۔ اِکو شہنشاہ دھام سوہے نِہچل، نِہکرمی اپنا ڈیرہ لائیا۔ سچ سندیشے آد جُگاد جُگ چؤکڑی شبدی دھار رہیا گھلّ، دُھر فرمانا اِک الائیا۔ لکّھ چؤراسی جیِو جنت چارے کھانی اندر جائے رل، نِرگُن ہو کے سوبھا پائیا۔ مِہروان ہو کے محبوُب جن بھگتاں ہووے ولّ، ولولے کوُڑے اندروں دئے کڈھائیا۔ ساچے نام دا دیوے پھل، رس اپنا دئے چکھائیا۔ جوتی جوت سروُپ ہرِ، آپ اپنی کِرپا کر، جن بھگتاں وساوے ساچے اپنے گھر، جِس گھر دا سوامی اِکو اِک اکھوائیا۔ جن بھگت ویکھے سچّی درگاہ، مقامے حق خوشی منائیا۔ جِتھے آتم پرماتم دا انت اَخیِری ہوئے نِکاح، تتّاں دی لوڑ رہے نہ رائیا۔ پوَن سواسی لَینا پئے نہ ساہ، چمڑی ہڈّ جوڑ نہ کوئے جُڑائیا۔ پِھرنا پئے نہ کِسے تھل اسگاہ، جنگلاں وِچ نہ کوئے بھوائیا۔ لبھنا پئے کِسے نہ راہ، چارے کُنٹاں بھجےّ نہ واہو داہیِا۔ کِرپا کرے بےپرواہ، ابناشی کرتا پڑدا دئے اُٹھائیا۔ گھر سجّن ملِے سہج سُبھا، گرِہ بَیٹھا نظری آئیا۔ جِس نوُں جلوہ گر کہِندے خُدا، خُدی تکّبر دئے مِٹائیا۔ اپنا نوُر کرے رُشنا، ظہوُر وِچوں ظہوُر جنائیا۔ جوتی جوت
سروُپ ہرِ، آپ اپنی کِرپا کر، جن بھگتاں ہوئے سدا مِہرواں، مِہروان ہو کے اپنے رنگ رنگائیا۔ جن بھگت کدے نہ لوڑے سوَرگ نرک، بہِشت جنّت دوزخ لوڑ رہے نہ رائیا۔ جگت سُکھ سارے کرے ترک، تُرت فَیصلہ اِک کرائیا۔ سِدھی پرم پُرکھ پرماتم نال میل کے اپنی سُرت، ناتا سَتگُر شبد نال مِلائیا۔ درشن کرے اکال موُرت، اکل کل دھاری ویکھ وکھائیا۔ جِس دی سمجھے کوئی نہ صوُرت، صِفتاں وِچ سارے گئے گائیا۔ جِس دا ناد اگمّی تُورت، تُریا پد توں پرے کرے شنوائیا۔ جِس دی آد کری نہ کِسے مہوُرت، انت کہن کوئے نہ پائیا۔ گُر اوتار پَیغمبر جِس دی رکھدے گئے ضرورت، اوہ ضروری بھگتاں ہوئے سہائیا۔ ناتا توڑ کے کوُڑو کوُڑت، ممتا موہ دئے چُکائیا۔ چرن پریِتی دے کے ساچی خاک دھوُڑت، دُھر دا لہنا جھولی پائیا۔ چتُر سُگھڑ بنائے موُرکھ موُڑھت، اگیان اندھیر اندروں دئے کڈھائیا۔ کر پرکاش نوُر نوُرانہ نوُرت، نِرگُن اپنے وِچ سمائیا۔ آسا منسا جن بھگتاں سدا ہووے پوُرت، پوُرب لیکھا بِن لیکھیوں دئے ورتائیا۔ سرب کلا بن بھرپوُرت، بھرم بُھلیکھا دوُر کرائیا۔ جوتی جوت سروُپ ہرِ، آپ اپنی کِرپا کر، جن بھگتاں در گھر ساچے دیوے مان وڈیائیا۔ جن بھگت کدے نہ کرے مِنّت، بہُڑی بہُڑی کر نہ کوئے کُرلائیا۔ سدا جاوے پرم پُرکھ دی سِمت، جگت سماج سکے نہ کوئے اٹکائیا۔ انتر آتم کر کے ہِمّت، بھجےّ واہو داہیِا۔ روک نہ سکے کوئی نِندک، نِندیا وِچ جگت لوکائیا۔ منسا من رہے نہ چِنتک، چِنتا چِکھا نہ کوئے جلائیا۔ جوتی جوت سروُپ ہرِ، آپ اپنی کِرپا کر، ہرجن ساچے سنگ نِبھائیا۔ جن بھگت کدے نہ لوڑے جگ تیِرتھ پانی، تیِرتھ سروور بھگت جن بنائیا۔ اِکو ابناشی کرتا لبھے اپنا ہانی، جو ہر گھٹ ہر ویلے ہوئے سہائیا۔ جِس دی بدل نہ جائے کدے جوانی، جوبنونتا اِکو نظری آئیا۔ جِس دا کھیل پرے زِمیں اسمانی، جسمانی تت سب دے رہیا ہنڈھائیا۔ جِس دُنیا رکھی فانی، پیِر پَیغمبر گُر اوتار بچیا رہن کوئے نہ پائیا۔ جو دُھر دے کلمے دی کائنات مارے کانی، نام نِدھانا تیِر چلائیا۔ جِس دا دوُجا دِسے کوئے نہ ثانی، لاثانی اِکو نظری آئیا۔ جو جُگ چؤکڑی کھیلے کھیل مہانی، مہابیِر سوُربیِر آپ اُپجائیا۔ جو جن بھگتاں انتر بخشے نوُر جوت نوُرانی، نر نرائن دَیا کمائیا۔ منزل چڑھ کے سچ رُوحانی، روُح بُت دوویں کرے صفائیا۔ آتم رہن نہ دیوے بیگانی، بیگانے گھر وِچوں باہر کڈھائیا۔ آتم پرماتم مِل کے پاوے پد نِربانی، نِروَیر ہو کے اِکو رنگ سمائیا۔ جن بھگت سچ دوارے چڑھ کے جلوہ تکّے شاہ سُلطانی، شہنشاہ اِکو سوبھا پائیا۔ جو آد جُگاد جُگ چؤکڑی نِت نوِت بھگتاں لیکھے لاؤندا رہیا
قُربانی، جو آپا آپ بھیٹ کرائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سب دا بنیا رہے بانی، باوَن اِکاوَن اپنے وِچ چُھپائیا۔
۱۶ جیٹھ شہنشاہی سمت ۲ بِشن سِنگھ دے گرِہ پِنڈ دھنگالی منوال کیَمپ جموں
جن بھگت کہے میرا مالک شاہ سُلطانی، پاربرہم پت پرمیشور آد نِرنجن نوُر الاہیِا۔ سچکھنڈ دوار جِس دی جوت جگے مہانی، رنگ روُپ ریکھ سمجھ کوئے نہ پائیا۔ گُر اوتار پَیغمبر جِس دی لوک مات نِشانی، جُگ چؤکڑی نِت نوِت ویس وٹائیا۔ شبد ناد بودھ اگادھ دیوے اگمّی بانی، دُھر سندیشہ نر نریشا ایکنکارا اِکو اِک جنائیا۔ وِشن برہما شِو دیوت سُر بنیا رہے دانی، وست امولک سب دی جھولی پائیا۔ بھگت سُہیلا اِک اَکیلا نام نِدھانا دیوے سچ نِشانی، سَت سَتوادی برہم برہمادی آپ ورتائیا۔ لیکھا جانے انڈج جیرج اُتبُھج سیتج چارے کھانی، چار ورن اٹھاراں برن کرنہار پڑھائیا۔ نِراکھّر اکھّر دھار بنائے شاستر سِمرت وید پُرانی، قلم شاہی کاغذ بندھن دیوے پائیا۔ جیِو جنت سادھ سنت گرِہ مندر کایا ہووے جان جانی، انترجامی کھوجے تھاؤں تھائنیا۔ امرت رس نِجھر جھِرنا بوُند سوانتی دیوے ٹھنڈا پانی، ترےَگُن مایا پنج تت اگنی اگّ بُجھائیا۔ سُرت سوانی سہج سبھاؤ میل مِلائے شبد ہانی، ہر گھٹ ہِردے اندر بہہ کے خوشی منائیا۔ چرن کوَل اُپر دھوَل نِرگُن سرگُن بخشنہار اِک دھیانی، اِشٹ دیوَ سوامی سَتگُر واحد نظری آئیا۔ جوتی جوت سروُپ ہرِ، آپ اپنی کِرپا کر، جن بھگتاں وکھائے سچ گھر، جِس مندر بہہ کے نِرگُن جوت کرے رُشنائیا۔ جن بھگت اِکو درس منگے گہر گمبھیِر، بےنظیِر نظر ٹِکائیا۔ منزل چوٹی چڑھ ویکھے اَخیِر، آخر پیَنڈا دئے مُکائیا۔ بِن روُپ توں تکّے اوہ تصویِر، جِس نوُں تصّور سکے نہ کوئے کرائیا۔ جِس دی مہما صِفت کرے کبیِر، کایا کعبہ گیا جنائیا۔ سو مالک خالق پرِتپالک ملِے دستگیِر، دَیاوان درِشٹ اِشٹ دئے کُھلائیا۔ دُئی دوَیتی شرع مذہب دیِن کٹ زنجِیر، ظاہرا پیِر دئے مِلائیا۔ نام کھنڈا تِکھی دھار سچ وکھائے شمشیِر، کوُڑی کِریا ہؤمے ہنگتا مایا ممتا موہ دئے چُکائیا۔ انتر آتم پریم رس نِجھر دیوے نیِر، نر نرائن اگنی اگّ بُجھائیا۔ جوتی جوت سروُپ ہرِ، آپ اپنی کِرپا کر، جن بھگتاں ساچی منزل دئے چڑھائیا۔ جن بھگت منزل چڑھ کے ویکھے ایک، ایکنکار دھیان لگائیا۔
جِس دا جُگ چؤکڑی نِت نوِت اَولّڑا بھیکھ، سَتجُگ تریتا دواپر کلجُگ ویس لئے وٹائیا۔ جِس نوُں وِشن برہما شِو گُر اوتار پَیغمبر سادھ سنت کرن آدیس، بِن سیِس جگدیِش نِیوں نِیوں لاگن پائیا۔ دو جہاناں برہم گیانا دیوے سَت اُپدیش، نِراکھّر وِچوں اکھّر دھار پرگٹائیا۔ جو آد جُگاد جُگ چؤکڑی نِرگُن ہو کے رہے سدا ہمیش، جنم مرن وِچ کدے نہ آئیا۔ جِس نوُں سیِس جھُکاؤندے شنکر گنیش، کروڑ تتیِسا بَیٹھا دھیان لگائیا۔ دیوت سُر جِس دا لِکھدے لیکھ، صِفتاں نال جگت وڈیائیا۔ سو صاحب سوامی انترجامی ہر گھٹ وسےّ ساچے دیس، بِن بھگتاں نظر کِسے نہ آئیا۔ دُھر دا مالک بن کے اِک نریش، ناری نر دوویں دئے ترائیا۔ چار ورن اٹھاراں برن نؤ کھنڈ ستّ دیِپ مانَو ذاتی کھیلے کھیڈ، کھِڈاری ہو کے پھیرا پائیا۔ جوتی جلوہ نوُری کر کے تیج، اپ تیج وائے پرِتھمی آکاش پڑدا دیوے اُٹھائیا۔ جِنہاں بھگتاں لوک مات سرگُن دھار دیوے بھیج، نِرگُن دھار لبھے چائیں چائنیا۔ آتم پرماتم مانے ساچی سیج، سچ دوارا ایکنکارا آد نِرنجن کرے رُشنائیا۔ ساچے سنتاں سَت سوامی انترجامی دوُر دُراڈا نیرن نیرا ہو کے لئے ویکھ، سچ دوارے بن کے پاندھی راہیِا۔ جوتی جوت سروُپ ہرِ، آپ اپنی کِرپا کر، جن بھگت سُہائے ساچے گھر، جِس گھر دا دروازہ نظر کِسے نہ آئیا۔ جن بھگت تکّے اِکو میِت، صاحب سوامی نظری آئیا۔ جِس دا دُھر دا ساچا گیِت، لوک مات سکے نہ کوئے بدلائیا۔ جُگ جُگ سچّی دسےّ ریِت، نیِتیوان دئے سمجھائیا۔ کوُڑی کِریا بھانڈا بھنےّ ٹھوکر لا کے ٹھیِک، ٹھاکر ہو کے اپنے رنگ رنگائیا۔ جھگڑا مُکا کے مندر مسیِت، ساڈھے تِنّ ہتّھ اندر نِرگُن جوت کرے رُشنائیا۔ جن بھگتاں نظری آئے بَیٹھا اتیِت، ترےَگُن لیکھا دئے چُکائیا۔ جھگڑا رہے نہ ہست کیِٹ، راؤ رنک اِکو در بہائیا۔ پڑدا رہے نہ اوُچ نیِچ، کھتری براہمن شوُدر وَیش اِکو نام دیوے سمجھائیا۔ جن بھگتاں دسّ اگمّی پریِت، پریِتم اپنے وِچ سمائیا۔ دوارا لنگھے بِن قدماں حق دہلیز، پدماں وِچوں گُرمْکھ جوڑ جُڑائیا۔ جِس دی گُر اوتار پَیغمبر چار جُگ چارے بانی وِچ کردے گئے اُڈیِک، وید ویاسا لِکھ لِکھ دئے گواہیِا۔ محمد کر کے گیا تصدیِق، عیسیٰ شہادت اِک بُھگتائیا۔ نانک گوبِند بن کے گئے رفیِق، مِل مِل اپنی خوشی منائیا۔ سو صاحب سوامی انترجامی نِرگُن داتا پُرکھ بِدھاتا کلجُگ انت اندھیری رَین میٹے تاریِک، سَتجُگ ساچا چند چمکائیا۔ غریِب نِمانیاں کوجھیاں کملیاں چار ورناں دسےّ اِک پریِت، پاربرہم برہم میلا سہج سُبھائیا۔ مِہروان ہو کے سَت سچ کرے بخشیِش، رحمت نال اپنا رحم کمائیا۔ جوتی جوت سروُپ ہرِ، آپ اپنی کِرپا کر، جن
بھگتاں دیوے اِک تؤفیِق، مارگ ساچے لئے چلائیا۔ جن بھگت بِن سِری بھگوان کرے نہ کدے سجدہ، بِن پروردِگار قدماں سیِس نہ کوئے ٹِکائیا۔ دوُسر ہوئے نہ کدے بردا، نِیوں نِیوں نہ لاگے پائیا۔ مالک اِکو لبھے پُرکھ اکال ساچے گھر دا، جو آد جُگاد جُگ چؤکڑی سب دا پِتا مائیا۔ جِس دا نام نِدھانا دو جہاناں چلدا، صِفتی ڈھولے سارے گائیا۔ رام کرِشن عیسیٰ موُسیٰ محمد نانک گوبِند وِشن برہما شِو اوم دھار آپے بن دا، سوئم اپنی کار کمائیا۔ لکّھ چؤراسی جیِو جنت انڈج جیرج اُتبُھج سیتج چارے کھانی آپے جن دا، دھنّ جنیندی ماتا آپ اکھوائیا۔ انتکال توڑ جم کال جن بھگت سہائی لوک مات بن دا، نِرگُن ہو کے سرگُن پھیرا پائیا۔ ساچے تخت شاہو بھوُپ شاہ سُلطان راج راجان ہو کے چڑھدا، تخت نِواسی ہو کے سوبھا پائیا۔ حق منار اُچ منزل محبوُب ہو کے کھڑدا، پُرکھ اکال دیِن دَیال پت پرمیشور اپنا روُپ دئے درسائیا۔ جن بھگت سُہیلا اِک اَکیلا آتم پرماتم ہو کے وردا، کنت کنتوُہل ہو کے اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، کلجُگ انت سِری بھگوَنت لیکھا جانے گھر گھر دا، کایا مندر اندر پڑدے اوہلے رہن کوئے نہ پائیا۔
۱۶ جیٹھ شہنشاہی سمت ۲ اِندرو دیوی دے گرِہ پِنڈ دھنگالی کیَمپ منوال جموں
جن بھگت کہے مَیں پربھ دا ویکھنا چمن، دوارا سوہنا سوبھا پائیا۔ جِتھے آد جُگاد سدا امن، اگنی اگّ نہ کوئے تپائیا۔ پُرکھ اکال اِکو سارے منّن، نِیوں نِیوں بِن سیِس سیِس جھُکائیا۔ جِس دی دھار وِچوں گُر اوتار پَیغمبر لوک مات جمّن، جنم لےَ کے سرگُن روُپ بدلائیا۔ بھےَ وِچ دیوت سُر سارے کمبن، سِر سکے نہ کوئے اُٹھائیا۔ جِتھوں وڈیائی مِلی دُشٹ دمن، دامنگیِر دامن لیا پھڑائیا۔ سنت سُہیلے سوہنے لبھن چندن، سُگندھی سوہنا اپنا رنگ بدلائیا۔ جوتی جوت سروُپ ہرِ، آپ اپنی کِرپا کر، جن بھگتاں بیڑا آئے بنھن، پھڑ باہوں آپ اُٹھائیا۔ جن بھگت کہن پربھ دا ویکھنا اوہ باغ، جو نِرگُن ہو کے رہیا لگائیا۔ جِتھے دِیپک جگے اِک چراغ، بِن تیل باتی کرے رُشنائیا۔ بِنا تنبوُری وجّدے ساز، بِن لوڑاں ناد، بِن پڑھیاں کُھلدا راز، بِن سُنیاں ہوئے شنوائیا۔ بِن کیِتیاں ہُندا کاج، کرماں دا لیکھا جائے چُکائیا۔ بِن سیوا بن دا چاک، چاکر ہو کے پھیرا پائیا۔ لیکھا چُکاؤندا ماٹی خاک، خالص گھر وکھائیا۔ نام نِدھان
دوُجا وجا ناد، نادی سُت لئے اُٹھائیا۔ دُرمت مَیل دھو داغ، دردی ہو کے دَیا کمائیا۔ جوتی جوت سروُپ ہرِ، آپ اپنی کِرپا کر، جن بھگتاں دسّ کے دُھردا اِک سماج، سمے دا گیڑا دئے بھوائیا۔ جن بھگت کہے مَیں پربھ دا ویکھنا سچ باغیچہ، باغبان جِتھے اِکو نظری آئیا۔ کوئی بوُٹا دِسے نہ اوُچا نیِچا، اِکو رنگ رہیا وکھائیا۔ امرت دھار نال جِس نے پریم رس سیِنچا، سُچ سنجم رہیا سمجھائیا۔ نام بھنڈارا دے کے کِنکا، کِرن کِرن کرے رُشنائیا۔ لہنا دینا دیوے جِن کا، جماں توں لئے چُھڈائیا۔ کھیل کرے اپنا چِھن کا، شہنشاہ ہو کے ویکھ وکھائیا۔ جن بھگتاں مُحبّت اپنے پریم پَیمانے نال مِن دا، مِنتی گِنتی ہور نہ کِسے سمجھائیا۔ نِشانہ دسّ کے اپنے چِھن دا، چِنتا کوُڑی دئے چُکائیا۔ جھگڑا مُکا کے جیِؤ پِنڈ دا، گھر ساچے دئے بہائیا۔ جِتھے سِری بھگوان نوُں نہیں کوئی نِند دا، نِندک نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، کھیل کرے سدا بخشِند دا، بخشنہار پھیرا پائیا۔
۱۶ جیٹھ شہنشاہی سمت ۲ شاہنی دیوی دے گرِہ پِنڈ چھمب کیَمپ منوال جموں
جن بھگت کہے مَیں تکّنی پربھ دی اوہ دہلیز، جِس در بھگتاں مِل کے خوشی منائیا۔ سچ پیار اندر کرے ریِجھ، مِہروان اپنا رنگ چڑھائیا۔ اپنی پہچان دی دیوے تمیِز، پڑدا اندروں دیوے اُٹھائیا۔ لیکھا رہے نہ کوئے اوُچ نیِچ، چارے ورن اِکو دئے سرنائیا۔ آتم کرے ٹھانڈی سیِت، امرت میگھ اِک برسائیا۔ ساچی دسےّ دھرم دی ریِت، سِکھیا اِکو اِک سمجھائیا۔ سچ دوار دے بنے وسنیِک، سچکھنڈ ساچے ملِے وڈیائیا۔ ابناشی کرتا سدا کرے تُہاڈی اُڈیِک، جو دِوس رَین اِکو دھیان لگائیا۔ چار جُگ دی شہادت دیوے تواریخ، سماں رہی سمجھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ جن بھگت کہے مَیں پربھ دا بےَ خریِد، سؤدا اوَر نہ کوئے جنائیا۔ میری اِکو نال مِل گئی دیِد، دیِدڑیاں وِچوں باہر دِتا کڈھائیا۔ میری منسا پوُری ہوئی اُمیِد، کامل مُرشد مِل کے وجّی ودھائیا۔ جِس دی شاستر سِمرت وید پُران کرن تائید، تابعدار ہو کے اوسے دا ہو کے سیو کمائیا۔ جِس دی کھیل مہا عجب عجیِب، عاجِز ہو کے ویکھاں چائیں چائنیا۔ جوتی جوت سروُپ ہرِ، آپ اپنی کِرپا کر، سچ در دیوے مان وڈیائیا۔ جن
بھگت کہے مَیں ویکھ کے مالک دُھر، دھرنی دھرت دھوَل دِتا جنائیا۔ جِتھے جھُکدے پَیغمبر اوتار گُر، سُر بینتی کر سیِس جھُکائیا۔ جھگڑا رہے نہ کِسے ٹھگ چور، کوُڑ کُٹمب نہ کوئے بنائیا۔ اِکو نام شبد سچّا گھنگھور، گھنئیے مِل کے ڈھولے رہے گائیا۔ جوتی جوت سروُپ ہرِ، آپ اپنی کِرپا کر، جن بھگتاں آد جُگاد جُگ چؤکڑی نِت نوِت اپنے ہتّھ رکھے ڈور، دوُسر اوٹ نہ کوئے جنائیا۔
۱۶ جیٹھ شہنشاہی سمت ۲ اِندرو دیوی دے گرِہ پِنڈ نگیال منوال کیَمپ جموں
جن بھگت کہے مَیں تکّیا اوہ رام، جو ہر گھٹ رمیا بےپرواہیِا۔ سو وسے اگمّی ساچے دھام، سچکھنڈ ساچے سوبھا پائیا۔ گُر اوتار پَیغمبر جِس دا مات لوک نِشان، سرگُن ہو کے پھیرا پائیا۔ شاستر سِمرت وید پُران انجیل قُرآن کھانی بانی جِس دے ڈھولے گان، راگاں ناداں صِفتاں وِچ صلاحیِا۔ جو لکّھ چؤراسی گھٹ گھٹ وسیا کایا سچ مقام، در دوارا اِک سُہائیا۔ جو جن بھگتاں لوک مات جُگ چؤکڑی ملِے آن، نِرگُن ہو کے سرگُن پھیرا پائیا۔ جو آتم پرماتم کھیلے کھیل مہان، پاربرہم برہم پڑدا دئے اُٹھائیا۔ جو ترےَگُن مایا پنج تت کرے پردھان، اپ تیج وائے پرِتھمی آکاش رجو طمعو سَتو اپنی ونڈ ونڈائیا۔ جو شبد سندیشے ناد انادی سُناؤندا رہے دُھر فرمان، نِت نوِت آپ جنائیا۔ جِس دا اِشٹ درِشٹ اندر کرن سرب دھیان، سرِشٹ سبائی مالک بےپرواہیِا۔ جِس نوُں واحد لاشریِک سارے تکّن لامقام، حق مقامے سوبھا پائیا۔ جِس نوُں الف یے صِفتاں وِچ صلاحی گان، انت کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، جن بھگتاں وکھائے اوہ گھر، جِتھے مندر مسجد شِودوالا مٹھ چھپّر چھنّ نظر کوئے نہ آئیا۔ جن بھگت کہے مَیں تکّنا اِک اکلّا، جو مالک سب دا نظری آئیا۔ سچ دوارے وسے اُچ اگمّ اتھاہ محلا، در دربار دیوے مان وڈیائیا۔ جو گُر اوتار پَیغمبر نِرگُن دھار پھڑائے اپنا پلّا، شبد شبدی گنڈھ پوائیا۔ جِسنوُں سارے کہِندے واہِگُروُ گاڈ االلہ، عالمین کہہ کے سیِس جھُکائیا۔ جو وسیا جلاں تھلاں، جنگل جوُہ اُجاڑ پہاڑ ٹِلّے پربت سمُند ساگر رہیا سمائیا۔ جو بھگتاں شبد انیالا تیِر مارے بِن گھڑی پلاں، سچ نِشانہ سِری بھگوانا بِن ہتّھاں آپ چلائیا۔ جوتی جوت سروُپ ہرِ، آپ اپنی کِرپا کر، جن بھگتاں دیوے اِک ور، جِس دی سمجھ جگت وِدیا کوئے نہ پائیا۔ جن بھگت کہے مَیں تکّنا دیِن دَیالا، پت پرمیشور اِکو نظری آئیا۔ جِس دی سب توں وکھّری
پاٹھشالا، نِراکھّر کرے پڑھائیا۔ جِس دا عجب نِرالا وِدَیالا، برہم مت دئے سمجھائیا۔ جِس دی سچ دوار سچکھنڈ سچّی دھرم سالا، دیِن مذہب ذات پات ورن گوت اوُچ نیِچ راؤ رنک راج راجان شاہ سُلطان ونڈ نہ کوئے ونڈائیا۔ جن بھگتاں توڑنہارا ترےَگُن مایا جگت جنجالا، جاگرت جوت کرے رُشنائیا۔ لہنا دینا لیکھا چُکائے کال مہاکالا، مِہر نظر اِک اُٹھائیا۔ اپنی گود اُٹھائے نِرگُن دھار ساچا بچّہ نڈھا بالا، گُرمْکھ گُر گُر اپنے رنگ رنگائیا۔ جنم جنم دا کرم کرم دا حل کرے سوالا، پوُرب لیکھا لہنا جھولی دیوے پائیا۔ چرن پریِتی ساچی ریِتی مارگ دسےّ سُکھالا، چار کُنٹ دہِ دِشا بھٹکن دی لوڑ رہے نہ رائیا۔ آتم پرماتم پرماتم آتم اِکو دیوے پریم پیالہ، امرت جھِرنا نِجھر آپ جھِرائیا۔ جن بھگت کہے مَیں بھگوَنت دے نام دی انتر آتم پاؤنی اوہ مالا، جو بِنا منِکیاں توں من کا منکا دئے پِھرائیا۔ جوتی جوت سروُپ ہرِ، آپ اپنی کِرپا کر، جن بھگتاں دُرمت مَیل داغ رہن نہ دیوے کالا، کلجُگ کوُڑی کِریا کرم کانڈ وِچوں باہر کڈھائیا۔
۱۶ جیٹھ شہنشاہی سمت ۲ لچھمی دیوی دے گرِہ پِنڈ نگیال کیَمپ منوال جموں
جن بھگت کہے مَیں تکّیا پُرکھ الکّھ، الکھ اگوچر اتھاہ انامی نظری آئیا۔ خوشیاں وِچ کہاں سچ، سَت سَت دِرڑائیا۔ پربھوُ دا ہتّھ مُنہ ویکھیا نہیں کوئی نکّ، کایا کنچن کچّ نہ کوئے بنائیا۔ رسنا والا سُنیا نہیں جس، دنداں والی نہ کوئے پڑھائیا۔ کِتاباں والا کُھلیا نہیں کوئی ہٹّ، پُستکاں قیِمت کوئے نہ پائیا۔ نہاوَن واسطے نہیں کوئی تٹ، تیِرتھ وہن نہ کوئے وگائیا۔ سؤن واسطے نہیں کوئی کھاٹ، سیجا بِستر رنگ نہ کوئے رنگائیا۔ منزل پیَنڈا نہیں کوئی واٹ، جوجن گنت نہ کوئے گِنائیا۔ جاں تکّیا بھگتاں وسیا سدا ساتھ، گھر گھر بَیٹھا سوبھا پائیا۔ جِس نوُں سیِس نِواؤندے گئے رگھُپت رگھُناتھ، بنسری والا جِس دی دُھن اُپجائیا۔ سو صاحب سوامی پُرکھ بِدھاتا تکّیا ساکھیات، سَت سَتوادی سوبھا پائیا۔ جِس دی ورناں برناں وِچ ونڈی نہ جائے ذات، پاربرہم برہم ہر گھٹ نظری آئیا۔ جوتی جوت سروُپ ہرِ، آپ اپنی کِرپا کر، جن بھگتاں سدا دیوے دُھر دا ساتھ، جگت جہان وِچوں باہر کڈھائیا۔ جن بھگت کہے مَیں
تکّیا پربھ دا راہ کنارہ، جِتھے نئیا نؤکا نظر کوئے نہ آئیا۔ تکّیا اوہ اُجیارا، جِتھے سوُرج چند نہ کوئے رُشنائیا۔ تکّیا اوہ دربارا، جِتھے دربان در سیِس نہ کوئے جھُکائیا۔ تکّیا اوہ کرتارا، جو کرنی دا کرتا قُدرت رہیا بنائیا۔ جِس دے حُکمے اندر بھجےّ پِھرن واہوداہ گُروُ اوتارا، پَیغمبر نَٹھ نَٹھ ڈھولے گائیا۔ برہمنڈ کھنڈ پُری لوء آکاش پاتال دئے سہارا، شبدی ڈوری اپنی گنڈھ پوائیا۔ سو سجّن سُہیلا اِک اَکیلا جن بھگتاں ویکھے وِگسے ویکھنہارا، جگ نیتر کلجُگ جیِو نظر کِسے نہ آئیا۔ جو نام نِدھان سِری بھگوان بخشنہار اتُٹ بھنڈارا، داتا دانی بےپرواہیِا۔ سو سنت سُہیلا آتم پرماتم بنیا رہے حق ونجارا، میلا میلے سہج سُبھائیا۔ جوتی جوت سروُپ ہرِ، آپ اپنی جوت دھر، جن بھگت سُہیلے انتر نِرنتر لئے پھڑ، باہروں بنتر وِچ نظر کِسے نہ آئیا۔
۱۶ جیٹھ شہنشاہی سمت ۲ کرم سِنگھ دے گرِہ پِنڈ دھنگالی کیَمپ منوال جموں
جن بھگت کہے مَیں ویکھیا عالی جاہ، ظاہر نظری آئیا۔ جلوے وِچ خُدا، خُدائی وِچ سمائیا۔ کدے نہ ہووے جُدا، جُدائی وِچ بِجائیا۔ جن بھگتاں کر وِواہ، وِدیا اپنی دئے سمجھائیا۔ مارگ برہم کرو سِدھا، سادھنا دسّو جگت لوکائیا۔ پربھ مِلن دی جناؤ بِدھا، بندھن دیؤ تُڑائیا۔ دوارا دسّو نِگھا، اگنی تت گوائیا۔ جوتی جوت سروُپ ہرِ، آپ اپنی کِرپا کر، ہرِ جوُ ہرِ بندھن اِک درسائیا۔ جن بھگت کہے مَیں ویکھنا پربھ دا اوہ مکّہ، جِس دا مُقابلہ کرے نہ کوئی لوکائیا۔ جِس گرِہ وسے محبوُب سکا، ساکھیات نظری آئیا۔ منزل وِچ کدے نہ تھکا، تھکاوٹ پِچھلی دئے مِٹائیا۔ یقیِن دواوے حقیِقت حقا، حق الیقین آپ سمجھائیا۔ بھگت اُدھارے وِچوں کوٹاں لکّھاں، لکھمی نرائن ہوئے سہائیا۔ جِس دیاں سمجھے کوئی نہ اکّھاں، آخر سب نوُں ویکھ وکھائیا۔ اوس دی صِفت مہما کی لِکھاں، جن بھگت کہے میرے نیَن رہے شرمائیا۔ جو وڈیائی دیوے گُرمْکھ پیاریاں سِکھاں، سِخر چوٹی دئے چڑھائیا۔ جِتھے جنم مرن دی مِٹے ترِکھا، ترِشنا وِچ نہ کوئے بھٹکائیا۔ اگنی والی بالے کوئی نہ چِکھا، چِنتا غم نہ کوئے ستائیا۔ چرن کوَل لیا کے سِدھا، رستے وِچ نہ
کوئے اٹکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگت انتم ویلے رہن نہ دیوے وِنگا، ٹیڈھی بنک رستہ بھور دئے مِٹائیا۔
۱۶ جیٹھ شہنشاہی سمت ۲ منگل سِنگھ دے گرِہ پِنڈ دھنگالی کیَمپ منوال جموں
جن بھگت کہے مَیں پربھ دے نوُر دی ویکھی چمک، چند چاندنا سیِس نہ کوئے اُٹھائیا۔ مِہروان ہو کے بخشش کرے رحمت، دیانِدھ دَیا کمائیا۔ بھگتاں نال ہو کے سہمت، سہم پِچھلا رہیا چُکائیا۔ بھگتی بھاؤ دی لیکھے لاوے محنت، جو ڈھولے رہے گائیا۔ سچ بھنڈار دیوے نیامت، کایا جھولی آپ بھرائیا۔ انت ہووے نہ کدے قیامت، چرن کوَلاں دیوے مان وڈیائیا۔ سچ دوارے کھڑے صحیح سلامت، آتم چؤراسی وِچ نہ کوئے بھوائیا۔ جوتی جوت سروُپ ہرِ، آپ اپنی کِرپا کر، ہرِ سجّن لئے بنائیا۔ جن بھگت کہے مَیں تکّیا پربھ دا عرش، عرشاں توں اُتے دھیان لگائیا۔ میرے اُپر کیِتا ترس، دیِن دَیال ہویا سہائیا۔ دماں دا پلّے بنھیا نہ کوئے خرچ، دھن دؤلت کندھ نہ کوئے اُٹھائیا۔ مندر مسجد شِودوالے مٹھ گیا کِسے نہ چرچ، چرچا سُنی نہ جگت لوکائیا۔ دھام نِرالا ڈِٹھا اِک اسچرج، جِتھے اچرج لیِلا بےپرواہیِا۔ دیِناں دُکھیاں ونڈے درد، نِمانیاں ہوئے سہائیا۔ جن بھگتاں سُنے عرض، جو بینتی رہے جنائیا۔ پوُرا کرے فرض، فرمانبرداراں ویکھ وکھائیا۔ اپنے مِلن دی آسا ویکھ کے غرض، بُھلے بھٹکے لئے جگائیا۔ اندر ناد سُنا کے طرز، طرفداری دئے مِٹائیا۔ ممتا موہ رہے نہ مرض، مریضاں صفحہ دئے وکھائیا۔ جن بھگتاں ہون نہ دیوے بھگتی والا حرج، حرجانہ سہجے جھولی پائیا۔ جِنہاں دا نام لیکھا رَویداس راہیں کر لیا درج، درجہ اُہناں دا نہ کوئے مِٹائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، شبد سندیشے کہے گرج، نام سنیہڑے وِچ سُنائیا۔
۱۶ جیٹھ شہنشاہی سمت ۲ میلا رام دے گرِہ پِنڈ دھنگالی کیَمپ منوال جموں
جن بھگت کہے پربھ دا ویکھیا تھِر گھر، جِتھے چرن کوَل ٹِکائیا۔ جِتھے شبدی سُت رہیا کھڑ، دوئے جوڑ سیِس جھُکائیا۔ پُرکھ اکالے کِرپا کر، دیِن دَیال تیری بےپرواہیِا۔ کلجُگ اگنی وِچ رہیا سڑ، سانتک سَت نہ کوئے کرائیا۔ ساچی وِدیا کوئی نہ رہیا پڑھ، پُستکاں والی کرن لڑائیا۔ گُر اوتار پَیغمبر جو مارگ آئے دھر، دھرنی دھرت دھوَل اُپر ٹِکائیا۔ اوس نوُں سارے گئے ہر، ہِردے ہرِ نہ کوئے منائیا۔ پُرکھ ابناشی تیرا چُکیا ڈر، بھٹکنا وِچ رہے کُرلائیا۔ تُوں سچکھنڈ دوارے رِہوں وڑ، سِنگھاسن بہہ کے خوشی منائیا۔ جن بھگت سُہیلے لوک مات مِنّتا رہے کر، دوئے جوڑ واسطہ پائیا۔ سچ سوامی آ ساڈے گھر، گھرانہ ساچا دے بنائیا۔ جُگ چؤکڑی پِچھوں مانَس جنم مِلیا ور، کرم ریکھا دے بدلائیا۔ سَتگُر ہو کے دے ور، وست اپنی آپ ورتائیا۔ انتم لےَ کے جاویں اپنے گھر، گرِہ ڈیرہ دینا لگائیا۔ تیرا پلّوُ لیا پھڑ، پلک نہ ہوئے جُدائیا۔ تُوں آد جُگادی چوٹی جڑ، ہبھّ کُچھ تیرے وِچ سمائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگت اِکو وار نُہاوے اوس سر، جِس سر وِچوں سریِر دا لیکھا رہے نہ رائیا۔
۱۶ جیٹھ شہنشاہی سمت ۲ پوُرن سِنگھ دے گرِہ پِنڈ دھنگالی کیَمپ منوال جموں
جن بھگت کہے مَیں پربھ دا ماننا اِک انند، جو انند وِچوں انند پرگٹائیا۔ آتم پرماتم اِکو دیوے ٹھنڈ، سیِتل دھار اگنی تت نہ کوئے تپائیا۔ پریم پیار مُحبّت وِچ بنّھے اوہ گنڈھ، ایتھے اوتھے دو جہان من بُدھی سکے نہ کوئے کُھلائیا۔ سَت سروُپ شاہو بھوُپ انڈِٹھڑا چاڑھے رنگ، جگت للاری جِس نوُں رنگن کوئے نہ آئیا۔ سیج سُہاؤنی سچ سوامی بخشے اِک پلنگ، جِس دا پاوا چوُل باڈھی گھڑ نہ کوئے وکھائیا۔ نام نِدھان بِن تند سِتار وجائے اوہ مردنگ، جو چھتّی راگ توں باہر سچ جَیکار دئے دِرڑائیا۔ نِرگُن ہو کے سرگُن سدا بخشے اپنا سنگ، سگلا ساتھی ہو کے لگّی توڑ نِبھائیا۔ جھگڑا رہے نہ جیرج انڈ، اُتبُھج سیتج چارے کھانی نہ کوئے بھوائیا۔ پرکاش تکّنا پئے نہ سوُرج چند، جلوہ جوت کرے رُشنائیا۔ جوتی جوت سروُپ ہرِ، آپ اپنی کِرپا کر، بھرماں ڈھائے جھوُٹھی کندھ، بخشِند
ہو کے رحمت آپ کمائیا۔ جن بھگت کہے مَیں تکّنا پربھ دا سانتک سَت، سَت سَتوادی دئے دِرڑائیا۔ اِکو دیوے برہم مت، پاربرہم پربھ بِھچِھیا دُھر دی جھولی پائیا۔ ساچا نعرہ جَیکارا دسےّ الکّھ، الکھ اگوچر دَیا درِشٹی اِشٹی آپ سمجھائیا۔ پاربرہم برہم رہن نہ دیوے وکّھ، دوُجا در نہ کوئے وکھائیا۔ آتم پرماتم میلا ہووے نِرگُن دھار سچ، سچ دوارا اِکو نظری آئیا۔ جوتی جوت سروُپ ہرِ، آپ اپنی کِرپا کر، جن بھگتاں دیوے نام اگمّی وتھ، وست دُھر دی جھولی پائیا۔ جن بھگت کہے مَیں تکّنا پربھ دا نوُر اُجالا، جو کرے سچ رُشنائیا۔ جِتھے کلجُگ کوُڑ رہے نہ کالا، کائنات کرم نہ کوئے کمائیا۔ مارگ ملِے دھرم سُکھالہ، ورن برن نہ کوئے ونڈائیا۔ لیکھے لگّے پِچھلی گھالا، گھائل ہو کے سیو کمائیا۔ محل اٹل چڑھ کے تکّے سچ سچّی دھرم سالا، در دروازہ غریِب نِواجا جِس دا آپ کُھلائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں درس وکھاوے اَگے کھڑ، سوَچّھ سروُپ شاہو بھوُپ نظری آئیا۔
۱۶ جیٹھ شہنشاہی سمت ۲ راجا سِنگھ دے گرِہ پِنڈ دھنگالی کیَمپ منوال جموں
جن بھگت کہے سُرتی شبدی میرا جوڑ، جوڑی جُڑ کے خوشی منائیا۔ آتم پرماتم سانجھی رکھی لوڑ، دردی ہو کے درد درد ونڈائیا۔ پربھ مالک سوامی ہو کے جائے بہُڑ، اگلا پِچھلا پندھ مُکائیا۔ ساچے مندر لا کے اپنا پؤڑ، آخر چڑھ کے لئے اُٹھائیا۔ بِن اکّھاں ویکھے کر کے غؤر، گہر گمبھیِر سچّا شہنشاہیِا۔ جوتی جوت سروُپ ہرِ، آپ اپنی کِرپا کر، جن بھگت جگت وِچوں لئے پرگٹائیا۔ جن بھگت کہے میرا پربھ دے ارپن جیِون، جُگت جیِون دی لوڑ رہے نہ رائیا۔ مَیں نام نِدھان امرت رس آیا پیِون، صاحب سچ پیالہ دیِن دَیالا ہتّھ پھڑائیا۔ چرن کوَل سرنائی آیا تھیِون، بلہار ہو کے بل بل جائیا۔ غریِب نِمانا ہو کے آیا نیِون، نِیوں نِیوں لاگاں پائیا۔ تن پاِٹا آیا سیِون، کپڑ لباس لواں بدلائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، جن بھگتاں اندر ساچا بیِج آیا بیِون، بیِر رس امرت رس سواس رس پرکاش رس ابناش رس کر کے اپنے وس، واسطہ ایکنکار ایکا اپنے نال رکھائیا۔
۱۷ جیٹھ شہنشاہی سمت ۲ دھرمو دیوی دے گرِہ پِنڈ دھنگالی کیَمپ منوال جموں
جن بھگت کہے پربھ ملِے صاحب بخشندی، روگ سوگ چِنتا دُکھ جگت دئے گوائیا۔ ساچے نام پریم دی بخشے اِک سُگندھی، دُرگندھی اندروں دئے کڈھائیا۔ جنم جنم دی رہے نہ کوئے پابندی، لکّھ چؤراسی آون جاون جھگڑا دئے مُکائیا۔ سِدھا مارگ دسّ کے ڈنڈی، درگاہ ساچی سچ دوارے دئے پہنچائیا۔ مایا ممتا وِچوں لئے کڈھی، جگت جنجال نہ کوئے پھسائیا۔ آتم پرماتم ہون نہ دیوے رنڈی، سُہاگن سوبھاوَنت سدا سُکھدائیا۔ اپنے لیکھے لاوے مندی چنگی، جھگڑا رہے نہ جگت لوکائیا۔ جوتی جوت سروُپ ہرِ، آپ اپنی کِرپا کر، ہرجن ہرِ ہرِ اپنے چرن ٹِکائیا۔ جن بھگت کہے پربھ تکّنا اپنے نیَن، کتھا سُنن دی لوڑ رہے نہ رائیا۔ جِس نوُں نِرگُن دھار پُرکھ اکال جوت سروُپ سارے کہن، مالک دُھر دا اِک اکھوائیا۔ اوہ نظری آوے اِکو ساک سجّن سیَن، ناتا کوُڑ کُٹمب تُڑائیا۔ اپنا درشن دیوے نِرگُن دھار عین، اکّھ پرتکھ آپ کُھلائیا۔ من منوُآ سُکھ شانتی وِچ کرے چَین، واسنا اندر بھجےّ نہ واہو داہیِا۔ جوتی جوت سروُپ ہرِ، آپ اپنی کِرپا کر، در مندر دئے سُہائیا۔ جن بھگت کہے مَیں تکّنا اوہ نواب، جو نؤبت دُھر دا نام وجائیا۔ جِس دا صِفتاں توں باہر خطاب، شاہ پاتشاہ شہنشاہ اکھوائیا۔ جِس دا لیکھا لِکھ نہ سکے کوئے کِتاب، حرف ہِندسا صِفت نہ کوئے صلاحیِا۔ گا سکے نہ کوئے رباب، رسنا جِہوا نہ کوئے وڈیائیا۔ پوُرا کر سکے نہ کوئے آداب، سجدیاں وِچ سارے سیِس جھُکائیا۔ جو بَیٹھا حق محراب، سچ سِنگھاسن سوبھا پائیا۔ سو کھیل کرے صاحب سوامی سِری سَتگُروُ مہاراج، راجن بھوُپ بےپرواہیِا۔ جن بھگتاں بخشے اپنی دات، نام نِدھانا جھولی پائیا۔ کلجُگ انتم میٹ اندھیری رات، رُتڑی اپنے سنگ نِبھائیا۔ چِنتا روگ سوگ مِٹے سنتاپ، سنسا اندروں دئے کڈھائیا۔ پوُرا کرے بھوِکھت واک، واقف کار بھگت لئے کرائیا۔ نِرگُن ہو کے دیوے سچّا ساتھ، سگلا سنگ نِبھائیا۔ تُوں میرا مَیں تیرا سوہنگ دسّ کے ساچی گاتھ، گہر گمبھیِر کرے پڑھائیا۔ لہنا دینا جنم کرم دیوے ہتّھو ہاتھ، اَگے اُدھار نہ کوئے بنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، میٹنہارا اندھیری رات، نِرگُن ساچی جوت دُھر دا نوُر کرے رُشنائیا۔
۱۷ جیٹھ شہنشاہی سمت ۲ مہِندر کؤر دے گرِہ کیَمپ منوال جموں
جن بھگت کہے مَیں پربھ دا بننا بالا سچّا، ننّا نِکاّ نڈھّا روُپ وٹائیا۔ بھاگ لگاؤنا کایا ماٹی بھانڈا کچّا، کنچن گڑھ وجےّ سچ ودھائیا۔ شبد انادی دُھر دا راگ گاؤنا سچّا، جگت وِدیا نہ کوئے پڑھائیا۔ ساچی منزل چڑھ کے پربھ دا کرنا پوُرا پتہ، پت پرمیشور وسے کِس کِس تھائنیا۔ سُرتی دھار اندر پِھراں نَٹھاں، بھجّاں واہو داہیِا۔ کھہڑا چُھڈا اٹّھاں سٹّھاں، سچ سروور نہا کے خوشی منائیا۔ جِتھے من واسنا رہے نہ کوئی رٹّا، جھگڑا تت نہ کوئے وکھائیا۔ مندر دِسے نہ پتّھراں اِٹّاں ، گُروُدوارا نظری آئیا۔ کھوجنا پئے نہ کِسے ہٹّاں، جگت بازار نہ کوئے بھوائیا۔ اِکو لاہا ہرِ سرنائی کھٹّاں، کھٹکا اَگے رہے نہ رائیا۔ امرت آتم نِجھر دھار جھٹّاں، نابھی کوَلی کوَل اُلٹائیا۔ پنچ وِکارا ستھر گھّتاں، کوُڑ کُڑیارا پرے ہٹائیا۔ پربھ دا درشن کراں بِن اکّھاں، نِج لوچن ہوئے رُشنائیا۔ آتم ہو کے پرماتم گرِہ وساں، ساچے مندر بہہ کے خوشی منائیا۔ دیِن دُنی جگت جہان چھڈاں، چُھٹکے سرب لُکائیا۔ جوتی جوت سروُپ ہرِ، آپ اپنی کِرپا کر، سچ وکھاوے اپنا گھر، جن بھگت کہے نِرگُن درشن کر کے ہسّاں، مستی وِچوں نام مستی اِک چڑھائیا۔ جن بھگت کہے مَیں چڑھاؤنی دُھر دی مستی، جام اِکو مُکھ لگائیا۔ جِس نال بھاگ لگّے میری کایا بستی، کھیڑے ساچے وجےّ ودھائیا۔ پربھ دی نظر آئے نِرگُن دھار ہستی، جوتی جوت جوت رُشنائیا۔ مَیں اِکو دا ہونا چرن پرستی، سیِس اِکو اِک جھُکائیا۔ کھیل ویکھنی درگاہ ساچی سچ دی، سچ سنجم لَینا اپنائیا۔ مُحبّت ویکھنی پرم پُرکھ پرماتم کملاپتِ دی، جو پت پرمیشور ہو کے آتم اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جن بھگتاں دھار دسےّ ساچی اکّھ دی، اکّھیاں توں پِچھے سکھیِاں دا روُپ بدلائیا۔
۱۷ جیٹھ شہنشاہی سمت ۲ پیاری دیوی دے گرِہ خَیرووال منوال کیَمپ جموں
جن بھگت کہے تن من دینا پربھ دے ذِما، اپنی ذِمیواری نہ کوئے رکھائیا۔ پریم پیار مُحبّت وِچ سَت سَتوادی چرن چُّما، رسنا رس اوَر نہ کوئے وڈیائیا۔ مِہروان کِرپا کر کے کوُڑی وِکھ رہن نہ دیوے تُمہ، امرت روُپ دئے جنائیا۔ چارے کھانی لکّھ چؤراسی وِچ
کدے نہ گھُنما، گھُنمن گھیر ڈوُنگھی بھوَر نہ کوئے بھوائیا۔ اِکو نام سندیش پُرکھ اکال دا سُنا، سرون دوُجی آواز سُنن کوئے نہ پائیا۔ اِکو اُپجے اگمّی دُھنا، ڈھولک چَھینا نہ کوئے کھڑکائیا۔ سوامی ملِے سَتگُر بہُگُنا، اؤگُن میرے دئے چُھپائیا۔ تن ماٹی بھانڈا رہن نہ دیوے اوُنا، وست امولک وِچ ٹِکائیا۔ انتکال کل پئے نہ رونا، جم کی پھاسی گل نہ کوئے لٹکائیا۔ مڑھی گور پئے نہ سؤنا، بِسترے مرگ سیج نہ کوئے ہنڈھائیا۔ آتم پرماتم حوالے ہبھ کراؤنا، اپنا آپ مِٹائیا۔ سچکھنڈ دوارا اِکو پاؤنا، جِس وِچ رہ کے جھٹ لنگھائیا۔ پُرکھ ابناشی درشن کر کے آپا آپ بھیٹ چڑاؤنا، باقی اوَر نہ کوئے جنائیا۔ جوتی جوت سروُپ ہرِ، آپ اپنی کِرپا کر، جن بھگت کہے موہے دیوے اِک ور، ورم دوَیت رہن نہ پائیا۔
۱۷ جیٹھ شہنشاہی سمت ۲ کرِشنا دیوی دے گرِہ پِنڈ خَیرووال کیَمپ منوال جموں
جن بھگت کہے مَیں پُرکھ اکال اِکو بناؤنا باپ، پِتا پرمیشور نظری آئیا۔ جِس دا آد جُگاد ساچا جاپ، جُگ چؤکڑی جگت سُنائیا۔ جن بھگتاں کرے داسی داس، سیوک اپنے لئے بنائیا۔ روُح بُت دوویں کر کے پاک، پوِتر دھارا وِچ رکھائیا۔ آتم دا دیوے سچّا ساتھ، سگلا سنگ توڑ نِبھائیا۔ لہنا دینا چُکا کے مستک ماتھ، پوُرب لیکھا دئے مُکائیا۔ جنم جنم دی پوُری کر کے آس، ترِشنا روگ رہے نہ رائیا۔ کلجُگ میٹ اندھیری رات، سَتجُگ ساچا چند کرے رُشنائیا۔ جن بھگتاں مِلن آوے آپ، نِرگُن ہو کے ویکھ وکھائیا۔ ترےَگُن میٹے روگ سنتاپ، پتت پُنیِت دئے بنائیا۔ جوتی جوت سروُپ ہرِ، آپ اپنی کِرپا کر، ہرجن لیکھا مُکائے وِچ لوک مات، سچکھنڈ دوارے ساچا حِصّہ جھولی دیوے پائیا۔
۱۷ جیٹھ شہنشاہی سمت ۲ رسال سِنگھ دے گرِہ پِنڈ مناوَر کیَمپ منوال جموں
جن بھگت کہے پربھ مالک بنے سچےّ ہِت دا، پریم بندھن نام رکھائیا۔ جنم مرن جھگڑا مُک جائے نِت دا، چؤراسی پھند نہ کوئے پوائیا۔ ساچا لیکھا جاوے لِکھدا، جنم کرم اُلٹائیا۔ نظری آوے دِسدا، سنمُکھ سوبھا پائیا۔ ناتا جوڑے ساچے پِت دا، پِتا پوُت گود
سُہائیا۔ گھر ملِے اِکو ٹھاکر سجّن اِک دا، ایکنکار لئے ٹِکائیا۔ جوتی جوت سروُپ ہرِ، آپ اپنی کِرپا کر، سچ مارگ دیوے لگائیا۔ جن بھگت کہے مَیں پربھ دا بننا سکھا، سجّن نظر کوئے نہ آئیا۔ درس کرنا اکّھاں، آخر منزل چڑھ کے خوشی منائیا۔ خوشی رہنا وس کے کُلیّ ککھّاں، محل اٹل نہ کوئے وڈیائیا۔ جھگڑا چُکا کے کوُڑ کُڑیار لکّھاں، لکھمی نرائن اِکو لَینا دِھیائیا۔ جِس دی سرنائی سدا وساں، چرن کوَل دھیان لگائیا۔ خوشیاں وِچ ڈھولے گا کے ہسّاں، گیِت گوبِند جنائیا۔ اوس دا پلّوُ کدے نہ چھڈاں، مالک دُھر دا اپنی گنڈھ پوائیا۔ بھاگ لگا کے کایا ماٹی ہڈّاں، ہِردے وِچوں ہرِ لَواں پرگٹائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگت کہے چؤراسی وِچوں تَینوُں نِرگُن دھار ہو کے لبھاں، جگت کھوجن دی لوڑ رہے نہ رائیا۔
۱۷ جیٹھ شہنشاہی سمت ۲ رویلا رام دے گرِہ پِنڈ سرداری کیَمپ منوال جموں
جن بھگت کہے ساچی دھار تکاّں سَتگُر شبد، تھِر گھر واسی نظری آئیا۔ جِس دا نہ کوئی دیِن نہ کوئی مذہب، ورن برن ونڈ نہ کوئے ونڈائیا۔ وِیاپک ہووے سرِشٹی سرب، درِشٹی دا مالک نظری آئیا۔ جِسنوُں جھُکدے اَرب کھرب، دو جہان سیِس نِوائیا۔ جِسدا لہنا دینا شرکن غرب، پچھّم دکھّن سوبھا پائیا۔ پریمیاں پیاریاں ونڈے سدا درد، دیِناں دُکھیاں گلے لگائیا۔ ساچے سنتاں سُن کے انتر عرض، سرگُن ہو کے دئے وڈیائیا۔ سَتجُگ تریتا دواپر کلجُگ پوُرا کردا آیا فرض، گُر اوتار پَیغمبر اپنا حُکم جنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جن بھگت کہے مَیں سَتگُر شبد ویکھنا اِک گُردیو، دیوت سُر جِس دا دھیان لگائیا۔ وِشن برہما شِو کردے سیو، نِیوں نِیوں لاگن پائیا۔ جو دِسے سدا نِہچل دھام نِہکیو، اٹل پدوی ڈیرہ لائیا۔ جِس دی صِفت کر نہ سکے کوئی رسنا جِہو، کاتب لِکھے نال نہ قلم شاہیِا۔ گہر گمبھیِر ہووے الکھ ابھیوَ، بےانت بےپرواہ اکھوائیا۔ جوتی جوت سروُپ ہرِ، آپ اپنی کِرپا کر، سَتگُر سچّا ہووے سہائیا۔ جن بھگت کہے سَتگُر شبد تکّنا دُھر دا پیِر، پَیغمبراں دا پَیغمبر نظری آئیا۔ جو سب دا دستگیِر، دست نال دست مِلائیا۔ منزل چوٹی چڑھ کے بَیٹھا اَخیِر، کایا کعبہ پڑدا دئے اُٹھائیا۔ نِرگُن نِروَیر نِراکار
وکھائے اپنی سچ تصویِر، جِس دا مُصوّر روُپ رنگ ریکھ نہ کوئے سمجھائیا۔ جن بھگتاں مُرشد ہو کے دسےّ سچ تدبیِر، مُریِد اپنے لئے جنائیا۔ سہارا دے کے جُلاہے کبیِر، قبراں وِچوں باہر دِتا کڈھائیا۔ نوُر ظہوُر کرے نظیِر، نظریہ اندروں دئے بدلائیا۔ جوتی جوت سروُپ ہرِ، آپ اپنی کِرپا کر، جھگڑا مِٹاوَنہارا امیِر غریِب، جن بھگتاں امراپد اِکو اِک وکھائیا۔ جن بھگت کہے مَیں سَتگُر شبد تکاّں، بِن اکّھاں اکّھ کُھلائیا۔ پِھرنا پئے نہ کِسے مدیِنہ مکّہ، تیِرتھ تٹ بھجّنا پئے نہ واہو داہیِا۔ کھوجنا پئے نہ مندر مٹھاں، گُروُدوار پڑدا نہ کوئے اُٹھائیا۔ اِکو اوسے دی اوٹ رکھاں، جو رکھّیا کرے ہر ہر تھائنیا۔ جِس نوُں گُر اوتار پَیغمبر تکّدے رہے نال اگمّی اکّھاں، دوئے لوچن بند دھیان کرائیا۔ جِس دے چرن کوَل سرنائی سدا وساں، واسطہ اِکو نال جُڑائیا۔ من ہنکاری وِکاری کر کے ڈھٹّھاں، بُدھی چلے نہ کوئے چتُرائیا۔ سچّا لاہا ساچے نام پدارتھ در توں کھٹّاں، اَگے دا کھٹکا رہے نہ رائیا۔ پُرکھ ابناشی گھٹ گھٹ واسی بنے سجّن سکھا، سگلا سنگ آپ نِبھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سَتگُر شبد جن بھگتاں مِلائے اِکو سچّا، درگاہ ساچی سچ دھام وڈیائیا۔
۱۷ جیٹھ شہنشاہی سمت ۲ بچن سِنگھ تُوتاں والے دے گرِہ کیَمپ منوال جموں
جن بھگت کہے مَیں پربھ لبھنا سچّا کھوجی، جو کھوجت کھوجت ویکھ وکھائیا۔ سچکھنڈ دوارے دا بنیا رہے مؤجی، مجلس بھگتاں وِچ جنائیا۔ پریِتم بنیا رہے چوجی، چوج نِرالے آپ جنائیا۔ جن بھگت جنم کرم دا رہن نہ دیوے روگی، چؤراسی دُکھاں وِچوں باہر کڈھائیا۔ سچ دوار دی دیوے اپنی سوجھی، سمجھ وِچوں سمجھ دئے بدلائیا۔ بھاگ لگا کے کایا ماٹی ساچی کوٹھی، ساڈھے تِنّ ہتّھ ویکھے چائیں چائنیا۔ کر پرکاش نِرمل جوتی، جوتی جوت ڈگمگائیا۔ شبدی سُرت اُٹھاوے سوتی، سُتّیاں رَین نہ کوئے وِہائیا۔ آتم پرماتم بنا کے اپنا گوتی، گھر وِچ گھر میلا لئے جُڑائیا۔ جوتی جوت سروُپ ہرِ، آپ اپنی کِرپا کر، ہرجن ساچے رنگ رنگائیا۔ جن بھگت کہے مَیں پربھ لبھنا دیِناں بندھوُ، جو بندن اِکو اِک جنائیا۔ گہر گمبھیِر ہووے ساگر سِندھوُ، مِہر نظر اِک اُٹھائیا۔ منوُآ من واسنا رہن نہ دیوے چِندوُ، چِنتا غم نہ کوئے ستائیا۔ مُسلم سِکھ عیسائی سارے تارے ہِندوُ، دیِن مذہب ونڈ نہ کوئے وکھائیا۔
جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے صِفت صلاحیِا۔ جن بھگت کہے مَیں ویکھنا سچ بھنڈار، جو بھنڈاری ہو کے رہیا ورتائیا۔ مکُے کدے نہ سدا جُگ چار، جُگ چؤکڑی دوُن سوائیا۔ کلجُگ انتم کھیل کرے اپار، اپرمپر ہو کے ویس وٹائیا۔ سُت دُلارا کر تیار، گوبِند میلا سہج سُبھائیا۔ سچ سندیشہ دیوے اپنی دھار، اکھّراں والی نہ کوئے پڑھائیا۔ دھام وکھاوے اپر اپار، سمبل بہہ کے سوبھا پائیا۔ نِرگُن سرگُن سرگُن نِرگُن مِل کے شبد رکھے اپنے اختیار، دوُسر ہتّھ نہ کِسے پھڑائیا۔ جِس نوُں حضرتاں پَیغمبراں رسوُلاں منّیا سانجھا یار، پروردِگار نوُر خُدائیا۔ اوہ بھگتاں اُتے کرے اِک اِعتبار، بےاعتباری ویکھے جگت لوکائیا۔ جوتی جوت سروُپ ہرِ، آپ اپنی کِرپا کر، ہرجن ساچے ساچے رنگ سمائیا۔ جن بھگت کہے مَیں ویکھنا شبد نِرالا گُروُ، جِس نوُں گُردیو کہہ کے سارے گئے منائیا۔ جِسدے کولوں پرم پُرکھ دا کارج ہُندا شُروُع، آد آد رچنا جِس رچائیا۔ جیہڑا منزل چڑھ کے پاندھی ہو کے مُسافر کدے نہ مُڑوُ، سچ دوارے بہہ کے سوبھا پائیا۔ جوتی جوت سروُپ ہرِ، آپ اپنی کِرپا کر، جن بھگتاں اندر شبدی نام فُرنا ہو کے پُھروُ، فُرنے من دے بند کرائیا۔
۱۷ جیٹھ شہنشاہی سمت ۲ دیس راج دے گرِہ کیَمپ منوال جموں
جن بھگت کہے مَیں پربھ دی لیَنی سِکھیا، نِراکھّر پڑھ کے خوشی منائیا۔ جیہڑا قلم شاہی نال نہ جائے لِکھیا، رسنا گا نہ کوئے سُنائیا۔ جِتھوں گُر اوتار پَیغمبراں مِلدی بِھچِھیا، انمنگی، دؤلت رہیا ورتائیا۔ جِس دی دھار نال آد جُگاد کرے سب دی رچھیا، رَچھک ہو کے ویکھ وکھائیا۔ جگ نیتر نال وِدیا وِچوں کِسے نہ دِسیا، چؤداں وِدیا رہی کُرلائیا۔ جو دیِن مذہب ذات پات وِچ آ کے کدے نہ جائے بِھٹیا، بِھٹڑ روُپ نہ کوئے وٹائیا۔ سدا سدا سچ سوامی بول بولے مِٹھیا، انرس اپنا دئے چکھائیا۔ جن بھگتاں مارگ لا کے جُگ جُگ سِدھیا، ساجن ساچا لئے مِلائیا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی نِت نوِت جن بھگتاں پریم پریِتی اندر وِکیا، بِن قیِمت توں قیِمت سب دی دئے چُکائیا۔ جن بھگت کہے مَیں تکّنا بھگوان اوہ، جِس دی شاستر سِمرت وید پُران اُستت کر کے خوشی منائیا۔ جگت واسنا وِچوں کرے نِرموہ، مُحبّت اپنے نال جُڑائیا۔ پرماتم ہو کے آتم جاوے چھوہ،
شہنشاہ ہو کے اپنا رنگ چڑھائیا۔ تن ماٹی خاکی مندر اندر دیوے ساچی لو، جوتی نوُر کر رُشنائیا۔ نام نِدھانا ساچا بیِج دیوے بو، پتّ ٹہنی آپ مہکائیا۔ کوُڑی کِریا اندروں لوَے کھوہ، دھروہ من نہ کوئے کمائیا۔ کام کرودھ لوبھ موہ ہنکار رہن نہ دیوے گروہ، شبدی کھنڈا اِک چمکائیا۔ ساچا امرت نِجھر دھار دیوے چو، چرن چرنودک اپنا نام پیائیا۔ بھگتاں اندر مِل کے بھگتاں روُپ جاوے ہو، نِروَیر نِراکار اپنا آپ سمجھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں شبد سندیشہ دے کے سوہنگ سو، سرب ویاپی پرتاپی گُرمْکھ لئے بنائیا۔
۱۷ جیٹھ شہنشاہی سمت ۲ دھرمو دیوی پِنڈ دھنگالی کیَمپ منوال جموں
جن بھگت کہے مَیں سِری بھگوان تکّنا شہنشاہ، جو دو جہاناں حُکم چلائیا۔ سَت سچ دِرڑائے اِک اپنا ناں، ناؤں نِرنکارا سرب جنائیا۔ ہوئے سہائی ہر گھٹ تھاں، تھان تھننتر دیِن دُنی ویکھ وکھائیا۔ سدا سُہیلا جُگ جُگ سِر ٹھنڈی رکھے چھاں، جگت اگنی اگّ نہ کوئے تپائیا۔ جن بھگتاں سنتاں گُرمْکھاں گُرسِکھاں سنت فقیِراں پکڑے بانہہ، سنسار ساگر وِچوں باہر کڈھائیا۔ کوٹن کوٹ جنم دے بخش دیوے گُناہ، دُرمت مَیل پاپاں آپ دھوائیا۔ انتر آتم پرماتم ہو کے بخشے سچ دھیان، گیان اِکو اِک سمجھائیا۔ مانَس جنم کرے کلیان، گیڑے وِچ نہ کوئے بھوائیا۔ ساچا دھرم دسےّ ایمان، پُرکھ اکال اِکو اِشٹ منائیا۔ جن بھگت اندروں رہے نہ کوئی بےایمان، کوُڑ شیَطان نہ کوئے لڑائیا۔ ہنکاری من نہ کرے گُمان، غُربت غَیر نہ ونڈ ونڈائیا۔ اِکو اِک ابناشی کرتا گاوے گان، قُدرت دا قادر دئے سمجھائیا۔ جوتی جوت سروُپ ہرِ، آپ اپنی کِرپا کر، جن بھگت بنا کے در گھر ساچے دے مہمان، مِہروان اپنی دَیا کمائیا۔ جن بھگت پربھ دی سدا کرے تلاش، شاستر سِمرت وید پُران پھول پھولائیا۔ جِس دے وِچ صِفتاں دی شاخ، شناخت دی شہادت رہے بُھگتائیا۔ بِن ہرِ کِرپا درس نہ ہووے ساکھیات، سنمُکھ ہو کے درس کوئے نہ پائیا۔ جُگ چؤکڑی کھیلے کھیل تماش، نِت نوِت اپنا ویس وٹائیا۔ کلجُگ انت سِری بھگوَنت جن بھگتاں دیونہارا دات، دانی ہو کے آپ ورتائیا۔ کوُڑی کِریا مِٹے اندھیری رات، ساچا نوُر چند کرے رُشنائیا۔ گُرمْکھ کدے غروُب نہ ہووے آفتاب، ساچی چمک دئے چمکائیا۔ جوتی جوت سروُپ ہرِ، آپ اپنی کِرپا کر،
جن بھگت ساچے نام دی سدا دیوے امداد، انمُل دؤلت جھولی پائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، گُرمْکھاں لہنا دینا پوُرب جنم کرم دا کرے بےباق، باقی اوَر اؤر نہ کوئے رکھائیا۔
۱۷ جیٹھ شہنشاہی سمت ۲ راجو دیوی دے گرِہ پِنڈ دھنگالی کیَمپ منوال جموں
جن بھگت کہے مَیں ابناشی کرتے نال لاؤنا یارانہ، کوُڑا یار نہ کوئے منائیا۔ جِتھے دِسے نہ کوئے بَیگانہ، وَیری روُپ نہ کوئے بدلائیا۔ اِکو نظری آئے صاحب سُلطانا، شاہ پاتشاہ سچّا شہنشاہیِا۔ جِس دا حُکم چلے سدا دو جہاناں، جُگ چؤکڑی بَیٹھے سیِس نِوائیا۔ دیندا رہے دُھر فرمانا، گُر اوتار پَیغمبر حُکمے وِچ پِھرائیا۔ کلجُگ انت سِری بھگوَنت جوتی پہریا اپنا جامہ، روُپ رنگ ریکھ نظر کِسے نہ آئیا۔ شبدی جودھا سوُربیِر سُت بلوانا، گوبِند اپنے نال رکھائیا۔ جِس دا کھنڈا کھڑکے کوُڑی کِریا شرع میٹے شیَطانا، سریِر شریِر رہن کوئے نہ پائیا۔ چار کُنٹ دہِ دِشا ہوئے حَیرانا، بھیوَ ابھید سکے نہ کوئے کُھلائیا۔ جن بھگت سُہیلے گاون اِکو گانا، تُوں ہی تُوں ہی راگ الائیا۔ جوتی جوت سروُپ ہرِ، آپ اپنی کِرپا کر، لیکھا جانے جیِو جہانا، مانَس مانَو مانُکھ پڑدا دئے اُٹھائیا۔
۱۷ جیٹھ شہنشاہی سمت ۲ گُرو دے گرِہ پِنڈ جھنڈا کیَمپ منوال جموں
جن بھگت کہے پربھ پُکار لےَ سُن، سندیشہ تیرے در پُچائیا۔ تُدھ بِن سہائی ہووے کؤن، لوک مات دَیا کمائیا۔ کلجُگ اگنی وگے تتّی پؤن، امرت میگھ نہ کوئے برسائیا۔ سُکھ ساگر وِچ ملِے نہ نہاؤن، تیِرتھ تٹ پِھر پِھر دِتی دُہائیا۔ منوُآ من ہنکاری مرے نہ رؤن، سچّا تیِر نِشانہ انیالا نہ کوئے لگائیا۔ من واسنا پِچھے آئے نہ کوئے ہٹاؤن، پڑدا اندروں نہ کوئے چُکائیا۔ ورن برن ویکھے سارے تیرے ڈھولے گاؤن، مندر چڑھ کے اندر وڑ کے نِج نیتر تیرا درس کوئے نہ پائیا۔ چرن کوَل کوئی نہ بُھل بخشاؤن، بخشش منگے نہ چائیں چائنیا۔ جوتی جوت سروُپ ہرِ، آپ اپنی کِرپا کر، ہرجن آئیوں بھگت دوار بُلاؤن، بُلاوا اپنا نام سمجھائیا۔ جن بھگت کہے پربھوُ تیری یاد اندر گئے رُل، اپنا آپ مِٹائیا۔ پڑھ پڑھ تھک گئے بُل، بتّی دند دین دُہائیا۔ قیِمت پیا کوئی نہ مُل، لیکھے لیکھا نہ کوئے لگائیا۔ سچ
بھنڈار گیا ڈُلھ، وست امولک ہتّھ کوئے نہ آئیا۔ کلجُگ اندھیرا جھکھڑ رہیا جھُل، ٹھنڈی پوَن نہ کوئے وکھائیا۔ موُرکھ مُگدھ ہو کے جے گئے بُھل، ابُھل تیری اوٹ رکھائیا۔ بھاگ لگا دے ساچی کُل، کُل مالک تیرے اَگے سیِس رہے جھُکائیا۔ سچ دوارا جائے کُھل، خالص روُپ تیرا نظری آئیا۔ جوتی جوت سروُپ ہرِ، آپ اپنی کِرپا کر، ہرجن اپنے لےَ ترائیا۔ جن بھگت کہے پربھ تیری لگّے کوئے نہ قیِمت، نِہکرمی کرم دے کمائیا۔ جن بھگت تیری آتم بن کے بنے تریمت، تِریا ہو کے سیو کمائیا۔ مانَس جنم چؤراسی وِچوں مِلیا اِک غنیمت، غماں توں دے چُھڈائیا۔ ساڈی پوِتر کر ذِہن والی زہنیّت، زیر زبر وِچ نہ کوئے اٹکائیا۔ ساچی سِکھیا سَت سَت نصیِحت، حُکم فرمانا آپ سُنائیا۔ بھیو کھول دے اصل اصلیّت، دُرمت مَیل مَیل دھوائیا۔ جوتی جوت سروُپ ہرِ، آپ اپنی کِرپا کر، جن بھگتاں اپنے مِلن دی دے قابلیّت، کامل مُرشد مُریِد اپنے وِچ ٹِکائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سچ وِراشت نام بھنڈارا جن بھگتاں کردے وصیّت، مِہروان ہو کے بِن لیکھے لیکھ بنائیا۔
۱۷ جیٹھ شہنشاہی سمت ۲ پریما دیوی دے گرِہ پِنڈ دھنگالی کیَمپ منوال جموں
جن بھگت کہے پربھ کِرپا کر خُد، خادم اپنے لےَ بنائیا۔ نِرمل ہووے بُدھ، بُدھی ملین نہ کوئے بنائیا۔ پنج وِکارے کرنا پئے نہ یُدھ، جھگڑا من نہ کوئے لڑائیا۔ تیرا دوارا جائے سُجھ، پڑدا اوہلا دے اُٹھائیا۔ منزل چڑھدیاں رستے وِچ نہ جاواں رُک، اَگے ہو نہ کوئے اٹکائیا۔ تیرا نوُری درس کر کے بھگت سُہیلا ہووے خوش، خوشیاں وِچ تیرے وِچ سمائیا۔ جنم کرم دا رہے کوئی نہ دُکھ، بن دردی درد دینا گوائیا۔ ساچی گودی لَینا چُک، پُرکھ اکال بن کے دُھر دا پِتا مائیا۔ آون جاون پیَنڈا جاوے مُک، جھگڑا کرم رہے نہ رائیا۔ اپرادھی بناؤنا اپنا سُت، صاحب سَتگُر دینی اِک سرنائیا۔ بِن قدم سیِس جگدیِش توہے جائے جھُک، نِیوں نِیوں مستک دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ جن بھگت کہے تیرا روُپ تکّنا خالص، خالص خالصہ اپنا لَینا بنائیا۔ دو جہاناں بننا ثالِث، سچ ثالشی آپ کمائیا۔ کوُڑی نِندرا رہے نہ آلس، غفلت ناتا دینا تُڑائیا۔ مَیں بالا نڈھّا تیرا بالک، بال اَوستھا دیاں دُہائیا۔ تُوں صاحب سوامی دُھر دا خالق، خاوَند سب دا نظری آئیا۔ آد جُگاد سدا سد بنیا پرِتپالک،
سیوک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، جن بھگت سانبھ اپنی اَمانت، کلجُگ انتم ویکھ وکھائیا۔ جن بھگت کہے پربھ کِیوں بَیٹھا چُھپ، اپنا آپ لُکائیا۔ کلجُگ ویکھ اندھیرا گھُپ، ساچا چند نہ کوئے چمکائیا۔ ڈوُنگھی بھوَری بَیٹھوں چپ، شبد سندیش نہ کوئے سُنائیا۔ کلجُگ سرِشٹی درِشٹی دا بدلیا رُخ، بِن تیری کِرپا سوانگ سکے نہ کوئے بدلائیا۔ من واسنا ہوئی بُھکھ، ترِشنا ترِپت نہ کوئے کرائیا۔ بِن پُرکھ اکال دیِن دَیال سَتگُر پوُرے گودی سکے کوئی نہ چُک، سیِس بھار نہ کوئے اُٹھائیا۔ دیِن مذہب وِچ آ کے سارے گئے رُٹھ، اَگے قدم نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں اُجل کر مُکھ، مُکھ انتر نِرنتر منتر اپنا دے سمجھائیا۔
۱۷ جیٹھ شہنشاہی سمت ۲ چوُڑھ سِنگھ دے گرِہ پِنڈ دھنگالی کیَمپ منوال جموں
جن بھگت کہے پربھ تیرا سُننا سچّا ڈھولا، ڈھول ماہی دینا سُنائیا۔ بھاگ لگا دے کایا چولا، چولی اپنی رنگ رنگائیا۔ سُنا دے دُھر دا سوہلا، سوہنی آواز سُنائیا۔ جنم کرم دا رہے نہ اوہلا، رؤنق اپنی دینی وکھائیا۔ تُوں مالک دُھر دا دِسیں مؤلا، ہر گھٹ رہیا سمائیا۔ نوُر خُدائی اولّا، اوّل اِک جنائیا۔ دے وڈیائی اُپر دھؤلا، دھرنی دھرت ویکھ خوشی منائیا۔ اپنا پوُرا اِقرار کر قؤلا، جن بھگتاں ہوئیں سہائیا۔ من ہنگتا سیِس مار پؤلا، پاہُل امرت گُرمْکھاں انتر آتم دے چکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ جن بھگت کہے پربھ سوہنے سُندر، سوامی تیری بےپرواہیِا۔ دھوُڑی خاک رماؤنی کنّ نہیں پاؤنی مُندر، سیِس سواہ نہ کوئے سُٹائیا۔ وڑنا نہیں کِسے ڈوُنگھی کُندر، کندر وِچ ڈیرہ کوئے نہ لائیا۔ تیرے کولوں کُھلاؤنا اپنا قُفل جندر، پڑدا سہجے دینا چُکائیا۔ پوُجا کرنی نہیں کِسے سُرپت اِندر، گنپت گنیش وِشن برہما شِو دھیان نہ کوئے لگائیا۔ تُوں مالک وڈ گجِندر، پُھنِدر تیرا راہ تکائیا۔ جوتی جوت سروُپ ہرِ، آپ اپنی کِرپا کر، ساچا حُکم دینا ورتائیا۔ جن بھگت کہن مالک سِدھا ہو کے آ، ول چھل کھیل نہ کوئے کھِلائیا۔ تُدھ بِن اوَر نہ دِسے کوئی ملاح، مُلاحظیدار سنگ نہ کوئے بنائیا۔ ساچا مارگ دسّ راہ، رہبر
ہو کے دے سمجھائیا۔ مالک خالق سانجھا بن خُدا، خُدی تکّبر اندروں باہر کڈھائیا۔ واعظ وحدت اِکو دے سمجھا، عبادت تیرا نام نظری آئیا۔ فضل رحمت دے کما، اجل لیکھا دے چُکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں اپنے چرن کوَل کر فِدا، مان ہنکار ابِھمان اندروں باہر دینا کڈھائیا۔